CLOSE WINDOW

D2619
བོད་ཡིག

/dus gsum du tshe don mtshan bya/ /rnam pa nyi shus byang chub pa'i sgrub thabs/ dpal ldan so ma shrIs mdzad pa rdzogs so// //rgya gar gyi mkhan po ma hA dz+nyA na dang / lo tsA ba gzhon nu 'od kyis bsgyur//[ ]@##/ /rgya gar skad du/ Ar+ya many+dzu shrI nA ma saM gI ti sA d+ha na nA ma/ bod skad du/ 'phags pa 'jam dpal kyi mtshan yang dag par brjod pa'i sgrub thabs zhes bya ba/ nyes pa thams cad sel bar byed pa'i 'phags pa 'jam dpal gzhon nur gyur pa la phyag 'tshal lo/ /gang phyir dpal dang de nyid kyi phyir byang chub dang //grol dang gang phyir don rtogs bsam pa ji lta bar/ /skye bo kun la rtag tu skyed par byed pa yi/ /dpal ldan 'jam dbyangs gang yin de la phyag 'tshal bstod/ /thams cad mkhyen pas bstod pa dang / /rgyal sras rnams kyis bkur ba dang / /lha rnams 'dod pa gang yin la//rtag par kun du bdag phyag 'tshal/ /mthong na sdig pa zhi bar byed pa dang / /reg na bde bskyed byed skyon med dang / /bsten la srid pa'i 'khrul spong dge ba yin/ /bshes gnyen zhabs la lus ngag yid kyis 'dud/ /zab pa'i snying po yon tan rin chen gter gyi mdzod//gang zhig bla ma mchog gis yun ring rgyas btab bzhag pa yi/ /mtshungs med sgrub thabs de 'dir bdag gis dbye bar bya/ /brtson 'grus mtha' med ston pa'i rgya mtsho yi/ /grangs med pa yi grangs las 'das pa yi/ /bskal bar bsgrubs nas rgyal bas pha rol du//phyin nas de 'dir rab tu bshad pa'ang yin/ /dngos grub bkra shis kun gyi khang chen 'di/ /'jam dbyangs sgrub thabs 'di ni sangs rgyas kun gyi nor/ /gzugs med chos kying gzugs dang ldan pa nyid ston pa/ /gang de 'khrul pa kun gyi sman chen gcig pu yin//'di yis bskyed pa'i rin chen ni/ /tshogs gnyis gzi brjid ldan pa yi/ /dge ba'i bshes gnyen mig gis ni/ /bltas pa'i skye med chos nyid do/ /byang chub sems dpa' yun ring du/ /goms pa yid la 'dod pa yi/ /yal ga thabs shes bya ba 'di//'bras bu bde ba ster ba yin/ /thabs dang shes rab ldan par ni/ /sangs rgyas kun gyis gang gsungs pa/ /bla ma bsten pa'i rim pa yis/ /de 'dir dngos su myong ba yin/ /'khrul pa yang dag spangs pas na/ /rnal 'byor shes rab pha rol 'gro//'di 'dra'i phyag rgya chen po yi/ /bdud rtsi'i ro mchog myong bar byed/ /'khor ba dang ni mya ngan 'das/ /'di dag rnam par dpyad pa na/ /'di yi snying po cung zad kyang / /bde bar gshegs pas ma gzigs so/ /snying po las kyang snying po che/ /shin tu phul du byung ba ste//'di ltar cher 'os sna tshogs pa'i/ /bde ba ster bar bshad pa'ang yin/ /de 'dir las dang po dag ni/ /ji ltar yang ni nyams gyur kyang / /de las ngan song med bde ba/ /khams gsum rgyal po gtso bor gyur/ /rnam kun shin tu zab pa dang / /rnam kun rnam par dag pa ster//rnam kun bdud rtsi 'dzag pa dang / /rnam pa kun gyi don chen byed/ /rnam kun mngon par byang chub dang / /rnam pa kun gyi bla med pa'i/ /rnam pa kun mkhyen ye shes ni/ /lhan skyes shin tu 'od gsal ba/ /de 'dra'i dkyil 'khor 'khor lo'i bdag//da ni yang dag gsal bar bya/ /bshes gnyen dam pa bsten pa las/ /rjes gnang thob par rang nyid ni/ /shes rab bdud rtsi'i rgyun dag gis/ /yid kyi dri ma 'khrud pa yin/ /chos rnams thams cad stong pa'i phyir/ /bdag 'dzin shes rab ldan na yang / /srog las lhag pa'i sems can rnams//mthong ba'i sgrub pa po dag yin/ /rang gi dam bcas rjes zhugs pa/ /dri med dad pa rgyan yid kyis/ /dga' bas phun tshogs dang por ni/ /mtshan ma'i skyil krung bcas nas su/ /sna yi rtse mo drang po la/ /mig gtad nas ni yid brtan bya//lus drang ba dang dran pa dang / /shes rab bsam gtan phyag rgyar ldan/ /dang por stong pa'i zla tshes bcas/ /rang gi mtshan gyi yi ge gnas/ /snying gar paM skyes pad+ma dang / /gzugs brnyan de dbus rnam par lta/ /ye shes dag pa'i nam mkha' la/ / sangs rgyas kyis gang bltas nas ni/ /de mthong mngon gsal dad pa yis/ /snying po pad+ma rgyas gnas las/ /yid tshim pa yi lus kyi ni/ /dpal las yang dag byung ba yi/ /'jam dpal bdag nyid chen po yi/ /gus pas glu ni len pa yi/ /sna tshogs lha mo rnam sprul zhing //mchod pa'i sprin ni rnam spros la/ /sangs rgyas sras dang bla ma rnams/ /de yis ma lus mchod byas nas/ /bdag gzhan sdig pa thams cad ni/ /bshags pa'i me yis bsreg par bya/ /rjes yi rang bas de nyid shes/ /bsod nams thams cad bdag gis 'gyur//dkon mchog gsum la skyabs song bas/ /de 'dir gang las 'jigs pa 'byung / /byang chub sems ni bskyed pa las/ /rin chen sems 'dra sems can la'o/ /rgyal ba'i bdag nyid lam gnas pas/ /rang dgar spyod dang thar pa yin/ /smon lam dag ni yang nas yang //ston pas de dngos len par bya/ /rang bzhin mi dmigs pa yis ni/ /stong nyid rgyu dang bral ba las/ /mtshan ma med pa de nas ni/ /gsal bar smon pa spangs pa'o/ /de ltar bsgom pas brten pa ni/ /de nyid rgya mtshor 'jug pa yin/ /rang bzhin gnyis med ye shes kyi//rang bzhin rnam par bltas nas ni/ /sngags kyis 'di ltar brtan par bya/ /bsod nams rgya mtsho 'phel ba yis/ /sangs rgyas kun gyis legs bltas pas/ /dpag med mthu ni 'phel bar 'gyur/ /oM ma hA sarba pA paM kA ye kaM bAka tse ka ma na sad+b+hU taM ra ga d+hi sha mU ha da ma da ma na a b+hi shri ta/yaM krit+taM/ tat+t+ri ka le kaM hUM hUM hUM hUM phaT phaT phaT phaT/ sarba pA paM s+pho Ta ya me swA hA/ oM sarba pA paM pra hi d+hi na ye me swA hA/ oM sarba ta thA ga ta nA mAt+ma b+ha ba nir+ya tA yA mi/ /sarba ta thA ga ta pra ti gr-ih+naM swa mi maM swA hA/ oM sarba ta thA ga ta puN+ya dz+nyA na saM b+ha ra a nu mu da ye swA hA/oM sarba ta thA ga ta sa man+ta b+ha dra ma hA badzra sa ma yaM ma hA bo d+hi tsi t+to ta pA daM u t+pA da yA me swA hA/ oM sarba ta thA ga ta sha na sa t+ya saM sarba sa twA nAM/ sarba sid+d+h+ya saM sa d+yan ti sarba ta thA ga tash+tsa a a de sha na ti/ oM swa b+hA ba shud+d+haHsarba d+harmAHswA b+hA ba shud+d+ho haM/ oM shUn+ya tA dz+nyA na badzra swA b+hA ba At+ma kou0f85haM/ oM 'jig rten 'das pa'i bde myang dang / /sdug bsngal rtsa ba mi mnyam med/ /dga' ba 'o ma rgya mtsho'i rlabs/ /thams cad btang snyoms 'od gsal ba'i/ /tshangs pa'i gnas bzhi la gnas pas/ /bya ba byas pa bla med de/ / de nas mthong ba'i lam byon pa'i/ /sangs rgyas de yi rjes bzung ba/ /bu yis byang chub 'thob par ni/ /gyis la sogs pa gdams ngag yin/ /dad pa brtan pa'i shugs kyis ni/ /phyag 'tshal gsol ba gdab pa'ang bya/ /mgon po gang gi lam zhugs pa/ /bdag la rjes su gnang bar mdzad//oM sarba ta thA ga ta kA ya bAka tsit+ta/ pra Na me na badzra ban+da naM ka ro mi/ zhes phyag 'tshal ba'i sngags so/ /rang bzhin grub pa'i sngags 'di ni/ /ci dgar bzlas pa lta bar gyis/ /phung po khams dang skye mched sogs/ /gzung dang 'dzin pa rnam spangs pa'i//rang bzhin mya ngan 'das pa yi/ /rang sems zhes ni nges gsungs so/ /phyag rgya dang po'i sems dag la/ /so sor rtog pa byed bdag yin/ /'dir ni sngags 'dis mthong ba dang / /de mthong zhes ni gsol ba dang / /bla ma de yis slar gsungs pa//zla ba'i gzugs su rnam par ltos/ /de 'dir snying rje'i sems kyis ni/ /dmigs pa med par byas nas ni/ /dngos dang dngos med rnam rtog gi/ /mun sel shin tu 'od gsal ba'o/ /rang gis nyams myong dga' mthong nas/ /rang gzhan don ni gsal ba yin//khyod kyi mthu yis mthong ngo zhes/ /de yis slar yang gsol ba dang / /de yis brtan par gyis gsungs nas/ /rjes su brtan pa pha rol 'gro/ /oM dz+nyA na raSh+me bi sre dza hUM/ rnam pa lnga yi 'od zer ni/ /phyogs rnams kun du spro ba yis/ / 'dod chags sems can kun gyi ni/ /mi bzad sdug bsngal bsregs nas ni/ /rnal 'byor pa yis de dag kun/ /sangs rgyas nyid bkod gcig gyur las/ /de yis rdo rje rtogs pa yin/ /oM tiSh+Tha badzra/ oM s+pha ra Na badzra/ oM saM hA ra na badzra/ oM dz+nyA na badzra/ oM sarba ta thA ga ta dz+nyA na badzra/ rdo rje dbyings zhes yang dang yang / /sangs rgyas kun gyi thugs rje yis/ /rang bzhin bdag nyid dbang bskur ro/ /oM badzra At+ma kou0f85haM/ zhes ni yang dag par ni brjod par bya/ /brtse ldan 'gro la phan pa dag /gyur phyir byin gyis brlab tu gsol//zhes ni gsol gdab skad cig la/ /de dag rab tu zhugs nas ni/ /de yi bdag nyid rang nyid gyur/ /oM ya thA sarba ta thA ga ta ta thA a haM/ rdo rje rin chen sogs mnyam nyid/ /rnam pa kun du 'od gsal ba/ /chos kyi rgyal po dpal 'byung ba'i/ /dang po'i sangs rgyas zhes bstod do//de las sangs rgyas kun bdag nyid/ /'gro ba sad pa'i brtul zhugs yin/ /dang por snod kyi 'jig rten ni/ /rnam par dag par bya ba ni/ /gang la mngon par byang chub pa/ /'di rnams gus pa'i gnas min te/ /de ni gzhan don bla med pa//rgyal ba gcig pu ngo mtshar che/ /'bar ba'i hUM gi rnam pa yis/ /bdud kyi cho 'phrul sreg par byed/ /'bar ba'i phreng bas khyab pa ru/ /bltas nas phyogs rnams kun du ni/ /de yi rdo rje ra ba bsam/ /yi ge hUM gi dbus gnas la/ /yaM baM raM/ sa bon gsum las byung ba yi//rlung dang chu me'i dkyil 'khor rnams/ /de nyid rigs pas blta bar bya/ /mkha' la b+h+rUM yig las byung ba'i/ /rtag pa'i yan lag las byung ba'i/ /bdud rtsi sprin rgyun yongs gang bas/ /snod ni de yi bdag nyid 'gyur/ /hUM gnyis dbus su b+h+rUM yig las//sku yi rdo rje yang dag byung / /gnas pa mkhrang bar gyur pa las/ /gser gyi dkyil 'khor nyid du 'gyur/ /hUM gi yi ge de gnyis la/ /suM las byung ba'i lhun po ste/ /de ru b+h+rUM yig las byung ba'i/ /dpal ldan gzhal yas khang brtsegs bsam//bla re dra ba dpyangs pa dang / /rin chen ka ba 'od zer dang / /rta babs khyams dang ldan pa yin/ /'khor ba thog ma med pa nas/ /gdung ba chen po zhi ba'i phyir/ /zla ba dkar ltar mdzes pa yi/ /me tog phreng ba dpyangs pa'i tshogs/ /phyogs rnams kun du gzhag pa yin//dam chos zab mo'i sgra sgrogs pa/ /seng ge'i kha na rin po che'i/ /phreng ba'i sprin ni nges 'byung bas/ /brgya byin mtshon cha rnams brtsegs pa'i/ /tshon rtsi rnam lnga sar pa yis/ /phyogs bcur 'khor bar bskor ba yin/ /mdzes pa'i yan lag dang ldan pa'i//g.yer kha dag las yang dag par/ /dam pa chos kyi sgra dag ni/ /khyad par du ni sgrogs pa yin/ /stegs bu gar gyi lha mo mchog/ /tshogs nas glu ni yang dag len/ /dad ldan lha mo'i mchog rnams ni/ /phyi rol gnas la rnam gnas nas//'gro dang 'ong bar byed pa dang / /lha yi me tog phreng 'dzin pa'i/ /mdzes pa'i mchod pa rgyas par byed/ /gang yang phyogs kun spros pa las/ /shin tu mi bzad 'khyud pa yis/ /dar dpyangs sor mo 'khor ba yin/ /nyi ma'i mdog ltar snang ba yi//dpag med rgyal mtshan sna tshogs pa'i/ /gar byed mchog gi phyag bzhin no/ /kun du 'gro ba'i kun bdag nyid/ /thub pa chen po rnams kyi ni/ /gang du mdzad pa thams cad dag /grangs med mtshungs pa med pa ni/ /rnam dbye rin chen snang ba yi/ /de ni chos dbyings dkyil 'khor ro//hrIHlas sna tshogs mtsho skyes 'di/ /dbus su nyi ma gnas par lta/ /gang gi ge sar rdul gyi phyogs/ /btso ma gser gyi mdog bzhin mdzes/ /phyogs brgyad dag gi 'dab ma la/ /a yig gnyis kyi dbus gnas pa/ /siM las seng ge de yi sgra//bdud kyi glang po 'bros par byed/ /de yi lte bar ri rab las/ /nyi ma'i dbus su maM 'od kyis/ /sems can byang chub la bkod nas/ /de bzhin gshegs kun bsdu bar bya/ /de las byung ba'i sdug bsngal gcod/ /rtog pa'i dra ba 'joms pa'i 'od//stong nyid shes rtse rdo rje dang / /ral gri'i chu la 'khor lo snang / /de las spros pa'i 'jam pa'i dpal/ /zla rgyas 'od kyis rig pa bsdu/ /gzhon nu 'os pa bla med pa/ /gang 'di dpal rnams spro bas bsten/ /mgul rgyan dang ni dpung rgyan dang //rna rgyan dang ni lag gdub sogs/ /rgyan de rnams kyis rab tu brgyan/ /de ni byang chub snying po yin/ /de las byung ba'i 'od zer gyis/ /'khor ba'i 'ching ba sreg pa dang / /yon tan rgya chen rgyun rgyas pa'i/ /gzhon nu'i sku mdzes legs pa'i dpal/ / mtshan dang dpe byad brgyan pa yi/ /de ltar rab tu snang ba yin/ /ji ltar rang bzhin dag pa yi/ /yid kyi rgya mtsho'i gnas de ru/ /sbyin pa la sogs rin chen tshogs/ /thugs rje'i yon tan chu bzhin no/ /rdo rje'i skyil krung zhabs gnyis kyis/ /pad gsal 'khor lo'i mtshan ma las//byung ba'i 'od zer 'bar ba'i tshogs/ /mun pa ma lus 'joms pa'o/ /rin chen mdzes pa'i ska rags la/ /lte ba zab pa 'phro ba dang / /sku las rgyas pa sna tshogs pa'i/ /lha mo de ru gsal bar snang / /gang gi brang ni mthon mthing gi/ / 'od kyis sna tshogs do shal ldan/ /byang chub yon tan phun tshogs pa'i/ /lha mo zur bltas khra bo bzhin/ /phyag gi gdu bu sor gdub bzhin/ /ri rgyal dpag bsam shing bzhin du/ /gang yang chos kyi phyag rgyar ldan/ /mda' gzhus mtshan pa'i chos dbyings so/ / g.yas kyi phyag gis ral gri dang / /rdo rje bsnams pas bdud sde 'joms/ /g.yon gyi phyag gnyis dril bu dang / /rin chen pusti bsnams pa yin/ /'jig rten 'das dga' zla de nyid/ /bdud rtsi pad rgyas lta bu bzhin/ /g.yas g.yon steng zhal ser sngon po/ / dmar po phyogs bzhir gsal ba yi/ /rdo rje pad phreng sangs rgyas lnga'i/ /rin chen 'od 'bar dbu la brgyan/ /lha mo byang chub me tog sogs/ /mchod pas mdog sngon gtsug phud lnga/ /dpral bar mnyam pa'i thig les brgyan/ /smin ma sdong bu ut+pal mig /dpe med rol pa sna tshogs te/ /zhal ni pad+ma rgyas pa bzhin/ /mchu ni bim pa lta bur dmar/ /bzhad pa mu tig ltar dkar ba/ /mdzes pa rnam par bsam par bya/ /brtse bas sems can thams cad kyi/ /phyin ci log ni nyer zhi ba'i/ /chos dbyings gnas pa'i sku de ni//de bzhin nyid la legs par bzhugs/ /mkha' la sprin med bdud rtsi ni/ /'dzag pa pad+ma rgyas pa bzhin/ /rnam pa kun gyi mchog ldan pa/ /de 'dir sangs rgyas gang yin no/ /sngags kyang 'di ru bzlas byas te/ /oM d+harma d+hA tu swa b+hA ba At+ma kou0f85haM/zhes so/ /rdo rje 'ching ba bsgrengs nas ni/ /ral gri bsnams par 'dzin pa yin/ /gsum pa nyid kyis tshigs dag gis/ /dbus ma gnyis ni gsum pa dang / /mthe bong gnyis ni brkyang ba dang / /sor mo dag ni bskums pa'o/ /'khor lo mgon po'i phyag rgya ni//don grub pa yi mchog yin no/ /'khor lo'i rgyal po gsang sngags rgyal/ /lugs las bzlog pa bris pa yin/ /a b+ha gar na dz+nyA tu d+hA rma d+ha/ d+ha shu da ri pa su la ma a na ga ga/ /rmAd+ha rbas tsa bA hA ma ra shwa gI bA/ ti mU ra na dz+nyA/ bAn ga b+ha/ hrIHhUM oM/ ra ha ra ha/ ya da hr-i/ ta thA ga ta rbas/ a a ti ye dA pA mu ta d+hi shud ri pa shrI ny+dzu ma/ ya kA na dz+nyA/ ta thA ga ta rbas/ ta du ya rmAd+ha rbas d+ha shud ri pa/ ti kr-i pra/ aHaM A a/ k+ShutsarmA d+ha/ d+ha shud bi/ ba b+hA swa/ ba b+hA a/ rmAd+ha rbas oM/ gzhan kun yi ge gsum nyid kyis//dkyil 'khor pa kun spro ba'am/ /kun gyi thun mong yin pa'i phyir/ /so sor nges pa nyid kyis so/ /dang por phyag 'tshal tha ma hrIH/ /cha bzhi dbus su gnas pa dang / /yi ge gsum sngags thams cad kyis/ /bdag po nyid du gnas pa yin/ / de la go rims ji bzhin du/ /shar dang lho dang nub dang byang dang / me dang bden bral dang / rlung dang dbang ldan gyi phyogs dang mtshams su'am/ phyogs bzhi'i rdo rje 'khor los sgyur ba dang / rin chen 'khor los sgyur ba dang / pad+ma'i 'khor los sgyur ba dang /las kyi 'khor los sgyur ba dang / phyag rgya chen po'i 'khor los sgyur ba dang / dam tshig gi phyag rgya'i 'khor los sgyur ba dang / chos kyi phyag rgya'i 'khor los sgyur ba dang / las kyi phyag rgya'i 'khor los sgyur ba dang brgyad do/ /gzhan dag ni/gtsug tor chen po'i yi ge gcig/ /shar gyi 'dab mar yang dag bri/ /gtsug tor gdugs ni dkar po yang / /nub kyi phyogs su dgod par bya/ /gzi brjid phung po lho phyogs su/ /gtsug tor rnam rgyal byang phyogs su/ /rnam par 'thor ba dbang ldan phyogs//me yi phyogs su gyen 'byung po/ /gyen 'byung chen po bden bral phyogs/ /rgyal ba rnam rgyal phyogs su dgod/ /g.yas kyi phyag gis 'khor lo bsnams shing de las gzhan/ /sgeg pa dang bcas rang gi mdun la reg par mdzad/ /seng ge'i gdan la nyi dkyil rdo rje skyil krung ni//bcings bzhugs rin chen cod pan btso ma gser mdog 'dra/ /go rims bzhin du 'di rnams kyi sngags ni/ oM b+hUM/ oM maM maM maM maM hUM ni/ oM u dzur she swa hA/ oM bi dzA ya swa hA/ oM kri sha ni hUM phaT/ oM dz+wa la dz+wa la/ dib bya dib bya/ u ga tuSh+Na/ du na du na hUM/ oM tri ban+d+ha hUM/ oM dz+wa lo Sh+NI Sha dz+wa la dz+wa la ban+d+ha da ma da ma/ du ma du ma/ ha na ha na hUM/ de la 'khor lo dbang phyug sku yis ni/ /'khor lo 'di dag mdzes par snang ba yin/ /rang gdan mtsho skyes ji ltar 'dab ma las/ /de yi ge sar de yang snang ba yin//hUM yig gnyis kyi dbus gnas pa'i/ /gaM yig dag las glang po'i gdan/ /hUM las byung ba sngon po'i mdog/ /mi bskyod rdo rje'i zhal dag ni/ /bzhi dang nyis 'gyur phyag rnams dang / /khro dang sgeg pa'i nyams dang ldan/ /mche ba cung zad gtsigs pa ste//'khor lo'i shar gyi phyogs su bsgom/ /g.yas dang g.yon dang steng gnas pa'i/ /bstan pa zla ba'i zhal dang ni/ /ljang dang ser po rim bzhin no/ /g.yas kyis ral gri rdo rje dang / /mda' dang lcags kyu bsnams pa yin/ /g.yon pa sdigs mdzub bcas dril bu//gzhu dang zhags pa rang las kyis/ /khyab pa'i 'od zer tshogs kyis ni/ /phyogs kun gyi ni gdug pa 'joms/ /trAM yig gnyis kyi dbus gnas pa'i/ /paM yig dag las rta yi gdan/ /rin chen 'byung ldan gser gyi mdog/ lho yi phyogs su bsgom par bya/ /g.yas dang cig shos steng gi zhal/ /nag dang dkar po dmar po yi/ /trAM yig las byung 'od zer tshogs/ /g.yas kyi dang po dag la ni/ /nor bu'i rgyal mtshan bsgom bya ste/ /mi bskyod phyag brgyad las khyad yin/ /hI+uHgnyis dbus na shin tu gsal ba yi//maM las byung ba rma bya'i gdan gnas pa/ /hrIHlas byung ba pad+ma rA ga yi/ /'od kyis phyogs rnams snang bar byed pa yin/ /nub tu tshe dpag med mgon blta/ /khyad par rin chen rdo rje dang / /steng zhal ser po sku mdog dmar/ / phyag g.yon dang po pad+ma bsnams/ /a yig gnyis kyi dbus gnas pa'i/ /gaM yig las byung mkha' lding gdan/ /a las byung ba'i don yod grub/ /sku mdog ljang gu byang du bsgom/ /phyag gnyis mi bskyod bzhin du blta/ /g.yas dang cig shos steng gi zhal//mche ba gtsigs shing ser ba dang / /dkar dang dmar zhal pad+ma yis/ /dpa' dang ngo mtshar zhi ba dang / /sgeg pa la sogs nyams kyis gnas/ /pad steng nyi ma'i dkyil 'khor la/ /rdo rje'i skyil krung gis legs bzhugs/ /rin chen cod pan snang ba yis//phyogs kun snang bar byed pa yin/ /'di rnams so so'i gtso bo yi/ /rjes su 'brangs nas phyogs su bzhugs/ /rdo rje sems sogs bsgom bya ba/ /rang 'dod nam mkhar snang ba yin/ /pad+ma nyi mar sems dpa' yi/ /dkyil 'khor gyis bzhugs mchog gis brgyan//de la mi bskyod dkyil 'khor du/ /rdo rje sems dpa' dkar por blta/ /g.yon gyis dril bu dkur brten cing / /g.yas kyis thugs kar rdo rje gsor/ /rdo rje rgyal po gser gyi mdog/ /lcags kyus bdud la 'debs pa yin//rdo rje chags pa sku mdog dmar/ /mda' gzhu mchog ni bsnams pa yin/ /rdo rje legs pa sku mdog ljang / /phyag gnyis legs pa sbyin pa'o/ /rin chen 'byung ldan dkyil 'khor du/ /rdo rje rin chen sogs bsgoms pa'ang / /rdo rje rin chen sku mdog ser/ /phyag gnyis dar dpyangs 'ching ba'am//rin chen dril bu bsnams pa'o/ /rin chen nyi ma mdog ser po/ /snying gar nyi ma bsten pa'o/ /rdo rje rgyal mtshan sku mdog ljang / /rin chen rgyal mtshan bsnams pa'o/ /rdo rje bzhad pa sku mdog dkar/ /phyag gnyis so yi phreng ba 'dzin/ /snang ba mtha' yas dkyil 'khor du//rdo rje chos sogs bsgom par bya/ /rdo rje chos ni sku mdog dmar/ /phyag g.yon pad+ma bsnams ni/ /g.yas pas 'byed par mdzad pa yin/ /rdo rje rnon po gur gum mdog /phyag g.yon thugs kar pu sti dang / /g.yas kyis shes rab ral gri bsnams//rdo rje rgyu ni gser gyi mdog /chos kyi 'khor lo bstan pa yin/ /rdo rje smra ba dmar la ljang / /lce yi phyag rgya bsnams pa dang / /g.yas kyis chos kyi dung sgrogs pa'o/ /yang na gdan la brten pa'o/ /don yod grub pa'i dkyil 'khor du//rdo rje la sogs rgyal ba rnams/ /rdo rje las ni sku mdog ljang / /phyag gnyis rdo rje dril bsnams nas/ /de yi steng du gar mchog mdzad/ /rdo rje bsrung ba gser gyi mdog /rdo rje 'bar ba'i cho ga bsnams/ /rdo rje gnod sbyin sku mdog gnag /phyag gnyis mche ba bsnams nas ni//gdug pa rnams ni 'jigs par byed/ /rdo rje khu tshur dung gi mdog /rdo rje khu tshur 'ching ba'o/ /'di rnams rim bzhin sa bon ni/ /a dza ho sa oM oM tAM ha hi daM maM raM/ kaM haM hUM baM/ dkyil 'khor bzhi po 'di dag tu/ /mkhas pas sems dpa' bcu drug bsgom//'gro ba'i dbang phyug 'di thob pas/ /skad cig tsam gyis 'khrul pa sel/ /phyogs bzhi dag tu sems ma sogs/ /rgyan de dag las byung ba'i sgras/ /phyogs kun snang bar byed pa yin/ /de la rdo rje sems ma ni/ /'jam dpal bzhin du shes par bya//rin chen sems ma mi bskyod bzhin/ /chos ma snang ba mtha' yas bzhin/ /las kyi sems ma don grub bzhin/ /laM maM baM taM/ kun la chos kyi gter chen 'byung ba 'thon pa'o/ /nu ma gnyis la nor bu'i do shal gsal bas bya/ /'di ltar snying gi pad+mar gnas pa 'dir//rgyal ba'i byang chub sems kyi mu tig rgyan/ /zab mo'i chos sgrogs zab pa lta bur gyur pa yi/ /ska rags sil sil nang nas snang ba ni/ /rgyal ba'i bdag nyid 'khor lo ni/ /snang bas de rnams dpag tu med par 'gyur/ /rdo rje lcags kyu dkar la dmar//g.yas brkyang pa yi gnas bzhugs pa/ /shar sgo g.yas dang g.yon gyi ni/ /lcags kyu bsgrengs nas gnas pa yin/ /lho sgor rdo rje zhags pa ni/ /sku mdog ser po rjes dran bya/ /g.yas brkyang pa yis gnas pa de'i/ /zhags pas 'gugs shing 'dul ba yin//nub sgor rdo rje lcags sgrog ni/ /sku mdog dmar po 'jigs byed pa/ /sa ga'i 'dug stangs bzhugs pa dang / /phyag gnyis rdo rje lcags sgrog bsdams/ /byang sgor rdo rje dril bu ni/ /sku mdog ljang gu dang ldan pa/ /dril bu'i sgra yis bdud rnams 'joms//zlum po'i 'dug stangs su bzhugs pa/ /rdo rje 'bebs pa zhes grags te/ /pad+ma nyi dkyil dbus gnas pa/ /nyi ma bye ba'i 'od pas lhag /dzaHhUM baM hoHzhes bya ba'i/ /'phro ba'i sa bon bla med pa'o/ /sbyin dang tshul khrims bzod brtson 'grus//bsam gtan de bzhin shes rab dang / /stobs dang de bzhin thabs dang ni/ /smon lam ye shes zhes bya ba/ /'bras bu'i gnas kyi pha rol phyin/ /rdo rje dril bu yang dag ldan/ /mdog dkar rdo rje sems dpa' yi/ /'khor du de dag gnas pa yin//de nyid rnam par dag ngo bor/ /mda' dang gzhu yis rnam brgyan pa/ mdog dmar rdo rje chags pa ni/ /thams cad dkyil 'khor yongs su bskor/ /gzhan don ngo bor gnas de nyid/ /phyag gnyis legs so sbyin pa dang / /sku mdog ljang gu 'khor rnams kyis//rdo rje legs par bskor ba'o/ /rab tu dga' dang dri ma med/ /gsum pa de bzhin 'od byed dang / /'od 'phro sbyang dka' de bzhin du/ /mngon gyur ring song mi g.yo ba/ /legs pa'i blo gros chos kyi sprin/ /sku mdog ser mo 'bras bdag nyid//dar dpyangs 'ching ba'i tshul gnas pa/ /rdo rje rin chen 'khor du gnas/ /de nyid lam gyi grangs kyis ni/ /nyi ma'i mdog can nyi ma bsnams/ /rdo rje nyi ma nyid bzhin du/ /rjes su byed par gnas pa yin/ /sdug bsngal dang ni kun 'byung dang / /'gog dang lam yang de bzhin du//chos shes rjes su shes pa dang / /kun rdzob shes dang de bzhin du/ /don dam de bzhin mi skye ba/ /zad pa shes pa'i ye shes ni/ /rang don phun sum tshogs dge ba'i/ /rin chen rgyal mtshan bsnams pa dang / /mdog ljang rdo rje rgyal mtshan gyi//phun sum tshogs par bsgom par bya/ /gzhan don phun tshogs bdag nyid kyi/ /de bzhin zla ba'i 'od zer mdog /rdo rje bzhad pa la brten pa/ /so yi phreng bas rnam par brgyan/ /phung po khams dang skye mched dang / /bden pa rten 'brel thub pa yi/ / gnas dang gnas min bdag po dang / /dus gsum bden pa rnam pa bzhi/ /'dus byas 'dus ma byas dge ba/ /rdo rje chos kyis bsgom par bya/ /mdog dmar phyag g.yon pad+ma ni/ /bsnams nas g.yas pas 'byed par mdzad/ /gcig dang rgyu dang za ba dang / / byed pa dang ni dbang sgyur dang / /bdag po'i don dang rtag pa dang / /nyon mongs pa dang dag pa'i gnas/ /rnal 'byor can dang ma grol grol/ /bdag tu 'dzin pa skye ba nyid/ /de dag gcod pa sku mdog gnag/ /phyag na pusti bsnams pa dang / /nyon mongs gcod pa'i ral gri bsnams//rdo rje rnon po zhes brjod do/ /dad dang brtson 'grus dran bsam gtan/ /shes rab de bzhin sha yi spyan/ /lha dang shes rab chos dang ni/ /sangs rgyas spyan dang dbang po yi/ /rdo rje 'khor lo sku mdog ser/ /lha mo 'khor lo bsnams pas bskor//gnas dang gnas min rnam smin dang / /mos pa dang ni sna tshogs khams/ /dbang po kun 'gro lam dag dang / /nyon mongs rnam par byang ba dang / /sngon gnas rjes dran skye 'chi dang / /zag pa zad pa nyid kyang ste/ /rdo rje smra ba zangs kyi mdog /phyag gis lce bsnams 'khor gyis bskor//nam mkha' rnam shes mtha' yas dang / /de las gzhan pa zil gnon brgyad/ /rdo rje las ni sku mdog ljang / /sna tshogs rdo rje dril bu bsnams/ /'byung ba rnam pa bzhi dag dang / /sngon po ser po dkar dmar dang / /nam mkha' de bzhin sems dang ni//zad par rnam par dag ldan pa'i/ /bsrung ba ser po go cha bsnams/ /rtsa ba'i mtshan nyid de kho na/ /phyin ci ma log mtshan nyid dang / /'bras bu rgyu yi de kho na/ /phra ba dang ni rags pa dang / /grags pa rnam par dag yul dang / /bsdu dang dbye ba'i mtshan nyid dang //mkhas de kho na rnam bcu ni/ /rdo rje gnod sbyin sku mdog gnag /phyag gnyis mche ba bsnams pa'o/ /tshe dang sems dang yo byad dang / /las dang skye ba mos pa dang / /smon lam dang ni rdzu 'phrul dang / /ye shes chos la dbang 'di rnams//rdo rje khu tshur sku mdog dkar/ /phyag gnyis khu tshur bsnams pa'o/ /so so'i gtso bo'i sngags kyis bskyed/ /rang rang sngags kyi mchod pa dang / /rdo rje skyil krung phyed kyis ni/ /'di dag rim bzhin gnas pa yin/ /'di ltar bsgom pa'i rnal 'byor pa//yon tan phun sum tshogs pa ni/ /'di skad gsungs pa bzhin du thob/ /dngos grub gzhan ni smos ci dgos/ /me mtshams sgeg mo sku mdog dkar/ /phyag gnyis rdo rje bsnams nas ni/ /sgeg dang bcas pas dkur brten nas/ /bskal bzang thams cad 'byung ba'i gnas//bden bral rdo rje phreng ba ma/ /mdog ser rin chen phreng ba bsnams/ /rlung du glu ma sku mdog dmar/ /pi wang brdung ba'i mchog yin no/ /dbang ldan gar ma rdo rje ni/ /rtse gcig bsnams nas gar mdzad do/ / bdug pa me tog mar me dri/ /spos khang me tog phreng ba dang / /mar me dri yi dung chos bsnams/ /sku mdog sgeg mo la sogs bzhin/ /de yi phyi rol dkyil 'khor du/ /sems can kun don byed bdag nyid/ /dpag med gzi brjid rnyed dka' ba'i/ /gang 'di byang chub sems dpa' rnams//sku lus mdzes shing nyer zhi ba/ /phyag gnyis pa la zhal gcig pa/ /pad+ma zla ba'i dbus su ni/ /sems dpa'i skyil krung gis legs bzhugs/ /mgon po byams pa la sogs pa/ /rin chen cod pan snang bar bsgom/ / de la byams pa phyag g.yas kyis/ /mchod sbyin dpung rgyan mdzes pa dang / /gnyis pa phyag gnyis klu shing ni/ /mdzes pa yang dag bsnams pa yin/ /'jam dbyangs phyag na ral gri ni/ /rin po che yis mdzes pa bsnams/ /chos kyi sbyin pa rjes byed pa'i/ / gzhan gyis shes rab pu sti bsnams/ /spos kyi glang po gsal byed pa/ /dri yi dung chos bsnams pa dang / /g.yas pa'i phyag gis mchod sbyin dang / /spyi bor 'od dpag med rol ldan/ /ye shes tog ces bya ba ni/ /thod kyis mtshan pa'i cod pan bsnams/ / zla rgyas rnam par mdzes pa yi/ /bzhi po dri ma med pa 'di/ /gti mug mun pa lta bu ni/ /'joms par byed pa shar gyi yin/ /dpal ldan bzang skyong zhes bya ba/ /sku mdog gser gyi mdog 'dra'i 'od/ /rin chen 'bar ba lho phyogs su/ /nor bu rgyal mtshan phyag na bsnams//phyag g.yon de bzhin nam mkha' yi/ /mdzod ni rgya cher snang ba'o/ /blo gros rgya mtsho gser gyi mdog /phyag gnyis bskal ba bzang po yi/ /dpag bsam shing dang bum pa bzang / /sems can don mchog 'dzin pa yin/ /blo gros mi zad phyag g.yon gyis//pu stis mtshan pa'i ral gri bsnams/ /spobs pa brtsegs pa de bzhin du/ /phyag na ral gris mtshan pa yin/ /gshin rje'i phyogs su bzhugs pa rnams/ /sku mdog ser po 'od zer ldan/ /byang chub phun tshogs mi zad pa'i/ / 'di dag sems can rnams la brten/ /mthu chen thob pa ral gri dang / /rgyal mtshan dag gis legs par brgyan/ /ngan song kun 'dren zhes bya ba/ /dpal be'u 'dzin cing byams par byed/ /mya ngan kun 'joms blo gros ni/ /phyag na g.yung drung 'khyil ba bsnams//zla bas mtshan pa'i dril bu dang / /dril bu'i sgra yi rnam pa yis/ /mtshan pa'i gdugs ni 'dzin pa dang / /dman pa dga' ba phun tshogs pa'i/ /skyed pa'i lus kyi dra ba can/ /pad+ma ge sar ltar dmar ba/ /nub kyi phyogs su bzhugs pa'o/ / zla 'od gzhon nu gsal ba yin/ /pu stis mtshan pa'i ral gri bsnams/ /skal ldan rin chen mdzod chen po/ /'od dpag med ni bsnams pa yin/ /nam mkha'i snying po phyag g.yas kyis/ /rin po che ni bteg nas bsnams/ /sgrib pa thams cad rnam sel ba//phyag g.yas ral gri bsnams pa dang / /sna tshogs rdo rje g.yon na bsnams/ /mya ngan thams cad sel ba yin/ /byang gi phyogs su bzhugs pa rnams/ /thams cad sku mdog ljang gu yin/ /yang na thams cad rim bzhin du/ /g.yas pa'i phyag na rdo rje dang //rin po che dang chu skyes dang / /sna tshogs rdo rje bsnams pa dang / /ji ltar rang gi phyag rgyas mtshan/ /phyag g.yon dril bu bsnams pa yin/ /'di rnams rim bzhin sngags kyis ni/ /nyon mongs ma lus sel ba yin/ /oM me trai ya saM hA ra na ya swA hA/ oM many+dzu shrI ye swA hA/oM hrIHgan+b+ha ha ti ye swA hA/ oM dz+nyA na ke du ye swA hA/ oM pa tra la ye swA hA/ oM sa ka ra ma ti ye swA hA/ oM ak+Sha ye hri ak+Sha ya karma A ba ra Na pi shud+d+ha ne swA hA/ oM pra ti b+ha na ku Te hUM swA hA/ oM s+tha mi ma hA s+tha ma ba d+ha swA hA/ oM A ka ra ya swA hA/ oM sarba ku sha ne ner g+ha ta na ma d+h+rI hUM swA hA/oM dz+wa le na ma hA dz+wa la ni hUM swA hA/ oM tsan+d+ra su tsan+d+ri tsan+d+ra byA ba lo ki ni swA hA/ oM a mr-i tA b+hA to hUM swA hA/ oM kha A ka sha gar+b+ha ya swA hA/ oM sarba ni wa ra Ni bi sh+kaM pi ni swA hA/ rdo rje hUM mdzad dbang ldan du/ /sku mdog nag po zhal bzhi pa//dang po khro zhing sgeg pa dang / /g.yas pa drag po 'jigs rung dang / /de las gzhan pa dpa' bo dang / /steng gi zhal ni rngam pa yin/ /snying gar khams gsum rnam rgyal gyi/ /phyag rgya bcings pa'i phyag gnyis ni/ /rdo rje khu tshur gnyis bcings pa//rgyab du sbyar nas mthe'u chung gnyis/ /rdo rje lu gu rgyud bcings nas/ /mdzub mo gnyis ni legs par sbyar/ /g.yas na ral gri lcags kyu mda'/ /gzhu dang sbrul zhags rdo rje g.yon/ /de yi zhabs kyi bkod pa yis/ /dregs pa dbang phyug chen po dang //u ma'i nu ma g.yas pa yi/ /zhabs kyis gnon pa bzhugs pa yin/ /rdo rje me ltar 'bar ba ni/ /mi'u thung dud pa'i mdog can no/ /g.yas na rdo rje ral gri dang / /de bzhin du ni 'khor lo bsnams/ /g.yon na dril bu zhags pa gzhu/ / ba dan sna tshogs g.yon pas brgyan/ /kha T+wAM ga yi g.yer kha yi/ /sgra yis phyogs kun khyab pa dang / /khyab 'jug chung mar bcas pa la/ /g.yas brkyang pa yi dga' bas bzhugs/ /'khrul pa rnam par dag ngo bo/ /de ni spangs pa'i mchog yin no/ /de bzhin bden bral mtshams su ni//dpal ldan dpa' bo khrag 'thung rgyal/ /dang po'i zhal ni drag po dang / /g.yas zhal dga' ba'i rgyal ba dang / /steng ma za bar byed pa dang / /g.yon pa mchog tu sgeg par gnas/ /'bar ba'i rdo rje sna tshogs kha T+wAM sgeg pa dang / /'jigs byed lpags dmar rlon pa rim par ni//g.yas dang g.yon gyi phyag gis mda' dang gzhu/ /phyag gnyis kyis ni khrag gis bkang ba'i thod pa bsnams/ /g.yas brkyang zhabs kyis 'jigs byed chung mar bcas pa mnan/ /'gro ba'i byed po keng rus rgyan dang ska rags dang / / sangs rgyas mtshan ma nang gnas pa'i/ /thod pa lnga yi cod pan gsal/ /bgegs tshogs ma lus rengs byed pa'i/ /sprin nag po yi sku 'chang ba/ /rnam par dag byed mgo bo yi/ /phreng ba rus pa'i dum bu yi/ /sbrul nag po yi ngo bos ni/ /'jigs pa ma lus sel ba yin//'dod chags nye bar zhi ba'i mi bzad sgeg pa'i spyod pa dang / /chags dang bral ba spangs pas sgyu ma'i phreng ba 'chang ba yin/ /mang po ji ltar gcig yin gcig tu rtogs nas gzhan pa yin/ /de yang skye ba de nyid dngos kun bdag po nyid kho na/ / rnal 'byor sgom par byed pa mya ngan 'das mchog yin/ /'od zer 'bar ba dpal ldan khrag 'thung ye shes phyag rgya yin/ /rlung gi phyogs kyi rta mchog ni/ /de ni zhabs bzhir yang dag ldan/ /spyan gsum khro bo sgeg pa yi/ /gtso bo'i zhal gsum g.yas pa ni/ / drag po g.yon pa tshangs pa dang / /rta gdong steng ma ljang gu'o/ /ba dan gsum ldan g.yas pa ni/ /steng du slong bar byed pa'i tshul/ /ral gri mda' ni 'dzin pa gzhan/ /thod pa sna tshogs chu skyes dang / /mdung thung dang ni dbyug pa dang / /bzhi ni g.yon pa'i phyag bzhi la'o//g.yas kyi gtso bo'i zhabs kyis ni/ /dpal mo dbang mo gzhan gyis ni/ /chags ma dga' ma mnan pa yin/ /ting 'dzin reg pa thob byed yin/ /g.yon gyi dbang po myos byed dang / /myos dang brgyal byed de bzhin du/ /rjes su 'dzin par byed pa dang / / 'di yi rta skad 'tsher ba yis/ /bdud rnams snying ni 'gas pa dang / /spros pas byang chub 'gro bar byed/ /bzhi po 'di dag 'bar ba yi/ /dus mtha'i me yis kun khyab dang / /spro zhing gyen du 'bar ba'o/ /gtsug gis nor bus gsal ba'i sku/ /oM suM b+ha ni suM b+ha hUM/gr-ih+Na gr-ih+Na hUM/ gr-ih+NA pa ya gr-ih+NA pa ya hUM/ A na ya ho b+ha ga bAn bi d+yA rA dza hUM phaT/ oM badzra dz+wa la a na lArka hUM/ oM he ru ka badzra sa ma ya hi/ sarba duSh+Ta sa ma ya mu ta pany+dza ka hUM phaT/ oM suM b+ha ni suM b+ha hUM phaT/ ces bya rgyal po'i sras kyi dkyil 'khor ni/ / gang gi sems kyis spro ba 'jug pa yin/ /lha yi dbang po mchod pa byed pa 'di/ /thos pa'i lam du song bas spos chu'i char 'bebs pas/ /'jig rten kun gyi sdig pa'i me dpung zhi bar byed/ /de nas rdo rje shugs kyis ni/ /phyi rol dbang ldan la sogs nas//brtsams nas cho ga bzhin bltas nas/ /mchod pa la sogs rnal 'byor rgyal/ /sngags ni dang por phyag 'tshal dang / /swA hA'i mtha' can gzi brjid che/ /bzhi pa'i mtha' can rang rang ming / /dbus su de ni sbyar bar bya/ /phyag 'tshal thal mo sbyar byas nas//spyi bor thal mo 'jog pa yin/ /mdog dang phyag la sogs pa dag /chung ma rang rang bdag po mtshungs/ /rtse gsum thod pa 'dzin pa dang / /phyag bzhi pa la spyan gsum pa/ /cod pan ral gri khyu mchog gdan/ /lha mo nye bar gnas pa'ang yin//phyag gnyis pad+ma phreng ba dag /tshangs pa'i spyi bor thal mo sbyar/ /mdog ser zhal bzhi ngang pa'i gdan/ /phyag gnyis dbyug pa spyi blugs bsnams/ /phyag gnyis 'khor lo dang bcas dud/ /mgo la legs bcings thal mo sbyar//mdog nag mda' gzhu be con bsnams/ /mkha' lding gdan la dpal be'us mtshan/ /'di dag 'khor dang bcas pa ni/ /sha rtsi dpa' bo gser glang po/ /gshin rje ma he'i gdan la bzhugs/ /nag po dbyig pa mdung thung bsnams/ /chu lha chu srin steng du ni//dkar po dung dang sbrul zhags 'dzin/ /g.yas g.yon lcags kyu dbyug to dang / /lus ngan ser po mi la bzhugs/ /phyag gnyis phreng ba blugs gzar dang / /spyi bor thal sbyar me lha ni/ /mdog ser ra skyes dag la bzhugs/ /dbyug pa gun+d+he 'dzin pa'o//bden bral mi ro'i gdan la bzhugs/ /ral gri dang ni phub 'dzin pa'o/ /rlung lha ba dan bsnams pa dang / /ri dwags gdan la sngo bsangs mdog /khyu mchog la gnas dbang ldan ni/ /spyi bor thal mo sbyar ba 'ching / /rtse gsum thod 'dzin kha dog dkar//'di kun 'khor la phyogs pa'o/ /pad+ma nyi ma 'chang ba ni/ /nyi ma rta yi gdan la bzhugs/ /zla ba ngang pa la gnas pa/ /dkar po zla ba chu skyes bsnams/ /mig dmar mdog dmar pad+ma'i gdan/ /g.yas pa'i lag gis chu gri dang //de las gzhan pa mi mgo za/ /pad+ma la gnas gza' lag ni/ /mdog ser mda' gzhu bsnams pa'o/ /bla ma dkar po chu skyes gdan/ /phreng ba dang ni spyi blugs bsnams/ /de bzhin pa wa sangs spen pa/ /mdog nag rus sbal la gnas pa/ / lag na dbyug pa thogs pa'o/ /sgra gcan zla ba nyi ma thogs/ /mjug rings ral gri zhags pa thogs/ /rgyu skar dkyil 'khor bud med gzugs/ /lha mo'i rnam par mdzes pa yin/ /spyi bor thal mo sbyar ba ru/ /bsgom bya sna tshogs rgyan gyis brgyan/ / dkar po dang po bzhi pa dang / /drug pa bdun pa'ang de bzhin no/ /dgu pa dang ni bcu pa dang / /bcu gsum pa'ang de bzhin no/ /bco lnga pa dang bco brgyad pa/ /nyi shu gnyis pa'ang de bzhin no/ /nyi shu gcig dang nyi shu dgu/ /nyi shu brgyad pa'ang de bzhin no/ / sngo bsangs dag ni gsum pa dang / /de bzhin lnga dang brgyad pa dang / /bcu gcig pa dang bcu drug pa/ /de nas yang ni bcu bdun pa/ /nyi shu nyi shu gsum pa dang / /nyi shu bzhi pa'ang de bzhin no/ /ljang gu dag ni gnyis pa dang / /bcu pa dang ni bcu bzhi pa//bcu gnyis bcu dgu nyi shu la/ /nyi shu drug pa'ang ser po ni/ /gzhon nu gser gyi mdog can la/ /gdong drug rma bya'i gdan la bzhugs/ /mdung thung rdo rje dril bu dang / /khyim bya dag ni phyag na bsnams/ /glang sna dkar po lag bzhi pa/ /sbrul gyi mchod phyir thogs 'chang zhing //la tu la phug trI shU la/ /de bzhin du ni gri gug thogs/ /byi ba la gnas nag po ni/ /dga' byed rdza rnga rdung bar byed/ /rtse gsum thod pa 'dzin pa ni/ /nag po ma hA kA lar grags/ /ma mo'i dkyil 'khor mtshungs pa yi/ /b+h+riM gi ri ti de bzhin mchod//tshangs ma dang ni go cha ma/ /drag po dbang ma gzhon nu ma/ /rang gi bdag po ji bzhin no/ /yi dwags la gnas phag mo ni/ /mdog nag po la thod pa 'chang / /mdog dmar mche ba gtsigs pa yi/ /yi dwags gdan la gnas pa ni//chu gri dang ni thod pa dag /gtum mo yis ni 'dzin pa yin/ /mkha' lding rkang pa pus mo'i bar/ /dkar ser de nas lte ba'i bar/ /de nas mgrin pa nyi ma'i mdog /kha ni mig smin nag po'i mdog /stobs bzang glang po la gnas pa/ /ral gri gshol 'dzin dkar po yin//rgyal bar byed pa kha dog ljang / /khu byug shing rta la gnas pa/ /me tog phreng dang mda' gzhu dang / /kham phor lag na thogs pa yin/ /sbrang rtsir byed pa kha dog dkar/ /ne tso la gnas kham phor dang / /mda' gzhu chu srin rgyal mtshan bsnams//dpyid lha skal ldan mdzes pa ni/ /dre'u la gnas kha dog dkar/ /mda' dang gzhu dang kham phor dang / /ral gri de ni 'dzin pa yin/ /sbrul ni bdun bdun ldan pa'i klu/ /thal mo sbyar ba byas nas 'dug /mtha' yas rigs ldan mdog dmar po//bram ze'i rigs de me las skyes/ /rgyal rigs dbang chen las skyes ser/ /dung skyong dang ni nor rgyas bu/ /'jog po dang ni pad+ma che/ /nag po rje'u rigs rlung las skyes/ /stobs kyi rgyu dang pad+ma ni/ /dmangs rigs dkar po chu las skyes/ / stobs bzangs dang ni thags bzangs ris/ /rab dga' dang ni rnam snang mdzad/ /khrab dang go cha ral gri dang / /phub dang g.yul la 'jug pa yin/ /gser gyi mdog can bu dang bcas/ /gter ni spro ba'i phyogs byed pa'o/ /gnod sbyin bdag po na ku la/ /grong dang grong khyer 'dzin pa yin//nor bu bzang po gser gyi mdog /gang ba bzang po sngon po yin/ /nor sbyin kha dog dmar po yin/ /de bzhin rnam thos sras ser po/ /rtse gcig thun dang kha dog dmar/ /ki li mi la de bzhin gnag /sgo dbang spyod pa'i dbang po ni//ser po rgyud mangs brdung ljon pa/ /chung ma dang bcas dkar mo ni/ /gtsug phud lnga pa de bzhin no/ /bdag gi don kun grub pa dang / /don med thams cad sel ba'o/ /rtswa bzhin rnyed bla'i thar pa ni/ /thams cad sangs rgyas bstan las yin/ /dkyil 'khor 'di yi 'khor lo yi//ming tsam yang ni rnyed par dka'/ /chu bur snying po med pa yi/ /'khor ba chos kyi rin chen ldan/ /skal ldan 'ga' zhig nyid 'dir ni/ /mtho ris 'dod pa de las 'thob/ /'ga' zhig tshangs pa'i 'jig rten dang / /de las mya ngan 'das mchog yin//de las snying po snying po mchog /bsgrub pa'i byang chub sems dpa' rnams/ /bde gshegs kun gyis gang bsrungs pa'i/ /zab cing rgya che'i chos rnams 'thob/ /yon tan de las kyang 'byung ba/ /'di ltar de la mchod pa rnams/ /mchod dang bzhugs gsol dga' ba dang //ting nge 'dzin la mnyam gnas gzhan/ /mtshungs med mchod pa byed pa dag /des ni ting 'dzin thams cad 'grub/ /'dir ni mchod dang mchod byed pa/ /lha mchog rnams kyis de mchod yin/ /dga' chen rgya mtsho rlabs kyis ni//'jig rten bsil bar byed pa yin/ /mchod dang bsnyen bkur bcas pa dang / /sna tshogs bkod pa'i khyad par ldan/ /de ni nam mkhar byed pa 'di/ /skad cig gis ni ngo mtshar rtogs/ /gzhan dang gzhan ni grangs med spros/ /nam mkha' shin tu rgya chen po//mchod pa'i sprin ni khyab pa yi/ /rin chen me tog sogs char gyis/ /dpag bsam shing rgyas skyed mos tshal/ /gnas ni 'byor pa'i bdag nyid 'di/ /'di ltar sngon med sna tshogs gzugs/ /yongs su bzung nas spro bar bya/ /dang bas snying ga'i pad rgyas pa'i//bde ba'i dpal ni 'byung ba'i gnas/ /sgeg pa'i ro yis bcus pa yis/ /rab tu spros pa rgyas pa yin/ /de dus yun ring gnas pa yi/ /drag po'i byang chub sems de ni/ /lus las ba spu ldang ba dang / /rdo rje mchog ni skye ba yin/ /spos lha'i me tog rgyas tshogs kyis//gnas kun sprin gyi dra bas khyab/ /'khor lo'i sems ni sna tshogs ro myong ba'i/ /g.yo dang mi g.yo 'khor lo'i bdag nyid ni/ /rnam pa sna tshogs 'byor pa'i gnas 'di ni/ /mchog gi mthu yis rgyas par spyod bzang po//pi wang rdza rnga rnga rings la sogs mnyam 'jug pa/ /gsang bar sgrogs pa chos kyi de ni mchog yin no/ /nyon mongs dri ngan rnam par spong byed gar 'byung ba'i/ /phyag rgya rgyun gyi sgeg pas lhan skyes rjes su byed/ /lha mo phyag gi pad+ma rnam par 'jug pa yis//rdzing bu rlung gis bskyod pa'i pad+ma mnyam par byed/ /dgod dang lta dang lag bcangs dang ni gnyis gnyis 'khyud/ /mthong ba bdud rtsi dam pa bde ba gtso bo yin/ /gang zhig 'dir ni phyag rgya'i thabs ni chen po yi/ /'bras bu thams cad ston pa yongs su spro ba yin//'di ltar cho ga ngo mtshar chen po'i gnas sna tshogs/ /phun tshogs sgeg pa'i rgyas pa nyams myong 'byung / /dkyil 'khor bdag po nas brtsams dkyil 'khor lha/ /'khor lo grangs med rnam par 'byung ba yin/ /'di ltar so sor bdud rtsi dpag med de 'di rgyas pa las//lhan skyes yon tan brgya 'gyur gnas pa yin/ /des na 'di ltar phan tshun lhag par spros pa yis/ /khyad 'phags kun gyis ma byas chos ro 'byung ba yin/ /'di ltar sgrub pa dge ba rab 'byams bdag nyid ni/ /gang zhig rang bzhin rtogs pa'i rang bzhin no//des na de nyid bdud rtsi rgyas kun 'jug pa yin/ /lhan skyes mi g.yo'i rtogs pas mya ngan 'das/ /mchod pa'i so sor ting nge 'dzin thabs thob pa/ /thog ma med pa'i gter rnams sangs rgyas kun gyis bsngags/ /rigs pa dang ni gzhan dag de bzhin nyid stong pa//shes rab byang chub chos dang bdag med ces/ /'di 'dra'i phyi rol mchod pa chung gyur kyang / /mchod pa'i tshogs kyis mchog 'gyur de nyid mthong ba nyid/ /'di yi bsgrub pa sems can mchog ni rnyed par dka' ba yin/ /'di ni bdud rtsi'i rang bzhin las gzhan cis na 'gyur//gang dag thub pa'i sku gzugs ras ris glegs bam sogs/ /de nyid mngon par rlom zhing zhi bar 'dod pa nyid/ /de nyid phan du gnyis las yun ring nyams par 'gyur/ /dge ba'i las bral stong pa nyid la dgos pa med/ / mun nag thibs po zla ba'i 'od dang bral ba la/ /pad+ma rgyas bral kha bas g.yogs pa'i mtsho bzhin no/ /rigs dang nor dang dka' thub sred pa dang / /thub pa mchod bral de nyid shes pa yis/ /de ni lha rnams dga' bar byed min de su zhig /des na yon tan nyid thob min pa de gang zhig /gang du 'di ma gtogs par 'gro bar gtso bo gang / /gang zhig mchod pa'ang de bzhin mthong bar 'gyur/ /chu bo bab pa rgya mtsho dang ba dang / /sa la me tog rgyas pa 'byung ba dang / /nyi ma shar bas don dam bstan pa dang / /mchod pa byed pa mchog de'i stobs kyis ni//ngan pas gzhan la gnod pa byas pa las/ /mi gtsang ba nyid cis ni 'byung mi 'gyur/ /de yi dag pa'i bdag nyid lag pa las/ /lha rnams me tog dag ni len pa yin/ /gang zhig sdig pa spangs pa dang / /lam gsum la gnas bstan pa ni//'jig rten gsum dag 'di dag gi/ /bsod nams chen po 'byung bar 'gyur/ /'di yi sgra las de las gzhan/ /phal pa 'di dag 'jug pa yin/ /'di gtso nyid du mngon rlom pa/ /chos kyi lam las ltung ba yin/ /dam pa'i chos dang glegs bam dag /mdun du so sor byas nas ni/ /sngar bshad pa yi sngags kyis ni/ /phyag 'tshal mchod pa la sogs bya/ /sangs rgyas rnams kyi ye shes yul/ /sngags kyi bsod nams phung po 'di/ /dkon mchog gsum la phyag 'tshal ba/ /sngon du 'don pa'i rim pa yis//lce la hUM yig las byung ba'i/ /rdo rje dbus su hrIHyig las/ /byung ba'i chu skyes dbus raM dzaM/ /dkar po 'od zer 'khrug pa las/ /sngags pas snang ba mtha' yas bsgom/ /sngags bskul nas ni bzlas pa byas/ /de la sngags ni 'di yin te/ / oM pad+ma sa ra sa ra satwa satwa pra brta ya shud+d+ha ya/ hUM hrIH raM dziM/ chos rnams kun la phyogs med par/ /sems can thams cad gyur cig ces/ /bsams nas de yi snying po bsal/ /'di yi sngags dang dad ldan pa/ /oM badzra ba gahUM/ sems can rnams kyi dri ma rnams//bsal lo zhes ni rnam bsams nas/ /'di yis sngags pa yid gzhungs pas/ /dri ma thams cad bsal bar bya/ /oM sa man+ta pa rI k+Sha gu h+ya tsa ri tsa ra hUM/ pad+ma 'dam gyis ma gos ltar/ /'gro la phan tshun 'grogs par shog / chags pa med par byung ba'i phyir/ /sngags pas dag pa rnam bsam bya/ /oM nirma ni shud+d+ha hUM/ rnam pa thams cad yongs gcod pa/ /chos dbyings rang bzhin 'od gsal ba/ /bsgoms nas gang 'di dkyil 'khor 'di/ /byed pa sngags pa mkhas pa yin//oM ma hA maN+Dal hUM/ rang bzhin stong par bsgom pa'i bdag /kun la chags pa med sems kyis/ /sngags kyi chu yi thig le yis/ /rang gi spyi bor dbang bskur bya/ /oM sarba ta thA ga ta a b+hi Shiny+tsa sa ma ya shri ye hUM/ chos rnams thams cad rang bzhin gyis//gnas pa med par bsgom par bya/ /bde ba'i stan la 'dug nas ni/ /sngags pas mchod pa brtsam par bya/ /oM a mo g+ha pad+ma ba su d+ha ri d+ha ra da re maN+Dal hUM/ las kyi dkyil 'khor sbyor bdag nyid/ /de nas dad pa'i mchod pa brtsam/ /bgegs mthar byed pa'am bgegs 'joms pa//bgegs rnams zhi bar bya phyir mchod/ /mchod pa'i lha mo rnam pa brgyad/ /ji lta bzhin du sbyor rigs pas/ /g.yon pa la gnas dri gzugs dang / /g.yas pa la gnas gzhan g.yon no/ /dang por dbul ba bya ba ni/ /ar+g+ha'i snod ni dag byed dang //pad+ma'i phyag rgya ldan g.yon pas/ /de la ba dan gsum pa dag /de nyid shes pas yi ge ni/ /gsum gyis byin gyis brlab par bya/ /ar+g+ha'i snod chu thogs pa yis/ /me tog la sogs bsangs nas ni/ /me tog la sogs lha mo yi/ /sngags ni ji lta bzhin du brjod//de nyid mngon sum byas bdag nyid/ /sngags pa bla ma mchod par bya/ /brtul zhugs nyams pa la gzhan du/ /'dir ni gang du 'gro bar 'gyur/ /dbang po la sogs rnyed dka' ba/ /gang zhig byin gyi rlabs las thob/ /'dir ni thal mo sbyar byas nas//de yi sngags kyis spyan drang ngo / /oM sarba ta thA ga ta badzra any+dza li sa ma ye hUM/ zhes bya ba'i thal mo'i sngags so/ /phyogs rnams kun gyi sangs rgyas rnams/ /sras bcas 'jig rten rab grags pa/ /rdo rje rin chen rigs dang ni/ /pad+ma las kyi rigs de bzhin//snying po phyag rgya rim pa rnams/ /lha yi tshogs ni thams cad dag /de dag bdag la dgongs su gsol/ /chos kyi dbyings la gnas pa rnams/ /bdag ming che ge zhes bya ba/ /chos dbyings bdag nyid grong khyer ni/ /di ring dkyil 'khor mchod par gyis//yo byad ci 'byor pa yis mchod/ /sems can rnams la brtse ba dang / /khyed rnams la yang mchod pa'i phyir/ /rjes su brtse bas nyer dgongs la/ /byin gyis brlabs pa mdzad par rigs/ /oM sarba ta thA ga ta bo d+hi satwa pa ri shud+d+ha swa b+hA ba At+man/shud+d+hi aM shu pU ra ya hUM/ zhes bya ba 'di ni spyan 'dren pa'i sngags so/ /mchod cing bsnyen bkur bya ba'i phyir/ /de nas bdag nyid dbul bar bya/ /de la sngags ni/ oM sarba ta thA ga ta pU dza pa s+tha nA ya A t+ma nAM ni R+YA ta yA mi/ oM sarba ta thA ga ta pra ti gri h+NaM tu mAM/ oM sarba ta thA ga ta a d+hi tiSh+ThaM tu maM/ oM a mo g+ha san tiSh+ThaM tu hUM/ zhes byin gyis brlab pa'i sngags so/ /sngags kyi don ni 'di lta bu/ /bsgoms la bdag nyid de mchod do/ /oM sarba ta thA ga ta pU dza badzra swa b+hA ba At+ma kou0f85haM/ zhes so/ /sdig pa mthug po'i bag gi tshogs/ / dril bu'i sgra yis bdud tshogs 'joms/ /sngags kyi grub pa 'dzin pa ni/ /phyag rgya dang por chen po'i tshig /ces grub pa'i dpal rdo rje dril bus kyang ni mchod pa yin/ oM dI bya a mo g+ha bi pu la s+tha ra/ ma d+hu ra nir g+hu sha ru d+hi ra na ra na hUM/ ye shes lnga yi bdag nyid gcig /gnyis med gnyis su ji ltar 'gyur/ /'di ltar rang bzhin spros pa las/ /sgyu 'phrul rdo rje rtogs pa yi/ /de nyid blo yis mchod par bya/ /oM sarba ta thA ga ta sid+d+hi badzra sa ma ya tiSh+Tha e Sha twaM d+ha ra ya mi hi hi hi hi hUM/ de la gnas pa 'ga' zhig ni/ / mchod pa de yang lhag par gus/ /sems can dang ni sangs rgyas rnams/ /rang bzhin don dam yin pa'i phyir/ /de yang dman dang lhag pa la/ /sgra yi rdo rje mchod par bya/ /dril bu'i sgra ni sgrogs pa dang / /sngags dang bdug pa bstod pa dag /'don pa rjes su sgrogs pa yis//dad pa'i rgya mtsho sna tshogs pa'i/ /rlabs kyis mgon po mngon dgongs mdzad/ /'khor lo'i rtsa ba'i sngags kyis ni/ /yang dag bzlas la spyan drang ngo / /dkyil 'khor pa kun rang sngags kyis/ /de nas bum pa gang ba ni/ /mgul chings phreng bas rnam par brgyan//'dab ma dang bcas dpal 'bras bu/ /gsang sngags kyis ni dbul bar bya/ /oM badzrod da ka hUM/ gang ba'i snod kyis de bzhin mchod/ /'gro ba rgyas pa'i yid dga' ba/ /oM ba tra phu ra ya a mo g+ha ba ti sa man+ta pra ti swA hA/ de nas me tog rgya bcings la//me tog char rgyun 'jug pa yi/ /spyi bor thal mo sbyar byas la/ /badzra ban+d+ha zhes brjod nas/ /gang 'jig rten gyi khams 'di'am/ gang yang phyogs bcu'i 'jig rten gyi khams thams cad na/ lha dang mi rnams kyi me tog gi bye brag yid las byung ba dang /chu las skyes pa'am/ thang las skyes pa gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang /snying po dang / phyag rgya dang / /gsang sngags dang / rig sngags kyi lha'i khyad par thams cad la dbul bar bgyi'o/ /oM sarba ta thA ga ta puSh+pa pU dza me g+ha sa mu dra s+pha ra Na sa ma ye hUM/ de nas bdug pa'i phyag rgya bcings nas ni/ /tshul khrims kyi ni bdug pa yis//'gro ba bdug par gyur cig ces/ /mkhas pas 'di ltar brjod par bya/ /gang yang 'jig rten khams 'di'am/ /gang yang phyogs bcu'i 'jig rten gyi khams thams cad na/ lha dang mi rnams kyi bdug pa'i bye brag lhan cig skyes pa'am/yang dag par sbyar ba'am/ yongs su gyur pa gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang /snying po dang / phyag rgya dang / gsang sngags dang / rig sngags kyi lha'i khyad par thams cad la dbul bar bgyi'o/ /oM sarba ta thA ga ta d+hU pe pU dza me g+ha sa mu dra spa ra Na sa ma ye hUM/ mar me'i phyag rgya snying ga ru/ /thal mo sbyar la mthe bo gnyis//mnyam du bsgreng bar byas nas ni/ /'di ltar bzlas pa yang dag pa'i/ /ye shes khyad par dang ldan pa'o/ /gang yang 'jig rten gyi khams 'di'am/ gang yang phyogs bcu'i 'jig rten gyi khams thams cad na/ lha dang mi rnams kyi snang ba'i bye brag yid las byung ba'am/rin po che'i 'od dam mar me'i snang ba la sogs pa gang dag yod pa 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang /snying po dang / phyag rgya dang / gsang sngags dang / rig sngags kyi lha'i khyad par thams cad la dbul bar bgyi'o/ /oM sarba ta thA ga ta A lo ke pU dza me g+ha sa mu dra s+pha ra Na sa ma ye hUM/ dri rnams bkod la gar dang ni/ /dri yi phyag rgya bcings nas ni//dri ma med pa'i bdag nyid la/ /bltas nas brjod par bya ba ste/ /gang yang 'jig rten gyi khams 'di'am/ gang yang phyogs bcu'i 'jig rten gyi khams thams cad na/ lha dang mi rnams kyi dri'i bye brag lhan cig skyes pa'am/ yang dag par sbyar ba'am/ yongs su gyur pa can gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang /snying po dang / phyag rgya dang / gsang sngags dang / rig sngags kyi lha'i khyad par thams cad la dbul bar bgyi'o/ /oM sarba ta thA ga ta gan+d+ha pU dza me g+ha sa mu dra s+pha ra Na sa ma ye hUM/ thal mo spyi bor bzhag nas ni/ /'di skad ces ni brjod par bya/ / gang yang 'jig rten gyi khams 'di'am/ gang yang phyogs bcu'i 'jig rten gyi khams thams cad na/ lha dang mi rnams kyi rin po che'i ri bo'am/ rgya mtsho'i rin po che'i tshogs gang dag yod pa de dag thams cad 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang / snying po dang / phyag rgya dang / gsang sngags dang / rig sngags kyi lha'i khyad par thams cad la dbul bar bgyi'o//oM sarba ta thA ga ta bo d+h+yaM ka rat+na A laM ka ra pU dza me g+ha sa mu dra s+pha ra Na sa ma ye hUM/ gar skor thal sbyar spyir bzhag la/ /bzhad pa'i phyag rgya bcings nas ni/ /'khor ba nang 'khor rnams kyang ni/ /bzhad pa nyid 'gyur ces brjod la/ /gang yang 'jig rten gyi khams 'di'am/gang yang phyogs bcu'i 'jig rten gyi khams thams cad na/ lha dang mi rnams kyi dgod pa dang / sgeg pa dang / dga' ba dang / rtse 'jo'i bde ba'i bye brag gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang / snying po dang / phyag rgya dang / gsang sngags dang / rig sngags kyi lha'i khyad par thams cad la dbul bar bgyi'o//oM sarba ta thA ga ta hA s+ya ra ti kri ta swa khya a nut+ta pU dza me g+ha sa mu dra s+phar Na sa ma ye hUM/ thal mo spyi bor bzhag nas ni/ /mkhas pas 'di skad brjod par bya/ /gang yang 'jig rten gyi khams 'di'am/ gang yang phyogs bcu'i 'jig rten gyi khams thams cad na/lha dang mi rnams kyi dpag bsam gyi shing ngam/ gos kyi shing gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang /snying po dang / phyag rgya dang / gsang sngags dang / rig sngags kyi lha'i khyad par thams cad la dbul bar bgyi'o/ /oM sarba ta thA ga ta a nut+ta ra/ bo d+hi A laM ka ra was+t+ra pU dza me g+ha sa mu dra s+pha ra Na sa ma ye hUM/ snying gar rdo rje thal sbyar la//sgeg mo'i phyag rgya rnams bcings nas/ /phyag rgya gar dang bcas pa dang / /ji bzhin don rig 'di ltar brjod/ /sems can thams cad yo byad thams cad kyis yang dag par 'byor cing phun sum tshogs pa thams cad 'dod pa tsam la rag lus par gyur cig /oM sarba ta thA ga ta a nut+ta ra ma hA badzrod b+ha ba da na pA ra mi ta pU dza me g+ha sa mu dra s+pha ra Na sa ma ye hUM/ spyi bor thal sbyar phreng ba yi/ /phyag rgya bcings la 'di skad brjod/ /sems can thams cad mi dge ba'i lus dang ngag dang yid kyi las thams cad dang yang dag par bral bar gyur cig /dge ba'i lus dang ngag dang yid kyi las thams cad dang yang dag par ldan par gyur cig /oM sarba ta thA ga ta a nut+ta ra ma hA bo d+hi ha ra shI la pA ra mi ta pU dza me g+ha sa mu dra s+pha ra Na sa ma ye hUM/ thal mo sbyar ba nyid dang ni/ /glu yi phyag rgya bcings nas ni//sems can thams cad mtshan dang dpe byad thams cad kyis lus yang dag par brgyan par byas pa dang / rtag tu phan tshun 'jigs pa med pa dang / zhe 'gras pa med par zhugs shing / mig dang yid mngon par dga' ba dang / chos zab mo la bzod pa dang ldan par gyur cig /oM sarba ta thA ga ta ma hA d+harma a ba bo d+hi k+ShAn+ti pA ra mi ta pU dza me g+ha sa mu dra s+pha ra Na sa ma ye hUM/ dang por gar bskor byas nas ni/ /de nas gar gyi phyag rgya bcings nas/ sems can thams cad byang chub sems dpa'i spyod pa la mngon par brtson pa dang ldan pa dang /sangs rgyas nyid du yongs su gzhol zhing 'khor ba yongs su mi spong ba brtson 'grus dang ldan par gyur cig /oM sarba ta thA ga ta sa na sa pa ri t+yaM ga a nut+ta ra ma hA bIr+ya pA ri mi ta pU dza me g+ha sa mu dra s+pha ra Na sa ma ye hUM/ dang por gar bskor bya ba dang / /me tog phyag rgya bcings nas ni/ /sems can thams cad nyon mongs pa dang nye ba'i nyon mongs pa rnams dang bral bar gyur cig /bsam gtan dang rnam par thar pa dang ting nge 'dzin dang snyoms par 'jug pa dang / mngon par shes pa rnams dang /rig pa thams cad dbang du gyur pa phun sum tshogs par gyur cig /oM sarba ta thA ga ta a nut+ta ra ma hA sau khya bi ha ra d+ha na pA ra mi ta pU dza me g+ha sa mu dra s+pha ra Na sa ma ye hUM/ shes rab pha rol phyin 'gro ba'i/ /bdug pa'i phyag rgya bcings nas ni/ /sems can thams cad 'jig rten dang 'jig rten las 'das pa'i shes rab dang ye shes rnams dang yang dag par ldan par gyur cig /so so yang dag par rig pa bzhi thob ste/ bzo dang bstan bcos thams cad shes shing sgyu rtsal dang ldan la gsang ba'i cho ga shes pa dang / de kho na nyid mthong ste/nyon mongs pa dang shes bya'i sgrib pa thams cad yang dag par gcod pa'i ye shes thob par gyur cig /oM sarba ta thA ga ta a nut+ta ra kle sha ts+tshe da sarba d+harmA sa man+ta dz+nyA na ma hA pra dz+nyA na pA ra mi tA pU dza me g+ha sa mu dra s+pha ra Na sa ma ye hUM/ gdugs dang rgyal mtshan ba dan sogs/ / bza' dang bca' sogs dad pa yis/ /phyi rol ji lta ba bzhin gzhag /dpag tu med par dbul bar bya/ /dkyil 'khor dbang phyug gsang sngags ni/ /bzlas pa dag kyang legs par bya/ /yi ge brgya pa lan gsum bzlas/ /mtshan brjod pa dang dkyil 'khor bstod/ / 'bad pa yis ni smon lam dag /de nyid rig pas 'don par bya/ /yo byad thams cad 'byor pa yis/ /yongs su gang ba'i gtor ma sbyin/ /oM a kA ro mu khaM sarba d+harmA NAM A d+ya nut+pa n+na twA ta swAhA/ zhes bya ba'i sngags 'dis so/ /gal te go skabs yod gyur na/ / phyogs bcur snod rnams bsam pa la/ /'jig rten gsum rgyal phyag rgya ni/ /bcing ba bla na med pa'o/ /khur ba 'bras chan 'bras yos dang / /til rnams kyi ni gtor ma sbyin/ /de la sngags ni 'di yin te/ /lha dang lha min gnod sbyin lto 'phye grul/ /nam mkha' lding dang 'dab bzangs lus srul po//dri za srin po gdon gyi rigs rnams dang / /gang dag sa la gnas pa'i rdzu 'phrul can/ /bdag cag pus mo sa la btsugs nas ni/ /thal sbyar khyed rnams la ni gsol 'debs kyi/ /bu smad bcas shing g.yog 'khor bcas pa rnams//gsan nas phan gdags slad du 'dir gshegs shig /'byung po gang dag ri rab steng gnas dang / /dga' ba'i tshal dang lha yi gnas rnams dang / /shar nub ri dang nyi zla'i khyim rnams dang / /ri bo kun la gang dag gnas pa dang / /chu bo kun dang chu yi mdo rnams dang //rin chen gnas na lhag par gang gnas dang / /mtsho dang rdzing bu lteng ka chu ngogs dang / /g.ya' chu sil ma can na gang gnas dang / /grong dang grong khyer phyugs lhas stong pa dang / /khang stong dang ni lha yi khang pa dang / /gtsug lag khang dang grong khyer gnas dag gam//dka' thub gnas dang glang chen bres dang ni/ /rgyal po'i dkor khang dag na gang gnas dang / /lam srang sum mdo dang ni bzhi mdo dang / /gang dag lam po che dang shing gcig drung / /dur khrod chen po nags tshal chen po dang / / seng ge dred dang gcan gzan gnas rnams dang / /'brog chen 'jigs su rung bar gang gnas dang / /gang dag gling mchog dag na gnas pa dang / /lhun po dur khrod dag na gnas pa rnams/ /rab tu dgyes shing go bar gyur nas su/ /phreng ba dri dang me tog bdug pa dang //bstod dang gtor ma mar me gus dbul ba/ /'di dag bzhes nas btung zhing bsnams nas su/ /las 'di rnams kyi 'bras bu mchis par mdzod/ /de ltar gdon la mchod pa byas nas ni/ /de nas phyogs skyong rnams la gtor ma sbyin/ / shar phyogs rdo rje can de lha tshogs bcas/ /gtor ma phul ba 'di dag bzhes su gsol/ /me dang gshin rje bden bral srin po'i bdag /chu bdag rlung bdag nor gyi bdag po dang / /dbang ldan lha ste 'byung po'i bdag po dang / /steng gi nyi zla tshangs pa chen po dang / / lha rnams kun dang gang dag sa steng klu/ /ri yi lha dang gsang ba'i tshogs 'dus pa/ /so so so sor gtor ma phul ba 'di/ /rab tu dgyes pa yis ni bzhes nas kyang / /rang rang phyogs su legs par bzhugs nas su/ /rang gi bu smad mdza' bshes gnyen 'dun dang //nang mi dmag dang dpung bcas thabs cig tu/ /me tog dri dang byug pa gtor mar bcas/ /'di dag btung zhing legs par gsol nas kyang / /bdag gi las 'di'i 'bras bu mchis par mdzod/ /oM badzra shi kha re ru Ta ma Ta/ oM suM b+ha ni suM b+ha hUM/ oM gr-ih+Na gr-i h+Na hUM/oM gr-ih+Na pa ya gr-ih+NA pa ya hUM/ oM A na ya ho b+ha ga bA na bid+yA rA dza hUM/ oM a kA ro mu khaM sarba d+harmA NAM/ Ad+yA nu t+panA twA ta swA hA/ phyi rol lha yi 'khor lo dang / /byang chub sems dpa'i dkyil 'khor mchog /rim gyis de ru gzhug par bya/ /de nas snying po'i 'khor lo dang / /de yang gtsug tor dkyil 'khor la//de ni 'khor lo'i dbang phyug la/ /de yang phyag mtshan dang thig ler/ /de ltar snang ba sogs rim gyis/ /spros pa thams cad zhi ba dang / /stong nyid la sogs rim thob pa'i/ /rnal 'byor lhan skyes mdzes pa yin/ /de ltar goms pas 'jug pa rnams//mi shes chu bo ma lus pa/ /bskams shing sems kyi zla ba ni/ /shar pa skal ba bzang po yin/ /rim pa 'di yis 'khor lo rnams/ /thams cad spro ba'ang shes par bya/ /thig le'i sbyor ba 'di nyid kyis/ /yun mi ring bar grub par 'gyur//yang na mdor bsdus sngags kyis ni/ /ji skad bshad pa'i me tog sogs/ /gang zhig cung zad dbul ba yis/ /me tog chung na'ang 'dir nyon mongs/ /dus mtha'i me ni 'joms pa yin/ /de la mdor bsdus pa'i sngags ni/ oM sarba ta thA ga ta puSh+pe pU dza me g+ha sa mu dra s+pha ra Na sa ma ye hUM/de bzhin du bdug pa la sogs pa la yang ngo / /'khor lo'i dbang phyug 'ba' zhig gam/ /yang na 'khor los sgyur ba ni/ /rgyu dang bcas pa'am snying po'am/ /'khor lo'am phyi nang thams cad la/ /dad pa dag par ldan rnams dang //sems dpa' chen pos mchod par bya/ /mchod pa bshad par byas pa las/ /mtho ris thar pa'i snying po thob/ /de dang de las sgro 'dogs yongs 'khrul pa/ /sdug bsngal 'jigs pa'i ngo bo yi/ /lha yi 'khor lo chen po dga' ster ba//thugs rje rnam pa sna tshogs spros pa yin/ /de ltar gcig mchod 'khor lo ma lus pa/ /mchod rgyas 'di nyid rtag tu sbyor ba yin/ /shi bar gyur kyang bla yi dad med par/ /mchod bral skad cig ma yin sdig thob 'gyur/ /'khor lo 'di dag rnam bsams nas//me tog thal mos gtor ba dang / /gang de 'khor ba'i sdug bsngal rnams/ /de ni til gyi thal mo sbyin/ /skye ba dang ni 'jig pa rnams/ /sna tshogs shes rab kyis nyams pas/ /sdug bsngal tha mar byed par 'gyur/ /yi ge gsum gyis gshegs su gsol//'jig rten gsum gyi spyi bo yi/ /mi yi nor bu'i tshogs rnams ni/ /mtshungs med mi yi seng ge yis/ /bdud kyi glang po 'joms par byed/ /ma rig sdong po gcod pa yi/ /thub pa'i yon tan tshogs 'khor lo/ /phyag 'tshal bstod dang kha zas kyis/ /dge 'dun dag ni mchod par bya'o//bdag gi bsod nams 'di yis ni/ /shes rab ye shes mi bzad med/ /rtog pa shing gi rtsa ba dag /sreg pa'i rdo rje rdung bar shog /rdo rje'i rigs ni rtogs pa dang / /rin chen rigs ni thob pa dang / /don dam rtogs pa pad+ma'i rigs//las kyi rigs kyi don chen byed/ /chos kyi dbyings kyi ye shes kyi dkyil 'khor kyi rim pa las/ bcom ldan 'das 'jam dpal gyi sgrub pa'i thabs slob dpon so ma shrIs mdzad pa rdzogs so// //rgya gar gyi mkhas pa chen po paN+Di ta ma hA dz+nyA na dang /