CLOSE WINDOW

D2630
བོད་ཡིག

lo tsA ba dge slong rig pa gzhon nus bsgyur ba// /[ ]@##/ /rgya gar skad du/ sarba durga ti pa ri sho d+ha ni ma hA maN+Da la sA d+ha no pi ka /bod skad du/ ngan song thams cad yongs su sbyong ba'i dkyil 'khor chen po'i sgrub thabs/ dpal rdo rje sems dpa' la phyag 'tshal lo//lha tshogs dga' tshal rab tu yid 'ong nor bu gser shing yal ga sogs/ /sman dang me tog bya mang skad 'byin tshangs pa la sogs 'khor gyis bskor/ /byang chub sems dpa'i tshogs dang lhan cig bzhugs pa de la phyag 'tshal lo/ /ngan song rnam par sbyong bar byed pa la sogs rtsa ba'i rgyud chen las//bsdus te bla ma'i man ngag rim pa'i gzhung de ding 'dir bdag gis ni/ /mos dang goms pa'i dbang gis bsgrub pa'i rim pa de las mi 'gal ba/ /mun pa'i sgron ma bzhin du gsal bar 'gro ba kun la phan phyir bshad/ / nyams dga' ba'am gtsug lag khang / /skyed tshal mchod rten lha khang sogs/ /de lta bu yi gnas dag tu/ /bde 'jam glod la 'dug byas nas/ /rnam par dag par mos pa ni/ /de yis nang gi khrus bya'o/ /spos dang ga bur gur kum gyis/ /bkru ba phyi yi khrus su gsungs/ / dang por sngags pa bdag gis dag /dag par 'dod pas 'di ltar bsam/ /mgrin pa'i bu gu stong pa la/ /yi ge hrIHlas pad+ma bsam/ /lce la paM las bskyed pa yi/ pad+ma 'dab gcig bskyed byas te/ /de steng yi ge a las ni/ /bskyed pa'i zla ba'i dkyil 'khor du/ /hUM gis rdo rje rtse lnga bskyed//rdo rje lce la thim byas nas/ /rdo rje lce zhes bya ba ste/ /sngags bzlas mthu dang ldan par 'gyur/ /lag gnyis mdun du bzhag byas la/ /de gnyis dkyil du zla dkyil bsam/ /de steng yi ge hUM las ni/ /rdo rje rtse lnga bskyed byas te/ /shin tu mdog dkar de lag nang / / thim pa rdo rje lag par bshad/ /lag pa'i rdo rje thim byas nas/ /phyag rgya gang yin bcing bar bya/ /de nas rdo rje 'jigs byed nas/ /rdo rje ri yi mthar thug par/ /phyogs dang dra ba ra ba dang / /bsrung ba'i 'khor lo thams cad kyang / /mkhas par gyur pas rab tu bsgom/ /de nas stong dang snying rje gnyis//thabs dang shes rab ldan pa yis/ /rdo rje dril bu g.yon phyogs nas/ /blangs la lag pa'i steng bzhag ste/ /rdo rje snying rje byang chub ste/ /dril bu stong pa'i bdag tu brtag /de ltar bdag gis bsam byas la/ /spyi bor dkrol te dbang bskur ro/ /de nas phab la lan gsum dkrol//de gnyis gcig gis gcig 'khyud de/ /rdo rje lan gsum gsor byas la/ /thugs kar brtan pa spyan drangs pa/ /dril bu'i sgras ni dgyes pa ste/ /de ltar bsams na nus pa skye/ /de nas 'gro la phan don du/ /mchog gi dngos grub bsgrub pa'i phyir/ / dang por 'khor lo bzhag byas te/ /mkha' la dkyil 'khor bsgom par bya/ /de ltar byas 'og phyag lnga bya/ /spos dang me tog mar me dang / /dri dang lha bshos rnam ldas mchod/ /sdig pa bshags dang rjes yi rang / /gsol ba gdab dang skyabs su 'gro/ /bskyed dang bskul dang lam bsgom dang //dkyil 'khor de la bdag gis kyang / /sdom pa thams cad gzung bar bya/ /de 'og spos la sogs pa dang / /sgeg mo la sogs brgyad kyis mchod/ /rgyud chen nang nas gsungs pa yi/ /bcu phrag gnyis kyi mchod pas mchod/ /gzhan yang lha klu la sogs kyis//bsti stang bla ma mchod cing brjod/ /mchod pa'i sprin gyis rab mchod nas/ /sangs rgyas la ni yon tan brjod/ /kye ma'o sangs rgyas kye sangs rgyas/ /kye ma'o sangs rgyas mdzad pa legs/ /gang phyir ngan song bdag sbyangs nas/ /byang chub spyod pa nyid la bkod/ / de nas dbang por bcas pa'i lha/ /thams cad thal mo sbyar byas nas/ /ngo mtshar skyes nas phyag 'tshal te/ /de yi mod la mi snang gyur/ /de nas ting 'dzin rim pa 'dis/ /go rims bzhin du bsgom par bya/ /bdag gi snying ga'i dbus su ni/ /zla ba'i dkyil 'khor bsgom par bya/ / de yi dbus su dkyil 'khor ni/ /nam mkhar bsgom pa bsdus nas su/ /snying ga'i dkyil du gzhag par bya/ /rdo rje lcags kyu la sogs kyis/ /dgug dang gzhug dang bcing ba dang / /dbang du bya ba rnam pa bzhis/ /rnam pa gnyis po bsdus nas ni/ /dkyil 'khor gcig tu bdag gis bsgom//dkyil 'khor 'di ni thams cad du/ /rdzogs pa'i sbyor ba las byung ba'i/ /sbyong ba'i rgyal po la sogs pa'i/ /dkyil 'khor lha ni thams cad dag /bdag gi snying ga'i dbus su ni/ /btso bo'i rgyal po bsgom par bya/ /de nas rgyal ba'i thugs ka ru/ /zla dkyil dbus su sngags kyi gzugs//de las 'od zer 'phros byas pas/ /gdug pa gang yin thams cad la/ /phog pas de dag kun bkug nas/ /sngags dang phyag rgyas de dag dbrog /de sogs thabs kyi thabs kyis ni/ /khams gsum sdug bsngal sbyang bar bya/ /de las grol zhing thar byas nas//'od zer gyis kyang phog byas nas/ /snying gar dgug gzhug byas nas ni/ /rim pas dbang bskur sbyin par bya/ /de ltar dbang bskur ba tsam gyis/ /srid gsum sems can ma lus kyang / /rgyal sras kun dang mnyam mthong nas/ /drin lan tshul du mchod par bya'o//chos dbyings ye shes rnam par dag /rnam par snang mdzad bcom ldan 'das/ /ting nge 'dzin ldan phyag rgya can/ /phyag 'tshal rdo rje kun rig la'o/ /me long ye shes rang bzhin las/ /sems can ma lus thams cad kyi/ /ngan song thams cad sbyong mdzad pa/ /phyag 'tshal spyod pa'i rgyal po la'o//mnyam nyid ye shes yon tan bdag /yid bzhin nor bu rin chen gyis/ /sems can bsam pa skong mdzad pa/ /rgyal mchog rin chen khyod phyag 'tshal/ /so sor kun rtog gsung gi bdag /gsung rab pad+ma kha rgyas pas/ /khams gsum dbugs 'byin rab mdzad pa//shAkya'i rigs dbang khyod phyag 'tshal/ /nan tan ye shes phrin las bdag /sna tshogs sems can sdug bsngal kun/ /ma lus par ni zhi bar mdzad/ /me tog kun rgyas khyod phyag 'tshal/ /grwa yi phyogs ni kun du yang / /rigs kyi yum gyi skur bstan pa/ /lha mo spyan dang mA ma kI /dkar mo sgrol ma khyod phyag 'tshal/ /rtsibs kyi nang ni thams cad na/ /bzhugs pa'i rdo rje sems la sogs/ /rdzu 'phrul che ba'i sems dpa' rnams/ /'bras bur ldan la rgyud bzhin bstod/ /sgeg mo phreng dang glu dang gar/ /spos dang me tog mar me dang / /dri chab la sogs brgyad mchod pa//phyi nang lha mo phyag 'tshal bstod/ /sgo yi khyams kyi nang bzhugs pa/ /byams pa la sogs bcu drug kyang / /dang po dga' sogs sa gnas shing / /'gro ba'i don la rtag gnas pa/ /sems can kun byams rang bzhin can/ /snying rje blo mkhyen 'jam pa'i dpal//shes rab blo chen spos glang po/ /nyon mongs 'joms pa'i ye shes tog /rdzu 'phrul stobs dang ldan bzang skyong / /shugs kyis kun skyong don yod mthong / /tshogs gnyis yongs bsags blo mi zad/ /stobs bcus yongs gnon spobs pa brtsegs/ /mi shes ri 'joms mthu chen thob//gzung 'dzin kun 'byin ngan song 'dren/ /nyon mongs mun sel mya ngan 'joms/ /lha yi gzugs 'joms dra ba can/ /lus ngag spyod dag zla ba'i 'od/ /bsam pa mngon rtogs bdud rtsi 'od/ /nam mkha'i nor 'chang nam mkha'i mdzod/ /'jig rten kun phan kun du bzang //rnam thar bzhi ldan sems dpa'i gtso/ /sa gnas rnams la phyag 'tshal bstod/ /twa ra Na yi khyams bar na/ /dpe bral sems dpa' bcu drug ni/ /sa dang pha rol phyin grub pa/ /rigs kyi dbang gis bzhugs pa ni/ /'khor ba gcod mdzad ngan song 'joms//mi shes gsal byed mun pa sel/ /ngan song 'dren mdzad sdug bsngal 'joms/ /nyon mongs 'joms pa srid mtsho sgrol/ /thugs kyi rang bzhin rdo rje dkar/ /sems dpa'i gtso la phyag 'tshal bstod/ /dgos 'dod skong ba rin chen mdzod/ /dam chos 'phel mdzad dge blo gros//chos smra don mthun yid du 'ong / /rgyu 'bras kun dran dran stobs mchog /yon tan rang bzhin rin chen bsngo/ /de skong tshogs la phyag 'tshal bstod/ /chos kyi don 'byung dge 'byung gnas/ /snod bcud 'bras ston legs pa'i tog /khams gsum thams cad srid mtsho sgrol//'bras bu kun 'byung bde ba 'byung / /gsung gi rang bzhin pad+ma dmar/ /gsung rab kha 'byed rnams la bstod/ /yid myur brtson 'grus mi ldog pa/ /bskrun med tshad med yon tan mdzod/ /mu stegs rgol 'joms the tshom myur/ /rgyu 'bras shes smra nga ro snyan//phrin las rang bzhin rgya gram ljang / /don mdzad rigs la phyag 'tshal bstod/ /rab tu byung nas tshul khrims sdom/ /ston pa'i rtags 'chang nyan thos mchog /phyag na po ti bar sreg shang / /sku mdog ma des tha dad pa/ /nyid gcung tshe ldan dga' bo dang / /sku yi sras gyur sgra gcan zin//shes rab mchog gyur shA ri'i bu/ /'dri zhing lan lon mchog rab 'byor/ /rdzu 'phrul che ba maud gal bu/ /khyim pa dad skyed 'char ka bzang / /'phrul gyi spyan ldan ma 'gags pa/ /dam chos thos mnga' kauN+Da n+yi/ /'dul ba 'dzin pa nye ba 'khor/ /spyod mdzes bdud 'dul rta thul ba//ting 'dzin dbang thob ba lang bdag /zhabs 'bring rtag mdzad kun dga' bo/ /shAkya'i skra 'dreg ming chen po/ /bslab pa kun 'dzin nor sbyin 'dzin/ /sbyangs pa'i yon tan ldan gang po/ /zhal ta'i sku bgres pa 'od srungs/ /bslab sbyangs yon tan kun ldan pa//nyan thos rnams la phyag 'tshal bstod/ /rten 'brel don la brten gnas pas/ /'phags pa rang rgyal bcu gnyis la/ /nyon mongs 'joms byed gdung ba sel/ /ting 'dzin gsal ba snang ba brtsegs/ /'khor ba sreg pa 'jigs par byed/ /'khor bas mi bsnyengs dpa' bo 'dul//shes pa'i rtsal ldan shes rab mgyogs/ /'khor rlung mi bskyod ri bo rgyal/ /gsung gi sgra dang ldan sgra chen/ /dmigs pa rtse gcig bse ru ba/ /nyon mongs skyon 'joms dug sel 'joms/ /cho 'phrul ldan pa rdzu 'phrul ston/ /'jigs pa kun bral seng ge'i sgra/ / ting 'dzin gsal byed yid myur ba/ /'byung dang bzlog la rab zhugs pa/ /rang rgyal gtso la phyag 'tshal bstod/ /phyi rol sgo yi nang gnas pa/ /khro bo srin po'i cha lugs can/ /sbrul dang mi sdug mgos brgyan pa/ /stag lpags kyis ni smad dkris shing / /khams gsum gsal byed 'jig rten snang //gdul dka' 'dul ba gsum 'dul ba/ /thugs kyi rang bzhin rdo rje dang / /dbyug to 'dzin la phyag 'tshal bstod/ /ma rungs sdig byed gsum 'jig pa/ /ma rungs 'joms byed gsum mthar byed/ /yon tan rang byung rtse gsum dang / /be con bsnams la phyag 'tshal bstod//dgos pa sgrub mdzad bdud rtsi 'khyil/ /srid pa 'joms mdzad be con sngo/ /gsung gi rang bzhin rgya gram dang / /ral gri 'dzin la phyag 'tshal bstod/ /nyon mongs g.yo med mi g.yo mgon/ /dbang gi rang bzhin rta mgrin rgyal/ /phrin las rang bzhin ral gri dang //pad+ma bsnams la phyag 'tshal bstod/ /phyi yi dkyil 'khor phyi rol du/ /mu ran dkar po'i nang gnas pa/ /gling bzhi po ni bri bar bya/ /shar phyogs lus 'phags zla gam na/ /lha yi dbang po brgya byin ni/ /mchan na bde sogs la sogs pa'i/ / 'khor dang bcas la phyag 'tshal bstod/ /lho phyogs 'dzam gling sog ka na/ /'jig rten mes po tshangs pa dang / /btsun mo tshangs ma pho nya mngag /yid 'ong bcas la phyag 'tshal bstod/ /nub phyogs glang spyod zlum po na/ /lha chen dbang phyug chen po dang / /mchan na dka' zlog la sogs pa'i//'khor dang bcas la phyag 'tshal bstod/ /byang phyogs che rgyas gru bzhi na/ /lha chen gtogs 'dod khyab 'jug dang / mchan na dpal ldan la sogs pa'i/ /'khor dang bcas la phyag 'tshal bstod/ /khor yug nyid la gnas pa yi/ /'jig rten skyong ba brgyad po la//'khor dang bcas la bstod pa ni/ /mche ba drug pa mdog dkar ba'i/ /glang chen de ni brgya byin gdan/ /rol pas 'dug pa gur gum 'dra/ /mchan na sha tsi u pa si/ /dbang phyug chen po biSh+Nu dang / /b+h+r-i d+gi ri ti dga' byed dang / /gzhon nu smin drug tshogs kyi bdag /stobs bzang legs ldan la sogs bstod/ /lho phyogs gshin rje'i rgyal po ni/ /ma he'i gdan can g.yon dkur brten/ /mchan na nag mo 'chi bdag mo/ /be+e con g.yas na 'dzin pa ste/ /rdo rje gzhon nu ma dang ni/ /nam gru ma dang nag mo dang / /rdo rje lu gu rgyud sogs bstod//nub phyogs ngos kyi chu lha ni/ /lus mdog dkar zhing ser ba dang / /sbrul gyis lus brgyan chu srin gdan/ /zhags pa rin chen bsnams pa ste/ /mtha' yas dang ni 'jog po dang / /karko Ta dang ku li ka /nor rgyas bu dang dung skyong dang / /pad+ma chu bdag la sogs bstod//byang phyogs gnod sbyin rgyal po ni/ /gser gyi mdog 'dra rin chen dang / /g.yon pa snye ma rta yi gdan/ /mchan na chung mar bcas pa ste/ /yang dag shes dang 'brog gnas dang / /nor bu bzang po dzam+b+ha la/ /gang ba bzang po ku be ra/ /pa ny+tsi ka dang nor lha'i rgyal/ / 'khor dang bcas la phyag 'tshal bstod/ /me gzugs kha dog drug ldan pa'i/ /dkyil na chung ma dang bcas pa/ /lus dmar ba la ra skyes gdan/ /gun+d+he dbyug pa 'dzin pa ste/ /me bzhi dang ni nag pa dang / /yang dag shes dang mdun bdar dang / /gya gyur 'gyur med a gur dang //g.yon 'dor la sogs phyag 'tshal bstod/ /lho nub mtshams kyi bden bral ni/ /yi drags gdan can dmar nag mdog /me 'bar ba ni g.yon na 'dzin/ /g.yas pa ral gri 'dzin pa ste/ /lang ka mgrin bcu me stag dang / /u pa kar+Ni pur+Na dang / /'jigs shing gsod byed la sogs bstod//nub byang rlung lha'i rgyal po ni/ /nam mkha'i mdog can sha ba'i gdan/ /ba dan gyen du bsgreng ba 'dzin/ /g.yon pa rlung sgye'u thogs pa ste/ /rnam par snang mdzad sgra gcan 'dzin/ /sum brtsegs dang ni rab sim dang / /lha min he ran ke shu dang / /kun du snang sogs phyag 'tshal bstod//byang shar 'byung bo'i bdag po ni/ /thal ba'i mdog 'dra rta yi gdan/ /g.yas gnyis rtse gsum a mra dang / /g.yon gnyis gun+d+he rag sha phreng / /ri dgas rgyal dang skem byed dang / /brjed byed dang ni khu tshur can/ /nam gru srul po dza mi ka / 'dod pa can dang ma dga' byed/ /bzhin bzangs dang ni gnya' lag can/ /bya gzugs mig 'chang 'joms pa po/ /ma mo la sogs phyag 'tshal bstod/ /khor yug gi ni phyogs bzhi na/ /bar na gza' rnams brgyad gnas pa/ /pa ba sangs dang mig dmar gnyis/ /shar na gnas shing 'khor rnams skyong //smin drug snar ma mgo dang lag /nab so rgyal skag la sogs bstod/ /phur bu dang ni nyi ma gnyis/ /lho na gnas shing 'khor rnams skyong / /mchu dang gre dang dbo dang ni/ /me bzhi nag pa sa ri dang / /sa ga la sogs phyag 'tshal bstod/ /zla ba sgra gcan nub phyogs na//gnas shing rang gi 'khor skyong ba/ /lha mtshams dang ni snon dang snrubs/ /chu stod dang ni chu smad dang / /byi bzhin dang ni gro bzhin te/ /nub phyogs gza' skar 'khor bcas bstod/ /gza' lhag spen pa byang phyogs na/ /gnas shing rang gi 'khor skyong ba//mon gru dang ni mon gre dang / /khrums stod khrums smad nam gru dang / /tha skar dang ni bra nye dang / /gza' skar tshogs la phyag 'tshal bstod/ /dkyil 'khor gyi ni khor yug gi/ /mtshams na lto 'phye gnas pa ni/ /rab brtan dang ni khyus 'gro dang / /sbrul mgo shar gnas khyod phyag 'tshal//dge ba'i bar du gcod pa'i bgegs/ /gnye'u thung spyi'u gtsug sai min te/ /dar dpyangs dang ni mu rgan dang / /'dre tshogs lho gnas khyod phyag 'tshal/ /mkha' lding rgyal po nub phyogs na/ /mkha' lding gser mig ga ru Da/ /g.yog mang du ma khyod phyag 'tshal//'byung ba bzhi yi lha chen po/ /smin par byed pa me yi lha/ /sdud par byed pa chu yi lha/ /g.yo bar byed pa rlung gi lha/ /brtan par byed pa sa yi lha/ /phyogs bzhir gnas la phyag 'tshal bstod/ /kun snang dang ba khyem gyi lha/ /rab brtan blo gros ri yi lha/ / kun nas 'od zer shing gi lha/ /kun du blo gros kun dga'i lha/ /sna tshogs sgo ni nags tshal lha/ /'byung po dge ba dur khrod lha/ /dge ba'i blo gros grong khyer lha/ /lha tshogs sdud pa phyag 'tshal bstod/ /las dang mthu stobs cher grags shing / /dri za grul bum klu rnams dang / / gnod sbyin rnams la dbang sgyur ba/ /dri za'i rgyal po yul 'khor srung / /gtsug phud lnga pa la sogs bstod/ /grul bum rgyal po 'phags skyes po/ /grul bum sna mig la sogs bstod/ /klu yi rgyal po spyan mi bzang / /klu chen 'khor dang bcas la bstod/ /gnod sbyin rgyal po rnam thos sras//gnod sbyin nor 'dzin sogs phyag 'tshal/ /phyi yi khor yug phyi mtshams na/ /rgyal ma rnam rgyal mi pham pa/ /mkha' 'gro ma dang sha za ma/ /rig sngags 'chang rnams phyag 'tshal bstod/ /shin tu mi bzad sdug bsngal ba'i/ /dmyal ba rnams dang yi dags dang //byol song mi yi 'gro ris dang / /khor yug sa steng gnas par bgyis/ /de ltar bstod pa'i rgyal po yis/ /sngags pas bdag gi snying ga'am/ /mdun du dkyil 'khor bstod byas te/ /rdo rje dril 'dzin rdo rje brjod/ /de nas phyi nas bdag lus las/ /nam mkha'i dkyil 'khor brtag par bya//de ltar bsgoms mchod stod byed pa/ /dang po'i sbyor ba'i cho ga'o/ /dang po'i sbyor ba'i dkyil 'khor gyi cho ga rdzogs so// //de nas chos rnams dngos med par/ /thams cad stong pa nyid du ni/ /sems kyis bsgom pa byas nas kyang / /gong ma de las ma nyams par//a las zla ba'i dkyil 'khor bsam/ /sa bon dbus su dam tshig rgya/ /bsam zhing de bzhin sgrub pa pos/ /lha yi rnal 'byor tshul bsgyur te/ /phyag rgyas phyag rgya de byin brlabs/ /rlung dang me chu de dkyil du/ /gser gyi sa gzhi bsgom par bya/ /suM las ri rab chen po bsam//rin chen bzhi las grub pa yi/ /rgya ni yangs pa gru bzhi la/ /de dbus sdig pa sbyong ba yi/ /dkyil 'khor dge ba bsgom par bya/ /b+hUM las gzhal yas khang pa ni/ /mdzes pa brtsegs pa bsgom bya ste/ /gru bzhi pa la sgo bzhi pa/ /twa ra na bzhis brgyan pa dang //mu khyud lte ba rtsibs ldan pa/ /sgo glo sgo khyams thams cad dang / /de dag grwa la bsam pa ni/ /rin chen rdo rje mtshan ma dang / /dril bu dar 'phan do shal dang / /phreng bas rab tu klubs pa dang / /dra ba dra phyed mdzes brgyan pa/ /phyag rgya bzhi yis brgyan pa la/ /gru bzhi pa ni bsam par bya//de nas dkyil 'khor dbus dag tu/ /pad+ma'i 'og dang seng ge'i gdan/ /de steng zla ba'i dbus gnas pa/ /mi dmigs thugs rje thabs nyid de/ /chos sku mi gnas snying rje'i ngang / /thabs dang shes rab gnyis med pas/ /'gro ba bdag sems don du ni/ / 'byung ba'i rgyu ni sngags kyi gzugs/ /kun rig rgyal po sprul par bya'o/ /oM sho d+ha ne sho d+ha ne/ sarba pA paM bi sho d+ha ne/ shud+d+he bi shud+d+he/ sarba karma A ba ra Na bi shud+d+he swA hA/ sngags kyi rgyal po de yis ni/ /gtso bo bdag po rjes dran nas/ /sgrib 'joms rnam dag ting 'dzin la/ / snyoms 'jug sngags ni ched brjod bya/ /des ni ngan song gsum po yang / /pad+ma kha bye bzhin du grol/ /de nas bdag gi snying ga ru/ /zla ba'i dkyil 'khor la gnas pa'i/ /sngags rnams rab tu brjod nas su/ /ngan song sbyong ba nas brtsams te/ /rdo rje dril bu'i bar du bskyed//bskyed pa'i sngags ni 'di dag go/ /na mo b+ha ga ba te sarba durga ti pa ri sho d+ha ni rA dzA ya/ ta thA ga tA ya ar+ha te saM myak+saM bud+d+hA ya/ tad+ya thA/ oM sho d+ha ne sho d+ha ne/ sarba karma A ba ra Na bi sho d+ha ne swA hA/ zhes sngags de brjod par bya'o/ /de nas rim pa de yis ni/ / lha rnams gang yin dbyung bar bya/ /oM sho d+ha ne sho d+ha ne/ sarba a pA ya hUM/ zhes pa'i sngags rang gi snying gar bsgom par bya ste/ kun nas 'od zer sna lnga ni/ /rang gi sgo nas dbyung bar bya/ /sngags kyi 'od zer snang ba yis/ /khams gsum 'gro la phog byas pa/ /ngan song sdug bsngal zhi bar bya//'od de slar yang snying gar 'dus/ /sngags dang 'od zer 'dus byas pas/ /gzugs rdzogs bskyed nas spro bar bya/ /mdun phyogs pad+ma zla ba la/ /de bzhin gshegs pha ngan song sbyong / /nyon mongs sdug bsngal zhi don du/ /snying las spros nas gzhag par bya/ / zla ba ltar ni snum pa la/ /ba mo'i mdog ltar dkar ba yi/ /sa gnon phyag rgya yang dag ldan/ /glang po'i gdan la bzhugs pa'o/ /gong gi bye brag thams cad kun/ /'od zer 'phro 'di'i sbyor ba yis/ /thugs las byung ba'i lha tshogs pa/ /rang rang sngags las sku sprul bya'o/ / oM sho d+ha ne sho d+ha ya/ sarba a pA yA s+t+waM/ g.yas su rin chen me tog ni/ /mchog sbyin rgya can rta la gnas/ /pad+ma zla ba'i gdan nyid du/ /mdog sngon thugs las spros nas dgod/ /oM sho d+ha na sho d+ha ya sarba a pA ya hriH/ rgyab tu shAkya thub pa ste/ /ting 'dzin phyag rgya yang dag ldan//rma bya'i gdan la yang dag gnas/ /pad+ma'i dbus thugs spros nas dgod/ /oM sho d+ha ne sho d+ha ya sarba a pA ya aH// g.yon du me tog cher rgyas te/ /sku ljang mkha' lding la gnas la/ /skyabs sbyin rgya can pad zla yi/ /dkyil na thugs las phyung ste gnas/ /hUM trAM hrI aH bzhi po las//lha mo spyan dang mA ma kI/ /dkar mo sgrol ma rnam pa bzhi/ /rang gi rigs bzhin dbyung bar bya/ /hUM dzaHhoHd+hu bzhi po las/ rdo rje sems dpa' rgyal po las/ /rdo rje chags pa legs pa bzhi/ /rdo rje lcags kyu mda' khu tshur/ /pad zla'i dbus thugs la ni dgod/ /trAM r+yaM b+h+ri hA bzhi po las//rdo rje rin chen rdo rje 'od/ /rdo rje rgyal mtshan rdo rje bshad/ /pad zla'i dbus na rin chen dang / /nyi ma rgyal mtshan so bsnams pa/ /thugs las phyung nas dgod par bya/ /hriHd+hiHkruM b+ha bzhi po las/ /rdo rje chos dang rnon po dang / /rdo rje 'khor lo smra ba rnams/ /pad+ma ral gri 'khor lo ljags//thogs nas zla pad gong ltar dbyung / /kaM raM k+ShaM saM bzhi las ni/ /las dang srung dang gnod sbyin brten/ /rgya gram go cha mche khu tshur/ /de kun sna tshogs pad+ma dang / /zla ba'i dbus su shes par bya'o/ /hUM trAM hrIHaHzhes bya bas/ sgeg mo la sogs rnam bzhi po//phyung nas gra'i cha rnams la/ /pad gnas zla ba'i gdan la dgod/ /spos la sogs pa bzhi po yang / /sgeg sogs rnams dang mthun pas na/ /phyag sogs gdan sogs brtag pa'o/ /oM sarba saM skA ra pa ri shud+d+ha d+harma te ga ga na sa mung+ga te swa b+hA ba bi shud+d+he ma hA na ya pa ri bA re swA hA/sngags de yis ni dbyung bar bya/ /byams pa la sogs sems dpa' rnams/ /pad+ma zla ba'i dbus dag tu/ /sems dpa'i skyil mo krung gis bzhugs/ /byams pa 'jam dpal spos glang po/ /de bzhin ye shes tog dang bzhi/ /klu yi me tog gun+d+he dang / /ut+pal spos glang rgyal mtshan 'dzin//bzang skyod don yod mthong ba dang / /blo gros mi zad spobs brtsegs bzhi/ /rin chen 'bar ba pad+ma bum/ /pad tog rin chen brtsegs pa rnams/ /mthu chen thob dang ngan song 'dren/ /mya ngan kun 'joms dra ba can/ /za ma tog dang lcags kyu dang / /be con rin chen dra ba 'dzin//zla ba'i 'od dang bdud rtsi 'od/ /nam mkha' mdzod dang kun du bzang / /pad steng zla tshes bum pa dang / /be con snye ma 'dzin pa'o/ /ngan song sbyong dang mun pa sel/ /sdug bsngal 'joms dang srid mtsho sgrol/ /phyag mtshan rdo rje dkar 'dzin te/ /pad+ma zla ba'i dbus na bzhugs//rin chen mdzod dang dge blo gros/ /don mthun yid 'ong dran stobs mchog /yon tan rang bzhin rin chen 'dzin/ /pad+ma zla ba'i dbus na bzhugs/ /dge ba'i 'byung gnas legs pa'i tog /srid pa'i mtsho sgrol bde ba 'byung / /gsung gi rang bzhin bde ba 'dzin//pad+ma zla ba'i dbus na bzhugs/ /brtson 'grus mi ldog yon tan mdzod/ /the tshom yid myur nga ro snyan/ /phrin las rang bzhin rgya gram 'dzin/ /bad gnas zla ba'i dbus na bzhugs/ /dzaHhUM baM hoHbzhi yis ni/ lcags kyu zhags pa lcags sgrog dang / /dril bu bsnams nas pad zla yi//dbus na sems dpa'i skyil krung bzhugs/ /de ltar rnam par bsgom pa ni/ /dkyil 'khor rgyal mchog ting 'dzin no/ /dkyil 'khor rgyal mchog ces bya ba'i ting nge 'dzin gnyis pa'o// //de nas las kyi rgyal mchog ni/ /gsang ba sngags kyi 'od zer gyis//'gro ba ngan 'gro las skyabs phyir/ /zhe sdang la sogs rnam pa lnga/ /ye shes lnga yis ngang bcom ste/ /dmyal ba yi dags byol song sogs/ /dkyil 'khor kun du bzhugs pa yis/ /'bras bu ngan song las thar mdzad/ /rigs kyi dbang gis kun rdzob pas/ /so so re re gsung ba min//des na las kyi rgyal mchog go/ /las kyi rgyal mchog ces bya ba'i ting nge 'dzin gsum pa'o/ /na mo b+ha ga ba te sarba durga ti pa ri sho d+ha ne rA dzA ya/ ta thA ga tA ya/ ar+ha te saM myak+saM bud+d+hA ya/ tad+ya thA/ oM sho d+ha ne sho d+ha ne/ bi sho d+ha ne bi sho d+ha ne/ sarba pA paM bi sho d+ha ne shud+d+he bi shud+d+he sarba karma A ba ra Na bi sho d+ha ne swA hA/lha rnams kun gyi sngon du ni/ /sngags de shin tu brjod par bya'o/ /de nas sngags dang phyag rgya rnams/ /go rims bzhin du bshad par bya/ /thugs rjes bskul ba'i thugs mnga' ba'i/ /rgyal ba kun gyis byin gyis rlobs/ /dam tshig phyag rgya thams cad ni//bsngags pa rdo rje las byung ste/ /ting 'dzin phyag rgya la gnas pa/ /phyag rgya 'di ni rig pa'o/ /rdo rje bsdams pa gung gnyis bsgreng / /mthe bong mthe'u chung gnyis gyen brkyang / /mdzub gnyis pad+ma ltar bkug pa/ /ngan song rnam par sbyong ba po/ /de las mdzub gnyis rin chen byas//rin chen tog gi phyag rgya'o/ /mthe'u chung mthe bo so sor mnyam/ /lhag ma brkyang ba shAkya thub/ /de las lag g.yon dkur byas la/ /mi 'jigs sbyin par bya ba ni/ /phyag rgya 'di ni cher rgyas kyi'o/ /bcings pa mdzub gnyis mig tu bya'o/ /chung ngu srin lag nad bu bsnol//gung mo mnyam par bsgreng ba ni/ /sangs rgyas kyi ni yin par gsungs/ /sbyar ba gung mo gnyis bsgrengs nas/ /mdzub gnyis ngos la sbyar byas nas/ /rtse gsum tshul du byas pa ni/ /mA ma kI yi phyag rgya'o/ /lag pa thal mo sbyar ba las/ /gung mo pad+ma 'dra ba las/ /phyag rgya 'di ni gos dkar ma'o//sbyar ba gung mo gnyis bsgreng la/ /mdzub gnyis rgyab nas dkris byas te/ /mthe bong gung sbyar ut+pa la/ /phyag rgya 'di ni sgrol ma'o/ /phyag rgya rdo rje bsnams pa las/ /mdzub gnyis rdo rje brkyang ba ni/ /rdo rje sems dpa'i phyag rgya'o/ /de las mdzub mo g.yas bkug pa//rdo rje rgyal po'i phyag rgya'o/ /de las mdzub mo gnyis mnyam ste/ /dang po bcag pa chags pa'i 'o/ /de las mdzub gnyis slar bkug ste/ /se gol gtogs pa legs pa'i 'o/ /de las par ma'i tshigs bcag pa/ /rin chen rdo rje gang yin pa'o/ /de las sor mo 'od zer ltar//bkyed pa rdo rje gzi brjid do/ /de las spyi bor bzhag pa ni/ /rdo rje rgyal mtshan phyag rgya'o/ /de las phab nas kha ru ni/ /bzhag pa rdo rje bzhad pa'o/ /bcings la mdzub gnyis pad+ma ltar/ /phyag rgya de ni chos kyi'o/ /mdzub gnyis dang po'i tshigs bcag pa/ /phyag rgya 'di ni rnon po'i'o//mdzub gnyis gdu bu ltar byas pa/ /rdo rje 'khor lo'i phyag rgyar bshad/ /de las mdzub gnyis pad+ma yi/ /'dab 'dra byas pa smra ba'i'o/ /de las mdzub gnyis bskyed byas pa/ /las kyi rdo rje'i phyag rgya'o/ /de las mdzub gnyis par bkyed de/ /mgrin par 'khyud pa bsrung ba'o//de las rtse mo slar bkug ste/ /mche ba ltar byas gnod sbyin no/ /de las mdzub gnyis nang bkug ste/ /rab tu bsdams pa khu tshur ro/ /rdo rje bsdams pa dam byas pa/ /mthe bong gnyis gshibs sgeg mo'i'o/ /de las kha las mdun du ni/ /lag ba brkyang ba phreng ba ma'o//thal mo sbyar ba kha drung nas/ /phar drang ba ni glu ma'o/ /gar las rdo rje thal mo ni/ /spyi bor bzhag pa gar ma'i'o/ /bsdams pa thur blugs bdug pa ma'o/ /bsdams pa gyen gtor me tog go/ /mtheb bsnyams mdun 'dzin mar me'o/ /rdo rje bsdams kyang byug dri'o//mdzub gnyis bkug pa lcags kyu'o/ /mdzub bkug rtse sprad zhags pa'o/ /mdzub gnyis 'khyud pa lcags sgrog go/ /rab tu bskyod pa dril bu'o/ /rdo rje khu tshur bcings byas te/ /mdzub mo dbus ma rab mnan nas/ /me tog tshul byas byams pa'o/ /de las ut+pal ltar byas pa//'jam dpal gyi ni yin par bshad/ /g.yon pa khu tshur dkur brten nas/ /glang chen po yi tshul lta bur/ /g.yas pas byas pa spos glang po/ /g.yon pa khu tshur dkur brten nas/ /g.yas pa dku ru bzhag nas su/ /rgyal mtshan 'dzin pa ye shes tog / lag gnyis snying ga'i phyogs nyid du/ /pad+ma dgyes pa bzad skyong ngo / /bsgreng nas mdzub mtheb 'khyud pa ni/ /don yod spyan gyi phyag rgya'o/ /de las mdzub mo rin po che/ /'bar ba ltar byas blo mi zad/ /g.yon pa lte bar bzhag nas su/ /de steng g.yas gzhag spobs pa brtsegs/ snye ma rin chen za ma tog /mthu chen thob pa'i phyag rgya'o/ /rdo rje khu tshur bcing ba las/ /mdzub mo brkyang bar byas pa ni/ /ngan song sbyong ba'i phyag rgya'o/ /g.yon pa'i khu tshur dkur brten nas/ /g.yas pa be con tshul byas pa/ /mya ngan kun 'joms phyag rgya'o/ /g.yon pa'i khu tshur gnyis bcings te//go cha'i tshul du bcings nas su/ /nu ma gnyis la bcings pa ni/ /dra ba'i 'od kyi phyag rgya'o/ /g.yon pa'i khu tshur dkur brten nas/ /g.yas pa khu tshur glo ru yang / /mthe bo mthe'u chung brkyang byas nas/ /zla tshes tshul byas zla 'od rgya/ /lag pa gnyis kyis bum pa ni//'dzin tshul bdud rtsi 'od kyi'o/ /snying gar g.yon pa'i khu tshur gzhag /g.yas pa steng bskor nam mkha'i mdzod/ /g.yon pa khu tshur dkur brten nas/ /rin chen khu tshur g.yas pa ste/ /kun bzang dam pa'i phyag rgya'o/ /lag pa thal mo sbyar ba las/ /gung mo srin lag rtse mnyam bsgreng //mthe chung gnyis ni nang du gzhug /mdzub mo gnyis ni bkug byas la/ /mthe bong gnyis ni de ngos la/ /bcar ba byang chub spyi yi'o/ /thal mo mnyam du sbyar ba las/ /snying gar bzhag pa nyan thos kyi'o/ /g.yon pa'i khu tshur nang bstan te//mdzub mo mthe bong rtse sbyar bsgreng / /g.yas pa srin mtheb sbyar bsgreng sprad/ /rang rgyal rnams kyi phyag rgya'o/ /rdo rje bsdams pa dam bcas la/ /mdzub mo mthe'u chud gshibs te bsgreng / /mthe bong ngos bcar gsum snang gi'o/ /de nyid las ni mthe'u chung gnyis/ / bsnol ba 'jig rten gsum 'dul gyi'o/ /de gnyis las ni mthe bong gnyis/ /nang du bcug pa gsum 'jig go/ /de nyid las ni mthe'u chung bsgreng / /snga ma bzhin byas gsum mthar byin/ /de las mtheb gnyis rtse sprad de/ /bsgreng pa mi g.yo mgon po'o/ /de las gud gnyis gshibs te bsgreng //chung gnyis nang du lug rgyud sbrel/ /mdzub mo dang ni srin lag gnyis/ /gshibs te bsgreng ba bdud rtsi 'khyil/ /de las mdzub mo gung mo gnyis/ /snga ma bzhin du gzhag byas la/ /lhag ma bsnol ba be con sngo/ /de nas mdzub mo gshibs te bsgreng //lhag ma 'od zer 'phro byas pa/ /rta mgrin rgyal po'i phyag rgya'o/ /dam tshig phyag rgya de dag kyang / /phal cher bsdams pa las byung bas/ /bsdams pa las ni bcing par bya/ /de ni dam tshig phyag rgya'o/ /de nas las kyi phyag rgya bsnams/ /mdor bsdus rab tu bshad par bya//g.yon pa lte bar gzhag pa la/ /g.yas pa rdo rje 'dzin tshul ba/ /de bzhin gshegs pa'i phyag rgya'o/ /ngan song sbyong ba la sogs bzhi/ /sa gnon mchog sbyin ting nge 'dzin/ /mi 'jigs la sogs go rims bzhin/ /bsgyings nas rdo rje dril 'dzin dang / / lcags kyu g.yas na 'dzin pa dang / /mda' 'phangs tshul dang se gol dang / /mdzub mtheb phrad par 'dzin pa dang / /khu tshur gshibs pa nyi ma'i'o/ /khu tshur g.yon thogs gru mo gzugs/ /kha yi phyogs su gzhag pa'o/ /g.yas kyis g.yon pa 'byed pa dang / /ral gri gnyis kyis dpung par 'dzin//khu tshur gshibs te snying gar bskor/ /kha yi thad ka nas drangs dang / /khu tshur gnyis ni gar byas te/ /'gram pa g.yas g.yon gzhag par bya/ /de nas yang bskor spyi bor gzhag /spyi bor ba krol ba las kyi'o/ /khu tshur go cha'i tshul byas dang //de las mthe chung mche ba dang / /khu tshur gnyis ni mnan pa'o/ /de las dku g.yas g.yon pa las/ /bzhag nas 'gying ba sgeg mo'o/ /phreng ba 'dzin pa phreng ma'o/ /kha nas 'byung tshul glu ma'o/ /gar du byas pa gar ma'o/ /de las khu tshur thur du ni/ /blugs la spos ltar 'dug pa'o//gyen du 'thor ba me tog go/ /mdun du gshibs pa mar me'o/ /khu tshur rtse sprad brang la ni/ /nyug ba de ni dri chab ma'o/ /khu tshur gnyis kyi rgyab sbyar la/ /mthe'u tshud mdzub gnyis so so ru/ /'khyud pa de ni lcags kyu'o/ /de las mdzub gnyis rtse sprad la//gdu bur byas pa zhags pa'o/ /de las gung mo mtheb sprad la/ /lu gu rgyud ltar byas pa las/ /lhag ma bsdus pa lcags sgrog go/ /de las mdzub gnyis 'khyud pa la/ /khu tshur mnan bskyod dril bu'o/ /de bzhin phyag mtshan med pa dang / /gnyis su phye ba byas pa ni//byang chub sems dang nyan thos dang / /rang sangs rgyas pa thams cad kyi/ /las kyi phyag rgyar shes par bya/ /rdo rje 'dzin tshul dbyug to 'phyar/ /rtse gsum be con rgya gram dang / /dgra sta ral gri pad+ma bsnams/ /khro bo las kyi phyag rgya'o/ /lce la bad zla'i dkyil nyid du//gong bu bstan pa'i sngags de dag /bkod nas bzlas pa byas pa ste/ /chos kyi phyag rgyar bstan pa'o/ /ji ltar bstan pa bsgom pa dang / /phyag rgya phyag mtshan 'dzin pa dang / /byang chub sems dpa' thams cad kyi/ /phyag rgya che zhes bya ba yin/ /de la phyag mtshan med pa ni//las kyi phyag rgyar shes par bya/ /mthe bong mthe'u chung rtse sprad de/ /lhag ma gsum ni rdo rjer byas/ /de ni brgya byin phyag rgya'o/ /g.yon pa pad+ma kha 'dzums dang / /g.yas pa'i gung mdzub bsgreng bas ni/ /smrang 'don ltar byas tshangs pa'o/ /g.yon pa rab tu bgrad de bsgreng //g.yas pa rtse gsum gtogs 'dod do/ /pi wang g.yon logs yul 'khor srung / /mthe bong mthe chung sbyar byas 'phags/ /mdzub mo zhags pa spyan mi bzang / /mthe bo ne'u le'i sna 'dra ni/ /rnam thos sras kyi yin par bshad/ /g.yon pa thod pa thogs pa ltar/ / sor mo yid bsdus dbang phyug go/ /thal mo khong stong sbyar ba las/ /gung gnyis bsgreng la mdzub gnyis dgug /mthe bong steng bzhag lha rnams so/ /g.yas pa be con ltar byas la/ /g.yon pa mgo thod ces byas pa/ /gshin rje mo yi phyag rgya'o/ /g.yas pa zhags 'dzin tshul byas te//g.yon pa sbrul gyi gdengs kar bya/ /chu lha 'khor bcas phyag rgya'o/ /g.yas pa snye ma 'dzin pa dang / /g.yon pa mdzub mo bkug pa ni/ /gnod sbyin 'khor bcas phyag rgya'o/ /g.yas thal brkyang byas mthe bo dgug /smrang 'don lta bur bya ba dang / / g.yon pa gun+b+he 'dzin pa ni/ /me lha 'khor bcas phyag rgya'o/ /g.yas pa ral gri 'dzin pa dang / /gung mo srin lag mthil bkug pa/ /bden bral srin po'i phyag rgya'o/ /g.yas ba dan tshul byas nas/ /g.yon pa pi bang thogs pa ni/ /rlung lha 'khor bcas phyag rgya'o//g.yas pa phreng ba 'dzin pa dang / /g.yon pa zhags mig ltar byas pa/ /dbang ldan 'khor bcas phyag rgya'o/ /thal mo mnyam du sbyar ba ni/ /pa ba sangs dang mig dmar ro/ /kha thad mdzub bsgreng phur bu'o/ /lag g.yas thal bgrad nyi ma'o/ /zla ba g.yon pa bgrad pa'o/ / glang sna chu srin 'dra sgra gcan/ /se gol rtag gtogs lag pa la/ /spen pa dbyug pa 'dzin ltar bya/ /lag pa gnyis kyi mkhrig ma bsnol/ /bkan te g.yas pa steng phyung nas/ /sor mo spro zhing bsdu ba ni/ /rgyu skar spyi yi phyag rgya'o/ /'jig rten pa ni thun mong du/ /thal mo brkyang par bya ba dang //yang na thal mo pad+mar bya/ /'jig rten spyi yi phyag rgya'o/ /gong du ji ltar bshad pa yi/ /phyag rgya chen po bsgom pa ni/ /thugs kar rdo rje bsgom pa ni/ /phyag rgya chen po'i cho ga'o/ /de nas lha rnams thams cad kyi/ /dkyil 'khor sngags ni bstan bya ste/ /dang por bdag byin brlab pa'i sngags//rdo rje phyag rgya bcings nas dgod/ /oM sarba bdi badzra a d+hi tiSh+Tha dz+nyA na sa ma ye hU~M/ snying ga mgrin pa dpral ba dang / /smin mtshams mdzod spu rna ba gnyis/ /mgo bo gtsug phud dpung pa gnyis/ /sna dang rked pa pus mo bol/ / long bu gnyis dang mig gnyis dang / /gsang ba'i gnas su byin gyis brlabs/ /oM sho d+ha ne sho d+ha ya sarba a pA ya a na ya hUM/ /ngan song las 'dren pa'o/ /oM sarba bita sarba pA paM bi sho d+ha ne hUM/ sdig pa dag par bya'o/ /oM sarba bdi tra tha/ sdig pa dral ba'o/ /oM sho d+ha ne sho d+ha ne/sarba pA paM bi sho d+ha ne/ shud+d+he bi shud+d+he/ sarba karma A ba ra Na bi shud+d+he swA hA/ kun rig gi'o/ /oM sho d+ha ne sho d+ha ya/ sarba a pA ya hUM/ ngan song sbyong ba'i'o/ /oM sho d+ha ne sho d+ha ya/ sarba a ba ya/ sarba swa twe b+h+yaHhUM trAM/ rin chen me tog gi'o/ /oM sho d+ha ne sho d+ha ya/ sarba a pa ya bi sho d+ha ne hrIH/shAkya thub pa'i'o/ /oM sho d+ha ne sho d+ha ya/ sarba a pa ya ni sho d+ha ya/ tra tha aH/ me tog cher rgyas kyi'o/ /oM sho d+ha ne hUM/ /sangs rgyas spyan gyi'o/ /oM sho d+ha ne trAM/ mA ma kI'i'o/ /oM sho d+ha ne hrIH/ na bza' dkar mo'i'o/ /oM sho d+ha ni aH/ sgrol ma'i'o/ / sarba bid badzra satwa hUM/ sarba bid badzra satwa dzaHsarba bid badzra sa tra hoH/ sarba bid badzra satwa d+huH/ rdo rje sems dpa' rgyal po chags pa legs pa rnams rim pa bzhin no/ /trAM R+YaM b+h+ri hA/ rdo rje rin chen gzi brjid rgyal mtshan bzhad pa rnams rim pa bzhin no/ /hrIHd+hIHkruM b+ha la sogs rdo rje chos dang //rnon po dang 'khor lo dang / smra ba rnams rim pa bzhin no/ /kaM raM k+ShaM saM bzhi las rdo rje las dang / srung ba dang / gnod sbyin dang khu tshur rnams rim pa bzhin du sbyar ro/ /oM sarba bdi ma hA badzro d+b+ha ba dA na pA ra mi ta pU dze hUM/ sgeg mo'i'o/ /oM sarba bdi ma hA badzrod+b+ha ba shI la pA ra mi tA pU dze trAM/rdo rje phreng ba ma'i'o/ /oM sarba bdi ma hA badzro d+b+ha ba k+ShAn+ti pA ra mi tA pU dze hrIH/ glu ma'i'o/ /oM sarba bdi ma hA badzrod+b+ha wa bIR+ya pA ra mi tA pU dze aH/ gar mkhan ma'i'o/ /oM sarba bti sarba a pA ya/ d+ha ma d+ha ma d+hu pA ya d+h+yA na pA ra mi tA pU dze hUM phaT/ spos me ma'i'o/ /oM sarba bti sarba a pA ya puSh+pA bi lo ka ni pradz+nyA pA ra mi tA pU dze trAM/ me tog ma'i'o/ /oM sarba bti sarba a pA ya dz+nyA na A lo ka ka ri pra Ni d+hi pA ra mi ta pU dze hrIH/ mar me'i'o/ /oM sarba bti sarba a pA ya gan+d+ha bi nA sha ni badzra gan+d+ho pa ya pA ra mi tA pU dze aH/ dri chab ma'i'o/ / oM sarba bdi na ra ka A kaR+Sha Ni hUM phaT/ rdo rje lcags kyu'i'o/ /oM sarba bti sarba na ra ka u d+ha ra ni hUM phaT/ rdo rje zhags pa'i'o/ /oM sarba bti sarba na ra ka ban+d+ha mo tsa ni hUM phaT/ rdo rje lcags sgrog gi'o/ /oM sarba bti sarba na ra ka g+haN+Ta bi sho d+ha ni hUM phaT/ rdo rje dril bu'i'o/ /oM mai tri ha ra Na swA hA/byams pa'i'o/ /oM many+dzu shrI swA hA/ 'jam dpal gyi'o/ /oM gan+d+ha hasti swA hA/ spos kyi glang po'i'o/ /oM dz+nyA na ke tu ba ti hUM/ ye shes tog gi'o/ /oM b+ha dra ba ti ha ra pA la hUM/ bzang skyong gi'o/ /oM a mo g+ha ha ra she hUM/ don yod par mthong ba'i'o/ / oM ak+Sha ya hUM karmA ba ra Na bi sho d+ha ne swA hA/ blo gros mi zad pa'i'o/ /oM pra ti b+ha ne pra ti b+hAn ku re swA hA/ spobs pa brtsegs pa'i'o/ /oM s+thA me s+thA me ma hA s+thA me pA ti hUM/ mthu chen thob kyi'o/ /oM sarba a pA ya dza ha sho d+ha ne hUM/ ngan song kun 'dren gyi'o/ /oM sarba sho ka ta mo nir g+ha te na ma ti hUM/mya ngan kun 'joms kyi'o/ /oM dz+wa la ni ma hA dz+wa la ni swA hA/ dra ba can gyi'o/ /oM tsan+d+ra bya ba lo ki te swA hA/ zla 'od kyi'o/ /oM a mi ta pra b+ha ba ti hUM/ bdud rtsi 'od kyi'o/ /oM ga ga na lo tsa ne hUM/ nam mkha' mdzod kyi'o/ /oM sa man+ta b+ha dra hUM/ kun du bzang po'i'o//oM bo d+hi satwa sarba saM skA ra pa ri shud+d+ha d+harma te ga ga na sa mud+ga te swA hA/ byang chub sems dpa' thams cad kyi'o/ /oM sarba mu ne b+h+yaHpa ri shud+d+he ga ga na sa ma naM swA hA/ nyan thos kyi'o/ /oM na mo bud+d+ha bya ba lo ki te shud+d+ha ga ga na sa ma ye swA hA/ rang rgyal gyi'o/ /oM trai lo kya ki ra hUM phaT/'jig rten gsum snang gi'o/ /oM trai lo kya da ma ka hUM phaT/ gsum 'dul gyi'o/ /oM trai lo kya nA sha hUM phaT/ gsum 'jig gi'o/ /oM trai lo kya an+ta hUM phaT/ gsum mthar byed kyi'o/ /oM kA na ha ni hUM phaT/ mi g.yo mgon no/ /oM a mr-i te hUM phaT/ bdud rtsi 'khyil pa'i'o/ /oM kA la daN+Da hUM phaT/ be con sngon po'i'o/ /oM hrIHhUM phaT/ rta mgrin gyi'o/ /oM in+d+rA ya swA hA/ brgya byin 'khor bcas kyi'o/ /oM brah+ma Ne swA hA/ tshangs pa'i'o/ /oM ga Na pa ti hUM/ gtogs 'dod kyi'o/ /oM baiSh+Na bi ye swA hA/ dbang phyug chen po'i'o/ /oM de ba ga Ne b+h+yaHswA hA/ lha thams cad kyi'o/ /oM be+e ba swa da ma tri b+h+yaHswA hA/ gshin rje 'khor dang bcas pa'i'o/ /oM be ru Na ye nA ga ga Na b+h+yaHswA hA/ chu lha 'khor dang bcas pa'i'o/ /ku be ra yak+Sha ni b+h+yaHswA hA/ gnod sbyin 'khor bcas kyi sngags so/ / oM ag+na yi ku tsi ku tsi swA hA/ drang srong rnams kyi'o/ /oM nai r+r-i t+ya rAk+Sha sa b+h+yaHswA hA/ srin po 'khor bcas kyi'o/ /oM bA ya be a sU ra ga Ne b+h+yaHswA hA/ rlung lha 'khor dang bcas pa'i'o/ /oM ru dra ak+Sha b+hU ta ga Ne b+h+yaHswA hA/ dbang ldan 'khor bcas kyi'o/ /oM pr-i s+thi b+h+yaHswA hA/ sa'i lha mo'i'o/ /oM gra he pra b+hA dz+yo ti sa ya nak+Sha tra ni rnA da ni swA hA/ gza' dang rgyu skar spyi'i sngags so/ /oM ma ho ra ga ga Ne b+h+yaHswA hA/ lto 'phye rnams kyi'o/ /oM kuM b+haN+Da pU ta un+ma dA pa sma ra a ma ostAr ga Ne b+h+yaHswA hA/ 'dre spyi'i'o/ /oM ga ru Da ga Na b+h+yaHswA hA/ nam mkha' lding spyi'i'o//oM ag+ne swA hA/ me lha'i'o/ /oM ba ru NA ya swA hA/ chu lha'i'o/ /oM bA ya be swA hA/ rlung lha'i'o/ /oM pa Ta la swA hA/ sa bdag go/ /oM sarba de ba ta swA hA/ khyim lha la sogs pa thams cad kyi'o/ /oM hri swA hA/ mkha' 'gro ma'i'o/ /de dag ni sngags su gsungs pa'o//ting 'dzin sngags dang phyag rgyar ldan/ /nyin re ting 'dzin gsum po ni/ /bdag dang lha sbyor bsgom par bya/ /de nas bdag nyid der gsal nas/ /rgyas 'debs bzhi dang ldan pa la/ /dkyil 'khor sgo ni dbye byas nas/ /dkyil 'khor yongs su bskyed par bya/ /oM sarba bdi badzra tsakra hUM/'khor lo dang ldan phyag rgya bya/ /dkyil 'khor bskyed sngags phyag rgya'o/ /de nas gtso bor bdag sbyor bas/ /dpung par se gol gdab byas la/ /dzaHhUM baM hoHsa spyan drang ngo / /de nas nye reg 'thor 'thung dang / /zhabs bsil ba ni dbul bar bya/ /mchod pa rnam pa sna tshogs mchod//de rjes bstod pa bya ba ni/ /mnyam med mi g.yo chos mchog can/ /thugs rje'i bdag nyid 'gro sdug sel/ /yon tan dngos grub sbyin mdzad pa/ /dri med mnyam nyid dam pa bstod/ /yon tan phra mo tshad med de/ /nam mkha' dang yang bskrun yod min/ / dngos grub mnyam med dpe bral ba/ /'gro la nges par stsol mdzad bstod/ /rtag tu dri med thugs rje 'byung / /smon lam sgrub pa 'gag med can/ /'gro ba'i don brtson mtha' yas pa/ /bdag nyid rtag tu snang la bstod/ /tshad med tshad bral yongs rdzogs pa'i/ /bde gshegs go 'phang de brnyes kyang //thugs rje'i spyod pa 'gag med 'gyur/ /bzang po shin tu mchog ldan bstod/ /mchog sbyin nang na mchog brnyes pas/ /kun la dngos grub mchog thob mdzad/ /mgon po dus gsum sgrib med pa/ /dngos grub dam pa stsol bstod do/ / bstod pa'i rgyal po 'di dag gis/ /lan cig tsam yang bstod byas pas/ /sangs rgyas kun gyis dbang bskur zhing / /bde gshegs thams cad 'grub par 'gyur/ /de ltar ting 'dzin bya ba ni/ lo'am lo phyed zla gcig bya/ /de lhar grub nas rdul tshon brtsams/ /de yis bsod nams tshogs bsgoms pa//sngon du bsnyen pa'i cho ga'o// //de nas rdul tshon mgo rtsom ste/ /gong du bshad pa'i gnas dag tu/ /sa ni gzung ba'i las bya ste/ /sa bdag sa srung la sogs dang / /sa yi lha mo rnams la ni/ /dkyil 'khor dang ni sbyin sreg gi /dkyil 'khor bya ba'i don du ni//dam tshig 'di ni bsgrags par bya/ /sa la rgyu ba'i lha kun dang / /gang zhig sa la brten kun dang / /byams pa'i sems su gnas pa ni/ /kun dga'i don du zhu zhing gnas/ /de nas ji ltar 'tsham pa bzhin/ /pus nub tsam du brko byas la/ /gyo mo la sogs bsal bar bya//spyan dang gnod sbyin 'khyil pa yi/ /sngags kyi chu yis gtor bar bya/ /de ltar sa ni bzung nas su/ /slob dpon khru yis brtag byas la/ /che chung rim pa gang yin pas/ /sa de yang dag gzung bar bya/ /de ni sa sbyang ba'i cho ga'o// //de nas gos rgyan bgos byas te//dri zhim chu yis lus bkrus la/ /rdo rje gnod sbyin ting 'dzin du/ /zhugs nas rdo rje 'chang ba'i gtso/ /thugs las phyung ste skad cig mas/ /mig la nyi ma zla ba'i 'od/ /rkang pa bor ba rdo rjer bsam/ /lag gnyis rdo rje dril bzung la/ /yi ge hUM gi sgra bsgrags te//g.yas nas bskor la deng zhes brjod/ /mtshams dang dra ba ra ba dag /bdud dang sdang ba bzlog par bya/ /de nas phur bu byin brlabs nas/ /phur bu sngags kyis gdab par bya/ /de nas skud pa rim lnga yi/ /kha dog bzhin du bsam byas la/ /'khor los sgyur bas g.yog la gtad//de nas thig skud bsgril bar bya/ /de nas gser gyi gzhong pa ru/ /rigs kyi sngags kyis btab nas su/ /mchod dang bstod pa rdzogs par bya/ /de nas thig gdab brtsam pa ni/ /las dang bya bas gdab pa ste/ /byin gyis brlabs pa'i sngags bstan pa/ / oM badzra sU tra A kaR+Sha ya maN+Da la hUM/ zhes so/ /gdab pa'i 'gro stangs bskor ba ni/ /rgyud dang man ngag bzhin du bstan/ /byin brlabs byas pa'i gnas de ru/ /phyi yi dkyil 'khor bri bar bya/ /dbus kyi cha ni gdab bya ba/ /srad bu brgyad dang ldan pa yi/ /lte bar bcas shing rtsibs bcu drug /rim pa gsum dang ldan pa yi/ /rtsibs ni nyis 'gyur nyid du bya/ /sgo bzhi rta babs bzhi ldan pas/ /them skas dang ni 'khor lo dang / /lda ldi la sogs brgyan pa ru/ /seng ge ba glang rnams kyis brgyan/ /de ltar legs par brtags byas nas/ /tshon rtsis bri ba brtsam par bya//de ltar byas pa'i 'og nyid du/ /de nas sbyor ba gsum bsgoms la/ /lha yi gnas su tsan+dan sogs/ /lha yi gnas ni bya ba'o/ /de la me tog phul byas la/ /rang rang gsang sngags mang bzlas te/ /de nas mchod pa'i rim pas mchod/ /dbus kyi gtso bo'i gsang sngags kyi//rnam rgyal bum pa gdab par bya/ /de nas phur bu phyang nas su/ /kha dog lngas ni dgang bar bya/ /dbang ldan mtshams nas bri bya ste/ /dkar sngo dmar dang de bzhin ljang / /nang du ser po btang byas la/ /de nas yang ni mchod pa dbul/ /de nas dkyil 'khor 'degs par bya//sor mo gyen du rtse sprad 'degs/ /de yi sngags ni 'di dag go/ /oM sarba bdi a d+hi tiSh+Tha hUM/ zhes so/ /rdul tshon bri ba'i cho ga'o// //de ltar byas zin 'og tu ni/ /de bzhin mchod pa rnam lnga yis/ /bum pa sta gon gnas par bya/ /bum pa dkar zhing che ba dang / /kha yangs legs shing mgrin pa mtho//dri chus yongs su bkang nas su/ /kha rgyan yal ga shing gis byas/ /'bru lnga sman lnga rin chen lnga/ /snying po lnga dang ldan par bya/ /me tog phreng bas bcing byas te/ /ras kyis mgul la dkris byas la/ /ku sha sngon pos gdan byas pa/ /gdugs dkar gyis ni brgyan pa ste//rang rtags mtshan ma bri byas la/ /ba dan lnga dang ldan pa ni/ /go rims bzhin du gzhag par bya/ /til dang so ba spos dang ni/ /tsan+dan me tog dkar po dang / /'o ma yis ni yon chab snod/ /bkang la mdun du gzhag par bya/ /de bzhin spos kyis bdug nas su//sngags dang phyag rgyas brtan par bya/ /rang rang sngags kyis btab pa yi/ /de kho na yi phyag rgya bya/ /rgyas 'debs bzhi dang ldan pa la/ /nye reg 'thor 'thung yon chab dbul/ /sngags pa rdo rje dril ldan pa'i/ /lag pa g.yas pas reg nas su/ /chu la brgya rtsa brgyad du gdab//de nas lha de zhu byas te/ /byang chub ye shes chu ru gyur/ /bum pa sta gon la gnas pa'o// //de nas sngags pa grub 'dod pas/ /sbyin sreg las ni brtsam bya ste/ /bcu phyed mchod par ldan pa yis/ /dkyil 'khor chen po'i shar phyogs su/ /zhi ba'i sbyin sreg brtsams par bya//rab tu dkar ba'i sa gzhi la/ /rgyar ni khru gang zabs su yang / /sor ni bcu gnyis brkos byas la/ /de dbus rdo rje sor brgyad gzhag /thab khung gi ni steng nyid du/ /sor bzhi rab tu dor byas la/ /'phangs dang rgyar ni sor bzhi yis/ /mnyam par rab tu byas pa la/ / rab tu rdo rje rtse gsum mtshan/ /ba yi lci ba ma lhung dang / /sa gzhi dkar bas byug par bya/ /rdo rje gnod sbyin sngags btab pas/ /bgegs ni bskrad cing gsad par bya/ /'o ma yod pa'i yam shing gis/ /gtsubs pa'i me yis sbar bar bya/ /ji ltar me lha spyan drangs nas yon chab nye reg 'thor 'thung gnyis//gtor nas 'bar la de thim bya/ /phyag rgya 'khor lo dang ldan pas/ /mdun du bzhag la blta bar bya/ /de nas me yi dbus su ni/ /dkyil 'khor lha rnams bsgom par bya/ /rdo rje khu tshur rab bcings te/ /mdzub gnyis mthe'u chung rdo rje sbrel//rdo rje rab bsrungs phyag rgyas te/ /dkyil 'khor thams cad rab bsgrub pa'o/ /sngags ni oM sarba bdi badzra tsakra sid+d+ha hUM/ dzaHhUM baM hoHdang ldan par/ /se gol ldan pas dgug gzhug bya/ /de nas sreg rdzas bstan pa ni/ /nas dang zho dang 'bras yos dang / / til dang ku sha sngon po dang / /'bras chan me tog dkar po dang / /spang spos sbrang rtsi mar rnams dang / /mi rus phye mas sbyin sreg bya'o/ /rdzas de dag ni dbul ba yang / /rang gi sngags kyis brgya rtsa brgyad/ /yang na bdun bdun dbul bar bya/ /sgeg sogs mchod pa brgyad dang ni/ / de bzhin bcu gnyis mchod pas mchod/ /dkyil 'khor bdag po la sogs pa'i/ /sngags ni ci nus bzlas byas nas/ /gang ba'i sbyin sreg dbul bar bya/ /sems can phan don ci 'dod bsngo/ /de nas gzhan yang pha rol du/ /'phos la phan par bya don du/ /sbyin sreg chen po brtsam par bya//gdams pa'i sngags kyis byin brlabs la/ /thab khung rgyud las gsungs pa ltar/ /che chung rim pa shes byas la/ /ci nus lha ni dgod byas te/ /rten bcas rgyan ldan de dbus su/ /bzhag pa nyid du byas nas kyang / /ci nus par ni sbyin sreg bya/ /dkyil 'khor gyi sbyin sreg gi rim pa'i cho ga'o// //de ltar dang por zhugs pa nas/ /tha ma slob ma gzhug gi bar/ /zhal bsrol sogs byed dus su/ /bum pa la sogs bsdu bar bya'o/ /de nas lho yi phyogs dag tu/ /ji ltar gsungs pa'i rim pa yis/ /pad+ma dkar po'i steng nyid du//'khor lo rtsibs brgyad bri bar bya'o/ /de steng slob ma gzhag byas la/ /gong ma'i cho ga ji lta bas/ /bum pa la sogs ji snyed kyis/ /khyad par ci 'dod dbang rnam sbyin/ /de lta bu yi dkyil 'khor du/ /'khor bar bcings pa'i sems can gang / /dkyil 'khor 'di la zhugs byas nas//ngan song gsum las grol gyur nas/ /dga' ldan gnas su skye bar 'gyur/ /de nas mchod pas sngon bzhin mchod/ /bskyed pa snying gar bsdus nas ni/ /spyan drangs lha rnams gshegs su gsol/ khyed kyis sems can don mdzad pas/ /slar yang gnas su gshegs su gsol//a kA ro mu khaM sarba d+harmA NI Ad+ya nut+pan+na twAta muH/ zhes so/ /se gol lan gsum gdab la gshegs/ /rdul tshon dkyil 'khor bsdu bya ste/ /'dod par gyur pa de la sbyin/ /lhag ma chu bo chen por dor/ /dkyil 'khor phul ba'i nor gang zhig /de ni slob dpon nyid dbang bar//dpal ldan rdo rje 'dzin pa yis/ /rab tu brdzun med gsungs pa yin/ /cho ga'i rim pa rdzogs pa 'di/ /rnal 'byor rim pa'i rgyud las ni/ /grub ldan lung bstan ma thob kyang / /kun la phan phyir bdag gis byas/ /bla ma nyi ma'i dpal zhabs kyis/ /sgrub pa'i thabs su gsungs pa la//'on kyang 'di la bdag gis ni/ /de yi bka' la rab brtan brtsams/ /'di yis bsod nams gang thob pa/ /'gro ba 'di dag rtag tu ni/ /'phrul dga'i gnas su skyes nas su/ /bla med byang chub thob par shog /ngan song thams cad rnam par sbyong ba'i dkyil 'khor chen po'i sgrub thabs slob dpon kun dga' snying pos mdzad pa rdzogs so/