CLOSE WINDOW

D2578
བོད་ཡིག

slob dpon 'jam dpal bshes gnyen gyis mdzad pa rdzogs so/ /rgya gar gyi mkhan po su badzra dang / bod kyi lo tsA ba chos kyi shes rab kyis bsgyur cing zhus te gtan la phab pa'o//[ ]@##/ /rgya gar skad du/ bo d+hi tsi t+ta b+hA ba ar+tha dwa da sha nir de sha/ bod skad du/ byang chub kyi sems bsgom pa don bcu gnyis bstan pa/ dkon mchog gsum la phyag 'tshal lo/ 'dir byang chub kyi sems bsgom pa ni/ don bcu gnyis kyis ston te/ phyag 'tshal ba dang / ci'i phyir rtogs par bya ba dang / ci zhig rtogs par bya ba dang / /gang gis rtogs par bya ba dang / /gang la brtags te rtogs par bya ba dang /brtags nas nges pa'i don bstan pa dang / nges pa'i don la bsgom pa dang / /brgyud pa'i thabs kyis nges pa'i don rtogs par bya ba dang / byang chub kyi sems kyis ma zin na rnam par grol ba mi thob cing dge ba chud za bar bstan pa dang / mos pa tsam skyes pas kyang yon tan mang po thob pa dang /log par zhugs pa rnams la snying rje skye ba'i gnas su bstan pa dang / dge ba'i rtsa ba bsngo ba rnams so/ /de la phyag 'tshal ba la yang rnam pa gsum ste/ sangs rgyas dang chos dang dge 'dun gsum la phyag 'tshal ba ni/ slob dpon 'jam dpal bshes gnyen gyis brtsams pa la bgegs mi 'jug cing mthar phyin par bya ba'i phyir tshigs su bcad pa gcig gis bstan pa yin te/de la sangs rgyas la phyag 'tshal ba ni/ bdag med gnyis nyid bde gshegs mi rtog ye shes chos dbyings sku brnyes pa/ /zhes bya bas bstan te/ gang zag dang chos la bdag med pa gnyis nyid ma nor bar rtogs pa ni bde bar gshegs pa'i mi rtog pa'i ye shes yin te/ ye shes de thob pas de'i shes bya de chos kyi dbyings dang tha mi dad pa'i sku yang brnyes pa'o/ /chos la phyag 'tshal ba ni/ kun gyi rang bzhin zhi ba 'di la bsal zhing blang med lam mchog ste//zhes bya ba smos te/ kun nas nyon mongs pa dang / rnam par byang ba kun gyi rang bzhin ni/ /spros pa'i mtshan ma thams cad zhi ba ste/ 'di la skyon bsal zhing yon tan blang du med de/ blang dor med pa ni thar ba'i lam gyi nang na mchog yin no/ /dge 'dun la phyag 'tshal ba ni/mi ldog sa la sogs pa'i dbang bcu rgyal ba kun dang gcig brnyes pa/ /zhes pa smos pa yin te/ sa dang po 'khor bar mi ldog /sa brgyad pa mtshan mar mi ldog pa la sogs te/ sa bcu pa la gnas pa'i byang chub sems dpa' ni tshe la dbang ba dang las la dbang ba dang / yo byad la dbang ba la sogs te/dbang bcu thob pas rgyal ba kun dang chos kyi dbyings rtogs par gcig pas gcig brnyes pa'o/ /gnas gsum mnyam nyid de la mtshan med yid kyis rab tu dad pas mos/ /zhes smos pa la phyag gi gnas ni dkon mchog gsum mo/ /chos nyid ni ma nor ba'i lam yin te/ shes par bya ba yin la/ sangs rgyas dang byang chub sems dpa' ni de shes par byed pa yin te/ shes pa dang shes bya khyad par med ces 'byung bas mnyam pa dang / don dam par gnyis su med pas mnyam pa de la mtshan mar mi 'dzin pa'i yid kyis dang pa'i dad pa dang / don ji lta ba bzhin du nges par bzung ba'i mos pas phyag 'tshal ba yin no/ /don gnyis pa ston te/ ci'i phyir/ rtogs par bya zhe na/ phan yon che ba'i phyir te/ phan yon yang rnam pa gsum ste/ rgyur gnas pa'i phan yon dang / mngon du gyur pa 'bras bu'i khyad par gyi phan yon dang /rnam par grol ba'i 'bras bu thams cad kyi gzhi lam gyi mchog tu bstan pa'o/ /de la rgyur gnas pa'i phan yon ni/ ston pa 'jig rten sgron mar gyur pa kun gyis mtshungs par rab bsngags la/ /zhes bya ba la sogs pa smos te/ lha dang mi la sogs pa'i ston pa 'jig rten phyi nang gi mun pa sel ba'i ye shes kyi sgron mar gyur pa kun gyis kyang 'dra zhing mtshungs par byang chub kyi sems la phan yon che bar bsngags te/ji skad du bsngags she na/ chos la chos kyi snying por gyur pa 'jam dpal gzhon nu'i snying po 'di/ /de la de bzhin gshegs pa rnams byung yang rung ma byung yang rung / chos rnams kyi chos nyid ni ye nas gnas pa'i chos kun gyi snying por gyur pa ni/ 'jam dpal gzhon nu zhes bya ste/ ci'i phyir 'jam zhe na/ zug rngu med pa'i phyir 'jam pa dang / de rtogs na sems can kun gyi dpal du gyur pa dang / gzhom pa ni gtsang ba'i don te/ skyon dang dri mas ma gos pa'i phyir ro//snying po gong du bstan pa nyid chos rnams kyi snying po yin pa'i phyir ro/ /'jam dpal zhes bya ba/ byang chub kyi sems kyi mtshan nyid ma nor bar rtogs pa ni/ sangs rgyas ma lus pa'i 'byung gnas yin pa'i phyir/ /bder gshegs ma lus yum du gyur pa rgyal ba kun gyi lam gcig go//zhes smos te/ lam 'di ma rtogs par lam gzhan gyis 'tshang mi rgya ba'i phyir ro/ /tshul khrims la sogs pha rol phyin lam spyod pa rgya mtsho'i gzhir gyur pa/ /tshul khrims la sogs te pha rol tu phyin pa bcu dang dge ba'i chos thams cad kyang byang chub kyi sems kyis ma zin na/sangs rgyas 'grub pa'i tshogs su mi 'grub pas/ sangs rgyas su 'grub pa'i bsod nams kyi tshogs thams cad kyi gzhi yin par yang ston to/ /mngon du gyur te 'bras bu'i dus na yang khyad par du 'phags par bstan pa ni/ rnam dag byang chub sems kyi ngang tshul bsgom dang yon tan khyad par ni//zhes bya ba la sogs pa ste/ spro ba rnam par dag pa'i byang chub sems kyi rang bzhin nam/ ngang tshul ma nor bar bsgoms te/ mngon du gyur pa'i tshe/ yon tan gyi khyad par ji lta bu dag thob ce na blo dang ldan na nam zhig sems kyi dam pa de ni mngon du gyur pa na/ de la sku gsum mchog tu gyur pa chos kyi sku zhes rgyal bas gsungs/ /shes rab kyi blo dang ldan pas byang chub kyi sems mngon du gyur pa de la longs spyod rdzogs pa'i sku la sogs te/ sku gsum gyi nang na mchog tu gyur pa chos kyi sku zhes byang chub kyi sems de la bya ste/ byang chub kyi sems de la yon tan dang legs pa thams cad kyi gzhi ni chos kyi sku yin pas mchog tu gyur pa yin no//shes byed dam par gyur pas shes rab spyan zhes kyang ni de la bya/ /shes bya thams cad shes par byed pa'i nang na/ dam pa ni shes rab kyi spyan yin te/ de ci'i phyir zhe na/ shes bya kun gyi nang na chos thams cad kyi snying por gyur pa'i chos nyid ni dam pa yin pas/de rtogs pa'i shes byed kyang dam pa zhes bya ste/ sha'i spyan dang lha'i spyan la sogs te/ spyan lnga'i nang na yang byang chub kyi sems mngon du gyur pa'i mtshan nyid shes rab kyi spyan ni mchog tu gyur pa yin no/ /rdo rje rtse mo mchog nyid mi rtog ye shes de yang de nyid do//rdo rje ni sra ba dang gcod pa ste/ mi mthun pa'i phyogs kyis mi shigs pa'i phyir sra ba dang / sgrib pa thams cad gcod cing spong ba yin pas ye shes la bya ste/ so sor kun du rtog pa dang / bya ba nan tan la sogs pa ye shes bzhi'i nang na yang mchog gam rtse mor gyur pa ni rnam par mi rtog pa'i ye shes yin te/de yang byang chub sems mngon du gyur pa de nyid yin no/ /rnam par grol ba'i 'bras bu thams cad kyi gzhi lam gyi mchog tu bstan pa ni/ ji snyed 'phags pa'i rnam grol chos su bstan pa de dag thams cad kyang / / zhes bya ba la sogs pas bstan te/ ji snyed du nyan thos dang rang sangs rgyas la sogs te/ khams gsum las rnam par grol ba'i 'bras bu yon tan gyi chos su bstan cing bsnyad pa de dag thams cad kyang / byang chub sems nyid rdzogs las de yi yon tan de dag de las byung / / byang chub kyi sems rdzogs shing mthar phyin par rtogs pa las yon tan rdzogs par 'byung la/ byang chub kyi sems 'bring dang / chung ngu rtogs na yang / yon tan de yang de bzhin du byung zhing thob la/ byang chub kyi sems ma rtogs pa rnams la ni/ grol ba thar pa chung ngu tsam yang mi thob ste/ de bas na 'di ni grol ba thar ba thams cad kyi gzhi yang yin/ 'bras bu mchog grub pa'i lam yin pas thar pa'i lam gyi nang na yang mchog yin no/ /de ci'i phyir zhe na/ 'phags pa'i rigs chen 'chi med byang chub sems dpa' de dag thams cad kyang / /nyan thos la sogs 'phags pa'i rigs kun gyi nang na/'bras bu che ba'i phyir/ theg pa chen po ni rigs chen zhes bya ste/ bla na med pa'i byang chub chen po la sems pas/ byang chub sems dpa' zhes bya ste/ de dag thams cad kyang de med na mi 'byung / /de phyir de ni rnam grol mchog gi lam nyid do/ /byang chub kyi sems de ni de med na byang chub sems dpa' de dag mi 'byung bas/de'i phyir byang chub kyi sems de ni/ rnam par grol ba'i lam kun gyi nang na mchog yin no/ /don gsum pa ston te/ ci zhig rtogs par bya zhe na/ byang chub kyi sems so/ /de yang bsam pa dang brjod pa las 'das pas brtags pa'i yul ma yin par bstan te/des na kun du rdo rje sems dpa' ci 'drar bsgom par bya bar 'gyur/ /gong du bstan pa de ltar phan yon che na/ dus dang gnas kun du cis kyang mi shigs la/ de rtogs na sgrib pa'i dra ba gcod pas rdo rje ste/ sems kyi chos nyid ma nor bar rig pa la rdo rje sems dpa' zhes kyang bya/byang chub kyi sems zhes kyang bya ba ste/ sems kyi mtshan nyid ma rig pa'i bla thabs kyi sgo nas/ kun nas nyon mongs pa'i chos thams cad du snang la/ sems kyi rang bzhin ma nor ba'i rdo rje la sems pa de'i tshe/ rnam par grol ba'i 'bras bu phun sum tshogs pa rnams su yang snang bas/bsgom par bya gang gis ma nor bsgom par 'gyur/ zhes dris pa'i lan du/ phra shing shes dka' drang srong chen po'i lam 'di mi rtog rtog las 'das/ /blo rtsing zhing shes rab zhen pas mi rtog pas phra zhing shes par dka' ste/ bdag dang gzhan dang po'i lam du 'jug cing zhugs pa'i drang srong chen po sangs rgyas kyi lam 'di ni rtog pa'i yul yang ma yin la//mi rtog pa'i yum yang ma yin pas/ rtog pa dang mi rtog pa las 'das pa ste/ de'i phyir brtag par dka' zhing bstan par dka' la brjod pa'i tha snyad rnams dang bral te/ sems kyis brtag par dka' zhing tshig gis bstan par yang dka' la/ tshig gis don yang ston/ tshig de don ma yin pas brjod pa'i tha snyad rnams dang bral ba'i phyir tshig gis mi phebs/ gzhan dang byis pa kun gyi spyod yul ma yin yang / /don ni tha snyad las 'das pa yin pas/tshig gis mi phebs shing theg pa chen po las gzhan pa nyan thos la sogs pa dang / so so'i skye bo byis pa rnams kyi spyod yul ma yin yang shes shing rtogs par bya ba'i thabs ni yod do/ /don bzhi pa ston te/ de ltar rtogs par bya ba'i thabs yod na gang gis rtogs par bya zhe na/'khrul pa'i rtog pa ni tshad ma ma yin pas/ 'phags pa dang mkhas pa'i lung dang / dngos po rnams kyi don ji lta bu yin pa/ lo rgyus kyis brtags pas rtogs par bya ba ston te/ ston pa'i nges pa'i lung dang / bla ma rnams kyi man ngag de nyid don 'dir blta/ / ston pas bkri ba'i don du ma yin gyi nges pa'i don du bstan pa'i lung dang / bla ma mkhas pa rnams kyis ma nor bar rtogs pa'i nyams kyi man ngag dang / de nyid la ma nor ba'i don du byang chub kyi sems bsgom pa skabs 'dir blta'o/ /'khrul pa'i rtog pa tshad ma ma yin par ston te/ mngon sum la sogs rgyu yis dngos po 'jig cing grub pa'i mtha' spyod pa/ /mngon sum dang rjes su dpag pa la sogs pa'i gtan tshigs kyi rgyus kun nas nyon mongs pa dang / rnam par byang ba'i dngos po rnams la 'jig cing spyod de tha mar yod pa zhig du grub bam/ med pa zhig tu grub mtha' ci lta bu zhig 'gyur zhes dpyod pa ni/de nyid rtog pa rgyun 'brangs spyod yul tshad mar gzhag nas blo yis 'jig byed de/ /gong ma ltar dpyod pa de nyid phyin ci log tu rtog pa'i rgyun gyi rjes su 'brangs nas/ nor ba'i rtog pas log par mthong ba'i spyod yul tshad mar bzung nas/log pa'i blo yis 'jig cing spyod de/ dper na thag pa la sbrul du mthong ba'i tshe/ bdag gis mngon sum du mthong bas ci'i phyir sbrul med ces rang gi 'khrul pa mngon sum tshad mar bzung ba ni tshad mar mi rung ba dang 'dra'o/ /ci'i phyir zhe na/ rtog mtha' med phyir dpyod mtha' med de snying po med na tshad ma gang //rtag pa'i sems nyid yang dag pa'i mthar na ji lta bur yang ma grub pa'i phyir/ des spyod pa lta ga la yod pas dpyod mtha' med de snying por bya ba ci yang med na tshad mar gang gzhag /de phyir 'jig rten brtags pa'i tha snyad rnal 'byor lam 'dir mi dgos so//tshad mar mi rung ba de'i phyir kun rdzob 'khrul pa snang ba'i dbang du byas pa'i tshe ni/ 'jig rten gyis brtags pa'i tha snyad kyang tshad mar 'jog pa yang yod mod kyi yang dag pa'i don la rnal 'byor du sbyor ba'i lam gyi skabs 'dir ni/ 'jig rten 'khrul pa'i tha snyad dag mi dgos so//don rnam pa lnga dngos po gang brtags te rtogs par bya zhe na/ rnam pa gnyis te/ kun nas nyon mongs pa dang / rnam par byang ba'i dngos po la brtag par bya'o/ /kun nas nyon mongs pa brtag pa la yang rnam pa gnyis te/ kun nas nyon mongs pa'i mtshan nyid yin par brtag pa dang 'khrul pa snang bar brtag pa'o//kun nas nyon mongs pa'i mtshan nyid yin par brtag pa ni/ dngos po mtha' yi rgyu ni lo rgyus dag las lam 'dir brtag par bya/ /zhes bya ba la sogs pas ston te/ dngos po rnams kyi grub pa'i mtha' brtag pa'i rgyu ni dngos po nyid kyi lo rgyus ji ltar gnas pa brtags pa ma nor ba'i lam gtan la phab par gyur pas/bla na med pa'i lam tshol ba'i skabs 'dir de ltar brtag par byas te/ dper na chu gsher ba'i mtshan nyid ni/ chu'i rang gi mtshan nyid kyi lo rgyus kyis ston te/ lung las kyang / rtog pa'i blo dang ldan rnams la/ / dngos po rnams kyi chos ston te/ zhes 'byung ba dang nyon mongs pa dang / rnam par byang ba'i dngos po rnams ji lta ba bzhin du rig cing rtog pa nyid ma nor ba'i lam yin pas/ dngos po'i lo rgyus brtag pa'i sgo nas lam btsal bar dgos so/ /skye bo kun gyi sems mngon snang phyi nang grags pa'i chos 'di ni/sems can rnams kyi sems kyis rig cing yul du snang ba'i nang gi dbang po drug dang / phyi'i yul drug yod par grags pa'i chos 'di ni/ 'dzin pa drug gis ji ltar mthong zhing brtag pa de ltar ma yin 'khrul/ /'jug pa'i rnam par shes pa drug gis mthong zhing thos pa la sogs pa dmigs pa'i yul du brtag pa ste/ci snang ba rnams de bzhin yod pa ma yin te 'khrul pa'i phyir ro/ /rang gi rtog pas myos pa'i de bzhin bzung ba bden 'gyur na/ /ma rig pa'i rtog pas myos pa'i log par mthong ba rnams/ de bzhin bden par gyur na ni/ de dag dngos po mi rtog dgra bcom 'dra bar grol bar 'gyur ba'i rigs/ /skye bo de dang dgra bcom gnyi gas kyang / /bden pa mthong bar bye brag med pas/ gnyi gas kyang 'dra bar rnam par grol ba'i 'bras bu thob par 'gyur ba'i rigs na/ de dag dus dgras 'joms shing sdug bsngal nyen las de 'khrul mngon par 'gyur/ /sems can de dag ni na ba dang 'chi ba la sogs pa dus kyi dgras 'joms shing sdug bsngal gsum dang brgyad kyis nyen pa des na/ sems can gyis mthong ba rnams ni 'khrul pa yin par mngon no/ /gzhan du skye mched sgo nas rig pa de dag tshad mar gyur na ni/'khrul pas las gzhan du 'gal te/ gal te ma 'khrul te sems can gyi skye mched bcu gnyis kyi sgo nas rig pa de dag tshad ma yin na ni/ de nyid tshad mar gyur par 'phags pa'i lam de su la dgos mi 'gyur/ /sems can rnams la 'phags pa'i lam rang chas su yod pa'i phyir ro//lam de rnam grol lam du bstan cing dbang po'i shes pas mi thar te/ /sems can 'khrul pas mthong ba rnam par grol ba'i lam du 'dod pa/ dbang po bems po la brten pa'i shes pas 'khor ba'i sdug bsngal las mi thar te/ de ci'i phyir zhe na/sems can gyi mtshan ma sna tshogs su mthong ba'i shes pas ni/ sdug bsngal 'gag yang mi 'jil rnam rig shes te nyon mongs skye ba'i gnas/ /sdug bsngal spong ba'i lta ga la yod kyi sdug bsngal skye ba'i gnas yin pas/ de'i phyir skye bos mthong ba de dag 'khrul par mngon zhing rgyal bas gsungs/de ltar sems can gyis mthong ba rnams ni rig pas kyang 'khrul par mngon zhing / sangs rgyas kyi lung las kyang 'khrul pa yin par gsungs so/ /kun nas nyon mongs pa brtag pa la yang rnam pa gnyis su phye ba las/ gnyis pa 'khrul pa snang ba zhes bya ba yang rnam pa dgus bstan te/gang snang ba dang ci phyir snang ba dang / snang ba'i nyes pa dang snang ba'i gzhi rnam par shes pa'i mtshan nyid yin par bstan pa dang / tshul ji ltar snang ba dang / snang ba'i sems kyi nang du thams cad 'dus pas thob par bya ba med pa dang / thams cad sems kyi mtshan nyid yin na rgyu rkyen gzhan las ci'i phyir skye bar snang bar 'gyur zhes dris pa'i lan dang /snang ba'i dngos po ma grub pa dang / snang ba'i gzhi sems nyid kyang ma grub par bstan pa rnams so/ /de la gang snang zhe na/ 'khrul pa'i dbang gis sems nyid rnam pa sna tshogs su snang bar ston te/ de na de la 'khrul pa'i dbang gis 'di dag ji ltar snang bar 'gyur/ /'khrul pa yin par mngon pa des na/ sems can de dag la 'khrul pa'i dbang gis 'di dag ci ltar snang bar 'gyur zhe na/ kun du rtog can yang dag ma yin kun du rtog pas rtsom med nyams/ /sems can gyi sems ni rang bzhin gyis kun du rtog pa can yin la/gang du rtog ce na yang ba ma yin pa'i log pa'i rnam par kun du rtog pas/ thog ma'i rtsol ba med pa nas bden pa mthong ba las nyams shing / blo gros phyin ci log tu gyur cing ma rig rkyen gyi dbang song bas/ /yang dag pa'i don ma mthong bas/blo gros phyin ci log tu gyur cing / bden pa mthong ba'i stobs dang mi ldan pas/ ma rig pa'i dbang du song ba'i phyir/ sems dang sems las byung ba de nyid lus gsum don du snang ba yin/ /sems ni rnam par shes pa'i tshogs brgyad las sems las byung ba ni 'du byed lnga bcu rtsa gcig yin te/rang gi sems dag nyid 'og nas 'byung ba'i lus gsum gyi don ltar snang ba yin no/ /'du byed sna tshogs dag gi bag chags bsags las gang goms mthu brtas tshe/ /dge sdig gi las kyi 'du byed sna tshogs kyi bag chags bsags pa goms pas/ snga ma'i bag chags smin cing brtas te/'bras bu 'byin pa'i mthu dang ldan pa'i tshe/ /sems nyid yul dang lus 'drar snang ba rus pas gang ba bzhin du snang / /rang gi sems nyid phyi'i yul dang / nang gi lus 'dra bar snang ba ni/ dper na mi gtsang ba bsgoms pas/ sa yul thams cad rus pas gang bar bsgom pa yun ring du bsgoms te/mthu brtas pa'i tshe/ sa yul thams cad rus pas gang ba bzhin du/ rang gi sems nyid rus par snang ste/ lus gsum las de yan chad dang po bstan to/ /gnyis pa ni bag chags bsags pa'i rgyun la dmigs skyes yid la brtags pa'i bdag med kun gzhi bag chags dang bcas pa'i skad cig ma'i rgyun la bdag yin no snyam pa'i dmigs pa skyes pa yid las ma gtogs pas bdag go snyam pa'i nan gyis brtags pa'i bdag ni med do//dper na thag pa khra bo la sbrul lo snyam pa'i rtog pa skyes kyang / sbrul lo snyam pa'i rtog pa tsam las ma gtogs par sbrul gyi mtshan nyid thag pa la med pa dang 'dra/lus gsum pa ni/ 'du byed mthu yis bsgribs shing phra ba ma mthong de las ma rig skye/ /'du byed kyi chos rags par snang bas/ kun gzhi phra ba bsgribs te/ ma mthong ba de las shes pa dang rig pa skye bas 'dra bar snang ste/dper na smig rgyu yin par ma shes pa las chu'i rtog pa skye ba dang 'dra/ dgur phye ba las gnyis pa ci'i phyir snang zhe na/ kun gzhi mtshan nyid ma mthong ba'i phyir te/ dpe thag pa'i rang bzhin ji lta ba bzhin du ma mthong ba las/ sbrul du 'khrul pa 'byung ba dang 'dra bar/ rgyu dang bcas pa'i sems kyi mthu ni ma rtogs rtog pa'i rjes 'brangs nas/ /kun gzhi bag chags dang bcas pa'i mthu las rnam pa sna tshogs su snang bar ni ma rtogs pas/ snang ba thams cad rang gi ngo bor yod pas phyin ci log tu rtog pa'i rjes su 'brangs nas/ de las zag bcas rang bzhin rtog pas bdag dang chos rnams rgyas par byed//log pa'i rjes su 'brangs pa de las khams gsum du zag cing 'khor ba'i rgyur gyur pa'i rtog pas bla thabs su brtags pa'i bdag dang / phyi nang gi chos su log pa'i rtog pas rgyas par byed/ ldan par 'byung ba shin tu phra ba rgyu ba de ni ma mthong las//bdag tu lta ba la sogs mu stegs lta ba sna tshogs skye zhing thar bar rtogs/ /kun gzhi'i phreng ba ma mthong ba las mu stegs kyi lta ba sna tshogs mang po 'byung bar yang ston te/ ci'i phyir 'byung zhe na/ sems 'di las rnam pa mtha' yas gnas gyur bag chags mtha' med nges pa med/sems zhes bya ba kun gzhi ni dge sdig gi las kyi bag chags mtha' yas pa'i gnas su gyur pas/ kun gzhi la bag chags gnas pa yang mtha' med pas/ bag chags 'di dag mi gnas zhes nges par bzung du ni med do/ /bag chags brtas shing sad par byed pa'i rkyen yang rnam pa sna tshogs te//kun gzhi la bag chags gnas pa/ dge ba'i rkyen gyis ni mtho ris su skye ba'i bag chags sad par byed la/ nyon mongs shing mi dge ba'i rkyen gyis ni/ /ngan song du skye ba'i bag chags sad par byed pa'i rkyen la sogs pa'i yang sna tshogs te/ rkyen 'ga' bag chags 'ga' zhig smin nas mi'i rgyud kyi lus snang la//tshe snga ma la mir skye bar 'gyur ba'i rkyen 'gas mir skye bar 'gyur ba'i bag chags kun gzhi la snga nas gnas pa sad cing smin par byas nas/ tshe 'di la mi'i rgyud kyi lus thob cing snang la/ rkyen gzhan dag gis bag chags gzhan sad byas tshe 'gyur ba'i mthu mthong nas//mi las gzhan pa lhar skye bar 'gyur ba'i rkyen dag gis mi las gzhan pa'i lhar skye ba'i rgyu bag chags kun gzhi la snga ma nas gnas pa sad cing smin par byas pa'i tshe/ mi las lhar 'gyur ba mthong nas/ /dbang phyug la sogs byed par 'dod de lam de mi zhi grol mi 'gyur//mi las lhar skye bar 'gyur ba ni/ 'jig rten gyi mngon shes kyis mthong la/ rgyu rkyen gang kho nas de lhar skye ba ni ma rtogs pa'i sgo nas dbang phyug la sogs pa byed pa po zhig gis bya bar sems te/ byed pa po la brten pa nyid thar pa'i lam du 'dod pa nyid/ sdug bsngal ma zhi bas khams gsum gyi skyon las kyang grol bar mi 'gyur ro/ /rnal 'byor lam bslad the tshom rgyu yang rgyun 'di phra ba ma rtogs skyes/ /yang dag pa'i don rnal 'byor pa'i lam las log par gyur te/ bslad pa dang yid gnyis za ba'i rgyu yang kun gzhi phra rab rgyu ba de ma rtogs pa las 'byung zhing skye ste/dper na thag pa ji lta ba bzhin du ma rtogs pa las sbrul du 'dzin pa'am/ sbrul yin nam ma yin snyam du the tshom za ba dang 'dra'o/ /de ltar 'khrul pas rnam pa sna tshogs su snang na yang nyes pa ci yod ce na/ dgur phye ba'i gsum pa snang ba'i nyes pa ston te/bdag tu brtags pas bsgribs te/ 'phags pa'i rigs dang rnam par bral/ /'phags pa'i rigs su gtogs pa rnams ni/ bdag tu rtog pa mi mnga' bas bdag med pa la bdag tu brtags pas/ 'phags pa'i rigs dang bral zhing 'bras bu mi thob pa'i nyes pa yod do//chos su brtags pas sdug bsngal sna tshogs 'byung zhing ngan song srid par 'gyur/ /chos sna tshogs brtags pas las sna tshogs su spyad/ las sna tshogs pas sdug bsngal sna tshogs kyang myong bar 'gyur la/ mi dge ba'i las kyi ngan song gsum yang srid par 'gyur ro//dgur phye ba'i las bzhi pa snang ba thams cad kyi gzhi rnam par shes pa'i mtshan nyid ji lta bu zhig yin zhe na/ rnam shes de dang 'du byed rgyun la mtshan ma tha dad 'dzin pas ni gzugs dang sgra la sogs pa 'du byed kyi mtshan nyid tha dad pa'i rnam par shes pa'i 'dzin pas na/las kyi khyad par dag gis brgyad du snang gi rigs la du ma med/ /gzugs mthong bar byed/ sgra thos par byed pa la sogs pa 'du byed kyi mtshan ma rnam par shes par bya ba brgyad yod pas shes pa yang brgyad du gzhag gi /shes shing rig pa'i rigs su gcig pas rigs la du ma med//dgur phye ba las lnga pa de ltar sna tshogs su snang ba de dag kun gzhi la tshul ji ltar zhe na/ de'i phyir sems kyi skad cig dang po de la lus dang chos kun gnas/ /gong du bstan pa de ltar sems la tha dad du ma med pa de'i phyir/ kun gzhi'i sems kyi skad cig ma kho na la dbang po dang bcas pa'i lus dang /ma lus pa'i chos kun gnas pa yin no/ /sems kyi skad cig ma phyi ma rnams la yang snga ma dang mthun par ci phyir snang zhe na/ de la bsam pa zhen phyir phyi ma de la de 'byung de la snang / /dngos por chags shing zhen pa'i dbang gis snang ba yin par bstan pas/snga ma de dag la bsam pa ji lta ji ltar zhen pa ltar/ phyi ma la yang de ltar mthun par snang bar 'byung ngo / /dgur phye ba las drug pa snang ba'i gzhi sems kyi nang du thams cad 'dus pas 'thob par bya ba med par ston te/ rang sems rgyun las 'phags pa'i skye bo'i chos ni gzhan yod ma yin//gong du bstan pa de ltar sems kyi skad cig ma gcig las ma lus pa'i chos thams cad gnas pa'i phyir ro/ /rgyun drug rigs la'ang sna tshogs de dag rang gi ting nge 'dzin to/ /lha dang mi la sogs pa sems can gyi rgyud kyi rigs drug yod la/ rigs gcig pa yang sna tshogs su gnas pa de dag kyang /thog ma med pa'i dus nas 'dris shing goms goms pa'i ting nge 'dzin gyi mthus snang ba yin no/ /ci'i phyir thams cad kyi mtshan nyid bdag yin pas tha dad du dbyer med ce na/ sems rgyun de ni phyogs kyang cung zad med pas gcig la rten med de//kun nas nyon mongs pa dang rnam par byang ba'i chos thams cad ni rang gi sems yin la/ sems skad cig ma'i rgyun de ni yod pa dang / med pa dang / yod kyang yod la med kyang med ces bya ba la sogs pa'i phyogs dang shar nub dang / bla 'og la sogs pa'i phyogs dang shar nub dang /bla 'og la sogs pa'i phyogs la 'di 'dra ba 'di lta bu zhig ces gcig tu bstan du med pas/ gcig la bstan pa yang med de/ /de la phyogs med phyir na mtha' yas shing rnams bdag gi lus/ /phyogs gcig yod na ni gcig gi mtshan nyid du bstan du mi rung ste/dngos po lta ci smos/ dngos po med pa nam mkha' lta bu zhig yin no zhe na yang nam mkha' stong ba'i shar dang / nub la sogs pa'i phyogs dang dbus dang / mtha'i bye brag gis tha dad pas gcig tu 'dus par mi rung ngo / /sems kyi rgyun ni yang dag par na ci lta bu'i phyogs kyang ma yin pas/tha dad du dbyer med pa'i phyir ro/ /dmigs su med par gcig pas dag pa dang ma dag pa'i zhing rnams kyi rang bzhin yin no/ /bdag gi lus 'di mtha' yas zhing dang skye ba'i lus su rab snang yang / /sems dang bag chags tha dad ma yin gcig min brtag par rab tu dka'//de ltar thams cad kyang bdag yin/ bdag kyang bdag yin/ /bdag kyang thams cad yin pas/ gdod ma thob pa thob par bya ba'i chos ni med do/ /sems dang bag chags kyang gcig ce'am tha dad pa yin zhes brtag par rab tu dka' ste/ gcig pa yang ma yin tha dad pa yang ma yin no/ /dper na kha dog dang dbyibs gnyis gcig ces bya bar yang mi rung / tha dad ces bya bar yang mi rung ba dang 'dra'o/ /dgur phye ba las bdun pa thams cad sems kyi mtshan nyid yin na/ rgyu rkyen gzhan las ci'i phyir skye bar snang zhes dris pa dang /'di kun rten 'brel 'byung tshul te skye dang 'gag par 'gyur zhes pa tshig pa'i sa bon bzhin te/ med las med pa mi 'byung rgyu 'bras med/ /chos 'di kun rgyu las brten te 'bras bu skye la gnas pa'i rten med na 'gag par 'gyur ro zhes pa zer ba ni dper na tshig pa'i sa bon las 'bras bu mi skye ba dang 'dra bar chos thams cad rang bzhin gyis ma grub par/rgyu med pa las 'bras bu med pa mi 'byung bas/ 'di ni rgyu 'di ni 'bras bu zhes gzhag tu yang med do/ /'o na ci'i phyir rgyu la brten te 'bras bu 'byung bar 'dra bar sems can kun la snang zhe na/ dngos por zhen cing rgyu dang 'bras bur rtog pa'i sems nyid ni//rgyu dang rkyen du snang ba ste/ thog ma med pa'i dus nas dngos po rnams rgyu dang 'bras bu'i ngo bor zhen cing rtog pa'i sems nyid/ rgyu dang 'bras bur snang bar zad do/ /rgyu dang 'bras bu med pa las sems nyid de ltar snang bar ci ltar btub ce na/ rmi lam na chang 'thungs pa'i rgyu las ra ro ba'i 'bras bu snang ba dang / zhing rmos pa las lo thog skye bar rmis pa rnams kyang / rgyu 'bras kyi dngos po med bzhin du thog ma med pa'i dus nas rgyu 'bras su rtog pa'i dbang gis rmi lam na snang ba dang 'dra'o/ /dgur phye ba las brgyad pa/ snang ba'i dngos po ma grub par ston pa ni/de gnyis med phyir skye ba dang 'jig pa med/ rgyu dang 'bras bu de gnyis med pa'i phyir/ /rgyu la brten te 'bras bu skye ba med/ /ma skyed na ci zhig 'jig rten te/ 'jig pa yang med do/ /skye 'jig med phyir bdag gzhan med de 'chi 'pho med phyir rtag chad med/ / skye ba med dang 'jig pa med na gang la bdag ces bya/ /gang la ni gzhan zhes bya/ bdag dang gzhan med na su zhig 'chi su zhig ni 'pho/ de ltar 'chi ba med pas chad pa med/ /'pho ba med pas rtag pa med/ /des na 'khrul 'khor med cing mya ngan las 'das pa med pa nyid du mngon no/ / skye 'chi dang rtag chad la sogs pa med pa des na/ gcig nas gcig tu 'khrul cing 'khor ba yang med pas/ 'khor ba la brten pa'i mya ngan 'das pa yang med par mngon no/ /dgur phye ba las tha ma snang gzhi sems nyid kyang ma grub par ston te/ gnas kyi skad cig nam yang mi 'bral de tshe mnyam gyur de yang med bag chags kyi gnas kun gzhi skad cig ma dang /bag chags gnyis ni nam yang mi 'bral te/ kun gzhi med bag chags yod par mi rung / bag chags med par kun yod par mi rung ste/ dper na kha dog med pa dang dbyibs yod par yang mi rung / dbyibs med par kha dog yod par yang mi rung bas/yod na yang gnyis ka yod med na yang gnyis ka med par mnyam par 'gyur/ bag chags med par kun gzhi yang med do/ /ci'i phyir zhe na/ yang dag ma yin rtog pas bskyed phyir bag chags yod pa ma yin dang / /phyin ci log gi rtogs pas bskyed pa'i phyir//bag chags yod ces bya bar mi rung ngo / /bag chags de med na/ spyod yul med phyir kun gzhi med cing rnam rig de yang med pa yin/ /kun gzhi'i spyod yul ni bag chags yin na bag chags med pa'i phyir spyod yul med de/ yul med na shes pa mi 'byung bas/spyod yul la brten pa'i kun gzhi yang med cing rnam par rig pa thams cad kyang med pa kho na yin no/ /phyogs rnams med phyir dmigs dang gnas med rnam shes rig pa ci ltar skye/ /gong du gang gi phyogs ltar yang ma grub par bstan pa'i phyir/ dmigs pa'i bag chags dang / gnas pa'i kun gzhi gnyi ga med na/ de la brten pa'i rnam par rig pa rnams ji ltar skye/ de'i phyir sems 'di yod med mtha' las 'das shing gcig dang du mar bral/ /sems dang sems las byung ba rnams ni ci lta bur yang ma yin pa de'i phyir yod pa dang med pa las 'das pa la ni gcig ces byar mi rung /du ma zhes byar yang mi rung ngo / /rnam par byang ba ci lta bu yin pa brtags pa la yang gnyis te/ rnam par byang ba 'khrul pa nyid la snang bar bstan pa dang / snang ba de nyid kyang ma grub par bstan pa'o/ /de la 'khrul pa la rnam par byang ba snang ba gang gis bstan zhe na/ bder gshegs byang chub med phyir de yi rdzu 'phrul sgyu 'dra 'khrul la snang //zhes bya bas bstan te/ bde bar gshegs pa'i sangs rgyas nyid kyang yang dag par ma grub pas/ de'i rdzu 'phrul sgyu ma dang 'dra ba der 'khrul pa rnams la snang bar mngon no/ /de lta bas na rdo rje gcod pa las/ gang gis nga la gzugs su mthong //gang gis nga la sgrar shes pa/ /log par spong la zhugs pa ste/ /skye bo de yis nga mi mthong / /'dren pa dag ni chos kyi sku/ /chos nyid du ni sangs rgyas blta'o/ /zhes 'byung ba lta bu'o/ /rnam par byang ba snang ba ma grub par bstan pa yang rnam pa gnyis te/ rnam par mi rtog pa'i ye shes ma grub par bstan pa dang /dag pa 'jig rten pa'i ye shes kyang grub par bstan pa'o/ /de ltar rnam par mi rtog pa'i ye shes ji ltar ma grub ce na/ de bzhin dag pa'i ye shes dag shin tu dge ba'i rgyun nyid dang / chos kyi dbyings nyid la ni de dag dmigs shing / de dag skye bar brtags pa yang //sems ji ltar ma grub pa de bzhin du ye shes kyang ma grub ste/ ci lta zhe na/ sangs rgyas kyis spros pa'i mtshan ma thams cad yang dag pa'i rnam par mi rtog pa'i ye shes de dag ni/ dge ba'i rtsa ba tshad med pa'i rgyun dang / chos kyi dbyings ma nor ba la dmigs shing rtog pa las skye bar sems shing brtags pa yang rdo rje gnas med pa'i phyir na mnyam gnas rang bzhin 'drar gyur dang /rdo rje zhes bya ba yang rnam par mi rtog pa'i ye shes kyi rgyu'am gnas ni sems can gyi sems yin na/ gong du sems nyid ma grub cing med par bstan pa'i phyir rgyu med pa dang 'bras bu yang mi 'byung bas gnyi ga yang ma grub pa'i tshul du mnyam par gnas pas/sems ma grub pa dang 'dra bar ye shes kyang ma grub par gyur pa yin no/ /rnam par shes pas rnam par mi rtog pa'i ye shes skad cig ma don dam par yod do zer ba yang mi 'grub ste/ ci'i phyir zhe na/ chos dbyings rdo rje rtse mo de dag phyogs nyid med pas skad cig min//chos dbyings rtog pa'i rnam par rdo rje 'dra ba mchog gam/ mi rtog pa'i ye shes rdo rje dang 'dra ba mchog gam/ rtse mor gyur pa de dag ni/ ci lta bu'i phyogs nyid du yang dmigs su med pa la skad cig ma zhes ji skad bya/ dag pa 'jig rten pa'i ye shes ci'i phyir ma grub ce na/dag pa'i dge rtsa gzugs brnyan med pa 'jig rten ye shes yod mi 'gyur/ /'khor gsum yongs su dag pa'i dge ba'i rtsa ba ni gzugs brnyan dang 'dra ste med pas/ de la brten pa'i dag pa 'jig rten pa'i ye shes yang yod par ga la 'gyur/ spyi don bcu gnyis kyis bstan pa las/drug pa so sor brtags nas nges pa'i don bstan pa yang rnam pa gsum ste/ bsam pa mnyam pa dang / spyod pa mnyam pa dang / don ston te byang chub kyi sems kyi mtshan nyid du bstan pa'o/ /de bsam pa mnyam pa la yang rnam pa gsum ste/ blang dor med cing bden pa gnyis su mi rtog pas mnyam pa dang mthun pa'i chos la sred pa med pa dang mi mthun pa'i chos la zhe sdang med pas bden brdzun mnyam pa dang /mtha' bzhi dang bral bas dmigs pa med pas mnyam pa'o/ /de la blang dor med cing bden pa gnyis su mi rtog pas mnyam pa ni/ mthun pa'i chos la sred pa med pa dang mi mthun pa'i chos la zhe sdang med pas bden brdzun mnyam pa dang /mtha' bzhi dang bral bas dmigs pa med pas mnyam pa'o/ /de la blang dor med cing bden pa gnyis su mi rtog pas mnyam pa ni/ de'i phyir byang chub ma chub mtshan nyid med par gcig pas blang dor med ces bya ba la sogs pas ston te/gong du kun nas nyon mongs pa dang / rnam par byang ba gnyi ga ma grub par bstan pa de'i phyir/ byang chub ste sangs rgyas pa dang / byang ma chub pa ste/ sems can gnyi ga mtshan nyid med par gcig pas/ sangs rgyas blang du med do/ /sems can dor du med do/ don dam pa zhes bya ba nyid kyang med na/ don dam pa 'di lta bu yin zhes bstan pa'i tshig rnams lta ga la yod de/ don de tshul gyis don dam rnam grangs skye 'gag med dang mnyam nyid dang / /gnyis med bsam 'das stong nyid chos dbyings brjod dang tha snyad bral la sogs/ /bstan pa de kun tha snyad yin te don dam med cing kun sgrib med//don dam pa zhes bya ba nyid kyang med na/ don dam pa 'di lta bu yin zhes bstan pa'i tshig rnams lta ga la yod/ don de'i tshul gong du don ci skad bstan pa'i tshul gyis/ don dam pa'i rnam grangs su bya ba la/ skye 'gag med bya ba dang / mnyam pa nyid ces bya ba dang / gnyis su med pa dang / bsam pa las 'das pa dang / stong pa nyid dang / chos kyi dbyings brjod pa dang / tha snyad dang bral ba la sogs par bstan pa de dag kun bkri ba'i tha snyad yin te/ yang dag par nges pa'i don la ni/ don dam pa zhes bya ba yang med cing /kun sgrib ces bya ba yang med do/ /don dam tshul kyis lam nyid 'di 'dra zhes pa de nyid kun sgrib yin/ /don dam pa zhes bya ba 'am/ kun sgrib ces bya ba dang / kun rdzob tu sgrib pa'i tha snyad yin te/ yang dag par na gnyis su med pa'i ngang la bden pa gnyis su dbyer ga la yod/ mthun pa'i chos la sred pa med pa dang / mi mthun pa'i chos la zhe sdang med pas bden brdzun mnyam par ston pa ni/ the tshom yod med ni gang la spong zhing gnas par mi byed do/ /bden pa'i don ma mthong ste the tshom yod pa dang / /bden pa mthong ste the tshom med pa'i chos ni gang la yang bden brdzun gnyis med pas/brdzun pa spong zhing bden pa la gnas par byed pa yang med do/ /ci'i phyir zhe na/ sgom pa dang ni chos dbyings med phyir som nyi med la dam par lta ba'ang med/ /rtogs par byed pa'i sgom pa po/ /rtogs par bya ba'i chos kyi dbyings gnyi ga yang dag pa'i don du mi gnas gang gis ci zhig rtogs te/som nyi med/ de bas som nyi med pa la yang dag par lta ba med de/ lung las kyang mthun pa'i chos la sred pa spong ngo zhes bstan pa dang mthun no/ /mtha' bzhi dang bral zhing mi dmigs par mnyam pa ni/ de ltar dngos po'i mtha' rnams brtags pa dang rang bzhin sgyu ma'am med 'gyur phyir/ gong du bstan pa ltar/ dngos po rnams kyi mtha' brtags na/ /rang bzhin sgyu ma tsam du ma grub pa'i phyir/ yod la ltos pa'i med pa'ang med de med pa la'ang med pa med/ /de ltar yod pa ma grub na med pa zhig yin nam zhe na/ yod pa nyid ma grub na/ med pa de su'i med pa yin de bas na yod pa nyid ma grub na yod pa nyid la ltos nas med par gdags par yang mi rung ngo //'o na rang bzhin gyis ma skyes shing yong gis med pa de la med ces byar rung ngam zhe na/ mi rung ste/ mthong ba dang / thos pa yang med/ gang gis ngo bor yang mi gnas de la su yang med ces mi sems mi brjod pa'i phyir/ med pa la'ang med pa med do//mtha' rnams med phyir dbus la'ang gnas par mi byed do/ /gong du yod med la sogs pa'i mtha' rnams med par bstan pas na/ mtha' med na su'i dbus te/ dbus kyang med do/ /dbus med pas dbus la yang gnas par mi byed do/ /spyod pa mnyam pa ni/ gang la'ang 'jig rten dbang phyug pad+mo kun kyang mi spyod 'drar gnas/chos gang yang rung ste/ 'jig rten gyi 'dod pa'i yon tan du bya ba rnams bdog pa la ni dbang zhes bya bdog cing yod pa de spyod kyang nus te/ ser sna med pa ni phyug ces bya ste/ dngos su 'dod pa'i yon tan rnams kyis longs spyod pa la bya ste/ji ltar pad+mo dmar po tshon gyis bsgos pa ltar snang na yang / tshon sar pas bris shing bsgos pa ni ma yin no/ /de dang 'dra bar 'jig rten gyi 'dod pa'i yon tan lnga spyod pa yang nyes pas gos pa 'dra bar snang na yang / pad+mo la tshon gyis ma gos pa bzhin du nyes pas ma gos pa'i phyir dbang phyug pad+mo zhes bya'o//yang na ji ltar pad+mo la chu la sogs pa'i nyes pas mi gos pa ltar/ gong du bstan pa'i don rtogs na nyes pas mi gos pas dbang phyug pad+mo zhes bya ste/ pad+mo ltar mi gos na 'dod 'dod pa lnga la spyod cing mi spong ngo zhes bya ba'i don yang yin no/ /'drar mnyam gnas zhes bya ba ni yon tan du bya ba dang skyon du bya ba rnams/yang dag pa'i don du khyad par med de 'dra ba'i phyir/ mi 'byed cing mnyam pas mi spong ste gnas par byed do/ /chos la 'khrul par mthong ba de nyid 'khrul pa yin par rtogs te/ sems can nyid kyang ma grub na su zhig 'khrul par 'gyur te/ 'khrul pa med par 'khrul bar mthong ba de nyid 'khrul ba yin par rab rtogs te/de bas na drug gis bstan pa bdud kyi las kyang mi 'dor ngan du mi rtog go /mu stegs kyi ston pa drug gis bstan pa dang / dge ba'i srog gi bar du gcod pa'i nyon mongs pa dang / bdud kyi las sogs pa yang mi dmigs pa'i phyir 'dor zhing nang du mi rtog go//shes rab thabs kyi spyod pa yang mi gnas phyir na bdud kyi 'dra bar spyod/ shes rab dang thabs kyi spyod pa'ang ci lta bu'i mtshan nyid du'ang ma grub par gnas par bya ba'i gzhi med de/ bdud kyi spyod pa dang / gnyi ga yang ma skyes par mnyam pa'i phyir 'dra bar spyod do/ / rang gi shes pa dam par byas shing kun las rgyal te de bsnyems nas chags dang zhe sdang skyes nas rtsod 'byung gti mug yin te don mi mthong lta ba thams cad dang bral ba ni yang dag pa'i don la lta ba'o zhes 'byung ba las/ lta ba'i 'dzin pa ni skyon te/ yang dag par na bden brdzun gnyi ga yang ma grub na/rang gi shes rab kyis bden pa rtogs so snyam du nga rgyal gyis lta ba bsnyems nas rang gi phyogs la ni tshigs gzhan gyi phyogs la ni zhe sdang skyes nas bden pa zhes bya ba med pa las rang gi lta ba ni bden pa zhes zer/ brdzun pa med pa la gzhan gyi lta ba ni brdzun te nor zhes rtsod pa med par byed pa ni gti mug yin te/bden brdzun gnyi ga mi dmigs pa'i don ma mthong ngo / /don bsdus nas byang chub sems kyi mtshan nyid du bstan pa ni/ ji srid yid kyi 'jig rten g.yo ba de srid bdud kyi yul te phra ba'i lam/ /g.yo dang mi g.yo tha snyad mi gnas gnas la'ang gnas pa med/ /snang med dbu ma'i lam de byang chub sems zhes bde gshegs gsungs//rtog pa dang mtshan ma g.yo zhe'am mi g.yo zhes tha snyad gang ltar yang gdags su med pa'i gnas la yang gnas par mi byed do/ de nyams su tshor ba dang / tshor ba 'gag pa'i snang ba dang / 'di lta bu yin zhes 'du shes kyis gzung ba'i snang ba med pa ni dbu ma'i lam yin te/don de la de lta bu'i tshul du sems pas/ bla na med pa'i byang chub tu 'grub pas byang chub kyi sems zhes bde bar gshegs pas gsungs so/ /bcu gnyis su bstan pa las/ don bdun pa nges pa'i don la bsgom pa yang rnam pa gnyis te/bsgom pa'i mi mthun pa'i phyogs bstan pa dang / bsgom pa'i don ma nor bar bstan pa'o/ /de la bsgom pa'i mi mthun pa ni/ gzugs dang mtshan ma smon par 'dzin pa rab tu spangs nas su/ rnam thar gsum po bsgoms pa'ang bdud kyi las te gzugs ni stong pa'o/ /rnam par mi rtog pa bsgom pa ni blang dor med pa yin na/gzugs la sogs pa mi mthun pa'i phyogs gsum spong zhing / stong pa nyid dang / mtshan ma med pa dang / smon pa med pa'i rnam par thar pa'i sgo gsum la gnas shing bsgoms na/ blang dor gyi mthar ltung bas bdud kyi las yin te/ gzugs nyid stong pa nyid yin la/mtshan ma nyid mtshan ma med pa/ smon pa nyid smon pa yin pas spong du med pa'i phyir ro/ /'khor ba'i lam gsum spong zhing mya ngan 'das lam bsgom pa'ang bdud kyi las nyid do/ /de nyid rang bzhin ma zhi rang bzhin btsal spangs gar mi gnas/ /'khor ba 'grub par byed pa ni 'khor ba'i lam zhes bya ste/'dod chags zhe sdang gti mug gsum spong zhing mya ngan las 'das pa'i lam tshol zhing sgom par byed pa yang bdud kyi las nyid de/ de ltar spyod pa de nyid chos thams cad rang bzhin zhi ba'i mtshan nyid ma rtogs pa ste/ mya ngan las 'das pa'i lam btsal ba dang / 'khor ba'i lam spong bar byed pa gnyi ga yang ma grub cing mi gnas pa'i phyir ro//'phags pa kun gyi yul dang gnas kyang 'das sogs lam nyid gzhan na med/ /'phags pa kun gyis gzigs pa'i yul dang / grub pa'i gnas kyang mi mthun pa'i skyon ma gos nas smos pa rnams kyang spangs nas/mya ngan las 'das pa la sogs te/ yon tan gyi khyad par 'thob pa'i lam 'dir ci skad du bstan pa las gud na sangs rgyas su 'grub pa'i lam gzhan med do/ /bsgom pa'i don ma nor bar bstan pa la yang rnam pa bzhi ste/ bsgom pa'i don mdor bstan pa dang / de ltar ci'i phyir bsgom pa'i gtan tshigs kyis bshad pa dang /gtan tshigs kyis grub pas de ltar bsgom mo zhes bya bar bstan pa dang / tshul bzhin du bsgom pa'i rtags bstan pa'o/ /de la bsgom pa'i don mdor bstan pa ni/ /ldang dang mi ldang ched du mi spong sems rten mi 'cha' mngon du min/ / mtshan ma dang rtog pa dang ldan pa ched du mi spong / /mi ldang ba la sems kyi rten mi 'cha'/ /'bras bu'i zer ram bden pa'i don mngon du mi byed do/ /gong ma ltar ci'i phyir bsgom zhe na/ 'jam dpal ma yin rdul tsam g.yo ba de nyid de yin der mi gnas/ /ci'i phyir mi spong mi gnas she na/'jam dpal ni chos nyid la bya ste/ chos nyid ni zug rngu med pas 'jam la/ de rtogs na dpal du 'gyur bas 'jam dpal te/ chos nyid dam 'jam dpal ma yin pa mtshan ma'i rtog pa'i skyon rdul tsam zhig g.yo ba'am/ yod par mthong na yang de nyid chos nyid kyang yin la/'phags pa 'jam dpal gyi rang bzhin nyid kyang de las mi gzhan pas spong du med do/ /'o na chos nyid de ci lta bu zhig yin zhe na/ ci lta bu yang ma yin pas chos nyid dam 'jam dpal gyi rang bzhin la yang gnas par bya ba'i gzhi med pas der mi gnas zhes smos pa yin no//bsgom pa'i sa mi rnyed phyir bsgom pas rnyed par mi 'gyur te/ sems kyi spyod yul shes pa de la de dag chos rnams kyi ni chos nyid yin te/ ci'i phyir mngon du mi bya zhe na/ bsgom par bya ba'i chos nyid dang / sgom par byed pa'i sems gnyi ga ma grub pas/ bsgom par bya ba'i sa 'am gzhi mi rnyed de med pa'i phyir su zhig gis gang zhig la bsgoms pas 'bras bu ci zhig 'thob par 'gyur te/ de bas na mngon du byar med do/ /sems kyi spyod yul de la de dag chos rnams kyi chos nyid yin/ yul gyi rnam pa gang snang / sems kyi rtog pa ci skye yang chos nyid las mi gzhan pas/skyon med par ston pa'i phyir sems kyi spyod yul de la dmigs pa'i yul gang snang ba de dag chos rnams kyi chos nyid yin pa'i phyir/ dmigs pa'i yul gang yang snang yang skyon med do/ /skyon med na sems can rnams ci'i phyir 'khor zhe na/ mtshan ma rnam pa sna tshogs la 'dzin pa'i phyir te/mtshan ma'i rnam pa dang bral ba ni mi 'khor bar bstan pa'i phyir/ rnam bral gang la'ang mchog dang tha ma'ang med par lam mchog 'di bsgom mo/ /rnam pa nyid ji lta bu zhe na/ yul 'gags na yang de'i rnam pa yid la bkra ba la bya ste/ yul mngon sum na yang de lta bu'i rnam pa 'byung ba la 'dzin cing shes pa skyes pas rnam pa'i shes pa yin pas rnam par shes pa la bya ste/yang dag pa'i don bsgom pa ni ji lta bu'i rnam pa la yang mi 'dzin pa'i phyir rnam bral zhes bya'o/ /de ltar rnam pa ci lta bur yang mi 'dzin pa la ni/ mchog dang tha mar yang mi dmigs pas de ltar bsgoms pa ni lam gyi mchog yin no//sems kyi rtog pa ci skye yang skyon med pa ni/ 'du byed ma skyes chos kun 'byung med shin tu chos rnams mya ngan 'das/ /dngos med de tshe kun kyang chos kyi dbyings zhes dgra bcom rab 'byor yin/ /zhes bya ba yin te/ 'du byed kyi chos thams cad ni rang gi ngo bos kyang ma skyes/ rgyu rkyen gzhan gyis kyang mi 'byung bas mya ngan las 'das pa'i mtshan nyid yin no//de ltar rig cing rtogs pa'i tshe shes pa'am rtog pa ji snyed skye ba kun kyang skyon med de/ /chos kyi dbyings rtogs shing shes pa la/ dgra bcom rab 'byor gyi yin zhes bya'o/ /yang ni mi shes pa'i rab rib kyi dgra bcom pa yin pas/dgra bcom rab 'byor yin zhes bya'o/ /nam mkha' mi dmigs ming tsam dge dang mi dger dbyer med skye ba med/ /gong du bstan pa rnams kyi don dper na nam mkha' dang 'dra ste/ nam mkha' zhes ming du brjod pa tsam du zad kyi ming gis mtshon pa'i don ni ci lta bu'i mtshan nyid du yang mi dmigs pas/dge dang mi dge la sogs te/ gnyis su mi 'byed pa ni skye ba med pa'i phyir ro/ /gong du bstan pa ltar gtan tshigs kyis grub pas de ltar bsgom mo zhes rgyas par bstan pa ni/ rtsol bar yid la mi byed gang la'ang sems med shes dang mi shes bral/ /spong ba'am bsgrub par bya ba'i rtsol ba yang yid la mi byed/dmigs pa'i yul gang la yang sems pa med/ sems nyid kyang ma grub pas shes pa dang mi shes par mi rtog pas shes dang mi shes bral zhes bya'o/ /dran dang 'byed mi spong len gang la'ang dga' dang mtshungs med mi dmigs shing / yang dag pa'i don du mthun pa dang /gnyen po dbyer med pas/ gnyen po dran par bya ba med cing / spong la dga' ba'am/ len pa la dga' ba yang gang zag de la med do/ /mi mthun pa dang gnyen po gnyi ga mnyam zhing mtshungs par bzhag pa'ang med de/ cir yang mi dmigs shing mnyam na gnyis su brtag med brjod bral bya dang mi bya med de sogs 'bri med/'dod pa med mi 'dod pa med pas mnyam par gnas la/ tha dad du mi 'byed pas gnyis su brtags pa yang med/ 'di lta bu yin zhes 'dzin pa med pas cir yang mi brjod pa'i phyir brjod pa dang bral/ don du gnyer ba med pas bya ba med/sgo gsum gyi las las skyon du mi lta bas mi bya ba yang med de/ tshogs rnam gnyis rdzogs par bya ba yang med de/ chos nyid la bri ba'am 'phel ba med ces 'byung ba lta bu'o/ /tshul bzhin du bsgoms pa'i rtags ji lta bu dag 'byung zhe na/ ched du rtsol bral yid la mi byed ces kyang mi 'khrugs mnyam shes dang /de ltar gong du bstan pa bzhin du ma nor bar bsgoms te/ mnyam par shes pa dang / rtags 'di lta bu dag 'byung ba ste/ gang la chags dang yul gyis myos/ /skrag med mi 'bral mi gnas shing / /dngos po gang la lang chags shing 'dod//yul gyi dngos po rnams ji lta ba bzhin du rigs pas myos shing gti mug pa yang med/ rang gi ngo bo nyid kyang ma yin pas gang la yang mi 'dod pa'ang skrag pa med de/ de'i phyir gang dang yang bral bar mi byed pa dang / gang la yang dga' zhing chags pa med pas chos gang la yang gnas par mi byed do//mi 'phrogs mnyam shes bzhi po phyogs dang pha rol phyin rnams der shes te/ mi mthun pa'i phyogs kyis mi 'phrogs pa'i chos nyid kyi don mnyam pa'i shes pa'i ye shes bzhi dang / byang chub kyi phyogs kyi chos sum cu rtsa bdun dang / pha rol tu phyin pa bcu la sogs te rnam par dka' ba'i phyogs dang /'bras bu che ba'i yon tan ci snyed yod pa ma lus pa thams cad ni/ bsgom pa'i don ji skad du bstan pa der 'dus shing 'ub par rang gi rig pas shes te/ sems kyi dbyings su bsgoms pas lam gyi gzhan du bsgoms pas 'od gsal mi 'gyur ro//chos thams cad ni sems kyi ngang du 'dus pas/ sems nyid la gong du ji skad bstan pa'i don ltar bsgoms pas ma nor ba'i lam du 'gyur gyi gzhan zhig tu bsgoms na gang ltar bsgoms kyang yang dag pa'i don la gsal zhing rig par mi 'gyur ro/ /bcu gnyis las brgyad pa/brgyud pa'i thabs kyis nges pa'i don rtogs par bya ba'i thabs ji lta bu zhe na/ brda can yang dag len pa'ang byang chub yin zhes ston pas rab gsungs phyir/ /zhes bya ba yin te/ dper na lag pa g.yas pa'i lag brdas tshur 'ong ba'i brda mtshon pa'i don ston cing len pa ltar/sems rtse gcig pa'i bya bas bya ba med pa'i don ji lta ba bzhin du rtogs pa de yang byang chub tu sgrub par byed pa yin pas/ byang chub yin zhes ston pa sangs rgyas gsungs pa'i phyir/ de la 'di ni byang chub sems nyid bskyed cing bsgom pa'i gnas yin te/ 'og nas 'byung ba'i ting nge 'dzin dang phyag rgya ni don dam pa'i byang chub kyi sems bskyed cing bsgom pa'i rgyu'am gnas yin te/ting nge 'dzin gsum po brtan por byas shing rtags kyi phyag rgya gsum bcings nas/ bya ba med pa'i don nyid la ma bab cing / rtse gcig tu rnam par mi rtog pas bsgom pa dang / kun tu snang ba nam mkha' ltar bsgom pa dang /rgyu'i ting nge 'dzin a'am oM la sogs pa bsgom pa la ting nge 'dzin gsum zhes bya/ brtan pa ni ting 'dzin gsum gyi mtshan nyid gang yin pa ltar/ mi mthun pa'i rkyen gyi dbang du mi 'gro ba la bya/ rtags zhes bya ba ni dper na rgyal po'i rtags ni phyag rgya yin pas/rgyal po'i las thams cad ni phyag rgyas byed pa dang 'dra bar sangs rgyas kyi rtags kyi phyag rgyas ni/ sangs rgyas kyi phrin las thams cad byed de/ sku'i rtags kyi phyag rgya chen po'o/ /thugs kyi rtags kyi phyag rgya ni dam tshig gi phyag rgya'o/ / phrin las kyi rtags kyi phyag rgya ni las kyi phyag rgya ste/ rtags kyi phyag rgya de gsum bcings shing bsgoms nas/ sangs rgyas kyi gsung gi rtags kyi phyag rgya ni/ chos kyi phyag rgya chen por sems nyid bskyed de de'i snying po brjod cing bsgom zhes bya bas ston te/ ting nge 'dzin dang phyag rgya rnams chos nyid yin te/tha mi dad par sems bskyed cing lha gang bsgoms pa'i snying po brjod cing bsgom pa yang don dam pa'i byang chub kyi sems skye bar 'gyur te/ ji ltar skye bar 'gyur zhe na/ gong ma ltar yun ring du bsgoms te/ ji ltar bsgoms pa bzhin du mngon du snang ba'i tshe/ chos thams cad kyang rang gi sems kho na snang ba lam gtogs pa gzhan med pa lta zhig ces rang gi rig pa 'byung zhing / don rtogs par 'gyur ba dang / gong ma ltar bsgom pa dang / sgrib pa 'byang tshogs skye ba'i sgo nas kyang rtogs par 'byung ngo / /don dgu pa byang chub sems kyis ma zin na/rnam par grol ba mi thob cing dge ba chung za par bstan pa ni/ rdo rje sems dpa' bsgoms pas lam kun ma nor bsgoms pa yin/ /gong du bstan pa dang 'dra ste/ /sems kyi rang bzhin ni chos nyid yin pas rdo rje'o/ /de la ma nor bar sems dpa' rdo rje sems dpa' ste/log par mthong ba'i sems nyid ni kun nas nyon mongs pa rnams su snang la/ ji lta ba bzhin du mthong ba'i sems nyid ni rnam par grol ba rnams su yang snang ba'i phyir/ lam kun ma nor bsgoms pa yin zhes bstan pa yin no/ /kun tu bzang po'i spyod pas ma zin dge ba'i chos ni gang yang rung //gong du ji skad bstan pa bzhin du rig cing rtogs na/ spyod do cog kun tu bzang ba'i phyir kun tu bzang ba dang / ci ltar ma las bu 'byung ba bzhin du yon tan ma lus pa thams cad 'byung ba'i gnas yin pa'i phyir mo ste/ gong ma'i don nyid lha mor byin gyis brlabs te/kun tu bzang mo zhes bya bar yang 'dogs pa yang yod de/ dngos su shes rab kyi bdag nyid la byas te/ shes rab kyis ma zin na/ kun tu bzang po'i spyod pa'ang bdud kyi las de zad cing mthar thug 'gyur/ theg pa chen po'i thabs kyi spyod pa ni//bdag dang gzhan kun la bzang ba'i phyir/ kun tu bzang po'i zhes bgyi/ yang na gong ma lta bu shes rab kyis zin pa'i sgo gsum gyi spyod pa kun kyang bzang bas/ kun tu bzang po zhes bya ba yin na/ gong ma lta bu shes rab kyis ma zin na/ spyod pa thams cad kyang kun tu bzang bar mi 'gyur ba dang /bdag dang gzhan gyi don thabs [(]gyi [,]kyi [)]spyod pa kun kyang / 'jig rten gyi 'dod pa'i 'bras bu tsam du grub pas zad cing mthar med par 'gyur ro/ /de dang ldan pa'i lam ni bdud kyi las kyang byang chub spyod par gsungs/ phyi nang gi dngos po dang sgo gsum gyi spyod pa la/ gcig tu chad cing nges pa med de/ shes pa dang mi shes pa kho na las/ kun nas nyon mongs pa dang / rnam par byang ba'i rgyur 'gyur ba'i phyir ro/ /don bcu pa mos pa tsam skyes pas kyang / yon tan mang po thob par bstan pa ni/ don 'dir mos pa de yang byang chub chen po zhes rgyal bas rab tu bsngags/gong du ji skad bstan pa'i don 'dir mos shing yid ches pa de yang byang chub chen po yin pa la/ yin pa kho nar shes shing mos pa de nyid byang chub chen po yin zhes bcom ldan 'das kyis bsngags pa mdzad do/ /gnas 'dir bskyed pa tsam gyis 'jig rten gsum po bla mar bcas pa yi//mchod gnas nyan thos bdud kyi sde rnams zil gyis gnon zhes sangs rgyas gsungs/ /yon tan thams cad skye ba'i gnas byang chub kyi sems 'di bskyed pa tsam gyis 'jig rten gsum gyi sems can ji snyed pa'i gtso bo'am/ /bla ma brgya byin tshangs par bcas pa'i mchod gnas ni nyan thos rnams yin pas/de ltar mchod gnas su gyur pa'i nyan thos rnams dang bdud kyi sde rnams thams cad zil gyis gnon par 'gyur ro zhes gsungs so/ /thabs chen byang chub sems dpa' gsang ba'i spyod pa'ang 'di nyid de/ /bla na med pa'i byang chub tu 'grub pa'i thabs chen po ni byang chub sems dpa' rnams kyis rig cing spyod kyi nyan thos la sogs pas rig pa yin pa'i phyir/rang bzhin gyis gsang ba'i yon yang 'di nyid do/ /'di med rgyal bas rnam par snang mdzad theg pa gsum ston mi srid do/ /gong du bstan pa'i byang chub kyi sems 'di ma rtogs shing med na sangs rgyas su mi 'grub/sangs rgyas med na gzhan gang gis kyang theg pa gsum ston mi srid do/ /skad cig tsam du dad pa'i shugs kyis de yang myur du 'jam dpal gzhon nur 'gyur/ /'jam dpal gyi rang bzhin yang de yin la/ 'di rtogs pas kyang 'grub pa yin pa'i phyir ro/ / dkyil 'khor gsang bar zhugs shing theg chen dam tshig mchog kyang bsrungs pa yin/ /tshul khrims sdom pa kun kyang bsrungs shing sbyin gnas dam par rab tu bsngags/ /gong du bstan pa yin te legs pa'i yon tan ma lus pa rnams byang chub kyi sems kyi nang du ma 'dus pa med par bstan pa'i phyir ro//de ltar byang chub sems las bsod nams kyi tshogs dpag tu med pa thob ste/ ci lta zhe na/ de ci'i phyir/ byang chub sems kyi bsod nams de la gal te gzugs yod na/ /nam mkha' bar snang de yang snod du chung zhes rgyal bas mtshungs par gsungs/ /zhes bya ba lta bu'o/ / don bcu gcig pa log par zhugs pa rnams snying rje'i gnas su bstan pa ni/ skye bo skye ba sna tshogs pa dag skye zhing skye dang skye 'gyur skye ba'i rgyun gyis dbang song ba/ las kyi dbang gis so sor skye bas so so'i skye bo ste/ /rgyud drug gi skye ba sna tshogs gcig nas gcig tu brgyud cing sngon yang skyes/ de yang skye phyis kyang skye bar 'gyur te/ skye ba'i rgyun mi 'chad pas skye ba'i dbang du song ba'o/ /rtog mtha' mi shes rtog pas bslus shing rtog pa'i rgyun 'brangs 'khrul pa'i rtog las phyir ldog med gyur pa/ sems kyi rtog pa 'di nyid kyis nga dag pa'i mtha' mi shes pas log pa'i rtog pas rang nyid kyis rang bslus te/log pa'i rtog pa rgyun mi 'chad pas/ 'khrul pa'i rtog pa las ldog cing yang dag pa'i don shes pa'i dus med par 'gyur ba ni/ dper na sgyu mas bslus pa'i ltad mo ba dang / rmi lam gyis bslus pa'i rmi lam dang 'dra ba'i phyir/ sgyu ma'i sgyu shes dag gis sgyu ma'i glang po 'dra bar sgyu mas rmongs pa'i sgyu ma rnams/rmi lam gyis bslus bzhin du rmi ba'i bde ba nyams shing rmi lam dbang du song bar rmi lam 'dra/ zhes smos pa yin no/ /lam 'di spong zhing lam gzhan du bltas pas ma nor lam zhes ston pa de/ de dag rdo la gser bzhin thugs rje'i thugs rjes kyi ma'o 'phrogs pa yin/gong du ji skad bstan pa'i lam 'di spong zhing theg pa chen po'i lam ji lta ba bzhin ma lcogs te/ mthar ltung ba'i skyon dang ldan pa dang / theg pa chen po'i lam las gzhan du 'gyur ba lta ba sna tshogs kyis lam du bltas pas ma nor ba'i zhes ston pa de ni dper na rdo las gser zhes zer ba dang 'dra ste/thugs rjer rung zhing 'phags pa thugs rje mnga' ba rnams kyi thugs rjes rang dbang med par gdung ba skye ba yin no zhes bya ba'i don to/ /dper na yid du 'ong ba'i yul la sems yengs te/ 'jug pa la rang dbang med pa las/ yul gyis yid 'phrogs zhes sam/sems 'phrogs zhes brjod pa dang 'dra bar thugs rje mnga' ba rnams thugs rjes sems 'phrogs te/ rang dbang med par gdung ba skye ba la thugs rjes 'phrogs pa zhes bya'o/ /shin tu ma sbyangs pa'i dus kyis mnar ba'i skye bo lnga brgya tha ma la/ gsung rab dri med rtogs dka' dag la sgra bzhin spyod dang tshul bzhin med//shes rab kyi blo ma sbyangs pas dus kyis mnar te lnga brgya tha ma la/ chos la dpyod pa rnams kyis de bzhin gshegs pa'i gsung rab ma nor ba dri ma med par bstan pa'i don rtogs par dka' ba rnams la ci skad bstan pa'i sgra bzhin du dpyod cing 'dzin gyi/don gyi tshul ji lta ba bzhin dpyod par mi byed de/ don ni mun khung na gser 'dug pa dang 'di/ tshig ni sgron ma dang mtshungs te/ tshig gi sgron mas don gyi gser btsal ba yin gyis kyang / ji ltar sgron ma de gser ma yin pa bzhin du tshig ni don ma yin par shes te/ tshig la don gyi ngo bor gzung ba dang /rab kyi blo stobs bzhin 'jug pa la sogs pa lta ba sna tshogs dag /mi shes chu bso g.yengs shing gsung gi nyid gu bdud rtsi rnal 'byor bral/ /rang gi 'khrul ba'i blo gros kyi stobs kyi rang don spyod pa la 'jug pa rnams kyis phyin ci log gi lta ba sna tshogs bzung ba ni mi shes pa'i lta ba'i chu bos g.yengs te khyer bas de bzhin gshegs pas nges pa'i don du gsungs pa'i gsung rab bdud rtsi dang 'dra ba la ma nor bar rnal 'byor du sbyor zhing bsgom pa dang bral ba yin no//don bcu gnyis pa dge ba'i rtsa ba bsngo ba ni/ de'i phyir rgyal bas gsungs pa'i lam mchog thugs kyi gsang ba dam pa ni//kun tu rgyal ba rnams kyi spyod yul thun mong ma yin yang / /sangs rgyas rnams kyis ci ltar mkhyen pa ltar/ /slob dpon 'jam dpal bshes gnyen gyis kyang shes pa ma yin pas thun mong ma yin yang / goms pa'i mthu yis mi 'ga' tshul du tshad ma dag las rab bsgrubs te/sangs rgyas rnams kyi thugs kyi gsang ba yang dag pa'i don la slob dpon nyid kyis yun ring du goms par byas te/ bsgoms pa'i mthu dang lung dang man ngag gi tshad ma dag gis gtan la phab ste/ 'gro ba'i don du mi gnyis lam mchog 'di ni rab bgyis pas/ /skye ba'i skye gnas thams cad du yang skad cig tu//mi mthun phyogs kyis mi nyams rgyal ba kun gyi thugs 'dir rab rgyas shog /'gro ba'i don du gnyis su med pa dus gsum gyi sangs rgyas rnams kyi gshegs shul/ lam gyi mchog 'di mdor bstan cing bgyis pas sems can thams cad kyi dus dang gnas skabs thams cad du mi mthun pa'i phyogs thams cad kyis yang dag pa'i bsam pa mi nyams shing sangs rgyas thams cad kyi thugs su chud pa'i don gyi snying po 'di/sems can thams cad kyis rtogs shing rgyas par shog cig ces bsngo ba yin no/ /byams pa'i zhal bzang mngon du ma mthong yang / thugs rje man ngag brgyud pa'i ser bu yis//'khrul gdong gting nas bdag blo zer bskyed pa/ /'jam dpal 'jam dpal bshes gnyen bcas la 'dud/ /long ba la yang dmigs su tshol/ /mi mthong bzhin du'ang mtshon par stsol/ /mthu chung nan la btab pa bzhin/ /rang dbang med par btsal byas pa//gang yang 'di la rten par mi byed nges na sgrib pa nyid du'ang mi 'gyur grang / /'on kyang rgyu med phan pa'i sems kyis mi shes skyon yang yang du blangs nas su/ /legs 'dod phan sems tsam gyis stsol ba'i don ngor byas pa ltar yang brtsams pa yin/ /'gro ba kun kyang gzhan don sems shing don yod myur du mthu dang ldan par shog//byang chub kyi sems bsgom pa don bcu gnyis bstan pa lung gi rjes su 'brangs pa'i sing ga gling gi slob dpon 'jam dpal bshes gnyen gyis mdzad pa'i tshigs bcad bzhi bcu pa rdzogs so// //