CLOSE WINDOW

D2569
བོད་ཡིག

mtshan yang dag par brjod pa'i tsha tsha'i cho ga rdzogs so//[ ]@##/ /rgya gar skad du/ Ar+ya many+dzu shrI nA ma sang+gI ti ho ma bi d+hi saM gra ha ta nA ma/ bod skad du/ 'phags pa 'jam dpal gyi mtshan yang dag par brjod pa'i sbyin sreg gi cho ga bsdus pa zhes bya ba/'jam dpal ye shes sems dpal la phyag 'tshal lo/ /de la dang po sngags pa ni/ /rang lus 'jig kyang gzhan phan brtson/ /rnyed dang bkur sti la ma chags/ /sems can don du sbyin sreg bya/ /dang po sa'i cho ga dang sta gon gyi cho ga byas la/ yid du 'ong ba'i sa'i char thig btab la/dkyil 'khor gyi dbus su thag bung khru gang ba/ zabs su de'i phyed la/ kha khyer sor bzhi phyir dor ba/ de'i steng du sor bzhi ba'i kha khyer gyis bskor ba/ nang du pad+ma dang rdo rjes mtshan pa/ byug pa dri zhim po dang / me tog dkar pos brgyan pa/ mtshams su rdo rje rtse gsum pa dang /kha khyer la ku sha dgram par bya'o/ /shin tu sar pa'i ras kyis g.yogs par bya'o/ /de nas mchod rdzas dang sreg rdzas dang / yam shing dang bud shing dang / dgang gzar dang blugs gzar rnams bshams te/ mchod rdzas ni g.yon du gzhag/ /sreg rdzas ni g.yas su gzhag go//de nas khrus dang byug pa byas la stod g.yogs dang smad g.yogs dang / rgyan thams cad gon te/ srod la pad+ma'i 'dug stangs kyis kha shar du bltas te blos bsgrub par bya ba de dmigs te/ las rnams brtsam par bya'o/ /de nas lce lag byin gyis brlabs te/ skad cig ma'i ting nge 'dzin gyi hUM mdzad kyi sbyor bas ra ba dang drA ba dang bgegs bskrad par bya'o/ /rdo rje 'khor lo'i phyag rgya dang badzra tsakra bya ba 'dis de bzhin gshegs pa thams cad mngon sum lta bur dmigs te/ phyag rgya bzhi byas la rang rang gi sngags dang phyag rgyas mchod pa byin gyis brlabs te/ thun mong gi mchod pa lnga dang /khyad par sgeg mo la sogs pa'i mchod pa brgyad dang / mchod pa nyi shus kyang yang dag par mchod de/ sdom pa gzung ba'i bar du rdzogs par bya'o/ /de nas gshegs su gsol lo/ /de nas bdag nyid kyis rdo rje gnod sbyin gyi sngags/ oM badzra yak+Sha hUM/zhes bya bas bgegs bsal bar bya'o/ /badzra shi kha re ru Ta ma Ta zhes bya bas rdo rje rtse mo'i sngags kyis bdag dang thab dang rdzas dang mchod pa rnams bsang bar bya'o/ /de nas bdag nyid 'dod pa'i lhar bskyed de/ snying ga'i 'od zer gyis ye shes sems dpa' rang dang 'dra ba mdun du spyan drangs la phyag dang mchod pa byas te/snying ga'i 'od zer gyis bdag nyid gnyis su med par byas te phyag rgya chen po bzhis rgyas btab la dbang bskur ba yang blang ngo / /de nas snying ga'i 'od zer gyis thab khung mi dmigs par byas la muM las dkar ba dang 'tsher ba dang rnam pa thams cad dang ldan pa'i shin tu che ba'i thab bskyed do//de yang phyi rol gzhal yas khang rgyan dang ldan pa'i nang du chud pa'o/ /de yang 'o ma can gyi shing gi bud shing ngam/ dgon pa'i ba lang gi lci bas thab bas cung zad dma' ba tsam gyi bud shing brtsigs la rgyun bzhag gi me 'am/ yon bdag dka' thub la dga' ba'i khyim nas blangs pa'i me yam shing gis spar te/ rlung yab kyis g.yab cing / badzra dz+wa la raM zhes me'i snying po yang brjod do/ de nas me'i spra brtag ste/ dgang gzar dang blugs gzar la rang gi chos kyi yi ger bkod de/ oM wA gI shwa ri muM/ zhes snying po bzlas te/shin tu gang ba'i mar gyis dgang blugs dang sreg blugs sbyin no/ /de nas rtags bzang po mthong ba dang / de nas me thab tu raM sum mdo ris mtshan can la/ a las pad+ma'i gdan/ de'i steng du baM las chu'i dkyil 'khor/ a las 'od kyi dkyil 'khor/ de'i steng du raM dkar po las me lha zhi ba dung dang ku mu da ltar dkar ba/mig gnyis pa ral ba'i thor tshugs dang bcas pa phyag bzhi pa skyabs sbyin dang / dbyug to dang / bgrang phreng dang / gun+d+he rnams g.yas dang g.yon na 'dzin pa'o/ /mchod phyir thogs dang rgyan thams cad kyis brgyan pa'o/ /rdo rje'i skyil krung gis bzhugs pa/ rin po ches dbu brgyan pa/ ba spu'i bu ga thams cad nas bdud rtsi'i chu rgyun 'dzag cing shin tu zhi ba'o/ /de nas phyogs skyong dang / sprul pa'i me bde bar byas te/ lag pa g.yas skyabs sbyin du bzhag la/ mthe bo srin lag gi rtsar g.yab cing / e h+ye hi b+ha ga bAn ag+ni b+ha ba aM ku sha dzaH snying ga'i 'od zer gyis spyan drangs la phyag btsal ba dang /mchod pa dang bstod pa bya ste/ snying ga'i 'od zer gyis gnyis su med par bya'o/ /de nas phyag rgya bzhis gdab par bya ste/ rdo rje rin chen gyi phyag rgya dang / badzra rat+na a b+hi Shiny+tsa zhes bya bas dbang bskur bar bya'o/ /de nas rdzas thams cad bsags nas snying ga'i 'od zer dang ye shes kyi bdud rtsis rdzas thams cad byin gyis brlabs te/dgang gzar dang blugs gzar thogs te/ byams pa'i sems kyis ag+na ye b+ha ba che ge mo'i sdig pa sarba pA paM da ha na badzrA ya shAn+tiM ku ru ye swA hA zhes pas yam shing ni 'od kyi dkyil 'khor du'o//mar me la sogs pa zhu ba'i rdzas thams cad ni zhal cung zad gdangs par dbul lo/ /de nas til dang 'bras chan la sogs pa ni phyag tu'o/ /me tog ni dbu la'o/ /dri dang byug pa ni thugs kar ro/ /ku sha dang dUr ba'i myu gu ni 'od kyi dkyil du'o/ /mchod yon ni mdun du'o/ / zhal bsil ni phyag tu'o/ /de nas sdig pa sbyar bar 'dod na lag pa g.yon pa'i mthil du til nag po la sdig pa'i gzugs su bya ste/ 'od zer gyis sdig pa bsdus te/ bskul tshig dang bcas pas ji srid bde ba tha mthong gi bar du bsreg par bya'o/ /nad zhi bar byed pa rnams kyis ni snying ga'i bya nag po la 'od zer bsdus pa'i sbyor ba byas nas bsdus te/bskul tshig dang bcas pas bsregs na zhi bar 'gyur ro/ /yang na snying ga'i 'od zer gyis bsreg bya legs par bskul te/ de'i 'od zer gyis nad blangs la bdud rtsi'i chus bkrus te bskul tshig dang bcas pas bsreg go/ /tshe spel ba la sogs pa yang tshul 'di nyid kyis 'grub par bya'o//de nas zhabs bsil phul la bstod de/ las dang rjes su mthun pa'i phrin las bcol la/ me rang gi gzugs kyis de nyid du bzhugs su gsol lo/ /de nas las thams cad pa'i sngags kyis thab dang rdzas bsangs te/ me tog thab tu bor la de lta bu'i thugs kar pad+ma dang zla ba'i gdan bskyed la/de'i steng du muM dmar skya de bzhin gshegs pa thams cad kyi 'phro 'du dang bcas pa/ de yongs su gyur pa las rje btsun 'jam dpal sku mdog zla ba nya ba lta bu rdo rje'i skyil krung gis bzhugs pa'o/ /g.yas ral gri dang mda' bsnams pa//g.yon po ti dang gzhu bsnams pa'o/ /sangs rgyas lnga yis dbu brgyan pa/ de bzhin gshegs pa dang byang chub sems dpa' dang khro bo dang khro mo'i tshogs rnams 'dus shing 'phro ba ste/ rdo rje dang rin po che dang pad+ma dang / sna tshogs rdo rje dang snying ga dang /mgrin pa dang / dpral ba dang / spyi bo rnams su bkod pa'i yum bzhi'i phyag rgyas byin gyis brlab po/ /many+dzu shrI sa ma ya s+t+waM haM/ zhes brjod do/ /de nas mdun gyi nam mkha'i phyogs su hrIHdang a las zla ba'i gdan bskyed de/ snying ga'i 'od zer gyis ye shes sems dpa' dgug pa dang dbang du bya ba'i bar du bya'o//de nas mngon sum dang 'dra bar bltas te/ phyag bya ba sngon du 'gro bas mchod pa dang bstod pa byas te/ snying ga'i 'od zer gyis thab kyi gzugs dang gnyis su med par bsre/ de nas rdo rje bsdu ba'i phyag rgya bcas te/sa ma ya dzaHbsdu bar bya'o/ /de nas phyag rgya bzhis rgyas gdab par bya'o/ /de nas oM wA gI shwa ri muM many+dzu shrI hUM/ sarba pA baM dA ha na badzrA ya che ge mo shAn+tiM ku ru ye swA hA/ zhes bya bas yam shing dang mar la sogs pa thams cad dang cho ga gong mas dbul lo/ /sdig pa sbyang ba dang nad sbyang pa yang cho ga gong mas so//de nas gzi brjid bskyed pa'i phyir mar gyi sreg blugs sbyin par bya'o/ /tshul des brgya rtsa la sogs pa dbul bar bya'o/ /de nas zhal bsil te/ yang dag par mchod pa dang / 'dud nyi shus bstod do/ /de nas dge ba bsngo ste/ las dang rjes su mthun pa'i smon lam btab ste/oM khyod kyis sems can don kun mdzad/ /ces pa la sogs pas ye shes sems dpa' gshegs su gsol/ /dam tshig sems dpa' bdag la bsdu'o/ /de nas rdzas thams cad bsangs te me rang gi gzugs su bsam par byas te/ cho ga gong ma nyid kyis sreg blugs lhag ma sbyin no/ /de nas mchod pa dang bstod pa dang / bsngo ba dang / smon lam bya ste/ oM e h+ye hi zhes gshegs su gsol/ /dam tshig pa bdag la bsdu'o/ /oM a kA ro mu khaM zhes bya ba la sogs pas sreg rdzas kyi lhag ma bsdus te/ 'byung po thams cad la gtor ma sbyin no/ /cho ga nyams pa dang ma tshang ba kha bskang ba'i phyir yi ge brgya ba brjod par bya'o/ /sbyin sreg las rnams gsal bsdus pas/ /bdag gis dge ba gang thob des/ /ma lus sdug bsngal grol gyur te/ /'gro kun 'jam dpal thob par shog /slob dpon 'jam dpal bshes gnyen gyis mdzad pa/ rnal 'byor spyod pa'i tshul gyi spyod pa bsdus pa las/ mtshan yang dag par brjod pa'i sbyin sreg gi cho ga bsdus pa rdzogs so// //rgya gar gyi mkhan po su badzra dang / bod kyi lo tsA ba chos kyi shes rab kyis bsgyur cing zhus te gtan la phab pa'o/