CLOSE WINDOW

D2580
བོད་ཡིག

sangs rgyas dang byang chub sems dpa' thams cad bdag la dgongs su gsol zhes bya'o/ /de nas dam bca' bar bya ste/ bdag ming 'di zhes bya bas bla na med pa'i byang chub kyi sems de ring phyin chad bskyed par bgyi'o/ /ji ltar dus gsum mgon rnams kyis//byang chub sems ni bskyed pa bzhin/ /de bzhin bla med byang chub sems/ /dam pa bdag gis bskyed par bgyi/ /bslab pa yi ni tshul khrims dang / /dge ba'i chos ni sdud pa dang / /sems can don gyi tshul khrims gsum/ /bdag gis brtan por so sor gzung / /de nas rigs lnga'i sdom pa bzung ste/'di ni rnam par snang mdzad kyi/ /sangs rgyas chos dang dge 'dun dang / bla na med pa'i dkon mchog gsum/ /sdom pa sangs rgyas sbyor bskyed pa/ /'di ni bdag gis bskyed par bgyi/ /rdo rje rigs kyi sdom pa gzung / /rdo rje dril bu phyag rgya gsum/ /bdag gis mi gtong gzung bar bgyi//slob dpon dag kyang gzung bar bgyi/ /rin po che'i sdom pa gzung / /sbyin pa rnam bzhi dus drug tu/ /brtan po nyid du sbyin par bya/ /pad+ma rigs kyi sdom pa gzung / /phyi dang nang dang gsang ba gsum/ /dam chos so sor gzung bar bgyi/ /las kyi rigs kyi sdom pa gzung //bdag gis mi gtong gzung bar bgyi/ /gong du ma byung ba'i lhag ma kun 'di sems can gyi don bya ba dang / mi dge ba bcu spang ba dang / /'khor ba mi spang ba dang / mya ngan las 'das pa dang du mi len pa dang / theg pa chung ba dang 'jigs pa'i sa spangs pa dang / lha dang lha ma yin dang /gdon la sogs pa'i phyag rgya mi smad pa dang / de ring phan chad bla na med pa'i byang chub ma thob kyi bar du gzung bar bya'o zhes dam bca'o// //de nas byang chub mchog tu sems bskyed de/ /ma rgal ba rnams bsgral ba dang / /ma grol ba rnams grol ba dang / /dbugs ma phyung ba rnams dbugs dbyung ba dang /yongs su mya ngan las ma 'das pa rnams yongs su mya ngan las 'da'o zhes sems bskyed do/ /de yan chod bsod nams kyi tshogs bsgom pa'o/ /don dam pa byang chub kyi sems ye shes kyi tshogs bsgom pa ni/ /dang po mngon par byang chub pa lnga bsgom pa yin la/de ni ye shes lnga bsgom pa yin te/ dang po chos thams cad mi dmigs la mi rtog pa/ rang bzhin med pa nam mkha' dang 'dra ba tha snyad tsam du yod la/ don dam par rang bzhin med pa de bzhin nyid rang bzhin gyis 'od gsal bar bsgom/ de nas me long lta bu'i ye shes bsgom ste/dper na me long g.ya' dag pa'i nang du/ gzugs brnyan snang zhing gsal ba ltar rang bzhin gyis 'od gsal ba/ de las chos kyi dbyings rgyu mthun pa'i rnam par smin pa'i ye shes de las/ 'jig rten gyi rang bzhin gyi sems can gyi gang zag phung po dang / chos thams cad ji ltar yin pa'i chos nyid kyi ngang de la phyin ci ma log par snang ba dang /sems rnam par dag pa log rtog glo bur gyi dri ma dang 'dra bas bsgribs pa tsam yin la/ sems can gyi sems chos kyi rang bzhin du gsal bar bsgom mo/ /sems can gyis de ltar mi rtogs te/ 'gro ba las mi thar ba la snying rje chen po bskyed de/'gro ba las thar par bya'o zhes bsgom mo/ /de nas mnyam pa nyid kyi ye shes chos thams cad bdag med par bsgom ste/ chos ni phung po dang / khams dang skye mched la bya/ mu stegs pas brtags pa'i gang zag tu lta ba med/ nyan thos pa'i chos rdul tsam du yod par lta ba'i bdag med par lta ba dang /sems tsam pa'i sems yod par lta ba de yang bdag med par lta/ chos thams cad la bdag med par bsgom/ de yang bdag tu 'dzin pa med pa dang / gzhan med pa dang / bdag gzhan med pa dang / chos thams cad bdag med par mnyam pa'o//mdor na rnam par thar pa'i sgo gsum du bsgom mo/ /oM a kA ro mu kha~M sarba d+har+m+mA NA~M Ad+ya nut+pan+da twAta/ ces pas byin gyis brlab po/ /de la a ni a a nut+pan+na twAta/ ces pa ste/ chos thams cad ma skyes pa stong pa nyid ces bya ste/ bdag gzhan stong pa nyid du mnyam par bsgom mo//de'i 'og tu so sor kun tu rtog pa'i ye shes bsgom ste/ de ni bdag dang gzhan du phye ste/ gang zhe na/ gzung ba dang 'dzin pa rnam par dag pa'i mi rtog pa'i ngang las bdag dang gzhan du yang dag pa'i kun rdzob tu phye ste/ rang gi mtshan nyid du bdag don bya ba'i gnas sems can gzhan mtshan ma med pa'i sgo nas/so sor phye zhing brtag par byas te bsgoms nas/ spyi'i mtshan nyid don dam par mtshan ma med par shes pa'i so sor kun tu rtog pa'i ye shes so/ /de'i ngang las shin tu rnam par dag pa'i chos kyi dbyings kyi ye shes bsgom ste/ gzung ba dang 'dzin pa las 'das pa gcig dang du ma dang shin tu bral ba rnam par dag pa/chos kyi dbyings kyi ye shes stong pa nyid bco brgyad kyi rang bzhin nam/ rnam par thar pa bzhi'i rang gi ngo bo mi dmigs par bsgom mo/ /de'i ngang las smon lam dang thugs rje'i dbang gis/ byang chub sems dpa' dang / rnal 'byor pa rnams kyis 'gro ba'i don bya ba'i phyir/ bya ba nan tan gyi ye shes bsgom ste/ dag pa 'jig rten pa'i ye shes 'gro ba'i don bya ba'i rgyu bdag dang gzhan mtshan ma med bzhin du so sor dmigs nas/ mi dmigs pa'i snying rje chen pos 'gro ba'i don bya bar dran te/ sprul pa sna tshogs pas sprul cing spros nas sems can srid pa las bsgral te/'od zer gyis ngan song gsum la khyab nas sdug bsngal nye bar zhi bar byas nas/ sems can rnam par grol nas lha dang mi la bkod de/ de nas so so'i dbang po rim pa bzhin du dam pa'i chos kyi phyag rgya ste/ theg pa gsum gyi chos kyis grol bar byas nas/bla na med pa'i byang chub thob par bya ba dang / nyan thos rnams sems can gyi don la bcug nas/ theg pa chen po la bkod pa dang / byang chub sems dpa' rnams srid pa la chags pa la stong pa nyid kyi don bstan nas sangs rgyas par bya'o bar bsgom pa ni bya ba nan tan gyi ye shes bsgom pa'o//de ltar 'jug pa byang chub kyi sems dang / smon pa byang chub sems kun rdzob ste/ /des ni bsod nams kyi tshogs dang / /don dam byang chub kyi sems ye shes kyi tshogs rnam pa gnyis bsgom pa bstan nas/ /da ni dag pa 'jig rten pa'i ye shes bzhi'i ting nge 'dzin bsgoms te/bdag gi sems gzung 'dzin rnam par dag pa'i ye shes las/ khro bo'i sa bon hUM sngo nag sangs rgyas kyi zhing drug khyab pa tsam cig bsgom mo/ /de'i 'phro 'dus sangs rgyas kyi zhing du khyab nas sems can gyi don byas te/slar hUM la thim pa las khro bo'i rdo rje rtse lnga pa sangs rgyas kyi zhing drug khyab pa ste/ de ni nyon mongs pa can gyi 'jig rten pa de 'dul ba'i don du bum pa la khro bo zhal drug ste/ shar gyi dbu sngo/ g.yas g.yon dkar/ lho ser nub dmar byang ljang gu'o/ /rtse mo lnga yar lta ba ye shes lnga/mar lta ba rigs lnga'i rang bzhin no/ /rdo rje'i sa gzhi dang / rdo rje'i ra ba dang / rdo rje'i dra ba'i sbubs su gyur pa nang stong par bsgom mo/ /de'i nang du b+h+rUM dkar po las rin po che'i mchod rten kha dog bzhi dang ldan pa/ tshad stong gsum gyi 'jig rten khyab pa cig bsgom mo/ /de'i bum pa'i nang du yi ge hri las chos kyi 'byung gnas dbyibs zur gsum du bsgom mo//de'i nang du yi ge a las kha dog sna tshogs rdo rje rgya gram bsgom mo/ de'i dbus su yi ge b+h+rUM dkar po las gzhal yas khang gru bzhi pa twa ra Na dang bcas par bsgom mo/ /de yang sangs rgyas dang sems can chos nyid du mnyam pas gru bzhi'o//dran pa nye bar gzhag pa'i rang bzhin gyis shar gyi sgo'o/ /yang dag par spong ba bzhi'i don gyis lho'i sgo'o/ /rdzu 'phrul gyi rkang pa bzhi'i don gyis nub kyi sgo'o/ /dbang po lnga'i rang bzhin gyis byang gi sgo'o/ /stobs lnga'i rang bzhin gyis sgo srung bzhi'o//byang chub kyi yan lag bdun gyis dra ba dang dra ba phyed pa'o/ /'phags pa'i lam yan lag brgyad pas gdugs dang me tog gi phreng ba'o/ /me long lta bu'i ye shes kyi rang bzhin gyis me long dang rin po che'o/ /gsung rab yan lag bcu gnyis kyis sems can rnams chos ston pas/'dul bas 'dul ba'i rang bzhin dril bu dang dar gyi cod pan no/ /tshogs gnyis rdzogs par bsams pas sum brtsegs su gyur pa'o/ /chos kyi dbyings kyi rang bzhin gyi dbu rtse'i gtsug tor tu gyur pa'o/ /rnam par thar pa brgyad kyi rang bzhin gyis twa ra Na'o/ /ting nge 'dzin mu ma chod pa bsgoms pas mu khyud ma chad pa'o//chos kyi 'khor lo bskor ba'i rtags rdo rje phreng ba'o/ /ye shes lnga'i rang bzhin gyi 'od lnga'i kha dog gis brgyan pa'o/ /de'i nang du re mig dgu snam bu dang ldan pa la dbus su seng ge'i khri mi 'jigs pa bzhi'i rang bzhin no/ /stobs bcu dang ldan pa'i rtags su shar du glang po che'o//rdzu 'phrul gyi rkang pa bzhi'i rang bzhin gyis lhor rta'o/ /dbang bcu'i rang bzhin gyis nub tu rma bya'o/ /phrin las rnam pa bzhis 'gro ba'i don byed pa'i rang bzhin gyis byang du nam mkha' lding gi khri'o/ /de dag gi steng du rin po che'i khri dang pad+ma'i gdan dang zla ba'i gdan brtsegs pa'o//de dag gi phyogs bzhi thams cad dang / mtshams kyi re mig dang snam bu dang gru chad la zla ba'i gdan bsgom mo/ /de la pad+ma ni thabs sna tshogs kyis 'gro ba'i don mdzad pa'o/ /zla ba ni dge ba'i rtsa ba byang chub kyi myu gu bskyed pa'o/ /de nas dbus su seng ge dang zla ba'i gdan la bdag gi sems gzung 'dzin dag pa'i ye shes de nyid yi ge a dkar po cig tu bsgoms la/de'i 'phro 'du las rnam par snang mdzad chen po byang chub sems dang rang bzhin gcig pa/ zhal bzhi phyag brgyad pa zhal phyogs bzhir gzigs pa/ rgyan mi mnga' ba zhi ba'i rang bzhin dbu la ral pa gyen du 'khyil ba chos kyi dbyings kyi ye shes dang dbyer med pa'i don sku mdog dkar po chos nyid la nyon mongs pa'i skyon gyis ma gos pa'i rtags/phyag brgyad thugs ka na byang chub kyi mchog gi phyag rgya bcas pa la snying rje dang shes rab gnyis su med pa'i rang bzhin du bsgom mo/ /de'i thugs kar yi ge hrIHlas dang po'i sangs rgyas sku mdog dkar po zhal bzhi phyag brgyad pa dbu lnga la gtsug gi dbu rta mgo dkar po ste/khams gsum thams cad zil gyis gnon pa'am dbang du sdud pa'i rang bzhin no/ /zhal shar phyogs su gzigs pa sngo/ /lho ser nub dmar/ byang ljang ba rigs lnga'i rang bzhin no//phyag g.yas pa bzhi na ral gri bsnams pa/ g.yon pa bzhi na shes rab kyi pha rol tu phyin pa stong phrag brgya pa dum pa re re bsnams pa'o/ /nyon mongs pa gcod pa'i rtags ral gri dam pa'i chos ston pa'i rang bzhin dang ldan pas po ti bsnams pa/ chos kyi sku'i rang bzhin yin pas sku mdog dkar po nyi ma'i dkyil 'khor dang ldan pa/sna tshogs kyi na bzas brgyan pa/ phud bu lnga dang ldan par bsgom/ de'i thugs kar shes rab kyi 'khor lo bsgom/ /rtsibs drug la shar gyi rtsibs ni sngo g.yas g.yon ni dkar lho ser nub dmar/ byang ljang /mu khyud bzhi yang dkar/ rigs drug gi rang bzhin yin pas rtsibs drug go/ /rten cing 'brel pa'i rang bzhin yin pas 'khor lo mu khyud dang po la/ oM sarba d+har+m+ma a b+ha sa swa b+hA ba bi shud+d+ha badzra a A aM aH/ zhes pa bsgom mo/ /gnyis pa las sangs rgyas kyi sa bcu gnyis kyi sa bon/ a A i I u A e ai o au aM aH/ bcu gnyis dgod/ rtsibs drug la shar gyi rtsibs la/ oM duHkhats+tshe dA ya te na maH/ lho'i rtsibs la oM bA gI shwa rA ya te na maH nub kyi rtsibs la oM badzra tIk+Sh+NA ya te na maH/ byang gi rtsibs la oM dz+nyA na kA yA te na maH shar stod kyi rtsibs la/oM pra dz+nyA dz+nyA na mUt+ta ye na maH/ shar smad du/ oM a ra pa tsa nA ya te na maH/ de'i phyi rol rtsibs mchan gyi mu khyud la sngags kyi phreng ba/ a A sarba ta thA ga ta hr-i da ya zhes pa dgod/ mu khyud phyi ma la ka kha sum cu rtsa gnyis dgod/ /des mtshan bzang po sum cu rtsa gnyis kyi sa bon yin no//'khor lo'i lte ba'i zla ba'i dkyil 'khor de'i steng du yi ge AHlas bskyed pa'i 'jam dpal ye shes sems dpa' sku mdog dkar po zhal gcig /phyag gnyis pa/ nyi ma'i dkyil 'khor dang ldan pa byis pa'i rgyan gyis brgyan pa/ gtsug phud lnga dang ldan pa phyag gnyis na ut+pa la bsnams pa ste/gnyis su med pa'i ye shes kyi rang bzhin dang ldan pa'i don to/ /de'i thugs kar zla ba'i dkyil 'khor gyi steng du yi ge a dkar po bsgoms te/ thams cad mkhyen pa dang lam mkhyen pa dang rnam pa thams cad mkhyen pa nyid dang / gsum gyi rang bzhin can nyan thos dang rang sangs rgyas thams cad bskyed pa'i gnas/ byang chub sems dpa' thams cad bskyed pa/ de bzhin gshegs pa thams cad kyi rang bzhin bsgom pa'o/ /a de las 'od zer phyogs bcur 'phros pas/ dang por bskyed pa'i rim pa las phyir 'phros pa'i mchod rten gyi bum pa'i nang nas phyir 'phros pas/stong gsum gyi stong chen po'i 'jig rten gyi khams su sems can nyon mongs pa lnga dang / tshul khrims 'chal pa la sogs pa dag par byas te/ sangs rgyas par byas nas/ de las kyang phyir 'phros nas rdo rje khro bo'i zhal nas byung ste/ phyogs bcu'i 'jig rten du khyab nas sems can gyi don byas te slar 'dus pas rim par yi ge a la thim par byas/rdo rje dbyings kyi lha rnams su sprul la/ sangs rgyas mchod pa dang / sems can gyi don byas nas/ yang slar 'dus pas sems ma rdo rje ma la sogs pa bzhi ni dbus kyi gtso bo la bskor/ rigs lnga de bzhin gshegs pa'i rigs ni gtso bo la thim par bya'o//rigs bzhi ni glang po che'i khri la mi bskyod pa la 'khor sems dpa' bzhis bskor ba/ rta'i khri la rin chen 'byung ldan la 'khor sems dpa' bzhis bskor ba/ rma bya'i khri la snang ba mtha' yas la 'khor sems dpa' bzhis bskor ba/nam mkha' lding gi khri la don yod grub pa la 'khor sems dpa' bzhis bskor bar bsgom mo/ /mtshams kyi re mig bzhi la sgeg mo la sogs pa bzhi'o/ /snam bu la mchod pa'i lha mo bzhi dang / byang chub sems dpa' bcu drug go/ /sgo bzhi'i gnas su sgo ba bzhis bskor bar bsgoms la/de nas/ 'di ltar sangs rgyas bcom ldan 'das/ /zhes pa nas/ theg pa chen po'i tshul gyi mchog /ces pa yan chad bklag par bya'o/ /de nas mtshan gyi yig 'bru 'od zer dkar po spros te 'od zer gyis sems can gyi nyon mongs pa gti mug la sogs pa dag par byas nas yang dag pa'i don dang ldan par byas te/slar 'dus pas mtshan gyi sngags brgyad cu rtsa drug yod pa rigs lngar phyes te phyogs bzhi nas dkyil 'khor gyi lha la thim par bya'o/ /de nas rnam par snang mdzad chen po mi snang bar byas nas/ dbus kyi gdan la yi ge a las rnam par snang mdzad sku mdog dkar po/zhal gcig phyag gnyis pa dbu la ral pa gyen du 'khyil ba rgyan mi mnga' ba phyag gnyis byang chub mchog gi phyag rgyar mdzad pa bsgom mo/ /de'i thugs kar zla ba'i dkyil 'khor gyi steng du yi ge d+hIHlas dang po'i sangs rgyas sku mdog dkar la phyag mtshan gong dang mthun pa'o//de'i thugs kar shes rab kyi 'khor lo rtsibs bcu pa la mu khyud bzhi lte ba dang bcas par bsgom mo/ /rtsibs dkar po bcu la/ oM pradz+nyA dz+nyA na mur+t+tA ya te na maH/ zhes pa rim par dgod do/ /gzhan ma gong ma dang mthun no/ /dbus kyi lte ba la zla ba'i steng du yi ge a las 'jam dpal ye shes sems dpa' ye shes spyi gzugs zhes bya ba/de bzhin gshegs pa'i rigs kyi 'jam dpal ye shes sems dpa' dkar po phyag g.yas na ral gri g.yon na 'khor lo bsnams pa zur phud lnga dang ldan pa/ gzhon nu rgyun gyis brgyan par bsgom mo/ /de'i thugs kar zla ba'i dkyil 'khor gyi steng du yi ge a dkar po bsgom/de la 'od 'phros pas gong ma'i rim pa dang 'dra ba rnam par snang mdzad 'phros pas sems can gyi nyon mongs pa'i gti mug dag par byas te/ slar rim par 'dus pas yi ge a la thim ste/ mtshan gyi sngags ni sangs rgyas rnam par snang mdzad che/ zhes pa nas/ rdo rje lcags kyu zhags pa che/ /zhes pa'i bar du bklag par bya'o/ /de nas sngags brjod pa tsam na sngags las 'od zer dkar po 'phros pas rnam par snang mdzad mang po spros pas sems can kun de bzhin gshegs pa'i rigs su sangs rgyas par byas te/ slar 'dus pa las mtshan gyi sngags brgyad cu rtsa gcig yod pa rigs lngar phye ste/sum cu rtsa bdun de bzhin gshegs pa'i rigs la thim/ rigs bzhi'i sku phyag rgya sum cu rtsa drug thim par bya'o/ /de nas rnam par snang mdzad bsdus te shar du bkod nas/ dbus kyi yi ge hUM las mi bskyod pa sku mdog sngon po zhal gcig phyag gnyis pa rgyan mi mnga' ba ral pa'i dbu rgyan can phyag g.yas pas sa gnon pa bdud dang bgegs kyis mi bskyod pa'i rtags/phyag g.yon thugs kar ting nge 'dzin gyi tshul du bzhugs pa/ de'i thugs khar zla ba'i dkyil 'khor de'i steng du yi ge d+hIHlas dang po'i sangs rgyas sku mdog dang phyag mtshan gong ma dang mthun/de'i thugs kar shes rab 'khor lo/ /de'i rtsibs brgyad la kha dog sngon po mu khyud ni dkar po/ rtsibs brgyad la/ oM duHkhats+tshe dA ya te na maH zhes pa'i yig 'bru re re dgod/ phyi ma gong ma dang mthun par bya/ dbus kyi lte ba'i yi ge hUM las bskyed pa'i 'jam dpal ye shes sems dpa' sdug bsngal gcod pa zhes bya ba sku mdog sngon po rgyan gong dang 'dra ba/phyag g.yas ral gri/ g.yon rdo rje bsnams pa/ thugs kar zla ba la hUM sngon po bsgom mo/ /de las 'od zer rim par phyir 'phros pas mi bskyod pa khro bo'i rigs kyi 'od 'phros te/ sems can thams cad kyi zhe sdang dag par byas te/slar 'dus pa las yi ge hUM la thim par byas la mtshan gyi sngags ni/ rdo rje 'jigs byed 'jigs par byed/ /ces pa nas/ sgra dang ldan pa rnams kyi mchog /ces pa'i bar du bklag par bya'o/ /'od zer sngon po khro bor spros nas sems can gyi don byas/ slar 'dus pa las mtshan gyi sngags bdun cu rtsa gnyis yod pa rigs lngar bsgoms la/phyogs bzhi nas dkyil 'khor gyi lha la thim par bya'o/ /de nas mi bskyod pa slar bsdus te/ rang gi gdan la bkod nas rnam par snang mdzad nub kyi gdan la bkod de/ dbus kyi gtso bo la hrIHlas snang ba mtha' yas bskyed/ / sku mdog dmar po shes rab kyi pha rol tu phyin pa'i rang bzhin las mi g.yo ba'i ting nge 'dzin gyi phyag rgya can bsgom mo/ /de'i thugs kar d+hIHlas dang po'i sangs rgyas bsgom/ /de'i thugs kar shes rab 'khor lo rtsibs brgyad pa kha dog dmar po/ oM badzra tIk+Sh+NA ya te na maH yig 'bru brgyad dkod/gzhan 'dra/ dbus su zla ba'i gdan la yi ge hrIHlas 'jam dpal rdo rje rnon po/ sku mdog dkar po phyag g.yas na ral gri 'phyar ba/ g.yon pad+ma thugs kar bsnams pa/ thugs kar zla ba'i gdan la hrIHbsgom/ de las 'od zer snang ba mtha' yas spro/ sems can gyi 'dod chags zhi bar byas te/slar 'dus pas yi ge hrIHla thim par byas/ yang dag bdag med de bzhin nyid/ /ces pa nas/ ye shes me lce 'od rab gsal/ /yan chad brjod/ 'od zer dmar po spro bar bya'o/ /slar 'dus pa las mtshan gyi sngags ni nyis brgya bdun cu rtsa lngar bgos la//dkyil 'khor la thim par byas te/ de nas snang ba mtha' yas rang gi gnas la bzhugs nas/ rnam snang lhor bkod de/ dbus kyi gtso bo yi ge a las bskyed pa rin chen 'byung ldan sku mdog ser po phyag rgyan mchog sbyin mdzad par bsgom/ /de'i thugs kar dang po'i sangs rgyas/ de'i thugs kar shes rab 'khor lo rtsibs brgyad pa/ oM bA gI shwa rA ya te na maHyi ge 'bru brgyad dgod/ gzhan gong ma dang mthun/ de'i lte ba la zla ba'i steng du yi ge oM las 'jam dpal ngag gi dbang phyug sku mdog ser po phyag g.yon rin po che thugs kar bsnams pa/ g.yas pa ral gri 'phyar ba/ de'i thugs kar zla ba'i dkyil 'khor la yi ge oM/ de las rin chen 'byung ldan spro/ /slar 'dus yi ge oM la thim/ /mtshan gyi sngags/ 'dod pa'i don grub dam pa ste/ /zhes pa nas/ nor bu chen po rin chen tog /ces pa'i bar gyis sngags brjod nas/'od zer ser po 'phros te sems can gyi don byas/ slar 'dus pas mtshan gyi sngags brgya rtsa lnga rigs lngar bgos te/ dkyil 'khor gyi lha la thim par bya'o/ /de nas rin chen 'byung ldan rang gi gnas su bkod nas/ rnam par snang mdzad byang gi gdan la bkod de/ dbus su gtso bo yi ge a las bskyed pa/don yod grub pa sku mdog sna tshogs te ljang gu/ phyag gnyis skyabs sbyin gyi phyag rgya mdzad pa/ de'i thugs kar dang po'i sangs rgyas/ de'i thugs kar shes rab 'khor lo ljang gu rtsibs brgyad pa/ oM dz+nyA na kA yA ya te na maHzhes 'bru brgyad dgod do/ / gzhan gong dang mthun/ de'i dbus su zla ba'i steng du gdan la yi ge a las bskyed pa'i 'jam dpal ye shes kyi spyi gtsug ces bya ba/ sku mdog ljang gu phyag g.yon pa na rdo rje rgya gram/ g.yas ral gri thugs kar 'phyar ba/ de'i thugs ka na zla ba'i dkyil 'khor la yi ge a de las don yod grub pa spro sems can gyi don byas/slar rim par 'dus pas yi ge a la thim par bya'o/ /de nas mtshan gyi sngags/ sangs rgyas kun gyi rtogs bya ba/ /zhes pa nas/ 'jam dpal dpal dang ldan pa'i mchog /ces pa yan chad bklag go/ /yig 'bru las 'od ljang gu 'phros pas sems can gyi don byas slar 'dus pa las mtshan gyi sngags dgu bcu rtsa lnga rigs lngar bgos te/dkyil 'khor la thim par bya'o/ /de nas don yod grub pa rang gi gnas su bkod de/ rnam par snang mdzad mi snang bar gyur nas/ dbus kyi gtso bo yi ge a las byang sems rdo rje bskyed de/ sku mdog dkar po rdo rje dril bu bsnams pa/rigs lnga'i dbu rgyan can bsgom/ de'i thugs kar gong ma bzhin du dang po'i sangs rgyas/ de'i thugs kar shes rab 'khor lo rtsibs dgu pa/ oM a ra pa tsa nA ya te na maHyi ge 'bru re re dgod do/ /mu khyud gong ma dang mthun no/ /lte ba'i zla ba'i gdan la yi ge a las bskyed pa'i 'jam dpal a ra pa tsa na zhes bya ba/sku mdog dkar po g.yon pas glegs bam bsnams nas thugs kar bzhag pa/ g.yas pa ral gri 'phyar ba/ de'i thugs kar zla ba'i dkyil 'khor la yi ge a bsgoms nas/ de las rdo rje sems dpa' spro bar bya/ sems can gyi nyon mongs pa thams cad zhi bar byas te/slar 'dus pas thugs ka'i a la thim par byas nas rdo rje dbyings kyi dkyil 'khor gyi tshigs bcad brjod pa yin te/ rdo rje sems dpa' dang rnam par snang mdzad chen po dbyer med pa'i phyir ro/ /'di ni spyi'i rnal 'byor yin pas 'di ltar brjod par bya'o/