CLOSE WINDOW

D2633
བོད་ཡིག

/ //rgya gar gyi mkhan po ka na ka warma dang / dge slong rin chen bzang pos bsgyur cing zhus te gtan la phab pa'o//[ ]@##/ /rgya gar skad du/ sarba durga ti pa ri sho d+ha na ma ra ho ma bid+hi karma kra ma/bod skad du/ ngan song thams cad yongs su sbyong ba'i shi ba'i sbyin sreg gi cho ga'i las kyi rim pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas/ ngan song thams cad yongs su sbyong ba gzi brjid kyi rgyal po la phyag 'tshal lo//gang zhig dam tshig la brtan par gnas shing / bla ma dang rje btsun la dbang tshul bzhin du thob pa/ gsang sngags kyi rgyud dang / cho ga'i bye brag la mkhas pa/ bdag dang gzhan gyi don bsgrub pa la brtson pa des/ byams pa dang snying rje'i sems kyis/ sems can gang dag shi ba'i dus byas te mi dge ba'i rnam par smin pas ngan song gsum gyi sdug bsngal myong bar 'gyur ba dang / nyam nga ba'i gnas nas 'don cing / mtho ris kyi bde ba la dgod par bya ba'i phyir/ ngan song rnam par sbyong ba'i brtag pa las byung ba'i shi ba'i cho ga bya bar 'os so//de nas rnal 'byor pa des/ bum pa tshul bzhin du byin gyis brlabs pa la/ sems can tshe 'das pa de'i ming dang sngags su spel zhing / 'bum phrag stong ngam/ brgya phrag stong du tshang ba'am/ bye ba'i tshad du bzlas na lha'i gnas su skye bar 'gyur ro//de ni sngon du bsnyen pa'i cho ga'o// //de nas sa'i cho ga bya ba ni/ sa sngon du sbyangs pa'i gnyug ma'am/ lha khang ngam/ mchod rten nam/ gang gi lhas sam/ chu 'gram mam/ skyed mos tshal lam/ der ni sa'i cho ga phye mi dgos so//de lta bu'i gnas ma rnyed na/ sa'i phyogs brtags par sa'i cho ga gzhung bzhin du byas la/ dkyil 'khor ngos gcig la khru drug pa gru bzhi 'phang du khru gang ba gcig byas pa'i dbus su/ me thab khor khor yug tu khru bzhi pa zlum po/ zabs su khru do pa gcig bya ste/mu ran 'phang dang zheng sor brgyad pa zlum por bskor/ lci bas skyang nul legs par byas/ sa dkar pos bsku zhing dris byugs/ de nas thig skud thogs pa zhig gis/ thab khung gi nang re mig dgu ru gdab/ de nas rdo rje ra ba'i sa bcad/ thab khung gi phyi rol du 'khor lo rtsibs bcu drug par gdab/de'i phyi rol du gru chad bya/ de'i phyi rol du snam bu gnyis bya/ de nas sgo byang nas tshon 'bras kha dog legs par bsgyur ba/ tshon phyogs dang mdun du snod gtsang ma dris bsgos pa bsogs la/ de mi dmigs pa las yi ge lnga las byung ba'i sa tshon bsams la/ye shes kyi tshon bkug la bstims la tshon phye sna lngas bri ba ni/ me thab kyi re mig gi dbus su 'khor lo rtsibs brgyad pa dgod/ shar du rdo rje lhor rin po che/ nub tu pad+ma byad du sna tshogs rdo rje rnams rim bzhin du dgod do/ /mu ran rdo rje rkyang pa rtse lnga bas bskor/de'i phyi rim gyi 'khor lo rtsibs bcu drug pa/ shar gyi rtsibs bzhi la/ rdo rje dang / lcags kyu dang / mda' dang / mgu bar ston pa rnams dgod/ lho'i 'khor lo rtsibs bzhi la/ nor bu rin po che dang / nyi ma'i dkyil 'khor dang / yid bzhin gyi nor bu'i rgyal mtshan dang /so'i phreng ba rnams dgod/ nub kyi 'khor lo rtsibs bzhi la/ rdo rje pad+ma dang / ral gri dang / 'khor lo dang / dung rnams dgod/ byang gi 'khor lo rtsibs bzhi la/ rdo rje kha bzhi pa dang / rdo rje go cha dang / rdo rje mche ba dang / rdo rje khu tshur bcings pa rnams dgod/de'i phyi rim gyi gru chad kyi shar lhor/ smin ma 'degs pa'i tshul dang / spos me/ lho nub tu rin po che'i phreng ba dang / me tog /nub byang du yid du 'ong ba'i glu dang mar me/ byang shar du gar byed pa'i mtshan nyid dang / byug spos rnam dgod do/ /de'i phyi rim gyi snam bu dang po la/shar du rdo rje gdengs pa dang zla ba/ shar lhor me thab/ lhor dbyug pa/ lho nub tu ral gri/ nub tu zhags pa dang / bum pa dang nyi ma/ nub byang du ba dan/ byang du be con/ byang shar du mdung rtse gsum pa rnams dgod do/ /de'i phyi rim gyi snam bu gnyis pa la/ming ngam/ brda 'am/ thig ler byas nas dgod pa ni/ shar gyi snam bu la/ pa ba sangs dang / mig dmar gnyis kyi bar du rim bzhin du/ smin drug snar ma/ mgo lag /nab so/ rgyal/ skag rnams dgod do/ /lho'i snam bu la rim bzhin du/ phur bu dang /nyi ma gnyis kyi bar du/ mchu/ gre/ dbo/ me bzhi/ nag pa/ sa ri/ sa ga rnams dgod do/ /nub kyi snam bu la rim bzhin du/ zla ba dang sgra gcan gnyis kyi bar du rim bzhin du/ lha mtshams/ snron/ snubs/ chu stod/ chu smad/ gro bzhin/ byi bzhin rnams dgod do/ /byang gi snam bu la/gza' lag dang / spen pa'i bar du/ rim bzhin du/ mon gru/ mon gre/ khrums stod/ khrums smad/ nam gru// tha skar/ bra nye rnams dgod do/ /de'i phyi rim gyi snam bu la/ sgo bzhi'i shar du lcags kyu/ lhor zhags pa/ nub tu lcags sgrog /byang du khu tshur bcangs pa rnams dgod do//gzhan yang dkyil 'khor gyi rgyan them skas bzhi'i phreng ba dang / lda ldi dang / do shal dang / phreng ba dang / dril bu dang / rnga ma dang / seng ge dang / ban glang la sogs pas brgyan par bri'o/ /de ltar sbyin sreg gi dkyil 'khor bris nas/ bum pa'am bya chus bkang ba/rin po che'am/ sa las byas pa'i bum pa/ rtsa ba mi gnag pa/ gsus pa che ba/ mgrin pa ring ba/ mchu 'phyad ba/ br-i ha sti dang / kaN+Da ka ri dang / ha sa dang / daN+Dot+pa la dang / shwe ta par dzi ta ste sman rnams dang / nas dang gro dang / til dang ma sha ste/'bru thams cad dang / byu ru dang / gser dang / dung dang / mu tig dang / pad+ma rA ga ste/ rin po che thams cad dang / mgul chings dang / bum pa'i kha rgyan la sogs pa gzhung dang mthun par byas la/ lnga yan chad dgod pa dang / lha bshos snod gtsang ma bkang ba brgyad dam/bcu drug snyed kyi bza' ba dang / bca' ba dang / btung ba sna tshogs dang / me tog dang / byug ba dang / bdug pa dang / mar me la sogs pa'i mchod pa rnams dang / me tog gi phreng ba rnams dang / rgyal mtshan dang / bla re dang / gdugs dang / ba dan dang /'phan la sogs pas brgyan pa dang / dkyil 'khor gyi mtha'am me tog gi sil ma bkram zhing ku shas bskor/ mchod yon gyi gtor ma rgyas pa cha gnyis kyang bsham mo/ /gzhan yang sbyin sreg gi yo byad mar khu dang / 'o ma dang / til dang / yungs kar dang / 'bras chan dang / 'bras yos dang / dUr ba dang / yam shing / shing 'o ma can dang / dri zhim pa las byas pa'i sor brgyad dam/ sor nyi shu rtsa bzhi'i bar dang / bud shing 'o ma can skam po zlum pa rnams dang / ga pur dang / gur kum la sogs pa'i dri zhim po dag gis bskus shing byugs pa rnams bsag go//de ltar mchod pa'i yo byad rnams bsog go/ /bdag nyid lha'i rnal 'byor du byas nas/ dkyil 'khor gyi yo byad rnams la/ las thams cad pa rdo rje gnod sbyin nas/ rdo rje rtse mo'i sngags kyis gdab/ sreg rdzas kun la ngan song spyod ba'i sngags brgya phrag du ma bzlas shing byin gyis brlabs/yang na rdzas rang rang gi sngags kyis byin gyis brlab/ de nas las thams cad pa'am/ 'phags pa mi g.yo bas bgegs bskrad cing mtshams bcad/ de nas bdag nyid lhar byas te dbang bskur ba dang / lus bsrung ba la sogs pa byas te/bdag nyid kyi thugs ka nas sngags brjod pas/ phyogs phyogs kyi bgegs rnams khro bo'i skur gyur pas bsrung bar bsam pa ni/ steng du rdo rje 'jigs byed kyis bsrung / shar du rdo rje gtsug tor dang / zhags pas bsrung / nub tu rdo rje ba dan gyis bsrung /lhor rdo rje rtse mos bsrung / byang du rdo rje nag pos bsrung / mtshams bzhir 'jigs byed spyan gyis bsrung / 'og rdo rje gnod sbyin gyis bsrung / steng paM las rdo rje ra ba bya/ badzra karmas rdo rje lnga pa'i ba bya/ phur bus snga nas gnas pa bskrad/ phyis 'od mi nus par byas te/phyogs bcur gdab/ de nas bdag nyid kyi snying gar sna tshogs rdo rje A las bsams la/ rdo rje bsdu bas 'phags pa rnams spyan drangs te/ phyag rgya bzhis bzhugs su gsol la/ yon chab la sogs pa mchod pa rnams tshul bzhin du dbul lo//de nas gtor ma rnams tshul bzhin du byin gyis brlabs nas/ dam tshig can rnams la gtor ma phul te/ ming 'di zhes bya ba'i sgrib pa byang zhing / bdag 'gro ba'i don brtson pa'i stong grogs mdzad du gsol zhes brjod do/ /'gro ba spyir gtor ma bsngos nas/ming 'di zhes bya ba'i lan chags byang zhing / bsod nams kyi tshogs su gyur cig ces brjod de gtang / de nas sngags mkhan gzhan zhig yod na/ bum pa la rigs lnga'i snying po dang / shi ba'i ming spel zhing cung zad bzlas la/ de nas ngan song sbyong ba'i sngags ci mang du bzlas brjod bya'o//gzhan med na bdag nyid kyis bum pa gcig la/ ngan song sbyong ba'i sngags ci nus kyis bzlas so/ /de nas bud shing la ngan song sbyong ba'i sngags kyis btab ste brtsig pa ni/ shing drang zhing dri dang ldan na legs/ dri med kyang shing drang zhing ring ba'i gdung /ka ba bzhi thab kyi zur bzhi ru btsugs pa'i steng du/ gnyis bzhag la sngas bya/ phyi ma de gnyis kyi steng du phyam them par dgod/ de nas steng du rtsibs brtsigs la/ steng khang sum rim byas la/ mchod rten gyi tshul du brtsigs/ phrag non dang / steng non ro bzhag la brtsig par bya'o// //de nas bdag nyid lha'i rnal 'byor du byas te/ shi ba'i lus la gnas pa dang / khog bsrungs la sogs pa'i bar du gcod pa'i bgegs bskrad pa ni/ rdo rje gsor zhing na mo badzra satwa kro d+ha a na lArka ma hA badzra kro d+ha/ dra ba dra ba/ bi dra ba bi dra ba/sarba a pA ya/ nA sha ya nA sha ya/ ha ra ha ra/ pra Na na hUM phaT/ ces brjod la bskrad do/ /de nas lcags kyu'i phyag rgya bcas la/ oM badzra aM ku sha che ge mo dzaH/ zhes brjod pas/ tshe 'das pa de gang na gnas kyang rung ste/ rang dbang med par lcags kyu can gyis bkug par bsam/oM badzra pA sha hUM gis ro la gshegs pa gzhug /oM badzra s+pho Ta baM gyis bsdams/ g+haN+Ti hoH/ sems ma 'khrugs par dga' bar bya/ de nas ro la ngan song sbyong ba'i sngags kyis btab la/ sngon du bzlas pa'i bum pa'i chus bkru/ bkrus pa dang kun gzhi'i las dang /nyon mongs pa'i bag chags gangs kyi rim pa bzhin du gnas pa dag par bsam/ de nas sngags bzlas shing dris byug /de nas sngags kyis btab pa'i ras dkar po kha tshar ma nyams pas dkri/ sngags kyis btab pa'i bdug pas bdug /me tog gi phreng bas kyang ro la gdags so//de ni ro la sngags gdags shing byin gyis brlab ste/ gur kum bzang pos bri ba ni/ oM bri ta bri ta sarba A ba ra Na ni hUM phaT/ lus kyi spyi bor gdags so/ /oM tra Ta tra Ta sarba A pa ra Na ni hUM phaT/ ngag ste mgrin pa'i lce rtsar gdags so/ /oM tshin+d+ha tshin+d+ha sarba A ba ra Na ni hUM phaT/yid de snying gar gdags te/ lus ngag yid gsum gyi mi dge ba bcu'i bag chags dag par dmigs so/ /da ni gnas bco brgyad du gdags te/ oM sho d+ha ni sho d+ha ni sarba a pA ya bi sho d+ha ni sarba karma A pa ra Na bi shud+d+he bi shud+d+he/ kun rig gi ste dbu la'o//oM sho d+ha ni sho d+ha ya sarba a pA ya bi sho d+ha ni s+tha hUM phaT/ ngan song sbyong ba'i ste mdzod spu la'o/ /oM sho d+ha ni sho d+ha ni sarba a pA ya sa twe b+h+ya hUM trAM/ rin chen tog gi ste rna ba g.yas pa la'o/ /oM sho d+ha ni sho d+ha ya sarba a pA ya bi sho d+ha ni hrIH/ shAkya thub pa'i ste rna ba g.yon pa la'o//oM sho d+ha ni sho d+ha ya sarba a pA ya traT a/ me tog che rgyas kyi ste mgo bo'i gtsug phud la'o/ /na mo b+ha ga ba te sarba durga ti pa ri sho d+ha na rA dzA ye/ ta thA ga tA ya ar+ha te/ samya k+saM bud+d+hA ya/ tad+ya thA/ oM sho d+ha ni sho d+ha ni sarba pA paM bi sho d+ha ni/ shud+d+he bi shud+d+he sarba karma A ba ra Na bi shod+ha ni swA hA/rtsa ba'i rig pa ste dpung pa g.yas pa la'o/ /oM sarba bti sarba A ba ra Na bi sho d+ha ni ha na hUM phaT/ dpung pa g.yon pa la'o/ /oM sarba bid hUM/ sna la'o/ /oM sarba bid phaT/ rked pa la'o/ /oM sarba bid a/ pus mo g.yas pa la'o/ /oM sarba bid tra tha/pus mo g.yon pa la'o/ /oM sarba bid oM/ bol gong g.yas pa la'o/ /oM sarba bid swA/ bol god g.yon pa la'o/ /oM sarba bid a/ long bu g.yas pa la'o/ /oM sarba bid hUM/ long bu g.yon pa la'o/ /oM sarba bid tra tha/ mig g.yas pa la'o/ oM shA/ mig g.yon pa la'o/ /oM b+ha/ gsang ba'i gnas te mdoms su gdags pa ste/ de bzhin yid kyis kyang sngags rnams dgod do/ /de dag gi 'od zer gyis sgrib pa rnams byang bar bsam mo/ /de nas sngags kyis btab pa'i dar la sogs pa'i gos kyis g.yogs nas/rgyan rnams kyis bklubs nas/ stan pad+ma 'dab ma brgyad dang bcas par bzhag ste/ kha nub tu bstan la gzhag go/ /sngags mkhan bdag nyid kha shar phyogs su bltas la las bya'o/ /de nas bzlas pa las kyi bum chus/ thab dang sreg rdzas la sogs pa thams cad rnam par bsangs te/shin tu gtsang ba'i rtswa ku sha'i khres la/ bkra shis kyi skyil mo krung gis 'dug ste/ chos thams cad stong pa nyid du bsgom mo/ /stong pa'i khyad par las yi ge a thung dur gyur te/ de'i dbus su hUM bsam/ de 'od du zhu ba las dam tshig gi phyag rgya rdo rje/rdo rje de'i lte ba yang hUM bsams te/ de las 'od 'phros pas/ sku gsung thugs kyi dbyings gang / thams cad bkug ste 'od du zhu ba las/ sgrub pa po bdag nyid lha'i rnal 'byor du sngags 'di brjod pas gyur par bsam mo/ /oM sho d+ha ni sho d+ha ni sarba pA paM bi sho d+ha ni shud+d+he bi shud+d+he/sarba karma A ba ra Na bi shud+d+he swA hA/ 'khor lo'i phyag rgya rdo rje'i khu tshur gnyis bcings te/ go rims kyis 'khor lo bskor ba'i tshul du dbye zhing sngags brjod pas/ bcom ldan 'das kun rig gi rgyal po sku mdog dung dang kun da ltar dkar ba zhal bzhi pa/phyag gnyis ting nge 'dzin du bsnol ba/ rgyan thams cad kyis brgyan pa cig bskyed de/ de nas rdo rje dbyings kyi dbang phyug ma'i phyag rgya ni/ mthe bong gnyis ni skyil mo krung / /mdzub mo gnyis ni rtse mo dgug /gung mo rtse mo mnyam pa ste/ /rdo rje dbyings kyi dbang mo'o//sngags ni oM badzra d+hA twI shwa ri hUM dza/ oM badzra Ni a d+hi tiSh+ThA ya/ zhes brjod cing snying ga dang lkog ma dang / smin mtshams dang spyi bor byin gyis brlab bo/ /de nas dbang bskur te rdo rje bcings pa la/ mthe bong gnyis rtse mo can du byas te/ de'i steng du mdzub mo gnyis phan tshun ngos sprad de/rin po che'i rtse mo 'dra bar byas pa ni/ rin po che'i phyag rgya ste/ snying po ni oM badzra rat+na zhes spyi bor rin po che'i dbang bskur ro/ /de nas rang gi lce la rdo rje rtse lnga pa chos kyi phyag rgya hUM las bskyed de/ de'i dbus su chos kyi phyag rgya sku bskyed pa'i snying po bsam mo//de nas rang gi snying gar las kyi phyag rgya rdzogs par byed pa/ sna tshogs rdo rje rgya gram yi ge a las bsams te/ de'i dbus su yang a bsam mo/ /de ltar bdag dam tshig sems dpa'i sku bskyed pa rdzogs par bskyed pa des/ rdo rje rab dang dra ba la sogs pas bsrung ba'i 'khor lo gsal bar byas te/las thams cad pa'i bum chus/ oM badzra yak+Sha hUM/ zhes bya bas rdzas thams cad bsangs te/ de nas dngul gyi snod du mchod yon gyi chu dri zhim po'i nang du/ zho dang / ku sha dang / 'bru sna tshogs blugs te g.yon du gzhag /mchod pa lnga g.yon du gzhag /rdo rje dril bu g.yon du gzhag /sreg rdzas dang yo byad la sogs pa g.yas su gzhag /mar bzhu ba dang dgang gzar blugs gzar mdun du gzhag /rdzas gzhag pa'i rim pa'o// //de nas mgrin pa'i bu gu las hrIHlas pad+ma 'dab ma brgyad pa bsam/mdun gyi pad+ma'i lce'i steng du a las zla ba'i steng du hUM bsams te/ de las rdo rje dkar po rtse lnga par gyur te/ de nyid lce la thim pas lce rdo rje dkar po rtse lnga par gyur par bsams te/ lce byin gyis brlabs so/ /de nas lag pa gnyis la a las zla ba re re bsam/ zla ba'i steng du hUM las rdo rje rtse lnga pa bskyed de/rdo rje lag pa la thim pas lag pa gnyis rdo rje rtse lnga par gyur par byin gyis brlab po/ /de nas rdo rje dril bu byin gyis brlab par bya ste/ lag pa g.yas g.yon steng du ni/ /rdo rje dril bu gzhag bya ste/ /mi dmigs pa las hUM dang a/ / hUM las rdo rje bskyed pa dang / /a las dril bu bsam pa'o/ /hUM las bskyed pa'i rdo rje ni/ /yar gyi rtse lnga rigs lngar bsam/ /mar gyi ra ni ye shes lnga/ /yar gyi 'dab brgyad sems dpa' brgyad/ /mar gyi 'dab brgyad sems ma brgyad/ /dbus kyi lte ba yi dam lha//phyi rol sgo bzhi khro bo bzhi/ /yi dam lha la bsrung bar bsam/ /de ltar bsgoms pa'i khro bo la/ /hUM gi dbyangs 'di blangs byas te/ /dkyil 'khor lha rnams mnyes par bya/ /hUM ye shes rdo rje gsor nas su/ /sems can byang chub la ni dgod/ /rnam par dag pa'i chos kyi don//rdo rje 'chang gis gzung bar bya'o/ /hUM hUM hUM ho ho ho/ de nas rang gi dril bu ni/ /nang gi nam mkha'i khams dag ni/ /stong pa nyid kyi ye shes yin/ /steng gi pad+ma 'dab brgyad la/ /phyogs bzhir sangs rgyas spyan sogs bzhi/ /phrin las bzhi yi rang bzhin yin//mtshams bzhi la ni skul byed dang / /lug rgyud khro gnyer rin chen sgron/ /lte ba shes rab pha rol phyin/ /kun bzang gzugs rdzogs 'od ldan bsam/ /rtse lnga rtsa ba'i 'dab brgyad la/ /sngon bzhin sgeg mo la sogs brgyad/ /rtse lnga nyid ni ye shes lnga/ / de lta bu yi dril bu la/ /sngags 'di dag ni brjod nas kyang / /spyi bor dkrol te dbang bskur ro/ /de nas phab la lan gsum dkrol/ /oM badzra ra Ni ta d+harma ra Na ti sam+p+ra ra Ni ta sarba bud+d+ha k+She tra bra tsa li ta pradz+nyA pA ra mi tA nA da swa b+hA be hUM hUM hUM ho ho ho swA hA/ shes rab chos kyi dril bu 'di//sangs rgyas thams cad blangs byas te/ /mi shes 'dam du bying ba yi/ /sems can sangs rgyas don du dkrol/ /de nas gsang ba'i thab khung mi dmigs pa las/ yi ge hUM/ lha'i chos kyi yi ge las thab khung sngar bskyed pa bzhin bskyed la/ de nas hrIHlas pad+ma 'dab ma brgyad pa bskyed la/de'i dbus kyi lte ba la yi ge raM 'bar ba las gyur pa'i gru gsum bskyed la/ gru gsum de'i shar la sogs pa'i zur las/ oM AHhUM gsum khams gsum gyi bdag por bsgoms pa las/ 'khor lo dang pad+ma dang / rdo rje rang gi yi ges mtshan pa bskyed la/de'i dbus su raM las byung ba'i me raM dang bcas pa mthong ste/ gong gi phyag mtshan gsum raM dang bcas pa 'od du zhu ba las me 'bar bar bsam zhing / dam tshig gi gsang sngags/ hUM badzra a na la ma hA b+hU ta dz+wa la ya b+ha smi ku ru sarba duSh+TAM hUM phaT/ ces brjod pas/ rdo rje mi ti'i gzugs su gyur te/de yang sku mdog dkar po zhal gcig phyag bzhi pa spyan gsum pa/ ral pa thor tshugs dang ldan pa/ g.yas pa na dbyug pa dang / mi 'jigs pa g.yon pa gnyis na phreng ba dang / gun+d+he 'dzin pa/ gos dang / rgyan dang / mchod phyir thogs pa dang /thor tshugs dkar po dang ldan pa/ lus kyi yan lag thams cad las/ me lce stong gis 'khrigs shing 'od 'bar bar bsams nas/ de ltar me lha dam tshig sems dpa' bskyed la/ de nas me lha de'i thugs kar khro bo rnam par rgyal ba yi ge hUM las bskyed/ de las ye shes kyi khro bo lcags kyu la sogs pas bstims nas/zhabs bsil la sogs pa dbul/ sgeg mo la sogs pas mchod/ de nas rdzas rnams rang rang gi sngags/ oM badzra kro d+ha trai lokya bi dza ya swA hA/ zhes pas dbul bstod/ phrin las bcol/ de nas me blangs te/rgyun bzhag gi me'am/ shing 'o ma can las byung ba'am/ bram ze tha mal pa'i me'am/ dka' thub la dga' ba'i khyim nas me blangs te/ las thams cad pa'i snod dang / mchod yon gyi snod gnyis dri zhim pos sbyar ba'i chus bkang la/ mchod yon la rang gi rigs kyi lha'i sngags lan bdun bzlas/las thams cad pa'i chu la/ rdo rje gnod sbyin dang / rdo rje rtse mo gnyis kyi sngags lan nyi shu rtsa gcig bzlas te/ gnyi ga g.yon du rdzas dgod pa'i dus su gzhag /mchod yon gyi nang du zho dang / ku sha dang / 'bru sna tshogs blugs so//de nas las thams cad pa'i me la bsang gtor bya'o/ /de nas phyi rol du sprul pa'i me la/ rdo rje gnod sbyin gyi phyag rgya dang / sngags bzlas shing gong nas 'byung ba'i me dang gcig tu byas la sngags de bzlas pa ku sha'i rtse mos blangs pas lan gsum bsangs la/ shing skam zhing gtsang ba'i rtswa dang bud shing bcug la/oM dz+wa la dz+wa la hUM/ zhes sngags bzlas shing / rlung yab kyis me sbar bar bya'o/ /de nas sngar bshad pa'i dam tshig gi me'i dbus su bsams la/ ye shes kyi me sngags dang phyag rgya 'dis spyan drang bar bya ste/ lag pa g.yas pa mi 'jigs par byas la/mthe bong rtse mo srin lag gi drung du btsugs la/ dgug pa'i tshul gyis yang dang yang du bskyed de/ mngon par 'dod pa'i sngags 'di bzlas shing spyan drang ngo / /oM e h+ye hi ma hA b+hU ta de ba r-i Shi dwi dza satwa ma gr-i hi a hUM ti ma hA raM a smin san+di hi to b+ha ba/oM b+ha ka ang ye swA hA/ de nas spyan drangs pa'i me la 'thor 'thung byas te/ rdo rje lcags kyu la sogs pas gzhug pa dang / bcing ba dang / dbang du byas te/ me lha'i nang du bstim par bya'o/ /de nas rdo rje thal mo kha phye ba dang / me lta rang gi sngags kyis gdan bstabs la/g.yas pa'i khu tshur gyi sor mo thams cad bkug la/ mthe bong mdzub mo rtse sbyar bas me tog blangs te/ zhabs bsil phul zhing / sor mo rnams brkyang ba ni zhabs bsil gyi phyag rgya ste/ oM pra ba ra sat+ka ra pra tIts+tsha swA hA/ zhes bya'o/ /de nas mchod yon dbul bar bya'o//i ma ar+g+ha ma ma ya ta taM kri ta na sid+d+him+me pra yats+tsha swA hA/ mchod yon lan gsum dbul bar bya'o/ /de nas lce la rdo rje dkar po rnam par bsams la/ oM dzra la dz+wa la hUM phaT/ ces bya bas me'i chos kyi phyag rgya dgod do/ /de nas snying gar a las byung ba'i sna tshogs rdo rje bsams la/gar las byung ba'i phyag rgya chen po nyid ni me'i las kyi phyag rgya'o/ /phyag rgya 'di yi ge hUM las snying ga'i zla ba rdo rje rnam par bsams te/ sngar bshad pa'i dbyig pa la sogs pa 'dzin pa'i tshul bdag nyid can phyag rgya chen po'o/ /de nas oM rat+na a b+hi Shany+tsi/zhes bya ba'i sngags kyis dbang bskur ro/ /'di'i phyag rgya ni rdo rje bsdams pa las mthe bong mnyam la bsgreng la/ mdzub mo rtse sbyar te rin po cher bya'o/ /de nas rdo rje 'di ni rdo rje che/ /sangs rgyas kun gyis byin gyis brlabs/ /dam tshig 'di las 'das na ni/ / rigs rnams myur du thal bar byed/ /oM ha na sa ma ya hUM phaT/ ces brjod la/ dam tshig la gzhag par bya'o/ /'di'i phyag rgya ni/ rdo rje sems ma brtan par byas la/ mdzub mo gnyis bkug ste/ gung mo dang sbyar/ mthe bong gnyis dang mthe chung gnyis gshibs te/ rdo rje rtse mor bya ba ni/ dam tshig 'dzin pa'i phyag rgya'o/ /de nas rdo rje bsdu bas brtan par byas la/ rdo rje bcings pa yang bsdam par bya zhes bya ba'i phyag rgya 'di dang / oM badzra ban+d+ha hUM/ zhes bya ba'i sngags dang bcas pas/ bdag gi mngon par 'dod pa'i bya ba 'di mdzod cig ces rang gi bsgo ba la nges par sbyar bar bya'o//de nas mchod yon phul la/ las dang rjes su mthun pa'i dri la sogs pa'i mchod pa rnam pa lnga dang / sgeg mo la sogs pa'i las kyi phyag rgya bcas la/ oM badzra satwa su saM gra ha la sogs pa'i mchod pa brgyad kyis mchod do//de nas me lha de'i lce dang / dgang gzar dang blugs gzar gyi kha la raM rnam par bkod do/ /pus mo gnyis kyi bar du lag pa bzhag nas/ dang po blugs gzar gyis mar gyi dgang blugs gsum zhi ba la zhal cung zad gdangs par dbul bar bya'o/ /sngags ni oM ag+na ye ha bya ka bya ba ha na yA di pyA di bya ba ha na ye swA hA/zhes pas dbul lo/ /de nas bgegs med pa dang / bgegs dang bcas pa'i mtshan ma ni gzhan las shes par bya'o/ /gal te bgegs yod na bsang gtor bya zhing / rdo rje gnod sbyin gyi sngags dang phyag rgyas me rnams sbyangs te/de nyid kyis mar gyi sreg blugs gsum mam/ bdun dbul bar bya'o/ /de nas mar gyi dgang blugs gsum mam/ bdun rang gi sngags/ oM ag+na ye che ge mo shAn+tiM ku ru swA hA/ zhes dbul/ de nas yam shing dbul te/ oM badzrA ya swA hA/ yam shing gi'o//oM ag+na ye swA hA/ mar gyi'o/ /oM badzra sarba pA baM da ha na badzra che ge mo swA hA/ til dang yungs kar gyi'o/ /oM sarba saM pa de swA hA/ zho dang 'bras chan gyi'o/ /oM badzra puSh+Ta ye swA hA/ 'bras ma grugs pa'o/ /oM sarba saM pa de swA hA/ zas mchog gi'o/ / oM a pra ti ha ta badzra swA hA/ ku sha'i'o/ /oM badzra A mu She swA hA/ dUr ba'i myu gu'i'o/ /oM ma hA be ga ye swA hA/ nas kyi'o/ /oM ag+na ye che ge mo shAn+tiM ku ru swA hA/ ma du ba'i'o/ /oM badzra g+hasma ri ye swA hA/ gro'i'o/ /oM badzra bi dza ye swA hA/ nas so ba'i'o//oM ma hA ba lA ya swA hA/ sran ma sha'i'o/ /oM ma hA shrI ba he swA hA/ bil ba dang / star kha dang / dzA ti pha la'i'o/ /sngags kyi mjug la/ shAn+tiM ku ru ye swA hA/ zhes brjod de/ 'di ni rdzas dbul ba'i rim pa'o/ /dbul ba'i gnas dang / dgongs pa ni man ngag las shes par bya'o//me'i dbang du byas pa'o/ /de nas rdo rje 'khor lo'i sngags dang phyag rgyas me 'bar ba de nyid kyi thugs ka'i rA lto ba'i nang du rin po che'i gzhal yas khang re mig dgu lte ba dang bcas pa'i 'khor lo rtsibs bcu drug dang / gru cha dang / khyams dang /sgo khyud dang / rta babs dang / them skas la sogs pas brgyan par bsams la/ me'i thugs ka'i dkyil 'khor gyi zla ba dang / pad+ma'i steng du lha rnams re re'i sa bon gyi yi ge yongs su gyur pa'i mtshan ma la sogs pa dang ldan par kun rig rnam par snang mdzad la sogs pa ste/bar 'dir sgo dbye/ bdag gi snying gar sna tshogs rdo rje bsams pa las/ rdo rje bsdu ba'i snying po/ oM badzra sa mA dzaH/ zhes brjod cing / rdo rje khu tshur gnyis bsnol te dpung mgor bzhag la/ mdzub mo gnyis lcags kyu ltar byas la/ gung mo dang mthe bong gnyis gtogs shing /de bzhin gshegs pa 'khor dang bcas pa rang rang gi gnas nas bskul te/ ji ltar bsams pa'i gnas kyi khor yug tu bzhugs par bsam/ rdo rje gnod sbyin gyis rang bzhin gyi phyi nas 'brang ba'i bgegs bskrad par bya'o/ /de nas shar phyogs kyi sgor lcags kyu can gyi phyag rgya bcings la/phyag rgya de nyid shar phyogs kyi sgor lcags kyur gyur par bsams la/ oM badzra aM ku sha dzaH/ zhes brjod pas/ lcags kyus bkug pa'i tshul gyis de bzhin gshegs pa rnams so so'i sgo drung du byon par bsam mo/ /lho phyogs kyi sgor zhags par gyur par bsams la/oM badzra pA sha hUM/ zhes brjod pas/ zhags pas drangs pa'i tshul gyis de bzhin gshegs pa rnams so so'i nang du zhugs par bsam mo/ /phyag rgya de nyid bkrol nas/ nub phyogs kyi sgor lcags sgrog gi phyag rgya bcings la/ phyag rgya de nyid nub phyogs kyi sgor lcags sgrog tu gyur par bsams la/oM badzra s+pho Ta baM/ zhes brjod cing lcags sgrog bsdams pa'i tshul gyis bdag ji srid 'dod par de bzhin gshegs pa rnams dbyer med par bzhugs par bsam/ phyag rgya de nyid bkrol nas byang phyogs kyi sgor rdo rje 'bebs pa'i las kyi phyag rgya bcings te/phyag rgya de nyid byang phyogs kyi sgor dril bur gyur par bsams la/ oM badzra A be sha ya hoH/ zhes brjod cing / dril bu bskyod pa'i tshul gyis de bzhin gshegs pa rnams mnyes par bsams te/ phyag rgya de nyid dgrol lo/ /de dag gi sku mdog dang phyag mtshan dang /bzhugs tshul la sogs pa so so'i lta bas yun ring du blta zhing bsam mo/ /thugs rjes bskul lo thugs mnga' ba'i/ /rgyal ba kun gyis byin gyis rlobs/ /dam tshig phyag rgya thams cad ni/ /bsdams pa rdo rje las byung ba'i/ / phyag rgya 'di ni kun rig gi'o/ /sa ma ya s+t+waM/ thal mo sbyar/ oM sho d+ha ni sho d+ha ni sarba pA paM bi sho d+ha ni/ shud+d+he bi shud+d+he/ sarba karma A bar Na bi shud+d+he swA hA/ dzaHhUM baM hoH/ zhes kun la sbyar ro/ /rdo rje bsdams pas gung gnyis bsgreng / /mthe bod mthe chud gnyis bkyed brkyang / mdzub gnyis pad+ma ltar bkug pa/ ngan song rnam par sbyong ba'i'o/ /oM sho d+ha ni sho d+ha ya sarba a bA ya hUM/ de las mdzub srin rin chen bya/ /rin chen tog gi phyag rgya'o/ /oM sho d+ha ni sho d+ha ya sarba a pA ya sarba satwa b+h+ya hUM trAM/ mthe bong mthe chung so sor mnyam/ /lhag ma brkyang ba shAkya thub//oM sho d+ha ni sho d+ha ya bi sho d+ha ni hrIH/ de nas lag g.yon bsgyur byas la/ /mi 'jigs sbyin par byas pa ni/ /me tog cher rgyas phyag rgya'o/ /oM sho d+ha ni sho d+ha ya sarba a pA ya tra tha aH/ bcings las mdzub gnyis mig tu bya/ /mthe'u chung srin lag nang du bsnol//gung mo mnyam par bsgreng ba ni/ /sangs rgyas spyan gyi yin par gsungs/ /oM sho d+ha ni hUM/ thal sbyar gung mo gnyis bsgreng nas/ /mdzub gnyis ngos la sbyar byas nas/ /rtse gsum tshul du byas pa ni/ /mA ma kI yi phyag rgya'o/ /oM sho d+ha ni trAM/ lag pa thal mo sbyar ba las/ /gung mo pad+mar byas pa ni/ /gos dkar mo yi phyag rgya'o/ /oM sho d+ha ni hrIH/ thal sbyar gung mo gnyis bsgreng la/ mdzub gnyis rgyab sbyar dkris byas te/ /mthe bong gung sbyar ut+pa la/ /'di ni sgrol ma'i phyag rgya'o/ /oM sho d+ha ni aH/ phyag rgya rdo rje bsdams pa las//mdzub gnyis rdo rjer brkyang pa ni/ /rdo rje sems dpa'i phyag rgya'o/ /oM sarba bid badzra satwa hUM/ de las mdzub mo g.yas bkug pa/ /rdo rje rgyal po'i phyag rgya'o/ /oM sarba bid badzra rA dza dza/ drang bor bcas pa chags pa'o/ /sarba bid badzra rA ga ho/ / de las mdzub gnyis slar bkug ste/ /se gol gtogs pa legs pa'o/ /sarba bid badzra swA d+hu d+hu/ de las bar ma tshigs bcag pa/ /rdo rje rin chen yin pa'o/ /sarba bid traM/ de las sor mo 'od zer ltar/ /bkyed pa rdo rje gzi brjid do/ /sarba bid raM/ de las spyi bor bzhag pa ni//rdo rje rgyal mtshan phyag rgya'o/ /sarba bid+hi/ de las phab nas kha ru ni/ /bzhag pa rdo rje bzhad pa'o/ /sarba bid hA/ bcings las mdzub gnyis pa de ltar bya/ /rdo rje chos kyi phyag rgya'o/ /sarba bid hrIH/ mdzub gnyis dang po tshigs bcag pa/ /phyag rgya 'di ni rnon po'i'o//sarba bid d+hI/ mdzub gnyis gdu bu ltar byas pa/ /rdo rje 'khor lo'i phyag rgya'o/ /sarba bid kruM// de las mdzub gnyis pad+ma yi/ /'dab gnyis byas pa pad+ma'i'o/ /sarba bid b+hA/ de las mdzub gnyis dgye byas pa/ /las kyi rdo rje phyag rgya'o/ /sarba bid kaM /de las mdzub gnyis rab bkye ste/ /mgrin par 'khyud pa bsrung ba'i'o/ /sarba bid raM/ de las rtse mo slar bkug ste/ /mche ba ltar byas gnod sbyin no/ /sarba bid k+ShaM/ /de nas mdzub gnyis nang bsdus te/ /rab tu bsdams pas khu tshur ro/ /sarba bid saM/ rdo rje bsdams pa dam byas te/ /mthe bong gnyis gshibs lA s+ye'o/ /oM sarba bid ma hA badzrod b+hA ba dA na pA ra mi tA pU dza hUM/ de nas kha nas mdun du ni/ /lag pa brkyang ba mA le'o/ /oM sarba bid ma hA badzrod b+hA ba shI la pA ra mi tA pU dza traM/ thal mo sbyar ba mA le nas/ /phar drangs pa ni kI rti'o//oM sarba bid ma hA badzrod b+hA wa k+ShAn ti pA ra mi tA pU dza hrIH/ gar las rdo rje thal mo ni/ /spyi bor bzhag pa na rti'o/ /oM sarba bid ma hA badzrod b+hA ba bI r+ya pA ra mi tA pU dza aH/ bsdams pa thur blugs bdug pa'o/ /oM sarba bti sarba a pA ya bi sho d+ha na d+ha ma d+ha ma d+hu pa ya d+h+ya na pA ra mi tA pU dza hUM/thams cad du 'thor me tog go/ /oM sarba bti sarba a pA ya puSh+pa bi lo ki ni pradz+nyA na pA ra mi tA pU dza traM/ mtheb mnyam mdun 'dzin mar me'o/ /oM sarba bti sarba a pA ya dz+nyA na a ba lo ka ka ri pra ni d+hi pA ra mi tA pU dza hrIH/ rdo rje bsdams pa brkyang byug dri'o//oM sarba bti sarba a pA ya gan+d+ha u pa ya pA ra mi tA pU dza A/ mdzub gnyis bkug pa lcags kyu'o/ /oM sarba bti sarba na ra ka Ak+Sha Ni hUM phaT/ mdzub rtse sprad pa zhags pa'o/ /oM sarba bti sarba na da ka u da ra Ni hUM phaT/ mdzub gnyis 'khyud pa lcags sgrog go/ / oM sarba bti sarba na ra ka ban+d+ha mo tsa ni hUM phaT/ rab tu bkod pa'i dril bu'o/ /oM sarba bti sarba na ra ka g+haN+Te bi sho d+ha ni hUM phaT/ de nas las kyi phyag rgya rnams/ /mdor bsdus rab tu bshad par bya/ /g.yon pa lte bar brkyang ba la/ /g.yas pa rdo rje'i tshul du ni/ /kun rig snang mdzad phyag rgya'o//ngan song sbyong la sogs pa bzhi/ /sa gnon mchod sbyin ting nge 'dzin/ /mi 'dzin sbyin sogs go rims bzhin/ /'gying bcas rdo rje dril 'dzin pa/ /lcags kyu g.yas kyis 'dzin pa yin/ /mda' 'phangs tshul dang se gol dang / /mdzub bsgreng dpral bar 'dzin rin chen//khu tshur gshibs pa nyi ma'i'o/ /khu tshur g.yon mdog g.yas gru gzugs/ /kha yi phyogs bzhag bzhad pa'o/ /g.yas kyis g.yon dbye chos kyi yin/ /ral gri gnyis dpung 'dzin rnon po/ /khu tshur snying gar gshibs khyod 'khor/ kha thad nas drangs smra ba'i rgya/ /khu tshur gnyis ni gar byas te/ /'gram pa g.yas g.yon gzhag par bya/ /de nas yang bskor spyi bor bzhag /spyi bor bskor ba las kyi'o/ /khu tshur go cha'i tshul phyag rgya/ /de nas mthe chung mche gnod sbyin/ /khu tshur gnyis nas khu tshur rgya'o//de las dku gnyis g.yas g.yon du/ /bzhag nas 'gying ba lA s+ye'o/ /phreng ba 'dzin pa mA le'o/ /kha nas ba byung tshul gIrti'o/ /gar du byas pa ni rti'o/ /de las khu tshur thur du ni/ /blugs pa ltar byas bdug pa'o/ /gyen du 'thor ba me tog go//mdun du gshibs pa mar me'o/ /khu tshur rtse sprad brang la ni/ /byug pa de ni gan+d+he'o/ /mthe'u chung mdzub gnyis so so ru/ /'khyud par byas pa lcags kyu'o/ /de las mdzub gnyis rtse sprad pa/ /gdu bur byas pa zhags pa'o/ /de nas gung mdzub mtheb rtse sprad//lu gu rgyud ltar byas pa las/ /lhag ma bsdus pa lcags sgrog go/ /de nas mdzub gnyis 'khyud pa las/ /khu tshur mnan bskyod dril bu'o/ /lce la pad+ma'i zla dkyil du/ /gong du bstan pa'i sngags de dag /bkod nas zla ba bya ba de/ /chos kyi phyag rgyar rab bstan pa'o//ji ltar bstan pa'i bsgoms pa dang / /phyag rgya phyag mtshan 'dzin pa dang / /thugs kar rdo rje bsgom pa ni/ /sangs rgyas byang chub sems dpa' yis/ /phyag rgya chen por bstan pa'o/ /'jig rten pa yi phyag rgya ni/ /mthe bong mthe'u chung rtse sprad de/ / lhag ma gsum ni rdo rjer bya/ /de ni brgya byin phyag rgya'o/ /g.yas pa be con ltar byas pa/ /g.yon pa mgo thog bcer byas la/ /gshin rje 'khor bcas phyag rgya'o/ /g.yas pa zhags pa 'dzin byas te/ /g.yon pa sbrul gyi gdengs kar byas/ /chu lha 'khor bcas phyag rgya'o//g.yas pa snye ma 'dzin pa dang / /g.yon pa mdzub mo bkug pa ni/ /gnod sbyin 'khor bcas phyag rgya'o/ /g.yas thal brkyang sbyar mthe bong bkug /smrang 'don lta bur byas pa dang / /g.yon pa gun+d+he 'dzin pa ni/ /me lha 'khor bcas phyag rgya'o/ / g.yas pa ral gri 'dzin pa dang / /gung mo srin lag mthil bkug pa/ /bden bral srin po'i phyag rgya'o/ /g.yas pa ba dan tshul byas nas/ /g.yon pa btsir ba'i tshul byas ni/ /rlung lha 'khor bcas phyag rgya'o/ /g.yas pa phreng ba 'dzin pa dang / /g.yon pa zhags mig ltar byas pa//dbang ldan 'khor bcas phyag rgya'o/ /thal mo mnyam par sbyar ba ni/ /pa ba sangs dang mig dmar ro/ /kha thad mdzub bsgreng phur bu'o/ /lag g.yas thal bgrad nyi ma la'o/ /zla ba g.yon pa bgrad pa'o/ /glang sna chu srin 'dra sgra gcan/ /se gol gtogs pa gza' lag ste//sben pa g.yon pa 'dzin ltar bya/ /lag pa gnyis kyi mkhrig ma bsnol/ /bkan te g.yas pa'i steng byung nas/ /sor mo bsdu zhing bsnol ba ste/ /rgyu skar spyi yi phyag rgya'o/ /de ltar dkyil 'khor lha rnams phyag rgyas btab nas/ de nas zhabs bsil gyi snod blangs la//yid kyis zhabs bsil dbul bar bya'o/ /sngags oM pra ba ra sat+ka ra pra tIts+tsha swA hA/ de nas mchod yon lag tu dbul lo/ /i ma ar+g+haM sa ma ya s+t+waM/ tri lan sid+d+him+me pra yats+tsha swA hA/ mchod yon phyag tu dbul bar bya'o/ /rdo rje dbyings kyi dbang phyug ma la sogs pas dbang bskur ro//mchod pa bya ste/ shin tu dri zhim pa'i me tog dang / oM badzra puSh+pe zhes bya ba dang / snying po dkar po'i bdug spos dang / oM badzra d+hU pe/ zhes bya ba dang / ba'i mar gyi mar me dang / oM badzra di pe A lo ke / zhes bya ba dang / ga pur dang / tsan+dan gyi dri zhim po dkar po dang / oM badzra gan+d+he/ zhes bya ba dang / kha zas dkar gsum mngon par bsngags la/ oM a kA ro mu khaM sarba d+harmA NAM Ad+ya nut+pan+natwAta/ ces bya bas dbul te/ de dag dang pos bsangs te/ so so las kyi phyag rgya dang bcas pas gtugs la byin gyis brlab par bya'o//de nas yang dbul ba la sogs pa'i mchod pa bya ba'i phyag rgya bzhi'o/ /de nas bdug pa la sogs pa'i las kyi phyag rgya bcings te/ snying po brjod cing mchod pa ni/ rdo rje khu tshur gnyis ka thur du bstan te bkrol la dbul/ badzra d+hU pe/ rdo rje khu tshur gnyis me tog 'thor ba'i tshul du gyen du bstan te bkrol la/ badzra puSh+pe/ zhes bya bas dbul/ rdo rje khu tshur gnyis mar me'i lce ltar gyen du bzung la/ badzra A lo ke/ zhes bya bas dbul/ rdo rje khu tshur gnyis byug sbos byug pa'i tshul du rang gi lus la bcar te brkyang la/badzra gan+d+he/ zhes dbul lo/ /de nas yang gsang ba'i mchod pas mchod par byas te/ las kyi phyag rgya bcing ba ni/ rdo rje khu tshur mkhal ltag gnyis su bzhag ste/ lA s+ye'i snying po'i don sems la bsam zhing sems dang par gyur pas glo g.yon par mgo bo btud pa ni rdo rje mdzes ma'o//sngags oM badzra satwa su saM gra ha da/ rdo rje khu tshur gnyis rang gi mgo la phreng ba bcing ba'i tshul du byas pa ni phreng ba ma'i'o/ /sngags oM badzra rat+na ma nut+ta raM/ rdo rje khu tshur gnyis kha nas tshig 'byin pa ltar byas pa ni dbyangs mkhan ma'i'o//sngags oM badzra d+harma ga ya ne/ rdo rje khu tshur g.yon pa mdun du bkan te bzhag la/ de'i steng du khu tshur g.yas pa kha sbub ste bzhag nas/ ldem bag can du lag pa gnyis phan tshun dkri zhing / g.yon pa'i mdzub mo la sogs pa dgrol ba'i tshul du byas te/de bzhin du g.yas pa khu tshur la sogs dgrol ba'i tshul du byas pa ni/ gar mkhan ma'i'o/ /sngags oM badzra karma ka rod b+hA ba/ da ni mchod pa nyi shus mchod par bya ste/ 'di ni mchod pa nyi shus de bzhin gshegs pa thams cad la kun du mchod nas/ ye shes sems dpa'i thugs ka'i mtshan ma'i dbus su rang gi chos kyi phyag rgya dkyil 'khor gyi lha thams cad kyi ngo bo nyid du bsams te/ yang mchod yon phul la/ 'thor 'thung snga ma bzhin du sbyin sreg gi yo byad thams cad bsang gtor byas la/ dgang gzar dang blugs gzar lag tu blangs la/byin za brtag ste/ mar gyis bkang ste sbar zhing / ji snyed pa thams cad me'i zhal du bstabs par bya'o/ /de nas gtso bo la me lha nyid dbul bar bya'o/ /de nas rgyal ba lnga dang / sems dpa' bcu drug po rnams la brgya rtsa brgyad dbul/lhag ma rnams la nyi shu rtsa gcig dbul lo/ /rdzas rnams ni gong du rgyas par smos par zad do/ /de nas gong du smos pa'i rdo rje dril bu rnam pa gnyis pad+ma'i lag skor lnga byas te/ sangs rgyas thams cad la bstod par bya'o/ /chos nyid ye shes skyon bral ba'i/ /rnam par snang mdzad bcom ldan 'das//ting nge 'dzin ldan phyag rgya can/ /phyag 'tshal rdo rje kun rig la'o/ /me long ye shes rang bzhin las/ /sems can ma lus thams cad kyi/ /ngan song thams cad sbyong mdzad pa/ /phyag 'tshal sbyong ba'i rgyal po la/ /mnyam nyid ye shes yon tan bdag /yid bzhin nor bu rin chen gyis/ /bsam pa thams cad skong mdzad pa/ /rgyal mchog rin chen khyod phyag 'tshal/ /so sor kun rtog gsung gi bdag /gsung rab pad+ma'i kha rgyas pa/ /khams gsum dbugs 'byin mdzad pa po/ /shAkya'i rigs dbang khyod phyag 'tshal//nan tan ye shes phrin las bdag /sna tshogs sems can sdug bsngal kun/ /ma lus sems ni zhi mdzad pa/ /me tog cher rgyas khyod phyag 'tshal/ /grwa yi phyogs ni kun du yang / /rigs kyi yum gyi sku bstan pa/ /lo tsa na dang mA ma kI/ /dkar mo sgrol ma khyod phyag 'tshal//rdo rje sems dpa' sems dpa' che/ /zhes bya ba nas/ phyag 'tshal rdo rje khu tshur la'o/ /zhes bya ba'i bar du'o/ /sgeg mo phreng dang dbyangs dang gar/ /spos ma me tog mar me dang / /dri chab la sogs lha mo brgyad/ /phyi nang lha mo phyag 'tshal lo//de yi phyi rim gnas pa yi/ /'jig rten skyong ba brgyad po la/ /'khor dang bcas pa gnas pa ni/ /mche ba drug pa mdog dkar ba'i/ /glang chen de ni brgya byin gdan/ /rol pas 'dug par gur kum 'dra/ /mtshan ma sha rtsi u pa sI/ /'khor dang bcas te phyag 'tshal bstod//lho phyogs gshin rje'i rgyal po ni/ /ma he'i gdan can g.yon dkur brten/ /mchan na nag mo 'chi bdag mo/ /be con g.yon 'dzin phyag 'tshal bstod/ /nub phyogs ngos kyi chu lha ni/ /lus mdog dkar zhing 'tsher ba la/ /sbrul gyis lus brgyan chu srin gdan//zhags pa rin chen bsnams phyag 'tshal/ /byang phyogs gnod sbyin rgyal po ni/ /gser gyi mdog 'dra rin chen dang / /g.yon pa snye ma rta yi gdan/ /mchan na chung ma bsnams phyag 'tshal/ /me gzugs kha dog drug 'dra ba'i//dkyil na na chung gnas pa yi/ /lus dmar po la ra skyes gdan/ /gun+d+he dbyug 'dzin phyag 'tshal bstod/ /lho nub mtshams kyi bden bral ni/ /yi dags gdan can dmar nag mdog /me bur ba ni g.yon na 'dzin/ /g.yas pa ral gri 'dzin phyag 'tshal/ / nub byang rlung lha'i rgyal po ni/ /nam mkha'i mdog can sha ba'i gdan/ /ba dan gyen du bsgreng ba 'dzin/ /g.yon pa rlung sgye'u thogs phyag 'tshal/ /byang shar 'byung po'i rgyal po ni/ /thal ba'i mdog 'dra rta yi gdan/ /g.yas nyid rtse gsum a 'bra dang / /g.yon nyid gun+d+he rag sha phreng //bgegs gdon rnams la dbang sgyur zhing / /'khor dang bcas la phyag 'tshal bstod/ /de yi phyi rim phyogs bzhi na/ /bar na gza' rnams brgyad gnas pa/ /pa ba sangs dang mig dmar gnyis/ /shar na gnas shing 'khor rnams skyong / /smin drug snar ma mgo dang lag /nab so rgyal skag sogs phyag 'tshal/ /phur bu dang ni nyi ma gnyis/ /lho na gnas shing 'khor skyong ba/ /mchu dang gre dang dbo dang ni/ /me bzhi nag pa sa ri dang / /sa ga la sogs phyag 'tshal bstod/ /zla ba sgra gcan nub phyogs na/ / gnas shing rang gi 'khor skyong ba/ /lha mtshams dang ni snron dang snubs/ /chu stod dang ni chu smad dang / /byi bzhin dang ni gro bzhin dang / /nub phyogs gza' skar phyag 'tshal bstod/ /gza' lag spen pa byang phyogs na/ /gnas shing rang gi 'khor skyong ba/ /mon gru dang ni mon gre dang //khrums stod khrums smad nam gru dang / /tha skar dang ni bra nye ste/ /gza' skar tshogs la phyag 'tshal bstod/ /sgo yi dbus su gnas pa gang / /lcags kyu zhags pa lcags sgrog dril/ /dad sogs bsgoms pa las skyes pa'i/ /sgo srung rnams la phyag 'tshal bstod//ces bstod de/ gang 'dod pa'i dngos grub rnams gsol ba gdab pa'o// //bzod par gsol zhing gshegs te/ yi ge brgya pa nus tshad du brjod nas/ /'di skad brjod do/ /cho ga nyams pa gang bgyis pa/ /mgon po bdag la bzod par gsol/ / mi shes pa dang ma 'byor bas/ /gang phyir lus can skyabs gyur pa/ /cho ga dman pa bzod par gsol/ /de nas yang ye shes sems dpa' gshegs su gsol/ oM khyod kyis sems can don kun mdzad/ /dngos grub stsal nas gshegs su gsol/ /sangs rgyas yul du gshegs nas ni//slar yang 'byon par mdzad du gsol/ /zhes bya ba dang / rdo rje sems ma'i dam tshig gi phyag rgya bcings nas/ sngags 'di brjod cing gshegs su gsol bar bya'o/ /oM muHzhes bya ba dang / sngags 'dis kyang gshegs su gsol bar bya ste/oM kri to b+ha ba ar+tha satwa ta sid+d+hi ma me dad de yats+tsha nu/ nu na ga ma na yaM tu/ zhes brjod do/ /de nas de'i shar lho mtshams nas/ thab nang gi lus la bcug pa phyir spyan drangs te/ me lha la mchod yon la sogs pa phul te/ yo byad kyi lhag ma rnams kyis lan gsum gsum du sbyin sreg byas la/de'i tha mar yon bdag g.yon du bzhag la/ bsgrub pa'i dngos grub cing 'dod pa gsol ba gdab bo/ /oM ag+na ye ya hi ya hi swa staM tsi pa ra thaM/ sid+d+hi tham ga gats+tsha ha b+hu b+hu ga ta/ zhes brjod cing spyan drangs pa'i phyag rgya las mthe bong slar bkyed cing 'bar ba'i me gshegs su gsol lo//rje btsun gyi yi ge brgya ba lan gsum brjod do/ /de ltar yi ge brgya pas bshags nas/ yang me thab dang yo byad rnams bsangs nas/ de nas bdag dam tshig sems dpar bsgoms pa'i thugs kar hUM bsams pa las/ bdag nyid khro bo phyag na rdo rje hUM zhes bya bar gyur te/bzhin dang cha lugs khro bo'i tshul du bsam/ mdun gyi me thab tu yang yi ge hUM las rdo rje sems dpar gyur nas/ rdo rje sems dpa'i thugs ka nas/ oM badzra satwa kro d+ha a na lArka ma hA badzra kro d+ha/ dra ba dra ba/ bi dra ba /bi dra ba/ sarba a pa/ nA sha ya nA sha ya ha ra ha ra/ prA NAn hUM/ zhes brjod pas/ khro bo khams gsum rnam par rgyal ba'i skur gyur te/ sku mdog sngon po zhal bgrad cing mche ba gtsigs pa/ phyag na rdo rje dang / pad+ma dang / ral gri la sogs pa mtshon cha grangs med pa bsnams pa/sbrul gyis brgyan pa/ stag lpags kyis smad brgyan pa/ 'khor khro bo mang pos bskor/ rig lngas dbu brgyan pa/ zhabs pad+ma lta bus ro mnan cing thabs mkhas pa'i thugs rjes sdig pa sbyong bar bsams te/ mchod yon dang / zhabs bsil la sogs pa phul la/dang por khro bo'i sngags kyis mar dang yam shing phul la/ de nas rdzas rnams gcig tu bsres la/ bdud rtsi 'khyil pa'i sngags btab pa la/ lag pa g.yon pa khu tshur bcangs la/ mdzub mo bsgreng ste/ brang la dpung pa dam du bcum la/ lag pa g.yas sbyin sreg bya ste/sngags gong du smos pa dang / brgya rtsa brgyad kyi bar du sbyin sreg bya'o/ /bar bar du ming 'di zhes bya ba'i nyon mongs pa dang / sgrib pa thams cad pA paM da ha na badzrA ya swA hA/ zhes brjod cing til bsreg go/ /de nas khro bo gshegs su gsol lo/ / bdag nyid phyag rgya dgrol zhing / lus bsrung ba la sogs pa bya'o/ /de ltar bsregs nas thal bar gyur pa dang / rdo rje bsdu ba'i sngags sam ha ri zhes brjod cing / rus pa dang thal ba rnams bsdus nas/ snod gtsang mar bcug ste/ mchod rten gdab pa'i phyogs su gzhag go//de nas ga pur la sogs pa'i chu dang / ba'i mar dang / zho dang / lci ba dang / gcin dang / rus pa bsres te/ ngan song sbyor ba'i sngags 'bum man chad bzlas la/ dkyil 'khor gyi lha gang yang rung ba'i gzugs su gdab pa'am/ yang na mchod rten byas te/mchod rten gdab pa'am/ gnyis gdab pa dang / gsum gdab pa dang / brgya rtsa brgyad man chad gdab pa'i bar du/ gzhan dang mthun pa'i tshul gyis/ sngags dang phyag rgyas btab nas/ sku'am mchod rten gyi spyan sngar/ ngan song sbyong ba'i sngags nyis brgya man chad bzlas so//de nas mchod rten 'bar ba la sogs pa'i mtshan ma bzang po 'byung bar 'gyur ro/ /ji ste mtshan ma de dag ma mthong na/ 'bum phrag stong man chod bzlas shing / ji srid mtshan ma dge ba rnams byung gi bar du/ de bzhin gshegs pa rnams mchod cing /rtse gcig pa'i sems mnyam par bzhag ste bzlas brjod bya/ de ltar bzlas pa'i mthar/ mtshan gcig bzlas pa rab tu byas na/ sha bi nges par sdig las grol zhing / mtshan ma bzang po rnams 'byung bar 'gyur ro// //ngan song sbyong ba'i rgyal po brtag pa yi//shi ba'i don du cho gar gsungs pa bya/ /'gro ba'i don du nyung zad gcig bsdus pa/ /'di yis nyam thag sdug bsngal byang bar shog /bla mkhas pas ston pa'i lung la brten/ /bdag 'dra rtog ges bla ma'i lung thos nas/ /mos dang goms pas shi ba'i cho ga byas//thams cad bla med byang chub thob par shog /de bzhin gshegs pa dgra bcom pa yang dag par rdzogs pa'i sangs rgyas ngan song thams cad yongs su sbyong ba'i lung las/ ro sbyong zhing sreg pa'i thabs kyi cho ga mdo dang bsres nas/ slob dpon kun dga' snying pos mdzad pa rdzogs so/