| བོད་ཡིག |
80b4 lo tsA ba 'a zha rgya gar brtsegs kyis bsgyur ba'o// //badzra tIk+Sh+Na dmar/ duHkha ts+tshe da sngo/ pradz+nyA dz+nyA na mUrta ye dkar/ dz+nyA na kA ya ljang / wA gI shwa ra ser/ a ra pa tsa na dkar/ i ti// //[ ]@##/ /rgya gar skad du/ badzra b+hai ra ba sA d+ha
80b5 na nA ma/bod skad du/ rdo rje 'jigs byed kyi sgrub thabs zhes bya ba/ 'jam dpa'i rdo rje la phyag 'tshal lo/ /rab tu khros shing gdug pa 'dul/ /ma lus log pa'i bdud 'dul ba/ /zhal dang phyag drug mtshon cha 'dzin/ /ma he'i zhal la phyag 'tshal te/ /de yi sgrub
80b6 pa'i rim pa zhig /bdag gis dran nas brtsam par bya/ /dang por yid dang mthun pa'i gnas su bdag nyid khrus byas te stan bde ba la 'dug nas/ oM badzra b+hai ra wa dz+wa la dz+wa la hUM/ zhes pas lus bsrungs nas/ bla ma dkon mchog la mchod pa rnams kyis yang dag
80b7 par mchod nas sdig pa bshags pa la sogs pa bya'o//oM a b+hA ba swa b+hA ba bi shud+d+ha badzra tsak+Shu a A aM aH/ zhes bya bas stong pa nyid bsgom mo/ /de nas bdag nyid yi ge ar gnas pa las de'i 'od zer kyis tshangs pa dang brgya byin dang / nyi zla'i steng du a zhu ba
81a1 ut+pal 'khor los mtshan pa de zhu ba las bcom ldan 'das 'jam pa'i rdo rje zhes bya ba sku mdog mthing nag g.yas na rdo rje g.yon na ut+pal 'dzin pa/gzhon nu'i cha lugs la rgyan gyis brgyan par bsam mo/ /de'i thugs ka na nyi ma la hUM gnas pa can du
81a2 bsams te/hUM zhes bya ba'i sgra rgyun mi 'chad par byung bas phyogs bcu'i sangs rgyas thams cad mchod/ /tshur hUM la thim pas/ zhe sdang gi skur gyur pa ni/ zhal drug phyag rnam pa drug dang ldan pa/ stobs che ba/ ma he'i zhal can/ sku mdog mthing nag /mi mgo brgya'i do
81a3 shal can/zhabs brkyang bskum du bzhugs pa/ phyag drug g.yas g.yon gyi dang po keng rus kyi dbyug pa dang rdo rje bsnams pa/ g.yas g.yon gyi bar pa na mda' gzhu dang ral gri/ tha ma na sna tshogs rdo rje dang mdung bsnams pa'o/ /de las tshad med pa bzhi'i khro bo 'phro ba can no/ /
81a4 zhabs bzhi brkyang bskum du bzhugs pa bsgoms/ de'i thugs kar nyi ma'i steng du hUM bsams la/ spyan drangs pa la sogs pa rdzogs pa dang gsang sngags bzlas pa ni/ oM hrIHSh+T+r-IHwi kri tA na na hUM hUM/ zhes pa'am/ oM duHkha ts+tshe da hUM hUM/ zhes pa bzlas par bya'o/ /de nas mtshan
81a5 kyi sgo nas bstod do//gtor ma btang nas gshegs su gsol te ldang bar bya'o/ /bdag gis dge ba 'di byas pas/ /bla med byang chub thob par shog /rdo rje 'jigs byed kyi sgrub thabs slob dpon a shwa ka shrIs mdzad pa rdzogs so// //paN+Di ta d+harma shrI mi tra dang / lo tsA ba
chos kyi bzang pos bsgyur ba'o/