CLOSE WINDOW

D2651
བོད་ཡིག

lo tsA ba dge slong shes rab rgyal mtshan gyis bsgyur ba'o//[ ]@##/ /rgya gar skad du/ sna kru bi d+hiH/ bod skad du/ sku khrus [(]gyi [,]kyi [)]cho ga /dkon mchog gsum la phyag 'tshal lo/ /dang po rnal 'byor pa man ngag thob pas rdzogs pa'i rnal 'byor dang ldan pas/rang dang gzhan gyi ngo bo thob pa'i phyir bsod nams 'byung ba'i sangs rgyas la sku khrus gsol bar bya'o/ /de la 'di'i cho ga ni/ ci 'byor zhing gang thob pa'i me tog bdug pa mar me dri mchog zhal zas dang / na bza' rgyan sogs mchod yon bum par 'bru lnga ni nas gro so ba til sran ma/ bo ga ling dang /yungs kar dang star ka shri pha la go yu dzA ti pha la la sogs pa dang / sman lnga ni ha sa de ba kaN+Da ka ri gr-i ha de ba ba la mu tra la sogs pa dang / dri zhim po'i sman dang dri zhim po'i mar khu mar zho dang 'o ma dang / ma su ra'i phye ma dang / gro bag phye dang / dar kha dog lnga pa'i 'phan dpyangs la bum pa byin gyis brlab pa'i rim pa bya'o//de'i cho ga 'di'o/ /mdun du gang yin pa'i kha dog la sogs pas maN+Dal bya'o/ /g.yas su ci 'byor pa'i rdzas bzhag la/ de nas maN+Da la sngon du bum pa bcu'am lnga'am gcig gi nang du srog chags med pa'i dri zhim po'i chus yongs su gang ba 'bru dang bri ha de ba la sogs pa gos phrog can gyis mgrin pa bcings la/g.yon du snod cig yang dag par gzhag go/ /mchod yon gyi snod dri zhim po'i chu dang zho dang bo ga ling dang sman dang yungs kar dang ko su ma dang go yu rnams yang dag par bshams la/ yi dam gyi lha'i sngags nyi shu rtsa gcig bzlas la/de nas las thams cad pa'i snod g.yas su dri zhim pa'i chus yongs su gang ba gzhag go/ /bdud rtsi 'khyil ba'i sngags kyang bzlas te'o/ /de nas rnam par rgyal ba'i bum par zla ba rdo rje la sogs pa'am/ skad cig mas bsgom pa'i rim pas rdzogs par bya'o/ /pad+ma lnga la hUM gyur pa las rdo rje hUM gis mtshan pa las 'od kyis de bzhin gshegs pa gzhug par bya'o//de zhu bas bcom ldan 'das rdo rje 'dzin pa dkar po zhal gcig phyag gnyis pa/ rdo rje dril bu bsgying bas 'dzin pa/ rgyan thams cad kyis brgyan pa/ snying gar zla ba rdo rje hUM gi rnam pa'o/ / yi ge gsum gyis byin gyis brlab bo/ /mi bskyod pa'i dbu rgyan bsam gtan bya'o/ /de bzhin du bum pa rnam par snang mdzad/ rin chen 'byung ldan/ snang ba mtha' yas don yod grub pa/ spyan ma/ mA ma kI/ gos dkar mo/ sgrol ma bdud rtsi 'khyil pa mtha' mar rdzogs pa ni phyag gnyis pa zhal gcig pa rang gi mtshan ma 'dzin pa/rgyan thams cad kyis brgyan pa/ rang gi sa bon dang mtshan ma las nyi ma'i dkyil 'khor la g.yon brkyang ba'i bdud rtsi 'khyil pa sdigs mdzub dang rdo rje bsor ba bsgom mo/ /yi ge brgya pa lan gsum brjod cing sor mo'i rdo rje dang / yi ge gsum gyi me tog la sogs pas yang dag par mchod de/ de nas dril bu'i sngags kyis mchod/ de la sngags ni/ oM AHhUM/ oM badzra g+haN+Da ra Na ra Na pra raN pra ra Na saM pra ra Na saM pra ra Na/ sarba bud+d+ha k+She tra pra tsa li ta ma hA pradz+nyA pA ra mi tA sra b+hA ba bi shud+d+he badzra hr-i da ya san+to Sha ni hUM hUM phaT phaT swA hA/de nyid g.yas pa'i sor mos rdo rje dang spos khang bzung la g.yon pas dril bu dkrol lo/ /yi ge brgya pa lan gsum brjod do/ /oM badzra d+h+r-i ka AHhUM swA hA/ oM dzi na dzika AHhUM swA hA/ oM rat+na d+h+r-i ka AHhUM swA hA/ oM A ro li ka AHhUM swA hA/ oM badzra d+h+r-ika AHswA hA/oM ru ru spu ru dzra la tiSh+Tha sid+d+ha lo tsa ni sarba ar+tha sA d+ha ni swA hA/ oM shaM ka ri shIn+taM ka ri go tra ni ga te ga te ku tra ni swA hA/ oM ka Te bi ka Te ni ka Ti ka ro Ti bi ri swA hA/ oM tA re tut+tA re tu re swA hA/ na maHsa man+ta kA ya bAka tsit+tA badzrA NA na mo/ badzra kro d+hA ya ma hA daM Sh+T+rot+ka Ta b+hai ra wA ya a si mu sal pa ra shu pA sha hastA ya/oM badzra a mr-i ta kuN+Da li kha kha khA hi khA hi/ tiSh+Tha tiSh+Tha/ ban+d+ha ban+d+ha/ ha na ha na/ da ha da ha/ pa tsa pa tsa/ gardza gardza/ bi s+pho Ta ya sarba bi g+h+nAM bi nA ya kaM ma hA ga Na pa ti dzI ba tIn+ta ka ra ya hUM hUM phaT swA hA/ 'di ni spyan drang ba'i sngags so/ /de nas sngags 'di rim pa ji lta bar rnam par rgyal ba la sogs pa'i bum par mchod yon me tog la sogs pa sbyin no//sngon du brjod pa'i dril bu dkrol zhing sbyin no/ /snang gsal mar me dri mchog zhal zas kyis gang ba'i snod sbyin no/ /de nas g.yon pa'i dril bu dkur brten la g.yas pa'i sor mo rdo rje dang bcas pa'i rtse gsum pa'i phyag rgya bum pa'i steng du yang dag par bzhag la yang me tog la sogs pas mchod do//zhu ba'i bsam gtan gyi bum pa byin gyis brlab po/ /de nas thang sku la sogs pa la bcom ldan 'das ma'i yi ge gsum gyis byin gyis brlabs par bsam mo/ /khrus kyi las kyi yo byad dang /shis pa'i cho ga ni snod kyi stegs gru gsum pa'i shing bzhag la/ de'i gru la chang pa gnyis dang me'i snod dang mar me gsum bzhag la sngon du g.yas/ yungs kar las bdud rtsi 'khyil pa'i sngags kyis mngon par bsngags te/ oM sarba pA paM da ha na badzrA ya swA hA/ sngags 'dis me'i nang du blugs la bdud rtsi 'khyil pa'i sngags kyis bsnyen la lan gsum bskor te phyi rol du dor ro//bsang gtor gyis khrus bya ba'i thabs ni/ de bzhin du me tog la sogs pa la bdud rtsi 'khyil pa'i bsang gtor gyis gtor te/ bsang gtor gyis me long legs par phyis la/ oM 'di ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ni/rig pa dang ni zhabs su ldan/ /bde bar gshegs pa 'jig rten mkhyen/ /bla na med pa'i skyes bu dang / /'dul ba'i kha los sgyur ba dang / /lha dang mi yi ston pa ni/ /sangs rgyas bcom ldan 'das nyid do//de dag la 'dir mchod pa'i rdzas rnams dang / khrus kyi yo byad thams cad thogs te sngon du mchod pa lngas mchod do/ /rim pas 'dag pa'i tshal dang so shing dang bum pa'i chus bkru'o/ /zho dang 'o ma dang 'bru lnga dang po ga ling dang star ka la sogs pa'i 'bras bu dang / sman lnga dang de bzhin du sman thams cad dang /rin po che dang gur kum dang dri bzangs thams cad do/ /der rdzas rnams te bum pa'i chus bkru'o/ /oM rang gi rdzas dang sna na pU dza me g+ha sa mu dra s+pha ra Na sa ma ye hri ya bri he hUM/ zhes pa'i sngags kyis so/ /oM sarba ta thA ga ta kA ya bi sho d+ha ni swA hA/ chus bkru ba'i sngags so//las thams cad pa'i bum pas bya'o/ /de nas lha la dbang bskur chen po bya ste/ bdud rtsi 'khyil pa'i sngags phreng rnams dang / de bzhin gshegs pa dang lha mo'i sngags brjod cing / de bzhin bltams pa rtsom dus su/ /lha rnams kyis ni khrus gsol ltar/ / lha yi chu ni dag pa yis/ /bdag gis de bzhin khrus bya'o/ /zhes pas so/ /yang dag par rgyal ba'i bum pa la me tog la sogs pas mchod de/ yi ge brgya pa dang de bzhin du badzra d+h+r-i ka la sogs pa dang / oM sarba ta thA ga ta a b+hi She ka sa ma ye hri bi hUM/ zhes pas dbang bskur ro/ / de nas dri zhim po'i bdug pa la ras dag pas bdug ste/ me long gi chu dag par bya'o/ /dri zhim pa'i rdzas kyis me long la maN+Dal lnga'i mtshan ma byas te/ der me tog bzhag ste gzhug par bya'o/ /dril bu dang bdug spos thogs ta sngon du mchod pa'i bdug pa dang me tog la sogs pas mchod pa bya ste lha bshos kyi snod dbul lo//yi dam gyi lha'i dkyil 'khor gyi rim pa la zhal zas la sogs pa'i mchod pa phul la gtor ma sbyin no/ /bstod pas bstod de me tog dor te gzhag go/ /sems can gyi don du bsod nams bsngo'o/ /de nas gshegs su gsol lo/