CLOSE WINDOW

D2513
བོད་ཡིག

[ ]@##/ /rgya gar skad du/ mA yA dzA la ma hA tan+t+ra rA dza TI kA khya/ bod skad du/ rgyud kyi rgyal po chen po sgyu 'phrul dra ba'i rgya cher bshad pa/ bcom ldan 'das ngag gi dbang phyug la phyag 'tshal lo/ /rdzogs pa'i sangs rgyas lnga rnams dang //legs sbyangs rigs pa brgyad pa ni/ /yum gyur lha mo bzhi po dang / /stobs chen khro bo bcu po dang / /stong du bzhis ma tshang ba'i stong / /byang chub sems rnams phyag 'tshal te/ /rgyud bzang snying po sbas pa yi/ /bdag gis 'grel pa gsal bar bya//'di skad bdag gis thos pa zhes bya ba la sogs pa 'di'i brjod bya ni gang yin/ 'brel pa ni gang yin/ /dgos pa ni ci zhig yod/ dgos pa'i yang dgos pa ni ci zhig yod ce na de brjod par bya ste de la brjod par bya ba ni/ bcom ldan 'das sgyu 'phrul dra ba ste dngos po thams cad kyi ngo bo nyid du sprul pas rnam par snang mdzad rdo rje'i de bzhin gshegs pa ni brjod par bya ba yin la/de ston par byed pa'i rgyud la yang de skad ces bya ste skyes pa'i rabs la sogs pa bzhin no/ /'di dag ni rjod pa dang brjod par bya ba'i mtshan nyid dam/ thabs dang thabs las byung ba'i mtshan nyid dang ldan pa ni 'brel pa'o//gdul bya rnams dkon mchog gsum la skyabs su btang ba la sogs pa sngon du 'gro bas dkyil 'khor du 'jug pa la sogs pa rjes su gnang bas mngon par 'dod pa bskyed pa ni dgos pa'o/ /mngon par 'dod pa yang dag par skyes pa rnams dkyil 'khor du 'jug pa la sogs pa'i rim gyis rnam pa thams cad kun du bzang po'i ye shes thob pa ni de'i dgos pa'i yang dgos pa yin no//rgyud 'dir rgyud kyi bdag po ni dpal rnam par snang mdzad de'i yon tan ston pa'i gleng gzhi ting nge 'dzin gsum ston par byed pa ni bcom ldan 'das zhes bya ba nas brtsams te rgyud ston pa'i ting nge 'dzin ston pa mthar thug pa yin no//de nas brtsams te bcom ldan 'das kyis de skad ces bka' stsal pa dang zhes bya ba'i mthar thug pa ni rgyud yin no/ /de sdud par byed pa ni lcang lo can gyi pho brang na gnas pa sa bcu'i dbang phyug rdo rje 'chang gi rang gi dkyil 'khor na gnas pa kun du bzang po la sogs pa byang chub sems dpa'i tshogs rnams la 'di skad ces bya ba la sogs pa smras pa yin te/de la 'di skad ces bya ba 'dis ni bdag nyid kyi thos pa'i shes pas mngon du gzung ba ste rgyud kyi don nges par gzung bas na rgyud kyi don phyin ci ma log pa nyid du smras pa yin te 'di ni 'di skad ces pa'o//bdag gis zhes bya ba ni bdag nyid khas len pa'i tshig gis na mngon sum du thos pa'o/ /thos pa zhes bya ba 'di ni bdag nyid kyis khong du chud pa ni med pa'o/ /gang gi tshe gang las gang du 'khor ci 'dra ba dang ci zhig thos zhes 'dri ba las/ ci rigs par lan 'debs pa'i phyir smras pa ni dus gcig na zhes bya ba ni lan cig gis dus na zhes bya ba'i don te dus gcig na 'di thos kyi gzhan gyi tshe na ni gzhan dag go zhes pa ste/'dis ni sdud par byed pa bdag nyid thos pa mang bar ston pa yin no/ /yang na dus gcig na zhes bya ba ni skad cig ma gcig la zhes bya ba'i don de rnam par thar pa'i sgo bsam gyis mi khyab pa la dbang thob pas bdag gis thos par bya ba gang ci yang rung ba de thams cad skad cig ma gcig la thos pa de yang brjod pa med do zhes pa ste 'dis ni bdag nyid tshad ma'i skyes bu yin par bstan to//bcom ldan 'das zhes bya ba ni bdud bzhi bcom pa 'am dbang phyug la sogs pa dang ldan pas na bcom ldan 'das ni rnam par snang mdzad de de bzhugs so zhes bya bar sbyar ro//de ni 'di skad ston pa yin te gang gi tshe bcom ldan 'das gnas gtsang ma'i steng khang pa brtsegs pa'i gzhal yas khang byang chub sems dpa' chen po la sogs pa'i 'khor rnams kyis bskor te bzhugs pa de'i tshe bcom ldan 'das las gnas de nyid du 'khor de rnams dang lhan cig tu bdag gis rgyud 'di dus gcig na thos zhes pa'o//gnas gtsang ma'i steng na zhes bya ba la sogs pa la shes rab kyi pha rol tu phyin pa rnam par dag pa thugs su chud pas sangs rgyas bcom ldan 'das ni gtsang ma ste de rnams kyi bzhugs gnas yin pas gnas so//de bas na gnas thams cad de las mchog tu gyur pas na steng na ste gtso bor gyur pa'o/ /de yang yi ge b+h+rUM las nges par 'byung ba rang gi dam tshig la kun du chags pa'i rdo rje dbyings kyi dbang phyug ma yongs su gyur pa rin po che sna bzhi'i rang bzhin gyi mchod rten no//de la khang pa brtsegs ma zur bzhi la sogs pa dang ldan pa ni de nyid kyi khyad par yin no/ /rin po che sna tshogs pa'i zhes bya ba ni pad+ma rA ga la sogs pa'i rin po che sna tshogs pa'o/ /bkod pa ni de rnams kyi tshogs te rig pa'i khyad par dang bcos pas gang bzhugs pa de la de skad ces bya'o//de bas na de nyid du'o/ /'di ni rgyud phyi ma yin pas nges par gsang ba 'dus pa las shes par bya ste de las 'di nyid gsungs pa ni/ de nas de bzhin gshegs pa mi bskyod pas de bzhin gshegs pa thams cad kyi btsun mo'i b+ha ga la dam tshig chen po'i dkyil 'khor gru bzhir byin gyis brlabs pa ni zhes bya ba la sogs pa'o//gzhal yas khang gi khyad par 'di yang nam mkha'i khams thams cad pa gzhan 'phrul dbang byed na dbang sgyur gyi lha rnams kyi gnas na yod pa yin par shes par bya ste/ 'dod chags la spyod pa'i sems can rnams rjes su gzung bar bya ba'i phyir ston par mdzad pa yin pa'i phyir ro//de bas na de nyid ni gnas gtsang ma'i lha'i gnas kyi steng ni ma yin no/ /gzhan yang gzhal yas khang de nyid kyi khyad par bstan pa ni shin tu rnam par phye ba zhes bya ba la sogs pa yin te shin tu rnam par mdzes pa yang yin zhing rnam par phye ba ste gcig la gcig ma 'dres pa yang yin la de yang rdo rje'i rang bzhin gyi ka ba ste ka ba brgyad kyi tshul du des nye bar mdzes pa ni brgyan pa ste der zhes snga ma dang sbyar ro//gzhal med khang chen po'i mchog gi bkod pa zhes bya ba ni phyogs brgyad du bskor ba gang yin pa de la de skad ces bya'o//rdo rje dril bu sgra sgrogs pa ni chos rnams kyi de kho na nyid ji lta ba bzhin du ston pa'i sgra dang bcas par yang dag par byung ba gang yin pa de la de skad ces bya'o/ /yid las byung ba'i mchod pa'i khyad pa chen pos shes par bya ba ni sangs rgyas la sogs pa'i sprul pa rnams kyis te des brgyan pa ni spud ba'o//'khor lo ni 'og nas bshad pa'i mtshan nyid dang ldan pa'i dkyil 'khor ro/ /rdo rje ni mi phyed pa'o/ /spras pa ni de'i don du spras par byas pa de ru ste nye bar mtshon pa 'dis na de bzhin du sgo dang sgo khyud dang mtshams rnams su yang rdo rje la sogs pas spras shing brgyan pa'o//cha byad sna tshogs 'chang ba ni sangs rgyas thams cad kyi sku ston pas sam rigs lnga'i sangs rgyas cod pan la bkod pas rdo rje sems dpa' la sogs pa gang yin pa de la de skad ces bya ste de rnams kyis brgyan pa zhes bya bar snga ma dang sbyar ro/ /de bzhin gshegs pa ni chos kyi sku'i ngo bo ste bcom ldan 'das rnam par snang mdzad chen po'o//de'i sprul pa ni longs spyod rdzogs pa'i sku 'chang ba rnam par snang mdzad rdo rje'i de bzhin gshegs pa ste bdag po de las nges par 'byung ba'i phyir ro/ /des gang du gdul bya rnams kyi don bya ba byas shing bskyod pa gang yin pa de la de skad ces bya'o//yang na de bzhin gshegs pa ni longs spyod rdzogs pa'i sku rnam par snang mdzad 'og min na bzhugs pa'o/ /de'i sprul pa ni de las gzhan pa'i rnam par snang mdzad rdo rje'i de bzhin gshegs pa ste des zhes bya ba la sogs pa ni snga ma bzhin no/ /de bas na/ gnas las g.yo ba mi mnga'o//zhes gsungs pa yin no/ /rnam par snang mdzad ni sku rdo rje'o/ /de'i snying po ni skye gnas so/ /yang dag par byung ba ni bla na med pa'i ye shes thugs su chud pa gang yin pa de la de skad ces bya'o/ /sna tshogs pa ni don yod grub pa'o/ /rdo rje ni mi bskyod pa'o//rin po che ni rin chen 'byung ldan no/ /'od dpag med ni tshe dpag tu med pa'o/ /de yang 'dir spyod pas bskyod nas zhes bya ba ni ji skad du bshad pa'i spyod pa spyad pa de smon lam gyi grogs dang bcas pas bskyod pa ni gdul bya rnams kyi spyod yul la 'jug pa zag pa med pa'o/ /'di skad ston pa yin te 'og min zhes bya ba'i gzhal yas khang ni de bzhin gshegs pa rnams nyid kyi bzhugs gnas yin pa las gzhan du bzhugs pa ni gdul bya'i 'gro ba rnams kyi ngor mdzad pa yin no zhes pa'o//sgo bzhi'i go skabs las byung ba/ /zhes bya ba ni stong pa nyid ces bya ba la sogs pa'i rnam par thar pa'i sgo bzhi'o//de nyid 'jug par dka' bas go skabs dang 'dra bas na go skabs te de'i bdag nyid kyi dkyil 'khor gyi de kho na nyid kyang gdong bzhi pa lto ba 'phyang ba phyag rgya gnyis byang chub mchog gi phyag rgya can yang g.yas na 'khor lo bsnams pa/ g.yon dril bu dkur brten pas 'dzin pa la yang nye bar gdags pas de skad ces bya pa'o//de las byung bas ni de las 'thon pa ste de'i gzugs su yongs su gyur pa de yang sgo bzhi go skabs ni byung ba yin pas na de skad ces bshad de khang pa brtsegs mar zhes de bzhin du sbyar bar bya'o/ /bcom ldan 'das de'i phyag rgya khyad par ji lta bu zhig yin zhe na/de'i phyir byang chub sems dpa' chen po zhes bya ba la sogs pa gsungs te/ byang chub sems dpa' chen po'i tshogs ni byams pa la sogs pa'i tshogs so/ /rig pa'i lha mo rnams ni spyan la sogs pa ste da rnams kyis brgyan pa ni 'khor du gyur pa nyid du gnas pas so//khro bo'i rgyal po ni gshin rje gshed la sogs pa ste khro bo de'i dam tshig gi phyag rgya rnams kyang yod par shes par bya'o/ /bran po ni gzhan gyis mi thub pa la sogs pa'i khro bo'o/ /bran mo ni de'i dam tshig gi phyag rgya'o/ /pho nya ni rta mgrin la sogs pa'i khro bo'o//pho nya mo ni de'i dam tshig gi phyag rgya'o/ /phyag brnyan ni bdud rtsi 'khyil pa la sogs pa'i khro bo'o/ /phyag brnyan ma ni de'i dam tshig gi phyag rgya'o/ /bskor ba zhes bya ba ni dkyil 'khor du byas pa'o/ /mdun gyis bltas pa zhes bya ba ni thams cad kyis 'di'i spyan sngar btud par byas pa ste de la mngon du phyogs pas gnas pa'o//'dis ni 'jig rten las 'das pa'i 'khor phun sum tshogs pa bstan pa yin no/ /bde ba'i ting nge 'dzin ni bde ba chen po'i ting nge 'dzin te des de'i rang bzhin du byas pa ni gang gis bde ba chen po'i ngo bo nyid kyi bdag nyid du byas pa gang yin pa de la de skad ces bya ste/de nyid kyis na ye shes de la dmigs pa yin te rnam pa thams cad du kun du bzang po'i ye shes thob pa'o/ /de nas ma bral ba ste rtag tu yang dag par ldan pa'o/ /thugs rje chen po ni dmigs pa med pa'o/ /sems can rnams la mnyes gshin pa ni byams pa'i spyod pas de rnams kyi don mdzad pa'i dgongs pa bsgrub pa'o//de yang 'di ni thugs rje chen po'i mnyes gshin pa yin pas de skad ces bya'o/ /de bas na 'di ni sems can bsgral ba la mngon par brtson par mdzad pa zhes bya ba ste bdag la sogs pa mngon par zhen par lhung ba'i sems can rnams bsgral ba'i phyir chos bdag med pa la sogs pa ston par mdzad pa la mngon par brtson zhing rab tu 'bad pa'i khyad par dang ldan pa gang yin pa de la de skad ces bya'o//lha dang klu dang zhes bya ba la sogs pas ni 'jig rten pa'i 'khor phun sum tshogs pa ston pa yin te lha la sogs pa brgyad kyi dkyil 'khor ji lta ba bzhin du rang gi snying pos dkyil 'khor gyi phyi rol du rang gi phyogs su bsam par bya'o zhes bya ba ni man ngag go//bzhugs so zhes bya ba ni rdzu 'phrul la sogs pa rnams kyis gdul bya rnams kyi yid 'phrog par byed par mdzad nas bzhugs pa'o//de nas zhes bya ba ni skabs so/ /phyag na rdo rje zhes bya ba la sogs pa la rdo rje sems dpa' la gzigs pa mdzad nas 'dzum par gyur pa'o/ /de la gzigs par mdzad pa ni phyag na rdo rje ni sras kyi thu bo yin pa'i phyir ro/ / slob dpon dang slob ma'i yul la yang 'dri ba'i rim pa 'di nyid yin pa'i phyir 'dir 'dzum par mdzad pa ni dgongs pa dang bcas pa ste gzigs pa ni de'i rang bzhin shes par bya ba'i phyir ro/ /des ni zhes bya ba ni gang gis na bcom ldan 'das bzhed par mdzad pa dang gzigs par mdzad pa'i rgyu des ni ngo mtshar gyi chos su gyur pa mdzad do snyam du shes nas bcom ldan 'das ngo mtshar du gyur lags te rmad du byung bar gyur to zhes bya ba'i don to//de'i slad du de bka' stsal du gsol zhes bya ba ste rnam pa gang gis sems can rnams la phan pa dang rjes su mthun pas bzhad par gang ston par mdzad pa de bzhin du de nyid kyi rnam pas de'i dgongs pa bcom ldan 'das kyis bka' stsal du gsol zhes pa'o//seng ge chen po'i sgra'i sgra bsgrags pas zhes bya ba ni seng ge chen po'i sgra nyid kyis sgra sgrogs shing skad 'byin pa'i ngang tshul gang la yod pa de skad ces bya ste/ de lta bu'i 'jigs pa med cing thogs pa med pa'i gsungs des zhes bya ba'i bar gyis so/ /de nas zhes bya ba la sogs pa ni de nas de ma thag tu bcom ldan 'das kyis 'di skad ces bka' stsal to zhes nye bar mtshon pa'i tshig gi 'og ma dang sbyar ro/ /rgyud kyi rgyal po chen po ni khyad par du gyur pa ste de bstan par bya'o zhes bya bar sbyar ro//ye shes chen po ni thams cad mkhyen pa'i ye shes so/ /rnam par bsgyings pa ni rnam par rol pa ste sngon gyi smon lam gyi shugs stobs kyis gang du dkyil 'khor sprul pa la sogs pa de la de skad ces bya'o/ /de yang 'dir sgyu 'phrul dra ba zhes kyang 'di nyid la bya'o//rgyud thams cad ni 'phags pa de kho na nyid bsdus pa la sogs pa rtsa ba'i rgyud rnams so/ /de'i phyi ma ni dam tshig chen po'i de kho na nyid la sogs pa'i rgyud do/ /de las kyang rgyud kyi rgyal po 'di phyi ma yin pas de skad ces bya'o/ /thabs bde zhes bya ba ni 'di las shes rab dang thabs bde ba nyid kyi thabs kyis mngon par 'dod pa'i don myur du thob pa nyid ston pas so//de bas na 'di nyid ni bsgrub pa'o/ /rdo rje ye shes rol pas zhes bya ba la sogs pa pha rol pa zhes bya ba ni sgeg pa'i gzugs so/ /des rol cing mnyes par byed pa ste de nyid kyi thabs gang la yod pa de la de skad ces bya'o//de kho na nyid thams cad ni 'og nas bshad pa'i de kho na nyid bcu ste de rnams kyi 'byung gnas yin pas de kho na nyid thams cad kyi 'byung gnas so/ /ci zhig mdzad nas rgyud kyi rgyal po ston par mdzad ce na/stang stabs zhes bya ba la sogs pa gsungs te stang stabs ni yan lag gi rnam par 'gyur ba tsham ngam la sogs pa rnam par gzhag pa'i mtshan nyid can te des bdud bzhi las rnam par rgyal ba gang yin pa de la de skad ces bya'o/ /thabs dang shes rab dag ni dam tshig dang phyag rgya chen po'i bdag nyid du bskyed pa ste de'i bdag nyid kyi bde ba chen po'i rdo rje sems dpa' la sogs pa ste de la de skad ces bya'o//yang na 'dir thabs dang shes rab bde ba chen po'i rdo rje zhes bya ba de la de skad ces bshad de des bsgral ba ni ngan song gsum la sogs par lhung ba'i 'gro ba rnams kyi don mdzad pa ste de'i don rol pas bzhad pa'i rang bzhin gang yin pa'o//de'i rnam par bsgyings pa ni rnam par rol pa ting nge 'dzin gang gis yid la byed pa'i don 'di nyid kyi rjes su 'gro ba'i ming gang la yod pa de la de skad ces bya'o/ /de nas snyoms par zhugs pa ni thugs la mngon par mdzad pa ste sgyu 'phrul dra ba'i rgyud ston pa'i rnam pa la thugs rtse gcig tu mdzad ces bya ba'i don to//sgyu 'phrul dra ba'i rgyud kyi rgyal po chen po'i dam tshig dang zhes bya ba la sogs pas ni rgyud kyi bsdus pa'i don gsungs pa yin no/ /de dag nyid ston pa'i rgyud ngas bshad par bya zhes bya ba la sogs pa ste de ni 'di skad du bshad pa'i ting nge 'dzin la snyoms par zhugs nas rgyud kyi rgyal po sgyu 'phrul dra ba de'i dkyil 'khor la sogs pa bshad par bya'o zhes pa'o//de bas na ting nge 'dzin mchog de la snyoms par zhugs la zhes bya ba ni shin tu mnyam par gzhag par gyis la rgyud kyi rgyal po nyon cig ces de skad du gsungs so zhes nye bar sbyar te thams cad du yang dam pa'i chos nyan pa'i tshul yin no//'di skad ston pa yin te/ ji ltar 'og min du yang dag par rdzogs pa'i sangs rgyas mi bskyod pa la sogs pas yongs su bskor te ji skad du bshad pa'i gnas su bab pa 'di ni dang po'i sbyor ba zhes bya ste ting nge 'dzin dang po'o//ye shes kyi lha'i 'khor gyis bskor ba ni dkyil 'khor gyi mchog ces bya ba'i ting nge 'dzin gnyis pa'o/ /las kyi mchog ces bya ba ni ting nge 'dzin gsum pa'o/ /rnam par smin pa las byung ba'i byams pa la sogs pa bstan pa ni rgyud gzhan dag dang rjes su mthun par shes par bya'o//de ltar 'jug pas gzugs dang gzugs med pa la spyod pa rnams kyi don mdzad nas ji skad du gsungs pa'i gnas su ting nge 'dzin gsum gyis dkyil 'khor bskyed cing der mngon sum du 'jug pa la sogs pa skal ba dang ldan pa'i 'dod pa la spyod pa rnams kyang 'jug pa la sogs par bya ba'i phyir bskyed cing de bzhin gshegs pa la sogs pa mthong ba'i skal ba dang ldan pa'i sems can rnams kyi don mdzad pa'i phyir rgyud gsungs pa yin no zhes bya ba ni spyi'i don yin te/de dag thams cad kyang gleng slong bar byed pa'i rgyud kyi sdud pa pos rang bzo spang bar bya ba'i phyir bshad pa yin la gdul bya rnams kyis kyang rtag tu gus pas mnyam pa dang bsam pa la sogs pa bya'o zhes bstan pa yin no/ /de la re zhig ces bya ba ni de'i 'og tu slob dpon dang ldan na 'grub par 'gyur gyi de dang bral bas bsgrub pa ni dngos grub tu mi 'gyur ro zhes pa'o//dang por zhes bya ba ni slob dpon gyi yon tan bshad pa brjod dgos te/ 'di ltar dkyil 'khor la sogs pa gang yon tan dang ldan pa'i slob dpon la bsnyen bkur byas nas dkyil 'khor bris te gsang sngags yongs su gzung bar byas nas ting nge 'dzin dang ye shes kyi man ngag la sogs pa yang mnos te/sgrub pa pos dngos grub bsgrub par bya ba yin pas na tshul 'dis ni le'u'i go rims kyang bstan to/ /ye shes snying po khyod nyon cig /ces bya ba ni phyag na rdo rje la bos pa ste des gsol ba btab pa'i phyir ro//brtan zhing zhes bya ba ni lus bsdams pa'o/ /dul ba zhes bya ba ni ngag bsdams pa'o/ /blo gros ldan zhes bya ba la sogs pa ni yid bsdams pa'o/ /gsang sngags rgyud kyi sbyor ba shes/ /zhes bya ba ni sngags dang sman dag gis bgegs byung ba bzlog par nus pa'o//de nyid bcu ni yongs shes shing / /zhes bya ba ni 'og nas 'byung ba'i de kho na nyid bcu shes pa'o/ /theg pa che la rtag dga' ba/ /zhes bya ba ni theg pa zhes bya ba'i sgra ni rigs pa'i tshul gyi sgrub pa ste/ byang chub sems dpa'i lam 'bras bu dang bcas pa ni theg pa chen po'o//de la dga' ba ni mngon par bzhugs pa'o/ /nyan thos rnams kyi lam 'gro dang / /zhes bya ba ni nyan thos kyi theg pa'i lam gyis 'gro ba ste thabs dang bral ba zhes bya ba'i don to/ /theg pa chen po mi shes dang / /zhes bya ba ni sngags kyi mtshan nyid yang dag par mi shes pa'o/ / khyad par ji lta bu zhe na/ gsang ba de nyid bsdus pa yi/ /zhes bya ba gsungs te don gyi sgrar ni gsang ba shes par bya ste de rnams gang du bsdus pa de la de skad ces bya'o/ /bstan bcos rnams la smod pa min/ /zhes bya ba ni sngags kyi tshul gyi mtshan nyid la rnam par 'tshe ba'o/ /gong du bstan pa'i zhes bya ba la sogs pa ni bstan pa nyid la sogs pa'i mtshan nyid dang ldan pa'i slob dpon sgrub pa pos gzung zhing mnyes par bya ba 'os pa yin no//bla ma sangs rgyas kun dang mnyam/ /zhes bya ba la sogs pa ni slob dpon la nan tan bya ba gsungs pa ste de bzhin gshegs pa la sogs pa'i rigs rnam pa lnga la yang rang gi rigs kyi bdag po bzhin du blta bar bya'o zhes pa ste sangs rgyas kun dang mnyam zhes bya ba la sogs pa'i tshig rkang lnga ni bshad pa'o//skyon rnams kyis ni dngos grub nyams/ /zhes bya ba ni gang gi phyir skyon bzung ba ni dngos grub nyams par 'gyur ro zhes bya ba'i don to//rmi lam du zhes bya ba la sogs pa 'dis ni slob dpon la smod pa shin tu yang kha na ma tho ba che bar bstan te dam pa'i bdag nyid ni brnyas par byed pa dang gdug pa'i bsam pa can dag go/ /dad pa zhes bya ba ni gus pa dang ldan pa rnams kyis so/ /sngags kyi tshul la sogs pa slob dpon dang slob ma'i 'brel pas 'jug pas na 'jug pa ste de ston pa'i gzhung gi le'u la yang 'jug pa'i rim par phye ba'i sgrar brjod do//le'u dang po'i 'grel pa'o// //slob ma dang slob dpon 'brel par gyur na ni dkyil 'khor du 'jug par bya dgos te de bas na de nas zhes bya ba la sogs pa gnyis pa dkyil 'khor gyi le'u gsungs so//de nas zhes bya ba ni de ma thag tu ste bcom ldan 'das kyis rdo rje 'chang la bka' stsal pa zhes bya bar sbyar ro/ /ci zhig mdzad nas she na sgyu 'phrul chen po zhes bya ba la sogs pa gsungs te sgyu 'phrul chen po'i ye shes ni lha rnams sprul pa'i ye shes so//de'i rnam par bsgyings pa ni rnam par 'phrul pa'o/ /gsang ba ni dam tshig gi phyag rgya'i tshul te de dang lhan cig byin gyis brlabs shing bskyed pa'i rim pa'i dkyil 'khor gang yin pa de la de skad ces bya ste/ ji skad du/ b+ha ga la ni ling+ga gzhag /yang dang yang du sngags bzlas shing / /dkyil 'khor dkyil 'khor 'dra bar ni/ /rnal 'byor pa yis rtag tu spro/ /zhes gsungs pas so/ /de kho na nyid kyi gsang ba ste byin gyis brlabs pas de la de skad ces bya'o/ /de nyid ni mchog gi rdo rje ste ye shes dam pa'i gzugs can no//de la dmigs pas na ming de skad ces bya ba'i ting nge 'dzin gang gi yin pa de la snyoms par zhugs pa ni mngon sum du mdzad pa ste/ bcom ldan 'das dkyil 'khor 'dri ba ston pa'i rnam pa la thugs rtse gcig tu mdzad ces bya ba'i don te 'di ni mtshan ma thob nas dkyil 'khor bri bar bya'o zhes ston pa yin no//gong ma'i yang gong ma zhes bya ba ni mchog tu gtso bor gyur pa'o/ /ye shes chen po'i snying po 'bar ba rdo rje'i snying po'i 'byung gnas zhes bya ba ni/ de bzhin gshegs pa'i ye shes 'bar bas snying por byas pa de la de skad ces bya'o/ /de bas na 'di nyid ni bgegs med pa'i phyir rdo rje'i snying po zhes bya'o//de bzhin gshegs pa'i sangs rgyas kyi zhing du sangs rgyas nyid kyi grangs su 'gro bar 'gyur ro zhes bya ba ni sangs rgyas nyid du rgyud 'di nyid kyis grangs su 'gro bar 'gyur ro zhes bya ba'i don to/ /rigs nges pa nyid du 'gyur ba'i phyir ro/ / rdo rje rtse mo'i rgyud las de skad du/ sa rnams thob kyang rgyal ba'i gzhi/ /yid rton par mi 'gyur min te/ /ji srid sangs rgyas la gnas par/ /theg dman 'jigs pa de la yod/ /gsang ba'i 'khor lo chen po 'dir/ /rgyal ba'i sras po rab gnas na/ /theg pa chen po la gzhol bas//yid rton par ni 'gyur ba yin/ /zhes gsungs pa yin no/ /lha nyid kyi stang stabs su 'dug la zhes bya ba ni lha rnams kyi stang stabs su yan lag rnam par bzhag la rnal 'byor chen pos gnas pa gang yin pa de la de skad ces bya'o/ / rdo rje'i 'gros kyis yongs su bskor bar bya'o zhes bya ba ni rkang pa'i 'og tu a bkod pa las byung ba'i sna tshogs rdo rje bsams la de'i tshul du byed cing yongs su bskor bar bya'o/ /khro bo'i nga rgyal hUM sgrogs shing / /zhes bya ba ni khro bo rdo rje hUM mdzad kyi sbyor ba byas nas yi ge hUM brjod pa gang yin pa de la de skad ces bya'o//rdzogs pa'i byang chub rdzogs par bya ba dang zhes bya ba ni rnyed pa don du gnyer bas dkyil 'khor 'dri ba bkag pa'o/ /dengs shig ces bya ba ni song shig pa'o/ /g.yas brkyang ba dang zhes bya ba la sogs pa la/ gang g.yas gshol dbyibs lta bur ni/ /g.yas kyi brla dang pus mo bsrangs//g.yon gyi byin pa brlar sbyar te/ /thad kar 'jog par byed pa dag/ /rgya ru mtho ldar byas pa ni/ /g.yas brkyang bar ni rab tu grags/ /de kho na nyid bzlog pa ni/ /g.yon brkyang bar ni shes par bya/ /rkang pa'i sor mo phyir bstan zhing / /pus mo'i lha nga gnyis brkyang pa//rgyar ni nyi shu rtsa drug sor/ /sa ga'i 'dug stangs yin par brjod/ /gang du pus mo gnyis 'jog pa'i/ /nang du lag gnyis bcug nas ni/ /ngang pa'i gshog pa ltar byas pa/ /zlum po'i 'dug stangs yin par grags/ /rkang mthe ba dang ni rting pa dag / shin tu sbyar bas bcer ba dag /brtan pa mthun pa'i rkang thabs su/ /de nyid shes pa rnams kyis bshad/ /rus sbal gyi rkang thabs ni rdo rje khu tshur gnyis bcings la mthe'u chung gnyis lcags sgrog gi rnam pa ltar bcings te mdzub mo gnyis rtse sbyar nas bzlog ste kha'i mdun du bzhag la rkang pa gnyis rus sbal gyi tshul du sa la 'jog pa'o//la la dag ni rus sbal gyi rkang stabs ni 'og nas bshad pa lta bu'o zhes zer ro/ /rdo rje brdeg pa ni g.yas brkyang ba'am g.yon brkyang ba dag gang yang rung bas gnas la rdo rje brdeg pa nas bsam gtan gyi tshul gyi mthar thug pa'i bar bcing bar bya'o//la la dag ni g.yon dkur brten la g.yas kyis snying gar rdo rje bstod de 'jog pa ni rdo rje brdeg pa'o zhes zer ro/ /rdo rje'i 'jo tshul ni snying ga'i mdun du 'gying ba dang bcas pas rdo rje kun du bskor ba'o/ /rkang pa ya gcig gi stang stabs ni rdo rje hUM mdzad kyi phyag rgya chen po dang ldan pas rkang pa g.yas pa bteg ste brla g.yon pa la bzhag nas rkang pa gcig gis yongs su bskor ba'o//bung ba'i 'phur stabs ni lag pa gnyis kyis gar byas nas pad+ma'i thal mo bcings la sor mo thams cad mthe bo nas rim bzhin bkrol bas phyogs thams cad du rdo rje thal mo byas pas yongs su bskor ba'o//la la dag ni lag pa g.yas pa dang g.yon gnyis kyis rang rang gi rkang pa'i mthe bo bzung ba sngon du 'gro bas rim bzhin du lus g.yas pa dang g.yon du bskor ba'o zhes zer ro/ /seng ge'i stang stabs ni rang gi kha 'og tu bltas te gdangs la lag pa g.yon pa'i mkhrig ma'i steng du lag pa g.yas pa de bzhin du sbyar ba'o//seng ge glal ba ni thams cad ma lus par lta ba sngon du 'gro ba las de nyid lce 'gul ba dang bcas pa'o/ /rdo rje sgrog ni rang gi snying gar rdo rje bcing ba ste/ rdo rje khu tshur gnyis bsdams la/ /mdzub mo bkug ste bcings nas su//bskor ba'i tshul du byas pa ni/ /lha rnams dgug pa'i dam pa'o/ /zhes bshad pa'o/ /rdo rje gsor ba ni rdo rje gsor ba'i phyag rgya bcings nas rdo rje gsor ba ste lag pa rdo rje'i 'og tu bskor la steng du sgeg dang bcas pas gsor ba zhes bya ba'i don to/ / rdo rje'i stang stabs ni 'og nas bshad pa'i rdo rje rtse lnga pa 'phen pa'o/ /la la na re g.yon pa rdo rje khu tshur la mdzub mo bsgreng la sdigs mdzub tu byas nas g.yas pa'i rdo rje khu tshur gyis bzung la bsnun pa'i tshul byas pa yin par 'dod do/ /rdo rje gar ni rdo rje'i khu tshur gnyis kyis ji lta ba bzhin du med du gar byed pa'o//rdo rje 'jigs su rung ba ni 'og nas bshad pa'i rdo rje gnod sbyin gyi phyag rgyas kha gdangs la srin lag sbyar nas mkhur ba mig gi tshul gyis 'jigs pa skyed pa ltar byed pa'o/ /rdo rje ro langs ma ni 'og nas bshad pa'i khro bo gshin rje gshed kyi phyag rgya bcings la ro za ba'i tshul lo//rdo rje thob ni g.yon pa'i rdo rje khu tshur gyis phur bu bzung ste bgegs kyi steng du bzhag la g.yas pa'i rdo rje khu tshur gyis thob ba bzung ste brdung ba'o/ /sgo bzhi byin gyis brlab pa ni rdo rje skyil mo krung dang byang chub mchog gi phyag rgyar ldan pas yongs su bskor zhing shar la sogs pa phyogs bzhir sa gnon la sogs pa'i phyag rgya bcings la stong pa nyid la sogs pa'i rnam par thar pa'i sgo bzhi bsgom pa'o//rdo rje'i gdu bu ni 'og nas bshad pa'i bdud rtsi'i thab sbyor gyi phyag rgyas bgegs gsod pa'i tshul du byed pa'o//bud med kyi sgyu 'phrul gyi stang stabs ni gar sngon du 'gro bas rdo rje sgeg mo'i phyag rgya bcings la mgo bo g.yon du cung zad 'dud par byas pa'o/ /rdo rje dral ba ni lag pa g.yon pa na gnas pa'i khro bo'i rdo rje'i nang na 'dug pa thams cad bsams la lag pa g.yas par gnas pa'i khro bo'i rdo rjes bsnun pa'o//rdo rje stobs po che'i brdeg pa ni 'og nas bshad pa'i stobs po che'i brdeg pas gdug pa rnams skrag par byed pa'o/ /rdo rje mche ba ni 'og nas bshad pa'i 'dod pa'i rgyal po'i phyag rgya dang ldan pas ji lta ba bzhin du gdug pa thams cad za ba'o//rdo rje'i gad mo ni ha ha zhes dgod pa'i tshul gyis yi ge ha bzhi brjod pa'i rjes thogs la stang stabs byed pa'o/ /rdo rje'i sgra ni g.yon pa khro ba'i khu tshur gyi mdzub mo snying gar bsgreng la g.yas pa'i khu tshur gyis g.yas pa'i rna drung du dril bu 'khrol ba'o/ /ral gri'i stabs ni 'og nas bshad pa'i mi g.yo ba'i phyag rgyas bgegs rnams ji lta ba bzhin du gcod pa'o//rdo rje'i stabs ni g.yon pa'i khro bo'i khu tshur las mdzub mo bsgreng la lag pa g.yas pa ba dan gsum par byas pas rdo rje gsor ba'i tshul du byed pa'o/ /'khor lo'i stabs ni 'og nas bshad pa'i 'khor lo 'phang ba'i phyag rgyas 'phen pa'o//gtun shing gi thabs ni rdo rje bcings pas bzung ba'i gtun shing gis bgegs rnams brdung ba'o/ /zhags pa'i thabs ni de bzhin du rdo rje zhags pa'i phyag rgyas gzhug pa'i thabs su byas pa'o/ /pad+ma'i tshul ni 'og nas bshad pa'i pad+ma'i stang stabs kyi tshul du byed pa'o//be con gyi thabs ni de bzhin du dbyig sngon gyi phyag rgyas mdzub mo bsgreng ba'o/ /mi 'jigs pa'i tshul ni don yod par grub pa'i phyag rgya ji lta ba bzhin du bcing ba'o/ /lcags kyu'i thabs ni 'og nas bshad pa'i lcags kyu'i phyag rgyas dgug pa'o/ /gshol gyi thabs ni g.yon pa'i rdo rje khu tshur gyis bzung ba'i gshol gyis sa 'dra la zhing g.yas pas kyang rab tu bzlog pa'o//mdung gi thabs ni rdo rje khu tshur gyis mdung 'phen pa'o/ /gzhu'i thabs ni lag pa g.yon pas gzhu bzung la g.yas pas rna ba'i bar du gzhu rgyud drangs nas 'jog par byed pa'o//mda' gzung ba'i thabs ni g.yon pa'i rdo rje khu tshur gyis gzhu bzung ba ji lta ba bzhin du gar byed pa sngon du 'gro bas lte bar gan rkyal du bzhag la/ g.yas pa'i mthe bo dang mdzub mo gnyis kyi bar du mda' gsor bar byed pa'o/ /mda' 'phang ba'i thabs ni de bzhin du mda' 'phen par byed pa'o//thag mdung bskor ba'i thabs ni g.yon pa'i khu tshur gyi mdzub mo bsgreng la g.yas pa'i khu tshur gyis thag mdung yongs su bskor ba'o/ /mchog sbyin pa'i tshul ni 'og nas bshad pa'i rin chen 'byung ldan gyi phyag rgya bcing ba'o/ /mdung thung gi thabs ni g.yon pa rdo rje khu tshur las snying gar mdzub mo bsgreng la lag pa g.yas pas gsor ba sngon du 'gro bas mdung thung rab tu 'phen pa'i tshul lo//mtshon rtse gcig pa'i thabs ni de bzhin du mtshon rtse gcig 'phen pa'i tshul du byed pa'o/ /phyag 'tshal ba'i tshul ni stod par byed pa'i tshul gyis lag pa thal mo sbyar nas snying gar 'jog pa'o//rdo rje'i 'dug stangs kyi tshul ni 'og nas bshad pa'i mi bskyod pa'i phyag rgya bcing ba'o/ /bsam gtan gyi tshul ni 'og nas bshad pa'i 'od dpag med pa'i phyag rgya bcing ba ste rus sbal gyi rkang stabs nas bsam gtan gyi tshul gyi mthar thug pa la g.yas brgyad pa dang g.yon brkyang ba dag bcing bar bya'o zhes gzhan dag 'dod do//rdo rje'i skyil mo krung ni g.yas pa'i byin pa dang brla'i bar du rkang pa g.yon pa ji lta ba bzhin du bcug ste/ de'i steng du rkang pa g.yas pa bzhag pa'o//pad+ma'i 'dug stangs ni de bzhin du rkang pa g.yon pa phab ste 'og tu 'jog pa'o/ /sems dpa'i skyil mo krung ni de bzhin du cung zad tsam gyis rkang pa g.yas pa brla g.yon pa'i steng du gzhag pa'o/ /dpa' bo'i 'dug stangs ni rkang pa g.yon pas skyil mo krung phyed du bcas la/de'i drung du rkang pa g.yas pa drang por gzhag pa'o/ /bzang po'i 'dug stangs ni rkang pa gnyis ka stan gyi steng nas drang por thur du brkyang nas 'jog pa'o/ /tsog pu'i 'dug stangs ni rkang pa gnyis kyi bar mtho gang gis mchod pa stan gyi steng du bzhag pa tsog tsog por 'dug pa'o//rol pa'i stang stabs ni rkang pa g.yas pa sems dpa'i skyil mo krung du byas la g.yon pa 'og tu 'gying bag tu brkyang ba'o/ /mdun du bsnun pa dang phyir 'gyel ba ni rdo rje khu tshur gnyis mdun dang rgyab tu bltas la de nyid kyis mdun du phyogs pa dang phyir blta ba'o/ /rdo rje skyil mo krung la sogs pa stang stabs dgu bcing ba'i dus su ni ji lta ba bzhin du rdo rje brdeg pa bya'o//mthun pa'i rkang stabs kyis gnas pas 'dug la thal mo spyi bor sbyar te gnas nas shar phyogs su kha bltas te/ de bzhin gshegs pa rnams la sri zhu dang bcas shing rnam par rol pa'i gar gyi mchog rdo rje'i stang stabs dang sbyar bas sngags pas phyag byas nas snga ma'i thal mo snying gar phab ste pad+ma'i sbyor bas phyogs thams cad du bskor nas khu tshur bcings la phyag 'tshal ba dang bcas pa'i rdo rje ldang ba'i phyag rgya bcing bar byas nas khro bo'i nga rgyal dang ldan pas sngags zlos shing stang stabs re re zhing gar sngon du 'gro bas ji skad du bshad pa'i stang stabs bcings te/de las byung ba'i rdo rje hUM mdzad la sogs pa'i khro bo rnams kyis bgegs rnams gzhom pa la sogs pa dang por byas nas sa gzhi rdo rje'i rang bzhin du byin gyis brlabs la snga ma bzhin du gar byas te/ rked pa g.yon pa ji lta ba bzhin bzur la stang stabs rnams bsdu bar bya'o/ /phur bus gnas lngar bcing ba dang / /zhes bya ba ni dkyil 'khor gyi dbus su dang shar lho la sogs pa'i mtshams bzhir ro/ /dra ba dang ra bas mtshams bcing ba dang zhes bya ba ni dkyil 'khor mngon par 'dod pa'i sa'i cha kun nas rdo rje rab tu 'bar bas bar mtshams med par khyab par bdag gir byas pa'i tshul lo//phyogs bcing ba zhes bya ba ni snga ma bzhin du phyogs bcur khyab cing sa'i cha rnams bdag gir bya ba ster ba'i rtsa ba'i rdo rje rnam par byas pa ni dkyil 'khor bcing ba yang yin par shes par bya'o//bsgoms te zhes bya ba ni bsams pa'o/ /gtan la dbab par bya'o zhes bya ba ni de ltar 'di nyid du sems bskyed pa'o/ /rang gi ming nas smos te zhes bya ba ni rang gi rdo rje'i ming gi yi ge hUM dang spel ba'i sgra ni 'dir dkyil 'khor gyi stang stabs kyi dus su sngags yin la gsang sngags 'di nyid ni 'khor lo thams cad kyi bla na med par 'gyur bar grags pa'o//'khor lo zhes bya ba ni 'khor lo la gnas pa'i lha ma lus pa rnams la dkyil 'khor gyi lha rnams kyi bzhugs gnas su gyur pa'o/ /'khor lo ni rang gi gnas yin par shes par bya'o//mtha' kun du yang zhes bya ba ni mtha' thog thag tu'o/ /mtshams nas smos te zhes bya ba ni sngags gdon pas so/ /spyan drangs te zhes bya ba la sogs pa ni dkyil 'khor gyi lha rnams spyan drangs la ji lta ba bzhin du rgyas btab ste mchod pa la sogs pa bya'o/ /de nas zhes bya ba la sogs pa ni slob ma lhag par gnas par byas la chos kyang bstan par bya zhes 'og ma dang sbyar ro//ji ltar sta gon du gnas par bya zhe na spos chus zhes bya ba la sogs pa gsungs te/ spos chus bsangs te lag pa g.yas pas spyi bo dang snying gar gtug pa byas nas snying gar rdo rje rtse lnga pa 'bar ba dang /spyi bor thams cad byed pa sna tshogs rdo rje bsams nas dpung ba g.yon pa srung skud kyis bcing bar byas la/ lag pa g.yas par so shing dang ku sha ji lta ba bzhin du byin te 'dug pa la gsum la skyabs su 'gro ba la sogs pa 'dzin du gzhug go/ /sangs rgyas byang chub yid kyis gzung //zhes bstan pa 'dis ni byang chub tu sems bskyed pa yin la des na bdag dbul bar byas pa yin pas logs shig tu ma gsungs par shes par bya ste/ gang gis byang chub tu sems bskyed pa des ni thams cad yongs su btang ba yin no zhes gsungs pa'i phyir ro//ci nus kyis zhes bya ba la sogs pa ni lam mchog 'di ni zhes bya ba la sogs pa zab cing rgya che ba'i chos bzang po ci nus pa dang ci 'dod pa bshad par bya'o/ /sngar bstan pa'i bya bas slar gshegs su gsol zhes bya ba ni rtsa ba'i rgyud las bstan pa'i slar yang gshegs su gsol ba'i sbyor bas slar gshegs su gsol lo zhes bya ba'i don to//slar gshegs su gsol ba 'di ni bsnyen pa'i zhag dang dkyil 'khor nye bar sdud pa'i dus su yang bya'o/ /mchod pa la sogs pa ni mchod pa'i cho ga 'og nas bshad pa'i mtshan nyid dang ldan pas bya zhing rjes su mnyes pa legs par bya'o//'di la don la la ni 'di nyid nas dngos su gsal bar bstan la/ la la ni don gyi dbang gis gzhan las 'byung ba dang sbyar ba'i don 'ga' zhig kyang yod de man ngag ji ltar bstan pa bzhin du gzhung bsrangs te cho ga thams cad kyis dkyil 'khor bri ba la sbyar bar bya'o/ / des na rgyud la ma tshang ba dang lhag pa yod du zin kyang som nyi mi bya ste don gyi dbang gis ci rigs par sbyar bar bya'o/ /'di'i dkyil 'khor gyi cho ga rgyas pa ni logs na yod pas skabs 'dir tshig gi don nyid tsam las ma bris so/ /dkyil 'khor gyi sa gzhir glo g.yas pas nyal te zhes bya ba ni dkyil 'khor gyi sa'i mthar slob ma'i mchog la sogs pa dang lhan cig tu mnyam par gzhag pa dang ldan pa'i yid kyis nyal bar bya'o//rmi lam zhes bya ba la sogs pa la/ rmi lam sangs rgyas mthong ba ni/ /yon tan rgya mtsho mngon sum bzhin/ /mchod rten dang ni sku gzugs dang //de la mchod pa rtsom pa dang / /zhes bya ba la sogs pa ni rmi lam bzang po'o/ /de las bzlog pa ni rmi lam ngan pa ste de mthong ba ni de la zhi bar byed pa shes par bya'o/ /nyi ma gnyis pa zhes bya ba ni sta gon la gnas pa'i zhag la ltos pa ste sa yongs su gzung ba las ltos na ni/nub gsum pa ni 'jug pa yin/ /zhes gsungs pa yin no/ /tshon dang thig la sangs rgyas lnga'i/ /zhes bya ba la sogs pa la rnam par snang mdzad la sogs pa'i de bzhin gshegs pa lngar sngags dang phyag rgyas bsgom zhing lhag pa'i bsam pas sprul nas bskyed pa'i tshon dang thig gi bya ba'o//'di ni chos dbyings dag pa ste/ /zhes bya ba la sogs pa la lhag par mos pa'i tshul 'di ni tshon ser po'i yin te lhag pa rnams la yang rim pa 'dis rang dang rjes su mthun pa lhag par mos par bya bar shes par bya'o/ /kun du zhes bya ba ni dbang ldan gyi phyogs nas brtsams te g.yas su bskor ba'i rim gyis so//dang po sa gzhi zhes bya ba la sogs pa ni grub pa mdor bsdus pa'i dbang bskur ba'i dkyil 'khor la nges pa 'di yin par bstan gyi thams cad kyi ni ma yin te/ gzhan dag nas zla ba nya nas phyi ma'i zla ba'i nya'i bar du bya'o zhes bya ba la sogs pa dkyil 'khor gyi las rgya cher ston pa'i phyir ro//yang na/ khru lnga 'am khru do ba/ /khru gang ba yi zhes bya ba ni khru lnga la sogs pa'i tshad du byas pa'i dkyil 'khor la de skad ces gsungs pa ni phyogs tsam ste grangs med pa'i grangs la 'jug par bya'o zhes gsungs pa yin no//bar du'o zhes bya ba ni brgyad cu dang lnga bcu la sogs pa yongs su gzung ngo / /gru bzhi pa la zhes bya ba la phyogs bzhi'i thig gis mnyam par byas pa'o/ /rdo rje'i shugs kyis zhes bya ba la sogs pa la oM badzra be+e ga kra ma hUM zhes bya ba brjod pa ste/ 'jug pa 'am ni 'byung ba na//srad bu yid kyis bteg pa ni/ /rdo rje shugs zhes grags pa ste/ /de nas ri mo bgom par bya/ /zhes gsungs pa'i lha'i nga rgyal gyi rol pas bya ba'o/ /grwa rnams su ni zhes bya ba ni phyi'i dkyil 'khor gyi mtshams su'o/ /sgo'i nang logs zhes bya ba ni sgo khyud kyi mtshams rnams su'o//dkar pos bya zhes bya ba la sogs pa la 'di skad ces gsungs mod kyi 'on kyang tshon gyi rim pa ni ser po dang dkar po dang sngon po'am sngon po dang dkar po dang ser po yin no/ /de nas zhes bya ba la sogs pa la rtsa ba'i dkyil 'khor gyi phyed du'o/ /de la mngon du phyogs par khru dos chod par dbang bskur ba'i dkyil 'khor tshon dkar po gcig pu'am tshon sna lngas bris te de'i dbus su dkar po'am tshon sna lngas de'i phyed kyi tshad las pad+ma 'dab ma brgyad pa bya'o//rin chen zhes bya ba la sogs pa la rin po che ni byi ru dang / gser dang dngul dang mu tig dang nor bur grags pa'o//sman ni br-i ha ti dang / kaN+Da ka ri dang / sa ha dang / daN+Da ut+pal dang / shre ha a par dzi ta zhes bya'o/ /'bru ni 'bras dang nas gro dang til dang ma sha'o/ /spos chu ni tsan+dan dkar po la sogs pa dang ldan pa'i chu ste de spos kyis yongs su bdugs pa'o/ /las kun byed pas zhes bya ba ni las thams cad byed pa bdud rtsi thab sbyor gyi gsang sngags bzlas pa la de skad ces bya'o//sems can kun la bsang gtor bya/ /zhes bya ba ni sems can thams cad la bsang gtor bya ba'i phyir gzhag pa yin par shes par bya'o/ /ji ltar bsang gtor bya zhe na/ yang na ku sha'i chun pos bya//zhes gsungs te ku sha'i chun po'am a mra'i 'dab ma la sogs pas bya/ lha bshos zhes bya ba ni dkyil 'khor gyi'o/ /gtor ma phul la zhes bya ba ni 'dir gtor ma ni phyogs kyi gtor ma bstan pa yin no/ /spyan drang bar bya'o zhes bya ba ni rdo rje bsdu ba'i phyag rgya dang sngags dag gis de bzhin gshegs pa thams cad la sogs pa bsdu bar byed pa'o//gsal bar byas te zhes bya ba ni rdo rje gnod sbyin nam bdud rtsi thab sbyor gyis so/ /gzhug pa dang zhes bya ba ni rdo rje zhags pas so/ /bsdams pa dang dbang du byas te zhes bya ba ni lcags sgrog dang 'bebs pa dag gis so/ /phur bu dang zhes bya ba la sogs pa la sngar bshad pa'i gsang sngags phyag rgya dang bcas pas ci rigs par phur bu la sogs pa bya'o//rol mo'i khyad par dpag tu med pa rnams kyis kyang zhes bya ba ni rol mo'i rnam pa 'di lta ste gling bu dang pi wang dang rdza rnga dang mu kuN+Da dang cha lang dang / rnga bo che dang rdza rnga chen po dang /rnga rings dang kun dza ta dang ti mi la la sogs pa rol mo'i sil snyan bcu po stong phrag gis so/ /bstod par bya'o zhes bya ba ni mchod pa'o/ /bzod par gsol te zhes bya ba la sogs pa la ma tshang ba dang lhag pa nye bar gzung ba'i phyir 'di yo byad ma tshang ba dang nyams pa las byung ba gang dag yod pa de dag thams cad bzod par mdzod cig ces brjod la/dngos grub thams cad kyi phyir/ chos kyi dbyings kyi byin rlabs dang / /zhes bya ba la sogs pas gsol ba gdab po/ /slob ma zhes bya ba ni ji skad du bstan pa'i dkyil 'khor bri bar ro/ /ci zhig byas nas gzhug par bya zhe na snying po 'di dang phyag rgyas zhes bya ba la sogs pa gsungs te snying ga dang dpung mgo gnyis dang lkog ma dang spyi bor dzi na dzikaces bya ba la sogs pa'i snying po gsum dgod cing sku rdo rje la sogs pa'i phyag rgyas bsrungs la rdo rje srung ba'i sngags dang phyag rgyas go bgo bar byas la gzhug par bya'o//dor bar bya ste zhes pa ni 'phang ba'o/ /gdong g.yogs dgrol zhes bya ba ni 'di skad ces brjod do zhes tshig 'og ma dang sbyar ro/ /dngos grub thams cad ces bya ba la sogs pa la dngos grub thams cad kyi phun sum tshogs pa ni 'da' bar mi bya ba'i ngo bo nyid du 'gyur ba'o/ /ba sh+ya badzra zhes bya ba ni de skad ces brjod par bya'o zhes shes par bya'o//de nas dbang bskur ba sbyin par bya'o/ /rig pa'i dbang bskur ba'o/ /dri dang me tog ces bya ba la sogs pas dbang bskur ro zhes 'og nas bshad pa dang sbyar ro/ /steng du bla re bre bar bya/ /zhes bya ba ni slob ma'i zhes bya bar sbyar ro/ / gang dag ce na gdugs dang rgya pa mtshan la sogs pa ste bkra shis par 'gyur ba de dag gis bklubs shing nye bar brgyan par bya'o/ /rnam rgyal bum pa yis zhes bya ba ni dkyil 'khor gyi bdag po'i bum pas so/ /lha mo bzhi rnams dang zhes bya ba ni re re zhing ting nge 'dzin gyi bdag po dang lha mo gsum gsum yongs su bzlas pa'i bum pa bzhis so//lha rnams kun gyi bzhi po yis/ /zhes bya ba ni re re zhing gshin rje gshed la sogs pa khro bo gnyis gnyis yongs su bzlas pa'i bum pa bzhi rnams kyis so/ /'di ni bum pa'i grangs nges pa yin te/ 'byor na ni dkyil 'khor gyi lha rnams re re'i dang bum pa gang ba byas te/bum pa gang bas ni mchod par bya'o zhes gsungs pa'i phyir ro/ /'di skad ston pa yin te/ dang po rnam par snang mdzad kyi sngags kyis so/ /de nas mi bskyod pa dang spyan ma dang rdo rje sems ma dang skul byed ma dang mi g.yo ma dang gshin rje gshed la sogs pa'i gsang sngags bzhis dbang bskur bar bya'o//phyir mi ldog pa'i dbang ni slob dpon dag rgyud gzhan gyi rjes su 'brangs nas ji skad du bshad pa las gzhan 'chad de/ yi ge'i don dang man ngag las shes par bya'o/ /'dis ni slob dpon gyi dbang bskur ba bstan pa yin no//til gyi gang bu zhes bya ba la sogs pas ni rjes su gnang ba'i dbang bskur ba gsungs pa yin te/ de nyid la ni dbang bskur ba/ /zhes bya ba la sogs pa la rtag pa kho nar bdag nyid dbang bskur ba ster ba de'i tshe ji skad du gsungs pa'i rgyal ba 'di rnams kyis dbang bskur ba stsol bar mdzad do zhes de lta bu'i ngo bo nyid dkyil 'khor gyi de kho na nyid shes pas bsam par bya'o//chos kyi mtshan nyid bstan par bya/ /zhes bya ba ni/ chos rnams gzugs brnyan lta bu ste/ /zhes bya ba la sogs pa'o/ /mi shes rab rib la sogs pa/ /zhes bya ba la sogs pa'i sgra ni mi dge ba'i bag chags la sogs pa yongs su gzung ngo //gzugs brnyan phyag rgya bstan par bya/ /zhes bya ba'i thur ma la sogs pa ston pa'i lag pa'i phyag rgya bcings la bstan no zhes bya ba'i don to/ /rus pa la bab kyang zhes bya ba ni gshis 'jigs par gyur pas kyang ngo / /lus kyang zhes bya ba lus kyang zhes bya ba'i sgra ni lus la yang mi blta ba'o//'di skad ston te lus byin pas kyang slob mas bla ma 'di ci nas mgu ba de ltar bya'o zhes pa'o/ /bslang ste zhes bya ba ni bslang la rjes su gnang ba de nyid bstan pa'o/ /cho ga mthong bas zhes bya ba ni 'og nas gnas bshad pa'i cho gas so//de bzhin du bsgom pa'i rim pa'i tshul zhes bya ba ni de kho na nyid dang gsang ba'i dbye bas zhi ba dang rgyas pa'i rim gyis dkyil 'khor gyi lha rnams legs par mchod la ji skad du bshad pa bzhin gshegs su gsol lo zhes bya bar sbyar ro/ /sprul pa ni rang gi snying gar nye bar bsdu bar shes par bya'o//tshon rtsi bsdu ba zhes bya ba la sogs pa ni go sla'o/ /dkyil 'khor bri ba'i cho ga ston pa'i gzhung gi le'u la dkyil 'khor rim par phye ba zhes bya ba'i sgrar brjod do/ /le'u gnyis pa'i 'grel pa'o// //dkyil 'khor du zhugs pas ni sngags yongs su gzung bar bya dgos pas de nas zhes bya ba la sogs pas le'u gsum pa gsungs te/bcom ldan 'das kyis bka' stsal pa zhes nye bar mtshon pa'i tshig gi 'og ma dang sbyar ro/ /ci zhig mdzad nas she na gsang sngags kyi zhes bya ba la sogs pa gsungs pa ste gsang sngags nyid ni 'khor lo ste/yang dang yang du bzlas pas na 'khor lo bzhin du 'khor ba'am/ 'khor lo bskyed pa'i phyir 'khor lo'o/ /de rnams bskor ba ni gsungs pa ste/ de'i don gyi rdo rje'i ye shes la dmigs pa'i ting nge 'dzin gang yin pa de la de skad ces bya'o/ /de la snyoms par zhugs pa ni mngon sum du mdzad pa ste/sngags ston pa'i rnam par thugs rtse gcig tu mdzad ces bya ba ni don to/ /gsang sngags kyi snying po'i yi ge rnams zhes bya ba ni 'dir bshad kyis zhes nye bar sbyar te/ bcom ldan 'das ni rtag tu mnyam par gzhag pa yin du zin kyang ting nge 'dzin la dmigs pa sngon du 'gro bas sngags ston par mdzad pa 'dis ni 'di skad ston te/rnal 'byor pas kyang chos bdag med pa bsgom pa dang rjes su 'brel ba'i rang gi lha la dmigs pa sngon du 'gro bas sngags ston par mdzad pa 'dis ni 'di'o/ /rnam par snang mdzad do zhes bya ba 'dis ni gsang sngags dang rig pa'i skyes bu gnyis tha mi dad par gsungs pa yin te/gzhan du rnam par snang mdzad las gzhan pa'o zhes tha dad par ston par 'gyur ro/ /de yang 'di nyid nas spyan la sogs pa'i gsang sngags gsungs pa'i 'og tu/ de nas 'di ni gsungs tsam gyis/ /zhes bya ba la sogs pa bshad do/de bas na 'di gnyis ni tha mi dad pa yin no/ /kun du bzang po'o zhes gsungs pa 'di ni byams pa la sogs pa la ma gtogs par bshad pa yin pas/ byams pa la sogs pa byang chub sems dpa' bcu drug le'u gnyis par bstan pa gang yin pa de ni nye bar mtshon pa tsam du zad do//de bas na 'dir nor bzangs dag kyang dgod par bya ste/ des na ci rigs par bzhis ma tshang ba'i byang chub sems dpa' stong bri ba'am bsgom mo zhes pa 'dir rig pa kho na yin no/ /'dir ma bshad pa'i byang chub sems dpa' rnams kyi spyi'i sngags ni/ oM sarba saM skA ra pa ri shud+haHd+harmA te ma hA ya na pa ri bA re swA hA/zhes bya ba'o/ /sngags kyi rjes su 'brangs nas gshin rje gshed la sogs pa'i khro bo bzhis gshin rje dang / khyab 'jug dang / tshangs pa dang / log 'dren chung ma dang bcas pa gnon par shes par bya'o/ /'di dag ni dkyil 'khor du dgod pa'i gsang sngags kyi yi ge rnams te zhes bya ba na dkyil 'khor du lha rnams dgod pa la ji skad du bshad pa'i gsang sngags kyi yi ge rnams yang dag par sbyar bar bya'o zhes bya ba ni tshig gi lhag ma'o//dkyil 'khor du zhes bya ba'i nye bar mtshon pa las ni lha'i rnal 'byor la sogs pa yang shes par bya'o//de dag la zhes bya ba la sogs pa ni bshad ma thag pa'i gsang sngags kyi tshogs de dag go/ /brten nas zhes bya ba ni mtshan gzhir byas nas 'di nyid kyi 'khor gyi don du rigs dang rtog pa la sogs pa'i bye brag gis gsang sngags bye ba phrag du ma gsungs pa yin no//gzhan dag ni de la brten shing thob nas ngas gsang sngags bye ba phrag du ma gsungs so zhes bcom ldan 'das kyis bka' stsal pa yin gyi 'di ni gsang sngags kyi tshogs ma yin te chos rnams kyi chos nyid ni gnas pa ste/ 'di lta ste sngags kyi chos nyid kyang de ni mi rigs te sngags gsungs pa nyid ma yin gyi snga ma kho na rigs par shes so//gtan tshigs dang yang mi 'gal te don dam par stong pa nyid du yang med pa yin no/ /ting nge 'dzin gyi bye brag las byung ba zhes bya ba ni ting nge 'dzin phul du byung ba dang rig pa'i skyes bur ldan pas so/ /lcags kyus zhes bya ba la sogs pa ni rdo rje lcags kyu la sogs pa'i phyag rgya ni 'di nyid nas 'byung bas ma bris so//de dag la sogs pa ni spyan drang ba'i sbyor ba'o zhes bya ba ni rdo rje bsdu ba la sogs pa'i sbyor ba'o/ /de dag sngags de rnams kyi go rims ni rnam par snang mdzad kyi ngo bo nyid chos kyi dbyings kyi ye shes ni thun mong gi mtshan nyid de/de las me long lta bu la sogs pa'i ye shes bzhi byung ngo / /de bas na ye shes de'i bdag nyid mi bskyod pa la sogs pa bzhir bstan to/ /de lta na yang de sgom par byed pa'i rnal 'byor pa'i rgyud la/ ji srid du kun du 'gro ba'i stong pa nyid kyi mtshan nyid can byang chub sems dpa'i sa dang po mngon du byas nas/chos kyi dbyings las brtsams nas ji srid kyi bar gyi mthar thug pa las 'jug pa'i dga' ba nye bar mi 'byung ba de srid kyi bar du skye bar mi 'gyur ro/ /de bas na ye shes bzhi thob pa'i rgyur gyur pas dga' ba bzhi'i bdag nyid can ni spyan la sogs pa bzhi'o//de yang ji srid du byang chub kyi pha rol tu phyin pa la sogs pa bzhi yongs su dag par mi 'gyur ba de srid du 'byung bar mi 'gyur ro/ /de bas na byang chub kyi pha rol tu phyin pa la sogs pa'i bdag nyid can ni rdo rje sems ma la sogs pa bzhi yin no/ /de yang pha rol tu phyin pa bzhi dang bral bas ni 'byung bar mi 'gyur ro//de bas na sbyin pa la sogs pa pha rol tu phyin pa'i bdag nyid can ni skul byed ma la sogs pa bzhi'o/ /de yang yang dag par spong ba dang / rdzu 'phrul gyi rkang pa dang / dbang po dang stobs kyi bdag nyid can nges par 'byed pa'i cha bzhi dang bral bas ni 'byung bar mi 'gyur ro//de bas na nges par 'byed pa'i cha bzhi'i bdag nyid can ni gshin rje'i gshed la sogs pa bzhi'o/ /de yang lus dang tshor ba dang sems dang / chos dran pa nye bar gzhag pa med na 'byung bar mi 'gyur ro/ /de bas na de'i bdag nyid can mi g.yo ba la sogs pa bzhi bstan to//go rims ji skad du bshad pa'i nang du byams pa la sogs pa ni mi gtogs te rnam par smin pa las byung ba'i sems dpa' yin pa'i phyir ro/ /sngags rab tu ston pa'i gzhung gi le'u la ni gsang sngags rim par phye ba zhes bya ba'i sgrar brjod do/ /rim par phye ba gsum pa'i 'grel pa'o// //sngags yongs su bzung bas na ting nge 'dzin yongs su shes par bya dgos pas de nas zhes bya ba la sogs pa le'u bzhi pa gsungs te/ bcom ldan 'das kyis 'di skad ces bka' stsal to zhes bya bar sbyar ro/ /ci zhig mdzad nas she na ye shes chen po'i zhes bya ba la sogs pa gsungs te/ye shes chen po ni chos kyi dbyings la sogs pa ye shes rnam pa lnga'o/ /de yi stobs ni nus pa ste thogs pa med pa'o/ /de'i rnam par 'phrul pa ni sangs rgyas la sogs pa'i sprul pas rnam par spyod pa'o/ /de nyid rdo rje ste 'bras bu lan pa'i phyir don yod pa'i nus pa can yin la de la dmigs pa'i ting nge 'dzin gang yin pa de la yang de skad ces bya'o//de la snyoms par zhugs pa ni mngon sum du mdzad pa ste/ ting nge 'dzin ston pa'i rnam par thugs rtse gcig tu mdzad de zhes bya ba'i don to/ /ting nge 'dzin la dmigs pas ni 'di skad ston pa yin te dngos grub kyi phyir lha'i gzugs bsgom pa ni rdo rje phra mo bsgom pa'i sems brtan par byas nas bsgom par bya'o zhes pa'o//gzugs brnyan zhes bya ba la sogs pa la gzugs brnyan bskyed pa'i phyir ras dang rtsig pa dang / /shing leb la sogs pa la sangs rgyas la sogs pa'i bar khong du chud par bya'o zhes bya ba ni tshig gi lhag ma'o//'di ni gnyis su sbyor ba yin te sems yongs su dag pa'i dbang du mdzad pa'i dmigs pa bstan pa'o/ /rgyud yongs su dag pa ni gnyis su sbyor ba la mngon par zhen par mi byed de ji skad du/rnal 'byor yang dag ma yin sems/ /lha la dmigs par byed pa dag/ /rnal 'byor gzugs brnyan rang bzhin te/ /lugs ma la sogs rnal 'byor skye/ /yang dag mchog sems rnal 'byor pa/ /lha la dmigs par byed pa dag /rang gi dam tshig bdag sbyor bas//mi 'gyur dam pa 'grub par 'gyur/ /zhes gsungs pas so/ /gsang sngags 'chang rnams kyi zhes bya ba ni sngags pa rnams kyi'o/ /ting nge 'dzin gsang chen zhes bya ba ni rigs dang dam tshig dang phyag rgya mchog dang lhan cig sbyor ba'o/ /rnal 'byor dag pa 'di ni gtso bo'i dbang du mdzad pa bstan pa yin pas 'di skad gsungs pa yin te/ting nge 'dzin la sogs pa bstan pas gnas skabs ji lta ba bzhin du de kho na nyid dang gsang sngags dang gsang chen gyi rnal 'byor du 'gyur ro/ /'dis ni 'di skad ston pa yin te/ mos pa ji lta bas rnal 'byor gsum las gang yang rung ba bsgoms nas mngon par 'dod pa'i dngos grub kyi skal ba can du 'gyur ro//don 'di nyid gzhan dag las kyang rigs kyi bu sems 'di ni rang bzhin gyis 'od gsal ba ste/ 'di lta ste ji ltar sems yongs su sbyangs pa de lta de ltar 'gyur ro zhes gsungs pa yin no//oM gyi ye shes las bsgrub pa/ /zhes bya ba ni ye shes ni chos kyi dbyings kyi mtshan nyid do/ /de nyid yi ge oM yin pas na oM gyi ye shes te des bsgrubs pa'i rdo rje bsgom par bya'o zhes bya bar sbyar ro/ /rdzogs pa'i go rims kyang byang chub kyi sems kyi le'u'i rim pas so//shes rab ye shes rab rgyas pa/ /zhes bya ba ni chos bdag med pa'i ye shes kyis blo rgyas par byas pa'o/ /zhal gsum gyis ni zhes bya ba ni 'dod chags dang zhe sdang dang gti mug rnam par dag par ston par byed pas rnam par thar pa'i sgo gsum gyi ngo bo ste kha dog ni gcig pa'o//la la ni man ngag las zhal gsum gyi mdog ni 'dus pa ltar gsum du bya'o zhes zer ro/ /spyan gsum ni zhal dang po 'am re re zhing gsum ste thams cad du yang de bzhin no/ /dang po bsam gtan phyag rgya can/ /zhes bya ba ni phyag rgya dang po'i g.yas dang g.yon ni ting nge 'dzin gyi phyag rgyar byas pa'o//bgrang phreng ldan zhes bya ba ni sngags kyi nor bu dang bcas pa'o/ /nu ma 'dzin zhes bya ba ni nu ma bzung ba ste/ lha mo yang phyag gnyis pa sku mdog ser mo lag pa gnyis kyis bcom ldan 'das la 'khyud par byed pa ste/ gshin rje gshed kyi lha mo gnyis phyag gnyis mnga' bar bshad pa 'dis nye bar mtshon pa yin pa'i phyir ro//la la na re rang gi bdag po dang 'dra bar thams cad bsam mo zhes zer te 'dis ni gsang ba'i rnal 'byor bshad do/ /mchod pa'i dus su ni nu ma 'dzin pa med par bya'o/ /'jigs shing skrag mdzad pa zhes bya ba ni 'dir de nas zhes nye bar mtshon pa'i tshig gi bsgom par gyis zhes bya ba 'di dang sbyar ro//de bzhin du rigs las kyang 'di nyid kyi 'og nas ston to/ /sprin zhes bya ba ni tshad med pa'o/ /yang dag 'byung zhing legs 'khyud pa/ /zhes bya ba ni gal te rnyed na gzhan dang mi 'gro ba nyid la sogs pa'i mtshan nyid dang ldan pa'i rig ma bzhi la mngon par sbyor bar byas la des ji lta ba bzhin du mchod par byed pa ni rnal 'byor pa des de bzhin gshegs pa thams cad rang gi dam tshig gis 'khyud pa'i sku spro bar bsgom par bya ste/'dis ni gsang ba'i rnal 'byor bshad pa yin no//nang gi gsang sngags bzlas brjod cing / /zhes bya ba ni nang gi bzlas pas so/ /de nyid spyod yul ba zhes bya ba ni rang gi lha'i rnal 'byor gyi yul te 'dis ni de kho na nyid kyi rnal 'byor gsungs pa yin no/ /rnal 'byor 'di la ni nu ma 'dzin pa med pas sdigs mdzub la sogs pa ci rigs par gzung ngo //'dir yang 'am gyi sgras ni phyogs gzhan ston par byed pa yin par shes par bya ste/ sgom pa po gcig gis gsum char bya bar mi rigs pas sgrub pa po gcig gis de kho na nyid dang / gsang ba dang gsang ba chen po rnams rim bzhin du bsgom par bya'o zhes shes par bya ba'i phyir ting nge 'dzin gsum nye bar bkod de/ting nge 'dzin 'di'i rim pa ni 'og nas bshad pa'i ting nge 'dzin rnams la yang 'di bzhin shes par bya ste/ la lar de kho na nyid la sogs par ston pa'i phyir ro/ /de yang nye bar mtshon pa ni ting nge 'dzin thams cad kyi zhes bya ba la sogs pa smos pa yin te/ting nge 'dzin thams cad kyi zhes pa lha thams cad la dmigs pa'i bdag nyid can gyi stobs te thogs pa med pa'i nus pa rdzogs par byed pa'i ye shes ni chos kyi dbyings shes par bya ba ste/ de 'gengs shing rdzogs par byed pa'i bcom ldan 'das ni de'i ngo bos rnal 'byor pa'i sems la skyed par mdzad pa rnam par snang mdzad gang yin pa de la de skad bya ste/de nyid la dmigs pa'i don 'dis 'gro ba'i don byed pa'i phyir ting nge 'dzin bstan to/ /rdo rje sems dpa' la sogs pa bshad par sku gsung thugs kyi rim pa dang rjes su mthun par 'jig rten dbang phyug gi ting nge 'dzin gsungs te/oM zhes bya ba ni so sor rtog pa'i ye shes nyid yi ge a zhes bya bar shes par bya ste/ thams cad du yang ye shes ji lta ba nyid gsang sngags kyi yi ge yin no zhes bya ba'i tshul gyis so/ /tshig gi lam zhes bya ba ni lung gi chos ma lus pa'i ngo bo nyid du//dbu rgyan thams cad mkhyen pas byas/ /zhes bya ba la thams cad mkhyen pa ni 'od dpag tu med pa ste/ des dbu rgyan byas pa ni gtso bo'i rin po che'i dbu rgyan gang la mnga' ba de la de skad ces bya'o/ /gdan ni bzhi dang ldan zhes bya ba la zla ba'i gdan te nye bar mtshon pa 'dis ni gzhan dag gi yang gdan du zla ba 'byung ba yin no//la la ni lha mo bzhi dang gdan gcig pas gdan ni bzhi dang ldan zhes bya ba'o zhes bya zer ro/ /phyag gnyis pad+ma rnam par 'byed/ /ces bya ba ni g.yon pa'i pad+ma'i khu tshur gyis pad+ma'i sdong bu g.yon pa'i sta zur gyi gnas su 'dzin la/g.yas kyi pad+ma khu tshur gyis rang gi snying gar pad+ma'i 'dab ma 'byed pa la brtson pa ste 'dir de la blta zhing zhes bya ba ni tshig gi lhag ma'o/ /yang tshig gi lam zhes bya ba ni rtogs pa'i chos ma lus pa'i ngo bo'o/ /rnam pa thams cad ces bya ba la sogs pa la rnam pa thams cad ni skyes bu chen po'i mtshan sum cu rtsa gnyis dang dpe byad bzang po brgyad cus brgyan pa'o//mchog ni phul du byung ba'o/ /rgya che ba ni yul na gnas pa dang gsal ba dang rdzogs pa nyid dang ldan pa'o/ /chos kyi rgyal po ni chos gnyis ka'i bdag po bcom ldan 'das 'jig rten dbang phyug ste/de la dmigs pa'i ting nge 'dzin la de skad ces bya'o/ /hUM zhes bya ba ni me long lta bu'i ye shes yi ge hUM ngo / /mthing shun bzang po zhes bya ba ni sku mdog mthing shun lta bu'o zhes bya ba'i don to/ /sangs rgyas mi 'khrugs cod pan can/ /zhes bya ba ni mi bskyod pa cod pan la bzhugs pa gang yin pa de la de skad ces bya ste/'dis ni shar du mi bskyod pa bri bar bya'o zhes gang bshad pa der rdo rje sems dpa'i 'bri bar rigs pa yin no/ /dbu rgyan thams cad mkhyen pas byas/ /zhes bya ba 'dis ni 'od dpag med kyi gnas su yang 'jig rten dbang phyug go/ /'di dag gi rjes su 'brangs pas rin chen 'byung ldan dang don yod grub pa'i gnas su yang rang gi de bzhin gshegs pas dbang bskur ba dang /shin tu 'brel ba'i 'khor los sgyur ba gnyis bri ste/ rdo rje sems dpa'i mi bskyod pa/ /rdo rje rin chen dgos 'dod 'byung / /rdo rje chos ni 'jig rten dbang / / rdo rje las ni rab sgrub stsol/ /zhes gsungs pas rdo rje sems dpa' la sogs pa nyid mi bskyod pa la sogs pa'i sgrar bshad pa la nyes pa med do/ /rol pa'i stabs su legs par bzhugs/ /zhes bya ba ni stan gyi nang du mtho gang gis mchod par rkang pa bzhag nas phyogs gnyis su brkyang ste/g.yon phyogs cung zad dbab par bya'o zhes bya ba'i mtshan nyid can te des gnas pa'o/ /la la na re gang rnal 'byor dang rjes su mthun pa'i gnas pas 'dug par bya'o zhes zer ro/ /de ltar kun du khyab pa nyid/ /ces bya ba 'dir de dag gis zhes nye bar sbyar bar bya'o/ / de bzhin du rigs la sogs pa rnams la yang de ltar shes par bya'o/ /rga shi rnams kyi pha rol 'gro/ /zhes bya ba ni de dang bral ba'i don to/ /sems chen po zhes bya ba la sogs pa la sems chen po ni gnyis kyis dben pa'o/ /de'i rdzogs par byed pa ni gdul bya rnams kyi sems rang bzhin gyis rnam par byang ba nyid du gnas pa'i mi bden pa'i kun du rtog pa bsal ba de ltar rdzogs shing don de kun nas mthar phyin par byed pa de'i stobs te nus pa gang yin pa de nyid mtha' yas pa'i ting nge 'dzin rdo rje'i rgyal po la sogs pa'i ngo bo nyid ni rgyal po ste/gtso bor gyur pa bcom ldan 'das thugs rdo rje de ston pa'i phyir ro//de nyid ni rdo rje thugs te sems can gyi don bya ba la 'jug pa la thogs pa med pa'i pha rol gnon pa dang ldan pa'i phyir ro/ /de la dmigs pas na ting nge 'dzin de la ming de skad ces bya'o/ /traM gi ye shes las bsgrubs pa/ /zhes bya ba ni mnyam pa nyid kyi ye shes nyid yi ge traM ste/de las bsgrubs pa ni de bzhin du gzhan dag gis ji lta ba bzhin du 'di nyid bsgoms pas 'tshang rgya ba nyid thob pa'o zhes bya ba'i don to/ /de bzhin du thams cad la yang 'bras bu nye bar len pa'i gzhir gyur pas na lha rnams dang rjes su mthun pa'i gzugs su gdags te/gdul bya rnams 'bras bu la gzhol bas 'jug pa'o/ /rin chen zhes bya ba la sogs pa la rin chen ni rin po che'i rigs so/ /rin chen mngon par mtho ba zhes bya ba ni gdul bya'i skye bo rnams kyi bsam pa yongs su rdzogs par byed pa nyid du 'byung ngo / / de'i ye shes ni des bskyed pa ste ye shes kyi tshogs kyi 'bras bu stsol bas rin chen 'byung ldan te/ ting nge 'dzin de la yang ming de skad ces bya'o/ /de la dmigs pa zhes bya ba la sogs pa ni bshad zin to/ /khaM gi ye shes las bsgrubs pa/ /zhes bya ba la ye shes ni bya ba nan tan sgrub pa ste de nyid yi ge khaM yin no//khaM gi ye shes las bsgrubs pa ni nges par 'byung ba'o/ /ting 'dzin phyag rgyas legs zhugs pa/ /zhes bya ba ni ji srid du bshad pa'i mtshan nyid can gyi bsam gtan gyi phyag rgyas shin tu legs par zhugs pa'o/ /marka ta ste yi 'od ltar 'bar//zhes bya ba ni sku mdog mar ka ta'i 'od 'bar ba ste ljang gu zhes bya ba'i don to/ /la la dag ni 'od kyi dkyil 'khor ma ra ka ta lta bu'o zhes zer mod kyi de ni mi rigs te bcom ldan 'das kyi sku mdog 'chad pa'i skabs yin gyi 'od ni ma yin no/ /legs par 'grub phyir slar yang sdud//ces bya ba ni sems dbang du gyur pa legs par 'grub pa'i phyir spros pa rnams slar nye bar sdud pa ste/ 'di yang rnal 'byor pa'i rim pa bstan pa'i phyir bshad pa yin te/ 'di'i 'og ma rnams la yang 'di bzhin khong du chud par bya'o/ /'od zer chen pos rab gsal zhing / / zhes bya ba la 'od zer chen po ni ye shes kyi snang ba'i ngo bo nyid du gyur pa'i phyir bcom ldan 'das don yod grub pa'i chos kyi sku'o/ /de dang 'dra ba ni de'i rgyu mthun pa las byung ba longs spyod rdzogs pa'i sku'i tshul 'dzin pa zhes bya ba'i don to/ /nam mkha'i snying po ni nam mkha'i skye gnas can no/ / nam mkha' dang mnyam pa zhes bya ba ni rnam par mi rtog pa nyid dang / khyab pa nyid dang / thams cad kyi gnas su gyur pa nyid la sogs pas mnyam pas na nam mkha' dang mnyam pa'o/ /gtan tshigs de nyid kyis na 'du byed thams cad spangs pa'i zhes bya'o/ /nam mkha' zhes bya ba la sogs pa la nam mkha' dang mnyam par 'du byed thams cad kyi go 'byed pa gang yin pa ste/de nyid ni bya bsgrub pa'i ye shes yongs su gyur pa las byung bas/ ye shes kyi rdo rje ni bcom ldan 'das don yod grub pa'o/ /de la dmigs pa zhes bya ba la sogs pa'i don ni bshad zin to//rnam par snang mdzad la sogs pa'i ye shes kyi rjes su 'brangs nas 'dir rigs kyis bsdus pa'i ye shes kyi cha rnams yin par shes par bya'o/ /rgyan zhes bya ba ni dam tshig gi phyag rgya'i tshul gyis mnyes par byed pa'o/ /'od dmar 'od zer phreng ba can/ /zhes bya ba ni 'od dmar po dang 'od kyi phreng ba dmar po gang la yod pa'o//de bas na de ni lha rnams 'jigs pas sems myos te zhes bya ba ste/ gang gis lha rnams ni lag pa thal mo sbyar bar byed ces bya ba ste lag pa gnyis kyi sor mo thams cad kun nas thal mo sbyar ba byas pa gang yin pa de la de skad ces bya'o//byang chub yan lag 'bras brgyan pa'i/ /zhes bya ba ni byang chub kyi yan lag ni sbyin pa la sogs pa 'am byang chub kyi yan lag bdun no/ /de'i 'bras bu ni 'tshang rgya'o/ /de nyid ni rgyan te snying po yin la de rtog pa'i sbyor ba las yang dag par 'byung ba gang yin pa de la de skad ces bya ste de bas na de bsgom par bya'o//ye shes kyi zhes bya ba la sogs pa la ye shes ni chos bdag med pa'i mtshan nyid can no/ /spyan ni chos rnams gnyis su med pa dang dben par rtog pa'i mtshan nyid can gyis snang bar byed pa ni so sor snang ba'i ye shes te/ de nyid gzung ba dang 'dzin pa'i rnam par rtog pas mi shigs pas na rdo rje'o//de'i 'jo tshul ni rnam par rol pa ste/ sems can rnams la phan pa'i phyir sngon gyi 'phen shugs kyi sbyor bas mdzad pa gang yin pa ste/ bcom ldan 'das yum sangs rgyas spyan de la de skad ces bya'o/ /de la dmigs pa zhes bya ba la sogs pa ni bshad zin to//rdo rje'i gdan can zhes bya ba ni rdo rje'i gdan la bzhugs pa ste/ rnam par mi g.yo ba'i gdan brnyes pa'i don to/ /la la dag na re rang gi dam tshig gi phyag rgya rdo rje la skyes bu'i tshul gyis nye bar gnas pas bzhugs pa'o/ /nye bar mtshon pa 'dis ni lha mo thams cad kyang tshul 'di nyid do zhes zer ro//dgod cing zhes bya ba ni dbus dang g.yas kyi zhal lo/ /zhal ras khro bag bcas zhes bya ba ni zhal dbus ma'i g.yon pa'i cha khro bag tu bcas la zhal gyi cha'i phyed ni dgod bag tu gnas pa gang yin pa de la de skad ces bya'o/ /shin tu gdug pa'i cig shos rnams tshar gcod pa dang rjes su gzung ba'i tshul gyis bzhugs so zhes bya ba'i don to//g.yon pa bsdigs pa'i mdzub mo ste/ /zhes bya ba ni phyag rgya g.yon pa'i rdo rje khu tshur las byung ba'i khro bo'i sdigs mdzub mdzad pas gnas shing de kho na nyid la gnas pas de gzigs zhes bya ba'i don to//dngos med dngos po'i mtshan nyid can/ /zhes bya ba ni dngos po rnams med cing mig yor lta bu'i tshul gyis gzugs chen po'i dngos po'i mtshan nyid can khams gsum lta bu'i rnam par 'jug pa'i sems dang sems las byung ba'i bdag nyid can gang yin pa de la de skad ces bya ste/don dam par ni gnyis su med pa'i ye shes kyi ngo bo nyid do zhes bya ba'i don to/ /bsgom par bya zhes bya ba ni mos shing dad pa'i rjes su 'gro ba'i sems kyis so/ /sgyu 'phrul zhes bya ba la sogs pa la sgyu 'phrul ni sangs rgyas la sogs pa'i sprul pa'i bdag nyid can no//de'i 'byung ba ni gdul bya rnams kyi skal ba ji lta ba bzhin du bstan pa'o/ /de'i rgyu stobs kyi ye shes ni ye shes bcu'i stobs te gnyis su med pa'i ye shes kyi nus pa'o/ /de dang ldan pa nyid ni bcom ldan 'das yum mA ma kI'o/ /zab mo ni 'phags pa ma yin pas ngo bo nyid mi rtogs pa'o/ / de la dmigs pa zhes bya ba la sogs pa'i don ni bshad zin to/ /mi 'jigs sbyin mdzad ma zhes bya ba ni phyag dang pos so/ /sangs rgyas kyi sku rnams 'byung ba bsgom par gyis zhes bya ba ni sangs rgyas kyi sku rnams 'byung ba nyid de de lta bu'i lus gang yin pa de la de skad ces bya ste/ sprul pa rnams sprul par mdzad ces bya ba'i don to//rin chen skur ni zhes bya ba ni rang gi lus rin po che ste 'di ni gnyis su med pa'i sbyor ba gsungs pa yin no/ /gnyis su sbyor ba'i ming yang 'di nyid las nye bar mtshon par bya'o/ /pad+ma'i zhes bya ba la sogs pa la pad+ma'i gzugs kyis ni/ ji ltar pad+ma rab dmar yang //zhes bya ba'i dpes bstan pas na/ 'dod chags la sogs pa rnam par thar pa'i sgo'i ngo bo nyid kyis so/ /rnam par rol pa ni sems can gyi don gyi phyir rnam par brtse ba'o/ /des sangs rgyas rnams kyis sam sangs rgyas rnams bzhin du rgyal mtshan nyid can thob cing brnyes pa ste yum gos dkar mo gang yin pa de la de skad ces bya'o//de nyid ni mi phyed pa'i ye shes kyi ngo bo nyid yin pas na ye shes rdo rje'o/ /de la dmigs pa zhes bya ba la sogs pa'i don ni bshad zin to/ /sgeg pa'i cha lugs la gnas pa/ /zhes bya ba ni cung zad bzhad pa'i tshul can no/ /ma ra ka ta'i 'od dang ldan//zhes bya ba ni ma ra ka ta lta bu'i 'od zer gyi mdangs gang yin pa de la de skad ces bya ste/ sku mdog ljang gu zhes bya ba'i don to/ /sangs rgyas spro ba kun du 'khrug/ /ces bya ba ni sangs rgyas kyang yin la spro bar mdzad pa yin pas na de la de skad ces bya ste de rnams kyi sku la khyab pa'o/ / sems can thams cad ces bya ba la sogs pa la sems can thams cad dbang du byas pa de la rag las pa nyid kyi thugs rje chen po'i stobs kyis bzhud cing 'gro bas na de la de skad ces bya la/ ngo bo nyid de la mngon par dga' ba'i rnal 'byor pa'i sems can rnams smin cing dga' bar byed pa ste de nyid ni ye shes kyi rdo rje'o//dmigs pa zhes bya ba'i don ni bshad zin to/ /sems ma zhes bya ba la sogs pa ni rdo rje sems ma dang / rdo rje rin chen ma dang rdo rje chos ma dang rdo rje las ma'o zhes bya ba ni mtshan de skad ces bya'o/ /rol pas rjes su mnyes mdzad ma/ /zhes bya ba ni sgeg pa dang rjes su mthun pas rol par mdzad pa'o//ji ltar rigs pa zhes bya ba ni rang gi bdag po'i sa bon las bsgrub pa ste/ kha dog dang gzugs dang phyag mtshan yang de dang 'dra ba 'chang las rdo rje sems ma dang / rdo rje chos la nu ma 'dzin pa med pa de'i phyag gnyis pas sdigs mdzub dang zhags pa 'dzin par bya'o//'phags pa'i bden pa bzhi zhes bya ba la sogs pa la 'phags pa'i bden pa bzhi ni mi bskyod pa la sogs pa ste de thabs dang shes rab kyi bden pas dga' zhing mnyes par byed pas na de skad ces bya'o/ /de la dmigs pa la sogs pa'i don ni bshad zin to/ /sku gsum rgyal ba bye ba phrag bdun gyis zhes bya ba ni chos dang longs spyod rdzogs pa dang /sprul pa'i sku'i bdag nyid can gyi rgyal ba bye ba phrag bdun gyis yang dag par ston pa'o/ /gsang sngags glu yis zhes bya ba la ni gsang sngags gsungs pas so/ /bstod ces bya ba ni rnam par mkhyen zhing bsngags par mdzad pa'o//yi ge dgu pa zhes bya ba ni oM zhes bya ba la sogs pa'i gsang sngags kyi ngo bo nyid yin pa'i phyir ro/ /thabs dgu can zhes bya ba ni/ sgeg pa dpa' ba mi sdug pa/ /dgod dang khro dang 'jigs rung dang / /snying rje rngam dang zhi ba ni/ /gar thabs dgu ru shes par bya/ /zhes bya ba ste de rnams gang la yod pa de la de skad ces bya ste/gdul bya rnams kyi bsam pa'i bye brag gis de dag dang ldan pas de skad gsungs pa yin no/ /lha dgu yis ni gnas su mdzad/ /ces bya ba ni lha dgus bzhir mdzad pa'i rgyal ba'i gnas gang yin pa de la de skad ces bya'o/ /don gyis ni 'di skad ston pa yin te/oM las spyi bor rnam par snang mdzad de ser po/ tsa las mig tu 'khor los sgyur ba ste ser po/ le las mgrin par mi g.yo ba ste nag po/ tsu las snying gar btsug na nor bu ste dmar po/ le las dpung mgor don yod pa'i zhags pa ste nag po/ tsu las lta bar skul byed ma ste/ dmar po/ de las brla gnyis su rdo rje 'chang ba ste nag po/ swA las byin pa gnyis su ral pa gcig ma ste nag po/ hA las rkang pa gnyis kyi steng du rdo rje sen mo can dkar po ste de dag bzhugs pa'o/ /ston ka'i 'dam bu'i mdog ces bya ba ni sku mdog ston ka'i 'dam bu'o zhes bya ba'i don to/ /na chung skal ldan dar la bab//ces bya ba ni na tshod gzhon zhing dar la bab pa dang ldan pa'o/ /rig sngags thams cad sgrol mdzad ma/ /zhes bya ba ni lha mo thams cad kyi nang na yum 'di ni shin tu yang sems can rnams sgrol bar mdzad do zhes bya ba'i don to/ /zhal dang po ni sku mdog dang mthun la g.yas g.yon na gnas pa'i zhal gnyis kyi sku mdog bstan pa ni zhal dbus ma ni sku'i mdog can nyid yin te thams cad du yang de bzhin no//mche ba zla ba tshes pa 'dra/ /zhes bya ba ni tshes gcig gi zla ba lta bu'o/ /ljags ni glog bzhin skyod par mdzad/ /ces bya ba ni lce glog ltar g.yo ba'o//tshems kyis sgrogs gnon rnam par gdangs/ /zhes bya ni ma mchu'i sgros tshems kyis mnan pas rnam par gdangs pa ni cung zad gdangs pa'o/ /rtsa ba'i phyag rgya zhes bya ba ni 'og nas bshad pas so/ /se gol gtogs zhes bya ba ni ba dan gsum pa'i phyag gis se gol gtogs pa'i tshul lo//stod g.yogs pang par rnam par bcings/ /zhes bya ba ni steng nas bla gos gyon pa pang par bcings zhes bya ba'i don to/ /cho 'phrul rnam pa sna tshogs dang / /zhes bya ba ni kun brjod pa la sogs pa'i cho 'phrul rnam pa sna tshogs pa gang yin pa de dang ngo //thal mo sbyor bar byed la brtson/ /zhes bya ba ni thal mo sbyor ba'o/ /la la na re lag pa sbyar ba byas pa'o/ /zhes zer ro/ /rgyal ba mtha' yas pa zhes bya ba la sogs pa la/ rgyal ba ni rnam par snang mdzad la sogs pa'o/ /mtha' yas pa ni tshad med pa'o/ / de rnams kyi ye shes ni chos kyi dbyings la sogs pa'i ye shes lnga ste/ de las byung ba'i bcom ldan 'das yum skul byed ma la yang de skad ces bya'o/ /de nyid ni stobs te des lha dgu'i tshogs kyi rdo rje gdug pa rnams las rnam par rgyal bas na de skad ces bya ste de la dmigs pa zhes bya ba la sogs pa'i don ni bshad zin to//gser gyi mdog dang ldan zhes bya ba ni ser po'o/ /rol stang stabs kyis gnas pas gnon/ /zhes bya ba ni rol pa'i stang stabs kyi mtshan nyid ni sngar bshad pa ste de nyid ni gzhir gyur pas gnas te/ des gnon cing bdag gis mdzad pa gang yin pa de la de skad ces bya ste/rol pa'i stang stabs kyis bzhugs zhes bya ba'i don to/ /sangs rgyas sprin spros thob par mdzad/ /ces bya ba ni sangs rgyas kyi sprin spros pas thob par mdzad ces bya ba gdul bya'i skye bo rnams kyi ye shes skyed par mdzad pas de skad ces bya'o/ /chos mdzod ces bya ba ni ye shes rin po che'i 'byung gnas su gyur ces bya ba'i don to//sangs rgyas rin chen zhes bya ba la sogs pa la sangs rgyas rnams kyi sprin ni tshogs so/ /sangs rgyas kyi sprin de'i ye shes ji skad du bshad pa ni rnyed par dka' bas na rin po che ste/ sangs rgyas kyi sprin ye shes de nyid la de skad ces bya'o//des sngon gyi smon lam nye bar bsags pas snang bar gyur cing 'gro ba ma lus pa'i yid la 'dod pa'i don rdzogs par mdzad pa nyid du so sor snang bar byed pa ste rin chen sgrol ma la de skad ces bya'o/ /dmigs pa zhes bya ba la sogs pa'i don ni bshad zin to/ /ston ka'i zla ba'i 'od dang mtshungs//zhes bya ba ni dkar ba'o/ /pad+ma la bzhugs pa zhes bya ba ni pad+ma de la bzhugs pa'o/ /gal te de skad bshad mod kyi 'on kyang pad+ma'i steng du zla ba'i dkyil 'khor te bskyed pa'i rim pa las byung ba yin pa'i phyir ro/ /rol pa'i stang stabs brtson pa ste/ /zhes bya ba ni rol pa'i stang stabs kyis de la bzhugs nas gdug pa rnams zlog par mdzad pa la rab tu 'bad pas brtson par mdzad pa'o//rnam par blta ba zhes bya ba ni phyogs thams cad du gzigs pa'o/ /nyal dang zhes bya ba la 'dir ni 'khor lo'i sngags rnams yin par shes par bya ste/ 'dis ni mnyam par ma gzhag pa'i rnal 'byor gsungs pa yin no/ /'jigs pa thams cad ces bya ba la sogs pa la ser sna nye bar bsags pas rang gi sems nyid phyi dang nang gi bgegs rnams su snang ste de la 'jigs pa'o/ /de 'jigs pa ni nye bar zhi ba ste/ de 'jigs par nus pa ni bdag dang bdag gir gnyis su rtog pa la kun du spyod pa la kun du 'dug pa'i ser sna spong bar nus pa'i ye shes gang yin pa de nyid ni rdo rje ste/de'i ngo bo nyid du gyur pa nyid dang de thob pa'i thabs kyi bdag nyid can du gyur pas bcom ldan 'das yum khro gnyer can la yang de skad ces bya'o/ /de la dmigs pa zhes bya ba la sogs pa'i don ni bshad zin to//thams cad bcing ba bskyed pas te/ /zhes bya ba ni gdug pa thams cad kyi bcing ba ste bgegs byed pa'i nus pa med pa'o/ /de skyed par mdzad pas na de skad ces bya'o/ /de nyid kyis na/ sems can ma lus des 'dul byed/ / ces bya ba gsungs te 'di yang rol pa'i stang stabs kyis bzhugs pa'o/ /rdo rje zhes bya ba la sogs pa'i rdo rje sgrog ni mi shes pa'i mtshan nyid can no/ /de'i 'gro ba ni ji ltar bcings pa 'di rnam par mi shigs par 'gyur zhes rtog pa ste/ bcom ldan 'das yum rdo rje lu gu rgyud la de skad ces bya ste/de nyid ye shes rdo rje'o/ /dmigs pa zhes bya ba la sogs pa'i don ni bshad zin to/ /thub pa skyes mchog ces bya ba ni bar chad med par mngon par rdzogs par 'tshang rgya bar 'gyur ba ste/ des na de bzhin gshegs pa rnams kyi mchog tu gyur pa'o/ /sems dpa'i skyil mo krung du bzhugs//zhes bya ba ni sems dpa'i skyil mo krung gis gnas pa'o/ /sangs rgyas byang chub sems dpa' yi/ /sprin rnams de bzhin 'phro bar mdzad/ /ces bya ba ni sangs rgyas kyi rnam pa'i sprin rnams kyis khams gsum khyab par mdzad pa dang de bzhin du byang chub sems dpa' sprin rnams kyang 'phro bar mdzad do zhes bya bar sbyar te bsgom par bya'o zhes ba ba ni tshig gi lhag ma'o//byams pa'i zhes bya ba la sogs pa la byams pa'i stobs mnga' bas na byams pa'i stobs te 'phags pa byams pa'o/ /ye shes nyid kyis bdud bzhi las rgyal ba'i mtshan nyid can yin pas na rnam par rgyal ba ste de nyid ni rdo rje'o//dmigs pa zhes bya ba la sogs pa'i don ni bshad zin to/ /shes rab ye shes mchog thob pa/ /zhes bya ba ni shes rab kyi mchog ni chos bdag med pa'i mtshan nyid can no/ /zab mo'i tshul ni ston pa bo/ / zhes bya ba ni dngos po rnams gnyis su med par ston pa'o/ /zur phud gsum zhes bya ba ni zur phud gsum dang ldan pas na de skad ces gsungs so/ /'jo sgeg thabs kyis rol pa ste/ /zhes bya ba ni shas cher sgeg pa'i stang stabs dang ldan pa'o/ /shes rab 'chang zhes bya ba ni shes rab kyi pha rol tu phyin pa'i glegs bam bsnams pa'o//shes rab yon tan mchog gis bklubs/ /zhes bya ba ni sgrub pa po 'phags pa 'jam dpal gyi lha'i nga rgyal gyis brgyan par byas pa'o/ /sangs rgyas 'dod pas zhes bya ba ni 'tshang rgya bar yid la 'dod pas so/ /'jam pa'i rab mchog gi zhes bya ba la sogs pa la 'jam pa ni byis pa'i cha lugs 'chang ba'o//de nyid phul du byung bas na rab po/ /de bzhin gshegs pa thams cad kyi nges par 'byed pa'i shes rab dang ye shes kyi ngo bo nyid du gyur pas na mchog go/ /shes rab dang ye shes ni gnyis kyis rnam par dben pa'i shes rab dang ye shes so/ / rnam par rtog pa thams cad 'jig pas na rdo rje ste de rtogs pa'i tshul gyis snang zhing rab tu gsal bas na byang chub sems dpa' 'jam dpal de la de skad ces bya'o/ /dmigs pa zhes bya ba la sogs pa'i don ni bshad zin to/ /de la sogs pa zhes bya ba la sogs pa 'dis ni byang chub sems dpa' lhag ma rnams bstan pa yin no//grangs med pa zhes bya ba ni tshig 'di grangs med pa nyid ston pa ni ma yin gyi 'on kyang mang po ston pa ste/ de rnams ni bzhis ma tshang ba'i byang chub sems dpa' stong yod par shes par bya'o/ /sa bon yig 'bru rnams las 'khrungs/ /zhes bya ba ni ming gi yi ge'i dang po las byung ba'o//ye shes phyag rgya'i sbyor ba can/ /zhes bya ba ni zla ba dang rdo rje la sogs pa bsgom pa'i rim pa dang ldan pa'o/ /sna tshogs nyams kyis dga' bar mdzad/ /ces bya ba ni sgeg pa la sogs pa'i gar gyi nyams kyis de la mngon par zhen pa rnams gar stabs kyis nyams de dang des dga' ba skyed par mdzad ces bya ba'i don to//gsang sngags zlos pas bsgom par bya/ /zhes bya ba ni 'dir byed pa'i tshig med par byas nas mtshams sbyar te/ sa bon yig 'bru rnams las 'khrungs/ /zhes bya ba dang / sangs rgyas la sogs pa spros te//so so'i sngags brjod pa ni yi ge de las spro ba dang bsdu ba dang gnas dang brtan par gyur par rnal 'byor pa rnams kyis rtag tu dran zhing bsgom par bya'o/ /'dir bsgres te bstan pa'i byang chub sems dpa' de dag thams cad kyang phyag dang po gnyis ni bsam gtan gyi phyag rgyar bya'o//g.yas kyi gnyis pas ni mchog sbyin pa'o/ /g.yon gyi gnyis pas ni rang gi phyag rgya rgyal mtshan 'dzin par bya'o zhes bya ba ni man ngag go/ /'jam pa'i dbyangs kyi zhes bya ba ni de dang 'brel pa'o/ /gzi brjid dang ldan zhes bya ba ni 'bar ma ste zhes bya ba dang sbyar te/ nyi ma'i dkyil 'khor gyi 'od dang gdan du ldan pas na de skad ces gsungs so//mdog ni dbyar gyi char sprin 'dra/ /zhes bya ba ni sku mdog sngo nag go/ /sbrul gyi rgyan gyis brgyan pa ste/ /zhes bya ba ni mtha' yas dang rig ldan nag pos dbu skra bcings pa 'jog po gser mdog dang ldan pas ni rna rgyan byas pa/pad+ma chen po gser btso ma'i mdog dang ldan pas ni lag gdub byas pa/ karko Ta mdog dkar bas ni se ral khar byas pa/ nor can mdog pad+ma dmar po lta bus ni ska rags byas la/ dung skyong dang pad+ma mdog dkar ba dang dmar bas ni rkang gdub byas pa ste de dag thams cad kyang gdengs ka bskyil pa dang nor bu dang ldan pa'o//rol pa'i stang stabs can zhes bya ba ni rol pa'i stang stabs dang ldan pas na de skad ces bya'o/ /ma he chibs zhes bya ba ni 'di skad gsungs su zin kyang rgyud chen po'i rjes su 'brangs nas ma hes nye bar mtshon pa gshin rje chung ma dang bcas pa yin par shes par bya'o//de'i zhes bya ba ni ma hes nye bar mtshon pas gshin rje'o/ /dbu yi steng na mi 'khrugs bzhugs/ /zhes bya ba ni mi bskyod pa'i dbu'i steng na bzhugs pa gang yin pa de la de skad ces bya'o/ /steng na sku gsum zhes bya ba la sogs pa ni steng gi char sku gsum gyi bdag nyid du gnas pa 'jam dpal gyis legs par brgyan par byas pa la de'i 'og tu mi bskyod pa'o//mda' yang gsor zhes bya ba ni mda' gsor bar mdzad pa'o/ /g.yon pa sdigs mdzub zhags pa can/ /zhes bya ba ni g.yon pa rdo rje khu tshur la mdzub mo bsgreng bas zhags pa 'dzin pa'o//lha mo yis ni g.yas nas 'khyud/ /ces bya ba la sogs pa la g.yas logs na gnas pa'i lha mo mdog de nyid dang 'dra bas g.yon gyis 'khyud pa'o/ /lha mo de'i g.yas na ut+pal sngon po 'dzin pa'o/ /g.yon pa zhes bya ba la sogs pa la g.yon logs na gnas pa'i lha mos g.yas kyis 'khyud la de'i g.yon na ni pad+ma dkar po thogs pa'o//sdar ma bred nas phyag kyang 'tshal/ /zhes bya ba ni 'jigs shing bred nas phyag 'tshal zhing mgo btud pa ste/ de nyid kyis na sdar ma ste myos par gyur pa'o/ /'od zer dmar po 'bar dang bcas/ /zhes bya ba ni 'od zer dmar ba ste de nyid kyis na 'bar ba dang bcas pa'i 'od kyi dkyil 'khor gyis bskor ba'o//sangs rgyas sprin 'phros thob par mdzad/ /ces bya ba ni sangs rgyas kyi sprin rnams 'phro bas mngon par 'dod pa'i don gdul bya'i skye bo rnams kyis kun nas thob cing rnyed par mdzad pas na sangs rgyas sprin 'phros thob par mdzad de sprul pa'i sprin gyis sems can don mdzad ces bya ba'i don to//bsgoms nas su zhes bya ba ni 'dir ji skad du gsungs pa'i mtshan nyid dang ldan par bsgoms pa 'di bdag por 'gyur ro zhes bya bar sbyar ro/ /nyal lam zhes bya ba ni yang gi sgras ni bsdad pa'am sdod par shes par bya'o/ / kun du zos shing zhes bya ba 'dis ni bza' bar bya ba'i dam tshig bstan to/ /legs par bsams te zhes bya ba ni gdug pa rnams tshar gcod cing 'jig pa'o/ /'dod pa lnga'i zhes bya ba la sogs pa la rnam par snang mdzad dang rin chen 'byung ldan dang / snang ba mtha' yas dang don yod grub pa dang /mi bskyod pa'i bdag nyid can gyi gzugs dang sgra dang dri dang ro dang reg bya'i mtshan nyid can gyi 'dod pa'i bdag nyid sgyu ma'i skyes bu lta bu'am ma skyes par mos pa sngon du 'gro bas de bzhin gshegs pa la sogs pa mchod pa'i yid la byed pas nye bar longs spyod na gos pa med cing sdig pa'i snod du mi 'gyur ro//de bas na chos thams cad la brten pa med pas na nam mkha' lta bur zhes gsungs pa yin no/ /de skad du gzhan dag las kyang / chags pa ye shes 'dod pa yis/ /rtag tu 'dod pa'i yon tan bsten/ /byang chub sems dpa' mnyes par bya/ /byang chub dpa' bo chags pas bya//gzugs la rnam gsum shes byas nas/ /mchod pa byed pas mchod par bya/ /bcom ldan de nyid sna tshogs pa/ /sangs rgyas rnam par snang mdzad bzhi/ /sgra la rnam gsum shes byas nas/ /lha rnams la ni dbul bar bya/ /de nyid bcom ldan sna tshogs pa/ /sangs rgyas rin chen 'byung gnas gtso//dri la rnam gsum shes byas nas/ /sangs rgyas la sogs dbul bar bya/ /de nyid bcom ldan sna tshogs pa/ /'dod chags chos kyi 'byung gnas gtso/ /ro la rnam gsum shes byas nas/ /lha rnams la ni dbul bar bya/ /de nyid sangs rgyas sna tshogs pa//sangs rgyas thogs med rdo rje 'dzin/ /reg la rnam gsum shes byas nas/ /bdag gi rigs la dbul bar bya/ /de nyid bcom ldan rdo rje can/ /mi bskyod pa yi tshul brnyes pa'o/ /gzugs dang sgra dang ro la sogs/ /rtag tu sems ni sbyar bar bya/ /'di ni sangs rgyas thams cad kyi//gsang ba snying po bsdus pa'o/ /zhes bya ba la sogs pa gsungs pa yin no/ /gshed byed ces bya ba la sogs pa la gshed byed ni 'phrog pa'i bdag nyid do/ /de nyid rnam pa thams cad kyi thams cad byed pa'am/ gdug pa rnams 'joms pa'i phyir slong bar byed pas na gshed byed thams cad slong bar byed pa'o//de nyid ni thogs pa med pa'i phyir ye shes kyang yin la rdo rje yang yin pas de skad ces bya'o/ /yang na gshed byed thams cad slong bar byed cing skyed par byed pa'i ye shes rdo rje yin pas de skad ces bya'o/ /bcom ldan 'das de nyid kyis gshin rjer 'jig rten du grags pa gsod pa ni zlog par mdzad pa ste/'dul ba'i thabs dang bcas pas nyon mongs pa'i gnas las bzlog ste/ de bzhin gshegs pa'i lam la 'jug par mdzad pas de skad ces bya'o/ /de la dmigs pa zhes bya ba la sogs pa'i don ni bshad zin to/ / mi'u thung zhes bya ba ni mi thung gi khyad par dang ldan pa'o/ /'od zer dmar po'i dkyil 'khor te nyi ma'i dkyil 'khor ro/ /de'i 'od zer de la mnga' bas na de skad ces bya ste/ 'od kyi dkyil 'khor dmar po rab 'phro ba/ /zhes bya ba'i don to/ /rol pa'i stabs kyis pad+mar bzhugs/ / zhes bya ba la rol pa'i stang stabs kyis pad+ma'i gdan la bzhugs pas de skad ces bya'o/ /shes rab mthar byed ces bya ba'i don gyis na pad+ma'i steng na khyab 'jug chung ma dang bcas pa de'i steng na bcom ldan 'das ji lta ba bzhin du bzhugs pa'o/ /rnam par 'gyur zhes bya ba ni zhal gyi mche ba gtsigs pa'o/ / tshems kyis sgros kyang mnan zhes bya ba ni mche bas ma mchu'i sgros gnon par mdzad pa ste/ zhal gsum las g.yon gyi zhal steng gi tshems kyis sgros mnan pa'o/ /sna tshogs rgyan gyis 'bar ba ste/ /zhes bya ba ni sna tshogs pa ni sgeg pa la sogs pas yan lag 'gyur bar byed pa'i gar stabs rnams dang ldan pas 'bar ba'o//spyi bo'i steng ni spyi gtsug go/ /dngos po bsgom byas na zhes bya ba ni rab tu dang zhing mos pa'i rjes su 'gro ba'i bsam pas bsgom pa'o/ /gzhan gyis mi thub pa zhes bya ba la sogs pa la gdug pa thams cad zil gyis mnan pa gang gis kyang mi thub pas gzhan gyis mi thub pa ste/de nyid ye shes kyi rdo rje'o/ /dmigs pa zhes bya ba ni sogs pa'i don ni bshad zin to/ /spyan gsum pa zhes bya ba 'dir ldan zhes bya ba ni tshig gi lhag ma'o/ /rol pa'i stabs kyis pad+mar zhugs/ /zhes bya ba ni bshad zin to/ /de lta mod kyi pad+ma mthar byed ces bya ba'i don gyi rjes su 'brangs nas pad+ma'i steng na tshangs pa chung ma dang bcas pa de'i steng na bcom ldan 'das ji lta ba bzhin du bzhugs pa'o//khro bo'i lta bas rtog par mdzad/ /ces bya ba ni/ khro gnyer bsnyer bas rab tu 'jigs/ /khro bo'i lta bas rab tu 'dzum/ /khro bo'i lta bas mnyam gzhag na//khams gsum dag kyang 'jigs par byed/ /ces bshad pa ni khro bo'i lta ba'i mtshan nyid de des gzigs par mdzad pas na/ khro bo'i lta bas rtog mdzad pa/ /zhes bya'o/ /ljags ni bskyod mdzad la zhes bya ba ni ljags spyod par mdzad cing 'jigs pas na ljags ni skyod par mdzad pa'o//sangs rgyas gzugs ni mang po dag /ces bya ba ni sangs rgyas kyi sku du ma dag 'phro bar byed pa la sogs pa gang yin pa de la de skad ces bya'o/ /'phro zhing 'du bar zhes bya ba/ /nye bar mtshon pas na 'phro ba dang bsdu ba dang gnas pa dang brtan par bya'o/ /bsgoms byas nas zhes bya ba ni 'dir thun gsum du goms par bya'o zhes sbyar bar bya'o//rta mchog ces bya ba la sogs pa la rab mchog tu gyur pa'i rta mchog thams cad 'joms par byed pa'i ngo bo nyid du dbu gsum gyi steng du 'jog par mdzad pas na rta mchog ste de nyid ni ye shes kyi rdo rje'o/ /dmigs pa zhes bya ba la sogs pa'i don ni bshad zin to//bgegs kyi gshed ces bya ba ni dngos grub ma lus pa'i bgegs su gyur pa 'joms pa'o/ /me yi dkyil 'khor bzhugs zhes bya ba ni 'bar ba'i dkyil 'khor gyis bskor ba'o/ /ut+pal sngon po'i 'dab ma'i mdog /ces bya ba ni ut+pal sngon po'i 'dab ma lta bu'i mdog dang gzi mdangs yod pas na de skad ces bya ba ste sku mdog sngon po zhes bya ba'i don to//zhabs kyis bgegs ni mnan pa ste/ /zhes bya ba ni zhabs g.yon pas pad+ma'i steng na tshogs kyi bdag po gnas pa gnon par mdzad pa gang yin pa de la de skad ces bya'o/ /gnyis pa pad+ma'i steng na bzhugs//zhes bya ba ni bcom ldan 'das de nyid kyi gnyis pa ste zhabs g.yas pa pad+ma la 'jog par mdzad pas na bcom ldan 'das 'di yang rol pa'i stabs kyis pad+ma la bzhugs par bsgom par bya'o zhes 'dir yang snga ma bzhin no/ /ye shes mkhas pas zhes bya ba ni bsgom pa'i ye shes la mkhas pa'o//bgegs thams cad ces bya ba la sogs pa la bgegs thams cad rnam par gzhom pa ni rnam par 'jig pa ste/ des rnam par rgyal ba mnga' bas na de skad ces bya ste de nyid ni ye shes rdo rje'o/ /de la dmigs pa zhes bya ba la sogs pa'i don ni bshad zin to/ /mig g.yon zhes bya ba ni g.yon pa yo ba'o//hUM gis snying ga'i phyogs kyang bkang / /zhes bya ba ni snying ga'i phyogs na gnas pa'i yi ge hUM gi sgras lus khyab pa'o/ /mthing shun gyi ni mdog can te/ /zhes bya ba ni kha dog gzhan dang shin tu ma 'dres pa'i mthing gi mdog can no/ /thub pa ni mi dge ba rnams rnam pa thams cad du sdom pa'i bdag nyid du gyur pa'i phyir ro//bgegs kyi chu mjings zhes bya ba la sogs pa la ma rig pa'i mun pas nye bar bsags pa'i sems kyi rgyun rnam par spyod bar mdzad pas bgegs kyi chu bo'i mjings 'joms pa'o/ /spyan g.yo ba ni phyogs thams cad du legs par gzigs pa la brtson pa'o//de nyid nyi ma'i dkyil 'khor dang ldan pas na 'bar ba'o/ /chad pas bzung ste blta ba dang / /zhes pa ni khu tshur dam du bcas pas dam du bzung ba'o/ /sna tshogs zhes bya ba la sogs pa la dus thams cad pa'i me tog sna tshogs pa chu las skyes pa dang thang las skyes pa'i mchog rnams khyad par du spel zhing bkod pas bcings shing dkris pa ste/des rtsa bar bcings pa'i cod pan gyi dbu rgyan rin po che las byas pa gang yin pa de la de skad ces bya la/ de mnga' bas ni bcom ldan 'das mi g.yo mgon la yang de skad ces bya ste/ dbu'i steng du dus thams cad pa'i me tog gi phreng bas dbu rgyan byas pa'o/ /cho 'phrul chen po du ma 'phro/ /zhes bya ba ni gdul bya rnams mos par byed pa'i phyir rdzu 'phrul la sogs pa dang ldan pa'o zhes bya ba ni tshig gi lhag ma'o/ /de ltar zhes bya ba ni de bzhin du'o/ /rtag tu zhes bya ba ni rnal 'byor pa gang dus thams cad du spyod lam rnam bzhir bsgom mo zhes bya ba'i bar ro//sgom par byed ces bya ba ni 'dir 'di ltar ro/ /bla na med pa'i zhes bya ba la sogs pa la chos thams cad phyin ci ma logs par khong du chud pa ni byang chub pa'o/ /de las khyad par du gyur pa gzhan med pas de nyid ni bla na med pa'o//them skas la ni 'dzeg par 'gyur/ /zhes bya ba ni sems kyi rgyun 'phags pa'i lam la 'dzegs pas gnas pa ste/ 'di dag gis ni byang chub rab tu 'bad pas bsgrub par bya'o zhes bstan to/ /de bzhin gshegs pa zhes bya ba la sogs pa la de bzhin gshegs pa thams cad kyi bka' bzhin byed pa ni sgrub pa po ma lus pa'i mngon par 'dod pa'i dngos grub stsol ba'i phyir sad par mdzad pa'o//de la mi g.yo ba ni mi 'gul ba'o/ /ye shes ni de bzhin gshegs pa'i gang yin pa de la des rnam par bsgyings pa ni sems can ma lus pa'i don rdzogs par mdzad pa'o/ / de rnam par rol pa mnga' bas na bcom ldan 'das mi g.yo ba la de skad ces bya ste de nyid rdo rje'o/ /dmigs pa zhes bya ba la sogs pa'i don ni bshad zin to/ /ming ni 'dod pa'i dbang phyug ste/ /zhes bya ba ni/ Tak+ki'i 'dod pa yin par grags/ /zhes gsungs pas na 'dod pa ma lus pa'i bdag por gyur pas na mtshan de ltar bsgrags zhes tshig 'og ma dang sbyar ro//dbu rgyan sangs rgyas kyis brgyan pa'i/ /zhes bya ba ni sangs rgyas mi bskyod pa'i dbu rgyan gyi cod pan dang ldan pa ste gtso bo'i rin po che'i dbu rgyan gyis brgyan pa'o/ /dpral bar khro gnyer bsdus mdzad pa/ /zhes bya ba ni dpral ba ni smin ma'i bar du khro gnyer bsdus par mdzad pa gang yin pa de la de skad ces bya'o//'bar ba ste zhes bya ba ni dngos po khyad par can dang ldan pas de skad ces bya'o/ /dkyil 'khor dmar po zhes bya ba ni nyi ma'i dkyil 'khor ro/ /'dod pa'i rgyal po'i phyag rgya ni 'og nas 'chad do/ /rol pa'i stabs ni rol pa'i stang stabs mdzad pa'o//'og gi bgegs la sdang bar mdzad/ /ces bya ba ni 'og gi bgegs rnams skrag par mdzad pa'o/ /sangs rgyas spros pas kun du khyab/ /ces bya ba ni sangs rgyas rnams kyi khro bas kun du 'khrigs pas lus la khyab pa'o/ /bla med ye shes thob bya'i phyir/ / zhes bya ba ni thams cad la mchog tu gyur pa'i ye shes thob pa'i don du'o/ /ting nge 'dzin bzang po zhes bya ba ni sems mchog tu rtse gcig pa thob pas so/ /snying po thams cad ces bya ba la sogs pa la sangs rgyas dang rdo rje 'dzin pa la sogs thams cad kyi snying po ni gnyis su med pa'i ye shes so/ / de thams cad nas 'gugs pa ni 'dren pa'o/ /de rnam par rgyal ba sta gdug pa rnams zil gyis gnon pa'i mtshan nyid mnga' bas na de skad ces bya'o/ /de nyid ye shes rdo rje ste/ /dmigs pa zhes bya ba la sogs pa'i don ni bshad zin to/ /sku ni sprin sngon 'dra ba ste/ /zhes bya ba ni sku sprin sngon po dang 'dra bar sngo ba mnga' bas na de skad ces bya'o//dbu rgyan la ni sangs rgyas bzhugs/ /zhes bya ba ni cod pan la mi bskyod pa 'jog pa'o/ /rol stabs mdzad ces bya ba ni rol pa'i stang stabs mdzad pa'o/ /dkyil 'khor zhes bya ba ni nyi ma'i dkyil 'khor ro/ / sbyor ba'i ye shes kyis bskul ba'i/ /zhes bya ba ni dam tshig gi phyag rgya dang sbyor ba'o/ /de'i ye shes ni 'khyud pa la sogs pa ste gnas skabs der ci rigs par rigs lngar bzhugs pa'i lha thams cad kyi rab tu dga' ba rnam par dag pa nyid de/ des bskul bar so sor rig pas rab tu dga' ba'i bdag nyid can bdag gir mdzad ces bya ba'i bar du'o//gzhan dag ni lha dang gnyis su med pa'i nga rgyal gyi bdag nyid can gyi sbyor ba bsgom pa ni ye shes kyis bskul ba'o zhes 'dod do/ /bsgom par bya'o zhes bya ba ni tshig gi lhag ma'o/ /dbang bdag brdeg pa'i zhes bya ba la sogs pa la dbang bdag ni lha chen po'o//de la brdeg pa ston par gyur pa la sogs pa'i mngon pa'i nga rgyal gsal bar mdzad pa ste/ de'i ye shes gang yin pa de rnam par rgyal ba 'di la mnga' bas dbyig sngon la de skad ces bya ste de nyid rdo rje'o/ /dmigs pa zhes bya ba la sogs pa'i don bshad zin to//mig dmar skra 'bar gyen du brdzes/ /zhes pa ni mig dmar po mnga' bas na mig dmar ro/ /yang de nyid ni dbu skra 'bar zhing 'od dang ldan pas gyen du brdzes pa gang la mnga' ba de la de skad ces bya'o/ /pad+ma la bzhugs 'gying bag can//zhes bya ba ni pad+ma'i gdan gyi steng na khro bo'i nga rgyal gyis stang stabs dang bcas pas bzhugs pa'o/ /drag po ni drag po'i las mdzad pa'i phyir ro/ /tsham dam bcas pas gtor zhes bya ba ni tsham ngam dang bcas shing rol pa'i stang stabs zhes bya ba dang khro bo'i nga rgyal gyis bzhugs pas tsham dam bcas zhes bya ste stang stabs des bgegs rnam 'thor zhing skrod par byed pa bskyed pas de skad ces bya'o//phyogs bcu'i zhes bya ba ni rang rang gi phyogs su'o/ /'bar ba rnams kyis yongs su bskor/ /zhes bya ba ni nyi ma'i 'od kyi dkyil 'khor dang ldan pas de skad ces bya'o//sprin zhes bya ba ni 'dir ldan pa'i tshig tu shes par bya'o/ /sgom pa'i mchog gis zhes bya ba sgom pa'i mchog thob pas so/ /bsgom par bya zhes bya ba ni 'dir de bzhin du bsgom pa'o/ /'chol ba zhes bya ba la 'chol ba'i rgyud las bshad pa'i kun du spyod pa la ni 'chol ba zhes bya ba'i sgrar brjod do//de'i ye shes ni rang bzhin gyis 'od gsal bar rtogs pa'o/ /de'i stobs ni thogs pa med pa'i nus pa'o/ /des rnam par rgyal ba ni de dang 'dra bas rjes su 'gro ba'i sems can med pas na khro bo stobs po che la de skad ces bya ste de nyid rdo rje'o//dmigs pa zhes bya ba la sogs pa'i don ni bshad zin to/ /sku gsum ldan pa zhes bya ba ni sku gsum gyi bdag nyid can sku dang gsung dang thugs rdo rje'i ngo bo nyid du gyur pas de skad ces bya ste/ thams cad la yang de bzhin du shes par bya'o/ /'od bzang ba zhes bya ba ni 'od dmar po'o//'dom gang 'od kyis rnam par brgyan/ /zhes bya ba ni kun nas 'od zer mdog gang gis sku rab tu mdzes pa'o/ /ngos na lha mo rab bzhugs pa/ /zhes bya ba ni ngos gnyis na gsang ba chen po'i de kho na nyid lnga'i tshul gyis gnas pa'o/ /rigs kyi yum ni bzhi po rnams//zhes bya ba ni la la ni rdo rje sems ma la sogs pa yin par 'dod la/ gzhan dag ni spyan la sogs pa yin no zhes zer mod kyi de gnyis las phyogs snga ma ni mi rigs so/ /de dang ldan zhes bya ba ni tshig gi lhag ma'o/ /phyag rgya 'di dag kyang gang gi phyir sngar bshad mod kyi 'on kyang bskyed pa'i rim pa la dgongs pa nyid kyis na gtso bo nyid du bstan pa'i phyir yang phyag rgya 'di dag nye bar dgod pa mdzad pa yin no//rjes chags zhes bya ba ni rjes su dgyes pa'i bdag nyid can yin pas so/ /spros bcas dga' ston yin zhes bya ba ni 'khor los sgyur ba'i spro ba dang bcas pa'i dga' ston te/kun du dga' ba gang yin pa de la de skad ces bya'o/ /'dir lha mo rnams ni phyag gnyis pa'o/ /gtsug tor 'od zer lnga pa can/ /zhes bya ba ni 'dir de nyid yin par shes par bya'o/ /kun du 'khor lo'i phreng bar ldan/ /zhes bya ba ni 'od kyi dkyil 'khor gyi phyi rol du'o//'khor lo'i bar na rdo rje gnas/ /'od zer phreng bas rnam par brgyan/ /zhes bya ba ni rdo rje phreng ba'i nang du 'od kyi dkyil 'khor byas pas rjes su 'brel ba'i rdo rje phreng ba'i 'od zer gyi rnam pa can pas brgyan pa ste/ nye bar mtshon pa 'dis na de'i nang du rin po che dang pad+ma dang /ut+pala'i phreng bas kyang brgyan par shes par bya'o/ /byang chub snying po don gnyer ba/ /zhes bya ba ni byang chub kyi snying po mngon par 'dod pas so/ /'dod pa thob ces bya ba ni 'jig rten dang 'jig rten las 'das pa'i phun sum tshogs pa thams cad byed do/ /byang chub snying po zhes bya ba la sogs pa la byang chub kyi snying po ni de bzhin gshegs pa'i ye shes so//des gdul bya'i skye bo'i bsam pa rnam pa thams cad du rdzogs par byed cing brgyan pa dang spud par mdzad pas na byang chub kyi snying po thams cad kyis brgyan pa ste 'khor los sgyur ba'o/ /de nyid kyi ye shes na 'khor lo'i ngo bo nyid yin pas na ye shes 'khor lo'i rdo rje'o//dmigs pa zhes bya ba la sogs pa ni bshad zin to/ /gong du de dag la brten nas ting nge 'dzin gyi khyad par las nges par 'byung ba'i gsang sngags bye ba phrag du ma gsungs so zhes bya ba'i don de nyid rim bzhin du bstan pa yin te gsang sngags dam pa'i tshogs dang lha rnams tha mi dad par gzhag pa yin pas ci rigs par bsgrub pa'i phyir 'khor los sgyur ba dang por nye bar bkod pa yin no//sku gsum zhes bya ba ni rang dang rjes su mthun pa'i sku gsum dang ldan pas na de skad ces gsungs so/ /bI dza pU ra ne'u le can//zhes bya ba ni lag pa g.yas pa na bI dza pU ra'o/ /g.yon pa na ne'u le'o/ /ngos la rgyan rnams thams cad kyis/ /brgyan pa'i gnod sbyin mo bzhi dag /ces bya ba ni snga ma bzhin no/ /gzhan dag ni 'di dag phyogs rnam pa bzhi na gnas so zhes zer ro/ /rdo rje bdud rtsi lag gnas pas//zhes bya ba ni/ AHdang hUM las byung ba yi/ /zla ba rdo rje lag par bsam/ /yi ge oM las gdu bu ni/ /ser po mkhrig mar bsam par bya/ /baM ni zla ba'i mdog 'dra ba/ /de las bdud rtsi'i char rab 'bab/ /dri med ser mor mngon phyogs pa/ mkhas pas bum pa bzhin du blta/ /mdzub mo la ni nor bu bzang / /rdzogs bzangs zhes bya gung mo la/ /srin lag la ni nor sbyin te/ /nor sbyin chen po mthe'u chung la/ /mthe bor pi tsi kuN+Da li/ /ki li ma li mkhrig mar te/ /sgo dbang spyod pa'i dbang po dag /lag pa'i ngos la rnam par bsam//sngags pas gnod gnas chu dbang ni/ /lag pa'i dbus su rnam par bsam/ /dris bsgos lag pa'i dbus su ni/ /rang rang sngags kyis rim bzhin bsam/ /dang por yi ge oM dang ni/ /rat+na badzre rang ming dang / /bzhi yi mtha' dang de 'og tu/ /swA hAr bcas pa sngags su bsgrags//rdo rje bdud rtsi lag par bsam/ /'di ltar spyi bor cho ga bzhin/ /mkhas pas chu yi sbyin blugs brgya/ /nyin re zhing ni legs par dbul/ /rin po che zhes bya ba la sogs pa la rin po che ni yid bzhin gyi nor bu la sogs pa'o/ /sbyin pa ni sems can thams cad la stobs pa ste de lta bu'i rin po che'i char 'bebs pas na de skad ces bya'o//de nyid sbyin pa la sogs pa'i pha rol tu phyin pa'i ye shes kyi sprin dang ldan pas na/ snon gnas pa la ye shes kyi sprin zhes bya ste de nyid rdo rje'o/ /dmigs pa zhes bya ba la sogs pa'i don ni bshad zin to/ /rta bdun ldan pa'i shing rtar zhugs//zhes bya ba ni rta bdun gshibs pa'i shing rta la gnas pa'o/ /'bar ba'i dkyil 'khor snang mdzad pa/ /zhes bya ba ni nyi ma'i dkyil 'khor las byung ba'i 'od zer 'bar ba'i 'od kyi dkyil 'khor yongs su rgyas pa'i bdag nyid can no/ /phyogs bcu bsrung bar brtson pa ste//zhes bya ba ni phyogs bcu na gnas pa'i gdug pa rnams las bsrung ba'i phyir brtson zhing rab tu 'bad par mdzad pa'o/ /mig dang kha ni 'drub par byed/ /ces bya ba ni gdug pa rnams kyi mig dang kha 'drub par mdzad par bsgom par bya ste snga ma bzhin no/ / nye bar spyod pa rnam spangs te/ /zhes bya ba ni mi bden pa'i rnam par rtog pa bsal la rnam pa thams cad du lha mo bsgom pas gnas par bya'o/ /hUM mdzad ces bya ba ni yi ge hUM gi sgra legs par sgrogs pa la brtson pa'o/ /'di ni zhes bya ba ni 'od zer can gyi ting nge 'dzin gyis so/ /dbang du zhes bya ba ni rnal 'byor pa de nyid kyis so//sdang ba thams cad ces bya ba la sogs pa la sdang ba thams cad kyis mi tshugs par byed pa ni gdug pa thams cad bzlog pa ste lha mo 'od zer can no/ /de nyid ni thogs pa med cing mchog tu gyur pa'i ye shes dang ldan pas na ye shes kyi rdo rje mchog rab ces bya'o//dmigs pa zhes pa la sogs pa'i don ni bshad zin to/ /de steng kha dog lnga po dag/ /rab tu 'dres pa'i sangs rgyas bzhugs/ /zhes bya ba ni snga ma bzhin te kha dog ser po la sogs pa'o/ /slar yang de la kha dog lnga'i/ /sangs rgyas bdud rtsi'i char 'bebs mdzad//ces bya ba ni khro bo'i 'od 'bar bas gdon bsal ba'i sems can la rdo rje bdud rtsi'i chu'i bum pa phyag gnyis kyis 'dzin pa'i de bzhin gshegs pa rnams kyis dbang bskur bar bsam mo zhes sbyar ro/ /nad thams cad ces bya ba la sogs pa la nad thams cad ni rims la sogs pa'o//nye bar zhi ba ni bsal ba ste de nus pa'i ye shes thogs pa med pa gang yin pa ste de'i ngo bo nyid du gyur pas na ri khrod kyi shing lo can la yang de skad ces bya'o/ /de nyid ni rdo rje 'bar ba'i gzugs can te mi bzad pa'i srung ba'o/ /de la dmigs pa zhes bya ba la sogs pa'i don ni bshad zin to//sbrul mgo bdun gyi gdengs ka rgyas/ /zhes bya ba ni sbrul mgo bdun gyi gdengs ka cod phan gyi steng du 'jog pas rgyas shing khyad par gang yin pa de la de skad ces bya'o/ /de nyid ni nor bu 'bar bas brgyan pa ste zhes bya ba ni sprul mgo rnams kyi steng na 'od 'bar ba de'i dbus na gnas pa'i nor bu las byung ba'i 'od zer mdzes pas 'bar ba'i nor bus rnam par brgyan pa'o//'od ni dmar po'i dkyil 'khor can/ /zhes bya ba ni 'od kyi dkyil 'khor dmar po 'bar ba'o/ /'ja' rnams 'phro bas bskor ba ste/ /zhes bya ba ni rab tu 'phro ba'i 'ja' 'dra ba'i ye shes kyi phreng ba gang la yod pa de la de skad ces bya'o//kun nas 'bar ba rnams kyis khebs/ /zhes bya ba ni 'bar ba'i tshogs kyis khebs pa'o/ /sangs rgyas zhes bya ba la sogs pa la de ltar gyur pa'i sangs rgyas kyi sku'i gzugs brnyan 'phro ba phyag gi pad+ma gnyis kyis yi ge baM las byung ba'i bum pa bdud rtsi'i chus yongs su gang ba'i zla ba'i mdog ltar dkar ba thogs par bsgom mo zhes bya bar sbyar ro//kha ni dza yis rnam brgyan pa/ /zhes bya ba ni bum pa de yi ge dzas kha nye bar mdzes par byas par bsgom mo zhes sbyar ro/ / la la ni dug gis brgyal bar bya'o zhes zer ro/ /dug gis phog pa rnams la ldugs/ /zhes bya ba ni sangs rgyas de rnams 'dod chags la sogs pa'i dug gis brgyal ba'i sems can rnams la ldugs par mdzad par bsgom par bya'o/ /dug gis phog pa rnams la zhes bya ba ni dug med par bya ba'i phyir ro//de ltar bsgom pa zhes bya ba ni dug sel ma'i ting nge 'dzin to/ /nyon mongs pa zhes bya ba la sogs pa la nyon mongs pa thams cad ni 'dod chags la sogs pa'o/ /de dag nyid thabs med par bsten na 'bras bu yid du mi 'ong ba 'byin pas na dug ste de nye bar 'joms par mdzad pas na dug sel mal de skad ces bya'o//de nyid gdengs ka'i dbang po ste klu rnams kyi bdag por gyur pa'o/ /de nyid gzhig par mi nus pa dang mi ldog pa'i phyir rdo rje ye shes so/ /dmigs pa zhes bya ba la sogs pa'i don ni bshad zin to/ /thor tshugs rgyal ba'i sku gzugs bzhugs//zhes bya ba ni 'od dpag tu med pa'i sku ni rgyal pa'i sku ste de thor tshugs kyi dbus na bzhugs pa gang yin pa de la de skad ces bya'o/ /pad+ma dkar po lta bur snang / /zhes bya ba ni pad+ma dag pa dang 'dra ba'o/ /nyams sems stobs ldan zhes bya ba ni gar stabs kyi ro'i nyams dang nye bar ldan pa'o//bgrang nor phreng ba can zhes bya ba ni bgrang phreng dang ldan pa'o/ /rol pa'i stang stabs zhes bya ba ni rol pa dang bcas pas so/ /rin chen ri phug nang bzhugs pa/ /zhes bya ba ni rin po che'i ri phug gi dbus na bzhugs pa'o/ /rnal 'byor sems pas zhes bya ba ni ha la ha la'i thabs dang shes rab sgom par byed pas so//rnam par mi rtog ting 'dzin gyis/ /zhes bya ba ni chos kyi dbyings ji lta ba bzhin du gnas pa la lhag par mos pas yang dag ma yin pa'i kun du rtog pa bsal ba'i ting nge 'dzin gyis so/ /nang gi bzlas pa zhes bya ba la sogs pa la bsam gtan gyi bzlas pas sngags zlos pa ste/gcig dang gnyis dang gsum la sogs pa'i gzugs 'phro bas bsgom pa ni ma yin no/ /'dod pa thams cad ces bya ba la sogs pa la 'dod pa thams cad ni yongs su dag pa'i gzugs la sogs pa'o/ /de rab tu bsgrub pa ni sgrub pa po'i rgyud la rdzogs par mdzad pas na 'dod pa thams cad rab tu sgrub pa'o//de nyid ni ha la ha la 'di yin pas ni de skad ces bya'o/ /de nyid ni gdul bya'i skye bo ma lus pa'i 'dod chags la sogs pa'i dug 'joms pa nyid kyis thogs pa med pa'i shin tu sim pa'i ye shes dang ldan pas na yongs su mnyes par byed pa ye shes rdo rje'o//dmigs pa zhes bya ba la sogs pa'i don ni bshad zin to/ /srin mo zhes bya ba ni de lta bu'i gzugs 'dzin pa'i phyir ro/ /thor tshugs zhes bya ba la sogs pa la thor tshugs dang cod pan gyis brgyan pa'i spyi bo de nyid la mi bskyod pa bzhugs pa zhes bya ba ni de nyid kyi mgo la mi bskyod pa bzhugs pa gang yin pa de la de skad ces bya'o//lag na khrag gis bkang ba'i thod pa thogs pa zhes bya ba ni mi'i khrag gis yongs su bkang ba'i mi'i thod pa lag pa g.yas kyi dang po la thogs pa gang yin pa de la de skad ces bya'o//g.yon pa gcig gis ni sdigs mdzub byed pa zhes bya ba'o/ /rol pa'i stabs kyis zhes bya ba ni rol pa'i stang stabs kyis bzhugs pa'o/ /'di lta bu zhes bya ba la sogs pa la bshad ma thag pa'i bzlas pa dang sgom pa 'di lta bu dang ldan pas so/ /hUM gis hUM mdzad pa zhes bya ba ni khro bo la zhen pa'i hUM sgra sgrogs par brtson pa'o//sems can kun don phun tshogs pa'i/ /zhes bya ba ni sbyin pa la sogs pas sems can thams cad kyi don bya ba'i phyir nye bar bsags pa'i bsod nams dang ye shes kyi tshogs phun sum tshogs pa'i rgyu dang yang dag par ldan pas so//sems can thams cad ces bya ba la sogs pa la sems can thams cad de/ gdug pa rnams gsod pa'i mchog yin la/ de nyid kyis na rab ste pad dkar ma'o/ /de nyid ni byang chub kyi snying por bdud bzhi las rnam par rgyal ba'i phyir bcom ldan 'das kyi stobs bcu'i ngo bo nyid du gyur pas na byang chub kyi snying po rnam par rgyal ba'i stobs zhes bya'o//dmigs pa zhes pa la sogs pa'i don ni bshad zin to/ /phyed zur pa ni rnam par rol/ /ces bya ba ni g.yon logs dpag bsam gyi shing la brten pas rten pa dang bcas pa'o/ /'jam pa'i khro bo rdo rje yis//zhes bya ba ni gshin rje gshed kyis so/ /de yis mgo ni mnan nas bzhugs/ /zhes bya ba ni dkyil 'khor gyi bdag po 'jam dpal gyi sbyor bas bzhugs pa'o/ /gnod sbyin mo zhes bya ba la sogs pa la gnod sbyin mo thams cad kyi sgrub pa ni rang dbang du bya ba nyid rdzogs par byed pa ste/de la mchog tu gyur pa ni 'jam dpal rang gi khro bo dang bcas pa'o/ /dmigs pa zhes bya ba la sogs pa'i don ni bshad zin to/ /yi ge gsum pa mig gsum gzugs/ /zhes bya ba ni bshad ma thag pa'i yi ge gsum gyi gzugs can no/ /de nyid gsum pa ni//khyab 'jug lha chen mes po che/ /zhes bya ba ste khyab 'jug ni nor lha'o/ /lha chen po ni bde byed do/ /mes po chen po ni tshangs pa'o/ /rang gi mtshon thogs la zhes bya ba ni mtshon cha thogs pa ni nye bar mtshon pa tsam ste de la khyab 'jug ni mdog sngon po lag pa bzhi pa/ g.yas dang g.yon na dbyug pa dang rdo rje dang /dung dang 'khor lo 'dzin pa nam mkha' lding la zhon pa'o/ /lha chen po ni shel gyi mdog can mgrin pa sngo ba/ mig gsum pa/ stag gi pags pa gyon pa/ /mtshan ma 'greng ba/ lag pa drug pa/ g.yas na mdung rtse gsum pa dang rdo rje dang Da ma ru thogs pa/g.yon gnyis na kha T+wAM ga dang thod pa khrag gis bkang ba thogs pa cig gis u ma la 'khyud pa khyu mchog la zhon pa'o/ /tshangs pa ni mdog ser po lag pa bzhi pa g.yas na rdo rje dang phreng ba dang g.yon na dbyig pa dang spyi blugs 'dzin pa dang dad pa la zhon pa ste de dag kyang rin po che'i cod pan can no//rdo rje'i ting 'dzin bsgom nas ni/ /zhes bya ba ni rdo rje hUM mdzad kyi ting nge 'dzin bsgom pas so/ /rdo rje hUM mdzad kyis bskul na/ /zhes bya ba ni rdo rje hUM mdzad kyi rnal 'byor pas 'dod pa'i rgyal pos lha chen po la sogs pa gang yang rung ba bkug nas khro bo ti rI n+ti ri'i phyag rgya bcings te/rdo rje 'di ni rdo rje che/ /zhes bya ba la sogs pa'i spyi'i dam tshig bsgom zhing khyad par gyi dam tshig ji lta ba yang bstan nas mngon par 'dod pa'i las grub par gyis shig ces bskul ba byas la/ rdo rje hUM mdzad kyi phyag rgyas kyang sdigs mdzub byas nas bsgrubs na 'jigs pas dngos grub ster bar 'gyur ro//'jig rten zhes bya ba la sogs pa la 'jig rten thams cad kyi lha rnams sgrub par byed pas spun gsum la 'di skad ces bya'o/ /de nyid kyis na mig gsum pa/ /zhes bya ba la lha chen po'i bdag nyid kyi rnam par rol pa ni rnam par brtse ba'o//ye shes rdo rje zhes bya ba ni 'jig rten pa'i thogs pa med par shes pa'i tshul lo/ /dmigs pa zhes bya ba la sogs pa'i don ni bshad zin to/ /dkyil 'khor la ma gtogs pa'i lha cung zad tsam zhig bstan nas/ da ni 'dir ma gtogs pa gzhan dag kyang bstan pa'i phyir gzhan yang zhes bya ba la sogs pa gsungs so//gsang sngags zhes bya ba ni gsang sngags kyi skyes bu ste/ 'di ni mngon par 'dod pa'i sngags/ /sa bon gang yin pa sbyar byas te zhes bya ba gsungs so/ /rdo rje'i yig 'bru rnams bsgoms pas/ /zhes bya ba ni rgyud kyi nang na rab tu grags pas rang rang gi sa bon gyi yi ge'am ming gi dang po'i yi ge dang de bzhin du rjes su sbyar ba'o//'phrog ma zhes bya ba la sogs pa la 'phrog ma ni yi ge ha las skyes pa bu lnga brgyas yongs su bskor ba rnam par bsams na 'grub par 'gyur ro/ /dpa' can yang zhes bya ba ni dpa' can la sogs pa gnod sbyin mo lnga brgyas yongs su bskor ba'o//ting nge 'dzin rab tu ston pa'i gzhung gi le'u la ting nge 'dzin rim par phye ba zhes bya ba'i sgrar gsungs so/ /le'u bzhi pa'i 'grel pa'o// //ting nge 'dzin yongs su shes pas rang gi bstan pa la zhugs pa'i sems can rnams la phan pa'i gsang sngags kyi mthu bstan par bya dgos pas na de nas zhes bya ba la sogs pas le'u lnga pa gsang sngags kyi ye shes rnam par bsgyings pa'i rim par phye ba gsungs te/bcom ldan 'das kyis phyung ngo zhes bya bar sbyar ro/ /ci zhig mdzad nas she na/zhi la rdul dang bral ba'i mchog /ces bya ba gsungs te 'dod chags la sogs pa nye bar zhi bas na zhi ba'o/ /des rdul dang bral ba ni rnyog pa dang bral ba ste/ bcom ldan 'das rnam par snang mdzad do/ /de'i mchog ni dam tshig gi phyag rgyar gyur pa nyid de yum sangs rgyas spyan no//dmigs pa zhes bya ba la sogs pa'i don ni bshad zin to/ /de la snyoms par zhugs pa ni mngon sum du mdzad pa ste spyan gyi gsang sngags ston pa'i rnam par thugs rtse gcig tu mdzad ces bya ba'i don to/ /gsang sngags ston pa'i ting nge 'dzin thams cad la yang lha de'i gsang sngags ston pa'i rnam par thugs rtse gcig tu mdzad par shes par bya'o//ting nge 'dzin la dmigs par mdzad pas ni 'di skad ston te/ mtshan ma thob pa nyid kyis zhi ba la sogs pa'i las la gsang sngags rab tu sbyar bar bya'o zhes ston pa yin no/ /de bzhin gshegs pa thams cad kyi yum zhes bya ba ni rigs de'i yum du gyur pa'i phyir ro//ye shes skyed par mdzad pas sna tshogs pa'i las kyi bya ba mdzad pa zhes bya ba ni ye shes skyed par mdzad pas sems can gyi khams sna tshogs shing ma lus pa'i las mdzad pa nyid kyis na mngon par 'dod pa'i bya ba rdzogs par mdzad pa'i rgyur gyur pa'o//las kun rab tu rdzogs mdzad pas/ /zhes bya ba ni zhi ba la sogs pa'i las rnams sgrub par mdzad pas so/ /dgyes pa ni sems can gyi khams thams cad bde bar byas par gzigs pas dgyes pa'o/ /bdud kyi dpung rnams 'dar gyur te//zhes bya ba ni sems can rnams 'joms par byed pa'i bdud kyi sde rnams g.yos pa'o/ /sangs rgyas rdo rjes dran byed/ /ces bya ba ni rang nyid la yongs su skyob pa'i phyir rnam par snang mdzad rjes su dran par gyur pa'o/ /'di'i 'og ma rnams la yang so sor sngags brjod pa na rnam par snang mdzad la sogs pa rjes su dran pa ji lta ba bzhin du don 'di nyid kyis bsgre bar bya'o//'dis ni 'di skad ston pa yin no/ /rigs kyi bdag pos byas pa'i 'tsho pa nye bar zhi bar bya ba la ni rigs kyi yum gyi gsang sngags dran par bya zhing bsgom mo zhes shes par bya'o//sangs rgyas rnams kyi zhi bskyed yum/ /zhes bya ba ni sangs rgyas rnams dang 'brel pa'i gdul bya rnams kyi zhi ba bskyed pa'am/ yang na gal te sgrub pa po zhi ba byed kyang sngags pa gzhan gyis phur bus btab pas sgrub pa po la bya ba'i dngos grub mi stsol na/de'i tshe shes par byas nas de rnams kyi gzugs brnyan byas la phur bus btab ste/ slar phyung nas sangs rgyas spyan gyi gsang sngags bzlas pa'i 'o mas bkrus na de'i tshe de rnams zhi bar 'gyur ro/ /de nas de'i mngon par 'dod pa'i dngos grub stsol bar 'gyur bas na 'di la ni/sangs rgyas rnams kyi zhi bskyed yum/ /zhes bya'o/ /'di dag kyang nges par shes par bya ba ni gzhan gyis bkrir mi rung ba la sogs pa'i sgrub pa po'i dbang du byas pa yin te/ ting nge 'dzin thob pas dgug pa la sogs pa la 'jog pa'i tshul dang 'dra bar shes par bya'o/ /rdo rje dam tshig gis bskul na//zhes bya ba ni nges par bskul ba'o/ /ma grub rnams la grub par stsol/ /zhes bya ba ni dngos grub ma grub pa rnams la dngos grub stsol bar mdzad pa'o/ /'di skad ston pa yin te/ gang de bzhin gshegs pa'i rigs las byung ba'i gsang sngags rnams dngos grub mi stsol na de spyan gyi gsang sngags dang spel nas bzlas na dngos grub stsol bar 'gyur ro zhes bya'o//de nas zhes bya ba la sogs pa ni snga ma bzhin no/ /sku gsum 'bar ba'i mchog gi dam tshig ces bya ba la sku gsum gyi bdag nyid can mi bskyod pa'o/ / de nyid ni thabs dang shes rab kyi ngo bos khro bo'i gzugs su gyur pas na 'bar ba'o/ /de nyid kyis na 'jigs byed la sogs pa'i khro bo rnams kyi mchog go/ /de'i dam tshig ni yum mA ma kI'o/ /dmigs pa zhes bya ba la sogs pa'i don ni bshad zin to/ /rdo rje 'chang ba'i mchog thams cad kyi yum zhes bya ba ni rigs de'i yum du gyur pas so//rdo rje'i dkyil 'khor bskyed pa zhes bya ba ni rdo rje'i rigs kyi ye shes skyed par mdzad pas so/ /dngos grub thams cad rab tu stsol bar mdzad pa zhes bya ba ni sangs rgyas spyan dang 'dra ba'o/ /thams cad ces bya ba ni sangs rgyas la sogs pa'o//rjes dran gyur zhes bya ba ni rjes su dran pa ste/ /dgyes pas zhes bya ba ni tshig gi lhag ma'o/ /dngos grub thams cad srung mdzad ma/ /zhes bya ba ni dngos grub thams cad kyi srung ba 'dis bya'o zhes bya ba'i don to/ /'di ni spyi'i srung ba'i cho ga'o//de bzhin las rnams 'grub pa yin/ /zhes bya ba ni ji ltar ji lta ba la sogs pa'i las rnams grub pa'i rgyur gyur pas spyan la sogs par sprul par mdzad pa de bzhin du sprul pa'i don to/ /de nas zhes bya ba la sogs pa ni snga ma bzhin no/ /'dod chags chen po zhes bya ba la rang bzhin gyis rnam par dag pa'i snying rje chen po'i ngo bo nyid ni 'dod chags chen po ste des chags pa ni dmar ba'o//pad+ma ni pad+ma'i rigs so/ /de'i gar gyis gar byed pa'i tshul gyis rnam par 'phrul pas 'thor zhing nam mkha'i khams ma lus par khyab pa ste bcom ldan 'das 'od dpag med la de skad ces bya'o//de'i rnam par 'phrul pa ni shin tu dga' ba'i skus rnam par rol pa'o/ /de'i don dam tshig gi rdo rje ni dam tshig gi phyag rgya ste gos dkar mo'o/ /dmigs pa zhes bya ba la sogs pa'i don ni bshad zin to/ /chos thams cad 'dzin pa mchog gi yum zhes bya ba ni rigs de'i yum du gyur pas so//thams cad dbang du byas pa la/ /zhes bya ba la sogs pa la sangs rgyas la sogs pa thams cad dbang du bya ba ni mi 'da' bar byas pa'o/ /de'i khong du chud pa ni rnal 'byor pa rnams kyis rtogs par byed pa ste/ bcom ldan 'das don yod grub pa la de skad ces bya'o//de'i rdo rje gsum mnyam pa nyid kyis dga' bar byed pa ni sku gsum rdo rje skye ba med par mdzad pa ste yum sgrol ma'o/ /sna tshogs thams cad 'chang ba'i yum gyi mchog /ces bya ba ni rigs de'i yum du gyur pas so/ /de bzhin gshegs pa zhes bya ba la sogs pa la rnam par snang mdzad la sogs pa de bzhin gshegs pa thams cad kyi ye shes la 'jug pas na ye shes la 'jug pa ste khro bo'i thabs dang shes rab ni khro bo'i ye shes so//des sgrol ba ni sems can gdug pa ngan 'gror ltung ba rnams sgrol bas gshin rje gshed la yang de skad ces bya'o//de la dmigs pa zhes bya ba la sogs pa'i don ni bshad zin to/ /'jigs pa skyes gyur na zhes bya ba ni de bzhin gshegs pa dang byang chub sems dpa' dang bcas pa thams cad 'jigs pa skyes pa'o/ /'dir la la dag ni de rnams la 'jigs pa mi mnga' bas 'di ni mi 'jigs so zhe na de ma yin te/gang gi phyir rang gis dam bcas pa ni 'jigs pa ste de rnams gdul ba'i dbang du mdzad nas dam bcas pa 'di la 'jigs pa rnam par 'jog par mdzad de/ gal te ji skad du bshad pa'i tshul gyis sgrub pa la lan bdun bzhugs pa'i sngags pas grub par ma gyur na de'i tshe 'phags pa gshin rje gshed la sogs pas phur bus btab ste/kho bo cag bsgrub par bya ba yin pas bcom ldan 'das ni gtum po'o snyam nas 'dir sngags pas phur bus 'debs par 'gyur ro/ / zhes 'jigs pa kun du skyes pas dngos grub stsol bar mdzad par 'gyur te ji skad du/ rdo rje hUM mdzad phyag rgya yis/ /ji lta de lta de rnams khros/ /sangs rgyas thams cad gzir na ni/ /'jigs pas dngos grub stsol bar 'gyur/ /zhes gsungs pas so/ /rdo rje ra ba dra ba'i zhes bya ba ni bcom ldan 'das kyi gzi byin bzod par dka' bas rdo rje rab dang 'dra bas go mnan pas na ye shes sna tshogs can la gzigs pa ste/'dis ni bcom ldan 'das de bsnyen par dka' ba bstan to/ /srubs cig pa'am zhes bya ba ni dum bu gcig pa'o/ /srubs gnyis pa zhes bya ba ni dum bu gnyis pa zhes bya ba'i don to//lha mo bzhi yi sbyor ba dang / /sangs rgyas lnga yis byin brlabs te/ /zhes bya ba ni ji skad du gsungs pa'i thod pa'i dbus su khrag gis thod pa la pad+ma 'dab brgyad bri ste/ de'i dbus dang shar la sogs pa'i 'dab ma bzhir rnam par snang mdzad la sogs pa lnga dang shar lho la sogs pa mtshams kyi 'dab ma bzhi la spyan la sogs pa bzhi dgod pa ni sangs rgyas kyi byin gyis brlabs pa dang /lha mo bzhi'i sbyor ba dang de ldan par 'gyur ro/ /rkang rjes sa yi cho ga la/ /zhes bya ba ni bsgrub par bya ba'i rkang rjes kyi sa dang chu bo'i ngogs gnyis kyi sa las gzugs brnyan byas te/de'i snying gar bsgrub par bya ba'i ming dang spel ba'i gshin rje gshed kyi sngags tA la la sogs pa la bris te bcug nas g.yogs pa ste 'di ni rkang rjes kyi sa'i cho ga'o/ /rkang pas mnan te de la bzlas/ /zhes bya ba ni gshin rje gshed kyi rnal 'byor pas de'i dkyil 'khor gyi dbus su 'dug la bsgrub par bya ba rdo rje rlung gi dkyil 'khor la bskyon te/rnam par snang mdzad la sogs pas rang gi zhags pa dang lcags kyus bcings te/ drangs par gyur par bsams la rkang pa g.yon pa'i mthil du zla ba'i dkyil 'khor la gnas pa'i rdo rje lcags kyu kha thur du bltas pas thod pa'i nang du gzugs brnyan bcug pa mnan la dgug pa'i tshul gyis rkang pa bskyod cing gshin rje gshed kyi gsang sngags bsgrub par bya ba dgug pa'i ming dang spel te bzlas par bya'o zhes bya ba ni bsdus pa'i don to//sprin chen po zhes bya ba la sogs pa la skal ba ji lta ba bzhin du dam pa'i chos kyi chu rgyun rnams kyis 'gro ba'i don mdzad pas sprin chen po dang 'dra bas na sprin chen po ste sangs rgyas bcom ldan 'das so/ /de rnams kyi ye shes kyi rdo rje mchog ni gdug pa 'dul ba'i thabs kyi ye shes so//de las byung bas na dam pa rdo rje bdud rtsi khro bo ste bdud rtsi'i thab sbyor ro/ /dmigs pa zhes bya ba la sogs pa'i don ni snga ma bzhin no/ /khro bo'i 'khor lo spel nas su/ /zhes bya ba ni 'khyam zhing smel zhing 'khyams pa'i tA la'i lo ma la dug la sogs pas 'khor lo rtsibs brgyad pa bris la lte bar hUM lha sbyin uts+tsha Ta ya phaT ces bya ba dang /rtsibs brgyad la'ang de bzhin du dgod do/ /mu khyud la bsgrub par bya ba'i ming skrod pa dang spel te phreng ba'i sngags bri'o/ /tshogs bdag rkang pa'i drung du gzhag /ces bya ba ni tshogs kyi bdag po'i rkang pa'i 'og tu bsgrub par bya ba gzugs brnyan gzhag pa gang yin pa de la de skad ces bya'o//hUM dang phaT kyis bskul nas su/ /zhes bya ba ni hUM che ge mo uts+tsha Ta ya phaT ces tshogs kyi bdag po bskul ba gang yin pa de la de skad ces bya'o/ /'di skad ston pa yin te bsgrub par bya ba'i srung ba bsal ba sngon du 'gro bas gzugs brnyan gyi snying gar 'khor lo bcug la bdud rtsi thab sbyor gyi sbyor ba dang ldan pas tshogs kyi bdag po ji lta ba bzhin bkug la dam tshig byin pa de'i rkang pa'i 'og tu gzugs brnyan sbas nas hUM che ge mo uts+tsha Ta ya phaT ces brjod cing de la bka' bsgo bas bsgrub par bya ba gcer bu til mar gyis bskus pa rnga mo la bskyon te rdo rje rlung gi dkyil 'khor gyis bteg nas lho phyogs su khyer bar bsam zhing de'i khyim yang rnga mo gcig gis yongs su khyer bar bsams la khros pas nyi ma phyed dang /mtshan phyed la nyin zhag bdun gyi bar du brgya rtsa brgyad bzlas na nges par skrod par 'gyur ro/ /rin po che brtson pa zhes bya ba la sogs pa la rin po che ni rin po che'i rigs so/ /brtson pa ni thams cad kyi bsam pa yongs su rdzogs par mdzad pas rab tu 'bad pa'i khyad par ro//des spros pas na khro bo gzhan gyis mi thub pa de la de skad ces bya ste de nyid ye shes kyi rdo rje'o/ /dmigs pa zhes bya ba la sogs pa'i don bshad zin to/ /skems byed kyi gdon zhes bya ba ni byis pa'i gdon no/ /rdo rje gzir ba'i sbyor ba yis/ /zhes bya ba ni srin po la sogs pa'i gdon rig pa mchog gi rgyud kyi cho ga las mtshan ma shes par byas la de ji lta ba bzhin du bkug la bsgrub par bya ba'i lus la gzhug cing bcings la ra ba la sogs pa byas te/yi ge hUM las byung ba'i rdo rje gnyis kyis gzir bar bsams la hUM 'bar ba las byung ba'i rdo rje lta bu'i yungs kar gyis srin po la sogs pa rnams sol cig ces bskul ba'i tshig dang bcas par gsang sngags bzlas la brdeg cing bsal ba la sogs pa'i las rnams byas te/'di ni rdo rje gzir ba'i sbyor ba'o/ /yon tan rin po che zhes bya ba la sogs pa la yon tan rin po che lta bu'i yon tan de lung dang rtogs pa'i bdag nyid can no//dpag tu med pa ni tshad med pa ste de kun nas bsags pa khro bo rta mgrin gang yin pa de la de skad ces bya ste de nyid rdo rje'o/ /dmigs pa zhes bya ba la sogs pa'i don ni bshad zin to/ /lag pa la zhes bya ba la sogs pa ni go sla'o//'di skad ston pa yin te/ mtshan ma ji lta ba bzhin du shes par byas nas lag pa g.yon pa la zla ba rdo rje de'i dbus su pad+ma 'dab ma brgyad pa dkar po/ /de'i dbus su yi ge ha zla ba'i mdog can bsams la dug gis zin pa'i mdun du rta mgrin gyi phreng ba'i sngags nyi shu rtsa gcig bzlas te bsgrub par bya ba gos kyis bkab ste nub phyogs su kha bstan la bzhag nas de'i lus la phreng ba'i sngags ji lta ba bzhin bkod la/zhi bar mdzad pa'i rta mgrin du gsol cig ces bskul ba'i tshig dang bcas par sngags bzlas par bcom ldan 'das kyis bsgrub par bya ba ste/bdud rtsi'i rgyun gyis yongs su 'gengs par bsams la gos drang zhing rta mgrin gyi nga rgyal du byas pas dug bsal bar bya'o/ /gal te myur bar ldang ste 'dzin par 'dod na des de'i snying gar pad+ma dkar po'i lte bar yi ge ha bsam par yang shes par bya'o//khro rgyal ting 'dzin la gnas nas/ /rdo rje gsum gyi yi ges mdzes/ /zhes bya ba ni khro bo rta mgrin gyi ting nge 'dzin la gnas nas/ oM AHhUM zhes bya bas nye bar mdzes pa'i lus kyis so/ /khams gsum dag kyang zhes bya ba ni khams gsum po rnams kyang ngo //don yod par 'byung ba zhes bya ba la sogs pa la don yod cing don dang ldan pas thogs pa med pa'i dngos grub stsol ba 'byung zhing bskyed pa ste/ khro bo be con sngon po can la de skad ces bya'o/ /de nyid ni rgyal mtshan gyi mchog nor bu'i rdo rje ste rdo rjes mtshan zhing yid bzhin gyi nor bu ltar bsam pa thams cad yongs su rdzogs par byed pas de bzhin gshegs pa thams cad kyis bstod pa nyid yin pas na rgyal mtshan gyi mchog nor bu rdo rje zhes bya'o//dmigs pa zhes bya ba la sogs pa'i don ni go sla'o/ /sangs rgyas thams cad ces bya ba ni de dang 'brel pas na bcom ldan 'das dbyug sngon can no//sbyor ba'i cho gas bskul nas zhes bya ba ni gdug pa rnams gsod pa'i bar du sbyor bas so/ /de la sbyor ba'i cho ga ni 'di yin te thugs rdo rje'i rnal 'byor bas bsgrub par bya ba'i rdo rje pad+mo'i sbyor ba ji lta ba bzhin du zhugs la/de'i snying ga na gnas pa'i byang chub kyi sems ji lta ba bzhin du 'thungs te de nyid las byung ba'i khro bo dbyug sngon can gyi nga rgyal can du byas la/ rang gi dkyil 'khor la gnas pa'i de bzhin gshegs pa thams cad khros pa dang / bsgrub par bya ba yang dkon mchog gsum la sogs pa rnam par 'jig par bsgoms la/sangs rgyas dang rdo rje 'dzin pa la sogs pa rang gi dam tshig gis bzlog par bya ste/ bcom ldan 'das de bzhin gshegs pa 'di ni dkon mchog gsum la sogs pa la gnod par byed pa de 'di'i dam tshig sbyin pa la sogs pa mi len te/sems can de ni byang chub kyi sems dang bral ba yin la khyed rnams ni byang chub kyi sems dang rab tu 'brel ba yin pas/ des na 'di'i snying spang bar mdzad du gsol zhes brjod la/ de'i snying spangs nas de bzhin gshegs par rnam par bsam mo/ /yang sbyor ba gzhan dag gis srung ba la sogs pa bsams nas khrag gis gsher ba'i gos bgos pa'am gcer bus chu bo'i ngogs gnyis kyi sa la sogs pa las bsgrub bya'i gzugs brnyan byas la rkang pa g.yon pas mnan te bsgrub par bya ba yang der dgug pa dang gzhug pa dang bcing ba byas la khros pas/ji lta ba bzhin du mngon spyod kyi cho ga rdzogs pa la brtson par bya zhing be con sngon po can zlos pas de gsod pa la brtson pa'i rdo rje be con sngon po la sogs pa dpag tu med pa spro bar bya'o/ /kun du zhes bya ba la sogs pa la kun nas thams cad du sangs rgyas la sogs pa rnam par 'phro ba ste/ de'i bkod pa'i tshogs yod pas khro bo stobs po che la de skad ces bya ste de nyid rdo rje'o/ /dmigs pa zhes bya ba la sogs pa'i don ni bshad zin to/ /las kun rab tu sgrub par byed/ /ces bya ba ni rnal 'byor pa mos pa'i stobs kyis gsang sngags 'di nyid kyis zhi ba la sogs pa'i las rnams kyang 'grub par 'gyur bas de skad ces bya'o//char pa che na gcod 'gyur la/ /zhes bya ba ni khro bo stobs po che'i rnal 'byor gyis nam mkha' la gnas pa'i chu'i tshogs rnams 'thungs par lhag par mos nas mtshon cha phyag rgyas sprin rnams gtub par bya'o//char pa chung na rab tu 'bebs/ /zhes bya ba yang sbyor ba 'di nyid nas bshad do/ /kun du zhes bya ba la sogs pa la kun nas thams cad du 'bar bas snying por byas pas bcom ldan 'das 'dod pa'i rgyal po la de skad ces bya ste de la dmigs pas na de skad ces bya'o/ / rkang g.yas zhes bya ba la sogs pa la rkang pa g.yas pa'i mthil du zla ba'i dkyil 'khor gyi 'og tu yi ge a las sna tshogs rdo rje de'i yang 'og tu yi ge dzaHlas rdo rje lcags kyu kha thur du bltas pa rnam par bsams la mtshan de bsgrub par bya ba'i gzugs brnyan mnan no zhes bya bar sbyar ro//sku gsum ye shes stobs ldan pas/ /zhes bya ba ni sku gsum gyi ye shes byin gyis brlabs la khro ba dang bcas pas g.yon phyogs su lus cung zad 'dud par bya'o/ /khro gnyer rim par bsnyer byas te/ /zhes bya ba la sogs pa ni dpral ba bskul ba byas so zhes bya ba'i don to//rdo rje zhes bya ba la sogs pa la rdo rje ltar rab tu 'bar ba'i ye shes ni gdug pa rnams 'dul ba'i thabs kyi ye shes te des rab tu 'bar bas gtum por gyur pa ste khro bo mi g.yo ba'o/ /dmigs pa zhes bya ba la sogs pa'i don ni bshad zin to/ / gtso bo zhes bya ba ni 'dir dran zhes bya ba dang rjes su sbyar ro/ /dgug byed cing zhes bya ba la sogs pa ni snga ma bzhin no/ /sku gsum gyi zhes bya ba la sogs pa la 'di ni rtag tu sku gsung thugs mi zad pa'i ye shes kyi mthar thug pa yin pas na sku gsum rdo rje'i ye shes so/ /de nyid hUM bzhis bsnyen par dka' ba'i ngo bo nyid pas na 'bar ba'o//de nyid de bzhin gshegs pa rnams kyis thabs dang shes rab kyi khro bo'i gzugs kyis srid pa gsum po ma lus pa'i bdag por gyur cing mi shes pa'i bud shing rnams bsregs pas na 'bar ba'i rdo rje'o/ /de nyid bgegs rnams 'jig cing rnyog par byed pas na 'jigs pa chen po ste/bcom ldan 'das gnod mdzes la de skad ces bya'o/ /dmigs pa zhes bya ba la sogs pa'i don ni bshad zin to/ /bcom ldan 'das 'di ni sku mdog nag po zhal g.yas dkar g.yon dmar ba phyag gnyis 'jig rten gsum las rnam par rgyal ba'i phyag rgya bcing ba/g.yas gnyis na rdo rje dang 'khor lo bsnams pa g.yon gnyis na lcags kyu dang zhags pa bsnams pa/ mi bskyod pa'i cod pan can g.yon brkyang bas bzhugs pa yi ge hUM las byung bar shes par bya'o/ /sku gsung rdo rje mchog mnga' ba'i//zhes bya ba ni rnam par snang mdzad ces bya ba dang sbyar ro/ /ye shes kyis 'joms zhes bya ba ni rang gi ting nge 'dzin gyi ye shes dang bral ba'o/ /lcags kyu yis ni rnam dral te/ /zhes bya ba ni snying gar ro/ /rdo rje zhags pas bcings nas su/ / zhes pas ni mgul du'o/ /'di skad ston pa yin te/ gnod mdzes kyi rnal 'byor pas rang gi dkyil 'khor gyi dbus su 'dug ste/ nam mkha'i dbyings na bzhugs pa'i de bzhin gshegs pa thams cad lcags kyu dang zhags pa ji lta ba bzhin du bsnams pa'i gnod mdzes kyi sbyor ba la zhugs pas bsgrub par bya ba rdo rje rlung gi dkyil 'khor la bskyon la dam tshig gi phyag rgya'i gzugs su bskyed la bu mo 'gugs pa la brtson par bsams nas ming dang spel ba'i sbyor bas sngags bzlas pa bya zhing dgug par bya'o//dgug ces bya ba la/ rab tu myur bar g.yo ba'i mig /mig gi rdzi ma 'dren pa ni/ /'bar ba'i lta ba zhes grags te/ /'gro ba thams cad dgug par gsungs/ /zhes gsungs pa'i 'bar ba'i lta ba'ang dgug pa'i las thams cad la sbyar bar bya'o/ /rdo rje sems dpa' la sogs pa'i sngar bshad pa'i gsang sngags kyis kyang mngon par 'dod pa'i las bsgrub tu rung ste gang 'di'i gdul bya'i skye bo rnams la rab tu snang ba'i dbang du mdzad nas spyan la sogs pa'i las so sor nges par bshad kyi 'o na kyang rnal 'byor pa'i mos pa'i dbang gis de dag thams cad kyang las thams cad mdzad pa yin no// da ni thams cad kyi spyi'i las kyi tshig rnams kyi don gsungs pa yin te/ ye shes chen po zhes bya ba la sogs pa la ye shes chen po ni lha rnams sprul pa'i ye shes so/ /de'i rnam par bsgyings pa ni rnam par rol pa ste sangs rgyas la sogs pa 'gugs pa'o/ /de'i dga' ston ni des dga' ston mdzad pa ste rnal 'byor pa rnams kyis mngon par 'dod pa'i dngos grub thob par mdzad pa'o//de la dmigs pas na ting nge 'dzin de la yang ming de skad ces bya ste/ las kyi tshogs bskyed pa'i rnam pa la thugs rtse gcig tu mdzad ces bya ba'i don to/ / sku gsum gyi mchog rdo rje 'chang skyed par mdzad pa zhes bya ba ni sku gsum gyi bdag nyid can rdo rje 'dzin pa bskyed pa'o/ /de nyid ni sangs rgyas byang chub ste de kho na nyid kyi ye shes kyi bdag po'i ngo bo nyid yin pas so/ /'byin zhes bya ba ni phyung ba ste las kyi tshogs rnams shes par bya ste/ rdo rje 'dzin pa'i rjes su dran nas las kyi tshogs rnams bshad do zhes bya ba'i don to//'dis ni 'di skad ston pa yin te las 'di dag thams cad la de yongs su rdzogs par bya ba'i phyir bcom ldan 'das de bskul ba bya ste dngos grub thams cad ni de la rag las pa yin pa'i phyir ro/ /de bas na 'di nyid kyi 'og nas/rgyal po kun gyi gnas la bzhugs/ /rdo rje sems dpa' sems dpa' che/ /kun gyi sems rab rdzogs mdzad pa/ /yang dang yang du rab bskul bar/ /zhes gsungs pa'i phyir ro/ /byang chub chen po rdo rje 'chang ba ni byang chub kyi sems kyi ngo bo nyid de/ de dran pa sngon du 'gro bas las kyi tshogs rnams bshad pa yin no//des ni 'di skad ston par 'gyur te byang chub kyi sems bsgom pa brtan par gyur pas khams gsum po sems tsam du shes nas las rnams byas na 'grub par 'gyur ro zhes pa'o/ /'khor lo che la rnam gnas nas/ /zhes bya ba ni dkyil 'khor chen po la 'dug pas so//'di skad ston pa yin te/ gnod mdzes kyi dkyil 'khor la gnas pa ste/ dkyil 'khor de la gnas pa'i rnal 'byor pas de'i sngags bzlas shing sangs rgyas kyi sprin gnod mdzes kyi sbyor bas zhugs pa lcags kyu dang zhags pa bsnams pa spros pas 'gugs par byed pa'o//sangs rgyas rnams kyi sprin ni de bzhin gshegs pa thams cad do/ /rdo rje 'chang ba'i sprin ni rdo rje sems dpa'i sprin no/ /gzhan dag la yang de bzhin no/ /dgug par gsungs pa 'di ni gtso bo ma yin gyi/ snga ma nyid dus dang po bya bar yang shes par bya'o//de bas na gzhan dag las kyang / /sngags kyi sems dpas bya ba ni/ /rdo rje gsang ba rmad po che/ /khro bo rgyal po bkug nas ni/ /sangs rgyas thams cad rab tu mchod/ /ces gsungs pa yin no/ /da ni rnal 'byor thams cad kyi mngon par 'dod pa'i bu mo la sogs pa dgug pa yin te/kun mkhyen ye shes rang bzhin gtso/ /zhes bya ba ni sku gsung thugs kyi ye shes kyi ngo bo nyid do/ /rang sngags skyes bur bdag bsgoms na/ /zhes bya ba ni gshin rje gshed la sogs pa gang yang rung ba'i rang gi lha'i skur rang gi sngags kyi bdag nyid rnam par bsams pa'o//rlung la rkang pa bzhag nas su/ /zhes bya ba la sogs pa ni rkang pa'i 'og tu rlung gi dkyil 'khor gzhag pa gang yin pa de la de skad ces bya ste/ rlung gi dkyil 'khor la bskyon zhes bya ba'i don to/ /lcags kyus snying nas drangs nas ni/ / zhes bya ba ni lcags kyus snying drangs pa gang yin pa de la de skad ces bya'o/ /'di skad ston pa yin te/ rnal 'byor pa rang gi lha'i phyag rgya chen po dang ldan pas de'i dkyil 'khor gyi dbus su 'dug ste/ mngon par 'dod pa'i bu mo dam tshig gi phyag rgya'i gzugs su bskyed la rlung gi dkyil 'khor la bskyon te de la mngon par phyogs par drangs shing /rang gi lha'i gzugs kyis lcags kyu dang zhags pa thogs te/ gnas ji lta ba bzhin du bcings la drangs nas khyer te 'ongs par bsam pa dang dkyil 'khor pa rnams kyang de 'gugs par brtson par bsam zhing bdag nyid kyang ming dang spel pa'i sbyor bas gsang sngags zlos shing dgug par bya'o//skyes pa dgug pa la ni sbyor ba 'di nyid go bzlog pa yin par shes par bya'o/ /thag ring po nas dgug na bsgrub par bya ba gal te yongs su bskams par 'gyur ba yang srid pas/ de ltar mi 'gyur bar bya ba'i phyir/ rdo rje rnam par snang mdzad ni//zhes bya ba la sogs pa gsungs te bsams zhes bya ba ni bsgrub par bya ba'i mgo bo la'o/ /de ni zhes bya ba ni bsgrub par bya'o/ /'di skad ston pa yin te rlung gi dkyil 'khor la bskyon te thag ring po nas dgug na bsgrub par bya ba'i mgo la zla ba'i steng na bcom ldan 'das rnam par snang mdzad sku mdog dkar po bdud rtsi 'bab pa bsams la dgug par bya'o zhes pa'o//rdo rje dkyil 'khor las byung ba/ /zhes bya ba ni rdo rje zla ba'i dkyil 'khor gyi steng du rnam par bzhugs par bsgom mo zhes shugs kyis sbyar ro/ /rdo rje lcags kyu sku chen po//zhes bya ba ni yi ge dzaHlas byung ba'i lcags kyu 'bar ba phyag na bsnams pa'i rang gi lha'o/ /'di ni bu mo dgug pa'i sbyor ba'i khyad par ro/ /gzhan dag na re/ rdo rje dkyil 'khor las byung ba/ /rdo rje lcags kyu sku chen po/ /zhes bya ba rdo rje rlung gi dkyil 'khor gyi gzugs su yongs su gyur par bsgoms la de la bskyon nas bu mo dgug par bya'o zhes zer ro//rdo rje gsum gsungs khro bo ni/ /zhes bya ba ni sku gsung thugs kyi rdo rje'i yi ge las byung ba zhal gsum pa mi bskyod pa'i gtsug gi nor bu can/ sku mdog sngo ba rol pa'i stang stabs kyis bzhugs par khro bo rdo rje sa 'og bsgom mo zhes bya ba ni lhag ma'o//gsal shing rdo rje lcags kyu zhags pa yis/ /zhes bya ba ni gsal shing dang zhags pa la sogs pa dang ldan pas 'di skad ces bya'o/ /de yang phyag g.yas pa gnyis na gsal shing dang lcags kyu bsnams pa/ g.yon gnyis na rdo rje dang zhags pa bsnams pa yin par rigs so//nye bar mtshan pa 'dis na g.yas kyi cig shos la ni ral gri/ g.yon na dgra sta bsnams par la la 'dod do/ /drangs na zhes bya ba ni lcags kyus drangs nas zhags pas bcings la bsgyel ba'i tshul du byas pa'o/ /'di skad ston pa yin te rnal 'byor pa ji skad du bshad pa'i rdo rje sa 'og rnal 'byor pas de'i dkyil 'khor gyi sbyor bas 'dug ste/de nyid kyis snga ma bzhin du lha ma yin gyi bu mo 'gugs bzhin par bsams la ming dang spel nas de'i sngags bzlas pa'i sbyor bas dgug par bya ste/ lha ma yin gyi bu mo dgug pa'i khyad par gyi sbyor ba'o//gzas zin tshe na khar bcug ste/ /rdzas rgyal rdo rje lcags kyus bsgrub/ /ces bya ba ni gzas zin pa'i tshe na rdzas khar bcug la rdo rje lcags kyus dgug pa'i sbyor bas nam mkha'i khams thams cad na gnas pa'i 'phags pa gshin rje gshed la sogs pa 'gugs pa la brtson pa rnams dgug pa la sogs pa byas te bsgrub par bya'o//'di skad ston pa yin te/ rnal 'byor pas gshin rje gshed la sogs pa'i rang gi dkyil 'khor gyi dbus su 'dug ste/ gzas zin pa'i tshe rdzas khar bcug la der 'phags pa gshin rje gshed la sogs pa ji lta ba bzhin du dgug pa la sogs pa byas la zla ba'am nyi ma gzas zin pa la blta bzhin du ji srid gzas ma btang gi bar du bzlas par bya'o//de nas bsrung ba byas pa de ltar bsgrubs pa'i rdzas kyi rgyal po 'di nyid kyis drag po la sogs pa gang yang rung ba'i ming bris la rkang ba g.yon pas mnan te bsgrub par bya ba yang rdo rje rlung gi dkyil 'khor la bskyon te/gshin rje gshed la sogs pa rnams kyis lcags kyus drang zhing zhags pas bcings nas 'gugs bzhin par bsams la/ de bzhin du ming spel ba'i sbyor bas gsang sngags bzlas na khugs par 'gyur ro//bud med dgug pa la ni rkang pa g.yas pas mnan no/ /sangs rgyas 'khor lo legs bsams te/ /'jam pa'i rdo rje rnam par bsgom/ /zhes bya ba ni rnam par snang mdzad kyi dkyil 'khor gyi dbus su ji skad bshad pa'i 'jam dpal gyi skur bdag nyid bsgom par bya'o//lag na rdo rje lcags kyu thogs/ /zhes bya ba ni phyag gnyis na rdo rje dang lcags kyu bsnams pa ste/ snying gar 'di nyid bsgom zhes bya ba ni khyad par ro/ /'di skad ston pa yin te 'jam dpal gyi rnal 'byor ba rang gi dkyil 'khor gyi dbus su 'dug ste/rang gi snying gar nyi ma'i dkyil 'khor la ji skad du gsungs pa'i gshin rje gshed kyi skur de'i gsang sngags kyis bsgoms la snga ma bzhin du legs par spros te/ mngon par 'dod pa'i gnod sbyin mo'i snying gar zhugs pa dang / de bskal ba'i me bzhin du sreg par 'gyur la rang gi mdun na bsil bar gyur pa'i lam yod pa la A gats+tsha A gats+tsha zhes bya ba'i sngags kyis 'jam dpal rdo rje la skyabs su 'gro bar mngon par 'dod par bsams la gshin rje gshed kyi gsang sngags yi ge k+Shi dang spel bas sngags bzlas la dgug par bya'o// phyag rgya gsang sngags sbyor ba dang / /zhes bya ba la sogs pa la gshin rje gshed la sogs pa'i rnal 'byor bas rang gi dkyil 'khor gyi dbus su 'dug ste/ rang gi phyag rgya dang gsang sngags las byung ba'i gshin rje gshed la sogs pa grangs med pas nam mkha' kun du bkang ste/'khor lo dang rdo rje la sogs pa rang gi mtshan ma dang lcags kyu phyag na bsnams pas bsgrub par bya ba 'gugs par gyur par bsam zhing khyad par gyi sbyor bas dgug par bya'o/ /'di ni dgug pa spyi'i yin pas/ dgug par bya ba'i gnas su gsungs/ /zhes bya ba yin te dgug pa thams cad kyi gzhir gyur pa yin no//gzhan du byas na 'grub mi 'gyur/ /zhes bya ba ni gal te spyi dang khyad par gyi sbyor ba dag gis 'gugs pa la sogs pa mi byed na de'i tshe de 'grub par mi 'gyur ro/ /de bas na gnyis kas kyang bya'o zhes bya bar gnas so/ / rgyal po'i zhabs drung kun gnas pas/ /zhes bya ba ni rgyal po ni sngags thams cad kyi'o/ /kun gyi gnas la bzhugs zhes bya ba ni gnyis su med pa'i ye shes nyid kyis lha thams cad kyi sku la rnam par bzhugs pa'o/ /yang dang yang du bskul bar bya/ /zhes bya ba ni bcom ldan 'das bdag la dngos grub bstsal du gsol zhes skad cig re re zhing bskul bar bya ste/ci'i phyir zhe na rgyal po kun gyi gnas la bzhugs pas bya ba yin pa'i phyir ro/ /gzhan dag ni dgug pa'i las rnams la bcom ldan 'das gnod mdzes nyid bskul bar bya'o zhes zer ro/ /ye shes kyis zhes bya ba la sogs pa la ye shes kyis rnam par rgyal ba ni gdug pa'i rang bzhin zil gyis gnon pa ste zil gyis gnon pa gang yin pa de la de skad ces bya ste/ral pa gcig ma'o/ /de nyid rdo rje ste dmigs pa zhes bya ba la sogs pa'i don ni bshad zin to/ /gsang sngags bzlas brjod byas pa yis//zhes bya ba la sogs pa ni ral ba gcig ma'i rnal 'byor bas de'i dkyil 'khor gyi dbus su 'dug la snga ma bzhin du klu'i bu mo 'gugs par byed par bsams la/ bsgrub par bya ba'i ming dang mdung can ma'i sngags spel zhing bzla'o/ /'dod pa'i yon tan lngas chags pa'i//zhes bya ba ni gzugs la sogs pa la rjes su chags pas bdag nyid kyis te/ bcom ldan 'das ma 'di yang sku mdog sngo bo cod pan la mi bskyod pas brgyan pa/ ral gri dang lcags kyu dang rdo rje dang sdigs mdzub dang bcas pa'i zhags pa dang khrag gis yongs su gang ba'i thod pa dang dgra sta phyag na bsnams pa/rol pa'i stang stabs kyis legs par bzhugs pa/ yi ge hUM las byung ba mchog tu klu'i bu mo 'gugs par shes par bya'o/ /nam mkha' chen po zhes bya ba la sogs pa la nam mkha' ni go 'byed do/ /chen po ni thams cad du khyab pa ste/sems can gyi don mdzad pa'i phyir mgyogs pa'i shugs dang ldan pa'i sems kyis khyab par gang yin pa de la de skad ces bya ba ste/ des na 'jug par dka' ba'i phyir rgya mtsho dang chos mthun par gnas pa na skul byed ma la de skad ces bya'o/ /de nyid 'da' bar mi bya bas na dam tshig go//de la dmigs pa ni zhes bya ba la sogs pa ni snga ma bzhin no/ /sbyor ba yis zhes bya ba ni spyi bor rnam par snang mdzad dgod pa la sogs pa'o/ /'di skad ston te/ skul byed ma'i rnal 'byor bas de'i dkyil 'khor gyi dbus su 'dug la/ klu'i bu mo la sogs pa rdo rje rlung gi dkyil 'khor la bskyon te/'phags ma tsun de'i sku nam mkha' khyab pa rnams kyis 'gugs par byed par bsams la/ de bzhin gsang sngags bzlas nas bkug ste nye bar longs spyad bar bya'o/ /nam mkha' zhes bya ba la sogs pa la thams cad khyab pas nam mkha' ste/ rang bzhin gyis rnam par dag pa chos nyid kyi ye shes so//de nyid mi phyed pas na rdo rje'o/ /des rnam par rgyal ba ni gdug pa rnams zil gyis gnon pa la brtson pa yin pa de la de skad ces bya ste khro gnyer can no/ /de nyid mchog ste de la dmigs pa zhes bya ba la sogs pa ni go sla'o/ chos zhes bya ba la sogs pa la chos chen po lung dang rtogs pa'i mtshan nyid do/ /de nyid gnyis su med pa'i ye shes kyi bdud rtsi 'dren pas na bdud rtsi'o/ /de nyid ni dam tshig ste rgyu rdzogs pa gang yin pa ste/ de yang 'dir rdo rje khro gnyer can gyi rnal 'byor bas de'i dkyil 'khor la gnas te nye bar longs spyad par bya'o//yang na zhes bya ba la yang smos pas ni 'gog pa'i rdo rje bzlas pa la sogs pas sam/ rdo rje phra mo la sogs pa bsgoms pas sems rtse gcig pa thob pa'o/ /skye bo med pa'i zhes bya ba ni gtsug lag khang la sogs par ro/ /gsang sngags bye ba bzlas nas su//zhes bya ba ni yi ge'i phreng ba bzlas pas so/ /las rnams thams cad bya bar gsungs/ /zhes bya ba ni sngags de yis so/ /'di skad ston pa yin te lha'i bu mo mchog dgug pa la sogs pa ji skad du gsungs pa'i cho ga gang dag yod pa de dag thams cad la rdo rje phra mo la sogs pa bsgoms pas sems rtse gcig pa thob pa'am bzlas brjod bye ba byas nas bya'o//bskrad pa la sogs pa ni bzlas brjod bye ba ma byas pa'am/ sems rtse gcig pa ma thob pas kyang dad pa brtan por byas pas la la byar rung ba yod do/ /gzhan dag slob dpon smod pa dang / /zhes bya ba la sogs pa ni mngon spyod kyi yul gsungs pa yin no//nye bar mtshon pa 'dis ni dkon mchog gsum la gnod par byed pa la sogs pa'ang bsdu'o/ /byang chub dngos grub legs par thob/ /ces bya ba ni mngon spyod kyi yan lag 'dis mngon spyod bya bar 'os pa la las byas la sems can thams cad 'dul ba'i thabs kyi bdag nyid can gyi byang chub rtogs par 'gyur ro//sku gsum ye shes las byung ba/ /zhes bya ba la sku dang gsung dang thugs las byung ba'i gsod pa'o/ /dgra la yang zhes bya ba la yang rgyud gzhan dag las/ phyogs bcu'i sems can thams cad kyi/ /lus dang ngag sems bsad par ni//khyad par dag tu bsgom par bya/ /dgra rnams la ni gdon mi za/ /zhes gsungs pas 'dir so ma nyi mi bya ste 'di nyid kyis ni gcig tu bya ba bdag gi ngo bo nyid bstan pa yin no/ /'di ston pa yin te sems can thams cad gsod pa dang gtsug lag khang la sogs pa rnam par 'jig pa dang /slob dpon la gnod par byed pa la sogs mngon spyod kyi yan lag bya bar 'os pa la lha'i bsrung ba dang bral bar bya ste/ bskal ba du mar dmyal ba la sogs par gnas par 'gyur ro zhes snying rje'i sems bskyed la mi bskyod pa la sogs pa'i sangs rgyas kyi zhing du bskyod par bya'o zhes bsams nas med par bya ba'am/bsad pa'i dngos po dmigs la gshin rje gshed la sogs pa'i rnal 'byor bas mngon spyod kyis bya ba'i las bya'o/ /khrag gam chu yis zhes bya ba la sogs pa ni cho ga gsungs pa yin te/ mtshan ma zhes bya ba ni bsrub par bya ba'i gzugs brnyan no//khro bo'i rgyal po zhes bya ba ni gshin rje gshed la sogs pa'o/ /gsang sngags brgya rtsa brgyad bzlas na/ /zhes bya ba ni bzlas brjod brgya rtsa brgyad byas pas so/ /sangs rgyas kyang ni nges par 'jig /ces bya ba ni sbyor ba phul du byung bar gsungs pa yin te/ci'i phyir zhe na 'di ltar de rnams la ni 'chi bar 'gyur ba ni mi srid la/ 'dir de dag gis mngon spyod bya ba'i phur bu bshad pa la yang ma yin na ci'i phyir gsungs she na/ de ni bden te de dag 'chi bar 'gyur ba mi srid pa nyid yin mod kyi/ 'on kyang sbyor ba 'di nyid la dngos grub mchog stsol ba las mi ldog pa la bya'o//rgyud gzhan dag las/ 'ga' zhig sbyor ba ma thob pas/ /sangs rgyas gsod pa'i bdag nyid can/ /de la phan par bya ba'i phyir/ /dngos grub myur bar rab tu bsgom/ /zhes gsungs pas so/ /chus brlan pa'i zhes bya ba la sogs pa ni bshad ma thag pa'i don nyid gsal bar bstan pas so//khro bo'i mdun du bcings nas su/ /zhes bya ba ni khro bo'i nga rgyal drag pos bya'o/ /khro bo 'khrugs pa yis zhes bya ba ni thams cad du khro bo'i lus 'bar bas khyab pa'i tshul gyis so/ /kha bzhin rnam par bsgyur byas te/ / zhes bya ba ni kha bzhin rnam par bsgyur ba ni 'jigs par byed pa'i gzugs can te rnam par bsgyur ba des du mar rnam par bsgyur ba ste/ rang gi las kyi rjes su mthun pa'i stobs dang ldan pa de la de skad ces bya'o/ /nam mkha'i khams kyang 'jig par 'gyur/ /zhes pa 'dis ni che ba'i bdag nyid bstan pa yin no//ma mo'i gnas zhes bya ba la sogs pa ni mngon spyod kyi gnas kyi nges pa gsungs pa ste/ gang na mo bdun po gnas pa ni ma mo'i gnas so/ /shing gcig tu zhes bya ba ni shing gzhan gyi grib mas ma non pa zhes bya ba'i don to/ /de'i rkang rjes la zhes bya ba ni bsgrub par bya ba'i rkang pa rjes kyi sa'o//yang zhes bya ba'i sgras ni chu bo'i ngogs gnyis kyis la sogs pa yang bsdus te de dag gis gzugs brnyan bya'o zhes bya ba ni lhag ma'o/ /mi rus las byas phur bu dag /ces bya ba ni mi'i rus pa las byas pa'i phur bus so//phur bu yis ni zhes bya ba ni lte ba yan chad stod bdud rtsi 'khyil ba'i gzugs can la smad rdo rje rtse gcig pa'i dbyibs su byas pa'o/ /'di skad ston pa yin te/ gshin rje gshed la sogs pa yang rung ba'i sbyor ba byas la/ ji skad du bshad pa'i phur bu blangs nas ngos bzhir yi ge hUM bzhi spyi bor gcig bkod la de nyid kyis dur khrod du sna tshogs rdo rje bris la rkang rjes kyis dang dug la sogs pa rnams kyis de'i gzugs brnyan byas te/dug la sogs pa smes par byas pa'i ta la'i 'dab ma la sogs par de'i ming dang spel te gsang sngags bris la de'i khong du bcug ste sa la sogs pas kyang bkab la/yi ge a'i sa bon las sngar bris pa'i sna tshogs rdo rje'i steng du lho phyogs su mngon du phyogs par bzhag la gnod mdzes kyis bsgrub par bya ba'i snying drangs nas gzhug pa dang bcing ba byas la/ 'og nas bshad pa'i phur bu'i gsang sngags brgya rtsa brgyad bzlas pa'i phur bus snying gar btab la nang gi yi ge as mtshan pa'i sna tshogs rdo rje bris pa'i kham phor gyis bkab ste/de yang sas bkab la de'i steng du rkang pa g.yon pas mnan te nyi ma phyed dam mtshan phyed na gsang sngags brgya rtsa brgyad bzlas brjod bya'o/ /gdon gyi las thams cad la phub ma dang rdo ba dang ni ma pa'i lo ma dang skyur rtsabs dang /ske tshe la sogs pa dang ldan pa'i 'bras chan dmar po rang nyid khro bo'i nga rgyal dang ldan pas nang gi sbyin sreg gi cho ga ji lta ba bzhin du bza' bar bya'o/ /dgra'i khyim sgor zhes tshig mang po snos pas ni grong rdal la sogs pa yang bzung ste phur bu zhes bya bar rjes su sbyar bar bya'o//sbyor ba 'di dag la yang brkos te gzhug ces bya bar sbyar ro/ /shes dang mi shes rnam spangs pa/ /zhes bya ba ni shes pa dang mi shes pa'i rnam par rtog pa dang bral ba'am yang na gnyis su med pa'i rnam par 'jug pa'i ye shes ni shes pa'o//mi shes pa ni de nyid mi shes pa ste de dang bral bas na mi shes spangs pa ste spangs pa ni dor ba'o/ /'di skad ston pa yin te 'di dag thams cad ni sems tsam mo zhes nges par bsams la gshin rje gshed la sogs pa gang yang rung ba'i nga rgyal gyis ji skad gsungs pa'i phur bus blangs la/las kyi rjes su mthun pa'i bskul tshig dang spel ba'i gsang sngags brgya rtsa brgyad bzlas brjod byas la/ dgra'i khyim sgro la sogs par brkos te gzhug par bya'o/ /thod pa yongs su rdzogs pa zhes bya ba ni ji skad du bshad pa'i mtshan nyid thams cad dang ldan pa'o//'am gyi sgra ni ma rnyed na gzhan dag kyang rung ba'o/ /rdo rje'i tshig gis zhes bya ba ni rdo rje'i tshig gis byin gyis brlabs pas na rdo rje'i tshig go/ /'di skad ston pa yin te/ che ge mo skrod ces bya ba dang spel ba gshin rje gshed la sogs pa gang yang rung ba'i gsang sngags ji skad du bshad pa'i thod pa la dug la sogs pa rnams kyis legs par bris la/rdo rje'i tshig gis brgya rtsa brgyad yongs su bzlas te dgra'i sgo khang la sogs par sbas na grong la sogs pa skrod par 'gyur ro/ /'chi ba'am bskams par 'gyur zhes bya ba ni sod cig pa'am skoms shig ces bya ba spel ba'i gsang sngags bris pas so//nye bar mtshon pa 'dis na skrod cig ces pa la sogs pa yang yongs su bsdu'o/ /'di skad ston pa yin te khro bo gang yang rung ba'i nga rgyal du byas nas/ lha chen po gcer bu skra bshig pa lho phyogs na gnas pa 'dod pa'i rgyal po'i sngags dang phyag rgyas de bkug la/rdo rje 'di ni rdo rje che/ /sangs rgyas kun gyis byin brlabs pa/ /dam tshig 'das na myur bar ni/ /rigs rgyud bcas pa thal bar byed/ /oM ha na sa ma ya hUM phaT ces brjod la sngar bshad pa'i khro bo ti rI n+ti ri'i dam tshig byin la kha zhing tsha ba'i bkra mi shis pa'i me tog rnams kyis mchod la de blangs nas de yang rang gi las bya bar bsgo ste slar btang na grong ngam grong khyer gyi lho phyogs kyi 'bus zos pa'i ta la'i 'dab ma la sogs pa la bdag nyid mngon par 'dod pa'i las dang rjes su mthun par bsgrub par bya ba'i ming dang spel ba'i sbyor bas gshin rje gshed la sogs pa gang yang rung ba'i gsang sngags mi rus la sogs pa phyag rgyas gtor ba'i tshul gyis sam yi ge phyin phyogs su bris la dug la sogs pa dang ni ma pa'i lo ma la sogs pa dang mi gtsang bas bskus te gsang sngags brgya rtsa brgyad bzlas la me tog de lan bdun mngon par bzlas pa byas nas/de'i 'og tu ta la'i 'dab mar sbyar te me tog lhag ma rnams kyis dkri'o//de nas dgra'i sgo khar cog pus dong byas la nyi ma phyed dam mtshan phyed na sba bar bya'o/ /de bzhin gshegs pa zhes bya ba la sogs pa la de bzhin gshegs pa thams cad ji skad du bshad pa'i sgrub pa'i thabs kyi rim pas sgrub pa la lan bdun zhugs pa'i sgrub pa po la dngos grub mi stsol na phur bus gdab pa 'di mngon par 'dod do//de rnams kyi sku gsum ni sku dang gsung dang thugs te ngo bo nyid dang longs spyod rdzogs pa dang sprul pa'i sku'o/ /de rnams kyi phur bus gdab pa'i phyir rdo rje phur bus te bdud rtsi thab sbyor la sogs pa'i gzugs so//de nyid ye shes rdo rje ste de la dmigs pa zhes bya ba la sogs pa'i don ni bshad zin to/ /de bzhin gshegs pa thams cad phur bus gdab la thogs pa med pa'i gsang sngags gsung ba'i rnam par thugs rtse gcig tu mdzad ces bya ba'i don to//thams cad ces bya ba la sogs pa la khams gsum po thams cad kyi ste khams gsum byung ba'i de bzhin gshegs pa la sogs pa'i ye shes ni ye shes kyi bdag nyid can te sku gsung thugs so/ /de rnams phur bus 'debs par byed pa'i snying po gang yin pa de nyid ni rdo rje ste ming de skad ces bya'o//phur bu spyi'i sngags la ni sarba du Sh+TA na sarba pA paM zhes bya ba bton la bsgrub par bya ba'i ming gzhug par bya'o/ /A dz+nyA pa ya ti zhes bya ba la 'og tu lha sbyin gyi zhes bya ba la yang gzhug go/ /rdo rje sems dpa' mnyam gzhag ste//zhes bya ba ni rdo rje sems dpa'i phyag rgya chen po bcings pa'o/ /sku gsum rdo rje'i mthar thug pa/ /zhes bya ba ni sku dang gsung dang thugs rdo rje'i mthar thug pa ste bsgrub par bya ba'i zhal gsum zhes bya ba ni lhag ma'o/ /sbyar zhes bya ba ni mi rus la sogs pa las byas pa'i phur bu'i dbang du byas nas gdab po zhes bya ba'i don to//khro bo nas 'bras nyid du ni/ /zhes bya ba ni yi ge hUM las byung ba zhal gsum pa phyag drug pa sku mdog nag po rol pa'i stang stabs kyis bzhugs pa/ mi bskyod pa'i gtsug gi nor bu can/ phyag na ral gri dang lcags kyu dang /'khor lo dang / zhags pa dang / dgra sta dang / rtse gsum pa bsnams pa'o/ /rdo rje gsum gyi phur bu bsam/ /zhes bya ba ni sku gsung thugs kyi phur bu'o/ /bdag nyid chen po stobs po che/ /zhes bya ba ni stobs po che'am rdo rje hUM mdzad chen po la sogs pas so//bdud rtsi thab sbyor rdo rje dang / /zhes bya ba la sogs bdud rtsi thab sbyor gyi gzugs can gyi phur bus so/ /rdo rje'i rnal 'byor gyis zhes bya ba ni khro bo'i sbyor ba dang ldan pas 'di la phur bus gdab par bya'o zhes bya ba'i bsam pa brtan pos so/ /steng du'ang dam tshig de nyid ni/ /zhes bya ba ni thugs ka nas brtsams te ji srid dbu'i bar rdo rje phur bu de nyid bsam par bya'o//dam tshig ni nges par bsgom par bya ba yin pa'i phyir ro/ /'di skad ston pa yin te gang gi tshe rnal 'byor pas bsgrub pa bdun gyis kyang ma grub na/ rdo rje sems dpa' 'am gang yang rung ba'i nga rgyal du ji lta ba bzhin du byas la snga ma ltar mi rus la sogs pa las byas pa'i phur bu thogs te sa la sogs pa las byas pa'i rang gi lha mdun du bzhag ste/der gnyis pa yang dgug cing gzhug la bcings nas phur bus yang dag par btab ste des kyang dbu nas brtsams te/ ji srid zhabs kyi mthar thug gi bar du phug par bsams la sdigs mdzub bya ba la sogs pa 'og nas bshad pa'i sbyor ba rnams kyis bsgrub par bya'o//bsam gtan rdo rje'i sbyor ba yis/ /zhes bya ba 'dis ni bsam gtan gyi phur bu nyid gsungs pa'o/ /rgyal chen rdo rje sems dpa' dang / / zhes bya ba la ni thugs rje'i rnal 'byor ba de la de skad ces bya'o/ /sangs rgyas kun kyang phur bus 'debs/ /zhes bya ba ni sangs rgyas kyang de'i phur bus 'debs zhes bya ba bsdam dang sbyar ro/ /spyi'i gsang sngags kyis de bzhin gshegs pa phur bus 'debs pa ni bcom ldan 'das nyid gtso bo nyid de phur bus gdab pa de la ni de bzhin gshegs pa rnams yin no//lha lhag ma rnams phur bu gdab pa la ni rang gi bdag po rnams kyis bya'o/ /khyad par gyi gsang sngags kyis thams cad kyi phur bu gdab pa la ni sku rdo rje la sogs pa nyid kyis so/ /myur du 'chi ba 'am bskams par 'gyur//zhes bya ba ni sangs rgyas kyang zhes bya ba ni snga ma dang sbyar ro/ /'di skad ston pa yin te sku rdo rje'i rnal 'byor bas rang gi bsgrub par bya ba'i de bzhin gshegs pa mdun du bsams la de la gnyis pa yang dgug cing gzhug la bcings nas de'i steng du hUM las phur bu ji lta ba bzhin du bsams la khros pas de la bka' bsgo ba'i tshul gyis phur bus gdab pa'i gsang sngags ji lta ba bzhin du zlos shing phur bus 'debs par bsams la/phyag rgya dang tsham ngam gyis phur bus gdab par bya'o/ /sku la sogs pa'i phur bus gdab pa ni khyad par gyi gsang sngags gsungs pa la/sku'i ye shes ni rnam par snang mdzad kyi ye shes so/ /de'i rnam par bsgyings pa ni de bzhin gshegs pa la sogs pa'i sku'i phur bus sems can gyi don mdzad pa'o/ /de nyid ni rdo rje ste dmigs pa zhes bya ba'i don ni bshad zin to/ /de bzhin gshegs pa la sogs pa'i sku'i phur bu'i gsang sngags gsungs pa'i rnam pa la thugs rtse gcig tu mdzad ces bya ba'i don to//rdo rje'i zhes bya ba la sogs pa la rdo rje'i sku ni rnam par snang mdzad de de nyid dam tshig go/ /gnyis su med pa ni gnyis su med pa'i ye shes kyi rgyu mthun pa las byung ba de'i phur bu yin la de'i don gsang sngags 'byung zhes bya bar sbyar ro//stang stabs kyi phyag rgya gsungs pa ni phan tshun zhes bya ba la sogs pa yin te/ phan tshun dkri pa'i tshul du bya ba ni lag pa g.yon pa sgrubs la de'i steng du g.yas pa bzhag ste/ g.yon pa'i mthe'u chung la sogs pas g.yas pa'i mthe'u chung la sogs pa bzung ste/phan tshun dkri ba lta bur byas la g.yon pa'i mthe bo g.yas pa'i lag mthil gyi dbus su bkug la bzhag ste/ mthe bo dang sbyar ba ni mthe bo sbyor ba ste des rdo rje phur bu gdab par bya'o zhes bya ba'i don to/ /snang mdzad zhabs kyis mnan nas su//zhes bya ba ni rnam par snang mdzad kyi sbyor bas bzung ba'o//btab pa tsam gyis zhes bya ba ni bsgrub par bya ba la'o/ /sku gsung ye shes las byung ba'i/ /zhes bya ba ni sku dang gsung dang thugs las byung ba'i bcom ldan 'das rnam par snang mdzad do//dam tshig mchog gi bzhengs par mdzad/ /ces bya ba ni bcom ldan 'das rnam par snang mdzad rdo rje phur bu'i rnam par yongs su gyur par bsgom pa ni dam tshig ste de nyid mchog gis 'byung bar 'gyur ba'o/ /gzhan du byas na brlag par 'gyur/ / zhes bya ba ni gal te rdo rje phur bu 'byung ba ma bsgoms par sngags dang phyag rgya 'ba' zhig rab tu sbyar na de'i tshe mngon par 'dod pa'i dngos grub nyams par 'gyur ro/ /'di skad ston pa yin te rnam par snang mdzad kyi rnal 'byor pas khros pas rang gis bsgrub par bya ba mdun du ji lta ba bzhin du bsams te tsham ngam gyi phyag rgya bcings te/de'i 'og tu phyag rgya bcings pa las byung ba'i 'khor lo 'bar ba yongs su gyur pa'i rdo rje'i phur bu bsgrub par bya ba la sogs pa'i mgo nas brtsams te rkang pa'i mthar thug gi bar du gzugs brnyan gyi tshul du phur bus btab par bsam mo//yang na btab pa tsam gyis sems dpa' che/ /zhes bya ba ni snga ma bzhin no/ /sku gsung ye shes las byung ba/ /zhes bya ba ni phur bu'i gzugs can gyi bcom ldan 'das rnam par snang mdzad do/ /dam tshig gis zhes bya ba la ni bcom ldan 'das de nyid tsham ngam gyi phyag rgyas slar yang bsdu ba'i sbyor ba mchog gis cho ga bzhin du gnas ji lta bar slar bsdu'o zhes bstan to//bzhengs par mdzad ces bya ba ni bsgrub par bya ba la btab nas gyen du bzhud pa'o/ /gzhan du byas na brlag par 'gyur/ /zhes bya ba ni stang stabs rjes su ma bsdus pa'i nyes pas srin po la sogs pa rnams kyis nye bar gnod pa byed pa'i glags rnyed par 'gyur bas gnod par 'gyur ba'i don to//de yang / sngags pas gang yang rung bzung nas/ /de la 'ang byams pa nyid du bya/ /rdo rje gar la gnas nas kyang / /de nas phyag rgya legs par bsdu//las kyi cho ga mthong ba yis/ /rdo rje gnas su gzhag par bya/ /gzhan du gsang ba pa kun dang / /srin po rnams ni gnod byed de/ /glags skabs tshol bar byed pa yis/ /gnod byed rnams ni 'tshe byed cing / /glags tshol rjes mthun shes nas ni//sngags pa la ni rab gnod byed/ /de bas rnam pa thams cad du/ /sgrub pa po ni blo ldan pas/ /rdo rje'i gnas ni shes byas la/ /stang stabs bsdu la sbyar bar bya/ /zhes gsungs pa yin no/ /'di yang mtshams sbyar ba bstan pa las shes par bya'o/ /'di skad ston pa yin te/snga ma bzhin du stang stabs bya ba dag byas nas/ de bzhin du bsgrub par bya ba phur bus btab par rnam par bsams la/ rdo rje khu tshur gnyis kyis ji lta ba bzhin gar byas nas cho ga bzhin du rked pa g.yon pa'i gnas su bsdu bar bya'o/ /rdo rje thugs kyis zhes bya ba la sogs pa la rdo rje thugs kyi ye shes chen po ni thugs rdo rje'i ye shes so//de'i rnam par snang mdzad bsgyings pa ni de bzhin gshegs pa la sogs pa'i thugs kyi phur bus rnal 'byor pa'i mngon par 'dod pa'i don rdzogs par mdzad pa ste de nyid rdo rje'o/ /dmigs pa zhes bya ba la sogs pa'i don ni bshad zin to//dam tshig chen po yis zhes bya ba la sogs pa la chen po ni sangs rgyas la sogs pa ste/ de rnams kyi dam tshig ni 'og nas bshad pa'i stang stabs so/ /des phur bus 'dabs pas de'i don du gsang sngags byung ngo zhes bya bar sbyar ro/ /rtse mo lnga pa bcings nas su/ /zhes bya ba la sogs pa la/rdo rje bsdams pa bcings nas srin lag gnyis po go bzlog ste gung mo'i nang du gzhug /mthe bo dang mthe'u chung dag sbyar gung mo dag kyang sbyar bar byas la gung mo gnyis dam por sbyar ba'i tshigs gsum pa'i gnas su mdzub mo bkug nas rdo rje dang 'dra bar nas gang tsam gyis ma reg par bzhag na rtse mo lnga pa bcings pa 'gyur te/des rdo rje'i phur bu gdab par byas par 'gyur bas rdo rje phur bu gdab par bya ba'i don to/ /rdo rje thugs kyi zhabs kyis mnan/ /zhes bya ba ni thugs rdo rje'i sbyor bas gzung ba'o/ /sku gsum ye shes las byung ba'i/ /zhes bya ba ni thugs rdo rje phur bu'i gzugs su'o//dam tshig mchog gis zhes bya ba la sogs pa'i yan lag dang spyi'i don bshad zin to/ /'jig rten dbang phyug ces bya ba la sogs pa la 'jig rten dbang phyug nyid ni gsung gi ngo bo'o/ /de nyid dam tshig ste de'i rnam par bsgyings pa ni de bzhin gshegs pa la sogs pa'i gsung gi phur bus sems can gyi don mdzad pa ste de nyid rdo rje'o//dmigs pa zhes bya ba la sogs pa'i don ni bshad zin to/ /gsung gi zhes bya ba la sogs pa la gsung gi dam tshig ni 'jig rten dbang phyug go/ /de'i stang stabs ni 'og nas bshad pa'o//des phur bu 'debs pas na de'i don du gsang sngags phyung ngo zhes bya bar sbyor ro/ /rdo rje sor mo bcum pa yi/ /zhes bya ba la sogs pa la thal mo khong stong sbyar ba bcings la pad+ma kha bye ba lta bur rdo rje'i sor mo gzhag pa ni pad+ma kha bye 'bar ba ste des rdo rje'i phur bu gdab par bya'o zhes sbyar ro//'dod chags rdo rje'i zhabs kyis mnan/ /zhes bya ba ni 'jig rten dbang phyug gis sbyor bas gzung ba'o/ /sku gsum ye shes las byung ba/ /zhes bya ba ni 'jig rten dbang phyug phur bu'i gzugs can no/ /dam tshig mchog gis zhes bya ba la sogs pa'i yan lag gi don dang spyi'i don ni snga ma bzhin no//sku gsung thugs kyi chags pa yi/ /zhes bya ba ni rang gi lha'i sku gsung thugs bsgom pa gtso bo las byung ba'i yid bde ba'i khyad par dang ldan pa'i gsang sngags la sogs pas phur bu gdab po/ /cho ga bzang po tsam gyis ni/ /zhes bya ba ni bshad ma thag pa'i cho ga'i rnam pas so//mnan gyur 'di la the tshom med/ /ces bya ba 'dis ni bsam gtan gyi phur bu bsgom pa gtso bor bstan to/ /mnyes shing zhes bya ba ni de bzhin gshegs pa la sogs pa'i phur bus rnal 'byor pa'i mngon par 'dod pa'i dngos grub gzigs pa'o/ /de nyid kyis na mgu ba mnyes pa'o//rdo rje dbyangs ni 'di skad gsungs/ /zhes bya ba ni thogs pa med pa'i sgras gsungs pa'o/ /e ma'o gsang ba'i tshig gi mchog /ces bya ba ni spyi'i phur bu'o/ /e ma'o snying po kun 'dus pa/ /zhes bya ba ni sku'i phur bu'o/ /e ma'o zhi ba chos kyi tshig /ces bya ba ni gsung gi phur bu'o//e ma'o ye shes phur bu gdab/ /ces bya ba ni thugs kyi phur bu'o/ /gsang sngags kyi phur bu zhes bya ba ni gang 'dir bshad ma thag pa'i gsang sngags de thams cad kyi phur bu'o/ /bde gshegs bka' yi rjes su byed/ /ces bya ba ni gang de bzhin gshegs pa'i bka' rjes su byad pa'i don gyis na 'di skad ston te/gsang sngags kyi phur bu gdab pa la sogs pa ni don dam par mi srid mod kyi 'on kyang de bzhin gshegs pas dam tshig mchog mkhyen pas phur bus gdab pa la sogs pa gsungs pa yin no/ /'di dag ces bya ba la sogs pa la gnyis su med pa'i ye shes kyi rgyu mthun pa nyid yin pas phur bu ni de kho na nyid las byung ba'o//da ni dkyil 'khor gyi lha rnams la ma gtogs pa'i 'od zer can la sogs pa'i gsang sngags dang las rnams kyang gsungs pa ni chom rkun thams cad ces bya ba la sogs pa yin te/ chom rkun thams cad 'ching zhing ldongs par byed pa'i rdo rje ni 'od zer can no//de la dmigs pa zhes bya ba'i don ni bshad zin to/ /thugs ni dgyes shing mgu bar gyur/ /zhes bya ba ni gdug pa ma lus pa ldongs par byed pa'i rig sngags 'dis sems can gyi khams bde bar byas par gzigs pas rab tu dgyes pa brnyes pa'o/ /sbyor ba zhes bya ba ni nye bar mtshon pa tsam ste des na bsgom pa la sogs pa yang mngon par brtson pa'o//de'i rab tu sbyor ba yang 'di yin te rta bdun gyi nye bar mdzes par byas pa'i shing rta la gnas pa'i gzhal yas khang gi nang du lha mo 'od zer can gyi nga rgyal ji lta ba bzhin du byas te/ de'i dkyil 'khor gyi dbus kyi ngos thams cad la de'i grogs rnams der gnas par bsams la/nyi ma'i dkyil 'khor gnyis kyis gzhal yas khang kha sbyar byas te/ de las byung ba'i 'od zer dmar po rnams lha mo 'od zer can gyi skur yongs su gyur pa khab dang skud pa thogs pas gdug pa rnams kyi kha dang mig 'tshem par bsams la/lag pa g.yon par zla ba rdo rje zla ba la yang 'khor lo rtsibs brgyad pa de'i lte bar 'od zer can gyi sngags nyid brtag go/ /sngags de'i logs kyi rtsibs rnams la grogs kyi ming bkod la/ dbugs mi 'byin par de'i sngags lan bdun brjod la/ oM AHhUM zhes brjod nas/rdo rje khu tshur gyis gos kyis g.yogs par byas la/ de ma bkrol bar 'od zer can gyi gsang sngags zlos shing mi smra bar dogs pa med cing blo brtan pas 'gro bar bya'o/ /gdon par byed pa zhes bya ba la sogs pa la gnod par byed pa thams cad ni sems can mang po la 'khu ngar byed pa la sogs pa'o//de rnams 'dul ba ni rang gi nyes pa las bzlog pa ste de ni rdo rje pad+ma dkar po'o/ /dmigs pa zhes bya ba la sogs pa'i don ni bshad zin to/ /dur khrod kyi ras la srin mo btsag gis bris nas zhes bya ba ni dur khrod kyi ras nyid la bri ba'o/ / legs par sbas te zhes bya ba la dben par gzhag par bya'o zhes bya ba ni lhag ma'o/ /rig sngags brgya rtsa brgyad bzlas brjod byas la zhes bya ba ni rjes su mthun par bsgrub par bya ba'i ming bskul tshig dang bcas pa'o/ /ming nas smos shing zhes bya ba ni bsgrub par bya ba'i ming brjod pa'o/ /phyir rgol ba dang dgra thams cad ces bya ba ni rdzas gcig mngon par 'dod pa las byung ba'i dgra bo ni phyir rgol ba'o//mi mdza' ba'i phyogs su lhung ba ni dgra bo'o/ /bcing ba zhes bya ba ni ci yang mi byed pa nyid du byed do/ /de nyid ni 'og mas bstan pa ni mnan pa dang zhes bya ba la sogs te mi 'gul bar byas pa ni mnan pa'o//tshig dang bral bar byas pa ni rmongs pa'o/ /'di skad ston pa yin te rin la mi brtseg par nyes pa'am 'bad pa med las byung ba'i dur khrod kyi ras la bcom ldan 'das ji lta ba bzhin du bris la dben par bzhag ste/ dgug pa la sogs pa byas nas gu gul gyis bdug pa bsreg la nyin zhag bdun gyi bar du thun bzhir me tog dmar po la sogs pa mchod pa rnam pa lngas legs par mchod la/lha sbyin stam+b+ha ya zhe'am/ dzam+b+ha ya zhes bskul ba'i tshig dang bcas par rig pa la lan brgya rtsa brgyad bzlas la ras ris blangs te nyi ma'i gung ngam mtshan phyed du dur khrod du song ste der tsog pus dong byas la/thod pa gnyis kyi bar du ras ris bcug la sas bkab ste yungs kar dkar po la rig sngags lha sbyin stam+b+ha ya zhes bskul ba'i tshig dang ldan par brgya rtsa brgyad bzlas la/ de'i steng du gtor la las grub nas bcom ldan 'das ma spyan drangs la ji lta ba bzhin mchod de slar gshegs su gsol lo//nad chen po zhes bya ba la sogs pa la nad chen po thams cad ni rims la sogs pa'o/ /de sel ba ni med par bsal te des na rnam par rgyal ba zhes bya ba ste ri khrod kyi lo ma can la de skad ces bya'o/ / de nyid ni ye shes kyi rdo rje'o/ /dmigs pa zhes bya ba la sogs pa'i don ni bshad zin to/ /yam shing zhes bya ba la sogs pa ni go sla'o/ /'di skad ston pa yin te zhi ba'i tshogs thab khung gi dbus su bcom ldan 'das yum ji lta ba bzhin du bskyed la/ de'i zhal du til la sogs pa mar la sogs dang bsres pa dbul zhing sreg blugs re re'i rjes thogs la yang de'i sku las byung ba'i bdud rtsi'i chus yongs su gang ba'i bum pa 'dzin pa'i ri khrod kyi lo ma can gyi lha mo nam mkha' khyab pa rnams kyis bsgrub par bya ba'i dbang bskur bar gyur bas rims la sogs pa'i nad thams cad sel bar bsam par bya'o//sdang ba thams cad ces bya ba la sogs pa la sdang ba thams cad rnam par 'joms pa ni nus pa med par byas pa'o/ /des sems can rnams gdug pa'i 'jigs pa las sgrol zhing thar bar byed pas na sdang ba thams cad rnam par sel ba zhes bya ste/ stong chen mo rab tu 'joms ma la de skad ces bya'o//de nyid ye shes chen po'i stobs kyis rnam par rgyal ba zhes bya ste/ ye shes chen po'i stobs kyis rnam par rgyal bas so/ /dmigs pa zhes bya ba la sogs pa'i don ni bshad zin to/ /gyur ces bya ba ni de ltar gyur pa'o/ /gtso bo zhes bya bde ltar shes nas 'di skad smras so zhes bya ba ni lhag ma'o//phyag stong ldan zhing zhal stong la/ /zhes bya ba ni sprul pa nyid kyis so/ /gang phyir/ brtson 'grus chen mo phyag brgyad pa/ /zhes bya ba dang / zhal ras nyi ma bzhi pa ste/ /zhes bya ba gsungs pa'i phyir ro/ /khro dang sgeg pa'i nyams dang ldan//zhes bya ba ni sgeg pa'i nyams dang bcas pa dang ldan pa'o zhes bya ba'i bar du'o/ /phyag g.yon pad+ma rdo rje nor/ /zhes bya ba ni phyag g.yon pa la dang po na pad+ma'i steng na rdo rjes mtshan pa'i yid bzhin gyi nor bu bsnams pa'o/ /mdog dmar zhes bya ba ni nyi ma'i 'od kyi dkyil 'khor can no//rang gi rnal 'byor la brtson pa/ /zhes bya ba ni rang gi nga rgyal du byas pa la rab tu 'bad pas so/ /'bar phreng can zhes bya ba la 'dir bsgom mo zhes bya ba ni lhag ma'o/ /de'i las kyis bskul ba'i zhes bya ba ni rgyud gzhan gyi dpung rnam par bzlog shig ces bya ba la sogs pa'i tshig dang ldan pas bskul bar bya'o zhes bya ba'i don to//rnal 'byor dbang phyug las 'dod pas/ /zhes bya ba ni sngags pas blo'i yul du byas pa'o/ /'di zhes bya ba ni rab tu sbyor bas so/ /dpung chen po zhes bya ba ni yan lag bzhi pa'i mtshan nyid do/ / rnam par lta ba ni bdag la sogs pa bsrung ba'i phyir nges par rtog pa'o/ /gang thams cad bsrung ba de ni stobs kyi mchog ste shin tu stobs dang ldan pa'o/ /stong chen mo rab tu 'joms ma ni shin tu ngo mtshar du gyur pa la 'jug pas te stong gis lan stong du rnam par 'joms pas na bcom ldan 'das yum de la de skad ces bya'o//de nyid ye shes kyis rnam par rgyal ba'i rdo rje'o/ /dmigs pa zhes bya ba la sogs pa'i don ni bshad zin no/ /'dis ni 'di skad ston pa yin te/ 'ga' zhig bdag nyid srung zhing gzhan gyi dpung rnam par 'jig pa la ji skad bshad pa'i bcom ldan 'das yum 'di dang sbyar bar bya'o//brgya byin zhes bya ba la sogs pa la brgya byin gyi mngon par mtho ba ni bsgreng ba'o/ /'di'i don gyi stobs ni nus pa'i khyad par de yang dag par bskyed pa'i rgyal mtshan mchog gi dpung rgyan gang yin pa de la de skad ces bya'o/ /de nyid kyang lha ma yin rnam par 'dzoms pas na de skad ces gsungs pa yin te de nyid ni rgyal ba'i rdo rje'o//dmigs pa zhes bya ba la sogs pa'i don ni bshad zin to/ /phyogs bsdigs pa yi phyag rgya can/ /zhes bya ba la rang rang gi phyogs na 'dug pa'i gdug pa rnams la bsdigs pa'i mdzub mo'i phyag rgya dang ldan pa'o zhes bya ba ni lhag ma'o//bsdigs pa ste zhes bya ba ni bsrung ba'i bdag nyid can no/ /rdo rje ro langs phyung ba yis/ /zhes bya ba ni 'byin pa'o/ /dpung rnams bcom zhing gtong bar blta/ /zhes bya ba ni bcom ldan 'das ma de bsgom zhing de las byung ba'i ro langs rnams kyis gzhan gyi dpung rnam par 'dzoms bar blta ba dang /bsgom par bya'o zhes 'dir gnyi ga sbyar ro/ /'di skad ston pa yin te sngar bsnyen pa byas la ras rin la mi brtseg par nyos te de'i sngags zlos pa la brtson zhing gso sbyong dang ldan pa'i bzo bo mkhas pas bcom ldan 'das ma ji lta ba bzhin du bris la/ des dgug pa la sogs pa byas te dus cung zad du yang bzlas la g.yul 'gyed pa'i sa phyogs su song ste glang po che'i rgyab tu gzhan gyi dpung la mngon par phyogs par ras ris bsgrengs la des dgug pa sogs pa byas te ras dkar po ma spyad pas g.yogs nas mtshon cha 'bab pa la mngon par phyogs pa'i dus su glang bo'i mdun du brtan zhing mi dar la bab pa'i skyes bu mtshon cha stong thogs pas gshin rje gshed la sogs pa'i khro bo'i nga rgyal du byas la rig pa mig g.yo ba'i dar dpyangs bcings te bstan pa la sogs pa bsrung ba'i don du rgyal bar gyur cig pa'i sgra dbyangs dang dung gis sgra dang ca co gdon par bya zhing nga rgyal bskyed la myur bar ras ris phyi nas de las byung ba'i ro langs rnams kyis gzhan gyi dpung 'joms par 'gyur bzhin par bltas la/rgyal bar gyur cig rgyal bar gyur cig ces brjod cing gsang sngags gdon par bya'o/ /'jig rten gsum la zhes bya ba la sogs pa la 'jig rten gsum ni gnas te de la gnas pa'i gdug pa rnam par 'jig par nus shing bsal ba'o//de la mkhas pa ni legs par byang ba ste rgyal mtshan mchog gi dpung rgyan la de skad ces bya'o/ /de nyid ni mchog ste sangs rgyas rnams kyi rtse mo yin la de nyid rdo rje'o/ /dmigs pa zhes bya ba la sogs pa'i don ni bshad zin to//mngal zhes bya ba la sogs pa la bud med thams cad kyi mngal yang dag par bskyed pa ni mngal chags pa ste/ don de spros par mdzad pas na so sor 'brang ma chen mo la de skad ces bya ste de nyid rdo rje'o/ /de la dmigs pa zhes bya ba la sogs pa'i don ni bshad zin to/ / 'jigs pa dang ni skrag pa yis/ /zhes bya ba ni rjes su nye bar gyur par shes par bya'o/ /sku gsum 'phro ba dang ldan pa/ /zhes bya ba ni sku dang gsung dang thugs te gsum gyi tshul spro ba gang yin pa de la de skad ces bya ba ste bsgom pa zhes bya ba ni lhag ma'o/ /bum pa'i mtsho dang zhes bya ba la sogs pa ni sbyor ba gsungs pa ste/mngal 'dzag pa dang bu mi 'tsho ba dang / /mngal mi chags pa dang / mngal nyams pa rnams so so 'brang ma chen mo'i dkyil 'khor 'dir bcug la de zhes bya ba 'dis bsam mo zhes bya ba ni lhag ma'o/ /skal ngan ni zhes bya ba ni sdig pa'i lus byung ba'o/ /sdig pa dral bas dral nas kyang //zhes bya ba ni sdig pa dral ba'i sngags phyag rgya dang bcas pas so/ /de la 'di ni sngags dang phyag rgya'o/ /rdo rje bcing ba dam byas te/ /gung mo gnyi ga sbyar nas su/ /tha ma bzhi ni rtse mo sbyar/ /sdig pa 'dzoms par grags pa yin/ /zhes gsungs pa ni sdig pa dral ba'i phyag rgya'o//oM badzra pA Ni bi s+pho Ta ya sarba a pA ban+d+ha nA ni pra mak+Sha ya ga ti b+h+ya sarba satwA maM/ sarba ta thA ga tA badzra sa ma ya traT/ ces bya ba ni sngags so/ /'di skad ston pa yin te/ so so 'brang ma chen mo'i dkyil 'khor ji lta ba bzhin du bris la/ bud med bu mi 'tsho ba'am mngal nyams pa dkyil 'khor du bcug la rig pa'i dbang bskur ba byin la dbang bskur ba'i dkyil 'khor du bkug ste bzhag nas/ji skad du bshad pa'i sdig pa rdo rje zhags pa'i phyag rgya dang sngags kyis phyung la sdig pa dral ba'i phyag rgya dang sngags kyis yang dag par dral te/ so so 'brang ma chen mo'i skur rnal 'byor ma chen mo bsams la sangs rgyas dang rdo rje 'dzin pa la sogs pa de'i lus la 'jam pa'i gzugs can du bzhugs par bsams la dbang bskur ba'i cho gas bum pa'i chus dbang bskur bar bya'o//mngal thams cad ces bya ba la bud med thams cad kyi mngal des rnam par gzigs pas brtan par byed pa'i ye shes gang yin pa de so so 'brang zhing tshor bar byed pas bcom ldan 'das ma de la de skad ces bya ste de nyid rnam par rgyal ba'i rdo rje'o//dmigs pa zhes bya ba la sogs pa'i don ni bshad zin to/ /nor gyi rgyun zhes bya ba la sogs pa la nor gyi rgyun ni mngon par 'dod pa'i rin po che'i rgyun yang dag par 'dzin cing sems can so so'i rgyud la mi g.yo bar byed pas nor gyi rgyun la de skad ces bya ste de nyid ye shes rdo rje'o//dmigs pa zhes bya ba la sogs pa ni snga ma bzhin no/ /bcom ldan 'das nor gyi rgyun zhes bya ba la zhes bya ba'i sgra ni sogs pa'i sgra ste de bas na dbul ba rnam par 'jig pa zhes bya ba la sogs pa yongs su gzung ngo //de bas na 'di ltar mtshan rnams zhes bya ba tshig mang po la smos pa yin no/ /ba'i zhes bya ba ni yi ge ba las bsam par bya ste bshad ma thag pa'i man ngag gzhug par gyur pa ji lta ba bzhin du bsams la rin po che spro bar bya'o zhes sbyar bar bya'o//de la khyim gyi phyogs dben pa zhig tu bcom ldan 'das ma ras ris la sogs par spyan drang ba la sogs pa'i cho ga thams cad ji lta ba bzhin du rdzogs par byas la khyim der tshul khrims rnam par dag cing dge ba phun sum tshogs pa'i bud med gtso mo mchod pa la sogs pa byed du bcug ni khyim yang dag par 'byor par 'gyur bar shes par bya'o//nor gyi rgyun zhes bya ba la sogs pa la nor gyi rgyun rab tu 'bebs shing der rgya che ba'i ye shes kyi ngo bo nyid du gyur pas bcom ldan 'das yum la de skad ces bya ste de nyid rdo rje'o/ / dmigs pa zhes bya ba la sogs pa ni sngar bshad zin to/ /'phrog ma'i zhes bya ba la 'phrog ma'i dga' ston ni spro ba ste des gnod sbyin ma'i tshogs dga' bar byed cing yid bde ba bskyed pa'o/ /des dngos grub tu gyur pa ste don de ni rdo rje'o/ /dmigs pa zhes bya ba la sogs pa ni rigs dang ldan pa'i ming ste gnod sbyin ma'i tshogs dga' bar byed pa 'phrog ma'i gsang sngags gsungs pa'i rnam par thugs rtse gcig tu mdzod ces bya ba'i don to//dngos grub phyir ni mngon phyogs nas/ /zhes bya ba ni dngos grub stsol ba'i phyir mngon du phyogs par gyur pa'o/ /khro bo'i 'khor lo gnod sbyin ma brgyad kyi zhes bya ba ni ji skad du bshad pa'i phyi'i dkyil 'khor du phyogs brgyad la khro bo brgyad yod pa'i khro bo'i 'khor lo der thugs rdo rje la sogs pa'i gnas su rdzogs bzang la sogs pa'i dam tshig gi phyag rgya'o//gnod sbyin mo brgyad po ni gnod sbyin gyi mdog can no//dbus na 'phrog mas brgyan zhes bya ba ni rnam par snang mdzad kyi gnas su 'phrog pa rgyan thams cad kyis brgyan pa'o/ /lcags kyu'i 'bras bu ne'u le can/ /zhes bya ba ni gnod sbyin dang gnod sbyin mo rnams kyi lag pa g.yas pa gnyis na 'bras bu bI dza pU ra dang lcags kyu thogs pa/lag pa g.yon gyi dang pos ne'u le 'dzin pa gnyis pas stan la bsnyes te 'dzin pa'o/ /gnod sbyin brgyad kyis brgyan nas su/ /gnod sbyin ma kun bsgrub par bya/ /zhes bya ba ni rim pa gnyis pa la shar la sogs pa'i phyogs rnams su gang ba bzang po dang / rnam thos sras dang nor sbyin dang nor bu bzang po zhes bya ba'i gnod sbyin bzhi po sngon po dang ser po dang dmar po dang ser po'o//me la sogs pa'i mtshams rnams su bi tsi kuN+Da li dang ki li ma li dang sgo'i dbang mo dang / spyod pa'i dbang mo dmar mo dang ljang gu dang ser po dang gser gyi mdog ste de rnams kyis bklubs shing brgyan pa gshin rje gshed la sogs pa'i sbyor bas ji lta ba bzhin du bsgrub par bya'o//'phrog ma yang g.yon gyi gnyis pas dga' byed nu ma ldud cing 'dzin pa'o/ /gsang sngags rnams kyi ye shes ni de'i rnam par bsgyings pas rnal 'byor pa'i mngon par 'dod pa'i las bskyed par nus pa yin la/de rab tu ston par byed pa'i gzhung ni rim par phye ba ste/ des na gsang sngags kyi ye shes bsgyings pa'i rim par phye ba'i sgrar gsungs so/ /le'u lnga pa'i 'grel pa'o// //gsang sngags mthu ni rang gi phyag rgya dang mchod pa'i cho ga med par phun sum tshogs par mi 'gyur bas/de nas zhes bya ba la sogs pa drug pa phyag rgya dang mchod pa'i le'u gsungs so/ /sku gsum gyi ye shes kyi rdo rje las yang dag par byung ba zhes bya ba ni sku rdo rje la sogs pa'i ye shes las byung ba'o/ /tha dad pa zhes bya ba ni rnam par snang mdzad la sogs pa'i dbye bas so so ba yin gyi rdo rje khu tshur gnyis kyis phyi rol dang nang du rdo rje bcings pas kyang phyag rgya'i don ston pa ni ma yin no//'di na lus ni byin brlabs te/ /rang gi gzugs su rnam bsgoms na/ /zhes bya ba ni phyag rgya rim par phye ba 'di na dam tshig gi phyag rgya ni lus te sku byin gyis brlab pa'i lag pa'i phyag rgya bcings pa yin par shes par bya'o//sgom par byed pa na yang rang gi ngo bo nyid ji lta ba bzhin gyi sbyor bas lha dang lha mo'i skus tha dad pa'i phyag rgya so so la ltos pas rnam bsgoms na zhes tshig dpang por byas pa yin no/ /lag pa gnyis khu tshur bcangs pa las zhes bya ba ni lag pa gnyis kyis rdo rje'i bcing ba nang du bcings pa'i khu tshur byas pa'o//de nyid las zhes bya ba ni bshad ma thag pa'i phyag rgya bcings pa ste phyag rgya gsum po de dag sngags dang bcas pa ni lha thams cad kyi sku gsung thugs byin gyis rlob par byed pa yin no/ /lag pa gnyis zhes bya ba la sogs pa ni las kyi phyag rgya gsungs pa yin te go sla'o//gzung ba zhes bya ba ni g.yon pa'i mdzub mo bsgreng ba'o zhes snga ma dang sbyor ro/ /mthe bong gnyis ni bsnol byas la/ /mdzub mo'i rtse mo bkug nas ni/ /gung mo bsnyams pa'i tshigs su sbyar/ /rdo rje dbyings kyi dbang mor bshad/ /ces gsungs pa dang de la bshad ma thag pa'i mtshan nyid can ni bcom ldan 'das rnam par snang mdzad kyi dam tshig gi phyag rgya yin par shes par bya'o//lag pa g.yon pa zhes bya ba ni pang par bkan te gzhag pa'o/ /g.yas pa zhes bya ba ni kha thur du bltas par bya'o/ /de bzhin du zhes bya ba ni lag pa g.yon pa'o//mchog sbyin par mdzad pa zhes bya ba ni mchog sbyin pa'i tshul du'o/ /de nyid ces bya ba ni lag pa bkan pa'i tshul gyis so/ /bsam gtan gyi tshul du zhes bya ba ni bsam gtan gyi thabs kyis so/ /de nyid las zhes bya ba ni lag pa g.yon pa bkan pa'o/ / mi 'jigs par sbyin par byas la zhes bya ba ni lag pa g.yon pa ba dan gsum par bdag dang nye bar gzhag pa ste des mi 'jigs pa sbyin pa'i tshul dang ldan pa'o/ /rdo rje sems ma la sogs pa'i dam tshig gi phyag rgya ni mi bskyod pa la sogs pa'i yang shes par bya'o/ /rdo rje bcing ba zhes bya ba ni rdo rje bcing ba phyi rol du bcings pa'o//de nyid las zhes bya ba ni snga ma dang 'dra'o/ /de nyid ces bya ba ni bshad ma thag pa'i phyag rgya dang 'dra'o/ /de nyid las zhes bya ba la sogs pa ni rdo rje bsdams pa phyi rol du bcings pa la gung mo gnyis nang du bcug ste phan tshun lto sbyar la gzhag pa'o//la la dag ni mthe bong dang mthe'u chung gnyis rdo rje ltar byas la rtse sprad par bya'o zhes man ngag las bshad do zhes zer ro/ /mi bskyod pa la sogs pa'i las kyi phyag rgya ni rang rang gi ji ltar rdo rje sems ma la sogs pa'i yang yin par shes par bya'o/ /bzhag la zhes bya ba ni tshigs gsum par bzhag ste nas gang tsam gyis ma reg par bya bar blta bar bya'o//pad+ma kham phye ba'i tshul du byas pa ni pad+ma kha ma phye ba dang 'dra ba'o/ /mdzub mo gnyis zhes bya ba la sogs pa la mdzub mo gnyis kyis gung mo'i sen mo bkug nas mnan pa gang yin pa de la de skad ces bya ste/mthe bo gnyis dang mdzub mo gnyis kyi bar du gung mo bcug la btsir nas gnas pa'o/ /thal mo sbyar zhes bya ba ni thal mo khong stong du byas pa'o/ /tshigs dbu mar zhes bya ba ni tshigs bar ma dang mdzub mor sbyar ba'o/ /mdzub mo gnyis mthe bo'i rtse mor bkug pa zhes bya ba ni mdzub mo gnyis rtse sprad la mthe bong gnyis kyi steng du rin po che 'dra bar bkug nas sbyar la gzhag ces bya ba'i don to//mthe'u chung gi sen mo mnan nas zhes bya ba ni rang rang gi mthe'u chung gi sen mo lu gu rgyud 'dra ba la lhag ma rdo rje'i mtshan nyid du byas pas sbyor bar bya'o//la la na re yang na stang stabs kyi sbyor ba ji lta ba bzhin du bya'o zhes zer ro/ /mdzub mo dang mthe'u chung gnyis lu gu rgyud ltar bcing zhes bya ba ni rdo rje khu tshur gnyis rgyab sbyar ba byas la lag pa gnyis kyi mdzub mo dang mthe'u chung lu gu rgyud ltar byas te mdud pa byas pa'o//lag pa gnyis zhes bya ba la sogs pa la rdo rje bsdams pa bcings pas khu tshur nang du bcings te gung mo sbyar la rtse mo'i tshul du bzhag /srin lag gnyis gung mo'i rgyab tu bcar te bzlog pa'i tshul gyis gzhag /mdzub mo gnyis gung mo'i tshigs gsum pa'i gnas su gdu bu'i tshul du gzhag /mthe bong gnyis gung mo la phyogs par bzhag la cung zad rdo rje 'dra bar dgug go/ /la la ni mthe'u chung sbyar bar byas la gung mo'i bar du gzhag go zhes zer ro/ /bzlog pa dpral bar gzhag ces bya ba ni bzlog ste khu tshur du bstan la dbral bar gzhag pa'o//sen mo mnan nas zhes bya ba ni mnan pa'o/ /ral gri shubs nas phyung ba zhes bya ba la sogs pa ni lag pa g.yon pa'i mthe bos srin lag dang mthe'u chung mnan te gzhag pa la lag pa g.yas pas kyang rang gi srin lag dang mthe'u chung gi sen mo mnan la gung mo dang mdzub mo gnyis ci bder bcug nas ral gri ltar drangs te de'i tshul du byas la lag pa g.yon pa snying gar ji lta ba bzhin du gzhag go//khro bo'i sor mo zhes bya ba ni lag pa g.yon pa'i mdzub mo bsgreng ba'o/ /rdo rje khu tshur zhes bya ba ni g.yon pa rdo rje khu tshur du byas pa'o/ /me tog gi tshul du zhes bya ba ni nA ga ge sar 'dra ba'o//g.yon pa zhes bya ba ni g.yon pa rdo rje khu tshur du byas pa'o/ /glang po che'i sna ltar zhes bya ba ni sna'i mdun du lag pa g.yas pa'i rdo rje khu tshur glang po che'i sna'i tshul du gzhag pa'o/ /bsgreng la zhes bya ba na 'dir g.yas kyi cha yin par shes par bya'o/ /g.yas zhes bya ba la sogs pa la g.yas pa'i chas nam mkha' la bteg la/g.yon pa'i rdo rje khu tshur du gnas pas g.yas pa'i lag mthil na ba dan gsum pa ji lta bar bya'o/ /chu rlabs ltar drang ba zhes bya ba ni chu rlabs 'dren pa ltar byas pa'o/ /g.yon pa zla ba'i tshul du byas/ /zhes bya ba ni g.yon pa rdo rje khu tshur bcings la mthe bong dang mdzub mo gnyis zla ba phyed pa'i tshul du byas pa'o//g.yon pa rdo rje khu tshur zhes bya ba ni g.yon pa rdo rje khu tshur 'gying ba'i tshul gyis g.yon pa'i lta bur du gzhag pa'o/ /'dod chags kyi dug thams cad sel ba zhes bya ba 'dis ni rnam par snang mdzad la sogs pa gang yang rung ba'i sbyor bas rnal 'byor pas dug bsal ba'i las byed pas na phyag rgya 'dis ji lta ba bzhin du bya'o zhes bstan to//mdzub mo bsgreng la zhes bya ba ni mdzub mo gnyis sdigs mdzub kyi tshul du bsgreng ba'o/ /'dis ni de bzhin gshegs pa thams cad spyan 'dren no zhes bya ba ni de bzhin gshegs pa thams cad ni lcags kyus spyan drang ngo zhes gang gsungs pa de 'dis drang bar byas te/oM badzra ad+ku sha A kaR+Sha ya hUM zhes bya ba'i sngags dang phyag rgya 'di sbyar bar bya'o/ /'gram pa gnyis su gzhag pa zhes bya ba ni 'gram pa gnyis su'o/ /khro bo rnams ni zhal gyi phyag rgyas so zhes bya ba ni rdo rje mche ba'i phyag rgyas so//byang chub sems dpa' rnams ni rdo rje'i phyag rgyas so zhes bya ba ni rtse mo lnga pa bcings la zhes bya ba la sogs pa'i mtshan nyid can gyi rdo rje'i phyag rgyas so/ /rig ma'i lha mo rnams ni rigs kyi yum rnams kyis so zhes bya ba ni rdo rje sems ma dang skul byed ma la sogs pa ni ci rigs par sangs rgyas spyan la sogs pa'i phyag rgyas te rigs kyi yum rnams kyi phyag rgyas so//bran rnams ni zhags pa'i phyag rgyas so zhes bya ba la 'og nas bshad pa'i rdo rje zhags pa'i phyag rgyas so/ /pho nya rnams ni lcags kyu'i phyag rgyas so zhes bya ba ni de bzhin gshegs pa spyan 'dren pa'i phyag rgya nyid do//phyag rgya'i rnam par dbye ba 'di ni spyan drang ba yin no/ /gzhug pa la sogs pa la ni thams cad kyang rdo rje'i zhags pa dang / lcags sgrog dang 'bebs pa'i phyag rgyas bya'o/ /drag po'i las la ni rdo rje mkha' 'gro ma'i phyag rgya dang oM badzra DA ki ni che ge mo'i ra ka ta mA kaR+ShA ya a kr-iShu tsa sha ya hUM phaT ces bya ba dang sbyar ro//rdo rje khu tshur zhes bya ba ni so so'i'o/ /dkyil 'khor phyag rgya zhes bya ba ni dkyil 'khor gdeg pa'i phyag rgya ste/ 'di yang oM badzra tiSh+Tha zhes bya ba 'di dkyil 'khor gyi bdag po'i snying po dang bcas pas snga ma bzhin du sbyar bar bya'o//mkhrig ma gnyis bsnol te zhes bya ba ni mdzub mo gnyis bsnol nas mkhrig ma gnyis kyi dbus su gzugs te/ kha thur du bltas pas ngos la bcar la gdeg par bya'o/ /sgo dbye ba'i phyag rgya yang oM badzrod g+ha Da zhes bya ba la sogs pa'i sngags kyi sgra bsgrags la/oM badzrod g+ha Da ya sa ma ya pra be shA ya hUM zhes bya ba'i gsang sngags dang sbyar bar bya'o/ /gdon thams cad skrag par byed pa'i phyag rgya ni oM hUM badzra rak+Sha sa ma ya phaT ces bya ba 'di dang ji lta ba bzhin du sbyar ro/ /lha ma yin gyi bu mo kun smrar gzhug pa'i phyag rgyas zhes bya ba ni mtshan ma thob pas lha ma yin gyi phug tu 'jug pa na de'i sgo'i 'khrul 'khor la bltas la/rdo rjes 'og gi sbyor bas rol pa'i stang stabs kyis 'dug nas ji skad du gsungs pa'i phyag rgya bcings te nga rgyal dang bcas pas gsang sngags brjod la/phyag rgya de bcings pa las byung ba'i rdo rje rtse lnga pa 'bar bas 'khrul 'khor rnam par gzhom par bya ba ni sbyor ba'o/ /de bas na lha ma yin gyi sgyu ma'i 'khrul 'khor gzhig pa zhes gsungs te/ gang gi tshe lha ma yin gyi bu mo legs par 'ongs so zhes bya ba la sogs pa'i tshig mi smra na de'i tshe cho ga 'di nyid dang phyag rgya 'di nyid dran par bya'o//de bas na lha ma yin gyi bu mo smrar gzhug pa zhes gsungs pa yin no/ /stang stabs dang bcas par hUM zhes sgrogs pa zhes bya ba ni rol pa'i stang stabs dang bcas pas yi ge hUM brjod pa'o/ /rdo rje nag mo'i phyag rgya la dpung pa g.yas pa bteg la rdo rje khu tshur brdeg pa'i tshul du bya ba ste 'di yang mngon spyod kyi las rnams la/oM badzra kA li tardzA ya hUM zhes bya ba 'di dang sbyar ro/ /rdo rje'i phur bu'i phyag rgya de bzhin gshegs pa la sogs pa gzhan dag la 'bebs pa'i tshe ni/ oM badzra kI li kI la ya hUM zhes bya ba 'di dang sbyar ro//de bzhin gshegs pa la sogs pa'i phur bu'i sngags dang phyag rgya'i dbye ba nye bar ma bstan pa'i phyir ro/ /rdo rje khu tshur zhes bya ba ni g.yon pa'i rdo rje khu tshur gyis seng ldeng la sogs pa'i phur bu bzung la bsgrub par bya ba'i mgo la bzhag ste/ g.yas pa'i rdo rje khu tshur gyis brdung ba ni rdo rje tho ba'i phyag rgya ste/oM badzra mung+ga ra A ko Ta ya hUM zhes bya ba'i sngags dang sbyar ro/ /'di ni spyir phur bus 'debs pa la tshul 'di yin te/ bsam gtan dang phyag rgyas phur bu 'debs pa la ni phyag rgya nyid kyis phur bu gzhag par bsams la de bzhin du brdung ngo //lag pa gnyis zhes bya ba la sogs pa la lag pa gnyis kyi rdo rje khu tshur phan tshun rgyab sbyar la mthe'u chung gnyis mdud de mdzub mo gnyis so sor phye nas lcags sgrog ltar bcing bar bya'o/ /phyag rgya 'di yang oM badzra spoT ban+d+habarnya ya hUM zhes bya ba'i sngags 'di dang sbyar ro/ /bcing ba'i 'og tu mnyes par bya bar rigs pa yin pas rgyud gzhan dag las bstan pa'i sngags dang phyag rgyas bzung ste bshad ma thag pa'i phyag rgya de nyid dril bu ltar snying gar bskyod pa ni rdo rje 'bebs pa'i phyag rgya ste/oM badzra A be sha hUM zhes bya ba 'di dang sbyar ro/ /bcing ba ni gzhug pa'i 'og tu 'byung bas rdo rje zhags pa'i phyag rgya 'ba' zhig kyang ston par shes par bya ste/rdo rje lcags kyu'i phyag rgya bcing ba las mdzub mo gnyis zhags par bya ba ni rdo rje zhags pa'i phyag rgya ste oM badzra pA sha pra be sha ya hUM zhes bya ba 'di dang sbyar ro/ /rdo rje sogs le'i phyag rgya ni gshin rje gshed la sogs pa gang yang rung ba'i sbyor ba dang de'i gsang sngags kyis rnam par dag par bya'o zhes bskul ba'i tshig dang bcas pas bsgrub par bya ba'i mgo bo nas brtsams te rnam par dag pa ni mngon spyod kyi las kyi sbyor ba'o//rdo rje srin mo'i phyag rgya dang a la la zhes brjod la 'phags pa gshin rje gshed la sogs pa gang yang rung ba'i sbyor bas bsgrub par bya ba'i srung ba 'phrogs la mdun du rdo rje srin po la sogs pa rnams kyis rnam par za bar bsams la oM badzra rAk+Sha sa b+ha k+Sha ya tha phaT ces bya ba 'di dang sbyar ro//mthe bong zhes bya ba ni mthe bo dang gung mo chan pa'i phyag rgya dang stobs po che'i sbyor bas so//oM badzra kro d+ha ma hA pa la/ ka ra ka ra/ ts+tshin+da ts+tshin+da hUM phaT ces bya ba 'dis sprin gtub pa'i lta ba dang sbyar ro/ /de bas na tshar gcod par bya'o zhes gsungs pa yin no/ /skam pa'i phyag rgya dang rdo rje hUM mdzad la sogs pa gang yang rung ba'i sbyor ba dang / oM badzra kI likI la ya sarba ba g+h+nI na badzra d+ha ra adz+nyA ya/bud+d+ha sa t+yen hUM hUM hUM phaT ces pa'i gsang sngags 'dis 'khrul 'khor thams cad dbyung ba la sbyar ro/ /gsang sngags 'di la yang sarba big+h+nA na zhes bya ba bor la bsgrub par bya ba'i ming gzhug go/ /rdo rje nam mkha' lding gi phyag rgya ni rta mgrin la sogs pa gang yang rung ba'i khro bo yongs su gyur pa'i rdo rje nam mkha' lding gi gzugs kyis dug la sogs pas phog pa'i bsgrub par bya ba'i mgo bor rdo rje nam mkha' lding gi bdud rtsi'i rgyun yongs su ldugs par bsams la/rnal 'byor pas kyang de'i tshul du bya zhing oM badzra mA rA ya na bi Sha me pa mA ya a mr-i ta am+bu me g+hai hUM zhes brjod cing ji lta ba bzhin du sbyar ro//rdo rje mda'i phyag rgyas pha rol gyi dpung bshig pa'i sbyor ba ni 'di yin te/ khro bo gang yang rung ba'i nga rgyal du byas la yi ge ba las gzhu/ a las byung ba'i gzhu rgyud dang bcas pa g.yon pa'i rdo rje khu tshur gyis bzung la/ g.yas pa'i rdo rje khu tshur la sogs pas hUM las byung ba'i mda'i char hUM dang phaT kyi mde'u dang bcas pa hUM gi mda' me 'bar ba dang 'dra ba lag pas drangs nas gzhu lag par bzhag la khros pas phyogs bzhir hUM phaT ces brjod la 'phangs te des kyang pha rol gyi dpung thal bar byas par bsam mo//'dod pa'i rgyal po la sogs pa'i khro bo gang yang rung ba'i sku se'u'i me tog ltar dmar ba'i ut+pal la dmar pos rna rgyan byas par bdag nyid bsams la snga ma bzhin du gzhu blangs te phaT las mda' de'i ltong gi phyogs su 'dod pa'i rgyal bo dbus su rdo rje dbang / rdo rje rtse gcig ba 'dra ba'i mde'u'i rtsa bar rdo rje chags pa mde'u'i rtse mor rnam par rgyal ba'i rdo rje ltong du mi bskyod pa bkod la bdag nyid kyi snying ga'i zla ba la yi ge k+Sh+maM bsam/yi ge ka las bsgrub par bya ba mdun du bsams la/ badzra dr-i Sh+Ti ma Ta zhes bya ba mig tu bkod la/ rdo rje lta ba kun chags pas/ /rab tu dga' zhing gdangs pa'i mig//de yis bud med bltas na ni/ /rtag tu dbang du gyur pa yin/ /zhes bya ba 'dis rdo rje blta bar byas la 'dod pa ni bdag go zhes bsgom zhing / oM Tak+ki ho che ge mo ba shaM mA na ya hUM dzaHzhes brjod la snying gar lcags kyu dmar po gsang bar nag po nu ma g.yas dang g.yon du dkar po snying gar ljang gu'i rnam pas brdeg par bya'o//mda' re res phug pa'i 'og tu yang mda' las byung ba'i rnam par rgyal ba'i rdo rje la sogs pa'i grangs ji lta ba bzhin du de'i lus la zhugs nas dbang du byas par gyur par bsams la/ mun pa sel ba'i 'od zer dmar pos nang gi lus thams cad dang /de nyid kyis phyi dang nang du bcas pa'i lus la khyab pa dang nye du dang mdza' bshes kyi tshogs rnams kyis sa la 'gyel ba las slong bar byed bzhin par gnas la 'du shes med cing khrag rab tu skyug pa la thug par bsams la/ rang gi dam tshig gi lha mo rang gi lus las phyung bas bkug nas rkang mthil gyi 'og tu gzhag la sgrub pa pos bshad ma thag pa'i cho gas ji lta ba bzhin du srung ba bya'o//mnyes par byed pa'i rdo rje mda'i phyag rgya'i sbyor ba'o/ /khu tshur gnyis ni zhes bya ba ni lag pa gnyis kyis rdo rje bsdams pa nang du bcings par byas pa'i khu tshur gyis yul gzhig pas glang bo che'i rgyab tu zhon te 'khor los sgyur ba ji lta ba bzhin du nga rgyal byas la 'khor los sgyur ba'i phyag rgya gos kyis bkab pa bcings te de las byung ba'i 'khor los sgyur ba'i tshogs kyis pha rol gyi dpung rnam par gtor bar bsams la phyag rgya 'phang tshul du bya ste 'khor lo can gyi phyag rgya 'dis g.yul las sgrol bar byed do//khu tshur gnyis kyis mthe'u chung gnyis dkris la zhes bya ba ni rdo rje khu tshur gnyis mthe'u chung gnyis kyis lu gu rgyud kyi tshul du dkris la/ gshin rje gshed la sogs pa gang yang rung ba'i sbyor ba bya ste/ he ru ka'i rdo rje'i phyag rgya bcings la/oM ha ru ka badzra sarba duSh+Ta ma yu mung d+ha bar ba na dza ka hUM phaT ces brjod la byin gyis brlab pa dang dbang bskur ba byas te/ dpral bar bzhag la gsang sngags 'di nyid lan bdun bzlas ta dur khrod du 'jug pa la sogs pa bya'o zhes bstan to/ /dur khrod du zhes bya ba la sogs pa la gar byed pa ste lha chen po'i gzugs ji lta ba bzhin du bsgoms la gar byed cing de'i phyag rgya bcing ngo zhes bya ba'i don to//ma mo rnams kyi zhes bya ba ni khyab 'jug ma la sogs pa ste de rnams phyag rgyas byin gyis brlab pa la 'di nyid sbyar ro/ /lha rnams kyi dam tshig gi phyag rgya bstan pa la ni rang gi bdag po'i dam tshig gi phyag rgya lag pa gnyis kyis bcings pa yin zhes bstan to//thams cad kyi rang gi sa bon gyi yi ge rnams ni chos kyi phyag rgya'o/ /so so'i las kyi phyag rgya ma gsungs pa dag gi yang phyag rgya dang po'i g.yas dang g.yon gnyi gar byas pa las byung ba'i rdo rje khu tshur gyi ting nge 'dzin gyi le'u las gsungs pa'i rang gi mtshan ma 'dzin pa'i tshul du ni las kyi phyag rgya'o//phyag rgya chen po ma gsungs pa yang las kyi phyag rgya nyid rang gi mtshan ma dang bcas pa ni phyag rgya chen po'o/ /la lar ni drag po'i sgrub par bstan pa la ni phyag rgya bzhis rgyas btab pa'i man ngag ji skad du bstan pa bzhin du bya'o//las kyi tshogs lhag ma rnams la ni de lhag ma yin no zhes zer ro/ /gzhan dag ni sgra ji bzhin par bya'o zhes zer ro/ /rdo rje sems ma la sogs pas/ rin chen cod pan phreng dbang bskur/ /zhes bya ba ni dam tshig dang chos dang las dang phyag rgya chen po rnams kyis ci rigs pas rgyas btab nas rnam par snang mdzad dang byams pa la ni rdo rje rin chen ma'i sngags dang phyag rgya 'khor lo dang rin po che'i cod pan gyis dbang bskur bar gsungs pas dbang bskur ro//rdo rje sems dpa' la sogs pa la ni sems ma rdo rje la sogs pa'i sngags dang phyag rgyas so//ji skad du bshad pa'i de bzhin gshegs pa rnams dang spyan la sogs pa'i dbang bskur ba dang / lhag ma dbang bskur ba ma gsungs pa la ni rang gi bdag po dang rjes su mthun par dbang bskur bas dbang bskur la dar dpyangs dang phreng bas dbang bskur ba ni thams cad la sbyar bar bya'o//rdo rje khu tshur gnyis kyis ni/ /rgyab tu mdud pa ltar dor bya/ /zhes bya ba ni dbang bskur ba'i 'og tu badzra tu Sh+ya ho zhes bya ba dang thal mo brdabs pas mnyes par byas la rdo rje khu tshur gnyis kyis rnam par snang mdzad la sogs pa'i dbu rgyan cod pan gyi rtse mo'i cha la badzra ra k+Sha haM zhes bya ba bkod la de las byung ba'i 'od zer ljang gus go bgos par bsams nas/go cha'i tshul du des bdag nyid go bgos la ji lta ba bzhin du bgyid ba dang bcas pas rna ba gnyis kyi mtha' ma la sogs pa nas dgrol zhing dar dpyangs dpyangs pa la sogs pa'i tshul du bya'o//'khor lor zhes bya ba la sogs pa la de'i 'og tu ting nge 'dzin rim par phye ba las gsungs pa'i rigs kyis rang gi ting nge 'dzin la snyoms par zhugs pa'i dkyil 'khor gyi 'khor lo yang dag par zhugs par bsam mo/ /de nas mchod yon phul la bzhin 'dzum pas rdo rje gar las byung ba'i sgeg cing dga' ba'i rdo rje snying gar gnas pas zhes dang bcas shing 'dzum pa'i mig gis phyag bya bas phyag byas la/'dod chags chen po bde ba che/ /rdo rje chen po las che ba/ /rdo rje sems dpa' deng bdag grub/ /ces de kho na nyid kyis yang dag par bskul bar bya'o//sangs rgyas sa rab ces bya ba la sogs pa la rdo rje sgeg mo la sogs pas mchod pa bzhin ye shes lnga'i bdag nyid can rdo rje 'dzin pa'i sa rab tu rdzogs par byed cing mthar phyin par byed pa ste/ phyi'i mchod pa rnams kyang bya'o zhes bya ba ni lhag ma'o/ / sangs rgyas ni 'dir sangs rgyas rdo rje 'dzin par brjod ces gsungs pas rdo rje 'chang ba nyid yin par bzung ste/ phan yon dang bcas pas brjod pa'i dbang du byas nas thams cad las mchog tu gyur pa'i don ston pa'i phyir ro/ /gsang ba'i mchod pa nyid bstan pa'i phyir/ cung zad ces bya ba la sogs pa gsungs te/rdo rje khu tshur gnyis kyis 'gying bag tu byas nas g.yon phyogs su sgeg pas mgo cung zad btung ba ni sgeg mo'i phyag rgya'o/ /hUM zhes bya bas zhes bya ba la sogs pa la g.yon pa'i rdo rje khu tshur gyis mdzub mo bsgrengs la 'og tu gzhag /g.yas pa'i mdzub mo gar gyi rnam pas glu len cing pi wang bsgreng ba lta bur byas la sgeg pas lus cung zad bskyod pa ni glu ma'i phyag rgya ste phreng ba ma'i 'og tu shes par bya'o//de nas zhes bya ba la sogs pa la rin po che'i khu chur dag gis mgo bo la rin po che'i phreng ba bcing ba'i tshul du bya ba ni phreng ba ma'i phyag rgya'o//phreng ba yis zhes bya ba ni phreng ba ma'i'o/ /lha rnams kun la zhes bya ba ni lha thams cad la ste phreng ba ma ni sgeg mo'i 'og tu shes par bya'o/ /lag pa gnyis zhes bya ba la sogs pa ji lta ba bzhin du gar bya ba ni gar mkhan ma'i phyag rgya'o/ / phyi'i mchod pa bstan pa'i phyir me tog ces bya ba la sogs pa gsungs te/ /rdo rje khu tshur gnyis kyis gar byas pa las byung ba'i rdo rje thal mo spyi bor bzhag la phab ste snying gar me tog 'bul ba'i tshul du bya ba ni me tog ma'i phyag rgya'o/ /bdug spos rtse mo'i zhes bya ba la sogs pa la de bzhin du rdo rje bcing ba byas la bzlog ste/bsgrengs nas gung mo bdug spos kyi rtse mo'i tshul du byas nas gar gyis 'og tu bdug spos dbul ba'i tshul du bya zhing lag pa rnam grangs bskor ba ni bdug pa ma'i phyag rgya'o/ /mthe bo gnyis zhes bya ba la sogs pa la de bzhin du rdo rje bcing ba las byung ba'i g.yas g.yon gyi mthe bong gnyis bsgrengs la mar me 'bul ba'i tshul du lag pa bskor ba ni mar me'i phyag rgya'o//dung gi tshul du zhes bya ba la sogs pa la de bzhin du rdo rje'i thal mo dung 'dra bar byas pa yongs su bskor nas dung phor nyid dang mchod yon 'bul ba'i tshul du byas la yang slar bzlog nas de nyid dang gar bya ba'i sbyor bas byug pas byug pa'i tshul gyis lha thams cad la byug pa ni byug pa ma'i phyag rgya'o//'di rnams kyi snying bo ni/ ho badzra lA s+ye/ traT badzra mA le/ gri badzra gI ti/ kriT badzra nri t+ye/ tra badzra puSh+pe/ oM badzra d+hU pe/ kha badzra A lo ke/Ta ba badzra gan+d+he zhes bya ba dang rim bzhin sbyar ro/ /'di skad ston pa yin te/ snying gar sna tshogs rdo rje bsams la de'i 'og tu sgeg mo'i sa bon gyi yi ge bsams te/ de'i phreng ba las bdag nyid rdo rje sgeg mo'i gzugs su yongs su gyur par bsams la/ bshad ma thag pa'i de'i las kyi phyag rgya bcings te/de'i tshe de nyid kyi gsang sngags 'don cing spro ba dang bsdu ba thams cad byas nas/ lha mo sgeg mo'i gzugs kyis 'dod pa dang dga' ba'i mchod pa rnams kyis dkyil 'khor gyi lha rnams la mchod par bya'o/ /de nas bsdus la rang gi lus kyi nang du chud pa'i sna tshogs rdo rje la yang dag par dgug pa dang gzhug pa dang bcing ba dang dbang du byas la bzhag ste yid kyis dzaHhUM baM hoHzhes brjod do//de bzhin du dri'i bar gyi mchod pa rnams la yang bya'o/ /de nas zhes bya ba la sogs pa la yi ge oM 'don cing rdo rje'i khu tshur gnyis kyis rdza rnga la sogs pa sil snyan brdung ba'i tshul bya'o//de bzhin du rnga yab g.yob pa'i tshul dang nyi ma 'dzin pa'i tshul dang / lag pa g.yas g.yon gnyis brkyang la srin lag gi tshigs dbu ma bkug nas ba dan gsum pa'i tshul du bsgrengs nas lag pa gnyis brkyang la steng du bteg pa ltar gzhag pa dang /g.yon pa'i rdo rje khu tshur gyis rin po che'i phyi ma 'gyed pa ltar bya'o/ /lha bshos dbul ba ni go sla'o/ /de bzhin du rdo rje thal mo gnyis brkyang bas na bza' dbul ba dang / rdo rje khu tshur gnyis kyis na bza' bskon pa'i tshul du bya ba dang / lag pa g.yon pas tshad med pa lta bu ni lha thams cad kyi gzhal yas khang ngo //mkhrig ma'i steng du gdu bu 'dogs pa'i tshul du byas pas gdu bu dbul ba dang do shal 'dogs pa'i tshul gyis do shal dbul ba dang / zhabs la rkang gdub dbul ba'i tshul gyis rkang rgyan bya ba dang snyan la snyan rgyan bya ba dang /de bzhin du [(]mgun [,]mgul [)]rgyan bya ba dang / dpung pa'i rtsa ba'i 'og tu dpung rgyan bya ba'i tshul dang / de nas sor bzhi'i 'og tu srung skud kyi tshul gyis srung skud bya ba dang me kha la'i tshul du sked par ska rags bya ba ste/ de dag dang gzhan dag kyang shes par bya'o/ /g.yon pa de bzhin gshegs pa'i khu tshur du byas pa'i mthe bo'i steng du lag pa g.yas pa kha thur du bstan la brkyang ba'i gdugs kyi tshul gyis gdugs dbul ba dang lag pa g.yon pa pang bar bsam gtan bya ba ltar bzhag la lag pa g.yas pa kha thur du bstan te bla re bskyed pa'i bsam pas nam mkha' la yongs su bskor ro//rdo rje dril bu zhes bya ba la sogs pa ni sgo dbye ba'i yin par shes par bya'o zhes la la dag zer ro/ /gzhan dag ni mchod pa'i dbang du byas pa'i bdag nyid yin gyi rang bzhin gyi mchod pa'i 'bras bu la mi dad pa dang mi shes pa'i sgo 'phang 'byed pa'i dril bu'i sgras rang gi lhag par mos pas bsgom pa'i don gyi 'bras bu ster ba'i nus pas dril bu nyid gsang sngags dkrol bas dbye ba bya'o zhes zer ro//'dis ni 'di skad ston te/ dril bu dkrol bas yid kyis rang bzhin gyi mchod pa'i tshogs kyi 'bras bu phyin ci ma log pa stsol bar byin gyis rlobs par 'gyur ba yin no//de bas na gzhan dag las kyang de bzhin gshegs pa thams cad mchod par byas nas sam/ lha rnams rab tu bsgrubs nas dril bu dkrol lo zhes gsungs te/ bshad pa 'di dag kyang dril bu dkrol lo/ /mchod pa'i mtha' zhes bya ba la sogs pa la badzra satwa su saM gra hA ta zhes bya ba la sogs pa'i gsang ba'i snying po glu blang ba sgeg pa la sogs pa'i nyams dang rjes su mthun pa'i glu len cing bstod pa'i mchod pa bya'o//de nas dkyil 'khor gyi lha rnams rang gi bde ba'i bdag nyid can sems so sor rtogs pa'i rnam par bsgoms la sgeg mo la sogs pa'i rig pa'i lha mo rnams kyis bdag go zhes lus kyi ngo bo nyid kyi mchod pa'i dga' stobs rnams kyis 'gro ba ma lus par bkang la de dang tha mi dad pa'i nga rgyal dang glu blang ste/stong pa shin tu rnal 'byor yod med mthus/ /nam mkha' nyid du dam tshig nye bar gshegs//bde gshegs bde bar gshegs pa bzhengs su gsol/ rdo rje sems dpa' dpal bzang skal khyod bdag /ces bya bas blang bar bya'o/ /de nas de ltar blangs nas kyang / /oM sa gsum gyis ni phyag byas pa/ /oM sa gsum gyi ni ston pa po//sa gsum la ni 'byor stsol pa/ /sa gsum bdag ni grub par mdzod/ /ces bya ba 'dis mchod cing bstod par bya'o/ /de nas rang gi dngos grub kyi phyir gsol ba gdab par bya ste/ rjes su chags pa'i rnam dag dga' ba'i pad+mo rnam dag pa'i/ / mchod pas mchod pa gsal bar rjes su mchod byas na/ /mchog tu rtag pa'i rnal 'byor bde bas bde ba grub par mdzod/ /kye mchog tu bde ba'i dam tshig ngo bo nyid/ /mchog tu bde ba shin tu rnal 'byor skal bzang mchog dgyes pa/ /rang gi dam tshig skyon med rtag par rol cig rol cig ho//kye mchog tu gsang ba'i bdag po rang gi dam tshig yin pa'i phyir/ /rab tu gsang ba'i lha mo mchog rnams so/ /zhes bya'o/ /de nas dkyil 'khor byin gyis brlab pa'i phyir gsol ba gdab par bya ste/ 'gro ba'i rgyu ni rnam pa sna tshogs 'dul ba gsal bar mkhyen/ /dam tshig thams cad dngos po brtan g.yo kun gyi ngo bor gyur//rgyal ba kun gyi bdag nyid rnal 'byor bde ba mkha' 'gro sgyu ma ho/ /kye dam pa rtag pa'i dngos grub chen po rab tu sgrub la ston/ /dzaHhUM baM hoH/ e ma ho bde mchog bde ba drongs/ /rnam par sprul hUM snang bar mdzod/ /a la la ho/ de bzhin gshegs pa thams cad kyi/ /mkha' 'gro sgyu ma sna tshogs kyis/ /slob ma gzhug tu gsol zhes bya'o/ /de nas dkyil 'khor 'di dag thams cad de'i gsang sngags brjod nas rang gi snying ga'i dam tshig gi phyag rgyar bcug ste/ dkyil 'khor gyi bdag po'i dam tshig gi phyag rgya bcings la/de'i gsang sngags brgya rtsa brgyad bzla'o/ /lhag ma rnams kyi gsang sngags ni lan bdun bzlas brjod bya'o/ /de nas grub pa'i dkyil 'khor gtsug tor la sogs pa las byung la/ rang gi gnas su bzhag ste/ dr-i D+ha badzra tiSh+tha zhes bya bas brtan par bya'o/ / oM ba badzra muSh+Ti ba zhes bya bas dam tshig gi phyag rgyas byin gyis brlab par bya ba yang shes par bya'o/ /rdo rje theg pa zhes bya ba la sogs pa la ji skad du bshad pa'i yid kyi mchod pa ni chos kyi dbyings kyi rgyu mthun pa las byung ba'i phyir don dam pa'i mchod pa yod pas de nyid kyis na 'di ni rdo rje theg pa mnyes par byed pa ste rdo rje theg pa bsdus pa rnam par snang mdzad la sogs pa mnyes par byed pa yin te/de rnams kyis dgyes pa'i ngo bo nyid du gyur pas so/ /gang gis rnam rtog rnam spangs te/ /zhes bya ba ni mi bden pa'i phyi'i don gyi rnam par rtog pa spangs pa'o//byang chub sems ni rnam bsgom pas/ /zhes bya ba ni byang chub kyi sems kyi le'u'i rim pas chos bdag med pa sgom par byed pa'o/ /lus dang sems ni rnam dag pas/ /zhes bya ba ni/ de nyid tshol la thog mar ni/ /thams cad yod ces brjod par bya//don rnams rtogs shing chags med pas/ /de yi 'og tu dben pa'o/ /zhes bya ba'i tshul gyis so/ /rnam par snang mdzad la sogs pa kun rdzob kyi bden pa las mi 'da' ba'i tshul gyis mngon par yid ches pa'i rgyus dad pa gang yin pa'i zhes byed pa'i tshig mi mngon par mtshams sbyar te/de rnams kyi mchod pa ni bla na med pa'o/ /sems can gang gis zhes bya ba la sogs pa la gang dngos po la mngon par zhen pa dang / mngon par ma zhen pa'i mtshan nyid ni mtha' gnyis te de las dben pa chos bdag med pa'i ye shes ni dbu ma'i theg pa ste de bsgoms la dbyer mi phyed pa dang ldan pa'i rgyun la gnas pa dag gi yin gyi theg pa dman pa la lhag par mos shing mngon par zhen pa'i mthar ltung ba de rnams kyi mchod pa ni kun rdzob pa'o//de'i zhes bya ba'i sgra ni tha dad pa'i rim pa dang nges pa gzung ba yin par blta bar bya'o zhes bya ba'i tshul gyis so/ / mngon par zhen pa dang mthar ltung ba rnams kyis ni mchod pa nyid med par shes par bya'o/ /mtha' gnyis su rtog pa spangs pa ni yid kyi mchod pa 'ba' zhig tu ma zad kyi me tog la sogs pa'i dngos su 'byor pa'i mchod pa rnams kyang mig yor lta bur mngon par 'dus byas pas de la yang mngon par zhen pa med de/sgyu ma'i skyes bu bzhin du spyad par bya'o zhes bya ba'i tshul du shes par bya'o/ /de bas na/ bum pa gang ba ji snyed pa/ me tog la sogs rnams kyis mchod/ /ces bya ba'i rim pa 'dis gzhag par bya'o/ /de la re zhig rnam par rgyal ba'i bum pa ji skad bshad pa la oM ma hA su kha badzra a mo g+ha sa ma yo da ka sid+d+h+ya a b+hi Shiny+tsa sarba su ka so ma na s+ya a d+h+ya ku ru ku ru dzaHhUM baM hoHa zhes bya bas dkyil 'khor gyi bdag po'i dam tshig gi phyag rgyas gzung ba'i 'khor lo dang /me tog gi lcug ma la nyi shu rtsa gcig bzlas te/de'i gsang sngags kyis de'i mdun du gzhag go/ /bum pa gzhan rnams ni 'bru lnga la sogs pa dang ldan zhing mi bskyod pa la sogs pa'i mtshan mas mtshan pa la/ oM badzrod ka hUM zhes lan brgya rtsa brgyad bzlas brjod bya ste mi bskyod pa la sogs pa'i gsang sngags lan bdun bzlas la de rnams kyi de nyid kyis gzhag par bya'o//de bzhin du bum pa gang ba la a mra'i lo ma la sogs pas kha dag bcing rdo rje'i chu'i sngags kyis lan bdun bzlas pa byas la lha thams cad la dbul bar bya'o/ /de nas yi ge oM la mngon par bskyod la rdo rje'i rtse mos bzlas pa'i chus bsang gtor bya zhing /rdo rje me'i phyag rgya dang sngags kyis btab pa dang / rdo rje me tog la sogs pa'i phyag rgya dang / sngags yongs su bzlas pa'i me tog dang spos dang mar me dang byug pa so so'i gsang sngags brjod cing dkyil 'khor gyi lha thams cad la mchod par bya'o/ /de nas rdo rje bcing ba byas nas ral gri 'phyar ba'i tshul gyis phyag rgya dang a kA ro mu khaM sarba d+harmA NAM Ad+ya nut+pan+na twA ta ces bya ba 'dis yongs su bzla zhing las thams cad pa'i chus bsang ba'i bza' ba dang bca' ba dang myang ba dang bldag pa rnam pa sna tshogs pa rnams so so'i gsang sngags brjod nas dbul bar bya'o//de nas lha mo so so la re re'am spyir ras zung cig /oM sarba bad pU ra pU ra A brta A brta ho zhes mngon par bsngags la rang gi gsang sngags kyis kyang 'byor ba ci yod pas dbul bar bya'o/ /de nas thal mo sbyar ba spyi bor bzhag la/ oM las byung ba'i dpag bsam gyi shing la sogs pas nam mkha'i khams thams cad gang bar byas la yid kyis dbul bar bya'o//oM a nut+ta ra sarba pA dza zhes bya ba la sogs pa 'og nas bshad pa'i gsang sngags lan gsum brjod pas byin gyis brlabs/ de nas dril bu dkrol te yi ge brgya pa lan bdun bzlas pas dkyil 'khor brtan par bya'o//de nas rdo rje hUM mdzad kyi sbyor ba dang ldan pas phyi rol du byung la bcom ldan 'das dang lhan cig phyogs bcu nas 'ongs pa'i sems can mi snang ba thams cad la phyogs kyi gtor ma ji lta ba bzhin byin te nye reg byas nas slar zhugs la sbyin sreg byas te phyag rgya dang phyag rgya'i lan dag gis mchod pa yang bya bar shes par bya'o//mchod pa de dag ces bya ba la sogs pa la gong du bshad ma thag pa'i mchod pa thabs kyi bdag nyid can de dag gsan pa dang sems can gyi don du 'gyur bar gzigs pas ngo mtshar du gyur pa'i spyan phye nas legs so zhes bya ba rab tu gsung pa ste/mchog tu dgyes par mdzad pa'o/ /e ma'o zhes bya ba la sogs pa la e ma'o zhes bya ba ni ngo mtshar du gyur pa'o/ /su zhig ce na sangs rgyas thams cad kye'o//ci zhig ngo mtshar du gyur zhe na thabs zhes bya ste/ thabs zhes bya ba ni don dam pa'i mchod pa'i tshogs gsungs pa yin no/ /ci'i phyir zhe na sangs rgyas byang chub thob pa'i zhes gsungs pa ste de thob pa'i phyir ro/ /gang gis she na rdo rje bsgoms pas zhes bya ba ste/rdo rje bsgom pa ni rnam par snang mdzad la sogs pa bsgom pa ste/ sgrub pa pos zhes bya ba ni lhag ma'o/ /de'i khyad par ji lta bu zhe na/ dka' ba med pas zhes bya ba gsungs te/ dka' ba med pa ste nyon mongs pa thams cad dang bral ba'i thabs gang yin pa des byang chub ste chos thams cad phyin ci ma log par khong du chud pa thob cing mngon sum du byed pa'o//rdo rje theg chen zhes bya ba la sogs pa la gang bcom ldan 'das rnam par snang mdzad kyis rdo rje'i theg pa bla na med pa ste/ theg pa chen po mngon sum du mdzad pa de ni rnam par rtog pa'i dri ma thams cad dang bral ba'i phyir legs so zhes bya ba'o//ji ltar thugs su chud pa'i ngo bo nyid de ston pa de yang chos dang gang zag la bdag med pa rab tu ston pa lags so/ /de yang rtog ge thams cad kyis rtog par mi nus pas zab pa nyid dang brtan pa nyid shes bya'i dkyil 'khor ma lus par khyab par byed pa yin pas na rgya che ba ste de yang smra ba po'i gdul bya ma lus par zil gyis mnan te gnas pas legs so//de la'ang thogs pa med pa'i de bzhin gshegs pa la sogs pa'i rin po che'i bsdus pa gang yin pa 'dus pa de'ang skyes bu dam pa'i don sgrub pa dang nye bar 'tsham pa'i mthar thug pa yin pa'i phyir legs so zhes pa'o//ye shes sku gsum las byung ba'i/ /zhes bya ba ni rnam par snang mdzad la sogs pa'i ye shes las byung ba'o/ /byang chub sems dpa' zhes bya ba ni byams pa la sogs pa'o/ /sangs rgyas thams cad kyis rdo rje theg pa'i bsngags pa zhes bya ba ni de byas pa'i phan yon la dgyes pas gsungs pa'o//dga' ba zhes bya ba ni sngon byung ba'i chos thos pas yid bde ba thob par gyur pa yin la dus phyis sngon chos 'dis bdag cag bslus so zhes sems shing yid bde ba thob pas mchi ma 'byin cing rab tu ngu bar gyur pa yin gyi/byang chub sems dpa' rnams la ni yid mi bde ba nyid mi 'byung ngo zhes la la 'dod do/ /gzhan dag na re de dag kyang nam zhig bdag mngon par rdzogs par sangs rgyas nas 'gro ba ma lus pa'i mngon par 'dod pa'i don rdzogs par byed pa'i chos kyi 'khor lo bskor bar bya zhes 'di ltar rtag tu dga' zhing 'dod pa nyid yin gyi/de rnams kyi nang du 'di yongs su mi shes pa'i byang chub sems dpa' mi srid do zhes zer ro/ /de la 'di ni gsang ba 'dus pa'i rgyud phyi ma lta bu yin pas 'di nyid bskal pa gzhan la bstan pa'i phyir/ de'i tshe byung ba'i byams pa la sogs pa rnams ni mdo sde'i spyod par byed pa byung ste/ de yang gsang ba 'dus pa'i rgyud las de nas phyag na rdo rje de bzhin gshegs pa thams cad kyi bdag pos de bzhin gshegs pa thams cad dang byang chub sems dpa' de dag la bos te gsungs pa bcom ldan 'das de bzhin gshegs pa rnams sngon byung ba na brjod kyis mi lang ba'i sangs rgyas kyi zhing gi rdul phra rab dang mnyam pa'i bskal pa yang 'das/gang bcom ldan 'das mar me mdzad de bzhin gshegs pa dgra bcom pa yang dag par rdzogs pa'i sangs rgyas rnams kyang 'das/ 'od srungs thub pa chen po mngon par sangs rgyas pas kyang ma gsungs te/ci'i phyir zhe na/ bcom ldan 'das gsang ba chen po'i don bshad pa de'i tshe de'i dus na sems can rnams skal ba med pa'i phyir ro zhes che ba'i bdag nyid bstan pa'i phyir gsungs te/ de ni sgra ji bzhin yin par shes par bya'o zhes zer ro//gtso bo zhes bya ba la sogs pa la sngon chad ma rnyed pa la sogs pa'i chos thos pas mgu ba ste yid dga' bar gyur pa'o/ /mtha' rnams med pa ni mngon par zhen pa'i mtha' gnyis dang bral ba'o/ /skye ba med pa ni ji ltar yongs su brtags pa'i skye ba'i ngo bo nyid med pa'o//yi ge med pa ni ngag gi spyod yul thams cad las 'das pa'i rang bzhin can yin pas so/ /gnas pa med pa ni so sor nges pa'i gnas med pas so/ /rnam pa de dag gis nam mkha' 'dra'o/ /de nyid kyis rnam par rtog pa'i dri ma thams cad dang bral bas rnam rtog las grol ba zhes bya'o//rtog pa rnams kyis zhes bya ba la sogs pa la gdul bya'i skye bo rnams kyis bcom ldan 'das de rnam par rtog pa mi mnga' yang yid bzhin gyi nor bu lta bur rang nyid so sor snang ba'i tshul gyis sngags la sogs pa ston par/ rnam par brtags pas rtag pas brtags//zhes bya ba la rtogs pa'i thabs su brtags pa gang gis ye shes kyi sres po kun zhes bya ba la ye shes rtog pa la sogs pa byang chub sems dpa' thams cad sangs rgyas kyi sa thob cing rtogs par gyur pa'o/ /bde ba las 'khrungs zhes bya ba la sogs pa la bde ba ni byang chub kyi sems kyi bdag nyid can no//de las 'khrungs pa ni don gyi dngos po'i rnam pa gnyis su med par bsgoms pa ste de las byung ba'i phyir ro/ /rdo rje 'chang ba ni gnyis su med pa'i sems kyi ngo bo nyid du rtag tu byung ba'o/ /dngos po ni yod pa ngo bo ste/ de gnyis su med pa'i rnam pa ni dngos po med pa ste/de'i 'byung gnas so/ /gang du zhes pa ni rgyud gang du rdo rje 'chang ba de nyid dang por rnam par snang mdzad du yi ge oM gyis ston pa ste/ dag pa'i gdul bya rnams rnam par dag par bya ba'i phyir gang gis sangs rgyas rnam par snang mdzad du sprul pa gang yin pa de la de skad ces bya ba'o//gzugs med tshul gyis zhes bya ba ni sangs rgyas kyi rnam par bkod pas gdul bya rnams dka' bar bya ba'i phyir de bzhin gshegs pa la sogs pa'i sprul pa'i phreng ba gang gis bskor ba de la de skad ces bya'o/ /sgyu 'phrul dra ba khyod la phyag 'tshal lo//zhes bya ba ni rgyud la phyag byas pas bcom ldan 'das la phyag byas pa yin no/ /gsung snyan zhes bya ba la sogs pa la spros pa med pa'i gsung du bzhugs pa ni 'jig rten dbang phyug ste/ yi ge thams cad kyis khyab par byas pa'i tshogs dang ldan pa'i rgyud gang yin pa de la phyag 'tshal lo zhes bya bar sbyor ro//mig gsum pa ni lha chen po'o/ /'dul bar mdzad pa ni chung ma dang bcas pa rnam par dul bar byas pa ste/ des na gang gi sgyu 'phrul gyi tshul du ma dang ldan pa'i mkhas pas ni de las gzhan pa med pa'o/ /yang rgyud gang du rjes su chags pa'i ngo bo nyid du gyur pa rdo rje 'chang de la phyag 'tshal lo zhes snga ma dang sbyar ro//khyad par ji lta bu zhe na/ lha mo dag ces bya ba sogs pa gsungs te/ lhan cig skyes pa'i gnas pa dang / sgeg pa dang bcas pa'i dgongs pas phyag g.yas kyis rdo rje bstod nas gsor zhing phyag g.yon gyis dril bu legs par bsnams te dkrol ba rigs lnga ma lus pa yang dag par bsdus pa'i lha mo dang btsun mo'i tshul gyis 'dus par mdzad pa gang yin pa de la de skad ces bya'o//dam tshig thob cing bya ba byas pas btsun mo'i don 'di nyid gsal bar gsang ba lnga'i sems dpa' chen po'i rim pa las gsungs pa ni gcig gi ste/kI li kI las rdo rje sems dpa' phyag gis kun nas 'khyud pa la brtson pa dang / gnyis pa ste rdo rje chags mas rjes su chags shing rab tu dga' bar nus pa dang / gsum pa ste rdo rje snyems ma khro bo'i tshul gyis me tog gi phreng ba cung zad 'phen par shes par bya'o//de la bzhi pa ni rdo rje mtshon cha mo ste/ rab tu dga' ma'i mda' 'phen cing 'bigs par byed do/ /de ltar lha mo thams cad 'dus pas btsun mo'i gzugs byed par khong du chud par bya'o/ /'dis ni 'di skad ston te/ bcom ldan 'das rdo rje 'chang 'dir gsang ba lnga'i de kho na nyid kyi rim pas kyang bsgom par bya'o zhes pa'o//glu de dag gis bsdus pa'i don rnal 'byor pas bsgoms na rab tu dga' ba'i rdo rje mnyam pa nyid des thob par 'gyur ro/ /phyag rgya dang mchod pa'i cho ga rab tu ston pa'i gzhung gi le'u la ni phyag rgya dang mchod pa rim par phye ba'i sgrar brjod do//le'u drug pa'i 'grel pa'o// //phyag rgya dang mchod pa yang kun rdzob dang don dam pa'i byang chub kyi sems bsgom pa dang bral bas sems can rnams la khyad par gyi mthu ster bar mi 'gyur bas/ de nas zhes bya ba la sogs pa bdun pa byang chub kyi sems bsgom pa'i ye shes bskyed pa'i le'u gsungs pa yin no//de la 'khor na gnas pa'i byang chub sems dpa' rnams kyi don la gzigs nas de bzhin gshegs pa rnams gsol ba 'debs par mdzad kyi mi mkhyen pa ni ma yin par shes par bya ste/ tshogs dang chos kyi sku dang ni//'gro ba'i don ni spyod pa yis/ /sangs rgyas thams cad mnyam pa ste/ /sku tshe rigs dang tshad kyis min/ /zhes bya ba'i grub pa'i mtha'i rjes su 'brangs na de mi srid pas/ de bzhin gshegs pa rnams kyi thugs su chud nas byang chub kyi sems rnams yongs su mkhyen pa'i phyir ni ma yin no//tshig mthun par dbyangs kyi sgra skad gcig gis zhes bya ba la dbyangs ni lte ba nas byung nas dung gi sgrar gyur cing snying gi pad+ma'i thig le las byung ba'i tshig gis cha shas lkog ma'i gnas su yongs su gyur pa'o/ /de nas lce'i rtsa ba las byung ba ni sgra zhes bya'o//de nas yi ge'i ming can gyis sgra dbyangs lce la gnas pa'i tshig ni 'di skad de ji skad du/ dung gi sgra ni gsal ba dbyangs/ /pad+ma'i khams la yang dag gnas/ /pad+ma'i ge sar thig le las/ /tshigs rnams kyi ni cha shas te/ /lkog mar phyin nas dbyangs su 'gyur/ / dbyangs las lhag pa'i sgra yin la/ /slar yang lce ru phyin pa ni/ /dam pa'i yi ge bzang po'o/ /zhes bshad pa yin no/ /dgongs pa gcig pas ni 'di nyid gcig pa nyid de de lta bu'i tshig mthun pa'i sgra dbyangs des bshad par gsol ba 'debs pa'o/ /la la ni rnam grangs yin par 'dod do//bcom ldan 'das zhes bya ba la sogs pa la dus gsum gyi sangs rgyas rnams kyi thugs su chud par bya ba'i ngo bo nyid yin pas na de bzhin gshegs pa kun gyi'o/ /gnyis su med pa'i ye shes kyi ngo bo nyid yin pas na ye shes so/ /gsung rab thams cad kyi snying po yin pas na snying po'o//rang bzhin gyis 'od gsal bar gyur pas na mchog tu dri ma med pa'o/ /byang chub kyi bdag nyid can gyi sems ni byang chub kyi sems te don dam pa'o/ /de las lhag par gyur pa med pas na bla na med pa ste 'dis ni chos kyi sku'i ngo bo nyid du bstan pa yin no/ /rnam par snang mdzad la sogs pa'i phyag rgya chen po la sogs pa'i ngo bo nyid du gyur pa ni de bzhin gshegs pa thams cad kyi'o//ji skad du gsungs pa'i ye shes yongs su gyur pa yin pas na ye shes so/ /gzod ma nas ma skyes par lhag par mos pas rnam par bsgoms par gyur pas na snying po'o//rnal 'byor chen po'i rnam par dgod pa la bzhugs pa'i lha 'khor lor ston pas na mchog tu dri ma med pa'o/ /byang chub thob pa'i thabs kyi mchog gi ngo bo nyid du gyur pas byang chub kyi sems te kun rdzob po/ /thabs thams cad kyi mchog tu gyur pas bla na med pa ste/ 'dis ni longs spyod rdzogs pa'i sku'i ngo bo nyid du bstan pa yin te 'brel pas bstan pa las 'di ltar yang shes par bya'o//byang chub kyi sems gnyis po nyid bshad pa'i phyir gsol ba btab pa'i phyir dang / ji lta ba nyid skabs la bab par gzigs pa'i phyir byang chub sems dpa' thams cad la 'di skad ces bka' stsal to zhes bya ba ste/byang chub kyi sems brtan pas de dag nyid kyis don du 'gyur ba'i phyir de rnams la 'di skad gsungs kyi de bzhin gshegs pa thams cad la yang ji skad gsungs pa'i bshad pa rigs pa ma yin te byang chub kyi sems skyed cig ces bya ba ni lhag ma'o//de la don dam pa'i byang chub kyi sems kyi dbang du mdzad nas gnas pa ni sems lus lta bu dang zhes bya ba ste de bzhin gshegs pa la sogs pa'i sku ni don dam par dngos po med pa'i ngo bo nyid yin pas mig yor tsam yin pas na de lta bu ste de dang 'dra bar sems gnyis su med pa'i rnam par 'jug pas bskyed par bya'o zhes nye bar bstan pa'i tshig gis snga ma dang sbyar ro//lus sems lta bu dang zhes bya ba ni ji ltar sems don dam par gzung ba dang 'dzin pa po med pas gnyis kyis rnam par dben pa yin la lus kyang de dang 'dra'o zhes bya ba ni snga ma bzhin no//sems kyang tshig tu rab tu brjod pa lta bu yin no zhes bya ba ni ji lta ba tshig tu brjod pa ni skyed par byed pa'i rgyu med pas sgra brnyan dang mtshungs pa'i ngo bo nyid yin la sems kyang de dang 'dra'o zhes bya ba ni snga ma bzhin te lus kyang tshig tu rab tu brjod pa lta bu'o zhes shes par bya'o//lus dang sems dag ni dngos po med pa ngo bo nyid yin pas nus pa med par bstan zhing skye ba med pa'i rang bzhin dag gi don gyis rgya cher dngos po med par gyur pas de so sor spros nas bstan pa ni ma yin no/ /'di skad ston pa yin te/ ji skad du bshad pa'i lus dang ngag dang sems ni chos bdag med pa mnyam pas ngo bo nyid gcig pa ste/'di ni don dam pa'i byang chub kyi sems so/ /'brel bar bstan pa las/ 'di ltar yang shes par bya ste/ lus dang ngag dang sems rdo rje lta bur ji lta ba bzhin bsgoms pa'i sems skyed cig ces bya'o//phyogs 'di la ni lus la brten pa'i phyir sems la lus zhes bya ste/ 'di ni thabs kyi ngo bo ste kun rdzob byang chub kyi sems so/ /de nas zhes bya ba la sogs pa la de bzhin gshegs pa thams cad kyi sku dang gsung dang thugs lta bur ji skad du bshad pa'i don dam pa kun rdzob kyi thabs kyi ngo bos byang chub kyi sems gnyis su med pas gcig tu sbyor ba byas pas bdag nyid kyi lus dang ngag dang sems dngos po med par byas nas ji skad du bshad pa rtogs pa ste dga' bas rang dga'i tshig tu smra ba'i ched du brjod pa ni/e ma'o zhes bya ba la sogs pa'o/ / e ma'o ni ngo mtshar du gyur pa'o/ /kun du bzang po ni rnam par snang mdzad chen po'o/ /'dod chags la sogs pa'i spyod pa rnam par dag pa ston par mdzad pa'o/ /sku gsung thugs kyi rdo rje can/ /zhes pa ni rnam par snang mdzad kyi thabs kyi ngo bo'o/ /ci zhig ngo mtshar che zhe na/ chos rnams skye ba med pa ste//zhes bya ba la sogs pa ste/ skye ba med pa ni gnyis su med pa'i ye shes kyi bdag nyid can no/ /'gyur ba med pa ni chos rnams yi ge med pas ngo bo nyid las mi 'phro ba'i chos nyid can no/ /gnas pa med pa ni so sor nges pa'i gnas la mi brten pa'o//rtog dang smra ba rnams spangs pa/ /zhes bya ba ni de bzhin gshegs pa la sogs par rtog cing smra ba dang bral ba'o/ /bskyed par bya zhes rab tu gsungs/ /zhes pa ni don dam par skye ba med kyang gdul bya rnams la rjes su brtse bas skye ba med pa la sogs pa las bzlog pa nas/gang 'di rnam par snang mdzad la sogs pa bskyed par rab tu gsungs shing sgra sgrogs pa 'di ni ngo mtshar che ste/ de bzhin gshegs pa gcig pu nyid gdul bya rnams kyi mos pa'i dbang gis rnam pa lngar gyur te ji skad du/ 'jig rten khams ni stong dag tu/ /ngas ni mdo sde gang bshad pa/tshig 'bru tha dad don gcig ste/ /zhes bya ba la sogs pa gsungs pa de thabs kyi ngo bos gcig las kyang gdul bya'i skye ba'i dbang gis rnam pa lngar so sor snang ngo / /de yang 'di ni rang byung bcom ldan 'das/ /gcig pu rab tu che ba'i lha/ /sangs rgyas rdo rje 'dzin la sogs//gdul bya rnams la bcos mar bshad/ /ces gsungs pas so/ /de ltar de bzhin gshegs pa'i rigs kyi sems byang chub kyi sems rnam pa gnyis pa bstan nas/ da ni bcom ldan 'das rnam par snang mdzad de nyid mi bskyod pa la sogs pa'i sku'i tshul de la mos pa'i skye bo rnams la rjes su brtse ba'i phyir de'i rigs kyi byang chub kyi sems gsungs pas 'dir de nyid la gsol ba btab pa la som nyi mi bya'o//de bzhin du thams cad la yang bka' stsal ba/ kun la dang po nyid yin par shes par bya'o/ /la la ni sgra ji bzhin pa nyid la zhugs te/des ni yang dag par gsungs pas rtogs shing khong du chud pa ma yin no zhes shes so/ /de nas bcom ldan 'das kyis byang chub kyi sems 'di gsungs so zhes bya bar sbyar ro/ /ci zhig mdzad nas she na gsung zhes bya ba la sogs pa gsungs te/ gsung gis spros pa ni gsung gi rnam par rtog pas byang chub kyi sems rab tu ston pa'i mtshan nyid can no//'di nyid ni mi slu ba'i don skyed pas rdo rje'o/ /de la dmigs pa zhes bya ba la sogs pa'i don ni bshad zin to/ /rang gi byang chub sems kyi sems ston pa'i rnam pa la thugs rtse gcig tu mdzad nas zhes bya ba'i don to//ting nge 'dzin 'og nas 'byung ba rnams kyi don yang 'di bzhin du bshad par bya'o/ /dngos po 'di dag ces bya ba la sogs pa la byang chub sems la sogs pa'i bdag nyid can rdo rje sems dpa' la sogs pa rnams dang / phung po la sogs pa ni dngos po ste/ de rnams la ni gnyis su rnam par rtog pas dngos por brtags pas na dngos po ste de ni skye ba med pa'o/ /ci'i phyir zhe na/ chos rnams med cing chos can med/ /ces bya ba gsungs te don dam pa gnyis su med pa'i ngo bo nyid yin pa'i phyir ro/ /'di ni don dam pa byang chub kyi sems so//rdo rje rigs ji ltar 'byung ba yin zhe na/ nam mkha' bzhin du dmigs pa med pa'i zhes bya ba gsungs te/ ji ltar nam mkha' ni rdzas thams cad du med cing dmigs pa las 'das pa yin yang rtog pa grag pa'i blos dmigs par byed de/ rdo rje'i rigs kyang de dang 'dra bar blta bar bya'o//'di ni kun rdzob pa byang chub kyi sems so/ /byang chub sems 'di brtan pa yin zhe na bya ba la brtan pa yin zhe na bya ba ni gang don dam pa'i byang chub kyi sems su bshad pa de ni rnam par rtog bas mi phyed cing de 'jig par byed pa ma yin la/ kun rdzob byang chub kyi sems gang yin pa de la'ang 'khor bar sems can gyi don byed pa de ni skyo bar mi 'gyur bas brtan pa yin no//de bzhin gshegs pa thams cad ces bya ba la sogs pa la/ de bzhin gshegs pa thams cad ni thams cad gzugs kyi sku'i ngo bo'o/ /de rnams dmigs su med pa ni don dam par gnyis su med pa'i ye shes kyi ngo bo nyid yin pas so//dngos po 'di dag ces bya ba la sogs pa sbyin pa'i pha rol tu phyin pa'i bdag nyid can rin po che'i rigs kyi bsdus pa rdo rje rin chen la sogs pa dang phung po la sogs pa ni dngos po ste ji ltar yongs su snang ba 'di dag ni dngos po med pa nyid yin no//ci'i phyir zhe na/ chos kyi mtshan nyid spangs pa yin/ /zhes gsungs pa ste chos ni ji skad du bshad pa'i gzugs la sogs pa'i ngo bo nyid do/ /de rnams kyi mtshan nyid ni gzugs la sogs pa de dag nyid skye ba dang mi rtag pa la sogs pa'o//de rnams spangs pa ni bral ba ste skye ba med pa la sogs pa gzugs la sogs pa'i ngo bor brtag pa med pa'i phyir 'di ni don dam pa'o/ /de ltar na rdo rje rin chen la sogs pa ji ltar 'byung zhe na/ bdag med chos las yang dag 'byung / /zhes bya ba gsungs te/bdag med pa'i chos ni ji skad du bshad pa ste/ de bas na gal te bdag sangs rgyas su gyur na 'gro ba ma lus pa'i 'dod pa'i don ma lus pa rdzogs par bya'o zhes de lta bu'i mtshan nyid can gyi smon lam gyi shugs kyi stobs kyis gdul bya rnams la mig yor tsam du so sor 'byung ba ni yang dag par 'byung ba ste 'di ni kun rdzob po//de yang / rtag tu dri med thugs rje'i shugs las byung / /smon lam grub pa mi 'gag chos nyid can/ /'gro ba'i don grub lhur mdzad mtha' yas pa/ /thugs rje'i bdag nyid rtag tu rnam par snang / /zhes bya ba la sogs pa gsungs pa yin no//byang chub sems ni brtan pa yin/ /zhes bya ba'i don ni snga ma bzhin no/ /me lce 'bar ba zhes bya ba la sogs pa la 'bar ba dang bcas pa'i me lta bu'i rdo rje 'bar ba nyon mongs pa'i mun nag thams cad dang bral ba so sor rtog pa'i ye shes te/ de la dmigs pa zhes bya ba la sogs pa'i don ni snga ma bzhin no//dngos po zhes bya ba la sogs pa la shes rab kyi pha rol tu phyin pa'i bdag nyid can chos kyi rigs kyis bsdus pa rdo rje chos la sogs pa dang phung po la sogs pa ni dngos po ste de skye ba med pa ni snga ma bzhin no/ /de bas na/ skye ba med pa'i dngos po de rnams la//dngos po med cing bsgom pa med/ /ces bya ste de rnams la dngos po med pas tshul gang gis spyi'i mtshan nyid bsgom pa'i tshul de med pas na sgom pa yang med de 'di ni don dam pa'o/ /'o na rdo rje chos ji ltar 'byung zhe na/ nam mkha' yi ni gnas thob par//de ltar dngos rnams rab tu brjod/ /ces bya ba gsungs te/ nam mkha' nyid gnas su gyur pa ji skad du bshad pa'i byang chub kyi sems bsgom pa la gnas pa gang yin pa de la de skad ces bya'o/ /de thob pa ni chos thams cad nam mkha' dang mnyam par gnas pa'i sems brtan pa thob nas 'jig rten las 'das pa'i ye shes kyi rjes la yang dag par 'jig rten pa'i ye shes bsgoms pas rdo rje chos la sogs pa'i mtshan nyid mjal zhing yul du byas pa ste 'di ni kun rdzob bo//de bzhin gshegs pa thams cad ces bya ba la sogs pa la de bzhin gshegs pa thams cad ni gzugs kyi sku'i ngo bo nyid do//de nyid ni bla ma yin la de rnams kyi yang bla ma ni ngo bo nyid kyi sku ste de nyid rdo rje'o/ /chos rnams rang bzhin 'od gsal ba/ /zhes bya ba la sogs pa la brtson 'grus kyi pha rol tu phyin pa la sogs pa'i bdag nyid can las kyi rigs kyis bsdus pa'i rdo rje la sogs pa dang phung po la sogs pa ni chos rnams te de rnams ni rang bzhin te ngo bo nyid kyis 'od gsal ba ste/gnyis su med pa'i ye shes kyi snang ba'i ngo bo nyid yin pa'i phyir ro/ /de dag kyang ci'i phyir zhe na/ gzod nas dag cing zhes bya ba gsungs te/ skye ba la sogs pa'i nyes pa rnams ma skyes pas gzod nas dag pa'o//de dag kyang ci'i phyir zhe na/ rnyog pa med ces bya ba gsungs te don dam par rnam par rtog pa'i rnyog pa thams cad dang bral bas na rnyog pa med pa'o/ /de nyid kyis na/ sems can med cing srog kyang med/ /ces bya ba gsungs te/ thog pa med cing mnyam med la/ /bsam gyis mi khyab byang chub 'di/ /skye dang 'gag pa stong pas na/ /ri bong rwa bzhin bdag med do/ /zhes bshad pas sems can la sogs pa'i rnam par rtog pa thag ring du spangs pa yin pas na med pa zhes bya'o/ /sangs rgyas nyid med byang chub med//ces bya ba ni gnyis su med pa'i ye shes rtogs pa'i gnas skabs na sangs rgyas nyid dang byang chub ces bya ba mngon par rtogs pa'i ngo bo 'di ni rnam par rtog pa la spyod pa ste sangs rgyas nyid dang byang chub pa med do/ /de bas na/ dngos dang dngos med yongs tshel ba/ /zag med mya ngan 'das zhes brjod//ces bshad pa yin gyi de bzhin gshegs pa thams cad med pa nyid ni ma yin no/ /gzhan yang chos thams cad kyi de kho na nyid gnyis su med par rig pa'i sems dang sems las byung ba'i ngo bo nyid gnyis su med pa'i rnam par snang mdzad ni ngo bo nyid med pas med ces bshad pa yin te 'di ni don dam pa'i byang chub kyi sems so//'o na rdo rje la sogs par ji ltar so sor snang zhe na/ rmi lam sgyu ma ltar snang ba'i/ /zhes bya ba gsungs te ji ltar rmi lam la sogs par rab tu snang bas gnyis su rnam par rtog pa rtsad nas 'byin par brtags pa de bzhin du rdo rje la sogs pa yang snang ste 'di ni kun rdzob bo//byang chub sems 'di brtan pa yin/ /zhes bya ba'i don ni bshad zin to/ /de bzhin gshegs pa thams cad kyi sku dang gsung dang thugs kyi rdo rje de bzhin gshegs pa zhes bya ba ni rnam par snang mdzad kyi'o/ /byang chub kyi sems rnam par dag pa thob nas zhes bya ba ni bshad ma thag pa'i byang chub kyi sems dam pa'o//e ma'o zhes bya ba la sogs pa la/ e ma'o zhes bya ba ni ngo mtshar du gyur pa'o/ /chos kyi sku'i ngo bo nyid du gyur pas na sangs rgyas so/ /rnam par rtog pa thams cad dang bral bas na dag pa'o//de nyid 'di lta bu'i mngon par 'dod pa'i don rdzogs par byed pa'i chos ston pa la nye bar dmigs par mdzad pa de yang legs so zhes pa'o/ /bdag med chos las legs byung ba/ /zhes bya ba ni chos bdag med pa rnam pa las yang dag par byung zhing skyes pa'i don dam pa'i byang chub sems de la phyag 'tshal lo zhes don dam pa la ston pa'o//byang chub tshogs kyis zhes bya ba la sogs pa la/ byang chub tshogs kyis bsgom pa yis/ /zhes bya ba ni byang chub kyi sems skyed par byed pa'i bsod nams dang ye shes kyi tshogs smon lam gyis bsgos par gyur pas so//mi g.yo yi ge las byung ba/ /zhes bya ba ni mi 'gyur bas na mi g.yo ba ste/ don dam pa'i sems so/ /de'i ngo bo nyid ni oM la sogs pa'i yi ge la yang nye bar 'dogs pas de skad ces bya ste/ yi ge'i rnam pa mngon par 'du byas pa'i gnas skabs de las skyes pa na byung ba'o//rmi lam sogs ltar de las skyes/ /zhes bya ba ni rmi lam la sogs pa ltar so sor snang ba tsam du skye bar zad de de ltar na de nyid ni gdod ma nas ma skyes pa'i ngo bo nyid du gyur pa'i thugs rdo rje rnam par snang mdzad la phyag 'tshal lo zhes bya ba ste kun rdzob tu ston pa'o//thabs kyi ngo bo nyid kun rdzob kyi byang chub kyi sems su bstan pa de ji ltar bsgom par bya zhe na/ gnas dang stan ni zhes bya ba la sogs pa gsungs te/ gnas dang stan ni rnam bsams te/ /sems dpa'i skyil mo krung bcas nas/ /zhes bya ba ni ji skad du bshad pa'i gnas rnam par bsam zhing bskyed nas der yang pad+ma la sogs par bya'o zhes bya ba ni tshig gi lhag ma'o//ji zhig byas nas she na/ dang por rang bzhin dag pa'o/ /zhes bya ba la sogs pa gsungs te zhes pa'i sgra ni don lhag ma rnams nye bar mtshon te/ oM sarba ta thA ga ta a nu ShaM si ta/sarba satwa naM tsa sarba sid+d+ha ya saM par+ya n+taM sarba ta thA ga ta sh+tsa a d+hiSh+ThA na taM swa b+hA ba shud+d+haH sarba d+harmAH swa b+hA ba shud+d+hou0f85haM zhes brjod la/ rang bzhin gyis dag par lhag par mos pas dag pa'i chos kyi tshul la gnas par 'gyur ro/ /rdo rje sems ma ni nye bar mtshon pa tsam ste/ des n a rang gi rigs te yum lnga'i dam tshig gi phyag rgya rnams kyis kyang bya bar shes par bya'o//byin gyis brlab ces bya ba ni nye bar mtshon pa tsam ste/ des na dbang bskur ba dang ting nge 'dzin dang mchod pa yang bya'o zhes gsungs pa yin no/ /yid kyis hUM las rdo rje can/ /zhes bya ba ni yi ge hUM las byung ba'i rdo rje can te rdo rje 'chang bar rang gi lus yid kyis rnam par bsams la byin gyis brlab pa dang dbang bskur bar bsgoms nas yang dag par mchod de rang gi nga rgyal bskyed la gnas dang stan bskyed par bya'o zhes pa ni rim pa'o//lcags kyu ni zhes bya ba la sogs pa la mdun du gzhal yas khang dang dkyil 'khor rnam par bsams pa'i steng du dkyil 'khor gnyis pa yang spyan drang zhing legs par bstod la lag pa steng du bstod nas bskor ba'i rdo rje lcags kyus dgug par bya'o//'di ni nye bar mtshon pa tsam ste/ gzhug pa dang bcing ba dang dbang du'ang bya bar shes par bya'o//byed nas dang por phyogs bcings te/ /zhes bya ba la sogs pa la phyogs bcings pa'i rjes la dam tshig ces bya ba'i nye bar mtshon pas na chos dang las dang phyag rgya chen po rnams kyis rgyas gdab par bya'o zhes bya bar yang rigs pa yin no//la la ni sgra ji bzhin pa nyid du smra'o/ /sbyor ba bya zhes bya ba ni sngags dang phyag rgya dag gis so/ /'di ni bya ba'i rgyud kyi dbang du byas pa'o/ /de'i rim pa ni 'di yin te mchod yon dang zhabs bkru ba dang zhal bsil rnams phul la gdan ji lta ba bzhin du bstabs te thal mo sbyar nas/bde bar gshegs so bcom ldan 'das/ /tshur gshegs 'dir ni bzhugs su gsol/ /bdag las mchod pa bzhes nas ni/ /bdag kyang blo dang ldan par mdzod/ /ces bya ba brjod la bcom ldan 'das ji srid 'dir mchod pa bgyid pa de srid du bden pa dam pas bzhugs su gsol zhes gsol ba btab ste/phur bu dang phyogs dang dkyil 'khor bcing ba dang ra ba dang dra ba byas la yang mchod pa phul te/ dam tshig la sogs pa phyag rgya ba zhis rgyas gdab par bya'o/ /dbang bskur ba zhes bya ba ni rjes su mthun pa'i dbang bskur ba brtan par bya'o zhes snga ma dang sbyar ro//mtshon cha go cha la sogs zhes bya ba ni sogs pa'i sgras dbu dang spyi gtsug tu mtshon cha dang go cha bya ba ma lus pa yongs su gzung ngo / /sil snyan mchod sogs bsgom par bya/ /zhes bya ba ni ji skad du bshad pa'i phyag rgya dang mchod pa'i cho ga bya ba'i rim gyis so//rnam pa kun gyis mnyes bya ba ni sngar bshad ma thag pa'i phyi dang gsang ba'i mchod pa la sogs pa'i khyad par gyis so/ /rnal 'byor bdag nyid can gyis brtag/ /ces bya ba ni yang de bzhin du bcom ldan 'das kyi spyan sngar mgo dang gtsug la sogs pas bdag nyid kyi sbyor ba byas la/rdo rje la sogs pa blangs nas bzlas pa dang bsgom pa dag bya'o/ /'di skad ston pa yin te ji skad du bshad pa'i phyi'i khrus bya ba'i cho gas khrus bya ba'am/ nang gi khrus byas nas lha'i khang pa ji lta ba bzhin du zhugs la 'dug ste/ de nas oM swa b+hA ba shudz+haHsarba d+harmAHswa b+hA ba shurjou0f85haM zhes brjod la/thal mo gsum gyis bgegs bsal nas/ rang gi lus lha'i skur skad cig gis bsams te/ lkog ma'i phyogs su yi ge hrIH las pad+ma 'dab ma brgyad pa las pad+ma'i 'dab ma gcig lcer gyur pa la a las zla bar gyur pa'i steng du hUM las rdo rje rtse lnga pa dkar po bsams la/oM badzra dzi hwa zhes bya bas byin gyis brlab po/ /de nas lag pa gnyis la a gnyis las zla ba bsams la/ der yi ge hUM las rdo rje gnyis bsam pa dang yi ge hUM nyid las sor mo rnams rdo rje rtse gcig pa'i rnam par bsams la gung mo dang mdzub mo dang srin lag dang mthe'u chung dang mthe bo rnams su grangs ji lta ba bzhin du/oM hUM tra~M` a khaM zhes bya ba'i yi ge lnga bkod la/ de bzhin gshegs pa thams cad la sogs pa rang gi lha'i gzugs kyi gzugs brnyan du snang bas bdag nyid ni rgyal po'i bka' mngon sum pa ltar 'da' bar dka' bar bsgoms nas phyag rgya phan tshun bcings te/thal mo mdun du phyogs pas mnyam par byas la a n+yo n+yA nu ga ta sarba d+harmA zhes brjod do/ /de nas sor mo rnams phan tshun rtse mo bsnol ba byas la a t+yan+tA nu pra biSh+Tha sarba d+harmA hUM badzra any+dza li zhes brjod do/ / de nas rdo rje bsdams pa legs par bcings la/ a t+yan+tA nu pra biSh+Tha sarba d+harmA zhes brjod de rdo rje bsdams pa bcings pa des mthar thug pa med pa'i nam mkha'i khams na bzhugs pa'i sangs rgyas kyi yon tan bsdus la hUM badzra ban+d+ha zhes brjod do/ /de nas rang gi snying ga'i zla ba la rdo rje yongs su gyur pa las rdo rje'i 'khor lo rtsibs brgyad pa de'i dbus su'ang yi ge oM bsams la badzra ban+d+ha traT ces brjod la/rdo rje bsdams pa rang gi snying gar dkrol bar de na bzhugs pa'i sangs rgyas kyi yon tan rdo rje 'khor lo la rab tu bzhugs par bsam mo/ /de nas rnam par snang mdzad kyi dam tshig gi phyag rgya bcings la/oM dzi na dzikaa zhes bya ba 'dis phyag rgya bcing ba byas la dkyil 'khor chen po'i phyag rgya bcing pa yang de bzhin bya'o/ /de nas rdo rje 'bebs pa'i phyag rgya bcings la badzra A be sha a zhes lan gsum brjod la mnyes par bya'o/ / rdo rje bsdams pa bcings la mthe'u chung dang srin lag gi rtsa ba'i nang du mthe bo bcug la snying gar cung zad bskyod pa ni rdo rje 'bebs pa'i dam tshig gi phyag rgya'o/ /de nas tiSh+Tha badzra dr-i D+ho me b+ha ba/ hr-i da yaM me a d+hi tiSh+Tha sarba sid+d+him+ma me bra yats+tsha hUM ha ha ha ha hoHzhes bya ba 'dis dbab pa nye bar bsdu bar byas la badzra san+d+hi zhes bya ba'i sngags kyis dam tshig gi khu tshur bcang zhing /oM badzra muSh+Ti baM zhes bya ba'i sngags 'dis brtan par bya'o/ /rdo rje 'bebs pa'i dam tshig gi phyag rgya bcings la mdzub mo bkug cing tshigs gsum pa'i rgyab tu bcings pa 'di ni dam tshig gi rdo rje'i khu tshur ro//de nas sngar bshad pa'i rim pas bgegs la sogs pa gzhom pa nas me tog la sogs pa mchod pa lnga bskyed pa'i mthar thug pa'i cho ga byas la/ rdo rje 'khor lo'i phyag rgya bcings te khar bzhag nas oM badzra tsakra hUM zhes brgya rtsa brgyad brjod la mdun du dkyil 'khor bsam par bya'o//rdo rje khu tshur gnyis bcings la mdzub mo dang mthe'u chung lcags kyu ltar mdud pa byas pa ni 'di'i phyag rgya'i mtshan nyid do/ /de nas oM sarba ta thA ga ta kA ya bA ka tsit+ta badzra pra NA me badzra ban+d+ha naM ka ro mi zhes brjod la yan lag lngas phyag rgya'o/ /gal te 'byor na bdug spos la sogs pa phyi'i mchod pa lnga dang /yang mchod pa rnam pa brgyad kyis yang dag par mchod nas mchod pa nyi shu'i bar du ji lta ba bzhin du byas la/ rang gi snying ga dang dpral ba dang lce dang spyi gtsug tu a las zla ba'i dkyil 'khor bsam zhing der yang rdo rje dang rin po che dang /pad+ma dang ral gri hUM traM a khaM zhes bya ba las bskyed la snying ga dang dpral ba dang kha dang spyi bor gnas pa'i rdo rje thal mo brkyang nas lus thams cad sa la phab ste/ shar dang lho dang nub dang byang gi phyogs su grangs ci lta ba bzhin snying po 'dis phyag bya'o/ /oM sarba ta thA ga ta pU dza u pas+tha nA ya At+ma naM ni r+yA ta yA mi/sarba ta thA ga ta badzra satwa a d+hi tiSh+Tha swa mAM/ sarba ta thA ga ta pU dza a b+hi She kA ya At+ma nAM ni r+yA ta yA mi/ sarba ta thA ga ta badzra rat+na a b+hi Shi ny+tsa mAM/ oM sarba ta thA ga ta pU dza pra brta nA yA At+ma naM ni r+yA ta yA mi/ sarba ta thA ga ta badzra d+harmA pra brtA ya mAM/oM sarba ta thA ga ta pU dza karma Ne At+ma nAM ni r+yA ta yA mi/ sarba ta thA ga ta badzra karma ku ru mAM/ de nas mdun du 'dug la ji lta ba bzhin du sdig pa bshags pa la sogs pa'i rim gyis sdom pa blangs la smon lam bya ste/ chos bdag med pa'i mnyam pa nyid kyis rang gi snying gar dkyil 'khor bcug la rdo rje gnod sbyin dang rdo rje hUM mdzad kyi sngags dang phyag rgya dag gis ji lta ba bzhin du sdig pa bsal bar bya'o//de nas chos kyi 'khor lo'i phyag rgya bcings la/ hUM Tak+ki s+pho Ta ya ma hA bi dA ga badzra badzra d+ha ra san+t+ye na tha zhes bya ba'i sngags kyi mthar de bzhin gshegs pa thams cad la sogs pa'i 'dod chags dang bral bas dral bar bya'o//rdo rje bsdams pa dam bcings te/ /mthe bo mthe'u chung sbyar nas ni/ /lhag ma rnams ni 'khor lor bya/ /chos kyi 'khor lo zhes byar grags/ /zhes bya ba ni chos kyi 'khor lo'i phyag rgya'o//de nas rab tu dga' ba'i rdo rje'i phyag rgya bcings la/ oM mahA su kha badzra satwa ya sarba satwe b+h+yo/ dzaHhUM baM hoHzhes bya ba'am ma h+yaM zhes bya ba'i sngags lan bdun brjod par bya'o/ /rdo rje bsdams pa dam bcings la/ /g.yon pa'i mthe'u chung mngal du ni/ /g.yas pa yis ni mthe bo mtshan//bcug la bskyod cing cung zad btsir/ /zhes bya ba 'di ni rab tu dga' ba'i rdo rje'i phyag rgya'o/ /de nas rang gi snying gar zla ba'i dkyil 'khor la 'khor lo'i dbus su gnas pa'i yi ge oM bsams la/ de'i 'od zer gyis reg pa las bdag nyid sdig pa thams cad dang bral zhing bsod nams thams cad dang ldan par bsams la/reg pa de nyid kyis rnam par snang mdzad kyi skur nges par bsams la sku dang gsung dang thugs byin gyis brlabs pa'i phyag rgya rnams kyis mgo dang snying ga dang lkog mar byin gyis brlab ste snying ga dang dpral ba dang / mgo dang lkog ma dang spyi bo rnams su zla ba'i dkyil 'khor la gnas pa'i rdo rje la sogs pa'i yi ge hUM la sogs pas mtshan par bsam mo//de nas snying gar rdo rje sems dpa'i phyag rgyas oM satwa badzre Ni hUM/ a d+hi tiSh+Tha mAM zhes bya bas byin gyis brlab po/ /de bzhin du rnam par snang mdzad kyi dam tshig gi phyag rgya bcings la g.yas su bskor ba'i bar gyi sbyor bas lus thams cad yongs su bskor la snying gar bzhag nas/oM badzra d+hA twI shwa ri hUM badzra Ni a d+hi tiSh+Tha mAM zhes bya bas byin gyis brlab po/ /de nas de bzhin gshegs pa lnga'i sa bon gyi yi ge byin gyis brlabs ba'i gtso bo lnga dang ldan pa'i rin po che'i cod pan mgo la bsams la/rdo rje rin chen gyi phyag rgya dpral bar bzhag ste/ oM badzra rat+na a b+hi ny+tsa mAM zhes pas dbang bskur ro/ /de nas rnam pa thams cad kyi mchog dang ldan pa'i rang gi lha'i gzugs su rnam par bsam mo/ /de nas ji lta ba bzhin du mchod pa byas la rdo rje dbyings ni bdag go zhes nga rgyal bya'o//de nas thal mo sbyar ba byas la/ oM bi ma la lo da d+hi hUM zhes bya bas rgya mtsho chen po de'i steng du oM a tsal b+hi ra hUM swA hA zhes bya bas sa gzhi gser gyi rang bzhin can/ de'i steng du oM a tsa la hUM zhes bya bas rin po che sna bzhi'i rang bzhin gyi ri'i rgyal po ri rab byin gyis brlab bo//de nas gzhan 'phrul dbang byed kyi dbang sgyur gyi rgyal po'i gnas ji lta ba bzhin du bskyed la/ de'i steng du yi ge b+hUM las zur bzhi la sogs pa dang ldan pa'i khang pa brtsegs ma rnam par bsams la de'i phyogs gcig tu pad+ma bsam ste/der 'dug nas mdun du rnam par snang mdzad kyi dam tshig gi dkyil 'khor ji lta ba bzhin du rnam par bsams la rdo rje dang dril bu 'dzin pas rang gi gnas la bzhugs pa'i dkyil 'khor gyi lha rnams bsgoms te/ sku gsung thugs byin gyis brlab pa'i phyag rgya rnams kyis byin gyis brlab pa dang /rdo rje srung bas go bgos la mchod yon phul te ji lta ba bzhin du spyan drangs la khang pa brtsegs ma'i nang du gnas pa la rang gi lha'i nga rgyal du byas nas rdo rje thal mo bskor ba snying gar bzhag nas mgo cung zad btud de bstod pa bya'o/ / de nas dgug pa la sogs pa bya ba ste/ de bzhin du sgo bcing ba dang srung ba thams cad kyis legs par bsrungs la/ dam tshig la sogs pa'i phyag rgya bzhis rgyas gdab po/ /de nas rang dang rjes su mthun pa'i dbang bskur bas dbang bskur la snying gar snying po bkod de/ de nyid la nye ba'i snying po la sogs pa lhag par mos pas snying ga'i phyogs su dbu dang gtsug phud dang nu ma gnyis dang lag pa g.yas pa'i rtsa ba dang g.yon pa'i rtsa ba dang lus thams cad la dgod do//de nas bdug spos la sogs pa'i mchod pa brgyad byas la/ dpag bsam gyi shing la sogs pa yang phul nas dril bu blangs te bstod pas mnyes par byas la phyag bzhi bya'o//da nas rang gi dam tshig gi phyag rgyas bdag nyid byin gyis brlabs la spos chus dbang bskur te de bzhin du snying po dgod pa byas na spos chus rdo rje rin chen gyi dbang bskur bas dbang bskur la/mdun du dkyil 'khor bsgoms nas bdag nyid kyang rang gi lha'i ngo bo la rdo rje dang dril bu thogs par gyur pas lha'i thugs ka'i zla ba las bzla bar bya ba'i snying po rnam par bkod nas ji tsam 'dod kyi bar du bzlas pa dang bsgom pa bya'o/ /phyag rgya dang byin gyis brlab pa lhod par gyur pa'am/bdag nyid gtong bar 'dod na yi ge brgya pa bzlas par bya'o/ /de nas bzlas brjod ji lta ba bzhin du phul la/ mngon par 'dod pa'i dngos grub kyi phyir gsol ba byas nas sbyin sreg byas te bdug spos la sogs pa rnams kyis yang dag par mchod la mtshan brgya rtsa brgyad kyis bstod de/dkyil 'khor gshegs su gsol ba'i rim pas lha rnams gshegs su gsol la/ bdag nyid dbang bskur ba dang go bgo ba byas nas langs la/ mchod rten gyi las la sogs pa nyin re bzhin thun bzhir bya ste 'di ni byin gyis brlab pa zhes bya ba'i rnal 'byor ro//gzugs nyid ces bya ba ni rang gi lus rang gi lha'i mtshan nyid du sbyor ro/ /byin gyis brlab pa zhes bya ba la sogs pa ni rnal 'byor gsum gyi mtshan nyid ces bya ba ste/ byin gyis brlab pa zhes bya ba ni sngags dang phyag rgyas so/ /byang chub sems ni dag pa dang //zhes bya ba ni don dam par byang chub kyi sems bsgoms pas blo shin tu rnam par dag pa'o/ /gsang sngags sa bon skye ba che/ /zhes bya ba ni de'i rjes las thob pa'i dag pa'i 'jig rten pa'i sems so/ /phyag rgya'i tshogs su brtag pa yis/ /rim gyis gzugs ni rdzogs byas pa//zhes bya ba ni/ de bzhin nyid snang sgyu las byung / /gsal dang grib ma las kyang 'das/ /'phags pa'i rigs kyi sngags las skyes/ /gnyis gyur 'jig pa la rab brtson/ /zhes bya ba'i rim gyis so/ /yongs su rdzogs pa'i rnal 'byor ni go sla bas 'dir ma smos so//dang po dam tshig byin brlab pa/ /zhes bya ba ni dang po byin gyis brlab pa'i rnal 'byor ro/ /dam tshig ni dam tshig la mngon par zhen pa'i phyi rol gyi don yod par smra ba rnams kyi phyir yin par shes par bya'o/ /rnal 'byor spyod pa'i zhes bya ba la rnal 'byor spyod pa'i rnam par shes pa tsam du smras so//dbu ma'i zhes bya ba ni chos thams cad skye ba med par smra ba'o/ /'di ni rnal 'byor cho gar bshad/ /ces bya ba ni rnal 'byor gyi cho ga'i dbye ba'i rnam pa gsum mo/ /rtag pa'i rnal 'byor gsal bar bstan pa'i phyir nyon mongs dri mar zhes bya ba la sogs pa gsungs te/byang chub sems kyi dag pa ni don dam pa'i byang chub kyi sems so/ /de ni rang bzhin zhes bya ba la sogs pa la/ thal mo gsum gyis sbyar zhes bya ba ni lha'i khang par zhugs pa'i 'og tu der swa b+hA wa shud+d+haHsarba d+harmAHswa b+hA wa shud+d+hou0f85haM zhes brjod la/bgegs rnam par bsal te byang chub kyi sems ji lta bas sems sbyang bar bya'o zhes la la 'dod do/ /gzhan dag na re thal mo gsum gdab pa tsam gyis sems kyi ngo bo nyid rtogs par byas pa'i 'og tu/ oM shU n+ya tA dz+nyA na badzra swa b+hA wa At+ma kou0f85haM zhes bya ba ngo bo n yid dag pa yongs su ston par byed pa'i tshig 'dis rab tu sad pa dang byin gyis brlab par bya'o zhes zer ro//sems la so sor brtag par bya/ /zhes bya ba ni ji skad bshad pa bzhin du bsams pa'i dkyil 'khor gyi dbus su rnam par snang mdzad kyi rang gi dam tshig gis sku la 'khyud par rnam par bsams la/a li tsam gyi gzugs can/ oM tsit+ta brti be d+haM ka ro mi zhes brjod pas de'i zhal du zhugs nas dam tshig gi phyag rgya'i pad+ma'i gnas su song ba ste/ 'dis ni sems kyi so sor rtog pa zhugs shing 'phangs par byas par 'gyur ro/ /phyi rol rang bzhin stong par bya//zhes bya ba ni phyi rol ngo bo nyid kyi rang bzhin stong pa yin par bsam mo zhes bya ba ni lhag ma'o/ /sems tsam la ni gnas nas su/ /byang chub tshogs kyi bag chags des/ /zhes bya ba ni ji skad du bshad pa'i rnam par snang mdzad byang chub kyi sems kyi gzugs su yongs su gyur pa la der yang dkyil 'khor lha rnams rab tu zhugs par bsams la/de'i 'og tu bdag nyid mnyam par bzhag ste/ sems dpa'i gzugs gsal ba la chos kyi ri mos dbugs su phug la snying ga dang 'od dang stan zla ba'i rnam pa dang bcas pa mchog tu mya ngan las 'das pa'i bde ba chen po'i ngo bo rnam par snang mdzad ting nge 'dzin la snyoms par zhugs pa bsod nams dang ye shes kyi tshogs yongs su rdzogs pa'i bdag nyid can la/bde bar gshegs pa thams cad kyi thugs kyang de nyid du drangs la brgyal bar gyur pa la/ a la sogs pa'i sangs rgyas kyi yon tan gyi ngo bo zhugs par bsam zhing oM d+harma d+hA tu swa b+hA wa At+ma kou0f85haM zhes bya bas byin gyis brlab po//des sgo byas pa'i zhes bya ba la sogs pa la snying ga la sogs par a bkod la oM bo d+hi tsit+ta u pA da yA mi/ zhes brjod la thabs dang shes rab kyi ye shes sgom par byed pas bdag nyid bsgoms shing gcig tu gyur par bsgoms la spyan la sogs pas ji lta ba bzhin du bslangs nas kun du bzang po'i gzugs su rnam par bsams la yi ge ka la sogs pa zhugs par byas nas snying ga la sogs pa'i zla ba'i gzugs kyi steng du brtag par bya'o//de nas rgyud gzhan gyi nang nas gsungs pa'i rim pas dam tshig dang chos dang las kyi phyag rgya bsams la/ thugs ka'i zla ba la yi ge oM bkod nas rnam par snang mdzad ji lta ba bzhin du bsam par bya'o/ /pad+ma la gnas pa zhes bya ba ni 'og tu paM las byung ba'i pad+ma bsams pa'i steng du bdag nyid mtshan thams cad dang ldan par bsgom mo//de bzhin du/ oM gyi myu gus bkrun pa yi/ /yan lag kun gyi mtshan nyid gzugs/ /rdo rje sku ni bsgom par bya/ /zhes bya ba 'dis ting nge 'dzin rim par phye ba gsum pa'i don dang sbyar ro/ /de nas sku ma lus pa'i ngo bor gyur pa'i yi ge oM ni spyi gtsug tu bsam/gsung ma lus pa'i ngo bo yi ge AHlkog mar bsam/ thugs ma lus pa'i ngo bo yi ge hUM snying gar bsam mo zhes bya ba ni lhag ma ste/ de dag gis ni rgyud kyi bdag po'i rnal 'byor gsungs pa yin no/ /yi ge gsum gyis zhes bya ba la sogs pas ni thugs rdo rje la sogs pa'i rnal 'byor gsungs pa yin te ting nge 'dzin rim par phye ba las gsungs pa'i rang gi sa bon gyi yi ge de rnam par bkod pa'i 'og tu rdo rje sems dpa' rang gi lha'i sku mdog dang bzhugs tshul dang gdan dang 'od dang phyag mtshan rnams lhag par bsgoms te/mdog gzugs 'od dang 'dra bar bsam/ /zhes bya ba'i nye bar mtshon pas so/ /nga rgyal bskyed ces bya ba la sogs pas ni tha mal pa ma yin pa nyid du gsungs pa'o/ /de nas/ rdo rje'i bdag nyid bdag yin brjod/ /ces bya ba'i nye bar mtshon pas rnam par snang mdzad kyi lus la/oM badzra At+ma kou0f85haM/ /oM swa b+hA wa shud+d+hou0f85haM/ oM sa ras mou0f85haM zhes nga rgyal yin no/ /ji lta bya ba yin te/ de dag ni rnal 'byor chen po bskyed par bya ba'i 'og tu shes par bya'o/ /cha shas kyi dra ba can zhes bya ba ni spyan la sogs pa'i dra ba rang gi lus la rnam par dgod pa'o//ye shes sems dpa' rdzogs par brtag /ces bya ba mdun du ye shes sems dpa' ji lta ba bzhin du bsgoms la dgug pa la sogs pas rang gi lus la bskyed par bya'o/ /der bskyed nas de'i 'og tu lag pa'i phyag rgyas go cha dang mtshon cha la sogs pa brtag go zhes bya bar sbyar ro//ye shes sems dpa' bsgrub pa'i sngon du 'di bya'o zhes zer ro/ /la la ni ji skad du bshad pa bzhin rigs pa yin no zhes zer ro/ /de 'og lag pa'i phyag rgya yis/ /zhes bya ba ni gsol ba 'debs pa sngon du 'gro bas byin gyis brlab pa byas nas/ de'i 'og tu lag pa'i phyag rgya byin gyis brlab pa mngon du bya'o//go cha mtshon cha la sogs bya/ /zhes bya ba ni phyag rgya rnams kyis dbang bskur ba'i 'og tu bya ba khong du chud par bya'o/ /rdzogs sangs rgyas lngas dbang bskur te/ /zhes bya ba ni cho ga'i tshul nyid ni ma yin gyi srid pa'i dbang du mdzad nas gsungs pa yin te/de ci'i phyir zhe na/ thams cad la ni sangs rgyas lnga'i cod pan du byas par mi 'dod do/ /byang chub sems ni zhes bya 'dis/ /cod pan phreng ba rnams kyis brgyan/ /zhes bya ba'i bar gyi gzhung gis ni dang po'i sbyor ba'i ting nge 'dzin gsungs pa yin no//de nas de 'og ces bya ba la sogs pa la/ ji lta ba bzhin du mngon par rdzogs par sangs rgyas nas thugs rdo rje la sogs pa bzhi sprul pa'i phyir de dang lhan cig tu ji skad du bshad pa'i gnas su babs nas/ spyan la sogs pa'i lha mo sangs rgyas kyi sprul ba mdzad pa'i sgyu ma spro bar bya'o//phyogs bcur khro bo bcu dang zhes bya ba ni shar la sogs pa phyogs bcu'i mthar thug par gshin rje gshed la sogs pa'i khro bo bcu spro zhes bya bar sbyar ro/ /de ci'i phyir zhe na/ 'di ltar dkyil 'khor bri ba'i dus su gtsug tor 'khor los sgyur ba chen po dang /gnod mdzes dag steng dang 'og dang bla ga ba dang phur bu'i tshul du bsam par bya'o zhes shes par bya'o/ /dkyil 'khor gyi rim par phye ba las khro bo brgyad bstan pa ni nye bar mtshon pa tsam yin no/ /ji lta bu zhig ce na/ yan lag ces bya ba la sogs pa gsungs te/yan lag bzhi yi dpung dang ldan/ /zhes bya ba ni lha mo bzhi'i tshogs dang ldan pa'o/ /yan lag bzhi yi dpung dang ldan/ /zhes gsungs pa'i don de nyid bstan pa'i phyir/ bsnyems ma dang ni zhes bya ba la sogs pa gsungs te/ 'dir bsnyems ma zhes bya ba'i sgras ni ki li ki la yongs su gzung ngo //me tog ldan ma ni rdo rje chags ma'o/ /mtshon cha ma ni rdo rje mtshon cha ma'o/ /rtse mo can ni dus thams cad pa'i me tog gi phreng bas brdegs pas na/ phyag rgya'i nye bar mtshon pa ni rdo rje bsnyems ma yin no/ / rdo rje mtshon cha ma la sogs pa bzhi ni/ spyan la sogs bzhi'i ngo bo nyid yin no/ /sgyu ma'i cha byad rnam mang po'i/ /zhes bya ba ni gdul bya'i yid mgu bar byed pa'i sgyu ma'i rnam pa'i cha byad sna tshogs pa gang yin pa de la de skad ces bya'o/ /rnam par rol pas byin gyis brlab/ /ces bya ba ni rnam par rol pa ste rdo rje dang pad+ma'i rtse 'dzin byin gyis brlab cing rdzogs par mdzad pa'o//de nyid chen po'i bdag nyid lngas/ /zhes bya ba ni de nyid chen po ni lha mo lnga'i bdag nyid do/ /bdag nyid lngas zhes pa ye shes lnga'i bdag nyid can gang yin pa de la de skad ces bya'o/ / phyogs bzhir 'khor lo gnas byas te/ /zhes bya ba ni sngar bshad pa'i lha mo de rnams phyogs bzhir 'khor lo ste dkyil 'khor gyi tshul gyis gnas par byas shing 'jog pa gang yin pa de la de skad ces bya'o/ /des na rang gi dam tshig gis skul 'khyud pa'o/ /'phags ma bzhi yi dga' ba ni//zhes bya ba ni spyan la sogs pa'am/ rdo rje mtshon cha ma la sogs pa 'phags ma bzhi po dga' bde yang dag par skyed pa gang yin pa de la de skad ces bya'o/ /dga' bas zhes bya ba ni rang gi dam tshig gi phyag rgya'i dga' ba las byung ba'i so so rang gis rig pa'i bde ba'i ngo bo ste/ de'i rjes la ji skad du bshad pa'i khro bo rnams spro bar bya'o zhes bya bar sbyar ro//de ltar spro ba bstan nas/ da ni thams cad ces bya ba la sogs pas bsdu ba gsungs pa yin te/ ji skad du gsungs pa'i spro ba sna tshogs pas khyab par byas nas bkug ste dkyil 'khor gyi sbyor bar bzhag la/de'i dbus su sna tshogs pa gnas par bya'o zhes bya ba ni lhag ma ste/ 'di dag gis ni dkyil 'khor rgyal po mchog ces bya ba'i ting nge 'dzin gnyis pa gsungs pa yin no/ /las kyi mchog ces bya ba'i ting nge 'dzin gsum pa ste gsang ba'i tshogs mthon po la sogs pa'i rjes su 'brangs nas shes par bya'o//ting nge 'dzin gsum bskyed nas da ni bzlas pa dang bsgom par bya'o zhes bstan pa'i phyir/ rab dga'i longs spyod longs spyod pa/ /zhes bya ba gsungs te shes rab dang thabs las byung ba'i khyad par ni rab tu dga' ba'o/ /de la sogs pa'i don ni bshad zin to// //ting 'dzin kun gyis 'khor lo blta/ /zhes bya ba la sogs pas ni slar yang ye shes kyi dkyil 'khor spyan drangs shing bstod pa la sogs pa byas nas ci rigs pa dkyil 'khor gyi 'khor lo dam tshig gi phyag rgyas ting nge 'dzin la snyoms par zhugs par blta zhing bsam pa nyid dang bdag nyid kyang rjes su mnyes pa thob par byas la/oM sarba ta thA ga tA nu rA ga Na badzra swa b+hA wa At+ma kou0f85haM zhes bya bas byin gyis brlabs te/ rdo rje'i gzugs dam tshig gi phyag rgya'i pad+ma des sgeg pa la sogs pa'i tshul gyis rol pa nyid kyi rab tu g zhug par bya zhes bya bar sbyar ro//de nas ci zhig bya zhe na/ pad+ma'i zhes bya ba la sogs pa gsungs te/ dam tshig gi lha mo'i pad+ma'i gzugs kyis gzugs rnams rab tu dga' ba gang yin pa de las sangs rgyas dang rdo rje 'chang la sogs pa spro zhes bya ba ni lhag ma'o/ / yang na blta zhes bya ba snga ma dang sbyar ro/ /ting 'dzin kun gyis dkyil 'khor blta/ /zhes ji skad du gsungs pa de nyid kyi khyad par ni ma lus zhes bya ba la sogs pa yin te/ 'ang zhes bya ba'i sgra'i don lhag ma ma lus pa'i lha rnams kyi 'khor lo rnams kyang zhes bya ba'i don to/ /mdog ldan zhes bya ba ni rigs dang rjes su mthun pa dang las dang rjes su mthun pa dang ldan pa'i bdag nyid can gyi gzugs ni mdog ldan bdag nyid can gzugs so//mdog dang ldan pa'i bdag nyid can gyi gzugs kyang yin la spro ba yang yin pas de skad ces bya'o/ /de yang ji skad du bshad pa'i yi ge e dang a las byung ba'i sna tshogs rdo rje ska rags kyis nye bar mdzes pa/yi ge traM las byung ba'i rin po che zur gsum gyi nang du chud pa/ yi ge hri las byung ba'i pad+ma'i dbus na gnas pa las/ mdog dang ldan pa'i bdag nyid can gyi gzugs su spro pa'i lha mo'i 'khor lo gang yin pa de la de skad ces bya ste de ltar yang blta'o zhes bya ba snga ma dang sbyar ro//rdo rje gzhug par bya'o zhes gsungs pa ji ltar bsam zhe na/ rgyud rnams zhes bya ba la sogs pa gsungs te/ rgyud gzhan dag las byung ba'i mtshan nyid dang ldan pa dngos su'am/ bsam gtan las bdag nyid can byung ba rang gi bsam gtan la gnas par bsam mo//sgeg mo glu dang gar rnams dang / /zhes bya ba la sogs pa la sku rdo rje la sogs pa'i mchod pa'i tshul gyis pad+mar rdo rje bcug ste/ oM sarba twa thA ga ta pU dza badzra swa b+hA wa At+ma kou0f85haM zhes brjod la mchod p a bya'o//sgeg mo zhes bya ba la sogs pa smos mod kyi phreng ba mas kyang mchod par bya zhes bya'o/ /phyi'i mchod pa zhes bya ba la sogs pa ni go sla'o/ /gang 'di ltar gsungs mod kyi 'on kyang phyi'i mchod pa dang sgeg mo la sogs pa'i mchod pa la snyoms par 'jug pa'i mchod pa'i rim gyis phyi dang gsang ba'i mchod pa bya'o zhes ston pa yin no//bsgom pas zhes bya ba ni rnal 'byor bsgom pas so/ /myur ches pa dang bul ches dang zhes bya ba'i sgra ni shas cher 'di ltar mi bya'o/ /gug skyed nyams min par zhes bya ba ni 'di dag mtshang bar mi bya'o/ / rtog pa ngan pa spangs te zhes bya ba ni rtag pa dang chad pa la sogs pa'i rtog pa dang bral bas so/ /ba dan tshul du bya bas zhes bya ba ni sngar bshad pa'i mchod pa nyi shu nye bar mtshon pa yin no/ /mchod ces bya ba la bya'o zhes bya ba ni lhag ma'o/ /gshegs su gsol zhes bya ba ni slar gshegs su gsol ba ste/sprul pa rnams ni rang gi lus nyid la nye bar bsdu bar bya'o/ /sku dang zhes bya ba la sogs pas ni mnyam par gzhag pa'i rnal 'byor gsungs pa yin no/ /bar chad byed pa rnams la ni/ /zhes bya ba ni bgegs kyis gtses par gyur pa'o/ /rdo rje theg pa rab rdzogs pa//zhes bya ba ni rnam par snang mdzad kyi'o/ /sna tshogs las rnams ston pa po/ /zhes bya ba ni don yod par grub pa'o/ /rin chen zhes bya ba ni rin chen 'byung ldan no/ /'dod chags chen po zhes bya ba la sogs pa ni 'od dpag tu med pa'o/ /dpal ldan zhes bya ba la sogs pa ni mi bskyod pa'o//'dis ni 'di skad ston te/ de bzhin gshegs pa lnga'i phul du byed pa'o/ /de'i ye shes byung ba'i yon tan thob nas bdag nyid de bzhin gshegs par gyur pa'o/ /'dir rnal 'byor rnams kyis rim pa dang / lha bsgom pa'i tshul rgya cher ni de kho na nyid bsdus pa dang /gsang ba 'dus pa la sogs pa las byung ba de bzhin du shes par bya'o/ /sgrub pa'i thabs logs na yod pas 'dir ma bris so/ /yongs su rtog pa'i rnal 'byor mang du yod mod kyi 'dir ma bstan no/ /byang chub kyi sems ni ji skad du bshad pa'i rnam pa gnyis so//bsgom pa ni yang dang yang du mngon du byed pa'o/ /de'i ye shes sgrub pa ni byang chub kyi sems rnam pa gnyis mngon par rtogs pa'i tshul dus nges par so sor bsgrub pa ste/ de ston pa'i gzhung gi le'u la rim par phye ba'i sgrar brjod do//le'u bdun pa'i 'grel pa'o// //byang chub kyi sems bsgom pa rdzogs su zin kyang sbyor ba'i thabs med par phun sum tshogs par mi 'gyur pas/ de nas zhes bya ba la sogs pas brgyad pa sbyor ba'i thabs kyi sgrub pa'i rim par phye ba gsungs pa yin te/bcom ldan 'das kyis bka' stsal to zhes bya bar sbyar ro/ /ci zhig mdzad nas she na/ de bzhin gshegs pa thams cad kyi/ /zhes bya ba la sogs pa gsungs te de bzhin gshegs pa thams cad de rnam par snang mdzad la sogs pa'i bka' ni zhi ba la sogs pa'i las skyed pa'o//de la bskyed pa'i don gyi 'khor lo ni dkyil 'khor te de rab tu bsgrub cing bskyed pas de'i don du ye shes kyi rdo rje la dmigs pa gang yin pa zhes bya ba la sogs pa'i don ni bshad zin te/ /de bzhin gshegs pa thams cad zhi ba la sogs pa'i las byed pa'i dkyil 'khor ston pa'i rnam pa la thugs rtse gcig tu mdzad ces bya ba'i don to//'khor lo thams cad ces bya ba la sogs pa la 'khor lo thams cad la rang gi ming las byung ba'i dkyil 'khor thams cad rab tu bsgrubs te/ zhi ba la sogs pa la rab tu sbyor ba'i las gang yin pa de'i tshogs ni mang po'o//de'i phyi dang nang gi bdag nyid can gyi cho ga bka' stsal to zhes pa ste gsungs pa'o/ /lha ni zhes bya ba la sogs pa la rnam par snang mdzad la sogs pa'i lha gang yang rung ba zhig dkyil 'khor gyi dbus su bkod na dkyil 'khor de de nyid yin te/rnam par snang mdzad 'byung ba rdo rje zhes mkhas pa rnams kyis brjod do/ /'di ltar ston pa yin te/ rnam par snang mdzad kyi dkyil 'khor ni sngar bshad pa nyid do/ /gang gi tshe mi bskyod pa la sogs pa bzhi'i dkyil 'khor byed pa de'i tshe dbus su gang bris pa'i gnas su rnam par snang mdzad bri'o zhes kha cig zer ro//gzhan dag ni mi bskyod pa'i dkyil 'khor la rnam par snang mdzad ni mi bskyod pa'i gnas su'o/ /de'i gnas su ni mi bskyod pa bri'o/ /rin chen 'byung ldan gyi dkyil 'khor la ni rnam par snang mdzad ni mi bskyod pa'i gnas su mi bskyod pa ni rin chen 'byung ldan gyi gnas su rin chen 'byung ldan ni rnam par snang mdzad kyi gnas su bri'o zhes zer ro//'od dpag tu med pa dang don yod grub pa'i dkyil 'khor la yang 'di nyid kyi rjes su 'brangs nas shes par bya'o//spyan la sogs pa'i dkyil 'khor la yang rnam par snang mdzad nyid spyan la sogs pa'i gzugs ji lta bar bsams la/ spyan la sogs pa yang rang nyid kyi gnas su bzhugs par bsgom mo/ /'od zer can la sogs pa'i dkyil 'khor gyi lha la ma gtogs pa'i lha rnams kyi dkyil 'khor la ni byang chub kyi sems rim par phye ba'i rim pa nyid kyis rnam par snang mdzad la sogs pa'i sku yongs su gyur pa nyid 'od zer can la sogs pa'i lha rnams kyi gzugs su gyur nas rang gi gnas su bzhugs la/lha lhag ma rnams kyi tshul ni de bzhin du bsam par bya'o//'phrog ma'i drag po sgrub pa'i dkyil 'khor du ni/ ji skad du bshad pa las de'i rim pa gzhan yin te/ de yang / khro bo'i 'khor lor gnod sbyin mo/ /brgyad kyi dbus na 'phrog mas brgyan/ /gnod sbyin brgyad kyis rnam par brgyan//gnod sbyin mo kun bsgrub par bya/ /zhes bshad pa yin no/ /de la ma gtogs par bshad pa'i gnod sbyin dang / gnod sbyin mo gzhan dag sgrub pa la ni tshul 'di nyid yin te/ gnod sbyin mo gang sgrub pa de dbus su bkod pa de la dbus su ni 'phrog ma'o//gnod sbyin dang gnod sbyin mor bshad pa la ma gtogs pa rigs gzhan dag sgrub pa la thams cad du 'phrog ma med par de'i gnas su bsgrub par bya ba'i gnod sbyin nam gnod sbyin mo bsam par bya'o/ /la la ni rnam par snang mdzad kyi dkyil 'khor bton nas de'i gnas su bshad pa dang /ma bshad pa'i gnod sbyin dang gnod sbyin mo bkod la sngon du 'gro bas bsgrub par bya'o zhes zer te/ des ni drag po'i sgrub pa'i gzhung gi don yang dag par rtogs par shes mod kyi sngar bshad pa'i don de nyid gzhung dang rjes su mthun par mthong ngo //lha chen po la sogs pa'i dkyil 'khor la ni rnam par snang mdzad la sogs pa'i gnas su khro bo'i rdo rje dang / sgyu ma'i rdo rje dang rdo rje dril bu dang mi smra ba'i rdo rje dang rdo rje mtshon cha grangs ji lta ba bzhin du dgod par shes par bya ste/ de la rdo rje dril bu ni mdog dmar ba gdong drug pa lag pa bzhi pa g.yas na mdung thung dang dril bu thogs pa/g.yon na khyim bya dang dril bu 'dzin pa rma bya la zhon pa'o/ /rdo rje mtshon cha ni mdog ser skya lag pa bzhi pa/ g.yas na rdo rje dang lcags kyu thogs pa/ g.yon gyi gcig gis ni stan la bsnyems thabs su 'dug la/ gnyis pas ni rang gi rdo rje 'dzin pa glang po che dkar po la zhon pa'o/ /spyan ma la sogs pa'i gnas su ni 'jigs byed ma la sogs pa lha mo bzhi ste/ de la 'jigs byed ma ni mdog ljang gu g.yas kyis rdo rje 'dzin pa/ g.yon gyis ral phub thogs pa'o/ /dpal mo ni mdog ser ba g.yas na rdo rje g.yon na pad+ma thogs pa'o//dbyangs can ma ni mdog ljang gu g.yas g.yon gnyis na rdo rje dang pi wang thogs pa'o/ /dka' thub zlog ma ni mdog ljang gu g.yas kyi lag pa gnyis na rdo rje dang 'khor lo thogs pa/ g.yon gnyis na dung dang po ti thogs pa seng ge zhon pa'o//rdo rje sems ma la sogs pa'i gnas su ni drag mo dang tshangs ma dang khyab 'jug ma dang gzhon nu ma dang / nag mo dang / nag mo chen mo dang / gnod sbyin mo dang / srin mo rnams dgod par bya'o/ /de la 'di rnams kyi lag pa la lag cha ni mdung rtse gsum pa dang /phreng ba dang 'khor lo dang dril bu dang / gri dang chu gri dang mche ba dang kha T+wAM ga rim bzhin thogs pa g.yon gyi sdigs mdzub bsgreng pa'o/ /phyi'i dkyil 'khor du gshin rje gshed la sogs pa dgod pa yang de bzhin te/ 'di ni khro bo rdo rje drag po sgrub pa'i dkyil 'khor ro/ / khro bo rdo rje ma gtogs pa'i lha gzhan sgrub pa la ni rnam par snang mdzad la sogs pa nyid dgod par bya'o/ /'dir ma bshad pa'i sgrub thabs la/ rdo rje'i rigs pa mchog bton la/ de'i gnas su rang gi bsgrub par bya ba'i ting nge 'dzin 'jig rten pa'i lha gang yang rung ba dgod par bya'o zhes khong du chud par bya'o//'di yang la la dag ni rnam par snang mdzad kyi dkyil 'khor du de bton la/ lha chen po la sogs pa gang yang rung ba dgod pa sngon du 'gro bas bsgrub pa ni shin tu 'brel pa med par smra pa yin pas de'i gzhung ni ma bris te/ ji skad du bshad pa 'di nyid shin tu rigs pa kho nar mthong ngo de yang /rdo rje'i ting 'dzin bsgoms nas ni/ /rdo rje hUM mdzad kyis bskul na/ /mod la dngos grub thob par 'gyur/ /zhes sngar bshad pa yin no/ /zhi dang zhes bya ba la sogs pa la/ rang gi dkyil 'khor gyi bdag po'i sbyor bas dkyil 'khor gyi lha rnams bsgoms te las dang rjes su mthun par lha rnams sprul la/che ge mo'i zhi bar mdzod cig ces bya ba la sogs pa bskul ba'i tshig dang ldan pas gsang sngags bzlas nas zhi ba la sogs pa'i las rnams la lha'i 'khor lo nges par sbyar bas las de rnams bya'o/ /de ltar bstan nas da ni zhi ba spyan dang zhes bya ba la sogs pa lha rnams kyi so sor nges pa las de nyid du gsungs pa yin te thams cad du yang /gsum pa'i mtha' can dag gis bya/ /zhes 'og nas bshad pa dang sbyar ro/ /'od zer can dang ri khrod ma/ /zhes bya ba 'dir sbyar bar bya zhes bya ba ni lhag ma'o//chags pa'i rdo rjes zhes bya ba ni snying rje chen po'i chags pa'o/ /gsang sngags de nyid kyis bskul na/ /zhes bya ba ni gsang sngags la las dang rjes su mthun par bskul ba'i tshig bcug pas yang dag par bskul ba'o/ /lha rnams kyi so so'i nges pa bstan nas da ni spyan dang zhes bya ba la sogs pas las kyi sbyor ba nges par gsungs te/ril ba spyi blugs kyis brgyan pa/ /zhes bya ba ni phreng ba dang ril ba spyi blugs kyis mdzes par byas pa'o/ /dang po ting 'dzin gyis sprul nas/ /zhes bya ba ni dang po ste thog mar ting nge 'dzin de bsam gtan gyis sprul cing bskyed nas/bdag nyid rnam par snang mdzad kyi skur bsam pa yin par shes par bya'o/ /de nyid kyi phyir/ rnam par snang mdzad gnas 'dug ste/ /zhes bya ba gsungs pa yin no/ /bum pa zla ba'i mdangs ldan pa/ /zhes bya ba ni zla ba'i 'od 'dra ba'i bum pa de la de skad ces bya'o//bdud rtsi 'o mas rab bkang ste/ /zhes bya ba ni byang chub kyi sems kyi chus bkang ba lag pa gnyis kyis 'dzin par bsam mo zhes bya bar sbyar ro/ /lag gnyis pad rtsa dkar mchog gi/ /zhes bya ba ni lag pa pad+ma'i rtsa ba'i mdog ltar dkar ba'i mchog gang yin pa de la de skad ces bya'o//'di skad ston te/ dkyil 'khor gyi dbus su zla ba'i dkyil 'khor gyi steng du rnam par snang mdzad dbang po zhi zhing sku mdog dkar bar bdag nyid bsgoms la rang gi snying gar nad pa bsam ste/ rang gi dam tshig gi phyag rgya dang yang dag par sbyor ba'i byang chub kyi sems las spyan dang skul byed ma'i ngo bor rnam par bsams la/phyag gnyis kyis ji skad du bshad pa'i bum pa bsnams shing / phyag gzhan phreng ba dang ril ba spyi blugs kyis brgyan pa sprul la/ de rnams kyis nam mkha' bkang ste sngags brjod pa las byung ba'i 'od zer gyi tshogs rnams kyis bskul la bsgrub par bya ba la dbang bskur te der rab tu zhugs nas yang de rnams kyi ba spu'i bu ga rnams las rnam par snang mdzad kha sbyar gyi sbyor bas phyung ba las yang dag par byung ba'i byang chub kyi sems kyi chu'i rgyun rnams kyis de la dbang bskur bar bya'o//de nas de rnams kyang de nyid du rab tu zhugs par yang shes par bya'o/ /sbyor ba 'di dag dang 'brel pa gzhan dag las kyang / ba spu'i bu ga rnams las ni/ /sangs rgyas sprin ni rnam par spro/ /zhes bya ba la sogs pas ston pa yin no/ / de nas des bla na med pa'i zhi ba thob par rnam par bsam mo/ /rin chen ma zhes bya ba la sogs pa la rin chen 'byung ldan gyi ting nge 'dzin du dang por sprul cing bsam mo zhes bya ba ni lhag ma'o/ /rin chen ma zhes bya ba la sogs pa ni rin chen sgrol ma'o/ /phyag na rin chen pad+ma can//zhes bya ba ni phyag gnyis kyis pad+ma dang rin po che bsnams la/ cig shos gnyis kyis ni ji skad du bshad pa'i bum pa bsnams pa'o/ /bdud rtsis rab tu gang ba dang / /zhes bya ba ni bsam mo zhes snga ma dang sbyar ro/ /'di skad ston te/ dkyil 'khor gyi dbus su zla ba'i dkyil 'khor ser po'i steng du bdag nyid rin chen 'byung ldan sku mdog ser por bsams la/rang gi snying ga'i zla ba'i dkyil 'khor la bsgrub bya bsams nas snga ma bzhin du rin chen sgrol ma dang gos dkar mo'i gzugs la phyag gnyis na bum pa thogs shing / de las gzhan pa'i phyag gis pad+ma dang rin po che bsnams pa sprul la/de rnams kyis nam mkha' ma lus par bkang ste/ de bzhin du bkug nas bsgrub par bya ba la dbang bskur la de rnams der rab tu gzhug go/ /de nas yang de'i pa spu'i bu ga rnams las rin chen 'byung ldan ma bzhin du phyung la/de las byung ba'i byang chub kyi sems kyi chu'i rgyun gyis mngon par dbang bskur la/ de yang der gzhug par bya bar shes par bya ste/ ba spu'i bu ga rnams las ni/ /rin chen sprin ni spro bar bya/ /zhes bya ba la sogs pas ston pa yin no/ /de rnams kyis bla na med pa'i sangs rgyas thob par gyur par bsam mo//lha mo sku chen zhes bya ba la sogs pa la/ 'od dpag tu med pa sku mdog dmar por bsam zhes bya ba la ni lhag ma'o/ /sgrol ma de bzhin lu gu rgyud/ /ces bya ba ni sgrol ma dang lu gu rgyud dang bcas par bsam par bya ste/ phyag gnyis na ni zhags pa dang lcags kyu 'dzin pa/phyag cig shos gnyis na ni me tog can gyi mda' dang gzhu bsnams pa'o/ /de nas de dag bsam pa ni/ bkug ste mda' yis bsnun na ni/ /zhes bya ba ste/ lcags kyus bkug la mda' bsnun pa'o/ /nye bar mtshon pa 'dis ni zhags pas bcings pas kyang dbang du mdzad pa'o//'di skad ston te rang gi dkyil 'khor gyi dbus su zla ba'i dkyil 'khor pad+ma dmar po'i mdog can/ de'i steng du bdag nyid 'od dpag tu med pa mdog dmar ba rang gi snying gar zla ba'i dkyil 'khor pad+ma dmar po'i mdog can la bsgrub par bya ba bsams nas snga ma bzhin du sgrol ma dang lu gu rgyud kyi gzugs can ma ji skad du bshad pa'i mtshon cha thogs pa sprul nas/des nam mkha' ma lus par bkang bas bsgrub par bya ba bcings nas bkug ste/ rang gi snying gar bcug nas/ snga ma bzhin du mda'i sbyor bas bsnun pas de rnams der gzhug go//de nas yang de'i ba spu'i bu ga rnams las 'od dpag tu med pa ji lta ba bzhin du phyung la/ de las byung ba'i byang chub kyi sems kyi chu'i rgyun gyis de dbang bskur nas de'ang der gzhug go zhes snga ma bzhin du shes par bya'o//de nas de bla na med pa'i dbang du 'gyur ba thob par bsam par bya'o/ /yams dang zhes bya ba la sogs pa la yams ni nad 'go ba'i 'chi bas 'chi ba dang / khyim la sogs par srin po la sogs pa mthong ba ste des byas pa'i nye bar 'tshe ba ni gnod pa ste/ nye bar 'tshe ba de rnams gzhig cing bskyab pa'i phyir 'od zer can dang ri khrod can gyi shing lo ma rab tu sbyar bar bya'o zhes shes par bya'o//ji ltar zhe na sku chen gyis kyang zhes bya ba la sogs pa gsungs te/ sngar bshad pa'i tshul du zhes bya ba ni ting nge 'dzin rim par phye ba las gsungs pa'i tshul du mtshon cha la sogs pa bsnams par bsam par bya'o//ci zhig byas nas she na/ bdud rtsi yis kyang rnam par bzlog /ces bya ba gsungs te/ bdud rtsi'i char 'bebs pa'i rgyur gyur pas yams dang gnod pa'i rnam pa bzlog par bya'o zhes shes par bya'o/ /'di skad ston te/ rang gi dkyil 'khor gyi dbus su zla ba'i dkyil 'khor ljang gu de'i steng du bdag nyid don yod par grub pa sku mdog margad lta bu'i mdog can gyi rang gi snying ga'i zla ba'i dkyil 'khor mdog ljang gu la bsgrub par bya ba bsams te/ 'od zer can dang ri khrod kyi lo ma can gyi gzugs la khro bo ji lta ba bzhin skur sprul pa de rnams kyis nam mkha' ma lus par bkang ste/de'i lus las byung ba'i khro bo 'bar ba rnams kyis gdug pa rnams kyi mig dang kha tshems shing thal bar byas par rnam par bsams la/ 'od zer can la sogs pa'i lha mo'i tshul gyis zhi ba'i gzugs su yongs su gyur nas bum pa thogs pa bkug nas dbang bskur te de rnams der gzhug go//de nas yang de'i ba spu'i bu ga rnams nas don yod par grub pa ji lta ba sprul la/ de las byung ba'i byang chub kyi sems kyi chu'i rgyun gyis dbang bskur te/ de yang der rab tu zhugs pa ni snga ma bzhin du shes par bya'o//de nas de nye bar 'tshe ba dang bral ba rnam par bsam mo/ /margad lta bu'i mdog can la/ /zhes bya ba ni don yod par grub pa sku mdog ljang gu'i rnam par bsams la bshad ma thag pa'i sbyor ba bya'o zhes ston pa yin no/ /la la dag ni mi bskyod pa margad kyi mdog lta bu'i zhes zer te/de ni mdog dang rjes su mi mthun pas mi rigs so/ /hUM zhes bya ba'i sgra sgrogs pa/ /zhes bya ba ni yi ge hUM 'don pa ste/ mi bskyod pa sku mdog in+d+ra nI la lta bur bsam mo zhes bya ba ni lhag ma'o/ /rdo rjes bsdigs par brtson pa yis/ /zhes bya ba ni nye bar mtshon pa 'dis ni ting nge 'dzin rim par phye ba las gsungs pa'i mtshon cha bsnams pa yin par rigs so//'di skad ston te rang gi dkyil 'khor gyi dbus su nyi ma'i dkyil 'khor gyi steng du bdag nyid mi bskyod pa sku mdog sngon por bsams la/ rang gi snying gar nyi ma'i dkyil 'khor la bsgrub par bya ba srung ba dang bral zhing lhas spangs par bsams la snga ma bzhin du khro gnyer can dang mA ma kI'i gzugs kyi sprul pas nam mkha' ma lus pa kun bkang ste/de bzhin du bkug nas rdo rje me'i char gyis bsregs la de rnams der gzhug go/ /yang de'i ba spu'i bu ga rnams las mi bskyod pa ji lta ba bzhin du sprul la/de bzhin du rdo rje me'i char 'bebs par bya ste/ de'i lus la de zhugs pas bskams shing shi bar bsam mo/ /yan lag gzhig pa la yang cho ga 'di nyid bya'o/ /'di ni nang gi zhi ba la sogs pa'i cho ga ste/ bsgrub par bya ba mdun du bsams la las lnga po bya ba ni phyi'i cho ga'o//byin brlabs zhes bya ba la sogs pa la byin gyis brlabs pa'i ngo bo nyid ni rdo rje sems ma'o/ /dam tshig dang dbang bskur ba'i ngo bo nyid ni rin chen sems ma'o/ /de nyid 'og nas gsungs pa ni/ rdo rje sems ma rin chen 'chang / /zhes bya ba yin no//chos dang rdo rje las chos ma/ /zhes bya ba ni chos kyi sems ma dang las kyi sems ma ste/ de ltar na lha mo bzhi po'i 'di nyid sbyar ro/ /ji ltar zhe na/ sbyor ba zhes bya ba gsungs te/ bshad ma thag pa'i zhi ba la sogs pa'i las bzhi'i tshig sbyar ro/ / zhes ston to/ /bcu drug ces bya ba ni nye bar mtshon pa 'dis ni tshad gsungs pa yin te/ chos dang byams pa la sogs pa gzung ngo / /rang gi phyogs zhes bya ba la sogs pa la shar la sogs pa'i phyogs na gnas pa'i byams pa la sogs pas zhi ba dang rgyas pa dang dbang dang yams dang gnod pa nye bar zhi ba'i las nges par byed pa'o//'bras bu don yod sbyin byed pa'i/ /khro bo'i lus la legs gnas te/ /zhes bya ba la sogs pas ni don chen po nyid yin pa'i phyir bstan pa'i don du slar yang mngon spyod kyi las bya ba gsungs pa yin te/ khro bo'i lus la zhes bya ba ni gshin rje gshed la sogs pa'i skur legs par gnas par byas la/khro bo'i rgyal po las la nges par sbyar bar bya'o/ /ji ltar zhe na dam tshig ces bya ba la sogs pa gsungs te/ dam tshig la sogs pa ni rdo rje sems dpa' la sogs pa bsgrub par bya ba'i lus la gnas shing sku gsung thugs sgom pas rnam par bsgom pa'o//bskul ba ni bcom ldan 'das 'di ni dkon mchog gsum la gnod pa byed pa'o zhes bya ba la sogs pa'i bskul ba rnams kyis phyung ste zhes bya ba'i don to/ /de'i ras zhes bya ba ni dur khrod kyi ras so/ /de'i gzugs brnyan bcing bar bya//zhes bya ba ni bsgrub par bya ba'i lus kyi rnam pa dang 'dra bar byas la bya'o/ /phur bu zhes bya ba ni snga ma bzhin du mngon par 'dus byas pas so/ /me 'bar ba la zhes bya ba ni 'bar ba'i me la ste bskams pa dang bcad pa ni snga ma bzhin te/ gong nas gong du phul du byung ba'i sbyor bas so//rus sbal gyi ni rkang stabs sbyar/ /zhes bya ba ni tsog tsog por 'dug ste rkang ba g.yon pa'i steng du rkang pa g.yas pa gzhag par bya ba ni rus sbal gyi rkang stabs kyi mtshan nyid do/ /las 'di zhes bya ba ni las rnams so/ /'di skad bstan pa yin te/rang gi dkyil 'khor gyi dbus su gshin rje gshed la sogs pa gang yang rung ba'i sbyor bas 'dug la/ dkon mchog gsum la gnod pa byed pa'i bsgrub bya mdun du bsams te/ de'i snying gar de rang gi lha 'dod pa'i rgyal pos bkug la de'i mgo 'khor lo'am pad+ma'am rdo rje 'bar ba kun du 'khrugs pa rnam par bsams la/bcom ldan 'das kyis zhes bya ba la sogs pas ji lta ba bzhin du bzlog la bsgrub par bya ba'i snying ga'i zla ba la de'i ming bris la/ oM ma Ni ri ti na ra pa ti ra dzA yo gi ni dza swA hA/ zhes bya ba kha dog lnga pa'i 'od zer gyi tshogs kyis ming drangs nas bkug pa'i tshul du rig sngags dang spel bas rang gi rkang ba'i 'og tu gzhag go//de nas byang chub sems kyi ji lta ba bzhin du dpral ba sngon du 'gro bas/ mgo dang spyi gtsug la sogs pa'i srung ba bsal la/ ji skad du bshad pa'i tshul gyis de'i gzugs brnyan bskyed de rnam par shes pa rlung dang 'dra zhing srin bu me khyer lta bur lcags kyus bkug nas/zhags pas gzhug cing lcags sgrog gis bcings te gzir ba 'di lta bu zhag bdun gyi bar du'o/ /de nas rkang bas mnan la dus de srid kyi bar du bzlas brjod bya'o//de nas po son cha'i tsher mas phug la dus de srid kyi bar du bzla'o/ /de nas phur bus btab la de bzhin du bzla'o/ /de nas mes gdung bar bya'o/ /de nas gcad do/ /de nas sbyin sreg byed cing zhag bdun bzla'o/ /de ltar nyin zhag bdun khro bo'i nga rgyal byas la 'bar ba'i lus kyis las byas na nges par 'jig par 'gyur bar gdon mi za'o//cho ga bzhin du dgug par bya/ /zhes bya ba ni sngar bshad pa'i cho gas so/ /rdo rje gzhan gyis zhes pa ni gshin rje gshed la sogs pa'i khro bo'o/ /bsnun par byed pa zhes bya ba ni brdeg bzhin pa'o//gtub pa dang zhes bya ba ni rnam par gzhig pa'o/ /rgyu ma lang long nar bar bsam/ /zhes bya ba ni rgyu ma dang yan lag kun dbral zhing nar la bsgrub par bya ba 'jig pas rnam par myos par bsam par bya'o zhes snga ma dang sbyar ro/ /'di skad ston te rang gi dkyil 'khor gyi dbus su gshin rje gshed la sogs pa gang yang rung pa'i sbyor bas 'dug la bsgrub par bya ba mdun du bsams te/srung ba la sogs pa dang phral la/ ji skad du bshad pa'i khro bo sprul nas/ la las ni zhags pas bcings nas lho phyogs su khrid par gyur pa dang /la las ni rdo rjes brdeg bzhin pa dang la las ni gtun shing gis brdung bzhin pa dang la las ni 'khor los gcod bzhin pa dang / la las ni lcags kyu la sogs pas 'dren bzhin pa dang / la las ni za bzhin par rnam par bsams la sngar bshad pa'i rdo rje gnod sbyin gyi phyag rgyas bcings te 'bar ba'i tshul gyis ji skad du bshad pa'i gsang sngags bzlas nas/dkyil 'khor gyi lha rnams de gsod par brtson par bsam par bya'o/ /ming nas bskul bar bya ba ni che ga mo zo shig ces bya ba la sogs pas bskul pa ste/sngar bshad pa'i bskul pa'i sbyor ba 'di dang sbyar ro/ /rlung gi zhes bya ba la sogs pas ni sbyor ba gzhan gsungs pa'o/ /rdo rje khro bos zhes bya ba ni dbyug sngon la sogs pa'o/ /dkri bar bya zhes bya ba ni bsgrub par bya ba la bsam zhes bya ba ni lhag ma ste/ 'di ni bsam gtan gyis skrod pa'o//'di skad ston te khro bo gang yang rung ba'i sbyor bas rang gi dkyil 'khor gyi dbus su 'dug la/ bsgrub par bya ba de bzhin du mgo dang gtsug la sogs pa'i srung ba bsal la/ yaM las rlung gi dkyil 'khor bskyed pa la bskyon te rdo rje rnga mo'i rgyab tu bskyon te/gcer bu spyi gtsug skra grol ba til mar gyis lus bskus la/ bsgrub par bya ba'i kha dang gdong dang / lag pa gnyis dang / snying ga dang / lkog mar yi ge yaM du ba'i mdog can bsams la/ dbyug sngon gyi rdo rjes mtshan pa'i dbyug pas rdo rje rnga mo brdab pas lho phyogs su khyer zhing rnga mo'i gcin gyis de'i lus yongs su g.yengs par gyur par bsams te/de nyid dang lhan cig tu yul gzhan du phyin par bsam par bya zhing kha gdong ma bkrus shing ji srid du bya rog ma langs pa de srid du/ oM b+he ri b+he ri gan+d+ha ri tsaN+Da lI ma taM gi swA hA zhes brjod la kha'i dbugs kyis bsgrub par bya ba bteg na nges par skrod par 'gyur ro//de'i rkang rjes sa zhes bya ba la sogs pa'i sbyor ba'i don ni bshad zin to/ /de ltar na de'i sbyor ba'i las zhes bya ba ni ji skad du bshad pa'i cho gas bstan pa'i gsang sngags bri ba la sogs pa'i las kyis bskrad par 'gyur zhes kyang sbyar ro//bsgom zhing cho ga bzhin byas na/ /zhes bya ba ni rang gi sbyor bas de bzhin du 'dug pa la bsam gtan gyis bskrad pa'i sbyor ba bsgoms pas skrod par 'gyur ro zhes 'og nas smos pa dang sbyor ro/ /de'i ming gsang sngags dang spel zhing zhes bya ba ni bsgrub par bya ba'i ming dang sngags su spel ba ste/'dis kyang phyi dang nang gi rnam pa'i bye brag can gyi sbyor ba ma lus pa gsungs pa yin no/ /'di skad ston te/ de bzhin du khro bo gang yang rung ba'i sbyor bas rang gi dkyil 'khor gyi dbus su 'dug la srung ba la sogs pa bsal te/ta la'i lo ma la sogs pa phyag rgya gtor ba'i tshul lam yi ge go bzlog pa'i tshul gyis bdud rtsi 'khyil ba la sogs pa gang yang rung ba'i sngags che ge mo skrod cig ces bya ba'i tshig dang spel ba'i sbyor bas dug la sogs pas bris la ni ma pa'i lo ma sme bar byas pa dang /khrag la sogs pa bskus la/ ta la'i lo ma de 'ug pa'i sgros sam dge sbyong gi skras dkri shing spel ba byas la/ nyi ma phyed dam mtshan phyed la khyim gyi dbus la sogs par brkos nas ji skad bshad pa'i bsam gtan gyis bkod pa'i sbyor bas bsgom par bya'o/ /'thab mo 'gyed pa zhes bya ba ni lha'i gzugs su bsgoms pas gnas la 'thab bzhin par yongs su bsam mo zhes sbyar ro//'di skad ston te de bzhin du gshin rje gshed la sogs pa'i rang gi dkyil 'khor gyi dbus su 'dug la bsgrub par bya ba'i srung la sogs pa bsal te/ de'i gnas dang nye bar gshin rje gshed la sogs pa'i khro bo gnyis bsams la/de'i snying gar yi ge hUM dmar po dang nag po bsams la bsgrub par bya ba'i dpral bar yang bkod nas/ khro bo gnyis 'thab bzhin par bsgrub par bya ba dbye zhing 'gras par bsam mo/ /rang gi lag pa'i sen mo la de'i ming gi yi ge'i phreng ba phyin ci log tu bkod la/phan tshun bdar nas che ge mo 'gras par gyur cig ces bskul la khros pas rang gis gsang sngags bzla bar bya'o/ /hUM zhes bya bas gang ba'i zhes bya ba ni yi ge hUM brjod pas so/ /rdo rje phra mo bsgoms byas nas//zhes bya ba ni hUM las byung ba'i nas 'bru tsam gyi rdo rje rtse mo lnga pa 'bar bar bsams la dgang bar bya'o zhes 'og ma dang sbyar ro/ /gang du zhe na/ sna yi rtse mo nas bton te/ /zhes bya ba gsungs te/ man ngag ji lta ba bzhin du sna'i rtse mor bsgom pas/ rdo rje phra mo bskyed nas des dus phyis dgang bar bya'o/ /sna tshogs rdo rje zhes bya ba la sogs pa ni re re zhing rtse mo lnga pa la kha bzhi pa'i rdo rje'o/ /yang na re re zhing rtse gsum pa kha bzhi ba'i rdo rje ni sna tshogs rdo rje'o/ /bcings nas su zhes bya ba ni lag pa'i dbus la sogs pa'o//rdo rje 'bar ba la zhes bya ba la sogs pa ji skad du bshad pa'i rdo rje 'bar pas bsgrub par bya ba'i lus skems pa gang yin pa de la de skad ces bya'o/ /'di skad ston pa yin te/ man ngag ji lta ba bzhin du rdo rje phra mo bsgom pas bskyed la/ de bzhin du khro bo gang yang rung ba'i sbyor bas rang dkyil 'khor gyi dbus su 'dug ste bsgrub par bya ba mdun du bsams la srung ba la sogs pa bsal nas/hUM zhes brjod la sna'i dbugs kyis ji skad du bshad pa'i rdo rje drangs te/ de bsgrub par bya ba'i rkang pa la sogs pa'i gnas su sna tshogs rdo rje rnam par spros la bsgrub par bya ba 'di'i gsher ba'i rdzas rnams rdo rje mkha' 'gro mas gzhibs par bsams la ji skad bshad pa'i 'dod pa'i rgyal po'i phyag rgya bcings nas khro bo zhes pas/oM zhes bya ba la sogs par bstan pa'i gsang sngags des bsad pa la sogs pa'i sbyor bas 'don par bya'o//mkhas pas zhes bya ba ni mkhas pas zhes bya'o zhes snga ma dang sbyar ba'am de nas mkhas pas dgab kyi 'og ma dang sbyar ro/ /rlung gi phyogs song ste zhes bya ba ni rlung gi phyogs kyi cha ste rlung lhas phye ba'i mtshams so/ /de dag ces bya ba ni thig le'o//de ni zhes bya ba ni kham phor de bsam mo zhes sbyar te/ de ni zhes bya ba ni ri rab kyis mnan par bsgom mo zhes shes par bya'o/ /yaM zhes bya ba la sogs pa la yaM las byung ba'i rlung bdun 'og gi char gnas pa rnams kyis yongs su g.yo ba dang ri rab de zhes bya ba ni snga ma bzhin du rlung mnan par bya'o zhes bya ba'i don to//nang du rlung rnams nges par chud par bya zhes bya ba ni bya ba'i khyad par gyis ni gnyis pa yin te/ nang ste dbus su rlung rnams chud cing sbas pa ste rlung tshogs ri rab kyis g.yogs pa gang yin pa de la de skad ces bya'o/ /gzhan yang de nyid khyad par ni/laM zhes bya ba la sogs pa gsungs pa yin te/ yi ge laM las mtshan pa'i dbang chen gyi dkyil 'khor gang yin pa der ro/ /'di skad ston te rnam par snang mdzad kyi rnal 'byor bas ji skad du bshad pa'i phyogs su song la/ de'i dkyil 'khor gru bzhi ba byas te/ der 'khor lo'i sbyor bas mtha' mar drug dbus su gcig byas te de rnams la yang yaM bkod la/ de yongs su gyur pa las/ rlung lha rnams su bsams te 'dod pa'i rgyal pos gnyis pa yang bkug nas gzhug pa dang bcing ba dang dam tshig dang / bka' bsgo pa ji lta ba bzhin du byas te/ hUM hUM sUM hUM zhes bya ba las bskyed pa'i kham phor las ri'i rgyal po ri rab kha thur du bltas pa la yi ge haM bzlas la rab tu bkab ste/ de'i steng du yi ge laM las dbang chen gyi dkyil 'khor zur bzhi pa kha dog ser po bsams la/ dbang chen gyi dkyil 'khor de yang khro bo'i rdo rje chen po rtse lnga bas mnan par rnam par bsams la de'i steng du rkang pa g.yon pa bzhag nas/'phags pa mi g.yo mgon gyi gsang sngags la rjes su mthun pa'i bskul tshig dang bcas pa brgya rtsa brgyad bzlas par bya'o zhes bstan pa 'di ni de gtso bor bstan pa yin gyi sbyor ba gzhan gyi bya ba la yang nyes pa med do//klu brgyad dgod dbus zhes bya ba ni shar gyi 'dab ma nas brtsams te sngar bshad pa'i klu brgyad dgod pa'o/ /rdo rje khro bo'i sku zhes bya ba ni gtso bor khro bo stobs po che'i skus so/ /gzir nas su zhes bya ba ni gzir bar bsam mo zhes bya ba tshig gi lhag ma'o/ / 'di skad ston te de bzhin du rang gi dkyil 'khor gyi dbus su stobs po che'i sbyor bas 'dug la mdun du spang leb la sogs pa'i gzhi la me'i dkyil 'khor de'i 'og tu rlung der yang chu'i dbus su ji skad du bshad pa'i pad+ma bris la/ de'i 'dab ma brgyad la ji skad du bshad pa'i klu brgyad yi ge na hUM gnyis kyi bar du bcug pa'i rnam par dgod la/der yang stobs po ches klu dgug pa la sogs pa byas te/ rting pas bteg par bsams la/ hUM gis rab tu gzir bar gyur pas klu'i bdag po skyugs par gyur pa rnam par bsams la char phob shig ces pa'i bskul tshig dang bcas par sngags bzla'o//dbus zhes bya ba ni lte ba la'o/ /klu rnams kyi snying po yongs su bcug ces bya ba ni klu'i sa bon gyi yi ge hUM gnyis dang spel ba nyid kyis yongs su bskor ro/ /hUM zhes bya ba bzlas brjod byas na ni/ /zhes bya ba ni yi ge hUM dang spel la yi ge na bzlas shing bsams na klu'i tshogs rnams kyis char 'bebs so//bshad ma thag pa'i sbyor ba 'di ni btsun pa mar me mdzad seng ges kyang de skad du bshad do/ /'di skad ston te/ gal te sngar bshad pa'i sbyor bas char mi 'bab na thams cad de bzhin du bskyed nas dbus kyi na'i nang du brgyad car bcug la hUM na hUM zhes bya bya ba bzla/stobs po che bsgoms la rang nyid kyis bzlas pa bya'o/ /bkug nas zhes bya ba ni bkug pa'o/ /'byung ba zhes bya ba ni rnam par 'byin pa'o/ /'di skad ston te de bzhin du rlung gi dkyil 'khor dbus su rta mgrin gyi gzugs khams gsum pa'i tshad tsam gyis gnas la/lce'i dbus su yi ge hUM 'bar ba'i phreng bas khyab par bkod la/ ji skad du bshad pa'i kha dog can gyi kha gdangs pa'i dbugs rngub pa'i rlung sgra dang bcas pas man+dA ra la sogs pa ji skad bshad pa'i sprin rnams bkug la dbugs dbyung ba'i rlung gis shing bal bzhin gtor la rang gi phreng ba'i sngags bzlas te/sbyor ba 'di la gtsor ni rta mgrin sbyar ro/ /bcad gtub ste zhes bya ba ni sprin rnams btub bo/ /'di skad ston to/ /de bzhin du dkyil 'khor gyi dbus su bdud rtsi thab sbyor gyi sbyor bas 'dug la nyi ma'i dkyil 'khor la de'i mdog can gyi yi ge hUM bkod la sdigs mdzub bya ba'i tshul gyis rang gi gsang sngags bzlas pas/hUM las byung ba'i rdo rje la sogs pas sprin rnams btub par bsams te/ sbyor ba 'di la gtsor ni bdud rtsi thab sbyor sbyar ro/ /rnam par snang mdzad kyi zhes bya ba ni rnam par snang mdzad kyi sbyor bas gnas par bsam pa'o//mda' gzhu zhes bya ba la sogs pa la/ mda' gzhu la sogs pa thogs nas de dang des 'phen cing drag po'i char rab tu 'bebs pa'o/ /de nyid kyis ni bdud las rnam par rgyal ba ste phyag drug ces gsungs pas ni g.yon gyi gcig gis ni sdigs mdzub mdzad par yang shes par bya'o//skrag par mdzad ces bya ba ni 'jigs par mdzad pa'o/ /de lta bur bsams nas ci zhig byed ce na 'jigs shing zhes bya ba la sogs pa gsungs te sngar bshad pa'i gdug pa rnams yin par shes par bya'o/ /'di skad ston te de bzhin du rnam par snang mdzad kyi sbyor bas 'dug la/yi ge haM las dpral ba las mi g.yo ba byung ste yi ge hUM las sgra sgrogs pa las byung ba'i me'i dkyil 'khor gyis bskor te bzhugs pa de'i phyag tu yi ge kha las ral grir yongs su brtags pa dang / k+Sh+mAM las zhags pa/ hUM dang spel ba'i d+hI las gzhu/ho snga ma bzhin spel ba las mda'/ hUM las rdo rje byung bar bsams pa la dkyil 'khor gyi lha rnams kyis kyang yongs su bskor bar bsgoms nas/ zhags pas bkug nas bgegs rnams kun nas ral gri la sogs pas gtub par bsams te gsang sngags bzlas brjod bya'o//phur bu zhes bya ba ni phur bus gdab pa byas pa'o/ /'od zer can gyi gsang sngags bzlas pa yis/ /zhes bya ba ni 'od zer can gyi gsang sngags 'don pas lan nyi shu rtsa gcig pas mngon par bsngags pa'i phur bu ste des mig tu gdab pa zhes sbyar ro/ / phyi bzhin rdo rje gtun shing dag gis brdungs/ /zhes bya ba ni rdo rje gtun shing thogs pa'i khro bos rgyab nas brdung bar bsam par bya'o/ /'di skad ston te de bzhin du gshin rje gshed la sogs pa gang yang rung ba'i sbyor bas 'dug la/ rkang rjes kyi sa dang mi'i khrag dang dur khrod kyi sol ba rnams las mi'i gzugs byas la/mi rus las byas pa'i phur bu ji skad du bshad pa'i gzugs can la/ 'od zer can gyi gsang sngags lan nyi shu rtsa gcig bzlas te des mig gnyis su phur bus gdab pa'i mi'i gzugs brnyan rdo rje khro bo rdo rje gtun shing thogs pas brdung zhing de rengs par bya ba'o//tshogs kyi bdag po lho phyogs su mngon par phyogs nas gdug pa'i khar bcug par yang bsams la ji skad du bshad pa'i gsang sngags bka' lung bsgom pa'i tshul gyis bzla'o/ /zhugs pa'i 'og tu des zos par bsam mo/ / las 'di bsams pas mod las ni/ /zhes bya ba ni ji skad du bshad pa'i bsam gtan gyis gzugs brnyan bya ba la sogs pa'i las rnams kyis so/ /mkha' la zhes bya ba ni bdag nyid nam mkha'i phyogs su gnas la brgya byin du bsam mo zhes bya ba'i don to/ /klu brgyad dag dang char sprin dag la bsgo//zhes bya ba ni ji skad du bshad pa'i bka' bsgo bar bsam mo zhes bshad pa'i tshig gis snga ma dang sbyar ro/ /de nas ci zhig bya zhe na/ brgya byin zhes bya ba la sogs pa gsungs so/ /sprin tshogs zhes bya ba ni klu la bya bar 'dod de/ de ci'i phyir zhe na sngar de nyid las bsgo ba'i phyir ro//'dab mas bkab nas ni zhes bya ba ni gshog pa'i rlung gis de bkab pa'o/ /mchus brkos zhes bya ba ni mchu btsugs pa'o zhes bya bar sbyar ro/ /'di skad ston te/ de bzhin du khro bo gang yang rung ba'i sbyor bas rang gi dkyil 'khor gyi dbus su 'dug la/nam mkha' la gnas pa'i brgya byin du bdag nyid rnam par bsams la bar snang la gnas nas 'og tu ji skad du bshad pa'i nam mkha' lding dang / klu'i khyim la sogs pa tshig pa sel bar byed par bsams la/ ji skad du bshad pa'i sngags bzlas shing bka' bsgo bas char gyi rgyun gyis me gsod cing /klu'i tshogs nam mkha' lding gi gshog pa'i rlung gis g.yab pa dang mchus btsugs pas de byed par bsam mo/ /lha mo bzhi pos yongs su bskor/ /zhes bya ba ni rdo rje mtshon cha la sogs pas yongs su bskor ba'o/ /de nyid gsungs pa ni/ bsnyems ma zhes bya ba la sogs pa ste bsnyems ma dang rdo rje mtshon cha ma dang /rdo rje byams ma dang / rdo rje ki li tI li'o/ /chu srin rgyal mtshan ni rdo rje byams ma'o/ /me tog gi gzhu dang rol bas mtshan pa dang / rdo rje bsnyems ma rnams kyis yongs su bskor ba'o/ /g.yas pa'i phyag gis zhes bya ba ni g.yas pa rdo rje bsnams pa'o//g.yon pas rdo rje dril bu dkur 'jog pa'o zhes bya ba ni rked pa'i phyogs su rdo rje dril bu 'jog pa gang yin pa de la de skad ces bya'o/ /bcom ldan 'das kyis phyag lhag ma dag la ni me tog can gyi mda' dang gzhu bsnams pa'o/ /ldem bag ces bya ba la sogs pa la ldem bag gi lha mo rnams kyi 'jo tshul gyis yongs su bshad la/des sgeg cing rol pa dang bcas pa'o/ /sems dpa' byung ba zhes bya ba la sogs pa la/ sems dpa' ni rdo rje sems dpa' la sogs pa ste/ de byung ba ni sprul pa'o/ /de'i sprin ni de'i tshogs so/ /de dang 'brel ba ni rab tu 'brel bar byas pa gang yin pa de la de skad ces bya'o//rin chen cod pan zhes bya ba la sogs pa la dbang bskur ba'i phyir rin thang che ba'i rin po che'i cod pan bcings shing dar dpyangs rna ba gnyis kyi mthar 'phyang ba gang yin pa de la de skad ces bya'o/ /nam mkha' las bab pa'i zhes bya ba ni nam mkha'i phyogs las rdo rje'i thog 'bab pa zlog par byed par bsam pa'o//oM zhes bya ba la sogs pa la che ge mo zhes bya ba'i sgra ni sems can gyi sgra rab tu ston par byed pa yin no/ /de nas ni yi ge dzaHde nas yi ge hUM bkod pa byas la/ su ra ta zhes bya ba'i sgra'i mthar s+t+waM zhes rab tu sbyar ro//gal te rgyud gzhan dag las bshad pa su ra ta s+t+waM zhes pa rnam par dgod dam zhe na/ ban+d+ha zhes bya ba gsungs te/ yi ge paM rnam par bkod la rgyud gzhan dag dang rjes su mthun par yi ge hoHyang gzung bar bya ste/ las dang rjes su mthun par bskul ba'i tshig gzhug ste/de nas mtha' mar phaT ces bya ba ste/ sngags 'di dag rigs par sbyar ba ni/ oM ma hA su kha badzra satwa dzaHhUM baM hoHsu ra ta s+t+waM che ge mo'i badzra pa taM ni ba ra ya phaT ces bya'o/ /de ltar zhes bya ba la sogs pa la thog ma dang tha ma med cing / gnyis su med pa'i byang chub kyi sems ye shes bla na med pa de nyid ni sa bon gyi ngo bo nyid pas go 'phang ste gnas yin la/de rgyas par byed pa ni rnal 'byor pa'i rgyud la rgya cher gnas par byed cing gnyis su rtog pa'i 'ching ba sel bar byed pa/ rnal 'byor pa rab tu sad par byed pas rgyas par byed pa ste ji skad du bshad pa'i sbyor ba'i rim pa 'dis bsgom zhing bsams la/nam mkha' las ni bab pa yi/ /thog thog rnam par bzlog par bya/ /zhes snga ma dang sbyar ro/ /'di skad ston te/ rang gi dkyil 'khor gyi dbus su rdo rje sems dpa'i sbyor bas 'dug la/ bsgrub par bya ba'i steng gi nam mkha'i phyogs su ji skad du bshad pa'i lha mo bzhis yongs su bskor ba'i bde ba chen po rnam par bsams la/ser ba 'bab pa bzlog pa'i phyir oM zhes bya ba la sogs pa'i sngags gdon pas bcom ldan 'das bskul bar bya'o/ /de nas bcom ldan 'das kyis 'di skad gsungs so zhes mi mngon pa'i tshig gis sbyar ro//ci zhig mdzad ce na mi 'khrugs zhes bya ba la sogs pa gsungs so/ /mi bskyod pa dang rin chen 'byung ldan dang snang ba mtha' yas dang / don yod grub pa'i rgyal po dang / sngags kyi sems dpa'i bskal pa bzang po pa bcu drug ni nye bar mtshon pa tsam mo//khro bo ni gshin rje gshed la sogs pa'o/ /rig pa'i rgyal mo ni spyan la sogs pa'i rig pa'i lha mo'o/ /thams cad ldan pa ni thams cad dang bcas pa'o/ /rnam par gzigs pa ni lta ba'o/ /sku gsung thugs kyi rdo rje can//zhes bya ba ni rdo rje can ni rdo rje 'dzin pa dgyes shing rol pa'o/ /smin ma mdzes par bskyod nas su/ /zhes bya ba ni smin ma mdzes par bskyod cing rnam par brtse ba'i khyad par rtsom pas rab tu 'dzin pa g.yon pa'i smin ma bskyod cing 'jigs par bskyod pa ste des zhes 'og ma dang sbyar ro//yan lag 'phrog ma'i 'dzum mdzad nas/ /zhes bya ba ni yan lag rnam par dgod pa rnams kyis te tshig snga ma rnams dang sbyar ro/ /thugs kyis sems ni dga' ba mdzad/ /ces bya ba ni gnyis su med pa'i rdo rje ye shes kyi ngo bo nyid kyis thugs kyi bdag nyid kyis sems rdo rje sems dpa' dang 'brel ba'i dga' bas mos par mdzad pa'o zhes shes par bya'o//bsgribs nas rdo rje gsor nas des/ /zhes bya ba ni rdo rje 'debs pas so/ /ldem bag ces bya ba la sogs pa smos la/ ldem bag dang sgeg pa dang bcas pas/rdo rje'i lta ba'i rol pas bltas pa'i ngo bo nyid gang yin pa de ni ldem bag 'jo tshul gyis bltas pa'o/ /lag pa gnyis zhes bya ba la sogs pa la rdo rje khu tshur gnyis kyis pad+ma bskor ba'i tshul du yongs su bskor nas spyi bor me tog gi thal mo sbyar ba byas te gsol ba zhes bya bar sbyar ro//ji skad rnam pa thams cad du/ /zhes bya ba ni phyi dang nang gis so/ /zur gyis rnam par gzigs pa dang / /zhes bya ba ni rnam par lta ba ni gzigs pa ste bzhad pa chen po dang zur gyis gzigs pa ci'i phyir mdzad ces bya ba'i don to/ /smin ma bskyod pa 'dzum mdzad pa/ / zhes bya ba ni smin ma bskyod cing 'dzum pa dang bcas pa 'dzum pa dang 'byed pa la sogs pa'i mtshan nyid can gyis so/ /bstan zhing zab pa'i gsung gis ni/ /zhes bya ba ni rgyun mi 'chad par ston pa'i gsung gi zab mo'i don ston pas so/ /bde bas byang chub thob 'gyur ldan/ /zhes bya ba ni dngos su bstan pas so//nyon cig ces bya ba ni tshig yongs su bsgyur nas sbyar ro/ /gang la zhes bya ba la sogs pa la dngos po gang gi chos bdag med pa'i mtshan nyid can gyi ngo bo ni gnyis su med pa'i mtshan nyid de brtags pa'i ngo bor med pa'o/ /mtha' gnyis kyi ni mtshan ma med/ / ces bya ba ni rtag pa dang chad pa dang bral te chos kyi dbyings thog ma dang tha ma med pa'o/ /de la yang 'ga' zhig 'khrul par 'gyur zhe na/ de phyir dbus la spyod pa med pa dag /ces te skad cig ma re re zhing 'jig pas na skad cig ma gsum gyi gnas skabs kyi dbus med do/ /de med pas na de la mngon par zhen pa ring du spangs pa nyid yin no//yang na 'jug pa dang ldan pa'i sems dag gis dbus dag na ji skad du bshad pa'i ye shes rtogs pa'i bdag nyid can gyi gnas pa'i sems mtha' gnyis la ltos pa de'i dbus na zhen par byed pa rnam par rtog pa med de/ dga' ba med pa'i phyir ro//dus gsum nyid la yongs su gnas pa'i dus gsum po med pas dus gsum 'das pa'o zhes snga ma dang sbyar ro/ /thams cad du khyab pas na nam mkha' 'dra ba'o/ /de la zhes bya ba la sogs pa la de ltar 'di lta bu'i ye shes la gnas par gyur na/ de rtogs pa'i mtshan nyid can gyi byang chub nyams su myang bar bya ba med pas/rnam par snang mdzad la sogs pa bsgom pa'i thabs kyi ye shes dang bral ba yin te/ de las ji skad du bshad pa de'i ye shes rtogs par 'dod pa'i thabs rnams ngas bshad par bya'o zhes pa'o/ /phung po la zhes bya ba la sogs pa la phung po lnga la bdag nyid kyi gzung ba dang 'dzin pa'i rnam pas so sor snang bar gyur pa'i dngos po ni dngos po med pa ste/don dam par sems can dmigs su med pas dngos po de nyid ni gnyis su med pa'i ye shes kyi mtshan nyid do/ /sems can la phan 'dogs par byed pa sbyor ba la sogs pa byang chub kyi sems kyi grogs su gyur pa sprul pa dang bcas pas sems can la rjes su phan 'dogs par byed de/de bzhin gshegs pa la sogs pa'i sprul pa'i rgyu mdzad pa'i dag pa 'jig rten pa'i ye shes kyis sku gsum gyi mchog dkyil 'khor gyi lha rnams mchod nas/ bdag nyid rnam par snang mdzad la sogs pa'i ngo bor bsdus pa las bskyed par bya'o//thabs nye bar bstan nas/ da ni sems rin po che'i bdag nyid che bar bstan pa'i phyir/ sems kyi zhes bya ba la sogs pa gsungs te/ sku ni zhes bya ba sku rdo rje'o/ /sems kyi chos rnams bstan pa yis/ /zhes bya ba ni chos ston pa'i ngo bo gsung rdo rje thob pa'o//sems kyis byang chub thob gyur pas/ /zhes bya ba ni thugs rdo rje'i ngo bo nyid do/ /sku rdo rje la sogs pa de rnams la yang dngos por mngon par zhen par mi bya'o zhes bstan pa'i phyir/ de bzhin nyid kyi rnam par bsgom/ /zhes bya ba gsungs te de bzhin nyid kyi rnam par bsgom pa'o//gnyis su med pa'i ye shes la mngon par zhugs pas rnam par snang mdzad la sogs pa'i skur ji ltar bsgom zhe na/ sems ni zhes bya ba la sogs pa gsungs te/ ji skad du bshad pa'i mtshan nyid can gyis sems sku rdo rje la sogs pa'i rnam par yongs su gyur pa ni sgyu ma lta bu'i rnam pa rang dbang du gyur par mos pas rab tu bsgom zhing bsam par bya'o//de bas sku rdo rje la sogs par mngon par byang chub pa yang sgyu ma dang 'dra'o/ /dper na zhes bya ba la sogs pa ni dpe gsungs pa'o/ /gyo mo zhes bya ba la gyo mo la sogs pa'i sbyor bas so/ /zhen pa'i sems la zhes bya ba ni sems chos nyid kyis nye bar bsgos pas so//de bzhin zhes bya ba la sogs pas ni dpes bstan pa'i don gsungs te/ bsod nams ye shes kyi rang bzhin zhes bya ba ni bsod nams kyi ngo bo nyid dang / ye shes kyi ngo bo nyid kyi tshogs kyis zhes bya ba blta bar bya'o/ /tshogs kyi bsgos pa'i sems zhes bya ba ni sngar bshad pa'i tshogs dang ldan pas so//sems rang bzhin gyis 'od gsal ba nyid du bstan nas/ da ni glo bur gyi dri ma can nyid du bstan pa'i phyir/ dngos po zhes bya ba la sogs pa gsungs te/ dngos po de rnams kyi don dam pa'i ngo bo nyid ni brtags pa'i ngo bo nyid dang bral ba nyid dngos po med pa'i ngo bo nyid kyi mtshan nyid can yin par mi shes pas gzugs la sogs pa mi bden zhing yod pa ma yin pa'i dngos po la rnam par rtog pas gzung ba dang 'dzin par zhen pa'i bag chags kyis bsgos pas rin po che'i sems dri ma can du byas pa yin no//de nas rnal 'byor de spyod pa'i gzhung gis kyang dngos po rnams ngo bo nyid med par bstan nas/da ni mdo sde ba'i gzhung sun 'byin pas kyang dngos po thams cad mnyam pa nyid du gsungs pa ni 'byung ba chen po zhes bya ba la sogs pa ste/ 'byung ba chen po bzhi ni sa la sogs pa'o/ /dngos po thams cad ni gzugs la sogs pa thams cad do/ /ldan pa ni 'dres pa'o//gzugs zhes bya ba ni bsten pa'o/ /de lta na yang dngos po de rnams la gtsang ba dang mi gtsang ba la sogs par yongs su brtags pa'i mi shes pa'i stobs kyis sgro btags pa yin no/ /sogs pa'i sgras ni gcig dang du ma la sogs pa'i dngos por yongs su brtags pa ni mi rigs te/gcig dang du ma'i dngos po dag ni phan tshun 'gal ba yin no zhes shes par bya'o/ /so sor snang ba'i dbang gis yod pa yin no zhes kyang shes par mi bya ste/ zla ba gnyis su mthong ba yod pa nyid du thal bar 'gyur ro/ /'byung ba chen po bzhi'i phra rab cha shas dang cha shas can ma yin pa dang ji lta ba bzhin brtag par bya ba ma yin pa la sogs pa rgya cher sbyar bar bya'o//de bas na rigs pa rjes su zhugs pa rnams kyis rnam par brtags pa thams cad ni sems can nyid yin pas gnas so/ /de'i phyir gang 'di gzung ba la sogs par yongs su brtags pa de ni bdag tu 'dzin pa la mngon par zhen pa ste/nye bar mtshon pa 'dis ni phung po dang khams dang skye mched la sogs par mngon par zhen pas chos kyi de kho na nyid mi rtogs shing mu stegs la sogs pa'i tshul du byas pas byang chub ji ltar thob par 'gyur zhes pa'o//las dang rjes su 'brel pa gsungs pa ni byang chub ces bya ba la sogs pa ste/ byang chub ni rnam pa gnyis nyid du gsungs te/ gang gi phyir 'di las gzhan pa byang chub ni de rnams kyis 'gyur bas de yang bya ba ma yin no zhes byang chub kyi mtshan nyid bstan pa'i phyir 'di skad gsungs te/ji srid du gzung ba dang 'dzin pa la sogs pa'i rnam par rtog pa la kun du spyod pa de srid du phyin ci log gi rnam par rtog la ldog par mi 'gyur ro/ /de mi ldog na grol bar ga la 'gyur zhes bya bar dgongs so//rgya cher ni 'di nyid gzhan las ston pas der brtag par bya ste/ 'dir ni zhib tu ma bshad do/ /lhag bcas phung po'i ngo bo ste/ /zhes bya ba la sogs pa la yongs su gdung ba'i bdag nyid can gyi nyon mongs pa dang / shes bya'i sgrib pa'i bag chags med pas na nam mkha' ltar dri ma med pa ste/ longs spyod rdzogs pa'i sku rdo rje la sogs pa'i ngo bo nyid chos kyi dbyings kyi rgyu mthun pa las byung ba ni lhag ma dang bcas pa'i byang chub yin par shes par bya ste/ phung po ngo bo nyid ces gong ma dang sbyar bar bya'o//gzung ba dang 'dzin pa'i rnam pa las ldog cing phung po lnga med pa nyid du med pa'i ye shes nam mkha' ltar dri ma med pa gang yin pa de la ni lhag ma med pa'i byang chub yin no zhes shes par bya ste/ 'di ni phung po med pa yin la 'di nyid kyis na gnyis su med pa'i ye shes kyi ngo bor bzung ste/thog ma dang tha ma med pa'i ngo bo nyid yin pa'i phyir ro/ /byang chub gnyis de dag kyang nyon mongs pa dang shes bya'i sgrib pa yang spangs shing / bsod nams dang ye shes kyi tshogs yongs su rdzogs par byed la sems can rnams la rjes su phan 'dogs par byed pa'i sbyin pa la sogs pa byang chub kyi sems kyi grogs su gyur pa dang chos bdag med pa bsgom pa la mngon par brtson pas thob par 'gyur ro//'di ltar de dag thams cad ni theg pa dman pa la med de/de rnams ni ji skad du bshad pa'i byang chub kyis 'dul ba'i snod du gyur pa ma yin no/ /bla med byang chub 'di lta bu/ /zhes bya ba ni byang chub rnam pa gnyis po 'di dag nyid do/ /rdo rje ye shes rnams kyi thabs/ /zhes bya ba nas mkha' ltar dri ma med pa yin no zhes bya ba'i bar gyi don byang chub kyi sems rim par phye ba las gsungs mod kyi/de ltar gsungs pa'i drag po bsgrub pa'i bya ba la yang chos kyi de kho na nyid kyi rang gi ngo bo rtogs pa nyid kyis bya'o zhes bstan pa'i phyir ro/ /de'i byang chub ces bya ba la sogs pa la rnal 'byor pa gang zhig ji skad du bshad pa'i bsgom pa dang /bzlas pa la rab tu zhugs pas sgrub pa bdun gyi bar gyis kyang ma grub na ji skad du bshad pa'i byang chub bsgrub pa'i phyir dang / las sna tshogs pa bya ba'i don du drag po bsgrub pa'i cho ga ma lus par gsungs pa yin no//bde ba'i thabs kyis zhes bya ba ni thabs de las so/ /'di zhes bya ba ni lha 'di rnams kyi phyag rgya rnams dang / sngar bstan pa'i bsgom pa rnams kyi drag po bsgrub pa la sogs pa'i las la sbyar bar bya'o/ / dam tshig ces bya ba ni rang gi bden pa'i tshig yongs su skyo bas rgyal bas bstan pa'i las bzhi po byed pa'o/ /las gang la rab tu sbyar bar bya zhe na/ de'i phyir rdo rje lcags kyu la sogs pa'i so so'i nges pa'i las gsungs pa ni gsang sngags rigs pas zhes bya ba la sogs pa ste/rdo rje hUM mdzad la sogs pa'i sbyor bas gnas te/ hUM las byung ba'i rdo rje lcags kyu btab pas dgug par bya'o zhes shes par bya'o/ /de nas ci zhig bya zhe na/ 'di ni zhes bya ba la sogs pa gsungs te/ rdo rje bcing bas bcing bar bya/ /zhes bya ba ni gzhug pa'i 'og tu rdo rje lcags sgrog gis bcing bar bya'o zhes shes par bya'o//rdo rje lcags kyu'i 'og tu ni rdo rje zhags pas bcing ba yin pas/ rdo rje khu tshur gyis bzung nas zhes bya ba 'dir rdo rje khu tshur gyis bzung nas btsir bar bya bar shes par bya'o/ / rdo rje nag mo la sogs pa ni 'dir sgrub po zhes bya bar sbyar ro/ /de nas zhes bya ba la sogs pa la de nas 'khor thams cad kyis drag po sgrub pa'i cho ga bsam pa gcig gis legs so zhes bya ba la sogs pa gsol to/ /gtso bo rdo rje rnam snang mdzad/ /ces bya ba la sogs pa 'di dag las legs so zhes bya ba dang pos ni sku'i sgo nas so//gnyis pas ni gsung gi sgo nas so/ /gsum pas ni thugs kyi sgo nas so/ /bzhi pas ni sku dang gsung dang thugs kyi sgo nas so/ /thugs rdo rje'i lcags kyus kun nas 'bar zhes bya ba ni thugs rdo rje nyid lcags kyu dang 'dra bas gdul bya'i skye bo 'gugs pa'i phyir gang 'di ltar 'bar bar gyur pa de legs so//gsang chen zhes bya ba ni thams cad la mi ston pas so/ /theg pa'i tshul 'di la gnas na/ zhes bya ba ni ye shes 'di theg pa'i sbyor ba'i mtshan nyid la gnas pa'o/ / bde bas zhes bya ba la sogs pa la bla na med pa'i byang chub bde bas thob pa'o/ /sngags 'di rnams kyi phyag rgya ni sngar smras pa dang mthun no/ /'di skad ston pa yin te/ ji skad du bshad pa'i rnal 'byor pas rdo rje hUM mdzad la sogs pa'i sbyor bas rang gi dkyil 'khor gyi dbus su 'dug la bsgrub par bya ba'i lha mdun du bsam ste/gnyis pa rdo rje lcags kyu la sogs pa'i sngags dang phyag rgyas dgug pa dang gzhug pa dang bcing ba dang rdo rje khu tshur gyi gzung bas yang dag par bzung nas/ gnas lngar phur bus gdab cing brdung ba dang /sdigs mdzub la sogs pa byas nas bsgrub par bya'o/ /ye shes snying po'i snying po can/ /zhes bya ba ni drag po bsgrub pa'i ye shes kyi snying po'i snying po can gyi gsang sngags kyi mchog yin no zhes bya bar sbyar bar bya'o/ /'di dag su la bstan mi bya/ / zhes bya ba ni gang yang rung ba 'ga' zhig la mi bstan pa dang sgrub pa la'ang dang por zhugs ma thag pa rnams la bsgrub par mi bya'o/ /sbyor ba zhes bya ba la sogs pa la zhi ba la sogs pa'i sbyor ba'i thabs kyis ji skad du bshad pa'i ngo bo nyid sgrub pa ste/ de ston pa'i gzhung gi le'u la rim par phye ba'i sgrar bshad do//le'u brgyad pa'i 'grel pa'o// //sbyor ba yang sbyin sreg gis yongs su rdzogs par 'gyur bas/ /de nas zhes bya ba la sogs pa rim par phye ba dgu pa gsungs pa yin te/ bcom ldan 'das kyis 'di skad bshad do zhes nye bar mtshon pa'i tshig gis sbyor ro//ci zhig mdzad nas she na/ sbyor ba'i las thams cad ces bya ba la sogs pa gsungs te sbyor ba ni rnam par dgod pa'i khyad par ro/ /las thams cad ni dbab pa la sogs pa'o/ /de'i tshogs ni las mang po'o/ /de'i rjes su 'brel pa ni 'di ltar bya'o zhes pa'i nges pa'o//de nyid ni rdo rje'i ngo bo ste/ /de las dmigs pa zhes bya ba la sogs pa'i don ni bshad zin to/ /dbab pa la sogs pa zhes bya ba la sogs pa'i rnam par gzhag pa ston pa'i rnam pa la thugs rtse gcig tu mdzad ces bya ba'i don to//dbab pa la sogs pa las bya ba 'di bshad do zhes bya ba la 'dir ye shes snying po can khyod nyon cig ces gsungs so zhes mtshams sbyar ro/ /oM zhes bya ba mgor bzhag ste/ /zhes bya ba la sogs pa la gang gi mgor yi ge oM gzhag pa dang / kha'i pad+ma la yi ge a gzhag pa dang snying gar yi ge hUM bskul bar bzhag pa gang yin pa'o zhes sbyar ba thams cad du bya'o/ /yaM ni rlung gi dkyil 'khor la/ /zhes bya ba yi ge yaM las byung ba'i rlung gi dkyil 'khor ro/ /bzhag nas zhes bya ba ni der 'jog pas na de skad ces bya ste/der bsgrub par bya ba bsam mo zhes bya bar shes par bya'o/ /dbab snod skul byed gzung ba de'i/ /zhes bya ba ni dbab pa'i snod do/ /skul byed ma'i gzugs su bsam pa'o/ /gzugs kyi ngo bor zhes bya ba ni bsgrub par bya ba'i gzugs yongs su gyur nas skul byed ma'i ngo bor bsam pa'o//rdo rje 'chang ba'i nga rgyal gyis/ /zhes bya ba ni rdo rje 'chang ba ni bdag go zhes nga rgyal du byas pa gang yin pa de la de skad ces bya'o/ /'di skad ston te/ dkyil 'khor du slob ma gzhug pa dang / dam tshig bstan pa la sogs pa ji lta ba bzhin du byas la/de'i mgo la rnam par snang mdzad lkog mar gsung rdo rje snying gar thugs rdo rje ji lta ba bzhin du bsams la/ rkang pa'i 'og tu yi ge yaM/ /mtha' ma gnyis su ha rnam par bzhag ste/ ba dan dang rlung gi dkyil 'khor du bsams la bsgrub par bya ba skul byed ma'i sku ji lta ba bzhin du bsgoms te/dril bu dkrol ba la rdo rje sems dpa'i nga rgyal gyis ji skad du bshad pa'i phreng ba'i sngags bzlas par bya'o/ /dbang chen dkyil 'khor la gnas oM/ /zhes bya ba la sogs pa la yi ge laM las dbang chen gyi dkyil 'khor gnas brgyad du oM dang 'brel ba'i rnam pa dgod pas lte ba'i nang na gnas pa'o//dbus su zhes bya ba ni dgug par bya ba'i ming ngo / /hUM bzhi yis ni rnam par mdzes/ /zhes bya ba ni phyogs bzhi nas hUM gis bskor ba'o/ / bsgom zhing gsang sngags bskul tshig gis/ /zhes bya ba ni che ge mo rengs par gyis shig ces bya ba'i bskul ba'i tshig dang bcas pa'i gsang sngags kyis te/ bzlas pa zhes bya ba ni bzlas brjod byas pa'i yi ge ba'i srad bus zhes bya bar sbyar ro/ /dkri bar bya zhes bya ba ni bsgrub par bya ba rengs par bsgom zhing dkri ba'o//de ci zhig byed ce na/ 'dis ni zhes bya ba la sogs pa gsungs so/ /'di skad ston pa yin te/ de bzhin du gshin rje gshed la sogs pa gang yang rung ba'i sbyor bas 'dug la kham phor gcig la yi ge yaM yongs su bzlas pa'i yung ba'i khu bas dbang chen gyi dkyil 'khor bris la/de'i phyogs brgyad du oM brgyad de'i dbus su de nyid kyis pad+ma 'dab ma brgyad pa bri/ 'dab ma de la yi ge baM brgyad/ /lte ba la phyogs bzhi na yi ge hUM bzhi bzhi bkod pas bskor bar bsgrub par bya ba'i ming bris la/ji skad du bshad pa'i mi'i ming gis de'i snying drangs la gzhug pa dang bcing ba byas nas de'i ming yongs su gyur ba'i bsgrub par bya ba de'i mgor yang yi ge hUM gzhag pa las rdo rje 'chang khros par gyur pa des kyang mnan par bsams la/ kham phor gnyis par yang de bzhin bris te/des snga ma bkab la yi ge ba las byung ba'i srad bu ser pos gshin rje gshed la sogs pa gang yang rung ba'i gsang sngags bskul ba'i tshig dang bcas par brgya rtsa brgyad pas dbugs mi gtong bar dkris la mdud pa byas te/ rkang pa g.yon par mnan nas de bzhin du gsang sngags brgya rtsa brgyad bzla bar bya'o//sku gsum ldan pa'i mda' thogs shing / /zhes bya ba ni sku rdo rje la sogs pa'i yi ge gsum bkod pa'i mda' de'i phyag g.yas kyis yongs su 'dzin pa'o/ /g.yon pa yis ni zhes bya ba ni g.yon gyis so//'dod pas zhes bya ba ni 'dod chags kyis so/ /bzhag ste zhes bya ba ni mdun du 'jog pa'o/ /pad+ma zhes bya ba ni nye bar mtshon pa ste/ des na gnas lngar ro/ /rnal 'byor can gyis zhes bya ba ni rnal 'byor pas so//'di skad ston te de bzhin du 'dod chags rdo rje can gyi gzugs kyis mda' la sogs pa ji lta ba bzhin du 'dzin cing mdun du bud med rnam par bsgoms la/ de'i spyi bor zla ba'i dkyil 'khor la oM dzaM zhes bya ba bkod la/ de las byung ba'i 'od zer dmar po'i tshogs kyis gnas bcu bdun du gtogs pa'i dregs pa sad par byas pas des kyang de brgyal bar byas shing dregs pa 'dor bar bsams la snga ma bzhin du rdo rje mda'i sbyor bas gnas lngar dbug par bya'o//ngos gnyis la ni pad+ma bri/ / zhes bya ba ni ngos gnyis su pad+ma bri ba'o/ /mdzes par bya zhes bya ba nye bar mdzes pa'o/ /bri ba ni pad+ma'i lte ba la bri'o/ /mi yis btags nas ni zhes bya ba ni mi skras bcings nas zlum por bya bas so/ /thing ril gyi rkang rus kyis zhes bya ba ni thing ril zhes bya ba ni bya'i rkang pa'i rus pas so//khrem hUM ming nas brjod cing brdung / /zhes bya ba ni zas sbyin ma khug cig khreM hUM zhes bya ba brjod cing brdung ngo / /ci zhig byas nas she na/ lam gyi sum mdor zhes bya ba la sogs pa gsungs te/ g.yon pa zhes bya ba ni rkang pa g.yon pas so//'gugs par brtson pa zhes bya ba ni zas sbyin ma 'gugs par brtson pa'o/ /lcags kyus bya zhes bya ba ni rkang pa g.yon pa'i mthe bong nyid kyis rdo rjes mtshan pa'i lcags kyu bri'o zhes snga ma dang sbyar ro/ / gzugs can gyis ni rting par brdung / /zhes bya ba ni rnal 'byor pas rkang pas 'gugs pa'i tshul du bya'o/ /'di ni khams gnas pa'i zhes bya ba ni khams gsum na gnas pa'i zas sbyin ma rnams so/ /'di skad ston te mi'i mgo thod gnyis las cang te'u byas la/spre'u'i pags pas g.yogs nas bud med na tshod dang po dang ldan pa'i khrag gis ngos gnyis su pad+ma bris la/ der yang yi ge khreM bkod nas he ru ka'i sbyor ba byas la de'i sngags dang phyag rgyas byin gyis brlabs te/ nyi ma phyed dam mtshan phyed na lam gyi sum mdor rkang pa g.yon pa'i mthe bos dkyil 'khor phyed dang 'dra ba byas la/de'i grar yang rdo rjes mtshan pa'i lcags kyu byas la de'i dbus su 'dug ste/ rkang pas 'gugs pa'i tshul du byas nas/ khrag 'thung gi sngags kyi mthar zas sbyin ma bkug la/khreM hUM zhes bya ba dang / mi'i skras 'khor lor byas la thing ril gyi rkang pa'i rus pas brdungs nas/ khrag 'thung gis zas sbyin ma bsnams te byon par bsam par bya'o/ /rnal 'byor pa sems la dbang du gyur pa thob pas tshig tsam la sogs pas thams cad dbang du 'gyur ba bstan pa'i phyir/gang yang rung ba'i gzugs brnyan la/ /gnas pa yis ni nga rgyal gyis/ /zhes bya ba gsungs te/ rnam par snang mdzad la sogs pa gang yang rung ba'i gzugs brnyan du gnas pa'i nga rgyal gyis so/ /tshig gi rnam pa tsam gyis kyang / /zhes bya ba ni tshig gam lus kyi rnam pas kyang lha la sogs pa mngag gzhug tu 'gyur zhing thams cad byed par 'gyur ro zhes tshig rnam par bsgyur bar sbyar bar bya'o//gang tshe dbang nyid la gnas pa/ /zhes bya ba ni dbang nyid la gnas pas gnas pa'o/ /ma tsam gyis kyang gcod pa'i mchog /ces bya ba ni gsod pas 'dul ba ma tsam gyis kyang gcod pa'i mchog go/ /glu dang gar zhes bya ba ni bsgom pas bsgrub par bya ba dang gcig tu gyur nas bdag nyid ji lta ba bzhin du gar rab tu byas pas 'gro ba'i gzugs lha'i ye shes su bsgrub pa'o/ /de la dang por sbyin sreg bya//me ni lha yi zhal yin pas/ /zhes bya ba ni de la sbyin sreg dang po byas nas/ gzhan dag la sbyin sreg bya ba yin pas 'di skad ces bshad do/ /gtsub shing las ni byung ba'i me/ /zhes bya ba ni zhi ba'i bud shing gtsubs pa las byung ba'i me'o//dge ba yi ni las rnams byed/ /ces bya ba ni zhi ba la sogs pa'i las su gang gsungs pa de nyid ni dge ba'i las te de byed pa'o/ /gdol pa'am dur khrod las byung ba'i/ /zhes bya ba ni rigs ngan gyi khyim las byung ba dang / dur khrod kyi shing la sogs pa las byung ba'o//thab khung zlum po zhes bya ba la sogs pa la/ zhi ba'i thab khung zlum po ste/ /rgyas pa la ni zur bzhi pa/ /dbang gi don du zla gam ste/ /mngon spyod la ni gru gsum mo/ /zhes bshad pa'o/ /zhi ba'i thab khung ni 'di ltar bdud dang yams kyi 'tshe ba nye bar zhi bar shes par bya'o//dkyil 'khor zur bzhi kha khyer la/ /rdo rje'i mtshan ma dag gis brgyan/ /zhes bya ba ni rdo rje zhes bya ba ni nye bar mtshon pas kha khyer dang dkyil 'khor gyi mtshams su/ las kyi rjes su mthun par rnam par snang mdzad la sogs pa'i mtshan ma gzhag pa'o//la la dag ni thams cad du yang rdo rje rtse lnga pa nyid kyis brgyan par bya'o zhes zer ro/ /sbyin sreg de nyid tshul rigs pas/ /zhes bya ba ni ji skad du gsungs pa'o/ /pad+ma'i zhes bya ba la sogs pa la zhi ba'i ni gtsug tor ro/ /dbang gi ni pad+ma'o/ /mngon spyod kyi ni rdo rje rtse lnga par grags pa'i rdo rje'o//rdo rje ni bdud dang yams kyi 'tshe ba nye bar zhi ba'i don du'o/ /rgyas pa ni rin po che ste de dag thams cad kyang zhi ba la sogs pa'i thab khung gi dbus su pad+ma'i steng du bya'o/ /ji ltar rigs par 'dug nas su/ /zhes bya ba ni zhi ba la sogs pa'i las la ku sha'i chun po'i stan la sogs pa la 'dug pa'o//dgang gzar mar gyis bkang nas ni/ /blugs gzar bkang ste de bzhin bsreg/ ces bya ba ni dgang gzar mar gyis yongs su bkang bas rigs kyi snying po'i gsang sngags brjod la rim gyis blugs gzar yongs su bkang bas sreg blugs dbul bar bya ste/ des me'i gzi byin bskyed par bya ste/ sbyin sreg la dgos g.yas su bzhag /ces bya ba ni las kyi cho ga ji lta bas sbyin sreg gi rdzas dri dang me tog la sogs pa gzhag go/ /g.yon du chu yi snod dag go/ /zhes bya ba ni bsang gtor gyi chu'i snod do/ /las kun byed pas bzlas nas su/ / zhes bya ba las thams cad pa ste rigs thams cad las thams cad byed pas so/ /bsang gtor dang ni 'thor 'thung byas/ /zhes bya ba ni bsang gtor bya ba nyid kyis 'thor 'thung la sogs pa bya'i gzhan mi dgos so/ /la la ni gnyis pa la yang las thams cad byed pa dang rang gi gsang sngags dang rigs kyi snying po'i rig pa dag bzlas brjod bya bar shes par bya'o zhes 'dod do//ku sha'i rtse mo zhes bya ba la sogs pa la thab khung 'khor ba yongs su bskor ba ste/ dang por shar du rtse bstan dgram/ /gnyis pa lho ru kha bltas pa/ /gsum pa rtse mo nub tu blta/ / bzhi pa byang du rtse bltas pa'o/ /zhes bya ba'i tshul 'dis ku sha'i rtse mos mnan pa'i thab khung bya'o/ /g.yas pa mi 'jigs mtheb bskyod cing / /zhes bya ba ni lag pa g.yon pas lag pa g.yas pa'i mkhrig ma gzung la lag pa g.yas pa brkyang ste mi 'jigs pa sbyin pa'i tshul du byas la/mthe bo lag pa'i mthil du gzhag ste spyan 'dren pa'i tshul gyis bskyod par bya'o/ /lag g.yon rdo rje bsang gtor te/ /zhes bya ba ni bdud rtsi thab sbyor gyi g.yon pa'i rdo rje khu tshur gyi phyag rgyas so/ /de la lag pa g.yas pas ji bzhin du bsangs la/ phyag rgya bzhis mngon par rgyas gdab bo//mchod yon mchod pa rnam lnga dbul/ /zhes bya ba ni mchod yon dang zhabs bsil dang / bsang gtor phul nas me tog la sogs pa rnams kyis mchod do/ /thog ma dang tha mar de ji ltar bsam zhe na/ me'i phyogs nas bod pa ni/ /zhes bya ba la sogs pa gsungs te/ me'i phyogs nas ji skad du gsungs pa'i gzugs so//las kyi 'od zer rnams kyis brgyan/ /zhes bya ba ni zhi ba la sogs pa la dkar po la sogs pa'i 'od zer rnams kyis brgyan cing spud pa'o/ /de'i phyag ji ltar bsam zhe na lag pa dang po zhes bya ba la sogs pa gsungs te/ bzhugs su gsol zhes bya ba ni spyan drangs pa'i 'og tu'o/ /de la sbyin sreg la dgongs pa/ /kun la lan gsum sreg blugs 'bul/ /zhes bya ba ni mchod yon la sogs pa phul ba'i 'og tu bgegs dang bcas pa dang / bgegs med par rtags la sbyin sreg gi yo byad mar la sogs pa thams cad las sreg blugs lan gsum dbul lo//rim pa 'di yi tshul gyis ni/ /mkhas pas lha rnams tshim par bya/ /zhes bya ba ni de nas pad+ma dang zla ba la lha rnams ji lta ba bzhin du bsams te/ rang gi gnas nas spyan drangs la mchod yon la sogs pa phul nas/dang po las dang rjes su mthun pa'i sngags kyis dgang blugs phul la phyi nang gi gsang sngags kyis kyang ji lta ba bzhin du sbyin sreg byas la mkhas pa dag gis lha rnams tshim par bya'o/ /legs par tshim byas bzod gsol te/ /zhes bya ba ni yo byad ma tshang ba la sogs pa nyes par mi gzung ba'i phyir bzod pa mdzod cig ces brjod de/'dod pa'i dngos grub gsol ba gdab/ /ces bya ba ni zhi ba la sogs pa'i mngon par 'dod pa'i dngos grub rdzogs pa'i phyir gsol ba btab nas ji lta ba bzhin du gshegs su gsol bar bya'o zhes shes par bya'o//'khyil pa zhes bya ba ni 'khyil bar gyur pa'o/ /sgom dang bzlas la 'bad par bya/ /zhes bya ba ni de'i 'og tu'o/ /oM zhes bya ba dang zhes bya ba la sogs pa yi ge oM gyi glu'i rnam pa sngags kyis mthar bya ba ni rgyas pa'i las la sbyar ro/ /swA hA ni zhi ba la'o/ /ho ni dbang la shes par bya'o//mngon spyod la ni yi ge hUM gis so/ /bdud dang yams kyi 'tshe ba nye bar zhi ba la yi ge phaT kyis rab tu zhi bar byas pa'o/ /de ltar byas nas de'i 'og tu/ /zhi ba'i sems kyis zhi ba la/ /zhes bya ba ni sngags pas zhi ba'i las la sems zhi ba ste bdud dang yams kyi 'tshe ba nye bar zhi ba la yang bskul ba'i tshig dang zhes bya ba la sogs pa ste/che ge mo zhi bar mdzod cig ces bya ba la sogs pa bskul ba'i tshig dang gsang sngags spel ba dang ldan pas las bya'o/ /sngags bsgrubs zhes bya ba la sogs pa la zhi ba la sogs pa'i las sna tshogs pa gang yin pa la/rnam par snang mdzad la sogs pa nges par sbyar ba las las gang yin pa de nyid yongs su rdzogs nas mchod par bya'o/ /bshang gci la sogs pa'i sbyin sreg byas pas ji ltar sdig par mi 'gyur zhes 'ga' zhig som nyi skye bar 'gyur ba ji ste zhes bya ba la sogs pa gsungs te/ci ste ye shes sems dpa'i zhal/ /mi gtsang ba yis bkang na ko/ /zhes bya ba ni zhal yongs su bkang ba'i phyir/ ci'i phyir bsngags par bya ba ma yin par yongs su gzung / gal te zhes bya ba la sogs pas ni gtan tshigs gsungs pa ste sdig pa yin na mngon par 'dod pa'i 'bras bu ji ltar 'byung ste de bas na med do zhes ston te/chos ni rang bzhin gyis dag ste/ /skye ba med cing gnas med kyang / /zhes bya ba ni don dam par ro/ /sems can ye shes zhes bya ba la sogs pa la sangs rgyas rnams kyis lhag par mos pa'i 'bras bu'i ye shes rab tu grub pa'i phyir bstan to//dam pa'i don du dge spangs na/ /zhes bya ba ni gang gi phyir gnyis su med pa'i ye shes ni bag chags thams cad rtsa ba nas 'byin pas so/ /smos ci dgos zhes bya ba ni 'dzin par rtog pa'o/ /dpe bstan pa'i phyir dper na chu klung zhes bya ba la sogs pa ste/chu gang chu klung gis zhes bya ba ni 'dir mthong ngo zhes shes par bya'o/ /chu las rgal ba'i gzings byas nas/ /zhes bya ba ni chu de las brgal ba'i phyir ro/ /dpe bstan pa'i don gsungs pa ni/ de bzhin zhes bya ba la sogs pa yin te/ chos kyi lam ni bskyed byas kyang //zhes bya ba ni ji skad du bshad pa'i chos kyi lam la gnas pas 'khor ba'i pha rol tu son pa'o/ /chos dang chos min rnam spangs nas/ /zhes bya ba ni de gnyis ka'i rnam par rtog pa dang bral ba'o/ /'di skad ston te/ bag chags thams cad rtsad nas 'don pa'i phyir bsod nams kyang sdang bar bya na gzhan dag lta ci smos//da ni de ltar bstan pa 'di bcom ldan 'das kyis gsungs pa yin no zhes som nyi dang bral ba'i bsam pas rab tu 'jug par bya'o zhes bstan pa'i phyir/ de'i phyir zhes bya ba la sogs pa gsungs te/ ji skad du bshad pa'i lung gi chos la goms pa'i rgyud kyis zab mo'i chos rnam par 'phel bar bya'o//las kyi rim pa rgyas pa bstan pa ni 'dir ma gsungs so/ /zhi ba'i thab khung ni khru gang tsam shin tu mdzes pa zlum por byas pa de'i 'og sor bcu gnyis brko zhing mtha' kun du sor bzhi yongs su dor ba/ kha khyer sor bzhi pa ngos shin tu mnyam par bya'o//mtshams su ni rdo rje'o/ /de'i dbus su ni pad+ma'i steng du 'khor lo'i tshad sor brgyad pa dpangs su sor gcig pa gzhag go/ /thab khung las dkar gyis byugs shing mtha' kun du khru gang tsam gyis gzhi skyong nul bya zhing yang ba'i lci bas byug par bya'o/ /de nas tsan+dan dkar po dang me tog dkar po dri zhim pa'i sel ma gtor la thun gsum du bya ste/'di ni thab khung gi mtshan nyid do/ /dgang gzar dang blugs gzar ni seng ldeng la sogs pa'i rgyu las bya ste/ yu ba'i tshad ni skyes bu tshad dang ldan pa'i mtheb sor nyi shu rtsa bzhi pa'o/ /de'i phyi rol du steng gi cha la zur bzhi sor bzhi'i tshad la 'og tu zabs su sor gnyis pa rko zhing khu ba 'dzag pa'i bu ga zlum po mthe'u chung gi tshad tsam la de'i dbus su de dang rjes su 'tsham pa'i 'khor lo/de'i rtse mo'i char sor brgyad pa'i tshad dam pad+ma'i 'dab ma 'dra ba bya'o/ /yu ba'i 'og gi char ni rdo rje dang rin po cher byas la yu ba de bzhin gshegs pa'i khu tshur gyis gzung bar bya ste/'di ni blugs gzar gyi mtshan nyid do/ /dgang gzar ni khru gang gi tshad la de'i kha pad+ma'i 'dab ma 'dra ba las sor gnyis pa'i tshad sor gcig brkos pa'i dbus su ni 'khor lo bya'o/ /yu ba'i 'og gi char rdo rje rin po che bya ba ni snga ma bzhin te 'di ni dgang gzar gyi mtshan nyid do//bud shing gi don du ni dgon pa'i ba lang gi lci ba bzang po dang / de bzhin du sha li dang shing dri zhim po dag kyang zhi ba'i las la bud shing yin no/ /rdzas ni ba'i 'o ma dang zho dang 'bras yos dang til dang dUr ba dang ku sha sngon po dang /pri yang ku'i me tog dang / 'bras sA lu'i chan dang / me tog dkar po dang / nA ga ge sar dang / thang chu dri zhim pa dang / sbrang rtsi dang / 'bras dang / zho la sogs pa ji snyed pa'am/ yang na mchod sbyin gyi rdzas rnams kyis sreg blugs bya'o//yam shing ni lo ma dang bcas shing rlan dang bcas pa/ rtse mo las skyes pa mtho gang tsam la sbrang rtsi dang 'o ma dang mar la btags shing tsan+dan dkar po'i chus yongs su bsgos pa'o/ /yang yam shing gi mtshan nyid ni/ pa la sha dang u du m+WA ra/ /bla ga sha dang ni n+ya gro d+ha/ /arka dang ni seng ldeng dang //a mra be kaM ka dang ni/ /kasma ri dang sha mi dang / /a pa marga las byung ba/ /a shwat+tha dang bcas pa ni/ /yam shing bcu gnyis dag tu bstan/ /sar pa las ni mdzub gang tsam/ /las rnams kun la dbul bar bya/ /bzang zhing sar la drang ba dang / /dri zhim chu yis bkrus pa dang //zhi ba'i sreg rdzas gang cung zad/ /de bzhin rgyas pa'i sreg rdzas dang / /gang yang bdag gi kha zas dag /las rnams kun la dbul bar bya/ /zhi ba la ni mngar ba dang / /me tog dri bzang dkar po shis/ /de bas las de byed pa yi/ /mdor na de yi dbang du bya//ti la ka dang ku ta dza dang / /kar ni pa la so ma dang / /bil pa'i me tog ka rany+dza/ /thams cad las ni thams cad pa/ /bu ram thang chu bsres pa dang / /ri lu bzang po bya ba ni/ /rdzogs sangs 'jig rten 'dren pa yis/ /zhi ba yi ni las la gsungs/ /tu ru ska dang a ga ru//ga pur tsan+dan bu ram dang / /thang chu dang ni zho dag ni/ /las rnams kun la 'jug pa yin/ /dri zhim shing skyes thang chu ni/ /zhi ba yi ni las la grags/ /mngar ba mchog tu bshad pa na/ /ser skya las rnams thams cad la'o/ /dri yi rdzas ni yid 'ong dang / /dkar po zhi ba'i las la gsungs//khyad par na ni a ga ru/ /nag po las rnams kun la bsngags/ /swa sti'i thug pa 'bras yos dang / /mar dang sbrang rtsi nas 'o thug /bi dza pU ra de dag rnams/ /nges par zhi ba'i lha bshos so/ /swa ste ka dang u lo pi/ /bzang po ci 'byor bu ram can/ /lag pan rtsa ba 'bras bu can//'o thug dag ni 'dod pa ste/ /de ni thams cad 'dod ces bya/ /lha bshos don grub byed pa'o/ /de lta bu'am yon tan thams cad dang ldan pas zhi ba'i las byed par 'dod na phyi'i khrus bya'o/ /khrus bya ba'i cho gas khrus bya ba'am nang gi khrus byas la ji lta ba bzhin du sbyin sreg gi khang par rab tu zhugs te bsang ba la sogs pa dang /phyogs bcing ba la sogs pa gnas brtan par byas pa'i bar gyi cho ga byas te sbyin sreg gi yo byad thams cad rdo rje rtse mo bzlas pa'i chus yongs su bsangs la/ bdud rtsi thab sbyor gyis kyang yongs su bzlas te g.yas phyogs su gzhag go//bsang gtor gyi chu snod la bdud rtsi thab sbyor gyi yongs su bzlas nas gzhag go/ /mchod yon gyi snod kyang snga ma bzhin du mngon par 'dus byas la bdud rtsi thab sbyor gyis mngon par bsngags shing rigs kyi snying po dang rigs kyi rig pa dag yongs su bzlas la g.yon phyogs su gzhag go//de nas gos dkar po bgos shing shin tu gtsang bas/ ri rab ri yi brag 'dra bar/ /'dzum pa med pa yi ni mig /byams pa'i lta ba yin par bshad/ /nad dang gnod pa dug sel lo/ /zhes bya ba byams pa'i lta bas shar ram byang du bltas te ku sha'i chun po dang pad+ma'i gdan gyis 'dug nas/ji lta ba bzhin du lha'i rnal 'byor byas pa'i cho ga ji lta ba bzhin byas nas/ de'i chos dang dam tshig bzung la de bzhin du khang pa brtsegs ma bsams te/ gcig pur zhugs la spos kyis byug pa dang / bo de tse gcig gis dbus su mtshan ma'i gdu bu la sangs rgyas spyan gyi rig pa brgya rtsa brgyad yongs su bzlas te lag pa g.yas pa'i mkhrig mar bcing ngo //de'i lag pa'i srin lag gi sor mo la rnam par snang mdzad kyi snying po/ de bzhin du bzlas pa'i bsang byed kyang gdags par bya'o/ /de nas ku sha'i gsang sngags bzlas nas dgod par bya ste sngags pa mnyam par bzhag nas zhi ba'i las rnams rab tu bsgrub pa'i phyir/dang po shar du rtse bstan dgram/ /gnyis pa lho phyogs kha bltas la/ /gsum pa'i rtse mo nub byang du'o/ /de nas thab khung ku sha'i rtse mo gyen du blta ba mthug pas bkab la las dang rjes su mthun pa'i me tog gis kun du nye bar mdzes par bya'o//oM badzra satwa a zhes bya ba ni ku sha la gdab pa'i sngags so/ /de nas yi ge oM dang swA hA'i mthar thug pa las thab khung byung bar bsams la/ mngar zhing 'o ma can gyi shing las byung ba'i rgyun bzhag gi me'am/dge 'dun gyi'am/ tshang bang chen po'i me las sbyin sreg gi me blangs la/ oM badzra a mr-i te hUM phaT ces bya bas ji lta ba bzhin bsang zhing sbyangs nas de'i gsang sngags brjod nas thab khung du bcug ste/ sngar bshad pa'i yam shing gi rlung yab kyis rlung dang /ji skad du bdag po'i gsang sngags kyis me'i phyogs su mngon par rang gis phyogs nas rdo rje me ji skad du bshad pa'i gzugs can drang srong rnams kyis yongs su bskor ba mdog dkar po spyan drangs la thab khung gi dbus su nye bar bzhugs par bsam mo//de nas mchod yon dang zhabs bsil dang 'thor 'thung phul nas de nyid kyi phyag rgya chen po la dmigs te/ oM ag+na ye ha bya ka bya ha Na yA di pyA di pa mA swA hA zhes brjod do/ /lag pa g.yas pa bteg nas ni/ /'bar ba'i tshul du bstan pa dag /rdo rje me yi phyag rgya 'di/ /rang gi yin par yongs su brtag /chos kyi cho ga shes pa yi/ /sngags pas lce la zla ba dang / /de steng rdo rje dkar po bsam/ /hUM ni dbus su bsam par bya/ /lag pa g.yas dang g.yon dag gis/ /gar gyi tshul gyis brtag pa dag /'dir ni las kyi rgyar grags te/ /sngags par las kyi dngos grub ster//de nas phyag rgya chen po ji lta ba bzhin du bcings nas/ oM badzra ban+d+ha haM zhes brjod do/ /rdo rje srung ba dam bcings nas/ /rdo rje bcings pa btsir ba dag /'di ni srung ba'i dam tshig ste/ /sems can thams cad bsrung ba'o/ /zhes bya bas dam tshig bsgo bar bya'o/ / de nas mchod yon phul ba rang gi gsang sngags kyis me tog la sogs pas mchod do/ /de nas g.yon pa'i de bzhin gshegs pa'i khu tshur gyis blugs gzar bzung la g.yas pas dgang gzar bzung nas/ des mar blangs la rim gyis yongs su bkang ste/ me lha'i gsang sngags brjod cing des dgang blugs gsum mam mkhas pas gus pa dang bcas pas dbul lo//yo byad can thams cad las kyang sreg blugs gsum gsum dbul lo/ /de nas blo dang ldan pas bgegs med pa dang bgegs dang bcas pa yang dag par brtags nas bgegs dang bcas pa la rdo rje gnod sbyin gyis bgegs za ba dag byas la/de nas mkhas pas bdud rtsi thab sbyor gyi gsang sngags kyis khang ba de bsang gtor bya'o/ /de nas spos dang me tog la sogs pas yang dag par mchod pa'i don ji lta ba bzhin du byas la g.yas nas bskor zhing bsang gtor bya'o//yang rang gi rig pas mar la sogs pa mkhas pas sbyin blugs gsum dbul lo/ /de nas slar yang legs par bsang gtor dang 'thor 'thung yang dang yang bya'o/ /de nas me 'bar ba'i rnam par bsams la sbyin sreg gi gnas su gzhag go/ / de nas thab kyi dbus su pad+ma de yang zla ba'i dkyil 'khor de'i steng du rang gi sngags swA hA'i mthar thug pas rnam par snang mdzad sku mdog dkar po thugs zhi ba'i bdag nyid can na bza' dkar po bsnams pa/ dbang po zhi ba'i rang gi dam tshig gi phyag rgya dang bcas pa la dkyil 'khor gyi lha rnams kyis yongs su bskor ba'am/gsang ba lnga'i de kho na nyid chen po'i tshul ji lta ba bzhin du blos bsams la/ sgo phye ste bsdu ba byas nas mtshan brgya rtsa brgyad kyis bstod la dgug pa dang / gzhug pa dang / bcing ba dang / dbang du bya ba byas nas/ rdo rje gnod sbyin gyis bgegs bsal la/phyogs dang mtshams dang dkyil 'khor bcing ba dang dra ba dang rab byas la/ rdo rje srung bas bsrung bya thams cad yang dag par bsrungs la/ rdo rje khu tshur gyis sgo bcad de mchod yon phul nas phyag rgya bzhis rgyas btab la dbang bskur nas yang mchod yon phul te/de kho na nyid kyi bskul bas yang dag par bskul la/ de nyid la phyi dang gsang ba'i mchod pa byas te rdo rje glus yang dag par bstod nas bde ba'i bdag nyid du bsams la/ bslang ba la sogs pa byas nas rang gi snying gar yang dag par bcug ste de'i gsang sngags brgya rtsa brgyad yongs su bzlas nas phyir phyung la de nyid du bzhag ste brtan par byas la yang dag par mnyes par bya'o//bzlas brjod la ji lta ba dang / dkyil 'khor la ji lta ba de bzhin du sbyin sreg bsgom pa 'di la som nyi mi bya'o/ /bzlas pa na 'bar ba'i dkyil 'khor ram yang dag pa ji lta ba bzhin du bsgrubs nas mthe bong dang srin lag dag gis me tog gcig bzung nas de nyid du yang dag par gzhag par bya'o//de nas mchod yon dang 'thor 'thung dang zhabs bsil ba dang bsang gtor dag byas nas me tog la sogs pa dag gis yang dag par mchod par bya'o//thog mar ston pa mthu chen dang / /shes rab pha rol phyin ma dang / /nyan thos 'dod chags bral rnams dang / /byang chub sems dpa' rnams la mchod/ /byams ma de bzhin gshegs mdzod yum/ /rig sngags gzhan gyis mi thub dang //dga' bo zhes bya klu rgyal gnyis/ /gnas gtsang rigs kyi lha rnams dang / /'di dag las la dgod bya zhing / /zhi la rtag tu mchod par bya/ /byug spos me tog la sogs pa/ /legs par bzhag nas las rnams bya/ /yang mchod yon phul la 'thor 'thung dang bsang gtor byas te/snga ma bzhin du blugs gzar mar gyis bkang la/ de'i steng du dgang gzar kha sbubs te bzhag nas/ bcom ldan 'das mngon sum bzhin bltas la de'i ljags la yi ge hUM bkod de/ oM dzi na dzika ces brjod nas sreg blugs gsum gsum dbul te/dgang blugs dbul ba thams cad la yang pus mo'i bar du lag pa bcug ste bya'o/ /de nas g.yon ngos su bsgrub par bya ba bzhag pa'am/ bsams la de'i dus thams cad du bsags pa'i sdig pa lte bar gnas pa la yi ge hUM gi 'bar bas phyung la dum bu brgyar byas te til du yongs su brtags la/oM sarba pA paM da ha na badzrA ya/ lha sbyin gyi sarba pA paM b+hasmi ku ru swA hA/ zhes brjod la lag pa g.yas pa'i mthe bo dang srin lag gi bar nas til gyi sbyin sreg brgya rtsa brgyad bya'o/ /de nas yang mchod yon phul ba de bzhin du dgang blugs gsum phul te/oM dzi na dzika lha sbyin gyi shAn+ti kuM ru swA hA zhes ji skad du bshad pa'i yam shing dbul te de la ni nges pa med do/ /de nas dgang gzar gyis mar la sogs pa khu ba'i rdzas thams cad bsgrub par bya ba'i lag pa g.yas pa g.yon pas bzung la sreg blugs brgya dbul lo//dgang gzar phul 'og tu dgang gzar gyi rtse mo dang swA hA swA hA zhes bya bas 'gengs te des de'i mgo la 'od zer dkar po 'bar ba 'bab pa'i rnam pa bya ba'am/ lha'i sku la sku dpag tu med pa 'dzin pa rnam par phyung la de'i mgo la 'bab pas de rnams kyi rims la sogs pa thams cad dang bral zhing shel sgang dag pa lta bur bya bar rnam par bsam mo//de nas til la sogs pa dang / de nas bza' ba rnams dbul bar bya ste 'dir yang / de nas yam shing rjes su dbul/ /yam shing 'og tu mar dbul zhing / /de nas til dang 'bras chan rnams/ / cho ga 'di ni mdor bsdus pa'o/ /zhes gsungs pa ni/ zhu ba'i rdzas thams cad ni zhal cung zad gdangs par bsams te dbul lo/ /yam shing ni 'od kyi dkyil 'khor du'o/ /zho dang 'bras chan dang bza' ba la sogs pa dag ni phyag tu'o/ /me tog ni dbu la'o/ /dri ni thugs kar ro//spos ni 'od kyi rtse mor ro/ /mar me ni 'od kyi dkyil 'khor la dbul lo/ /la la na re rdzas thams cad kyang zhal du dbul lo zhes zer ro/ /dgang blugs dbul pa'i 'og tu 'bar ba'i mtshan ma rnams rtogs par bya ba brtsam par bya ste/ de nas/ dgang blugs phul nas rab 'bar ba'i//mkhas pas 'bar ba'i mtshan ma las/ /las kyi dngos grub mtshan ma ni/ /de yis nges par skye bar 'gyur/ /'ja' dang 'dra zhing mdog sdug dang / /phyi ru bcag pa lta bu dang / /g.yas su 'khor zhing shin tu snum/ /in+d+ra bkod pa'i 'od 'dra dang / / le brgan rtsi dang bai DUr+ya'i/ /mdog 'dra dbyibs ni blugs gzar dang / /mdung rtse gsum dang rdo rje dang / /dpal be'u nya dang pad+ma dung / /rnga yab gdugs dang rgyal mtshan dang / /bum pa g.yung drung 'dra byung dang / /gling bu rdza rnga ltar zab dang / /yid 'ong dri ni zhim pa dang / / gzugs ni dkar zhing du ba med/ /nyi ma ltar 'bar du ba med/ /g.yas su bskor zhing 'bar ba dang / /shin tu 'bar zhing 'bar ba sla/ /zhi la kha dog ser po ni/ /lha rnams kun gyis rab tu bsngags/ /rdo rje zhi zhing de bzhin du/ /bsgrub bya rjes su 'dzin la brtson/ /gzhan yang rtse gcig 'bar ba dam pa ste//rtse gnyis pa ni 'bring du bshad/ /rtse gsum pa ni tha chad de/ /de dag gis ni dngos grub ster/ /de ltar mtshan ma brtags nas ni/ /dri ma med cing bgegs bral ba/ /sgrub pa pos ni 'bad gyur pas/ /sgrub pa nye bar brtsam par bya/ /de nas bzlog nas gzhan dag ni//dri ma can dang bdugs pa dang / /me ni las dang mi mthun dang / /du ba mang zhing 'phro ba dang / /'bar bar dka' zhing cung zad 'bar/ /me lce rnam par chad pa dang / /gzi brjid dag kyang rtsub pa dang / /gnag cing pa la sha yi mdog /mdung dang de bzhin zhib ma dang //de bzhin ba lang mgo dang ni/ /mi ro'i dri dang dri mi zhim/ /bong bu'i dri dang dri mi zhim/ /sbyin sreg byed pa 'bar bas gdungs/ /me lce rnam par rgod pa dang / /bgegs dang bcas pa'i me rnams ni/ /rgod cing gzugs ni 'jigs bag can/ /de lta bu ni bgegs dang bcas par shes nas me dang lha'i khang pa bsangs nas rdo rje gnod sbyin gyi phyag rgya dang sngags su bcas pas rnam par sbyangs la/rdo rje srung bas bsrung zhing yongs su skyong ba byas la bdud rtsi thab spyor kyi sngags kyis lan bdun bdun sreg blugs dbul bar bya'o/ /de nas de bzhin du mchod yon phul la ci 'dod pa'i sbyin sreg bya'o//spyan la sogs pa rnams kyis kyang de bzhin du bskul tshig dang rdzas thams cad la de bzhin du sreg blugs bdun bdun dbul lo/ /de ltar ji skad du gsungs pa bzhin sbyin sreg byas nas mthar gzi byin bskyed pa'i phyir/yi ge hUM dang rang gi sngags brjod nas mar gyi sreg blugs bdun dbul lo/ /de nas mchod yon phul la 'thor 'thung gi phyag rgya dang las thams cad pas bzlas pa'i chus 'thor 'thung phul la bsang gtor byas nas phyi dang gsang ba'i mchod pa rnams kyis yang dag par mchod la legs par bstod de phyag byas nas mchod yon phul la me tog dang bcas pa'i thal mo sbyar te/bcom ldan 'das la btud nas/ /gang yang bdag blo gti mug pas/ /legs spyad 'di la nyes byas gang / /gang phyir lus can skyabs gyur pas/ /de ni mgon pos bzod par mdzod//ma rnyed pa dang ma tshang dang / /mgon po nus pa ma mchis pas/ /'dir ni bya ba gang byas pa/ /de dag thams cad bzod par mdzod/ /ces bya ba 'dis gsol ba gdab bo/ /de nas mngon par 'dod pa'i dngos grub gsol la dkyil 'khor du bshad pa'i rim pas gshegs su gsol lo//de nas sbyin sreg gi khang pa'am dkyil 'khor du mchod yon phul nas rab tu 'jug par bya'o/ /de nas me lha 'bar ba'i rnam pa dang mthe bo dang srin lag gis me tog blangs la/ oM a g+na ye ha bya ka bya bA hA nA ya surba bad hi to b+ha ba zhes bya bas bzhugs su gsol lo//de nas mchod yon phul la nye reg dang bsang gtor dang 'thor 'thung byas te dgang blugs phul la sreg rdzas kyi lhag ma thams cad las sreg blugs gsum phul la de'i 'og tu dgang blugs gsum phul nas bsang gtor dang 'thor 'thung dang nye reg dang mchod yon phul te/me tog la sogs pas kyang mchod pa byas nas a kA ro mu khaM zhes bya ba la sogs pa'i sngags kyis phyogs bcing ba la sogs pa bsal la/ oM ag+na ye ha bya ba ha Na ya gats+tsha gats+tsha swA hA/ zhes brjod la spyan drang ba'i phyag rgya nyid las mthe bos gshegs su gsol lo/ / de nyid du srung ba byas la bzlas pa'i khang pa'am dkyil 'khor du zhugs la legs par mchod de bzlas pa'am bsgom pa ci rigs par byas la gshegs su gsol ba la sogs pa bya'o/ /byams pa'i drin la nye ba'am/ /dkon mchog gsum la gcig tu gzhol/ /sngags pas rim pa 'di yis ni//bsgrub par bya ba'i zhi ba bya/ /zla ba yar gyi tshes gcig la/ /mgo btsugs nas ni brtsam par bya/ /bye brag tu ni srod la ste/ /de ni zhi ba'i las kyi dus/ /gtsang ma'i ris kyi lha rnams la/ /de nas kun du gzigs pas na/ /las rnams myur du 'grub par 'gyur//de bas der ni kun brtsam mo/ /dus min 'chi dang nad rnams dang / /yams kyi nad dang gnod pa dang / /de bzhin bgegs dang 'go nad dang / /zhi bar byed pas zhi zhes bya/ /zhi ba'i tshig go/ /'di nyid kyi rjes su 'brangs nas rgyas pa la sogs pa'i las gzhan dag la'ang shes par bya ste de dag gi dbye ba ni gzhung mangs kyis 'jigs pas 'dir rgyas par ma bris so//da ni dam tshig med na dngos grub tu mi 'gyur bar bstan pa'i phyir dbang po gnyis ni zhes bya ba la sogs pa gsung ste/ rang gi lha'i nga rgyal gyis gzi byin bskyed cing 'bar bar gyur pas rnam pa thams cad kyi mchog dang ldan pa'i rang gi lha'i skur bsgoms pa'i ye shes kyi tshe 'di nyid la ye shes rdzogs par bya'o zhes sbyar ro//dam tshig 'di dag thams cad kyang sku rdo rje la sogs pa'i dbye bas gsum du yang 'gyur bas/ las las byung bar zhes bya ba la sogs pa gsungs te dge ba dang mi dge ba'i las las byung ba'i skyes pa dang bud med kyi gzugs yid du 'ong ba dang /yid du mi 'ong ba dpag tu med pa mthong ba ni de nyid kyi sprul pa ste/ de bas na sku rdo rje nyid du lus thams cad kyi ngo bo yin no zhes rnal 'byor pas lhag par mos pa byas te/de nas de bzhin gshegs pa sku rdo rje rnam par snang mdzad khams gsum pa thams cad kyi lus rdo rje la gnas shing zhes gzhan dag las gsungs pas so/ /ngan rtog ces bya ba la sogs pa la/ sems can thams cad kyi sems la brtags pa dang bdag la sogs pa'i rtog pa'i dra ba rnams dang dbyig pa dang thal lcag la sogs pas brdung zhing smad pa dang /sun dbyung bar mi bya'o/ /bdag nyid kyis kyang smad par mi bya ste/ sdug bsngal ba dang yid mi bde ba thams cad mi 'dod bzhin du rgyun du 'byung ba las ci nus par rang gi bdag nyid thams cad la rtag tu bsrung bar bya'o zhes bya ba la sogs pa gsungs pa'i phyir ro//de yang thugs rdo rje yang gang yin pa de nyid ni sems can thams cad kyi ngo bo yin no/ /de yang de nas bcom ldan 'das de bzhin gshegs pa thugs rdo rje khams gsum pa thams cad kyi sems rdo rje la gnas shing zhes gsungs pa'i phyir/srid pa'i bskyed rtsub ces bya ba la sogs pa la/ srid pa ni nor so sor sgrub pa la bsdu zhing lhur len pa yin par shes par bya'o/ /tshig ni ngag gi rnam pa'o/ /ji skad du bshad pa'i pha rol po'i tshig kyang smod par mi bya'o zhes kyang shes par bya'o//gtan tshigs kyang 'dir de bzhin du khong du chud par bya'o/ /rang gi lus su gtogs pa'i sha la sogs pa la rnam par snang mdzad la sogs pa bsam par bya'o zhes bstan pa'i phyir/ rnam par snang mdzad ces bya ba la sogs pa gsungs te/ rang gi lus po'i sha la yi ge oM las rnam par snang mdzad ji lta ba bzhin du bsam par bya'o/ /rkang ni mi bskyod pa'i gnas zhes bya ba ni rkang ni byang chub kyi sems te de nyid mi bskyod pa'i bzhugs gnas yin pas na gnas so/ /de yang 'di skad du ston te/ rkang la yi ge hUM las mi bskyod pa bsam par bya'o zhes bya'o//rin chen 'byung ba zhes bya ba ni yi ge tra~M` las rin chen 'byung ldan bsam mo/ /sems can rnams kyi zhes bya ba la sogs pa la sems can rnams kyi phung po'i rus gong yi ge a las snang ba mtha' yas bsam pa'o/ /rtsa'i zhes bya ba la sogs pa la rtsa'i tshigs rnams kyi rgyun la khaM las don yod grub pa bsam mo//gang 'dir rten dang brten pa'i ngo bo nyid kyis rnam par snang mdzad la sogs par bstan mod kyi 'on kyang de'i ngo bo nyid yin par shes par bya'o/ /dam tshig mkhas pa zhes bya ba la sogs pa la/ sha la sogs pa'i ngo bo nyid rnam par snang mdzad la sogs par sngags pa rnams kyis gsang ba yin par bstan to//rten cing zhes bya ba la sogs pa la me tog la sogs pas mchod nas/ spyan la sogs pas ji lta ba bzhin du bya ste bza' bar bya'o zhes gzhan dag 'dod mod kyis de nyid mi rigs par 'di nyid kyi 'og nas ston to//'dod chags zhes bya ba la sogs pa la 'dod chags ni rdo rje chos so/ /zhe sdang ni rdo rje sems dpa'o/ /rmongs pa ni rnam par snang mdzad do/ /sred pa ni yid kyis mngon par 'dod pa ste de yang rdo rje rin chen no/ /'du byed ni phrag dog ste de yang sna tshogs rdo rje'o//gsung rdo rje la sogs pa 'di dag 'dod chags la sogs pa'i ngo bo nyid ji ltar yin pa ni bcom ldan 'das kyis zla gsang thig le'i rgyud las gsal bar bstan te/ de 'dir gtan tshigs kyi tshul gyis bri bar bya ste/ shes rab thabs kyi rang bzhin gyis//sems can thams cad dga' mdzad cing / /pad+mas pad+ma sad mdzad pas/ /de phyir 'dod chags zhes brjod do/ /ngan song gsum gyis 'jigs byed du/ /sems can nyon mongs sdang byed pas/ /de yi phyir na rdo rje che/ /zhe sdang zhes ni bsgrags pa yis/ /ngan song 'jigs pa chen po ru//sems can thams cad rmongs byed pas/ /de yi phyir ni gti mug che/ /rtag pa thub pa mchog yin no/ /bde chen sbyin pa'i sprin gyis ni/ /sems can thams cad nga rgyal bskyed/ /nam mkha' bde ba bsdu ba'i phyir/ /de'i phyir mkhas chen nga rgyal yin/ /ro la sogs pa mnyam sbyor bas//phrag dog rdo rje gdon mi za/ /sna tshogs pa ni phye ba'i phyir/ /de yi phyir ni sna tshogs che/ /zhes gsungs pa yin no/ /la la ni 'dod chags la sogs pa nyid byang chub kyi ngo bor bsgom pa khyad par du brlabs nas gsung rdo rje la sogs pa'i ngo bo nyid kyis chos lnga'i thar pa thob par byed pa bstan la/de la mngon par zhen pa ma spangs pas ni sdig pa dang bcas shing nyon mongs pa la nye bar brten pas ni mi shes pa thob par byed pa'i ngo bo nyid yin par de bzhin gshegs pas gsungs pa yin no/ /de yang / thabs chen rnams dang ldan gyur na//nyon mongs byang chub yan lag 'gyur/ /'khor ba'ang zhi ba'i mtshan nyid de/ /de phyir de bzhin gshegs bsam yas/ /zhes bshad pa'i phyir ro zhes zer ro/ /bshang gci zhes bya ba la sogs pa la bshang ba la sogs pa rtag tu yongs su 'dzag pa'i chos can du gyur pa 'byung ba chen po'i bdag nyid can gyi dam tshig ni rnam par snang mdzad la sogs pa'i ngo bos bsten par 'os pa nyid du bskyed cing bsgom pa la brtson pas de man ngag bzhin du sbyar ba dang rtogs pa dang rab tu 'bar bar byas nas bza' bar bya'o//dkyil 'khor la sogs pa la yang rdzas 'di nyid kyis slob ma rnams la dam tshig gi phyir sbyin par bya ste dam tshig gis gsang sngags rnams grub par 'gyur ro//zhes gsungs pas 'dir som nyi mi bya'o/ /sbyin sreg rab tu ston pa'i gzhung gi le'u la ni sbyin sreg gi rim par phye ba'i sgrar brjod do//le'u dgu pa'i 'grel pa'o// //sbyin sreg byas kyang cho ga ma tshang bas kyang dngos grub kyi snod du mi 'gyur bas de nas zhes bya ba la sogs pas bcu pa cho ga thams cad bstan pa'i rim par phye ba gsungs te/ bcom ldan 'das kyis bka' stsal to zhes bya bar sbyar ro//ci zhig mdzad nas she na/ ting nge 'dzin thams cad ces bya ba la sogs pa gsung ste/ ting nge 'dzin thams cad ni rnam par snang mdzad la sogs pa'i ting nge 'dzin to/ /de rnams kyi dngos grub ni 'khor lo la sogs pa'i dngos grub bo/ /de nyid ni dam pa'i rdo rje'o//dmigs pa zhes bya ba la sogs pa'i don ni bshad zin to/ /rnam par snang mdzad la sogs pa'i 'khor lo la sogs pa'i dngos grub ston pa'i rnam par thugs rtse gcig tu mdzad ces bya ba'i don to/ /dam tshig thams cad kyi zhes bya ba la sogs pa la/ dkyil 'khor gyi lha thams cad kyi 'khor lo la sogs pa'i dngos grub gsungs so zhes bya ba'i don te/gsang sngags zhes bya ba la sogs pa la rang gi lha'i sku gsung thugs bsgom pa la mngon par brtson pas 'khor lo la sogs pa'i dngos grub bdag la stsol cig ces bya ba'i bskul tshig dang bcas par gsang sngags brjod la de'i 'og tu 'khor lo la sogs pa la sku rdo rje la sogs pa gzhug cing bsgom pa'i rnam par byas nas/rang rang gi dkyil 'khor gyi dbus su 'khor lo la sogs pa'i rdzas bsgrub par bya'o/ /dngos grub sgrub pa'i thabs gsang chen zhes bya ba ni bu mo la sogs pa'i dngos grub sgrub pa'i thabs kyang nyon cig ces 'dir dang gi sgra yod par blta'o//de gsal bar bstan pa'i phyir rnam par snang mdzad ces bya ba la sogs pa gsungs pa ni go sla'o/ /'di skad ston te/ ji skad du bshad pa'i sbyor bas lha'i rnal 'byor byas la/tshes grangs dang rgyu skar la sogs pa shis pa la 'khor lo'i dngos grub kyi phyir sku rdo rje la mchod yon phul te/ ji skad du bcom ldan 'das kyi bka' thob pa de srid kyi bar du gsang sngags dam pa bzlas pa'am bsgom par bya'o/ /de nas bkra shis dang dge mtshan dag bya zhing dul ba'i spyod lam phun sum tshogs pas bdag nyid song la rin la mi rtseg par gnam lcags nyo'o//de nas bzo bo bzang po la gla rngan la mi rtseg par 'khor lo rtsibs brgyad pa'am drug pa mtho gang pa byas nas las thams cad bzlas pa'i chu dang spyan gyi gsang sngags bzlas pa'i chus bsang gtor bya'o//de nas las thams cad bzlas pa'i ba yi rnam lngas bkru'o/ /de nas til gyi chus so/ /de nas spos kyi chus so/ /de nas rnam par snang mdzad kyi snying po bzlas pa'i spos chus bkru'o/ /de nas shin tu bsngags pa'i snod kyi steng du bzhag la thun bzhir bzlas pa dang sgom pa ji lta ba bzhin du byas nas/gsang sngags tshim par bya ba'i phyir/ rdzas dang rjes su mthun pa'i sbyin sreg ji lta ba bzhin du byas te/ oM te dze te dze swA ni sid+d+hi sa d+hA ya hUM phaT ces bya ba 'di ni sbyin sreg byas la rdzas gzi byin bskyed do/ /me tog la sogs pas kyang mchod nas las thams cad pas kyang bzlas pa'i chu dang /lag pas bran zhing reg par bya'o/ /de nas sgrub pa la bab pa'i dus su ri bo la sogs par dkyil 'khor bris la dkyil 'khor gyi las thams cad ji lta ba bzhin du rdzogs par bya ste bdag nyid dbang bskur ba la sogs pa byas nas/rnam par snang mdzad dang spyan gyi sngags kyis sbyin sreg brgya rtsa brgyad dang ldan pas 'khor lo la sbyin sreg dbul lo/ /dkyil 'khor gyi lha rnams la yang rdzas dang rjes su mthun par sbyin sreg bya'o/ /de nas ji skad bshad pa'i gsang sngags kyis brgya rtsa brgyad sbyin sreg byas pas gzi byin bskyed pa legs par gsungs nas/sbyin sreg ji lta ba bzhin du nye bar bsdu bar bya'o/ /de nas dkyil 'khor gyi sar zhugs la mchod yon dbul ba la sogs pa'i mchod pa byas nas phyag byas te/ 'khor lo mdun du bzhag la der yang sku rdo rje la sogs bzhugs par bsgoms nas/oM dzi na dzika /tsakra sid+d+hi me pra yats+tsha zhes bya ba'i gsang sngags mtshan thog thag bzlas brjod bya'o/ /de nas nyi ma 'char ba na 'khor lo 'bar bar mthong na langs te/ spyan gyi gsang sngags brjod cing de blangs la yi ge brgya pas brtan par byas nas dkyil 'khor ji lta ba bzhin du bsdu bar byas te/sangs rgyas la sogs pa la mchod pa'i phyir rdzas rnam par bgo bar bya zhing / bla ma la ni rin po che la sogs pa bdag tu bzung ba yod pas mchod la phyag byas nas de'i skal ba blang bar bya'o/ /sgrub pa'i grogs mchog la ni nor sbyin pa'am bla ma'i yang dag pa'i man ngag byin pas de'i skal ba blangs la rnam par snang mdzad kyi sngags zlos shing gang du 'dod pas song na ji skad 'dod pa'i yon tan dang ldan par 'gyur ro//rdo rje la sogs pa sgrub pa yang de bzhin no/ /sku gsum rnam par 'phel 'gyur zhing //zhes bya ba ni oM AHhUM zhes bya bas sku rdo rje la sogs pa rab tu zhugs pa 'phel bar 'gyur ro/ /rdzas kyi dngos grub bstan nas da ni bu mo bsgrub pa bstan pa'i phyir/ rdzas kyis dngos grub ces bya ba la sogs pa gsungs te/ phyag rgya chen po'i rjes thogs la dam tshig gi phyag rgya bsgrub pa'o//rnal 'byor che la rnam gnas pas/ /zhes bya ba ni dkyil 'khor gyi lha rnams rang gi lus la dgod cing 'jog pas so/ /de la rnam par snang mdzad kyi rnal 'byor chen po ni 'di yin te/ lha thams cad kyi gnas su sa ma ya a zhes bya bas zla ba'i dkyil 'khor la sogs pa bkod la/snying gar mi bskyod pa rnam par bsam mo/ /dpral bar ni rin chen 'byung ldan/ /lkog ma ni 'od dpag tu med pa/ spyi bor don yod par grub pa/ mig gnyis su sangs rgyas spyan/ /mi bskyod pa'i g.yon logs su mA ma kI'o//'od dpag med kyi g.yon logs su gos dkar mo/ don yod par grub pa'i g.yon logs su sgrol ma/ mi bskyod pa la sogs pa'i g.yon logs su rdo rje sems ma la sogs pa bzhi mi bskyod pa'i rgyab tu skul byed ma rin chen 'byung ldan gyi g.yon logs su rin chen sgrol ma/de bzhin gshegs pa lhag ma'i rgyab tu khro gnyer can ma dang rdo rje lu gu rgyud/ lte bar gshin rje gshed/ mdzod spur gzhan gyis mi thub pa/ kha la rta mgrin gsang ba'i gnas su bdud rtsi thab sbyor/ rkang pa gnyis su stobs po che/ dpral ba'i steng du mi g.yo ba/mi bskyod pa'i mdun du 'dod pa'i rgyal po/ dpung pa gnyis su dbyug sngon can/ mi bskyod pa dang 'dod pa'i rgyal po'i bar du gnod mdzes rgyal po/ spyi gtsug gi steng du 'khor los sgyur ba/ spyi gtsug gi dbus su rnam par snang mdzad bsam par bya'o/ / de nas dzaHhUM baM hoHzhes brjod la yid kyis rnam par snang mdzad la sogs pa'i ye shes sems dpa' phab ste/ rnam par snang mdzad la sogs pa dgug pa dang / gzhug pa dang / bcing ba dang dbang du bya ba ji lta ba bzhin du byas nas phyag rgya bzhis rgyas gdab par bya'o/ /gang 'di bu mo bsgrub pa bstan pa yin mod kyi 'on kyang phyag rgya chen po la sogs pa bsgrub pa la yang shes par bya'o//rang gi lha'i rnal 'byor gyis dus ji srid du grub par ma gyur na rnal 'byor chen po'i tshul gyis dngos grub 'thob ste/ slob dpon gyi dbang bskur bas dbang bskur ba nyid kyis rnal 'byor chen po bsgom par bya'i/rang gi rig pa'i dbang bskur bas ni ma yin no/ /mi bskyod pa la sogs pa'i rnal 'byor chen po yang de bzhin du shes par bya'o/ /de bzhin gshegs pa'i btsun mo che/ /zhes bya ba ni sangs rgyas spyan no/ /zhe sdang rigs ni 'dren mdzad pa//rdo rje gdan can mA ma kI/ /zhes bya ba ni zhe sdang gi rigs 'thob par byed pa'o zhes sbyar ro/ /rin chen 'byung ba'i lha mo dang / /zhes bya ba ni gos dkar mo'o/ /lha mo 'gro la dbang mdzad ma/ /zhes bya ba la sogs pa ni sgrol ma la sogs pa'i lha mo'o/ /bu mo 'di dag ces bya ba la sogs pa ni/spyan la sogs pa'i rnal 'byor ma ste/ bu mo ni nges par spyan la sogs pa'i tshig gi sgrar brjod do/ /de bas na bu mo 'di dag ste spyan la sogs pa'i rnal 'byor ma ni mig yangs shing mdzes la lo bcu drug lon pa'i na tshod dang ldan pa/ gzugs dang lang tshos brgyan pa//gsang sngags kyi rgyud la shin tu byang ba/ /gzhan yang rang gi dam tshig dang phyag rgya shin tu legs par bslab pa blangs pa la/ rdo rje dang ni pad+ma bskul/ /zhes 'og nas smos pa'i tshig dang sbyar ro/ /rang gi phyag rgya'i khyad par bstan pa'i phyir lha mo'i zhes bya ba la sogs pa smos te/lha mo byi dor legs byas te/ /zhes bya ba ni rang gi lha'i rnal 'byor du byas pa ni byi dor ro/ /rigs lnga yi ni tshogs chen ma/ /zhes bya ba ni rnal 'byor chen por byas la gzhag ste/ gsang ba bskul lo zhes 'og nas smos pa dang sbyar ro/ / ji skad bskul zhe na gzhag ste sprad pa'i sbyor ba yis/ /zhes bya ba la sogs pa gsungs te/ de nyid bstan pa ni pad+ma la ni zhes bya ba la sogs pa ste/ dam tshig gi phyag rgya'i gsang ba'i pad+ma der rdo rje gzhug pa byas la de dang lhan cig sprad pa dang 'khyud nas rdo rje dang pad+ma bskul bar bya'o zhes bya bar shes par bya'o//'di nyid gsungs pa ni gar gyi tshul gyis zhes bya ba la sogs pa ste rus sbal bskor ba bcings pa la sogs pa'i gar gyi tshul gyis bskor ba la sogs pa'i rim gyis mchan khung bsdams pa'i gar ro/ /de bzhin spro dang bsdu ba yis//zhes bya ba ni sangs rgyas rnams kyis nam mkha' khyab par bsam pa'i sangs rgyas la sogs pa la dga' bas mnyes par bya ste/ nam mkha' la mngon par 'phags pa'i tshul du bya'o zhes thams cad du gnas so/ /mdo las sgyu ma dregs myos nas zhes bya ba la sogs pa la/de nas skad cig gis lha mo'i yang dag pa'i bde bas tshim pa'i rdo rje las byung ba'i bdud rtsi de nyid phyung la de ji lta ba bzhin du legs par brten te rab tu 'bar bar byas te/ pad+ma la gnas pa nyid khas btung zhing rang gi lha'i nga rgyal dang ldan pas tshim par bya/rnal 'byor mas kyang tshul 'di bzhin rdo rje las bdud rtsi blangs la btung bar bya'o/ /'thungs pa tsam nyid kyis zhes bya ba ni 'thungs pa'i 'og tu/ de bzhin gshegs pa lnga'i skur yongs su gyur pa 'thob pa ni khyad par gyi 'bras bu nyid bstan pa yin no//de yang 'di skad ston te/ dang po rdo rje phra mo'i ting nge 'dzin bsgoms pas sems rtse gcig pa thob cing brtan par byas nas/ tshul 'di ltar sngar ting nge 'dzin nyi tshe tsam gyis blo byang bar byas la/ de'i 'og tu dngos su bya ba yin gyi/ gzhan du ni dngos grub tu mi 'gyur te de yang /gzhan du 'dod pa'i longs spyod la/ /mngon par zhen pa skye 'gyur na/ /ma bslabs dbang gi sngags pa ni/ /nyams par 'gyur gyi 'grub mi 'gyur/ /slob ma bzang la'ang rnam kun du/ /sbyor ba 'di ni mi bstan te/ /bsam pa khyad par shes byas nas//mna' bsgags nas ni bstan par bya/ /zhes gsungs pa dang po'i rdo rje phra mo'i ting nge 'dzin gyis sems rtse gcig pa thob cing sems sbyang ba dang 'bar ba'i nus pa yod par byas na dngos grub tu 'gyur gyi/ gzhan du 'dod pa'i yul gyis sems 'phrogs te nyon mongs pa'i dbang du gyur pas dngos grub nyams shing the tshom gyi gzhir gyur pas sems can dmyal ba la sogs par skye bar 'gyur bas dus la bab cing sems dbang du gyur na gdod cig mngon sum du bya ba yin no//nam mkha' 'dra ba'i chos kun la/ /zhes bya ba la sogs pa la nam mkha' dang 'dra bar rnam par rtog pa dang bral ba'i chos thams cad la shes rab dang thabs su ldan pas bshad ma thag pa'i cho ga rnam par spel zhing rdzogs par bya'o//rdo rje pad+mas byin brlabs pas/ /zhes bya ba ni byang chub kyi sems sngon du 'gro ba zhes byed pa'i tshig mi mngon par byas nas sbyar ro//rjes su chags pa zhes bya ba la sogs pa la dam tshig gi phyag rgya la rjes su chags pas rjes su mnyes par byas na 'grub par 'gyur ro zhes snga ma dang sbyar ro/ /ji ltar 'grub par 'gyur zhe na/ bde ba thabs zhes bya ba gsungs te 'di yang bya ba'i khyad par gyis gnyis pa yin no//khyad par bstan nas da ni thun mong du bstan pa'i phyir/ sbyor ba'i khyad par zhes bya ba la sogs pa gsungs te/ 'di ltar rdo rje sems ma la sogs pa bzhi'am skul byed ma la sogs pa bzhi'i sbyor ba'i khyad par gyis lam gsum du 'jug pa ste/ dus gsum du gshegs pa'i gsang sngags rnams 'grub par 'gyur ro zhes 'og ma dang sbyar ro//las kyi phyag rgya ngas bshad dang / /zhes bya ba ni phyag rgya rim par phye ba las/ las kyi phyag rgya'i de kho na nyid de'i tshul du bstan pas 'grub par 'gyur ro zhes bya bar sbyar ro/ /lag pa'i phyag rgya dag ces bya ba ni lag pas byas pa'i dam tshig gi phyag rgya'i de kho na nyid kyi tshul lo//ye shes phyag rgyas rab bskul bas/ /zhes bya ba ni ji skad du bshad pa'i phyag rgyas rab tu bskul bas so/ /dam tshig mchog gis 'grub par 'gyur/ /zhes bya ba ni rang gi bdag po dang ldan pas so/ /'dis rnal 'byor bcir 'gyur zhe na/thub pa chen po zhes bya ba la sogs pa gsungs so/ /phyi dang nang gis la sogs pa'i khams lnga po rnal 'byor pas spyan la sogs pa'i ngo bor rnam par bsgom par bya'o zhes bstan pa'i phyir/ de nas zhes bya la sogs pa gsungs te khams gsum gyi dam tshig gi 'khor lo 'di zhes bya ba ni srid pa gsum po 'di nyid ni khams gsum ste/der dam tshig 'khor lo ni spyan la sogs pa'i ngo bo nyid gang yin pa'o/ /sgrol ma zhes bya ba la sogs pa la/ /sgrol ma rlung du rab tu bsgrags/ /gos dkar mo ni me zhes brjod/ / ces bya bar sbyar te gzhan dag las 'dir/ gos dkar can dang sgrol ma ni/ /me dang rlung du rab tu bsgrags/ /zhes gsungs pas so/ /mkha' dbyings zhes bya ba ni nam mkha'i dbyings ni chos kyi dbyings te gnyis su med pa'i ye shes kyi ngo bo nyid do/ /de nyid rdo rje 'chang bar bshad//ces bya ba ni/ rdzas thams cad dang bral bas nam mkha' rdo rje ste/ dngos po med pa la nam mkha' rdo rje zhes bya bar gzhan dag gi rjes su 'brangs nas shes par bya'o/ /de bzhin gshegs pa thams cad kyi zhes bya ba la sogs pa la/ de bzhin gshegs pa thams cad kyis ni rnam par snang mdzad la sogs pa'i'o//mnyam pa nyid du gnas pa ni don dam par gnyis su med pa'i ngo bo nyid do/ /de nyid la gnas pa ni thams cad du rtag tu bzhugs pa'i phyir ro/ /dmigs pa zhes bya ba la sogs pa'i don ni bshad zin to/ /de bzhin gshegs pa thams cad kyi ngo bo nyid gcig tu dmigs pa'i rnam pa la thugs rtse gcig tu mdzad ces bya ba'i don to//byams pa la sogs pa khyed thams cad kyis ting nge 'dzin 'di nyid mngon du bya'o zhes bstan par bya ba'i phyir/ dkyil 'khor gyi 'khor lo la rnam par gzigs nas cang mi gsung bar gyur pa yin te/'di ni bcom ldan 'das kyis chos bdag med pa'i ye shes rgyu mthun pa nye bar bstan nas chos rnams de nyid nye bar bsdu ba'i sgo nas der rdzogs par bstan pa yin no/ /de nas zhes bya ba la sogs pa la/dus bstan pa'i 'og tu byams pa ji skad du bshad pa'i ting nge 'dzin la snyoms par zhugs nas byang chub ni dge ba'i gshes gnyen la rag lus pa yin no zhes bya ba rnam par bsams nas slob dpon gyis slob ma la sangs rgyas la sogs pa ster ba yin par shes te/de bzhin gshegs pa ltar gus pa bskyed par bya'o zhes bsams nas/ de bzhin gshegs pas gsungs par 'dod nas phyag byas te 'di skad ces gsol to zhes bya ba la sogs pa ni gdul bya'i skye bo'i the tshom bzlog pa'i phyir rang nyid kyis ma gsungs so zhes shes par bya'o//rdo rje byang chub kyi sems su zhes bya ba la sogs pa la sangs rgyas nyid la sogs pa thob par byed pas sam/ slob ma dam bcas pa de byas pas ni de'i sgra gsungs pa yin no/ /des kyang 'di ltar blta bar bya'o zhes bya ba ni ci'i phyir zhe na/ byams pa byang chub kyi sems rdo rje slob dpon dang gnyis su med pa'i phyir ro zhes bya ba 'og ma dang sbyar ro gang gi phyir zhe na/ji skad du bshad pa'i byang chub kyi sems dang / de gnyis ni mnyam pa'i tshul gyis gnas pas na gnyis byar med pa'i phyir ro zhes gsungs so/ /bar nas zhes bya ba'i sgra ni mngon par 'dod pa'i don rdzogs par byed pa nyid do zhes rigs pa dang ldan par yongs su gzung ngo //rigs kyi bu zhes bya ba la sogs pa la/ 'di ltar dngos su sangs rgyas dang byang chub sems dpa' thams cad dus gsum du byon nas 'di skad gsungs te/ kun nas kyang rnal 'byor chen po'i rnam par gzhag pas bzhugs nas de bzhin gshegs pa thams cad kyis mchod pa rjes su 'dzin pa'i mtshan nyid rnams yang dag par mchod cing rjes su gsungs nas yang slar gshegs par mdzad pa'o//'di skad ston te slob mas slob dpon ni sangs rgyas la sogs pa yang bka' bzhin byed pa'o zhes khong du chud nas sangs rgyas la sogs pa sgrub par 'dod pas slob dpon nyid kun nas gzung bar bya'o zhes bya ba ste don 'di nyid gsal bar byed pa'i phyir 'di skad ces bya ba la sogs pa gsungs te/brgyud pa'i rim gyis bdag cag la man ngag ston pa rtsol ba skyed par mdzad pas na bdag de bzhin gshegs pa thams cad kyi pha yin no//bdag cag gi ma yin no zhes de bzhin gshegs pa gsungs pa'am/ dkyil 'khor du bshad pa'i sgrub pa'i thabs kyi rim gyis rdzogs par byas pas na de skad gsungs so/ /ji srid kyi sgras ni bdag gi don ni sems can gyi don byas pa ste mchog tu phan btags pa'o zhes bya ba la sogs pa yongs su bzung ngo //bdag cag ni ston pa'o zhes bya ba ni dam tshig las 'da' bar byed pa'i slob ma mthong nas dngos grub sbyin pa'i phyir rang gi lung bsgo ba la 'jog pas bdag cag ston pa'o//dper na zhes bya ba la sogs pa la sangs rgyas dang byang chub sems dpa' thams cad kyi phyag rgya bzhi la bsod nams kyi phung po ji snyed skye ba bas slob dpon gyi ba spu'i khung bu gcig nas bsod nams kyi phung po skye ba gang yin pa de ni snga ma bas ches lhag pa'i bsod nams kyi phung po skye bar 'gyur ro zhes pa ste sgrub pa pos de bzhin gshegs pa rnams pas slob dpon 'di ches lhag par blta bar bya ste/de rnams kyi dam tshig thob pa de la rag lus so/ /zhes 'di ltar mchog tu bstan pa'i tshig gi ngo bo dngos su khong du chud par mi nus pa'i phyir sems can gyi khams shin tu dad pa med pas/gzhan yang byas pa de gsal bar bya ba'i phyir de nas zhes bya ba la sogs pa smras te/ byang chub kyi sems zhes bya ba la sogs pa 'og ma dang sbyar te/ ji skad kyi sgras sangs rgyas la sogs pa 'thob pa'i rgyur gyur pa zhes bya ba la sogs par yongs su gzung ste/de yang slob dpon yin no zhes bya bar dgongs so/ /de nas zhes bya ba la sogs pa de lta bu'i mthu chen po dang ldan pa'i rdo rje slob dpon chen po la brnyas pa'i sems cung zad bskyed pa tsam gyis yun ring por dmyal ba'i gnas su gnas par 'gyur ro zhes gdul bya rnams kyis khong du chud par bya ba'i phyir 'jigs shing skrag pa'i yid kyis cang mi smra bar gyur to//de ltar rnam par snang mdzad kyi slob dpon la nan tan du bya ba bstan nas/ de la sangs rgyas thams cad kyi gzhung ma yin par gdul ba'i skye bo 'ga' zhig som nyi skye bar 'gyur bas de bzlog par bya ba'i phyir/de ni mi bskyod pa la sogs pa yang don de nyid gsungs pa'i phyir/ de nas zhes bya ba la sogs pa gsungs so/ /de bzhin gshegs pa 'od dpag med dang / de bzhin gshegs pa rnam par snang mdzad ces bya ba ni 'od dpag tu med pa'i sgra ni snang ba mtha' yas so//rdo rje 'chang zhes bya ba la sogs pa la/ rnam par snang mdzad la sogs pa thams cad kyi rdo rje 'chang ba ni ye shes 'dzin pa ste/ de'i dngos grub ni phyag rgya chen po la sogs pa'i dngos grub po/ /de'i dam tshig gi rgyur gyur pa ni slob dpon te de la dmigs pa ni mngon sum du mdzad pa'o//de nyid rdo rje ste ting nge 'dzin gang la dmigs pa'i ting nge 'dzin gyis 'di skad ston te/ dam tshig gang la yin pa mngon sum du mdzad pa ste de bzhin gshegs pa thams cad la sogs pa'i dngos grub dang / dam tshig gi slob dpon la dmigs pa'i rnam par thugs rtse gcig tu mdzad ces bya ba'i don to//phyogs bcu dus gsum du byung ba'i zhes bya ba ni snga ma bzhin du mchod par byed pa'o/ /mchod pa mdzad cing phyag 'tshal bar mdzod cig ces bya ba ni ting nge 'dzin gsum gyi rim gyis dkyil 'khor bsgrub pa la sogs par 'jug pa la phyag 'tshal ba ste/thams cad kyis gus pa bskyed par bya ba'i phyir zhes bya ba ste spyi'i don ni snga ma bzhin no/ /de ci'i phyir zhe na/ zhes bya ba la sogs pa ni 'di ltar slob dpon la nan tan tu bya ba las ldog par mi bya ste/ bdag cag rnams kyis slob dpon 'di nyid las mi 'bral ba las phyag rgya chen po la sogs pa'i dngos grub thams cad bsgrub par bya'o zhes 'di lta bu'i bsam pas 'jug pa'i gdul bya rnams la/de dang bral bas gsang sngags kyi dngos grub med do zhes bya ba de bzhin gshegs pa rnams kyis rab tu bstan par bzhed nas gsungs pa yin no/ / de nas zhes bya ba la sogs pa ni byams pa la sogs pa byang chub sems dpa' de rnams kyi de bzhin gshegs pa de dag la 'og nas bshad pa'i don gsol ba'o/ /de bzhin gshegs pa thams cad kyi zhes bya ba la sogs pa la de bzhin gshegs pa thams cad la sogs pa'i dngos grub gang la gnas she na/gsang ba gsum ni zhes bya ba la sogs pa gsungs te/ sku rdo rje la sogs pa gsang ba gsum dang ldan pa'i slob dpon gyi lus la sogs pa la gnas pa'o/ /lus dang ngag dang yid kyi rdo rje'i gsang ba gang la gnas pa zhes bya ba ni/de bzhin gshegs pa rnams dang / slob dpon gyi yang zhes shes par bya'o/ /gang du yang ma yin no zhes bya bar de bzhin gshegs pa thams cad kyis gsungs so zhes snga ma dang sbyar te/ de bzhin gshegs pa thams cad kyi sku rdo rje la sogs pa ji ltar yongs su brtags pa'i ngo bo nyid ni don dam par dngos po med pa'i ngo bo nyid yin pas gang la yang mi gnas so//de bzhin du slob dpon gyi yang don dam par gnyis su med pa'i ye shes yin par de yang so sor nges pa'i phyogs na gnas pa ma yin pas gang na yang mi gnas so zhes brjod do//de nas zhes bya ba la sogs pa la de bzhin gshegs pa la sogs pa'i sku rdo rje la sogs pa ji lta ba bzhin du yongs su brtags pa'i don dam par dngos po med pa'i ngo bo nyid yin la/ slob dpon gyi lus dang ngag dang yid kyang don dam par med pa nyid yin pa las kun rdzob tu dngos grub de 'byung bar 'gyur ba ni/sngags kyi tshul gyis chos nyid kyi che ba'i bdag nyid yin par mthong nas dga' ba thob bas ngo mtshar du gyur pa dang / gzhan yang chos nyid ni so sor rang gis rig pa'o zhes rab tu bstan pa'i phyir/ ci 'ang mi zer bar 'khod do zhes bya ba ni 'di nyid kyi rnam grangs so//'di skad ston te/ ji skad du bshad pa bzhin slob dpon la nan tan du bya ste dngos grub rnams ni de la rag las pa'i phyir ro/ /de bas na 'di ltar rgyud gzhan dag las slob dpon la smod par byed pa la ni dngos grub thams cad gzhan du 'gyur bar gsungs so//stang stabs zhes bya ba ni yan lag gi 'gyur ba ste brkyang bskum la sogs pa'i mtshan nyid can no/ /'dug stangs zhes bya ba ni gnas pa'o/ /las la sbyar ba zhes bya ba ni zhi ba la sogs pa'i las rnams la nges par sbyar ba'o/ /slar bsdu ba zhes bya ba ni nye bar bsdu ba'o/ /bcu yin par zhes bya ba ni dkyil 'khor la sogs pa de kho na nyid bcu ste rang gi lha'i sbyor ba tsam dang 'brel ba yin par sangs rgyas rnams gsungs pas 'dis ni sangs rgyas thams cad kyi rjes su mthun pa'i gzhung du bstan pa yin no//dus gsum du byung ba'i rgyal ba thugs rje ro gcig pa rnams kyis zhes bya ba 'di ni sdud par byed pa'i tshig yin no//gsang ba dang gsang chen dang ye shes zhes bya ba ni dkyil 'khor la sogs pa ste de kho na nyid rnam pa bcu gsang ba ste/ rang gi dam tshig gi phyag rgya dang snyoms par 'jug pa dang ldan pa'i sbyor ba yang dag pa 'brel bar gsungs so zhes snga ma dang sbyar ro//gsang ba rnam pa lnga'i de kho na nyid chen po dang 'brel ba'i dkyil 'khor la sogs pa rnam pa bcu ni gsang chen yin no zhes de bzhin du sbyar ro/ /de bas na 'di ltar rnam pa gsum gyis zhes bya ba la sogs pa gsungs te de dkyil 'khor gyi de kho na nyid la sogs pa'i dbye bas rnam pa gsum du snying po'i ngo bo bstan pa yin no//bla mas dam tshig ji lta ba'i dbang du byas nas bshad par bya'o zhes bya ba ni de kho na nyid la sogs pa la lhag par mos pa rnams la de kho na nyid la sogs pa'i rim gyis mngon par 'dus byas pa dang bcas pas bstan par bya'i mos pa dang mi mthun par gzhan du bstan na dam tshig nyams shing de yang bslus par 'gyur ro//de kho na nyid la sogs pa nyid gsungs pa ni sems can rnams la zhes bya ba la sogs pa yin te/ rnal 'byor gyi rim pa ni rang gi lha'i rnal 'byor tsam gyi rim pa'o/ /lhag pa'i rnal 'byor gyi rim pa ni dam tshig gi phyag rgya dang yang dag par sbyor ba dang ldan pa'i rang gi lha'i rnal 'byor gyi rim pa'o//rnal 'byor chen po'i rim pa ni gsang ba lnga'i bdag nyid kyi rang gi lha'i rim pas te 'di dag gis dkyil 'khor gyi cho ga la sogs pa gnas skabs ji lta ba bzhin du dkyil 'khor gyi de kho na nyid la sogs pa cung zad bstan pa cung zad tsam gyis nyung du bstan pa yin te/'dir bshad pa'i dkyil 'khor la sogs pa de kho na nyid rnam pa bcu la sogs pa slob dpon gyi kha las rgya cher shes par bya ste gzhung mangs kyis dogs pas 'dir ma bris so/ / bshad ma thag pa'i don de kho na nyid rnams ni/ thams cad na yang yod par bstan pa'i phyir 'di dag gi zhes bya ba la sogs pa gsungs te 'di dag ces bya ba ni dkyil 'khor gyi de kho na nyid la sogs pa gsal bar phye ba las ltos pa yin pas so/ /dam tshig thams cad nyams par byed do//zhes bya ba la sogs pa la 'dir 'di ltar sbyar bar bya ste/ sems can la mchog tu phan 'dogs par byed pa bsngags shing yid du 'ong ba la sogs pa yul du byas nas bsod nams bsags pa'i rgyur gyur pa la brten nas byang chub kyi spyod pa la spyad par bya ba yin no/ /de bas bslus shing yang dag pa'i tshul ma bstan na dam tshig ste rdo rje sems dpa' la sogs pa'i dam tshig las nyams shing yongs su zad par 'gyur ro//de'i dam tshig las nyams pa la bdud dang mkha' 'gro la sogs pas yongs su bzung ste/ de nas de gsod la de ltar skyes bu shi bar gyur nas kyang sems can dmyal ba mi zad pa ste mnar med pa la sogs pa'i ngan song du 'gro bar 'gyur ro//shes par byas nas zhes bya ba ni gang gi phyir sems can slu ba ni nyes pa chen po yin te de bas na de rnams de bzhin gshegs pa'i lam yang dag par spyod pa la gzud cing yang nas yang thos pas zhes bya ba dang 'dzin du gzhug pa dang /ji ltar thos pa de bzhin du man ngag byin pas/ de nyid la brten pa la sogs pa'i rim gyis gsang sngags kyi tshul theg pa chen po la sems can rnams sbyar zhing gzhug par bya'o/ /rdo rje theg pa la zhugs pa'i rnal 'byor pas bzlas pa dang sgom pa la mngon par mi dga' na byang chub thob par dka'o zhes bstan pa'i phyir dang /rgyud kyi mthar ji skad du bshad pa'i dngos grub bsgrub pa la spro ba skyed pa'i phyir/ gang zhig 'di la brtson pa ma byas pa/ /zhes bya ba la sogs pa gsungs te ji skad du bshad pa'i gsang sngags kyi tshul gyi bdud rtsi'i ro thos pa dang shes shing rtogs pa thob pas sdig pa gzhom pa'i phyir bzlas pa dang sgom pa la brtson pas mi byed pa de dka' thub kyi spyod pa la sogs pas ji ltar mngon par byang chub par 'gyur zhes shes par bya ste gang bde blag gis sbyor bas mi nus pa gang yin pa ste dga' ba nyid ni ma yin no zhes bya ba'i don to//rnam pa gzhan gyis byang chub pa med do zhes bkag nas da ni gang gis rnal 'byor bsgom par bya ba de bstan pa'i phyir/ rnal 'byor gcig ces bya ba la sogs pa gsungs te/ rnam par snang mdzad la sogs pa gang yang rung ba'i rnal 'byor shes par byas la/skye bo med par song ste sgra'i tsher ma la sogs pa dang bral ba'i gnas su phyin nas 'du 'dzi thams cad dang bral bar byas te/ dngos grub kyi rnam pa cho ga gang gis skye ba gang la bzlas brjod la sogs pa la zhugs pa'i skye bo de nyid la sangs rgyas kyi yon tan stobs bcu dang /mi 'jigs pa la sogs pa rnams dang ldan zhing sems can gyi don byed pa'i nus pa dang ldan pa'i bsod nams kyi tshogs bsags pa rnyed cing thob par 'gyur bar bya'o/ /rnal 'byor gyi khyad par yang ji lta bu zhe na/de'i khyad par bstan pa'i phyir chos bdag med pa bsgoms pa zhes bya ba la sogs pa gsungs te gang chos bdag med pa khong du chud pa mkhas pas so/ /shes rab dang ye shes kyi 'jo tshul gyis zhes pa ni thabs dang bcas pa'i shes rab dang ye shes kyi rnam par rtse zhing rol pa gang yin pa'o//spro ba dang bsdu ba dang gsang ba lnga'i bdag nyid can gyi gtso bo la mchod par bya'o zhes bya ba ni sangs rgyas la mchod pa me tog la sogs pa spro ba dang bsdu ba dang gsang ba lnga'i bdag nyid can gyi gtso bo rang gi lhag pa'i lha sgom pa'i sbyor bas mchod pa gang la yod pa de nyid thob pas mchod do zhes sbyar ro//gzhan yang de nyid kyi khyad par bstan pa'i phyir dngos po thams cad ces bya ba la sogs pa gsungs te/ don dam par dngos po med pa'i ngo bo nyid yin pas na dkyil 'khor gyi de kho na nyid la sogs pa gzhi bcu ste/ de kho na nyid bcu'i gzhi thams cad ni rnam par snang mdzad la sogs pa'i rim gyis sbyor ba goms pas dngos po thams cad kyi don rtogs pa'o//zla gsang thig le'i tshul gyis rdo rje dang pad+mas dbang bskur ba nyid ni bshang gci la sogs pa'i ngo bo rnam par snang mdzad la sogs pa'i ngo bo nyid du yongs su gyur par lhag par mos nas sbyang ba la sogs pa byas te/nyin re zhing spyad de sangs rgyas kyi thabs mkhas pa bsam gyis mi khyab pas 'di lta ste 'di nyid kyis kyang 'bras bu rab tu stsol bar 'gyur te/ gsang sngags kyi chos nyid bsam pa yin no zhes yid la byas pas bdud rtsi lnga rnams kyis dga' ba dang mgu bar byed do//bdud rtsi lngas dga' bar byed do zhes bya ba la la ni me long lta bu la sogs pa'i ye shes lnga'i rgyu mthun pa/ des rigs lnga'i ngo bo nyid bdud rtsi lnga ste des dga' bar byed pa'o zhes bya ba ni snga ma bzhin no/ /gsang bar bya ba'i chos gsang bas/ /zhes bya ba ni 'og nas shin tu gsang zhing sba bar byas te zhes pa skal ba ngan pa'i skye bo rnams kyi phyir ston par mi byed kyi rang nyid sbas pas 'jog pa'o//gzugs sgra zhes bya ba la sogs pa la bltas pa dang reg pas blta bar bya ba'i gzugs dang rna bas mnyan par bya ba thams cad do/ /reg pa ni reg byas reg pa'o//'dod pa'i yon tan lnga po 'di dag la spyod nas rnal 'byor la gnas shing / rnam par snang mdzad la sogs pa'i sangs rgyas nyid ni 'dod par bya ba yin pas na 'dod pa'o/ /de nyid bslab cing goms par bya bas na yon tan no/ /de rnams kyi rnam pa ni gzugs brnyan la sogs pa'i mtshan nyid de za ba la sogs pa'i rnal 'byor sems shing rang gi lha'i sbyor ba bsgoms pas spyod cing rnam par spyod par 'gyur ba ste thams cad rtogs shing khong du chud pa'i tshul lo//'di skad ston te gzugs la sogs pa yul lnga ni rnam par snang mdzad la sogs pa'i bdag nyid can du rnal 'byor pas thams cad du bsgrub par bya'o zhes pa'o//bltas dang khu tshur rnam pa yis/ /sems can thams cad dbang du byed/ /ces bya ba ni blta ba ni mthong ba'o/ /khu tshur ni bcing ba'o/ /nye bar mtshon pa 'dis na smin ma bskyod pa la sogs pa yongs su gzung ste tshul de dag gis sems can thams cad dbang du byed pas na 'di skad ces bya'o//'di ston te mnyam par ma bzhag pa'i sbyor bas gang gi tshe rnal 'byor ba spyod pa de'i tshe mthong ba la sogs pas rang gi lha'i nga rgyal du byas nas sems can thams cad rang dbang du byed de/de'i bdag nyid ni lha'i nga rgyal nyid kyis sems par byed do/ /de nas gang gi tshes bdag la sogs pa mngag gzhug par gyur pa de'i tshe bdag nyid kyis phyogs bcing ba dang / snga ma bzhin du bzlas pa dang sgom pa la sogs pa la brtson pa nyid kyis bsgrub pa'i mtshan ma thob par byas nas sgrub pa la 'jug par bya'o//'khor lo la sogs pa'i dngos grub thams cad kyi bya ba'i thabs ni cho ga thams cad de de ston pa'i gzhung gi le'u la rim par phye ba'i sgrar brjod do/ /bcom ldan 'das kyis de skad ces bka' stsal nas zhes bya ba la sogs pa la bcom ldan 'das kyis rgyud gsungs pas yang dag pa'i don rdzogs par mthong bas yid dga' bar gyur pa ste/lha dang mi dang lha ma yin dang bcas pa'i 'jig rten pa mngon par dga' ba ste/ ji skad du gsungs pa rang gis thos pa'i shes pas mngon sum du thos shing yid la 'jog pas bcom ldan 'das rnam par snang mdzad las thos pas na byams pa la sogs pa mngon par dga' bar gyur ba ste/bstod do zhes bya ba'i sgras ni yongs su rdzogs pa'o/ /rgyud kyi rgyal po chen po sgyu 'phrul dra ba'i rgya cher bshad pa/ slob dpon mkhas pa chen po kun dga' snying pos mdzad pa rdzogs so/