CLOSE WINDOW

D2678
བོད་ཡིག

bod kyi lo tsA ba u rgyan pa rin chen dpal gyis ri bo chen po sbu tra'i mgul du bsgyur ba'o// //[ ]@##/ /rgya gar skad du/ badzra bi dA ra Na nA ma d+hA ra Ni TI kA/ bod skad du/ rdo rjes rnam par 'joms pa zhes bya ba'i gzungs kyi bshad pa/'jam dpal gzhon nur gyur pa la phyag 'tshal lo/ /thams cad mkhyen pa 'jig rten mgon/ dug gsum nang sel sman gyi mchog /'phags pa'i tshogs la phyag 'tshal te/ /de yi gzhung 'grel bya bar 'dod/ /de la mdo sde 'di 'chad par 'dod pas/bsdus pa'i don rnam pa gnyis su shes par bya ste/ gleng gzhi phun sum tshogs pa dang / mdo bshad pa'o/ /de la mdo la bzhi ste/ yon tan 'byung ba'i rgyu'i ting nge 'dzin gyi khyad par dang / yon tan gyi rang bzhin dngos gzhi dang / yon tan gyi phan yon gyi 'bras bu dang /sdug bsngal zhi bar byed pa'i sgrub pa'i thabs dang bcas pa rnams bstan to/ /de la gleng gzhi phun sum tshogs pa ni/ 'di skad bdag gis thos pa dus gcig na/ bcom ldan 'das rdo rje la bzhugs te zhes bya ba'i bar gyis bstan to//de yang lngas bstan te/ mdo sde'i don dang / sdud pa po dang / dus dang / ston pa dang / gnas dang lnga ste/ 'di skad bdag gis thos pa dang / dus gcig dang / bcom ldan 'das dang / rdo rje la bzhugs te rnams go rims bzhin no/ /de la mdo sde'i don ji lta bu zhe na/ming gi khyad par gyis bstan te/ rdo rje rnam par 'joms pa'i gzungs zhes smras so/ /'di ltar rdo rje ni phyi rol gyi 'dus byas kyi rdzas dper bstan pa lta bu ste/ ye shes rang gi ngo bo la gzhan gyi rtog pa dag gi bar mi chod de/ 'di ltar 'og nas mi chod pa nas thams cad du ma pham pa zhes bya ba'i bar du bdun gyis bstan par mngon no//rnam par 'joms pa zhes bya ba ni/ 'dus byas rdzas kyi dngos po des bcad par bya ba gang dag rin po che'i rigs gzhan dag lta bu ste/ gzung ba dang 'dzin pa can gyi sems can dag 'dul ba ste/'di ltar 'og nas sems can thams cad skrag par byed pa zhes bya ba nas sems can thams cad bsrung ba zhes bya ba'i bar du bstan to/ /gzhan dag kha cig na re rdo rje ni chos kyi de kho na nyid shin tu rtogs pa'i ngo bo rdo rje ltar thogs pa med pa'i ye shes su rtse gcig nyid du mnyam par gzhag pa'o//'joms pa ni 'jig tshogs la lta ba'i bsam pa can gyis phyi nang gi bgegs ldang ba'i rgyu las kyi bag la nyal ba dag 'dul ba'i phyir ro zhes zer ro/ /gzungs zhes bya ba ni 'dzin pa dang mi gtong ba'i tha tshig go/ /de yang gang gis gang zhig la/rdo rje zhes bya ba dang / rnam par 'joms pa zhes bya ba gnyis te/ go rims bzhin no/ /da ni yang dag par sdud par byed pas gus pa skyed pa ste/ sangs rgyas dang byang chub sems dpa' thams cad la phyag 'tshal lo zhes smos te/ nyon mongs pa'i 'ching ba dag spangs shing thams cad mkhyen pa'i ye shes rdzogs pa'i sangs rgyas zhes bya'o//gang dag gi nyon mongs pa zad par byas shing / de dag phyis ldang bar mi 'gyur ba'i phyir na byang chub ces bya'o/ /gang dag rtogs par bya ba'i don la mi zhum par bya ba'i phyir sems dpa' zhes bya'o//gzhan dag na re/ don bya ba'i sems can gyi don la mi skrag pa'i sems dpa' zhes bya'o zhes zer ro/ /thams cad ces pa ni rigs su ma bcad pa'i tha tshig go/ /da ni gleng gzhi bstan te/ 'di skad bdag gis thos pa'i dus gcig na zhes smos so/ /de la 'di skad ces bya ba ni gzungs 'di rdzogs pa'i bar gyi tha tshig go//tshig de dag brgyud pa lta bu'i ma yin pas bdag gis zhes bya'o/ /bdag nyid ston pa ma yin pa'i phyir/ thos pa zhes bya'o/ /yul yangs pa can dang / rgyal po'i khab lta bu na bzhugs pa ma yin te/ rdo rje na bzhugs pa'i dus de na thos pas dus gcig na zhes bya'o/ /bcom ldan 'das zhes bya ba ni bzhi bcom zhing drug dang ldan pa'o/ /kha cig na re drug dang ldan pas bzhi bcom mo zer ro/ /rdo rje la bzhugs te zhes bya ba ni gang gi tshe mdo sde bshad pa'i dus na phyi rol gyi gdan la bzhugs kyi/nang du yang dag 'jog gis bzhugs pa'o/ /kha cig na re phyi rol gyi gdan yang mi mnga' ba ma yin mod kyi/ /rdo rje lta bu'i ye shes gtsor mdzad pa'i tha tshig go zhes zer ro/ /'di na mar spyi don gnyis pa ste/ de la bzhis bstan pa'i dang po la gnyis te/ byin gyis brlab pa dang / snyoms par zhugs pa'o/ /de nas sangs rgyas kyi mthus lag na rdo rje lus thams cad rdo rjer byin gyis brlabs nas/ rdo rje'i ting nge 'dzin la snyoms par zhus so zhes bya bas bstan te/ byin gyis brlab pa ni/ gang gi mthus byin gyis brlab pa dang /gang gis brlab pa dang / gang ltar byin gyis brlab pa dang / bzhir rim par sbyar ro/ /byin gyis brlabs nas gang la snyoms par zhugs pa ni dngos gzhi dang / yul dang / yul can gsum dang / dpe dang rnam par mi rtog pa dang / 'byung 'jug med pa gsum rim par sbyar ro//de la mdo sde 'di zab pa'i phyir lag na rdo rje lta bu dus gsum gyi gsang ba la dbang byed pas kyang bshad mi nus pa'i phyir sangs rgyas kyi mthus zhes bya'o/ /ye shes la mnga' brnyes pas lag na yang rdo rje bsnams pa'i tha tshig go/ /'byung ba chen po'i rgyu las byung ba'i lus ma yin gyi//bsod nams dang ye shes kyi tshogs tshad med par bsags pa'i rgyu las byung ba'i ye shes kyi sku can du byas pa'i phyir lus thams cad rdo rjer byin gyis brlabs nas zhes bya'o/ /de la lus thams cad ces bya ba ni phyi dang nang gi dngos po ma lus par ye shes kyi lus su byin gyis brlabs pa'i tha tshig go//chos kyi de kho na nyid kyi rtogs pa'i ngo bo rdo rje ltar thogs pa med pa'i ye shes la rtse gcig tu mnyam bar gzhag pa'i phyir rdo rje'i ting nge 'dzin la snyoms par zhugs so zhes bya ba'o/ /da ni spyi don gnyis pa la bzhis bstan pa'i mdo sde 'di'i yon tan gyi rang bzhin dngos gzhis bstan te/de la yang gsum ste/ yon tan rnams byin gyi rlabs las 'byung ba dang / gzungs kyi mtshan nyid kyi khyad par gyi yon tan rang bzhin gyi dngos gzhi dang / gzungs kyi dkyil 'khor gyi lha rnams kyi yon tan gyi rang bzhin gyi dngos gzhi'o//de nas lag na rdo rje sangs rgyas kyi mthu dang zhes bya ba nas rdo rje snying pos rab tu smras te zhes bya ba'i bar du ni dang po bstan to/ /mi chod pa bya ba nas lag na rdo rjes rab tu smras so zhes bya ba'i 'bar ni don gnyis pa bstan to/ /na mo rat+na tra yA ya zhes bya ba nas/a mr-i te hUM phaT zhes bya ba'i bar gyis ni don gsum pa bstan to/ /de nas lag na rdo rje sangs rgyas kyi mthu dang / sangs rgyas kyi byin gyi rlabs dang / byang chub sems dpa' thams cad kyi byin gyis rlabs kyis/ rdo rje khro bo las byung ba/ rdo rje snying po zhes bya ba ni/gang gis smras pa dang / gang gi byin gyi rlabs kyis smras pa dang / gang las byung ba smras pa rnams dang / gang smras pa dang / lag na rdo rje dang / sangs rgyas dang byang chub sems dpa'i byin gyi rlabs dang / rdo rje khro bo las byung ba dang / rdo rje snying po rnams go rims bzhin no//de la lag na rdo rje bya ba dang / smras te zhes bya ba'i bar skabs sbyar ro/ /dris pa lag na rdo rjes gang smras she na/ smras pa rdo rje khro bo las byung ba/ rdo rje snying po smras te zhes bya'o/ /de ltar bcom ldan 'das kyi thugs ye shes kyi rdo rje khro bo'o/ /ci'i phyir zhe na/ dngos po rtog pa med pa'i phyir ro//de la byung ba'i rdo rje snying po ni mi chod pa la sogs pa rnams so/ /de dag lag na rdo rje smras so zhes bya'o/ /gang ye shes de snying po yin pa'i phyir mi chod pa'o/ /rtsa bar gyur pa'i phyir mi shigs pa'o/ /gzhan dag na re/ ye shes de la rtog pa'i dngos po med pa'i phyir ro//mi chod pa mi shigs pa'o/ /zer ro/ /phyin ci ma log pa dang yang dag pa'i phyir bden pa'o/ /'dus byas las byung ba ma yin pa'i phyir sra ba'o/ /rtog pa'i rlung med pa'i phyir brtan pa'o/ /thams cad mkhyen pa'i ye shes yin pa'i phyir thams cad du thogs pa med pa'o//de ni mi 'jigs pa bzhi dang ldan pas thams cad du ma pham pa'o/ /rdo rje zhes bya ba'i nges pa bstan zin to/ /gang dag dngos por smra ba rnams ye shes de thos nas gzung 'dzin la chags pa'i dbang dang / goms pa'i mthu brtas pa'i sems can thams cad skrag par byed pa'o//ye shes de'i byin rlabs kyis srog chags kyi rigs gang dag gis bdag la 'tshe bar byed pa'i bsam pa rnams phyir nur bar gyur pa'i phyir/ /sems can thams cad 'jil bar byed pa'o/ /ye shes rdo rje lta bu des bram ze dang drang srong dag gi rig sngags dang /dmod mo gcod pa'i phyir/ rig sngags thams cad gcod par byed pa/ rig sngags thams cad gnon par byed pa'o/ /ye shes de bdag gis mngon du gyur pa'i dus na rang gi shes pa la gnas pa'i ngan 'gro'i rgyu med pa'i phyir/ las thams cad 'joms par byed pa'o//dris pa/ /byang chub sems dpa' ni thams cad du don spyod pa yin na/ rang gi ngan 'gro'i rgyu med par byed ces bshad pa ci'i phyir zhe na/ smras pa ye shes rdo rje lta bu'i ye shes kyi byin gyi rlabs kyis gzhan gyi yang ngan 'gro'i rgyu med par byed pas gzhan gyi las thams cad 'joms par byed pa'o//ye shes des mi ma yin pa'i gdon dang / 'byung po rnams mi gnas shing med par bya ba dang / brlag par bya ba'i phyir/ gdon thams cad rlag par byed pa'o/ /gang zhig gang gis zin pa de ye shes des ni de las thar bar byed pas/gdon thams cad las thar par byed pa'o/ /gang gi don du gang zhig dgug na ye shes rdo rje lta bur byed pa'i phyir/ 'byung po thams cad 'gugs par byed pa'o/ /rig sngags kyi las thams cad ci bya ba dag ni gzhi yang ye shes rdo rje lta bu de yin pa'i phyir/ rig sngags kyi las thams cad byed du 'jug pa'o//sngar ma grub pa rnams ni da ltar grub par byed pa sngar grub pa rnams ni da ltar dbang ma 'ongs pa na don 'bras bu chud mi za bar byed pas/ ma grub pa rnams grub par byed pa/ grub pa rnams chud mi za bar byed pa'o/ /'dod pa gnyis rab tu sbyin pas ni/'dod pa thams cad rab tu sbyin pa'o/ /ye shes de'i byin gyi rlabs kyis phyi nang gi bgegs bsal bas glo bur ba'i rkyen yang med pa'i phyir/ sems can thams cad bsrung ba'o/ /kha cig na re theg pa chen po'i rigs can dang bdag la skyabs su gsol ba dag srung zhes zer na/thams cad kyi sgras rigs su chad pa'i skyon du 'gyur ro/ /de dag gis rnam par 'joms pa'i don bshad zin to/ /de bas na gzungs mod sde 'di'i mtshan rdo rje rnams par 'joms pa zhes grags so/ /ye shes rdo rje lta bu des don mdzad pa'i sgo ni mang mod kyang las rnam pa bzhi'i sgo nas don mdzad de/zhi ba dang / rgyas pa dang / drag po dang / dbang dang bzhi'o/ /nyon mongs pa gsum dang / tshe dang longs spyod dang / gnod par byed pa dag kyang / mi 'jigs pa bzhi dang / zhi ba dang rgyas pa dang / sems can thams cad rengs par byed pa/sems can thams cad rmugs par byed pa bzhi go rims bzhin no/ /dris pa/ phyi rol gyi rtag par smra bar drug cu rtsa bzhi la sogs pa la ni byed pa yod par 'dod kyi/ chos 'di lam byed pa zhes mi rigs so zhe na/ rtag par smra ba rnams kyi byed pa ni/bdag rtag pas dbang phyug la sogs pas byed par 'dod pa yin la/ 'dir ni byed pa'i gsang sngags kyi mthu chen po zhes 'byung ste/ sems can thams cad skrag par byed pa dang / rmugs par byed pa'i bar dag gsang sngags kyis byed pa'i tha tshig go/ / dris pa mi chod pa nas rmugs par byed pa'i bar la/ gong du ni rdo rje snying pos smras zhes 'byung la/ 'dir ni rmugs par byed pa'i gsang sngags mthu zhes smras pas/ gong ma dag 'og gi gsang sngags kyis byed pa dang / byin gyis brlabs pa skad 'byung ba ci'i phyir zhe na/ smras pa rdo rje snying po zhes gong du slad 'dren pa ni/mi chod pa nas thams cad du ma pham pa'i bar yin la/ /de dag gis sems can gyi don byed pa'i thabs ni/ sems can thams cad skrag par byed pa nas/ rmugs par byed pa'i bar ni gsang sngags kyi mthus byed do/ /kha cig na re gang du rdo rje khro bo las byung ba/rdo rje snying pos zhes 'byung bas/ rdo rje khro bo ni 'og gi gsang sngags rnams la bya bar 'dod do zhes zer ro/ /da ni gzungs kyi dkyil 'khor gyi lha rnams kyi yon tan gyi rang bzhin dngos gzhi la babs te/ de yang rdo rje snying por byin gyis brlabs pa'i gsang sngags dang /gzungs kyi dkyil 'khor gyi lha bskyed pa'i gsang sngags dang / brtan par byin gyis brlabs pa'i gsang sngags dang / dbang bskur ba'i gsang sngags dang / gzungs kyi dkyil 'khor gyi lha so so'i rtsa sngags rnams bstan to/ /de la na mo rat+na tra yA ya ni dkon mchog gsum la phyag 'tshal ba'o//na ma sh+tsaN+Da badzra pA Na ye/ ma hA yak+Sha se na pa ta ye shes bya ba ni/ gnod sbyin gyi sde dpon chen po lag na rdo rje la phyag 'tshal lo/ /tad+ya thA/ oM tra Ta tra Ta zhes bya ba nas su badzra ya swAhA/ zhes bya ba'i bar du ni/ rdo rje snying por byin gyis brlab pa'i gsang sngags bstan to/ /de yang tra Ta tra Ta zhes bya ba nas saM g+ha Ta saM g+ha Ta ya'i bar gyis ni/ /sems can thams cad skrag par byed pa nas rmongs par byed pa'i bar du byin gyis brlabs pa yin no/ /sarba bid+ya badzra nas su badzra swAhA'i bar gyis ni mi chod pa zhes bya ba nas thams cad du ma pham pa'i bar byin gyis rlob pa yin par bstan to//he phul+lu/ ni ru phul+lu zhes bya ba nas/ pra ha ra pra ha ra badzra pra b+hany+dza nA ya swAhA'i bar du ni khro bo rnams kyi sku bskyed pa ste/ gzungs kyi dkyil 'khor gyi lha bskyed pa'i gsang sngags bstan to//khro bo hUM kA ra dang / Ar+ya A tsa la dang / ya mAn+ta ka dang / nI la daN+Da dang / ha yA 'grI ba dang / Tak+ki rA dza dang / a mo g+ha pA sha dang / ma hA ba la rnams/ /trA sa ya hrA sa ya/ badzra kI li kI li ya swAhA/ yan chad rim bzhin du sbyar ro/ /ha ra ha ra badzra d+hA ra ya swAhA/ zhes pa ni sgom rnams bskyed pa'i sngags so/ /pra ha ra pra ha ra/ badzra prab+hany+dza na swAhA ni/ a mr-i ta kuN+Da li bskyed pa'i sngags so/ /ma ti s+thi ra zhes pa nas/ a mu kaM mA ra ya phaT/ bya ba'i bar du ni brtan par byin gyis brlab pa'i gsang sngags te/ gzungs kyi dkyil 'khor gyi khro bo rnams kyi sku bskyed pa brtan par bya ba dang /bdag nyid la bden pa'i byin rlabs bya ba'o/ /na maHsa man+ta badzrA NAM/ zhes pa nas badzrAM ku sha dz+wA lA ya swA hA'i bar du ni dbang bskur ba'i gsang sngags bstan te/ gzungs kyi bum pas spyi bo nas dbang bskur ba'i tshe bzlas par bya ba dang /dbang bskur ba'i tshig yin no/ /na mo rat+na tra yA ya zhes pa nas a mr-i te hUM phaT kyi bar du ni gzungs kyi dkyil 'khor gyi lha so so'i gsang sngags bstan to/ de la phyag 'tshal ba'i tshig ni go sla'o/ /oM ha ra ha ra badzra ni gtso bo'i las kyi sngags so/ /ma tha ma tha badzra na sa ts+tshin+da ts+tshin+da'i bar du brgyad ni khro bo brgyad rim bzhin no//b+hin+da b+hin+da badzra hUM phaT ni a mr-i ta kuN+Da li'i las kyi sngags so/ /de man chad kyi sngags ni sgo ma bzhi'i las kyi sngags so/ /sngags 'di dag ni sang skr-i ta'i skad la sogs pa sgra yan lag mang ste/ byin gyis brlabs pa yin pas bzlas pas byin rlabs can du 'gyur pas/bod du thang log mi 'gyur ro/ /zhes mkhas bdag gis 'chad do/ /da ni spyi don gnyis kyis bstan pa'i gnyis pa la bzhis bstan pa'i gsum pa yon tan gyi phan yon gyi 'bras bu 'chad do/ /de la yang gnyis te/ sdug bsngal sel bar byed pa dang / bde ba skyed par byed pa'o/ /tshig rkang gnyis dang sbyar ro/ /gzungs kyi dkyil 'khor 'di ltar byas te bsgrubs na/ sngon gyi tshe rabs grangs med pa nas bsags pa'i sdig pa dang / de ltar 'phral du byas pa dag 'byang bar 'gyur la/ rgyu sdig pa byas na sdig pa'i 'bras bu ngan song yod pa'i sdug bsngal ma lus pa med pa'i phyir/ sdig pa thams cad byang byas nas/ /sdug bsngal thams cad med par byed/ /ces bya'o/ /mdo sde 'di ni de ltar yon tan dang gzi brjid dang phan yon che bas/ rgyud dang mdo sde kun gyi snying po dang rtsa ba yin pa'i phyir ni/rgyud do cog gi rtsa ba ste/ /zhes bya ba'o/ /ci'i phyir na rgyud dang mdo sde mang po gzhan dag las kyang / /sems can gyi sgrib pa bsal ba dang / sdug bsngal sbyang ba'i thabs las gzhan mi ston pa'i phyir ro/ /de'i phyir na gzungs 'di ltar byas na sangs rgyas kyi yon tan ci mnga' ba des thob pa'i phyir//dpal kun gyis ni legs par brgyan/ zhes bya'o/ /de ni spyi don gnyis kyis bstan pa'i gnyis pa la bzhis bstan pa'i bzhi la sdug bsngal zhi bar byed pa'i thabs bstan te/ de la yang gsum ste/ sdug bsngal gyi rnam grangs dang / sdug bsngal 'byung ba'i rtags dang / sdug bsngal 'gog pa'i thabs so/ /de yang / sems can dbang po nyams pa dang / zhes bya ba nas/ /mya ngan ngal las byung ba yi/ /zhes bya ba'i bar gyis sdug bsngal gyi rnam grangs bstan to/ /rmi lam sdig pa mthong na yang gis ni sdug bsngal 'byung ba'i rtags so//des ni rab khrus bya ba nas rdzogs pa'i bar du sdug bsngal bzlog pa'i thabs bstan to/ /de la yang gsum ste/ sta gon la gnas pa dang / mdo sde 'di mnyan zhing nyams su blangs pa'i phan yon dang / bum pa'i dkyil 'khor ro//de la des ni rab bkrus gtsang ma yin nas/ /gtsang ma'i gos kyis rab brgyan te/ /zhes pa'i bar du ni sta gon la gnas pa bstan/ zab mo sangs rgyas spyod yul ba/ /zhes bya ba nas/ sdig pa kun las rnam par thar/ /zhes bya ba'i bar du ni/ /mdo sde mnyan pa'i phan yon bstan/nor bu yungs kar man chad rdzogs pa'i bar gyis bum pa'i dkyil 'khor bstan to/ /de la bum pa la lnga ste/ nang gi rgyu dang / bum pa'i rgyu dang / mgul dkris kyi rgyu dang / bzlas brjod kyi grangs dang / khrus bya ba'i thabs dang / gdams ngag go/ /de la/ nor bu yungs kar dUr ba dang /bya ba nas chu'i bya ba yan chad kyis nang dag pa'i rgyu bstan to/ /gser ram yang na ni/ dngul gyi bum pa dag kyang rung / /zhes pas bum pa'i rgyu bstan to/ /gtsang ma'i dgos zhes pas mgul dkris kyi rgyu bstan no/ /lan grangs nyi shu rtsa gcig gam//yang na lan grangs brgya rtsa brgyad/ /ces pas bzlas brjod kyi grangs bstan to/ /rgyal po rtag tu khrus kyis shig pa ni khrus bya ba'i thabs dang gdams ngag go/ /dbang po nyams zhes pa ni yid kyi dbang po nyams pa la bya/ /kha cig na re mig la sogs pa'i dbang po nyams pa la yang bya zer ro//tshe zad ces pa ni sngon gyi rnam par smin pa'i tshe zad pa'o/ /'phral gyi rkyen gyis bsgyur ba la ni tshe nyams zhes bya'o/ /phun sum tshogs min gang chags dang / zhes bya ba chos kyi phongs pa'i las byas pas de'i longs spyod dang mi ldan pa la bya'o/ / kha cig na re ser sna'i las spyad pas longs spyod mi ldan pa la bya zhes zer/ lha rnams rgyab kyis phyogs pa dang / zhes pa ni 'jig rten pa dang / 'jig rten las 'das pa dag gis grogs mi byed cing 'dod pa mi sbyin pa'i tha tshig go/ /gzhan dag ni go sla'o/ /rmi lam sdig pa mthong na yang /zhes pa ni sems can dag gi dbang po nyams pa'i rmi lam sdig pa mthong ngam tshe zad pa'i rmi lam nas/ /mya ngan dal nas byung ba yi/ /rmi lam sdig pa mthong na yang / /zhes bya'o/ /gzhan ni go sla'o/ /gang dag yid dge sems dang zhing / /zhes pas sdig pa lus ngag yid gsum gyi sgo nas mi byed pa ni yid dge ba'o//gang gzhan gyi dor byed pa ma yin pas dge ba spyod pa ni sems dang ba'o/ /gtsang ma'i gos ni srog chags kyi rgyu las ma byung ba la bya'o/ /zab mo sangs rgyas spyod yul ba/ /zhes pa ni mdo sde 'di ye shes kyi ngo bo yin pa'i phyir zab mo'o//de ni sangs rgyas nyag gcig gi spyod yul yin pa'i phyir gzhan dag gis bshad mi nus pa'i tha tshig go/ /dris pa de ltar na lag na rdo rjes smras so zhes 'byung ba ci'i phyir zhe na/ smras pa/ de nas sangs rgyas kyi mthu zhes 'byung bas 'di la 'gal ba med do//gzhan ni sgo sla'o/ /mi bzad pa yi nad rnams kyang / /zhes bya ba ni/ /sems can dbang po nyams pa dang / /bya ba nas/ rmi lam sdig pa mthong na yang / /zhes pa'i bar dag la bya'o/ /gzhan dag ni go sla bas ma bshad do/ /rgyal po rtag tu khrus gyis shig/ /ces pa la rgyal po zhes bya ba ni bos pa'i tshig nyid do//gzungs ni grangs bzhin bzlas la khrus kyis shig pa'i gdams ngag go// //slob dpon bo d+hi sa twas mdzad pa'i 'grel pa phyi ma rdzogs so// //lo tsA ba dpal brtsegs kyis bsgyur cing gtan la phab pa'o// //