CLOSE WINDOW

D2574
བོད་ཡིག

/bod kyi lo tsA ba chos kyi shes rab kyis bsgyur ba'o//[ ]@##/ /rgya gar skad du/ Ar+ya many+dzu shrI nA ma saM gI ti tsakra ma ra mA ra ya man+t+ra/ bod skad du/ 'phags pa 'jam dpal gyi mtshan yang dag par brjod pa'i ngan sngags byad kyi 'khor los gsad pa/ 'jam dpal gshin rje'i gshed la phyag 'tshal lo//rdo rje 'jigs byed 'jigs par byed/ /khro bo'i rgyal po gdong drug po/ /bco brgyad spyan dmar gnyis kyis mdzes/ /gshin rje gshed la phyag 'tshal te/ /'jam dpal mgon gyis mi 'dul tshe/ /ngan sngags byad kyi 'khor lo brtsam/ /de la dur khrod chen po rab 'jigs par//ma rungs 'dul ba'i blon mchog gis/ /dpal ldan 'byor pa drug rdzas bsog /srid pa'i ri bo pham byas te/ /sems can ngan song rnam par sbyangs/ /don yod 'gro ba'i don byas te/ /gtso bo dkon mchog lhur blang zhing / /bla ma phyag byar 'os pa la//tshogs gnyis tshogs ni 'bad de bsags/ /srid pa'i 'dod chags rnam spangs te/ /stong pa nyid dga' stong ba'i blos/ /yang dag bdag med de bzhin nyid/ /yang dag mtha' ste yi ge bral/ /shes rab chen po'i skad cig gis/ /chos kun ngo bo nyid med bya/ /'on kyang snang ba ma bkag pas//chos kun nam mkha'i mtshan nyid la/ /ye shes skar ma lam me pa/ /rang sems nyams su myong ba de/ /dgag tu btub pa ma yin pas/ /rang rig sems kyi cho 'phrul du/ /yi ge'i phreng bas nye bar mdzes/ /'od kyi phung po'i 'phro 'du yis/ /'byung ba chen po rgyu gcig po//rim pa bzhi yis dkyil 'khor brtsegs/ /'byung ba 'dus pa'i 'bras bu la/ /mthun 'jug spyod yul bya ba'i phyir/ /ri rab gzhal yas khang yang brtsegs/ /'khor lo rtsibs drug 'bar ba ste/ /dbus su glang chen bsnol ba'i khri/ /nyi zla pad+ma mdangs bskyed de/ /rang rig sems kyi cho 'phrul 'dus//sgyu 'phrul dra bas mngon byang chub/ /ye shes lnga rdzogs bcom ldan 'das/ /sangs rgyas kun gyi sku yi mchog /dang po'i sangs rgyas zhal mnga' ba/ /rgyan rnams kun gyis spras pa ni/ /dung dang kun de'i 'od 'phro ba/ /nyi ma'i snying po'am gser gyi mdog /phyag bzhi ba la zhi ba'i sku/ /shes rab ral gri mda' gzhu bsams/ /de yi thugs kar 'khor lo dang / /'jam dpal ye shes sems dpa' bsgom/ /zla ba a yi 'phro 'du yis/ /'og min gnas mchog dam pa nas/ /rnam snang chen po la sogs pa'i/ /dkyil 'khor chen po drug byon te//thugs ka'i zla steng bzhugs pa la/ /bkur sti rim gros mnyes par bya/ /shes rab 'khor lo la blo gtad/ /ye shes phreng sngags bzlas pa brtsam/ /ye shes lnga yi sgo nas bstod/ /gal te zhi bas ma 'dul zhing / /de rnams gzhi dang bcas pa kun/ /chos kyi dbyings su thim 'gyur te//dang po'i sangs rgyas rgyu med pa'i/ /ye shes mig gcig dri ma med/ /chos kyi dbyings las drag por bzhengs/ /yi ge drug po ye shes sgras/ /'jam dbyangs chen po sgra che ba/ /rdo rje hUM ste hUM zhes sgrog /nam mkha'i mtha' yas sgra sgrogs pas/ /hUM las drag por skyes pa ni//gshin rje gshed po bgegs kyi rgyal/ /khro bo'i rgyal po gdong drug 'jigs/ /spyan dmar bco brgyad phyag bcu gnyis/ /rdo rje 'khor lo rdo rje dang / /pad+ma rin chen rgya gram bsnams/ /g.yas pa'i phyag na legs par bsnams/ /mtshon du rdo rje'i mda' thogs pa/ /g.yon pa'i phyag rgya dang po ni//rdo rje ral gri ma lus gcod/ /g.yon pa'i phyag rgya pha rol bsdigs/ /lhag pa'i phyag rgya gzhan rnams na/ /shes rab ral gri mda' gzhu thogs/ /ha la ha la dug ltar bzhad/ /keng rus mche ba gtsigs pa po/ /ral pa gyen brdzes thod phreng la/ /sangs rgyas lnga yi cod pan 'dzin//sprul dang thod rlon phreng bas klubs/ /dus mtha'i me ltar 'bar ba 'phro/ /'jam dpal gshin rje gshed po ni/ /rngam pa chen por bdag nyid gyur/ /thugs kar nyi ma'i steng na hUM/ /de yi byin rlabs ya mtshan ni/ /oM a ra pa tsa na ya mAn+ta ka hUM/ oM pradz+nyA dz+nyA na mUrta ye ya mAn+ta ka hUM/oM duHkha ts+tshe da ya mAn+ta ka hUM/ oM badzra tIk+Sh+Na ya mAn+ta ka hUM/ oM wA gI shwa ra ya mAn+ta ka hUM/ oM dz+nyA na kA ya ya mAn+ta ka hUM/ oM hUM hUM sarba ta thA ga ta hri da ya ha ra ha ra/ oM hUM hrIHb+ha ga bAn dz+nyA na mUrti/ bA gI shwa ri ma hA pA tsa sarba d+harmA ga ga na/ a ma la su ba ri shud+d+ha d+harmA tu dz+nyA na gar+b+h+ra hUM/khro bo'i rgyal po hUM las byung / /'khor lo 'bar ba'i rtsibs drug las/ /rim pa 'di ltar khros pas gnas/ /mnar med gshin rje gshed po ni/ /zhal gcig phyag gnyis rdo rje 'dzin/ /gti mug gshin rje gshed po ni/ /zhal gcig phyag gnyis 'khor lo 'dzin//zhe sdang gshin rje gshed po ni/ /zhal gcig phyag gnyis rdo rje 'dzin/ /'dod chags gshin rje gshed po ni/ /zhal gcig phyag gnyis pad+ma 'dzin/ /nga rgyal gshin rje gshed po ni/ /zhal gcig phyag gnyis rin chen 'dzin/ phrag dog gshin rje gshed po ni/ / zhal gcig phyag gnyis 'khor lo 'dzin/ /g.yon pas kun kyang 'khor lo bskor/ /sprul dang thod pa'i phreng bas brgyan/ /dus mtha'i me dpung nang na bzhugs/ /brkyang bskum zhabs kyis gshin rje brdzis/ /re re'i sku la khro bo'i tshogs/ /khro gnyer rim par ldan la sogs//grangs med mtha' yas pa yis bskor/ /lag na rdo rje mtha' yas pa/ /de ltar gsal ba'i ting 'dzin gyis/ /ye shes khro bo nye bar bsdu/ /hUM hUM hUM/ hUM hUM hUM/ hUM badzra kro d+ha sa pa ri wA re badzra sa man+ta e h+ye hi dr-i sh+ya dzaHhUM baM hoHzhes rigs bsdus kyi dkyil 'khor chen po rnams/ khro bor byon nas nye bar byon/ /rgyal ba mchod pas mnyes byas te/ /bdag dang gnyis su med par bzhugs/ /gsang sngags rgyal pos gzi mdangs bskyed/ /'jam dpal mtshan ni khros pas brjod/ /gsang sngags rgyal po khros pas bzlas/ /sangs rgyas kun gyi khro bo'i sku/ /dbye ba dpag med skye ba yis//khams gsum khro bos bkang byas te/ /rdo rje khro bo'i dmag tshogs kyis/ /bdud kyi dpung rnams pham byas te/ /gsad cing mnan pa kho nar zad/ /sprul pa nye bar bsdu bya ste/ /rdo rje 'jigs byed sogs kyis bstod/ /de ltar brtan pa stobs su 'gyur/ /gal te ting 'dzin mi gsal na//dmigs pa rtse gcig cho ga bya/ /dus mtha'i dgra bo gsad pa ni/ /ma rungs 'dul ba'i sems kyis su/ /dur khrod thod pa mi srun gshags/ /nang du gshin rje'i rgyal po bri/ /kha gdangs par ni shin tu gsal/ /'og ma gshin rje'i khang par bcad/ /ya gnag bcu bdun mun pa'i smag /sgo med sgo nga lta bu'i nang / /yid kyis gzugs brnyan rdzu 'phrul ldan/ /dgra bo'i rnam shes rlung 'dra ba/ /srog dang 'grogs te chud gyur na/ /slar ni thon pa'i skal med do/ /gshin rjes zin pas mi 'chor ro/ /gang dmigs bsgrub bya'i snying gi dkyil//srog pa rtsa yi rang bzhin las/ /ngan sngags byad kyi 'khor lo bca'/ /rtsibs drug la sogs gsang sngags bcas/ /kun la 'chi rkyen spel te bri'o/ /oM a ra pa tsa sha trUM che ge mo mA ra ya/ oM pradz+nyA dz+nyA na mUr+t+ta ya/ sha trUM mA ra ya/ oM duHkhats+tshe da sha trUM mA ra ya/ oM badzra tI k+Sh+Na sha trUM mA ra ya/ oM bA gI shwa ra sha trU mA ra ya/ oM dz+nyA na kA ya sha trUM mA ra ya/ oM hUM hUM hUM sarba ta thA ga ta hri da ya ha ra ha ra/ oM hUM hrIHb+ha ga wAn dz+nya na mUrti bA gI shwa ra ma hA pA tsa sarba d+har+m+ma ga ga na a ma la su pa ri shud+d+ha/ d+har+m+ma d+hA tu dz+nyA na gar+b+ha hUM/ sha trU mA ra ya hUM phaT ces/ gsang sngags rgyal po 'di dran pas/gang dmigs gdug pa nye bar 'jig/ /rang rgyud gnas nas gshin rje bkug /thod pa rang byung de la bstim/ /gdug pa'i gnas nas dgra bo dgug /mthun pa'i gzugs brnyan de la bstim/ /bdag nyid snying ga'i sngags 'od kyis/ /dgra bo'i snying ga'i 'khor lo bskor/ /lte ba 'khor zhing rtsibs kyis gcod//gang dmigs bsgrub bya'i tshe srog phral/ /lung stong me mar me ltar 'gyur/ /gzugs de 'khor los dum bur gtub/ /drag po'i gtor mar bcug byas te/ /thod nang gshin rje de la sbyin/ /chos skyong srung mar bsgo bya ste/ /rang gi gnas su ci bder btang / /gtor ma dag kyang lho phyogs bskyal//de nas rang nyid brtan byas te/ /cho ga ma lus rdzogs par bya/ /spyi dang khyad par rim pa yis/ /bsdus rgyas bye brag shes par bya/ /tha ma'i rgyud drag ngang thung che/ /'gro ba log lta 'khrul gyur nas/ /sangs rgyas sgrub la bar gcod cing / /byang chub tshe srog 'phrog byed la//'khor lo 'di yis gcod gyur cig /de yi nus pa bskyed nas ni/ /bdud dgra thams cad pham byas nas/ /phas kyi rgol ba nyer zhi ste/ /rdzogs pa'i byang chub thob par shog /'phags pa 'jam dpal gyi mtshan yang dag par brjod pa'i ngan sngags kyi byad kyi 'khor lo'i sgrub thabs/ slob dpon chen po 'jam dpal bshes gnyen gyis mdzad pa rdzogs so/