308b1 @##/ /rgya gar skad du/ sarba karma A wa ra Na bi sho d+ha ni maN+Dal bi d+hiH / bod skad du/ las kyi sgrib pa thams cad rnam par 'joms pa zhes bya ba'i dkyil 'khor gyi cho ga /bcom ldan 'das mi 'khrugs pa la phyag 'tshal lo/ /bden par gsungs la phyag 'tshal te/ /dkyil
308b2 'khor cho ga bri bar bya//gang du las ni yod gyur na/ /las kyi cho ga rnams med pa/ /de ni spyi yi rgyud dag las/ /gsungs pa'i cho ga mkhas pas brten / /dkyil 'khor sum stong dag dang ni/ /lnga brgyar gsungs pa gang yin pa'i/ /spyi yi cho ga bshad par bya/ /yid dang mthun pa'i
308b3 gnas dag tu//sngags mkhan gzhan la phan brtson pa/ /snying rje ldan pas dbang bskur ro/ /grangs sam dus sam mtshan ma'am/ /bsnyen pa tshul bzhin byas pa yis/ /sa yi cho ga tshul bzhin bya/ /lha dang bum pa lhag gnas dang / /gson gshin slob ma gang rung bas/ /bdun
308b4 po rnam par dag pa dang //skyabs 'gro sems bskyed sbyin par bya/ /so shing srung skud ku sha dang / /chos bshad pa ni byas kyang rung / /gtad dang drag po'i las dang ni/ /sbyang dang byin rlabs bya mi dgos/ /gru bzhi sgo bzhi thig btab la/ /de yi dbus su pad+ma ni/ /'dab ma brgyad pa khru
308b5 do bri//dkyil 'khor lhag ma'i tshad dang ni/ /ci 'dod pa ni nyid du bri/ /yo long nga[#u0f74] dag gis kyang / /bzlas brjod byas pas dkyil 'khor bri/ /phyi nas gcig nyid kyis kyang ni/ /tshig rkyang du ni bri bar bya/ /dkyil 'khor kun du zlum por bya/ /de nas phyogs mtshams spyod pa dang / /
308b6 'dod pa'i lha rnams bri bar bya/ /so so'i sngags kyi rim pa bzhin/ /de nas spyan yang drang bar bya/ /bdag po rnams kyi snying po yis/ /de yi 'og tu mchod par bya/ /bum pa gang ba de steng du/ /cho ga bzhin du rdzas gzhag go/ /las kun byed pa'i dkyil 'khor de/ /bsang ba gsang ba'i
308b7 bdag po gsung //dkyil 'khor 'di ni kun bris nas/ /dngos grub thams cad 'grub pa dang / /sgrub pa po ni dbang bskur ba/ /dkyil 'khor 'di dag nyid du bya/ /mchod pa la sogs thams cad kyang / /rgyud las bshad pa bzhin du bya/ /zhes bshad pas 'dir khyad par ni/ 'dab ma
309a1 brgyad ba dbus su ni//rdo rje chen po bri bar bya/ /'dab ma brgyad la bkra shis brgyad/ /shar du dpal be'u 'khor lo ste/ /lho ru pad+ma rgyal mtshan gnyis/ /nub tu gdugs dang bum pa ste/ /byang du dung dang nya bri'o/ /phur ba ra ba dra ba gzhag /srung ba rtsa ba'i sngags sam
309a2 ni//yang na de yi snying pos bya/ /bla re ba dan sku gzungs sogs/ /mchod dang gtor ma la sogs dgram/ /'bru sman rin chen lnga ldan pa'i/ /bum pa de yi dbus su gzhag /khrus dang chos gos ldan pa yi/ /rdo rje slob dpon mnyam bzhag pas/ /bdag dang gnas dang rnal 'byor
309a3 bsrung //shaM gis thams cad stong pa las/ /baM mam b+h+rUM las gzhal yas khang / /de nang pad+ma zla dbus su/ /bcom ldan 'das mi 'khrugs bskyed pa las / /pad 'dab brgyad la lha mo brgyad/ /pad+ma can dang 'od can ma/ /mdangs ldan ma dang dri med ma/ /dkar dang dmar dang sngo dang ljang / /
309a4 dpal be'u pad+ma gdugs dang dung / /dbang po gshin rje chu bdag dang / /gnod sbyin phyogs su bsgom par bya/ /'jigs byed ma dang rnal 'byor ma/ /dkar sham ma dang yid gzhungs ma/ /dkar sngo dmar skya ljang ba'i mdog /'khor lo rgyal mtshan bum pa nya/ /me dang srin po rlung lha dang / /dbang
309a5 ldan ngos su rnam par bsam//kun kyang sems dpa'i skyil mo krung / /zla ba'i rgyab brten rin chen brgyan/ /g.yon pa thams cad dku la gtad/ /bkra shis lha mo brgyad kyi sngags/ /oM maM ga la shrI yaM dza da ma dza swA hA/ oM maM ga la pad+ma swA hA/ oM maM ga la tsha traM swA hA/ oM maM ga la shaM kha swA hA/
309a6 oM maM ga la tsakra swA hA/ oM maM ga la d+h+wa dza swA hA/ oM maM ga la ka la sha swA hA/ oM maM ga la mang+h+ya swA hA/ spyan drang bstim dang mchod bstod bya/ /de yi snying ga'i zla ba la/ /gsang sngags dmigs te ci nus bzlas/ /mchod dang bstod dang gtor ma gtang / /khrus byas brtsam pa'i slob ma
309a7 rnams/dkyil 'khor de yi mdun nyid du/ /bdun po rnam par dag pa dang / /skyabs 'gro sems bskyed de la sbyin/ /gshin la brdeg dang brab pa dang / /'byor pa yong na sbyin sreg bya/ /de nas bum pa'i dbang bskur sbyin/ /'di ni sbyin pa'i rang bzhin chu/ /ser sna'i dri ma sbyong mdzad
309b1 cing //sbyin pa dri yi legs bsgos pas/ /khrus legs mdzad la phyag 'tshal lo/ /de ltar pha rol phyin drug la/ /gson po bkra shis rdzas brgyad bri/ /rak+Sha zhes pas bsrung bar bya/ /a pa na yas byar par bya/ /mchod rten rab gnas tsha tsha gdab/ /ngan pa bzlog la las 'di bya/ /'di ni
309b2 yid bzhin nor bu ltar//spyi bo'i gtsug tu bkur ba'i 'os/ /chos bka' rgya chen zab mo 'di/ /rgyal po bzhin du mnyes par dka'/ /mnyes par gyur na de bzhin du/ /yon tan mchog gi nor sbyin byed/ /'di bris pa yi dge ba yis/ /ngan song rnam sbyang thar lam sgrub/ /kun gyis
bzang po mthong bar shog /