CLOSE WINDOW

D2538
བོད་ཡིག

/[ ]@##/ /'jam dpal mtshan brjod kyi bshad 'bum bzhugs/ @##/ /'phags pa 'jam dpal gzhon nur gyur ba la phyag 'tshal lo/ /'phags pa zhes pa rje btsun 'jam dpal gyi mtshan brjod pa 'di ni snying po bsdus pa'i rgyud yin pas rgyud gzhan las 'phags pa'o//'jam pa ni nyon mongs pa sra zhing rtsub pa'i zug rngu med pas so/ /de las legs pa'i yon tan thams cad 'byung bas dpal lo/ /yang na rang bzhin rgyu'i 'jam dpal bsgom pa lam gyi 'jam dpal/ 'bras bu mthar thug gi 'jam dpal dang gsum ste/'ching ba mtha' dag dang bcas pa dang / phyogs 'ga' dang ma bral ba dang / mtha' dag dang bral ba gsum la rim pa bzhin du sbyar ro/ /mtshan brjod pa'i don ni 'og nas yang dang yang bstan to/ /de nas zhes pa ni a tha zhes pa'i sgra ste/ bkra shis pa'i tshig yin pas klad du byung zer la/ yang na kha cig ni/ de nas dpal ldan rdo rje 'chang / /zhes pa'i don ma rgyud kyi bskyed rdzogs su 'dod de/ de yang a tha badzra d+ha ra shrI man zhes pa'i sgra ste/ a ni lte ba na a thung du bshad pa lta bu'i rnam pa reg bya tsha ba gtum mo me'i rang bzhin du gnas la/tha ni spyi bo bde chen tsakra byang sems kyi tha me'i rgya yi ge tha log gi dbyibs su gnas/ badzra ni rdo rje ste mi phyed pa'i don lte bar bde ba phab nas de la 'bar 'dzag bya ste mi phyed pa/ d+ha ra ni 'chang ba ste de dang mi 'bral ba'o//shrI ni dpal te de la legs pa'i yon tan thams cad 'byung bas so zhes 'dod do/ /des sems gdul bya 'dul zhes ma rgyud du sbyar ro/ /yang na kha cig ni/ 'jam dpal kr-i ya dpa' bo grub pa nas sangs rgyas gang+gA'i klung gi bye ma snyed kyi mtshan brjod cing / de la bskal pa'am bskal pa las lhag par phyag 'tshal ba bas/ rje btsun 'jam dpal gyi mtshan brjod cing phyag lan cig btsal na de bsod nams khyad par 'phags so zhes bcom ldan 'das kyis gsungs pas 'khor rnams the tshom skyes te/ drang don du yin nam/nges don du yin snyam pa'i rnam par rtog pa de gcad pa'i phyir de skad gsungs pa/ de ma thag kho nar phyag na rdo rjes gsol ba btab cing zhus pas de nas bya zer te/ slob dpon sgeg pa'i grub mtha' gleng gzhi dang 'di skad bdag gis thos pa'i dus gcig na zhes pa la sogs pa tshig gi phrad med pa'i de nas zhes pa'i tshig gcig klad du byung ba'i rgyud 'di rang rkya'i rgyud ma yin te/rgyud gzhan dang 'brel pa'i rgyud gcig yin par bzhed de/ dper na rdo rje rtse mo nas gzhan dang 'brel pa'i bshad rgyud yin pas/ de nas rgyal po rdo rje 'dzin//zhes klad nas 'byung ba dang / dpal sgyu ma chen mo rtsa rgyud stong phrag bcu gnyis pa dang 'brel pas de nas mkha' 'gro ma rnams zhes bya ba la sogs pa gsungs pa lta bu'o/ /de yang de nas zhes pa 'di phyag na rdo rje'i bla dwags kyi tshig yin te/ phyag na rdo rje rgyud 'di'i sdud pa po yin pa'i phyir ro//'o na sdud pa po yin pas de nas bya ba 'di sdud pa po'i tshig yin par cis shes she na/ bka' stsal ston pa'i tshig zhus pa 'khor gyi tshig mtshams sbyor sdud pa po'i tshig yin pa'i phyir rtsa ba'i rgyud sgyu 'phrul dra ba sh+lo ka phrag drug stong par bcom ldan 'das kyis rdo rje'i mgur bzhes pa ste/saM skr-i ta'i skad du ma bzhes par rdo rje'i tshig tu bsgyur bas de dbang po rtul po'i 'khor rnams kyis ma go nas dbang po rtul ba'i 'khor nye bar bzung ba'i phyir de ma thag kho nar bya ba gzhan gyis bar mchod par phyag na rdo rje'i 'khor ram grogs lnga brgya dang lhan cig /glur blangs gang lags bshad du gsol/ /zhes gsol ba btab pa'i don to/ /a tha zhes pa de ma thag pa la bya'o/ /lnga brgya dang lhan cig tu ste/ de ltar yang phyag na rdo rje dbang bskur ba'i rgyud las phyag na rdo rje'i rjes su slob pa'i grogs lnga brgya dang lhan cig tu mnos zhes 'byung ba des ni grogs kyi grangs kyi nges pa'o//lnga brgya po de rnams kyi mtshan ci yin zhe na/ kun kyang lag na rdo rje zhes pa sha stag go/ /mtha' yas zhes pa lnga brgya po de/ re re la yang 'khor lnga brgya lnga brgya/yang 'khor de re re la yang / sum 'khor lnga brgya lnga brgya mnga' ba'am/ yang na lnga brgya po de rnams zab mo stong pa nyid rtogs pas/ yon tan mtha' yas pa ste mtshan gyi nges pa'o/ /dpa' bo ni gzhan gyis mi thub pa gdul dka' ni lha chen gsum la sogs pa sdug bsngal gyis 'dul dgos pa'i phyir ro//'dul ba ni phan 'dogs pa'i tshul dang / tshar gcod pa'i tshul gnyis pa ste/ gong gi bas 'di khyab che ste phrin las kyi khyad par ro/ /'jigs su rung ba ni khro bo'i lus te/ khro bo'i lus kyi gzugs ldan pa//zhes pas 'og nas kyang rgyas par 'chad de gzugs kyi khyad par ro/ /rdo rje ni phyag mtshan rtse mo ni steng gi cha rab ni rtse mo'i cha las phra mo 'phros shing nam mkha' thams cad du tam tam byung ba'o/ /phyag na rdo rjes rang gi gdan las bzhengs nas gsol ba 'debs pa'i dus su de'i rjes su slob pa'i grogs lnga brgya po de rnams kyis rang gi stan gang yin pa las langs te/phyag g.yas pas rdo rje rnams yang dang yang du bsgyur zhing gsor te rdo rje'i theg pas sems can rnams 'khor ba las 'don pa la mnga' brnyes pa'i don to//phyag mtshan gyi khyad par ro/ /shes rab ni stong pa nyid de mtha' thams cad dang bral ba zab pa'i don dam/ snying rje ni thabs thugs rje chen po ste rgya che ba de gnyis kyis 'gro ba'i don byed de/ 'gro ba zhe sdang can rnams la snod ma yin pa ma yin te/rdo rje rigs kyi dkyil 'khor du 'jug pa nas de bzhin dug lnga cha mnyam pa rnams rigs bsdus kyi dkyil 'khor du 'jug pa'i bar du don byed pa ni 'gro don byed pa'i nang na mchog tu gyur pa'o/ /dga' ba ni gdul bya zhe sdang can de dang bdag 'tsham pas gdul bya de la dga' la/'gro ba ni rang zhe sdang can gdul ba'i gnyen po khro bo'i lus la dga' ba'o/ /spro ba ni gdul bya de 'dul ba la spro/ khro bo'i lus kyi chas 'jigs su rung ba'i chas bshad de/ 'jigs byed chen po dang drag tu dgod dbu phyag zhabs du ma spyan mi sdug pa la sogs pa'o//sangs rgyas phrin las zhes pa longs sku dang sprul sku'i phrin las te/ longs sku ni gnas dang dus dang 'khor rnams lhan cig tu chos bstan pa las gzhan gyi phrin las mdzad la/ sprul skus ni mi bstan pa nas mdzad de/de gnyis bstan pa la bar du gcod pa'am gdug pa can 'dul bas phyag na rdo rje rnams ni mgon te/ bcom ldan 'das la lus btud nas grogs de rnams dang lhan cig tu/ glur blangs gang lags bshad du gsol/ /zhes gsol ba btab pa dang 'brel te des grogs rnams kyi the tshom chod do//de bzhin gshegs pa zhes pa ni ta thA ga ta'i sgras 'gro ba dang / rtogs pa dang / gsung ba la rab tu 'jug ste/ ji srid du spang bya yod kyi bar du sa dang lam gong nas gong du 'gro ba ni spangs pa phun sum tshogs pa'o/ / spang bya spangs nas ji lta ba dang ji snyed pa'i shes bya thams cad shes pa ni rtogs pa phun sum tshogs pa ste de gnyis bdag gi don to/ /rtogs pa'i don gzhan la ston pa ni gzhan don phun sum tshogs pa'o/ /bcom ldan 'das zhes pa ni b+ha ga bAn te/ bdud bzhi bcom pa'am yang na phun sum tshogs pa'i yon tan dang ldan pa de la de skad ces bya'o//rdzogs pa ni bdag gzhan gyi don thams cad ma lus par rdzogs pa de lta bu'i sangs rgyas de la phyag na rdo rje de rnams kyis gsol ba 'debs pa de thams cad kyang rdo rje gsor zhing bsgyur bzhin pa dang bcas pa des btsan thabs sam mi dga' bzhin du gsol ba 'debs snyam pa la phyag lan gsum btsal bskor ba lan gsum byas nas/thams cad kyang thal mo sbyar zhing sor rtse la rdo rje sib be thogs nas gus pa'i tshul gyis mdun phyogs su spyan sngar pus mo g.yas pa sa la btsugs te 'dug par gyur te 'og nas 'byung ba'i tshig 'di skad do//des ni zhu tshul gyi the tshom chod do/ /gang gi ched du zhus snyam pa la gsungs pa/ khyab bdag ni brtan g.yo thams cad la khyab pa ste kye khyab bdag ces sangs rgyas la bod pa'o//phyag na rdo rje la phan gdags mi dgos rdo rje ni stong pa nyid de zab pa'i don dam mo/ /dpal ni dkyil 'khor bdun gyi lha la bya ste kun rdzob tu rgya che ba des legs pa'i yon tan ster la de gang dang ldan pa ni phyag na rdo rje'o/ /yang rdo rje ni dbyer mi phyed pa'i ston pa dang 'khor dang sdud pa tha mi dad pa'i don to//de ltar yang dgyes pa'i rdo rje las/ nga nyid ston pa nga nyid chos/ /zhes pa la sogs pa lta bu'o/ /'chang ba ni skye med don rtogs pa'i rtags su phyag mtshan rdo rje 'chang ba'o/ /rang gi mtshan nyid dam ngo bo de lta bu dang ldan pa'i phyag na rdo rje des gsol ba btab pa de bshad du gsol zhes pa dang 'brel to//gdul dka' zhes pa sems can sangs rgyas kyi bstan pa la 'dzud pa ni phan 'dogs pa'i tshul gyis 'dzud pa dang tshar gcod pa'i tshul gyis 'dzud pa las/ 'dir tshar gcod pa'i tshul gyis 'dzud pa ste chen po gsum la sogs pa zhi bas mi 'dul ba gang yin pa de btsan thabs sam mi dga' ba'i tshogs 'dul ba ste/de yang dpal khams gsum rnam par rgyal ba las khyab 'jug 'dul ba'i phyir lcags kyu can gyis snying ga nas bzung nas 'ongs pas khos lcags kyu bcag nas shor bas/lcags kyu la sogs bcag nas ni/ /bdag cag rnams kyis kho shor na/ /rig pa'i rgyal po ji ltar bgyi/ /zhes pa nas dril bus myos su bcug nas brgyal ba las/ 'og gi phyogs thal bas khebs pa'i 'jig rten du skyes te sangs rgya'o zhes lung bstan/dbu la zla ba tshes gcig pa'i dbu rgyan bskor ba lta bu ste drag shul gyis 'dul ba'o/ /gdul bya rnams kyi mchog tu gyur pa ni phyag na rdo rje ste phrin las kyi khyad par de lta bu dang ldan pas bshad du gsol zhes gsol ba btab pa dang 'brel to//dpa' bo ni gzhan gyis mi thub pa 'jig rten gsum ni sa bla sa 'og sa steng na tsa muN+DI'i ming po rgyal bar byed pa dang / sbrang rtsir byed pa dang / don grub pa gsum las phyag na rdo rje rgyal ba ste phrin las kyi khyad par ro/ /rdo rje dbang phyug ni rdo rje'i theg pa la mnga' brnyes pa'am rdo rje'i rigs las mnga' brnyes pa'o//gsang ba'i rgyal ni nyon mongs pa lnga mtshams med kyi las la sogs pa gsang ba'i 'os yin pa de las rgyal ba'am/ yang na rdo rje'i rigs la sogs pa'i thun mong ma yin pa'i dam tshig zhe sdang can bsgral ba dang /ser sna can gyi nor ma byin par blangs la dkon mchog dang bla ma mchod pa la sogs pa lta bu gsang ba'i ma mo yin la de las rgyal bas gsang ba'i rgyal te/ de lta bu'i mtshan can gyi gsol ba btab pa dang sbyar ro/ /pad+ma dkar po kha bye ba dang 'dra ba'i spyan mnga' ba/rgyas pa ni shin tu kha bye ba ste mu kha zhes pa'i sgra kha dang sgo dang gdong pa la 'jug ste/ 'dir ni gdong gi zhal dang / pad+ma rgyas pa lta bu can te skye mched kyi khyad par de lta bu dang ldan te gsol ba btab pa dang sbyar te/ rang gi lag gis rdo rje de yang dang yang du gsor ba ni rdo rje theg pas sems can rnams sgrol ba'i brda'am/yang na 'khor der mi ma yin pa mang po bar du gcod pa'i phyir 'dus pas rang gi pad+ma dang zla ba'i gdan gang yin pa las bzhengs nas bzhin khro ba dang bcas pas mche ba gtsigs gtsigs mdzad cing rdo rje yang dang yang du gsor bas mi ma yin pa bar du gcod pa'i phyir lhags pa rnams kyi bsam pa la gshis ngan 'dis rdo rje brdeg gam snyam du sems te/gdug pa can spa bkong ba'i phyir ro/ /phyag mtshan gyi khyad par de lta bu dang ldan pa bshad du gsol zhes gsol ba btab pa dang 'brel to//des ni gsol ba 'debs mkhan ngo shes so/ /khro gnyer zhes pa khro gnyer gyi rlabs g.yo ba'i rgyan dang ldan pa zhal gdangs pa mche ba gtsigs pa ste/ de lta bu'i grogs po la sogs pa phyis kyi rnal 'byor pa mtshan nyid kyi sgom chen rnal 'byor pa rnams la bdag ces bya ste/tshe 'di la sman pa dang phyi ma'i don dang thugs brtse ste 'di dang phyi ma gnyis ka'i don to/ /sgyu 'phrul dra ba zhes pa ni rgyu lam 'bras bu sbyar te/ de yang 'dir rgyu sgyu 'phrul dra ba lam 'bras bu sgyu 'phrul dra ba gsum ste/ de yang rgyu ni gnyis med kyi shes pa nyid sna tshogs su snang bas sgyu 'phrul lo//de tsham na glo bur dri mas bsgribs kyang skye med stong pa nyid kyi rgya dang ma bral zhing de dang 'brel pas dra ba lam ni 'ching ba phyogs dang bral/ phyogs 'ga' dang ma bral ba lha lnga bcu rtsa gsum gyi dkyil 'khor mdun du snang yang rang bzhin stong pa'i rgya dang ma bral bas sgyu 'phrul dra ba zhe'o//'bras bu ni sku lnga ye shes lnga chos nyid byang chub sems su ro gcig pa'i bdag nyid dang rigs lnga sangs rgyas lnga la sogs par snang tsam na stong pa'i rgya dang ma bral bas sgyu 'phrul dra ba zhe'o/ /de la 'dir ni dra ba zhes pa lam des 'bras bu mngon par rdzogs pa'i byang chub de ci nas kyang bdag gis thob par mdzod cig ces pa ste bdag don no//nyon mongs pa ni 'dod chags dang / nga rgyal dang / khong khro ma rig pa lta ba the tshom ste rtsa ba'i nyon mongs pa drug gis sems gnyug ma ma bcos pa de dkrugs rnyog rdzogs nas mi shes pa de ma rig pa'i 'dam du bying nas/de las 'thon pa dka' ba de lta bu'i 'khor ba'i sems can la phan pa ste gnas skabs kyi 'bras bu/ bla med 'bras bu ni mthar thug ste/ de thob par bya ba'i phyir bshad du gsol zhes gsol ba btab pa dang 'brel te/des ni gang gi ched du zhus pa'i the tshom sel to/ /zhus pa dang gang la zhus snyam pa la gsungs pa/ rdzogs pa'i sangs rgyas bcom ldan 'das/ /zhes pa rigs ni de bzhin gshegs pa'i rigs/ sangs rgyas ni rnam par snang mdzad ye shes ni chos kyi dbyings/de bzhin du 'gro ba'i bla ma ni rin chen rigs 'byung ldan mnyam nyid ye shes/ ston pa ni rdo rje rigs mi bskyod/ me long lta bu dam tshig chen po ni byang sems rdo rje sems dpar ro gcig par gyur pa de nyid mkhyen pa ni snang ba mtha' yas so sor rtog pa/dbang po bsam pa mkhyen pa ni las kyi rigs bya ba grub pa/ mchog ni rigs lnga byang sems rdo rje rigs dang drug tu ro gcig pa'am/ de bzhin du ye shes lnga/ chos nyid byang chub sems dang drug tu ro gcig pa'am/ bde gshegs lnga/ rdo rje sems dpa' dang drug tu ro gcig tu gyur pa ni mchog gi ston pa zhes bya'o/ /de la rnam snang la ci'i phyir rdzogs pa'i sangs rgyas zhes bya zhe na/ bdag gzhan don thams cad rdzogs pa'i bdag nyid du gnas pas so/ /'o na rigs gzhan dag gzhan gyi don ma rdzogs sam zhe na/rigs gzhan la yang ma rdzogs pa med kyi/ 'on kyang 'di ni yon tan phyogs re la dgongs so/ /de bzhin du rgol tshig rnams khong nas dbyung ngo / /de la 'gro ba ni sku gsung thugs so/ /bla ma ni yon tan de de'i bdag nyid rin chen 'byung ldan la gnas pas de skad bya'o//ston pa zhes pa ni mi bskyod pas rang gi de nyid gzhan la ston pa ste/ gtsug dgu nas kyang rang gi ngo bo de nyid ston par mdzad pa rdo rje gtsug tor zhes 'byung ba lta bu'o/ /dam tshig ni byang sems rdo rje ste stong pa'i don las mi 'da' la de nyid kyi ye shes lnga'am thams cad la khyab pa chen po ste/des na de la de skad ces bya'o/ /de nyid mkhyen ces pa ni chos can so so la chos nyid so sor mkhyen pas sam/ yang na gong ma'i ston pa nyid kyi dam tshig de nyid mkhyen pas de la de skad ces bya'o/ /gang zag gdul bya'i dbang po rab 'bring tha ma thams cad bya ba grub pa'i ye shes kyis mkhyen pas don grub pa de la de skad ces bya'o//de lta bu'i ro gcig pa mchog gi ston pa de la bshad du gsol zhes gsol ba btab pa ste des ni gang la zhus pa'i the tshom chod pa'o/ /don gyi ngo bo gang zhus snyam pa la/ 'jam dpal ye shes sems dpa' yi/ /mtshan ni yang dag brjod pa'i mchog /ces pa la sogs pa 'og nas 'byung ste/ de la 'jam dpal ci la bya/ ye shes sems dpa' ci la bya/ mtshan brjod pa ci la bya zhe na/ de la 'jam dpal ni ci la bya ba bya ba ste grub mtha'i sgo nas ci la bya zer ram/dngos po gnas thabs kyi 'jam dpal ci la bya zer/ de la grub mtha'i 'jam dpal ci la bya zer na nyan thos ma hA yo ga ste rnal 'byor chen po'i bar du mi mthun te/ nyan thos kyi grub mtha'i 'jam dpal ni so so'i skye bo rang rgyud pa 'phags pa'i rigs can khye'u lo brgyad pa'am bcu drug pa lta bur 'dod/theg pa thun mong gi grub mtha' sa bcu'i byang chub sems dpa' slob pa'i lam gyis bsdus pa rang rgyud gcig par 'dod/ theg pa chen po thun mong ma yin pa'i gzhung gis bskal pa dpag tu med pa'i gong du sangs rgyas pa mi slob pa'i sas bsdus pa gcig tshogs pa'i phyir rang don du sa bcu'i byang chub sems dpa'i cha bzung ba cig yin par 'dod/kr-i ya las rigs gsum las rgyu rigs kyi cha bzung ba'i 'jam dpal du 'dod do/ /yo gas ri rab kyi steng du sangs rgyas rgyal mchog sprul pa'i dus su nub phyogs kyi sems dpa' gnyis pa rdo rje rnon po zhes bya ba de la 'jam dpal du 'dod do//rnal 'byor chen pos chos sku'i bdag nyid la 'jam dpal du 'dod do/ /de la kun du bzang po zhes kyang bya'o/ /dpal bde ba chen po zhes kyang bya ba de las 'dir ni dngos po gnas lugs kyi 'jam dpal de ston te/de ci la bya zhes dris pa'i don des ni ye shes rnam pa lnga chos nyid byang chub sems dang drug ro gcig par gyur te/ de yang gong du/ bcom ldan 'das kyi ye shes sku/ /zhes pa me long lta pu'i ye shes gtsug tor chen po ni mnyam pa nyid/tshig gi bdag ni so sor rtog pa'i ye shes sku bya ba grub pa rang 'byung chos kyi dbyings te de rnams ro gcig pa'i rang bzhin ni 'jam dpal gyi rang gi ngo bo'o/ /de la me long lta bu'i ye shes la ci'i phyir ye shes kyi sku zhes bya zhe na/sku ni rten byed pa ste ye shes des ye shes lnga'i rten byed pas de skad ces bya'o/ /yang na me long lta bu ni gsal ba ste/ sangs rgyas kyi sku'i gzugs brnyan 'char ba'i rten byed pas de skad ces bya'o/ /de bzhin du rgol tshig sbyar/ gtsug tor chen po ni de bzhin gshegs pa'i gtsug tor te rin chen 'byung ldan rigs lnga'i dbu rgyan du byung bas de skad bya'o/ /tshig gi bdag ni so sor kun rtog gi gzugs nas rnam pa thams cad mkhyen pa nyid kyi bar du chos can so so la chos nyid so sor mkhyen pas de brjod pa'i tshig 'byung bas de'i bdag go//yang na so sor kun rtog la shes bya ji snyed pa snang ste rtogs pas de brjod pa 'byung / des na so sor rtog pa de la tshig gi bdag ces bya'o/ /ye shes sku ni bya ba grub pa des gzhan don byed pas sku'i las yin pas ye shes zhes bya'o//rang 'byung ni chos kyi dbyings su sangs rgyas tsam na nyon mongs 'khor ba'i chos thams cad bsnyil zhing bor te 'bras bu rang 'byung bas de la de skad ces bya'o/ /des ni 'jam dpal ngo shes so/ /de la ye shes sems dpa' ci la bya zhe na/ don dam du de bzhin gshegs pa thams cad kyi thugs skye ba med pa'i ye shes kyi bdag nyid dam ngo bo la bya na kun rdzob tu dkyil 'khor bdun gyi gtso bo'i thugs ka nas ye shes sems dpa' bdun a ra pa tsa la sogs pa'i mtshan can sku mdog dang phyag mtshan gyis bsdus pa'i gzugs su bzhugs so//gnas kyang don dang gnas kyi sgo nas de nyid do/ /mtshan ci la bya na rang gi ngo bo ni mtshan nyid med de/ kun rdzob sna tshogs su shar rgya che ba btsal na de nyid cir yang mi rnyed zab pa'i don dam de gnyis su med pa ni gnyis med gcig pa zhes bya ste rang gi ngo bo de la dbye na zab pa dang rgya che ba ste/mdor bsdus pa dang rgyas par dbye na rigs bsdus pa la mtshan brgya brgyad cu rtsa drug la sogs pa'o/ /don zab don ni rgya che zhing / /zhes 'og nas 'byung ba'o/ /de gnyis la ci'i phyir zab pa dang rgya che zhe na/ sgra 'jug pa'i rgyu mtshan ni don chen mtshungs med ces te stong nyid de dang 'dra ba'am mtshungs pa med pa'i phyir zab/de nyid kun rdzob tu dkyil 'khor bdun gyi lhar snang zhing dkyil 'khor bdun gyi gti mug can la sogs pa'i don byed cing de dang de'i dkyil 'khor du 'jug pas don chen byed de de'i phyir rgya che'o//mtshan gyi las ni rab zhi zhes pa ste/ rgya che ba'i mtshan gyis sems can gyi nyon mongs ba zhi bar byed la zab pas shes bya zhi bar byed/ mchog ci la bya zhe na/ 'og nas thog ma bar dang zhes pa ste/ thog mar thos pas spro/ bar du bsams pas dga'/ tha mar bsgoms pas shin tu sbyangs pa thob/ des na mchog go/ /yang dag brjod pa ci la zer zhe na/ 'das pa la sogs pa 'og nas 'byung ste mar me mdzad la sogs pas gsungs/ byams pa la sogs pa gsung par 'gyur/ da ltar shAkya thub gsung de ltar rtag tu rgyun mi 'chad de/bde ba can dang pad+ma can gyi sangs rgyas rnams 'don pa gcig btang snyoms pa'i rtog pa med pa de rang bzhin gyis zab mo'i don brjod/ man ngag tu rdo rje 'chang rnams rdo rje'i mgur du rtag tu bzhes so/ /gsung ngo snyam pa'i rtog pa mi mnga' yang chos kyi dbyings rtag tu rang sgra thal le 'byung ngo //des na yang dag par brjod pa'o/ /rgyud chen zhes pa 'jam dpal rtsa ba'i rgyud sgyu 'phrul dra ba sh+lo ka drug stong bar/ rdo rje 'chang chen po gsang sngags kyi don gyi rtogs pa 'chang ba dpag tu med pa rnams kyi rtogs pa'i don la dga' bzhin du rdo rje'i glu blangs pa'i don gang lags pa bshad du gsol zhes gsol ba btab pa'i don to//mgon po zhes pa ni dus gsum gyi sangs rgyas 'gro ba'i mgon du gyur pa bskal bzang gi sangs rgyas stong du gnyis kyis ma tshang ba kun gyi ste/ rgyal po yul 'khor skyong gi bu stong las che dag phyag na rdo rje'o/ /chung dag kun dga' bo de gnyis kyi theg pa che chung gi sdud mkhan byed de/ kun dga' bo'i sprul pa tshangs pa yin te des theg pa chung ngu sdud/ phyag na rdo rje ni theg pa chen po nas nyan thos yan chad la gsang ba de 'dzin pa'i bdag por ci nas kyang gyur pa'i phyir sems can rnams mya ngan las 'das pa la nges par 'byung ba'am/bdag nges par 'byung gi bar du bdag gis chud mi gsan par blo gya gyu med pa'i blo brtan pos gzung gis zhes khas blangs pa'i phyir ro//gzhan don du yang mtshan rgya che ba'i sgo nas nyon mongs pa'i sgrib pa bsal ba dang mtshan zab pa'i sgo nas mi shes pa ste/ shes bya'i sgrib pa ma lus bar spangs pa'i phyir bsam pa'i khyad par dang sbyar nas/ ji ltar 'tsham pa bzhin du sems can rnams la bshad par 'tshal lo zhes gnod sbyin gsang ba'i bdag po lag na rdo rjes grogs dang bcas pas bcom ldan 'das la de skad ces gsol nas/lus btud thal mo sbyar te gus pa'i tshul gyis mdun na gnas par gyur to/ /de ni zhus pa'i rim pa rnam par phye ba ste le'u dang po rdzogs so// //de nas zhes pa snga ma bzhin du phyag na rdo rje'i tshig yin te/ 'di'i sdud pa po ni phyag na rdo rje yin pa'i phyir ro/ /'o na sdug pa po'i tshig yin pas don med dam snyam pa las don med pa ma yin te/ gsol ba btab pa'i rjes de ma thag kho nar bcom ldan 'das kyis gsang dbang la slar gsungs pa dang 'brel to//bcom ldan 'das dang rdzogs pa'i sangs rgyas kyi don ni bshad zin to/ /shAkya thub ces pa rgyal po shAkya'i rigs kyi kha thub pa'am lus ngag yid gsum gyi sgo thub pas de skad ces bya'o/ / rkang gnyis zhes pa lha dang mi de gnyis kyi nang na mchog /de lta bu'i mchog ston pa des/ gsang dbang la ni slar gsungs so/ /zhes pa dang 'brel to/ /des ni gsung mkhan ngo shes so/ /skabs kha cig tu ni gzhan gyi lce byin gyis brlabs nas chos bshad du bcug pa yang yod pa las 'dir ni bcom ldan 'das nyid kyi zhal nas slar gsungs so zhe'o//ljags bzang ba ni chos kyi 'khor lo gsum la sogs pa dam pa'i chos thams cad kyi 'byung ba'i gnas ni bcom ldan 'das kyi ljags te/ de yin pas de la ni ljags bzang po zhes bya'o//ring zhing zhes pa ni/ kha cig ni ljags ring zhing srab pas zhal gyi bzhin g.yogs nas zhes 'dod de/ 'dir ni ring zhing rgya che bar yangs pa spros shing brkyang nas 'gro ba rnams sems bskyed pa la sogs pa'i don mdzad do/ /sa bla sa steng sa 'og gsum gyi 'jig rten snang bar byed cing nyon mongs dang /phung po dang / 'chi bdag dang / lha'i bu'i bdud bar du gcod par byed pa'i dgra rnams btul sems can log pa'i sdug bsngal sbyang ba la sogs pa dang ngan song gsum gyi sdug bsngal thams cad sbyong ba'i phyir gsol ba btab pa'i rjes de la chos bshad pas 'od zer dang bcas pa'i 'dzum pa mdzad de/de yang chos gsung ba'i snga rtags ni 'od zer bkye ba dang / ljags rkyong ba dang / 'dzum pa mdzad pa dang / ting nge 'dzin la snyoms par zhugs pa dang / de lta bu rnam pa mang du yod pa las 'di yang snga rtags su bstan pa ste/'dis ni gsung tshul go ba'o/ /tshangs pa'i gsung zhes pa bcom ldan 'das nyon mongs pa'am/ shes bya'i sgrib pa spangs pas de skad bya ba'am yang na lha tshangs pa'i gsung ni snyan la spro ba nyams dga' ba yin la de ni 'jig rten gsum du thos pas gsung che ba yang yin no//gsung gcig la don du ma byung bas gsung de yon tan che ba yang yin te/ de bzhin du bcom ldan 'das kyi gsung yang snyan cing nyams su bde ba 'jig rten gsum dang drug na bzhugs pa lha'i bu'i gsung 'byung ba thams cad kyis thos pas gsung che ba yang yin/gsung gis don du ma nus pas gsung de ni yon tan che ba yang yin/ dper na mdo sde sbrid sangs rgyas kyi lo rgyus bzhin te bcom ldan 'das kyis nad pa cig gi sgo phug tu had phri zhes pa'i sbrid pa gcig mdzad/ nad pas/ rin chen srog dang ma bral na/ /sgyu ma'i nor ni btsal kyang rnyed/ /zer bar go/ /nad pa'i byan mos/ phyi ma gar 'gro cha med kyis/ /snga ma de la nan tan bskyed/ /bya bar go / sman pas/ nor gyi sdong po snying rje yin/ /snying rje ba dang ma bral mdzod//zer bar go ba lta bu'o/ /des ni tshig gi khyad par go'o/ /lag na rdo rje ni gong du bshad do/ /stobs ni sangs rgyas thams cad kyi mthu stobs gcig tu bsdus pa'i bdag nyid gnod sbyin gsang ba'i dbang phyug de la slar sangs rgyas kyi tshig 'og ma 'di rnams gsungs te/ 'dis ni gsung go ba'o/ /gsung rgyu don gyi ngo bo gang gsungs snyam pa la 'jam dpal ye shes kyi rgyu dang 'brel zhing mtshan nas brjod pas don che ba gcig khyod la legs par bstan par bya'o/ /khyod snod skyon med pa'i sgo nas sems rtse gcig pas nyon cig ces rna ba gtad par bskul ba ste/snying rje zhes pa thabs thugs rje chen po dang ldan pas 'gro ba rnams la phan pa'i don du khyod la 'dri ba ste/ kye dpal ldan rdo rje 'chang khyod legs so/ /kye lag na rdo rje 'chang khyod legs so zhes legs pa gnyis byin te/ de la legs pa gong ma ni gzhan don gyi legs pa 'og ma rang don no//de yang ci'i phyir legs na/ ye shes lus can 'jam dpal gyi/ /zhes 'jam dpal ye shes sems dpa'i sku dang 'brel pa yin/ mtshan brjod pa ni nga la nyan par brtson pa ni khyod legs so/ /gsang ba'i bdag po legs pa'i gtan tshigs de'i phyir khyod la ngas legs par phye ste bstan par bya'o//khyod snod zhabs rdol dang / kha sbub dang mi gtsang ba'i skyon de gsum med par gyis la sems rtse gcig gis ma yengs par nyon cig ce'o/ /'o na bstan rgyu chos gang zhe na/don che ba zhes pa ste/ ci'i phyir don che zhe na/ dag par byed cing sdig sel ba ste/ nyon mongs pa'i sgrib pa ni lha'i dkyil 'khor du bsgoms pas rgya che ba'i sgo nas dag par byed la/ shes bya'i sgrib pa ni zab pas sel to/ /yang na ye shes phun sum tshogs pas nyon mongs pa'i sdig pa sel to//bcom ldan 'das zhes pa ni bos pa ste/ de ltar ston pa ni legs so/ /de ltar bgyi lags so zhes khas blangs pa'o/ /slar gsung ba'i le'u ste gnyis pa rdzogs so// //de nas zhes pa de ma thag pa ste/ slar gsungs pa'i rjes de ma thag kho nar bya ba gzhan gyis bar ma chod par rigs drug la gzigs shing bzhugs so zhe'o//de yang gang gis gzigs pa la bcom ldan 'das rkang gnyis kyi mchog tu gyur pa lha dang mi'i ston pa shAkya thub pas gzigs so/ /de la rigs drug po gang snyam pa la slob dpon sgeg pa'i rdo rje'i 'grel pa'am man ngag gi dbang du byas te ming 'dogs na rigs bsdus dang /las kyi rigs dang / de bzhin gshegs pa'i rigs dang / pad+ma'i rigs dang / rdo rje'i rigs dang / byang sems rdo rje'i rigs dang rin po che'i rigs dang drug go//mdo'i rang gzhung gis/ gsang sngags rigs chen thams cad dang / /gsang sngags rig sngags 'chang ba'i rigs/ /rigs gsum gyi sngags dang / 'jig rten gzigs pa'i rigs dang / 'jig rten snang byed kyi rigs dang / phyag rgya chen po'i rigs mchog gi dang / rigs chen gtsug tor gyis gzigs te gong ma rnams la rim pa bzhin ming gdags so/ /de la rigs bsdus pa ci'i phyir gsang sngags rigs chen bya zhe na/ gsang sngags zhes pa ni man+t+ra zhes pa'i sgra man+t+ra ni yan+t+ra tra sa na skyob pa ste nyon mongs pa can gyi yid skyob pa'am/mAn zhes pa ste shes bya la rigs bsdus pa rnam snang chen po des nyon mongs pa spyir skyob pas gsang sngags kyi rigs so/ /chen po ni thams cad kyis bsgrubs te/ rigs thams cad bsdus pas na chen po'o/ /de la cher gzigs nas/tshig gi bdag pos tshigs su bcad de/ rigs bsdus kyi mtshan 'di ltar sangs rgyas la sogs pa brgyad cu rtsa drug gi tshigs bcad bcu bzhi pa la 'og nas gsungs so zhes bya bar 'brel to/ /gsang sngags rig sngags 'chang ba'i rigs/ /zhes pa ci'i phyir las kyi rigs la de skad bya zhe na/las kyi rigs khyad par du byas pa ste/ bya ba grub pa'i ye shes ni khyad par gzhan don byed pas de la yid skyob ces bya'o/ /'o na ye shes gzhan gyis gzhan don mi byed dam zhe na/ byed de yon tan phyogs re 'dogs pa'o/ /rig sngags zhes pa gzungs la bya ste/tshig dang don dang sngags phyag rgya'i gzungs rnams zhes 'dzin pa'am 'chang ba ste/ 'di gzungs kyi rigs so/ /ci'i phyir zhe na/ 'byung bas sam 'dzin pa ste/ don grub gtso bor gyur pa'i tshe 'di'i skyabs sbyin gyi phyag na rgya gram bsnams pa byin 'khor rnams kyang rgya gram bsnams pa ste/de ni de'i rigs 'dzin pa'i 'byung ba yang rgya gram gnyis su gyur pa las des na kun des bskyed pas 'byung bas rigs so/ /rigs de la cher gzigs nas tshigs su bcad de/ sangs rgyas kun gyis rtogs bya ba//zhes pa nas mar tshigs bcad bco lnga 'og nas gsungs so zhe'o/ /des bsgres te rigs dang tshigs bcad kun la sbyar ro/ /rigs gsum zhes pa de bzhin gshegs pa'i rigs la bya ste/ ci'i phyir rigs gsum zhes bya zhe na/ sku gsung thugs gsum 'dus pa'i bdag nyid yin pa'i phyir ro//de la gzigs nas/ sangs rgyas rnam par snang mdzad che/ /zhes pa nas mar tshig rkang gcig ma tshang ba'i tshigs bcad nyi shu rtsa lnga gsungs so/ /'jig rten gzigs pa zhes pa pad+mas khyad par du byas pa'i rigs te/ pad+ma'i rigs la 'jig rten gzigs pa zhes ci'i phyir bya zhe na/ thugs rjes 'jig rten la gzigs/ ye shes kyis 'das pa la gzigs te/ spyan de gnyis kyis rtag tu gzigs pas 'di ni spyan ras gzigs kyi rigs la bya'o/ /rigs ni 'byung ba dang 'dzin pa ste/ de la gzigs nas/ yang dag bdag med ces pa nas mar tshigs bcad zhe gnyis gsungs zhes 'brel to/ /'jig rten snang byed ces pa rdo rje'i rigs me long lta bu'i ye shes la bya ste/ ci'i phyir de skad bya na/ me long lta bu'i ye shes de la chos thams cad kyi gzugs brnyan 'char zhing snang bar byed la/snang yang snang ngo snyam pa'i rtog pa med/ med kyang snang ba rgyun mi 'chad pas de la de skad bya/ rigs ni 'dzin pa dang / 'byung ba chen po ni sku dang gsung la ltos nas chen po ste thugs yin pa'i phyir ro/ /de la gzigs nas rdo rje 'jigs byed nas mar tshig rkang gcig lhag pa'i tshigs bcad bcu gsungs pa dang 'brel to//phyag rgya chen po ni byang sems rdo rje'i rigs la bya ste/ ci'i phyir de skad bya zhe na/ phyag rgya ni 'debs pa ste/ byang chub kyi sems stong pa'i rang bzhin des gzugs dang tshor ba la sogs pa dang rnam pa thams cad mkhyen pa nyid kyi bar 'das pa la rgyas btab ste/thams cad kyang rang gi ngo bo nyid kyis stong pa'i phyir ro/ /chen po ni khyab byed ces pa ste des ma khyab pa med do/ /rigs ni byang sems rdo rje de gtso bor gyur pa'i tshe rigs bsdus kyi lha rnams de'i thugs ka nas sprul pa 'byung ba'i don gyi'am de'i cha 'dzin pas so//mchog ni byang sems stong pa dang skye med kyi ngo bo yin pas so/ /de la gzigs nas rigs bsdus kyi mtshan tsho yang gsungs so zhes 'brel to/ /rigs chen zhes pa 'di'i rigs ni rin chen rigs sangs rgyas ni rin chen 'byung ba/ye shes ni mnyam pa nyid de/ de ci'i phyir rin chen gtsug tor zhes bya zhe na/ 'di ni yon tan gyi rigs kyis khyad par du byas pas rigs chen no/ /'di nyid rin po che'i gtsug tor gyi dbu rgyan du thams cad kyi dbu la byung bas gtsug tor chen po'i rigs zhes kyang bya'o//yang na rigs ni rin chen 'byung ldan gtso bor gyur pa'i tshe 'khor gyi lha lnga bcu rtsa gnyis rin po cher gyur pa las byung bas na rigs so/ /phyag mtshan yang de nyi tshe 'dzin pas de nyid kyi rigs so/ /de la sangs rgyas shAkya thub kyis cher gzigs nas/tshig gi bdag po des tshigs su bcad de rin chen rigs kyi mtshan/ /'dod pa'i don grub dam pa ste/ /zhes pa nas mar tshig rkang gcig ma tshang ba'i tshigs bcad nyi shu rtsa bzhi gsungs so zhes bya bar 'brel to/ /gzigs pa'i rim pa rnam par phye ba ste le'u gsum pa rdzogs so// //gong ma'i tshig zhabs kyi nas zhes pa ni tshigs bcad kyi dbang du song ba ste/ de nas zhes bya ste/ gzigs pa'i rim pa'i de ma thag kho nar bya ba gzhan gyis bar ma chod par sgyu 'phrul dra bas mngon par rdzogs par byang chub pa man ngag gi rim pa 'di tshig gi bdag po ni so sor yang dag par rig pas bcom ldan 'das shAkya thub pas tsheg bar bdun par tshigs su bcad de gsungs zhes pa dang 'brel to//gsang sngags rgyal po badzra tIk+Sh+Na nas a ra pa tsa la sogs kyi bar du ye shes sems dpa'i sngags drug dang A li bcu gnyis gsungs so//de la rgyal po ni ye shes sems dpa' rnams chos kyi sku'i ngo bo yin pas de'i sngags la ni rgyal po zhes bya/ drug ni badzra tIk+Sh+Na nas a ra pa tsa na'i bar du'o/ /gnyis su med par zhes pa gsang ba 'dus pa las/gang zhig dngos med shes rab ste/ /thabs ni dngos po'i bdag nyid do/ /zer bas sngags kyi lugs kyi thabs shes rab gnyis med du 'dod la pha rol phyin pa'i lugs kyi gzung 'dzin gnyis su 'dod de/ gzung ba'i rang bzhin tsam la rang bzhin ngo bo nyid kyis stong ste/de ltar gzung ba stong par rtogs pas gzung ba ldog la gzung ba log pas 'dzin pa rang bzhin gyis ldog go/ /'dir yang gnyis med pas shes la rang rig rang stong pa nyid rang 'byung ngo zhes so/ /de gang la rang zhes bya ci rig na rang gi rang bzhin skye med du rig pas mi skye chos can 'di gsungs so zhes so//a A zhes pa la sogs pa ni rje btsun 'jam dpal te A li kA li'i gzugs su snang nas kyang sems can gyi don byed/ de la A li bcu drug yod pa las 'dir bcu gnyis su 'byung ba ni sa bcu gnyis mtshon pa'i rtags su byung ba ste/de yang slob dpon kha cig ni sa gnyis las so so skye bo'i mos pa spyod pa'i sas bsdus pa dang / byang chub sems dpa' slob pa'i sas bsdus pa'i sa bcu dang / sangs rgyas kyi sa dang bcu gnyis su 'dod la slob dpon sgeg pa'i rdo rjes bzhed kyis sangs rgyas sa rang la bcu gnyis su bzhed de/kun du 'od kyi sa dang / bdud rtsi'i 'od/ nam mkha'i 'od/ rdo rje'i 'od/ rin po che'i 'od/ pad+ma'i 'od/ las kyi 'od/ dpe med 'od/ dpe ldan 'od/ shes rab 'od/ thams cad mkhyen pa'i 'od/ rnal 'byor ye shes kyi 'od kyi sa dang bcu gnyis so//sa bcu gnyis po A li bcu gnyis po 'dis rim pa bzhin du mtshon to/ /'o na 'di rnams kho nas mtshon pa ci ste zer na/ 'o na du bas me mtshon pa yang ci ste du ba me kho na las byung ba ste de las 'byung ba'i 'brel pa yod do zhe na/ 'di rnams kyang mtshon bya mtshon byed kyi 'brel pa yod do//'o na de ltar shes na du ba yang de ltar ci shes/ tshang bang du khyab bya khyab byed du gtan la phab po zer na/ 'di rnams kyang lung gis gtan la phab ste/ rdo rje snying po'i rgyan gyi rgyud las/ sangs rgyas kyi sa bcu gnyis gsungs te/ kun du 'od kyi sa chen po de ni nyi ma'i dkyil 'khor 'dra/bdud rtsi'i 'od zla ba 'dra/ nam mkha'i 'od nam mkha' 'dra/ rdo rje'i 'od yid dga' byed/ rin chen 'od dbang la gnas/ pad+ma'i 'od rang bzhin dag /las kyi 'od gzhan don byed/ dpe med 'od dpe ni yod ma yin/ dpe ldan kun rdzob tsam du dpe yis 'bigs/ shes rab 'od bla na med/ thams cad mkhyen ji snyed pa/ rnal 'byor ye shes rab tu rdzogs/ so so rang rig go zhe'o/ /'o na rgyud nas gsungs pa rang ci'i phyir zhe na/ me las du ba 'ong ba rang ci'i phyir te/ chos nyid kyis de ltar 'byung ste/de'i rigs pa las med do/ /'o na sa de rnams la de skad ces ci'i phyir bya zhe na/ nyi ma ni thams cad du snang zhing gsal/ de bzhin du thams cad mkhyen pa'i ye shes kyang thams cad du snang zhing gsal ba ste/ rdo rje nyi ma gsal ba che/ /zer ba'i phyir ro/ / de'i phyir kun du 'od de la de skad ces bya'o/ /de bzhin du yang zla ba ni dri ma med pa ste/ dag cing gsal la dri ma med/ /ces 'byung bas thams cad mkhyen pa'i ye shes la nyon mongs pa'i rtog pa'am dri ma med pa ste/ rdo rje zla ba dri med 'od/ /ces 'byung ba'i phyir ro/ /bdud rtsi'i 'od la de skad ces bya'o//yang na nam mkha' ni thams cad du khyab cing rgya ma chad pa de bzhin du thams cad mkhyen pa'i ye shes kyang rgya ma chad de/ nam mkha' stong par go /stong pas sems go /sems kyis rang rig go /des na nam mkha'i 'od ces bya'o//yang na rdo rje ni bsam pa nang gi bstan pas/ rdo rje zhes su bshad pa ste/ /zhes 'byung ste/ thams cad mkhyen pa'i ye shes ni nang gi sems bstan pas de dang dbyer mi phyed pas de la de skad ces bya'o/ /yang na rin po che ni mnyam pa nyid kyi sems nyid rin po che'i dbu rgyan du byung ste/sangs rgyas thams cad la dbang bskur ba'i rang bzhin du gnas pas de la de skad ces bya'o/ /yang na pad+ma ni 'dam nas skyes kyang des ma gos pa bzhin so sor rtog pa'i ye shes de yang 'khor ba'i 'dam gyis ma gos pas de la de skad ces bya'o//yang na las kyi 'od ni bya ba grub pa'i ye shes kyis gzhan don byed pas las kyi 'od ces bya'o/ /dpe med 'od thams cad mkhyen pa'i ye shes de la dpe med de/ gal te dpe yod na 'dra ba'i dpe cig yod dam mi 'dra ba'i dpe cig yod/ mi 'dra na dper mi rung /'dra na phyogs gcig gis 'dra'am phyogs thams cad nas 'dra/ phyogs gcig nas 'dra zer na thams cad kyang dper 'gyur te/ dper na rna ba yod pas bong bu dang ba lang 'dra zer ba bzhin no/ /thams cad kyis 'dra na dper mi 'grub ste don nyid du 'gyur ro//des na thams cad mkhyen pa'i ye shes de la dpe med ces bya'o/ /yang na dpe ldan ni kun rdzob tu chos thams cad sgyu ma lta bu la sogs pa'o/ /shes rab 'od ni thams cad kyi rang dang spyi'i mtshan nyid so sor ma 'dres par shes pa de la de skad bya'o/ thams cad mkhyen pa ni shes bya ji lta bu dang ji snyed pa mkhyen pa'o/ /'o na shes rab dang khyad par ci yod ce na/ yon tan phyogs re la dgongs pa'o/ /rnal 'byor ye shes kyis ni chos thams cad so sor rig cing chos kyi dbyings su rdzogs te/ ci rig na chos thams cad sems su rig sems kyi rang bzhin rig /rang bzhin cir yang ma grub pa ste sa bcu gnyis de la rdzogs so// //de las bcu gnyis po de rnams kyang bsdu na ye shes lngar 'dus/ ye shes lnga yang gnyis med kyi ye shes gcig tu 'dus so/ /spro na yang gnyis med de las ldog pas byas pa'i ye shes lnga de la sa bcu gnyis don gyi ngo bo gcig go//de s+thi to zhes pa nas brtI nAM gyi par gyi sngags 'di la ni slob dpon a shwa ka ri la sogs pa kha cig sku bskyed pa'i rkyen gyi sngags su 'dod de/ 'dir slob dpon sgeg pa'i rdo rje nyid ni sngags min par bzhed de/de yang s+thi to ni brtan pa/ hr-i di thugs/ dz+nyA na ye shes/ mUrti ni spyi gtsug /ra haM ni nga / bud+d+ho ni ra haM gi khyad par/ bud+d+ha ni sangs rgyas/ nAM ni gnas/ t+r+yad+h+wa ni dus gsum/ brtI nAM ni bzhugs pa/ dril bas dus gsum bzhugs pa'i sangs rgyas la nga ni brtan par gnas zhes bya ste/sngags ni min par bzhed do/ /'o na tshul ji ltar gnas sha na/ don dam du sangs rgyas thams cad kyi ngo bo'am rang bzhin du gnas so/ /gal te mi bzhugs na lha la thugs med par thal te thugs med pa ni ma yin no/ /kun rdzob tu ni 'jam dpal sku gsum gyi ngo bor gnas te/de yang longs sku ni dang po'i sangs rgyas zhal lnga pa'i rang bzhin gyi gnas so/ /sprul sku ni cir yang bzhugs te/ gnas brtan rgan po dang gzhon lus gcig la sogs pa sna tshogs so/ /chos sku'i gzugs brnyan ni kun rdzob tu rigs bdun gyi bye brag gis ye shes sems dpa' yang mdun du bzhugs te/oM badzra tIk+Sh+Na zhes pa pad+ma'i rigs kyi sems dpa' snang ba mtha' yas kyi thugs ka na dmar po zhal gcig phyag gnyis g.yas na ral gri g.yon pad+ma rdo rje rnon po zhes bya ba'i mtshan can gyi skus bzhugs so//duHkha ts+tshe da rdo rje'i rigs mi bskyod pa'i thugs ka na sngon po/ phyag mtshan thams cad g.yas ral gri/ g.yon rang rtags zhal gcig pa/ sdug bsngal thams cad nges par gcod pa'i gzugs kyis bzhugs so/ /pradz+nyA ni shes rab ye shes kyi spyi gtsug ces pa'i mtshan no//de bzhin gshegs pa'i rigs kyi dz+nyA na kA ya ni ye shes kyi sku ste las kyi rigs kyi'o/ /wA gI shwa ra ni ngag gi dbang phyug ste rin po che'i rigs so/ /a ra pa tsa na zhes pa'i mtshan can ni byang sems rdo rje'i rigs kyi thugs ka nas dkar po zhal gcig phyag gnyis pa g.yas ral gri/g.yon rdo rje bsnams par bzhugs so/ /ya te na maHgang yin pa de na maHzhes bya ba ste/ 'di gnyis kyi gong ma drug gi zhabs la sbyor/ sngags de rnams dril ba ni rigs bsdus pa'i ye shes sems dpa' zhes bya ba rnam snang chen po'i thugs ka na zhal drug phyag gnyis pa g.yas ral gri/g.yon ut+pa la'i steng du rgyal ba'i yum gyi po ti bsnams nas bzhugs so/ /de rnams dang / sangs rgyas sprul pa'i rgyan dang ldan/ /zhes pa ste/ sprul pa'i skus lus la btab pa'am/yang na de nyid kyis sangs rgyas thams cad brgyan pa'o/ /sgyu 'phrul dra ba mngon par rdzogs par byang chub pa man ngag gi rim pa rnam par phye ba ste le'u bzhi pa rdzogs so// //'di ltar zhes pa'i tshig rkang gnyis spro gzhi ye shes sems dpa'i mtshan brjod pa ste/de yang mtshan gyi rnal 'byor rang don du bsgrub pa gcig gis bsrung ba mdor bsdus pa la sogs pa sngon du song ba gcig gis sum brtsegs bskyed pa'i thugs ka'i yi ge a las rigs bsdus kyi mtshan chos 'di spro ba ste/ de la ye shes sems dpa'i mtshan nyid ci la zer/gnas gang na gnas/ gnas lugs ji ltar gnas/ de'i rgyu ci las byung / mtshan du dang ldan/ de bsgom na ji ltar bsgom zhe na/ mtshan nyid ni don gyi sgo nas sangs rgyas thams cad kyi thugs kyi rang bzhin nam ngo bo la bya la de'i mtshan nyid 'di yin/ rtags kyi sgo nas zhal phyag gi rnam pa can du bzhugs te/ de yang ma ki nas/ 'od bzang ston ka'i zla ba'i 'od/ /ces pa nas/ sangs rgyas sprul pa'i rgyan dang ldan/ /zhes pa'i bar du gsungs pa'i phyir ro/ /gnas ni lha thams cad kyi thugs ka na gnas so/ /lugs kyang don gyi sgo nas don dam du lha thams cad kyi thugs yang dag pa'i ye shes su bzhugs pa rtags kyi sgo nas kun rdzob tu rigs bdun gyi gtso bo'i thugs ka na zhal phyag gi rnam pa can du gnas so//de'i rgyu ni a ste/ de yang don gyi sgo nas don dam gyi ye shes sems dpa' de skye med kyi as bskyed la/rtags kyi ye shes sems dpa' ni kun rdzob kyi a kha dog dang dbyibs can de gyur pa las bskyed do/ /ji ltar bsgom pa ni man ngag las shes par bya'o/ /mtshan du dang ldan zhe na/ sangs rgyas zhes bya/ bcom ldan 'das zhes bya/ rdzogs pa'i sangs rgyas zhes bya/a las byung ba zhes bya ste bzhi dang ldan no/ /de la ci'i phyir mtshan de skad bya zhe na/ 'di ltar zhes pa ni spros pa nye bar mngon sum du ston pa'o/ /sangs rgyas ni mkhyen pa la bya ste shes bya ji lta ba dang ji snyed pa mkhyen pa'o/ /bcom ldan 'das ni bshad zin to//rdzogs pa ni rang bzhin gyi don thams cad do/ /a las byung ba ni don rtogs kyi sgo nas rgyu'o/ /a ni zhes pa'i tshig rkang gnyis kyis spro gzhi yi ge a'i don brjod pa ste/ de la a'i dbye ba dang / sgra 'jug pa'i rgyu mtshan dang / phrin las dang / ngo bo dang / sgom thabs dang /'bru bshad dang drug gis bstan te/ a la dbye na du yod ce na gnyis te/ zab pa'i don dam ni stong pa nyid do/ /kun rdzob rgya che ba'i a ni kha dog dang dbyibs can gyi a'o/ /sgra 'jug pa'i rgyu mtshan ni/ yig 'bru kun gyi mchog ces bya ste/ A li kA li thams cad kyi khong du a zhugs shing srog tu gyur pas a ni mchog go//a'i phrin las ni don chen zhes bya ste/ rgya che ba'i sgo nas sangs rgyas mchod pa dang sems can gyi don byed/ zab pa'i sgo nas rtog pa chung ngus nyan thos kyi byang chub thob/ 'bring gis byang chub sems dpa' thob/ rtog pa che na sangs rgyas thob/ byang chub rnam gsum po de thob pas don chen no/ /ngo bo ni yi ge dam pa yin zhes te/ zab pa don dam gyi a de ni k+Sha ra zhes pa'i sgra 'gyur ba la/ a k+Sha ra zhes pa as bkag pas mi 'gyur ba la 'jug ste/ zab pa don dam gyi a ni ngo bo cing yang mi 'gyur ba'o//des na dam pa zhes bya'o/ /sgom thabs ni man ngag tu shes par bya'o/ /khong nas zhes pa'i tshigs bcad gcig spro rgyu yum bzhi'i mtshan brjod ston te/ de yang mtshan can yum bzhi po de'i so so'i mtshan nyid dang / bskyed pa'i rgyu dang / sku mdog dang / phyag mtshan gyi nges pa dang / yum gyi 'thad pa dang / thabs shes rab kyi 'brel pa dang / gtso 'khor gyi 'thad pa dang / sgom thabs dang bdun gyis bstan te/ de la mtshan nyid ni gnyis te don rtogs so/ /don gyi sgo nas gnyis med kyi ye shes gcig ldog pa'i bye brag gis ye shes bzhir byas/chos can ye shes bzhis bye brag tu byas pa'i stong pa bzhis ye shes bzhi la dgag bya rnam pa bzhis bkag nas rnam par thar pa'i sgo bzhi la yum bzhir 'dod de/ dngos po dang dmigs pa'i sgro 'dogs chod/stong pa'i rnam par thar pa ste de la rdo rje sems ma byas/ gnyis med de mtshan mas stong ste de'i sgro 'dogs chod pas mtshan ma med pa'i rnam par thar pa ste/ rin chen sems ma log pa'i smon pas stong pa de'i sgro 'dogs chod pas smon pa med pa'i rnam par thar pa ste/chos kyi sems ma phyin ci log gi mngon par 'du byed pas stong pa sgro 'dogs de chod pa'i sgo nas las kyi sems ma/ rtags kyi sgo nas kun rdzob tu lha mo'i rnam pa nu ma dang mo mtshan gyi khyad par du byas rang gi bdag pos dbu brgyan pa/ rdo rje la sogs pa'i sbubs na gnas pa/sku mdog dang phyag mtshan kyang phyogs dang mthun pa'o/ /a A aM aH'i sku mdog phyag mtshan ni rim pa bzhin du rdo rje sems ma sngon mo rdo rje bsnams pa/ rin chen bsnams ser/ pad+ma bsnams dmar/ rgya gram bsnams ljang / yum gyi 'thad pa ni stong pa de bzhi spros pas de bzhi rig pa'i rig pa 'byung / stong pa de bzhi log na de rig pa'i rig pa ldog /stong pa de bzhi rig pa'i rig pa las bde gshegs bzhi byas/ stong pa de bzhis bskyed pa'i phyir yum zhes bya'o/ /thabs shes rab kyi 'brel/ pa ni bde gshegs bzhi thabs yum bzhis shes rab ste/ phyogs mtshams kyi bzhugs gnas kyis 'brel to/ /gtso 'khor gyi 'thad pa rag las dang rag las pa ste/ de yang spyi 'khor sgos 'khor gnyis te/ yum bzhi po 'di rnams nang gi spyi 'khor te/ rnam snang ni rnam pa bzhis bsdus pa'i yon tan gyi bdag nyid can yin la/gtso bo'i yon tan de log na 'khor gyi yon tan ldog pas rnam snang ni rag las par 'dug /lha mo bzhi rag las par 'dug pas gtso 'khor ro/ /gtso 'khor gyi 'thad pa ni rdo rje sems ma de ni mi bskyod pa'i sgos 'khor te/chos me long lta bu'i ye shes de yod pas de stong par shes pa'i shes pa 'byung / chos can me long lta bu de log na de shes pa'i shes pa ldog /de nas stong pa nyid de me long lta bu la rag las pas sems ma rdo rje ma rag las pas mi bskyod pa rag las pa'o//des bsgres te 'og ma gsum la yang sbyar ro/ /sgom thabs ni man ngag tu shes par bya'o/ /khong nas 'byung ba skye ba med/ /ces pa rdo rje sems ma'i rang bzhin yi ge a thung ngu ste rkan dang mchu dang so la sogs pa gang la yang ma brten par khong nas 'byung la/ de'i don skye med kyi rang bzhin du gnas pas chos kyi dbyings me long lta bu'i rgyu nyid kyi phyir yum sems ma rdo rje ma zhes bya'o/ /tshig tu brjod pa spangs pa ste/ /zhes pa de rin chen rdo rje ma ste de la tshig ni brjod pa ste/ rin chen rdo rje ma ni mnyam pa nyid kyi ye shes kyi bdag nyid yin pas chos thams cad mnyam nyid rtogs na brjod pa thams cad kyi tshig med pas de'i phyir rin chen sems ma la de skad bya'o//brjod pa kun gyi rgyu yi mchog /ces pa chos kyi sems ma la de skad bya ste/ brjod pa ni tshig ste shes bya ji snyed pa yod pas de brjod pa'i tshig 'byung ste/so sor rtog pa'i ye shes kyis mkhyen pas de ni brjod pa'i rgyu'i rkyen no/ /tshig kun rab tu gsal bar byed/ /ces pa las kyi sems ma la de skad bya ste/ 'di ni bya ba nan tan gyi ye shes kyi sgo nas gzhan gyi don byed pa'i bdag nyid de/ ji skad du/ lha yi skad dang klu dang gnod sbyin skad/ /ces pa la sogs pa de skal ba dang ldan pa rnams la de'i skad kyis de dang des so sor gsal bar byed pa'i phyir ro/ /mchod pa chen po nas mar tshig rkang bcu gnyis 'jam dpal rigs lnga'i mtshan brjod ston to//de yang 'di rnams la go rims 'chol ba'i skyon spangs pa'am go rims nges pa'i rgyu mtshan dang / so so'i mtshan nyid dang / gtso 'khor gyi 'thad pa dang / bzang ngan gyi khyad par dang / thabs shes rab kyi 'brel pa dang / phrin las kyi khyad par dang / sgom thabs dang / 'bru bshad pa dang brgyad de/ de la go rims 'chol lo zhe na/ go rims 'chol ba'i skyon spang ba ni 'di rnams la 'chol ba'i skyon med 'di rnams ka ltar 'dod thog go/ /de ci'i phyir zhe na/ sngags chags pa'i lam pa yin te/ bde ba lam du khyer te de las mi phyed rdo rje theg pa zhes bya/de nas sangs rgyas snang ba mtha' yas 'di ni 'dod chags kyi sangs rgyas yin pas dang por smos so/ /lung las kyang 'dod chags zhe sdang gti mug ces 'dod chags sna la smos so/ /de nas zhe sdang chen po mi bskyod pa smos pa ni sems can sangs rgyas kyi bstan pa sngags kyi lam la 'dzud pa'ang chos bstan pa'i tshul gyis 'dzud pa dang /drag shul gyi tshul gyis 'dzud pa las 'dir drag shul sbyar te/ zhe sdang rigs yin pa'i phyir ro/ /de nas gti mug rnam snang bstan pa ni sems can sangs rgyas kyi bstan pa la tshud nas zab mo skye ba med pa'i don ston to//skye med ni 'byed pa med pa'i gti mug yin la de ston pas rnam snang 'byung ste/ rnam snang ni chos kyi dbyings las bskrun pa gti mug gi rigs yin pa'i phyir ro/ /de nas yon tan de ma bstan par de nas don yod grub pa bstan pa ni 'di bya ba grub pa'i ye shes kyi sgo nas gzhan don byed pa brtson 'grus kyi bdag nyid de sems can rnams la lta ba zab mo'i don yod kyang ma bsgrubs na 'tshang mi rgya bas de la brtson 'grus dgos pa'i phyir ro//de nas ser sna chen po'i rin 'byung bstan pa 'di ni yon tan gyi sangs rgyas yin te/'bras bu sangs rgyas gzhan don byed pa'i yon tan yod do/ /des na rin chen 'byung ldan mjug tu bstan pa ste go rims 'chol ba'i skyon ni med do/ /yang mtshan 'di rnams ni rigs lnga'i mtshan du 'jug pas 'jam dpal la ci phan zhe na/ 'jam dpal ye shes sems dpa' de nyid rigs lngar 'byung bas 'jam dpal snang ba mtha' yas zhes bya ba la sogs pa'i mtshan nyid can ni de rnams kyi mtshan nyid dang /rtags kyi mtshan nyid de de'i don gyi mtshan nyid ni spyir chos thams cad sems su 'dus/ sems nyid sna tshogs su shar te/ gzhi med rkyen gyis cir yang shar/'og nas/ rnam rig sna tshogs gzugs don can/ /rnam shes sna tshogs rgyud dang ldan/ /zhes 'byung de ni kun rdzob kyi rgya che ba dang / sems kyi rang bzhin cir yang ma grub pas nam mkha' dang 'dra ste/ zab pa'i mtshan nyid don dam mo/ /de gnyis brjod thabs sam bstan thabs de las ma grub pas gnyis su phye'i rang gi mtshan nyid la dbyer med pa ste de nyid la 'jam dpal zhes bya ste/de rtogs na ni nam mkha'i lam la gnas pa ste 'og nas de skad 'byung / de gang la rang bzhin rgyu bsgom pa lam 'bras bu mthar thug rgyu'i rgyud thabs kyi rgyud/'bras bu'i rgyud la sogs par sbyar ro/ /de gang la ldog pa'i bye brag gis lha lnga bcu rtsa gsum bzhag ste/ rigs kyi bye brag gis lnga bcu rtsa gsum tshan bdun du 'gyur ro/ /bsdu na gnyis med kyi ye shes gcig po der 'dus te/ don gcig gnyis med chos kyi don//zhe'o/ /de la gnyis med gcig po de nyid la gsal la mi rtog pa'i ngos nas me long lta bu'i ye shes sangs rgyas mi bskyod pa rtags kyi sgo nas shar gyi rtsibs la sa gnon phyag rgya can sngon po zhal gcig phyag gnyis par gyur te/ yang gnyis med de la bdag chos sems can gsum mnyam pas gnyis med der shes pas mnyam pa nyid do//rtags sangs rgyas rin chen 'byung ldan de nyid de'i mtshan nyid mtshon/ lho'i rtsibs la mchog sbyin ser po zhal gcig phyag gnyis rdo rje'i skyil mo krung ngo / /gnyis med gcig po de kho nas sems can so sor phye nas chos nyid so sor mkhyen so sor rtogs/sangs rgyas snang ba mtha' yas rtags nub kyi rtsibs la ting nge 'dzin gyi phyag rgya can/ dmar po zhal gcig phyag gnyis rdo rje'i skyil mo krung ngo / /gnyis med gcig po nyid kyis gzhan don byed nus/bya ba grub pa'i ye shes nyid sangs rgyas don grub tu 'byung / rtags kyi mtshan nyid de kun rdzob tu byang gi rtsibs la skyabs sbyin phyag rgya can/ ljang gu zhal gcig phyag gnyis rdo rje'i skyil mo krung byas/ de ni don gyi mtshan nyid des sra ba'i mtshan nyid bzhin no//ye shes gzugs can min pa las gzugs su sgom mo zhe'o/ /ye shes de bzhi la phyin ci log gi sgro 'dogs dgag bya rnam pa bzhi bkag nas rnam thar bzhi la yum bzhi bya ste gong du bstan no/ /gtso 'khor gyi 'thad pa ni gang zag gcig sangs rgyas pa'i ye shes la gtso 'khor du 'ong ba ci ste zhe na/gtso bo ni yon tan thams cad sdud pa'i bdag nyid yin la/ 'khor ni yon tan gyi bye brag yin no/ /des gtso bo dang 'khor gyi bye brag las 'khor du grags so/ /'o na de ltar 'ong ba ste ci ste zhe na/ gtso bo ni rag las sa 'khor ni rag las pa'o//gtso bo ni rten sa 'khor ni brten pa'o/ /yang na bzang ngan gyi khyad par ni gang zag gcig sangs rgyas kyi ye shes la mi bzang ngan med na/ 'dir sangs rgyas dang byang chub sems dpa'i 'khor bzang / longs spyod kyi lha rnams bzang ngan byung ba ci ste zhe na/ 'di ni gang zag gcig dkyil 'khor du zhugs pa'i dus su lam 'bras bu dang bcas pa go ba'i dgos pa ste/ 'bras bu ni sangs rgyas lnga/ sku lnga/ rigs lnga/ ye shes lnga/ spyan lngas bsdus pa'i sangs rgyas kyi slob ma yin par go la/ byang chub sems dpas ni lam du go ste/ lam slob pas bsdus par go'o/ /longs spyod kyi lha mo rnams ni tshul khrims la sogs pa lam gyi grogs su go'o/ /thabs shes kyi 'brel pa ni rigs kyi sangs rgyas thabs rgya che ba badzri ma bzhi zab pa ste gnyis gnyis 'brel lo/ /phrin las ni sangs rgyas mchod pa dang / sems can gyi don byed pa ste/thun mong du dug lnga cha mnyam pa'i don bye brag tu pad+ma 'dod chags can de bzhin du sbyar ro/ /man ngag sgom thabs su shes so/ /de la mchod pa chen po zhes pa gnyis kyis 'jam dpal rdo rje chen po'i 'od dpag tu med pa'i mtshan nyid du ston to/ / rje btsun 'jam dpal la mchod pa chen po zhes bya ste/ ci'i phyir de skad bya zhe na/ so sor rtog pa'i ye shes kyi sgo nas mchod pa rgya mtsho sprul nas sangs rgyas mchod pa'i phyir/ de bzhin du rgol tshig gzhan la yang sbyar ro/ /'jam dpal 'dod chags chen po zhes bya ste/ thugs rjes sems can gyi don la chags pa'i phyir ro/ /de ni rang gi mtshan nyid kyi sgo nas bstod pa'o/ /sems can thams cad zag med kyi bde bas dga' zhing mgu ba ni/ phrin las kyi sgo nas bstod pa'o/ /mchod pa chen po gnyis mi bskyod pa'i mtshan te/ mchod pa chen po ni me long lta bu'i ye shes kyi mchod pa'i sprin rgya mtsho sprul nas sangs rgyas mchod pa'i phyir rje btsun la de skad ces bya'o//zhe sdang ni rang ka ma'i zhe sdang 'dul te/ de la zhe sdang ba'am/ mtshan ma la zhe sdang ba ste/ de la de skad ces bya'o/ /nyon mongs kun ni drug go/ / de'i gshed ma byed pa ni phrin las te/ 'jam dpal de la de skad ces bya'o/ /mchod pa chen po'i tshig gnyis kyis gti mug 'jam dpal rnam snang gi mtshan te/ mchod pa chen po ni chos kyi dbyings kyi ye shes kyi mchod pa'i sprin rgya mtsho sprul nas sangs rgyas mchod pas 'jam dpal la de skad bya'o//chos dbyings de mi phyed pas gti mug ste/ rang gi ngo bo'i sgo nas de la de skad ces bya'o/ /gti mug chen po des rang dga' ma'i gti mug sel ba'i phyir phrin las kyi sgo nas bstod pa'i/ /mchod pa chen po'i tshig gnyis ni 'jam dpal don grub kyi mtshan te/mchod pa ni bya ba grub pa'i ye shes kyi mchod pa'i sprin rgya mtsho sprul nas sangs rgyas mchod pa'i phyir de la de skad ces bya'o/ /khro bo ni gzung 'dzin la khro bo ste/ rang gi ngo bo bas de la de skad bya'o/ /khro ba chen po yang dag pa'i khro ba ste/ dngos po la phrag dog pas des tha mal gyi gnyen po byed pa'i phyir na phrin las te de la de skad bya/mchod pa chen po'i tshig gnyis ni 'jam dpal snang ba'i bdag nyid rin chen 'byung ldan gyi mtshan nas bstod pa ste/ mchod pa ni mnyam pa nyid kyis mchod pa'i sprin rgya mtsho sprul nas sangs rgyas mchod pa'i phyir ro//chen po rnams ni mchod pa yang yin chen po yang yin te yon tan gcig tu bsdus pa'i bdag nyid do/ /chags pa ni rin po che la chags pa ste/ ser sna'i bdag nyid las rang gi ngo bo ste de la de skad bya'o/ /chags pa thams cad ni rang rang gi ser sna de'i gnyen po yin pas 'jam dpal la de skad bya ste/phrin las kyi sgo nas bos shing bstod pa'o/ /'dod pa chen po nas mar tshig rkang bcu bzhis ye shes sems dpa' bcu drug gi mtshan ston te/ 'di rnams la yang so so'i mtshan nyid dang gcig /gtso 'khor gyi 'thad pa dang gnyis/thabs shes rab kyi 'brel pa dang gsum/ phrin las kyi khyad par dang bzhi/ lam gyi khyad par dang lnga/ sgom thabs dang drug /'bru'i bshad pa dang bdun no/ /de la 'di rnams kyi mtshan nyid don gyi sgo nas dang rtags kyi sgo nas so/ /don gyi mtshan nyid ni stong pa bcu drug rtogs/dgag bya khegs pa'am/ sgro 'dogs bcu drug chod pa gcig la sems dpa' bcu drug ces bya ste/ de yang 'dod pa che zhes pa'i tshig gnyis kyis shar phyogs kyi sems dpa' bzhi ston/ de la chos can me long lta bus bye brag tu byas pa'i chos nyid stong pa bzhi ste/gnyis med gcig po de dag la byin/ 'dzin pa'i bsam pas stong sgro 'dogs de chod pa'i sgo nas nang stong pa nyid/ de bzhin du phyi gzung ba'i yul gyis stong pa'i phyir phyi stong pa nyid/ bar gyi dbang pos stong pas phyi nang stong pa nyid/snod kyi 'jig rten la lhag par chags pas stong pa chen po stong pa nyid/ stong pa de bzhi la shar gyi rdo rje sems dpa' rgyal po/ chags pa legs pa bzhi bya/ rtags kyi mtshan nyid ni thun mong gi mtshan nyid sku mdog bzhugs tshul gdan pad+ma zla ba rang gi bdag po'i dbu rgyan rin po che'i rgyan zhal phyag gi mtshan nyid do//khyad par ni mtshan phyag mtshan bzhugs pa'i go rims so/ /gtso 'khor gyi 'thad pa ni/ me long lta bu la rag las sa stong pa bzhi la rag las pa ste gong mas bsgres te shes par bya'o/ /thabs shes rab kyi 'brel pa ni rdo rje sems dpa' la sogs pa shes rab zab pa byams pa la sogs pa thabs te rgya che ba de gnyis zung du 'brel lo//gsang ldan nas shes rab bcu drug zer ba'i phyir ro/ /phrin las kyi nges pa ni sangs rgyas mchod pa dang 'gro ba'i don bya'o/ /sems dpa' 'di rnams sangs rgyas yin pa la sems dpar 'byung ba'i 'thad pa ni 'bras bu'i chos lngas bsdus pa'i lam mtshon pa ste/de la las mtshon pa ni shar phyogs stong pa'i sems dpa'/ lho mtshan ma med pa/ nub gzhan don/ byang mchod pa'i sems dpa' zhes bya ste/ gang zag gcig 'tshang rgya ba'i thabs sam lam du stong pa nyid rtogs dgos/rtogs nas kyang mtshan ma med pa goms dgos/ mtshan ma med kyang gzhan don ma byas na 'tshang mi rgya bas gzhan don bya dgos/ gzhan don la gtsor dkon mchog mchod dgos te/ de ni lam mtshon pa'o/ / sgom thabs man ngag tu shes so/ /de la rdo rje sems dpa' la khyod ni 'dod pa chen po zhes bya ste/ ci'i phyir de skad bya zhe na/ rdo rje sems dpa' phyag na rdo rje rnams ni stong pa nyid rtogs pa'i rtags yin la/ stong pa nyid ni don dam pa byang chub mchog tu sems bskyed pa yin la/ sems bskyed kyi mtshan nyid 'dod cing 'dun pa ste/ sems bskyed pa ni gzhan don phyir/ /yang dag rdzogs pa'i byang chub 'dod/ /ces gsungs so/ /stong pa nyid de mngon sum du rtogs par 'dod pa'o/ /bde ba che zhes pa rdo rje rgyal po la de skad ces bya ste/ ci'i phyir de skad bya zhe na/rdo rje rgyal po ni lcags kyu mi gtong ba'i brda ste/ rdo rje sems dpas stong pa nyid rtogs te/ rgyal pos bsgoms 'dris par byas nas ma btang bas zag med kyi bde ba chen po skye bas de skad bya'o/ /dga' ba chen po ni rdo rje chags pa la bya ste/ de ci'i phyir de skad bya zhe na/rdo rje rgyal po'i bde ba goms pa de la dga' ba chags pas de skad bya'o/ /mgu ba ni 'bras bu mngon du gyur pa ste 'bras bu la mgu ba'o/ /de ni rdo rje legs pa ste mgu ba'i rtags ni se gol brdeb pa'o/ /gzugs chen lus kyang che ba ste/ /kha dog che zhing lus bong che//zhes pa na mar tshig rkang bzhis lho phyogs kyi sems dpa' bzhi mtshon te/ de la yang so so'i mtshan nyid nas sgom thabs kyi bar du sbyar te/ so so'i mtshan nyid ni chos can mnyam pa nyid kyis bye brag tu byas pa'i chos nyid stong pa nyid bzhi ste/ gnyis med gcig po de la dgag byas stong par gzung ba dang /don dam du gzung ba dang / bsod nams kyi tshogs su gzung ba dang / ye shes kyi tshogs su gzung ba rnams kyis stong pa'i stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid bzhi la lho phyogs kyi sems dpa' rdo rje rin chen/rdo rje gzi brjid/ rdo rje rgyal mtshan/ rdo rje bzhad pa dang bzhi la bya ste/ rtags kyi mtshan nyid gong dang 'dra'o/ /gtso 'khor gyi 'thad pa dang / thabs shes rab kyi 'brel pa dang / phrin las kyi khyad par dang / lam mtshon pa dang /sgom thabs rnams gong dang 'dra'o/ /de la rdo rje rin chen la gzugs che zhes bya ste/ ci'i phyir de skad bya na/ de'i sgras sangs rgyas kyi zhing thams cad du snang zhing gsal bar byed pa'i phyir ro/ /rdo rje rin chen la lus che zhes bya ste/ ci'i phyir zhe na/ rin po che las bskrun pa'i lus yin pa'i phyir ro//rdo rje gzi brjid la kha dog che zhing zhes bya ste/ ci'i phyir zhe na/ nyi ma'i 'od kha dog drug gi rang bzhin du gnas pas de'i phyir na de skad bya'o/ /'od drug lha gzhan la med dam zhe na/ yon tan phyogs re la dgongs so/ /rdo rje nyi ma la lus bong che zhes kyang bya ste/ci'i phyir zhe na/ stong pa'i thabs sam sgom thabs kyi shes rab las byung ba'i lus yin pa'i phyir ro/ /rdo rje rgyal mtshan ming yang che zhing zhes bya ste/ ci zhe na/ grags pa chen po dang ldan pas thams cad du grags pa'i phyir ro/ /rdo rje rgyal mtshan la yang rgya che ba zhes bya ste/ci zhe na/ sbyin pa mthar phyin pa las byung ba'i phyir ro/ /rdo rje bzhad pa la/ dkyil 'khor chen po yangs pa yin/ /zhes bya ste/ ci zhe na/ dkyil 'khor ni snying po len pa'i don gyis so/ /yangs pa ni 'jig rten thams cad du khyab pa'i phyir de skad bya ste/dkyil 'khor yang yin la yangs pa yang yin pas mtshan gcig tu bsdus pa'o/ /de yan chad kun la yang 'jam dpal snang ba mtha' yas zhes pa nas/ yangs pa'i bar du thams cad du mtshams sbyar te de dang de nas bod pa'o/ /shes rab ces pa'i tshig rkang bzhis nub phyogs kyi sems dpa' bzhi'i mtshan brjod do//de yang so so'i mtshan nyid nas sgom thabs kyi bar du sbyar te/ so so'i mtshan nyid ni chos can so sor rtog pa'i ye shes kyis bye brag tu byas pa'i chos nyid stong pa nyid bzhi ste/ gnyis med gcig po la dgag bya sems can gyi don byed pa mtha' dag dang ldan par 'dod pas sems can 'khor ba la thog ma dang tha ma yod par 'dod pa dang /dge ba'i rtsa ba phung po lhag bcas dang / lhag med du 'dor bar 'dod pa dang / chos thams cad rkyen gyis stong gi rang bzhin gyis mi stong par 'dod pa'i dgag bya de rnams dgag /sgro 'dogs chod par 'dod pa'i stong pa de bzhi la mtha' las 'das pa stong pa nyi dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid ces bya/ de bzhi la 'jam dpal rdo rje chos dang rnon po dang 'khor lo dang smra ba bzhi bya ste/don gzugs med la gzugs su bya ste/ don dam gyi mtshan nyid do/ /rtags kyi mtshan nyid thun mong dang khyad par gong bzhin no/ /gtso 'khor gyi 'thad pa nas/ sgom thabs kyi bar du gong ma bzhin no/ /de la 'jam dpal rdo rje chos la 'jam dpal/shes rab mtshon chen 'chang ba po/ /zhes pa bstod pa ste/ ci'i phyir na de skad bya zhe na/ so sor rtog pa'i ye shes kyi shes rab kyi mtshon 'chang ba dang / rdo rje 'dzin pas chos nyid rtogs par byed pa'i phyir ro/ /'jam dpal rdo rje rnon po la/ nyon mongs lcags kyu che ba'i mchog /ces pa bstod pa ste/ ci'i phyir de skad byan/ gzhi bsgyur ba dang / spong ba dang / shes pa las 'dir shes rab kyi ye shes kyi lcags kyus nyon mongs pa chos nyid du shes pas gzhi shes pa ste/ chen po yang yin mchog kyang yin pas de la de skad ces bya'o//'jam dpal 'khor lo la grags chen zhes bya/ khyod ni snyan grags chen po dang ldan no zhes bstod pa ste/ ci zhe na/ chos kyi 'khor los sems can smin par byed pa las phyir mi ldog pas de skad ces bya'o/ /'o na phyin ci log gi grags pa gcig yin nam snyam na snyan pa'i grags pa ste/dkyil 'khor rnam pa bdun gyi 'khor los sgyur bas/ kun la khyab pas grags chen no/ /'jam dpal smra ba la khyod ni snang ba chen po zhes bya/ gsal ba che zhes mtshan nyid kyi yon tan gyi sgo nas bstod pa ste/ de ci zhe na/ chos kyi dbyings kyis 'jig rten gsum du khyab pa'i 'od dang ldan pas sems can gyi rgyud la snang bar byed pas de la de skad bya/ tshig gi nyes pa grwa zur chag pa dang / mi gsal ba med pas de la gsal ba che zhes bya'o/ /mkhas pa zhes pa'i tshig rkang bzhis byang phyogs kyi sems dpa' bzhi'i mtshan 'chad de/de yang so so'i mtshan nyid nas/ sgom thabs kyi bar du sbyar te/ de la so so'i mtshan nyid ni chos can bya ba grub pa'i ye shes kyis bye brag tu byas pa'i chos nyid stong pa bzhi ste/ de yang gnyis med kyi ye shes gcig po la dgag bya sgro 'dogs sangs rgyas kyi mtshan dang /dpe byad dngos po'i ngo bor 'dod pa dang / stobs dang mi 'jigs pa la sogs pa sangs rgyas kyi chos thams cad dngos po'i ngo bor 'dod pa dang / gang zag gi bdag dang / chos kyi bdag dngos po'i ngo bor 'dod pa dang / stong pa nyid med zer ba rnams dgag /sgro 'dogs de rnams chod pa la rang gi mtshan nyid stong pa nyid/ chos thams cad stong pa nyid/ dngos po med pa stong pa nyid/ dngos po med pa'i ngo bo nyid stong pa nyid dang bzhi de bzhi la 'jam dpal rdo rje las dang / srung ba dang / gnod sbyin dang khu tshur dang bzhi bya ste/gzugs med gzugs can byung ba ste/ stong pa nyid de bzhi'i sems dpa' de bzhir 'byung / sems dpa' de bzhi stong pa de'i mtshan nyid 'dzin te/ de bzhin du lha thams cad la sbyar ro/ /rdo rje ni don gyi mtshan nyid do/ /rtags ni thun mong dang bye brag ste gong du bstan to//gtso 'khor gyi 'thad pa nas sgom thabs kyi bar du gong ma bzhin no/ /de la 'jam dpal rdo rje las la khyod ni mkhas pa che zhes sgyu 'phrul 'chang pa po zer/ bstod de ci'i phyir de la de skad bya na/ rdo rje las sangs rgyas mchod pa/ sems can gyi bsod nams skyed pa'i phrin las kyi bdag nyid pas de la mkhas pas de skad bya la/sprul pa'i sgyu ma de 'chad pas de skad do/ /rdo rje srung ba la/ sgyu 'phrul chen po don grub pa/ /zhes bya/ ci zhe na/ mchod pa 'bul ba la spro bar byed pa'i phrin las kyi bdag nyid dang / rnal 'byor lam le lo can srung ba'o//sgyu 'phrul dra ba des gzhan don 'grub pas de skad bya'o/ /rdo rje gnod sbyin la/ sgyu 'phrul chen po dga' bas dga'/ /zhes bya ste/ de ci zhe na/ rdo rje gnod sbyin ni dgra za ba ste/ srung ba'i phrin las kyi bdag nyid yin pas mchod pa'i bar chad kyi bgegs zhi bar byed/sgyu 'phrul mchod pa sprul/ bgegs zhi bar spro bas kyang cher dga' ba 'byung bas de skad bya'o/ /rdo rje khu tshur la/ sgyu 'phrul chen po mig 'phrul can/ /zhes bstod de/ rdo rje khu tshur ni thams cad 'dus pa'i phrin las kyi bdag nyid de mchod pa de rnams stong par ro gcig par byed la/sgyu 'phrul ni mchod pa sprul/ chen po ni gcig tu bsdus pa/ mig 'phrul ni yod pa 'jig pa med pa sprul pas de skad bya'o/ /sbyin bdag ces pa nas mar tshig rkang bzhis sgeg mo la sogs pa gsang ba'i lha mo bzhi'i mtshan bstan te/mtshan can de'i mtshan nyid thun mong dang / bye brag gi mtshan nyid bcu'am bcu gcig brtsi/ ci la zer na/ kun rdzob tu rtags kyi sgo nas skra dang / nu ma dang / mtshan mas khyad par du byas pa'i sgo la sogs pa nang gi bzhi la shar lho nas rim pa bzhin du gnas te/'di ni stobs kyi mtshan nyid de/ de rnams kyang sgeg mo ni byang chub kyi sems kyi mchod pa dang ldan pa'i nyams dang / de bzhin du phreng ba ma rin po ches/ glu ma glus/ gar ma gar gyi sa mchod pa'i nyams dang ldan pa ste rtags so/ /don gyi mtshan nyid ni 'dir sbyin pa la sogs pa bzhi btang ba las gong du 'bras bu 'di bzhir 'chad de/yon tan dang ldan no/ /yang na gnyis med gcig po de nyid la mi mthun pa'i phyogs ser sna la sogs pa bzhi med pa'o/ /ngos nas sbyin pa la sogs pa bzhir de nyid la lha mo lA s+ya ma la sogs pa bzhi bya/bzhi po sbyin pa la sogs pa'i mtshan nyid mtshan 'dzin te/ de ni don gyi mtshan nyid do/ /'di rnams ni g.yog mo longs spyod kyi lha mo yin te/ ci'i phyir zhe na/ bzang ngan du 'ong ba'i nad ka ni ya kir 'bras bu'i chos la mtshon pa rigs lnga ste shin tu bzang /de thob par byed pa'i lam byang chub sems dpa' ste/ longs spyod kyi lha mo rnams lam gyi grogs te/ tshul khrims la sogs pa mi brtsi na des na 'dis lam 'bras bu dang bcas pa gcig go ba'i brda'o/ /'di rnams la gsang ba'i lha mor 'dogs pa'i 'thad pa ni/me tog la sogs pa phyi'i rdzas yin la/ 'di ni zag med sems kyi mchod pa de gzhan gyis mi mthong ba'o/ /gtso 'khor gyi 'thad pa ni spyi 'khor sum brtsegs pa'i spyi 'khor yin te/ 'di rnams gnyis de'i yon tan gyi bye brag yin te/ sgos 'khor ni mi bskyod pa'i 'khor sgeg mo des bsgres te/ 'di rnams yon tan bye brag pa yin pas spyi la brten/ des na rten sa dang brten pas khyad par du byas so/ /thabs shes rab kyi 'brel pa ni 'di la med de g.yog yin pa'i phyir ro/ /phrin las ni 'phags pa mchod sems can pha rol tu phyin pa la dgod pa'o//sgom thabs gzhan du shes so/ /de yang rang dga' bar bsgom pa ni mchog gi dngos grub tu mi rung gi thun mong man chad sgom du rung ste/ slob dpon sangs rgyas gsang ba ni bsgrub pa'i lha rigs lnga sems dpa' bcu drug ste nyi shu rtsa gcig las med par bzhed do//slob dpon kun dga' snying po ni me tog gang la phog pa di sgom du bzhed do/ /slob dpon sgeg pa'i rdo rje ni longs spyod kyi lha lugs la sgom pa snga ma bzhed do/ /de ltar lha mo bzhi po de la so so'i mtshan nyid gsang ba'i lha mor 'thad pa dang /g.yog dang gtso 'khor gyi 'thad pa dang / phrin las dang / sgom thabs drug ce'o/ /de la lha mo 'di rnams ming 'og tu bcug nas mnan te/ yon tan gyi sgo nas bstod de/ sgeg mo la khyod kyis sbyin bdag mo chen mo yin no zhes bstod de/ ji ltar zhe na/ dad pas sangs rgyas la sbyin pa dang / thugs rjes sems can la sbyin pa gtong ba'i bdag mo khyod yin pa'i phyir khyod de bskyed par bya ba'i mtshan nyid can no/ /chen po ni 'khor gsum yongs su dag pa'o/ /yang sgeg mo la gtso bo zhes bya ste/ ci'i phyir zhe na/ sbyin pa rnam pa bzhi gtong ba'i phyir de la dbang bas de skad bya'o//yang phreng ba ma tshul khrims chen po zhes bya/ 'chang ba'i mchog ces bya/ de ci'i phyir zhe na/ tshul khrims gsum las 'dir lus ngag yid sdom pa ste/ de la 'khor gsum dag pa chen po 'chang ba ni de 'dzin pas de skad bya'o//glu ma la/ khyod ni bzod chen brtan pa po/ /zhes bya ste/ ci zhe na/ bzod pa ni gsum las zab mo'i don la bzod cing sran tshugs pa ste/ de yang 'khor gsum yongs su dag pa che'o/ /de'i don 'dzin pa ni 'chang ba brtan pa ni mi 'gyur ba'o/ /gar ma la brtson 'grus chen po zhes pa dang brtul ba yin zhes bya ste/ci zhe na/ 'jig rten 'das pa'i dge ba'i rtsa ba la spro zhing de rdzogs par byed la 'khor gsum dag pas chen po'o/ /'jig rten dang 'das pa'i dkar po'i yon tan thams cad la brtson 'grus kyis rdzogs par byed pas brtul ba'o//de'i phyir khyod la de skad bya'o/ /bsam gtan zhes pa'i tshig gnyis dang thabs che ba smon lam rnams kyis phyi'i lha mo bzhi'i mtshan bstan te/ shes rab dang go bsnur la bshad/ 'di rnams la'ang drug 'bru bshad pa dang bdun te/ mtshan nyid kun rdzob tu mtshan ma la sogs pa'i khyad par du byas pa'o//bskal bzang gi grwa bzhi'i shar lho nas rim pas spos me tog mar me dri chab bzhi/ de bzhis mchod pa'i nyams dang ldan pa'i lha mo/ /shes rab chen po lus 'chang ba/ /zhes bya ba la sogs pa'i mtshan can du byung la/don gyi sgo nas 'dir de bzhis sangs rgyas mchod pas 'bras bu de bzhir shar te yon tan yar ldan no/ /de bzhi der byung ba de'i mtshan nyid 'dzin no/ /yang na gnyis med gcig po de la shes rab 'chang ba dang / rnam par g.yeng ba dang / thabs chung ba dang /log pa'i smon lam la sogs pa med de/ de bzhi'i gnyen por shes rab bsam gtan thabs yang dag pa'i smon lam rnams su 'byung la de bzhi la lha mo bzhi bya/ de bzhi de'i mtshan nyid 'dzin te don gyi mtshan nyid do/ /longs spyod kyi lha dang / phyi'i lha mor bzhag pa dang /las med de longs spyod yin no/ /gtso 'khor dang / sgom thabs rnams gong dang 'dra'o/ /de la lha mo d+hUp+pe ma la khyod ni/ shes rab chen po lus 'chang ba/ /zhes pa'i yon tan dang ldan no zhes bstod de/ ci'i phyir zhe na/ shes rab kyis chos thams cad rab tu 'byed pa'i lus can ni d+hUp+pe ma yin la/shes rab de 'chang ba'i shes rab kyi gnyen po yin pas chen po yang yin no/ /de'i lus 'dzin pas na d+hUp+pe ma de la de skad bya'o/ /me tog ma la/ bsam gtan chen po ting 'dzin gnas/ /zhes bya ste/ de ci'i phyir zhe na/me tog ma khyod ni 'jig rten las 'das pa'i bsam gtan gyi ngo bo rnam g.yeng gi gnyen por 'dug ste/ chen po'i ting nge 'dzin gong ma de mi gtong ba'i phyir du puSh+pe ma la de skad bya'o/ /mar me ma la thabs che zhes bya ste/ ci zhe na/ thabs ma lus pas sems can thams cad kyi bsam pa rdzogs par byed de/thabs chung ba'i mi mthun pa med cing de'i gnyen po bas de la de skad ces bya'o/ /dri chab ma la bsam pa'i zhes bya ste/ ci'i phyir zhe na/ bsam pa ni smon lam la bya la/ yang dag pa'i smon lam gyis phyin ci log gi smon pa'i gnyen por gyur pa'i cha nas de skad bya'o//stobs po che la zhes bya ba/ ye shes rgya mtsho zhes pa sgo ba bzhi'i mtshan ston te/ 'di rnams mtshan nyid ni lcags kyu la sogs pa sgo ba bzhi thun mong dang / bye brag gi sgo nas kun rdzob ste rtags kyi mtshan nyid do/ /don gyi mtshan nyid ni/ 'dir dad pa dang / brtson 'grus dang / dran pa dang / ting nge 'dzin dang bzhi rnams bsgoms pas gong du tshogs lam/ sbyor lam/ mthong lam/ bsgom lam bzhi'i yon tan yar ldan du 'byung / de la sgo ba bzhi 'byung / de'i mtshan nyid 'dzin pa'am/ yang na sbyor lam gyi drod rtse mo gnyis la dad pa dang /brtson 'grus dang / dran pa dang / ting nge 'dzin dang / de rnams bsgoms pas sems ma dad pa/ le lo/ /mi dran pa/ rnam g.yeng ba'i phyogs su 'dug la/ des dad pa/ brtson 'grus/ dran pa/ ting nge 'dzin gyi gnyen po bzhi kha drag par 'dug pas de rnams kyi dus na ni dbang po bzhi zhes bya la/bzod pa dang chos mchog gi dus na ma dad pa la sogs pa'i mi mthun pa med de/ gnyen po dad pa la sogs pa bzhi po sha stag tu 'dug pas dad pa la sogs pa stobs bzhi'o/ /de bzhi la sgo bzhi bya ste/ mtshan gnyis las med kyang don bzhi char tshang ste/ stobs dang / dad pa tshogs lam gyi ye shes sgo ba lcags kyu/ de bzhin du brtson 'grus sbyor lam gyi ye shes sgo ba zhags pa/ dran pa mthong lam gyi ye shes sgo ba lcags sgrog ting nge 'dzin stobs/ bsgom lam gyi ye shes/sgo ba ni dril bu zhes bya'o/ /rdo rje ni don gyi mtshan nyid do/ /gtso 'khor gyi 'thad pa nas sgom thabs kyi bar du snga ma bzhin no/ /byams chen rang bzhin zhes pa nas mar tshig rkang drug gis thabs kyi bskal bzang gi sems dpa'i mtshan te/ 'di rnams kyi mtshan nyid ni rtags kyi mtshan nyid kun rdzob kyi sgo nas ni thun mong khyad par gnyis te/de la mtshan ni phyag mtshan rang rang bdag pos dbu brgyan/ sku mdog ni khyad par ro/ /bzhugs tshul gdan rgyan phrin las rnams thun mong ste/ phyogs kyi sku mdog dang / phyogs kyi phyag mtshan sngon po dang /rdo rje la sogs pa'o/ /don gyi mtshan nyid ni gnyis med kyi ye shes gcig la ldog pa'i bye brag gis ye shes lnga/ de la ldog pa'i bye brag gis stong pa bcu drug /de la shes rab kyi sems dpa' bcu drug bya la/ bskal bzang 'di rnams ni stong pa bcu drug la dmigs pa'i rig pa ste/nang stong pa nyid rig pa nas dngos po med pa'i ngo bo nyid stong pa nyid rig pa'i bar du bcu drug la thabs kyi sems dpa' bcu drug gzhag /rig pa de rnams der byung ste/ de nyid de'i mtshan nyid 'dzin de ni don dam gyi mtshan nyid do//gtso 'khor gyi 'thad pa dang / lam brtson pa dang / phrin las kyi khyad par dang / sgom thabs rnams gong ma bzhin no/ /thabs shes rab kyi 'brel pa ni/ shes rab kyi sems dpa' bcu drug la/ thad kha thad khar dmigs shing 'brel lo/ /byams chen zhes pa nas mar sems can bde ba la dgod pa'o//rang bzhin ni de'i dus su skye med du rtogs shing dmigs pa'o/ /dpag tu med pa ni skye med du dmigs shing 'jig rten thams cad la bu gcig pa ltar byams pa rgyun mi gcod de des na byams pa la de skad bya'o/ /snying rje chen po zhes pa 'jam dpal ni mi dmigs pa'i thabs thugs rje chen pos sems can gyi don byed pas rgya che ba dang /blo'i mchog ces pa skye med kyi blos gnyis med du rtogs pa ste/ khyod ni zab pa dang rgya che ba'i mtshan nyid can no zhes bstod do/ /shes rab chen po blo chen ldan/ / zhes pa spos kyi glang po la de skad bya ste/ ci'i phyir zhe na/ khyod ni chos thams cad rab tu rnam par 'byed pa'i shes rab kyi bdag nyid la de skad bya la/ de'i khyod ni blo chen po dang ldan pa zhes kyang bstod do/ /khyod ni mkhas pa chen po zhes bya ste/ ci zhe na/ dbang po rab 'bring tha ma'i sgo nas sems can 'dul ba'i thabs la mkhas pas de skad bya la/nyon mongs pa bag la nyal dang mthun pa'i chos ston pas thabs che ba zhes kyang bstod do/ /bzang skyong la/ rdzu 'phrul chen po stobs dang ldan/ /zhes bstod de/ rkang mtheb sen mos tshangs pa'i g.yul sa gnon pa la sogs pa'i stobs sam rdzu 'phrul de mnga' ba'i phyir de skad bya'o//blo gros chen po la mgyogs pa chen po zhes bya ste/ sangs rgyas mchod pa dang srid zhu'i phyir 'jig rten gyi khams du mar bskyod pa'i phyir/ shugs chen zhes bya zhe na/ ye shes kyi shugs drag pos 'gro ba'i phyir de skad bya'o//blo gros mi zad pa la rdzu 'phrul chen po zhes bstod de/ ci'i phyir zhe na/ 'jig rten dang / nyan thos dang / rang sangs rgyas kyi bsod nams dang ye shes kyi tshogs rdzogs par byed pa'i phyir ro/ /khyod ni cher grags pa zhes kyang bya ste/sangs rgyas kyi bsod nams dang ye shes kyi tshogs yongs su rdzogs par byed pa'i phyir ro/ /spobs pa brtsegs pa la khyod ni/ stobs chen pha rol gnon pa po/ /zhes bya ste/ ci'i phyir zhe na/ gnas dang gnas ma yin pa mkhyen pa la sogs pa stobs bcu nyan thos la sogs pa zil gyis gnon phyir de skad bya'o//mthu chen thob la/ srid pa'i ri bo chen po 'joms/ /zhes bya ste/ ci'i phyir zhe na/ srid pa nye bar len pa'i phung po lnga 'jig dka' bas brag ri dang 'dra ste/ yang dag pa'i ye shes thob nas 'joms pa ste/ khyod ni de dang ldan pa'i phyir de skad ces brjod do//ngan song kun 'dren la/ mkhregs shing rdo rje chen po 'chang / /zhes bstod de/ ci'i phyir zhe na/ khyod ni kun du bzang po'i ye shes kyi rdo rje 'dzin pa ste/ de yang gzung 'dzin gyis mi phyed pas sra ba'i lus dang ldan pas na mkhregs zhes brjod de/mya ngan dang mun pa thams cad 'joms pa'i blo gros la drag po chen po zhes bya ste/ ci'i phyir zhe na/ khyod ni gdul dka' ba'i gdul bya la khro bor sprul pa'i phyir de skad bya la/ bcos pa'i drag shul gyis 'dul ba'i phyir ro/ /dra ba can gyi 'od/ 'jigs chen 'jigs par byed pa po/ /zhes bya ste/ ci'i phyir zhe na/ de yang 'jigs chen ni lha gsum ste/ tshangs pas sa bla ma hA de bas sa steng khyab 'jug gis sa 'og 'jigs te/ khyod ni de gsum yang 'jigs par byed pa po yin pa'i phyir de skad brjod do/ /zla 'od gzhon nu la mgon po zhes bstod de/ci'i phyir zhe na/ gsang sngags kyi theg pa ni theg pa'i mchog ste/ sems can skyob pa'i phyir de skad bya la/ de la ni rigs mchog chen po zhes kyang bya ste/ d+ha ra zhes pa'i sgra rigs bzung ba dang 'chang ba dang 'dzin pa la 'jug ste/'dir ni tshig don sngags phyag rgya gzhung bzhis sems can skyong ba'i phyir/ mchog dang chen po yang yin pas de skad brjod do/ /'od dpag med la bla ma zhes bstod de/ ci'i phyir zhe na/ khyod ni sems can thams cad kyi bsam pa'am dbang po rab 'bring dang sbyar nas/nyon mongs pa bag la nyal dang ji ltar 'tsham pa bzhin du shes nas/ de dang de'i lam nye bar ston pa'i phyir de skad bya la/ de yang skye med kyi rtog pa dang mi 'bral bas gsang sngags che ba'i mchog ces bya'o/ /nam mkha' mdzod la/ theg pa chen po'i tshul la gnas//zhes bstod de/ ci'i phyir zhe na/ khyod ni pha rol tu phyin pa'i theg pa'i lam la gnas la tshul ni bgrod pa dang / bzhon pa dang / lam de la gnas pa yin pa'i phyir de skad brjod do/ /sgrib pa sel ba la/ theg pa chen po'i tshul gyi mchog /ces bstod de/ de ci'i phyir zhe na/ gsang sngags kyi theg pa ni theg pa'i mchog ste/ skye med kyi don zab mo rtogs pas 'khor 'das mi phyed pa'i phyir te/ gzhi shes pas mchog go/ /de lta bu'i don ni 'jam dpal sgrib pa sel ba nyid yin no zhes yon tan gyi sgo nas bstod pa'o//de lta bu khyod lags so zhes kun la sbyar ro/ /de la 'dir theg pa zer nas theg pa'i rnam pa gzhan cig kyang gzhag ste/ theg pa'i ngo bo ni shes rab kyi rtog pa'i khyad par dang / thugs rjes gzhan don byed mi byed dang sbyar ro/ /byed pa ni rgyu'i rang bzhin gyi theg pa dang rten nam thabs kyi rang bzhin de/bskyed rim 'jig rten pa'i ting nge 'dzin dang rdzogs rim 'das pa'o/ /thob par bya ba dang dmigs pa'i yul de 'bras bu'o/ /yang rgyu'am/ gzhi/ lam/ 'bras bu yang sbyar ro/ /sgra 'jug pa'i rgyu mtshan ni 'dis 'dod/'dir 'dod pas theg pa'o/ /chen po la dbye na phan pa chen po ster bas che ste/ gang zhe na/ dmigs pa/ bsgrub pa/ ye shes/ brtson 'grus/ thabs/ yang dag par bsgrub pa/ phrin las che zhe'o/ /gzhan don dang rang don thams cad 'dir man ngag gi sbyar ro//rdo rje dbyings kyi dkyil 'khor chen po'i sgo nas byang chub kyi sems rdo rje mngon par brjod pa'am spros pa'i le'u ste tshig bcu bzhi pa'i le'u lnga pa rdzogs so// //sangs rgyas rnam par snang mdzad che/ /zhes pa de ni chos kyi dbyings kyi ye shes kyi sgo nas 'jam dpal ye shes kyi sku la bstod pa ston te/de yang chos kyi dbyings kyi go ba ni mi rtog pa'i ngang du cog bzhag la bya ste/ gnyis med kyi ye shes gcig po de la ldog pa'i bye brag gis ye shes lnga bya ste/ chos kyi dbyings la gsal la mi rtog pa'i ngos nas chos kyi dbyings kyi me long lta bu la bya ste/chos can gzugs brnyan sna tshogs shar yang shar ro snyam pa'i rtog pa med/ med kyang gzugs brnyan 'char ba/ rgyun mi 'chad pas gsal la mi rtog pas/ de la rgyun mi 'chad pas mi bskyod par byas so/ /de bzhin du mi rtog pa de'i ngang du bdag dang sems can chos rnams mnyam pas chos kyi dbyings kyi mnyam nyid de la rin chen 'byung ldan bya/mi rtog pa'i ye shes de gzugs nas rnam pa thams cad mkhyen pa'i bar du chos can so sor phye ba'i chos nyid so sor mkhyen so sor rtog pa de la snang ba mtha' yas bya/mi rtog pa de la gzhan don lhun grub tu gnas/ bya ba grub pa de la don grub gnas/ de bzhin du de'i dgag bya dngos po dang mtshan ma log pa'i smon pa phyin ci log gi mngon par 'du byed pa bzhi bkag /rnam thar bzhi la yum bzhi byas/ de'i chos can ye shes lnga la nang 'dzin pa'i sems kyis stong pas na stong pa nyid ma grub par 'dod kyi bar du dgag bya bcu drug bkag /stong pa bcu drug /de la shes rab kyi sems dpa' bcu drug byas/ de bzhin du chos kyi dbyings kyi ye shes de la mi mthun pa'i phyogs ser sna la sogs pa med pa'i sgo nas sbyin pa la sogs pa brgyad/de la sgeg mo la sogs pa brgyad byas/ ma dad pa la sogs pa bzhi med pas stobs bzhi de la sgo bzhi byas/ de'i nang stong pa la sogs pa bcu drug rig pa'i rig pa la thabs kyi sems dpa' bcu drug bya ste/ chos kyi dbyings kyi ye shes la ldog pa'i bye brag gis lha lnga bcu rtsa gnyis su gzhag go//de rnams kyang bsdu na chos kyi dbyings de la de bzhin gshegs pa'i rigs kyi sum brtseg bya'o/ /de la sangs rgyas zhes pa longs spyod rdzogs pa'i sku ste/ gtsang ma'i gnas ni nyams dga' bar/ / yang dag sangs rgyas der sangs rgyas/ /sprul pa po ni 'dir sangs rgyas/ /zhes 'byung ste/ 'og min du sangs rgyas pa de la de skad bya'o/ /rnam par snang mdzad chen po ni chos sku la bya ste/ sems can kun gyi shes pa dang / /chos dbyings rdo rje chen po dang / /de bzhin gshegs pa'i snying po gsum//thog ma tha ma med par bshad/ /ces 'byung ste/ saM gra ha nas gsungs pa'i rnam snang chen po srid pa snod bcud dang zhi ba snod bcud kyis bsdus pa thams cad la khyab pa'i bdag nyid de la de skad bya'o/ /thub pa chen po ni sprul pa'i sku la bya ste/shAkya'i rigs thub pa'am/ sku gsung thugs gsum dang gnas ngan len thub pas de skad bya'o/ /de gsum mnyam par gzhag pas chen po yang yin no/ /thub chen ldan pa'i sngags kyi lugs la rig 'dzin yod pa bzhin du mu stegs la drang srong gnas 'jog dang /grog mkhar dang / mig dmar la sogs pa yod de/ de yang rje btsun nyid yin pas de skad bya ste/ de bas rje btsun 'jam dpal de la ni khyod ni sangs rgyas la sogs pa lags so zhes tshogs kyis bstod pa'o/ /gsang sngags tshul chen ni rdo rje theg pa chen po'i tshul lam rang bzhin te/lam de la byung ba khyod ni de skad bya ba'i mtshan nyid can lags so zhes bstod pa'o/ /gsang sngags tshul chen bdag nyid can/ /zhes pa 'bras bu thob nas de'i bdag nyid du gyur la khyod lags so zhe'o/ /pha rol phyin bcu thob pa ste//zhes pa 'dir pha rol tu phyin pa'i rnam gzhag bcu ni/ spyir pha rol tu phyin pa'i theg pa dang / sngags kyi theg pa'i khyad la paN+Di ta grub mtha' mi mthun pa mang ste/ kha cig ni pha rol tu phyin pa'i lam stegs tsam las sangs rgyas kyi mthong lam mi skyed de/ mthong lam sa dang po non pas ni dngos po gnas lugs sngar ma mthong ba cig da gdod mthong ba ste/ ma mthong mthong phyir mthong ba'i lam/ /zer ro/ /kha cig ni pha rol tu phyin pas sangs rgyas bzang po yod zer te/ sngags kyi sangs rgyas kyis bltas na pha rol tu phyin pa'i sangs rgyas ni da dung du slob pa'i lam par mthong zer ba dang /yang sangs rgyas la rang rgyud pa'i sangs rgyas bzang ngan gnyis med de/ grub mtha' de ltar 'dod zer ba dang / sangs rgyas rang rgyud pa rang la kha sbyor la sogs pa longs spyod che chung bzang ngan yod zer ba dang /yang mthong lam skye ba la lam nye ring yod de des na khyad par med zer ba'i lugs mang po yod do/ /'dir ni rje btsun 'jam dpal de gsang sngags kyi lam 'bras bu dang bcas par snang la pha rol tu phyin pa'i lam 'bras bu dang bcas par snang bas rje btsun khyod ni pha rol tu phyin pa bcu thob pa la sogs pa'i yon tan gyi sgo nas bstod pa'o//de la pha rol tu phyin pa'i dbye ba ni bcu'o/ /de ltar yang byams pa'i chos dbus mtha' las/ sbyin dang tshul khrims bzod brtson 'grus/ /zhes pa la sogs pa gsungs so/ / ming ni sbyin pa nas ye shes kyi bar du bcu'o/ /zang zing dang chos dang mi 'jigs pa la sogs pa gsum pa bcur 'gyur ro/ /bsdu ba ni drug tu 'dus te/ bzhi shes rab kyi bye brag gis te drug kyang shes rab tu 'dus so/ /gsum gsum du dbye ba de yang bsod nams kyi tshogs dang /ye shes kyi tshogs dang / gzhan don dang gsum gsum mo/ /sa dang sbyar na/ sbyin pas dang po/ de bzhin du rim pa bzhin no/ /pha rol tu phyin pa'i lam ni/ sbyin pas phyug po ster ba la sogs pa'o/ /nges tshig pA ra mi ta zhes pha rol de mya ngan las 'das pa'i skam sar phyin pa'o//de lta bu'i pha rol tu phyin pa bcu thob pa ni 'jam dpal khyod lags so zhes bstod pa'o/ /pha rol phyin pa bcu la gnas/ /zhes pa rje btsun de la brten/ de'i ngo bor 'dug pa ste/ rten dang brten pa'i ngo bo pha rol tu phyin pa bcu dag pa ste zhes pa shes rab med pa'i pha rol tu phyin pa dgu ni pha rol tu phyin pa'i ming mi 'thob ste/des gzung ba'i 'khor gsum stong pa nyid du dag pa de nyid rje btsun no/ /pha rol phyin pa bcu yi tshul/ /zhes pa 'jig rten pa mos pa spyod pa bcu char sa dang po nas sa bcu pa'i bar du rim pa bzhin sa dang po'i shas che'o//sa bcu po de de nyid rtogs pa la ye shes che'o/ /sa bcu po de nyid rtogs pa la khyad med de pha rol phyin pa bcu shas che bas khyad byas so/ /tshul ni thabs te/ de nyid du rje btsun nyid 'byung ngo / /mgon po sa bcu zhes pa 'dir sa'i rnam gzhag bcu ni sa'i nges tshig ni dkar po'i yon tan 'byung ba'i gzhir 'dug pas so//dbye na tshogs kyi lam pa/ mos pa spyod pa/ mthong lam yan chad slob pa'i sas bsdus pas bcu dang mi slob pa'i sa bcu gcig kun du 'od do/ /de las 'di ni slob pa'i sa bcu'o//ngo bo ni dngos gzhi dang rjes thob gnyis zhes bya ste/ sa dang po nas sa bcu'i bar du dngos po rang gi mtshan nyid la khyad med rjes thob mthu che chung la khyad yod de/ sa dang po mthong lam pa dang gnyis pa la chos nyid mthong ba la khyad med de/ de so so skye bo mos pa tsam dang ni khyad yod de/so so skye bo mos pa tsam sa rnams kyi sngon du myong so so skye bos nges shes ma skyes/ des 'khor bar 'khor/ 'o na sa rnams chos nyid mngon du myong ba la khyad med na dang po nas sa bcu'i bar du khyad ci ste zhe na/ rjes thob mthu che chung yod do//sa dang pos sangs rgyas brgya mthong / sprul pa brgya 'jig rten gyi khams brgyar g.yo/ sbyin pa mi mthun brgya 'gyed/ nyis brgya'am/ stong ngam/ khri la sogs pa gong ma gong ma mthu che'o/ /de ci'i phyir zhe na/ sa 'og ma 'og ma goms pa yun thung /gong ma gong ma yun ring ste/ snye ma dang ljang bu yang dang po pas phyis mthu dang nus pa che ba bzhin no/ /de ltar yang pha rol tu phyin pa kun rdzogs shing zhe'o/ /de lta bu'i sa bcu gnas pa de yang rje btsun nyid do/ /bcu gcig kun du 'od ni sa'i 'bras bu ste dbang phyug go//de rnams ni sa'i rnam gzhag go/ /sa bcu la ni gnas pa po/ /zhes pa gong ma bcu po de la rje btsun gnas so/ /shes bcu rnam dag bdag nyid can ni shes bcu ni chos shes pa dang / de bzhin du rjes su shes pa dang / pha rol gyi sems shes pa dang / kun rdzob dang sdug bsngal dang /kun 'byung ba dang / 'gog pa dang / lam dang / zad pa mi skye ba rnam pa bcu po de shes pa ste/ spang bya bcu po de dag pa rje btsun no/ /'chang ba po zhes zlos skyon spong ba ste/ ngag rgyu mi mthun pa'i shes pa bcu po de dag pa phung po la sogs par rang sar dag lus phung po lnga sgyu mar shes pa la sogs pa glo bur gyi dri ma med de dag pa ni/rje btsun ye shes de lta bu 'chad zhe'o/ /ngag rgyu de nyid dag pa'i ngo bor 'dug ste rtogs shing 'chang ba'o/ /rnam pa bcu po zhes pa bdag 'dzin rnam pa bcu ste/ gcig pur 'dzin pa dang /rgyu ru 'dzin pa dang / za bar dang / byed pa po dang / rang dbang dang / bdag por dang / rtag par dang / kun nas nyon mongs pa dang / rnam par byang ba dang / ma grol ba dang / grol bar 'dzin pa ste/ rje btsun nyid mi mthun pa'i phyogs bdag 'dzin bcur yang snang bas de la de skad bya la/don bcu ni rtsa ba'i de kho nyid dang / mtshan nyid kyi de kho na dang / phyin ci ma log pa dang / 'bras bu dang / rgyu'i dang / rags pa'i dang / phra ba'i dang / grags pa'i dang / rnam dag dang / yul gyi dang / bsdus pa'i dang / dbye ba'i de kho na nyid dang / mkhas pa'i de kho na nyid dang /bdag 'dzin bcu'i gnyen po dang / de yang rje btsun nyid do/ /de ltar mi mthun pa dang / gnyen po gnyis med du rtogs na des de la glags mi rnyed de/ nam mkhas nam mkha' la glags mi rnyed pa bzhin du phung po la sogs pa rang ldog go/ /thub dbang zhes pa nyan thos dang rang sangs rgyas la ltos na/rdzogs pa'i byang chub thob dka' ba des rje btsun gyis 'thob pa'i phyir de la de skad bya'o/ /stobs bcu ni gnas dang gnas ma yin pa mkhyen pa la sogs so/ /de bzhin gshegs pa'i stobs bcu dang rje btsun ldan la khyab bdag ni nam mkha' bzhin te/yon tan yongs la khyab pa dang / rtsis las 'das pa'i yon tan gyi bdag nyid rje btsun no/ /kun gyis ni 'gro ba ma lus pa'i don byed pa 'jam dpal lo/ /rnam bcu dbang ldan zhes pa tshe la dbang ba dang / las dang / yo byad dang /mos pa dang / smon lam dang / rdzu 'phrul dang / skye ba dang / chos dang / sems dang / ye shes la dbang ba dang / bcu ni rnam bcu'o/ /de bcu dang ldan zhing de bcu la dbang thob pas gar yang bsgyur ba'i chos la mnga' brnyes pas chen po'o/ /thog ma zhes pa skye ba med pa la spro ba ni phung po dang khams rnams rang gi ngo bos stong pas de med de nyid many+dzu'o//de bzhin nyid ni mi 'gyur ba/ 'jam dpal de'i bdag nyid du gnas la de la glo bur gyi dri ma med pas dag pa'o/ /bden par smra zhes pa sdug bsngal la sogs pa rten 'brel gyi rkyen gyis sna tshogs su snang ste rgyu rkyen du snang ba'i dus nyid ni stong par go//rkyen ni ngo bos ma grub rtag chad tsam du go/ /des stong pa go ba/ des rkyen dbang du ma song / sna tshogs kyis rgya che ba go/ /de gnyis su med pa ni dngos po ma lus pa de bden na ni de'i don la ma yengs par grol lo//de yang 'jam dpal lo/ /mngon par rtogs pa'i rgyan las/ 'di la bsal ba ci yang med/ /gzhag par bya ba cung zad med/ /yang dag nyid la yang dag lta/ /yang dag mthong nas rnam par grol/ /zhes 'byung ste/ rje btsun de ni don de smra zhing tshig mi 'gyur te chos thams cad sgyu ma lta bu'o zhes ston cing de nyid kyi phyir tshig mi 'gyur ro//ji skad smras pa des sems can thams cad kyi don byed do zhe'o/ /gnyis su med pa zhes pa gzung 'dzin gnyis med pa ni many+dzu'o/ /gnyis med de kun rdzob tu gzhan la yang ston no/ /yang dag ces pa phyin ci log gi rtsa ba'i gzhi med pa ste many+dzu'o//de dang dbyer med pa'i phyir mtha' de'i rang bzhin du rje btsun gnas so zhe'o/ /tshigs bcad dang slob ma la bshad na de bzhin nyid bdag ni gnyug ma ma bcos pa dag pa'i 'bras bu ste/ sangs rgyas kyi dag pa rang ni dri ma dang bcas la/sangs rgyas dri ma med de/ dri med de spyan drangs nas rang gi ma dag pa dag par byin gyis rlob ste/ rang byin gyis rlob pa'i rdzogs rim dang sbyar ro/ /de la seng ge'i sgra zhes pa ni/ dper na seng ge'i sgras ri dwags la sogs pa zil gyis gnon pa bzhin du mtshan ma med pas bdag med/mi mthun pa dang bral bas bdag med/ rang gi mtshan nyid stong pas bdag med/ de gsum ni seng ge'i sgra dang 'dra ste/ bdag med las 'das pa'i rgya mtshor 'jug pa'i mu stegs ngan pa/ 'jigs/ klad/ 'gems/ zil gyis gnon zhe'o/ / de yang rje btsun no/ /kun 'gro zhes pa reg pa dang tshor ba la sogs pa rnams ni kun du 'gro zhes te/ khams thams cad du 'gro/ /sems can thams cad du 'gro ste de yang rje btsun no/ /yang na sprul sku ni kun du 'gro ste/ khyab par 'gro mi 'gag par 'gro'o/ /don yod stobs zhes pa bcings pa med pa'o//de bzhin gshegs pa yid ltar mgyogs/ /zhes gsungs te/ skad cig ma gcig la gzhal du med pa'i 'jig rten du 'gro ste/ des ni chos kyi dbyings kyi ye shes kyi sgo nas bstod pa mtshan so drug go/ /yang rje btsun de la rgyal ba ces bya ba la sogs pa'i mtshan nas bod do//nyon mongs pa las rgyal lo/ /shes bya thams cad kyis rnam par rgyal lo/ /de gnyis dgra las rgyal ba gcig khyod lags so zhes bstod pa'o/ /'khor los sgyur ba zhes pa la/ 'jig rten las 'das pa'i 'khor los sgyur ba ni/rdo rje sems dpa' la sogs pa'i rigs drug gi 'khor los sgyur ba drug go/ /'jig rten pa'i gser dngul zangs lcags 'khor lo can/ de dag gling gcig dang / gling gnyis dang / gsum dang bzhi la mas rim bzhin/ /phas bsu rang 'gro g.yul bshams dang / / mtshon brtsams pas rgyal gnod pa med/ /ces gsungs te/ de yang rje btsun no/ /de nyid kyi stobs dang ldan te/ bdud bzhi'i yan lag 'joms/ de yang rje btsun khyed lags so zhe'o/ /tshogs ni nyan thos rnams la 'tsham pa'i chos phyin ci ma log pa ston pas rje btsun ni slob dpon no//tshogs ni rang rgyal rnams kyi gtso bos de la de skad bya'o/ /tshogs ni byang chub sems dpa' de'i rje'o/ /tshogs ni sangs rgyas de'i bdag po de'o/ /sangs rgyas la bdag po ci dgos she na/ de ni sangs rgyas byang chub sems kyi bdag nyid yin pas de skad bya'o//mthu chen zhes pa ste mthu ni nus pa ste/ chen po yang de nyid pas nus pa des zab mo'i chos ma nyams par byed ces sras su byed nor du 'dzin pa'o/ /tshul ni thabs chen po'i bdag nyid de zab mo'i chos la gzhan gyis 'phrog pa ni drin mnos pas mi 'jigs pa yang many+dzu'o//rje btsun de la tshig rje la sogs pa'i bstod pa ste/ tshig rje ni don so so yang dag par rig pa ste ming thams cad do/ /de bzhin du tshig bdag ni nges pa'i tshig rig pa ste/ gzugs su rung ba'i phyir gzugs zhes pa lta bu'o/ /smra mkhas ni chos rig pa thob ste/thams cad skye med du rtogs pa'o/ /tshig la dbang ba ni spobs pa rig pa ste ji lta ba'i lan dus su lon pa'o/ /tshig mtha' yas pa ni sangs rgyas sems can thams cad kyi skad shes pa'o/ /tshig bden bden par smra ba ste/ /zhes pa ni sangs rgyas rnams kyi chos bstan pa/bden pa gnyis la yang dag brten/ /zhes te kun rdzob dang don dam pa'i bden pa'i tshig la brten nas gzhan la bden pa de gnyis kyi chos ston pa ste/ de yang don dam pa gsum don dam pa ni de bzhin nyid de/ stong pa nyid bsgrub pa don dam pa ni yang dag pa'i ye shes te/gnyis med thob par bya ba'i don dam pa ni mya ngan las 'das pa'i 'bras bu ste/ byang chub rnam gsum mtha' las 'das/ /don dang thob dang bsgrub pa dang / /don dam rnam pa gsum du 'dod/ /ce'o/ /kun rdzob kyang gsum ste/ brtags pa'i kun rdzob ni kun brtags pa'o//shes pa'i kun rdzob ni log shes thams cad do/ /brjod pa'i kun rdzob ni sgra dang brjod pas don dam pa ston par byed pa'o/ /de yang dbus mtha' las/ brtags pa dang ni shes pa dang / /de bzhin brjod pa rgya che yin/ /zhe'o/ /de lta bu'i don gzhan la smra ba yang rje btsun no//bden pa bzhi ni ston pa po/ /zhes pa ni kun 'byung ni rgyu/ sdug bsngal ni 'bras bu ste 'khor ba'i rgyu 'bras dang / lam ni rgyu/ 'gog pa ni 'bras bu ste/ myang 'das rgyu 'bras de gzhan la ston pa yang rje btsun khyod lags so zhe'o/ / phyir mi ldog pa ni rje btsun sa brgyad la dbang thob pa dman pa'i byang chub ste/ nyan thos rang rgyal du mi ldog go/ /phyir mi 'ong ni nyon mongs pa che 'bring dgu bsgoms pa'i ye shes dgus spangs pas mthong lam thob pa ste 'khor bar mi 'ong ba'o/ /de yang bzod thob ngan song lhung mi srid//rtse mor phyin nas rtsa mi nyams/ /zhe'o/ /'dren pa rang rgyal tshogs na spyod pa ste/ rma bya dang ne tso ltar khyus lding ba bse ru ni gcig par gnas pa'i tshul de yang rje btsun khyod nyid do zhe'o/ /nges 'byung sna tshogs las byung ba/ /zhes pa ni nyan thos la sogs pa'i nges 'byung gang dang gang gis 'dul ba de'i gzugs cha sna tshogs su 'byung ngo //phyir mi ldog zer ba dang 'gal lo zhe na/ 'dul dbang la dgongs te skyon ni med do/ /'byung ba chen po zhes pa ni/ b+hu ta ko ta na zhes pa'i sgra 'byung ba chen po ni bzhi'o/ /rgyu ni gnyis med kyi ye shes su gcig ste de yang rje btsun no//dge slong zhes pa bzhi ste/ slob pa'i don byed kyi dge slong ni nyis brgya lnga bcu rtsa gsum mam/ sum brgya drug cu'i khrims dang ldan pa'o/ /khas len pa ni med par khas len pa'o/ /ming gi dge slong ni rtogs pa'o//de yang rje btsun no/ /dgra bcom pa ni nyon mongs pa'i dgra'o/ /zag pa zad ni dug gsum dang rtsa ba bzhi zad pa yang rje btsun no/ /'dod chags bral ba ni mthong spang gi sgo nas so/ /dbang po thul ni gzugs sdu gu la sogs pa la chags na 'ching ba la many+dzus de rang stong par mkhyen pas dbang po rangs po rang lag pas thul lo zhe'o//bde ba rnyed pa ni lus kyi las so/ /'jigs pa med pa ni ngag gi las te skyon med pa'o/ /chos kyi dbyings kyi me long lta bu'i de bzhin gshegs pa'i rigs kyi rdo rje'i rigs mtshan so drug go//bsil bar gyur pa rnyog pa med/ /ces pa ni yid 'khrug pa med pas zhe mi sdang ste/ de ltar lus ngag yid gsum skyon med pas/ de la khyod ni rnyog pa med pa lags so zhes bstod pa'o/ /rig pa ni lhag pa'i shes rab mig dang 'dra bas/ dngos po'i gnas lugs kyi yang dag pa'i lta ba mngon sum dang 'dra bar rtogs pa'o//rkang pa ni lhag pa'i tshul khrims kyi rkang pa lta ba'i grogs te/ dam tshig dang ldan pa'i rten gyi gang zag mtshan no/ /lhag pa'i ting nge 'dzin gyi rkang pa bskyed rdzogs gnyis lam du bya bar mtshon/ de ltar rten gyi gang zag khyad par can gcig gis lam bskyed rdzogs gnyis la brten nas 'bras bu sangs rgyas 'byung ba'i phyir ro/ /bde gshegs zhes gsungs te/ spangs pa mthar thug pa ni/ tsha ba'i nad sbyangs pa dang 'dra la/ ye shes mthar thug pa ni bum pa gang ba dang 'dra ba de las bogs gdon du med pa thob po zhe'o//de yang de bzhin gshegs pa rtogs pa dang / 'gro ba dang gsungs pas de skad bya'o/ /'jig rten rigs ni nyan thos kyi skal ba dang ldan pa nas sngags kyi theg pa'i skal ba dang ldan pa'i bar du rig pa'o/ /mchog ni gang 'dzom pa'i lam de dgod pa'o//gzhan don phun sum tshogs pa'o/ /bdag gir mi 'dzin zhes pa ni rig pa'i rgyas bshad de/ lhag pa'i shes rab kyis yang dag pa'i lta ba de ji ltar rtogs par bya zhe na/ bdag tu 'dzin pa ni gzung ba dang 'dzin pa ni ngar 'dzin pa ste/ ma bkag par gzung 'dzin gnyis med par bgyis pa'o/ /bden pa gnyis ni don dam pa dang kun rdzob ste/ kun rdzob sna tshogs su snang tsam na de nyid btsal na cir mi rnyed kyang kun rdzob brtags tshod tsam rgyun mi 'chad do/ /tshul ni mtshan nyid la de gnyis su med de/ de ltar rtogs par gyis she na//de ltar lhag pa'i shes rab dang ldan yang / tshul khrims dang ting nge 'dzin gyi rkang pa med na gang du yang mi phyin la/ spyod lam ting nge 'dzin dang / tshul khrims la'ang lta ba ste/ shes rab kyi mig med na long ba dang 'dra bas lta spyod zung du 'brel dgos la ma 'brel na phan yon ni med do//'khor ba'i zhes pa nyon mongs pa lnga phung thams cad du khrid pa ste/ dngos po'i mtha' pha rol tu phyin pa ni mya ngan las 'das pa ste dngos med kyi mtha'o/ /son pa ni gnyis med kyi 'bras bu thob pa ste/ de yang lta spyod lam gyi bya ba thams cad rgyun mi 'chad par byas pas/mya ngan las 'das pa'i skam sa ste bde ba chen po'i gnas la gnas so zhe'o/ /de yang slob dpon sgeg pa'i rdo rje'i 'grel pas 'di ltar dbu ma ji lta bar bshad/ 'khor ba zhes pa/ kun rdzob tu 'khor ba dang / pha rol zhes pa kun rdzob tu mya ngan las 'das pa gnyis su snang la/ don dam par ni gnyis gang du yang mi 'byed pa ni mthar phyin pa'am son pa ste/ de ltar yang / mya ngan las 'das de nyid gang / /'khor ba'i mtha' yang de nyid do/ /zhe'o/ /de ltar rtogs na ye shes 'ba' zhig ces pa/tha mal gyi shes pa ci skyes pa thams cad ye shes kyi bde bar 'byung ba'am/ yang na de las thams cad 'byung ngo zhe'o/ /de yang chos thams cad rab tu rnam par 'byed pa'i shes rab ni mtshon rnon po dang 'dra ste nyon mongs pa thams cad gcod cing 'joms so//de rnams kyis ni lam 'bras bu dang bcas pa'i chos gcig bstan to/ /dam chos zhes pa chos kyi rnam gzhag gi nges tshig ni dam pa sangs rgyas dang / byang chub sems dpa'i chos yin pa'i phyir ro/ /dbye na 'jig rten pa'i chos dang 'das pa'i chos so/ / 'jig rten pa'i chos ni dge ba bcu ste/ 'jig rten pa yi yang dag lta/ /zhes pa la sogs pa gsungs pa'i phyir ro/ /'das pa'i chos ni gtso bo'i chos dang gtso bo ma yin pa'i chos so/ /gtso bo'i chos ni dam chos zhes te stong pa skye med la bya/ gtso bo ma yin pa'i chos ni chos rgyal zhes bya ste/gsung rab yan lag bcu gnyis theg pa ni gsum ste/ chos kyi dbang phyug kyang de'o/ /chos kyi las ni gsal bar ldan/ /zhes te phyi nang gi ma rig pa'i mun pa chos de gnyis kyis sel ba'i phyir ro/ /de yang 'jig rten snang byed ces pas sgrub ste/ma rig pas bsgrubs pa'i sems can la dngos po'i gnas lugs snang bar byed pas gtso bo'i chos de ni mchog go/ /chos kyi dbang phyug ni dge ba'i chos la dbang byed pas so/ /theg pa gsum gyi chos ni 'jig rten pa'i chos las rgyal bas na rgyal ba'o//'jig rten gyi chos kyi 'bras bu ni lha dang mi dang chos rgyal te/ 'das pa'i 'bras bu ni nyan thos dang rang rgyal dang byang chub sems dpa'o/ /'bras bu de rnams so/ /so sor legs par thob par byed pa ni lam ste/ de ston par byed pa yang 'jam dpal lo//don grub ces 'dir mtshan nyid gsum dang sbyar te/ don grub ni kun brtags te dbye na gzung 'dzin gnyis so/ /de ni sgro btags kyi ngo bor yod de/ de la don grub ces dbye ba'i phyir zhe na/ don du snang ba ste phyi'i don du gyur pa'i phyir ro/ /'o na nang gi 'dzin pa la don ci'i phyir zhe na/yul gyi ming yul can la brtags te sgro btags kyi ngo bor grub pas grub ces bya'o/ /bsam pa grub ces pa gzhan dbang rnam rtog gi bsam pa ste/ gzung 'dzin du rtog /rgyu rkyen gyi dbang gis rjes su grub pa'i phyir ro/ /kun du rtog pa thams cad spangs//zhes pa yongs su grub pa ste/ de yang rgyan las/ 'gyur med phyin ci ma log pa/ /yongs su grub pa rnam pa gnyis/ /zhes gsungs te/ mi 'gyur ba yongs su grub pa ni stong pa nyid do/ /phyin ci ma log pa yongs su grub pa ni mi rtog pa'i ye shes te mi rtog pa'o//de ltar kun brtags ni sgro btags kyi ngo bor grub ste/ bsam pa 'grub pas yongs grub ni don dam du grub rtog pa spangs mi rtog pa grub ste/ mtshan nyid gsum la grub pa gsum gyi ming gis btags so/ /yang de gsum de ltar gyi shes pa skyes la mi 'gags pa'i skad cig ma nyid la gnas skabs kyis gsum du gzhag ste/dper na shes pa nyid chags shing lta bur sngon por skyes pa la yin pa shes pa'i sngon po yin bzhin du btags pa'i don gyi sngon por btags pa kun brtags so/ /shes pa sngon po nyid gong gi ltar skyes pa de rgyu rkyen gzhan gyi dbang byas pa gzhan dbang ngo //shes pa'i sngon po de la don gyi sngon pos stong / yongs su grub pa ste de yang many+dzu'o/ /rnam par mi rtog nas mar 'gyur ba yongs su grub pa'i rgyas bshad de/ gzung 'dzin gyi sa rnam par mi rtog dbyings ni 'byung khungs te/chos thams cad kyi rgyu'i dngos po'i phyir ro/ /de nyid dngos por ma grub pas mi zad la/ de la dmigs nas 'phags pa'i chos thams cad skye bas chos kyi dbyings stong pa nyid de ni dam pa'o/ /yang na mu stegs dang / nyan thos rang rgyal las dam bar 'gyur pa'o//'dus ma byas kyi chos de las sangs rgyas kyi yon tan stobs dang mi 'jigs pa la sogs pa zad pa'i mtha' med pas zad mi shes te/ de yang 'jam dpal lo/ /bsod nams ni 'jig rten pa'i bsod nams mthar thug dang / 'jam dpal ldan la yang bsod nams 'jig rten las 'das pa yang mthar thug pa'i tshogs bsags la ye shes ni nyan thos kyis te/de yang 'jam dpal lo/ /khyad par can gyi ye shes chen po ni theg pa chen por shes te/ nyan thos pas khyad par che ba'i phyir ro/ /khyad par che ba de gang zhe na/rtogs pa dang / thugs rje ste nyan thos gang zag la bdag med rtogs/ rang don las gzhan don med la/ theg pa chen pos chos dang gang zag gnyis ka la bdag med du rtogs/ thugs rjes tshogs thams cad gzhan don du bsngos des khyad med do/ / ye shes ldan zhes pa ni gong ma de gnyis dang 'jam dpal ldan no/ /de yan chad de bzhin gshegs pa'i rigs kyi rin chen rigs la so drug go/ /theg pa chen po'i ye shes ni yod pa yang ma yin med pa yang ma yin par shes te de yang many+dzu'o/ /tshogs gnyis zhes pa nyan thos dang theg pa chen po'i tshogs gnyis many+dzus bsags so zhe'o//man ngag tu ni sgrub thabs dang sbyar te/ bsod nams ldan pa zhes brten gyi gang zag dang po'i sangs rgyas bsgom pa mtshon/ bsod nams tshogs kyis tshogs bsags pa'i yul dang yan lag bdun mtshon/ye shes kyis ye shes kyi tshogs stong par bsgom pa mtshon/ khyad par gyis ye shes lnga bsgom pa mtshon/ ye shes ldan gyis zhal drug pa bsgom par mtshon/ de bzhin du/ mngon shes drug ldan rjes dran drug /ces gsungs pas rdo rje rjes su dran/sangs rgyas kun gyi thugs che ba/ /zhes gsungs pas rdo rje dbyings kyi dbang phyug ste mchod rten mtshon no/ /de rnams kyis bsgres te/ sgrub thabs dang sbyar ro/ /rtag pa zhes pa ni mi 'gyur ba yongs grub kyi stong pa la bya/ ci'i phyir zhe na/ brtags pa'i mi mthun pa mi rtag pa yin te stong pa'i phyir ro//gal te stong pa de mi rtag na rgyu rkyen dang bcas par thal lo/ /'dod rtog zer na mi rtag par thal/ yang 'dod rtog zer na stong pa ma yin par thal lo/ /kun rgyal ni ming gi rnam grangs te stong pa de nyid g.yo ba dang / mi g.yo ba thams cad du byung sngon gyur rgyal zhes bya ba rnal 'byor gyi de gnyis med de/gsang ba 'dus par/ thabs dang shes rab gnyis med pa/ /zhes bya ba la sogs pa gsungs so/ /bsam gtan dang po la sogs pa bzhi bsam pa yul du bzhag la blo ldan ni sems byed do//yang na bsam du med pa'i bsam gtan ni/ bsam gtan gyi bsam bya ni gud na med blo ldan ni sems byed gud na med de/ mchog ces pa de rnams rje btsun nyid do/ /de yang so so'i chos thams cad skye med du rig pas bsam bya la sogs pa mi g.yo mchog gi dang po zhes pa ni 'bras bu sangs rgyas kyi chos lnga tshan lngas bsdus pa gcig ston te/de yang sangs rgyas pa'i chos bden brdzun ji ltar 'dod ce na/ grub mtha'i dbang dang dngos po'i gnas lugs gnyis te/ grub mtha' ni sems tsam rnam bcas kyis/ sangs rgyas kyi sa ni chos yod do cog bden pas 'dod/rnam med drir bcas ni ye shes bden la gzugs sku brdzun te/ phyed bden phyed brdzun du 'dod de/ shAn+ti pa bzhin no/ /sgyu ma gnyis med kyi dbu ma ni/ sangs rgyas pa'i gnas lugs de 'di'i lta bas sangs rgyas sa na chos bden brdzun gang du yang grub pa med par 'dod/'o na sangs rgyas kyi sa na rgyun chad dam snyam pa la brtags tshod du rgyun ma chad do/ /'o na brtags tshod du ji ltar yin snyam na gnyis med kyi ye shes lnga po 'di nyid la gnas skabs kyi ldog pa'i bye brag gis sku lnga/ ye shes pa/rigs lnga/ spyan lnga/ mtshan lngar yod par 'dod do/ /de la sku lnga ni/ gzugs med gzugs bzang dam pa ste/ /zhes pa'i skabs su 'og nas kyang ston na sku ni bsdu na gcig ste/ mchog gi dang po zhes pa chos sku ste de 'jam dpal nyid do/ /gnas skabs su chos sku longs sku sprul sku ste/gsum po de yang 'jam dpal nyid 'chad pa ste/ dbye na sku lnga ste/ longs spyod rdzogs pa'i sku/ /sprul pa'i sku dang / rnam par smin pa'i sku dang / ngo bo nyid kyi sku dang / chos sku'o/ /de la longs sku ni gnas khyad par can 'og min gyi gnas pad+ma can dang /bde ba can dang / ston pa sku khyad par can mtshan dang dpe byad kyis brgyan/ 'khor khyad par can kun du bzang po la sogs pa la chos khyad par can gnyis med kyi chos ston te/ de lta bu nyid 'jol nyog longs spyod pas longs sku'o/ /sprul sku ni gnyis med de nyid gzhan don btsal mi dgos par lhun grub tu byed pa'o//rnam smin ni mi 'dra bar smin pa ste/ gnyis med de nyid gnas ston pa 'khor chos la sogs pa mi 'dra bar smin pa'o/ /ngo bo nyid ni de rnams kyi don btsal na cir yang mi rnyed pa de'o/ /chos sku ni de ro gcig pa'i bdag nyid do//de rnams la ye shes dang spyan lnga la sogs pa yang sbyor te/ sku ni longs sku/ ye shes ni so sor rtog pa/ spyan ni shes rab spyan no/ /rigs ni pad+ma'i rigs/ sangs rgyas ni snang ba mtha' yas so/ /de bzhin du sprul sku/ bya ba grub pa/ sha'i spyan/las kyi rigs/ don grub/ rnam smin/ mnyam nyid/ yon tan mi 'dra/ lha'i spyan rin chen rigs/ rin 'byung ngo / /ngo bo nyid me long / sangs rgyas kyi spyan/ rdo rje'i rigs/ mi bskyod pa/ chos sku/ chos dbyings/ chos kyi spyan/ bde gshegs rigs/rnam snang zhes bya'o/ /bdag nyid can zhe'o/ /khyab bdag ye shes lnga yi bdag /sangs rgyas lnga bdag cod pan 'chang / /spyan lnga chags pa med pa 'chang / /zhes pa rnams kyis de rnams kyang rje btsun 'jam dpal nyid yin par bstan to/ /sangs rgyas thams cad ces pa ni/'byung ba dang 'byung ba las gyur pa'i de bzhin gshegs pa rnams khyod la brten zhes 'byung ste/ rje btsun khyod ni sangs rgyas thams cad bskyed pa'i yab kyang yin na/ byang chub sems dpar snang bas sangs rgyas kyi sras po yang yin no/ /nyan thos dang rang rgyal ni sku dang gsung gi sras la byang chub sems dpa' thugs kyi sras yin pas dam pa zhes bya'o//bgrod par bya ba rnams kyi mchog go/ /chos thams cad kyi rang bzhin gyi rang bzhin shes pas srid pa las byung ba'i skye gnas kyi byed rgyu med de/ chos dang gang zag gi bdag gis dben pa'i phyir 'khor ba'i srid pa des sel lo//gcig pu sra mkhregs zhes pa ni/ 'jam dpal gyi sku de ni rdo rje las grub pa ste/ thams cad kyis mi shigs shing mi phyed pa'i phyir ro/ /skyes ma thag pa ni gdul bya dang 'tsho ba'i bsam pa skyes ma thag tu'am/ mthong ma thag tu des 'dul/ 'gro ba yang rje btsun nyid do/ /nam mkha' ni stong pa nyid kyi ye shes las byang sems rdo rje'i bdag nyid du rang byung ste 'jam dpal nyid do/ /shes rab ye shes zhes pa ni/ zab pa dang rgya che ba dbyer med du rtogs pa las ye shes kyi me 'bar te/bag chags dang bcas pa'i nyon mongs pa'i bud shing bsreg pa ni me chen po'o/ /man ngag tu ye shes kyi tshogs sogs pa'i dus su rang lus mes bsregs pa dang sbyar ro/ /ye shes de'i 'od kyis 'jig rten gsum po thams cad snang bar byed pas 'od chen no//de yan chad pad+ma'i rigs so drug go/ /ye shes ni gzung 'dzin med pa'i ye shes de man ngag tu/ slar sos ye shes lus su byas/ /zhes pa'i tshig gi sa bon no/ /skar ma ni pa ba sangs te yi ge a bsgom pa dang sbyar ro/ /'di na mar ye shes kyi chos ye shes lnga bsgom pa dang sbyar te/lam me ba ni me long lta bu ste/ sku gnyis kyi rten phyed cing mi rtog pa'o/ /'gro ba'i mar me ni chos thams cad so sor rtog pa'i ye shes kyis gsal bar byed pa'i phyir ro/ /ye shes sgron ni mnyam pa nyid kyi chos thams cad dang mnyam par byed pa'o//gzi brjid ni bya ba grub kyis gang 'dul ba la sprul/ mdzes pa der snang ba'o/ /ye shes lnga po de yang 'jam dpal lo/ /'od gsal gyi chos dbyings/ sngags mchog ni yi ge hUM ste/ de'i sngags bdag ni 'jam dpal lo/ /hUM ni khro bo hUM mdzad kyi sa bon te/ khams gsum rnam rgyal gyi rtsa ba'i dkyil 'khor gyi lha so bdun du yang rje btsun de 'byung ngo / /rig sngags ni khams gsum rnam rgyal gyi gzungs kyi dkyil 'khor na lha so bdun gyi phyogs kyi sbubs na gnas pa yang de'o/ /gsang sngags ni de'i chos kyi dkyil 'khor na lha so bdun rang rang gi mtshan ma nas 'bras tsam la sems gtad nas gnas pa yang de'o//don chen ni khams gsum rnam rgyal gyi las kyi dkyil 'khor na lha so bdun yang 'jam dpal lo/ /gtsug tor ni khams gsum rnam rgyal gyi dbu la de bzhin gshegs pa dbu rgyan gyis brgyan pa'o//rmad du byung ba ni rdo rje'i gzugs te/ 'od kyi gzi brjid dang ldan pa'o/ /nam mkha'i stong pa nyid de/ de'i bdag nyid 'jam dpal lo/ des 'jig rten dang 'das pa'i gzugs ston pa'am/ yang na ting nge 'dzin sna tshogs ston pa'o/ /sangs rgyas ni rigs lnga chos skur ro gcig pas mchog go//'gro kun dga' ba ni blang dor shes pa'i shes rab kyi mig dang ldan pa ste/ de yang 'jam dpal lo/ /sna tshogs ni sprul pa sna tshogs kyi gzugs kyis 'gro ba dag pa bskyed pa yang 'jam dpal lo/ /'jam dpal de ni drang srong chen po rnams kyis mchod pa'i 'os su 'dug la/sems can thams cad kyis brjod pa ste bstod pa'i 'os su gyur pa'o/ /rigs gsum ni sku gsung thugs gsum mo/ /'chang ba ni 'dzin pa ste many+dzu'o/ /gsang sngags ni 'jig rten dang 'das pa ste/ de yang many+dzu'o/ / dam tshig ni mi 'da' ba'i don gyis te chos thams cad byang chub sems las mi 'da' ba'i phyir ro/ /thams cad mi 'da' bas chen po'o/ /gtso bo thams cad las 'thon par gyur pa 'jam dpal de/ dkon mchog gi rang bzhin te mchog tu gyur pa'i yon tan rtsis las 'das pa'i yon tan yongs la khyab pa'i yon tan gsum 'dzin to//yang na man ngag tu dam tshig gi gsang ba mi smra ba mi thos pa gsum rgyud klog pa'i dam tshig ste/ de las mi 'da' la gsang sngags ni gsang sngags kyi don du bltas nas mtshan 'dogs pa ste/ spros las byas pa rus bstan par//dra ba de la sngags zhes bya'o/ /de ci'i phyir zhe na/ shes skyob des 'gro ba 'dzin pa'am/ yang na de nyid 'jam dpal gyi thugs rjes 'dzin pa'o/ /gtso bo dkon mchog gsum 'dzin pa ni gtso 'khor gzhung dkon mchog gsum/ lam dkon mchog gsum/'bras bu dkon mchog gsum pa ste/ de la gzhung dkon mchog gsum ni gsung gi gsung bas rgyas dang sbyar ro/ /gsung mkhan sangs rgyas gsung rgyu chos gsung bas dge 'dun no/ /lam ni bskyed rim gyis lha rigs lnga dang / rigs gsum la sku lnga'i bdag nyid can ni sangs rgyas/shes rab 'khor lo sngags chos/ thabs kyi byang chub sems dpa' la sogs pa dge 'dun no/ /rdzogs rim la gnyis med/ sangs rgyas rtogs pa de dge 'dun yang dang yang goms pa de chos/ 'bras bu ni chos lngas bsdus pas sangs rgyas/sngags chos kun du bzang po la sogs pa dge 'dun no/ /de yang rje btsun nyid 'bras bur snang ngo / /theg pa mchog gsum ni nyan thos dang rang rgyal dang / byang chub sems dpa'i theg pa ston pa yang 'jam dpal lo/ /don yod zhags pa zhes pa ni byang sems rdo rje'i rigs la bya ste/ci'i phyir zhe na/ gdul bya thog ma med pa la lam du 'dzud pa'i phyir don yod pa'i rnam rgyal ba ni rdo rje'i rigs te/ ci'i phyir zhe na/ khro bos gdul ba la de'i gzugs kyis thog ma med pa ste rgyal ba'o/ /'dzin pa chen po ni rigs pad+ma'i rigs/sgo ba ni lcags sgrog gis bya/ ci'i phyir zhe na/ gdul bya 'dod chags can mi gtong bar 'dzin pa'o/ /rdo rje zhags pa ni rin chen rigs/ sgo ba ni zhags pa ci zhe na/ ser sna can thogs pa med par 'dzud pa'o/ /rdo rje lcags kyu ni rdo rje'i rigs mi bskyod pa/sgo ba ni lcags kyu ste/ ci'i phyir zhe na/ gong ma'i khro bo zhe sdang can 'dzin cing thogs pa med par dkyil 'khor du 'dzud pa'o/ /zhags pa che ni las kyi rigs don grub/ sgo ba ni 'bebs pa ste/ ci'i phyir zhe na/ phrag dog can dgyes pa bskyed cing de lam du thogs pa med par 'dzud pa'o//de yan chad kyis de bzhin gshegs pa'i rigs kyi las kyi rigs so drug go/ /de bzhin gshegs pa'i rigs kyi mtshan brgya dang brgyad cu rtsa gcig /tshigs bcad ni tshig rkang gcig gis ma tshang ba'i lnga bcu rtsa lnga ste le'u drug pa rdzogs so// //rdo rje 'jigs byed ces pa mtshan de skad du grags pa'i mtshan can gyi khro bo cig yod do/ /gang las grags she na/ rdo rje 'jigs byed kyi rgyud las so/ /mtshan de skad du grags pa'i khro bo de dngos su gang yin zhe na/ rje btsun 'jam dpal nyid de/ de skad ces bya ba'i khro bor sprul pa'o//'o na khro bo de la ci'i phyir rdo rje 'jigs byed ces bya zhe na/ zhi bas mi 'dul ba zhe sdang gis gdul dgos pa rnams la 'jigs byed kyi gzugs za za dang / 'cha' 'cha' dang / gdug gdug dang / rngam rngam bzhin du sprul pa ste/ de yang / shin tu gdug par gyur rnams la//zhi bas phan par mi 'gyur te/ /shes rab thabs kyi ngo bo las/ /khro bo de bzhin gshegs kun mdzad/ /ces gsungs so/ /de bzhin du 'di nas mar 'di skad ces bya ba'i mtshan du grags pa'i khro bo cig yod de/ rgyud gang la grags/ khro bo de dngos su gang yin/khro bo de la ci'i phyir mtshan de skad ces bya zhes kun la sbyar bar shes par bya'o/ /de la 'jigs par byed ces pa'i khro bo ni rgyud 'jam dpal 'jigs byed kyi rgyud las grags/ de nyid 'jam dpal lo/ /de ni sprul pas pha rol 'jigs par byed pa'i phyir de skad ces bya'o//khro bo'i rgyal po gsang rgyud las grags/ de nyid 'jam dpal lo/ /'di shin tu mthu che ste sangs rgyas kyi khro bo kun kyang 'di mthong na 'jigs te/ de yang / de nas 'jam dbyangs 'di yi ni/ /khro bo'i ming ni gshin rje gshed//de mthong nas ni khro bo gzhan/ /thams cad rang gi lag cha shor/ /zhes gsungs pa'i phyir ro/ /gdong drug ces pa'i khro bo de ni 'jam dpal sgyu 'phrul dra ba las grags/ de nyid 'jam dpal lo/ /gdong phyag zhabs drug gi phyir/ don las mtshan du btags so//'jigs pa zhes pa ni/ khro bo ni phyag na rdo rje dbang bskur ba'i rgyud las grags/ de nyid 'jam dpal lo/ /de'i ba spu'i bu ga nas gzi brjid can gyi khro bo 'thon te/ khro gnyer gyi rlabs bskyod pa la sogs pa gzhan 'jigs par byed pa'i phyir de skad ces bya'o//mig drug can gyi khro bo ni phyag na rdo rje dbang bskur ba'i rgyud las de nyid many+dzu dpral ba na mig smin drug bzhin du gnas pa'i phyir ro/ /lag drug can gyi khro bo ni rdo rje rgyan gyi rgyud las grags/ de nyid many+dzu'o/ /lag drug dang ldan pa'i phyir de skad ces bya'o/ /stobs dang ldan pa'i khro bo ni rig pa mchog gi rgyud las grags/de nyid many+dzu'o/ /stobs dang ldan pa'i phyir de skad bya'o/ /keng rus kyi khro bo ni bde mchog las grags/ de nyid many+dzu'o/ /keng rus kyi gzugs kyi phyir de skad ces bya'o/ /mche ba gtsigs pa'i khro bo ni rdo rje sgra 'dus las grags/de nyid many+dzu'o/ /mche ba gnyis gtsigs shing gzhan bsdigs pa'i phyir ro/ /ha la ha la'i khro bo ni a mo g+ha pA sha las grags/ de nyid many+dzu'o/ /ha la ha la sgrogs pa'i phyir de skad ces bya'o/ /gshin rje gshed kyi khro bo ni dam tshig bkod pa'i rgyud las grags/ las kyi gshin rje gshed de rlag par byed pa'i phyir de skad ces bya'o//bgegs kyi rgyal po'i khro bo ni bdud rtsi 'khyil pa'i rgyud las grags/ tshogs bdag glang sna bran dang pho nya dang bcas pa las rgyal ba'i phyir de skad ces bya'o/ /de bzhin du khro bo zhes pa dang / sgra 'jug pa'i rgyu mtshan yang des bsgres te shes par bya'o//rdo rje shugs chen ni dam tshig chen po'i rgyud las de nyid many+dzu'o/ /rdo rje dang 'dra ba'i shugs kyis gzhan 'dul ba'i phyir ro/ /de yan chod kyis rdo rje'i rigs kyi de bzhin gshegs pa'i rigs la mtshan bcu bzhi'o/ /'jigs byed zla gsang thig le las de nyid many+dzu'o//sdang ba thams cad rlag par byed pa'i phyir ro/ /rdo rje grags pa ni gnyis su med par thams cad mnyam pa'i rgyud las de nyid many+dzu'o/ /mi phyed cing khyad par grags pa chen po'i phyir ro/ /rdo rje snying po ni zla gsang las/ de nyid rdo rje snying dang ldan pa'i phyir ro//sgyu 'phrul rdo rje ni khri drug stong pa las/ de nyid med pa las thams cad sprul pa'i phyir ro/ /gsus po che de nyid las many+dzu/ gsus pa chen po dang ldan pa'i phyir ro/ /rdo rje las skyes ni 'byung po 'dul byed las/ rdo rje zhus pa las bskrun cing skyes pa'i phyir ro//rdo rje'i bdag ni sa 'og gi rgyud las/ de nyid phyag na rdo rje bsnams pa'i phyir ro/ /rdo rje snying po ni snying po rgyan gyi rgyud las/ mkhregs shing sra ba'i phyir ro/ /mkha' 'dra ba ni gsang ba mdzod kyi rgyud las 'gyur ba med pa'i phyir ro/ /mi g.yo ba ni rgyud sgyu 'phrul dra ba las/ bdud kyis mi g.yo ba'i phyir ro/ /ral pa gcig gis bsgyings pa ni rdo rje cod pan las/ de nyid las ral pa thams cad gcig tu bcings shing sgeg pa'i phyir ro/ /glang chen ko rlon gos su gon pa ni 'khor lo sdom pa las phyag gnyis kyis glang chen gyi pags pa 'dzin pa'i phyir ro//drag chen ni rnam par rgyal ba'i rgyud las ma rungs pa 'dul ba'i khro ba'i phyir ro/ /ha ha zhes sgrogs pa ni de nyid las rgyun mi 'chad par sgrogs pa'i phyir ro/ /de yan chad rdo rje'i rigs kyi mtshan bcu bzhi'o/ /hi hi zhes sgrogs ni zla gsang las rgyun mi 'chad pa'i phyir ro//'jigs par byed pa ni kun nas btus pa las 'jigs pa'i gzugs du mar sprul pa'i phyir ro/ /gad mo chen mo ni gsang ba bkod pa'i rgyud las gad mo'i ming aT+Ta ha sa zhes pa/ oM dang hUM gi bar du bcug na dug 'phrog pa'i phyir ro/ / gad rgyangs can ni de nyid las gad rgyangs kyi mthar ring ba'i phyir ro/ /rdo rje gad mo ni de nyid las gnyis med kyi gad mo'i phyir ro/ /cher sgrogs ni de las 'jig rten gsum gang bar sgrogs pa'o/ /rdo rje sems dpa' ni dpal mchog las thams cad kyi dbugs 'don pa'i phyir ro//sems dpa' chen po ni gsang 'dus las/ dam tshig chen po 'dzin pa'i phyir ram mnyam pa nyid 'dzin pa'i phyir ro/ /rdo rje rgyal po ni gsang ba mdzod kyi rgyud las/ rdo rje ni gnyis med de nyid la rgyal po zhes bya'o/ /bde ba chen po ni dpal mchog las/zag med kyi bde ba dang ldan pa'i phyir ro/ /rdo rje drag po ni rdo rje gsang ba rgyan gyi rgyud las/ mthu myur ba'i phyir ro/ /dga' ba chen po ni rdo rje gsang ba'i thig le las/ zag med kyi bde ba dang ldan dga' ba yang chen po'o/ /rdo rje hUM ste hUM zhes sgrogs pa ni saM gra ha las/hUM mdzad rgyun du sgrogs pa ste sum+b+ha ni hUM bzhi pa'o/ /mtshon du rdo rje mda' thogs pa ni dam tshig chen po las/ gong ma gnyis kyis nyon mongs pa thams cad gcod pa'i phyir ro/ /de yan chad rin chen rigs kyi mtshan bcu bzhi'o/ /rdo rje ral gri ni sgyu 'phrul dra ba las/ rdo rje dang ral gri thogs pa'i phyir ro/ /ma lus gcod pa ni de nyid las gong ma gnyis kyis nyon mongs pa thams cad gcod pa'i phyir ro/ /rdo rje kun 'chang ni byang chub pa las/ kun gyi rgya gram 'chang ba'i phyir ro/ /rdo rje can ni de nyid las/ rdo rje dra ba'i ye shes can no/ /rdo rje gcig pa ni gnyis su med pa rnam par rgyal ba'i rgyud las/zab pa dang rgya che ba gnyis med kyi ye shes kyi ngo bo nyid kyi phyir ro/ /g.yul sel ba ni khams gsum rnam rgyal las/ nyon mongs pa'i g.yul 'joms pa'i phyir ro/ /rdo rje 'bar ba mig mi bzad ni 'jigs byed las rdo rje 'bar ba dang 'dra ba'i mig mi bzad pa'i 'od yod pa'i phyir ro//skra yang rdo rje 'bar ba ni phyag na rdo rje dbang bskur ba'i rgyud las/ de dang 'dra ba'i skra mang ba'i phyir ro/ /rdo rje 'bebs pa ni ye shes 'bebs pa'i phyir ro/ /'bebs pa che ba ni phyag na rdo rje dbang bskur ba'i rgyud las/dngos po thams cad kyi rang bzhin ye shes pas so/ /mig brgya pa ni de nyid las mig brgya dang ldan pa'i phyir ro/ /rdo rje mig ni rdo rje dang 'dra ba'i spyan gyi phyir ro/ /lus ni rdo rje'i ba spu can/ /zhes pa ni rdo rje rgyan gyi rgyud las rdo rje ba spu 'khyil pa'i phyir ro/ /rdo rje'i spu ni gcig pu lus ni de nyid las gnyis med gcig pu'i ye shes kyi rtags rdo rje ba spu'am lus po dang ldan pa'i phyir te/des ni pad+ma'i rigs kyi mtshan bcu bzhi'o/ /sen mo skyes pa rdo rje'i rtse ni sen mo rdo rje dang 'dra ba'i phyir ro/ /rdo rje snying po pags pa mkhregs pa ni rdo rje dang 'dra bar sra ba'i phyir ro//rdo rje phreng thogs ni rdo rje'i phreng ba thogs pa'i phyir ro/ /dpal dang ldan pa ni phun sum tshogs pa drug dang ldan pa'i phyir ro/ /rdo rje rgyan gyis brgyan te/ de rnams ni rnam par rgyal ba'i rgyud las grags so/ /gad rgyangs ha ha zhes pa dpung bzangs kyi rgyud las grags pa'o//nges par sgrogs pa ni nges par grub pa las sgra dang bral bar bsgrags pa'i phyir ro/ /yi ge drug pa ni a ra pa tsa nA maHzhes yi ge drug pa dam tshig gi rgyud las grags so/ /rdo rje'i sgra ni yo ga'i rgyud chen po las thig gi sgra lta bu'i phyir ro/ /'jam dbyangs chen po de nyid las 'jam zhing dbyangs dang ldan pa ste zab pa dang rgya che ba'i phyir ro//sgra che ba ni dam tshig rgyan gyi rgyud las grags so/ /'jig rten gsum na sgra gcig pa ni rnam par rgyal ba'i rgyud las/ sa 'og sa bla sa stengs gsum gnyis med du gcig de'i sgra bsgrags pa'i phyir ro/ /nam mkha'i mtha' las sgra sgrogs pa ni/de nyid las shAka thub kyis gshin rje gshed la bka' stsal te/ mtshan brjod bshad pa'i tshe nam mkha'i mtha' thams cad du thos pa'i sgra gshin rje gshed kyis bsgrags pa'i phyir ro/ /sgra dang ldan pa rnams kyi mchog ni bcom ldan 'das de sgra dang ldan no//ye shes kyi spyod pa'i don du 'jig rten gsum 'dul ba ste/ de yang rje btsun 'jam dpal nyid yin no/ /de yan chad kyis rdo rje rigs kyi las kyi rigs mtshan bcu bzhi ste/ de ltar na tshigs bcad ni gcig lhag pa'i bcu tham pa mtshan bdun cu rtsa gcig ste le'u bdun pa rdzogs so// //yang dag bdag med ces pa rje btsun 'jam dpal la yang dag bya ba la sogs pa ni mtshan nas bod de/ ci'i phyir rje btsun 'jam dpal la de skad bya ba la sogs pa'i mtshan nas bod ce na/ bden pa dang de bzhin nyid dang /rtog pa med pa'i phyir de skad ces bya'o/ /de ka na la/ ye shes na bya ba grub pa'i ye shes zhes bya/ yang dag mtha' ste yi ge med pa ni gnyis med la yi ge mtshon du med de/ ye shes na chos kyi dbyings so/ /ye shes lnga po de yang rje btsun nyid yin no//stong nyid smra ba'i zhes pa rje btsun de ni sgra med sgra'i bdag nyid du yod de/ de yang stong pa nyid gsum gyi bdag nyid du yod do/ /kun brtags kyi stong pa'i ngos nas dngos po med pa'i stong pa nyid gzhan dbang rnam rtog gis stong zhing de med pa'i ngos nas dngos po ma yin pa'i stong pa nyid ngo bo gnyug ma ma bcos pa yongs grub tu 'dug pa'i ngos nas rang bzhin stong pa nyid de/de nyid la gtso bo zhes bya khyu mchog ces bya'o/ /zab cing zhes pa stong pa nyid de gzung 'dzin gyis stong / rtogs par dka'/ ci yang med pa'i phyir ro/ /rgya che ba ni de nyid sna tshogs su shar ro//de nyid zung du 'brel ba'i gnyis med kyi sgra rje btsun sgrogs te/ mu stegs/ nyan thos/ rang rgyal/ sgyu ma gnyis med la sogs pa'i lta ba zil gyis gnon no/ /de yang skad cig mas sgyu ma gnyis med zil gyis gnon la/ chos thams cad rnam par rig pa tsam gyi lugs khas len pas nyan thos dang /rnam med zil gyis gnon no/ /chos kyi dung chen ni byang chub sems dpa' don grub dga' ldan nas 'dzam bu'i gling du gzigs pa gsum la gzigs nas rgyal tshab tu rgyal ba byams pa dbu rgyan gyi dbang bskur nas/ sgyu ma lha mdzes kyi lhums su gshegs pa'i tshe 'jam dpal gyis chos kyi dung gi sgra bsgrags te/'dzam bu'i gling du sangs rgyas kyi chos 'byung bar 'gyur ro zhes stong gi 'jig rten du grags pas che ba yang yin no/ /chos kyi gaN+DI zhes pa/ bcom ldan 'das kyis bdud bzhi 'dul nas zad pa dang mi skye ba mngon du mdzad de/byang chub kyi shing drung du thugs khral chung bar bzhugs pa la tshangs bas zhu yon du gser gyi 'khor lo rtsibs stong dang ldan pa phul nas gsol ba btab ste/ lha'i dbang po brgya byin gyis lha'i gdugs phul/ lha'i bu bye ba dung phyur gyis bsil g.yab kyis g.yob cing bA rA Na sIr byon nas/bcom ldan 'das mnyam pa nyid la bzhugs nas de'i bar du 'khor gyis nas tshangs pas gaN+DI'i sgras 'khor bsdus nas de yang rje btsun gyi sprul pa'o/ /phyogs bcu zhes pa thams cad du thos pa'i chos sgrogs pa ni rnga chen te de yang 'jam dpal lo//gzugs med ni chos sku ste ngo bor ma grub pa'i phyir ro/ /gzugs bzang ni longs sku ste/ gnas ston pa/ 'khor chos/ khyad par can gyi gzugs rkyen gyis snang ba'i phyir ro/ /dam pa ni ngo bo nyid kyi sku ste/ btsal na cir yang mi rnyed de stong pa nyid kyi phyir ro/ / sna tshogs gzugs can ni sprul sku ste/ gdul bya la sna tshogs pa'i gzugs yin pa'i phyir ro/ /yid las skyes rnam smin gyi sku de ye shes de nyid dang / der mi 'dra bar smin pa'i phyir ro/ /de lta bu'i sku lnga po de yang rje btsun no/ /gzugs rnams thams cad snang ba'i dpal/ / zhes pa ni spyi dum bu bzhi ste/ gong du chos kyi dbyings dum bu dang / khams gsum rnam rgyal/ rdo rje rigs kyi dum bu gnyis bstan/ 'og nas rin chen rigs dang don thams cad grub pa'i dum bu ston/ pad+ma'i rigs 'di ni 'gro ba 'dul ba'i dum bu zhes bya ste sna tshogs su snang /snang tsam na gzhi cir yang ma grub pas gzugs brnyan te de 'char ba yang rje btsun no/ /de lta bu'i rje btsun de gzhan gyis mtshungs pa med cing bsod nams kyi phung po che bar yang grags so zhe'o/ /de ni khams gsum gyi dbang phyug chen po zhes kyang bya'o/ /'phags pa ni lam thams cad ston cing mthong ba'i phyir te/lam de yang gang zhe na/ lam yan lag brgyad de/ yang dag pa'i lta ba nas yang dag pa'i ting nge 'dzin gyi bar du'o/ /de la ni rje btsun de grags so zhe'o/ /thar pa zhes pa de las thar der gyur son zhes pa'i don to//des na/ chos kyi tog dang rgyal mtshan pa/ /zhes bya'o/ /gnyis med kyi 'jam dpal de nyid lha la sogs pa 'jig rten gsum na gzhon lus gdul ba la sogs gzhon nur ro/ /nyan thos kyis 'dul ba la yang nyan thos sde bzhi'i 'khor na gnas brtan chen po'i gzugs kyis chos ston/rang rgyal gyis 'dul ba la rang rgyal rgan po dang / so so'i skye bo dang / byang chub sems dpas 'dul ba la ri bong la sogs pa'i skyes rabs sam/ skye dgu 'dul ba'i de thams cad kyi jo bo'am bdag por gyur pa ni rje btsun no/ /de dang des 'dul ba la de dang de'i slob dpon mdzad pa de mi rigs snyam pa la/cir snang yang gzhi ma grub pa'am ma nges pa'i phyir ro/ /'o na sangs rgyas kyis slob dpon mi mdzad dam snyam pa la/ sum cu rtsa gnyis mtshan 'chang ba/ /zhes gsungs te/ zhabs 'khor lo'i mtshan dang ldan pa nas/ba'i rdzi ma lta bu'i bar du sum cu rtsa gnyis ni gtso bo la dpe byad kyis bskor ba'i sku 'chang ba yang rje btsun no/ /de la mtshan dpe la yang 'jig rten pa dang 'das pa'o/ /de la 'jig rten pa'i mtshan dpe ni 'khor los sgyur ba'i rgyal po la yang mnga' la/ 'das pa ni sangs rgyas la mnga' ba de'o/ /'o na khyad ci yod ce na/ thub mtshan yul la gnas pa ni/ /gsal ba rdzogs pas 'phags pa yin/ /zhes gsungs te/ thub pa sangs rgyas rnams kyi mtshan ni yul na brtan par gnas pa dang / gsal ba dang rdzogs pa yin la/ 'khor los sgyur ba'i rgyal po yul na mi gnas te/ yo ba dang / mi gsal ba dang / ma rdzogs pa'i khyad yod do/ /sdug gu 'jig rten gsum na mdzes/ /zhes pa 'jig rten gsum gyi sems can thams cad kyi mngon bar 'dod par bya ba'am/ lta bas mi ngoms shing chog mi shes pa'i phyir sdug cing mdzes pa'o//'o na de 'jig rten pa'i slob dpon mi byed dam zhe na/ 'jig rten shes legs slob dpon te/ /zhes pa nas mar gsungs te/ 'jig rten pa'i shes legs ni yon tan te/ skal ba dang ji ltar 'tsham pa bzhin du bzo dang thabs la sogs pa thams cad kyi slob dpon mdzad de/many+dzu'i byin rlabs yin pa'i phyir ro/ /'o na de nyes skyon can du mi 'gro'am snyam pa la/ 'jig rten slob dpon 'jigs pa med/ /ces gsungs te/ sprul pa sna tshogs kyis sems can gyi don byed kyang de la snyam pa'am/ don byed kyang chags pa med de pad+ma bzhin no//man ngag tu ni slob dpon mtshan nyid dang ldan yang 'di nyid kyis mtshon la lta ba rtogs pa'i rnal 'byor pas ni 'jig rten pa'i chos thams cad kyi slob dpon byed cing 'dul la skye med kyi gsal 'debs pas gsal byed kyi rgyun du yang 'dug ste/ snang ba thabs la brten nas stong pa shes rab rtogs par byed do//de ltar rtogs pa'i rnal 'byor pa la mi mthun pa'i 'jigs pa yang med do/ /de'i phyir rje btsun de ni mgon skyabs zhes bya'o/ /stong pa skye med rtogs na nga rgyal la sogs pa'i brag 'joms pa'i phyir yid gcugs pa zhes bya'o/ / de'i phyir de la ni skyabs dang bskal pa bzang po'i sangs rgyas kyi rgyun mi gcod pa'i phyir skyob pa dang ye shes chen po thob pa'i phyir bla na med ces bya'o/ /nam mkha'i mtha' la longs spyod pa/ /zhes bya bas ni nam mkha' dang 'dra ba'i zab mo stong pa nyid kyi ye shes la legs par gnas shing longs spyod pa'o//thams cad mkhyen pa'i ye shes mtsho/ /zhes pa shin tu yangs pa'i ye shes mnga' ba'i phyir ro/ /ma rig sgo nga'i sbubs 'byed pa/ /zhes bya ba ni bya'i rgyu sgo nga'i sbubs yin pa bzhin/ rigs drug ni sems can thams cad kyi byed rgyu yang ma rig pa de sgo nga'i sbubs dang 'dra ba la 'du byed 'joms pa ni 'jam dpal lo//srid pa nye bar len pa'i phung po lnga'o/ /de nyid las mi thar ba'i phyir dra ba can de yang dag pa'i don bsgoms pas nyon mongs pa thams cad 'joms pa'i phyir ro/ /nyon mongs ma lus zhes pa ni ma rig pa'i rkyen gyis 'du byed nas/rga shi'i bar gyi rten 'brel nyon mongs pa de rje btsun gyis zhi bar byed do/ /'khor ba'i rgya mtsho pha rol phyin/ /zhes pa ni mya ngan las 'das pa'i skam sar phyin pa ni rje btsun no/ /ye shes dbang bskur zhes pa ni kun du bzang po'i ye shes la/de dbang bskur ba'i dbu rgyan dang ldan pa'o/ /dbu rgyan de yang rdzogs pa'i sangs rgyas te/ rigs lnga rgyan du thogs pa yang rje btsun no/ /man ngag tu 'dis slob ma dbang bskur ba mtshon te/ ye shes dbang ni rigs pa'i dbang lnga'o/ /cod pan ni dar dpyangs so//rdzogs pa'i sangs rgyas rgyan du thogs/ /zhes pa ni dbu rgyan rigs lngas dbang bskur ba de bkar te bstan pa'o/ /ye shes lnga bskyed cing bzhag pa dang ma rig pa lnga 'khyud pa'i phyir dbang po'o/ /sdug bsngal gsum gyis zhes pa sdug bsngal gyi sdug bsngal dmyal ba dang nye bar len pa'i phung po lnga sdug bsngal te ming dang mtshan nyid kyi sdug bsngal skye rga na 'chi ste/'bras bu sdug bsngal gyi bden pa ste de yang rje btsun no/ /sdug bsngal ni kun 'byung la bya ste/ 'bras bu sdug bsngal bskyed pa'i phyir 'bras bu'i ming rgyu la btags pa'o//zhi ba ni 'gog pa la bya ste/ rgyu 'bras kyi sdug bsngal gong ma gnyis zhi ba ste de yang 'jam dpal lo/ /gsum sel ni gong gi bden pa sdug bsngal lam gyi bden pas sel lo/ /mtha' yas ni chos kyi phung po brgyad khri bzhi stong la bya ste/ glang po che sa srung gis theg tshad kyi snag tshas bris pa'i chos la bya/gsung de yang rje btsun no/ /grol gsum ni nyan thos rang rgyal byang chub sems dpa'i rnam grol gsum ste/ de thob pa yang rje btsun no/ /sgrib pa ni nyon mongs pa'i sgrib pa ste/ sdug bsngal las kyi sgrib pa ste/ mtshams med pa'i las dang rnam par smin pa'i sgrib pa de dmyal ba dang /shes bya'i sgrib pa de dngos po gnas thabs dang 'gal ba'i lta ba dang snyoms par 'jug pa'i lta ba ste/ zhi gnas shas che ba'am/ lha tshe ring po de rnams las grol ba ni rje btsun no/ /de rnams las grol ba nyid kyis ni/mkha' ltar mnyam pa nyid la gnas/ /she'o/ /nyon mongs dri ma ni rtsa ba'i nyon mongs pa drug /nye ba'i nyon mongs nyi shu ste/ rtsa drug po de las rje btsun 'das shing bral ba ste/ de yan chad pad+ma'i rigs kyi de bzhin gshegs pa'i rigs kyi mtshan nga bzhi dus gsum yar btags pas nga lnga'o//dus gsum ni rang gi byang chub kyi sems nyid du snang la/ dus med pa ni 'das pa 'gags te med/ da ltar mi gnas te med/ ma 'ongs pa ma skyes te med/ de ltar dus gsum shes bya rang gi mtshan nyid la med do/ /gal te rgyu yod pa las skye'am med pa las skye/yod pa las skye na bdag las skye'am gzhan las skye/ bdag las skye na rgyu 'bras dus mnyam pas skye ba mi rung / gzhan las skye na rgyu mthun pa las skye'am mi mthun pa las skye/ mthun pa las skye na phan 'dogs nas skye'am phan mi 'dogs pa las skye/phan 'dogs pa las skye na rgyu yod tsam na 'bras bu med/ 'bras bu yod tsam na rgyu 'gags te de med des phan mi thogs so/ /de ltar dus gsum med par rtogs pa yang rje btsun no/ /des rtogs pa khyad par can rnyed pas sems can kun gyi gtso bo zhes bya'o/ / yon tan ni 'jig rten pa'i yon tan no/ /thod ni 'jig rten las 'das pa'i yon tan te/ 'jig rten pa'i yon tan de bas mdzes pa de ni rin po che'i thod dang 'dra la/ de'i thod du gyur pa ni rje btsun gyi yon tan te/ me tog gi thod kyis rin po che'i thod la brgyan na mdzes pa bzhin no/ / lus kun las ni rnam grol zhes pa lus ni chos kyi lus te/ dge bcu las grub pa lha'i lus dang nor gyi lus ni phyug po lta bu sbyin pa las grub pa'i mi lus dang / 'dod pa'i lus te dud 'gro dang / 'jigs pa'i lus te yi dwags dang / dmyal ba de kun la mi 'jigs shing mi 'gyur bas rje btsun ni de rnams las grol ba zhes bya'o//nam mkha'i mtha' la rab gnas pa/ /zhes pa skye med kyis rtogs pa dang ldan pas chos thams cad rang bzhin med par shes pa'i shes rab ni nam mkha' sgom la/ nam mkha' ni shes rab bsgom pa ste/ shes rab pha rol phyin pa la chos thams cad sgom pa rnam par bsgom pa ni nam mkha' sgom pa'o zhes gsungs pa lta bu ste/'di ni nam mkha' lam du khyer ro/ /yid bzhin nor bu zhes pa nas mar gong gi nam mkha' lam du khyer ba rtogs pa'i phan yon du bshad pa dang / rje btsun nyid la yid bzhin nor bu dang /dpag bsam shing dang / bum pa bzang po zhes brjod pa dang / yang na phyi rol rin po che dang / dpag bsam dang / bum par yang rje btsun sprul nas gzhan don byed ces bya ba lugs gsum du shes par bya'o/ /yang dam tshig 'di rnams kyi man ngag tu nor lha Ar+ya dzam+b+ha trel mchod pa yang zin par shes par bya'o//de la yid bzhin nor bu ni ci 'dod pa'i don grub par byed pa ste rje btsun no/ /khyab bdag ni de brtan g.yo la khyab pa gong du bshad pa bzhin no/ /kun gyi ni 'dir 'gro ba 'dul ba'i dum bu yin pas cir yang sprul pa ste/rin po che dang bkres skom la phan 'dogs pas dpag bsam shing dang / bum pa bzang po dang / de rnams kyis sems can thams cad kyi don byed do/ /phan 'dogs pa ni tshe phyi ma'o/ /mnyes gshin pa ni byams pa'i phyir rje btsun la de skad ces bya'o/ / bzang ba ni dge ba bcu/ ngan pa ni mi dge ba de yang dgos pa'i dbang gis shes pa'o/ /dus shes pa ni ting nge 'dzin la 'jug pa dang chos ston pa dang / sems can gyi don byed pa dang / btang snyoms su gnas pa dang / mya ngan las 'das pa gang gis 'dul ba'i dus shes pa'o//khyab bdag ni don go ba'o/ /dam shes ni snying po'o/ /sngags phyag rgya rnams ni dam tshig ste de shes la/ de las mi 'da' ba'i dam tshig dang rje btsun ldan no zhe'o/ /dus shes pa ni dus su sbyin pa dang / 'gyod pa med pa dang / yid du 'ong ba sbyin pa dang / rnam smin la mi re ba shes pa yang rje btsun no//sems can dbang don ni dbang po rab 'bring tha ma shes shing de la nyan thos rang rgyal byang chub sems dpa'i rnam grol rnam pa gsum ston pas mkhas pa'o/ /yon tan ldan pa ni sangs rgyas kyi sku dang / ye shes kyi yon tan dang ldan pa'o/ / yon tan shes pa ni phyi rol mu stegs pa dang / nyan thos dang rang rgyal la sogs pa'i yon tan shes pa'o/ /chos shes pa ni 'jig rten pa'am 'das pa'am/ 'khor 'das kyi chos shes pa'o/ /bkra shis pa ni thun mong ma yin pa'i mtshan dang ldan pa yang many+dzu'o/ /bkra shis 'byung ba ni 'jig rten pa'i bkra shis pa yang many+dzu las byung ba'o//bkra shis kun gyi nang na shin tu yang bkra shis pas many+dzu'o/ /grags pa tha na ri bong gi lus su sprul nas kyang sems can gyi don byed pa'o/ /bkra shis ni sems rtse gcig tu khyod bsgoms na phun sum tshogs pa thams cad kyi rten byed pa'i phyir ro//snyan grags ni gong gi sbyin pa mthar phyin pas bsod nams kyi phung po snyan par grags pas de skad bya'o/ /dge ba ni bcu de yang 'jam dpal lo/ /dbugs 'byin chen po zhes pa chags sems can gyi sems can 'dod chags kyi tshul gyi sgo nas 'khor ba las dbugs 'byin pa'i phyir chen po zhes bya'o//dga' ston ni dad pas sangs rgyas mchod pa la dga'/ thugs rjes sems can la sbyin pa la dga' bas che'o/ /dga' chen ni 'jig rten pa'i skal ba ji ltar 'tsham pa'i gzugs kyis bla na med pa'i chos ston dga' bar byed pa'o//rol mo ni zag med kyi bde ba'i ro la myang ba dang ldan pas che'o/ /bkur sti ni khams gsum na bkur sti dang phyag dang mchod pa'i 'os su 'dug la rim gro yang de nyid la sogs pa'i 'bras bu rim gro'i gnas su grub par byed pas de skad bya'o/ / tshogs thams cad kyi rten du 'dug pas phun sum tshogs pa zhes bya'o/ /mchog tu dga' ba ni sa dang po thob pas zhing brgya sbyong ba la sogs pa'i ngo bor 'dug la/ yang na dga' ba ni shrI ste lha mo la brten pa'i bde ba dang yid bde ba skye bar grags pas mchog tu dga' ba zhe'o//de'i bdag por yang 'jam dpal 'gyur ro/ /mchog ldan ni go 'phang gi 'gro bar bya ba thams cad kyi nang na mchog tu ldan no/ /mchog sbyin ni gdul bya'i bsam pa thams cad rdzogs par byed pa'o/ /gtso bo ni mu stegs/ nyan thos rang rgyal byang chub sems dpa' kun gyi nang na mchog tu gyur pa yin pa'i phyir ro//skyabs ni dman pa dang sdug bsngal ba'i skyabs med pa rnams kyi 'os su yang 'dug go zhe'o/ /'jig rten dgra zhes pa ni/ 'jig rten du lha 'khrugs pas 'jigs pa brgyad kyi dgra byung ste/ nad/ 'chi ba/ chu srin/ chag pa/ srin po/ byi ba rnams zad pa'i mchog gam rab ni many+dzu'o/ /'jigs pa ma lus sel zhes pa/ seng ge dang / glang po che dang / me/ sbrul/ rkun po/ chom po/ mtshon/ lce 'bab pa ste thog dang / 'jigs pa brgyad po de rnams rje btsun la gsol ba btab na sel bas de skad bya'o//gtsug phud ni byis pa gzhon nu/ phud pu ni lha'i bu gzhon nu de cis 'dul ba'i sems kyi gzugs kyis sems can gyi don byed pa'o/ /lcang le ni ral pa'i tshogs mnga' ba/ ral pa ni gcig pu sbams pa/ muny+dza na thor cog grol ba/yang na thod pa can gyi spyod pa byed pa'o/ /cod pan ni cod pan de nyi ma dang zla ba tshes gcig pa'i dbu rgyan gyis mu stegs pa'i brtul zhugs byed pa many+dzu'o/ /de yang many+dzu'i byin rlabs so/ /gdong lnga zhes pa'i tshig gnyis kyis sbyor ba dang por dang po'i sangs rgyas bsgom pa'i kha dog ston te ye shes lnga'i rtags phyogs bzhi'i steng gi zhal dang lnga ste/de re re la ral pa'i gtsug phud re re bsgom/ de yan chad kyis pad+ma'i rigs kyi rdo rje'i rigs kyi mtshan ma'o/ /zur phud lnga pa ni gong gi gtsug phud re re la/ rin po che'i zur phud re re'o/ /de'i rtsa bar me tog gis bcings pa bsgom mo//mgo zlum ni mgo reg ste/ shAka thub kyi brtul zhugs pa'o/ /brtul zhugs chen po ni sngags kyi he ru ka'i brtul zhugs te/ thod pa'i spyod pas zhing dang nye ba'i zhing na spyod pa yang many+dzu'o/ /tshangs pa'i spyod pa ni bskal pa mtha' yas par shAka thub kyi tshangs pa'i spyod pa la yun ring du cher spyad do//de yang many+dzu'i sprul pa'o/ /brtul zhugs mchog ni shAka thub kyi lo bcu gnyis su tshangs spyod kyi dka' thub kyi brtul zhugs khyim du ngal ma bso bar slong mo dang / nags khrod na rgyu ba'i mchog go/ /dka' thub mthar phyin pa ni 'jig rten pa'i dka' thub dbang po nye bar zhi ba ste/de mthar phyin pa ni rje btsun no/ /dka' thub chen po'i chu bo'i 'gram du shAka thub kyis lo drug tu til phyed phyed gsol ba de yang many+dzu'o/ /rje btsun de ni gtsang gnas dam pa zhes bya ste/ gtsang gnas ni phyi rol pa'i rig byed dang /mu stegs kyi brtul zhugs mthar phyin pa yang de'o/ /dam pa ni de'i rnam pa thams cad mkhyen pa de'i gong na gzhan med pa'o/ /gau ta ma zhes bya ba ni rigs ngan pa'i mtshan yin te/ de yang rgyal po rna ba can zhes bya ba la sras gau ta ma dang / ba ra dwa dza zhes bya ba gnyis btsas nas yod pa las/nu bo ba ra dwa dza rgyal srid la bcug nas pho bo gau ta ma drang srong nag po la rab tu byung nas/ dgon par spyil por bzhugs nas bsgoms pa las yul de na skyes pa pad+ma'i yan lag ces bya bas smad 'tshong ma 'gro ba bzang mo la smad rin bcal nas/ skyes pa gzhan gyis kyang rin bcal nas/ mo'i bsam pa la ngas nub gcig la skyes pa gnyis mi skyong bas na/ g.yog mo pad+ma'i yan lag la jo mo do nod mi khom byas pas/ skyes pa gzhan zhig dang yud cig nyal nas song ngo / /da ni gnyis ka skyong snyam nas/ pad+ma'i yan lag sbran pas khros nas ral gris 'gro ba bzang mo'i rke bcad nas bros nas gau ta ma'i spyil po'i sgo khar ral gri bor bas khrag rjes bcad pas chad pa gau ta ma la bcad de/rgyal po'i btson khang du gsal shing mang po btsugs pa'i steng du gcer bur bskur bas drang srong nag po'i zhal nas khyod la 'di tsam gyi chad pa 'ong ba khyod kyis las ci byas zer ba las/bdag gis tshe 'di la ni nyes pa byas pa med na/ snga ma'i las cig ma lags sam byas pas/ drang srong nag po na re 'o na khyod la yid ches pa'i dpang po su yod zer bas/ khos bden pa'i stobs brjod do//nga la nyes pa med na slob dpon lus gser gyi gtan pa phyis pa bzhin gyur/ nyes pa yod na slob dpon gyi sku snga ma bas gnag par 'gyur/ nga yang shin tu sdug bsngal zhing shi nas dmyal bar skye bar gyur cig ces brjod pas/ slob dpon drang srong nag po de sku gser gyi gtan pa phyis pa bzhin gyur/de nas gau ta ma na re bdag ngan song du mi ltung ba'i thabs cig zhu zer bas/ drang srong nag po na re drang srong gi chos lugs kyi gdung 'tsho ba bu yod na/ mtho ris su skye ba'i thabs yod de/ khyed la gal te bu yod dam zer nas bdag byis pa chung ngu la rab tu byung na bu yod pa'i dpe ga la srid zer/der yang drang srong na re 'o na khyod tshul bzhin ma yin pa yid la dran nam zer bas bdag nyi mas ni steng nas gdungs/ gsal shing gis ni 'og nas zugs nas de skye ba ga la srid zer der drang srong de'i rdzu 'phrul gyis nam mkha' la sprin bsdus char zam zim phab pas/kho'i tsha ba'i gdung ba zhi bde ba skyes/ tshul bzhin ma yin pa yid la dran/ des khu ba'i thigs pas 'og gi khrag dang 'dres/ de bu ram gyi shing lo'i khar bzhag pas zla ba gnyis lon tsam na/byis pa shin tu gzugs bzang ba gnyis btsas nas rgyal po bu ram shing pa zhes bya bar btags/ de nas lo mang du lon tsa na rgyal po bar dwa dza 'das nas kho'i 'bangs na re drang srong nag po la gau ta ma ni rgyal srid la dbab dgos zhus pa dang / drang srong na re gau ta ma shi nas lo mang du lon te/kho la bu bu ram shing bya ba gnyis yod zer te/ bu de gnyis kyis rgyal tshab byas pa las de gnyis kyi rigs la gau ta ma'i rigs zhes bya bar grags/ tha ma bcom ldan 'das kyi sras kyi bar du'o/ /de yang rje btsun no/ /bram ze zhes pa rje btsun de rang bzhin gyis thos pa dang /dka' thub dang ldan pas yang na bram ze mi'i skye gnas dang / bram ze'i chos lugs kyi skye gnas gnyis dang ldan la/ rje btsun sangs rgyas kyi skye gnas dang gzhan du sprul zhing yang skye ba'i skye gnas gnyis pa de skad bya'o/ /tshangs pa ni bsam gtan dang po'i lha'o//tshangs pa zhes pa ni tshangs pa la zhal lnga yod pa la/ mgo gcig khyab 'jug gis bcad de/ zhal bzhi nas mu stegs rig byed kyi tshig snyan dang gas dang nges brjod dang / srid srung dang / mchod sbyin bya ba bzhi shes te rje btsun sprul pa'o/ / mya ngan 'das pa tshangs pa thob/ /ces pa rgyal po zhig byang chub sems dpa'i spyod pa byed pa/ bram ze'i phru gu cig gis lag pa blangs pas lag pa g.yas pa bcad nas byin pas/ khyod kyis lag pa g.yon pa chog la nga la byin zhes zer nas bram zes smras pas rgyal po byang chub sems dpa'i spyod pa la skyo ba skyes te/ngas lag pa 'dod pa lag pa byin na g.yon gyis byin pa las ji ltar byar yod/ byang chub sems dpa'i spyod pa 'di dka' bar 'dug dgongs nas nyan thos su sems bskyed de bsgrubs pa las nyan thos kyi byang chub thob pa ni 'phags pa kun dga' bo'o//de'i sprul pa ni lha tshangs pa thob pa de theg pa chung ngun gyi sdud po'o/ /grol ba ni yang na nyan thos stong pa nyid mthong ba/ thar pa ni shes bya mthong spang gi 'dod chags las thar pa/ rnam grol ni byang chub kyi yan lag bdun dang / 'phags pa'i lam yan lag brgyad la bya'o//rnam grol ni dus gsum gyi 'ching ba las grol te/ de ltar yang phan yon las/ bcings pa thams cad thar pa'o/ /zer ba'i phyir ro/ /zhi ba ni rten 'brel gyis spros pa las zhi ba'o/ /zhi ba nyid ni gzung 'dzin gyi rtog pa zhi ba nyid do/ /mya ngan las 'das pa mdor bstan pa'o//mya ngan zhi ba na mar rgyas par bshad pa ste/ mya ngan las 'das pa zhi ba ni nyan thos phyogs gcig pa'o/ /legs par nges par 'byung ba ni rang rgyal ba'i mya ngan las 'das pa'o/ /nye ba ni mi bskyod pa la bya ste/ zhe sdang can la 'dul ba'i mthar 'gro ba dang nye'o//bde sdug sel ba ni rin chen 'byung ldan te ser sna can la bde ba ster/ sdug bsngal sel ba'o/ /mthar 'gyur ba ni snang ba mtha' yas te/ 'dod chags kyis gdul bya dag 'dod chags la 'god do/ /de kho nas mthar thug par byed do/ /chags bral ni don grub ste/le lo can brtson 'grus kyis chags bral lam la dgod do/ /lus las 'das pa po ni rnam snang ste/ bag chags las 'das shing zad par bag chags thams cad gnas 'gyur te bag chags med pa'o/ /de yang rje btsun no/ /thub pa med pa ni gzhan gyis sdang bar mi 'gyur ba'o//dpe med ni dpe bstan du med pa'o/ /mi mngon mi snang zhes pa ni rje btsun gyi ngo bo gang du yang mi snang ste/ snang ba dang bral ba'i phyir ro/ /gsal byed min pa ni gzhan la mi ltos pa'i phyir ro/ /de yang stong pa nyid mthong na grol ba yin/bsgom pa lhag ma de'i don yin zhe'o/ /mi 'gyur ba ni stong pa nyid rang bzhin mi 'gyur la/ yang na mngon sum du rtog pa mi 'gyur/ kun 'gro ni gnyis med rgyun ma chad des thams cad du son pa'o/ /khyab pa ni brtan g.yo'i dngos po kun la khyab ste rje btsun no//phra ba ni rdul phran las kyang phra ba ste rtogs par dka' ba'o/ /zag med ni bde stong ngo / /sa bon bral ni dge ba dang mi dge ba dang lung du ma bstan pa kun gyi sa bon bsags pa kun gzhi ste de nyid many+dzu bas de dang bral ba'o/ /rdul med ni 'dod chags la sogs pa'i rdul gnyis med la rdul bral ni de nyid de bzhin nyid las gzhan du 'gyur ba yang med do//stong pa nyid la rkyen gyi dri ma glo bur ba med de/ de nyid many+dzu'o/ /nyes pa ni 'dod chags la sogs pa de many+dzu la med la skyon ni nad la sogs pa med pa'o/ /shin tu sad pa ni shes bya phyin ci ma log par mkhyen la sad pa'i bdag ni nyan thos las khyad par du gyur pa'o//man ngag tu snang ba sems su sad/ sems stong par sad/ stong pa bde bar sad do/ /kun gzhi kun rig ni shes bya ma lus pa shes shing rig pas kun shes/ sems can gyi bsam pa dang bag la nyal shes pas kun rig pa'o//de nyid kyis rab ste dam pa'o/ /rnam par shes pa'i tshogs brgyad de/ kun rdzob tu sgo lnga'i rnam shes sam/ yul la 'jug pa'i tshogs drug /nyon mongs pa can gyi yid/ kun gzhi rnams tha dad la/ don dam du gcig ste spre'u dang 'dra'o//de la kun gzhi ni nyon mongs pa'i gzhi'o/ /nyon mongs pa can gyi yid ni kun gzhi la bdag tu rmongs pa ste de kha nang du bltas pa'o/ /don dam du de rnams kyi ngo bo chos nyid do/ /'o na chos nyid de ji lta bu 'dod na snang ba dang stong pa ma bzung ma btang bas 'das she'o//ye shes gnyis med tshul 'chang ba/ /zhes pa chos kyi dbyings stong pa ste/ rang bzhin zab pa dang rgya che ba de rkyen gyis sna tshogs su snang ba de gnyis med do/ /tshul lam rang bzhin de 'chang ba ni rje btsun no/ /rnam par rtog med ni rtog pa dang mi rtog pa'i rigs su chad pa med de/rtog pa'i rang bzhin mi rtog par 'dug pas rtog pa'i ngo bos grub pa'i rang rgyud pa med do/ /lhun grub ni rang bzhin lhun grub dang rtog pa dang lam dang 'bras bu dang phrin las dang sbyar te/ de la rang bzhin lhun grub ni sri ka ti zhes pa sus kyang ma byas par rang bzhin lhun gyis grub pa'o//rtog pa ni bla ma'i rkyen gyis 'jug pa de rtog pa'i ngang la cog bzhag tu gnas so/ /lam ni bskyed rdzogs gnyis te/ der yang shes pa nyid cog bzhag tu gnas pa'o/ /'bras bu ni chos lnga ste der yang shes pa nyid der lhun gyis grub pa'o/ /phrin las ni rang bzhin gyi don te/de yang dbang po rab 'bring tha ma la de dang der snang ste/ rin po che bzhin rnam rtog med do/ /chags pa can pad+mo'i rigs kyis 'dul ba bzhin gzhan yang ngo / /dus gsum ni mar me mdzad la sogs pas kyang sangs rgyas kyi bya ba thams cad 'jam dpal gyis byed do/ /sangs rgyas thog ma tha ma med//ces pa ni tshangs pa dang brgya byin la sangs rgyas 'dod pa'i log rtogs bsal ba'am/ yang na thog ma dang tha ma skye 'gag med do zhe'o/ /de yan chad pad+ma'i rigs kyi rin chen rigs kyi mtshan nga lnga'o/ /dang po'i sangs rgyas rgyu med pa ni dang po kho nar ye shes lngar sangs rgyas la gnyis pa man chad sprul sku cir yang snang ba'o//rgyu med ni rang bzhin ma grub pa rgyu de ni rim pa ste skad cig ma'i rgyud kyis skye 'gag med pa'o/ /ye shes mig gcig ni 'jam dpal de thob par bya ba'i don gnyis med yin pas gcig ces bya ba'o/ /de la 'dod chags la sogs pa'i dri ma med de logs su ma mthong ba'i phyir ro//ye shes lus ni chos thams cad rnam par rig pa thams cad kyi lus su grub pa'i phyir ro/ /rje btsun de dang ldan pas can no/ /de bzhin gshegs pa ni gong du bshad do/ /tshig gi dbang phyug smra ba che'o/ / smra ba che ba ni smra ba'i skyes mchog yin pas so/ /skyes mchog ni smra ba'i rgyal po yin pa'i phyir rgyal po ni dam pa'o/ /dam pa ni mchog gi gnas so/ /de ni smra ba'i seng ge zhes bya ste gzhan gyis smra bas mtshungs pa med pa'i phyir ro/ /mtshungs pa med pas seng ge zhes bya/de bzhin du yar yang bzlog go/ /kun du lta ba mchog tu dga'/ /zhes pa kun rdzob tu thugs rje dang / ye shes kyi spyan gnyis kyis 'khor 'das la gzigs so/ /yang don dam du chos so so yang dag par rig la de gnyis la mchog tu dga' ba ni rje btsun no//gzi brjid ni 'od la bya'o/ /phung po ni de'i phreng ba la bya/ blta na sdug ni ye shes lnga byang sems dang drug ro gcig pa'i 'od kha dog drug ni mdzes shing yid du 'ong bas so/ /'od bzang po ni thugs ka'i nyi ma'i 'od kyis dkyil 'khor gyi lha gsal ba'am/ 'jig rten thams cad snang zhing gsal ba ni 'bar ba'o/ /dpal be'u ni sangs rgyas kyi thun mong ma yin pa'i mtshan de thams cad mkhyen pa las byung ba de skye ba'i rkyen de sangs rgyas kyi thugs ka na dpal be'u rtse gsum du yod zer ba de gzhan lugs so/ /'dir ni ye shes sems dpar bzhed do//lag na 'od 'bar snang ba po/ /zhes pa rje btsun gyi lag na gshin rje gshed me 'od 'bar ba can mtshon cha 'am/ sdigs char bsnams pa'o/ /sman pa ni gnyis te chen po dang mchog go/ /de la chen pos ni nyon mongs pa'i nad dug gsum 'joms la mchog ni shes bya'i sgrib pa'i nad gso ba la mkhas so//gtso bo ni des 'gro ba 'dren pa ste cis 'dul lo/ /'dis 'gro ba 'dul ba'i dum bu yin pa'i phyir ro/ /zug rngu 'byin pa ni bskyed rim gyis nyon mongs pa'i zug rngu 'byen la/ rdzogs rim gyis shes bya'i zug rngu 'byin no//des na 'jam dpal ni bla na med pa'o/ /sman rnams ma lus zhes pa ni rje btsun nyid ga pur la sogs pa'i sman du sprul nas gzhan don byed la/ yang na sman pa ni bla ma sman bskyed rdzogs/ nad pa slob ma nad zug rngu gnyis gso'o/ /nad do cog gi sgra che ba/ /zhes bya ba ni nyon mongs pa dang shes bya'i gnyen po gnyis med do//sdu gu 'jig rten gsum gyi mchog /ces pa ni 'gro ba thams cad dang mi mnyam pas 'jig rten gsum gyi gtsug gi dbu rgyan yang mchog go/ /dpal ldan ni gza' dang rgyu skar du sprul nas sems can gyi tshe dang ye shes bskyed la dkyil 'khor can yang 'jam dpal lo//phyogs bcu nam mkha'i mthar thug pa/ /zhes pa la nam mkha'i rgya ma chad pas thams cad du khyab pa de'i mthar thug tu gnyis med rje btsun des khyab po/ /chos kyi rgyal mtshan legs par 'dzugs/ /zhes pa gong gis khyab pa des bsod nams dang ye shes kyi rgyal mtshan 'dzugs pa'o//'gro ba ni rigs drug na'o/ /gdugs gcig ni tsha traM zhes bsil ba des nyon mongs pa'i tsha ba 'joms pa'o/ /des khebs sam zhe na yangs pa de mtshan nyid la gnyis su med pa'i phyir ro/ / 'gro ba rnams la byams pa dang snying rjes snying po len pa'i don gyis dkyil 'khor che'o/ /dpal ldan pad+ma gar gyi bdag /ces pa gar dbang ting nge 'dzin gyi rang bzhin no/ /khyab bdag ni dngos po thams cad la khyab pa'o/ /des na rin po che'i gdugs te/ de dam tshig tu gyur pa thams cad skyob pa'o/ /sangs rgyas kun gyi gzi brjid che/ /zhes pa 'byung ba dang 'byung ba las gyur pa rnams kyi de bzhin gshegs pa rnams khyod la brten zhes te/ sangs rgyas kyi rgyal po byang sems rdo rje la bya/ sangs rgyas kun gyi sku 'chang ba ni chos thams cad kyi chos nyid stong pa nyid de 'jam dpal 'chang ngo //sangs rgyas kun gyi rnal 'byor che/ /zhes pa yo ga las rnal 'byor chen po bcom ldan 'das rdo rje sems dpa' de bzhin gshegs pa zhes 'byung ste 'jam dpal de la gnas pas chen po yang yin no/ /sangs rgyas kun gyi bstan pa gcig /ces pa bstan pa ni theg pa gsum ste/ dus gsum gyi sangs rgyas thams cad kyis bstan pa'i theg pa ni gnyis med kyi theg pa chen por gcig go/ /rtogs pa yongs su rgyas pa las/ sangs rgyas kyi theg pa ni gcig ste gnyis dang gsum ni ma mchis so//des na ye shes gcig min sku gcig gdugs gcig la sogs pa sbyar ro/ /rdo rje rin chen mi bskyod pa de rdo rje'i rang bzhin zhe'o/ /des gzhan don byed pa ni rin chen no/ /dbang bskur dpal ni rdo rje sems te/ shrI zhes pa dpal te lha mo la bya la/des mi bskyod pa'i skal ba dang ldan par byed pas dbang bskur zhe'o/ /rin chen kun bdag ni rin 'byung ste/ yum gyis de rnams ma thob pa ste kha lo sgyur bas bdag po'o/ /dbang phyug ni rat+na badzra/ rin 'byung gi dbang byed pa'am bdag go/ /'jig rten dbang phyug ni snang ba mtha' yas te 'khor lo de gsum la dbang sgyur la/kun gyi bdag ni d+harma badzri ste snang mtha'i bdag nyid do/ rdo rje 'chang ni don grub ste rdo rje rgya gram 'chang la/ kun gyi rje ni karma badzri ste don grub kyi rje'o/ /sangs rgyas kun ni rnam snang ste sangs rgyas thams cad bsdus pa'i bdag nyid pas thugs che ba ni rdo rje dbyings kyi dbang phyug ma ste/gzungs kyi dkyil 'khor thugs kyi dkyil 'khor rang bzhin rnam snang yum du gzhag pa'o/ /de ltar rigs lnga yab yum bcu po de yang rje btsun nyid rje btsun gnyis med de yang sangs rgyas kun gyi sku che ba'i rang bzhin dang /gsung che ba'i rang bzhin yang yin no zhe'o/ /de ni nyi mar yang snang ngo zhe'o/ /de yan chad pad+ma'i rigs nga lnga'o/ /rdo rje nyi ma dang rdo rje zla ba ni don ma rtogs te de la rdo rje ni gnyis med la bya/ nyi ma ni thams cad du snang zhing gsal bar byed/ ma rig pa'i mun pa gsal bar byed do//de nyid rje btsun no/ /rdo rje ni gnyis med/ zla ba ni gsal ba la bya ste/ dri ma med pa ni rang bzhin gyis dag pa ste/ rdo rje rtse mo las kyang / dag cing gsal la rnyog pa med/ /ces gsungs te de nyid rje btsun no/ /yang na man ngag tu nyi zla gnyis po des sangs rgyas gdan nyi zla yin pa la tsha tsha 'debs pa'i man ngag nyi zla kha sbyor du bsam pa dang /mtshan 'don pa'i dus kyi thugs ka nas sngags spro ba'i gzhi rnam smin gyi sku bsgom pa yang 'di nyid kyis zin no/ /chags bral ni btang snyoms dang / dga' ba lam du khyer ba la sogs pa ni 'jig rten pa'i lam ste dge bcu'o//chags pa chen po ni gsang sngags sgo bzhi ste chags lam mo/ /de rnams kyang rje btsun no/ /kha dog sna tshogs 'bar ba'i 'od/ /ces bya ba ni ye shes sems dpa'i sku 'od lnga 'bar ba can de yang rje btsun no/ /rdzogs pa'i sangs rgyas ni shAka thub bdud bzhis mi tshugs pas rdo rje skyil krung du bzhugs pa'o//sangs rgyas 'gro ba'i chos 'dzin zhes pa dus gsum gyi sangs rgyas thams cad mtshan 'di dus gsum du yang dag par brjod cing 'dzin pa'o/ /dpal ldan ni dkyil 'khor bdun gyi lhas legs pa'i yon tan thams cad ster la/pad+ma ni many+dzu de las skyes pa'am/ yang na pad+ma dang 'dra bar skyes pa ste nyes pa'i skyon med do/ /kun mkhyen ni rje btsun nyid thams cad mkhyen pa'i ye shes kyi mdzod 'dzin pa'o/ /rgyal po ni dge bcu'i lam gyi sprul pa ste/ thams cad 'jig rten las sgrol ba'o//de lta bu'i sgyu 'phrul sna tshogs 'chang ba ni rje btsun no/ /che ba sangs rgyas rig sngags 'dzin ni/ sangs rgyas kyi rig sngags ni gzungs te tshig don sngags phyag rgya'i gzungs rje btsun 'dzin no/ /rdo rje rnon po ni zhal lnga pa ste sku phyag rgya chen po'o/ /ral gri ni g.yas pa bzhin nyon mongs gcod pa'i rtags las kyi phyag rgya yi ge'i mchog ni thugs ka'i d+hIHste/gsung gi rang bzhin chos kyi phyag rgya'o/ /rnam par dag pa ni thugs dag par ston pa'i rtags g.yon gyi phyag na rgyal ba'i yum po ti bzhi bsnams pa ste thugs dam tshig gi phyag rgya'o//de rnams tshogs pa ni sku phyag rgya chen po ste dang po'i sangs rgyas phyag bzhi pa bzhag pa'o/ /dkyil 'khor gyi lha gzhan des 'dre ste shes par bya'o/ /theg pa chen po ni gong gi po ti de rnams ut+pa la'i steng na bsnams pa ste/ des sdug bsngal thams cad gcod pa'i lam de theg pa chen po zhes bya'o//sdug bsngal ni nye bar len pa'i phung po lnga'o/ /mtshon cha chen po rdo rje chos/ /zhes pa gong gi lam des sam/ ye shes kyi chos nyid kyis nyon mongs pa thams cad gcod pa de la de skad bya'o/ /rdo rje zab mo ni gnyis med kyi ye shes te skye ba med pa'i rang bzhin du shes pa'o//'dzin pa ni rgyal ba de rigs bzhi'i ye shes las rgyal ba dzi na dzika de rnam snang la bya/ rdo rje ni mi phyed pa de gnyis med las blo gros ji ltar gnas pa bzhin rig pa yang many+dzu'o/ /pha rol phyin pa ni bcu/ mchod pa ni rdzogs pa rnams ni rab dga' la sogs pa bcu'o//kun gyi rgyan des dang po rab tu dga' ba la sbyin pa'i rgyan las bcu ye shes kyi rgyan gyi bar du'o/ /rnam par dag pa ni chos thams cad skye med du rtogs pa bdag med chos ni chos snang ba'i dus nyid na rang bzhin gyis cir yang ma grub pas mi snang ba dang 'dra ba'i snang ba la 'dra ba zhes bya ste/de yang rje btsun no/ /yang dag ces pa thugs yang dag par ye shes nyid ye shes sems dpa'i thugs ka'i zla bar byung ste rje btsun no/ /brtson 'grus sgyu 'phrul zhes pa ni zag med kyi brtson 'grus zhes bya ba/ bya ba grub pa'i ye shes kyis sprul pas sgyu ma yang yin pa la drang ba ni 'brel pa'i don to//rgyud kun gyis ni bya ba spyod pa'i rnal 'byor chen po bzhi'o/ /de'i rang bzhin nam bdag nyid du gyur pas rje btsun ni mchog go/ /de ni rnal 'byor phyi nang gnyis ka'i rgyud yin gsung / rdo rje'i gdan ni ma lus ldan ni ye shes sems dpa'i skyil mo krung du bzhugs pa'i khungs sam/yid mthun gnas su rnal 'byor pas de ltar bsdad na ting nge 'dzin skye ba'i dgos pas bshad pa ni man ngag go/ /ye shes sku rnams ni ye shes lnga chos nyid byang chub sems dang drug ro gcig pa ma lus par tshang ba rje btsun no/ / rje btsun de la ni nyon mongs pa'i dri ma med pas kun du bzang po zhes bya/ dri ma med pa'i blo gros dang ldan pas blo gros mi zad ces bya'o/ /sa'i snying po ni snod kyi 'jig rten te rje btsun no/ /'gro ba ni rigs drug ste bcud kyang 'jig rten no/ /de yang lugs gcig gis snod dang bcud rje btsun gyi sprul par 'dod pa dang /lugs gcig gis snod bcud las kyi 'gro ba ni rje btsun min la chos nyid kyi ngos nas rang bzhin 'jam dpal yin zer ba dang / snod bcud rje btsun rang yin par 'dod pa dang gsum las 'dir snod bcud rje btsun rang yin par bzhed de/ sna tshogs kyi rang bzhin btsal na mi rnyed/skye med don dam pa rtags tshod du kun rdzob sna tshogs rgyun mi 'chad rgya ma chad pa'o/ /de gnyis med de/ de nyid 'dzin pa yang 'jam dpal lo/ /de yang gcig gi stong pa nyid gang yin pa de ni kun gyi stong nyid yin zhes te/ de lta bu yang rje btsun no//de ka na sangs rgyas thams cad kun gyis bskyed pas rgyu ste snying po che zhes bya'o/ /sprul pa'i 'khor lo zhes pa 'jig rten las 'das pa'i dkyil 'khor sna tshogs sprul pa ste dkyil 'khor bdun gyi lha la bya'o/ /de 'chang ba yang rje btsun no/ /dngos po zhes pa chos thams cad kyi rang bzhin gnyis med de yin pas mchog ces bya'o//de'i rang bzhin 'dzin pa yang rje btsun no/ /skye med ces pa don dam du skye med du snang yang kun rdzob tu sna tshogs kyis gzhan don byed de de yang rje btsun no/ /mtshan nyid la gnyis su med pas chos sku ngo bo gnyis med de rje btsun 'chang zhe'o//shes rab chen po skad cig la/ /zhes pa ni chos thams cad skad cig la rnam par 'byed pa'i shes rab chen po'i skad cig gis shes bya'i dkyil 'khor ma lus par khong du chud pa yang rje btsun no/ /chos kun mngon par rtogs pa ste/ /zhes pa ni shes bya ji snyed pa rtogs pa yang rje btsun no//thub pa ni yang dag bden pa de bzhin nyid thub pa'o/ /blo mchog ni mtshan dbyer med du shes pa'o/ /'byung po ni 'bar ba zhes pa mi mthun pa'i dngos po sel ba'o/ /mi g.yo ba ni bying rgod kyis mi g.yo la dang po ni ting nge 'dzin gyi dri ma gnyis med pa'i bdag nyid kyi rje btsun no//rdzogs pa ni bla na med pa yang dag par rdzogs pa'i sangs rgyas kyi byang chub 'dzin pa yang rje btsun no/ /sangs rgyas kun gyi zhes pa dus gsum sangs rgyas kun gyi de kho na nyid mngon sum du myong ba yang khyod lags so zhes pa'o/ /ye shes me lce ni gnyis med kyi ye shes me 'bar bas rtog pa thams cad bsreg pa'o//'od 'bar ba ni 'od 'phro ba ste man ngag gi dus kun du'o/ /des khams gsum thams cad gsal bar byed pa'o/ /pad+ma las rigs te mtshan nga lnga tshang ngo / /de ltar na mtshan brgya bdun cu rtsa lnga tshigs bcad bzhi bcu rtsa gnyis pa ste le'u brgyad pa rdzogs so// //'dod pa'i zhes pa rje btsun ni kun ci 'dod don du gnyer bar bya bas de skad bya'o/ /don grub ni rin 'byung la bya ste/ rje btsun nyid rin 'byung rigs su snang la de ni sbyin pa'i rang bzhin ser sna can gyi rang bzhin don grub par byed/'khor gsum yongs su dag pa'i sbyin pa la spyod pa'i phyir dam pa'o/ /ngan song zhes pa de gyur pa'i rgyu dang 'bras bu thams cad sbyong ba ni rje btsun te/ de'i thabs su ro bsreg la sogs pa gsungs so/ /de nyid kyis na mgon po zhes bya ste/ sems can thams cad kyi don la brtson pa'i phyir mchog ces kyang bya'o//sems can thams cad rab grol byed/ /ces bya ba sems can thams cad kyi don du bye brag dbang po rab 'bring dang sbyar nas theg pa gsum gyi lam gyis 'khor ba las sgrol bar byed do/ /de yang rje btsun no/ /nyon mongs ni 'dod chags zhe sdang dang lta ba ma rig pa khong khro nga rgyal the tshom drug gi yul dang /gcig pu gnyis su med de/ 'thab pas nyon mongs pa 'joms pas de la dpa' bo zhes bya'o/ /mi shes pa ni gti mug sgra ni the tshom grags pa ni nga rgyal de rnams 'joms pas gong ma de skad bya'o//dpal ni gong du bshad do/ /blo ni dang po'i sangs rgyas kyi sa bon hrIH'o/ /sgeg 'chang ba zhes pa byang chub sems yongs su rgyas pa ni sgeg la/ de bzhin gyi rje btsun gyi chos nyid byang chub sems rgyas pa'i bdag nyid 'chang ngo / /brtan pa ni mi 'gyur zhing dpa' ba mi sdug pa ni khro bo sku 'chang ba'o//lag pa brgya ba kun bskyod pa ni lag gar te nam mkha' thams cad khyab pa'o/ /gom pa'i stabs ni rkang stabs so/ /g.yas brkyang la sogs pa gar byed pa'o/ /dpal ldan ni go bar de nyid lag pa brgyas nam mkha' khyab par gar byed pa ni gar ro/ / sa gzhi'i khyon rkang pa ya gcig mthil gyis gnon pa rkang pa gyen la bzlog pa'i sen mos tshangs pa'i yul sa gnon pa yang many+dzu de nyid do/ /don gcig yan chad rin chen rigs kyi de bzhin gshegs pa'i rigs so/ /mtshan rtsa bzhi'o/ /don gcig gnyis med chos kyi don/ /zhes pa gnyis med gcig po de nyid chos thams cad kyi don to//dam pa ni don dam pa ste/ gsung la thos pas don dam ste/ nam mkha' dang 'dra ba dang mkha' dang 'jigs pa med pa'o/ /rnam rig ni 'jug pa'i tshogs drug /sna tshogs ni gzugs la sogs pa'i don rig pas sems can kun gzhi can/rnam shes ni nyon mongs pa can gyi yid/ rgyud ni kun gzhi la yid de las tshogs des 'brel pas rgyud de yang many+dzu'o/ /dngos don ma lus rnams la dga'/ /zhes pa ni gnas dang skye 'jig yod med 'da' ba mnyam pa mthong ba la sogs pa'i 'jig rten pa'i tha snyad rnams la dga' ba yang de'o//stong pa nyid ni chos thams cad chos nyid stong pa nyid la dga' zhing spro chags pa de nyid la de skad bya'o/ /srid pa'i 'dod chags spangs pa ste/ /zhes pas 'dod pa dang gzugs dang gzugs med pa la chags te/ de las 'das pa ni spangs pa ste de yang rje btsun no/ /srid gsum dga' ba ni khams gsum po de'o/ /lha ru sprul nas 'dul zhing dga' bar byed pas chen po'o/ /sprin dkar dag pa bzhin du dkar/ /zhes pa ni ma rig pa'i dri ma med pa'i phyir ro/ /'di na man ngag tu ye shes sems dpa' bsgom pa'i sku mdog dang mtshan che ba'i yon tan du bltas te/gdon pa'i sgom khog dang sbyar te sku mdog dang rgyan 'di rnams dang ldan pa'i ye shes sems dpa' nyid bud+d+ha thams cad kyi rgyan nam/ yang na ye shes sems dpa' nyid sprul sku'i rgyan dang ldan par bsgom ma zhe'o//mnyam nyid me long lta bu'i mtshan nyi shu/ 'jig rten khams brgya kun bskyod pa/ /zhes pa ni sa dang po la sogs pa'i yon tan zhing khams brgya sbyong ba la sogs pa'o/ /rdzu 'phrul gyi rkang pa bzhi'i stobs kyis pha rol zil gyis gnon pa yang de'o/ /de nyid dran pa chen po 'chang //zhes pa rigs bsdus su dngos po'i gnas lugs bstan/ rdo rje rigs su de'i sku 'khor bstan/ pad+ma'i rigs su blo gnas pa'i thabs bstan/ 'dir snying po'i don bstan te/ de nyid dran pa'i man ngag gzhan du shes so/ /rje btsun de nyid do/ /dran pa ni ma brjed pa ste 'chang ba'o//dran pa bzhi po lus lhar dran/ sems stong pa de bde bar dran no/ /byang chub ni yan lag bdun/ me tog spos de'i 'bras bu ste sems tshim pa'o/ /mchod pa yang 'dis zin no/ /de bzhin gshegs pa'i yon tan ni chos ma 'dres pa bco brgyad la sogs pa ste mang bas mtsho'o//man ngag tu mtshan che ba'i yon tan dang sbyar ro/ /lam gyi yan lag ni yang dag pa'i lta ba la sogs pa tshul ni thabs de rig pa ni rje btsun no/ /man ngag tu chu sbyin la sogs pa'i yan lag dang / chags lam/ grol lam/ smin lam rnams sbyar ro//yang dag sangs rgyas lam rig pa/ /zhes pa ni rang gi yang dag pa'i don de rig pa'am/ gzhan la lam de ston pas de la de skad bya'o/ /sems can kun la shas cher chags/ /zhes pa ni kun rdzob tu bsdu ba'i dngos po bzhis sems can gyi don la chags pa'o/ / nam mkha' lta bur chags pa med/ /ces pa don dam du rje btsun de la chags pa med de stong pa nyid kyi phyir ro/ /sems can kun gyi yid la 'jug /ces pa sems can thams cad byang chub kyi snying po can gyi rang bzhin yin pas so/ /mgyogs pa ni sems can thams cad kyi sems kyi rnam pa shes la dus gcig tu rje btsun 'jug pa'o//dbang don shes ni rab 'bring tha ma'i don shes pa'o/ /yid 'phrog pa ni skal ba gang dang ldan pa bzhin du chos bstan pas gdul bya'i yid 'phrog pa'o/ /phung po lnga'i don chos nyid du shes pa yang rje btsun no/ /rnam dag phung bo lnga 'chang ba ni rang kha ma dag nas tshul khrims dang /ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po lnga tshang ba de'o/ /nges 'byung kun ni 'jig rten pa'i nges 'byung dang / 'jig rten las 'das pa'i nges 'byung gi mthar phyin pa ni de'o//nges 'byung kun la mkhas pa ni nyan thos kyi nges 'byung zhib mor mkhyen no/ /nges 'byung lam la gnas pa ni rang rgyal gyi lam la gnas pa'o/ /nges 'byung kun gyi lam ston pa ni rdzogs pa'i byang chub ste de rnams rje btsun no/ /mnyam pa nyid kyi ye shes so/ /mtshan nyi shu pa'o//yan lag ni rten 'brel lugs dang / lugs las bzlog pa yang 'khor ba'i srid pa'i rtsa ba bton pa yang de'o/ /dag pa ni skye mched bcu gnyis gzung 'dzin gyis dben rje btsun 'dzin no/ /bden pa bzhi ni sdug bsngal gyi bden pa la sogs pa nyan thos kyi nges 'byung yang de'o//shes pa brgyad po ni chos shes pa dang rjes su shes pa dang / sdug bsngal shes pa kun 'byung 'gog pa lam zad pa mi skye ba shes pa ste de rnams rtog pa yang rje btsun no/ /bden don rnam pa bcu gnyis ni bden pa re re la gsum gsum bcu gnyis kyis chos kyi 'khor lo bskor ba'o//de nyid rnam pa bcu drug ni bden pa re re la mi rtag sdug bsngal stong pa bdag med bzhi bzhi ste/ der phyi nas rig pa yang rje btsun no/ /rnam pa nyi shus byang chub ces pa phung po lnga la so sor rtog pa'i ye shes kyi byang chub mngon du byas shing brtags na gzugs nyid bdag ma yin/gzugs la bdag med/ /bdag nyid gzugs ma yin/ bdag la gzugs med do/ /de bzhin bzhi la sbyar te/ de yang rje btsun no/ /rnam pa kun rig ces pa rje btsun ni shes bya kun rig pa'i mchog go/ /bud+d+ha'i sprul sku dpag med kyang rje btsun no/ /man ngag tu spros pa las bsdus bstan sbyar ro//skad cig thams cad mngon par rtogs/ /zhes bya ba ni dus kyi skad cig la bden pa bzhi la chos bcu drug tu shes pas rgyun du zhugs pa rtogs pa yang de'o/ /sems kyis ni sems can gyi sems kyi skad cig don kun mkhyen pa yang de'o//theg pa sna tshogs ni nyan thos la sogs pa thabs sam tshul ni lam mo/ /des 'gro ba'i don byed pa la spro ba ni rtogs pa ste/ de yang rje btsun no/ /theg pa gsum ni 'dul ba'i dbang gis nyan thos dang rang rgyal dang / byang chub sems dpa'i theg pa ste de dang de'i lam gyis de dang de'i 'bras bu nges par 'byung la/don dam par ni theg pa gcig ces pas gsang sngags bla na med pa ste/ rnal 'byor chen po'i theg pas 'bras bu bla na med pa'i sangs rgyas la gnas so/ /nyon mongs khams rnams ni mig gi khams la sogs pa khams bco brgyad gzung 'dzin dag pa'i bdag nyid ni rje btsun no//las kyi khams ni khams gsum ste/ 'jig pa dang zad par byed pa yang de'o/ /chu bo rgya mtsho kun las brgal/ /zhes 'dod pa dang sred pa dang lta ba dang ma rig pa dang bzhi ni mang bas rgya mtsho ste de las brgal ba ni rje btsun no//rnam shes don ni 'gag par byed/ /ces sbyor ba'i sems tsam la snyoms par 'jug pa ste de nyid shes dka' brgal dka' bas dgon par sbyor ba ste mthar phyin pa las byung ba ni rje btsun no/ /nyon mongs pa ni drug ste nye ba'i nyon mongs pa ni nyi shu rtsa bzhi kun nas nyon mongs pa bdun mngon du gyur pa bag la nyal ba'i bag chags dang bcas par gtan du spangs pa ni rje btsun 'jam dpal lo//mnyam pa nyid kyi so sor rtog pa'i mtshan nyi shu pa'o/ /snying rje chen po shes rab thabs/ /zhes pa thabs ni thugs rje chen po ste/ kun rdzob tu gzhan don shes rab don dam pa ste/stong pa nyid go ba/ don yod 'gro ba'i don byed pa/ /zhes pa 'gro ba'i don byas pas don dam dgos pa yod do zhe'o/ /'du shes kun gyi don spangs shing / /zhes pa 'du shes med pa'i snyoms par 'jug pa dang / 'du shes med pa dang 'gog pa'i snyoms par 'jug pa 'di gsum gyi mi mthun pa spangs pa ni rje btsun no//rnam shes don ni 'gag par byed/ /ces pa ni skye mched mu bzhi srid pa'i rtse mo dang lnga'i don shes pas 'bras bu de skye bas de'i mi mthun pa'i phyogs dag par byed de/ de yang rje btsun no/ /sems can kun yid ni sems kyi nyon mongs pa can yid la longs spyod pa'i phyir na yul de nyid las spyod pas ldan te de yang rje btsun no//sangs rgyas zhes pa dus gsum gyi bud+d+ha'i thugs ni chos kyi dbyings so/ /de rig pa ni rje btsun no/ /sems can kun gyi yid la gnas/ /zhes pa de'i sems kyi dkyil ni rje btsun bzhugs so//de dag sems dang ldan par 'jug /ces pa stong la nyid de dag sems can gyi sems dang mthun par 'jug ste gnyis med do/ /sems can kun yid tshim par byed ni kun la zag med kyi bde ba ster te/ de yang rang bzhin nam ngo bos bde ba ster ba de many+dzu'o//sems can gyi yid dga' ba ni zag med kyi bde bas 'dod pa thams cad ster ba man ngag go/ /thig le stong pa yi ge drug /ces pa 'dir man ngag tu 'jam dpal wA gI shwa ri muM zhes pa ngag gi dbang phyug gi sgrub thabs dang / de'i bskyed rim gyi sgo nas mtshan che ba'i yon tan du bltas te/'don pa gnyis te de ni man ngag tu shes par bya'o/ /de la thig le ni sa bon te muM stong pa ni don dam pa ste ye shes kyi tshogs de yang rje btsun no/ /rnam pa kun ldan ni bud+d+ha'i mtshan dpe dang / bud+d+ha gzugs sku de dang ldan pa ste/ rnam med ni don dam du mtshan dpe btsal na yon tan cir yang mi dmigs te/brtags tshod kun rdzob tu rgyun mi 'chad mi 'bral bas rnam bcas so/ /don dam du med pas rnam med des 'bras bu bud+d+ha'i sa ni rnam pa thams cad dang ldan pa'i rnam med do/ /de bzhin du 'di ltar snang ba la yang zab dang rgya che ba gnyis sbyor/bcu drug phyed phyed tshig rkang gsum la phra thig gi bsgom pa lus la 'khor lo bzhi bsgom pa ston te/ spyir na brten pa lha'i 'khor lo/ 'khrul 'khor las kyi 'khor lo/ snying ga shes rab kyi 'khor lo/ /lus gnas rtsa'i 'khor lo las 'dir lus gnas rtsa'i 'khor lo ston te/de yang shes rab kyi 'khor lo/ snying ga shes rab kyi 'khor lo/ mgrin pa shes rab kyi 'khor lo/ /mtshog ma shes rab kyi 'khor lo rnams bsreg pa dang gso ba'i sgo nas bsgoms te/ bla ma'i lung las mi 'da' ba'i phyir 'dir mi 'grel lo//de man ngag tu shes par bya'o/ /bcu drug ni A li phyed ni brgyad/ de'i phyed ni bzhi ste/ a ring thung bzhi ste/ tha lte ba las pa'i 'khor lo/ /thig le raM la ma btsud tsam gyi bar du bsam pa'i don to/ /bsam gtan bzhi ni tsakra sde bzhi'o/ /rdo rje rtse mo ni de'i 'od kyi rtse mo dmar po 'bar ba can no//des bsreg pa dang gso ba'o/ /rtsis las 'das pa ni yod med rtag chad gcig dang du ma/ dngos dang dngos med kyi rnam rtog gi rtsis las 'das te mi rtog pa'o/ /yan lag med pa ni 'bras bu spros med thob pa zhe'o/ /bsam gtan ni dang po gnyis pa gsum pa bzhi pa'o//yan lag ni rtog dpyod me dang 'dra/ yang na g.yo ba rlung dang 'dra/ dga' ba de chu/ brtan pa sa la sogs pa'i yan lag rim pa bzhin yod pa de shes pa yang many+dzu'o/ /ting nge 'dzin ni gong ma de bzhi'o//rigs ni rjes su grub pa dang / ma grub pa lugs gnyis te/ grub pa ni sems tsam pa'i rigs lngar 'dod de/ nyan thos dang rang rgyal byang chub sems dpa' ni de dang der thob par 'dod/ ma nges pa gang du yang skye bar ma nges pa la rkyen dbang du 'gro/ rigs chad pas de tsho gang yang mi 'grub zer ro//dbu ma pa rigs la rdzas su grub pa med de/ 'di na snod med gang la med/ /ces pa ste nyan thos dang rang rgyal gyis ni theg pa chen po'i lam stegs su 'dod de/ de yan chad las kyi rigs kyi de bzhin gshegs pa'i rigs kyi mtshan bcu dgu'o//rgyud rig pa ni gong ma de rnams kyi rigs gang du skye ba yang rje btsun gyis rig pa'o/ /ting 'dzin lus can lus kyi mchog ni chos sku'o/ /longs spyod rdzogs sku ni byang chub sems dpa'i dbus na rgyal po lta bu ste/ de yang rje btsun no/ /sprul sku ni 'jig rten pa'i sku kun gyi mchog ste/de gsum yang rje btsun no/ /rje btsun de dus gsum ka'i bud+d+ha mar me mdzad la sogs pa bskal pa bzang po'i sprul pa'i bud+d+ha thams cad kyi gdung rgyud mi gcod cing 'chang bas de skad bya'o/ /phyogs bcu zhes pa'i tshig gnyis ni mtshan gsang sngags su lta ba dang dkyil 'khor bskyed pa'i dus su sprul pa'i sku spro ba'i don las gnyis byed pa dang bsdu ba dad bstan pa'i man ngag go//lha'i dbang po ni khyab 'jug lha'i bla ni sa bla ste tshangs pa po ni rnam par snang byed zer/ lha min bdag rA hu la/ 'chi med dbang po brgya byin/lha'i bla phur bu/ 'joms byed tshogs bdag glang sna/ 'joms byed ma hA de ba ste/ 'jig rten pa'i lha chen po brgyad po de yang rje btsun gyi sprul pa yin pas dbang phyug ces pa'am/ yang de tsho la dbang sgyur ba ni rje btsun no/ /srid pa ni 'khor ba'i dgon pa ni rgal ba'o//de las rgal bar dka' ba brgal ba yang rje btsun no/ /ston pa ni sems can gyi don du chos ston pa'o/ /gcig pu zhes bya ste/ gnyis su grub pa mthar phyin ni don brtsams pa mthar phyin no/ /'khrul pa ni gtan la ma phebs pa ste/ rje btsun la med do/ / 'dir drug sgeg pa'i rdo rje'i 'grel pas grub pa mthar phyin pa'i man ngag go zhes gsungs te/ gnyis med sus kyang ma byas ma bcos pa de gzhan gyi rgyud la rtog pa skyed pa ni man ngag go/ /yang dang yang du goms par byed pa ni lam mo/ /goms pa mthar phyin pa ni 'bras bu'o//nor ba sarba rnam par spangs pa ni ji ltar gnas pa'i don nyid phyin ci ma log par shes pa'o/ /don gsum ni don gsum mo/ /de many+dzu'o/ /the tshom med pa'i blos shes par bya'o/ /kun don ni kun g.yo thabs kyi rje bo rje btsun no/ /yon tan gsum ni rdul mun pa snying stobs kyi bdag nyid kyang rje btsun te/de yang snying stobs mun pas kyang / /gang phyir sems can don 'gyur ba/ /zhe'o/ /phung po lnga don dus gsum du/ /zhes pa gzugs la sogs pa yang dus gsum gyis bsdus pa'i phyir/ mu stegs kyi brtags pa bsal nas nyan thos kyi bdag med tshol ba'o//skad cig thams cad bye brag phyed/ /ces pa rgyu'i skad cig gi dus ni sbyin pa dus su byin pa/ 'gyod pa med pa yid du 'ong ba/ sbyin pa rnam par smin pa la mi re bas 'bras bu'i skad cig la thos bsam bsgom gsum las byung ba'i shes rab kyis chos thams cad shes pa'o//des ni skad cig ma la spangs pa dang ye shes phun sum tshogs pa thob pas rdzogs sangs rgyas zhes bya'o/ /sangs rgyas kun gyi rang bzhin 'chang / /zhes pa ste sku gsum gyi bud+d+ha kun gyi rang bzhin nam/ chos sku la ni bzang ngan med kyi sprul sku la ni yod do//de ltar yang mdo las/ sangs rgyas thams cad tshogs dang ni/ /chos sku 'gro ba'i don byed par/ /mnyam pa nyid de sku tshe dang / /rigs dang sku bong tshod kyis min/ /zhes te/ bud+d+has tshogs bsags pa dang / chos sku dang 'gro ba'i byed pa la mnyam la/ tshe dang rigs dang bong tshod ni mi mthun zhing mi mnyam mo//lus med pa ni chos kyi dbyings kyi lus yin pas tha mal gyi lus med la de'i lus de ni lus kyi mchog go/ /lus kyi mtha' ni spros pa'i lus thams cad chos kyi lus su rtogs pa ste/ de'i phyir sprul pa'i gzugs tshogs gdul bya kun du ston zhe'o//nor bu chen po ni khams gsum chos kyi rgyal por dbang bskur ba'i ngo bo pas de la de skad ces bya la/ rin chen tog ni sbyin pas gdul bya thams cad rdzogs par byed pas rje btsun la de skad bya'o/ /de yan chod ni rin po che'i rigs kyi mtshan brgya rtsa bzhi ste le'u dgu pa rdzogs so// //sangs rgyas kun gyis rtogs bya ba/ /zhes pa ni dpal de kho na nyid bsdus pa las/ 'byung dang byung bas grub pa'o/ /sangs rgyas thams cad khyod la brten/ /zhes pa ste sangs rgyas kun gyis shes par bya ba'i rgyu'am/ mngon du bya ba'i rgyur 'dug pas rje btsun la de skad ces bya'o//bud+d+ha kun ni mu stegs can bkag pa ste/ nang pa la bud+d+ha'o/ /byang chub ni nyan thos dang rang rgyal dang byang chub sems dpa'i byang chub gsum mu stegs las khyad yod pas bla na med do/ /yang na bla na med ni 'og ma'i byang chub la bltas nas sngags kyi theg pa ni khyad par 'phags so//gsang sngags ni 'jig rten pa'i gsang sngags khyab 'jug ma hA de ba 'das pa'i gsang sngags mi bskyod pa la sogs pa lnga yang rje btsun no/ /de nyid dang de 'byung ba'i phyir ro/ /don dam du brjod pa dang bral bas yi ges mtshon du med do//gsang sngags chen po ni rigs gsum ste/ rnam snang sku mi bskyod pa thugs snang ba mtha' yas gsung ste de yang rje btsun no/ /yang gsang sngags ni sgo bzhi'i don kun bskyed/ 'byin sprul pa yang rje btsun no/ /thig le chen po ni A li kA la ste kun rdzob tu de dang der byung /don dam yi ges mtshon du med do/ /stong pa ni nang la sogs pa bcu drug ste 'dzin pa'i sems la sogs pas stong pa'i phyir na chen po ste rje btsun no/ /yi ge lnga ni rnam snang gi sa bon yi ge a dang / mi bskyod pa'i hUM/ rin 'byung oM/ snang ba mtha' yas hrIHdon yod grub kyi aH ste/yi ge de lnga ni lag pa byin gyis rlob pa dang / maN+Dal dang tsha tsha'i rab gnas dang / mi zab pa'i slob dpon gyis thig tshon brlab pa'i dus dang lngar sbyar bas so/ /med pas yid dga'o/ /'gro ba rnams kyi nang na bla ma zhes kyang bya'o/ / de yan chod rdo rje rigs kyi mtshan bcu dgu'o/ /'jig rten ni gsum mo/ /phyogs ni bcu ste 'og la sogs pa thams cad du rje btsun ni rab tu grags so/ /cis grags she na/ sbyin bdag ces pas chos kyi sbyin pa btang bas de nyid brtan g.yo thams cad khyab bdag nyid chen po zhes bya'o//de la ni dpa' bo zhes bya ste/ ci'i phyir zhe na/ byams pa'i khrab gyon snying rje'i lag pa bcug shes rab kyi mtshon thogs nas nyon mongs pa dang 'thab ste/ ma rig pa'i g.yul ngo de bsal nas bdud bzhi'i dgra btul te/ de'i 'jigs pa bsal zhing bdud kyi dpung gi tshogs pham par byed pa'am/de bzhin du b+ha ga bAn gyis rdo rje gdan la bdud bzhi btul te/ de yang rje btsun no/ /'di la many+dzu 'jam dpal rnon po'i sgo nas blo 'phel bar bya ba'i man ngag tu blta'o/ /rdzogs pa ni rigs thams cad tshang zhing rdzogs pas bud+d+has 'gro ba thams cad 'dren pa 'jig rten 'dren zhe'o//rje btsun de la bstod par 'os te/ thos pa dang dran pa mthar phyin pa'i phyir ro/ /'jig rten las 'das pas mchod pa'i 'os la lha dang bcas pa'i 'jig rten pas phyag bya ba'i gnas nyan thos la sogs pas ni rim gro bya ba'i 'os so//yon tan thams cad rdzogs pas byang chub sems dpas bkur bar 'os/ de yan chad rin chen rigs kyi mtshan bcu dgu'o/ /bud+d+ha thams cad kyis brjod par bya ba'i mchog go/ /rnal 'byor pas sgrub pa rnams kyis phyag bya ba'i 'os so/ /bud+d+ha thams cad kyi thugs las zhugs pas bla ma'i rab ces bya'o//'jig rten gsum po thams cad du gom pa gcig kho nas 'gro ba'i rdzu 'phrul mnga' bas gom gcig bgrod ce'o/ /mkha' ltar bdag med rnam par gnon/ /zhes pa de thams cad du sems can thams cad kyi don byed pa'i phyir ro/ / gsum rig ni sde snod gsum ste/ 'dul ba mngon pa mdo sde gsum rig pa'am/ yang na rig byed gsum rig ba'am/ de 'don pa de yang rje btsun no/ /nyes skyon med pas gtsang zhing dag pa'am/ dag pa'i rgyu yin te de yang rje btsun no/ /mngon shes drug ni lha'i mig gi mngon par shes pa nas gzhan gyi sems shes pa la sogs pa dang ldan pa yang de'o//rjes dran drug ni bud+d+ha rjes su dran pa nas chos dang dge 'dun rdo rje dang khro bo dam tshig rjes su dran pa ste/ de rnams rim pa bzhin sku lnga dang / ye shes 'khor lo dang rigs bdun gyi dkyil 'khor gyi lha dang /srung 'khor dang / bdag bsrung ba dang dam tshig can gyi rten gyi gang zag rnams la rim pa bzhin sbyar ro/ /byang chub sems dpa' ni rang don la chags pa/ 'og ma ni gzhan don la chags pa ni nyan thos las rdzu 'phrul chen po ni bsod nams dang ye shes kyi tshogs rdzogs pa//'jig rten las 'das pa ni 'khor ba'i chu bo las brgal ba'o/ /chos thams cad rab tu rnam par 'byed pa'i shes rab kyi mtshan nyid dang ldan pas mtha'o/ /shes rab kyi ni gnyis med kyi ye shes brtsi/ de mngon du gyur pa ni thob pa'o//bdag gis de nyid rig pas gzhan yang rig ste/ gzhan rig ni brtags pa ste nyal bar kyang de nyid sprul pa'o/ /de yan chad pad+ma'i rigs kyi mtshan bcu dgu'o/ /thams cad kyi rang bzhin gyi rig pa'o/ /kun ni thams cad la phan pa byams pa de'i phyir gang zag mchog ce'o//de ni dper bya ba las mtshon du med do/ /shes pa ni gzung ba/ shes bya ni 'dzin pa ste de'i bdag por gyur pas rab mchog ces bya'o/ /gtso bo ni 'gro bar bya ba'i mchog go/ /chos kyi sbyin pa ni skal ba dang 'tsham par btang bas bdag po zhes bya'o//phyag rgya bzhi dam tshig dang chos dang las dang phyag rgya chen po'o/ /don ston pa yang de'o/ /de ni 'gro ba rnams kyi bsnyen bkur bya ba'i mchog go/ /nyan thos rang rgyal byang chub sems dpa'i nges par 'byung ba gsum gyi tshul kyang de'o/ /don gyi dam pa rnam dag dpal//zhes pa don dam par chos thams cad dag pa'i dpal dang ldan pa'o/ /'jig rten gsum na skal bzang che/ /zhes pa sems can thams cad kyi don byed nus pa ni skal ba bzang ba ste/ nyan thos skal ngan dang khyad do/ /dpal ldan ni skal ba phun sum tshogs pa dang ldan pa 'byor ba ni 'jig rten dang 'jig rten las 'das pa'i phun sum tshogs pa kun gyi ngo bo bas de la de skad bya'o//de yan chad kyis mtshan gyi yon tan thams cad dang ldan pa ni 'jam dpal te/ dpal dang ldan pa'i mchog khyod la sogs so zhes bstod pa'o/ /de yan chad kyis las kyi rigs kyi mtshan brjod bcu dgu la mtshan go lnga tshigs bcad bco lnga ste le'u bcu pa rdzogs so// //de ltar de yan chad du rgyud rgyas pa las rigs bsdus pa dang / bye brag pa'i lnga tshan brgyad brgya sum cu rtsa gnyis kyis bstan nas/ da ni rgyud bsdus pa bstan pa'i phyir/ mchog sbyin rdo rje zhes pa la sogs pa'i tshigs bcad lnga gsungs te/ de la mchog sbyin zhes pa sangs rgyas dang byang chub gsol ba ni mchog gi sbyin pa ste/ de ltar byon pa la mi phyed pa ni rdo rje'o/ /de nyid kyis na mchog tu gyur pa ni don dam pa ste khyod lags so zhes bos shing de la mos dang 'dun zhes bya'o//yang dag mthar gyur ni yon tan yang dag pa'i mthar phyin pa ni rje btsun khyod lags zhes pa ste/ de bzhin nyid du gyur pa'o/ /stong nyid las byung ni a ste/ skye med las byung ba'am/ yang na stong pa nyid kyi snying po bdag nyid can cig rje btsun khyod lags so zhe'o//de bzhin du sangs rgyas dang byang chub kyang khyod lags so zhes pa ste rdo rje rigs kyi mtshan bsdus pa'o/ /sangs rgyas chags pa zhes pa rje btsun khyod ni sangs rgyas chags pa can zhig lags zhes bstod de/ gang la chags she na/ rang rig pa'i ye shes kyi chos nyid stong pa la chags la/thabs thugs rje chen pos 'gro don la chags pa yang khyod lags so zhe'o/ /sangs rgyas 'dod pa zhes pa khyod ni 'dod pa can gyi sangs rgyas cig lags so zhes pa ste/ khams gsum sems can thams cad sangs rgyas sa la 'don par 'dod pa'am sangs rgyas nyid thob par 'dod pa'o//sangs rgyas dgyes pa ni de kho na nyid kyi don la dgyes pa yang khyod lags so/ /sangs rgyas rol pa zhes pa rol pa ni cho 'phrul sna tshogs so/ /de dgyes pa yang khyod lags so zhes bstod pa ste de bzhin gshegs pa'i rigs kyi mtshan bsdus pa'o//sangs rgyas 'dzum pa ni de kho na nyid kyi don thugs su chud pas zhal gyi pad+ma bye ba'o/ /sangs rgyas bzhad pa ni zab mo rmad du byung ba'i don thugs su chud pa de byang chub sems dpa' rnams la ston pa'i rtags su 'od zer spro ba'o/ /sangs rgyas gsung nyid ni bzhi ste/khro bo'i gsung shin tu drag tu 'don pa ste/ rdo rje rigs kyi 'don lugs dang gsal ba'i gsung ste/ rin chen rigs kyi mtshan ni shin tu tshig gsal bar 'don pa'o/ /phra ba'i gsung ni shin tu phra zhing gdangs snyan par 'don pa ste/ pad+ma'i rigs kyi mtshan 'don lugs so//rdo rje'i gsung ni dpal de kho na nyid bsdus pa las/ mchu dang mchu gnyis mnyam par sbyar/ /rdo rje'i tshig ni sgra med pa'o/ /zhes gsungs te/ sus kyang ma thos par 'don pa'o/ /de bzhin gshegs pa'i rigs ni rdo rje'i rigs dang sbyar ro/ /gsung de rnams kyi sgo nas sangs rgyas kyi chos gsung yang rje btsun khyod lags so//sangs rgyas thugs la zhes pa sangs rgyas thugs kyi rang bzhin du gyur pa'am/ yang na thugs mtshan rdo rje dang rin po che dang pad+ma dang rgya gram gyi rang bzhin du yang rje btsun khyod 'byung ngo zhe'o/ /des ni pad+ma'i rigs kyi mtshan bsdus pa'o//med pa ni dngos po med pa las byung zhing shar ba yang khyod lags so zhe'o/ /sangs rgyas 'byung ba ni dus gsum gyi sangs rgyas thams cad khyod las byung ba lags so zhe'o/ /nam mkha' dang mnyam pa'i ye shes las byung ba'i sangs rgyas kyang khyod lags so zhe'o//gnyis med kyi ye shes las byung ba yang rje btsun khyod lags so zhe'o/ /yang na rje btsun las byung ba ni ye shes so zhes te rin chen rigs kyi mtshan bsdus pa'o/ /sgyu 'phrul ni mchod pa'i sprul pa thams cad ston par mdzad pa ni rje btsun no/ /dra ba ni gnyis med kyi 'bral ba'o//sangs rgyas rol ston te dag rgyu de gang zhe na/ sarba ng+har+m+mA zhes pa phung po la sogs pa'i chos gang yin pa de thams cad do/ /ya du ta ni phung po la sogs pa yongs su dag pa ste gang yin zhes pa ni/ sarba ta thA ga ta dz+nyA na kA ya many+dzu shrI pa ri shud+d+hi ta zhes te/ phung po la sogs pa'i chos thams cad de bzhin gshegs pa thams cad kyi ye shes kyi sku 'jam dpal du yongs su dag go zhes pa'i don to/ /mu pA dA ye ti zhes pa bzung ngo / /mi gtong bar khas blang ngo zhes pa'i don to/ /rang bzhin lhun grub de sngags ngos gzung rgyu'am/ khas blang rgyu de rang gang zhe na/ a A nas aH'i bar gyi sngags brjod bya nyid lhun gyis grub pa'am/ brjod pa lhun gyis grub pa'i rtog pa skye ba'i phyir/ sngags 'di ni rang bzhin lhun gyis grub pa'i sngags zhes bya'o/ /'di ni lha thams cad kyi thun mong ba'i sngags zhes kyang bya/ 'dzab sngags dang phreng sngags zhes kyang bya/ sgrub sngags dang las sngags zhes kyang bya/ ye shes sems dpa'i sku sngags zhes kyang bya/ rgyud thams cad kyang 'dir 'dus te/ a A nas wA gI shwa ri'i bar du rigs bsdus pa dang / byang sems rdo rje dang rdo rje'i rigs dang / de bzhin gshegs pa'i rigs dang / pad+ma'i rigs dang las kyi rigs dang / rin po che'i rigs rnams rim pa bzhin du 'dus pa'i phyir ro/ /de la a ni chos thams cad thog mar yang a las byung zhe'o/ /a'i bar du yang a'i rang bzhin du gnas so zhe'o/ /a tha ma ni tha mar yang chos thams cad a'i rang bzhin du nub po zhes pa'i don de thams cad nas thams cad as bzung a la gnas a rgyu ste/don du gnyer rgyu yang a gcig las med/ ye byar bya rgyu yang a gcig pu las med do zhes pa'i don to/ /de la sar ta thA ga ta ni de bzhin gshegs pa thams cad hr-i da ya thugs ha ra ha ra na 'phrog pa'am 'thor ba/oM hUM hrIHsku gsung thugs/ b+ha ga bAn ni bcom ldan 'das so/ /dz+nyA na mU rti ni ye shes spyi gtsug /wA gI shwa ra ni ngag gi dbang phyug go/ /ma hA pA tsa mi g.yo ba chen po'am yang na sman pa chen po ste slob ma dbang gis smin par byed pa'o//de ltar slob ma smin par byas nas sarba ng+har+m+mA yan chad lam rdzogs rim dang sbyar ba ston to/ /de yang gong gi mi g.yo ba de gang las ma g.yos she na/ sarba ng+har+m+mA ni chos thams cad/ /ga ga na nam mkha' lta bu/ a ma la su dri ma med pa/ba ri shud+d+ha ni yongs su dag pa/ d+har+m+ma d+hA tu ni chos kyi dbyings/ dz+nyA na ye shes/ gar+b+ha ni snying po che/ chos thams cad nam mkha' lta bur dri ma med cing yongs su dag pa chos kyi dbyings kyi ye shes kyi snying po can du bsgom zhes pa'i don to/ /de ltar rgyud 'di dbu zhabs kyi don dang thog ma yang a las byung nas tha mar yang a la rdzogs pas zab mo skye med ston pa'i rgyud cig yin par shes par bya'o//rgyud shin tu bsdus pa rang bzhin lhun grub kyi sngags 'di bklags pa dang / bton pa dang / bzlas pas kyang rgyud rgyas par bton pa dang 'dra bar 'gyur te 'di ni gang zag bsdus pa la dga' ba'i don du gsungs so//de la rgyas bsdus ni mngon par rgya che chung gi khyad par ro/ /don la ni che chung med par shes par bya'o/ /le'u bcu gsum pa rdzogs so// //da ni rgyud nye bar bsdus pa bstan pa'i phyir/ de nas zhes bya ba la sogs pa gsungs te/ rgyud rgyas pa dang bsdus pa dang shin tu bsdus pa dang gsum ste/ rdzogs pa'i rjes de ma thag kho nar phyag na rdo rje 'chang lnga brgya'i grogs dang bcas pas gsang bstod mdzad de/ de yang gsang bstod pa gang la bstod gang gi sgo nas bstod gang gis bstod/tshig gi khyad par ci 'dra bar bstod ce na/ bstod pa ni bcom ldan 'das la phyag na rdo rjes dga' zhing mgu ba'i tshul gyis mgon po zhes bya ba la sogs pa ye shes rnam pa bzhi'i sgo nas bstod de/ de la mgon po ni me long lta bu'i ye shes kyi sgo nas bstod/bcom ldan 'das ni so sor rtog pa'i ye shes/ de bzhin gshegs pa ni bya ba nan tan/ rdzogs sangs rgyas ni mnyam pa nyid kyi ye shes kyi sgo nas bstod de/ ye shes bzhi'i bdag rgyan cha lugs gos nyams sna tshogs dang / pho mo'i rol ba bstan pa yang khyod lags so zhe'o//thams cad thams cad ni srid pa'i rtse mo nas dmyal ba yan chod la 'dud pa'am/ yang na de thams cad kyi rang bzhin khyod yin zhes bstod pa'o/ /ye shes sku nyid ni ye shes kho na las mi gzhan pa de bsten pa'i sku zhes rje btsun la bya ste/ yon tan de rnams dang ldan pa'i rje btsun la 'dud do//bstod ces bya ste/ las kyi rigs kyi mtshan bsdus pa'o/ /de ltar na rgyud bsdus pa ste le'u bcu bzhi pa'i don rdzogs so// //bcu gnyis pa phan yon gyi le'u ni shin tu sla bas 'dir ma bkrol ba ste dkyus su brtag go/ /da ni bcu gsum pa shes rab kyi 'khor lo sngags dgod pa'i rim pa ston te/de yang oM nas a'i bar gyi sngags tha ma ni 'don pa dang / 'khor lo la dgod pa kho na'i sngags las bzlas par byed do/ /pra kr-i nas ya te'i bar du ni sngags rang yang min par 'dod de/ bzlas pa dang dgod par yang mi byed do//sngags 'og ma bzung ba'am/ khas blangs pa'i dam bcar 'dod do/ /a A nas aH'i bar sngags tha ma'i bar du 'don pa dang / 'khor lo la dgod pa gnyis kar 'dod do/ /de la oM zhes pa ni sngags kyi dam bca' ba dang bkra shis pa'i tshig tu 'dod de/ rdo rje rtse mo nas kyang /dam bcas pa dang bkra shis don/ /nor 'dzin pa yi snying po yin/ /zhes gsungs te/ oM zer phan chad 'og nas sngags gcig yod par shes te/ dam bcar dgrol/ oM ni ye shes lnga'i rang bzhin bde gshegs lnga'i sa bon du gnas pas bkra shis par 'gro ste/drag po'i las la sbyor na ni/ oM ma phyung na bkra shis par yang 'gyur ro/ /de ltar ye shes lnga'i rang bzhin yin pas/ /sangs rgyas thams cad kyi snying bskul ba yang oM mo/ /sarba d+har+m+mA ni chos thams cad b+ha ba zhes pa 'dir dngos po dang 'byung ba la 'jug la/ a b+ha ba zhes pa as bkag pas rten 'brel bsdus pa'i 'di ltar snang ba'i chos thams cad dngos po med pa yin te/ dam bca' ba'i don to/ /swA b+hA ba ni rang bzhin/ bi shud+d+ha ni yongs su dag pa ste/ gtan tshigs ni rang bzhin gyis yongs su dag pa'i phyir ro zhes bya'o/ / rang bzhin yongs su dag pa gtan tshigs ma grub po zer na/ mngon sum dang rjes dpag gis grub bo zhes bya'o/ /mngon sum gang gis grub/ rjes dpag gang gis grub ce na/ dper na la rgyab kya me dpog pa la mig gi dbang pos mngon sum du mthong ba'i du ba las me dpog pa bzhin du/nga yang bla ma'i gdams ngag gi rtags la brten nas man ngag gi mig gis mngon sum du grub bo/ /de la gal te du ba med do zer na mngon sum dang 'gal ba bzhin rang bzhin gyis yongs su dag pa gtan tshigs ma grub po zer ba yang man ngag gi mig gi mngon sum dang 'gal lo zhe'o//tsak+Shu zer bas man ngag gi mig gi don to/ /a ni skye med kyi don te yod med kyi sgro 'dogs chod pas stong pa nyid kyi rnam par thar pa'i sgo'o/ /A ring po ni mtshan ma sna tshogs rang bzhin med pas mtshan ma med pa'i rnam par thar pa'i sgo'o//aM ni gnyis su med pa'i phyir gzhan du smon pa med pas smon pa med pa'i rnam par thar pa'i sgo'o/ /aHni tha mal gyi phyin ci log gi mngon par 'du byed pa med pas mngon par 'du byed pa med pa'i rnam par thar pa'i sgo'o/ /brjod bya rtsa ba'i don du 'dug pas sngags de rnams rang bzhin rtsa ba'i sngags zhes bya'o//pra kr-i ti zhes pa rang bzhin lhun grub kyi tshig ste/ de yang sems kyi rang bzhin du ngo bo btsal na/ cir yang mi rnyed pa bzhin zhes bya ba la brtags tshod du sna tshogs su rang snang bas rang zhes bya'o/ /mtshon pa de tha mi dad pas rang gi rang bzhin du 'dug la rang bzhin ni rang du 'dug ste/sus kyang ma byas rang bzhin lhun grub ces bya/ de'i don la rtog pas rang 'jug /lam du rang 'jug /de lam du khyer ba ni lam ste/ rtog ba lhun gyis grub pa'i 'bras bu nyid shar ba'o/ /des gzhan don lhun gyis grub ste/rnam par rtog pa med pa bzhi'i sgo nas bstod de/ de la mgon po ni me long lta bu'i ye shes kyi sgo nas bstod/ bcom ldan ni so sor rtog pa'i ye shes/ de bzhin gshegs pa bya ba nan tan/ rdzogs pa'i sangs rgyas mnyam pa nyid kyi ye shes kyi sgo nas bstod do//ye shes bzhi'i bdag nyid du gyur pa'i bcom ldan 'das shAkya thub pa la phyag 'tshal nas gsang ba'i bdag po phyag na rdo rje dang / khro gnyer gyi rgyan dang ldan pa'i grogs sna tshogs zhes pa lnga brgya dang lhan cig tu'o/ /de rnams kyis gsung gcig tu kye mgon po zhes bcom ldan 'das la bos nas/bdag cag lnga brgya po rnams tshim zhing yid rangs par gyur to/ /legs so zhes pa ni rang don du legs pa byon pa'o/ /legs so 'og ma ni gzhan don du legs pa phul ba de ltar rang bzhin gyi don du legs shing khyad par can du phye nas gsungs pas/gzhan don ci 'dra ba byas she na/ rnam grol 'bras bu 'tshal ba yi/ /'gro ba mgon med rnams kyi don/ /bdag cag yang dag rdzogs pa yi/ /byang chub thob pa'i don ched du/ /khyod kyis mdzad nas sgyu 'phrul dra ba'i lam 'di rang gzhan gnyis ka'i don du bstan pa 'di'i chos kyi dbyings kyi rang bzhin pas rnam par dag pa'i lam legs pa'i lam zhes bya'o//'di ni zab pa'i lam yangs pa'i lam rgya che ba zhes bya ste/ don chen po ni 'gro ba'i don yin pas don bgyid ba zhes bya'o/ /zab pa dang yangs pa dang rgya che ba 'di ni nyan thos rnams kyis mi rtogs pas sangs rgyas rnams kyi spyod yul lo//'di ni 'das pa'i sangs rgyas mar me mdzad la sogs kyis gsungs shing bshad la/ da ltar bcom ldan 'das kyis bshad/ phyis rgyal ba byams pa la sogs pa rnams kyis kyang gsung bar 'gyur ro/ / de la dbu zhabs su bsdus pa'i don bcu bzhi dang / skabs don dang / le'u bcu bzhir phye nas tshig don tsam zhig bkral ba'o/ /sgos don dang man ngag gi don ni mangs kyis dogs pas 'dir ma bris so/ /'jam dpal mtshan brjod kyi bshad 'bum paN+Dita smr-i ti dz+nyA na kI rtis mdzad pa rdzogs so/