CLOSE WINDOW

D2620
བོད་ཡིག

bod kyi lo tsA ba dge slong gzhon nu 'od kyis bsgyur ba'o// //[ ]@##/ /rgya gar skad du/ Ar+ya many+dzu shrI nA ma saM gI ti maN+Da lo bi ka /bod skad du/ 'phags pa 'jam dpal gyi mtshan yang dag par brjod pa'i dkyil 'khor kyi cho ga /bcom ldan 'das 'jam dpal ye shes sems dpa'i sku la phyag 'tshal lo//rang byung rnam par dag pa dang / /thams cad mkhyen dang gsung dbang phyug /rmad du byung dang brtson 'grus 'dzin/ /sna tshogs bdag nyid phyag 'tshal lo/ /spang 'byung rnam par dag pa dang / /dad dang ye shes phun tshogs pa'i/ / gang gis drin gyis rnyed sla ba'i/ /dbyangs kyi rjes 'jug bdag nyid kyi/ /de yi rgyu la phyag 'tshal lo/ /phyag brnyan bzhin du dngos grub ni/ /gang gi drin gyis rnyed sla ba'i/ /thugs rjes khyab pa'i bdag nyid kyis/ /bla ma'i zhabs dag rgyal gyur cig /srid pa'i bcings pas khyab pa yi//'khor ba'i 'khor lo rnam 'joms pa'i/ /gang de 'jam dpal dkyil 'khor ni/ /yang dag lta bas 'jug pa bshad/ /de la rnal 'byor tshangs gnas la/ /gnas dang gsum la skyabs gnas dang / /sems bskyed pa yi stobs kyis ni/ /ngang gis sdom pa la gnas dang //rmi lam lta bur rtogs pa las/ /sems gnyis dge ba mi rtog nor/ /shin tu bde ba'ang rtogs pa dang / /the tshom med dang chags med dang / /dngos po lnga la mkhas pa dang / /pha rol phyin tshol mngon dga' ba/ /de las gzhan pa'i ngo bo ni//yon tan ldan pa mkhas pa yin/ /yid ches pa yi khyad par gyis/ /byang chub sems ni phul byung dang / /thabs dang shes rab gnyis med dang / /mos pa yang dag ldan pa dang / /ji bzhin dbang ni thob pa dang / /bla ma sems can bsnyen pa dang / / ltung ba sna tshogs spang ba'i phyir/ /gus pa'i blo yis skal bar ldan/ /de nyid rnam bcu rtag tu ni/ /yid la byed pa mngon gzhol pa/ /sngags dang rgyud dang de nyid shes/ /sgrub byed thub pa'i dbang por brjod/ /dkyil 'khor las la 'jug 'dod pas/ /'bad pas bsnyen pa la gnas bya//dang por bsnyen pa ma byas par/ /lha rnams byin gyis rlob mi 'gyur/ /yid dang mthun pa'i gnas rnams su/ /snying ga'i pad+ma'i zla ba la/ /'od zer 'bar ba'i maM yig dgod/ /rang sems dag pa'i nam mkha' la/ /rdzogs sangs sras dang bla mar bcas//yang dag bltas la phyag 'tshal dang / /dad pa rgyas pa'i yid kyis kyang / /'khor lo mchod pas dang por mchod/ /de la sngags brjod sngon song ba'i/ /dang po'i mgon la phyag bzhi bya/ /chu gtsang ba yi rnam pa dang / /snod rgyas pa yang dbul bar bya//me tog dang ni bdug pa dang / /mar me dri yis mchod par bya/ /de las gzhan yang mchod pa'i tshogs/ /me tog spos dang mar me dri/ /rgyan gyi rang bzhin mchod pa ni/ /rin chen bzhi ni dbul bar bya/ /bzhad dang sgeg dang dga' ba dang / / rtse 'jo'i bye brag bde ba dang / /dpag bsam shing dang gos kyi shing / /shing dang bcas pa de rnams dbul/ /sbyin dang tshul khrims bzod brtson 'grus/ /bsam gtan shes rab de bzhin du/ /ji ltar rang sngags bzlas pa dang / /phyag rgya yis ni dbul bar bya/ / ngan par byas pa sun phyung nas/ /de rnams mdun du bshags par bya/ /g.yo med pa yi sems kyis kyang / /gzhan gyi bsod nams rjes yi rang / /dkon mchog gsum la brten stobs kyis/ /gnas pa gang las 'jig pa 'byung / /de nas rang gzhan don gyi phyir//byang chub sems ni bskyed par bgyi/ /sems bskyed pa dang mthun par ni/ /blo ldan lam la gnas par bgyi/ /dge ba rgyun mi 'chad pa'i phyir/ /smon lam dag kyang gdon par bya/ /sems can kun la brten nas ni/ /tshangs pa'i gnas ni yongs su bsgom//rang bzhin med dang dge la sogs/ /bral phyir mtshan ma med pa dang / /yid mi 'jug ces bya ba yis/ /shes rab ting 'dzin gsum la 'jug /ji ltar rang sngags bzlas pa yi/ /byin gyis brlab pa'i bya bar ldan/ /mthong ba'i lam byin rdzogs sangs kyis//bu la sogs pa bstan pa yin/ /rdzogs sangs rgyas dag gis bstan pas/ /phyag 'tshal gsol ba 'debs pa ni/ /skyob pa ji ltar bdag la ni/ /bstan pa yang dag bshad du gsol/ /rang bzhin sgrub pa bzlas pa yi/ / rang gi sems ni bsgom par gyis/ /slar gsol zla ba'i gzugs lta bu/ /mthong ngo zhes ni gsol ba dang / /sems bskyed ces ni bya ba yi/ /dang por phyag 'tshal ldan pa dang / /dbus su byang chub yang dag ldan/ /sems bskyed pa ni brtan pa las/ /bde ba bskyed pa'i rjes la ni//zla ba'i gzugs ni mthong ngo zhes/ /gsol bas brtan par gyis shig ces/ /gsungs pa de ni brtan pa yin/ /oM dz+nyA na raSh+mi pi sri dza hUM/ rnam pa sna tshogs 'od zer gyis/ /sems can byang chub la bkod nas/ /de dag gcig pur gyur pa las//rdo rje rtogs par mngon par 'dod/ /oM tiSh+Tha badzra/ oM s+pha ra Na badzra/ oM saM ha ra na badzra/ oM dz+nyA na badzra/ oM sarba ta thA ga ta dz+nyA na badzra/ rdo rje dbyings zhes yang dang yang / /zhes ni bdag nyid dbang bskur ro/ /oM badzra At+ma kou0f85haM/ brtser ldan ' gro la phan pa dag /gyur phyir byin gyis brlab tu gsol/ /zhes ni gsol btab skad cig la/ /de dag rab tu bzhugs nas ni/ /de yi bdag nyid rang nyid gyur/ /oM sarba ta thA ga tA ta tha a haM/ rdo rje rin chen sogs mnyam nyid/ /rnam pa kun du 'od gsal ba/ / chos kyi rgyal po dpal 'byung ba'i/ /dang po'i sangs rgyas zhes bstod do/ /de nas gzhan don byed pa'i phyir/ /slar yang 'di ltar bsgom par bya/ /khro bo'i gzugs ni 'chang ba yis/ /snying gar pad+ma nyi hUM las/ /khro bo bcu po bgegs kyi gtso/ /lus ngag yid gsum phur bus gdab//phyi rol rdo rje ra ba dang / /dra ba la sogs rnam bsgoms nas/ /yi ge hUM gnyis dbus gnas pa'i/ /'og tu yaM baM raM dag las/ /rlung chu me yi dkyil 'khor rnams/ /de nyid rig pas de ltar bya/ /mkha' la bruM yig las byung ba/ /rtag pa'i yan lag las byung ba'i//bdud rtsi'i rgyun ni yongs gang bas/ /snod ni de yi bdag nyid 'gyur/ /hUM yig gnyis su pa las ni/ /sku yi rdo rje yang dag 'byung / /gnas pa mkhrang bar gyur pa las/ /gser gyi dkyil 'khor nyid du 'gyur/ /hUM yig ngos gnyis ldan pa yi//dbus su suM las lhun po ste/ /de ru bruM las byung ba yi/ /dpal ldan gzhal yas khang brtsegs bsam/ /phyi dang nang du sgo bzhi dang / /gru bzhi stegs bur yang dag ldan/ /dra ba dra phyed phreng ba dang / /dril bu me long gis gsal ba'o/ /ka ba brgyad dang ldan pa dang //nam mkha' bla res snang ba yin/ /'og gi sa gzhi mtho ba dang / /yangs pa rnam par mdzes pa yin/ /de dbus hrIHlas sna tshogs pa'i/ /chu skyes nyi mar seng ge'i gdan/ /dang po'i dbyangs las byung ba yi/ /rgyal ba rnam snang sku mdog dkar//'khor lo dril bu phyag na bsnams/ /nyi ma la bzhugs bsgom par bya/ /de yang snying gar sna tshogs pa'i/ /pad+ma nyi ma d+hIHlas byung / /dang po'i sangs rgyas mig sman mdog /zhal lnga phyag ni brgyad dang ldan/ /g.yas brtsams ser po dmar po dang //ljang gu dkar po pad+ma'i zhal/ /nam mkha' 'dra ba'i ral gri dang / /shes rab pusti bzhi bzhi ni/ /g.yas dang g.yon gyi phyag rnams kyis/ /sgeg dang bcas pas bsnams pa yin/ /oM sarba d+harmA a b+hA ba/ nang gi mu khyud dag la dgod/ /phyi rol ka la sogs bkod pa//sgeg dang mdzes par snang ba yin/ /snying gar srid pa'i 'khor lo ni/ /rten 'brel bcu gnyis ston pa'o/ /de yi lte ba'i 'khor lo ni/ /rtsibs bcu pa yis brgyan pa yin/ /oM pra dz+nyA la sogs pa yi/ /gti mug sel bar byed pa yis//lhag ma nye snying sngags phyed kyis/ /nang gi mu khyud rnam par bskor/ /mu khyud A li bcu gnyis kyis/ /'khor lo 'di yang rnam par gsal/ /zla ba gzhon nu ltar 'jam pa/ /gzhon nu sgeg pa'i cha byad can/ /sna tshogs kyis ni rtse bran dang //gdong lnga zur phud lnga dang ldan/ /dpung rgyan do shal yan lag mdzes/ /dpal 'phro ba yi zhabs gdub spras/ /'khor ba'i sdug bsngal gyis gdungs pa/ /shin tu dbugs 'byin byed pa yin/ /gang zhig shes rab ye shes sku/ /zla ba'i dkyil 'khor gdan la bzhugs//dang po'i dbyangs las byung ba yi/ /dpal ldan 'jam dbyangs zhes dran bya/ /seng ge'i gdan la gser kyi mdog /phyi rol shar sogs phyogs dgod pa/ /nyi mar rdo rje'i skyil krung bzhugs/ /rin chen cod pan gyis mdzes pa/ /g.yas kyi 'od zer bcas 'khor lo//g.yon pa gdan la brten pa'o/ /rdo rje sems dpa' sogs ming can/ /'khor los sgyur ba brgyad shes bya/ /de la rig pa'i lha mo bzhi/ /de yi mtshams bzhir shes bya ste/ /rdo rje sems ma sku mdog sngo/ /phyag gis pad+ma rdor dril bsnams/ / rin chen sems ma gser gyi mdog /rin chen dril bu nye bar mdzes/ /chos kyi sems ma gur gum mdog /pad+ma dril bus mtshan pa yin/ /las kyi sems ma ljang gu ste/ /sna tshogs rdo rje bsnams mdzes dang / /'gro ba sdud par byed pa yi/ /g.yon pa snang ba chen po yin//shar du rdo rje hUM mdzad ni/ /mdog nag rnam rgyal phyag rgya dang / /rdo rje dril bu phyag rgyar ldan/ /'jigs rung sa bon hUM las byung / /glang po'i gdan la gnas pa dang / /khro dang sgeg pa'i nyams dang ldan/ /lho ru rdo rje nyi ma ni/ /trAM byung rmad byung rta yi gdan//yid bzhin nor bus ma lus pa'i/ /dbul ba sel bar byed pa dang / /dril bu'i sgra yis sems can la/ /dpal rnams 'gugs par byed pa yin/ /pad+ma gar dbang sku mdog dmar/ /nub tu rma bya'i gdan la bzhugs/ /chu skyes dril bu bsnams pa dang //taM gyis baM la mngon phyogs byed/ /byang du rta mchog sku mdog ljang / /nam mkha' lding gi gdan la bzhugs/ /a byung sna tshogs rdo rje dang / /dril bu'i sgra yis phyogs kun khyab/ /saM gaM baM saM g+haM sa bon rnams/ /oM hUM trAMhrIHldan pa las/ /gdan 'di dag ni go rims bzhin//mkhas pas grangs bzhin shes par bya/ /zla ba'i gdan gnas 'di rnams kyi/ /dang po'i sangs rgyas gong ma bzhin/ /srid pa'i 'khor lo tshangs pa ste/ /snga ma las khyad med phyir ro/ /zhi ba'i 'khor lo rtsibs brgyad pa/ /mi bskyod sogs rigs rim bzhin du//oM duHkha ts+tshe da la sogs dgod/ /rigs ni ji ltar de na gnas/ /na ma zhes bya rtsibs gcig la/ /mkhas pas kun la shes par bya/ /sdug bsngal gcod pa rdo rje dang / /rin po che ni gsung dbang phyug /rdo rje rnon po pad+ma dang / /ye shes sku can zhes bya ba//sna tshogs rdo rje g.yon pa la/ /g.yas pa ral gri khyad par med/ /kun kyang zla ba'i gdan la bzhugs/ /zla ba ltar 'jam cha byad can/ /dang po'i dbyangs byung bzlas pa yang / /snying po nye snying rim pa bzhin/ /de la lnga po rim bzhin du/ /snying po dang ni nye snying po//oM pradz+nyA dz+nyA na mUrta ye nA ma/ oM duHkha ts+tshe da ya te nA ma/ oM bA gI shwa ra ya te nA ma/ o badzra tIk+Sha ya te nA ma/ oM dz+nyA na kA ya ya te nA ma/ nye ba'i snying po thun mong ste/ /o sarba d+harmA a b+hA ba swa b+hA ba bi shud+d+ha badzra a A aM aH/ pra kr-i ta pa ri shud+d+ha/ sarba d+harmA ya/du ta sarba ta thA ga ta dz+nyA na kA ya many+dzu shrI pa ri shud+d+hi ta mu pA dA ye ti a AHsarba ta thA ga ta hr-i da ya/ ha ra ha ra/ oM hUM hr-IHb+ha ga bA na dz+nyA na mUrti bA gI shwa ra ma hA wa tsa sarba d+harmA ga ga na a ma la su pa ri shud+d+ha d+harma d+hA tu dz+nyA na gar+b+ha AH/ 'di rnams kyang ni rim bzhin du/ /shar la sogs par bsgom par bya//rdo rje sems dpa' sogs dbye bas/ /byang chub sems dpa' rnams bcu drug /rdo rje sems dpa' sku mdog dkar/ /rdo rje dril bu bsnams par 'dod/ /rdo rje rgyal po gser gyi mdog /phyag gnyis rdo rje lcags kyu bsnams/ / chags pa pad+ma rA ga'i mdog /mda' dang gzhu ni bsnams pa yin/ /rdo rje legs pa sku mdog ljang / /phyag gnyis legs so sbyin pa'o/ /rin chen btso ma gser gyi mdog /rin po che dang dril bu bsnams/ /rdo rje gzi brjid nyi ma'i mdog / g.yas pa nyi ma'i gzugs 'dzin pa/ /rdo rje dpal ni margad mdog /g.yas na rgyal mtshan bsnams pa yin/ /bzhad pa kun+da zla ba'i mdog /g.yas pa so yi phreng ba bsnams/ /'di gsum pa yi g.yon pa ni/ /skyil krung gdan la brten nas so/ /chos ni pad+ma rA ga'i mdog /g.yon pa pad+ma dmar po bsnams/ /g.yas pas rnam par 'byed pa yin/ /de ni rgyas par byed pa yin/ /rnon po bdud rtsi 'od zer mdog /ral gri dang ni pusti bsnams/ /rgyu dang smra ba g.yas pa na/ /'khor lo dang ni lce bsnams pa/ / bdag nyid mdzes pa g.yon pa yi/ /phyag gi pad+ma gdan la brten/ /las ni sngo ljang sna tshogs pa'i/ /rdo rje dang ni dril bu bsnams/ /bsrung ba gser gyi mdog 'dra ba/ /phyag gnyis go cha 'bar ba'o/ /gnod sbyin mig sman nag po'i mdog /phyag gnyis mche ba rnam par mdzes//khu tshur rmad byung mdzes pa'i mdog /phan tshun khu tshur rdo rje 'dzin/ /bdag po rnam pa bzhi yi phyir/ /bzhi bzhi ru ni dran par bya/ /lha mo bcu bcu 'di rnams kyi/ /'khor du yang dag dran par bya/ /skyil krung phyed mar ldan pa yi/ /rang rang bdag po'i mdog bzhin no//sbyin dang tshul khrims bzod brtson 'grus/ /bsam gtan de bzhin shes rab dang / /smon lam ye shes zhes bya ba/ /'bras bu'i gnas kyi pha rol phyin/ /rdo rje dril bu yang dag ldan/ /mdog dkar rdo rje sems dpa' yi/ /'khor du de dag gnas pa yin//de nyid lam gyi ngo bor ni/ /bdud la lcags kyu 'debs pa gzhan/ /ser po rdo rje rgyal po yi/ /'khor du de dag gnas pa yin/ /de nyid rnam par dag ngo bor/ /mda' dang gzhu yis rnam brgyan pa/ /mdog dmar rdo rje chags pa ni/ / thams cad dkyil 'khor yongs su bskor/ /gzhan don ngo bor gnas de nyid/ /phyag gnyis legs so sbyin pa dang / /sku mdog ljang khu'i 'khor rnams kyis/ /rdo rje legs pa bskor ba'o/ /rab tu dga' dang dri ma med/ /gsum pa de bzhin 'od byed dang / / 'od 'phro sbyang dka' de bzhin du/ /mngon gyur ring song mi g.yo ba/ /legs pa'i blo gros chos kyi sprin/ /sku mdog ser po 'bras bdag nyid/ /dar dpyangs bcing ba'i tshul gnas pa/ /rdo rje rin chen 'khor du gnas/ /de nyid lam gyi grangs kyis ni//nyi ma'i mdog can nyi ma bsnams/ /rdo rje nyi ma nyid bzhin du/ /rjes su byed par gnas pa yin/ /sdug bsngal dang ni kun 'byung dang / /'gog dang lam dang de bzhin du/ /chos shes rjes su shes pa dang / /kun rdzob shes dang de bzhin du/ /don dam de bzhin mi skye ba//zad pa shes pa'i ye shes ni/ /rang bzhin phun sum tshogs dge ba'i/ /rin chen rgyal mtshan bsnams pa dang / /mdog ljang rdo rje rgyal mtshan gyi/ /phun sum tshogs pa bsgom par bya/ /gzhan don phun sum bdag nyid kyi/ /de bzhin zla ba'i 'od zer mdog /rdo rje bzhad pa la brten pa/ /so yi phreng bas rnam par brgyan/ /phung po khams dang skye mched dang / /bden pa rten 'brel thub pa yi/ /gnas dang gnas min bdag po dang / /dus gsum bden pa rnam pa bzhi/ /'dus byas 'dus ma byas dge ba//rdo rje chos kyi 'khor du bsgom/ /don dang phyag g.yon pad+ma ni/ /bsnams nas g.yas pas 'byed par mdzad/ /gcig dang rgyu dang za ba dang / /byed pa dang ni dbang sgyur dang / /bdag po'i don dang brtag pa dang / /nyon mongs pa dang dag pa'i gnas//rnal 'byor can dang ma grol grol/ /bdag tu 'dzin pa skye ba nyid/ /de dag gcod pa'i sku mdog gnag /phyag na pu sti bsnams pa dang / /nyon mongs gcod pa'i ral gri bsnams/ /rdo rje rnon po'i 'khor du brjod/ /dad dang brtson 'grus dran bsam gtan//shes rab de bzhin sha yi spyan/ /lha dang shes rab chos dang ni/ /sangs rgyas spyan dang dbang po yi/ /rdo rje 'khor lo sku mdog ser/ /lha mo 'khor lo bsnams pas bskor/ /gnas dang gnas min rnam smin dang / /mos pa dang ni sna tshogs khams//dbang po kun 'gro'i lam dag dang / /nyon mongs rnam par sbyang ba dang / /sngon gnas rjes dran skye 'chi dang / /zag pa zad pa nyid kyang de/ /rdo rje smra ba zangs kyi mdog /phyag gis lce bsnams 'khor gyis bskor/ /nam mkha' rnam shes mtha' yas dang //de las gzhan pa'i zil gnon brgyad/ /rdo rje las ni sku mdog ljang / /sna tshogs rdor dril thogs pas bskor/ /'byung ba rnam pa bzhi po dang / /sngon po ser po dkar dmar dang / /nam mkha' de bzhin sems dang ni/ /zad par rnam dag ldan pa yi//bsrung ba ser po go cha bsnams/ /rtsa ba'i mtshan nyid de kho na/ /phyin ci ma log mtshan nyid dang / /'bras bu rgyu yi de kho na/ /phra ba dang ni rags pa dang / /grags dang rnam par dag yul dang / /sdud dang dbye ba'i mtshan nyid dang / /mkhas de kho na rnam bcu ni//rdo rje gnod sbyin sku mdog nag /phyag gnyis mche ba bsnams pa'o/ /tshe dang sems dang yo byad dang / /las dang skye ba mos pa dang / /smon lam dang ni rdzu 'phrul dang / /ye shes la ni dbang ba dang / /rdo rje khu tshur sku mdog dkar/ /phyag gnyis khu tshur bsnams pa'o//so so'i gtso bo'i sngags kyis bskyed/ /rang rang sngags kyis mchod pa dang / /rdo rje'i skyil krung phyed kyis ni/ /'di dag rim bzhin gnas pa yin/ /'di ltar bsgoms pa'i rnal 'byor pa/ /yon tan phun sum tshogs pa ni/ /ji skad gsungs pa bzhin du thob//dngos grub gzhan ni smos ci dgos/ /'di rnams kyi ni grwa bzhi ru/ /mkhas pas sgeg mo la sogs bsgom/ /sgeg mo mdog dkar rdo rje bsnams/ /phreng ba ma ni gser gyi mdog /rin chen phreng ba bsnams pa yin/ /glu ma sku mdog dmar mo ste//pi wang rdeb pa'i mchog yin no/ /gar ma rdo rje ljang gu ni/ /rtse gcig bsnams nas gar mdzad do/ /spos dang me tog mar me dri/ /de rnams rjes la dran par bgyi/ /spos khang me tog snod dang ni/ /mar me yi ni mchod sdong dang / /dri yi dung chos rim bzhin no//'di rnams kha dog sgeg sogs bzhin/ /lcags kyu dang ni zhags pa dang / /lcags sgrog dril bu zhes grags pa/ /dkar po ser po dmar po ljang / /shar la sogs pa'i sgo la bstan/ /ming dang mthun par phyag mtshan gnas/ / phyi rol bskal pa bzang po ni/ /shar la sogs par bsgom par bya/ /rnam pa bzhi yi dbye ba yi/ /de dag bcu drug yang dag dgod/ /rang gi bdag po'i rjes mthun par/ /sku mdog phyag mtshan mdzes pa yin/ /yang na gzhan du phyag mtshan rnams/ /rim pa bzhin du bsam par bya//de la mgon po byams pa ni/ /phyag na klu shing bsnams pa yin/ /'jam dpal ral gri pu sti dang / /ji ltar rim bzhin mtshan pa yin/ /spos kyi glang po spos chu yi/ /dri yi dung chos char 'bebs pa'i/ /thod dang bcas pa'i cod pan ni//ye shes tog ni bsgrings nas bsnams/ /bzang skyod ba ni nam mkha' mdzod/ /bslang nas mtshan par byed pa'o/ /blo gros rgya mtsho yid bzhin nor/ /phyag gi pad+ma mdzes pa yin/ /dpag bsam shing dang bum pa bzang / /blo gros mi zad phyag g.yon na/ /pu sti mtshan pa'i pad+ma ni//spobs pa brtsegs pa de bzhin du/ /phyag na ral gri bsnams pa yin/ /mthu chen thob pa ral gri bsnams/ /ngan song kun 'dren rgyal mtshan no/ /mya ngan mun pa nges 'joms ni/ /dpal be'u g.yung drung 'khyil pa ni/ /dra ba can gyi 'od rnams so//zla 'od gzhon nu zhes bya ba/ /zla tshes g.yer ka rgyal mtshan mdzes/ /'od dpag med pa pu sti dang / /ral gri rin chen mdzod 'dzin pa/ /nam mkha'i snying por shes par bya/ /sna tshogs rdo rje ral gri ni/ /bsnams pa sgrib pa rnam par sel/ /byang chub sems dpa' zhes 'dod do//'di rnams phyi yi sgo skyong dag /sngar ni ji skad smos pa bzhin/ /de ltar bsgoms pa'i rjes la ni/ /ye shes sems dpa' spyan drangs nas/ /de nyid gsum gyi yi ge yi/ /rnal 'byor rig pas byin brlab bya//de la rim pa 'di yin te/ /spyan drang sngon 'gro phyag 'tshal te/ /oM sarba ta thA ga ta pa da ban+da na ka ro mi/ /e ma kun du bzang po yi/ /byang chub sems dpa'i spyod pa mchog /de bzhin gshegs pa'i 'khor lo yi/ /dbus na de bzhin gshegs pa mdzes//de nas 'khor lo'i dbang phyug la/ /de bzhin gshegs pa kun zhugs nas/ /byung nas rang rang rigs pa ni/ /byin gyis brlab pa mdzad pa yin/ /e ma sangs rgyas thams cad kyi/ /rgya chen gdod nas skye ba med/ /rdul phran thams cad ji snyed kyi/ / sangs rgyas thams cad gcig tu gyur/ /de nyid gsum gyi byin rlabs dang / /'khor lo'i bdag nyid dbang bskur nas/ /rang bzhin dag par bsgom par bya/ /oM sarba ta thA ga ta a b+hi She ka sa ma ya shrI ye hUM/ /de ltar ting 'dzin gsum dang ni/ /mkhas pas cho ga byas nas ni//de nas rang lha'i rnal 'byor gyis/ /mchod pa yang dag brtsam par bya/ /pad+ma'i phyag rgya ldan g.yo bas/ /a r+g+ha'i snod ni bzang ba dang / /g.yas pa ba dan gsum dang ni/ /de nyid gsum gyis bsam par bya/ /de nas mkhas pas me tog gsol//de yi chu yis bsang bar bya/ /oM badzra puSh+pe hUM/ oM badzra d+hU pe hUM/ oM badzra A lo ke hUM/ oM badzra gan+d+he hUM/ soM badzra a kA ro mu khaM sarba d+harmA NAM/ Ad+ya nut+pan na twAta oM AHhUM/ phyag 'tshal rdo rje ldan pa yi/ /dzaHhUM baM hoHzhes bya ba dang / /se gol brdabs la dgug pa dang //phyag byas nas ni ar+g+ha dbul/ /oM badzra aM ku sha dzaH/ oM badzra pA a ahUM/ oM badzra s+pho Ta baM/ oM badzra A be sha AH/ zhus nas yi ge gsum gyis ni/ /byin gyis brlabs la dbang bskur ro/ /de nas sngar bshad rim pa yis/ /mchod pa rnams kyis mchod pa dang //de las gzhan pa'i rig ma ni/ /bcu drug gis ni mchod bstod bya/ /dkyil 'khor rnam gsum phyag mtshan dang / /ji srid thig le'i rim pa dang / /snang ba la sogs rim pa yis/ /spros pa thams cad zhi ba dang / /stong nyid sogs rim thob pa yi//rnal 'byor lhan skyes mdzes pa yin/ /de ltar goms pa 'jug pa rnams/ /mi shes chu bo ma lus pa/ /bskams shing sems kyi zla ba ni/ /shar ba skal ba bzang po yin/ /spro dang bsdu ba'i rim pa yis/ /ji srid sgrub pa mi skyo'i bar/ / de ltar yang dang yang du bya/ /langs nas sangs rgyas spyan drangs nas/ /de nas gtor ma sbyin par bya/ /de la rdo rje sems dpa' ni/ /'khor los sgyur bar 'dod pa las/ /a las byung zhing sku mdog dkar/ /rdo rje dang ni dril bu bsnams/ /thugs kar dang po sangs rgyas ni//sngar ni ji skad bshad pa bzhin/ /de la mya ngan 'das 'khor lo/ /a ra la sogs yi ger ldan/ /de steng a ra pa tsa na/ /phyag gnyis rdo rje dril bu bsnams/ /'di yi nye ba'i snying po ni/ /sngar ni bstan zin gang yin pa'o/ /oM a ra pa tsa na ya te nA ma/sngags kun rigs kyi bdag nyid kyi/ /rnam par snang mdzad chen po yang / /zhal bzhi sku mdog dud 'dra zhing / /bsam gtan phyag rgyar ldan pa'o/ /dang po'i sangs rgyas thugs ka ru/ /zhi ba'i 'khor lo 'di rnams kyang / /rtsibs drug pa la rigs drug gis//yongs su bskor bar ldan pa'o/ /de la gnyis med 'jam pa'i dpal/ /mdog dkar zhal drug a las byung / /phyag gnyis ral gri pu sti bsnams/ /gnyis kyis ut+pal bsnams pa dang / /gnyis ni ting 'dzin phyag rgya ni/ /yang dag snang ba snang ba che//'di dag so so'i snying po ni/ /sgrub pa'i thabs las gsal bar bstan/ /bshad pa'i 'khor lo bdag nyid ni/ /lha rnams nyi shur mnyam pa la/ /gcig gi bdag nyid chen po ni/ /blo chen rnams kyis mchod par bya/ /rdo rje hUM mdzad gtso bo yis/ / 'khor los sgyur bar 'dod pa la/ /'di rnams rang gi ngo bo ni/ /kho bos sngar ni bstan zin to/ /'on kyang 'di yi khyad par ni/ /da ni rab tu bshad par bya/ /mda' dang gzhu ni 'gengs pa dang / /rnam rgyal phyag rgya rdor dril dang / /ral gri rdo rje zhags pa dang //lcags kyu dang ni lcags sgrog bsnams/ /lha chen u ma mnan pa ni/ /rdo rje hUM mdzad ces brjod do/ /'di yi rin chen hUM mdzad ni/ /phyag drug rnam rgyal phyag rgya med/ /zhal drug zhal ni re re la/ /spyan ni gsum gsum ldan pa'o//'di yi pad+ma'i hUM mdzad ni/ /mche gtsigs ha la ha lar ldan/ /'di yi las kyi hUM mdzad ni/ /rnam rgyal rang gi phyag rgyar ldan/ /lcags kyu zhags pa ral gri dang / /gtun shing lhag ma phyag na bsnams/ /gang yang rdo rje rin chen ni/ /'khor los sgyur bar 'dod pa la//ser po rin chen gyis mtshan pa/ /kun kyang rin chen cod pan can/ /de la rnam snang sngar bshad bzhin/ /don kun grub pa mi bskyod pa/ /rdo rje bsnams nas sa gnon no/ /rin chen gtsug phud snga ma bzhin/ /rin chen pad+ma sku mdog ser/ / pad+ma'i phyag rgyas ldan pa dang / /laM las byung ba'i sa bon ni/ /dkyil 'khor gru bzhi pad+ma la/ /g.yas pa bkod nas g.yon pa la/ /bsam gtan dang po'i bar du gnon/ /rin chen don yod don yod do/ /rdo rje'i tshig ni thams cad la/ /rang ming rin chen sgra dang ni//yang dag ldan pa'i sku yin no/ /rin chen rdo rje'i rdor tshig la/ /khro gnyer ldan par shes par bya/ /g.yon pas rdo rje gnon pa dang / /g.yas pas 'dod pa gnon pa'o/ /rdo rje rin chen nyi ma 'od/ /rin chen dpal ni rgyal mtshan brjod/ /gang yang pad+ma gar dbang phyug /'khor los sgyur bar 'dod pa la/ /rdo rje'i gnas su pad+ma'i tshig /lha gzhan kun la shes par bya/ /de bzhin gshegs la pad+ma'i tshig /sngon song rnam par snang mdzad brjod/ /rin chen rin chen gtsug phud dang / /pad+ma gar gyi dbang la yang //ting 'dzin sgra yi sngon du ni/ /pad+ma zhes ni brjod pa yin/ /pad+ma nges pa'i dbang phyug ni/ /pad+ma'i don yod grub pa yin/ /gzhan gyi khyad par 'di dag kyang / /nor bus byas pa'i rin po che/ /nyi ma nyi ma'i gzugs 'dzin pa/ /dpal ni zla ba'i ngang pa las//gnas pa ku mu ta la ni/ /zla bas mtshan pa'i gdugs bsnams pa'o/ /bzhad pa la ni zhal bcu gcig /pad+ma'i sgrol ma brgya byin mdog /pad+ma'i 'khor lo khyab 'jug 'dra/ /smra ba tshangs pa'i rjes su byed/ /las ni gzhon nu lta bu ste/ /de las gzhan pa khyad par med//rta mchog gsum gyi bdag nyid dam/ /rnam pa lnga'am rnam pa gcig /sngon po gsum gyi bdag nyid ni/ /ral gri mda' gzhu ut+pal bsnams/ /'di yi lha mo gnyis po ni/ /g.yas na sna tshogs rdo rje bsnams/ /de la gtsang ma sku mdog dkar//pad+ma sngon pos rnam par mdzes/ /dag ma pad+ma rA ga'i mdog /pad+ma dmar pos rnam par mdzes/ /'di yi nang gi skye mched rnams/ /sa snying la sogs byin gyis rlobs/ /phyi yi skye mched rnams la ni/ /gzugs rdo rje sogs byin brlabs pa'o//g.yon pas 'dod pa'i 'jig rten gnon/ /g.yas pas mnan pa bsam gtan yin/ /rta skad 'tsher ba phyogs kyi zhal/ /bsam gtan dang po'i bar du reg /lnga yi bdag nyid snga ma bzhin/ /yang na 'od dpag med pa bzhin/ /pu sti dang ni ral gri dang / / mda' gzhu bsnams pa yid 'phrog pa'o/ /tshangs pa brgya byin khyab 'jug ni/ /pa ba sangs dang skar ma 'di gra/ /zhabs kyis pad+ma bskor ba yis/ /grong khyer sum rtseg pa gnon pa/ /'phrog pa'i lha mo rnams kyang ni/ /'di dag 'khyud nas bzhugs pa'o/ /rta yi gdong can thams cad kyang //'khor kun yongs su shes par bya/ /de ltar zla gcig zla drug gam/ /lo gcig mtshan ma thob par du/ /de srid bsnyen pa byas nas ni/ /dkyil 'khor las la 'jug par bya/ /gtsug lag khang la sogs pa yi/ /yid du 'ong ba'i sa phyogs su//tshad ldan tsha sgo med par ni/ /dkyil 'khor dam pa bri bar bya/ /rgyal pos khru ni brgya lnga bcu/ /blon po chen pos nyi shu lnga/ /tshong dpon ded dpon nyi shu'am phyed/ /sgrub pos bcu gnyis sam de'i phyed/ /der ni mngon spyod sbyin sreg dang //zhi ba yi ni sbyin sreg dag /byas nas sa ni sbyang bar bya/ /yongs su gzung bar bya ba yin/ /der ni dkyil 'khor yongs sprul nas/ /gong du ji skad bshad pa bzhin/ /phyag 'tshal la sogs sngon song nas/ /mchod pa yongs su rgyas par bya/ /de nas sgrub pa'i grogs mchog gis//mtshan brgya rtsa brgyad kyis bstod nas/ /sa yi lha mo spyan drangs la/ /sna tshogs mchod pas mchod nas ni/ /skyob pa sangs rgyas thams cad kyi/ /spyod pa'i tshul dang khyad par gyis/ /sa dang pha rol phyin pa la/ /lha mo khyod ni dbang du gyur//skyob pa shAkya'i seng ge yis/ /ji ltar bdud kyi sde bcom pa/ /de bzhin bdag gis bdud las ni/ /rgyal bar byas te dkyil 'khor bri/ /mig gnyis nyi zla rkang mthil ni/ /rdo rje rgya gram byin brlabs nas/ /zhal nas hUM gi sgra sgrogs shing / / yongs su bskyod pa'i tshul gyis ni/ /phyogs rnams rdo rje'i sa gzhi dang / /rdo rje ra ba dra ba bsam/ /lag gnyis rdo rje dril ldan dang / /g.yas pa rdo rje bsnun pa yi/ /tshul gyis bgegs la bka' bsgo dang / /phur bus btab pa la sogs bya/ /de nas de nyid dris byugs la//lha yi gnas su tsan+dan la/ /sogs pa'i dri yi thig le dang / /me tog sna tshogs dgram par bya/ /de rjes nam mkha' la gnas pa/ /dkyil 'khor lha rnams bkug nas ni/ /mchod pa lnga dang brgyad rnams kyang / /mchod nas 'di ltar brjod par bya//rnam par snang mdzad bcom ldan 'das/ /rig sngags rgyal la phyag 'tshal lo/ /bdag la brtse bar gyur nas ni/ /slob ma rnams la brtse ba dang / /khyed rnams la yang mchod pa'i phyir/ /bcom ldan bdag ni gus pa la/ /de bas gnang ba mdzad par rigs/ / sangs rgyas 'jig rten mgon brtse dang / /byang chub sems dpa' dgra bcom dang / /gsang sngags lha gzhan gang bzhugs dang / /'jig rten skyong ba'i lha rnams dang / /gang yang 'byung po mthu chen dang / /gang du lha yi spyan mnga' ba/ /sems can bstan la dga' ba rnams//bdag la dgongs par mdzad du gsol/ /bdag ming 'di zhes bgyi ba yis/ /sang ni dkyil 'khor bzang po'i ming / /'di zhes bya ba ci nus kyis/ /cho ga bzhin du 'bri lags na/ /bdag dang slob mar bcas pa la/ / thugs ni brtse bar dgongs su gsol/ /tshogs pa thams cad dkyil 'khor du/ /byin gyis brlab par mdzad du gsol/ /zhes ni lan gsum brjod pa yis/ /lha rnams lhag par gnas pa'o/ /de nas 'og nas 'chad pa yi/ /bum pa mtshan nyid ldan pa dang //'bru la sogs pa thams cad dang / /bcas pa lhag par gnas par bya/ /gzhan yang sbyin sreg cho ga dang / /gtor ma shin tu rgya chen po/ /slob ma lhag par gnas pa dang / /rim pa bzhin du shes par bya/ /de la khrus byas gtsang ma yi/ / gos gon nas ni slob ma yis/ /thal mo me tog bcas pa dang / /phyag byas nas ni 'di skad brjod/ /dga' chen khyod bdag ston pa bas/ /slob dpon khyod ni dgongs su gsol/ /byang chub chen po'i tshul bstan pa/ /mgon po chen po bdag 'tshal lo/ / dam tshig de nyid stsal du gsol/ /sangs rgyas chos dang dge 'dun te/ /skyabs gsum dag kyang bdag la stsol/ /thar pa chen po'i grong mchog tu/ /mgon po bdag ni 'jug par 'tshal/ /bu tshur shog cig theg chen po/ /khyod ni tshul chen snod yin te/ / gsang sngags spyod pa'i cho ga 'di/ /khyod la yang dag bstan par bya/ /rdzogs pa'i sangs rgyas gang 'das dang / /de bzhin gang dag ma byon dang / /da ltar bzhugs pa'i mgon po rnams/ /'gro la phan phyir bzhugs pa dag /de dag kun gyis gsang sngags kyi//cho ga bzang po 'di mkhyen nas/ /dpa' bos byang chub shing drung du/ /thams cad mkhyen pa mnyam med brnyes/ /gsang sngags spyod pa mnyam med pa/ /skyob pa shAkya seng ge yis/ /bdud sde shin tu mi bzad pa/ /dpung chen dag kyang de yis bcom//de bas kun mkhyen thob bya'i phyir/ /bu yis blo gros 'di gyis shig /de nas cho ga'i yan lag kun/ /byas la byin gyis brlab pa dang / /mchod nas a shwat+tha sogs pa'i/ /so shing ku sha srung skud sbyin/ /rig sngags ldan pa'i srad bu ni/ /tshad dang ldan par bkal ba dang //phan tshun legs par bsgril ba yis/ /mkhas pas dkyil 'khor thig gdab bo/ /oM a n+yo n+ya a nu ga ta sarba d+harmAHs+pha ra s+pha ra a nu ga ta/ sarba d+harmAHad+yan+ta a nu pra bish+Ta sarba d+harmA hUM/ oM badzra sa ma ya sU tra ma ti kra ma hUM/ shar nub byang dang lho phyogs dang //mngon par bltas la tshangs thig gnyis/ /me dang gnod sbyin dbang ldan dang / /gshin rje mngon par phyogs pa dang / /rlung dang gshin rje bden bral dang / /gnod sbyin phyogs su kha bltas la/ /shar dang nub tu thig gdab bo/ / me dang bden bral srin po dang / /dbang po rlung dang dbang ldan dang / /rlung gi phyogs su kha bltas la/ /go rims bzhin du lho byang gi/ /thig gnyis de bzhin gdab par bya/ /slob dpon slob ma bskor phyogs su/ /'gro zhing me dang rlung mtshams dang / /bden bral dbang ldan mtshams su ni//gnas nas thig gnyis gdab par bya/ /gsar pa las ni bkal nas kyang / /tshad dang mthun par mdzad pa yi/ /thig ni mkhas pas ci nus kyis/ /dkyil 'khor gyi ni thig gdab bo/ /gru bzhir bya zhing sgo bzhi dang / /rta babs bzhi yis mdzes byas la//thig bzhi dang ni ldan gyur pa/ /dar dang me tog phreng bas brgyan/ /grwa yi phyogs ni thams cad dang / /sgo khyud kyi ni mtshams rnams su/ /rdo rje rin chen spras par ni/ /dkyil 'khor phyi rim thig gdab bo/ /de yi rim pa'i nang zhugs la//'khor lo 'dra ba'i rdo rje yi/ /thig gis yongs su bskor bya zhing / /ka ba brgyad kyis mdzes byas la/ /phyogs kun mnyam pa nyid dmigs la/ /shes rab can gyis thig gdab bo/ /shar dang nub dang byang dang lhor/ /thig bzhi btab pas dkyil 'khor brgyad//de ltar lung dang bla ma yi/ /gdams ngag dag la brten nas ni/ /cho ga ji lta ba bzhin du/ /dkyil 'khor chen po'i thig gdab bo/ /oM tsi tra sa ma ya hUM/ zhes ni lan gsum mngon bzlas pa'i/ /sngags dang phyag rgya bcas pa dang / /byin gyis brlabs nas tshon rtsi ni//cho ga bzhin du bri bar bya/ /sngon po rdo rje rtse rang bzhin/ /gnyis pa gser la dmigs pa ste/ /pad+ma rA ga'i rang bzhin gzhan/ /de bzhin gzhan ni margad 'dra/ /dkar po nang du shes bya ste/ /de ni tshon gyi rim pa bshad/ /shar phyogs su ni sngon po ste//lhor ni ser po dang ldan pa/ /nub kyi cha ni dmar po ste/ /byang ni ljang gur yang dag ldan/ /dbus kyi sa yi cha nyid ni/ /shel ltar dkar ba bla na med/ /rtag tu rdo rje dril 'chang zhing / /rab mnyam gzhag pa'i slob dpon gyis/ /lha rnams rang rang gnas su ni//gzugs dang phyag rgya sogs pa yi/ /kha dog dbyibs kyi dkyil 'khor gyis/ /bris nas sngon gsungs mchod pa rnams/ /rgya chen po yis mchod bya zhing / /gzhan yang zhal zas sna tshogs dang / /'dod yon lnga dang rin chen dang / / gos kyi bye brag sna tshogs dang / /rta dang glang po'i tshogs kyis mchod/ /mtshan nyid ldan pa'i bum pa rnams/ /mgrin par ras dkris tsu ta la/ /sogs pa lo mar bcas pa yi/ /shing gi kha rgyan rin chen dang / /'bru dang sman lnga dri zhim pa'i/ /spos chu me tog la sogs pas//rab tu bkang nas rang rigs kyi/ /mtshan mas mtshan nas bum pa la/ /rang rang rigs kyi lhar bskyed nas/ /ye shes sems dpa' gzhug pa dang / /mchod pa la sogs byin brlabs nas/ /cho ga bzhin du gnas par bya/ /'bras chan nas chan snum khur sogs//bza' ba shin tu rgya chen po/ /sngags dang phyag rgyas byin brlabs nas/ /gtor ma shin tu rgya chen gtang / /lha dang lha min gnod sbyin lto 'phye grul/ /nam mkha' lding dang 'dab bzangs lus srul po/ /dri za srin po gdon gyi rigs rnams dang //gang dag sa la gnas pa'i rdzu 'phrul can/ /bdag gis pus mo sa la btsugs nas su/ /thal sbyar khyed rnams la ni gsol 'debs kyis/ /bu smad bcas shing g.yog 'khor bcas pa rnams/ /gnas nas phan gdags slad nas 'dir spyon zhig /'byung po gang dag ri rab steng gnas dang / /dga' ba'i tshal dang lha yi gnas rnams dang / /shar nub ri dang nyi zla'i khyim rnams dang / /ri bo kun la gang dag gnas pa dang / /chu bo kun dang chu yi mdo rnams dang / /rin chen gnas na lhag par gang gnas dang //mtsho dang rdzing dang lteng ka chu ngogs dang / /g.ya' chu sil ma dag na gang gnas dang / /grong dang grong khyer phyugs lhas stong pa dang / /khang stong dag dang lha yi khang pa dang / /gtsug lag khang dang grong khyer gnas dag gam/ /dka' thub gnas dang glang chen bres dang ni//rgyal po'i dkor khang dag na gang gnas dang / /lam srang bzhi mdo dang ni 'dun sa dang / /gang dag lam po che dang shing gcig drung / /dur khrod chen po nags tshal chen po dang / /seng ge dred dang gcan gzan gnas rnams dang //'brog chen 'jigs su rung bar gang gnas dang / /gang dag gling mchog dag na gnas pa dang / /lhun po dur khrod dag na gnas pa rnams/ /rab tu dgyes shing go bar gyur nas su/ /phreng ba me tog dri dang bdug pa dang / /bstod dang gtor ma mar me gus phul bas//'di dag bzhes te btung zhing bsnams nas su/ /las 'di rnams kyi 'bras bu mchis par mdzod/ /shar phyogs rdo rje can de lha tshogs 'khor dang bcas/ /gtor ma phul ba 'di dag bzhes su gsol/ /me dang gshin rje bden bral srin po'i bdag//chu bdag rlung bdag nor gyi bdag po dang / /dbang ldan lha ste 'byung po'i bdag po dang / /steng gi nyi zla tshangs po chen po dang / /lha rnams kun dang gang dag sa steng klu/ /ri yi lha dang gsang ba'i tshogs 'dus pa/ /so so so sor gtor ma phul ba 'di//rab tu dgyes pa'i yid kyis bzhes nas kyang / /rang rang phyogs su legs par bzhugs nas su/ /rang gi bu smad mdza' bshes gnyen 'dun dang / /nang mi dmag dang dpung bcas thabs cig tu/ /me tog dri dang byug pa gtor mar bcas/ /'di dag btung zhing legs par gsol nas kyang //bdag gi las kyi 'bras bu mchis par mdzod/ /zhi dang rgyas dang dbang dang ni/ /mngon spyod kyi ni dbye ba yis/ /thab khung mchod rdzas rnal 'byor dang / /'dug stangs tshul bzhin shes par bya/ /de la re zhig zhi ba ni/ / sa gzhi dkar po thab khung ni/ /zlum po'i chur ni khru gang dang / /zabs su khru ni phyed kyi tshad/ /sor bzhi dor la dpangs su ni/ /sor bzhi stod la sor bzhi smad/ /phyi rol kun nas gru bzhi pa/ /cho ga bzhin du bri bar bya/ /u dum wA ra pa la sha/ /a mra p+lag sha kang smra rgya//a shwat+tha la sogs pa yi/ /yam shing sor ni bcu gnyis dang / /nas zho 'o ma 'bras yos dang / /til dang dUr ba ku sha sngo/ /sA lu 'bras chan me tog dkar/ /spos dang sbrang rtsi mar la sogs/ /srog chags med pa'i mchod sbyin shing / /dgon pa'i lci ba 'o ma shing //gos dkar gon nas snying rje'i sems/ /rnal 'byor pad+ma'i 'dug stangs so/ /rang gi sa bon las byung ba/ /las dang rjes mthun b+ha ba ka /rdo rje rtse gsum phreng ba dang / /dbyug pa gun+d+he 'dzin bsams nas/ /ye shes me lha dgug pa dang / / gzhug dang bcing dang dbang byas nas/ /phyag rgya bzhis gdab dbang bskur ba/ /oM rat+na a b+hi Shiny+tsa b+hasmi ku ru sarba/ de nas mchod yon sngon song ba'i/ /las dang rjes su mthun pa yi/ /mchod pa lnga dang sgeg mo sogs/ /gsang ba'i mchod pa rnams kyis mchod//de rjes gsang sngags 'di dag gis/ /mar gyi dgang blugs gsum phul nas/ /bgegs ni yod med brtag par bya/ /oM a na la ma hA b+hU ta dz+wa la ya sarba duSh+TA na hUM phaT/ 'bar ba'i me la yam shing ste/ /de nas mar dang de 'og til/ /de nas 'bras chan la sogs pa'o//cho ga 'di ni mdor bsdu ba'o/ /de nas me yi dbus nyid du/ /dkyil 'khor lha rnams dmigs pa dang / /ye shes sems dpa' bcug nas ni/ /mchod pa yongs su rgyas par bya/ /me la bsang gtor 'thor 'thung dang / /dgang blugs dang ni mchod pa dag /byas nas 'dod pa'i dngos grub phyir/ /gsol ba btab la gshegs su gsol/ /de nas dge bsnyen dge tshul dang / /dge slong sdom pa 'dzin pa yi/ /slob ma dag la cho ga bzhin/ /rim bzhin gzhug cing dbang bskur ro/ /stod g.yogs smad g.yogs ldan pa dang //lag na me tog bcas pa dang / /phyag 'tshal gsol ba gdab pa dang / /bshags pa la sogs byas nas ni/ /gtso bo bdag la sdom pa gsol/ /thub pa nyi ma ma lus pa/ /sangs rgyas bdag la dgongs su gsol/ / bdag ming 'di zhes bgyi ba ni/ /slob dpon dpang du gnas pa la/ /sangs rgyas rol mo las byung ba/ /mi ldog 'khor lo'i 'byor par ldan/ /thar pa chen po'i grong khyer mchog /gsang ba chen por 'jug par bgyi/ /gsang ba'i rigs mchog thams cad du/ / slob dpon chen po bdag 'jug mdzod/ /mi ldog pa yi dbang bskur ba/ /skal ba chen po bdag la stsol/ /mtshan rnams kun gyis rgyas btab cing / /dpe byad rnams dang yang dag ldan/ /sangs rgyas kun gyi yid 'ong ba/ /slob dpon chen po bdag la stsol/ / dbang bskur ba ni rmad byung che/ /sems can kun gyi don bgyid phyir/ /bdag ni rtag tu slob dpon 'gyur/ /slob dpon chen po bdag la stsol/ /che ge zhes bya 'di nyid ni/ /byang chub sems ni yongs 'dzin cing / /dam tshig sdom dang gsang ba yi/ /'khor lo 'di la gzhug par 'tshal//gsang ba chen po'i rigs dag pa'i/ /gsang ba yongs su 'dzin par ni/ /bdag nyid chen po khyed 'dod dam/ /'tshal zhes brjod la 'di skad ces/ /sangs rgyas chos dang dge 'dun te/ /dkon mchog gsum la skyabs su song //'di ni sangs rgyas rigs dag pa'i/ /dam tshig brtan par gyur pa'o/ /rdo rje dril bu'i phyag rgya yang / /blo chen khyod kyis gzung bar gyis/ /byang chub sems gang de rdo rje/ /shes rab dril bu zhes bshad do/ /slob dpon dag kyang gzung bar gyis/ /bla ma sangs rgyas kun dang mnyam//'di ni rdo rje'i rigs dag pa'i/ /sdom pa dam tshig yin par gsungs/ /rin chen rigs mchog chen po la/ /nyin dang mtshan mo lan gsum du/ /zang zing mi 'jigs chos dang byams/ /sbyin pa rnam bzhi rab tu sbyin/ /phyi nang gsang ba theg pa gsum//dam pa'i chos kyang gzung bar bgyi/ /'di ni pad+ma'i rigs dag pa'i/ /sdom pa dam tshig yin par gsungs/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar gyis/ /mchod pa'i las kyang ci nus bya//slob dpon 'dir ni bdag la gson/ /gtso bos ji ltar bka' stsal pa/ /de ltar bdag ni bgyid par 'tshal/ /ji ltar dus gsum mgon po rnams/ /byang chub tu ni nges mdzad pa'i/ /byang chub sems ni bla med pa/ /dam pa bdag gis bskyed par bgyi//la sogs tshig ni brjod nas ni/ /oM sarba yo ga tsit+ta ut+pA da yA mi/ /byang chub sems ni bla med pa/ /dam pa bdag gis bskyed bgyis nas/ /su ra ta sa ma ya s+t+waM ho badzra sid+d+hi ya thA su khaM/ /rdo rje lcags kyu sogs sngags kyis//dgug gzhug bcing dang dbang byas nas/ /deng khyod ces bya la sogs dang / /nam mkha'i snying po brjod par bya/ /rdo rje sems dpa' deng khyod kyi/ /snying la yang dag zhugs par 'gyur/ /gal te tshul 'di smras gyur na/ /de ma thag tu dral te gshegs/ / oM badzra u da ka Tha / de nas ye shes dbab pa dang / /me tog dor dang gdong g.yogs ni/ /bkrol nas dkyil 'khor bstan par bya/ /de nas chu dang cod pan dang / /rdo rje'i bdag po ming dang ni/ /brtul zhugs rjes gnang la sogs pa/ / cho ga bzhin du sbyin par bya/ /de nas slob dpon la ni yon/ /rjes su mthun par dbul byas la/ /dkyil 'khor lha yi 'khor lo rnams/ /ma lus par ni gshegs su gsol/ /lung dang bla ma dam pa rnams kyi gdams ngag rjes 'brangs nas/ /rgyud rnams kun gyi snying por gyur pa 'jam dpal mtshan brjod kyi//dkyil 'khor cho ga tshul bzhin byas las bdag gi dge ba ni/ /thob pa gang des 'gro kun 'jam dpal ye shes sems dpa'i zhal mthong shog /'phags pa 'jam dpal gyi mtshan yang dag par brjod pa'i dkyil 'khor gyi cho ga /