CLOSE WINDOW

D2576
བོད་ཡིག

slob dpon 'jam dpal bshes gnyen gyis mdzad pa rdzogs so// //rgya gar gyi mkhan po su badzra dang / bod kyi lo tsA ba chos kyi shes rab kyis bsgyur ba'o/ /[ ]@##/ /rgya gar skad du/ Ar+ya many+dzu shrI nA ma saM gI ti bi d+hi ho ma pA baM sho d+ha ya nA ma/bod skad du/ 'phags pa 'jam dpal gyi mtshan yang dag par brjod pa'i sdig pa sbyong ba'i sbyin sreg gi cho ga zhes bya ba/ 'jam dpal gzhon nur gyur pa la phyag 'tshal lo/ /mi shes dri ma sel mdzad cing / /shes rab ye shes spyan 'byed pa'i//'jam dbyangs de la phyag 'tshal nas/ /sems can ngan song rnam sbyong ba'i/ /cho ga tshe 'das la phan pa/ /gzhan gyi don du bshad par bya/ /de la 'dir gza' dang skar ma bzang po bkra shis pa'i nyi ma la tshul dang mthun pa'i dkyil 'khor dang 'brel pa'am ma 'brel kyang rung ste/phyogs dang mthun pa'i gnas bzang por sa bslang ba la sogs pa sngon du 'gro bas sa'i rgyar khru bcu drug pa la gru bzhir byas te/ dbus su de'i phyed kyi tshad kyis zlum por bskor la khru gang gyen du mtho ba dang / de'i kha khyer yang de'i tshad du byas la/ de nas nang du khru phyed kyi bar du zabs su rgyar chud par byas la nang gi zabs su yang khru gang thab khung bya'o//de la rdo rje dkar po dang / 'khor lo dkar po dang / rdo rje sngon po dang / rin po che ser po dang / pad+ma dmar po dang / rgya gram ljang gus bskor bar bya'o/ /de la tsan+dan dang rgya shug la sogs pa dug gi rgyu las ma byung ma skyes pa'i shing sogs te/de'i nang gang yin pa der sems can gang dag tshe 'phos pa de'i gzugs kyi phung po khrus byas la dris bsgos te/ rgyan btags la skyil mo krung gi tshul du kha nub tu phyogs par bzhag la/ steng dang phyogs mtshams su ku shas g.yogs la gzhag go /de nas g.yon du bsang chu dang / mchod yon gzhag cing mchod pa lnga bkram nas/ mdun du yam shing dang / til dang / yungs kar dang / mar dang ba'i 'o ma dang / zho dang / 'bras chan dang / ku sha dang dUr ba dang / nas dang / gro dang / so ba dang / sran ma dang / sran ma sha dang / 'bras so ba dang / bil ba dang / star ga dang / dzA ti dang / 'bras bu gsum dang / u dum bA ra'i shing dang / nags kyi lcug ma rlan dang bcas pa dang / 'bras ma grugs pa dang / spang spos dang / mngar gsum dang / zas kyi rnam pa srog chags las ma byung ba dang /mchog tu dri dang bcas pa'i sreg rdzas rnams ku sha gcal du bkram pa'i steng du shing lo bzang po'am ras sar ba'i steng du gzhag go /mdun du dgang gzar blugs gzar gzhag go /de ltar rdzas rnams tshogs par byas la/ bdag rdo rje slob dpon gyi rgyan rnams bgo ste/ rdo rje dril bu bzung la ma rungs pa 'dul ba'i rgyal po gshin rje gshed po dran pa'i byin rlabs kyis log 'dren gyi tshogs gang yin pa de rnams pham par byas nas cis kyang mi tshugs pa'i gur du bsam mo/ /de nas sdig pa byang zhing dge ba la 'dun pa bzang po bskyed de/ skal ba dang ldan par bya ba'i phyir nges par byang chub mchog tu sems bskyed do//de'i rjes la bdag nyid shin tu sbyangs pa dang ldan pas sgyu 'phrul dra ba mngon par byang chub pa'i snying rje chen po'i ting nge 'dzin la snyoms par zhugs te/ dkyil 'khor gyi 'khor lo mngon par sprul nas sems can thams cad kyi ngan pa song yongs su sbyang bar bya'o//de nas 'byung ba bzhi las nges par byung ba'i dkyil 'khor brtseg go /gzugs kyi khog pa gang yin pa las nges par 'byung ba'i me thab kyi 'khor lo/ /de'i nang du me'i dkyil 'khor zur gsum pa dbus su raM gyis mtshan cing zur gsum la khams gsum gyi las dang nyon mongs pa zhal du gsol ba'i rtags oM AHhUM gsum yid kyis bris te/bram ze shin tu sbyangs pa'i khyim nas me blangs la/ badzra dz+wa la raM zhes brjod cing rlung yab kyis g.yabs te/ ku sha la me sbar nas de'i byin rlabs kyis gong gi yi ge gang yin pa las bskyed pa'i me lha'i rgyal po b+ha ba ka dung dang kun da lta bu bskyed de/pad+ma dang zla ba'i gdan la nges par rdzogs pa dang / zhal gcig phyag bzhi pa/ gun+d+he dang dbyug pa dang / bgrang phreng dang me thab bsnams pa bsgom mo/ /de nas sngags pas me lha b+ha ba ka spyan drangs te/ oM tshur gshegs tshur gshegs 'byung po che//me lha'i rgyal po drang srong mchog /sreg blugs zhal zas 'di bzhes la/ /'bar ba'i gdan la bzhugs su gsol/ /oM e h+ye hi ma hA b+hU ta de ba r-i Shi rA dza satwa mahA kro d+hi AHhUM/ ma hA yA ma na ni hi to b+ha ba oM/ b+ha ba ka ag+na ye swAhA/ zhes spyan drangs la mchod yon dbul ba ni/ oM b+ha ba ka ag+na ye ga ga na ye swAhA/ zhes brjod la/ oM b+ha ba ka ag+ni dzaHhUM baM hoH/ zhes bya bas dgug pa dang gzhug pa dang / bcing ba dang dbang du bya ba dang / dam tshig gi phyag rgya bstan cing / oM badzra ag+na ye ma hA b+hU ta dz+wa la sarba b+ha smiM ku ru sarba duSh+TA na kro d+ha dzaHhUM baM hoHsa ma ya s+t+waM/a hUM zhes brjod pas phyag rgya bzhis rgyas btab cing / de la dbang bskur sbyin no/ /yi ge gsum gyis byin gyis brlabs la/ oM b+ha ba ka badzra ag+na ye badzra puSh+paM zhes bya ba la sogs pas mchod pa lnga dang / mchod yon dbul bar bya'o/ /de nas thog mar me'i gzi brjid bskyed pa'i phyir mar gyi dgang blugs bdun nam lnga dbul lo//oM badzra a na la ma hA b+hU ta dz+wa la sarba b+hasmiM ku ru sarba duSh+TA na hUM phaT ces brjod la me'i mdog legs par brtags te/ dkar ser 'khyil zhing 'bar ba dang / /ma chad ma bye mi 'phro dang / /sgra dang du ba kun du spangs/ /'jam la rno zhing gsal na bzang / / gnag cing rtsub pa ngan pa dang / /chad cing 'ur 'ur me stag 'phro/ /mi gsal mi 'bar du bas 'khrigs/ /ngan na de'i bar chad zhi bar byas la/ de nas yam shing dbul te/ oM badzra a na la ma hA b+hU ta dz+wa la sarba b+hasmi ku ru sarba duSh+TA na/ b+ha ba ka ag+na ye badzra ma ta ye swA hA/ yaM shing gi'o/ /de bzhin du kun la sbyar bar bya'o/ /tshe las 'das pa che ge mo sarba pA paM da ha na ya swA hA til gyi'o/ /tshe las 'das pa che ge mo sarba pA paM dz+wa la raM swA hA/ yungs kar gyi'o/ /mar dang 'o ma dang zho la sogs pa zhu ba'i rdzas rnams ni me nyid kyi sngags kyis so//sarba saM ba de swA hA/ 'bras chan gyi'o/ /A yu She swA hA/ dUr ba'i myu gu'i 'o/ /oM a pra ti ha ta ye swA hA/ ku sha'i 'o/ /oM ma hA be+e ga ye swA hA/ nas kyi'o/ /oM badzra g+hasma ri ye swA hA/ gro'i 'o/ /oM badzra bi dza ye swA hA/ so ba'i 'o/ /oM ma hA ba la ye swA hA/sran ma'i 'o/ /oM badzra mu ta ye swA hA/ sran ma ma sha'i 'o/ /oM sarba puSh+Ta ye swA hA/ 'bras so ba'i 'o/ /oM mahA sho pa ye swA hA/ bil pa dang / star ga dang / sman thams cad kyi'o/ /yam shing me 'od la'o/ /mar khu zhal du'o/ /'bru'i rnam pa dang sman gyi rnam pa zhal du'o//ku sha dang dUr ba dbu'i gtsug tor du'o/ /mchod pa lnga'i tshul ji lta bu bzhin du'o/ /gnas gang dang gang yin pa der dbul lo/ /tha ma yang mchod pa lnga phul nas bstod pas bstod de/ hUM 'jig rten dbang phyug tshangs pa mgon gyi sras/ /me lha'i rgyal po yongs kyis dbang bskur bas//shes rab me yis nyon mongs thams cad bsreg /'jigs byed me lha nyid la rnam par 'dud/ /ces bstod do/ /de nas 'dod pa'i don bsgrub pa ni/ /me lha'i rgyal po drang srong khyod/ /byon pa legs kyis don sgrubs shig /sbyin sreg las kyi dngos grub stsol//mngon par phyogs pa de srid du/ /ji srid dgongs pa mdzad nas kyang / /byin gyis brlab par mdzad du gsol/ /zhes brjod la/ me 'bar ba la bstim mo/ /de nas me 'bar ba'i nang du pad+ma dang nyi ma'i steng na tshe 'das dbang po shin tu gsal ba cig tu bsams te/rang gi gnas la gnas pa'i rnal 'byor pas snying ga'i 'od zer gyis tshe las 'das pa'i shes pa bstim zhing dzaHhUM baM hoH/ zhes pa'i sngags brjod la rigs drug gi gnas nas rnam par shes pa rlung dang 'khyams pa de snying ga'i a thung ngu la nges par bcug nas/ sdig pa thams cad dang bral bar bya ste/ oM a A sarba ta thA ga ta zhes pa dang / oM sarba na ra ga te he tu hUM phaT/ oM sarba pre ta ga te he tu hUM phaT/ oM sarba tir ya ga te he tu hUM phaT/ oM sarba pA paM da ha na pa tsa ga te he tu hUM phaT tra Ta zhes brjod la/ tshogs bsags pa'i thabs la mos pa bskyed par bsams la sems bskyed de/de'i snying gar zla ba la rdo rje bsams la rigs kyi bu 'am rigs kyi bu mo tshe 'das pa de'i las dang nyon mongs pa'i rnam par smin pa thams cad bum pa'i chus bkru bar bya ste/ oM a A sarba ta thA ga ta zhes bya bas 'jam dpal ye shes sems dpa'i sku'i phreng sngags dang /sarba durga ti pa ri sho d+ha ni rA dzA ya/ ta thA ga tA ya/ ar+ha te b+h+yaH/ samyak+saM bud+d+he b+h+yaH/ ta d+ya thA/ oM sho d+ha ne sho d+ha ne/ sarba pA paM bi sho d+ha ne/ shud+d+he b+hi shud+d+he/ sarba kar+m+ma A ba ra Na bi shud+d+he swA hA/ zhes bya bas nyon mongs pa'i sgrib pa thams cad dang las kyi sdig pa thams cad bkrus te/dag par bsams la de'i gzugs kyi phung po de yang stong zhing bdag med par bsam mo/ /de'i shes pa a dkar por gnas par bsams la/ de la dkyil 'khor rnams sprul par bya'o/ /de nas ye shes 'khor lo bar snang la bsdus te/ yang dag par bltas te mchod nas dam tshig gi 'khor lo la gzhug cing mnyes par byas nas dbang bskur zhing mi 'da' ba'i rgyas gdab par bya'o//de'i de ma thag tu dgang blugs bdun nam gsum phul la yam shing sngon du 'gro bas ji skad gsungs pa bzhin sreg rdzas rnams dbul bar bya'o/ /de'i rjes la sngar gyi lha gang yin pa de'i snying gar ye shes kyi dkyil 'khor gyi lha rnams gnas par byas la thun mong du sreg rdzas rnams kyis mchod par byas la/oM badzra a na la ma hA b+hU ta dz+wa la sarba b+hasmi ku ru sarba duSh+TA na hUM phaT oM b+ha ba ka ag+na ye/ oM sarba ta thA ga ta hr-i da ya/ ha ra ha ra/ oM hUM hrIH/b+ha ga bAn dz+nyA na mUr+t+ti bA gI shwa ra ma hA pA tsa sarba d+har+m+mA ga ga na a ma la su pa ri shud+d+he d+harma d+hA tu dz+nyA na gar+b+ha AH tshe las 'das pa che ge mo'i sarba pA paM da ha na badzra ye swA hA/ zhes bya ba la sogs pas dbul lo/ /mthar yang dgang blugs phul la yang dag par mchod nas bstod par bya'o/ /de nas 'di skad ces brjod de/bde bar gshegs pa thams cad kyi/ /bstan pa'i gtso la mnga' mdzad pa/ /'khor ba'i rgya mtshor bying ba yi/ /sems can ngan song sbyor mdzad pa/ /bde bar gshegs la phyag 'tshal bstod/ /ces brjod la/ ye shes 'khor lo gshegs su gsol bar bya'o//dam tshig rnams gtso bo la bsdu zhing gtso bo nyid kyang a'i mthar thug pa la bsdu ste/ rang gi shes pa a'i rnam pa de chos kyi za ma tog gi nang du bzhag ste/ ye shes chen po bzhi'i shing rta'i khar bzhag la rnam snang chen po'i ye shes kyi 'od zer rlung lta bus bskyod de/ 'og min gyi gnas su rigs nges pa'i sangs rgyas su byas la gzhag go//de'i rjes la sreg rdzas lhag mas me lha nyid mchod la bstod pa byas te/ tshangs pa 'jig rten mgon gyi sras/ /me lha'i rgyal po drang srong mchog /sdig pa thams cad sreg pa'i phyir/ /thugs rje'i dbang gis sku sprul pa//rigs kyi sgrub pa'i drang srong tshul/ /nyon mongs sreg pa'i shes rab 'od/ /bskal pa'i me ltar rab tu 'bar/ /mngon shes rdzu 'phrul zhabs dang ldan/ /thabs kyi sprul pa'i theg pa bcibs/ /bgrang phreng 'dzin cing rig sngags bsrung / /bdud rtsi bcud ldan gun+d+he bsnams/ / chos kyi bdud rtsi yongs la smin/ /mi shes skyon bral tshangs par spyod/ /zhi bas mnyes shing thugs rje che/ /'jig rten gnas kyang mya ngan 'das/ /de la mnyes shing phyag 'tshal bstod/ /ces brjod la gshegs su gsol te/ /sems can ngan song sbyong ba yi/ /phrin las khyod kyis mdzad lags kyis//rang gi yul du gshegs nas kyang / /slar yang byon par mdzad du gsol/ /oM b+ha ba ka ag+na ye e h+ye hi sa haM da daM tsa ti d+ha r+m+ma tsa ya badzra muH/ zhes pas ye shes pa gshegs/ /dam tshig gi me lha tha mal ltar bsdu'o/ /tshe 'das sgrib pa sreg pa'i thabs/ / cho ga bzang po byas pa las/ /bsags pa'i dge des 'gro ba kun/ /bde ba can du skye bar shog /slob dpon 'jam dpal bshes gnyen gyis mdzad pa'i 'jam dpal gyi ro sreg pa'i cho ga rdzogs so/ /rgya gar gyi mkhan po su badzra dang / bod kyi lo tsA ba chos kyi shes rab kyis bsgyur ba'o/