CLOSE WINDOW

D2632
བོད་ཡིག

@##/ /rgya gar skad du/ shrI sarba durga ti pa ri sho d+ha ni be ta ho ma bi d+hiH/ bod skad du/ dpal ngan song thams cad yongs su sbyong ba'i ro'i sbyin sreg gi cho ga /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ngan song thams cad yongs su sbyong ba gzi brjid kyi rgyal po la phyag 'tshal lo//ngan song kun sbyong rgyal po la/ /kun nas dang bas phyag 'tshal te/ /ngan song kun sbyong rgyud kyi ni/ /ro sreg cho ga bshad par bya/ /'gro rnams snying las chung ngu yis/ /shi ba'i ro la 'bad byas na/ /de ni mtshams med lnga byas kyang / /rnam par grol ba the tshom med//de lta de yi cho ga ni/ /dri med rgyud rnams thams cad las/ /rigs ni rnam pa bzhir bshad pas/ /de yi dbye ba shes byas la/ /gtsug lag khang dang skyed mos tshal/ /mchod rten lha khang kun dga' ra/ /byang chub sems dpa'i gnas rnams dang / /gzhan yang rang gi gnas rnams su//bsnyen pa la ni gnas byas la/ /dur khrod 'jigs pa spang ba'i sar/ /ro yi sbyin sreg bya ba ni/ /rnal 'byor rig dang ldan pa yis/ /sa ni byin rlabs la sogs pa/ /rim pa bzhin du byas pa ni/ /mchog tu dge zhing bkra shis 'gyur/ /de la dang por rnal 'byor pa snying rje chen po dang ldan pa rtog pa'i dri mas ma gos pa sems dpa' dang ldan pa rnams kyis sems can thams cad kyi don du blo bskyed la/sa'i cho ga la sogs pa rim pa ji lta ba bzhin du byas te/ stegs bu khru nyi shu rtsa bzhi pa brtsigs la ba'i rnam lnga dang / dri dang 'o ma dang / byug pa la sogs pas legs par byugs la/ de'i dbus su rgyar khru bzhi pa/ zabs su khru do pa'i khung bu byas la/ dri la sogs pas byugs te/ de'i mu ran sor bcu gnyis pa bya'o/ /de'i steng du thig gdab par bya ste/ de la bcom ldan 'das kyis rgyud phyi mar gsungs pa'i rtsa ba'i dkyil 'khor chen po la thig gi rim pa ji lta ba bzhin 'dir yang go bar bya ste/de la dang por khru gang lte bar go bar bya ste/ sor mo bcu gnyis ni 'khor lo dkar po rtsibs bcu drug tu bya'o/ /sor gnyis ni mu khyud du bya'o/ /sor mo bcu ni sgo ru bya'o/ /sor mo bcu ni rta babs su bya'o//sor mo drug ni phreng ba gsum du bya'o/ /de nas 'khor lo de'i lte ba la rdo rje la sogs pa'i mtshan ma'i ka ba brgyad dang ldan par bris la/ de dag gi dbus su pad+ma dmar po'i lte ba la dbus su ni oM dkar po'i 'od zer dang ldan pa bri'o/ /shar phyogs su hUM dkar po bri'o/ /lho phyogs su trAM ser po/nub phyogs su hrIHdmar po/ byang phyogs su aHljang gu'o/ /de dag gi shar lhor ni lAM dkar po/ lho nub tu mAM ser po'o/ /nub byang du paM dmar po/ byang shar du trAM ljang gu bri bar bya'o/ /de bzhin du 'khor lo'i rtsibs rnams la ni rdo rje sems dpa' la sogs pa'i snying po pad+ma'i steng du rim pa ji lta ba bzhin du/hUM dang / dza dang / ho dang / d+hu dang / traM dang / R+YaM dang / b+h+ri dang / haM dang / hri dang / d+hi dang / kruM dang / b+ha dang / kaM dang / raM/k+ShaM/ saM rnams bri'o/ /de bzhin du sgeg mo la sogs pa'i snying po grwa rnams su/ lAM dang / mAM dang / gI dang / naM dang / d+huM dang / pu dang / A dang / ga rnams bri'o/ /rta babs kyi khyams su ni rim pa ji lta ba bzhin du bskal pa bzang po'i byang chub sems dpa' rnams kyi sa bon pad+ma'i steng du su dang / sa dang / tsa dang / b+ha dang / dz+ha dang / ga dang / b+ha dang / a dang / sho dang / dza dang / ma dang / ku dang / tre dang / duM dang / dza dang / si rnams bri bar bya'o/ /sgo rnams su ni dzaHdang hUM dang / baM dang hoH/ rnams bri bar bya'o/ /phreng gsum gyi phyi rol du snam bu sor gsum pa gcig la ni/ shar la sogs pa'i rim pa ji lta ba bzhin du/ i dang / ya dang / ba dang / ku dang / sa dang / nga dang / ba dang / ra rnams bri bar bya'o/ /de'i phyi rol gyi snam bu la ni 'gro ba rigs drug gi dkyil 'khor cha drug pa byas la/ lha'i gnas su ni bdud rtsi'i bum pa gsum la su dkar po dang ldan pa bri bar bya'o/ /mi'i gnas su ni shing rta'i steng du ma ser po dang ldan par bri bar bya'o/ /lha ma yin gyi gnas su ne ral gri'i rtse mo la a dmar po dang ldan pa bri bar bya'o//dud 'gro'i gnas su ni ri dang rdzing bu'i steng du ti ljang gu dang 'dra bar bri'o/ /yi dags kyi gnas su ni me'i rtse mo la pre sngon po dang ldan par bri'o/ /dmyal ba'i gnas su ni shal ma ri'i sdong po'i rtse mo lan nag po dang ldan pa bri'o//de nas 'dir bcom ldan 'das kyis ngan song thams cad yongs su sbyong ba 'di nyid du re zhig so so skye bo'i khyim na gnas pa nyid kyi ro bsreg pa gsungs pas/ khung bu'i nang du ras dkar po dris bsgos pas bkab la/ de'i steng de nyid du stan dang sngas dang bcas pa'i ro bzhag la/de'i steng du pad+ma dkar po la sogs pa'i shing gru bzhi pa'i rnam par brtsig par bya ba nyid do/ /de yang dang por ro gang yang rung ba la sbyor ba'i dus su/ shi nas zhag bdun lon pa srin bu la sogs shi ba dang / rdo rje slob dpon bdag nyid kyi snying gar raM las nyi ma'i dkyil 'khor gyi steng du hUM bsams la/de gyur pa las rdo rje'o/ /de dag yongs su gyur pa las/ bdag nyid khro bo stobs po che kha dog sngon po zhal gcig pa phyag bzhi pa/ mche ba gtsigs pa/ phyag g.yas pa gnyis na rdo rje be con dang rnga yab 'dzin pa/ phyag g.yon pa gnyis na zhags pa dang /sbrul gyi rgyan cha bdun dang ldan par bsams te/ stang stabs dang bcas pas de la gnas pa'i bgegs bskrad par byas te/ oM badzra kro d+ha ma hA ba la ha na da ha pa tsa sarba big+h+nA na bi d+h+wa na sa ya u tsuSh+ma kro d+ha hUM phaT/ ces brjod par bya'o/ /de nas lag pa nas bzung nas blangs nas gnas dben par 'o ma dri chu dang 'dag chal la sogs pa la bdag nyid bcom ldan 'das phyag na rdo rjer bskyed de/oM na mo b+ha ga ba te sarba durga ti pa ri sho d+ha ni rA dzA ya ta thA ga tA ya ar+ha te saM myak+saM bud+d+hA ya/ ta d+ya thA/ oM sho d+ha ni sho d+ha ni sarba pA paM pi sho d+ha ni pi shud+d+he sarba karma a ba ra Na bi shud+d+he swA hA/zhes bya ba'i sngags lan brgya rtsa brgyad bzlas pas bkru bar bya'o/ /de nas yang ga phur la sogs pa'i dris byugs la khyim pa la ni ras dkar po'i stod g.yogs smad g.yogs su bcas pas dkris la/ de'i snying gar a las zla ba'i dkyil 'khor la su dkar po'o//de yongs su gyur pa las yid bzhin gyi nor bu rin po che'o/ /de rnams yongs su gyur pa las lha rnams kyi dbang po brgya byin rgyan thams cad kyis yongs su brgyan pa spyi bo'i gtsug na nor bu rin po che 'bar ba dang ldan par bsam par bya'o/ /dge bsnyen la ni ras dkar pos stod g.yogs dang smad g.yogs byas la/mgo la me tog gi phreng bas brgyan te/ lag pa'i thal mo snying gar sbyar la de'i snying gar zla ba la yi ge muM ser po/ de gyur pa las ut+pa la ser po/ de dag yongs su gyur pa las de nyid bcom ldan 'das 'phags pa 'jam dpal sku mdog ser po rgyan thams cad kyis brgyan pa/phyag na ut+pa la dang skyabs sbyin mdzad par bsam par bya'o/ /dge slong la sogs pa so sor thar pa'i sdom pa la gnas pa rnams la ni chos gos dang sham thabs la sogs pa rang gi cha lugs kyis legs par brgyan pa lag pa g.yon pa lte ba khong du mnyam pa nyid du bya'o//g.yas pa skyabs sbyin mdzad du byas te/ de'i snying gar zla ba'i dkyil 'khor la hri dmar po/ de gyur pa las pad+ma'o/ /de dag yongs su gyur pa las de nyid bcom ldan 'das shAkya thub pa sku mdog dmar po bde bar gshegs pa'i cha lugs can mtshan dang dpe byad kyis brgyan par bsam par bya'o//rdo rje slob dpon la sogs pa theg pa chen po rnal 'byor chen po'i rgyud la mngon par dad pa dkyil 'khor chen po dbang bskur ba rnams ni ras dkar pos stod g.yogs dang smad g.yogs su byas te/ dbu rgyan la sogs pa rgyan cha lngas nye bar brgyan pa/ bcom ldan 'das dpal rdo rje sems dpa'i phyag na rdo rje rtse lnga pa'i phyag rgya bcings te/de'i snying gar zla ba'i dkyil 'khor la hUM sngon po/ de gyur pa las rdo rje rtse lnga pa'o/ /de dag yongs su gyur pa las de nyid bcom ldan 'das dpal rdo rje sems dpa' sku mdog dkar po/ rdo rje rtse lnga pa dril bu dang bcas pa'i phyag rgya mdzad pa/rgyan thams cad kyis brgyan pa ston ka'i zla ba gang ba lta bur bsam par bya'o/ /de dag gi dbang po yongs su dag pa'i phyir ni/ khrus byas pa'i rjes thogs su shing shun nam ras la sogs pa la pad+ma 'dab ma bzhi pa byas la/ tsan+dan dkar pos legs par byugs te/ de'i lte ba la gur kum gyis/ oM sarba bid badzra A ba ra NA bi sho d+hA ya ha na hUM phaT/ ces bya ba bris te snying gar bag chus glang par bya'o/ /de bzhin du mig gnyis su ni/ oM sarba bid hUM/ zhes pa'o/ /rna ba gnyis su ni/ oM sarba bid hri/ sna'i rtse mor ni/ oM sarba bid aH/ zhes pa'o/ / ko skor oM sarba bdi traT/ ces pa'o/ /dpral bar ni/ oM sarba bdi oM/ zhes pa'o/ /spyi bor ni/ oM sarba bdi hUM/ zhes pa'o/ /dpung pa gnyis su ni/ oM sarba bti swa/ zhes pa'o/ /gru mo gnyis su ni/ oM sarba bdi oM/ zhes pa'o/ /long bu gnyis su ni/ oM sarba bdi traT/ ces pa'o/ /gsang ba la ni/ oM sarba bdi phaT/ ces pa'o/ /rked par ni/ oM sarba bdi oM/ zhes pa'o/ /gtsug phud la ni/ oM badzra a d+hiSh+Tha na dz+nyA sa ma ye hUM/ zhes pa'o/ /mchan 'og gnyis su/ oM bai ro tsa na oM/ zhes pa'o/ /brla gnyis su/ oM sarba durga taM pa ri sho d+ha ne hUM/zhes pa'o/ /byin pa gnyis su ni/ oM rat+na ke tu traM/ zhes pa'o/ /pus mo gnyis su ni/ oM shAkya mu ne a/ zhes pa'o/ /bol gong gnyis su ni/ oM traT A gats+tsha/ zhes pa gdags par bya'o/ /de nas rtsa ba'i sngags kyis mngon par bsngags pa'i bdug pas bdugs shing me tog gi phreng bas so so'i cha byad ji lta ba bzhin brgyan te/'gro ba thams cad yongs su dag pa'i dkyil 'khor chen por yon dang bcas pas dbang bskur la so so'i rigs ji lta ba bzhin byin gyis brlabs te rab tu gnas par bya'o/ /de nas sreg khang gi nang du gnas par bya ste/de la dge bsnyen gyi sreg khang gi khang bu bud shing la sogs pas kha bkab la zhal zhal gyis 'thas par byas te/ de'i steng du seng ldeng gi shing za ma tog gi dbyibs lta bur brtsig par bya'o/ /dge slong la sogs pa'i khung bu'i grwa bzhir ka ba khru re ba bzhi btsugs la/de'i steng du sor mo bcu gnyis pa'i stegs brtsegs par bya'o/ /de nyid kha khyer dang ldan par bya zhing de'i 'og tu bla re dbub cing steng du dkar po'i shing mchod rten gyi dbyibs lta bur brtsig par bya'o/ /rdo rje slob dpon la sogs pa'i nyis brtsegs su brtsigs la/ steng du ni tsan+dan sbrul gyi snying po la sogs pa'i shing gzhal yas khang gi dbyibs lta bur brtsigs la/bar khang du dkyil 'khor bris la 'og tu 'dzag pa'i khud bur rdul la sogs pa'i snod gzhag par bya ba nyid do/ /de nas de'i dbus su gzhag par bya ba ni dbang la sogs pa rdzogs par byas pa'i rjes la zhun mar la sogs pas bsgos pa'i stan nang tshangs can gyi steng du pad+ma 'dab ma brgyad pa bris la/de'i steng du rdo rje slob dpon gyis/ oM tiSh+Tha badzra sa ma ya s+t+waM/ zhes brjod cing gzhag par bya'o/ /de'i steng du bde bar gshegs pa'i rtsa ba'i sngags brgya rtsa brgyad btab pa'i ras kyis g.yogs la/sreg khang gi phyi rol du me tog gi phreng ba dang / rin po che'i phreng ba la sogs pa bri bar bya ba nyid do/ /de nas ye shes kyi sreg khang chen por nyon mongs pa'i dri ma dang bag chags kyi dri ma ma lus par bsreg par bya ba dang / ngan song rnam pa gsum gyi rgyud yongs su sbyang ba'i phyir/rnal 'byor pa snying rje chen po dang ldan pas/ sreg pa'i rdzas me tog dkar po dang / spos kyi phye ma dang / zhun mar dang / til dang / yungs kar dang / 'o thug dang / 'bras chan dang / 'bras yos dang / mngar gsum dang / la du dang / de ba ta tru dag ste/ de dag thams cad la ga bur dang gur kum la sogs pa'i dri zhim pos bsgos la/rtsa ba'i sngags gong du smos pas mngon par bsngags te/ mtha' logs su gzhag par bya'o/ /de bzhin du yam shing tsan+dan la sogs pa las sor mo nyi shu rtsa bzhi pa byas te/ rtsa ba zlum por bya/ rtse mo ral gri ltar byas la/oM da ha da ha sarba na ra ka ga ti he tuM hUM phaT/ oM pa tsa pa tsa sarba pre ta ga ti he tuM hUM phaT/ oM ma tha ma tha sarba tIr+ya ga ti he tuM hUM phaT/ ces pa'i sngags kyis mngon par bsngags la gzhag par bya'o/ /de nas bdag nyid sems can dang tshe 'das pa'i don du sems bla na med pa bskyed de khro bo'i ting nge 'dzin la snyoms par zhugs pas/oM badzra kro d+ha ma hA ba la sarba big+h+nAM ha na ha na hUM phaT/ rak+Sha rak+Sha maM/ zhes pas phyogs bcur bgegs bskrad cing gnas dang rnal 'byor bsrung bar bya'o/ /de nas rang gi snying ga'i sa bon las 'od zer spros nas nam mkha'i bar snang la pad+ma 'dab ma brgyad pa'i steng du//bde bar gshegs pa sras dang bcas pa spyan drangs la zhabs bsil dang / 'thor 'thung dang gdan rnams phul te/ phyag 'tshal ba dang / sdig pa bshags pa dang / bsod nams la rjes su yi rang ba dang / bsod nams yongs su bsngo ba la sogs pa bdun rnam par dag par byas nas rtsa ba'i dkyil 'khor chen por gsungs pa'i sdom pa gzung ba la sogs pa byas la/ting nge 'dzin rnam pa gsum gyis/ ting nge 'dzin rnam gsum la mnyam par bzhag nas rdo rje lcags kyu la sogs pa'i rnal 'byor gyis dzaHhUM baM hoH/ zhes pa'i sngags kyis dgug pa dang / gzhug pa dang / bcing ba dang / dgyes pa la sogs pas legs pa nyid du byas te/ gzugs brnyan kyi dkyil 'khor la zhugs pa nyid du byas te/ me sbar bar bya ba ni rang gi snying ga'i sa bon las 'od zer dpag tu med pa nam mkha'i phyogs su spros te/des ye shes kyi me lha khro bo khams gsum rnam par rgyal ba sku mdog dkar po cung zad khros pa'i cha lugs nyid can la/ phyag bzhi pa/ phyag g.yas pa gnyis na rdo rje dang zhags pa bsnams pa/ g.yon gnyis na pad+ma dang / sdig mdzub mdzad pa/rgyan thams cad kyis brgyan pa mi bskyod pa'i dbu rgyan can/ zhabs gnyis kyis gang zag de'i sdig pa gnon pa/ phyogs bcu dus gsum gyi bde bar gshegs pa thams cad ye shes kyi me dpung chen po can gyis spyan drangs la ar+g+has zhabs bsil phul la de rang gi mdun du bzhugs par bsam mo//de nas las kyi mi lha drang srong chen po spyan drangs te kha dog dmar ser phyag bzhi par skyes kham pa la zhon pa/ phyag g.yas pa gnyis kyis phreng ba dang / blugs gzar 'dzin pa/ g.yon pa gnyis kyis ril ba dang dgang gzar 'dzin pa/ drang srong gi cha lugs can spyan drangs la/me sbar bar bya ste/ zhun mar gzar bu lnga yam shing la blugs la/ oM ti pi shAkya rA dzA ya ta thA ga tA ya/ a r+ha te samya k+saM bud+d+hA ya/ oM ha bya ka bya dzA la raM swA hA/ zhes brjod la/ me sbar te gzhug par bya'o/ /de nas a g+na ye raM raM da ha da ha shAn+tiM ku ru swA hA/zhes brjod la/ mar khu gzar bu gsum blugs par bya'o/ /de nas bde bar gshegs pa rnams snga ma'i sbyor bas spyan drangs la/ thugs rje chen po rgyun gyis ni/ /sems can rnams la mgon byed pa'i/ /bla na med pa'i dkon mchog gsum/ /'bar ba'i nang du bzhugs su gsol//zhes brjod la/ mchod yon gyis zhabs bsil te/ 'thor 'thung la sogs pa byas la/ mchod pa'i tshogs thams cad kyis yang dag par mchod par bya ste/ de nyid kyi lag pa na snod dang ldan pas dbul bar bya ba nyid do/ /de nas sreg rdzas thams cad kyis ye shes kyi me lha khro bo chen po la/mchog sbyin pa'i phyag rgya chen pos/ oM a mr-i te a mi tod b+ha be a mi ta bi krAn+ta ga mi ni swA hA/ zhes pas rdzas thams cad bdud rtsir byin gyis brlabs te/ oM trai lo kya bi dza ya ha bya ka bya a di bya shAn+tiM ku ru swA hA/ zhes pas lan gsum du dbul bar bya'o/ /de nas dkon mchog gsum la/oM na mo bud+d+hA ya sarba pA paM shAn+tiM ku ru swA hA/ na mo d+harmA ya sarba pA paM shAn+tiM ku ru swA hA/ na maHsaM g+hA ya sarba pA paM shAn+tiM ku ru swA hA/ zhes rdzas thams cad lan gsum dbul bar bya ba nyid do/ /de nas me lha nyid la/ oM ag+ha ye sarba r-i Shi nA tha u pa dra ba shAn+tiM ku ru swA hA/zhes lan gsum dbul bar bya ba nyid do/ /de nas rdo rje dang dril bu'i phyag rgya 'dzin pas stod par byed na/ khro bo chen po bdud 'joms mi bzad pa/ /las dang nyon mongs khams sreg cing / /ye shes gzi brjid spro mdzad pa/ /'jig rten gsum rgyal phyag 'tshal bstod//mgon po thugs rje che ldan pa/ /thams cad mkhyen pa'i ston pa'o/ /bsod nams rgya mtsho yon tan gzhi/ /de bzhin gshegs la phyag 'tshal bstod/ /dag pa 'dod chags bral ba'i rgyu/ /dge bas ngan song las sgrol zhing / /gcig tu don dam mchog gyur pa/ /zhi gyur chos la phyag 'tshal bstod//grol nas grol ba'i lam yang ston/ /bslab pa dag pa rab tu gus/ /zhing gi dam pa yon tan zhing / /dge 'dun la yang phyag 'tshal bstod/ /tshangs pa 'jig rten mgon gyi sras/ /me lha'i rgyal po drang srong mchog /'byung po kun gyi mgon gyur pa//dge ba dri med phyag 'tshal bstod/ /ces yongs su bstod la/ me tog thogs te/ khro bo'i rgyal po chen pos sems can tshe 'das pa ming 'di zhes bya ba'i sdig pa ma lus par zhi bar mdzad du gsol lo zhes las bcol bar bya'o/ /de bzhin du me lha'i rgyal po drang srong chen pos sa phyogs 'dir gnod par gyur pa'i gdon bgegs gnod pa dang /'tshe ba dang / bkra mi shis pa thams cad zhi bar mdzad du gsol lo zhes brjod de me tog dor bar bya'o/ /de nas de bzhin gshegs pa sras dang 'khor du bcas pa rnams la mchod pa'i tshogs kyis yang dag par mchod de/lan grangs brgya rtsa brgyad du bsreg pa'i rdzas thams cad dbul bar bya ba ni/ oM bai ro tsa na oM sarba pA paM shAn+tiM ku ru swA hA/ oM sarba durga ti pa ri sho d+ha ni hUM sarba pA paM shAn+tiM ku ru swA hA/ oM rat+na ke tu swa sarba pA paM shAn+tiM ku ru swA hA/ oM shAkya mu ne a sarba pA paM shAn+tiM ku ru swA hA/oM tra Ta A gats+tsha sarba pA paM shAn+tiM ku ru swA hA/ oM bud+d+hA lo tsa na sarba pA paM shAn+tiM ku ru swA hA/ oM sarba mA ma kI sarba pA paM shAn+tiM ku ru swA hA/ oM pad+ma paN+Da re sarba pA paM shAn+tiM ku ru swA hA/ oM karma tA re sarba pA paM shAn+tiM ku ru swA hA/ oM badzra satwa hUM sarba pA paM shAn+tiM ku ru swA hA/ oM badzra rA dza dza sarba pA paM shAn+tiM ku ru swA hA/ oM badzra rA ga ho sarba pA paM shAn+tiM ku ru swA hA/ oM badzra sA d+hu d+hu sarba pA paM shAn+tiM ku ru swA hA/ oM badzra rat+na trAM sarba pA paM shAn+tiM ku ru swA hA/ oM badzra sUR+ya raM sarba pA paM shAn+tiM ku ru swA hA/ oM badzra ke tu b+h+ri sarba pA paM shAn+tiM ku ru swA hA/ oM badzra ha sa hAM sarba pA paM shAn+tiM ku ru swA hA/oM badzra d+harma hri sarba pA paM shAn+tiM ku ru swA hA/ oM badzra tIk+Sh+Na sarba pA paM shAn+tiM ku ru swA hA/ oM badzra tsakra bruM sarba pA paM shAn+tiM ku ru swA hA/ oM badzra b+ha ba sarba pA paM shAn+tiM ku ru swA hA/ oM badzra karma kaM sarba pA paM shAn+tiM ku ru swA hA/ oM badzra rak+Sha raM sarba pA paM shAn+tiM ku ru swA hA/oM badzra yak+Sha k+ShaM sarba pA paM shAn+tiM ku ru swA hA/ oM badzra san+ti ti sarba pA paM shAn+tiM ku ru swA hA/ oM badzra lAs+ye hUM sarba pA paM shAn+tiM ku ru swA hA/ oM badzra mA le traM sarba pA paM shAn+tiM ku ru swA hA/ oM badzra gI ti hri sarba pA paM shAn+tiM ku ru swA hA/ oM badzra ni r+t+ya sarba pA paM shAn+tiM ku ru swA hA/ oM badzra d+hU pe d+hu sarba pA paM shAn+tiM ku ru swA hA/oM badzra puSh+pe pu sarba pA paM shAn+tiM ku ru swA hA/ oM badzra A lo ke hri sarba pA paM shAn+tiM ku ru swA hA/ oM badzra gan+d+he ga sarba pA paM shAn+tiM ku ru swA hA/ oM badzra aM ku sha dzaHsarba pA paM shAn+tiM ku ru swA hA/ oM badzra pA sha hUM sarba pA paM shAn+tiM ku ru swA hA/ oM badzra s+pho Ta baM baM sarba pA paM shAn+tiM ku ru swA hA/oM badzra san+ti hoHsarba pA paM shAn+tiM ku ru swA hA/ oM shU rad+ga ma sarba pA paM shAn+tiM ku ru swA hA/ oM tsan+d+ra pra b+hA sarba pA paM shAn+tiM ku ru swA hA/ oM b+ha dra pA la sarba pA paM shAn+tiM ku ru swA hA/ oM sa man+ta b+ha dra sarba pA paM shAn+tiM ku ru swA hA/ oM dzA la nA sarba pA paM shAn+tiM ku ru swA hA/oM ga ga na dza ta du ti sti sarba pA paM shAn+tiM ku ru swA hA/ oM badzra gar+b+hA sarba pA paM shAn+tiM ku ru swA hA/ oM a mi ta b+hA sarba pA paM shAn+tiM ku ru swA hA/ oM sarba sho ka ta ni rga tA ya sarba pA paM shAn+tiM ku ru swA hA/ oM dz+nyA na ke tu sarba pA paM shAn+tiM ku ru swA hA/ oM ak+Sha ma ti sarba pA paM shAn+tiM ku ru swA hA/oM gan+d+ha du ti sarba pA paM shAn+tiM ku ru swA hA/ oM mai tri ya sarba pA paM shAn+tiM ku ru swA hA/ oM sarba a pa ya dza ha sa sarba pA paM shAn+tiM ku ru swA hA/ oM gan+d+ha ha shi sarba pA paM shAn+tiM ku ru swA hA/ oM a mo g+ha sid+d+hi sarba pA paM shAn+tiM ku ru swA hA/ zhes pas dbul bar bya ba nyid do/ /de nas yang rdo rje dril bu rol bar ldan pas bstod par bya ba ni rdo rje snying gar bzung la/dril bu gnas gsum du dkrol ba las/ bcom ldan 'das rdo rje sems dpa' rol pa'i phyag rgya rdo rje dang dril bu snying gar thal mo sbyar ba dang / de nyid dgu dang snying gar gnas pa nyid kyi rim pa ji lta ba bzhin du bstod par bya ste/rnam snang rdo rje chos dbyings sku/ /mi 'jigs seng ge'i khri steng na/ ting 'dzin mchog gi phyag rgya 'dzin/ /phyag 'tshal rnam par snang mdzad la'o/ /brjid pa glang chen khri steng na/ /sa gnon chen po'i phyag rgya mdzad/ /me long ye shes ngo bo nyid/ /phyag 'tshal ngan song sbyong ba la'o//shugs chen rta yi khri steng na/ /mchog sbyin chen po'i phyag rgya mdzad/ /mnyam nyid ye shes ngo bo nyid/ /phyag 'tshal rdo rje chen po la'o/ /mdzes pa rma bya'i khri steng na/ /chos 'chad chen po'i phyag rgya mdzad/ /kun rtog ye shes ngo bo nyid/ /phyag 'tshal shAkya thub pa la'o//mkha' lding chen po'i khri steng na/ /skyabs mdzad chen po'i phyag rgya mdzad/ /nan tan ye shes ngo bo nyid/ /phyag 'tshal me tog che rgyas la'o/ /stong pa nyid kyi rdo rje las/ /rdo rje rigs rnams kun gyi yum/ /rdo rje ye shes sems ma'i gtso/ /phyag 'tshal rdo rje spyan ma la'o//mtshan ma med pa'i rdo rje las/ /rin chen rigs rnams skyed mdzad pa/ /rdo rje rin chen dbang bskur mchog /phyag 'tshal rdo rje bdag nyid la'o/ /smon pa med pa'i rdo rje las/ /pad+ma'i rigs rnams skyed mdzad ma/ /rdo rje gsang ba pad+ma'i mchog /phyag 'tshal rdo rje dkar mo la'o//rdo rje mngon 'du mi byed las/ /las kyi rigs rnams skyed mdzad ma/ /rdo rje mchod pa rab tu rtsom/ /phyag 'tshal rdo rje sgrol ma la'o/ /rdo rje sems dpa' sems dpa' che/ /rdo rje de bzhin gshegs pa kun/ /rdo rje dang po kun du bzang / /phyag 'tshal phyag na rdo rje la'o//rdo rje rgyal po sangs rgyas mchog /rdo rje lcags kyu de bzhin gshegs/ /don yod rgyal po rdo rje gtso/ /phyag 'tshal rdo rje 'gugs khyod la'o/ /rdo rje chags pa bde ba che/ /rdo rje mda' ni dbang byed pa/ /bdud kyi 'dod pa rdo rje che/ /phyag 'tshal rdo rje gzhu khyod la'o//rdo rje legs pa sems dpa' mchog /rdo rje mgu ba dga' ba che/ /rab dgyes rgyal po rdo rje mchog /phyag 'tshal rdo rje dgyes khyod la'o/ /rdo rje rin chen rdo rje don/ /rdo rje nam mkha' nor bu che/ /nam mkha'i snying po rdo rje phyug /phyag 'tshal rdo rje snying khyod la'o/ / rdo rje gzi brjid cher 'bar ba/ /rdo rje nyi ma rgyal ba'i 'od/ /rdo rje 'od zer gzi brjid che/ /phyag 'tshal rdo rje 'od khyod la'o/ /rdo rje rgyal mtshan sems can don/ /rdo rje mchog ni rnam dag pa/ /rdo rje chen po rin chen tog /phyag 'tshal rdo rje dpal khyod la'o/ /rdo rje bzhad pa dga' ba che//rdo rje 'dzum pa ngo mtshar che/ /mchog tu rab dga' rdo rje ste/ /phyag 'tshal rdo rje bzhad pa la'o/ /rdo rje chos rab de nyid don/ /rdo rje pad+ma mchog grub byed/ /'jig rten dbang rab rdo rje spyan/ /phyag 'tshal rdo rje spyan khyod la'o/ /rdo rje rnon po theg pa che/ /rdo rje ral gri mtshon chen po//'jam dpal rdo rje rab tu zab/ /phyag 'tshal rdo rje blo khyod la'o/ /rdo rje rgyu ni snying po che/ /rdo rje 'khor lo tshul chen po/ /rab skor rdo rje las byung ba/ /phyag 'tshal rdo rje snying khyod la'o/ /rdo rje gsung ba rang rig mchog /rdo rje bzlas pa rab bsgrub sbyin/ /mi gsung rdo rje mchog grub pa//phyag 'tshal rdo rje gsung khyod la'o/ /rdo rje las rab rdo rje'i bka'/ /las kyi rdo rje kun grub pa/ /rdo rje nges par kun grub pa/ /phyag 'tshal rdo rje kun khyod la'o/ /rdo rje gsung ba bstan pa che/ /rdo rje go cha sra ba che/ /brtson 'grus mchog ni thub dka' ba/ /phyag 'tshal rdo rje brtson 'grus la'o//rdo rje gnod sbyin thabs po che/ /rdo rje mche ba gtsigs pa che/ /bdud 'joms rdo rje mi zad pa/ /phyag 'tshal rdo rje drag khyod la'o/ /rdo rje mtshams sbyor rab tu 'dud/ /rdo rje bcing ba rab grol byed/ /rdo rje khu tshur dam tshig che/ /phyag 'tshal rdo rje khu tshur la'o//rdo rje chags pas rab sgeg cing / /rdo rje rol pa brtson byed pa/ /rdo rje kun grub 'gying bar ldan/ /phyag 'tshal rdo rje sgeg mo la'o/ /rdo rje rin chen phreng 'dzin cing / /rdo rje dbang bskur kun 'gro ni/ /rdo rje sprin bzhin nor bu 'chang / /phyag 'tshal rdo rje phreng ma lo'o/ /rdo rje pad+ma dbyangs mkhan ma//rdo rje sangs rgyas nges par bskyed/ /rdo rje chos don rab sgrogs pa/ /phyag 'tshal rdo rje glu mkhan ma la'o/ /rdo rje gar mkhan 'gying bag ldan/ /rdo rje phyogs 'dus gzugs ldan ma/ /rdo rje las kyi 'khor los sgyur/ /phyag 'tshal rdo rje gar mkhan ma la'o/ /rdo rje zla kham 'od du 'phro//rdo rje bdug pa bsil mdzad cing / /rdo rje de bzhin gshegs pa'i yum/ /phyag 'tshal rdo rje bdug pa la'o/ /rdo rje me tog rab mdzes ma/ /rdo rje nor bu rdo rje don/ /rdo rje mchod pa bla na med/ /phyag 'tshal rdo rje me tog la'o/ /rdo rje snang ba rab rib med/ /rdo rje spyan ma dri med 'od//rdo rje kun du mun sel ba/ /phyag 'tshal rdo rje snang ba la'o/ /rdo rje dad pa sred pa che/ /rdo rje bde gshegs spyan 'dren cing / /rdo rje shugs kyi brtson 'grus che/ /phyag 'tshal rdo rje lcags kyu la'o/ /rdo rje dra ba don yod stobs/ /rdo rje zhags pas 'jug mdzad pa/rdo rje stobs ni 'jig pa po/ /phyag 'tshal rdo rje zhags pa la'o/ /rdo rje ting 'dzin rdo rje'i gtso/ /rdo rje lcags sgrog 'ching byed cing / /rdo rje phyogs rnams skrag byed pa/ /phyag 'tshal rdo rje lcags sgrog la'o/ /rdo rje shes rab mchog 'chang ba/ /rdo rje bstan pa rab tu 'joms//rdo rje sgra chen sgrogs mdzad pa/ /phyag 'tshal rdo rje dril bu la'o/ /rgyal sras dpa' 'gro kun du bzang / /zla 'od bzang skyong kun du bzang / /sa bcu la ni gnas nas kyang / /'gro ba'i don mdzad phyag 'tshal bstod/ /rgyal sras dra ba nam mkha'i mdzod/ /rdo rje snying po 'od dpag med//mngon dga' mchog tu dpal ldan pa/ /lho phyogs sems dpa' phyag 'tshal bstod/ /rgyal sras gdung sel ye shes tog /blo gros mi zad spobs pa brtsegs/ /rnam dag chen po mchog 'chang ba/ /nub phyogs sems dpa' phyag 'tshal bstod/ / rgyal sras byams pa ngan song 'dren/ /spos kyi glang po don yod grub/ /bde ldan sangs rgyas skyong ba po/ /byang phyogs sems dpa' phyag 'tshal bstod/ /ces yongs su bstod de/ me tog lag par thogs te yi ge brgya pa lan gsum bzlas la bsreg khang du bor bar bya'o/ / de'i rjes la bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ngan song thams cad yongs su sbyong ba'i gzi brjid kyi rgyal po zhes pa sku mdog dmar ser rgyan thams cad kyis brgyan pa/ 'khor los sgyur ba'i cha lugs can/ skyabs mdzad kyi phyag rgya can/pad+ma'i gdan la bzhugs pa cig /ting nge 'dzin gyis spyan drangs te/ ye shes kyi bsreg khang chen por spyan drangs te bzhugs su gsol la/ me tog lag par thogs te/ tshe 'das pa la snying rje chen po bskyed pas/ e h+ye hi b+ha ga wAn ma hA ka ru Ni ka dr-i sh+ya ho sa ma ya s+t+waM sa ma ya s+t+waM/zhes brjod la/ zhabs bsil dang / 'thor 'thung dang / nye reg dang / gdan phul la/ mchod pa'i yo byad thams cad phul la/ de bzhin gshegs pa'i rtsa ba'i phyag rgya 'thab ste/ bcom ldan gzi brjid 'od dpag med/ /ngan song thams cad kun sbyong ba/bde ba'i stobs ldan thams cad mkhyen/ /thugs rje chen po'i rgyun gyis ni/ /tshe 'das 'di la byin gyis rlobs/ /zhes brjod la/ na mo b+ha ga ba te/ sarba durga ti pa ri sho d+ha ne rA dzA ya a mu ka yaM badzra a d+hiSh+ThA na dz+nyA na sa ma ye hUM/ zhes pa'i snying po de'i snying gar bsam par bya'o//de nas bcom ldan 'das de nyid la sreg rdzas thams cad la rim pa ji lta ba bzhin du/ na mo b+ha ga ba te sarba durga ti pa ri sho d+ha ne rA dzA ya ta thA ga tA ya ar+ha te samyak+saM bud+d+hA ya/ tad+ya thA/ oM sho d+ha ne shod+ha ne sarba pA paM bi sho d+ha ne shud+d+he bi shud+d+he sarba karma A ba raN bi shud+d+he a mu kaM sarba bA paM kle sha k+Sha yaM ka ri shAn+tiM ku ru swA hA/zhes pa'i sngags kyis lan grangs nyi shu rtsa gcig tu sbyin sreg bya ba nyid do/ /de nas zhi ba'i phur bu dngul lam tsan+dan dkar po la sogs pa'i shing las sor brgyad du 'dug pa rtse mo zlum por byas te/ de'i ngos la bde bar gshegs pa sras dang bcas pa rnams bsams la/oM badzra kI li kI la ya a mu sarba pA paM shAn+tiM ku ru swA hA/ zhes pa gang zag de'i sdig pa'i tshogs la btab la/ de nas yu ba tsan+dan dkar po las byas shing mgo bo dngul las byas pa'i tho ba zlum po khru gang ba byas pa ste/ de'i steng du/ oM shaM pa ta shaM pa ta shaM pa ta shaM pa ta shaM pa ta shaM pa ta shaM pa ta shaM pa ta shaM pa ta shaM pa ta shaM pa ta shaM pa ta shaM pa ta shaM pa ta shaM pa ta shaM pa ta shAn+tiM ku ru swA hA/zhes pas brdung bar bya ba de kho na'o/ /de nas yang me tog lag tu thogs te/ yi ge brgya pa lan gsum brjod de/ bzod par gsol la mnyes par bya ba nyid do//de nas yang rang gi sa bon las 'od zer 'phros pas phyogs skyong ba rnams spyan drangs nas rang rang gi gnas su bzhugs su gsol te/ ched du brjod pa 'di ched du brjod do/ /tshangs pa chen po mchog gyur pa'i/ /'jig rten mgon po bdag nyid che/ /'di zhes bya ba'i sdig sbyang phyir//'bar ba'i khang par sreg blugs bzhes/ /zhes brjod la/ zhabs bsil ba la sogs pas zhabs la/ bsreg pa'i rdzas thams cad la rim pa ji lta ba bzhin du mchod sbyin chen po'i phyag rgyas gzar bu snying gar thogs la/ oM brah+ma NA ya sarba u pa dra ba shAn+tiM ku ru swA hA/oM in+d+rA ya sarba u pa dra ba shAn+tiM ku ru swA hA/ oM d+h+r-i ta raSh+ThA ya swA hA/ oM bi rU D+ha kA ya sarba u pa dra ba shAn+tiM ku ru swA hA/ oM bi rU pAk+ShA ya sarba u pa dra ba shAn+tiM ku ru swA hA/ oM bai shra ba NA ya sarba u ba dra ba shAn+tiM ku ru swA hA/ oM in+d+rA ya sarba u pa dra ba shAn+tiM ku ru swA hA/oM ya mA ya sarba u pa dra ba shAn+tiM ku ru swA hA/ oM ba ru NA ya sarba u pa dra ba shAn+tiM ku ru swA hA/ oM ku be+e rA ya sarba u pa dra ba shAn+tiM ku ru swA hA/ oM ru drA ya sarba u pa dra ba shAn+tiM ku ru swA hA/ oM ag+na ye sarba u pa dra ba shAn+tiM ku ru swA hA/ oM rak+Sha sa sarba u pa dra ba shAn+tiM ku ru swA hA/oM ba ya bya sarba u pa dra ba shAn+tiM ku ru swA hA/ oM tsan+d+rA ya sarba u pa dra ba shAn+tiM ku ru swA hA/ oM a dI tA ya sarba u pa dra ba shAn+tiM ku ru swA hA/ oM b+hU mi pa ti sarba u pa dra ba shAn+tiM ku ru swA hA/ oM de bI ya sarba u pa dra ba shAn+tiM ku ru swA hA/ zhes brjod pas dbul bar bya ba nyid do//de nas yang rang gi sa bon las 'od zer spros pa las skye ba rnam pa bzhis bsdus pa'i sems can thams cad bkug la rang gi gnas su bzhag la ched du brjod pa 'di ched du brjod do/ /hU~M lha klu gnod sbyin srin po mi'am ci/ /dri za mkha' lding lha min lus srul po//mi'am ci dang yi dags dud 'gro dang / /mkha' 'gro ma dang dmyal ba la sogs pa'i/ /'gro drug sems can skye bzhis bsdus pa rnams/ /'di zhes bya ba'i rnam smin sbyang slad du/ /rang rang gnas su lhag pa'i bsam pas gnos/ /zhes brjod de/ bsreg pa'i rdzas thams cad la rim pa ji lta ba bzhin du/de'i bag chags dang rnam par smin pa sbyang ba'i phyir bsreg par bya ste/ bdag nyid bcom ldan 'das phyag na rdo rje'i rnal 'byor dang ldan par byas la/ sngags 'di dag brjod do/ /oM AHhUM a ma su ti pre na ya sarba satwA ya a mu kaM sarba karma shAn+tiM ku ru swA hA/oM AHhUM a ma su ti pre na ya sarba satwA ya a mu kaM sarba karma A ba ra Na shAn+tiM ku ru swA hA/ oM AH hUM/ a ma su ti pre na ya sarba satwA ya a mu kaM pA paM shAn+tiM ku ru swA hA/ zhes pa'i sngags lan grangs nyi shu rtsa gcig tu bsreg par bya'o/ /de nas gtor ma rnams la rnal 'byor chen po'i ting nge 'dzin gyis gtor ma byin gyis brlabs la phyogs skyong rnams la byin te/bcom ldan 'das phyag na rdo rje'i rnal 'byor gyis dngos po rnams bsgyur la tshim par gyur ba dang / ched du brjod pa'i ched du brjod do/ /'jig rten rnams kyi mes po mchog /kha dog ser po spyi blugs 'dzin//bder gshegs bstan pa srung mdzad pa/ /tshangs pa chen po phyag 'tshal bstod/ /rnam par rgyal ba'i khang bzangs na/ /mdog dkar shes rab ral gri can/ /chos kyis chab srid gsal mdzad pa/ /mchog gi brgya byin phyag 'tshal bstod/ /shar phyogs rgyal po dri za'i bdag /mdog dkar dgu po rgyud mangs 'dzin/ /kun du bder gshegs bstan pa srung / /yul 'khor srung la phyag 'tshal bstod/ /lho phyogs rgyal po grul bum bdag /mdog sdo lag na ral gri 'dzin/ /kun du bder gshegs bstan pa srung / /'phags skyes po la phyag 'tshal bstod//nub phyogs rgyal po klu yi bdag /mdog dmar lag na zhags pa 'dzin/ /kun du bder gshegs bstan pa srung / /mig gi bzang la phyag 'tshal bstod/ /byang phyogs rgyal po gnod sbyin bdag /mdog ser lag na be con 'dzin/ /kun du bder gshegs bstan pa srung //glang po'i steng na rdo rje 'dzin/ /shel mdog bstan pa srung bar mdzad/ /khyod ni lha yi rgyal po ste/ /lha yi rgyal po phyag 'tshal bstod/ /ma he'i steng na thod dbyug 'dzin/ /spug mdog bstan pa srung mdzad pa/ /khyod ni gshin rje'i rgyal po ste/ / gshin rje'i 'khor bcas phyag 'tshal bstod/ /chu srin steng na sbrul zhags 'dzin/ /khrag mdog bstan pa srung mdzad pa/ /khyod ni klu yi rgyal po ste/ /klu rgyal 'khor bcas phyag 'tshal bstod/ /seng ge'i gdan la dbyug to 'dzin/ /gser mdog bstan pa srung mdzad pa/ / khyod ni gnod sbyin rgyal po ste/ /gnod sbyin 'khor bcas phyag 'tshal bstod/ /khyu mchog steng na rtse gsum 'dzin/ /thal mdog bstan pa srung mdzad pa/ /khyod ni 'byung po'i rgyal po ste/ /'byung po'i 'khor bcas phyag 'tshal bstod/ /ra skyes steng na hom gzar 'dzin/ /me mdog bstan pa srung mdzad pa//khyod ni drang srong rgyal po ste/ /drang srong 'khor bcas phyag 'tshal bstod/ /mi ro'i steng na ral gri 'dzin/ /chu mdog bstan pa srung mdzad pa/ /khyod ni srin po'i rgyal po ste/ /srin po'i 'khor bcas phyag 'tshal bstod/ /sha ba'i steng na ba dan 'dzin//dung mdog bstan pa srung mdzad pa/ /khyod ni rlung lha'i rgyal po ste/ /rlung lha 'khor bcas phyag 'tshal bstod/ /shing rta'i steng na pad+ma 'dzin/ /khrag mdog bstan pa srung mdzad pa/ /khyod ni gza' yi rgyal po ste/ /gza' yi 'khor bcas phyag 'tshal bstod//ngang pa'i steng na ut+pal 'dzin/ /dung mdog bstan pa srung mdzad pa/ /khyod ni skar ma'i rgyal po ste/ /skar ma'i 'khor bcas phyag 'tshal bstod/ /phag gi steng na lcags kyu 'dzin/ /sol mdog bstan pa srung mdzad pa/ /khyod ni yi dags rgyal po ste/ /yi dags 'khor bcas phyag 'tshal bstod//pad+ma'i steng na bum pa 'dzin/ /gser mdog bstan pa srung mdzad pa/ /khyod ni nor 'dzin rgyal po ste/ /nor 'dzin 'khor bcas phyag 'tshal bstod/ /lha dang klu dang gnod sbyin dang / /lha min mi dang lto 'phye che/ /sha za gshin rje mkha' 'gro ma//srin po yi dags nam mkha' lding / /mi'am ci dang dri za dang / /grul bum dang ni srin po dang / /lus srul ma mo'i mdog rnams dang / /bya dang gzhon nu skem byed pa/ /grib gnon dang ni brjed byed dang / /smra byed dang ni phra men ma/ /dud 'gro dmyal ba mi ma yin/ /gdon rigs stong phrag brgyad cu dang //gzhan yang skye ba bzhis bsdus pa'i/ /sems can 'gro ba thams cad la/ /mchod sbyin chen po 'di ster bas/ /sems can 'di zhes bya ba yi/ /lan chags thams cad bral bar gyis/ /nang dang sdug bsngal 'khrug pa dang / /dus min 'chi dang bkra mi shis//de bzhin gnod pa sna tshogs dang / /mchod sbyin 'di yis zhi gyur nas/ /tshe dang bsod nams 'phel ba dang / /dbang phyug nor ni 'byor pa dang / /lo legs bde ba rnyed pa dang / /nad med pa dang bkra shis shog /de bzhin pha rol tshogs gzhom dang //dgra rnams ma lus gzhom pa ni/ /mchod sbyin 'di yi stobs kyis ni/ /bsam pa yid bzhin 'grub gyur cig /ces brjod de/ 'byung po thams cad pa'i gtor ma'i sngags brjod de/ me tog gi phred ba dor bar bya'o/ /de nas pho nya'i sbyin sreg bya ste/ de nas rang gi sa bon las 'od zer 'phros pas/khro bo khams gsum rnam par rgyal ba gong du smos pa'i cha lugs ji lta ba bzhin du bzhugs su gsol/ zhabs bsil la sogs yo byad thams cad kyis yongs su mchod de/ de nas sreg rdzas thams cad snod gcig tu bsres la/ bdud rtsir byin gyis brlab par bya'o//oM a mi ta a mi te a mi tod+b+hA be/ a mi ta saM b+hA be/ a mi ta bi krAn+te/ ga mi ni/ sarba karma kle sha k+Sha/ zhes pas bstan te/ mthe'u chung gnyis lu gu rgyud du sbrel te/ khu tshur bsnol ba'i sdigs mdzub gnyis snying gar bya zhing / oM badzra kro d+ha trai lokya bi dza ya da ha da ha sarba na ra ka ga ti he tuM hUM phaT/oM pa tsa pa tsa sarba pre ta ga ti he tuM hUM phaT/ oM ma tha ma tha sarba tIR+ya ka ga ti he tuM hUM phaT/ oM trai lokya bi dza ya sarba karma A ba ra Na kle sha k+Sha yaM ka ri swA hA/ oM trai lokya bi dza ya sarba kle sha A ba ra Na k+Sha yaM ka ri swA hA/ oM trai lokya bi dza ya sarba A ba ra Na k+Sha yaM ka ri swA hA/oM trai lokya bi dza ya sarba karma A ba ra Na k+Sha yaM ka ri swA hA/ zhes pa'i snying po brgya phrag stong ngam/ bye ba'i tshad dam/ yang na stong gi grangs sam/ yang na brgya rtsa brgyad pa la sogs pas de'i ming dang bsres pas bsreg par bya ba nyid do//don de ltar pho nya'i sbyin sreg byas nas tshe 'das pa'i sdig pa bcom pa'i rtags ni/ des rgyud du gsungs pa'i mtshan ma las shes par bya ste/ de yang sdig pa dang nyon mongs pa bcom pa'i rtags ni steng du drang por 'bar ba dang / du ba la sogs pas nag nog med pa dang / zlum zhing steng du mi 'phro ba dang / dal gyis glog bzhin du mdangs gsal ba dang / sgra la sogs pa chung bar 'bar ba dang / yang na me lha nyid kyis gzugs ji lta ba bzhin du bsreg khang gi nang du gsal bar ston pa na/ rtags de dag gis tshe 'das pa de sems can dmyal ba la sogs pa'i gnas nas grol te/lha la sogs pa'i gnas bde 'gror skye bar shes par bya ba nyid do/ /de nas rtsa ba'i dkyil 'khor chen po la brten te/ tshe 'das pa'i don du phyogs bzhir 'khor los sgyur ba'i sbyin sreg ji lta ba bzhin du ni/ de nyid tshe dang longs spyod rgyas par bya ba dang nad pa la sogs pa'i gnod pa'i tshogs zhi bar bya ba dang /lha la sogs pa'i 'jig rten gsum dbang du gyur pa dang / dgra dang ma rungs pa'i tshogs gzhom par bya ba'i don du'o/ /de dag gi rjes la ji ltar gong du smos pa'i bstod pa byas la/ bzod par gsol la gshegs par bya ste/de la ye shes kyi dkyil 'khor ni ting nge 'dzin gyis gshegs su gsol bar bya ste/ gzugs brnyan gyi dkyil 'khor ni chos thams cad bdag med par bsgoms la/ oM shU n+ya tA swa b+hA ba sarba d+harma shU n+ya tA swa b+hA ba haM/ zhes brjod pas thams cad bsdu bar bya'o//de nas thal bar gyur pa dang / thal ba bsdu ba'i cho ga bya ste/ de la dang por khro bo'i ting nge 'dzin du snyoms par zhugs nas/ sa phyogs de'i bgegs bskrad la/ de nas de bzhin gshegs pa ngan song thams cad rnam par sbyong ba'i skur bsgom/ rtsa ba'i sngags brgya rtsa brgyad btab pa'i rigs lnga'i phyag rgyas rin po che sna lnga'i phye mar byin gyis brlabs nas/rdo rje rtse lnga pa'i phyag rgya bcas la/ oM badzra satwa su saM gra ha hUM/ zhes pa'i sngags kyis ras dkar po gtsang ma'i nang du bsdu bar bya'o/ /de nas de nyid kyi tshe thal bar gyur pa dang / sku gdung gi las brtsam par bya ste/ de la dang por thal ba dang rus pa phye mar btags pa la/ ga pur la sogs pa'i dri chu la rtsa ba'i sngags kyis btab ste ba'i 'o ma dang / mar dang / zho dang / chu dang / lci ba la sogs pa rtsa ba'i sngags 'bum du bzlas pas brdzis te/ de dang sa kha dog dkar po la ga bur la sogs pa'i dris bsgos pa dang /'jim pa legs par bsres la dkyil 'khor gyi lha'i gzugs su bya ba'am/ rang gi lha'i gzugs su bya ba'am/ yang na mchod rten gyi gzugs su byas te/ de nas yongs su dag pa'i cho ga bya ba ni/ rnal 'byor pas srid pa bar mdo'i sems can la ni/'di ltar bdun pa gnyis pa la ni dmyal ba'i dkyil 'khor gling bcu drug pa la ro dong zab bu bcas pa'i dbus su gtsug tor dgu pa'i dkyil 'khor bzhengs la/ de la cho ga ji lta ba bzhin du yongs su mchod la rdzing bu'i nang nas nya bton pa ltar/rtsa ba'i sngags bum pa dkar po la bsngags pas srid pa bar ma do'i sems thig le'i gzugs su gnas pa gdon par bya'o/ /bdun pa gsum pa la yi dags kyi dkyil 'khor gling bzhi pa'i dbus su gong bu smos pa'i dkyil 'khor gyi bum pa la bzlas pa'i thig le'i gzugs gdon par bya ba dang /bzhi pa la dud 'gro'i dkyil 'khor gling bzhi pa'i dbus su dkyil 'khor bris pas thig le'i gzugs dud 'gro'i gnas nas gdon par bya ba dang / lnga pa la lha ma yin gyi dkyil 'khor zlum po'i dbus su dkyil 'khor la brten te/ thig le'i gzugs lha ma yin gyi gnas nas gdon par bya ba dang /drug pa la mi'i dkyil 'khor gling bzhi pa'i dbus su dkyil 'khor bris la thig le'i gzugs dbul po'i gnas nas gdon par bya ba dang / bdun pa la lha'i dkyil 'khor nyi shu rtsa gcig pa'i dbus su dkyil 'khor bris la/ thig le'i gzugs lha tshe ring po'i gnas nas gdon cing rnam par grol ba la sogs pa'i mtshan mar gyur na/ de nyid kyi mtshan mo srid pa bar ma do'i sems can gyi kun gzhi rnam par shes pa 'khor ba las ldog pa'i rgyus 'jug pa yin te/ de'i tshe de'i rigs kyi gtso bo rgyal po la sogs pa'i mi'i gzugs byas te/gzugs de'i snying gar bris pa'i ming dang tsan+dan dkar po dang dmar po bsres pa'i sbyor bas pha dang ma tshogs pa'i tshul byas te/ de bzhin gshegs pas byin gyis brlabs la dmigs par byas pa/ de'i skad cig ma la snyoms par 'jug pa'i sbyor ba la dmigs pas yongs su dag pa'i ting nge 'dzin la zhugs nas thabs dang shes rab kha sbyor ba'i rnal 'byor gyis rang gi pad+mar bcug nas dkyil 'khor du dbang bcu rdzogs par bskur la/phyag rgya chen po'i gzugs su btags te/ me tog gi phreng ba thogs nas/ phyogs bcu dus gsum gyi de bzhin gshegs pa thams cad la phyag 'tshal lo/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ngan song thams cad yongs su sbyong ba'i gzi brjid kyi rgyal po la phyag 'tshal lo/ /oM ya thA sa ma yo ga thA sid+d+ha swA hA/oM kA ya bi ya stA ya swA hA/ AHbAka bi ya stA ya swA hA/ hUM tsit+ta bi ya stA ya swA hA/ zhes brjod pas/ de bzhin gshegs pa'i ting nge 'dzin gyis rab tu gnas par bya ba nyid do/ /de nas gzugs de nyid rgyal po la sogs pa'i cha lugs su byas pas/ de bzhin gshegs pa'i sku gdung ring bsrel dang ldan pa'i nang du bcug la lo bzhi'am lnga'am gcig gam/ zla drug gam gsum mam/ gcig gi bar du/ de bzhin gshegs pa'i rtsa ba'i sngags stong ngam/ 'bum la sogs pa bzlas nas der mchod pa rnam pa lngas mchod la/ zhag re bzhin du mchod rten gyi gzugs la bde bar gshegs pa lnga'i phyag rgya bcas pas gnas ji lta ba bzhin du dbang bskur bar bya ba nyid do/ /de nas ngan 'gro las rnam par grol bar gyur pa ni mchod rten 'bar ba dang / gzugs 'dzum pa dang / ga pur la sogs pa dri'i thig le'i skud pa dang /bdug pa'i tshe 'od snang ba dang / dri yid du 'ong ba tshor ba dang / sku gdung la sogs pa 'bar ba dang / sa g.yo ba dang / me tog dang / rgyan la sogs pa 'od 'bar ba dang / dung dang pi wang la sogs pa'i sgra grags pa na/ sdig can gang zag de ngan 'gro las grol bar shes par bya'o//yang sdig pa chen po byas pa'i sems can de nyid ngan song gsum las ma grol ba ni/ rtags dang mtshan ma de dag mi 'byung ba ste/ de la rnal 'byor mchog gi snying rje chen po dang ldan pas yid skyo ba med pas brtse ba chen po bskyed de/ de bzhin gshegs pa ngan song thams cad yongs su sbyong ba'i rgyal po'i dkyil 'khor chen po bzhengs su gsol la/ mchod pa rgya chen po byas la/ de bzhin gshegs pa'i rtsa ba'i rig pa'am/ de bzhin gshegs pa thams cad kyi snying po 'bum phrag stong ngam/ yang na ji srid mtshan ma byung gi bar du/de bzhin gshegs pa yid la byed pa'i sems mnyam par gzhag pas bzlas par bya ba nyid do/ /de'i rjes la bzlas pa'i grangs su thim pa dang / mtshan ma byung ba'i mtshan mo thog thag tu mchod pa dang / gtor ma'i tshogs chen po byas te/mi nyal bar de bzhin gshegs pa dgra bcom pa yang dag par rdzogs pa'i sangs rgyas ngan song thams cad yongs su sbyong ba'i gzi brjid kyi rgyal po'i snying po bzlas pas/ tshe 'das pa de nyid lha'i gzugs su gyur te/ de la rnal 'byor pas bdag gi don phun sum tshogs par bya ba'i phyir zhi ba la sogs pa'i las thams cad bcol ba dang /gzhan yang bdag nyid ji lta bur gyur pa'i gtam dang / dam tshig chen po'i dbang gis bdag ji srid 'jig rten 'di na gnas kyi bar du khyod kyis 'jig rten pa rnams kyi don phun sum tshogs pa thams cad bdag gi rna lam du sgrogs shig ces brjod la/me tog gi phreng ba la de bzhin gshegs pa'i sngags lan brgya rtsa brgyad mngon par bzlas la spyi bor bzhag ste/ oM badzra satwa sa ma ya/ rak+Shan+tu ma ma sarba sag dza kurban+ti hU~M/ zhes brjod la gtad bar bya ste/ des kyang bdag gis khyod kyi bka' ji lta ba bzhin du zhes brjod de/de dga' zhing mgu nas 'gro bar 'gyur ro/ /de nas gal te me'i nang du rtags rnams mthong na ni/ snying las chung dus/ thal ba dang / rus pa dang / bye ma dang / nyungs kar la de bzhin gshegs pa'i sngags stong la sogs pa btab nas/bdag nyid rdo rje 'dzin pa'i gzugs kyis de dag gi rdul re re la/ de bzhin gshegs pa'i rgyal po re rer bsgoms la/ de'i sngags dang phyag rgyas byin gyis brlabs nas/ phyogs bcu dus gsum gyi de bzhin gshegs pa thams cad la phyag 'tshal lo//de bzhin gshegs pa'i bka' yang dag pa'i bden pa dang / bden pa'i byin gyi rlabs dang / sngags dang phyag rgya'i bden pa dang / bden pa'i byin gyi rlabs kyi stobs kyis/ rdul 'di dag de bzhin gshegs pa'i sku re rer gyur nas/ 'di gang du gnas pa dang /'di gang la reg pa'i sems can thams cad sdig pa'i lam nas grol nas/ dge ba'i lam la zhugs te/ bla na med pa yang dag par rdzogs pa'i byang chub thob par gyur cig ces smon lam btab ste/ gtor ma dang bcas pa rgya mtshor 'bab pa'i chu bo'am/ mtshe'u 'am/ 'bab chu la sogs pa'i nang du dor bar bya'o/ /rgyud kyi rgyal po dri med las/ /bdag gis ro sreg rgyas bshad las/ /bsod nams rgya chen gang thob des/ /'gro kun rdo rje rgyal por shog /slob dpon chen po kun dga' snying pos mdzad pa/ ngan song thams cad yongs su sbyong ba'i rgyud kyi rgyal po'i ro'i sbyin sreg gi cho ga rdzogs so/