127a7 /bde ba chen po legs so legs/ /theg pa chen po legs so legs/ /blo gros chen po legs so legs/ /cho ga 'di ni legs par smras//[ ]@##/ /rgya gar skad du/ pra tiSh+Tha bid+d+hiH/ bod skad du/ spyan dbye ba'i
127b1 cho ga /bcom ldan 'das 'jam dpal gzhon nur gyur pa la phyag 'tshal lo/ /nyes pa kun dang rnam bral zhing / /sems can kun la phan bzhed pas/ rtag tu dngos po kun bdag 'gyur/ /rdo rje sems dpa' phyag 'tshal lo/ /slob dpon rdo rje 'chang chen por dbang bskur bas/ /rdo rje
127b2 'dzin pa chen por dbang bskur ba/mtshan nyid thams cad dang ldan pas/ rigs lnga'i lha rnams rab tu gnas par bya'o/ /de la slob dpon gyi yon tan 'di dag yin te/ brtan zhing dul la blo gros ldan/ /bzod ldan drang la g.yo sgyu med/ /sngags dang rgyud kyi sbyor ba shes/ dkyil
127b3 'khor 'dri ba'i las la mkhas//de nyid bcu ni yongs shes pa/ /'di ni slob dpon yin zhes bya/ /de yis bstan pa'i gsang sngags rnams/ /'grub 'gyur 'di ni the tshom med/ /dkyil 'khor dang ni ting 'dzin mchog /phyag rgya stang stabs gdan dang ni/ /bzlas brjod sbyin sreg de
127b4 bzhin mchod//las kyi sbyor ba nyer bsdu ba/ /de ltar de nyid bcu shes shing / /dman pa'i sems ni dor ba'o/ /de la dang por legs par khrus byas la/ gos gtsang ma bgos te/ gtsug tor bcings shing bcas la rgyan thams cad kyis brgyan par byas pa'am/ yang na cha lugs ji
127b5 lta bas lha'i khang par zhugs la/yo byad thams cad bsogs te/ tshes grangs dang rgyu skar bzang po dang ldan pa'i dus shes par byas shing / dpal dang rgyal ba 'phel bar byed pa'i gdugs dang / rgyal mtshan dang ba dan la sogs pas gnas brgyan par byas shing sbyin bdag dang
127b6 'tsham pa'i dkyil 'khor la sogs pa yang brtag par bya'o//de nas ba'i rnam lnga dang / spos chab la rdo rje gnod sbyin bzlas pas gnas nye bar byug par bya'o/ /de nas rdo rje gnod sbyin gyi sngags ni 'di yin te/ oM badzra yak+Sha hU~M de'i 'og tu dri dang sbyar ba'i chus byugs la/ nang par
127b7 gyi dus su rang gi rigs kyi lha'i 'khor los sgyur ba'i sbyor ba'am/rnal 'byor chen po bya'o/ /cho ga nyams pa mi bya ste/ /rab gnas rtag tu smad pa dang / /tshe 'dir sdug bsngal chen po dang / /'jig rten gzhan du'ang 'jigs chen 'byung / /de la dngos grub 'dod pa yis/ /bdag
128a1 nyid kyis ni ci nus dang //de bzhin cho gar gsungs tshul dang / /kun nas rab tu 'bad de bya/ /de la dang por rdo rje gnod sbyin gyis bgegs gzhom pa la sogs dang / gzhal yas khang dang / gdan la sogs pa ji lta ba bzhin du byas la/ 'di ltar yid du 'ong
128a2 ba'i gnas su khrus sa'i stegs bu brtsig par bya ba ni/zur bzhi pa la gru bzhi pa/ /dkyil 'khor gyis ni nyer mdzes pa/ /khru gang tsam gyi tshad du bya'o/ /med na legs par bri bar bya/ /der phyogs dang mtshams su mtshan ma la sogs bris pa'i bum pa brgyad gzhag par bya
128a3 ste/rdo rje lcags kyu dang / me tog la sogs pa phyogs dang mtshams su gzhag par bya zhing / dbus su rnam par rgyal ba'i bum pa rigs lnga'i mtshan mas mtshan pa bzhag la/ de dag gi nang du/ 'bru lnga dang / sman lnga dang / rin po che lnga bcug la/ dri dang sbyar ba'i chus
128a4 bkang la/ras zung gcig gis mgul ba bcings la/ 'dab ma dri zhim pos kha brgyan par bya ba dang / steng du bla re bre ba dang / gos dang dril bu dbyangs pas bskor ba'i stegs bur mkhas pas lha rnams khrus gsol bar bya'o/ /de nas dam tshig sems dpa' bsams la/
128a5 ye shes sems dpa' rdo rje lcags kyu la sogs pa'i sngags dang phyag rgyal sogs pa dang ldan pas dgug pa la sogs pa bya'o/ /de nas oM AHhU~Mzhes bya ba'i yi ge gsum mam/ lha de'i sa bon gyi yi ge rnam par dgod cing bsam par bya'o/ /de nas mchod yon dang zhabs bsil la
128a6 sogs pa phul la/sarba pA baM da ha na badzrA ya swA hA/ zhes bya ba la sogs pa bya ste/ yungs kar dang me tog gis/ sems can kun la phan bde'i phyir/ /sbyar ba la sogs rnams bya zhing / /rgyal 'gyur bkra shis tshigs bcad brjod/ /yang dang yang du bstod bya zhing / /rol mo'i
128a7 sgra ni sna tshogs dang //ngo mtshar ca co rnams kyang bya/ /las kun byed na rigs snying dang / /rang gis rigs bdag gsang sngags ni/ /yongs bzlas sngar bshad bum pas ni/ /mkhas pas lha rnams khrus gsol lo/ /de nas gtsang ma'i mi rnams ni/ /las kun byed pa'i gsang
128b1 sngags kyis//bzlas byas stan ni bzang po la/ /rigs pa rang gnas bzhugs su gsol/ /de nas rigs kyi bdag po'i sngags dang / de bzhin du rigs kyi rig pa yongs su bzlas te bzhugs su gsol nas/ sngags pas kyang rang gi gsang sngags dang / bskyed pa'i rim pas de rang
128b2 gi gnas su sprul nas sgo dbye ba bya ste rdo rje bsdu ba bya'o//oM badzra sa mA ya dzaH dzaHhU~M baM hoHde nas bgegs bsal la mchod yon dbul lo/ /de nas mtshan brgya rtsa brgyad pas bstod la/ phyag rgya bstan nas/ gsang sngags rnams mngon par bzlas par bya ste/ oM badzra satwa hU~M/
128b3 rigs kyi bdag po'i snying po'o/ /oM b+ha ga wa ti ru ru spu ru dz+wa la tiSh+Tha sid+d+ha lo tsa ni sarba ar+tha sA d+ha ne swA hA zhes pa'o/ /rigs kyi yum gyi sngags so/ /oM dzi na dzika swA hA/ zhes bya ba ni rigs kyi snying po'o/ /de bzhin du/ oM shaM ka ri shIn+taM ka ri g+hu Ta ni/ g+ha Ta la g+ha Ta ya g+hu Ta ni swA hA/
128b4 oM badzra d+h+r-ika swA hA/ oM ka Te bi ka Te ni ka Te swA hA/ ka TaM ka Te ka ro Te bIr+ye swA hA/ oM A ro l-i ka swA hA/ oM rat+na d+h+r-ika swA hA/ oM tA re tu re tut+tA re swA hA/ oM pradz+nyA d+h+r-ika swA hA/ zhes bya ba ni rigs so so'i rig pa dang snying po'o/ /de nas cod pan dang dar dpyangs bcings pa dang / go
128b5 bskon pa la sogs pa byas la/me tog la sogs pa brgyad kyis yang dag par mchod la yongs su bzlas te/ gus par byas la mchod yon phul te/ lhag par gnas par bya'o/ /de nas phyi rol gtor ma byin la sbyin sreg bya ste/ dang por bgegs gzhom par bya ba'i phyir/ rdo rje
128b6 mes sbyin sreg bya'o//tshim par bya ba'i phyir ni rang gi sngags kyis so/ /dgod par bya ba'i phyir ni rigs kyi rigs pas so/ /'byor par bya ba'i don du ni rigs kyi bdag po'i snying pos so/ /de ltar sbyin sreg byas nas/ lhag par gnas par bya ba ni/ /'di zhes bya ba'i bcom ldan
128b7 'das//rig sngags rgyal la phyag 'tshal lo/ /slob ma rnams la brtse ba dang / /khyed rnams la yang mchod pa'i phyir/ /thugs rje'i bdag nyid can rab gnas/ /mgon po bdag nyid bgyi par 'tshal/ /bcom ldan bdag ni gus pa lags/ /de bas gnang bar mdzad par rigs/ /
129a1 bdag ming rdo rje zhes bya bas/ /rig pa'i rgyal po 'di zhes bya'i/ /yo byad ci 'byor pa yis ni/ /nang par rab gnas bgyid par 'tshal/ /bdag dang slob mar bcas pa la/ /thugs brtse bar ni nyer gnas te/ /tshogs pa thams cad rab gnas la/ /byin
129a2 gyis brlab par mdzad du gsol//zhes bya'o/ /de nas pU dza sna tshogs kyis mchod la mngon par 'dod pa'i dngos grub kyi phyir gsol ba gdab par bya ste/ rang gi dge ba'i rtsa ba bsngos la/ gshegs su gsol bar bya ba'i phyir 'dis bskul bar bya'o/ /oM khyed kyis sems
129a3 can don kun mdzad//rjes su grub bzhin stsal lags kyis/ /sangs rgyas yul du gshegs su gsol/ /slar yang gshegs par mdzad du gsol/ /bdag nyid bsrung ba'i phyir yi ge brgya pa bzlas par bya'o/ /de la yi ge brgya ba ni 'di yin te/ oM badzra satwa sa ma ya/ ma nu
129a4 pA la ya/badzra satwa twe no pa/ tiSh+Tha dr-i D+ho me b+ha ba/ su to Sh+yo me b+ha ba/ a nu rak+to me b+ha ba/ su poSh+yo me b+ha ba/ sarba sid+d+him+me pra yats+tsha sarba karma su tsa me tsit+taM shre yaH ku ru hUM/ ha ha ha ha hoHb+ha ga bAn sarba ta thA ga ta badzra mA me muny+tsa badzrI b+ha ba ma hA sa ma ya satwa aH/ de nas de nyid du ku sha bting
129a5 la nyal bar bya'o//de nas nang par mal nas langs la de bzhin du ba'i rnam lnga dang / spos chus gnas kun byugs la/ lha'i rnal 'byor byas la/ bgegs la sogs pa bskrad par bya'o/ /de nas gzhal yas khang dang gdan la sogs pa bsams la/ de'i 'og tu zangs ma'i snod la
129a6 sogs par mchod yon la sogs pa bshams la/sngags kyis gdab par bya'o/ /de nas lha rnams dgug pa dang / gzhug pa dang / bcing ba dang / dbang du byas la/ bsgrub par bya'o/ /mdzub mo lcags kyu bcings nas ni/ /mthe'u chung las te lcags kyu che/ /mkhrig
129a7 mar mdud pa mdzub gnyis 'dud//rgyab gnyis kyang ni bsnyams te mnan/ /dzaHhU~M baM hoHzhes brjod do/ /spyan drangs la mchod yon dang zhabs bsil la sogs pa dbul te/ sngar bshad pa'i sngags kyis sbyang ba byas la/ de'i sngags ni/ oM sarba ta thA ga ta kA ya bi
129b1 sho d+ha ne swA hA/dbang bskur ba'i cho gas khrus gsol bar bya ste/ ji ltar bltams pa tsam gyis ni/ /lha rnams kun gyis khrus gsol ba/ /de bzhin bdag gis lha yi chus/ /dag par khrus ni gsol bar bgyi/ /oM sarba ta thA ga ta a b+hi She ka ta sa ma ya shri ye hU~M swA hA/ de nas na bza'
129b2 dbul bar bya ste/oM badzra bA sa se swA hA/ oM badzra gan+d+he swA hA/ oM badzra a b+ha ra ni bi b+hu Sha ni swA hA/ oM badzra pu Sh+pe hU~M/ oM badzra d+hU pe hU~M/ oM badzra gan+d+he hU~M/ oM badzra nai bid+ye hU~M/ de'i 'og tu dbang bskur bar bya ste/ mthe bong gnyis ni bsnol byas la/ /mdzub mo rtse mo dgug pas ni/ /gung mo
129b3 bsnyams pa'i tshigs su sbyar//rdo rje dbyings kyi dbang mor bshad/ /oM b+h+rUM khaM zhes bya ba dang / a b+hi Shiny+tsa zhes bya ba dang / de bzhin du/ oM badzra satwa hU~M/ oM badzra rat+na trAM/ oM badzra d+harma hrIH/ oM badzra karma a zhes bya ba dang / thams cad la a b+hi Shiny+tsa mAM zhes bya bas rdo rje bsdams pa'i
129b4 mthe bong gnyis bsnyams te bsgreng ba ni rdo rje sems ma'i'o//de las srin lag rin po che 'dra bar byas pa ni rdo rje rin chen ma'i'o/ /de nyid las gung mo gnyis pad+ma 'dra bar byas pa ni rdo rje chos ma'i'o/ /thal mo sbyar ba bcings la gung mo dang mdzub mo dang mthe bong sbyar ba ni rdo rje las
129b5 ma'i'o//de nas oM TuM zhes bya ba dang / rdo rje khu tshur so sor bcings te/ mdzub mo gnyis bkug la go cha bya ste/ snying gar mdud pa ltar bya ste/ yang mgrin pa dang / rgyab dang / dpral ba'i steng du mdud pa ltar bya ste/ de nas phreng ba bcing ba'i tshul gyis mdud pa bya ba dang dar
129b6 dpyangs bcing ba yang ngos gnyis su tha ma la sogs pa nas sor mo thams cad bkrol ba de nas mnyam pa'i thal mos mnyes par bya ste/de nas sgeg mo la sogs pas yang dag par mchod par bya'o/ /de nas sngags 'dis mig sman gyi thur mas byug ste/ oM badzra tsak+Shu tsak+Shu sa man+ta
129b7 tsak+Shu bi sho d+ha ni swA hA/de nas sngags 'dis bshos dbul te/ oM dI pya in+na sa mA d+hi d+h+ya na sarba pri Na ne swA hA/ de nas lha bshos dang / me long dang / bshos gzhan dag la sogs pas kyang mchod par bya ste/ de ltar byas na de 'og tu yang slob ma gzhug par bya ste/ khyod kyis
130a1 nga la gsol btab pa'i//sku gzugs dag ni khyad par du/ /ji ltar gsungs bzhin rab gnas par/ /de ni nges byas byed du bcug /khyod kyi de ni kun rdzogs pas/ /ci bde bar ni shes par gyis/ /zhes bsgo'o/ /de nas rim pa 'dis sbyin sreg bya'o/ /thab
130a2 dang dgang gzar blugs gzar rdzas//shing dang sgrub pa po dang ni/ /rdzas bsang dgod dang me sbyang dang / /bsang gtor dang ni sbyar ba dang / /ku sha dgram dang gnas khang dang / /me bskyed spyan drang la sogs dang / /srung skud bcings dang mchod yon dang / /zhabs bsil
130a3 bsgrub dang dbang bskur dang //dam tshig bsgo dang mchod yon mchod/ /bsang gtor 'thor 'thung sreg blugs dang / /me brtag bsang dang dgang blugs dang / /kun bsregs bsang gtor gsol ba dang / /thab dang me lha dgod pa dang / /bsdu dang bstod dang dgug
130a4 ba dang //sngon bzhin phyag rgya dbang bskur dang / /mchod dang mchod yon 'thor 'thung bsang / /dgang blugs cig shos las bskal dang / /lha rnams gzi byin bskyed pa dang / /me lha dgang blugs mchod bsang dang / /'thor 'thung mchod ba gshegs gsol lo/ /spyan
dbye ba'i cho ga slob dpon kun dga' snying pos mdzad pa rdzogs so/