CLOSE WINDOW

D2581
བོད་ཡིག

/rigs drug lha rang gi yi dam byed pa'i tshe bsgoms nas brjod par bya'o/ /mtshan yang dag par brjod pa'i bklag pa'i bsgom khog /slob dpon dpal ldan byang chub mchog gis mdzad pa rdzogs so/ /[ ]@##/ /rgya gar skad du/ Ar+ya many+dzu shrI nA ma saM gI ti nA ma ho ma kra ma/bod skad du/ 'phags pa 'jam dpal gyi mtshan yang dag par brjod pa zhes bya ba'i sbyin sreg gi rim pa/ 'jam dpal ye shes sems dpa' la phyag 'tshal lo/ /bden pa gnyis la gnas shing dri med gzi brjid ldan pa yi/ /tshul mchog dam pa rim pa bzhir ldan rnal 'byor pa/rim gnyis tshul gyis sbyin sreg cho ga bshad par bya/ /da ni mtshan yang dag par brjod pa'i sngags kyis dbang gis 'dir gsungs pa na ba'i don du zhi ba'i las bya'o/ /'byor pa'i don du rgyas pa'i las bya'o/ /dbang ni dgug pa'o/ /drag po ni tshar gcod pa'o//de'i don rgyas par bshad par bya ste/ snying rje dang dga' bar ldan pa'i rnal 'byor pas/ bdag dang gzhan la phan gdags pa'i phyir/ zhi ba dang rgyas pa dang dbang du bya ba la sogs pa gsungs te/ dbang bskur ba'i thog mar zhi ba'o/ /de nas rgyas pa'o/ /de nas dbang dang drag po'o//tha mar las thams cad pa'o/ /thab dang phyag rgya dgod pa dang / /dus dang kha lta mchod rdzas dang / /bzhag thabs dang ni 'dug stangs dang / /yam shing bud shing gzar bu dang / /rnal 'byor ting 'dzin rim pa dang / /ku sha me dang sreg rdzas dang / /spyan drangs de la mchod pa dang //rdzas dbul bstod de phyag bya ba/ /lhar bsgoms spyan drangs bzhugs gsol dang / /rgyas 'debs bzhi yis rgyas gdab cing / /mchod bstod dgang gzar gyis dbul bya/ /phyi ma rim gyis gong ltar dbul/ /de nas bstod pa phyag bya dang / /tha mar gshegs su gsol ba dang //de nas me lha de dang ni/ /gong ma'i rim pa ji bzhin pas/ /lhag ma'i rdzas kyis mchod bya ste/ /tha mar gshegs su gsol bar bya/ /de nas gsungs te rjes su ni/ /yi rang dbul zhing rdzas dag gis/ /rim bzhin rnal 'byor gang ldan pas/ /tshul bzhin du ni dbul bar bya//de la dang po thab kyi rim pa bstan te/ /zhi ba'i thab kyi dbyibs kyang gnyis te zlum por bya ba dang / pad+ma lta bur bya'o/ /de yang kha khyer ni sor bzhi pa'o/ /zheng dang dpangs su yang de nyid do/ /thur du yang khru gang ngo / /srid du yang khru gang ngo / /de'i phyi rol du sor bzhi bor la pad+ma'i phreng ba'o//kha khyer la ni rdo rje phreng ba gtang bar bya'o/ /de yang phyi ni khru bzhi la/ /rgyar ni khru lnga'o/ /dbus su 'jim pa la 'bur du brkos la/ gtso bo'i phyag mtshan shar du rdo rje/ /lhor 'khor lo'o/ /nub du pad+ma'o/ /byang du sna tshogs rdo rje'o/ /kha dog dkar po sa dkar gyi chus bsku bar bya'o//pad+ma'i thab kyang de dang 'dra bar mthun par shes par bya'o/ /zhi ba'i thab kyi rim pa'o/ /rgyas pa'i thab kyi dbyibs gru bzhi la rgyar gru bzhir gtang ngo / /dpangs su yang khru gang la/ gting du yang khru gang brko bar bya'o/ /sor bzhi ni phyir dgyed par bya'o/ /kha khyer yang zhi ba dang mthun par sor bzhi'o//de zhing du yang sor bzhir mnyam par bya'o/ /de'i phyi rim dag tu ni pad+ma'i phreng ba gtang bar bya'o/ /kha khyer la yang gong du smos pa ltar rdo rje phreng ba gtang bar bya'o/ /de'i nang du yang gtso bo'i mtshan ma 'jim pa la dkyus su sor brgyad/ dpangs su sor gcig go/ /rgyas pa'i thab kyi rim pa'o//dbang gi thab ni rgyar khru gsum la dbyibs zla gam dang gzhu lta bu'o/ /rgya la ni sor bzhi bcu'o/ /drag po la ni sor nyi shu tham pa gtang ngo / /gting zabs ni sor bcu'o/ /kha khyer la ni sor phyed dang gsum mo/ /zheng dang dpangs mnyam par shes par bya'o/ /kha khyer la ni rdo rje phreng ba'o/ / de'i phyi rol du me ri 'bar ba'i 'od gtang bar bya'o/ /kha dog ni tsan+dan nam btsag yug sman gyis bsku bar bya'o/ /dbus su ni gtso bo'i phyag mtshan pad+ma la bzhugs pa mtshan ma gong ma ltar 'bur du brkos la gzhag go/ /phyi ma ni zhi ba'i thab kyi skabs dang mthun par shes par bya'o/ /dbang gi thab kyi rim pa'o// //drag po'i thab kyi rim pa ni/ thab khung dbyibs gru gsum pa/ dgra bsad pa lta bu la rgyar ni sor nyi shu'o/ /zabs su ni bcu'o/ /kha khyer ni sor gsum pa zheng du yang de nyid do/ /phyi rol du gtang ba sor gsum mo/ kha khyer la rdo rje rtse mo gsum pa'o/ / de'i phyi rol du ni ral gri la sogs pa drag po'i mtshan ma sna tshogs pa'o/ /dbus su yang gtso bo'i mtshan ma la ral gris mtshan pa 'jim pa la 'bur du brkos pa gong du bstan pa dang mthun par shes par bya'o/ /drag po'i thab dang mtshan ma'i rim pa'o/ /de'i 'og tu des ji tsam na bya ba'i zhi ba la snga dro'o//rgyas pa la nyi ma phyed na'o/ /dbang la nyi ma bsnyur na'o/ /drag po la ni nam phyed na bya'o/ /zhi ba la nam langs na'o/ /rgyas pa la ni tho rangs bya'o/ /dbang la ni dgongs ka ste srod la bya'o/ /drag po la nam phyed na bya'o/ /zhi ba la ni dbyar bya'o/ /rgyas pa la ni ston gyi dus su bya'o//dbang ni dpyid kyi dus su bya'o/ /drag po ni dgun gyi dus su ste dus kyi rim pa'o/ /mchod pa'i rim pa ni rnal 'byor pa sngags pa'i g.yon du ni dri chab kyi chu me tog nang du blugs pa'i dung phor ram dngul phor ro/ /yon chab ni gser la sogs pas bkang ba'i chu dag gzhag go//rnal 'byor pa'i g.yas su ni zangs gzhong lta bu'i nang dris bkang la ku sha yang der bcug /bsang gtor gyi snod gzhag go/ /las kyi bum pa yang g.yon du gzhag go /mchod pa'i rim pa'o// //rdzas kyi rim pa yang zhi ba la ni til lo/ /rgyas pa la ni zho'o/ / dbang la ni ut+pa la'o/ /drag po la ni tsher ma can nam khab rtse gsum pa ste/ 'di ni khyad par gyi rdzas so/ /de yang thun mong gi rdzas ni mar gyi snying po dang dUr ba dang chag pa med pa'i 'bras dang zho zan dang ku sha dang 'bras thug dang mngar gsum dang / dkar gsum dang 'bras sa ba dang / nas dang sran ma ma sha dang /gro dang u dum+WA ra dang / a shwat+tha dang pa la sha dang / n+ya gro d+ha dang a mra dang / de yang thams cad du mi lcogs na/ mar dang til ni zhi ba'i dus su bya'o/ /mar dang zho ni rgyas pa'i dus su bya'o/ /mar dang ut+pal ni dbang gi dus su bya'o/ /mar dang mi rus kyi phye ma'am tsher ma can gyi shing ni drag po'i dus su bya'o//de yang thams cad du ni til zhes gsungs so/ /rdzas kyi rim pa'o// //bzhag pa'i rim pa ni sngags pa'i mdun du ni mi ro til dang zho dang ut+pa la dang / mi rus kyi phye ma ni g.yas su bzhag go/ /dUr ba la sogs pa thun mong gi rdzas thams cad ni g.yon du'o/ /'bras so ba dang nas dang sran ma sha dang /gro dang u dum+WA ra dang / a shwat+tha dang n+ya gro d+ha dang / a mra rnams g.yas su'o/ /dgang gzar dang blugs gzar ni mdun du'o/ /rdzas bzhag pa'i rim pa'o// //rnal 'byor pa'i 'dug stangs zhi ba la ni mnyam pa'i skyil krung du stan ras bal gyi steng du'o/ /rgyas pa la ni g.yas rkyang gis te sems dpa'i 'dug stangs so//dbang la ni pad+ma'i 'dug stangs te rkang pa'i mthil sprad la 'dug go /drag po la ni g.yas brkyang dang / g.yon brkyang gis stan med par mig bzlog ste gnas par bya'o/ /'dug stangs kyi rim pa'o// //gzar bu'i rim pa ni/ /zhi ba la ni dngul lam rgya shug gi shing la srid du khru gang sboms su yu ba la mthe bo'i tshad do//sor bzhi ni zheng ngo / /sor gnyis ni dpangs su'o/ /khu ba 'dzag pa'i bu ga sor gcig yod pa rtse mo la rdo rje rtse gsum pas mtshan pa/ /dkyil du ni las dang mthun pa'i thab kyi skabs su smos pa'i phyag rgyab rko ba'am/'bur du byas pa khal yaM raM bkod de/ /yu ba la rdo rje dang rin po ches mtshan pa ni dgang gzar gyi tshad dang rim pa'o// //blugs gzar yang yu ba ni gong dang mthun la dbyibs ni pad+ma'i 'dab ma 'dra ba la sor gcig /gting du brko ba byas pa sor gnyis zheng du bcal ba'i blugs gzar te/ phyi ma ni dgang gzar dang mthun no//rgyas pa la ni gser ram a sho ka'i shing la byas te/ phyi ma ni gong ma dang mthun par shes par bya'o/ /dbang ni zangs ma dang tsan+dan la bya'o/ /drag po ni lcags sam tsher ma can gyi shing la drag po'i las la shis pa rnams la bya'o/ /tshad dang dbyibs ni so so'i bye brag dang mthun pa la zhi ba la yang shes par bya zhing /de la ltos pas ma bris so/ /gzar bu'i rim pa'o// //sngags pa kha lta phyogs kyang / zhi ba la ni sngags pa kha shar du blta'o/ /rgyas pa'i dus su sngags pa kha byang du blta'o/ /dbang gi dus su sngags pa kha nub tu blta'o/ /drag po'i dus su sngags pa kha lhor blta'o//sngags pa kha lta ba'i rim pa'o// //rnal 'byor pa ting nge 'dzin gyi rim pa yang / dang po zhi ba la gnas te/ /thams cad stong pa'i ting 'dzin bya/ /zhes bdag gi snying ga'i dkyil 'khor du raM las ye shes kyi me bsams te/ /sgyu ma'i phung po bsreg par bya/ /de la slar sos ye shes lus/ / de 'og rnam pa lnga po bsgom/ /yongs su dag pa'i me long la/ /dngos po snang ba 'di dag yul/ /ma lus so sor snang ba bzhin/ /ma lus yongs su dag pa yi/ /me long lta bu'i ye shes la/ /goms par bya ste bsam par bya/ /de 'og snying rje'i sems ldan pas/ /mgon med skyabs bral sems can rnams//'khor ba'i rgya mtshor rab tu bying / /de dag kun gyi don du ni/ /sdug bsngal thams cad las gdon phyir/ /stong pa'i chos la mnyam sbyor bas/ /ma lus kun kyang de ltar bsgom/ /dam chos de la dmigs pa yi/ /bdag tu ma grub de rtogs pas/ /mnyam nyid ye shes bskyed par bya//oM a kA ro mu khaM sarba d+har+m+ma NAM A d+ya nu t+pan na twA ta/ sngags de ched du brjod par bya/ /sngags don 'di rtsom rnal 'byor pas/ /dmigs med chos la rab gzung phyir/ yul du de nyid byas te bdag /dmigs pa med pa'i snying rje yis/ /so sor brtags te gnas par bya/ /de nas snying rje'i rjes 'gro bas//gzung dang 'dzin pa kun bral ba'i/ /ngo bo nyid kyi 'od gsal ba'i/ /yan lag med cing yongs dag pa/ /chos dbyings rgyu mthun ngo bo med/ /de don stong nyid la gnas pas/ /chos kyi dbyings kyi ye shes bsgom/ /de ltar sems can thams cad kyi/ /don dang bral ba'i rnal 'byor pas/ / sngon gyi smon lam rjes dran cing / /sems kyi rgyun gyi dbang thob nas/ /sems can don ni rdzogs bya'i phyir/ /srid gsum 'byung ba'i khyad par gyis/ /don dam kun rdzob mya ngan 'das/ /bya ba nan tan dran par bya'o/ /de ltar rnam pa lnga po bsgom/ /yongs su dag pa'i bsam gtan 'di//rnal 'byor ba la rab 'jug pas/ /dngos po gnyis la khyad par byas/ /yongs su dag pa'i ting 'dzin to// //de nas mngon par byang chub pa/ /rnam pa lnga po bsgoms nas ni/ /yi ge phreng ba'i khyad par gyis/ /'byung 'jug don la rab gnas pa/ /hUM zhes pa ni bsgom par bya//hUM las 'od zer rab 'phros pas/ /'od kyi rtse las lha yi tshogs/ /grangs ni rdul snyed rab sprul nas/ /sangs rgyas zhing du khyab byas nas/ /sems can ma lus kun la khyab/ /de ltar slar ni 'dus pa las/ /sems bskyed sdom pa gzung ba dang / /rjes su yi rang gsol ba gdab//skyabs su mchi zhing sdig pa bshags/ /bdag dbul la sogs rdzogs par bya/ /de nas hUM gi byin brlabs las/ /khro gtum mi thub zhal drug pa/ /zhing drug 'od kyis rab khyab ste/ /'dus pas ye shes rtse lnga pa/ /rdo rje chen po bsgom par bya/ /de yi bum pa'i dkyil nyid du/ /yi ge mdog dkar b+h+rUM bsam bya//de 'phros gyur pas rin po che/ /mchod rten lta bu rab tu bsgom/ /de nas hrIHyi yi ge las/ /chos kyi 'byung gnas gru gsum pa/ /de las sna tshogs rdo rje ste/ /de 'og hrIHlas bsam bya ba/ /ma lus rdzogs pa'i sangs rgyas ni/ /bsgom par bya ba 'di lta ste/ /dang po'i sangs rgyas bsgom par bya//sangs rgyas de yi snying ga ru/ /ye shes lnga yi bdag nyid de/ /gtso bo ye shes sems dpa' ni/ /'jam dpal snying gi zla steng bsam/ /de yi snying ga'i zla ba la/ /a ni yig 'bru mchog bsgom bya/ /de las 'od zer rab 'phros pas/ /phyogs bcur 'gro ba'i don byas te/ /'dug pas bdag gi phung po bsreg /de nyid zhu las bskyed pa ni/ /thabs dang shes rab rang bzhin las/ /me yi lha ni bsgom par bya/ /shin tu rid pa brang rus can/ /dbu la ye shes sems dpas brgyan/ /phyag bzhi thor tshugs rgyan gyis brgyan so so'i las dang mthun pa yi/ /kha dog ming gi rnam grangs kyang / /bsdus na rnam pa bzhi ru 'dus//zhi ba'i me lha b+ha ba ka /rgyas pa la ni ma na ste/ /dbang la dmar ser du yang bstan/ /drag po la ni mngon spyod do/ /de yi snying gar zla ba bsam/ /de yi steng du yi ge a/ /de gyur b+huM legs bsgom par bya/ /shin tu mdzes pa de las ni/ /khyad par che ba'i gzhal yas khang / / gru bzhi pa la sgo bzhi pa/ /twa ra na bzhis legs mdzes pa/ /rin chen 'bar ba'i rgyan gyis brgyan/ /rnga ma dril bu 'phan la sogs/ /de sogs glang seng rnams dang ldan/ /shin tu legs pa'i gzhal yas khang / /shar ni gre ba'i sgo ru ste/ /de las gsum yang shes par bya/ /de dbus 'khor lo'i rim pa ni//gsum mam bzhi'am drug tu bshad/ /de las gzhan pa'i lha yi tshogs/ /a yi byin brlabs dag pa ste/ /so so sku gsung thugs ldan bya/ /de ltar rdzogs pa'i dkyil 'khor du/ /lha rnams 'khor lo rab ldan pas/ /bzhugs dang spyan drang la sogs dang / / rgyas gdab cho ga phun sum tshogs/ /ma lus pa ni sngags pas bya/ /ting nge 'dzin gyi rim pa'o// //de nas ku sha'i rim pa yang / /ku sha la so so'i sngags bzla zhing / me thab kyi tha ma thams cad du yang rtse mos rtsa ba non par byas la bskor/ rnal 'byor pa'i gdan du yang gding / mgo dang lus dang yan lag thams cad du yang gzugs par bya'o//de nas ku sha la ru ru s+phu ru dz+wa la tiSh+Tha/ sid+d+ha lo tsa ne sarba aR+tha sA d+ha ne swA hA/ zhes brjod de pro k+Sha NaM bya'o/ /ku sha'i rim pa'o// //de nas me'i rim pa yang zhi ba'i me ni rgyal bo dang bram ze'i khyim nas blang ngo / /rgyas pa'i me ni rje rigs kyi khyim nas blang ngo //dbang gi me ni smad 'tshong ma'i khyim nas blang ngo / /drag po'i me ni yugs sa mo'am gdol ba'i khyim nas blang ngo / /yang na zhi ba'i me ni shel las so/ /rgyas pa'i me ni gtsubs pa las so/ /dbang gi me ni thang shing so sor sdud pa las so/ /drag po'i me ni lcags nag las so/ /de dag kyang rlung yab kyis dz+wa la dz+wa la zhes pa'i sngags kyis sbar ro//zhi ba la shar nas gzhug go/ /rgyas pa la lho nas gzhug go/ /dbang ni nub nas gzhug go/ /drag po ni byang nas so/ /de yang rgyal rigs sam/ /bram ze'i rigs kyis zhi ba'i me gzhug go/ /rje rigs kyis rgyas pa'i me gzhug go/ /smad 'tshong ma'i bu'i 'am dmangs kyi dbang gis me gzhug go//yugs sa mo'am gdol pa mos drag po'i me gzhug go/ /me'i rim pa'o// //sreg rdzas kyi rim pa yang dang por mar las dgang blugs bdun dbul/ de'i 'og tu mchod pa'i bye brag gis mchod/ de nas rgyas gdab de nas pro k+Sha NaM bya/de nas phyag byas la phyag rgya bzhi dang ldan pas bstim mo/ /de nas ye shes gnas pa'i lha rnams gnyis su med par byas la/ de nas dril bu'i sgras mnyes par byas la/ de nas gzar bu gnyis kyi nang du a bsams te/ de las bdud rtsir gyur par bsams la lag pa'i gung mo sprad la rdo rje khu tshur gyis gzar bu bzung ste/bskor phyogs su bdun mar las dbul lo/ /de nas yang lan cig /srid pa ngo bo nyid kyis dag /ngo bo nyid kyis srid bral byas/ /rang nyid dag pa'i sems dpa' ni/ /dam pa'i srid pa byed pa'o/ /zhes bstod de/ /de nas yang pro k+Sha NaM bya/ any+tsa ma na ye byas la/ de nas mar dbul te/ na maHsa man+ta bud+d+hA nAM/ ag+na ye swA hA/ ha bya ka bya di pya shIn+taM ku ru swA hA/ mar gyi'o/ /oM sarba pA paM da ha na badzrA ye swA hA/ til gyi'o/ /oM badzra saM ba de swA hA/ zho'i'o/ /oM badzra b+ha smi ku ru swA hA/ ut+pa la'i'o/ /oM badzra A yu She swA hA/ dUr ba'i'o/ /oM badzra puSh+Ta ye swA hA/ chags pa med pa 'bras kyi'o/ /oM badzra a pra ti ha ta badzrA ya swA hA/ ku sha'i 'o/ /oM badzra bi dza ya swA hA/ 'bras kyi lag phan gyi'o/ /oM badzra mA le puSh+Ta ye swA hA/ mngar gsum dang dkar gsum gyi'o/ /oM badzra ma hA be+e ga ye swA hA/ nas kyi'o/ /oM badzra ma hA ba la ye swA hA/ sran ma sha'i chan gyi'o//oM badzra g+ha sma re swA hA/ gro'i'o/ /oM badzra yadz+nyA na swA hA/ yam shing gi dang u dum+WA ra'i 'o/ /oM badzra ti ti pri ya swA hA/ byang chub kyi shing la sogs pa'i'o/ /oM badzra sarba tA ya swA hA/ n+ya gro d+ha'i 'o/ /oM badzra ha sa ka rA ya swA hA/ a mra'i'o/ /de nas tha mar mar la yang me gzi byin bskyed cing mchod pa'i phyir lan grangs nus tshad dbul lo// //de nas rdo rje dang dril bu gsil bas bstod de/ srid pa ngo bo nyid kyis dag /ngo bo nyid kyis srid bral byas/ /rang bzhin dag pa'i sems dpa' ni/ /dam pa'i srid pa byed pa'o/ /de nas me lha bstod de/ tshangs pa'i 'jig rten mgon skyob pa//gzi brjid ldan pa me yi lha/ /'bar bcas sku ni rgyan gyis bzhag /dngos brjid rgyan ldan sa la dbang / /sreg rdzas dbul zhing las kyang sgrub/ /zhi la sogs pa'i lha dpal te/ /ji ltar 'dod pa'i don bsgrub pa/ /gzi brjid rgyal la phyag 'tshal bstod/ /ces bstod de/ yang mchod bstod byas la/ de nas rdo rje gnod sbyin gyi sngags kyis btab pa'i ku shas thab bsangs la/ me lha'i snying gar 'khor lo'i rim pa bsgom par bya'o/ /de'i khang pa hom khung gzhal yas khang du bsams la/ der dam tshig sems dpa'i tshogs rgyas gdab po/ /de nas ye shes sems dpa' dgug gzhug bcing dbang du byas te/mdun gyi nam mkha' la nang du me lha'i kha nas zhugs te/ lte ba'i gzhal yas khang du rgyas btab la gzhag go/ /de nas prok+Sha NaM bya/ de nas dam tshig phyag rgya bstan/ las kyi phyag rgya las la bzhag /chos kyi phyag rgya chos dang ldan par bya'o/ /yang dgug gzhug bcing dbang du byas la de nas dga' ba bskyed de gnyis su med par bstims nas/de nas prok+Sha NaM bya'o/ /de nas phyag byas te/ mar la gzar bu nyi shu rtsa gcig dbul te/ de'i 'og tu sreg rdzas rnams rim pa bzhin du 'bul lo/ /de nas rdzogs pa dang / yang srid pa rang bzhin nyid kyis dag pa brjod/ /de nas rigs bsdus dam tshig bstan/dbang du bya bstod pa la sogs pa kun rdzogs par bya'o/ /de nas de dag rdzogs pa dang gshegs su gsol bzod par gsol te/ ma 'byor pa dang ma tshang ba/ /gang yang bdag blo gti mug pa/ /bgyis dang bgyid du stsal ba kun/ /de kun mgon pos bzod bar mdzod/ ces pas so/ /yang nas yang du mar bsreg cing / /rim pas lha rnams mnyes par bya'o/ /dkyil 'khor gyi lha'i rim pa'o/ /me lha la ni tha mar yang / /rdzas kyi lhag ma ci yod pas/ /me lha nyid la mchod bya ste/ /rdzas ni thams cad bsreg byas nas/ /brgya rtsa brgyad du sbyin sreg bya/ /de nas slob mas bzod gsol te//rjes su yi rang zhes brjod do/ /rnal 'byor sngags pa blo ldan pas/ /slob ma shis par bya ba'i phyir/ /slob dpon gzar bu mar ldan du/ /slob mas me tog snying bkang ste/ /gzar bu mar ldan de ru blugs/ /slob dpon sngags dang ldan pa yis/ /zhi bar gyur cig la sogs brjod//sngags ag+na ye swA hA zhes pas so/ /de nas/ snying gar lag pa brab bya ste/ /g.yon gyi srin lag g.yas pas gzung / /de nas ci bder khyim du btang / /khyim du phyin nas bkra shis brjod/ /slob dpon de la yon yang dbul/ ci la dgyes pa phongs med dbul//de ltar byas na dngos grub thob/ /thal ba sol phye sa tshon rnams/ /gar dang sil snyan ldan byas la/ /chu klung chen por bskyal bar bya'o/ /sdig pas mi gos ya kha med/ /las thams cad pa'i sbyin sreg ni gzhan las shes par bya'o/ /de nas gnyis pa bstan byas te/ /slob ma chen po de la bstan//'khor lo rdzogs pa'i sbyin sreg 'di/ /kun dang thun mong ma yin te/ /slob ma snying la brtan pa'i phyir/ /shin tu mi brtan nyams par 'gyur/ /nyams gyur nyes pa brjod mi lang / /de las bsgribs te spyad par bya'o/ /de nas rim pa gnyis pa'i sbyin sreg bya bar bshad par bya ste//ye shes rtag nas sbyin sreg 'di/ /ye shes bzhi yi bdag nyid gzugs/ /phra mo sbyor la rab ldan pas/ /sngags pas rnal 'byor bsam gtan ni/ /slob ma'i don du 'di dag kun/ /ma lus par ni shes par bya/ /sngon ni me lha'i thugs ka ru/ /shes rab kyi ni 'khor lo bsgom//bcu gnyis su la rab gnas pa/ /'khor lo'i lte ba'i rtsibs dang ldan/ /'khor lo de la bsam bya ba/ /rten 'brel bcu gnyis sar ldan pa'i/ /'khor lo 'dir ni gyur pa'o/ /a las bskyed pa'i 'khor lo ni/ /rtsibs drug kha dog drug ldan pa/ /mu khyud bzhi dang rab tu ldan//de dbus dkar po'i yi ge a/ /bsgoms nas phyogs bcur rab 'phros pas/ /las byas slar 'dus gnas su thim/ /thim pas ye shes sems dpa' yi/ /sngags ni 'khor lo bzhi la bsgom/ /dang po'i 'khor lo'i rim pa la/ oM sarba d+d+ha r+m+maHa b+ha ba swa b+ha ba bi shud+d+ha badzra a A aM aHmu khyud gnyis la bsam bya ba//dbyangs kyi yi ge bcu gnyis te/ /a A i I u U e ai o au aM aH/ 'khor lo'i rim pa gsum ba la/ /dang po rtsibs nas ra mi bzhin du/ /oM badzra tIk+NA ya te na maH/ gnyis pa la badzra duHkhats+tsha dA ya te na maH/ gsum pa la oM pradz+nyA dz+nyA na mUr+t+ta ye ya te na maH/bzhi pa la oM dz+nyA na kA yA ya te na maH/ lnga pa la oM bA gI shwa rA ya te na maH/ drug pa la oM a ra pa tsa nA ya te na maH/ de dag rim bzhin bsam bya ba/ /de nas mu khyud gsum pa la/ /ye shes sems dpa' sku'i sngags/ /phreng ba'i yi ge 'di dag go/ /oM a A sarba ta thA ga ta hr-i da ya/ha ra ha ra/ oM hUM hrIHb+ha ga bAn/ dz+nyA na mUrti bA gI shwa ra ma hA pA tsa/ sar+b+ba d+ham+mA ga ga na/ a ma la su pa ri shud+d+ha/ d+har+m+mA d+hA tu dz+nyA na gar+b+ha AH/ zhes pa'i phreng ba bsgom par bya'o/ /tha ma'i 'khor lo'i mu khyud la/ /sgra yi yi ge ka la sogs/ /ha la thug pa yan chad du/ /rim pa gsal bar bsgom par bya//shes rab 'khor lor rab tu grags/ /'di ni shes rab 'khor lo'o/ /de nas shes rab 'khor lo la/ /sbyin sreg gi ni rdzas de dag /sngon bzhin rim pas dbul bar bya/ /des ni sngags kyi dngos grub thob/ /sbyin sreg bya ba'i rim pa ni/ /dang po 'khor lo rnam pa bzhi//rim bzhin sngon ltar bsgom par bya/ /'khor lo thog ma nas brtsams te/ /yi ge rim bzhin prok+Sha naM/ /u tsa ta dang pa tsa li/ /shun ti sogs ma lus te/ /bdag gis sbyin sreg dbul bar bya/ /de nas mar nas rim bzhin du/ /mkhas pas sbyin sreg dbul bar bya/ /de nas tshig tu 'di yang brjod//a ni yig 'bru kun gyi mchog/ /ye shes me ste stong rang bzhin/ /de la sbyin sreg bdag bgyid na/ /las kyi 'bras bu mchis par mdzod/ /zhes pa'i rjes la bstod tshig bya/ /stong pa chen po'i ye shes sku/ /de kho na nyid rnam par dag/ /ngo bo gnyis med yi ge a/ / stong nyid las byung khyod la 'dud/ /ces pa dang / /sa mchog bcu gnyis rab rdzogs pa/ /ye shes chos dbyings brjod med pa/ /ye shes lnga yi rang bzhin oM/ /'khor lo dang po la bstod pa'o/ /'khor lo gnyis pa la bstod pa ni/ /sa yis rab dbye sgra dang ldan/ /yi ge 'khor lo nyid la rdzogs//yan lag spro bsdu gsung gi sku/ /gsung gi 'khor lo khyod phyag 'tshal/ /rigs dang mdog dang khyad par gyis/ /nyon mongs gcod pa'i rtse mo can/ /gzhon pa'i yi ge 'bru mchog la/ /rnon po'i gsung la phyag 'tshal bstod/ /ye shes 'khor lo rab rdzogs pa/ /ye shes sems dpa' sku yi 'bru//phreng ba'i sngags zhes rab grags pa/ /nyon mongs gcod la phyag 'tshal bstod/ /sgra yi yi ge mtshan rab brgyan/ /gsal byed gsung gi 'khor lo la/ /ma lus sgrib pa sbyong byed pa/ /'khor lo rdzogs la phyag 'tshal bstod/ /de ltar bstod pa byed tsam na//'khor lo'i yig 'bru de dag kyang / /'od zer lnga dang yang dag ldan/ /g.yo 'gul gzi brjid chags par gnas/ /'od des 'gro ba'i sgrib pa sbyong / /gzi brjid kyis ni bdag don 'grub/ /de nas yang ni rim bzhin du/ /yang nas yang du mi skyo bar/ /grangs med mi skyo'i bar dag tu//rim pa bzhin du sbyin sreg bya/ /de ltar byas nas mchog gyur pa'i/ /dngos grub dam pa thob par 'gyur/ /de nas shin tu rab rdzogs pa'i/ /'khor lo sbyin sreg byas pas na/ /shes rab rab rdzogs rnal 'byor pas/ /'khor lo bzhi yi rim pa bstan/ /bcu drug phyed phyed thig le can//yan lag med pa'i rtsis las 'das/ /bsam gtan bzhi yi rtse mo can/ /ye shes me lce 'od rab gsal/ /yang dag mtha' la rnam par gnas/ /'dod pa'i don grub dam pa'o/ /zhes pas rim pa bstan bya ste/ /'khor lo bzhi yi bdag nyid gzugs/ /bdag la rab tu gnas pa ste//bdag nyid me lha'i thugs kar gnas/ /gong du bstan bzhin bsgom par bya/ /lte bar shes rab 'khor lo ste/ /rtsibs bcu gnyis dang yang dag ldan/ /a A aM aH'di dag bsgom/ /snying gar shes rab 'khor lo yang / /rtsibs ni bcu gnyis yang dag ldan/ / de la sngags kyi yig 'bru ni/ /a A i I u U e ai o au aM aH/ bcu gnyis yi ge 'di dag kun/ /rim pa bzhin du bsgom par bya/ /mgrin par shes rab 'khor lo 'di/ /rtsibs ni bcu gnyis yang dag ldan/ /de la yig 'bru bsam bya ba/ /oM a ra pa tsa na bA gI shwa ra pradz+nyA na maH/'di dag rim pa ji bzhin no/ /mchog ma shes rab 'khor lo ni/ /rtsibs ni sngon dang 'dra ba la/ /a A sarba ta thA ga ta hr-i da ya/ ha ra ha ra/ oM hUM hrIHb+ha ga bAn dz+nyA na mU rti bA gI shwa ra ma hA pA tsa/ sar+b+ba d+har+m+ma ga ga na/ a ma la su pa ri shud+d+ha/ d+har+m+ma d+hA tu dz+nyA na gar+b+ha AH/ zhes pa yi ni sngags 'bru 'dis//sa mchog bcu gnyis thob par 'gyur/ /'di yi sbyin sreg rim pa yang / /dang po sngon bzhin shes par bya/ /de nas yang dag sbyin sreg ni/ /ye shes me lce zhes gsung pas/ /lte ba'i 'khor lo 'od du 'bar/ /'od des rang gi dngos po bsregs/ /de nas gyen du 'phros pa las/ / snying ga'i gnas su gnas nas bzhugs/ /shin tu 'od ldan gzi brjid ldan/ /de nyid nas ni 'dris te yang / /mgrin pa'i 'khor lo'i dbus na bzhugs/ /a yang 'od du rab tu 'bar/ /des ni thams cad kun kyang bsregs/ /de kun gong bu gcig tu gyur/ /de nas rim bzhin g.yas na bzhugs/ / a yig yi ge la bzhugs pas/ /yi ge'i tshogs rnams 'od du zhu/ /'od kyi gong bur gyur pa las/ /mar khu bzhin du mar khu dbul/ /mar yang 'od kyi gong bur gyur/ /de nas yas mar rim pas zhugs/ /slar yang shes rab 'khor lo tshogs/ /sos nas sngon bzhin kho nar gyur/ /de la yang ni sbyin sreg dbul//de nas yang ni rim bzhin du/ /gyen du zhugs shing 'od du 'bar/ /de ltar tshul bzhin ma nor bar/ /shin tu goms pas gsal bar bya/ /de ltar rtag tu su bsgom pa/ /sa mchog bcu gnyis thob par 'gyur/ /gzhon nu'i lus la bzhin bzang ba/ /ye shes lnga yi bdag nyid lus//thob par gdon mi za bar gsungs/ /bdag gzhan don gnyis 'grub par 'gyur/ /bde ba'i lus kyang thob par 'gyur/ /thams cad mkhyen pa 'od gsal ba/ /ye shes de nyid rdzogs par 'gyur/ /'di dag rtag tu su bsgom pa/ /ji ltar 'dod pa'i sku thob 'gyur/ / sbyin sreg cho ga rab rdzogs pa/ /rim gnyis dag la gnas pa 'dir/ /rang gi ye shes 'jig byed pa/ /rgyud 'grel mi 'gal lung dang ldan/ bla ma'i 'dod gzhung 'di dag kyang / /rang dgar ma byas bka' la brten/ /blo zhan gyur gyi don ldan 'byung / /de bas sbyin sreg gsal phye byas/ /'di la dge ba ci yod pa//rnal 'byor 'di la dad pa dang / /'di yi 'dod phyogs bsgom pa rnams/ /'jam pa'i rdo rje 'grub par shog /rim pa gnyis kyis phye ba'i sbyin sreg gi cho ga rgyas pa rdzogs so// //slob dpon chen po rin po che'i gling na gnas pa dpal ldan byang chub mchog gis mdzad pa/