CLOSE WINDOW

D2573
བོད་ཡིག

slob dpon 'jam dpal bshes gnyen gyis mdzad pa rdzogs so// //rgya gar gyi mkhan po su badzra dang / bod kyi lo tsA ba chos kyi shes rab kyis bsgyur ba'o/ /[ ]@##/ /rgya gar skad du/ Ar+ya many+dzu shrI nA ma saM gI ti tsak+Shu bi d+hi nA ma/ bod skad du/ 'phags pa 'jam dpal gyi mtshan yang dag par brjod pa'i spyan dbye ba'i cho ga zhes bya ba/ 'phags pa 'jam dpal gzhon nur gyur pa la phyag 'tshal lo/ /'khor ba'i rgya mtsho brgal dka' nas/ /mya ngan 'das pa'i skam sar byon//sangs rgyas sku lnga'i bdag nyid can/ /'jam dpal dbyangs la phyag 'tshal lo/ /gzhan la phan pa'i blo mchog gis/ /dkon mchog gsum gyi gzugs brnyan rnams/ /rab tu gnas pa'i cho ga ni/ /bzang zhing dge ba bshad par bya/ /de nas rdo rje slob dpon blo gros dang ldan pas gtsug lag khang ngam sku gzugs la sogs pa'i sangs rgyas dang byang chub sems dpa' la sogs pa'i gzugs brnyan nam glegs bam dang mchod rten la sogs pa rab tu gnas par bya bar 'dod pas/ri bo'am nags tshal la sogs pa'i gnas su bsnyen pa rgyas par byas la/'bad pa thams cad kyis bsgom bzlas bya'o/ /de la 'dir gang rab tu gnas pa bya bar 'dod pa de rnams sta gon du bya ste/ bdag tu gzung ba'i bgegs thams cad bskrad do/ /gu gul gyis bdug cing bgegs bskrad pa'i cho ga shas cher bya'o/ /bde bar gshegs pa rnams la 'di skad ces snyan gsan dbab par bya ste/ji ltar dga' ldan gnas mchog na/ /bde bar gshegs pa bzhugs pa de/ /sgyu 'phrul lha mo'i lhums zhugs ltar/ /deng nub bde gshegs thams cad ni/ /de bzhin gzugs brnyan 'di la ni/ /'jug par shin tu mdzad du gsol/ /'di la sangs rgyas rtag tu bzhugs//byang chub sems ni bskyed pa dang / /yon bdag rnams kyi don bya'i phyir/ /bdag gis sbyor ba 'di bgyis na/ /ci 'byor ba yi mchod pa rnams/ /me tog la sogs bzhes su gsol/ /bdag dang yon bdag bcas pa la/ /thugs brtse bar ni dgongs bcas nas/ / kun gyis 'di deng byin rlob cing / /'di nyid du ni bzhugs par rigs/ /zhes brjod la/ sku gzugs la sogs pa rab tu gnas pa gang byed pa de gshin rje gshed kyis bsrung zhing / AHhUM oM hrIHa zhes bya bas rgyas btab la gzhag go/ /de nas bcom ldan 'das 'jam dpal ye shes sems dpa'i dkyil 'khor rigs thams cad bsdus pa zhes bya ba bris la/der bum pa thams cad bcug la dkyil 'khor de'i byang ngos su khrus kyi khang pa shin tu mdzes pa yid du 'ong ba/ gser gyi ka ba bzhi dang mu tig gi chun 'phyang 'phyang ba/ dri zhim po tsan+dan la sogs pa srog chags las ma byung ba'i dris chag chag btab la/rin po ches spras shing gcal du bkram pa byas la/ khrus kyi khang pa gang yin pa de nyid rab tu gnas par 'dod pa'i lha rnams gang yin pa spyan drangs la tshul dang mthun par gzhag la/ sku khrus gsol ba ni bkra shis kyi tshigs su bcad pa dang /rol mo'i sgra sna tshogs dang ldan pas khrus byas te/ ji ltar bltams pa tsam gyis ni/ /lha rnams kyis ni khrus gsol ltar/ /de bzhin bdag gis lha yi chu/ /dag pa yis ni sku khrus gsol/ /oM sarba ta thA ga ta a b+hi She ka ta sa ma ya shri ye hUM/lugs ma yin na dngos su khrus bya/ de las gzhan pa gang yin yang me long gi ngos la sran phye dang / bag phye dang / 'bras yos dang / yungs kar dang / til mar dang / 'o ma dang / tsan+dan dang / ga pur btab la/ me tog dang bcas te ku sha'i pir gyis bkru bar bya'o//de yang 'di skad du/ ji ltar dam pa tog dkar dga' ldan nas/ /lha mdzes lhums zhugs bltams la khrus gsol ltar/ sku gdung ring bsrel dri ma med par byas/ /sprul sku yid 'ong rnams la sku khrus gsol/ /phyogs bcu bdud rtsi dam pa'i char 'bebs pa//rgyal ba dam chos rnams la sku khrus gsol/ /oM sarba ta thA ga ta pu R+N+'a di pa kro d+ha ye swA hA/ zhes bya ba dang / de nas sngar bsnyen pa byas pa'i bum pa lha'i chus bkang la slob dpon gyis bzung nas me long la dri'i thig le lnga dang / me tog gi tshom bu lnga dang bcas pa la 'di skad brjod de sku khrus gsol ba ni/gzugs kyi phung po rnam dag pa/ /gti mug dri ma sbyong byed pa'i/ /chos kyi dbyings kyi ye shes kyis/ /dpal ldan sku yi sku khrus gsol/ /tshor ba'i phung po rnam dag pa'i/ /nga rgyal dri ma sbyong byed pa'i/ /mnyam pa nyid kyi ye shes kyis/ /dpal ldan yon tan sku khrus gsol//'du shes phung po rnam dag pa'i/ /'dod chags dri ma sbyong byed pa'i/ /so sor rtog pa'i ye shes kyis/ /dpal ldan gsung gi sku khrus gsol/ /'du byed phung po rnam dag pa'i/ /phrag dog dri ma sbyong mdzad pa'i/ /bya ba nan tan ye shes kyis/ /dpal ldan phrin las sku khrus gsol//rnam shes phung po rnam dag pa'i/ /zhe sdang dri ma sbyong mdzad pa'i/ /me long lta bu'i ye shes kyis/ /dpal ldan thugs kyi sku khrus gsol/ /oM sarba ta thA ga ta bud+d+ha badzra rat+na pad+ma kar+m+ma a b+hi She ka ta sa ma ya shri ye hUM/ de'i rjes la ras gtsang ma dris bskus pas sku phyis te/ rgyal ba'i sku ni mkha' la zla bzhin gsal//sangs rgyas sku la dri ma mi mnga' yang / /'gro ba'i bag chags ma lus bsal bya'i phyir/ /kha tshar ma nyams ras kyis sku phyis pas/ /sems can bag chags ma lus byang gyur cig/ /ni rmA kA ya shud+d+hou0f85haM zhes pas sku phyis la/ rigs dang mthun pa'i na bza' r nams kyang dbul zhing bkra shis kyang brjod do//oM dI pa na pa ye swA hA/ dris bsgo'o/ /oM gan+d+hA ya swA hA/ zhes pas na bza' dbul/ oM A b+hA ra Ni pi b+hU Sh+'a ya swA hA/ zhes bya bas byang chub sems dpa' rnams la rgyan dbul te/ 'gro kun yun du bskyang ba'i phyir/ /lha yin bza' dam pa ni//bde bar gshegs pa rnams la dbul/ /ci bde bar ni bzhes su gsol/ /zhes pa dang / byang chub yan lag rgyan gyur cing / /'gro bas bsod nams thob bya'i phyir/ /bde gshegs sras la rgyan mchog dbul/ /ce bde bar ni bzhes su gsol/ /zhes pas rgyan gdags so//de nas dkyil 'khor spyan drangs la bdag nyid dkyil 'khor sgrub ste/ bdag nyid kyi 'khor lo la mchod pa rdzogs pa'i rjes la rab gnas kyi lha shin tu gsal bar byas te/ ye shes kyi 'khor lo bar snang la bsdus te/ spyan drangs la gnyis su med par bstims te dbang bskur rgyas btab la/mchod pa shin tu rgyas par dbul ba ni dngos su 'byor ba'i mchod pa lnga dang / yid kyis sprul pa'i mchod pa brgyad kyis yang dag par mchod par bya'o/ /gzhan yang sgra dang rol mo'i bye brag bsam gyis mi khyab pas yang dag par mchod par bya'o/ / de ltar legs par mchod cing sbyin sreg gi las kyang brtsam par bya'o/ /de'i rjes la gtor ma rgya chen po yang bshams la gzhag go/ /de ltar ye shes sems dpa' bcug la nang bar nyi ma shar kar spyan dbye bar bya ste/ bdag nyid rnam snang chen po'i ting nge 'dzin la gnas pas des gser las byas pa'i thur ma thogs la/rgyal ba mkha' la byon pa'i thugs rje can/ /sangs rgyas spyan la 'gag pa mi mnga' yang / /sems can rnams kyi bag chags sbyang slad du/ /bder gshegs rnams kyi spyan ni dbye bar bgyi/ /sems can ldongs pa thams cad bsal gyur cig /oM nirmA kA ya badzra tsak+Shu pra be+e sha bi shod+ha na swA hA/gser gyi snyan brud pa thogs la/ rgyal ba'i snyan la 'gag pa mi mnga' yang / /sems can thos pas phongs gyur te/ /rgyal ba chos kyi rnga brdungs ltar/ /de bzhin sems can kun don phyir/ /bde gshegs snyan ni dbye bar bgyi//chos kyi sgra rnams thos gyur cig /oM nirmA kA ya ri bya kaR+Na ye swa b+hA ba shud+d+ho u0f85haM/ gser gyi tsher gzungs thogs la/ /rgyal ba'i shangs la 'gag pa mi mnga' yang / /'gro ba'i sems can don gyi phyir/ /zag bcas phung po'i dri ma spangs nas ni/ /rnam par dag p a dri med skyed byed ltar//rgyal ba'i shangs ni bdag gis dbye bar bgyi/ /zag med dri med dam pa tshor gyur cig /oM nirmA kA ya d+ha bya nA sa ye swA hA/ /rin po che'i thur ma thogs la/ /'gro ba chos kyis phongs pa la/ /dam chos bsgrag par bya ba'i phyir/ /chos kyi ro ldan dag pa yis//'gro ba thams cad tshim mdzad ltar/ /ro mchog brgya ldan zhal zas rnams/ /dbul phyir zhal ni dbye bar bgyi/ /oM nirmA kA ya id ni bya mu kha ye swA hA/ de nas rab byung gi gzugs yin na spu gri thogs la/ ji ltar rang byung mchod rten du/ / ston pas khyim pa'i rtags spangs ltar/ /'gro ba sems can don gyi phyir/ /khyim pa'i rtags rnams spang bar bgyi/ /snam sbyar dang bla gos gsol nas/ /ji ltar sman pa'i rgyal po 'tsho byed kyis/ /rgyal ba'i sku la na bza' gsol ba ltar/ /de bzhin 'gro ba rnams la sman pa'i phyir/ /ngo tsha khrel yod gos mchog gsol bar bgyi//oM nirmA kA ya to byol tra pra na ye swA hA/ zhes brjod par bya zhing dbul lo/ /oM u pa su kA sa pa ri srA ba Na ye swA hA/ zhes pas chu tshags dang lhung bzed la sogs pa dbul lo/ /de nas thugs kar rdo rje dris bsgos pa bzung la/ mtshan dang dpe byad la sogs pa bskyed de/dung dang dpal be'u g.yung drung 'khyil pa 'di/ /bkra shis rdzas brgyad dag gis rnam brgyan pa/ /rgyal ba'i thugs la rnam par rgyal gyur cig /oM nirmA kA ya triM shad ma hA pu ru Sha lak+Sha Na sho d+ha a nu byany+dza ye swA hA/ bde bar gshegs pa'i gzugs brnyan de 'khor los sgyur ba'i cha byad yin na de ltar ma yin te/dung dang so mangs dang ral gri la sogs pa dbul lo/ /dpal be'u la sogs pas brgyan pa ni shes par bya'o/ /glegs bam la rab tu gnas par byed pa yin na/ rdo rje chos kyi ngo bo sangs rgyas snang ba mtha' yas nges par a las bskyed la ye shes sems dpa' bcug ste dbang bskur rgyas btab nas glegs bam du bya'o//de la na bza' dbul ba ni/ /byang chub yan lag rnam dag pa'i/ /dam chos gsung gi 'od zer gyis/ /na bza' dri ma med pa 'di/ /dam pa'i chos la dbul bar bgyi/ /oM d+harma d+he b+h+ya pra ta swA hA/ zhes bya bas dbul/de'i rjes la rdo rje thag pa gang yin pa des bsdams te/ mtshal lam sin d+hu ra'i rgya rim pa bdun du btab la/ oM badzra mu dra ban+d+ha ya a d+hi tiSh+Tha swA hA/ zhes brjod do/ /rab tu gnas pa de mchod rten yin na bde bar gshegs pa rigs lnga'i sangs rgyas su rdzogs par byas la ye shes sems dpa' yang nges par bcug nas dbang bskur rgyas btab nas mchod de bkra shis brjod la de rnams las byung ba'i byang chub sems dpa' chen po'i mchod rten du dmigs la/oM a ra dze bi ra dze swA hA/ zhes pas sa dkar byug /oM ar ma ye swA hA/ zhes pas bre gzugs/ / oM tsakra brta na ye swA hA/ zhes pas 'khor lo gzugs so/ /oM ts+tshA tra ye swA hA/ zhes pas gdugs dbul lo/ /oM ku bi ra d+hA dza ye swA hA/ zhes pas rgyal mtshan gzugs/ /oM pA ta ka ye swA hA/ zhes pas ba dan gdags/ oM pa Tu dA ma laM pa ye swA hA/ zhes pas dar dpyangs gdags/oM puSh+pa mA la ye swA hA/ zhes pas me tog gi phreng ba gdags so/ /byang chub sems dpa' yin na khab dang snyung bu dang so mangs dbul/ 'gro ba sems can kun la phan pa'i phyir/ /rig pa'i gnas lnga dag la bslab bya zhes/ /ji ltar thugs dam rgya che bzhes pa bzhin//mkho ba'i yo byad rnams kyang dbul bar bgyi/ /oM u pa su ka la sa pa ri skA ra ye swA hA/ de nas thams cad thun mong du yang mchod pa rgya chen pos mchod la/ gdugs gser gyi yu ba can la sogs pas mchod de/ 'byor pa dang ldan na sbyin sreg kyang rgyas par bya'o//ma 'byor na tsA ru dbul bar bya'o/ /de nas rang gi dkyil 'khor gyi lha rnams gshegs su gsol te/ rdzogs sangs rgyas dang de yi sras/ /byang chub sems dpa'i tshogs rnams kun/ /rigs bsdus dkyil 'khor 'khor dang bcas/ /gang dag cho ga ma tshang ba//de dag bzod par mdzad du gsol/ /kun du zhi dang rgyas pa yi/ /yon bdag ched la rab mdzad nas/ /sangs rgyas yul du gshegs nas kyang / /slar yang byon par mdzad du gsol/ /sa dang chu dang me rlung gis/ /ji srid bskal pa 'jig bar du/ /sangs rgyas kun gyi sku gzugs la//de srid bcom ldan bsrung bar mdzod/ /thugs bzang yid las byung ba yi/ /slob dpon slob mar bcas pa la/ /bu dang tsha bo bsrung mdzad nas/ /rab gnas de bas gshegs su gsol/ /oM badzra muH/ de nas dam tshig 'khor lo rang la bcug nas rab gnas kyi ye shes sems dpa' brtan par bzhugs su gsol ba ni/slob dpon dang yon bdag gnyis kas gdan khri la 'jus la me tog gi phreng ba dbul te/ de srid me dang chu dang ni/ /rlung gi bskal pas 'jig par du/ /sems can kun gyi don gyi phyir/ /bcom ldan khyod ni bzhugs par mdzod//ces brjod la/ phyag na rdo rje la mchod pa dbul zhing / /sprul sku bsrung bar mdzad du gsol/ /zhes brjod do/ /de nas chos skyong gi srung ma'am phyogs skyong ngam/ ma hA kA la'am/ yang na gang yang rung ba la gtor ma rgya chen po dbul zhing / /sems can kun gyi don gyi phyir/ /sku gzugs bsrung ba'i las bcol bar bya'o//'gro ba sems can don slad du/ /bde gshegs rnams ni bzhugs bgyid bar/ /bdag dang gzhan gyi don gyi phyir/ /sprul sku gzugs brnyan mthong bar mdzod/ /ces brjod do/ /gzhan yang yul phyogs de na gnas pa'i gnod sbyin pho mo la yang gtor ma btang la ched cher gtad do//gnas brtan dang khyim pa'i gtso bo rnams la yang snyigs ma lnga'i dus su sprul pa'i sku 'di yin gyis/ khyod kyis ma nyams par srungs shig ces brjod la/ sku'am glegs bam mam mchod rten gang yin pa de na bza' gsol te 'gro ba rnams la bstan to/ / mthong ba tsam gyis bskal pa dpag tu med pa'i sgrib pa ma lus par 'byung bar 'gyur ro/ /yon bdag gang yin pa des glu gar bya zhing bkra shis brjod la sngags kyis btab pa'i zhal zas lhag ma rnams la longs spyod do/ /rab gnas dman pa mi shis phyir/ /rab gnas bzang po 'di byas pas/ / byas pa gang des 'gro ba kun/ /mthong ba tsam gyis sdig byang nas/ /sprul pa'i sku yi zhal mthong shog /'phags pa 'jam dpal gyi mtshan yang dag par brjod pa'i rab tu gnas pa'i cho ga zhes bya ba/ slob dpon 'jam dpal bshes gnyen gyis mdzad pa rdzogs so/ /rgya gar gyi mkhan po su badzra dang /