CLOSE WINDOW

D2509
བོད་ཡིག

/slob dpon d+harma kIrtis mdzad pa'i thig gi cho ga rdzogs so/ /[ ]@##/ /rgya gar skad du/ Ar+ya tre+e lo kya bi dza ya nA ma br-i t+ti/ bod skad du/ 'phags pa 'jig rten gsum las rnam par rgyal ba zhes bya ba'i 'grel pa/ dpal rdo rje sems dpa' la phyag 'tshal lo//gsang sngags kyi sgo nas byang chub sems dpa'i spyad pa spyod pa rnams kyi'am/ yang sangs rgyas bcom ldan 'das kyis rnam pa gnyis su gsungs te/ sems can rtog pa mang ba rnams kyi don du bya ba'i rgyud rnams gsungs so/ /gcig kho nar rnal 'byor gyis bsgrub par 'dod pa rnams la rnal 'byor gyi rgyud rnams bshad do//gnyis ka'i rgyud dang gsum mo zhes kyang kha cig 'chad de/ de yang lha'i bye brag ni gnyis su zad pas gnyi ga'i rgyud logs shig na med do/ /'jig rten gsum las rnam par rgyal ba'i rgyud 'di ni rnal 'byor gyi rgyud du gtogs te lha'i mtshan nyid dang /dam tshig la sogs pa yang rnal 'byor gyi rgyud dang mthun pa'i phyir ro/ /de la rnal 'byor zhes bya ba ni sems mnyam par bzhag pa'o/ /de'i mthus sngags kyi sgo nas byang chub sems dpa'i dgos pa bsgrub pa'i phyir sngags dang phyag rgya dang dkyil 'khor dang dbang sbyin pa la sogs pa rnam pa sna tshogs pa spel zhing rgyas pas rnal 'byor gyi rgyud ces bya'o//'jig rten gsum las rnam par rgyal ba'i rgyud 'di bshad pa yang gleng gzhi'i tshul bstan pa dang / rgyud kyi dngos po bstan pa'o/ /de la gleng gzhi'i tshul bstan pa yang rnam pa gsum ste/ ston pa phun sum tshogs pa dang / /gnas phun sum tshogs pa dang / 'khor phun sum tshogs pa'o/ /de la ston pa phun sum tshogs pa ni bcom ldan 'das rnam par snang mdzad rgyud kyi bdag po ste/ phyag na rdo rje la sogs pa yang de'i byin gyi rlabs kyis byang chub sems dpa'i spyod pa la 'jug pa'i phyir ro//gnas phun sum tshogs pa bstan pa'i phyir gsungs pa/ ri rab ri zhes bya ba la sogs pa'o/ /ri rab ri'i steng du lha'i khang pa brtsegs ma de'i rtse mo'i phyogs rdo rje nor bu rin po che sna tshogs kyis brgyan pa'o/ /'khor phun sum tshogs pa bstan pa'i phyir gsungs pa byang chub sems dpa' bye ba zhes bya ba la sogs pa'o//bye ba phrag du ma zhes bya ba ni rgyud gzhan 'chad pa'i tshe na rtag tu bye ba phrag dgu bcu rtsa dgu dang thabs cig tu bzhugs pas na 'dir yang de dag thabs cig tu bzhugs par shes par bya'o/ /lha ni lha chen po dang tshangs pa dang gtogs 'dod la sogs pa'o//klu ni 'jog po la sogs pa'o/ /gnod sbyin dang dri za la sogs pa ni yi dags kyi khams su gtogs pa'o/ /bltar rung ba zhes bya ba ni mi ma yin pa de dag mig gi rnam par shes pa'i spyod yul du gyur pa'o/ /de las bzlog pa ni bltar mi rung ba ste gzugs mngon du mi ston ces bya ba'i don to//de dag kyang sangs rgyas kyis bka' stsal pa'i chos la dad pa ste de dag dang thabs cig tu bcom ldan 'das spyod lam bzhir 'gro ba'i don mdzad cing bzhugs te de yan chad ni gleng gzhi'o/ /rgyud kyi dngos po bstan pa'i phyir gsungs pa de nas phyag na rdo rje byang chub sems dpa' zhes bya ba la sogs pa'o//rdo rje ni ye shes kyi mtshan ma ste rtse lnga ni ye shes bzhi dang de dag gi yul chos kyi dbyings dang lngar brtag go/ /kha gnyis su gyes pa ni phyogs bcu thams cad du khyab pa'i don to/ / de lta bu'i ye shes byang chub sems dpa'i 'dis lag tu thob pa dang 'dra bar mngon du byas pas na phyag na rdo rje ste ye shes dang ldan pa zhes bya ba'i don to/ /rgyud 'dir dngos po de kho na nyid bcu drug gis bstan te de yang gang zhe na/ snying po'i de kho na dang / phyag rgya'i de kho na dang / sngags kyi de kho na dang /rang rig pa'i de kho na dang / de bzhin du byin gyis brlab pa dang / dbang bskur ba dang / ting nge 'dzin dang / mchod pa'i de kho na dang / bdag gi de kho na dang / lha'i de kho na dang / dam tshig dang dkyil 'khor dang shes rab dang / thabs dang rgyu dang 'bras bu'i de kho na rnams so//de kho na zhes bya ba ni don dam pa dang / kun rdzob rnam pa gnyis de chos kyi rang bzhin phyin ci ma log pa brjod du med pa'i ngo bo ni don dam pa'i de kho na'o/ /de lta mod kyi kun rdzob tu 'jig rten gyi tha snyad dang sbyar na/ mi slu bar dgos pa bsgrub pas na de kho na zhes bya ste/ bcu drug po de rnams kyis ji ltar rigs par don grub par byed pa'i phyir ro/ /'di rnams kyang ji ltar rigs par sbyar gyi rim bzhin du sbyar ba ni ma yin no/ /de la snying po ni rigs lnga so so'i snying po yi ge 'bru gcig la sogs pa gsungs pa'o/ /phyag rgya ni rnam pa bzhi ste/ phyag rgya chen po dang / dam tshig gi phyag rgya dang / chos kyi phyag rgya dang las kyi phyag rgya la sogs pa'o/ /de la phyag rgya chen po ni lha rnams kyi lus kyi tshul bstan pa ste/ lus kyi sgo nas lha'i tshul gsal bar bsgom pa'i rgyur che bas na phyag rgya chen po zhes bya'o/ /dam tshig gi phyag rgya ni lha rnams kyi sems kyi tshul bstan pa ste/sems kyi rnam par thar pa'i mtshan ma phyag rgyar bstan pas lha rnams kyang de las mi 'da' bas na dam tshig gi phyag rgyar bstan pas dam tshig gi phyag rgya zhes pa'o/ /chos kyi phyag rgya ni lha rnams kyi tshig gi tshul bstan pa ste/ lha rnams kyi tshig don dam pa'i chos thams cad ston pa'o//las kyi phyag rgya ni spyod pa'i tshul bstan pa ste/ phyag rgya rdo rje khu tshur gnyis su dral ba la sogs pa'o/ /sngags ni shes pa dang skyob par ldan pas na sngags te/ don ma nor bar shes pas ngan song gsum las skyob pa'i phyir ro/ /de yang lha'i sku gzugs skyes pa'i cha lugs 'dzin pa rnams kyis gsungs pa'i tshig rnams so//rig pa ni ma rig pa'i mun pa thams cad sel ba'i phyir lha bud med kyi tshul du bzhugs pa'i tshe gsungs pa'i tshig rnams so/ /byin gyis brlab pa ni rnam pa gnyis te rang bzhin gyis byin gyis brlab pa dang /mthus byin gyis brlab pa'o/ /byin gyis brlab pa'i cho ga yang bdag rang phyag rgya chen po'i rnal 'byor la gnas shing / dam tshig dang dbab pa la sogs pa'i phyag rgyas lha gnas par bya'o/ /dbang bskur ba ni rnam pa gnyis te sangs rgyas bcom ldan 'das rnams la ni mchod pa'i don du me tog gi phreng ba la sogs pas dbang bskur ba'o//byang chub sems dpa' la sogs pa ni sangs rgyas lnga'i dbu rgyan gyis dbang bskur ba dang / ming gis dbang bskur ba la sogs pa'o/ /ting nge 'dzin ni rnam par thar pa'i sgo yid la byed pa'o//mchod pa ni bdag dang gzhan la mchod pa ste phyi nang gi mchod pa rnam pa brgyad la sogs pa'o/ /bdag gi de kho na ni bdag gi rang bzhin phyin ci ma log pa ste/ chos la bdag med pa'i rang bzhin mi skye mi 'gog pa stong pa nyid do/ /lha'i de kho na ni don dam pa dang kun rdzob rnam pa gnyis te/don dam par na lha'i rang bzhin stong pa nyid mi gnyis pa'o/ /kun rdzob tu ni yan lag thams cad ldan par skyes pa dang bud med dang / khro bo dang zhi ba la sogs pa'i gzugs su snang ba'o/ /dam tshig ni spyir sngags pa thams cad kyis bsrung ba dang //rigs tha dad pa'i dam tshig tha dad par bsrung ba rnams so/ /dkyil 'khor ni rigs re re zhing yang dkyil 'khor bzhi la sogs pa re re yang bzhi bzhir bshad pa'o/ /shes rab ni chos rab tu shes pa ste de kho na bcu drug la sogs pa'i mtshan nyid la mkhas pa'o//thabs kyis sems can ji lta bus 'dul ba de lta bu'i gzugs ston pa dang / dgos pa ci lta bus 'grub pa de lta bu'i rgyus sgrub pa'o/ /rgyu zhes bya ba ni gcig tu na byang chub sems dpa'i sa bcu ni sangs rgyas kyi rgyu yin pas na de'i mtshan nyid bshad pa ni rgyu bstan pa'o//'bras bu ni sangs rgyas kyis te sa bcu rnams kyi 'bras bur gyur pa'i phyir ro/ /gzhan du na rgyu zhes bya ba ni sngags kyi 'bras bu 'thob par byed pa'i rgyu ste/ bzlas pa dang sgom pa la sogs pa sngags kyi 'bras bu grub pa rab 'bring la sogs pa sgrub pa'o//'bras bu ni bzlas pa dang bsgoms pa la sogs pa'i 'bras bu ste rig 'dzin la sogs pa grub pa rnams dang / zhi ba dang rgyas pa la sogs pa las kyi rnams so/ /de nas lha chen po la sogs pa gdul zhing dam tshig stsal bar skabs la bab par mkhyen nas phyag na rdo rje nam mkha' las babs te bcom ldan 'das la gsol ba btab po//nam mkha' las babs pa ni don dam par chos thams cad nam mkha' lta bu ste stong pa nyid kyi rang bzhin las kun rdzob kyi bden pa la gnas te/ sems can gyi don gyi phyir byang chub sems dpa'i gzugs su 'byung bar ston te/'dis ni dngos po med pa'i chos las dngos po med pa'i chos 'byung bar shes par bya'o/ /gzhan yang 'khor 'dus pa thams cad kyi nang na phyag na rdo rje rdzu 'phrul chen po dang ldan par yang bstan to/ /bcom ldan 'das la phyag rgya zhing lan gsum bskor ba ni skyes bu dam pa ya rabs kyi tshul bstan pa ste/'jig rten na yang bla 'og gi rim pa ni ya rabs rnams la yod pas na ya rabs kyi chos yin te/ ma rabs mnyam pa brgya bong bu ded pa rnams dang dud 'gro rnams la bla 'og dang btsun mi btsun gyi rim pa med do//bcom ldan 'das lha chen po la sogs pa sems can ma rungs pa de dag dam tshig 'dzin du stsal bar 'tshal zhes gsungs pa la/ de kho na bsdus pa'i rgyud kyi nang nas lha chen po thabs sna tshogs kyis btul ba lags na yang 'dir lha chen po bdud btul ba'i thabs bsham pa ci 'tshal zhes skabs tshol ba bsal ba'i phyir yang zhes gsungs te/sngar lha chen po btul zin nas yang lha chen po la sogs pa 'dul lo/ /de'i don ni 'di ste/ las kyi rnam par smin pa las skyes pa'i lha chen po snga ma ni de kho na bsdus pa'i rgyud las 'byung ba bzhin du sngar btul lo//'dir ni yang las kyi rnam par smin pa las skyes pa'i lha chen po gzhan 'dul bar bzhed do/ /de ltar mu stegs can lha chen po rtag par 'dod pa dang ni 'gal mod kyi/ 'dus byas thams cad mi rtag par grub pas na lha chen po mi rtag par grub pa la nyes pa med do//sems can ma rungs pa zhes bya ba ni skyon rnam pa gsum dang ldan pa ste/ khengs pa'i nga rgyal srel bas gzhan khyad du gsod pa dang lta ba logs pas 'phags pa'i bden pa la sogs pa don du mi gnyer ba dang / rang bzhin gyis gtum ste gzhan la snyogs shing 'dud pa can no//'og nas 'byung ba'i ma rungs pa'ang don de ltar sbyar ro/ /dam tshig 'dzin tu stsal zhes bya ba ni dkyil 'khor du bcug la sngags kyi dam tshig khas len du gzhug pa'o/ /chos kyi rgyal po zhes bya ba ni chos thams cad la mnga' mdzad pa ste/ chos bdag med pa'i don stong pa nyid las kyang rnam pa sna tshogs su ston pa'i phyir ro//gnod sbyin khyod shin tu khengs pa zhes bya ba la sogs pa la/ gnod sbyin ni nyon mongs pa thams cad zad par byed pas na gnod sbyin zhes bya ba ste/ yi dwags kyi khams gnod sbyin mthu bo che thams cad kyi bdag po mdzad pas na phyag na rdo rje la yang gnod sbyin zhes gdags so//khengs pa ni srun pa'o/ /shin tu mthur ba ni bsar ba'o/ /de ltar rtsub cing mi srun pas sems can la ji ltar phan gdags zhes gsungs pa'o/ /de'i phyir bcom ldan 'das zhes bya ba shin tu khengs pa'i phyir zhes bya ba la sogs pa'i don to//'dod pa'i bde ba can zhes bya ba ni 'dod pa rnam pa lnga dang ldan pa'i sems can rnams te/ dbang dang zhi ba dang rgyas pa'i las kyis btul zhes bya ba'i don to/ /gsang ba la sogs pas sbyangs te zhes bya ba bsad pa ni rang bzhin bsgyur ba la bya'o/ /srog gcod pa la mi bya ste snga ma'i rang bzhin ma rungs pa bsal te phyi ma'i rang bzhin zhi bar bsgyur zhes bya ba'i don to//don gyi phyir dang phan pa'i phyir dang bde ba'i phyir zhes pa tshe 'di la don bde ba dang phyi ma la phan pa dang mya ngan las 'das pa'i phyir zhes rim bzhin du sbyar ro/ / phyag na rdo rje'i snying po'i sngags la spyir na don bzhi ste byin gyis brlab pa dang / rang bzhin bstan pa dang / bskul ba dang bod pa'o/ /de la oM ni rgyud kyi bdag po rnam par snang mdzad kyi byin gyis brlabs par bstan pa ste/ a dang ur phrad pas na oM/ de la a ni a nud pa da ste chos thams cad ma skyes pa'i don to//u ni u pa dra ba ste gnod pa med de 'tshe ba med pa zhes bya ba'i don to/ /klad kor ni stong pa nyid kyi don du ston to/ /sum+b+ha ba ni khro ba'o/ /ni sum+b+ha ni khro ba med pa'o/ /hUM ni gsod pa'o/ /des ni rang bzhin bstan te/ phyag na rdo rje 'dod pa dang khro bo'i rang bzhin gdug pa thams cad sel ba'o// // g+h+r-i h+Na gr-i h+Na ni ma rungs pa rnams zung shig ces pa'o/ /g+h+r-i h+NA pa ya ni 'dzin du chug cig pa'o/ /A na ya ni khug cig pa ste de dag ni bskul ba'o/ /ho b+ha ga bAn badzra zhes bya ba ni kye bcom ldan 'das phyag na rdo rje zhes bod pa'i tshig go//hUM phaT ces bya bas kyang rang bzhin bstan te phaT ni gtan 'pho ba'i don du bsnyegs pa'o/ /bcom ldan 'das ga la ba der lhags te zhes bya ba lha chen po la sogs pa ri rab rtse mor 'dong nus pa rnams ni bcom ldan 'das kyi thad du lhags so/ /der 'dong mi phod pa rnams kyang gling bzhi pa la so so'i yul na 'dar yed yed de 'khod do//gling bzhi pa'i 'jig rten gyi khams su tshogs pa'i dkyil 'khor chen po zhes bya ba skabs 'di dag tu dkyil 'khor chen po zhes bya ba ni rang gi 'khor ram zhabs 'bring phal po che la bya'o/ /sems can kun la phan pa'i phyir//sangs rgyas kun gyi byin gyis brlabs/ /zhes bya ba la sogs pa ni bcom ldan 'das kyi phyag na rdo rje'i rang bzhin bstan pa ste sems can la phan pa'i phyir sangs rgyas lnga rnams kyis kyang byin gyis brlabs shing btang pa ni kun du bzang po phyag na rdo rje'o//de'ang 'dod pa dang khro ba'i rang bzhin te/ khro bas ma rungs pa rnams 'dul zhing 'dod pas bde bar sbyor bas rnam pa thams cad du mdzes pa'i phyir kun du bzang po'o/ /de nyid kun gyi bdag po ste khams gsum gyi gtso bo zhes pa'i don to/ /de nyid sangs rgyas thams cad kyi rang bzhin las skyes pa ste sras zhes bya'i don to//sras de yang su zhe na phyag na rdo rje gnod sbyin chen po'o/ /gnod sbyin chen po pas ni lha chen po la sogs pa ma rungs pa rnams 'chos shing 'dul ba la dbang ste/ de lta bu'i yon tan dang ldan pas na phyag na rdo rje'i mtshan brjod pa tsam gyis kyang mthar bla na med pa'i byang chub 'thob par 'gyur ro zhes bshad de/dgongs pa rnam pa bzhi'i nang nas dus la dgongs pa'i don dang sbyar ro/ /kye gnod sbyin nga ni thams cad kyi bdag po byed pa'o/ /'joms pa po zhes pa phyag na rdo rje la kye gnod sbyin zhes bos nas khams gsum thams cad kyi bdag po chen po yang nga yin/dngos po thams cad kyi dang po'i byed pa po dang 'joms shing med par byed pa dang / skye bo thams cad kyi bdag po yang nga yin/ de bzhin du tshangs pa dang gtogs 'dod la sogs pa yang nga yin pas na khyod kyi ngag nga mi nyan zhes so/ /khyod ni lus srul po mi'i sha za ba zhes pa lus srul po ni yi dags kyi khams te/lha chen po yang yi dags kyi bdag po yin pa'i phyir ro/ /mi'i sha za ba ni mi thod kyi nang du kha zas za ba la sogs pa'i phyir ro/ /sha za'i lus srel ba ni mi thod dang mi rus kyis brgyan pa la sogs pa yi dags kyi cha lugs 'dzin pa'i phyir ro//tshangs pa zhes bya ba ni thar pa'o/ /gtogs 'dod ces bya ba ni mi 'gyur ba'o/ /tshangs pa ni nyon mongs pa thams cad kyis ma gos pa ste mya ngan las 'das pa'o/ /gtogs 'dod ni dngos po thams cad kyi nang du 'jug pa ste dngos po thams cad du gtogs pa'i tshig de mi 'gyur ba ste thams cad kyi bdag nyid du bshad pa'i tshig de nges pa ste gzhan du mi 'gyur ba'o//de dag gi rang bzhin ni nga nyid yin pas na khyed thams cad gdul ba'i mthu nga la yod do zhes pa'i don to/ /de nas lha chen po khros nas rang gi gzugs khro bo'i mdangs chen por bstan to zhes gsungs pa/'jigs su rung ba chen po'i gzugs/ /zhes pa la sogs pa thabs cha sna tshogs kyis sdigs ru'i byed par ston to zhes gsungs pa/ rdo rje dang mdung rtse gsum pa/ /zhes bya ba la sogs pa 'khor 'jigs su rung ba mang po bsags nas sdigs ru'i tshul bstan te zhes gsungs pa/ma rnams kyi tshogs dang zhes bya ba de dag gis rang gi rdzu 'phrul dang mthu sna tshogs pa bstan pa rab tu 'thab cing shin tu 'gyed pa gling bzhi'i 'jig rten gyi khams zhes bya ba dag go/ /de nas phyag na rdo rje khros pa'i tshul bstan pa cung zad mche ba'i thog ma gtsigs pa'i zhes bya ba dag go//mche ba cung zad phyungs te gtsigs pa'i chu'i rlabs dang 'dra ba'i khro gnyer byas pa mig phyir mi glon pa'i rdo rje'i blta ba mig gnyis pa zab mo'i don snying po la sogs rnam par grol ba'i tshig gis shigs pa bye brag phyed pa la sogs pa'o/ /snying po'i mchog ni hUM zhes bya ba nyid de phyag na rdo rje dang po'i sems dpa'i snying po yin pa'i phyir ro//'jig rten gsum las rnam par rgyal ba zhes bya ba khams gsum gyi bgegs dang gnod par byed pa thams cad las rnam pa sna tshogs su rgyal bas na de skad ces bya'o/ /hUM zhes bya ba ni phyag na rdo rje'i rang bzhin bstan pa ste ma rungs pa dang nyon mongs pa thams cad gtan 'pho bar byed pa'i don to//hUM zhes brjod pas dbang phyug chen po la sogs pa byed de bcom ldan 'das la skyabs su song ngo / /bcom ldan 'das kyis kyang lha rnams skyabs su gsol ba la cang ma gsung na ni sems can gyi don la btang snyoms su mdzad pas thugs rje dang mi ldan par 'gyur/de ltar ma byed cig ces phyag na rdo rje la zlog tu ni gdul bar bya ba thams cad mthar mi phyin pas bar mdo'i tshig tu khyod rab tu mi bsgrungs so zhes gsungs so/ /hUM zhes bya bas sdigs pa mgo glengs nas snying po 'dis lha chen po la sogs pa sma phab ste btul lo//snying po'i don ni gong du bshad par 'dus so/ /de bas na thul la dbugs phyung shig ces lha chen po la sogs pa de ltar btul ba ni legs kyis de ltar thul la thal byung du ma gsad par slar gsos shig ces pa'i don to/ /de dag gi don gyi phyir rdo rje'i gzungs bcing ba 'di gsungs so//lha chen po la sogs pa de dag gso ba'i don gyi phyir phyag na rdo rje'i gzungs sngags thams cad du lus srog dang bral ba mi 'gyur bar 'ching ba'i don to/ /oM ni rgyal po'i snying po'o/ /badzra draM D+ho me b+ha ba zhes bya ba ni bdag gi rdo rje bstan par gyur pa ste/ye shes bstan pas thams cad srung / /zhes pa'i don to/ /rak+Sha sarba na zhes bya ba ni bskul ba ste thams cad srung ba'i don to/ /swA hA ni legs par gsungs ste zhi ba'i don du sbyar ba'o/ /de ltar gsos nas sangs rgyas bcom ldan 'das kyis kyang lha chen po la sogs pa la phyag na rdo rje'i bka' nyon cig par bskul nas de dag gis kyang de ltar khas blangs te yang phyag na rdo rjes rang gi snying po bstan te de dag dbang du bya ba'i phyir/hUM Ta ki ho 'di ni 'dod pa'i khro bo'i rang bzhin du ston te/ hUM ni gtan 'pho bar byed pa'o/ /Ta ki ni 'dod pa'i rang bzhin no/ / ha ni bod pa'o/ /grogs po dag byang chub kyi sems kyis mas kyi sdom pa gzung bar khas long shig ces pa byang chub ni nyon mongs pa zad pa'i ye shes dang mi skye ba'i ye shes so/ /de la sems shing 'dod pa ni byang chub kyi sems so/ /de yang rnam pa lnga ste/ rtsom pa dang / rtsol ba dang / 'jug pa dang / gnas pa dang / ldang ba'o/ /de la rtsom pa ni dang po thos pa'i shes rab la gnas te byang chub 'dod pa'i phyir bdag bla na med pa'i byang chub tu gyur cig /sems can thams cad la phan pa'i phyir zhes smon pa'o/ /rtsol ba ni mos pas spyod pa'i sa la gnas pas lung dang rigs pa la brten zhing bsam pa'i shes rab kyis chos dang gang zag la bdag med par mos pa ste/stong pa nyid du stsol ba zhes bya ba'i don to/ /'jug pa ni chos bdag med pa la rang gis myong bar 'jug pa ste byang chub sems dpa'i sa dang po thob ces pa'i don to/ / gnas pa ni chos la bdag med pa'i don ci ltar rtogs pa de la mi g.yo bar rtse gcig tu gnas pa'o/ /ldang ba ni sems rtse gcig tu gnas pa las bsod nams kyi tshogs chen po bsgrub pa dang / sems can gyi don mang po bya ba'i phyir de las langs te spyod pa rgya chen po la 'jug pa'o/ /de lta bu'i byang chub kyi sems gang yang rung ba mi gtong bar dam 'cha' ba ni byang chub kyi sems kyi sdom pa'o//yang na byang chub kyi sems dang sdom pa so sor sbyar te byang chub kyi sems ni gong du smos pa lta bu ste de gzung bar bya'o/ /sdom pa ni sngags kyi sdom pa ste rigs bzhi'i dam tshig 'og nas 'chang ba rnams so//byang chub kyi sems brtan par byas zhes bya ba la sogs pa ni lha la sogs pa dam 'cha' bar bzhug pa'i don brtan pa ste/ gong du smos pa lta bu'i byang chub kyi sems brtan pa sra bar byas pa ni sems can thams cad la 'jig rten dang 'jig rten las 'das pa'i bde ba chen po stsol to//de bas na byang chub kyi sems 'dod pa'i rang bzhin dang / phyag na rdo rje bdag nyid chen po mthu chen po la smad par mi bya ste 'di sdom pa'i don gsang ba ste/ dam tshig can ma yin pa rnams la mi bstan pa'i phyir ro/ /de nas dam tshig 'dzin du gzhug pa'i sngags gsungs so//de la oM ni don snga ma bzhin no/ /badzra sa ma ya a b+hi Shiny+tsa zhes bya ba ni phyag na rdo rje'i dam tshig gi dbang bskur ba zhes bya ba'i don to/ /ma b+hi ra ga ya sarba karma na zhes bya ba ni dam tshig gi rang bzhin bstan pa ste 'dod pa thams cad la ma skyo zhig ces bya ba'i don to/ /hUM phaT ces bya ba ni gtan 'pho ba ste sgrib pa thams cad sel ba'o//'di ni bdud kyis smras pas na bdag cag mi nyan to zhes gong du dam tshig smos pa la 'dod pa thams cad la mi skyo bar bya zhes 'byung ba ste mi rigs so zhes lha chen po la sogs pas smras pa ste/ sangs rgyas kyi byang chub ni 'dod chags dang bral ba nyid kyis 'thob bo zhes bcom ldan 'das kyis bka' stsal pas na 'dod chags dang bral ba ni rigs kyi de las bzlog de mi rigs zhes smras so//khyed cag gis ni 'di la ma brnyas shig ces bya ba lha chen po la sogs pa khyed kyis 'dod pa la skyo bar ma byed cig ces bstan pa'i don 'di la brnyas shing log pa yin no zhes de snyam du ma sems shig /da ni ji lta bur 'dul ba bzhin du byed pa ste zhes pa sangs rgyas bcom ldan 'das ni sems can ji lta bus 'dul ba de lta bu'i tshul du mdzad cing ston pa ste/ 'dod chags kyi spyod pas 'dul ba la yang 'dod chags kyi spyod pa ston te/khro bas 'dul ba'i spyod pa la yang khro ba'i spyod pa ston to/ /ji ltar 'dul ba bzhin du bstan pa 'di nyid kyi tha mar na 'jig rten gyi khams 'di sun 'byin te chags pa'i dngos po mi rung bar yang rtogs par 'gyur ro/ /lha la sogs pa so so'i skye bo rnams mya ngan las 'das pa'i bde ba la ni mi chags par byed kyi/khams gsum na 'khor ba'i sdug bsngal ba la chags pa 'di dag la mya ngan las 'das pa'i bde ba la mi chags par ma byed cig ces bshad do/ /de dag sbyang ba'i phyir zhes bya ba 'dod chags la sogs pa sgrib pa de dag sbyang ba'i phyir ro//de bzhin gshegs pa thams cad nyid kun du bzang po ste/ phyag na rdo rje de sangs rgyas lnga rnams kyi ye shes kyi rang bzhin yin pa'i phyir ro/ /sangs rgyas bcom ldan 'das kyis de ltar rigs pa'i gzhung bshad nas/ de nas phyag na rdo rjes yang dam tshig 'dzin du gzhug pa'i sngags gong ma bzlas te gsungs so//de nas slob ma dkyil 'khor du zhugs nas lag tu rdo rje byin te/ de'i sngags byin nas rdo rje dbang bskur bar bstan pa de nas yang phyag na rdo rje lag tu rdo rje byin te zhes bya ba la sogs pa'o/ /rdo rje dbang bskur ba ni rdo rje'i rigs su nges par bzhag pa'i phyir ras yang na rdo rje ni ye shes kyi mtshan ma ste/ye shes kyi byin gyis brlabs zhes bya ba'i don to/ /de la sngags kyi don ni 'di lta ste/ oM ni rgyas pa'i snying po snga ma bzhin no/ /pa nas twe'i bar du ni de bzhin gshegs pa thams cad kyi rdo rje 'dzin pa'o zhes ye shes kyi mtshan ma rdo rje dbang bskur ba ste rdo rje 'dzin pa ni rdo rje'i rigs kyi sngags pa zhes bya ba'i don to//badzra pA Ni ni bod pa'i don/ /hrI ni bsngags pa ste gzugs sna tshogs zhes pa'i don to/ /ha ni blta ba'i don to/ /grangs bzhi smos pa ni rings pa'am bstan pa ste gzugs sna tshogs su blta zhes pa'i don to//de ltar rdo rjes dbang bskur nas sngon gyi bsnyems pa dang blta ba btang ste phyag na rdo rje'i dkyil 'khor du zhugs nas rang bzhin thams cad brje ba'i phyir ming yang brje dgos te/ de bas na lha chen po la sogs pa rdo rje las drangs pa'i ming btags so zhes gsungs pa/de nas rdo rje ming gi dbang bskur ba byin pa ni zhes bya ba la sogs pa'o/ /ming gi dbang bskur ba zhes bya ba ni ming nges par btags zhes bya ba'i don to/ /ming kun gyi glad la rdo rje smos pa ni phyag na rdo rjes btul la rdo rje'i rigs kyi dkyil 'khor du zhugs pa'i phyir dang /ye shes kyi mtshan ma rdo rjes byin gyis brlabs pa'i phyir kun kyang rdo rje las drangs so/ /dbang phyug chen po ni lha chen po ste de ni rdo rje'i rigs pa dam par ming btags te 'jig rten gyi rig pa rnams kyi nang na gtso bo yin pa'i phyir ro/ / gzhan yang ming kha cig ni dga' mgur btags par zad pas don bshad du yang med do/ /kha cig ni rang bzhin dang las kyi sgo nas ming du btags pas bshad du yod pa rnams ni cung zad bshad par bya'o/ /mthu bo che ni gtogs 'dod la bya ste sgyu ma sna tshogs pa ston pas na sgyu ma'o//tshangs pa ni thub pa'i rdo rje ste mi smra ba'o/ /mi smra ba ni snyoms par 'jug pa'i phyir ro/ /sa nang gzhon nu ni lha chen po'i bu'o/ /dbang po ni lha ste sum cu rtsa gsum gyi bdag po'o/ /'thab cha ni mtshon cha la sogs pa'o/ /'jig rten gsum gyi dbang po zhes bya ba ni 'jig rten pa'i lha'i nang na gtso bo yin pa'i phyir ro//rig pa'i rgyal por dbang bskur ba ni phyi rol gyi rig pa rnams kyi gtso bor bskos pa ste rig pa ni nye bar bstan gyi/ pha rol gyi sngags rnams kyi gtso bo yin no/ /yang na sngags kyang ma rig pa'i mun pa sel ba'i mthu yod pas rig par bshad de de'i gtso bo zhes bya ba'i don to//bar snang ni nyi zla rgyu ba'i phyogs kyi nam mkha'o/ /rdo rje 'khyil pa ni nyi ma'o/ /zla ba ni rdo rje 'od do/ /rdo rje be con ni gza' spen pa la bya'o/ /skye bling ni mig dmar la bya'o/ /de rnams ni phyi rol gyi khro bo'o/ /ma rungs pa thams cad thag 'dzud par dbang bskur ro//nam mkha' la rgyu ba ni sa la 'phags pa'i nam mkha' la rgyu ba ste chang gis myos pa la sogs pa bzhi ni bgegs kyi gtso bo ste/ de dag ni phyag na rdo rje'i zham ring ba'i tshogs mang po'i gtso bor dbang bskur ro/ /sa pa ni sa'i steng na spyod pa ste pho nyar bskos pa'o/ / 'og na gnas pa ni sa 'og na gnas pa'i lha rnams te de dag ni bran du bskos pa'o/ /de dag thams cad kyang sangs rgyas bcom ldan 'das dang phyag na rdo rje'i 'khor te/ dper na 'jig rten gyi rgyal po la las kyi sgo 'dir smras pa thams cad dgos pa de bzhin du chos kyi rgyal po chen po rnam par snang mdzad dang /phyag na rdo rje'i 'khor thams cad kyang tshul de lta bur blta'o/ /de nas lha chen po la sogs pa btsun mo rnams kyang ming gi dbang bskur te/ las so sor bskos pa de nas 'jig rten gsum gyi bdag po lha chen po zhes bya ba la sogs pa'o/ /nyon mongs ma ni lha chen po'i btsun mo ste de bzhin du lha so so'i btsun mor rim bzhin du sbyar ro//de bzhin du sa 'og ma rnams kyi bar du btsun mo'i rim bzhin du btsun mo rnams kyang de dag gi btsun mo yin par rig par bya'o/ /de nas phyag na rdo rjes byang chub sems dpa' chen po de dag thams cad btsud de sangs rgyas kyi ye shes bskyed nas rdo rje dam tshig sbyin pa zhes bya ba slob ma de dag thams cad dkyil 'khor du btsud nas sangs rgyas kyi ye shes mi gnyis pa'i don bstan te/rtog pa dang mos pa ci ltar bskyed nas so so rang gi dam tshig gi sngags brjod do//dam tshig gi sngags sa 'og ma'i sa yan chad kun kyang spyi'i don du 'dra ste/ dgug pa dang mchod pa dang byin gyis brlab pa la sogs pa'i las byed pa'i tshe dam tshig gi sngags 'di dag brjod par bya'o/ /de la rig pa'i rgyal po la sogs pa'i dam tshig gi sngags 'di/ oM ba li to zhes bya ba la sogs pa'o//de la oM gyi don ni rgyas pa'i snying po ste snga ma bzhin no/ /ba li to ba le ta zhes bya ba ni de dag gi rang bzhin bstan pa ste gcu zhing bsgyur ba'i gar byed pa'o/ /badzra ka ri sha dang dz+wa/ /zhes bya ba ni las bstan pa te dgug pa'o/ /lha rnams dgug pa'o zhes bya ba ni rig pa dam pa la sogs pa lha rnams dgug pa la sogs pa'i don to//bar snang ba'i sngags ni hUM/ /zhes bya ba la sogs pa'o/ /hUM ni gtan 'pho ba ste gdug pa thams cad sel ba'i don to/ /ba nas yaM gi bar du rdo rje mchog gi dam tshig gis gzir ba ste/ dam tshig las mi 'da' zhes bya ba'i don to//hUM zhes bya ba ni byos shig par bsgom pa'o/ /nam mkha' la rgyu ba'i sngags ni oM zhes bya ba la sogs pa'o/ /de ni rdo rje phreng ba'i mchog bcings pa'o zhes rang bzhin gyi don bstan pa'o/ /sa la rgyu ba ni lha rnams te/ oM badzra b+han+d+ha haM zhes bya ba ni rgyas pa'i snying po dang bcas pa rdo rje bcings pa ltos shig ces pa'i don to//sa 'og ma pa rnams kyi sngags ni/ oM badzra pa ta la zhes bya ba la sogs pa ste badzra pa ta la ni sa 'og ma pa ste rang bzhin bstan pa'o/ /bany+dza dang hUM phaT kyis ni las bstan pa ste ma rungs pa'i phyogs gzhom pa dang /gtan 'pho bar gyis shig pa'i tha tshig go/ /rig pa'i rgyal mo man chad nas sa 'og ma yan chad bud med kyi dam tshig gi sngags ni/ oM he ru ka la sogs pa'o/ /he ru ka badzra sa ma ya zhes bya ba ni rang bzhin bstan pa ste khro bo rdo rje dam tshig ces bya ba'i don to//de yan chad kyis ni las bstan pa ste ma rungs pa thams cad kyi dam tshig dang phyag rgya 'joms par byed pa ston to/ /de nas bcom ldan 'das la phyag na rdo rjes bdag gis sems can 'dul ba'i sug las bgyis pa ni gong du smos pa lta bu ni gzhan yang ma rungs pa mi srun pa'am byad ma dang rims dang ngan song gi rnams ji ltar bgyi zhes zhus pa/bcom ldan 'das bdag dang sems can 'dul ba ni zhes pa la sogs pa'o/ /dam tshig de nyid la nan tan byed du chug cig ces bya ba ni gong du 'dod pa mi spong ngo zhes bstan pa'i dam tshig de la nan tan du byed du chug cig /spyir na dkyil 'khor yang rnam pa gnyis te/ rang bzhin gyi dkyil 'khor sangs rgyas dang byang chub sems dpa' 'khor dang bcas pa ji ltar bzhugs pa mngon du mthong ba'i dkyil 'khor ni gong du bshad pa rnams so//da ni mi la sogs pa rang bzhin gyi dkyil 'khor gyi gzugs brnyan ni ri mor bris te bstan par bya ba'i phyir phyag na rdo rjes bcom ldan 'das la mi de dag ji ltar nan tan bgyi zhes bya ba la sogs pa'o/ /de ltar lha rnams kyi lus kyi gsang ba bstan pa dkyil 'khor chen po'o//ngag gi gsang ba bstan pa'i dkyil 'khor ni rdo rje'i dkyil 'khor ro/ /sems kyi gsang ba bstan pa ni dam tshig gi dkyil 'khor ro/ /spyod pa sna tshogs kyi gsang ba bstan pa ni las kyi dkyil 'khor ro/ /de ltar na lha rnams kyi lus dang ngag dang yid dang spyod pa'i gsang ba'i dkyil 'khor du zhugs pa'i sngags pas sngags kyi don rnams bsgrub par bya'o//dkyil 'khor gcig gi nang du bzhi char 'dus par yang bstan te/ gang na gson po'i lus yod pa de na sems dang yi ge'i 'bru'i tshig rnams kyang yod la/de dag gi spyod pa las kyi rang bzhin yang yod par 'gyur ro/ /de lta mod kyi gang gis shas che ba gtso bor byas pa'i phyir na dkyil 'khor bzhir yang brjod do/ /dkyil 'khor du rim par bzhugs pa ni sems can gyis blta sla ba'i phyir spom rims su gzud de/dang po lus kyi gsang ba kha dog dang dbyibs su snang ba chud sla bas na thog mar smos so/ /de'i 'og tu ngag gi gsang ba yi ge'i 'bru dang sgrar brjod par dmigs pas sla bas na ngag gi gsang ba smos so/ /sems kyi gsang ba rnam par thar pa'i sgo mang po chud par dka' bas na de'i 'og tu smos so//dkyil 'khor de gsum char du zhugs nas sems can gyi don la sogs pa spyod pa sna tshogs nus par gyur pas na las ni tha mar bshad do/ /de bzhin gshegs pa thams cad kyi dkyil 'khor chen por btsud nas zhes bya ba de bzhin gshegs pa lnga rnams kyi dkyil 'khor te lus kyi gsang ba bstan pa ni de bzhin gshegs pa'i rigs kyi dkyil 'khor yin pa'i phyir ro//rdo rje'i dkyil 'khor du tshud cig ces bya ba 'di'i skabs su rdo rje 'di dag gis bsang ba bya ste/ 'dis dngos po yod par lta ba thams cad rig pa'i tshig gis 'jig cing 'joms pa'i phyir te pad+mo'i rigs chos kyi dkyil 'khor zhes bya ba'i tha tshig go/ /dam tshig gi dkyil 'khor du tshud cig ces pa so so'i rnam par thar pa'i mtshan ma phyag rgyar bzhag pa ste sems kyi gsang ba'i dkyil 'khor ro//de'ang dkyil 'khor der zhugs pas dam tshig thob pa'i phyir ro/ /dam tshig gi dkyil 'khor zhes bya ste rin po che'i rigs kyi dkyil 'khor ro/ /las kyi dkyil 'khor du tshud cig ces pa/ dkyil 'khor gong ma dag tu zhugs nas las sna tshogs bsgrub pa'i phyir yang las kyi dkyil 'khor du 'jug go /de nas dkyil 'khor bzhi'i mtshan nyid ci 'dra ba bcom ldan 'das kyi byin gyi rlabs kyis phyag na rdo rjes 'chad de/ dang po/ dkyil 'khor chen po'i tshul bshad pa/ /sems can kun la phan pa'i phyir//zhes bya ba dag go/ /dkyil 'khor chen po zhes bya ba grub pa rab 'bring tha ma thams cad ster bar byed pa'i mchog ste/ ci'i phyir zhe na/ sngags pa dam tshig can du ma gyur gyi bar du sngags sgrub pa'i thabs med do bshad pa de 'ang phyag na rdo rje rang gi mthu 'ba' zhig ma yin te/dkyil 'khor pa'i sangs rgyas lnga thams cad kyi byin gyis brlabs te bshad do/ /ci'i phyir bshad ce na/ sems can kun la phan pa'i phyir ro/ /de nas gzhan yang rab bshad pa/ /zhes bya ba'i dkyil 'khor chen po'i cho ga zhib tu bshad ces bya ba'i don to//rang bzhin gyi dkyil 'khor bcom ldan 'das rnam par snang mdzad dang / phyag na rdo rje la sogs pa ri rab ri'i rtse mo na bzhugs te sems can gyi don mdzad pa de bzhin du gzugs brnyan gyi dkyil 'khor yang ri rab ri'i tshul du 'dra bar bstan te/ dbus su chos kyi 'khor lo dang 'dra bar rtsib ma can zlum por bris te/de'i dbus kyi snying po la bcom ldan 'das rnam par snang mdzad sku mdog gser gyi mdog zhal shar phyogs su gzigs pa la gdan du nas bting ba la bzhugs par bya'o/ /rnam par snang mdzad nyid las rnams bzhi'i nang na rgyas pa'i phrin las gtsor mdzad pas na/de dang rjes su mthun par rgyas pa'i zhal zas nas gdan du bting ngo / /bcom ldan 'das de'i 'khor du byang chub sems dpa' brgyad bri ba ni 'di lta ste/ bcom ldan 'das kyi g.yas phyogs su ni spyan ras gzigs kyi dbang po dang / 'jam dpal dang / sems bskyed ma thag tu chos kyi 'khor lo bskor ba'o/ /g.yon phyogs su ni rdo rje khu tshur dang byams pa dang nam mkha' mdzod do/ /bcom ldan 'das kyi rgyab phyogs su ni nam mkha'i snying po'o/ /bcom ldan 'das kyi 'og gi spyan sngar ni phyag na rdo rje ste rdo rje hUM ka ra'i gzugs su gzhag go//de rnams kun gyi gnas kyang 'khor lo'i rtsib ma re res bar du gcad do/ /de zlum por bya ba yang ras kyi skud pa dkar po sar pa ring cha mnyam pa ha cang phra sbom du ma gyur pa'i mtshan ma bkal legs pa bzang po dkyil 'khor gyi dbus su seng ldeng gi phur bu btab la gnyis rim du btags pas dkyil 'khor zlum po ma 'khrul bar sa gcad do//de ltar dkyil 'khor gyi las byed pa'i tshe/ 'jig rten gsum las rnam par rgyal ba ste rdo rje hUM ka ra nyid kyi rnal 'byor du bdag rang byas te/ de'i snying po'i sngags kyang yid la bya zhing /der srung ba dang byin gyis brlab par bya'o/ /dbus kyi phur bu la srad bus btags te cha bcu drug tu bgo ba ni cha mnyam bcu drug tu bgo bar nges pa med de/ /spyir grangs bcu drug tu bgo ba ni nang gi 'khor lo la gcig gser gyi ri bdun dang /chu rim bdun la cha bcu bzhi/ /gling bzhi gnas pa'i snam bu la cha gcig ste cha bcu drug tu bya'o/ /bcu drug gi phyi rol du ri'i 'khor yug chen po tshon sna gsum dang ldan pas bris te/ de yi phyogs bzhir sgo gdod do/ /chos kyi 'khor lo'i tshul 'dra ba/ / zhes bya ba ni zlum po rtsib ma brgyad du bya ste/ rtsib ma'i bar du byang chub sems dpa' re re bzhugs par bya'o/ /dkyil 'khor thams cad srad bur bre/ /zhes pa dkyil 'khor gyi phyogs thams cad du srad bus ma 'grub par bre ba'i don to/ /seng ldeng gi phur bu gtan par ro/ /zhes pa phur bu gzhan gyis mi bya bar seng ldeng gis bya ba ni bgegs thams cad seng ldeng gi phur bus gnan pa dang phur bu des thig [(]gtab [,]gdab [)]pa'i gzungs su dgos te/gtan pa dang mi 'khrul par gdab ces pa'i don to/ /thams cad du ni rim gsum mchog /ces pa ni phyi rol gyi kho ra khor yug gis phyogs thams cad du bskor te/tshon rtsi mdzes par rim gsum gyis bya ba la phyi rol gyi tha ma ni sngon pos bskor te lcags kyi ri 'dra bar brtag go/ /phur bu yis ni de bzhin no/ /zhes bya ba phyi rol gyi 'khor yug de yang dbus kyi phur bu de la thag btags nas/ mnyam par bskor zhes bya ba'i don to/ /de yi nang du bya ba ni/ /zhes pa ri'i khor yug de'i nang gser gyi ri rim bdun tshon ser po dri zhim pos bri'o/ /tshon sna lnga mchog rnams kyis so/ /zhes pa 'khor lo'i mu khyud la sogs pa'i ri mo tshon phye ma sna lngas bri ba dang / rigs lnga'i lha rnams ci rigs par kha dog lngar bya ba'i don to//rdo rje hUM zhes 'dus pa'o/ /zhes pa bcom ldan 'das kyi spyan sngar shar phyogs su phyag na rdo rje'i gzugs lugs ma'am/ 'jim pa'am shing las byas pa'am ri mor bris pa bzhag pa'o/ /phyag na rdo rje yang sems can gyi don du gzugs sna tshogs par 'phrul na 'dir ci 'dra ba zhig gzhag ce na gsungs pa/rdo rje hUM zhes 'dus pa'o/ /phyag na rdo rje'i rang bzhin rdo rje hUM ka ra'i rang bzhin du 'dus pa de bzhugs par byas te/ de'i cha lugs kyang phyag bzhi pa la gnyis ni hUM ka ra'i phyag rgya bcings pa'o/ / gnyis ni mda' gzhu bsnams pa'o/ /zhabs g.yas g.yon gyis lha chen po spang shugs mnan pa'o/ /'dod drug gcod pa'i lha rnams dag /'dod pa'i khams kyi lha chen po bzhi dang sum cu rtsa gsum dang 'thab bral dang dga' ldan dang 'phrul dga' dang / gzhan 'phrul dbang byed rnams gser gyi ri bdun dang /nang gi ri rab bar 'khor lo'i phyi rol ri rab kyi zhol la gzhag par bya ste/ phyogs bzhir ni mgon po 'phags skyes po dang / ngal bso bo la sogs pa ci rigs par bzhag de'i bar du lha lhag ma rnams gzhag go/ /de nas dkyil 'khor byin te phyir byung ba dang nang du 'jug pa'i tshe/ri mo dang phyag rgya la sogs pa la rdo rje shugs kyi sbyor ba ma byas par 'gongs na dam tshig nyams par 'gyur gyi yid kyis ri mo la sogs pa bteg la 'og tu 'dzul bar bsams te rdo rje shugs kyi sngags gyis shig /grwa'i ri mo legs par 'dod//ces pa gling so so'i grwa yod pa rnams zur phyin par bya'o/ /gling de dag gi nang du yang bcud kyi 'jig rten so so na ji ltar gnas pa'i cha lugs bzhin du bsog cing bri bar bya'o/ /tshangs pa la sogs pa bzhi'i rnams zhes pa gling der tshangs pa dang lha chen po dang dbang po dang rtogs 'dod rnams bris te/shar phyogs kyi gling gi dbus su dbang po btsun mo dang bcas par bri'o/ /de bzhin du 'dzam bu'i gling du lha chen po'o/ /nub kyi ba glang spyod kyi gling du tshangs pa/ byang gi sgra mi snyan du rtogs 'dod btsun mo dang bcas su bri'o//phyi'i rdo rje rigs rnams kyi/ /dkyil 'khor yang dag bri bar bya/ /zhes pa ri khor yug gi nang logs gling rnams kyi bar dag tu smos pa'i bar snang la rgyu ba'i nam mkha' la rgyu ba dang sa pa dang / sa 'og pa thams cad spang shugs nye bar gzhag cing dkyil 'khor du dgod par bya'o//sgo srung bri bar bya ba yang / /zhes pa ri khor yug gi phyi rol sgo bzhi btod de shar phyogs su kyo ba dang / lho phyogs su zhags pa dang / nub phyogs su lcags sgrog byang phyogs su dril bu'o/ /khor yug gi phyi rol du sems can dmyal ba la sogs pa'i gzugs bzhag gam/ri mor bri'am so so'i sar thig le bzhag ste de'i mtshan mar bsdos pa gzhag par bya'o/ /chos min can ni bzhag phyir ro/ /zhes pa yi dags dang nad la sogs pa dkyil 'khor gyi phyi rol 'dab tu gzhag pa ni dkon mchog gsum la gnod pa byed pa dang /sems can mang po la gnod pa byed pa rnams bsal ba'i phyir de rnams mngon par spyod pa'i las byed par bsgos te gzhag go/ /de yi phyi rol du dgod pa/ /zhes pa dkyil 'khor gyi lha la sogs pa la mchod pa'i bshos dang mar me la sogs pa'i mchod pa'i yo byad ci 'byor pa rnams gzhag go//phyir gru bzhi par bya ba rgyud 'di las mi 'byung mod kyi/ dkyil 'khor spyi'i cho ga bshad pa las 'og bzhi'i stegs bu la sogs pa bya'o zhes 'byung ba dang sbyar te gru bzhi po ni stegs bur blta'o/ /gzhan yang sa sbyang ba dang mtshams bcad pa dang /bskrad pa dang / srung ba dang / lha spyan drang zhing byin gyis brlab pa dang mchod pa la sogs pa 'dir ma smos la dkyil 'khor la sogs pa'i yo byad du dgos pa rnams ni dpal dang po 'byung ba la sogs pa dkyil 'khor spyi'i cho ga dang yang sbyar ro//de ltar dkyil 'khor cho ga thams cad rdzogs nas rdo rje slob dpon nyid zhugs shig par bstan pa de la thog ma nyid du zhes bya ba la sogs pa'o/ /rdo rje 'dzin ma'i phyag rgya bcings la zhes bya ba rdo rje dbyings kyi bdag mo'i phyag rgya ste/ rdo rje thal mo sbyar la gung mo bsgreng ste spyi bor byas mdzub mo lus su byas/mthe bong skyil mo krung du bya'o/ /de'i thor to la me tog bzhag ste sngags 'di brjod de gtor ro/ /sngags kyi don ni kye phyag na rdo rje bdag bzhes shig/ gzigs shig ces pa ste ha bzhi smos pa ni rings pa'am btud par bstan pa'o//dkyil 'khor du zhugs nas zhes mi shigs kyi mtshan ma bskul ba'i phyir gsungs pa/ de nas pus mo g.yas pa'i lha nga sa la btsugs nas zhes bya ba dag go/ /de'i phyag rgya ni gzhan gong ma bzhin du mdzub mo gnyis kyo ba tang gi thabs su rtse mo gung mo la mi gzhar bar dgug sngags kyi don ni khyad par gyi rdzu 'phrul mang po zung shig /khug cig ltas ngan pa dang bral bar bya ba'i phyir ro/ /de nas rdo rje'i dkyil 'khor 'byung ste/ rdo rje'i phreng ba mnyam ldan pas/ /zhes bya ba dkyil 'khor chen po'i skabs su chos kyi 'khor lo lta bur tshon sna lngas bya zhes 'byung ba rdo rje'i dkyil 'khor la rdo rje rtse gsum pa'i phreng ba che chung med pas 'khor bar bskor ro//brtag par bya zhes bya ba ni de ltar bya'o zhes bya ba'i don to/ /der bdag gam slob ma 'jug par bya ba ni dkyil 'khor chen po'i cho ga bzhin no/ /dkyil 'khor gyi las srad bu bre ba dang tshon dgye ba la sogs pa las su bya'o//cho ga yang gong ma dang 'dra'o/ /dkyil 'khor der zhugs nas re zhig lag pa g.yas pas rdo rje gsor zhing / 'jig rten gsum las rnam par rgyal ba'i snying po gong du smos pa bzlas so/ /de nas rdo rje zangs sam gser dngul lam lcags la rgyas pa'am zhi ba'am dbang ngam mngon par spyod pa ji ltar rigs par bya ste lag pa gnyis rdo rje khu tshur du byas la gshibs pas rdo rje de bzung la/oM sum+b+ha zhes bya ba la sogs pa'i sngags kyi snying po gong du smos pa des rdo rje 'gul gyi bar du bzlas so/ /sgrub pa de yang sngar bsnyen pa rnam pa gsum ste/mtshan mas bsnyen pa ni bka' lung thob pa dang 'od 'byung ba la sogs pa'o/ /grangs kyi bsnyen pa ni yi ge'i 'bru re re zhing 'bum bzlas zhes bya ba la sogs pa'o/ /dus kyi bsnyen pa ni lo'am zla ba'am zhag dus kyis bsnyen par bya ste de gang yang rung bas sngar bsnyen pa byas nas gzod sgrub pa la 'jug pa'o//sngar mnyes pa dang sems las su rung bar ma byas par 'grub par mi 'gyur ro/ /de nas dam tshig gi dkyil 'khor 'byung ste zhes pa dkyil 'khor chen po gong du 'byung ba bzhin du thams cad tshang bar bris nas/lha rnams kyi so so'i phyag rgya'i mtshan ma gzhag par bya'o/ /de nas dkyil 'khor du slob dpon dang slob ma gnyis 'jug pa 'dra ste/ dang po rdo rje 'dzin ma'i phyag rgya gong du smos pa bcings la de me tog bor nas phyag rgya de bkrol te/ lag pa g.yas par rdo rje bzung la g.yon pas dril bu gsil lo//de nas slob ma yang de bzhin du bcug nas slob dpon gyis slob ma la bgo ba/ dam tshig thob pa rtag tu'o/ /zhes bya ba la sogs pa'o/ /khyod dkyil 'khor 'dir zhugs pas na rtag tu dam tshig dang ldan pa yin no/ /ji ltar dril bu'i sgra mi rtag pa bzhin du 'dus byas de'i rang bzhin yang mi rtag par bstan to//de ste dam tshig las 'gal bar byas na rdo rje 'bar bas lus sreg par 'gyur ro/ /ji ltar 'gal na de ltar 'gyur zhe na de ste rdo rje 'dzin dang zhes bya ba bdag go/ /phyag na rdo rje la dad cing mos pa'i sems khyod kyis tshe 'di la spangs par gyur na rdo rjes bsreg go//de bzhin du dkon mchog gsum la skyabs su gsol ba spangs pa dang / sngags kyi brtul zhugs dang dam tshig spangs pa dang byang chub kyi sems 'dod pa'i rang bzhin rnams spangs na nyes pa gong ma bzhin du 'gyur ro//de nas dam tshig gi sngags 'dis bsngags pa'i spos chu blud de/ sngags kyi don ni dam tshig las nyams na gnod par gyur ces pa'i don to/ /de nas las kyi dkyil 'khor 'byung ste zhes bya ba dkyil 'khor chen po bzhin du bris la lha'i sku rnams lugs su byas pa'am ri mor bris pa gzhag par bya'o//dkyil 'khor du slob dpon dag sngar zhugs la de nas slob ma btsud do/ /slob dpon gyis ji ltar rgyud las 'byung ba de bzhin du las bslab par bya'o/ /sbyin sreg gi las su bya ba 'og nas 'byung ba rnams 'dir ni las kyi 'bras bu dang /sreg pa'i dngos po mdo tsam zhig bstan gyi lha spyan drang ba dang / me lha dgug pa dang / bgegs bsal ba dang / /thabs kyi sa sbyang ba dang / mchod pa la sogs pa'i cho ga sbyin sreg gi yan lag tu dgos la 'dir ma byung ba rnams ni spyi'i cho ga rgyud gzhan las 'byung ba dag dang sbyar ro//bcom ldan 'das kyi spyan sngar thab gru bzhi byas la zhes bya ba thab der zhi ba dang / rgyas pa kun kyang byar rung ba skad du bshad mod kyi gtso bor ni zhi ba'i las la sbyar ba ste/ bcom ldan 'das shar phyogs su gzigs pa'i spyan sngar thab de byas la sngags pa byang phyogs su bltas te sgrub po g.yon pas bdag gi phyag rgya bcings te zhes bya ba/phyag na rdo rje rang gi phyag rgya rdo rje khu tshur bcings pa la bya'o/ /de nas bcom ldan 'das de bzhin gshegs pa thams cad dgug pa zhes bya ba dkyil 'khor gyi sangs rgyas dang byang chub sems dpa' thams cad rang gi gnas nas bskyod nas 'dir gshegs su gsol ba dang /gshegs nas gang du byin gyis brlab par 'dod pa der gzhug pa dang bcug nas dam tshig gis mi 'gyur bar bcings pa dang / bdag rang gi lhar 'dod par dbang du bya ba'i phyir sbyin sreg bya bar bstan pa'o//stod g.yogs sbyar ma ltar bgos te/ /zhes bya ba stod g.yogs pa'i chos gos chen po zlum por bgo ba'i thabs su zhu lub tu g.yogs te lag pa gnyis 'og nas phyung ba la las su bya'o/ /ting nge 'dzin gyi bzlas pa ni yid kyis bzlas pa'o//'khor lo lta bu'i thab ni 'khor lo lta bur zlum por byas la nang du 'khor lo lta bu'i mtshan ma gzhag go/ /g.yas g.yon gyis sreg ces bya ba ni lag pa g.yas g.yon gnyis kas bsnol zhing bsreg go/ /phyag na rdo rje nyid dgug pa dang gzhug pa la sogs pa bsgrub pa'i phyir gsungs pa bcom ldan 'das kyi g.yon du rdo rje lta bu'i thab byas la zhes bya ba dag go//rdo rje lta bu'i thab ni chu rings su rdo rje lta bur byas la nang du rdo rje'i mtshan ma gzhag pa'o/ /stod g.yogs kyi yan lag kun bcings pa ni/ stod g.yogs kyi ras kyis phrag pa g.yas g.yon gnyis ka se ral khar byas te/brang du rgya gram yod par bcing ngo / /yam shing thams cad kyis zhes bya ba ni zhi ba dang / rgyas pa dang dbang du bya ba la rigs pa'i yam shing thams cad kyis so/ /'bar ba'i phreng ba 'dzings pa zhes bya ba ni me lce 'dzings par 'bar zhing bod pa la bya'o//ro thams cad bsregs nas zhes bya ba mngar po dang skyur po dang kha ba la sogs pa'o/ /de nas yo byad bshad par bya'o zhes bya ba dkyil 'khor de dag tu zhugs nas grub pa sgrub pa'i rgyu rnams bshad par bya'o zhes bya ba'i tha tshig go/ /dkyil 'khor gyi cho ga thams cad mthong bar gyur nas bsgrub po zhes bya ba grub pa 'og nas 'byung ba rnams kyi rgyu'i gtso bo ni dkyil 'khor mthong ba ste/der zhugs nas dam tshig can du gyur pas sngags bsgrub par rigs kyi/ dam tshig med pa ni sngags bsgrub pa la 'jug tu mi dbang ngo //dam tshig spangs par gyur pa ni/ /zhes bya ba dkyil 'khor du zhugs nas kyang dam tshig mi srung ba ste/ sngags thams cad kyi spyi'i dam tshig dpal dam pa dang po la sogs pa las 'byung ba dang / rigs bzhi so so'i dam tshig tha dad pa rnams spangs te ma bsrungs na phyag na rdo rje mi 'grub bo/phyag na rdo rje la rnam pa sna tshogs kyis mnyes par bya ste/ grub pa rnam pa gsum dang las rnam bzhi bsams bzhin du 'byor par gyur pa ni phyag na rdo rje 'grub pa'o/ /gsang ba yang dag mi shes pas/ /zhes bya ba phyag na rdo rje mi 'grub ces gong ma dang sbyar te/bcom ldan 'das phyag na rdo rje'i lus dang ngag dang yid kyi gsang ba'i de kho na mi shes pas phyag na rdo rje mi 'grub po/ /gsang ba de yang gang zhe na 'dod pa mi spang ngo zhes gong du smos pa ste 'dod pa de yang gang la bya zhe na/ bcom ldan 'das sems dpa' 'dod pa'o zhes bya ba la sogs pa'o/ /gzhan yang gsang ba ni kun gyis shes par bya ba ma yin te spyod yul du mi 'gyur ba'o/ /de yang gang zhe na gang zag dang chos la bdag med pa'i yang dag pa mi shes pa'o/ /gzhan yang yang dag pa ni de kho na nyid de rgyud 'dir de kho na bcu drug gi don smos pa de nyid gsang ba ste de ma shes par mi 'grub ces bya ba'i don to//bcom ldan sems dpa' 'dod pa'o/ /zhes gong du 'dod pa mi spong ngo zhes bshad pa 'dod pa nyid ni bcom ldan 'das rdo rje sems dpa'i rang bzhin 'dod pa'o//ci'i phyir gzugs la sogs pa 'dod pa rnams lngas 'dod pa'i khams kyi sems can thams cad bde ba'i rgyu byed pa bzhin du rdo rje sems dpa'i sangs rgyas thams cad kyi ye shes kyi rang bzhin yang sems can thams cad 'jig rten dang 'jig rten las 'das pa'i bde ba chen po'i rgyu yin par 'dod pa lnga dang 'dra ba'i phyir 'dod pa zhes bya'o//'dod pa de nyid chags pa yang yin te sems can smin par bya ba dang grol bar bya ba la chags pa'i phyir 'dod pa de nyid rdo rje yang yin te stong pa nyid la dmigs pa'i ye shes rdo rje ste/ de gzhan gyis mi shigs shing dngos po gzhan la des 'jig pa'i phyir ro//de lta bu rtag tu chags pa ni de la sgom zhing sems dpa'i don to/ /de bas na de kho na bcu drug mi shes pas dkyil 'khor 'dir bsgrub par mi bya'o/ /de kho na ma mthong bas dngos po ci la the tshom du 'gyur te the tshom can gyis ni grub ba mi 'thob po/de la re zhig ras la sku gzugs bris pa'i mdun du bsgrub par bya ste/ sku gzugs bri ba'i cho ga gsungs pa/ bcom ldan 'das gser gyi kha dog ras la bri zhes bya ba la sogs pa'o/ /ras kyi cho ga 'dir zhib tu ma gsungs kyang spyi'i cho ga 'byung ba dang sbyar te ras sar pa kha tshar ma bcad pa ma dral ma btsems pa skra dang spu la sogs pa sems can gyi yan lag tu gtogs pa med pa la ri mo mkhan gso sbyong gi khrims blangs pas bri'o//spyan ras gzigs g.yas kyi thog mar bri ste sems can sdug bsngal zhing phongs pa la nyin re zhing dus gsum du nyul zhing gzigs pa'i phyir spyan ras gzigs so//'jam zhing mnyen pa'i cha lugs can 'jig rten thams cad na dgos su bya ba'i dpal dang ldan pas na 'jam dpal lo/ /'phags pa'i bden pa bzhi'am stong pa nyid ma skyes mi 'gags pa'i chos kyi 'khor lo bskor ro snyam pa'i sems bskyed ma thag tu chos kyi 'khor lo bskor ba'i mthu dang ldan pa'i phyir de skad bya'o//sangs rgyas thams cad kyi lus dang ngag dang yid kyi gsang ba gcig tu bsdus pa ni rdo rje khu tshur ste gsang ba gsum gyi don dang ldan pa'i don to//sems can thams cad la phan par dgongs pa ni byams pa'o/ /nam mkha' las dgos pa thams cad 'byin pa'i ting nge 'dzin thob pas nam mkha' mdzod do/ /nam mkha'i dbyings su rdzus te skyes pas na nam mkha'i snying po ste snying po zhes bya ba'i sgra ni 'dir skye gnas su bstan to//rdo rje hUM ka ra'i phyag rgya ni lag pa gnyis rdo rje khu tshur du bcings pa las lag pa gnyis rgyab sprad de mthe'u chung sbrel la mdzub mo gnyis so sor bsgreng ste snying gar gzhag pa'o/ /g.yon pas ni me tog gzhu dang zhes bya ba phyag g.yon pas na me tog gis brgyan pa'i gzhu dang mda' bsnams pa ste/bcom ldan 'das 'dod pa'i rang bzhin bas na me tog dang ldan par bshad de thabs dang shes rab tu ldan pa'i rtags te gzhu ni thabs so/ /mda' ni shes rab bo/ /de nyid kyis sems can la mi gnod pas na me tog dang ldan pa'o//gzhan dag 'chad pa 'dod pa'i lha'i lag cha mda' gzhu ste de bcangs pa ni 'dod pa'i rang bzhin du bstan to/ /phyag na rdo rje ni 'dod pa dang khro ba'i rang bzhin bstan pa'i phyir 'dzum pa dang bzhad pa'o/ /khro ba'i rang bzhin bstan pa'i phyir mche ba gtsigs pa dang khro bar bcas pa'o//de nas ri mo de'i spyan sngar bzlas shing sgrub pa'i cho ga bstan pa/ de nas chos zhag gcig nas brtsams te zhes bya ba la sogs pa'o/ /bzlas pa'i tshe spyan drang ba dang / bgegs bskrad pa dang / mchod pa bsang ba dang / byin gyis brlab pa dang / dbang bskur ba la sogs pa ste phyag rgya chen po'i rnal 'byor du bya ba la sogs pa bzlas pa'i cho ga gzhung gzhan las 'byung ba rim bzhin du rgyas par byas te sgrub pa po nyin re zhing brgya stong bzlas pa ni dus gnyis sam dus gsum du bzlas te/ spyir brgyad stong gnyis 'bum bzlas par bgyi'o//zas gtsang ma yid bzhin du zos te zhes bya ba gtsang ma ni sha dang chang dang sgog btsong la sogs pas sbags pa bza' bar mi rigs pas spang bar bya'o/ /yid bzhin du zos zhes bya ba ni gtsang ma'i nang na gang 'dod pa zos zhes bya ba'i don to//bzlas pa'i sngags ni gong du smos pa'i oM sum+b+ha ni zhes bya ba la sogs pa'o/ /phyi rol las rnams 'grub bya ba/ /zhes bya ba nor btsal ba dang gdon bskrad pa la sogs pa'o/ /hUM zhes bya ba gnyis kyis ni las thams cad 'grub par 'gyur ro zhes pa hUM ka ra'i phyag rgya chen po'i rnal 'byor byas la cho ga gong ma bzhin du zla ba gnyis bzlas na rgyas pa dang dbang du bya ba la sogs pa'i las 'grub po//zla ba lngas ni yid bzhin du snang ba dang mi snang bar 'gyur ba'o zhes snang bar 'dod na yang snang ngo / / zla ba brgyad kyis zhes pa cho ga gong ma bzhin du zla ba brgyad bzlas na lha dang mi la sogs par rang gi gnas nas gar dgos par dgug pa dang / bkug nas dkyil 'khor la sogs pa gar dgos par gnas su bzhugs pa dang gnas su bcug nas dam tshig la sogs pas rang dbang du mi gtong bar bcing ba dang bcings nas bdag gi dbang du 'gyur te las bya'o//cho ga kun bsgo'o/ /zla ba bcu gcig gis ni sa bcu gcig pa sangs rgyas kyis 'thob po zhes pa kun du sangs rgyas pa'i sa gzugs kyi sku 'thob po/ /zla ba bcu gnyis kyis ni rdo rje 'dzin par 'gyur zhes bya ba rdo rje sems dpa' nyid sangs rgyas thams cad kyi ye shes kyi rnam par snang mdzad chen po'i ngo bo nyid yin pas na kun du sangs rgyas pa'i sa pas gong du bshad do//yang gcig tu sems dpa' thams cad kyi dang po nyid rdo rje sems dpa' yin pas kun gyi mchog tu yang bshad do//de nas sgrub pa gzhan te zhes pa gong du smos pa lta bu'i ras la dbus su rdo rje hUM ka ra gong du smos pa lta bu bris la de'i thad kor du lha chen po la sogs pa rig pa'i rgyal po rnams dang bar snang la spyod pa'i nyi ma la sogs pa dang /nam mkha' la spyod pa dang sa 'og ma'i lha rnams kyis bskor ba bris la/ de nas de'i spyan sngar bzlas pa'i cho ga rdzogs par byas la bdag rang hUM ka ra'i phyag rgya chen po'i rnal 'byor du gnas nas ci nus pa grangs med par bzlas te zla ba gcig lon nas tshes nyi shu dgu'i mtshan mo mchod pa khyad par du rdzogs par byas nas bsgrub po//de nas sgrub pa gzhan 'byung ste/ /zhes pa ras la bcom ldan 'das rdo rje hUM ka ra de bzhin du dbus su bris nas mtha' ma kho ra khor yug tu lha chen po la sogs pa'i btsun mo gser mdangs la sogs pa lha mo rnams nas klu'i chung ma'i bar du thams cad kyi gzugs bris la/rang rang gi phyag rgya 'khor lo dang rdo rje la sogs pa lag na thogs shing phyag rgya mngon du phyungs te mi sdug pa'i gzugs bri'o/ /'di ni rtog pa 'dir bris pa bzhin no zhes pa 'di lta bu'i 'jigs su rung ba'i gzugs 'di ni rtog pa las kyang 'di lta bu'i 'jigs pa yod do zhes 'byung bar snga nas zhes pa na 'dis ni mi 'jigs so snyam du bsam mo//de nas cho ga gzhan te ras la bcom ldan 'das de bzhin du bris la zhes pa gong du smos pa lta bu la bcom ldan 'das rdo rje hUM ka ra phyag bzhi pa bris te nyin re zhing brgya stong du bzlas na zla ba bcu gnyis lon pa'i nub mo tha ma la rdo rje 'dzin nyid du 'gyur ba 'thob po/gzhan yang bsgrub par bya ba phyag na rdo rje'i spyan sngar 'bum zlos shig de ltar bsnyen pa byas nas zhi ba dang rgyas pa la sogs pa kun phyag na rdo rjes mdzad do//ci 'dod par yam shing thams cad kyis zhes bzhi pa dang rgyas pa'i yam shing gang yang rung ba sngags la ci 'dod pa las bsreg go/ /de nas rdo rje hUM zhes bris la zhes pa rdo rje hUM ka ra las gong ma bzhin du bris la de'i spyan sngar lo gcig gi bar du ci nus grangs nges pa med par mang du zlos shig /de nas nub gcig smyung ste mtshan thal byung ba sgrubs na grub pa mchog la sogs pa rdo rje hUM ka ra nyid kyis stsol bar 'gyur ro/ /bcom ldan 'das de bzhin gshegs pa'i spyan sngar rdo rje hUM zhes pa'i phyag rgya bcings la zhes pa rnam par snang mdzad ri mor bris pa'i spyan sngar rdo rje hUM ka ra'i phyag rgya chen po'i rnal 'byor du bdag rang byas la/de nyid kyi lag pa'i phyag rgya yang bcings nas bzlas so/ /rig pas dbang bskur bar bya bar 'dod na zhes pa rig pa ni sngags kyi lha rnams la bya'o/ / oM sum+b+ha zhes bya ba la sogs pa'i snying po gong du smos pas mar la bsngags shing gzugs kyi spyi bo nas blugs shing dbang bskur ba byas na de'i rgyu mthun pa'i las kyi 'bras bu phyi nang gi sngags kyi lha thams cad kyi bdag por 'gyur te phyag na rdo rje dang 'dra ba 'thob bo/ /phyag gnyis brkyang ste rdo rje 'dzin//zhes pa rdo rje hUM ka ra'i sku gzugs phyag bzhi pa gong ma bzhin las phyag gnyis na rdo rje re re bsnams te/ phyag thad kar gyen du bsgreng ba'o/ /de bzhin du phyag brkyang ba zhes pa rdo rje hUM ka ra'i phyag gyen du brkyang ba bzhin du rnam par snang mdzad kyi phyag kyang gyen du brkyang la rdo rje 'dzin par bya'o//gzugs de zhigs kyi bar du snying po gong du smos pa bzlas shing bkru'o/ /yid bzhin du zhes bya ba ni nam 'dod pa na mi snang bar 'gyur zhes bya ba'i tha tshig go/ /g.yas par rdo rje hUM zhes pa rdo rje hUM ka ra'i phyag rgya rdo rje khu tshur bcings la mdzub mo bsgreng pa snying gar gzhag pa'o//thams cad du 'gro bar 'gyur ro zhes bya ba mtho ris dang nam mkha' dang rtsig pa dang ri la sogs par thogs pa med par 'gro'o/ /thams cad du 'gro ba grub pa 'og nas 'byung ba kun kyang don de ltar blta'o/ /dkyil 'khor mthong bar dus gsum du khrus byas zhes pa dkyil 'khor gong du smos pa rnams su cho ga bzhin du zhugs nas dam tshig can du gyur pa'o//rdo rje 'dzin ma'i phyag rgya ni gong du smos pa nyid do/ /rno lcags kyi mtshon chas der rdo rje bris la zhes pa lci ba'i dkyil 'khor de la rdo rje rtse lnga pa bri'o//bcom ldan 'das mthong ngo zhes pa ni phyag na rdo rje nyid mngon du gshegs te mthong ba'o/ /rdo rje ras sam rtsig pa'am/ /zhes pa rdo rje rtse lnga pa ri mor bris la de la mchod pa rnam pa lnga pos ci nus su mchod do/ /gzung du bde ba na rdo rje khu tshur gyis gzung ngo / /gzung du mi bden yang rdo rje khu tshur gyis gzung ba lta bur rig par bya'o//bde ba yang yid bde ba thams cad thob par 'gyur ro zhes bya ba bde ba ni lus kyi bde ba'o/ /yid bde ba ni sems kyi bde ba'o/ /rdo rje khu tshur gyis ral gri bzung la zhes pa lo gcig gi bar du dus gsum du snying po gong du smos pa ci nus par bzlas la lo gcig lon nas mtshan thal byung bzlas te bsgrubs na rig 'dzin gyi rgyal por 'gyur ro//rig 'dzin ni 'dod pa'i khams kyi lha nam mkha' la rgyu zhing bde ba'i longs spyod dang ldan pa ste/ rang gi las kyi rnam par smin pas der skyes pa dang 'jig rten dang 'jig rten las 'das pa'i sngags grub pas skyes pa ste/de dag gi bdag po ni rig 'dzin gyi rgyal po yin no/ /'khor lo'i dkyil 'khor bris la zhes pa dkyil 'khor 'khor lo lta bur zlum por bris te/ phyag na rdo rje dbus su bzhugs pa'i spyan sngar lcags kyi 'khor lo lag tu thogs nas mtshan thal byung bsgrub bo/ 'di yang sngar bsnyen pa ni cho ga bzhin du byas nas gdong bsgrub par bya'o/ /de nas kyo ba tang sgrub par 'dod pas zhes pa sngar bsnyen pa'i mtshan ma'am grangs sam dus kyis rdzogs par byas nas phyag na rdo rje ri mor bris pa'i spyan sngar bsgrub bo//de nas lha la sogs pa dgug pa 'byung ste zhes pa lha chen po la sogs pa rig pa'i rgyal po dang bar snang la sogs pa'i nam mkha' la spyod pa gong du smos pa gang yang rung ba'o/ / de nas ma rnams thams cad dbang du bya bar 'dod pas zhes pa lha chen po la sogs pa'i chung ma'i gzugs byas te snying gar rdog pas mnan la bzlas so/ /de yang sngar bsnyen pa bya ba ni gong ma bzhin no/ /tshogs kyi bdag por bcug cing de dag gis mchod de zhes bya ba ni lha chen po'i 'khor tshogs mang po'i bdag por bcug ste 'khor de dag gis sngags pa de la mchod par byed do//sngon ma byung ba'i don ni mi la med pa'i mtho ris kyi rdzas la sogs pa'o/ /'di lta bu'i rnal 'byor yang gter zhes bya ba'i ting nge 'dzin gyi khyad par bsgoms pas khro bo zhes bya ba lha chen po'i gnas su yang des khrid cing slar ldog go//de la sus cung zad kyang byed du mi nus so zhes pa lha dang mi la sogs pa sus kyang gnod pa byed mi nus so zhes pa'i don to/ /phyag na rdo rje las lha mo'i lus mthong gi bar du ste zhes pa phyag na rdo rje'i sku la lha mo shin tu mdzes pa'i lus 'byung ba mthong ngo //de 'byung ba mthong na lha mo de la gud du ma 'gro ma 'gul cig ces bsgo'o/ /de ltar grub pas na bya ba thams cad 'grub par 'gyur ro/ /de nas mtsho dbyangs ma dbang du bya bar 'dod na zhes pa mtsho dbyangs ma ni 'jig rten pa'i ngag la dbang thob par 'gyur ba'i lha ste de sgrub pa yang rdo rje hUM ka ra ri mor bris pa'i spyan sngar/oM sum+b+ha ni sum+b+ha zhes bya ba'i snying po gong du smos pa'i yi ge de phreng bar byas la 'brum bu re re zhing gcig bzhag gcig bklags te nyin re zhing dus gsum du dus gcig kyang brgya stong bzlas so/ / yi ge bsnor cing bklag pa ni tshig la dbang thob par bya ba'i don du ste mtsho dbyangs ma tshig la dbang du gyur pa'i lha yin pa'i phyir de dang rjes su mthun par bsgrub po/ /sro ta a dza na blangs la 'joms pa'i steng du bzhag nas zhes pa sro ta a dza na ni rdo kha dog nag po mchog lho ni phyogs kyi chu nar ma nar te'i phu khron pa'i nang nas blangs te/nar ma nar te'i chu ma rgal bzang ngo zhes slob dpon kha cig gis bshad de zhib tu rab tu grub par byed pa'i gzhung las 'byung ba'i mtshan nyid dang sbyar ro/ /'joms pa ni shes rab kyis sgrib pa thams cad rab tu 'joms pa ste/ de'i mtshan ma phyag rgya pad+mo la sogs pa'i steng du sgrub pa'i rdzas bzhag ste bsgrub po//b+ha ga zhes bya ba'i tshig de 'jig rten pa kha cig gis mo mtshan la bya ba skad du yang 'dren mod kyi de lta ma yin te dpal dam pa dang po'i rgyud las/ b+ha ga zhes bya ba ni nyon mongs pa bcom pa ste lha'i rang gi rnam par grol ba'i mtshan ma phyag rgya la zhes bya ba 'byung bas na mo mtshan la mi bya'o//grub pa rnam gsum byung gi bar du bzlas so zhes pa dro ba dang dud pa 'byung ba dang 'bar ba'o/ /gcig gis zhes pa ni dro bas so/ /gnyis pas zhes pa ni dud pa 'byung bas so/ /gsum pa zhes bya ba ni 'bar ba ste sgrub po de yang sngar bsnyen pa tshul bzhin du byas la nub gcig sgrub pa'i mtshan thal byung bzlas pa'i cho ga dang sbyar ro//gur gum la sogs pa 'byung ste/ /zhes bya ba gur gum dang ldong ros dang ba bla gang yang rung ba 'joms pa zhes bya ba shes rab kyi mtshan ma pad+mo'i phyag rgya'i steng du bzhag la/rdo rje 'dzin ma'i phyag rgya gong du smos pas mnan te bsgrub/ de nas bany+dzi ka sgrub pa ste/ zhes pa sa la bany+dzi ka gnod sbyin mo'i gzugs gang na yod pa der bsgrub po/ /lag pa g.yon pas rang gi mtshan ma de bzung la zhes pa grong bar gyi phyag dar phung po de mes btang la lag pa g.yon pas rang gi ye shes kyi mtshan ma rdo rje bzung la nas sam 'bras kyi gzegs ma bsreg go//de nas ci bgyi bsgrub par 'dod pas zhes pa gnod sbyin la sogs pa bka' thams cad nyan pa'i g.yogs por sgrub pa'o/ / de yang bsgyel cing slar yang 'dug go zhes pa lha mo de rang gi gnas su g.yon pas bsgyel zhing slar yang sngags pa'i brtul zhugs bya bar 'dod pa zhes pa sngags pa gang rtsol ba mang du bya ste/ bsgribs kyang grub pa thob pa des rig pa'i brtul zhugs byas na myur du 'grub ste/brtul zhugs bco brgyad 'og nas 'byung ba rnams las zhag bcu zhing brjes te spyad do/ /de nas nyin re zhing bco brgyad kyi bar du zhes pa ste de yang grub par dka' na nyi ma bco brgyad kyi bar du rig pa'i brtul zhugs bco brgyad rnams nyin re lan re bsnol bas sngar bsnyen pa'i spyad pa bya'o//las thams cad 'grub par 'gyur ba ni zhi ba dang rgyas pa dang dbang dang mngon par spyad pa ste rdo rje hUM ka ra'i phyag rgya chen po'i rnal 'byor du byas la hUM zhes pa'i snying po yi ge 'bru gcig pa thang cig brjod pas so/ /de la rig pa'i brtul zhugs bco brgyad ni slong mo la za ba dang lan cig las mi za ba dang /'bras bu gcig za ba dang / thal ba za ba dang / chu 'ba' zhig 'thung ba dang / lci ba za ba dang / ba'i gcin 'thung ba dang / shun pa za ba dang / 'bras bu za ba dang / me tog za ba dang / thang bu la nyal ba dang /phyugs kyi rmig rjes su nyal ba dang / rtsa ba dang 'o ma 'thung ba dang / rlung za ba'o/ /ma smras ma nyams pa'i mi ro blangs la zhes pa mi ro mtshon gyis ma smas pa nad drag pos yun ring pos lus nyams shing gzhung par ma gyur pa 'phral la shi ba'i ro'o/ /dbugs byung gi bar du bzlas na zhes pa ro nyid la mang du bzlas na dbugs 'byung ngo //de bzhin gshegs pa'i skur 'gyur ro/ /zhes pa mi ro de nyid de bzhin gshegs pa'i skur 'gyur te sems dang yang bcas pa de phrag pa la khyer na 'grub po/ /'jig rten gyi khams rab 'byung zhes pa 'jig rten gyi khams der sangs rgyas dang byang chub sems dpa' la sogs pa thams cad rab tu skye zhing 'byung ba'i phyir de nas ma bsgrubs kyang dkyil 'khor mthong bas las su 'gyur ba zhes bya ba gong du smos pa 'dra ba bsgrub pa'i cho ga ma byas kyang dkyil 'khor du cho ga bzhin du zhugs la sngar bsnyen pa bzlas pa mang du byas na 'og nas 'byung ba'i las rnams 'grub par 'gyur ro//'di lta ste thang cig brjod pa ni zhes pa sngar bsnyen pa mang du byas na phyag na rdo rje'i phyag rgya chen po la sogs pa'i rnal 'byor du byas pas snying po gong du smos pa//oM sum+b+ha ni la sogs pa cig brjod pas bdag la sogs pa srung bar 'gyur ro/ /bstan par lta bas mtshams bcad na/ /zhes pa mtshams ji ltar bcad pa bzhin du khro bo'i lta ba khro gnyer gtsigs la ngom zum nag por bsdus te blta ba'o//dbab pa ni reg pa dang ma reg pa zhes bya ba ral gri la sogs pa lag pa nas bzung ste'am lag pas ma reg par mig gis blta ste der dbab par bya ba ni rang gi lha'am lha gzhan nam yi dwags la sogs pa gang yang rung bar bskul ba'i tshig dang sngags pas gang la dmigs pa de 'bab par 'gyur ro//'bab pa yang sngags pa mthu chen ral gri la sogs pa nam mkha' la 'phar zhing smrar gzhug pa'i cho ga byas na de dag nyid las legs nyes cir 'gyur ba'i sgra yang 'byung ngo / /sngags pa mthu chung na bab pa'i tshe g.yo zhing 'gul ba tsam du 'gyur ro//ral gri dang me long dang mthe bong dag la babs na cir 'gyur ba gzugs brnyan du yang snang bar 'gyur ro/ /dbab pa'i phyag rgya ni 'og nas bstan to/ /zhi bar bya ba ni hUM zhes pas so/ /rdo rje hUM ka ra'i rnal 'byor du byas la hUM zhes pa'i snying po brjod do/ /rdo rje hUM zhes pa'i phyag rgyas ni zhes bya ba hUM ka ra'i phyag rgya chen po'i rnal 'byor du byas la hUM ka ra'i phyag rgya gong du smos pa bcings pas sems can gnod par byed cing rgol ba thams cad mnan te 'phung bar byed do//dper na dgra mda' 'phen pa la sbyor ba 'di byas na mda' gzhu 'gengs bzhin du 'phums te 'dug go//rdo rje sgrog gi phyag rgyas ni/ /zhes pa sgrog gi phyag rgya bkrol bas thar par 'gyur te phyag rgya ni 'og nas 'chad/ he ru ka rdo rje'i phyag rgya yang 'og nas 'chad/ skra las bzung ste bslang bas zhes pa dug langs pa'i mi sngags pas rdo rje bcings pa'i phyag rgyas dug langs pa'i skra las bzung ste bslang la sngags pa rdo rje hUM ka ra'i rnal 'byor la gnas shing rdo rje hUM zhes pa'i snying po gong du smos pa oM sum+b+ha la sogs pa lan cig brjod pas dug rab tu mched pa slar mnan pa dang /dug bag la nyal zhing 'khyil pa bslang ba dang dug langs pa zhi ste mid par bya ba dang dug gcig nas gcig tu spo ba dang //dug de nyid du gtan nas zhi bar bya ba dang / dug gis zin pa las slar gso ba la sogs pa kun byed do/ /gter dbyung ba ni zhes pa bsnyen pa mang du byas nas gang na gter yod par grags pa'i sa phyogs su bum pa chus bkang ste rdo rje hUM zhes pa'i mdzub mos mnan la gu gul gyis bdug ste oM sum+b+ha la sogs pa'i snying po bzlas so//rdo rje hUM zhes pa'i mdzub mo ni lag pa g.yas pa rdo rje khu tshur bcangs la mdzub mo bsgreng ba'o/ /de ste gter yod na chu lud de sa la 'ba'o/ /de ste med na mi 'bo bar 'khyil zhing 'dug go/ / 'og gi gnas su ni zhes pa lha ma yin gyi phug la sogs pa sa'i 'og gi gnas su 'gro na rdo rje sa 'og gi phyag rgya bcings la/ rdo rje hUM zhes pa'i snying po bzlas te phug tu zhugs na bar du bgegs byed pa'i 'khrul 'khor dang rang thag thams cad bcom nas bgegs med par 'gyur ro//phyag na rdo rje'i spyan sngar zhes pas nor bu rin po che rdo rje la sogs pa la bya'o/ /longs spyod dgug pa ni stong phrag brgya bzlas pas so zhes pa rnam lnga'i longs spyod dang ldan par 'dod na/ de nyid kyi don du dmigs te oM sum+b+ha la sogs pa'i snying po 'bum bzlas pas khugs so//dgug pa'i rdo rje kyo ba tang gi phyag rgyas zhes pa sems can gang yang rung ba'am/ ring po nas dgug par byas na rdo rje kyo ba tang gi phyag rgya bcings te gong du smos pa'i snying po dus gsum du zla ba bzhi'i bar du bzlas so/ /phyag rgya ni 'og nas 'byung ba man chad kyang phyag rgya'i ming gis smos su bde ba rnams 'phral du smos so//'phral du smos su mi bde ba rnams ni phyag rgya'i mtshan nyid 'og nas cig car du bshad kyis de nas 'byung bar rig par gyis shig /chu mnan pa ni zhes pa rdo rje bcing ba'i phyag rgya byas la/ chu la rdo rje bsam zhing bzlas na mi 'bying bar 'gro bar rung bar ro//me mnan pa ni tshig par 'gyur ba'i mthu med par bya ba'o/ /lo thog srung ba ni rdo rje lta ba ste zhes pa rdo rje lta bas mtshams bcad cing bskrad par bsams na/ srin bu la sogs pa lo thog la gnod par byed pa rnams der mi 'byung zhing rta la sogs pa'i phyugs kyang de'i mtshams las mi 'da'o//rdo rje lta ba ni 'og nas 'chad do/ /rdeg pa spong ba ni zhes pa khu tshur dang dbyug pa la sogs pas gzhan la brdeg par gzas pa khro bo'i lta bas spros na gzhan la 'pho bar byed do/ /gcan srin thams cad ces pa gcan gzan khro bo dang sdig sbrul gdug pa rnams kyi spyi'i ming can srin zhes bya'o//rkun po thams cad 'phums pa ni/ /zhes pa rkun po tshol mi phod par byas pa'o/ /dmag las sgrol ba ni zhes pa rdo rje 'dzin ma'i phyag rgya bcings la snying po gong ma bzlas na thab mo'i nyes pas nongs yor mi 'gyur ba'o//gzhu dang mda' dang zhes pa la sogs pa rdo rje hUM ka ra'i phyag rgya dang ldan pas mnan te bzlas so/ /de nas pha rol gyi sems shes pa bsgrub par 'dod pa zhes gzhan gyi sems shes par 'dod na/ rdo rje hUM ka ra'i phyag rgya chen po'i rnal 'byor byas te snying po gong ma brgya bzlas na pha rol gyi sems chags sam sdang ba la sogs pa gang yin pa shes par 'gyur ro//sngon gyi gnas shes par bya ba ni zhes pa tshe snga ma shes par bya ba na snying po gong du smos pa rtag tu bzlas shing sems rtse gcig tu byas na sngon gang na gnas pa ting nge 'dzin gyis rtogs par gyur to//tshig bsgrub par 'dod pas zhes pa bdag gis tshig ji skad smras pa de bzhin du 'gyur ro/ /cho 'phrul ston pa ni zhes pa rdo rje hUM ka ra'i snying po rdo rje tshig gis bzlas so/ /sems can thams cad pa'i gzugs brnyan gyi tshul du ston to zhes pa rang gi lus nyid gzugs gong du smos pa rnams kyi gzugs brnyan du snang ngo //rang gi gzugs ci dga' bar sgyur bar byed ces pa hUM ka ra'i snying po gong du smos la rdo rje'i tshig sgra med cing so dang mchu bsdams la lce cung zad 'gul bas 'bum bzlas na de nas nub gcig mtshan thal bzlas pas bsgrub po//mi snang bar 'dod pas rdo rje mi snang ba phra mo rdo rje khu tshur gyi chang par bcug ste bzung la de nas mi snang bar gyur gyi bar du bzlas so/ /de nas chang pa na rdo rje 'dug pa bkrol te btang na snang bar 'gyur ro/ /khri la 'dug nas blangs te zhes pa sngon bsnyen pa byas nas shing khri'u la 'dug ste mtshan gcig sgrub pa'i cho ga bzhin du bsgrub po//khri'u nam mkha' la 'phar na grub pa yin te de la zhon nas mtho ris man chad thams cad du 'gro'o/ /gdon gyis 'dzin du gzhug na zhes pa 'byung po la sogs pa'i gdon gyis dkon mchog gsum la ngan du byed pa la sogs par sbyar ro//gdon gar byed du gzhug pa ni zhes pa gdon mi la babs pa gar byed du gzhug pa ste snying po gong du smos pa'i 'jug tu hi zhes bya bar bskul lo/ /gdon bskyod pa ni zhes pa rmya zhing nyal ba dang 'then pa lta bu las bskul zhing bskyod pa'o//nor dgug pa ni rin po che gtso bo'i sems zhes pa nor mang po la phal po che 'dod na mar ga ta dang pad+ma rA gas sbyin sreg gyis shig /char dbab pa ni zhes pa rdo rje hUM ka ra'i rnal 'byor byas la snying po gong du smos pa stong bzlas shing klu thams cad phyogs bzhi nas 'dus te char 'bebs bar bsam mo/char gcad pa ni zhes pa gong ma bzhin rnal 'byor du byas la snying po bzlas te char dang sprin thams cad ri rgyud dam tshigs kyi pha rol tu phyogs te bor bar bsam mo/ ser ba gcad pa ni zhes pa rdo rje hUM ka ra'i rnal 'byor gong ma bzhin du byas la snying po yang zlos shing rdo rje bcings pa'i phyag rgyas 'dzam bu'i gling gi pha rol tu dor bar dmigs te phyag rgya dgrol lo//gdon dgag pa'am zhes pa yang gdon mi bsnyen pa'o/ /sprin dgag pa ni zhes ba sprin char mi ltung bar dgag pa'o/ /bsal ba ni zhes pa sprin bsal te sangs par bya'o//rdo rje dkyil 'khor gyi steng du bzhag nas zhes pa gser dngul lam zangs kyi rdo rje rtse lnga pa tsan+dan nam lci ba'i dkyil 'khor byas pa'i steng du bzhag la bsgrub po/ /nam mkha' la me tog gi phreng ba chags par byas pa ni zhes pa bdag rang dbugs shin tu bsdams la rdo rje khu tshur gyi phyag rgyas me tog nam mkha' la gtor te rlung gi dkyil 'khor gyis brtan par bsam mo//cha lugs bzhad par bya na zhes pas sangs rgyas dang byang chub sems dpa' dang 'jig rten pa'i lha la sogs pa'i cha lugs gang yang rung ba'o//rdo rje'i phyag rgya ni phyag na rdo rje'i phyag rgya gong du smos pa snying gar bzhag ste sngags bzlas so/ /cha lugs de nyid gar byed pa dang smrar gzhug pa dang brgyug pa dang smin ma 'gul bar sbyar ro/ /sa g.yo bar byas na rkang pa g.yon pa brdab pas so zhes pa/rdo rje hUM ka ra'i rnal 'byor du byas te snying po gong du smos pa zlos shing rkang pa g.yon pas sa la drag tu brdab po/ khyim bsgul ba ni zhes pa khyim gyi 'khor nyi tshe bsgul bar bya na 'khor rlung gis rab tu bskyod par bsams te phyag rgya bcing ngo / /rkang pa dgug ces pa sems can gang yang rung kyo ba tang gis rkang pa nas bzung ste dgug par bya'o//sprin med par char dbab pa ni zhes pa ni ngo mtshar bstan par bya ba ste/ rdo rje hUM ka ra'i rnal 'byor byas la phyogs bzhi nas sprin chen po rlung gis bskyod cing klu char 'bab par bsams te bzlas so//zla ba dang nyi ma dbab cing bstan pa ni zhes pa zla ba dang nyi ma sa la ltung bar kun la bstan pa ni de bzhin du bsams la rdo rje sa la brdab po/ /nyi ma dang zla ba mang po bstan na zhes ba nam mkha' la nyi zla mang pos gang bar bstan pa rdo rje bzhi nam mkha' la gtor ro//dmag rnam bzhi bstan na zhes pa glu dang glang po dang rta dang rkang thang pa'i dmag bzhi dgra rnams kyis mthong bar bstan pa'o/ /mtshan mo nyin par bya na rdo rje rtse lnga pa rab tu 'bar bar bsams te glad pa la bskor ro/ /nyin mo mtshan mor bya na sngags pa nyid mig btsums la thams cad mun par bsams te rdo rje bskor ro//thams cad la rdo rje bstan na zhes pa 'khor thams cad kyi nam mkha' la rdo rje mthong bar bya'o/ /rdo rje hUM ka ra'i rtog pa rdzogs so// //de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis zhes bya ba ni bcom ldan 'das rnam par snang mdzad kyis kyang sems can gyi don gyi phyir snying po gsungs so//dbang bskur bar 'gyur ba zhes bya ba rtog pa chen po bshad pa'i skabs 'dir sems can thams cad rdo rje slob dpon la sogs par dbang bskur bar 'gyur ba dkyil 'khor na bzhugs pa'i de bzhin gshegs pa thams cad kyi snying po gsungs so//oM zhes bya ba'i don ni sngar smos pa bzhin no/ /badzra ni stong pa nyid la dmigs pa'i ye shes so/ / de rtogs pa ni badzra brid ces bya ba ste des ni rang bzhin bstan to/ /swA hA ni zhi ba'i don du snyegs te bcom ldan 'das zhi ba'i rang bzhin yin pa'i phyir ro/ /phyag 'tshal zhing dbang bskur bar gyur to zhes bya ba sa g.yos pa'i tshe gang gi mthus sa g.yo bar nus pa de la phyag 'tshal zhing de'i bka' nyan te dbang du gyur to//rdo rje'i rigs kyi dkyil 'khor 'di bshad do/ /zhes pa badzra brid ces bya ba'i snying po 'di'i dkyil 'khor bcom ldan 'das rnam par snang mdzad kyis phyag na rdo rje la byin gyis brlabs te phyag na rdo rjes bshad do//dkyil 'khor chen po'i tshul du zhes pa gong du dkyil 'khor chen po bshad pa 'dir yang sbyar ro/ /dbus na bcom ldan 'das rnam par snang mdzad zhal shar phyogs su gzigs te bzhugs so/ /de'i spyan sngar phyag na rdo rje zhi ba'i cha lugs rdo rje sems dpa' tsog tsog por thal mo sbyar te bzhugs par bya'o//de nas de bzhin du gzhug go zhes pa dkyil 'khor gong mar slob dpon zhugs la phyis slob ma gzhug pa de bzhin du 'dir yang gnyi ga 'jug par bya'o/ /de ltar dkyil 'khor du zhugs nas slob dpon gyis slob ma la khyod ni deng de bzhin gshegs pa nyid yin te de'i gtan tshigs khyod nyan par 'dod na ngas bshad do zhes bsgo shig /de nas de phan chad de bzhin gshegs par gyur to zhes pa/ de bzhin gshegs pa'i dkyil 'khor mthong bas na dge ba'i rtsa ba bskyed de/bsod nams dang ye shes kyi tshogs rdzogs par byas nas bsod nams chen pos tshe 'di nyid la byang chub thob par 'gyur ro/ /bsod nams chung ba yang tshe rabs gzhan la 'thob par 'gyur ba ste/ de bas na dus gzhan la dgongs te khyod de bzhin gshegs pa nyid do zhes gsungs so//phyag rgya slobs shig ces bya ba de ni phyag rgya chen po la sogs pa bzhi rim bzhin du bslab bo/ /de bzhin gshegs pa'i dkyil 'khor ro/ /zhes pa de bzhin gshegs pas gsungs pa'i dkyil 'khor yin pa'i phyir ro//dkyil 'khor de bzhin du bris nas bcug la zhes pa rdo rje'i dkyil 'khor yang ji ltar gong du bris pa bzhin du bcug la dkyil 'khor de rdo rjer bsgrub par bslab po/ der sgrub pa yang lag pa gnyis kyis gser dngul lam zangs kyi rdo rje rtse lnga pa de bzung la sgrub pa ni gong ma bzhin no//rang gi phyag rgya bsgom mo zhes pa dkyil 'khor gyi lha rnams kyi rang gi rnam par grol ba'i mtshan ma'i phyag rgya'i don gsal bar bsgom mo/ /yang 'dri ba na rdo rje zhes bya ba 'di ci yin/ lan glan pa snying po sgom pa ste zhes so//snying po ni stong pa nyid kyi ye shes so/ /rdo rje sgom pa ni rdo rje zhes bya ba'i don te/ bzlas pas tshe 'di nyid dam tshe rabs gzhan du sangs rgyas su 'grub par 'gyur ro/ /dam tshig gi dkyil 'khor bstan pa'i phyir smras pa thams cad dam tshig chen po'i tshul du byas la zhes pa dam tshig gi dkyil 'khor cho ga thams cad dam tshig gi dkyil 'khor chen po gong du smos pa'i tshul bzhin du byas la slob ma la dam tshig 'di ston cig /dad brtan rdo rje phyag rgya la/ /zhes pa dag go/ /phyag na rdo rje dang de bzhin gshegs pa rnams la dad pa brtan zhing mi 'gyur bar bya'o//sems can thams cad smin pa dang grol ba la mgu zhing chags par bya'o/ /las kyi dkyil 'khor bstan pa yang / /dkyil 'khor de bzhin du bris la/ /zhes pa las kyi dkyil 'khor cho ga gong ma bzhin du byas nas slob dpon dang slob ma zhugs la zhi ba dang rgyas pa la sogs pa'i las rnam bzhi bslab po//de nas dkyil 'khor de nyid du phyag 'tshal ba dang sdig pa bshags pa dang bsod nams kyi rjes su yi rang ba'o zhes gsungs pa lus thams cad kyis gtugs te zhes bya ba la sogs pa'o//lus thams cad kyis phyag bya ba ni yan lag thams cad brkyang ste gtugs pa'o/ /de bzhin gshegs pa dang phyag na rdo rje la bkur ste dang mchod pas mnyes par bya ba'i cho ga yang gsungs pa de nas langs te pus mo g.yas pa'i lha nga sa la btsugs te zhes bya ba la sogs pa'o//badzra brid ces bya ba'i snying po stong pa nyid kyi ye shes rtogs pa'i rnam par grol ba'i tshig de glengs pas sangs rgyas dang byang chub sems dpa' thams cad kyang mnyes shing bkur sti byas par 'gyur ro/ /de bzhin gshegs pa thams cad kyi dgongs pa yongs su rdzogs par 'gyur ro zhes pa'i snying po'i tshig de nyid bzlas pas mnyes par 'gyur zhes bya ba'i don to//de nas rdo rje'i rig pa sgrub pa 'byung ste zhes pa'i snying po gong du smos pa badzra brid ces bya ba de sgrub pa'i cho ga bshad do//de nas gso sbyin can zhes bya ba khyim pa zhig bsgrubs na yang zhag gcig khrims brgyad nod pa'i cho ga byas nas bzlas so/ /de bzhin gshegs pa thams cad kyi khu tshur ni rdo rje khu tshur gyi phyag rgya'o gnas 'byung ba la bya'o/ /de nas cho ga gzhan te zhes pa ras la bcom ldan 'das rnam par snang mdzad pad+ma'i steng na bzhugs pa bri'o//de nas yang de'i spyan sngar phyag na rdo rje zhi ba'i gzugs su bzhugs pa bri'o/ /g.yas su ni phyag na rdo rje phyag g.yas pa na rdo rje gsor ba g.yon pa na pad+mo can bri'o/ /yang cho ga gzhan ni zhes pa ras la rnam par snang mdzad kyi sku gzugs gcig pu bris la de'i spyan sngar zla ba drug gi bar du dus gsum du bzlas nas/de nas nyin mtshan gsum smyung ba'i tha ma la mtshan gcig mi nyal bar bsgrubs na phyag na rdo rje nyid thob par 'gyur gyi bar du bzlas so/ / de bzhin gshegs pa'i rtog pa rdzogs so// //de nas bcom ldan 'das phyag na rdo rje byang chub sems dpa' sems dpa' chen pos yang 'di skad ces gsol to zhes pa gong du lha chen po la sogs pa gdul ba'i phyir snying po gsungs nas yang 'dir sems can la phan pa'i phyir gsungs pas na yang gi sgra smos so//de bzhin gshegs pa thams cad rdo rje'i ri ltar mi g.yo ba yang zhes pa rdo rje sra ba'i phyir de las rir gyur pa sus kyang bskyod par mi nus so/ /de bzhin du de bzhin gshegs pa'i ye shes stong pa nyid la dmigs pa'i rdo rje de nyid gzhan gyis bskyod mi nus pa'i phyir ri lta bur gyur pa yang snying po 'di brjod pas bskyed par 'gyur te/ting nge 'dzin las ldang zhes pa'i don to/ /'jigs pa thams cad las rnam par grol bar 'gyur zhes pa rgyal po dang rkun po dang me dang chu dang gcan gzan gyi 'jigs pa las rnam par grol bar 'gyur ro//gang gis brjod pa tsam gyis kyang / /zhes pa snying po'i thabs dang don dang shes rab tu ldan pa'i phyin ci ma log par dmigs nas sems snyoms par thugs kyis bzlas na mtshams med pa lnga thams cad 'byang bar 'gyur ro//don thams cad 'grub ces 'dod pa lnga'i don thams cad ci 'dod pa 'grub po/ /dgos pa thams cad byed de zhes pa zhi ba dang rgyas pa la sogs pa'i dgos pa thams cad phyag na rdo rjes mdzad do/ /phyag na rdo rje sngags pa'i phyi bzhin du 'brang zhing spyan sngar gyis kyang 'tsho'o//ngas kyang gzung ngo zhes phyag na rdo rjes snying po'i yon tan brjod pa de ltar bcom ldan 'das kyis kyang thugs su chud kyis snying po legs par smros shig pa'i don to/ /nyan thos dang rang sangs rgyas kyis ma rung bar 'gyur ro zhes pa'i snying po de'i mthus theg pa chung ngur sems bskyed pa rnams slar ldog ces pa'i don to//de bzhin gshegs pa thams cad kyi grub pa dang rdo rje sems dpa' grub pa yang ma khrang bar gyur to zhes pa de bzhin gshegs pa dang rdo rje sems dpa'i phyag rgya chen po grub pa yang brtan zhing mi nyams par 'gyur te phyag na rdo rje'i snying ga nas kun du 'bar bas bskor ba zhes pa bcom ldan 'das phyag na rdo rje la 'jig rten khams thams cad kyi bsam pa yongs su sbyang ba'i phyir rang gi snying ga nas 'dod pa'i khro bo 'od 'bar bas bskor bde bcom ldan 'das de bzhin gshegs pa lnga'i dbu rgyan gyi phreng ba dang /do shal dang rna rgyan la sogs pas brgyan pa 'dod pa'i rang bzhin bstan pa'i phyir khro bo phyag bzhi la gnyis me tog gis brgyan pa'i gzhu 'gengs pa phyag gnyis ni rdo rje hUM ka ra'i phyag rgya snying gar bcings la rdo rje 'dod pa khro bo zhes bya ba byung ngo //'dod pa'i khro bo la sbyangs pa/ /zhes 'dod pa ni byang chub kyi sems te shes rab bo/ /khro bo ni ma rungs pa 'dul ba ste thabs so/ /de gnyis kyis sems can gyi bsam pa ci rigs par yongs su sbyangs so/ / nga ji lta ba bzhin du khyod kyis kyang zhes pa phyag na rdo rjes rang gi snying ga nas byung ba 'dod pa khro bo la ngas sems can gyi don byas pa bzhin du khyod kyis kyang byos shig par bka' stsal pa'o/ /snying po 'dis gang 'di sems can de dag thams cad brgyal ba dang / bcom pa kun gsos shig ces pa gong du Ta ki hUM dza zhes smos pa'i tshe/sems can mang po byed par gyur pa'i rnams oM TuM zhes bya ba'i snying po 'dis slar gsos shig par bcom ldan 'das rnam par snang mdzad kyis bka' stsal to/ /snying po 'dis gso ba 'ba' zhig kyang ma yin gyi go cha bgos par yang 'gyur te/'di bgos na rdo rje'i lus thob bo zhes par 'gyur ro zhes gsungs pa/ gzhan yang rdo rje'i lus thob par gyis shig ces so/ /oM gyi don ni gong du smos pa bzhin no/ /TuM ni slar gsos pa'i don to/ /rdo rje 'khor lo dkyil 'khor zhes rdo rje 'khor lo ni dkyil 'khor gyi ming ste rdo rjes brgyan pa'i dkyil 'khor yin pas na rdo rje'i 'khor lo'o//rdo rje 'khor lo brtsegs chen te/ /zhes bya ba rdo rje 'khor lo zhes bya ba'i dkyil 'khor rim pa du mar brtsegs pa chen po de bshad par bya'o/ /yang na dkyil 'khor gyi tshul lha'i lding khang brtsegs pa ltar bres pas na brtsegs chen no//bcu drug cha dang ldan par ro/ /zhes pa dkyil 'khor gyi bdag po chen po dbus na bzhugs pa ni cha bcu drug dang ldan pa ste dbus kyi dkyil 'khor gyi lha brgyad dang / phyi'i dkyil 'khor gyi mchod pa bzhi dang sgo ba bzhi ste lha bcu drug rnams rang rang gis tha dad pa la gnas pas na cha bcu drug tu 'gyur ro//gzhan dag 'chad pa dbus kyi gtso bo de cha bcu drug dang ldan pa ni nang gi dkyil 'khor re'u brgyad ni nang gi rigs su gtogs so/ /de 'dra ba'i cha brgyad kyis ni phyi rim gyi dkyil 'khor bskor te/nang rim gyi re'u ci byung ba'i phyed kyi tshad kyis phyi bskor na phyogs bzhi 'khor to/ /grwa bzhi kha rdor 'dug pa nang gi re'u gnyis lhag ma phyed phyed du bgos te grar glan to/ /rdo rje'i ra ba mdzes par te/ /zhes pa dkyil 'khor phyi nang gnyi ga'i ra ba ni rdo rje rtse gsum pa tshon sngon pos bris pas bskor/de'i mtha' tshon sna gnyis gnyis bsnan ka ba brgyad 'og nas 'byung ba ni tshon sngon pos tha mal par bris te/ rdo rje'i phreng bar mi bgyi'o/ /grwa sgo'i thor to de bzhin du/ /zhes pa grwa sgo phyir blta ba dang / sgo'i grwa'i rtse mo dang rta babs kyi mtshams su rin po che rdo rjes brgyan par spro'o//phyi rim gyi ngos phyir blta ba la ba dan dang / /me tog dang mu tig gi phreng ba dang dril bu la sogs pa rgyan sna tshogs kyis ci sdug tu brgyan pa'o/ /snying po bzlas shing bri bar bya'o/ /zhes pa dkyil 'khor gyi phyi nang gnyis ka'i las byed do cog ni Tak+ki hUM dza zhes bya ba'i snying po bzlas shing bri bar bya'o//de yi nang gi 'khor lo yang / /zhes pa nang rim gyi dkyil 'khor gru bzhi ka ba brgyad dang ldan pa srad bus mnyam par bre'o/ /dkyil 'khor brgyad kyi tshul du ste/ / zhes pa nang gi dkyil 'khor phyogs bzhi dang grwa bzhir lha'i gnas re re gnas pa'o/ /rdo rje ka ba'i rtse mo ru/ /zhes pa ka ba'i rtse mo dbus su 'dus pa'i mdor 'od 'bar ba gzhag go/ /de yi dbus su sems dpa' che/ /zhes pa dkyil 'khor nang rim gyi dbus su byang chub sems dpa' chen po phyag na rdo rje bzhugs par bya ste/sangs rgyas lnga'i dbu rgyan can yid kyis 'dzum pa phyag gnyis la g.yas pa na rdo rje bsnyems pa 'dzin pa/ g.yon pa na dril bu bsnams pa yang phyag gnyis na mda' gzhu 'gengs pa sku mdog sngon po de las gzhan pa phyag bzhi pa zhes pa phyag na rdo rje'i spyan sngar 'dod pa khro bo rdo rje sems dpa'i snying po bzhag ste sku mdog dmar po'o//gnyis kyis rdo rje hUM mdzad pa/ /zhes pa phyag gnyis kyis hUM ka ra'i snying po phyag rgya mdzub mo gnyis bsgreng ba snying gar bzhag pa'o//rdo rje yi ni g.yas phyogs su/ /zhes pa kha dog sngon po chu srin gyi rgyal mtshan mgo chu srin can 'dzin pa rgyal mtshan de las nor bu rin po che 'bar ba sems dpa' chen po rdo rje dpal gzhag go/ /dbu la ni rgyal mtshan nam mtshan mar 'dren to//rdo rje g.yon du bri ba ni/ /zhes pa phyag na rdo rje'i g.yon logs su g.yon pa rdo rje zhes bya ba rdo rje 'gying ba zhes kyang bya ba de bri ba ste kha dog dmar po'am ser por bya'o/ /g.yon pa rdo rje zhes bya ba ni de'i ming ste rdo rje khu tshur bcings la lta zur gnyis su bsten te sgeg pa'i tshul gyis g.yon phyogs su 'dud pas na g.yon pa rdo rje zhes bya'o//dmar po zhes bya ba ni chags pa'i rang bzhin du bstan pa'am lha nyid kyi kha dog dmar por bstan pa'o/ /grwa yi dkyil 'khor gnas su ni/ /zhes pa phyag na rdo rje bde ba chen po'i dkyil 'khor na bzhugs pa'i tshe/'dod pa'i lha longs spyod kyis bsnyems pa rnams zil gyis mnan pa'i phyir 'khor mchod pa'i lha mos kyang bskor te nang gi dkyil 'khor gyi grwa bzhir dus bzhi'i lha mo'i gzugs su gyur te shar dang byang gi mtshams na dpyid kyi rdo rje mo kha dog dmar po bdug pa 'bul ba'i tshul du bya'o//shar dang lho'i mtshams na rdo rje sprin gyi lha mo ste kha dog sngon mo me tog 'bul ba'i tshul du byed pa'o/ /ston gyi rdo rje ni kha dog dmar po mar me 'bul ba'i tshul du lho nub kyi grwar gzhag go/ / byang dang nub kyi grwar ni rdo rje khab mo dgun gyi lha mo dri 'bul ba'i kha dog sngo bsangs su bya ste gzhag go/ /'dod pa'i gzugs la sogs pa bri/ /zhes pa phyi'i dkyil 'khor gyi grwa bzhir gzugs dang sgra dang dri dang ro'i rnams mchod pa'i lha mor gyur te/ shar dang byang gi mtshams nas rim bzhin du kha dog dkar mo dang dmar mo dang sngon mo dang sngo bsangs rim bzhin du me long ston pa dang pi wang len pa dang dri 'bul ba dang zas kyi snod thogs pa'i tshul du gzhag go//sgo bzhir kyo btang dang zhags pa dang lcags sgrog dang dril bu rnams bzhag ste shar dang lho dang nub dang byang du rim bzhin du bya'o//de la kyo ba tang gis ni sems can thams cad dgug go/ /zhags pas ni gar gzhag pa'i sa der 'jug par byed do/ /sgrog gis ni de las mi 'gyur bar 'ching ngo / /dril bus mnyes par byed do/ /kyo ba tang gis 'dod pa dgug pas na kyo ba 'dod pa zhes bya'o//rdo rje snying po phyag rgya bcings la zhes pa slob dpon nyid rdo rje hUM ka ra'i snying po'i phyag rgya mdzub mo gnyis bsgreng ba bcings pa'o/ /sems can kun gyi yid khyab cing / /zhes pa slob dpon gyis phyag na rdo rje la bstod cing bdag rang grub par gsol ba ste/phyag na rdo rje sangs rgyas dang byang chub sems dpa' thams cad kyi ye shes kyi rang bzhin yin pas na thams cad kyi sems la khyab po/ /thugs rje dang ldan la mthu mnga' bas sems can kun la mya ngan las 'das pa'i bde ba stsol to/ / sems can thams cad la byams shing phan 'dogs pa pha dang 'dra ba'i phyir phar gyur pa'o/ /rdo rje sems dpar bdag nges par gyur cig ces rdo rje sems dpa'i rang bzhin du deng grub par gyur cig ces smon nas byin gyis brlab cing bskul ba'i phyir snying po smras so/ /de nas de skad smras pa dang 'bab par 'gyur te zhes pa de skad smras nas/a la sogs pa'i sngags kyi sbyor ba byas na lha nyid sngags pa la 'bab par 'gyur te babs nas kyang sngags pa la la ni phyag na rdo rje nyid du 'gyur/ la la ni 'tshang rgya ba nyid 'thob par 'gyur ro/ /de nas slob ma gzhug ste snying po phyag rgya bcings la zhes pa rdo rje hUM ka ra'i phyag rgya mdzub mo gnyis bsgreng ste des me tog gi phreng ba bzung la 'jug go//de nas 'di zhes smros shig ces pa slob dpon gyis slob ma la bsgo'o/ /'di ni dang po'i sems dpa' zhes phyag na rdo rje 'di sangs rgyas dang byang chub sems dpa' thams cad kyi dang po ste/thams cad kyi ye shes kyi rang bzhin yin pa'i phyir te dang po de las 'byung zhes pa'i don to/ /'dod pa'i bdag po zhes pa ni 'dod pa ni byang chub kyi sems so/ /de la dbang byed pa'i phyir bdag po'o/ /gang du dbang byed kyang bdag rang ci la'ang ma reg par mi spyod pa'ang srid pa de de bas na 'dod pa'i dbang po zhes smras te/'dod pa la'ang ma reg par spyod ces pa'i don to/ /'di'i snying po ste zhes pa 'dod pa khro ba ni phyag na rdo rje'i snying po ste thabs dang shes rab tu ldan pa'i gzugs so//reg pas bde ba ste zhes bya ba rdo rje dga' ba zhes bya ba de sems can thams cad kyi lus reg nas dga' bar byed pa'o/ /bdag che ba ni de'i rgyal mtshan te zhes bya ba phyag na rdo rje'i rgyal mtshan te/ byang chub sems dpa' la sogs pa thams cad kyi byams pa skye zhing slong bar byed pa dang phongs pa la nor sbyin pa'o//bdag che ba'i bdud de zhes bya ba ni phyag na rdo rje nyid kyi nyon mongs pa dang shes bya'i sgrib pa rab tu gsod pa'i phyir bdud do/ /gang grwa bzhi pa 'di rnams ni dus kyi mchod pa zhes pa phyi nang gi lha mo brgyad kyis mchod pas ni mchod pa thams cad 'dus par bstan te/dus bzhin skye zhing 'byung ba'i gzugs la sogs pa thams cad 'dus par bstan to/ /mig dang chags pa dang mdza' ba dang mi mdza' ba ste zhes pa kyo ba tang la sogs pa'i rgyud bstan pa ste mig gis mthong nas dgug pas na mig ni kyo ba tang gi rgyu'o//chags pa ni 'jug pa'i rgyu ste chags shing 'dod pas na 'jug go/ /mdza' ba ni 'ching ba'i rgyu ste gang la zhen pa de nyid kyis 'ching ba'i phyir ro/ /mi mdza' ba ni chags pa med pa'i don to/ /ma chags pas na shes rab kyi pha rol tu phyin pa'i don brjod cing sems dpa' thams cad kyang mnyes par byed do//rgol bar mi 'gyur ro zhes pa kyo ba tang la sogs pa sgo bas bsgos pa'i phyir de'i mtshams las su yang mi rgol lo/ /de nas slob dpon gyis slob ma la tshig bstan pa 'di skad smros shig /khyod kyis kyang bcom ldan 'das 'dod pa thams cad kyi bdag po la smad par ma byed cig ces bya ba ni phyag na rdo rje la mi smad par bstan pa ste/ de ni nye bar bstan pa tsam du zad kyi/ sangs rgyas dang byang chub sems dpa' thams cad la mi smad ces bya ba'i don to//'dod chags dang bral bar yang mi zhes bya ba gong du bshad pa de la 'ga' zhig na re sangs rgyas kyi bstan pa la 'dod chags dang bral ba dam pa'o zhes zer ba de lta bu zhes pa'i lan du gang sangs rgyas kyi bstan pa la zhes bya ba la sogs pa'o//sems can thams cad nyon mongs pa las rnam par dag pa'i phyir/ nyon mongs pa'i chos 'dod pa rnam pa lnga la chags pa'i 'dod chags dang bral bar 'chad kyi byang chub sems dpa' la 'dod chags dang bral bar mi 'chad do/ /ci'i phyir zhe na/phyi rol gyi mu stegs can rnams ni byang chub kyi sems sems can smin par bya ba dang / grol bar byas la chags pa med par yang thar par 'dod do/ /bdag gi chung mas kyang sems can sdud par byed de zhes pa chung ma ni rang gi rnam par grol ba'i mtshan ma phyag rgya la bya ste/rnam par grol ba'i mtshan ma des sems can mgu bar byed do/ /'dod chags ni byang chub tu bstan pa'o zhes pa sems can smin pa dang grol ba la chags pa ni byang chub tu 'gyur bas byang chub ces bya'o/ /bcom ldan 'das grub pas na 'dod pa'i khro bo grub par 'gyur ro zhes pa'i snying po gong ma bsgrubs pas phyag na rdo rje 'grub bo//phyag na rdo rje grub pas 'dod pa khro bo yang grub ste/ ci'i phyir zhe na/ 'dod pa khro ba zhes bya ba snying po 'di dag che ba phyag na rdo rje'i snying po yin pa'i phyir ro//phyag rgya chen po shes par slobs shig ces pa dkyil 'khor der zhugs nas lha'i lus kyi gsang ba phyag rgya chen po'i rang bzhin shes par slobs shig /de'i rang bzhin yang chos thams cad sems tsam du lung dang rigs pas bsgrubs te stong pa nyid du mos par bya'o//de nas sems can gyi tha snyad la lus med par mi 'grub pas na lha'i lus bskyed pa'i phyir/ byin gyis brlab dang dbang dang ting nge 'dzin dang mchod pa la sogs pa phyag rgya chen po'i yan lag tu gtogs so/ /cho ga shes par slobs shig pa'i tha tshig go//de nas bcom ldan 'das kyi dam tshig gi phyag rgya dang zhes pa phyag na rdo rje'i dam tshig gi phyag rgya rdo rje rtse lnga pa bcings la bcom ldan 'das kyi rdo rje snying po Tak+ki hUM dza zhes bya ba bzlas nas slob ma'i lag pa gnyis su rdo rje sbyin no/ /de la rdo rje rtse lnga pa'i phyag rgya ni rdo rje bcings pa las gung mo gnyis lto sbyar la rtse mor byas te mthe'u chung dang mthe bong bzhi so sor bsgrengs te rtse mo bzhir byas pa'o//de nas lag tu rdo rje sbyin pa'i sngags 'di bzlas so/ /oM ni snga ma bzhin no/ /badzra d+ha ra ni bod pa ste/ rdo rje 'dzin pa sngags pa nyid la bya'o//badzra b+h+ra taM d+ha ra ya sid+h+ya zhes bya ba ni rdo rje'i brtul zhugs 'dzin par grub cig pa'i don to/ /Tak+ki hUM dza ni snying po 'dis byin gyis rlobs shig pa'i don to/ /lag tu rdo rje sbyin pa yang phyag na rdo rje'i brtul zhugs sbyin pa'i don to/ /de nas slob ma'i lag tu me tog phreng ba yod pa phyag na rdo rje la phul nas me tog de slob ma'i mgo la bcing ngo //de nas/ rdo rje ming gi dbang sbyin no/ /zhes pa dkyil 'khor du zhugs nas dkon mchog gsum la phyogs shing bsgyur ba'i phyir ming yang brjod dgos te de bas na sngags 'di smras te ming gdags so/ / sngags kyi don ni 'dod pa thams cad kyi dbang por rdo rje'i dbang bskur te/ rdo rje'i ming 'di ces bya ba bstan par gyur cig ces bya ba'i tha tshig go/ /de nas der 'dug ste phyag rgya chen po bcings nas zhes pa dkyil 'khor gyi sgo der 'dug la phyag na rdo rje'i rnal 'byor byas nas Tak+ki hUM dza zhes bya ba'i snying po brgya stong bzlas so//de nas dam tshig gi phyag rgya bcings la zhes pa phyag na rdo rje'i dam tshig gi phyag rgya gong du smras pa'o/ /rdo rje'i snying po dbang du 'gyur/ /zhes bya ba phyag na rdo rje'i snying po Tak+ki hUM dza zhes bya ba nyid du 'gyur te ji ltar 'dod pa nyid du snying po de sgrub ces pa'i don to/ / yang phyag na rdo rje'i snying po dbang du 'gyur te ji ltar 'dod pa bzhin du des sbyor ba'o/ /snying shes pa dang zhes pa gzhan gyi sems shes pa'o/ /snying la dbang byed pa ni sems dbang du gyur pa'o/ /thams cad kyi snying brtan par chags so zhes pa thams cad kyi sems bdag la dus thams cad du chags shing byams par 'gyur ro//snying thams cad las tshig thos par 'gyur ro zhes pa gzhan gyi yid la ci bsams pa sgrar gyur nas thos par 'gyur ro/ /gyur pa dang 'gyur ba dang zhes pa la 'das pa dang ma 'ongs pa dang da ltar gyi chos rnams bdag gis lung bstan zhing smras pa thams cad bden par 'gyur ro//bdag gi snying las kyang cho 'phrul rnam bzhi zhes pa yid kyis bsams pa tsam gyis cho 'phrul rnam bzhi bdag rang gis kyang mthong zhing gzhan la yang bstan to/ /cho 'phrul bzhi ni 'bar ba dang / gdung ba dang / snang ba dang char 'bebs pa'o/ /de la 'bar ba ni bdag gi lus la me 'bar ba'o//gdung ba ni kun la tsha bas gdung bar byed pa'o/ /snang ba ni phyogs kun 'od kyis gsal bar byed pa'o/ /char 'bab pa ni bsams pa tsam gyis 'bab par 'gyur ro/ /de'i snying las rdo rje 'byung bar 'gyur ro zhes pa bsgoms pa'i mthus snying gar rdo rje rtse lnga pa gzugs brnyan du snang ste de phyin chad gzhan gyis mi gsod gnod par byar mi tshugs mtshon gyis mi chod so sor dbyer mi phyed pa'i lus su 'gyur ro//de nas gsang ba'i mchod pa byas te zhes pa dkyil 'khor gyi mjug bsdu ba'i tshe mchod cing bstod nas slar gshegs su gsol ba'i cho ga'o//gsang ba ni dam tshig mi shes pa dang ma dad pa rnams la mi bstan pa ste phyag na rdo rje la bud med kyi dkyil 'khor gyis mchod pa 'dod chags la sogs pa nyon mongs pa dang bral ba ma yin no zhes skyon 'dogs pa'i phyir kun la mi bstan to/ /yang na 'dod pa'i khams kyi lha bsnyems pa can rnams zil gyis mnan pa'i phyir rang gi yon tan sna tshogs pa lha mo'i gzugs su sprul nas mchod par byed pa'i don zab mo 'di lta bu gzhan gyis mi shes pa'i phyir yang gsang ba zhes bya'o//rdo rje'i snying pos bstod pa'i glus bstod do zhes pa rdo rje snying po ni phyag na rdo rje nyid la bya ste/de la bstod pa'i tshigs gzugs la sogs pa 'og nas 'byung ba'i tshig la sogs pa'i bstod pa rnams/ shardza dang de ba ta dang / g+han+d+ha ra la sogs pa'i glu dang sbyar te bstod do/ /gsang ba'i mchod pa thams cad myur du 'grub par 'gyur ro zhes pa gsang ba'i mchod pa gong du smos pa rnams kyis phyag na rdo rje'am bdag la mchod par 'grub po//de nas mchod pa thams cad kyis/ /zhes pa phyi nang gi lha mo thams cad kyis so so'i phyogs phyogs nas dkyil 'khor du bzhugs pa'i lha thams cad la mtshungs par mchod nas der 'dus pa'i slob ma dang 'khor rnams la zas 'dod pa rnams kyang ci bdog pa'i kha zas kyi ro thams cad kyis mgu bar bya'o//kha zas don du mi gnyer ba rnams kyang spyad pa rnam pa bzhi ste/ 'gro sdod 'dug nyal gyi tshul bstan pas yi rangs par byas te so sor dgyes par bya'o/kha cig 'chad pa ni dkyil 'khor gyi rjes la slob dpon dang slob ma thams cad 'dus te lha bshos rnams la ci 'dod par zos te snying tshim par bya dgos zhes kyang zer te/ sngags pa lha bshos mi bza' bar gzhung gzhan dag las kyang 'byung la lha'i pha 'bab bza' ba nyid lha mnyes par bya'i rgyur zhes snyam yang mi byed kyis bshad pa ni snga ma legs pa 'dra/de nas rdo rje dkyil 'khor du/ /zhes pa rdo rje'i dkyil 'khor rdo rje'i phreng bas sbrel ba la sogs pa cho ga gzhan thams cad ni gong ma bzhin no/ /rdo rje 'dod pa ni khro bo bcom ldan 'das phyag na rdo rje'o/ /sogs pa'i sgras ni nang gi mchod pa dang 'khor gyi rnams bri'o//phyi'i mchod pa dang sgo ba rnams kyang de bzhin no/ /phyag rgya ci bzhin shes pa ni/ /phyag rgya chen po rnams bri ste/ /sku gzugs su gzhag ces pa'i don to/ /bcug la mchod pa'i lha'i rdo rje gar dang mchod pas zhes pa dkyil 'khor du slob dpon dang slob ma gnyis zhugs nas mchod pa'i lha mo gar dang phreng ba glu la sogs pa'i sbyor bas mchod la snyim pa yang me tog gis bkang ste gsol lo//de nas slob dpon gyis rdo rje sems dpa'i phyag rgya chen po'i rnal 'byor byas la lag tu gser dngul lam zangs las byas pa'i rdo rje rtse lnga pa blangs nas Tak+ki hUM dza zhes bya ba'i snying po 'bum bzlas so//rdo rje glu dang rdo rje bzlas pas zhes pa sngar de'i glu dang sbyar te brtsams la/ rdo rje bzlas pas 'bum tshad bar bya'o/ /nang par rdo rje 'dzin tam khro bo zhes pa rdo rje 'dzin pa ni rdo rje sems dpa' zhi ba'i sku'o//khro bo ni rdo rje hUM ka ra'i sku'o/ /de nas dam tshig gi dkyil 'khor te zhes pa phyag na rdo rje'i dkyil 'khor chen po gang du smos pa gru bzhi pa la sogs pa'i tshul bzhin du thig btab ste/ de nas nang rim gyi stegs bu gru bzhi ri mor bris la/de'i dbus su bcom ldan 'das phyag na rdo rje ji ltar gong du bshad pa'i tshul bzhin du bzhugs par bya ste/ de'i snying po 'dis byin gyis brlab po/ /de la te dzo badzra satwa ni bod pa'i tshig go/ /su ra ta staM ni khyod ni rab tu dga' ba'o zhes rang bzhin pa'o//de'i spyan sngar rdo rje gzhu 'gengs pa'am zhes pa phyag na rdo rje zhal shar phyogs su gzigs pa'i mdun du rdo rje gzhu 'gengs pa gzugs nyid du bri ba'am yang na de'i phyag rgya gzhu bri'o/ /de'i ngag gi phyag rgya ni badzra shrI hUM zhes pa ste/ ye shes kyi mda' gzhus nyon mongs pa gsod pa'i don to//dkyil 'khor 'di ni rdo rje gzhu 'gengs pa dang / rdo rje dga' bas 'khyud pa la sogs pa bzhi char bud med kyi tshul du bri'o/ /g.yas su rdo rje dga' bas 'khyud par bya'o zhes pa phyag na rdo rje'i g.yas logs su rdo rje dga' ba zhes bya ba'i lha mo rdo rje khu tshur bcings pas phyag na rdo rje la 'khyud pa lta bur ston pa'o//de'i ngag gi phyag rgya badzra kI li hUM zhes pa ste/ ye shes kyis sems can gyi don du rol cing gdug pa thag 'dzud pa'i don to/ /mdzad pa'i rdo rje bri zhes pa sems can thams cad la byams shing chags pa'i don ston pa'o//de'i ngag gi phyag rgya ni badzra gr-i ho ste kye rdo rje gtso bo zhes rang bzhin brjod pa'o/ /rdo rje g.yon du sbyor bar bya/ /zhes pa ni/ rdo rje khu tshur gnyis sta zur gnyis su bsten la g.yon du 'dud par bya'o//de'i ngag gi phyag rgya'i don ni rdo rje bsnyems par gyis shig par bstan pa'o/ /de nas grwa dang sgor yang rang gi lha mo bri zhes pa dkyil 'khor gyi nang gi grwar dus bzhi'i lha mo dang / gzugs la sogs pa'i lha mo rnams bri sgo bzhir yang kyo ba tang la sogs pa bri'o//de nas rdo rje slob dpon nyid shin tu chas la zhes bya ba byang chub kyi sems bskyed cing phyag rgya chen po'i rnal 'byor gyis shin tu chas pa'o/ /bud med kyang brgyan te zhes pa bud med ni slob dpon rang gi rnam par grol ba'i phyag rgya la bya ste/ de brgyan pa ni byang chub kyi sems dang ldan pas rdo rje khu tshur yang bcings la dpung pa gnyis kyis 'khyud pa'i tshul du bstan zhing dkyil 'khor du zhugs la sngags brjod do//sa ma ya s+t+waM ni khyed ye shes kyi rang bzhin no zhes smras so/ /a haM su ra ta zhes bya ba ni bdag kyang shin tu dga'o zhes bstan pa'o//de bas na 'dod pa'i khro bo'i rang bzhin no/ /de nas brjod pa tsam gyis zhes pa sngags de bklags pa tsam gyis bcom ldan 'das phyag na rdo rje nyid kyi sku ston par mdzad de/ phyag rgya chen po la sogs pa yang 'grub par 'gyur ro/ /dam tshig thams cad grub pa yang stsol to zhes pa 'di'i skabs su dam tshig ni shes pa la bya ste/'jig rten las 'das pa'i ye shes la sogs pa 'thob bo/ /de nas slob ma yang de bzhin du snying po'i rjes su bcug nas zhes pa snying bo rdo rje ni rdo rje hUM ka ra'i snying po'i phyag rgya mdzub mo gnyis bsgreng ba'o/ /bdag che kun gyi phyag rgya ni/ /zhes pa sangs rgyas dang byang chub sems dpa' rnams ni bdag che ba ste yon tan kun gyis 'phags pa'i phyir ro//de'i phyag rgya ni phyag rgya chen po la sogs pa bzhi rnams te/ byang chub kyi sems 'dod pa'i rang bzhin dang ma rungs pa 'dul ba khro bo'i rang bzhin can du 'byung ste byang chub kyi sems med na phyag rgya mi 'grub pa'i phyir ro//bsam pa zhes bya ba ni skabs 'dir khro bo'i bsam pa la bya'o/ /sdig med ces bya ba ni slob ma la rim gro'i tshul du bod pa'o/ /'dod dang bsam pa ma gtang zhig /ces pa byang chub kyi sems 'dod pa'i rang bzhin dang ma rungs pa 'dul ba'i thabs khro ba ma btang zhig de skad bsgo nas dri chu la sngags 'di btab ste blud do//sngags kyi don ni sngags bshad pa'o/ /dngos po gzhan thams cad kyi phyir yang zhes pa dam tshig mi bsnyad pa 'ba' zhig gi phyir 'dis bsngags te blud pa yin gyi gzhan yang mnas bsgag go/ /cho ga 'dis bsngags te blud do zhes pa mnas bsgags pa de dag la yang phyag na rdo rje'i rnal 'byor du byas pa'i lag nas blud do//de nas phyag rgya bcing ba bslab po zhes pa phyag rgya rnam pa bzhi bslab bo/ /de nas de bzhin du 'byung ngo zhes pa ci ltar gong du zas dang spyod pas tshim par byas te gyes so zhes bya ba bzhin du 'dir yang bya'o//de nas las kyi dkyil 'khor de bzhin du bris nas zhes pa dkyil 'khor chen po bzhin du srad bu bres nas dkyil 'khor gyi lha rnams cha lugs sam phyag rgya'i mtshan ma gzhag par bya'o/ /der btsud nas las bzhi bslab par bya'o zhes pa zhi ba dang rgyas pa la sogs pa'i las rnam bzhi slob mas bslab pa'am bdag rang gis bya'o//yang na las rnam bzhi ni mod bzhin du 'byung ba bzhin rnams la bya'o/ /de la dang po ni 'dod pa thams cad stsol bar 'gyur te zhes pa las dang po ni yid la bsams pa'i 'dod pa thams cad 'grub par 'gyur te/phyag na rdo rje'i phyag rgya chen po bcings nas Tak+ki hUM dza zhes bya ba'i snying po bzlas so/ /de nas khro bo'i las brlab ste/ /zhes pa las gnyis pa hUM ka ra'i phyag rgya chen po'i rnal 'byor byas la Tak+ki hUM dza zhes bya ba'i snying po bzlas shing sngar bsnyen pa byas la snying po thang cig bzlas pa dang /hUM zhes bya ba'i snying po mdzub mo bsgreng ste thang cig bsdigs pas de bzhin gshegs pa yang rang gi gnas nas bskyod de sngags pa'i drung du byon gyi bar du bzlas so/ /de phyin chad 'gro ba ste/ sems can la sogs pa 'gul ba rnams dang /gnas te ri la sogs pa thams cad kyang 'gyel bar nus so/ /de nas phyag na rdo rje las 'byung ste zhes pa las gsum pa ste/ sems can thams cad gong du smos pa lta bu'i 'dod pa dang khro bar 'dul bar 'dod na rdo rje 'dzin ma'i phyag rgya gong du smos pa bcings la Tak+ki hUM dza zhes bya ba'i snying po zlos shing me tog la sogs pa mchod pa lngas mchod par bya ste de nas phyag na rdo rje'i snying po'i phyag rgya mdzub mo gnyis bsgreng ba snying gar bcings te Tak+ki hUM dza bzlas so//de bzhin gshegs pa thams cad du bya bar 'dod na zhes pa las bzhi pa ste de bzhin gshegs pa lnga nyid grub par 'dod na phyag na rdo rje'i spyan sngar byang chub kyi sems rnam pa lnga gong du smos pa gang yang rung ba bskyed la/pha rol tu phyin pa drug ci nus par sgom zhing Tak+ki hUM dza rtag tu bzlas nas sa bcu la gnas te sems can gyi don du bya ba de bzhin gshegs pa'i phrin las thams cad mdzad pa'i byang chub sems dpar 'gyur ro de nas bsgrub pa 'byung ste zhes pa phyag na rdo rje'i dkyil 'khor bzhi gong du smos pa de rnams kyi sgrub pa bshad par bya'o//sgrub pa la yan lag gi gtso bo slob ma snod du rung ba ste de la bsten cing sgrub tu bcug na don du 'gyur ba'i phyir ro//de bas na snod ma yin pa la sngags mi sbyin zhes smras pa/ dkyil 'khor du ni ma zhugs pa la zhes bya ba la sogs pa'o/ /cho ga bzhin du dkyil 'khor du ma zhugs pa dang / dkyil 'khor du zhugs kyang rigs bzhi'i spyi'i dam tshig dang rigs so so'i dam tshig mi shes pa dang /slob dpon rang gis dkyil 'khor du gzhug pa ma yin pa gzhan rnams la sngags kyi snying po mi sbyin no/ /mi zad ces bya ba ni sngags kyi snying po mi zad pa ste bsod nams dang ye shes zad mi shes par 'byung ba'i phyir ro/ / 'di ni dkyil 'khor sgrub ste zhes gong bzhin 'og nas dkyil 'khor mthong bar sgrub pa zhes 'byung ba nyid la bya ste gong du smos pa'i dkyil 'khor gang yang rung ba mthong nas dkyil 'khor de nyid du phyag na rdo rje'i spyan sngar Tak+ki hUM dza zhes pa 'bum bzlas nas las gang byed kyang rung ste phyag na rdo rje la spyi'i bsnyen pa byas par 'gyur te/'og nas 'byung ba'i las thams cad kyang dang por bsnyen pa 'di mi sbyar mi rung ngo / /'og nas phyag na rdo rje'i rtog pa'i le'u la bzlas so zhes 'byung ba thams cad ni Tak+ki hUM dza zhes bya ba'i snying po 'di bzlas pa rig par bya'o/ /de nas ras la bris te ras kyi dbus su bcom ldan 'das de bzhin gshegs pa dri zhes pa ras gtsang ma skra dang bal bu med pa kha tshar ma bcad pa sar pa/ma mthud pa la ri mo mkhan gso sbyin gyi yan lag sdom pa can tshon rtsi sbyin med pa gtsang mas bris te/ man chad kyang bsgrub pa'i ri mo thams cad ni cho ga bzhin du bya'o//dbus su rnam par snang mdzad bris la/ de'i g.yas su phyag na rdo rje snying ga nas snying po 'dod pa dang khro bo'i gzugs kha dog dmar po phyag bzhi la gnyis na mda' gzhu 'gengs pa/ gnyis na rdo rje hUM ka ra'i phyag rgya mdzub mo gnyis bsgreng ste brgyang bskum du gnas pa bri'o/ /gnyis ni pad+mo'i ting nge 'dzin ces bya ba phyag g.yon pas pad+mo bzung la g.yas pas de'i lo ma kha 'byed pa ste/de'i don ji ltar pad+mo 'dam gyis ma gos pa bzhin du khams gsum gyi nyes pas ma gos par brtag pa'o/ /me tog gi gzhi ni me tog gis brgyan pa'i gzhi ste/ thabs dang shes rab kyi mtshan ma'o/ / spyan sngar de bzhin du zhes pa rnam par snang mdzad kyi spyan sngar phyag na rdo rje 'dod pa dang khro ba'i rang bzhin te de rnams bri'o/ /grwar mchod pa'i lha rang gi mchod pas 'gram pa dang mgo bor zhes pa ras kyi grwa bzhir mchod pa'i lha mo gong du smos pa'i dus bzhi'i rnams me tog la sogs pa rang gi mchod pa'i thal mos 'gram pa dang mgo bo la sogs pa sbyar ba ni thal mo gar thabs su bskor zhing 'gram pa g.yas g.yon dang spyi bor dgrol lo//de ltar bris pa de'i spyan sngar cho ga bzhin du bzlas so/ /bzlas pa'i tshe phyag bya ba dang / sdig pa bshags pa dang / gsol ba gdab pa la sogs pa bdag sbyang ba dang /spyan drang ba dang / byin gyis brlab pa dang / dbang bskur ba dang / ting nge 'dzin dang / mchod pa dang dgug pa dang / gzhug pa la sogs pa ste phyag rgya chen po'i rnal 'byor du bya ba'i cho ga dang / bskrad pa dang / mtshams bcad pa dang bsrung ba la sogs pa'i cho ga bzlas par bya ste 'og nas 'byung ba'i bzlas so zhes zer ba thams cad la yang de bzhin du sbyar ro//dus bzhir stong bzlas shing zhes pa nang par dang / nyi ma'i gung dang / dgongs ka dang / nam phyed kyi dus re re zhing yang stong bzlas so/ /de bzhin gshegs pa stsol bar 'gyur/ /zhes pa de bzhin gshegs pa'i phyag rgya chen po grub pa bcom ldan 'das kyis stsol bar 'gyur ro//ras la bcom ldan 'das kyi dkyil 'khor gyi tshul bris la zhes pa phyag na rdo rje dbus kyi gtso bor bzhugs la gong du smos pa'i dkyil 'khor thams cad bri'o/ /'dod pa thams cad zos la zhes pa sha dang chang dang sgog pa la sogs pa sngags pas bza' bar mi rigs pa ma gtogs pa gzhan ci dga' bar zos nas bzlas so//ras la bcom ldan 'das phyag na rdo rje de bzhin du bris la zhes pa phyag na rdo rje nyag gcig phyag bzhi la sogs pa ji ltar gong du smos pa bzhin du bri'o//ras la bcom ldan 'das rdo rje 'dod pa khro bo de bzhin du bris la zhes pa 'dod pa khro bo phyag na rdo rje'i snying ga nas byung ba gong du smos pa bzhin du bri'o/ /rdo rje snying po'i phyag rgya ni rdo rje hUM ka ra'i phyag rgya mdzub mo gnyis bsgreng ba'o/ /des kyang longs spyod par nus na/zhes pa sangs rgyas kyi zhing grangs med pa nas bde ba thams cad bkug la sngags pa la byin nas sngags pas kyang longs spyad par nus na lha'i bu mo 'jig rten gyi khams 'di ni gnas pa lha dgug cing spyad pa ci dka' phyag na rdo rje'i spyan sngar rdo rje snying po'i phyag rgya bcings nas zhes pa cha lugs sam bris pa'i spyan sngar phyag rgya mdzub mo gnyis bsgreng ba bcing ngo //rdo rje bzhag ste de'i mdun du 'bum bzlas na zhes pa gser dngul lam zangs kyi rdo rje mdun du bzhag nas bzlas so/ /phyag rgya chen po bcings nas zhes pa phyag na rdo rje'i lus kyis gsang ba'i rnal 'byor byas nas so//dam tshig gi phyag rgya bcings nas zhes pa phyag na rdo rje'i dam tshig phyag rgya rdo rje rtse lnga pa gong du smos pa'o/ /lag pa gnyis rdo rje bcings pa bsdams la zhes pa rdo rje'i bcing ba ni lag pa gnyis g.yas pa gong du byas nas sor mo bsnol te chang pa bsdams pa'o//dpal mo la bltas te 'bum bzlas na dbang du 'gyur ro zhes pa dpal mo la bud med kyi cha lugs lag na dpal mo thogs pa bri ba'am byas pa la bltas te bzlas na de nyid dbang du 'gyur te ci bsgo ba byed do/ /mtsho dbyangs ma la bltas te zhes pa lha mo sa ra swa sti ni ngag la dbang thob pa ste/de grub na bdag gis ji skad smras pa ste kun kyang brtson par 'gyur la/ 'jig rten dang 'jig rten las 'das pa'i gtsug lag dang / bzo dang sman la sogs pa'i rnam par shes pa thams cad shes par 'gyur ro/ / grub byed ma bzung nas zhes pa gcer bu ba'i bud med kyi gzugs shig yod pa'i cha lugs la lag pas bzung nas bzlas so/ /sa la bany+dzi ka ni gnod sbyin ma bud med kyi gzugs so/ /ri la 'dzegs te 'bum bzlas na rtsi thams cad dbang du 'gyur ro zhes pa ri las skyes pa'i rtsi thams cad bdag gis mthong zhing brtsal na rnyed par 'gyur ro//phyugs thams cad la dbang du 'gyur ro zhes pa 'gyen 'phra dang rgal gtso la sogs pa mi byed pa'o/ /gnas chen por 'bum bzlas nas zhes pa tshong pa phyogs bzhi nas 'du ba'i thun mong gi gnas so/ /gtsug lag khang du 'bum bzlas na zhes pa de na gnas pa'i lha klu la sogs dang rab tu 'byung ba dag gis nor ster ro//lha'i rten du 'bum bzlas na zhes pa lha chen po la sogs pa 'jig rten pa'i lha'o/ /cang mi zer bar 'bum bzlas na zhes pa sgra mi 'byung bar yid kyis bzlas pa'o/ /lkugs pa'i brtul zhugs kyis zhes pa mi smra ba'i dka' thub kyang blangs la sngags yid kyis bzlas so//'joms pa la sor mo btsugs te 'bum bzlas na zhes pa 'joms pa ni sgrib pa thams cad 'joms par byed pa ste/ rang gi rnam par grol ba'i mtshan ma phyag rgya la bya'o/ /phyag rgya pad+mo la mdzub mos btsugs te bzlas so/ /'og nas 'byung ba zhes bya ba yang rnam par grol ba'i phyag rgya pad+mo la bya'o//'dod pa'i bdag po dang dbang po dang byed pa po dang zhes pa gong du phyag na rdo rje'i spyan sngar phyag rgya chen po bcings la dkyil 'khor chen por 'dug nas bzlas pa'i 'bras bu ste 'dod pa ni byang chub kyi sems so/ /de la gtso bor spyod pas na bdag po'o/ /yang na 'dod pa rnam pa lnga la dbang byed pas na bdag por gyur kyang la la la bar chad du byung ba srid de/de bas na mi mthun pa'i phyogs med pas na dbang po'o/ /byed pa po ni 'jig rten pa ltar grags pa tsam du bstan par zad de dbang phyug la sogs pa byed pa por 'dod pa bzhin du sngags kyi mthus 'dir yang byed pa po la sogs par snang ngo //byed pa po ni 'dod pa na 'grub pa'o/ /bskrun pa po ni bdag rang gis mang du 'byin pa'o/ /de lta bu'i mthu nyid mi zad cing nyams par mi bya ste mi zad pa ni bstan par mi 'gyur ba'o/ /mi god pa ni cung zad nyams par yang mi 'gyur ba'i don to/ /bde ba thams cad ni lus kyi bde ba'o//yid bde ba thams cad ni sems kyi bde ba'o/ /de la rang gi snyan pa dang zhes bya ba ni sngags pa de la sems can kun gyis dga' bar lta'o/ /de dag la yang 'grub par byed 'dod pa zhes pa sems can de dag la nam mkha' la 'gro ba la sogs pa grub pa thams cad kyang sgyu ma lta bur sngags kyi mthus ston to//de bzhin gshegs pa thams cad kyi cho 'phrul ni stod nas me 'bar smad nas chu 'byung ba la sogs pa'o/ /de 'dra ba'i cho 'phrul gzhan yang rnam pa du mar ston pa ni rnam par 'phrul pa'o/ /dkyil 'khor chen por 'dug ste dam tshig gi phyag rgya bcings nas zhes pa phyag na rdo rje'i rtog pa 'di nyid kyi dkyil 'khor chen po bris la der zhugs te phyag na rdo rje'i dam tshig gi phyag rgya rdo rje rtse lnga pa gong du smos pa bcings nas khro bo'i tshig sgra chen po phyug ste/snying po Tak+ki hUM dza bcom ldan 'das phyag na rdo rje la blta zhing sngags kyi don yid la bya zhing 'bum bzlas so/ /de nas rdo rje khro bo lta bur bdag gi lus 'gyur ro zhes bzlas pa des na 'dod pa khro bo'i gzugs phyag na rdo rje nyid du 'gyur ro//hUM zhes pas kyang de bzhin gshegs pa thams cad 'dzin pa dang zhes pa rdo rje hUM ka ra'i phyag rgya chen po'i rnal 'byor byas la snying po Tak+ki hUM dza bzlas na/ de bzhin gshegs pa thams cad kyi rang bzhin bsod nams dang ye shes kyi tshogs thams cad kyang 'dzin par 'gyur zhing khams gsum gyi dbang por 'gyur te/phyag na rdo rje khro bo'i gzugs spyan gsum pa thob par 'gyur ro/ /phyag na rdo rje'i rtog pa'o/ /de nas bcom ldan 'das la 'phags pa spyan ras gzigs dbang po zhes bya ba la sogs pa ni rtog pa 'dir spyan ras gzigs dbang pos 'gro ba la phan pa'i phyir rang gi snying po gsungs so//gang gis brjod pa tsam gyis de bzhin gshegs pa thams cad kyi ting nge 'dzin mngon du 'gyur ba dang zhes pa sngar bsnyen pa mang du byas pa'i mthu dang ldan pas ni brjod pa tsam gyis kyang de bzhin gshegs pa'i ting nge 'dzin nam mkha' mdzod dang /dpa' bar 'gro ba la sogs pa sngon du khugs par 'gyur ro/ /'jigs pa ni lnga ste rgyal po dang rkun po dang me dang chu dang gcan gzan no/ /gnam dal ni lha dang yi dags la sogs pas nad mched par byas pa'o/ / 'ching ba ni 'jigs pa rnam pa lnga la gtogs pa gzhan gyis gnod par byed pa'o/ /nad chen po ni khams ma mnyam pa las gyur pa'o/ /snying po'i don ni 'di lta ste/ a ni a nud pa na ste ma skyes pa'i don to/ /ro ni ro ga ba ga ste nad las thar ba'o/ /li ni gos pa med pa'o/ /ka ni las kyi 'bras bu med pa'o//mdor na chos thams cad ma skyes pa'i phyir nad dang gos pa dang las kyi 'bras bu mi dmigs pa'o/ /dkyil 'khor du gyur te bzhugs so zhes pa sangs rgyas kyis spyan ras gzigs bskor te bzhugs pa'i don to/ /de nas spyan ras gzigs dbang pos rang gi dkyil 'khor bshad pa/de nas gzhan yang rab bshad pa/ /zhes bya ba la sogs pa'o/ /'dir yang dkyil 'khor 'di bshad par bya ba'i nang na chen po nyid sngar smos so/ /de yang 'jig rten gsum las rnam par rgyal ba'i dkyil 'khor dang po nyid du smos pa'i tshul gyis phyi rim gyi dkyil 'khor chu rim bdun dang ri rim bdun dang /de dag tu lha la sogs pa gnas pa yang de bzhin du bya'o/ /rim gnyis pa'i sgo grwar te zhes pa yi ge nor ba zhig tu yang dogs so/ /yi ge ma chad pa zhig dang zhus te bshad na legs/ 'di nyid la'ang mi bzang bzhin du bshad na rim gnyis pa ni phyi rim la bya'o//de'i sgo ni nang gi dkyil 'khor gru bzhi pa'i grwa thad kar 'dod pa skad du bshad de/ de ltar na dkyil 'khor mdzes pa tsam ma lags dkyil 'khor brgyad kyi tshul du ste zhes pa dang nang rim gyi dkyil 'khor gru bzhi po mtshon sna lngas bris la/ de'i dbus su tshon dmar pos pad+ma 'dab ma brgyad pa bris te/'dab ma re re zhing sangs rgyas bzhugs pa'i dkyil 'khor re rer brtsi'o/ /dbus su thig ni bzhi yang bri/ /zhes pa dkyil 'khor dbus su thig skud bzhi ri mo phyogs bzhi dang / grwa bzhi nas thig bzhi btab pas kha brgyad du 'gyur de phyogs bzhi nas thig gnyis grwa bzhi nas thig gnyis kyis bri'o//'dab ma kun gyi steng rnams su/ /sangs rgyas cha lugs bri bar bya/ /zhes pa sangs rgyas brgyad kyi mtshan ma nges par gsungs pas na gang bzhugs kyang sla bar bshad mod kyi/ rnal 'byor spyod pa'i rgyud kun la yang sangs rgyas la thams cad du gtogs pas de lngas bskor ba'i steng du shAkya thub pa la sogs pa gang 'dod pa bris shig /pad+ma che mchog phyag rgya ste/ /zhes pa spyan ras gzigs kyi las kyi phyag rgya pad+mo lag pa g.yon par thogs pa g.yas pas pad+mo kha dbye ba'i tshul du byas te bzhugs pa dkyil 'khor gyi sgor 'dug nas pad+mo chus mi gos pa bzhin du spyan ras gzigs kyang nyes pas mi gos so//de bzhin du skye 'gro byang chub kyi sems la 'dod chags par gyur pas kyang sgrib pa thams cad 'byang ngo zhes pa'i don to/ /ting nge 'dzin du bsgoms te pad+mo'i kyo ba tang gi phyag rgyas me tog gam pad+ma chen po drangs te blangs la spyan ras gzigs dbang po la sngar bzhin 'byung ba bzlas te der ro//de la pad+mo'i kyo ba tang gi phyag rgya ni/ pad+mo kha zum pa'i thal mo byas pa las mthe'u chung gnyis 'dab ma gyes pa ltar dgyed do/ /mdzub mo gnyis kyo ba tang ltar bkug ste gung mo'i tshigs su sbyar ro//kyo ba tang gis kun drangs la/ /zhes pa phyag rgya gong mas dkyil 'khor du dbul ba'i me tog blangs la zhes pa'i don to/ /me tog ci 'dra ba zhe na pad+mo chen po zhes so/ /spyan ras gzigs dbang po'i dkyil 'khor du pad+mos mchod pa'i rigs te de bas na pad+mo zhes smos so/ /pad+mo med na shog shog la sogs pa pad+mo lta bur bya ba'am me tog gzhan la pad+mo lta bur yid kyis brtags te bya'o//de la oM ni snga ma bzhin no/ /ma hA pad+ma ni spyan ras gzigs nyid kyi rang bzhin no/ /hUM ni lus su bsgo ba'o/ /dza ni 'dren pa'o/ /hrI ni gzugs sna tshogs su ston pa'o/ /de nas phyag rgya des slob ma gzhug go zhes pa phyag rgya pad+mo'i kyo ba tang gong ma'o//don kyang bstan par bya'o zhes pa 'og nas 'byung ba'i tshigs bcad sangs rgyas thams cad ces pa la sogs pa de'i don bstan pa'o/ /de nas spyan ras gzigs dbang po'i brtul zhugs sbyin pa ni 'di'o/ /de nas lag pa g.yon par zhes bya ba la sogs pa'o//sangs rgyas thams cad pad+mo che/ /zhes pa sangs rgyas lnga rnams kyi chos kyi sku'i rang bzhin ni pad+mo chen po ste spyan ras gzigs dbang po nyid do/ /dkyil 'khor chen po ni bsod nams dang ye shes kyi tshogs 'phel ba'i rtsa ba dam pa ste/ sngags pas nus na rtag tu ras ris la cho ga bzhin byos shig /mi nus na yang yid kyis dmigs shig khyod ni deng nas spyan ras gzigs zhes pa dkyil 'khor chen po khyod kyis mthong bas na spyan ras gzigs dang po nyid du 'gyur ba'i rtsa ba bsags te/ de bas na dus gzhan la dgongs nas spyan ras gzigs nyid yin no zhes gsungs so//de bzhin gshegs pa thams cad kyi dkyil 'khor chen po zhes pa de bzhin gshegs pas bskor ba'i dkyil 'khor yin pa'i phyir ro/ /de nas pad+mo'i dkyil 'khor 'byung ste zhes pa gong ma dag ni rdo rje'i rigs pas na rdo rje'i dkyil 'khor zhes bshad/ 'di ni pad+mo'i rigs pas na pad+mo'i dkyil 'khor zhes bshad do//'dir yang gzhan gyi dkyil 'khor chen po bzhin du bris la/ dbus kyi snying po la spyan ras gzigs bzhugs pa'i sar sngags pa nyid 'dug nas de bzhin gshegs pa'i ting nge 'dzin pad+mo chus mi chags pa ltar zhes pa gong du smos pa'i don la dmigs shing g.yon pas pad+mo gzung /g.yas pas 'dab ma kha 'byed pa la blta zhing 'bum bzlas so/ /de nas dam tshig gi dkyil 'khor 'byung ste zhes pa dkyil 'khor chen po bzhin du thams cad bris la dbus su spyan ras gzigs dang mtha' mar sangs rgyas bzhugs pa rnams la pad+mo re re la A ro l-i ka re res bsngags te pad+mo stong dbul lo//de'i dbus su pad+mo stong bzhag ste zhes pa dkyil 'khor phyi nang du gzhag par zad de dbus zhes bya ba'ang nang zhes pa'i don to/ /dbus kyi nyid du spyan ras gzigs dngos bzhugs par bya'o/ /slob min bu min ma yin te//zhes pa dam tshig gsang ba rnams slob ma ma yin pa dang bu ma yin pa la mi ston zhes pa'i don to/ /de la slob ma ni gzhan gyis dkyil 'khor du zhugs kyang nyan pa dang man ngag la sogs pa bdag las nod pa'o/ /bu zhes bya ba ni bdag rang gi dkyil 'khor du gzhug pa'o//slob ma dang bur gyur pa tsam gyis chog ste ci 'dra 'ang rung ngam zhe na ma yin te dam tshig can zhes so/ /de dag kyang dam tshig dang ldan pa la bstan zhes pa'i don to/ /gsang ba de la gang zhe na/ 'dod pa'i 'dod chags thams cad ni/ /zhes bya ba dag go//byang chub kyi sems bde ba thams cad bskyed pa'i 'dod pa la chags shing zhes pa ni skyon du mi 'gyur te pad+mo chus mi gos pa bzhin no/ /de nas las kyi dkyil 'khor de bzhin du bris la zhes pa dkyil 'khor chen po bzhin du bris la mchod pa bzhis mchod do//bzhi gang zhe na sangs rgyas thams cad la ni mchod pa rnam pa lnga la sogs pa yid kyis bsams pa bzhin du mchod do/ /phyag na rdo rje la ni glu dang ldan pa'i tshig gis mchod do/ /spyan ras gzigs la ni lus kyis phyag bya ba dang gar la sogs pas mchod do/ /nam mkha'i snying po la ni dbang sbyin pa dang pha rol tu phyin pa la sogs pas mchod do//de nas bcom ldan 'das spyan ras gzigs dbang pos sgrub pa'i cho ga bshad pa 'di gsungs so zhes pa rang gi sgrub pa'i cho ga gsungs so/ /rang gi ting nge 'dzin du zhugs shing zhes pa spyan ras gzigs rang gi ting nge 'dzin gyi tshul phyag g.yon pa pad+mo bsnams shing g.yas pas kha 'byed pa kha dog dmar po mthar de bzhin gshegs pa brgyad kyis bskor ba'o//rtag tu dag pa'i ting nge 'dzin gyi zhes pa slob pa'i dus thams cad du pad+mo chus mi chags pa ltar skye bo thams cad nyes pas mi gos pa'i ting nge 'dzin byas la A ro l-i ka bzlas so//sgrub pa po pad+mo'i dbus su bzhugs te zhes pa sgrub pa po'i lag na yang lha'i tshul du pad+mo 'dzin pa de'i dbus su sprul pa bzhugs so/ /sgrub pa po'i dbang bskur ba'i gnas zhes pa dpral bar bzhugs te/gsal bar snang gi bar du bzlas so/ /sems can thams cad kyang mthong nas zhes pa dkyil 'khor gyi sangs rgyas dang / byang chub sems dpa' thams cad kyang rang gi spyod yul du 'gyur ro/ /'bum bzlas na sgrib pa thams cad rnam par dag par 'gyur ro zhes sgrub pa'i bar chad du 'gyur ba'i sgrib pa phran tshegs 'byung ngo //nyis 'bum bzlas na sdig pa che chung thams cad byang bar 'gyur ro/ /sum 'bum bzlas na byang chub sems dpa'i bsod nams kyi tshogs kun 'thob po//de nas sgrub pa'i cho ga ma byas kyang sngar bsnyen pa'i cho ga mang du byas na las phran tshegs rnams 'grub par 'gyur ro zhes bstan pa/ de nas ma bsgrubs kyang zhes bya ba la sogs pa'o/ /dbab pa ni tsan dan gyi bdug pas so zhes pa lha la sogs pa dbab na/ dbab pa'i phyag rgya bcings la snying po gong du smos pa'i mjug la dbab pa'i snying po AHsmos shing tsan+dan gyis bdug go//gdon thams cad zhi bar bya ba ni hrIH zhes bya bas so zhes pa A ro l-ika gi mjug la hrIHbsnan te bzlas so/ /sems can thams cad dbang du bya ba ni rdo rje me tog bzlas te sbyin no zhes pa snying po nyid rdo rje ste des bzlas pa'i me tog lag tu sbyin no//sems can thams cad mnan pa ni zhes pa gang dag gnod par byed 'dod pa 'khums shing rtsol mi phod par bya ba ni 'jim pa dkar po la bsngags te dor ro/ /bud med kyang dbang du bya ba ni zhes bya ba su ma na zhes bya ba'i me tog ku ru la snying po gang mas btab ste sbyin no//rkun po mnan pa ni zhes bya ba ni rkun po 'gums par bya'o/ /ri dwags dang bya mnan pa ni zhes pa zhing dang bza' shing la sogs pa za ba rnams 'khums shing mi za bar bya'o/ /sgyu ma bstan pa ni zhes bya ba rma bya'i mdongs chad pa gang bcings pas sngags zlos shing nam mkha' la bskor na dmag rnam bzhi la sogs pa nam mkha' la ston nus so//yugs sa mo dbang du bya ba ni zhes pa 'jig rten dang 'jig rten las 'das pa'i 'dod pa ste 'jig rten gyi ni 'dod pa'i yon tan lnga rnams te/de la dbang du gyur pa ni yid bzhin du 'byor pa'o/ /'jig rten las 'das pa ni byang chub kyi sems bde ba thams cad kyi rgyur gyur pa ste de dbang du gyur pa ni mngon du 'gyur ba'o/ /nyin re bzhin dus gsum du bzlas na zhes pa sngar bsnyen pa cho ga bzhin du rdzogs par byas nas lha nye bar gyur pa dang sgrub pa'i cho ga 'di bzhin du sbyar ro//nyin mtshan dus gsum du bzlas zhes bya ba nyin yang dus gsum mtshan yang dus gsum du bzlas so/ /spyan ras gzigs dbang po'i rtog pa rdzogs so// //de nas bcom ldan 'das la 'phags pa nam mkha'i snying po byang chub sems dpa' zhes pa des kyang rang gi snying po gsungs so//de'i sngags kyi don ni traM ni rin po che'i rigs kyi snying po ste/ ta ni sbyin pa'i pha rol tu phyin par ston to/ /ra ni rdul dang bral bar ston to//thig le a nu da sa ra ste stong pa nyid du ston to/ /ba ba ni bcings pa med par ston to/ /Ta Ta ni khengs pa med par ston to/ /ha ha ni nan gyis mnan pa med par ston to/ /de nas brjod pa ni zhes pa nam mkha'i snying po 'di rin po che'i rigs yin la/ sbyin pa'i pha rol tu phyin pa dam tshig tu len pas de'i snying po brjod pa tsam gyis don thams cad char du 'bab po//rnam par snang mdzad kyi sku la yang dbu rgyan dang dpung rgyan la sogs pa so sor ci rigs par brgyan te bzhugs so/ /rdo rje dkyil 'khor tshul bzhin de/ /zhes pa phyag na rdo rje'i dkyil 'khor dang por smos pa de'i rdo rje'i dkyil 'khor gyi tshul bzhin du bris te phyi rim du gser gyi ri dang /mtsho dang / khor yug dang de dag tu gnas pa'i lha 'dre la sogs pa yang gong ma bzhin du bri'o/ /rdo rje rin chen mnyam ldan zhing / /zhes pa ni nang gi dkyil 'khor gyi mthar ri mo ni rin po che rdo rje can gyis bsgreng ngo //cha brgyad shin tu mnyam par bya/ /zhes nang gi dkyil 'khor gru bzhi'i mtha' dkyil 'khor gyi re'u brgyad kyis bskor ba'i dbus na nam mkha'i snying po bzhugs shing 'khor byang chub sems dpa' gzhan gyis bskor ba 'og nas 'byung ba bzhin dgod do/ /rin chen thams cad snyoms ldan pa//zhes pa ka ba la sogs pa'i mdo mdor rin po che sna lnga pa thams cad kyis brgyan pa'o/ /de nas slob dpon der bzhugs te rdo rje rin po che'i phyag rgya 'og nas 'byung ba dbang bskur ba'i gnas dpral bar gzhag ste/ de nas bskul ba'i phyir tshigs bcad 'di lhogs shig /re ba thams cad grub pa yi/ /zhes bya ba ste yid la bsam pa grub pa thams cad kyi nang na nam mkha' grub pa'i mchog yin te/ de ni nam mkha' la 'gro ba dang / nam mkha' la nor thams cad 'grub pa la sogs pa'o/ /sems dpa' chen pos de thams cad grub par gyur cig pa'i don to//skyes bu chen po brgyad gzhag par bya'o zhes pa dang po'i dkyil 'khor du byang chub sems dpa' brgyad rnam par snang mdzad dang dgu bzhugs pa las rnam par snang mdzad dang nam mkha'i snying po go brjes te bzhugs par bya'o/ /sems can kun la phan pa'i phyir//zhes bya ba la sogs pa ni dam tshig gi don bstan pa ste/ 'gro ba kun la phan gdags pa'i phyir ro/ /sbyin pa la sogs pas 'gro ba kun la phan gdags pa'i phyir da ltar yang re ba yongs su bskung ba la sogs pa byang chub sems dpa' 'di thams cad ni re ba yongs su bskang ba de'i don du gsungs so//de nas snying po byin la zhes pa slob ma la snying po byin nas rin po che sna lnga bcug pa'i bum pa la sngags 'di bzlas te dbang bskur ro/ /de'i don ni rdo rje rin po ches chos thams cad kyi bdag por 'gyur ba'i phyir dbang bskur ro/ /de nas rdo rje rin po che'i dkyil 'khor 'byung ste zhes bya ba nam mkha' mdzod rin po che'i rigs su gtogs pas na rin po che'i dkyil 'khor zhes bya ste/pad+mo'i rigs la pad+mo'i dkyil 'khor zhes bya ba bzhin no/ /de nas dkyil 'khor gong ma bzhin du bris la de'i dbus su rdo rje dang ldan pa'i rin po che'i ri mo bri'o/ /sngags pa'i lag tu yang nor bu rin po che gang yang rung ba thogs nas dkyil 'khor du bris pa'i rin po che langs kyi bar du bzlas so//de nas de bzhin gshegs pa byon te sngags pa la dbang bskur na chos thams cad la dbang byed par 'gyur ro/ /de nas dam tshig gi dkyil 'khor te zhes pa dkyil 'khor gong ma bzhin du bris la nam mkha'i snying po'i sku dkyil 'khor gyi dbus su bzhugs pa'i spyan sngar nor ke d+ha ra dang /pa na la sogs pa bzhag nas de nas slob ma bcug ste kun bstan la dam tshig bsgo ba/ sangs rgyas la sogs sems dpa' dag /ces bya ba dag go/ /sangs rgyas dang byang chub sems dpa' dag la nyin re zhing mchod pa mi chad par bya'o//gal te chad na nor thams cad yal bar 'gyur ro/ /de nas mna'i chus dbang bskur ro/ /mna'i snying pos bsngags pa'i chu spyi bor blug go/ /las kyi dkyil 'khor bris la zhes pa gzhan ni gong ma bzhin du bri'o//de'i dbus su rnam par snang mdzad rgyan thams cad kyis brgyan te bzhugs la der slob ma gzhug go/ /de nas las rnam pa lnga bslab pa ni dbang bskur ba la sogs pa'o/ /dbang bskur ba ni phreng ba dang bum pa la sogs pa'o/ /nor ni gser dngul la sogs pa'o//zang zing ni nas dang 'bras bu la sogs pa byol song 'dod pa rnams so/ /mi snang ba'i sems can rnams zhes bya ba lha la sogs pa'o/ /rdo rje rin chen dbang bskur bas dbang bskur ba bris te zhes pa rnam par snang mdzad rin po che'i phreng bas dbu brgyan zhes bya ba'i tha tshig go//bcom ldan 'das la dbang bskur ba'i phreng bas zhes pa nam mkha'i snying po nyid rin po che'i phreng ba phyag gnyis na thogs la rnam par snang mdzad kyi dbu la gdags pa ltar bzo bos bri'o/ /de nas ma bsgrubs par yang las su 'gyur ba ni zhes pa bsgrub pa'i cho ga ma byas par yang sngar bsnyen pa mang du byas pa las su rung bar bshad pa'o//'bum bzlas na don thams cad phun sum tshogs par 'gyur ro zhes pa bsnyen pa de tsam byas pas lha mngon du 'gyur bas zhi ba la sogs pa'i don sgrub pa rnams 'grub ces pa'i tha tshig go/ /phyag na rdo rje dang spyan ras gzigs dbang po la sogs pa'i spyan sngar bsngags pa'i ni nam mkha'i snying po'i sngags ba ba Ta Ta zhes bya ba de nyid bzlas so//chos kyi nor dang gzungs 'thob bo zhes pa rtogs pa'i chos dang / bshad pa'i chos kyi longs spyod thob pa'o/ /sngags dang don dang gzhung dang tshig gi gzugs 'thob cing /'dod pa rnam pa lnga la sogs pa'i nor yang 'phel bar byed do/ /rdo rje'i 'khor lo srin lag/ /gi sor mos mnan te zhes pa sems bskyed ma thag tu chos kyi 'khor lo bskor ba'i byang chub sems dpa'i sku gzugs la'o/ /'khor lo bskor bar 'gyur zhes pa ni 'khor lo bskor ba'i rgyal por 'gyur ro//nam mkha' mdzod kun nas 'khyud de zhes pa de'i sku gzugs la lag pas 'khyud de'o/ /dga' ldan gnam gyi dbang mchog byin nas zhes pa der phyin nas don thams cad 'grub pa'i dbang bskur ro/ /nam mkha'i snying po'i rtog pa rdzogs so// //de nas rdo rje khu tshur gyi byang chub sems dpa' zhes pa lha ma yin la sogs pa'i 'khor bzlog cing sdod mi phod pas zil gyis gnon pa'o//grub pa thams cad 'grub par bya ste zhes pa grub pa'i skal ba yod pa rnams 'grub par byas nas sems can de dang po byang chub tu sems bskyed pa nas mthar sangs rgyas su rdzogs kyi bar du sems can gyi don mang por byas pa'o//sngags kyi don ni oM yang snga ma bzhin no/ /ru T+ya ru T+ya ni 'gyur ba ste/ ma rdzogs pa'i rang bzhin du rdzogs par byed pa lta bu'o/ /hUM ni mngon par spyad pa ste/ nyon mongs pa 'jil ba'o/ /ma Ta ni snang ba ste ma ni nyi ma'i sa bon no//Ta ni zla ba'i sa bon yin pa'i phyir ro/ /de bzhin gshegs pa thams cad la phyag rgyas btab nas zhes pa bcom ldan 'das kyi lus dang ngag dang yid gsum gcig tu bsdus pa ni khu tshur te de'i phyag rgya bcings pa na de bzhin gshegs pa thams cad kyi rang bzhin bsdus pa ni rgyas btab ces pa'i don to//rdo rje'i dkyil 'khor 'dra ba ni/ /zhes pa dkyil 'khor dang po smos pa'i rdo rje'i dkyil 'khor bzhin du ri dang chu dang gling dang sems can gyi gnas pa la sogs pa'ang de bzhin du bri'o/ /de'i nang rim gyi dbus su rdo rje khu tshur zhes bya ba'i sems dpa' chen po'i gzugs sam cha lugs bzhag go//de'i phyag rgya bstan pa/ rdo rje khu tshur rdo rje bcangs/ /zhes pa dag go/ /'di'i skabs su rdo rje khu tshur bcings pa nyid rdo rje khu tshur gyi sgrar bshad de de'i dbus su rdo rje rtse lnga pa bcug la mdzub mo g.yas g.yon gyi lag pa gzhan pas drag tu btsir ba'o//de yi thad kar thams cad du/ /sangs rgyas sku lus gzhag par bya/ /zhes pa de'i phyogs bzhir mi bskyod pa la sogs pa bzhi bzhugs par bya'o/ /de'i grwa bzhir byang chub sems dpa' phyag na rdo rje dang / nam mkha'i snying po dang / spyan ras gzigs dang / sna tshogs rdo rje rnams bri'o//de nas dkyil 'khor de dang por slob dpon 'jug pa'i cho ga gsungs pa/ de nas rdo rje khu tshur gyi dkyil 'khor dag ces pa dag go/ /de la sngags kyi don hUM ni mngon par spyad pa'i don to/ /dak+Shi ni lha nyid sbyin gnas su bstan to/ /smar ni sngon gyi dam tshig dran par byos shig par bskul ba'o//phaT ni mngon par spyad pa'o/ /de nas snying po 'dis bdag gi snying gar dgrol lo zhes pa khu tshur gyi phyag rgya gong du bcings pa sngags kyi mthu dam por gyur pa sngags 'di brjod de slar dgrol lo/ /sngags kyi don ni rdo rje khu tshur slar grol bar gyur cig ces pa'i don to//de nas rdo rje slob ma gzhug ste zhes pa ye shes kyis byin gyis brlabs pa'i slob ma ni rdo rje slob ma'o/ /rdo rje slob dpon yang de dang 'dra'o/ /rdo rje khu tshur dam tshig gi phyag rgya rdo rje dang bcas pa ni gong du lha'i phyag rgya bshad pa'i skabs su smos pa de nyid bcings la me tog gi phreng ba phyag rgya des bzung nas 'jug go//deng khyod de bzhin gshegs pa thams cad kyi phyag rgyas btab pa ni zhes pa slob ma la bsgo ba ste/ dkyil 'khor 'dir zhugs pas na de bzhin gshegs pa thams cad kyi chos dang ye shes kyi phyag rgyas byin gyis brlabs pa'o//de la chos kyi phyag rgya ni ngag gi gsang ba'i rang bzhin no/ /rdo rje'i phyag rgya ni sems kyi gsang ba'i rang bzhin te phyag rgya de gnyis gang 'dod pa slob ma 'dom du gzhug go/ /slob ma gnyis ka 'dod ces zer na de gnyi ga'i phyag rgyas byin gyis brlab par bya ste/ de'i cho ga gsungs pa rdo rje dang /de bzhin gshegs pa'i cha lugs zhes pa dag go/ /cha lugs de nyid dkyil 'khor na bzhugs pa las blangs nas me tog gi phreng ba dang / rdo rje dang cig car du slob ma'i mgo la gzhag go/ /lus dang ngag dang sems rdo rje'i zhes pa sangs rgyas dang byang chub sems dpa'i lus dang ngag yid kyi gsang ba rdo rje rnams gcig tu bsdus pa ni rdo rje'i khu tshur zhes bya'o//de nas phyag rgya'i dkyil 'khor 'byung ste zhes pa rdo rje khu tshur ni las kyi rigs pas na phyag rgya'i dkyil 'khor zhes bshad do/ /de'i dbus su ci rigs par zhes pa rnam par snang mdzad rdo rje khu tshur gyi phyag rgya bcings pa bzhugs par bya'o//de'i phyogs bzhi'i shar phyogs nas brtsams te zla ba'i dkyil 'khor la rdo rje dang / rin po che dang pad+mo dang rgya gram byang phyogs kyi bar du gzhag go/ /rdo rje pad+mo'i dbus zhes bya ba zla ba'i dkyil 'khor gyi dbus su gzhag ste/ rdo rjes byin gyis brlabs pas na rdo rje pad+mo ste rdo rje nyid der bri ba ni ma yin no//grwa rnams su yang dus bzhi'i lha mo'i mchod pa gong du smos pa rnams bri ste/ de nas/ slob ma dkyil 'khor du bcug la/ /phyag rgya rnam bzhi yang slobs shig /sgrub pa gsang ba dag dang ni/ /zhes pa la sogs pa de dag kun dkyil 'khor du bris nas slob ma la yang kun brjod cing so so'i cho ga bzhin du bsgrub par bya'o//de la sgrub pa ni phyag rgya chen po la sogs pa bsgrub par bya'o/ /gsang ba ni lus dang ngag dang yid kyi gsang ba'o/ /'khyud pa ni rdo rje khu tshur gsang ba thams cad bsdus pa'i rang bzhin no zhes bya ba nyid 'khyud pa'o//bskul ba ni sngon gyi dam tshig dran par byos shig ces smras pa'o/ /de nas dam tshig gi dkyil 'khor 'byung ste zhes pa dam tshig dkyil 'khor yang gzhan ni gong ma bzhin du bris la/ lha rnams kyi mtshan ma phyag rgya rnams der dgod do/ /de ste dkyil 'khor ma mthong la zhes pa dam tshig can ma yin pa la phyag rgya bstan na rigs bzhi char gyi lha rnams bka' 'bab par 'gyur ro zhes bstan te/de la de bzhin gshegs pa'i rigs ni rdo rje'o/ /de ltar rim bzhin du sbyar te sna tshogs rdo rje'i bar du'o/ /sna tshogs ni rdo rje rgya gram la bya'o/ /de nas las kyi dkyil 'khor 'byung ste zhes pa dkyil 'khor gong ma bzhin du bris la/rdo rje khu tshur gyi spyan sngar phyag rgya bcing ba'i rim pa bslab po/ /de'i rim pa ni 'di'o/ /rdo rje bcing ba kun byas la/ /zhes pa dam tshig gi phyag rgya bcing ngo / /cho ga dang po rdo rje bcing ba byas la de nas sor mo thams cad dral bar bya'o//de nas rdo rje 'bebs pa'i phyag rgya bcing ngo / /de nas rdo rje bcings pa las lag pa'i dam tshig gi phyag rgya bcings pa thams cad bya'o/ /de lta bur mi ldan na zhes phyag rgya'o/ /rim pa gong du smos pa bzhin du bya bar mi ldan na byang chub kyi sems la sogs pa 'dod pa'i mchog sgrub pa'i sngags pas dam tshig chen po'i yang dag pa'i ye shes kyi snying po sa ma ya s+t+waM zhes bya ba la sogs pa'i spyi'i dam tshig gi sngags thang cig zlos la/de nas phyag rgya thams cad chings shig /'dod pa'i mchog thams cad sgrub pa ni zhes pa byang chub kyi sems bsgrub pa ni phyag rgya gong du smos pa la sogs pa nyid la rag lus zhes pa'i don to//de nas bcom ldan 'das rdo rje khu tshur gyi sgrub pa 'byung ste zhes pa dkyil 'khor gong du smos pa rnams kyi sgrub pa'i cho ga 'dir bshad de/ 'og nas sgrub pa dang las 'byung ba rnams kyi dang po spyi'i bsnyen pa 'bum bya'o zhes bstan pa 'o ma 'thung zhing rdo rje khu tshur gyis zhes bya ba la sogs pa'o//rdo rje dbang bskur bar dar gyis bcings la zhes pa rdo rje khu tshur gyi nang du rdo rje rtse lnga pa bcug la rdo rje bcings ba byas nas dbang bskur ba'i gnas bral ba nas dar gyis dkri bar bya'o/ /de'i g.yas g.yon phyogs bzhir de bzhin gshegs pa mi bskyod pa la sogs pa 'khor byang chub sems dpa' dang bcas pa bri'o//de la sangs rgyas rnams ni rdo rje bcings pa'i phyag rgyas bzhugs par bya'o/ /de dag gi 'khor byang chub sems dpa' rnams ting nge 'dzin gyi tshul du bzhugs par bya'o/ /de nas de'i spyan sngar de bzhin gshegs pa thams cad kyi khu tshur bcings la zhes pa rdo rje khu tshur bcings pa'i mtshan nyid gong du smos pa bzhin du bya'o//de nas nam phyed nas bdud kyi las sna tshogs snang bar 'gyur ro zhes pa 'jigs pa'i gzugs ston cing sgra 'byin pa dang / mtshon sna tshogs kyis 'debs shing sngags pa la rgol ba ni bdud kyi las so//sngags kyi don ni rdo rje khu tshur gyis bdud thams cad choms shig pa'i don to/ /gzhan gyi skabs su yang bgegs rgol ba rnams la sngags 'di sbyar ro/ /lus kun 'jug go zhes pa sangs rgyas kyi sku sngags pa'i lus la 'jug pa'o//gzhon nu dam tshig gi khu tshur gyis rdo rje dam du bcings zhes pa dam tshig gi rdo rje khu tshur ni rdo rje bcings pa las mthe bong gnyis nang du bcug pa'o/ /de'i nang na rdo rje rtse lnga pa bsgreng ste bcug la bsdams pa'o/ /spyan gsum ma lag pa gnyis kyis rdo rje gsal phur thogs pa zhes pa gsal phur ni shU la ste mdung rtse dang bcas pa'i mdung 'dra ba lag pa gnyis kas bzung ba'o//pad+mo dang mchog sbyin gyi phyag tu byas pa zhes pa phyag g.yon pa na pad+mo/ /g.yas pa mchog sbyin de'i g.yon du pad+mo chen po rdo rje zhes pa spyan ras gzigs kyi g.yon du rdo rje bzhag ste phyag g.yon pa na pad+mo thogs pa'o//pad+mo chen po zhes bya ba ni pad+mo'i rigs kyi bdag po spyan ras gzigs kyi dbang po nyid la bya'o/ /de'i rdo rje ni de'i ye shes kyi rang bzhin te rdo rje de nyid la bya'o/ /gzugs kyi ras kyis de la phaT ces bya ba thob na phaT ces bya ba'i sgra 'byung ngo / /kun 'khyil pas 'khyil pa'i skra zhes bya ba gzhon nu skra lcang lo 'khyil pa la bya'o//bskyang ba dang chad pas gcad pa zhes pa phan gdags pa dang gnod par nus pa'o/ /dbyibs rgus pas bcom ldan 'das la phyag 'tshal zhes pa rdo rje khu tshur gyis phyag 'tshal ba'o/ /du ru ka yi 'bru mar gyis/ /zhes du ru ka dang 'bru mar sbyar ba'i 'bru mar gyis sbags pa'o//sa'i 'og brjod ces pa sa'i gting na lha ma yin la sogs pa'i gnas yod pa brjod pa der 'gro bar 'grub bo/ /sa brjod pa zhes pa brag phug la sogs pa sa'i gtan nyid ma yin pa'i gseb na spyod par 'grub bo/ /khams brjod ces bya ba ni gser dngul byed par 'grub bo//'dod pa'i gzugs zhes bya ba ci 'dod pa'i lus 'thob bo/ /bcing ba thams cad dang mnan pa dang zhes pa ma rungs pa'i sems can yan lag bcing ba dang / 'khums shing rtsol mi nus par mnan pa dang / smra mi nus par gzir ba dang / dran pa med par glong bar bya ba dang gnyid log par nyal ba dang /bcings pa la sogs pa las thar par byed nus so/ /nam mkha' la nor dang gser dang mu tig dang zhes pa nor ni dong tse dang / ge sar dang / 'gron bu la sogs pa btsong zhing bsgyur ba'i nor rnams la bya'o/ /'thab cha dang ston skyob dang /zhes pa 'thab cha ni ral gri la sogs pa'o/ /ston skyob ni 'jig rten dang 'jig rten las 'das pa'i gtsug go/ /skyes kor ni go cha la sogs pa'o/ /glegs bam ni dam pa'i chos la sogs pa'i glegs bam mo/ /rtog pa ni sngags kyi rtog pa'o/ /dus kyi 'khor lo bskor ba dang /zhes pa dbyar dgun du bsgyur ba la sogs pa dus brje'o/ /'khrul 'khor thams cad bcad pa dang / /zhes pa 'og gi bgegs thams cad gzhom zhing sa 'og gi sgo bcad pa thams cad 'byed pa'o/ /thams cad kyi phyag rgya bcag pa dang zhes pa pha rol rgol ba'i phyag rgya mthu med par bcag pa dang /de'i phyag rgya so sor dral ba'o/ /gas pa sbyar ba dang zhes pa ni dngos po gang yang rung ba gas sam chag pa slar gso nus so/ /thams cad skyed pa dang zhes pa ni sa bon gyi cho ga skyed par byed pa'o/ /rdo rje khu tshur gyi rtog pa rdzogs so// // de nas bcom ldan 'das la 'jam dpal gzhon nur gyur pa byang chub sems dpas 'di skad ces gsol to/ /zhes pa 'jam dpal gyis kyang 'dir rang gi snying po gsungs par brtsams so/ /chos kyi mdzod brjod par 'gyur ro zhes pa sangs rgyas kyi chos ni rtog pa dang brjod pa gnyis te/ rtog pa ni mya ngan las 'das pa'i chos rang gis rig pa'o//brjod pa'i chos ni gsung rab sde bcu gnyis la sogs pa'o/ /gsung rab kyi chos de dag ni don yi ge 'bru lnga pa'i snying po 'dir 'dus zhes pa'i don to/ /sngags kyi don ni 'og nas 'chad do/ /chos thams cad kyi mnyam pa nyid dang zhes pa 'dus byas dang 'dus ma byas pa la sogs pa'i de nyid chos bdag med pa'i sgor mtshungs pas na mnyam pa nyid de/'dis ni brjod par bya ba mnyam pa nyid bstan to/ /brjod pa mnyam pa nyid bstan pa ni yi ge mnyam pa nyid ces brjod de/ yi ge sum cu rtsa gnyis kyang rang bzhin med pa nyid mtshungs pa ste/don de dag 'bru lnga pa'i snying po 'dis bstan to/ /shes rab kyi pha rol tu phyin pa'i grub pa thob par 'gyur to zhes pa shes rab kyi pha rol tu phyin pa'i don stong pa nyid rtogs zhes pa'i tha tshig go/ /de nas de'i dkyil 'khor 'byung ste zhes pa 'jam dpal gyi dkyil 'khor ni phyag na rdo rje'i dkyil 'khor dang po nyid du smos pa/'khor lo'i dkyil 'khor zhes bya ba dkyil 'khor chen po'i tshul bzhin du ri rab kyi rtse mor dkyil 'khor zlum po'i 'khor lo dang 'dra ba dang / phyi rol chu dang gser gyi ri dang ri khor yug dang gling bzhi pa la sogs pa yang de bzhin du bris la/ de'i dbus su rnam par snang mdzad kyi sar ni 'jam dpal nyid bzhugs par bya'o/ /rnam par snang mdzad ni 'jam dpal gyi steng nam mkha' snying po'i sar bzhugs par bya'o/ /nam mkha'i snying po ni 'jam dpal gyi sar bzhugs par bya'o/ /'jam dpal ni sku mdog dmar ser phyag g.yas pa na rdo rje ral gri thogs/g.yon pa na shes rab kyi pha rol tu phyin pa'i glegs bam bsnams pa'i ri mo'am sku gzugs gzhag go/ /rdo rje ral gri zhes bya ba ni ye shes so/ /de'i mtshan ma ral gri yin pas na rdo rje ral gri zhes bya'o/ /de'i thad kar thams cad du yi ge a ra pa tsa na la sogs pa'i phreng ba bri zhes pa 'jam dpal gyi drung du yi ge 'bru lnga pa kha dog dmar po mgo mnyam du 'khor bar bskor ro//sogs pa'i sgras ni yi ge 'bru lnga'i don bshad pa 'og nas 'khor bar bri'o/ /de nas dang po slob dpon nyid dkyil 'khor du 'jug pa'i cho ga bstan pa de nas slob dpon gyis zhes bya ba la sogs pa'o//dam tshig gi phyag rgya ni 'og nas 'byung ngo / /yi ge 'bru lnga spros pa med pa'i spyan sngar brjod do zhes pa spros pa med pa ni 'jam dpal la bya ste chos kyi sku'i rang bzhin yin pa'i phyir ro/ /de phyin chad slob dpon la 'jam dpal gyis byin gyis brlabs te spobs pa chen po yang thob/ dus gsum gyi legs nyes cir gyur pa yang nam mkha' la yi ger bris te ston to//de nas slob ma gzhug pa'i cho ga gsungs pa/ de bzhin du slob ma bcug ste zhes pa la sogs pa'o/ /gong du smos pa'i cho ga bzhin du byas la rdo rje ral gri dam tshig gi phyag rgya bcings la de nas me tog bzung ste dkyil 'khor du gzhug go//de nas slob dpon gyis slob ma la bsgo ba/ deng khyod kyis de bzhin gshegs pa'i chos zhes bya ba la sogs pa'o/ /deng khyod kyis dkyil 'khor 'dir zhugs pas de bzhin gshegs pa'i chos stong pa nyid rtogs par 'gyur gyis snying po 'og nas 'byung ba dam tshig can ma yin pa la sogs pa la ma smra shig /smras na tshe 'di la gnod par 'gyur ba dang tshe phyi ma la dmyal bar skye ba gong du smos pa dang 'dra'o/ /'dod pa thams cad 'thob po zhes pa 'bru lnga po 'di la bsgoms pas byang chub kyi sems dang 'jig rten gyi 'dod pa thams cad 'thob po/ /a zhes bya ba ni 'dod pa'o zhes chos thams cad ma skyes par bstan te/gong ma skyes pa de ni byang chub ste bde ba thams cad 'grub pa'i rgyu yin pa'i phyir de nyid 'dod pa'o/ /ra zhes bya ba ni chags pa'o zhes bya ba sems can smin pa dang grol bar bya ba la chags pa'o/ /pa zhes bya ba ni don dam pa'o zhes bya ba gzung ba dang 'dzin pa dang bral ba'i don stong pa nyid du ston pa'o//tsa zhes bya ba ni spyod pa'o zhes bya ba byang chub kyi spyod pa pha rol tu phyin pa drug la sogs pa'i don ston pa'o/ /na zhes bya ba ni dngos po med pa'o zhes bya ba chos thams cad dngos po med pa ste chos dang gang zag la bdag med pa'i phyir ro//don de lnga bsdus te bstan pa 'dod chags dam pa zhes bya ba dag go/ /de dag bsgrubs na byang chub kyi sems dang 'jig rten pa'i 'dod pa thams cad thob par 'gyur ro/ /'dod pa thams cad ni de bzhin gshegs pa'i snod yin te zhes ba byang chub kyi sems sa bcu'i rim pa thams cad ni de bzhin gshegs pa'i snod dam rgyu yin zhes bya ba'i don to//rdo rje 'dzin kyang myur du 'thob par 'gyur ro zhes pa 'di'i skabs su 'jam dpal nyid la bya ste/ ye shes kyi mtshan ma ral gri la sogs pa 'dzin pa'i phyir ro/ /de nas phyag rgya 'dzin pa bslab po zhes pa 'jam dpal gyi phyag rgya chen po la sogs pa rnam bzhi bslab bo//spros pa med pa'o zhes bya ba ni chos kyi sku'i rang bzhin tshig dang don sna tshogs su spros pa med pa'i don ston pa'i dkyil 'khor bas na spros pa med pa'i dkyil 'khor zhes bya'o/ /de nas ral gri'i dkyil 'khor 'byung ste zhes pa dkyil 'khor 'dir ral gri sgrub pas na ral gri'i dkyil 'khor te/dang po nyid du phyag na rdo rje'i dkyil 'khor zhes smos pa de bzhin du bri'o/ /de nas dkyil 'khor de'i dbus su bsgrub par bya ba'i ral gri bzhag ste mtshan thal byung bzlas te bsgrub po/ /slar bsnyen pa bya ba ni skabs gzhan du gsungs pa'i tshul bzhin bya'o//dam tshig gi dkyil 'khor ni zhes pa dkyil 'khor chen po'i tshul bzhin du bris la/ der slob dpon dang slob ma gnyi ga cho ga gong ma bzhin du zhugs nas slob ma la nyin gcig cing rtag tu tshig 'di skad brjod cig ces bsgo'o/ /de nas las kyi dkyil 'khor 'byung ste zhes pa dkyil 'khor gong ma bzhin bris te/des shes rab kyi pha rol tu phyin pa'i glegs bam gzhag la 'dri ba la sogs pa mchod pa rnam pa bzhi'o/ /de nas sgrub pa 'dod pas dkyil 'khor chen po'i tshul du ras la bris nas zhes pa dkyil 'khor chen po'i tshul bzhin du chu dang ri dang gling la sogs pa thams cad bri'o//de nas de'i spyan sngar a ra pa tsa na zhes bya ba'i yi ge'i phreng ba lan cig bklags la/ chos thams cad rang bzhin gyis ma grub pa'o zhes skabs su tshig tu yang brjod cing de'i don yid la bzlas te yi ge 'bru re zhing sngags 'bum 'bum ste lnga 'bum bzlas na 'grub par 'gyur ro//de nas ma bsgrubs kyang las su 'gyur ba ni zhes pa sngon du bsnyen pa tshul bzhin du mang du byas nas sngags nye bar gyur na nad la sogs pa'i glo bur gyi sdug bsngal rnams thams cad byang bar 'gyur ro/ /gnyis kyis sdig pa thams cad byang bar 'gyur ro//gsum gyis bsam gtan bzhi la sogs pa thob par 'gyur ro/ /bzhis tshe snga phyi la sogs pa dran par 'gyur ro/ /sku gdung dang bcas pa'i mchod rten la yi ge phreng ba g.yas phyogs nas zhes bya ba ni zhal shar phyogs su gzigs par brtags la de nas tse ti'i g.yas phyogs nas bskor te/a ra pa tsa nas mgo mnyam du bskor la mgo'i as mjug gi na'i drung du phyin gyis bar du bskor ro/ /de nas tse ti de nyid sngags pas bskor zhing sngags pa de nyid 'bum bzlas so/ /'jam dpal gyi rtog pa rdzogs so// //de nas bcom ldan 'das la rdo rje 'khor lo byang chub sems dpas 'di skad ces gsol to//sems bskyed ma thag tu chos kyi 'khor lo bskor ba'i byang chub sems dpas gsol pa'o/ /gang gi brjod pa tsam gyis dkyil 'khor thams cad du zhugs par 'gyur ro zhes phyag rgya 'og nas 'byung ba bcings la brjod na rnal 'byor gyi rgyud kyi dkyil 'khor thams cad du zhugs par 'gyur ro//sngags kyi don oM sngar bshad pa'o/ /badzra ni ye shes su ston to/ /tsakra ni chos kyi 'khor lo bskor bar ston to/ /stong pa nyid kyis byin gyis brlabs pa'i ye shes kyi chos kyi 'khor lo bskor te nyon mongs pa dang shes bya'i sgrib pa hUM zhes brjod pas 'joms so//de nas 'di brjod pa tsam gyis de bzhin gshegs pa thams cad ces pa sangs rgyas lnga la sogs pa dang byang chub sems dpa' rnams dang skye bo gzhan rnams kyang dkyil 'khor der zhugs so/ /rdo rje 'khor lo bzhin bris la/ /zhes pa dang po smos pa'i 'khor lo chen po bzhin du 'khor lo'i tshul du bris la chu dang gser gyi ri dang ri khor yug la sogs pa de bzhin du dgod do//de'i dbus su rdo rje'i 'khor lor byang chub sems dpa' 'khor lo rtsibs brgyad pa phyag na bsnams pa'am/ 'khor lo'i phyag rgya phyag bsnol ba'i 'og nas 'byung ba bcings te kha dog dmar po'i dkyil 'khor dbus su rdo rje bzhugs par bya'o//rigs kyi dkyil 'khor la sogs pa'i zhes pa shar phyogs la sogs par mi bskyod pa la sogs pa sangs rgyas bzhi rang gi sku nyid bri bar bya'o/ /de yang sems dpa' chen po rnams zhes shar dang byang gi mtshams su rdo rje sems dpa'/shar lho'i mtshams su nam mkha'i snying po dang / lho nub kyi mtshams su spyan ras gzigs/ nub byang gi mtshams su rdo rje khu tshur bri bar bya'o/ /de nyid mnyam par bri bar bya/ /zhes pa byang chub sems dpa' la sogs pa de dag gzhung las 'byung ba bzhin du bri zhes bya ba'i tha tshig go//de nas slob dpon shes rab dang ldan pa bdag rang dang po rdo rje 'khor lo'i dam tshig gi phyag rgya 'og nas 'byung ba bcings nas snying po gong du smos pa brjod la de'i mjug la dzaHhUM baM hoHzhes bya ba 'di bzhi yang smos so/ /dzaHni dgug pa'o/ /hUM ni gzhug pa'o//baM ni bcing ba'o/ /hoHni dgug par bya'o/ /de nas bcom ldan 'das dgyes te zhes pa dkyil 'khor du 'jug pa'i cho ga de ltar byas pas sngags pa dam tshig tu 'gyur te sngags kyi tshul dang mi 'gal bas/ sangs rgyas dang byang chub sems dpa'i yang dgyes te/ tshul dang mi 'gal bas na grub pa rnam gsum des rgyu byas pa'i phyir 'thob par 'gyur ro//de bzhin du slob ma bcug nas de nyid du bsgrub par bya'o zhes pa rdo rje 'khor lo'i dam tshig gi phyag rgya bcing ba la sogs pa ji ltar slob dpon dkyil 'khor du 'jug pa'i cho ga de bzhin du byas la slob ma yang bcug nas dkyil 'khor de nyid du 'og nas 'byung ba 'bum bzlas pa'i sgrub pa bya ste/dkyil 'khor bris la tshul bzhin du zhugs te/ rdo rje 'khor lo la phyag rgya 'og nas 'byung ba bcings la bzlas so/ /dkyil 'khor rnying na dus su brje'o/ /de nas rdo rje dkyil 'khor bstan pa rdo rje 'khor lo'i dbus su rdo rje bris te zhes pa dkyil 'khor dang po'i rdo rje'i dkyil 'khor gyi tshul bzhin du thams cad du bris la de'i dbus su rdo rje rtse lnga pa bris te/dkyil 'khor chen por 'bum bzlas na 'grub po zhes smos pa de bzhin du 'dir yang sngar bsnyen pa bya'o/ /'bum bzlas pas na rdo rje 'dzin gyi phyag rgya chen por 'grub par 'gyur ro//dkyil 'khor de bzhin du bris nas zhes pa dam tshig gi dkyil 'khor dang po'i dam tshig gi dkyil 'khor bzhin du bris la der so so rang rang gi phyag rgya'am mtshan ma bzhag ste/ dbus su ni 'khor lo bskor ba'i phyag rgya 'khor lo rtsibs brgyad pa'o/ /de bzhin du gzhan du yang rang rang gi phyag rgya gzhag par bya'o//rdo rje'i 'khor lo 'jug pa dag /bstan dang sgrub pa de bzhin te/ /zhes pa'o/ /las kyi rdo rje'i 'khor lo ni dkyil 'khor te/ ye shes thob par 'gyur ba'i rgyu/ /zhes bya ba'i don to/ /dkyil 'khor der dang po 'jug pa dang dkyil 'khor mthong bar bstan pa dang / dkyil 'khor mthong nas grub pa bsgrub par byas na rnal 'byor gyi rtog pa thams cad las grub pa 'byung ngo //cho ga grub par 'gyur te de bas na/ rdo rje'i dkyil 'khor de byas la grub pa rab 'bring la sogs pa bsgrub par bya'o/ /des 'di skad bstan pa yin te rdo rje 'khor lo zhes bya ba'i dkyil 'khor du 'jug pa ni rtog pa gzhan thams cad las 'byung ba'i grub pa la sogs pa'i rgyur 'gyur ro//de bzhin du dkyil 'khor de mthong bar bstan pa dang de bsgrub par byas pa yang yod/ rtog pa gzhan las 'byung ba'i rgyur 'gyur zhes pa'i don to/ /dkyil 'khor bri ba de bzhin te/ /zhes pa'o/ /las kyi dkyil 'khor dang por bri ba'i tshul bzhin du bris nas dkyil 'khor der zhugs te zhi ba dang rgyas pa la sogs pa'i las rnams slob dpon dang slob ma thams cad kyis brtson 'grus brtan par bya ste bsgrub par bya'o//ci'i phyir zhe na gsungs pa/ phyag rgya shes pa rab grub phyir/ /zhes so/ /zhi ba dang rgyas pa la sogs pa'i las bslabs pas bsod nams kyi tshogs chen po la sogs pa'i shes rab tu 'grub par 'gyur te/de bas na de'i phyir las rnams bslab par bya'o/ /dkyil 'khor du zhugs nas ma bsgrubs kyang las thams cad byed de zhes pa dkyil 'khor mthong nas sngar bsnyen pa mang du byas na sgrub pa ma byas kyang las su rung ba'o//ci 'dod pa'i yo byad kyis sam/ rtog pa las bshad pas sgrubs shig ces pa las su bya ba rnams ci bya ba yang rung ste bdag ci dga' ba'i yo byad kyis sbyar ro/ /gzhung las 'byung ba'i cho ga bzhin du byas te sbyar bar bya'o/ / rdo rje 'khor lo'i rtog pa'o/ /de nas bcom ldan 'das la nam mkha'i mdzod byang chub sems dpas 'di skad ces gsol to/ /zhes pa nam mkha' las dgongs pa thams cad 'byin pas nam mkha' mdzod ces bya ste des ni rang gi snying po gsungs so/ /mchod pa thams cad kyi gnas su 'gyur zhes pa snying po 'di brjod pas su brjod pa de nyid sems can thams cad kyi mchod gnas su 'gyur ba dang /snying po 'di brjod pas sangs rgyas dang byang chub sems dpa' thams cad la rnam pa sna tshogs pa'i mchod par 'gyur ro/ /sngags kyi don ni oM zhes bya ba ni sngar bshad pa bzhin no/ /ga ga na sam+b+ha ba zhes pa ni nam mkha' mdzod du gyur pas de las thams cad 'byung ba ste/rang bzhin bstan pa'o/ /badzra ho zhes bya ba ni bod pa'i tshig go/ /de nas de'i dus na bcom ldan 'das kyi dkyil 'khor thams cad la zhes pa sngags de bklags pas nam mkha' mdzod kyi dkyil 'khor du sangs rgyas dang byang chub sems dpa' bzhugs pa thams cad la mchod pa sna tshogs thams cad nam mkha' las 'bab bo//rdo rje 'khor lo bzhin du bri/ /zhes pa rdo rje 'khor lo'i dkyil 'khor mdo bzhin du gong du bshad pa ltar bris la/ dbus su nor chen po zhes bya ba'i byang chub sems dpa' nam mkha' mdzod bzhugs par bya'o//nam mkha'i mdzod du gyur pas na nor chen po zhes bya'o/ /phyogs bzhir sangs rgyas bzhi bzhugs par bya ste shar phyogs su mi bskyod pa bzhugs pa nas byang phyogs su gdon mi za ba bzhugs pa'i bar du'o/ /rgyal ba rnams 'khor dang bcas par bzhugs pa'i rigs pas grwa bzhir byang chub sems dpa' bzhi rnams ma smos kyang bzhugs par bya ba ni nges pa med do//gzhan phyi rim la sogs pa'i cho ga ni dkyil 'khor gong du dang por smos pa bzhin du bya'o/ /de nas der dang po slob dpon 'jug par bya ba'i cho ga bstan pa/ dang po slob dpon 'jug pa ni//zhes mchod pa mchog gi phyag rgya 'og nas 'byung ba bcings la 'jug par bya'o/ /rdo rje thams cad rab tu bya/ /zhes dkyil 'khor der zhugs nas lha so so'i rnam par grol ba'i ye shes kyi mtshan ma thams cad rab tu 'jug par bya ste/ dper na ka zhes bya ba ni ga ga na ste chos thams cad nam mkha' dang 'dra ba'i don to zhes bya ba lta bu'o//de nas bcom ldan 'das 'grub ste/ /zhes pa dkyil 'khor du zhugs nas sngags pa dam tshig can du 'gyur te/ cho ga dang ldan pas nam mkha' mdzod kyi phyag rgya chen po la sogs 'grub bo/ /de bzhin du slob ma yang bcug nas zhes slob dpon bzhin du 'jug pa'i don to//rdo rje thams cad kyi dam tshig gi snying po 'di brjod la zhes bya ba'i snying po ni/ rdo rje thams cad rab tu bya/ /zhes bya ba gong du smos pa khar brjod par bya'o/ /de brjod nas phyag rgya rnam bzhi yang slobs shig /mchod pa thams cad ces bya ba'i dkyil 'khor zhes bya ba nam mkha' mdzod kyi byin gyi rlabs kyis nam mkha' las mchod pa'i char phab pa'i phyir ro//de nas nam mkha'i dkyil 'khor te/ /zhes pa 'phags pa nam mkha' mdzod kyi nam mkha' la gong du smos pa lta bu'o/ /dkyil 'khor yid kyis bris la der slob dpon rang yang zhugs la slob ma yang gzhug par yid kyis te tshig 'di dag brjod cig /'di dag thams cad nam mkha' lta bu ste zhes pa dngos po 'di dag thams cad ni nam mkha' lta bur rang bzhin stong pa nyid las rten cing 'brel te 'byung ba'i dbang gis gzugs sna tshogs su snang ba de bzhin du nam mkha' las mchod pa thams cad yid la bsams pa'i stobs kyis thams cad du 'byung bar gyur cig /de bzhin du grub pa thams cad 'byung bar gyur cig ces bya'o/ /dkyil 'khor bris nas btsud de zhes pa dam tshig gi dkyil 'khor dang po bzhin du bris la der zhugs te dam tshig 'di bsgo shig /'byung ba kun la nam mkha' ni 'byung ba chen po lnga'o zhes pa 'byung ba chen po bzhi las 'dod pa'i yan lag thams cad 'byung ba bzhin du nam mkha' las kyang sngags kyi mthus 'dod pa thams cad 'byung bas na nam mkha' la yang 'byung ba lnga par brtag go//de ltar 'dod pa nam mkha' las 'byung bas na 'dod pa'i mchod pa 'phel zhing mang brar gyur pa 'dis thams cad rtag tu mchod pa gyis shig /mchod pa bya ba'i tshigs bcad gong ma rtag tu lhogs shig /slob ma nam mkha' la yid kyis dkyil 'khor 'dir bcug la zhes pa dkyil 'khor gong du smos pa'i tshul bzhin du slob ma rang yid la sems su bcug la dkyil 'khor der yid kyis mchod pa rnam pa sna tshogs pa slobs shig /nam mkha'i dkyil nas mchod pa sna tshogs kyi char 'bab par bsams la/ nam mkha'i mchod pas de bzhin gshegs pa thams cad la mchod do zhes kyang brjod cing nyin re de ltar rtag tu byas la bsnyen pa'i las rdzogs pa byas na dngos po gang bsams pa thams cad 'grub po//nam mkha' mdzod kyi rtog pa'o/ /de nas bcom ldan 'das la 'phags pa byams pa byang chub sems dpas 'di skad ces gsol to zhes byams pas kyang rtog pa 'dir rang gi snying po gsungs so/ /ji lta bu zhig ce na/ gsungs pa/ gang gis brjod pa tsam gyis sems can thams cad byams pa'i sems skye bar 'gyur ro zhes pa sngags 'di brjod pas sems can thams cad kyang sems can thams cad la byams pa'i sems skye bar 'gyur ro//sngags kyi don ni byams pa brtan par sems la gnas par gyis shig ces pa'i tha tshig go//de nas dkyil 'khor 'byung ste zhes pa dang por bshad pa'i dkyil 'khor chen po bzhin du bris la/ de'i dbus su byams pa ji ltar gnas pa bzhin du bri'o/ /phyogs bzhir mi bskyod pa la sogs pa sangs rgyas bzhi ci rigs par bzhugs par bya'o/ /grwa bzhir rdo rje sems dpa' dang nam mkha'i snying po dang spyan ras gzigs dang rdo rje khu tshur rnams byang shar gyi grwa nas rim pa bzhin du dgod do//phyi rim gyi dkyil 'khor du yang 'jig rten pa'i lha la sogs pa gong ma bzhin du dgod do/ /de nas go cha brtan pa'i phyag rgya bcings te zhugs nas sngags 'di yang brjod do/ /de la go cha brtan pa'i phyag rgya ni rdo rje khu tshur gnyis bcings te/mdzub mo gnyis bsgreng la des me tog bzung la dkyil 'khor du 'jug go/ /sngags kyi don ni rdo rje ltar cis kyang mi tshugs pa brtan pa nos shig ces bya ba'i tha tshig go/ /de nas go chas go bskon to zhes pa oM TuM zhes bya ba'i sngags brjod la/ go cha'i phyag rgya gong du smos pa nyid kyis lte ba dang snying ga la sogs par mdud pa bcing ngo //de nas byams pa'i dkyil 'khor 'byung ste zhes pa rang gi rnam par grol ba'i dkyil 'khor te/ tshul gong ma bzhin du bris la slob dpon dang slob ma gnyis ka byams pa'i ting nge 'dzin mngon du byas la zhugs shig /de nas sems can thams cad la byams pa tshad med pa sgrubs shig /dkyil 'khor du bcug la 'di zhes brjod do zhes pa dam tshig gi dkyil 'khor gong ma bzhin bris la der bcug nas sems can thams cad la byams par byos shig ces bya ba'i dam tshig 'di ston cig /rangs sam yang na khros kyang rung //zhes pa sems can gang yang rung bas mgu bar byas kyang sla/ khros par byas kyang sla/ gang dang mdza' yang rung sdang yang rung thams cad la byams pa chen po sgom par gyis shig /ci'i phyir zhe na/ 'gro ba las gal te rgyal 'dod na zhes bya ba la sogs pa'o/ /'gro ba thams cad zil gyis gnon par 'dod na byams pa chen po bsgom par bya ste/dper na sangs rgyas bcom ldan 'das kyis bdud rnam bzhi bcom pa yang byams pa chen po bsgoms pas so/ /de nas dkyil 'khor du btsud de 'di bslab po zhes pa las kyi dkyil 'khor gong ma bzhin du bris la der slob ma btsud la/sangs rgyas dang byang chub sems dpa' thams cad la rtag tu phyag 'tshal bar bslab bo/ /byol song thams cad la mi 'jigs pa sbyin zhing bskyab par bslab bo/ /byams pa bsgom ste grub pa thams cad ces pa byams pa'i ting nge 'dzin bsgoms nas grub pa rnam pa gsum thams cad bdag ci 'dod pa'i tshogs bsgrub par bya'o//yid kyis cir dad pa'i cho ga dang zhes pa zhi ba dang / rgyas pa la sogs pa'i las rnams bdag gar dad pa'i cho ga dang sbyar zhing / byams pa'i ting nge 'dzin te bsgrub bo/ /byams pa'i rtog pa'o/ /de nas bcom ldan 'das kyi zhabs la rdo rje rig pa dam pa la sogs pas mgos phyag 'tshal te zhes pa phyi rol gyi rig pa'i rgyal po dbang phyug chen po dang /mthu bo che dang / tshangs pa dang / sa nad gzhon nu dang / dbang po rnams kyis kyang rang gi snying po smras te/ rig pa dam pa ni dbang phyug chen po la bya'o/ /mthu bo che ni gtogs 'dod ba su de ba zhes bya'o//'dir ni rdo rje sgyu mar btags so/ /tshangs pa ni phas mchod ces kyang bya ste 'dir ni rdo rje mi smra bar btags so/ /sa nad gzhon nu ni ka rti ka ste lha chen po'i sras te 'dir ni rdo rje dril bur btags so/ /dbang po ni brgya byin te 'dir ni rdo rje 'thab char btags so//de nas rdo rje rig pa dam pas/ rang gi snying po gsungs pa/ oM nas shU la'i bar du'o/ /rdo rje sgyu mas gsungs pa oM nas phaT kyi bar du'o/ /rdo rje mi smra bas gsungs pa/ oM nas swa'i bar du'o/ /rdo rje dril bus gsungs pa oM nas phaT kyi bar du'o/ /rdo rje 'thab chas gsungs pa oM nas traM gi bar du'o//de nas de dag gi dkyil 'khor 'byung ste zhes pa dkyil 'khor ji tsam nus pa zlum por byas la tshon sna lngas bris te/ sgo shar phyogs su btod la shar dang byang gi grwa I sha na'i gnas su rdo rje rig pa dam pa dbang phyug chen po bri ste/ mdog dkar po phyag g.yas pa na gsal phur thogs pa skyil mo krung phyed bcas pa/rlod stan gyi steng na gnas pa bri/ dkyil 'khor gyi grwa bzhi srad bu'i dbus zhes bya ba ni dkyil 'khor zlum po'i byang shar gyi grwa'i nang logs zhes bya ba'i don to/ /kha cig gis dbang phyug chen po dkyil 'khor gyi dbus su bzhag la phyogs bzhir lha gzhan dag dgod ces kyang 'chad do//der gzhan yang rim gyis thams cad bri'am bzhag pa'am zhes pa shar phyogs su rdo rje 'thab cha ste kha dog dkar po spyan gsum pa phyag g.yas pa na rdo rje rtse gsum pa g.yon pa pus gong du bstan pa skyil mo krung rlod stan la bzhugs pa bri'o/ /lho phyogs su rdo rje sgyu ma bri ste/ kha dog ljang gu phyag bzhi pa g.yas gcig na 'khor lo rtsibs ma can bsnams la/gcig chos 'chad pa'i tshul mdzad/ g.yon pa ya gcig na ga da zhes bya ba'i be con bsnams pa ya gcig bla gong du bstan pa'i skyil mo krung bcas te rlod stan la bzhugs so/ /nub phyogs su tshangs pa bri ste kha dog dmar po dbu gsum pa phyag bzhi pa g.yas pa ya gcig na sngags so//ya gcig chos 'chad pa g.yon pa ya gcig na glegs bam ya gcig na ril ba spyi blugs rlod stan la skyil mo krung du bzhugs par bri'o/ /byang phyogs su sa nad gzhon nu bri ste kha dog dmar po phyag g.yas na dril bu g.yon pa chos 'chad pa'i tshul skyil mo krung phyed pa rlod stan la bzhugs pa ste/kun kyang ri mor bris pa'am lugs ma la sogs pa'i cha lugs bzhag pa'am chung ngu ni lha so sor bsngos te/ mtshan ma'i thig le bzhag go/ /de nas slob dpon gyis gsal phur gsum pa'i phyag rgya mthe bos mthe'u chung thor to mnan la gzhan bsgreng pa g.yas pas bcings la/g.yon pas slob ma'i lag nas bzung ste/ slob ma'i lag pa g.yas pa yang gsal phur gsum pa'i phyag rgya bya ste gzhug go/ /de nas phyag rgya yang bslab po zhes pa dkyil 'khor du zhugs nas rig pa'i rgyal po rnams kyi phyag rgya chen po dang / dam tshig gi phyag rgya rnams bslab po//de phyin chad thams cad 'grub cing zhes pa de ltar dkyil 'khor du zhugs la phyag rgya bzlas shing sngar bsnyen pa mang du byas pas grub pa rnam gsum thams cad 'grub la 'jig rten thams cad du rgyu ba'i rig 'dzin du 'gyur ro/ /rig pa'i rgyal po'i rtog pa'o/ /de nas/ rdo rje 'khyil pa la sogs pa//zhes pa bar snang la rgyu ba rnams kyis rang gi snying po smras pa'o/ /de la nyi ma ste rdo rje 'khyil pa'i snying po ste/ oM nas phaT kyi bar du'o/ /zla ba ste rdo rje 'od kyi snying po yang oM ma hA nas phaT kyi bar du'o/ /rdo rje be con gyi snying po ni oM ki la nas phaT kyi bar du'o/ /de man cad skya bleng gi snying po'o//de nas de dag gi dkyil 'khor 'byung ste zhes pa tshon sna lnga las dkyil 'khor gru bzhi bris la de'i dbus su dkyil 'khor gyi bdag por phyag na rdo rje'i phyag rgya bzhag go/ /de'i shar phyogs su rdo rje 'khyil pa kha dog dmar po lag pa gnyis na pad+mo re re thogs pa/ lho na rdo rje 'od de kha dog dkar po lag na me tog ku mu da thogs pa/nub phyogs na rdo rje be con te kha dog ser po lag pa g.yas na bgrang phreng g.yon na ril ba spyi blugs 'dzin pa'o/ /byang phyogs na rdo rje skya bleng ste kha dog dmar po lag pa g.yas pa na dbyug pa thogs pa ste khro bo bzhi char yang rlod stan gyi steng na skyil mo krung phyed par gnas so//rdo rje khro bo'i rtog pa'o/ /de nas rdo rje srin po la sogs pa tshogs kyi gtso bos zhes pa tshogs ni lha chen po'i 'khor rnams te/ de'i gtso bo'am dpon po lta bur dbang bskur ba'o/ /de la rdo rje srin pos rang gi snying po smras pa/ oM maT zhes pa nas phaT ces bya ba'i bar du'o/ /nag po chen po rdo rje phreng bas smras pa/oM mA la zhes pa nas hUM zhes pa'i bar du'o/ /rdo rje dbang gis smras pa/ oM d+ha nu zhes pa nas swA hA zhes pa'i bar du'o/ /lhag ma ni rdo rje rnam par rgyal bas smras pa'o/ /de la rdo rje srin po ni skabs 'dir ni ming de skad btags sngon ni chang gis myos zhes kyang bya ba la tra zhes kyang bya ste bi snu'i phu bo'o//de gnyis kyi pha ni bram ze ba su de ba'o/ /rdo rje srin po ni kha dog dkar po la phrag pa g.yas pas gshol mda' 'khor ba'o/ /rdo rje phreng ba ni sngon chad byed ces bya ba ste ma hA kA la zhes kyang bya'o/ /de'i kha dog ni nag po lag bzhi pa mgo gsum pa/ lag pa g.yas pa gcig na gsad phur gsum pa/gcig na dbyug pa g.yon gcig na chang snod kyi bum pa gcig na bza' ba'i la phug chang bu thogs pa'o/ /rdo rje dbang ni sngon rgyal ba zhes bya ste ka ma de ba zhes bya'o/ /de'i kha dog ser po me tog gi mda' gzhu 'gengs pa'o/ /rdo rje rnam par rgyal ba ni sngon rgyal ba skyed pa zhes bya ste/nan+ta ke shwa ra zhes kyang bya'o/ /de'i kha dog dkar po lag na pi wang thogs shing bsgreng ba'o/ /gzhu lta bur dkyil 'khor bris la zhes pa gzhu bkang ba lta bu'i dkyil 'khor bris te/ de'i dbus su rdo rje rtse lnga pa gzhag go/ /de'i g.yas su rdo rje srin bu dang rdo rje phreng ba'o/ /g.yon du rdo rje dbang dang / rdo rje rnam par rgyal ba de kun kyang ci rigs su brgyan pa rlod stan la skyil mo krung phyed par gnas par bya'o//de nas dkyil 'khor der rdo rje srin po'i phyag rgya 'og nas 'byung ba bcings te/ slob ma btsud la phyag rgya chen po la sogs pa bslabs nas dam tshig gi don 'og nas 'byung ba'i cho ga 'di bslab par bya'o/ /gang dge ba dang drin gzo ba zhes pa sems can gang rang bzhin gyis dge ba dang legs par byas pa dran zhing drin gzo ba dang /sangs rgyas dang byang chub sems dpa' la sogs pa'i dkyil 'khor mthong ba ma gtogs pa'i sems can gzhan dkon mchog gsum gyi rten 'jig pa dang / /sems can mang po la gnod cing mi dge ba rnams gtan 'pho bar bya'o//tshogs kyi gtso bo'i rtog pa'o/ /de nas rdo rje drung shing la sogs pa'i pho nyas rang gi snying po smras pa zhes pa sa pa'i lha rnams bcom ldan 'das kyi pho nya mngag gzhug par dbang bskur ba rnams kyis rang gi snying po smras te/ de la rdo rje drung shing gis smras pa/ oM laM ga li hUM zhes bya'o//rdo rje rlung gis smras pa oM ma hA hUM phaT ces so/ /rdo rje mes smras pa/ oM badzra dz+wa la swA hA zhes so/ /lhag ma ni rdo rje 'jigs pas smras pa'o/ /de la rdo rje drung shing ni sngon mdzod skyong zhes bya ba ste d+ha na d+ha zhes kyang bya'o/ /de'i kha dog ljang snar gnod sbyin gyi gzugs rnyil bag can lag na 'bras 'dru ba'i gtun shing thogs pa'o//rlung ni kha dog dkar po yid kyis skem bag can stod g.yogs ya ba skor du phyar ba'o/ /me ni kha dog dmar po bram ze'i gzugs gsus ldir po lag pa g.yas na bgrang phreng g.yon gun+d+he thogs pa skra dmar po'o/ /rdo rje 'jigs pa ni sngon ku be+e ra ste/ gnod sbyin gyi gzugs rnyil bag can kha dog ser po lag pa g.yas na ral gri g.yon na ne'u le 'dzin pa ste de dag kun kyang rgyan gyis ci rigs par brgyan pa'o//shing rta dang 'dra ba'i dkyil 'khor bri ste zhes pa la sogs ka ring por bris la dbus su rdo rje rtse lnga pa bzhag ste/ mtha' bzhir pho nya bzhi rim bzhin bkod la dkyil 'khor gyi sgo shar phyogs su bstan te/'dru shing gi phyag rgya 'og nas 'byung ba bcings la de nas slob ma la 'di bslab bo/ /mi dge ba'i sems can thams cad la zhes pa dkon mchog gsum la gnod pa dang / sems can mang po la gnod pa la thabs su sbyar ba 'di ni slob ma'i dam tshig go/ /de nas phyag rgya bzhi bslab po//pho nya'i tshogs kyi rtog pa'o/ /de nas bcom ldan 'das la rdo rje kyo ba tang la sogs pa bran rnams kyis zhes pa 'og na gnas pa'i lha bran du dbang skur ba rnams kyis kyang rang gi snying po smras te/ de rdo rje kyo ba tang gis smras pa/ oM ba ra ha zhes pa nas phaT kyi bar du'o/ /rdo rje nag pos smras pa/ oM sarba nas phaT kyi bar du'o/ /rdo rje rnam 'dren gyis smras pa/ oM big de nas phaT kyi bar du'o/ /lhag ma ni rdo rje glus smras pa'o/ /rdo rje kyo ba tang ni sngon phag ces bya ba ste/ na ra ya nas sprul te thams cad des bstan pa skad bya ba kha dog nag po phag mgo gyen du bstan pa lag pa sta zur la brten pa'o/ /rdo rje nag po ni sngon gshin rje la bya ste/kha dog nag po snar 'jigs su rung ba'i gzugs lag pa gnyis kas dbyug pa gzar ba ma he la zhon pa'o/ /rdo rje rnam 'dren ni sngon sa'i spyi bos te/ kha dog dkar po glang sna can ba lang gi mgo bo lag na la phug thogs pa'o/ /rdo rje glu ni ba ru na ste/ kha dog dkar po sbrul mgo lngas bskyabs pa la lag pa g.yon pa na zhags pa thogs pa'o//gru gsum bris la zhes pa dbus su rdo rje rtse lnga pa bzhag ste/ bran rnams kyi mgo mnyam du bskor ba'i dkyil 'khor der mngon pa'i phyag rgya 'og nas 'byung ba bcings te/ zhugs la gar gyi mchod pas dkyil 'khor der mchod do//bran gyi rtog pa'o/ /de nas thabs kyis ku co'i sgra bton te zhes pa lha chen po la sogs pa'i btsun mo rnams kyis kyang dad cing spro ba'i phyir klag cor bton te rang gi snying po phul lo/ /ma zhes bya ba ni 'jig rten thams cad kyi ma dang 'dra bar mchod cing bkur ba'i gnas pas nam zhes bya ste/ thams cad ces bya ba'i sgras ni 'og ma yan chad kun la yang bya'o/ /bud med thams cad kyang kha dog dang rgyan ni rang rang gi khyim thab bzhin no/ /de nas rdo rje rgyal po dag gis smras pa zhes pa rdo rje khro bo me la sogs pas rang gi snying po smras te/ de la rdo rje khro bo me'i dbang phyug gi btsun mos smras pa/ oM badzra kro d+ha ra li hUM phaT ces so//gtogs 'dod kyi btsun mo rdo rje gser mas smras pa/ oM tsakra tshin+da hUM phaT ces so/ /tshangs pa'i btsun mo rdo rje bzhis smras pa/ oM shan+ti hi zhes so/ /dbang po'i btsun mo rdo rje khu tshur gyis smras pa/ oM badzra nas phaT kyi bar du'o/ /sa nad gzhon nu'i btsun mo rdo rje gzhon nus smras pa ni lhag ma rnams so//de nas sa de dag gi dkyil 'khor gru bzhi zhes pa dkyil 'khor grwa bzhi sgo bzhi pa thig bzhis cha dgur bgos pa'i dbus su rdo rje khro bo me'o/ /sgo logs kyi char re rer gser ma la sogs pa bzhi bzhag go/ /grwa bzhir pho nya ma bzhag ste bzhi 'og gnas 'byung ba dang sbyar ro/ / dam tshig gi cho ga ni de bzhin zhes pa dkyil 'khor du 'jug pa cho ga dang / dam tshig gsung ba ni rig pa'i rgyal po bzhin no/ /rig pa'i rgyal mo rnams kyi rtog pa'o/ /de nas rdo rje khro mo rnams kyis rang gi snying po smras te/ bar snang la rgyu ba nyi ma la sogs pa'i btsun mo rnams kyis rang rang gi snying po smras pa'o/ / de la nyi ma'i btsun mo rdo rje bdud rtsi mas smras pa/ oM a mr-i te hUM phaT ces so/ /zla ba'i btsun mo rdo rje sdug gu mas smras pa/ oM nas phaT kyi bar du'o/ /rdo rje be con gyi btsun mo rdo rje be con mas smras pa/ oM dan+da nas phaT kyi bar du'o/ /rdo rje skya bleng gi btsun mo rdo rje sked chings zhes pas smras pa lhag ma rnams so//dkyil 'khor cha brgyad pa bri ste zhes pa srad bu bzhis dkyil 'khor gru bzhi pa'i nang dbus su rdo rje bzhugs pa ma gtogs pa re'u brgyad du bsgos la sgo logs kyi cha rnams kyi khro mo rnams rim bzhin du dngar ro/ /grwa bzhir ni rdo rje pho nya mo bzhi cho ga 'og nas 'byung ba bzhin dgod do/ /'jug pa dang phyag rgya bcing ba la sogs pa khro bo'i dkyil 'khor bzhin du bya'o//khro mo rnams kyi rtog pa'o/ /de nas tshogs ma mo rnams kyis smras pa zhes pa 'khor bud med rnams kyis rang gi snying po smras te/ de la rdo rje srin po'i chung ma rdo rje gsod ma mos smras pa/ oM nas hUM gi bar du'o/ /rdo rje phreng ba'i chung ma rdo rje za ba mos smras pa/oM nas ho'i bar du'o/ /rdo rje dbang gi chu rdo rje sgo ba mos smras pa/ oM nas hUM gi bar du'o/ /rdo rje rnam par rgyal ba'i chung ma rdo rje dbang mos smras pa lhag ma rnams so/ /sgo bzhi pa dbus su se ral srad bu bya ste zhes pa dkyil 'khor zlum po la thig bzhis rgya gram du btab ste/ dbus kyi re'ur bram ze'i se ral thag ring por bri'am dngos su gzhag par bya'o/ /rim pa bzhi bri'o zhes bya ba ni tshogs kyi bdag mo bzhi'i gnas re'u bzhi'ang bri bar bya'o/ /se ral srad bu ni tshangs pa'i mtshan ma ste dkyil 'khor gyi bdag po tshangs pa yin par bstan to/ /yang na dkyil 'khor gyi bdag po gnod sbyin gyi bya bar ston pa/gzhan yang phyi yi dkyil 'khor ni/ /zhes bya ba dag go/ /de'i dbus su gnod sbyin gyi gdong bri zhes pa dkyil 'khor gyi dbus su gnod sbyin 'jigs su rung ba'i gdong bri'o/ /phyogs bzhir tshogs kyi bdag mo rnams gzhag go/ /sgo bzhir ni mngag gzhug ma 'og nas 'byung ba rnams bzhag ste mngag gzhug ma de rnams kyi spyi'i snying po ni b+hi tsi ri Ti b+h+yo b+h+yo zhes bya ste 'dis dgod par bya'o//de ltar rig pa'i rgyal mo la sogs pa'i dkyil 'khor thams cad du gyis shig ces pa rnams kyi dkyil 'khor gong ma dag tu yang sgo'am grwa gar rigs par pho nya mo rnams gzhag par bstan pa'o//'dis thang cig bzlas pas thams cad khugs so zhes pa mngag gzhug ma'i snying po gong du smos pa ste sems can gang dgug pa thams cad des khugs so/ /de nas dkyil 'khor de nyid du 'jug pa'i cho ga bstan pa/ de nas gdong g.yogs nas zhes bya ba dag go/ /de bzhin du phyag byas la lag pa gar byed cing skyil mo krung bcas pas rnur zhing dkyil 'khor du zhugs la de nas dbab pa'i phyag rgya bcing ba la sogs pa'i cho gas dbab par bgyi'o//de nas dam tshig sbyin pa'i sngags sarba na mA ra ya zhes bya ba la sogs pa zlos su chug cig /de nas de de bzhin du dam tshig sbyin no zhes pa gong ma'i dam tshig gi sngags las 'byung ba bzhin du srung du chug cig ces pa'i don to//de nas glu gar la sogs pa'i dkyil 'khor gyi lha rnams la mchod nas yang dril bu'i phyag rgya bcings la dril bu dkrol zhing slob ma la dbab par bya'o/ /de nas su de ltar sgom pa thams cad kyi 'og nas 'byung ba rnams 'thob po zhes slob ma la bsgo shig /rdo rje tshogs ma mo'i rtog pa'o/ /de nas pho nya mo rnams kyis smras pa zhes pa sa la rgyu ba'i ma rnams kyis rang gi snying po smras te/ rdo rje brung shing gi chung ma rdo rje pho nya mos smras pa oM b+h+yo zhes so/ /rdo rje rlung gi chung ma rdo rje mgyogs mas smras pa/oM ki li nas tre'i bar du'o/ /rdo rje me'i chung ma rdo rje 'bar mas smras pa/ oM su ta ne tha zhes so/ /rdo rje 'jigs ma'i chung ma rdo rje thag tu mas smras pa/ lhag ma rnams so/ /dkyil 'khor grwa lnga pa bris te zhes pa dkyil 'khor grwa bzhi par byas pa'i phug logs kyi ngos su yang grwa gcig btod do//dbus kyi de'i dbus su rdo rje rtse lnga pa gzhag go/ /grwa lhag ma bzhir pho nya mo rnams dgod do/ /'jug pa la sogs pa'i cho ga ni dkyil 'khor gong du smos pa bzhin du bya'o/ /pho nya ma'i rtog pa'o/ /de nas rdo rje bran mos 'di skad smras so zhes pa 'og na gnas pa'i ma rnams kyis rang gi snying po smras te/de la rdo rje kyo ba tang gi chung ma rdo rje gdong gis smras pa/ oM nas a be sha hUM phaT kyi bar du'o/ /rdo rje nag po'i chung ma rdo rje nag mos smras pa/ oM ki li nas hUM phaT kyi bar du'o/ /rdo rje rnam 'dren gyi chung ma rdo rje nyags mas smras pa/ oM pu ta ne nas swA hA'i bar du'o/ /rdo rje klu'i chung ma rdo rje chu srin mas smras pa/lhag ma rnams so/ /bran mo'i rtog pa'o/ /de nas bcom ldan 'das de bzhin gshegs pas phyag na rdo rje la 'di skad ces gsungs so zhes pa 'jig rten dang 'jig rten las 'das pa'i lha rnams kyis so so'i snying po smras nas de rnams kyi don zhes pa rnams sngar bshad pa'i rig pa las ma glengs pa rnams phyi ma'i rgyud 'dir shod cig ces rnam par snang mdzad kyis phyag na rdo rje la bskul ba'o//de bzhin gshegs pa thams cad kyi gsang ba 'dzin pa zhes pa de bzhin gshegs pa lnga rnams kyi lus dang ngag dang yid kyi gsang ba 'dzin pa ste de bzhin gshegs pa rnams kyi lus kyi spyod pa sna tshogs dang /ngag gis chos bshad pa sna tshogs dang / yid kyis chos rtogs pa sna tshogs rnams 'og ma pa rnams kyi spyod yul du mi 'gyur bas na gsang ba'o/ /yang gcig tu na de dag dkyil 'khor du ma zhugs pa rnams la mi bstan pas na gsang ba ste/ de dag phyag na rdo rjes 'dzin pa'i mthu yod pa'o//phyi ma'i rgyud ces bya ba ni sngar don bstan pa 'di rnams phyis gtan la 'bebs shing 'chad pa'o/ /phyi ma'i rgyud de yang ci 'dra ba zhig ce na/ gang gi sems can thams cad dam pa grub nas zhes bya ba'o/ /rgyu gang gis phyag rgya chen po la sogs pa'i mchog grub nas 'jig rten dang 'jig rten las 'das pa'i bde ba thob par 'gyur ba'i rgyud de shod cig ces bya ba'i tha tshig go//'di rnams brtson 'grus kyis 'dul te zhes pa 'dul bar bya ba'i sems can 'di rnams slob dpon gyis brtson 'grus chen po brtsams nas 'dul bar 'gyur gyis de bas na chos shod cig ces pa'i don to//'dul bya'i sems can yang ji lta bu dag ce na dad dang mi ldan pa zhes pa dag go/ /dkon mchog gsum la ma dad pa dang mi dge ba bcu la sogs pa'i sdig byed pa dang / shes bzhin du brdzun du smra ba dang / chos ngan pa la zhen pa'i le lo dang / byang chub sems dpa'i spyod pa yan lag sbyin pa la sogs pa'am dka' thub brtul zhugs dka' bar spyod pa mi bzod pa dang /dge ba'i phyogs la mi brtson pa'i snyom las can dang / byang chub kyi sems dang sems can smin par bya ba dang grol bar bya ba la chags pa med pa de lta bu'i 'dod chags dang bral bas 'dul ba'i sems can de dag la de bzhin gshegs pa'i mthus btang ste phyi ma'i rgyud shod cig ces bstan pa'o//rtag tu chags pa zhes bya ba ni dus thams cad du 'khor ba la zhen pa'o/ /mi dgos pa kun byed kyang zhes pa khyim pa'i phyogs rang gi don zhing rmed tshong byed pa la sogs pa dang / rab tu byung ba yang 'brel pa gzhan gyi don byed pa dang brtson 'grus chung ba dang /dka' thub dang brtul zhugs dka' bar byed pa med pas 'grub pa'i thabs shod cig ces pa'o/ /phyogs phyogs su yang 'gro mi nus na zhes pa rang gi yul la sogs pa btang ste/ yul phyogs nye ba gud du yang 'gro mi nus na sangs rgyas kyi zhing gzhan du sngags sgrub pa 'gro ba'am/rig 'dzin gyi gnas grub pa'i sa bgrod dka' ba dag tu 'gro mi nus zhes pa'i don to/ /rig 'dzin ni 'di'i skabs su sngags pa la bya'o/ /de nas phyi ma'i rgyud la ci dang ci bshad pa'i rig pa phyag na rdo rjes bcom ldan 'das la zhus pa/de bzhin gshegs pa ga las byung / /zhes bya ba dag go/ /de nyid de dag gsang ba yang / /thams cad bdag la bshad pa'i rigs/ /zhes pa de nyid ni gong du smos pa dris pa'i tshig rnams so/ /de dag kyang snod ma yin pas rigs par mi nus pas na gsang ba'o/ /de dag thams cad bdag la bshad par gsol//zhes pa'i don to/ /de ltar phyag na rdo rjes zhus nas de rnams kyi lan yang de bzhin gshegs pa rnams kyis phyag na rdo rje la byin gyis brlabs nas phyag na rdo rje nyid kyis dris pa'i lan rnams gsungs pa/ de nas de bzhin gshegs pa 'byung ba bstan pa zhes so/ / sems pa ni sems pa ste sems zhes pa'i don to/ /'khor ba thog ma med pa'i phyir na sems ni thog ma med pa'o/ /bsod nams dang ye shes kyi rgyu 'dra ba mi gnas pa'i mya ngan las 'das pa'i sgo nas 'khor ba'i mtha'i bar du rgyun mi 'chad pas na tha ma med pa'o/ /gal te sems 'di thog ma dang tha ma med na ci'i phyir skye ba dang 'jig pa rnam par bzhag ces pa la gsungs pa/nam mkha' skye ba'i mtshan nyid do/ /zhes so/ /ji ltar zhe na mdo sde pa'i tshul ltar nam mkha' ni rang bzhin med mod kyi 'on kyang skye ba dang 'jig pa 'jig rten gyi tha snyad du spyod de/ khang pa chom la shing ljon pa snyol te nam mkhar byos shig ces bya ba lta bu'o//gzhan yang rtsig pa brtsigs la nam mkha' med par byos zhe'am/ 'dir khang pa brtsigs la nam mkha' chod cig ces bya ba lta bu ste/ nam mkha' skye ba'i mtshan nyid bla thabs su brjod de/ gzugs la sogs pa snang ba'i dbang po zhes brjod de/ de bzhin du nam mkha' skye ba'i mtshan nyid ni sems pa yin te/de nyid kun du bzang po ste sangs rgyas kyi zhing bsam gyis mi khyab pa la sogs pa shin tu mdzes pa rnams sems de nyid la snang ba'i phyir ro/ /kun du bzang po snang ba 'ba' zhig ma yin te thams cad kyi bdag nyid kyang yin te sems de nyid sems can thams cad kyi ngo bor snang ba'i phyir ro//sems de nyid byang chub kyi sems kun gyis 'dod par bya ba yin pas 'dod pa'o/ /de nyid 'gro ba kun gyi bdag po ste 'jig rten thams cad kyi gtso bor gyur pa'i phyir ro/ /de lta bur gyur pa de su zhe na sems gang yin pa zhe'o/ /sems de su zhe na smras pa sems can gyi zhes pa ste/sems can kun gyi sems gong du smos pa lta bu'i mtshan nyid do zhes bshad pa yin no/ /ci'i phyir zhe na/ bstan pas sems pa zhes bya'o zhes bstan to/ /ci rgyu gzhan dag gis kyang bstan par 'gyur ram zhe na/ gzhan gyis ma yin te snyoms thub pas na zhes so/ /de'i don 'di lta ste gzung ba dang 'dzin pa'i 'khrug pas bskyod mi nus pas na sems de nyid brtan pa'o//ci'i phyir zhe na/ sems rtse gcig tu thub pas na dngos po ma nor ba'i ting nge 'dzin to/ /ting nge 'dzin las mi g.yo ba de ni brtan pa'o/ /de la gong nas gong du bsgoms pas na nges par gyur te gtan la phab ces pa'i don to//sems brtan zhing nges par gyur pas sems de nyid rdo rje nyid du gyur to/ /de la 'ba' zhig klan ka tshol ba'i skabs 'di lta bur 'gyur zhes smras pa/ de la sems gzugs med pa la/ /zhes bya ba dag go/ /lan smras pa/ ji ltar rnam par shes pa las/ /zhes bya ba dag go/ /mtshams sbyor ba'i rnam par shes pa ma'i mngal du 'jug pa'i tshe pha'am ma sdug cing chags pa dang /mngal gyi gnas de nyid bde ba'i nyams su tshor ba dag la sems rtse gcig tu gyur pas sems gzugs med pa de nyid las sems can gzugs dang ldan pa skye'o/ /yang dpe gzhan bstan pa yang ji ltar nam mkha' la gnas pa'i klu rnams zhes bya ba dag go//klu'i sems gzugs med pa las glog dang gnam lcags gzugs can 'byung ba bzhin zhes bya ba'i don to/ /de ltar nges pas na rdo rje nyid du gyur zhes pa sems brtan pa nyid don ma nor bar yang dang yang du bsgoms te nges pas na rdo rje'i rang bzhin du gyur to/ /de ltar sems de rdo rje nyid du gyur pa sems dpas byin gyis brlabs pas rdo rje sems dpar gyur to zhes brtan pa sems dpar byin gyis brlabs sbyor bas rdo rje sems dpar yang du gyur to zhes so//rdo rje nyid brtan pa'i byin gyi rlabs kyis na rdo rje sems dpa' nyid kyi sku gzugs su gyur par mos par bya zhes pa'i don to//de nyid rab tu bsgoms na bcom ldan 'das rdo rje sems dpa' nyid du gyur to/ /de la gong du sems dpa'i byin gyi rlabs sbyor ba zhes bshad pa de nyid ji ltar sbyar zhe na gsungs pa/ thams cad bdag nyid sems dpa' lo/ /zhes bya ba dag go/ / sems dpa' zhes bya ba ni sems kyi rang bzhin te/ dngos po thams cad kyi bdag nyid yin no zhes bcom ldan 'das kyis gsungs te de bas na bdag gi rang bzhin la yang sems dpa' de/ gnas pas na ji ltar rdo rje sems dpa'i rang bzhin pa de ltar bdag kyang sems dpa'i rang bzhin gyi byin gyis brlabs pas rdo rje sems dpa'o zhes nga rgyal bskyed cig /lo zhes bya ba'i tshig ni gzhan gyi bsam pa ston pa ste bdag gis ni ma rtogs mod kyi/ bcom ldan 'das kyis de skad gsungs pa'i don to/ /de nyid bcom ldan 'das sems dpa' ste zhes pa thams cad kyi bdag nyid kyi rang bzhin de nyid bcom ldan 'das sangs rgyas dang byang chub sems dpa' thams cad kyi rang bzhin te/de nyid rdo rje sems dpa' 'am rgyal ba sangs rgyas bcom ldan 'das nyid do/ /rang sems so sor rtogs pas na/ /sangs rgyas byang chub de nyid do/ /zhes pa rang gi sems phyin ci ma log par rtogs pa na sangs rgyas kyi mkhyen pa ste sems dpa' des kyang rang bzhin ma nor bar rtogs pa'i phyir ro//de dag ni de bzhin gshegs pa ga las byung ba'i lan no/ /phyag na rdo rje ga las skyes pa'i lan de nyid phyag na rdo rje ste zhes bya ba dag go/ /de 'ba' zhig kyang ma yin te/ spyan ras gzigs la sogs pa byang chub sems dpa' gzhan yang de nyid do zhes bstan pa 'jig rten dbang po zhes bya ba dag go//rigs bzhi rnams kyang de nyid do/ /zhes bstan pa/ sangs rgyas rigs kyang de nyid do/ /zhes bya ba dag go/ /khams gsum nyid ces pa khams gsum rnam par shes pa tsam zhes gsungs pas 'dod pa dang gzugs dang gzugs med pa'i khams kyang gud na med do//sa pa'i 'jig rten dang / bar snang gi 'jig rten dang / mtho ris kyi 'jig rten zhes bya ba'ang 'di nyid do/ /de nyid mdzes byas spel ba po/ /zhes pa sems dpa' de nyid legs par byas pa'i 'bras bu mtho ris dang / 'jig rten las 'das pa'i sa dag 'phel bar byed pa'o/ / sems can kun gyi mes po'o/ /zhes pa sems can ni sangs rgyas dang byang chub sems dpa' kun la bya'o/ /de kun gyi dang po'i rtsa ba yin pas mes po'o/ /de nyid 'byung ba'i gnas yin te/ /zhes pa 'byung ba chen po bzhi rnams kyi rgyu zhes pa'i don to/ /'byung ba che rnams de nyid do/ /zhes pa 'byung ba chen po bzhi rnams kyi rang bzhin yang de nyid do//de nyid skye 'gro'i mgon po ste/ /zhes pa sems can thams cad des skyong ba'i phyir ro/ /gnas dang skye 'gro thams cad ces pa ri la sogs pa gnas pa'i dngos po dang / g.yo zhing 'gul ba'i dngos po thams cad kyang de nyid do/ /de yan chad bris pa dang po gsum gyi lam ste so sor ci rigs par sbyar ro//de kho na chen po zhes bya ba'i bar du bya'o zhes pa sems dpa'i rang bzhin ma nor ba ces pa bshad pa'i le'u bya ba'i don to/ /snying po'i khyad par ni gsang ba dang ting nge 'dzin zhes bya'o zhes pa rang rang gi rnam par grol ba'i don tshig tu brjod pa rnams la gsang ba zhes bya ste/de'i don kun gyis shes par mi nus pa dang / snod ma yin pa rnams la mi bstan pa'i phyir ro/ /de'i don yid la 'dzin pa ni ting nge 'dzin zhes bya'o/ /gzhan la phan pa'i phyir de nyid tshig tu brjod pa dang / yid la bsgoms pa ni snying po'i brjod pa ste/ de brjod pas yid la bsams pa'i don 'grub pa'i phyir snying po'o//de nas phyag rgya'i khyad par ni/ /zhes pa lus dang ngag dang sems rdo rje'i rab tu sbyor ba las phyag rgya rnam bzhi 'byung bar bsgrags so/ /de la rdo rje'i lus zhes bya ba ni ye shes kyis byin gyis brlabs pa'i lus gzhan gyis mi tshugs shing gzhan la 'jigs par byed pa'o//de bzhin du ngag dang sems kyang sbyar ro/ /ci'i phyir phyag rgya zhes bya zhe na gsungs pa/ ji ltar phyag rgya mthong bas na/ /zhes bya ba dag go/ /dper na rigs pa'i mthu dang ldan pa'i rgyal po'i phyag rgya ni gtso bo dra ma rnams kyang mi gcog na 'og ma rnams lta ci smos/ de bzhin du dam tshig dang ldan pa'i chos kyi rgyal po'i phyag rgya bcom ldan 'das nyid kyang mi 'da' na gzhan lta ci smos/phyag rgya chen po'i mtshan nyid bstan pa/ lus dang ngag sems rdo rje yis/ /zhes bya ba dag go/ /lha'i lus kyi tshul mngon du dmigs la ngag gi mtshan ma lce la rang gi phyag rgya gzhag pa dang /snying gar zla ba'i dkyil 'khor la rang gi sems kyi phyag rgya gzhag la rang gang la dad pa'i lha nyid du nga rgyal bskyed pa ni phyag rgya chen po'o/ /lus dang ngag sems rdo rje yis/ /zhes pa dam tshig dang chos dang las kyi phyag rgya gsum bcing ba na yang phyag rgya chen po'i sbyor ba rdzogs par bya zhes pa'i don to/ / sor bsnol brtan pa dam tshig ste/ /zhes bya ba dam tshig gi phyag rgya thams cad ni sor mo bsnol te rdo rje bcing ba dam du byas pa las 'byung zhes pa'i don to/ /sems las su ni shes pa las/ /zhes pa sems las rang gi rnam par grol ba'i shes pa 'byung ngo / /shes pa las rnam par grol ba'i don tshig brjod pa 'byung ngo //las kyi phyag rgya gnyis phye ba/ /zhes pa las kyi phyag rgya thams cad ni rdo rje bcings pa'i khu tshur so sor phral ba las 'byung ngo zhes pa'i don to/ /dam tshig rtsa ba de rnams te/ /zhes pa phyag rgya bzhi po dag ni dam tshig thams cad kyi rgyu zhes pa'i tha tshig go/ /rtsa ba bcings pa mchog gi rgyu/ /zhes pa dam tshig gi rtsa ba phyag rgya bzhi bcings pa ni sangs rgyas dang byang chub sems dpa' mchog rnams kyi rgyu yin no//gang gis thams cad lus brtan pas/ /zhes bya ba phyag rgya bzhi po des lha'i bdag nyid du bsgyur ba'i lus ni shin tu rdzogs pa brtan par 'grub pa'i phyir na phyag rgya zhes bya'o/ /gang gis thams cad rgyas btab pa//zhes pa gtso bo gang gis dngos po gang rgyas btab pa de ni chud mi za bar sbas pa yin no/ /de bzhin du phyag rgya bzhis rnal 'byor byas pa'i sngags pa lha'i sku lus kyi phyag rgya 'chang bas na gzhan zil gyis gnon cing myur du 'grub par 'gyur ro/ /gang mthong bas na sangs rgyas dang / /zhes pa phyag rgya rnam bzhi bcings pa mthong na lhas byin gyis brlabs pa'i mtshan ma mthong bas lha nyid mthong bar 'gyur ro//dam tshig nyams pas gzir bas na/ /zhes pa 'phags pa rnams dam tshig gis bskul bas na phyag rgya bcings pa'i don de las mi 'da' zhing grub pa yang myur du ster zhes pa'i don to/ /phyag rgya de'i khyad par ni don dam pa'i de kho na zhes pa don dam pa'i mtshan ma mi slu ba'i phyir ro//de la sngags kyi khyad par ni 'di lta ste zhes pa sngags kyi rang bzhin ngag gi sgra tsam ste/ skra des rnam par grol ba'i don sna tshogs su spros pa med par ston pa'o/ /de brjod pas don 'grub par ji ltar 'gyur zhe na/ sangs rgyas bka' yis 'grub pa dang //zhes bya ba dag go/ /sangs rgyas kyi bka' ni bden pa dang dka' thub la sogs pa'i yon tan dang ldan pa'i phyir/ de gsungs pa'i tshig gis dgos pa'i don rnams 'grub par 'gyur ro/ /sangs rgyas ni nye bar bstan pa yin no/ /gzhan yang bden pa dang dka' thub du ldan pas smras pa kun de bzhin no//grub pa de yang tshig smras so cog gis 'grub pa zhig yin nam zhe na ma yin te/ chos kyi tshig gis sngags pa ste/ /zhes so/ /stong pa nyid dang mtshan ma med pa la sogs pa rang rang gi rnam par grol ba'i chos kyi tshig sngags pas 'grub par 'gyur te de bas na sngags zhes bya'o//ma rig pa ni med par byed/ /ces pa rig pas ma rig pa'i mun pa bsal la chos ji lta ba bzhin du rig pa thob par byed pa dang / rig pa'i shes pa thob pas phyi rol gyi don gyi shes bya rnams ma nor bar rtogs pa'i phyir rig pa'o/ /rab tu bya ba gnyis pa'o zhes pa gong du de kho na chen po zhes bya ba dang por smos nas/de la ltos nas gnyis par 'gyur to/ /de nas phyag rgya bcing ba rab tu bya ba bshad do zhes pa bcom ldan 'das bla na med pa'i phyag rgya thams cad kyi ye shes bya ba phyag rgya chen po la sogs pa rnam pa bzhi mkhyen pa'i ye shes dang ldan pa phyag na rdo rjes gsungs pa'i don ston to/ /bla na med ces bya ba ni phyag rgya rnam bzhir thams cad 'dus pas de'i gong na phyag rgya gzhan med ces pa'i don to//de la phyag rgya chen po ni de nyid bskul ba'i snying pos bcing ngo zhes pa lha'i lus kyi gsang ba'i phyag rgya bcing ba ni sa ma ya s+t+waM zhes bya ba'i sngags 'og nas 'byung ba brjod la phyag rgya chen po'i rnal 'byor bya'o/ /de nyid bskul zhes bya ba ni lha'i rang bzhin nyid brjod pa ste/khyod ni dam tshig gi rang bzhin no zhes bskul bas na sngags de yang phyag rgya bcing pa'i snod du gyur pa yin no/ /dam tshig dang las kyi phyag rgya bcing ba ni zhes pa rdo rje bcing ba dang dral ba sngar byas nas gdod dam tshig dang las kyi phyag rgya bcing zhes pa'i don to/ /dam tshig chen po dang yang dag pa'i de nyid bskul ba'i snying pos zhes pa phyag rgya chen po la sogs pa bcing ba'i tshe//dang po nyid du sa ma ya s+t+waM zhes bya ba'i sngon logs su sa ma ya s+t+waM zhes bya ba 'og nas 'byung ba brjod la gdod phyag rgya bcing ngo / /dam tshig chen po zhes bya ba ni lha nyid kyi rang bzhin brjod pa ste rab tu rtogs pa'i rang bzhin ye shes chen po zhes bya ba'i tha tshig go//sa ma ya ho/ /su ra ta s+t+waM zhes bya ba ni rang bzhin brjod pa ste/ khyod ni bde ba chen po'i dam tshig gi rang bzhin no/ /rdo rje khro bos phyag rgya thams cad rang gis bcing ngam gzhan 'ching du gzhug ces pa de kho na bskul ba dang rdo rje bcing ba dang dbab pa la sogs pa byas pa'i rjes la rdo rje hUM ka ra'i rnal 'byor byas nas hUM zhes pa'i snying po lan cig brjod de phyag rgya chen po la sogs pa bcing ngo //des ni bgegs la sogs pa zil gyis mnan par 'gyur ro/ /'dis ni phyag rgya thams cad dgug cing dbang du byed do zhes rdo rje bcing ba dang dral ba 'dis dam tshig gi las kyi phyag rgya la sogs pa kun las su rung ba zhing byin can du 'gyur zhes pa'i don to//de nas rdo rje dbab pa'i dam tshig gi phyag rgya bcing ngo zhes bya ba'i snying po 'di brjod nas der gzhug ces bya ba'i don to/ /de nas rdo rje khu tshur gyi dam tshig gi phyag rgya bcing ba ni zhes pa lus dang ngag dang sems thams cad bsdus pa'i don du bstan pa'i phyir ro//'on te de ltar byas na yang zhes pa phyag rgya bcing ba'i rim pa gong du smos pa ltar byas nas dang po nyid du sa ma ya s+t+waM zhes bya ba smos la de nas phyag rgya thams cad rigs bzhi char gyi bcing bar bya'o/ /de bzhin gshegs pa thams cad kyi lus dang ngag dang sems kyi phyag rgya'i snying po'o zhes pa sangs rgyas lnga thams cad kyi lus dang ngag dang sems gcig tu 'dus pa'i snying po ni sa ma ya s+t+waM zhes bya ba ste/'bras bu med par mi 'gyur zhing sangs rgyas la sogs pa yang de las 'gal zhing 'da' bar mi mdzad pas na stong bzlas pas phyag rgya thams cad bcing bar 'gyur ro/ /dam tshig chen po'i phyag rgya lan cig bzlas na zhes pa sa ma ya ho//su ra ta s+t+waM zhes bya ba'i snying po gong du smos pa lan cig bzlas na kun la 'grub par 'gyur zhes bya ba'i tha tshig go/ /de nas phyag rgya bcing bar 'byung ste zhes pa rdo rje thal mo ni g.yas pa gong du gtad de tshig dang po bsnol la sbyar ba'o/ /de nyid las sor mo drug tu gtugs te bsnol la bsdams pa ni rdo rje bcings ba'o//de nyid las zhes pa rdo rje bcings pa nyid las so/ /de nyid las mthe bo gnyis zhes pa rdo rje dbab ba'i phyag rgya las mdzub mo gnyis ma bsnol bar sor mo'i drung du bkug la de'i bar du mthe bong nang du bkug pa'i rgyab bab par byas pa'o/ /de nyid phral te gnyis su byas pa ni rdo rje khu tshur gyi phyag rgya so sor phral la mdzub mo dang mthe bong snga ma'i so na bzhag ste khu tshur so sor bcings ba ni las kyi phyag rgya'o//rdo rje'i khu tshur te de la dam tshig chen po'i snying po'o/ /sa ma ya ho/ /sa ma ya s+t+waM zhes lan cig brjod la/ yang na rang gi snying gar lan cig bcing ngo / / ngag gi phyag rgya yang zhes pa rang gi lce la rdo rje rtse lnga pa bsams te/ badzra dzi ho zhes tshig tu yang brjod la de nas ngag gi phyag rgya gang yin pa brjod pa nyid bcing zhes pa'o/ /ngag gi phyag rgya'i sngags kyang rgyud gzhan dag tu ni chos kyi dkyil 'khor du gsungs pa'i snying po la ngag gi phyag rgya zhes bshad mod kyis/ /rtog pa 'dir ni chos kyi dkyil 'khor du snying po logs shig tu ma gsungs pa rnams ni snying po gcig gsungs pa gang yin pa de nyid tshig tu brjod pa'i tshe de nyid ngag gi phyag rgya zhes bya'o//lta ba'i phyag rgya ni rdo rje'i lta ba dang khro bo'i lta ba la sogs pa 'og nas 'byung ba rnams las gang la sbyor ba de nyid kyi ting nge 'dzin mngon du byas te/sbyar ba dper na khro bo'i lta bas gnod par sbyar na rab tu khros pa'i ting nge 'dzin mngon du bya ba lta bu'o/ /so so'i phyag rgya dang zhes pa de dag gi phyag rgya 'og nas 'byung ba rnams bcing ba'i tshe sa ma ya s+t+waM zhes bya ba'i sngags sngar brjod do/ /snying dang lus g.yo zhes bya ba las kha cig la sngags pa'i snying bsgul ba nyid phyag rgyar 'gyur ba yod de goms na 'gul du yang btub bo//de nas rdo rje hUM zhes bya ba'i phyag rgya bcing ba 'byung ste zhes pa rdo rje khro bo'i sor mo ni las kyi phyag rgya'o/ /rdo rje khro bo'i sor mo gnyis zhes bya ba khu tshur mdzub mo bsgreng ba gnyis g.yas pa gong du btang ste bsnol la mthe'u chung phan tshun sbrel la hUM zhes pa'i snying po brjod nas phyag rgya bcing ste 'di yang las kyi phyag rgya'o//de nyid las mdzub mo g.yas pa kyo ba tang du bkug la mdzub mo g.yon pa'i tshigs dang 'og la bcar ba ni kyo ba tang ngo / /lag pa'i mthil du rdo rje bcing / /zhes bya ba sor mo lag mthil du bkug ste/ rdo rje bcing ba byas la rdo rje zhes bya ba'i mthe bos thum po bcangs pa'i mtshams su g.yogs pa ni rdo rje ti rI ni ri'i zhes bya ba ste/hUM ka ra nyid kyi dam tshig gi phyag rgya'o/ /hUM ni ngag gi phyag rgya'o zhes pa hUM ka ra'i ngag gi phyag rgya ni hUM zhes bya ba nyid do/ /ye shes kyi phyag rgya ni zhes pa rab tu khros pa'o/ /khro bo'i rdo rjes la bcing ba ni//zhes pa rdo rje bcing ba byas la brkyang stes la reg par byas pas bgegs dang gnod par byed pa mi 'byung ste sa bcing bar 'gyur ro/ /de la 'dir ni rdo rje 'dod pa khro bo'i phyag rgya'o zhes pa phyag na rdo rje nyid 'dod pa khro bo'i ting nge 'dzin la gnas pa'i phyag rgya ste/ mdzub mo rdo rje zhes bya ba ni mdzub mo gnyis so sor bsgreng ba ste/'dis ni sems can thams cad la dbang du byed do/ /rdo rje'i dam tshig ni zhes pa spyi'i dam tshig yin pa'i phyag rgya'o/ /lha chen po la sogs pa 'jig rten pa'i lha rnams dgug pa'i phyag rgya bstan pa/ rdo rje'i phyag rgya gnyis bcings la/ /zhes pa lag pa gnyis khu tshur mdzub mo bsgreng ba las mdzub mo gnyis bkug ste phan tshun sbrel nas gcig la gcig dril zhing dgrol lo//nyi ma la sogs pa bar snang gi lha rnams dgug pa'i phyag rgya ni/ rdo rje bcing ba brtan byas la/ /zhes pa dag go/ /rdo rje bcing ba las mdzub mo gnyis so sor bkug ste mthe bo'i sen mo'i steng du bsnan la mthe bong gnyis gshibs pas gung mo btsir ro//nam mkha' la spyod pa'i lha rnams kyi phyag rgya gsungs pa/ rdo rje khu tshur gnyis bcings la/ /zhes pa dag go/ /rdo rje khu tshur gnyis rgyab sprad la mthe'u chung dang mdzub mo so sor sbrel/ g.yon pa'i mthil gyen du bstan te bzlog pa'o/ / sa pa rnams kyi phyag rgya bstan pa/ rdo rje bcing ba brtan byas nas/ /zhes pa dag go/ /rdo rje bcing ba bsdams pa sa la reg par byas pa ni sa pa'i dam tshig gi phyag rgya ste dgug dang gzhug pa la sogs pa'i las thams cad byed pa ste phyag rgya 'di la su'ang 'gal bar mi byed ces pa'i don to/ /sa 'og ma pa rnams dgug pa'i phyag rgya bstan pa/mdzub mo gnyis ni brtan po ru/ /zhes pa dag go/ /rdo rje bcings pa las mdzub mo gnyis sbrel te bsdams la mthe bong gnyis kyis rang rang gi gung mo'i rtse mo mnan pa'o/ /phyag rgya gong ma rnams rim bzhin du sbyar ba bstan pa'o/ /rdo rje dkri ba dang zhes pa dag go/ / rdo rje dkri ba ni lha dgug pa'i phyag rgya dkri bar byas pa ste zhes bya bas ni rim bzhin du sbyar ro/ /dkyil 'khor dri ba'i tshe nang du 'jug pa dang / phyir 'byung ba dang / /mchod rten dang / bla ma'i grib ma la sogs pa la 'gom par mi rigs pa rnams 'gom du mi rung na/ oM badzra bai ga zhes bya ba'i snying po bklags la yid kyis bteg ste 'dzul bar soms shig par smras pa/de la rdo rje shugs kyis bya ba dag go/ /ye shes kyi phyag rgya ni sems kyi phyag rgya ste/ sems kyis bsams nas bsgrub pa'i phyir ro/ /rnam par snang mdzad la sogs pa sangs rgyas rnams la phyag bya ba'i phyag rgya bstan pa/ dpung pa gnyis rdo rjer bcings te//zhes bya ba dag go/ /khu tshur bcings te lag ngar phan tshun bsnol lo/ /lag pa'i phyag rgya de nyid bcings la ngang pa'i 'gros kyis dkyil 'khor bskor zhing spyi bo g.yon du btud de mig gis phyag bya bar btud do/ /gzhan rnams la ni pus mo btsugs te'o zhes bya ba byang chub sems dpa' rnams la pus mo btsugs te thal mo sbyar la phyag bya'o//de la rdo rje 'dzin pa'i dam tshig gi phyag rgya zhes pa lag pa gnyis g.yas g.yon bsnyams te rgyab sprad la mthe'u chung dang mthe bong gnyis nang sbrel ba ste de nyid kyi sor mo'i rtse mos me tog blangs la sngags 'di brjod de/ sangs rgyas la phul na thams cad mnyes par 'gyur ro//rdo rje kyo ba tang gi phyag rgya ni zhes pa gong ma bzhin du mdzub mo rgyab sprad pa las g.yas pa bkug la g.yon pa rtsa bar byas pa'o/ /de nas de bzhin gshegs pa thams cad kyi rtog pa'i phyag rgya zhes pa de bzhin gshegs pa thams cad ni rnam par snang mdzad la bya ste/ thams cad kyi rang bzhin yin pa'i phyir ro/ /mthe bong skyil mo krung btsugs te/ /zhes pa sku'i tshul du bstan pa ste mthe bong gnyis bsnol ba ni skyil mo krung du blta'o/ /mdzub mo gnyis yid kyis bkug ste gung mo'i tshigs dang por sprad pa ni sku lus su brtag go/ /gung mo rtse sprad pa ni dbur brtag go/ / srin lag dang mthe'u chung phyir phyar ba ni 'od kyi dkyil 'khor ro/ /de nas badzra bid kyis ye shes kyi phyag rgya'o zhes pa sangs rgyas bcom ldan 'das kyis sems yongs su dag pa'i rang bzhin mkhyen pa'i ye shes kyi phyag rgya ste/ badzra bid ni rdo rje reg pa ste rdo rje ni ye shes kyi rang bzhin pas de rtogs pa na rang gi sems so sor rtogs pa'o//ji ltar rtogs she na gsungs pa sems rnam par dag par shes par bya zhes so/ /yang dag par na sems ni gser dang shel bzhin te sgrib pa gang gis kyang ma gos par shes par bya'o/ /gang de ltar dag pa la gzung ba dang 'dzin pa'i rlung gis mi bskyod cing brtan par gyur pa'i sems de ni sems dpa' zhes bya'o//gang brtan pa de la sems rtse gcig tu dmigs pas ting nge 'dzin to/ /ting nge 'dzin yang dang yang du bsgoms pas chos nyid ji lta ba bzhin nges par gyur pas na sems nyid rdo rjer gyur to/ /rdo rje ni ye shes kyi phyag rgya bas na sems yongs su dag pa ste ye shes kyi rang bzhin thob ces pa'o//ye shes de las kyang sems can gyi yid dang sbyar ba'i phyir rdo rje yang snang bar gyur to/ /sems de yang sangs rgyas kyi rang bzhin nyid de/ de nyid rtogs pa sangs rgyas so/ /zhes bstan pa/ sangs rgyas ngo bo'i bdag nyid kyis/ /zhes bya ba dag go//de ltar sems kyi ngo bo yang rtogs shing bsgoms la sangs rgyas kun gyis kyang bstangs na sangs rgyas su 'gyur ro zhes gsungs pa/ sangs rgyas kun gyis byin brlabs pas/ /zhes bya ba dag go/ /de ltar sgom pa'i tshe yang sngags pas phyag rgya chen po'i rnal 'byor du bya'o zhes gsungs pa phyag rgya chen po bcings nas bya ba dag go//de ltar sems rab tu rtog pa la zhugs nas don thams cad grub pa'i byang chub sems dpa' rang gi sems la rtog cing de bzhin gshegs pa thams cad kyis byin gyis brlabs te byang chub thob par 'gyur ro zhes gsungs pa/ de bzhin gshegs pa thams cad kyis//zhes bya ba dag go/ /de bzhin gshegs pa thams cad kyi khu tshur ni las kyi phyag rgya'o zhes pa khu tshur so sor bcings pa las kyi phyag rgyar 'gyur zhes pa'i don to/ /de nas phyag na rdo rje'i phyag rgya chen po ni 'di'o zhes pa bsnyems pa dang bcas pa'i phyag rgya 'og nas 'byung ba bzhin du bcings pa'i phyag na rdo rje zhal shar phyogs su gzigs pa'i mdun na rdo rje a mra ste mda' gzhu thogs pa'i lha mo'o//g.yas phyogs na rdo rje kI li kI la ste dpung pas 'khyud par byed pa'i tshul ston pa'o/ /rgyab na chu srin gyi rgyal mtshan te/ lag na rgyal mtshan thogs pa'i lha mo'o//g.yon na rdo rje bsnyems ma ste lag pa sta zur du bstan nas bsgyings pa'o/ /de nas nyin gcig cing bdag byin gyis brlabs nas zhes pa nyin gcig cing dus gsum du grangs ci nus par sems bde bar byas la/ rdo rje sems dpa'i phyag rgya chen po'i rnal 'byor byas la rdo rje dbyangs kyis bstod par byas nas sngags 'og nas 'byung ba rnams rdo rje'i tshig gis bzlas so//sngags kyi don ni rdo rje sems dpa' bde ba chen po ste dgug pa dang gzhug pa dang dbang du bya ba dang / mnyes par bya ba rab tu dga' bar bya ba khyod nyid do zhes pa'i don to/ /de dag gi khyim du gnas te lha'i rdzu 'phrul byed do zhes pa de ltar bzang por grub pa ste rang gi gnas na me 'bar ba dang chu 'bab pa la sogs pa'i rdzu 'phrul yang byed do//de bzhin gshegs par gyur nas zhes pa de bzhin gshegs pa'i phyag rgya chen po grub ces pa'i don to/ /sems can ma rungs pa rnams gdul ba'i phyir rdo rje hUM zhes pa'i gzugs su yang bstan to//gdul ba'i sems can de dag gis kyang rdo rje hUM zhes pa'i gzugs su mthong ngo / /tshe nam mkha' dang mtshungs par 'gyur zhes pa tshe mtha' yas par 'gyur zhes pa'i don to/ /de nas rdo rje 'dod pa'i khro bo'i phyag rgya bcing ba ni zhes pa phyag na rdo rje'i snying ga nas byung ba'i khro bo phyag bzhi pa phyag rgya chen po'i tshul ni phyag gnyis na mda' gzhu 'gengs pa'o//g.yon pa gcig rdo rje khu tshur mdzub mo bsgreng ba snying gar gzhug go/ /g.yas pa na yang khro bo'i khu tshur mdzub mo bsgreng bas brgyad ste 'phen pa 'dra bar bya'o/ /de nas dam tshig gi phyag rgya bstan pa/rdo rje khu tshur gnyis bcings te/ /zhes bya ba dag go/ /lag pa gnyis rdo rje khu tshur gnyis bcings nas rgyab sbyar te mthe'u chung sbrel la mdzub mo gnyis kyo ba tang du byas te/ mthe bong gnyis kyis so sor srin lag dang gung mo mnan pa'o/ /bcom ldan 'das phyag na rdo rje lha mo'i dkyil 'khor gyi dbus su bzhugs shing zhal shar phyogs su gzigs pa'i tshe/g.yas g.yon na dga' ba'i lha mo bzhugs pa'i las kyi phyag rgya bstan pa/ rdo rje khu tshur gyis 'khyud pa'i/ /zhes pa dag go/ /lag pa gnyis rdo rje khu tshur bcings la lus g.yon du g.yo ba'i pad bar rdo rje khu tshur gyi lag ngar gyis phyag na rdo rje la 'khyud pa 'dra ba'i tshul bstan pa'o//de nyid kyi dam tshig gi phyag rgya bstan pa/ dam tshig phyag rgya 'byung ste zhes bya ba dag go/ /rdo rje bcing ba byas nas g.yon pa'i mdzub mo dang mthe bo'i rtse mo sprad de/yang mig tu byas pa'i mig tu g.yas pa'i mthe bong bcug ste bskyed do/ /'dis bud med thams cad dga' bar byed do zhes pa bud med thams cad dbang du byed pa'i tha tshig go/ /yang na bud med ni phyag rgya rnams la bya'o/ /'di bcings pas phyag rgya rnams mnyes par 'gyur te/ phyag rgya dang ldan pa'i lha rnams dgyes par 'gyur zhes pa'i don to/ /phyag na rdo rje'i rgyab na rdo rje chu srin gyi rgyal mtshan lha mo'i phyag rgya bstan pa rdo rje khu tshur gnyis kyis rgyal mtshan 'dzin pa'i tshul du bya'o zhes pa g.yon pa'i khu tshur bsgreng ba g.yas pa'i khu tshur gyis bzung ba ltar bya'o/ /de nyid kyi dam tshig gi phyag rgya gsungs pa/dam tshig gi phyag rgya 'byung ste zhes bya ba dag go/ /rdo rje bcing ba byas nas mdzub mo gnyis rtse sprad de dgug srin lag dang mthe'u chung so sor sbyar te bsgreng la kha gdangs pa ltar bya mthe bo gnyis phyir dgyed/ phyag na rdo rje'i g.yon phyogs na rdo rje bsnyems ma'i lha mo'i dam tshig gi phyag rgya bstan pa rdo rje khu tshur gnyis kyis snyems par byed pa ni zhes bya ba dag go//rdo rje bcing ba byas la de nyid kyi rtsib logs g.yas g.yon du bskor zhing 'gying bar bya'o/ /rdo rje bsnyems ma'i tshul gyis gar byas la mchod na me tog la sogs pa thams cad kyis kyang mchod par 'gyur ro zhes bstan pa/rdo rje bsnyems pa mchog dang bcas/ /zhes bya ba dag go/ /me tog la sogs pa mdor bya ba ni me tog dang dri dang bdug pa la sogs pa'i mchod pa yang gar gyi nang du 'dus zhes bya ba'i tha tshig go/ /de nyid 'dus pa la sogs pa rgyud gzhan las 'byung ba'i mchod pa dang yang sbyar ro zhes smras pa rtog pa gzhan gyi gsang ba'i mchod pa dang yang sbyar zhes bya'o//rdo rje gar gyi tshul ni rdo rje khu tshur gnyis bsnol te rting sbyar ba las bskor te mthe'u chung rdo rje'i sku'i gsang ba'o/ /lus dang ngag sems rdo rje yis/ /zhes pa rdo rje'i ye shes kyi mtshan ma'o/ /ye shes kyi lus dang ngag dang sems byin gyis brlabs pas na de skad ces bya'o//de la lus rdo rjer byin gyis brlab pa ni lha'i sku'i gsang ba sngon du dmigs pa ste de nyid kyang sems kyi rang bzhin rdo rje las gyur par rtogs pa'o/ /shes pa yongs su dag pa de las rnam par grol ba'i tshig tu brjod pa de ni rdo rjes byin gyis brlab pa'i dag go//sems nyid zla ba'i dkyil 'khor gyi gzugs su gyur pa la sogs pa'o/ /de nyid rab tu bsgoms pas na sngags pa nyid phyag na rdo rje'i phyag rgya chen po'i rang bzhin du gyur nas mtho ris dang sa 'og yan chad kun du 'gro ba dang nam mkha' la gyen du 'phar ba dang / byang chub kyi sems 'dod pa zhes bya ba'am 'dod pa rnam lnga kun la dbang byed pa'i phyag na rdo rje dang mtshungs par 'gyur ro/ /de nas dam tshig gi phyag rgya'o zhes pa rdo rje bcing ba byas pa las mthe bong dang mthe'u chung gnyis rtse mo ltar bsgreng la/ de gnyis kyi bar dbus su gung mo gnyis sbyar te rdo rje rtse mo ltar byas te spyir na rdo rje rtse lnga pa'i tshul du bcing /rdo rje chen po bsgreng bar bya/ /zhes pa rdo rje rtse lnga pa nyid rdo rje chen po ste snying gar gzhag ces pa'i don to/ /rdo rje sems dpa'i snyems thub kyis/ /zhes pa phyag rgya de bcing ba'i tshe/ rdo rje sems dpa'i phyag rgya chen po'i rnal 'byor bya zhes pa'i don to/ / de la ye shes kyi phyag rgya ni 'di'o zhes pa phyag na rdo rje'i ye shes kyi rang bzhin byang chub kyi sems yongs su dag pa zla ba'i dkyil 'khor du gyur la/de nyid yang dang yang du bsgoms pas gzhan gyis mi shigs shing gzhan la mi 'jigs pas na rdo rje'i rang bzhin du gyur te/ de la phyag na rdo rje'i skur bsgoms na 'grub par 'gyur ro//gang du/ rdo rje bsnyems pa kun byed pa//zhes 'byung ba de nyid ji ltar byas pa'i thabs gsungs pa/ de nas rdo rje bsnyems pa bcing / /zhes bya ba dag go/ /bsnyems pa ni 'gying ba'i tshul dang bcas pa ste/ ji ltar bsnyems she na rdo rje gsor zhes bya ba la sogs pa'o//rdo rje khu tshur bcings la lag pa g.yas pa rdo rje gsor zhing gyen du 'dren pa'i tshul du snying gar gzhag /g.yon pa mkhal ltag tu brten no/ /bsnyems zhes 'byung bas na g.yon pa gsal bar ma bshad kyang mkhal ltag tu brten te gzhag par rigs so/ /de la bcom ldan 'das kyi 'dod pa'i phyag rgya bcing ba 'di'o zhes pa bcom ldan 'das phyag na rdo rje'o//kun la bsnun nas chags par byed/ /ces pa ni ye shes kyi mdas bskul nas phyag na rdo rje byang chub kyi sems nyid la chags par byed do/ /de nas bcom ldan 'das dbang bskur ba'i phreng ba'i phyag rgya bcing pa ni zhes pa sangs rgyas lnga'i dbu rgyan gyis byang chub sems dpa' rnams la dbang bskur ba'i phyag rgya'o//de bzhin gshegs pa'i sku'i phyag rgya ni gong du smos pa mthe bo skyil mo krung zhes bya ba la sogs pa nyid do/ /de nyid gtsug tor du gzhag pa ni rnam par snang mdzad kyis dbang bskur ba'o//de nas dbang bskur ba'i gnas 'khrul bar gzhag pa ni mi bskyod pas dbang bskur ba'o/ /gung mo rdo rjer byas zhes pa ni dbus kyi gung mo rtse sprad pa rdo rje rtse mo ltar bsdams zhes pa'i don to/ /g.yas phyogs su rna ba'i gong du gzhag pa ni rin po che 'byung ba'i dbang sbyin pa ste/sku'i phyag rgya gong ma nyid las gung mo gnyis rtse sprad pa'i tshigs dang po nang du bkug la nor bu lta bur bya'o/ /ltag par gung mo'i rdo rje'i pad+mo gzhag ces pa snang ba mtha' yas kyi dbang sbyin pa ste/ sku'i phyag rgya de nyid las gung mos pad+ma'i 'dab ma ltar zlum por bya'o/ /de las spros te zhes pa rna ba g.yon pa'i gong du gzhag la gdon mi za bar 'grub pa'i dbang sbyin pa ste sku'i phyag rgya gong ma las gzhan so na gzhag ste/gung mo yang so sor phral te phyar ba'o/ /phreng ba bcing ba ltag par mdud pa byas la zhes pa gnas lngar phyag rgya bzhag pa'i 'og tu lag pa gnyis kyis dpral ba nas g.yas g.yon du drangs te/phreng ba bcings pa ltag par mdud la de nas ldan pa g.yas g.yon nas sor mos mthar gyis bkrol te cod pan dbyangs pa'i tshul du bya'o/ /de nas bcom ldan 'das thog ma dang tha ma med pa'i sems sprul par 'dod pas zhes pa rdo rje sems dpa' nyid sgrub par 'dod pa ste/thog ma dang tha ma med pa sngar bshad par bya'o/ /lha mo'i dkyil 'khor du ni dbus na rdo rje sems dpa' bzhugs pa nas mthar gyis myur du bkrol la 'gram pa g.yas g.yon dang spyi bor dgrol/ bdag che kun gyi mchod pa'o/ /zhes pa sangs rgyas dang byang chub sems dpa' kun gyi'o//dngos med kyis kyang myur du 'grub/ /ces gar gyi phyag rgya byas pas me tog dang bdug pa med kyang mchod pa byas par 'grub po/ /gong du mchod pa'i lha mo gzugs dang sgra la sogs pa smos pa bstan pa de nas rdo rje gzugs la sogs pa'i phyag rgya dag go/ /rdo rje bcings pa las rting ba gnyis phyir dgyed la sor mo rnams bsnol la mig sngar gzhag pa ni gzugs kyi'o//rdo rje bcings pa las g.yon pa'i mdzub mos ni pi wang gi shing 'dzin pa 'dra bar bya g.yas pa'i mdzub mo ni bkug ste pi wang len pa 'dra bar sbyar ba ni sgra'o/ /rdo rje bcings pa las gong gi gzugs kyi phyag rgya lta bur brkyang ba'i lag mthil gyi rang gi snying gar byug go 'di ni dri'o//rdo rje thal mo las rting pa bskyed de bsnyems par byas la khar btung ba'i tshul ston pa ni ro'i phyag rgya'o/ /rdo rje lcags kyu'i phyag rgya bstan pa rdo rje khu tshur gnyis bcangs zhes bya ba dag go/ /khu tshur gnyis rgyab sprad la mthe'u chung gnyis kyo ba tang gcig gis gcig bzung la mdzub mo gnyis las g.yas pa bkug g.yon pa bsgreng ste kyo ba tang du bya'o//kyo ba tang des so so rang gi sngags kyi snying po thams cad bkug ste byin can du byed pa dang / /'phags pa'i ye shes dang gzhan thams cad kyang 'gug go//'di'i skabs su dam tshig gi ye shes la bya ste thob par bya ba'i dngos po yin pa'i phyir ro/ /rdo rje bcings pa las mthe bong gnyis dang mdzub mo gnyis so sor rtse sprad de zhags mig tu byas pa ni zhags pa'o/ /rdo rje khu tshur gnyis las mdzub mo gnyis nang sbrel ba ni lcags sgrog gi'o//de nas go cha'i phyag rgya bstan pa de nas go cha'i phyag rgya 'byung ste zhes bya ba dag go/ /lag pa gnyis khu tshur bcangs la mdzub mo bsgreng ste snying ga la sogs par mdud pa dor ro/ /de nas 'phags pa spyan ras gzigs dbang po'i phyag rgya bcing ba ni zhes pa de ni phyag rgya pad+mo zlum pa'i thal mo mnyam par sbyar ba las khong stong du byas pa'o//de ni pad+mo chen po zhes bya ba'i phyag rgya'o/ /yang sdig pa sbyang ba'i phyag rgya gzhan smras pa/ mthe'u chung mthe bo gnyis kyis dgyed pa zhes so/ /gong ma las mthe'u chung dang mthe bo gnyis so sor bskyed de phral la bsgreng ngo / /sdig sel ba'i phyag rgya de nyid la mdzub mo gnyis bsgreng ba las kyo ba tang du bkug pa ste/'di ni 'jig rten dang 'jig rten las 'das pa'i lha la sogs pa thams cad dgug go/ /de nas pad+mo'i khu tshur 'byung ste zhes pa rdo rje bcing ba byas la mdzub mo gnyis pad+ma'i 'dab ma 'dra bar bkug la mthe bong gnyis gshibs te rtse mo srin lag la sbyar ba'i steng du gung mo gnyis kyis so sor mnan/de nyid las phral nas g.yon pa pad+ma 'dzin pa 'dra bar byas la g.yas pas pad+mo de kha 'byed pa'i tshul du bstan pa ni las kyi phyag rgya'o/ /de nas pad+mo'i ngag gi phyag rgya ni zhes pa ngag gi phyag rgya dang /chos kyi phyag rgya ni rnam grangs te/ skabs kha cig tu chos kyi phyag rgya zhes kyang 'byung ngo / /rang gi rnam par grol ba'i tshig tu brjod pa ni ngag gi phyag rgya ste/ de gnyis las su yang 'da' bar mi byed pa'i phyir ro/ /ngag gi phyag rgya'am chos kyi phyag rgya 'og nas 'byung ba rnams kyang don 'di bzhin du sbyar ro//hrIH zhes pa ni sna tshogs pa ste/ sems can gyi don sna tshogs mdzad ces pa'i don to/ /ye shes kyi phyag rgya ni pad+mo gyes pas zhes pa rang gi rnam par grol ba'i don la sems kyis gtan la phab par dmigs pa ni ye shes kyi phyag rgya ste/ de la su yang mi 'da' ba'i phyag rgya'o man chad kyang don 'di bzhin sbyar ro//pad+mo gyes pas zhes pad+mo kha bye ba ni 'dam rdzab la sogs pa'i skyon gyis mi gos pa bzhin du sems can smin pa dang grol ba la chags pa la sogs pa'i dri mas gos par mi 'gyur te/ de nyid dri ma yongs su sbyong ba'o zhes de'i don yid la byed pa'o/ /de nas nam mkha'i snying po'i phyag rgya bcing ba ni zhes pa de ni nor bu'i khu tshur byas la dpral ba nas khu tshur g.yas g.yon nas drangs te phreng ba bcing ba 'dra bar ltag par mdud do//nor bu'i khu tshur ni rdo rje khu tshur gnyis lto sbyar la mdzub mo gnyis rtse sprad nas bsdams te nor bu 'dra bar byas pa'o/ /de ni rdo rje rin po che'i phyag rgya ni zhes pa ye shes kyi rang bzhin rdo rjes byin gyis brlabs pa'i rin po che'o//de nyid las kun mi 'da' ba'i phyir phyag rgya'o/ /de yang rdo rje bcing ba byas la mdzub mo bkug pa dang / mthe bo gshibs pa rnams ngos sprad la mdzub mo gnyis kyi thor to rtse mor byas la dbang bskur ba'i gnas dpral bar gtug go//phyag rgya de nyid snyim pa'i kha snying gar gyen du drang por sbyar ba ni nor bu'i khu tshur te/ des ni nor bu thams cad gzhan las dgug cing 'phrog pa'o/ /nor bu'i khu tshur de nyid las mthe bo gshibs pa rdo rjer gyur pas mdzub mo gnyis bsnyams te rtse sprad pa mnan la mthe bo gnyis rgyab tu bsnyen pa ni rdo rje nor bu'o//traM zhes pa ta ni sbyin pa'o/ /ra ni rin po che'o/ /da ni stong pa ste chos kyi phyag rgya'o/ /chos thams cad nam mkha' dang 'dra bar stong par bsgom pa ni ye shes kyi phyag rgya'o/ /de nas rdo rje khu tshur gyi phyag rgya bcing ba zhes pa de'i dam tshig gi phyag rgya ni rdo rje bcings pa las mthe bo nang du bcug pa ste gong du smos pa'o//b+haM zhes pa chos thams cad tshig gi lam dang bral bar ston pa'o/ /mdza' ba bcing ba 'di ni zhes pa sems can la byams pas 'ching ba'i mchog ste sems can mi gtong zhes bya ba'i don to/ /rdo rje khu tshur gyi dkyil 'khor du bcom ldan 'das kyi lus dang ngag dang yid kyi dkyil 'khor thams cad 'dus pas na 'di'i skabs su phyag rgya bzhi pa'i dkyil 'khor gsungs pa mdun du rdo rje chen po'i phyag rgya'o zhes pa dag go//dbus su rnam par snang mdzad byang chub mchog gi phyag rgyar bzhugs pa de'i mdun du rdo rje rtse lnga pa ni mor bris la de byin gyis brlab pa lag pa'i phyag rgya ni rdo rje rtse lnga pa rdo rje bcings pa las byung ba'o//g.yas su rdo rje rin po che ri mor bris la de'i phyag rgya lag pas bcings pa ni rdo rje rin po che gong du smos pa'o/ /rgyab tu pad+mo'i phyag rgya ri mor bris te bzhag la byin gyis brlab pa lag pa'i phyag rgya ni rdo rje bcings pa las mthil phye ste snying gar bkan la mthe bo gnyis dang mdzub mo gnyis rtse sprad de pad+mo'i 'dab ma 'dra bar dgug /rdo rje sna tshogs kyi pad+mo'i phyag rgya zhes pa rdo rjes byin gyis brlabs pa'i sna tshogs kyi pad+mo'i phyag rgya ste/ sems can gyi don sna tshogs mdzad pa'i rtags zhes pa'i don to//g.yon du rdo rje rgya gram gyi ri mor bris la de byin gyis brlab pa'i lag pa'i phyag rgya bcing ba bstan pa/ rdo rje bcings pa'i mthe bo dang / /zhes pa dag ste/ rdo rje bcings pa las mthil bye ste brkyang la mthe bo dang mthe'u chung gnyis kyang so sor rtse mo sprad de brkyang ngo / /rdo rje thams cad do zhes pa ni phyogs bzhi thams cad du rtse mor gyur pas na rdo rje thams cad ces bya ste rdo rje rgya gram la bya'o//rigs thams cad kyi dam tshig gi phyag rgya ni rdo rje'i rigs dang / rin po che'i rigs dang / pad+mo'i rigs dang / las kyi rigs bzhi'i phyogs bzhir rim bzhin du so so'i dam tshig gi phyag rgya yin par blta'o//phyag rgya'i dkyil 'khor du bri zhes pa phyag rgya bzhi pa'i dkyil 'khor phyogs bzhir phyag rgyar mtshan ma dgod pa'o/ /dkyil 'khor 'dir dbus na bzhugs pa'i gtso bo dngos su ma smos mod kyi/ mdun dang g.yas g.yon la sogs pa smos pas na don gyis dbus kyi gtso bo bzhugs par go bar bya ste/gal te dbus na mi bzhugs na su'i mdun dang g.yas g.yon zhes brtag /dbus na yang rgyud kyi bdag po chen po bas na rnam par snang mdzad nyid yin par mngon no/ /de bas 'jam dpal gyi phyag rgya bcing ba ni zhes pa de ni lag pa g.yas pa rdo rje khu tshur las mdzub mo bsgreng ba'i tshigs dang po bkug la ral gri'i thabs su 'dzin pa dang /g.yon pa shes rab kyi pha rol tu phyin pa'i glegs bam 'dzin pa'o/ /de nas dam tshig gi phyag rgya ni zhes pa g.yon pa glegs bam 'dzin pa 'dra ba'i mthe'u chung g.yas pa'i rdo rje khu tshur gyis ral gri 'dzin pa'i thabs su gzung ngo //a ni chos kyi phyag rgya zhes pa a ni chos thams cad ma skyes pa'i don du stong pa'i phyir ro/ /chos thams cad la yi ge med ces bya ba ni zag pa bcas pa dang zag pa med pa'i chos thams cad sgra dang 'brel ba med de brjod du med pa'i phyir ro//sems bskyed ma thag tu chos kyi 'khor lo bskor ba'i phyag rgya bstan pa/ rdo rje khu tshur gnyis bcings te/ /zhes pa dag go/ /khu tshur bcings la mthe'u chung dang mdzub mo gnyis so sor sbrel la bkan te snying gar gzhag pa ni chos kyi 'khor lo bskor ba'i phyag rgya zhes bya ste 'di bcings pas na rnal 'byor pa'i spyod pa'i rgyud du gtogs pa'i dkyil 'khor thams cad rdzogs par 'gyur bas na sgrub pa po zhes bya'o//'di mthong bas dkyil 'khor thams cad mthong bar 'gyur ro zhes pa rigs thams cad kyi dam tshig sngags dang bcas pa'i phyag rgya 'di'i nang du 'dus par byin gyis brlabs pas na phyag rgya mthong ba tsam gyis dkyil 'khor du zhugs par 'gyur ro//phyag rgya bcing ba'i tshe sngags brjod pa'i thabs gsungs pa/ de bzhin dbus su kha gzhag ste/ /zhes bya ba dag go/ /ji ltar gong du smos pa de bzhin du phyag rgya bcings la khu tshur gnyis kyi bar du kha gzhag ste bzlas so//hUM chos kyi phyag rgya'o zhes pa las thams cad kyi sgo zhes pa'i don to/ /de nas nam mkha' mdzod kyi phyag rgya bcing ba ni zhes pa nor bu'i phyag rgya gong du smos pa las mthe'u chung dang srin lag rnams brkyang ste phyar ba'o/ /'phags pa byams pa sems dpa' chen po'i phyag rgya bcing ba ni zhes pa go cha'i phyag rgya ni rdo rje khu tshur las mdzub mo bsgreng ba lte ba dang snying ga la sogs par mdud pa gong du smos pa bzhin no//de nas rtog pa thams cad kyi spyi'i phyag rgya zhes pa 'byung ste zhes pa rgyud 'di'i mgo mjug tu rtog pa bshad pa thams cad kyi lus dang ngag la sogs pa'i phyag rgya 'byung ste/de la sngags ma smos pa rnams ni so so rang gi snying po'am las thams cad byed pa'i sngags dang sbyar ro/ /sngags smos pa rnams ni sngags de dang sbyar te rigs thams cad kyi yang las thams cad dang sbyar ro/ /de la lus kyi phyag rgya bstan pa 'di lta ste/langs pa'am 'dug pa'am zhes pa dag go/ /phyag na rdo rje'i rnal 'byor dang ldan pa las sbyar ba ni lus langs pa'am 'dug pa thams cad kyang phyag rgya nyid du 'gyur te de dag ni spyir bshad pa'o/ /lus kyi phyag rgya khyad par du gsungs pa langs la g.yon pas rdo rje khu tshur bcangs nas zhes bya ba dag go//g.yon pa khu tshur bcangs te brkyang la lag pa g.yas pa rdo rje khu tshur byas pa'i mdzub mo kyo ba tang du bkug pas g.yon pa'i khu tshur gyi drung nas gzhu 'dren pa'i thabs su drangs te/ 'dis ni 'phags pa dang ma 'phags pa'i sems can thams cad dgug go//dpung pa gnyis kyis rang gi snying gar 'khyud pa ni go cha ste zhes pa rdo rje khu tshur bcings pa'i dpung pa gnyis phan tshun bsnol te bsdams pa ni go cha ste/ rgol ba kun gyis mi phyed mi tshugs mi shigs zhes pa'i don to/ /de nas ngag gi phyag rgya bcing ba ni zhes pa a ni dbab pa'i snying po'o//haM ni srung ba'o/ /hUM ni gtan 'pho ba'o/ /de nas lta ba'i phyag rgya 'byung ba ni zhes pa de la rdo rje'i lta ba ni 'phral la bcer zhes lta ba ste/ 'phral la zhes bya ba ni sgra glo bur du lta ba la yang bya'o/ /rig rig por mgyogs pa la yang bya'o/ /'bar ba'i lta ba ni gang la bltas pa/de nas bkug ste 'dzums pa'o/ /khro bo'i lta ba ni smin mtshams su khro gnyer bsdus la khro bas blta ba'o/ /brtan pa'i lta ba ni gang la bltas pa de la tha mal par mig tshugs su blta ba'o/ /de nas lta ba de bzhi'i las bstan pa de nas 'di dag gi las zhes bya ba dag go//de nas snying po smras pa/ badzra dr-iSh+Ti zhes bya ba dag go/ /de la rdo rje lta ba'i snying po ni/ badzra dr-iSh+Ti sam Ta zhes pa ste/ rdo rje'i lta ba mig g.yas na nyi ma'i sa bon me 'bar ba gzhag go/ /g.yon du zla ba'i sa bon Ta 'bar ba'o/ /'bar ba'i lta ba'i snying po ni/ dr-iSh+Ti e gu sha dzaHhUM zhes pa ste/'bar ba'i lta ba kyo ba tang gis dgug cing thag 'dzud pa ste/ dzaHni 'jug pa'o/ /hUM ni mngon par spyad pa'o/ /khro bor blta ba'i snying po ni/ kro ta dr-iSh+Ti phaT ces pa ste/ khro bo'i lta bas thams cad la mngon par spyad ces pa'i don to/ /brtan par lta ba'i snying po ni/dr-i shwe tiSh+Tha haM zhes bya ba ste/ bstan pa thams cad srung ngo zhes pa'i don to/ /so so'i phyag rgya 'byung ste zhes pa so so'i lha'i rnal 'byor byas la sngags kyi snying po yid la zlos shing so ba'i las la sbyar ro/ /so 'cha' ba ni sgra krig krig byed pa'o/ /mur ba ni thams cad byed pa'o/ /mchu'i phyag rgya bstan pa/g.yas nas gcu ba ni 'gug pa'o zhes pa/ g.yas nas gcu ba ni ma mchu g.yon ba'i grwa sos mnan te gcu ba'o/ /ma mchu sos mnan zhes pa so gtsigs pa'o/ /mchu gnyis bsdams pa ni zhes pa kha dam du btsums pa'o/ /de la g.yas nas gcu zhing 'gugs pa'i las byed pa'i tshe/ sangs rgyas kyi rnal 'byor du bya'o zhes bstan pa/sangs rgyas rjes su dran pa dang / /zhes so/ /de bzhin du lhag ma yang rim bzhin du sbyar ro/ /rdo rje rjes su dran zhes bya ba ni lha gang yang rung ba'i rnal 'byor du byas pa'i snying gar zla ba'i dkyil 'khor la rdo rje rtse lnga pa bsam mo/ /mig gi phyag rgya gsungs ba mig g.yas pa bskyod pas dbang du byed do zhes pa dag go//rdo rje chags pa ni thams cad bdag la dga' bar 'gyur ba'o/ /rdo rje lta ba la sogs pa mig gi phyag rgya sngar smos zin pas 'di dang nyis rim du 'gyur bar dgos pa 'byung ba rdo rje lta ba la sogs pa ni mig gi 'bras bu yul la dmigs pa gtso bor byas pa'o/'di ni 'bras bu bzhi dang bcas par bsgul ba tsam du zad de/ yul la dmigs pa gtso bor mi brtsi'o/ /thams cad kyi snying po bzlas te gyen du bltas na zhes pa lha gang la brten pa de'i snying po bzlas la nam mkha' la bltas na der 'gro bar 'grub bo//sa la bltas te bzlas na sa'i bdag por 'gyur ro/ /g.yas skor bas ni zhes pa de bzhin gshegs pa la mchod par bsams te/ de bzhin gshegs pa'i g.yas logs nas bskor te bltas na mchod par 'gyur ro/ /de bzhin du phyag na rdo rje la g.yon skor na mchod par 'gyur ro//thams cad kyi snying po stong bzlas na 'grub po zhes pa gong du phyag rgya'i las bshad pa thams cad kyi snying po gong gi sbyor ba de sngar bsnyen pa stong byas nas las kyang bya'o/ /de nas lha chen po la sogs pa rig pa'i rgyal po man chad sa 'og yan chad kyi spyi'i phyag rgya smos pa de la 'jig rten pa'i rdo rje khu tshur las skyes pa'i phyag rgya ste zhes pa dag go//'jig rten pa'i lha de dag thams cad kyi phyag rgya rdo rje khu tshur so sor bcangs pa las 'byung ste/ khu tshur so sor bcangs pa de nyid 'jig rten pa'i rdo rje bcings pa yin par bsten pa rdo rje bcings pa ni zhes bya ba dag go/ /lag pa gnyis khu tshur so sor bcangs la mthe bong smad de nang du bcug nas khu tshur bcangs ba gnyis kyis srin lag dang /mthe'u chung gi bar phan tshun mnan pa ste/ g.yon pa'i mthe'u chung dang srin lag gi mtshams su g.yas pa'i khu tshur gyi srin lag gi rgyab kyis mnan/ g.yas pa'i mtshams su yang g.yon pa'i mthe'u chung gi rgyab kyis mnan pa'o//de nyid phyag rgya'i snying po 'di 'bum bzlas te sgrub po zhes pa 'jig rten pa'i phyag rgya de nyid bcings la mchod pa la sogs pa bzlas pa'i cho ga tshul bzhin du sngar byas nas snying po 'di 'bum bzlas na phyag rgya 'grub par 'gyur te/phyag rgya bcings pa tsam gyis su'ang 'da' bar mi byed do/ /de nas 'jig rten pa'i lha so so'i phyag rgya bstan pa/ rdo rje khu tshur gnyis byas te/ /zhes pa dag go/ /khu tshur phye la g.yas pas rang gi phyag rgya gang yin pa 'dzin pa ste/ lha chen po yi ni gsal phur gsum pa'o//tshangs pa'i ni gun+d+he dang bgrang phreng ngo / /gtogs 'dod kyi ni 'khor lo'o/ /sa nad gzhon nu'i ni dril bu'o/ /de bzhin du lhag ma rnams kyang rang gi phyag rgya 'dzin par brtag go/ /rig pa'i rgyal po man chad sa 'og yan chad spyi'i phyag rgya bstan pa/ma rnams thams cad kyi phyag rgya bcing ba ni zhes pa dag go/ /gong ma bzhin du rdo rje khu tshur bcings la g.yon pa mdzub mo bsgreng ba'o/ /ma rnams kyi phyag rgya de dang ldan pas sgrub pa'i cho ga gsungs pa/ dur khrod dam tshogs kyi nang 'jug pa na zhes bya ba dag go/ / tshogs kyi nang du 'jug pa ni 'dre'i tshong 'dus su 'dug pa ste/ dur khrod dam 'dre'i tshong 'dus su ma rnams gang yang rung ba'i snying po cig cho ga bzhin du bzlas so/ /byad thams cad sdom pa dang zhes pa sarba bud+d+ha/ sa ma yo gi rgyud las byad sdom pa'i las mang po 'byung ba dang / rtog pa gzhan thams cad kyang zhi ba dang rgyas pa la sogs pa'i las 'byung ba kun 'grub bo/ /phyag rgya thams cad 'grub par 'gyur/ /zhes pa/ phyag rgya bcings pa tsam gyis las gang la sbyar ba 'grub bo/ /de nas khro bo'i khu tshur sgrub pa'i snying po ni 'di yin no zhes bya ba la la sogs pa thams cad kyi bdag po khro bo'i khu tshur zhes bya ba sgrub par 'dod na ni snying po 'dis bya'o//de nas gsang ba'i phyag rgya thams cad sgrub pa'i rab tu bya ba bshad do zhes pa sngags kyi snod du ma gyur pa rnams la mi bstan pas gsang ba'o/ /gsang ba de nyid kun gyis mnyan zhing mi 'da' bas na phyag rgya'o//de sgrub pa'i le'u 'am rim pa bstan pa ni rab tu bya ba bshad pa'o/ /dkyil 'khor bris te zhes pa de bzhin gshegs pa'i dkyil 'khor gyis sarba bid kyi rtog pa gong du smos pa bzhin du bris la 'di skad brjod do/ /bcom ldan 'das phyag rgya skyong ma 'di zhes pa phyag rgya ni sku'i gsang ba la sogs pa phyag rgya bzhi rnams so//phyag rgya'o zhes sgra'i mtshan nyid bshad pa las/ bud med kyi khams su gtogs pas phyag rgya btsun mo zhes bya ba'i don te/ skyong ma ni bcom ldan 'das kyis bskyed cing bskyangs te 'byor par byas pas skyong ma ni btsun mo'i ming ngo //de lta bu'i phyag rgya de grub pa rtag tu dus thams cad du bdag la stsal bar gsol ba ci dgos she na/ sems can kun gyi don gyi phyir/ /zhes gsungs so/ /phyag rgya'i yon tan ci yod ce na/ grub mchog rab tu bsgrub pa'o/ /zhes so/ /rig 'dzin nam mkha' la rgyu ba la sogs pa phyag rgya 'dis rab tu sgrub po//de nas phyag na rdo rje'i gsang ba sgrub pa gsungs pa/ phyag na rdo rje'i dkyil 'khor du zhugs te zhes bya ba dag go/ /phyag na rdo rje'i dkyil 'khor gong du smos pa cho ga bzhin du bris la der zhugs nas bskul ba'i sngags 'di rnams brjod cig /su ra te sa ma ya s+t+waM ho zhes pa ni lha'i rang bzhin brjod pa ste/ rab tu dgyes pa'i dam tshig khyod/ /ces brjod do/ /badzra sa twa zhes pa la sogs pas ni rdo rje sems dpa' dang po pa bdag gis grub par gyur cig ces bskul ba'o/ /de nas byang chub sems dpa' gzhan rnams kyi phyag rgya gsang ba sgrub pa gsungs pa/de nas byang chub sems dpa' gzhan rnams kyi gsang ba'i phyag rgya sgrub pa ni zhes pa dag go/ /de'i sngags bo d+hi satwa ma hA ma naM zhes pa ni lha'i rang bzhin smos pa ste/ byang chub sems dpa' che ba rnams/ /zhes pa smos pa'o//lhag mas ni/ rtag tu grub pa bdag stsol cig /ces brjod pa'o/ /de nas lha chen po la sogs pa 'jig rten pa'i lha rnams phyag rgya gsang ba brjod pa/ de nas phyi rol gyi rdo rje'i rigs kyi zhes bya ba dag go/ /de'i sngags ni/ kro d+ha tu zhes bya ba dag ste khro bo thams cad kyi byed pa po zhes bya ba'i don te/'di skad brjod pa'i tshe phyag na rdo rje'i rnal 'byor byas la brjod cig ces pa ste/ phyag na rdo rjes thams cad gdul ba'i phyir de ni de dag la lhag par 'joms so/ /'jig rten pa'i lha mo rnams kyi gsang ba sgrub pa gsungs pa/ ma rnams kyi gsang ba'i phyag rgya zhes pa dag go//de yang rang gi dkyil 'khor gong du smos pa'i nang du zhugs la b+h+yo b+h+yo zhes bya ba sngags brjod cig /de ni rang bzhin bstan pa ste mang po'i tshig tu ston pa'o/ /gong du dris pa la ni phyag rgya gsang bas sgrub pa'i 'og tu phyag rgya bcing ba bshad mod kyi/lan btab pa la ni phyag rgya bcings pa rnams gsang ba sgrub pa'i gong du phyag rgya bcing ba bshad do/ /de nas phyag rgya'i de kho na 'byung ste zhes pa phyag rgya ni so so'i rnam par grol ba'i mtshan ma'o/ /de kho na mi slu ba ste yang dag pa ste/ phyag rgya'i rang bzhin mi slu ba//zhes bya ba'i don to/ /sems las sangs rgyas dang chos 'byung ngo zhes pa sems las logs shig na sangs rgyas dang chos mi dmigs te khams gsum sems tsam du zad pa'i phyir ro/ /yang dag par na phyag rgya rnam bzhi yang de bzhin gshegs pa'i ye shes la gnas so zhes gsungs pa de kho na nyid du zhes bya ba dag go//de rnams kyi ni zhes bya ba ni de bzhin gshegs pa'i phyag rgya gong du smos pa rnams so/ /de bzhin gshegs pa thams cad kyi phyag rgya lnga rnams so/ /snying la gnas pa ni sems la gnas pa zhes bya'o/ / skyong ma ni btsun mo'i rnam grangs te ji ltar 'jig rten pa'i btsun mos kyang ni gso ste snying la 'bab cing yid du 'ong bar gyur pa'i phyir skyong ma zhes bya ba bzhin du phyag rgya rnam bzhi 'di rnams kyang bcom ldan 'das kyis bskyed cing bskyangs pa'i btsun mo ye shes kyi rang bzhin la gnas pa'o//bdag kyang de bzhin gshegs pa ste/ /zhes bya ba dag kyang sangs rgyas nyid du mos pas nga rgyal bskyed de/ phyag rgya 'di yang bdag gis skyong ma'o zhes bsgoms la phyag rgya bzhi sgrub bo/ /phyag na rdo rje'i phyag rgya de kho na bstan pa/ rab dga' sems can kun gyi mchog / ces pa dag go/ /phyag na rdo rje'i rang bzhin bstan pa ni rab dga' zhes bya ba dag ste/ byang chub kyi sems rab tu dga' zhes pa'i rang bzhin byang chub sems dpa' kun gyi nang na mchog go/ /de la phyag rgya rab tu brtags/ /zhes pa phyag na rdo rje'i rang bzhin las grub pa brtan pa myur du stsol ba'i phyag rgya bzhi dag rdo rje sems dpa' 'dod pa'i rang bzhin gyis rab tu brtags so//bcom ldan rtag pa 'dod pa ste/ /zhes pa bcom ldan 'das rdo rje sems dpa' 'dod pa de ni rtag pa ste dus thams cad du rgyun mi 'chad pa'i phyir ro/ /de nyid de bzhin gshegs pa'o/ /zhes pa 'dod pa'i rang bzhin de nyid de bzhin gshegs pa rnam par snang mdzad la sogs pa'o//de las thams cad bdag nyid sku/ /zhes pa 'dod pa'i rang bzhin rdo rje sems dpa' de las byang chub sems dpa' gzhan thams cad kyi sku 'byung ngo / /bdag kyang de las byung bas na phyag rgya rnam bzhi grub par gyur cig ces bya ba'i don to//de nas phyi rol gyi rdo rje'i rigs kyi phyag rgya'i de kho na ni zhes pa lha chen po la sogs pa nas sa 'og pa'i lha'i bar du 'jig rten pa'i lha de dag gi de kho na'o/ /phyag na rdo rjes lha thams cad dbang du byas zhes pa ni des lha thams cad 'dul ba'i phyir ro/ /rdo rjer byas zhes pa de ni de dag thams cad rdo rje'i rigs su dbang bskur ba'i phyir ro//de dag gi phyag rgya yang rdo rje'i phyag rgya nyid do zhes pa gsal phur gsum pa la sogs pa rang rang gi phyag rgya kun kyang phyag na rdo rje'i ye shes kyis byin gyis brlabs pa'i phyir ro/ /de nas ma rnams phyag rgya'i de kho na nyid ni zhes pa sems can mang po la gnod pa dang dkon mchog gsum la 'tshe ba la sogs pa ma rungs pa'i sems can thams cad ma rnams kyis bza' bar bya'o zhes lha chen po la sogs pa thams cad kyis bskos pa ste gang gis bskos pa de ni phyag rgyas btab pa yin pas/de'i phyir de nas ma rnams bsgrub par bya'o//de bzhin gshegs pa'i de kho na nyid ni rab tu sbyor bas zhes pa de kho na'i phyag rgya bsgrub pa'i tshe gang sgrub kyang rung ste/ thog mar de bzhin gshegs pa'i de kho na sgom pa mngon du byas nas phyis gzhan bya'o zhes pa'i tha tshig go/ /de nas rtog pa thams cad kyi byin gyis brlab pa la sogs pa'i las bshad do zhes pa phyag na rdo rje la sogs pa so so'i rtog pa gong du bshad pa thams cad kyi byin gyis brlab pa dang dbang bskur ba dang /ting nge 'dzin dang / mchod pa rnams bshad do zhes bya ba'i tha tshig go/ /nyin re ji lta bu'i dus mngon du zhes pa nyin gcig cing bzlas pa'i dus snga dro dang /gung dang dgongs gsum mam/ yang na dus gcig tu zlos kyang rung ste ji lta bu'i dus su zlos pa de'i sngon du dang por rigs bzhi'i phyag rgya dang snying pos byin gyis brlab po zhes bstan pa ste de la/ rdo rje mchog gi phyag rgya yis//zhes bya ba ni rigs bzhi so so'i dam tshig gi phyag rgyas rang rang gi gnas su bzhag ste/ snying gar rdo rje rigs kyi dam tshig gi phyag rgya rdo rje bcings pa las gung mo sbyar te bsgreng la mthe bo dang mthe'u chung so sor bskyed de bsgreng ba rdo rje rtse lnga pa'i phyag rgya gong du smos pa de nyid bzhag go//smin mtshams su ni rin po che'i rigs kyi dam tshig gi phyag rgya rdo rje bcings pa las mdzub mo rdo rje nor bur byas pa bzhag go/ /lkog mar ni pad+mo'i rigs kyi phyag rgya rdo rje bcings pa las mdzub mo pad+mar byas pa bzhag go/ /spyi gtsug tu ni las kyi rigs kyi phyag rgya rdo rje bcings pa las mthil bskyed de mthe'u chung mthe bo so sor phyag rgya bzhag go//de la rdo rje chen po'i rang gi rnam par grol ba'i ye shes te 'jig rten pa'i shes pa gzhan pas 'phags pa'i phyir ches mchog go/ /de'i rtags ni phyag rgya ste rigs so so'i ye shes kyi mtshan ma/ lag pa'i phyag rgya bcing bas bstan//zhes bya ba'i tha tshig go/ /rang byin gyis brlabs par bsam par bya zhes pa sngags pa sangs rgyas lngas byin gyis brlabs par bsam pa'o/ /badzra satwa zhes pa ni rdo rje rigs kyi snying po'o/ /badzra rat+na ni rdo rje rin po che'i rigs kyi'o/ /badzra d+harma ni pad+ma'i rigs kyi'o//badzra karmA ni las kyi rigs kyi'o/ /dbang bskur ba'i cho ga gsungs pa de la 'di ni rdo rje rin po che'i dbang bskur ba'i snying po'o zhes pa dag go/ /rin po che'i rigs thams cad la dbang bskur ba'i las kyi sgo yin pa'i phyir ro/ /de nas ting nge 'dzin gyi cho ga gsungs pa de nas ting nge 'dzin gyi ye shes bskyed pa ni zhes pa dag go//ting nge 'dzin gyi yul la shes pa bskyed pa'i ting nge 'dzin gyi ye shes bskyed pa'o/ /phyag rgya chen po'i rnal 'byor byas la rang gi snying gar zla ba'i dkyil 'khor la rdo rje rtse lnga pa bsgom mo/ /de'i snying po ni/ oM badzra At+ma ka rdo rje'i bdag nyid ces pa'i don to//gong ma bzhin tu ting nge 'dzin byas pa rdo rje'i bzlas pa sgra med pas snying po 'di nyid ci 'dod pa cung zad bzlas so/ /de nas mchod pa'i cho ga gsungs pa/ /rdo rje mchod pa'i rab tu bya ba ni zhes bya ba dag go/ /rdo rje khu tshur byas la mkhal ltag g.yas g.yon du brten te bsnyems pa ni badzra lA mchod pa ste/des mchod pa de sgrubs shig rdo rje phreng ba ni rdo rje khu tshur gyi phreng ba 'dzin pa 'dra bar bstan pa'o/ /rdo rje glu ni rdo rje khu tshur gyis kha nas drang ngo / /rdo rje gar ni thal mo bskyed pa bskor nas spyi bo nas dgrol ba'o/ /des bstod pa bya'o zhes gsungs pa/ de la yi ge mnyam pa yi/ / zhes bya ba dag go/ /yi ge mnyam pa ni tshigs su brjod pa klog pa'o/ /rdo rje'i glu ni sha rdza dang / d+he'i ba ta la sogs pa'o/ /rdo rje sems dpa' bsdus pa'o/ /zhes pa rdo rje'i rigs la bstod pa ste/ rdo rje sems dpa' ye shes kyi rang bzhin yin pas na des sangs rgyas dang byang chub sems dpa' thams cad bsdus so//ji lta zhe na thams cad kyang rdo rje sems dpa'i rang bzhin yin pa'i phyir ro/ /rdo rje rin chen bla na med/ /ces pa rin po che'i rigs la bstod pa ste/ sangs rgyas kyi chos ma 'dres pa bco brgyad dang / stobs bcu dang / mi 'jigs pa la sogs pa dkon zhing rin po che'i phyir rin po che ste de lta bu gzhan la med pas na bla na med do//rdo rje chos ni glur blangs pas/ /zhes pa pad+mo'i rigs la bstod pa ste/ theg pa gsum gyi lam ston cing sgrogs pas na glu blangs pas don sgrub ces bya'o/ /rdo rje las ni byed par 'gyur/ /zhes pa las kyi rigs la bstod pa ste/ ye shes kyis byin gyis brlab pa'i las ni rdo rje las te gong ma'i rdo rje smos pa rnams kyang de bzhin du sbyar ro//las ni mchod pa sna tshogs dang sems can gyi don sna tshogs mdzad par 'gyur ba'o/ /'di brtsams te dga' ba dang dbang bskur ba dang zhes bya ba bstod pa 'di brtsams te dga' ba'i mchod pa byang chub kyi sems kyi rang bzhin rdo rje lA gye dang /byang chub kyi yan lag gi phreng ba'i rang bzhin gyis dbang bskur ba dang / dam pa'i chos sgrogs pa'i glu'i mchod pa 'di rnams kyis de bzhin gshegs pa yang 'grub na gzhan sa pa'i grub pa rnams lta ci smos/ ci'i phyir zhe na/ de ltar sems dpa'i bde ba dang mtshungs pa med do zhes pa de lta bu'i mchod pa ni sangs rgyas dang byang chub sems dpa' rnams bde zhing dgyes par 'gyur ba'i rgyu yin te bde bar 'gyur ba gzhan 'di dang 'dra ba med do//sems dpa' ni sangs rgyas dang byang chub sems dpa' rnams la bya'o/ /de ltar byin gyis brlabs pa'i spyi bo'i tshogs bshad zin nas phyag na rdo rje'i byin gyis brlab pa la sogs pa khyad par du gsungs pa/de nas phyag na rdo rje'i byin gyis brlab pa la sogs pa 'byung ba ni zhes bya ba dag go/ /nyin re ji lta bu'i dus sngon du zhes pa ni gong ma bshad pa bzhin no/ /rdo rje byin brlab la sogs sbyor/ /zhes bya ba snying gar rdo rje byin gyis brlab pa nas spyi bor las kyi rdo rjes byin gyis brlab pa'i bar du gong du rigs bzhir byin gyis brlab pa'i sbyor bas bdag nges par byin gyis brlabs la bdag rang phyag na rdo rje nyid du rigs bzhis byin gyis brlabs par gyur to zhes pa'i rnal 'byor dang ldan par bya'o zhes gsungs pa/sems dpa'i byin brlabs rnal 'byor ldan//zhes so/ /de nas rdo rje bcings pas rdo rje rtse lnga pa lag na bzung ste dgug pa dang gzhug pa dang 'ching ba dang dbab par bya'o zhes gsungs pa rdo rje dang bcas te rdo rje 'bebs sogs rnal 'byor gyis bya'o zhes pa'i tshig gi lhag mas sdud do/ /de nas rdo rje khu tshur gnyis su bya ste rdo rje gzung bas phyag na rdo rje nyid kyis phyag rgya bcing bas bcings te byin gyis brlab po zhes gsungs pa/rdo rje khu tshur rdo rjer bcas/ /zhes bya ba dag go/ /gnyis byas zhes bya ba ni khu tshur gnyis su phye ba'o/ /phyag rgya'i cho ga zhes bya ba ni rdo rje hUM ka ra'i phyag rgya nyid de rdo rje khu tshur mthe'u chung sbrel la dpung pa bsnol te mdzub mo bsgreng ba'i gong du smos pa'o//phyag rgya bcing ba de byang chub kyi sems 'dod pa'i rang bzhin de nyid bdag nyid yin no zhes bsgoms nas phyag rgya bcing ngo zhes gsungs pa/ 'dod pa bdag ces bsgoms nas so/ /zhes so/ /phyag rgya de nyid dang sbyar ba'i snying po gsungs pa/Tak+ki dza ho zhes pa ste 'dod pa'i khro bo'i rang bzhin don gong du smos pa bzhin no/ /snying po smos pa'i zhar la de'i sgrub pa'i cho ga gzhan yang gsungs pa/ de nas 'di sgrub pa gzhan yang zhes bya ba dag go/ /rdo rje bcing bas rtag gzung ste/ /zhes bya ba ni rang gi rnam par grol ba'i mtshan ma rdo rje rtse lnga pa rdo rje bcing ba'i chang par gzhug 'dod pa thams cad dbang ba zhes pa byang chub kyi sems mngon du bya ba la dbang ba'am 'dod pa rnam lnga ci dgar spyod pa'i dbang thob pa'o//'dod pa'i gzugs dang zhes pa ji ltar 'dod pa'i lus su 'gyur ba'o/ /'dod pa'i tshe dang zhes pa ji srid du gson pa de srid du 'tsho'o//'dod pa'i bdag po zhes pa sems can gang la dbang bar 'dod pa de'i bdag por 'gyur ro/ /kun du 'gro ba ni phyogs bcur dga' mgur 'gro ba'o/ /de nas phyag na rdo rje dbang bskur ba'i rab tu bya ba 'byung ba ni zhes pa de bzhin gshegs pa lnga rnams kyi phreng ba'i dbu rgyan gyi dbang bskur ba ste gong du de bzhin gshegs pa'i sku'i dbu rgyan gyi spyi bor ni rnam par snang mdzad kyi sku'i phyag rgya mthe bo skyil mo krung bcas zhes bya ba la sogs pa gsungs so//de bzhin du dpral ba dang g.yas dang ltag pa dang g.yon du yang gung mo rdo rje dang / rin po che dang / pad+ma 'dra ba dang / gung mo dpral ba rnams rim bzhin du mi bskyod pa dang /rin po che 'byung ba dang / snang ba mtha' yas dang / gdon mi za bar grub pa'i phyag rgya re re zhing yang snying po 'di lan re brjod la byin gyis brlab bo/ /phyag rgya de lnga'i mtshan nyid zhib tu ni gong du bshad pa yin no/ /oM sarba ta thA ga ta rat+na a b+hi She ka aHzhes pa de bzhin gshegs pa lnga rnams nyid rin po che ste des dbang bskur zhes bya ba'i don to//phyag na rdo rje'i ting nge 'dzin gyi sbyor ba gsungs pa de nas de bzhin gshegs pa thams cad kyi zhes pa dag go/ /de bzhin gshegs pa rnams kyi ye shes dag bskyed pa'i rgyu ting nge 'dzin 'og nas 'byung ba sngon du bya zhes bya ba'i tha tshig go//ji ltar bcom ldan 'das sems dpa' thams cad ces pa/ bcom ldan 'das rdo rje sems dpa' ni sangs rgyas dang byang chub sems dpa' thams cad kyi rang bzhin nyid yin pa de ltar bdag kyang rdo rje sems dpa' dang tha mi dad pas na thams cad kyi rang bzhin no zhes nga rgyal bskyed la dgug pa dang gzhug pa la sogs pa'i phyag rgya dang ldan pas snying po 'di brjod do//de la dgug pa ni thams cad kyi bdag nyid bdag gi rang bzhin du dbang du bya'o/ /oM badzra satwa hUM/ rdo rje sems dpa'i rang bzhin smos pa'o/ /dzaHni dgug pa'o/ /hUM ni gzhug pa'o/ /ba ni 'ching ba'o/ /hoHni dbang du byed pa'o//de nas mchod pa'i cho ga gsungs pa/ bcom ldan 'das kyi spyan sngar zhes pa dag go/ /phyag na rdo rje nyid kyi cha lugs ri mo'am byas pa'i spyan sngar bdag rang gis byin gyis brlab pa dang / dbang bskur ba dang / ting nge 'dzin byas nas gar thabs kyi phyag rgyas me tog dang dri dang /bdug pa dang / mar me rnams dbul lo/ /sogs pa'i sgras ni bdug pa nas mar me'i bar du'o/ /gsang ba'i mchod pa'i phyag rgyas dbul/ /zhes pa me tog la sogs pa dbul ba'i cho gar thabs dang sbyar ba'i snyim pas dbul ba nyid gsang ba'i phyag rgya'o/ /gzhu 'dren pa'i tshul gyis su zhes pa phyag na rdo rje'i dkyil 'khor gyi dbus na bzhugs pa'i mdun rdo rje gzhu 'gengs pa'i lha mo ste mda' 'phen pa'i tshul du bya'o//g.yas na lha mo kI li kI la ste/ khu tshur gyi pad pas phyag na rdo rje la 'khyud pa lta bu'i tshul ston pa'o/ /rgyab tu chu srin gyi rgyal mtshan thogs pa'i lha mo ste rdo rje khu tshur bcings la g.yon pa'i lag ngar bsgreng ba'i gru mor g.yas pas gzung ba ltar bya'o//g.yon na rdo rje bsnyems pa'i lha mo ste/ rdo rje khu tshur gnyis mkhal ltag tu gtad de bsnyems pa'i 'dzum pas g.yon du 'dud do/ /de nas phyag na rdo rje la bstod pa'i tshig 'og nas 'byung ba rdo rje'i glu por la dang /shardza la sogs pa dang sbyar te bstod do zhes gsungs pa/ rdo rje bstod pa'i glu brjod cing / /zhes pa dag go/ /rdo rje'i bstod pa ni phyag na rdo rje la bstod ces bya ba'i don to/ /gzugs la sogs pa'i bde ba zhes pa ni 'dod pa rnam lnga'i bde bas 'dod pa na spyod pa'i sems can yid rab tu bde bar gyur pa de dag thams cad ni rab tu dgyes pa zhes bya ba'i bcom ldan 'das rdo rje sems dpa' khyod la 'dus te/rdo rje sems dpa' dga' ni dga' zhing bde ba thams cad kyi rgyu yin pa'i phyir ro/ /bdag la yang grub pa myur du stsol cig ces bskul ba/ kun dga' bde byed de ring bdag la gyur//zhes bya ba dag go/ /dga' ba kun ni byang chub sems so/ /de'i rgyus bde bar 'gyur ba chos kyis bde 'gyur ba/ de ring bdag gis thob par gyur cig ces so/ /rdo rje sems dpa' nyid kyang myur du grub cig ces smras pa/ dam pa dang po ni rdo rje sems dpa' ste sems can thams cad kyi gdod ma mchog yin pa'i phyir ro//de kho na'i tshig thams cad smra zhes pa mi slu ba bden pa'i tshig smra zhes pa'i don to/ /de ltar lan cig byin gyis brlabs la/ de nas sgrubs shig ces grub pa rab 'bring zhi ba dang rgyas pa la sogs pa ci sgrub kyang rung dang por byin gyis brlab pa la sogs pa bya'o//de nas nyin gcig bzhin du byin gyis brlab pa la sogs pa nyin re byas na zhes pa la sogs pa'i sgras ni dbang dang ting nge 'dzin dang mchod pa dang phyag rgya chen po la sogs pa bsgom pa'am rdo rje tshig la sogs pa bzlas pa bya'o/ /nyin re lan re zhes bya ba ni nye bar gzung ba'i tshig ste nyin re dus gsum du byas kyang nyes pa med do//phra mo rnams brtsams te ston pa byed do zhes pa sangs rgyas dang byang chub sems dpa' sku gzugs 'od mi gsal bar ston pa nas brtsams te/ rab tu gsal bar mngon du ston par byed pa'i bar du 'gyur ro/ /de la sngags pa la tshig tu yang smra'o//byams pa dang mchod pa yang byed do/ /sngags pa de yang de dag la mchod pa byed do/ /'jigs pa med pa dang zhes pa sngags pa de rgyal po dang rkun po la sogs pa'i 'jigs pa lngas mi 'jigs pa'o/ /zad pa med pa ni tshe dang mthu la sogs pa gtan zad par mi 'gyur ba'o/ /god pa med pa ni de dag mthar gyis zad par mi 'gyur ba'o//'jigs pa med pa ni cig car du mi 'jigs pa'o/ /rang yang sangs rgyas kyi gzugs la sogs pa thams cad kyi gzugs su 'gyur ba'o zhes pa bdag gi lus nyid sangs rgyas la sogs pa'i gzugs su 'gyur ba'o/ /gong ma ni bdag gi lus las kun 'byung bar ston pa'o//mig gis 'das pa dang ma 'ongs pa dang da ltar gyi shes pa mthong zhes sbyar te ji ltar mthong zhe na gzugs thams cad dang yi ge rnams kyis mthong ngo zhes pa ste/ 'das pa'i dus na ji ltar gyur pa de thams cad da ltar gzugs su snang ngam/ yi ge'i 'bru rnams kyis ston pa mig gis mthong nas 'das pa'i shes pa mthong bar gyur to//de bzhin du ma 'ongs pa dang da ltar gyi yang sbyar ro/ /thams cad thos shing zhes pa grog sbur gyi skad yan chad thos pa'o/ /rang gi lce smra'o zhes pa dus gsum gyi legs nyes rang gi lce las sgra 'byung ngo / /ston skyob thams cad dang zhes lhun gyis grub par 'gyur ro zhes bya ba dang sbyar te/'jig rten dang 'jig rten las 'das pa'i gtsug lag go/ /sil snyan ni rda la sogs pa shes pa'o/ /mda' gzhu ni 'phongs shes pa'o/ /mtshon 'debs pa ni phub 'jur dang gsor mkhas pa'o/ /rnam par shes pa ni rol mo dang rgyal po la sogs pa sna tshogs shes pa'o//bzo shes pa ni lo ma 'dra ba dang / ri mo la sogs pa shes pa'o/ /mkhan rnams shes pa ni rta'i chos dang glang po che'i chos dang mda' gzhu la sogs pa byed pa'o/ /de dag ma bslab par shes pa ni lhun gyis grub pa'o/ /nyin gcig cing gzugs chen po dang zhes pa nyin gcig bzhin de dag 'phel bar 'gyur ba'o//nyin gcig bzhin thams cad mngon par shes par 'gyur ro zhes pa dus thams cad du bdag la dge sdig ci 'ong ba mngon par shes par 'gyur ro/ /mdor na de bzhin gshegs pa nyid dang zhes bya ba byin gyis brlab pa la sogs bya ba ste bsgom pa'am bzlas pa rab tu gus par byas na sgrub pa'i cho ga gzhan ma byas kyang 'grub par 'gyur zhes bya ba'i tha tshig go//de la sgrub pa'i rab tu bya ba 'byung ste zhes pa grub pa rnams sgrub pa'i le'u ste snying po la sogs pa ni sngags dang rang gi sangs rgyas kyi sku rjes su dran pa phyag rgya chen po'i rnal 'byor byas la bcom ldan 'das kyi spyan sngar phyag rgya bsgom zhing snying po dang phyag rgya dang sngags dang rig pa rnams gang sgrub pa de mngon du bya zhing bzlas te sgrub po//de la de bzhin gshegs pa'i snying po ni badzra bid ces brjod pa'o/ /phyag rgya ni phyag rgya chen po la sogs pa'o/ /sngags dang rig pa ni rgyud 'dir gsal bar ma gsungs pas rgyud gzhan las 'byung bar sbyar ro//de nyid bsdus pa'i rgyud las ni snying po la sogs pa bzhi yang dkyil 'khor gyi las bye brag las gyur te dkyil 'khor chen por gsungs pa ni snying po'o/ /dam tshig gi dkyil 'khor du gsungs pa'i sngags ni phyag rgya'o/ /chos kyi dkyil 'khor du gsungs pa ni sngags so//las kyi dkyil 'khor du gsungs pa ni rig pa'o zhes gsungs na/ rgyud 'di las ni dkyil 'khor bzhi gsungs mod kyi/ dkyil 'khor re re zhing snying po re re yang gsungs pas na snying po gcig po gsal bar gsungs la/ gzhan 'dir mi gsal ba rnams ni rgyud gzhan las 'byung ba dang sbyar bar shes par bya'o//phyag na rdo rje bsgrub pa ni/ /zhes pa'i snying po dang phyag rgya la sogs pa 'jig rten gsum las rnam par rgyal ba'i ting nge 'dzin la bzhugs shing lha chen po la sogs pa btul ba'i snying po ni thog ma nyid kyi dkyil 'khor du gsungs pa dang sbyar ro//de'i 'og tu 'dod pa'i khro bo'i gzugs snying ga nas 'dod pa'i khro bo'i snying po ni Tak+ki hUM dzaHzhes bya ba'o/ /sngags la sogs pa grangs bzhir ma tshang ba ni gong du smos pa bzhin du sbyar ro/ /phyag na rdo rje sems dpa'i ting nge 'dzin zhi bar bzhugs pa'i snying po la sogs pa bzhi 'og nas/'byung ba dang sbyar ro/ /sems dpar byin gyis brlab pa'i rnal 'byor dang zhes pa rdo rje hUM ka ra'i sku phyag rgya bzhi par byin gyis brlab pa'o/ /'dod pa sgom zhes bya ba ni byang chub kyi sems yongs su dag pa gzung ba dang 'dzin pa dang bral ba sgom pa'o//rdo rje sems dpa' rjes su dran par sgom pa ni rdo rje sems dpa' zhi ba'i sku'i rnal 'byor du bdag rang byas la snying gar rdo rje rtse lnga pa bsgom mo/ /gong ma'i rnal 'byor gang byed kyang rung ste/ mdun na sangs rgyas kyi sku dran par bya'o zhes bstan pa bdag gi mdun na zhes bya ba dag go//rang gi mdun na bcom ldan 'das rnam par snang mdzad dam/ shAkya thub pa cig bsam zhes pa'i don to/ /sems dpa' chen po thams cad ni/ /zhes pa ni byang chub sems dpa' 'jam dpal dang / spyan ras gzigs la sogs pa gzhan rnams kyi snying po la sogs pa bsgrub pa ni gang sgrub pa'i byang chub sems dpa' rang rang gi phyag rgya chen po'i rnal 'byor byas te sgrub bam/yang na rnal 'byor de ltar byas pa'i snying gar rdo rje rtse lnga pa zla ba'i dkyil 'khor la bzhag par bsgoms pas sgrub po/ /phyi'i rdo rje rigs kyi sgrub pa ni zhes pa lha chen po la sogs pa rig pa'i rgyal po man chad kyi snying po la sogs pa sgrub pa ni gong sgrub kyang rung ste/so so'i khro bo'i rnal 'byor du byas nas khro ba'i sems kyis bsgrub po/ /rdo rje ma rnams bsgrub pa ni/ /zhes pa lha chen po'i btsun mo man chad sa 'og gi lha mo yan chad kyi snying po la sogs pa sgrub pa ni rgyud lnga'i sems can thams cad kyi rkun po dang gcan gzan la sogs pa 'jigs pa thams cad bdag gis bza'o snyam du yid la bya ba'am/bdag rang rdo rje 'bar ba srin po'i gzugs su brtsams te/rab tu khro ba'i bsam pa dang bcas pas bsgrub po/ /de nas sgrub pa'i thabs kyi rab tu bya ba 'byung ste zhes pa grub pa 'grub par 'gyur ba'i rgyu bshad pa'o/ /ji ltar 'jig rten 'dul 'gyur ba/ /zhes pa phyag rgya chen po la sogs pa tshul ji lta bus sems can 'dul bar 'gyur ba de lta bu'i rang bzhin bstan nas 'jig rten dang 'jig rten las 'das pa'i grub pa thob par 'gyur te/de bas na grub pa de la thabs kyi phyag rgya rnams te phyag rgya de yang yon tan ji lta bu zhig ce na/ grub pa thams cad byed pa'i mchog ces pa ste/grub pa'i rgyu'i mchog ces bya ba'i tha tshig go/ /de nas ras kyi rab tu bya ba 'byung ste zhes pa sku gzugs bri ba'i ras kyi cho ga bshad de/ de bzhin gshegs pa'i sku gzugs bri ba'i ras ni dang po brtag pa'i tshe skra la sogs te sems can gyi spu'i bag ma 'dres pa 'dri ba'i tshe dbus na thig gis bskor nas grwa rnams bskor ba'i phyi ma zlum po nyid du 'gyur bar bya'o//yang na bri ba'i tshe sngar dkyil 'khor zlum por thig btab pa de'i dbus su sku gzugs bris te/ de bzhin gshegs pas dus thams cad du zhi ba'i las la 'jug pas ni dang por zlum por brtsam mo//skra la sogs pa med par bya ba ni 'og ma rnams kyi ras kun la yang de bzhin du sbyar ro/ /sems can chen po rnams kyi ni/ /zhes pa 'jam dpal dang byams pa la sogs pa'i byang chub sems dpa' gzhan rnams kyi ras ni so so'i 'khor ji snyed yod pa shong ba tsam gyi tshad du sbyar ro//phyi yi rdo rje'i rigs rnams kyi/ /zhes pa lha chen po la sogs pa'i ras ni ma bcags pa la bri ba'i tshe yang 'khor dang bcas par rim bzhin du dgod do/ /rdo rje ma rnams kyi zhes pa 'jig rten pa'i lha mo rnams kyi ras ni ma bgos ma spyad pa kha tshar dang bcas pa'o//ri mo bri ba kun gyi spyi'i cho ga bstan pa ri mo mkhan gso sbyong can gyis zhes bya ba dag go/ /sku gzugs can gyi tshad gsungs pa de la lus kyi tshad ces bya ba dag go/ /de bzhin gshegs pa'i mtho tshad ni mi 'bring po'i khru phyed dang do/ /phyag na rdo rje ni mtha' med phyir zhes pa rgyud 'di'i skabs su phyag na rdo rjes lha chen po la sogs pa thams cad btul bas bdag nyid che ba bstan pa'i phyir mtha' med ces smos te/tshad sngags pa ci dgar bya zhes pa'i don to/ /de la rdo rje'i tshad ni zhes pa mthe bong ngos kyi sor bcu drug tu byas te/ gzugs thams cad kyang pad+mo'i gdan la bzhugs par bya'o/ /de la rtog pa thams cad du rdo rje'i tshig gis bzlas te bsgrub po zhes rdo rje'i tshig 'og nas 'byung ba ni rtog pa thams cad du yang sbyar zhes pa'i don to/ /phyag na rdo rje'i glu tshig gis bzlas so zhes pa/ rdo rje'i glu sha Da ba la sogs pa dang sbyar te bzlas so//chos kyi tshig gis khros pa chen po'i sgra gsal bar bya ste zhes pa/ chos thams cad mi rtag pa dang / sdug bsngal ba la sogs pa yid la byed cing zlos pa'am/ byams pa chen po'i chos yid la byas te khros pa chen po'i sgra zur phyin par smra ba'o//rdo rje ma rnams rdo rje'i tshig phra mos bzlas so zhes pa khros pa chen po'i sgra las phra mor bskyungs pa'o/ /de la ting nge 'dzin gyi ngag ni zhes pa mchu dang lce la sogs pa bsgul ba med par sngags kyi yi ge'i 'bru gsal bar yid kyis brjod pa'o/ / rdo rje'i ngag ni lce'i thor to rab tu mi 'gul bar cung zad bsgul zhing so dang mchu sbyar la sgra med par bya ba'o/ /rdo rje'i glu bstan pa/ sha Da ba la sogs pa'i glu/ /zhes pa dag go/ /sogs pa'i sgras ni di ba ta dang bor la sogs pa dbyangs bcu bzhi rnams bsdu'o/ /grong dga' ba ni glu'i ming ste grong dga' bar gtogs pa'i glu ke shi la sogs pa rnam pa gsum mo//rdo rje'i tshig bzlas rtog pa ru/ /zhes pa dag gi skabs su rdo rje'i tshig glu gong du smos pa dang sbyar te bzlas pa'o/ /sprin 'brug kyang ni hUM zhes pa sgra'i thog ma hUM gis drangs la/'brug gi sgra dal la ran par 'byung ba 'dra ba'i tshul las mtha' mar je phra je phrar 'byung bar sems kyang bskyed la/ lus kyi tshul yang khro bar bstan to/ /de la 'di ni 'das pa'i cho ga'i rab tu bya ba yin te zhes pa bzlas pa'i tshe lha gang sgrub pa de'i snying po dang phyag rgya la sogs pa dgug pa dang gzhug pa la sogs pa'i cho gas ji ltar byin gyis brlab pa de bzhin du bdag rang snying po dang phyag rgya dang /sngags kyi rig pa thams cad dang ldan par byas la rtog pa kun la de ltar bsgrub po/ /gnas dang srog chags thams cad ni/ / zhes pa mtho ris la sogs pa gnas kyi khyad par sgrub pa dang / 'phrul gyi rta la sogs pa srog chags 'phrul bag can nam mi zad par sgrub pa ni so so rang rang gi cho ga rgyud so so las 'byung ba'i tshul gyis grub pa thams cad bsgrub po/ /skabs 'dir rdo rje'i tshig gis bzlas pa dang sbyar kyang nyes pa med do zhes smras pa rdo rje bzlas pa ni zhes pa dag go//rtog pa thams cad kyi sgrub pa po yin pas na 'dir yang de dang sbyar na nyes pa med ces bya ba'i tha tshig go/ /bzlas pa'i don gyis mgon bzlas te/ /zhes pa bzlas pa'i tshig gi don yid la bya ste mgon po phyag na rdo rje'i sngags bzlas te bsgrub po//khro bas mnyam par 'jog pas so/ /zhes pa khro bo'i sems rtse gcig tu gzhag pa'o/ /yid kyis snying po 'dzin pa'o/ /zhes pa'i snying po don ji lta ba bzhin du rtogs par dmigs te bzlas pa'o/ /'dod pa sgom zhing bzlas pas so//zhes pa 'dod pa ni byang chub kyi sems te thams cad kyis 'dod par bya ba'i yul yin pa'i phyir ro/ /oM zhes bya ba ni 'dod pa ste zhes phyag na rdo rje'i snying po oM zhes bya ba yang 'dod pa'i rang bzhin nyid du ston te bde ba chen po'i bdag nyid do/ /'dod pa ni rdo rje sems dpa' ste des thams cad dgug pa la sogs pa'i las kun kyang byed do//'dod pa ni shin tu chags pa'o zhes pa 'dod pa ni byang chub kyi sems so/ /de nyid du su ra ta ste dga' ba'am rab tu chags pa'i dngos po'o/ /'dod pa ni 'das pa'i don to zhes pa phyag na rdo rje'i snying po zlos pa'i tshe 'dod pa zhes bya ba byang chub kyi sems de la dmigs nas bzlas pa bya ste/de bas na 'dod pa ni slob pa'i don to zhes bshad do/ /de bzhin gshegs pa thams cad kyis kyang slu bar mi nus so zhes pa de bzhin gshegs pa las mthu che ba gzhan med pas kyang bar chad byed par mi nus na gzhan gyis lta ga la zhig bar chad byed par nus/mchod pa'i cho ga gsungs pa thal mo khong stong du bcings la mchod pa byas te zhes bya ba dag go/ /gar thabs dang sbyar te me tog gsol ba ni gyen du bstod pa'i thabs su brkyang ngo / /bdug pa'am thal mo de nyid gar dang sbyar te sa la smad do/ /mar me yang thal mo de nyid las mthe bong bsnyams pas snyim pa'i kha g.yogs la thor to mar me'i snying po 'dra bar bsgreng ba'o//dri'i mchod pa ni thal mo de nyid mthe bong sprad la gzhan bsgrang de nyug pa lta bu'i tshul bstan to/ /stong pas sam gang bas so zhes phyag rgya de rnams bcings na mchod pa'i dngos po me tog la sogs pa med kyang rung yod kyang rung zhing thams cad dang /dkyil 'khor thams cad la sogs pa'i lha'i rang bzhin snying po dang phyag rgya dang sngags dang rig pa'i rang bzhin du gyur pa thams cad la yang mchod par 'gyur ro/ /bsod nams chung ba rnams kyis dkyil 'khor gang 'dod pa che chung ji tsam du dad pa'i tshad du bris te der sngags zlos shig ces gsungs pa de la/bsod nams med pa'i sems can gyis/ /zhes bya ba dag go/ /grub pa myur du thob par 'gyur ba'i thabs su gsungs pa/ de la grub pa myur du 'grub/ /ces bya ba dag go/ /ting nge 'dzin ni sems rtse gcig pa ste las su rung ba'o//chos sbyin pa ni lha dang mi la sogs pa la dam pa'i chos bsnyad pa'o/ /sogs pa'i sgras ni chos bri ba dang mchod pa la sogs pa mos pa spyod pa'i tshe/ chos bcu spyad pa rnams gzung ngo / /rgya chen tshul rnams zhes pa theg pa chen po'i mdo sde rnams so/ /dad la gnas te zhes pa dkon mchog la sems dad pas mchod pa'o//'dod chags 'dod bral ma yin par/ /zhes pa sems can smin pa dang grol ba la chags pa de lta bu spangs te 'dod pa dang bral bar mi bya ba'o/ /'dod la 'dod chags mchog gis mchod/ /ces byang chub kyi sems 'dod ces bya ba la zhen cing chags pa bsgom pa'i sems kyis phyag na rdo rje la mchod par bya'o//'di ni nan tan gyi mchod pa ste 'dod chags mchog ces bya ba'ang 'dod pa lnga la chags pa bas dam par gyur pa'i phyir mchog go/ /ci nus 'dod la chags pas na//zhes pa la byang chub kyi sems 'dod pa la ci nus par bsgoms na grub pa chen po phyag na rdo rje myur du stsol to/ /de nas 'jam dpal la sogs pa byang chub sems dpa' chen po gzhan pha rol tu phyin pa drug mang du byas pas myur du 'grub ces gsungs pa/ de la 'di ni sems dpa' chen po rnams kyi zhes bya ba dag go//lha chen po la sogs pa myur du 'grub pa'i rgyu gsungs pa/ phyi'i rdo rje rigs kyi zhes bya ba dag go/ /sangs rgyas la rtag tu mchod cing de bzhin du phyag na rdo rje la yang mchod cing mos pa dang dad pa bskyed la/ phyag na rdo rje la brtul zhugs lag na rtag tu rdo rje bcang ba la sogs pa mi bsnyems par byas la dkon mchog gsum la 'tshe ba dang /sems can mang po la gnod pa la sogs pa sems can mi bgrungs pa thams cad thabs sna tshogs kyis tshar gcad pa'o/ /de nas lha chen po'i btsun mo la sogs pa grub pa myur du 'grub pa'i thabs gsungs pa/sems can dge la dad pa dang / /zhes bya ba dag go/ /sems can tshul khrims dang brtul zhugs can sems can mang po la mi gnod cing / dge ba la sems dad pa dang ba bskyed la de mchod cing sngags kyi tshul gyi dam tshig gzhung las 'byung ba bzhin du bsrungs la gar thabs dang bcas pa'i phyag rgyas lha mo rnams mchod pa dang /dkon mchog gsum la gnod pa la sogs pa sems can ma rungs pa rnams la tshar gcod pa'o/ /rgyud 'chad pa dang / dkyil 'khor bri ba dang / slob ma bsdu ba la sogs te sngags kyi slob dpon du dbang bskur ba'i cho ga bshad pa/dang por de bzhin gshegs pa rnam par snang mdzad kyi dbang bskur ba gsungs pa/ de la 'di ni de bzhin gshegs pa'i dkyil 'khor la zhes bya ba dag go/ /dkyil 'khor du rnam par snang mdzad kyi spyan sngar slob dpon gyis rdo rje rig pa'i snying po oM badzra bid ces bya ba stong rtsa brgyad bzlas so//de rnam par snang mdzad kyi dam tshig gi phyag rgya rdo rje dbyings kyi bdag mo bcings la 'og nas 'byung ba'i snying po stong bzlas so/ /snying po rnam gnyis bzlas pas ni slob dpon gyis sngags bsnyen pa byas pas mthu can du 'gyur ro//sngags kyang rigs bzhi char gyi snying po dang dbang bskur bar gsungs so/ /de nas snying po 'dis snying ga nas dpral ba dang mgul pa dang spyi bor de bzhin gshegs pa'i rigs dang / rin po che'i rigs dang pad+mo'i rigs dang las kyi rigs rnams kyi rang gi dam tshig gi phyag rgya snying ga la sogs pa rim bzhin du sngags lan re brjod cing bzhag la/de nas slob ma'i spyi bor las kyi dam tshig gi phyag rgya bcings te bzhag nas sngags 'og nas brgya tshang bar bzlas so/ /'dis ni rnam par snang mdzad kyi rigs kyi slob dpon du dbang bskur ba'o//de nas de bzhin gshegs pa'i rigs kyi slob dpon du dbang bskur ba'i cho ga gsungs pa/ phyag na rdo rje'i cha lugs spyi bor bzung nas zhes bya ba dag go/ /phyag na rdo rje'i sku gzugs kyang ting nge 'dzin gyi dbang gis rnam pa du mar 'gyur mod kyi 'dir ni rdo rje sems dpa'i sku gzugs bzhag go//de nas slob ma'i lag tu slob dpon gyis rdo rje yang sbyin no/ /las kyi rigs kyi slob dpon du dbang bskur ba'i cho ga gsungs pa/ de nas rdo rje'i rigs kyi ste lag pa gnyis su rdo rje byin nas zhes pa dag go/ /slob ma'i lag par rdo rje rgya gram mam/ rtse lnga pa byin la 'og nas 'byung ba'i snying po stong bzlas pa'i bum pas dbang bskur ro/ /rdo rje chu zhes bya ba ni ye shes kyi byin gyis brlabs pa'i chu'o/ /de nas pad+mo'i rigs kyi slob dpon du dbang bskur ba gsungs pa/ pad+mo lag tu byin nas zhes bya ba dag go/ / de nas rin po che'i rigs kyi dbang bskur ba gsungs pa/ rdo rje rin po che'i phyag rgya slob ma'i dbang bskur ba'i gnas su bzhag go zhes bya ba dag go/ /dbang bskur ba thams cad rang rang gi dkyil 'khor du zhugs nas dbang bskur bar bya'o zhes gsungs pa/ slob dpon gyis dkyil 'khor thams cad du btsud de zhes bya ba dag go//slob dpon gyis dbang thob zin pa dam tshig gso ba'am bgegs zhi bar bya ba'i phyir/ bdag rang slob dpon du dbang bskur bar 'dod na/ dkyil 'khor cho ga bzhin du bris la phyag na rdo rje rang gi slob dpon du brtags te/rang gis rang dbang bskur bar yang rung ngo zhes gsungs pa/ phyag na rdo rje slob dpon du bya ste zhes bya ba dag go/ /de ltar slob dpon gyi dbang mnos nas rigs so so'i slob dpon gyi brtul zhugs des par spyad dgos te/ de bas na de bzhin gshegs pa'i dkyil 'khor du slob dpon gyi dbang bskur ba'i brtul zhugs gsungs pa/de bzhin gshegs pa'i slob dpon ni zla ba gcig gi bar du zhes bya ba dag go/ /dge slong dang dge tshul la sogs pas ni rang gi bslab pa ma nyams par bya ba dang / nyams pa gsos te sdom pa la gnas par bya'o//khyim pa ni zla ba gcig tu khyim gyi chos spangs te tshangs par spyod pa'i sdom pa gzung ngo / /dus gsum du mchod cing bzlas pa bya'o/ /de nas de bzhin gshegs pa'i rigs kyi spyi'i slob dpon gyi brtul zhugs gsungs pa/ zla ba phyed kyi bar du nyin re zhing zhes bya ba dag go//byin gyis brlab pa la sogs pa/ /zhes pa la sogs pa'i sgras ni dbang bskur ba dang ting nge 'dzin dang mchod pa dag gzung ngo / /kyo ba tang gis bkug ste zhes pa byin gyis brlab pa'i phyir dgug pa dang gzhug pa dang bcing ba dang dbang du bya ba la sogs pa byas nas dus gsum du skyo ba ma skyes pa'i bar du bzlas so//'dir brtul zhugs dus ji srid du spyad pa dang bzlas pa dus du bya ba gsal bar ma gsungs mod kyi de bzhin zhes bya ba'i sgras ni gong du dus gsum du sgrub cing zla ba gcig tu spyad pa'i rigs so/ /phyag na rdo rje yang de bzhin gshegs pa'i rigs kyi nang du 'dus mod kyi/rgyud 'chad pa'i gtso bo ni de'i brtul zhugs logs shig tu gsungs pa/ nang par langs nas nyin re zhing / /zhes bya bdag go/ /sngags pa rang khrus byas dri gtsang mas byugs gos 'tsher ba bgos/ dpung rgyan dang dbu rgyan la sogs pas chas te glu la sogs pas mchod do/ / gsang ba'i mchod pa ni badzra lA s+ye la sogs pa'o/ /me tog la sogs pa'i mchod pa ni me tog dang dri dang bdug pa dang mar me dag go/ /'dod pa'i dngos pos bcom ldan 'das dang bdag la mchod pa bya ste zhes pa byang chub sems dpa' la bsgom pa'i nan tan gyis mchod pas mchod ces bya ba'i don to//dam tshig chen po'i de kho na ci 'dod pa bzlas zhes pa sa ma ya ho/ /su ra ta s+t+waM zhes gong du smos pa ci rigs par bzlas so/ /'dod pa'i yon tan phyi dro'i bar du spyod la zhes pa dad pa dang brtson 'grus la sogs pa dbang po lnga la nan tan du bya'o/ /de nas las kyi rigs kyi brtul zhugs gsungs pa zla ba phyed du smyon par bsgyur nas zhes bya ba dag go//chos thams cad la mi rtog par bsgom pa'i phyir ram/ bdag rang nga rgyal bcag pa'i phyir smyon par bsgyur ro/ /yang na chos thams cad rten cing 'brel te 'byung ba las kyi rigs kyi slob dpon brtul zhugs de 'dra bas 'grub par bcom ldan 'das kyis mkhyen te bka' stsal pas rigs pa'i gtan tshigs smos mi dgos te/phabs dang nas ba sres pa'i rgyu las ra ro ba 'byung ba rigs pas sgrub pa med mod kyi rten cing 'brel bar 'byung ba'i chos kyis de lta bu'o/ /phyag rgya'i gar byas te zhes brkyang bskum dang / phyir brkyang bskum dang / tsham ngam dang //thal mo bskor ba la sogs pa gar thabs byed pa'o/ /yid la de bzhin gshegs pa bris la zhes pa nam mkha' la de bzhin gshegs pa'i cha lugs yid kyis bsam pa'o/ /brgya rtsa brgyad du bzlas zhes pa rang gi snying po brgya rtsa brgyad nyin gcig bzhin bzlas so/ /'di yang dus ji srid du bya ba nges par ma gsungs pa ni gong du phyag na rdo rje'i brtul zhugs smos pa'i dus dang sbyar bar rigs te/slob dpon mkhas pa dag 'chad pa'i tshul gyis na bshad pa'i rigs pa gsal bar ma byung ba ni gong du smos ma thag pa'i tshul dang sbyar ba'i phyir ro/ /pad+mo'i rigs kyi brtul zhugs gsungs pa/bcom ldan 'das la mchod pa byas te zhes pa dag go/ /rtog pa thams cad bsdus pa las 'byung ba'i gcin ni rdo rje'i chu'o zhes 'byung ste/ rdo rjes byin gyis brlabs pa'i chu btung ngo zhes pa'i don to/ /ba'i lci ba cung zad zos nas zhes pa pu ri sha zhes bya ba'i sgra mi gtsang ba slad sa'i ming du yang 'dren/pad+mo'i rtsa ba la yang pu ru Sha zhes bya ste rtog pa thams cad bsdus pa las pu ri sha ni pad+mo las byung ba'o zhes bshad pas na/ 'dir yang / pad+mo'i rtsa ba cung zad bza'/ /zhes pa'i don to/ /de yang ye shes kyi dri ma bkru ba'i mtshan ma rdo rje'i chu btung ngo //cis kyang mi gos pa'i bsod nams dang ye shes kyi tshogs sgom pa'i mtshan la pad+mo'i rtsa ba bza' bar bstan pa'o/ /de ltar byed cing zhag bdun gyi bar du sems rtse gcig tu byas pas nyin gcig kyang rang gi snying po gong du smos pa stong rtsa brgyad bzlas so/ /de nas rin po che'i rigs kyi dbang bskur ba gsungs pa/nyin re bzhin rang la dbang bskur nas zhes pa dag go/ /dbang bskur ba'i sngags gong du smos pa nyid kyis nyi ma brgyad kyi bar du nyin re dbang bskur ba cho ga gong ma bzhin du bya'o/ /rgyal po lta bur sgom zhes pa ni bdag kyang chos kyi rgyal po zhes nga rgyal bskyed pa'o//cho ga de ltar byas pas slob dpon du grub pa'i yon tan gsungs pa/ de ltar slob dpon gyis grub pa thams cad dang zhes pa dag go/ /de nas snying po dang phyag rgya la sogs pa las sgrub pa'i cho ga bshad de de la re zhig snying po bzlas te/ las bsgrub pa gsungs pa/ snying po brgya rtsa brgyad bzlas nas/ /zhes pa dag go/ /sngar bsnyen pa tshul bzhin du byas la zhi ba dang rgyas pa la sogs pa'i las byed pa'i tshe brgya rtsa brgyad bzlas pas 'grub bo/ /phyag rgya grub pa gsungs pa/ rdo rje phyag rgya chen po bcings nas zhes bya ba dag go//rdo rjes byin gyis brlab pa'i phyir phyag rgya chen po ni rdo rje'i phyag rgya chen po ste lha rnams kyi skur rnal 'byor bya'o/ /de byas nas ting nge 'dzin mngon du khugs nas snying po brgya stong bzlas na dam tshig dang / las kyi phyag rgya la sogs pa bcings pa tsam gyis zhi ba dang rgyas pa la sogs pa'i las thams cad dang /'jig rten gyi grub pa gter la sogs pa dang / 'jig rten las 'das pa'i grub pa phyag rgya chen po la sogs pa dag kyang 'grub cing / pha rol sgrub tu gzhug na yang 'grub par 'gyur ro/ /sngags ni rdo rje tshig gis zhes pa dag ste sngar cho ga bzhin 'bum bzlas na zhi ba la sogs pa las kun 'grub bo//rig pa'i sgrub pa gsungs pa/ rig pa stong phrag brgya bzlas na/ /zhes pa dag go/ /de nas rdo rje sems dpa'i snying po la sogs pa gsungs pa de nas snying po dang phyag rgya dang sngags dang rig pa rnams 'byung ste zhes pa'o/ /de la rdo rje sems dpa' ni nye bar ston par zad kyi lha rnams kyang snying po la sogs pa bzhir rig par bya ste rtog pa 'dir snying po la sogs pa bzhir ma tshang ba rnams kyang de nyid bsdus pa la sogs pa'i rgyud chen po gzhan las 'byung ba dang sbyar ro//snying po la sogs pa bzhis myur du 'grub pa na bskul pa'i cho ga gsungs pa/ de nas snying po dag dang phyag rgya dang / /zhes bya ba dag go/ /rdo rje bzlas pa'i glus rdo rje'i tshig tu bzlas na zhes pa sgra med na ni glur yang mi rung la/ rdo rje'i tshig ni sgra med par bzlas so zhes 'byung ste/ 'gal ba gnyis cig car du brjod du mi rung ngo zhes zer ba la ji ltar sngags kyi tshig sgra med par brjod pa bzhin du rdo rje glu yang sgra med par yid kyis blang ba dang sngags su sbyar te glu yid kyis blangs du mi rung du zin na bslab kyang ji ltar bslab/go rims su phab ste khar yang ji ltar brjod do/ /de nas sngags pa bcom ldan 'das kyis bskyab tu gsol zhes phyag na rdo rjes gsol ba de nas bcom ldan 'das la zhes bya ba dag go//sems can gdul ba'i phyir zhes bya ba ni skye bo sngags kyi sgor gzud pa'i phyir ro/ /gzhan gyi yul du 'gro ba zhes bya ba ni ma mchis pa zhes 'og ma dang sbyar te bsgom pa'i bar chad du 'gyur ba'i yul rgyu ba'i sems ma mchis par byin gyis brlab par gsol zhes pa'i don to/ / de nas de bzhin du dbul po la sogs pa yang ma mchis par zhes 'og nas 'byung ba dang so sor sbyor cig /'dod pa chung ba zhes pa byang chub kyi sems med ces pa'o/ /'dod chags dang bral ba ni byang chub kyi sems la zhen pa'o/ /rab tu 'byung bar sems pa ni gcig tu 'khor ba las rab tu 'byung bar sems pa ste gzhan gyi don mi byed ces pa'i don to//skyon de rnams spangs nas yon tan 'di 'dra bar byin gyis brlab par gsol pa/ mos pa'i bsam pa dang zhes bya ba dag go/ /mos pa'i bsam pa ni dkon mchog gsum la bsam pa thag pa nas dad pa'o/ /lhag par bsam par byed pa'i chos ni bdag dang gzhan gyi don mnyam par byed pa theg pa chen po'i chos thos par 'gyur ba'o//sgrib pa yongs su byang bar zhes pa las dang nyon mongs pa'i sgrib pa yongs su byang bar byin gyis brlab tu gsol pa'o/ /de nas bcom ldan 'das kyis phyag na rdo rje la gsungs pa/dam tshig chen po'i de kho na 'di zhes bya ba dag go/ /dam tshig chen po ni skabs 'dir ye shes kyi rang bzhin te thob par bya ba'i phyir na dam tshig go zhes bya ba dang sbyar ro/ /ye shes kyi rang bzhin de sems can gyi don sna tshogs la snying po dang phyag rgya la sogs pa rnam pa du mar sbyor ba yang mi slu ba'i phyir de kho na zhes bya'o//snying po dang phyag rgya la sogs pa yang bsdu na lus dang ngag dang sems rdo rjer 'dus te lus kyi dkyil 'khor dang / ngag gi dkyil 'khor dang / sems kyi dkyil 'khor du snying po la sogs pa thams cad gsungs pa'i phyir ro/ /de ltar lus la sogs pa rdo rje thams cad kyang khyod kyis skye bo ma lus pa 'dul ba'i phyir smras pa yin te/gdul ba de dag gi don gyi phyir ded kyi byin gyis brlab ces bya ba'i don to/ /sgrub pa po rnams la de bzhin gshegs pas byin gyis brlab par bskul ba dang / byang chub kyi sems la chags pa med kyang sngags 'di brjod na 'grub par 'gyur ro zhes gsungs pa/de bas na sgrub pa po des dang por zhes pa dag go/ /de nas phyag na rdo rjes rtog pa 'di'i yon tan bsngags pa/ sems can kun la phan phyir du/ /zhes bya ba dag go/ /mnyam pa ru ni bsrungs nas so/ /zhes pa su 'di la nan tan byed pa thams cad la ngag gis mnyam par srung ngo zhes pa'i don to//de nas bcom ldan 'das rnam par snang mdzad kyi rdzu 'phrul bstan nas phyag na rdo rje la legs pa byin pa/ de nas bcom ldan 'das gdan las bzhengs te zhes bya ba dag go/ /khams gsum thams cad la sprul pa'i sku phra mos gang bar byas zhes bya ba'i don to//bla ma mang du thos pa'i man ngag la/ /brten te mdo ru 'grel pa 'di bgyis pas/ /skye bo sgrib pa'i mun pas khebs pa rnams/ /sgrib byang rdo rje sems dpa'i thabs thob shog /'jig rten gsum las rnam par rgyal ba'i 'grel pa mu ti ta ko Shas byas pa rdzogs so// //