| བོད་ཡིག |
50a6 /'jam dpal mtshan mchog thob gyur cig /'phags pa 'jam dpal gyi mtshan yang dag par brjod pa'i sgrub thabs gsang ba'i sgron ma slob dpon chen po pra dz+nyA gu rus mdzad pa rdzogs so/ /[ ]@##/ /rgya gar skad du/ Ar+ya many+dzu
50a7 shrI nA ma sang+gi ti tsakra kra maH/bod skad du/ 'phags pa 'jam dpal gyi mtshan yang dag par brjod pa'i 'khor lo'i rim pa/ bcom ldan 'das 'jam dpal ye shes sems dpa' la phyag 'tshal lo/ /thog med dus mtha' nam mkha' bsod nams dpag med pa/ /mkha'
50b1 mnyam sems can sgrol phyir thams cad mkhyen bsngos pa'i//'jam dbyangs mtshan ldan dus gsum bde gshegs dge ba'i bshes gnyen byang chub sems dpa'i tshul/ /kun du gzigs par lung bstan bsam gyis mi khyab de la bdag phyag 'tshal/ /bla ma dam pa'i
50b2 gzhung lugs las//man ngag rgyas par rab bstan pa/ /snyigs ma'i sems can blo zhan rnams/ /rnam rtog g.yeng bas mos pa nyung / /de la dran phyir bsdus pa 'di/ /grub dang lung bstan ma thob kyang / /sman pa phan par zhugs pa bzhin/ /bdag gis 'di ni byas pa
50b3 yin//dbang dang dam tshig ldan pa yis/ /yid dga' ba yi gnas dag tu/ /bde ba'i stan la 'dug nas ni/ /snying gar zla ba'i dkyil 'khor la/ /yi ge a ni rnam bsams nas/ /de yi 'od kyis bla ma dang / /bde gshegs sras dang bcas pa rnams/ /mdun du mngon sum
50b4 lta bur dmigs//lus ngag yid kyis yang dag par/ /sangs rgyas kun la phyag 'tshal lo/ /rgya chen 'dod pa thams cad gyis/ /sangs rgyas kun la mchod par bgyid/ /sangs rgyas byang chub sems kun la/ /sdig pa thams cad so sor bshags/ /sangs rgyas
50b5 byang chub sems bskyed pa'i//dge ba kun la rjes yi rang / /mngon sangs rgyas nas mi ring ba'i/ /rdzogs pa'i sangs rgyas thams cad la/ /chos kyi 'khor lo dam pa ni/ /bskor phyir bdag gis bskul bar 'tshal/ /yongs su mya ngan 'da' bzhed pa/ /de bzhin
50b6 gshegs pa thams cad la//bskal pa rab mang bzhugs par ni/ /sangs rgyas kun la gsol ba 'debs/ /gang yang bdag gi mchod pa rnam drug dang / /dge ba bzhin byas de dag thams cad ni/ /bla med rdzogs pa'i sangs rgyas nyid thob phyir/ /bdag gis chos bzhin
50b7 yongs su bgyi//chos la dbang bskur sangs rgyas thams cad la/ /byang chub snying po'i bar du skyabs su mchi/ /e ma sems can bla med bsgral ba'i phyir/ /bdag gis thams cad mkhyen pa thob gyur cig /bdag nyid dngos po 'bul lags kyis/ /sangs rgyas byang
51a1 chub sems rnams kyis//ji ltar bzhed pa mdzad pa'i phyir/ /bdag lus so sor bzhes su gsol/ /bde bar gshegs pa thams cad kyis/ /khyad 'phags lam ni bdag gis bsten/ /de nas ye shes rnam lnga yi/ /gzugs brnyan tsam la
51a2 rab dmigs la//rang bzhin gyis ni rnam dag pa/ /rang bzhin gyis ni byin gyis brlab/ /oM shU n+ya tA dz+nyA na badzra swa b+hA wa At+ma kou0f85haM/ nam mkha' lta bur rab dmigs la/ /yi ge b+h+rUM las byung ba yi/ /stong gsum tshad dang mnyam pa yi/ /mchod rten bde gshegs gzhal y
51a3 as ni//rim pa drug dang ldan par bsgom/ /mtshan nyid thams cad rdzogs par bsam/ /dbus kyi snying po'i pho brang du/ /dbus su seng ge'i gdan nyid de/ /gzhan yang rim pa ji bzhin bsam/ /de yi dbus ma'i gdan thog tu/ /a las bskyed pa'i bcom ldan
51a4 'das//mdog dkar ral pa'i thor tshugs can/ /zhi ba rgyan spangs byang chub mchog /kun du zhal gyis rnam par mdzes/ /de thugs d+hIHlas bskyed pa yi/ /gdong lnga zur phud lnga pa me tog thod/ /g.yas pa bzhi na ral gri ste/ /g.yon bzhi shes rab pu sti bsnams/ /
51a5 rgyan dang na bza' gzhon nu'i tshul/ /thugs kar a las byung ba yi/ /'khor lo rim pa bzhi dang ldan/ /ji ltar gsang sngags dgod pa ni/ /'khor lo'i cho ga mthong ba yis/ /dang po'i sangs rgyas thugs kar bsam/ /lte bar a las byung ba yi/ /ye shes sems dpa'
51a6 zhal drug pa//ut+pal dmar dang sngon po ni/ /po tis mtshan pa bsnams pa'o/ /gzhon nu'i rgyan ldan thugs kar ni/ /zla ba'i steng du a dkar bsam/ /de las so sor 'phros pa yis/ /rim bzhin thams cad snang byas nas/ /nam mkha'i mtha' mnyam
51a7 sems can gyi//ma rig mun pa bsal byas nas/ /slar 'dus rim bzhin rang nyid kyi/ /yi ge'i nang du 'dus par blta/ /de nas sngags kyi 'khor lo yi/ /mtshan brjod rim par bklag pa yang / /'di ltar sangs rgyas bcom ldan 'das/ /zhes pa dang po nas brtsams
51b1 nas//don chen yi ge dam pa'i bar/ /rang gis de nyid brjod pa yin/ /khong nas 'byung ba skye ba med/ /tshig kun rab tu gsal bar byed/ /de mthar thug pa yum bzhi yin/ /mchod pa chen po 'dod chags che/ /zhes pa dang por brtsams byas nas/ /chags pa thams
51b2 cad sel bar byed//de dag mthar ni rigs lnga ste/ /bde gshegs yab dang yum rnams kyang / /mtshan gyi don la rab dmigs te/ /mnyam par bzhag nas mtshan brjod ni/ /rim bzhin klog pa'i rnal 'byor pas/ /rang gi de nyid yi ge las/ /rim bzhin spro zhing bsdu ba
51b3 yis//rang rang gdan la dgod par bya/ /'dod pa chen po bde ba che/ /zhes pa dang por brtsams nas ni/ /sgyu 'phrul chen po mig 'phrul can/ /de yi mthar thug sems dpa' ni/ /bcu drug 'khor lo rab tu dgod/ /yi ge a las bskyed pa dang / /sems can don byas
51b4 slar 'dus te//rang gi gdan la dgod par byas/ /sbyin bdag chen po gtso bo ste/ /zhes pa dang por brtsams byas nas/ /smon lam ye shes rgya mtsho'i bar/ /phyi nang lha mo bskyed par bya/ /byams chen rang bzhin dpag tu med/ /de bzhin theg chen tshul gnas par/ /yi ge
51b5 a las bskyed pa yi//bskal bzang phyi rol rim bzhin du/ /'khor lo gsum la dgod par bya/ /rdo rje dbyings kyi dkyil 'khor ni/ /ji srid bsgoms pa'i mthar thug pa/ /tshigs bcad bcu bzhi dag gis ni/ /mtshan gyi don rnams bstan pa yin/ /'od zer 'phro
51b6 zhing bsdu ba dang //gzugs su gyur nas lhar gnas pa/ /pho brang snying po'i dkyil 'khor ro/ /rim gnyis chos dbyings ye shes kyi/ /dkyil 'khor dgod pa bstan par byas/ /sangs rgyas rnam par snang mdzad che/ /zhes pa dang por brtsams byas nas/ /rdo rje lcags
51b7 kyu zhags pa che//mthar thug oM gyi rnam par spro/ /gti mug spyod pa dag byas te/ /slar 'dus rim pa gnyis pa las/ /rnam par snang mdzad tshul gyis ni/ /mtshan gyi don rnams grangs bzhin du/ /phyogs bzhi dag nas bzhugs pa yin/ /tshigs bcad nyi shu rtsa lnga
52a1 ru//tshig rkang gcig gis ma tshang ba/ /'di yi don la dmigs shing dgod/ /de nas rim pa gsum pa ru/ /me long lta bu'i ye shes kyis/ /tshul nas rab tu bstod pa ni/ /rdo rje 'jigs byed 'jigs par byed/ /ces pa dang por brtsams nas ni/ /
52a2 sgra dang ldan pa rnams kyi mchog /ces pa yi ni mthar thug par/ /hUM gi rnam par spro zhing bsdu/ /mi bskyod pa yi rnam par dgod/ /tshig rkang gcig gis lhag pa yi/ /tshigs bcad bcu yis phyogs bzhi ru/ /gsang sngags bdun cu rtsa gcig spros/ /zhe sdang
52a3 btul nas rnam par gnas//de nas rim pa bzhi pa ni/ /yang dag bdag med de bzhin nyid/ /ces pa dang por brtsams nas ni/ /ye shes me lce 'od 'bar gsal/ /de mthar thug pa spro bsdu ste/ /snang ba mtha' yas rnam pa yis/ /phyogs bzhi dag tu rnam par
52a4 gnas//so sor kun rtog ye shes ni/ /hrIHyi rnam par spro bsdu ste/ /'dod chags rnam par dag byas la/ /tshigs bcad bzhi bcu rtsa gnyis kyi/ /mtshan don gzhung las byung ba bzhin/ /phyogs bzhi rnam par bgos pa'o/ /de nas rim pa lnga pa yi/ /dkyil
52a5 'khor bdag gis bshad par bya//'dod pa'i don grub dam pa ste/ /zhes pa dang por brtsams byas nas/ /nor bu chen po rin chen tog /de mthar thug pa mnyam nyid kyi/ /ye shes tshigs bcad nyi shu gnyis/ /'od zer 'phros shing 'dus pa yis/ /
52a6 ser sna can ni rnam bcom zhing / /mtshan gyi don ni grangs bzhin du/ /rin chen 'byung ldan tshul du gnas/ /trAM gi rnam par 'phro zhing 'du/ /de nas rim pa drug pa'o/ /don grub dkyil 'khor dgod pa yang / /tshigs bcad bco lnga'i mtshan don ni/ /sangs rgyas
52a7 kun gyis rtogs bya ba//zhes pa dang por brtsams byas nas/ /'jam dpal dpal dang ldan pa'i mchog /de yi mthar thug mtshan rnams ni/ /a yi rnam par spro zhing bsdu/ /bya ba grub pa'i ye shes kyi/ /'gro ba phrag dog rnam sbyangs te/ /don grub rnam
52b1 par rim bzhin dgod//de lta bu yi tshul nyid kyis/ /'od zer spro zhing bsdus nas su/ /khams gsum sems can thams cad ni/ /gang gi 'od zer reg gyur pa/ /de yi sangs rgyas rnams su 'gyur/ /sangs rgyas kun la reg 'gyur zhing / /bsdu zhing bdag dang mnyam
52b2 par sbyar//dkyil 'khor de dag thams cad kyang / /mdog dang gdan dang phyag rgya rnams/ /de bzhin dang po'i sangs rgyas dang / /'khor lo la sogs rim pa yang / /ji ltar grags pa bzhin du dgod/ /de nas dzaHhUM baM hoHyis/ /ye shes 'khor lo rnams
52b3 bkug cing //bdag dang mnyam par sbyar byas nas/ /rang bzhin mchod pa'i sprin tshogs bstims/ /bsdus pa'i sgo nas bstod pa yang / /mchog sbyin rdo rje mchog khyod 'dud/ /ces pa dang por brtsams byas nas/ /ye shes sku nyid khyod la 'dud/ /ces pa'i
52b4 tshigs bcad bzhi bzhi yis//dkyil 'khor lnga la bsdus te bstod/ /de nas mtshan gyi yon tan ni/ /lag na rdo rje rdo rje 'chang / /zhes pa dang por brtsams byas nas/ /chos kyi rgyal por 'gyur zhes pa/ /yon tan sgo nas bstod pa yin/ /lag na rdo rje rdo rje 'chang / /
52b5 zhes pa lnga yis rnam phye la/ /dkyil 'khor lnga yi yon tan ni/ /rim pa bzhin du mkhas pas dbye/ /de yis tshigs bcad mtshan rnams ni/ /dkyil 'khor lnga yi yon tan grags/ /oM sarba d+harmA zhes pa nas/ /dz+nyA na gar+b+ha AHyi bar/ /sku yi phreng ba'i sngags kyis ni/ /
52b6 de la brtan zhing rab gnas par/ /sngags kyi sgo nas bstod pa yin/ /de nas dpal ldan rdo rje 'chang / /zhes pa dang por brtsams byas nas/ /rdzogs pa'i sangs rgyas kun gyis bshad/ /de yi mthar thug bsdus pa yi/ /sgo nas yang dag ston pa yin/ /de ltar gang zhig sgom
52b7 byed cing //ngag gi 'khor lo rnam 'phros te/ /rnam gsum don la dmigs pa yis/ /ring por mi thogs 'dul dbang gis/ /yon tan gzhung sogs thams cad kyang / /ma lus de yis thob par 'gyur/ /sa mchog bcu gnyis rab bgrod nas/ /'jam pa'i dbyangs dang
53a1 'dra bar 'gyur//thun bzhi'am ni thun gsum gyis/ /mtshan ma brtan po byung gi bar/ /de ni rgyun du bklag par bya/ /de nas dkyil 'khor dbang bskur dang / /zhi sogs las rnams bsam par bya/ /gzhan yang shi la phan pa dang / /cho ga'i bye brag
53a2 ma lus kun//cho ga chen por mthong bar bya/ /dkyil 'khor bsdu ba'i rim pa yang / /rim bzhin yi ge a las te/ /de nas thig le dmigs pa med/ /sgyu ma'i tshul du spyod lam brtag /dam pa'i gzhung lugs gsal mod kyi/ /bsdus la dga' ba'i ngor byas
53a3 nas//bdag 'dras brtsams par mi 'os te/ /khab len dbang gis lcags bsdu bzhin/ /'jam pa'i dbyangs la mos pa yin/ /rang dbang med par rtsom pa la/ /'jam pa'i dbyangs kyis bzod par mdzod/ /de las bdag gis dge ba gang thob des/ /'gro ba rnams
53a4 kyi don rtogs zhi gyur nas//bdag sogs 'jam pa'i dbyangs dang 'dra gyur te/ /nam mkha'i mtha' mnyam sems can grol bar shog /'phags pa mtshan yang dag par brjod pa'i 'khor lo'i rim pa/ bla ma dam pa'i cho ga chen po'i gzhung rnams las/ /blo zhan pa'i
don du mos pa tsam las 'jug pa 'di dag gi rim pa phra mo rdzogs so/