CLOSE WINDOW

D2634
བོད་ཡིག

/ //rgya gar gyi mkhan po shrad+d+hAka ra barma dang / bod kyi dge slong rin chen bzang pos bsgyur cing zhus te gtan la phab pa'o//[ ]@##/ /rgya gar skad du/ sarba durga ti pa ri sho d+ha na u pA ya nA ma/ bod skad du/ ngan song thams cad sbyong ba'i thabs zhes bya ba/ dpal rdo rje sems dpa' la phyag 'tshal lo/ /bcom ldan 'das de bzhin gshegs pa dgra bcom pa yang dag pa rdzogs pa'i sangs rgyas ngan song thams cad rnam par sbyong ba gzi brjid kyi rgyal po la phyag 'tshal lo//gang zhig dam tshig la brtan par gnas shing slob dpon las tshul bzhin dbang thob pa/ gsang sngags kyi rgyud dang cho ga'i bye brag la mkhas shing bdag dang gzhan gyi don bsgrub pa la brtson pa des byams pa dang / snying rje chen po'i sems kyis sems can gang dag 'chi ba'i dus byas te/mi dge ba'i rnam par smin pas ngan song gsum gyi sdug bsngal myong bar gyur pa dang / /nyam nga'i gnas nas 'don cing / mtho ris kyi bde ba la dgod pa'i phyir ngan song rnam par sbyong ba'i brtag pa las byung ba'i shi ba'i cho ga bya bar 'os so//de yang rgyud las/ de bzhin dkyil 'khor bris nas ni/ /de ltar yang ni gsum pa la/ /brgya rtsa brgyad du bzlas nas ni/ /dbang bskur ba ni rab tu brtag /de nas sdig pa kun sbyangs te/ /dmyal ba la sogs sdug bsngal las/ /de ni myur du rnam par thar//rim gyis byang chub thob par 'gyur/ /zhes 'byung bas/ ngan song rnam par sbyong ba zhes bya ba'i dkyil 'khor gzhung las smos pa bzhin du bris nas bum pa lnga bzhag pa la rigs lnga so so'i snying po bum pa re re la brgya rtsa brgyad bzlas te/ shi ba'i ro'am gzugs brnyan la tshul bzhin du dbang bskur na myur du sdug bsngal las grol bar 'gyur ro//thabs gzhan yang rgyud las/ de nas rnal 'byor can gyis ni/ /sngags dang phyag rgyas de dbang bskur/ /lha yi gzugs su brtags nas kyang / /mchod rten dbus su gzhag par bya/ / rang gi lha'am lha gzhan gyi/ /snying po snying gar bris nas kyang / /lha 'dra bar yang sems bskyed de/ /khyim gyi nang du gzhag par bya'o/ /zhes 'byung bas/ shi ba'i ro'am gzugs brnyan ni sngags dang phyag rgyas tshul bzhin du dbang bskur nas lha yin no bar sems kyis brtags te/lam gyi bzhi mdor mchod rten chen po byas pa'i dbus su bzhag pa'am/ de ltar ma nus na ni shi ba nyid kyi yi dam gyi lha'am/ ngan song rnam par sbyong ba dang / de bzhin gshegs pa mi 'khrugs pa la sogs pa lha gzhan gyi snying po ro'am gzugs brnyan gyi snying gar bris la/de lha yin par sems bskyed de/ dur ram mchod pa'i nang du bcug na sdig pa rnams byang bar 'gyur ro/ /thabs gzhan yang rgyud las/ de yi ming nas smos nas ni/ /gur kum bzang pos sngags bris te/ rim gyis 'bum ni tshang tsam du/ mchod rten las ni rab tu bya//sdig can sdig ni zad bya'i phyir/ /bye ba snyed ni tshang bar bya/ /de ni nges par dmyal ba las/ /'di byas pas ni grol bar 'gyur/ /yi dags byol song sdug bsngal las/ /grol te lha yi gnas su skye/ /zhes 'byung bas/ shi ba'i ming dang rigs lnga'i snying po spel zhing gro ga la gur kum gyis bris nas mchod rten gyi nang du bcug cing /tsha tsha 'bum tshang bar gzhung bzhin du gdab/ sdig pa shin tu che na mchod rten bye ba tshang bar btab na ngan song gsum las grol zhing lha'i gnas su skye bar 'gyur ro/ /thabs gzhan yang rgyud las/ de yi ming nas brjod nas ni/ /ji skad gsung ba'i sngags bzlas shing / /'bum phrag stong ngam yang na ni/ /brgya phrag stong du tshang ba dang / /bye ba snyed du rab bzlas na/ /lha yi gnas su nges par skye/ /zhes 'byung bas/ sngags mkhan nyid lha'i rnal 'byor du byas la/ shi ba'i ming dang lha'i snying po rnams spel zhing bzlas brjod gzhung bzhin du 'bum phrag stong ngam/brgya phrag stong ngam/ bye ba tshang bar bzlas na lha'i gnas su skye bar 'gyur ro/ /thabs gzhan yang rgyud las/ de yi ming nas brjod nas ni/ mkhas pas 'bum phrag brgya'am ni//yang na brgya phrag stong du snyed/ /sbyin sreg byas par gyur na ni/ /dmyal ba chen por gyur pa yi/ /sdig pa de las thar bar 'gyur/ /zhes 'byung bas/ shi ba'i ming dang snying po rnams spel zhing tshul bzhin du sbyin sreg gi las byas te/ grangs 'bum phrag brgya'am/ brgya phrag stong tshang bar bzlas shing sbyin sreg byas na ngan song las thar bar 'gyur ro/ /yang na gzhung nyid las smos pa'i me'i mdog dkar zhing me lce g.yas su 'khyil ba la sogs pa ltas bzang po rnams byung ba'i bar du sbyin sreg bya'o/ /thabs gzhan yang rgyud las/ sbyin sreg dkyil 'khor dam pa ni/ /sbyin sreg rab tu bya ba yin/ /zhes smos pas/ sbyin sreg gi dkyil 'khor bzhengs su gsol te/ dbang bskur nas me thab tu sbyin sreg bya ba dang / tsha tsha btab nas bzlas brjod la sogs bya dgos te/ 'dir gong gi cho ga'i thabs rnam par rgyud nyid las gsal bar rab tu smos so//de yang sbyin sreg gi dkyil 'khor byed par 'dod pas/ dang por shi ba'i ro'am/ gzugs brnyan gyi snying gar shi ba nyid kyi me tog gang la phog pa'i yi dam gyi lha'am/ lha med na ngan song rnam par sbyong ba la sogs pa lha gzhan gang yang rung ba'i snying po gro ga la gur kum gyis bris te snying gar gdags/las kyi sgrib pa rnam par sbyong ba'i snying po de bzhin du bris nas spyi bor gdags te/ snying gar bris pa'i snying po gang yin pa de lha de nyid du ro de gyur par bsam zhing byin gyis brlabs nas/gtsang ma'i nang du khri'am stegs bu'i steng du kha nub tu bstan la gzhag go/ /sngags mkhan shar du kha bltas nas bdun du maN+Dal byas nas zhi ba dang ldan pa'i mchod pa rnams dgram zhing / mchod sbyin gyi gtor ma cha gnyis tshul bzhin du bshams/'byor na 'phan gdugs ci 'byor kyang bre/ de nas bdag nyid rang gi lha'i rnal 'byor du gzhung bzhin du byas nas bde bar gshegs pa sras dang bcas pa spyan drangs te/ phyag byas la mchod pa dbul zhing thugs dam bskul ba dang / dam tshig can rnams la gtor ma phul te phrin las bcol ba dang 'gro ba la sbyin pa rgya cher spel bas lan chags bral bar byas pa la sogs pa gzhung gzhan dang mthun par byas nas bde bar gshegs pa de dag gis thugs kar bzlas bya'i yi ge na mo b+ha ga ba te bya ba'am/oM sarba durga ti/ zhes bya ba gang yang rung ba bkod la/de bzhin du bdag gi snying gar yang bsams te/ gzhung bzhin du zhi ba'i ming dang sngags spel zhing zhag ci nus tsam gyis bzlas brjod bya'o/ /cho ga shes pa gzhan yod na gnas de nyid dam gzhan nyid du zhi ba'i thab khung tshul bzhin du brtsigs nas phyag rgya bzhi bkod de/mchod pa dang gtor ma dang sreg rdzas la sogs pa gzhung bzhin du bshams nas mchod pa dang gtor ma tshul bzhin du dbul zhing btang ba dang / sbyin sreg gi cho ga byas pa la sogs pa zhag ci nus kyis bya'o/ /gzhan yang sgrib pa sbyangs shing tshogs bsag pa'i phyir mchod rten gdab pa dang mdo sde zab mo bklag pa dang /sbyin pa 'byor tshad btang ba la sogs pa dge ba'i las rgya cher bya bar rigs so/ /de ltar dge ba'i phyogs ci nus pa byas nas/ sa phyogs brtags par sa'i cho ga gzhung bzhin du byas la dkyil 'khor ngos gcig po la khru drug pa grub zhi dpang khru gang ba zhig byas pa'i dbus su/me thab kho ra khor yug tu khru do pa zlum po zabs su khru gang pa/ mu ran 'phang dang zheng sor bzhi bzhi pa zlum por bskor/ lci bas skyang nul legs par bya/ sa dkar pos bsku zhing dris byug /de nas thig skud legs pa cig gis tshul bzhin du thig btab nas/tshon phye sna lngas bri ba ni me thab kyi dbus su 'khor lo rtsibs brgyad pa gcig bya ba ni shar du rdo rje/ lhor rin po che/ nub tu pad+ma/ byang du sna tshogs rdo rje rnams tshul bzhin du bkod do/ /mu ran la rdo rje rkyang pa'i ra ba rtse lnga pa'am/rtse gsum pas bskor ro/ /de'i phyi rim gyi 'khor lo rtsibs bcu drug la shar gyi 'khor lo'i rtsibs bzhi la rdo rje dang lcags kyu dang mda' dang mgu bar ston pa rnams dgod do/ /lho'i rtsibs bzhi la nor bu rin po che dang nyi ma'i dkyil 'khor dang yid bzhin gyi nor bu'i rgyal mtshan dang so'i phreng ba rnams dgod do//nub kyi 'khor lo'i rtsibs bzhi la rdo rje pad+ma dang ral gri dang 'khor lo dang dung rnams dgod do/ /byang phyogs kyi rtsibs bzhi la rdo rje kha bzhi pa dang go cha dang mche ba dang khu tshur rnams dgod do/ /de'i phyi rim gyi gru chad kyi shar lhor smin ma 'degs pa'i tshul dang bdug pa dang /lho nub tu rin po che'i phreng ba dang me tog dang / nub byang du yid du 'ong ba'i glu dang mar me dang / byang shar du gar byed pa'i mtshan nyid dang / byug pa rnams dgod do/ /de'i phyi rim snam bu la phyag rgya bzhis gtams pa dgod do//de'i phyi rim gyi snam bu la shar du rdo rje gdeng po dang zla ba/ shar lhor me thab/ lhor be con/ lho nub tu ral gri// nub tu zhags pa dang / bum pa dang / nyi ma/ nub byang du ba dan/ byang du dbyug pa/ byang shar du mdung rtse gsum pa rnams dgod do/ /de'i phyi rim gyi sgo bzhi'i shar du lcags kyu/lhor zhags pa/ nub tu lcags sgrog byang du dril bu rnams dgod do/ /gzhan yang dkyil 'khor gyi rgyan them skas bzhi'i phreng ba dang lda ldi dang do shal dang dril bu dang rnga ma dang seng ge dang ba lang la sogs pas brgyan pa bri'o//de yang rgyud las khru bzhi pa yi tshad du ni/ cho ga bzhin du khung brkos la/ /rdo rjes mtha' ma bskor ba yi/ /'khor lo dbus su bri bar bya/ /rigs lnga yi ni phyag rgya rnams/ /ji bzhin pa yi phyogs su bri/ /ji bzhin sems dpa' rnams dang ni/ /'jig rten gtso la sogs pa bri//zhes smos so/ /de ltar sbyin sreg gi dkyil 'khor smos nas bum pa chus bkang ba/ sman dang 'bru dang rin po che dang mgul chings dang bum pa'i kha rgyan la sogs pa gzhung dang mthun par byas pa lnga yan chad dgod pa dang / lha bshos snod gtsang mas bkang ba brgyad dam bcu drug snyed kyi bza' ba dang /bca' ba dang btung ba sna tshogs pa dang / me tog dang bdug pa dang / byug pa dang mar me la sogs pa'i mchod pa rnams dang / me tog gi phreng ba dang rgyal mtshan dang / bla re dang gdugs dang ba dan dang 'phan la sogs pas brgyan pa dang /dkyil 'khor gyi me tog sil ma bkram zhing ku shas bskor ro/ /mchod yon gyi gtor ma rgyas par cha gnyis kyang bsham mo/ /de yang rgyud las/ chu sogs bum pa gang ba dang / /gtor mas snod rnams bkang ba dang / /brgyad snyed tsam du gzhag bya snyam//yang na bcu drug steng du gzhag /bza' ba dang ni bca' ba'i bshos/ /me tog phreng sogs de bzhin te/ /bla re rgyal mtshan dar la sogs/ /gdugs mchog rnams ni legs par brgyan/ /zhes smos so/ /gzhan yang sbyin sreg gi yo byad mar khu dang 'o ma dang til dang /nyungs kar dang 'bras chan dang / 'bras so ba dang / dUr ba dang / yam shing 'o ma can dang / dri zhim po las byas pa'i sor brgyad dam/ sor nyi shu bzhi'i bar dang / bud shing 'o ma can skam po zlum po rnams dang / ga pur dang gur kum la sogs pa dri zhim pa rnams bsag go//de yang rgyud las/ ga pur gur kum la sogs pa/ mar dang 'o ma til bskol la/ /til dang yungs kar 'bras rnams dang / /dri yi chus ni legs bkang ste/ /'bras chan yos dang dUr ba dang / /sbrang rtsi sha khar mar ldan pa//brgya phrag du mar yongs bzlas pa/ /yam shing la yang de bzhin du/ /zhes smos so/ /de ltar mchod pa'i yo byad rnams bsags te/ bdag nyid rang gi lha'i rnal 'byor du byas la/ dkyil 'khor gyi yo byad kun la las thams cad pa'am/ ngan song sbyong ba'i sngags kyis gdab/sreg rdzas kun la yang ngan song sbyong ba'i sngags kyis gdab/ brgya rtsa brgya phrag du mar bzlas so/ /de nas las thams cad pa'am/ 'phags pa mi g.yo ba'i sngags dang phyag rgyas bgegs bskrad cing mtshams bcad do/ /rdo rje ra ba dang dra ba dang phur bu la sogs pa'i sngags sam rgyud dang ldan par bya'o//de nas bdag nyid kyi snying gar sna tshogs rdo rjes bsdus pas 'phags pa spyan drangs te/ phyag rgya bzhis bzhugs su gsol nas/ yon chab la sogs pa'i mchod pa rnams tshul bzhin du dbul lo/ /de yang rgyud las/cho ga shes par bris nas kyang / /lha rnams mang po spyan drangs nas/ /sngags shes pas ni sngags phyag rgyas/ /ar+g+ha phul bar shes nas kyang / /mdor na mchod pa byas nas ni/ /lha yi sbyor bar rab gnas la/ /zhes smos so/ /de nas gtor ma rnams tshul bzhin du byin gyis brlabs nas/dam tshig can rnams la gtor ma phul te/ ming 'di zhes bya ba'i sgrib pa sbyang zhing / bdag 'gro ba'i don brtsam pa'i bstong grogs mdzad du gsol zhes brjod do/ /'gro ba spyir gtor ma bsngos nas/ ming 'di zhes bya ba'i lan chags byang zhing bsod nams kyi tshogs su gyur cig ces brjod de gtang /sngags mkhan gzhan ma zhig yod na bum pa lnga la rigs lnga'i snying po dang shi ba'i ming spel zhing cung zad bzlas la de nas ngan song sbyong ba'i sngags ci mang du bzlas brjod bya/ gzhan med na bdag nyid kyis bum pa gcig la ngan song sbyong ba'i sngags ci nus kyis bzlas so//de nas bud shing la ngan song sbyong ba'i sngags kyis btab la brtsig /ro la ngan song sbyong ba'i sngags kyis mang du btab ste/ bye ma'am yungs kar la bzlas shing gtor nas bum pa'i chus tshul bzhin du bkrus te ga pur dang gur kum la sogs pa'i dri rnams la ngan song sbyong ba'i sngags kyis btab ste ro la byug /gur kum gyis sngags bco brgyad tshul bzhin du bris nas/ dpral ba dang / mdzod spu dang / rna ba gnyis dang / gtsug phud dang / dpung pa gnyis dang / sna dang / rked pa dang / bus mo gnyis dang / bol gnyis dang / long bu gnyis dang / mig gnyis dang / gsang ba'i gnas rnams su gdab/ de bzhin yid kyis kyang sngags rnams bkod de/ de dag gi 'od zer gyis sgrib pa sbyangs par bsams/ ngan song sbyong ba'i phyag rgya bcings shing /sarba bid bya ba'i sngags te/ snying ga dang / lkog ma dang / spyi bor btags pas lus ngag yid gsum gyi bag chags dag par dmigs so/ /de nas ro la ngan song sbyong ba'i sngags kyis btab pa'i gos kyis g.yogs nas/ rgyan rnams kyis klubs te/me tog gi phreng ba gdags shing / sngags kyis btab pa'i bdug pas kyang bdugs te/ thab kyi dbus su stan dang bcas par bzhag ste/ nub tu kha bstan la bdag nyid shar phyogs su kha bltas te las bya'o/ /de yang rgyud las/ rang gi sngags kyis btab pa'i shing //khung bu'i nang du gzhag par bya/ /ro la sngags kyis btab nas kyang / /chu mchog gis ni bkrus nas ni/ /bzlas pa'i dri yis byug par bya/ /gos dang rgyan gyis klubs nas kyang / /sngags kyis btab pa'i bdug pas bdug /me tog phreng la sogs pas mchod/ / snying ga lkog ma spyi bo ru/ /sarba bid kyis byin gyis brlab/ /de ltar gzhan du mi dge sngags/ /mchog tu dge ba rnams gzhag go/ /de nas ngan song sbyong ba'i phyir/ /stan dang bcas te de dbus su/ /gzhag pa nyid du bya ba yin/ /zhes smos so/ /de nas rdo rje chos kyi bzlas brjod byas pa'i chus thab kyi nye 'khor dang yo byad thams cad bsangs nas/sku gzugs la sogs pa mngon du phyogs par rtswa ku sha'i khri la bkra shis kyi skyil mo krung du 'dug nas/ rang gi lha'i rnal 'byor du gsal bar byas la/ rgyun bzhag gi me'am/ dka' thub la dga' ba'i khyim nas blangs pa'i me la/rdo rje chos kyi bzlas brjod byas pa'i me bsangs te thab tu bcug la/ las sna tshogs kyi snying po brjod cing rlung yab kyi rlung gis me sbar ro/ /de nas rang gi snying gar yi ge hUM gzhag ste/ rnal 'byor gsal bar byas nas rdo rje me'i dam tshig gi phyag rgya rdo rje bcing ba dang bsdams pa byas nas/dam tshig gi sngags/ oM badzra a na la ma hA b+hU ta dz+wA la ya/ b+hasmi ku ru sarba duSh+TAn hUM phaT/ ces brjod pas rdo rje me ma'i gzugs su gyur te/ rid pa ring la gzi mdangs chen po g.yas bgrang phreng / g.yon ril ba spyi blugs thogs pa/ thor tshugs ser po can/mdog dkar zhing snum pa/ me lce stong gis dkrigs shing 'od 'bar bar bsams nas mchod yon sngags kyis byin la/ zhi ba dang mthun pa'i dgang gzar gyis mar gyi dgang blugs gsum sbyin/ de nas yam shing gi thor to gnyis mar la bsres pa bsreg ste til mar dang spus pa gung mo dang srin lag dang mthe bo gsum gyis sam/blugs gzar gyis sreg blugs gsum sbyin/ de nas mchod yon gyi chus kha lag bkrus nas bsang gtor byas te/ 'di skad brjod do/ /drang srong chen po khyod rang gi 'bar ba nyid du bzhugs te/ bdag nyid ji ltar 'dod pa'i sbyin sreg byed pa'i bar du gnas par gyis shig ces smras nas/ me lha'i gzugs de nyid me'i rang bzhin 'bar ba nyid du bsam mo/ /de yang rgyud las/ de nas byin za dge ba rab sbar la/ /me lce stong gis dkrigs shing 'bar ba'i sku/ /zla dkar kun da'i bzhin la zhi ba'i lus//mtha' yas pa yi gzugs kyis me bkug la/ /ar+g+ha dbul bar btag nas de bzhin du/ /blo mchog ldan pa'i dbus su gzugs sogs bzhag /ces smos so/ /de nas sems dpa'i bzlas brjod byas pa'i mchod yon gyi snod g.yon rol du gzhag /mchod pa'i yo byad gzhan g.yas rol du gzhag /dgang gzar dang blugs gzar mdun du bzhag nas/ rang gi rnal 'byor gsal bar byas te/ las sna tshogs kyi snying po brjod pas me 'bar ba de nyid kyi nang du rin po che'i gzhal yas khang bzang po lte ba dang bcas pa'i 'khor lo rtsibs bcu drug pa dang /gru chad dang / khyams dang / sgo khyud dang / rta babs dang / them skas dang / phreng ba la sogs pas brgyan pa/ dbus su seng ge dang pad+ma dang zla ba'i gdan chen po dang gru bzhi dang 'khor lo'i rtsibs dang / gru chad dang sgor pad+ma'i gdan dang / rin po che'i khri'u la sogs pas bkod nas/ bdag gi snying gar sna tshogs rdo rje bsams la/ rdo rje bsdu ba'i snying po/ oM badzra sa ma yA dzaH/ zhes brjod cing / rdo rje khu tshur gnyis bsnol te/ dpung mgor gzhag /mdzub mo gnyis lcags kyu ltar byas te/gung mo dang mthe bong gnyis se gol brdabs pas/ de bzhin gshegs pa rnams 'khor dang bcas pa rang rang gi gnas nas bskul te/ ji ltar mchod par bsams pa'i gnas khor khor yug tu bzhugs par bsam mo/ /de nas shar phyogs kyi sgor lcags kyu'i las kyi phyag rgya bcings te/phyag rgya de nyid shar phyogs kyi sgor lcags kyur gyur par bsams la/ oM badzra aM ku sha dzaH/ zhes brjod cing / lcags kyus dgug pa'i tshul gyis de bzhin gshegs pa rnams so so'i sgo drung du bzhugs par bsam mo/ /phyag rgya de nyid bkrol nas lho phyogs kyi sgor zhags pa'i phyag rgyas bcings te/phyag rgya de nyid lho phyogs kyi sgor zhags par bsams la/ oM badzra pA sha hUM/ zhes brjod cing zhags pas drangs pa'i tshul gyis de bzhin gshegs pa rnams so so'i sgo drung du bzhugs par bsam mo/ / phyag rgya de nyid bkrol nas nub kyi sgor lcags sgrog gi phyag rgya bcings te/ phyag rgya de nyid dang nub phyogs kyi sgor lcags sgrog tu gyur par bsams la/ oM badzra s+pho Ta baM/ zhes brjod cing lcags sgrog bsdams pa'i tshul gyis bdag nyid ji srid 'dod par de bzhin gshegs pa rnams bzhugs par bsams te/phyag rgya de nyid bkrol nas byang phyogs kyi sgor rdo rje dbab pa las kyi phyag rgya bcings te/ phyag rgya de nyid byang phyogs kyi sgor dril bur gyur par bsams la/ oM badzra A be sha hoH/ zhes brjod cing dril bu bskyod pa'i tshul gyis de bzhin gshegs pa rnams mnyes par bsams te/phyag rgya de nyid dgrol lo/ /de dag gi sku mdog dang phyag mtshan dang bzhugs tshul la sogs pa so so'i lta bas yun ring du blta zhing bsam mo/ /de nas so so'i dam tshig phyag rgya rdo rje bcings pa las bskyed de/ so so'i sngags kyi mjug tu/sa ma ya s+t+waM/ zhes brjod pas/ 'phags pa rnams dgyes shing dam tshig skong par bsams te/ mchod yon phul nas bde bar gshegs so zhes brjod cing mchod pa gzhan rnams kyang rim bzhin du dbul lo/ /de nas sreg rdzas rnams la lha so so'i snying po dang / ngan song sbyong ba'i sngags bzlas te/'od zer kha dog dkar por gyur par bsams nas rdzas re re zhing / oM bai ro tsa nA ya swA hA/ che ge mo zhes bya ba sarba bid ces bya ba la sogs pa brjod cing rdzas rnams bsreg go/ /bzlas pa'i mthar ming 'di zhes bya ba'i nyon mongs pa'i sgrib pa rnams shAn+tiM ku ru zhes brjod do//de bzhin du dkyil 'khor gyi lha re re la lan brgya rtsa brgyad man chad du dbul lo/ /de nas rdzas dang me thab la sogs pa bsangs te/ ngan song sbyong ba'i lha la sreg rdzas nyi shu rtsa gcig tu dbul lo/ /de ltar mchod zin pa dang / 'phags pa rnams tshul bzhin du gshegs su gsol/de nas me lha yang thab khung du spyan drangs shing bsams la/ mchod yon la sogs pas mchod cing / yo byad kun las lan gsum dbul lo/ /de nas yang me lha me 'bar ba nyid du gyur par bsam mo/ /de yang rgyud las/ ji skad gsungs pa'i yon tan 'dod pa yis//de bzhin gshegs sogs de ltar spyan drangs la/ ar+g+ha la sogs btab ste de bzhin dbul/ /bde gshegs bsdus pa'i mchod pa gang yin bya/ /de nas bsreg bya bkang ste rim gyis ni/ /rgyal po la sogs brgya rtsa brgyad du btags/ /de nas sbyong ba'i sngags kyis rgyal po la/bsreg bya nyi shu rtsa gcig tu ni brtags/ de nas spyan drangs yo byad lan gsum dang / ar+g+ha la sogs pad+ma dkar zhal mchod/ /ces smos so/ /de nas yang me thab dang yo byad rnams bsangs la/ bdag nyid kyi snying gar yi ge hUM bzhag pa las/bdag nyid khro bo phyag na rdo rjer yi ge hUM zhes pas gyur te/ bzhin dang cha lugs khro bo'i tshul can du bsams la/ me thab tu yang yi ge hUM las rdo rje sems dpar gyur/ rdo rje sems dpa'i thugs ka nas/ oM badzra satwa kro d+ha A na lArka ma hA badzra kro d+ha/dra ba dra ba/ bi dra ba bi dra ba/ sarbA pA ya nA sha ya nA sha ya/ ha ra ha ra prA NA na hUM phaT/ ces brjod pas/ khro bo khams gsum rnam par rgyal bar gyur te/ sku mdog sngon po zhal bgrad cing mche ba gtsigs pa/ phyag na rdo rje dang pad+ma dang / ral gri la sogs pa grangs med pa'i mtshon cha bsnams pa/sbrul gyis brgyan pa/ stag lpags kyis smad g.yogs pa 'khor khro bo mang pos bskor ba rigs lnga'i dbu rgyan gyis brgyan pa/ zhabs pad+ma lta bus ro mnan cing / thabs mkhas pa'i thugs rjes sdig pa sbyong bar mdzad par bsam mo//grub na de'i sku gzugs kyang mdun du gzhag go/ /de nas lag pa g.yon pas khu tshur bcangs la/ mdzub mo bsgrengs te brang la sbyar zhing dpung pa dam du bcum la/ lag pa g.yas pas sbyin sreg bya ste/ sngags gong du smos pa dang / shi pa'i ming spel zhing 'bum mam/bye ba man chad bzlas pa'i sbyin sreg bya'o/ /bar bar du ming 'di zhes bya ba'i nyon mongs pa'am sgrib pa thams cad/ oM sarba pA paM da ha na badzra ye swA hA/ zhes brjod cing til bsreg par bya'o/ /de yang rgyud las/ phyag na rdo rje phyag na pad zhags bsnams//'jig rten gsum las rnam par rgyal ba'i gzugs/ /zhabs kyi pad+mas sdig mnan cing / /rgyan rnams kun gyis rab rdzogs la/ /rdzogs sangs rgyas kyi dbu rgyan mtho/ /bsams sam yang na bris kyang rung / /de yi snying po de bzhin du/ /brgya phrag stod dam yang na ni//bye ba'i tshad du sbyin sreg bya/ /zhes smos so/ /de nas lha gshegs su gsol te/ bdag nyid lus bsrung ba bya'o/ /de ltar bsregs nas thal bar gyur pa dang / rdo rje bsdu ba'i sngags sa ma ha ra NA hUM/ zhes brjod cing / rus pa dang thal ba rnams bsdus nas/ snod gtsang mar bcug ste/ mchod rten gdab pa'i phyogs su gzhag go/ /de nas ga pur la sogs pa'i dri chu dang / ba'i rnam lnga dang rus pa bsres te/ ngan song sbyong ba'i sngags bzhi las gang yang rung ba'i sngags 'bum man chad bzlas la 'jim pa dang bsres la dkyil 'khor gyi lha gang yang rung ba'i gzugs su gdab pa'am yang na mchod rten du byas te/mchod rten gcig gdab pa dang / gnyis gdab pa dang / gsum gdab pa dang / brgya rtsa brgyad gdab pa man chad kyi bar du gzhung dang mthun par sngags dang phyag rgyas tshul bzhin du btab nas/ sku'am mchod rten gyi spyan sngar ngan song sbyong ba'i sngags 'bum phrag nyis brgya man chad bzlas so/ /de nas mchod rten 'bar ba la sogs mtshan ma bzang po 'byung bar 'gyur ro/ /ci ste mtshan ma de dag ma mthong na/ 'bum phrag brgya stong man chad bzlas shing ji srid mtshan ma dge ba dag ma byung gi bar du/de bzhin gshegs pa rnams mchod cing / rtse gcig pa'i sems kyis mnyam par gzhag ste bzlas brjod bya/ de ltar bzlas pa'i mthar mtshan gcig tu bzlas la/ rab tu bzlas na/ shi ba nges par sdig pa las grol zhing mtshan ma bzang po rnams 'byung bar 'gyur ro//de yang rgyud las/ de nas thal bar gyur pa dang / /rdo rje bsdu ba'i sngags kyis ni/ /cho ga bzhin du bsdu bar bya/ /thal ba de yang rus pa'i rdul/ /sngags kyis btab pa'i dri chu dang / /ba skyes 'o ma la sogs lngas/ /sbyong ba'i sngags kyis blo ldan gyis//'bum du bzlas pa rdzogs nas ni/ /ga pur dri yis bsgos pa yis/ /'jim pa dang ni bsres nas kyang / /gzugs su bya'am yang na ni/ /mchod rten gyi ni ltar byas la/ /gcig gam gnyis sam gsum mam lnga/ /yang na brgya rtsa brgyad du bya/ /sngags dang phyag rgyas btab nas kyang //'bum phrag gnyis kyi bar du bzlas/ /de nas mchod rten 'bar gyur tam/ /yang na gzugs kyi zhal 'dzum mam/ /dri dang bdug pa 'od kyang rung / /snang ngam yang na ngad ldang ngam/ /lha la sogs pa'i rnam pa ni/ /sna tshogs par ni snang gyur tam//rdzu 'phrul rnam par 'phrul ba dang / /me tog la sogs 'bar ba dang / /dung dang rnga la sogs pa'i sgra/ /dril bu pi wang la sogs rnams/ /ci ste mtshan ma de dag ni/ /sdig can blos ni mi mthong na/ /'bum gyi phrag ni brgyad stong ngam/ /ji srid mtshan ma byung bar du//de bzhin gshegs rnams mchod nas ni/ /mnyam par gzhag pas bzlas par bya/ /de yi mthar ni mkhas pas kyang / mtshan gcig mi nyal thog mar bzlas/ /de nas de yi sdig pa ni/ /dag pa nyid du nges par mthong / /zhes smos so/ /shi ba'i bar du med na cho ga bya ba'i thabs kyang /de yang rgyud las/ yang na med par gyur na yang / /bzlas shing bsgom pa'i tshul gyis ni/ /ming tsam legs par bris nas ni/ /mchod rten phreng bar bya ba dang / /yang na gzugs su byas kyang rung / /sbyin sreg mngon par dbang bskur ro//gdon mi za bar mtho ris skye/ /zhes 'byung bas/ rus pa med na yang bdag nyid lha'i rnal 'byor du bsgoms shing bzlas brjod bya ba dang / shi ba'i ming bris pa'am/ yang na gzugs brnyan gyi nang du ming rnams kyis bsngags te/ na maHsa man+ta bud+d+hA nA na/ i tsi pa ra Na ma no ma/zhes bya ba bris nas bcug la/ bum pa dang / sngags dang / phyag rgyas dbang bskur ba dang / sbyin sreg gi dkyil 'khor bya ba dang / thal ba las mchod rten mang po'am/ sku gzugs gdab pa la sogs pa gong du smos pa'i cho ga ltar byas nas/ sgrib pa rnams zad nas bde 'gro lha'i 'jig rten du skye bar 'gyur ro//de ltar mchod rten nam sku btab pa'i tsha tsha rnams lam gyi bzhi mdor mchod rten chen po byas te/ de'i nang du bcug la/ mchod pa dag gis mchod nas/ 'phags pa'i dge 'dun la mchod bstod gsol/ yon yang phul nas/ dge ba'i rtsa ba 'dis che ge mo bde 'gro mtho ris lha'i 'jig rten du skye bar gyur cig ces brjod la/ de bzhin du 'gyur ba'am/ yang na tsha tsha btab pa rnams rgya mtsho chen po'am chu klung du dor na gang dag rdul des reg pa thams cad mtho ris thob cing dge ba'i rtsa ba 'dis che ge mo ngan song las thar bar gyur cig ces brjod na de bzhin du 'gyur ro zhes gzhan las bshad do//gong du smos pa bzhin cho ga ma nus na thabs gzhan yang rgyud las/ thal ba yungs kar bye ma sogs/ /rang gi ming smos sngags btab nas/ bzlas pa byas te song nas kyang //rgya mtshor 'bab pa'i klung du dor/ /zhes 'byung bas/ thal ba'am yungs kar ram/ bye ma'am dri la shi ba'i ming dang / sarba bid la sogs pa'i ngan song sbyong ba'i sngags spel nas 'bum man chad bzlas shing btab ste chu klung chen por dor na ngan song las thar bar 'gyur ro/ / gong du smos pa lta bu'i ro'i cho ga byas pa rnams kyi yon tan yang / rgyud las de ltar na ni sdig can yang / /ngan song las ni thar bar 'gyur/ /dge ba'i chos ni bskyed pa dang / /byang chub sa bon bskyed pa'i bdag /sangs rgyas 'bras bu rgyu ldan pa/ /sbyin pa'i pha rol phyin par ldan/ / tshul khrims rgyu dang rab ldan pa/ /bzod pa brtson 'grus mnyam gzhag dang / /shes rab rnams kyi rgyu bsgoms pa'i/ /'jig rten bsod nams ldan ci smos/ /myur du de ni ngan song ni/ /bcom par 'gyur te the tshom med/ /ces 'byung ngo / /de yang rgyud las/ dge ba'i rtsa ba ma bskyed las//med par lta ba gang yin dang / /byang chub lam las rnam ldog pas/ /bstan la zhe sdang gnod byed cing / /sdig pa'i rang bzhin ma mthong la/ /pha dang ma la snying ring zhing / /byang chub sems la brten pa dang / /'dod chags bral ba bsad pa rnams/ /ci ste lha rnams med gyur tam//sangs rgyas dge 'dun chos de bzhin/ /sngags dang phyag rgya'i tshogs la sogs/ /shes rab thabs rnams med na ni/ /sdig can de dag mi thar zhes/ /bde gshegs rgyal ba nyid kyis gsungs/ /zhes smos mod kyi/ de lta bu'i mi dge ba'i mtshams med pa lnga byed pa'am/dam pa'i chos spong ba'am/ 'phags pa la skur pa 'debs pa yang rung ste/ las kyi sgrib pa rnams zad par 'gyur ro zhes lung gzhan dag las 'byung ngo / /ngan song sbyong ba'i rgyal po brtag pa yi/ /shi ba'i don du cho gar gsungs pa las//'gro ba'i don du bdag gis nyung zhig bsdus/ /'di yis nyam thag sdug bsngal nyung bar shog /ngan song thams cad sbyong ba'i thabs zhes bya ba sbyin sreg gi dkyil 'khor gyi cho ga /slob dpon skal bzang dga' bas mdzad pa rdzogs so// //rgya gar gyi mkhas pa chen po bla ma ni na shi dang /