CLOSE WINDOW

D2544b
བོད་ཡིག

slob dpon 'jam dpal bshes gnyen gyis mdzad pa rdzogs so/ /[{Db}]@##/ /rgya gar skad du/ Ar+ya many+dzu shrI nA ma sing+gA ti maN+Da la bi d+hi nA ma/ bod skad du/ 'phags pa 'jam dpal gyi mtshan yang dag par brjod pa'i dkyil 'khor gyi cho ga zhes bya ba/'jam dpal gzhon nur gyur pa la phyag 'tshal lo/ /gzhon nur sku sprul me tog thod/ /sku mdog gser can shes rab lha/ mi shes rgyun gcod ral gri 'dzin/ /shes rab ye shes phyag 'tshal te/ /'jam dpal rang bzhin chos sku ni/ /nam mkha' lta bur khyab pa la//gdul bya'i dbang gis dkyil 'khor drug /bde gshegs rigs kyi dkyil 'khor bshad/ de la 'dir sems can gti mug can 'dul ba'i gnyen por bcom ldan 'das rnam par snang mdzad kyi dkyil 'khor 'di gsungs pa yin te/ de yang gza' skar bzang po la bsnyen pa'i khang pa bkra shis par 'jug par bya ste/dpal ldan 'byor pa phun sum tshogs par byas la/ sgrub pa'i gnas de yang byi dor legs par byas te spos bzang po yang phyogs bzhi rab btul nas maN+Dal la tshul dang mthun pa'i me tog bkod de mchod pa bkram nas bde bar gshegs pa'i sku gzugs rnams kyang bkram la stan 'bol ba'i steng du sems can la phan pa'i blos 'dug ste/ma rungs pa 'dul ba'i rgyal po gshin rje gshed po ni skad cig gis rdzogs par byas la/ khro bo'i rgyal po gdong drug pa phyag bcu gnyis pa/ 'khor lo dang / rdo rje dang / ral gri dang / mda' dang / dgra sta dang / lcags kyu rnams g.yas pa'i phyag na thogs pa'o/ /thod pa dang / sdigs mdzub dang / zhags pa dang / gzhu dang / kha T+wAM ga dang / dbyug to rnams g.yon du thogs pa'o/ /spyan dmar ba bco brgyad sdang mig bgrad pa/ ljags drug glog ltar 'gyu ba'i zhal nas hUM hUM sgrogs pa/zhabs drug gis 'gro ba rigs drug brdzis pa/ char sprin gyi mdog lta bur bsams la bgegs thams cad bskrad la ji ltar 'dod pa'i srung ba'i 'khor lo bya'o/ /de nas bsod nams dang ye shes kyi tshogs rdzogs par byas la bdag nyid rnam par snang mdzad du gyur pa ni dang po'i sbyor ba'o//gzhi'i sangs rgyas a las rnam snang dkar po byang chub mchog gi phyag rgya/ de'i thugs kar dang po'i sangs rgyas/ de'i thugs kar shes rab 'khor lo rtsibs bcu gnyis pa as mtshan pa/ de'i steng du a las bcom ldan 'das shes rab ye shes dkar po g.yon 'khor lo g.yas ral gri thugs kar a las zla ba'i steng na a/sangs rgyas de'i thugs ka nas dkyil 'khor gyi 'khor lo'i lha rnams spro bar bzhed pas sngags 'di brjod par bya'o/ /oM a A sarba ta thA ga ta hr-i da ya/ ha ra ha ra/ oM hUM hrIH b+ha ga wAn dz+nyA na mUr+t+ti/ wA gI shwa ra ma hA pA tsa sarba d+harmA ga ga na a ma la su pa ri shud+d+ha d+harma d+hA tu dz+nyA na gar+b+ha AHzhes brjod pas/de 'phros shing 'dus pa las lha rnams kyi gnas su yi ge a sha stag tu gyur to/ /a de las rdzogs pa'i sangs rgyas rnams bskyed pa ni dkyil 'khor rgyal mchog go/ /de'i rjes la mtshan brjod cing bstod de sprul pa'i sku dpag tu med pas gti mug gi gnas sbyong ba'i phrin las mdzad pa ni las rgyal mchog go//de lta bu'i bsnyen pa byas nas dkyil 'khor brtsam ste/ legs par bris nas lha dgod pa ni dbus su rnam par snang mdzad zhal gcig phyag gnyis pa/ shar du sems ma rdo rje/lho ru rin chen sems ma/ nub tu pad+ma sems ma/ byang du las kyi sems ma'o/ /gru chad bzhi la sgeg mo la sogs pa bzhi'o/ /khyams kyi gru bzhir ni bdug pa ma la sogs pa bzhi'o/ /de nyid du bskal ba bzang po'i byang chub sems dpa' yang tshul dang mthun par dgod do/ / sgo bzhir ni sgo ma bzhi gzhag go/ /de lta bu'i dkyil 'khor mdzes pa bris te/ sems can skal pa can dag kyang der gzhug par byas la dbang bskur ba thob pa dang slob dpon dang dkyil 'khor gyi lha la yang ci 'byor pa'i yon phul la slob dpon gyis kyang dbugs dbyung ba dang / gzengs bstod de lung bstan par bya'o//bde gshegs rigs mchog dam pa ni/ /gti mug rnam par snang mdzad dpal/ /dkyil 'khor cho ga gsungs pa yis/ /dge bas rdzogs pa'i byang chub shog /slob dpon 'jam dpal bshes gnyen gyis mdzad pa/ rnam par snang mdzad dbugs dbyung ba'i dkyil 'khor gyi cho ga rdzogs so/