CLOSE WINDOW

D2640
བོད་ཡིག

/ //rgya gar gyi mkhan po a nan+ta pa ra he ta'i zhal snga nas mdzad pa'o//[ #]@##/ /rgya gar skad du/ pradz+nyA pA ra mi ta hr-id ya swA d+ha naM/ bod skad du/ shes rab kyi pha rol tu phyin pa'i snying po'i sgrub thabs/ shes rab kyi pha rol tu phyin pa dus gsum rgyal ba sras dang bcas pa la phyag 'tshal lo//dus gsum rgyal ba kun gyi gzhi yin lam yin 'bras bu'ang de/ /shes rab mi dmigs shes rab snying po gtso bo dbyer med pa/ /sku gsum dkon mchog gsum la dbyer med lus ngag yid btud nas/ /rgyal yum rim brgyud dad dang shes rab thob phyir bri//dad dang shes rab sngon 'gro skyabs dang sems bskyed cing / /brtson pas grol 'dod bzod ldan sdug bsngal med spangs nas/ /'jig rten chos brgyad bsam btang nas ni ma nyams te / /'dod yon ma chags khrims ldan ci 'byor mchod dang sbyin/ / shes rab sbyangs pas shes rab don shes shes rab spyod 'dod pas/ /rgyal ba'i gnas dang chos 'di gnas su shes rab snying po sgrub/ /gang la chags phyin drug ldan pas khrus byas la/ /rten la maN+Dal mchod bshams stan la mnyam 'dug ste/ /bdun brgya pa yi sngags brjod sngags kyi bden pa yis //rten der phun sum tshogs pa sngar bsags spyan der drang / /shes rab pha rol phyin thob shes rab pha rol phyin/ /thabs mang gdul bya 'dul ba'i chos rnam pha rol phyin/ /rgyal ba'i yum gyur rgyal ba sras dang bcas pa la/ /bdag gi lus ngag yid gsum dang gus deng nas phyag 'tshal lo//'jig rten 'di dang gzhan gyi 'jig rten na/ /mchod par 'os pa'i gzugs sgra dri dag dang / /ro dang reg bya thugs dang mi 'gal ba'i/ /gtsang dang ma nyams dman par ma gyur pa'i/ /chu gtsang bsil dang me tog khyad par can//dbyibs legs dri zhim kha dog sna tshogs mdzes/ /tsan+dan gur kum ga pur la sogs sbyar/ /so sor bsreg pa'i bdug pa ji snyed dang / /nyi zla ltar gsal rin chen 'od 'bar ba'i/ /rin chen sgrol ma mar me mdzes pa'i 'od/ /gla rtsi tsan+dan tu ruska sogs legs sbyar dri//sku mdzes don du byi dor byug pa rdzas rnams dang / /sman dang 'bras chan shing thog tam po le/ /yun ring 'tsho ba rnams kyang rim par dbul/ /sgra snyan dbyangs dang sil snyan rol mor bcas/ /rin chen bdun dang rin chen gzhan rnams dang / /bkra shis rdzas brgyad gzhan yang bkra shis rdzas//bdag gi lus ngag yid bcas khyod la dbul/ /rgyal sras thugs rje can gyis bdag gzigs la/ /'gro gzugs bde bar bya phyir bzhes su gsol/ /oM sarba ta thA ga ta/ zhes de nyid bsdus pa'i sngags kyis dbul/ rgyal ba sras dang bcas la bdag re gnong //'khor bar ma rig lus ngag yid gsum gyis/ /mtshams med la sogs sdig pa'i las bgyis dang / /bgyid du stsal dang rjes su yi rang bshags/ /da ni 'jigs so rgyal sras khyed dpang las/ /lus ngag yid sdig slan chad mi bgyid do/ / rgyal sras khyed dang 'jig rten 'di dang gzhan dag na/ /'gro rigs dge ba theg pa rim gyis spyod byed pa'i/ /rgyu 'bras ma 'dres so so'i dge ba bdag yi rang / /yi rang dge de zag med 'gro la so sor bsngo / /kun gyi skyabs chen rgyal sras skyabs dag la/ /deng nas bzung ste bdag bskyab skyob par mdzod//skyabs gnas khyed ltar bdag kyang sems bskyed pas/ /khyod kyis spyod ltar bdag spyod 'gro ba'i don byed shog /rgyal sras khyod kyis sna tshogs sku sprul la/ /'gro ba grol ba'i rim par chos kyi 'khor lo bskor/ /'gro ba so sor bde lam byang chub ma thob par//rgyal ba sras bcas mya ngan mi 'da' bzhugs par gsol/ /phyag 'tshal mchod sogs byas pa'i dge ba rgya chen de/ /'gro la bsngos pas 'gro ba so sor bde ba dang / /ma grol grol dang ma bsgal bsgral dang dbugs phyin dang / /mya ngan ma 'das pa dag mya ngan 'da' bar shog /rgyal sras dbang por rgyal sras lta bur bdag gis ni/ /tshad med bzhi bsgom rgyal ba sras bcas gnas su gshegs su gsol/ /shes rab pha rol phyin shes dngos po rnams stong pas/ /swa b+hA'i sngags kyis stong par bzlas pas dngos stong dang / /shU n+ya tA brjod gzung ba nyid dang bral//'dzin med gnas pa med par blo mnyam gzhag /mnyam pa'i ngang las ri rgyal dmigs byas la/ /de las rim gyis byung bas gling rnams chags/ /ri steng paM pad a las zla ba dang / /seng ge'i khri la rin po che yi khri/ /rin chen yon tan rgyan rnams legs gsal nas//khri steng pad+ma sna tshogs lte ba la/ /yi ge maM ser 'phro 'du las/ /'og tu zla ba A li las/ /steng du kA li nyi ma grub/ /de yi 'khor lo 'phro 'du las/ /lte bar zla ba maM gnas pa/ /thams cad gcig gyur bcom ldan 'das/ /shar du paM las yum nyid bzhengs//lho ru hUM las phyag rdo rje/ /nub tu maM las shA ri'i bu/ /byang du hrIH las spyan ras gzigs/ /bcom ldan gser mdog chos 'chad phyag /rdo rje skyil krung gtsug tor bcas/ /spyan yangs mthing ga [(]mdzod [,]mjod [)]spur ldan/ /sku yi sgo nas 'od zer 'gyed / /yum ni longs spyod rgyan can te//gser mdog sku ni shin tu rgyas/ /pad zla rgyas pa'i gdan la bzhugs/ /phyag gnyis mnyam pa'i ting 'dzin gzhag /g.yas pa chos 'chad pa dang ldan/ /g.yon pa pusti 'dzin pa'o/ /phyag na rdo rje zhal gcig pa/ /sngon po g.yas na rdo rje bsam/ / g.yon na pad+ma 'dzin par byed/ /rin chen rgyan ldan skyil krung bcas/ /shA ri ser po dka' thub gzugs/ /chos gos gsum dang gsil byed g.yas/ /pus btsugs g.yon na lhung bzed thogs/ /lus ngag bsdams nas gnas pa'o/ /mgon po byang sems spyan ras gzigs//rgyan mdzes sems dpa'i skyil mo krung / /g.yas na pad+ma mchog sbyin dang / /g.yon na pad+ma pusti 'dzin/ /de rnams zla ba'i gdan la bzhugs/ /gsal bar gyur nas phyogs kun du/ /byang chub sems dang nyan thos gzugs/ /'gro ba so so'i gzugs 'dzin pa//steng 'og phyogs rnams thams cad du/ /rang rang mdog dang mtshan mas bskyed/ /de nas bdag po'i mig sogs la/ /k+ShaM dzaM khaM gaM skaM saM rnams/ /zla ba pad+ma gdan spro bsdu/ /de nyid gsum yang gnas gsum du/ /spro bsdu mtshan ma gsum du bsgom/ /ye shes gzhug dang dbang bskur dang //mi bskyod la sogs so sor gzhag /shA ri'i spyi bor rgyal ba nyid/ /gsang dbang spyi bor rdo rje 'dzin/ /mgon la 'od dpag yum nyid la/ /mi bskyod gnas la mchod pa dbul/ /'o thug spro bsdu mdun gyi yum/ /bdag la bsdus la snying po'i don/ /'khor ba mya ngan 'das pa'i chos//thams cad bdag gis gsal bsgoms la/ /spyan ras gzigs dang der sems la/ /shA ris zhus dang ldan btab pa'i/ /mdo don skabs shes don dam bsgom/ /skyo na bden pa'i ngag 'don ta/ /tad+ya thA dang oM spel nas/ /ga te ga te pA ra dang / /ga te pA ra saM ga te//bo d+hi swA hA zhes brjod la/ /snying gar pad+ma'i lte ba la/ /maM ser bdag la g.yas skor bgrang / /bsam gtan 'dod na 'khor rnams dang / /bdag nyid yi ge maM la bsdu/ /de la rim bskyed 'khor rnams la/ /mdo gdon sngags kyis 'khor rnams kun/ /sgrib sbyangs bdag 'drar gyur pa la//rgyal ba'i yum nyid bstan pa yi/ /dge ba bdag gis ci byas thams cad ni/ /sems can kun la byang chub phyir bsngo bas/ /bdag gzhan shes rab snying po thob par shog /rjes la sgyu ma'i blo yis langs/ /lha yi snang ba la gnas la/ /bya ba thams cad rgyal bas spyad//ci spyad mthar phyin lam yin pas/ /sems gnyis phyin drug sems kyis bya/ /'di don shes rab snying po ste/ /rmi lam sgyu mas bzlas brjod bya/ /dka' bas klu yi lag nas blangs/ /yun ring mdo rnams legs spyad la/ /rgyal yum 'di byas dge ba yis/ /'gro bas shes rab yum thob shog /shes rab kyi pha rol tu phyin pa'i snying po'i sgrub thabs slob dpon chen po klu sgrub snying pos mdzad pa rdzogs so// //rgya gar gyi mkhan po bai ro tsa na rak+Shi ta dang / bod kyi lo tsA ba klan chung gis bsgyur ba'o/ /slad kyis stag lo tsA bas bcos pa'o// //