CLOSE WINDOW

D2608
བོད་ཡིག

/ //[ ]@##/ /rgya gar skad du/ ya mA ri kA la sA d+ha na nA ma/ bod skad du/ gshin rje dgra nag po'i sgrub thabs zhes bya ba/ bcom ldan 'das shes rab ye shes la phyag 'tshal lo/ /log pa'i lta ba gcod mdzad cing / /shes rab snying rjes rab tu khros//mche ba gtsigs shing bzhad mdzad pa/ /gshin rje'i dgra la phyag 'tshal nas/ /rgyud chen sgyu 'phrul dra ba las/ /bla ma'i man ngag la brten nas/ /bdag gis sgrub pa'i rim pa bzhin/ /sgrub la phan phyir brtsam par bya/ /dben zhing me tog gcal bkram pa'i//bde ba'i stan la nyer 'dug ste/ /lha dang dkon mchog spyan drangs nas/ /mchod dang sdig bshags la sogs bya/ /a b+hA ba swa b+hA ba bi shud+d+ha badzra tsak+Shu a A aM aH/ de nas stong pa'i ting 'dzin las/ /nam mkhar a ni bsam par bya/ /rdo rje me dpung rab tu 'phros//rdo rje'i steng du a bsams te/ /gyur pas shes rab ye shes ni/ /mdog dkar 'khor lo ral gri 'dzin/ /nyi steng hUM gi 'phro 'du las/ /gyur pas gshin rje gshed po ni/ /bgegs kyi rgyal po chen po ste/ /lus ni rdo rjes rnam par brgyan/ /phyag na rdo rje be con dang //shugs dang bcas pa'i sbrul zhags bsnams/ /tshad med bzhi ldan khro bo ni/ /shin tu khros pa rnam par bsgom/ /dzaHhUM baM hoHzhes bya bas dgug pa dang gzhug pa dang / bcing ba dang / dgyes pa bskyed nas/ oM swa hUM/ gsum gyis byin gyis brlabs nas dbang bskur bya'o//de nas bsgoms pas skyo na bzlas pa bya ste/ oM pradz+nyA dz+nyA na mUrta ye ya mAn+ta ka hUM/ zhes brjod nas/ mtshan brjod de gtor ma gtang bar bya'o/ /de ltar bstod nas gshegs su gsol lo/ /bdag gis 'gro la phan phyir brtsams/ /dge bas 'bras bu tshad med shog /