130a5 /[ ]@##/ /rgya gar skad du/ pra tiSh+Tha bid+hiH/ bod skad du/ spyan dbye ba'i cho ga /'jam dpal gzhon nur gyur pa la phyag 'tshal lo/ /shes bya'i dkyil 'khor ma lus pa/ /skad cig
130a6 gis ni khyab mdzad pa//thugs rje cher ldan 'gro ba'i skyabs/ /'jam pa'i dbyangs la phyag 'tshal lo/ /slob dpon mtshan nyid ldan pa dang / /bstan bcos kun la 'jigs med pas/ /lha yi gzugs la dmigs pa dang / /ras ris la sogs bzlas shing bsgom/ /blo dang
130a7 ldan pa gang zhig ni//bsod nams gzhan ni byed 'dod la/ /de ni rnal 'byor rgyud rnams kyi/ /rjes su mthun par 'di brjod bya/ /dang por khrus byas lus dris byugs/ /gtsang zhing dag pa'i gos gyon te/ /rgyu skar bzang po ldan pa la/ /mchod pa'i yo byad 'byor par bya/ /
130b1 gdugs dang rgyal mtshan la sogs dang / /bla re mchog ni bri bya zhing / /bkra shis rnams kyis brgyan pa yi/ /bum pa gang ba gzhag par bya/ /pi wang gling bu rdza rnga sogs/ /glu gar dga' ston cher bya zhing / /tsan+dan a gar nag pos byugs/ /me tog sil ma bkram par
130b2 bya//gnas ni nyams dga' 'du 'dzi med/ /nyes pa thams cad rnam spangs pa'i/ /ba yi lnga dang tsan+dan gyis/ /byug cing bdud rtsi 'khyil pas bsrung / /ma spyad pa yi ras rnyed pa/ /spos kyi chu yis bkrus nas ni/ /rang gi lha sbyor bdag nyid du/ /der ni de rab gnas par bya/ /sngar ni cho ga
130b3 rgyas byas la//spyan drangs mchod pa la sogs bya/ /brtson par byas nas de 'og tu/ /mtshan rnams rdzogs par ci bder ni/ /legs par bri ba'am bzo bo ni/ /nye bar 'ong ba 'dri ru gzhug /mkhas pas gshin rje gshed dam ni/ /bdud rtsi 'khyil pas bsrung bar bya/ /ri
130b4 mo'am sku gzugs gang yang rung //'di 'dras yang dag rdzogs par bya/ /gnas de nyid du sngar bshad pa'i/ /khrus sa dag ni rab bshad de/ /zur bzhi pa la khru bzhi pa/ /bkra shis shin tu mdzes pa dag /dpangs su khru ni gnyis yod pa/ /yid 'ong zur rdul nyes 'bul bya/ /de
130b5 steng bstan pa'i rten bzhag pa//mkhas pas lha yi khrus gsol te/ /sems can kun la phan bde ba'i/ /sbyangs pa la sogs der bya'o/ /bkra shis rgyas par gyur pa dang / /yang dang yang du bstod bya zhing / /rol mo'i sgra ni sna tshogs dang / /ca co'i sgra ni gdon par
130b6 bya//rgyal ba'i dbang bskur tshul du ni/ /gdugs dkar po yang gzugs par bya/ /bris gzugs glegs bam 'jim gzugs sogs/ /lha la cho ga shes pa yis/ /me long la ni gzugs brnyan bkru/ /lugs ma sku gzugs nyid la'o/ /gsang sngags gang zhig
130b7 khrus dang dbang bskur ba'i phyir/dzi na dzika la sogs pa rigs kyi bdag po'i snying po'o/ /de rnam par snang mdzad la sogs pa'i snying po de me tog gi phreng bas brgyan pa'i til la sogs pa las kun rig gi snying bo rig pa dang / ras ris bdag po'i gsang sngags
131a1 bzlas//bum pa mtshan nyid dang ldan pas/ /'bru sman rin chen lnga rnams dang / /tsan+dan dag gi chus bkang ste/ /mgul pa gos bzang dag gis bcings/ /lo ma bzang pos kha dgab bya/ /rig snying rigs kyi bdag po dang / /rigs kyi las
131a2 kun byed par bzlas//sku yi spyi gtsug dbu dang ni/ /phyag dang thugs kar byug par bya/ /de nas pus mo btsugs nas ni/ /bdug spos rnams kyis bdugs nas ni/ /mgon po gshegs shing bskul ba'i phyir/ /tshig ni 'di skad brjod par bya/ /'di zhes bya ba bcom
131a3 ldan 'das//rig sngags rgyal la phyag 'tshal lo/ /bdag la brtse bar gyur nas ni/ /slob ma rnams la brtse ba dang / /khyed rnams la yang mchod pa'i phyir/ /thugs rje'i bdag nyid rab gnas pa/ /mgon po bdag ni bgyid par 'tshal/ /bcom ldan bdag ni gus pa la/ /
131a4 de bas gnang bar mdzad par rigs/ /sangs rgyas mgon po brtser ldan dang / /byang chub sems dpa' dgra bcom dang / /gang yang gsang ba'i lha rnams dang / /'jig rten skyong ba'i lha rnams dang / /gang yang 'byung po mthu chen dang / /gang yang lha yi spyan mnga' ba'i/ /
131a5 sems can bstan la dga' ba rnams/ /bdag la dgongs par mdzad du gsol/ /bdag ming 'di zhes bya ba ni/ /yo byad ci 'byor pa yis ni/ /spyan dbye bar ni 'tshal lags na/ /bdag dang slob mar bcas pa la/ /thugs ni brtse bar mdzad du gsol/ /tshogs
131a6 pa thams cad spyan 'byed pas//byin gyis brlab par mdzad du gsol/ /ras ris la sogs snying gar ni/ /zla ba'i dkyil 'khor bsgom par bya/ /rang gi sa bon las byung mtshan/ /chos tshul gsang sngags dgod cing bsgom/ /sngags dang phyag mtshan gyur
131a7 pa dang //spro zhing bsdu ba byas pa la/ /lha yi sku ni ji bzhin par/ /de las skyes par mkhas pas bsam/ /rgyud las ji skad gsungs pa bzhin/ /rang gi phyag rgya sku la sogs/ /byin brlab go rims bzhin du bya/ /de mdun ye shes sems dpa' ni/ /snga ma bzhin
131b1 yang legs bsgrubs na//rdo rje lcags kyu la sogs pas/ /de dag dgug gzhug bcing ba dang / /dbang bya rang gi phyag rgya rnams/ /sgrub thabs las byung rim pas bya/ /bdud rtsi 'khyil pas bsrung ba dang / /bgegs bsal skyol sogs cho ga bya/ /gdan 'bul
131b2 la sogs byas nas kyang //dam tshig phyag rgya bstan par bya/ /mdun du ye shes sems dpa' ni/ /sgu yi lus la bcug nas ni/ /rang gi rnal 'byor dang ldan pas/ /de nas mgon po 'dus pa bya/ /rdo rje dril bu'i sgra dbyangs dang / /yid 'ong glu yis bstod par bya/ /
131b3 snga ma bzhin du mchod yon sogs/ /dbul zhing bgegs bsal la sogs bya/ /gzugs brnyan gyi ni sku gzugs la/ /phyogs rnams kun nas lhag pa'i tshogs/ /mgon po dzaHhU~M baM hoH/ zhes brjod cing dgug par bya/ rang gi phyag rgya byin brlab cing / /yi ge brgya pas
131b4 brtan par bya//rdo rje sems ma la sogs pas/ /cho ga shes par byin gyis brlab/ /snga ma bzhin du gsol ba yang / /de la dang por gsol btab nas/ /de yi phyag rgya go rims bzhin/ /dbang bskur ba ni bstan par bya/ /lwa s+ya la sogs rnams kyis mchod/ /dri sogs
131b5 kyis kyang mchod par bya//gos dang rgyan dang so rtsi dang / /gdu bu gtsug tor me long dang / /gi wang dang ni li khri sogs/ /lha bshos rnams kyis rim bzhin mchod/ /de nas cho ga ldan pa yis/ /yid kyi mchod pas yang dag mchod/ /de yi sngags mang bzlas nas ni/ /phyi
131b6 rol du ni gtor ma sbyin//zho dang 'bras chang yam shing dang / /til 'bras mar dang bsres pa'i sa/ /bgegs rnams nye bar zhi ba'i phyir/ /dang por bdud rtsi thab sbyor mchod/ /rang gi sngags rnams gang yin pas/ /mkhas pas lha rnams tshim par bya/ /byed pa por 'gyur
131b7 rig snying dang //rigs kyi rig pas zhi phyir dang / /rigs kyi bdag pos byin rlob phyir/ /sreg blugs brgya dag so sor bya/ /de nas khrus bya lus gtsang ma'i/ /slob ma bdud rtsi 'khyil pa yis/ /bzlas pa'i chu yis bsang gtor bya/ /g.yon gyi phyogs su gzhag par
132a1 bya//de yi lag pa g.yon pa yis/ /lag g.yas mthe bong bzung nas ni/ /de nas mar gyis bkang ba yi/ /dgang gzar gyis ni bskor bar bya/ /rang gi lha yi sngags kyis ni/ /dgang blugs brgya ni dbul bar bya/ /zho dang til dang bsres pa yis/ /
132a2 de bzhin dgang blugs brgya byas na/ /sdig pa rnams ni 'jig par 'gyur/ /tshe 'phel phyir ni drur ba dang / /khyim rgyas phyir ni 'bras kyis bya/ /zho dang 'bras kyi sbyin sreg dbul/ /khro bo bdud rtsi thab sbyor gyis/ /bzlas pa'i srung skud lag par gdags/ /gsang mthar zhi ba'i
132a3 rig pa yis//de yi snying gar byug par bya/ /slob ma gus shing mgo btud nas/ /shes nas bla mas yon blang ngo / /slob mas kyang ni gus pa yis/ /bla ma 'bad de mnyes byas te/ /slob dpon yongs su mnyes pa yis/ /las rnams 'grub par rab tu 'byung / /de nas
132a4 bla ma bdag nyid kyis//me la ji skad gsungs bzhin bya/ /mchod cing bskor ba byas nas ni/ /lha rnams la ni phyag byas nas/ /rang gnas song nas slob ma yis/ /dge 'dun rnams la mchod yon 'bul/ /de nas bla ma lha dang ni/ /sku yi gzugs brnyan brtan por bya/ /rdo rje
132a5 khu tshur gnyis bcings nas//go cha gyon pa'i tshul du bya/ /de nyid rdo rje bskor tshul gyis/ /steng dang 'og gi bar gyi cha'i/ /lus la lan gsum dkri bya zhing / /bdud rtsi 'khyil pa bzlas par bya/ /dar dpyangs bcing ba'i tshul las ni/ /rnam par bsgyings par mtha' nas
132a6 dgrol//dar dpyangs tha ma bcings she nas ni/ /rting pa bsams pas bstan par bya/ /de yi nyin par ci nus par/ /dga' ston rnams ni ci nus bya/ /glu dang gar dang rol mo dang / /rnam par gnas pas gnas par bya/ /oM badzra rat+na hrA~M/ zhes yo byad lhag ma'i sngags rnams
132a7 dang //phyag rgya dang rigs rjes mthun par/ /blo ldan rgyud la mkhas pa yi/ /slob dpon gyis ni sbyang bar bya/ /gang zhig rgyud 'di ma bsgoms pas/ /de nyid kun rdzob 'dod min te/ /de la rjes su brtse ba'i phyir/ /cho ga snga ma rjes su sbyar/ /lhag par gnas pa
132b1 thams cad ni//phyi dro'i dus su bya bar bshad/ /thugs rje'i bdag nyid nang par ni/ /spyan dbye ba ni bya'o zer/ /'di ni khyad par 'di nyid de/ /gshegs gsol bcas kun sngar bshad do/ /nang par yang ni sngar bshad pa'i/ /bya ba de nyid thams cad bya/ /cho ga de ltar bstan pa
132b2 rnams//byas nas lha ni legs bzhag pa'i/ /dkyil 'khor chen po bkod pa ni/ /rgyud rnams rgyal bas 'di gsungs so/ /'di nyid 'tshol bar byed pa la/ /rtag tu bdag gi bla mas bshad/ /thugs rje chen po rgyud kun du/ /cho ga 'di de bstan pa ni/ /slob mas go
132b3 bar bya phyir gyis//rab gnas yi ge yongs ma yin/ /rang gi lus sam ras ris sogs/ /spyan drangs cho ga la sogs 'dis/ /sangs rgyas de yi rigs sogs dang / /mngag gzhug la sogs gshegs mi gsol/ /srid pa'i mthar thug bar du ni/ /de
132b4 nyid rab tu gnas par bya//bsod nams 'dis ni 'gro kun yang / /yang dag byang chub gnas par shog /bdag dang 'gro ba'i bsam pa rnams/ /rdzogs byed 'jam dbyangs nyid gyur cig /spyan dbye ba'i cho ga slob dpon pradz+nyA ba li tas mdzad pa rdzogs so// //