CLOSE WINDOW

D2649
བོད་ཡིག

@##/ /rgya gar skad du/ sha tAk+Sha ra bi d+hiH/ bod skad du/ yi ge brgya pa'i cho ga /'jam dpal gzhon nur gyur pa la phyag 'tshal lo/ /dang por sems dpa'i skyil mo krung du 'dug ste/ sa phyogs der sangs rgyas dang byang chub sems dpa' thams cad mdun gyi bar snang la dmigs te/de rnams la dang por mchod pa dang / gsum la skyabs su 'gro ba dang / sdig pa bshags pa dang / bsod nams la rjes su yi rang ba dang / byang chub tu sems bskyed pa dang / lam la gnas pa la sogs pa byas nas/ de'i 'og tu bdag dang dngos po thams cad mi snang par byas shing sngags 'dis stong pa nyid du bsgom mo//oM swa b+hA wa shud+d+haHsarba d+harmAHswa b+hA wa shud+d+hou0f85haM/ de nas oM tsit+taM pra ti bya d+haM kA ro mi/ zhes bya ba'i sngags 'dis a yongs su gyur pa las zla ba'i dkyil 'khor gyi gzugs can bskyed par bya'o/ /de nas oM bo d+hi tsit+ta ut+pAd yA mi/ zhes bya ba'i sngags 'dis de nyid spro bar bya'o/ /oM tiSh+Tha badzra/ zhes bya bas hUM las byung ba nam mkha'i khams thams cad dang mnyam par gnas pa'i rdo rje bsams la/ de nas rdo rje'i gzugs de las sangs rgyas dang byang chub sems dpa'i tshogs 'dus pa dang / rdo rje dang zla ba yongs su gyur pa las bcom ldan 'das rdo rje sems dpa' phyag gnyis pa/sku mdog dkar po rdo rje dang dril bu bsnams par sngags 'dis bdag nyid bsam par bya'o/ /satwa sarba ta thA ga ta ta thA ma haM/ de'i 'og tu hUM las byung ba'i 'khor lo rtsibs bcu drug pa bsams la/ de'i steng du sna tshogs rdo rje/de'i lte bar dpal rdo rje sems dpa' sna tshogs pad+ma'i steng du bzhugs par bsam mo/ /shar phyogs su mi bskyod pa/ lhor rin chen 'byung ldan/ nub tu 'od dpag tu med pa/ byang du don yod grub pa'o/ /shar lhor rdo rje sems ma/ phyag gnyis pa sku mdog nag po/ phyag g.yon pa dkur brten pa/ phyag rked par 'jog pa/ phyag g.yas na rdo rje bsnams pa'o/ /lho nub tu rdo rje rin chen ma sku mdog ser ba phyag gnyis pa phyag g.yon pa dkur brten pa/ phyag g.yas na rin po che bsnams pa'o/ /nub byang du rdo rje chos ma sku mdog dmar ba/ phyag gnyis pa phyag g.yon pa dkur brten pa/phyag g.yas na pad+ma bsnams pa'o/ /byang shar du rdo rje las ma sku mdog ljang gu phyag gnyis pa phyag g.yon dkur brten pa/ phyag g.yas na sna tshogs rdo rje bsnams pa'o/ /'khor lo'i dbang ldan gyi phyogs nas brtsams te bskor phyogs su rdo rje sems dpa' la sogs pa rtsibs bcu drug la bsam par bya ste/de la rtsibs kyi dbus su thams cad kyang sna tshogs pad+ma'i steng du zla ba'i dkyil 'khor la bzhugs par bya'o/ /de la dbang ldan gyi phyogs su rdo rje sems dpa' sku mdog ljang gu g.yon pa bsnyoms pas dkur brten pa/phyag g.yas na rang gi thugs kar rdo rje bstod pa'i tshul gyis bsnams pa'o/ /rdo rje rgyal po sku mdog ser po rdo rje lcags kyus 'gugs pa'i tshul du bzhugs pa'o/ /rdo rje chags pa sku mdog nag po phyag na mda' gzhu bsnams pa'o/ /rdo rje legs pa sku mdog margad lta bu/ phyag gnyis kyis legs so zhes bya ba sbyin par byed pa'o//rdo rje rin chen sku mdog ser po rang gi dbang bskur ba'i gnas su phyag gnyis kyis dbang bskur ba'i phreng ba 'ching ba'i tshul gyis bzhugs pa'o/ /rdo rje nyi ma sku mdog dmar po phyag gnyis kyis thugs kar nyi ma'i dkyil 'khor 'dzin pa'o/ / rdo rje rgyal mtshan sku mdog nam mkha' ltar sngo bsangs phyag gnyis kyis yid bzhin gyi nor bu'i rgyal mtshan 'dzin pa'o/ /rdo rje bzhad pa sku mdog pad+ma'i rtsa ba ltar dkar po phyag gnyis kyis so'i phreng ba gnyi ga dang bcas pa'i rdo rje gnyis bsnams pa'o/ /rdo rje chos sku mdog dmar skya phyag g.yon pas pad+ma'i sdong bu 'dzin cing phyag g.yas pas pad+ma'i 'dab ma 'byed pa'o//rdo rje rnon po sku mdog gur kum gyi mdog can/ phyag g.yon pas thugs kar shes rab kyi pha rol tu phyin pa'i glegs bam bsnams pa phyag g.yas kyis ral gri 'phyar ba'o/ /rdo rje rgyu gser gyi mdog can chos kyi 'khor lo'i phyag rgya dang ldan pa'o//rdo rje smra ba sku mdog dmar po phyag g.yon pa na dung bsnams pa phyag g.yas pa lce'i phyag rgya dang ldan pa'o/ /rdo rje las sku mdog ljang gu phyag gnyis rdo rje rtse gsum bsnams nas spyi bor 'jog cing gar mdzad pas bzhugs pa'o/ /rdo rje srung ba sku mdog ser po phyag gnyis kyis rdo rje go cha bsnams pa'o//rdo rje gnod sbyin sku mdog nag po phyag gnyis kyis mche ba gnyis rang bzhin gyis thad kar bsnams nas gdug pa thams cad 'jigs par byed pas bzhugs pa'o/ /rdo rje khu tshur sku mdog dkar po phyag gnyis kyis rdo rje bsnams pa dang ldan par bsam mo//de nas rdo rje sems ma'i phyag rgya bcings la sa ma ya ho/ /haM zhes bya bas bdag nyid la bltas la/ sa ma ya s+t+waM/ zhes bya ba 'dis mdun du ye shes sems dpa' zla ba'i dkyil 'khor la bzhugs par bsgoms la/ sa ma ya s+t+waM a haM/ zhes bya ba 'dis snying gar bcug ste/bdag dang mi gnyis pa'i bdag nyid du bsgom mo/ /de nas yi ge hUM las byung ba rdo rje 'od dang ldan pa'i tshul can gyi lce bsam mo/ /de nas bcom ldan 'das de bzhin gshegs pa lnga rnams kyi bum pa'i dbang bskur ba dang cod pan gyi dbang dang / phreng ba'i dbang dang / rdo rje'i dbang la sogs pa rdo rje sems ma la sogs pa rnams kyis dbang bskur bar bsam mo/