CLOSE WINDOW

D2525
བོད་ཡིག

@##/ /rgya gar skad du/ ho ma bi d+hiH/ bod skad du/ sbyin sreg gi cho ga /'jam dpal gzhon nur gyur pa la phyag 'tshal lo/ /dpal ldan gang zhig dran pa yis/ /dngos grub mi 'jigs thob gyur pa/ /rdo rje can la gus btud nas/ /sbyin sreg cho ga gsal bar bshad//gang dag tu ni rang nyid kyis/ /las kyi cho ga rnams med pa/ /der ni spyi rgyud las gsungs pa'i/ /cho ga mkhas pas bstan par bya/ /de la zhi ba la ni sa gzhi dkar po la rgyar khru gang tsam la/ zabs su sor bcu gnyis pa'i thabs khung zlum po brkos la/de'i dbus su pad+ma'i steng du rdo rje rtse lnga pa sor brgyad par bya/ /thab khung gi steng du sor bzhi bar du dor la/ dpangs dang rgyar sor bzhi'i kha khyer kun nas byas la/ mtshams rnams su rdo rje rtse gsum pas mtshan pa dang / thab khung gi sa gzhi de ba lang gi lci ba dang /sa dkar pos byugs la/ yang de nyid dri dkar pos bsku zhing dus gsum du dri zhim po'i me tog dkar pos gtor bar bya'o/ /rgyas pa la ni sa gzhi ser po la khru do pa/ zabs su de'i phyed pa rin po che zur brgyad pa lta bu'am/ zur bzhi pa ste/ de zabs su khru gang brkos pa la/ 'khor lo rtsibs brgyad pa'i lte bar rdo rje rin po che zur drug pa/ steng du sor brgyad pa tsam gyi kha khyer dbyibs mnyam par byas la/ sa ser po dang dri ser pos thab khung gi sa gzhi de nye bar byugs la/ me tog sna tshogs dgram par bya'o//mngon spyod la ni rtsub pa dang / /tsha sgo can dang gas pa dang / /gnag cing sngo ba'i sa gzhi la sor nyi shu pa/ zabs su sor bcu pa/ gru gsum mgo byang du bltas pa/ thab khung gi dbus su rtse gsum pa'i steng du/ khro bo'i rdo rje sor brgyad pas mtshan pa/ de'i steng du sor gsum dor bar chur dang dpangs sor gsum pa'i kha khyer kha phyir bltas pas bskor ba/ sa nag po dang / ro bsregs pa'i thal ba dang / bung bu dang rnga mo la sogs pa'i rtug pas ji lta ba bzhin du byugs te/dri ngan pa dang me tog sngon po dang dmar po dang 'bru'am phub mas gtor bar bya'o/ /dbang la ni sa gzhi dmar po la/ thab kyi dbyibs b+ha ga lta bu'am rlung gi dkyil 'khor lta bu'am/ a shwat+tha'i lo ma lta bu'i dbus su rdo rje pad+mas mtshan pa'o/ /dgug pa la ni rdo rje rtse gcig pa lta bu dbus kyi cha la rdo rje lcags kyus mtshan pa/kha khyer yang de dang 'dra bas bskor ba/ /sa dang dri dmar pos byugs pa/ /dri dang me tog gis nye bar mdzes par byas te/ 'di nyid kyi brko ba dang kha khyer la sogs pa'i tshad kyang zhi ba'i thab khung dang 'dra bar shes par bya'o//las thams cad pa'i thab khung yang de bzhin te/ 'on kyang kha khyer ni pad+ma kha bye ba lta bu la rdo rje'i phreng bas bskor ba'o/ /rdo rje dang pad+ma dang rin po che dang / rdo rje sna tshogs rdo rje'i dbus su chud pa'i 'khor lo'i phyag rgyas mtshan par bya'o//dkyil 'khor ram lha'i khang ba'i shar phyogs su ni zhi ba'i thab khung dang dbang gi thab khung / lhor ni mngon spyod/ byang du ni rgyas pa/ nub du ni dgug pa'i thab khung las dang rjes su mthun par thab brko ba'am/ tshon gyis bri bar bya'o/ /thab kyi dbang du byas pa'o//dgang gzar ni gser ram zangs kyi rgyu las byas pa'am/ nim pa'am mchod sbyin gyi shing las pad+ma'i 'dab ma'i dbyibs lta bu/ de'i yu ba skyes pa tshad dang ldan pa'i mthe bo'i sor nyi shu rtsa bzhi rdo rje la sogs pa'i khu tshur gyis gzung du rung ba'am/ de'i steng du sor bzhi pa/ zur bzhi pa kha'i zabs su sor gnyis kyi dma' bar brkos la rdo rje rtse lnga pas mtshan pa/ khu bcud 'dzag pa'i bu ga sor gcig tsam rtse mo la rdo rje rtse gsum sor bzhis mtshan pa/ yu ba'i zhabs su rdo rje dang rin po che sor drug par bya'o/ /blugs gzar khru gang tsam la rtse mo pad+ma'i 'dab ma lta bu rgyar sor gnyis zabs su de'i phyed brkos pa la/rdo rje rtse lnga pas de'i dbus su mtshan pa/ yu ba'i 'og rdo rje dang rin po ches bya'o/ /yang na sor mo lngas legs par bcer bas kyang dgang gzar bya zhing / sor mo gsum bcer bas blugs gzar bya'o//dgang gzar gyi dbang du byas pa'o/ /yam shing ni pa lA sha dang / u du ma bA ra dang / a mra dang / ka dam pa dang / kasma r+dz+ya dang / a shwat+tha dang / p+la k+Sha dang / sha mi dang / n+ya gro d+ha la sogs pa shing 'o ma can las grub pa 'dab ma dang bcas pa rlan dang bcas pa mnyam por bcad pa/rtse mo'i cha las byung ba mtho gang tsam la rtse mo gnyis sbrang rtsi dang / 'o ma dang mar la sbags pa/ dri dkar po'i chu las spangs pa/ rtse mo lo ma gnyis dang bcas pa rtse gcig pas dbul bar bya'o/ / snying po dang 'dab ma med pa dang / rul pa dang khong stong dang / shun pags med pa dang / thung ngu dang / yon po dang / rtse mo gnyis su gas pa dang / phra ba dang / sbom pa dang / ring po dang / 'bus zos pa dang / srog chags dang bcas pa ni spang bar bya'o/ /zhi ba la ni nas dang /'o ma dang / zho dang / 'bras yos dang / til dang / dUr ba dang / ku sha sngon po dang / bil ba'i lo ma dang / tsan+dan dang / phri yang ku'i me tog dang / 'bras sA lu'i chan dang / me tog dkar po dang / nA ga ge sar dang / thang chu'i dri zhim po dang / spang spos dang / sbrang rtsi dang mar rnams las ji snyed pa sbyin sreg la dbul bar bya'o/ /rgyas pa la ni yam shing de nyid las dbus kyi cha las byung ba'i chang pa gang gi tshad las dpangs su khru gang tsam la/ zho dang 'o ma dang mar la spags pa spos chu ser pos sbangs la/ mngar gsum la spags pa dang /zas mchog gi gong bu dang / zho dang sbrang rtsi dang / mar dang ldan pa dang / til nag po dang / 'bras chan zho dang mar du bcas pa dang / sha ta puSh+pa dang / bil ba'i 'bras bu dang / 'bras sA lu dang / pad+ma dang / nA ga ge sar dang /kar ni ka ra dang / 'bru rnams dbul bar bya'o/ /mngon spyod la ni nim pa dang / seng ldang dang / ko bi da ra dang / bi lo ta ka dang / ma da na rnams kyi'am/ gzhan yang kha ba dang tsher ma can dang / tsha ba'i shing rnams kyi'am/ ri bsregs pa'i mgal dum la rtsa ba'i cha las byung ba gas pa sor bcu pa rtse mo gnyis dug dang /khrag dang nyungs mar la spags shing rtse mo rno ba'i yam shing dang / yungs kar dang / yungs mar dang khrag dang lan tshwa dang / ske tshe dang ni ma pa'i lo ma dang ro bsregs pa'i thal ba dang / rkang rjes kyis dang /bong bu dang / rnga mo la sogs pa'i rtug pa dang / skra brdungs pa dang / khyim bya'i sgo nga dang / bya rog la sogs pa'i gshog pa dang / bshang gci dang / tsher ma dang / rus phye dang / glang po che'i sha la sogs pa'i ji snyed pa dang / rdzas re re la khrag dang dug las btags shing sbags pa'i rdzas sam thal ba dang /sol ba dang / phub ma la sogs pa las dgra bo'i gzugs brnyan byas la/ dug la sogs pa bskus te bcad cing sbyin sreg bya'o/ /dbang du bya ba la ni tsam pa ka dang / a shwa ka dang / bku la dang /pri yang ku dang / la ku tsa la sogs pa nags kyi lcug ma'i yam shing sor lnga pa 'dab ma dang bcas pa'am/ skyur zhing dmar ba dang / me tog dang 'bras bu gzhan dang / gzhan dag gam/ rang gi rtog pa las bshad pa'i rdzas rnams dbul bar bya'o/ / dgug pa dang yang de dag nyid dam/ tsher ma lcags kyu lta bu yod pa'i sbyin sreg bya'o/ /pa lA sha dang / p+lak+Sha dang / u dum bA ra dang / seng ldeng dang / arka dang / me da dang / be tang ka ta dang / a mra dang / sha mi dang / kas marga dang / a pa marga dang /a shwat+tha las byung ba gsar zhing rtse mo ma gas pa/ drang po mtho gang tsam la spos chus bran pa/ sen mo gnyis btags pa'i yam shing las thams cad pa la dbul bar bya'o/ /gang yang zhi ba dang rgyas pa'i sreg rdzas rnams dang / gang yang bdag nyid kyi kha zas de dag thams cad nyin re zhing swA hA dang bcas par rang gi lha la rtag tu dbul ba dang /mar gyis spags pa'i gu gul lam/ sA la'i thang chus yang rang gi gsang sngags kyi dbye bas sbyin sreg bya'o/ /dri dang me tog la sogs pa'i mchod pa'i rdzas rnams kyang las dang rjes su mthun par rang gis gsang sngags ji lta ba bzhin du bzlas brjod bya'o//sreg rdzas kyi dbang du byas pa'o/ /zhi ba la ni mchod sbyin gyi shing rnams kyi bud shing srog chags med pa/ thab khung las cung zad kyis dma' ba'am/ dgon pa'i ba lang gi lci bas bya'o//rgyas pa la ni dgon pa'i ba lang gi lci ba ma gtogs pa ji skad du bshad pa'i bud shing 'bras bu dang bcas pa'o/ /mngon spyod la ni tsha ba dang / tsher ma can dang / dri ngan pa'i shing rnams sam/ dur khrod pa'am/ bong bu'am rnga mo'i rtug pa la sogs pa'am/shing shin tu skam pas bya'o/ /dbang du bya ba ni ni ma pa dang shing skyur po dang / gzhan yang me tog dang bcas par bya'o/ /dgug pa la tsher ma dang bcas pas so/ /las thams cad pa'i bud shing ni las dang rjes su mthun pas bya'o/ /bud shing gi dbang du byas pa'o//de nas sgrub pa po khrus byas shing lus dri zhim pos bsgos pa/ byams pa dang snying rje dang ldan pa gos dkar po gyon te las dang rjes su mthun par 'dod pa'i lha'i rnal 'byor nas bsrung ba'i cho ga byas shing bzlas pa dang / mi smra bas 'jam zhing shin tu bde ba'i stan la pad+ma'i 'dug stangs kyis 'dug pa/nang par kha shar du bltas te blos bsgrub par bya ba la dmigs nas yar gyi ngo'i tshes gcig nas brtsams te zhi ba'i yid kyis zhi bar bya'o/ /de bzhin du rgyas pa la rgyan dang phreng ba ser po dang / gos sna tshogs dang bzang po'i 'dug stangs kyis 'dug ste/ dga' ba'i yid kyis byang du bltas nas/ snga dro zla ba nya nas brtsams te rgyas pa bya'o/ /khros shing gos sngon po'am khrag gam chus gsher ba'i gos bgos te/ stan sra ba la lho phyogs su kha bltas te/'dug pa'am/ bsgrub par bya ba'i gzugs brnyan gyi brang la mnan cing / stan med par rkang pa g.yon pas mnan te/ sos so bca' zhing mig mi g.yo ba dang / gnyer ma bsdus pas zla ba mar gyi ngo'i mi zad pa'i nyin zhag gang yang rung ba la/khro ba nyid tshad mar bya ste/ nyi ma phyed dam/ nam phyed na mngon spyod bya'o/ /dmar zhing rgyan dmar po la sogs pa dang / nub phyogs su kha bltas shing stan mthon po la rdo rje'i skyil mo krung gis 'dug ste/ dbang gi las bya'o/ /dgug pa la yang de dang 'dra ste/'on kyang kha steng du lta ba'i lha'i sbyor ba'am/ nub tu bya'o/ /sgrub pa po'i dbang du byas pa'o/ /zhi ba la ni gser ram dngul lam rdo'am/ zangs sam shing ngam sa las byas pa'am/ dung phor dang nya phyis sam lo ma las byas pa'i mchod yon gyi snod la nas dang bcas pa'i 'o ma dri dkar po la sogs pa dang /chu bcug pa spos kyis bdugs te/ rang gi lha'i sngags kyi mthar swA hA dang bcas pa dang bzlas brjod bya'o/ /de bzhin du rgyas pa la ni dri la sogs pa ser po dang chu dang til dang bcas pa'i zho la mthar oM dang bcas pas bzlas brjod bya'o//mngon spyod la ni gnag cing dri mi zhim pa'i dri la sogs pa dang / chu dang khrag dang bcas pa dang / ko tra pa dang ba'i gcin las mthar phaT dang bcas pas bzlas brjod bya'o/ /dbang la ni dri dmar po la sogs pa dang chu bcug pa la mtha' mar ho dang bcas pa'o//de bzhin du dgug pa la ni mtha' mar yi ge dzaHdang bcas pa'i rang gi sngags kyi mtha' mar swA hA dang bcas pa dang / de nyid kyis sngags kyi bzlas brjod lan bdun du bya'o/ /thams cad du yang dri dang me tog dang / til dang ku sha dang /'bras yos dang / chu rnams las ji snyed pa las kyi rjes su mthun par gzhug par bya'o/ /mchod yon gyi dbang du byas pa'o/ /de nas zhi ba dang rgyas pa dang dbang du byas pa'i las rnams la/ rdo rje rtse mo dang rdo rje gnod sbyin dag yongs su bzlas la/las thams cad pa'i chu'i snod dang / mchod yon gyi snod rang gi g.yon phyogs su bzhag la/ de dag nyid legs par bzlas pa'i chu lag pa g.yas pas blangs pas bsangs la/ yam shing dang bud shing la sogs pa sreg rdzas rnams ni rang gi g.yas su gzhag par bya'o//bsad pa dang bskrad pa dang dgug pa la sogs pa'i las rnams la ni bsang gtor dang gzhag pa'i go bzlog ste bya'o/ /oM badzra yak+Sha hU~M/ rdo rje gnod sbyin gyi sngags te/ 'di'i phyag rgya ni rdo rje khu tshur gnyis bcings te/ mthe'u chung gnyis che bar bya ste/kha'i thad dkar gzhag pa'o/ /oM badzra shi kha re ru Ta ma Ta/ rdo rje rtse mo'i sngags te/ 'di'i phyag rgya ni rdo rje khu tshur gnyis ri bo 'degs pa'i tshul du bya'o/ /rdzas bzhag pa'i tshul du byas pa'o/ /zhi ba la ni shing 'o ma can dang / dgon pa las byung ba'i me'am/rgyun bzhag pa'i mes bya'o/ /rgyas pa la ni rgyal po'am rgyal rigs kyi khyim nas byung ba'am/ gtsub shing gi me'am/ nags tshig pa'i mes bya'o/ /drag po la ni dur khrod pa'am/ rdo las byung ba'am gdol ba'i khyim las byung bas bya'o/ /dbang la rje'u rigs sam smad 'tshong gi khyim nas byung bas bya'o//dgug pa la ni gar mkhan nam rol mo mkhan nam lam ka'i mes bya'o/ /de nas rdo rje gnod sbyin gyi sngags dang phyag rgyas me rnam par sbyangs te/ de bzlas pa'i chu dang ku sha blangs nas/ bskor zhing lan gsum bsang gtong byas pa'i thab du gtsang zhing shin tu skam pa'i rtsa ba dang bcas pa'i shing bcug la/rlung yab kyi rlung gis sbar bar bya'o/ /oM dz+wa la dz+wa la hU~M/ me sbar ba'i sngags so/ de nas rigs kyi snying po len bdun bzlas pa'i mar gyis sbar bar bya'o/ /oM badzra satwa AHzhes bya ba 'di bzlas pa'i ku sha gsar pa sngo ljang ma gas shing 'dab ma ma grugs pa/ha cang mi ring ba kha khyer la kha shar du bltas pa dang / kha lhor bltas pa dang / nub tu bltas pa dang / kha byang du bltas pas gzhag go/ /de nas thab khung ku sha'i rtse mo shar du bltas pas g.yog go//de nas rang gi lha'i chos kyi yi ge las thab khung bskyed la/ de'i dbus su yi ge raM gru gsum dang bcas pa'i steng du oM las byung ba'i pad+ma la gnas pa'i yi ge raM las byung ba'i me lha las kyi rjes su mthun pa'i gos dang rgyan dang gdan dang ldan zhing 'bar ba'i phreng ba can gsus khyim che ba rdo rje rtse gsum dang phreng ba dang dbyug pa dang /gun+d+he 'dzin pa'i rdo rje bsams la/ khro bo khams gsum rnam par rgyal ba'i nga rgyal dang ldan pas mdzub mo dang / mthe'u chung lcags kyur bcings te/rdo rje khu tshur bla 'og tu byas pa'i 'dod pa'i rgyal bo'i phyag rgya 'di dang / hU~M Tak+ki dzaHzhes bya ba'i sngags dang bcas pa dang / phyi rdo rje lcags kyu la sogs pa'i sngags dang phyag rgyas thab na gnas pa'i rang gi gzugs la dgug pa dang / gzhug pa dang bcing ba dang dbang du byas la rdo rje gnod sbyin gyis bgegs bsal ba dang /bsrung ba byas te/ rdo rje khu tshur gnyis nges par btsir ba'i rdo rje khu tshur gyi phyag rgya dang / oM badzra san+d+hi baM zhes bya ba'i sngags dang bcas pa dang / phyogs dang dkyil 'khor bcings pa la sogs pa byas te/rdo rje thal mo kha phye ba dang / me rang gi sngags kyis gdan bstabs la/ g.yas pa'i khu tshur gyi sor mo thams cad bkug la/ mthe bong dang mdzub mo rtse sbyar bas me tog blangs te/ zhabs bsil dbul zhing sor mo rnams brkyang ba ni zhabs bsil ba'i phyag rgya ste/sngags ni oM pra ba ra sat+kA ra pra tIts+tsha swA hA zhes bya'o/ /de nas phyi rol gyi rdo rje rigs kyi rdo rje khu tshur gnyis bcings la/ g.yas pa 'bar ba ltar bstan pa ni dam tshig gi phyag rgya bcings la/ oM badzra a na la mahA b+hU ta dz+wa la ya sarba b+ha smi ku ru sarba duSh+DAM hU~M phaT dr-i sh+ya dzaHhU~M baM hoHsa ma ya s+t+waM a haM zhes brjod la/mthar yang me'i drung du sngags 'di lan gsum du brjod do/ /yang lce la rdo rje dkar po rnam par bsams la/ oM dz+wa la dz+wa la hU~M phaT/ ces bya ba'i me'i chos kyi phyag rgya dgod do/ /de nas snying gar yi ge a las byung ba'i sna tshogs rdo rje bsams la/gar las byung ba'i phyag rgya chen po nyid me'i las kyi phyag rgya'o/ /phyag rgya chen po yi ge hU~M las snying ga'i zla ba la rdo rje rnam par bsams te/ sngar bshad pa'i rdo rje la sogs pa'i bdag nyid can gyi phyag rgya chen po'o/ / oM badzra rat+na a b+hi Shiny+tsa zhes bya ba'i sngags kyis dbang bskur ro/ /'di'i phyag rgya ni rdo rje bsdams pa nyid las mthe bo mnyam ste bsgrengs la/ mdzub mo dang rtse sbyar nas rdo rje rin po che ltar byas pa'o/ /rdo rje 'di ni rdo rje che/ /sangs rgyas kun gyis byin brlabs pa/ / dam tshig 'das na myur du ni/ /rigs kyang thal bar byed par 'gyur/ /oM ha na sa ma ya hU~M phaT/ ces brjod pas dam tshig la gzhag par bya'o/ /'di'i phyag rgya ni rdo rje sems ma bstan par byas la/ mdzub mo gnyis bkug ste gung mo dang sbyar/ mthe bong gnyis dang mthe chung gnyis gshibs te/rdo rje'i rtse mo rnon po ltar bya ba ni dam tshig 'dzin pa'i phyag rgya'o/ /de nas rdo rje bsrung ba bstan par byas la/ rdo rje bcing ba yang bsdam par bya'o zhes bya ba'i phyag rgya dang / oM badzra ban+d+ha ha~M zhes bya ba'i sngags dang bcas pas bdag gis mngon par 'dod pa'i bya ba 'di mdzod cig ces rang gi bsgo ba nges par sbyar bar bya'o//de nas mchod yon phul la/ las dang rjes su mthun pa'i dri la sogs pa'i mchod pa dang / sgeg mo la sogs pa gsang ba'i mchod pa rnams kyis yang dag par mchod la/rdo rje gnod sbyin gyis lan gsum bsangs te/ g.yas pa'i khu tshur gyi mthe bos rang gi mdzub mo'i rtse mo mnan la brkyang ba dbye ste/ phyag rgya 'di dang me lha'i sngags kyis las thams cad pa bzlas pa'i chu dang lag par 'thor 'thung lan gsum byin te/de'i lce dang dgang gzar dang / blugs gzar gyi kha la rang gi yi dam gyi lha'i sa bon rnam par bkod de/ pus mo gnyis kyi bar du lag pa bzhag nas dang por blugs gzar gyis mar gyi dgang blugs gsum/ zhi ba dang dbang dang rgyas pa dang dgug pa'i las rnams la ni zhal cung zad gdangs par dbul bar bya'o//drag po la ni shin tu zhal gdangs par dug dang bcas pa'i yungs mar dang / oM badzra a na la ma hA b+hU ta dz+wa la ya/ sarbaM b+ha smi ku ru sarbaM duSh+TAM hU~M phaT/ ces bya ba'i me'i sngags kyis sam/oM ag+na ye ha bya ka bya ba h+nA ye/ di bya di bya ti pa me swA hA/ zhes bya ba'i sngags kyis dbul bar bya'o/ /de nas bgegs med pa dang / bgegs dang bcas pa'i me 'bar ba'i mtshan ma la brtag par bya ste/ 'ja' dang 'dra zhing mdog sdug dang / /byi ru bcag pa lta bu dang //g.yas su 'khyil zhing shin tu snum/ /in+d+ra go ba'i mdog 'dra dang / /le brgan rtsi dang bai DUr+ya'i/ /mdog 'dra'i dbyibs ni blugs gzar dang / /rtse gsum rdo rje pad+ma dung / /nya dang dpal be'u rnga yab dang / /rgyal mtshan gdugs sogs bum pa dang / /g.yung drung lta bur 'byung ba dang //gling bu rdza rnga ltar zab dang / /dri zhim yid du 'ong ba dang / /gser dang dngul 'dra dri ma med/ /nyi ma 'bar 'dra dri med pa'o/ /zhi la kha dog dkar por snang / /rgyas pa la ni gser 'dra zhing / /rjes su chags la dmar por snang / /mngon spyod la ni sngo dang gnag /sgrub pa pos ni mdor bsdus na/ /gzhan yang rtse gcig mchog yin te/ /rtse gnyis pa ni 'bring du bshad/ /rtse gsum tha mar shes par bya'o/ /du ba mang zhing rnam par 'phro dang bcas/ /'bar bar dka' zhing cung zad ldang ba dang / /me lce rnam par chad cing gzi brjid med//rtsub cing gnag pa ba lang sha yi mdog /mdung dang zhib ma lta bu nyid dang ni/ /de bzhin ba lang mgo bo lta bu dang / /mi re'i dri dang dri mi zhim pa dang / /bung bu'i dri dang de bzhin dri ngan dang / /sbyin sreg byed pas 'bar bas gdungs pa dang / me lce rnam par dgod cing g.yo ba rnams/ /de ltar bgegs dang bcas par shes nas ni/ /snga ma bzhin du bsang gtor byas pas zhi/ /rdo rje gnod sbyin gyi sngags dang phyag rgyas rnam par sbyangs la bsrung bar bya/ /de nyid kyi mtha' mar gyi sreg blugs bdun dbul bar bya'o//yang rang gi gsang sngags kyis bsangs la/ dgang gzar dang / dgang blugs gsum mam bdun nam gcig me lha'i rang gi sngags kyis phul la blugs gzar la sogs pas mar gyi sreg blugs gsum mam bdun dbul bar bya'o/ /'dir rim pa ni/ 'bar ba'i me la yam shing ste/ /de nas mar dang de 'og til/ /de nas 'bras chan la sogs pa/ /cho ga 'di ni mdor bsdus pa'o/ /de la zhu ba'i rdzas thams cad ni zhal du'o/ /yam shing dang ni mi rus kyi phye ma la sogs pa ni 'od kyi dkyil 'khor du'o/ /zho dang 'bras chan dang bza' ba dang /til la sogs pa ni phyag tu'o/ /dri ni thugs kar ro/ /me tog ni dbu la'o/ /bdug spos ni 'od 'phro ba la'o/ /zhabs bsil ni zhabs la'o/ /mar me dang mchod yon ni mdun du dbul bar bya ste/ mchod yon gyi chu ni snod du blugs par bya'o//de nas 'thor 'thung dang / bsang gtor byas la me'i thab khung du 'bar ba'i rnam par bsam/ rang gi gzugs su me'i phyogs su gzhag par bya'o/ /me'i dbang du byas pa'o/ /de nas sbyin sreg gi yo byad rnams/ rdo rje'i rtse mos snga ma bzhin du bsangs la/zhi ba la ni me'i dbus su bcom ldan 'das rnam par snang mdzad byang chub mchog gi phyag rgya bcings pa/ zhi zhing na bza' dkar po bsnams shing rgyan gyis brgyan pa'o/ /pad+ma dkar po la bzhugs pa'o/ /badzra d+hA tu swA hA/ zhes bya ba 'dis bsam par bya'o//de bzhin du rgyas pa la ni bcom ldan 'das rin chen 'byung ldan sku mdog ser po/ na bza' dang rgyan ser po mnga' ba dang pad+ma ser po'i gdan la bzhugs pa/ dgyes shing thugs rangs pas mchog stsol ba/ badzra rat+na d+hA tu oM zhes bsam par bya'o/ / de bzhin du mngon spyod la ni rdo rje gnod sbyin sku mdog gnag cing rgyan dang na bza' nag po mnga' ba/ khros pas pad+ma sngon po la bzhugs pa/ yi ge hU~M las bsam par bya'o/ /dbang du bya ba la ni rdo rje chags pa thams cad dmar po yi ge ho las bsam par bya'o//de bzhin du dgug pa la ni rdo rje rgyal po'i yi ge dzaHlas bsam par bya'o/ /yang na thams cad du rang gi lhag pa'i lha nyid ji lta ba bzhin du bsam par bya'o/ /de nas phyi rol gyi bsdu ba dang / mtshan brgya rtsa brgyad kyis yang dag par bstod la/ thab la gnas pa'i gzugs la rdo rje lcags kyu la sogs pa dang /bgegs bsal zhing bsrung ba dang / phyogs bcing ba la sogs pa byas la/ mchod yon dang zhabs bsil phul te phyag rgya bzhis rgyas btab pa dang / dbang bskur bdag ji lta ba bzhin du rang gi rgyud las gsungs pa'i cho gas bya'o//de nas zhi ba la ni badzra gan+d+he zhes bya ba dang / dri zhim po dkar po dang / badzra puSh+pe zhes bya ba dang / dkar zhing dri zhim pa'i me tog dang / badzra d+hU pe zhes bya ba dang / snying po dkar po'i bdug spos dang / badzra dI pe zhes bya ba dang / ba'i mar gyi mar me dang / a kA ro mu khaM sarba d+harmA NAM/ A d+ya nut+pan+na twA ta ces bya ba dang / kha zas dkar gsum mngon par bsngags pa dang / mthar rang gi sngags kyis kyang mchod par bya'o/ /rgyas pa la sogs pa yang de dag nyid las ji lta ba bzhin du rjes su mthun pa'i kha dog dang ldan pa'i mchod pa rnam pa lngas mchod par bya'o//drag po la gnag cing dri mi zhim pa'i dri dang / bil ba dang arka dang / rgya skyegs la sogs pa'i me tog dang / sardza ra sa la sogs pa'i spos dang / mi dang nyal sogs pa'i zhag gi mar me dang / kha ba dang tsha ba la sogs pa'i yid du mi 'ong ba'i bye brag can rnams dbul bar bya'o//de nas sgeg mo la sogs pa'i mchod pa rnam pa brgyad kyis yang dag par mchod la/ mchod yon dang 'thor 'thung dang bsang gtor dag byas la/ lce la yi ge hU~M rnam par bkod de/ rang gi sngags kyis dgang blugs snga ma bzhin du phul te/rdzas thams cad las re re zhing sbyin sreg lan gsum dbul bar bya'o/ /zhi ba la ni dgang gzar dang blugs gzar byang chub mchog gis gzung ngo / /rgyas pa la ni rin po che'i khu tshur gyis so/ /mngon spyod la ni g.yon pa'i khro bo'i khu tshur gyis so//dbang du bya ba dang dgug pa la ni pad+ma'i khu tshur gyis so/ /gzhan dag la ni rdo rje khu tshur gyis so/ /zhi ba la ni rang gi sngags kyi mthar che ge mo shAn+tiM ku ru swA hA/ zhes bya ba'i sngags bzlas so/ /de bzhin du rgyas pa la mtha' mar oM dang sbyar ro//mngon spyod la ni mtha' mar phaT do/ /dbang du bya ba'i mtha' mar yi ge hoH'o/ /dgug pa la ni mtha' mar yi ge dzaHste/ bskul ba'i tshig dang ldan par brjod la/ sbyin sreg brgya'am stong ngam dpag tu med pa bya'o/ /thams cad du'am/ de bzhin du zhi ba'i thab la ni til gyis sbyin sreg dang zhi ba'i sngags oM sarba pA paM da ha na swA hA/zhes bya'o/ /de bzhin du rgyas pa'i cho ga la ni 'bras kyi sbyin sreg dang / rgyas pa'i sngags oM badzra puSh+Ta ye swA hA/ zhes bya'o/ /de bzhin du las thams cad pa'i thab khung du bcom ldan 'das 'od dpag tu med pa bsams la/tshe 'phel bar bya ba'i phyir/ dUr ba'i myu gu mar la sbags pa'i sbyin sreg sngags 'dis bya ste/ oM badzra A yu She swA hA/ de nyid du bcom ldan 'das don yod grub pa de bzhin du bsams la/ bsrung ba bya ba'i phyir til mar las btags pa ku sha'i myu gu'i sbyin sreg sngags 'dis bya ste/oM a pra ti ha ta badzrA ya swA hA/ zhes bya ba brjod la sbyin sreg brgya 'am stong ngam dpag tu med pa bya ste/ 'di ltar thams cad du yang rang gi bskul ba'i tshig ji lta ba dang / rang dang gzhan gyi rtog pa'i cho ga ji lta bas sbyin sreg byas la/ mthar oM sarba ta thA ga ta muSh+Ti baM/ zhes bya ba dang / rigs kyi snying po lan gsum mam/ bdun nam/ nyi shu rtsa gcig gi bar du mar gyi sbyin sreg gis gzi byin bskyed par bya'o/ /de nas tha mar rigs kyi bdag po bzlas pa'i dgang blugs dang mchod yon dbul bar bya'o/ /de la oM zhes bya ba ni de bzhin gshegs pa'i rigs kyi snying po'o//yang hU~M hrIHtrAM a zhes bya ba ni lhag ma rnams kyi'o/ /de nas bsang gtor dang 'thor 'thung lan gsum phul la/ mtshan brgya rtsa brgyad kyis yang dag par bstod de/ mchod pa thams cad kyis snga ma bzhin du yang dag par legs par mchod nas mchod yon phul te/yang dag par bzlas la yi ge brgya pa brjod nas/ oM khyed kyis 'gro ba'i don kun mdzad/ /ces bya ba la sogs pas bskul la/ rigs kyi dam tshig gi phyag rgya bcings te/ gyen du bkrol te rang gi sngags tha ma yi ge muHdang bcas par brjod par bya'o//lha'i dbang du byas pa'o/ /de nas me lha thab tu bsams la yang legs par mchod cing bsang gtor dang 'thor 'thung bya ste/ sbyin sreg gi yo byad lhag ma rnams phul la tha mar dgang blugs dang 'thor 'thung ji lta ba bzhin du phul te/bsangs la mchod cing mchod yon phul nas mngon par 'dod pa'i dngos grub gsol ba btab la/ badzra satwa zhes snga ma bzhin du zlos shing phyag rgya dgrol ba la sogs pa byas nas/ snga ma bzhin du gshegs su gsol te/ oM hUM muHzhes brjod la/ khro bo ti rIn+ti ri'i phyag rgya bcings te/ gyen du bkrol la gshegs su gsol lo/ /de ltar nyin re zhing rtag tu thun gsum mam/ thun bzhir bya ba'am/ ji srid rang dang gzhan zhi ba la sogs par gyur gyi bar du bya'o/ /'dir gsungs pa/ na ba'i don du zhi ba bya/ /'byor ba'i don du rgyas pa bya//gdug pa kun la gsod pa ste/ /dbang la sogs pa phan phyir ro/ /thab dang dgang gzar blugs gzar rdzas/ /shing dang bsgrub pa'i rdzas rnams dang / /rdzas bsang dgod dang me sbyangs dang / /bsang gtor dang ni spar ba dang / /ku sha dgram dang gnas pad+ma//me bskyed spyan drangs la sogs dang / /bsrung bskrad bcings dang mchod yon dang / /zhabs bsil bsgrub pa dbang bskur dang / /dam tshig bsgo dang mchod yon mchod/ /bsang gtor 'thor 'thung sreg blugs dang / /me brtags bsang dang dgang blugs dang //kun bsregs bsang dang bzod gsol dang / /thab dang me lha dgod pa dang / /bsdu dang bstod dang dgug pa dang / /bgegs bsal bsrung dang phyogs bcings dang / /sngon bzhin phyag rgyas dbang bskur la/ /mchod dang mchod yon 'thor 'thung bsang / / dgang blugs cig shos las bsgrub dang / /lha rnams gzi byin bskyed pa dang / /me lha dgang blugs mchod yon bcas/ /bsang gtor 'thor 'thung mchod pa dang / /gshegs su gsol bar bya ba'o/ /bsdus pa'i tshigs su bcad pa'o/ /sbyin sreg cho ga rdzogs pa dang //mdor bsdus pa yi rim ldan pa/ /rab 'byor bskyangs kyis 'di nyid ni/ /rnal 'byor rgyud la dris pa yin/ /sbyin sreg gi cho ga slob dpon rab 'byor bskyangs kyis mdzad pa rdzogs so// //rgya gar gyi mkhan po shrad+d+hA ka ra warma dang / zhu chen gyi lo tsA ba dge slong rin chen bzang pos bsgyur cing zhus te gtan la phab pa'o/