CLOSE WINDOW

D2599
བོད་ཡིག

/[ ]@##/ /rgya gar skad du/ Ar+ya many+dzu shrI nA ma saM gI ti sA d+ha ni nA ma/ bod skad du/ 'phags pa 'jam dpal gyi mtshan yang dag par brjod pa'i sgrub thabs zhes bya ba/ 'jam pa'i rdo rje la phyag 'tshal lo//rang bzhin gyis ni dag pa'i bdag /ngo bo nyid kyis rnam sangs rgyas/ /snying po'i don ldan sku yi mchog /dkyil 'khor gtso la phyag 'tshal nas/ /snying po don gyi rgyud nyid las/ /brten nas bdag gis sgrub thabs brtsams/ / de nas gnas chen yid 'ong ba'i/ /nags tshal shin tu mdzes la sogs/ /dad dang dbang bskur rjes su ldan/ /byams sems ldan pas 'di brtsam mo/ /chos rnams sgyu ma lta bu'i blos/ /khro bo drug gis bsrung bar bya/ /oM badzra yak+Sha kA la rU pa hUM/ oM badzra ya mAn+ta ka hUM/zhes bya bas bsrung bar bya'o/ /de nas byams pa'i sems ldan pa'i/ /bde ba'i stan la nyer 'dug nas/ /mdun du dkyil 'khor spyan drang ste/ /phyag dang mchod pa bya ba ni/ /na maHsarba ta thA ga ta badzra d+hU pe pU dza me g+ha sa mu dra s+pha ra Na sa ma ye hUM/ na maHsarba ta thA ga ta badzra puSh+pe pU dza me g+ha sa mu dra s+pha ra Na sa ma ye hUM/na maHsarba ta thA ga ta badzra A lo ke pU dza me g+ha sa mu dra s+pha ra Na sa ma ye hUM/ na maHsarba ta thA ga ta badzra gan+d+he pU dza me g+ha sa mu dra s+pha ra Na sa ma ye hUM/ na maHsarba ta thA ga ta badzra nai wi t+ya pU dza me g+ha sa mu dra s+pha ra Na sa ma ye hUM/ na maH sarba ta thA ga ta shab+ta pU dza me g+ha sa mu dra s+pha ra Na sa ma ye hUM/zhes mchod pa sngon du song nas sdig pa bshags pa la sogs pa bya'o/ /de nas byams pa dang / snying rje dang / dga' ba dang / btang snyoms bsgom par bya'o/ /a b+ha ba swa b+ha ba bi shud+d+ha badzra tsak+Shu a A aM aH/ zhes bya bas stong pa nyid du bsgom mo/ /de nas stong pa'i ting 'dzin las/ /dang po a yi rang bzhin las/ /'od 'phros hUM las rdo rje ni/ /khro zhal drug ldan me dpung ldan/ /bum pa'i nang du mchod rten ni/ /rin chen lnga las grub pa bskyed/ /chos sku la brten gzugs sku ni//e las byung ba'i bum pa'i nang / /kha dog dkar po bskyed par bya/ /de nang b+hUM gyi 'phro 'du las/ /gru bzhi pa la sgo bzhi pa/ /'khor lo rtsibs bzhi tshom bu lnga/ /bcu drug 'khor lo dang bcas pa'i/ /dbus su seng ge gti mug gdan/ /shar du glang chen zhe sdang gdan//lhor ni rta ste nga rgyal gdan/ /nub tu rma bya chags pa'i gdan/ /byang du shang shang phrag dog ste/ /lnga yi bdag nyid bcom pa'i gdan/ /zla ba'i gdan dang bcas pa ste/ /gzhan yang de bzhin zla ba'o/ /dang po dbyangs yig rang bzhin las/ /gti mug blo ste tshul khrims mchog /chos dbyings rang bzhin zhi ba'i sku/ /dbus su rnam par bsam par bya/ /'di ltar sangs rgyas skye med pa'i/ /zhal lnga phyag brgyad pad+ma'i steng / /'di ltar sangs rgyas skye med pa'i/ /'dab bzhi a ra pa tsa na/ /'di ltar sangs rgyas skye med pa'i/ / rdzogs pa'i sangs rgyas mthing ga ste/ /thabs dang shes rab nyi zla'i bar/ /a ni yig 'bru kun gyi mchog /kha dog sna tshogs 'bar ba'o/ /rdo rje skyil krung bcas par bsgom/ /zhe sdang chen po bzod pa'i bdag /me long rang bzhin mthing ka ste/ /brtan pa'i rtags can mi bskyod pa//cung zhig khros pa'i tshul gyis bzhugs/ /chags pa chen po sbyin pa'i bdag /mnyam pa'i rang bzhin ser po ste/ /chags pa chen po'i rang bzhin gyis/ /mnyam pa yi ni tshul gyis bzhugs/ /bsam gtan rang bzhin 'dod pa'i bdag /so sor kun rtog dmar po ste/ /'dod chags chen po'i rang bzhin gyi/ /bsam gtan gyi ni tshul gyis bzhugs/ /skyob pa'i rang bzhin phrag dog sel/ /bya ba nan tan sna tshogs mdog /phrag dog chen po'i rang bzhin bdag /phrin las kyi ni tshul gyis bzhugs//don chen stong pa'i rang bzhin gyi/ /me long ye shes mthing ka ste/ /rdo rje bsnams pa 'gying bag can/ /pad+ma zla ba'i steng na bzhugs/ /brjod pa bral bas mtshan ma med/ /mnyam nyid ye shes mthing ka ste/ /rin chen bsnams pa 'gying bag can//pad+ma zla ba'i steng na bzhugs/ /brjod pa 'byung ba smon pa med/ /so sor kun rtog dmar po ste/ /pad+ma bsnams pa 'gying bag can/ /pad+ma zla ba'i steng na bzhugs/ /chos dang chos can de bzhin nyid/ /bya ba sgrub pa sna tshogs dag /rgya gram bsnams shing 'gying bag can//pad+ma zla ba'i steng na bzhugs/ /byang chub mchog gi 'dod pa'i bdag /sku mdog mthing ga chen po ste/ /shes rab chen po'i sku 'chang ba/ /rdo rje skyil krung zla ba'i steng / /bde ba mchog gi rang bzhin gyi/ /sku mdog ser po'i sku 'chang ba/ / byams pa'i rang bzhin lcags kyu 'dzin/ /rdo rje skyil krung zla ba'i steng / /dga' ba'i mchog gi rang bzhin gyi/ /sku mdog dmar po sgra yi bdag /dbyer med thugs kyi mda' gzhu 'dzin/ /rdo rje skyil krung zla ba'i steng / /mgu ba chen po'i rang bzhin gyi/ /sku mdog ljang gu'i mdog can te//phrag dog spangs pa mgu ba'i bdag /rdo rje skyil krung zla ba'i steng / /gzugs kyi che ba'i bdag nyid can/ /sku mdog gser dang 'dra ba ste/ /dbul ba sel mdzad rin chen 'dzin/ /rdo rje skyil krung zla ba'i steng / /kha dog shin tu gsal ba yi//sku mdog ban+du la yi mdog /gnyen po mthar 'dzin nyi ma 'dzin/ /rdo rje skyil krung zla ba'i steng / /mtshan thos pas ni snyan pa ste/ /ljang gu sna yi rnam shes sku/ /snyan pa yis ni tog 'dzin pa'i/ /rdo rje skyil krung zla ba'i steng / /snying po 'dus pas mi bzad mdzod//sku ni mthing ga'i mdog can te/ /'gyod pa med pas so phreng 'dzin/ /rdo rje skyil krung zla ba'i steng / /shes rab kyis ni rnam par 'byed/ /sku mdog pad+ma rA ga'i mdog /chags pa med pas pad+ma 'dzin/ /rdo rje skyil krung zla ba'i steng / /nyon mongs pa yi 'dzin pas bcings//sku mdog ljang gu 'od dang ldan/ /nyon mongs gcod byed ral gri 'dzin/ /rdo rje skyil krung zla ba'i steng / /snang ba bzhin du gsal bar rtogs/ /mthing ka lce yi rnam shes sku/ /gzhan yang ltos pa'i 'khor lo 'dzin/ /rdo rje skyil krung zla ba'i steng //rtog pas rang 'dra de rtog byed/ /sku mdog gser bsregs 'dra ba'i sku/ /smra bar byed pa'i lce bsnams shing / /rdo rje skyil krung zla ba'i steng / /mkhas pas gnyen po sna tshogs brten/ /ljang gu'i mdog can mdzes pa'i sku/ /sbyor ba'i bdag nyid rgya gram 'dzin//rdo rje skyil krung zla ba'i steng / /sgyu ma'i rang bzhin don kun 'grub/ /sku mdog mthing ka chen po ste/ /phyir mi ldog pa'i mche ba 'dzin/ /rdo rje skyil krung zla ba'i steng / /byams dang snying rje dga' bas dga'/ /sku mdog gser 'dra mdzes pa'i sku/ / dman pa'i lus grol go cha 'dzin/ /rdo rje skyil krung zla ba'i steng / /'bras bu chos sku sgyu ma'i sku/ /mig 'phrul sprul pa mthing ga'i mdog /rang bzhin don grub khu tshur phyag /rdo rje skyil krung zla ba'i steng / /rgyan rnams kun gyis rnam brgyan cing / /bzhi bzhis yongs su bskor ba'o//sbyin pa'i bdag nyid sgeg mo gtso/ /sku mdog dkar mo me long 'dzin/ /rdo rje skyil krung zla ba'i steng / /shar lho mtshams su bsam par bya/ /tshul khrims bdag nyid phreng ba ma/ /sku mdog ser mo phreng ba 'dzin/ /rdo rje skyil krung zla ba'i steng / / lho nub mtshams su bsam par bya/ /bzod pa'i bdag nyid glu ma ni/ /sku mdog dmar mo pi wang 'dzin/ /rdo rje skyil krung zla ba'i steng / /nub byang mtshams su bsam par bya/ /brtson 'grus bdag nyid gar ma ni/ /sku mdog ljang gu gar ma ste/ /rdo rje skyil krung zla ba'i steng //byang shar mtshams su bsam par bya/ /dang po'i dbyangs yig las byung ba'i/ /shes rab dkyil 'khor bskyed byas nas/ /'khor lo bcu drug dag la ni/ /thabs kyi dkyil 'khor de bzhin no/ /byams chen rang bzhin dpag med pa'i/ /byang chub sems dpa' byams pa ni//sku mdog dmar ser gun+d+he bsnams/ /sems dpa'i skyil krung zla ba'i steng / /snying rje shes rab mchog gi sku/ /byang chub sems dpa' 'jam dpal ni/ /ljang ser phyag na ut+pal bsnams/ /sems dpa'i skyil krung zla ba'i steng //dga' ba'i shes rab blo chen ni/ /byang chub sems dpa' spos glang po/ /mthing ga phyag na spos phor 'dzin/ /sems dpa'i skyil krung zla ba'i steng / /mkhas pa btang snyoms thabs che ba/ /byang chub sems dpa' ye shes tog /dkar po phyag na tog bsnams te//sems dpa'i skyil krung zla ba'i steng / /rdzu 'phrul snying rje'i stobs dang ldan/ /sems dpa' blo gros rgya mtsho ni/ /gser mdog phyag na rin po che/ /sems dpa'i skyil krung zla ba'i steng / /shugs chen byams pa'i stobs dang ldan/ / sems dpa' blo gros mi zad pa/ /gser mdog phyag na rin chen 'dzin/ /sems dpa'i skyil krung zla ba'i steng / /rdzu 'phrul sna tshogs dga' ba'i bdag /byang chub sems dpa' bzang skyong ni/ /mdog sngon phyag na spos kyi shing / /sems dpa'i skyil krung zla ba'i steng //bdag gzhan sde 'joms btang snyoms bdag /byang chub sems dpa' spobs brtsegs ni/ /mthing ga'i mdog can pu sti bsnams/ /sems dpa'i skyil krung zla ba'i steng / /srid pa'i ri 'joms dga' ba ni/ /byang chub sems dpa' mthu chen thob//mdog dmar phyag na pad+ma bsnams/ /sems dpa'i skyil krung zla ba'i steng / /sra zhing mkhregs pa btang snyoms sku/ /byang chub sems dpa' ngan song 'dren/ /dmar ser phyag na lcags kyu 'dzin/ /sems dpa'i skyil krung zla ba'i steng / / drag po chen po byams pa'i sku/ /byang chub sems dpa' mya ngan 'joms/ /dung mdog phyag na ral gri bsnams/ /sems dpa'i skyil krung zla ba'i steng / /snying rjes 'jigs pa che las skyob/ /byang chub sems dpa' dra ba can/ /mdog dkar phyag na dra ba bsnams/ / sems dpa'i skyil krung zla ba'i steng / /mgon po'i rigs te btang snyoms sku/ /sems dpa' zla 'od gzhon nu ni/ /dkar ser phyag na zla ba bsnams/ /sems dpa'i skyil krung zla ba'i steng / /dga' ba'i byin brlabs che ba'i mchog /byang chub sems dpa' 'od dpag med//mdog dkar phyag na lcags kyu bsnams/ /sems dpa'i skyil krung zla ba'i steng / /byang chub snying rje'i lam gyi bdag /sems dpa' nam mkha'i snying po ni/ /sku mdog ljang khu ral gri 'dzin/ /sems dpa'i skyil krung zla ba'i steng / /theg chen byams pa chen po'i bdag /byang chub sems dpa' nam mkha'i mdzod/ /mthing ka rin chen zur brgyad sgrom/ /sems dpa'i skyil krung zla ba'i steng / /bsam gtan gyi ni bdag nyid de/ /dri yi lha mo bdug pa ma/ /mthing ka'i mdog can spos phor 'dzin/ /sems dpa'i skyil krung zla ba'i steng //shes rab pha rol phyin pa'i bdag /mdzes pa'i me tog lha mo ni/ /dkar mo phyag na me tog 'dzin/ /sems dpa'i skyil krung zla ba'i steng / /thabs kyi shes rab pha rol phyin/ /mdzes pa'i dri yi lha mo ni/ /dmar mo phyag na dri chab bsnams//sems dpa'i skyil krung zla ba'i steng / /smon lam gsal ba'i pha rol phyin/ /ro dang ldan pa'i zhal zas ma/ /ljang gu phyag na ro mchog bsnams/ /sems dpa'i skyil krung zla ba'i steng / /ye shes snying rje chen po yi/ /khros pa'i lha mo lcags kyu ma/ / mthing ka phyag na lcags kyu 'dzin/ /khros pa'i tshul gyis zla ba'i steng / /byams pa'i pha rol phyin pa'i stobs/ /khros pa'i lha mo zhags pa ma/ /ser mo phyag na zhags pa bsnams/ /khros pa'i tshul gyis zla ba'i steng / /dga' ba'i pha rol phyin pa'i stobs/ /khros pa'i lha mo lcags sgrog ma//dmar mo phyag na lcags sgrog bsnams/ /khros pa'i tshul gyis zla ba'i steng / /ye shes zad med btang snyoms bdag /khros pa'i lha mo dril bu ma/ /ljang gu'i mdog can dril bu ma/ /khros pa'i tshul gyis zla ba'i steng / /dang po'i dbyangs yig rang bzhin las//lha rnams de ltar bskyed par bya'o/ /oM pra kr-i ta pa ri shud+d+ha sarba d+harmA ya du ta/ sarba ta thA ga tA dz+nyA na kA ya many+dzu shrI pa ri shud+d+hi tA/ mu pA da ye ta a/ zhes spyan drang bar bya'o/ /a A i I u U e ai o au aM a/s+thi to hr-i di dz+nyA na mUrti/ ra haM bud+d+ho bud+d+hA nAM/ t+r+ya d+h+wa warti ni/ oM badzra tIk+Sh+Na/ duH khats+tshe da/ pradz+nyA dz+nyA na mUrta ye/ dz+nyA na kA ya/ wA gI shwa ra/ a ra pa tsa nA ya te na maH/ zhes phyag btsal bar bya'o/ /dzaHhUM baM hoH/ zhes bya bas gnyis su med par bstim par bya'o/ / oM sarba ta thA ga tA hr-i da ya ha ra ha ra/ oM hUM hrIHb+ha ga bAn dz+nyA na mUrti a/ zhes bya bas zla ba'i steng du sa bon gsum gyis byin gyis brlab par bya'o/ /oM sarba ta thA ga ta hr-i da ya/ ha ra ha ra/ sarba d+harma ga ga na/ a ma la su pa ri shud+d+ha d+harma d+hA tu dz+nyA na gar+b+ha AH/ zhes bya bas dbang bskur te/rigs rnams kyis mtshon pa'o/ /de nas bsgom pa rab tu brtsams/ /ma yengs gsal bar byas te bsgom/ /a ra pa tsa na a zhes bzlas par bya'o/ /de nas mtshan gyi sngags brjod par bya'o/ /mtshan rnams bsdus nas gtso bo la zhu ste kun du zhal rnam par snang mdzad du'o//gzhan du ni gtso bo zhu ba dang rjes kyi gtso bo zhu ba'o/ /gti mug can sbyangs nas/ pradz+nyA dz+nyA na mUrti a zhes bya bas chos kyi dbyings kyi ye shes sems dpa' las byung ba'i skur gsal bar byas te mtshan brjod par bya'o/ /zhe sdang can sbyangs nas duHkhats+tshe da zhes bya bas me long lta bu'i ye shes sems dpa' las byung ba'i skur gsal te mtshan brjod par bya'o//'dod chags can sbyangs nas oM badzra tIk+Sh+Na zhes bya bas so sor kun du rtog pa'i ye shes sems dpa' las byung ba'i skur gsal te mtshan brjod par bya'o/ /nga rgyal can sbyangs nas oM wA gI shwa ra zhes bya bas mnyam pa nyid kyi ye shes sems dpa' las byung ba'i skur gsal te mtshan brjod par bya'o//phrag dog can sbyangs nas dz+nyA na kA ya zhes bya bas bya ba grub pa'i ye shes sems dpa' las byung ba'i skur gsal te mtshan brjod par bya'o/ /de ltar longs sku dang sprul sku'i sngags brjod nas bstod pa ni//mchog sbyin rdo rje mchog khyod 'dud/ /yang dag mthar gyur khyod la 'dud/ /stong nyid las byung khyod la 'dud/ /sangs rgyas byang chub khyod la 'dud/ /ces bya bas stong pa nyid de dang mtshan ma med pa dang smon pa med pa dang /rang bzhin gyis rnam par dag pa'o/ /yum bzhis chos sku la bstod pa'o/ /sangs rgyas chags pa khyod la 'dud/ /sangs rgyas 'dod la phyag 'tshal 'dud/ /sangs rgyas dgyes pa khyod la 'dud/ /sangs rgyas rol la phyag 'tshal 'dud/ / ces bya bas nang stong pa nyid dang phyi stong pa nyid dang phyi nang stong pa nyid dang stong pa nyid stong pa nyid kyi sgo nas shar phyogs kyi sems dpa' bzhis chos sku la bstod pa'o/ /sangs rgyas 'dzum pa khyod la 'dud/ /sangs rgyas bzhad la phyag 'tshal 'dud/ /sangs rgyas gsung nyid khyod la 'dud//sangs rgyas thugs la phyag 'tshal 'dud/ /ces bya bas chen po stong pa nyid dang don dam pa stong pa nyid dang 'dus byas stong pa nyid dang 'dus ma byas stong pa nyid de lho'i phyogs kyi sems dpas chos sku la bstod pa'o/ /med pa las byung khyod la 'dud//sangs rgyas 'byung ba khyod la 'dud/ /nam mkha' las byung khyod la 'dud/ /ye shes las byung khyod la 'dud/ /ces bya bas mtha' las 'das pa stong pa nyid dang thog ma dang tha ma med pa stong pa nyid dang dor ba med pa stong pa nyid dang rang bzhin stong pa nyid de nub phyogs kyi sems dpas chos sku la bstod pa'o//sgyu 'phrul dra ba khyod la 'dud/ /sangs rgyas rol ston khyod la 'dud/ /thams cad thams cad khyod la 'dud/ /ye shes sku nyid khyod la 'dud/ /ces bya bas chos thams cad stong pa nyid dang rang gi mtshan nyid stong pa nyid dang mi dmigs pa stong pa nyid dang dngos po med pa'i ngo bo nyid stong pa nyid de byang phyogs kyi sems dpas chos sku la bstod pa'o//a b+hA ba swa b+hA ba bi shud+d+ha badzra tsa k+Shu aM a/ zhes bya bas bzlas pa bstan nas gtor ma gtang bar bya'o/ /de nas spyod lam gyis gnas par bya'o//bdag gis bla ma'i gdams pa la brten nas/ rgyud don dbang po rdo rje'i tshig don sbyar/ /mkha' 'gro'i rjes su 'brangs nas de brtsams pas/ /'gro kun ye shes sems dpa' rtogs par shog /'phags pa 'jam dpal gyi mtshan yang dag par brjod pa'i dkyil 'khor gyi sgrub thabs u rgyan gyi slob dpon shrI a wa d+hU tI pa chen pos mdzad pa rdzogs so// //rgya gar gyi mkhan po d+harmA shrI mi tra dang / bod kyi lo tsA ba dge slong chos kyi bzang pos bsgyur ba'o// //