294a5 /[ ]@##/ /rgya gar skad du/ sha tAk+Sha ra bi d+hiH/ bod skad du/ yi ge brgya pa'i cho ga /dpal rdo rje sems dpa' la phyag 'tshal lo/ /rdo rje sems dpa'i dkyil 'khor dang / /de bzhin rnam par snang mdzad dang / /khams gsum rnam rgyal nyid dang ni/ /
294a6 de bzhin spyan ras gzigs dbang phyug /mkha' snying rdo rje khu tshur dang / /'jam dbyangs chos kyi 'khor lo can/ /mkha' mdzod de bzhin gnod sbyin dang / /bsdus pa dag tu yongs su bsgrags/ /zhi ba mdung gis mtshan dkyil 'khor/ /ma mo ming po'i dkyil 'khor dang / /sring mo
294a7 rnams kyis bshad pa ste//dkyil 'khor bcu dang lnga rnams ni/ /pha rol phyin drug las bshad de/ /pha rol phyin pa'i sgo nas gsungs/ /dkyil 'khor rdo rje can de nyid/ /de bzhin bde bar gshegs pa'i dang / /rdo rje me ltar 'bar nyid dang / /'jig rten dbang dang mkha' snying po/ /
294b1 bsdus dang ming po'i gang yin dang / /sring mo lha dang klu dag go/ /lha mo'i dkyil 'khor gzhan dag kyang / /de bzhin mchog gyur bshad pa yin/ /rdo rje can dang rgyal nyid dang / /rdo rje me 'bar pad+ma gnyis/ /rin chen ming po sring mo dang / /klu dang sdug bsngal grags bsdus pa/ /'di
294b2 rnams nyid kyis ras ris rnams//gong nas gong du bshad pa yin/ /rdo rje can dang bde gshegs nyid/ /phyag na rdo rje 'jig rten dbang / /mkha' snying bsdus par bshad pa ste/ /nyi shu rtsa brgyad dag tu bshad/ /dpal mchog dang po'i gsum pa las/ /de ni dkyil 'khor bshad bya ste/ /
294b3 rdo rje can bde gshegs pad+ma/ /mkha' snying ming po'i dkyil 'khor dang / /sring mo klu dang sdug bsngal grags/ /gsum pa bcu par bshad pa yin/ /ras ris lnga pa snang bar grags/ /lha mo lnga yi dkyil 'khor rnams/ /bsdus pa nyi shu rtsa gcig tu/ /dpal mchog dang por
294b4 bshad pa yin//rdo rje rnam snang nyi ma dang / /'jig rten dbang dang mkha' snying dang / /ming po rnams dang sring mo klu/ /sdug bsngal gdon dang bsdus pa'o/ /ras ris dkyil 'khor lnga rnams dang / /bzhi pa dag tu yongs su bsgrags/ /dkyil 'khor rnams ni 'byung ba yi/ /mdor
294b5 bsdus nas ni bshad bya ba//grangs ni bdun cu rtsa dgu ste/ /'di la rnam rtog bya mi dgos/ /dkyil 'khor rnams kyi grangs byas nas/ /da ni da lta nyid du yang / /phyag rgya'i dum bu bsdus pa dang / /mdor bsdus nas ni bshad par bya/ /dang po phyag rgya chen po nyid/ /de bzhin gnyis
294b6 pa dam tshig ste//gsum pa chos kyi rgyar grags pa/ /bzhi pa las kyi rgya nyid do/ /rgya yi dum bu bsdus pa can/ /skye med nyid du shes bya ste/ /gang gi mchog tu gtsor grur gang / /phyi nang thams cad yang dag 'dus/ /'di yi legs sbyor gtso bo yang / /da ni ma lus bshad
294b7 par bya//gang zhig gang dang yang dag sbyor/ /phyag rgya rim bzhin sbyar bar bya/ /phyag rgya che dang las su grags/ /yang dag sbyor bar bshad pa yin/ /dam tshig rgya dang chos kyang ni/ /'degs pa sbyor ba yin par 'dod/ /'di dag nyid kyi bsdus pa dag /ci 'dra ci phyir bshad bya
295a1 ste//phyag rgya che dang yang dag sbyor/ /las kyi phyag rgyar bshad pa yin/ /gang phyir bsnams pa med na ni/ /nga rgyal 'byung bar mi 'gyur la/ /phyag rgya chen po bsten mi 'gyur/ /chos med par ni bsgrub bya yis/ /dam tshig phyag rgya bsten med pas/ /gang zhig
295a2 bsgrub par bya sngags la//sa ma ya s+t+waM zhes brjod bya/ /lus ni gnas pa med pa dang / /dngos po med cing mtshan med la/ /skye ba med pa'i sbyor ba yis/ /phyag rgya 'di ni 'byung bar 'gyur/ /dang po zla ba byung ba la/ /de 'og yi ge'i gzugs can te/ /yi ge las ni mtshan ma byung / /
295a3 mtshan las rdo rje 'dzin rang nyid/ /me long mnyam nyid ye shes dang / /so sor rtog dang bya ba'i bzhi/ /rnam par dag pa'ang nam mkha' ste/ /dngos med gnas pa lnga pa yin/ /phyag rgya chen por sar gyur cing / /chu nyid dam tshig yin par bshad/ /chos kyi phyag rgya me nyid de/ /rlung ni
295a4 las la rnam par gnas//'byung dang 'byung 'gyur yang dag sbyor/ /de bzhin khams dang skye mched dang / /rgyu dang mi rgyu sna tshogs dang / /de bzhin sa dang pha rol phyin/ /'di dag thams cad stong pa ste/ /phyag rgya'i sbyor ba rnam pa bzhir/ /mdor bsdus na ni 'byung 'gyur bas/ /de bas de
295a5 dag nyid du dgrol//las ni chos la dgrol bar bya/ /chos kyang de bzhin dam tshig la/ /dam tshig kyang ni rgya chen la/ /rgya chen zla ba stong pa la'o/ /ye shes sems dpa' snying rdo rje/ /lce la yang ni rtse gsum pa/ /bzhi pa'ang sna tshogs rdo rje ste/ /phyag rgya'i dam tshig yin par bshad/ /
295a6 gang gis bzhi po 'di dag gi/ /sbyor ba yang dag mi shes par/ /spro ba dang ni sdud pa nyid/ /de las dngos grub rgyab kyis phyogs/ /dam tshig ye shes sngags rnams kyi/ /chos kyi dbyings ni mtshan ma nyid/ /gal te dngos grub mchog 'dod na/ /bzlas brjod kyang ni 'di ltar bya/ /nyon
295a7 mongs thams cad zlog byed pa'i//yi ge brgya ba dang por brjod/ /thog ma dbus dang tha mar yang / /byin rlob byed pas bzlas par bya/ /bdag la byin rlob byed nyid dang / /tshe yang ring bar 'phel byed cing / /rgya rnams brtan por byed pa dang / /sku gsung thugs rnams sgrub pa po/ /oM badzra
295b1 satwa zhes brjod pa//gsang sngags rgyal po mchog gis bstod/ /theg chen mngon du phyogs rnams la'ang / /khyab bdag ye shes lnga rang bzhin/ /gzugs dang sngags dang phyag rgya dang / /mchod rten dkyil 'khor brtag pa yang / /yi ge brgya sngags gcig 'dra ba/ /de 'dra'i bsod
295b2 nams yod ma yin//yi ge brgya pa brjod pa las/ /bsod nams gang zhig legs gsungs pa/ /rdul phran gyi ni grangs snyed kyi/ /sangs rgyas kun gyis brgyan pa yin/ /gang zhig sa ma ya dang ni/ /ma nu pA la ya zhes brjod/ /rjes su bdag bsrungs shes pa ni/ /thams cad kyi
295b3 ni thun mong gis//lha rnams nye bar ston pa yin/ /badzra satwa twe no dang / /pa tiSh+Tha zhes bya ba dang / /dr-i D+ho me b+ha ba dang ni/ /su toSh+yo me b+ha ba nyid/ /a nu rag+to me b+ha ba/ /su poSh+yo me b+ha ba dang / /khams gsum sarba sid+d+him+me/ /pra yats+tsha sarba karma su/ /tsa zhes legs par brjod pa dang / /
295b4 me tsit+taM shre yaHku ru/ /hUM dang ho'i thog mtha' can/ /yi ge ha ha bzhi po brjod/ /b+ha ga bAn ni bdag gam kun/ /sarba ta thA ga tra nyid/ /badzra mA me muny+tsa dang / /badzrI b+ha ba bzhi pa yin/ /ma hA sa ma ya satwa/ /AHnyid kun gyi thugs la gnas/ /de bas kun du khyab pa nyid/ /gsang
295b5 sngags rgyal 'di bla med pa'i//sangs rgyas kun gyi snying po ni/ /yi ge brgya zhes bshad pa yin/ /ji srid dpal mchog dang po dang / /dpal ldan de nyid bsdus pa'i rgyud/ /rnal 'byor rgyud dang bya ba nyid/ /mdo dang rtog pa gnyi ga las/ /dngos grub bsgrub par brtson pa las/ /
295b6 gsang sngags rgyal po gsungs pa rnams/ /der ni bzlas pa'i bsod nams gang / /de 'dir yi ge brgya pa yin/ /'dir bshad pa/ badzra satwa rdo rje can/ /sa ma ya rdor rgyal po nyid/ /ma nu pA la chags pa ste/ /tiSh+Tha badzra dag legs pa/ /dr-i D+ho me b+ha ba rin chen/ /su toSh+yo me b+ha ba gzi/ /
295b7 a nu rag+to rgyal mtshan no/ /su toSh+yo me b+ha ba bzhad/ /sarba sid+d+him+me pra yats+tsha rdo rje chos/ /sarba karma su tsa me rdo rje rnon po/ /tsit+taM shre yaHku ru rgyu/ /hAM dang ha bzhi rdo rje smra/ /ho b+ha ga bAn ni rdo rje las/ /badzrI b+ha ba rdo rje srung ba/ /sa ma ya gnod sbyin/ AHni khu tshur shes par bya/ /'dir
296a1 bshad pa/oM ni rig pa b+ha ga ste/ /hUM ni rdo rje gyur pa yin/ /ha bzhi dag ni ye shes te/ /nam mkha' rnam dag lnga pa'o/ /shug rag twa tse pi sha na/ /tsi taM nyid ni lnga pa'o/ /shes rab thabs dang ldan par ni/ /'di dag nyid kyis shes par bya/ /byang chub sems ni
296a2 gnas med pa//de ni bskul ba nyid du bya/ /yi ge brgya pa brjod nas su/ /sangs rgyas sprin ni spro bar bya/ /shes rab thabs dang ror ldan pa/ /ru d+hi rar bcas blangs nas ni/ /yi ge brgya pa'i 'khor lo ni/ /bcu drug rtsibs can rim gsum bri/ /lte bar rdo rje rgya gram bri/ /phyogs bzhi
296a3 dag tu ha bzhi bri//bsgrub bya dngos su chud byas la/ /de nyid gsum ni bri bar bya/ /rtsibs la yi ge brgya pa yis/ /bcu drug rkang par byas pa bri/ /dang po bskor ba'i nang du ni/ /yi ge ma mo lnga bcus bskor/ /gnyis pa la ni 'dod rgyal bri/ /gsum par gtso bo gnod mdzes kyi/ /
296a4 gro ga'i gzhi'am ras la bri/ /gi wang dag gam snag tsha yis/ /bcu bzhi dag la bris nas ni/ /gser gyis legs par g.yogs par bya/ /gal te bdag nyid dpal 'dod na/ /mchod cing rtag tu bcang bar bya/ /gang zhig yi ge brgya pa 'chang / /dus min 'chi ba nyid dang ni/ /nad
296a5 dang mya ngan 'byung mi 'gyur//gang zhig yi ge brgya pa 'chang / /dbul dang sdug bsngal sogs mi 'byung / /rgyal po'i sgo ni cher mchod cing / /dgra rnams kyang ni zad par 'gyur/ /'dod pa thams cad rab tu 'grub/ /yi ge brgya pa gang zhig 'chang / /bu 'dod pas ni bu rnyed cing / /nor
296a6 'dod pas ni nor thob 'gyur//yul med pa ni yul thob cing / /bu mos khyo ni dam pa rnyed/ /ji ltar sangs rgyas la rab dang / /de bzhin gzhan gyis mi thub la/ /gal te tshe ni ring 'dod na/ /yi ge brgya pa bcang bar bya/ /som nyi yid gnyis rnam spangs nas/ /gang zhig yi ge brgya
296a7 'chang ba//tshe 'dir bde bar 'gyur ba dang / /shi 'phos bde ba can du 'gro/ /gang zhig don ni rgyas pa dang / /dad dang ldan zhing dbang po thul/ /bla ma la gus dul ba dang / /phrag dog chags pa spangs la sbyin/ /gal te tshe 'di ring 'dod na/ /chad lta khros bcas sgyu can dang / /bra ya
296b1 can dang gdug can la//sngags pas sbyin par mi bya'o/ /mi gtsang thams cad za ba'am/ /dgra yi nang du phyin na yang / /gtsang mar gyur pas rab mchod la/ /yi ge brgya pa bcang bar bya/ /gnod mdzes mgon po'i spyan sngar ni/ /bum chu la brgyar bzlas nas su/ /dad dang ldan la
296b2 byin na ni//tshe dang nad med 'phel bar 'gyur/ /sdug bsngal 'phrog cing dpal bskyed la/ /sdig pa thams cad bzlog pa ste/ /ngan 'gro thams cad gzhig pa'i phyir/ /yi ge brgya pa bcang bar bya/ /gang zhig yi ge brgya pa 'chang / /dag byed bkra shis dpal dang ldan/ /bgegs
296b3 rnams thams cad 'jig par byed//lha rnams kun gyi byin gyis rlob/ /zas dang de bzhin chang rnams la/ /yi ge brgya pa bzlas na ni/ /bdud rtsir byed pa'i mchog yin te/ /dug rnams ma lus sel bar byed/ /gang zhig yi ge brgya pa 'dzin/ /mkha' 'gro 'byung po ro langs dang / /
296b4 grib gnon dang ni brjed byed kyis/ /'tshe bar byed par mi nus so/ /rdo rje sems dpa' nyid kyis ni/ /yi ge brgya pa'i sngags gsungs te/ /bdud rtsir byed pa nyid dang ni/ /rga dang na dang 'jig byed pa'i/ /yi ge brgya pa brjod nas ni/ /mnyam par bzhag pas sngags zlos pa/ /ltung ba che
296b5 dang ldan rnams kyang //sangs rgyas nges par mthong bar 'gyur/ /g.yul du rgyal mtshan la btags te/ /yi ge brgya pa mchod byas nas/ /rgyal po'i mdun du bzung na ni/ /dgra las rgyal zhing pha rol thub/ /g.yul sogs 'jigs pa mi bzad la/ /mtshon gyi char 'bab 'khrug pa ru/ /
296b6 pha rol gnod pa byas na ni/ /rgyal 'gyur 'di la the tshom med/ /yi ge brgya pa bzlas pa yis/ /mtshon cha gzhon pa lam 'jug dang / /rtsed mo glu gar dga' ston cher/ /'byor pa bde bar 'byung bar 'gyur/ /gsang sngags yi ge brgya bzlas na/ /blun po blo ni 'phel 'gyur la/ /skal
296b7 ngan rnams kyang skal ldan 'gyur//byur dang sdug bsngal rnam par 'jig /gal te dngos grub sgrub 'dod na/ /dam tshig spyod pa la gnas shing / /gsang sngags yi ge brgya bzlas pa/ /sngags pa yis ni rtag tu bya/ /dkyil 'khor sbyin sreg dus dag dang / /sgrub pa ras ris bri ba dang / /
297a1 rkang bsku mig sman sa 'og la/ /gus pas yi ge brgya pa bzlas/ /gsang sngags yi ge brgya bzlas pas/ /tshul 'chal brtul zhugs can 'gyur zhing / /bcings pa 'ching ba las grol 'gyur/ /bud med nyid kyang skyes par 'gyur/ /yi ge brgya ba zhes bya ba/ /rang
297a2 bzhin gyis ni grub pa ste//lan cig brjod pa tsam gyis kyang / /shes rab pha rol phyin 'bras mnyam/ /sems rtogs par ni gang gsungs dang / /byang chub sems ni bskyed pa dang / /gang yang rdo rje'i bdag nyid gnas/ /ji bzhin rdo rje 'dzin pa bdag /de bzhin gshegs pa'i
297a3 nga rgyal dang //me long la blta sngon 'gro dang / /dbab dang brtan par bya ba dag /thams cad yi ge brgya pas bya/ /yi ge brgya pa zlos byed cing / /sems dang mkha' la bzhag na ni/ /dag pa'i shel dang 'dra ba yi/ /bdud rtsi'i rgyun ni 'bab par 'gyur/ /rdo rje sems dpa' rang nyid
297a4 ni//mngon sum yi ge brgya nyid de/ /sangs rgyas mdzad pa mdzad pa'i phyir/ /sngags kyi gzugs kyis gzugs pa yin/ /tshe dang mdog dang gzi bskyed cing / /lus ni zhi dang rgyas par 'gyur/ /ji srid nyi zla skar ma gnas/ /de srid lus ni brtan par byed/ /gang zhig yi ge brgya pa
297a5 bsgrub//srog chags gsad par mi bya zhing / /dkon mchog gsum ni yong mi spang / /lha gzhan dag la phyag mi bya/ /yi ge brgya pa'i gsang sngags ni/ /rnal 'byor pa yi khyad par mthu/ /byang chub sems kyi rang bzhin dang / /'dra ba ma byung 'byung mi 'gyur/ /nad ni chen por 'byung ba
297a6 dang //mu ge dgra dang 'thab pa dang / /tshe dang gnod byed grib mas phog /yi ge brgya pa bzlas par bya/ /bdud kyi las nyid byung ba na/ /yi ge brgya pa bris nas ni/ /rgyal mtshan la ni btags nas su/ /phyogs kun du ni bskor bar bya/ /rdo rje sems dpa'i rang bzhin skur/ /bdag nyid
297a7 yongs su bsams nas ni//rnga chen dag ni brdungs nas su/ /gu gul gyis ni bdug par bya/ /gang du spyod pa'i gnas las ni/ /dgra bo nges par 'byung ba dang / /der ni bdud rnams 'jig 'gyur ba'i/ /dngos grub yi ge brgya pas bya/ /lcags las khru gang tsam gyis ni/ /zhi ba'i spos
297b1 khang byas nas su//yu ba rin chen rdo rjes brgyan/ /kha ni sna tshogs rdo rjes mtshan/ /snod nyid kyi ni nang dag tu/ /shin tu mdzes pa'i pad+ma bya/ /de yi dbus su bri ba ni/ /rdo rje rtse gsum pa nyid de/ /drag cing 'bar ba'i phreng bas 'khrigs/ /bsreg pa'i bskal pa lta bur mchog /ha ha zhes
297b2 bya'i sgra yis 'khrugs//ba yi mar dang yang dag ldan/ /sa ni legs par brdungs nas su/ /shin tu mdzes pa'i pad+mo ni/ /bris nas sngags pas 'dab brgyad dang / /dbus su sna tshogs rdo rje bri/ /spos dang me tog rnams dang ni/ /zho dang bu ram kha ras mchod/ /ba yi rnam lngas
297b3 bsang bya zhing //sha ni rnam par spang bar bya/ /'bru rnams kun dang ldan pa dang / /til dang ma sha yang dag ldan/ /'byung po thams cad tshim byed pa/ /phyogs rnams kun du gtor bar bya/ /gang zhig khyim der gnas pa yi/ /'byung po ring du song nas ni/ /dpag tshad brgyar ni phyin
297b4 nas su//ha ha zer zhing sems med gnas/ /ji srid nyi zla gnas kyi bar/ /khyim dang grong rdal ljongs rnams su/ /nor dang 'bru rnams 'byor pa dang / /bya ba thams cad 'phel bar 'gyur/ /rdo rje sems dpa'i bsnyems pa yis/ /phyogs rnams kun du song nas ni/ /skad gdangs che
297b5 ba dag gis ni//yi ge brgya pa'i sngags zlos shing / /g.yas kyis rdo rje bsor byas la/ /g.yon gyis de bzhin dril bu gzung / /a mr-i ta hUM zhes brjod cing / /rtag par phyogs su tsham ngam bya/ /de 'og rdo rje bsdams pa yis/ /yu ba nas ni bzung nas su/ /rdo rje sems dpa'
297b6 bsgyings pa yis//gsang sngags yi ge brgya pa bzlas/ /rig 'dzin 'dis ni zhi ba la/ /'byung po bzlog pa'i phyag bya zhing / /gdon rnams ma lus rnam 'jig phyir/ /zhi ba'i mchog tu bshad pa yin/ /gtso bor gyur pa brgya nyid ni/ /lus nyid la ni rten byed pas/ /des na 'di yi
297b7 ming gi gtso//rgyud 'dir yi ge brgya par bshad/ /mtshams med lnga dang ldan pa yang / /yi ge brgya pa zhes bya ba'i/ /mtshan mchog gang gis thos gyur pa/ /ngan 'gro kun las grol bar 'gyur/ /gang la dmigs te gsang sngags ni/ /yi ge brgya zhes bya ba bri/ /rdo rje sems dpa' rang
298a1 nyid ni//'chi bdag sgor bzhud bsnams nas byon/ /glegs bam la ni bris nas su/ /de bzhin brgya rtsa brgyad pa ni/ /dbus su ga bur bcug nas bcang / /khyim du dus gsum dag tu mchod/ /de ni dbul por mi 'gyur la/ /nad kyang 'byung bar mi 'gyur zhing / /yams
298a2 dang gnod byed nyid dang ni//'chi bdag la ni rgyab kyis phyogs/ /gang zhig gsang sngags rgyal po 'di/ /lus dang ngag sems dang ba yis/ /mos pas mnyam gzhag bzlas na ni/ /sangs rgyas mchog nyid thob par 'gyur/ /de ni dus byed gyur pa na/ /dur khrod kyi ni sems can rnams/ /
298a3 gang zhig dri ni snom byed pa/ /bde ba can du 'gro bar 'gyur/ /skye ba de dang de dag tu/ /'khor los sgyur ba'i rigs can 'gyur/ /mthar ni thar par gzhol 'gyur zhing / /sangs rgyas nyid ni thob par 'gyur/ /las rnams thams cad byed 'di nyid/ /bya ba thams cad sgrub par byed/ /
298a4 zhi dang rgyas par byed pa dang / /tshe ring mngon par 'phel bar byed/ /gro ga'i gzhi la bris nas ni/ /gang zhig 'phral la 'chang byed pa/ /tshe zad gyur pa'ang bde bar ni/ /lo ni sum brgya 'tsho bar 'gyur/ /'dir bshad pa/ oM badzra satwa rdo rje sems dpa'i sgo nas so/ /sa ma ya rdo rje rgyal
298a5 po'i sgo nas so//ma nu pA la ya rdo rje chags pa'i sgo nas so/ /badzra satwa twe no pa tiSh+Tha rdo rje legs pa'i sgo nas so/ /dr-i D+ho me b+ha ba rdo rje rin chen gyi sgo nas so/ /su toSh+yo me b+ha ba rdo rje gzi brjid kyi sgo nas so/ /a nu rak+to me b+ha ba rdo rje rgyal mtshan gyi sgo nas so/ /su poSh+yo me b+ha ba rdo rje bzhad pa'i sgo nas so/ /sarba sid+d+him+me pra yats+tsha rdo rje chos kyi
298a6 sgo nas so//sarba karma su tsa me rdo rje rnon po'i sgo nas so/ /tsit+taM shre yaHku ru rdo rje rgyu'i sgo nas so/ /hUM ha ha ha ha rdo rje smra ba'i sgo nas so/ /ho b+ha ga bAn sarba ta thA ga ta badzra rdo rje las kyi sgo nas so/ /mA me muny+tsa badzrI b+ha ba rdo rje srung ba'i sgo nas so/ /ma hA sa ma ya satwa rdo rje gnod sbyin gyi sgo nas so/ /AHrdo rje khu tshur gyi sgo nas so/ /yi ge brgya pa bshad
298a7 pa las//bsod nams legs par gang bsags pa/ /des ni 'jig rten ma lus pa/ /rdo rje 'dzin pa nyid gyur cig /yi ge brgya pa'i bshad pa la/ /slob dpon pad+ma'i rdo rje lcags kyus stong phrag brgya pa las ji snyed pa rnams brjed du dogs nas bris pa yin no/ /sangs rgyas thams cad kyi snying po'i sngags/ yi ge brgya pa'i cho ga rdzogs so// //