82a4 dge ba zla ltar gsal ba gang / /de yis sku gsum thob par shog /mi g.yo ba'i sgrub thabs slob dpon a sho ka shrIs mdzad pa rdzogs so// //paN+Di ta d+harma shrI mi tra dang / lo tsA ba dge slong chos kyi bzang pos bsgyur ba'o// //[ ]@##/ /rgya gar skad du/ ba li bi
82a5 d+hiH/bod skad du/ gtor ma'i cho ga /'phags pa 'jam dpal la phyag 'tshal lo/ /yid bzhin nor bu chen po 'chang / /dpag bsam shing chen rgyas 'dra ste/ /bum pa bzang po che ba'i mchog /sems can kun don byed la 'dud/ /gtor ma'i rim pa bshad par
82a6 bya//dang por lha'i rnal 'byor dang ldan pa'i sngags pas rin po che'i snod mdzes pa'i nang du kha zas kyi 'byor pa dri dang kha dog dang ldan pa sna tshogs bcug la/ gtor ma'i nang du yi ge a las yid bzhin gyi nor bu 'bar ba zla ba'i steng du rnam par bsams la/ de las bdud
82a7 rtsi'i chu rgyun dang /'dod pa'i yon tan gyis rnam par spras pas snod dang bcud chos kyi dbyings khyab par bsam zhing bsgom pa ni/ yid bzhin nor bu chen po 'chang / /khyab dag rin chen kun gyi mchog /ces bya'o/ /bdag nyid kyi snying ga'i d+hIHlas/ /dpag bsam shing chen
82b1 rgyas pa ste/bum pa bzang po che ba'i mchog /ces bya ba ni/ dpag bsam gyi shing nam mkha'i mtha' dang mnyam pa/ bum pa bdud rtsis gang ba'i 'bras bu smin pa bdud rtsi rnam par 'dzag pas gtor ma'i rgyun rgyas par bsam mo/ /thugs ka'i 'od zer gyis ye shes kyi bdud
82b2 rtsi dbab ste gnyis su med par bsam mo//oM sarba ta thA ga ta hri da ya/ ha ra ha ra/ oM hUM hrIHb+ha ga bAn dz+nyA na mUrti bA gI shwa ra ma hA wa tsa sarba d+harmA ga ga na a ma la su pa ri shud+d+ha d+harma d+hA tu dz+nyA na gar+b+ha AH/ oM AHhUM zhes bya bas byin gyis brlab bo/ /sna tshogs gzugs can yid las skyes/ /
82b3 'jig rten gsum na gzhon lus gcig /ces bya ba ni/ de nas snying ga'i 'od zer gyis yang dag par rdzogs pa'i sangs rgyas sras dang bcas pa dang / khams gsum gyi sems can thams cad bkug ste/ de dag thams cad snying gar yi ge a bkod pa'i 'od zer gyis rnam
82b4 par sbyangs te/'phags pa 'jam dpal du bsam mo/ /gsum sel mtha' yas grol gsum thob/ /sangs rgyas sprul pa'i rgyan dang ldan/ /zhes bya ba ni yi ge gsum gyis byin gyis brlabs la/ dngos sam yid kyis lus dpag tu med par sprul la mchod do/ /nam
82b5 mkha'i mtha' la longs spyod cing //sems can kun yid tshim par byed/ /ces bya ba ni/ der ljags kyi 'od zer kyis bdud rtsi'i rgyun la zhugs te/ kun gyi yid tshim par dmigs shing 'dod pa'i longs spyod kyis tshim par bya'o/ /de nas/ chos kyi sbyin bdag chen po
82b6 ste//mchod 'os bstod 'os phyag gi gnas/ /zhes bya ba'i phreng ba'i sngags dang / a kA ro mu khaM sarba d+harmA NAM Ad+ya nut+pan+na twAta/ oM AHhUM/ zhes pa dang tshigs su bcad pa'i bstod pas chos kyi sbyin pa bya'o/ /byang chub sems dpa' sems dpa' che/ /shes rab kyis ni de
82b7 thob shog /byang chub chen por bsngo zhing smon lam rgya chen po gdab/ /oM AHhUM muH/ zhes pas gshegs su gsol/ pha rol phyin dang rgyud rnams ma lus dang / /bde gshegs rgyal ba'i dkyil 'khor ma lus kyis/ /kun gyi bdag nyid khyab par thugs la gnas/ /
83a1 ye shes lus can mtshan don rgya che ba/ /sna tshogs tshul las bstod kyis di ring bdag gis 'dir/ /dam pa'i gdams ngag nyer bstan rnal 'byor lam du sbyar/ /'di la dge ba dri med gang thob des/ /bdag sogs 'jam dpal ye shes sems dpa'
'drar gyur cig /