| བོད་ཡིག |
151a2 @##/ /rgya gar skad du/ ne trod+g+ha Ta bi d+hiH/ bod skad du/ spyan dbye ba'i cho ga /ye shes sems dpa' la phyag 'tshal lo/ /ma 'ongs rnams la phan slad du/ /zab cing rgya che'i mtshan bstan pa'i/ /sku gzugs la sogs rab gnas pa/ /rung bar bya phyir bdag gis
151a3 bshad//dkyil 'khor dang ni ting 'dzin dang / /phyag rgya sngags dang 'dug stangs dang / /bzlas brjod sbyin sreg mchod pa dang / /las la sbyar dang slar bsdu rnams/ /slob dpon de nyid bcu shes pas/ /cho ga rnams ni bshad par bya/ /lha khang mchod rten lugs ma dang / /dam chos
151a4 glegs bam ras ris rnams//zin cing thams cad rdzogs pa dang / /bde ba'i yon tan kun bskyed cing / /bsod nams 'phel bar bya ba'i phyir/ /rab tu gnas par byed par 'os/ /sku gzugs la sogs zin nas ni/ /yun rings gnas kyang ma mchod na/ /ji srid
151a5 mchod gnas ma gyur pas//de la mi shes skye bar 'gyur/ /de la bsnyen pa la sogs pa'i/ /gzhung bzhin bya ba rdzogs bya ste/ /rab tu gnas pa'i rgyud dag la/ /'bras chan la sogs kyis sbyang bya/ /chu bdun gyis ni bkru byas shing / /rnam lnga 'dag chal gyis kyang
151a6 bkru//dUR+Was kyang ni brud par bya/ /de nas gang yin lhar bskyed de/ /spyan drangs bstims la mchod pa bya/ /bcug ste dbang rnams bskur ba ni/ /rig pa'i dbang ni bskur bya ste/ /'khor ba ma stongs bar dag tu/ /sems can don mdzod ces pa brjod/ /na bza' dri zhim
151a7 rgyan rnams dbul//mchod pa'i bye brag rnams kyis mchod/ /thur ma phyag rgyas spyan yang dbye/ /snyan 'bru zhal dbye dbu bshad cing / /phyag zhabs sen mo dreg cing sgu phyi'o/ /me long dbul zhing mchod pa kun gyis mchod/ /de nas bzhugs su gsol ba ni/ /rdzogs sangs rgyas dang
151b1 lha rnams dang //de sras tshangs la sogs pa kun/ /gang zhig cho ga'i bya ba ni/ /nongs gyur de dag bzod mdzad rigs/ /sbyin bdag rnams la zhi ba dang / /bde legs chen po kun mdzad de/ /sangs rgyas yul du gshegs su gsol/ /slar yang 'byon par mdzad du gsol/ /gang 'di
151b2 sku gzugs bskal pa'am//bskal pa brgya las lhag gnas shing / /sa dang chu dang me dang ni/ /rlung las lha rnams kun gyis bsrungs/ /slob dpon slob mar bcas pa dang / /bu dang tsha bo rnams bsrungs te/ /rang dga' yid bder gyur nas ni/ /rab gnas bzang po dag tu bzhed/ /