CLOSE WINDOW

D2621
བོད་ཡིག

slob dpon so ma shrIs mdzad pa rdzogs so// //rgya gar gyi mkhan po ma hA dz+nyA na dang / lo tsA ba dge slong gzhon nu 'od kyis bsgyur zhing gtan la phab pa'o/ /[ ]@##/ /rgya gar skad du/ Ar+ya many+dzu shrI nA ma saM gI ti sarba maN+Dal sto tra/bod skad du/ 'phags pa 'jam dpal gyi mtshan yang dag par brjod pa'i dkyil 'khor thams cad la bstod pa/ phyi dang nang dang de'i nang na/ /sku gsum bdag nyid la bzhugs pa/ /snying rje shes rab rjes zhugs pa/ /gzhon nu khyod la phyag 'tshal lo//rnam kun rnam par byang chub dang / /rnam kun dri ma med pa dang / /chos rnams kun la gnas pa dang / /chos kun gcig tu ston pa dang / /rnam kun tshul la 'jug pa dang / /rnam kun tshul la gnas pa dang / /rnam pa kun gyi don tshul gcig /'jam pa'i dbyangs la phyag 'tshal bstod//sgeg dang bzhad dang mi sdug dang / /drag po'i ngo mtshar nyams bdag nyid/ /nyon mongs gcod dang shes rab can/ /dang po'i sangs rgyas khyod la 'dud/ /srid dang zhi ba spangs pa dang / /srid dang zhi bar bzhugs par mdzad/ /zla ba gzhon nu ltar mdzes pa//chos sku de la phyag 'tshal lo/ /chos rnams thams cad stong nyid kyi/ /srog tu khyod ni bzhugs pa yin/ /mtshan ma la yang mtshan ma med/ /dbang phyug che la phyag 'tshal bstod/ /khyod mi bzhugs na spros 'di la/ /ji ltar yang ni smon pa yin//khyed 'dir rjes su zhugs na ni/ /'di la smon la phyag 'tshal bstod/ /thog ma bar dang mthar dge ba/ /'di ni rang nyid 'od gsal ba/ /phrin las rjes su 'jug pa yin/ /sna tshogs ston la phyag 'tshal bstod/ /lta ba rtog dag las 'tsho ba/ / rtsol dang dran dang ting 'dzin gyi/ /'phags pa'i yan lag 'khor lo mdzes/ /'khor los sgyur la phyag 'tshal bstod/ /rang bzhin gyis ni kun rdzob dang / /sems can rnams kyi bsdu ba dang / /dge ba dri med snang ba dang / /smin byed de la phyag 'tshal bstod/ / zang zing mi 'jigs sbyin byed dang / /byams pa sbyin byed mchog dang ni/ /chos sbyin chos kyi dbang phyug gi/ /chen po de la phyag 'tshal bstod/ /zhi gnas lhag mthong dag gi ni/ /shes rab pha rol phyin par 'gro/ /nyon mongs gcod pa'i shes rab kyi/ /ral gri bsnams la phyag 'tshal bstod//sems can khams ni mgu ba dang / /rdzu 'phrul rkang pa chen pos gnon/ /bstan pa so so rang rig gi/ /skyob pa'i mgon la phyag 'tshal bstod/ /go cha chen po bgos pa dang / /'jug pa che la gnas pa dang / /so sor rtog par byed pa dang //bya ba nan tan de la bstod/ /sbyin dang tshul khrims bzod brtson 'grus/ /bsam gtan shes rab stobs chen dang / /thabs dang smon lam ye shes kyi/ /pha rol phyin la phyag 'tshal bstod/ /brgya dang drug cu'i grangs kyis ni/ /dpal gyi byang chub 'gro ba'i gtso//gang zhig gcig kyang rnam bcu drug /'dod chags che la phyag 'tshal bstod/ /byams pa'i ya lad bgos pa dang / /shes rab go cha bgos pa dang / /snying rje chen po blo ldan dang / /ye shes tog la phyag 'tshal bstod/ /bzang po'i lam la sems can rnams//'jog cing skyob par byed pa dang / /zab pa'i blo dang rgya mtsho bzhin/ /mi zad blo yi gter la 'dud/ /dbyer med spobs pa dag gis ni/ /stobs kyi pha rol phyin la 'dud/ /bgrod dka'i ngan song chen po las/ /kun du 'dren la phyag 'tshal bstod//mya ngan mun pa nges 'joms dang / /dra ba'i 'od la phyag 'tshal bstod/ /rnam kun bdud rtsir 'dzag pa yi/ /zla ba'i 'od la phyag 'tshal bstod/ /'od dpag med dang sprin med pa'i/ /nam mkha'i snying po phyag 'tshal bstod//sgrib pa thams cad sel ba la/ /phyag 'tshal 'dud cing phyag 'tshal 'dud/ /dad dang brtson 'grus dran bsam gtan/ /shes rab kyis ni rjes bsrungs pa/ /srung ba med kyang 'od dag ni/ /gnon pa rmad byung rgyal la 'dud/ /chos kyi dbyings kyi bdag nyid kyi//la lar rdo rje sems dpa' dang / /nyon mongs shes bya spangs pa yi/ /la lar rnam par snang mdzad dang / /la lar rdo rje hUM mdzad dang / /la lar pad+ma gar dbang phyug /la lar rdo rje nyi ma ni/ /rgya chen rmad byung chen po mdzes/ /gcig gi bdag nyid rta mchog dang //la lar gsum gyi bdag nyid dang / /gang zhig rnam lnga'i sna tshogs pa'i/ /skyob pa de la phyag 'tshal lo/ /gnyis med 'byung ba'i chos nyid phyir/ /'khor los sgyur gyi rigs 'dzin pa/ /gcig kyang sna tshogs bdag nyid kyi/ /rnam par snang mdzad che la 'dud//mtshan brjod dkyil 'khor ma lus la/ /bstod pas bsod nams gang skyes pa/ /dge ba 'di yis sems can rnams/ /'jam pa'i dbyangs ni 'grub par shog /'phags pa 'jam dpal gyi mtshan yang dag par brjod pa'i dkyil 'khor thams cad la bstod pa/