CLOSE WINDOW

D2658
བོད་ཡིག

/mgon po mi 'khrugs pa sgrub pa'i thabs slob dpon dzi tA ris mdzad pa rdzogs so// //bla ma gnyan gyis rang 'gyur du mdzad pa'o//[ ]@##/ /mi 'khrugs pa'i sgrub thabs bzhugs// @##/ /bcom ldan 'das mi bskyod pa la phyag 'tshal lo/ / sgrub po dam tshig ldan pa yis/ /dgon pa'am grong mtha' la sogs par/ /khrus byas gtsang mar byas pa yis/ /las byas bde ba'i stan la 'dug /rang lhar gsal ba'i thugs ka ru/ /pad+ma zla ba'i steng du hUM/ /de las 'od zer 'phros pa yis/ /bla ma dang ni mi bskyod pa/ / spyan drangs mdun du bzhugs pa la/ /bdun po rnam par dag pa bya/ /tshad med bzhi dang ldan par ni/ /chos rnams thams cad dngos med par/ /sems kyis bsgom par byas nas ni/ /a las zla ba'i dkyil 'khor bsam/ /rang gi sa bon de dbus su/ /bsams nas dam tshig phyag rgya bca'//de nas rang gi sa bon dang / /phyag mtshan phyag rgya de byin brlab/ /de rnams gyur pas mi 'khrugs pa/ /zhal gcig phyag gnyis sku mdog sngo/ /g.yon pa pad gzhag rdo rje dang / /g.yas pas sa gnon tshul can bsgom/ /ltag 'og rim pa ji bzhin du//sangs rgyas rnams kyis dbang bskur ro/ /rang nyid rang lhar bsgoms la ni/ /mi 'khrugs mdun nam spyi bor bsam / /rang lus mi 'khrugs bsgoms la bstim/ /thugs kar pad zla'i hUM las ni/ /dbus su mi bskyod pa nyid bsgom / /phyogs bzhir sangs rgyas bzhi bsgom bya/ / mchod dang bstod dang bzlas pa bya/ /sgra dang sems dang gzhi la gzhol/ /yan lag bzhi dang dmigs pa gsum/ /gzhan dang rang don bsnyon pa ni/ /grangs dang sus dang mtshan ma'o/ /dngos grub bzlas pa'i rim pa ni/ /ngag dang shib bu rdo rje bzlas/ /yid de brjod dang bcas pa bzhi/ / me dang sgra dang sgra mthar gsum/ /thun gsum dag tu bzlas par bya/ /gnyis ni mchod bstod gtor ma sbyin/ /de ltar thun gsum sbyor ba yis/ /bsnyen pa sngon du rab song bas/ /gang 'dod dngos grub bsgrub pa'i phyir/ /de ni las la sbyar bar bya/ /pad+mo'i 'od la char chu yis/ /kha zum 'od kyis 'byed pa'am//nyi ma me shel mi 'byung bzhin/ /mi yi lus la dngos grub ster/ /bdag gi dge ba'i las rnams 'di dag gis/ /'jig rten du ni myur ru sangs rgyas shog /'gro la phan phyir chos rnams ston byed cing / /sems can sdug bsngal gzir las sgrol bar shog /