| བོད་ཡིག |
299b4 /yi ge brgya ba'i cho ga rdzogs so//[ ]@##/ /rgya gar skad du/ ak+Sha su tra lak+Sha Na/ bod skad du/ bzlas pa'i phreng ba'i mtshan nyid/ thams cad mkhyen pa la phyag 'tshal lo/ /rdo rje sems dpa' la
299b5 lha mo sangs rgyas spyan mas zhus pa/bzlas pa'i phreng ba'i don ci lags/ /mchog gi dbang phyug gis gsung du gsol/ rdo rje sems dpas gsungs pa/ lha mo nyon cig rab tu bshad do/ /khyod kyis zhus pa de brjod par bya'o/ /de thams cad kyi gtam bshad do/ /sems can thams cad la
299b6 phan pa'i don du'o//mi spang ba'i sems kyi sdom pa de bzhin du bsod nams dang ye shes mi spang ba thob pa'i rnal 'byor pa'i bzlas pa'i phreng ba 'di'o/ /gang la bzlas pa'i phreng ba la dad pa mos pa gus pas gzung ngo / /sdig pa thams cad spong ngo / /sdug bsngal thams cad dang bral bar 'gyur
299b7 ro//gang du bzung na mgrin pa dang lag pa'i rtsa bar ro/ /des ni bya ba thams cad 'grub par nges so/ /bzlas pa byas pas lha mo dang dpa' bo nges par grub pa rab tu ster ro/ /rnal 'byor mchog gis thob pa'i rdo rje sems dpa' dang mnyam par 'byung ngo / /byis pa gzhon nu rnams kyis sdig pa
300a1 mang po byas pa dang /thams cad spangs pa 'byung bar 'gyur ro/ /rkang pa gcig pa'i bzlas pa'i skud pa 'dzin pas/ bzlas na lha'i skye ba dran par 'gyur ro/ /phyed kyi tshad kyis bzlas na des lha dang lha mo'i bde ba mthong ngo / /mang ba yis bzlas na brdzun pa'i ngag spangs
300a2 pa'o//dung gi la bzlas pa'i yon tan gcig 'byung ngo / /lung tang la bzlas pas yon tan gnyis 'byung ngo / /lcags la bzlas pas yon tan gsum 'byung ngo / /de la la bzlas pas yon tan bzhi'o/ /nor bu mu tig byi ru la bzlas pas yon tan bcu dran no/ /dbang po'i dmigs
300a3 la bzlas pas yon tan bcu 'byung ngo //pad+ma la bzlas pas yon tan bye ba'o/ /yon tan bye ba ru drAk+Sha la'o/ /bo de tsi la bzlas pas bcu drug dang 'dra bar dus 'das pa yon tan dpag tu med pa 'byung ngo / /bzlas pa phreng ba'i yon tan 'di dag rdo rje sems dpas gsungs pa'o/ /mkhas
300a4 pas lhag pa dang chad par mi bya'o//lhag pa chad pa la bgegs chen po 'jug go/ /des na mnyam par bya'o/ /bzlas pa'i dus song nas sbyin sreg brgya rtsa brgyad bya'o/ /sdigs mdzub snying gar byas te mdzub mos bzlas na bgegs bkug nas tshar gcod par 'gyur ro/ /gung mos
300a5 bgrangs pas the tshom med par dngos grub 'byung ngo //srin lag gis bgrangs pas gnod sbyin gyi dngos grub 'grub bo/ /mthe chung gis bgrangs pas sha za dgug pa dang bskrad pa 'grub bo/ /mdo 'dzin la bskor zhing bya'o/ /bzlas pa'i phreng ba'i mtshan nyid rdzogs so// //paN+Di ta sa
ra he ta dang /