225b1 /[ ]@##/ /rgya gar skad du/ badzra d+hA tu maN+Dal lAr+tha b+ha ba na piN+DA r+thaM/ bod skad du/ rdo rje dbyings kyi dkyil 'khor gyi don bsgom pa'i don bsdus pa/ 'jam dpal rdo rje sems dpa' la phyag
225b2 'tshal lo//dang por bdag med pa la mos pa dang / lkog ma sbyang ba dang / lag pa sbyang ba dang / bgegs bskrad pa dang / gnas bsrung ba dang / dkyil 'khor sprul pa dang / me tog la sogs pas mchod pa dang / phyag 'tshal ba dang / sdig pa bshags pa dang /
225b3 bsod nams la rjes su yi rang ba dang / gsol ba gdab pa dang / bskul ba dang / mchod pa nyi shu dang / bdag nyid dbul ba dang / bsngo ba dang / smon lam gdab pa dang / byang chub tu sems bskyed pa dang / sdom pa nyi shu blang ba dang / byang chub tu sems
225b4 bskyed pa phul du byung ba dang /rang bzhin gyi dkyil 'khor dang / sprul pa'i dkyil 'khor dang / bsgom pa'i dkyil 'khor rnams kyis gzugs brnyan bsgom pa dang / phyag rgya bcing ba sngon du 'gro ba'i cho ga bsgrub pa mdor bstan pa dang / rdo rje thal mo'i mtshan
225b5 nyid dang de dag byin gyis brlab pa'i sngags dang /rdo rje dbab pa bskyed pa dang / rdo rje brtan par bya ba dang / ngan song thams cad dgug pa dang / sdig pa thams cad dral ba dang / phyag rgya dgrol ba dang / de nyid phul du dbyung ba dang / rang gi snying ga'i rdo rje la snying po
225b6 dgod pa dang /zla ba gnyis bsgom pa dang / rdo rje bsgom pa dang / gzhan bsgrub pa la phyag rgya gzhan bsgom pa dang / snying po dgod pa dang / phyag rgya'i nga rgyal dang sngar bshad pa'i dkyil 'khor du gzhug pa dang / rdo rje sems dpa' bskyed pa dang / dam tshig
225b7 sems dpa'i nga rgyal dang /dam tshig gi phyag rgyas de'i nga rgyal dang / de nyid kyis gzhan bzhir byin gyis brlab pa dang / phyag rgya chen po'i snying po dang / sngags bzlas pa dang / rang gi snying gar dkyil 'khor bsams pa dang / phreng ba blangs te dor ba dang /
226a1 dkyil 'khor du 'jug pa dang / phreng ba blang ste spyi bor bkrol cing bcing ba dang / gdong g.yogs dgrol ba dang / dkyil 'khor bstan pa dang / mthong ba de brtan par bya ba dang / dbang bskur lnga dang / dkyil 'khor re re zhing dag pa
226a2 byin gyis brlab pa dang /dkyil 'khor re re'i bdag la byin gyis brlab pa la sogs pa lnga brgya dgu bcu rtsa gnyis kyi rnal 'byor sgrub pa dang / snying ga'i dkyil 'khor gcig tu gyur pa dang / rang gi lus la zla ba mang po dgod pa dang / de nas nam mkha' la zla ba'i
226a3 dkyil 'khor dgod pa dang /snying po dgod pa dang / rdo rje la sogs pa'i phyag mtshan dgod pa dang / de'i nga rgyal dang / dkyil 'khor bskyed pa dang / ye shes sems dpa' dgug pa dang / blta ba dang / dgug pa la sogs pas rang gi lus la gzhug pa dang /
226a4 kha dog dang dbyibs la sogs pa'i dbye ba dang / snying po dang sngags dag gis brtan par bya ba dang / de bzhin gshegs pa thams cad gzhug pa dang / rdo rje dbyings sngon du 'gro ba'i rigs lnga'i sngags kyis byin gyis brlab pa dang / gnas bzhi por rdo rje la
226a5 sogs pa dgod pa dang /phyag rgya bzhis rgyas gdab pa dang / phyag rgya thams cad spyi'i sngags kyis bcing ba dang yi ge brgya pas brtan par bya ba dang / yang dbang bskur blang ba dang / dga' ba'i glu dang gar dang lA s+ye la sogs pa'i mchod pa dang / rdo rje dril bu
226a6 blang ba'i de kho na nyid dang sngags brjod pas de dag brtan par bya ba dang /tshig gsum gyi glu blang ba dang / rang bzhin med pa'i sngags kyis bdag med par bsgom pa dang / snod kyi 'jig rten rnam par dag pa dang / spyi'i gdan dang / khyad par gyi gdan dang /
226a7 don thams cad grub pas bsam gtan dang gzugs med pa bsgom pa dang / mi g.yo ba la 'jug pa dang / de bzhin gshegs pas bzhengs pa dang / de rnams mthong ba dang / de la phyag bya ba dang / de rnams kyi gdams ngag dang mngon par byang chub pa lnga
226b1 ni sems so sor rtog pa mi bskyod pa'i ngo bo dang byang chub tu sems bskyed pa sbyin pa'i pha rol tu phyin pa rin chen 'byung ldan dang /rdo rje bskyod pa ni 'od dpag tu med pa ste/ shes rab kyi pha rol tu phyin pa dang / de bzhin gshegs pa thams cad kyi sku la sogs pa'i
226b2 rdul phra rab zhugs pa ni brtson 'grus kyi pha rol tu phyin pa ste don yod grub pa'o//gzugs rdzogs pa ni de bzhin gshegs pa thams cad kyi rang bzhin te/ rnam par snang mdzad kyi rang bzhin no/ /rdo rje rin chen gyi dbang bskur ba dang rjes su gnang ba sbyin pa dang /
226b3 ri rab kyi rtse mor gzhal yas khang bskyed pa dang / de bzhin gshegs pa bzhis yongs su bskor ba ste sbyor ba dang po'i ting nge 'dzin to/ /nang gi bdag nyid khrus ni lus dran pa nye bar gzhag pa'o/ /lkog ma dang lce byin gyis brlab pa ni tshor ba dran pa nye bar gzhag pa'o/ /lag
226b4 pa byin gyis brlab pa ni sems dran pa nye bar gzhag pa'o//bgegs bskrad pa ni chos dran pa nye bar gzhag pa'o/ /bgegs 'joms pa ni sems kyi rdzu 'phrul gyi rkang pa'o/ /bgegs bcings pa ni dpyod pa'i rdzu 'phrul gyi rkang pa'o/ /steng bcings pa ni mi dge ba'i
226b5 chos skyes pa spang ba'o//yang shar la sogs pa bcings pa ni mi dge ba'i chos ma skyes pa mi skyed pa'o/ /dkyil 'khor sprul pa dang dkyil 'khor lngas phyag btsal ba ni dge ba'i chos ma skyes pa bskyed pa'o/ /sdig pa bshags pa nas brtsams te/ mchod pa nyi shu dang
226b6 sdom pa blang ba ni dge ba'i chos skyes pa bsrung ba tshogs kyi lam mo//de nas gzugs brnyan la sogs pa'i sbyor ba nas brtsams te/ rnal 'byor chen po'i bar du sbyor ba'i lam yin te/ rdo rje thal mo dang rdo rje bsdams pa dang / rdo rje dbab pa dang / brtan par
226b7 bya ba dang /sdig pa dral ba dang / ngan 'gro sbyong ba ni dad pa'i dbang po'o/ /bdag med pa bsgom pa ni brtson 'grus kyi dbang po'o/ /zla ba gnyis bskyed pa ni dran pa'i dbang po'o/ /ye shes sems dpa' gzhug pa la sogs pa ni shes rab kyi dbang po'o/ /snying
227a1 gar dkyil 'khor dgod pa ni dad pa'i stobs so//de la 'jug pa ni brtson 'grus kyi stobs so/ /phreng ba'i dbang ni dran pa'i stobs so/ /dam tshig gsum gyi glu ni ting nge 'dzin gyi stobs so/ /yang stong pa nyid bsgom pa ni shes rab kyi stobs te sbyor
227a2 ba'i lam mo//'og min la yid kyi rang bzhin gyi lus gnas pa ni ting nge 'dzin byang chub kyi yan lag go/ /ri rab la sogs pa bsgom pa ni brtson 'grus la sogs pa byang chub kyi yan lag go/ /gdan bsgom pa ni dga' ba byang chub kyi yan lag go/ /de bzhin
227a3 gshegs pa thams cad gshegs pa ni shin tu sbyangs pa byang chub kyi yan lag go//de rnams mthong ba ni chos rnam par 'byed pa byang chub kyi yan lag go/ /de rnams kyi gdams ngag ni dran pa yang dag byang chub kyi yan lag go/ /de dag bdag ngag gi mi g.yo ba'i
227a4 ting nge 'dzin spong ba ni/btang snyoms yang dag byang chub kyi yan lag go/ /de ni mthong ba'i lam ste sa dang po'o/ /sems so sor rtog pa ni yang dag pa'i lta ba ste sa gnyis pa'o/ /sems bskyed pa ni yang dag pa'i rtog pa ste sa gsum pa'o/ /rdo rje'i
227a5 bdag nyid bsgom pa ni yang dag pa'i dag ste sa bzhi pa'o//de bzhin gshegs pa thams cad gzhug pa ni yang dag pa'i 'tsho ba ste sa lnga pa'o/ /gzugs grub pa ni yang dag pa'i rtsol ba ste sa drug pa'o/ /byin gyis brlab pa ni yang dag pa'i las kyi mtha' ste
227a6 sa bdun pa'o//dbang bskur ba dang dbyangs bcings pa ni yang dag pa'i dran pa ste sa brgyad pa'o/ /yi ge brgya pas brtan par bya ba ni yang dag pa'i ting nge 'dzin te sa dgu pa'o/ /rjes su gnang ba lnga thob pa ni sa bcu pa ste bsgom pa'i lam mo/ /de ni dang po'i
227a7 sbyor ba'i ting nge 'dzin no//dkyil 'khor rgyal po mchog ni rdo rje lta bu'i ting nge 'dzin sngon du 'gro bas rgyu dang 'bras bu nye bar btags pas bshad do/ /las rgyal po mchog ni sems can gyi las gtso bo yin pas/ sangs rgyas kyi sa bcu gcig pa kun du 'od ces bya'o/ /