309b3 slob dpon mar me mdzad kyis mdzad pa'i dkyil 'khor gyi cho ga rdzogs so// //paN+Di ta de nyid dang lo tsA ba rin chen bzang pos bsgyur ba'o/ /[ ]@##/ /mi 'khrugs pa'i sgrubs thabs bzhugs// @##/ /mi 'khrugs pa la phyag 'tshal lo/ /mtshan nyid
309b4 ldan pa'i bum pa la//brdeg dang bdug dang mtshan ma dgod/ /nang du bcud rnams blugs la yang / /mgul ching kha rgyan la sogs bcas/ /maN+Dal me tog bcas pa'i steng / /bzhag la mchod sogs rim bzhin bsham/ /bdag dang gnas sogs bsrung byas la/ /mchod pa bsangs
309b5 shing byin gyis brlab//bdag nyid lhag pa'i lhar bsams nas/ /rang bzhin dag pa'i sngags brjod pas/ /bum pa sbyangs te baM las bskyed/ /rgya mtsho pad+ma zla stengs su/ /mi 'khrugs rgyal po spyan drangs la/ /bgegs bskrad rgyas btab mchod yon sogs/ /phul te dzaHhUM baM hoHsaM
309b6 dgug /gdan la bzhugs gsol mchod bstod bya/ /'phro 'du tshul gyis bzlas brjod bya/ /brgya stong la sogs ci nus par/ /byas te mchod bstod gtor ma gtang / /de ltar thun dang sbyor ba yis/ /ji srid 'dod kyi bar du bya/ /khrus kyi dus su bum nang lha/ /mchod bstod byas te
309b7 mkha' la bzhugs//de yis dbang bskur bsams la bkru/ /rang nyid lha yi sbyor ldan pas/ /rgyun gcod sngags la che ge mo/ /sarba pA baM zhes sogs pa'i/ /brjod cing bum pa'i chu rgyun gyis/ /bkru zhing de nas rma bya yi/ /sgro yis byab cing a pa na/ /zhes sogs brjod pas mi mthun
310a1 phyogs//bsal bar bsams la slob ma de/ /mdun du gnas pas maN+Dal bya/ /bla ma la phul bla ma yis/ /srung skud srung 'khor gdags pa dang / /ting 'dzin sngags dang phyag rgyas bsrung / /lha la mchod bstod bzod par gsol/ /gtor ma byin la phrin las gzhol/ /