CLOSE WINDOW

D2628
བོད་ཡིག

@##/ /rgya gar skad du/ sarba durga ti pa ri sho d+ha ya te dzo rA dzA ya ta thA ga tA ya ar+ha te sa myak+saM bud+d+hA ya kalpa nA ma TI ka /bod skad du/ de bzhin gshegs pa dgra bcom pa yang dag par rdzogs pa'i sangs rgyas ngan song thams cad yongs su sbyong ba'i gzi brjid kyi rgyal po zhes bya ba'i brtag pa'i bshad pa/dpal rdo rje sems dpa' la phyag 'tshal lo/ /nyes pa'i skyon bral yon tan mtha' dag rdzogs//bde legs ji snyed thams cad 'byung ba'i gnas/ /sku gsum mchog gi bdag nyid rnam snang mdzad/ /gnas gsum 'dren pa'i gtso la phyag 'tshal lo/ /sku gsum gtsug tor bdag nyid rgyud chen las//rdo rje rtse mo'i kalpa'i rgyud 'di nyid/ /rab tu zab cing rgya che rtogs dka' ba'i/ /mdo yi don 'di mdo tsam dgrol bar bya/ /de la 'di skad bdag gis thos pa dus gcig na zhes bya ba la sogs pa 'di'i brjod par bya ba dang 'brel pa ni gang zhig yin/de bzhin du dgos pa dang / dgos pa'i dgos pa ni ci zhig yin zhe na/ de brjod par bya ste/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gzi brjid kyi rgyal po'i brtag pa ngan song thams cad yongs su sbyong ba sku gsum gyi gtsug tor gyi rgyud chen po zhes bya ba 'di ni rgyun yin la/'di'i 'di skad bdag gis zhes bya ba la sogs pa nas/kun rig rnam par snang mdzad sku gsum gyi rgyud kyi bdag dang gzhan gyi don phun sum tshogs pa ston par byed pa yin te/ de yang dga' nas rjes su yi rang ngo bas gdul bya rnams 'dod pa bskyed par bya ba'i phyir gsungs pa yin no//de la yang rgyud kyi don dbang po rab mgo smos pas go ba dang / dbang po 'bring tshig dang don rnam par phye bas go ba rnams la ni rgyud kyi mtshan bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ngan song thams cad yongs su sbyong ba gzi brjid kyi rgyal po'i brtag pa sku gsum gyi gtsug tor gyi rgyud chen po zhes bya bas kyang dbu zhabs kyi don rtogs par 'gyur la/dbang po 'bring tshig dang don rnam par phye bas go ba rnams la ni de nyid kyi don rnam par phye bas go ba yin te/de nyid kyi don yang bcom ldan 'das zhes bya ba la sogs pa ste/ bcom pa ni nyon mongs pa'i sgrib pa dang / shes bya'i sgrib pa gnyis gtan spangs pas phung po'i bdud la sogs pa bzhi bcom pa'o//ldan pa ni legs pa'i yon tan drug dang ldan pas na bcom ldan 'das te/ de yang / nyon mongs shes rab kyis thub ste/ /de'i phyir shes rab 'joms zhes bya/ /dbang phyug la sogs drug ldan pas/ /bcom ldan 'das zhes rab tu brjod//ces so/ /mngon par rdzogs par byang chub pa lnga rdzogs shing chos thams cad ngo bo nyid med pa stong pa nyid kyi chos nyid du sangs rgyas pa la ni de bzhin gshegs pa dgra bcom pa yang dag par rdzogs pa'i sangs rgyas zhes bya'o/ /de yang / gsang ba chen po tshogs mtho ba/ /zhes bya ba'i rgyud las/snga ma ji ltar gshegs pa bzhin/ /mngon par byang chub rnam lnga yis/ /chos rnams thams cad dngos med par/ /rdzogs sangs rgyas las sangs rgyas brjod/ /ces gsungs so/ /de yang sku gsum gyi bdag nyid de bdag gi don phun sum tshogs pa'i bdag nyid du bstan to//de la gnyen po phun sum tshogs pa ni gzi brjid kyi rgyal po zhes bya ste/ bcom ldan 'das rnam par snang mdzad dam/ shAkya thub pa'i thugs ka nas nang sems kyi dkyil 'khor chen po'i 'od zer gyis ngan song thams cad sbyangs pas na gzi brjid kyi rgyal po zhes bya'o/ /brtag pa zhes bya ba ni thabs kyi dkyil 'khor phun sum tshogs pa 'gro ba'i don du sna tshogs pa'i dkyil 'khor du snang bar brtag pa'o//de'i phyir yang gsungs pa/ rnam par mi rtog chos dag las/ /sems can don du yongs su rtog /rtog pas brtag pa las byung ba/ /rdo rje sems dpa' sems dpa' che//zhes gsungs te/ de bas na rdo rje sems dpa' nyid de rtog pa'i lha rnams kun kyang sarba bita kyi lha rnams su gyur nas mos pa ji ltar 'dod pa bzhin du sems can gyi don gyi dbang gis snang ngo / /de'i phyir na de bzhin gshegs pa dang rigs kyi lha rnams thams cad kyi dkyil 'khor bcu gnyis bsdus pa'i don du yongs su brtag pa de'o//gzhan gyi don phun sum tshogs pa bstan pa'i phyir ngan song thams cad yongs su sbyong ba zhes bya ste/ de yang rgyu sbyangs pa dang / 'bras bu sbyangs pa dang / rkyen sbyangs pa gsum gyis 'bras bu ngan song gsum sbyang ngo //thams cad ni khams gsum ka'o/ /yongs su sbyong ba ni nang sems kyi dkyil 'khor te phyag rgya dang / snying po ste bcu gcig pa'o/ /sngags dang rig pa sbyong ba'i phyir na sbyong ba zhes bya'o/ /sbyong ba'i thabs ji lta bu zhig gis sbyong snyam pa la/bcom ldan 'das tshangs pa chen po pad+ma'i gdan la bzhugs te/ ngan song gi rgyud thams cad yongs su sbyong ba zhes bya ba'i ting nge 'dzin la snyoms par zhugs te/ ngan song gi rgyud las rnam par grol ba zhes bya ba'i byang chub sems dpa' sems dpa' chen po'i 'od zer sdud pa'i phreng ba mang po nyid kyis dpral ba'i mdzod spu nas byung bas stong gsum gyi stong chen po'i 'jig rten gyi khams thams cad khyab par byas nas zhes bya ba la sogs pa'o//de la sbyong ba rnam pa gsum gyi sgo nas mtshon par byed pa'i phyir na sku gsum gyi gtsug tor gyi rgyud chen po zhes bya ba gsungs te/de la nyon mongs pa lnga'i 'bras bu mtshams med pa lnga byas pa dag mnar med pa'i dmyal bar ltung ba de las bskyab pa'i phyir rnam par snang mdzad sku'i rang bzhin longs spyod rdzogs pa'i sku'i dkyil 'khor du rtsa ba'i rgyud grub par mdzad pa dang / de bzhin gshegs pa gsung gi rang bzhin sprul pa'i sku'i dkyil 'khor du de dag gi rkyen du gyur pa'i sgrib pa lnga po de dag rnam par sbyong ba'i phyi ma'i rgyud grub par mdzad pa dang / de dag gi rgyur gyur pa'i nyon mongs pa lnga'i rang bzhin can sbyong ba'i phyir na de bzhin gshegs pa'i thugs kyi rang bzhin chos kyi sku'i dkyil 'khor phyi ma'i yang phyi ma'i rgyud du grub par mdzad pas na sku gsum gyi gtsug tor gyi rgyud chen po zhes bya'o//de la nyon mongs pa'i 'bras bu mnar med pa'i dmyal ba chen por ltung ba de las bskyab pa ni dang po'i dkyil 'khor gyi dgos pa'o/ /rgyu dang rkyen sbyangs nas 'jig rten dang 'jig rten las 'das pa'i bde ba phun sum tshogs pa grub par mdzad pa ni sku gnyis nye bar mtshon pa'i sgo nas phyi ma dang phyi ma'i rgyud kyis byed de dgos pa'i yang dgos pa'o//de'i yang de'i don la snyegs pa ni 'di yin te/ ye shes shin tu rnam par dag pa'i dbang gis nyon mongs pa dang shes bya'i sgrib pa thams cad ni spangs pa nam mkha' bzhin du spros pa'i bag chags kyi tha snyad thams cad ni bsal ba'i rang bzhin gyis gsal ba chos kyi rang bzhin yin no//de ltar yin mod kyang yongs su dag pa dang ma dag pa'i sems can gdul ba'i don du sngon gyi smon lam gyi shugs kyis sku'i bkod pa dang /gsung gi bkod pa dang / ye shes rnam par dag pa'i dkyil 'khor don dam pa dang / kun rdzob kyi yul 'di grub par mdzad nas ngan song gi sdug bsngal rnams gnyen po ye shes dang / thabs kyi dkyil 'khor phun sum tshogs pa'i sgo nas phan 'dogs par mdzad pa la ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gzi brjid kyi rgyal po'i brtag pa ngan song thams cad yongs su sbyong ba zhes bya ba sku gsum gyi btsug tor gyi rgyud chen po'o//de yan chad kyis ni rgyud kyi mtshan blo 'bring don rnam par phye bas go ba dang dgos 'brel bstan nas/da ni dbang po tha ma tshig dang yi ge lhur blangs pas go ba'i dbang du byas nas bshad de/ de la mdo sde 'di la yang bsdus te bstan pa dang rgyas par bstan pa'o/ /bsdus par bstan pa la yang sku gsung thugs kyis bstan pa'i dang po la don rnam pa gsum ste/dang por gleng gzhi bstan pa dang / gleng bslang ba bstan pa dang / gzhung rgyas par bstan pa'o/ /gleng gzhi la yang phun sum tshogs pa bzhi ste/ dus phun sum tshogs pa dang / ston pa phun sum tshogs pa dang / gnas phun sum tshogs pa dang / 'khor phun sum tshogs pa dang bzhir bstan to//de la ci'i phyir yang dag par sdud par byed pas thog mar gleng gzhi smos she na/ de ni rgyu gnyis kyi phyir smos te/ rgyu gnyis ni yang dag par sdud par byed pa bdag la yid ches par byed pa bskyed pa'i phyir yang thog mar gleng gzhi smos la/ yid brtan du rung bas sangs rgyas bcom ldan 'das kyis gsungs par bstan pas de la gus pa bskyed pa'i phyir yang dag par sdud par byed pas thog mar gleng gzhi smos so//gleng bslang ba la yang gnyis te/ ston pas gleng bslang ba dang / 'khor gyis gleng bslang ba'o/ /gzhung rgyas par bstan pa la yang bsdus pa'i don bcu gnyis te/de yang gsum du shes par bya ste/ rtsa ba'i rgyud dang / phyi ma'i rgyud dang / phyi ma'i yang phyi ma'i rgyud do/ /de la 'di skad bdag gis thos pa dus gcig na zhes bya ba nas/ tshangs pa chen po pad+ma'i gdan la bzhugs te zhes bya ba yan chad kyis gleng gzhi bstan te/de la yang bsgrub par bya ba dang / sgrub par byed pa gnyis kyis bstan/ bsgrub par bya ba ni sdud pa pos bdag nyid tshad mar bya ba ste/ de yang yul dang dus dang rang gi ngo bo'i bye brag gis rnam pa gsum du bstan te/ de ni ma nor bar sdud pa po phun sum tshogs pa'o/ /ngan song gi rgyud thams cad yongs su sbyong ba zhes bya ba'i ting nge 'dzin la snyoms par zhugs te zhes bya ba nas gang de bzhin gshegs pa rnams kyis gdul bar mi 'gyur ba ni gnas ma yin no zhes bya ba yan chad kyis ni ston pas gleng bslang ba ste/de la yang ston pa'i che ba nyid bstan pa'i zhar la gzhan don phun sum tshogs pa dang /de la ngo mtshar skyes pa ngo mtshar gyi rgyu bcu the tshom bsal ba dang gsum gyis bstan to/ /de nas lha rnams kyi dbang po brgya byin gyis rang gi stan las langs te zhes bya ba nas bla na ma mchis pa'i yang dag par rdzogs pa'i byang chub thob par bgyi ba'i slad du bshad par gsol zhes bya ba yan chad 'khor gyis gleng bslang bstan to//de nas bcom ldan 'das kyis brgya byin dang zhes bya ba nas/ dz+nyA na sa ma ye hUM zhes bya bas 'khor byin gyis brlabs pa bstan/ snyoms par zhugs nas yang zhes bya ba nas/ oM sha oM b+hA zhes bya ba yan chad kyis sbyor ba dang po dang / dkyil 'khor rgyal mchog dang / nang sems kyi dkyil 'khor gyi ting nge 'dzin bstan/ lha'i dbang po de bzhin gshegs pa ngan song thams cad yongs su sbyong ba gzi brjid kyi rgyal po'i snying po 'di rigs kyi bu'am zhes bya ba nas bde ba thams cad myong bar 'gyur ro zhes bya ba yan chad kyis phan yon bstan/de nas lha rnams kyi dbang po brgya byin gyis zhes bya ba nas/ de ni dkyil 'khor snying por gsungs/ /zhes bya ba yan chad kyis rang bzhin gyi dkyil 'khor bstan/ de nas yang bcom ldan 'das kyis sems can thams cad la thugs brtse ba'i slad du phyi'i dkyil 'khor 'di gsungs so zhes bya ba nas de'i gtor ma ji ltar mthun par bya zhes bya ba yan chad kyis slob dpon gyi las kyi rim pa'i cho ga rgyas par bshad/de nas sngags pa bla med byang chub kyi/ /bla med gnas su slob ma smin par bya/ /zhes bya ba nas/ dngos grub myur du 'grub par 'gyur/ /zhes bya ba yan chad kyis slob ma gzhug pa'i cho ga rgyas par bstan/de nas bcom ldan 'das kyis lha'i dbang po brgya byin dang zhes bya ba nas/ bran bzhin las kun byed par 'gyur/ /zhes bya ba yan chad kyis las kyi sgrub pa bstan/ de nas lha rnams kyi dbang po brgya byin gyis bcom ldan 'das la 'di skad ces gsol to zhes bya ba nas/ bde gshegs rgyal ba nyid kyis gsungs//zhes bya ba yan chad kyis shi ba la phan gdags pa'i ched du dbang bskur ba dang / lha'i gzugs su brtags pa dang / khyim du bzhag pa dang / mchod rten bya ba dang / sngags kyis phan gdags pa dang / sbyin sreg gis phan gdags pa dang / ro bsregs pas phan gdags pa dang /mi 'grub pa'i skyon yon bstan pa'o/ /de nas brgya byin la sogs lha/ /zhes bya ba nas bsti stang du byas te phyag btsal nas de bzhin du song ngo zhes bya ba yan chad kyis/ dri ma med pa'i skye gnas dang / cho 'phrul dang / mchod pa bstan to/ /de nas brgya byin dang tshangs pa la sogs pa'i lha rnams ya mtshan du gyur te zhes bya ba nas bcom ldan 'das bdag cag gis gdon mi za bar sangs rgyas nyid du 'grub pa'i snod du gyur pa la sogs so zhes bya ba yan chad kyis rgyud kyi yon tan bstan/bcom ldan 'das brtag pa'i rgyal po 'dis sems can gyi don bgyid pa gang lags pa'i skyes bu dam pa zhes bya ba nas bcom ldan 'das bdag cag gis zhu ba bzhin du bskyang bar bgyi'o zhes bya ba yan chad kyis 'chang ba'i skyes bu ji ltar blta ba dang /'khor gyi dam bca' ba bstan to/ /lha'i dbang po khyod kyis ji ltar smras pa de bzhin te zhes bya ba nas bag yod par byos la spyod cig ces pa yan chad kyis rtsa ba'i rgyud gtad pa bstan to//de yan chad kyis ni rtsa ba'i rgyud kyi don bsdus ba'i bshad pa rdzogs so// //da ni 'di nas rgyud phyi ma'i don ston te/ de nas bcom ldan 'das byang chub sems dpa' sems dpa' chen po phyag na rdo rjes zhes bya ba nas thub pa'i gtso bo la phyag 'tshal nas zhes bya ba'i bar gyis ni rgyud kyi 'chad pa po'i mtshan nyid bstan to//de nas sgrib pa thams cad rnam par dag pa'i rdo rje zhes bya ba'i ting nge 'dzin la snyoms par zhugs nas zhes bya ba nas bi na sha ni hUM phaT ces bya ba yan chad kyi sbyor ba dang po dang /nang sems kyi ting nge 'dzin dang / dkyil 'khor rgyal po mchog gi ting nge 'dzin bstan to/ /de nas dkyil 'khor bshad de zhes bya ba nas mchod pa byas te zhes bya ba yan chad kyis slob dpon gyi las kyi rim pa'i cho ga rgyas par bstan to/ /de bzhin du bcu ste zhes bya ba nas las thams cad byed par 'gyur ro zhes bya ba yan chad kyis slob ma 'jug pa'i rim pa dang de'i yon tan bstan to//lha dang klu dang zhes bya ba nas ngan song thams cad las grol bar byed do zhes bya ba yan chad kyis shi ba la phan gdags pa bstan to/ /de nas byang chub sems dpa' sems dpa' chen po phyag na rdo rjes zhes bya ba nas de nyid las bskyod pa ni mnyes pa'o zhes bya ba yan chad kyis phyag rgya bstan to//sku gzugs kyi cho ga yang de bzhin du bya ba ste zhes bya ba nas las thams cad bya'o zhes bya ba yan chad kyis ras kyi bsgrub pa bstan to/ /de nas tshangs pa la sogs pa'i lha rnams kyis zhes bya ba nas lha'i 'khor 'di nyid yin no zhes bya ba yan chad kyi lha'i bu nor bu dri ma med pa de'i sngon gyi las [(]gyi [,]kyi [)]rnam par smin pa dang /da ltar gar skyes pa'i lung bstan pa dang / sngon dang da ltar gyi rgyu mthun gyi smon lam gyis thar pa'i tshul bstan to/ /da ni tshe dpag med kyi dkyil 'khor bstan te/ de nas brgya byin dang zhes bya ba nas legs par sgrubs shig bshad par bya'o zhes bya ba yan chad kyis ming bcu pas bstod pa dang /gsol ba gdab pa dang / gnang ba bstan to/ /de nas bcom ldan 'das phyag na rdo rjes zhes bya ba nas rmad kyi ya mtshan du ma 'jig rten du 'byung ngo zhes bya ba yan chad kyis sbyor ba dang po dang /nang sems kyi dkyil 'khor dang / dkyil 'khor rgyal po mchog dang / sngags kyi cho 'phrul bstan to/ /de nas dkyil 'khor ni 'di yin te/ zhes bya ba nas/ mdor na mchod pa byas nas kyang / /zhes bya ba yan chad kyis slob dpon gyi las kyi cho ga rgyas par bstan to/ /'chi bdag sbrul gyi 'jigs pa rnams//zhes bya ba nas de ltar dbang skur nas zhes bya ba yan chad kyis slob ma gzhug pa dang / dbang bskur ba'i cho ga rgyas pa'o/ /tshe bsring ba'i rig pa 'di sbyin zhes bya ba nas the tshom med do zhes bya ba yan chad kyis ras kyi sgrub pa dang / mtshan ma dang / yon tan bstan to/ /da ni 'jig rten pa'i dkyil 'khor drug gi don bshad de/ de la rgyal po chen po bzhi'i dkyil 'khor ni 'jig rten pa'i dri za dang / grul bum dang / gnod sbyin dang / klu'i gdon gyi 'khor zhi bar bya ba'i phyir rgyal po chen po bzhi'i dkyil 'khor gsungs te/ de nas rgyal po chen po bzhi zhes bya ba nas byin gyis brlab par bya'o zhes bya ba yan chad kyis gsol ba gdab pa dang gnang ba bstan to//de nas gnod sbyin gyi rgyal po ngal bso pos zhes bya ba nas de nas klu'i rgyal po mig mi bzang gis kyang snying po 'di bshad do zhes bya ba yan chad kyis sbyor ba dang po dang / dkyil 'khor rgyal po mchog gi ting nge 'dzin bstan to//de nas de dag gis dkyil 'khor bshad de zhes bya ba nas sgo ba rnams kyang de bzhin no zhes bya ba yan chad kyis dkyil 'khor gyi lha bstan la/ de nas phyag rgya dang ldan pas zhes bya ba nas/ cho ga bzhin du mchod pa dbul/ /zhes bya ba yan chad kyis slob dpon gyi las rgyal mchog gi rim pa bstan to//de nas sngags mkhan sngags 'di dang / /zhes bya ba nas/ phyag na rdo rje khros par 'gyur/ /zhes bya ba yan chad kyis slob ma gzhug pa dang dbang bskur ba'i cho ga rgyas pa dang / de rnams kyi dam bca' ba bstan to/ /de nas phyogs skyong ba'i dkyil 'khor ni gdon stong phrag brgyad cu zhi bar bya ba'i phyir gsungs te/de nas phyogs bcu skyong ba rnams kyis zhes bya ba nas/ legs kyis phul cig ces bya ba yan chad kyis gsol ba gdab pa gnang ba bstan to/ /de nas 'byung po rnams kyi bdag po dbang ldan la sogs pas zhes bya ba nas oM bra zhes bya ba yan chad kyis sbyor ba dang po dang /dkyil 'khor rgyal po mchog bstan to/ /de nas de dag gi dkyil 'khor bshad de zhes bya ba nas/ mchod pa kun gyis mchod par bya/ /zhes pa yan chad kyis slob dpon gyi las rgyal mchog gi rim pa rgyas par bstan to/ /de nas bdag nyid zhugs nas kyang /zhes bya ba nas/ brtag mi dgos par grub par 'gyur te zhes bya ba yan chad kyis slob ma gzhug pa dang / dbang bskur ba'i cho ga rgyas par bstan to/ /de nas de dag mgu nas ni/ /zhes bya ba nas bdag nyid kyis kyang yongs su bskyab par bgyi'o zhes bya ba yan chad kyis bsrung zhing bskyab par dam bca' ba bstan to//de nas gza' brgyad kyi dkyil 'khor ni gza' dang dus tshigs dang skar ma'i rlung zhi bar bya ba'i phyir gsungs te/ de nas gza' chen po brgyad dang zhes bya ba nas/ oM ra zhes bya ba yan chad kyis gsol ba gdab pa dang / gnang ba dang / sbyor ba dang po dang /dkyil 'khor rgyal mchog bstan to/ /de nas de dag gi dkyil 'khor bshad de zhes bya ba nas gza' rnams thams cad bsgrub par bya'o zhes bya ba yan chad kyis slob dpon gyi las kyi rim pa dang / slob ma 'jug pa'i rim pa rgyas par bstan to/ /de nas gza' chen po de dag gis zhes bya ba nas gdon mi za bar 'jigs pa mi 'byung ngo zhes bya ba yan chad kyis dam bca' bstan to//da ni klu chen po brgyad kyi dkyil 'khor klu'i gdug pa zhi bar bya ba'i phyir gsungs te/ de nas klu chen po brgyad kyis phu zhes bya ba'i sgra zhes bya ba nas oM phu zhes bya ba yan chad kyis gsol ba dang / gnang ba dang sbyor ba dang po dang /dkyil 'khor rgyal mchog gi ting nge 'dzin bstan to/ /de nas de dag gi dkyil 'khor bshad de zhes bya ba nas dzaHhUM ba~M hoHzhes brjod de zhes bya ba yan chad kyis slob dpon gyis las dang / las rgyal mchog gi ting nge 'dzin bstan to/ /de nas bum pa'i rgyal po dang / /zhes bya ba nas/klu rnams de dag thams cad 'grub/ /ces bya ba yan chad kyis slob ma dbang bskur ba'i rim pa bstan to/ /de nas de dag kun mgu nas/ /zhes bya ba nas rgyal ba'i bka' dang rdo rje 'dzin pa'i bka' rab tu bsgrub par bgyi/ zhes bya ba yan chad kyis dam bca' bstan to/ /de nas bsgrub pa bshad de zhes bya ba nas//sbrul mgo'i phyag rgya smos ci dgos/ /zhes bya ba yan chad kyis bsgrub pa dang phan yon bstan to/ /da ni 'jig rten pa'i lha'i mi dga' ba zhi ba'i phyir lha chen po brgyad kyi dkyil 'khor gsungs te/ de nas lha chen po rnams kyi bdag po 'jigs par byed pa chen po bud med brgyad kyis bskor nas zhes bya ba nas/oM ba swA hA/ zhes bya ba yan chad kyis gsol ba gdab pa dang / rjes su gnang ba dang / sbyor ba dang po dang / dkyil 'khor rgyal mchog gi ting nge 'dzin bstan to/ /bcom ldan 'das 'jigs par byed pas zhes bya ba nas de ltar brgyad kyis dbang bskur ro zhes bya ba yan chad kyis dam bca' dang /slob dpon gyi las rgyal mchog dang / slob ma gzhug pa'i las kyi rim pa rgyas par bstan to/ /de nas las rnams sbyin byed de/ /zhes bya ba nas/ skrag nas de ma thag tu gsod/ /zhes bya ba yan chad kyis sgrub pa dang / dngos grub blang ba dang / nyes pa'i skyon bstan to/ /da ni lha mi dga' ba zhi bar bya ba'i phyir lha chen po brgyad kyi dkyil 'khor gsungs te/de nas tshangs pa la sogs pa zhes bya ba nas/ oM ka zhes bya ba yan chad kyis gsol ba gdab pa dang / sbyor ba dang po dang / dkyil 'khor rgyal mchog bstan to/ /de nas de dag gi dkyil 'khor bshad de zhes bya ba nas/bum pa'i chu yis dbang bskur ro/ /zhes bya ba yan chad kyis slob dpon gyi las kyi rim pa dang / las rgyal mchog dang / slob ma gzhug pa'i rim pa bstan to/ /de nas lha rnams dga' ba'i zhes bya ba nas dbang phyug chen po nyid kyang gsal bar bgyi'o zhes bya ba yan chad kyis sgrub pa dang gsol ba gdab cing dngos grub blang ba dang /dam bca' ba bstan to/ /'jig rten pa'i dkyil 'khor gyi don bsdus pa rdzogs so// //da ni tshe dpag med las kyi sgrib pa rgyun gcod pa'i don bshad de/ de nas bcom ldan 'das phyag na rdo rje nyid kyis dkyil 'khor la kun du gzigs nas 'dzum pa mdzad pa dang zhes bya ba nas oM tri gsang ba'i snying po'o zhes bya ba yan chad kyis ngo mtshar gyi cho 'phrul bstan pa dang /gsol ba gdab pa dang / sbyor ba dang po dang / nang sems kyi ting nge 'dzin dang / dkyil 'khor rgyal mchog gi ting nge 'dzin bstan to/ /de nas de dag gi dkyil 'khor bshad do zhes bya ba nas sgo thams cad kyang de bzhin no zhes bya ba yan chad kyis slob dpon gyi las kyi rim pa bstan to//de nas sngags mkhan bdag nyid zhugs/ /zhes bya ba nas las thams cad nus par 'gyur ro zhes bya ba yan chad kyis las rgyal mchog gi ting nge 'dzin bstan to//de nas rdo rje 'dzin ma'i phyag rgya bcings la zhes bya ba nas/ sangs rgyas rnams kyis dbang bskur ro/ /zhes bya ba yan chad kyis slob ma 'jug pa'i cho ga rgyas par bstan to/ /de nas nga rgyal bskyed nas kyang / /zhes bya ba la sogs pa'i tshigs su bcad pas ni sgrub pa bstan to/ / de nas tshangs pa la sogs pa'i lha chen po rnams kyi zhes bya ba nas bcom ldan 'das rdo rje 'dzin pa spro'o zhes bya ba yan chad kyis dkyil 'khor 'dir zhugs pa'i rnam par smin pa cir 'gyur zhus pa dang / de'i lan dang / spro ba bskyed pa bstan to/ /de nas de dag gis de bzhin du phyag btsal nas zhes bya ba nas sdig pa chung ngu byas pa rnams lta smos kyang ci dgos zhes bya ba yan chad kyis ngan song du 'gro ba dang /skyes zin pa'i sems can rnams la phan gdags pa'i rim pa bstan to/ /de nas dug gsum gyi las dang nyon mongs pa'i bag chags sbyangs pa'i phyir sbyin sreg gsungs te/ de yang lha'i bu rnams zhi ba'i zhes bya ba nas/yang na ming nas smos te bya/ /zhes bya ba yan chad kyis ngan song du skye ba'am/ skyes pa'i las dang nyon mongs pa bstan to/ /de nas bde 'gror skyes nas kyang / /zhes bya ba nas/ gzi brjid bde ba'i longs spyod 'phel/ /zhes bya ba yan chad kyis rgyas pa'i sbyin sreg gis bsod nams 'phel ba bstan to//de nas phan phyir nges par yang / /zhes bya ba nas/ thams cad de yi dbang du 'gyur/ /zhes bya ba yan chad kyis dbang du bsdus pa'i las bstan/ de la gdon rnams gzhom pa'i phyir/ /zhes bya ba nas/ myur du bde skyid gnas par 'gyur/ /zhes bya ba yan chad kyis lhan cig skyes pa'i yi dags la sogs pa tshar bcad cing phan yon bstan to//de nas tshangs pa la sogs pa yid mgu nas zhes bya ba nas legs so legs so legs par sgrubs shig bya ba yan chad kyis dam bca' ba dang / ji ltar blta ba dang / rjes su gtad pa bstan to/ /rgyud phyi ma'i don bsdus pa'i 'grel pa slob dpon kun dga' snying pos mdzad pa rdzogs so// //'di nas ni brtag pa phyi ma'i yang phyi ma'i don bshad par bya ste/ de nas bcom ldan 'das zhes bya ba nas/ oM badzra hUM AHzhes pa'i bar gyis sbyor ba dang po dang / dkyil 'khor rgyal po mchog dang / nang sems kyi ting nge 'dzin gyi rim pa bstan to//de nas de dag gi dkyil 'khor bshad de zhes pa nas 'dod pa'i yon tan lngas gang ngo zhes bya ba yan chad kyis slob dpon gyi las kyi rim pa dkyil 'khor bri ba'i rim pa bstan to/ /de nas sngags mkhan nyid kyis ni/ /zhes bya ba nas pra sid+d+ha ye hUM zhes pa'i bar gyis ni slob dpon 'jug pa dang slob ma dbang bskur ba'i phyir rim pa bstan to//de nas las thams cad byed du gzhug cing zhes pa nas/ rdo rje las dang mnyam par 'gyur/ /zhes pa yan chad kyis ni sems dpa'i lha'i bzlas pa bstan to/ /de nas las rnams bshad bya ste/ /zhes pa nas/ 'dod pa kun tu dbang byed 'gyur/ zhes pa'i bar gyis ni rigs bzhi 'khor los sgyur ba'i phrin las bzhi'i las bstan to/ /de nas bcom ldan 'das phyag na rdo rje la phyag 'tshal nas zhes pa nas/ ut+pa la ni sgrol mar dgongs/ /zhes pa'i bar gyis ni legs par gsol ba dang / 'jig rten pa'i dkyil 'khor drug dang / rigs bzhi 'khor los sgyur ba'i dkyil 'khor dang / nyi ma me'i dkyil 'khor gyi phyag rgya rnams bstan to/ /sa sa sa sa zhes bya ba nas/ kha TaM kha TaM zhes bya ba'i bar gyis ni sems dpa' bcu drug gi phrin las bzhi'i sngags dang rtsa ba'i sngags bstan to/ /de nas lha rnams kun mgu nas//zhes bya ba nas oM kA la yak+Sha si hU~M phaT ces pa'i bar gyis ni khro bo nyi ma me'i gsol ba gdab pa dang / sbyor ba dang po dang / nang sems kyi dkyil 'khor dang / dkyil 'khor rgyal po mchog bstan to/ /de nas dkyil 'khor mi zad pa/ /zhes bya ba nas/ dkyil 'khor du ni mang du bzhag /ces bya ba yan chad kyis slob dpon gyi las kyi dkyil 'khor dang mchod pa dgram pa bstan to/ /de nas slob dpon bdag nyid kyang / /zhes bya ba nas de bzhin du dbang bskur bar bya'o zhes pa'i bar gyis ni/ slob dpon 'jug cing sgo bzhir bsgrub pa dang / dbang bskur ba'i rim pa bstan to//de nas ngag gi bsgrub pa bshad de zhes pa nas/ bsams nas nges par brlab par 'gyur/ /zhes pa'i bar gyis ni bsgrub pa bstan pa'o/ /khro bo 'jig rten gsum snang zhes pa nas/ bzlas pa tshul bzhin bsam par bya/ /zhes pa'i bar gyis ni bsrung ba bya ba'i rim pa bstan to//de nas thab khung gsum las rnam gcig ni zhes pa nas zhi ba'i las so zhes pa'i bar gyis ni nyi ma me'i zhi ba'i sbyin sreg bstan to/ /'bras bu ldan pa'i nags tshal lam/ /zhes bya ba nas rgyas pa'i las so zhes bya ba yan chad kyis nyi ma me'i rgyas pa'i las bsten to//dbang ni chags pa'i sems kyis kyang / /zhes bya ba nas dbang gi las so zhes bya ba'i bar gyis nyi ma me'i dbang gi rim pa bstan to/ /de nas brgya byin tshangs sogs lha/ /zhes bya ba nas/ mchod pa sna tshogs byas nas kyang / /zhes bya ba'i bar gyis mchod pa bstan to/ /dga' ba'i sems kyis stod byed pa//zhes bya ba nas/ thams cad rdo rje'i bdag nyid gtso/ /zhes bya ba'i bar gyis ni phyag na rdo rje la bstod pa bstan to/ /gang gis 'di bris bklag gyur tam/ /zhes bya ba nas/ phyag na rdo rje 'dra bar 'gyur/ /zhes pa'i bar gyis ni bstod pa'i yon tan shAkya thub pas gsungs pa bstan to//bcom ldan 'das kyis zhes bya ba nas yi rang ngo zhes pa'i bar gyis ni rgyud kyi gtad pa dang yid 'jug pa bstan to/ /rgyud phyi ma'i yang phyi ma'i bshad pa slob dpon kun dga' snying pos mdzad pa rdzogs so// //ji skad bshad pa'i bsdus pa'i don thams cad kyi don bstan pas/bcom ldan 'das shAkya thub pa kun rig rnam par snang mdzad la sogs pa'i rang bzhin ni brjod par bya ba bshad pa yin la/ de ston par byed pa'i sgra'i tshogs ni rgyud yin no/ /rgyud dang / brjod par bya ba gnyis brjod par bya ba dang rjod par byed pa'i mtshan nyid du 'brel ba ni 'brel lo//thabs dang shes rab kyi ngo bo rnam par snang mdzad dang shAkya thub pa brjod byar bstan pas/ gdul bya rnams kyis mngon par 'dod pa bskyed pa de ni dgos pa'o/ /mngon par 'dod pa bskyed pa de rnams dkyil 'khor du 'jug pa la sogs pa de'i rang bzhin mngon sum du byed pa ni dgos pa'i yang dgos pa yin no//rgyud 'di ni de bzhin gshegs pa dgra bcom pa yang dag par rdzogs pa'i sangs rgyas ngan song thams cad yongs su sbyong ba'i rgyud ces bya'o zhes gsungs so/ /de la 'das pa dang / ma byon pa dang / da ltar byung ba'i sangs rgyas bcom ldan 'das 'jig rten gyi khams thams cad kyi rdul phra rab dang mnyam pa'i sems dang sems las byung ba rnams gnyis su med pa'i de bzhin gshegs pa thams cad do//rgyu dang / 'bras bu dang / rkyen sbyong bar byed pas na ngan song sbyong ba'o/ /de ston par byed pa'i de kho na nyid bcu'i ming gi tshogs ni rgyud ces bya ba ste/rgyud ni rgyud ces bya bar bshad/ /ces gsungs pa'i phyir ro/ /de kho na nyid bcu ni 'di lta ste/ dkyil 'khor dang / sngags dang / phyag rgya dang / bdag dang / gnas la sogs pa bsrung ba dang / lha rnams spyan drangs pa'i cho ga dang / bzlas brjod dang / bsgom pa dang / phyi dang nang gi bdag nyid can gyi sbyin sreg dang / slob dpon gyi las dang / slob ma gzhug pa'i rim pa dang / nye bar bsdu ba dang / mchod nas gshegs su gsol ba'o/ /de la dkyil 'khor gyi grangs brjod par bya ste/ rtsa ba'i dkyil 'khor la gnyis so/ /rgyud phyi ma la 'jig rten las 'das pa'i gsum mo//'jig rten pa'i dkyil 'khor drug go/ /'jig rten pa'i bsgrub pa'i dkyil 'khor gsum mo/ /rgyud phyi ma'i phyi ma la gnyis so/ /ras kyi bsgrub pa'i dkyil 'khor bzhi'o/ /sbyin sreg gi dkyil 'khor bzhi'o/ /spyi ru dril bas dkyil 'khor de rnams kyang rgyu dang 'bras bu dang don dam pa'i de kho na nyid bcu por gyur pa de dag nyid rnam pa gsum gsum du yang 'gyur ro//gzhan yang shes rab kyi pha rol tu phyin pa dang / thabs kyi pha rol tu phyin pa'i dbye bas de kho na nyid bcu po de dag nyid rnam pa gnyis su 'jog pa yin no//yang ji skad du bshad pa de kho na nyid bcu las thos pa dang bsams pa'i shes rab gnyis kyis rab tu phye nas sum cu rtsa bdun du yang gnas shing bsdus par yang 'dod do/ /de nyid ni theg pa chen po'o/ /de khong du chud pa ni mngon par rtogs pa ste mngon sum du byed pa'o/ / de ston par byed pa'i sgra'i tshogs ni rgyud ces bya bar bshad do/ /ngan song thams cad yongs su sbyong ba'i rgyud kyi bsdus pa'i don bstan pa rdzogs so// //de lta bu'i de bzhin gshegs pa dgra bcom pa yang dag par rdzogs pa'i sangs rgyas ngan song thams cad yongs su sbyong ba'i mdo blo la gnas par byas nas sdud par byed pa sa bcu'i dbang phyug lcang lo can gyi pho brang na bzhugs pa'i rdo rje 'dzin pas blo la bzhag nas/'di skad ces bya ba la sogs pa smras pa yin te/ 'di skad ces bya ba 'di ni yang dag pa'i sdud par byed pas mdo'i don 'og nas 'byung ba mtha' dag rang gi sems la bkod nas/bcom ldan 'das la bskyed par sgro 'dogs pa dang / dbri ba skur ba spangs pa'i phyir 'di skad ces bya'o/ /bdag gis zhes bya bas ni bcom ldan 'das la mngon sum du thos par bstan pa ste/ bdag nyid kyis bcom ldan 'das la thos kyi thos pa gcig nas gcig tu brgyud pa las 'ongs pa ni ma yin no//thos pa zhes bya ba 'dis ni bdag gis ma rtogs zhes bstan pa ste/ thos par zad kyi rtogs pa med par rnam par bcad pa'o/ /'dis ni bdag nyid kyis mngon sum du thos pa dang / ma yengs pa nyid du ston pa yin no//yang na bcom ldan 'das kyis bshad cing sprul pa'i chos rnams mngon sum du spyod yul du gyur pa yang yin te/ bcom ldan 'das kyis bshad pa'i dbang gis bdag nyid kyi ye shes kyi yul la yang snang ngo / /de ltar nang gis kyang bdag nyid ston pa ni ma yin no//de ltar mngon sum du gyur pas bsdus pa dag kha cig las ni 'di skad bdag gis zhes bya bar mi gleng bar/ snang mdzad mngon par byang chub gsang ba bshad/ ces bya ba smos so/ /yang de ltar yin gyis kyang 'di ni sprul skus gsungs pa yin pas/ 'di skad bdag gis thos pa zhes rigs te/de yang phyag na rdo rje dbang bskur ba'i rgyud las kyang longs spyod rdzogs pa'i sku mya ngan las 'das pa med pas/ dus phun sum tshogs pa med pas ji ltar 'gyur ba rnams ston la/ sprul pa'i sku mya ngan las 'da' ba yod pas 'di skad bdag gis thos pa dus gcig na zhes bya ba smos so//yang na thos pa zhes bya ba 'dis ni 'chad pa po ma yin pa dgag pa ste/ /rgyud 'di ni yid brtan du rung ba'i tshad mas bsdus kyi bdag ni de'i tshe na nyan par zad kyis 'chad pa po ni bcom ldan 'das yin no zhes ston pa'i phyir ro/ /dus gcig na zhes bya ba 'dis ni dus gcig gi tshe ste/'khor 'dus pa'i dus lha'i dbang po brgya byin gyi gnas dga' ba'i tshal du 'di thos so zhes bya ba dang sbyar ro/ /de ltar dus gcig ces bya ba 'dis ni chos 'di thos par dka' ba ston to/ /dus thams cad du 'khor dang gnas thams cad ni 'di 'dra ba'i chos thos par mi 'gyur ro zhes bstan pa'o//yang na sdud pa po bdag nyid mang du thos pa'i yon tan du bstan te/ dus gzhan na ni chos gzhan yang thos so/ /yang na dus gcig ni 'di skad cig ma cig nyid de/ 'dis kyang rnam par thar pa bsam gyis mi khyab pa thob pa nyid kyis skad cig ma cig nyid la dus gsum gyi bskal pa so sor snang bas bdag nyid tshad ma'i skyes bu nyid yin par bstan to//ci'i phyir 'di skad bdag bka' stsal pa zhes mi bya bar 'di skad thos pa zhes yang dag par sdud par byed ces smra/ slar lan btab pa/ thos pa zhes bya ba la lhag par bskyed par ci'i phyir/smras pa thos pa zhes bya ba lta zhig su las thos sus shes/ 'di skad gsungs zhes smras pa dang / zhal nas gsungs pa nyid du bstan par 'gyur ro zhe na/ ma yin te/ bdag gis thos pa zhes bya ba 'dis kyang bcom ldan 'das kyis gsungs pa nyid du 'gyur te/'di skad thos pa zhes bya ba'i skabs gong du bshad pa yin no/ /yang bcom ldan 'das kyis bka' stsal pa zhes bya ba smras pa ni yon tan lhag par yod par ma zad kyi/ skyon 'di lta bu yod par 'gyur ro/ /gang zhe na/ bdag nyid kyis mngon sum du thos pa ma yin par bstan par 'gyur te/de'i phyir thos pa gcig nas gcig tu brgyud pa la sogs pa'i tshig yin par gzhan dag dogs shing sdud par byed pa'i tshig la su yang yid ches par mi 'gyur ro/ /'on te yang bdag gis thos pa zhes bya ba 'di dang / bcom ldan 'das kyis 'di skad bdag gis bka' stsal pa/zhes bya ba'i tshig gnyis ka smos na ni tshig mang bar 'gyur ro/ /de bas na 'di skad bdag gis thos pa de tsam gyis kyang bcom ldan 'das kyis bka' stsal bar mngon te de'i khongs su 'dus pa'i phyir bcom ldan 'das kyis bka' stsal pa zhes bya ba'i tshig lhag par 'gyur ro//de bas na bcom ldan 'das kyis kyang yongs su mya ngan las 'das pa chen po la sogs pa'i mdo las kyang / 'di skad bdag gis thos pa zhes bya ba la sogs pa'i tshig rnams kyis mgo drongs la/ mjug tu mngon par bstod do zhes bya ba dag gis yang dag par bsdu bar byos shig ces lung phog go//de bas na bcom ldan 'das kyis lung dang mthun par yang dag par byed pas bcom ldan 'das kyis lung bzhin bsdu ba byas pas rgol ba 'di ni mi rung ngo / gang skad cig tu rgol ba'i lan slob dpon gzhan dag gis kyang btab pa/bcom ldan 'das kyi gsung gcig la sems can gyi mos pa sna tshogs pa'i dbang gis rnam pa du mar bshad pa skyes pa skye bas bcom ldan 'das kyis bka' stsal pa zhes byar mi rung ngo / /de bas na bdag gis thos pa zhes bya ba 'dis yang dag par sdud par byed pas bdag nyid kyi rna ba'i dbang pos thos pa'i lam nas 'ong ba'i rim pa ston pas bcom ldan 'das kyis de skad ces bka' stsal pa zhes brjod de/ci'i phyir zhe na/ bcom ldan 'das kyis bshad pa kun yang dag par sdud par byed pa de'i yul ma yin pa'i phyir ro/ /'dir brgal ba dang / 'o na khyod kyis mjug na de skad bka' stsal pa dang 'gal lo zhes pa dang /de ni 'og tu thal ba'i rjes su smras pa yin pas 'gal ba ma yin no/ /dus gcig na bya ba 'dis ni bar chad med par bstan te/ zham bcom ldan 'das dga' ba'i tshal na lha'i bu nor bu dri ma med pa'i 'od ngan song gi sdug bsngal las bton pa'i dus de na zhes pa'o//des ni ma 'dres pa'i don bstan to/ /khyod kyis gang las gang du thos she na/ /de gsal bar bya ba'i phyir bcom ldan 'das zhes bya ba la sogs pa smos te/ 'dir bcom ldan 'das dga' ba'i tshal na bzhugs te zhes bya ba dang sbyar ro//bcom ldan 'das dga' ba'i tshal du bzhugs te/ de las der bdag gis thos zhes bya ba ste/ nyon mongs pa dang / lha'i bu dang / phung po dang / 'chi bdag gi mtshan nyid can gyi bdud bzhi bcom pas bcom ldan 'das so/ /yang na shes bya dang nyon mongs pa'i sgrib pa bcom pa nyid bcom ldan 'das kyi mtshan bcom ldan 'das kyi sgra'i nang nas yi ge as khyab la/as ni chos thams cad thog ma nas byung ba'i stong pa nyid kyi mtshan nyid du bstan pa ste/ de ltar yang gsungs pa/ a zhes bya ba'i chos rnams ni skye ba med par dgongs pa ste zhes gsungs pa'o/ /de ltar yi ge a'i sgo nas sgrib pa bcom pa dang /chos kyi sku stong pa nyid dang ldan pas bcom ldan 'das so/ /yon tan gyi khyad par de lta bu dang ldan pa'i bcom ldan 'das de gnas gang na bzhugs snyam pa la/ lha'i mchog ces pa ste/ lha thams cad kyi mchog tu gyur pa lha'i dbang po brgya byin te/'di shes rab kyi pha rol tu phyin pa'i don la bskal pa dpag tu med par sbyangs bas na lha'i mchog go/ /lha dang mi la sogs pa thams cad kyi yang yid kyi dbang po rtas par byed pas na thams cad kyi dga' ba'i tshal yid du 'ong ba'o/ /lha de dag gis longs spyod kyi rkyen tshal chen po bzhi yang yod de/byang phyogs dga' ba'i tshal dang / shar phyogs shing rta sna tshogs dang / lho phyogs rtsub 'gyur dang / nub phyogs 'dres pa'i tshal dang / gzhan yang sangs rgyas dang byang chub sems dpa' thams cad kyis byin gyis brlabs pa na zhes bya ba dang sbyar te/dus gsum gyi sangs rgyas thams cad kyis sngar byin gyis brlabs pa byas pa'o/ /de bas na nor bu dang zhes bya ba la sogs pa smos te/ nor bu ni ston pa'i che ba'i yon tan las byung ba ste/ gser gyi shing yal ga dang lcug mar bcas pa zhes bya ba ni dran pa nye bar gzhag pa bzhi dang /yang dag par spong ba bzhi dang / rdzu 'phrul gyi rkang pa bzhi rnam par dag pa las byung ba'o/ /shing gel pa ni dbang po lnga rnam par dag pa las byung ba'o/ /sman ni stobs lnga rnam par dag pa'o/ /me tog ka ma la la sogs pa bdun ni rim gyis byang chub kyi yan lag bdun rnam par dag pa las byung ba'o//dpag bsam gyi shing ni rnam par thar pa brgyad rnam par dag pa las byung ba'o/ /rgyan sna tshogs kyis brgyan pa ni dpa' bar 'gro ba'i ting nge 'dzin la sogs pa'i ting nge 'dzin 'bum phrag rnam par dag pa'o/ /bya rnam pa sna tshogs skad 'byin pa ni tshangs pa'i gsung dbyangs kyi gsung rab yan lag bcu gnyis kyi sgra sgrogs pa'o//rnga dang cang te'u la sogs pa'i sgra grag pa ni/ pha rol tu phyin pa brgyad kyi mchod pa sgeg mo la sogs pa rnam par dag pa'o/ /brgya byin dang tshangs pa la sogs pa ni thabs dang shes rab kyi 'bras bu las/thabs sbyin pa la sogs pa rnam par smin pa'i 'bras bu'o/ /rtsen pa zhes bya ba ni bstod pa'o/ /de lta bu gnas su byin gyis brlabs pas na sangs rgyas dang byang chub sems dpa' thams cad kyis byin gyis brlabs pa'o/ /na zhes bya bas ni bzhugs pa dang 'brel to//de 'dra ba'i gnas de na 'khod pa'i 'khor phun sum tshogs pa ni gang dang gang zhe na/ brgya byin dang zhes bya ba la sogs pa smos te/ brgya byin ni sa dang po'i bden pa mthong bas skad cig ma cig la zhing khams brgya dang / ting nge 'dzin brgya la dbang byed pas na brgya byin no//sa dang po 'khor ba gtan nas spangs nas/ 'jig rten pa'i bdag po'i tshul gzung bas tshangs pa'o/ /rig 'dzin dang zhes pas ni so so'i skye bo las bla na med pa'i byang chub tu sems bskyed de tshogs rnam pa gnyis bsags nas sbyor ba'i lam non/ der gzung 'dzin rags pa spangs nas mthong ba'i lam non te/mi rtog pa'i sa la gnas pas rig 'dzin no/ /gnod sbyin ni rnam thos sras dang / sa srung la sogs pa'o/ /srin po ni bden bral dang / bum sna la sogs pa'o/ /dri za ni yul 'khor srung dang / zur phud lnga pa la sogs pa'o/ /lha ma yin ni rab sim dang /snang byed la sogs pa'o/ /lto 'phye ni rab brtan la sogs pa'o/ /mi'am ci ni ljon pa la sogs pa'o/ /klu ni dga' bo la sogs pa'o/ /du ma ni so so nas mang pos bskor ba'o/ /de ltar 'jig rten pa'i 'khor la smos pa ni de dag snod du rung bar bya dgos pa dang / phyis 'byung ba gzhan dag kyang dad pa bskyed pa dgos pa'i bya ba'i phyir ro/ /de la 'jig rten las 'das pa'i 'khor phun sum tshogs pa gang zhe na/ byang chub sems dpa' sems dpa' chen po bye ba khrag khrig phrag brgyad la 'di lta ste/ zhes pa ste de las byang chub sems dpa' zhes bya ba ni bdag gi don phun sum tshogs pa la//sems dpa' chen po ni gzhan gyi don phun sum tshogs pa ste/ de la byang chub ni zad pa mi skye ba'o/ /sems dpa' ni thob par 'dod pa'o/ /sems dpa' chen po ni sems can gyi don bya ba la mi 'jigs shing mi skyo ba med par dam bca' zhing gnas pa ste/don du na bdag gis bla na med pa'i byang chub tu byas la sems can thams cad 'khor ba'i btson ra shin tu dam pa dag las gdon par bya'o zhes so/ /rnam pa gcig tu byang chub ni don dam pa 'od gsal ba la bya ste/ de yang / byang chub nam mkha'i mtshan nyid de//nam mkha' la yang mtshan nyid med/ /ces so/ /byang chub sems dpa' dag gis mtshan 'dir blo gros zhes ming gi don gtsor smos she na/ de ni thabs thugs rje chen po dang / shes rab ste so sor brtags pa'i dbang gis 'gro ba dag ngan song las 'dren pa'i sgor gyur pas na de la de skad ces bya'o//byang chub sems dpa' phyag na rdo rje la ni blo gros tshad med pa zhes bya'o/ /de ci'i phyir zhe na/ 'di'i mthu stobs ni tshad med do zhes bya ba'i rgyud las gsungs so/ /yang na 'di de bzhin gshegs pa thams cad kyi byang chub kyi sems dang ba'i bdag nyid can gyi rang bzhin yin pas dang por smos la sdud pa po 'khor gyi dang po yin pas kyang dang por smos so//spyan ras gzigs dbang phyug la ni blo gros mi g.yo ba zhes bya'o/ /ci'i phyir zhe na/ 'jigs pa chen po brgyad kyis zos pa'i sems can thams cad spyan ras gzigs kyis so sor rtog pa mdzad pa dang / gzigs shing skyob par mdzad pa la gzhan gyis thugs mi g.yo bar mdzad pa'i phyir ro//byang chub sems dpa' nam mkha'i snying po la ni blo gros yangs pa zhes bya ste/ /ci'i phyir zhe na/ bsod nams dang ye shes kyi tshogs kyis nam mkha'i dbyings la mnyam pa nyid kyi ye shes la longs spyod pa'i phyir na yangs pa zhes bya'o//rdo rje khu tshur la ni kun du blo gros zhes bya'o/ /ci'i phyir zhe na/ chos thams cad rang bzhin gyis 'od gsal ba'o zhes bya ba 'dis/ chos thams cad gcig tu byed pa de bzhin gshegs pa thams cad kyi sku gsung thugs kyi sgo thams cad gnyis su dbyer mi phyed pas chos nyid kyi khur gang la mnga' ba de'o//de yang / gang zhig mi slu bden de nyid/ /rdo rje khu tshur zhes bshad do/ /zhes lung las gsungs pa yin no/ /'jam dpal la ni blo gros mtha' yas zhes bya ste/ ci'i phyir zhe na/ 'di ni gnyis su med pa'i shes rab kyi pha rol tu phyin pa la gnas pa'i rgyu las nges par 'byung ba'i de kho na nyid kyi chos kyi dbyings la mtha' yas pa'i phyir ro//rdo rje las la ni blo gros ka ma la zhes bya'o/ /ci'i phyir zhe na/ bran gyi tshul du de 'phags pa thams cad la mchod pa'i rnam pa thams cad stobs pa dang / sems can thams cad la sbyin pa'i las byed pa la gtsor gyur pas na'o/ /nam mkha' mdzod la ni blo gros chen po zhes bya'o/ /ci'i phyir zhe na/ mnyam pa nyid kyi ye shes kyi mdzod 'di la mnga' bas sbyin pa'i pha rol tu phyin pa las byung ba'i nam mkha' mdzod kyi ting nge 'dzin gyis 'gro ba yongs su tshim pas na'o//rdo rje legs pa ni blo gros lha rdzas zhes bya'o/ /ci'i phyir zhe na/ rdo rje thams cad bdag la 'jug pa'i las byed pas lha rdzas kyi dgyes pa sbrel bar byed do zhes pa'o/ /blo gros sna tshogs ni bdud kyi stobs thams cad rab tu 'joms pa'o/ / ci'i phyir zhe na/ phung po dang nyon mongs pa dang / 'chi bdag dang / lha'i bu'i bdud thams cad de/ de'i stobs ni nus pa'o/ /de rab tu 'joms shing zlog par mdzad pa'i ngang tshul gang la mnga' ba de'o/ /phyir mi ldog pa ni sa bcu la gnas pa'o/ /byang chub sems dpa' 'di rnams ni bsgrub pa'i yan lag tu gyur pa yin te/lung las dam pa'i chos kyi grong khyer skyong bar byed pa'i byang chub sems dpa' rnams zhes gsungs pa yin no/ /de lta bu'i 'jig rten dang 'jig rten las 'das pa'i dbus na bcom ldan 'das tshangs pa chen po pad+ma'i gdan la tshangs pa'i bzhugs thabs kyis bzhugs zhes bya'o//'di lta ste pad+ma chu las skyes kyang rang bzhin gyis dag cing chu dang 'dam gyi nyes pas ma gos pa bzhin du sems can gyi don bsgrub pa'i phyir 'khor ba na gnas kyang de'i nyes pas mi gos pa'o/ /tshangs pa zhes pas pad+ma bkra shis pa'i gnas pas na/sa phyogs gang du skyes pa'i sa phyogs de gtsang mar gyur pa ji lta ba bzhin du bcom ldan 'das tshangs pa chen po gang du bzhugs pa'i gnas de yang gtsang zhing bkra shis pa'o/ /de yang lung las/ yon tan yang dag rgyan gyi dam pa dag /gang na gnas par gyur pa de dag tu//bkra shis bkra dang ldan pa gyur pa ste/ /'bab stegs de yin dka' thub tshal yin no/ /zhes gsungs so/ /de'i phyir na pad+ma de yang tshangs pa zhes gdags so/ /tshangs pa'i gdan de la bcom ldan 'das tshangs pa chen po de bzhugs so/ /ci'i phyir na bcom ldan 'das la tshangs pa chen po zhes bya zhe na/ma rig pa la sogs pa'i nyon mongs pa'i dri ma thams cad dag par mdzad pas na/ tshangs pa zhes bya'o/ /de'i phyir yang lung las gsungs pa/ ma rig 'joms pa'i tshangs pa ste/ /'dod chags zhe sdang dri mthar mdzad/ / ces bya'o/ /bzhugs zhes bya ba ni rnam pa gsum ste/ spyod lam gyis bzhugs pa dang / chos 'chad cing bzhugs pa dang / nang du yang dag 'jog gis bzhugs pa'o/ /spyod lam gyis bzhugs pa ni 'chag pa dang / 'greng ba dang / 'dug pa la sogs pa yis so/ / chos 'chad cing bzhugs pa ni mnyam pa'i skyil mo krung gis bzhugs nas phyag g.yon pa bram ze smrang 'don pa lta bu la/ phyag g.yas pa skyabs sbyin mdzad pas bzhugs pa'o/ /nang du yang dag 'jog gis bzhugs pa la yang rnam pa gsum gyis bzhugs te/ tshad med tshangs pa'i bzhugs thabs dang /bsam gtan lha'i bzhugs thabs dang / rnam thar 'phags pa'i bzhugs thabs las/ 'dir ni tshad med tshangs pa'i bzhugs thabs so/ /bzhugs pa zhes bya ba ni rab tu rnam par gnas so zhes bya'o/ /de yang gang gi tshe na lha'i bu nor bu dri ma med pa de shi ba'i dus byas pa de'i che'o//gang zhig bzhugs na ston pa phun sum tshogs pa de'o/ /gang na bzhugs na dga' ba'i tshal na'o/ /gang dang bzhugs na 'khor 'jig rten dang 'jig rten las 'das pa dang bzhugs zhes bya'o/ /de yan chad kyis ni gleng gzhi bstan pa'o/ /de yan chad kyis thun mong gi gleng gzhi bstan nas/da ni rgyud kyi don 'byung ba khyad par gyi gleng gzhi bshad par bya ste/ de yang lha'i bu nor bu dri ma med pa'i 'od mtshams med pa'i dmyal bar ltung ba de las yongs su bskyab pa'i phyir bcom ldan 'das kyis ye shes dri ma med pa'i 'od zer gyis gleng bslang ba'o//de yang gang la snyoms par zhugs she na/ ngan song gi rgyud thams cad yongs su sbyong ba zhes bya ba'i ting nge 'dzin te/ nang sems kyi dkyil 'khor ni 'og nas ston to/ /ting nge 'dzin de'i ming gang zhe na/ ngan song gi rgyud las rnam par grol ba zhes bya'o/ /gnas gang nas byung zhe na/nang sems kyi dkyil 'khor gyi thugs ka la nyid kyi dpral ba'i mdzod spu nas zhes bya'o/ /las gang du byed ce na/ 'od zer des stong gsum gyi stong chen po'i 'jig rten gyi khams thams cad snang bar byas so zhes so/ /ji ltar don byas na/ nang sems kyi dkyil 'khor du bcug nas dri ma med pa la sogs pa bde ba so sor thob par byas te/drin la lan gyis blan te bstod pas bstod de/ de yang ji ltar bstod snyam pa la/ e ma sangs rgyas e sangs rgyas/ /zhes bya ba la sogs pa ste/ e ma ni ngom zhing ngo mtshar ba ste/ gang la ngom zhing ngo mtshar na/nang sems kyi dkyil 'khor gyi 'od zer dang / sngags kyi phreng ba'i 'od zer gyis sems can gyi las dang nyon mongs pa'i bag chags dag par byas/ nang sems kyi dkyil 'khor du bcug cing dbang bskur bas dri ma med par grags pa la sogs pa dga' ldan gyi lha'i lus thob par byas pas ngom zhing ngo mtshar ba'o//sangs rgyas ni bod pa'i tshig go/ /kye sangs rgyas 'gro ba'i don sna tshogs par mdzad pa ni re bzang zhes bya ba'o/ /kye ma sangs rgyas ni 'gro ba'i don ji ltar mdzad kyang thugs chos nyid las ma g.yos pas re bzang zhes bya'o//mdzad pa legs pa ni sku gsung thugs kyi phrin las sku gser btso ma lta bu ston pa'i cha byad dang / gsang sngags tshig mang po dang / thugs nang sems kyi dkyil 'khor gyis 'gro ba'i don mdzad pa'o/ /gang phyir ngan song bdag cag sbyangs/ /zhes bya ba ni thabs dang shes rab zung du 'brel ba'i thugs rjes 'khor ba'i rgyu 'bras rkyen gsum sbyangs pa'o//byang chub spyod pa nyid la bzhag /ces bya ba ni sems can de rnams 'khor ba las bton nas byang chub tu sems bskyed de dga' ldan gyi gnas su skye bar bya ba'i phyir na bstod pa des bstod pa'o//da ni bcom ldan 'das kyis de ltar mdzad pa la ngo mtshar bskyed pa de la ngo mtshar mi che ba'i rgyu ston te/ de yang lha'i dbang po brgya byin 'di ni ngo mtshar mi che ste zhes bya ba la sogs pa smos te/ de yang dang po sbyin pa'i pha rol tu phyin pa'i sgo nas bstan pa ni tshad med pa'i bsod nams kyi tshogs zhes bya ba la sogs pa ste/de la tshad med ces bya bas ni rgya che ba'i phyir dang / gting dpag dka' ba'i phyir te/ de yang sems can bsod nams kyi phung po bcu 'gyur gyis ni de bzhin gshegs pa'i ba spu'i bu ga gcig 'grub po zhes bya ba nas/ gtsug tor du gtogs pa'i bsod nams kyi phung po bye ba 'bum gyis ni chos kyi dung 'grub bo zhes bya ba'i bar du ste/de ni 'bras bu'i sgo nas so/ /rgyu ni sbyin pa'i pha rol tu phyin pa dang byang chub kyi phyogs la ni bsod nams kyi tshogs zhes bya'o/ /'jig rten las 'das pa'i yon tan rin po che thams cad 'byung ba'i phyir na bzod pa'i pha rol tu phyin pa rnam par dag pa'o//thabs tshad med pa ni ji lta ji ltar 'dul ba'i thabs de la rgyu 'bras gnyis kyis ston te/ rgyu chung ngu las 'bras bu mang du ston la/ 'bras bu'i thabs ni sems can thams cad ji ltar mos pa bzhin du ston pas na thabs kyi pha rol tu phyin pa rdzogs pa'o//gnyis su med pa'i shes rab kyi spyi dang rang gi mtshan nyid 'byed pa'i phyir na shes rab tshad med pa'o/ /spyod pa tshad med pa ni sangs rgyas dang byang chub sems dpa'i spyod pa ni tshul khrims gsum ste/ de la gnas pa ni tshul khrims kyi pha rol tu phyin pa'o/ /bsam gtan gyi pha rol tu phyin pa las byung ba'i phyir byams pa dang /snying rje dang dga' ba dang / btang snyoms bzhis 'dul ba'i skye bo tshad med pa rnams snod du gyur par mdzad pa'o/ /thams cad mkhyen pa'i ye shes kyis brgyan pa'i phyir/ theg pa gzhan dang mi mnyam zhing theg pa chen po dang mnyam pa'i ye shes dang ldan pa'o//brtson 'grus kyi pha rol tu phyin pa las byung ba'i rdzu 'phrul gyi rkang pa bzhi dang ldan pa'i phyir lha chen po dag dang / rang sangs rgyas dag dang mi mnyam zhing / sa bcu'i byang chub sems dpa' dag dang mnyam pa'i rdzu 'phrul dang ldan pa'o/ / lha chen po dang / gnod sbyin dang / stobs po che dang / rang sangs rgyas dag dang mi mnyam zhing / sa bcu pa'i byang chub sems dpa' de dag dang / sangs rgyas bcom ldan 'das dag dang mnyam pa'i zhing nyid kyis theg pa 'og ma dag smon par byed pa'i smon lam gyi pha rol tu phyin pa dang ldan pa'i phyir ro//lha dang stobs po che dang / rang sangs rgyas dag dang / gnod sbyin dag gis stobs dang mi mnyam zhing sangs rgyas dang / byang chub sems dpa' de dag dang mnyam pa'i stobs bcu dang ldan pa ste/ rgyu dang rkyen de'i phyir na lha'i dbang po ngo mtshar mi che'o zhes bya'o//'di la the tshom dang som nyi yid gnyis ma byed cig ces pa ni/ the tshom ni yid ma ches pas rtog pa zhugs pa'o/ /som nyi ni bya ba'am mi bya ba'am snyam pa'i som nyi'o/ /yid gnyis ni res blo gtod res blo mi gtod pa'o/ /de ni ston pas gleng bslang bas ngo mtshar gyi rgyu bstan pa'o//da ni 'khor gyis zhus pa ston te/ de nas lha'i dbang po brgya byin gyis rang gis stan las langs nas zhes bya ba la sogs pa la/ 'dod khams kyi lha la dbang byed pa dang / sbyin pa dang / sprul pa dang / ting nge 'dzin dang / zhing khams brgya la dbang byed pas na brgya byin no//rang gi stan ni rin po che'i khri'o/ /chos rag lus pa dang / rim gro bskyed pa dang / gus pa bskyed pa'i phyir ro/ /mchod pa ni rdzas rgya che ba dang / yid kyis sprul pa'i lha mo'i tshogs kyis mchod pa ni rgya che zhing che ba'o/ /phyag ni lus ngag yid gsum mo//bcom ldan 'das la 'di skad ces gsol to zhes bya ba ni blo la gnas pa ste/ 'og gi tshig go/ /phan pa zhes bya ba ni sems can thams cad la sems bskyed pa'o/ /snying rje ba ni phan 'dogs pa'o/ /snying rje can ni sdig pa chen po byas pa'o/ /snying brtse ba chen po can ni ngan song du lhung ba'i don to//spobs pa bskyed pa zhes bya ba ni bsod nams kyi tshogs dang / mos pa'i mthu dang / rgyu dang 'bras bu zhu ba'i spobs pa bskyed du gsol zhes pa'o/ /bcom ldan 'das sum cu rtsa gsum gyi gnas 'di nyid nas zhes bya ba nas/ bshad par bya ba yan chad kyis gsol ba dang /lung bstan pa dang / 'jigs shing skrag pa bstan nas gsol ba gdab pa bstan te dkyus nas gsal ba'o/ /de yan chad gleng gzhi dang / gleng brjod 'byung ba khyad par gyi don bstan nas/ da ni gzhung bstan par bya ba las/ dang por rtsa ba'i dkyil 'khor sbyor ba dang po dang / dkyil 'khor rgyal po mchog dang / nang sems kyi dkyil 'khor dang / slob ma'am 'khor snod du rung bar bya ba bstan te/ de la dang por slob ma snod du rung bar bya ba'i phyir dang / dam tshig can du byin gyis brlabs pa bstan to//de nas zhes bya ba ni skabs so/ /de yang gang gis byin gyis brlabs na bcom ldan 'das kyis so/ /gang la byin gyis brlabs na brgya byin dang tshangs pa la sogs pa'i lha'i bu de dag ste/ byin gyis brlabs pa'i ting nge 'dzin gang la snyoms par zhugs na gdon mi za ba'i rdo rje byin gyis brlabs pa'i ting nge 'dzin to//nyid kyi thugs ka nas 'od zer sbud pa'i phreng ba spros pas/ de na gnas pa'i sems can rnams rgyu las dang nyon mongs pa'i bcings pa thams cad bkrol zhing bcad/ 'bras bu sdug bsngal gyis bcings pa thams cad ni bcom zhing sbyangs te/ slar 'dus pa las brgya byin dang tshangs pa la sogs pa 'jig rten pa'i 'khor rnams kyi nyon mongs pa thams cad sbyangs nas bka'i snod du rung ba'am/ dam tshig can du byin gyis brlabs so/ /de nas brgya byin dang tshangs pa la sogs pa'i snying gar zla ba'i dkyil 'khor gang zhing yongs su rdzogs pa'i steng du'o//sngags gang gis she na/ oM badzra a d+hi tiSh+Tha dz+nyA na sa ma ye hUM zhes pa'i sngags kyi phreng ba bkod nas dam tshig can du byin gyis brlabs so/ /de ni dkyil 'khor byin gyis brlabs pa'o/ /da ni sbyor ba dang po ting nge 'dzin ston te/ gdon mi za bar mi choms pa'i rdo rjes byin gyis brlabs nas zhes bya ba smos te/gdon mi za bar zhes bya ba ni rang gi sems so sor rig pa ste/ phyi'i yul du gyur pa'i snod kyi 'jig rten rdul phra rab 'dus pa las grub pa ni phyogs cha drug gi chas gzhigs na rdul phra rab tsam du yang ma grub pa stong pa chen po'i ngang du bsgoms la/de la nang 'dzin pa'i sems la brtags na ni sems cir yang ma grub ste/ rang bzhin gyis 'od gsal ba'i yi ge a'i dngos por gnas par bsgom mo/ /de nas a de las sangs rgyas thams cad kyi yon tan rnams 'dir gzugs brnyan gyi rnam pa'i tshul gyis/ / a A i I u U r-i r-I l-i l-I e ai o au aM aH/ rab tu zhugs te shel dang zla ba lta bu'o/ /de yang / dag pa chen po'i snying pa dag /nam mkha' bzhin du dri ma med/ /gnas ngan len pa kun las grol/ /rnam rtog sel ba'i mchog yin no/ /nyon mongs dri ma kun dag cing //zla ba bzhin du snga ma'i steng / /zhes so/ /de la ni gdon mi za bar zhes brjod do/ /de nas rang gi gsang sngags zla ba'i dkyil 'khor la gnas pa bkod nas sangs rgyas kyi yon tan thams cad skar ma'i rnam pa lta bus gzugs brnyan la sogs pa'i tshul gyis yi ge ka la sogs pa rab tu zhugs te zla ba'i dkyil 'khor gnyis par gyur te/nyam thag rnams la rjes brtse bas/ /sems can yongs su 'dzin pas ni/ /dge ba'i chos rnams rdzogs pa ste/ /nyon mongs thams cad nges 'du'o/ /zla ba'i dkyil 'khor dbus su ni//byang chub sems ni gnyis pa'o/ /zhes gsungs so/ /de la ni mi choms pa zhes bya'o/ /de nas de lta bu'i zla ba'i dkyil 'khor gyi steng du dbus su hUM tha ma na tshur oM shod+ha ne sho d+ha ne/ sarba pA paM bi sho d+ha ni/ shud+d+he bi shud+d+he sarba karma A ba ra Na bi shud+d+he swA hA/ zhes pa'i sngags kyi phreng ba de rnams kyang mar me'i phreng ba bskor ba ltar g.yo ba dang /ldem pa dang 'od dang zer du bcas pa rnams dang / rnam par shes pa mi gnas na yang gnas par gnas bzhin du bsgom mo/ /de las 'od zer spro ba dang / bsdu bas rdo rje rtse lnga bar bsgom ste/ de yang gsungs pa/byang chub bskal pa grangs med gsum/ /bsdus pa dag ni chos nyid de/ /dam chos mchog gi grangs med pa'i/ /spyad pa spyod pa'i mchog yin no/ /sa dang sa min legs rtogs shing / /zag med ye shes dag pa'o/ /zla ba'i dkyil 'khor dbus su ni/ /rdo rje chos can gyis brtags pa//zhes bcom ldan 'das rdo rje 'chang chen pos gsungs so/ /de la ni rdo rje zhes bya'o/ /byin gyis brlabs nas zhes bya ba ni/ de las 'od zer spro ba dang bsdu ba'i sbyor bas ye shes lnga la sogs pa spros pa thams cad dang bral ba'i ye shes thams cad dang /lha thams cad kyi sku rdo rje dbyings dang / gsung dang thugs thams cad kyi rdo rje dbyings thams cad snying gar bsdus te gcig tu brtan par bya'o/ /de yang gsungs pa/ /sangs rgyas kun gyi sku yang yin/ /skyon med snang ba med pa ste/ /bcos min ma skyes dag pa dang //dngos med la sogs rnam spangs pa/ /rdzas med chos kyi sku nyid ni/ /'di ni mi chod mi shig pa'o/ /rdo rje bdag nyid legs 'byung pa'i/ /rdo rje sku ni bla med pa'o/ /zhes gsungs so/ /ngan song thams cad yongs su sbyong ba'i rgyal po zhes bya ba kun rig rnam par snang mdzad kyi skur phyag rgya chen por gyur te/lus dang de bzhin sbyong ba dang / /sbyong dang de bzhin rtogs pa dang / /mngon par byang chub rnam pa lnga/ /sangs rgyas kun bdag bzang po'o/ /zhes so/ /sku mdog ni dung ltar dkar ba/ me tog kun da ltar snum la 'dril ba/ zla ba ltar 'od dang ldan pa zhal bzhi pa la dbu mthon mthing lcang lor 'khyil ba//rdo rje mtshan pa'i seng ge'i gdan pad+ma kha dog sna tshogs pa'i dbus su zla ba'i dkyil 'khor gyi steng na rdo rje skyil krung du bzhugs pa/ rgyan thams cad kyis brgyan pa/ ting nge 'dzin gyi phyag rgya dang ldan par bsgoms te de ltar 'di nyid las//dbus kyi phyogs su kun rig ni/ dung dang kun da zla 'dra la/ /zhal bzhi ba la rdo rje yis/ /seng ge'i gdan la bzhugs pa dang / /ting 'dzin phyag rgya ldan pa dang / /rgyan rnams kun gyis brgyan par bri/ /zhes pa'o/ /de nas nam mkha' las byung pa'i rin po che'i dbang bskur ba dang /spyan ras gzigs kyi chos kyi ye shes bskyed pa dang / cho 'phrul bzhis kyang byin gyis brlabs te/ snying gar rdo rje bsgoms pa dang / dpral bar rin po che bsgom pa dang / khar pad+ma bsgom pa dang / spyi bor rgya gram bsgom pa ni byin gyis brlabs pa dang /dbang bskur ba dang / ting nge 'dzin dang / mchod pa'i cho 'phrul lo zhes slob dpon la la dag bzhed do/ /bdag gis ni rigs par ma mthong ste/ sems ma bzhis gnas bzhir byin gyis brlab par 'dod do/ /ji ltar sngon gyi sangs rgyas dang / /sngags kyi tshul gyis sangs rgyas pa//de ltar bdag kyang sangs rgyas so/ /zhes pa'o/ /rig pa chen mo zhes bya ba la sogs pas ni sngags kyi mthus bcom pa ste/ da ltar sho d+ha ne'i sngags kyi phreng ba ye shes kyi 'od zer dang bcas pa'i 'phro 'du las sems can thams cad kyi ngan song gi rgyud kyi 'ching ba 'dod chags zhe sdang gti mug thams cad rnam par chad nas skye bo lha dang mi phun sum tshogs par 'gyur ro//dmyal ba yi dags byol song gi ngan song thams cad rnam par sbyangs nas tsha grang la sogs pa'i sdug bsngal mi bzad pa rnams rab tu zhi ste/ skye bo rnams bde ba dang ldan par gyur to zhes bya'o//de ltar bskyed pa de'i thugs kar zla ba'i dkyil 'khor bsgoms pa'i dbus su hUM gi mtha' ma na tshur sho d+ha ne'i sngags kyi phreng ba snga ma bzhin du bkod pa dang / gzhan yang 'og nas 'byung ba'i sngags rnams las skad cig mas sam/ spro ba dang bsdu ba'i sbyor bas dkyil 'khor gyi lha rnams bskyed la/lha de dag gi thugs kar yang sho d+ha ne'i sngags la sogs pa bkod la/ de dag kyang g.yo ba'i 'od zer dang ldan pa'o/ /de nas sngags de dag las 'od zer 'phros pas dkyil 'khor gyi lha gsal/ de nas bdag nyid kyi khong pa'i nang gsal bar 'gyur/de nas thugs dpal be'u dang / spyan dang mdzod spu dang / ba spu'i bu ga nas ye shes kyi 'od zer 'phros pas stong gsum gyi stong chen po'i 'jig rten gyi khams steng 'og min gyi gnas man chad nas/ 'og dmyal ba tsha grang yan chad du khyab pas 'od zer de las sngags ngan song gsum gzhom pa'i sngags rgyud phyi ma nas 'byung bas sems can rnams kyi nyon mongs pa'i bcing ba lngas bcings pa bkrol zhing bcad nas sku gsung thugs kyi sngags kyis lus ngag yid gsum sbyangs/slar 'dus pas sems can thams cad bdag nyid kyi nye 'khor du bkug go//bkug nas gong gi byin gyis brlabs pa'i sngags kyis gnas nyi shu ru snod du rung bar byin gyis brlabs so/ /de nas khams gsum gyi sems can de dag nang sems kyi dkyil 'khor du bcug ste gnas so/ /de nas yang ye shes kyi 'od zer gong ma ltar 'phros pas ye shes kyi 'od zer dang sku gsung thugs spyan drangs te bstims pas dbang bskur ba'i nus pa dang ldan par byas so//bdag nyid kyang de'i byin gyis brlabs so/ /de nas rig pa'i dbang dang / rdo rje brtul zhugs dang / dam tshig gsum dang / rjes su gnang ba dang / dbugs dbyung ba dang /lung bstan pa dang / rin po che sna bdun la sogs pa bskur bas sems can thams cad kyi bcings pa thams cad rnam par bcad do zhes pa la sogs pa'o/ /de nas phyir byung ste nor bu dri ma med pa'i steng du 'khod de/ kye ma sangs rgyas kye sangs rgyas/ /zhes bya ba'i bstod pas kyang bstod do//de nas nang sems kyi dkyil 'khor la bdag gis kyang mchod cing bstod de/ zhib tu mchog sdebs las shes par bya'o/ /des ni sbyor ba dang po dang nang sems kyi ting nge 'dzin bstan to/ /da ni dkyil 'khor rgyal mchog gi ting nge 'dzin ston te/ de ltar bdag bskyed nas dkyil 'khor rgyal mchog bstan to//de yang dang po stong pa'i don shes par bya ba dang / 'byung ba rim gyis bskyed nas b+h+rUM las gzhal yas khang slob dpon gyis las kyi rim pa las 'byung ba bzhin du bsams la/ de'i nang du seng ge'i gdan la sogs pa bsams te gdan gyi steng du sems dpa'i skyil krung la sogs mngon par byang chub pa bstan pas gnas pa'am/thabs dang shes rab zhu ba'i tshul gyis bskyed pa byin gyis brlabs pa dang / dbang bskur ba yang byas nas/ bcom ldan 'das kun rig rnam par snang mdzad kyi thugs gnas lha rnams gdon par bya'o//de yang thugs ka nas zla ba'i dbus su/ oM sho d+ha ne sho d+ha ya sarba a pA ya sarba satwe b+h+yaH/ hUM zhes pa'i sngags de rnams dbus nas shar phyogs su rim pas sngags kyi phreng ba'i tshul du bskor te/ phyogs bzhir bkod pa bsgom mo/ /de las 'od zer 'phros pas/sems can gyi rgyu las dang nyon mongs pa'i 'ching ba dang / 'bras bu sdug bsngal bkrol zhing bcad nas slar 'dus pa las sngags kyi phreng ba'i yig 'bru rnams la thim pa las 'od du zhu ba las rin po che sngon po zur gsum pa cig tu gyur to/ /de las spro ba dang bsdu ba las rigs lnga'i sku gsung thugs thams cad 'dus nas rin po che la thim pas brtan par byas so//de las sku phra mo mang po spro ba dang bsdu bas mdzad pa bcu gnyis kyi tshul gyis 'gro ba'i don byas nas slar 'dus ba rin po che la thim bas bcom ldan 'das rin chen tog mnyam pa nyid kyi ye shes kyi ngo bo'i skur gyur te/bcom ldan 'das kyi thugs ka nas bton nas bka' nod pa'i tshul du gnas pa las nam mkha' las byung ba'i rin po che'i dbu rgyan gyis dbang bskur ro/ /de nas rdo rje sems dpa' la sogs pas kyang byin gyis gnas bzhir brlab po/ / dam tshig gi phyag rgya lag tu byin nas ming rin chen tog ces lan gsum bos te dbang bskur nas/ rang gi las la gzhag ste/ lho phyogs su re'u mig la sna tshogs pad+ma dang zla ba'i dkyil 'khor la bzhugs su gsol lo/ /de bzhin du thams cad 'og nas 'byung ba la yang shes par bya'o//de yang kun du bzang po byang chub sems la gnas pa dang / de dag gi 'phro 'du las dam tshig gi phyag rgyar gyur pa dang / de la sku gsung thugs kyi dbyings su bsdu ba dang / de nas so so'i skur gyur te dkyil 'khor du dgod pa dang / de la dbang bskur ba dang / byin gyis brlabs pa dang /ming gdags shing las bcol ba ni gong ltar ro/ /oM sarba a pA ya bi sho d+ha ni hUM phaT ces pas spro ba dang bsdu ba las rdo rje pad+mar gyur to/ /de'i sku 'phro 'du las ni shAkya thub pa'i skur gyur to/ /de la yang byin gyis brlabs pa dang dbang bskur ba dang ming btags nas nub kyi rdo rje pad+mas mtshan pa'i steng du dgod do//yang oM badzra traT ces pa'i sngags kyi yi ge las 'phro ba dang 'du ba las rdo rje rgya gram du gyur/ de'i 'phro 'du las brtan par gyur to/ /de'i 'phro 'du las me tog cher rgyas kyi skur gyur te/ bka' nod pa dang / dbang bskur ba dang / byin gyis brlabs pa dang /phyag rgya sbyin pa la sogs pa byas nas byang phyogs kyi rdo rje rgya gram gyis mtshan pa'i pad+ma dang zla ba'i steng na bzhugs so/ /de nas yang thugs ka'i hUM las spros shing 'dus pa la rdo rje de'i spro bsdu brtan par gyur/ de'i 'phro 'dus ngan song sbyong ba'i skur bskyed/ de spro ba dang bsdu bas 'gro ba'i don byas/bka' nod pa dang / dbang bskur ba dang / byin gyis brlabs te/ dam tshig byin nas ming btags te rdo rjes mtshan pa'i pad+ma dang zla ba'i dkyil 'khor gyi steng du bzhugs su gsol lo/ /sangs rgyas bzhi po de yang rin chen 'byung ldan la sogs pa'i ye shes kyi ngo bo dang / / mnyam pa nyid kyi ye shes la sogs pa'i ngo bo las byung ba thams cad seng ge'i gdan rin po che la sogs pa rigs kyi mtshan mas brgyan pa'i steng na bzhugs so/ /sngags de rnams ni bskyed pa'i rkyen yang yin la de dag thugs kar dgod pa yang yin la/ sku'i tsa ka li dgod pa yang yin no//bcom ldan 'das kyi sngags 'dis ni sku de dag gi skyed pa yang byed la/ phyi ma nas lha mo dang bskal bzang nas 'gro ba rigs drug pa bskyed pa la sogs pa bya'o zhes 'byung / yang na sngags ring po 'di dang hUM gis ni gtso bo'i sku bskyed la/ sho d+ha ne'i sngags kyis ni shar phyogs kyi ngan song sbyong ba bskyed do zhes 'byung ste nyes pa med do//gzhan yang snying po dang nye ba'i snying po zhes 'byung ba ni snying po ni sku bskyed pa'o/ /nye ba'i snying po ni thugs kar dgod pa'o/ /da ni ye shes kyi sems dpa' bcu drug bskyed par bya ste/ de yang bskyed pa'i snying po ni sarba bti bcu gnyis kyis bskyed par bya ste/sarba bti ces pa ni thams cad rig pa zhes zer to/ de nyid ye shes nyid yin pas ye shes kyi sems dpa' bcu drug bskyed do/ /de yang bskyed pa'i thabs ni badzra satwa zhes pa la sogs pa'i sngags bcu drug dang / sgra yig bcu gnyis dang / sarba bti bcu gnyis so//de la sgra yig bcu gnyis sangs rgyas kyi sa bcu gnyis kyi rang bzhin te/ de yang dpal rdo rje snying po'i rgyan gyi rgyud las de bzhin gshegs pas sa bcu gnyis gsungs te/ kun du 'od kyi sa chen po/ /de ni nyi ma'i dkyil 'khor 'dra/ /bdud rtsi'i 'od ni gnyis pa ste//shin tu 'od gsal zla ba 'dra/ /nam mkha'i 'od ni gsum pa ste/ /nam mkha' ji bzhin so sor gnas/ /rdo rje 'di ni zhi ba ste/ /sa de nyid ni yid dga' ba'o/ /bsam pa nang gi brtan sbyor bas/ /rdo rje zhes ni yongs su btags/ /lnga pa rin chen 'od ces bya/ /dbang bskur ba la rab tu gnas//pad+ma'i 'od ces drug pa la/ /pad+ma bzhin du rab tu skye/ /rang bzhin dag pa chos nyid phyir/ /dri ma med pa yongs su bzung / /bdun pa las kyi 'od ces pa/ /sangs rgyas phrin las byed par 'dod/ /brgyad pa dpe med bya ba ni/ /de la dpe ni yod ma yin//dpe ldan zhes pa dgu pa ste/ /thams cad dpe ni so sor 'bigs/ /bcu pa shes rab 'od ces pa/ /sangs rgyas sa ni bla na med/ /bcu gcig thams cad mkhyen pa nyid/ /sa chen rab tu 'od gsal ba/ /bcu gnyis so so rang rig pa/ /rnal 'byor ye shes rab tu rdzogs//zhes so/ /de yang a la sogs pas bskyed pa'o/ /badzra satwa zhes pa sngags bcu drug dang / bti bcu gnyis dang / stong pa bcu drug ni tha dad pa ma yin te ye shes bcu drug go/ /ye shes de'i rang bzhin sems dpa' bcu drug go/ /de la sgra yig bcu gnyis dang / sarba bti bcu gnyis dang / /oM badzra satwa zhes pa'i sngags bcu drug dang / rtsa ba'i snying po 'bru re ba las ye shes kyi sems dpa' bskyed do/ /de yang ye shes las bskyed pa dang / pha rol tu phyin pa las bskyed pa'o/ /ye shes kyi cha las skyes pa ni rdo rje sems dpa' la sogs pa'o//pha rol tu phyin pa las byung ba ni byams pa la sogs pa'o/ /de la ye shes sems dpa' rnams ni sgra yig la sogs pa las skyes pa'o/ /de la yang sgra yig ni/ a A i I u U e ai au au aM aHzhes pa la sogs pa'i sngags dang / oM sarba bti sarba A ba ra Na bi sho d+ha ya ha na hUM phaT ces pa la sogs pa dkyus na yod pa rnams so//de yang bcom ldan 'das kun rig rnam par snang mdzad kyi thugs ka'i zla ba'i dkyil 'khor gyi dbus su sgra yig dang po a de'i mtha' ma na tshur oM badzra satwa hUM zhes pa'i sngags kyi phreng bas bskor ba'o/ /de'i phyi rim na tshur oM sarba bti sarba A ba ra Na bi sho d+ha ya ha na hUM phaT ces pa'i sngags kyi phreng ba'i tshul du bskor ba ste/de rnams kyang ye shes kyi 'od zer 'phro ba dang g.yo 'gul la sogs pa ni snga ma bzhin du phyi ma rnams kyang de ltar ro/ /de nas sngags kyi yi ge'i phreng ba de rnams las ye shes kyi 'od zer 'phros shing 'dus pa las rim pa bzhin du a la thim/a 'od du zhu ste hUM du gyur to/ /hUM 'phros shing 'dus pa las rdo rje rtse lnga par gyur to/ /de'i bum pa la yang yi ge hUM gis byin gyis brlabs pa'o/ /de la ye shes kyi 'od 'phros pas de bzhin gshegs pa dang / rdo rje dang rin po che dang / pad+ma dang /las kyi rigs su bzhugs pa rnams kyi sku gsung thugs rdo rje'i dbyings ji snyed pa thams cad bsdus nas slar rdo rje la thim pa las shin tu brtan zhing mi 'gyur ba'am mi g.yo bar gyur to/ /de nas yang rdo rje las de bzhin gshegs pa'i sku phra mo mang po 'phros pas gdul bya'i snod ji lta ba bzhin du sangs rgyas kyi mdzad pas 'gro ba'i don mdzad nas slar 'dus te rdo rje la thim pa las rdo rje sems dpa'i sku phyag rgya chen por gyur te/bcom ldan 'das kyi thugs ka na bzhugs so/ /yang de'i thugs kar zla ba'i dkyil 'khor la sngags snga ma bzhin du bkod de/ sngags de brjod de bskul ba'i tshul gyis thugs ka nas bton te/phyogs bcur 'phros pa'i phyogs bcu'i 'jig rten gyi khams su lhums nas bltams pa dang / gzhon nu rol rtsed mdzad pa la sogs pa/ sangs rgyas kyi mdzad pa bcu gnyis kyi tshul gyis 'gro ba'i don mdzad nas slar 'dus te/ bdag gi mdun na bka' sdod pa'i tshul du gnas pa las gnas bzhir rang gi phyag rgyar byin gyis brlabs pa dang /dbang bskur ba dang / lag tu rdo rje byin pa dang / rdo rje sems dpa' zhes ming gi dbang bskur ba dang / rang gi las la bkod de 'khor lo chen po rtsibs bcu drug shar phyogs kyi rtsibs dang po la gdan sna tshogs pad+ma dang zla ba'i dkyil 'khor la bzhugs su gsol lo//de bzhin du 'og ma rnams kyang shes par bya ste/ dzaHdang hoHla sogs pa sngags kyi yi ge 'bru re re ba dang / a la sogs pa bcu gcig dang / /de'i phyi rim nas/ oM badzra rA dzA zhes bya ba dang / oM sarba bti hUM zhes bya ba las sngags kyi 'od 'phros pa las sangs rgyas kyi mdzad pa byas nas slar zla ba la 'khod de dam tshig gi phyag rgyar gyur pa dang /de dag yang 'phro ba dang 'du ba las sku gsung thugs kyi rdo rje dbyings thams cad zhugs pas brtan par gyur pa dang / yang de las so so'i skur gyur te/de'i thugs kar yang mtshan gyi sngags kyi dbus su rang bzhin dza dang ho la sogs pa sngags kyi yi ge 'bru re re ba'am/ rigs kyi yi ge bkod pa las sngags brjod pas spyan drangs pas phyir byung nas sangs rgyas kyi mdzad pa byas nas slar byon pa las phyir 'khor lo'i rtsibs gnyis la sogs pa kun bzhag la/de la byin gyis brlabs pa dang / dbang dang / ming gdags pa dang / lag tu dam tshig sbyin pa la sogs kun la shes par bya'o/ /sgra yig gang dang gang las sems dpa' gang dang gang bskyed pa ni a las rdo rje sems dpa'o/ /A las rdo rje rgyal po'o//i las rdo rje chags pa'o/ /I las rdo rje legs pa'o/ /u las rdo rje rin chen no/ /U las rdo rje gzi brjid do/ /e las rdo rje rgyal mtshan no/ /ai las rdo rje bzhad pa'o/ /o las rdo rje chos so/ /au las rdo rje rnon po'o/ /aM las rdo rje 'khor lo'o/ / aHlas rdo rje smra ba'o/ /u las rdo rje las so/ /U las rdo rje bsrung ba'o/ /e las rdo rje gnod sbyin no/ /e las rdo rje khu tshur ro/ /rin po che'i rigs dang las kyi rigs ni bskyed pa'i yi ge 'dra ste/ yo ga la rigs bzhir 'dod de/ ci'i phyir zhe na/ las dang byed pa gnyis gcig pa'i phyir ro//la la dag ni 'di bcu gnyis las zla ba bskyed la/ A li bcu gnyis las sems dpa' bcu drug bskyed la/ rtsa ba'i rig sngags ni dkyil 'khor du dgod la/ yi ge 'bru re la ni de dag gi snying gar zla ba'i steng du bsam mo zhes so/ /la la dag ni A li stong pa bcu drug gi rang bzhin bas zla ba'i dkyil 'khor la/yi ge 'bru re ba ni rang rang gi mtshan ma rdo rje la sogs pa bskyed la/ rtsa ba'i sngags badzra satwa la sogs pas ni skur gyur la/ bti bcu gnyis kyis ni lha de dag gi thugs kar zla ba'i steng na gnas nas ngan song la sogs pa sbyong ngo zhes gsungs so//stong ba bcu drug dang sems dpa' dang / dbyangs yig tu sbyar ba ni 'og nas 'byung bas 'dir ma bris te/ ci'i phyir zhe na/ mangs pas skrag pa'i phyir ro/ /bti ni rig pa yin la rig pa ni ye shes te/ ye shes las bskyed pa ni sems dpa' bcu drug go/ /de yang rgyu'i sgo nas 'bras bu yang de bzhin te/sems dpa' bskyed pa'i sngags la yang bti rig pa zhes gdags so/ /'o na bskal bzang nas 'gro ba rigs drug yan chad kun ni rnam par snang mdzad kyi thugs las skye na zhe'o/ de yang bden te thugs ye shes las skyes pa yang 'dir dkyil 'khor gyi dbang du bya ste thams cad 'byung du 'dra na yang sems dpa' la gnyis te/sngags kyi ye shes las skyes pa'i ye shes sems dpa' dang / pha rol tu phyin pa'i sems dpa'o/ /'on kyang bti bcu gnyis ni sngags kyi sems dpar nges so/ /sngags kyi sems dpa' de dag la gnas bzhir byin gyis brlab cing /ye shes chen po lnga'i dbu rgyan gyi dbang bskur bar bya'o/ /da ni yum bzhi bskyed par bya ste/ de yang rnam par snang mdzad kyi thugs ka'i zla ba'i dkyil 'khor la yi ge ya ra la wa bzhi bkod pa'i mtha' man tshur satwa badzri/ rat+na badzri/ d+harma badzri/ karma badzri/ zhes sngags kyi phreng ba bkod pa'i 'phro 'du las dam tshig gi phyag rgya rdo rje dang / rin po che dang / pad+ma dang / rgya gram dang bzhir gyur to/ /de'i 'phro 'du las yum bzhi'i sku bskyed de/ spyan ma dang / mA ma kI dang / gos dkar mo dang / sgrol ma bzhir gyur te thugs ka na gnas so//yang de dag gi so so'i thugs kar rang rang gi sngags kyi yi ge'i phreng ba bkod nas sngags brjod de bskul ba'i tshul gyis phyi rol du 'phros te/ sangs rgyas kyi mdzad pa mdzad nas slar 'dus pa nyid la byin gyis brlabs pa dang / dbang bskur/ dam tshig gi phyag rgya lag tu byin te/ming gi dbang bskur nas las la bzhag ste nang gi re'u mig gi gra bzhir bzhugs so/ /kha cig na re yum bzhi po 'di dag ni rtsa ba'i rgyud chen po las kyang sku'i phyag rgya ma byung ste/ dam tshig gi phyag rgyar ram/ rang gi rigs kyi mtshan mar te/ /'di nyid las kyang //sangs rgyas spyan dang mA ma kI/ /de bzhin gos dkar sgrol ma rnams/ /rang gi rigs kyi mtshan ma bzhin/ /grwa yi phyogs ni kun du bri/ /zhes gsungs so/ /nang gi lha mo rnams ni yi ge sha las ni sgeg mo ma'o/ /yi ge Sha las ni phreng ba ma'o/ /yi ge sa yis ni dbyangs mkhan ma'o//yi ge ha yis ni gar mkhan ma'o/ /yi ge k+Sha yis ni spos me ma'o/ /yi ge ra yis ni me tog ma'o/ /yi ge la yis ni mar me ma'o/ /yi ge wa yis ni dri chab ma'o/ /yi ge tsa yis ni lcags kyu ma'o/ /yi ge tsha yis ni zhags pa ma'o/ /yi ge dza yis ni lcags sgrog ma'o//yi ge dz+ha yis ni dril bu ma'o/ /ngan song sbyong ba'i sngags ring las ni byams pa nas/ 'gro ba rigs drug yan chad bskyed par bya ste rang gi rtsa ba'i sngags dbus so/ /de rnams las ji lta bar dbyibs dang kha dog bskyed par bya ste rdul tshon du'o/ /des ni dkyil 'khor rgyal po mchog gi ting nge 'dzin bstan to//da ni phan yon bstan to/ /de la gnyis te/ gson po la ji ltar byas na phan yon che ba dang / tsha'i dus byas pa la ji ltar byas na phan yon che ba bstan te/ lha'i dbang po zhes bya ba la sogs pa gsungs te/ phyi ma dkyus na gsal bas ma bris so//dus ma yin par 'chi ba brgyad ni sa gnyan dral ba dang / bud med rgan mo dang nyal ba dang / mi na bzhin du sman za ba dang / khong steng na nyal ba dang / gdon 'byung po yod pa'i sa phyogs su gcig pur 'gro ba dang / nad pas sman pa'i ngag mi nyan pa dang / 'thab mo'i g.yul du 'jug pa dang / mi thub pa la sogs pa dgrar len pa ni dus ma yin par 'chi ba'o/ /dus ma yin par 'chi ba dang 'brel pa ni/ chu chen po brgal ba dang / rbab sar 'dug pa dang / mtshon la rtse ba dang / dug 'thung ba rnams ni 'chi ba dang 'brel pa'o/ / rmi lam gyi rnam pa ni sum cu rtsa gcig ste/ gang zhe na/ dgras ded pa dang / skyabs dang bral ba dang / sdug bsngal gyis gzir ba dang / yi dags gyis mthu 'phrogs pa dang / mig phyung ba dang / kha nas lce 'phrogs pa dang / nyi zla lhung ba dang / sa gzhi mi gtsang bas gang ba dang / skra byi ba dang / sgren mor 'dam du 'das pa dang / gzhan gyis mgor phog pa dang / lcags su bcug pa dang / dug 'thung ba dang / mi gtsang bas lus byugs pa dang / khyim la me shor ba dang / mi gtsang ba'i sbubs su lhung ba dang / mi bsngags pa'i zhal lces 'debs pa dang / sgra mi snyan pa grags pa dang /grogs dang bral ba dang / chus khyer ba dang / mgo la me shor ba dang / rgyal po'i chad pas go rar bcug pa dang / bdog pa gzhan gyis phrogs pa dang / gcan gzan mchu can gyis sha za ba dang / dmyal bar lhung ba dang / mun nag la 'dug pa dang / ngo tsha ba dang / mya ngan gyi nang na 'dug pa dang / bdud kyi zhags pas bzung ba dang / srin pos khyer ba dang / phongs pa'i mi rnams shi ba dang / gzhan gyi 'tshe bas 'degs pa'o/ /phyi ma dkyus la gsal/ da ni sems can tshe'i dus byas pa ngan song du skyes na/ dkyil 'khor du bcug nas dbang bskur na thar pa'i thabs ston te/skyes pa'am zhes bya ba la sogs pa 'byung ste/ shi ba'i lus la gnas nyi shu ru gong gi sngags kyis byin gyis brlabs nas dbang bskur na yon tan 'di rnams thob par 'gyur ro zhes te/ dkyus na gsal lo/ /da ni rang bzhin gyi dkyil 'khor bstan te/de la yang zhus pa dang / zhus pa'i lan gnyis so/ /de nas lha rnams kyi dbang po zhes bya ba nas bshad du gsol zhes bya ba'i bar gyis zhus pa ston te/ dkyus gsal lo/ /de nas zhus pa'i lan gsungs te/ de nas bcom ldan 'das zhes bya ba la sogs pa'o/ /de nas zhes bya ba ni dkyil 'khor bshad pa'i rjes thogs la bya'o//bcom ldan 'das ni dbang phyug la sogs pa'i yon tan dang ldan pas bcom ldan 'das so/ /shAkya ni de'i rigs su skyes shing sku gsung thugs bsrung ba gsum dang ldan pas thub pa ste/ dran pa nye bar gzhag pa gsum gyi phyir ro/ / ji ltar song ba de bzhin gshegs pas na/ de bzhin gshegs pa'o/ /ngan song ni bshad zin/ ye shes rdo rje zhes bya ba ni ye shes ni rnam par mi rtog pa'o/ /de las byung ba'i ye shes chen po lnga la ni rdo rje zhes bya'o/ /de bas ni de bzhin gshegs pa de dag gi nang sems kyi dkyil 'khor rang bzhin med pa de la ni chen po zhes bya'o//'di ni blo la gnas pa gsungs so/ /sangs rgyas kun gyi byang chub sems/ /zhes bya ba la sogs pa la/ sangs rgyas kun gyi zhes bya ba ni 'khor ba dang mya ngan las 'das pa'i chos thams cad kyi bde bar gshegs pa rnams kyi bdag po bde bar gshegs pa lnga rnams gcig tu gyur pa/bde bar gshegs pa thams cad kyi sku rtag pa dang / kun gzhi rnam par shes pa rnam par dag pa me long lta bu'i ye shes mi 'khrugs pa dang / nyon mongs pa can gyi yid rnam par dag pa mnyam pa nyid kyi ye shes rin chen 'byung ba dang /yid kyi rnam par shes pa rnam par dag pa so sor kun rtog pa'i ye shes 'od dpag tu med pa dang / sgo lnga'i rnam par shes pa rnam par dag pa bya ba nan tan gyi ye shes don yod grub pa rnams so/ /'o na bde bar gshegs pa ni mtha' yas pa'i grangs yod na/ 'di lnga la kun zhes bya ba mi 'gal lam zhe na/de bden te/ de bzhin gshegs pa mtha' yas pa'i phyir de'i rigs kyang mtha' yas pa ste/ de dag kyang bsdu na rigs ldar 'dus te/ de la rgyud las gsungs pa/ mtha' yas rigs rnams thams cad kyang / /rigs ni rnam pa brgyar bshad pa//de bzhin gshegs dang rdo rje dang / /pad+ma rin chen las kyi rigs/ /mdor bsdus na ni rnam pa lnga/ /zhes gsungs te/ de yang ci'i phyir zhe na/ ye shes lnga kho na dbang gis bsdus na rgyal ba yang rigs lnga kho na'o/ /de ltar sangs rgyas ma lus pa de dag gi byang chub sems ni gang zhe na/de ni sbyong ba'i rgyud 'di las rgyu'i ye shes byang chub kyi sems rnam pa gnyis dang / 'bras bu gsum ste lnga yin pas/ de ni gzhan gyi byang chub las mchog tu gyur pa'i phyir na bla na med pa zhes bya'o/ /de lta bu'i byang chub kyi sems de su'i yul yin zhe na/rtog gyur pa zhes bya ste/ bla zhes bya ba ni mdun du'am sngon du zhes thal ba la bsnyag par bya'o/ /de yang rgyud 'di'i sngon du ni rtsa ba'i rgyud de kho na nyid bsdus pa byung ba las byang chub sems dpa' don thams cad grub pas rtogs par gyur pa gang yin pa'o/ /gang rtogs par gyur na byang chub kyi sems lnga'o//gang gis rtogs par byas she na/ rgyal bas zhes bya ste/ sngon du sangs rgyas pa'i rgyal ba de rnams kyis so/ /gang du rtogs par byas na byang chub kyi snying por ro/ /de yang sngags kyi sgor spyod pa'i sems dpa' rnams ni sngags kyi don slob dpon la rag las pa yin gyis/rang gi thug thub tu spyad pa ni mi rung ba'i phyir don thams cad grub pa ni byang chub sems dpa'i byang chub ni sangs rgyas snga ma la rag las pa ltar snang ngo / /de'i phyir rigs bzhi'i sangs rgyas de dag gis btul zhing dge ba'i bshes gnyen mdzad pa las dgongs te/'dir yang byang chub kyi sems de brtan par bya ba'i phyir gsungs zhes bya'o/ /pa'i zhes bya ba'i don yang sngon du song ba la snyegs pa'i don te/ 'di yang sngon du dpal de kho na nyid bsdus pa'i rgyud du don thams cad grub pa'i byang chub sems dpa' sems dpa' chen bo stug po bkod pa'i sangs rgyas kyi zhing byang chub kyi snying po na bzhugs pa las sngon gyi sangs rgyas kyis mngon par byang chub pa lnga bsngags shing phul ba zhes bya'o//ye shes gang zhes bya ba ni ma log pa'i stong pa nyid kyi ting nge 'dzin la sbyor ba las/ yul so sor rtog par rig pas rang gi sems rig pa stong pa chen po dang /gnyis pa byang chub tu sems bskyed pa me long ye shes dang / gsum pa chos kyi skur gnas pa so sor rtog pa'i ye shes dang / bzhi pa brtan par byas pa mnyam pa nyid kyi ye shes dang / lnga pa skur gyur pa bya ba nan tan gyi ye shes zhes bya'o/ / yang slob dpon la la dag gi bzhed lugs kyis byang chub kyi sems rnam pa lnga las rang gi sems so sor rig pa dang / byang chub kyi sems skyes pa zla ba'i dkyil 'khor gnyis rgyu'i ye shes zhes bya ste/ de la ci'i phyir rgyu'i ye shes zhes bya zhe na/ byang chub kyi sems dang po ni sa dang po rab tu dga' ba'i mtshan nyid de/mthong ba'i lam gyi ye shes kyi rang bzhin no/ /de'i 'og ma byang chub kyi sems ni sa gnyis pa nas sa bcu pa'i bar gyi ye shes te/ bsgom pa'i lam mo/ /de'i phyir de gnyis ni rgyu'i ye shes 'phags pa'i lam gyi rang bzhin no/ /de ltar rgyu'i ye shes te zla ba'i dkyil 'khor gyi steng du 'bras bu'i ye shes rdo rje rtse lnga pa bsgoms te/ci'i phyir ye shes lnga la 'bras bu zhes bya zhe na/ ye shes lnga ni chos kyi sku/ chos kyi sku de yang rnal 'byor pa'i ting nge 'dzin gyi don dang / sku gnyis 'byung ba la mthu yod par bya ba'i phyir brtag par bya'o/ / gzhan gyi don phun sum tshogs par bsgrub par bya ba'i phyir ni longs spyod rdzogs pa'i sku phyag rgya chen por gyur pa'o/ /de ltar byang chub sems dpa'i bsod nams dang ye shes kyi tshogs ma lus pa thams cad ni yongs su rdzogs pa'i 'bras bu dpag bsam gyi shing dang / yid bzhin gyi nor bu rin po che lta bu'i ngo bo kun du bzang po byang chub kyi sems zhes bya ba byang chub kyi sems bla na med pa rdo rje ltar sra zhing brtan pa/cis kyang mi shig cing 'jig rten dang 'jig rten las 'das pa thams cad kyi sems kyi rgyal po rang gi sems byin gyis brlabs nas brtan pa'i ye shes gang yin pa de ni sbyor ba'i rgyud kyi dkyil 'khor thams cad kyi yang snying por de bzhin gshegs pa thams cad kyi gsungs zhes bya'o//rang bzhin gyi dkyil 'khor de'i don yang 'di ltar snyegs te/ dang por yon tan bcu dang ldan pas gnas yid du 'ong bar khrus la sogs pa bya ste/stan bde ba la 'dug nas sngon du 'gro ba'i yan lag byas nas/ rdo rje sems dpa'i skur bdag nyid/ /chos rnams thams cad dngos med par/ /sems kyi bsgom par byas pas ni/ /a las zla ba'i dkyil 'khor bsam/ /zhes bya ba la sogs pa gsungs pa'i don gyis bsams la/de la byin gyis brlabs pa dang / dbang dang mchod pa yan chad byas nas/ nang sems kyi dkyil 'khor skad cig mas bskyed nas ngan song nas drang zhing 'gugs pa la yan man gyi dbang gis rnam par grol ba'i lam la bzhag nas/ des ngo mtshar gyi stong pa nyid gzhal yas khang bskyed pa dang gdan bsams nas gong gi mngon par byang chub pa lngas bdag rnam par snang mdzad du 'og min du sangs rgyas pa'i tshul gyis sangs rgyas nas rin po che dbang bskur ba dang /spyan ras gzigs kyi chos kyi ye shes bskyed nas de bzhin gshegs pa'i phrin las la bzhag ste/seng ge'i khri'i steng du 'dug ste/ dkyil 'khor rgyal po mchog ltar lha rnams sku bskyed pa dang / 'og nas 'byung ba'i las rgyal mchog ltar las rnams byas nas/ de nas las la rjes su sbyor ba'i spyan drang ba dang / bzhugs su gsol ba dang / phyag rgya bzhis rgyas gdab ba dang /dbang bskur ba dang / byin gyis brlabs shing mchod pa dang / sngags kyi don la gnas pa yan chad byas nas rdo rje'i bzlas pa bya ste/ bdag kun rig rnam par snang mdzad kyi skur gsal bar byas pa las/ de'i thugs kar rnam par snang mdzad chen po bsams te/ sangs rgyas de'i thugs kar shes rab kyi 'khor lo bsgom par bya ste/ ci 'dra ba zhe na/ rdo rje rtse mo'i rgyud las rten cing 'brel bar 'byung ba'i don gsungs pa/ rtsibs kyi lte ba yang dag 'dzin/ /rtsibs rnams lte ba la gnas pa/ /rten cing 'brel bar 'byung sbyor bas/ / 'khor lor 'di ni gyur pa yin/ /zhes so/ /yi ge b+h+rUM las bskyed pa'i 'khor lo rtsibs bcu drug pa mu khyud bzhi dang ldan pa shin tu bkod pa'i lte ba de'i dkyil du yi ge hUM bsams te/ bcom ldan 'das kun rig gi rtsa ba'i sngags la sogs pa bsam par bya ste/ yi ge'i kha dog ni dkar ba bsam mo//de la 'khor lo'i lte ba la re'u mig dgur byas pa la kun rig rnam par snang mdzad la sogs pa'i sngags dang / yum gyi sngags rnams dgod do/ /de nas dang po'i mu khyud la oM sho d+ha ni sho d+ha ni sarba pA paM bi sho d+ha ni shud+d+he bi shud+d+he sarba karma A ba ra Na bi shud+d+he swA hA/zhes pa'o/ /de'i phyir mi mu khyud gnyis pa la/ de bzhin gshegs pa'i sa bcu gnyis brjod pa sgra'i yi ge bcu gnyis bsgom par bya'o/ /de nas dang po lce nas brtsams nas ji tsam du bita bcu gnyis bkod pa ni rigs kyi mdog dang sbyar ro/ / de'i phyi rim gyi mu khyud la rtsa ba'i sngags oM na mo b+ha ga ba ti sarba durga ti zhes bya ba'i sngags ring pos bskor ba'o/ /phyi rol gyi mu khyud gnyis pa la ka kha la sogs pa nas ha'i mthar thug pa'i yi ge dgod par bya'o/ /de ni 'khor lo'i sngags dgod pa'i rim pa'o//'khor lo'i dbus na gnas pa'i yi ge hUM las rdo rje/ rdo rje'i lte ba la thams cad mkhyen pa'i rang bzhin thams cad mkhyen pa'i ye shes 'byung ba'i rkyen/ nyan thos dang rang sangs rgyas thams cad skyed pa'i dngos po byang chub sems dpa' thams cad kyi bsod nams dang ye shes kyi dngos po'o//don dam pa'i yig 'bru tshig 'bru thams cad kyi rkyen gyi dngos po yi ge hUM dgod do/ /de nas de las 'od byung bas nang gi sems kyi dkyil 'khor gsal lo/ /de nas mi mdzes kyi 'jig rten gyi khams gsal lo/ de nas nam mkha'i khams thams cad du khyab par sangs rgyas kyi zhing rnam pa sna tshogs pa rnams su song nas ma lus pa'i sems can gyi don byas nas de bzhin gshegs pa thams cad dang /byang chub sems dpa' dang nyan thos dang rang sangs rgyas kyi 'khor yang snang bar byas te/ slar ye shes kyi rdo rje lan gsum bskor nas shes rab kyi ye shes de drangs te chos bdag med pa nyid kyis rang gi sgo nas btsud nas rang gi snying ga'i zla ba'i dkyil na gnas pa'i rdo rje dang hUM la thim nas gnas par bsgom par bya'o//de ltar rgyun du bsgoms pa la chags pa'i rnal 'byor pa sngags kyi sgo nas spyad pa spyod pa'i byang chub sems dpa' bcom ldan 'das kun rig rnam par snang mdzad kyi sku'i sgo nas dmigs so zhes pa dang /zla ba'i dkyil 'khor gyi dbyibs kyi sgo nas de'i gzugs rjes su bsam mo zhes pa dang / yi ge hUM gi gzugs kyi sgo nas de'i gzugs rjes su bsgom mo zhes so/ / de ltar rnam pa gsum gyi tshul gyis bsgoms pas de nyid sprul pa'i gzugs kyi skus dus ring mo ma yin pa kha nar 'dul ba'i dbang nye bar bzung ste mngon du byas so/ /nam mkha' bzhi la gnas pa'i sangs rgyas dang byang chub sems dpa' thams cad kyi sprul pa'i gzugs kyi sku dang lhan cig tu gnas pa yang mngon du bya'o zhes so//de ltar bsgom pa'i dbang de las tshe 'di kho na la sangs rgyas nyid kyi rdo rje 'dzin pa nyid 'thob bo zhes so/ /de ltar rim pa 'dis ngan song sbyong ba'i rdzogs pa'i rim pa gsungs pa yin no/ /de nas sprul pa'i sku shAkya thub pa'i sangs rgyas kun gyis byang chub kyi sems gsungs te/de la re zhig dang po'i sbyor ba kun sngon du byas nas/ shAkya thub pa'i thugs kar yi ge hrIHlas bskyed pa'i snang ba mtha' yas sku mdog dmar po ting nge 'dzin gyi phyag rgya dang ldan pa bsgoms te de'i thugs kar lce brgyad pa'i 'khor lo'i mu khyud bzhi dang ldan pa rtsa ba'i sngags la sogs pas yongs su bskor ba bsgom par bya'o//de nas lce brgyad pa la sa bon rnams ni oM sarba A ba ra Na bi sho d+ha na badzra hUM phaT ces pa la sogs pa bkod de/ 'khor lo'i lte ba'i dbus na yi ge hrIHlas gyur pa'i pad+ma rdo rjes mtshan pa bsam mo//de la yi ge hrIHsa mtshan pa'o/ /spro ba dang bsdu ba gong ma bzhin du rim pas byas nas bsgom par bya'o/ /de kho na bzhin dang po'i sbyor ba byas nas dkyil 'khor gyi dbus su rdo rje sems dpa' de'i thugs kar bcom ldan 'das mi bskyod pa sku mdog sngon po sa gnon gyi phyag rgya can bsgoms nas/de'i thugs kar 'khor lo rtsibs bzhi pa mu khyud bzhi dang ldan pa bsams la/ mu khyud dang po la oM puN+ye puN+ye zhes bya ba la sogs pa'o/ /lce bzhi la/ oM a mi te a mi ta a mi tod b+ha be zhes bya ba la sogs pa'o/ /de'i lte bar rdo rje hUM gis mtshan pa'o/ / de kho na bzhin du spro ba la sogs pa bya'o/ /yang de kho na bzhin du yi ge b+h+rUM las bskyed pa'i rnam par snang mdzad de'i thugs kar rnam par snang mdzad chen po bsams te/ de'i thugs kar 'khor lo rtsibs bzhi pa cig bsams te/ oM trAM swA hA zhes bya ba la sogs pa bkod la de'i lte ba la b+h+rUM las 'khor lo b+h+rUM gyis mtshan pa bsam mo//de kho na nyid spro ba dang bsdu ba bya'o/ /de kho na bzhin du sngon du 'gro ba byas nas rdo rje sems dpa' 'am/ kun du bzang po'am/ bde ba chan po gang yang rung ba bsgoms pa'i thugs kar rigs kyi bdag po mi bskyod pa'am/ rin chen 'byung ba'am/ rnam par snang mdzad gang yang rung ba bsgoms la/ de'i thugs kar 'khor lo rtsibs bzhi pa bkod la/ 'khor lo la badzra hUM phaT ces pa la sogs pa bkod la/ dbus su rigs kyi phyag rgya gang yin pa bsams la/ de las 'od zer spro ba dang bsdu ba gong ma ltar ro//rdo rje nyi ma'i ni logs na'o/ /de yan chad kyis ni/ sangs rgyas kun gyis byang chub sems/ /zhes bya ba la sogs pa'i bskyed pa dang rdzogs pa'i rang bzhin gyi dkyil 'khor bstan to/ /da 'di yan chad ni slob dpon gyi las kyi rim pa'i cho ga rgyas pa bshad de/de la yang dkyil 'khor bri ba dang / lha la sogs pa dgod pa dang / mchod pa gsum gyis bstan pa ste/ de la yang dkyil 'khor bri ba ston te/ de la yang tshon dgye ba dang / byin gyis brlabs pa'o/ /de yang byin gyis brlabs pa ston te/ de la yang sngon du 'gro ba'i yan lag bsnyen pa bstan te/dam tshig dang / dbang bskur ba thob pas zla ba gcig gam lo gcig gi bar du rig pa'i brtul zhugs spyad par bya'o/ /de la dang por khrus byas la de nas phyag 'tshal ba la sogs pa sngon du 'gro bas nyi ma re re zhing sdom pa bzung ba yang lan drug tu bya'o//de nas sdig pa dral ba dang / phyag rgya thams cad 'grol ba ji lta ba bzhin du byas la rnal 'byor chen po bya'o/ /de nas snying gar dkyil 'khor ji lta ba bzhin bsgom par bya'o/ /yang na rnal 'byor chen po dang / dang po sbyor ba dang / dkyil 'khor rgyal po mchog rnam par bsgoms nas/bsdu ba bya ba dang / phyag 'tshal ba dang / ched du brjod pa dang / de bzhin gshegs pa thams cad la phreng ba'i dbang bskur ba la sogs pa thams cad blangs la de bzhin gshegs pa thams cad rdo rje lcags kyu la sogs pas dgug pa dang / gzhug pa dang / bcing pa dang / dbang du byas nas dam tshig gi phyag rgya rnams kyis bsgrub par bya'o/ /de nas chos dang las dang / phyag rgya chen po rnams kyis rgyas btab pa dang dbang bskur te las rnams la nges par sbyar bar bya'o/ /de la dang po re zhig kun rig rnam par snang mdzad kyi phyag rgya chen po bcings la sangs rgyas thams cad gcig tu bsdus par mdzod cig ces rang gi las la nges par sbyar bar bya'o zhes pa nas/byams pa la sogs pa la dam pa'i chos kyi grong khyer yongs su skyongs shig ces bya ba yan chad kyis thams cad kyi thams cad du phyag rgya chen po bcings la rang gi las la mngon par sbyar ba yin par shes par bya'o//de ltar las kyi mchog nges par bsgoms nas/ yang rdo rje sems dpa'i sbyor bas bsdu ba byas nas bstod pa dang dgug gzhug bcing ba la sogs pa bya ba dang / phyag rgya bzhis rgyas gdab pa dang dbang bskur ba dang /mchod yon sngon du 'gro ba dang / phyi'i yo byad thams cad kyis yang dag par mchod pa dang / sgeg mo la sogs pa dang / las kyi dkyil 'khor du gsungs pa'i mchod pa bcu drug dang / yid kyis mchod pa ste/ mchod pa'i khyad par thams cad kyis kyang legs par mchod la phyag bzhi byas nas sngags gsum gyi don gyis thams cad kyang bdag nyid do zhes bsgom mo//de nas mchod cing bstod de nang sems kyi dkyil 'khor gyi rang bzhin la gnas te/ yang mchod cing bstod la phyag rgya bkrol la dbang bskur te/ go cha bgos nas mnyam pa'i thal mos mnyes par byas la/dge ba'i rtsa ba yongs su bsngos nas mchod yon phul te/ slar byon pa'i phyir bskul te gshegs su gsol bar bya'o/ /de nas rdo rje bsrung ba dang / /rdo rje gnod sbyin dang / rdo rje khu tshur gyis bdag nyid bsrung ba byas nas mchod rten gyi las la sogs pa'i bya ba bya'o//de ltar nyin re zhing thun bzhi'i sbyor bas rig pa'i brtul zhugs rtogs par bya'o/ /de ltar rdzogs nas dkyil 'khor bri ba ni gtsug lag khang ngam/ skyed mos tshal lam/ mchod rten nam/ lha khang ngam/ kun dga' ra ba'am/grong ngam/ grong khyer gyi shar phyogs kyi char yid dang rjes su mthun pa shin tu mnyam zhing snum pa/ shar du gzhol ba shin tu tshad dang ldan pa/ tsha sgo med pa'i sa'i cha der/ /ji bzhin pa yi cho ga yis/ /gnas ni byin gyis brlab pa brtsams/ /byin gyis brlab pa'i gnas der ni//phyi yi dkyil 'khor bri bar bya/ /zhes pa la/ ji bzhin pa'i cho ga yis zhes bya bas ni rgyal pos khru gang lnga bcu'am brgya'o/ /blon po dang blon po chen pos ni khru gang lnga bcu'am nyi shu rtsa lnga'o/ /tshong dpon nam sde dpon gyis khru nyi shu rtsa lnga'am de'i phyed do//sgrub pa pos ni bcu gnyis sam drug par bya'o/ /de la dang por re zhig mngon par 'dod pa'i dkyil 'khor gyi dbus su mi rus kyi phye ma dang / khrag dang dug dang bcas pa dang / mngon spyod kyi sbyin sreg gi cho gas dkyil 'khor gyi bgegs bzlog nas bdag dang slob ma dang sa bdag la sogs pa zhi bar byed pa'i zhi ba'i sbyin sreg bya'o//de nas sa sbyong ba byed du gzhug ste/ 'dom gang tsam mam/ lkog ma'am/ lte ba'am/ pus mo nub pa tsam du brkos la gyo mo la sogs pa bsal la/ spos chu dri zhim pas bran pa'i las bkang nas rdo rje rtse mo yongs su bzlas pa'i chag chag btab ste/'thas par bcags la shin tu mnyam par byas la/ khang pa brtsegs pa'i nang du chud pa rta babs bzhis mdzes par byas la/ sgo bzhi dang skar khung gis yongs su bskor ba/ mtha' ma dril bus gtams pa'i rgyal mtshan dang bla re la sogs pa bres pas nye bar mdzes par byas la/ sangs rgyas rin po che la sogs pa'i ras ris dang / sku gzugs la sogs pa'i rgyan gyis brgyan pa grwa bzhir gzhag pa'i spos snod rnams legs par btul la/ me tog dang / mar me dang / dgos pa'i yo byad rnams kyis mdzes par byas pa'i sa dris nye bar byugs nas rdo rje gnod sbyin yongs su bzlas pa'i spos chus yongs su bsangs la/ sa la lag pa bzhag ste rdo rje sems dpa'i yi ge brgya pa lan bdun bzlas par bya'o/ /sa sbyong pa dang yongs su bzung pa'i cho ga'o//de nas rang nyid khrus byas shing lus dri zhim pos byugs la/ ji snyed pa'i gos dang rgyan gdags shing shin tu dmar ba'i gos bgo ba dang / me tog phreng ba gdags pa dang / shing thog dri zhim po bca' ba byas la yar gyi tshes brgyad nas brtsams te/tshes bcu'am/ bcu gsum mam/ tshes bcu bzhi nas brtsams te bco lnga'i bar du'am/ tshes bco lnga'i thun mtshams nas brtsams te dkyil 'khor gyi las bya'o/ /de la smyung bar gnas pa'i sa'i char ni phyag dar dang skyong nul la sogs pa byas la/ de bzhin du lag pas reg pa la sogs pa byas nas rdo rje sems dpa' dang /yi ge brgya pa bzla bar bya'o/ /de nas dkyil 'khor gyi sa'i dbus su 'jug la/ bdag nyid smyung ba dang / bgegs gzhom pa la sogs pa bya'o/ /de nas 'khor lo'i phyag rgya kun rig rnam par snang mdzad kyi dkyil 'khor sprul la/phyag btsal ba sngon du 'gro ba dang / sdom pa bzung la rnal 'byor chen po dang / gzhal yas khang gdan dang bcas pa yang bskyed la/ sems dpa'i skyil krung du 'dug ste/ deng du bdag tshe 'bras bu yod/ /ces bya ba nas/ ding bdag 'dus pa mchog yin no/ /zhes bya ba'i bar gyis bdag nyid spro ba bskyed par bya'o//de nas yan lag thams cad kyis phyag byas la spos snod lag tu thogs te/ ma lus phyogs na bzhugs pa yi/ /zhes bya ba la sogs pas sangs rgyas thams cad spyan drang ngo / /de nas yang dang po'i sbyor ba dang / dkyil 'khor rgyal po mchog rnam par bsgoms la/rdo rje sems dpa'i gnas la dpal rdo rje sems dpa'i phyag rgya chen pos gnas shing oM sarba bti badzra satwa hUM zhes zlos pa brtson pa'i rnal 'byor pa la kun rig rnam par snang mdzad kyi dkyil 'khor chen po bri pa'i phyir sgrub pa'i grogs mchog de bzhin gshegs pa'i nga rgyal dang ldan pas mtshan brgya rtsa brgyad pas gsol ba gdab bo//de nas sems dpa'i skyil mo krung 'dug pa las langs te/ de bzhin gshegs pa thams cad kyis nam mkha' gang bar bsams te/ de bzhin gshegs pa thams cad la dkyil 'khor lnga pas phyag byas la 'di skad brjod par bya'o//bdag ni rang nyid rdo rje can/ /zhes bya ba la sogs pa brjod la/ dkyil 'khor nam mkha' la bteg ste nam mkha' la bzhag la/ bdag nyid yang byin gyis brlabs te/ oM sarba bid+ta dr-iSh+Ta ma Ta/ zhes bya ba mig gnyis su bkod la/ a zhes bya ba las rkang pa gnyis su sna tshogs rdo rje bskyed la/g.yas brkyang la sogs pa dang / dkyil 'khor dang / nam mkha' dang / sa bcings pa dang / ra ba dang / dra ba dang / sa gzhi rdo rje rgya gram yan chad byas nas phur bu'i bsrung ba yang bya'o/ /yang dkyil 'khor cho ga las bshad pa'i tshul gyis lhag par gnas pa'i cho ga rnams rjes su spyad par bya'o//de la ni gnas ni byin gyis brlabs pa tsam zhes bya'o/ /de nas byin gyis brlabs pa'i gnas der ni nang par nyi ma 'char ba'i dus su dkyil 'khor de'i dam tshig gi phyag rgya de nyid kyis nam mkha' la btegs la thig gdab par bya'o//de yang / gru bzhi pa la sgo bzhi pa/ /zhes bya ba la sogs pa gsungs te/ dang po ras bal rin mi brtseg par nyos la/ bu mo gtsang mas bkal ba'i srad bu tshon rtsi dri zhim po sngon po/ dmar po ljang gu ser po/ dkar pos so sor kha dog bsgyur la go rims 'di nyid kyis gzhag pa la/hUM trAM hrIHoMHa zhes bya ba'i rang gi sa bon gyis mi bskyod pa la sogs pa srad bu la bkod de/ dIp+ta dr-iSh+TAM ku shi dza zhes bya ba mig gnyis su bkod la/ /rab tu g.yo zhing 'bar pa'i mig /mig gi rdzi ma 'dren pa ni/ /zhes bya ba 'bar ba'i lta ba dang / bcom ldan 'das dkyil 'khor chen po thig gdab par bya ba'i phyir rdo rje'i thig gdab pa bdag la stsol cig ces brjod pas mi bskyod pa la sogs pa yang dag par bskul bar bya'o//de nas mi bskyod pa la sogs pas rang rang gi sa bon gyi 'od kyis srad bu btang ba 'bar ba'i lta bas bskul la rang gi lag na gnas pa'i srad bu bkal la/oM a n+yo n+yA nu zhes bya ba la sogs pas bsgril bar bya'o/ /ma dang Ta gnyis kyi g.yas pa dang g.yon pa nyi ma dang zla bar bskyed la/ /badzra dr-iSh+Ta ma Ta zhes bya bas brtan par byas nas thig skud de gser la sogs pa'i snod dris byugs par bzhag la/ dri dang me tog la sogs pas mchod la/rdo rje bsdams pas bzung la/ oM badzra sa ma ya sU tra mA ti kra ma hUM zhes bya ba lan brgya rtsa brgyad bzlas par bya'o/ /de nas sarba bti bcu gnyis bzlas pa'i dris dkyil 'khor nye bar byugs la me tog gis kun nas mdzes par byas la/ bar snang la bzhugs pa'i rigs thams cad la mchod pa byas te dkyil 'khor bteg par bya'o//de nas las kyi thig gdab par bya ste/ de la re zhig tshon dkar po las thig sbyar bar bya'o/ /de nas cho ga las 'byung ba bzhin thig gdab par bya'o/ /gru bzhi pa la sgo bzhi pa/ /zhes 'byung bas/gru bzhi pa ni shar dang nub dang byang dang lho'i thig gdab pa'o/ /de bzhin du kha khyer gyi thig dag kyang phyi dang nang gi dkyil 'khor kun gyis gdab pa'o/ /de la shar la sogs pa'i sgo bzhi'i thig la bya bas na/ sgo bzhi pa zhes bya ste/ nang gi sgo ni phyi'i dang 'dra ba la rta babs med pa'o/ / phyi'i ni rta babs dang bcas pa'o/ /rta babs bzhi dang bcas pa'o zhes pa ni go sla'o/ /them skas ni rta babs bzhi'o/ /seng ge ni mi 'jigs pa dang / stobs bcu rnam par dag pa'i glang po ches sgo'i glo gnyis su brgyan pa'o/ /rnams ni rdzu 'phrul bzhi rnam par dag pa dang / thogs pa med pa nam mkha' lding ngo //rta babs 'degs pa'i ka ba rnams kyi mgul dang rta babs kyi steng du rdo rje rin chen gyi mgul du dar te ba dan dang do shal gyi phreng ba dang / dril bu dang rnga mas brgyan pa'o/ /rdo rje rin chen pad+ma dang / rgya gram pa'i phyag rgyas bcings pa ni zla ba phyed pa la gnas pa'i rdo rje dang /rin po che dang / pad+ma dang / rgya gram gyis brgyan pa'i rgyan gyis dkyil 'khor gyi grwa dang / /sgo dang sgo khyud rnams su brgyan par thig gdab bo/ /srad bu brgyad dang ldan pa la/ /zhes bya ba ni phyogs thig bzhi tshangs pa'i thig bzhi ste/ brgyad dang ldan par byas so/ /phyi'i rta babs dang bcas pa'i sgo'o//la la dag sgo gsum pa'o zhes gsungs te/ bdag gis dkyus kyis kyang sgo gsum par ma mthong ste/ sgo gnyis par bzhed do/ /dgu yi char ni bgos pa las/ /zhes pa ni dkyil 'khor cha dgur bgos pa la phyi'i sgo khyud la sum cha gcig gtad ces 'byung ngo //de ltar rdo rje srad bus phyi'i dkyil 'khor gyi thig gdab bo zhes gsungs so/ /da ni dbus kyi rdo rje'i thig gis dkyil 'khor gyi thig gdab pa ston te/ dbus kyi dkyil 'khor thig gdab pa/ /zhes bya bas ni seng ldeng gi phur bu smad rdo rje rtse gcig pa lta bu stod rdo rje rtse lnga pa lta bu byas la/rdo rje phur bu'i sngags yongs su bzlas la/ rdo rjes brdungs pa de la brtod pa'i srad bus nang gi dkyil 'khor gyi phyi rol du rdo rje phreng ba'i dbang ldan nas brtsams te/ bskor phyogs su thig gdab par bya'o/ /de nas pho brang gi rim pa gsum du bskor phyogs su thig gdab par bya'o//chos kyi 'khor lo zlum por bskor ba la bya'o/ /lte ba ni rim pa dgur byas pa'o/ /bcas pa ni re'u mig dang bcas pa'o/ /rtsibs bcu drug 'khor lo rdo rje 'bebs pa la sogs pa'i gnas rtsibs bcu drug tu byas pa'o/ /rim pa gsum ni phyi rol gyi rdo rje ra ba dang /'khor lo dang lte ba'o/ /'khor lo'i rtsibs la ni rnam par snang mdzad dang / ngan song sbyong ba'i gnas kyi nyis 'gyur ro/ /de ltar thig gdab pa yang rdo rje rtse mo las/ gru bzhi pa la sgo bzhi pa/ /'khor lo rim pa rtsibs bcu drug /rdo rje phreng bas yongs bskor bar//dkyil 'khor dbus ma bri bar bya/ /zhes bcom ldan 'das kyis gsungs so/ /de bas na 'di la the tshom mi bya'o/ /de yang 'khor lo ltar bskor ba kho na la yang mi bya ste/ saM gra ha las/ dkyil 'khor 'khor lo yin par bshad/ /ces gsungs pa na spyir bshad kyi gcig tu ni nges pa med do//de yang de nyid las/ rdo rje thig gis yongs bskor ba/ /zhes gsungs pa 'dis kyang 'di tha dad par gyur pa yin par shes par bya'o/ /de nas dkyil 'khor gyi lte ba na gnas pa'i phur bu yi ge hUM bzhis bton la 'og nas bshad pa'i tshon sna lngas phur bu'i bu ga bkang la mnyam por byas nas hi zhes bya bas mig g.yas dang /g.yon nyi ma dang zla bar bskyed la/ khro bo'i lta bas kun du bltas la sgo rnams dbye bar bya'o/ /thig gdab pa'i cho ga'o/ /thig le tshon gyis dgang ba dang / tshon gyi rim pa 'di ltar shes par bya'o//oM badzra tsi tra sa ma ya hUM zhes pas phyag rgya dang ldan pas tshon thams cad la lan bdun bzlas na rdo rje'i rang bzhin du 'gyur ro zhes rdo rje 'chang chen pos gsungs so/ /de la phyag rgya ni 'di yin te/ rdo rje phyag rgya gnyis la ni/ /mdzub mo'i rtse mo mnyam sbyar bas/ /byas na tshon rtsi thams cad ni//'bar ba'i lta bas dgug par bya/ /hi zhes bya ba'i mthar khro bo ti rIn+ti ri'i phyag rgya bcings la sbar bar bya'o/ /de la tshon rtsi dkar po ni de bzhin gshegs pa dkar po'i rdul phra rab rnams gzhug par bya'o/ /ser po la ni ser po'o/ /sngon po la ni sngon po'o/ /ljang gu la ni ljang gu'o//dmar po la ni dmar po bcug nas ji skad du bshad pa'i 'bar ba'i lta bas mngon par sbyang ba'i dus su yang dang po'i rdo rje thog mar tshon dgye ba brtsams par byas la/ tshon thams cad dbang ldan gyi phyogs nas brtsams te/ bskor phyogs su oM sarba bti kyi sngags zlos shing dgye la/de'i 'og tu ji ltar dga' bar tshon dgye bar bya'o/ /tshon dgye ba'i rim pa ni 'di yin te/ dang por dmar po dang / ljang gu dang / sngon po dang / ser po dang / dkar po ni thams cad kyi nang du'o/ /dbus kyi sa'i cha gnyis ni dkar po'o/ /shar du dmar po'o/ / lho ru sngon po'o/ /nub tu ser po'o/ /byad du ljang gu'o/ /'khor lo'i rtsibs ni rigs kyi kha dog go/ /sgo khyams ni shar dang lho dang nub dang byang du dkar ba dang / sngo ba dang / ser ba dang / ljang gu'o/ /tshon gyi rim pa'o/ /des ni dkyil 'khor bri ba'i rim pa bstan to/ /da ni lha rnams dgod pa bstan te/dbus su mkhas pas kun rig ni/ /zhes bya ba la sogs pa gsungs te/ dbus su kun rig rnam par snang mdzad sku mdog dkar po dung dang kun da ltar dkar zhing snum pa zhal bzhi pa ni ye shes bzhi dang / sku bzhis brgyan pa'i rtags su bstan yang sku bzhi ni ngo bo nyid kyi sku dang / rnam par smin pa'i sku dang / longs spyod rdzogs pa'i sku dang / sprul pa'i sku'o/ /de yang dus gsum du kun rdzob tu gzugs su bzhugs kyis don dam par yod pa ma yin no/ /de yang / /gang 'di rgya chen du ma yi/ /kha dog dbyibs dang gdan rnams dang / /phyag mtshan brgyad sogs dbye ba ni//sku yi gsang bar 'di zhes bya/ /zhes gsungs pa'i phyir ro/ /de la de bzhin gshegs pa dang rdo rje'i rigs ni ngo bo nyid kyi sku'o/ /rin po che'i rigs ni rnam par smin pa'i sku'o/ /pad+ma'i rigs thams cad ni longs spyod rdzogs pa'i sku'i ngo bo'o/ /las kyi rigs thams cad ni sprul pa'i sku'i ngo bo nyid do//rgyu dang ye shes dang sku bzhir sbyar ba ni 'dir ma bris so/ /de la rnam par snang mdzad ni ngo bo nyid kyi sku'o/ /ngan song sbyong ba la sogs pa ni longs spyod rdzogs pa'o/ /rdo rje sems dpa' la sogs pa ni rnam par smin pa'i sku'o/ /gzhan rdo rje'i rigs la sogs pa thams cad ni sprul pa'i sku'i rang bzhin no//de skad du tshogs mtho ba las/ rdo rje sems dpa'i dbang bskur bas/ /kun rig nyid ni ngo po'i sku/ /rdo rje rigs kyi dbang bskur bas/ /ngan song sbyong ba longs spyod rdzogs/ /rdo rje chos kyi dbang bskur bas/ /rdo rje sems sogs rnam par smin//rdo rje las kyi dbang bskur bas/ /sprul ba'i sku ni sku zhes ni/ /rdo rje rigs ni 'dod par grags/ /zhes so/ /de thams cad kyi rang bzhin ni kun rig rnam par snang mdzad de rdo rje zhes bya'o/ /de la ni rgyal mchog skyes bus gang ba zhes bya'o/ /mi 'jigs pa seng ge'i gdan steng na ting nge 'dzin gyi phyag rgya dang /rgyan thams cad kyis brgyan par bzhugs so/ /de nas bar snang gi phyogs nas spyan drangs la gzugs dang gcig tu bsre bar bya'o/ /de bzhin du thams cad la shes par bya'o/ /shar phyogs su seng ge'i gdan la ngan song sbyong ba sku mdog zla ba rgyas pa dang 'dra zhing 'jam pa rgyan cha la sogs pas brgyan pa phyag gnyis bsam gtan gyi phyag rgya steng na rdo rje bsnams pa'o//rgyab tu shAkya thub pa sku mdog gser btso ma lta bu la phyag rgya bsam gtan gyi phyag rgya pad+ma rdo rjes mtshan pa bsnams te/ gdan seng ge la bzhugs pa'o/ / g.yas kyi re'u mig la rin chen dpal sku mdog sngon po bsam gtan gyi phyag rgya rin po che'i myu gu bsnams pa/ gdan seng ge'i khri la bzhugs pa bsam mo/ /byang phyogs su me tog cher rgyas sku mdog ljang gu phyag gnyis bsam gtan gyi phyag rgya'i steng du sna tshogs rdo rje bsnams pa/gdan seng ge'i khri la bzhugs pa'o/ /re'u mig gi grwa rnams su lo tsa na dang mA ma kI zhes bya ba la sogs pa la/ sangs rgyas spyan la lo tsa na zhes bya ba ste/ sku'i rnam par ram rang gi rigs kyi mtshan ma zhes 'byung bas na/ rdo rje dang / rin po che dang / pad+ma dang / sna tshogs rdo rje rnams bkod kyang rung ngo //de yang / mu stegs can la phan gdags phyir/ /sangs rgyas btsun mo rab tu gsang / /zhes so/ /da ni ye shes sems dpa' rdo rje sems dpa' la sogs pa dgod pa ston te/ rtsibs kyi nang ni thams cad du/ /zhes bya ba la sogs pa gsungs te/ rtsibs kyi nang ni 'khor lo rtsibs bcu drug gi nang ngo / /rdo rje sems sogs sems dpa' mchog gi rdo rje sems dpa' la sogs bcu drug ste/ bti las bskyed pas na mchog go/ /mdzad pa bcu gnyis kyi tshul gyis 'gro ba'i don mdzad pas na rdzu 'phrul che ba'o/ /go rims bzhin du bri bar bya/ / zhes bya ba ni rdo rje sems dpa' la sogs pa nas bskal pa bzang po'i bar dag kyang pad+ma dang zla ba'i dkyil na sems dpa'i skyil mo krung gis bzhugs pa yin te/ de yang / rdo rje sems sogs sems dpa'i mgon/ /rdo rje phyed pa'i gdan la bzhugs/ /zhes bshad pa'i phyir ro/ /de la rdo rje sems dpa' ni sku mdog dkar po g.yon pa rdo rje khu tshur dril bu dang bcas pa'i bsnyems pa'i tshul gyis dkur brten pa phyag g.yas pas snying gar bstod pa'i tshul gyis bzhag pa'i gung mo la dang po'i rdo rje rtse lnga pa bstod pa'i tshul gyis bsnams pa shar gyi 'khor lo'i rtsibs la bzhugs so// de nas rim pa bzhin du thams cad de ltar gnas so/ /rdo rje rgyal po ni gser gyi mdog can rdo rje lcags kyus de bzhin gshegs pa thams cad sdud par mdzad cing bzhugs pa'o/ /rdo rje chags pa ni sku mdog dmar po mda' dang gzhus de bzhin gshegs pa thams cad 'bigs pa'i tshul du mdzad pa'o//rdo rje legs pa ni mar gad kyi mdog can phyag gnyis rdo rje khu tshur dang bcas pas legs so zhes bya ba sbyin pa'i tshul gyis de bzhin gshegs pa thams cad mnyes par byed cing bzhugs pa'o/ /rdo rje rin chen ni sku mdog ser po g.yon pa rdo rje khu tshur gyis rin po che'i dril bu bsnams shing mnyes pa'i tshul gyis bzhugs pa g.yas pa khu tshur gyis yid bzhin gyi nor bu rin po che rtse mo rdo rje rtse lnga pas mtshan pa dpral ba'i steng na bsnams pa'o//rdo rje nyi ma ni nyi ma'i mdog can phyag g.yas na nyi ma'i dkyil 'khor bsnams te/ de bzhin gshegs pa rnams kyi snang bar mdzad pa/phyag g.yon pa gdan la brten pas bzhugs pa'o/ /rdo rje rgyal mtshan nam mkha'i mdog can phyag g.yas na yid bzhin gyi nor bu'i rgyal mtshan phyag g.yon gdan la brten nas bzhugs pa'o/ /rdo rje bzhad pa dung dang pad+ma'i rtsa ba ltar dkar ba phyag g.yas kyis so'i phreng ba rtse mo na rdo rje yod pa bsnams te de bzhin gshegs pa rnams 'dzum pa la nges par sbyor ba/phyag g.yon gdan la brten nas bzhugs pa'o/ /rdo rje chos sku mdog dkar dmar phyag g.yon dkur brten nas rdo rje pad+ma bzung ste/ phyag g.yas pas de'i 'dab ma rang gis thugs kar 'byed pa'o//rdo rje rnon po nam mkha' ltar sngo bsangs phyag g.yon gyis rang gi thugs kar shes rab kyi pha rol tu phyin pa'i glegs bam bsnams pa/ g.yas kyis ral gri bsnams te de bzhin gshegs pa thams cad 'debs pa'i tshul gyis yang dag par bzhugs pa'o/ /rdo rje rgyu gser gyi mdog can phyag g.yas kyi gung mo'i rtse mo na rdo rje 'khor lo rtsibs brgyad pa bskor bar mdzad pa/g.yon pa gdan la brten par bzhugs pa'o/ /rdo rje smra ba zangs kyi mdog can phyag g.yas kyis rdo rje'i lce bsnams nas de bzhin gshegs pa rnams dang smra bar mdzad cing / g.yon stan la brten pa'i tshul gyis bzhugs pa'o/ /rdo rje las zhal dkar po rked pa'i bar dang phyag gnyis sngo skya/ lhag ma mdog sngo ba/ zhal gyi 'og logs nas rked pa'i bar du dmar skya/ brla gnyis ser skya/ lhag ma byin pa gnyis nas zhabs kyi bar du dkar po/ phyag g.yon gyi rdo rje khu tshur gyis sna tshogs rdo rje dril bu dang bcas pa bsnyems pa'i tshul gyis dkur 'jog pa phyag g.yas kyi gung mo la sna tshogs rdo rje rang gi thugs kar bstod pa'i tshul gyis bsnams pa'o//rdo rje srung ba gser gyi mdog can phyag gnyis rdo rje go cha bsnams te/ de bzhin gshegs pa thams cad la go bskon pa'i tshul gyis bzhugs pa'o//rdo rje gnod sbyin lto ba yangs pa nag po zhal gyi mche ba gtsigs pa/ rdo rje khu tshur gnyis kyis zhal gyi mtha' gnyis su mche ba gnyis 'dzin cing bzhugs pa'o/ /rdo rje khu tshur sku mdog ser po rdo rje'i khu tshur gnyis kyi nang du/ rdo rje chud pa dam tshig gi rdo rje khu tshur gnyis kyis btsir zhing bzhugs pa'o//mkhas pas lA s+ya la sogs pa/ /grwa bzhi'i phyogs su bri bar bya/ /zhes bya bas ni sgeg mo dkar ba'i sku mdog rdo rje khu tshur gnyis kyis rdo rje rtse lnga pa re bsnams te/ rdo rje 'gying pa'i tshul gyis sgeg pa la g.yon du cung zad 'dud pa'o//phreng ba ma sku mdog ser po rin po che'i phreng bas de bzhin gshegs pa rnams la dbang bskur ba'o/ /glu ma sku mdog dmar skya pi wang brdung pa'o/ /gar ma sku mdog rdo rje las lta bu rdo rje rtse gsum pa bsnams te phyag gnyis kyis gar mdzad cing bzhugs pa'o/ /bdug pa ma sku mdog dkar mo rdo rje spos snod kyis de bzhin gshegs pa thams cad tshim par mdzad pa'o//me tog ma ser mo phyag g.yon gyis rdo rje me tog gi snod thogs te phyag g.yas kyi me tog gi char 'bebs pa'o/ /mar me ma sku mdog dmar skya mar me'i sdong bu bsnams te snang ba'i tshogs kyis mchod pa mdzad pa'o//byug pa ma gar ma ltar sna tshogs pa'i mdog can phyag g.yon na dri'i dung chos bsnams pa/ phyag g.yas kyis dri'i sprin gyis de bzhin gshegs pa rnams la mchod cing bzhugs pa'o/ /sgo yi phyogs ni thams cad du/ /sgo ba bzhi po bri bar bya/ / zhes bya ba ni rdo rje lcags kyu sku mdog dkar po rdo rje lcags kyus de bzhin gshegs pa rnams gzhug par mdzad pa'o/ /rdo rje lcags sgrog sku mdog dmar skya rdo rje lcags sgrog gis de bzhin gshegs pa rnams 'ching bar mdzad pa'o/ /rdo rje 'bebs pa sna tshogs pa'i mdog can phyag g.yas kyi dril bu bsnams te/de bzhin gshegs pa rnams 'bebs par mdzad pa phyag g.yon gdan la brten te bzhugs pa'o/ /de bzhin gshegs pa rnams ni zhi ba'i nyams dang ldan pa zhi ba'i gzigs stangs dang 'dzum pa dang bcas pa'o/ /rdo rje sems dpa' la sogs pa ni rab tu dgyes pas spyan gdangs pa/sgeg pa'i nyams dang 'dzum pa dang bcas pa sangs rgyas lnga'i cod pan dang / dar dpyangs kyis dbang bskur ba dang ldan pa rgyan thams cad kyis brgyan pa'o/ /rta babs khyams ni thams cad du/ /byams pa la sogs bri bar bya/ /zhes bya ba la sogs pa la rta babs khyams ni rta babs dang bcas pa'i khang pa dang /rta babs med pa'i nang gi sgo'i bar la ni khyams zhes bya'o/ /la la dag sgo gsum par 'dod de/ bdag gis ni gsum par rig par dkyus kyis kyang ma mthong ngo / /'og nas kyang sgo yod par ma mthong ngo //ci'i phyir na/ phyi yi dkyil 'khor phyi rol du/ /zhes so/ /khyams der byams pa la sogs pa'i byang chub sems dpa' bcu drug dgod la/ byams pa dang / mthong ba don yod dang / ngan song kun 'dren dang / spobs pa brtsegs dang / blo gros mi zad pa dang / mya ngan mun pa kun 'dzoms dang //nam mkha'i mdzod dang / ye shes tog dang / spos kyi glang po dang / dpa' bar 'gro ba dang / rdo rje snying po dang / zla 'od gzhon nu dang / kun du bzang po dang / sgrib pa thams cad rnam par sel ba dang / bzang skyong dang / dra ba can gyi 'od do/ /de dag kyang zla ba dang / sna tshogs pad+ma'i steng na sems dpa'i skyil krung gis bzhugs la/ shar phyogs kyi rdo rje/ lho'i rin po che/ nub kyi pad+ma/ byang gi rnam pa rdo rje rgya gram mo/ /rgyal ba zhes bya ba ni byang chub sems dpa' dpe med pa ste/ gong gi dang spel mar bri zhes 'byung ste/ de la shar du thub mchog dpe med bzhi ste/nyon mongs 'joms byed dang / mun sel dang / sdug bsngal 'joms byed dang / 'khor ba rgyun gcod de rnams ni lcags kyu'o/ /lho phyogs su ni yon tan dpe med bzhi ste rin chen mdzod dang / dge ba'i blo gros dang / bde ba'i 'byung gnas dang / legs pa'i tog rnams bri'o/ /de rnams ni rin po che'i mchod sdong she dag bsnams pa'o//nub tu gsung mchog dpe med bzhi ste/ de yang nga ro snyan pa dang / don mthun yid 'ong dang / bde ba'i 'byung gnas dang / the tshom yid myur ro/ /de dag gi phyag na me tog ut+pa la she dag bsnams pa'o/ /byang phyogs su las mchog dpe med bzhi ste/dran pa'i stobs mchog dang / tshad med yon tan dang / thams cad kun 'grol dang / brtson 'grus mi ldog go/ /de dag ni phyag na me tog she dag bsnams pa'o/ /sku mdog ni dkar po dang / sngon po dang dmar po dang / ljang gu rim bzhin du shar dang lho la sogs pa'o/ /nyan thos ni ston pa'i zhabs 'bring sprul pa'i sku'i 'khor yin pas snam bu gnyis pa la shes rab can gyi mchog shA ri'i bu dang /rdzu 'phrul can gyi mchog mod gal gyi bu dang / 'dri zhing lan ldon pa'i mchog rab 'byor dang / rdzu 'phrul gyi spyan mnga' ba'i mchog ma 'gags pa dang / khyim pa dad pa bskyed pa'i mchog nag po 'char ka dang /ston pa la dam pa'i chos thos pa snga ba kau Di n+ya dang / bdud kyi gtso bo dad pa bskyed pa snga bas na rta thul dang / 'dul ba 'dzin par byed pas na nye ba 'khor dang / 'gog pa'i ting nge 'dzin la dbang thob pas na ba lang bdag dang / sras su gyur pa'i sgra gcan 'dzin dang /zham 'bring gnyug mar mdzad pa'i kun dga' bo dang / nyid kyi gcung pos na dga' bo dang / shAkya rnams kyi skra 'dreg mkhan yin pas na ming chen dang / bslab pa la gus pa'i nor sbyin dang / sbyangs pa'i yon tan la gnas pa'i gang po dang / zhal ta ba sku bgres pa'i 'od srungs rnams ni sku mdog ser po chos gos dang ldan pa phyag na par pu dang bsil yab dang / rin po che dang / mar me rim pa bzhin du shar la sogs pa nas bskor phyogs su bsnams pa'o/ /nyan thos kyi snam bu la rang sangs rgyas rnams kyang spel mar bri bar bya'o//de yang / de bzhin rang rgyal gtso bo rnams/ /zhes gsungs te/ de yang bcu gnyis te/ 'jigs par byed pa dang / snang ba brtsegs dang / dpa' bo 'dul ba dang / nyon mongs gdung sel dang / shes rab mgyogs chen dang / rdzu 'phrul cher ston dang / 'khor ba dug sel dang /sgra chen dang / bse ru lta bu dang / ri bo'i rgyal po dang / seng ge lta bu dang / yid myur te/ de rnams ni bsil yab dang / zla tshes dang / me 'bar ba dang / drang srong rnams bsnams te/ de yang shar la sogs pa rim pa bzhin no/ /sgo de'i sgo khyams g.yas g.yon du/ khro bo brgyad bri bar bya ste/ /de yang / khro bo mngag pa pho nya sogs/ /bri ba'am yang na ming yang rung / /zhes gsungs so/ /bcas bcos gnyis dang ldan pas sam khro ba'i tshul dgu dang ldan pas khro bo'o/ /rnam par snang mdzad la sogs pa'i las mdzad pas mngag pa'o/ /sprul pa'i khro bo mang po 'byung bas pho nya ste/de'i phyir na brgyad de/ 'jig rten gsum snang dang / 'jig rten gsum 'ching dang / 'jig rten gsum 'jigs dang / 'jig rten mthar byed dang / bdud rtsi thab sbyor dang / be con sngon po dang / mi g.yo mgon po dang / rta mgrin te de rnams ni shar la sogs pa'i sgo khyams g.yas g.yon du rim pa bzhin no//de rnams kyang yang na ming ngam ste/ snying po'am/ brda'am ste phyag mtshan nam/ thig le ste gdan nam gang yang rung ba bri zhes bya ba'i tha tshig go/ /de rnams ni rab mchog dang po yongs su dag pa'i 'khor te/ lha brgya lnga bcu pa'o// //da ni 'jig rten pa'i dkyil 'khor gyi don te/ phyi yi dkyil 'khor phyi rol du/ /zhes smos te/ phyi'i dkyil 'khor ni rta babs dang bcas pa'i dkyil 'khor te sgo gnyis pa'o/ /de'i phyi rol du ni rdo rje ra ba'i nang logs kyi khor yug gi dkyil 'khor la bya'o/ /gling bzhi po ni bri bar bya//zhes 'byung ste/ gling bzhi po ni khor yug gi dkyil 'khor la lhor 'dzam bu gling gi gzugs su bri ba dang / nub tu ba lang spyod kyi dbyibs su bri ba dang / byang du sgra mi snyan gyi dbyibs su bri ba dang / shar du lus 'phags po'i gling gi dbyibs bri bar bya'o/ /'dzam bu'i gling du tshangs pa bri//zhes pa ni gling de'i steng du tshangs pa'i gzugs phyag na gun+d+d+he bsnams pa/ btsun mo tshangs ma pi wang 'dzin pa/ 'khor dang bcas te bri bar bya/ /zhes 'byung bas pho nya mngag pa ste/ pho nya pad+ma bsnams pa dang / mngag gzhug yid du 'ong ba ral gri bsnams pa'o/ /byang phyogs su ni dbang phyug che//zhes pa ni byang gi gling du dbang phyug chen po phyag na tri shU la bsnams pa/ yum dka' thub bzlog ma phyag na pad+ma kha bye ba bsnams pa'o/ /pho nya rnam par snang ba mda' gzhu dang / mngag gzhug sde dpon nag po mdung bsnams pa bri'o/ shar dang nub kyi gling dag tu/ / brgya byin gtogs 'dod thams cad kyang / /zhes pa ni shar gyi gling gi steng du brgya byin te rdo rje gdengs pa bsnams pa'o/ /btsun mo bde sogs dgu po rgyud mang 'dren/ mngag pa yid du 'ong ba dang / pho nya kun du snang ba ral gri bsnams pa zhes pa'o/ /gtogs 'dod ni khyab 'jug ste/ phyag na 'khor lo bsnams pa dang /btsun mo dpal gyis lha mo phyag na gsal shing bsnams pa/ mngag gzhug rdo rje bde ba phyag na mtshon cha bsnams pa bre'o/ /pho nya ba rdo rje sde dpon phyag na 'khor lo bsnams pa bri'o/ /gzhan dag kyang ni de bzhin te/ /zhes pa ni 'og nas 'byung ba la yang btsun mo dang / mngag gzhug pa dang /pho nya ba la sogs pa shes par bya'o zhes pa'o/ /lha min dri za nam mkha' lding / /zhes pa ni lha ma yin gyi rgyal po rnam par snang byed mda' gzhu bsnams pa dang / sgra gcan 'dzin zla ba bsnams pa dang / sum brtsegs ri rab bsnams pa dang / rab sim bdud rtsi bsnams pa dang / kau shi ka rdo rje bsnams pa de rnams btsun mo dang bcas pa'o//dri za ni zur phud lnga pa me tog bsnams pa dang / yul 'khor srungs pi wang bsnams pa de ni btsun mo dang bcas pa'o/ /nam mkha' lding ni gser mig lcags kyu bsnams pa dang / g.yog du ma can rdo rje bsnams pa dang / bya khyung ka ru Na sbar zhags bsnams pa de rnams kyang btsun mo dang bcas pa'o//de rnams ni byang shar nas brtsams te shar drang por bri bar bya'o/ /gnod sbyin srin po lto 'phye che/ /zhes pa ni gnod sbyin brgyad de/ shar du yang dag shes zla tshes bsnams pa/ shar lhor gang ba bzang po bum pa bsnams pa/ lho ru 'brog gnas rin po che'i sgrom bsnams pa/ lho nub tu ku be ra be con bsnams pa/ nub tu nor bu bzang po nor bu bsnams pa/ nub byang du pany+tsi ka rin po che'i mdzod bsnams pa/ byang du dzaM b+ha la ne'u le'i rkyal bu bsnams pa/ byang shar du nor lha'i rgyal po shing thog bsnams pa de rnams btsun mo dang bcas pa'o//srin po ni 'jigs shing gsod pa ste/ lad ka mgrin bcu mda' gzhu/ u pa kar+Ni ral gri/ bum rna dbyug to/ btsun mo dang bcas pa'o/ /lto 'phye che ni ltos 'gro ba ste/ rab brtan rdo rje bsnams pa/ khyus 'gro rin po che bsnams pa/ de yang btsun mo dang bcas pa'o//'byung po yi dags 'dre rnams dang / /zhes pa ni dbang ldan tri shU la bsnams pa btsun mo dang bcas pa'o/ /yi dags ni phyi'i sgrib pa can dang / nang gi sgrib pa can dang / rang bzhin gyi sgrib pa can dang / me lce'i 'khor lo can dang bzhi'o/ /'dre ni bar du gcod par byed pa'o/ / log 'dren nag po chu ltar g.yo ba sprul te/ gnye'u thung rna rnon me/ spyi'u tshugs thur blta bya/ se'u men ta ga snying du 'jug pa'i 'dre dang / dar dpyangs de ta ka lce la 'jug pa dang / mur rgad ta ka myur bar 'jug pa ral gri bsnams pa dang drug go/ klu dang sbrul dang rigs rnams dang //zhes pa ni klu ni byol song gi rigs rnams te/ rigs bzhir gnas so/ /mtha' yas ut+pal bsnams pa dang / 'jog po dgra sta bsnams pa dang / chu lha pad+ma bsnams pa dang / dung skyong 'bud dung bsnams pa dang / nor rgyas bum pa bsnams pa dang /stobs kyi rgyu gshol mda' bsnams pa dang / pad+ma chen po pad+ma kha phye ba bsnams pa dang / rigs ldan rin po che'i rgyal bu bsnams pa dang / dga' bo sprin phung bsnams pa dang / nye dga' bo rin chen phyag rgya bsnams pa'o/ /sbrul ni rigs bzhi'o/ / rigs rnams dang zhes pa ni phyogs skyong ba bcu ni bgegs kyi rigs su gtogs pas rigs rnams so/ /brgya byin rdo rje/ gshin rje thod dbyug /chu lha sbrul zhags/ gnod sbyin be con/ me lha bgrang phreng / bden bral ral gri/ rlung lha ba dan/ dbang ldan rtse gsum/ sa bdag mche zhags/sa'i lha mo bum pa/ nyi ma pad+ma/ zla ba ut+pal/ btsun mo so so nas 'khyud nas gnas pa'o/ /de ltar lha chen po nyi shu rtsa brgyad so so'i phyogs su bri bar bya'o/ /rgyal po bzhi rnams bri bar bya/ /zhes pa ni yul 'khor srung pi wang thogs pa shar du'o//lhor 'phags skyes po ral gri thogs pa/ nub tu mig mi bzang sprul zhags thogs pa/ byang du rnam thos sras rin chen rkyal bu thogs pa/ btsun mo dang bcas pa'o/ /gza' dang skar ma rgyu skar zhes pa ni gza' ni 'phel ba dang 'grib par byed pa ste/ pa ba sangs me tog /phur bu po ti/ lag pa mchog sbyin/ zla ba ku mu ta/ mig dmar bdud rtsi bum pa/ sgra gcan 'dzin pad+ma'i sdong bu/ nyi ma pad+ma/ spen pa dbyug to bsnams pa btsun mo dang bcas pa'o/ /rgyu skar ni nyi shu rtsa brgyad de/ dbang ldan nas brtsams te/ shar du bri ba ni smin drug mdog dmar bum pa'i steng na bzhugs/ snar ma mdog ljang gu ba dkar po zhon/ mgo ser po sha ba zhon/ lag dmar po sbrul la zhon/ nab so ser po pad+ma la 'dug /skag ljang gu bya rog la 'dug /phyag na rin po che'i snyan cha dang / gdu bu she dag bsnams pa'o//me nas brtsams te lho'i phyogs su dngar ba la/ mchu ser po ma he la zhon/ gre ljang gu khri la 'dug /dbo ser po gser khre la 'dug /me bzhi ser po glang po che la 'dug /nag pa ljang gu rma bya la 'dug /sa ri dmar po 'phyang mo nyug /sa ga dkar po rta zhon pa phyag mtshan rin po che'i me tog she dag bsnams pa'o//bden bral nas nub tu dngar ba la lha mtshams mdog ser khyim bya la zhon/ snron dmar po stan nang tshangs can la 'dug /snrubs mdog ljang gu sa bdag la 'dug /chu stod mdog ser phub la 'dug / chu smad mdog ljang gu mi la zhon/ byi bzhin mdog sngo sre mo la zhon/ gro bzhin mdog dmar kurma la 'dug pa'o/ /phyag mtshan ni pad+ma'i sdong bu she dag bsnams pa'o/ /rlung gi phyogs nas byang phyogs su bri bar bya ste/ mon dre ljang gu glang khyu ba la 'dug /mon gru dmar po stan bar tshangs can la 'dug /khrums stod ljang ser khri la 'dug /khrums smad ser po rin po che'i khri la 'dug /nam gru mdog dmar ngang pa la zhon/ tha skar mdog dmar mi la zhon/ bra nye mdog sngo 'khor lo'i steng la 'dug /phyag mtshan ut+pal she dag bsnams pa'o//de ltar nyis brgya bdun cu rtsa bzhi'o/ /khro ba ma rungs 'tshe ba yi/ /zhes pa ni dmyal ba srung chen po rnams la bya ste/ yang sos dang thig nag la sogs pa brgyad dang / chu bur dang / chu bur rdol ba la sogs pa brgyad na gnas shing grang ba'i brgyad de bcu drug po la bya'o//'tshe ba'i zhes bya ba ni las kyis skyes pa'i sems can de rnams la srung ma de rnams kyis 'tshe bar byed pas na'o/ /bgegs bi na ya ga ni zhes pa la bgegs ni bar du gcod pa ste/ tshangs pa dang srin po'i gdon dang / brjed byed kyi gdon dang /gnon po dang / skem byed dang / grib gnon dang / ma mo'i gdon dang / bi na ya ga btsun mo dang bcas pa ste brgyad do/ /sems can kun la phan sems pa'i/ /drang srong skal ba chen po rnams/ /zhes pa ni drang srong ni brgyad de/ me bzhi rin po che 'bar ba bsnams pa'o//nag pa 'khor lo/ yang dag shes rdo rje 'khor lo/ mdun bdar rtse gsum/ gya gyu rin po che'i sgrom/ gyur mid dgra sta/ a gur me dpung / g.yog 'dor 'khor lo bsnams pa ste/ me lha'i 'khor yin pas shar lho mtshams nas bri'o/ /mkha' 'gro ma dang bud med bri/ /zhes pa ni las dang rdzu 'phrul gyis mkha' la 'gro la/mthu dang rdzu 'phrul gyis mkha' la 'gro ba ste/ drag mo dang / bdud rtsi mo dang / za ba mo dang / rdo rje'i mchu'i chung ma dang / nor lha'i chung ma dang / phag mgo ma'o/ /bud med ni rgyal bar byed pa dang / sbrang rtsir byed pa dang / don kun grub par byed pa'i sring mo gsum ste/dga' ba mo dang / 'joms par byed pa mo dang / sbrang rtsir 'dzin pa mo'o/ /de bzhin sring mo rnal 'byor ma/ /zhes pa ni sring mo ni bzhi ste/ rgyal ma dang / rnam par rgyal ma dang / mi pham ma dang / rig sngags 'chang ma rnams so/ /de ni nub nas byang logs su'o//rnal 'byor ma ni pad+ma can dang / 'jigs byed ma dang / rnam rgyal ma dang / mdangs can ma dang / 'od ldan ma dang / dri med ma dang / yid bzang ma ste brgyad do/ /'byung ba bzhi'i lha chen po/ /zhes pa ni me lha dang / chu lha dang / rlung lha dang / sa'i lha rnams so/ /khyim dang ri la gnas pa dang /zhes pa ni khyim gyi lha kun snang ba dang / ri'i lha rab tu brtan pa'i blo gros so/ /shing dang kun dga' gnas la sogs/ /zhes pa ni shing gi lha kun nas 'od zer dang / kun dga' ra ba'i lha kun du snang ba'i blo gros dang / gnas kyi lha tshogs sgo'o/ /dur khrod kyi lha 'byung po dge ba dang /grong khyer gyi lha bsod nams dge ba'i blo gros so/ /ming ngam brda 'am yang na ni/ /thig le rnams kyang bri bar bya/ /zhes pa ni ming ni snying po'o/ /brda ni phyag mtshan/ thig le ni gdan tsam byas pa la bzhag pa'o/ /de la rdo rje ra ba'i phyi rol du shing sna tshogs kyi nang du shar lho mtshams su khro bo ma rungs 'tshe ba ste dmyal ba rnams bri bar bya'o//lho nub mtshams su 'byung po yi dags 'dre rnams dang zhes pa ste/ yi dags rnams bri bar bya'o/ /nub byang du bgegs dang bi na ya ga ste bgegs dang byol song rnams bri bar bya'o/ /byang shar du mi'i 'gro ris rnams bri bar bya'o//de rnams kyang ming ngam brda'am thig ler bri bar bya'o/ /gzhan rnams ni khor yug la ci rigs su bri bar bya'o zhes slob dpon rgyal ba 'od kyang bzhed do/ /de yan chad du dkyil 'khor bri ba dang lha dgod par bya'o// //da ni dkyil 'khor gyi rgyan dgod pa'i rim pa 'byung ste/de la'ang 'phags pa'i dkyil 'khor mchod pa dang / slob ma dbang bskur ba dang / sbyin gtor bsngo ba'o/ /de nas mkhas pas dkyil 'khor la/ /bla re rgyal mtshan lhab lhub dang / /gdugs dang rnga ma lda ldi dang / /'phan dang sna tshogs na bza' mchod//ces pa ni rgyan dgram zhing 'phags pa mchod pa'o/ /gser las byas pa'i bya rnams ni/ /brgyad dam bcu drug lhag kyang rung / /zhes pa ni 'phags pa mchod pa'i bum pa gang ba rgyu gser la sogs pa las byas pa brgya'am lnga bcu'am bcu drug gam brgyad las nyung bar mi bya'o//dbang bskur rin chen chus bkang ba'i/ /bum pa lnga ni gzhag par bya/ /zhes pa ni rnam par rgyal ba la sogs par byin gyis brlabs pa'i bum pa slob ma dbang bskur ba'i bum pa lnga 'og nas 'byung ba bzhin byin gyis brlabs la gzhag par bya'o//gzhan yang mchod pa'i khyad par/ /mar me gtor ma bum pa dang / /mdzes pa'i bshos rnams gzhag par bya/ /zhes pa ni phyi ma ni go sla'o/ /bum pa ni gsang ba'i bum pa ste/ rdo rje gnod sbyin gyi byin gyis brlabs pa'i las thams cad pa'i bum pa'o/ /gzhan yang bza' ba dang bca' ba la sogs pa sna tshogs pa dang /gtor ma cha bcu gnyis la sogs pa sna tshogs pa las byas pa gzhag go/ /me tog dri rnams sna tshogs dang / /zhes pa la sogs pa ni khro bo rnam par rgyal ba'i bum pa ste/ byin gyis brlabs pa tshul ltar byas la shi ba'i rus pa dang ming bkru ba dang /slob ma snod du rung bar bya ba'i ched du bstan pa'o/ /bum pa la yang dbye ba bum pa gang ba mchod cing dbang bskur ba byed pa dang / dbang bskur ba'i bum pa rnam par snang mdzad la sogs par byin gyis brlabs pa dang / gsang ba'i bum pa las thams cad par byin gyis brlabs pa dang /rdo rje sems dpa'i bum pa bdag nyid dang slob ma dbang bskur ba dang / khams gsum rnam par rgyal ba'i bum pa khrus kyi bum pa dang lnga ru shes par bya'o/ /de yang yo byad ni rin po che sna lnga las byas pa mchu 'phyang ba nag po ra ri med pa mgrin pa ring ba'o//las thams cad pa dang khro bo khams gsum rnam par rgyal ba'i bum pa gnyis ni lce'u dang bcas pa'o/ /sman lnga dang / snying po lnga dang / 'bru lnga dang / dri lnga dang / spos lnga dang / rin po che sna lnga la sogs pa 'byor tshad du bshams la byin gyis brlabs pa ni/las bum bskyed la de'i nang du ting nge 'dzin ni bye brag gis shes par bya'o/ /bum pa bzhag pa ni dgongs ka'i dus su 'jug pa la sogs pa 'og nas 'byung ba bzhin byas la gzhag par bya'o/ /de ltar dkyil 'khor legs par bkod nas gnas par bya'o/ /de nas khrus la sogs byas la/ /zhes bya ba la sogs pa gsungs pa la/de nas ni bkra shis pa'i don te/ dkyil 'khor bris pa'i rting thogs so/ /khrus byas la zhes pa ni dang por re zhig rang gi sdom pa la gnas pa'i nang gi bdag nyid can ni khrus dang / phyi'i yang ci nus par bya'o/ /de la sdom pa gsum la rab tu gnas shing skyong ba ni khrus gcig pa'o//bshags pa dang gsol ba 'debs pa la sogs pa ni gnyis pa'o/ /phyag rgya dgrol ba ni gsum pa'o/ /chu'i khrus ni bzhi pa ste/ 'di dag dang gos gsum brje bar yang bya'o/ /de la sdom pa gsum la gnas pa ni gos dang po'o/ /ngo tsha shes pa dang khrel yod pa ni gnyis pa'o/ / phyi'i gos gtsang ma ni gsum pa zhes bshad do/ /chu dang sa'i khrus la sogs pa byas la/ lus dri zhim pos byugs la/ ji snyed pa'i gos dang / rgyan gdags shing shin tu ser ba'i gos bgo ba dang / me tog gi phreng ba gdags pa dang / shing thog dri zhim pos kha bkang ste dbu rgyan la sogs pas mdzes par byas la gnas pa'o//rdo rje 'dzin mas zhugs nas kyang / /me tog thogs te sgo phyogs 'dug /ces pa ni dkyil 'khor bris pa'i rting la phyi rol kun du spos chus byug cing me tog sil ma bkram la/ dgongs ka'i dus su badzra satwa hU~M zhes bzlas shing rdo rje sems ma'i dam tshig gi phyag rgyas me tog gi phreng ba thogs la rdo rje shugs kyi dkyil 'khor du zhugs la/yang rdo rje dril bu dkrol te dkyil 'khor lan bdun du bskor ba byas la/ dkyil 'khor thams cad kyis lhag pa dang / ma tshang ba'i nyes pa zhi bar bya ba'i phyir bltas la bcom ldan 'das rdo rje sems dpa' de la phul la rdo rje gar byas te blangs la rang gi mgo la bcing bar bya zhing badzra satwa hU~M zhes bar ma chad par bzla bar bya'o//de yang rdo rje dril bu rab bskul bas/ /mkhas pas ma tshang yongs su bkang / /lhag ma gang yin dor byed de/ /'grub 'gyur smad par mi bya'o/ /zhes gsungs pa yin no/ /de nas gong gi bum pa rnams dkyil 'khor du dgod par bya ste/de nas yi ge hU~M las bdag nyid rdo rje hU~M mdzad du bsam par bya'o/ /de nas dbus su 'dug nas ni/ /rdo rje slob dpon mnyam gzhag pas/ /rdo rje sgo ni rnam bzhi'o/ /yid kyis su ni dbye bar bya/ /oM badzrod g+ha Ta sa ma ya pra be sha ya hU~M zhes bya ba phyag rgya dang ldan pas dkyil 'khor gyi sgo thams cad dbye bar bya'o//de nas rdo rje sems dpa' dang ldan pa'i rnal 'byor chen po byas nas/ rnam par rgyal ba'i bum pa ji skad bshad pa'i mtshan nyid dang ldan pa'i bum pa la rdo rje dang bcas pa'i me tog gis lhag ma rdo rje sems dpas yongs su bzung ba las/oM badzra satwa hU~M zhes bya ba 'di lan brgya rtsa brgyad bzlas la yang badzrod ta ka hUM gi sngags stong rtsa brgyad mngon par bzlas te/ bcom ldan 'das rdo rje sems dpa'i spyan sngar legs par gzhag go/ /bum pa lhag ma rnams la ni de bzhin gshegs pa la sogs pa'i sngags sho d+ha ni la sogs pa brgya rtsa brgyad bzlas te/dkyil 'khor gyi phyi rol kun du gzhag par bya'o/ /de'i rjes la bum pa gang ba la rnam par snang mdzad dam bti la sogs pa bzlas la phyi rol du gzhag par bya'o/ /yang bum pa gcig la rdo rje sems dpa' brgya rtsa brgyad bzlas te 'jug pa'i sgor mngon par phyogs te gzhag par bya'o//ma 'byor na rdo rje sems dpa' dang / de bzhin gshegs pa lnga la bum pa re re dbul bar bya'o/ /oM badzras twa muSh+Ti a zhes pa ni de bzhin gshegs pa mi bskyod pa'i rigs kyi bum pa la'o/ /oM rat+na muSh+Ti taM rin chen 'byung ldan kyi rigs kyi bum pa la'o/ / oM badzra d+harma muSh+Ti khaM zhes bya ba ni shAkya thub pa'i rigs kyi bum pa la'o/ /oM karma muSh+Ti haM zhes pa ni me tog cher rgyas kyi rigs kyi bum pa la'o/ /de rnams lan brgya rtsa brgyad bzlas la rigs de la dbul bar bya'o/ /de bzhin du bum pa gang ba yang dbul bar bya ste/ bcu las nyung ba mi bya'o/ /las thams cad pa'i bum pa la ni rdo rje gnod sbyin gyi sngags brgya rtsa brgyad bzlas te/dbang ldan gyi phyogs su gzhag par bya'o/ /khro bo khams gsum rnam par rgyal ba'i bum pa la ni de nyid sngags brgya rtsa brgyad bzlas te lho sgor bya ba'i cho ga yin te/ stegs bu khru gang ba pad+ma 'dab ma brgyad bris pa'i steng du bzhag la khrus la sogs pa bya'o//de nas dkyil 'khor gyi lha yid kyis mngon sum lta bur mngon du byas la/ mchod pa lnga dang kha zas kyi bye brag rnams kyis ci nus pas yang dag par mchod pa nas rang gi gdong ji lta ba bzhin du g.yogs te/ phyogs bzhi nas sdom pa bzung ba'i bar du byas nas/ phyi rol na gnas pa'i bum pa'i chus bdag nyid dbang bskur la mchod pa lngas mchod de/sa ma ya s+t+waM zhes brjod nas sems ma rdo rje ma bcings la/ slob ma 'jug pa'i cho gas 'jug go/ gtso bo rgyal ba sras dang 'khor/ /mang po rnams ni spyan drangs te/ /zhes bya ba la sogs pa gsungs pa ste/ dang por khrus la sogs pa byas nas/de nas phyag 'tshal ba la sogs pa sngon du 'gro bas sdom pa bzung la/ de nas sdig pa dral ba dang / phyag rgya dgrol ba ji lta ba bzhin du byas la rnal 'byor chen po bya'o/ /de nas sbyor ba dang po dang dkyil 'khor rgyal mchog rnam par bsgoms nas/ bsdu ba byas la phyag btsal ba dang ched du brjod pa brjod pa dang /rang gi snying gar gzhug pa dang / phyir phyung nas ched du brjod pa nas rang rang gi gnas su gnas par byas nas/ de nas rdo rje sems dpa' dang lhan cig tu gyur pa'i rnal 'byor pas de bzhin gshegs pa thams cad las phreng ba la sogs pa'i dbang bskur ba blangs la de bzhin gshegs pa rnams spyan drangs te/gtso bo rgyal ba ni kun rig rnam par snang mdzad la sogs pa'o/ /sras ni 'khor sems dpa' dang sems ma'o/ /'khor ni 'jig rten pa'o/ /mang po rnams ni brjod kyis mi lang ba'o/ /spyan drangs te ni tshigs bcad dang sngags dang phyag rgyas so//de yang 'di skad ston te/ de bzhin gshegs pa thams cad dang / rdo rje sems dpa' la sogs pa nas 'jig rten pa yan chad dang bcas pa'o/ /de rdo rje dbyings kyi khang pa brtsegs ma na bzhugs pa'i sangs rgyas thams cad 'dus par mdzad de/ rdo rje slob dpon gyis brtags pa'i dkyil 'khor bye ba mtha' yas pa'i gzhal yas khang du bzhugs te/kun nas yongs su bskor ba'i tshul gyis 'dus par gyur cing tshogs par mdzad do zhes pa'i bar du'o/ /phyag rgya sngags dang bdag ldan zhing / /zhes pa ni bdag dang dam tshig la sogs pa phyag rgya bzhi dang ldan pa'o//de yang chos dang las dang phyag rgya chen po dang las kyi phyag rgyar bshad pa gang yin pa de ni bdag ldan zhing ngo / /de la yang bsgrub pa'i yan lag bcu drug tu bstan pa ni/ phyag rgya chen po dang / dam tshig dang / chos dang / las kyi phyag rgya dang / dgug pa dang /gzhug pa dang / bcing ba dang / dbang du bya ba dang / byin gyis brlabs pa dang / dbang bskur ba dang / ting nge 'dzin dang / mchod pa dang / snying po dang / phyag rgya dang / sngags dang / rig pa'o/ /'di dag ni rnam par snang mdzad la sogs pa re re zhing so sor bsgrub par bya ba'i phyir gsungs la/dkyil 'khor gyi lha rnams bsgrubs pa ni phyag rgya bzhi bzhir bstan pas na phyag rgya zhes bya'o/ /lcags kyu la sogs rnal 'byor gyis/ /zhes pa ni rnam par snang mdzad la sogs pa phyag rgya bzhis bzhag pa de bzhin du/ sems ma rdo rje ma la sogs pa byed pa por gyur pa rnams kyis bsgrub par bya zhing bdag nyid kyi dbang du bya'o//ci zhig smra zhing dbang du byed ce na/ dzaHhU~M baM hoHthugs rje'i bdag /ces bya ste/ 'dis ni dam tshig gi phyag rgya rnams kyi spyi'i yi ge bzhi po bsgrub pa'i snying por gsungs pa yin no/ /la la dag dzaHhU~M baM hoH zhes bya ba 'dis bdag rdo rje lcags kyu la sogs pa'i sgo srung gi phyag rgya'i snying po yin par 'dod do//yang ji ltar shes she na/ dgug pa la sogs pa'i don gsal bar byed pa'i phyir ro/ /gzhan dag ni dzaHhU~M baM hoHzhes brjod la/ legs pa'i cho gas yid kyis ni/ /lus la sangs rgyas kun gzhug go//zhes bya ba 'dir yang yin gyi/ sgo srung rnams kyi snying po yi ge bzhi yin par khas blangs na ni a zhes bya ba dbab pa'i snying po yin pa'i phyir dang / hoHzhes bya ba rdo rje chags pa'i snying po yin pa'i phyir ro/ /bcom ldan 'das nyid kyi don 'di bshad par mdzad pa yin te//de nas kun mchog la sogs pa/ /mngon bris nas ni yang dag bsgrub/ /dam tshig mchog ni bcing nas kyang / /dzaHhU~M baM hoHzhes brjod do/ /zhes bya'o/ /don de dag kyang bstan pa tsam du mdzad pa yin gyi/ bsgrub pa'i go rims ni 'di yin no/ /rdo rje bsdu ba'i phyag rgya bcing la//rdo rje se gol brdab pa'i sgra byed cing / /oM dzaHhU~M baM hoHsa ma ya zhes brjod cing / tshur gshegs zhes ni brjod nas kyang / /zhes gsungs te/ tshigs su bcad pa mang po yang brjod do/ /de nas brjod pa tsam gyis bsti gnas kyi sar byon pa dang / pus mo gnyis kyi lha nga sa la btsugs la/ rdo rje thal mo bskor nas shis pa brjod pa'i tshul du snying gar 'jog pa'i phyag rgya dang / nam mkha' las byung mtshan ldan phyir/ /zhes bya ba la sogs pa'i bstod pas mchod par bya'o/ /de nas gsang ba bcings sa nas kyang / /mdzub gnyis lcags kyu'i tshul du bya//zhes pas ni sgo dbye ba byas nas rdo rje lcags kyu'i las kyi phyag rgya 'dis rnam par snang mdzad dang / ngan song sbyong ba'i rigs bkug la shar sgor gzhag par bya'o/ /rin chen dpal gyi rigs ni lho sgo dang nye bar ro/ /shAkya thub pa'i rigs ni nub sgo dang nye bar ro//me tog cher rgyas kyi rigs ni byang sgo dang nye bar ro/ /de'i phyag rgya ni rdo rje khu tshur las mkhrig ma mdud la mthe'u chung gnyis sbrel te/ mdzub mo gnyis lcags kyu'i tshul du byas pa'o/ /de nyid las mdzub mo ngos sbyor ba ni zhags pa'i phyag rgya ste/ des rang rang gi sgo nas rang rang gi gnas su gzhug par bya'o//de nyid las mdzub mo bsdams pa ni lcags sgrog gi tshul lo/ /des ni phyag rgya thams cad bcing bar bya'o/ /de nyid las mthe bo gnyis nang du bkug nas phyag rgya bskor ba ni dril bu'i phyag rgya ste/ rnam par snang mdzad la sogs pa dbang du bya'o/ /de nas rdo rje gnod sbyin gyis bgegs bsal ba dang /ra ba dang dra ba byas nas/ rdo rje khu tshur gyis sgo bcad la/ rdo rje go chas bsrung ba thams cad yang dag par bsrungs nas/ rdo rje sems dpa'i mchod yon phul la/ dam tshig gi phyag rgya rnams kyis kun rig rnam par snang mdzad la sogs pa blta bar byas nas rim pa 'dis bsgrub par bya'o//kun rig rnam par snang mdzad kyi dam tshig gi phyag rgya bcings la 'di skad ces brjod do/ /shod+ha ni'i sngags kyi rjes la badzra d+hA tu dr-i sh+ya dzaHhU~M baM hoH sa ma ya s+t+waM/ sa ma ya s+t+waM a haM badzra d+hA tu zhes bya ba nas/ de bzhin du rdo rje 'bebs pa'i dam tshig gi phyag rgya bcings la/ badzra a be sha dzaHhU~M baM hoHsa ma ya s+t+waM sa ma ya s+t+waM a haM badzra a be sha zhes lan gsum brjod pa'i bar du'o/ /de nas chos dang las dang phyag rgya chen pos gzhag par bgyi zhes bya ba dam tshig gi phyag rgyas rnam par snang mdzad la sogs par dag par bsgrubs la de'i 'og tu chos dang las dang phyag rgya chen pos gzhag par bya'o//'di dag ga las shes she na/ bshad pa las ston te/ dpal mchog dang po las/ dam tshig chen po'i sems dpa' la sogs pa rnams la yang rnal 'byor gyis tshul thams cad las/ dam tshig gi phyag rgya yang dag par bsgrubs nas de'i rjes la phyag rgya gzhan sbyar bar bya'o zhes don 'di ston la/de kho na nyid bsdus pa'i rgyud las kyang / rdo rje dbab pa byas nas ni/ /phyag rgya chen po cho ga bzhin/ /bcings nas de yi mdun phyogs su/ /sems dpa' chen po de bsgom mo/ /ye shes sems dpa' de mthong nas/ /rang gi lus su bsgom par bya/ /bkug cing bcug la bcings pa dang //dbang du byas te bsgrub par bya'o/ /zhes gsungs pas dang po kho na dam tshig gi phyag rgya bcings par gsungs so/ /de yang rdo rje sems dpa'i skur bskyed nas dam tshig gi phyag rgya byin gyis rlob par byed pa'i phyir sngon du 'gro ba'o/ /de nas chos dang las dang / phyag rgya chen pos lha rnams gzhag par bya'o/ /de nas badzra rat+na zhes brjod cing rdo rje rin chen gyis dam tshig gi phyag rgya gang yin pa des de bzhin gshegs pa rnams dbang bskur ba dang / byams pa la sogs pa dang / dpe med pa yang de nyid kyis dbang bskur bar bya'o/ / rdo rje sems dpa' la sogs pa ni rdo rje dbyings kyi dbang phyug ma la sogs pa'i sangs rgyas lnga'i phyag rgyas dbang bskur bar bya'o/ /arga mchog btags bsang la sogs pa yi/ /dbyangs snyan pa yis bstod pa lha rdzas kyi/ /mchog gi dam pa rnams kyis legs par mchod/ /ces pa ni de nas arga ni dpal rdo rje sems dpa'i dkyil 'khor gyi lha thams cad la mchod yon phul ba'o//mchod pa btags nas s+pha ra Na khaM zhes pas me tog gi shing brgya'am shing bzhi'am me tog thams cad la yang rdo rje me dang me tog gi sngags mngon par bzlas pa dang / dri zhim po thams cad dang / kha la bsgo ba'i dri rnams la yang rdo rje me dang dri'i rig par bzlas pa dang / ga pur dang / a ga ru dang / du ru ka dang / tsan+dan la sogs pa dang bcas pa/ bdug spos kyi snod du sbyar ba'i spos snod 'bum mam/ khri'am stong ngam brgya'am/ ma 'byor na spos snod bcu la rdo rje ma dang / bdug pa'i rim pa mngon par bzlas te/lha thams cad la dbul bar bya'o/ /swa ti ka la sogs pa yon tan 'bum dang ldan pa/ shin tu legs par sbyar ba'i kha zas bza' ba dang / bca' ba'i bye brag rnam pa sna tshogs kyis gang ba'i snod 'bum mam/ khri 'am stong ngam brgya 'am bcu la rdo rje me mngon par bzlas shing /a kA ro mu khaM sarba d+harmA NAM Ad+ya nut+pan+na twA ta ces bya ba bzlas la dbul bar bya'o/ /mar la sogs pa'i mar me grangs stong ngam tha na snod chen po bzhi gtams pa la rdo rje me dang mar me'i rig pa bzlas shing lha'i khyad par thams cad la dbul bar bya'o/ /rol mo'i cha byad bcu la dpal 'jig rten gsum las rnam par rgyal ba'i gzungs kyi dkyil 'khor las gsungs pa'i rol mo'i rig pa mngon par bzlas la/badzra s+pha ra Na khaM zhes bya bas dbul bar bya'o/ /gar mkhan dang rol mo la sogs pa'i mchod pa rnams kyang oM dang hUM mngon par bzlas pa dbul bar bya'o/ / gzhan yang ras zung re 'bum mam khri'am stong ngam rnam par snang mdzad la sogs pa la re re zhing ras zung re'am/ so sor ma 'byor na thams cad spyi la ras zung gcig dang / bla re rnam pa sna tshogs pa gcig dang / grwa bzhir ba dan sna tshogs gdags pa dang / gdugs dang rgyal mtshan dang /ba dan rnams kyang rdo rje gnod sbyin dang / rdo rje sems dpa' dang / yi ge oM lan bdun bzlas te/ lha thams cad la dbul bar bya'o/ /gdu bu dang / rna cha dang / dpung rgyan dang / cod pan la sogs pa yang ngo / /rdo rje rin chen gyi dar dpyangs sbyang par bya'o/ / me tog gi chun 'phyang spros shing brgyan pa dang / dra ba dang / dra ba phyed pas brgyan pa dang / zla ba phyed pas nye bar mdzes par byas pa'i rta babs yid du 'ong ba'i dril bu la sogs pa dang bcas pa dang / rta dang glang po che dang / ba lang gi khyu shin tu brtags pa rnams kyang yi ge hUM dang oM mngon par bzlas shing badzra s+pha ra Na khaM zhes bya bas de bzhin gshegs pa thams cad la dbul bar bya'o//gsang ba la sogs pa'i zhes bya ba ni las kyi dkyil 'khor las gsungs pa'i mchod pa bcu drug dang / sgeg mo la sogs pa gsang ba'i mchod pa bzhis dkyil 'khor gyi lha thams cad mnyes par byed pa'o//dbyangs snyan pa yis bstod pa dang / /lha rdzas kyis zhes bya ba ni lA s+ye la sogs pa'i mchod pa brgyad dang / mtshan brgya rtsa brgyad pa'i bstod pa dbyangs dang bcas pas bstod do/ /mchog gi dam pa rnams kyis legs par mchod/ /ces pa ni gong gi don bsdus pa ste/gong gi mchod pa de rnams kyis mchod pa'i don to/ /de nas de bzhin gshegs pa thams cad la slob dpon gyis dngos grub thams cad bsgrub pa'i phyir/ sems can gyi don mdzod cig par gsol ba gdab par bya'o/ /da ni gtor ma'i mchod pa bstan pa'i phyir/ de nas 'byung po rnams kyis gtor ma bya//sems can bkres shing skom la btung ba dang / /phyogs skyong gnas pa rnams la rnam par brtag /de yi gtor ma ji ltar mthun par bya/ /zhes pa ni rgyud gzhan las 'byung ba bzhin yo byad tshogs par bsags la/ tshangs pa la sogs pa gling bzhin gnas pa la gcig /lha min dri za la gcig /gnod sbyin srin po la gcig /'byung po yi dags la gcig /klu sbrul rigs la gcig /rgyal po bzhi la gcig /gza' dang rgyu skar la gcig /dmyal srung bcu drug la gcig /bgegs kyi rigs la gcig /drang srong chen po rnams la gcig /mkha' 'gro ma rnams la gcig /'byung ba bzhi la sogs pa rnams la gcig dbul bar bya'o/ /yang na mgon po rnams la gcig /'gro ba ris drug rnams la spyir gcig /klu rnams la klu sman sna tshogs la sbyar ba gcig /mkha' 'gro ma dang srin po la sha khrag sna tshogs las byas pa gcig /bgegs kyi rigs thams cad la gcig go/ /de'i phyir na/ gtor ma ji ltar mthun par bya/ /zhes so/ /de rnams la yang dang po rgyu bstan pa dang / byin gyis brlabs pa dang / smon lam gyi stobs brjod pa dang / mgron rnams bsam pa dang / spyan drangs pa dang /dam tshig gi phyag rgya bstan pa dang / mchod pa dang / bstod pa dang / gtor ma bsngo ba dang / smon lam gdab pa dang / phrin las bcol ba dang / gshegs su gsol ba dang / de ltar rgyud gzhan las gsungs pa'i cho gas phyi rol du gtor ma sbyin no/ /de nas sbyin sreg gi cho gas dpal rdo rje sems dpa'i sngags sam sarba bita kyis zhi ba'i sbyin sreg brgya rtsa brgyad byas la/dpal kun rig la sogs pa'i snying pos kyang sreg blugs bdun bdun dbul bar bya'o/ /de'i rjes la ji srid dkyil 'khor thog ma dang tha ma med par mthong bar gyur pa'i sgra'am gzugs la sogs pa'i mtshan ma thob par gyur pa de srid kyi bar du bzlas brjod dang bsgom pa bya'o//de'i phyir na/ de nas mtshan ma skyes te mgu nas ni/ /thog ma tha ma med par mngon sum mthong / zhes so/ /da ni slob ma dbang bskur ba ston te/ de la yang sta gon la gnas pa dang / dbang bskur ba gnyis kyis bstan te/de nas sngags pa bla med byang chub kyi/ /gnas su slob ma yongs su smin par bya/ /zhes pa la sogs gsungs pa ni de nas zhes bya ba ni dkyil 'khor mchod pa'i rjes thogs la bya'o/ /sngags pa ni slob dpon no/ /bla med byang chub kyi gnas ni dkyil 'khor chen po'o/ /slob mi yongs su smin par bya ba ni sdom pa la gnas shing dbang bskur bar bya'o//'gro la phan phyir zhes pa ni slob dpon gyis slob ma de la phan par bya ba'i phyir te/ myur du byang chub thob par bya ba'i ched du byang chub tu sems bskyed du gzhug go/ /de'i don yang 'di yin te byang chub sems bskyed pa la yang don dam pa dang kun rdzob byang chub kyi sems bskyed du gzhug go//de yang gsol ba gdab pa ni/ /dga' chen khyod bdag ston pa bas/ /slob dpon khyod ni dgongs su gsol/ /zhes bya ba nas/ /mgon po bdag ni 'jug par 'tshal/ /zhes bya ba yan chad dang / /ji ltar dus gsum mgon po rnams/ / zhes bya ba nas/ sems can mya ngan 'das la dgod/ /ces bya ba yan chad kyis sdom pa bzung ba dang / bdag byang chub snying po la mchis kyi bar du zhes bya ba nas/ sems can gyi don byed par gyur cig ces pa yan chad kyis sems bskyed par bya'o/ /de nas byin gyis brlab par bya ba ni slob ma de nyid rdo rje sems dpa'i gzugs su bskyed nas/gnas bzhir byin gyis rdo rje sems ma'i phyag rgyas brlab par byas nas/ rdo rje bzhad pas byin gyis brlabs pa'i cho gas so shing sbyin pa dang / rdo rje gnod sbyin gyis byin gyis brlabs pa'i srung skud gdags pa dang / rdo rje sems dpa' dang rdo rje rnon pos byin gyis brlabs pa'i ku sha sbyin pa dang /rdo rje bsrung ba'i chus kha bkru ba dang / smon lam gdab pa'o/ /zab cing rgya che ba'i chos bsgrags la zhes pa ni zab pa ni shes rab kyi pha rol tu phyin pa'i don bstan/ rgya che ba ni sdong pos brgyan pa'i don bstan pa'o/ /bsrung ba byas nas zhes pa ni rdo rje go cha dang /rdo rje gnod sbyin dang / rdo rje khu tshur gyis bsrung pa byas la/ shes ldan nang par dkyil 'khor mthong bar 'gyur ro zhes bya ba nas gnas su gtong ba'o/ /des ni slob ma sta gon la gnas pa'o/ /da ni slob ma la dbang bskur bar bya ste/ de yang brtul zhugs sdom gnas pa/ zhes pa ni 'og nas 'byung ba'i dam tshig dang / rigs lnga'i sdom pa la gnas pa de la de skad ces bya'o/ /rab zhi kha nas sngags brjod ces bya ba ni las kyi rdo rje slob dpon gyis so/ /gzhug par bya zhes pa ni slob ma sems rnam par dag pa de'o/ /dar la sogs pas mig gnyis g.yogs nas ni//zhes pa ni le brgan rtsi'i kha dog dmar pos gdong g.yogs byas la/ sogs pas ni stod g.yogs dang / smad g.yogs rdo rje 'dzin ma'i sngags sam rdo rje gnod sbyin bzlas pa'i chus bsang ngo / /rdo rje 'dzin ma dpal gyi pad+mar lag gnyis bya/ /zhes pa ni rigs kyi dam tshig gi phyag rgya la 'dir sems ma rdo rje ma'i dam tshig gi phyag rgya'o//rdo rje sems dpa' ni ma yin no/ /rin chen me tog la sogs de brgyan la/ /g.yon gyi lag pa bkang ste gzhug par bya/ /zhes pa ni phyag rgya de rin po che sna lnga'am/ me tog gam/ slob dpon mnyes par byed pa'i yon gyis bkang la gzhug par bya'o//oM badzra a d+hi tiSh+Tha hU~M gis rdo rje sems dpar slob ma byin gyis brlabs pa'o/ /oM badzra sa ma ya hU~M ni phyag rgya bcing ba'o/ /oM badzra pra be sha ya badzra hU~M ni mig gdab ba'o/ /a sa me tri sa me ma hA sa ma ye hU~M ni chos gos gsum bskon zhing sems dpa' chen por bya'o//yang slob dpon gyis de bzhin gshegs pa thams cad la phyag byas te/ bdag ming 'di zhes bgyi ba yi/ /rdo rje slob dpon dka' thub che/ /sems can kun la sman slad du'o/ /slob ma rnams ni gzhug par bgyi/ /zhes pas rjes su gnang ba nod par bya'o/ /de nas slob mas gsol ba gdab pa dang /phyag bya ba dang / bshags pa dang / rjes su yi rang ba dang / bskul ba dang / gsol ba gdab pa dang / slob dpon la gsol ba gdab pa dang / rdo rje slob dpon gyis rigs thams cad la gsol ba gdab pa dang / rdo rje slob dpon gyis slob ma la bskur ba dang / sdom pa sbyin pa dang /slob mas sdom pa blang ba dang / byin gyis brlab pa dang / dkyil 'khor du 'jug pa dang / ye shes dbab pa dang / 'og nas 'byung bas dam tshig bsgrags pa dang / snang ba dri ba byas nas/ de nas/ sangs rgyas dngos grub thob bya'i phyir/ /zhes pa ni sangs rgyas kyi dngos grub ni bla na med pa'i byang chub po//de thob par bya ba'i phyir kun rig rnam par snang mdzad la sogs pa bdag la thugs brtse bar dgongs nas gtso bo khyed rnams kyis bzhes su gsol zhes pa'i don to/ /oM badzra pra ti gr-ih+Na zhes pa la sogs kyis me tog dor ro/ /oM pra tIts+tsha badzra sa ma ya s+t+waM gyis me tog blangs la slob ma'i mgo la bcing pa'o//me tog rin chen la sogs pa de bsgyur bar me tog gang la bab pa de rigs kyi bu khyod kyi yi dam gyi lha yin gyis gtso bo'am rigs te sems dpa' gang la bab pa de khyod kyis bsgrub par gyis shig de bsgrubs na khyod kyis thun mong dang khyad par gyi dngos grub 'grub par 'gyur te the tshom med do/de nas sngags la mkhas pa yis/ /zhes pa ni rdo rje slob dpon no/ /des slob ma la sngags 'dis dam tshig sbyin par bya'o/ /oM badzra sa ma ya hUM phaT ces pa la sogs pas ni dam tshig sbyin pa dang / bstan pa dang / thob par bya ba'o/ /de nas 'dis dam tshig bsgrag par bya'o/ / zhes pa ni dam tshig ni mi 'da' ba'o/ /gang las mi 'da' zhe na/ bsgrags pa 'di las so/ /'di ni khyod kyi dmyal ba'i chu/ /zhes pa ni rdo rje'i chu 'di ni rdo rje sems dpa' 'od du zhu bar byas pa'i chu 'dis slob ma rdo rje 'dzin par bsgoms pa la blud pas sku gsung thugs kyi dam tshig chu 'dis grub par gyur cig /ci ste dam tshig 'di las 'das na ni rdo rje 'dzin pa'i chu 'dis snying la reg nas de ma thag tu rdo rje 'dzin pas snying bkas nas dmyal bar bsgyur ro/ /der ma zad de bdun rgyud kyi rigs kun kyang rlag par byed do/ /gtan tshigs de bas na bu khyod kyis zhes pa ni bod par bya'o//rgyal bas te shAkya thub pas so/ /des gsungs pa'i sdom pa dang dam tshig ni bsrung bar bya ba'o/ /de la sdom pa ni thun mong dang khyad par ro/ /dam tshig ni sku gsung thugs so/ /de ltar bla mas phog pa'i bka' las ma 'da' bar bsrung bar gyis shig pa'o/ / sdom pa phyi ma ni dkyus na gsal bas ma bkrol lo/ /bdag gi de nyid dang ni sngags sogs de bzhin no/ /zhes bya ba la sogs pa la/ de ltar 'jug pa'i rim pa byas nas bdag gi de kho na nyid de rigs kyi lha gang bsgom pa'i rim pa'i man ngag me tog gang la bab pa'i bsgom pa'i rim pa bstan pa dang sngags kyi de kho na nyid bzlas pa'i rim pa dang /dkyil 'khor gyi de kho na nyid dang / lha'i de kho na nyid bzhi de bzhin du bstan no/ /mos pa brtan dang ldan par dam bcas nas/ /zhes pa ni mos pa ni gsang sngags rdo rje'i theg pa la mos pa'o/ /brtan pa ni las dang 'bras bu bden pa dang /dkon mchog la mngon par yid ches pa'i dad pa dang brtson 'grus la ldog pa med pa'o/ /dam bcas nas zhes pa ni sdom pa dang tshul khrims la gnas pa ste/ thun mong dang khyad par gyi dam tshig la gnas pa dang / sku gsung thugs kyi dam tshig la gnas pa'o//sarba bita kyis ji ltar dbang bskur te/ /zhes pa ni dbang la rnam pa bzhi ste/ rig pa'i dbang dang / slob dpon gyi dbang bcu dang / rin po che sna bdun la sogs pa'i dbang dang gsang ba'i dbang ste bzhi'o/ /de la sarba bi ta kyis ji ltar bskur ba de ni sar+b+ba bita ni rdo rje sems dpa'i bum pa ste/rig pa'i dbang bskur bar bya ste/ sar+b+ba bita kyis bum pa'i dbang dang / cod pan dang / dar dpyangs kyi dbang dang / rdo rje'i dbang dang / dril bu'i dbang dang / bdag po'i dbang dang / ming gi dbang bskur ba'o/ /te zhes pa ni lhag ma dang bcas pa'i tshig dang / slob dpon gyi dbang bcu la sogs pa dang 'brel to//yang na rigs rnams kyi bum pa'i dbang dang 'brel to/ /slob dpon gyi dbang bcu ni dkyil 'khor chen po'i shar gyi sgor khru gnyis dor bar dkyil 'khor dbus ma'i phyed kyi tshad tsam gyi zur bzhi pa sgo nub tu btod la 'og nas 'byung ba bzhin bris par dbang bskur bar bya'o//de bzhin du lho dang / nub dang byang du yang de bzhin du bris la dbang bskur bar bya'o/ /de yang / bum pa la sogs ji snyed mang thogs pas/ /bcu po rnams kyis dbang bcu ci dgar bskur/ /zhes gsungs te/ nyon mongs pa lnga 'joms pa rigs lnga'i bum pa'i dbang dang / thabs mkhas pa phreng ba'i dbang dang / byang chub kyi sems kyi cod pan gyi dbang dang / mi 'da' ba phyag rgya'i dbang dang / rgyal ba'i sras kyi ming gi dbang dang / de bzhin gshegs pa'i phrin las la bzhag pa las kyi dbang dang / 'khor ba gting nas 'joms pa 'khor lo'i dbang dang / gnyis su med pa gzungs kyi dbang dang /chos nyid kyi don mthong ba gsang ba'i dbang dang / bde ba chen po thabs dang shes rab kyi dbang dang bcu'o/ /de bcus ni slob dpon du 'os pa rnams la ci dga' ste rigs kyi dbye bas gcig gam/ lnga char la sogs pa ji ltar dga' bar bskur ro/ /de nas gsang ba shes rab ye shes kyi dbang sbyin te/de yang rigs kyis shes par bya'o/ /de nas lag tu dril bu dang rdo rje sbyin/ /zhes pa ni de bzhin gshegs pa'i rigs la ni de bzhin gshegs pa'i rdo rje dang dril bu sbyin no/ /rdo rje'i rigs la ni khro bo'i rdo rje dang dril bu sbyin no/ /rin po che'i rigs la ni rdo rje rin po che dang dril bu sbyin no//pad+ma'i rigs la ni rdo rje pad+ma dang dril bu sbyin no/ /las kyi rigs la ni rdo rje sna tshogs dang dril bu sbyin no/ /de rnams kyis rdo rje'i de kho na nyid dang / dril bu'i de kho na nyid dang / phyag rgya'i de kho na nyid bstan to/ /'dir rdo rje dril bu'i ni smos la phyag rgya chen po ni ma smos na dgos pa ci yod ce na/ rigs kyi sku gsung thugs las thugs dang gsung smos pas sku ma smos kyang rgyud gzhan las gsung smos pas nyes pa med do//'khor lo la sogs rin chen bdun thogs la/ /mi dbang dbang phyug 'khor lo thob pa dang / /sdig pa gzhom phyir dbang rnams bskur bar bya/ /zhes pa ni sa dang po la sogs pa'i sa la gnas par bya ba'i phyir/rin po che sna bdun dang / bkra shis brgyad dang / nye ba'i rin po che sna bdun dang / brtul zhugs dang / lung bstan pa dang / gzengs bstod pa la sogs pa thams cad kyang bskur ro/ /de la/ mi yi dbang phyug 'khor lo thob pa dang / /zhes pa ni mi'i dbang phyug ni gsum ste/sa dang po dang / brgyad pa dang / bcu pa'o/ /de thob par bya ba'i phyir shar gyi sgor ni mig gi thur dang / mda' gzhu dang rdo rje sems pa'i dbang dang / brtul zhugs sbyin par bya'o/ /lho sgor ni rin po che sna bdun no/ /nub tu bkra shis brgyad do/ /byang du shes rab ye shes kyi dbang bskur ro//de'i phyir na nyon mongs pa'i sgrib pa dang / shes bya'i sgrib pa sbyangs pa'i phyir dbang ni bskur bar bya'o/ /yang slob ma 'jug pa'i cho ga dbang bskur ba'i cho ga 'di'i don bcom ldan 'das kyis ji skad gsungs pa de ltar brjod par bya ste/ ji lta ba bzhin du ni dbang bskur bar 'os pa'i slob ma bslab pa yongs su bzung ba'am/dge sbyong ngam/ dge slong gi sdom pa yongs su bzung ba lhag par gnas pa'i cho ga ji lta ba bzhin byas pas/ slob dpon gyi zhabs la mngon par phyag byas nas/ sems can ma lus pa rnams kyi phan pa dang / bde ba dam pa 'grub par bya ba'i rgyur bdag de bzhin gshegs pa'i rigs dang /rdo rje'i rigs dang / rdo rje'i rigs kyi bdag po la sogs par 'gyur bar bya'o zhes bya ba ni/ bsam pa mngon du byas la slob dpon gyi zhabs gnyis la phyag byas te/ 'di skad brjod par bya'o/ /dga' chen khyod bdag ston babs/ slob dpon khyod ni dgongs su gsol/ /byang chub chen po'i tshul bstan pa/ /mgon po chen po bdag 'tshal lo/ /dam tshig de nyid stsal du gsol/ /sdom pa rnams kyang bdag la stsol/ /de nas yol ba'i mthar slob ma rdo rje bsrung ba yongs su bzlas pa'i ras shin tu dmar ba'i stod g.yogs dang / / smad g.yogs bskon zhing / yang sgo srung rnams kyi sngags bzlas pa'i dar gyis gdong g.yogs bcings nas slob ma phyag bzhi byed du gzhug go/ /de nas lag na me tog thogs pas slob dpon la phyag byas nas/ bshags pa dang / rjes su yi rang ba dang / bskul ba dang / gsol ba yang byas la 'di skad ces brjod par yang bya'o//gtso bos bdag la sdom pa stsol/ /thub pa nyi ma ma lus pa/ /sangs rgyas bdag la dgongs su gsol/ /bdag ming 'di zhes bgyi ba ni/ /slob dpon dbang du gnas pa la/ /sangs rgyas rol mo las byung ba'i/ /mi ldog 'khor lo'i 'byor par ldan/ / thar pa chen po'i grong khyer mchog /gsang ba chen por 'jug par bgyi/ /gsang ba'i rigs mchog thams cad du/ /slob dpon chen po bdag 'jug mdzod/ /mi ldog pa yi dbang bskur ba/ /skal ba chen po bdag la stsol/ /mtshan rnams kun gyis rgyas btab cing / /dpe byad rnams dang yang dag ldan//sangs rgyas sku ni yid 'ong ba/ /slob dpon chen po bdag la stsol/ /dbang phyug chen po rmad byung ba/ /sems can kun gyi don bgyid phyir/ /bdag ni rtag tu slob dpon 'gyur/ /slob dpon chen po bdag la stsol/ /de nas slob dpon gyis rigs thams cad la gsol ba gdab par bya ste/che ge zhes bya 'di nyid ni/ /byang chub sems ni yongs 'dzin pa/ /dam tshig mchog dang gsang ba yis/ /'khor lo la yang 'jug par 'tshal/ /de nas yang slob dpon gyis 'di skad ces brjod par bya ste/ gsang ba chen po'i rigs dag pa/ /gsang ba yongs su 'dzin par ni/ / bdag nyid chen po khyod 'dod dam/ /des kyang 'tshal zhes brjod par bya'o/ /de nas sdom pa dpog pa/ /sangs rgyas chos dang dge 'dun te/ /dkon mchog gsum la skyabs su song / /zhes bya ba nas/ 'di ni dam tshig yin par bshad/ /khyod kyis rtag tu bsrung bar bya/ /zhes bya ba yan chad kyis dpog go /des kyang 'di skad brjod par bya ste/ slob dpon 'dir ni bdag la gson/ /gtso bos ji ltar bka' stsal pa/ /de ltar bdag ni bgyid par 'tshal/ /ji ltar dus gsum mgon po rnams/ /byang chub tu ni nges mdzad pa/ /zhes bya ba la sogs pa nas/ sems can mya ngan 'das la 'god//ces bya ba'i bar du brjod par bya'o/ /gang zhig sdom pa 'dzin par mi byed pa de la deng khyod ces bya ba la sogs pa brjod par mi bya ste/ slob dpon du rjes su gnang ba dang / dbang bskur bar mi bya'i 'jug pa tsam gyis byed du gzhug go/ /de nas byang chub sems bskyed nas/ / de yi snying gar snying pos ni/ /rdo rje rab tu gzhag par bya/ /su ra ta sa ma ya s+t+waM ho badzra sid+d+hi ya thA su khaM/ oM badzra satwa sa ma ya hU~M zhes zlos shing / rdo rje sems dpa'i dam tshig gi phyag rgyas de rdo rje sems dpar bskyed la/ rigs kyi dam tshig bzhis/ oM badzra a d+hi tiSh+Tha hU~M zhes pa dang / snying ga dang / dpral ba dang /lkog ma dang / spyi bor rdo rje dang / rin po che dang / pad+ma dang / sna tshogs rdo rje bskyed de/ dri dang me tog la sogs pas mchod nas/ yon gyi mchog blangs te/ de nas phyi rol na gnas pa'i bum pa'i chus dbang bskur la/ oM badzra sa ma ya s+t+waM zhes bya ba 'dis sems ma rdo rje ma'i phyag rgya 'ching du bcug nas/gung mo gnyis kyis phreng ba 'dzin du bcug ste/ sa ma ya hU~M zhes bya ba 'dis gzhug par bya zhing / badzra aM ku sha dzaH/ zhes bya ba dang / rdo rje lcags kyu'i phyag rgyas dgug par bya'o/ /yang de bzhin du lho nas bcug la badzra pA sha hU~M zhes bya ba dang / rdo rje zhags pa'i las kyi phyag rgyas gzhug par bya'o//yang de bzhin du nub kyi sgo nas bcug la badzra s+pho Ta baM zhes bya ba dang / rdo rje lcags sgrog gi phyag rgyas bcing bar bya'o/ /de nas de bzhin du byang phyogs kyi sgo nas bcug la badzra A be+e sha aHzhes pa dang / rdo rje 'bebs pa'i phyag rgyas gdab par bya'o/ /de nas yang shar phyogs kyi sgo nas/ de bzhin du bcug la 'di skad du/deng khyod de bzhin gshegs pa thams cad kyi rigs su zhugs kyis zhes bya ba la sogs pa brjod par bya'o/ /de nas sgo dbye ba'i phyag rgyas rang gi snying ga phye la/ rang gi snying ga na gnas pa'i rdo rje'i dbus na yi ge a rdo rje dmar po'i 'od zer gyi phreng ba dang ldan pa bsams nas/de nas slob ma'i snying ga na gnas pa'i rdo rje'i dbus su blos bcug la/ de'i lus thams cad gang bar bsams shing / 'di skad du de bzhin gshegs pa thams cad kyis zhes bya ba la sogs pa smos shig ces brjod do/ /de nas sems ma rdo rje ma'i phyag rgya bcings la/ 'di ni rdo rje dam tshig ste/zhes bya ba la sogs pa brjod du bcug la/ badzra A be sha aHzhes bya ba lan brgya'i bar du zlos shing dbab par bya'o/ /dbab pa'i cho ga de lta bu dang / gzhan dag kyang shes par bya'o/ /de nas de la babs par shes pa dang / slob dpon gyis dpal rdo rje sems dpa'i dam tshig gi phyag rgya bcings te/kye rdo rje sems dpa'/ kye rdo rje rin chen/ kye rdo rje chos/ kye rdo rje las/ prit+tas twa bti badzra zhes brjod par bya'o/ /gal te babs pa de dpal rdo rje sems dpa'i phyag rgya bcings la/ slob dpon gyis rdo rje khu tshur gyi phyag rgya bcing bar bya'o/ /gang gi tshe rdo rje rgyal po'i phyag rgya 'ching na de'i tshe rdo rje gnod sbyin gyi phyag rgya'o//gang gi tshe rdo rje chags pa'i 'ching na/ de'i tshe rdo rje bsrung ba'i 'o/ /gang gi tshe rdo rje legs pa'i 'ching na de'i tshe rdo rje las kyi'o/ /gang gi tshe rdo rje rin chen gyi phyag rgya 'ching na de'i tshe rdo rje smra ba'i phyag rgya'o/ /gang gi tshe rdo rje nyi ma'i 'ching ba de'i tshe rdo rje rgyu'o/ / gang gi tshe rdo rje rgyal mtshan gyi 'ching pa de'i tshe rdo rje rnon po'i'o/ /gang gi tshe rdo rje bzhad ba'i phyag rgya 'ching pa de'i tshe slob dpon gyis rdo rje chos kyi phyag rgya bcing par bya'o/ /de lta bu ni dpal rdo rje sems dpa' la sogs pa'i sems dpa' de rnams dgongs par mdzad par 'gyur ro/ /de nas babs pa de'i lce la yi ge hUM las rdo rje dkar po rtse lnga ba bsams la smros shig rdo rje zhes brjod par bya'o//de nas mngon par 'dod pa thams cad smra bar 'gyur ro/ /de nas phreng ba dor te/ sangs rgyas dngos grub thob bya'i phyir/ /bdag la thugs brtser dgongs nas ni/ /'gro la phan phyir gtso chen gyis/ /sman par dgongs te bzhes su gsol//oM badzra pra ti grih+Na hUM~M zhes pa'o/ /de nas blangs la mgo la bcing ngo / /de nas/ rin chen me tog la sogs pa/ /zhes pa'i tshigs bcad brjod/ oM pra tIts+tsha badzra sa ma ya s+t+waM zhes pas bcing ngo / /de nas gdong g.yogs bkrol ba/ dkyil 'khor bzang po 'di la ltos/ /zhes pa la sogs pa'i dkyil 'khor bstan to//phyi'i dkyil 'khor gyi phyi rol du zla ba'i dkyil 'khor bris la/ slob ma rdo rje sems dpar bskyed nas byin gyis brlabs la zla ba'i dkyil 'khor gyi steng du bzhag ste/ dril bu dkrol zhing mchod pa rnam pa lngas mchod la/ bkra shis 'don cing rnam par rgyal ba'i bum pa'am/ sarba bita kyis byin gyis brlabs pa'i rdo rje sems dpa'i bum pa las rdo rje khu tshur gyis chu blangs pa de dang / oM badzra a b+hi Shiny+tsa zhes bya ba'i sngags 'dis spyi bo nas dbang bskur bar bya'o/ /de nas dbu rgyan gyi dbang dang / me tog gi phreng ba'i dbang bskur ba dang / /phyag rgya'i phreng ba'i dbang dang / rdo rje'i dbang bskur ba dang / dril bu'i dbang bskur ba dang / bdag po'i dbang bskur ba dang / ming gi dbang bskur ba thams cad la me tog la sogs pa'i mchod pa lnga po re dang dbang rer sbyar bar bya'o/ /ming gi dbang la sogs pa bskur bar bsrung pa 'di thams cad kyis kyang phyir mi ldog pa'i sa bon bskyed pa'i phyir yin pas sdom pa gzung ba dang /sdom pa gzung ba'i spyi'i dbang bskur ba yin no/ /slob dpon du dbang bskur bar 'os pa rnams kyis ni khyad par yod par bshad de/ slob dpon du dbang bskur bar 'os pa dkyil 'khor chen por bcug la dkyil 'khor gyi de kho na nyid dang / lha'i de kho nyid dang /slob dpon gyi las thams cad bslab par bya ste/ 'di tsam gyis ni gsang ba'i dbang bskur ba yin no zhes bcom ldan 'das rdo rje 'dzin pas gsungs te/ de la dkyil 'khor gyi de kho na nyid 'di yin te/ mi mnyam med pas zur bzhi ste/ /dran dang dbang po sgo bzhi ste/ /bsam gtan rnams kyi rta babs bzhi//kha khyer la brten rdo rje'i mchog /lha mos mchod pa bzung rnams yin/ /sna tshogs pa yi rgyan rnams kun/ /bsam pa thams cad rdzogs byed pa'o/ /rdul yab bskyod pa sna tshogs mchog /dam chos mchog ni kun du 'phro/ /rlung gis bskyod pa sna tshogs mchog /dar 'phan dril bu'i sgra sgrogs yin//me long ye shes dag me tog /byang chub yan lag me tog phreng / /dra ba dra phyed rin chen mchog /nyi ma zla ba yang dag ldan/ /kun grub mi zad bde ba ste/ /bde ba chen po zhes bshad do/ /phyi'i dkyil 'khor gyi de kho na nyid do/ /'di ni nang rim dag gi thig / dkyil 'khor brgyad pa 'dra ba ni/ /'di ni rnam par thar pa brgyad/ /dngos grub kun gyis bde ba ster/ /theg pa chen po'i byang chub sems/ /'khor lo bcu drug bskor ba ni/ /sde snod 'khor lo bskor bas na'o/ /theg chen byang chub sems dang ni/ /ldan phyir rdo rje thig gis bskor//rnam par snang mdzad dang / ngan song thams cad sbyong ba dang / rin chen dpal dang / shAkya thub pa dang / me tog cher rgyas kyi dkyil 'khor ni thabs rnam pa lnga bstan pa'i phyir/ shel dang / bai DUr+ya dang / gser dang / pad+ma rA ga dang / margad kyi mdog can lta bu ste/skabs 'di ni lhag ma'o/ /dbus ma shel lta bu'i mdog can ni bcom ldan 'das kun rig gi dkyil 'khor te/ byang chub sems dpa' rnams rnam par bstan pa yin no/ /gnyis pa bai DU r+ya'i mdog can ni ngan song thams cad sbyong pa'i dkyil 'khor te/ bsdu ba'i dngos po ston pa yin no//gsum pa gser gyi mdog can ni rin chen dpal gyi dkyil 'khor te/ bsod nams dang ye shes kyi tshogs ston par byed pa yin no/ /bzhi pa pad+ma rA ga'i mdog can ni shAkya thub pa'i dkyil 'khor te/ mi dmigs pa'i thugs rje chen po dang / ting nge 'dzin dang /gzungs dang rnam par thar pa la sogs pa ston par byed pa yin no/ /lnga pa margad kyi mdog can ni me tog cher rgyas kyi dkyil 'khor te/ sems can smin pa dang grol bar byed pa'i byang chub sems dpa'i lam 'bras bu dang bcas pa'i thob pa las byung ba theg pa chen po gzhan gyi lta ba dang bral ba yin no zhes bya ba ni dkyil 'khor ro//'khor lo rtsibs bcu drug par 'byung ba ni rten 'brel bcu gnyis dang / dran pa nye bar gzhag pa bzhi dang / /stod pa bcu drug rnam par dag pa yin no/ /kha dog lnga po ni de bzhin gshegs pa rnams sems can gyi khams la pha rol tu phyin pa drug gis chags pa yin no zhes de ston par byed pa'o//bum pa ni gang gi tshe bcom ldan 'das de bzhin gshegs pa thams cad la gnyis su med pa'i ye shes kyi bdud rtsi gsol bar bstan pa yin la/ bum pa gang ba ni byang chub thob par byed pa'i bsod nams dang ye shes kyi tshogs yongs su rdzogs pa yin no zhes pa'i don ston pa'o//gang du bzlas pa yang dag bshad/ /de nyid gsal bar ston pa yin/ /gang phyir 'di ni yang dag bshad/ /grags pa'i dri ni bla na med/ /rdzu 'phrul 'jug pa gang yin pa/ /tshul khrims dri ni bla na med/ /bza' ba rnam pa sna tshogs ni//chos kyi zas ni bla na med/ /lha yi gar bshad sna tshogs pa/ /rtog pa thams cad rnam 'phel ba'o/ /grong khyer du ni gang bshad pa/ /de nyid thar pa'i grong khyer bzang / /dkyil 'khor du ni gang bshad pa/ /chos kyi rang bzhin grong khyer yin/ /zhes bcom ldan 'das kyis gsungs so//yang mi'u thung lta bu zhal bzhi pa gsus khyim che ba ral pa can dkyil 'khor gyi bdag po'i yon tan dang ldan pa'i tshogs lta bu zhal bzhi po de dkyil 'khor gyi sgor yongs su gyur/ gdul bya rnams rang gi skur zhugs par mdzad pa'i phyir/ de rnams kyang sdig pa sel cing sangs rgyas kyi yon tan bskyed par mdzad pas bzhugs par gsang ba'i dkyil 'khor gyi gzugs can bsgom par bya'o//de rnams la lha rnams kyi de kho na nyid sum cu rtsa bdun te de brjod par bya'o/ dkyil 'khor thams cad kyi dbus na bzhugs pa ni bcom ldan 'das rnam par snang mdzad de/sangs rgyas thams cad gcig tu bsdus par gyur pa la sogs pa'i tshul mdzes par snang ba yin no/ /bcom ldan 'das rnam par snang mdzad kyi byang chub kyi mtshan nyid can gyi thugs gang yin pa de ni ngan song thams cad yongs su sbyong ba'o/ /bcom ldan 'das ngan song sbyong ba de nyid rnam pa bzhir 'dod de/de'i rgyu'i gnas skabs kyi byang chub kyi thugs dang / 'bras bur gyur pa'i thugs gang yin pa de ni rdo rje sems dpa'o/ /de nyid kyi bsdu ba'i dngos po bzhi'i spyod pa dang 'bras bu'i thugs ni rdo rje rgyal po'o/ /de nyid kyi sems can smin pa dang grol bar mdzad pa'i thugs gang yin pa dang /de bzhin du lam bsgoms pa dang / 'bras bu'i rang bzhin gyi thugs gang yin pa de ni rdo rje chags pa'o/ /de nyid kyi phyir pha rol tu phyin pa drug gi spyod pa dang / 'bras bu'i thugs gang yin pa de ni rdo rje legs pa'o/ /bcom ldan 'das rnam par snang mdzad kyi sbyin pa'i pha rol tu phyin pa gang yin pa de ni de bzhin gshegs pa rin chen dpal lo//rin chen dpal de yang nor dang mi 'jigs pa dang / byams pa dang / chos sbyin pa'i tshul gyis rnam pa bzhir 'gyur ro/ /de la nor sbyin pa'i spyod pa dang / nor sbyin pa'i 'bras bu gang yin pa de ni rdo rje rin chen no//mi 'jigs pa sbyin pa'i spyod pa dang / mi 'jigs pa sbyin pa'i 'bras bu gang yin pa de ni rdo rje nyi ma'o/ /byams pa'i sbyin pa'i spyod ba dang / de'i 'bras bu gang yin pa de ni rdo rje dpal lo/ /chos sbyin pa'i spyod pa'o/ /chos sbyin pa'i 'bras bu gang yin pa de ni rdo rje bzhad pa'o//bcom ldan 'das rnam par snang mdzad kyi shes rab kyi pha rol tu phyin pa gang yin pa de ni de bzhin gshegs pa shAkya thub pa'o/ /bcom ldan 'das shAkya thub pa'i chos thams cad rang bzhin gyis dag pa'o zhes thugs rtse gcig pa nyid kyi rnam pa'i shes rab kyi spyod pa dang / de'i 'bras bu gang yin pa de ni rdo rje chos so//nyon mongs pa dang shes bya'i sgrib pa spong bar byed pa'i phyir shes rab bsgoms pa dang / de'i 'bras bu gang yin pa de ni rdo rje rnon po'o/ /rdo rje dbyings la sogs pa'i dkyil 'khor sprul pa'i rnam pa'i shes rab dang / de'i 'bras bu gang yin pa de ni rdo rje rgyu'o//shAkya thub pa'i de nyid kyi so so yang dag pa'i rig pa bzhi rang bzhin gyis spyod pa gang yin pa dang / de'i 'bras bu gang yin pa de ni rdo rje smra ba'o/ /bcom ldan 'das rnam par snang mdzad kyi brtson 'grus kyi pha rol tu phyin pa gang yin pa de ni me tog cher rgyas so/ /bcom ldan 'das me tog cher rgyas de yang rnam pa bzhi ste/me tog cher rgyas des sangs rgyas sprul pa'i phyir brtson 'grus gang bsgoms pa'i spyod pa dang / sems can smin par bya ba'i spyod pa dang / de dag gi 'bras bu gang yin pa de ni rdo rje las so/ /theg pa gzhan 'dod pa'i sems kyis 'jigs pa las sems bsrung ba'i brtson 'grus gang yin pa dang /de'i 'bras bu gang yin pa de ni rdo rje bsrung ba'o/ /chos rnams rang bzhin gyis 'od gsal ba gdod nas dag pa nam mkha' dang mnyam pa zhes bya bar so sor rtog pa'i brtson 'grus bsgoms pa 'dis 'dod chags la sogs pa'i nyon mongs pa dang /nye ba'i nyon mongs pa za ba dang / gdug pa thams cad za ba dang / de'i 'bras bu gang yin pa de ni rdo rje gnod sbyin no/ /de bzhin gshegs pa thams cad kyi sku dang / gsung dang / thugs rdo rje'i rang bzhin du bsgoms pa'i brtson 'grus dang / de'i 'bras bu gang yin pa de ni rdo rje khu tshur ro//bcom ldan 'das rnam par snang mdzad kyi byang chub kyis thugs bsdus par gyur pa gang yin pa de ni rdo rje sems ma dang sangs rgyas spyan no/ /sbyin pa'i pha rol tu phyin pa bsdus par gyur pa gang yin pa de ni rin chen sems ma dang mA ma kI'o/ /shes rab kyi pha rol tu phyin pa bsdus par gyur pa gang yin pa de ni chos ma dang gos dkar mo'o//brtson 'grus kyi pha rol tu phyin pa bsdus par gyur pa gang yin pa de ni las ma dang dam tshig sgrol ma'o/ /de nyid kyi sbyin pa dang / tshul khrims dang / bzod pa dang / brtson 'grus dang / bsam gtan dang /shes rab dang / smon lam dang / thabs kyi pha rol tu phyin pa gang yin pa de ni lha mo las sgeg mo dang / phreng ba ma dang / glu ma dang / gar ma dang / bdug pa ma dang / me tog ma dang / mar me ma dang / byug pa ma yin no/ /bcom ldan 'das rnam par snang mdzad kyis byang chub kyi thugs bskyed nas/thar pa'i grong khyer chen por sems can rnams 'dren par mdzad pa'i phrin las gang yin pa de ni rdo rje lcags kyu'o/ /byang chub kyi spyod pa'i zhags pas sems can gzhug par mdzad pa gang yin pa de ni rdo rje zhags pa'o/ /byang chub kyi bsam gtan gyis theg pa gzhan la 'dod pa las sems rab tu dral te/'ching bar mdzad pa gang yin pa de ni rdo rje lcags sgrog go/ /bcing ba 'bebs pas rjes su chags par mdzad pa gang yin pa de ni rdo rje 'bebs pa yin no/ /de yang rdo rje lcags kyu la sogs pa'i dbang du mdzad nas/'di nyid kyi rgyud chen po las/ /byang chub sems dang de bzhin sbyin/ /bsam gtan sangs rgyas rjes su brnyes/ /zhes gsungs pa yin no/ /byams pa la sogs pa'i byang chub sems dpa' sum cu rtsa gnyis po rnams ni/ dam pa'i chos kyi grong khyer chen po yongs su skyong ba'o//nyan thos dang rang sangs rgyas ni bden pa bzhi dang / rten 'brel bcu gnyis kyi sgo nas theg pa chung ngu'i grong khyer yongs su skyong ba'o/ /'jig rten gsum snang la sogs pa'i khro bo rnams ni rnam par thar pa brgyad rnam par dag pa las byung ba'o/ / 'jig rten pa la sogs pa rnams ni theg pa che chung snod ji lta ba bzhin du/ ngan song las drangs te gnas par bya ba'i don to/ /de la 'di dag thams cad ni/ /slob dpon gyi las yin te/ sems dpa' chen po phyag rgya cher/ /bsgom zhing byin gyis rlob bgyid cing / /dkyil 'khor gyi ni dbus nyid du//ci rigs par ni mchis nas kyang / /phyag rgya la gnas de bzhin langs/ /kun du rnam par bltas nas ni/ /rdo rje sems dpa' zhes brjod nas/ /bsgyings pa'i tshul gyis yongs su bskor/ /zhes bya ba nas/ /bdag ming 'di zhes bgyi ba yi/ /rdo rje slob dpon dka' thub ches//sems can kun la sman slad du/ /slob ma rnams ni gzhug par bgyi/ /zhes bya ba gang bshad pa 'di dag thams cad ni slob dpon gyi las yin no/ /da ni dbang bskur ba'i cho ga brjod par bya ste/ rtsa ba'i dkyil 'khor las khru gnyis dor bar shar sgor bltas pa dang / dkyil 'khor dbus ma'i phyed kyi tshad tsam zur bzhi pa sgo nub tu btod pa'i dkyil 'khor tshon sna lngas bris la/ de'i dbus su pad+ma 'dab ma brgyad/ de'i steng du dpal rdo rje sems dpa'i rdo rje rtse lnga pa kha dog dmar po 'od dmar po'i phreng ba dang ldan pa bri bar bya'o/ /de bzhin du lho dang / nub dang / byang sgor bltas pa kun nas zlum par dkyil 'khor gzhan dag bris la/ de'i dbus su pad+ma 'dab ma brgyad pa/ de'i steng du rdo rje rin po che dang / rdo rje pad+ma dang / sna tshogs rdo rje go rims ji lta ba bzhin bris la/ dkyil 'khor de rnams rtsa ba'i dkyil 'khor ji lta ba bzhin mchod nas/ de rnams la rdo rje gnod sbyin yongs su bzlas pa'i seng ge'i gdan nam khri la zla ba'i dkyil 'khor dar gyis g.yogs pa gzhag par bya'o//de nas slob ma rnam par snang mdzad la sogs pa'i de bzhin gshegs par byin gyis brlabs la/ shar phyogs kyi sgo'i dbang bskur ba'i dkyil 'khor du rnam par snang mdzad kyi phyag rgya chen pos seng ge'i gdan la bzhag la/seng ge'i gdan gyi steng du bla re bre ba dang / g.yas logs su dar dang me tog gi phreng bas brgyan pa dang / gdugs dkar po rin po che'i tog can la/ oM mngon par bzlas pa bzhag pa dang / g.yon du dar sna tshogs kyi rgyal mtshan dang / ba dan sna tshogs pa nam mkha' mdzod kyi sngags bzlas la gzhag par bya'o/ /de nas slob ma la mchod yon byin la mchod pa lngas kyang mchod de/ dung dang / rda rings dang / rnga bo che dang / zangs dung la sogs pa'i rol mo'i phyag rgyas byin gyis brlabs nas/ gar dang / glu dang / rtsed mos kyang de yang dag par mchod la bkra shis kyi tshigs su bcad pa brjod par bya'o/ /de nas sbyor ba 'dis ngan song sbyong ba la sogs pa'i bum pa bzhis dbang bskur bar bya'o/ /oM badzra ka la sha a b+hi Shiny+tsa hU~M/ oM bud+d+ha ka la sha a b+hi Shiny+tsa oM/ oM rat+na ka la sha a b+hi Shiny+tsa trAM/ oM pad+ma ka la sha a b+hi Shiny+tsa hrIH/ oM karma ka la sha a b+hi Shiny+tsa aH oM badzra bid+yA swA hA zhes bya ba dam tshig gi phyag rgyas yongs su bzung ba'i me tog gi lcug ma la stong rtsa brgyad bzlas pa'i rnam par snang mdzad kyi bum pa des/ oM sarba bti swA hA/ oM badzra a b+hi Shiny+tsa zhes bya ba brjod de dbang bskur ro/ / de nas dbu rgyan gyi dbang bskur te/ oM badzra a b+hi Shiny+tsa hU~M/ oM bud+d+ha a b+hi Shiny+tsa oM/ oM rat+na a b+hi Shiny+tsa trAM/ oM pad+ma a b+hi Shiny+tsa hrIH/ oM karma a b+hi Shiny+tsa aH/ de nas phreng ba'i dbang bskur ba blang bar bya ste/ oM rat+na mA la a b+hi Shiny+tsa trAM trAM trAM trAM trAM/ oM badzra pa T+Ta a ba laM ba na a b+hi Shiny+tsa trAM/ de ni cod pan gyi dbang ngo / /de nas phyag rgya'i dbang bskur bar blang bar bya ste/ oM badzra mu dra a b+hi Shiny+tsa hU~M/ oM bud+d+ha mu dra a b+hi Shiny+tsa oM/ oM rat+na mu dra a b+hi Shiny+tsa trAM/ oM pad+ma mu dra a b+hi Shiny+tsa hIH/ oM karma mu dra a b+hi Shiny+tsa aH/ de nas ming gi dbang bskur ba sbyin par bya ste/ oM badz+wa nA ma a b+hi Shiny+tsa hU~M/oM hUM trAM hrI aH/ kye rdo rje sems dpa' kye rdo rje rin chen/ kye rdo rje chos/ kye rdo rje las che ge mo zhes bya ba 'di yang a d+hi tiSh+Tha sarba ta thA ga ta ya tsAR+ya tra swA hA/ de nas las kyi dbang bskur te/ oM badzra karma a b+hi Shiny+tsa hU~M aH/ de nas 'khor lo'i dbang bskur te/oM badzra tsakra a d+hi pa ti s+t+waM a b+hi Shiny+tsa oM/ oM oM oM/ hUM hUM hUM/ trAM trAM trAM/ hrIHhrIHhrIH/ aHaH aH/ de nas gzungs kyi dbang bskur bar bya ste/ oM badzra d+ha ra Na a b+hi Shiny+tsa hU~M/ oM bud+d+ha d+ha ra Na a b+hi Shiny+tsa oM/ oM rat+na d+ha ra Na a b+hi Shiny+tsa trAM/oM pad+ma d+ha ra Na a b+hi Shiny+tsa hrIH/ oM karma d+ha ra Na a b+hi Shiny+tsa aH/ oM sarba ta thA ga tA gu h+ya a b+hi Shiny+tsa oM/ oM badzra gu h+ya a b+hi Shiny+tsa hUM/ oM bud+d+ha gu h+ya a b+hi Shiny+tsa oM/ oM rat+na gu h+ya a b+hi Shiny+tsa trAM/ oM pad+ma gu h+ya a b+hi Shiny+tsa hrIH/ oM karma gu h+ya a b+hi Shiny+tsa aH/ de nas mchod pa rnam pa lngas yang dag par mchod la/lhag ma ni rdo rje sems dpa'i dbang bskur ba'i skabs su shes par bya'o/ /yang de nyid du rdo rje sems dpar byin gyis brlabs la rnal 'byor chen po bshad pa'i tshul gyis rnam par snang mdzad la sogs pa de'i lus la bkod la rdo rje sems dpa'i phyag rgya chen pos de seng ge'i khri steng du bzhag la bla re bre ba nas bkra shis gdon pa yan chad byas nas/de nas shar sgo'i bum pa dang / bum pa gang bas kyang dbang bskur bar bya'o/ /de nas de bzhin gshegs pa dang / dbu rgyan la sogs pa'i dbang bskur bar bya'o/ / de nas me tog la sogs pa dang / sgeg mo la sogs pas slob ma mchod la gser gyi thur ma yi ge praM gyis byin gyis brlabs pa thogs la mdun du 'dug ste/ de'i mig g.yas pa 'byed pa ltar byed cing 'di skad ces brjod par bya'o/ ji ltar mig mkhan rgyal po yis/ / 'jig rten ling tog bsal ba ltar/ /bu khyod kyis ni mi shes pa'i/ /rab rib rgyal ba rnams kyis bsal/ /oM nai tra a pa ha ra pa Ta laM hrIH/ de nas me long la oM badzra satwa zhes bya ba'i sngags mngon par bzlas pa bstan cing chos kyi mtshan nyid bshad par bya'o/ /chos rnams gzugs brnyan lta bu ste//dag cing gsal la rnyog pa med/ /gzung du med cing brjod du med/ /rgyu dang las las kun tu byung / /ngo bo nyid med gnas med par/ /de ltar chos 'di shes nas su/ /sems can don ni mnyam med byos/ /'on kyang sangs rgyas sras su skye//yi ge hoHsa mda' drug dang bcas pa'i gzhu byin la/ 'di skad ces brjod par bya ste/ mda' drug gzhu dang bcas pa 'dis/ /tshad med mda' dang byams pa'i gzhus/ /phyogs bcu'i de bzhin gshegs pa rnams/ /thams cad ma lus mnyes par gyis/ / zhes bsgos la hoHshezhes bya ba'i snying po 'dis/ phyogs bzhi dang steng dang 'og tu mda' 'phen du gzhug go/ /de nas badzra satwa zhes bya ba me long la bzlas pa nye bar bstan cing 'di skad ces brjod par bya'o/ rdo rje sems dpa' me long bzhin/ /dag cing gsal la rnyog pa med/ / sangs rgyas kun bdag rang nyid ni/ /bu khyod kyi ni snying la zhugs/ /gang 'di de bzhin gshegs pa thams cad kyi bdag po byang chub kyi sems 'di yin par shes par bya'o zhes brjod par bya'o/ /badzra he tu maM zhes bya bas de'i rkang pa gnyis kyi bar du 'khor lo bzhag pa dang / badzra b+hA Sha raM zhes bya bas de'i lag pa g.yas par dung byin la 'di skad ces brjod par bya'o/ /deng nas brtsams te sems bskyed pa/ /tsam gyis chos kyi 'khor lo bskor/ /de ring phan chad 'jig rten la/ /skyobs rnams kyis 'khor lo bskor/ /chos kyi dung ni bla med pas//kun du ma lus gang bar gyis/ /som nyi yid gnyis mi bya zhing / /dogs pa med pa'i sems kyis su/ /gsang sngags spyod pa tshul gyi mchog /'jig rten 'di la rab tu sgrogs/ /de ltar byas na sangs rgyas la/ /phan btags drin du gzo zhes bya/ /rdo rje 'dzin pa de kun kyang //kun du khyod la bsrung bar mdzad/ /de nas/ 'jig rten kun la thams cad du/ /sems can kun la phan pa'i phyir/ /ji ltar sna tshogs 'dul 'gyur ba/ /chos kyi 'khor lo rab tu bskor/ /'jig rten kun la thams cad du/ /sems can kun la phan pa'i phyir//ji ltar sna tshogs 'dul 'gyur ba/ /rdo rje'i 'khor lo rab tu bskor/ /de nas shes rab ye shes kyi dbang bskur ro/ /yang 'phags pa nam mkha'i snying por byin gyis brlabs la/ /de'i phyag rgya chen pos lho phyogs kyi dbang bskur ba'i dkyil 'khor du bzhag la/rin chen 'byung ldan gyi bum pas de bzhin du dbang bskur bar bya'o/ /de nas rnam par rgyal ba'i bum pa'i chus de bzhin du dbang bskur ro/ /de nas rdo rje rin chen gyi dam tshig gi phyag rgya bcings la dbang bskur ba'i gnas su bzhag la/ snying po ni oM badzra rat+na nA ma a b+hi Shiny+tsa trAM a d+hi pa ti s+t+waM/de nas der gos ser po dang / rgyan thams cad la badzra rat+na zhes bzlas pa byin la/ rdo rje rin chen myu gu'i phyag rgyas phyag rgya'i dbang bskur ba byin la/ rin po che las byas pa'i rin po che'i cod pan gyi sngags bzlas pa des rin po che'i cod pan dang / dar dpyangs kyis dbang bskur la//nor bu rin po che'i bdag po dang / ming gi dbang bskur ba dang / gsang ba'i dbang yan chad bskur la/ yang de bzhin du mchod pa rnam pa lnga dang / sgeg mo la sogs pas yang dag par mchod la/ rdo rje sems dpa'i dbang bskur ba'i cho ga thams cad rjes su spyad nas/'jig rten khams ni thams cad du/ /sems can kun la phan pa'i phyir/ /ji ltar sna tshogs 'dul 'gyur ba/ /nor bu'i 'khor lo rab tu bskor/ /zhes de la rjes su gnang ba sbyin no/ /de nas rin po che sna bdun dang / gsang ba dang shes rab ye shes dang sbyin par bya'o/ / de nas rdo rje chos su byin gyis brlabs la phyag rgya chen po dang / nub phyogs kyi dbang bskur ba'i dkyil 'khor du ji lta ba bzhin bzhag la/ shAkya thub pa'i rigs kyi bum pas de bzhin du dbang bskur bar bya ste/ badzra s+pho Ta badzra a b+hi Shiny+tsa zhes pa nas/ badzra d+harma oM badzra a b+hi Shiny+tsa zhes bya ba yan chad kyis so//de nas rnam par rgyal ba'i bum pa'i chus kyang de bzhin du dbang bskur ro/ /de nas rdo rje pad+ma bzlas pa'i gos dkar po dang rgyan thams cad de la byin la dri la sogs pas mchod de/ rdo rje chos kyi dam tshig gi phyag rgya bcings la 'od dpag tu med pa'i dbang bskur bas dbang bskur ro//de nas de bzhin gshegs pa shAkya thub pa dang ldan zhing pad+ma'i phreng ba dang bcas pa'i cod pan dang / dar dpyangs kyis dbang bskur la/ phyag rgya'i rdo rje pad+ma'i dbang bskur ba dang / bdag po'i dbang bskur ba dang / phreng ba'i pad+ma'i phreng ba nas/ pad+ma'i rigs kyi gsang ba'i dbang bskur ba yan chad bskur la/mchod pa rnam pa lnga dang / sgeg mo la sogs pa mchod pa brgyad kyis yang dag par mchod la/ rin po che'i thur ma la sogs pa cho ga thams cad rjes su spyad par bya'o/ /de nas/ /'jig rten kun la thams cad du/ / sems can kun la phan pa'i phyir/ /ji ltar sna tshogs 'dul 'gyur ba/ /pad+ma'i 'khor lo rab tu bskor/ /zhes de la rjes su gnang ba sbyin par bya'o/ /de nas bkra shis kyi rdzas brgyad dang / gsang ba shes rab ye shes kyi dbang la sogs pa sbyin par bya'o/ /de nas rdo rje las su byin gyis brlabs la phyag rgya chen po dang /byang phyogs kyi dbang bskur ba'i dkyil 'khor du ji lta ba bzhin bzhag la/ me tog cher rgyas kyi bum pas/ oM badzra oM a b+hi Shiny+tsa zhes pa nas/ de bzhin du badzra karma aM a b+hi Shiny+tsa zhes pa'i bar gyis dbang bskur ro/ /yang rnam par rgyal ba'i bum pa'i chus kyang de bzhin du dbang bskur nas/rdo rje las kyi dam tshig gi phyag rgyas sna tshogs rdo rje'i phreng bas de bzhin du dbang bskur la/ rin po che thams cad las byas pa'i sna tshogs rdo rje'i phreng ba'i cod pan dang / dar dpyangs kyi dbang oM pa Ta a ba laM ba na a b+hi Shiny+tsa trAM zhes bzlas pa de'i mgo bor bzhag ste sna tshogs rdo rje'i dbang bskur ba dang /bdag po'i dbang bskur ba dang / ming gi dbang bskur ba de la sbyin par bya'o/ /de nas mchod pa rnam pa lnga dang sgeg mo la sogs pas yang dag par mchod de/ dpal rdo rje sems dpa'i cho ga thams cad rjes su spyad par bya'o/ /'jig rten kun la thams cad du//sems can kun la phan pa'i phyir/ /ji ltar sna tshogs 'dul 'gyur ba/ /sna tshogs 'khor lo rab tu bskor/ /zhes de la rjes su gnang ba sbyin par bya'o/ /de nas nye ba'i rin po che sna bdun dang / gsang ba'i dbang yang sbyin par bya'o/ /de la de bzhin gshegs pa'i dbang bskur ba'i dus su gsungs pa'i sngags kyi dbye bas phye la dbang bskur ba'am/rim gyis dbang bskur ba byas kyang 'gal ba med do/ /de nas gsang ba shes rab ye shes kyi dbang gi dam tshig dang / brtul zhugs sbyin par bya ste/ de yang de kho na nyid bsdus ba'i rgyud las/de nyid kyis ni rdo rje zungs/ /chos kyi dril bu dkrol bar bya/ /dam tshig gis ni phyag rgya cher/ /byin gyis brlabs nas snying po bzlas/ /zhes bya bas byin gyis brlab par bya'o/ /de la shar gyi sgor ni de bzhin gshegs pa dang rdo rje rigs kyi'o/ /phyi ma ni rang rang gi sgor ro//de la 'dir ni de bzhin gshegs pa'i rdo rje'i gzung ma ba'i de kho na nyid yin te/ de nyid kyis ni bcom ldan 'das/ /byang chub sems dpa' de bzhin gshegs/ /lta ngan rnams la phan pa'i phyir/ /mya ngan 'das 'di ston par mdzad/ /ma lus 'dul ba la brtson pa//brtan zhing nges pa'i go cha bgos/ /shin tu srid pa gnas kyi mchog /go cha la sogs bgos pas na/ /sangs rgyas chos dang tshogs zhes pa'i/ /dkon mchog gsum po nyid du 'gyur/ /srid pa shin tu yang dag 'grub/ /rnam dag dpal du byed pa'i mchog /ces bya ba'i de kho na nyid 'dis de bzhin gshegs pa'i rdo rje gzung bar bya'o//thams cad nam mkha'i mtshan nyid de/ /nam mkha' la ni mtshan nyid med/ /nam mkha' dang ni mnyam sbyor ba'i/ /kun mchog mnyam pa nyid du gsal/ /zhes bya ba 'dis ni chos kyi dril bu dkrol bar bya'o//longs spyod thams cad nyer spyod pa/ /bdag nyid kho na rten byed cing / /dkon mchog gsum mchod dam pa ni/ /bgyi'o zhes de brjod de mchod/ /ces bya ba'i dam tshig 'dis/ /de bzhin gshegs pa'i sku'i gsang bas byin gyis brlab par bya'o/ /de nas dngos grub kyi rdo rje brtul zhugs kyang sbyin par bya'o//de la 'di ni rdo rje sems dpa' la sogs pa'i de bzhin gshegs pa'i rigs kyi rdo rje bzung ba'i de kho na nyid de/ thog mtha' med pa'i sems dpa' ni/ /rdo rje sems dpa' dga' ba che/ /kun du bzang po kun bdag nyid/ /rdo rje bsnyems tshul bdag po'i bdag /bcom ldan 'das dpal mchog dang po'i skyes bu'i zhes bya ba ni/ de kho na nyid 'dis rdo rje gzung ngo / /bcom ldan 'das de bzhin gshegs pa srid pa'i bdag po dam pa kun gyi mchog /dbang phyug nyid kyi dam pa de nyid kyi mchog gi bka' yang dag par stsol bar mdzad pa ni/srid pa ngo bo nyid kyis dag /ngo bo nyid kyis srid bral byas/ /rang bzhin dag pa'i sems dpa' mchog /srid pa'i mchog ni byed pa yin/ /mchog tu gsang ba'i chos nyid 'bebs pa'i dril bus de bzhin gshegs pa thams cad mchod par byas la/ lha rnams yang dag par bsgrubs te dkol la//de nas chos thams cad kyi de kho na nyid rab tu rtogs pa 'bebs pas sgrib pa thams cad rnam par dag par byed do/ /rdo rje thams cad 'bebs pa rab tu bsgrubs pa dbang du byas pa yang rab tu sgrub par byed pa 'grub ste/ chos nyid dril bu dkrol bar bya'o/ /srid pa'i bde ba shin tu chung //sdug bsngal chen po dag bya'i phyir/ /shin tu bde ba dam pa'i thabs/ /dam tshig 'di ni rtag tu bskyed/ /'dod pa'i longs spyod thams cad ni/ /ci 'dod par ni bsten bzhin du/ /rang gi lha yi sbyor ba yis/ /bdag dang gzhan la mchod par bya/ /de bzhin gshegs pa thams cad kyi bla na med pa'i mchog tu gsang ba'i theg pa chen po'i dam tshig gi sbyor ba ni bcom ldan 'das kyi dam tshig go /ci'i phyir zhe na/ 'di ltar/ de bzhin gshegs pa thams cad kyis/ /'da' ba ru ni mi mdzad pas/ /phyag rgya dam tshig ces su grags/ /yid kyis gzugs ni brtan phyir ro//de la 'di skad ces kyang brjod par bya ste/ ji srid 'khor ba'i gnas su ni/ /mkhas mchog 'dug par 'gyur ba'i tshe/ /de srid mtshungs med sems can don/ /mya ngan mi 'da' byed par nus/ /shes rab pha rol phyin thabs dang / /ye shes gnas su bsgrubs pas na//chos kun rnam par dag pa'i phyir/ /'khor ba yongs su dag par 'gyur/ /zhes bya ba 'di'i dam tshig gis de bzhin gshegs pa'i rigs kyi sku'i gsang ba byin gyis brlab par bya'o/ /de la 'di ni rin po che'i rigs kyi 'khor los sgyur ba dang / de'i rigs kyi rdo rje rin chen gzung ba'i de kho na nyid do//nyi ma 'di ni dam pa ste/ /kun gzigs de bzhin gshegs pa yin/ /nam mkha'i snying po bcom ldan 'das/ /bsam pa thams cad rdzogs mdzad pa/ /zhes bya ba de kho na nyid 'dis rdo rje rin chen gzung bar bya'o/ / bsam pa thams cad grub rnams kyis/ /bsam pa 'grub pa dam pa yin/ /de yang 'dod pa rab bsgrub phyir/ /'dod dang thar pa'i bde ba che/ /zhes bya ba chos kyi rin po che chen po'i dril bu dkrol bar bya'o/ mi pham pa yang sbyin bya zhing / /'dod dang bde ba thams cad kyi/ / bdag nyid dang ni gzhan rnams kyi/ /bsam pa thams cad rdzogs par ba/ /zhes bya ba ni dam tshig gi mchog ste/ 'dir rin po che'i rigs kyi sku'i gsang bar byin gyis brlab par bya'o/ /de nas dngos grub kyi brtul zhugs sbyin par bya'o/ /de la 'di ni pad+ma'i rigs kyi 'khor los sgyur ba dang / / de'i rigs kyi rdo rje pad+ma gzung ba de kho na nyid do/ /de nyid kyis ni bcom ldan 'das/ /sangs rgyas spyan ras gzigs dbang phyug /gdul bya yi ni thabs mdzad pa/ /dag pa'i rol mo gar mdzad do/ /zhes bya ba 'dis rdo rje pad+ma gzung bar bya'o/ /ji ltar pad+ma dmar po 'di/ /tshon gyi nyes pas mi gos pas//de bzhin srid gsum dag pa ni/ /gnas kyi nyes pas mi gos so/ /zhes bya ba'i chos 'dis pad+ma'i dril bu dkrol bar bya'o/ /bya ba gang dang gang gis ni/ /'gro ba rnams ni 'dul 'gyur bar/ /pad+ma dag mchog sbyor ba'i bdag /des kyang de ni sbyang bar bya/ / zhes bya ba ni dam tshig ste/ /'dis pad+ma'i rigs kyi sku'i gsang ba byin gyis brlab par bya'o/ /de nas brtul zhugs sbyin par bya ste/ /oM pad+ma ma hA hasta badzra d+harma haM pa lA ya/ des kyang 'di skad du rdo rje chos nyid ji lta bu lags zhes dri bar bya'o/ /de nas de la 'di skad ces brjod par bya ste/ji ltar pad+ma dmar po 'di/ /rigs kyi nyes pas mi gos bzhin/ /thams cad dag par bsgoms na ni/ /de bzhin sdig pa chags mi 'gyur/ /de la 'di'i skabs su chos nyid ni 'di yin no/ /rdo rje las kyi de kho na nyid dang / chos dang dam tshig dang / dngos grub kyi rdo rje'i brtul zhugs ni de bzhin gshegs pa'i rigs su bshad pa yin no//de nas slob mas mtshan brgya rtsa brgyad pas bstod la mchod pa thams cad kyis yang dag par mchod par bya'o/ /de nas rin chen dpal gyi phyag rgya dang gzengs bstod pa'i phyag rgyas slob ma thams cad lung bstan par bya'o//oM 'di ni ngas khyod lung bstan pa/ /rdo rje sems dpa' de bzhin gshegs/ /srid pa kun tu bsgrub pa'i phyir/ /srid pa'i ngan 'gro rnams las bton/ /kye rdo rje'i de bzhin gshegs pa che ge mo sid+d+hi sa ma ya s+t+waM b+hur+b+hu wa spaH/ de nas de bzhin gshegs pa'i khu tshur bcings te/ g.yon pas chos gos 'dzin pa'i tshul du byas la/g.yas pas mchog sbyin pa'i tshul du bya'o/ /'di ni gzengs bstod pa'i phyag rgya'o/ /dbugs dbyung ba'i cho ga ni dpal mchog gam gzhan las shes par bya'o/ /de'i phyir na/ /sdig pa gzhom phyir dbang ni bskur bar bya/ /zhes so/ / de yan chad kyis ni slob ma dkyil 'khor thams cad du 'jug pa'i cho ga rgyas pa'o/ /sngags sgrub phyir ni mos ldan slob ma la/ /sngags pas bka' ni rab tu bsgo bar bya/ /zhes pa ni dbang mchog thob par bya ba'i yon mchog ci yod ces bsgo ba'o/ /des kyang mos pas spyi bos phyag 'tshal te//zhes bya ba nas/ rang gi lus kyang dbul ba nyid du bya/ /zhes pa yan chad ni yon dbul ba'i rim pa bstan te dkyus gsal/ /tshe 'di'i bde ba ma lus dang / zhes bya ba nas/ lha yi bde ba smos ci dgos/ /zhes pa'i bar gyis ni phan yon bstan/ sangs rgyas kun dang bla mar mnyam//zhes pa la sogs pas ni slob dpon la ji lta bur blta ba'i thabs bstan te/ sangs rgyas ni dus gsum gyi de bzhin gshegs pa'o/ /de dang slob dpon tha mi dad pa'i ngo bor blta bas na bla mar mnyam mo/ /rdo rje slob dpon brnyas na ni ji lta bu thob snyam pa la/ rtag tu ngan song gsum gyi sdug bsngal 'thob par 'gyur bas/ de'i phyir na slob dpon la brnyas par mi bya'o/ /der ma bas te rdo rje spun te dbang dus gcig tu mnos pa dang / sring mo ste grogs dang / rdo rje ma ste slob dpon ma la sogs pa rnams la brnyas pa dang 'khon zhugs par mi bya'o//'o na thams cad la mnyam zhing snyoms par bya'am zhe na/ de mi bya ste/ dkon mchog gsum la gnod byed la/ /zhes pa la sogs pa de dag la bzod pa bsgom par mi bya'o/ /de la nyes pa byas kyang bla na med pa'i byang chub 'grub par 'gyur zhes ni kun rig rnam par snang mdzad gsungs so//de dag kyang zhe sdang gi sems kyis gsad dam snyam pa la/ de lta ma yin te/ sems can kun la snying brtse chags/ /grub pa myur du 'grub par 'gyur/ /zhes so/ /de yan chad kyis dkyil 'khor gyi rim pa bstan nas/da ni bsgrub pa'i rim pa bstan te/ ras la zhes bya ba la sogs pa smos te/ ras ni gso ras sam/ shing bal gyi ras sdig pas ma gos pa la khru brgyad pa'i tshad tsam la sdom pa la rab tu gnas pa rnams kyis bsgrub pa'i dkyil 'khor bri bar bya ste/de yang 'dir sku gsum gyi rgyud ces gsungs pas las rnam pa gsum byed de/ de yang gang zhe na/ sku'i dngos grub bsgrub pa dang / /gsung gi dngos grub bsgrub pa dang / /thugs kyi dngos grub bsgrub pa'o/ /de yang ji ltar bsgrub par bya snyam pa la/ de yang ri mo'i sgo nas bsgrub par bya ste/ de yang de bzhin gshegs pa dang / /de yi rigs kyi sems dpa' dang / rigs kyi khro bo dang / rigs kyi yum rnams bri bar bya'o/ /ras kyi stod kyi dbus su bcom ldan 'das thams cad rig pa sku mdog dkar po longs spyod rdzogs pa'i cha byad du bzhugs pa phyag gnyis bsam gtan gyi phyag rgya can seng ge'i gdan la bzhugs pa bri'o//g.yas phyogs su thugs kyi bdag po ngan song thams cad yongs su sbyong ba'i rgyal po sku mdog dkar po glang po che'i gdan la bzhugs pa/ bsam gtan gyi phyag rgya'i steng na rdo rje bsnams pa bri bar bya'o//g.yon phyogs su ni shAkya thub pa gsung gi rigs te/ sku mdog dmar ser bsam gtan gyi phyag rgya'i steng na pad+ma 'dab ma brgyad pa kha ma bye ba'i nang na rdo rje gnas pa bri bar bya'o/ /shAkya thub pa'i 'og tu ni kun du spyan ras gzigs dbang phyug sku mdog zla ba lta bu phyag na pad+ma bsnams pa bri bar bya'o//ngan song sbyong ba'i 'og tu ni phyag na rdo rje sku mdog ljang gu rdo rje dril bu bsnams pa bri bar bya'o/ /de gnyis kyi dbus su ni sman gyi bla sku mdog sngon po phyag gcig na 'bras bu a ru ra bsnams pa phyag gcig mchog sbyin pa'i tshul du bzhugs pa bri bar bya'o zhes rigs bsnur ba ni rdo rje gtsug tor gyi rgyud las gsungs so//rta mgrin dang 'jig rten gsum las rnam par rgyal ba gnyis ni rang gi lha la brten par bri'o/ /de gnyis kyi bar du ni yum bzhi bri ste lo tsa na dang / na bza' dkar mo dang / mA ma kI dang / sgrol ma rnams ni rang rang gi mtshan ma phyag na bsnams pa bri bar bya'o//gzhan rnams ni dkyus na gsal lo/ /de nas ri mo sku gzugs mngon par mchod de spyan dbye bar bya'o zhes pa la sogs pa spyan dbye ba ni dang por sngags pa yon tan bcu dang ldan pas rab tu gnas par byas te byin gyi rlabs dang ldan par byas nas gzod gnas dben par bsgrub pa brtsam par bya'o//de nas rtags dang mtshan ma byung nas gdod dngos grub blang bar bya'o/ /de'i don yang 'di ltar shes par bya ste/ dang por slob dpon yon tan bcu dang ldan pa ni 'di yin te/ rigs btsun pa/ sems brtan pa/ spyod pa dul ba/shes rab che ba/ bzod pa dang ldan pa/ drang ba/ g.yo sgyu med pa/ sngags dang rgyud kyi sbyor ba shes pa/ dkyil 'khor bri ba'i las la mkhas pa de kho na nyid bcu la mkhas pa/ de lta bu ni slob dpon du gzung ngo / /de lta bu dang ldan pa'i rnal 'byor pa des ni rab tu gnas par bya'o zhes lung las kyang gsungs te/ji skad du/ brtan zhing dul la blo gros ldan/ /bzod ldan drang la g.yo sgyu med/ /sngags dang rgyud kyi sbyor ba shes/ /dkyil 'khor bri ba'i las la mkhas/ /de nyid bcu ni yongs shes pa/ /'di ni slob dpon yin zhes bya/ /de yis bstan pa'i gsang sngags rnams//'grub 'gyur 'di la the tshom med/ /ces gsungs so/ /de kho na nyid bcu ni tshogs mtho ba'i nang nas kyang / /dkyil 'khor dang ni ting nge 'dzin mchog /phyag rgya stang stabs bdun dang ni/ /bzlas brjod mchod pa sbyin sreg dang / las kyi sbyor ba nyer bsdu ba/ / de ltar de nyid bcu shes shing / /dman pa'i sems ni smod byed pa'o/ /zhes gsungs so/ /de nas yid dang mthun pa'i gnas yid du 'ong bar tshes grangs dang rgyu skar bzang po dang / gza' bzang po rgyu ba'i dus tshod bzang po la spyan dbye ba'i mgo gzugs par bya'o//gang nas rab tu gnas pa'i yo byad thams cad dang ldan par bya ste/ rab tu gnas pa'i khrus kyi stegs bu dang / rab tu gnas pa dang 'tsham pa'i dkyil 'khor la sogs pa yang legs par rab tu brtag par bya'o/ /de nas ba'i rnam pa lnga dang / sngos chab la rdo rje gnod sbyin yongs su bzlas pas gnas nye bar byug par bya'o//de nas dri dang sbyar ba'i chus kyang nye bar byugs la/ bsod nams dang dpal 'phel bar byed pa'i gdugs dang rgyal mtshan dang / bla re dang ba dan la sogs pas brgyan par bya'o/ /de rnams la yang rdo rje gnod sbyin gyi sngags badzra yak+Sha hUM zhes pa bzlas so//de nas nang par gyi dus su legs par khrus byas la gos gtsang ma bgos te/ gtsug tor dang cod pan bcings nas rgyan thams cad kyis brgyan par byas pa'am/ yang na cha lugs rigs dang mthun pa ji bzhin pas bya'o/ /rang gi rigs kyi 'khor los sgyur ba'i sbyor ba'am rnal 'byor chen po bya'o//de yang / /cho ga nyams pas mi bya ste/ /ras gnas rtag tu smad pa dang / /tshe 'dir sdug bsngal chen po dang / /'jig rten gzhan du 'jig rten 'byung / /de bas dngos grub 'dod pa yis/ /bdag nyid kyis ni ci nus dang / /de bzhin cho gar gsungs tshul du//kun nas rab tu 'bad de bya/ /zhes so/ /de la dang por rdo rje gnod sbyin gyis bgegs gzhom pa la sogs pa byas la/ de la sngon du 'gro ba dang sbyor ba dang po dang / dkyil 'khor rgyal mchog dang / las rgyal mchog gi ting nge 'dzin byas la/ de nas bum pa sta gon la gnas pa bya ste/ bum pa'i stegs bu gru bzhi pa'am sgo bzhi pa dkyil 'khor pad+ma 'dab ma brgyad pa'am/ bcu drug pa la bum pa ji tsam 'byor ba gzhag par bya'o/ /der phyogs dang mtshams su bum pa brgyad la rang gi mtshan ma bris pa dang / rdo rje lcags kyu la sogs pa sgo ba'i mtshan ma dang / rdo rje me tog la sogs pa bris pa'i bum pa gang ba 'byor tshad kyang phyogs dang mtshams rnams su gzhag par bya'o//dbus su yang rnam par rgyal ba'i bum pa rigs lnga'i mtshan mas mtshan pa gzhag par bya'o/ /de dag gi nang du 'bru lnga dang / sman lnga dang rin po che lnga la sogs pa bcug la dris sbyar ba'i chu blugs nas/ ras zung gis mgul pa bcings la 'dab ma dri zhim pos kha brgyan par bya ba dang /steng du bla re bre ba dang / gdugs dang rgyal mtshan gyis nye 'khor brgyan par bya'o/ /de nas bum pa byin gyis brlab par bya ste/ khaM las bum pa nag po ra ri med pa mchu 'phyang ba mgrin pa ring pa gsus pa che ba mi gnag par byin gyis brlabs te/oM sarba bti badzra yak+Sha hUM zhes bya ba phyag rgya dang bcas pas gzhal yas khang gdan dang bcas pa'i steng du rnam par snang mdzad la sogs pa'i lha rnams bskyed la/ ye shes sems dpa' rdo rje lcags kyu la sogs pa'i sngags dang phyag rgyas dgug pa la sogs pa bya ste/ phyag rgya bzhis rgyas btab nas rang rang gi snying po dang sngags brjod cing mchod yon la sogs pas mchod la bstod de/thun gsum gyi rim pas bzlas brjod bya'o/ /de nas dkyil 'khor gyi bgegs bsrung ba dang sta gon yang bya'o/ /de nas rab tu gnas par bya ba'i sku'i sta gon bya ste sku de nyid gang dang gang yin pa sku'i rnam par bskyed de/mchod pa lngas mchod la/ de nas sbyang bar bya ste til dang yungs kar gyis bskor zhing sarba pA paM da ha na badzrA ya swA hA zhes bya ba dang / ru ru s+phu ru'i sngags kyis me la sbyin sreg bya zhing sbyang ngo / /de nas bkra shis kyi tshigs su bcad pa yang brjod par bya'o/ / de nas bstod pas kyang bstod de/ mchod par bya'o/ /de nas snying po dang sngags kyang gdon no/ /las thams cad pa'i bum pas khrus byas pa las thams cad pa'i sngags bzlas pa'i stan yang gding bar bya'o/ /de nas der bzhugs su gsol to/ /de nas bris sku la sogs pa de mi dmigs par byas te/ting nge 'dzin gyis sku de gang dang gang yin pa der bskyed la rdo rje bsdu ba'i phyag rgyas spyan drangs nas mtshan brgya rtsa brgyad pas bstod pa byas la mchod pa byas te/ yang phyag rgya bzhis rgyas btab la sngags rnams mngon par bzlas te/ de nas yang rigs thams cad kyi bdag po'i sngags oM badzra satwa hU~M zhes pa'o//oM b+ha ga ba ti ru ru s+phu ru dz+wa la tiSh+Tha sid+d+hi lo tsa ne sarba ar+tha sA d+ha ni swA hA zhes bya ba ni rigs kyi yum rnams kyi rig pa'o/ /oM dzi na dzika ces bya ba ni rigs kyi snying po'o/ /de bzhin du oM shaM ka re shAn+tiM ka re/ g+huT+Ta g+huT+Ta g+huT+Ti ni/ g+ha Ta ya/ g+ha Ta ya/ g+huT+Ti ni swA hA/ oM badzra d+h+r-i ka swA hA/ oM bi ka Te/ ni ka Te/ ka TaM ka Te/ ka ro Ta bIr+ya swA hA/ oM A ro l-i ka swA hA/ oM rat+na d+h+r-ika swA hA/ oM tA re tut+tA re tu re swA hA/ oM pradz+nyA d+h+r-ika swA hA/ zhes bya ba ni rigs so so'i snying po dang rig pa'o/ /yang rgyud 'di nyid kyi sngags dang rig pa brjod do//de nas cod pan dang dar dpyangs bcings pa dang go cha bskon pa la sogs pa byas la/ me tog la sogs pa mchod pa brgyad kyis yang dag par mchod la phyag byas te/ phyi de nyin par rab tu gnas par bya'o/ /de nas rtsa ba'i dkyil 'khor chen po la mchod pas mchod de/bstod pas bstod nas phyag bya ste/ rnam par snang mdzad bcom ldan 'das/ /rig sngags rgyal la phyag 'tshal lo/ /bdag ni brtse bar gyur nas su/ /slob ma rnams la brtse ba dang / /khyed rnams la yang mchod pa'i phyir/ /thugs rje'i bdag nyid khyed rnams kyis/ / sku 'di rab tu gnas par ni/ /mgon po bdag ni bgyid par 'tshal/ /bcom ldan bdag ni gus pa la/ /de bas gnang bar mdzad pa'i rigs/ /bdag ming 'di zhes bya ba yis/ /rig pa'i rgyal po 'di zhes pa/ /yo byad 'byor ba 'di yis ni/ /nang par rab gnas bgyid par 'tshal//bdag dang slob mar bcas pa la/ /thugs ni brtse bar dgongs nas su/ /tshogs pa thams cad rab gnas la/ /byin gyis brlab par mdzad du gsol/ /zhes bya ba lan gsum du brjod do/ /de nas phyi rol du gtor ma byin nas sbyin sreg bya ste/ /dang por bgegs zhi bar bya ba'i phyir rdo rje mes sbyin sreg bya'o//tshim par bya ba'i phyir ni rang gi sngags kyis so/ /dgongs par bya ba'i phyir ni rigs kyi rig pas so/ /'byor par bya ba'i phyir ni rigs kyi bdag po'i snying pos bya'o/ /de nas mchod pa sna tshogs kyis mchod la mngon par 'dod pa'i dngos grub kyi phyir gsol ba gdab ste/rang gi dge ba'i rtsa ba bsngos la/ ye shes kyi lha ni gshegs su gsol bar bya ba'i phyir 'dis bskul bar bya'o/ /oM khyod kyis sems can don kun mdzad/ /dngos grub tshul bzhin stsal lags kyi/ /sangs rgyas yul du gshegs nas kyang / /slar yang 'byon par mdzad du gsol//de nas dam tshig gi lha rnams mdun gyi nam mkha' la gzhal yas khang kha sbyor byas te sgra yig dbyangs yig gis srubs dkris te/ yi ge 'bru lngas phyogs mtshams bsrungs te bzhugs su gsol lo/ /de nas bdag nyid bsrung ba'i phyir yi ge brgya pa bzlas so/ /de nas de nyid du ku sha bting ba'i steng du nyal bar bya'o//de nas nang par mal nas langs nas ba'i rnam pa lnga dang / spos chus lha'i khang pa byugs la/ /de nas 'jug pa'i dkyil 'khor ni sku gsung thugs kyi dkyil 'khor gang lcogs pa cig bri bar bya ste/ rnam par snang mdzad sku'i dkyil 'khor ram/ shAkya thub pa gsung gi dkyil 'khor ram/ rdo rje sems dpa' thugs kyi dkyil 'khor gang grub pa gzhung las 'byung ba bzhin bri bar bya'o/ /de nas dgongs ka'i dus su 'jug pa'i rim pas zhugs te/ sbyor ba gsum bsgoms te bgegs la sogs pa bskrad par bya'o/ /de nas bdag nyid kyis gzhal yas khang pa bskyed pa dang /dkyil 'khor rgyal po mchog dang / las rgyal po mchog byas te/ bzlas pa yan chad rdzogs pa dang / gdod rab tu gnas pa la 'jug par bya ste/ dang po bdag nyid 'jug pa'i rim pas zhugs la/ de nas 'jug pa'i rim pas bcug ste/ zangs ma'i snod la sogs pa spyan 'byed kyi rdzas rnams bshams te chu rnam pa bdun dang /dung gi so mangs dang / gser gyi mig thur dang / spabs bzhar dang / chan gri dang / zangs thur dang / rmang tsher la sogs pa yo byad tshogs par bshams pa dang / mchod pa'i yo byad 'byor tshad dang / ras dkar kha tshar ma nyams pa dang /me long la sogs pa 'byor tshad dang / rin po che sna bdun dang / rdzas brgyad la sogs pa rnal 'byor gyi rgyud las gsungs pa rnams bsogs la/ de rnams la sngags kyis bsang ngo / /de nas sku'i rnam pa gang dang gang yin pa bdag nyid kyis gsal bar brtags la/de nas ye shes kyi lha rnams dgug pa dang / gzhug pa dang / bcings pa dang / dbang du byas pas bsgrub par bya'o/ /mdzub mo lcags kyu bcings pa ni/ /mthe'u chung las te lcags kyu che/ /mkhrig ma mdud pas mdzub gnyis gdub/ /rgyab gnyis kyang ni bsnyams te mnan//dzaHhUM baM hoHzhes brjod do/ /de ltar spyan drangs nas mchod yon dang / zhabs bsil phul te/ sngar bshad pa'i sngags kyis sbyang ba byas te/ de'i 'og tu dUr ba'i chun po dang / til mar gyis sbyang ba bya ste de'i sngags ni oM sarba ta thA ga ta kA ya bi sho d+ha ne swA hA/ de nas las thams cad pa'i bum pas khrus gsol lo/ /de nas chu bdun gyis sku khrus gsol lo/ /de nas ras kyis sku phyi'o/ /de nas spyan dbye ba la sogs pa bya ste/ cho ga zhib mo las shes par bya'o/ /de nas dbang bskur ba'i cho gas khrus kyang gsol bar bya ste/ ji ltar bltams pa tsam gyis kyang //lha rnams kyis ni khrus gsol ba/ /de bzhin bdag gis lha yi chus/ /dag par bdag gis khrus gsol lo/ /oM sarba ta thA ga ta a b+hi She ka ta sa ma ya shri ye hU~M swA hA/ de nas na bza' dbul bar bya ste/ oM badzra ba sa se swA hA/ oM badzra gan+d+he swA hA/ byug pa dbul lo/ /oM badzra A hA ra na b+hU Sha ne swA hA/ mchod yon dbul lo/ /oM badzra puSh+pe hU~M zhes bya ba la sogs pas mchod pa lnga dbul lo/ /de nas dbu rgyan gyi dbang bskur bar bya ste/ mthe bong gnyis ni bsnol byas te/ /gung mo bsnyams pa'i tshigs dang sbyar/ /rdo rje dbyings kyi dbang mor bshad//oM b+h+rU~M khaM zhes bya ba dang / a b+hi Shiny+tsa s+t+waM zhes bya ba dang / oM satwa badzri/ rat+na badzri/ d+harma badzri/ karma badzri/ zhes bya ba la a b+hi Shiny+tsa s+t+waM zhes bya ba bsnan la/ rdo rje bsdams pa'i gung mo bsgreng ba ni sems ma rdo rje ma'i'o/ /de nyid rin chen 'dra bar byas pa ni rin chen sems ma'i 'o//de nyid pad+ma 'dra bar byas pa ni pad+ma sems ma'i 'o/ /de nyid las thal mo sbyar ba phral ba ni rdo rje las ma'i 'o/ /de ni rigs kyi dbang bskur ba'o/ /de bzhin gshegs pa la ni rin po che'i myu gus dbang bskur ba ste/ rin chen myu gu'i phyag rgya bcings la badzra rat+na a b+hiShiny+tsa mAM zhes pas dbang bskur ro//de nas oM hU~M zhes bya ba dang / rdo rje khu tshur gnyis so sor bcings te/ mdzub mo gnyis bkug la go cha byas te snying gar mdud pa ltar byas la/ yang mgrin pa dang / rgyan dang / dpral ba'i steng du mdud par bya zhing / de nas phreng ba bcing pa'i tshul gyis mdud pa bya ba dar dpyangs bcings pa'i tshul yang byas la ngos gnyis su mtha' ma la sogs pa nas sor mo thams cad bkrol la/de nas mnyam pa'i thal mos mnyes par bya ste/ oM badzra tu Sh+ya hoH/ de nas sgeg mo la sogs pas mchod par bya'o/ /yang na skabs 'dir rdo rje dang dril bu la sogs pa'i dbang rnams sbyin par bya'o/ / de nas mig thur la sogs pa'i bya ba'i las rnams skabs 'dir bya'o/ /oM tsak+Shu tsak+Shu sa man+ta tsak+Shu bi sho d+ha ne swA hA/ de nas spabs bzhar ba la sogs pa bya'o/ /de nas phyir mi ldog pa la sogs pa thams cad dbang stegs kyi steng du bskur bar bya'o/ /de nas sngags 'dis bkra shis kyi bshos dbul bar bya ste/oM di bya ag+ni sa mA d+h+ya na pri Na ye swA hA/ de nas me long dang bshos gzhan dag dang mchod pa'i yo byad 'byor tshad kyis mchod pa dang / bdag dbul ba la sogs pa'i mchod pa bcu drug gis mchod pa dang / bstod pa la sogs pas bstod do/ de ltar byas nas yang de'i 'og tu yang slob ma gzhug par bya ste/khyod kyis nga la gsol btab pa'i/ /sku gzugs dag ni khyad par du/ /ji skad gsungs bzhin rab gnas pa'i/ /de ni bya ba byed du bcug /ci bde bar ni mchod par gyis/ /zhes bsgo ste/ de nas gong nas byung ba'i dbang gis slob ma la dbang bskur ro//de nas sbyin sreg gi las bya'o/ /de ltar spyan dbye ba'i las byas nas 'jug pa'i dkyil 'khor gshegs su gsol ba la sogs pa bya'o/ /de nas sgrub pa pos gnas dben par bsgrub pa bya ste/ khams gsum rnam par rgyal bar bdag nyid bsams la bsrung ba la sogs pa byas la/bdag lha'i ting nge 'dzin du zhugs la dngos grub kyi mtshan ma byung byung du bzlas par bya'o/ /de nas gal te mtshan ma zhig mthong na ni dngos grub myur du thob par 'gyur ro zhes pa ni 'og nas 'byung ba 'di'o/ /'on te ma mthong na ni ring po zhig na dngos grub tu 'gyur te zhes pa ni skye ba brgyud nas so//dngos grub kyi mtshan ma ni 'di yin te/ bzhad pa dang ni rnga sgra dang / /zhes pa la sogs pa gsungs te/ bzhad pa ni ris su bris pa'i sku'o/ /rnga sgra la sogs pa ni nam mkha'i 'o/ /dge slong dang bram ze la sogs pa ni rmi lam gyi rnam par ro//'bras bu mthong na myur du ni/ /zhes bya ba ni rtags te gang yin pa de mthong na mchog ste sku dang bar ma ste gsung dang tha ma ste/ byang chub sems dpa'i dngos grub thob bo/ /yang na 'jig rten las 'das pa dang / 'jig rten pa dang / phrin las bzhi po dag gi dngos grub 'grub pa'i rtags so//de nas mtshan ma byung ba dang / /dkyil 'khor snga ma bzhin bris la/ /zhes pa ni dngos grub blang bar bya ba'i thabs te/ 'jug pa'i dkyil 'khor bzhin du bris la bya'o/ /phyi nang gi mchod pa mang pos mchod par bya ba'i phyir/ mchod pa rgya cher byas nas kyang / /zhes so/ /gang du gsungs pa'i sngags kyi grangs tsam zhig bzlas par bya'o/ /yang na rtags phra mo byung byung du bzlas pa'i phyir na/ mtshan gcig thog thag mi nyal bar bzlas zhes so/ /ci ste gtso bo'am de'i sras ni sangs rgyas dang byang chub sems dpa'o/ / yang na lha rnams mthong 'gyur na/ /zhes bya ba ni tshangs pa dang brgya byin la sogs pa'o/ /de lta bu'i dngos grub rab 'bring ji lta bu yin pa ster ba'i phyir na/ bsod nams snod las ci dga' bar/ /zhes bya ba la sogs pa'o/ /de la dngos grub blang pa ni/ /phyag 'tshal dngos grub la sogs blang //zhes pa'o/ /phyi ma ni dkyus na gsal lo/ /sems can kun la phan brtson pas/ /zhes bya ba nas/ dran bzhin las kun byed par 'gyur/ /zhes bya ba'i bar gyis ni grub par sgrub pa po'i yon tan bstan pa'o/ /des ni ras la sku gsung thugs bsgrubs pa'i ting nge 'dzin bstan to//da 'di nas ma 'ongs pa'i sems can tshe'i dus byas pa rnams la phan gdags pa'i rim pa bstan te/ de nas lha rnams kyi dbang po zhes bya ba nas/ nyon cig ces bya ba'i bar gyis ni zhus pa dang gnang ba bstan to/ /de la yang dang por dbang gis phan gdags pa bstan te/de bzhin dkyil 'khor bris nas ni/ /zhes pa la sogs pa ste/ de bzhin dkyil 'khor bris nas ni/ zhes bya ba de ni de bzhin ni gong ma la snyegs pa ste rtsa ba'i dkyil 'khor chen po bris la/ der slob ma 'jug pa'i rim pa bzhin du gzhug cing dbang bskur ba ni gong ma bzhin du bum pa dang /phyir mi ldog pa'i dbang rnams bskur na sdig pa chen po byas pa de dmyal ba la sogs pa'i sdug bsngal las thar te/ dga' ldan la sogs pa'i lha'i rigs su skyes nas rim gyis byang chub tu sems bskyed de phyir mi ldog pa'i sa la 'god par 'gyur ro/ /shi ba'i ro med na ming la dbang bskur na yang ngan song las thar bar 'gyur te/de'i thabs kyang de'i gzugs brnyan bri ba'am zhes bya ba nas/ snying rje can gyis dbang bskur ro/ /zhes bya ba'i bar gyis bstan to/ /gnyis pa lhar brtags pa'i rang bzhin bstan pa ni shi ba de nyid rang dad pa'i lha'i rang bzhin du brtags nas/mchod rten gyi dbus su gzhag pa'am/ rang gi khyim du bzhag na yang grol bar 'gyur ro/ /mchod rten gyis phan gdags par bya ba ni rang gi ming nas brjod la gur gum la sogs pa sngags dang spel te mchod rten gyi nang du bcug nas/ khri'am 'bum tsam du btab na yang sdig pa'i las zad par 'gyur ro//sdig pa chen po byas pa yang bye bar mchod rten gyi las byas na yang dmyal ba la sogs pa'i sdug bsngal las thar bar 'gyur te lha'i gnas su skye'o/ /yang thabs gzhan yang bzlas pas phan gdags pa yang yod de/ de'i ming nas brjod nas ngan song sbyong ba'i sngags 'bum phrag stong ngam bye ba yan chad bzlas na ngan song las thar nas lha'i gnas su skye'o//yang thabs gzhan dag yod de/ de'i ming nas brjod cing rnal 'byor pa mkhas pas 'bum phrag brgya'am/ brgya phrag stong du sdig pa bsreg pa'i sbyin sreg til lam yungs kar dang /ra dkar mo'i 'o ma dang / 'bras dang gur gum la sogs pas bsgos pa'i yam shing dang / ba'i mar la sogs pas sbyin sreg byas na yang ngan song las thar nas lha'i gnas su skye'o/ /de ngan song las thar nas lha'i gnas su skyes pa'i mtshan ltas ni/de yi mtshan ma ston par byed/ /ces bya ba nas/ skyes pa yin par shes par bya/ /zhes pa yan chad kyis bstan to/ /yang thabs gzhan ro de bsregs pas phan gdags pa yod de/ de ni 'di yin te/ khru bzhi ba yi tshad du ni/ /zhes bya ba la sogs pa gsungs te/khru bzhi pa ni nang gi tshad de de'i phyi rol khru brgyad par bya ste/ de'i nang du khru do khor yug gi kha khyer la btang la/ khru do ni me thab kyi rgyar btang zhing zabs su ni khru gang brko bar bya'o/ /de la nang gi kha khyer la sor brgyad do/ /de'i phyir bskyed la de nas kha khyer la sor brgyad dpangs dang rgyar mnyam par gtang bar bya'o//de'i phyir kha khyer dpangs dang zheng du yang sor brgyad do/ /cho ga bzhin du zhes bya ba'i sgra ni 'di ltar don la snyegs te/ dang por sa brtag pa dang / de nas yul gyi rgyal po la sogs pa las sa de bslang ba dang / sa bdag dang klu la sogs pa la gtor ma byin te sa bslang zhing brtag pa dang /phyi sbyang ste ro lnga dbyung ba dang / nang sbyang ste ting nge 'dzin gyis spyod pa dang / sa gter du gzhug pa dang / stegs bu 'thas par brtsigs pa dang / sgo dang lha'i gnas kyi thig gdab pa la sogs pa bya'o/ /khung brkos la zhes bya ba ni zabs su khru gang par bya'o//rdo rjes mtha' ma bskor ba yi/ /zhes pa ni kha khyer la grwa bzhir rdo rje gsum pa bzhi btang ba dang / gzhan yang rdo rje dang me tog gi phreng bas bskor ba'o/ /'khor lo dbus su bri bar bya/ /zhes bya ba ni thab kyi dbus su 'khor lo rtsibs brgyad pa cig bris la/de la rigs lnga'i phyag rgya rdo rje dang / pad+ma dang / rin po che dang / rgya gram dang / dbus su 'khor lo de rnams 'jim pa las 'bur du dpangs sor gcig pa'i tshad du byas la/ shar dang nub dang lho dang byang dang / dbus su rim pa bzhin gzhag par bya'o//phyi'i kha khyer la 'khor lo'am pad+ma 'dab ma bcu drug par bris la/ sems dpa' ni rdo rje sems dpa' la sogs pa bcu drug gi mtshan ma rdo rje dang lcags kyu la sogs pa bri bar bya'o/ /de'i phyir snam bu la phyag rgya nyi shu bri bar bya ba ni/ shar phyogs nas brtsams nas/nags kyi lcug ma dang / bgrang phreng dang / ril ba spyi blugs dang / gling bu dang / tri shU la dang / zla ba phyed pa dang / ral pa mig dang / rgyal mtshan dang / dung dang / 'khor lo dang / be con dang / ral gri dang / phub dang / phag dang / seng ge dang / mdung dang /dril bu dang / ba dan dang / rma bya dang / ra skyes dang / khyim bya rnams ni shar phyogs nas brtsams te bri bar bya'o/ /de la 'jig rten gtso bo rnams kyi phyag rgya ji lta ba bzhin du bri bar bya zhes so/ /de nas sgo dang / rta babs dang bcas pa bri bar bya'o/ /mchod pa'i yo byad me tog la sogs pa dang /lA s+ye ma la sogs pa dang / /sgo ba bzhi yan chad kyi phyag rgya dgod par bya'o/ /bya dang bum pa gang ba dang / /zhes bya ba nas/ gdugs mchog rnams ni legs par gzhag/ /ces bya ba yan chad kyis ni dkyil 'khor gyi rgyan du bya ba dang / /ro la dbang bskur ba'i rdzas su bya ba'i ched du'o//de ni dkyil 'khor bri ba'i rim pa'o/ /de ltar dam pa'i bsreg khung du/ /sbyin sreg thams cad yang dag bya/ /zhes pa ni sbyin sreg 'og nas 'byung ba bzhin bya'o zhes pa'i don to/ /de ltar cho ga shes pa yis/ /zhes pa la/ /de ltar zhes bya ba ni gong ma la snyegs pa'o//cho ga shes pas zhes bya ba ni sa brtag pa la sogs pa gong ma ltar shes pa'o/ /gzhan yang bdag nyid lha'i rnal 'byor du byas nas gong ma ltar bris nas dkyil 'khor gyi yo byad dang bud shing la sogs pa la las thams cad pa'am rdo rje rtse mo'i sngags kyis btab ste/de nas las thams cad pa'ang / 'phags pa mi g.yo bas bgegs bskrad cing mtshams bcad do/ /de nas bdag nyid lhar byas te dbang bskur ba dang lus bsrung pa la sogs pa byas te/ bdag nyid kyis phyag rgya bcings shing sngags brjod pa dang / thugs ka nas 'od 'phros pa las khro bo'i skur gyur pas phyogs mtshams kyi bgegs bskrad par bya ste/steng du rdo rje 'jigs byed sku mdog nag po hU~M zhes bya ba'i phyag rgya dang ldan pas bsrungs so/ /zhabs ni brkyang bskum gyi tshul du bzhugs pa'o/ /shar du rdo rje gtsug tor gyis bsrungs te/ sku mdog dkar po phyag gnyis rang gi phyag rgya dang ldan pa spyan gsum pa/g.yas brkyang g.yon bskum gyis bzhugs pa'o/ /byang du ni khro bo rdo rje dus zhes bya bas bsrungs te/ sku mdog ni char sprin lta bu zhabs gnyis ni zlum po'i 'dug stangs can/ phyag gnyis rdo rje mche ba bsnams pa'o//nub tu ni rta mgrin rdo rje ba dan bya bas bsrungs te/ sku mdog ni dmar por bzhugs pa zhabs gnyis sa ga'i 'dug stangs su gnas pa phyag gnyis na rdo rje'i ba dan lce brgyad pa bsnams pa'o/ /lhor rdo rje rtse mo ste gshin rje gshed kyis bsrungs te/ sku mdog nag por gnas pa zhabs gnyis ni g.yon brkyang bas bzhugs pa phyag na ni rdo rje rtse mo'i ba dan bsnams pa'o//mtshams bzhir ni 'jigs byed zhags pas bsrungs te/ sku mdog ni ngos gnyis pa'o/ phyag na ni rdo rje mche ba dang zhags pa bsnams pa'o/ /'og tu ni khro bo rdo rje gnod sbyin gyis bsrung ngo //phyag gnyis ri bo 'degs pa sku mdog nag po'o/ /khro bo de rnams ni gyad kyi 'dor stabs can no/ /khro bo de dag thams cad kyang zhal gdangs pa mche ba gtsigs pa skra kham pa gyen du 'greng ba/ stod glang chen gyi ko ba rlon pa gsol ba/ sku smad stag gi pags pas smad dkris pa/spyan gsum pa sma ra ser po'i me chen po 'bar ba zhal nas rang gi sngags kyi sgra sgrogs pa rigs bzhi'i sbrul gyis sku la brgyan par bsgom mo/ /de nas baM las rdo rje ra ba bsam par bya ba dang / karmas dkyil 'khor bcing ba dang / phur bus snga nas gnas pa bskrad pa dang /phyis mi 'ong par byas te gdab par bya'o/ /de nas bdag nyid kyis tshogs kyi yan lag bya ste/ stong par bsgoms la/ rim gyis rten dang brten can gyi lha dang / gzhal yas khang bskyed pa yan chad bya'o/ /bris nas kyang zhes bya ba'i sgra ni bsgoms nas zhes pa'i don to//lha rnams mang po spyan drangs la/ /zhes bya ba ni ye shes kyi dkyil 'khor gyi lha tshogs rnams so/ /spyan drangs pa ni ting nge 'dzin gyi dkyil 'khor du'o/ /de yang gang du gang gi gang phyir zhes pa'i don to/ /sngags shes sngags dang phyag rgya yis//zhes bya ba la sngags shes ni rnal 'byor pa lha'i ting nge 'dzin dang ldan pa de'o/ /sngags dang ni rtsa ba'i sngags rnams so/ /phyag rgya ni phyag rgya bzhi ste/ dam tshig dang / chos dang / las dang phyag rgya chen po'o/ /yang na sngags dang phyag rgya phyi nang gi lha mo rnams kyi sngags dang phyag rgya'o//phyi nang gi mchod pa dbul bar bya'o/ /mdor na mchod pa byas nas ni/ /zhes bya bas ni ro la rig pa'i dbang dang phyir mi ldog pa'i dbang bskur ro zhes bya bar 'brel to/ /de nas gtor ma rnams tshul bzhin du byin gyis brlabs nas dam tshig can la gtor ma phul te/ ming 'di zhes bya ba'i sgrib pa byang bar gyur cig /bdag gis 'gro ba'i don brtsams pa'i stong grogs mdzad du gsol zhes brjod do/ /de nas 'gro ba sbyor ba yang gcig bsngos la ming 'di zhes bya ba'i las kyi bag chags byang zhing bsod nams kyi tshogs su gyur cig ces brjod de gtang ngo / / de nas/ lha yi sbyor ba rab gnas la/ /zhes bya ba la sogs pas ni sngags mkhan gzhan zhig yod na lha'i ting nge 'dzin dang ldan par byas te/ bum pa la rigs lnga'i snying po shi ba'i ming dang spel nas sngags zlos su gzhug go /de nas ngan song sbyong ba'i sngags ci mang du zlos su gzhug go /gzhan med na bdag nyid kyis bya'o/ /ga bur gur gum zhes pas na/ /yam shing dang ni de bzhin te/ /zhes pa'i bar gyis ni rdzas kyi rim pa bstan to/ /da ni shing brtsig pa'i rim pa bstan te/ rang gi sngags kyis btab pa'i shing / /khung bu'i nang du gzhug par bya/ /zhes pa ni bud shing la ngan song sbyong ba'i sngags kyis btab ste brtsigs pa ni shing drang zhing dri dang ldan pa ring ba'i gdung ka ba bzhi thab kyi zur bzhi la btsugs la de'i steng du gdung gnyis bzhag la sngas bya/phyi ma de gnyis kyi steng du phyam tha ma ba dgod/ de nas de'i steng du yang dkyil 'khor zhal zhal legs par bya/de'i steng du khang pa rim pa gsum pa mchod rten gyi tshul du brtsig par bya'o/ /de nas phrag gnon dang steng gnon ni ro bzhag la brtsig par bya'o/ /da ni ro byin gyis brlab par bya ste/ ro la sngags kyis btab nas su/ /zhes bya ba la sogs pa gsungs te/ de'i don yang 'di ltar shes par bya ste/ de yang dang por bdag nyid lha'i rnal 'byor du byas te/ shi ba'i lus la gnas pa dang / khog srung la sogs bar du gcod pa'i bgegs bskrad pa ni rdo rje gsor zhing / na mo badzra satwa kro d+ha a na lArka/ ma hA badzra kro d+ha dra ba dra ba/ bi dra ba bi dra ba/ sarba ar+tha ya nA sha ya nA sha ya/ ha ra ha ra/ prA NaM hU~M phaT/ ces brjod la bskrad do/ /de nas lcags kyu'i phyag rgya bcas la/ oM badzra aM ku sha che ge mo dzaHdzaH/ zhes brjod pas tshe 'das pa de gang na gnas kyang rung ste/ rang dbang med par lcags kyu can gyis bkug par bsam/badzra pA sha hUM zhes pas ro la shes pa gzhug /badzra s+pho Ta baM gyis bsdams/ badzra g+haN+De hoHsa sems ma 'khrugs par dag par bya'o/ /de nas ngan song sbyong ba'i sngags kyis ro la btab la/ sngon du bzlas pa'i bum pa'i chu'i mchog des bkru bar bya'o//des bkrus pas kun gzhi'i las dang nyon mongs pa gangs kyi rim pa bzhin du gnas pa dag par bsam mo/ /de nas sngags bzlas pa'i dri gur gum la sogs pas lus de la byug par bya ba ni/ bzlas pa'i dri yis byug par bya/ /zhes so/ /gos rgyan gyis ni bklubs nas ni/ zhes pas ni sngags btab pa'i ras dkar po yug kha tshar ma nyams pas dkri bar bya'o/ /sngags kyis btab pa'i bdug pas kyang bdug par bya'o/ /me tog gi phreng bas kyang ro la gdags par bya'o/ /da ni ro la sngags gdab cing byin gyis brlab par bya'o/ /gtsug phud dpung pa de bzhin du//sngags bris nas ni gdags par bya/ /zhes pa la sogs pa de nas gur kum bzang pos sngags bris pa ni oM b+h+ri ta b+h+ri ta sarba A ba ra NA nai hUM phaT/ kha ni lus te mgo bor gdags/ oM tra Ta tra Ta sarba A ba ra NA ni hUM phaT/ lkog ma ni ngag ste lce rtsar gdags so/ /oM ts+tshin+da ts+tshin+da sarba A ba ra NA ni hU~M phaT/snying ga ste yid kyi der gdags so/ /de gsum gyis ni lus ngag yid gsum gyi mi dge ba bcu'i bag chags dag par dmigs so/ /da ni gnas bco brgyad du gdags par bya ste/ oM sho d+ha ne sho d+ha ne/ sarba pA paM bi sho d+ha ne/ shud+d+he bi shud+d+he sarba karma A ba ra NA bi shud+d+he swA hA/kun rig dpral bar ro/ /oM sho d+ha ne sho d+ha ya/ sarba a pA ya bi sho d+ha ni hU~M phaT hU~M ngan song sbyong ba ste mdzod spu la'o/ /oM sho d+ha ne sho d+ha ya/ sarba a pA ya/ sarba satwe b+h+yo hU~M trAM/ rin chen me tog ste rna ba g.yas pa la'o/ /oM shod+ha ni sho d+ha ya/ sarba a pA ya bi sho d+ha ni hrIH/shAkya thub pa ste rna ba g.yon pa la'o/ /oM sho d+ha ni sho d+ha ya sarba satwa ya trA Ta aH/ me tog cher rgyas te mgo bo'i gtsug phud la'o/ /na mo b+ha ga wa ti sarba durga ti ba ri sho d+ha ni rA dzA ya/ ta thA ga tA ya/ ar+ha te samyaka saM bud+d+hA ya/ tad+ya thA/ oM sho d+ha ne sho d+ha ne/ sarba pA paM bi sho d+ha ni shud+d+he bi shud+d+he/sarba karma A ba ra NA bi sho d+ha ni swA hA/ rtsa ba'i rig pa ste dpung pa g.yas pa la'o/ /oM sarba A ba ra NA bi sho d+ha ni ha na hUM phaT/ rdo rje sems dpa' ste dpung pa g.yon pa la'o/ /oM sarba bita hUM rdo rje rgyal po ste sna la'o/ /oM sarba bita phaT/ rdo rje chags pa ste rkang pa la'o//oM sarba bid AH/ rdo rje legs pa ste pus mo g.yas pa la'o/ /oM sarba bita tra/ rdo rje rin chen te pus mo g.yon pa la'o/ /oM sarba bita oM/ rdo rje nyi ma ste bol gong g.yas pa la'o/ /oM sarba bita swa/ rdo rje rgyal mtshan te bol gong g.yon pa la'o/ / oM sarba bita AH/ rdo rje bzhad pa ste long bu g.yas pa la'o/ /oM sarba bita hU~M rdo rje chos te long bu g.yon pa la'o/ /oM sarba bita tra tha/ 'jam dpal te mig g.yas pa la'o/ /oM k+Sha rdo rje 'khor lo mig g.yon pa la'o/ /oM b+ha rdo rje smra ba ste mdoms su'o/ /de ltar dbang po rnams su yi ge de rnams bzhag nas/ting nge 'dzin gyis kyang sngags de dag gi 'od zer gyis sgrib pa rnams sbyong bar bsam par bya'o/ /de nas skabs 'dir rig pa'i dbang dang phyir mi ldog pa'i dbang rnams bskur bar bya'o/ /de nas gsang sngags kyis btab pa'i dar la sogs pa'i gos kyis g.yogs nas rgyan thams cad kyis bklubs nas bzhag pa la ni//sngags kyis btab pa'i gos kyis g.yogs/ /zhes so/ /stan dang bcas te thab tu bzhag/ /ces pa ni stan pad+ma 'dab ma brgyad pa cig ras la bris te/ de dang bcas par thab kyi dbus su kha nub phyogs su bstan la gzhag go//de nas phrag gnon btang la steng du shing brtsig go/ de nas rnal 'byor pa sbyin sreg gi las la 'jug par bya ste/ de yang sngags pa bdag nyid kha shar phyogs su bltas la las bya'o/ /de nas rdzas kyi rim pa mar khu dang / 'o ma dang /til dang / yungs kar dang / 'bras chan dang / 'bras yos dang / dUR+Wa dang / yam shing dang / me 'bar ba'i shing la sogs pa la gur gum la sogs pa dri zhim po dag gis bsgos shing byug pa dag dgram mo/ /de nas yo byad rnams la las thams cad pa rdo rje gnod sbyin no//rdo rje rtse mo'i sngags kyis gdab bo/ /de nas rang re'i sngags kyis byin gyis brlab bo/ /de nas byin za dge ba legs sbar la/ /zhes bya ba la sogs pa gsungs te/ /de'i don yang 'di ltar shes par bya ste/ shin tu gtsang ba'i rtswa ku sha'i khres la bdag nyid bzang po'i 'dug stangs kyis 'dug go/chos thams cad stong pa nyid du bsgom mo/ /de nas khro bo bgegs las rnam par rgyal bar bdag nyid bskyed la/ bsrung ba'i cho ga gong nas 'byung ba bzhin du byas la/ de nas sngon du 'gro ba'i yan lag rdzogs par byas te/ bdag nyid mngon par byang chub pas lha'i sku'i rnam par bsgom mo//de yang rgyu 'di nyid las chos thams cad dngos po med par sems kyis bsgom par bya ba ni/ a las zla ba'i dkyil 'khor bsam/ /zhes pa la sogs pa'i gsung las/ bdag rnam par snang mdzad du de dang sngags 'dis bskyed do//oM sho d+ha ne sho d+ha ne sarba pA paM bi sho d+ha ni/ shud+d+he bi shud+d+he sarba karma A ba ra NA bi shud+d+he swA hA/ sku gong ltar bskyed do/ /de nas rdo rje dbyings kyi dbang phyug ma'i phyag rgyas byin gyis brlab po/ /de'i sngags dang phyag rgya ni 'di yin te/ mthe bong gnyis ni skyil mo krung //mdzub mo gnyis ni rtse mo dgug /gung mo'i rtse mo mnyam pa ste/ /rdo rje dbyings kyi dbang mor bshad/ /ces pa dang / oM badzri d+hA twI shwa ri hUM/ oM badzra NI a d+hi tiSh+Tha maM zhes brjod cing snying ga dang smin mtshams dang lkog ma dang spyi bor byin gyis brlab po/ /de nas dbang bskur te/rdo rje bcing ba las mthe bong gnyis rtse mo can du byas te/ de'i steng du mdzub mo phan tshun ngos sprad de/ rin po che'i rtse mo 'dra bar byas pa ni rin po che'i phyag rgya ste/ oM badzra rat+na zhes bya ba'i snying po dang bcas pas dbang bskur ro/ /de nas rang gi lce la rdo rje rtse lnga pa chos kyi phyag rgya hU~M las bskyed de/de'i dbus su chos kyi yi ge sku bskyed pa'i snying po bsam mo/ /de nas las kyi phyag rgya rang gi snying gar rdo rje rgya gram yi ge a las bsam mo/ /de ltar bdag dam tshig sems dpa'i sku rdzogs par bskyed pa des rdo rje ra ba dang dra ba la sogs pa bsam par bya ste/ las thams cad pa'i bum pa'i chu dang / oM badzra yak+Sha hU~M zhes bya bas me bsangs te/ mchod yon la sogs pa mchod pa rnam pa lnga ni g.yon du bzhag /rdo rje dril bu mdun du bzhag /mar khu dang dgang blugs mdun du bzhag /sreg rdzas rnams g.yas su gzhag go/ /de nas bdag gis rdzas de rnams stobs dang ldan par bya ba dang /cho ga thams cad la nus pa yod pa'i ched du kha dang lag pa byin gyis brlab par bya'o/ /de nas sku gsung thugs kyi dam tshig gsum dang ldan par bya ba'i ched du rdo rje dril bu gzung bar bya ste/ de yang hU~M dang aHlas rdo rje dril bu bskyed de/de kho na nyid kyis gzung bar bya'o/ /de nas bdag nyid mchod pa brgyad kyis mchod do/ /de nas gsang ba'i thab khung mi dmigs pa las yi ge hU~M ngam lha'i chos kyi yi ge las thab khung sngar bris pa bzhin bskyed la/ de nas pad+ma 'dab ma brgyad pa cig bsams te/ de'i dbus kyi lte ba la yi ge raM 'bar ba las gyur pa'i gru gsum bskyed la/gru gsum de'i shar la sogs pa'i zur la oM AHhU~M gsum khams gsum gyi bdag por bsgoms pa las/ 'khor lo dang pad+ma dang rdo rje rang rang gi yi ges mtshan pa bskyed la/ de'i dbus su raM las byung pa'i 'bar ba'i me raM dang bcas pa mthong ste/gong gi phyag mtshan raM dang bcas pa 'od du zhu ba las me 'bar bar bsam zhing / dam tshig gi gsang sngags hUM badzra a na la ma hA b+hU ta dz+wa la ya b+ha smiM ku ru sarba duSh+TAM hU~M phaT ces brjod pas/ rdo rje me lha'i gzugs su gyur te/ de yang sku mdog dkar po zhal gcig phyag bzhi pa/spyan gsum pa ral pa'i thor tshugs dang ldan pa/ g.yas gnyis na dbyug pa dang / mi 'jigs pa/ g.yon gnyis na phreng ba dang gun+d+he 'dzin pa'o/ /gos dang rgyan dang mchod phyir thogs dkar po dang ldan pa/ lus kyi yan lag thams cad la me lce stong gis dkris shing 'od 'bar bar bsams nas/de ltar me lha dam tshig sems dpa' bskyed nas de nas me lha de'i thugs kar khro bo rnam par rgyal ba yi ge hU~M las bskyed/ de la ye shes kyi khro bo lcags kyu la sogs pas bstims la/ de nas zhal bsil la sogs pa dbul lo//de nas sgeg mo la sogs pas mchod do/ /de nas rdzas rnams rang rang gi sngags dang / oM trai lo kya bi dza ya swA hA zhes pas dbul lo/ /de nas bstod de phrin las bcol/ /de nas byin za dge ba legs sbar la/ /zhes pa ni me rgyun bzhag gi me'am/shing 'o ma can las byung ba'am/ bram ze tha mal ba'i me la sogs pa blangs te/ las thams cad pa'i chus bsang gtor bya'o/ /de nas shing skam zhing gtsang ba'i bud shing bcug la/ oM dz+wa la dz+wa la hU~M zhes bzlas shing rlung yab kyis me sbar bar bya'o/ / de nas 'bar ba dang gong gi dam tshig gi me dang tha mi dad par bsams la/ ye shes kyi me spyan drang bar bya'o/ /me lce stong gis dkris shing 'bar ba yi/ /zla dkar kun+da bzhin la zhi ba'i lus/ /mtha' yas pa yi gzugs kyi me bkug la/ /zhes bya ba ni ye shes kyi me sngags dang phyag rgya 'dis spyan drang bar bya ste/lag pa g.yas pa mi 'jigs pa'i phyag rgya byas la mthe bong gi rtse mo srin lag gi drung du btsugs la dgug pa'i tshul gyis yang nas yang du bskyod de/ mngon par 'dod pa'i tshig 'di brjod cing spyan drang ngo / /oM gzi brjid chen po me yi lha/ /'dod pa thams cad sgrub byed cing //thugs rjes sems can don kun mdzad/ /'di nyid du ni gshegs su gsol/ /zhes so/ /spyan drangs pa'i me lha de yang sku la me lce stong gis dkrigs pa'i 'od 'bar ba/ sku mdog dkar po zhi ba'i cha lugs su bzhugs pa de la 'thor 'thung bya ste/ rdo rje lcags kyu la sogs pas dgug pa dang / gzhug pa dang / bcing ba dang / dbang du byas te/ dam tshig sems dpa' dang gnyis su med par bstim par bya'o/ /de nas gdan bstab par bya'o/ /ar+g+haM dbul bar brtags nas de bzhin du zhes bya ba ni mchod yon dbul bar bya ste/lag pa g.yas ba'i sor mo thams cad bkug la mthe bong dang mdzub mo gnyis sbyar bas me tog blangs te zhabs bsil phul te sor mo rnams brkyang ba ni zhabs bsil gyi phyag rgya ste/ oM pra ba ra sa t+kA ra t+yaM pra tIts+tsha swA hA zhes bya'o/ /de nas mchod yon phyag tu dbul bar bya'o//i maM ar+g+haM ma ya tra ta ma kri ha na sid+d+him+me pra yats+tsha swA hA/ mchod yon len gsum dbul bar bya'o/ /de nas lce la rdo rje dkar po rnam par bsams la/ oM badzra dz+wa la dz+wa la hUM phaT ces pas me'i chos kyi phyag rgya dgod de/ de la sogs pa las kyi phyag rgya dang /dbang bskur ba dang / dam tshig bsgrags pa dang / brtan par bya ba dang / las bcol ba dang / phyi nang gi mchod pas mchod pa dang / de nas me lha'i lce dang dgang gzar dang / blugs gzar gyi kha la raM bsams te/ bus mo gnyis kyi bar du lag pa bzhag ste sreg rdzas kyis mchod pa dang bstod pa la sogs pa bya'o//blo mchog ldan pa'i mdun du gzugs sogs bzhag /ces pa ni me lha de mchod pas mchod pa'i rten la dbang por mdun du bzhugs su gsol ba'o/ /ji skad gsungs pa'i yon tan 'dod pa yis/ / zhes bya ba ni kun rig rnam par snang mdzad la sogs pa mchod de/ de'i don yang 'di ltar shes par bya ste/ de nas me lha dam tshig sems dpa' de'i thugs kar rdo rje 'khor lo'i sngags dang phyag rgyas rin po che'i gzhal yas khang re mig dgu lte ba dang bcas pa'i 'khor lo rtsibs bcu drug pa gru chad dang /khyams dang / sgo khyud dang / rta babs dang / them skas la sogs pas brgyan par bsams la/ me lha'i thugs ka'i zla ba dang pad+ma'i steng du lha rnams re re sa bon gyi yi ge yongs su gyur pa'i mtshan ma las byung ba las dang rjes su mthun pa'i rgyan dang / kha dog la sogs pa dang ldan pa'i kun rig rnam par snang mdzad la sogs pa dmigs te gsal bar bsam mo/ /de bzhin gshegs pa tshogs de ltar spyan drangs la zhes bya ba ni sgo dbye ba byas nas/ bdag gi snying gar sna tshogs rdo rje bsams pa las rdo rje bsdu ba'i snying po oM badzra sa mA dzaHdzaHzhes brjod cing rdo rje khu tshur gnyis bsnol te dpung mgor bzhag la mdzub mo gnyis lcags kyu ltar byas la gung mo dang mthe bong gnyis gtogs shing de bzhin gshegs pa 'khor dang bcas pa rnams rang rang gi gnas nas bskul te/ji ltar bsam pa'i gnas kyi kho ra khor yug du bzhugs par bsam mo/ /de nas mchod yon phul te bstod pas bstod la/ rdo rje gnod sbyin gyis rang bzhin gyis phyi nas 'ong ba'i bgegs bskrad par bya'o/ /de nas shar phyogs kyi sgor rdo rje lcags kyu'i las kyi phyag rgya bcings te phyag rgya de nyid shar phyogs kyi sgor lcags kyu ltar gyur par bsams la/oM badzra oM ku sha dzaHdzaHzhes brjod pas lcags kyus dgug pa'i tshul gyis de bzhin gshegs pa rnams so so'i sgo drung du byon par bsam mo/ /phyag rgya de nyid bkrol nas lho phyogs kyi sgor zhags pa'i las kyi phyag rgya bcings te/phyag rgya de nyid lho phyogs kyi sgor zhags par gyur par bsams la oM badzra pA sha hU~M zhes brjod pas zhags pas drangs pa'i tshul gyis de bzhin gshegs pa rnams so so'i sgo'i nang du zhugs par bsam mo/ /phyag rgya de nyid bkrol nas nub phyogs kyi sgor lcags sgrog gi phyag rgya bcings te/phyag rgya de nyid nub phyogs kyi sgor lcags sgrog tu gyur par bsams la/ oM badzra spo Ta baM zhes brjod pas lcags sgrog gis bsdam pa'i tshul gyis de bzhin gshegs pa rnams so so'i sgo'i nang du zhugs par bsam mo/ / phyag rgya de nyid bkrol nas byang phyogs kyi sgor rdo rje 'bebs pa'i las kyi phyag rgya bcings te/ phyag rgya de nyid byang phyogs kyi sgor dril bur gyur par bsams la/ oM badzra A be sha hoHzhes brjod cing dril bu bskyod pa'i tshul gyis de bzhin gshegs pa rnams mnyes par bsams te phyag rgya de nyid dgrol lo//de nas dkyil 'khor gyi lha de rnams la dbang bskur ba dang byin gyis brlab pa dang / phyag rgya bzhis rgyas gdab pa rnams bya'o/ /ar+g+haM la sogs dbul zhing de bzhin du/ /bde gshegs gsungs pa'i mchod pa gang yin bya/ /zhes bya ba ni phyag btsal ba dang / mchod pa rnam pa lngas mchod pa dang /phyi nang gi mchod pa brgyad kyis mchod pa dang / mchod pa nyi shus mchod pa bya ste ye shes sems dpa'i thugs ka'i mtshan ma'i dbus su rang gi chos kyi yi ges dkyil 'khor gyi lha thams cad kyi ngo bo nyid du mthong ste/ yang mchod yon phul/ 'thor 'thung gis snga ma bzhin du sbyin sreg gi yo byad thams cad bsang gtor byas la/dgang gzang dang blugs gzar lag tu thogs te/ de nas byin za la ni brtag par bya/ /zhes pa ni byin za brtag ste/ dbyibs dang kha dog legs par bsam pa'o/ /bsreg byas bkang ste sbar bar bya ba'i phyir/ /zhes pa ni dgang gzar mar gyis bkang ste sbar bar bya'o//sreg rdzas kyis mchod par bya'o/ /de nas bsreg byas bkang ste rim gyis ni/ /rgyal la sogs la brgya rtsa brgyad du btags/ /zhes pa ni de las dang por gtso bo la dbul lo/ /de nas rgyal ba rigs lnga dang / sems dpa' bcu drug la brgya rtsa brgyad dbul lo//de nas sbyong ba'i sngags kyi rgyal po la/ /bsreg par bya ba nyi shu rtsa gcig dbul/ /zhes pa ni rdzas de rnams ni me'i zhal du bstab bo/ /lhag ma rnams la ni nyi shu rtsa gcig gis mchod do/ /de nas bstod pas bstod do/ /de nas gang 'dod pa'i dngos grub rnams gsol ba gdab bo//de nas bzod par gsol te yi ge brgya pas bya'o/ /de nas spyan drangs pa gshegs su gsol lo/ /dam tshig sems dpa' lus la bsdu'o/ /de nas spyan drangs yo byad lan gsum dang / /mchod yon la sogs pad+ma'i dkar zhal mchod/ / ces bya ba de las ye shes kyi me lha de shar lho mtshams nas thab nang gi rang gi lus la zhugs pa'i phyir spyan drangs te/ me lha de la mchod yon la sogs pa phul te/ yo byad lhag ma rnams kyis lan gsum gsum du sbyin sreg bya'o/ /de'i mtha' mar yon bdag g.yon du bzhag la sgrub pa pos dngos grub gang 'dod pa gsol ba gdab bo//de nas bdag gi don dang gzhan gyi don/ /byin za khyod ni grub lags kyis/ /ji bzhin don du slar gshegs la/ /slar yang sems can don la gshegs/ /zhes pas gshegs su gsol lo//phyag na rdo rje pad+ma'i zhags pa bsnams/ /zhes bya ba la sogs pa ni yang me thab dang yo byad rnams bsangs la/ bdag dam tshig sems dpar bsgoms pa'i thugs kar yi ge hU~M bsams pa las/ bdag nyid khro bo phyag na rdo rje hU~M zhes bya bar gyur te bzhin dang cha lugs khro bo'i tshul can du bsam mo//mdun du me thab tu yang yi ge hU~M las rdo rje sems dpar gyur nas/ rdo rje sems dpa'i thugs ka nas oM badzra satwa kro d+ha a na lArka ma hA badzra kro d+ha dra ba dra ba bi dra ba bi dra ba/ sarba pA paM nA sha ya nA sha ya ha ra ha ra prA NA na hU~M phaT ces brjod pas khro bo khams gsum rnam par rgyal ba'i gzugs su gyur te/sku mdog sngon po zhal bgrad cing mche ba gtsigs pa/ phyag na rdo rje dang pad+ma dang ral gri dang zhags pa bsnams pa'o/ /zhabs kyi pad+mas sdig mnan cing / /zhes pa ni khams gsum rnam par rgyal ba'i zhabs kyi pad+mas ma hA de ba mnan pa'o//sku la sbrul gyis brgyan pa/ sku smad stag gi pags pas dkris pa 'khor khro bo mang pos bskor ba ni/ /rgyan rnams kun gyis legs brgyan pa/ /zhes pa'o/ /rdzogs sangs rgyas ni dbu rgyan mtho/ /zhes pa ni rigs lnga'i sangs rgyas kyis dbu la brgyan pa'o//bsams sam ni ting nge 'dzin no/ /bris pa ni mig gi rten to/ /de ltar khro bo de bskyed la ye shes kyi khro bo yang spyan drangs te/ bstims la mchod yon dang zhabs bsil la sogs pa dbul lo/ /de yi snying pos de bzhin du/ /zhes bya ba ni dang por khro bo'i sngags gong mas mar dang yam shing phul la/de nas rdzas rnams gcig tu bsres te bdud rtsi 'khyil pa'i sngags kyis btab la/ lag pa g.yon pa khu tshur bcangs nas/ brang la dpung pa dam du bcum la lag pa g.yas pas sbyin sreg bya'o/ /rnam par rgyal ba'i sngags dang shi ba'i ming spel la brgya'am stong ngam bye ba'i tshad du sbyin sreg bya'o//bar bar du ming 'di zhes bya ba'i nyon mongs pa'i sgrib pa thams cad sarba pA paM da ha na badzrA ya swA hA/ zhes brjod cing til bsreg go/ /phyi ma dkyus na gsal lo/ /de nas khro bo gshegs su gsol la bdag nyid phyag rgya bkrol zhing lus bsrung ba la sogs pa bya'o//de nas thal bar gyur pa dang / /zhes bya ba la sogs pa ni de ltar bsregs nas thal bar gyur pa dang / rdo rje bsdu ba'i sngags saM ha ra Na badzra hU~M zhes pa'i cho gas bsdu bar bya'o/ /de ltar rus pa dang thal ba de bsdus nas snod gtsang mar bcug ste/mchod rten gdab pa'i phyogs su gzhag go/ sngags kyis btab pa'i dri chu dang / /zhes pa la sogs pa ni ga bur la sogs pa'i dri chu dang / ba skyes 'o ma la sogs te ba'i rnam lnga dang / rus pa la ngan song sbyong ba'i sngags 'bum yan chad bzlas la/ gzugs su bya ba'am zhes pa ni dkyil 'khor gyi lha gang yang rung bar bya ba'am/yang na ni/ mchod rten gyi ni lhar byas la/ /zhes bya ba ni yang na mchod rten gyi gzugs su byas te/ gcig gam gnyis sam gsum mam lnga'am yang na brgya rtsa brgyad kyi bar du gdab bo/ /sngags dang phyag rgyas gdab par bya/ / zhes pa ni ngan song sbyong ba'i sngags dang phyag rgyas gdab bo/ /ji tsam du sngags gdab pa na 'bum phrag gnyis kyi bar du bzlas zhes so/ /de nas mchod rten la sogs pa la 'bar bar gyur tam yang na sku'i zhal 'dzum pa la sogs pa'i mtshan ma byung byung du bzlas so/ /mtshan ma ni dkyus na gsal lo//ci ste mtshan ma de dag ni/ /sdig can blo yis ma mthong na/ /zhes bya ba la sogs pa gsungs te/ mtshan ma de dag ma thob na 'bum phrag stong man chad bzlas shing / ji srid mtshan ma dge ba ma byung gi bar du de bzhin gshegs pa rnams mchod cing rtse gcig pa'i sems kyis mnyam par gzhag cing bzlas brjed bya'o//de ltar bzlas pa'i mthar mtshan gcig bzlas pa rab tu byas na shi ba de nges par sdig pa las grol zhing mtshan ma bzang po rnams 'byung bar 'gyur ro/ /de dag ni ro'i dbang du byas pa'i rim pa slob dpon kun dga' snying pos mdzad pa rdzogs so// //yang na med par gyur na yang / /zhes bya ba la sogs pas ni ro med par gyur na ming tsam gyis rnam pa bzung nas/ sngags la sogs pa bzlas pa dang bdag lha'i skur bskyed pa des na sbyong ba'i sngags bzlas shing shi ba'i ming ngam rus pa dang spel te bzlas pa'i phyir na/zlos shing bsgoms pa'i tshul gyis ni/ /ming tsam legs par bris nas kyang / /zhes bya ba la sogs pa gsungs te/ sngags kyi 'od zer gyis dmigs par bya ba'i rten shog bu'am gro ga la bris te de la bstims pas de las dang nyon mongs pa'i bag chags dag par byed de/'jim pa dang bsres te mchod rten gyi phreng ba bya ba'am/ yang na lha'i gzugs su bris kyang rung ste/ sdig pa bsreg pa'i sbyin sreg gam/ /dbang rnams rdzogs par bskur na yang / /gdon mi za bar mtho ris su skye'o/ /yang na thal ba nyid dam rus pa la/ yungs kar ram bye ma la sogs pa la ming nas brjod cing sngags bzlas na yang rgya mtshor 'bab pa'i chu klung du dor ro/ /de lta bu byas pas kyang ngan song las thar te mtho ris su skye'o/ /da ni dge ba dang ldan pa'i ji lta bur byas pa de thams cad sla bar 'gyur ba'i gang zag gi rim pa ston te/ dge ba'i mchog ni bskyed pa dang //byang chub sa bon bskyed pa'i bdag/ /ces gsungs te/ dge ba ni chos spyod bcu'o/ /mchog ni ji ltar dge ba byas kyang dmigs pa med par byas pa'o/ /yang na don dam pa dang kun rdzob kyi byang chub sems ni mchog ste de bskyed pa'o/ /de gang dang ldan pa de ni sangs rgyas 'bras bu rgyur ldan pa ste sangs rgyas ni rigs lnga'o//'bras bu ni sku gsung thugs mi zad pa rgyan gyi 'khor lo'o/ /rgyu ni rang gi rtog pa'i khyad par ro/ /de gang snyam pa la/ sbyin pa'i pha rol phyin par ldan/ /zhes bya ba la sogs pas bstan te/ sbyin pa ni yongs su gtong ba'i mtshan nyid de/de yang rnam pa bzhi ste/ zang zing dang / mi 'jigs pa dang / chos dang / byams pa'o/ /tshul khrims ni yang dag pa'i don la mi 'da' ba'o/ /bslab pa'i tshul khrims dang / dge ba'i chos sdud pa'i tshul khrims dang / sems can gyi don bya ba'i tshul khrims so/ /bzod pa ni mi 'khrugs pa'i mtshan nyid do/ / de la yang gnyis te/ theg pa chen po'i chos zab mo la yid ches pa'i bzod pa dang / gnod pa byed pa la ci mi snyam pa'i bzod pa'o/ /brtson 'grus ni skyo dub med pa'i mtshan nyid de/ go cha'i brtson 'grus dang / sbyor ba'i brtson 'grus so/ /bsam gtan ni chos nyid kyi don la mnyam par 'jog pa'i mtshan nyid do//de la yang gnyis te/ chos nyid kyi bsam gtan dang ting nge 'dzin gyi bsam gtan no/ /shes rab ni spyi dang rang gi mtshan nyid 'byed pa'i mtshan nyid do/ /de la yang gnyis te zag pa dang bcas pa'i shes rab dang / zag pa med pa'i shes rab bo/ /de ni rgyu ste rgyu pha rol tu phyin pa drug gis 'bras bu bsod nams dang ye shes kyi tshogs skye ba'i phyir ro//de lta bu'i sems ni 'jig rten 'di'i bde ba dang yang ldan la/ phyi mar yang myur du ngan song las thar te byang chub thob par the tshom med do/ /da ni dge ba'i rtsa ba ma bskyed pas mi 'grub pa'i don ston te/dge ba'i rtsa ba ma bskyed la/ /med par lta ba gang yin dang / /zhes bya ba la sogs pa gsungs te/ dge ba ni rnam par dkar ba'o/ /rtsa ba ni byang chub kyi sems so/ /ma bskyed pa ni ma spel ba'o/ /med par lta ba ni rgyu dge sdig gnyis med par lta ba dang /'bras bu bde sdug gnyis med par lta ba'o/ /byang chub lam las rnam log pa ni don dam pa dang kun rdzob kyi byang chub kyi sems las log pa'o/ /sangs rgyas kyi bstan pa la zhe sdang byed cing sdig pa'i rang bzhin du mthong ba dang / pha dang ma la snying ring zhing byang chub kyi sems dang ma 'brel pa rnams kyis 'grub par mi 'gyur ro zhes rnam par snang mdzad kyis gsungs so//de yan chad du sbyin sreg gi don bstan zin to/ /da ni go cha'i phan yon ston te/ de nas brgya byin la sogs lha/ /zhes bya ba la sogs pa gsungs te/ des ni sbyin sreg gi mjug bsdu bar gsungs te/de nas ni phan yon gyi mgo 'dren to/ /brgya byin ni yon bdag yin pa'i phyir dang la smos so/ /lha thams cad ni nor bu dri ma med pa'i 'od thar pa las snga ba'i phyir smos so/ /de nas dbang por bcas pa yi/ /zhes pa nas/ sna tshogs byung ba 'di ci lags//zhes bya ba'i bar gyis ni yon tan la ngam ste/ mchod pa du mas mchod cing bstod do/ /bcom ldan 'das kyis bka' stsal pa zhes pa nas/ bde bar gshegs pa ngo mtshar che lags so zhes pa'i bar gyis ni/ nor bu dri ma med pa'i 'od kyi rnam par thar pa bstan la/ 'khor ngo mtshar che ba la dam par bstan to/ /de nas brgya byin la sogs lha/ /zhes pa nas/ sngags dang 'dra ba'i 'dren pa med/ /ces bya ba'i bar dkon mchog gsum la yon tan gyi sgo nas bstod pa bstan to/ /de nas lha'i bu de dag gis zhes pa nas/ blta bar 'tshal lo zhes bya ba'i bar gyis nor bu dri ma med pa'i rdzu 'phrul dang rnam par 'phrul pa blta bar 'tshal lo zhes gsol ba bstan to//de nas bcom ldan 'das zhes pa nas/ de nyid du mi snang bar gyur to zhes pa'i bar gyis ni de bzhin gshegs pas nor bu dri ma med pa 'od zer gyi phreng bas bskul nas 'ongs pa bstan to//de nas lha'i bu de nyid ces pa nas/ zil gyis mnan to zhes pa'i bar gyis nor bu dri ma med pa'i 'od kyi rnam par 'phrul pa thams cad zil gyis mnan par bstan to/ /de nas lha'i bu de zhes pa nas myur du bkrol zhes pa'i bar gyis ni ya mtshan che nas thugs rje la ngam nas bstod pa bstan to//de nas skad cig ma de nyid kyi tshe zhes pa nas/ ya mtshan skyes te zhes pa'i bar gyis ni rnam par 'phrul pa sna tshogs mthong ba bstan to/ /'di skad ces smras so zhes pa nas/ tshangs spyod tshul khrims dri med skye bsam yas/ /zhes pa'i bar gyis ni de bzhin gshegs pa'i yon tan gyi khyad par bsam gyis mi khyab pa'i don la ngam pa bstan to//de nas lha'i bu de dag gis zhes pa nas blta bar 'tshal lo zhes bya ba'i bar gyis zhu ba bstan te/ gsol ba gdab pa bstan to/ /de nas bcom ldan 'das kyis yang zhes pa nas mi snang bar gyur to zhes bya ba'i bar gyis ni/snang bar byas pa'i ting nge 'dzin bstan to/ /de nas nor bu dri ma med pa'i 'od ces pa nas/ 'di skad gsol to zhes pa'i bar gyis ni de bzhin gshegs pa'i spyan sngar 'ongs nas thams cad zil gyis mnan pa bstan to/ /kye ma sangs rgyas zhes pa nas/ sems can lha gnas myur du skyes//zhes pa'i bar gyis sngags kyi yon tan kun la bstod pa bstan to/ /de nas lha'i bu nor bu dri ma med pa'i 'od ces bya ba dang zhes pa nas/ de bzhin du slar song ngo zhes pa'i bar gyis drin la lan gyis blan pa'i phyir mchod pa'i khyad par gyis mchod nas rang gi gnas su 'gro ba bstan to//de nas brgya byin dang zhes pa nas bshad du gsol zhes pa'i bar gyis ni phyi rabs kyi sems can la phan gdags pa'i phyir zhu ba gsol ba bstan to/ /brgya byin dang zhes pa nas 'gro bar 'gyur ro zhes pa'i bar gyis ni sngags kyi don 'di thos par dka' ba'i che ba'i yon tan bstan to//de nas brgya byin dang zhes pa nas rnam par smin pa ni cir 'gyur zhes pa'i bar gyis ni snod du gyur pa'i theg pa chen po la dad pa'i rnam pa cir 'gyur ba zhus pa bstan to/ /bcom ldan 'das kyis zhes pa nas smos kyang ci dgos zhes pa'i bar gyis ni theg pa chen po'i rigs can gyi che ba'i yon tan gyi khyad par bstan to//de nas brgya byin dang zhes pa nas/ bskyab par bgyi zhes pa'i bar gyis ni 'jig rten pa'i dkyil 'khor rnams kyis theg pa chen po'i chos 'di gang na spyod pa de bsrung zhing bskyab pa'i thabs ston to//lha'i dbang po zhes pa nas/ bag yod par byos la sgrubs shig ces pa'i bar gyis ni phyi rabs kyi sems can la phan pa'i gdams ngag sbyin pa ston to/ /de yan chad kyis ni sku gsum gyi gtsug tor gyi rgyud las rtsa ba'i rgyud du gyur pa rnam par snang mdzad kyi sku'i rgyud bshad pa'o//dpal rnam par snang mdzad kyi rtsa ba'i rgyud kyi bshad pa gsal ba'i sgron ma zhes bya ba slob dpon chen po kun dga' snying pos mdzad pa rdzogs so// //da ni rkyen sbyong bar byed pa'i bshad pa'i rgyud phyi ma'i don bshad par bya ste/ de la yang 'chad pa po'i mtshan nyid dam rang bzhin bstan pa 'byung ste/de yang dang por gleng gzhi ni ji lta bu yin zhe na/ rgyud phyi ma 'di'i ston pa ni gang bdag po'i skyes bu ni gang snyam pa la/ 'di'i 'chad pa po'i ston pa ni dpal phyag na rdo rje'o/ /bdag po ni shAkya thub pa de nyid do/ /de'i don bstan par bya ste/de yang dang po ston pa bstan pa'i phyir/ de nas bcom ldan 'das zhes bya ba la sogs pa gsungs te/ bcom pa ni yang dag pa'i ye shes kyis nyon mongs pa phyin ci log gi skyon bcom pa yin la/ ldan pa ni pha rol tu phyin pa drug gis stobs dang ldan pa'o//'das pa ni mtha' gnyis las 'das pa'o/ /byang chub sems dpa' sems dpa' chen po phyag na rdo rjes zhes pa ni/ byang chub ni gzung 'dzin gnyis spangs la mkhyen pa'i ye shes dang ldan pa'o/ /sems ni gnyis su med pa'i don la sems pa'o//dpa' ni de'i don la sran tshugs pa'o/ /sems ni thugs rje chen pos 'gro ba'i don la sems la/ dpa' ni 'gro ba'i don las mi ldog pa'o/ /chen po ni khyad par du gyur pa'i don dang ldan pa'o/ /phyag na rdo rje zhes ni dus gsum gyi rgyal ba thams cad kyi thugs las skyes pa'i sems dpa' des so//yang na phyag na rdo rje ni de bzhin gshegs pa thams cad kyi sku gsung thugs kyi gsang ba'i mdzod 'dzin pa dang / bdud dang dregs pa can thams cad 'dul bar byed pa'i rdo rje de phyag na bsnams pas na phyag na rdo rje'o/ /yang na de bzhin gshegs pa thams cad kyis ming gi dbang bskur ba'o//de ji ltar thugs las byung zhing dbang bskur snyam pa'i rtog pa bsal ba'i phyir/ de bzhin gshegs pa rnam par snang mdzad nam mkha'i dbyings kyi rang bzhin las snying rje chen po'i thabs khro bo'i dam tshig rdo rje zhes bya ba'i ting nge 'dzin la snyoms par zhugs so//snyoms par zhugs ma thag tu de bzhin gshegs pa thams cad kyi thugs ka nas rdo rje dam tshig ces bya ba'i snying po 'di phyung ngo / /hUM de phyung ma thag tu bcom ldan 'das thams cad pa'i snying po rig pa mchog 'di smras so/ /oM sum+b+ha ni sum+b+ha hUM/gr-ih+na gr-ih+na hUM/ gr-ih+NA pa ya gr-ih+NA pa ya hUM A na ya ho b+ha ga bAn badzra rA dza hUM phaT/ de nas de bzhin gshegs pa thams cad kyi bdag po phyag na rdo rjer gyur te/ bcom ldan 'das kyi spyan snga na bka' nod cing / zla ba'i dkyil 'khor la gnas so/ /de nas thams cad 'joms pa'i dbang dang /ming gi dbang bskur te/ phyag na rdo rje zhes btags so/ /bcom ldan 'das kyi mthus brtag pa'i rgyal po brtag pa phyi ma 'di bshad do zhes pa ni/ bcom ldan 'das ni bshad zin to/ /mthus zhes bya ba ni byin gyis brlabs pas so/ /brtag pa phyi ma 'dis zhes bya ba ni brtag pa dang po rtsa ba'i dkyil 'khor las ma tshang ba dang /shAkya thub pa'i dkyil 'khor la 'jig rten las 'das pa dang / 'jig rten pa'i dkyil 'khor rtsa ba'i dkyil 'khor gyi khyad par las byung ba'i bshad pa bstan pa'i phyir na de bstan par bya'o/ /dpa' bo gdan las bzhengs nas ni//zhes bya ba ni dpa' bas na dpa' ba'o/ /ji ltar dpa' zhe na/ khro bo 'dod pa'i rgyal po rnam par snang mdzad kyi thugs ka nas phyung ste/ 'jig rten gsum gyi bdag po dbang phyug chen po la sogs pa 'jig rten thams cad na gnas pa'i tshogs kyis bskor ba'i dam tshig gi rdo rjes bkug nas ri rab ri'i rtse mo na rdo rje dang nor bu rin po che las byas pa khang bu brtsegs pa de'i nye 'khor du 'khod par gyur to//de nas phyag na rdo rje rang gi thugs ka nas rdo rje blangs te gsor zhing 'di skad ces bka' stsal to/ /grogs po rnams de bzhin gshegs pa thams cad kyi bstan pa la zhugs la nga'i bka' nyon cig /de nas de dag gis 'di skad ces gsol to bdag cag gis ji ltar bsgrub par bgyi/ phyag na rdo rjes gsungs pa/ kun mkhyen ye shes thob bya'i phyir/ /grogs po rnams kyis bsgrub par gyis//de nas 'jig rten gsum gyi bdag po lha chen po dregs te ches khros par ston zhing 'di smras so/ /nga 'jig rten gsum gyi bdag po yin la/ /gnod sbyin khyod kyi ngag ci'i phyir nyan/ de nas yang phyag na rdo rjes rdo rje gsor zhing bka' stsal pa/ sems can ma rungs pa rnams dkyil 'khor du myur du zhugs la nga'i dam tshig la gnas par gyis shig /de nas lha chen pos bcom ldan 'das la 'di skad ces gsol to/ /bcom ldan 'das 'di lta bu'i sems can dbang phyug la 'di skad ces bka' stsol ba 'di su zhig /de nas bcom ldan 'das kyis dbang phyug chen po la sogs pa 'jig rten gsum gyi tshogs thams cad la bos nas 'di skad gsungs so//grogs po rnams dkon mchog gsum la skyabs su 'gro ba dang / dam tshig dang sdom pa la gnas par gyis shig /phyag na rdo rje ni gnod sbyin khro bo ma rungs pa'i byang chub sems dpa' chen po ste/ rdo rje 'bar bas khyed rnams brlag par byas sa re/ de nas dbang phyug chen po 'khor mang po dang bcas pas 'jigs pa'i gzugs dang / ma rungs pa'i rta gad du dgod pa rnams bstan nas 'di skad smras so//kye nga ni 'jig rten gsum gyi bdag po yin na nga la khyod ci'i phyir bka' stsal/ de nas phyag na rdo rjes rdo rje snyems pa dang bcas pas gsor zhing 'dzum ste 'di skad ces smras so/ /kye lus srul po mi'i sha za ba zas su ro bsregs pa'i thal ba za zhing kha zas dang mal cha dang gos kyang de la byed pa khyed rnams nga'i bka' bzhin byos shig /de nas dbang phyug chen pos 'jig rten gyi khams khro bo chen pos bkang ste 'di skad ces smras so/ khyod nga'i bka' nyon la dam tshig kyang long shig ces so/ /de bcom ldan 'das kyis de bzhin gshegs pa'i thugs ka nas byung ba'i rdo rje chen pos dam tshig dran par byas so//oM ni sum+b+ha badzra hUM phaT/ de nas byang chub sems dpa' phyag na rdo rjes rdo rje'i snying po 'di brjod do/ /hU~M de nas de brjod ma thag tu khams gsum pa thams cad kha sbub tu 'gyel te nyam thag pa'i tshig 'byin cing phyag na rdo rje la skyabs su dong ngo //lha chen po zhes bya ba'i lha de de nas sa la 'gyel te dran pa med par gyur nas shi'o/ /de nas bcom ldan 'das kyis mkhyen bzhin du byang chub sems dpa' phyag na rdo rje la 'di skad ces bka' stsal to/ /khams gsum gyi bdag po 'di la skyabs sbyin par byos la ma bsad cig /de skad ces bka' stsal pa thos nas/ phyag na rdo rjes 'di skad gsungs so/ /lha rnams srog 'dod na dkon mchog gsum la skyabs su dong la nga'i bka' nyon cig /de dag gis gsol pa/ dkon mchog gsum la skyabs su mchi'o//khyod kyis bstan pa'i bka' ni bdag cag gis 'tshal to/ /de nas rnam par snang mdzad kyis de dag la bos nas 'di skad ces bka' stsal to/ /kye lha rnams 'di ni de bzhin gshegs pa thams cad kyi bdag po'o/ /de bzhin gshegs pa thams cad kyi yab po//de bzhin gshegs pa thams cad kyi bka' bzhin du byed pa'o/ /de bzhin gshegs pa'i sras kyi thu bo'o/ /sems can 'dul ba'i khro bo'i rgyal po'o/ /de bzhin gshegs pa thams cad kyis dbang bskur zhing byin gyis brlabs pa'o/ /de bas na khyed rnams 'di'i dam tshig la gnas par byos shig ces so//de nas de dag gis 'di skad ces gsol to/ /bdag cag gi srog yal ba las bskyab tu gsol/ /bdag cag kyang de bzhin du bgyid cing mchis so/ /bcom ldan 'das kyis bka' stsal pa/ kye grogs po rnams 'di nyid la skyabs su dong shig /'di nyid kyis kun du skyobs kyi gzhan gyis ni ma yin no/ /de nas srid pa gsum gyi bdag po de rnams bcom ldan 'das phyag na rdo rje 'dzin pa de ga la ba der logs su bltas nas nyam thag pa'i sgra chen po mgrin gcig tu byung nas 'di skad ces gsol to/ /bcom ldan 'das 'chi ba'i sdug bsngal 'di las kun du bskyab tu gsol/de nas phyag na rdo rjes kye ma rungs pa rnams nga'i bstan pa la zhugs shig /rdo rje 'bar ba 'dis gcig tu 'bar bar byas nas thams cad brlag par byas sa re/ de dag gis kyang 'di skad ces gsol to/ / khyod ni kun du bzang po de bzhin gshegs pa thams cad kyis sems bskyed pa kun du dul ba/ sems can thams cad la phan par bzhed pa/ sems can thams cad la mi 'jigs pa stsol ba lags na/ ci'i slad du bcom ldan 'das kyis bdag cag bsreg par 'gyur/ de nas phyag na rdo rjes bos nas khyed lta bu'i sems can ma rungs pa rnams sems sbyang ba'i phyir nga'i dam tshig la mnos shig /gal te mi gnas na da dung gnas par bya'o/ /gsol ba de bzhin du bgyi'o/ /de nas phyag na rdo rjes dbang phyug chen po ma gtogs pa gzhan dag dbugs dbyung zhing bslang ba'i snying po 'di smras so//oM tiSh+Tha badzra de smras ma thag tu dbang phyug chen po ma gtogs pa de thams cad brgyal ba las sems dbugs phyung ste/ lha'i bde ba myong zhing bag tsha ba dang ba spu longs pa med par gyur nas bcom ldan 'das phyag na rdo rje la blta zhing longs so//de nas bcom ldan 'das kyis phyag na rdo rje la bka' stsal pa/ sems dpa' chen po lha'i bdag po lha chen po 'di ma bslangs par 'di'i srog chud gsan na ci rung / 'di gsos na 'di yang skyes bu dam par 'gyur ro/ /de nas phyag na rdo rjes de bzhin du bya'o snyam nas shi ba slong ba'i snying po 'di smras so/oM badzra A yu de nas 'di smras ma thag lha chen po'i bdag po shi ba las sos te ldang bar 'dod na ldang bar ma nus so/ de nas lha chen pos bcom ldan 'das la 'di skad ces gsol to/ /ci bdag cag 'di lta bus 'dul lam/ bcom ldan 'das kyis bka' stsal pa/khyod skyes bu chen po 'di'i bka' nyan par mi 'jug na/ khyod 'dul ba 'di nyid yin gyi nga ni ma yin no/ /dbang phyug chen pos gsol pa/ ci bcom ldan 'das khyed kyis ma rungs pa'i sems can 'di las skyabs mdzad mi spyod dam/ bka' stsal pa/ngas 'di la bskyab par mi nus so/ /gsol ba ci'i slad du/ bka' stsal pa/ de bzhin gshegs pa thams cad kyi bdag po yin pa'i phyir ro/ /gsol pa/ bka' stsal pa'i don de ma 'tshal te/ khams gsum pa'i bdag po de bzhin gshegs pa rnams las gzhan pa'i bdag po mchis par ma 'tshal na 'di su lags/de nas byang chub sems dpa' phyag na rdo rjes yang lha chen po la bos te 'di skad gsungs so/ /kye ma rungs pa nga'i bka' mi nyan nam/ de nas lha chen pos rdo rje sems dpa'i tshig thos nas 'khrug cing khros par gyur te/de ltar 'gyel bzhin du yang 'jigs pa chen po'i gzugs bstan te/ 'di skad ces smras so/ /nga shi ba bzod kyi khyod kyi ngag mi nyan to/ /de nas phyag na rdo rjes rab tu khros par gyur par bstan cing rang gi rkang pa'i mthil nas rjes su spyod pa 'di phyung ngo / /oM ta ka ri sha na badzra hUM de nas bcom ldan 'das kyi zhabs kyi mthil nas kun du 'bar ba'i snying po khro gnyer byas la mche ba lhag ger byas pa/gdong chen po rdo rje'i rjes su spyod pa byung nas bcom ldan 'das phyag na rdo rje'i spyan snga na bka' nod cing 'dug par gyur to/ /de nas phyag na rdo rjes dbang phyug chen po sbyang ba 'di skad ces gsungs so//oM pa ta ka ri sha ya/ sarba d+ha ra badzra d+ha ra/ a nu tsa ra ka ta ka ta badzra hUM dzaHde nas de skad smras pa dang / lha chen po dang u mar bcas te rkang pa gyen kar gcer bur phyung ste/ skye bo thams cad kyis gad mo bgad cing rkang pas bkug pas rdo rje'i rjes su spyod pa bkug ste/ bcom ldan 'das phyag na rdo rje'i spyan sngar zhabs kyi drung du gzhag go/de nas byang chub sems dpa' phyag na rdo rjes bcom ldan 'das la 'di skad ces gsol to/ /sems can ma rungs pa mchis brang du bcas pa 'di la ci ltar bgyi bcom ldan 'das kyis badzra karma ho zhes bka' stsal pa dang / de nas phyag na rdo rjes lha chen po zhabs g.yon pas mnan/zhabs g.yas pas u ma'i steng du mnan nas/ rang gi snying po smras pa/ oM badzra A be sha ha na pra Ta na traT/ de nas de smras ma thag tu lha chen po la babs nas rang gi lag pa stong gis rang gi gdong pa stong 'tshog go/ /de nas rdo rje nor bu las grub pa'i lha'i khang khyim phyi rol na gnas pa'i srid pa gsum thams cad kyis nged kyi dbang po 'di bdag nyid chen po des btul lo zhes sgra cher phyung ngo //de nas bcom ldan 'das kyis lha chen po la thugs rje chen po bskyed de/ oM bud+d+ha mai tri badzra rak+Sha haM zhes gsungs so/ /de gsungs ma thag tu lha chen po la babs pa'i sdug bsngal de kun zhi ste/yang phyag na rdo rje'i zhabs mthil gyis reg pas na bde ba dang / bla na med pa grub pa'i dbang dang / ting nge 'dzin dang / rnam par thar pa dang / gzungs dang / mngon par shes pa rnams thob nas/ de bzhin gshegs pa nyid du grub pa'i bar du gyur to/ /de nas lha chen po la bcom ldan 'das kyi zhabs mthil gyis reg pas de bzhin gshegs pa thams cad kyi ting nge 'dzin dang /gzungs kyi sgo dang / rnam par thar pa'i bde ba myong ste/ lha chen po'i lus zhabs la phul bas na dpa' bo'i gdan no/ /lha chen po des yang 'og gi 'jig rten gyi khams gang+gA'i klung sum cu rtsa gnyis kyi bye ma snyed kyi 'jig rten khams las 'das pa na thal bas khebs pa zhes bya ba'i 'jig rten gyi khams der thal ba'i dbang po'i dbyangs zhes bya ba'i de bzhin gshegs par skyes so//gdan de las bzhengs nas ni/ /zhes bya ba ni rgyud 'di bshad par bzhed pa'o//dgyes shing rdo rje gsor nas kyang / /zhes bya ba ni dgyes shing ni de bzhin gshegs pas byin gyis brlabs te/ rgyud 'di'i don ston par dgyes pa'o/ /rdo rje ni rig pa ste ye shes lnga'i rang bzhin no/ /gsor ba ni phrin las so/ /rgyud phyi ma 'di'i don ston par byed ces pa'i tha tshig go//shAkya ni shAkya dbang po'i nyi ma'i rigs can yin la/ bdag po ni khams gsum gyi bdag po'i tha tshig go/ /dgyes mdzad pa ni rgyud kyi don ston pa'i phyir ro/ /thub pa'i gtso la phyag 'tshal nas/ /zhes pa la/ thub pa ni lus ngag yid gsum mo/ / gtso la ni rkang gnyis thams cad kyi'o/ /de yang gsungs pa/ rkang gnyis gtso bo khyod gshegs 'tshal/ zhes pa'o/ /phyag 'tshal nas zhes pa ni ya rabs gong ma'i tshul dang sku gsung thugs kyi yon tan bskyed pa'i phyir ro/ /des ni ston pa'i rang bzhin dang gleng gzhi bstan pa'o/ /da 'di nas nang sems kyi dkyil 'khor dang /sbyor ba dang po dang / las rgyal po mchog gi ting nge 'dzin bstan te/ sgrib pa thams cad rnam par dag pa'i rdo rje zhes bya ba'i ting nge 'dzin la snyoms par zhugs nas zhes bya ba la sgrib pa ni lnga ste/ nyon mongs pa'i sgrib pa rnam par rtog pa'i bag chags te/de yang las kyi sgrib pa dang / chos kyi sgrib pa dang / rnam par smin pa'i sgrib pa dang / skye ba'i sgrib pa dang / shes bya'i sgrib pa dang lnga ni thams cad do/ /rnam par dag pa ni gnyen po ye shes kyi stobs kyis mi mthun pa zil gyis gnon pa ste/ ci'i phyir zhe na/ rdo rjes thams cad 'joms pa dang 'dra bas na nyon mongs pa'i mtshan ma thams cad 'joms pa'i phyir ro//ting nge 'dzin ni de'i ngang las mi ldan zhing 'dzin pa'i phyir ro/ /snyoms par zhugs pa ni gnyis su med par zhugs pa dang / mi mnga' bar snyoms par zhugs pa'o/ /de'i don yang 'di ltar snyegs te/ bcom ldan 'das phyag na rdo rjes thugs kar nang sems kyi 'khor lo bskyed nas spro bar bya'o/ /de yang kun du bzang po byang chub kyi sems zla ba'i dkyil 'khor gyi dbus su/ oM sarba pA paM da ha na badzra hUM phaT ces pa la sogs pa'i sngags las rdzogs pa'i tshul du shAkya thub pa'i dkyil 'khor bskyed nas/stong gsum gyi 'jig rten du khyab pas sems can gyi khams gsum gyi sgrib pa snga ma bzhin du sbyangs nas byin gyis brlabs te/ nang sems kyi dkyil 'khor du dbang bskur nas rnam par grol ba'i lam la bzhag pas ting nge 'dzin de la snyoms par zhugs pas na de la de skad ces bya'o//da ni ma 'ongs pa'i sems can gyi don du ngan song sbyong ba zhes pa'i rang gi snying po 'di nyid kyi thugs ka nas byung ngo zhes bya ba ni gsungs so zhes bya ba'i don to/ /da ni sbyor ba dang po'i ting nge 'dzin gyi don ston te/ rjes su 'jug pa'i rnal 'byor pas ni dang por sprul pa'i sku'i rigs bcom ldan 'das gsung shAkya thub pa'i bzlas pa dang /bsgrub par 'dod pa des ji ltar brtag pa'i yid du 'ong ba'i gnas der sdom pa gsum la gnas pas khrus byas la 'dug ste/ dang por mtshams kyi ting nge 'dzin la gnas par bya ste/ de bzhin gshegs pa rnams mdun du dmigs nas de dag la rigs kyi phyag bzhi byas te/mchod pa dang sdom pa la sogs pa la gnas par byas pas dang por chos nyid rnam par dag pa'i sngags kyis stong par byin gyis brlabs nas/ de nas rdo rje dril bu'i sngags dang phyag rgyas sdig pa dral te/ de nas ye shes dbab par bya'o//de nas mngon par byang chub pa lnga bsgom par bya ste/ de yang ji ltar bsgom par bya zhe na sems so sor rig pa las mngon par byang chub pa dang / sems bskyed pa las mngon par byang chub pa dang / chos kyi sku las mngon par byang chub pa dang / de nyid brtan par byas pa las mngon par byang chub pa dang /sku phyag rgya chen po las mngon par byang chub pa'o/ /de la sems so sor rig pa las mngon par byang chub pa ni/ 'di nyid las kyang / chos rnams thams cad dngos med par/ /sems kyis bsgom par bya ba ni/ /a las zla ba'i dkyil 'khor bsam/ /zhes gsungs pa'i phyir na/dang por stong pa las sems so sor rig pa ste phyi'i yul du gyur pa 'di dag dbang po las 'das pa phung po rnam par dag pa gzung 'dzin spangs pa dbang po drug gi spyod yul du yang ma gyur pa stong pa nyid kyi mtshan nyid du bsgom mo/ /nang 'dzin pa'i sems kyi mtshan nyid ni dngos po'i mtshan ma dang bral ba rang bzhin gyis 'od gsal ba'i ngo bo/a zhes pa las A li yi ge bcu gnyis su snang ba de bzhin gshegs pa'i sa bcu gnyis kyi rang bzhin stong pa bcu drug gi rang bzhin las zla ba'i dkyil 'khor gyi rnam par bsgom mo/ /de yang rgyud chen po las/gang 'di zla ba rdzogs pa ni/ /dag cing gsal la rnyog pa med/ /de bzhin tshogs ni rdzogs pa'i phyir/ /sems ni zla ba rgyas pa 'dra/ /zhes gsungs pa yin no/ /de skyed par byed pa'i sngags ni/ oM tsit+ta pra ti be d+haM ka ro mi zhes pa'o/ /de nas byang chub kyi sems bskyed par bya ste/oM bo d+hi tsit+ta ut+pA da yA mi zhes brjod pas/ a de las 'od zer phyogs bcur 'phros pas stong gsum gyi stong chen po'i 'jig rten gyi khams kyi sems can rnams kyi rgyu 'bras kyi nyon mongs pa rnams bcom sbyangs te/ slar 'dus nas a la thim pas de nyid dang kA li sum cu skar ma'i rnam pa las zla ba'i dkyil 'khor chen po'i gzugs gnyis pa nyid du gyur to//de yang gsungs pa/ zla ba'i dbus su zla ba yi/ /dkyil 'khor gnyis pa mthong ba yin/ /zhes so/ /de nas zla ba'i dkyil 'khor de'i dbus su chos kyi yi ge hrIHzhes bya ba bzhag ste/ de'i mtha' ma na tshur oM sarba pA paM da ha na badzra hUM phaT de'i mtha' na gong gi sgra dbyangs kyi yi ge dang ldan pa'o/ /oM tiSh+Tha badzra pad+ma zhes brjod pas de 'phros 'dus pa las yi ge'i phreng ba 'od du zhu sngags la thim/ sngags kyi phreng ba 'od du zhu bas dbus kyi hrIHla thim/ hrIH'od du zhu nas 'dus shing ldem par gyur pa las/rdo rje dang pad+mar gyur par bsgom mo/ /de yang thabs dang shes rab kyi rang bzhin rdo rje dang pad+ma'o/ /pad+ma ni gsung gi rigs kyi rtags kyi phyag rgya ste thabs so/ /rdo rjer bsgoms pas kyang rnam par snang mdzad la sogs pa'i dmigs su med pas gsungs te/ de yang //pad+ma thabs kyi rang bzhin te/ /stong pa nyid ni rdo rjer bshad/ /ces so/ /de nas yang ye shes kyi 'od zer 'phros pas phyogs bcu'i 'jig rten gyi khams kyi de bzhin gshegs pa thams cad kyi sku dang gsung dang thugs rdo rje'i dbyings thams cad bsdus nas rdo rje pad+ma la thim par bya ste/oM badzra At+ma kou0f85haM zhes brjod pas brtan par byas so/ /de yang / /dkyil 'khor gnyis pa'i dbus su ni/ /rdo rje chen po rnam bsams la/ /yud tsam so sor brtags pa ni/ /theg pa chen por brtags pa yin/ /zhes gsungs pas brtag par byas pa'o/ /yang d e las de bzhin gshegs pa'i sku phra mo 'phros 'dus pa las oM ya thA sarba ta thA ga tA sta tha haM zhes brjod pa las/bcom ldan 'das shAkya thub pa'i sku phyag rgya chen por gyur te bzhugs so/ /yang de nyid kyi thugs kar kun du bzang po byang chub kyi sems zla ba'i dkyil 'khor gyi steng du gong gi sngags de nyid phreng ba'i tshul du bkod la/de las 'od 'phros pas rigs bzhi'i de bzhin gshegs pa rnams kyi byin rlabs bsam gyis mi khyab pa bsdus nas slar 'dus pa las gnas bzhir thim ste snying gar ni a las zla ba'i dkyil 'khor gyi steng du hU~M las rdo rje khar ni hrIHlas pad+ma/ dpral bar swa las rin po che zur gsum pa/spyi bor haM las rdo rje rgya gram bsgom mo/ /yang 'phro 'du byas pas nam mkha' las yid bzhin gyi nor bu rin po che dbu la bskon pa las dbus su rnam par snang mdzad byang chub mchog gi phyag rgya can thim/ shar du mi bskyod pa glang po che'i steng nas gnon gyi phyag rgya can thim/rigs phyi ma yang de bzhin thim mo/ /de nas de bzhin gshegs pa thams cad kyi shAkya'i rgyal po zhes bdag la rdo rje'i ming gi dbang bskur bar bsam mo/ /shAkya thub pa de yang sems dpa'i skyil mo krung gis bzhugs pa/ phyag g.yon na pad+ma dmar po bsnams pa g.yas bstod pas 'byed pa kha dog gser btso ma'i mdog lta bur gnas pa/rdo rje dang pad+ma 'dab ma gyes pa'i tshul gyis 'dod chags rnam par dag cing mi chags pa'i ngo bo nyid du blta bas lta bar bdag nyid bsgoms te/ sngags ya thA badzra d+ha rmASh+Ta a haM de nas byin gyis brlabs te sa ma ya s+t+waM zhes pa 'di brjod pas rgyab tu zla ba'i dkyil 'khor gyi 'od kyi dkyil 'khor bsam mo//de nas de'i dbus su nyi ma'i dkyil 'khor bsgoms te/ sngags ni oM badzra sUR+ya oM de nas rang nyid kyi snying gar a las zla ba'i dkyil 'khor de'i steng du lha nyi shu rtsa gcig rdzogs pa'i tshul gyis bskyed de/ yang de'i dbus su shAkya thub pa bdag nyid ci 'dra ba zhig bskyed nas de rnams kyi thugs kar zla ba'i dkyil 'khor de'i steng du b+ha ga wa te'i sngags ring / de'i steng du rang rang gi rtsa ba'i sngags rnams bsams pa la/ de las 'od 'phros pas phyogs bcu'i 'jig rten gyi khams kyi sems can thams cad la phog pas sdig sgrib thams cad sbyangs khyad par du yang ngan song gsum la phog pas/ngan song gsum po'i oM da ha da ha zhes pa la sogs pa dang / oM pa tsa pa tsa zhes pa dang / oM ma tha ma tha zhes pa la sogs pas sdig pa sbyangs so/ /oM b+h+ri ta b+h+ri ta dang / oM trA Ta trA Ta zhes bya ba dang / bi dra ba bi dra ba zhes bya ba la sogs pa'i sngags kyis ni lus ngag yid gsum gyi sgrib pa sbyangs nas sku gsung thugs su byin gyis brlabs pa'o//de nas de dag nye 'khor du bkug nas/ /oM badzra a d+hi tiSh+Tha dz+nyA na sa ma ya hUM gis gnas nyi shur byin gyis brlabs so/ /de nas nang sems kyi dkyil 'khor du bcug ste/ dbang bskur bas rnam par grol ba'i lam thob par byas te/phyir snying ga nas phyung ste nor bu dri ma med pa'i steng du 'khod de mchod pa bsam kyis mi khyab pas mchod do/ /de nas khams gsum gyi lha klus kyang mchod nas bstod pa dang / yon tan bsngags pa gong ltar brjod do/ /de nas de dag gnas su dong ngo //de nas nang sems kyi dkyil 'khor de la bstod pas bstod de phyag 'tshal lo/ /de nas rang gi lus la gnas nyi shu rtsa gcig tu lha nyi shu rtsa gcig po lus la gsal bar blta zhing brtag go/ /de ni sbyor ba dang po dang nang sems kyi dkyil 'khor gyi rim pa'o// //da ni dkyil 'khor rgyal po mchog gi ting nge 'dzin ston to//de yang dang por chos nyid stong pa nyid bsgom pa'i ngang las/ dang por 'og gi phyogs su yaM las rlung gi dkyil 'khor/ de'i steng du laM las gser gyi sa gzhi/ de'i steng du baM las chu'i rgya mtsho/ /de'i steng du paM las pad+ma 'dab ma brgyad pa rtsa ba gser gyi sa gzhi la zug pa/ gser gyi rus sbal la brten nas rtsa ba chu srin chen po'i sos bzung ba/ de'i pad+ma'i sdong po la yi ge bra/ de'i pad+ma'i ge sar la suM las rin po che'i ri rab rtse mo bzhi par gyur/ de'i steng du hU~M las rdo rje rgya gram rtse mo gnyis dang ldan pa/ de yang shar dkar po/ lho sngon po/ nub dmar po/byang ljang gu/ dbus rin po che'i mig mang ris su bris pa/ sangs rgyas kyi zhing bsam gyis mi khyab pa dang mnyam pa zhig bsgom pa'i steng du/ b+h+rU~M las gzhal yas khang gru bzhi pa sgo bzhi pa rta babs dang sgo khyud du ldan pa la/ twa ra Na dang chu srin gyis brgyan pa la/ de'i dbus su gser gyi 'khor lo rtsibs brgyad pa/'khor lo yang lte ba dang / rtsibs dang mu khyud gsum yod de/ lte bas ni nyon mongs pa sbyangs/ rtsibs brgyad kyis ni sdug bsngal rnams sbyong / mtha' ma'i mu khyud kyis ni las rnams sbyong ba ste/ de yang dbus 'khor lor 'dug pa ni rten 'brel bcu gnyis sbyong ba'o//de ji ltar sbyong zhe na/ rten 'brel yang nyon mongs pa dang / sdug bsngal dang las gsum du 'dus la/ 'khor lo yang lte ba dang mu khyud dang rtsibs gsum du 'dus so/ /de lta bu'i 'khor lo de'i lte ba'i dbus su seng ge bzhi'i khri/ de'i steng du sna tshogs pad+ma/de'i steng du zla ba'i dkyil 'khor/ de'i steng du hU~M dang hrIHde'i mtha' ma na tshur oM sarba pA paM da ha na badzra hU~M phaT/ ces bya bas bskor ba/ de las 'od 'phro ba dang bsdu ba las pad+ma dang rdo rje ste pad+ma 'dab ma brgyad gyen du bltas pa brgyad thur du bltas pa/ rigs dang thabs dang snying rje'i cha 'dzin pa/de'i steng du rdo rje ste so sor brtags pa'i shes rab kyi rang bzhin stong pa nyid kyi cha 'dzin pa ste/ de las 'od zer spros pas phyogs bcu dus gsum gyi sku gsung thugs kyi dbyibs thams cad bsdus nas thim pas de la skur gyur pa'i rkyen oM sarba pA paM da ha na badzra hU~M phaT ces pa rjod pa dang / phyag na rdo rje 'khor lo'i phyag rgya las shAkya thub pa'i skur gyur to/ /'dir ni sngags 'dis bskyed do/ /rdo rje gtsug tor gyi rgyud kyi sgrub thabs su ni mu ne mu ne zhes bya ba la sogs pa las bskyed do/ /da ni 'khor gyi sku bskyed de/ de yang bdag gis ni rdo rje gtsug tor gyi rgyud kyi sgrub thabs su ni oM badzra hU~M phaT ces bya ba dang /oM rata nota tra ta ma traM zhes bya ba la sogs pa las bskyed do/ /'dir ni 'di nyid kyi sngags rnams las bskyed par bya'o/ /ci'i phyir rgyud mi mthun pa'i phyir na som nyi za bar mi bya'o/ /bdag nyid kyi thugs kar kun du bzang po byang chub kyi sems zla ba'i dkyil 'khor gyi dbus su oM sarba a pA ya bi sho d+ha ni badzra hU~M phaT ces pa'i sngags phreng ba'i tshul du bkod la 'phros shing 'dus pa las rdo rje rtse lnga par gyur de las 'od 'phros pas phyogs bcu'i 'jig rten gyi khams kyi de bzhin gshegs pa thams cad kyi sku gsung thugs rdo rje'i dbyings ji snyed pa thams cad bsdus nas rdo rje la thim pas brtan par gyur to//yang de las sku phra mo mang po 'phros shing 'dus pa las rdo rje sems dpa'i sku phyag rgya chen por gyur te/ bcom ldan 'das shAkya thub pa'i thugs ka na zhugs so/ /yang de nyid kyi thugs kar zla ba'i dkyil 'khor gyi steng du sngags kyi phreng ba rnams snga ma bzhin du bkod la sngags de nyid brjod pa las bskul zhing spyan drangs pa'i tshul gyis phyir bton te/phyogs bcur spros pas mdzad pa bcu gnyis kyi tshul gyis 'gro ba'i don mdzad nas slar 'dus pa las bdag gi mdun na bka' nod cing bzhugs pa la/de la cho 'phrul chen po bzhis byin gyis brlabs te/ snying gar rdo rje/ khar pad+ma/ dpral bar rin po che/ spyi bor rgya gram bsam mo/ /de la yang dbang bskur te yid bzhin gyi nor bu rin po che'i dbu rgyan nam mkha' las byung ba mgo la bskon te/ bdag gi rdo rje dang dril bu gnyis sri zhu'i tshul gyis lag par byin la/rdo rje sems dpa' zhes lan gsum brjod de ming gi dbang bskur nas nyid kyi phrin las kyis bzhugs nas 'khor lo'i shar gyi rtsibs su pad+ma zla ba'i steng du bzhugs su gsol lo/ /gzhan rnams la yang dang po'i thugs ka'i sngags kyi phreng ba bkod pa'i 'phro 'du las phyag mtshan du gyur pa dang /de brtan par byas pa dang / de las sku phyag rgyar gyur pa dang / de sems can gyi don la spros nas slar byon te bdag gi mdun na gnas pa la cho 'phrul chen po bzhis byin gyis brlabs pa dang / nam mkha' las byung ba rin po che'i dbu rgyan mgo la bskon pa dang / phyag mtshan lag tu byin pa dang / ming gi dbang bskur ba byas la nyid kyi phrin las kyi bzhugs sa gang yin par bzhugs su gsol lo/ /de dag gis bskyed cing sku 'don pa'i sngags ni oM sarba karma A ba ra Na ni b+hasmiM ku ru hUM phaT ces pa las rgyal ba'i gtsug tor sku mdog mthing ga phyag drug pa dang po gnyis rin po che'i rgyal mtshan/g.yas dbus ma na zhags pa g.yon rdo rje khu tshur sta zur du bstan pa ste/ zhags pa be con 'dzin pa/ g.yas tha ma na rdo rje/ g.yon tha ma na pad+ma'i steng na gtsug tor bsnams pa ste/ lho'i rtsibs steng du'o/ /yang gtso bo'i thugs kar oM b+h+rU~M bi nA sha ya A pa ra Na ni hU~M phaT/de las phyag rgya 'khor lo/ de las brtan pa/ de las sku phyag rgya'o/ /de nyid kyi thugs kar sngags bkod pa dang / spyan drangs pa dang / bka' nod pa'i tshul du zhugs pa la dbu rgyan dang dbang bskur ba yang bya/ phyag rgya byin pa ni 'khor lo byin te/ gtsug tor 'khor los sgyur ba zhes so//de nas nub kyi 'khor lo'i rtsibs kyi pad+ma dang zla ba'i steng du sku mdog dmar po bzhugs so/ /oM druM bi sho d+ha ya sarba A ba ra NA ni hU~M phaT ces pa las rnam par rgyal ba'i gtsug tor sku mdog ser po phyag bzhi g.yas kyi dang po na rgyal mtshan gyi mgul ba dan gyis mtshan pa bsnams/ g.yon dang po na dbu rgyan/ de'i 'og ma gnyis kyi g.yas pas ni dam pa sbyin pa'o/ /g.yon pas ni pad+ma'i steng na gtsug tor bsnams pa'o/ /de ni byang gi 'khor lo'i rtsibs stengs su gnas pa'o/ /yang na g.yon nas bskor ba'o/ /oM dz+wa la dz+wa la d+ha ka d+ha ka ha na ha na sarba a ba ra NA ni hU~M phaT ces pa las gzi brjid gtsug tor sku mdog dmar skya phyag gnyis na nyi ma rin po ches mtshan pa bsnams pa me'i mtshams na bzhugs pa'o//oM suM sa ra sa ra pra sa ra pra sa ra sarba A wa ra NA ni hU~M phaT ces pa las gtsug tor gdugs dkar po sku mdog dkar po phyag na gdugs dkar po bsnams pa dbang ldan gyi phyogs su'o//oM hU~M ha ra ha ra sarba A ba ra NA ni hU~M phaT ces pa las gtsug tor rnam par mthong ba sku mdog dmar skya phyag g.yon snying gar mdzub mo bsgreng / g.yas ral gri bsnams pa nub byang mtshams su'o/ /oM hU~M phaT sarba A ba ra NA ni s+pho Ta ya hU~M phaT ces pa las/ gtsug tor rnam par 'joms pa sku mdog nag po g.yon mdzub mo bsgrengs/ g.yas be con bsnams pa yid tsam khros pa'o/ /de nas de dag gi yo byad bshad ces pa ni mchod pa'i lha mo'o/ /oM sar+b+ba a pA ya bi sho d+ha ni d+ha ma d+ha ma d+hu pa ya hUM phaT/ ces pa bdug pa ma'o//oM sarba durga ti bi sho d+ha ni puSh+pa bi lo ka ni hU~M phaT ces pa las me tog ma'o/ /oM sarba a pA ya bi sho d+ha ni dz+nyA A lo ka ka ri hU~M phaT ces pa las mar me ma'o/ /oM sarba a pA ya ga ti bi na sha ni gan+d+he pa ti hU~M phaT ces pa las dri chab ma'o/ /oM sar+b+ba na ra ka ga ti A kaR+Sha ni hU~M dzaHphaT ces pa las lcags kyu'o//oM sar+b+ba na ra ka ga ti ut+ta ra ni hU~M hU~M phaT ces pa las zhags pa'o/ /oM sar+b+ba a pA ya ban+d+ha mo tsa ni hU~M baM phaT ces pa las lcags sgrog go/ /oM sarba a pA ya ga ti ga ha na bi nA sha ni hU~M hoHphaT ces pa las dril bu'o/ /de dag thams cad kyang sku mdog rtsa ba'i rgyud du bstan pa bzhin no//de nas phyag rgya chen po bsgrub par bya ste/ de nas sgo phye la spyan drang ste/ oM sarba pA baM da ha na badzra ya/ badzra d+harma dr-i sh+ya ho zhes bya bas so/ /de nas mdun du dmigs la/ pad+mo sems dpa' sems dpa' che/ /zhes pa nas/ thub pa chen po bshad du gsol/ /zhes bya ba'i bar gyis bstod do//de nas dgug gzhug dam tshig gi dkyil 'khor la bya/ de nas phyag rgya bzhis rgyas gdab dbang bskur bsrung ba bya/ de nas mchod pas mchod la yang bstod pas bstod de 'dzub bya'o/ /de nas kye bcom ldan 'das shAkya thub pa chen po rdo rje chos/ ma hA su kha badzra d+harma badzra dzaH hU~M baM hoHsu ra ta s+t+waM zhes brjod do//rdo rje dril bu bzung la bstod pa bya'o/ /de nas dkyil 'khor 'og nas 'byung ba bzhin bsdu'o/ /de ni sngon du bsnyen pa bya ba'i cho ga'o// //da 'di nas slob dpon gyi las kyi rim pa'i cho ga'i don bstan te/ de nas dkyil 'khor bshad de zhes bya ba la/ dkyil 'khor ni gtsug tor dgu'o//bshad de zhes bya bas ni de'i don ston pa ste/ 'dir yang de'i don ni 'di ltar shes par bya ste dang por gtsug lag khang la sogs pa'i gnas kyi byang shar mtshams sam/ shar du gzhol bar dang por sa brtags pa der/ sa snang ba la slong pa dang / mi snang ba la slong ba byas la/de nas rgyal po la sogs pa'i khru tshad brtags pa der/ sa'i lto 'phye brtag pa dang / las dang bya bas sbyang ba dang / ting nge 'dzin gyis sbyang ba dang / sa gzhi yongs su bzung ba dang / rgyas par gzung ba la sogs pa bya'o/ /de nas sta gon la gnas pa yang bya'o//de nas nang par nyi ma shar nas thig gdab par bya'o/ /'khor lo 'dra ba'i dkyil 'khor la/ /zhes bya ba la sogs pa gsungs te/ thig kyang ye shes kyi thig dang las kyi thig go/ /de la ye shes kyi thig ni tshon sna lnga ru btsos pa shin tu legs par byas pa/ dkyil 'khor gzhan du longs ma spyad pa 'jur mdud med pa de byin gyis brlabs la thig gdab par bya'o//las kyi thig ni tshon sna tshogs pa dkar por sbangs pa des thig gdab par bya'o/ /dang por badzra d+hA tu zhes bya bas rdo rje'i tshig gis bzlas la bdag shAkya thub pa'i gzugs su gyur par byas nas/ sgrub pa'i grogs mchog gtsug tor rnam par rgyal ba'i badzra karma zhes bya bas sprul la yang bdag nyid badzra satwa zhes bya bas rdo rje gtsug tor du bdag nyid bsam ste srad bu bre bar bya'o//g.yon pa'i rdo rje khu tshur gyis srad bu bzung la dzaHzhes bya bas sgrub pa'i grogs mchog gtsug tor rnam par rgyal ba'i gzugs can gyi lag tu gtad la phyogs thams cad mnyam nyid du bsgom zhing /shar phyogs su bltas te rdo rje srad bus gdab par bya'o/ /yang slob dpon lho ru 'dug pas byang du bltas te gnyis pa gdab par bya'o/ /de nas me'i phyogs char 'dug la byang du bltas te dkyil 'khor gyi shar du thig gdab par bya'o//rlung gi phyogs su gnas la lho'i phyogs su bltas te nub kyi thig gdab bo/ /de nyid du 'dug ste byang gi thig gdab bo/ /yang me'i phyogs su 'dug ste/ lho'i phyogs kyi thig gdab par bya'o/ /de nas kha khyer gyi thig gdab par bya ste/ de la re zhig sgrub pa'i grogs mchog bskor phyogs su 'gro bar bya'o//srad bu'i sngags ni oM badzra sa ma ya sU tra mA ti kra ma hU~M zhes bya ba dang / dz+dzaH dz+dzaHzhes bya ba dang / dz+dzaHgsum gyis sgrub pa'i grogs mchog gis drang bar bya'o/ /de la sgo ni cha brgyad pa'o/ /sgo khyud ni sgo'i phyed kyi tshad do/ /kha khyer ni de'i phyed kyi tshad do//tshon sna lnga yis ni kha khyer gyi phyed do/ /rta babs ni sgo'i sum 'gyur ro/ /'khor lo dra ba'i dkyil 'khor la/ /zhes bya ba ni nang gi thig ste/ seng ldeng gi phur bu 'og rdo rje rtse gcig pa lta bu la ste rdo rje rtse lnga pa'i dbyibs can gyi phur bu'i sngags bzlas pas btab la/de la bstod pa'i srad bus nang gi dkyil 'khor dang / phyi'i rdo rje phreng ba dbang ldan gyi phyogs nas brtsams te g.yas nas bskor bas thig gdab par bya'o/ /dbus kyi ni lte ba dang rtsibs su bcas pa rtsibs rdo rje ra bas bskor ba 'khor lo'i nang du sna tshogs pad+ma dang zla ba'i dkyil 'khor dang bcas pa'o//rdo rje gtsug tor gyi rgyud kyi sgrub thabs kyi skabs su ni rgyan gyi lha rdo rje sems ma la sogs pa dang / rdo rje sems dpa' la sogs pa'i mtshan ma yang dgod par bya'o/ /'khor lo'i rtsibs kyang sngon por bya'o zhes/ rgyud las 'byung bas som nyi za par mi bya'o//skabs 'dir ni ser por bya'o/ /de'i steng du sna tshogs pad+ma dang zla ba'i dkyil 'khor dang bcas pa'o/ /de la ni/ nang gi rim pa bris nas kyang / /zhes so/ /de nas tshon dgye ba brtsam par bya ste/ tshon rnams la yang oM hU~M trAM hrIHaHzhes pa bsams la de las 'od spro ba dang bsdu ba'i bye brag gis ye shes kyi tshon bstim par bya'o//de nas dbang ldan nas brtsams nas dkar po dang dmar po dang sngon po dang ljang gu dang / nang du ser por shes par bya'o/ /gzhan rnams ni rtsa ba'i dkyil 'khor ltar ro/ /de nas lha dgod par bya ste/ lte ba'i nang du shAkya yi//bdag po thub pa gzhag par bya/ /zhes bya ba la sogs pa ni lte ba ni dbus kyi lte ba'o/ /bdag po ste gtsug tor dgu pa'i bdag po shAkya'i rigs su skyes pa'i shAkya thub pa gzhag par bya'o/ /de ni chos kyi dbyings kyi ye shes kyi rang bzhin no/ /phyag na rdo rje stobs chen ni gang du bshad zin to//dpa' bo de yi spyan sngar bri/ /zhes bya ba ni shar du bri ba ste/ me long lta bu'i ye shes kyi rang bzhin no/ /rgyab tu 'khor los sgyur ba ni/ /zhes bya ba ni nub phyogs te/ so sor rtog pa'i ye shes las sku sprul te dam pa'i chos kyi 'khor lo ni 'gro ba'i rgyud la bskor la/ thugs rje thabs kyi 'khor lo ni khams gsum gyi nang du sgyur ba'i phyir ro/ /g.yas su rgyal ba'i gtsug tor te/ /zhes bya ba ni bcom ldan 'das kyi g.yas ni lho phyogs te/ mnyam pa nyid kyi ye shes kyi khyad par las nyon mongs pa'i bdud las rgyal bas na rgyal ba'i gtsug tor ro/ / g.yon du rnam par rgyal ba bri/ /zhes pa ni g.yon ni bcom ldan 'das kyi byang phyogs te/ bya ba nan tan gyi ye shes nas thugs rjes sku sprul te/ nyon mongs pa'i mtshan ma'i phrag dog las rgyal bas na rnam par rgyal ba'o/ /gzi brjid phung po'i me yi phyogs/ /zhes pa ni thugs chos nyid zhi ba'i ngo bo las byang chub sems kyi ye shes kyi gzi brjid spungs pas khams gsum gyi nyon mongs pa bsreg pa'o//dbang ldan phyogs su gdugs dkar po/ /zhes pa ni byang shar du khams gsum gyi nyon mongs pa'i gdung ba thugs rje chen po'i 'od kyis sel bas na gdugs dkar po'o/ /rnam par 'thor ba rlung gi phyogs//zhes pa ni rnam par 'thor ba ni rnam par gcod pa ste nyon mongs pa dang nye ba'i nyon mongs pa gcod par byed pas rnam par 'thor ba'o/ /rnam par 'joms pa bden bral phyogs/ /zhes bya ba ni las dang nyon mongs pa'i bag chags thams cad yang dag pa'i ye shes chen pos 'joms pas na de skad do//gru bzhi pa la sgo bzhi pa/ /zhes bya ba la sogs pa ni phyi'i dkyil 'khor bri bar bya ba la sogs pa ste/ rtsa ba'i dkyil 'khor dang 'dra ba'o/ /dpa' bo lcags kyu zhags pa dang / /zhes bya ba la sogs pa ni sgo ba bzhi bri bar bya'o/ /grwa yi phyogs ni zhes bya ba la sogs pas ni tshul khrims kyi bdug spos dang /ting nge 'dzin gyi me tog dang / shes rab kyi mar me dang / byang chub sems kyi bde ba'i dri chab rnams ni gru chad la bri bar bya'o/ /de ni dkyil 'khor bri ba'i las so/ /de nas phyogs bzhir yang rta babs bzhi dang / ka ba brgyad khru drug gam bdun gyi tshad tsam mam/rin po che la sogs pa'i rgyu las byas pa'i me tog gi phreng ba dang / dar la sogs pas brgyan pa dgram mo/ /dkyil 'khor gyi phyi rim shar la sogs pa'i phyogs kyi char 'phags pa shes rab kyi pha rol tu phyin pa dang / sdong pos brgyan pa dang / de bzhin gshegs pa'i gsang ba dang /gser 'od dam pa klog tu gzhug go/ /chos smra ba 'di dag kyang sangs rgyas ltar ci nus pas mchod par bya'o/ /de lta bus ni bgegs thams cad nye bar zhi ba dang dkyil 'khor nye bar grub par 'gyur ro/ /phyogs dang mtshams su spos snod brgyad dang / mar me la sogs pa yang gzhag par bya'o/ /de nas dgongs ka'i dus su 'jug par bya ste/ de nas dri zhim dri la sogs/ /rang gi lus ni bkrus nas kyang / /rdo rje 'dzin mas zhugs nas ni/ /zhes pa ni de nas dri zhim dri ni tsan+dan dang / gur gum la sogs pa'o/ /sgrub pa po rang gi lus bkrus nas rdo rje sems ma'i dam tshig gi phyag rgyas me tog gi phreng ba blangs la/rdo rje shugs kyi dkyil 'khor du 'jug par bya zhing badzra satwa hU~M zhes kyang brjod par bya'o/ /yang dkyil 'khor thams cad kyi lhag pa dang ma tshang ba'i nyes pa thams cad zhi bar bya ba'i phyir bltas la rdo rje dril bu dkrol zhing dkyil 'khor lan bdun bskor ba byas nas bcom ldan 'das phyag na rdo rje la phreng ba de phul nas phreng ba de gar byas la/blangs la rang gi mgo la bcing bar bya'o/ /de nas bum pa rnams dkyil 'khor du bzhag ste bum pa yang rigs mi mthun pa lnga'o/ /las thams cad pa'i bum pas dkyil 'khor gyi yo byad bsang ba dang /khro bo rnam par rgyal bas sdig pa bkru bar bya ba dang / khams gsum rnam par rgyal ba'i bum pa la sogs pa'i bum pas dbang bskur ba dang / bum pa gang bas mchod pa dang rdo rje sems dpa'i bum pas bdag nyid dbang bskur ba'o/ /de nas bdag nyid kyi srung ba'i 'khor los bsrung ba bya ste/dkyil 'khor mngon sum ltar dmigs la mchod pa rnams kyis mchod pa dang / phyag bzhi la sogs pa sngon du 'gro ba dang / sdom pa gzung ba la sogs pa la 'jug par bya zhing dbang rnams blang ngo / /de nas sdig pa dral ba dang / ye shes dbab pa dang /mngon par byang chub pa la sogs pas sku bskyed pa dang / cho 'phrul bzhis byin gyis brlab pa la sogs pa snga ma bzhin du bskyed pa dang / dkyil 'khor rgyal po mchog kyang snga ma bzhin du bskyed par bya'o/ /bskal pa bzang po'i sems dpa' bcu drug ni ngan song sbyong ba'i rtsa ba'i sngags dang /sarba saM skA ra zhes pa la sogs pas bskyed par bya'o/ /de nas rdo rje se gol gyi phyag rgya dang / oM dzaHhU~M baM hoHb+ha ga bAn e h+ye hi ma hA ka ru Ni ka dr-i sh+ya hoH/ sa ma ya s+t+waM zhes pas lha thams cad spyan drang ngo / /de nas mdun gyi nam mkha' la gshegs par mos pa bskyed de/ de nas sgo dbye ba'i sngags dang phyag rgyas sgo phye la/lcags kyu la sogs pas dgug pa la sogs pa bya'o/ /de nas rdo rje sems dpas bsrungs la/ 'og nas 'byung ba'i phyag rgya bzhis rgyas gdab bo/ /de nas byin gyis brlab cing dbang bskur ba bya la phyi nang gi mchod pas mchod pa'i phyir na/ mchod pa byas nas zhes so//de'i don yang 'di ltar snyeg ste/ ras zung khri'am stong ngam/ 'bum mam/ brgya'am/ bcu'am/ yang na spyir thams cad la yang zung gcig dbul lo/ /gzhan yang me tog dang / spos dang / mar me dang / swa ti ka'i lha bshos la sogs pa rang rang gi sngags kyis btab pa brgya'am/stong ngam khri'am bcu las nyung bar mi bya bar dbul lo/ /gzhan yang rol mo'i cha byad stong phrag ji snyed la yi ge hU~M dang rdo rje khu tshur gyis brdung ba'i tshul gyis dbul bar bya'o/ /bcu po 'di lta ste/ pi wang dang / gling bu dang / rnga dang / cang te'u dang / cha long dang / rnga bo che dang / rdza rnga dang / rnga rings dang / gun rdza dang / ti mi li la sogs pa brdung ba'i tshul gyis dbul bar bya ste/ ting nge 'dzin gyis lA s+ya la sogs pa rnga brdung ba'i tshul gyis mchod pa dang / d+hU pe la sogs pas pi wang la sogs pa 'bud pa'i tshul gyis mchod do//de nas bstod pas kyang bstod da/ /de nas sbyin sreg bya ste/ gtso bo la ni sbyin sreg brgya rtsa brgyad kyis mchod do/ /phyag na rdo rje la sogs pa la ni/ bdun bdun gyi sreg blugs kyis mchod do/ /de nas phyag byas te/ bdag nyid 'jug par bya ba de bzhin du byas pa ni/slob dpon gyi las kyi rim pa'o/ /de bzhin du bcug ste/ dbang bskur na zhes bya bas ni/ slob ma gzhug cing dbang bskur ba'i rim pa ston te/ de'i don yang 'di ltar shes par bya'o/ /dang po slob dpon gyis de bzhin gshegs pa rnams la phyag 'tshal nas//bdag ming 'di zhes bgyi ba yi/ /rdo rje slob dpon dka' thub che/ /sems can kun la phan pa'i phyir/ /slob ma rnams ni gzhug par bgyi/ /zhes pas zhugs la dbang gi bka' nod par bya'o/ /de nas slob mas kyang 'di skad gsol ba gdab par bya'o//dga' chen khyod bdag ston pa bas/ /slob dpon khyod ni dgongs su gsol/ /byang chub chen po'i tshul bstan pa/ /mgon po chen po bdag 'tshal lo/ /zhes so/ /gang de'i tshe dus byas pa zhig yin na ni dam tshig sbyin par mi bya'o/ /sdig pa bshags pa dang /rjes su yi rang ba dang / skyabs su 'gro ba dang / lam la gnas pa dang / lus dbul ba la sogs pa bya'o/ /de yang bar ma do'i shes pa de la bcug ste/ me tog dor ba dang / dkyil 'khor gyi lha rnams lcags kyu nas brtsams te bstan par bya'o/ /dbang bskur na zhes bya ba ni rtsa ba'i dkyil 'khor du dbang bskur ba bzhin du 'dir yang dbang bskur ba na zhes bya ba'i don to//de yang shi ba las ni dang por khro bo rnam par rgyal ba'i bum pas sdig pa'i dri ma dag par bkru ba dang / rtsa ba'i sngags dang yungs kar ram bye mas brab pa dang / phyag rgyas dbrog pa byas nas gdod dbang bskur ba'i las bya'o//de yang sdig pa bkru ba'i dkyil 'khor ni lho'i sgo ru pad+ma'am zla ba'i dkyil 'khor khru gang pa'o/ /dbang ni rtsa pa'i dkyil 'khor phyed la 'jug pa'i sgo la mngon du phyogs pas tshon sna lngas bris par dbang bskur ro/ /de ni lho'i sgor ro//gson po'i dbang ni shar gyi sgo la sogs par ro/ /dbang ni rtsa pa'i dkyil 'khor du gsungs pas bskur ro/ /da ni dbang gi phan yon bstan te dkyus na gsal lo/ /'di nas phyag rgya'i tshogs ston par byed de/ de nas byang chub sems dpa' sems dpa' chen po phyag na rdo rje seng ge'i lta stangs kyis bcom ldan 'das kyi zhal du bltas te zhes bya ba ni zhum pa med pas mi 'gyur bar blta ba'o//phyi ma ni go sla'o/ /bcom ldan phyag rgya dam pa yi/ /mtshan nyid dam pa bshad par bgyi/ /zhes pa ni mi 'da' ba'i phyir dang 'khor dgar gzhug pa'i phyir ro/ /de yang chos nyid de rtogs par bya ba'i phyir dang /phyag rgyas don mtshon par byed pa'i phyir ro/ /bshad par bgyis zhes pa ni dam bca'o/ /thugs rjes bskul ba'i thugs mnga' ba'i/ /rgyal ba kun gyis byin gyis rlobs/ /zhes bya ba ni thugs rjes bskul ba'i thugs mnga' ba ni bcom ldan 'das shAkya thub pas phyag na rdo rje la phyag rgya 'di bshad par byos shig par thugs dgongs la mnga' ba'o//rgyal ba kun gyi zhes pa ni shAkya thub pa dang rnam par snang mdzad la sogs pa ma lus pa kun no/ /bdag gis ji ltar bstan cing bshad pa 'di la byin gyis rlob la nges par grub par mdzod cig pa'o//mnyam par gzhag pas dpral bar ni/ /zhes bya ba la sogs pa ni sku byin gyis brlabs pa'i phyag rgya ste thal mo spyi bor bzhag pa'o/ /der 'khor lo bsam mo/ /thal mo snying gar sbyar ba ni mgrin par bzhag ste/ pad+ma mgrin phyogs su bsam pa ni ngag byin gyis brlabs pa'o//rdo rje thal mo sbyar nas snying gar gung mo bsgrengs nas bzhag pa ni thugs byin gyis brlabs pa ste snying gar bsam pa'o/ /lag pa g.yon pa thal mo pang du gan rgyal du bzhag pa de'i steng du g.yas pa bzhag ste mthe bong ngos gnyis sprad pa de la zhi ba'i lta bas blta ba 'di ni kun rig gi dam tshig gi phyag rgya yin par bshad do//'og ma 'di gnyis ni sku gsum du bsdu ba'i phyag rgya'o/ /de nyid las bzlog ste bya ba can ni thugs kyi rigs te/ thal mo rdzogs par sbyar ba las zhes pa la sogs pa ni gsung gi'o/ /de gsum ni sku gsung thugs kyi phyag rgya ste/ rgyud 'di yang sku gsung thugs kyi rgyud do/ /spyi'i phyag rgya'o/ /rdo rje bsdams pa las gung mo gnyis rdo rje 'dra bar bsnyams la mthe chung gnyis brkyang ba ni phyag na rdo rje'i phyag rgya ste rdo rje gtsug tor gyi shar phyogs kyi'o/ /de nyid las mthe bong mthe chung de bzhin du byas la zhes pa la sogs pa ni rtsa ba'i dkyil 'khor gyi ngan song sbyong ba la sogs pa'i 'o//phyag rgya ni dkyus gsal lo/ /snyim pa bzed pa gyen du 'thor ba ni bdug pa ma'i 'o zhes pa la sogs pa mchod pa rnam pa drug gi phyag rgya ste dkyus gsal lo/ /rdo rje bcing ba las gung mo gnyis bsnyams pa'i tshigs dang po bcag la sor mo thams cad brkyang pa ni rnam par 'thor ba'i phyag rgya'o zhes bya ba nas//g.yon pa mi 'jigs pa sbyin pa ni de bzhin gshegs pa'i phyag rgya'o zhes bya ba yan chad kyis gtsug tor brgyad kyi phyag rgya bstan pa yin no/ /rdo rje bsdams pa las mdzub mo gnyis brkyang ste/ rdo rje 'dra bar byas pa ni rdo rje'i phyag rgya'o zhes pa la sogs pa ni rtsa ba'i dkyil 'khor gyi sems dpa' bcu drug dang / rdo rje bdug pa la sogs pa'i gnyi ga'i spyi'i phyag rgya bstan to/ /lha de dag thams cad kyi thugs kar rdo rje zla ba'i dkyil 'khor gyi steng du bsam pa ni dam tshig gi phyag rgya'o/ /sngags ni dkyil 'khor gang dang gang gis rtsa ba'i sngags de las sa ma ya s+t+waM zhes gdags par bya'o//las kyi phyag rgya thams cad la ni rtsa ba'i sngags kyi rjes su badzra karma zhes gdags par bya'o/ /lha de dag thams cad kyi spyi bor rdo rje rgya gram re bsam par bya'o/ /da ni ras kyi sgrub pa'i rim pa bstan te/ / sku gzugs kyi cho ga yang 'dir de bzhin du bya ste zhes pa ni/ rtsa ba'i rgyud du gsungs pa de bzhin du 'dir yang shes par bya'o/ /cung zad du ni bcom ldan 'das 'jig rten gsum las rnam par rgyal ba'i gzugs bri'o zhes pa ni dbus kyi rnam par snang mdzad gzugs sgyur ba'o/ /yang na sku gzugs ni dkyil 'khor gyi tshul du bris pa ni shAkya thub pa'i dkyil 'khor gyi tshul du bris la/rtsa ba'i rgyud du gsungs pa ltar rab tu gnas pa byas la me tog la sogs pa'i mchod pas mchod de/ de'i spyan sngar 'bum tsam zhig sngar bsnyen pa byas nas/ phrin las bzhi'i las thams cad bya'o//de nas tshangs pa la sogs pa'i lha rnams zhes bya ba nas/ sdug bsngal gyi dbang du gyur zhes pa'i bar gyis ni/ nor bu dri ma med pa'i 'od kyis sngon las ci byas zhus pa'o/ /de nas bcom ldan 'das zhes pa nas/ yang dus las 'das so zhes pa'i bar gyis ni/las kyi rnam par smin pa'i rgyu bstan/ lan cig ci zhig gi rkyen gyis zhes pa nas/ rang rang bde ba dang ldan par skyes zhes pa'i bar gyis ni ma nges pa'i don bstan te/ 'bras bu ngan song du skye ba'i rgyu las rkyen drang srong dang phrad nas lhar skyes pa'i don bstan to/ /lha'i dbang po nyon cig ces pa nas/lha'i 'khor 'di dag yin no zhes pa'i bar gyis ni sngon las mthun pa'i phrin las kyi 'brel pa bstan to/ /des ni gleng gzhi'am rgyu bstan pa'o// //da ni tshe dpag med las kyi sgrib pa rgyun gcod pa'i don bstan te/ de la cho ni ye shes so/ /dpag med ni dngos po thams cad dang bral ba'o//las ni dge sdig rnam pa gnyis so/ /sgrib pa ni nam mkha' dngas pa la sprin gyis g.yogs pa dang 'dra bar kun gzhi la rtog pa glo bur bas sgrib pa'o/ /rgyun gcod pa ni gnyen po las kyi ye shes kyis mi mthun pa'i phyogs rgyun gcod pa'o/ /dkyil ni dpag med de chos nyid do//'khor ni tshe ste ye shes bzhi'i 'khor ro/ /de bshad pa'i phyir zhu ba la sogs pa ston to/ /de nas brgya byin dang tshangs pa la sogs pa lha'i bu rnams zhes bya ba'i don bshad zin to/ /yid rab tu mgu nas zhes pa ni rgyud 'di'i don nyid la'o/ /rangs pa ni sems la bde ba thob pa'o/ / ba spu'i bu ga nas spu rnams langs pa zhes pa ni lus sems bde ba'i rtags te/ 'bras bu sangs rgyas kyi sa la dga' ba bskyed pa'o/ /skyes nas 'di skad ces rgyal ba rgyal ba zhes pa la rgyal ba ni chos nyid de ye shes kyis rtogs nas mtshan ma las rgyal bas na rgyal ba'o/ /thugs rjes 'gro ba'i don mdzad pas 'khor ba las spyod lam gyis rgyal ba'o//phyag na rdo rje la ming bcus mngon par bstod de zhes pa ni phyag na rdo rje gnod sbyin kun du bzang po yin pa'i phyir na gnod sbyin gyi rigs kyi pha rol tu phyin pa bcu'i yon tan gyi sgo nas bstod pa'o/ /gsol ba gdab po zhes pa ni tshe dpag med kyi dkyil 'khor bshad par gsol ba btab pa'o//ko Ta ka Sha zhes pa ni bcom ldan 'das mgon po rdo rje 'dzin zhes pa ste/ khyod thabs kyi pha rol tu phyin pa la mnga' brnyes pa'i rang bzhin no zhes pa'i don to/ /ko Ta b+ha zhes pa ni khyod ni glang po'i rna ba can zhes pa ste/ khyod kyi shes rab kyi spyi dang rang gi mtshan nyid 'byed pa'i don to//ko Ta ko Ta zhes pa ni khyod ni bzang po'i rgyan dang ldan pa zhes pa ste/ khyod ni thabs dang ldan pas 'khor bar mi gtong ba'i don to/ /ko la bash+tsa zhes pa ni khyod ni rnam par gnon pa'i zhes pa ste/ khyod kyi bzod pa ni gnod pas mi 'khrug cing sran tshugs pa'i don to/ /ka ti ra ga zhes pa ni yon tan rin chen 'byung gnas khyod ces pa ste/sbyin pa'i pha rol tu phyin pa ni yongs su gtong ba'i mtshan nyid dang ldan pa'o/ /ko la k+Sha zhes pa ni khyod ni bden pa'i sprin yin te/ khyod kyi bden pa'i stobs kyis pha rol tu phyin pa ni gzhan gyi zil gyis mi non pa'i rtags so/ /ko la ba zhes pa ni khyod ni gzugs sdug pa yid kyi rgyan zhes pa ste/khyod kyi tshul khrims kyi pha rol tu phyin pa ni yongs su mi nyams pa'i don to/ /ko la ko la zhes pa ni khyod ni me lce 'bar ba can zhes pa ste/ khyod ni ye shes kyi pha rol tu phyin pa ste ye shes pa'i rang bzhin can no/ /ko la pany+tsa zhes pa ni khyod ni yid bzhin nor bu ste zhes pa ste/khyod kyi brtson 'grus kyi pha rol tu phyin pa skyo dub med pa'i mtshan nyid do/ /ka li sto tha zhes pa ni khyod ni gzugs mdzes pa yin zhes pa ste/ smon lam gyi pha rol tu phyin pa'i mthun pa'i ye shes la dmigs pa'o/ /a ti zhes bya ba ni yon tan bcus bstod pa rdzogs par bya ba'o//de nas gsol ba gdab pa dang rjes su gnang ba ni go sla'o/ /de nas bcom ldan 'das phyag na rdo rje thams cad kyi tshe dpag tu med pas khyad par 'byung ba'i rdo rje zhes bya ba'i ting nge 'dzin la snyoms par zhugs nas zhes bya ba ni nang sems kyi ting nge 'dzin la zhugs pa'o/ /de yang ji ltar yin zhe na thams cad kyi tshe dpag tu med pas khyab pas zhugs so//ji ltar zhugs snyam pa la sngags 'di rnams kyis nyid kyi thugs kar zla ba'i dkyil 'khor gyi steng du nyid kyi dkyil 'khor 'di bskyed do/ /bskyed nas de la 'od 'phros pas sems can thams cad la phog pas sems can thams cad kyi sdug bsngal thams cad rab tu zhes bar byas nas nang sems kyi dkyil 'khor du bcug ste/'og gi dbang rnams bskur bas bde 'gro lha'i 'jig rten la sogs par skyes so/ /sems can tshe zad pa rnams tshe 'phel bar byas so/ /de nas ma 'ongs pa'i rjes su 'jug pa'i rnal 'byor pa la phan gdags pa'i phyir dang /sems can thams cad la phan gdags pa'i phyir 'di'i cho 'phrul dang sngags kyi don yang ston to/ /de'i don yang 'di ltar shes par bya ste/ dang por bdag gi gnas yid du 'ong bar bde ba'i stan la 'dug ste khrus byas la chos thams cad bdag med par bsgoms te/ khro bo me ltar 'bar ba yi ge hU~M las bskyed de kha la byin gyis brlabs nas/rdo rje phreng ba'i dbang blang ste/ bgegs bskrad pa ni hU~M bzhi pas bya ste/ phyogs bcu'i bgegs bsrung ba la sogs pa khro bo rnams kyis bya'o/ /de nas sngags dang phyag rgya las khro bo'i sku byung ste/ kun kyang nag por 'dug pa phyag gnyis pa rang gi phyag rgya bcing ba dang ldan par bsgom pa'am/yang na zhal gsum phyag drug pa rang rang phyogs kyi kha dog dang ldan pa/ phyag dang po gnyis rang gi phyag rgya 'dzin pa phyag bzhi na thod dbyug dang rdo rje dang dbyug pa dang / ba dan dang mche ba dang / rdo rje dril bu la sogs pa bsnams pa/ phyag rgya thams cad 'chol bar bsnams pa'o//sprul pa'i khro bo yin pas ma nges par ji lta ba bzhin bsnams pa'o/ /tha ma gnyis na phur pa dang tho ba'o/ /de nas rdo rje dang dra ba dang ra ba yang bya'o/ /de nas sngon du 'gro ba'i yan lag byas la sdig pa dral zhing ye shes dbab pa byas nas mngon par byang chub pa lngas dbus kyi gtso bo'i sku bskyed par bya ste/oM tsit+ta pra ti be d+haM ka ro mi zhes brjod pas chos thams cad zag pa med pa'i gtan tshigs kyis stong pa nyid nam mkha' dang 'dra ba bsgoms la/ sems kyi mtshan nyid zla ba tshes gcig pa lta bu'i rnam par mos par bya'o/ /de nas byang chub kyi sems bskyed par bya'o//oM bo d+hi tsit+ta ut+pA da yA mi zhes brjod pas zla ba'i dkyil 'khor de nyid 'od 'phro ba dang 'du ba'i sbyor bas/ sa dang pha rol tu phyin pa la sogs pa'i yon tan rnams kyi ji ltar las su byas pa bzhin bsod nams dang ye shes kyi tshogs yongs su rdzogs pa'i byang chub kyi mtshan ma ston ka'i zla ba nya ba'i dkyil 'khor yongs su rdzogs pa ltar dang zhing rnyog pa med par mos par bya ste/yun ring du bsgom par bya'o/ /de nas zla ba'i dkyil 'khor de'i steng du/ oM puN+ye puN+ye ma hA puN+ye a pa ri mi ta A yur puN+ye dz+nyA na saM b+hA ro pa tsi ta pra tsa ya ka ni swA hA/ zhes pa'i sngags kyi yi ge g.yas phyogs nas phreng ba'i tshul du bkod pa las/ye shes kyi 'od zer 'phro ba dang / 'du ba'i tshul gyis tiSh+Tha badzra zhes brjod pa las ye shes kyi rdo rje rtse lnga par gyur nas zla ba'i dkyil 'khor la gnas par bsgom ste/ de'i bum pa'i dkyil du yang yi ge hU~M gis mtshan pa ste de ni ye shes lnga'i rang bzhin gyis byang chub kyi sems bdag gis rtogs pa'o//de nas badzra At+ma kou0f85haM zhes brjod pas rdo rje de las ye shes kyi rdo rje'i 'od zer lcags kyu lta bu mang po 'phros pas phyogs bcu'i de bzhin gshegs pa'i rigs dang / rdo rje'i rigs dang / rin p o che'i rigs dang /pad+ma'i rigs dang / las kyi rigs su bzhugs pa rnams kyi sku dang / gsung dang thugs kyi rdo rje thams cad bsdus te rdo rje la thim pas brtan par byas so/ /de nas oM ya thA badzra satwa ta thA a haM zhes brjod pas ye shes rdo rje de las de bzhin gshegs pa'i sku phra mo mang po 'phros pas phyogs bcur sangs rgyas kyi mdzad pa ma lus par rdzogs par mdzad nas/slar 'dus nas rdo rje la thim pas bcom ldan 'das phyag na rdo rje'i sku phyag rgya chen por gyur te/ sku mdog dkar po zla ba rgyas pa lta bu'i zhal 'dzum pa'i mdangs dang ldan par bsgom mo/ /de nas yang thugs kar zla ba'i steng du/ hU~M hrAM hrIH aHbkod pa las rdo rje la sogs pas byin gyis brlab bo//de ltar bdag nyid bskyed nas nang sems kyi dkyil 'khor ni 'og gis sngags rnams las tshe dpag tu med pa'i dkyil 'khor bskyed de/ de rnams kyi thugs kar yang zla ba'i dkyil 'khor gyi steng du sngags kyi phreng ba rnams bsams te/ 'od zer 'phro ba dang 'du ba'i tshul gyis sems can thams cad la phog pas sems can thams cad kyi las dang nyon mongs pa dag par byas te/khyad par du yang ngan song gsum gyi rtog sgrib sbyangs nas nang sems kyi dkyil 'khor du bcug nas dbang bskur bas rnam par grol ba'i lam la bzhag ste/ khyad par du yang sems can tshe thung ba rnams tshe bsrings nas rim gyis sangs rgyas kyi sa la gnas par byas/de nas sems can thams cad dang lha dang klu la sogs pas kyang mchod cing bstod nas de nyid du mi snang bar gyur/ de nas lha de dag dang sngags kyi phreng ba de thugs ka'i rdo rje la 'dus pas brtan zhing mi g.yo bar bsam mo//de ni sbyor ba dang po dang sems kyi ting nge 'dzin no// //da ni dkyil 'khor rgyal po mchog bskyed par bya ste/ gzhal yas khang bskyed pa'i thabs ni shAkya thub pa'i dkyil 'khor las shes par bya'o/ /de yang khyad par ni nang gi 'khor lo'i rtsibs bzhi ba rim pa gsum dang ldan par shes par bya'o//gdan ni seng ge dang glang po che la sogs pa de'i steng na pad+ma dang zla ba'i dkyil 'khor ro/ /de'i dbus su bdag nyid bcom ldan 'das phyag na rdo rje thabs kyi bdag po bsam ste/ bcom ldan 'das kyi thugs ka'i kun du bzang ngo / byang chub kyi sems zla ba'i dkyil 'khor gyi steng du oM a mi te a mi ta a mi tong b+ha be/a mi ta sam+b+ha we/ a mi ta bikrAn+te/ a mi ta bi krAn+ta ga mi ni/ sarba karma kle sha k+Sha yaM ka ri swA hA/ zhes pa'i sngags kyi yi ge rnams phreng ba'i tshul du bkod la/ de las ye shes kyi 'od zer 'phro zhing 'du ba'i tshul gyis yi ge'i phreng ba la thim pa las pad+ma dmar por gyur/de nas yang 'od zer 'phro ba dang 'du ba'i tshul gyis rigs bzhi'i sku dang gsung dang thugs rdo rje'i dbyings thams cad 'dus te/ pad+ma la thim pas pad+ma brtan par byas so/ /de nas sku phra mo mang du 'phros pas sangs rgyas kyi mdzad pas 'gro ba'i don byas te/ slar 'dus pa las pad+ma la thim pas bcom ldan 'das tshe dpag med kyi sku phyag rgya chen por gyur te thugs kar bzhugs par bsam/yang de'i thugs kar sngags kyi phreng ba snga ma bzhin du bkod pa las/ sngags brjod pa tsam gyis bskul ba'i tshul du thugs ka nas spyan drangs te phyogs bcur 'phros pas mdzad pa bcu gnyis kyi tshul du 'gro ba'i don mdzad de lhar 'dus nas bcom ldan 'das kyi spyan sngar bka' nod pa'i tshul du bzhugs pa la/cho 'phrul chen po bzhis byin gyis brlabs/ ye shes kyi dbu rgyan gyis dbang bskur te tshe dpag tu med pa zhes lan gsum bos te/ming gi dbang bskur nas las la dgod pa ni 'khor lo'i nub phyogs kyi rtsibs la bzhugs so/ /de nas yang bcom ldan 'das kyi thugs kar zla ba'i dkyil 'khor gyi steng du/ oM kaM ka ni kaM ka ni/ ro tsa ni ro tsa ni/ tro Ta ni tro Ta ni/ tA sa ni trA sa ni/ pra ti ha na/ pra ti ha na/ sarba karma A pa ra Na pa ri pa ra Ni me sarba satwA nAM swA hA zhes pas sngags kyi phreng ba'i tshul du bkod pa las/ye shes kyi 'od zer 'phros pa las sems can thams cad kyi sgrib pa dang sdug bsngal sbyangs shing zhi bar byas te/ slar 'dus pa las yig 'bru rnams la thim pas rdo rje dmar po la hU~M gis mtshan par gyur te/de las 'phros shing 'dus pa'i tshul gyis tshe brtan par byas so/ /de las sku phra mo mang po 'phros shing 'dus pa'i tshul du thim pa las mgon po mi 'khrugs pa'i sku phyag rgya chen por gyur te thugs ka nas bzhugs so/ /yang de'i thugs kar zla ba la yi ge'i phreng ba snga ma bzhin du bkod pa las/brjod pa tsam gyis bskul bar phyogs bcur 'phros te/ slar 'dus pa las bdag gi mdun na bka' nod pa'i tshul du gnas pa la/ cho 'phrul chen po bzhis byin gyis brlabs pa dang / ye shes lnga'i dbu rgyan gyi dbang bskur ba dang / mi 'khrugs pa zhes lan gsum pos te/ming gi dbang bskur nas nyid kyi las kyi bzhugs gnas dkyil 'khor gyi shar phyogs kyi rtsibs steng du sna tshogs pad+ma dang zla ba'i dkyil 'khor gyi gdan la bzhugs su gsol lo/ /de nas yang bcom ldan 'das kyi thugs ka'i zla ba'i dkyil 'khor la oM rat+ne rat+ne/ma hA rat+ne/ rat+na ki ra Ne/ rat+na mA lA bi shud+d+he shod+ha ya sarba pA paM hU~M trA Ta ces pa'i sngags kyi yi ge'i phreng ba bkod pa las 'od 'phros pas sems can thams cad kyi las dang nyon mongs pa'i sdug bsngal thams cad sbyangs shing bsal nas slar 'dus pa las rin po che 'bar ba kha dog sngon por gnas par gyur te/de las 'od 'phros shing 'dus pa las brtan par gyur/ de las de bzhin gshegs pa'i sku phra mo mang po 'phros pas 'gro ba'i don mdzad/ bdud kyi gnas thams cad bcom nas slar 'dus pa las bcom ldan 'das rin chen 'byung ldan kyi sku phyag rgya chen por gyur te/ thugs kar bzhugs so/ /yang de'i thugs ka'i zla ba la sngags kyi phreng ba snga ma bzhin du bkod pa las brjod pa'i tshul gyis bskul bas phyogs bcur 'phros te/ sangs rgyas kyi mdzad pas 'gro ba'i don mdzad nas slar 'dus te/ bdag gi mdun na bka' nod pa'i tshul du gnas pa la cho 'phrul chen po bzhis byin gyis brlabs/dbu rgyan gyi dbang bskur rin po che 'bar ba lag tu byin te/ rin chen 'byung ldan zhes bos nas ming gi dbang bskur nas nyid kyi bzhugs gnas 'khor lo'i lho phyogs kyi rtsibs la rta'i gdan steng na sna tshogs pad+ma dang zla ba'i gdan la bzhugs su gsol lo/ / yang bcom ldan 'das kyi thugs ka'i zla ba'i dkyil 'khor gyi steng du/ oM a mo g+ha a pra ti ha ta sarba A ba ra Na bi na sha ni ha ra ha ra hUM phaT ces pas sngags kyi phreng ba'i tshul du bkod pa las 'od zer phyogs bcur 'phros pas phyi snod kyi 'jig rten g.yo ba dang / nang bcud kyi 'jig rten 'gul ba dang / las dang nyon mongs pa thams cad zhi bar byas te/ rmad kyi ya mtshan du 'jig rten du snang bar byas nas slar 'dus pa yi ge la thim pa las rdo rje rgya gram du gyur te/ de 'phro 'du las brtan par gyur to/ /de 'phro 'du las bcom ldan 'das gdon mi za ba'i sku phyag rgya chen por gyur te thugs ka na bzhugs par bsam mo//yang de'i thugs kar zla ba'i steng du sngags kyi yi ge phreng ba rnams snga ma bzhin du bkod pa las brjod pa tsam gyis bskul pa'i tshul gyis spyan drangs nas thugs ka nas bton te/ phyogs bcur 'phros pas sangs rgyas kyi mdzad pa mdzad de/ slar byon nas bka' nod pa'i tshul du bzhugs pa la byin gyis brlabs pa dang /dbang bskur ba dang / ming nas bos pa la sogs pa byas nas/ nyid kyi las kyi bzhugs gnas byang phyogs kyi 'khor lo'i rtsibs thog tu nam mkha' lding gi steng na sna tshogs pad+ma dang zla ba'i gdan steng na bzhugs par bsam mo/ /de la kha cig na re rgyud dkrugs pas sngags kyi rim pa ltar mi bskyed de/lha'i rim pa ltar bskyed par bya'o zhes kyang zer ro/ /'o na 'dir phyag na rdo rje'i 'khor du rigs bzhi'i sangs rgyas bya ba mi 'gal lam zhe na/ 'di'i skabs su phyag na rdo rje ni de bzhin gshegs pa thams cad kyi kun du bzang po byang chub kyi sems kyi rang bzhin de bzhin gshegs pa'i sa bcu gnyis su byin gyis brlabs shing dbang bskur bas bdud dang 'chi bdag thams cad 'joms par byed pa'i mthu dang ldan pa yin pas 'gal ba med do//dkyil 'khor 'di'i d+hU pe la sogs pa ni gzhan du shes par bya'o/ /de ni dkyil 'khor rgyal po mchog go/de nas/ /rdo rje slob dpon sems dpa' che/ /rdo rje lcags kyu bcings nas ni/ /se gol mang po gdab byas nas/ /sangs rgyas thams cad bsdu bar bya/ /oM badzra sa ma ya dza dzaHhU~M baM hoHzhes brjod do/ /de nas phyag na rdo rje yis/ /phyag rgya chen po sgom byed cing / /ming brgya rtsa brgyad dam pa ni//lan cig rab tu brjod par bya/ /de bzhin du rdo rje lcags kyu la sogs pas dgug pa dang / gzhug pa dang / bcing ba dang / dbang du byas shing rdo rje gnod sbyin gyis bgegs bskrad pa dang ra ba dang dra ba byas te/ dam tshig gi phyag rgya rdo rje khu tshur gyis dkyil 'khor gyi sgo bcad nas yi ge gnyis kyis bsrung ba thams cad yang dag par bsrung la mchod yon dbul ba sngon du 'gro ba dang /dzaH hU~M baM hoHb+ha ga bAn badzra e h+ye hi sa ma ya s+t+waM zhes brjod par bya zhing rang rang gi sngags kyi mthar yang dag par bskul la dam tshig gi phyag rgya dang chos kyi phyag rgya rang rang gi lce la rdo rje bsam pa dang /las kyi phyag rgya dang phyag rgya chen pos kyang rgyas gdab bo/ /de nas mchod pas mchod pa dang / phyi nang gsang ba'i mchod pas kyang mchod do/ /de nas bzlas pa la sogs pa bya ste/ de 'dra zla ba'am lo'i bar du ji srid gnang ba thob kyi bar du bya'o//de ni gnyen pa'i las so/ /da ni dkyil 'khor gyi las la 'jug par bya ste/ sa sbyang zhing gzung ba dang / gnyis pa sta gon la gnas pa kun byas la/ de yang thig gdab pa dang / tshon byin gyis brlabs pa kun gong ltar byas la/ de nas dkyil 'khor gyi dbyibs ni/ de nas dkyil 'khor 'di yin te/ /zhes bya ba la sogs pa brtan te/ dkyus gsal lo/ /de yi dbus su gtso bo ni/ /phyag na rdo rje stobs chen te/ /zhes pa la sogs pa ni lha dgod pa'i rim pa ston te dkyus gsal lo/ /de nas rnal 'byor can nyid zhugs/ /zhes pas ni rnal 'byor pa bdag nyid zhugs par byas te snga ma bzhin no//sngags kyi lha rnams spyan drangs te/ /zhes pa la sogs pa ni sngon du 'gro ba nas dkyil 'khor rgyal po mchog yan chad byas nas spyan drangs pa'o/ /de nas gong ltar las la sbyor ba bzhin du bzlas pa yan chad bya'o/ /'di nas slob ma gzhug par bya ba ston te/ 'chi bdag sbrul gyi 'jigs pa rnams/ /zhes pa la sogs pa ste/ 'chi bdag ni gshin rje'i dbang du bya'o/ /sbrul ni lus gzung ba'o/ /rnams ni shu ba dang / g.yan pa la sogs pa'o/ /des ni zin pa'i sems can rnams ni 'chi bdag la sogs pa gzhom par bya ba'i phyir dkyil 'khor der gzhug par bya'o//de nas slob ma khrus byas te/ go cha bskon te/ oM badzra sa ma ya hU~M zhes pa dang rdo rje ti rIn+ti ri'i phyag rgya sor mo rnams nang du bsnol la mthe bong gnyis gshibs te mnan pa'i phyag rgya des rin po che'i tog gam/ me tog gi phreng ba thogs pa'i slob mas dang por slob dpon la phyag btsal te/gsol ba gdab bo/ /de nas sdig pa bshags pa dang / rjes su yi rang ba dang / skyabs su 'gro ba dang / byang chub tu sems bskyed pa dang / gsol ba gdab pa dang / sdom pa gzung ba la sogs pa byas te/ de nas slob dpon gyis slob ma de rdo rje sems dpa'i rang bzhin du bskyed de/'di ni khyod kyi dmyal ba'i chu/ /dam tshig 'das na sreg par byed/ /dam tshig bsrung na dngos grub ni/ /rdo rje bdud rtsi'i chu 'dis 'grub/ /oM badzra sa mA ya hU~M zhes pa la sogs pas so/ /de nas ye shes dbab/ de la yang slob dpon gyi dbab pa dang / rigs kyi dbab pa dang / de bzhin gshegs pas dbab pa dang / sbyin sreg gi dbab pa'o/ /des kyang dbab par ma gyur na dbang bskur bar mi bya'o/ /de nas mig gi snang ba dris te/ de nas 'dis gdong g.yogs dgrol bar bya ste/ sngon gyi mig mkhan rgyal po yis/ / zhes pa la sogs pa brjod la/ oM badzra hA s+yod g+ha Ta ya hU~M zhes so/ /de nas dkyil 'khor bstan te/ dkyil 'khor bzang po 'di la ltos/ /zhes pa la sogs pa dang / oM badzra pA sh+yaho zhes pas rdo rje lcags kyu nas phyag na rdo rje'i bar bstan to/ /de ni 'jug pa'i rim pa'o// // de nas 'dis dbang bskur bar bya ste/ dang por slob dpon gyis slob ma de zla ba'i dkyil 'khor du gzhag ste/ dang por ni bum pa'i dbang ngo / /de nas dbu rgyan gyi dbang ngo / /de nas cod pan dang phreng ba'i dbang ngo / /de nas rdo rje'i dbang ngo / /de nas dril bu'i dbang ngo / /de nas ming gi dbang ngo / / de rnams ni rig pa'i dbang ste/ de nas phyir mi ldog pa'i dbang bskur bar bya ste/ rtsa ba'i dkyil 'khor las khru do dor bar dkyil 'khor phyogs bzhir bya ba dang / dbang bskur ba la sogs pa ni rtsa ba'i dkyil 'khor du drangs pas 'dir smos dbang bskur ba'i cho ga'o/ /de nas sgrub pa sbyin te/ lha'i rnal 'byor gyi rim pa sbyor ba dang po dang /dkyil 'khor rgyal po mchog dang / las rgyal po mchog ji ltar bya ba'i rim pa dang / tshe bsring pa'i rim pa 'dir byin no/ /oM b+h+rUM badzra A yu She hU~M a zhes pas sbyin no/ /da ni 'di nas ras ris kyi sgrub pa bstan te/ ras legs par byas pa la bcom ldan 'das rdo rje tshe dpag med zla ba'i 'od can zla ba'i dkyil 'khor la bzhugs pa/'khor los sgyur ba'i cha byad can/ rgyan thams cad kyis brgyan pa ste/ rna rgyan dang / mgul rgyan dang / se mo do dang / do shal dang / rin po che'i ze'u dang / dar dpyangs kyis bcings la/ phyag gnyis pa g.yon mi 'jigs pa dang /g.yas mchog sbyin pa'i tshul las bdud rtsi 'dzag pa bri/ /de'i 'og tu sgrub pa po thal mo sbyar ba gdong gyen du blta ba/ bcom ldan 'das kyi phyag gi bdud rtsi las dngos grub nod pa'o/ /de la rab tu gnas pa la sogs pa gong ltar byas nas mchod pa bya ste/ bsnyen pa de'i spyan sngar 'bum bzlas la bzod pa bsgrub pa la 'jug par bya'o//sgrub pa ni gnas yid du 'ong bar dang po nya la mgo btsugs la sgrub pa po 'don pa yang phyi de nya'i bar du bsgrub par bya'o/ /mchod pa chen po byas la zhes pa ni phyi nang gsang ba'i mchod pa byas pa'o/ /de nas rdzas ni ba dmar ser gyi 'o ma'am/ mar sar pa'am/til mar ram/ chu'am/ zho'am/ 'o ma'am/ chang ngam/ khrag gam/ zhag gam/ klad pa la sogs pa la bsgrub par bya'o/ /de nas rdo rje dang bcas pa'i lag pa g.yon pas mnan la bzlas pa mtshan ma byung byung du bzlas par bya'o/ /mtshan ma ni dkyus gsal lo/ /mtshan ma byung ba dang dngos grub brtag par bya ba'i phyir mtshan cig thog thag bzlas par bya'o//de nas dngos grub blang bar bya ste/ nang par sngar bsrung pa la sogs pa byas na zhes pa ni/ gzhan gyis dbrog par mi nus par bya ba'i ched du khro bo me ltar 'bar bas bsrung bar bya'o/ /de nas dngos grub blang bar bya ba ni bdag nyid lha'i skur gsal pa dang /rdzas bdud rtsir sbyang ba'o/ /de 'thungs sam zos na 'og gi yon tan rnams 'byung ngo / /yon tan ni dkyus gsal lo/ /de ni tshe dpag med las kyi sgrib pa rgyun gcod pa'i bshad pa'o// //da ni 'jig rten pa'i dkyil 'khor drug gi don bstan te/ de la rgyal po chen po bzhi'i dkyil 'khor ni/'jig rten pa'i dri za dang / grul bum dang / klu dang / gnod sbyin gyi 'khor zhi bar bya ba'i phyir gsungs te/ de nas rgyal po chen po bzhis zhes pa ni de nas ni tshe dpag med kyi rting thogs su 'byung ba la bya'o/ /rgyal po chen po bzhi ni lha'i rgyal po yin pa'i phyir ro/ / bcom ldan 'das phyag na rdo rje la phyag 'tshal nas zhes pa la sogs pa ni zhu ba dang gnang ba bstan te/ dkyus gsal lo/ /byin gyis brlabs zhes bya ba ni phyag na rdo rje'i skabs su dbang bskur ba dang / ming btags pa'o/ /gnang ba ni phul cig pa'o/ /de nas snying po phul ba ni dkyus su gsal lo/ / da ni rgyal po chen po bzhi'i bskyed thabs ni 'dir 'di ltar shes par bya ste/ de yang dang por sngon du 'gro ba'i yan lag dang / rdo rje bcings pa dang / rdo rje dral ba la sogs pa sngon du byas pa ltar byas la/ mngon par byang chub pa lngas dbus kyi gtso bo bskyed par bya ste/ oM tsit+ta pra ti be d+haM ka ro mi zhes brjod de/gzung ba dang 'dzin par brtags pa'i phyi nang gi dngos po thams cad rnam par dag pa phung po dang khams dang skye mched la ji lta bu'i dngos po yang ma grub ste/ sems nyid 'od gsal ba'i ngo bo zla ba tshes gcig pa lta bu'i ngo bor bsgom par bya'o/ /de nas oM bod+hi tsit+ta ut+pA da yA mi zhes brjod pas zla ba'i dkyil 'khor de 'phro ba dang 'du ba'i tshul gyis stong pa nyid kyi don la 'dris shing goms pa'i rtags zla ba'i dkyil 'khor nya gang ba zhig rdzogs par bsgom mo//de nas zla ba'i dkyil 'khor de'i dbus su yi ge hU~M bkod la/ oM badzra tiSh+Tha zhes brjod pas hU~M de las 'od 'phros pa dang 'du ba'i tshul gyis ye shes kyi rdo rje rtse lnga par gyur to//de'i 'phro 'du las rigs bzhi'i de bzhin gshegs pa rnams kyi sku gsung thugs kyi byin rlabs 'dus te/ rdo rje de la thim par gyur pas brtan par byas so/ /oM badzra At+ma kou0f85 haM zhes brjod de/ de nas yang brtan par gyur pa'i rdo rje de las de bzhin gshegs p a'i sku phra mo mang du 'phros shing 'dus pa las bcom ldan 'das phyag na rdo rje'i sku phyag rgya chen por gyur te/sku mdog dkar po phyag g.yas rdo rje rtse lnga pa 'gyed pa'i tshul gyis thugs kar 'dzin pa/ g.yon dril bu dkur brten par gyur to/ /de nas de'i gnas bzhi po dag tu byin gyis brlabs nas dbang bskur ro//de nas rgyal po chen po bzhi bskyed par bya ste/ de yang dang por stong pa nyid du bsgoms nas/ de nas gzhal yas khang gru bzhi pa sgo bzhi pa/ nang le'u tshe gnas pa'am/ 'khor lo rtsibs bzhi pa bsams la de'i dbus su bdag nyid phyag na rdo rje'i thugs ka'i zla ba'i dkyil 'khor gyi steng du oM bai zhes pa'o//de'i mtha' mar oM bai shra ba Na ye swA hA/ zhes pa'i sngags kyi phreng ba bkod la/ de las 'od zer 'phros pas tshad med pa bzhi dang / bsdu ba rnam pa bzhi'i sgo nas sems can gyi don byas nas slar 'dus te/ sngags kyi yi ge la thim pas rin po che'i be con du gyur to/ /de 'phro 'du las rgyal po chen po rnam thos sras kyi skur gyur te/ sku mdog ser po/ phyag g.yas na be con/ g.yon na rin po ches gang ba'i ne'u le'i rkyal bu thogs pa/ rin po che'i rgyan gyis brgyan pa/ sku lus sbom zhing gsus pa che ba ste/bcom ldan 'das kyi g.yon logs su seng ge'i khri steng na pad+ma'i gdan la bzhugs pa'o/ /g.yas g.yon na bum pa mdzes pa re yang bsam mo/ /de nas rin po che'i chu 'bab pa'o/ /yang bcom ldan 'das kyi thugs ka'i zla ba'i steng du/ oM D+hi zhes pa'i mtha' ma na tshur oM D+hI ta rASh+Ta ye swA hA zhes pa'i sngags kyi yi ge'i phreng bas bskor ba bsgoms la/de'i 'phro 'du las pi wang du gyur to/ /de las yul 'khor srung gi skur gyur te/ lus ran zhing mdzes pa sku mdog ni ljang gu ste/ rgyan thams cad kyis brgyan pa/ phyag na pi wang brdebs pa la brtson pa ste/ bcom ldan 'das kyi mdun du seng ge'i khri steng du bzhugs su gsol lo/ /yang bcom ldan 'das kyi thugs ka'i zla ba'i steng du oM bi zhes pa'i mtha' ma na tshur oM bi ru D+ha ka ye swA hA zhes pa'i sngags kyi phreng bas bskor bar bsgom mo/ /de'i 'phro 'du las ral gri/ de las 'phags skyes po'i skur gyur te/sku mdog sngon po yid tsam khros pas phyag na ral gri thogs pa bcom ldan 'das kyi g.yas logs kyi seng ge'i khri steng du bsam mo/ /yang bcom ldan 'das kyi thugs ka'i zla bar oM k+ShaH de'i mtha' ma na tshur oM bi ru pA k+Sha ye swA hA zhes pa'i sngags kyi phreng bas bskor bar bsam mo//de'i 'phro 'du las zhags pa rdo rjes mtshan pa'o/ /de las rgyal po mig mi bzang gi skur gyur te/ sku mdog ni dmar skya la phyag na rdo rjes mtshan pa'i zhags pa bsnams pa sbrul mgo bdun gyis dbu la thod thabs su brgyan pa'o/ /mig rtsa dmar zhing 'bur ba ste/ bcom ldan 'das kyi rgyab tu gang na seng ge'i khri la bzhugs par bsgom mo/ /de nas d+hU pe la sogs pa dang / sgo ba yang gong ltar bskyed la/ de la la la dag 'jig rten pa'i 'khor du 'jig rten las 'das pa mi rigs so zhe na/ de ni 'jig rten pa'i dbus kyi gtso bo 'jig rten las 'das pas mdzad pas 'di yang 'gal ba med do zhes so//de nas bcom ldan 'das spyan drang ngo / /spyan drang ba'i sngags ni oM e h+ye hi b+ha ga bAn sa mA dza dzaHhU~M baM hoHzhes pas so/ /de nas rgyal po bzhi spyan drang ngo / /de ni rang gi rtsa ba'i sngags kyis so/ /de nas 'og nas 'byung ba'i dam tshig gi phyag rgya bstan to//de nas mchod pa lnga la sogs pas mchod pa'i phyir/ cho ga bzhin du mchod par bya/ /zhes so/ /mchod pa'i sgras bstod pa dang bzlas pa yan chad bya'o/ /bzlas pa ni gtso bo'i dang po rang rang gi rtsa sngags so/ /dkyil 'khor bri ba dang /dbang bskur ba dang / de'i yon tan ni dkyus nyid gsal lo/ /'on kyang dbang bskur ba ni 'jig rten dang 'jig rten las 'das pa'i dbang ngo / /'jig rten las 'das pa'i dbang ni phyag na rdo rje'i bum pa la sogs pas dbang bskur ba'o/ /bum pa'i zlas drangs pas rig pa'i dbang dang /phyir mi ldog pa'i dbang rnams so/ /'jig rten pa'i dbang ni rgyal po'i bum pa la sogs pa'o/ /bum pas sna drangs la rgyal po bzhi'i rdzas kyis kyang dbang rnams bskur ro/ /de ltar ni 'jig rten pa'i dkyil 'khor drug ka la shes par bya'o/ /rgyal po bzhi'i sgrub pa bshad zin to//de nas 'di nas phyogs skyong ba'i dkyil 'khor bshad de/ de nas phyogs bcu skyong ba rnams kyis zhes pa la sogs pa gsungs te/ de nas zhes pa ni rgyal po bzhi'i dkyil 'khor zhes pa nas bar cis kyang ma chod pa'o/ /phyogs skyong ba rnams kyis kyang snying po phul zhing dkyil 'khor bshad do//bcom ldan 'das la phyag 'tshal nas 'di skad ces gsol to zhes bya ba nas snying po phul cig ces bya ba'i bar ni gsol ba gdab pa dang rjes su gnang ba'o/ /snying po phul ba yang 'dir go sla'o/ /de'i don yang 'di ltar shes par bya ste/phyogs skyong bcu'i dkyil 'khor bskyed par bya ste/ gtso bo'i bskyed thabs sngon du 'gro ba'i cho ga dang sdig pa dral ba dang / ye shes dbab pa dang / mngon par byang chub pas dbus kyi gtso bo phyag na rdo rje'i sku bskyed pa dang / byin gyis brlabs pa dang / dbang bskur ba byas la/ stong pa nyid kyi rang bzhin las 'byung ba rim gyis bskyed de/ de'i steng du yi ge b+h+rUM las gzhal yas khang bskyed pa ni gru bzhi pa la sgo bzhi pa nang re'u mig dgu ru byas la/ lha'i snam bu dang ldan pa/ rta babs bzhis brgyan pa bskyed par bya'o/ /de'i dbus su phyag na rdo rje nyid gnas par byas nas dkyil 'khor gyi lha rnams bskyed par bya'o//de la dbus kyi gtso bo'i thugs kar zla ba'i dkyil 'khor gyi steng du oM I zhes pa'o/ /de'i phyi rim du oM I shwa na ye swA hA/ zhes pa'i sngags rnams phreng ba'i tshul du bskor bar bya'o/ /de nas spro ba dang bsdu ba'i sbyor bas tri shU la rtse gsum du gyur to//de spro ba dang bsdu bas brtan par bya'o/ /de 'phro zhing 'du ba'i tshul gyis skur gyur te/ byang shar gyi re'u mig la gdan glang khyu ba'i steng du bzhugs so/ /de bzhin du oM iHoM a/ oM ya/ oM raM/ oM baM/ oM yaM/ oM a/ oM kuH/ oM bra zhes pa'i snying po la so so'i sngags kyis bskor ba de'i 'phro 'du las dam tshig gi phyag rgya rdo rje gdengs pa dang / bgrang phreng dang / thod dbyug dang / ral gri dang / zhags pa dang / ba dan dang / dbyug to dang / bum pa dang / pad+mar gyur to/ /de dag gi 'phro 'du las brtan par gyur to//de nyid kyi 'phro 'du las skur gyur te/ shar phyogs su brgya byin mdog ser po glang po che'i gdan la bzhugs pa phyag na rdo rje gdengs pa bsnams pa'o/ /shar lhor me lha dmar se rang skyes kyi gdan la bzhugs pa phyag bzhi na skyabs sbyin dang / bgrang phreng dang / gun+d+he dang / zhugs gling bsnams pa'o/ /lhor gshin rje nag po ma he'i gdan la bzhugs pa phyag na thod dbyug bsnams pa'o/ /lho nub tu bden bral dmar nag yi dags kyi gdan la bzhugs pa ral gri thogs pa'o/ /nub tu chu bdag mdog dmar sbrul gyi gdengs ka can sbrul zhags bsnams pa chu srin gyi gdan can no//nub byang du rlung lha thal ba'i mdog can sha ba'i gdan can ba dan bsnams pa'o/ /byang du nor sbyin mdog ljang gu dbyug to bsnams pa rta'i gdan can no/ /gtso bo'i mdun du nyi ma mdog dmar rta bdun gyis 'dren pa'i khri la bzhugs pa phyag na pad+ma bsnams pa'o//rgyab tu phag gi gzugs can mdog ser po byi ba'i khri la 'dug pa bum pa bsnams pa'o/ /gzhan yang sgo ba la sogs pa rnams ni snga ma bzhin no/ /de nas spyan drangs te kun la zhes pa ni rang rang gi rtsa ba'i sngags dang phyag rgyas spyan drang ngo / /mchod pa kun gyis mchod par bya//zhes pa ni mchod pa lnga la sogs pa ste/ de nas bstod par bya zhing rang gi sngags kyang bzla bar bya'o/ /de nas dkyil 'khor yang ji ltar grags pa bzhin du bris la dbus su phyag na rdo rje'o/ /dkyil 'khor der dbang bskur nas snying po byin na 'jig rten 'di'i dgos pa rnams 'grub par 'gyur ro//bsrung zhing bskyab pa dang / dam bcas pa ni/ /de nas de dag mgu nas ni/ /zhes bya ba la sogs pas bstan te/ dkyus gsal lo/ /phyogs skyong ba'i bshad pa'i 'grel pa'o/ /dkyil 'khor de ni gdon stong phrag brgyad cu zhi bar bya ba'i phyir gsungs so/ /da ni 'di nas gza' brgyad kyi dkyil 'khor gsungs te/de yang gza' dang dus tshigs dang skar ma'i slung zhi bar bya ba'i phyir bshad do/ /de nas gza' chen po brgyad dang 'khor rgyu skar du bcas pa rnams kyis kyang 'di skad ces gsol to zhes bya ba ni de nas zhes bya ba ni phyogs skyong ba'i dkyil 'khor bshad pa'i rting thogs nas so//phyi ma dkyus gsal lo/ /byin gyis brlabs pa ni dbang bskur ba dang ming btags par ro/ /shod cig pa ni gnang ba'o/ /de nas snying po rnams phul lo/ /de'i don yang 'di ltar shes par bya ste/ 'dir yang gnas yid dang mthun par bde ba'i stan nang tshangs can la 'dug ste/dang por bgegs bskrad pa dang / /rdo rje sems dpa' 'am 'jig rten gsum las rnam par rgyal ba mdun du dmigs nas mchod pa dang / phyag 'tshal ba dang / sdig pa bshags pa dang / skyabs su 'gro ba dang / / gsol ba gdab pa la sogs pa byas nas/ de nas sdig pa dral ba dang ye shes dbab pa byas te/ de nas sems so sor rig pa la sogs pa'i mngon par byang chub pa lnga'i rim pas phyag rgya sku mdog dang phyag mtshan gong du bstan pa lta bu'am/ yang na oM badzra satwa kro d+hA na lArka ma hA badzra kro d+ha dra ba dra pa bi dra ba bi dra ba/sarba a ba ya nA sha ya nA sha ya/ ha ra ha ra prA NAM hU~M zhes brjod pas khro bo khams gsum rnam par rgyal ba'i skur gyur te/ sku mdog sngon po zhal bgrad cing mche ba gtsigs pa phyag na rdo rje dang / pad+ma dang / ral gri dang / be con bsnams pa/ sbrul gyis brgyan pa/ stag lpags kyi smad brgyan pa/'khor khro bo mang pos bskor ba/ rigs lngas dbu brgyan pa/ zhabs pad+ma lta bus ro mnan nas/ thabs mkhas pa'i thugs rjes ngan song sbyang bar mdzad pa bsam mo/ /de nas gzhal yas khang ni gru bzhi pa sgo bzhi pa/ rta babs dang mu khyud du bcas pa nang dkyil 'khor dgu pa snam bu rim pa gnyis pa bsgom mo//de'i dbus su gnas par bya ste/ 'khor gza' chen po rnams rim par bskyed par bya'o/ /de la dbus kyi gtso bo'i thugs kar zla ba'i dkyil 'khor gyi steng du oM A zhes pas sngags bskyed par bya'o/ /de'i 'phro 'du las pad+mar gyur te/ de'i 'phro 'du las gza' nyi ma'i skur bskyed de/sku mdog dmar ser la gser gyi ya lad dam 'thab ber gsol ba phyag na pad+ma bsnams pa'o/ /de'i snying gar oM A di t+ya swA hA/ zhes bkod pa de brjod pa'i tshul gyis phyir phyung ste/ rlung gi phyogs su rta'i steng du bya'o/ /yang dbus kyi gtso bo'i thugs kar zla ba'i dkyil 'khor gyi steng du oM swa/oM aM/ oM bu/ oM bri/ oM shu/ oM sa/ oM ra/ zhes pas so so'i sngags rnams rim pa bzhin bkod la/ de rnams 'phro zhing 'du ba'i tshul gyis rang rang gi dam tshig gi phyag rgya me tog ku mu da dang / mgal me dang / ut+pal dang / po ti dang / shing thog dang dbyug pa dang /sdigs mdzub bam zla ba rnams su gyur to/ /de rnams kyi 'phro 'du las so sor sku rnams su gyur to/ /de nas lha rnams kyi thugs kar oM swa moM swA hA/ oM bu d+ha swA hA/ oM bri ha ya swA hA/ oM shU raM ga me swA hA/ oM sa naish+tsa ra swA hA/ oM rA hu la swA hA/ zhes pa bsams la/rang rang gi sngags brjod pas so so'i gdan stengs su gzhag par bya ste/ zla ba ni mdog dkar po phyag na ku mu da bsnams pa nub tu dang pa'i steng du'o/ /mig dmar ni mdog dmar po byis pa'i gzugs 'dra ba phyag na mgal me bsnams pa me'i phyogs su'o/ /gza' lag pa ni mdog ser po/g.yas dam tshig sbyin pa/ g.yon ut+pa la bsnams pa byang du bsam mo/ /de yang stan nang tshangs can nam pad+ma'i gdan la'o/ /phur bu ni mdog dkar ba g.yas pa po ti/ g.yon pa chos 'chad pa'am/ tshig 'dren pa'i tshul/ ba ti ser po'i stod g.yogs mnabs pa/zla ba'i dkyil 'khor la bsams te lho na bzhugs so/ /pa ba sangs ni mdog dkar ba rgyan thams cad kyis brgyan pa phyag na shing thog bsnams pa ste/ mdun du stan nang tshangs can gyi steng du'o/ /spen pa mdog gnag la rgyan med pa skra bshig pa/ lag na dbyug pa bsnams pa/dbang ldan gyi mtshams su stan nang tshangs can la gnas pa'o/ /sgra gcan mdog dung kha mi'i mgo can yid tsam khros pa mche ba gtsigs pa skra ser po gyen du 'greng ba/ mgrin pa man chad sbrul gyis dkris pa'am/ rnam pa gcig tu na sprin gyi nang na 'dug pa sdigs mdzub bsgreng ba ste//srin po'i phyogs su dgod par bya'o/ /dkyil 'khor gyi phyi rim gyi khor yug tu ni rgyu skar nyi shu rtsa brgyad dgod do/ /dbang ldan gyi phyogs nas brtsams te shar du dgod par bya ba ni smin drug mdog dmar bum pa'i steng na 'dug pa me lce 'bar bas 'khor ba bri/ snar ma ni mdog ljang gu glang khyu ba dkar po la zhon pa/ mgo ni mdog ser po sha ba la zhon pa bri/ /lag pa mdog dmar sbrul 'khyil ba la zhon pa/ nab so ni mdog ser po pad+ma la 'dug pa/ rgyal ni mdog ljang gu bum pa'i steng na'o/ /skag ni mdog ljang gu bya rog la 'dug pa'o/ / lho phyogs su bri ba ni mchu mdog ser ma he la zhon pa/ gre ni mdog dkar pad+ma la 'dug pa/ sbo ni ljang gu gser gyi khri la 'dug pa/ me bzhi ni mdog ser po glang po che la 'dug pa/ nag pa ni mdog ljang gu rma bya la zhon pa/ sa ri ni mdog ljang gu spyang mo nyug pa'o//sa ga ni mdog ljang gur skyes la zhon pa bri/ bden bral nas brtsams te nub tu bri ba lha mtshams ni mdog ser lag na 'bras bu thogs pa bya dkar la zhon pa/ snron ni mdog dmar stan nang tshangs can la 'dug pa bri/ snrubs ni mdog ljang gu rus sbal la zhon pa bri/ chu stod ni mdog ser la phub kyi stan la 'dug pa/chu smad mdog ljang gu mi la zhon pa/ byi bzhin ni mdog ser 'khor lo thogs nas nam mkha' lding la 'dug pa/ gro bzhin ni mdog ser po kur ma la 'dug pa'o/ /rlung gi phyogs nas brtsams te byang du bri ba/ mon gru ni mdog dmar stan nang tshangs can la 'dug pa'o//mon dre ni mdog ljang gu glang khyu ba la 'dug pa bri/ khrums stod ni mdog ljang gu gser gyi khri la 'dug pa bri/ khrums smad ni mdog dmar po gser khri la 'dug pa'o/ /nam gru ni mdog dmar po rta la zhon pa bri/ tha skar ni mdog ljang gu mi la zhon pa bri/bra nye ni mdog sngo nag 'khor lo'i steng du 'dug pa bri bar bya'o/ /rgyu skar de dag kyang bud med kyi rgyan gyis brgyan pa'o/ /sgo bzhir yang sgo ba bzhi bri bar bya'o/ /de nas ni spyan drang ba dang / mchod pa dang / phyag rgya bzhis rgyas gdab pa dang / sngags bzlas pa la brtson pa thun bzhir bya'o//de nas dkyil 'khor bri ba yang bya ste/ dbus su phyag na rdo rje'am/ 'jig rten gsum rgyal bri'o/ /gzhan gong ma ltar ro/ /de nas rnal 'byor pa bdag rdo rje 'dzin pa'i phyag tu/ me tog thogs la 'dug pa'i rim pas 'jug par bya'o/ /de nas dkyil 'khor mchod de/slob ma gzhug par bya'o/ /de yang dang por slob ma byin gyis brlab pa ni oM badzra gra ha Na hU~M phaT ces bya bas phyag na rdo rjer byin gyis brlabs la/ de nas sdig pa la sogs pa 'chags su gzhug go/ /de nas oM badzra grA hA sa ma ye hU~M zhes pas dkyil 'khor du drangs te/ dbab pa dang snang ba dris nas/oM badzra gra ha pra tIts+tsha sa ma ye hU~M zhes pas me tog dor bar bya'o/ /de nas gza' brgyad kyi bum pas dbang bskur ro/ /de nas 'jig rten las 'das pa'i dbang yang bskur ro/ /de nas gza' thams cad bsgrub par bya'o zhes bya ba ni zla ba yar gyi ngo'i tshes brgyad nas brtsams te/dkyil 'khor tshul bzhin du bris la bdag nyid kyis gang dang gang bsgrubs pa'i rdzas kyis mchod par bya ste/ de yang nyi ma dang / mig dmar dang / gza' lag pa dang / sgra gcan sgrub na ni me tog dmar po dang bu ram gyi chu la sogs pas mchod la/ sngags rdzas de nyid la 'bum la sogs pa mtshan ma byung byung du bzlas par bya'o//de nas tsan+dan dmar po'i shing gi me sbar la 'bras thug dang / nas dang / star ka'i shing dang / sbrang rtsi dang bsres la lan nyi shu rtsa gcig tu dbul bar bya'o/ /'bras sA lu dmar po dang / bu ram dang / rgun 'brum yang dbul lo/ /lce pog gi bdug pas bdug go /las gang 'dod pa'i dngos grub blang ngo / /zla ba dang / pa ba sangs dang / phur bu bsgrub par 'dod pa des/ dus dang skar ma gong ma dang 'dra ba la dkyil 'khor gong ma lta bu la/ dbus dkar po tsan+dan dkar pos bris la me tog dkar po dang /rdzas dkar pos mchod la bzlas pa mtshan ma byung byung du bya'o/ /de nas mtshan ma byung ba dang sbyin sreg gi dngos grub blang bar bya'o/ /de yang tsan+dan dkar po'i shing la me sbar te 'bras thug dang til bsres la til des sbyin sreg brgya rtsa brgyad bya'o/ /gza' brgyad kyi mthun pa'i rdzas ni rin po che dang /til dang / sbrang rtsi dang / sA lu dkar po dang / bu ram dang / gu gul dang / spos dang / gur gum bsres la sgrub pa'am yang na so sor bsgrub par bya'o/ /dam bca' ni dkyus gsal lo/ /skad cig dang / yud tsam la sogs pa ni gnas skabs de la dbang byed pa'i gza' dang skar ma'o//yang na gza' brgyad dang / skad cig ma brgyad rim gyis sbyar bar bya'o/ /gza' chen po brgyad kyi dkyil 'khor gyi bshad pa'o// //da ni klu gdon zhi bar bya ba'i phyir klu chen po brgyad kyi dkyil 'khor bshad par bya ste/ de nas klu chen po brgyad kyis phuT ces bya ba'i sgras zhes pas ni de nas zhes bya ba ni gza' chen po brgyad kyi dkyil 'khor bstan pa de nas so//klu chen po brgyad ni 'og nas 'byung ba'i grangs so/ /phuT ces bya ba'i sgras zhes pa ni klu chen po brgyad kyi snying po spyir dril ba ste/ klu thams cad de las mi 'da' bas de skad ces bya'o//de yang gsol ba gdab pa dang / rjes su gnang ba dang / snying po phul ba ni dkyus gsal lo/ /da ni de'i sbyor ba dang dkyil 'khor rgyal po mchog dang / las rgyal mchog bstan te/ de yang sngon du 'gro ba nas mngon par byang chub pas phyag na rdo rje'i sku phyag rgya chen por yongs su rdzogs par bskyed de/sku mdog ljang gu yid tsam khros pa/ zhabs brkyang bskum du bzhugs pa/ phyag g.yas na rdo rje gsor ba/ g.yon khro bo'i khu tshur snying gar bstan pa/ dbu la sbrul mgo brgyad kyi gdengs kas 'od kyi phreng ba'i tshul du brgyan par bya ste/ de la yang byin gyis brlabs pa dang dbang bskur ba byas nas/ de nas stong pa nyid kyi ting nge 'dzin la/ 'byung ba rim gyis bskyed de/ b+h+ruM las gzhal yas khang gru bzhi pa sgo bzhi pa/ dbus pad+ma dkar po 'dab ma brgyad pa la/ de'i dbus su bdag nyid gnas par bsam mo/ /de ltar yang gsungs pa/pad+ma chen po 'dab brgyad pa/ /kha dog dkar po bri bar bya/ /de yi dbus su gtso bo yi/ /phyag na rdo rje rab gnas pa/ /sbrul mgo mtha' yas gdengs pa yi/ /ltos 'gro chen po sdigs pa bri/ /zhes pas de ltar gsungs te/ gzugs brnyan gyi dkyil 'khor la yang de ltar shes par bya ste/de nas dbus kyi gtso bo de'i thugs kar zla ba'i dkyil 'khor gyi dbus su rtsa ba'i sngags kyi yi ge oM phu de'i mtha' ma na phar oM a nan+da spre swA hA zhes pas bskor ba bkod la de'i 'phro ba dang 'du bas rin po che 'bar bar 'gyur te/ de'i 'phro 'du las klu'i rgyal po mtha' yas sku mdog ser po la phyag na rin po che 'bar ba bsnams par gyur te thugs ka na gnas so//yang de'i thugs kar zla ba'i steng du rin po che 'bar ba la yi ge phus byin gyis brlabs par bsgoms nas de las sngags brjod pa tsam gyis phyir ston te/ shar phyogs kyi pad+ma'i 'dab ma la bkod do//de yang dbus kyi gtso bo'i thugs kar zla ba'i dkyil 'khor gyi steng du rtsa ba'i sngags/ oM phU/ oM phU/ oM pho/ oM phI/ oM phai/ oM phai/ oM phai/ zhes pa la/ oM tak+Sha kA la swA hA/ oM karko TA ya swA hA/ oM ku li kA ya swA hA/ oM bA su ki ye swA hA/oM shaM kha pA lA ya swA hA/ oM pad+mA ya swA hA/ oM ba ru NA ya swA hA/ zhes pas bskor ba'o/ /de dag rim par bkod la de rnams kyi 'phro 'du las so so'i phyag mtshan ut+pal dang / sprin dang rin po che'i sdong bu dang / rin po che'i phreng ba dang / dung dang / pad+ma dang / zhags pa rnams su gyur te/de 'phros shing 'dus pa las/ klu chen po brgyad kyi so so'i skur gyur te/ thugs ka na gnas pa las/ rang rang gi thugs kar zla ba'i dkyil 'khor gyi steng du so so'i sngags kyi yig 'bru rnams bkod la/ de nyid brjod pa'i tshul gyis thugs ka nas bton nas rang rang gi gnas pad+mo rnams la rim par bzhugs su gsol te/'jog po mdog dmar skya phyag na ut+pal bsnams pa/ stobs kyi rgyu mdog sngon po phyag na sprin bsnams pa/ rigs ldan mdog dkar po phyag na rin po che'i sdong bu bsnams pa/ nor rgyas mdog ser po phyag na rin po che'i phreng ba bsnams pa/ dung skyong mdog ljang gu phyag na dung bsnams pa/pad+ma mdog dkar po phyag na pad+ma bsnams pa/ chu lha mdog dkar po phyag na zhags pa bsnams pa/ klu'i rgyal po 'di dag rnams so so'i btsun mo rnams kyi mgul nas 'khyud pa sbrul mgo bdun bdun gyi gdengs kas brgyan pa'o/ /rin po che'i rgyan sna tshogs pa dang ldan pa/gdan pad+ma'i steng na bzhugs par bsam mo/ /de ltar dkyil 'khor bskyed nas mchod pa bya ste/ klu'i rgyal po rnams mchod pa dang / /'khor rigs bzhi mchod pa'o/ /rgyal po chen po mchod pa ni mchod pa lnga la sogs pas mchod pa'o/ /'khor rigs bzhi ni gzugs sna tshogs la mngar gsum dang /klu sman sna tshogs kyis mchod pa'o/ /de yang sbrul mgo'i phyag rgya dang / dzaHhU~M baM hoHzhes pas spyan drang ngo / /de nas phyag rgya bstan nas dam la gnas par byas te mchod/ de nas bstod pas bstod do/ /phuT ces pa'i snying po nus tshad du bzlas so//de nas 'khor rigs bzhi spyan drangs la gzugs la bstims te/ bya khyung gi phyag rgyas bsdigs la gdan la phab ste/ mngar gsum dang klu sman sna tshogs pas mchod do/ /de nas dkyil 'khor du klu'i rgyal po la sogs pa bcug nas phuT ces bya ba bzlas pa'i bum pas dbang bskur ro//de nas klu'i snying po la sogs pa byin na dug gis zin pa'i mi de dug gi nyes pa'i skyon spangs par 'gyur ro/ /de nas dug gis zin pa'i dug gi rim pa brtags te/ 'og nas 'byung ba bzhin bsgrub par byas na dug nad zhi bar 'gyur ro//klu rnams dam bca' ba ni dkyus gsal lo/ /de nas sgrub pa bshad de zhes bya ba la sogs pa ni snga ma'i mjug bsdu ba ste/ gong gi dkyil 'khor la gnas pa'i rnal 'byor pa des phuT ces bya ba sngon du 'bum bzlas so/ /de la mtshan ma byung ba dang / de nas dug blang phuT ces bya ba la sogs pa ni bdag gis lag g.yon par klu chen po brgyad kyi dkyil 'khor gsal bar bsams la/nad pa dkyil 'khor gyi dbus su bzhag nas lag mthil gyi dkyil 'khor la 'od byung bas nad pa'i dug gi nyes pa thams cad drangs nas phuT ces bya ba las rlung byung nas gtor bar bsam mo//g.yas sbrul mgo'i phyag rgyas kyang drangs shing gtor bar bsam mo/ /de ltar byas na pags pa dang / sha dang / rus pa la gnas pa'i dug rnams kyang drangs la 'khor rigs bzhis byin par bsam mo/ /dug rnams thams cad ma lus par/ /zhes bya ba ni de la rnams kyi sgra ni mang po la bya ste/dang por rnal 'byor pas dug brtag par bya ste/ de la 'dus pa'i nad ni lci ste/ sa'i khams kyi nad yin pas de la dkyil 'khor yang dmar por bsam/ 'od kyang dmar por gtor ro/ /spu zing byed dang / kha chu 'dzag cing lkog ma 'dzag pa ni chu'i khams shas che ba'i dug yin pas dkyil 'khor dang 'od dkar por gtor ro//kha skams pa dang khrag 'bros pa ni me'i khams kyi shas che ba'i dug yin pas sbrul dang 'od nag pos bya'o/ /skam zhing lce bskyod pa dang / mdog ngan par 'dug pa dang / nag por 'jug pa ni rlung gi khams kyi dug yin pas lag pa'i dkyil 'khor yang ser por bsams nas 'od kyang ser pos dug gtor zhing rigs bzhi'i gzugs sna tshogs la 'phang bar bya'o//rigs bzhis kyang rang rang gi dug rnams blangs par bsam mo/ /phuT ces bya ba'i lag pas blang / / zhes pa ni blangs pa ni 'phang pa'i don te gtor ba'o/ /de nas las rnams kun byed cing / /zhes pa ni klu rigs bzhi'i gzugs sna tshogs pas rang rang gi dug len pa'o/ /gzhan yang rigs las gyur pa dang / dbyig dug dang / sbyar ba la sogs pa kun khu tshur gyis kyang 'byin na/ sbrul mgo'i phyag rgyas lta smos kyang ci dgos zhes pa'o//klu chen po brgyad kyi dkyil 'khor bshad pa'o/ /da ni 'jigs byed brgyad kyi dkyil 'khor bshad de/ de yang lha gdon la sogs pa zhi bar bya ba'i phyir bshad do/ /de nas lha chen po rnams kyi bdag po 'jigs par byed pa chen po brgyad bud med chen po brgyad kyis bskor bas zhes gsungs te/da ni gong gi klu chen po brgyad kyi mjug sdud pa'o/ /nas ni 'jigs byed chen po brgyad kyi mgo 'dren pa'o/ /lha chen po rnams kyis zhes pa ni/ /lha chen po nyi shu rtsa gcig rnams so/ /de la gtso bo smos pa ni brgyad do//bud med ni rang gi btsun mo chen mo brgyad ni ma hA de ba'i chung ma b+hai ra ma dang / tshangs pa'i chung ma rug mig dang / biSh+Nu'i chung ma ku be+e ra ma dang / brgya byin gyi chung ma bi ra bi dang / kA ma de ba'i chung ma ba ka ra mi ki ta dang / ka la be+e ra'i chung ma tsA muN+DI dang / b+h+r-id+gi ri ti'i chung ma ha ri ka dang / ngal bsos po'i chung ma ku be+e ra ma dang / ga Na pa ti'i chung ma re ba ti rnams so/ /bcom ldan 'das phyag na rdo rje la rang rang gi 'jigs pa'i tshul gyis sems can skrag pa la phan gdags pa'i phyir snying po 'bul bar zhu ba dang rjes su gnang ba dkyus gsal lo//de nas de'i don yang 'di ltar shes par bya ste/ 'jigs byed chen po brgyad po 'di dag kyang lha chen po brgyad khro bo'i cha byad du byas pa yin te/ de yang sbyor ba dang po dang / dkyil 'khor rgyal po mchog dang / slob dpon gyi las dang / slob ma gzhug pa'i rim par shes par bya ste/de yang dang po sbyor ba dgos/ /sngon du 'gro ba'i las rnams byas nas rdo rje thal mo dang rdo rje bcings pa dang / ye shes dbab pa dang / brtan pa la sogs pa byas nas/ de nas rang gi sems so sor brtag pa dang / cir yang mi rtog pa'i ngang las zla ba'i dkyil 'khor du byin gyis brlabs pa dang /zla ba'i dkyil 'khor de la dbus kyi gtso bo'i chos kyi yi ge bzhag pa las/ ye shes lnga'i rang bzhin rdo rje rtse lnga bar bsam pa dang / de las byin gyis brlabs pa'i tshul gyis brtan par bya ba dang / de las 'od zer 'phros shing 'dus pa las khro bo chen po 'jig rten gsum las rnam par rgyal ba'i skur bskyed de/phyag gnyis hU~M gi phyag rgya bcings la mdzub mo bsgreng ste/ g.yas rdo rje mda' gzhu/ zhabs g.yas bskum/ g.yon brkyang ba/ dbu la rigs lnga'i sangs rgyas bzhugs pa/ dar la'i stod g.yogs pa dang /ba ta'i smad g.yogs can rgyan kun gyis brgyan pa/ zhal gsum pa/ g.yas zhi ba/ g.yon khro bo/ dbus ma yang phyed khro bo phyed zhi ba/ khro 'dzum mche ba lhag ge byung ba bsgoms la/ de nyid la cho 'phrul chen po bzhi dang ldan par byin gyis brlabs nas gnas so//de'i byin gyi rlabs kyis 'og gi phyogs nas dbang chen gyi dkyil 'khor ri rab gling bzhi dang bcas pa rim gyis bskyed pa'i steng du dkyil 'khor gru bzhi pa la nang 'khor lo rtsibs brgyad pa sgo bzhi yod pa la rta babs la sogs pas brgyan pa gsal bar bsgoms la de'i dbus su lha chen po ma hA de ba dang /u ma de ba gnyis bsnol ba'i steng du bdag nyid brkyang bskum du bzhugs par bsams la/ 'khor 'jigs byed chen po brgyad gtso bo dang dgu po dag bskyed cing / dkyil 'khor du dgod par bya'o/ /de la bskyed thabs ni khro bo chen po'i thugs kar zla ba'i dkyil 'khor gyi steng du oM b+hai ra ba swA hA/oM b+ha bi swA hA/ oM b+ha swA hA/ oM b+hi swA hA/ oM b+hu swA hA/ oM b+hai swA hA/ oM b+hai swA hA/ oM b+ho swA hA/ oM b+haM swA hA/ oM b+haHswA hA/ zhes bya ba'i sngags rnams rim gyis bkod pa la/ phyag mtshan kha T+wAM ga dang / pad+ma dang / / 'khor lo dang / mdung rtse gsum pa dang / rdo rje gdengs pa dang / mda' gzhu dang / dgra sta dang / snyim pa bkan te brkyang ba dang / mdung thung rnams su gyur to/ /de las spro ba dang / bsdu bas sku phyag rgyar gyur te gnas pa las rang rang gi thugs kar zla ba'i dkyil 'khor gyi steng du rang rang gi sngags bkod pa las sngags brjod pa tsam gyis 'gro ba'i don la spros nas lhar 'dus pa dag rang rang gi gnas su dgod par bya'o//de la dgod pa'i thabs ni 'jigs byed chen po'i gtso bo khro bo chen po ni bcom ldan 'das 'jig rten gsum las rnam par rgyal ba'i drung du 'khor lo'i dbus su dgod de/mdog nag po mig gsum pa/ mche ba gtsigs shing pho mtshan bsgreng ba btsun mo la ston pa/ glang po che'i ko rlon rkang lag bzhi brgyangs te gyon pa/ mgo la thod pa dang zla tshes kyis brgyan pa/ btsun mo dang lhan cig gnas par brtag go/ / gzhan yang shar gyi rtsibs la 'jigs byed bri mi ta sku mdog dkar po phyag na 'khor lo bsnams pa btsun mo tshangs ma dang lhan cig pa'o/ /lho'i rtsibs la 'jigs byed b+hai ra ba ste sku mdog ser po phyag na rtse gsum gdengs pa bsnams pa/ btsun mo bde stsol ma dang ldan pa'o/ / nub kyi rtsibs la 'jigs byed ka la be ra ba ste/ sku mdog dmar nag phyag na mda' gzhu bsnams pa chung ma rau dra dang ldan pa'o/ /byang gi rtsibs la 'jigs byed ya she b+hai ra ba ste/ sku mdog ljang nag phyag na 'khor lo'am dgra sta bsnams pa btsun mo ku mA ri dang ldan pa'o/ / shar lho'i rtsibs la 'jigs byed b+hi shAn+ta b+hai ra ba ste sku mdog dmar po phyag na 'khor lo'am mda' gzhu bsnams pa btsun mo baiSh+Na be dang lhan cig pa'o/ /lho nub kyi rtsibs la 'jigs byed bi ti b+hai ra ba ste/ sku mdog sngo nag phyag na dgra sta bsnams pa btsun mo ma hA ri ke dang lhan cig pa'o/ /nub byang gi rtsibs la 'jigs byed kA la b+hai ra ba ste/mdog ngud ka phyag na ral gri bsnams pa'am/ snying pa bkan te btsun mo ma nu ha ra dang bcas pa'o/ /byang shar gyi rtsibs la 'jigs byed ga na pa ti sku mdog sngo nag phyag na mdung thung ngam rdo rje 'bar ba bsnams pa/ btsun mo tsa muN+DI dang ldan par bsam mo/ /lha de dag kyang khros pa'i cha byad do//phyi rol gyi gru chad la dus bzhi bri/ sgo bzhir yang sgo skyong khros pa'i cha byad du/ dzaHhU~M baM hoHlas bskyed do/ /de nas ye shes kyi dkyil 'khor dang / 'jigs byed chen po brgyad spyan drangs te/ gnyis su med par byas nas phyag rgya rnams bstan la/de nas thod pa khrag dang chang gis bkang bas mchod par bya'o/ /de nas lha de dag gi sngags sam khro bo'i sngags kyi bzlas pa ji srid nus pa de tsam du bya'o/ /de nas skyo na phyag rgya bkrol la gshegs su gsol lo/ /bskyed pa lus la bsdu'o/ /de lta bu'i bsam gtan mtshan ma byung byung du bya'o//de nas gdod dkyil 'khor gyi las rnams so/ /dkyil 'khor bri ba dang / lha dgod pa ni ting nge 'dzin gyi dkyil 'khor ltar ro/ /de nas slob dpon 'jug pa'i rim pas slob dpon zhugs nas/ slob ma dbang bskur bar bya ste/ mdzes pa'i bum pa brgyad dam/ mgo thong khrag gis bkang pa brgyad kyis dbang bskur ro/ /de nas khro bo khams gsum rnam par rgyal bas dbang bskur ro/ /de nas sgrub pa bshad de/ de nas las rnams sbyin byas te/ /zhes pa ni gong du bstan pa'i sgrub pa'i thabs so/ /bud med khyim mam mchan gcig par zhes bya ba ni ma mo'i gnas sam/ma hA de ba'i rten yod pa'i sa la ni gnas zhes bya'o/ /yang na dur khrod la sogs pa yid dang mthun par ro/ /'jig rten gsum ni 'dul ba'i mchog /tshul bzhin du ni mchod nas kyang / /zhes pa ni gong ltar ting nge 'dzin gsum gyi rim pas byed pa'o//'bum phrag bzhir ni bzlas par bya/ /zhes pa ni sngags kyi grangs te gtso bo dang / 'khor gnyis ka yi'o/ /de yang sngags re re la de tsam re bzlas par bya'o/ /de tsam bzlas pa byas na ci 'dod snyam pa la/ de nas 'jigs par byed pa yis/ /bdag nyid chen po'i sgra thos nas//zhes pa ste/ de yang 'jigs byed chen po'i sku'am/ sgra drag po sgrogs na bdag nyid mi 'jigs par thod pa'i khrag bkang ste/ mchod cing ar+g+ha dbul lo/ /de phul bas ci ston snyam pa la/ /de nas khro bo 'jigs byed pa/ /ma rungs yid can bud med kyi/ /tshogs kyis bskor cing 'jigs byed pa//brgyad kyis bskor ba mthong bar 'gyur/ /zhes so/ /de mthong 'jigs par byed gyur pa/ /zhes pa ni lha la sogs pa'o/ /hU~M zhes bya ba dran byed cing / /zhes pa ni bdag nyid khro bo khams gsum rnam par rgyal bar dran par byas nas/'jigs byed chen po la chang dang khrag gis mchod par bya'o/ /de nas de dag kun mgu nas/ /ci 'dod ces ni smras nas kyang / /mgu ba'i yid kyis de sbyin byed/ /ces pas ni 'og nas 'byung ba rnams ster bar byed pa'o/ /sa rnams sbyin pa ma gtogs par/ /zhes pa ni 'jig rten las 'das pa'i dngos grub ma gtogs pa'o//dngos grub de gang gis stsol na/ bde chen hU~M gis dngos grub stsol/ /zhes pa ste/ 'jig rten las 'das pa'i dngos grub de ni khro bo chen po khams gsum rnam par rgyal bas stsal lo/ /'jig rten pa'i dngos grub ni/khu ba bro btung dngos grub dang / /zhes pa la sogs pa ste/ /khu ba ni dngul chu'i rigs gser du snang ba ste/ lcags srang stong gser du bsgyur ba ltar dngos grub kyi rdzas byang chub sems kyi khu ba dang ldan zhing zangs gser du bya ba dang / sman bcud kyis len gyi 'de gu ste bro btung gi dngos grub dang /sro ta ya dza na la sogs pa grub pas lig bu mig ces bya ba de dag thams cad thogs pa med pa dang / gzhan yang ral gri dang / 'khor lo dang / rtse gsum pa la sogs pa'i phyag mtshan brgyad kyi dngos grub dang / mi dang sa 'og gi rgyal po thob pa dang / gzhan yang gling gcig pa nas/gling bzhi pa la dbang byed pa'i bar gyis rgyal po dang / gzhan yang brgya byin dang / gnod sbyin gyi rgyal po dbang phyug chen po dang / srin po'i rgyal po dang / rig 'dzin te rlung lha'i 'khor dang / rig 'dzin gyi rgyal po ste rlung lha de nyid dang / 'khor los sgyur ba ste lha dang / klu dang /mi'i 'khor los sgyur ba dang / 'jig rten gsum gyi bdag po ste sa bla sa steng sa 'og gi bdag por gyur nas bdag gi bka' nyan par byed pa'o/ /de rnams gang gis ster na/ rang gi 'khor dang bud med kyi/ /dngos grub gang yang rung ba ni/ /ci dga' bar ni sbyin par byed/ /ces so/ / dngos grub de byin nas ji ltar 'gro na/ byin nas dgod cing 'gro bar byed/ /ces so/ /gal te rnal 'byor pa skrag na ni de ma thag tu gsod par byed do/ /de bas na mi skrag par blang bar bya'o/ /'jigs byed brgyad kyi bshad pa'o// //da 'di nas lha chen po brgyad kyi dkyil 'khor bshad de//de ni 'jig rten pa'i lha mi dga' ba zhi bar bya ba'i phyir gsungs so/ /de nas tshangs pa la sogs pa lha chen po rnams kyis zhes bya ba la sogs pa gsungs te/ de yang gsol ba gdab pa dang / gnang ba sbyin pa ste/ dkyus gsal lo/ /de nas tshangs pa la sogs pas kyang snying po phul lo//de'i don yang sbyor ba dang po dang / dkyil 'khor rgyal po mchog dang / las rgyal po mchog gsum gyis bstan to/ /de yang dang por gnas yid du 'ong bar bde ba'i stan la 'dug ste/ bdag med pas nang gi khrus byas te/ bdag bsrung ba byas nas/ de nas srung ba'i 'khor lo rdo rje ra ba dang dra ba byas te/ /mdun gyi dkyil 'khor gyi lha dmigs te/ phyag bya ba dang / mchod pa dang / sdig pa bshags pa dang / rjes su yi rang ba dang / skyabs su 'gro ba dang / byang chub kyi sems gzung ba dang / sdom pa la gnas par byas nas/ de nas lag pa 'og nas 'byung bas byin gyis brlabs te/sdig pa dral ba dang / ye shes dbab pa dang / de brtan par bya ba dang / ngan song gzhom pa dang / mngon par byang chub pa lngas khro bo khams gsum rnam par rgyal bar bskyed de/ sku mdog dkar ljang zhal gsum pa la g.yas zhi ba/g.yon khro bo/ dbus khro 'dzum du 'dug pa/ phyag gnyis hU~M gi phyag rgya bcings nas mdzub mo bsgrengs te g.yas rdo rje/ g.yon mda' gzhu bsnams pa/ dbu la rigs lnga'i sangs rgyas kyis brgyan pa/ zhabs g.yas bskum/ g.yon brkyang du bzhugs pa/ dar la'i stod g.yogs dang /ba ti'i sham thabs kyis brgyan par bsgoms la/ de'i thugs kyi sprul pa las gzhal yas khang gru bzhi pa rta babs bzhis brgyan pa/ nang 'khor lo rtsibs brgyad pa mu khyud dang bcas pa bsam par bya'o/ /de'i dbus dang 'khor lo'i rtsibs la sna tshogs pad+ma dang / zla ba'i dkyil 'khor bsam mo/ /de'i dbus su bdag nyid bsams te/ /de nas bdag gi thugs kar zla ba'i dkyil 'khor gyi steng du oM oM zhes pa'i sngags bkod la/ de'i mtha' ma na tshur oM prah+mA ya swA hA zhes pas bskor ba de las 'od zer 'phro ba dang 'du ba'i tshul gyis pad+mar gyur/ de 'phro 'dus brtan par gyur/de'i 'phro 'dus tshangs pa chen po mdog ser po phyag na pad+ma bsnams par gyur te/ yang de'i thugs kar zla ba'i dkyil 'khor la sngags gong ma bkod nas brjod pa tsam gyis bton te dbus kyi gtso bo'i rgyab kyi rtsibs kyi steng du pad+ma dang zla ba'i gdan la bzhugs so/ /de nas yang dbus kyi gtso bo'i thugs kar zla ba'i dkyil 'khor gyi steng du/oM bi/ oM ru/ oM i/ oM kaM/ oM ga/ oM b+hi/ oM kA zhes pa'i sngags kyi mtha' ma na tshur/ oM biSh+Nu ra dzA ya swA hA/ oM bi ru D+ha kA yA swA hA/ oM i n+d+rA ya swA hA/ oM ma hA kaM ka swA hA/ oM ga Na pa ti swA hA/ oM b+h+r-iM gi ri ti swA hA/oM kArti ka swA hA/ zhes pas bskor ba de rnams kyi 'phro 'du las so so'i phyag mtshan 'khor lo dang / mdung rtse gsum pa dang / rdo rje gdengs pa dang / mda' gzhu dang / dgra sta dang / ral gri dang / mdung thung rnams su gyur te de las 'phros shing 'dus pa las/ lha chen rnams kyis so so'i skur gyur te/thugs ka na gnas so/ /de dag so so'i thugs kar rang rang gi sngags bkod nas brjod pa tsam gyis thugs ka nas bton nas so so'i gnas su 'khor lo rtsibs brgyad po rnams kyi rtsibs steng du rim par bzhugs su gsol lo/ /de la gtso bo'i g.yon te/ byang du khyab 'jug mdog sngon po g.yon 'khor lo/g.yas dbyug pa dang bcas pa'i lag pa brkyang ba'o/ /gtso bo'i mdun shar du drag po ma hA de ba khros pa ste/ mdog nag po mdung rtse gsum thogs pa/ stag lpags kyi smad g.yogs kyis brgyan pa mtshan ma bsgreng pa'o/ /gtso bo'i g.yas te lhor brgya byin mdog dkar ser rdo rje gdengs pa thogs pa mig gsum pa'o//byang shar du 'dod pa'i dbang po mdog dmar po mda' gzhu thogs pa'o/ /shar lho mtshams su ni tshogs kyi bdag po glang po che'i mgo can mdog dkar po dgra sta thogs pa'o/ /lho nub tu b+h+r-id+gi ri ti rus pa'i mdog can la snyim pa bkan te gong du ral gri byung brkyang mchan brkyang pa'o//nub byang du gzhon nu smin drug byis pa'i mdog can mgo drug lag na mdung thogs pa ste rma bya'i steng du'o/ /gzhan yang dkyil 'khor gyi sgo bzhir lcags kyu dang / zhags pa dang / lcags sgrog dang / dril bu rnams dgod do/ /phyi rol gyi khor yug la shar du stobs bzangs mdog ljang gu lag na gshol bsnams pa/nub tu dga' ba'i dbang phyug mdog dmar po phyag na gshol thung bsnams pa'o/ /nag po chen po mdog gnag cing mi sdug pa phyag na mdung rtse gsum pa bsnams pa rgyan dang cha lugs kyis brgyan pa lhor bri'o/ /gshin rje ni mdog gnag cing seng ge'i thog tu phyag na thod pa khrag gis bkang ba thogs pa byang du bzhugs pa'o//de ltar dkyil 'khor bskyed nas/ da ni spyan drang bar bya ste/ dzaHd+ha~M baM hoHzhes pa'i sngags kyis gtso bo dang lha chen po 'khor dang bcas pa spyan drangs te/ de nas mdun du bsams nas dam tshig gi phyag rgyas brtan par bya ba dang / dbang bskur ba dang / byin gyis brlab pa yang bya'o//de nas mchod pas mchod de gtso bo'i sngags la sogs pa rgyud las gsungs pa'i grangs tshad tsam bzlas par bya'o/ /de nas dkyil 'khor la bdag nyid 'jug pa dang / slob ma dbang bskur ba dang / bsgrub pa la sogs pa mchod rten nam ring bsrel gyi drung du bsgrub pa bya ba dang /'grub pa'i mtshan ma mthong nas dngos grub blang ba dang / dam bca' ba tshang ba la sogs pa byas pa rnams dkyus gsal lo/ /la la dag lha chen po brgyad kyi dkyil 'khor gyi rim pa la sogs pa 'jig rten pa'i dkyil 'khor drug po 'di dag bzlas pa'i sngags kyi phreng ba mi dgod par rtsa ba'i sngags 'phro 'du las skur bskyed la bzlas pa'i sngags brjod pas ni phyir bton te rang rang gi gnas su dgod ces zer ro//kha cig ni sngags rnams thugs ka nas bton nas rang rang gi gnas su bkod pa las skur bskyed pa yod ces zer ro/ /la la na re 'jig rten pa'i lha 'di dag bskyed pa'i thabs yi ge kA las khyab 'jug gi gzugs bskyed do//yi ge kha las lha gzhon nu'o/ /yi ge ga las ni brgya byin no/ /yi ge g+ha yis ni tshangs pa'o/ /yi ge ta yis nyi ma'o/ /tha yis zla ba'o/ /da yis spen pa'o/ /d+ha yis mig dmar ro/ /Ta yis stobs bzangs so/ / Tha yis ni legs gnas so/ /Da yis ni brtson pa'o/ /D+ha yis ni rgyal ba'o/ /pa yis ni nor sbyin no/ /pha yis ni chu lha'o/ /ba yis ni me'o/ /b+ha yis ni ku be ra'o/ /ra yis ni phag mgo can no/ /zla tshes dang thig ler ldan pas ni gshin rje'o/ /ka yis ni chu'o/ /kha yis ni tshogs bdag go/sha dang tsa dang tsha dang / dza dang / nya yis ni phyag brnyan lnga'o/ /ta tha da d+ha nas phyag brnyan ma lnga'o/ /ma yis ni drag mo'o/ /ra yis ni bdud rtsi ma'o/ /la yis ni za ma'o/ /rdo rje mchu'i chung ma yang nges so/ /yi ge ba yis ni pho nya mo nor lha'i chung ma'o/ /k+Sha yis ni phag mgo ma'o/ /pha yis ni rgyal bar byed ma/sha yis ni sbrang rtsir byed ma/ sa yis don rnams thams cad grub par byed ma/ ha yis dga' ba mo/ la yis lha mo 'joms ma'o/ /zla tshes dang thig ler ldan pa rnams kyis bskyed do/ /de dag gi 'khor ni gtso bo'i yi ge 'bru las so zhes gleng ngo / /lha chen po brgyad kyi khor yug la'ang de rnams bri ba'am/mda' 'am thig le'o/ /lha chen po'i bshad pa nges pa'o// //da ni 'di nas tshe dpag med 'chi bdag 'joms pa'i dkyil 'khor bshad de/ de yang sems can dus ma yin par 'chi bas 'jigs pa'i phyir dkyil 'khor gsungs te/ de nas bcom ldan 'das phyag na rdo rje nyid kyi 'khor gyi dkyil 'khor la kun du gzigs nas/'dzum pa mdzad pa dang zhes pa ni thugs yang dag pa'i ye shes las skyes pa'i phyag na rdo rje nyid kyi 'khor gyi dkyil 'khor sna tshogs pa la/ tshe dpag med kyi dkyil 'khor bshad par bzhed nas glang po che chen po'i sta stangs kyis kun du gzigs nas zhal 'dzum pa gser gyi kha dog lta bu mdzad pa'i 'od kyis 'jig rten gyi khams thams cad snang bar mdzad/snang bar mdzad pa de las ci byas snyam pa la/ 'khor gyi dkyil 'khor de dag g.yos zhes gsungs te/ 'khor gyi dkyil 'khor ni tshangs pa la sogs pa'i 'jig rten pa'i 'khor lo/g.yos pa ni drod de sngon gyi dge ba'i rtsa ba'i tshogs g.yos pa'o/ /yang dag par g.yos zhes pa ni rtse mo ste dge ba rnam par 'phel ba'i rtse mor gyur pas/ phyi gzung ba'i yul spangs pa de yang dag par g.yos pa'o/ /'gul yang dag par 'gul zhes pa ni bzod pa ste/ phyi gzung bar bya ba'i yul spangs pas 'gul ba'o//nang 'dzin par byed pa'i sems spong bar byed pa la yang dag par rab tu 'gul ba'o/ /'bar rab tu 'bar ba zhes pa ni 'jig rten chos kyi mchog ste/ nang 'dzin pa'i sems spangs pas ni 'bar ba zhes bya'o/ /sa dang po bden pa mthong bas ni rab tu 'bar ba zhes bya'o//yang dag par rab tu 'bar zhing zhes pa ni sa dang po mthong ba'i lam ste/ 'jig rten pa'i mtshan ma rab tu bcom pas yang dag par rab tu 'bar ba zhes bya'o/ /dgong rab tu dgod yang dag par rab tu dgod ces pa ni ye shes kyi sa bsgom pa'i lam la dgod par byed pa'o/ / de'i grogs su gyur pa ni byang chub kyi yan lag bdun dang / 'phags pa'i lam yan lag brgyad kyi sa rab tu dgod par byed do/ /spyod pa pha rol tu phyin pa bcus yang dag par rab tu dgod ces bya'o/ /rtse rab tu rtse yang dag par rab tu rtse zhes pa ni sa bcu pa chos kyi sprin rab tu thob pas na rtse zhing rab tu rtse ba'o/ / 'bras bu sangs rgyas kyi sa rab tu thob par byed pa'i mngon par byang chub pa la rab tu bzhag pas na yang dag par rab tu rtse zhes bya'o/ /de ltar sangs rgyas pas stobs dang mi 'jigs pa la sogs pa 'bras bu'i chos mthar phyin pas na rmad kyi ya mtshan du ma 'jig rten du snang bar gyur to zhes pa ni dga' ldan gyi gnas nas mi'i yul du babs te/mdzad pa bcu gnyis kyi tshul mngon par sangs rgyas pa'i tha tshig gis sems can gyi don byas pa'o/ /de dag ni bcom ldan 'das kyi cho 'phrul bstan pa'o/ /da ni zhu ba dang / dam pa'i tshig bstan te/ de yang 'dzum pa'i rgyu'i zhu ba dang / sngags kyi yon tan gsungs pa dang /bshad par gsol ba gdab pa gsum ni dkyus gsal bas ma bkrol lo/ /de nas bcom ldan 'das phyag na rdo rje tshangs pa la sogs pa'i lha rnams kyis gsol ba'i tshig gsan nas de bzhin gshegs pa thams cad kyi snying po rig sngags 'di nyid kyi sku gsung thugs rdo rje las phyung ngo zhes pa ni nang sems kyi dkyil 'khor bstan/de'i don yang phyag na rdo rje'i thugs kar zla ba'i dkyil 'khor de'i steng du rdo rje che/ phyag na rdo rje'i g.yon du khro bo las sna tshogs pa dang / nam mkha'i snying po dang / spyan ras gzigs kyi dbang po la sogs pa'i skur gyur te/ de rnams kyi thugs kar yang sngags puN+ye zhes pa la sogs pa'i rim pa bkod pa las/'od zer spros pas 'gro ba sems can thams cad la phog pas sems can thams cad kyi las dang nyon mongs pa thams cad sbyangs/ khyad par du yang sems can tshe zad pa thams cad tshe bsrings te/ nang sems kyi dkyil 'khor du bcug nas dbang bskur bas tshogs kyi lam la sogs pa lam lnga rim gyis thob nas sangs rgyas kyi sa la bzhag go//de nas ma 'ongs pa'i sems can gyi don du snying po dang sngags gsungs so/ /de'i don yang 'di ltar shes par bya ste/ dang por gnas yid du 'ong bar bde ba'i stan la khrus kyi yan lag dang / rnal 'byor gyis don du gnyer bar byas nas 'dug ste/sngon du 'gro ba'i yan lag byas nas gong du gsungs pa bzhin sdig pa dral ba la sogs pa byas la oM tsit+ta pra ti be d+haM ka ro mi zhes brjod de/ chos rnams rdul phra mo bzhin bshig pa'am/ thog ma nas ma byung ma skyes pas na/ rang gi sems ji bzhin pa la brtags te/ glo bur gyi bag chags rab tu bsal nas rang bzhin gyis 'od gsal ba'i ngo bo zla tshes gcig pa lta bur bsgom par bya'o//de las oM bo d+hi tsit+ta ut+pA da yA mi zhes bzlas pas de las 'od zer 'phro ba dang 'du ba'i tshul gyis tshogs rnam pa gnyis rdzogs pa'i ngo bo zla ba'i dkyil 'khor nya gang zhing yongs su rdzogs par sgom mo//de'i steng oM b+h+rUM swA hA/ de'i phyi rim na tshur oM puN+ye puN+ye ma hA puN+ye/ a pa ri mi ta A yu puN+ye/ dz+nyA na saM b+hA ro pa tsi te swA hA zhes pa'i sngags kyi yi ge g.yas nas phreng ba'i tshul du bkod la/ oM tiSh+Tha badzra zhes brjod pas/ de las 'od zer 'phro ba dang 'du ba'i tshul gyis ye shes kyi rdo rje rtse lnga pa cig tu gyur to/ / de nas oM badzra At+ma kou0f85haM zhes brjod pas ye shes kyi rdo rje rtse lnga pa de las 'od zer lcags kyu lta bu 'phros pas rigs bzhi'i de bzhin gshegs pa'i sku gsung thugs rdo rje'i dbyings ji snyed pa thams cad bsdus te/ slar rdo rje nyid la thim pas mi g.yo bar gyur par bsgom mo/ /oM ya thA badzra sarba ta thA ga ta a haM zhes brjod pas brtan par gyur pa'i rdo rje de las sku phra mo mang po 'phros pas sangs rgyas kyi mdzad pa ma lus par mdzad nas lhar 'dus te rdo rje la thim pa las bcom ldan 'das tshe dang bsod nams dang ye shes kyi tshogs dang gzi brjid tshad med pa'i rgyal po'i sku phyag rgya chen por gyur te/sku mdog ni gser bsregs pa lta bu rgyan thams cad kyis brgyan pa phyag g.yas pas chos 'chad pa'i tshul la g.yon skyabs sbyin mdzad pa'o//yang de'i thugs kar zla ba'i dkyil 'khor la sngags kyi yi ge rnams phreng ba'i tshul du bkod pa las/ rdo rje rtse lnga pa yi ge hU~M gis bskyed pa 'phro ba dang 'du bas brtan par byas par gyur te/de'i 'phro 'du las rigs bzhi'i de bzhin gshegs pa'i sku gsung thugs 'dus nas rdo rje la bstims pas shin tu mi g.yo zhing brtan par gyur to/ /de nas bcom ldan 'das de la dbang bskur ba'i ting nge 'dzin dang mchod pa yang byas nas/ yang nyid kyi thugs gar zla ba'i dkyil 'khor gyi steng du lha rnams kyi snying po b+h+rUm dang /dzrIM dang / kraM dang / trAM dang / hrIHrnams las rdzogs pa'i tshul gyis dkyil 'khor gyi lha rnams dang / yo byad bzhi dang / 'jug byed bzhi bskyed do/ /yang lha de dag gi thugs kar rig pa'i sngags rnams dang / rtsa ba'i snying po las 'od zer 'phros pas stong gsum pa'i 'jig rten gyi khams thams cad du khyab pas de dag thams cad kyi las dang nyon mongs pa'i bag chags dag par byas shing khyad par du yang sems can tshe thung ba'i bag chags thams cad dag par byas te/dus ma yin par 'chi ba la sogs pa thams cad las thar bar byas nas nye bar bkug ste/sku gsung thugs su byin gyis brlabs nas/ nang sems kyi dkyil 'khor du dbang bskur ba sems can thams cad rnam par grol ba'i lam la bzhag nas rim gyis sangs rgyas kyi sa thob par byas/ de nas de dag gi drin lan gyi phyir mchod pa dang bstod pas kyang bstod de/de nas de nyid na gnas pa rnams rang rang gi gnas su dong bar bsam/ de nas stong pa nyid kyi ting nge 'dzin byas la gzhal yas khang rim gyis bskyed de/ gru bzhi pa sgo bzhi pa/ rta babs bzhis mdzes par byas la/ nang 'khor lo rtsibs bzhi pa mu khyud dang bcas pa'o/ / de'i steng du seng ge'i gdan/ de'i steng du sna tshogs pad+ma/ de'i steng du zla ba'i dkyil 'khor/ de'i steng du bdag nyid bsam ste gnas pa las/ yang byin gyis brlabs nas 'khor gyi lha rnams bskyed par bya'o/ /dbus su gtso bo'i thugs kar zla ba'i dkyil 'khor gyi steng du/ oM dzi zhes bya ba'i mtha' ma nas oM dzriM swA hA/zhes pa'i sngags kyi phreng ba bkod la/ de las ye shes kyi 'od zer 'phros shing 'dus pa'i tshul gyis rdo rje rtse lnga par gyur to/ /de las yang ye shes kyi 'od 'phros pas rigs bzhi'i de bzhin gshegs pa dang / rdo rje dang / rin po che dang pad+ma dang / las kyi rigs kyi sku dang / gsung dang thugs ji snyed thams cad 'dus te rdo rje la thim pas brtan par byas so/ /de nas de bzhin gshegs pa'i sku phra mo mang po 'phros shing 'dus pas sku yongs su rdzogs pa'o/ /yang de'i thugs kar zla ba'i dkyil 'khor gyi steng du sngags kyi yi ge'i phreng ba bkod nas/ oM dzi swA hA/ zhes brjod pas bskul ba'i tshul gyis thugs ka nas spyan drangs te/phyogs bcur 'phros pas mdzad pa bcu gnyis kyi tshul du 'gro ba'i don mdzad nas slar 'dus te/ bdag nyid kyi spyan snga nas bka' nod pa'i tshul du gnas pa la cho 'phrul chen po bzhis byin gyis brlabs te/ rin po che'i dbu rgyan dbu la bskon te/ dam tshig gi phyag rgya rdo rje rtse lnga pa lag tu byin te/phyag na rdo rje zhes ming gi dbang bskur nas nyid kyi las kyi bzhugs gnas shar phyogs kyi rtsibs steng du pad+ma dang zla ba'i steng du bzhugs su gsol/ yang dbus kyi gtso bo'i thugs kar kaM zhes bya ba'i snying po de'i phyi rim na tshur oM kraM swA hA zhes pas bskor bar bsams la/de'i 'phro 'du las rdo rje rgya gram de'i 'phro 'du las rdo rje brtan par byas so/ /de'i 'phro 'du las khro bo las sna tshogs pa zhes bya bar gyur te/ mdog ljang gu khro gnyer can/ phyag g.yon pa sdigs mdzub bsgreng nas snying ga na gnas par 'gyur ro/ /yang de'i thugs kar zla ba la sngags kyi yi ge'i phreng ba snga ma bzhin du bkod la brjod pas bskul ba'i tshul gyis thugs ka nas spyan drangs te/phyogs bcur 'phros nas sangs rgyas kyi mdzad pa mdzad nas slar byon nas bdag gi mdun du bka' nod pa'i tshul du gnas pa la cho 'phrul chen pos byin gyis brlabs te/ rin po che'i dbu rgyan mgo la bskon/ / dam tshig gi phyag rgya lag tu byin nas sna tshogs rdo rje zhes ming nas lan gsum bos nas las la dgod pa ni byang gi rtsibs la bzhugs su gsol lo/ /yang gtso bo'i thugs kar trAM zhes pa'i mtha' mar oM trAM swA hA zhes pas bskor ba de'i 'phro 'du las rin po che/ de las brtan pa/ de las nam mkha'i snying po'i skur gyur te/ sku mdog mthing gar gnas so/ /de'i thugs kar snga ma bzhin du sngags kyi yi ge bkod de brjod pa dang 'phros shing 'dus nas mdun na bzhugs pa la byin gyis brlabs pa dang / dbang bskur ba dang / phyag mtshan rin po che sbyin pa dang /nam mkha'i snying po zhes ming gi dbang bskur ba byas nas/ las la dgod pa ni byang gi rtsibs la bzhugs su gsol lo/ /de nas yang gtso bo'i thugs kar hrIHzhes pa'i mtha' ma nas tshur la oM hrIHswA hA zhes pa'i sngags kyis bskor ba bkod la/ de las pad+ma/ de las brtan pa/ de las spyan ras gzigs kyi skur gyur te/ sku mdog dmar por gnas pa'i thugs kar zla ba la sngags bkod nas/ de'i 'phro 'du las mdun na gnas pa la byin gyis brlabs pa dang / rin po che'i dbang dang / pad+ma sbyin pa dang / ming gdags pa dang / las la dgod pa ste nub phyogs kyi rtsibs la bzhugs so/ /de la phyag na rdo rje ni me long lta bu'i ye shes kyi chos nyid kyis byin gyis brlabs pa/ shes rab dang / ting nge 'dzin dang / rnam par thar pa dang / rnam par grol ba'i ye shes mthong ba'i rang bzhin gyi ye shes lnga'i mtshan nyid kyi rdo rje phyag na bsnams pas phyag na rdo rje'o//rdo rje sna tshogs ni bya ba nan tan gyi ye shes kyis de bzhin gshegs pa thams cad mnyes par bya ba dang / sems can yongs su smin pa la sogs pa'i las sna tshogs pa mdzad pas so/ /nam mkha'i snying po ni mnyam pa nyid kyi ye shes chos thams cad nam mkha'i mtshan nyid du rtogs pa'i chos nyid de rdo rje rin chen mnyes par mdzad pa'o//spyan ras gzigs ni so sor rtog pa'i ye shes rnam par dag pa las chos thams cad rnam par gzigs pa dang / de'i don la chags pa dang / sems can gyi don la rdo rje chos mnyes par byas pa las yongs su rdzogs par byang chub ba'o//gzhan yang dus bzhi dang / lcags kyu la sogs pa yang rim bzhin du bsam mo/ /de ni sbyor ba dang po dang / dkyil 'khor rgyal po mchog go/ /de nas mchod pa byin gyis brlabs pa byas nas bsang ba byas te/tshe dpag tu med pa'i dkyil 'khor 'dir phyag 'tshal te zhugs na ngan song thams cad las drang ba dang / dus ma yin par 'chi ba brgyad las bzlog pa ni lha'i las rgyal po mchog gi ting nge 'dzin yin no/ /ngan song sbyong ba'i lha thams cad la yang ngan song las sems can thams cad drang ba las gzhan mi mnga'o//de ni las rgyal po'o/ /las la rjes su sbyor ba ni 'og nas 'byung ba las shes par bya'o/ /bzlas pa ni sngags rtsa ba'i rigs so/ /de las thun bzhir 'bum 'bum mam mtshan ma byung byung du'am/ gnang ba thob thob du'am/grangs kyi bsnyen pa bya'o/ /de nas gdod dkyil 'khor gyi las la 'jug par bya ste/ gnas yid dang mthun par sa spyang ba dang gzung ba rim pa bzhin du byas nas dkyil 'khor byin gyis brlab cing / bsrung ba dang / bdag dbang yod par bya ba dang / dri'i thig le byas nas lha sta gon la gnas pa dang /bum pa brgyad dam lnga byin gyis brlabs pa dang / slob ma snod du rung bar bya ba dang / nang bar thig byin gyis brlabs pa dang / tshon byin gyis brlab cing dgye ba ni/ gong 'og nas shes par bya'o/ /de yang tshon ni dbang ldan gyi phyogs nas brtsams la dang po ni dkar po'o//de nas ni sngon po'o/ /de nas ni dmar po'o/ /de nas ni ljang gu'o/ /kun gyi nang du ni ser po shes par bya'o/ /'khor lo ni rtsibs bzhi pa/ dkar po'am yang na ser por bya'o/ /de'i dbus su bcom ldan 'das tshe dang bsod nams ye shes kyi tshogs dang gzi brjid tshad med pa bzhugs su gsol lo//shar phyogs kyi 'khor lo'i rtsibs la ni phyag na rdo rje/ g.yon par ni khro bo chen po dgod do/ /g.yas par ni nam mkha'i snying po dgod do/ /rgyab tu ni spyan ras gzigs dbang po dgod par bya'o//de bzhin gshegs pa'i 'od kyi dkyil 'khor la rig pa rnams bri'o zhes bya ba ni/ rtsa ba dang snying po dge ba'i snying po rnams bri bar bya'o/ /dbang bskur ba'i bum pa lnga dang / mchod pa'i bum pa brgyad kyang bzhag go/ /dbang gi bum pa ni 'khor los sgyur ba ste/gtso bo la sogs pa'i sngags kyis btab la bzhag go/ /mchod pa'i bum pa brgyad la ni lcags kyu la sogs pa'i sngags kyis gdab bo/ /bdug pa la sogs pa'i mchod pa lnga dang / bsang ba'i bum pa las thams cad pa'i sngags badzra yak+Sha hU~M zhes pa btab pa dbang ldan gyi mtshams su gzhag par bya'o//gzhan yang mchod pa la sogs pa bla re dang / ba dan dang / rgyal mtshan dang / rnga yab dang / dra ba dang / dra ba phyed pa dang / rin po che las byas pa'am/ ris su bris pa'am/ shing la sogs pa las byas pa'i rta babs khru drug gam bdun pas brgyan par bya'o//sgo ba thams cad kyang de bzhin no zhes pa'i sgo ba rnams dang / mtshams bzhi ru d+hU pe la sogs pa dang / khyams su byams pa la sogs pa dang / rta babs kyi glo gnyis su bkra shis rdzas brgyad dang /khor yug la phyogs skyong kun dgod par bya'o/ /de nas dgongs ka'i dus su rnal 'byor pa de nyid rdo rje 'dzin ma'i phyag rgya bcings te me tog thogs nas dkyil 'khor du 'jug cing me tog dor ba blangs te/ rang gi mgo la bcing ba dang / lhag chad kha bskang ba dang / / dbang blang ba bstan pa ni de nas sngags mkhan de nyid zhugs la zhes pa'o/ /de nas sbyor ba dang po dang / dkyil 'khor rgyal po mchog bskyed de/ de yang sgo ba bzhi ni dzaHhU~M baM hoHlas so/ /hUM~M trAM hrIHa las ni d+hU pe la sogs pa'o/ /oM sarba saM skA ra zhes pa la sogs pa la las ni bskal pa bzang po'i byang chub sems dpa' bcu drug go//phyogs skyong la sogs pa ni rang rang gi rtsa ba'i sngags las so/ /de nas spyan drang ba ni dkyus gsal lo/ /de nas mdun gyi nam mkha' la byon pa de rang gi rtog pa zhi bar bya ba'i phyir bgegs bskrad do/ /de nas mchod yon phul ba dang bstod pas bstod de/de nas lcags kyu la sogs pas dgug pa la sogs pa byas nas phyag rgya bzhis rgyas gdab pa dang dbang bskur ba byas nas mchod pas mchod de/ de nas bzlas pa la brtson pa'i rnal 'byor pas slob ma dbang bskur ba yang bya'o/ /yang na bzlas pa la brtson pas mtshan ma byung byung du bsgrub pa la gnas par bya'o//mtshan ma ni dkyus gsal lo/ /de nas slob ma dbang bskur bar bya ste/ de yang dang por slob ma gzhug pa'i las bya ste/ de yang rgyud na dkrugs pa'i mtshan nyid de/ /lag na me tog thogs pas dang por gsol ba gdab bo//de nas dam tshig dbog go/ /dam tshig gis dkon mchog gsum dang byang chub sems zhes pa la sogs pa ste go sla'o/ /de nas dbab pa'i sbyor ba bya ba nas mig gi snang ba dri bar bya'o/ /de nas me tog dor bar bya ste/ oM sarba ta thA ga ta pra tIts+tsha hoHsa ma ya s+t+waM zhes pas so//de nas phreng ba de nyid mgo la bcings te dbang bskur bar bya' zhes pa ni/ me tog gang la bab pa'i phreng ba de/ lha des dbang bskur nas mthar de nyid la thim nas byin gyis brlab bo/ /de nas mig phye ste/ de'i sngags dkyil 'khor gyi lha rnams rdo rje lcags kyu nas brtsams te/dkyil 'khor bstan par bya'o/ /de nas me tog gang la babs pa de slob ma bsams la/ dang por bum pa'i dbang bskur te/ oM badzra d+ha ra/ rat+na d+ha ra zhes pa la sogs pa'o/ /de nas ni dbu rgyan gyi dbang bskur ro/ /de'i sngags ni oM sarba ta thA ga ta a b+hi Shiny+tsa badzra d+ha ra A dz+nyA pa ya hU~M b+h+rUM zhes pa la sogs pas so//de nas bka'i dbang bskur bar bya ste/ oM sarba ta thA ga ta A dz+nyA te dA s+ya mi gri ha na badzra su sid+d+ha ye zhes pa la sogs pas ni dril bu sbyin no/ /oM badzra tiSh+Tha hU~M zhes pas rdo rje sbyin no/ /de nas las rnam bzhi'i dbang bskur te/rdo rje rgya gram lag tu byin la oM sarba karma Ni ku ru bud+d+ha nAM hU~M zhes pas so/ /de nas phyir mi ldog pa'i dbang yang gong nas 'byung ba bzhin du sbyin par bya'o/ /de nas slob mas dbang rnams brtan par bya ba'i phyir yon dbul bar bya ste/ dkyus gsal lo//de nas slob dpon gyis bu la phan par bya ba'i phyir sgrub pa'i dkyil 'khor sbyin par bya ste/ de yang ji lta bu zhig sbyin snyam pa la/ chos rnams thams cad dngos med par/ /sems kyis bsgom par bya ba ni/ /a las zla ba'i dkyil 'khor bsam/ / zhes pa ni chos rnams ni rgyu ba dang mi rgyu ba med pa'i chos rnams so/ /dngos med ces pa ni phyi'i dngos po mi rgyu ba yang gcig dang du ma'i rang bzhin dang bral ba/ nang gi rgyu ba'i dngos po 'dzin ma'i mtshan nyid can thams cad kyang dus rnam pa gsum gyis ma grub bo//de ltar sems kyis bsgom par bya ba ni rnal 'byor bas stong par bsgom pa'o/ /a las zla ba'i dkyil 'khor bsam/ /zhes pa ni oM tsit+ta pra ti be d+haM ka ro mi zhes pas de las a las zla ba'i dkyil 'khor du gyur par bsgoms nas/ rang gi sa bon de'i dbus su//bsams nas rang gi phyag rgya yang / /bsam zhing de bzhin de nyid du/ /sgrub pa pos ni bsgrub par bya/ /zhes bya ba la rang gi sa bon de'i dbus su zhes pa ni zla ba'i dkyil 'khor de'i dbus su lha gang dang gang sgom pa de'i sa bon bsgom pa'o/ /de'i spro bsdu las rang rang gi phyag mtshan du gyur te/de'i spro bsdu las lha gang dang gang bsgom par rnal 'byor ba sgrub pa pos bsgyur bar bya'o/ /de yang ji ltar bsgyur snyam pa la/ lha'i rnal 'byor tshul du bsgyur zhes pa ste/ de bzhin gshegs pa dang / / byang chub sems dpa' gang 'dod pa'i lha'i rnam par bsgyur ro/ /de nas rang gi sa bon dang / /zhes pa ni lha gang dang gang sgom pa'i sa bon rang gi snying gar bsams la sku gsung thugs kyi sngags dang phyag rgyas lha'i sku phyag rgya de byin gyis brlabs so/ /de nas gong 'og tu bstan pa ji lta ba bzhin du dbang bskur ba bstan te/de yang byang chub sems dpa'i dbang dang sangs rgyas kyi dbang gnyis su shes par bya ste/ sems dpa' rnams la ni rigs lnga'i dbang bskur ro/ /sangs rgyas rnams la ni rin po che'i cod pan gyi dbang bskur ro/ / de nas lha'i nga rgyal gyis 'jig rten dang 'jig rten las 'das pa'i dngos grub bsgrub par bya'o/ /dam bca' ba dang / rgyud kyi yon tan bstan pa ni dkyus gsal lo/ /lha'i bu rnams zhes pa la sogs pas ni sbyin sreg gi las ston te/ sbyin pa ni bde ba dam pa de'o//sreg pa ni las dang nyon mongs pa rnams so/ /de la yang dkyil 'khor spyi'i dbang du byas pa dang / rigs bzhi'i 'khor los sgyur ba'i dbang du byas pa dang / khro bo'i nyi ma me'i dbang du byas pa rnams so/ /de la 'di ni spyi'i dbang du byas pa ste de yang lha'i bu rnams zhes pa ni 'jig rten pa'i 'khor rnams la spyi'i ming nas pos pa'o//zhi ba zhes pa ni phrin las bzhi las dkar ba'o/ /thugs rang bzhin gyis nyon mongs pa'i mtshan ma 'joms shing mgo gnon pas ni zhi ba'o/ /de la zhi bar bya ba'i thabs ni phrin las 'dis so//de yang ji lta bu zhig snyam pa la/ hom khung tha ma bar ma mchog /khru gang khru do khru bzhi pa/ /zlum po nyid du byas nas ni/ /zhes pa ni thab khung tha ma khru gang ba dang / 'bring khru do ba dang / rab khru bzhi pa ste/ gzung 'dzin gnyis spangs nas gnas pa'i phyir na khru gang pa'o//thabs dang shes rab gnyis kyi tshogs kyi lam dang sbyor ba'i lam la gnas pa'i rtags su khru do'o/ /sbyor ba'i lam gyi ye shes bzhi dang ldan pa'i rtags su khru bzhi'o/ /bden pa'i don de nyid mthong ba'i rtags su ni zlum por byas pa'o//de lta bu'i dbus su sbyin sreg ming ngam sha 'am rus pa las byas na rnam par grol ba dbang du bya ba'i grangs ni dkyus gsal lo/ /thab khung gi dbus su phyag mtshan dgod pa ni de'i dbus su 'khor lo ni zhes pa la sogs pa ni thab de'i dbus su 'khor lo rtsibs brgyad pa dkar po cig bri/thab kyi khor yug gi mu ran la kha khyer sor bzhi pa dang brgyad pa dang bcu drug pa bya'o/ /de la rdo rje'i ra ba rdo rje rtse lnga pa dkar po bri'o/ /'khor lo'i dbus su yang rdo rje dkar po rtse lnga pa bri'o/ /'khor lo'i rtsibs la shar la sogs pa'i rim par rdo rje dang / rin po che dang / pad+ma dang rgya gram bri'o/ /kha khyer gyi phyi rol gyi rim pa la pad+ma 'dab ma bcu drug la sdig pa thams cad 'joms par byed pa'i ming bcu gnyis las sems dpa' bcu drug bskyed pa'i phyag rgya sna tshogs gzhag par bya'o/ /phyi yi rdo rje rigs rnams kyi/ /phyag rgya rnams ni phyi rol bri//zhes pa ni phyi rol lha'i snam bu rim pa gnyis par byas pa la phyogs skyong ba rnams dang / lha chen po brgyad la sogs pa bri/ de'i phyi rim gyi snam bu la gza' brgyad dang / rgyu skar nyi shu rtsa brgyad ming ngam thig ler bri'o//de nas sgo dang rta babs la sogs pa bri'o/ /da ni mchod pa'i khyad par ston te/ bya dang bum pa gang ba dang / zhes pa la sogs pa gsungs te/ sdig pa bkru ba'i bum pa khro bo rnam par rgyal ba'i bum pa dang / dbang bskur ba'i bum pa dang / gzhan yang mchod pa rnam pa lnga dang /gtor ma mang po dang / sems can shi ba'i ming gdags pa'i gzhi ste yungs kar dang / 'bras chen dang / mngar gsum dang / mar dang / 'o ma dang / lag pan dang / rnam gcig tu sha dang / rus pa dang / rkang la sogs pa dang / yam shing dang / dUr ba dang / ku sha la sogs pa tsan+dan dkar pos kha dog bsgyur la sbyin sreg bya'o/ /da ni chas gos bstan te/ dkar po'i gos ni bgos nas kyang / /zhes pas ni chas gos rnam pa lnga dkar por bya ba'o/ /sangs rgyas gzugs can mi 'jigs pas/ / zhes pa ni rnal 'byor pa rnam par snang mdzad dam/ /bcom ldan 'das rdo rje cher bsgoms la sbyin sreg bya'o/ /ci'i phyir snyam pa la/ ngan song rgyud na gnas pa yi/ /zhes pa la sogs pa'o/ /cis bya ba ni mar dang / 'o mas zhes pa la sogs pas so/ / ci tsam du snyam pa la/ de ni bde 'gror zhes pa'i bar du'o/ /de ni zhi ba'i las so/ /da ni rgyas pa'i las bya ste/ tshe 'das pa ngan song las thar nas de'i bsod nams dang / ye shes spel ba'i phyir rgyas pa'i las bya'o/ /mkhas pas rgyas pa bya dgos te//zhes pas mkhas pa ni sgrub pa po las dang bya ba la mkhas pa'o/ /rgyas pa ni dpal dang 'byor pa 'phel bar ro/ /ji ltar 'phel bar bya ba bstan pa'i phyir/ khru do'am ni khru bzhi pa/ /de ltar mchog ni khru brgyad par/ byas nas zhes pa ni me thab kyi tshad do//dkyil 'khor gyi phyir tshad ni rab la khru sum cu rtsa gnyis pa'o/ /gzhan gyis ni de las brtsams nas shes par bya'o/ /dbyibs ji ltar snyam pa la/ hom khung gru bzhi pa/ kun du mu ran ldan par bya/ /zhes pa ni mu ran ni kha khyer te/ tha ma la sor brgyad phyir bskyed/ sor brgyad kha khyer du lhag par brtsig /sor brgyad phyi'i kha khyer la'o/ /de'i phyi rol gyi dkyil 'khor la lha'i snam bu dang / sgo dang / rta babs dang bcas par bri bar bya'o/ /'bring dang rab kyis nyis 'gyur du bskyed par bya'o/ /de dbus pad+ma rin chen can/ /'od zer ser po ldan par bri/ / zhes pa ni nang du pad+ma'i steng du rin po che kha dog ser por bri bar bya'o/ /nang gi kha khyer la rin po che/ steng gi kha khyer la pad+ma bri bar bya'o/ /phyi rol du ni rigs lnga so so'i phyag mtshan bri bar bya zhes pa ni dbus kyi rin po che'i phyi rol pad+ma'i steng du rigs lnga'i phyag rgya 'khor lo/ rdo rje/ rin po che/ pad+ma/ rgya gram rnams bri bar bya'o/ /de ltar phyi yi lha rnams dang / /lcags kyu la sogs bri bar bya/ /zhes pa ni gong gi zhi ba ltar shes par bya'o/ /gos rnams ser por bsgyur nas kyang / /zhes pa la sogs pa go sla'o/ /rgyas pa'i las so/ / da ni mtho ris thob pa de'i dbang du thams cad bsdu zhing dga' bar bya ba'i phyir dbang gi las bstan te/ hom khung gzhu yi dbyibs 'dra la/ /khru gang ba'am khru do pa/ /khru bzhir byas pa de yi dbus/ /zhes pa la sogs pa la/ hom khung zla ba kham pa lta bur bya ste/ chung ba ni khru gang ba'o//'bring ni khru do ba'o/ /rab ni khru bzhi pa'o/ /de'i dbus su pad+ma dmar po de'i dbus su mda' dang bcas pa'i gzhu bri'o/ /khor yug la ni mda' dang bcas pa'i gzhu kha dog dmar po bri bar bya'o/ /sngags rdzogs pa ni brtan par yang / /phyi rol de dang 'dra bar bya//zhes pa ni phyi rol la sogs pa dang / lha dgod pa ni zhi ba ltar bri bar bya'o/ /dmar por bsgyur ba'i gos bgos la/ /zhes pa ni chas gos dmar por bya'o/ /me tog dmar po'am pad+ma zhes pa la sogs pa ni rdzas te go sla'o/ /dbang gi sbyin sreg bya'o// // da ni tshar gcod pa'i drag po'i las bstan te/ de la gdon rnams gzhom pa'i phyir/ drag po'i las ni brtsam par bya/ /zhes pa ni bar chad kyi bgegs tshar bcad pa'i phyir zhes pa'o/ /phyed dam gsum mam khru gsum mam/ /de ltar dam pa khru dgu bya/ /zhes pa ni rab 'bring gi tshad do/zur gsum dang ni ldan pa la/ /zhes pa ni dbyibs te gru gsum du bya'o/ /dbus su rdo rje rtse dgu pa/ /rtse gsum pa dang rgya gram pa'i/ /zhes pa la sogs pa la/ dbus su rdo rje rtse dgu pa de'i phyogs bzhir rdo rje rtse gsum pa dang / rdo rje rgya gram dang / rdo rje dbyug pa dang / rtse gsum pa ste/ tri shU la'i mgul du mi mgos mtshan pa rdo rje dang ldan par byas pa'o//mu khyud la ni dgra sta dang / rdo rje rtse gcig pas bskor ba'o/ /gzhan yang zhi ba ltar thams cad bri bar bya'o/ /rdzas ni go sla'o/ /gos nag bgos shing khros nas kyang / /zhes pa ni chas gos bstan pa'o/ /'jig rten gsum las rnam rgyal bsgyur ba zhes pa ni ting nge 'dzin bstan pa'o//de nas de yi sdig bcom lus/ /zhes pa la sogs pa ni go sla'o/ /drag po'i sbyin sreg go /mchod pa dang ting nge 'dzin gyi rim pa ni 'og nas 'byung ba nyi ma me'i las shes par bya'o/ /de nas tshangs pa la sogs pa/ /zhes pa nas/ smos kyang ci 'tshal zhes pa'i bar gyis ni 'khor bsrung bar dam bcas pa ston/gang gis brtag pa'i rgyal po zhes pa nas/ de bzhin gshegs pa lags par 'tshal bar bgyi'o zhes pa ni rgyud kyi don 'di gang na spyod par bkur bar bstan par bgyi'o zhes pa'o/ /de nas bcom ldan 'das zhes pa nas/ legs par sgrubs shig ces pa'i bar gyis ni bcom ldan 'das kyis gtad nas bsgrub par bstan to//de ni rgyud kyi phan yon bstan pa'o/ /de bzhin gshegs pa dgra bcom pa yang dag par rdzogs pa'i sangs rgyas ngan song thams cad yongs su sbyong ba'i gzi brjid kyi rgyal po sku gsum gyi gtsug tor gyi rgyud las rgyud phyi ma'i bshad pa gsal ba'i sgron ma zhes bya ba slob dpon kun dga' snying pos mdzad pa rdzogs so// //rgya gar gyi mkhan po ku mA ra ka la sha dang / bod kyi lo tsA ba khyung po chos brtson gyis bsgyur cing zhus te gtan la phab pa'o// //