CLOSE WINDOW

D2635
བོད་ཡིག

lo tsA ba dge slong g.yung drung 'od kyis bsgyur ba'o//[ ]@##/ /rgya gar skad du/ sarba durga ti pa ri sho d+ha na nA ma maN+Da la bi d+hiH/ bod skad du/ ngan song thams cad yongs su sbyong ba'i dkyil 'khor gyi cho ga zhes bya ba/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ngan song thams cad yongs su sbyong ba'i rgyal po la phyag 'tshal lo//gtso chen shAkya seng ge la/ /kun nas dang bas phyag 'tshal lo/ /slob ma la ni phan gdags phyir/ /rtsa ba'i rgyud rnams las btus te//ngan song thams cad 'jig byed pa'i/ /dkyil 'khor cho ga de bshad bya/ /nyams dga' ba yi sa phyogs su/ /bde ba'i stan la 'dug nas ni/ /bdag med par ni lhag mos pas/ /lkog mar pad+ma rnam par bsam/ /mdun gyi 'dab mar a dang ni/ / hUM las zla ba rdo rje ni/ /rtse lnga bsams te de yang ni/ /lce de nyid la thim par bya/ /rdo rje lce ru rnam bsams pas/ /sngags zlos mthu dang ldan par 'gyur/ /lag pa gnyis su a las ni/ /zla ba hUM las rdo rje ni/ /rtse lnga par ni rnams bskyed de/ /kha dog dkar po bsgom par bya//lag pa'i dbus su zhu gyur nas/ /rdo rje'i lag par rnam par bsam/ /rdo rje lag pa brtan byas nas/ /phyag rgya thams cad bcing bar bya/ /rdo rje 'jigs byed nas brtsams te/ /rdo rje rtse mo mthar thug pa'i/ /kun nas bsrung ba'i 'khor lo ni/ /mkhas pas yongs su bsam par bya//kun nas yongs su zlum por ni/ /ra ba dra ba byas nas kyang / /slob dpon shin tu mnyam gzhag pas/ /rdo rje 'og ni bcing bar bya/ /de nas de rjes nyid la ni/ /sems can kun la phan pa'i phyir/ /'khor lo'i tshogs dang bcas pa yi/ /dkyil 'khor nam mkhar bsam par bya//me tog spos dang mar me dang / /dri dang bshos la sogs pas mchod/ /sdig pa thams cad bshags bya zhing / /de bzhin bsod nams rjes yi rang / /lam ni yang dag bsgom bya zhing / /byang chub sems ni yongs bzung dang / /sdom pa thams cad bzung ba dag /dkyil 'khor gyi ni mdun du bya/ /me tog spos dang mar me dang / /dri yis rab tu mchod bya zhing / /de bzhin sgeg mo phreng ba ma/ /glu ma gar ma la sogs brgyad/ /mchod pa nyi shu rtsa lnga ni/ /rtsa ba'i rgyud las gsungs pa ltar/ /nam mkha' yi ni phyogs nyid du/ / mchod par gyur par rnam par bsam/ /lha dang klu dang gnod sbyin dang / /srin po dang ni lto 'phye che/ /'byung po yi dags sha za sogs/ /thams cad lhags nas mchod par bsam/ /mchod pa kun gyis rab mchod nas/ /sangs rgyas yon tan rjod byed de/ /e ma sangs rgyas e sangs rgyas//sangs rgyas mdzad pa mchog mdzad legs/ /ngan song thams cad legs sbyangs nas/ /'gro bas byang chub thob par mdzad/ /'dod dang gzugs khams gnas pa'i lhas/ /thal mo sbyar cing rab btud de/ /'khor los sgyur la phyag byas te/ /de nyid du ni mi snang gyur//de nas de rjes nyid la ni/ /go rims ji bzhin bsgom byas la/ /snying ga'i dbus su zla ba ste/ /de dbus dkyil 'khor rnam par bsam/ /nam mkha'i dkyil 'khor bkug nas ni/ /snying ga ru ni gzhug par bya/ /rdo rje lcags kyu la sogs kyis/ / dgug gzhug bcings la dbang du bya/ /dkyil 'khor rnam gnyis legs bsres te/ /dkyil 'khor gcig tu bsgom par bya/ /dkyil 'khor 'di ni thams cad du/ /rdzogs pa'i sbyor ba las byung ba/ /de yi dbus su rang gi ngos/ /shAkya seng ge bsgom par bya/ /de nas shAkya thub pa yi//thugs kar zla ba'i dkyil 'khor bsam/ /de dbus ngan song sbyong zhes pa'i/ /gsang sngags gzugs ni rnams bsams la/ /gsang sngags rgyal po rjes dran bya/ /skad cig gis ni sa bon spro/ /de 'og kun nas 'od kyis ni/ /sems can thams cad snang bar byas//dmyal ba yi dags byol song yang / /slar yang snang bas khyab par byas/ /de nas 'od kyi snang ba yis/ sems can thams cad ngan song las/ /sngags kyi 'od kyis bkug nas kyang / /sngags dang phyag rgyas dral bar bya/ /de la sogs pa'i sbyor ba yis//srid gsum dri ma sbyang bar bya/ /'gro ba'i dri ma bral thob nas/ /slar yang 'od kyis snang bar byas/ /sems can thams cad bkug nas ni/ /dkyil 'khor du ni gzhug par bya/ /de la chu la sogs pa yis/ /dbang bskur ba ni rim bzhin sbyin/ /de ltar dbang bskur tsam gyis ni//khams gsum pa yi sems can kun/ /sangs rgyas sras dang bcas mthong nas/ /mchod pa kun gyis rab tu mchod/ /chos kyi 'khor lo bskor mdzad pa/ /khams gsum pa yi 'gro kun gyi/ /ngan song thams cad sbyong mdzad pa/ /shAkya seng ge phyag 'tshal lo//chos kyi dbyings kyi rang bzhin las/ /sems can kun la phan pa'i phyir/ /rang gi de nyid ston mdzad pa/ /rdo rje gtsug tor phyag 'tshal lo/ /mnyam pa'i de nyid bsgom pa yis/ /khams gsum la gnas thams cad la/ /dbang bskur rab tu stsol mdzad pa/ / rin chen gtsug tor phyag 'tshal lo/ /so sor kun rtog rang bzhin can/ /chos kyi bdud rtsi'i char 'bebs pas/ /sems can dbugs 'byin mdzad pa po/ /pad+ma gtsug tor phyag 'tshal lo/ /sems can sdug bsngal bsal bya'i phyir/ /bya ba rjes grub rang bzhin can/ /phrin las sna tshogs mdzad pa po//sna tshogs gtsug tor phyag 'tshal lo/ /khams gsum 'od kyis gsal mdzad pa/ /sems can kun gyis 'phags pa yi/ /bden pa mthong bar mdzad pa po/ /gtsug tor gzi brjid phyag 'tshal lo/ /yid bzhin nor bu'i rgyal mtshan rnams/ /sbyin pas sems can thams cad kyi//bsam pa thams cad rdzogs mdzad pa/ /gtsug tor rgyal mtshan phyag 'tshal lo/ /nyon mongs nye ba'i nyon mongs dag /gcod cing bdud bzhi'i stobs bcom nas/ /sems can byang chub thob mdzad pa/ /gtsug tor rnon po phyag 'tshal lo/ / khams gsum 'gro ba thams cad kyi/ /gdugs dkar gyis ni rab brgyan pa'i/ /chos kyi rgyal po thob mdzad pa/ /gtsug tor gdugs dkar phyag 'tshal lo/ /sgeg mo phreng ba de bzhin glu/ /gar ma lha mo bzhi po dang / /spos dang me tog mar me dang / /dri yi lha mo phyag 'tshal bstod//dad sogs ngo bo las byung ba'i/ /sgo yi dbus na gang bzhugs pa/ /lcags kyu zhags pa lcags sgrog dril/ /sgo srung rnams la phyag 'tshal lo/ /sgo bzhi yi ni logs dag na/ /khyams la sogs par bzhugs mdzad pa/ /rab dga' la sogs gnas mdzad gang //byang chub sems la phyag 'tshal bstod/ /tshangs dbang drag po zla ba sogs/ /phyogs bzhi'i 'jig rten skyong ba dang / /me dang srin po rlung lha dang / /'byung po'i bdag po phyag 'tshal bstod/ /sngags pa rdo rje dril 'chang bas/ /bstod pa'i rgyal po 'di yis ni/ /dkyil 'khor gyi ni mdun nyid du//bstod pa 'di yis yang dag bstod/ /rang gi lus ni gang yin pa/ /bdag nyid dkyil 'khor dag tu brtag /dang por sbyor ba'i ting 'dzin ni/ /de ltar rnam par bsgom par bya/ /de nas khams gsum ma lus pa/ /stong pa nyid du rnam bsgoms la/ / rlung dang chu yi dbus su ni/ /gser gyi sa gzhi rnams bsams la/ /suM gyi sa bon las byung ba'i/ /ri rab chen po bsam par bya/ /rin chen sna bzhi'i rang bzhin las/ /gru bzhi shin tu rgya che ba/ /de yi dbus su dkyil 'khor ni/ /ngan song sbyong ba dag bsams te/ /sa bon b+hUM las byung ba yi//gzhal yas khang brtsegs rnam par bsgom/ /gru bzhi pa la sgo bzhi pa/ /rta babs bzhis ni rnam par mdzes/ /thig bzhi dang ni yang dag ldan/ /'khor lo rtsibs brgyad pa yis brgyan/ /sgo yi logs bzhi thams cad dang / /sgo khyud kyi ni mtshams rnams dang //grwa yi cha ni thams cad du/ /rdo rje rin chen dag gis spras/ /dril bu dar dang ba dan sogs/ /chun 'phyang me tog phreng bas brgyan/ /dra ba dra phyed kyis spras pa/ /gru bzhi par ni bsam par bya/ /'khor lo rtsibs brgyad dbus su ni/ /seng ge la gnas pad+ma'i gdan//de la gnas pa'i zla dbus su/ /shes rab thabs ni zhu bar bya/ /sems can don gyi rgyur byung ba'i/ /sngags kyi gzugs su rnam par bsam/ /oM mu ne mu ne ma hA mu ne ye swA hA/ gsang sngags rgyal po 'di las ni/ /sgrib pa kun sel zhes bya ba'i//ting nge 'dzin gyis rnam dag pa'i/ /shAkya'i rgyal po rjes dran bya/ /ting nge 'dzin la snyoms zhugs nas/ /gsang sngags kyang ni gsung bar mdzad/ /rdo rje khu tshur gnyis bcings nas/ /rim gyis rnam par dbye ba ni/ /rgya 'di chos kyi 'khor lo ste/ /'khor ba thams cad gcod byed yin//de yi dpe ni 'di lta ste/ /ji ltar pad+ma la chags pa'i/ /bum pa la sogs bsdams pa rnams/ /pad+ma'i 'dab ma kha bye na/ /bcings pa'i sdug bsngal las thar byed/ /de bzhin 'khor ba'i sems can rnams/ /srid gsum 'gro bar bcings ba rnams//thugs rje'i bdag nyid shAkya yi/ /seng ges bcings pa las grol mdzad/ /de nas snying gar zla ba la/ /gnas pa'i sngags rnams brjod nas ni/ /rdo rje gtsug tor nas brtsams te/ /rdo rje 'bebs pa'i bar du bskyed/ /de la sngags rnams 'di yin no/ /na mo b+ha ga wa te sarba durga ti pa ri sho d+ha ni/rA dzA ya ta thA ga tA ya ar+ha te/ samyak+saM bud+d+hA ya/ tad+ya thA/ oM sho d+ha ni sho d+ha ni/ bi sho d+ha ni bi sho d+ha ni/ sarba pA paM bi sho d+ha ni/ shud+d+he bi shud+d+he/ sarba karma A ba ra Na bi shod+ha ni swA hA/ zhes bya ba'i sngags brjod par bya ste/ de nas go rims ji bzhin pa'i//rim pa yang dag bshad par bya/ /oM badzra hUM phaT/ kha yi sgo nas dbyung ba ni/ /kun nas 'od zer lnga par byung / /sngags kyi 'od kyi snang ba yis/ /'jig rten khams ni thams cad du/ /snang bar khyab nas 'gro ba ni/ /kun kyang sdug bsngal grol bar byed/ /de nas 'od zer slar log pa//snying ga ru ni zhugs par bya/ /sngags dang 'od zer 'dres pa las/ /byung ba'i sku ni spro bar bya/ /shar rtsibs pad+ma zla bar bzhugs/ /rdo rje gtsug tor de bzhin gshegs/ /sems can kun la phan don du/ /thugs ka las byung bzhugs par bsam/ / sku mdog dkar zhing 'od zer 'bar/ /sa gnon pa yi phyag rgyas bzhugs/ /sngar bshad bzhin du thams cad kyang / /'od zer spro dang bsdu ba dang / /spros nas bsdu ba'i sbyor ba yis/ /rang rang sngags nas byung ba ni/ /snying ga nas ni ston nas ni/ /ji ltar gnas su gzhag par bya//oM rat+nod+ma traM/ zhes bya bas gdon par bya'o/ /de nas lho yi rtsibs la ni/ /rin chen gtsug tor de bzhin gshegs/ /pad+ma zla ba'i dbus su ni/ /thugs ka las ni nges ston la/ /sku mdog sngo zhing shin tu mdzes/ /mchog sbyin pa yi phyag rgyas bzhugs/ / khams gsum pa ni ma lus pa'i/ /sems can kun la dbang bskur mdzad/ /oM pad+mot+ta hrIH/ zhes bya bas gdon par bya'o/ /de nas nub kyi rtsibs la ni/ /pad+ma zla ba'i dkyil 'khor la/ /sa bon las ni byung ba'i sku/ /pad+ma gtsug tor de bzhin gshegs/ /thugs ka las ni phyung ste bzhugs//sems can kun la rjes ston mdzad/ /sku mdog dmar zhing 'od 'bar ba/ /bsam gtan gyi ni phyag rgyas bzhugs/ /oM bi shwot+ta ma aH/ zhes bya bas gdon par bya'o/ /de nas byang gi rtsibs la ni/ /pad+ma la gnas zla dbus su/ /thugs ka las ni yang dag ston//sna tshogs gtsug tor de bzhin gshegs/ /sna tshogs pa yi 'od ldan pa/ /'di yi phyag rgya mi 'jigs sbyin/ /'di ni sna tshogs las mdzad de/ /'khor ba las ni sems can sgrol/ /oM gyi sa bon las byung ba/ /gtsug tor gzi brjid de bzhin gshegs//thugs ka las byung me mtshams su/ /pad gnas zla ba'i dkyil 'khor la/ /g.yas pa la ni nyi ma bsnams/ /phyag g.yon dkur ni brten te bzhugs/ /sku mdog dkar dmar 'od zer gyis/ /khams gsum par ni snang bar mdzad/ /hUM gi sa bon las byung ba//gtsug tor rgyal mtshan de bzhin gshegs/ /thugs ka nas ni byung nas kyang / /bden bral mtshams kyi rtsibs la ni/ /pad gnas zla ba'i dbus na bzhugs/ /sku mdog dmar zhing nag pa la/ /yid bzhin nor bu'i rgyal mtshan rnams/ / 'gro ba'i ser sna rnam dag mdzad/ /d+hI yi sa bon las byung ba/ /gtsug tor rnon po de bzhin gshegs/ /nyon mongs nye ba'i nyon mongs dag /gcod mdzad rlung gi rtsibs su bzhugs/ /'di yi phyag mtshan g.yas ral gri/ /g.yon na glegs bam bsnams par mdzad/ / sku mdog mkha' ltar sngo ba ni/ /pad+ma la gnas zla bar bzhugs/ /kri yig sa bon las byung ba/ /gtsug tor gdugs dkar de bzhin gshegs/ /chos kyi bdag por gyur pa ni/ /dbang ldan rtsibs su dbyung bar bya/ /sku mdog dkar zhing 'od zer 'bar/ /'di yi phyag mtshan gdugs bsnams pa'o//de dag thams cad sna tshogs pa'i/ /pad gnas zla dkyil dag tu bzhugs/ /hUM traM hri a yi sngags kyi ni/ /sgeg mo la sogs lha mo bzhi/ /phyung ste mtshams kyi cha yi ni/ /pad gnas zla dkyil dag tu dgod/ /sku mdog phyag mtshan rigs kyi yum//rgyud las ji skad gsung bzhin bya/ /de bzhin me tog bdug spos ma/ /mar me dri yi lha mo bzhi/ /grwa yi cha ru gnas pa ni/ /go rims bzhin du dbyung bar bya/ /sngags dang gdan la sogs pa ni/ /sgeg mo la sogs bshad par bya/ /oM sarba saM skA ra pa ri shud+d+ha d+harma te ga ga nas mung+ga te ma hA na ya pa ri bA re swA hA/sngags 'dis byams pa la sogs pa/ /bcu drug po ni phyung nas su/ /shar gyi logs nas brtsams nas su/ /byang gi sgo yi bar du dgod/ /shar sgo yi ni logs gnyis su/ /byams pa la sogs rnam pa bzhi/ /pad gnas zla ba'i dbus su ni//sems dpa'i skyil krung dag gis bzhugs/ /byams pa mdog sems 'od bzang pa/ /g.yas na klu shing me tog bsnams/ /g.yon na spyi blugs legs par 'dzin/ /byang sems rnam dag 'khrungs las byung / /gnyis pa mthong ba don yod ni/ / pad+ma la gnas zla ba bzhugs/ /sku mdog yongs su ser ba nyid/ /g.yas na pad+ma bsnams pa'o/ /pad+ma'i spyan dang yang dag ldan/ /g.yon pa'i khu tshur dkur brten pa'o/ /gsum pa khyab bdag ngan song sbyong / /pad gnas zla ba nyid la bzhugs/ /sku mdog dkar la 'od 'bar ba//phyag na lcags kyu bsnams pa yin/ /khyams kyi go rims ji bzhin pa'i/ /dkyil 'khor bzhi par bshad pa la/ /mya ngan mun pa thams cad ni/ /nges par 'joms pa'i blo gros ni/ /sku mdog dkar ser dag tu snang / /'di yi phyag rgya dbyug pa la bsnams/ / g.yon pa'i khu tshur dkur brten te/ /sems dpa'i skyil krung dag gis bzhugs/ /'di dag shar du bzhugs pa yi/ /byang chub sems dpar grags pa yin/ /de bzhin lho yi phyogs su ni/ /sngar bshad pa yi rim nyid kyis/ /pad gnas zla ba'i dbus su ni/ /sems dpa'i skyil krung dag gis bzhugs//dang po spos kyi glang po ste/ /sku mdog dkar ljang mdzes par snang / /'di yi phyag rgya g.yas kyi ni/ /phyag na dri ni bsnams par mdzad/ /phyag g.yon dkur ni brten nas su/ /sems can thams cad rab grol mdzad/ /byang chub sems dpa' gnyis pa ni//de mtshan dpa' bar 'gro ba'o/ /sku mdog dung dang kun da 'dra/ /phyag g.yas ral gri bsnams par mdzad/ /g.yon pa'i khu tshur dkur brten pa/ /shin tu mnyam par bzhag ste bsgoms/ /bde gshegs sras po gsum po ni/ /nam mkha' mdzod ces bya ba ste//dam pa chos kyi gang ba'i mdzod/ /sku mdog dag ni dkar ser yin/ /'di yi phyag rgya phyag g.yas na/ /pad+ma la gnas chos kyi mdzod/ /g.yon pa'i phyag ni dkur brten te/ /mkha' kun khyab pa'i nor 'dzin to/ /byang chub sems dpa' bzhi po yang / /ye shes tog ces bya ba ste//'di yi sku mdog sngon po la/ /yid bzhin nor bu rgyal mtshan bsnams/ /g.yon pa'i khu tshur dkur 'jog cig /sems can kun la mi 'jigs stsol/ /da ni nub kyi phyogs dag gi /byang chub sems dpa' bzhi po yang / /pad+ma zla ba'i dkyil 'khor la//sems dpa'i skyil krung dag gis bzhugs/ /dang po'i mtshan ni 'od dpag med/ /de yis 'od kyi rnam par mdzes/ /zla ba'i mdog can shin tu dkar/ /phyag g.yas na ni bdud rtsi yis/ /bum pa yang dag 'dzin par mdzad/ /g.yon pa'i khu tshur dkur brten pa'o//sangs rgyas sras po gnyis pa ni/ /de mtshan zla 'od ces bya ba/ /de bzhin sku mdog dkar la bzang / /phyag rgya g.yas pa'i phyag na ni/ /pad+mar gnas pa'i zla tshes te/ /g.yon pa'i khu tshur dkur brten pa'o/ /byang chub sems dpa' gsum pa yang / / mtshan ni bzang skyong zhes bya ba/ /sku mdog dkar dmar dag tu snang / /phyag rgya g.yas pa'i phyag la ni/ /rin chen 'bar ba rab tu bsnams/ /g.yon pa'i khu tshur dkur brten pa'o/ /byang chub sems dpa' zhi ba'i mtshan/ /dra ba can gyi 'od ces bya/ /sku mdog dmar zhing 'od 'bar ba//rdo rje dra ba 'dzin par mdzad/ /de bzhin byang gi sgo phyogs su/ /rgyal sras sems dpa' dang po ni/ /rdo rje snying po zhes bya ba/ /sku mdog sngo skya 'bar ba la/ /phyag g.yas pa yi phyag na ni/ /ut+pal rdo rje dang ldan pa'o/ /phyag g.yon dkur ni brten pa'o/ /gnyis pa'i mtshan ni blo gros kyi//mthar ni mi zad pa zhes bya/ /kun da zla ba ltar dkar zhing / /phyag rgya phyag ni gnyis ka yis/ /ye shes bum pa legs bsnams te/ /sems can kun ni rab tshim mdzad/ /sangs rgyas sras po gsum pa ni/ /sangs rgyas kun gyis bsngags pa'i mtshan//dang po spobs pa bzhag pa la/ tha mar brtsegs pa zhes bya ba/ /sku mdog zangs ltar dmar ba ste/ /phyag rgya g.yas na pad+ma la/ /gnas pa'i rin chen brtsegs pa bsnams/ /g.yon pa'i khu tshur dkur brten pa'o/ /rgyal ba'i sras po bzhi pa ni/ /kun du bzang po zhes bya ste//sku mdog ser zhing 'od bzang ba/ /phyag rgya g.yas pa'i phyag rgya ni/ /rin chen snye ma bsnams par mdzad/ /g.yon pa'i khu tshur dkur brten pa'o/ /de 'dra'i tshul dang rang bzhin gyis/ /byang chub sems dpa' thugs rje yi/ /bdag can pad gnas zla dbus su//sems dpa'i skyil krung dag gis bzhugs/ /dzaHyi sa bon las byung ba'i/ /shar du rdo rje lcags kyu ni/ /kun du zla ba ltar dkar ba/ /phyag g.yas kyis ni lcags kyu bsnams/ /hUM gi sa bon las byung ba'i/ /lho ru rdo rje zhags pa ste/ /sku mdog ser zhing 'od 'bar ba//phyag na zhags pa yang dag bsnams/ /baM gyi sa bon las byung ba'i/ /nub tu rdo rje lcags sgrog ni/ /sku mdog rnam par dmar ba ste/ /phyag na lcags sgrog bsnams pa yin/ /hoHyi sa bon las byung ba'i/ /byang du rdo rje 'bebs pa ni/ /sna tshogs mdog can 'od po che/ / phyag na dril bu legs par bsnams/ /sngar bshad pa yi rim gyis ni/ /sgo bzhi dag tu phyung nas kyang / /pad+ma la gnas zla dbus su/ /sems dpa'i skyil krung dag gis bzhugs/ /de ltar rnam par bsgom pa yis/ /ngan song thams cad rnam par sbyang / /'di ni dkyil 'khor rgyal po mchog /ces bya ba'i ting nge 'dzin to/ /shAkya seng ge mdun byas te/ /thams cad dkyil 'khor la bzhugs te/ /ngan song thams cad las 'don pa/ /las kyi rgyal po mchog ces bya/ /kun gyi phrin las gcig yin pas/ /des na re rer ma bshad do/ /'di ni las kyi rgyal po mchog /ces bya ba'i ting nge 'dzin to/ /de nas sngags par phyag rgya ni/ /rim bzhin yang dag bshad par bya/ /oM na mo b+ha ga ba te sarba durga ti pa ri sho d+ha ni rA dzA ya/ ta thA ga tA ya/ ar+ha te/ samya k+saM bud+d+hA ya/ tad+ya thA/ oM sho d+ha ni sho d+ha ni/ sarba pA paM bi sho d+ha ni/ shud+d+ha bi shud+d+he/ sarba karma A ba ra Na bi shud+d+he swA hA/ 'di dag kun gyi sngar gyi ni/ /mdzad pa la ni sngags 'di brjod/ /shAkya seng ge'i dam tshig gis/ /phyag rgya dag ni bshad par bya/ /dbus su ting 'dzin mchog gis ni/ /bzhugs pa dam tshig phyag rgyar bshad/ /rdo rje bcing ba dam byas te//gung mo gnyis kyi rtse mo sbyar/ /rdo rje phyag rgya dam byas pa/ /rdo rje gtsug tor phyag rgya'o/ /gung mo de nyid rin chen dang / /gung mo pad+ma lta bu dang / /gung mo de nyid rdo rje las/ /sor mo lhag ma 'bar byas nyid/ /sor mo de nyid 'bar ba la/ /gtsug tor gzi brjid phyag rgya'o//de nyid las ni srin lag dang / /mthe'u chung gnyis ni mnyam ste bsgrengs/ /de nyid mdun du 'bebs pa dang / /de nyid mdun du bzhag nas ni/ /rdo rje dra ba'i tshul du bya/ /dam tshig phyag rgya'i sbyor ba la/ /sems dpa'i rdo rje snying gar gzhag /lkog mar pad+ma'i zla dbus su//chos kyi phyag rgya rnam par bsgom/ /sngar bshad 'byin pa'i sngags rnams ni/ /chos kyi phyag rgya yin par bshad/ /thugs kar sna tshogs rdo rje ni/ /bsams nas las kyi phyag rgya bca'/ /ji skad bshad pa'i chos 'khor lo/ /shAkya'i rgyal po'i phyag rgya yin/ /sa gnon mchog sbyin ting 'dzin dang //mi 'jigs sbyin sogs rim bzhin sbyar/ /ting 'dzin mchog tu gnas pa ni/ /gzi brjid phung po'i phyag rgya yin/ /g.yas pa'i lag ngar dbyug par bsgreng / /ral gri 'phyar dang g.yon sdigs mdzub/ /g.yas pa bteg ste brkyang bar bya/ /lag pa gnyis ka bsdus nas ni//gdugs dang 'dra bar gzhag par bya/ /sngar ni ji skad bshad pa yis/ /phyag rgya gang dang gang bzhugs pa'i/ /thugs kar rdo rje bsgoms nas ni/ /phyag rgya chen por bsgom par bya/ /rtsa ba'i rgyud las gsungs pa yi/ /phyag rgya bzhi ni bcing bar bya/ /sgeg mo la sogs rnam brgyad dang //sgo rnams bsrung ba bzhi po ni/ /rtsa ba'i rgyud las mthun pas na/ /de dag khyad par ma bshad do/ /ji skad bsrung bzhin phyag rgya che/ /mkhas pa yis ni bcing bar bya/ /rdo rje khu tshur gnyis bcings nas/ /phan tshun mnyam par gshibs nas ni/ /mdzub mo dang ni gung mo dgug /me tog tshul bzhag byams pa'i rgya/ /g.yon pa'i khu tshur dkur brten la/ /g.yas pa dpung ba'i thad kar ni/ /mdzub mo gung mo brkyang nas mig /'dra bzhag mthong ba don yod rgya/ /rdo rje khu tshur gnyis bcings te/ /sor mo gnyis ka brkyang nas ni/ /lcags kyu 'dra bar legs bzhag pa//ngan song thams cad sbyong ba yin/ /g.yon pa'i khu tshur dkur brten pa/ /g.yas pa dbyug pa lta bu ni/ /gyen du bsgrengs nas 'jog byed pa/ /mya ngan mun pa kun 'joms pa'o/ /g.yon pa'i khu tshur lte bar gzhag /lag pa g.yas pa glang po che'i/ /sna yi tshul du gzhag pa ni/ / spos kyi glang po'i phyag rgya'o/ /g.yon pa'i khu tshur dkur brten pa/ /g.yas pa ral gri thogs pa yis/ /tshul du 'jog par byed pa ni/ /dpa' bar 'gro ba'i phyag rgya yin/ /g.yon pa khu tshur snying gar gzhag /g.yas pa steng skor mkha' mdzod kyi'o/ /rdo rje khu tshur gnyis bcings la/ / rgyal mtshan 'dzin pa lta bu ni/ /g.yon logs su ni 'dzin byed pa/ /ye shes tog gi phyag rgya'o/ /lag pa gnyis kyis bum 'dzin ltar/ /'jog pa 'od dpag med kyi'o/ /g.yon pa'i khu tshur brla steng gzhag /g.yas pa'i khu tshur snying gar ni/ /mthe bong mthe'u chung brkyang byas la/ / zla tshes 'dra gzhag zla 'od kyi'o/ /lag pa gnyis ni snying ga ru/ /pad+ma lta bu rnam phye la/ /rtse mo phan tshun sbyar ba ni/ /bzang skyong gi ni phyag rgya yin/ /rdo rje khu tshur gnyis bcings te/ /go cha 'dzin pa lta bu ni/ /nu ma gnyis su legs gzhag pa/ /dra ba can gyi phyag rgya yin/ /g.yon pa'i khu tshur dkur brten la//g.yas pa snying gar bzhag nas ni/ /sor mo dbus ma bsgreng ba ni/ /rdo rje snying po'i phyag rgya yin/ /g.yon pa'i khu tshur snying bzhag g.yas/ /mi 'jigs sbyin 'dra mi zang blo/ /g.yon pa lte bar bzhag nas ni/ /g.yas pas se gol gtogs pa ni/ /spobs pa brtsegs pa'i phyag rgya yin//g.yon pa'i khu tshur dkur brten te/ /g.yas pa rin chen khu tshur bya/ /kun du bzang po'i phyag rgya yin/ /'di dag dam tshig phyag rgya'o/ /sngar bshad 'byin pa'i sngags rnams te/ /chos kyi phyag rgyar shes par bya/ /'byin par ji ltar 'dzin pa ni/ /phyag rgya mchog mtshan 'dzin pa ni//byang chub sems dpa' bdag chen gyi/ /phyag rgya chen por shes par bya/ /de las phyag mtshan med gyur pa/ /las kyi phyag rgya yin par bshad/ /de nas ngan song kun sbyong ba'i/ /dkyil 'khor gyi ni sngags bshad bya/ /oM sarba bdi badzra a d+hi tiSh+ThA dz+nyA na sa ma ye hUM/ bdag la byin gyis brlabs pa'i sngags so//rdo rje phyag rgya gnyis bcing ste/ /yan lag rnams la rim bzhin dgod/ /snying ga lkog ma dpral ba dang / /smin mtshams mdzod spu sna dang ni/ /rna ba rked pa pus mo dang / /rkang pa dang ni byin pa gnyis/ /mig gnyis dang ni gsang ba yi/ /gnas su byin gyis brlab par bya//oM sho d+ha ni sho d+ha ni sarba pA paM a pa na ya hUM/ sdig pa thams cad dgug pa'i sngags so/ /oM sarba bita sarba pA paM sho d+ha ni hUM swA hA/ sdig pa thams cad sbyong ba'i sngags so/ /oM sarba bita tra tha/ ngan song thams cad dral ba'i sngags so/ /oM sarba bita sarba A ba ra Na bi sho d+ha ni mu ne hUM phaT/shAkya thub pa'i sngags so/ /oM sarba bid hUM hUM/ rdo rje gtsug tor gyi sngags so/ /oM sarba bita trAM trAM/ rin chen gtsug tor gyi sngags so/ /oM sarba bid hrIHhrIH/ pad+ma gtsug tor gyi sngags so/ /oM sarba bid aHaH/ sna tshogs gtsug tor gyi sngags so//oM sarba bid oM oM/ gtsug tor gzi brjid kyi sngags so/ /oM sarba bid hUM hUM/ gtsug tor rgyal mtshan gyi sngags so/ /oM sarba bita phaT/ gtsug tor rnon po'i'o/ /oM sarba bita kri traT/ gtsug tor gdugs dkar gyi sngags so/ /oM sarba bid ma hA badzrod b+ha pa dA na pA ra mi tA pU dze hUM/sgeg mo'i'o/ /oM sarba bid ma hA badzrod b+ha ba shI la pA ra mi tA pU dze trAM/ phreng ba ma'i sngags so/ /oM sarba bid ma hA badzrod b+ha ba k+ShAn+ti pa ra mi ta pU dze hrIH/ glu mkhan ma'i sngags so/ /oM sarba bid ma hA badzrod b+ha ba bIr+ya pA ra mi tA pU dze aH/ gar mkhan ma'i sngags so//oM sarba bita sarba a pa ya gan+d+ha na d+ha ma d+ha ma d+ha ma d+hu pa ya d+h+yA na pA ra mi tA pU dze hUM hUM phaT/ bdug pa ma'i sngags so/ /oM sarba bita sarba du rga ti pa ri sho d+ha ni kle sha ts+tshe da na puSh+pa bi lo ki ni pradz+nyA pA ra mi tA pU dze trI hUM phaT/ me tog ma'i sngags so/ /oM sarba bita sarba a pa ya bi sho d+ha ni dz+nyA na A lo ka ka ri pra Ni d+ha na pA ra mi tA pU dze hrI hUM phaT/mar me'i sngags so/ /oM sarba bita sarba a pa ya gan+d+ha bi nA sha ni badzra gan+d+ha u pa ya bA ra mi tA pU dze aHhUM phaT/ byug pa ma'i sngags so/ /oM sarba bita sarba na ra ka ga te A kaR+Sha Ni hUM dzaHphaT/ rdo rje lcags kyu'i sngags so//oM sarba bita sarba na ra ka ud+ha ra Ni hUM hUM phaT/ rdo rje zhags pa'i sngags so/ /oM sarba bita sarba a pa ya b+ha na d+ha bi mo tsa ni hUM baM phaT/ rdo rje lcags sgrog gi sngags so/ /oM sarba bita sarba a pa ya ga ti ga ha na bi sho d+ha ni hUM hoHphaT/ rdo rje 'bebs pa'i sngags so/ /oM mai tri ha ra NA ya swA hA/byams pa'i sngags so/ /oM mo g+he a mo g+ha dan+sha hUM/ mthong ba don yod kyi'o/ /oM sarba a pa ya dza ha sarba/ a pa ya bi sho d+ha ni hUM/ ngan song kun 'dren gyi'o/ /oM sarba sho ka ta mo ni rga te na ma ti hUM/ mya ngan dang mun pa thams cad nges par 'joms pa'i blo gros kyi'o//oM gan+d+ha ha ti ni hUM/ spos kyi glang po'i'o/ /oM shu raM ga me hUM/ dpa' bar 'gro ba'i'o/ /oM ga gA ne ga gA na lo tsa ne hUM/ nam mkha' mdzod kyi'o/ /oM dz+nyA na ke tu dz+nyA na bita hUM/ ye shes tog gi'o/ /oM ma ti pra b+ha a mi ta ba ta hUM/ 'od dpag med kyi'o/ /oM tsan+d+re tsan+d+re bya ba lo gi te hUM swA hA/zla 'od kyi'o/ /oM dra ba ti b+ha dra pA le hUM/ bzang skyong gi'o/ /oM dzA la ne ma hA dza la ne hUM/ dra ba can gyi 'od kyi'o/ /oM badzra gar+b+he hUM/ rdo rje snying po'i'o/ /oM a k+Sha ya phu phu a k+Sha ya karma A ba ra Na bi sho d+ha Na swA hA/ blo gros mi zad pa'o/ /oM pra ti b+ha na pra ti b+ha ne kU Te swA hA/spobs pa brtsegs pa'i'o/ /oM sa man+ta b+ha dre hUM/ kun du bzang po'i'o/ /bskal ba bzang po'i sngags 'di dag /go rims ji bzhin brjod par bya/ /cho ga 'di dag nyid kyi ni/ /nyin re zhing ni dus drug tu/ /'bad pas ting 'dzin gsum ldan pa'i//lha yi rnal 'byor bsgom par bya/ /sngags dang phyag rgyar ldan pa yis/ /sgo ni rnam par dbye bar bya/ /rdo rje khu tshur gnyis bcings te/ /mdzub mo gnyis ni rab brkyang nas/ /mthe chung lu gu rgyud du sprel/ /sgo dbye ba yi phyag rgya yin/ /oM sarba bid badzrod g+ha Ta ya hUM/ sgo dbye ba'i phyag rgya dang sngags so//rdo rje 'khor lo'i rgya bcings la/ /dkyil 'khor yongs su brtag par bya/ /oM sarba bid badzra tsakra hUM/ lag ngar gnyis ni rdo rje bcings/ /rdo rje se gol bcas pa yis/ /shAkya'i rgyal po sbyor bdag nyid/ /sangs rgyas thams cad bsdu bar bya/ / g.yon pa'i se gol brdabs pa dang / /g.yas pa yis ni 'grub par 'gyur/ /g.yas pa thal mo zhes bya ste/ /'dus pa yang ni gnyis ka yin/ /zhes bya ba ni rdo rje bsdu ba'i phyag rgya'i mtshan nyid do/ /oM sarba bid badzra sa mA dza dzaHhUM baM hoH/ /'di'i bka' tsam gyis bsgrags/ pas/ /'khor lo'i tshogs ni 'khor bcas pa'i/ /sangs rgyas thams cad gshegs 'gyur na/ /gzhan lta smos kyang ci zhig dgos/ /rdo rje gnod sbyin bgegs bsal la/ /phyag rgya bzhi ni bcing bar bya/ /'bras yos sogs dang spos chab kyi/ /mchod yon dang ni zhabs bsil dbul//de nas mchod pa'i yan lag kun/ /spos chab kyis ni bsang btor bya/ /sngar bshad pa yi mchod pa ni/ /sna tshogs pa yis yang dag mchod/ /mchod mthar mnyam med la sogs pa'i/ /bstod pa rnams kyis legs par bstod/ /zla ba drug gam lo gcig par//de ltar rnam par bsgoms pa yis/ /lha yi snang ba gsal nas ni/ /rdo rje dkyil 'khor brtsam par bya/ /sngon du bsnyen pa'i cho ga'o// //de nas de'i sa'i cha gsungs pa ni/ lha khang grong khyer skyed tshal gyis/ /byang shar phyogs ni ji lta ba'i//sa yi cha ni yongs gzung la/ /cho ga bzhin du sbyang bar bya/ /yang na sngar ni brtags zin pa'i/ /gnas ni sbyang ba bya mi dgos/ /pus mo rked pa lte ba'am/ /lkog ma nub tsam sa brkos la/ /legs par yongs su brtags nas ni/ /thal ba dang ni sol ba bsal/ / de bzhin gyo mo gseg ma dang / /phub ma rus pa bsal bar bya/ /spyan dang rdo rje gnod sbyin sogs/ /de bzhin bdud rtsi thab sbyor gyi/ /sngags bzlas pa yi chu nyid kyis/ /sa kun la ni bsang gtor bya/ /dri zhim pa yi chu yis ni/ /dkyil 'khor sa ni kun du dgang / /der gnas sa yi dbus su ni//sbyin sreg las la sogs pa bya/ /tsher ma'i shing ni brgyad po la/ /yam shing sor brgyad byas pa la/ /dug dang skye tshes bsgos pa dang / /mi rus kyi ni phye ma nyid/ /yungs mar gyis ni sbrus nas su/ /sa sbyang phyir ni sbyin sreg bya/ /de nas de rjes nyid la ni/ /ba ko tsam ni byug pa yis//sa yi cha ni yid 'ong bar/ /slar yang zhi ba'i las brtsam mo/ /kun nas yongs su zlum por ni/ /ba yi lci bas legs byugs par/ /dbus nyid du ni bum pa dag /cho ga bzhin du gzhag par bya/ /me yi las ni bshad pa yis/ /zhi ba la sogs las rim bzhin//thang shing las ni yam shing dag /sor ni bcu gnyis byed du gzhug /til nag po dang nas thug dang / /'bras chan la sogs mar dag byugs/ /sa bdag gnas kyi bdag po dag /slob ma 'khor dang bcas pa rnams/ /zhi sogs las kyi rim bzhin du/ /sbyin sreg gi ni las rnams bya//dkyil 'khor bri ba'i don du ni/ /sa yi lha la gsol ba gdab/ /sa la rgyu ba'i lha kun dang / /gang yang sa la brten pa rnams/ /sems can kun la dge don du/ /byams pa'i sems kyis gnas par mdzod/ /shin tu mnyam zhing snum pa dang / / tshad ldan tsha sgo med pa ru/ /rgyal pos khru ni brgya nyid dam/ /de bzhin khru ni lnga bcu nyid/ /blon po'i yang na tshong dpon nyid/ /nye shu lnga'am de yi phyed/ /khru tshad de dag ma nus na/ /ci nus par ni rnam par dbye/ /sa yi cha rnams kun nas ni/ /ba yi lci bas byug par bya/ /spos chus bsang gtor bya ba dang //ba yi rnam lngas skyong nul bya/ /yongs su rdzogs pa'i sa yi char/ /tshon rtsi dgye ba brtsam par bya/ /sa sbyang ba yi cho ga'o/ /legs par khrus byas lus dris byug /ji snyed gos dang rgyan gyis brgyan/ /shin tu gsar ba'i gos bgo zhing / /me tog phreng bas gdong yang brgyan//bgegs kun bskrad pa rdo rje yi/ /ting nge 'dzin la snyoms zhugs te/ /khyab bdag rdo rje 'dzin gyur pa'i/ /snying ga las spros khro tshogs kyis/ /bltas pa tsam gyis de mod la/ /bgegs rnams kun nas tshar gcod pa/ /ma dang Ta las byung ba yi/ / nyi ma zla ba mig gnyis sam/ /sna tshogs rdo rje 'bar ba nyid/ /rkang mthil gnyis su rnam par dgod/ /g.yon pas dril bu legs bzung la/ /g.yas kyis rdo rje gsor bar bya/ /sngags dang phyag rgyas mtshams dang ni/ /ra ba dang ni dra ba bya/ /yi ge hUM gi sgra sgrogs pas/ / cung zad gar byed gom stabs kyis/ /bskor ba'i tshul gyis song nas ni/ /dengs shig ces ni brjod par bya/ /sgyu 'phrul dra ba las gsungs ltar/ /g.yas brkyang la sogs stang stabs bya/ /bsgying ba'i tshul gyis song nas ni/ /gdug pa'i bgegs rnams bskrad pa dang / / de nas phur bu btab nas ni/ /'og gi bgegs rnams zlog par byed/ /oM badzra kI li kI la ya sarba big+h+nAM ban+d+ha hUM phaT/ /ces bya ba ni phur bu la bzlas pa'i sngags so/ /oM g+ha g+ha g+hA ta ya g+hA ta ya sarba duSh+TAM phaT/ kI li kI la ya sarba pA paM phaT/ badzra kI la ya badzra d+ha rdo A dz+nyA pa ya ti/zhes bya ba ni brdung ba'i sngags so/ /de nas thig gdab brtsam byas te/ /cho ga bzhin du rab tu brtags/ /'khor los sgyur bas btang nas ni/ /gtsug tor bzhi la bskul bar bya/ /de nas bskul ba tsam gyis ni/ /'khor los sgyur ba mchod par bya/ / dkyil 'khor chen po thig gdab phyir/ /bcom ldan rdo rje thig gdab gsol/ /de nas rang rang kha dog ldan/ /srad bu 'khor los sgyur gyis gtad/ /de 'og thig skud bsgril bar bya/ /bsgril ba'i sngags ni 'di yin no/ /a n+yo n+ya a nu ga ta sarba d+harmaHs+phar s+phar a nu pra biSh+Ta sarba d+harma/a t+yan+ta/ a nu pra biSh+Ta sarba d+harma hUM/ zhes so/ /skud pa bgegs bskrad bkrus nas ni/ /de nas gser sogs snod du ni/ /gtsug tor lnga yi sngags bzlas nas/ /mchod pa rnam pa lnga yis ni/ /cho ga bzhin du mchod par bya/ /bdug spos kyis ni kun nas bdug /me tog gis ni mdzes byas pa'i/ /yongs su rdzogs pa'i sa yi char/ /thig gdab pa ni brtsam par bya/ /sar pa legs par bsgril ba dang / /tshad dang ldan la mdzes pa yis/ /thig gis ci nus dkyil 'khor du/ /mkhas pas thig ni gdab par bya/ / dkyil 'khor dang ni rjes mthun par/ /mkhas pas nges par brtag par bya/ /ser po la sogs tshon sna bzhir/ /go rims bzhin du kha dog sgyur/ /khru brgyad pa la sor gcig tshad/ /gzhan yang khru tshad dag gis bskyed/ /de ltar kun la shes pa ni/ /gnas ni ji bzhin brtag par bya//slar yang bzlas brjod byas nas ni/ /byin gyis brlabs pa'i sngags nyid du/ /oM badzra sU tra A kaR+Sha ya maN+Da la hUM/ byin gyis brlabs pa'i sngags so/ /bden bral mtshams su gnas nas ni/ /sgrub pa'i grogs kyis lag tu gtad/ /oM badzra sU tra A kaR+Sha ya mA ti kra ma hUM dzaHdzaH/slob dpon shar du kha bltas la/ /grogs po nub tu blta bar bya/ /slob dpon byang du kha bltas la/ /grogs po lho ru blta bar ya/ /me dang byung por kha bltas te/ /shar gyi char ni thig gdab bya/ /rlung dang srin po'i phyogs gnas te/ /nub kyi thig ni gdab par bya//der gnas nas ni byang gi thig /slar yang me srin lho phyogs su'o/ /kha khyer thig kyang de bzhin te/ /phyogs kun mnyam pa nyid du bsgoms/ /me dang rlung gi phyogs gnas te/ /srin po 'byung po'i phyogs su blta/ /g.yas su bskor ba'i sbyor ba yis//phyogs bzhir thig ni gdab par bya/ /gzhan du byas na slob dpon dang / /grogs kyi nyes pa thob par 'gyur/ /sgo ni 'khor lo'i brgyad cha ste/ /sgo khyud kyang ni sgo yi tshad/ /khyams dang 'dra ba cha yi tshad/ /de phyed tshon sna lnga yis/ /rta babs kyis ni tshon gyis/ / sgo yi sum 'gyur tshad du bya/ /gru bzhi pa la sgo bzhi pa/ /sgo khyud bzhis ni rnam par brgyan/ /dra ba dra phyed nyi ma dang / /zla ba sogs kyis brgyan par bya/ /rta babs kyi ni sa yi cha/ /ji ltar mdzes pa rnam par brtag /'khor lo'i tshul la dkyil 'khor dgu/ /go rims bzhin du bris pa yi//'khor lo rtsibs brgyad mdzes par bya/ /rtsibs brgyad 'khor lo'i rgyab tu ni/ /rdo rje phreng ba yang dag bri/ /'khor lo rtsibs brgyad dbus su ni/ /shAkya seng ge nges par bri/ /pad+ma dbu ma'i 'dab ma la/ /rdo rje sems ma bri bar bya/ /mtshams la rin chen sems ma sogs//go rims bzhin du bri bar bya/ /shar gyi rtsibs la bri ba ni/ /rdo rje gtsug tor de bzhin gshegs/ /de bzhin rtsibs ni thams cad la/ /go rims bzhin du bri bar bya/ /mtshams kyi char ni sgeg mo sogs/ /go rims bzhin du bri bar bya/ / de bzhin me tog spos me sogs/ /shin tu mnyam par bzhag ste bri/ /sgo ni srung ba bzhi po dag /sgo yi dbus su bri bar bya/ /byams pa la sogs bcu drug po/ /shar sogs khyams su gnas par bya/ /sgo bzhi yi ni logs dag tu/ /glang chen dang ni seng ge bri/ / rta babs kyi ni ngos gnyis su/ /bkra shis brgyad po yang dag bri/ /shar du dpal be'u 'khor lo bri/ /lho ru pad+ma rgyal mtshan te/ /nub tu gdugs dang bum pa gnyis/ /byang du dung dang nya bri'o/ /'khor yug la ni 'jig rten skyong / /brgyad la sogs pa bri bar bya//shar du dbang po tshang pa dang / /nyi ma dang ni zla ba bri/ /mdog dang dbyibs dang lag cha dang / /mtshon cha la sogs rim pa dang / /thams cad kyi ni gdan la sogs/ /go rims bzhin du bri bar bya/ /brgya byin gdan ni glang po che/ /dkar zhing mche ba drug ldan yin//gur gum mdog can 'gying bas 'dug /logs na sha tsi u pa yis/ /lag pa g.yon pa dkur 'jog cing / /g.yas pa yis ni rdo rje 'dzin/ /me yi gzugs ni bri bya ba/ /na tshod lo ni brgya pa la/ /kha mdog dmar zhing 'od 'bar ba/ /spyi blugs dang ni dbyig pa 'dzin/ / gdan du rwa skyes dmar po ni/ /me yi lha la btag par bya/ /gshin rje nag po bri bya ste/ /de yi gdan ni ma he yin/ /g.yon pa'i khu tshur dkur 'jog cing / /g.yas pa yis ni dbyug pa 'dzin/ /nag mo dang ni 'chi bdag gnyis/ /ngos gnyis na ni 'dug pa bri/ /bden bral phyogs su srin po ni//yi dags gdan la 'dug pa la/ /mdog ni dmar zhing gnag par snang / /'bar ba'i 'od dang ldan pa la/ /lag pa g.yon pa dkur 'jog cing / /g.yas ni ral gri 'dzin pa yin/ /nub kyi phyogs su chu yi lha/ /kha dog dkar zhing cung zad dmar/ /sbrul gyi gdengs ka dag dang ldan//stan ni chu srin dmar po yin/ /g.yas na sbrul zhags 'dzin pa ste/ /lag pa g.yon pa rin chen 'dzin/ /klu dang klu mo rnams kyi ni/ /bran mo 'khor dang bcas pa bri/ /rlung ni phyogs su rlung lha ni/ /nam mkha'i mdog dang 'dra ba la/ /sha ba'i stan la yang dag gnas//ba dan rgyal mtshan thogs pa bri/ /byang du gnod sbyin bdag po ni/ /btso ma gser gyi mdog 'dra la/ /g.yon na rin chen snod 'chang zhing / /g.yas na rin chen snye ma 'dzin/ /rta dkar gyi ni gdan la bzhugs/ /chung ma dang ni bcas par bri/ /'byung po'i bdag po thal mdog can//g.yas na rtse gsum a mra thogs/ /g.yon ni spyi blugs ru drAk+Sha/ /khyu mchog stan la yang dag gnas/ /sa yi lha mo gser mdog can/ /pad+ma'i stan la gnas pa la/ /mdun du lag pa gnyis kyi ni/ /bdud rtsi'i bum pa 'dzin par byed//g.yas phyogs su ni lha ma yin/ /kha dog dmar zhing nag pa la/ /go cha gyon cing ral gri 'dzin/ /nang tshangs 'jam la bri bar bya/ /g.yon phyogs su ni klu bri ba/ /mdog dkar chung mar bcas pa la/ /sbrul gyi gdengs kar bcas pa bri/ /lag na rin chen snod thogs pa//mchog sbyin gser gyi mdog can la/ /glegs bam dang ni phreng ba thogs/ /g.yon pa mchog sbyin spyi blugs ni/ /'dzin pa nyid du yang dag bri/ /ngang pa nyid du bris nas kyang / /de yis stan du rnam par brtag /g.yas dang g.yon gyi logs su ni//nyi ma zla ba bri bya ste/ /dbyibs mdog stan dang mtshan ma ni/ /ji ltar mthong ba bzhin du bri/ /dkyil 'khor phyi rol sa yi char/ /dmyal ba brgyad po bri bya ste/ /mnar med pa la sogs pa ni/ /me yi phyogs su bri bar bya/ /bden bral gyi ni phyogs nyid du/ /yi dgas 'gro ba bri bar bya//rlung gi phyogs su byol song gi /'gro ba sna tshogs bri bar bya/ /dbang ldan phyogs kyi cha ru ni/ /mi yi 'gro ba yang dag bri/ /oM sarba ta thA ga ta dz+wa la pa ti tad+ya thA A kaR+Sha ya badzra sa ma ya hUM dzaHsarba man+d+ha le hUM/ oM badzra aM ku sha ya/ A kaR+Sha ya sarba hUM dza/'jig rten pa'i lha spyan drangs shing dgug pa'o/ /de nas rnal 'byor gsum gyis ni/ /ting 'dzin go rims bzhin du bsgom/ /tsan+dan dang ni gur gum gyis/ /zlum po dag ni byas nas kyang / /rang rang gi ni sngags bzlas pa'i/ /me tog gi ni phreng ba dbul/ / dkyil 'khor ba ni thams cad kyang / /lan ni bdun bdun bzlas par bya/ /mchod pa rnam pa sna tshogs dang / /bza' dang bca' bas rim bzhin mchod/ /mchod pa rnam pa nyi shu yi/ /mchod pa kun du bya ba yin/ /rdo rje gnod sbyin dang ldan pa'i/ /bum pa gang ba gzhag par bya/ / dkyil 'khor pa yi sngags rnams ni/ /bum pa la ni bzlas par bya/ /rdo rje gnod sbyin gsang sngags ni/ /ci 'dod pa yi bzlas pa bya/ /de nas hUM ni bzhi pa yis/ /sngags shes pas ni phur bu dbyung / /de nas phur bu'i khung bu ni/ /tshon sna lnga yis dgang bar bya/ / dbang ldan phyogs nas brtsams nas ni/ /go rims bzhin du tshon rtsi dgye/ /mdor na dkar po sngon po dang / /de bzhin du ni dmar dang ljang / /ser po nang du shes bya ste/ /'di ni tshon gyi rim par bshad/ /dbus su 'khor lo rtsibs brgyad pa/ /tshon rtsi sngon pos bri bar bya/ / shar gyi phyogs ni dkar po ste/ /lhor ni sngon po yang dag ldan/ /nub kyi char ni dmar po ste/ /byang du ljang gu yin par bshad/ /bstan bcos mthong zhing blo ldan pas/ /'bad de de ltar bri bar bya/ /de nas sngags dang phyag rgya yis/ /dkyil 'khor steng du 'deg par bya/ / rdo rje khu tshur gnyis sor mo/ /bkan nas gyen du 'deg par bya/ /oM sarba bid ut+tiSh+Tha badzra hUM/ dkyil 'khor 'deg pa'i sngags dang phyag rgya'o/ /dkyil 'khor bri ba'i cho ga'o/ /de nas mchod pa lnga yis ni/ /bum pa sta gon gnas bya ste/ /gsus che kha dog mi gnag la//mgrin pa mtho zhing kha gyed pa/ /spos chu yis ni bkang ba la/ /ldum bcas lcug mas kha rgyan bya/ /'bru sman rin chen lnga rnams dang / /snying po lnga dang yang dag ldan/ /ras mchog me tog phreng gi mgul/ /bcings pa ku sha gsar pa gzhag /me tog phreng ba mdzes pa yi//me tog phreng bas brgyan par bya/ /rigs kyi mtshan mas mtshan byas la/ /ba dan la yang bsgreng bar bya/ /cho ga rim pa bzhin byas la/ /slob dpon gyis ni gzhag par bya/ /nas dang 'bras yos til dang ni/ /tsan+dan dkar po dang ldan zhing / /me tog kun dang 'o mar bcas//mchod yon snod du gzhag par bya/ /gser gyi snod du brtags pa yi/ /lha bshos snod ni g.yas su gzhag /spos kyi bdug spos thul ba dang / /sngags dang phyag rgyas spyan drang ngo / /dzaHhUM baM hoH'i sngags dang ni/ /de nyid kyi ni phyag rgya bya/ /de nas sngags dang phyag rgya ni//ldan pa'i mchod yon dbul bar bya/ /sngags pa rdo rje dril 'chang bas/ /lag pa g.yas pa der gtugs la/ /rang rang gis ni gsang sngags rnams/ /lan ni brgya rtsa brgyad du bzla/ /bum pa sta gon du gnas pa'i cho ga'o// //dkyil 'khor gyi ni rab gnas pa//mar gyi ngo la brtag par bya/ /dkyil 'khor gyi ni shar phyogs su/ /mchod pa lnga dang ldan par bya/ /khru gang yang na khru do ni/ /thab khung yongs su brtag par bya/ /rtsa ba'i rgyud las gsungs pa ltar/ /kha khyer la sogs mdzes par bya/ /phyag mtshan gyi ni kha dog sogs//mkhas pa yis ni nges par bzung / /sngar ni ji skad bshad pa bzhin/ /rnal 'byor gsum ni nges par bsgom/ /de nas dkyil 'khor pa rnams la/ /phyir zlog khrus ni so sor bya/ /'o ma can gyi yam shing la/ /gtsub shing las ni me sbar te/ /me yi lha ni spyan drangs te/ / sngar bshad rdzas ni rim bzhin dbul/ /de nas sngar bshad cho ga yis/ /mchod yon bsang gtor snod gnyis gzhag /chu de nyid kyis bsang gtor bya/ /me ni 'bar ba dag la bstim/ /de nas 'khor lo'i rgya bcings la/ /mdun du gzhug par bsam par bya/ /de nas me yi dbus su ni//dkyil 'khor pa rnam bsam par bya/ /rdo rje khu tshur gnyis bcings nas/ /mdzub mo mthe chung mdud pa ni/ /rdo rje 'khor lo zhes grags te/ /dkyil 'khor thams cad sgrub byed yin/ /sngags ni oM sarba bid badzra tsakra sid+d+hi hUM/ de nas phyag rgya bsdu ba yis/ / rdo rje se gol brdab par bya/ /dzaHhUM baM hoH/ de nas bil ba su mu kha/ /nA ga ge sar pri yang ku/ /til nag dang ni nas thug dang / /'bras chan zho dang bcas pa dang / /'bras bu rnam pa sna tshogs dang / /sbrang rtsi mar dang ldan pa rnams/ gtsug tor dgu la rang sngags kyis/ / brgya rtsa brgyad ni dbul bar bya/ /dkyil 'khor pa yi lhag ma ni/ /so sor sreg blugs bdun bdun dbul/ /sgeg mo la sogs rnam brgyad dang / /de bzhin mchod pa nyi shu mchod/ /dkyil 'khor pa yi sngags shes pas/ /bzlas brjod dag kyang ci nus bya/ /sa bdag slob ma zhi don du//mthar ni dgang blugs dbul bar bya/ /sems can kun la snying brtse bas/ /ci 'dod pa yi smon lam gdab/ /dkyil 'khor gyi sbyin sreg gi cho ga'o// //lho sgo yi ni sa yi char/ /khru gang ba la gru bzhi pa/ /stegs bu legs par brtsigs nas ni//ma lhung ba yi lci bas byug /ba yi rnam lngas byung nas ni/ /snying po lnga yang gtor bar bya/ /cho ga bzhin du yongs su brtag /tsan+dan dkar po dag gis ni/ /mkhas pas dkyil 'khor yang dag bri/ /spos dang me tog lha bshos bri/ /rnam pa sna tshogs dbul bar bya//de nas bum pa ku sha ni/ /sngo dang bcas pa gzhag par bya/ /'bru sman rin chen lnga rnams dang / /'dab bcas lcug mas brgyan par bya/ /mgul bar ras ni sngon po yis/ /de nyid la ni mdzes par brgyan/ /de nas phyir bzlog bya ba ni/ /yungs kar gyis ni bya ba yin//yungs kar me tog dang ldan pa/ /gsang sngags zlos shing brdeg par bya/ /rus pa'am gos sam ming la ni/ /rdo rje chu yis bkru bar bya/ /sdig pa bkru ba'i sngags kyis ni/ /srid gsum dri ma bkru bar bya/ /de la brdeg pa'i sngags ni 'di yin te/ oM sarba pA paM da ha na badzra hUM phaT/oM sarba a pa ya/ bi sho d+ha ni badzra hUM phaT/ oM sarba karma A wa ra Ni ni b+haSh+mi ku ru hUM phaT/ oM bruM bi nA sha ya A wa ra Ni badzra hUM phaT/ oM druM bi sho d+ha ya A wa ra NI ni hUM phaT/ oM dz+wa la dz+wa la d+ha ka d+ha ka ha na ha na A wa ra NA ni hUM phaT/ oM sruM sa ra sa ra pra sa ra pra sa ra sarba A wa ra NA ni hUM phaT/oM hUM ha ra ha ra/ sarba A wa ra NA ni hUM phaT/ oM hUM phaT/ sarba A wa ra NA ni s+pho Ta ya hUM phaT/ oM b+h+ri ta b+h+ri ta sarba A wa ra NA ni hUM phaT/ oM tra Ta tra Ta sarba A wa ra NA ni hUM phaT/ oM ts+tshin+da ts+tshin+da bi dra ba sarba A wa ra NA ni hUM phaT/ oM da ha da ha sarba na ra ga te he tun hUM phaT/oM pa tsa pa tsa sarba pre ta ga te he tuM hUM phaT/ oM ma tha ma tha sarba tiR+ya g+ga te he tuM hUM phaT/ sngags 'dis yang dag brdeg na ni/ /ngan song thams cad rnam par 'jig /bkru ba yi ni sngags gsungs pa/ /na mo b+ha ga wa ti sarba durga ti pa ri sho d+ha ni rA dzA ya/ ta thA ga tA ya/ ar+ha te samya k+saM bud+d+hA ya/ tad+ya thA/ oM sho d+ha ni sho d+ha ni sarba pA paM bi sho d+ha ni/ shud+d+he bi shud+d+he sarba karma A wa ra NA bi shud+d+he swA hA/ 'gro ba yang dag par lam bstan pa'i sngags gsungs pa ni/ oM rat+ne rat+ne ma hA rat+ne/ rat+na saM b+hA ba rat+na ki ra Ne/ rat+na mA la ba shud+d+he shud+d+ho ya sarba pA paM hUM/lam sbyangs pa'i sngags gsungs pa ni/ oM pad+me pad+me ma hA pad+me/ pad+mod b+ha ba su kha ba ti gats+tshan+tu swA hA/ slar yang bkra shis tshigs bcad kyis/ /dus gsum du ni khrus bya'o/ /de nas me tog spos la sogs/ /thams cad kyang ni dbul bar bya//lam sbyangs pa yi sngags kyis ni/ /me tog char ni dbab par bya/ /de ltar zhag ni gnyis gsum nas/ /zhag brgyad pa yi bar du bya/ /sa bzung nyi ma nas brtsams te/ slob ma gzhug pa'i bar du bya/ /rab tu gnas pa'i dus su ni/ /bum pa la sogs gshegs su gsol//de nas de yi cha ru ni/ /sngar bshad pa yi rim pa ni/ /pad+ma dkar po la gnas pa'i/ /'khor lo rtsibs brgyad mdzes par bri/ /de la slob ma bzhag nas ni/ /bum pa bzang po dkar bcas pas/ /sngar bshad cho ga bzhin du ni/ /'bad de dbang bskur sbyin par bya//de nas yid la ci 'dod kun/ /phongs pa med par dbul bar bya/ /gtan pa med pa'i mchod sbyin gyis/ /kun la rnam par sbyin par bya/ /'khor ba'i sdug bsngal gyis bcings pa'i/ /'gro ba rigs drug la gnas pa'i/ /dkyil 'khor du ni bkrus tsam gyis//sdug bsngal kun las grol bar 'gyur/ /'jug pa dang ni mthong ba yi/ /de yi bsod nams tshad med pas/ /dmyal ba yi dags byol song gi / 'gro ba kun las de zlog nas/ /sum cu rtsa gsum yang na ni/ /dga' ldan gnas su yang dag skye/ /lho phyogs kyi sgor bya ba'i cho ga'o// //de nas sngon bzhin dkyil 'khor la/ /mchod pa byas nas rdzogs par bya/ /rang gi bskyed pa snying gar bsdu/ /spyan drangs lha ni gshegs su gsol/ /oM khyed kyis sems can don kun mdzod/ /sangs rgyas yul du gshegs nas kyang //slar yang sems can don la gshegs/ /zhes brjod se gol lan gsum brdeg /a kA ro mu khaM sarba d+harmA NAM Ad+ya nut+pan+na twA da muH/ zhes bya bas dkyil 'khor bsdus nas su/ /sa tshon chu bo chen por bskyal/ /zhal bsro khung bu dgang ba dang / / sbyin sreg 'khor lo nor gang yod/ /de kun slob dpon kho na'i dbang / /de ltar rdo rje 'dzin pas gsungs/ /dkyil 'khor sa la 'o ma dang / /ba yi lci bas byugs byas te/ /rdul tshon dkar po gcig pu yis/ /pad+ma 'dab brgyad bris nas su/ /shes rab pha rol phyin ston te//sa bdag slob ma phyogs skyong rnams/ /zhi bar bya ba'i don du yang / /gong du gsungs pa'i sreg rdzas kyis/ /slob ma'i lag tu bzung nas su/ /zhi ba'i sbyin sreg bya ba'o/ /sems can don sogs bya ba la/ /grogs por gyur phyir lha rnams la/ /gsol ba btab nas dge rtsa ni//yongs su bsngos nas rdzogs par bya/ /dpal ldan ngan song sbyong ba yi/ /cho ga shAkya mgon gyis gsungs/ /dkyil 'khor cho ga ma lus pa/ /yongs su nyams par gyur par mthong / /bla ma rdo rje can drin gyis/ /dkyil 'khor cho ga sbyar ba las/ / bdag gis bsod nams gang thob pa/ /des ni sems can ma lus kun/ /kun mkhyen ye shes mnga' brnyes nas/ /sangs rgyas dang ni 'dra bar shog /ngan song thams cad yongs su sbyong ba'i dkyil 'khor gyi cho ga slob dpon kun dga' snying pos mdzad pa rdzogs so// //