CLOSE WINDOW

D2537
བོད་ཡིག

/ //rgya gar gyi mkhan po d+harma shrI mi tra dang / bod kyi lo tsA ba dge slong chos kyi bzang pos mdzod kyi sgom pa ye shes grags pa'i don du bsgyur ba'o//[ ]@##/ /rgya gar skad du/ Ar+ya many+dzu shrI nA ma sad+hI ti thi ta bA ti nA ma ka ra/ bod skad du/ 'phags pa 'jam dpal gyi mtshan yang dag par brjod pa'i 'grel pa/ mtshan don gsal bar byed pa zhes bya ba/ 'phags pa 'jam dpal la phyag 'tshal lo/ /sku gsum ngo bo nyid ldan pa'i/ /thabs dang shes rab gnyis ldan pa'i/ /log rtog dra ba gcod mdzad pa//yid bzhin nor bu 'jam dpal bstod/ /bla med theg pa lam gyi don/ /bla ma'i drin gyis thob nas brtsams/ /gleng gzhi dkyil 'khor mtshan gyi don/ /sngags dang phan yon mdor bsdus pa'o/ /de nas dpal ldan rdo rje 'chang / /zhes bya ba'i don ni byang chub tu sems bskyed de dga' ldan du skye ba bzhes nas/de nas 'chi 'pho ba mdzad de glang po che thal kar mche ba drug dang ldan par sprul te lhums su zhugs nas/ de nyid ye shes sems dpa' mthing ga thal ba'i mdog go/ /de yang mi rnams theg chen gyi lam la zhugs pa'i phyir glang po che'o//'gro ba drug gi sgo gcod pa'i phyir mche ba drug zhu nas zhal drug pa ston pas na dpal ldan no zhes bya ba'o/ /yum gyi pho brang de nyid nas 'od zer phyogs bcur 'phros pas sku'i sprul pa phyag na rdo rje dpag tu med pas bskor bas na rdo rje 'chang zhes bya ba'o//'jigs byed kyi don de sku la rdzogs pa yang ngo / /pad+ma dkar po rgyas 'dra'i spyan/ /pad+ma rgyas pa'i gdan la bzhugs/ /zhes bya ba'i don ni/ pad+ma ni yum gyi mkha' gzhal yas khang gdan dang bcas pa'o/ /de ltar snang ba las rgyal ba rigs lngas 'od kyis bskul te/sku khro bo zhu ba las phung po lnga rigs lngas byin gyis brlabs pa'i sku lnga'o/ /yum la bstod cing nyon mongs pa dang shes bya spangs pa'i rtags su po ti dang ral gri bsnams pa/ thams cad mnyam pa'i sa la bzhugs pa'i rtags su mnyam pa'i skyil krung du bzhugs pa'o//de'i phyir ye shes yongs su rdzogs shing rgyas pas na pad+ma rgyas pa'i gdan la bzhugs pa'o/ /de nyid phyi nang med par rgyas par gsal bas nyon mongs pa'i dri ma dag pas na/ pad+ma dkar po rgyas 'dra'i spyan no/ /rigs lngas byin gyis brlabs pa'i sku'o//gdul dka' 'dul ba rnams kyi mchog /ces bya ba'i sgra'i don ni lum pa'i tshal byang chub kyi shing rtsar yum gyi rtsib ma'i bar na tshur la sku gzhal yas khang dang bcas pa bton nas tshangs pa dang brgya byin gyis blangs nas/ gzhon nu'i rol pa mdzad pas nang gi bdud phyi rol gyi stobs kyis btul bas na gdul dka' 'dul ba zhes bya ba'o//da ni rol pa ston te/ dpa' bo 'jig rten gsum las rgyal ni/ dpa' bo ni nyon mongs pa can 'dul ba'i ston pa'o/ /rdo rje ni rdo rje'i gdan no/ /dbang phyug ni klu'i rgyal po gnyis kyis sku khrus gsol ba'o//rdo rje ni gnyis su med pa'i chu'o/ /gsang ba'i rgyal ni nang las khyad par du gyur pa'o/ /rgyal ba ni bcom ldan 'das zhes bya ba ste/ rang bzhin gyi don to/ /bsdu ba tha ma ni phyag na rdo rjes bsdus te/ yang dang yang du zhes bya ba nas/ lus btud rnams dang zhes bya bas bsdus so/ /rdo rje gsor zhing 'jigs byed kyi sku bstan nas phrin las bzhi las drag po'i phrin las kyis zhu ba'o/ /lus btud rnams dang zhes bya ba ni bcom ldan 'das 'jam dpal rdo rje 'jigs byed kyi 'khor dang lhan cig tu'o/ / de ni dang po thabs dang shes rab dang po'i sangs rgyas kyi sku bstan pa dang / rang bzhin gyis byin gyis brlabs pa'i sku bstan pa dang / rol pa'i gdul bya sna tshogs pa'i ye shes kyi sku bstan te/ dang po yum bzhis bsdus/ gnyis pa klu'i bdag po gnyis kyis bsdus/ gsum pa tshangs pa dang brgya byin gyis bsdus/ 'jigs byed phyag na rdo rjes bsdus pa'o/ /lus btud rnams dang lhan cig tu/ /de bzhin gshegs pa bcom ldan 'das/ /zhes bya ba nas/ ming ni yang dag brjod pa'i mchog /ces bya bas ni bsdu bar 'os pa ji ltar 'os pa bstan pa'o//'das pa'i sangs rgyas rnams kyis gsungs/ /ma 'ongs rnams kyang gsung 'gyur la/ /da ltar byung ba rdzogs sangs rgyas/ /yang dang yang du gsungs pa gang / /zhes bya ba ni bsdu bar 'os pa nyid du bstan pa'o/ /de la yang dang yang du zhes bya ba ni yum gyi pho brang du ye shes sems dpa' rang bzhin gyis byin gyi rlabs kyis rigs lnga'i sku dang /dang po sangs rgyas yum bzhis byin gyis brlabs pa'i sku dang / 'jigs byed srung ba'i sprul pa'i 'khor khro bo'i sku dang / rnam par 'phrul pa'i sku'i sgo nas gsungs pa de bshad du gsol zhes pa'o//mgon po rdzogs sangs rgyas kun gyis/ /lus btud nas ni spyan sngar 'dug /ces bya bas ni zhu ba po bdag snod du rung ba'i phyir dang / rtse gcig pa'i brtson 'grus dang ldan pa'i phyir dang / dus gsum gyi sdud pa po yin pa'i phyir dang / sems can kun la phan pa'i phyir zhu ba'o/ /de nas bcom ldan shAkya thub/ /ces bya ba ni zhu ba po mtshan nyid dang ldan pa de la zil gyis mnan pa'i phyir/ seng ge rnam par bsgyings pa'i ting nge 'dzin la mnyam par bzhag nas/ bdud bzhi'i dgra 'dul ba dang / 'khor sbyang ba mdzad nas 'dzum pa mdzad de/gsung snyan pa bton nas gsung ba ni/ zhu ba po spro ba bskyed nas gsungs pa'o/ /de nas bcom ldan shAkya thub/ /ces bya ba ni ston pa'o/ /gsang sngags rig sngags thams cad dang / /zhes bya ba ni dang po sangs rgyas dang /ye shes sems dpa' dang rdo rje 'jigs byed do/ /rigs gsum la ni rnam par gzigs/ /zhes bya ba ni dang po'i sangs rgyas ni sman pas 'das pa'o/ /rdo rje 'jigs byed ni 'jig rten pa'o/ /ye shes sems dpa' ni phyag rgya chen po'i rigs so/ / de'i ched du tshigs su bcad nas/ de kho na nyid yi ge a'i sgo nas sngags brjod pa ni/ shAkya thub dang thub pa dang / /'od dang rab tu grags pa dang / /seng ge dang ni gzi brjid dang / /stobs dang ye shes chen po dang / /rab tu grags dang grags chen dang / /sprul pa dang ni rdzu 'phrul che//snang dang 'od chen snang ba dang / /dpa' bo sde dang mi 'jigs dang / /gtsug nas byung dang gtsug phud mdzes/ /khyab pa po dang nam mkha'i bdag /bla med 'byung dang mi yi theg /dbang phyug po dang rin chen phyag/ /tsan+dan dri dang dri yi 'od/ /'od zer 'phro dang 'od 'phro bzang //dbang po zhi dang tsan+dan phyag /mchog tu mdzes dang rab mdzes dang / /sbyin dga' ba dang rtag tu gtong / /sangs rgyas sde dang dam pa dang / /pad+ma dang ni 'khor lo'i phyag /sde dang rab tu 'joms pa dang / /kun du 'od dang 'od po che/ /rab tu grags dang grags 'dzin dang //mu khyud 'dzin dang lhun po che/ /lha dang lha yi dbang po dang / /mar me 'od dang 'od po che/ /thub dang gzhan gyis mi thub dang / /stobs dang dpung rab zhi ba dang / /legs pa'i lam dang spu gri dang / /sbrang rtsi byung dang dga' ba'i dpal/ /gnas pa'i gnas dang gtsug na nor//glang po dpal dang ka ti'i bu/ /gser gyi mdog dang 'khor lo dang / /sman dang yongs su skyob dang mar me dang / /nyi ma'i 'od dang rig sngags grub dang rgyal ba'i tog /nam mkha' sku dang dag gzugs gsang sngags mchod/ /gtso bo rnam rgyal thugs rje che//'jig rten dam pa mtshan las 'das/ /dam tshig 'jigs byed stobs dang ldan/ /ha la gshin rje nam mkha' dang / /rgya mtsho glang chen sgra sgrogs dang / /sgra sgrogs byams tshe dga' ba'i 'od/ /shes rab sna tshogs 'bar ba'i mig /shes rab lus 'phags pad+ma'i rtse//me tog 'brug sgra 'jam pa'i dbyangs/ /sgra dbyangs dang ni nor lha mtshan/ /brtul zhugs blo dang shes rab dang / /chos rgyun 'bras bu che dang gzugs/ /gzugs snang mtshungs med 'khor los sgyur/ /'jig rten bdag dang mtshan mchog skyabs/ / skyabs dang nam mkha'i srid pa sel/ /dri ma dbang phyug yongs su zhi/ /nges grol dri bral dus med rtogs/ /yon tan yon tan yongs su smin/ /sems can snying rje dbang don shes/ /lam ston rang 'byung dga' ba che/ /dga' ba'i mchog sbyin brtson 'grus ldan/ /gtsug phud phud pu brtul zhugs che//gau ta ma tshangs pa'i mtshan dang zhi/ /mtha' gnyis chags bral mtha' las 'das/ /dri med nyes dag chos nyid thob/ /rnam rtog thogs med dri med can/ /ye shes lus dang nyes pa 'joms/ /'od dang 'od bzangs dug sel dang / /gnyen po dpal dang 'khor lo bskor//spyod lam bzhi dang nyi ma dang / /ting 'dzin rin chen dbang phyug dri/ /ting nge 'dzin dang che ba'i 'od/ /'bar dang thugs rje ye shes che/ /sde dang shes rab smra ba'i rgyal/ /ye shes rnam dag dra ba'i 'od/ /rdo rje blo ldan snying rje'i thugs/ / sprul dang rab grub sbyin pa dang / /bar bcad dag dang mi g.yo ba/ /mngon du gtsug phud zhing dang ni/ /sa gnon rdzu 'phrul che nas che/ /de ni rtsa ba'i 'khor lo'o/ /a A zhes bya ba ni rigs byin gyis brlabs pa'i dang po'i sangs rgyas kyi sngags so/ /s+thi to hr-i di dz+nyA na mUrti/ dus gsum gyi sangs rgyas kyi byin gyis brlabs pa'i phyag gi sngags so//badzra tIk+Sh+tsa zhes bya ba'i sngags ni/ ye shes sems dpa'i sngags so/ /dbyangs yig la bzhi bsnan pa ni khro bo bcu drug gi'o/ /rigs lnga yum dad bcas pa ni badzra tIk+Sh+Na dang / a ra pa tsa na'i bar du'o/ / a A aM aHni sgom bzhi'o/ /ra pa tsa na nang gi mchod pa'i lha mo bzhi'o/ /ya te na maHphyi'i bzhi ste/ sum cu rtsa bdun gyis bstan pa ste/ rdo rje 'jigs byed do/ /de ltar drug cu rtsa bzhi ba'i/ /oM dang haM dang oM gyis ni/ /thabs dang shes rab dbyer med rlung //sum cu rtsa gnyis drug cu bzhi/ /bcu drug brgyad du shes bya'o/ /rigs lnga drug pa 'og tu bstan/ /da ni dkyil 'khor lnga las dang po'i sangs rgyas kyi dkyil 'khor ston to/ /'di ltar sangs rgyas bcom ldan 'das/ /zhes bya ba ni dang po'i sangs rgyas so/ /rdzogs pa'i sangs rgyas zhes bya ba ni bskyed pa de nyid de a ni yig 'bru zhes bya ba ni thabs so//don chen yi ge dam pa ni shes rab po/ /khong nas 'byung ba ni yum gyi mkha'i dkyil 'khor chen po de 'byung ba bzhi yum bzhis bskyed de/ skye ba med pa'i don chos nyid stong pa nyid do/ /de la yum bzhis chos kyi dbyangs stong pa nyid dga' ldan nas 'chi 'pho ba mdzad/chos sku la bstod pa tshig tu brjod pa spangs pa'o/ /longs sku sprul skur bzhengs par bskul ba ni/ brjod pa kun gyi rgyu yi mchog /ces pas bstod pa'o/ /bskul nas bzhengs pas bstod pa ni/mchod pa chen po 'dod chags che/ /zhes ni 'du byed do/ /zhe sdang ni rnam par shes pa'o/ /byang chub kyi rang bzhin/ gti mug ni gzugs te 'bras bu'o/ /chags pa ni nga rgyal te 'du byed smin pa'i tshor ba'o/ /khro ba ni phrag dog ste 'du byed do/ /des ni chos sku las/gzugs sku so sor rtogs pa/ byams pa me long lta bu snying rje chos kyi dbyings rang bzhin gyis dag pa mnyam pa nyid btang snyoms so/ /bya ba grub pa dga' ba ste/ dug lnga ma spangs gzugs skur bzhengs pa la bstod pa'o/ /'dod pa chen po bde ba che/ /zhes pa ni 'dod chags rnam par dag pa'i 'bras bu bde ba'o//zhe sdang rnam par dag pa'i 'bras bu dga' ba che dang mgu ba'o/ /gti mug rnam par dag pa'i 'bras bu gzugs che zhing lus che ba'o/ /nga rgyal rnam par dag pa'i 'bras bu la kha dog che ba dang lus bong che ba'o/ / phrag dog rnam par dag pa'i 'bras bu ming che ba'o/ /dkyil 'khor chen po yangs pa yin/ /zhes bya ba ni sku de rnams ma 'dres pa'o/ /de rnams kyi rgyu dang 'bras bu'i sgo nas bstod pa'o/ /shes rab mtshon chen 'chang ba ste/ /nyon mongs lcags kyu che ba'i mchog /ces bya bas ni 'khor ba dang mya ngan las 'das pa'i mtha' gsal bar bstan/grags chen snyan grags chen po ste/ /snang ba chen po gsal ba che/ /zhes bya bas ni yum gyi mkha' e'i gnas na bzhugs pa'i tshe/ nang gi sku de phyi na yang gsal zhing / gang dang gang gis mthong pa'i sdug bsngal rab tu zhi ba'o//de mthong na yid tshim zhing thos na dga' ba'i stobs dang ldan pa'i phyir/ mkhas pa sgyu 'phrul chen po 'chang / /sgyu 'phrul chen po'i don grub pa/ /sgyu 'phrul chen po dga' bas dga'/ /sgyu 'phrul chen po mig 'phrul can/ /zhes bya ba ni phyi nang med pa bsku de las sprul pa dang po 'od dpag tu med pa byung nas sems can thams cad kyi don du shes rab dang snying rje gnyis kyi dga' ba dang bde ba'i gzi mdangs dang ldan te/yum gyi nyes pa sbyangs te/ de ni nyon mongs pa dang shes bya'i sgrib pa dag pa'i sgo nas bstod pa'o/ / yum gyi pho brang du zla ba bcu bzhugs pa las sku bltams nas pha rol tu phyin pa bcu la gnas pa ni/ sbyin bdag chen po gtso bo ste/ /zhes bya ba'o/ /yang na de ltar gnas shing yon tan dang ldan pa ste/ pha rol tu phyin pa bcu byang chub sems dpa'i spyod pa'i yon tan te/ sbyin bdag chen po gtso bo ste//tshul khrims chen po 'chang ba'i mchog /bzod chen 'chang ba brtan pa po/ /brtson 'grus chen po brtul ba yin/ /bsam gtan chen po ting 'dzin gnas/ /shes rab chen po lus 'chang ba/ /stobs po che la thabs che ba/ /bsam pa'i ye shes rgya mtsho ste//zhes bya bas sa bcu la gnas pa'i byang chub sems dpa' la bstod pa'o/ /de nas 'bras bu mngon par rdzogs par mdzad pa ni/ byams chen rang bzhin dga' ldan du byams pa la mi nub par mdzad pa'i dbang bskur mdzad nas/ gling bzhi las 'dzam bu'i gling du gdul bya 'dod chags can dang /zhe sdang can gdul pa'i don du gshegs pa ni/ rdzu 'phrul chen po zhes gsungs te/ glang po che rdzu 'phrul dang ldan par sprul nas byung ba'o/ /stobs chen po pha rol gyi sde gnon pas/ stobs chen pha rol gnon pa'o//de nas stobs zhes pa ste/ stobs bcu dang shin tu myur ba dang / lha la sogs pa las khyad par du 'phags pas na che bar grags zhes pa'o/ /des srid pa'i ri bo chen po 'joms zhes pa ste/ rdzu 'phrul rnam pa du ma bstan nas srid pa'i lam du zhugs pa des ni mgon po zhes pa ste/bcom ldan 'das so/ /bla ma ni yum gyi lus shin tu rdzu 'phrul che zhing stobs dang ldan pa ste/ de ci'i phyir zhe na/ dus gsum gyi de bzhin gshegs pas byin gyis brlabs pa'i gnas kyi phyir ro/ /des na pha rol gyi sde 'joms shing nyon mongs pa spong ba'i de nyid kyi phyir srid pa'i ri bo chen po 'joms pas brtan zhing mi 'gyur ba'o//de'i phyir 'dod chags 'joms pa'o/ /zhe sdang 'joms pa ni/ mkhregs shing rdo rje chen po 'chang / /zhes pa ste khro bo 'jigs byed kyi skus so/ /des na/ drag po chen po drag shul che//zhes pas zhe sdang can 'dul bar byed pa bstan to/ /de'i don ni shes rab thabs kyi sbyor ba'o/ /des ni phyag rgya bzhi ston la de las don phyin ci ma log pa rtogs pas na bla ma'o/ /de'i phyir na skyed par byed pa'i yum nyid do/ /rtsa ba'i mngon rtogs mtshan rnams ni//'od zer bzang dang kun du 'od/ /mar me mdzad dang sman gyi bla/ /rin chen mtshan dang 'od kyi mtshan/ /byams pa'i stobs dang dpa' bo'i sde/ /seng ge'i mtshan dang rab tu 'joms/ /zla ba'i 'od dang 'od zer 'phro/ /ri rab mtshan dang pad+ma gnon//skar ma'i rgyal dang tshangs pa'i mtshan/ /rgyun du gnas dang ri bo'i rtse/ /rnam par gnon dang rin chen snang / /yid dga' gnas dang 'od dpag med/ /nam mkha'i 'od dang pad+ma'i zhabs/ /dkon mchog brtsegs dang rab zhi 'od/ /gtsug tor can dang dpe bral thugs//snang ba shar dang dkon mchog dpal/ /phyag gi 'od dang thugs rje'i gnas/ /pad+ma'i spyan dang pad+ma'i zhal/ /chu'i lha dang tsan+dan phyag /yongs su dag dang nam mkha'i mdzod/ /'od zer snang ba kun nas snang / /rin chen phyag dang pad+ma'i phyag /'od zer bzang dang nyi zer 'od//sra bas brtan dang shugs byung ba'o/ /spyan bzang po dang thugs rje'i spyan/ /bdud sde 'joms dang nyon mongs sel/ /nam mkha'i 'od dang klu dbang rgyal/ /gzhon nu'i 'od dang rdzu 'phrul can/ /rdzu 'phrul mdzad dang yongs su dge /yid dge ba dang ri rab lha/ / byams pa'i stobs dang dga' bas sbyin/ /rab grol mdzad dang mi mnyam gzigs/ /thogs med mdzad dang kun skyob mdzad/ /snang ba'i stobs dang ston pa'i rgyal/ /thogs med ye shes spyan ldan no/ /thugs rje'i stobs dang rgya mtsho'i sprin/ /rgyal ba'i bka' dang sprin gyi shugs//spyod lam zhi dang log dad sel/ /byams pa'i 'od dang spos kyi zhing / /mtshan ma zhi dang ston ka'i rtse/ /chos kyi sprin dang yon tan sde/ /'phags pa'i lam dang dri ma bral/ /mchog tu dga' dang dri ma med/ /spyod yul spangs dang kun du 'phro/ /rgyal ba'i 'od dang phyag rgya can//des ni sprul pa'i mtshan nyid de/ /dga' dang skad cig bdag nyid do/ /de ltar bstan pa des sprul pa/ /mngal gyi sku la bstod pa'o/ /sangs rgyas rnam par snang mdzad che/ /zhes bya ba ni chos kyi dbyings so/ /thub pa chen po thub chen ldan/ /zhes bya bas ni me long lta bu dang mnyam pa nyid do//gsang sngags tshul chen las byung ba/ /gsang sngags tshul chen bdag nyid can/ /zhes bya bas ni so sor rtog pa dang bya ba grub pa'o/ /de ltar gyur pa ni 'jam dpal yum gyi rang bzhin te/ seng ge dang ni rab gsal byed/ /thub pa dang ni me tog dang //me tog mdzes dang spyan gsal lo/ /pha rol phyin pa bcu la gnas/ /zhes bya bas ni sems bskyed pa'i khyad par yum mA ma kI'i rang bzhin no/ /pha rol phyin bcu dag pa ste/ /zhes bya bas ni spyod pa'i khyad par sa gnyis pa nas bdun pa yum nam bza' dkar mo'o//pha rol phyin pa bcu yi tshul/ /zhes bya bas ni bsgom pas spong ba'i lhag ma brgyad pa dang bcu pa'i bar te/ yum dam tshig sgrol ma'i rang bzhin te/ sa ma ya mnyam par rtogs pa'o/ /mgon po sa bcu'i dbang phyug ste/ /zhes bya bas ni de bdag nyid sku dang sa bcu la ni gnas pa'o zhes bya ba ni de'i 'khor gyi bdag nyid dang de nyid ni sa bcu gcig pa/shes bcu rnam dag 'chang ba po/ /zhes bya ba ni spong ba dang / thob pa'i yon tan gnyis dang ldan pa'i rang bzhin gyis chos ston pa yum sangs rgyas spyan no//de rnams kyi don ni 'byung ba yum gyi pho brang du zla ba bcu bzhugs pa ni sa bcu dang ldan pa'o/ /des 'gro ba'i don ma lus par byed pas na/ kun gyi don ni ma lus byed/ /ces bya bas ni de yang dbang bcus 'gro ba'i don byed pa dang ldan no/ /'o na 'jam dpal ni ye shes kyi ngo bo yin na skye 'gag mi 'gal lam zhe na/gnyis med gnyis su med par ston/ /zhes bya bas ni longs sku'i bdag nyid kyi phyir ro/ /ded dpon kun dang chen po'i phyag /stobs po che dang rgyu skar rgyal/ /byang chub sems dpa' sman pa'i mchog /rgyan grags pa dang mtshan dang ni//'od zer che dang rnam grol lus/ /rnam snang mdzad dang snying po nyi/ /zab pa'i mtshan dang 'od zer 'bar/ /'od 'phro bzang dang mya ngan med/ /skabs de bzhin dang phreng ba 'chang / /yon tan 'od dang don bstan pa/ /mar me mchog ces bstan pa'o//longs sku'i bdag nyid bstan pa'o/ /thog ma med pa zhes pa nas bden par smra zhing zhes bya bas ni/ skye ba med pa'i chos nyid la zer yang kun rdzob phyag rgya chen po ste de las phyag rgya chen po de nyid rtogs pa'i phyir ro/ /gang las she na bla ma'i man ngag las te/ ji skad smras pa de bzhin byed//ces pas so/ /de bzhin nyid gang zhe na/ gnyis med gnyis su med par ston/ /zhes bya ba'o/ /'o na gang la brten nas rtogs she na/ dga' ba bzhi'i bdag nyid lhan cig skyes pa las te/ yang dag mtha' la rnam par gnas/ /zhes bya'o/ /de'i phyir na gdod ma nas lhan cig skyes pa'i ye shes kyi bdag nyid la skye 'gag dang bral yang snang ba thabs la brten nas skye 'gag ston pa ste de'i phyir mi 'gal lo//de bas na yang dag pa'i mtha' ye shes chen po de 'jam dpal gyi rang bzhin du gnas so/ /de'i don ni skye ba'i mtha' ma srid pa'i mtha' spangs pa'o//des ni chos sku ste don dam pa'o/ /'bar ba bzang dang sman bzang po/ /mdzod spu 'dzin dang dpa' bo dang / /brtan por gnas dang dpal mgon lha/ /mthong bar dka' dang yon tan tog /sgra gcan byang sems sgra gcan no/ /des ni yum la bstod pa'o//phyag rgya chen po de'i yon tan ci yod ce na/ bdag med seng ge'i sgra dang ldan/ /zhes bya ba ni dper na seng ge'i phru gu skyes ma thag tu gzhan 'joms pa bzhin du/ bcom ldan 'das lhan cig skyes pa'i sku de yang bltams pa tsam gyis bdud dang mu stegs dang rnam rtog las byung ba thams cad 'joms pa'o//chos kyi sku'i bdag nyid du bstan to/ /de bzhin gshegs pa'i yid ltar mgyogs/ /zhes bya bas ni bar ma de'i sku zhu ba de'i bdag nyid de/ rgyal ba rnam rgyal zhes bya ba ste longs sku'o/ /'khor los sgyur ba stobs po che/ / zhes bya ba ni zhu ba de'i bdag nyid du gnas 'khor los sgyur ba'i rgyal po lta bu'i longs sku las sna tshogs kyi gzugs kyi bdag nyid du gyur pa'i sprul sku ste/ tshogs kyi slob dpon tshogs kyi bdag /ces bya ba ste/ tshogs ni mang po ste dpag tu med pa'i don to/ /de rnams kyi bdag por gyur pas na bdag ces bya ba'o//mthu chen zhes pa ni ji ltar kun gyis rgyal ba'i sku de gces par 'dzin to/ /de ltar lhan cig skyes pa de yang shes pa'i bdag nyid du 'gyur ba'i phyir ro/ /tshul chen gzhan gyi dring mi 'jog /ces bya ba ni ji ltar yum gyi zas nus pa dang ldan zhing ro mchog thams cad ldan te/de bzhin du lhan cig pa'i rang bzhin dang ldan pas ro thams cad kyi mchog tu 'gyur ro/ /tshig rje zhes bya ba ni ji ltar bltams par gyur pa de'i tshe na thams cad kyang skad snyan pa ka la bing ka ltar mtha' dag shes pa de bzhin du lhan cig skyes pa'i bdag nyid du thams cad kyi sgra lhan skyes kyi rang bzhin du'o//de yang bden pa dang snyan par ro/ /bden pa bzhi ni ston pa po/ /zhes bya ba ni lam mo/ /de yang sku bzhi dang 'khor lo bzhi dang / dga' ba bzhi dang skad cig ma bzhi dang /phyag rgya bzhi dang / bden pa bzhi dang / sde pa bzhi'i bdag nyid du ston to/ /'o na lam du ji ltar gnas she na/ phyir mi ldog pa phyir mi 'ong / /'dren pa rang rgyal bse ru'i tshul/ /nges 'byung sna tshogs las byung ba/ /'byung ba chen po rgyu gcig po/ /zhes pa'o/ / de bas na bden pa bzhi bdag nyid bsdus pa dang / 'byung ba chen po rgyu gcig po/ /zhes bya bas sde pa bzhi bdag nyid du bsdus pa'o/ /rig pa dang ni rkang par ldan/ /bde gshegs 'jig rten rig pa'i mchog /ces bya bas sku'i bdag nyid du bsdus pa'o/ /des na thams cad 'dus pa'i yum gyi sku ste mngal gyi phru ma chos gos te rang bzhin gyis dgra bcom pa'i dge slong ngo //de gcig pu gnas pas rang rgyal ba'o/ /nges par 'byung ba'i rten 'byung ba chen po bzhis bskyed pa'i rgyu gcig po dang ldan pas nyan thos pa'o/ /tshul khrims mtha' dag rdzogs te zla ba bcur bzhugs pas byang chub sems dpa'o//thabs dang shes rab kyi skur rdzogs shing rgyun mi 'chad pa'i gsang sngags dang ldan pas phyag rgya chen po'i sdom pa rdzogs pa ni bde bar gshegs pa'o/ /tshangs pa'i mtshan dang stobs po che/ /rig pas 'dzin dang 'od mdzad pa//chen po'i ri dang rgyal ba'i mtshan/ /'jigs par byed dang rin chen dang / /pad+ma'i sde dang stobs dang ni/ /me tog 'od dang ye shes 'od/ /lha min 'od dang tshangs pa dang / /'od dpag med dang klu sbyin nas/ /rim par ston dang don yod mthong / /dpa' bo sbyin dang mi ldang ba//seng rgyal mtshan dang khams gsum sdud/ /chos mos dang ni dga' ba'i rgyal/ /don chags pa dang dga' bar mdzad/ /chu yi lha dang yon tan lag /spos glang po dang don yod dbyangs/ /thub bzang po dang zla ba dang / /zla 'od grags dang glang chen stobs/ /gtsug nor bu dang drag po dang //seng ge mchog dang ngang pa'i 'gros/ /don rnams rgyal dang shes rab brtsegs/ /legs par gnas dang blo gros brtan/ /yan lag byung dang bdud rtsi shing / /lus bzang po dang ye shes ldan/ /'od 'phro ba dang dka' thub gnas/ /bkra shis 'byung dang bden smra dang //pad+ma dang ni mi yi theg /ut+pal dang ye shes blo/ /blo dri bral dang tshangs pas byin/ /rin chen mdzod dang me tog lha/ /legs bsam don dang dbang phyug chos/ /blo gros grags dang rnam par rol/ /shes pa mchog dang mang po'i lha/ /dri mchog dang ni shes rab zer//rin chen snying dang grong khyer mthong / /zla ba'i 'od dang tshes pa'i mchog /yid kyi yul dang yon tan grags/ /zla bas bsil dang gsang ba'i 'od/ /seng ge'i tog dang lugs las bzlog /snying po dpal dang dngos mthar ston/ /glog gi 'od dang seng ge sbyin/ / gzhan gyis mi thub ces pa'o/ /rig pa'i mchog /bdag gir mi 'dzin ngar mi 'dzin/ /bden pa gnyis kyi tshul la gnas/ /zhes pas ni thabs shes rab sems kyi rang bzhin nyid kyi sdom par grub bo/ /des ji lta bu zhig spangs she na/ 'khor ba'i pha rol mthar son pa/ / bya ba byas pa skam sar gnas/ /zhes pa'o/ /'bras bu gang dang ldan zhe na/ ye shes 'ba' zhig las 'byung ba/ /zhes bya ba'i yon tan gyi khyad par ci zhe na/ chos dbyings dam pa zad mi shes/ /zhes bya bas so/ /'o na gdul bya gang la snang zhe na/ bsod nams ldan pa zhes pa'o/ / ye shes ye shes khyad par che ni lus dang sems tha dad du 'dod pa nyan thos rang rgyal ba dang byang chub sems dpa' yin la/ de las khyad par du gyur pa ni ye shes ldan pa ste/ yod pa lus med sems gnyis ldan par shes pa'o/ /des khyad par che'o/ /'on te rtogs pa'i gang zag de tshogs gnyis rdzogs shing dus rtag tu rnal 'byor gus pa'i gang zag gis so//de ji ltar bsam gtan bde ba dang rig pa dbyer med cing mi g.yo ba ste/ de'i phyir/ bsam gtan bsam bya blo ldan mchog /ces bya bas bstan to/ /de la bsdus pa'i don ni/ 'di ltar sangs rgyas zhes pas ni rdo rje glus ni bskul ba'o//byams chen rang bzhin zhes pas ni/ /dga' ldan gnas nas bskul ba'o/ /rdzu 'phrul chen po cher grags pa/ /glang chen lta bur gshegs pa'o/ /mchod pa chen po zhes bya bas/ /rgyu lngas 'bras bu bskyed pa'o//sangs rgyas rnam par snang mdzad che/ /pho brang dbyings na bzhugs pa'o/ /'khor los sgyur ba stobs po che/ /thams cad zil mnan bkra shis brjod/ /ces pa'o/ /de la don ni 'di yin te/ tshogs gnyis yongs su rdzogs pa yis/ /d+harma d+hA tu lus dbus su//de nas ye shes lnga bsgom ste/ /de ltar mtshan ni brjod par bya/ /ye shes lnga yi dkyil 'khor la/ /tshigs bcad sum cu rkang pa gnyis/ /mtshan ni nyis brgya lnga bcu gnyis/ /gtso la rtsa gsum gzhan la re re lhag /ye shes lnga'i dkyil 'khor bstan pa'o//da ni rdo rje 'jigs byed kyi dkyil 'khor bstan par bya ste/ yum dang 'khor dang pho brang ste/ /de'i phyir so so rang rig mi g.yo ba'o/ /mchog gi dang po sku gsum 'chang / /zhes bya ba ni ye shes kyi sku de nyid mthing ga chos sku'i rang bzhin khro bo'i rnam pa ni/ longs sku sprul pa 'phro ba ni sprul sku'o//sangs rgyas sku lnga'i bdag nyid can/ /zhes bya bas ni thabs kyi bdag nyid sku dang yum gyis bskyed pa'i sku bstan to/ /sangs rgyas sras po dam pa'i mchog /ces bya bas ni yum gyi gnas chos kyi dbyings la bzhugs pa'o/ /de yang sku lnga'i bdag nyid de rigs lngas byin gyis brlabs pa'o//de ni dbus kyi yum gyi sku dang ye shes kyi sku bstan te/ shes pa srid 'byung skye gnas med/ /ces bya ba'i don to/ /skye ba'i gnas med pa ci zhe na/ chos las 'byung ba srid pa sel/ /zhes pa'o/ /de'i rang bzhin ci zhe na/ gcig tu sra mkhregs rdo rje'i bdag /ces pa'o/ /nam mkha' las byung rang 'byung ba/ /zhes bya ba ni nam mkha' nas 'byung ba'i sku'i shes rab ces bya ba ni shes rab bo/ /ye shes ni ye shes so/ /me bo che zhes pa nas/ gzi brjid chen po 'od gsal ba/ /zhes pa ni thabs so//sngags mchog sngags bdag rig sngags rgyal/ /gsang sngags rgyal po don chen byed/ /ces bya bas ni sngags kyi bdag po bar du gcod pa sel ba rnams so/ /gtsug tor chen po rmad 'byung gtsug /ces pa ni gtso bo rnam pa lnga'i bdag nyid des khro bo'i bdag nyid do/ / nam mkha'i bdag po sna tshogs ston/ /zhes bya ba ni de rnams kyi sprul pa'o/ /sangs rgyas kun gyi sku yi mchog /'gro kun dga' ba'i mig dang ldan/ /zhes bya bas ni rigs lnga dang yum lnga'o/ /de yang zhal gyi 'od zer dang sku'i 'od zer gyis bskyed pa ni/ sna tshogs gzugs can skyed pa po//drang srong che dgus mchod cing brjod/ /ces bya bas sku dpag tu med pa srung ba de yang drang srong gi cha byad can gyis de la mchod cing shis pa brjod pa'o/ /de la don ni 'di yin te/ tshogs gnyis bsags pa dang / gzhal yas khang bskyed pa ni/ tshom bu lnga dang ldan pa 'khor lo rtsibs bcu drug gru chad bzhi dang /rta babs dang sgo dang / dra ba dang dra ba phyed pa dang ldan zhing shin tu mdzes pa'i nang seng ge dang / glang po che dang rta dang / rma bya dang shang shang ngo / /de'i steng du lha chen po dang / dri za dang gshin rje dang gnod sbyin no/ /de'i steng du nyi ma'o//sa bon a las bskyed pa ni dbus su 'jigs byed chen po'i sku mdog mthing ga mche ba gtsigs pa/ zhabs brkyang bskum du bzhugs pa sa gnon gyi phyag rgya can no/ /de'i thugs kar shes rab 'khor lo/ /de'i steng du nyi ma'i steng du bcom ldan 'das 'jam pa'i rdo rje mthing ga zhal drug pa ral pa'i thor cog can steng na yang dag par rdzogs pa'i sangs rgyas drug bzhugs pa/phyag drug ni g.yas na keng rus kyi dbyug pa dang mda' gzhu dang ral gri'o/ /g.yon na rdo rje dang sna tshogs rdo rje dang mdung bsnams pa'o/ /de las sprul pa'i sku drug 'phro ba/pha rol tu phyin pa drug gi rang bzhin zhabs bzhi bsdu ba'i dngos po bzhi'i rang bzhin brkyang bskum du bzhugs pa'o/ /de rnams la bstod pa ni/ so so rang rig mi g.yo ba/ /zhes bya ba nas/ chos las 'byung ba srid pa sel/ /shes rab 'khor lo la bstod pa'o//ye shes skar ma lam me ba/ /zhes bya bas ni gtso bo la bstod pa'o/ /rdo rje 'jigs byed 'jigs par byed/ /ces bya bas ni ye shes sems dpa' nyid la bstod do/ /mtshan ni/ rgyal ba'i tog dang rab grub grags/ /brtson 'grus brtan dang dpe bral grags//shin tu grags dang dgra bcom lha/ /mar me che dang 'jig rten 'od/ /dpa' bo dri dang yon tan 'dzin/ /mun pa bral dang seng ge spras/ /rin chen grags dang zhi rab sgron/ /yid skyes zla dang legs par ston/ /rgyal mtshan gzugs dang nor bu bzang / / ri bo'i rtse dang chos 'byung gnas/ /don rnams pa dang chos sbyin pa/ /rin chen gnas dang dbang po rgyal/ /seng ge mnan dang ngo bo'i gnas/ /skal bral gdugs dang thams cad dpal/ /seng ge sgra dang thams cad 'phags/ /seng ge sgra dang yon tan phreng / /me tog ri dang dbyangs ldan no//dbang phyug dri dang shin tu dga'/ /stobs kyi lha dang bden par smra/ /klu yi phyag dang rgyal mtshan dang / /rgyal ba'i blo dang ye shes khyab/ /bdud rtsi 'gro dang nyi ma 'chad/ /blo rab zhi dang gzugs mtha' yas/ /rgyal bas byin dang snang bar mdzad/ / rin chen tog dang don grub dang / /legs par zhi dang rtogs pa 'chang / /me tog dang ni dbang po rgyal/ /gzi brjid can dang don ston mdzad/ /tshe dpag med dang khro dbang phyug /don gnas can dang mi shigs grags/ /mya ngan med dang dri ma bral/ /dri ma bral ba'i lha zhes pa'o/ / rdo rje 'jigs byed dur khrod bdag /'joms mdzad rgyal dang rnam par 'phrul/ /khams gsum rgyal dang sgyu 'phrul dra/ /rnam par 'joms dang me ltar 'bar/ /bi lo ki dang gzhan gyis mi thub pa'o/ /mi g.yo ba dang rdo rje khu tshur zhes pa'o/ /de nas yum bzhi gtso bo 'khril ba dkar po dang dmar po dang /ser po dang ljang gu'i mdog go/ /glang po'i pags pa 'dzin pa'i phyag gi g.yon na ut+pa la'o/ /de la bstod pa ni/ sna tshogs gzugs can yid las skyes/ /zhes pas ni/ theg pa mchog gsum ston pa'o/ /zhes bya bas tshig rkang lngas bstod pa'o//rigs lnga ni seng ge'i steng na rnam par snang mdzad mdog dkar po zhabs brkyang bskum du bzhugs pa/ phyag na gzhu bsnams pa ral pa'i thor tshugs can no/ /bstod pa ni/ don yod zhags pa rnam par rgyal/ /zhes bya bas bstod pa'o/ /rin chen 'byung ldan rta'i steng na mdog ser po zhabs brkyang bskum du bzhugs pa/phyag na dur khrod kyi ras 'dzin pa ral pa'i thor tshugs can no/ /bstod pa ni/ ha la ha la gdong brgya pa/ /gshin rje gshed po bgegs kyi rgyal/ /zhes pas bstod pa'o/ /snang ba mtha' yas rma bya dang chu lha'i steng na zhabs brkyang bskum du bzhugs pa/mdog dmar po phyag na mdung bsnams pa ral pa'i thor tshugs can no/ /bstod pa ni/ rdo rje snying po mkha' 'dra ba/ /mi g.yo ral pa gcig gis bsgyings/ /zhes pas so/ /don yod grub pa ni mdog ljang gu shang shang dang gnod sbyin gyi steng na zhabs brkyang bskum du bzhugs pa phyag na rdo rje'i tho ba bsnams pa ral pa'i thor tshugs can no//bstod pa ni/ rdo rje drag po rdo rje snying / /zhes pas so/ /de'i mtshan ni/ 'dod pa'i rgyal dang zla ba'i gtso/ /gnod mdzes dang ni hUM mdzad do/ /rdo rje gnod sbyin rdor lcags kyu//bdud rtsi 'khyil dang pad+ma 'khyil/ /phyag na rdo rje rje khrag 'thung / /rdo rje lcags sgrog stobs po che/ /rdo rje zhags pa rta mgrin dang / /drag po che dang 'khor lo'o/ /dang pos mtshan dang yon tan dang kha dog go/ /gnyis pas ni mdog dang mtshan no/ /gsum pas mtshan dang mdog dang sku dang /thabs dang shes rab kyi gnas so/ /bzhi pas mtshan dang mdog dang rgyan cha'o/ /'khor lo'i rtsibs chen bzhi rnams la/ nang gi dur khrod de ag+ni pra b+ha dang / ma ri ha ha kha dang / b+he ra ba dz+wa la khar dang / ma ru tse 'ga' na/ nang na ro'i steng na nyi ma la brkyang bskum du bzhugs pa'o//nang gi lha mo bzhi ni/ dkar mo dang / ser mo dang / dmar mo dang / ljang gu'i mdog can gyi khro mo zhabs brkyang bskum du bzhugs pa/ ro'i steng na rol pa'i tshul can phyag na mi'i mgo bo dang / rgyu ma dang / cang te'u dang / rkang pa'o/ /nyi ma'i 'od can nyi ma'i gdan la bzhugs pa'o//grags chen ha ha zhes pa nas/ /rdo rje gad mo cher sgrogs pa/ /zhes bya bas bstod de/ de'i mtshan ni 'di yin te/ dbyug sngon can dang 'jigs byed che/ /nam mkha'i mdog dang drag shul 'joms/ /rdo rje sku'i bdag rdor dbang sgyur//bdud sde 'joms dang zhags pa che/ /nag po che dang zhe sdang 'joms so/ /de'i don ni 'di yin te/ 'dod chags nga rgyal phrag dog dang / /zhe sdang la sogs 'joms mdzad ma'o/ /'khor lo bcu drug la shes rab kyi sems dpa' bcu drug ni/gdan ni mi dang glang po che dang ma he dang bong bu bzhi'i steng na nyi ma'i dkyil 'khor gyi steng na zhabs brkyang bskum du bzhugs pa/ mdog dkar po phyag na rdo rje dang gri gug dang / mda' dang / lag pa rnams 'dzin pa'o/ /rdo rje sems dpa' sems dpa' che/ / zhes bya ba nas/ mtshan du rdo rje mda' thogs pa/ /zhes bya bas bstod/ gdan ni rnga mo dang khyi dang lug dang wa'i steng na nyi ma'i steng du zhabs brkyang bskum du bzhugs pa/ mdog ser po phyag na chu gri dang ral gri dang 'khor lo dang shang lang bsnams pa'o/ /rdo rje ral gri ma lus gcod//ces pa nas/ rdo rje gcig pu g.yul sel ba/ /zhes bya bas bstod/ gdan ni bya rgod dang 'ug pa dang bya rog dang ne tso'i steng du nyi ma la zhabs brkyang bskum du bzhugs pa mdog dmar po phyag na dbyug to dang kha T+wAM ga dang gsal shing dang thod tshal ba bsnams pa'o//rdo rje 'bar ba mig mi bzang / /skra yang rdo rje 'bar ba ste/ /zhes bya bas bstod/ gdan ni khra dang kang ka dang srin bya dang / khrung khrung gi steng du nyi ma la zhabs brkyang bskum du bzhugs pa/ mdog ljang gu phyag na rtse gsum pa dang phub dang sta re dang gtun khung ngo / / lus ni rdo rje'i ba spu can/ /rdo rje'i spu ni gcig pu lus/ /sen mo skyes pa rdo rje rtse/ /rdo rje snying po pags pa mkhregs/ /zhes bya bas bstod pa'o/ /de rnams kyi mtshan ni/ 'od zer 'phro dang bdud sde 'joms/ /drag shul 'joms dang shugs chen mo/ /shin tu khros dang khrag 'dzag dang //thod pa 'chang dang ut+pa la mdog /rdo rje 'dus dang phrin las mdzad/ /gtum khro 'bar dang rnga bo che/ /khams gsum 'joms dang drag po'i stobs/ /thal ba'i mdog dang ma he'i zhal/ /bdud rtsi phyag dang nam mkha'i mdog /dra ba'i 'od dang mi shigs bsnams//thugs rje'i zhags dang rin chen zhags/ /pad+ma khros dang rdo rje khros/ /zhes pas so/ /gru chad lha mo bzhi po ni/ phyi'i dur khrod de/ bi bi sha dang / dz+wa la par pa ta dang / 'ga' na du kha dang / pa ri khre ta dang / bzhi'i nang na ro'i steng / nyi ma la brkyang bskum du bzhugs pa/mdog shel gyi mdog dang / gser btsom dang / pad+ma rA ga dang / in+d+ra nI la lta bu phyag na rlung gi ras dang 'phan rtse gsum pa dang me thab dang ka pA la bsnams pa'o/ /bstod pa ni/ /rdo rje phreng thogs dpal dang ldan/ /rdo rje rgyan gyis brgyan pa ste/ / zhes pa'o/ /mtshan ni las kyi khros dang rin chen khros so/ /sgo ma bzhi ni nyi ma'i gdan la zhabs brkyang bskum du bzhugs pa'o/ /mdog nag po ser po dmar po sna tshogs pa'o/ /phyag na lcags kyu dang zhags pa dang sdigs mdzub dang dril bu bsnams pa'o/ /bstod pa ni/ gad rgyangs ha ha nges par sgrogs/ /zhes bya bas so/ /mtshan ni/ 'bar ba'i 'od dang dbyug pa sngo/ /zhes bya bas bstod pa'o/ /de'i don ni/ dkyil 'khor lha rnams rdzogs bsgom dang / /thams cad 'jam dpal skur bsdus nas/ /'jigs byed chen por gyur pa ni/ /rnam thar brgyad ldan zhal brgyad pa//spyan ni nyi shu rtsa bzhir mdzes/ /thod pa'i phreng ba'i dbu rgyan can/ /do shal do shal mi mgo brgya/ /phyag ni sum cu rtsa gnyis mdzes/ /byang chub phyogs rnams yongs su rdzogs/ /zhabs ni bcu drug gdug pa gdon/ /stong pa bcu drug yongs su dag /mtshan ma 'greng ba chags pa ste/ /khro bos shes rab shin tu gsal/ /rten gyi gzhal yas de bsgom bya/ /de ni shin tu khros pa'i gnas/ /shin tu 'jigs pa dur khrod gnas/ /thabs dang shes rab ye shes kyi/ /rol pa'i dkyil 'khor de la brten/ /zhi dang rgyas dang dbang dang dgug /bsad pa'i 'khrul 'khor bcu drug ste/ /sgrub pa rigs kyi 'khor lo lnga/ /bsdus pa'i 'khor lo der bsdus pas/ /nyi shu rtsa gcig 'khrul 'khor ni/ /gdams ngag gzhan du shes par bya/ /tshig rkang bcu bdun rkang pa gcig / ma tshang mtshan ni brgya rtsa bdun/ /bcu bcu lhag la gtso bo la/ /rdo rje 'jigs byed chen po'i dkyil 'khor bstan pa'o/ /da ni 'jam dpal rol pa'i dkyil 'khor bstan pa'i phyir/ de nyid kyi sku bskyed pa dang bsrung ba'o/ /da ni sku 'jig rten du byung ba'i tshul ston pa ni de ni 'di yin te/yi ge drug pa rdo rje'i sgra/ /zhes pa nas/ phyogs bcu chos kyi rnga bo che/ /zhes pas ni/ rigs pa dang chos gnyis ka las/ yon tan dpag tu med cing sdug bsngal sim par byed pa'i sgra 'byung bas bstod pa tsam thos pa tsam gyis de kho na lhan cig skyes pa'i ro rtogs te/rgyu mtshan ji lta bus rtogs pa ni/ /yang dag bdag med de bzhin nyid/ /yang dag mtha' ni yi ge med/ /ces pa'o/ /gang gis bstan zhe na/ chos sna tshogs kyi ngo bor snang ba'i sgras bstod pas de kho na nyid lhan cig skyes pa'i bde ba'i ye shes skad cig ma la sbyor ba'o//'o na 'bras bu gang la sbyar zhe na/ lhan cig skyes pa mi gnas mya ngan las 'das pa la sbyor ba'o/ /rig pa'i bdag nyid chos can du gyur pa'i sgras ci ston zhe na/ gzugs med gzugs bzang dam pa ste/ /sna tshogs gzugs can rig pa'i bdag / ces bya ba ni 'dod pa ni gzugs du mar gnas pa'o/ /gang zag de rnams kyi bstod pa ni/ mtshungs pa med cing che bar grags/ /ye shes kyi sku de la bstod pa ni/ mtshungs pa med cing che bar grags/ /khams gsum dbang phyug chen po ste/ /zhes bya ba'o/ /'o na 'bras bu ci zhe na/'phags lam shin tu mtho la gnas/ /dar ba chen po chos kyi tog /'jig rten gsum na gzhon lus gcig /gnas brtan rgan po skye dgu'i bdag /sum cu rtsa gnyis mtshan dang ldan/ /sdu gu 'jig rten gsum na mdzes/ /dpal ldan rgyu skar dkyil 'khor can//phyogs bcu nam mkha'i mthar thug par/ /chos kyi rgyal mtshan legs par 'dzugs/ /zhes pa'o/ /'dod pa dang gzugs dang gzugs med pas khams gsum gyi dbang phyug ye shes kyi sku la de ltar bstod pa'o/ /'o na ye shes kyi sku gang zhe na/ 'jig rten gsum na gzhon lus gcig pa'i sku de la bstod pa'o//de'i don ni 'jig rten ni 'jig rten gsum du ye shes kyi sku bltams pa'o/ /ji ltar bltams par byed ce na/ yum gyi sku bstod/ shes rab shin tu yangs pa der 'od kyis 'jig rten gsum gsal bar mdzad nas/ 'khor thams cad bde ba'i rang bzhin du tshim par byed pa ste/ gnas brtan rgan po skye dgu'i bdag po tshangs pa dang / sum cu rtsa gnyis kyi bdag po yon tan rnam smin gyi mtshan dang ldan pa'i brgya byin gyis/ 'jig rten slob dpon 'jigs pa med/ /mgon skyabs 'jig rten yid gcugs pa//zhes bya ba ni yon tan de dang ldan pa'i dbyer med kyi sku de thabs dang shes rab gnyis kyi tshul du blangs pa'o/ /'o na de'i don ci zhe na/ skyabs dang skyob pa bla na med/ /ces pa nas/ srid pa'i ri bo 'joms pa po/ /zhes bya bas ni 'jig rten pa'i spyod pa dang bstun nas/skye bas 'gro ba la skyob cing 'dren pa'i rtags su phyogs bzhir nam mkhar gom pa bdun gyis pad+ma bdun bdun no/ /ma rig sgo nga'i sbubs 'byed pa/ /srid pa'i dra ba 'joms pa po/ /nyon mongs ma lus zhi byed pa/ /'khor ba'i rgya mtsho pha rol phyin/ /ye shes dbang bskur cod pan can//rdzogs pa'i sangs rgyas rgyan du thogs/ /sdug bsngal gsum gyi sdug bsngal zhi/ /gsum sel mtha' yas grol gsum thob/ /sgrib pa kun las nges par grol/ /mkha' ltar mnyam pa nyid la gnas/ /nyon mongs dri ma kun las 'das/ / dus gsum dus med rtogs pa po/ /sems can kun gyi klu chen po/ /yon tan thod can rnams kyi thod/ /lus kun las ni rnam grol zhing / /nam mkha'i lam la rab tu gnas/ /yid bzhin nor bu chen po 'chang / /khyab bdag rin chen kun gyi mchog /dpag bsam shing chen rgyas pa ste//bum pa bzang po che ba'i mchog /ces bya ba'i don ni/ ma rig pa'i dri ma dang / srid pa'i dra ba dang / nyon mongs pa zhi ba dang / 'khor ba'i rgya mtsho las bsgral ba'i phyir dbang bskur zhing khrus gsol ba'o/ /gang la zhe na/ ye shes kyi sku de la'o//gang dang ldan pas she na/ rdzogs pa'i sangs rgyas kyis de kho na dang ldan pa dang / sdug bsngal gsum ste/ lus ngag yid gsum gyi dri ma dag par byed pas so/ /de ji ltar dag ste/ mi dag ce na/ mkha' ltar mnyam pa nyid la gnas/ /nyon mongs dri ma kun las 'das pas so//ji ltar rgyu mtshan ci zhe na/ dus gsum dus med rtogs pa'o/ /gang gi las su byas she na/ klu chen pos sems can gyi ye shes kyi sku de la'o/ /ji ltar mdzad ce na/ yon tan gyi rgyan sbrul mgo'i gdengs ka can gyi klu'i gtso bo dga' bo dang 'jog po'o//de yang nam mkha' la lus sprin dang bcas pa dbu la rin chen 'bar bas brgyan pa/ rin po che'i rgyan du mas lus la brgyan pa/ des byang chub kyi shing 'bras bu spos kyi ngad dang ldan pa'i bum pa la/ thabs shes rab kyi chu rgyun gyis 'khru ba'i bum pa lag tu thogs nas/shing chen po de'i lag na bzung ba'i dus de nyid du khrus gsol ba'o/ /las kyi khyad par ci zhe na/ byed pa sems can kun don byed/ /phan 'dogs sems can mnyes gshin pa/ /bzang ngan shes shing dus shes la/ /bya ba bdag dam shes dam tshig ldan/ /dus shes sems can dbang don shes//rnam grol gsum la mkhas pa po/ /yon tan ldan zhing yon tan shes/ /dbugs 'byin chen po dga' ston che/ /zhes bya ba'o/ /'o na las gang dang 'brel pas she na/ chos shes bkra shis bkra shis 'byung / /bkra shis kun gyi bkra shis pa//grags pa'i bkra shis snyan grags dge /zhes gong du bstan pa dang 'brel to/ /des ni bram ze dang / rig byed ltar bkra shis pa'o/ /tshigs su bcad pa rkang pa gsum pa 'dir ni lus dge bar gyur cig /ngag dge bar gyur cig /sems dge bar gyur cig/ ces pa'i don to/ /yon tan 'od dang khyad par che/ /rnam shes grags dang kun du grags/ /zla ba gang dang pad+ma'i 'od/ /dka' thub rgyal dang mar me rgyal/ /glog gi tog dang rgyal ba'i 'od/ /gsang ba ldan dang dpe bral grags/ /pad+ma grags dang me tog mtshan/ /spyan mchog bzang dang grags med don//drag po sde dang bsod nams 'od/ /khyad par can dang thogs med blo/ /sgra gcan dang ni ye shes 'od/ /grags ldan dang ni ye shes ldan/ /skar ma ston dang rA hu la/ /sman chen po dang sman pa'i rgyal/ /bsod nams glang po dang rgyu stobs/ / skar ma rgyal dang rgyal ba'i sku/ /nyi 'od 'chang dang chos kyi mdzod/ /blo gros legs dang rgyal ba po/ /rdo rje sde dang shes rab brtsegs/ /legs par gnas dang rgyal ba'i blo/ /chags pa'i gnas dang klu dbang po/ /yon tan gsal dang ye shes dag /tog gi 'od dang tshangs pa'i dge /sgra mi snyan dang rol par gar/ /klu yis sbyin dang bde ba'i tog /mkhas pas dbyangs dang gzhan thub min/ /ri 'od sbyin dang gsung dbyangs can/ /seng ge dang ni sna tshogs nyid/ /ye shes dpal dang pad+ma chu/ /me tog dang ni rnam grol lus/ /bsod nams spungs dang mtshan 'gyur blo//gsal ba dang ni zla mar me/ /mi bzad pa dang blo bzang spyan/ /yan lag mchog dang shes rab yul/ /mchog tu gyur dang rab 'joms zer/ /shes rab sbyin dang 'jam pa'i dbyangs/ /thogs med mdzod dang mthu sbyin dang / /dag pa dang ni ye shes gnas//bde gshegs 'od dang dbang po'i 'od/ /thub pa che dang lha chen dang / /'od zer bzang dang gzugs mdzes dang / /rgyal ba'i sku dang don yod ston/ /sing nga la dang dri ldan dang / /grags pa'i mtshan dang bkra shis dang / /snying po mchog dang bsod nams dge /nyan pa chags dang nyan 'dod pa/ /mar me rgyal dang rin chen brtsegs/ /tshogs med lha dang sa yi bdag /grol bar 'gro dang gtsug bung gser/ /sgra gcan bzang dang mi thub ste/ /rang bzhin thub dang zla ba'i 'od/ /gser mdog bzang dang 'od dge ba'o/ /yon dbang lha dang chos kyi gdugs//yon tan lag dang dran pa'i mtshan/ /ye shes rdzogs dang blo gros 'phro/ /'od rnams 'bar dang sman gyi skyabs/ /dga' chen rol mo chen po ste/ /bkur sti rim gro bya ba'i 'os/ /ji ltar de la bya bar 'os she na/ 'jig rten dgra ste rab kyi mchog /'jigs pa ma lus sel ba'o/ /de'i phyir byin gyi rlabs kyi yon tan de rnams dang ldan pa'o/ /de gang gis rtogs she na/ gtsug phud phud pu lcang lo can/ /zhes pa nas/ tshangs par spyod pa brtul zhugs mchog /ces bya bas ni skye gnyis pa'o/ /ji ltar rtogs pa'i rgyu gang dang ldan pas rtogs she na/dka' thub mthar phyin dka' thub can/ /gtsang gnas dam pa gau ta ma/ /ji ltar shes she na/ bram ze tshangs pa tshangs pa shes/ /mya ngan 'das pa tshangs pa thob/ /grol ba thar pa rnam grol lus/ /rnam grol zhi ba zhi ba nyid//ces bya ba ni rgyu khyad par can dang ldan par bram zes shes so/ /bram ze de yang dri ma dag pa'i phyir rtags la brten nas dpog pa ni/ mya ngan 'das pa mya ngan 'das/ /legs par mya ngan 'das dang nye/ /zhes bya bar rtogs pas so/ /bde sdug sel bar mthar gyur pa/ / chags bral lus las 'das pa po/ /rtags ni 'jig rten pa'i stobs kyis/ /thub pa med pa dpe med pa/ /mi mngon mi snang gsal byed min/ /de la brten nas ye shes kyi sku lhan cig skyes pa'i bdag nyid du rtogs te/ mi 'gyur kun 'gro khyab pa po/ /phra zhing zag med sa bon bral//rdul med rdul bral dri ma med/ /nyes pa spangs pa skyon med pa/ /shin tu sad pa sad pa'i bdag /kun shes kun rig dam pa po/ /rnam par shes pa'i chos nyid 'das/ /ye shes gnyis med gzugs 'chang ba/ /rnam par rtog med lhun gyis grub/ /de'i don ni mya ngan las 'das pa chen po thob par rtags kyi sgo nas shes la/'jig rten pa'i 'phong dang bzo dpe med cing gzhan gyis bskyod par mi nus pas kyang shes so/ /de gang gi phyir zhe na/ thams cad kyis rtogs par dka' ba phra ba dang / dri ma bral ba dang / nyes skyon thams cad zad pa'i phyir/'bras bu kun shes pa'i bdag nyid mngon sum du grub bo/ /de'i phyir/ dus gsum sangs rgyas las byed pa/ /sangs rgyas thog ma tha ma med/ /de ci'i phyir zhe na/ dang po'i sangs rgyas rgyu med pa/ /ye shes mig gcig dri ma med/ /de lta bu'i rang bzhin du gnas she na/ye shes lus can de bzhin gshegs/ /tshig gi dbang phyug smra ba che/ /smra ba'i skyes mchog smra ba'i rgyal/ /smra ba'i dam pa mchog gi gnas/ /smra ba'i seng ge mtshungs pa med/ /kun du lta ba mchog tu dga'/ /gzi brjid phreng ba lta na sdug /'od bzang 'bar ba dpal gyi be'u//lag na 'od 'bar snang ba po/ /sman pa che mchog gtso bo ste/ /zhes bya ba'i don ni ye shes kyi lus kyi bdag nyid ni rnam pa lngar gnas la/ sngags ni ye shes lnga'i brda ston pa'o/ /yid ni dpal be'u'i tshul du zhu ba'i bdag nyid du gnas so/ / de yang gzhon nu'i rol pa dang skyo bas khyim nas khyim med par rab tu byung ba dang / zhi gnas kyi 'khor ba'i rgyu spangs pa/ shes rab kyi spyan gyis sems can la gzigs pa ni dus gsum gyi sangs rgyas kyi mdzad pa bsgrub pa'o/ /dka' ba'i gnas su zhi gnas bsgom pa'i tshul du bzhugs kyang ye shes chen po dang po sangs rgyas ye shes lnga'i lus su chos kyi longs spyod pa dang /gzi brjid dang ldan pas ni'o thug gsol bas mdangs dang ldan no/ /des ni sprul pa dang gzhi rten dang po sangs rgyas so/ /rnam grol tog dang shes rab mchog / ye shes rgyal dang gzugs 'jigs pa/ /glo bur 'jigs dang thogs med grags/ /bde ba ldan dang ngag snyan rigs/ /grags dbang po dang chos kyi brtsegs/ /'gro ba'i 'od dang legs pa'i rgyal/ /rang bzhin lus dang ye shes gsung / /sna tshogs pa dang nyon mongs sel/ / 'gro ba'i mchog dang seng ge rig /chos kyi mtshan dang skal ba bzang / /mi bskyod gdong dang 'bar ba'i rgyal/ /rtog pa'i gsung dang spyan bzang po/ /rig don blo dang 'jigs pa bral/ /dri yi 'od dang dga' ba'i 'od/ /don yod 'gro dang khro thal mdog /gzugs mchog dang ni brtan pa'o//rtogs par byed dang shes rab spyan/ /don rig blo dang drag po'i bzhin/ /nyi ma'i lha dang shes rab gsal/ /shing rta 'gros dang gser btso ma/ /skal ldan gtsug dang dbang phyug dang / /dga' ba brtan dang mos pa 'joms/ /tshangs par shes dang tsan+dan dang //mya ngan 'joms dang sengs ge'i 'od/ /tog gi yul dang pad+ma'i snying / /mtha' yas 'od dang snying po lha/ /me tog mdzes dang rig pa'i haM/ /shes rab 'bar dang tshangs dbang po/ /rin chen phyag dang dbang po ldan/ /dpe med dri dang the tshom bral/ /mchod par 'os dang 'bar ba'o//pad+ma'i gdugs dang 'dum gyi mchog /ye shes 'od dang bya brtsal grub/ /gsal ba'i mdog dang chos ldan pa/ /phan ldan gzugs dang ye shes dang / /grags pa dang ni 'od zer 'bar/ /snying po baiDUr bye bai DUr+ya/ /rgyu skar tshogs dang lha nyid dang / /zla ba'i 'od dang dra ba'i 'od//dge ba'i 'od dang yon tan can/ /dam chos brjod dang mig las rgyal/ /smra ba'i stobs dang tshogs dbang sgyur/ /legs pa'i yid dang rigs kyi 'od/ /spyod lam zhi dang ye shes mchog /chos dbang phyug dang ris lha sku/ /yon tan las dang 'khor lo stobs//legs par sbyangs dang legs par rig /don grub dpal dang gzi brjid dpal/ /thams cad snyoms dang bdud rtsi dbyangs/ /snang bde 'bar dang legs pa'i blo/ /rnam grol don dang dbang phyug 'phags/ /de la dang po'i sangs rgyas ye shes kyi lus de bzhin gshegs pa'i gzugs su snang ba de'i thugs kar dpal gyi be'u ni 'khor lo ut+pala'i 'dab ma lta bu'o//de'i thugs kar a thung ngu bsgoms la/ lag pa 'od 'bar ba'i ral gri/ sman dang sman pa lta bus nad 'joms pa dang 'dra ba'i po ti shing ut+pala'i steng na mtshan pa/ sku shin tu mdzes pa'i sku 'od zer gyi dra ba las skar mda' phog pa dang 'dra ba 'phro zhing sangs rgyas de'i lus las 'phro ba'i phyir/ sangs rgyas kun gyi bstan pa gcig /de'i phyir/ dpal ldan rgyu skar dkyil 'khor can/ /phyogs bcu'i nam mkha'i mthar thug pa/ /chos kyi rgyal mtshan legs par 'dzugs//'gro na gdugs gcig yangs pa ste/ /byams dang snying rje'i dkyil 'khor can/ /dpal ldan pad+ma gar gyi bdag /khyab bdag chen po rin chen gdugs/ /sangs rgyas kun gyi gzi brjid che/ /sangs rgyas kun gyi rnal 'byor can/ /sangs rgyas kun gyi bstan pa gcig /rdo rje rin chen dbang bskur dpal/ /zhes bya ba ni yang na gong dang 'dra ba'i ye shes kyi sku lnga'i bdag nyid de'i thugs kar ut+pa la'i 'khor lo skar ma'i 'od dam zla ba'i 'od dam nyi ma'i 'od zer lta bu dkar po shin tu phra ba'i steng du zhu ba kun lta bu dmar po'i mdog can bsams te/de las 'od zer dkar dmar 'phros pas nam mkha'i khams thams cad du khyab ste/ sprul pa'i sku 'gro ba dang 'dug pa dang nyal ba dang bzhengs pa dang chos kyi 'khor lo bskor bar bsams nas/ de yang byams pa dang snying rje'i bdag nyid can du byas te/pad+ma'i steng na bzhugs shing bde ba la longs spyod pa'i skur bsgom mo/ /yang na lte ba'i dkyil nyid du pad+ma 'dab ma bzhi pa'i steng du bsam pa ni a thung ngu'o/ /yang na khyab pa'i bdag po'i ze'u 'bru dang / ze'u 'bru la nyi ma dang zla ba'i thig le bsams te/ gzi brjid me'i rang bzhin gyis sangs rgyas kun gyi bdag nyid bsreg pa dang / sangs rgyas kun gyis bsregs nas rnal 'byor ma yum lnga'i rang bzhin yang bsregs te smin mtshams su bton nas/ 'gro ba dang bzhengs pa dang 'dug pa dang nyal ba la sogs pas sems can gyi don byas/sangs rgyas rnams mchod nas/ spyi gtsug tu zhugs te gsol ba btab par bsgom par bya'o/ /de ltar blta zhing rdo rje'i glu blang bar bya'o/ /rol pa'i mchog dang lhag mthong dang / /nyes pa spangs dang nyi ma'i 'od/ /dgra rgyal blo dang pad+ma'i mchog /nyi ma'i 'od dang so sor gsung //legs pa'i mu dang tshogs dbang po/ /'jigs pa bral dang ye shes sred/ /de ltar bstod pa de ni ye shes sems dpa'i rang bzhin brjod pa'o/ /'jam dpal rol pa'i dkyil 'khor la tshigs su bcad pa sum cu gcig go/ /mtshan nyis brgya sum cu'o//de ni ye shes sems dpa'i dkyil 'khor ston te/ rdo rje rin chen dbang bskur dpal/ /zhes pa nas/ sangs rgyas kun gyi thugs la gnas/ /zhes pa ni thabs dang shes rab kyi sa bon bstan te/ byang chub sems so/ /de yang chos kyi 'khor lo dang sprul pa'i 'khor lo'o//sangs rgyas kun gyi sku yi mchog /ces bya ba nas/ rdo rje zla ba dri med 'od/ /ces bya bas ni hUM dang a'o/ /de yang dmar po dang dkar po'o/ /chags bral la sogs chags pa che/ /kha dog sna tshogs 'bar ba'i 'od/ /ces bya bas ni/ 'od zer lnga las ye shes lnga'i rang bzhin gyi sku steng gi hUM las rdo rje 'od kha dog lnga las thabs kyi ye shes lnga dang ldan pa'i ye shes sems dpa' bsgom pa ni/ rdo rje skyil krung rdzogs sangs rgyas/ /dpal ldan sangs rgyas pad+ma skyes/ /kun mkhyen ye shes mdzod 'dzin pa/ /rgyal po sgyu 'phrul sna tshogs 'chang //zhes bya ba ni bdag nyid kyi lus la rdzogs pa nyid du bstan pa ni pad+ma'i steng du rdo rje skyil mo krung gis bzhugs pa'i dang po'i sangs rgyas kun mkhyen pa'i zhal dang ldan pa/ shes rab dang ye shes kyi phyag mtshan 'dzin pa'o/ /de'i thugs kar thabs dang shes rab kyi rang bzhin de bsgom par bya'o//de nyid gang zhe na/ rdo rje zab mo dzin dzika / rdo rje blo gros don bzhin rig /rdo rje rnon po ral gri che/ /yi ge mchog ste rnam par dag /theg pa chen po sdug bsngal gcod/ /mtshon cha chen po rdo rje'i chos/ /zhes bya bas ni ye shes lnga lnga bcur gyur pas shes par bya'o//'o na rgyu mtshan cis shes she na/ pha rol phyin pa kun rdzogs pa/ /sa rnams kun gyi rgyan dang ldan/ /zhes bya ba ni/ pha rol phyin pa bcu'i bdag nyid dang / sa bcu'i bdag nyid kyis bcu'o/ /de rnams kyang rgyan dang ldan pa nyid kyi phyir ro/ /'o na drug par cis shes she na/rdo rje'i gdan ni ma lus ldan/ /ye shes sku rnams ma lus 'chang / /zhes bya bas bstan te/ des ni drug pa rdo rje 'chang gi rang bzhin du bstan to/ /de bas na/ sa'i snying po 'gro ba 'dzin/ /kun du bzang po blo gros bzang / /zhes bya ba ste thabs dang shes rab kyi rang bzhin no//gnas gang du zhe na/ sprul ba'i 'khor lo sna tshogs 'chang / /dngos po kun gyi rang bzhin mchog /dngos po kun gyi rang bzhin 'dzin/ /skye med chos te sna tshogs don/ /zhes bya ba ni lte ba'i gnas dngos po bskyed pa'i sa skye ba med kyang cho 'phrul sna tshogs ston pa sprul pa'i gnas su'o//rnam pa ji lta bu zhe na/ chos kun ngo bo nyid 'chang ba/ /chos kun mngon par rtogs pa ste/ /thub pa blo mchog 'byung bo sel/ /mi g.yo rab tu dang ba'i bdag /rdzogs pa'i sangs rgyas byang chub 'chang / /sangs rgyas kun gyi mngon sum pa/ /ye shes me lce 'od 'bar gsal//'dod pa'i don grub dam pa'o/ /zhes bya ba ni chos thams cad rang bzhin du dag pa'i ye shes 'chang ba ni gang zhe na/ lhag mthong gi shes rab dang bsam gtan gyi rang bzhin ltar zhu ba de dbyer mi phyed pa'i shes rab mi g.yo ba rtogs pa'o/ /de kho na bde ba chen po ye shes kyi sku'i bdag nyid du grub pa'o//ji ltar rtogs pas grub ce na/ mngon sum nyid du yul du byas pas grub pa'o/ /de bas na de rnams bsgom pa ni ut+pa la'am mar me'i rtse mo dang 'dra bar bsgom mo/ /'o na gzhan don ji ltar byed par 'gyur/ /ngan song thams cad rnam par sbyong //mgon po sems can kun gyi mchog /sems can thams cad rab grol byed/ /nyon mongs g.yul du gcig dpa' ba/ /mi shes dgra yi dregs pa 'joms/ /zhes bya ba des ni gti mug gi mun pa 'joms pa'o/ /dpal ldan blo dang sgeg pa 'chang / / brtan po mi sdug gzugs 'chang ba/ /zhes bya ba ni gnyis pa'o/ /lag pa brgya po kun bskyod cing / /gom pa'i stobs kyis gar byed pa/ /dpal ldan lag pa brgyad gang la/ /nam mkha' khyab par gar byed cing / /sa yi dkyil 'khor bzhi yi khyon/ /rkang pa ya gcig mthil gyis gnon//rkang mtheb sen mo'i khyon gyis kyang / /tshangs pa'i yul sa rtse nas gnon/ /don gcig gnyis med chos kyi don/ /dam pa'i don ni 'jigs pa sel/ /zhes bya ba ni dang bo bsnyen pa sngon du song bas sa bsrung zhing sbyang ba dang / sta gon la gnas pas bsrung bar bya ba dang /dkyil 'khor bri zhing sgrub pa ni ji ltar shes par bya'o/ /dbang bskur ba ni gang zhe na/ rnam rig sna tshogs gzugs don can/ /sems dang rnam shes rgyud dang ldan/ /dngos don ma lus rnams la dga'/ /stong pa nyid dga' 'dod chags blo//srid pa'i 'dod chags spangs pa ste/ /srid gsum dga' ba chen po pa/ /zhes bya ba ni dga' ba'i rang bzhin gyi sems can la dbang bskur ba'i phyir/ rdo rje dang drug pa rdzogs sangs rgyas kyi dbang la sogs pa bskur bar bya'o/ /spobs pa'i mtshan dang blo 'chang ba/ / zla ba dang ni rin chen zla/ /mi 'jigs pa dang me 'od che/ /tshangs pa'i sgra dang snyan pa'i gsung / /shes rab ma dang kun mnyam blo/ /rdo rje tshig dang blo spobs lnga/ /nam mkha' dbang dang ngag dbang phyug /yon tan mchog dang gnas kyi mchog /'phags pa'i 'od dang gsang ba'i ri//gsang ba'i don dang rnga yi sgra/ /'dod spyod sbyin dang ye shes legs/ /zhi bas bzhugs dang ye shes gsung / /shin tu gdugs dang rgyal mtshan chos/ /dri ma bral dang ye dbang blo/ /skal bral brjod dang gzi brjid 'od/ /drang srong che dang shes rab bsags/ /'khor lo spong dang zla ba'i zhal//nyi zla'i 'od dang yon tan no/ /yon tan sdud dang bla med rtogs/ /bsod nams rtogs dang yul spangs pa/ /rigs su skyes dang rgyal po'i rigs/ /rnam grol gsung dang dbang phyug po/ /mchog tu ye shes ye shes dbyings/ /nam mkha' dang ni mchod 'os dang //dpung tshogs bcas dang rin chen 'phro/ /zla ba'i sku dang bdud rtsi 'od/ /pad+ma'i 'od dang 'od stobs dang / /seng ge'i gdong dang ye shes sku/ /don grub dpal dang ye shes nyi/ /don yod grub dang ston pa'i stobs/ /rin chen brtsegs dang sgra 'byin dang / /pad+ma dpal dang nyon mongs 'joms//ye shes sems dang bde 'gro dang / /bde bral bzhad dang dri yi 'od/ /mtha' yas ston dang rin chen dang / /zla ba phyed dang seng ge mchog /bsam gtan 'od dang dpa' bar 'gro/ /rin chen yon tan rnam par rol/ /don ston pa dang dgra bcom grags/ /rin chen 'od dang srid bcings grol//spyod yul spangs dang nam mkha'i mdzod/ /spobs pa grags dang rdo rje nor/ /de ltar bum pa rdzogs pa yis/ /gsang ba'i dbang bskur ba'i phyir rol bas bar du bcad de/ las kyi phyag rgya'i ye shes dbab po/ /de ji lta bu zhe na/ sprin dkar dag pa bzhin du dkar//'od bzang ston ka'i zla ba'i 'od/ /nyi ma 'char ka'i dkyil ltar mdzes/ /sen mo'i 'od ni shas cher dmar/ /cod pan bzang po mthon ka'i rtse/ /skra mchog mthon ka chen po can/ /nor bu chen po 'od chags dpal/ /sangs rgyas sprul pa'i rgyan dang ldan/ /zhes bya ba des bstan to//de dbul nas byin gyis rlabs nas dbang bskur ba ni/ 'jig rten khams brgya kun bskyod cing / /rdzu 'phrul rkang pa'i stobs chen ldan/ /byang chub yan lag me tog spos/ /de bzhin gshegs pa'i yon tan mtsho/ /zhes bya bas byin gyis brlabs nas slob ma'i kha ru sbyin pa'o//tshe dpag med dang nor bzang bkod/ /dbang phyug che dang yon tan 'od/ /ri bo'i grags dang bcu 'od ldan/ /gnyis dang bral dang klu yi stobs/ /shin tu grags dang rin chen zla/ /shugs can dang ni gsal bar byed/ /dga' ba'i dbang phyug gtsug phud 'od//'jigs pa bral dang yon tan snying / /'o na de la brten nas ji ltar rtogs she na/ lam gyi yan lag brgyad tshul rig /yang dag sangs rgyas lam rig pa'o/ /de ltar gsang ba'i dbang bskur nas/ slob ma'i spyod yul du bya ba'i phyir/ sems can kun la shas cher chags//nam mkha' lta bur chags pa med/ /sems can kun gyi yid la 'jug /sems can kun gyi yid ltar mgyogs/ /sems can kun gyi dbang don shes/ /sems can kun gyi yid 'phrog pa/ /de'i phyir na sems kyi dri ma dag par byed do/ /de ltar bstan na chags pa dang bral bas sems kyi dri ma ji ltar dag /de las gzhan ji ltar yod ce na/ de nyid kyang sems kyi rnam pa'o/ /de ltar yin pas na dge slong gis kyang mi 'gal zhes/ 'jam dpal grags pa gsung ngo / /'o na dbang po gnyis snyoms par 'jug pa ji ltar mi 'gal/ mi 'gal te/ 'jig rten pa'i 'dod pa'i chags sems lta bu ni ma yin te/ rnam par rig pa tsam gyis te/ kun rdzob sgyu ma'i blos 'jam pa'i rdo rje ni gzugs kyi rang bzhin gyi zhen pas ni ma yin no/ /dper na rmi lam gyi bud med la spyad kyang sad na dga' ba dang ldan na bden mod/mi ldan na ma yin no/ /de bas na stong pa nyid dang ldan na mi 'gal lo/ /de bas na smad pa'i ltung bar yang mi 'gyur ro/ /dri ma med dang gzi brjid gzhi/ /gdung ba grags dang lha yi gnas/ /legs par mnyam dang sangs rgyas 'byung / /de ltar dbang gsum pa bstan nas bzhi pa ni/phung po lnga don de nyid shes/ /rnam dag phung po lnga 'chang ba/ /nges 'byung kun gyi lam la gnas/ /nges par 'byung ba kun ston pa/ /zhes bya bas ston te/ zhal las shes par bya'o/ /de yang dad dang shes rab dang ldan bla ma brten/ /dbang gi da nyid cho ga ji bzhin bstan par nus//zhes bya bas bstan to/ /'o na khyad par ci yod ce na/ yan lag bcu gnyis srid rtsa bton/ /dag pa rnam pa bcu gnyis 'chang / /zhes bya bas ni rang rgyal bstan te/ rten cing 'brel bar 'byung ba'i dbang du byas nas dag par 'dod la/bden bzhi'i tshul gyi rnam pa can/ /shes pa brgyad po rtogs pa 'chang / /de nyid rnam pa bcu drug rig /ces bya bas theg pa chung ngu'i sdug bsngal kun 'byung 'gog pa lam bzhi dang / de khyad par shes pas bstan to/ /des nyan thos dang rang rgyal ba'i dbang du byas nas bstan to//rnam pa nyi shus byang chub pa/ /rnam pa sangs rgyas kun rig mchog /ces bya ba shes bya stong pa nyid bcu drug dang / rnam par thar pa bzhi'i bdag nyid de nyid de nyi shus ni/ theg pa chen po byang chub sems dpa'i lam mo/ /'o na khyad ci yod ce na/ de rnams ni spang bya dang gnyen po'i bdag nyid du rtogs la lam 'di nyid ni lam du byed pas na khyad par du gyur pa'o//de'i phyir na/ sangs rgyas kun gyis rtogs bya ba/ /sangs rgyas byang chub bla na med/ /gsang sngags las byung yi ge med/ /gsang sngags chen po rigs gsum pa/ / gsang sngags don kun bskyed pa'o/ /bskyed pa'i rim pa'i de kho na nyid bstan la/ thig le chen po yi ge med/ /stong pa chen po yi ge lnga/ /thig le stong pa yi ge drug /rnam pa kun ldan rnam pa med/ /ces bya bas ni lus kyi de kho na nyid bstan nas/ da ni sems kyi de kho na nyid bstan pa ni/bcu drug phyed phyed thig le can/ /yan lag med pa'i rtsis las 'das/ /zhes bya bas sems kyi bdag nyid bde ba rig pa'i gsal ba'i rang bzhin du bstan te/ spang bya dang gnyen po gnyis su med pa'i lhan cig skyes pa'i rang bzhin no/ /bsam gtan bzhi yi rtse mo can//bsam gtan yan lag kun shes shing / /zhes bya ba ni dga' ba bzhi dang skad cig ma bzhi'i bdag nyid du gnas pas na de'i bdag nyid do/ /de nyid gang zhe na/ ting 'dzin rig dang rgyud rig pa/ /ting 'dzin lus can lus kyi mchog /longs spyod rdzogs sku kun gyi rgyal//sprul pa'i sku ste sku yi mchog /ces bya bas te/ de las byung ba'i 'bras bu'o/ /yang na/ sangs rgyas kun gyi sprul pa'i sku/ /zhes pa nas/ theg pa gcig gis 'bras bur gnas/ /zhes bya bas ni theg pa gzhan drang don 'di nges don du'o/ /nyon mongs khams zhes bya ba nas/bag chags bcas pa gtan du spangs/ /zhes bya bas dri ma dag na/ de ltar dbang dang man ngag rtogs pas dag pa'i zhes pa'o/ /snying rje che dang zhes pa nas/ skad cig thams cad bye brag phyed/ /ces bya bas thabs de la brten nas ye shes kyi sku de kho na nyid kyi 'bras bu'o//sangs rgyas kun gyis rtogs bya ba/ /sangs rgyas byang chub bla na med/ /ces bya bas ni chos sku thob par bya ba dang bcas pa'i don bstan la/ gzugs brnyan ma lus zhes bya bas ni/ gzugs sku ste 'bras bu'o/ /de yan chad skye ba kun rdzob kyi bden pa'o//dri med grags dang gzi brjid gtso/ /gdung ba grags dang dbang chen po/ /yon tan 'od dang 'od ma gdugs/ /bcu 'od ldan dang gnyid dang bral/ /klu yi stobs dang shin tu grags/ /rin chen zla dang shugs can dang / /gsal bar byed dang dga' dbang phyug / gtsug phud 'od dang 'jigs pa bral/ /yon tan snying dang dri med grags/ /gzi brjid bzhi dang gdung ba sel/ /lha yi gnas dang legs par mnyam/ /sangs rgyas 'byung dang rin chen sku/ /sangs rgyas stobs dang rin chen khyab/ /grong khyer mthong dang blo gros legs//'jig rten 'od dang rin chen lha/ /skal ldan shing rta yang dag rgyal/ /dga' ba'i bkod dang mu yi 'od/ /dka' thub rgyal dang byang chub zla/ /chos 'chang ba dang gzhan don zla/ /ri yi 'od dang tshangs pa'i dbyangs/ /bde ba'i lha dang yon tan brtsegs/ / seng ge'i bra dang nor bu can/ /zla ba zhes dang sgra dang mtshungs/ /grags chen dang ni gzi brjid shugs/ /tshogs kyi grags dang dge bar ston/ /dri bzangs dang ni ri rgyal mtshan/ /dga' ba'i don dang mchod par 'os/ /sprin mtha' dang ni bden pa'i gsung / /rnam snang mdzad dang bden par nges//grags pa'i bde dang grags tshangs pa/ /gser 'od gser dang srog dang ldan/ /'gro ba'i theg dang thun tshod dang / /grags pa'i mchog dang blo bzang chub/ /nor lha dka' thub grib po dang / /don gsal byed dang nor gyi 'khor/ /'jig rten 'das dang gser glang po/ / yon tan rgyal dang ri yi 'od/ /dbang byed rgyal dang rab tu zhi/ /mnyam sangs rgyas dang rtog bral dang / /dri rab zhi dang rmongs la ston/ /dge bzang po dang ye shes thugs/ /smra ba'i dbang dang lha chen po/ /blo gros bzang dang 'tshe ba med/ /chos kyi don dang 'jig rten chos/ /sgra gcan nyid dang rgyal mtshan grags//sman pa'i mchog dang me tog 'od/ /dge gtsug phud dang bdud rtsi 'od/ /byang chub che dang rgya mtsho brtan/ /rin chen spungs dang rol pa'i stobs/ /nyi ma can dang dga' ba'i 'od/ /gtsug na nor dang sdig bral bdag /'gro ba 'dul dang sdud pa'o//me tog sbyin dang 'gro ba'i 'od/ /mthun par smra dang pad+ma dang / /ye shes 'od dang bkod pa'i rol/ /brtan pa'i 'od dang rgyal mtshan 'dzin/ /bden pa'i gnas dang rnam grol bzang / /bsam ba shes dang sems can 'dzin/ /rin chen 'dzin dang rgya mtsho brgal/ / mi thub 'joms dang sgra chen po/ /'dul ba dang ni maN+Dal bsnams/ /lha rnams mchod dang dri ma spangs/ /mchog gi mu dang lha yi gsung / /de la don dam pa ni/ nor bu rin chen zhes pa nas/ gsang sngags las byung yi ge med/ /ces bya bas ni rten gyi gang zag 'bras bu thob par byed pa'i thabs so//de ni a las sku de nyid bde ba dang stong pa nyid du'o/ /gsang sngags chen po zhes pa nas/ /rnam pa kun ldan rnam pa med/ /ces bya bas ni rten gyi gang zag gsum las khyad par du byas pa des lha'i sku bskyed pa lte bar sprul pa la kha dog lnga dang ldan pa'i rlung thun bzhi dang /thun mtshams brgyad dang / 'pho ba bcu drug chu tshod sum cu so gnyis/ dbyu gu drug cu rtsa bzhi bsgoms pas 'byung ba bzhi yon tan dang po'o/ /bcu drug phyed phyed ces bya bas ni/ dga' ba bcu drug go/ /bsam gtan bzhi yi rtse mo can/ /zhes bya bas ni longs spyod kyi 'khor lo nas phri ba dang bskyed pa'i 'khor lo bzhi'o//rtse mo na a gtum mo mar me lta bu'o/ /de la brten nas sa 'og rnams thig le'i rang bzhin du gsal zhing 'bab pa'i thig le ni thabs dang shes rab rgyud mi 'chad pa'i thig le 'dzag pa'o/ /de bas na bsam gtan ni lhan cig skyes pa'o//yan lag ni de rtogs par byed pa'i thabs de'o/ /'bras bu ni/ ting 'dzin rig dang rgyud rig pa/ /ting 'dzin lus can lus kyi mchog /ces bya ba la sogs pas bstan to/ /de bas na bla ma dam pa de la phyag bya bar 'os pa'i phyir/ mchod 'os bstod 'os phyag gi gnas/ /rtag tu ri mor bya ba'i 'os/ /bkur 'os mchod par bya ba'i mchog /phyag byar 'os pa bla ma'i rab/ /ces bya ba'o/ /'o na de nyid kyi yon tan ci dang ldan zhe na/ 'jig rten gsum po gom gcig bgrod/ /mkha' ltar mtha' med rnam par gnon//gsum rig gtsang ma dag pa ste/ /mngon shes drug ldan rjes dran drug /byang chub sems dpa' sems dpa' che/ /rdzu 'phrul chen po 'jig rten 'das/ /shes rab pha rol phyin pa'i mtha'/ /shes rab kyis ni de nyid thob/ /bdag rig gzhan rig thams cad pa//kun la phan pa'i gang zag mchog /dper bya kun las 'das ba ste/ /shes dang shes bya'i bdag po mchog /gtso bo chos kyi sbyin bdag ste/ /phyag rgya bzhi'i don sten pa/ /de lta bu de la 'gro bas bsnyen bkur gnas kyi mchog /de ci'i phyir zhe na/ nges 'byung gsum po bgrod rnams kyi/ /don gyi dam pa rnam dag dpal/ /ston pa'i phyir ro/ /de rtogs shing gus pa'i bsam pa dang ldan pa gang zhe na/ 'jig rten gsum na skal bzang che/ /dpal ldan 'byor ba kun byed pa/ /'jam dpal dpal dang ldan pa'i mchog /ces bya ba'i rtogs pas so//rin chen lha dang dpag med 'od/ /bdud dgra 'joms dang rtog pa spangs/ /don grub dang ni me tog dang / /yul don grub dang zla ba dang / /brtul zhugs grub dang mi g.yo ba/ /blo gros dang ni mar me dang / /sgra don rtogs dang dam pa'i tog / gzi brjid stobs dang shes rab sku/ /zla ba gang dang nyi ma'i 'od/ /bya ba rdzogs dang ston par mdzad/ /gzi brjid bzang dang ye shes stobs/ /gzi brjid dge dang rten pa'i stobs/ /lha yi bu dang rab tu zhi/ /nyi ma'i zhal dang dro ba'i 'od/ /tshul khrims 'od dang dka' thub rgyal//dri ma bral dang rgya mtsho sgra/ /gzugs brnyan snang dang kun las grol/ /rgya mtsho 'od dang dri ma med/ /dran dbang po dang mchog don blo/ /dpung rab zhi dang chos dbang phyug /gsal ba sna tshogs gsal ba'o/ /tshigs su bcad pa lnga bcu drug la rkang pa gcig ma tshang ba'o//mtshan nyis brgya bdun cu rtsa bdun no/ /mchog sbyin rdo rje zhes pa nas/ /sangs rgyas byang chub ces bya bas rdo rje 'jigs byed kyi sku la bstod pa'o/ /de yang yum bzhis so/ /sangs rgyas chags pa zhes pa nas/ sangs rgyas rol la zhes bya bas dang po'i sangs rgyas kyi dkyil 'khor la bstod pa'o//sangs rgyas gsung zhes pa nas/ nam mkha' las byung zhes bya bas ni/ ye shes sems dpa'i dkyil 'khor la bstod pa'o/ /ye shes las byung nas ye shes sku nyid ces bya bas ni/ sku bltams pa dang / rol pa mdzad pa dang / dka' ba mdzad pa dang /'bras bu ye shes chen po thob pa la bstod de rol pa'o/ /tshigs su bcad pa lnga bcu rtsa drug la tshig rkang pa gcig ma tshang ba'o/ /mtshan nyis brgya bdun cu rtsa bdun no/ /lag na rdo rje rdo rje 'chang / /zhes pa nas de ni khyod kyi rgyud la yang gsang sngags thams cad kyi byin gyi rlabs kyis zhes bya bas ni/dga' ldan du byams pa la sogs pa'i dbang bskur ba la sogs pa'i sgo'i yon tan no/ /lag na rdo rje 'chang zhes pa nas/ dri ma med cing shin tu rnam par dag pa'o zhes bya bas ni/ dga' ldan nas byung ba ste/ mkhas pa chen po thabs che ba'i yon tan no//de gnyis kyis lha'i yon tan no/ /nyan thos dang rang rgyal zhes pa nas/ yang dag par bsdu ba zhes bya ba ni nyan thos la sogs pa'i rtogs pa'i khyad par bstan pa'i yon tan no/ /sems can thams cad la yang dag par bsdu ba zhes bya ba nas/ byang chub sems dpa'i spyod pa myur du zhes bya bas ni sbyin bdag ste/spyod pa mtha' dag rdzogs pa'i yon tan dang / byang chub sems dpa' zhes pa nas/ thams cad yongs su rdzogs pa'o zhes bya bas ni/ sangs rgyas rnam par snang mdzad ces bya ba'i yon tan te/ pha rol tu phyin pa bcu dang sa bcu'i yon tan to//'phags pa zhes pa nas yongs su rdzogs par byed do zhes pas ni/ 'di ltar sangs rgyas te skye ba'i yon tan no/ /lag na rdo rje rdo rje 'chang / /zhes bya ba nas de yan chad kyis dang po'i sangs rgyas te/ bdag nyid rdo rje'i lte ba la pad+ma'i steng du dang po sangs rgyas su bskyed pa la bstod pa'i yon tan no//da ni 'jam dpal rnam par rol pa bstan pa ni/ lag na rdo rje zhes pa nas/ chos thams cad brjod du med pa zhes pa ste/ chos thams cad brjod du med pas ni thams cad la khyab pa'i lhan cig skyes pa'i ye shes la bstod pa'o//lag na rdo rje rdo rje 'chang / /zhes pa nas tshe nur bar byed do zhes bya bas/ de yang thams cad khro bo'i cha lug can dur khrod kyi rgyan dang ldan pa ste rdo rje 'jigs byed kyi yon tan ni/ /lag na rdo rje zhes pa nas chos kyi rgyal por 'gyur ro zhes bya bas ye shes sems dpa' yon tan te/thabs shes rab dang ldan pa'o/ /da ni 'khor lo'i rim pa bstan pa ni/ 'di ltar sangs rgyas zhes pa nas/ ya te na maHzhes pas/ gsum dbang dang ni rab tu grol/ /dri ma bral dang dka' thub rgyal/ /tshangs pa dang ni tshangs chen dri/ /dag pa'i zhing dang yon tan 'od//lnga yis spyi gtsug 'khor lo'o/ /byams chen rang bzhin zhes pa nas/ /rdo rje 'jigs byed ces pas ni/ /thugs rje ldan dang thugs rje'i stobs/ /byams pa dang ni dga' ba'i 'od/ /stobs ldan dang ni mi thub dang / /gzhan gyis mi thub 'od dang ldan/ / dka' thub dang ni shugs can dang / /rab tu zhi dang zhi ba dang / /mya ngan med dang mya ngan 'joms/ /mya ngan spangs dang mya ngan med/ /kun nas 'od dang 'od zer 'phro/ /'od 'phro dang ni kun du 'od/ /gzi brjid 'od dang 'od 'bar ba/ /byams pa'i 'od dang 'od zer can/ /'od zer can dang kun nas bskor//zla ba'i 'od dang zla ba dang / /tsan+dan dang ni tsan+dan dri/ /'bar ba'i 'od dang 'od kun sel/ /yongs su dag dang dag par ldan/ /shugs can dang ni shugs las byung / /rab tu sde dang rab zhi dang / /dbang po dang ni kun du grags/ /yongs su dag dang tshangs pa dang //pad+ma dang ni pad+ma'i zhabs/ /tsan+dan tshal dang ut+pal/ /ut+pal mdog dang rnam par rgyal/ /nyon mongs 'joms dang dpa' bo ldan/ /thogs med stobs dang rdo rje can/ /tog dang pad+ma bsnams pa dang / /'khor lo 'dzin dang oM ldan dang / /dung dang dung can dag dang ni//shin tu khros dang drag po ste/ /stobs 'joms dang ni sgra las rgyal/ /'jigs byed dang ni 'jigs par byed/ /sum cu rtsa gnyis spyi bor ro/ /mchod pa chen po 'dod chags nas/ ye shes rgya mtsho zhes pas ni/ 'od dpag med dang me yi 'od/ /zhe sdang zhi dang zhe sdang 'joms//gti mug sel dang gti mug 'joms/ /nga rgyal sel dang nga rgyal 'joms/ /phrag dog sel dang phrag dog 'joms/ /ser sna sel dang ser sna 'joms/ /gzung 'dzin sel dang sel bar byed/ /nyon mongs spangs dang rab tu 'dzin/ rgyan gyis snying ga'i 'khor lo bstan//grags chen ha ha zhes pa nas/ /ye shes me lce zhes pa ni/ /ha ha sgrogs dang sgra dang ldan/ /bdud las rgyal dang bdud sde 'joms/ /mi mgo bsnams dang glang chen bsnams/ /rta mgrin dang ni stobs po che/ /gshin rje gshed dang 'dod pa'i rgyal/ /rdo rje 'joms dang be con bsnams//bdud rtsi 'khyil dang hUM kar/ /bdag med stobs dang gti mug zhi/ /gser thub dang ni 'od srungs dang / /shAkya thub dang log dad sel/ /rnam par gzigs dang thams cad skyob/ /gtsug tor can dang 'khor ba 'jig /mar me 'od dang skar ma dang //zla ba dang ni sgra gcan dang / /byang chub sems dang skyabs gnas dang / /skyabs su 'os dang phyag rgya dang / /'od 'phro dang ni rin chen dang / /tshangs dang tshangs pa'i rgyal po dang / /bya brtsal can dang bya brtsal bral/ /grangs dang grangs las 'das pa dang //grub sbyin dang ni yid yul 'das/ /lus 'phags dang ni nyi ma'i gtsug /pad+ma'i zhal nas 'dzum pa mdzad/ /skyabs gnas dang ni dge gnas dang / /dpag med mdzad dang don mdzad pa'o/ /rol dang rol pa'i gar dang ni/ /sgra dang tshangs pa'i sgra dbyangs dang //rab grub grags dang grags pa dang / /grub pa sbyin dang sbyin pa dang / /tshul khrims dang ni tshul gnas dang / /brtson 'grus dang ni bzod par ldan/ /rab tu brtson 'grus bsam gtan mdzad/ /shar dang snang ba shar mdzad dang / /mun pa sel dang drang srong che//dka' thub che dang gtsang ma'i gnas/ /dge 'dun sde dang 'khor los sgyur/ /shi shu dang ni dpal 'byung dang / /'byung gnas kun gyi 'byung gnas dang / /shes rab brtsegs dang chos nyid byung / /rnam par snang mdzad rnam par rol/ /rnam par gnon dang rnam par 'jog/ smra ba che dang don ston dang / /don rab ston dang don gsal dang / /smra ba'i gnas dang gzhan la ston/ /bshad par byed dang tshig bden pa/ /gtsug tor che dang 'khor lo phyag /n+ya gro d+hA dang rin chen phyag /rin po che dang rin chen brtsegs/ /'khor lo 'dzin dang gru 'dzin dang / / ri bo 'dzin dang ral gri 'dzin/ /'dzam bu gling dang 'dzam bu shing / /'dzam bu gser dang gser 'od dang / /gser gyi mdog dang khrus kyi bdag /rin chen me dang me 'od dang / /gtsug phud lnga dang lnga len dang / /byams pas 'dul dang byams mgon dang / / dam pa tog dang zla ba'i tog /'brug gi sgra dang glog gi 'od/ /'od rnams ston dang gsal ba'i 'od/ /nyi ma'i 'od dang nyi zer dang / /bai DUr+ya dang don yod dang / /mthong na dga' dang don yod mthong / /mthong don yod dang mi 'jigs pa/ /'jigs pa spangs dang rnam par grol//ku ku ra dang glang chen gnon/ /seng ge dang ni glang chen stobs/ /'jig rten grol dang lam ston dang / /sbyin gnas dang ni legs par gzigs/ /pha rol sde dang sde dpung 'joms/ /drug chu rtsa bzhi sprul pa ste/ /sangs rgyas kun gyi sprul sku nas/ /'jam dpal dpal dang ldan pas ni//bya brtsal bral dang dge ba'i yid/ /pad+ma gnon dang gzugs mdzes dang / /me tog mdzes dang pad+ma gdong / /'dzam bu shing dang rgyan dang ni/ /'od dang rnam pa'i sgra dang ni/ /rnga dang sgra yi bdag nyid dang / /thugs las 'byung dang dpal 'byung dang / / las rnams grub dang las mthar phyin/ /bcu drug mgrin pa'i 'khor lo'o/ /mtshan ni nyis brgya nyi shu gnyis/ /tshigs bcad brgya dang nyi shu gcig /so sor bzhi bcu dbus su gnyis/ /sgyu 'phrul dra ba la bstod pa'o/ /'khrul 'khor las ni bya ba'i phyir/ /rtsa ba'i 'khor lo drug dang ni//las kyi 'khor lo bcu drug ste/ /de ltar khyad par bde ldan pa'i/ /tshig gcig lhag pa kun gyi ste/ /zhes bya ba la sogs pa bstan to/ /de'i yon tan yang rnam pa lngar shes par bya'o/ /da ni rjes su yi rang ston te/ de nas dpal ldan rdo rje zhes bya ba ni/bar ma chod pa dang sdud pa'o/ /dga' zhing mgu nas zhes bya ba ni gus pa'i don te sdud pa'o/ /mgon po ni yul lo/ /phyag 'tshal nas zhes pa ni/ lus kyi las legs so legs so dag go/ /des rjes su yi rang ba'i tshig go/ /bla med theg pa lam gyi don/ / bla ma la brten lam 'di brtsams/ /bdag gis dge ba 'di byas pas/ /mgon po 'jam dpal de 'drar shog /bsod nams dag la brten nas ni/ /'gro kun 'jam dbyangs de 'drar shog /dad pa'i dbang gis dge ba mi zad gter/ /dngos grub bla ma la brten sgrub pa bas grub//bdag gi gdams ngag la brten 'grel pa 'di/ /thos pas bdag dang sems can rnams/ /sgrib pa rnams gnyis yongs dag nas/ /rtag tu bla ma rnams dang 'grogs/ /de yi 'bras bu myur thob shog /'phags pa 'jam dpal gyi mtshan yang dag par brjod pa'i 'grel pa mtshan don gsal bar byed pa zhes bya ba slob dpon chen po gnyis su med pa'i sbas pas mdzad pa rdzogs so// //rgya gar gyi mkhan po d+harma shrI mi tra dang / bod kyi dge slong chos kyi bzang pos u rgyan gyi dzam+bu d+ha ra zhes bya ba'i mthar bsgyur ba'o/