CLOSE WINDOW

D2503
བོད་ཡིག

@##/ /rgya gar skad du/ ko sa la a laM kA ra ya tat+t+wasaM gra ha TI kA/ bod skad du/ de kho na nyid bsdus pa'i rgya cher bshad pa ko sa la'i rgyan/ byang chub sems dpa' sems dpa' chen po dpal kun du bzang po la phyag 'tshal lo//rgyud bdag dang ni rgyal bzhi dang po'i sems dpa' dang / /rgyal sras lhag ma rnams dang rigs kyi yum rnams dang / /rab mchog las mdzad mchod pa bzhi dang phyag rgya dang //rgyud dang snying po rig bcas de la phyag 'tshal lo/ /chos tshul zab mo'i rgya mtshor shin tu zhugs gyur cing / /ye shes mtsho chen de nyid ma lus bdag po mdzad/ /shes rab bdud rtsi las byung dri med byis pa'i gzugs//bde gshegs sras po 'jam pa'i dbyangs la'ang bdag phyag 'tshal/ /rgyal rnams 'dus las bka' thob rnam par rgyal bar ldan/ /'gro la phan phyir 'jig rten gsum las rnam rgyal mdzad//lha mi rnams la rgyud ston bcom ldan gang yin pa/ /rgyal dbang rdo rje 'dzin pa de la'ang rab tu 'dud/ /grong khyer bzang por sangs rgyas sde zhes grags thob gang / /bla ma'i mchog de dang por rab dad mnyes byas te//gnang ba mnos shing cho gas dam tshig thob nas ni/ /de la shin tu mang thos mang du rnam par dpyad/ /kong ka nir ni dra mi Da dang dbang phyug dpal 'dus dang / /chos sde chos kyi 'byung gnas dga' bas bsnyen bkur byas//sa h+yer chos kyi rdo rje mchog tu mtshan gsol dang / /gtsug tor rdo rje'ang mang du legs par bsnyen bkur byas/ /yon tan 'byung gnas byang phyogs u rgyan yul bgrod de/ / rgyud don de nyid 'dzin rgyal in+d+ra b+hU ti bsnyen/ /tag kyer grong khyer ka sha la yi slob dpon ni/ /blo brtan blo gros 'byung gnas tshul mkhas gus pas bsten/ /bla ma'i zhal nas yang dag man ngag gang las ni/ /cung zad bdag gis ci rtogs dag pa'i lung gi tshul//'jig rten rnal 'byor cho gas slob dpon bzhin rim gyis/ /'di ni yun ring gnas phyir bdag gis rnam par bsams/ /'gro ngan bdag pas blo dman mi rnams gang yin pa/ /de la phan gdags phyir ni rang gi stobs bskyed de//gang du de nyid don bsdus tshul ni rnam ston pa'i/ /de nyid bsdus te bdag gis gus pas rnam par dbye/ /rgyud 'dir rgyud kyi bdag po rnal 'byor gyi dbang phyug dpal ldan rnam par snang mdzad kyi yon tan gyi gleng gzhi ni de bzhin gshegs pa thams cad kyi rdo rje'i byin gyi rlabs zhes bya ba nas brtsams te/rdo rje sems dpa' bskyed pa'i ting nge 'dzin ston pa'i bar gyis bstan to/ /de nas gzhan yang rdo rje sems dpa'i rgyud nas brtsams te/ de skad ces bka' stsal zhes bya ba'i bar ni rgyud do//rgyud 'di la yang 'di skad bdag gis thos pa zhes bya ba la sogs pa ni yang dag par sdud par byed pas mngon sum du thos par ston to/ /de yang 'di skad ston te/ bdag nyid kyis thos kyi gzhan dag las brgyud de thos pa ni ma yin no zhes pa'o/ /khyod kyis dus gang gi tshe thos she na/dus gcig na zhes bya ba smos te/ lan cig gi dus tshod na zhes bya ba'i don to/ /da ni bcom ldan 'das zhes bya ba la sogs pas gleng gzhi ston to/ /de la bcom ldan 'das zhes bya ba ni bcom pa dang ldan pas na bcom ldan 'das te nges pa'i tshig gi tshul gyis na yi ge bsgyur ba byas na phung po dang /'chi bdag dang / nyon mongs pa dang / lha'i bu'i bdud bcom pa'o/ /gang gis rgyud 'di ston par mdzad pa'i rgyud kyi bdag po bcom ldan 'das 'di yon tan ji lta bu dang ldan zhe na/ de nas gzhan yang de'i yon tan ni de bzhin gshegs pa thams cad kyi rdo rje'i byin gyi rlabs dang zhes bya ba la sogs pas bstan te/de bzhin gshegs pa yang yin la thams cad kyang yin pas na de bzhin gshegs pa thams cad do/ /de yang ji ltar gnas pa'i don de thugs su chud cing sangs rgyas pas na de bzhin gshegs pa zhes bshad de/rtogs pa'i don thams cad ni gshegs pa'i don yin pa'i phyir ro/ /'dir thams cad kyi sgra ni mtha' thug pa med pa'i tshig ste/ dkyil 'khor gyi sangs rgyas dang byang chub sems dpa' rnams ston par byed pa'o/ /de bzhin gshegs pa thams cad nyid rdo rje yin pas na de bzhin gshegs pa thams cad kyi rdo rje ste/mi phyed pa nyid kyis dngos po thams cad kyi don 'byed pas na rdo rje'o/ /de rnams kyi byin gyi rlabs ni sprul pa ste/ de ni de bzhin gshegs pa thams cad kyi rdo rje'i byin gyi rlabs te/ snying po dang dam tshig dang phyag rgya dang sems dpa'i dkyil 'khor la sogs pa rdzogs par mdzad pa'o//'di nyid ni dam tshig yin pas na de bzhin gshegs pa thams cad kyi rdo rje'i byin gyi rlabs dang dam tshig ces bya ste/ tshul de ltar rnam par gnas shing dkyil 'khor chen po mthong ba la gsang sngags rjes su 'dzin par gnang ba'i phyir de dag thams cad kyang dam tshig gi sgra nyid du bshad do//de lta bu'i dam tshig mkhyen pa la ni dam tshig gi ye shes zhes bya ste/ dam tshig la mkhas pa'o/ /de'i rnam pa sna tshogs pa ni khyad par rnam pa du ma ste/ rigs dang rtog pa dang dkyil 'khor la sogs pa'i dbye bas shin tu yang rnam pa tha dad pa'o//de rnams dang ldan pa ni bcas pa yin pas de bzhin gshegs pa thams cad kyi rdo rje'i byin gyi rlabs dang / dam tshig gi ye shes rnam pa sna tshogs kyi khyad par dang ldan zhes bya ste/ rgyud las gsungs pa'i dkyil 'khor gyi las la mchog tu mkhas zhes bya ba'i don to/ /tshig 'dis ni bcom ldan 'das de mchog tu yang dam tshig la mkhas par ston to//gal te dam tshig shes pa yin du zin kyang dbang bskur ba med par sngags sbyin pa dang gzung ba la sogs pa bya bar mi rigs so zhes bstan pa'i phyir de bzhin gshegs pa thams cad kyi rin po che'i dbu rgyan gyis zhes bya ba la sogs pa'i gzhung nye bar dgod par mdzad pa yin te/de bzhin gshegs pa thams cad nyid rin po che yin pas na de bzhin gshegs pa thams cad kyi rin po che ste/ rnyed par dka' ba'i don dang / rin che ba'i don dang / don chen po nyid du gyur pa dang / rab tu snang ba'i don gyis na rin po che dang 'dra bas na rin po che ste/sangs rgyas rnams 'byung ba ni u dum+WAr dang 'dra bas na rnyed par dka' ba ste/ dus dpag tu med par sbyangs pa las byung ba'i phyir ro/ /bsod nams dang ye shes kyi tshogs tshad med pa'i rin gyis rnyed pas na rin che ba'o/ /'khor ba thams cad kyi dbul ba la sogs pa'i sdug bsngal yang dag par gcod par byed pa'i don dang /'jig rten dang 'jig rten las 'das pa'i bde ba dang yid bde ba shin tu rnam par dag pa'i gnas su gyur pa'i don gyis na don chen por gyur pa'o/ /phyi dang nang gi mun pa sel ba'i don gyis na rab tu snang ba ste/ de lta bu'i de bzhin gshegs pa lnga po de rnams kyi rin po che'i bye brag las bsgrubs pa'i dbu rgyan ni de bzhin gshegs pa thams cad kyi rin po che'i dbu rgyan no//khams gsum ni 'dod pa dang / gzugs dang / gzugs med pa'i khams te/ khams gsum po na spyod pa'i nyon mongs pa bag chags dang bcas pa rnams spangs pas shin tu yang dri ma med par gyur pa'i yon tan gyi tshogs ma lus pa dang ldan pa'i bla na med pa'i chos kyi rgyal po'i chos kyi mdzod brnyes par gyur pas na khams gsum pa'i chos kyi rgyal po ste bdag po'o//des na de'i rtags su rin po che'i cod pan des dbang bskur ba de brnyes par na de bzhin gshegs pa thams cad kyi rin po che'i dbu rgyan gyis khams gsum gyi chos kyi rgyal po'i dbang bskur ba brnyes pa'o//dbang bskur ba thob tu zin kyang rnal 'byor bsgom pa la dbang ma thob na sems can gyi don bya ba mi 'byung ste/ de bas na de bzhin gshegs pa thams cad kyi thams cad mkhyen pa'i ye shes zhes bya ba la sogs pa smos te/thams cad ni shes bya ma lus pa ste/ rtag par thams cad mkhyen pas na thams cad mkhyen pa'o/ /de'i ye shes ni thams cad mkhyen pa'i ye shes so/ /thams cad mkhyen pa'i ye shes de nyid ni rnal 'byor chen po'o/ /de yang zhi gnas dang lhag mthong zung du 'brel bar 'jug pa'i lam yin te/zhi gnas ni ting nge 'dzin la sems pa'i mtshan nyid de/ sems gang dmigs par bya ba gcig la rab tu 'jog pa'o/ /lhag mthong ni shes rab ste/ de yang sems las byung ba chos rab tu rnam par 'byed pa'i mtshan nyid can te mnyam par 'jog pa'i sems kyis 'di ni zag pa dang bcas pa'o//'di ni zag pa med pa'o/ /'di ni kun nas nyon mongs pa'o/ /'di ni rnam par byang ba'o zhes rnam par 'byed pa'i rnam pa'o/ /zhi gnas shas che na ni sems rmugs pa'i nye bar g.yeng bar 'gyur la/ lhag mthong shas che na ni rgod pa'i nye bar g.yeng bar 'gyur ro//de bas na rim bzhin du snang ba yid la byed pa dang / mi rtag pa yid la byed pas kyang nye bar g.yeng ba'i dngos po gnyis bzlog nas bsam par bya ba'i dngos po de la zung du 'jug par gnas la/ dran pa'i thag pas gang dang gang du zhi gnas dang lhag mthong gi tshul de lta bu gang las nyams pa las blo bzlog ste yang dag pa la sbyar ba ni zung du 'jug pa'o//zung du 'jug pa nyid kyis na rnam pa 'dis 'jug pa'i ngang tshul can ni mngon par 'du byed pa med par 'jug go zhes bya ba'i don to/ /thabs des mya ngan las 'das pa'i lam du gyur pas na zung du 'jug pa ni lam mo zhes bshad do//bsam gtan rnam pa bzhi'i chos mi 'dzin pas ji lta ba bzhin du skye ba la dbang thob cing / 'dus ma byas pa'i dus la ji ltar 'dod par 'jug pa 'di ni thams cad kyi mchog ste/ thams cad mkhyen pa'i ye shes rnal 'byor chen po zhes bshad la/de gang la yod pa de ni de bzhin gshegs pa thams cad kyi thams cad mkhyen pa'i ye shes rnal 'byor chen po ste/ de la yang 'di dbang phyug yin pas na de bzhin gshegs pa thams cad kyi thams cad mkhyen pa'i ye shes rnal 'byor chen po'i dbang phyug go//rnal 'byor la dbang thob tu zin kyang gal te rang sangs rgyas ltar gzhan gyi don la btang snyoms mdzad par 'gyur ro zhes pa 'di bzlog par bya ba'i phyir de bzhin gshegs pa thams cad kyi phyag rgya zhes bya ba la sogs pa ston te/ de bzhin gshegs pa thams cad kyi sgra ni 'dir dkyil 'khor ba'i de bzhin gshegs pa lnga dang byang chub sems dpa' bcu drug yongs su gzung ngo //de rnams kyi phyag rgya thams cad ni phyag rgya chen po dang dam tshig gi phyag rgya dang chos kyi phyag rgya dang las kyi phyag rgya dang rnam pa bzhi ste/ de bzhin gshegs pa thams cad kyi phyag rgya de dag thams cad kyi mnyam pa nyid ni mtshungs pa nyid do//dbyer mi phyed pa nyid kyis na rdo rje ste sku ji lta ba bzhin du thugs kyang de bzhin/ phyag rgya yang de bzhin/ gsung yang de bzhin te/ sku dang gsung dang thugs rdo rje mi phyed pa nyid kyis thams cad kyi dgos pa yang dag par sgrub par mdzad pas na phyag rgya thams cad mnyam pa nyid du gyur pa ste/'di ni kun rdzob kyi mnyam pa nyid do/ /de yang / sku gsung thugs kyi rdo rje ni/ /bsdus pas khu tshur zhes bshad do/ /zhes gsungs pa'i phyir ro/ /don dam par ni chos thams cad stong pa nyid yin pas na phyag rgya thams cad mnyam pa nyid de/ stong pa nyid so sor rtogs par gyur pa las 'di ltar 'gyur te/ dngos po 'di rnams ni rnam par rtog pa la rag las pa yin pas gang sems kyi dbang gis rab tu 'jug pa dang ldog pa yin no zhes shes nas lus dang ngag dang yid shin tu brtan pas gang byas pa de thams cad 'byung zhing / gang rnam par bzlog pa de thams cad ldog go//gzugs la sogs pa gang yongs su bsgyur ba de yongs su 'gyur ro/ /gang dus kyi mthar 'jog pa de dag ni gnas par 'gyur ro/ /de ltar sems can dang snod kyi 'jig rten sna tshogs pa thams cad kyi yid la mngon par 'dod pa'i don de'i phyag rgya thams cad mnyam pa nyid de/stong pa nyid so sor rtogs pa dang / de la dbang du gyur pa thob pas kyang sku dang gsung dang thugs shin tu brtan po thugs su chud cing brnyes pas sna tshogs kyi bya ba mdzad pa gang yin pa de ni thams cad kyi dgos pa mdzad pa ste/ de'i ngo bo nyid yin pas na thams cad kyi dgos pa mdzad pa nyid kyis te de'i sna tshogs pa'i bya ba byed pa nyid de/phyag rgya thams cad mnyam pa nyid du thugs su chud pa des thams cad kyi dgos pa mdzad pa'o/ /ma lus shing lus pa med pa zhes bya ba ni 'jig rten gyi khams te 'dir ma lus shing lus pa med pa zhes bya ba'i sgra ni 'jig rten pa'i spyi'i sgra ste/gang gi phyir ma lus pa'i sgra ni thams cad kyi sgra'i rnam grangs yin pas na zad par gyi tshig go/ /de la cung zad lus pa nyed kyang srid pas lus pa med pa zhes bya ba'i sgra smos te/ de na 'di ltar rnam par gnas par 'gyur te/'jig rten gyi khams ma lus shing lus pa med pa rnams su zhes bya ba yin te/ de'i phyir/ 'dir sems can gyi khams thams cad kyi zhes brjod do/ /gang du thams cad ces smos pa med pa der gzhan du 'gyur srid pas ma lus shing lus pa med pa'i sgra smos so/ /sems can gyi khams thams cad kyi rnam pa thams cad du re ba zhes pa srid pa yongs su zhen pa thams cad du yongs su rdzogs par mdzad pas na re ba thams cad yongs su bskang ba'i phrin las mdzad pa zhes bshad do//re ba thams cad yongs su rdzogs par mdzad pa na/ ci'i phyir mdzad ce na/ thugs rje chen po zhes bya ba gsungs te/ phongs par gyur pa'i sems can rnams skyong bar mdzad pas na thugs rje ste/ gzhan gyi sdug bsngal gyis sdug bsngal ba nyid do/ /'dod pa na spyod pa'i sems can sdug bsngal ba rnams kyi sdug bsngal nyid kyi yul nas ji srid khams gsum po na spyod pa'i sems can thams cad kyang 'du byed kyi sdug bsngal gyis zin pa de la thugs rje chen pos skyong bar mdzad pa'i thugs rje chen po mnga' bas na thugs rje chen po'o//gal te byang chub sems dpa' sa bcu'i dbang phyug rnams la yang thugs rje chen po zhes bya'o snyam pa la rnam par snang mdzad ces bya ba smos te/snang ba yin pas na rnam par snang mdzad pa'o/ /de yang khyad par du snang bar mdzad pa'i phyir na rnam par snang mdzad do/ /'di 'di skad ston te/ nyon mongs pa dang shes bya'i sgrib pa thams cad las shin tu rnam par grol ba'i thugs rje chen po yin gyi byang chub sems dpa' ni ma yin no//yun ring por dka' ba brnyes nas re ba thams cad yongs su bskang bar mdzad pa pos kyang 'di lta bur yun ring du bzhugs par mi bya'am zhe na/ rtag pa zhes bya ba gsungs te/ rtag pa zhes smos pas chos kyi sku la bya ste/mi 'gyur bar rtag pas rtag par yongs su gzung ngo / /ye shes kyi sku yang rnam grangs kyi rtag pas rgyun gyi rtag pa can te gnas gyur pa'i mtshan nyid du 'khor ba ji srid par rgyun du rjes su 'jug pa yin pas na ye shes kyi sku yang rtag pa yin no/ /gal te rtag pa yin na ji ltar na 'das pa dang ma 'ongs pa dang da ltar byung ba'i sangs rgyas su brjod ce na/de'i lan du dus gsum zhes bya ba la sogs pa gsungs te/ dus ni brda ste kun rdzob tu dus gsum dag tu gzugs kyi sku yang ye shes kyi sku la ltos nas rnam par gnas pa'i sku mnga' bas na dus gsum du rtag par bzhugs pa'i sku zhes bya ste/sku 'di gnyis ni 'dus byas yin pa'i phyir 'das pa dang ma 'ongs pa dang da ltar byung bar srid par 'gyur ro/ /ye shes kyi sku ni rnam grangs kyi rtag pa nyid du bshad pa kho na'o/ /gal te skad cig mi rtag pa nyid kyis ye shes kyi sku yang dus gsum du bzung na ni mi rtag pa nyid yin na/ci'i phyir gzhan gyis mi shigs pa yin zhes 'di la phyogs snga ma rtog pas de'i phyir sku dang gsung dang thugs thams cad rdo rje zhes bya ba gsungs te/ rdo rje ltar mi phyed pa zhes bya ba'i don to/ /go rims ji skad du bshad pa'i de bzhin gshegs pa'i chos ni sgrib pa thams cad las grol bar gyur pa yin pa'i phyir thugs mi phyed pa yin la/de las snang ba'i sku yang de'i dbang las skyes pa yin no/ /sgra yang ji skad bshad pa'i thugs kyi rgyun la rgyu ba dang mi rgyu ba'i khyad par rnams kyis 'gyur ba mi skyed pa dang / srog chags dang srog chags ma yin pa'i 'gyur ba skyed par spyod pas na/ gsum char yang rdo rje lta bur gyur pa'i ngo bo nyid yin no/ /de bas na sku dang gsung dang thugs thams cad rdo rje lta bur gyur pa'i de bzhin gshegs pa zhes bya ba gsungs te/ sngon gyi sangs rgyas rnams kyis ji ltar thugs su chud pa de bzhin du chos nyid thugs su chud pas na sangs rgyas ni de bzhin gshegs pa ste de bzhin gshegs pa ni thugs su chud pa'i don yin pa'i phyir ro//yang na chos rnams ji ltar gnas pa de bzhin du ston par mdzad pas na nges pa'i tshig gi tshul gyis yi ge bsgyur ba byas pas de bzhin gshegs pa'o//de dag gis ni dam tshig mkhyen pa la sogs pa chos rnam pa bzhi dang ldan pas bcom ldan 'das 'di ni slob dpon gyi mchog tu gyur par bstan pa yin no/ /de lta bu'i bcom ldan 'das gang na bzhugs zhes 'dir phyogs snga ma rtog pa la de bzhin gshegs pa thams cad bzhugs shing zhes bya ba la sogs pas rnal 'byor gyi gnas kyi nye bar dgod pa mdzad pa yin te/de bzhin gshegs pa thams cad kyis bzhugs shing zhes bya ba ni bstan pa zhes bya ba'i don to/ /ci'i phyir de bzhin gshegs pa thams cad bzhugs she na/ gang gi phyir bsngags pa yin pa ste bkra shis pa zhes bya ba'i don to/ /de bzhin gshegs pa thams cad bzhugs pa 'ba' zhig tu 'ang ma zad kyi bstod pa yang yin te/ bstod pa ni de rnams dang lha gzhan rnams kyis kyang bstod par mdzad pa'o/ /de bzhin gshegs pa thams cad bzhugs shing bsngags pa dang /bstod pa 'ba' zhig tu'ang ma zad kyi nor bu dang rin po che chen pos spras pa yang yin te/ nor bu dang rin po che rnams ni nor bu dang rin po che'o/ /nor bu dang rin po che yang yin la chen po yang yin pas na nor bu dang rin po che chen po ste/ des spras pa ni brgyan pa zhes bya ba'i don to/ /nor bu dang rin po che chen pos spras pa 'ba' zhig tu ma zad kyi kha dog sna tshogs shing dril bu btags pa dar dang / 'phan dang / me tog gi phreng ba dang / rnga ma dang / dra ba dang / dra ba phyed pa dang / zla ba rlung gis bskyod pa rnams kyis mdzes par byas pa yang yin te/kha dog sna tshogs pa ni tshon sna brgyas spel ba'i phyir ro/ /dril bu ni btags pa'o/ /me tog gi phreng ba ni me tog brgyus pa las phreng ba byas pa'o/ /rnga ma ni rnga yab po/ /dra ba ni mu tig gi chun 'phyang ste mchog dbus na yod pa'o/ /dra ba phyed pa ni mchog mtha' na yod pa'o//glegs bam la la las ni zla ba zhes smos pa ni me long ste 'di rnams ni gnyis kyis mdor bsdus pas mtshams sbyar bar bya'o/ /de dag rlung gis bskyod pa ni rlung gis g.yo bar byas pa ste/ de rnams kyis mdzes par byas pa ste dar dang / 'phan dang / me tog gi phreng ba dang /rnga ma dang / dra ba dang / dra ba phyed pa dang / zla ba dag gis nye bar mdzes par byas shing brgyan pa'o/ /de bas na kha dog sna tshogs shing dril bu btags pa dar dang / 'phan dang / me tog gi phreng ba dang / rnga ma dang / dra ba dang / dra ba phyed pa dang / zla ba rlung gis bskyod pa rnams kyis mdzes par byas pa zhes bya'o//de ltar gyur pa gnas gang na bzhugs she na/ de bstan par bya ba'i phyir 'og min gyi lha'i rgyal po'i gnas na zhes bya ba smos te/ lha rnams kyi rgyal po yin pas na lha'i rgyal po'o/ /'og min yang yin la lha'i rgyal po yang yin pas na 'og min gyi lha'i rgyal po ste/ sa 'og min pa'i lha rnams kyi thu bor gyur pas na 'og min te thams cad kyi thu bor gyur pa'i lha'i rgyal po zhes bya ba'i don to/ /de'i gnas ni gzhal yas khang ste/ khyad par de lta bu'i lha'i rgyal po'i gnas de na bcom ldan 'das rnam par snang mdzad rnam pa de lta bus bzhugs te gnas par mdzad pa'o//tshig de rnams kyis ni gnas phun sum tshogs pa bstan pa yin no/ /yon tan gyi khyad par de lta bu dang gnas de lta bu na/ 'khor ji lta bu dang bzhugs zhes 'di ltar phyogs snga ma rtog pa la byang chub sems dpa' bye ba phrag dgu bcu rtsa dgu la zhes bya ba smos te/'di skad ston te/ bcom ldan 'das de'i 'khor gyi dkyil 'khor ni byang chub sems dpa' bye ba phrag dgu bcu rtsa dgu mnga'o/ /'khor gyi dkyil 'khor de rnams de ltar rgya che ba de ni ci byang chub sems dpa' gtso bor gyur pa 'ga' zhig yod dam/ 'on te ma yin zhe na/ rtog pa de bsal ba'i phyir 'di lta ste/byang chub sems dpa' sems dpa' chen po phyag na rdo rje dang zhes bya ba la sogs pa smos te/ byang chub sems dpa' zhes bya ba ni/ byang chub sems dpa' gang la yod pa de ni byang chub sems dpa' ste/ byang chub ni zad la mi skye ba'i ye shes can yin la der sems dpa' ni yid la byed pa ste/de thob par 'dun pa zhes bya ba'i don to/ /yang na byang chub dang sems can la dmigs pas na byang chub sems dpa'o/ /'di skad ston pa yin te/ byang chub mngon par rtogs nas sems can rnams 'khor ba'i btson ra las gdon par bya'o zhes gang la de lta bu'i sems yod pa de ni byang chub sems dpa'o//yang na/ /bdud rtsi thob phyir lam ni 'di ma yin/ /lta ngan spongs la lam la mnos shig ces/ /lta ngan sems can mthong nas go 'byed de/ /rgyu des byang chub sems dpa' zhes bshad do/ /zhes tshigs su bcad pas bshad pa'o//phyag na rdo rje mnga' bas na phyag na rdo rje ste/ rdo rje ni 'dus byas kyi grong khyer thams cad gzhig par nus pa'i stong pa nyid kyi ye shes so/ /de yang 'phags pa sdong po bkod pa'i mdo las/ 'phags pa nor bzangs kyis 'phags pa 'jam dpal la gang gsol ba btab pa lta bu/bskal ba du mar mang du bslabs pa yi/ /rgyud dang rig pa'i tshul dang sa la mkhas/ /gang gis 'du byed grong khyer rnam 'jig pa'i/ /rdo rje ye shes can de 'phags bdag gsol/ /zhes tshigs su bcad pa gsungs pa lta bu'o/ /kun du spyan ras gzigs kyi dbang phyug dang zhes bya ba la kun du spyan ras gzigs pa ni rtog par mdzad pa ste/sems can rnams smin pa dang grol ba dang / 'dod chags kyi de kho na nyid la gzigs pa dang / chags su zin kyang thugs rje chen po nyid kyi nyes pas ma gos pa dang /'jigs pa chen po brgyad kyis nyen pa'i sdug bsngal dang ldan pa'i sems can gyi khams la gzigs pa ste 'di dag gzigs pa'o/ /ting nge 'dzin 'di la dbang phyug ste/ gtso bo de dang bdag por gyur pas na spyan ras gzigs dbang phyug ste de dang / nam mkha'i snying po dang zhes bya ba ni nam mkha' nyid kyi snying po yod pa ste/snying po ni skye ba'i gnas so/ /'di skad ston te/ tshul khrims shin tu rnam par dag pa'i phyir dang / mngal gyi gnas las rgyab tu phyogs par smon lam gyi dbang gis nam mkha'i phyogs na kun du spyod pa'i rdul phra rab la brten nas rdzus te skyes pa'i lus mngon par sgrub pas na nam mkha'i snying po'o//gang yang nam mkha' las byung ba'i nor bu rin po che las/ rnal 'byor gyi stobs kyis skyes pa de'i mtshan nyid ni 'og nas bshad par bya'o/ /rdo rje khu tshur zhes bya ba ni/ sku gsung thugs ni rdo rje rnams/ /bsdus pas khu tshur zhes bshad do//zhes bya ba'i ting nge 'dzin bsgoms pa'i stobs kyis gang rab tu grags pa de ni rdo rje khu tshur zhes bya'o/ /sems bskyed ma thag tu chos kyi 'khor lo bskor ba zhes bya ba ni sems bskyed pa'i rjes thogs la chos kyi 'khor lo bskor ba'i ngang tshul can yin pa'i phyir dang / legs par bsgoms pas ji ltar mngon par 'dod pa'i dkyil 'khor ston par mdzad de spyod pa'i thugs gang la mnga' ba de ni sems bskyed ma thag tu chos kyi 'khor lo bskor ba'i sgrar bshad do/ /nam mkha'i mdzod dang zhes bya ba ni sems can thams cad kyi bsam pa yongs su rdzogs par bya ba dang /sangs rgyas kyi mchod pa rnams nam mkha' mdzod kyi ting nge 'dzin gyis rdzogs par mdzad pas na gang gis de lta bu'i ting nge 'dzin bsgom par byas pa de ni nam mkha' mdzod do/ /nam mkha' nyid mdzod yin pas na nam mkha' mdzod de/ nam mkha' ni go 'byed pa'o/ /mdzod ni rdzas kyi gnas so//bdud kyi stobs thams cad rab tu 'joms pa zhes bya ba ni/ bdud kyang yin la thams cad kyang yin pas na bdud thams cad do/ /de rnams kyi stobs ni bdud thams cad kyi stobs so/ /de shin tu 'joms shing tshar gcod pa'i ngang tshul mnga' bas na bdud thams cad kyi stobs rab tu 'joms pa'o//'di skad ston pa yin te/ rang gi rnam par rtog pa nyid de ltar snang ba yin no snyam du shes nas stong pa nyid so sor rtogs pas rnam par rtog pa thams cad nges par bzlog par nus pa'i thabs dang yang dag par ldan pa'i rdo rje khro bo'i ting nge 'dzin de lta bu gang gis shin tu yongs su bsgoms pa de ni bdud thams cad kyi stobs rab tu 'joms pa'o//de dag la sogs pa zhes bya ba ni de dag nyid la sogs pa byang chub sems dpa' gang yin pa de rnams ni de dag la sogs pa ste/ byang chub sems dpa' bye ba phrag dgu bcu rtsa dgu rnams kyis so/ /ci byang chub sems dpa' 'ba' zhig gis yongs su bskor nas bcom ldan 'das rnam par snang mdzad de na bzhugs sam 'on te gzhan dag gis kyang yongs su bskor zhes rtog pa la gang+gA'i klung gi bye ma snyed kyi de bzhin gshegs pa rnams dang zhes bya ba smos te/gang+gA dang klung ni gang+gA'i klung ste/ de rnams kyi bye ma ni gang+gA'i klung gi bye ma ste/de snyed kyi zhes pa grangs de snyed kyi de bzhin gshegs pas yongs su bskor ba ste/ rnam par snang mdzad kyi rnal 'byor gyi gnas su/ der gang 'das pa'i de bzhin gshegs pa ji snyed pa'ang mngon par rdzogs par sangs rgyas te/ de dag thams cad ngo bo nyid mtshungs pa nyid dang /don gyi bya ba gcig mdzad pas der gnas yongs su gyur pa'i mtshan nyid kyi skus 'khor ba ji srid par bzhugs so/ /ji skad du/ skra tsam khyon la sangs rgyas mang po ni/ /gang+gA'i klung gi bye ma ji snyed pa/ /rgyal ba de rnams zhing yang de snyed kyi/ /de yang mtshan nyid skal pa mi mnyam bcas//skra tsam khyon 'dir 'gro ba lngar gtogs pa/ /dmyal ba rnams dang dud 'gro'i 'gro ba dang / /gshin rje'i 'jig rten lha dang mi rnams kyang / /dogs pa dag dang nye ba 'dzer ba'ang med/ /de ltar rgyal ba'i chos ni bsam mi khyab/ /ces gsungs pa'i phyir ro//gang+gA'i klung smos pa ni nye bar mtshon pa'i don tsam du zad de/ de na de bzhin gshegs pa grangs med pas bskor bar snang ngo / /'og min gyi gnas de de bzhin gshegs pa de rnams kyis yongs su gang ba ji lta bur snang zhes phyogs snga ma rtog pa la dpe bstan pa'i phyir de yang 'di ltar 'dzam bu'i gling na til gyi gang bu bzhin du kun du gang bar snang ngo zhes bya ba smos so//ci de bzhin gshegs pa de rnams 'ba' zhig gis yongs su gang bar kun du snang ngam/ 'on te ma yin zhe na/ de bzhin gshegs pa zhes bya ba la sogs pa smos te/ de bzhin gshegs pa de rnams kyi sku re re las kyang sangs rgyas kyi zhing tshad med cing grangs med pa dag rnal 'byor pa rnams dang /byang chub sems dpa' rnams la snang bar gyur pa'o/ /'di skad ston pa yin te/ de bzhin gshegs pa gang dang gang gis byang chub sems dpa'i spyad pa spyod pa na sangs rgyas kyi zhing gang yongs su sbyangs pa de dang de bzhin gshegs pa de'i sku la sangs rgyas kyi zhing de so sor snang ngo //gsang sngags kyi spyod pa'i tshul 'di nyid kyang sangs rgyas kyi zhing de dang der 'di dag thams cad 'chad do/ /de dag gis ni de bzhin gshegs pa thams cad kyi gsang sngags kyi spyod pa'i tshul 'di rjes su gnang ba nyid du ston pa yin no//de ltar re zhig bcom ldan 'das rnam par snang mdzad yon tan de lta bu dang ldan pa'i 'og min gyi lha'i rgyal po'i gnas na ji skad bshad pa'i 'khor gyi khyad par dang ldan par bzhugs pa yin no zhes shes so// //de nas bcom ldan 'das rnam par snang mdzad chen po gang na bzhugs zhes rnam par rtog pa la/de nas bcom ldan 'das rnam par snang mdzad chen po de bzhin gshegs pa thams cad kyi thugs la gnas so zhes bya ba'i bar gyi gzhung lhag ma rnams kyis ston pa yin no/ /de nas zhes bya ba'i sgra ni de ma thag pa'o/ /bcom ldan 'das zhes bya ba ni bshad zin to//rnam par snang mdzad dang rnam par snang mdzad chen po la tha dad du bya ba ci zhig yod pa mi shes pas de brjod par bya ste/ rnam par snang mdzad ni gzugs kyi sku ste/ rgyu mthun pa gnas yongs su gyur pa'i mtshan nyid can du 'og min lha'i rgyal po'i gnas na de lha'i rigs kyi nang du skyes pa'i byang chub sems dpa' rnams la chos kyi longs spyod kyi dga' ba nyams su myang bar bya ba'i phyir mngon par byang chub pa'i ting nge 'dzin gyis rim gyis rnam par smin pa'i sku brjes nas rgyu mthun pa'i ye shes yongs su dag pa so sor snang ba'i mtshan nyid can gnas de nyid na yongs su bskor bar ston pa gang yin pa de la ni rnam par snang mdzad ces bya ba'i sgrar bshad de/ji skad du/ gtsang ma gnas ni rnam spangs shing / /'og min gnas ni nyams dga' bar/ /yang dag sangs rgyas der sangs rgyas/ /sprul pa dag ni 'dir sangs rgyas/ /zhes tshigs su bcad pa gsungs pa'i phyir ro//rnam par snang mdzad chen po ni ye shes kyi rang bzhin can te/ nyon mongs pa dang shes bya'i sgrib pa las shin tu rnam par grol ba dngos po thams cad kyi rang bzhin so sor snang ba yang dag par ston par spyod pa'o/ /bcom ldan 'das 'di de kho na nyid kyi ngo bo nyid las ji ltar na dngos po thams cad ston par spyod par 'gyur zhe na/gang gi phyir nam mkha'i dbyings thams cad bzhin du rtag par bzhugs shing / sku dang gsung dang thugs rdo rje lta bur gyur pa zhes bya ba smos te/ nam mkha'i dbyings thams cad ces bya ba ni nam mkha'i gtos ma lus pa'o/ /der rtag par bzhugs pa'i sku dang gsung dang thugs rdo rje gang yin pa ste/stong pa nyid so sor thugs su chud pa'o/ /de yang gang gi phyir sa dang po la kun du 'gro ba'i stong pa nyid so sor rtogs te/ des na der gzugs brnyan gyi tshul gyis bzhugs pas so/ /de bzhin du rnal 'byor pa 'di yang de bzhin gshegs pa thams cad nyid de rgyu de nyid kyis na sku dang gsung dang thugs rdo rje'i de kho na nyid kyang tshad med pa nyid yin no//'dis kyang rtag tu bzhugs pa nyid du ston pa yin no// //da ni 'di de bzhin gshegs pa 'ba' zhig gi ngo bo nyid yin par ma zad kyi gzhan du na rdo rje sems dpa'i ngo bo nyid kyang yin no zhes bstan par bya ba'i phyir de bzhin gshegs pa thams cad dang mnyam pa nyid du 'jug pa zhes bya ba la sogs pas ston te/de bzhin gshegs pa thams cad ni rdo rje dbyings kyi dkyil 'khor las gsungs pa'i sangs rgyas dang byang chub sems dpa' rnams so/ /de yang de bzhin gshegs pa thams cad la kun nas snang ba'i tshul gyis 'jug cing song bas na/de bzhin gshegs pa thams cad dang mnyam pa nyid du 'jug pa ste de'i ngo bo nyid yin pas na de bzhin gshegs pa thams cad dang mnyam pa nyid du 'jug pa yin la/ de bzhin gshegs pa thams cad dang mnyam pa nyid du 'jug pa des de bzhin gshegs pa thams cad kyi phyag rgya yang dag par thugs su chud pas rdo rje dbyings thams cad thugs su chud pa'i ye shes sems dpa' ste/rdo rje dbyings kyi dkyil 'khor thams cad sprul par spyod pa'i ye shes kyi ngo bo nyid kyi sems dpa' ni rdo rje sems dpa' zhes bya ba'i don to//'dis kyang bcom ldan 'das rnam par snang mdzad chen po mchog tu dam tshig mkhyen pa nyid du bstan to/ /rdo rje dbyings zhes smos pa ni nye bar mtshon pa'i don tsam du zad kyi/ bcom ldan 'das rdo rje sems dpa' 'di ni shes bya'i dkyil 'khor ma lus par ston par spyod pa yin te/ 'di yang 'og nas bshad pa'i gzhung gis ston par 'gyur ro//da ni 'di ni rdo rje rin chen gyi ngo bo nyid kyang yin no zhes bstan par bya ba'i phyir nam mkha'i dbyings thams cad kyi zhes bya ba la sogs pa smos te/ nam mkha'i dbyings kyang yin la thams cad kyang yin pas nam mkha'i dbyings thams cad do//nam mkha'i dbyings thams cad de na rdul phra mo ji snyed yod pa de rnams kyi rdo rje'i byin gyi rlabs ni nam mkha'i dbyings thams cad kyi rdul shin tu phra mo'i rdo rje'i byin rlabs te/ re re zhing rdo rje'i gzugs su yongs su bsgyur ba ni byin gyis brlabs pa'o/ /de las byung ba'i ye shes gang yin pa'i ye shes de ni nam mkha'i dbyings thams cad kyi rdul shin tu phra mo'i rdo rje'i byin gyi rlabs las byung ba'i ye shes so//de nyid ni snying po ste skyed pa'i gnas gang yin pa de la nam mkha'i dbyings thams cad kyi rdul shin tu phra mo'i rdo rje'i byin gyi rlabs las byung ba'i ye shes kyi snying po zhes bya'o/ / 'dis ni bcom ldan 'das de'i 'byung ba'i gnas bstan pa yin no/ /nam mkha'i dbyings la gnas pa'i rdul phra rab de rnams kyang bcom ldan 'das rnam par snang mdzad chen po'i byin gyi rlabs kyis rdo rje gcig tu gyur la/ de las de bzhin gshegs pa'i sku mtha' yas pa'o/ /de rnams kyang rdo rje rin po che 'byung ngo //de bas na de bzhin gshegs pa thams cad mtha' yas pa nyid kyis zhes bya ba smos so/ /'di skad ston pa yin te/ de bzhin gshegs pa thams cad kyi rin po che las byung bas na rdo rje rin po che zhes bya ba ste 'dis kyang 'di'i ngo bo nyid bstan pa yin no/ /de ci'i phyir 'byung zhes phyogs snga ma rtog pa la/rdo rje chen po'i ye shes dbang bskur ba'i phyir zhes bya ba smos te/ rdo rje yang yin la chen po yang yin pas na rdo rje chen po ste/ dngos po thams cad kyi rjes su 'jug pa yin pa'i phyir ro/ /de nyid ni ye shes kyang yin pas na rdo rje chen po'i ye shes te/ gang btags pa tsam du rtogs pa'i mtshan nyid can stong pa nyid kyi ye shes de ni rdo rje chen po'i ye shes te/ de yod pa dang rdo rje chen po'i ye shes kyis dbang bskur bas na rdo rje chen po'i ye shes dbang bskur ba yin la de'i phyir rin po che yin pas na rdo rje chen po'i ye shes dbang bskur ba'i rin po che ste/rdo rje chen po'i ye shes dbang bskur ba'i rin po che zhes bya ba'i sgra ni/ bcom ldan 'das rdo rje rin chen nyid la bya bar bshad do/ /des na mngon par rdzogs par sangs rgyas pa'i de bzhin gshegs pa rnams nyid kyi phyag rgyas khams gsum par chos kyi rgyal por dbang bskur ba stsol bar mdzad pa yin te/'dis kyang de'i phrin las bstan pa yin no/ /da ni bcom ldan 'das 'di ji ltar rdo rje rin chen gyi ngo bo nyid yin pa de bzhin du rdo rje chos kyi ngo bo nyid kyang yin no zhes gzhung lhag ma rnams kyis bstan pa yin te/ nam mkha'i dbyings thams cad du rgyas pa ni khyab pa ste/ gang gis she na/de bzhin nyid kyis so/ /de bas na nam mkha'i dbyings thams cad du rgyas pa'i de bzhin nyid de gzung ba dang 'dzin pa dang bral ba'i stong pa nyid kyis so/ /de'i ye shes yin pas na nam mkha'i dbyings thams cad du rgyas pa'i de bzhin nyid kyi ye shes so/ /de nyid ni mngon par rdzogs par sangs rgyas pa ste/thugs su chud par bya ba yin la de'i mngon par rdzogs par byang chub par gyur pa ste/ de bas na 'dis ni bcom ldan 'das rdo rje chos de'i rgyu'i ngo bo nyid du bstan pa yin no/ /da ni ngo bo nyid bstan par bya ba'i phyir de bzhin gshegs pa thams cad kyi zhes bya ba la sogs pa smos te/de bzhin gshegs pa thams cad kyi ngo bo nyid ni de bzhin gshegs pa nyid yin la/ de'i rnam par dag pa ni gzung ba dang 'dzin pa'i dri mas ma gos pa ste/ de'i ngo bo nyid yin pas na de bzhin gshegs pa thams cad kyi ngo bo nyid rnam par dag pa'i phyir te/de'i rgyur gyur pas na chos thams cad rang bzhin gyis dag pa'o/ /'di skad ston pa yin te/ gang bcom ldan 'das de'i phyi dang nang gi chos thams cad kun kyang shin tu yongs su dag pa yin no/ /de ltar de'i ngo bo nyid bstan nas de'i phrin las bstan par bya ba'i phyir nam mkha'i khams thams cad ces bya ba la sogs pa smos te/nam mkha'i dbyings thams cad du khyab pa'i ngang tshul 'di la mnga' bas nam mkha'i khams thams cad khyab pa'o/ /nam mkha'i khams thams cad khyab pa yang yin zhing gzugs thams cad ston pa po yang yin pa de mkhyen pas nam mkha'i khams thams cad du khyab pa'i gzugs thams cad du yang dag par bstan pa mkhyen pa ste/de'i ye shes des 'jig rten gyi khams ma lus pa rnams su sems can gyi khams lus pa med pa rnams 'dul ba ni skal ba ji lta ba bzhin du lung dang rigs pa la rab tu 'jog par mdzad pa'o/ /de nyid ni spyod pa yin pas na 'dul ba'i spyod pa'o//de'i mchog ni gtso bo ste zla med pa zhes bya ba'i don to// //'di ni rdo rje chos kyi ngo bo nyid yin pa 'ba' zhig tu ma zad kyi gzhan du na rdo rje las kyi ngo bo nyid kyang yin no zhes bstan par bya ba'i phyir de bzhin gshegs pa thams cad ces bya ba la sogs pa smos te/ de bzhin gshegs pa thams cad kyi bka' zhes bya ba lung don yod pa ste/'bras bu yod pa de byed pa'i ngang tshul mnga' bas na de bzhin gshegs pa thams cad kyi bka' don yod par mdzad pa yin la/ de'i ngo bo nyid ni de bzhin gshegs pa thams cad kyi bka' don yod par mdzad pa ste/ 'dis ni ngo bo nyid ston to//da ni thams cad dang mnyam pa med ces bya ba la sogs pas phrin las ston te/ thams cad ni 'gro ba rnams dang mtshungs pa med pas mnyam pa med pa'i de nyid kyis na 'di'i gong na yod pa ma yin pas bla na med pa'o/ /thams cad de 'jig rten ma lus pa'i las phran tshegs la sogs pa'i phrin las mdzad pas na thams cad mnyam pa med cing bla na med pa'i phrin las mdzad pa'o//de ltar rtog pa'i khyad par gyis 'khor los sgyur ba bstan par mdzad nas/ da ni de bzhin gshegs pa thams cad dang mnyam pa nyid du 'jug pas na rdo rje dbyings thams cad thugs su chud pa'i ye shes sems dpa' zhes ji skad du bshad pa'i de bzhin gshegs pa thams cad dang mnyam pa nyid du 'jug pa byang chub kyi sems kyi ngo bo nyid de ni de bzhin gshegs pa thams cad kyi byang chub chen por sems brtan pa dang zhes bya ba la sogs pas ston te/nyan thos dang rang sangs rgyas kyi byang chub la ltos na byang chub chen po yin pas na byang chub chen po'o//de la sems dpa' brtan pa ni bsam pa brtan pa ste/ de ni byang chub chen por sems dpa' brtan pa ste/ rdo rje sems dpa' zhes bya ba'i don to/ /'di ni de bzhin gshegs pa'i rigs su skye ba'i gnas su gyur pa'i sems so//de bzhin gshegs pa thams cad kyang yin la byang chub chen por sems dpa' brtan pa yang yin pas de bzhin gshegs pa thams cad kyi byang chub chen por sems dpa' brtan pa ste/ de bzhin gshegs pa thams cad kyi thugs kyi ngo bo nyid yin pas na de bzhin gshegs pa thams cad ces bshad de/byang chub kyi sems yongs su dag pa'o/ /de ltar rdo rje sems dpa'i sngags kyi don bstan nas/ rdo rje rgyal po'i sngags kyi don bstan pa'i phyir de bzhin gshegs pa thams cad spyan drang ba'i dam tshig dang zhes bya ba smos te/ de bzhin gshegs pa thams cad spyan drang ba'i sngags dang phyag rgya dang ldan pas spyan 'dren pa ni de bzhin gshegs pa thams cad spyan drang ba'i dam tshig ste/dam tshig ni brda'i tshul lo/ /'di nyid kyis de bzhin gshegs pa thams cad bsdu ba dang / byin gyis brlab par bya'i/ gzhan dag gis ni ma yin no//'dis ni rdo rje rgyal po'i sngags kyi don bstan pa yin no/ /bsdus shing byin gyis brlabs pas spyan drangs pa'i de bzhin gshegs pa thams cad mnyes par bya ba ni dgyes par bya ba ste/ de'i ye shes gang yin pa de ni de bzhin gshegs pa thams cad mnyes par byed pa'i ye shes so//de'i dbang phyug ni bdag por gyur cing mkhas pa zhes bya ba'i don te de la ni de bzhin gshegs pa thams cad mnyes par byed pa'i ye shes kyi dbang phyug ces bya'o/ /'dis ni rdo rje chags pa'i sngags kyi don bstan pa yin no/ /de bzhin gshegs pa thams cad spyan drangs shing mnyes par byas nas kyang byang chub kyi sems de legs so zhes bya ba'i rnam pas yang dag par dga' bar bya ba yin pas na de bzhin gshegs pa thams cad kyis legs so zhes bya ba dang zhes bya ste/'dis ni rdo rje legs pa'i sngags kyi don bstan pa yin no/ /rab tu mnyes par yang bstan cing legs so zhes yang dag par dga' bar byas nas byang chub kyi sems de chos kyi rgyal po rdo rje chen po'i ye shes kyi dbang bskur ba bla na med pa de bzhin gshegs pa thams cad la stsol bar mdzad do zhes bstan par bya ba'i phyir de bzhin gshegs pa thams cad kyi rin po che'i zhes bya ba la sogs pa smos te/'dir de bzhin gshegs pa thams cad ces bya ba'i sgra ni de bzhin gshegs pa'i thams cad nyid 'ba' zhig gzung gi byang chub sems dpa' rnams ni ma yin te/ de bas na chen po zhes bya ba'i sgra smos pa yin no/ /dbang chen po bskur ba zhes bya ba ni mngon par sangs rgyas pa'i de bzhin gshegs pa chen po bzhis gang dbang chen po bskur ba stsal ba de ni dbang chen po bskur ba'o//byang chub sems dpa' rnams la de bzhin gshegs pa lnga'i cod pan gyi dbang bskur ba yang 'di nyid kyi khongs su 'dus pa yin te/ rgyal po 'ong ngo zhes bya ba dang 'dra bar gtso bo smos pa yin te/'dis ni rdo rje rin chen gyi sngags kyi don bstan pa yin no/ /rgyal po'i bu dbang bskur ba thob pa dang 'dra bar gzi byin bstan par bya ba'i phyir de bzhin gshegs pa thams cad kyi nyi ma'i zhes bya ba la sogs pa smos so/ /'dir yang de bzhin gshegs pa thams cad ces bya ba'i sgra ni de bzhin gshegs pa 'ba' zhig gzung ste/de rnams kyi nyi ma'i ngo bo nyid ni nyi ma'i dkyil 'khor lta bur rang gi ye shes nyid kyis dngos po'i don thams cad gsal bar mdzad pa'i 'od kyi dkyil 'khor dang 'dra bas na de bzhin gshegs pa thams cad kyi nyi ma'i 'od kyi dkyil 'khor te/'di nyid kyis ni rdo rje gzi brjid kyi sngags kyi don bstan pa yin no/ /dbang bskur ba dang gzi byin thob pa ni nges par na rgyal po'i mtshan mas gnas par bya dgos pa'i phyir de bzhin gshegs pa thams cad kyi yid bzhin gyi nor bu zhes bya ba la sogs pa smos te/gzi byin thob pa rnams ni bla na med pa'i chos kyi rgyal po'i mtshan ma yid bzhin gyi nor bu'i rgyal mtshan bsgreng bar bya ba yin pas na de skad ces bya ste/ bsam pa'i rgyal po yin pas na yid bzhin gyi rgyal po ste bsams pa tsam gyis sems can thams cad kyi bsam pa yongs su rdzogs par mdzad pas na de skad ces bya'o//yid bzhin gyi nor bu'i rgyal po yang yin la rin po che yang yin pas na de skad ces bya ste/ des nye bar mtshon pa'i dpal gyi mtshan ma ni yid bzhin nor bu'i rgyal po'i rin po che'i dpal zhes bya ste/ 'dis ni rin chen dpal gyi sngags kyi don bstan pa yin no/ /rgyal po'i mtshan ma bsgreng na chos kyi rgyal po de nyid kyi chos rnams la mnga' brnyes shing rab tu dga' ba'i khyad par shin tu yang skye ste/ de bas na nyid kyi chos kyi yul la dgyes par yang dag par bstan par bya ba'i phyir de bzhin gshegs pa thams cad kyi bzhad mo bya ba la sogs pa smos te/'dis ni rdo rje bzhad pa'i sngags kyi don bstan pa yin no/ /dga' ba rgyas shing mnyam par bzhag pa'i dbang gis chos thams cad la lta ba shin tu rnam par dag par gyur pas de bzhin gshegs pa thams cad kyi dag pa'i chos chen po zhes bya ba smos te/de bzhin gshegs pa thams cad kyang yin la dag pa'i chos kyang yin te/ zab cing rgya che ba'i ngo bo nyid kyi chos chen po la mnyam par gzhag pa'i dbang gis dri ma med par 'gyur ba'i phyir dag pa'i chos chen po dang zhes bshad de/ 'dis ni rdo rje chos kyi sngags kyi don bstan pa yin no//mnyam par bzhag pa'i sems ni chos rab tu rnam par 'byed pa'i mtshan nyid shes rab che zhing de bzhin nyid la dmigs pa'i ye shes chen po thogs pa med par 'jug pas na de bzhin gshegs pa thams cad kyi shes rab chen po'i ye shes dang zhes bya ba smos so//shes rab dang ye shes ni shes rab ye shes te/ 'dis ni rdo rje rnon po'i sngags kyi don bstan pa yin no/ /mnyam par gzhag pa'i sems kyi ye shes kyis chos thams cad ngo bo nyid med par thugs su chud nas 'di dag ni rnam par rtog pa tsam la rag las so snyam ste/shes rab kyi 'khor lo sprul pa 'byin par mdzad pas na de bzhin gshegs pa thams cad kyi 'khor lo dang zhes bya ba smos so/ /'dis ni rdo rje rgyu'i sngags kyi don bstan pa yin no/ /de ltar 'khor lo'i sprul pa byas nas/ ji ltar sprul pa man ngag tu bya ba'i phyir de bzhin gshegs pa thams cad kyi dgongs pa 'chad pa dang zhes bya ba smos te/de ltar bstan pa'i gdul bya'i skye bo rnams kyi phyir/ bkri ba'i don gyi tshig ni/ dgongs pa 'chad pa zhes bya ba'i sgrar bshad de/ 'dis ni rdo rje smra ba'i sngags kyi don bstan pa yin no//de ltar chos rnam par dag pa'i las rnam par dag par bstan par bya ba'i phyir/ de bzhin gshegs pa thams cad kyi gdon mi za bar thams cad kyi dgos pa mdzad pa dang zhes bya ba smos te/ de bzhin gshegs pa thams cad kyi gdon mi za zhing don yod pa thams cad de sna tshogs pa'i rnam pa'i dgos pa sgrub par mdzad pas na de bzhin gshegs pa thams cad kyi gdon mi za bar thams cad kyi dgos pa mdzad pa zhes bya ba ste/'dis ni rdo rje las kyi sngags kyi don bstan pa yin no/ /las la rab tu zhugs pa rnams la le los kyang bar du gcod pa'i gnod pa byed par 'gyur te/de bas na de bzhin gshegs pa thams cad kyi brtson 'grus chen po'i go cha shin tu brtan po dang zhes bya ba smos te/ de bzhin gshegs pa thams cad kyi brtson 'grus chen po ni bsod nams dang ye shes kyi tshogs yongs su rdzogs par mdzad pa la spro ba'o//'di nyid ni shin tu brtan pa'i go cha yin pas na de bzhin gshegs pa thams cad kyi brtson 'grus chen po'i go cha shin tu brtan po zhes bya ste/ 'dis ni rdo rje bsrung ba'i sngags kyi don bstan pa yin no/ /bsod nams dang ye shes kyi tshogs la yongs su zhugs pa'i sems can rnams la rang gi rgyud las tha dad pa'i khyad par 'ga' zhig gis kyang bar du gcod par byed cing mi mthun pa'i phyogs su gyur pas gnod par byed pa dag kyang yod pas de'i phyir de bzhin gshegs pa thams cad kyis srung zhing skyob pa'i gnod sbyin dang zhes bya ba smos te/de bzhin gshegs pa thams cad kyis srung ba yin pas na srung ba ste/rgyud tha dad pa las byung ba'i nye bar 'tshe ba bzlog cing srung ba dang / rang gi rgyud las byung ba'i nye bar 'tshe ba bzlog pa'i phyir de bzhin gshegs pa thams cad kyi sgo nas kyang de'i sngags dang phyag rgya dang ldan pas sems can thams cad srung zhing yongs su skyong ba ni mi phyed pas na rdo rje gnod sbyin gyi dam tshig gi ngo bo nyid kyi sems dpa' ste/bcom ldan 'das de nyid la de bzhin gshegs pa thams cad kyis bsrung zhing skyob pa ste gnod sbyin zhes bya'o zhes bya ba'i don te/ 'dis ni rdo rje gnod sbyin gyi sngags kyi don bstan pa yin no/ / de bzhin gshegs pa thams cad kyi sku dang gsung dang thugs nyid ni mi phyed pa yin pa'i phyir rdo rje ste/ de bcings pa ni rdo rje khu tshur yin la de nyid ni phyag rgya ste/ de'i ye shes so/ /'di skad ston te/ las kyi khyad par ji skad du bshad pa so sor grub pa'i phyir sku gsung thugs gcig tu bya ba ni khu tshur te/gang gis khu tshur 'di yongs su shes pa de'i dgos pa thams cad grub par 'gyur ro/ /de bas na rdo rje khu tshur gyis phyag rgya thams cad sdud pa yin te/ 'dis ni rdo rje khu tshur gyi sngags kyi don bstan pa yin no/ /da ni 'di sngags kyi gzugs su snang ba 'ba' zhig tu ma zad kyi sems dpa'i gzugs su yang snang ngo zhes gzhung lhag ma rnams kyis bstan pa'i phyir kun bzang zhes bya ba la sogs pas ston te/sems dpa' rnams kyi sems dpa' dang po ni kun du bzang po ste/ gang gis 'dod chags dang / zhe sdang dang / gti mug la spyod pa'i sems can rnams la 'dod chags dang /zhe sdang dang / gti mug la spyod par bstan du zin kyang bsam pa rnam par dag pas kun nas bzang ba nyid de/ de bas na kun du bzang po'o/ /bcom ldan 'das de nyid ni kun du bzang po yin pa nyid kyis na/ de'i bsdu ba dang byin gyis brlab pa ni don yod cing shin tu yang kun nas gdon mi za bas na gdon mi za'o//'di skad ston te/ rdo rje rgyal po'i ngo bo nyid kyang bcom ldan 'das de nyid yin no/ /gsod pa'i phyir bdud ces bya ste byang chub tu sems bskyed pa rnams la mi dge ba'i bshes gnyen gyis drangs pa'am/ chos zab mos skrag ste nyan thos dang rang sangs rgyas kyi theg pa la sems shing de'i theg pa la zhugs pa de nyid ni 'tsho ba yin la/de'i sems bzlog pas de rnams kyi bsad pa yin te/ de bas na nyan thos dang rang sangs rgyas kyi sa'i sems bzlog cing gsod pas na rdo rje chags pa ni bdud kyi bdag nyid can yin pas ne bdud ces bya'o//bdud kyi ngo bo nyid kyang de nyid yin la rab dgyes gtso bo yang de nyid yin te/ de la nyan thos dang rang sangs rgyas kyis las bzlog cing theg pa chen po'i chos la rab tu zhugs pa rnams la der chos kyi dga' ba bskyed par bya ba'i phyir/ gang gi gtso bo thob cing dgyes par mdzad cing legs so zhes bya ba'i don to//de bas na rab dgyes gtso bo zhes bya'o/ /bcom ldan 'das 'di ni yang dag par zhugs pa rnams kyi rab tu dgyes pa'i gtso bor gyur cing rab tu dgyes pa thob par mdzad pa ji lta ba nyid yin pa de rnams la de'i rjes thogs su dbang bskur ba yin par bstan pa'i phyir mkha' skyes zhes bya ba smos so//nam mkha' ni go 'byed pa ste de nyid skye gnas yin pas nam mkha' skyes so/ /de yang nam mkha' las 'od rnams su gyur pas rin po che bskyed la rin po che de las sems dpa' skyes pa'o/ /de ltar dbang bskur bar gyur nas de nyid 'jig rten gsum du rab tu snang bar mdzad pa'i phyir/shin tu gzi chen dang zhes bya ba smos so/ /thos pa dang bsam pa dang bsgom pa shin tu rnam par dag pa'i ye shes kyi rang bzhin gyi 'od kyi dkyil 'khor zhes bya ba'i don to/ /shin tu gzi brjid che bar gyur nas de nyid sbyin pa'i pha rol tu phyin pa'i tshul du bstan pa'i phyir rin chen dpal zhes bya ba smos so//sbyin pa'i pha rol tu phyin pas thams cad kyi re ba yongs su rdzogs par gyur pa nyid kyis na yid bzhin gyi nor bu rin po che lta bu'o/ /de nyid ni dpal te theg pa chen pos bgrod pa'i mtshan ma ste de'i ngo bo nyid kyi sems dpa'o/ /de nyid de las skyes shing sbyin pa'i pha rol tu phyin pa nyams su blangs pa de'i 'bras bu la nye bar longs spyod pa dang /rnam par smin pa dang rgyu mthun pa'i mtshan nyid can ni theg pa chen po'i chos la shin tu dga' ba skye bar 'gyur bas de bstan par bya ba'i phyir 'dzum pa che zhes smos so/ /de'i sngags dang phyag rgya dang ldan pa'i sems dpa' yang de nyid yin no zhes ston pa yin no//'dod chags kyi chos kyi mthu la gzigs pa dang / bsod nams dang ye shes kyi tshogs kyi 'bras bu'i 'dab ma la gzigs pas na spyan ras gzigs so/ /de la mnga' ba che bas na dbang che ste kun du gzigs pa'i dbang chen dang zhes bya ste/bcom ldan 'das de nyid do/ /'dod chags la sogs pa'i nyon mongs pa'i dri mas ma gos pa dang / 'gro ba thams cad kyi yid 'phrog pa dang / shes rab dang ye shes rab tu bsgom pa'i mthus 'jam zhing mnyen la dpal dang ldan pa'i byis pa'i gzugs kyis bcom ldan 'das de nyid 'gro ba rnams yongs su smin par mdzad par bstan par bya ba'i phyir 'jam dpal zhes bya ba smos so//bcom ldan 'das de nyid sems can yongs su smin par mdzad pa'i dkyil 'khor rgyud las bstan pa thams cad bsdus pa'i tshul gyis 'khor los sgyur ba'i ngo bo nyid kyis de la lhag par mos pa'i sems can rnams kyi don mdzad pa'i phyir de'i gzugs su ston pas na dkyil 'khor thams cad dang zhes bya ba smos so//tshig gi nyes pa myur ba dang bar ma dang thog ma yongs su spangs nas mi gsung ba'i ngo bo nyid kyis bzlas brjod kyi dus su sems can rnams kyi don mdzad pas na de nyid la mi gsung ba zhes kyang bshad do//sngags pa bzlas brjod la 'jug pa rnams sangs rgyas la mchod pa ma byas na dngos grub rnams mngon du 'phags par mi 'gyur te/ de bas na sna tshogs pa dang yangs shing rgya che ba'i mchod pa'i tshul thams cad kun du bstan te/de bas na thams cad las zhes kyang bshad do/ /de gnyi ga la yang le lo can rnams la mi 'byung ste/ de bas na brtson 'grus zhes bya ba smos so/ /rang bzhin 'jam pa rnams kyis ni ci dang cis bsdigs kyang gal te dge ba'i phyogs rnams la bar du gcod par 'gyur ba srid pas de bzlog par bya ba'i phyir ma rungs zhes bya ba smos so//sku dang gsung dang thugs rdo rje las gang yang rung ba ma tshang bar gyur pas kyang ji skad du bshad pa'i don la gal te zhum par 'gyur ba dag kyang srid de/ de bas na dam du gzung zhes bya ba smos te sku gsung thugs rdo rje rnams kyi ngo bo nyid du des pa'i sems dpa' yang de nyid yin no zhes bstan pa yin no//bcom ldan 'das de sngags dang sems dpa'i ngo bo nyid yin pa 'ba' zhig tu yang ma zad kyi phyag rgya'i ngo bo nyid du yang bstan par bya ba'i phyir rdo rje zhes bya ba la sogs pa smos te/ mi phyed cing 'byed par byed pas rdo rje'o/ /'dren pa'i don gyis na lcags kyu'o/ /sems dang sems las byung ba'i tshogs 'bigs pa'i don gyis na mda'o/ /dga' ba'i don gyis na mgu ba'o/ /zhen par byed pa'i don gyis na rin po che'o/ /'od zer gyi snang bas ma rig pa'i mun nag gis bsgribs pa rnams la dngos po thams cad ston pas na nyi ma ste/gsal bar byed pa zhes bya ba'i don to/ /sems can thams cad kyi dbul ba'i sdug bsngal skye bzhin pa 'jig par byed pas na rgyal mtshan no/ /sems can shin tu yid mi bde ba rnams kyang chos kyi dga' ba'i ro myang na ngo mtshar skyed par byed pas na 'dzum pa'o//theg pa chen po'i chos la rgyab kyis phyogs pa'i sems can rnams la yang 'jig rten pha rol rnam par dag par bya ba'i phyir thabs rnam pa sna tshogs kyis 'dul bar mdzad pas na pad+ma'o/ /sems can tshul khrims 'chal pa rnams kyang shes rab kyi ral gris tshul khrims phun sum tshogs pa la rab tu 'jog par mdzad pas na ral gri'o//gdul bya rnams kyi rgyud la 'pho bar mdzad pas na 'khor lo'o/ /mngon par 'dod pa'i don gsung pa'i don gyis na gsung ngo / /'dod pa'i phyir las te/ byed pa po shin tu 'dod pa'i las so zhes ji skad bshad pa lta bu'o//yid rdo rjer gyur par byed pas na go cha'o/ /ma rungs pa thams cad la mngon sum du gyur pa nyid kyis 'jigs par mdzad pas na 'jigs byed do/ /sku gsung thugs bsdus pas phyag rgya thams cad 'dzin pas na bcangs pa ste de nyid ni bcom ldan 'das yin no zhes bshad do//gal te bcom ldan 'das 'di ji skad du bshad pa'i tshul gyis sems can gyi don mdzad pa yin na de'i thog ma ni gang zhig yin/ de'i tha ma ni nam zhig yin zhes rnam par rtog pa la/ de'i phyir thog ma tha ma med ces bya ba smos te thog ma ni dang por skye ba'o/ /tha ma ni nying mtshams sbyor ba med par 'jig pa'o//gang la de dag gnyi ga med pa de ni thog ma dang tha ma med pa ste/ rgyun gyi tshul gyis rtag tu gnas so zhes ston to/ /yongs su ma dag pa'i gnas skabs na yang sems can gyi rgyun la thog ma med pa nas thog ma med pa'o/ /yongs su dag pa'i gnas skabs na yang gnas yongs su gyur pa'i mtshan nyid rgyu mthun pa'i ngo bo nyid kyis 'khor ba na bzhugs pas na tha ma med do//gal te 'di 'khor ba ji srid par bzhugs na/ de lta na ni ma zhi bar 'gyur ro zhes rtog pa la zhi zhes bya ba smos te/ nyon mongs pa'i sgrib pa las rnam par grol bas na zhi ba'o//gal te zhi ba ma yin na ni zhi ba'i gzugs kyis gdug cing gtum pa rnams ji ltar 'dul bar mdzad ce na/ ma rungs zhes bya ba smos so/ /'di skad ston te 'di ni zhi ba yin du zin kyang gdul ba'i sems can gyi dbang gis ma rungs pa nyid du yang ston pa yin no/ / gal te gzugs ngan pa nyid kyis 'jig rten pa thams cad smod par 'gyur ro zhe na/ lan du khro ba zhes bya ba smos te/ 'di ni khro ba dang bcas pa'i dpa' bo'i tshul nyid gzung gi ma rungs pa gzhan dag la bya ba ni ma yin no/ /gal te khro bo nyid yin na de lta na ni/ bzod pa med pa nyid du 'gyur ro zhe na/ de'i lan du bzod pa che zhes bya ba smos te/ bzod pa chen po mnga' bas na bzod pa che'o/ /nyon mongs pa rnams zad par mdzad pas na gnod sbyin no/ /srin po'i gzugs kyis 'dul ba rnams kyi phyir srin po dam pa zhes smos te/ srin po bzang po ni srin po dam pa'o/ /de rnams la mi zad pa'i gzugs bstan pas ji ltar 'jigs par mi 'gyur zhe na/de'i lan du bstan zhes bya ba smos te/ bstan pa ni mi g.yo ba'o/ /sems can gang gzi brjid dang ldan pa de rnams kyi nang na gzi chen te gzi brjid dang ldan pa'o zhes bya ba'i bar du ston pa yin no/ /dpa' bo mngon pa'i nga rgyal dang ldan pa de tshar gcod par mdzad pas na dpa' bo'o//rnal 'byor pa rnams sam/ lha'i khyad par 'ga' zhig bdag po nyid du nye bar ston pas bdag nyid rlom sems su byed pa de rnams la de gdul bar bya ba'i phyir dpa' bo che zhes bya ba smos te/ thams cad du ston pa zhes bya ba'i don to//dbang phyug chen po yang chung ma'i stobs kyis nga ni u ma'i bdag po nyid do zhes shin tu rlom sems te/ de bas na de'i nga rgyal bsal ba'i phyir u ma'i bdag po nyid du yang ston par mdzad de/ de'i phyir u ma'i bdag po zhes smos so/ /las dang nyon mongs pa'i dbang gis so sor rab tu skye bas skye dgu ste/de rnams kyi mgon po yin pas na skye dgu'i mgon no/ /de yang skyabs dang mi 'jigs pa stsol ba zhes bya ba'i don to/ /sgyu ma'i rang bzhin gyi rnal 'byor la gnas pa la 'dir dngos po thams cad la 'jug par mdzad pa'am/ thams cad de la 'jug par mdzad pas na gtogs 'dod ces bya ba'am yang na de la dad pa rnams la de'i gzugs su ston par mdzad pas na gtogs 'dod khyab 'jug ces kyang de nyid la bya'o//rgyal bas mngon par khengs pa rnams la shin tu rgyal bar bzhed cing rgyal po'i ngang tshul mnga' bas na rgyal 'dod kyang 'di nyid do//lus dang ngag dang yid thub pa dang ldan pas na thub pa ste/ de rnams kyi nang na shin tu mchog tu gyur pas thub pa che zhes bshad do/ /'jig pas na 'jig rten te sems can gyi 'jig rten dang / snod kyi 'jig rten no/ /de gnyi ga skyong bar mdzad pas na 'jig rten skyong zhes bya ste/lha ma yin gdug pa rnams sa'i dkyil 'khor la sogs pa rnam par 'jig pa las bzlog pa'i phyir ro/ /gal te snod kyi 'jig rten skyong ba de'i ngo bo nyid ma yin par 'gyur ro zhe na/ nam mkha' zhes bya ba smos te/ ri la sogs pas bsgribs pa'i phyogs na yang ma bsgribs pa nyid du ston pas dngos po gzugs can du mi 'gyur bas na nam mkha'o//nam mkha'i phyogs su yang sa'i dkyil 'khor ston pas na sa'o/ /sen mo'i sbubs la sogs par yang 'jig rten gsum po ston par mdzad pas na 'jig rten gsum zhes bya ba yang de nyid yin te/'jig rten pa'i tshul gyis so/ /khams gsum pa zhes bya ba yang ba spu'i khung bu re re bzhin yang khams gsum rab tu ston par mdzad pa'o/ /zad par gyi skye mched bsgoms pa las 'byung ba chen po bzhi yongs su gyur par ston par mdzad pas na 'byung chen no/ /shin tu yang sems can rnams kyi don mdzad pas na sems can don rab mdzad ces bya'o//dngos po'i ngo bo nyid ma lus par ston par mdzad pas na thams cad do/ /dgongs pa'i dbang gis des 'dul ba rnams la de'i gzugs su'ang ston par mdzad pas na gu lang ste/ lha chen po'i gzugs su'o/ / tshangs pa ni tshangs pa zhes 'jig rten na grags pa ste/ des 'dul ba rnams la de'i gzugs su ston par mdzad pas na tshangs pa'o/ /dngos po thams cad 'jug pa'i tshul du bdag nyid ston par mdzad pas na 'khor ba'o/ /de rnams nyid ldog pa'i tshul ston par mdzad pas na mya ngan las 'das pa'o//mya ngan las 'das pa'i rang bzhin yin pa nyid kyis na rtag pa ste/ don dam par ni de'i ngo bos rtag tu bzhugs pa'i phyir ro/ /spyod pa skyon med par ston par mdzad pas na yang dag 'tsho zhes bshad do/ /de bzhin gshegs pa thams cad kyi mchod pa nam mkha'i khams thams cad khyab par ston par mdzad pa'i dus su mchod pa che zhes bya ste/'di ma hA'i sgra ni mchod pa yin par bshad pas che ba'i mchod pa ni mchod pa chen po'o/ /dngos po thams cad kyi don gyi de kho na nyid thugs su chud pas na sangs rgyas so/ /nyon mongs pa dang shes bya'i sgrib pa rnams dang shin tu bral bas na dag pa'o//'dis 'gro ba na theg pa ste byang chub sems dpa'i sa bcu rgyu dang 'bras bur bcas pa ni bcu gnyis te sa bcu gnyis la theg pa chen po zhes bya'o/ /mos pa spyod pa'i sa rnams ni rgyu yin la/ sangs rgyas kyi sa kun du bzang po ni 'bras bu yin te/ 'di thams cad ni theg pa chen po'o//'di'i don ston par byed pa'i gzhung gi tshogs la yang theg pa chen po'i sgrar bshad de sgra'i don gyi gzugs su snang bas na de'i phyir theg pa chen po'i sgrar bshad do/ /'dod pa'i srid pa ni 'dod pa'i khams so/ /gzugs kyi srid pa ni gzugs kyi khams so/ / gzugs med pa'i srid pa ni gzugs med pa'i khams te/ 'byung ba'i phyir na srid pa'o/ /srid pa gsum gyi ngo bo nyid kyang de nyid yin te/ gzhan gyi dbang gi ngo bo nyid sems dang sems byung khams gsum pa zhes dbus dang mtha' rnam par 'byed pa las ji skad bshad pa lta bu'o//la lar rga ba dang 'chi ba med pa'i ngo bo nyid du ston par mdzad pas na rtag pa yang de yin no zhes bya'o/ /sa 'og gi 'jig rten dang sa steng gi 'jig rten dang / mtho ris kyi 'jig rten ni 'jig rten gsum mo/ /de las rnam par rgyal ba'i ngang tshul mnga' bas na 'jig rten gsum rgyal te/bcom ldan 'das rdo rje hUM mdzad kyi gzugs can zhes bya ba'i don to/ /bde ba la spyod par mdzad pas na bde spyod de shaM zhes bya ba ni bde ba la bya bar bshad la/ de stsol bas skyong bar mdzad pa'i phyir bde spyod de nyid kyi rang bzhin dang gzhan rnams skyong bar mdzad pas na bde spyod mgon no//gdul bar dka' ba thams cad shin tu yang 'dul bar mdzad pas na rab dul mdzad do/ /rdo rje ni byang chub sems dpa' thams cad de/ de rnams kyi gtso bo mdzad pas na rdo rje gtso dang zhes bya ste/ dbugs 'byin par mdzad pa'o/ /sa bzang po ni sa rab mchog ste ye shes kyis yongs su bcad pa'i ngo bo nyid byang chub sems dpa'i sa bcu'o//de dag gi mchog ni kun du bzang po ste/ sangs rgyas kyi sa'i ngo bo nyid ces bya ba'i don to/ /don thams cad phyin ci ma log par yongs su gcod pas na de nyid ni ye shes so/ /pha rol tu phyin pa thams cad sdud pa la 'jug pas na pha rol tu phyin pa'i tshul lo//byang chub sems dpa' ni byang chub sems dpa' ste sems dpa' zhes bya ba'i sgra ni sems yongs su gzung bar bya'o/ /stong pa nyid la sogs pa rnam par thar pa'i ngo bo nyid du gyur pas na rnam par thar zhes bya'o/ / spyod par spyod pa'i don gyis na spyod pa zhes bya ste/ byang chub 'thob pa'i spyod pa ji skad bstan pa bzhin du rjes su grub pa'i ngo bo nyid yin pa'i phyir ro/ /de bzhin gshegs pa kun zhes bya ba ni rang nyid de bzhin gshegs pa thams cad dang tha mi dad par bzhugs pas na de bzhin gshegs pa kun no//sangs rgyas zhes bya ba'i sgra'i don ni sangs rgyas don no/ /sangs rgyas thugs zhes bya ba ni de rnams kyi dgongs pa'i ngo bo nyid yin pa'i phyir ro/ /byang chub sems dpa' gsum bsdus pa'i don gyis na byang chub kun no/ /'di'i gong na yod pa ma yin pas na bla na med pa'o/ /'og min lha'i rgyal po'i gnas na bzhugs par bstan pa ni rnam par snang mdzad de rnam par snang mdzad chen po 'di nyid kyi so sor snang ba tshad dang ldan pa'o//rgyal ba zhes bya ba ni 'dis sdig pa dang mi dge ba'i chos rnams las rgyal bar mdzad pas na rgyal ba zhes bshad de/ sdig pa'i chos la nga rgyal bas//nyer 'gro de phyir nga rgyal ba/ /zhes ji skad gsungs pa lta bu'o/ /sems can gyi khams ma lus pa skyob par mdzad pa'i don gyis na mgon po'o/ /rang byung bas na rang byung ste/ de nyid mngon par rdzogs par byang chub pa'i phyir ro/ /'di skad ston pa yin te mchog sbyin nas byang chub brnyes pa ni ma yin no zhes pa'o//gzungs ni don gyi gzungs dang / tshig gi gzungs dang / sngags kyi gzungs dang / mngon par rtogs pa'i gzungs te/ dran pa dang shes rab yang dag par ldan pa'i sems la gzungs zhes bya ba'i sgrar bshad de/ rnam pa bzhi po de dag kyang 'di yin no zhes ston pa yin no//dran pa dang yang dag par ldan pas dran pa zhes kyang bshad do/ /sems dpa' che dang zhes bya ba ni sems can gyi tshogs chen po'i don mdzad pas na sems dpa' chen po zhes bya'o/ /phyag rgya che zhes bya ba ni nyid kyi sku ji ltar 'dul ba bzhin du ston pa'i phyir ro//ting 'dzin sangs rgyas phrin las mdzad/ /ces bya ba ni ting nge 'dzin gyi khyad par dang yang dag par ldan pas sangs rgyas kyi phrin las rnams mdzad pa'o/ /yang dag pa ni bden pa ste phyin ci ma log ces bya ba'i don to/ /sangs rgyas kun bdag nyid ces bya ba ni de dag dang tha mi dad pa'i ngo bo nyid ces bya ba'i don to//rtag tu sems can gyi don la zhen par mdzad pas na sems dpa'o/ /rtag don zhes bya ba ni de bzhin nyid kyi don te/ de rtogs par mdzad pas na rtag don rtogs mdzad pa zhes bya ste/ shes rab mdzad pa zhes bya ba'i don to/ /sdong po zhes bya ba'i sgras ni lha chen po'i sprul pa khyad par can la bya bar bshad la de las kyang ches lhag par gyur pa sdong po chen po'o//nag po chen po zhes bya ba yang de'i 'khor tshogs la bya bar bshad de/ de'i gzugs su yang ston par mdzad pas na nag po zhes kyang bshad do/ /'dod chags chen po ni sems can rnams smin pa dang grol ba'i chags pa dang /yang dag par ldan pa'i phyir 'dod chags chen po'o/ /bde ba che zhes bya ba ni gzhan 'phrul dbang byed kyi lha'i rgyal po bde bas mngon par rlom pa ste/ nga dang 'dra bar bde ba gzhan dag yod pa ma yin na zhes bdag nyid bsnyems pa de gdul bar bya ba'i phyir btsun mo'i 'khor gyi nang na rol pas 'jug par mdzad pa'i sku la bde ba chen po zhes bya ba'i sgrar bshad do//thabs zhes bya ba ni mngon par 'dod pa'i don myur du bde bar thob par byed pas na thabs te thabs kyang yin la chen po yang yin pas na thabs chen po ste/de dang rab tu ldan pas na thabs chen po zhes kyang bshad do/ /mchog chen mchog ces bya ba la chen po ni lha rnams kyi spyi la bya/ mchog ni lha rnams kyi bdag po'o/ /de rnams kyi yang mchog yin pas mchog chen po'i mchog go/ /nyan thos dang rang sangs rgyas de rnams kyi yang mchog tu gyur pas kun gyi mchog go//de nyid kyis nas thams cad kyi dbang phyug yin pas na gnas dbang po ste/ sems can thams cad dang gnyis su med pa'i bdag nyid can yin pa'i phyir ro/ /bcom ldan 'das zhes bya ba ni bshad zin to/ /sa dang po la sogs pa la ltos pa'i sems gang zhig skye ba de thams cad la sangs rgyas kyi sa kun du bzang po la skye ba'i sems gang yin pa de ni shin tu rnam par dag pa yin pas byang chub chen po'i thugs zhes bshad do//byang chub sems dpa' chen po kun du bzang po yang de nyid yin par bshad de/ byang chub sems dpa'i don dang kun du bzang po'i don ni bshad zin to//de bzhin gshegs pa thams cad kyi thugs zhes bya ba la sogs pa la de bzhin gshegs pa thams cad kyi sku gang yin pa gdul bya'i dbang gis so sor snang ba'i thugs kyi gnas de na gnas pa ste/ de bas na de na bzhugs zhes bshad de/ zla ba'i dkyil 'khor gyi steng na rdo rje sems dpa'i tshul gyis bzhugs par bshad do//de nas zhes bya ba ni gnas skabs kyi mtshams sbyar ba'i phyir te/ gal te bcom ldan 'das rnam par snang mdzad 'og min gyi lha'i rgyal po'i gnas na bzhugs so zhes bshad la/ bcom ldan 'das rnam par snang mdzad chen po ni de bzhin gshegs pa thams cad kyi thugs la gnas so zhes bshad na/'o na de bzhin gshegs pa thams cad gang na zhugs te/ gdul bya ji lta ba bzhin du sprul pa'i sku'i dbang du mdzad pa yin zhe na de bzhin gshegs pa thams cad kyis sangs rgyas kyi zhing 'dir dper na til gyi gong bu bzhin du yongs su gang bar gyur to zhes bya ba smos so//'di skad ston te de bzhin gshegs pa rnams ni sems can rnams yongs su smin par bya ba'i phyir byung bas sems can gyi khams ji tsam na spyod pa de thams cad na bzhugs pa yin pas gnas kyi nyes pa dris pas ci zhig bya ste/ye shes dang chos kyi sku gnyis kyis ni thams cad du khyab pa yin pa'i phyir ma bzhengs su zin kyang sngon gyi smon lam gyi shugs kyi dbang gis sangs rgyas rnams thams cad du sems can gyi don mdzad par kun du snang ngo zhes bya ba'i don to/ /de yang / skyob pa mya ngan 'das gyur kyang //'khor lo 'khor ba'i tshul du ni/ /tshogs kyi shugs kyi mthu yis ni/ /sems can don la yang dag 'jug /ces ji skad bshad pa lta bu'o// //da ni sngags kyi spyad pa spyod pa'i sems can rnams la sngags kyi spyod pa ni/ slob dpon la rag las kyi rang nyid kyis mtshan ma thugs thub tu gzung bar mi bya'o zhes bya ba'i don 'di bstan pa'i phyir bcom ldan 'das don thams cad grub pa sngags kyi tshul gyi sgo nas sngon gyi sangs rgyas kyi gdams ngag la byang chub rag las par bstan par bya ba'i phyir/de nas zhes bya ba la sogs pa smos te/ de nas zhes bya ba'i sgra ni bshad zin to//sangs rgyas bcom ldan 'das de rnams sems can gyi don mdzad pa ni ci so sor mdzad dam/ gal te thabs cig pa nyid du mdzad ce na/ don mtshungs pa nyid dang / smon lam mtshungs pa nyid dang / gdul bya mtshungs pa nyid kyis lhan cig tu mdzad de/de bas na de bzhin gshegs pa thams cad 'dus te zhes bya ba la sogs pas bstan to/ /de bzhin gshegs pa yang yin la thams cad kyang yin pas na de bzhin gshegs pa thams cad do/ /de rnams kyi 'dus pa ni 'du bar mdzad cing chags par mdzad pa'o/ / byang chub la sems dpas na byang chub sems dpa'o/ /sems can gyi tshogs chen po'i don chen po la rab tu 'jug par mdzad pas na sems dpa' chen po'o/ /bsod nams dang ye shes kyi tshogs chen po rdzogs pas don thams cad yongs su grub pa bzhed pa tsam la rag las pas na don thams cad grub pa'o//byang chub la snying por gyur pa ni byang chub pa'i snying po ste/ mngon par byang chub pa'i rgyu yin pa'i phyir ro/ /de'i gnas kyi snying po ni snying po zhes bshad de/ sa thams cad kyi steng na 'dug pas zho'i spris ma dang 'dra'o/ /der zhugs pa ni gnas par mdzad pa ste/ bcom ldan 'das don thams cad grub pa shAkya'i rigs su skye ba yongs su bzhes nas/gzhon nu rol pa dang / bzo bstan pa dang / btsun mo'i 'khor gyi nang na bzhugs pa dang / mngon par byung ba dang / rab tu byung ba yang bstan nas sems can sngon yongs su smin par byas pa mir skye ba rnams dang /sku tshe yang dag par 'brel pa la sogs pas don mdzad pa'i phyir dang / mu stegs kyi lta ba la mngon par zhen cing dka' bar spyod pas grol bar 'gyur ro zhes mngon par rlom pa rnams la mngon pa'i nga rgyal gzhom pa'i phyir dka' bar spyod pa mdzad par yang bstan te/ dka' bar spyod pa'i sa nyid la byin gyi rlabs kyis mi'i lus bzhag nas rdzu 'phrul gyi lha'i rgyal po'i gnas su gshegs te/yid kyi rang bzhin gyi lus kyis bla med pa'i yang dag par rdzogs pa'i byang chub tu mngon par rdzogs par 'tshang rgya ba'i phyir stong pa nyid kyi ting nge 'dzin mi g.yo ba'i ring nge 'dzin lta bu la snyoms par zhugs nas 'og min gyi gnas na zhugs pa gang na bde bar gshegs pa ste/der bzhud ces bya ba'i don to/ /gshegs te byon nas ched du rdzogs long spyod pa'i sku bstan nas zhes bya ba la rdzogs longs spyod pa'i sku ni chos kyi longs spyod rdzogs par bya ba'i phyir/ rnam par dag pa rnams la/rnam par dag pa rang gi so sor snang ba bskyed pa ste/ gcig la gcig gi dbang gis na/ /rnam par rig pa phan tshun nges/ /zhes bshad pa'o/ /de yang yongs su dag pa'i slob ma gcig la so sor snang ba gnyis pa'i mngon par 'dod pa'i don bstan par nus pa'i bla mar snang ba'i rdzogs longs spyod pas yid tshim par mdzad pa'i phyir rdzogs longs spyod pa ste/rdzogs longs spyod pa'i sku de'i snang ba bstan nas 'di skad ces bka' stsal to/ /rigs kyi bu khyod kyis gang gi phyir de bzhin gshegs pa thams cad kyi de kho na nyid mngon par ma rtogs u0f1e p ar dka' ba spyad pa thams cad la spro ba bskyed cing /ji ltar bla na med pa yang dag par rdzogs pa'i byang chub mngon par rdzogs par bya snyam zhes bya ba la de bzhin gshegs pa thams cad kyi de kho na nyid ni de bzhin gshegs pa thams cad kyi de kho na nyid de so sor rtogs pa yin pas khams gsum pa 'di dag ni sems tsam mo zhes shes nas de'i bsam pa yongs su sbyang ba dang /yongs su rdzogs par bya ba dag zla ba'i dkyil 'khor gyi gzugs kyis bya ba dang / de'i bsod nams kyi tshogs yongs su dag pa ye shes kyi rdo rjes byin gyis brlab pa dang / der yang bdag gi ngo bo nyid du lhag par mos pa dang /der yang sangs rgyas kyi khams bzhugs pa dang / der yang sangs rgyas kyi gzugs su bsgom pa ste/ gnas yongs su gyur pa'i mtshan nyid 'di ni kun du bzang po'i sa la 'jug pa'i tshul te/ ji ltar sngon yongs su smin pa'i sems can rnams kyi don mdzad par spyod pa ni de bzhin gshegs pa thams cad kyi de kho na nyid do//de mngon par ma rtogs pa ni yongs su ma shes par dka' ba spyod pa thams cad la spro ba bskyed ces gsungs te/ dka' ba ni mi'i 'jig rten 'dir dka' ba spyod pa nyams su len pa'o/ /der yang mi g.yo ba'i ting nge 'dzin mngon sum du byed la rnal 'byor pa gang mi g.yo ba'i ting nge 'dzin la gnas na/rgyal ba bzhin du dbugs rngub par mi byed/ dbugs 'byin par mi byed/ g.yo bar mi byed/ 'gul bar mi byed/ 'gyur bar mi byed cing / lus dang ngag dang yid kyi spyod pa las 'das te gnas so//gnas kyi khyad par de la gnas na sems can rnams kyi don byed par mi nus pa'i phyir sangs rgyas bcom ldan 'das de rnams kyis bslang bar gyur to/ /de nas byang chub sems dpa' sems dpa' chen po don thams cad grub pa la de rnams kyis bskul ba'i rjes thogs nyid la mi g.yo ba'i ting nge 'dzin de las bzhengs te/de bzhin gshegs pa thams cad 'dud cing phyag byas nas bos te 'di skad ces gsol to/ /bcom ldan 'das de bzhin gshegs pa rnams de kho na nyid ni ji lta bu lags/ ji ltar bsgrub par bgyi zhes pa ni/ rnam pa gang gis nyams su blang bar bgyi zhes pa'o//de dag thams cad kyang slob dpon dang slob ma'i 'brel pa bstan pa yin te/ sngags spyad pa'i tshul la ye shes dang / dam tshig gi mtshan nyid dang / dbang bskur ba dang / thams cad mkhyen pa'i ye shes rtogs pa dang / sems can rnams kyi don bya ba ni slob dpon la rag las pa yin no zhes ston te/rang dga'i thugs thub dang / bla ma la bsnyen bkur ma byas pa rnams la ni sngags spyad kyang dngos grub tu mi 'gyur ro zhes bstan pa'i phyir te/ de ltar slob ma slob ma'i yon tan dang ldan zhing / dbang po yongs su smin pa dang /bla na med pa yang dag par rdzogs pa'i byang chub mngon par rdzogs par 'tshang rgya bar nus shing / bka' stsal pa tshol ba la gcig tu brtson pa de la ni de bzhin gshegs pa snang ba'i lam du gshegs pa ji snyed pa de rnams kyis gsung dbyangs gcig gis 'di skad ces bka' stsal pa'o//gsung gcig tu zhes bya ba ni gsung gcig pa nyid yin pas na gsung gcig ste/ thos pa gcig pa dang / don gcig pas na dbyangs gcig tu byin gyis brlabs te/ mang po zhig gis gsung dbyangs kyang sgra gcig dang 'dra bar thos pas na gsung gcig tu bka' stsal pa ste//gsung gcig pa zhes bya ba mgur gcig tu mngon par byang chub pa'i rim pa nye bar ston par mdzad pa'o/ /gal te mngon par byang chub pa gzhan gyi man ngag la ltos dgos na/ de lta na ni bcom ldan 'das bsod nams dang ye shes kyi tshogs yongs su rdzogs pas slob dpon med pa'i ye shes su ji ltar bzhag ce na/gang 'di bcom ldan 'das byang chub sems dpa' don thams cad grub pa bsod nams dang ye shes kyi tshogs yongs su rdzogs pa ni rgyu'i gnas skabs yongs su rdzogs pa yin gyi/ /de'i 'bras bu'i gnas skabs yongs su rdzogs pa ma yin te/de'i phyir lung mnod pa gzung ba rigs pa nyid yin la/ gang gi tshe 'dzam bu'i gling pa'i mi rnams kyi don rdzogs par mdzad pa'i phyir mngon par byang chub par ston pa de'i tshe slob dpon med pa'i ye shes can du gzhag pa yin no/ /ji ltar bsgrub par bya zhe na/ rang gi sems la rtog cing mnyam par zhog la zhes bya ba smos pa la/rang gi sems yin pas rang gi sems te/ yid kyi rnam par shes pa'o/ /de'i so sor rtog pa ni so sor rtog pa ste don la so sor rtog pas so sor rtog pa'o/ /de yang gzugs la sogs pa'i phung po rnams kyi mtshan nyid la so sor rnam par dpyad pa na/de ni gcig na'ang yul min la/ /phra rab rdul du du ma'ang min/ /de dag 'dus pa'ang ma yin te/ /'di ltar rdul phran mi 'grub phyir/ /drug gis cig car sbyar bas na/ /phra rab rdul cha drug tu 'gyur/ /drug po dag gi go gcig na/ /gong bu rdul phran tsam du 'gyur//zhes bya ba ste/ de dag la sogs pa'i tshul gyis na dmigs pa dang mi ldan pas na 'di dag ni sems tsam nyid do zhes nges pa yin la/ so sor rtog pa ni nges pa'i don 'di nyid la bsgom pa na/ sems rtse gcig pa thob pa ni sems la so sor rtog cing mnyam par 'jog pa'o/ /rang gi sems la so sor rtog cing mnyam par 'jog pa 'ba' zhig gis bsgrub par ma zad kyi sngags bzlas pas kyang 'grub par bstan pa'i phyir/rang bzhin gyis grub pas na rang bzhin gyis grub pa ste 'di ni ngag gis kyang bsgrub par bya ba ma yin gyi/ ji lta zhe na/ ngo bo nyid kyis grub pa kho na'o zhes ston to//ci dgar bzlas shing zhes bya ba ji srid 'dod par bzlas pas so/ /'di skad ston te/ 'dir ni bsgom pa nyid la shin tu 'bad par bya'i bzlas brjod la ma yin no zhes bstan par bya ba'i phyir/ ci dgar bzlas shing zhes gsungs so/ /sgrubs shig ces bya ba ni nan tan du bsgrub par gyis shig pa'o// //da ni so sor rtogs par byas nas 'khor ba'i dngos po las dang nyon mongs pa'i rnam par smin pa'i gzugs can gyi bdag nyid kyi dngos po nges par bzlog par rnam par bsgoms nas don dam pa so sor rtogs pas rgyu mthun pa'i bdag gi ngo bor rnam par dag pa bsgrub pa'i phyir bdag gis rtogs so zhes bya ba ston te/bdag gis zhes bya ba ni bdag nyid kyis so/ /rtogs so zhes bya ba ni kun nas rtogs shing ji skad bstan pa bzhin du khong du chud do zhes bya ba'i don to/ /da ni rang gi rtog pa'i ye shes kyi tshul bstan par bya ba'i phyir bdag gi snying ga na zhes bya ba la sogs pa gsungs te/bdag gi snying ga ni rang gi sems la bya ste kun gzhi rnam par shes pa yongs su dag cing gnas gyur pa/ me long lta bu'i ye shes kyi tshul du gyur pa la me long lta bu'i ye shes kyi mtshan nyid can rang gi sems de la bskal pa grangs med pa gsum du bsod nams kyi tshogs yongs su bsags pa de la gnas pa gzugs kyi sku yongs su dag pa'i sa bon dang 'dra bar shar ba tsam gyis sems can gyi khams kyi rang bzhin tshim par byed pa'i rnam par rtog pa'i gzugs de gong nas gong du rnam par rtog pa'i rgyu ni zla ba'i dkyil 'khor lta bu yin pas zla ba'i dkyil 'khor lta bu zhes gsungs te/zla ba'i dkyil 'khor dang cha 'dra bar mthong ngo zhes bya ba'i don to/ /rnal 'byor pa sems la dbang thob pa rnams la bdag dang gzhan la brten pa'i sprul pa rnams ji ltar 'dod par 'byin par 'gyur bar de bzhin gshegs pa rnams ston par mdzad pa'i phyir rigs kyi bu sems 'di ni zhes bya ba la sogs pa gsungs te/rigs zhes bya ba ni ngan pa'i skyes bu dang 'brel pa yod par zhu bar gyur pas na rigs te rgyal rigs la sogs pa'o/ /de gtsang zhing dag par byed la 'khor ba las skyob par byed pa'i don gyis na bu ste rigs kyi bu yin pas na rigs kyi bu'o//sems 'di ni zhes bya ba ni sems 'di'o/ /rang bzhin gyis 'od gsal ba ni rang bzhin te ngo bo nyid kyis shin tu 'od gsal bas na rang bzhin gyis 'od gsal ba ste/ ngo bo nyid kyis dri ma med pa zhes bya ba'i don to//'di ni zhes bya ba ni sems dang sbyar ro/ /ji ltar sbyangs pa zhes bya ba ni rnam pa gang gis yongs su sbyangs shing gzhi dang 'brel par nye bar sbyar na sems de de bzhin du 'gyur te/ rang gi gnas ji ltar snang bzhin du so sor snang ba 'dzin par 'gyur ro zhes bya ba'i don to//don 'di nyid dpes gsal bar bya ba'i phyir dper na zhes bya ba la sogs pa gsungs te/ dper na zhes bya ba'i sgra ni dpe ston par byed pa'o/ /dkar po ni rnam par dag pa la bya ste/ dri ma dang bral ba'i phyir 'di dang mthun pa'i dpe ras bstan pa yin no/ /de bas na ji ltar ras rnam par dag pa la tshon gang dang gang yin pa dang phrad par gyur pa de dang de nyid der shin tu gsal bar 'gyur ro//de bzhin du nyon mongs pa'i dri ma thams cad dang bral zhing / rang bzhin gyis 'od gsal ba'i sems la snying rjes sems can gyi don byed par nus te/ lus dang longs spyod rnam par dag pa la sogs pa gang dang gang la gtod pa de dang de nyid der shin tu gsal bar 'gyur te 'di ni dpes bstan pa'i don yin no//bya ba yongs su ma rdzogs pa slar yang lung dbog pa gzhan yang sbyin par bya ba'i phyir/ de nas zhes bya ba la sogs pa gsungs te/ de nas zhes bya ba'i sgra ni de ma thag tu'o/ /rang bzhin gyis 'od gsal ba'i sems zhes bya ba ni sngar bstan zin to/ /de'i rgyas par bya ba ni yongs su rdzogs pa ste/ de'i phyir yang byang chub sems dpa' de byang chub tu sems bskyed par gyur to/ /de la byang chub kyi sems ni 'dir byang chub sems dpa'i sa bcu'i 'bras bu'i rang bzhin sangs rgyas kyis kun du bzang po'i mtshan nyid can gyi sems bskyed par gyur pa ste/byang chub kyang yin la sems kyang yin pas na byang chub kyi sems te/ de bskyed par bya ba'i phyir lung dbog pa stsal bar gyur la/ byang chub sems dpas kyang bcom ldan 'das kyi lung phog pa de'i rjes thogs nyid la sems de yongs su sbyangs shing rdzogs par mdzad nas/nyid kyi thugs su chud cing bskyed pa brjod par bya ba'i phyir zla ba'i dkyil 'khor lta bu zhes bya ba la sogs pa'i gzhung gi tshogs nye bar dgod pa gsungs pa yin te/ zla ba'i dkyil 'khor lta bur sems gang gsungs pa de zla ba'i dkyil 'khor nyid du mthong ngo zhes bya ba la/ sems gang tshes gcig pa'i zla ba'i dkyil 'khor lta bur snang ba don bsgoms pa'i stobs kyis ston ka'i tshes bco lnga'i zla ba lta bur so sor snang ngo zhes bya ba'i don to//de bzhin gshegs pa thams cad kyis de la thugs su chud pa brnyes pa bsgom pa'i phyir de bzhin gshegs pa thams cad ces bya ba gsungs te/ de bzhin gshegs pa thams cad kyi thugs yin pas na de bzhin gshegs pa thams cad kyi snying po ste thams cad mkhyen pa'i ye shes so//sems bskyed pa zhes bya ba ni thugs su chud pa'i mtshan nyid la bya'i/ so sor rtog pa'i mtshan nyid kyang ma yin la yang dag par blangs pa dang brdar brtags pa yang ma yin no/ /thams cad mkhyen pa'i ye shes yin pa'i phyir kun du bzang po zhes gsungs pa yin te/ kun nas bzang ba nyid yin pas na kun du bzang po ste/ nyon mongs pa dang shes bya'i sgrib pa'i dri ma dang bral ba zhes bya ba'i don to/ /mngon sum du gyur gyis zhes bya ba ni mtshungs pa nyid brnyes pa'o/ /gang gi phyir 'di de bzhin gshegs pa thams cad dang lhan cig mtshungs pa nyid brnyes pa ste de'i phyir legs pa ste/khyad par can du sgrubs shig pa ste/ nyams su long shig pa'o/ /ci'i phyir legs par sgrubs shig ces phyogs snga ma rtog pa la de bstan par bya ba'i phyir zhes bya ba gsungs te/ de zhes bya ba ni bshad ma thag pa'i sems bskyed pa ste/ bsgom pa'i rang bzhin can gyi byang chub kyi sems kyi ngo bo'o//brtan par bya ba ni 'khor ba ji srid par rgyun du bzhugs pa la ste/ de'i phyir ro/ /de'i rgyud rang gi sems kyi snang ba yongs su dag pa'i bsod nams kyi tshogs kyi zla ba'i dkyil 'khor la rdo rje'i dbyibs su soms shig ces bya ba rang gi snying ga ste/rang gi sems la bsod nams kyi tshogs zla ba'i dkyil 'khor gyi ngo bo nyid du gzung ba'i cha shas la ye shes kyi tshogs yongs su dag pa'i rdo rje'i dbyibs su soms shig ces pa ste sgoms shig pa'o/ /ji ltar bsgom par bya zhes phyogs snga ma rtog pa la sngags 'dis zhes bya ba gsungs so//slar yang byang chub sems dpa' nyid kyis thugs su chud par bstan pa ni bcom ldan 'das zhes bya ba la sogs pa gsungs te/ lung ji skad du phog pa bzhin rtogs pa'i phyir mthong ngo zhes gsungs so/ /thugs su chud pa da dung du yang ma rdzogs so zhes bstan pa'i phyir brtan par gyis shig ces bya ba gsungs te/'di'i brtan par bya ba ni bdag nyid kyi ngo bo nyid kyi tshul gyis lhag par mos par bya'o/ /ji ltar brtan par bya zhes 'dir rtog pa la sngags 'dis zhes bya ba la sogs pa gsungs so/ /'di skad bstan te bdag gi rdo rje gang yin pa de ni bdag yin la/bdag gang yin pa de ni rdo rje yin no zhes pa'o/ /rdo rje bdag nyid can la phyi rol gyi don yod par smra ba rnams rdul phra rab 'dus pa'i ngo bo nyid ni bdag gi ngo bo nyid yin na 'dir ji ltar na lus kyi rgyu med par bdag gi dngos po 'grub par 'gyur zhes phyogs snga ma rtog pa la de nas zhes bya ba la sogs pa gsungs te/de nas zhes bya ba'i sgra ni 'das ma thag pa ste/ /sngags bzlas pa'i rjes thogs nyid la'o/ /nam mkha'i dbyings thams cad du yang dag par rtogs pa mnyam par 'jug pa gang yin pa de ni nam mkha'i dbyings thams cad du mnyam par 'jug pa'o//de lta bu su zhig yin zhes rnam par rtog pa la de bzhin gshegs pa thams cad kyi sku dang gsung dang thugs rdo rje'i dbyings zhes bya ba gsungs te/ sangs rgyas kyi sprul pa'i sku phra mo rnams ni sku dang gsung dang thugs rdo rje'i dbyings so/ /de rnams ci zhig tu gyur zhe na/ sems dpa'i rdo rje der zhugs zhes bya ba gsungs so/ /gang gi mthus she na de bzhin gshegs pa thams cad kyi byin gyi rlabs kyis zhes bya ba gsungs so/ /de bzhin gshegs pa thams cad kyi sgra ni 'dir mi bskyod pa la sogs pa bzhi zung ngo / /byin gyis brlabs pa ni mthu la bya ste/ dper na khab len gyis lcags 'dren par nus pa bzhin du de rnams der zhugs par mdzad pa'o/ /sems dpa' ni kun du bzang po'i thugs so/ /de'i steng du ye shes kyi rdo rje ni rdo rje ste/sems dpa' dang rdo rje ni sems dpa' rdo rje'o/ /de yang 'di ni rdo rje sems ma'i phyag rgya ste/ 'og nas bshad pa'i de bzhin gshegs pa thams cad kyi rigs kyi yum ste/ der de lta bu'i gzugs kyis sems dpa'i rdo rjer zhugs so/ /yang mngon par byang chub pa'i rim pa 'di sngags spyad pa rnams kyi rjes su mthun pa yin par bstan par bya ba'i phyir de nas zhes bya ba la sogs pa gsungs te/kun du bzang po'i sems bskyed pa ni dkyil 'khor du bzhugs pa'i gnas su gyur pa yin la/ de'i steng gi rdo rje ni rdo rje'i dbang bskur ba'i gnas su gyur pa yin no/ da ni rdo rje dbyings rdo rje dbyings zhes ming gi dbang bskur ba stsol bar gyur pa yin te/de bzhin gshegs pa thams cad kyi sku dang gsung dang thugs rdo rje'i khams rnams yongs su gyur pa'i rdo rje'i rgyu rnams 'di yin pas na rdo rje'i dbyings zhes bya ba'i sgra ni rgyu'i rnam grangs yin no/ /rdo rje'i don ni bshad zin to/ /rdo rjes mtshan pa'i ming ni rdo rje'i ming ste/ rdo rje'i ming des khams gsum gyi chos kyi rgyal por dbang bskur ba'o/ /bla ma'i drin gyis gzi byin bskyed pa dang 'brel pa'i phyir rigs kyi mtshan mas byang chub sems dpa' chen po don thams cad grub pa de nyid la rdo rje dbyings zhes bya ba'i sgrar bshad do/ /de ni 'di nyid kyi thugs su chud pa bstan par bya ba'i phyir/de nas zhes bya ba la sogs pa gsungs so/ /de bzhin gshegs pa thams cad kyi sku ni bdag lags par mthong ngo zhes bya ba ni de bzhin gshegs pa thams cad kyi sku yang dag par bsdus pa'i gzugs su rang gi lus mthong ngo zhes bya ba'i don to/ / 'di skad ston te rdo rje'i gzugs su nga rgyal gyis yongs su gzung ba gang yin pa de nyid ni de bzhin gshegs pa thams cad bzhugs par gyur pas de bzhin gshegs pa thams cad kyi sku'i rdul phra rab las bsgrubs pa'i rdo rje rtse lnga pa las mngon par byung ba'i rdo rje sems dpa'i sku'i gzugs su mthong ngo zhes pa'o//gnas yongs su gyur pa yongs su ma rdzogs pas na yang lung dbog pa stsol bar mdzad de/ de bas na sems dpa' chen po de lta bas na zhes bya ba la sogs pa gsungs te/ de lta bas na zhes bya ba'i sgra ni gang gi phyir zhes bya ba'i don te/ gang gi phyir sangs rgyas rnams kyi rdul phra rab yang dag par bsags pa'i gzugs las rdo rje sems dpa'i gzugs gcig pur mthong gi mtshan dang dpe byad yongs su rdzogs pa sems can thams cad kyis blta bar bya ba'i rang bzhin sems can rnams kyi don byed nus pa'i sangs rgyas kyi sku gcig pur ni ma yin no//de lta bas na sems dpa'i rdo rje de rnam pa'i mchog thams cad dang ldan par bya'o/ /rnam pa thams cad de mtshan dang dpe byad rnams ni 'khor los sgyur ba rnams la yang yod pas na/ de las khyad par du bya ba'i phyir mchog ces bya ba smos te/ mchog ni dam pa ste yul na gnas pa dang /gsal ba dang / rdzogs par ldan pa yongs su gzung ba'i phyir rnam pa thams cad kyi mchog dang ldan pa zhes bya'o/ /de ltar gyur pa lta zhig srid pa tha ma pa'i byang chub sems dpa' yin no zhe na/ sangs rgyas kyi skur zhes bya ba gsungs so/ /de lta bu'i sangs rgyas kyi sku mdun du bsgom du yod do zhe na/bdag nyid ces bya ba gsungs so/ /sgoms shig ces bya ba ni lhag pa'i mos pa brtan par gyis shig ces bya ba'i don to/ /ya thA zhes bya ba la sogs pa ni de bzhin gshegs pa thams cad mtshan dang dpe byad rnams kyis brgyan pas sems can thams cad kyi yid du 'ong ba'i sku rgya chen pos sems can thams cad kyi don mdzad pa ji lta ba bdag kyang de bzhin no zhes bya ba'i don to//bdag nyid de bzhin gshegs pa thams cad du mngon par sangs rgyas shing lhag par mos pa de nas bla mar gyur pa'i de bzhin gshegs pa rnams la phyag 'tshal ba ni/'di ni kun du bzang po'i sa la gnas shing / de rnams kyi chos kyi dbyings la zhugs pas na phyag 'tshal bar ston pa yin no/ /bos nas zhes bya ba ni 'bod pa ste/ 'di yang phyag 'tshal ba gnyis pa yin no/ /da ni ma 'ongs pa'i skye bo rnams la dgongs nas byin gyis brlab par gsol pa yin te/sems can sems rnam par g.yengs pa rnams sangs rgyas kyi phyag rgya bsgrubs nas rnam par rtog pa gzhan dag la kun du spyod par gyur pas/ de lta bu'i rnam par lhag par mos pa brjod pa'i slob dpon du gyur pas/ slob ma mngon par 'du byed pa ni 'gal ba'i phyir de bzhin gshegs pa rnams de'i lus la zhugs shing byin gyis brlabs te yongs su gzung bar bya'o//brtan par bya ba'i phyir yi ge brgya pa bzla ba ni 'og nas bshad par bya'o/ /de bzhin gshegs pa thams cad ces bya ba ni 'dir ye shes kyi sku'i ngo bo nyid mi bskyod pa la sogs pa'i de bzhin gshegs pa bzhi po rnams gzung ngo //gang yang sems dpa' rdo rje'i gnas skabs su zhugs pa de rnams ni sprul pa mtha' yas pa'i rang bzhin no/ /de bzhin gshegs pa rdo rje dbyings zhes bya ba ni de bzhin gshegs pa'i rang bzhin chos kyi sku mngon sum du mdzad pa'i phyir ro//sems dpa' rdo rje der zhes bya ba thams cad sngar gyi tshul la ltos te/ sems dpa' rdo rjer btags pa yin no/ /zhugs zhes bya ba ni snying ga dang / smin mtshams dang lkog ma dang spyi bo rnams su zhugs pa ste/ 'di de'i byin gyis brlabs pa'o// //da ni dgongs pa brnyes pa bstan pa'i phyir de nas zhes bya ba la sogs pa smos so/ /de bzhin gshegs pa rdo rje dbyings zhes bya ba ni 'di skad ston pa yin te/ gang gi ming rdo rje dbyings zhes dbang bskur ba stsol ba de ni sngon gyi sangs rgyas rnams ji ltar gshegs pa de bzhin du gshegs shing sangs rgyas pas de bzhin gshegs pa'o//skad cig ma de nyid kyi tshe na zhes bya ba ni lung 'bogs pa'i rjes thogs nyid yin gyi dus gzhan pa ni ma yin pa'o/ /de bzhin gshegs pa thams cad kyi mnyam pa nyid kyi ye shes zhes bya ba ni kun du bzang po'i sems bskyed pa'o//de ni mngon par rdzogs par sangs rgyas pa ste/ de brnyes zhes bya ba'i don to/ /de bzhin gshegs pa yang yin la thams cad kyang yin pas na de bzhin gshegs pa thams cad do/ /de bzhin gshegs pa thams cad kyi rdo rje ni ye shes kyi rdo rje ste/ zla ba'i dkyil 'khor gyi steng na gnas pa gang yin pa'o//de bzhin gshegs pa thams cad kyi rdo rje yang yin la mnyam pa nyid kyi ye shes kyang yin pas de bzhin gshegs pa thams cad kyi rdo rje mnyam pa nyid kyi ye shes so/ /de nyid ni phyag rgya ste/ mtshan ma yin pas rdo rje mnyam pa nyid kyi ye shes kyi phyag rgya'o//de nyid ni nyan thos dang rang sangs rgyas dang gzhan mu stegs pa rnams kyis yongs su mi shes pas na gsang ba'o/ /'di nyid ni dam tshig ste/ mngon par byang chub pa'i gnas skabs yin la der zhugs pas/ de bzhin gshegs pa thams cad kyi rdo rje mnyam pa nyid kyi ye shes kyi phyag rgya'i gsang ba'i dam tshig tu zhugs pa zhes bya ste/de brnyes zhes bya ba'i don to/ /de bzhin gshegs pa thams cad kyi chos mnyam pa nyid ni de bzhin gshegs pa'i sku dang gsung dang thugs rdo rje'i dbyings su zhugs pa dang / rdo rje'i bdag nyid can nyid do/ /chos mnyam pa nyid kho na ni ye shes te/de rtogs pa ni mngon sum du mdzad pa'o/ /ye shes rtogs pa des na rang bzhin gyis dag pa nyid yin no/ /'di skad ston te/ 'dus byas kyi grong khyer thams cad 'jig pa'i mtshan nyid can stong pa nyid kyi ye shes kyi rdo rje'i ngo bo nyid kyis glo bur gyi dri ma rnams dang bral bar gyur pa'i phyir rang bzhin gyis dag pa ste/ngo bo nyid kyis dben pa la gnas zhes bya ba'i don to/ /de bzhin gshegs pa thams cad kyi thams cad mnyam pa nyid ni/ ji skad du bshad pa'i mnyam pa nyid rnam pa gsum ste/ de bzhin gshegs pa thams cad kyi thams cad mnyam pa nyid kyis rang bzhin gyis 'od gsal zhing ye shes kyi 'byung gnas su gyur pa yin te/rang bzhin zhe pa ngo bo nyid kyis 'od gsal zhing dri ma med pa stong pa nyid kyi yul dang ldan pa'i ye shes ni rang bzhin gyis 'od gsal ba'i ye shes so/ /de'i 'byung gnas su gyur pa ni skyed pa'i gnas su gyur pa ste/ mnyam pa nyid bzhi pa brnyes zhes bya ba'i don to/ /mnyam pa nyid bzhi pa ni mtshan dang dpe byad kyi mnyam pa nyid de/ rnam pa thams cad kyi mchog dang ldan pa zhes gang bshad pa'o/ /gang gi phyir de lta bu'i yon tan dang ldan par gyur pa de'i phyir 'di rnams kyi rnam grangs kyi yul du gyur par bstan pa'i phyir de bzhin gshegs pa zhes bya ba la sogs pa gsungs te/sngon gyi sangs rgyas de rnams ji ltar gshegs pa de bzhin du gshegs pa ste/ sangs rgyas zhes bya ba'i don to/ /gal te byang chub sems dpa' gang la yang don gyi phyogs gcig gis de bzhin gshegs pa zhes bya bar srid pas de'i phyir dgra bcom pa zhes bya ba gsungs te/'dod chags dang bcas pa thams cad kyis mchod par 'os pas na dgra bcom pa'o/ /yang na khams gsum gyi chos kyi rgyal por 'os pa yin pas na dgra bcom pa'o/ /byang chub sems dpa' sa bcu'i dbang phyug rnams kyang phal cher 'dod chags dang bral ba yin pas/de rnams kyang dgra bcom pa zhes bya ba'i tshig gis brjod du rung bas/ de'i phyir yang dag par rdzogs pa'i sangs rgyas zhes gsungs te yang dag cing phyin ci ma log par kun nas rdzogs par sangs rgyas su thugs su chud pa'i phyir de bzhin gshegs pa dgra bcom pa yang dag par rdzogs pa'i sangs rgyas zhes bya'o gyur to zhes bya ba ni 'khrungs so zhes bya ba'i don to//sngar mngon par rdzogs par sangs ma rgyas pa'i gnas skabs su rdo rje dbyings rdo rje dbyings zhes rdo rje ming gi dbang bskur bas dbang bskur bar gyur pa yin la da ni sangs rgyas kyi rnal 'byor rdzogs nas byin gyis brlabs pa mdzad de/sangs rgyas pa'i gnas skabs su yang bla na med pa'i chos kyi rgyal por rdo rje rin po che'i dbang bskur bas dbang bskur bar bstan pa'i phyir de nas zhes bya ba la sogs pa gsungs so/ /de nas zhes bya ba ni de ma thag tu'o/ /de bzhin gshegs pa thams cad ni mi bskyod pa la sogs pa ste/sngar dbang bskur zin pa'i phyir slar yang dbang bskur ro zhes bya bar sbyar ro/ /gang nas byon zhe na gang du sngar bzhugs pa'i de bzhin gshegs pa thams cad kyi sems dpa' de las zhes bya ba gsungs pa yin te/ de bzhin gshegs pa thams cad ces bya ba ni 'dir bcom ldan 'das rnam par snang mdzad gzung la sems dpa' zhes smos pa ni kun du bzang po'i sems bskyed pa'o//rdo rje smos pa ni de'i steng na yod pa'i ye shes kyi rdo rje'o/ /byung nas zhes bya ba ni 'thon pa'o/ /sangs rgyas lnga'i cod pan gyis dbang bskur ba yin no zhe na/ de bstan pa'i phyir nam mkha'i snying po zhes bya ba la sogs pa gsungs te/nam mkha' nyid snying po ste skye ba'i gnas yin pa'i phyir nam mkha'i snying po'o/ /nam mkha'i snying po nyid ni nor bu rin po che chen po yin pas nam mkha'i snying po'i nor bu rin po che chen po ste nor bu'i rang bzhin gyi rin po che yin pas na nor bu rin po che'o//nor bu rin po che yang yin la chen po yang yin pas na nor bu rin po che chen po ste/ des dbang bskur ba ni bcom ldan 'das rnam par snang mdzad la byang chub sems dpa'i gnas skabs su ni sangs rgyas lnga'i dbu rgyan rgyur gyur pas dbang bskur bar bstan la/ da ltar sangs rgyas pa'i gnas skabs su ni 'bras bur gyur pa nam mkha'i snying po'i nor bu rin po che chen pos dbang bskur ba ni de gnyi ga brnyes par ston pa yin te/sangs rgyas kyi rnal 'byor bsgrubs pas chos kyi rgyal por dbang bskur bar 'os pa nyid du bsgrubs pa yin pa'i phyir bla na med pa'i chos kyi rgyal por dbang bskur ba byin pa yin no//chos kyi rgyal po de'i chos kyi mdzod gtang bar bya ba'i phyir kun du spyan ras gzigs kyi dbang po zhes bya ba la sogs pa gsungs te/ skal ba ji lta ba bzhin du 'dul ba'i sems can la gzigs pas na spyan ras gzigs so/ /de la dbang por gyur cing bdag por gyur pas na kun du spyan ras gzigs kyi dbang po'o//de'i chos rnams la mkhyen pa ni chos kyi ye shes te/ theg pa gsum gyis rnam par dbye bas yongs su gcod pa'o/ /de bskyed pa ni chos kyi mdzod gtad ces bya ba'i don to/ /da ni chos kyi rgyal por dbang bskur ba brnyes shing chos kyi mdzod shin tu thugs su chud nas/mchod pa'i bya ba rdzogs par bya ba la sbyar bar bya ba'i phyir de bzhin gshegs pa thams cad ces bya ba la sogs pa gsungs te/ sems can gyi tshogs ma lus pa mtha' dag gi don gyi las mdzad pa ni thams cad kyi phrin las so/ / de bzhin gshegs pa thams cad kyi phrin las thams cad ni de bzhin gshegs pa thams cad kyi phrin las thams cad de de'i ngo bo nyid yin pas na de bzhin gshegs pa thams cad kyi phrin las thams cad nyid do/ /de la bzhag nas zhes bya ba ni sngon gyi sangs rgyas rnams kyi go 'phang thob par mdzad nas zhes bya ba'i don to//da ni gnas dang gdan gang la bzhugs nas de'i phrin las de mdzad pa de bstan par bya ba'i phyir ri rab kyi rtse mo gang na ba zhes bya ba la sogs pa gsungs te/ 'og min gyi gnas su sngon gyi dus su bya ba rnams mdzad nas chos kyi rgyal po'i seng ge'i gdan la bzhugs par bya ba'i phyir 'og min nas ri rab tu gshegs so zhes bya ba'i don to//rdo rje rnams dang nor bu rnams dang rin po che rnams ni/ rdo rje dang nor bu dang rin po che ste/ rdo rje ni nor bu rdo rje'o/ /nor bu ni yid bzhin gyi nor bu'o/ /rin po che ni pad+ma rA ga la sogs pa'o/ / de rnams kyis rtse mo brgyan pa'i khang bu brtsegs pa rtse mo rdo rje dang nor bu dang rin po che las byas pa ste/ khang bu brtsegs pa ni khang bzangs la bya'o/ /gshegs pa ni bzhud pa'o/ /de bzhin gshegs pa rdo rje dbyings 'di yang de bzhin gshegs pa thams cad kyi khongs su gtogs pa dang / de bzhin gshegs pa thams cad mngon par byang chub pa mtshungs pa nyid kyi phyir dang / tshogs dang chos kyi sku mtshungs pas na de bzhin gshegs pa thams cad de sngar gyi de bzhin gshegs pa rnams dang rgyu gcig pa'i ngo bo nyid kyis byin gyis brlabs la/ da ltar yang de bzhin gshegs pa thams cad dang rgyud tha dad par byin gyis brlabs shing /de'i tshul gyis brtan par byas zhes bya ba'i don to/ /de nyid kyis na de bzhin gshegs pa thams cad kyi seng ge'i gdan la bzhugs par 'os te/ de bzhin gshegs pa thams cad kyang yin la seng ge yang yin pas na de bzhin gshegs pa thams cad kyi seng ge ste/sems can thams cad las rnam par rgyal ba'i don gyis so/ /de rnams kyi gdan ni de bzhin gshegs pa thams cad kyi seng ge'i gdan no/ /yang na seng ges mtshan pa'i gdan ni seng ge'i gdan te/ de bzhin gshegs pa thams cad kyi seng ge'i gdan yin pas na de bzhin gshegs pa thams cad kyi seng ge'i gdan no//zhal kun du bstan pa ni zhal bzhi pa'o/ /bzhag par gyur to zhes pa ni 'jog pa'o/ /de bzhin gshegs pa rdo rje dbyings de bzhin gshegs pa thams cad nyid du bzhag nas/ de bzhin gshegs pa de rnams rang nyid ci zhig mdzad cing mtshan ji skad btags she na/don 'di bstan par bya ba'i phyir/ de nas zhes bya ba la sogs pa gsungs te/ de nas zhes bya ba ni de ma thag tu'o/ /mtshan ji skad bya zhes ji skad du smras pa de la de bzhin gshegs pa mi bskyod pa dang zhes bya ba la sogs pa gsungs te/'jig rten gsum rnam par 'jig tu zin kyang / 'di la g.yo ba cung zad kyang mi mnga' bas mi bskyod pa'o/ /'di las rin po che rnams 'byung bas na rin chen 'byung ba zhes bya ba ste/ phyag rgya la sogs pa rin po che rnams de las 'byung ba'i phyir ro/ /spyan ras gzigs kyi dbang po'i rgyal po yin pas na spyan ras gzigs dbang po'i rgyal po ste/de'i mgo la bzhugs pa'i phyir ro/ /bsams pa tsam gyis don yod cing gdon mi za bar don thams cad 'grub pa 'di la mnga' bas na gdon mi za bar 'grub pa'o/ /mngon par rdzogs par sangs rgyas pa'i de bzhin gshegs pa ji snyed yod pa de dag thams cad ni ye shes bzhi'i rang bzhin can te/thams cad kyi me long lta bu'i ye shes ni mi bskyod pa ste/ mar me'i 'od dang 'dra bar gdul bya rnams kyi rgyud la cig car snang ba yin no/ /de bzhin du mnyam pa nyid kyi ye shes ni rin chen 'byung ba nyid du snang ngo / /de bzhin du so sor rtog pa'i ye shes ni snang ba mtha' yas nyid du'o//bya ba sgrub pa'i ye shes ni gdon mi za ba nyid du snang ngo / /de lta bas na der de bzhin gshegs pa thams cad du so so nas bdag nyid byin gyis brlabs te zhes bya ba'i gzhung gis ston pa yin no/ /bdag nyid ces smos pa ni sngar mngon par rdzogs par sangs rgyas pa'i phyir de rnams bdag nyid kyi byin gyis rlob pa la sogs pa mdzad do zhes bstan par bya ba'i phyir yin la/gang yang gzod mngon par sangs rgyas pa rnams la ni sngon gyi sangs rgyas rnams kyis byin gyis brlabs pa la sogs pa mdzad do zhes ston pa yin no//bdag nyid ces bya ba ni rang nyid kyi rgyud ces bya ba'i don to/ /byin gyis brlabs te zhes bya ba ni byin gyis brlab pa la sogs pa mdzad pa'o/ /da ni rigs dang 'brel pas byang chub pa 'di mdzad par bstan pa'i phyir bcom ldan 'das shAkya thub pa zhes bya ba la sogs pa gsungs te/ shAkya rnams kyi nang na thub pa yin pas na shAkya thub pa'o/ /yang na sku dang gsung dang thugs thub pa dang ldan pas na thub pa'o/ /thams cad mnyam pa nyid ces bya ba ni de bzhin nyid de/ dngos po thams cad stong pa nyid do/ /rab tu rtogs pa zhes bya ba ni thugs su chud pa ste/ shin tu rtogs pas na rab tu rtogs pa'o//phyogs thams cad mnyam pa nyid ces bya ba ni phyogs thams cad mtshungs pa nyid de/ de la dmigs pa ni lhag par mos pa'o/ /phyogs bzhir bzhugs zhes bya ba ni bcom ldan 'das shAkya thub pa 'di nyid bzhugs zhes bya ba'i don to/ / yang na ri rab kyi ngos la nyi ma shar ba dang nub pas phyogs kyi cha rnam par bzhag pa yin la/ 'char ba dang nub pa gang yang ngos thams cad la yod pas na kun rdzob tu yang phyogs thams cad mnyam pa nyid yin no/ /da ni de nas zhes bya ba la sogs pas sngags spyod pa'i tshul la chos kyi 'khor lo bskor ba nus shing dgos pa rnams yongs su rdzogs pa nyid du ston te/mngon par rdzogs par sangs rgyas nas ring po ma lon pa ni mngon par rdzogs par sangs rgyas ma thag pa'o/ /de bzhin gshegs pa thams cad kyi thugs kun du bzang po ni kun du bzang po'i thugs mnga' ba ste/ 'dis ni dam tshig mkhyen pa nyid du ston to//dam tshig mkhyen pa 'ba' zhig tu ma zad kyi/ ji skad du bshad pa'i dbang bskur ba brnyes par yang bstan pa'i phyir de bzhin gshegs pa thams cad kyi nam mkha' las byung ba zhes bya ba la sogs pa gsungs so/ /yang de bzhin gshegs pa thams cad kyi kun du spyan ras gzigs kyi dbang po dang zhes bya ba la sogs pa ni thams cad mkhyen pa'i ye shes kyi rnal 'byor chen po'i dbang phyug nyid du ston te/chos rnams mkhyen pa'i ye shes ni chos kyi ye shes so/ /dam pa'i pha rol tu phyin pa zhes bya ba la/ dam pa ni mchog ste/ de las pha rol na dag pa med pa'i phyir dam pa'o//dam pa yang yin la pha rol tu phyin pa yang yin pas na/ dam pa'i pha rol tu phyin pa ste/ chos kyi ye shes nyid dam pa'i pha rol tu phyin pa yin pas na/ chos kyi ye shes dam pa'i pha rol tu phyin pa zhes bya ste/ de thob pa ni chos kyi ye shes dam pa'i pha rol tu phyin pa brnyes pa'o//de nyid de bzhin gshegs pa thams cad kyi phrin las thams cad mdzad pas na phrin las thams cad do/ /de bzhin gshegs pa thams cad kyi phrin las kyi ngo bo nyid du gyur pas na/ phrin las thams cad nyid do/ /de'i gdon mi za ba ni don yod cing thogs pa med la bzlog tu med par ston cing 'chad pa gang yin pa de ni de bzhin gshegs pa thams cad kyi phrin las thams cad nyid gdon mi za zhing thogs pa med par ston pa ste/'dis ni las thams cad grub par ston to/ /nyid kyi rgyud sbyangs pa'i rim pa ni gzhan gyi don bya ba'i thabs kyi mthar thug pa yin pas na dgongs pa yongs su rdzogs pa'o//yun ring mo zhig tu don du gnyer ba'i gzhan gyi don mdzad par spyod pa shin tu brnyes pas na yid kyi bsam pa'o/ /tshogs rdzogs pa ste/ sngar 'di la de bzhin gshegs pa rnams kyis de bzhin gshegs pa thams cad du byin gyis brlabs pa ni dgongs pa ma rdzogs pa yin la/da ni de rnams dang lhan cig mtshungs pa nyid brnyes pas na de bzhin gshegs pa thams cad du bdag nyid bdag nyid kyis byin gyis brlabs so zhes gsungs pa yin no/ /gang la zhe na/ bdag nyid de nyid kyi rgyud la zhes bya ba'i don to/ /byin gyis brlabs nas zhes bya ba ni byin gyis brlab pa la sogs pa mdzad pa'o//'dir byin gyis brlab pa tsam 'ba' zhig tu smos su zin kyang / de bzhin du dbang bskur ba la sogs pa yang mdzad par blta bar bya ste/ byin gyis brlabs nas zhes bya ba'i tshig ni mtshon pa tsam du bstan pa'i phyir ro/ /sngar de bzhin gshegs pa rnams kyis byin gyis brlabs zin na/bdag nyid kyis byin gyis brlab pa 'di ci zhig dgos te/ ha cang thal ches so zhes bya ba'i dogs pa bsal ba'i phyir lan brjod par bya ste/ le los nye bar bcom pa 'ga' zhig bdag ni dkyil 'khor du 'jug pa'i tshe slob dpon gyis byin gyis brlab pa la sogs pa byas zin to snyam nas bdag la byin gyis brlab pa la sogs pa med par ji srid 'tsho'i bar du dkyil 'khor la sogs pa'i las byed par ma gyur cig snyam du dgongs pa yin no//da ni de gang gi phyir mngon par rdzogs par sangs rgyas pa dang / gang gi phyir de bzhin gshegs pa thams cad seng ge'i gdan la bzhag pa de'i don grub pa bstan pa'i phyir de bzhin gshegs pa thams cad kyi zhes bya ba la sogs pa gsungs te/de bzhin gshegs pa thams cad kyang yin la byang chub sems dpa' chen po kun du bzang po yang yin pas na de bzhin gshegs pa thams cad kyi byang chub sems dpa' chen po kun du bzang po zhes bya'o//de'i dam tshig ni snying po dang rdo rje dang phyag rgya dang phyag rgya chen po dang / dkyil 'khor la sogs pa'i mtshan nyid do/ /de'i 'byung ba ni gang gi phyir sems dpa' ste/ sems las de byin gyis brlab cing / de bstan par bya ba'i ting nge 'dzin gang / rdo rje zhes bya ba'i ting nge 'dzin la snyoms par zhugs shing mngon du mdzad nas 'di zhes bya ba thugs la gnas pa'o/ /de ci zhig ce na/ snying po'o/ /ci zhig mdzad ce na/ phyung ngo zhes bya ba'o/ /ming ji skad du bya zhe na/ de bzhin gshegs pa thams cad kyi theg pa chen po mngon par rtogs pa zhes bya ste/de bzhin gshegs pa thams cad kyi theg pa chen po ni 'dis 'gro bas na theg pa ste/ byang chub sems dpa'i sa bcu'o/ /bgrod par bya ba yin pas na theg pa ste/ sa bcu gcig pa sangs rgyas kyi sa kun du bzang po'o/ /chen po rnams kyi theg pa chen po yin pas na theg pa chen po ste/sangs rgyas dang byang chub sems dpa' rnams kyi'o/ /theg pa chen po de mngon par rtogs pa ni rdo rje dang 'dra ba'i sems kyis thugs su chud pa ste/ de ston par byed pa'i snying po de la yang ming de skad ces bya'o/ /de bas na de bzhin gshegs pa thams cad kyi theg pa chen po mngon par rtogs pa zhes bya ba'i de bzhin gshegs pa'i snying po'o//gang las phyung zhe na/ rang gi thugs ka las te/ sngags kyi sgo nas ji lta ba bzhin spyod cing bshad ma thag pa'i ting nge 'dzin la gnas nas snying po 'dis phyag rgya rdzogs par bya'o zhes bstan pa'i phyir ro/ /de nas zhes bya ba la sogs pa gsungs pa yin no//de nas zhes bya ba'i sgra ni 'brel pa ston pa yin te/ 'dir rgyud kyi bdag po ni bcom ldan 'das rnam par snang mdzad yin par bshad la/ de bzhin gshegs pa'i bya ba nan tan du grub pa ni bdag nyid mdzad par mi rigs pas na snying po 'dis bcom ldan 'das kun du bzang po bskul ba yin no//de yang de bzhin gshegs pa thams cad kyi thugs la bzhugs so zhes sngar bstan pa yin no/ /de nyid kyis na de bzhin gshegs pa thams cad kyi thugs ka nas byung ma thag pa 'di ni bcom ldan 'das kun du bzang po de nyid ces bya ba gsungs so/ /'dir rnam pa gang gis byung zhes rtog pa la/zla ba'i dkyil 'khor du gyur nas zhes bya ba gsungs pa yin te/ de bzhin gshegs pa thams cad ni mi bskyod pa la sogs pa bzhi bzung la/ re re las kyang zla ba'i dkyil 'khor rang gi rigs dang 'brel pa 'byung ste/ gang gi phyir de'i gzugs sna tshogs pa nyid du 'byung bas na/de'i phyir zla ba'i dkyil 'khor rnams su gyur to zhes khyad par med par gsungs pa yin te/ gang gi phyir rgyud 'di'i don thams cad kyi rtsa ba ni ting nge 'dzin yin la/ de yang dmigs pa dang bcas pa yin no/ /de'i dmigs pa yang zla ba'i dkyil 'khor yin te gang gi phyir ting nge 'dzin la gnas pa'i rnal 'byor pa la ting nge 'dzin bsgoms pa'i mthus zla ba'i dkyil 'khor shin tu rnam par dag pa las gang dang gang 'dod pa de dang de nyid de bzhin du mthong zhing gzhan dag la yang ston to//de bas na 'di ni bum pa bzang po'i gnas lta bu yin te/ de'i phyir 'di dang po kho nar bstan pa yin no//de bas na rgyud 'di la yang rnal 'byor gyi rgyud ces bya ba yin no/ /de las byung nas de ci zhig mdzad ce na/ de bzhin gshegs pa thams cad kyi zhes bya ba la sogs pa gsungs te/ nyan thos la sogs pa'i byang chub la ltos nas byang chub chen po la sems dpas na byang chub kyi sems chen po'o//de yang dag par sbyangs pa ni legs par sbyangs shing yang dag par rab tu sbyangs nas dri ma med par byas zhes bya ba'i don to/ /sems can rnams kyi byang chub chen po ji ltar sbyangs she na/ skal ba ji lta ba bzhin du sems can rnams kyi snying ga'i gnas su zla ba'i dkyil 'khor dri ma med pa'i gzugs su rang gi gzugs brnyan rab tu ston par mdzad pa'o//byang chub kyi sems sbyangs pa de'i rjes la ci zhig mdzad ce na/ de'i phyir de bzhin gshegs pa thams cad kyi zhes bya ba la sogs pa gsungs te/ de bzhin gshegs pa thams cad kyi ni 'dir dkyil 'khor ba'i de bzhin gshegs pa lnga rnams te/de rnams kyi phyogs phyogs su ste phyogs bzhir 'khod cing gnas pa'o//da ni phyag rgya rnams kyi mi phyed pa rnams 'byed par mdzad pa'i don bstan par bya ba'i phyir/ de nas zhes bya ba la sogs pa'i gzhung smos te/ de dag las kyang zhes bya ba ni sngar bshad pa rnams las rdo rje rnams su byung ba'o//ci zhig gi ngo bo nyid du zhe na/ ye shes kyi ngo bo nyid do zhes ston to/ /gang du song zhes rnam par rtog pa la thugs su zhugs so zhes gsungs te/ de'i thugs ni phyag rgya rdzogs pa'i gnas yin pa'i phyir ro/ / zhugs nas cir 'gyur zhe na/gcig tu 'dres par gyur nas zhes bya ba dang sbyar ro/ /ji ltar na mang po gcig tu gyur ce na/ rdo rje sems dpa'i ting nge 'dzin shin tu brtan pa'i phyir zhes bya ba gsungs te/ rab tu brtan pa'i phyir shin tu brtan pa ste bsgom pa rab kyi mthar phyin pa'o/ /de'i ngo bo nyid yin pa'i phyir na shin tu brtan pa nyid de/de'i phyir shin tu brtan pa nyid ces bya'o/ /ci shin tu brtan pa nyid kho nas gcig tu 'dres par gyur tam/ 'on te ma yin zhe na/ byin gyi rlabs kyis zhes bya ba gsungs te/ byin gyi rlabs ni sngon gyi smon lam gyi ye shes te/ gang 'di ltar gyur cig ces dgongs nas snyoms par zhugs pa na de'i de de bzhin du 'gyur bas 'di ni de bzhin gshegs pa thams cad kyi byin gyi rlabs so//gcig tu zhes pa ni mang po ma yin pa'o/ /'dres pa'i sgra ni brtan par gyur pa ste/ gcig tu brtan pa zhes bya ba'i don to/ /rdo rje de tshad ji tsam du byung zhe na/ting nge 'dzin la dbang du gyur pa brtan pa'i phyir/ spro ba ston pa yin pas nam mkha'i khams thams cad kyi tshad ces bya ba la sogs pa gsungs te/ nam mkha'i khams thams cad kyi tshad dang mnyam par 'jug pa zhes bya ba la kun nas 'jug pas na mnyam par 'jug pa ste/ thams cad du song ba zhes bya ba'i don to/ /'di'i mthu ji lta bu zhe na/ 'od zer gyi phreng ba can zhes bya ba gsungs te/ 'od zer rnams kyi phreng ba 'phro bas na 'od kyi phreng ba'o/ /de 'di la yod pas na 'od kyi phreng ba'o/ /rtse mo du dang ldan zhe na/ rtse mo lnga pa zhes bya ba gsungs te/ rtse lnga ba zhes bya ba'i don to//ci zhig gi ngo bo nyid ce na/ de bzhin gshegs pa thams cad kyi sku dang gsung dang thugs rdo rje'i rang bzhin zhes bya ba gsungs te/ de bzhin gshegs pa thams cad kyi sku dang gsung dang thugs nyid rdo rje yin pas na de bzhin gshegs pa thams cad kyi sku dang gsung dang thugs rdo rje ste/de'i rang bzhin ni ngo bo nyid do/ /de'i ngo bo nyid gang zhig yin zhe na/ rdo rje'i dbyibs zhes bya ba gsungs te/ rdo rje'i dbyibs ni rdo rje'i gzugs so/ /de lta bu'i rdo rje'i dbyibs su gyur nas/ de bzhin gshegs pa thams cad kyi thugs ka nas byung ste/ phyag gnyis su gnas so zhes bya ba 'di'i don gyis na spro ba dang bsdu ba mdzad nas zhes ston pa yin no//de nas zhes bya ba la sogs pa la rdo rje lta bu ni rdo rje dang 'dra ba'o/ /gzugs sna tshogs pa ni dbyibs sna tshogs pa'o/ /kha dog sna tshogs pa ni sngon po la sogs pa'i kha dog ste/ de yang sna tshogs pa ni sna tshogs pa'i gzugs can yin pa'i phyir ro//de ltar byung ba'i 'od zer de rnams ji srid cig gi mthar 'byung zhe na/ 'jig rten gyi khams thams cad du snang bas khyab par byed par 'byung ngo zhes bya ba gsungs te/ 'jig rten gyi khams thams cad du snang ba ni khyab pa ste/ de lta bu yin pas na 'jig rten gyi khams thams cad snang bas khyab par byed pa ste/snang ba ni gsal bar byed pa'o/ /'od zer de dag gi rtse mo las 'jig rten gyi khams thams cad kyi rdul shin tu phra mo snyed kyi zhes bya ba ni 'jig rten gyi khams thams cad kyi rdul phra rab kyi grangs snyed do//chos kyi dbyings smos pa ni 'jig rten las 'das pa'i dpe yin no/ /nam mkha'i khams smos pas ni 'jig rten pa'i dpe yin te/ dpe 'di gnyis kyis 'jig rten gyi khams rab 'byam rgya mtsho'i sprin tshad med pa nyid du ston te/ 'jig rten gyi khams rab 'byam rgya mtsho'i sprin ni chos kyi dbyings dang nam mkha'i khams bzhin du mtha' yas pa'o//rab 'byam ni rgyun la bya ste de rnams kyi tshogs ni sprin no/ /sprin gyi phung po ni rgya mtsho ste/ rgya mtsho'i sgras ni grangs mtha' med pa nyid du ston te rgya mtsho de dag tu sangs rgyas kyi bya ba mdzad do zhes bya bar sbyar ro/ / dgos pa ci zhig gi phyir sangs rgyas kyi mdzad pa de la 'jug par mdzad ce na/ de'i phyir de bzhin gshegs pa thams cad kyi mnyam pa nyid kyi ye shes mngon par shes pa mngon par byang chub pa zhes bya ba gsungs te/ de bzhin gshegs pa thams cad kyi mnyam pa nyid kyi ye shes can yin pas na/de bzhin gshegs pa thams cad kyi mnyam pa nyid kyi ye shes te/ mnyam pa nyid ni stong pa nyid do/ /mnyam pa nyid kyi ye shes nyid mngon par shes pa'o/ /de'i shin tu mngon par byang chub pa ni mngon par byang chub pa ste/ yang dag par thugs su chud pa'o//da ni thugs su chud pas 'jig rten gyi khams thams cad du sangs rgyas kyi mdzad pa rdzogs par mdzad pa rim pa ji lta ba bzhin du ston te/ re zhig dang po kho nar de bzhin gshegs pa thams cad du gtogs pa'i ma skyes pa'i byang chub kyi sems bskyed pa ni byang chub kyi sems chen po bskyed pa ste/byang chub kyi sems chen po smos pa ni/ nyan thos la sogs pa'i byang chub la ltos pa yin no/ /byang chub kyi sems kyi 'og tu spyod pa 'byung bas kun du bzang po zhes bya ba la sogs pa gsungs te/ thams cad du yongs su dag pas na kun du bzang po ste de'i spyod pa'o/ / de yang sa dang pha rol tu phyin pa la sogs pa dbye ba rnam pa sna tshogs pas bskyed pa ni rdzogs par byas pa'o/ /spyod pa yongs su rdzogs par gyur na bsod nams dang ye shes kyi tshogs yongs su rdzogs pa'i phyir de bzhin gshegs pa thams cad kyi rigs mnyes par mdzad de/ de bzhin gshegs pa thams cad kyi rigs ni de bzhin gshegs pa thams cad kyi rigs te/sangs rgyas dang byang chub sems dpa' thams cad do/ /de yang 'gro ba ngan pa rnams su thugs rje'i dbang gis thim pas na rigs so/ /de mnyes par bya ba ni yongs su dgyes par bya ba'o/ /de'i 'og tu byang chub kyi snying po chen po zhes bya ba 'dzam bu'i gling dang 'og min gyi gnas so//der gshegs pa ni bzhud pa'o/ /bdud ni phung po dang 'chi bdag dang lha'i bu'i dang nyon mongs pa'i bdud rnams te/ gsod pa'i phyir bdud de/ dge ba'i srog gi bar du gcod par byed pas so/ /de rnams 'dul ba ni tshar gcod par mdzad pa'o//de bzhin gshegs pa thams cad kyi mnyam pa nyid kyi mtshan nyid kyi byang chub chen por mngon par byang chub pa ni thugs su chud pa'o/ /dam pa rnams kyi chos yin pas dam pa'i chos so/ /'di nyid gdul bya rnams kyi rgyud la 'jug par mdzad pas 'khor lo ste/ lan gsum du rnam pa bcu gnyis su yongs su bskor bar mdzad pa'o//de yang sdug bsngal yongs su shes par bya zhes pa dang / yongs su shes pa dang / yang shes par byar med pa dang / lan gsum du bzlas pa 'di ni bden pa re re la yang yod de/ kun 'byung spang bar bya'o zhes pa dang / spangs pa dang yang spang bar bya ba med pa dang /'gog pa mngon sum du bya ba dang / mngon sum du byas pa dang / yang mngon sum du byar med pa dang / lam bsgom par bya ba dang / bsgoms pa dang / yang bsgom par bya ba med pa'o zhes bya ba ste 'di dag ni rnam pa bcu gnyis so/ /yang na sems can skal pa ji lta ba bzhin du dkyil 'khor gyi 'khor lo bskor ba'o//'jig rten gyi khams lus pa med pa rnams su sems can gyi khams ma lus pa rnams ngan song la sogs pa las yongs su skyob cing 'don par mdzad la/ phan pa ma yin pa la zhugs pa rnams de las bzlog ste phan 'dogs par mdzad pa ste/phan pa zhes bya ba'i sgras ni ma 'ongs pa'i bde bar 'gyur ba'i bsod nams bya'o/ /bde ba zhes bya ba ni da ltar gyi tshe 'di la 'byung ba chen po'i dbang po tshim pa'i rang bzhin gyi tshor ba'o/ /thams cad ces smos pa ni re re bzhin yang sbyar bar bya'o/ /de bzhin gshegs pa thams cad kyi ye shes ni de bzhin gshegs pa thams cad kyi ye shes te/de nyid ni mngon par shes pa yin la/ dngos grub dam pa yang de dag nyid yin te/ de grub pa la sogs pa zhes bya ba la grub pa ni bskyed pa'o/ /sogs pa'i sgras ni rjes su bstan pa'i cho 'phrul dang / bsam gtan dang mngon par shes pa dang /gzugs med pa rnams bskyed pa gzung ngo / /'phel bas na rdzu 'phrul te/ sems kyi 'byor pa nam mkha' la 'gro ba la sogs pa'o/ /cho 'phrul rnams ni mthu yang dag par ston pa ste/ ji ltar bcom ldan 'das grong khyer du 'jug par mdzad pa na long ba rnams kyis mig thob pa dang /'on pa rnams kyis sgra thos pa dang / gcer bu rnams gos dang bcas par gyur to zhes bya ba la sogs pa bstan cing gsal bar mdzad nas/ bcom ldan 'das rnam par snang mdzad kyi thugs la gnas so zhes bya bar sbyar ro/ /bar du zhes bya ba'i sgras ni cho 'phrul chen po dang /mu stegs las rnam par rgyal ba la sogs pa bsdu'o/ /ci zhig tu gyur nas bcom ldan 'das rnam par snang mdzad kyi thugs la bzhugs she na/ rdo rje sems dpa'i ting nge 'dzin ni kun du bzang po yin pa dang zhes bya ba la sogs pa gsungs so/ /'di ji lta bu yin zhe na/gcig tu 'dres pa zhes bya ba gsungs te/ gcig tu zhes bya ba ni cha shas med pa'i rang bzhin te/ chu dang 'o ma bzhin du gcig tu 'dres par gyur pa'o/ /de yang 'dres pa ni brtan pa la bya'o/ /ji ltar na 'di gcig tu 'dres par gyur zhe na/ kun du bzang po yin pa'i phyir gcig tu gyur pa dang /shin tu bstan pa yin pa'i phyir 'dres shing dbyer mi phyed par gyur to zhes bya ba'i don to/ /kun du bzang po'i thugs bskyed pa zla ba'i dkyil 'khor du bzhugs pa ni ye shes kyi gzugs te/ 'di nyid zla ba'i dkyil 'khor las rdo rje'i gzugs su byung nas/ bcom ldan 'das rnam par snang mdzad kyi thugs la gnas shing gcig tu gyur nas/bcom ldan 'das kyi ting nge 'dzin gyi dbang gis spro ba dang sdud pa rnams bstan nas thugs ka nas byung ste/ rdo rje'i gzugs su bcom ldan 'das kyi phyag la gnas la/ de las 'od zer gyi gzugs su byung ba dang / de las kyang sangs rgyas kyi sku grangs med pa byung ste/ sems can gyi skal ba ji lta ba bzhin du 'jig rten gyi khams thams cad sangs rgyas kyi mdzad pa ji lta ba bzhin rnams mdzad nas slar 'dus te gcig tu 'dres par gyur nas/ byang chub sems dpa' chen po kun du bzang po'i sku'i tshul gyis thugs la gnas nas ci zhig mdzad ce na/ched du brjod pa 'di ched du brjod do zhes bya ba 'di gsungs te/ dris pa'i lan ni lung bstan pa zhes bya ba la/ dgos pa'i dbang gis ma dris par smras pa ni ched du brjod pa ste ched du brjod pas na ched du brjod pa'o/ /ched du brjod pa ci zhig brjod ce na/ e ma'o bdag ni rang byung ba'i/ /zhes bya ba la sogs pa gsungs te/ e ma'o zhes bya ba ni ngo mtshar skye ba'o/ /bdag nyid ces bya ba ni bdag nyid ston par byed pa'o/ /gang gi zhe na/ rang byung zhes bya ba ste/ rang nyid byung bas na rang byung ste/ sangs rgyas so/ /thams cad du bzang bas na kun du bzang po'o//sems dpa' ni sems so/ /brtan pa ni mi phyed pa'o/ /de ni gtan tshigs gang gi phyir bdag rang 'byung gi sems dpa' yin pa de'i phyir brtan pa ste mi phyed pa'o/ /gang gi phyir brtan pa des na/ lus min yang zhes bya ste/ sems ni gzugs can ma yin pas na lus ma yin du zin kyang /sems dpa'i lus su gyur pa yin zhes bya ba ste/ sems kyi lus gzugs can nyid du gyur pa ni e ma'o ngo mtshar che'o zhes ston to/ /de ni bcom ldan 'das 'di don gang gi phyir ji skad du smra ba'i phyir gyis byang chub sems dpa'i skur sprul pa de'i las la sbyar bar bstan pa'i phyir/ de nas zhes bya ba la sogs pa'i gzhung lhag ma rnams gsungs pa yin te/ de bzhin gshegs pa thams cad kyi spyan snga ni mdun du ste/ de nas bcom ldan 'das mi bskyod pa dang / rnam par snang mdzad kyi spyan snga ste/ mdun na sngar bshad pa'i zla ba'i dkyil 'khor la gnas par gyur nas zhes bya ba'i dkyil 'khor la bzhugs nas byang chub sems dpa' chen po'i sku'i las la sbyar ba la pha la bu bzhin du bka' nod par gyur to//'di zhal bzhi pa yin pas na gnyis ka yang mngon sum du lta bas bzhugs pa yin no/ /sngar ting nge 'dzin gyi snying po dang phyag rgya dang sems dpa' rnams sprul pa mdzad pa yin la/da ni de'i las la sbyar ba la yang ting nge 'dzin gyi dbang nyid kyis bya'o zhes bstan par bya ba'i phyir/ de nas zhes bya ba la sogs pas ting nge 'dzin gzhan ston pa yin no/ /de nas bcom ldan 'das zhes bya ba ni bshad zin to/ /de bzhin gshegs pa thams cad kyi ye shes yin pas na de bzhin gshegs pa thams cad kyi ye shes te de nyid ni dam tshig tu gyur pa'i rdo rje yin pas na/de bzhin gshegs pa thams cad kyi ye shes kyi dam tshig gi rdo rje'o/ /de'i ting nge 'dzin gang gis stsol bar mdzad pa'i ting nge 'dzin de la yang ming de skad ces bya ba nyid yin te/ de bas na de bzhin gshegs pa thams cad kyi ye shes kyi dam tshig rdo rje zhes bya ba de la snyoms par zhugs shing mngon sum du mdzad nas/rdo rje de byang chub sems dpa' chen po kun du bzang po'i lag pa gnyis su byin no zhes bya bar sbyar ro/ /de ci'i phyir zhe na/ ji skad du bshad pa'i dngos grub kyi 'bras bu'i rgyu nyid kyi phyir ro//de bzhin gshegs pa thams cad dang 'brel pa'i tshul khrims ni rnam par smin pa bsil ba yin pas na tshul khrims so/ /de yang rnam pa gsum ste so sor thar pa'i sdom pa'i tshul khrims dang / dge ba'i chos thams cad sdud pa'i tshul khrims dang /snying rjes sems can gyi don gyi bya ba bsgrub pa'i sems can gyi don bya ba'i tshul khrims so/ /ting nge 'dzin ces smos pas ni bsam gtan dang gzugs med pa rnams bzung ngo / /shes rab ces bya ba ni chos rab tu rnam par 'byed pa'o/ /'di dag ni bslab pa rnam pa gsum yin te/tshul khrims ni lhag pa'i tshul khrims kyi bslab pa'o/ /ting nge 'dzin ni lhag pa'i sems kyi bslab pa'o/ /shes rab ni lhag pa'i shes rab kyi bslab pa ste/ bslab pa de lta bu la gnas pa'i rnal 'byor pa rnams la ni rnam par grol ba gsal bar 'gyur zhing / 'dod chags la sogs pa'i nyon mongs pa rnams las sems rnam par grol bas na sems rnam par grol ba'o//sems rnam par grol ba rnams ni rnam par grol ba'o zhes ye shes mthong ba la 'jug pas na rnam par grol ba dang / ye shes mthong ba ni rnam par grol ba'i ye shes mthong ba ste/ 'di dag ni zag pa med pa'i phung po lnga zhes bshad do//chos kyi 'khor lo bskor ba zhes bya ba ni bshad zin to/ /sems can gyi don bya ba la zhes pa la/ las dang nyon mongs pa'i dbang gis 'khor bar chags pa'i phyir na sems can no/ /de rnams kyi gang 'dod cing don du gnyer ba de byed pa ni sems can gyi don bya ba'o//bsams pa'i don myur du byed pas thob par byed pas na thabs te/ shes rab kyi khyad par 'ga' zhig la bya la/ thabs chen po zhes bya ba ni thabs kyang yin la chen po yang yin pas na thabs chen po'o/ /stobs zhes smos pa ni gnas dang gnas ma yin pa mkhyen pa'i stobs dang /'chi 'pho dang skye ba mkhyen pa'i stobs dang / zag pa zad pa mkhyen pa'i stobs dang / sngon gyi gnas rjes su dran pa mkhyen pa'i stobs dang / dbang po mchog dang mchog ma yin pa mkhyen pa'i stobs dang / khams sna tshogs pa mkhyen pa'i stobs dang / thams cad du 'gro ba'i lam mkhyen pa'i stobs dang / rdzu 'phrul dang / mngon par shes pa mkhyen pa'i stobs dang / mos pa sna tshogs mkhyen pa'i stobs dang / smon lam mkhyen pa'i stobs ni bcu pa'o/ /sku'i stobs kyang tshad med pa yin par shes par bya'o/ /brtson 'grus ni dge ba'i chos rnams la spro ste/brtson 'grus 'ba' zhig grogs gyur pas/ /go 'phang bla na med pa brnyes/ /zhes ji skad bshad pa lta bu'o/ /ye shes kyang yin la chen po yang yin pas ye shes chen po ste/ don thams cad la khyab pas thams cad mkhyen pa'i ye shes la bya bar gzung ste/de lta bu'i yon tan dang ldan pa'i rdo rje ni dam tshig ces bya ba'i sgrar bshad do/ /de yang ci'i phyir byin zhes rtog pa la sems can gyi khams ma lus shing lus pa med pa zhes bya ba la sogs pas gang gi phyir stsal ba de ston pa yin te/ 'jig rten gyi khams ma lus pa rnams su sems can gyi khams lus pa med pa yongs su bskyab pa'i phyir zhes pa ste/yongs su zhes kun nas bskyab pa'i phyir yongs su bskyab pa ste/ ngan 'gro dang 'khor ba'i nyon mongs pa'i dgra rnams las sems can gyi khams te/ sems can gyi rigs yongs su skyob cing skyong ba'i don gyis na yongs su bskyab pa'o//ci don gyi bya ba 'di tsam 'ba' zhig mdzad dam zhe na/ thams cad kyi dbang por bya ba dang zhes bya ba gsungs te/ thams cad du bdag por mdzad pas na thams cad kyi dbang por bya ba ste/ bla na med pa'i chos kyi rgyal po thob par mdzad pa'o/ /thams cad kyi bdag por mdzad pa 'ba' zhig tu ma zad kyi gzhan yang thams cad kyi bde ba dang yid bde ba myong bar bya ba zhes bya ba gsungs te/bde ba dang yid bde ba ni 'jig rten dang 'jig rten las 'das pa ste/ de myong bar bya ba ni kun du tshor bar bya ba'o/ /'dis ni nyid kyi don yongs su rdzogs par bya ba bstan pa yin la/ snga mas ni gzhan gyi don yongs su rdzogs par bstan pa yin no//ji skad du smos pa'i yon tan rnams ma lus par smras pa ma yin pas na bar du zhes pa'i sgras ni ma smras pa'i phan yon rnams yang dag par bstan pa'i phyir te/ yon tan de rnams dang sa dang pha rol tu phyin pa dang / dran pa nye bar gzhag pa nas ji srid de bzhin gshegs pa thams cad kyi mnyam pa nyid kyi ye shes mngon par shes pa'i mthar thug gi bar 'di ni bla na med pa'i theg pa chen po'o//de'i yon tan gyi tshogs ma lus pa 'di mngon par rtogs pa ni thugs su chud pa ste/ de nyid ni dngos grub kyi mchog go//de thob pa ni rnyed pa'o/ /de nyid ni 'bras bu ste de dag gi phyir rdo rje ste byang chub sems dpa' chen po kun du bzang po'i sngar bsgrub pa'i lag par sbyin no zhes bya bar sbyar ro/ /gang gi dbang du mdzad nas rdo rje de de la byin zhe na/ de bzhin gshegs pa thams cad kyi 'khor los sgyur ba nyid du zhes bya ba gsungs te/de bzhin gshegs pa thams cad kyi 'khor lo yin pas na/ de bzhin gshegs pa thams cad kyi 'khor lo ste 'khor gyi dkyil 'khor ro/ /de bsgyur ba'i ngang tshul mnga' bas na de bzhin gshegs pa thams cad kyi 'khor los sgyur ba ste/ bsgyur ba ni sangs rgyas kyi byin gyi rlabs kyis rim bzhin du sprul pa'o//de'i ngo bo nyid yin pas na de bzhin gshegs pa thams cad kyi 'khor los sgyur ba nyid do/ /de'i dbang du mdzad nas zhes bya ba'i don to/ /ci zhig mdzad nas she na/ yid bzhin gyi zhes bya ba gsungs te/ de dbang bskur ba ni bskur sti bya ba'o//ci zhig gis dbang bskur zhe na/ de bzhin gshegs pa thams cad kyi sku zhes bya ba la gsungs te/ de bzhin gshegs pa thams cad kyi sku yin pas na de bzhin gshegs pa thams cad kyi sku ste/ de nyid rin po che yin pas na de bzhin gshegs pa thams cad kyi sku rin po che ste/de ni dbu rgyan yin pas na de bzhin gshegs pa thams cad kyi sku rin po che'i dbu rgyan te des dbang bskur ba'o/ /de 'ba' zhig tu ma zad kyi cod pan bcings pas kyang dbang bskur ba ste/ cod pan ni zheng du khru gang chur ni khru nyi shu rtsa lnga'i dar dkar po ste/ des mgo la dbu rgyan du rtsa bar ze'u ka mang du dkris la ngos gnyis kyi rna ba'i steng du bcug ste/gyen du sor bzhi tsam phyung nas nam mkha' lding gi gshog pa lta bur byas la/ lhag ma'i mtha' ma byin pa la thug gi bar du brkyang ba ni cod pan bcing ba ste des dbang bskur nas de bzhin gshegs pa thams cad kyi zhes bya ba rnam par snang mdzad kyis bsgrubs pa'i phyir dang /de bzhin gshegs pa thams cad pa'i rdo rje sems dpa' ste/ des bsgrubs pas 'og nas bshad pa rnams kyi rdo rje de las grub pas na de ni grub pa'i rdo rje zhes bya'o/ /de zhes bya ba ni sngar bsgrubs pa'i de bzhin gshegs pa thams cad dang 'brel pa ste byang chub sems dpa' chen po de'i lag tu byin pa'o//lag par zhes bya ba 'dis ni rje sar bya ba bstan te/ sems dpa' rin po che de la 'jig rten pa rnams gus pa bskyed pa'i phyir ro/ /'di yang rdo rje'i dbang bskur ba ste gsum pa'o/ /de'i rjes thogs la de la dbang bskur ba gang zhig byin zhe na/ming gi dbang bskur ro zhes gsungs te/ phyag na rdo rje mnga' bas na phyag na rdo rje ste/ 'dis ni de bzhin gshegs pa thams cad kyis ming gi dbang bskur ba yin no/ /de nas zhes bya ba ni de'i rjes thogs la ste/ byang chub sems dpa' sems dpa' chen po lag na rdo rje dbang bskur ba'i rjes thogs nyid la ci zhig mdzad ce na/g.yon pa rdo rje bsgyings pa gsor ba nyid kyis phyag g.yas pas rdo rje de nyid kyi thugs kar gtod pa'i tshul du 'dzin cing ched du brjod pa 'di ched du brjod do zhes bya ba smos te/ g.yon pa rdo rje zhes bya ba ni g.yon gyi rdo rje khu tshur ro//de'i bsgyings pa ni mngon pa'i nga rgyal can du ston pa ste/ 'khor los sgyur ba'i dbang thob pas zla med par ston pa dang / 'jig rten gsum po gang gis kyang bdag zil gyis mi non pa'o/ /ji lta zhe na/ dper na 'khor los sgyur ba rang gi yul na zla med par ston pa dang 'dra'o/ /gsor ba ni g.yon pa'i rdo rje zhes bya ba g.yon pa'i rdo rje khu tshur de sta zur gyi g.yon phyogs su bzhag la dkur 'degs pa ste/lhas byin la sogs pa gzhan 'ga' zhig kyang rdo rje sems dpa'i dbang gis dbang bskur la/ des kyang 'di ltar sku dang gsung dang thugs rdo rje la lhag par mos nas gnas na 'jig rten gsum gyis kyang lung bsgo ba spyi bos len par 'gyur ro//phyag g.yon pa'i rdo rje bsgyings pa gsor ba ni phyag g.yon pa'i rdo rje bsgyings pa gsor ba ste de ngo bo nyid yin pas na g.yon pa'i rdo rje bsgyings pas gsor ba nyid yin la de'i rgyur gyur pas rdo rje phyag g.yas pas nyid kyi thugs kar zla ba'i dkyil 'khor la 'degs pa'i tshul gyis zhes gyen du 'jog pa'i tshul gyis 'dzin par mdzad cing 'jog pa ste/de ltar 'jog pa 'dis bde ba dang yid bde ba thob par ston pa dang / bdag nyid la de bzhin gshegs pa thams cad kyi phyag rgyas rgyas btab pa nyid du ston pa yin no//'di skad ston te/ ji ltar de bzhin gshegs pa thams cad zla ba dang rdo rje dang phyag rgya las yongs su grub nas 'jig rten gsum gyi bla mar gyur pa'i bka' las ni 'da' bar bya ba ma yin no/ /de bzhin du bdag kyang de rnams kyi sems dpa'i rdo rje phyag rgyas rgyas btab pa yin pas bdag kyang 'jig rten gsum gyi bla ma yin pas/de'i bsgo ba yang sems can thams cad kyis 'da' bar mi bya ba yin no/ /gang sems can gzhan dag gis kyang phyag rgya 'di dag yang dag par rang gi snying ga'i zla ba'i dkyil 'khor la shin tu bsgom par byas nas/ de yang 'jig rten gsum gyi bla mar 'gyur zhing lung bsgo ba tsam gyis kyang 'jig rten gsum dbang du byed par 'gyur ro//phyag rgya de de ltar 'dzin cing 'di ci zhig mdzad ce na/ ched du brjod pa 'di ched du brjod do zhes gsungs te/ ched kar brjod pas na ched du brjod pa ste/ thugs la mnga' ba'i don ma zhus kyang brjod pa ni ched du brjod pa'o zhes ston pa yin no//'di zhes bya ba ni phyag gi mthil la gnas pa'o/ /de zhes bya ba ni gang las bdag sngar skyes pa'o/ /su zhig gi 'di zhe na/ sangs rgyas kun gyi zhes bya ba gsungs so/ /sangs rgyas kun gyi ci zhig ce na/ grub pa'i rdo rje zhes bya ba gsungs te/dngos kyi don gyi rdo rje ni grub pa'i rdo rje'o/ /rdo rje grub pa gzhan rnams kyis kyang grub pa'i rdo rje srid do zhe na/ de las khyad par du bya ba'i phyir bla na med pa zhes bya ba gsungs te/ thams cad mkhyen pa'i ye shes kyi rdo rje yin gyi/ tha mal pa ma yin no zhes ston pa yin no/ /bdag ste zhes bya ba 'dis ni rdo rje 'di dang bdag la tha dad du bya ba med de/de las skyes pa'i phyir zhes ston te/ de gang gi lag tu byin zhe na/bdag gi lag tu byin zhes bya ba gsungs te/ 'di las tha mi dad pas so/ /de nyid kyi phyir/ rdo rje la ni rdo rje gnas/ /zhes bya ba gsungs so/ /sems dpa'i rdo rje la phyag rgya'i rdo rje gnas pa'o//'di skad ston te/ bdag gang yin pa de ni bdag gi phyag rgya yin la/ bdag gi phyag rgya gang yin pa de ni bdag yin no zhes ston to/ /ji ltar ting nge 'dzin 'di la snying po bskyed pa dang / snying po las phyag rgya'i dbye ba bskyed pa dang / phyag rgya bsdus pa las spro ba dang /bsdu ba dang / rnam par snang mdzad kyi phyag na gnas pa dang / de las 'od zer byung ba dang / de rnams las sangs rgyas kyi sku bskyed pa dang / de rnams kyis kyang 'jig rten gyi khams thams cad du sangs rgyas kyi mdzad pa mdzad nas/ slar 'dus te sems dpa'i gzugs su gyur nas sangs rgyas kyi gzugs su gnas pa dang /ched du brjod pa gsung pa dang / /nyid kyi gdan la bzhugs pa dang / yang ting nge 'dzin gyis dbang bskur ba dang / phyag rgya byin pa dang / ming btags pa dang / nyid kyi phyag rgya'i las bstan pa dang / yang ched du brjod pa gsungs pa bzhin du 'og nas 'byung ba'i sems dpa' bco lnga la yang gal te kha cig tu gzhung mangs kyis dogs nas cung zad las ma smos mod kyi/de lta na yang don gyi go rims 'di ji lta ba bzhin du rgyas par khong du chud par bya'o/ /dkyil 'khor du gdul bya rnams kyi byang chub kyi sems yang dag par sbyang ba'i phyir de bzhin gshegs pa thams cad kyi byang chub kyi sems ni rdo rje sems dpa' nyid du bzhag pa yin no//byang chub tu sems bskyed nas ni sems can rnams bsdu dgos pas de'i thabs su gyur pa bsdu ba'i dngos po bzhi'i ngo bo nyid kyi sems dpa'i snying po dang / phyag rgya la sogs pa bskyed par bya ba'i phyir de nas zhes bya ba la sogs pa gsungs te/de nas bcom ldan 'das zhes bya ba ni bshad zin to/ /yang zhes bya ba ni phyag rgya gzhan bskyed pa'i phyir ro/ /gdon mi za ba zhes bya ba ni rang gi las rnams la don yod par mdzad pa'o/ /las de nyid kyis gzhan rnams las bdag por gyur pa'i phyir rgyal po ste/gdon mi za ba yang yin la rgyal po yang yin pas na gdon mi za ba'i rgyal po'o/ /gdon mi za ba'i rgyal po yang yin la byang chub sems dpa' chen po yang yin pas na/ byang chub sems dpa' chen po gdon mi za ba'i rgyal po ste/ byang chub kyi sems zhes bya ba'i don to//de'i dam tshig ni snying po dang phyag rgya la sogs pa la byang chub sems dpa' chen po gdon mi za ba'i rgyal po'i dam tshig ces bya'o/ /de gang las byung ba'i sems dpa'i khyad par gang yin pa de ni byung ba'i sems dpa' ste/ de byin gyis brlab cing brtan par bya ba'i phyir rdo rje ste don dang mthun pa'i ming 'di nyid ces bya ba'i ting nge 'dzin gang yin pa'i ting nge 'dzin de la snyoms par bzhugs pa ni mngon sum du mdzad pa'o//spyan drang ba'i dam tshig ces bya ba ni spyan drang ba la dam tshig yin pas na spyan drang ba'i dam tshig ste/ bsdu ba'i dngos po bzhi'i ngo bo nyid do/ / dam tshig gi sgra ni 'dir spyan 'dren pa'i snying po dang / phyag rgya nyid la ming 'di skad ces bya ba nyid yin te/ sems can thams cad yongs su smin par bya ba'i phyir/ de bzhin gshegs pa thams cad kyi thugs la gnas pas na 'di'i yon tan la ming de skad ces btags pa yin no/ /'di zhes bya ba ni thugs la gnas pa'o//bcom ldan 'das phyag na rdo rje de nyid de zhes bya ba la sogs pa la/ gang sngar kun du bzang po nyid du bshad pa de nyid kyi phyag na rdo rje rab tu gnas pas na phyag na rdo rje zhes bya'o/ /de bzhin gshegs pa thams cad kyi lcags kyu chen po zhes bya ba ni las dang rjes su mthun par phyag rgya'i sprul pa bstan pa yin te/de bzhin du ting nge 'dzin des byin gyi rlabs kyi dbang dang smon lam dang ye shes kyi dbang gis gcig tu 'dus par gyur te byung nas bcom ldan 'das kyi phyag gnyis su gnas par gyur pa ste/ de la gnas zhes bya ba'i don to/ /spyan drang ba la sogs pa zhes smos pa ni 'di'i phrin las spyan drang ba gtso bo yin pa'i phyir te/spyan drang ba ni bod pa'o/ /de yang snga ma ni byang chub kyi sems yang dag par sbyang ba gtso bo yin pa'i phyir ro/ /sangs rgyas rnams kyi rdzu 'phrul yin pas na sangs rgyas thams cad kyi rdzu 'phrul te/ nam mkha' la 'gro ba la sogs pa ste/sems kyi 'byor pa la mnga' brnyes zhes bya ba'i don to/ /cho 'phrul ni rnam par 'phrul pa ste/ ngo mtshar dpag tu med par ston par mdzad pa'o/ /rdzu 'phrul dang cho 'phrul ni rdzu 'phrul dang cho 'phrul te/ de rnams byas nas so/ /rdo rje sems dpa'i ting nge 'dzin zhes bya ba ni bsam pa'i don chud mi zos pa'i 'bras bur gyur bas na rdo rje sems dpa'i ting nge 'dzin zhes bya ba'i don to//gdon mi za ba'i rgyal po zhes bya ba ni rab tu gdon mi za bas na shin tu gdon mi za ba'o/ /shin tu gdon mi za ba yang yin la rgyal po yang yin pas na shin tu gdon mi za ba'i rgyal po ste/ de'i ngo bo nyid ni gdon mi za ba'i rgyal po nyid yin pa'o/ /shin tu gdon mi za ba'i rgyal po nyid yin pas na rdo rje sems dpa'i ting nge 'dzin to zhes bya ba'i don to/ /'dis ni mang po yang 'bras bu'i ngo bo nyid gcig pa nyid yin par ston to/ /shin tu brtan pa'i phyir zhes bya ba nyid kyis ni 'dres pa nyid brtan pa ste/de bas na gcig tu 'dres par gyur to zhes gsungs so/ /gcig tu 'dres par gyur nas ci zhig tu gyur zhe na/ de'i phyir byang chub sems dpa'i lus su gyur nas zhes bya ba gsungs pa yin no/ /e ma'o zhes bya ba ni ngo mtshar du gyur pa ste/ gang gi phyir rdo rje las byung ba'i lcags kyu zhes bya ba la 'jig rten na rgyu 'dra ba las 'bras bu 'dra ba nyid du 'byung bar snang na/'dir rdo rje las lcags kyu 'byung ba ni 'bras bu mi 'dra bar byung bas ngo mtshar che'o/ /'di skad ston te/ rnal 'byor pa rnams kyi sems kyi dbang gis 'di dag 'byung bas na/ bcom ldan 'das kyis rnal 'byor pa rnams kyi rnal 'byor gyi yul ni bsam gyis mi khyab pa'o zhes bya ba gsungs pa de ni legs par gsungs pa yin no//bdag ces bya ba 'dis ni de las byung ba yin pa'i phyir lcags kyu dang tha mi dad pa nyid du ston te/ ngo mtshar du gyur pa'i lcags kyu des ngo mtshar ci zhig byed ce na/gang gi phyir kun du zhes bya ba la sogs pa gsungs te/ gang gi phyir sangs rgyas ni thams cad du khyab cing kun du son pa'i de bzhin gshegs pa rnams kyang thams cad du khyab pa ltar spyan 'dren pa ni mdzad pa'o/ /de bzhin gshegs pa rnams ji ltar spyan drang zhe na/ rnal 'byor ba rnams kyi sems kyi dbang gis te/de'i ting nge 'dzin la gnas nas/ de bzhin gshegs pa rnams ji ltar lhag par mos par byas pa de lta bu'i rnam pa nyid du byon zhing mthong ba dang / ston par yang mdzad do/ /ci'i phyir spyan drang zhe na/ grub pa'i phyir zhes bya ba gsungs te/gdul bya rnams kyi mngon par 'dod pa'i don grub par bya ba'i phyir zhes bya ba'i don to/ /de bzhin gshegs pa thams cad kyi g.yas phyogs kyi zla ba'i dkyil 'khor la gnas nas zhes bya ba la/ de bzhin gshegs pa thams cad ces bya ba'i sgras ni 'dir bcom ldan 'das mi bskyod pa gzung ste/de'i g.yas phyogs kyi zla ba'i dkyil 'khor la gnas pa'o/ /yang zhes bya ba ni rdo rje sems dpa' la ltos pa'o/ /bka' nod cing bzhugs par gyur to zhes bya ba ni rang gi las la sbyor bar gsol ba 'debs so zhes bya ba'i don to/ / sngar rdo rje sems dpa'i gzugs kyi bka' nod pa ni byang chub kyi sems yang dag par sbyang ba'i phyir yin la/ da ltar ni de bzhin gshegs pa thams cad spyan drang ba'i phyir bka' nod pa yin no/ /de nas zhes bya ba la sogs pa de bzhin gshegs pa thams cad spyan 'dren pa yin pas/ de bzhin gshegs pa thams cad spyan 'dren pa ste/spyan 'dren pa ni 'gugs pa'o/ /de'i dam tshig ni lcags kyu'i phyag rgya'o/ /de nyid ni mi phyed pa'i don gyis na rdo rje ste/ ting nge 'dzin gang la de dmigs par gyur pa'i ting nge 'dzin de la ming de skad ces bya'o/ /ting nge 'dzin de la snyoms par zhugs nas de'i lag par de bzhin du byin no zhes bya bar sbyar ro//ci zhig byin zhe na/ de bzhin gshegs pa thams cad spyan 'dren pa'i dam tshig ces bya ba gsungs so/ /ci'i phyir byin zhe na/ spyan drang ba'i phyir zhes pa'o/ /bar du zhes bya ba'i sgras ni don grub pa la sogs pa gzung ngo / /de bzhin gshegs pa thams cad kyi thams cad 'du ba ni 'dus par mdzad pa ste/de'i byin gyis brlabs pa ni de byed pa'o/ /'du ba'i byin gyis brlabs pa nyid dngos grub pa ste/ de'i phyir gdon mi za ba'i rgyal po de la byin pa'o/ /ci zhig mdzad nas she na de bzhin du zhes bya ba gsungs te/ 'dis ci zhig ston ce na/ de bzhin gshegs pa'i sku'i rin po che'i dbu rgyan dang cod pan gyis dbang bskur bar ston to/ /de bas na phyag rgya'i dbang bskur ba'i rjes thogs la ming gi dbang bskur ba ni rdo rje 'gugs pa zhes gsungs pa yin te/ 'gugs par byed pas na 'gugs pa'o/ / rdo rje bzhin du 'gugs pa mi 'da' ba'i don gang yin pa de ni rdo rje 'gugs pa'o/ /yang na 'dis 'gugs pas na 'gugs pa ste/ rdo rje lcags kyu'i phyag rgya'o/ /rdo rje las 'gugs pa gang yin pa de ni rdo rje 'gugs pa ste/ rdo rje ni byang chub kyi sems yin la de las byung ba'i phyir ro/ /de nas zhes bya ba la sogs pa la rdo rje lcags kyu des de bzhin gshegs pa thams cad spyan drang zhing bsdus nas ci zhig byed ce na/ched du brjod pa 'di ched du brjod do zhes bya bar sbyar te/ ched du brjod pa zhes bya ba 'di bshad zin to/ /'di zhes bya ba ni lag pa'i mthil la gnas pa'o/ /de zhes bya ba 'dis ni gang las bdag skyes pa zhes pa'i don to//de gang zhe na/ rdo rje ye shes bla med pa/ /zhes bya ba ste/ rdo rje ye shes ni mi g.yo ba'i ye shes te/ chos kyi dbyings rab tu rtogs pa'i mtshan nyid can no/ /ye shes de su zhig gi yin zhe na/ sangs rgyas kun gyi zhes bya ba gsungs so/ /ci'i phyir de sangs rgyas yin par bshad ce na/sangs rgyas kun gyi don grub phyir/ /zhes bya ba gsungs so/ /de'i ngo bo nyid ji lta bu yin zhe na/ kun nas spyan drangs dam pa'o/ /zhes bya ba gsungs te/ 'dis kun nas spyan 'dren pas na kun nas spyan drangs zhes bya ste/ lcags kyu'o/ / de yang 'gugs pa gzhan dag las khyad par du gyur pa'i phyir dam pa zhes bya'o/ /don gang gi phyir sangs rgyas kun gyi don thams cad spyan 'dren pa de gang yin zhe na/ sangs rgyas kun gyi gang gdul bya'i sems can rnams kyi don grub pa ste/ de bzhin gshegs pa thams cad kyi yun ring po nas mngon par bzhed pa yin pa'i phyir don de ni/sangs rgyas kun gyi don grub phyir/ /zhes bya'o/ /bsdu ba'i dngos po bzhi'i rang bzhin rdo rje lcags kyus sangs rgyas dang byang chub sems dpa' rnams bsdus pa yin la/ bsdus pa de rnams ni nges par mnyes par bya dgos te/ gzhan du na sangs rgyas dang byang chub sems dpa' rnams bsdus pa la don med pa nyid du 'gyur ro zhes bstan par bya ba'i phyir de nas zhes bya ba la sogs pa sems dpa' gsum pa 'byung ba'i thabs ston pa yin no/ /byang chub tu sems bskyed pa rnams 'khor ba'i sdug bsngal gyis skra gnas/ nyan thos kyi theg pa la zhugs pa rnams de las 'pho bar mdzad pa ni gsod pa zhes bya ste/de bas na gsod par byed pa'i phyir bdud ces bya la byang chub sems dpa' chen po yang yin la/ bdud kyang yin pas na byang chub sems dpa' chen po bdud do/ /de'i dam tshig ni snying po dang phyag rgya yin pas byang chub sems dpa' chen po bdud ces bya ba'i dam tshig go//de las byung ba ni gang las sems dpa' ste/ sems dpa' dang de'i byin rlabs te brtan par bya ba'i phyir rdo rje zhes bya ba'i ting nge 'dzin gang yin pa'i ting nge 'dzin de la snyoms par zhugs pa ni mngon sum du mdzad pa'o//'di zhes bya ba ni thugs la gnas pa'o/ /de gang yin zhe na/ de bzhin gshegs pa thams cad rjes su mnyes par byed pa'i dam tshig ces bya ba gsungs te mnyes par byed pa'i dam tshig ni rjes su chags par byed pa'i mtshan ma ste/ gang gis byang chub sems dpa' nyan thos dang rang sangs rgyas kyi theg pa las bzlog ste/theg pa chen po la 'jug par byed pa'o/ /yang na sems can mi dge ba la zhugs pa rnams dge ba bcu'i las kyi lam la dgod par bya ba'i phyir/ gang gis rjes su chags par byed pa de la rjes su chags par byed pa'i dam tshig ces bya'o/ / de bzhin gshegs pa thams cad kyi snying po zhes bya ba la/ de bzhin gshegs pa thams cad ni sangs rgyas thams cad de/ de rnams kyi thugs la mnga' ba'i don la sems can thams cad rjes su chags par bya ba'i phyir 'di 'di ltar gyur cig ces bya ba'i don 'di sgra gang gis ston par byed pa'i sgra de la yang snying po zhes bya'o//de nyid de zhes bya ba la sogs pa la de zhes bya ba la ni gang sngar rdo rje rgyal por bdag nyid ston par byed pa 'di/ de nyid me tog gi mdar gyur nas zhes bya ba gsungs te/ de bzhin gshegs pa thams cad dang 'brel pa'i me tog gi mda' ste/ me tog gis mtshan pa'i mda' dang bcas pa'i gzhu'i dbyibs su gyur nas byung ba'o//de bzhin gshegs pa thams cad rjes su mnyes par byed pa zhes bya ba la sogs pa la mnyes par byed pa ni sems can gyi don la rgyab kyis phyogs shing nyan thos kyi lam kun du 'dzin pa sngar gsal ba'o/ /rjes su zhes bya ba'i sgras ni phyi nas zhes bya ba'i don to//sems can rnams yongs su smin pa la sogs par byed pa ni rjes su chags par byed pa'o/ /de yang de bzhin gshegs pa thams cad dang 'brel pa yin te/ de bzhin gshegs pa thams cad ces bya ba sangs rgyas bcom ldan 'das rnams dang byang chub sems dpa' rnams gzung la sangs rgyas rnams kyi rjes su mnyes par bya ba ni mngon par rdzogs par sangs rgyas nas thugs las chung ba la thugs gzhol te/chos kyi 'khor lo bskor bar mi mdzad pa la/ sems can rnams kyi don gyi phyir tshangs pas bcom ldan 'das sems can dbang po rno ba yang mchis dbang po 'bring po yang mchis pas chos kyi 'khor lo bskor du gsol zhes bcom ldan 'das la chos kyi 'khor lo bskor ba'i phyir gsol ba btab pa yin la/'di ni sangs rgyas rnams kyi mnyes par bya ba ste/ sems can gyi don mdzad par bzhed pa bskyed pa'o//byang chub sems dpa' rnams kyi yang sems can gyi don la g.yel ba rnams la de la 'dod pa bskyed pa ni rjes su mnyes par bya ba'o/ /sogs pa zhes smos pa ni sngar bshad pa'i byang chub kyi sems sbyong ba ni sogs pa gzung ngo / /shin tu bdud byed pa zhes bya ba ni rang gi las rnams kyi mchog tu mthar phyin pa'o//de nyid kyi phyir gcig tu 'dres par gyur pa ste/ shin tu brtan pa'i phyir gcig tu 'dres par gyur zhes bya ba'i don to/ /ched du brjod pa zhes bya ba la sogs pa la dris pa med par ched du smras pa ni ched du brjod pa'o/ /e ma'o zhes bya ba ni ngo mtshar du gyur pa'o//bdag gi rang bzhin dag ces bya ba ni ngo bo nyid dag pa'i phyir te/ gang gis kyang 'dus byas pa la sogs pas sbyangs pa ma yin no zhes bya ba'i don to/ /khyed ji ltar na rang bzhin gyis dag pa nyid yin te/ gang gi phyir 'jig rten pa'i bu dang chung ma la sogs pa zang zing gi yul gyi longs spyod la chags pa yin pa de ni kun nas nyon mongs pa dang bcas pa dang /mi dge ba'i las kyi lam kun nas slong bar byed pa yin pa'i phyir ro/ /de'i mthong ba'i chos nyid la yang sems can gzhan rnams kyi sdug bsngal ba dang / yid mi bde ba skyed pa'i rang bzhin yin pa'i phyir dang /skye ba gzhan du bdag nyid sdug bsngal ba dang / yid mi bde ba mtha' yas pa'i rgyur gyur pa nyid dang / 'khor bar 'ching ba'i rgyu nyid yin te/ de bas na yongs su ma dag pa yin no zhe na/ gang yang sems can yongs su smin par bya ba la rjes su chags pa de ni rang gi rgyud yongs su dag pa'i rgyu yin la/de yang bdag nyid kyi phyir ma yin gyi sems can de rnams nyid 'khor ba las yongs su sgrol ba'i phyir bla na med pa'i ye shes khong du chud pas bdag nyid snod du rung bar byed pa dang / ma 'ongs pa'i dus su chags pa des sems can rnams kyang skal ba ji lta ba bzhin du 'khor ba las sgrol bar byed cing /rjes su chags par bya bas rang dbang du byas nas dus ji lta ba bzhin du 'khor ba'i longs spyod kyis bsdus te/ yongs su smin par byas nas phyin ci ma log pa'i lung phog pa byin pas thams cad mkhyen pa nyid thob par byed do/ /de bas na bdag dang gzhan gyi rgyud rnam par dag pa'i rgyur gyur pa'i phyir dang /zag pa med pa'i bde ba dang yid bde ba mang po'i rgyur gyur pa'i phyir de la ni rang bzhin gyis dag pa zhes bshad do/ /rjes su chags par byed pas na dgyes par byed pa'o/ /de lta bu de gang gi rjes su chags pa yin zhe na/ rang 'byung zhes bya ba gsungs te/rang 'byung ba'i phyir rang 'byung ste/ sangs rgyas bcom ldan 'das rnams dang / 'byung bar 'gyur ba'i tshul la brten nas/ byang chub sems dpa' rnams la yang bya'o/ /rang 'byung ba rnams kyi rjes su chags pa de lta bu 'di yin par ji ltar shes she na/ gang gi phyir 'dod chags bral rnams zhes bya ba la sogs pa gsungs te/sangs rgyas kyi rigs can gyi gdul bya rnams nyan thos kyi theg par lhung zhing 'dod chags dang bral ba yongs su ma dag pa rnams slar yang theg pa chen po la dgod pa'i phyir 'dod chags kyis gdul bar byed pa'o/ /'di skad ston te/sems can gyi don la rgyab kyis phyogs pa rnams sems can rnams smin pa dang grol bar bya ba'i phyir 'dod chags bskyed ces bya ba'i don to/ /da ni bcom ldan 'das kyis gang gi don du mngon par 'du mdzad pa'i las de la bsnyen bkur sngon du 'jug pas las la sbyar bar gsol ba 'debs pa ni bka' nod cing zhes bya ba 'dis bstan te/bka' ni rang gi las rnams la lung bsgo ba'o/ /de bzhin gshegs pa thams cad mnyes par byed pa la sogs pa la de bzhin gshegs pa thams cad ni sangs rgyas dang byang chub sems dpa' thams cad de/ nyan thos bzhin du 'khor bas kun du skrag pa la phyag rgya'i khyad par gang gis rjes su chags par byas pa'o//de'i byin gyi rlabs ni nyid kyi las rnams la mthu skyed pa ste/ de la brtan par nus pa'i ting nge 'dzin gang yin te de la ni de bzhin gshegs pa thams cad mnyes pa'i byin rlabs rdo rje zhes bya ste/ de skad ces bya ba'i ting nge 'dzin de la snyoms par zhugs shing mngon sum du mdzad nas ci zhig mdzad ces 'dir rtog pa la de bzhin gshegs pa thams cad kyi bdud rdo rje'i dam tshig ces bya ba ste/rdo rje mda' byang chub sems dpa' chen po bdud ces bya ba de'i lag tu byin no zhes bya bar sbyar ro/ de bzhin gshegs pa thams cad kyi bdud rdo rje'i dam tshig ces bya ba la/bdud ni rang dgar 'jug pa las bzlog cing gzhan gyi dbang gi byed pa'o/ /de la rdo rje bzhin du mi phyed pa'i dam tshig gang yin pa de ni bdud rdo rje'i dam tshig go/ /sems can gyi khams ma lus shing zhes bya ba ni bshad zin to/ / bar du zhes bya ba'i sgras ni byang chub kyi sems la sogs pa ma smos pa rnams kyang ston pa yin no/ /de bzhin gshegs pa thams cad kyi bdud kyi las ni sangs rgyas kyi rigs can rnams nyan thos dang rang sangs rgyas kyi theg pa las 'pho bar byed pa dang / sangs rgyas rnams kyang thugs las chung ngu las bskyod par byed pa'o//bdud kyi las de nyid ni dngos grub kyi mchog ste/ de 'thob pa ni dngos grub kyi mchog thob pa'o/ /de nyid ni 'bras bu yin pas na dngos grub kyi mchog thob pa'i 'bras bu'o/ /de dag gi phyir de bzhin du de bzhin gshegs pa'i rin po che'i dbu rgyan dang cod pan gyi dbang bskur ba byin no zhes bya ba ste/stsal to zhes bya ba'i don to/ /de bas na phyag rgya'i dbang bskur ba'i rjes la ming gi dbang bskur ba bstan pa'i phyir/ rdo rje gzhu zhes bya ba gsungs te/ 'dis sngar gzhu zhes ma smos su zin kyang mda' de gzhu med par des de'i las mi srid pa'i phyir mda' zhes smos pas gzhu ma smos su zin kyang don gyis smos pa kho na yin par ston to//de bzhin gshegs pa thams cad la bdud byed cing zhes bya ba ni/ sangs rgyas kyi rigs dang ldan pa rnams nyan thos kyi theg pa las 'pho bar byed pa'o/ /ci zhig ce na/ ched du brjod pa 'di ched du brjod do zhes bya ba ste/'di zhes bya ba ni lag mthil na gnas pa'i mda'i gzugs so/ /'di ci zhig yin zhe na/ 'dod chags kyi ye shes so/ /su zhig gi zhe na/ sangs rgyas kun gyi'o/ /'dod chags kyi rgyu'i ye shes yin pas na 'dod chags kyi ye shes te/ ye shes kyis de sprul pa yin pa'i phyir de nyid la ye shes zhes bya'o//rnyog pa med pas na dri ma med pa ste/ longs spyod kyi srid pa ma 'dres pa'i phyir rnyog pa dang bral ba zhes bya ba'i don to/ /'di dri ma med pa yin par ci mngon zhe na/ 'dod chags kyis ni chags bral bcom/ /zhes bya ba gsungs te/bcom pa ni brlag pa'o/ /gang zhig ce na chags bral zhes bya ba ste/ sangs rgyas dang byang chub sems dpa' rnams kyi thugs las chung ngu la gzhol ba'o/ /gang gis bcom zhe na/ 'dod chags kyis te/ sems can rnams smin pa dang grol ba'i 'dod chags kyis 'dod chags dang bral ba bcom pa'o//bcom nas ci zhig mdzad ce na/ /bde ba thams cad sbyin par byed/ /ces bya ba gsungs te/ bde ba thams cad ni sangs rgyas kyi bde ba bla na med pa'o/ /byang chub kyi sems kyi phyag rgya bskyed nas de'i 'og tu byang chub kyi sems la sems can bsdus nas dgod pa'i phyir/sems can bsdu ba'i phyag rgya bskyed pa yin la/ sems can bsdu ba bstan nas sems can de dag rjes su chags par bya ba'i phyag rgya bstan to/ rjes su chags par bya ba rnams ni dga' bar bya dgos pa de'i phyir/ de nas zhes bya ba la sogs pa'i gzhung smos pa yin no/ / rab tu dga' ba ni yid bde ba'o/ /de bskyed par bya ba la dbang du gyur pa nyid kyi phyir rgyal po yin pas na rab tu dga' ba'i rgyal po'o/ /byang chub sems dpa' chen po yang yin la rab tu dga' ba'i rgyal po yang yin pas na byang chub sems dpa' chen po rab tu dga' ba'i rgyal po'o/ /de'i dam tshig ni snying po dang phyag rgya la sogs pa ste/de sems dpa'i sems kyi khyad par gang las byung ba de byin gyis brlab cing mthu bskyed pa'i phyir rdo rje ste/ ming de skad ces bya ba'i ting nge 'dzin gang yin pa de tshig 'di dag gis ston pa yin no/ /de la snyoms par zhugs pa ni mngon sum du mdzad pa'o/ / rab tu dga' ba'i dam tshig gi phyag rgya ni rab tu dga' ba'i dam tshig ces bya ba ste/ rab tu dga' ba'i dam tshig ces bya ba gang yin pa de ni de bzhin gshegs pa thams cad kyi snying po'o/ /de bzhin gshegs pa thams cad mi bskyod pa la sogs pa ste/ de dag gi thugs ka la 'di'i don gnas pas na snying po'o//de ston par byed pa'i sgra la yang de bzhin gshegs pa thams cad kyi snying po'o zhes bshad do/ /rang gi thugs ka zhes bshad de/ rnam par snang mdzad kyi thugs ka ste/ de las phyung ba'o/ /bcom ldan 'das rdo rje 'dzin pa de nyid ces bya ba ni gang sngar 'di'i gzugs su byung ba ste/da ni legs so zhes bya bar gyur nas zhes pa phyag gnyis se gol rdebs pa'i tshul gyis mchog tu yongs su dga' ba'i rgyu dang 'bras bu mngon par ston pa'i tshul du byung ngo / /'dis kyang mnyes par byed pa ston te/ ji ltar cho ga de nyid rdzogs pa dang / sangs rgyas bcom ldan 'das mnyes te/bcom ldan 'das rdo rje 'dzin pa la legs so legs so zhes ston par mdzad pa lta bu'o/ /rdo rje dgyes pa'i dbyibs su zhes bya ba ni legs so zhes bya ba sbyin pa'i phyag rgya'i gzugs su'o/ /de bzhin gshegs pa thams cad kyis legs so zhes bya ba la sogs pa zhes bya ba ni sems dpa' 'di rang gi las 'di la legs so zhes bya ba ni sbyin par byed pa yin te/sogs pa zhes bya ba'i sgras ni sngar gyi sangs rgyas kyi mdzad pa thams cad bsdu'o/ /shin tu dga' bar byed pa dang zhes bya ba la sogs pa la/ rab tu mi dga' ba nyid rab tu dga' ba bskyed pa'i ting nge 'dzin shin tu bsgoms pa'i phyir ro//shin tu bsgoms pa ni sems la dbang du gyur pa ste/ shin tu bsgoms pa'i phyir gcig tu gyur la rab tu brtan pa'i phyir 'dres par gyur pa ste/ snying po zhes bya ba'i don to/ /de ltar byang chub sems dpa'i lus 'di sprul nas ched du brjod pa 'di ched du brjod pa yin no//kye ma'o zhes bya ba 'di ngo mtshar du gyur pa'o/ /'dir ci zhig ngo mtshar che zhe na/ gang gi phyir gzugs med pa'i sems kyi ngo bo nyid yin du zin kyang bdag gzugs can du gyur ba'o/ /ci zhig gi ngo bo zhe na/ legs par sbyin pa'i ngo bo nyid du'o/ /ci phyogs gcig pa'am zhe na/ ma yin te/ thams cad ces bya ba smos te/ legs par bya ba thams cad kyi legs pa sbyin pa'o/ /su zhig gi legs pa sbyin pa zhe na/ thams cad mkhyen pa kun gyi zhes bya ba gsungs so/ /khyad par ji lta bu zhe na/ mchog ces bya ba ste dam pa zhes bya ba'i don to/ /ji ltar dam pa yin zhe na/ rnam rtog bral ba de dag gi /nges par dgyes pa bskyed pa yin/ /zhes bya ba'o/ /'di skad ston te/ dga' ba ni yid bde ba yin la/ de yang rnam par rtog pa dang bral ba yin mod kyi/ 'dis ni rnam par mi rtog pa'i ting nge 'dzin thob cing rnam par rtog pa spangs pa rnams kyi yang gang gi phyir dgyes pa skyed par byed pa yin pas na de'i phyir mchog go//nges par zhes bya ba ni gdon mi za bar ro/ /de nas zhes bya ba la sogs pa ni go sla'o/ /mnyes par byed pa'i rdo rje zhes bya ba la sogs pa la mnyes par byed pa'i phyir rdo rje yin pas na/mnyes par byed pa'i rdo rje'o/ /de bzhin gshegs pa thams cad dang 'brel pa'i rab tu dga' ba bskyed pa'i phyir phyag rgya bstan par bya ba'i phyir rdo rje ste/ ming de skad ces bya ba'i ting nge 'dzin gang yin pa de la snyoms par zhugs pa ni mngon sum du mdzad pa'o/ /de bzhin gshegs pa thams cad kyi rab tu dgyes pa bla na med pa zhes bya ba la rab tu dgyes pa ni yid bde ba'o//'di'i gong na yod pa ma yin pas na/ bla na med pa'o/ /de mkhyen pa'i ye shes yin pas na rab tu dgyes pa bla na med pa'i ye shes te/ de la ni de bzhin gshegs pa thams cad kyi rab tu dgyes pa bla na med pa'i ye shes zhes bya'o//de'i dam tshig ni phyag rgya ste/ de skyed par byed pa'i mtshan ma de la de bzhin gshegs pa thams cad kyi rab tu dgyes pa bla na med pa'i ye shes kyi dam tshig ces bya ste/ rdo rje dgyes pa de byang chub sems dpa' chen po rab tu dga' ba'i rgyal po de'i lag tu byin no zhes bya bar sbyar ro//dgyes pa'i ro zhes bya ba la sogs pa la dgyes pa ni yid bde ba'i khyad par ste/ spu ldang ba la sogs pa'i rgyu'o/ /de nyid ni tshim par byed pa yin pa'i phyir bla na med pa'o/ /'di nyid ni bsgrub pa dam pa zhes kyang bya'o/ /lhag ma rnams ni go sla'o/ /da ni de'i las kyi phyag rgya bstan pa'i phyir de nas zhes bya ba la sogs pa smos te/rdo rje'i ming gi mtshan pa'i dgyes pa ni rdo rje dgyes pa'o/ /rdo rje dgyes pa'i se gol de'i tshul gyis phyag rgya des dkyil 'khor ba'i de bzhin gshegs pa thams cad dang / byang chub sems dpa' rnams la legs so zhes bya bas rab tu dgyes par byed cing ched du brjod pa 'di ched du brjod do//'di zhes bya ba ni lag na gnas pa'o/ /de zhes bya ba ni bdag gang las byung ba'o/ /'di su zhig gi zhe na/ sangs rgyas kyi zhes bya ba gsungs te/ las ci zhig byed ce na legs sbyin pa/ 'di ni rab tu 'jig byed pas/ zhes bya ba gsungs te/ thams cad mgu bar byed pa'o/ /rdo rje zhes bya ba ni rang gi las la gzhan gyi mi phyed pa yin pa'i phyir ro/ /'di ni lha rnams kyi yin pas na lha rdzas so/ /'dis ni ci zhig byed ce na/ dgyes pa spel ba'o zhes bya ba gsungs so/ /byang chub kyi sems chen po zhes bya ba ni byang chub tu gsol ba 'debs pa'o//de bzhin gshegs pa thams cad spyan drang ba'i dam tshig ni bsdu ba'i dngos po bzhi'i rang bzhin no/ /de bzhin gshegs pa thams cad mnyes par byed pa'i ye shes ni sems can thams cad kyi sems dang sems las byung ba dang rjes su mthun par 'jug pa'i rang bzhin no//dgyes pa chen po ni dga' ba dang yid bde ba'i rang bzhin no/ /dam tshig chen po'i sems dpa'o zhes bya ba la byang chub chen po'i dam tshig yin pas na/ dam tshig chen po ste de thob par byed pa'i rgyu'i sems dpa' la dam tshig chen po'i sems dpa' zhes bya'o/ /de bas na yon tan de bzhi ni sangs rgyas bcom ldan 'das rnams kyi yon tan ma lus pa thob pa'i rgyu yin pa'i phyir/dkyil 'khor du phyag rgya chen po bzhi'i ngo bo nyid du sprul pa la ni dam tshig sems dpa' zhes bya'o/ /de dag gi don gyi dbang gis na go rims bzhin du de bzhin gshegs pa'i rigs yin no//de ni sangs rgyas dang byang chub sems dpa' rnams yongs su mnyes par byas pa'i rjes la/ ji ltar rgyal po'i bu dge zhing 'ongs pa rnams la rang gi yul gyi bdag por dbang bskur ba de bzhin du/ ji skad du smos pa'i yon tan dang ldan pa'i byang chub sems dpa' la ni sangs rgyas dang byang chub sems dpa' rnams thugs shin tu dgyes te bla na med pa'i chos kyi rgyal por dbang bskur ba stsol bar mdzad do zhes bstan par bya ba'i phyir de nas zhes bya ba la sogs pa gsungs te/de nas zhes bya ba ni de'i rjes thogs la'o/ /nam mkha' nyid kyi skye gnas yod pas na/nam mkha'i snying po'o/ /byang chub sems dpa' chen po yang yin la nam mkha'i snying po yang yin pas na/ byang chub sems dpa' chen po nam mkha'i snying po'o/ /de'i dam tshig ni snying po dang phyag rgya la sogs pa'o/ /de gang las byung ba rin po che zhes bya ba ni dad pa'i nor bu rin po che las so//de'i byin rlabs ni de'i mthu bskyed par bya ba'i phyir rdo rje zhes bya ba'i ting nge 'dzin gang yin pa'i ting nge 'dzin de la snyoms par zhugs shing mngon sum du mdzad nas so/ /ci zhig mdzad ce na/ de'i phyir smras pa de bzhin gshegs pa thams cad kyi snying po rang gi thugs ka nas phyung ngo zhes bya bar sbyar ro//de la ming ji skad ces bya ba yin zhe na/ de bzhin gshegs pa thams cad kyi zhes bya ba la sogs pas bstan to/ /de bzhin gshegs pa thams cad kyi dbang bskur ba'i dam tshig yin pas de bzhin gshegs pa thams cad kyi dbang bskur ba'i dam tshig ste/ 'dir dam tshig ni rin po che'i phyag rgya ston pa'i sgra la bya'o//de bzhin gshegs pa thams cad kyi dbang bskur ba'i dam tshig ces bya ba'i snying po gang yin pa de la ni de bzhin gshegs pa thams cad kyi dbang bskur ba'i dam tshig ces bya'o/ /ji lta bu zhe na/ de bzhin gshegs pa thams cad kyi snying po zhes bya ste/ de bzhin gshegs pa thams cad kyi thugs ka la ji skad du smras pa'i dbang bskur ba'i don du gnas pa ste/ de bzhin gshegs pa thams cad kyi snying po de rang gi thugs ka nas phyung ba'o/ /thams cad nam mkha' dang zhes bya ba la sogs pa la dngos po thams cad ni nam mkha' dang mtshungs so zhes chos bdag med pa rab tu rtogs pas na/thams cad nam mkha' dang mnyam pa nyid de de'i ye shes ni thams cad nam mkha' dang mnyam pa'i ye shes so/ /de shin tu rtogs pa ni yang dag par thugs su chud ces bya ba'i don to/ /de'i ngo bo nyid yin pas na thams cad nam mkha' dang mnyam pa nyid kyi ye shes shin tu rtogs pa'i phyir ro//su zhig gi yin zhe na rdo rje sems dpa'i ting nge 'dzin te/ rdo rje sems dpa'i sgra ni byang chub kyi sems la bya la/ de nyid ni nam mkha' dang mnyam pa yin pa'i phyir/ ting nge 'dzin gyi sgrar bshad de rtse gcig pa'i phyir/ gzhan la mi dmigs pas na rdo rje sems dpa'i ting nge 'dzin te/'di skad ston te/ don dam par chos thams cad nam mkha' dang mnyam pa nyid du shes par byas la/ 'dus byas rnams ni rnam par rtog pa la rag las pa nyid du khong du chud nas mnyam par bzhag pa'i sems shin tu bsgoms pas/ ji lta ji ltar rtogs pa de lta de ltar 'gyur ro zhes shes nas/dgos pa'i dbang gis nam mkha'i 'od zer rnams su gyur te byung bas na nam mkha' thams cad kyi 'od zer rnams su gyur nas byung ba zhes bya ste/ ri rab kyi ngos bai DUR+Ya'i rang bzhin du gnas pa'i dbang gis nam mkha' dngul rdo bcag pa'i mdog bzhin du snang ste/de dang 'dra ba'i 'od zer du gyur nas byung ngo zhes bya ba'i don to/ /thams cad nam mkha'i dbyings lta bur gyur to zhes bya ba ni bshad ma thag pa'i 'jig rten gyi khams thams cad nam mkha'i rang bzhin gyi 'od zer gyis reg pa'i mthus spro ba'i dus su de'i ngo bor gyur pa'o/ /de nas de bzhin de bzhin gshegs pa thams cad kyi byin gyi rlabs kyis zhes bya ba la sogs pa la/de bzhin gshegs pa thams cad kyi byin gyi rlabs yin pas de bzhin gshegs pa thams cad kyi byin gyi rlabs te/ byin gyi rlabs ni 'di 'di ltar gyur cig ces dgongs pa yin pas de nas nam mkha'i dbyings de dag thams cad bsdu ba mdzad pa'o//lhag ma rnams ni go sla'o/ /shin tu bsgoms pa'i phyir zhes bya ba la sogs pa la shin tu zhes pa'o/ /mchog tu yang kun nas yongs su bsgoms shing bslab pa'i phyir shin tu bsgoms pa'o/ /yang zhes bya ba'i sgra ni thams cad nam mkha' dang mnyam pa nyid kyi ye shes shin tu rtogs pa'i phyir zhes na sngar bshad pa dang sbyar ba bya ste/sngar rtogs pa'i sgras ni khong du chud pa btsam du bstan pa yin la/ da ltar ni de la dbang du gyur ba nyid brnyes pa yin te/ bye brag ni de yod do/ /nam mkha'i khams thams cad ces bya ba 'di ni sngar bshad pa'i baiDUR+Ya lta bu'i 'od zer gyi tshogs so//skye gnas ni skye ba'i gnas te skye ba'i rgyu'o/ /rdo rje rin po che chen po'i dbyibs zhes bya ba ni/ /rdo rje rin po che yang yin la rin po che'i dbyibs kyang yin pas na rdo rje rin po che'i dbyibs so/ /gyur nas zhes bya ba ni der reng pa ste/ spro ba dang bsdu ba mdzad nas bcom ldan 'das kyi phyag gnyis su gnas so/ /de nas zhes bya ba la sogs pa rdo rje rin po che zhes bya ba rdo rje smos pa ni/ de rdo rje sems dpa' las byung ba yin pa'i phyir/ de'i rang gi las de bzhin gshegs pa thams cad dbang bskur ba yin par 'gyur te/ des de la sogs pa sangs rgyas kyi mdzad pa byas nas so//nam mkha'i khams thams cad ces bya ba la sogs pa la/ nam mkha'i khams kyang yin la thams cad kyang yin pas na nam mkha'i khams thams cad do/ /de nyid ni skye gnas yin pa'i phyir snying po yin la/ de las rdo rje sems dpa'i ting nge 'dzin shin tu bzang po las byung ba'i phyir/'di ni nam mkha'i khams thams cad kyi snying po las shin tu byung ba'o/ /de la dmigs pas de shin tu bsgoms pa ni/ rdo rje sems dpa'i ting nge 'dzin yin pas gcig tu gyur pa'o/ /rab tu brtan pa'i phyir gcig tu 'dres pa'o/ /byang chub sems dpa' chen po rdo rje rin po che'i skur gyur nas zhes bya ba la sogs pa ni go sla'o//e ma'o zhes bya ba la sogs pa la e ma'o zhes bya ba ngo mtshar ba'o/ /'dir ci zhig ngo mtshar che zhe na/ gang bdag gis dbang bskur na chags med rgyal ba yang ste/ chags pa thams cad spangs pa'i rgyal ba rnams kyang khams gsum gyi bdag por dgongs pas na zhes bya ba ste/'di ni 'dir ngo mtshar du gyur pa yin no/ /'di skad ston te/ nyon mongs pa bag chags dang bcas pa spangs pa'i chags pa med pa'i rgyal ba yang khams gsum gyi chos kyi rgyal por bskos shing khams gsum gyi bdag por zhes bya bar dgongs pas na/mu stegs byed pa gzhan rnams la 'di lta bu'i khong du chud pa med de/ de ltar na thun mong ma yin pa'i chos thugs su chud pa'i phyir/ rgyal ba nyid khams gsum gyi bdag por dgongs pa yin no/ /rdo rje rin chen zhes bya ba ni rdo rje ming gis mtshan pa'i rin po che'o//dam pa'i dbang ni shin tu bzang po'i dbang bskur ba ste/ 'dis dbang bskur ba yin pas na dbang ngo / /ji lta bu zhe na/ mchog ces bya ba ste bla na med pa'o/ /byang chub sems dpa' chen po rdo rje rin po che 'di yang don gyis na zhal bzhi pa nyid yin par blta bar bya'o/ /de nas zhes bya ba la sogs pa ni go sla'o//bka' nod pa ni rang gi las la nges par sbyar bar gsol ba 'debs pa'o/ /de nas bcom ldan 'das zhes bya ba la sogs pas ni de bzhin gshegs pa thams cad dbang bskur bar bya ba'i phyir ting nge 'dzin gang la gnas te/ khyod kyis rdo rje rin po che 'dis de bzhin gshegs pa thams cad bla na med pa'i chos kyi rgyal por dbang bskur bar byos shig ces byang chub sems dpa' la rdo rje rin po che byin pa'i ting nge 'dzin la ni de bzhin gshegs pa thams cad kyi rdo rje rin po che zhes bya ba ste/ting nge 'dzin de la snyoms par zhugs shing mngon sum du mdzad pa'o/ /de bzhin gshegs pa thams cad kyi dgongs pa zhes bya ba la sogs pa la/de bzhin gshegs pa thams cad kyi dgongs pa ni kye ma'o nam bdag gis thams cad mkhyen pa'i ye shes rtogs nas chos kyi rgyal po byed snyam du dgongs pa'o/ /de yongs su rdzogs pa ni bla na med pa'i chos kyi rgyal por dbang bskur ba'o/ /de'i dam tshig ni rdo rje rin po che'i phyag rgya gang gis dbang bskur ba 'di ni/dgongs pa yongs su rdzogs par bya ba'i dam tshig ni/ de bzhin gshegs pa thams cad kyi dgongs pa yongs su rdzogs par bya ba'i dam tshig ste/ byang chub sems dpa' chen po rdo rje rin po che'i lag tu byin no zhes bya bar sbyar ro/ / da ni de gang gi phyir byin pa gzhung lhag ma rnams kyis ston pa yin no/ /ma lus pa zhes bya ba la sogs pa la sems can gyi khams ma lus pa don thams cad yongs su grub pa ni mngon par 'dod pa'i don thob pa'o/ /don thob pa des ni thams cad kyi bde ba dang / yid bde ba myong bar bya'o/ / bar du zhes bya ba'i sgras ni chos kyi 'khor lo bskor ba dang / mu stegs las rnam par rgyal ba dang / dge ba bcu'i las kyi lam la bzhag pa la sogs pa bsdu'o/ /de bzhin gshegs pa thams cad kyi don phun sum tshogs pa ni sems can rnams 'khor ba las bton te/mya ngan las 'das pa la rab tu 'jog pa'o/ /de nyid ni dngos grub dam pa yin la de thob par bya ba'i phyir zhes bya ba ni de rnyed par bya ba'i phyir ro/ /lhag ma rnams ni go sla'o/ /rdo rje rin po che'i 'khor lo bskor ba zhes bya ba la sogs pa la/ rdo rje rin po ches nye bar mtshan pa'i 'khor los sgyur ba ni rdo rje rin po che'i 'khor lo bskor ba ste/'khor lo ni dkyil 'khor gyi 'khor lo'o/ /de bskor zhing sprul pa'i ngang tshul 'di la mnga' bas na rdo rje rin po che'i 'khor lo bskor ba'o/ /de'i ngo bo nyid ni rdo rje rin po che'i 'khor lo bskor ba nyid do/ /rdo rje rin po che'i myu gu ni rdo rje rin po che'i myu gu'i phyag rgya ste/rdo rje rin po che'i phyag rgya 'di dang / khyod kyis rin po che'i 'khor lo bskor bar gyis shig ces rdo rje rin po che myu gu'i dbang de la bskur bas na 'khor los sgyur bar dbang bskur ba ste/ rdo rje rin po che'i myu gu'i dbang bskur ba 'di ni don thams cad grub pa'i dkyil 'khor chen po la dbang bskur ba'i phyir yin no//'dir yang sangs rgyas lnga'i dbu rgyan gyi dbang bskur ba nyid yin par shes par bya'o/ /de nas byang chub sems dpa' chen po de la/ rdo rje snying po rdo rje snying po zhes rdo rje ming gi dbang bskur ro zhes bya ba la/ rdo rje nyid kyi skye gnas mnga' bas na/ rdo rje snying po ste rdo rje nor bu las skyes pa'i phyir snying po ni skye gnas la bya'o//rdo rje nor bu zhes bya ba'i sgra ni mtha' mi mngon par byas nas rdo rje snying po zhes brjod pa yin no/ /'di zhes bya ba ni lag pa la gnas pa'o/ /de gang yin zhe na/ sems can khams ni dbang bskur ba ste/ khams gsum gyi 'khor lo'i dkyil 'khor du 'jig rten gsum gyi 'gro ba rnams 'dus pa la yang des dbang bskur bas na/sems can khams ni dbang bskur ba/ /zhes bya'o/ /de zhes bya ba ni bdag gang las skyes pa'o/ /bdag yin te zhes bya ba 'dis ni phyag rgya dang khyad par med par ston te/ bdag gang yin pa de ni bdag gi phyag rgya yin la/bdag gi phyag rgya gang yin pa de ni bdag yin no zhes pa'o/ /'di yang bcom ldan 'das rnam par snang mdzad kyi dad pa'i nor bu rin po che'i yon tan te/ gdul bya'i sems can rnams la thugs brtse bas dbang bskur bar bya ba'i phyir sems dpa' dang phyag rgya'i gzugs su sprul par mdzad pa'o//da ni dbang bskur bar thob pa rnams gzi byin bskyed par bya ba'i phyir/ de nas zhes bya ba la sogs pas sems dpa'i phyag rgya gzhan mos pa yin no/ /byang chub sems dpa' chen po gzi brjid chen po zhes bya ba la sogs pa la/ byang chub sems dpa' chen po yang yin la gzi brjid chen po yang yin pas na/byang chub sems dpa' chen po gzi brjid chen po'o/ /de'i dam tshig ni snying po dang phyag rgya la sogs pa ste/ de'i bsam pa'i rin po che gang las byung ba de byin gyis brlab cing brtan par bya ba'i phyir ming rdo rje zhes bya ba'i ting nge 'dzin de la snyoms par zhugs pa ni mngon du mdzad pa'o//de bzhin gshegs pa thams cad kyi 'od zer gyi dam tshig yin pas na de bzhin gshegs pa thams cad kyi 'od zer gyi dam tshig ste/ de bzhin gshegs pa thams cad kyi 'od zer gyi dam tshig ces bya ba'i snying po gang yin pa de'o/ /'di skad ston te/ de bzhin gshegs pa thams cad kyis gdul bya'i skye bo rnams sad par bya ba'i phyir phyag rgya'i khyad par gang nyi ma'i dkyil 'khor dang 'dra bas 'od zer rab tu 'gyed par mdzad pa'i phyag rgya'i khyad par 'di la ni de bzhin gshegs pa thams cad kyi 'od zer gyi dam tshig ces bya la/de ston par byed pa'i sgra la yang ming de skad ces bya bar bshad do//de bzhin gshegs pa thams cad kyi 'od zer rab tu 'gyed pa'i dam tshig de ni de bzhin gshegs pa thams cad kyi snying po zhes bya ba ste/ de bzhin gshegs pa thams cad kyi thugs la gnas pas na de bzhin gshegs pa thams cad kyi snying po zhes bya'o/ / de nyid ces bya ba la sogs pas ni gang 'di ni nam mkha'i 'od zer du gyur te byung ba de nyid/ da 'dir dgos pa gzhan gyi dbang gis nyi ma'i dkyil 'khor lta bu'i zlum por gyur nas 'byung ngo zhes bya ba'i don to/ /de nas zhes bya ba la sogs pa la nyi ma'i dkyil 'khor rdo rje sems dpas sprul pa yin pas na nyi ma'i dkyil 'khor la rdo rje nyi ma'i dkyil 'khor du gtogs pa yin la/de bzhin gshegs pa thams cad kyi 'od zer rab tu 'gyed pa ni sems dpa' 'di'i las yin pas na thog mar bstan pa yin te/ de la sogs pa sangs rgyas kyi mdzad pa mdzad nas so/ / rdo rje sems dpa'i ting nge 'dzin gang shin tu gzi brjid che ba 'di la ni rdo rje sems dpa'i ting nge 'dzin shin tu gzi brjid che ba zhes bya ba la/ de'i ngo bo nyid yin pas na shin tu gzi brjid che ba nyid do/ /rdo rje sems dpa'i ting nge 'dzin nyi ma'i dkyil 'khor la dmigs pa phul du byung bar shin tu bsgoms pas na de'i phyir gcig tu zhes bya ba la rab tu brtan pas na 'dus pa'o//e ma'o zhes bya ba ni ngo mtshar du gyur pa'o/ /sems can khams kun snang byed ces bya ba ni/ ye shes kyi snang bas mi shes pa'i mun pa bsal ba'o/ /de gang zhe na/ gzi brjid dpe med ces bya ba ste/ 'di la dpe yod pa ma yin pas na dpe med pa'o//'dir ci zhig ngo mtshar zhe na/ gang phyir sangs rgyas dag pa yi/ /'dren pa rnams kyang sbyong bar byed/ /ces bya ba gsungs te/ sangs rgyas rnams ni nyon mongs pa dang shes bya'i sgrib pa bag chags dang bcas pa'i dri ma dang bral bas na dag pa dang / gnas yongs su gyur pa brnyes pas kyang shin tu dag pa yin no//sangs rgyas dag pa rnams kyi 'od kyi dkyil 'khor 'dom gang tsam gyi tshad du rang bzhin gyi dkyil 'khor du gnas pa de yang yongs su sbyong bar byed ces pa 'phel bar byed pa ste/ phyogs thams cad snang bar byed ces bya ba'i don to/ /'dren pa zhes bya ba la 'dis 'dren par byed pas na 'dren par byed pa ste/'phags pa'i lam yan lag brgyad pa'o/ /'dren pa de gang la yod pa ni 'dren pa'o/ /de nas byang chub sems dpa' chen po dri ma med pa'i gzi brjid ces bya ba la/ gang la dri ma med pa'i gzi brjid yod pa de ni dri ma med pa'i gzi brjid de/lhag ma rnams ni go sla'o/ /de nas bcom ldan 'das zhes bya ba la sogs pa la/ de bzhin gshegs pa thams cad kyi 'od kyi dkyil 'khor du byin gyis brlab pa ni de dang 'dra ba'i gzung ba'i cha brtan par byed pa ste/ de'i rdo rje ni shin tu brtan pa zhes bya ba'i don to/ /de lta bas na ting nge 'dzin 'di'i ming yang las dang rjes su mthun par btags pa yin te/de lta bu'i ting nge 'dzin la snyoms par zhugs pa'o/ /de bzhin gshegs pa thams cad kyi 'od zer gyi dam tshig ces bya ba la/ de bzhin gshegs pa thams cad kyi rgyab tu gnas te/ nyi ma'i dkyil 'khor gyi phyag rgyas gdul bya'i skye bo rnams sad par bya ba'i phyir/'od zer rnams 'gyed par mdzad pa gang yin pa de ni 'od zer rab tu 'gyed pa'i dam tshig go/ /'di dang gzi brjid 'dra ba med pas na/ gzi brjid mtshungs pa med pa'o/ /sems can gyi khams ma lus pa 'jig rten gyi khams lus pa med pa rnams su gzi brjid mtshungs pa med pa myong bas bla na med pa'i bde ba dang yid bde ba myong bar bya ba'i phyir ro//bar du zhes bya ba'i sgras ni byang chub kyi sems yongs su sbyong ba dang / kun du bzang po'i spyod pa yongs su rdzogs pa la sogs pa bsdu'o/ /de bzhin gshegs pa thams cad kyi rang gi 'od ni mtha' yas pa ste/de thob pa ni rnyed pa'o/ /de nyid grub pa dam pa ste/ /de'i phyir rdo rje nyi ma ste/ /byang chub sems dpa' chen po gzi brjid chen po de'i lag tu byin no zhes bya bar sbyar ro/ /rdo rje'i 'od ces bya ba la sogs pa la rdo rje'i 'od rdo rje'i 'od ces bya ba ni rdo rje 'di ni rdo rje sems dpa' las byung ba'i phyir sus kyang gzhig par mi nus pa dang /'od zer thams cad zil gyis gnon par byed nus pa yin te/ de de la mnga' ba'i phyir ro/ /de bas na de la rdo rje'i 'od rdo rje'i 'od ces btags pa yin no/ /de nas byang chub sems dpa' rdo rje'i 'od ces bya ba ni rdo rje ltar mi phyed pa'i 'od mnga' bas na/ rdo rje 'od de/de bzhin gshegs pa thams cad kyi rdo rje'i 'od kyi dkyil 'khor gyi mtshan nyid can gyi phyag rgya'i khyad par des de bzhin gshegs pa thams cad la snang bar byed pa dang / de bzhin gshegs pa thams cad snang bar byed pa 'ba' zhig tu ma zad kyi de'i 'khor gyi dkyil 'khor sangs rgyas kyi zhing dang bcas pa thams cad kyang snang zhing gsal bar byed pa'o//ma dris su zin kyang ngo mtshar du gyur pa'i don 'di brjod par bya ba'i phyir/ ched du brjod pa 'di ched du brjod do zhes gsungs pa yin no/ /'di zhes bya ba ni phyag na gnas pa'o/ /de zhes bya ba ni bdag gang las byung ba'o/ / de gang yin zhe na/ mi shes mun nag 'joms byed pa/ zhes gsungs te/ mun nag ni gti mug thibs po'o/ /mi shes pa nyid mun nag yin pas na mi shes mun nag go/ /de 'joms par byed pa ni mi skye ba'i chos can du byed pa'o/ /de su zhig gi yin zhe na/ sangs rgyas thams cad kyi zhes bya ba gsungs so//mi shes pa'i mun nag ji ltar 'joms par byed ce na/shin tu phra rdul ji snyed pa'i/ /nyi ma'i 'od bas shin tu lhag /ces bya ba gsungs te/ gling bzhi pa re re zhing nyi ma re re snang ba'i bya ba byed pa yang phyi rol du yin gyi nang du ma yin la de yang ma bsgribs pa'i phyogs su snang bar zad do//stong gsum gyi stong chen po'i 'jig rten gyi khams re re zhing yang nyi ma brgya stong dpag tu med pa'i grangs snyed 'char bar byed mod kyi/ 'on kyang der phyi dang nang gi mun pa thams cad sel bar byed pa ma yin no/ /sangs rgyas bcom ldan 'das kyi 'od kyi dkyil 'khor gyi nyi ma des ni 'jig rten gyi khams thams cad du phyi dang nang gi mun pa bag chags dang bcas pa sel bar mdzad do//de bas na/ shin tu phra rdul ji snyed pa'i/ /nyi ma'i 'od bas shin tu lhag /ces gsungs so/ /'di yang sangs rgyas bcom ldan 'das rnams kyi 'od byed pas bsdus pa'i thos pa dang bsam pa'i rang bzhin gyi ye shes rab mchog brnyes pa nyid rdo rje nyi ma'i dkyil 'khor du gsungs pa yin no//da ni chos kyi rgyal po'i gzi byin thob pa rnams la rgyal po'i mtshan ma dgos so zhes brtan par bya ba'i phyir/ byang chub sems dpa' chen po rin po che'i dbal zhes bya ba la sogs pa gsungs te/skye bo thams cad dga' bar byed pa'i phyir rin po che'o/ /mtshan ma yin pas na dbal te/ rin po ches mtshan pa'i dbal yin pas na rin po che'i dpal te/ phyag rgya de nyid 'dzin pa'i sems dpa' la yang rin po che'i dpal zhes bya'o/ /byang chub sems dpa' chen po yang yin la rin po che'i dbal yang yin pas na byang chub sems dpa' chen po rin po che'i dbal lo//de'i dam tshig ni snying po dang phyag rgya la sogs pa ste/ de'i rin po che'i bsam pa gang las byung ba de byin gyis brlab cing brtan par byed pa'i phyir ming rdo rje zhes bya ba'i ting nge 'dzin gang yin pa'i ting nge 'dzin de la snyoms par zhugs pa ni mngon sum du mdzad pa'o//gang gis de bzhin gshegs pa thams cad kyis sems can thams cad kyi re ba thams cad yongs su rdzogs par mdzad pa de ni de bzhin gshegs pa thams cad kyi dgongs pa yongs su rdzogs par byed pa ste/ de nyid ni dam tshig yin la don de ston par byed pa'i sgra gang yin pa de la yang ming 'di skad du bstan pa yin no//de bas na de lta bu'i de bzhin gshegs pa thams cad ni snying po rang gi thugs las phyung ba'o/ /'di zhes bya ba ni thugs la gnas pa'o/ /kha dog ces bya ba ni mdangs dang gzugs gang yin pa sna tshogs pa ste/rnam pa tha dad pa gang yin pa de ni kha dog dang gzugs sna tshogs pa zhes bya ba la rgyan dang dbyibs kyang sna tshogs pa gang la yod pa de ni kha dog dang gzugs dang / rgyan dang / dbyibs sna tshogs pa zhes bya ste/ lhag ma rnams ni go sla'o/ /rdo rje rgyal mtshan zhes bya ba la sogs pa la rdo rje nor bus mtshan pa'am/rdo rje sems dpas yongs su bsgoms pa'i rgyal mtshan yin pas na rdo rje rgyal mtshan no/ /rin po che'i rgyal mtshan zhes bya ba la sogs pa la sems dpa' 'di'i las rin po che'i rgyal mtshan sgreng ba yin pas na dang por smos pa yin no/ /sogs pa zhes bya ba'i sgras ni byang chub kyi sems yang dag par sbyang ba la sogs pa thams cad gzung ngo //rin po che chen po'i dpal dang zhes bya ba la sogs pa la/ rdul phra rab kyi grangs snyed kyi sangs rgyas kyi sku rnams gcig tu byed par nus pas na rin po che chen po'i dpal yin te/ de bas na gcig pa'o//shin tu brtan pa'i phyir na 'dres pa'o/ /de su zhig gi yin zhe na/ byang chub sems dpa' chen po rin po che'i dpal gyi sku zhes bya ba gsungs so/ /ci zhig tu gyur nas byung zhe na/ yang dag par gyur nas zhes bya ba ste/ rdzogs par gyur pa'o/ /gang du gnas she na/ thugs la zhes bya ba la sogs pa gsungs so/ /der gnas nas ci zhig mdzad ce na/ ched du brjod pa 'di ched du brjod do zhes bya ba gsungs so/ /e ma'o zhes bya ba ni ngo mtshar du gyur pa'o/ /don kun grub pa dang zhes bya ba la 'dis pha rol tu phyin pa rnams yang dag par sdud pas dpe med pa'i phyir don thams cad grub pa gang yin pa de ni don kun grub ces bya ba ste/de lta bu'i don thams cad grub pa yin pas na dgos pa thams cad yongs su rdzogs pa gang yin pa de ni dgos pa thams cad yongs su rdzogs pa'o/ /don rnams thams cad rdzogs byed ba'i//zhes bya ba ni sems can thams cad kyi don shin tu yongs su rdzogs par byed pa ni/ don rnams thams cad rdzogs byed pa'i/ /zhes bya'o/ /'di dang 'dra ba'i zla med pas na 'dra ba med pa'o/ /de gang yin zhe na/ dpal ni zhes bya ba smos te/ dpal ni yongs su dag pa'i mtshan ma ste/chos kyi rgyal ba'i sbyin pa'i pha rol tu phyin pa yongs su dag pa'i mtshan ma yid bzhin gyi nor bu'i rgyal mtshan gyi mtshan nyid do/ /de nyid kyis na 'dra ba med pa yin no/ /de nas bcom ldan 'das zhes bya ba la sogs pa la de bzhin gshegs pa thams cad kyi rgyal mtshan ni rgyal mtshan bsgreng ba ste/de byin gyis brlab pa ni rang gi las la mthu bskyed pa'o/ /de mi phyed pas na rdo rje ste/ de bzhin gshegs pa thams cad kyi rgyal mtshan gyi rdo rje zhes bya ba'i ting nge 'dzin gang yin pa'i ting nge 'dzin de la snyoms par zhugs nas/ de bzhin gshegs pa thams cad kyi nor bu yid bzhin gyi rgyal po'i rgyal mtshan bsgreng ba'i dam tshig rdo rje rgyal mtshan de byang chub sems dpa' chen po rin po che'i dbal de'i lag pa gnyis su byon no zhes bya bar sbyar ro//de bzhin gshegs pa thams cad ni byang chub sems dpa'i gnas skabs su yid bzhin gyi nor bu'i rgyal mtshan bsgrengs nas sbyin pa'i pha rol tu phyin pa yongs su rdzogs par mdzad do//de bas na nor bu yid bzhin gyi rgyal mtshan bsgreng ba ni thams cad kyi dam tshig yin no/ /sems can gyi khams ma lus pa zhes bya ba la sogs pa ni bshad zin to/ /de bzhin gshegs pa thams cad ni don chen po dngos grub dam pa zhes bya ba la/don yang yin la chen po yang yin pas na don chen po ste/ yun ring por don du gnyer ba'i thams cad mkhyen pa nyid do//de nyid ni dngos grub dam pa yin te/ de 'thob pa'o/ /de nyid ni 'bras bu yin te de dag gi phyir ro//lhag ma rnams ni go sla'o/ /rdo rje rgyal mtshan zhes bya ba la yu ba med par rgyal mtshan bsgreng du mi 'dod pas don gyis yu ba mtshon pa yin te/ des nye bar mtshon pa'i ming gis dbang bskur ba yin no/ /byang chub sems dpa' rdo rje rgyal mtshan des ci zhig mdzad ce na/de bzhin gshegs pa thams cad sbyin pa'i pha rol tu phyin pa la sbyor du bcug nas/ ched du brjod pa 'di ched du brjod do zhes bya ba gsungs te/ 'dir de bzhin gshegs pa thams cad ni dkyil 'khor ba'i sangs rgyas dang byang chub sems dpa' rnams te/ de rnams sbyin pa'i pha rol tu phyin pa la sbyor du bcug cing rab tu 'jog pa'o//sangs rgyas rnams ni sbyin pa'i pha rol tu phyin pa'i 'bras bu la 'god pa yin no/ /'di zhes bya ba ni lag pa la gnas pa'o/ /su zhig gi yin zhe na/ sangs rgyas rnams kyi zhes bya'o/ /sangs rgyas thams cad kyi ci zhig ce na/ dgos pa kun yongs su rdzogs par byed pa'i zhes bya ba gsungs so/ /ming ji skad du bya zhe na/ yid bzhin gyi nor bu'i rgyal mtshan zhes bya ba gsungs so/ /pha rol tu phyin pa gang gi tshul zhe na/ sbyin pa'i pha rol tu phyin pa'i tshul zhes bya ba gsungs te/ tshul zhes bya ba ni thabs so//rgyal po'i mtshan ma bsgreng ba'i chos kyi rgyal po ni chos rnams la mchog tu dga' ba skye'o zhes bstan pa'i phyir/ rtag par dga' zhing rab tu mgu ba'i zhes bya ba la sogs pa la/ rtag par zhes bya ba la gtan du chos kyi dga' bas dbang po mgu zhing kha bye ba gang yin pa de ni rtag par dga' zhing rab tu mgu ba'i dbang po'o//byang chub sems dpa' chen po yang yin la rtag par dga' zhing rab tu mgu ba'i dbang po yang yin pas na/ byang chub sems dpa' chen po rtag par dga' zhing rab tu mgu ba'i dbang po zhes bya'o/ /de'i dam tshig ni snying po dang phyag rgya la sogs pa ste/de rin po che'i bsam pa gang las byung ba'o/ /de'i byin gyi rlabs ni snying po dang phyag rgya dang sems dpa' 'byung ba'i mthu skyed pa'o/ /las de la rdo rje ltar mi phyed pa'i ting nge 'dzin gang yin pa de la ming 'di skad ces bya ste/ ming de skad ces bya ba'i ting nge 'dzin de la snyoms par zhugs pa ni mngon sum du mdzad pa'o//de bzhin gshegs pa thams cad ces bya ba la sogs pa la/ phyag rgya'i khyad par gyi thabs gang gis de bzhin gshegs pa thams cad gdul bya rnams kyi dga' ba skyed par mdzad pa de ni dgyes pa'i dam tshig ces bya la/de'i don ston pa'i sgra la yang de bzhin gshegs pa thams cad kyi dgyes pa'i dam tshig ces bya'o/ /bcom ldan 'das rdo rje 'dzin pa de nyid de zhes bya ba la/ de bzhin gshegs pa thams cad kyi 'dzum par gyur te zhes bya ba ni 'dzum pa ston par byed pa rdo rje gnyis kyi bar du chud pa'i so'i phreng ba gnyis kyi phyag rgya'i gzugs su gyur te/phyag rgya'i khyad par 'ga' zhig bstan pas de bzhin gshegs pa thams cad kyi sngon chad ma thos pa'i chos thos par 'gyur ro snyam du gdul bya rnams khong du chud par 'dzin cing / de rnams chos nyan la 'dun pa bskyed par bya ba'i phyir byung ba yin no//de bzhin gshegs pa thams cad kyi rmad du byung ba zhes bya ba la sogs pa la/ de bzhin gshegs pa thams cad ni nyon mongs pa bag chags dang bcas pa spangs pa'i phyir cung zad kyang bzhad mi srid pa las der 'dzum pa ston par mdzad pas na rmad du byung ba zhes bya ste/de yang sangs rgyas bcom ldan 'das rnams kyis gdul bya rnams la phan gdags par bya ba'i phyir/ de lta bu ston par mdzad pa yin no/ /de bas na rmad du byung ba bstan pa la sogs pa mdzad nas/ sangs rgyas kyi mdzad pa thams cad yang dag par bstan to zhes bya ba'i don to//rtag par dga' zhing rab tu mgu ba'i dbang po zhes bya ba ni bshad zin to/ /rdo rje sems dpa'i ting nge 'dzin rtag par dga' zhing rab tu mgu ba'i dbang po snang bas na gcig pa'o/ /shin tu brtan par gyur pas na 'dus pa ste/ mi phyed pa'i snying po nyid ces bya ba'i don to//'bras bu ni rgyu dang rjes su mthun pa yin pas na byang chub sems dpa'i sku de yang rtag par dga' zhing rab tu mgu ba'i dbang po nyid du byung ba yin no/ /rtag tu zhes bya ba la sogs pa rtag tu zhes bya ba dus thams cad du shin tu mnyam par gzhag pas na rtag tu mnyam par gzhag pa rnams kyi ste/ji skad du sangs rgyas bcom ldan 'das rnams ni rtag tu mnyam par gzhag pa'o zhes ji skad bshad pa lta bu'o/ /sangs rgyas don la zhes bya ba la sogs pa la/ gang gi phyir sangs rgyas bcom ldan 'das rnams ni khams gsum pa rnams gdul bar bya ba'i phyir bzhad cing yang 'dul ba la sbyor bar mdzad de de'i rmad du byung ba'o//ci'i phyir sbyor bar mdzad ce na/ sangs rgyas don la zhes bya ba ste/ sangs rgyas rnams kyi don yin pas na sangs rgyas don te sangs rgyas rnams kyi mdzad pa'o/ /'di skad ston te/ sangs rgyas bcom ldan 'das rnams ni gdul bya la bzhad pa ston par mdzad kyi/rgyu gzhan gyi phyir ni ma yin no/ /ci'i phyir rgyu gzhan dag gi phyir sbyor bar mi mdzad ce na/ gang gi phyir de ni rtag tu mnyam par gzhag pa yin pa'i phyir ro/ /su zhig gi bzhad pa yin zhe na/ kun mchog gi zhes bya ba gsungs te/thams cad kyi mchog yin pas na kun mchog ste/ sangs rgyas bcom ldan 'das rnams so/ /bzhad chen zhes bya ba ni chen po'i bzhad pa yin pas na bzhad chen no/ /yang na don chen po mdzad pa'i phyir bzhad chen no/ /bzhad mo ji lta bu zhe na/ rmad byung chen po yin zhes bya ba gsungs te/rmad du byung ba yang yin la chen po yang yin pas na rmad byung chen po ste/ shin tu rnyed par dka' bas na rmad du byung ba'o/ /sems can rnams kyi don sgrub par mdzad pas na chen po'o/ /de nas zhes bya ba la sogs pa la de bzhin gshegs pa thams cad kyi rmad du byung ba ni bzhad pa'i phyag rgya'o//de'i byin gyi rlabs ni rang gi las rnams la nus pa bskyed pa ste/ byin gyis brlabs pa de la rdo rje ltar brtan pa'i ting nge 'dzin gang yin pa de ni rdo rje zhes bya ba ste/ 'di nyid 'di'i ming yin pas na de bzhin gshegs pa thams cad kyi rmad du byung ba'i byin gyi rlabs rdo rje zhes bya ba gsungs so//ting nge 'dzin de la snyoms par zhugs pa ni mngon sum du mdzad nas rmad du byung ba bskyed pa'i dam tshig ste rtag par dga' zhing rab tu mgu ba'i dbang po'i phyir rdo rje 'dzum pa de'i lag tu byin no zhes bya bar sbyar ro/ /lhag ma rnams kyis ni dgos pa ston pa yin no//thams cad kyi dbang po zhes bya ba la mig la sogs pa dbang po thams cad nyid gnas yongs su gyur pas yongs su bsdus pas shin tu yongs su dag pas ni sangs rgyas kyi zhing yongs su dag pa rnams su yongs su dag pa'i gzugs la sogs pa la dmigs pa dang /de bzhin gshegs pa'i 'khor gyi dkyil 'khor rnams su mtshan dang dpe byad la dmigs pa dang / chos kyi longs spyod bla na med pa myong ba'i phyir bde ba dang yid bde ba bla na med pa myong ba ni 'bras bu yin par gsungs te/ dbang po rnams chos kyi longs spyod myong ba nas/ dus phyis sangs rgyas kyi gnas skabs thob pa'i dus na/de bzhin gshegs pa thams cad kyi dbang po yongs su sbyong ba yin te de'i ye shes so/ /de nyid ni mngon par shes pa'o/ /de thob pa ni rnyed pa'o/ /de nyid ni 'bras bu ste de dag gi phyir ro/ /de la phyag rgya'i dbang bskur ba'i 'og tu gang srog chags su gyur pa thams cad kyis kyang bskyod par mi nus pas de lta bu'i dga' ba skyes so//de bas na rgyu de'i phyir de bzhin gshegs pa thams cad kyis rdo rje dga' ba rdo rje dga' ba zhes ming gi dbang bskur ba stsal to/ /de nas byang chub sems dpa'i sku'i phyag rgya'i khyad par des de bzhin gshegs pa thams cad kyi dam tshig thob pas rab tu 'dzum par byed cing zhes bya ba shin tu bzhad par byed pa ste/dkyil 'khor ba'i de bzhin gshegs pa thams cad dang / byang chub sems dpa' rnams dang / gang yang gsang sngags kyi sgo'i spyod pa la zhugs pa de rnams bkug ste/ bcug nas bcings la dbang du byas nas sems can gyi don bya ba la 'jug pa'i de bzhin gshegs pa de thams cad kyang bzhad par byas shing /rang gi phyag rgya'i rang gi las kyi mthu bstan nas ched du brjod pa 'di ched du brjod do/ /'di zhes bya ba ni lag pa la gnas pa'o/ /de zhes bya ba ni bdag gang las byung ba'o/ / gang gi zhe na sangs rgyas thams cad kyi'o/ /'di gang zhig ce na/rmad du byung skyes ston pa po/ /zhes bya ba'o/ /de'i ngo bo nyid ji lta bu zhe na/dgyes chen byed pa'i ye shes te/ /zhes bya ba gsungs te/ phyag rgya'i gzugs kyang ye shes de'i sprul pa yin pas na ye shes zhes bshad do/ / ci 'di 'jig rten du grags pa yin nam 'on te ma yin zhe na/ gang gi phyir/ gtsug lag gzhan gyis shes mi nus/ /zhes bya ba gsungs te/ gzhan zhes bya ba ni mu stegs pa rnams yin la/ mu stegs byed pa gang yin pa de rnams kyi lam du bstan pa gang yin pa de ni gtsug lag gzhan te/ de rnams kyis mi shes so zhes bya ba'i don to/ /bcom ldan 'das rnam par snang mdzad kyi zab cing rgya chen po'i chos kyi yul la dga' ba ni rtag tu dgyes pa dang rab tu dga' ba'i dbang po nyid yin yang rnam par gzhag pa yin no/ /dbang bskur ba chen po dang zhes bya ba la sogs pa ni go sla'o//de bzhin gshegs pa thams cad kyi dbang bskur ba chen po'i sems dpa'o zhes bya ba la/ dbang bskur ba chen po la sogs pa yin pa'i phyir dang / 'od 'phel ba'i don gyis kyang dbang bskur ba chen po'i sems dpa' zhes gsungs so/ /da ni chos rnams la yid dga' bas ni lus shin tu sbyangs par gyur la/lus shin tu sbyangs pas ni bde ba la reg par 'gyur ro/ /bde ba dang ldan pas ni sems mnyam par 'jog ste/ de lta bu'i ting nge 'dzin las byung ba'i snying po dang phyag rgya dang sems dpa' bstan par bya ba'i phyir de nas zhes bya ba la sogs pa gsungs te/kun du spyan ras gzigs pas na kun du spyan ras gzigs pa ste/ chos thams cad rang bzhin gyis dag pa'i yul dang / sems can rnams smin pa dang grol bar bya ba'i phyir 'dod chags kyi de kho na nyid kyi yul dang / bdag dang mtshungs pa ma yin pa'i sems can shin tu sdug bsngal ba'i thugs rje'i yul la/kun du spyan ras gzigs pa'o/ /kun du spyan ras gzigs pa la mnga' brnyes pas na kun du spyan ras gzigs kyi dbang po'o/ /kun du spyan ras gzigs kyi dbang po yang yin la byang chub sems dpa' chen po yang yin pas na kun du spyan ras gzigs kyi dbang po byang chub sems dpa' chen po'o//de'i dam tshig ni snying po la sogs pa ste/ de gang las byung ba'i chos te/ ting nge 'dzin la sogs pa'i chos gtso bor byas pa'i bsam pa la ni chos zhes bshad do/ /de byin gyis brlab pa'i phyir mi phyed pa'i ting nge 'dzin rdo rje lta bu gang yin pa de la/don dang rjes su mthun par ming de skad ces bya ste/ ting nge 'dzin de la snyoms par zhugs pa ni mngon sum du mdzad pa'o/ /de bzhin gshegs pa thams cad kyi chos kyi dam tshig ni ting nge 'dzin te/ 'jig rten pa dang 'jig rten las 'das pa'i chos rnams ni ting nge 'dzin la brten nas rab kyi mthar thug pa'i 'gro ba thob pas snying po 'dis ni ting nge 'dzin gyi don gyi 'bras bu dang bcas pa de nyid ston te/de'i phyir snying po 'di la chos kyi dam tshig ces bya'o/ /'di zhes bya ba ni thugs la gnas pa'o/ /de nas de bzhin gshegs pa thams cad kyi thugs las byung ma thag pa 'di ni zhes bya ba ni/bcom ldan 'das rnam par snang mdzad la bskul ba'i rjes thogs nyid la zhes bya ba'i don to/ /gang las byung zhe na/ de bzhin gshegs pa thams cad kyi thugs las te/ bzhi po las so/ /su zhig byung zhe na/ bcom ldan 'das rdo rje 'dzin pa de nyid de zhes bya ba gsungs so//rdo rje sems dpa'i ting nge 'dzin zhes bya ba la sogs pa la rang bzhin gyis dag pa zhes bya ba ni/ don dam par ngo bo nyid kyis dag cing dri ma med pa'i chos rnams te/ de rnams kyi mnyam pa nyid ni de bzhin nyid yin pas rang bzhin gyis dag pa'i chos mnyam pa nyid do//de'i ye shes ni mnyam pa nyid kyi ye shes so/ /de rab tu rtogs pa ni yang dag par thugs su chud pa'o/ /de'i ngo bo nyid ni rab tu rtogs pa nyid do/ /gang gi zhe na rdo rje sems dpa'i ting nge 'dzin to/ /dam pa'i chos kyi 'od zer zhes bya ba la chos kyi rigs la chos kyi phyag rgya rab tu bsgoms pa de yang dam pa'i chos ston pa'i rgyu yin pas pad+ma lta bu'i 'od zer la dam pa'i chos kyi 'od zer zhes bya ste/'od zer de dag gis kyang 'jig rten gyi khams de dag thams cad kun du snang bar byas nas zhes bya ba ni gsal bar byas pa'o/ /snang bar byas pa'i rjes thogs la chos kyi dbyings kyi rang bzhin du gyur to zhes bya ba ni/chos kyi dbyings kyi ngo bo nyid du gyur cing reg pa ste/'od zer spro ba 'dis ni/ ting nge 'dzin la dbang du gyur pa thob par ston to/ /chos kyi dbyings de dag thams cad kyang zhes bya ba ni gang de bzhin gshegs pa thams cad kyi thugs las pad+ma lta bur byung ba slar yang bsdus te/bcom ldan 'das kyi thugs la 'od zer gyi tshogs de dag thams cad zhugs la/ de yang 'dres par gyur nas ci zhig tu gyur zhe na/ rdo rje pad+ma chen po'i dbyibs su gyur te zhes bya ba gsungs so/ /tshad ji tsam du gyur zhe na/ nam mkha'i khams thams cad dang mnyam par 'jug pa'i tshad tsam zhes bya ba gsungs te/nam mkha'i khams thams cad du kun nas mnyam par 'jug cing 'di'i tshad rgya che ba yin no zhes bya ba'i don te/ 'dis ni phyag rgyar gyur pa'i spro ba gnyis pa ston pa yin no/ /de nas rdo rje pad+ma'i dbyibs de las zhes bya ba la sogs pa la/rdo rje lta bu'i bsam pa las skyes pas na rdo rje pad+ma'i dbyibs so/ /ting nge 'dzin gyi ye shes zhes bya ba la sogs pa la/ ting nge 'dzin las byung ba'i ye shes yin pas na ting nge 'dzin gyi ye shes te/ mnyam par gzhag pa'i sems kyis yang dag pa ji lta ba bzhin du shes so zhes gsungs pa'i phyir ro//mngon par shes pa ni lnga'o/ /ting nge 'dzin gyi ye shes dang mngon par shes pa la sogs pa gang yin pa de ni/ byang chub tu sems bskyed pa la sogs pa gang sngar sangs rgyas kyi mdzad pa nyid du bstan pa de thams cad byas nas zhes bya ba'i don to//shin tu kun du spyan ras gzigs kyi dbang po zhes bya ba ni/ ji skad du bshad pa la shin tu kun du spyan ras kyi gzigs pa la dbang phyug tu gyur pa'o/ /kun du spyan ras gzigs pa de rdo rje sems dpa'i ting nge 'dzin yin pas na gcig pa'o/ /shin tu brtan pas 'dres pa ste rab tu brtan pa'o//e ma'o zhes bya ba ni ngo mtshar du gyur pa'o/ /dam pa yang yin la don yang yin pas na dam pa'i don yin pa'am/ dam pa ste rnam par mi rtog pa'i ye shes kyi don yin pas na/ yongs su bcad cing gzung bar bya ba zhes bya ba'i don to/ /dam pa'i don de gang yin zhe na/bdag yin te zhes bya ba gsungs so/ /khyod ci'i phyir dam pa'i don yin zhe na/ gdod nas dag pa zhes bya ba gsungs te/ gang gi phyir rang bzhin gyis dag pa yin gyis gang gis kyang 'bad pa'i khyad par gyis rnam par sbyangs pa ma yin no zhes bya ba'i don to/ /khyod gang gis dam pa'i don yin zhe na/rang 'byung zhes bya ba ste/ rang 'byung ba ni sangs rgyas bcom ldan 'das rnams so/ /khyod gdod nas dag par ga las shes she na/ gang phyir gzings 'dra'i zhes bya bar dgongs te/ gzings zhes bya ba ni sgrol bar byed pa la bya ste/ ji ltar pha rol tu 'gro bar 'dod par spro ba'i skyes bu la gru dang gru bo che med par gyur la/rkyal bas brgal bar mi nus pa'i rtsa dang shing la sogs pa bsdus te/ gzings byas nas tshu rol nas pha rol tu brgal la/ pha rol tu phyin nas ni de nyid du dor te 'gro'o/ /de bas na de ltar dus cung zad dgos pa gzings dang 'dra zhing mtshungs pa'i chos rnams gang yin pa de ni gzings dang 'dra ba'i chos rnams so//lung dang rtogs pa'i chos de lta bu yin yang / gang las rnam par dag pa dmigs par gyur pa ste/ lung gi chos ni ma chags pa la sogs pa dang / rab tu ldan pa nyid rnam par dag pa yin la/rtogs pa'i chos kyi ni zag pa med pa nyid rnam par dag pa yin te/ de dag gnyi ga yang gzings dang 'dra ste/ lung gi chos ni rtogs pa'i chos thob pa'i gnas skabs su 'dor te/ dgos pa byas zin pa'i phyir ro/ /rtogs pa'i chos kyang lhag ma med pa'i mya ngan las 'das pa'i dbyings su zhugs pa'i dus 'dor te/dgos pa med pa'i phyir ro/ /de bas na gzings dang 'dra ba zhes bya'o/ /'dus byas rnams kyang skyes pa'i rjes thogs nyid la 'jig pas gzings dang 'dra ba yin la/ rgyun chad pas kyang gdod nas dag pa yin no/ /bdag ni ting nge 'dzin gyi rgyun rtogs pa'i ngo bo nyid yin la/chos de rnams kyang rnam par rtog pas kun nas bslang ba'i 'dus byas yin no/ /don dam par ni gdod nas ma skyes pa yin pas na bdag ni gdod nas dag pa yin no/ /de nas bcom ldan 'das de bzhin gshegs pa thams cad kyi ting nge 'dzin gyi ye shes rdo rje zhes bya la/de bzhin gshegs pa thams cad ces smos pa ni dkyil 'khor ba'i sangs rgyas dang byang chub sems dpa' rnams gzung ngo / /de bzhin gshegs pa yang yin la thams cad kyang yin pas de bzhin gshegs pa thams cad de/ de bzhin gshegs pa thams cad kyi ting nge 'dzin de'i ye shes yin pas ting nge 'dzin ni ye shes so//de nyid ni mi phyed pa'i don gyis na rdo rje'o/ /don 'di nyid dang rjes su mthun pa'i ting nge 'dzin gang yin pa'i ting nge 'dzin de la snyoms par zhugs shing mngon sum du mdzad nas/ de bzhin gshegs pa thams cad rnam par sbyangs pa'i dam tshig rdo rje pad+ma de byang chub sems dpa' spyan ras gzigs kyi dbang po'i lag tu byin no zhes bya bar sbyar ro//lhag ma rnams kyis ni dgos pa ston pa yin no/ /de bzhin gshegs pa thams cad rnam par sbyang ba'i dam tshig ces bya la/ de bzhin gshegs pa thams cad ni dkyil 'khor ba'i sems dpa' rnams te/gang yang de rnams dgug pa dang gzhug pa dang bcing ba dang dbang du bya ba nas bzlas brjod la sogs pa de rnams kyang de bzhin gshegs pa thams cad de/ de rnam par sbyang ba'i phyir dam tshig yin pas na de bzhin gshegs pa thams cad rnam par sbyang ba'i dam tshig ste/rnam par sbyang ba ni nyan thos dang rang sangs rgyas kyi theg pa dang sems bzlog cing / 'khor ba'i sems kyang rnam par bzlog nas pad+ma'i phyag rgya'i 'dod chags kyi dpe bstan nas sems can smin pa dang grol ba'i 'dod chags kyis chags par bya ba ste/de bas na de ni 'dir dam tshig ces bya ba'i sgrar brjod do/ /bdag dang gzhan zhes bya ba la sogs pa la 'dod chags des sangs rgyas nyid kyi mthar thug pa'i yon tan thob pa ni/ bdag rnam par dag pa yin la/ gzhan rnams kyang ji skad du bshad pa'i yon tan 'thob par byed pa ste/de dag ni bdag dang gzhan rnam par dag par bya'o/ /de bzhin gshegs pa thams cad kyi chos kyi ye shes zhes bya ba la sogs pa la/ chos rnams kyi ye shes yin pas na chos kyi ye shes te/ chos kyi ye shes nyid mngon par shes pa yin no/ /de thob pa ni rnyed pa'o//de nyid ni 'bras bu ste de dag gi phyir ro/ /dam pa rnams kyi chos ni dam pa'i mngon par mtho ba dang nges par legs par 'thob pa'i rgyu ni chos te/ lung dang rtogs pa'i bdag nyid can no/ /dam pa'i chos nyid gdul bya'i skye bo'i rgyud la 'pho bar mdzad pa'i don gyis na 'khor lo ste de bskor ba'o//de bskor ba'i ngang tshul mnga' bas na chos kyi 'khor lo bskor ba ste/ de'i ngo bo nyid yin pas na chos kyi 'khor lo bskor ba nyid do/ /de bzhin gshegs pa thams cad kyi chos kyi sku ni bcom ldan 'das 'od dpag tu med pa ste/ chos kyi sku des dbang bskur zhing bcom ldan 'das 'od dpag tu med pa de'i rnam par dag pa'i chos kyi ngo bo nyid yin pas na chos kyi sku nyid do//brtan zhing rdo rje lta bu'i bsam pas 'jug pa'i phyir rdo rje pad+ma'o/ /yang na rdo rjes mtshan pa'i pad+mo yin pas na rdo rje'i pad+mo'o/ /rdo rje spyan zhes bya ba la sogs pa la/rdo rje spyan zhes bya ba ni gang gi phyir bcom ldan 'das 'di rdo rje lta ba'i phyag rgyas pad+ma'i phyag rgya 'di chags pa nyid la gzigs te/ de lta bas na lta ba des mtshan pa'i ming du rnam par gzhag pa yin no/ /rdo rje pad+ma zhes bya ba la sogs pa la 'dab ma kha 'byed pas zhes bya ba ni phyag g.yas pa'i sor mo gsum gyis pad+ma kham bye ba 'byed pa'i tshul gyis 'byed pa'o//de zhes bya ba ni gang thob pa'o/ /ci zhig rnam par dpyod ce na/ de'i phyir 'dod chags rnam par dag pa zhes bya ba la sogs pa gsungs te/ 'dod chags kyi rnam par dag pa ni dri ma med pa ste/ kun nas nyon mongs pa med pa'o//pad+ma'i 'dab ma'i chags pa'i dpes sems can smin pa dang grol ba'i 'dod chags dpe can gyi mthun pa'i chos la gzigs pa'o/ /'dra ba'i gang gis she na/ ma chags pa'i ngo bo nyid kyis so/ /de bas na 'di skad du ston te/ pad+ma'i 'dab ma 'di ni shin tu dmar la chu'i nyes pas kyang ma gos pa'o//de bzhin du sems can thams cad smin pa dang grol ba'i 'dod chags 'di chags pa'i rang bzhin can yin du zin kyang / mi dge ba bcu'i las kyi lam gyis ma gos pa yin no zhes don 'di rang nyid rnam par bsgom zhing gzhan rnams la yang go bar bya ba'i phyir ched du brjod pa 'di ched du brjod do//'di zhes bya ba ni phyag na gnas pa'o/ /de zhes bya ba ni bdag gang las skyes pa'o/ /sangs rgyas kun gyi 'dod chags kyi de kho na nyid rtogs pa zhes bya ba la/sangs rgyas thams cad phyag rgya'i khyad par gang gis byang chub sems dpa' thams cad la 'dod chags kyi de kho na nyid rtogs par mdzad do//ji ltar pad+ma dmar po rang bzhin gyis dmar ba yin yang / chu'i nyes pas gos pa ma yin no/ /de bzhin du khyed rnams kyis kyang mi dge ba bcu'i las kyis ma gos par 'dod chags gzung bar bya'i gzhan du ma yin no zhes bya ba de lta bu 'di ni 'dod chags kyi de kho na nyid do//ma gos pa'i phyir pad+ma dmar ba dang 'dra'o/ /de yang sems can smin pa dang grol ba'i chags pa ni rnam par dag pa yin te/ de lta bu'i 'dod chags kyi de kho na nyid rtogs pa'o/ /'dod chags kyi de kho na nyid de yang gang yin zhe na/bdag ste zhes bya ba'o/ /gang du khyod la byin zhe na/ bdag gi lag tu zhes bya ba gsungs pas bstan to/ /de lta bus ci zhig tu gyur zhe na/ chos la chos ni gnas par gyur/ /zhes gsungs so/ /'di skad ston te/ bdag gi phyag rgya gang yin pa de ni bdag yin la/bdag gang yin pa de ni phyag rgya yin pas de gnyis ni dbyer mi phyed pa'i phyir 'dod chags kyi de kho na nyid ni chos yin no/ /de bas na don de pad+ma'i phyag rgya'i khyad par gyi dpes rtogs par byed pa de yang chos yin la/ de las byung ba'i byang chub sems dpa'i sku khyad par de yang chos yin te/de bas na pad+ma'i phyag rgya'i gzugs kyis chos sems dpa'i khyad par gyi chos de la gnas so zhes bya ba'i don to/ /rab tu byed pa 'dis ni gdul bya rnams la ting nge 'dzin gyi man ngag bstan pa'i phyir/ bcom ldan 'das rnam par snang mdzad kyi ting nge 'dzin gyi mtshan nyid kyi yon tan snying po dang phyag rgya dang sems dpa'i gzugs su dkyil 'khor du rnam par sprul pa mdzad pa yin no//da ni ting nge 'dzin gyi 'og tu mnyam par gzhag pa'i sems kyis ni yang dag pa ji lta ba bzhin du shes par 'gyur te/ de bas na shes rab dang ye shes kyi sems dpa' brtan par bya ba'i phyir de nas zhes bya ba la sogs pa'i gzhung gsungs pa yin no//'jam zhing mnyen pa'i dpal gang la mnga' ba de ni 'jam dpal te/ gzhon nu'i cha lugs kyis rjes su 'jug par mdzad pa'o/ /dpal ni gzi mdangs so/ /byang chub sems dpa' chen po yang yin la/'jam dpal yang yin pas na byang chub sems dpa' chen po 'jam dpal lo/ /de'i dam tshig ni snying po dang phyag rgya la sogs pa ste/ de chos kyi bsam pa'i khyad par gang las byung ba de byin gyis brlab par mdzad pa'i phyir/ rdo rje ltar mi phyed pa'i ting nge 'dzin gang don dang mthun pa'i ming 'di nyid ces bya ba'i ting nge 'dzin de la snyoms par zhugs pa ni mngon sum du mdzad pa'o//de bzhin gshegs pa thams cad kyi shes rab dang ye shes chen po zhes bya ba la sogs pas/ de bzhin gshegs pa thams cad kyi shes rab dang ye shes ni chos rab tu rnam par 'byed pa'i mtshan nyid dang /rnam par mi rtog pa'i ye shes ni de bzhin gshegs pa thams cad kyi shes rab dang ye shes yin la/ de rgyur gyur pa'i dam tshig ni de bzhin gshegs pa thams cad kyi shes rab dang ye shes chen po'i dam tshig yin te/ de ston pa'i sgra gang yin pa de la yang shes rab dang ye shes chen po'i dam tshig ces bshad do//de bas na de bzhin gshegs pa thams cad kyi thugs ka nas rang gi snying po phyung ba yin no/ /'di zhes bya ba ni thugs la gnas pa'o/ /byung ma thag pa 'di ni zhes bya ba la sogs pa la/ snying po 'di ni bcom ldan 'das dang po'i sems dpa' de nyid do//sdug bsngal thams cad gcod par chos mthun pas shes rab nyid mtshon cha yin par spyir smos su zin kyang khyad par du bya ba'i phyir shes rab kyi ral gri zhes 'og nas bshad pa'i tshul gyis bshad do/ /shes rab kyi ral grir gyur nas gang du bzhud ce na/bcom ldan 'das rnam par snang mdzad kyi thugs su zhugs zhes gsungs pa yin no/ /zhugs nas 'du byed thams cad ro gcig pas na gcig tu'o/ /chos kyi dbyings mi phyed pa nyid kyis na 'dres par gyur pa'o/ /cir gyur zhe na/ rdo rje ral gri'i dbyibs su gyur zhes bya ba gsungs te/rdo rje ral gri'i gzugs su zhes bya ba'i don to/ /shes rab dang ye shes zhes bya ba la sogs pa la shes rab dang ye shes te/'di'i phrin las so/ /sogs pa smos pas ni sngar bshad pa'i byang chub kyi sems la sogs pa'o/ / shes rab ye shes la sogs pa las sems can rnams la shin tu snang bar sems dpa' 'jam dpal gyi ngo bo nyid gyi byang chub sems dpa'i skur snang bar rdo rje sems dpa'i ting nge 'dzin gang yin pa bsgoms pa'i stobs kyis bskyed par mdzad pas na shin tu 'jam dpal te/ de'i ngo bo nyid yin pas na 'jam dpal nyid yin pa'o//de bas na gcig pa ste/ gcig gi mthu las gyur pa'i phyir ro/ /'dres pa'i brtan pa ste rdo rje sems dpa'i ting nge 'dzin shin tu brtan pa yin pa'i phyir ro/ /e ma'o zhes bya ba la sogs pa la/ e ma'o zhes bya ba ni ngo mtshar du gyur pa'o//ci zhig ngo mtshar du gyur zhe na/ sangs rgyas thams cad du gtogs pa'i 'jam pa'i dbyangs bdag yin par lung las grags shing rab tu bshad pa'o/ /gal te khyed sangs rgyas thams cad kyi 'jam pa'i dbyangs yin na/ de lta na yang ngo mtshar ci zhig yod ce na/ de lta mod kyi/ gang phyir shes rab gzugs med kyang / /dbyangs nyid du ni dmigs pa yin/ /zhes bya ba ni ngo mtshar che ba'o/ /'di skad du ston te/ shes rab ni sems las byung ba'i chos te/ de yang gzugs med pa'o/ /de las ni sngags so/ /de las ni ral gri'i phyag rgya'o//de las ni bdag ste de ltar rim gyis gzugs can nyid du gyur cing dbyangs nyid du ste/ byang chub sems dpa' 'jam pa'i dbyangs kyi gzugs can nyid du zhes bya ba'i don to/ /de nas bcom ldan 'das zhes bya ba la sogs pa la/ shes rab kyis chos rab tu rnam par phye nas/phyag rgya 'di sems can 'di rnams la dkyil 'khor gyi cho ga 'di lta bus sems can gyi don byed cing yun ring du gnas par bya'o zhes smon par mdzad do/ /smon lam btab nas yang rnam par mi rtog pa'i ye shes kyis chos kyi dbyings la dmigs te/ ting nge 'dzin gang la dus cung zhig bzhugs nas ldang bar ston par mdzad do//de bas na ting nge 'dzin de la don dang mthun pa'i ming de bzhin gshegs pa thams cad kyi shes rab dang ye shes kyi dam tshig ces bya ba nyid de/ ting nge 'dzin 'di nyid ni brtan pa nyid dang / mi phyed pa'i don gyis na rdo rje zhes bya'o/ / de bas na shes rab dang ye shes kyi dam tshig rdo rje zhes bya ba'i ting nge 'dzin la snyoms par zhugs pa ni mngon sum du mdzad pa'o/ /de bzhin gshegs pa thams cad kyi nyon mongs pa thams cad gcod pa'i dam tshig dang zhes bya ba ni/ gang gis de bzhin gshegs pa thams cad sems can thams cad kyi nyon mongs pa rnams tshar gcod par mdzad pa'i ral gri de byang chub sems dpa' chen po 'jam dpal de'i lag tu de bzhin du byin no zhes bya bar sbyar ro//de la nyon mongs pa ni 'dod chags la sogs pa'o/ /nyon mongs pa yang yin la thams cad kyang yin pas na nyon mongs pa thams cad de/de rnams gcod pa ni shes rab kyis chos rnams kyi de kho na nyid rab tu rnam par dpyad nas/ de kho na nyid rab tu shes pas nyon mongs pa rnams ni shin tu yang ma skyes pa yin pas na bcad pa'o/ /nyon mongs pa gcod pa'i dam tshig ste/phyi rol gyi dngos po gcod par byed pa'i ral gri dang 'dra bas na ral gri'i phyag rgya'o/ /'jig rten gyi khams ma lus pa rnams su sems can gyi khams lus pa med pa'i nyon mongs pa las byung ba'i nye bar len pa'i phung po lnga'i bdag nyid can gyi sdug bsngal gcad par bya ba'i phyir te/nyon mongs pa dang sdug bsngal bcad par gyur nas/ zag pa med pa'i bde ba dang yid bde ba thob par bya ba'i phyir ro/ /bar du zhes bya ba'i sgras ni byang chub kyi sems la sogs pa sngar bshad pa rnams bsdu'o/ /ji tsam gyi bar du mthar thug pa zhe na/ gsung gi rjes su 'brang ba'i shes rab dam pa'i bar du ste/de bzhin gshegs pa thams cad kyi theg pa chen po'i don ston par mdzad pa'i sgra ni gsung ste/ de'i rjes su 'gro bas na gsung gi rjes su 'brang ba'i shes rab ces bya'o/ /'di skad ston te/ de bzhin gshegs pa thams cad shes rab kyi khyad par gang gis chos ston pa na sgra 'dis don 'di lta bu ston pa yin no zhes tshig la sogs pa'i don legs par mtshon par byed pa de ni gsung gi rjes su 'gro ba'i shes rab ces bya'o//de yongs su rdzogs par bya ba ni/ rab kyi mthar thug par 'gro ba'o/ /de nyid ni dngos grub dam pa ste/ de'i phyir ro/ /rdo rje ral gri zhes smos pa ni rang gi gnas pa nyid ston pa yin no/ /rdo rje blo zhes bya ba la sogs pa la don thams cad so sor rtogs pa'i ngo bo nyid ni rdo rje lta bu yin te/ de blo de lta bu yin pa'i phyir rdo rje'i blo rdo rje'i blo zhes don dang rjes su mthun pa'i ming gi dbang gis dbang bskur ba stsal ba yin no//de nas rdo rje'i blos de bzhin gshegs pa thams cad la rdo rje'i ral gri des zhes pa stong pa nyid kyi ye shes kyi ral gri des 'debs shing zhes pa rnam par bsgom zhing mi snang bar mdzad de ched du brjod pa 'di ched du brjod do/ /'di skad ston te/ gzugs kyi sku rnam par gzhig pa ni 'debs pa yin te/stong pa nyid la dmigs pa'i shes rab kyi blos rdul phran du bshig la/ rdul phran yang phyogs cha drug gi tshul gyis mi snang bar byas te/ chos thams cad stong pa nyid kyi rjes su 'gro bar rab tu bsgom zhing mthar sangs rgyas kyi sku yang stong pa nyid kyi ngo bo nyid do zhes yongs su gcod pa la ni 'debs zhes bya'o//de nyid kyis na/ 'di ni sangs rgyas thams cad kyi/ /shes rab pha rol phyin pa'i tshul/ /zhes bya ba gsungs pa yin te/ 'di ni nges par 'di ltar rtogs par bya'i/gzhan du na gal te/ de bzhin gshegs pa'i sku rnam par bsgoms nas de bzhin gshegs pa'i sku don med par mi 'gyur ro//des na dngos po thams cad kyang de bzhin gshegs pa'i sku ltar gzugs can yin pas na don yod par 'gyur ro/ /des na stong pa nyid med pas de bzhin gshegs pa yang de kho na nyid gzigs pa ma yin par 'gyur ro//de'i phyir stong pa nyid la dmigs pa'i ye shes kyi ral gri des de bzhin gshegs pa'i sku rnam par bsgom pa la ni 'debs pa zhes bshad do/ /'di zhes bya ba ni phyag na gnas pa'o/ /de zhes bya ba ni bdag gang las skyes pa'o/ /de gang yin zhe na/ shes rab pha rol phyin pa'i tshul//zhes bya ba gsungs te/ shes rab ni chos rab tu rnam par 'byed pa ste/ de'i pha rol ni rab kyi mthar thug pa ste/ shes rab kyi pha rol der son pa'i shes rab gang yin pa de la ni shes rab kyi pha rol tu phyin pa zhes bshad do/ /de'i tshul ni dngos po thams cad rnam par gzhig pa bsgom pa de/'di ni ral gri'i phyag rgyas ston to/ /'dis ci zhig byed ce na/ dgra rnams thams cad gcod byed cing / /zhes bya ba gsungs te/ sangs rgyas kyi sku can la sogs pa'i dngos po thams cad stong pa nyid kyi ting nge 'dzin gyis rnam par bsgoms par gyur nas/dmigs par bya ba'i rgyu med de/ de la dmigs pa las kyang nyon mongs pa mi skye bas gcod byed cing zhes bya ba ste/ skye ba med pa ni gcod pa'i mtshan nyid can yin pa'i phyir ro/ /gang zhig gcod pa yin zhe na/ dgra rnams zhes bya ba gsungs te/ dgra ni 'dod chags la sogs pa'i nyon mongs pa rnams te/'gro ba drug tu sdug bsngal mang po bskyed pa'i don gyis so/ /nyon mongs pa rnam par bcad na des kun nas bslang ba'i mi dge ba bcu'i rgyu med pa'i phyir mi skye bas na/ sdig pa thams cad 'joms pa zhes gsungs pa yin no/ / mi gtsang ba la sogs pa bsgom pa'i khyad par ram mi rtag pa nyid yid la byed pa la sogs pa bsgom pa'i khyad par gzhan dag gis kyang nyon mongs pa rnams dang / mi dge ba rnams mi skye ba srid pas de las khyad par du bya ba'i phyir mchog ces bya ba gsungs so/ /'di skad ston te/ stong pa nyid kyi ye shes kyi ral gri las gzhan pa dag yid la byed pa ni 'di lta bu gzhan yod pa ma yin no/ /'dis ni bcom ldan 'das rnam par snang mdzad kyi gsung gi rjes su 'brang ba'i shes rab gdul bya rnams kyis rtogs par bya ba'i phyir/ dkyil 'khor 'dir snying po dang phyag rgya dang sems dpa'i gzugs su sprul par mdzad pa yin no//da ni ting nge 'dzin thob pa shes rab kyi khyad par thob pas yongs su smin pa rnams la dkyil 'khor gyi 'khor lo'i sprul pa bstan par bya ba'i phyir/ de nas zhes bya ba la sogs pa'i gzhung gsungs pa yin no/ /sems bskyed ma thag pa zhes bya ba ni sems bskyed pa'i rjes thogs la zhes bya ba'i don to//de ma thag ces bya ba'i sgra ni bar ma chad pa la bya ba yin no/ /chos kyi 'khor lo ni dkyil 'khor gyi 'khor lo ste/ de sems bskyed pa tsam gyis bskor ba'i ngang tshul 'di la mnga' bas na sems bskyed ma thag tu chos kyi 'khor lo bskor ba'o//de'i dam tshig ni snying po dang phyag rgya la sogs pa'o/ /de chos kyi bsam pa'i khyad par gang las byung ba de byin gyis brlab pa'i phyir rdo rje ltar mi phyed pa'i ting nge 'dzin gang la don dang mthun pa'i ming 'di skad ces bya ba'i ting nge 'dzin gang yin pa de la snyoms par zhugs pa ni mngon sum snying po mdzad pa'o/de bzhin gshegs pa thams cad thugs kyi khyad par gang dang gis 'khor lo bskyed par mdzad pa 'di dang 'di 'di ltar gyuracig ces bya ba'i thugs la gnas pa'i don de ni bzhin gshegs pa thams cad kyi khor lo zhes bshad de/'khor lo bskyed pa'i phyir dam gces bya'o/ /thugs la gnas pa'i phyir snying po zhes kyang bya la/ sgra gang gis don de ston par byed pa'i sgra de la yang de bzhin gshegs pa thams cad kyi snying po zhes bshad de/ snying po de phyung ba'o/ /'di zhes bya ba ni thugs la gnas pa'o//chos kyi 'khor lo bskor ba'i rgyur gyur pa'i phyir badzra he tu zhes gsungs so/ /snying pos bskul ba'i rjes thogs nyid la bcom ldan 'das rdo rje 'dzin pa de nyid gang gi don du bskul ba'i rdo rje dbyings kyi dkyil 'khor chen po la sogs pa der gyur te/ byung nas gcig tu 'dres par gyur nas rdo rje 'khor lo'i dbyibs su gyur te zhes bya ba la/'khor lo lta bu'i phyag rgya'i gzugs su zhes bya ba'i don to/ /sems bskyed ma thag tu zhes bya ba la sogs pa la/ sems bskyed pa'i rjes thogs nyid la phyi rol gyi dkyil 'khor gyi 'khor lo gzugs dang / phyag rgya dang / lha rnams kyi rang bzhin sprul par byed pa'i 'khor lo bskor ba'i byang chub sems dpa'i gzugs su snang ba'i phyir dang /rdo rje 'dzin pa'i ting nge 'dzin gyis gcig tu gyur pa dang / shin tu brtan pas 'dres pa'o/ /rdo rje dam pa zhes bya ba la sogs pa la/ rdo rje lta bu'i bsam pa las byung bas na rdo rje'i rang bzhin zhes gsungs so//'khor lo las byung bas na 'khor lo'o/ /rdo rje'i rang bzhin gyi 'khor lo khyod su zhig gi zhe na/ de'i phyir/ rdo rje dam pa chos can gyi/ /zhes gsungs pa yin no/ /rdo rje lta bu'i thugs kyi chos can gang yin pa de ni rdo rje dam pa'i chos can te/ sangs rgyas zhes bya ba'i don to//ci'i phyir de'i thugs rdo rje lta bu zhe na/ de'i phyir/ gang phyir sems bskyed tsam gyis kyang / /chos kyi 'khor lo bskor bar gyur/ /zhes gsungs pa yin no/ /'di skad ston te/ de'i thugs de de ltar shin tu bsgoms pa dang / nga brtan pa nyid kyis phyag rgya'i gzugs sam/sems dpa'i gzugs sam/ gzhal yas khang gi gzugs sam/ ston pa'i sku gang dang gang phyi rol gyi gzugs nyid lhag par mos pa de de bzhin du rang nyid kyis mthong bar 'gyur ro/ /de dang der mngon par byung ba gdul bya'i skye bo gzhan rnams kyis kyang de bzhin du mthong bar 'gyur ba dang /dus ji srid du 'dod pa de srid du gnas par gyur zhing / gzhan gang gis kyang sprul pa gzhig par mi nus so/ /rgyu des na de'i thugs ni rdo rje lta bu nyid yin no/ /de bzhin gshegs pa thams cad kyi 'khor lo rdo rje zhes bya ba la sogs pa la/ de bzhin gshegs pa thams cad ting nge 'dzin gang gis byang chub sems dpa' chen po sems bskyed ma thag tu chos kyi 'khor lo bskor ba la/'khor lo'i phyag rgya'i dbang bskur ba stsol ba ste/ de yang rdo rje ltar mi phyed pa'i ting nge 'dzin gang yin pa'i ting nge 'dzin de la snyoms par zhugs shing mngon sum du mdzad nas/dkyil 'khor chen po'i dam tshig rdo rje'i 'khor lo de byang chub sems dpa' chen po sems bskyed ma thag tu chos kyi 'khor lo bskor ba de'i lag tu de bzhin du byin no zhes bya bar sbyar ro/ /lhag ma rnams kyis ni dgos pa ston te/ de bzhin gshegs pa thams cad dam tshig gi phyag rgya'i khyad par gang gis gdul bya'i skye bo rnams la phan gdags par bya ba'i phyir 'khor lo lta bus dkyil 'khor chen po ston par mdzad pa'i dkyil 'khor chen po de la ni dam tshig ces bya'o//ci'i phyir 'khor lo de dang dkyil 'khor gyi dam tshig byin zhe na/ 'jig rten gyi khams ma lus pa rnams su sems can gyi khams lus pa med pa 'jug pa'i phyir ro//ci'i phyir de de rnams 'jug par 'gyur zhe na/ phyir mi ldog pa'i 'khor lo zhes bya ba la sogs pa gsungs te/ phyir ldog pa ni byang chub kyi lam las ldog pa'o/ /ldog pa des 'jug pas na phyir ldog pa yin la/ldog par mi byed pas na phyir mi ldog pa'o/ /phyir mi ldog pa de rnams kyi 'khor lo ni phyir mi ldog pa'i 'khor lo ste/ de bzhin gshegs pas byin gyis brlabs pa'i 'khor gyi dkyil 'khor ste der 'jug pa'o/ /phyag rgya bzhi'i spyod pa'i rjes su 'jug pa'i slob dpon gyis phyag rgya dang sems dpa' dang /sngags rnams ji skad du bshad pa'i bya ba dang ldan pa'i phye ma la sogs pas dgod cing bris pa la yang sngar bshad pa'i 'khor gyi dkyil 'khor du 'jug pa'i rgyur gyur pas phyir mi ldog pa'i 'khor lo zhes bshad do/ /tshul de lta bu'i dkyil 'khor mthong zhing 'khor gyi dkyil 'khor mthong ba dang /'jug pa thob par 'dod pa dang / ji skad du bshad pa'i bya ba la yang nan tan du 'jug pas gdul bya rnams rim gyis sangs rgyas kyi 'khor gyi dkyil 'khor du mngon sum du 'jug par 'gyur ro/ /der zhugs nas kyang sangs rgyas bcom ldan 'das kyi thad nas theg pa chen po'i chos shin tu dri ma med la/zab cing rgya che ba mngon sum du thos pa'i ro myang zhing chos kyi longs spyod bla na med pa'i bde ba dang yid bde ba myong bar 'gyur te/ don de dag gi phyir 'khor lo de byin pa yin no/ /gzhan yang phyi ma'i dus su sa dang pha rol tu phyin pa la sogs pa yongs su rdzogs nas go 'phang bla na med pa thob ste/ji srid de bzhin gshegs pa thams cad du gtogs pa'i dam pa'i chos kyi 'khor lo bskor bar gyur pas na de byin pa yin no/ /de la dam pa rnams kyi chos yin pas na dam pa'i chos te/ dam pa ni sangs rgyas bcom ldan 'das rnams dang /byang chub sems dpa' rnams so/ /de rnams kyi chos kyi 'khor lo ni dam pa'i chos ston pa nyid gdul bya'i skye bo rnams kyi sems kyi rgyud la 'jug pas 'khor lo zhes bya ba la/ de nyid ni grub pa dam pa ste de dag gi phyir ro/ /de nas zhes bya ba ni phyag rgyas dbang bskur ba'i rjes thogs la'o//go 'phang bla na med pa thob pa'i rgyur nges par rdo rje lta bu'i dam pa'i chos ston pas snying por gyur pas na snying po ste/ mar gyi snying po dang 'dra bas na de'i phyir rdo rje'i snying po rdo rje'i snying po zhes ming gi dbang bskur ro/ /'dis rdo rje 'khor lo des de bzhin gshegs pa thams cad phyir mi ldog pa nyid du 'jog pa zhes bya ba la/de bzhin gshegs pa thams cad ni 'dir dkyil 'khor bar sprul pa'i byang chub sems dpa' rnams te/ gang yang de rnams dgug pa dang gzhug pa dang bcing ba dang dbang du byas nas/ bya ba nyams su lon par byed pa de yang de bzhin gshegs pa thams cad ces bya ste/ dkyil 'khor du 'jug pa de'i sgo nas de rnams phyir mi ldog pa nyid du 'jog pas na/ de'i phyir sems can thams cad kyi don bla na med pa mthong bas yongs su mgu nas ched ka nyid du ched du brjod pa 'di ched du brjod pa ste/yongs su dga' nas smras pa zhes bya ba'i don to/ /'di ni sangs rgyas thams cad kyi zhes bya ba la sogs pa la/ chos thams cad ni gdul bya'i rgyud du gtogs pa'i dad pa la sogs pa'o/ /de rnams kyi rnam par sbyong ba ni dri ma med par bya ba ste/ gang gi phyir sngags kyi spyod par bshad pa'i 'khor lor 'jug pa'i thabs kyis gdul bya rnams nyin dang mtshan du dge ba'i phyogs la gzhol bar 'gyur ro//de lta bu'i rnam par dag pa gang dang gang rtogs pas sangs rgyas nyid kyang thob par 'gyur te/ de bas na chos thams cad rnam par sbyong zhes gsungs pa yin no//'khor lo 'di ci zhig yin zhe na/ phyir mi ldog pa'i 'khor lo yang zhes bya ba gsungs so/ /'dir zhugs pa rnams ni nges par sangs rgyas nyid thob par 'gyur bas na/ de'i phyir/ byang chub snying po yin par dgongs/ /zhes bya ba gsungs pa yin no/ /de ltar na sangs rgyas bcom ldan 'das dkyil 'khor gyi 'khor lo ston par mdzad pa'i phyir ro//sngags dang phyag rgya dang sems dpa'i tshul du sprul par mdzad pas na rtog pa dang bcas shing dpyod pa dang bcas pa'i ting nge 'dzin gsungs pa yin no/ /da ni dkyil 'khor du 'jug pa'i sems can de dag nyid la bzlas pa'i lung 'bogs pa'i phyir de nas zhes bya ba la sogs pa'i gzhung gsungs pa yin no//byang chub sems kyi ngo bo nyid yin pas na byang chub sems dpa' chen po'o/ /'di la tshig tu brjod du yod pa ma yin pas na mi gsung ba'o/ /byang chub sems dpa' chen po yang yin la mi gsung pa yang yin pas na byang chub sems dpa' chen po mi gsung ba'o//de'i dam tshig ni snying po dang phyag rgya la sogs pa yin la/ de chos kyi bsam pa'i khyad par gang las byung ba de byin gyis brlab pa'i phyir/ /rdo rje ltar brtan pa'i ting nge 'dzin gang la don dang mthun pa'i ming 'di skad ces bya ba'i ting nge 'dzin gang yin pa'o//de bzhin gshegs pa thams cad ces bya ba la sogs pa la/ de bzhin gshegs pa thams cad ni dkyil 'khor ba'i byang chub sems dpa' rnams dang / de'i me tog babs pas yongs su bzung ba'i bzlas pa'i rgyu'i dam tshig gang yin pa snying la gnas pa'o//de ston par byed pa'i rgyu la yang bzlas pa'i dam tshig ces bya'o/ /de bzhin gshegs pa'i bzlas pa'i dam tshig de ni de bzhin gshegs pa thams cad kyi thugs la gnas pas na/ de bzhin gshegs pa thams cad kyi snying po zhes bya'o/ /de bzhin gshegs pa thams cad chos nyid ston pa'i yi ger gyur te byung nas de bzhin du/bcom ldan 'das rnam par snang mdzad kyi thugs su zhugs la/ bzlas pa'i rgyud la yang bzlas pa zhes bshad de/ gang gi phyir yi ge bzlas pa'i rgyu ni lce yin pa las de'i phyir rdo rje bzlas pa'i dbyibs su gyur te zhes bya ba ste/lce'i gzugs can gyi phyag rgya'i khyad par du gyur to zhes bya ba'i don to/ /de bzhin gshegs pa thams cad ces bya ba la sogs pa la de bzhin gshegs pa thams cad kyi chos nyid spros pa med pa nyid de/ de thog mar byas nas byang chub kyi sems la sogs pa sngar bshad pa rnams kyang /sogs pa zhes bya ba'i sgras bsdu'o/ /sangs rgyas rnams kyi rdzu 'phrul ni sangs rgyas thams cad kyi rdzu 'phrul te/ nam mkha' la bzhud pa la sogs pa'o/ /cho 'phrul ni mthu yang dag par ston pa ste/ gdul bya rnams la phan gdags par mdzad pa'i phyir/ 'jig rten gsum po bskyod pa la sogs pa'o//rdzu 'phrul dang cho 'phrul ni rdzu 'phrul dang cho 'phrul lo/ /sangs rgyas rnams kyi rdzu 'phrul dang cho 'phrul yin pas na/ sangs rgyas thams cad kyi rdzu 'phrul dang cho 'phrul yin pa'am/ rdzu 'phrul dang cho 'phrul mdzad pas na rdzu 'phrul dang cho 'phrul te de byas nas so//shin tu yang tshig gi spros pa dang bral bas shin tu tshig ma yin no/ /de'i ngo bo nyid yin pas na shin tu yang tshig ma yin pa nyid de/ de bas na byang chub sems dpa' shin tu tshig ma yin par snang ba'i don gyis na gcig pa'o/ /shin tu bstan pas na 'dres par ro//de ltar byang chub sems dpa'i tshig ma yin pa'i skur gyur nas ched du brjod pa 'di ched du brjod pa'o/ /e ma'o zhes bya ba ni ngo mtshar du gyur pa'o/ /rang nyid 'byung bas na rang 'byung ste/ sangs rgyas bcom ldan 'das so/ /de rnams kyi ngo mtshar du gyur pa gang yin zhe na/ gsang ba zhes bya ba gsungs so/ /gsang ba de gang yin zhe na/ ldem po ngag tu bdag dgongs te/ /zhes pa ldem po ngag ni/ mtshan nyid can gyi gsung gi gsang ba ni bdag nyid yin zhes bya ba'i don te/ sgra'i don ji bzhin pa ma yin pa'i tshig la ni ldem po ngag gi sgra gsungs so/ /'dir ngo mtshar ci zhig che zhe na/gang phyir dam pa'i chos 'chad na/ /tshig tu spros las rnam par bral/ /zhes bya ba ste/ gang gi phyir chos kyang ston par mdzad la tshig gi spros pa dang yang bral ba 'di ni ngo mtshar che'o/ /'di skad ston te/ bstan pa med pa'i don bstan pa thos pa gang yin pa 'di la ni ston par byed pa med pas na tshig gi spros pa dang bral ba zhes bshad de/gtso bor bstan pa med pa zhes bya ba'i don to/ /de bzhin gshegs pa thams cad kyi gsang ba'i gsung zhes bya ba la sogs pa la/ de bzhin gshegs pa thams cad kyi gsang ba ni gsang bar bya'o/ /gsang ba yang yin la gsung yang yin pas na de bzhin gshegs pa thams cad kyi gsang ba'i gsung ste sbas pa'i gsung zhes bya ba'i don to//de'i byin gyis brlab pa'i phyir ting nge 'dzin gang de nyid dang rjes su mthun pa de la snyoms par zhugs pa'o/ /de bzhin gshegs pa thams cad kyi gsung ni de bzhin gshegs pa thams cad kyi gsung ste/de'i ye shes yin pas na de bzhin gshegs pa thams cad kyi gsung gi ye shes so/ /de'i dam tshig ni gsung skyed par byed pa'i lce'i ngo bo nyid kyi phyag rgya'i khyad par ro/ /tshig gi dngos grub ni tshig grub pa ste/ tshig grub pas bde ba dang yid bde ba myong bar bya ba'i phyir ro//bar du zhes bya ba'i sgras ni gsung gi gsang ba'i mthar thug pa'i bar gyi sangs rgyas kyi yon tan thams cad bsdu'o/ /gsung gi gsang ba'i ngo bo nyid yin pas na gsung gi gsang ba nyid de/ de thob pa ni dngos grub dam pa nyid do/ /de'i phyir rdo rje bzlas pa'i dbyibs de de la byin pa yin no//'di la gsal ba'i tshig yod pa ma yin pas na tshig ma yin pa'o/ /de nas zhes bya ba ni phyag rgyas dbang bskur ba'i rjes thogs la'o/ /rdo rje'i tshig ni sgra spangs pa ste/ de bas na de la ltos nas rdo rje dam tshig ces ming gi dbang bskur ba byin pa yin no//de nas byang chub sems dpa' de'i phyag rgya'i khyad par des ci zhig mdzad ce na/ de bzhin gshegs pa thams cad la rdo rje'i bzlas pa yang dag par smra zhing zhes bya ba la/ de bzhin gshegs pa thams cad ni 'dir dkyil 'khor ba'i sems dpa' rnams te/ de zlos pa rnams kyang des byin gyis brlabs pa yin la/de rnams kyis yang dag par smra ba ni brjod pa ste/ smra ba rnams la lce'i phyag rgya bde bar dgod pas thams cad smrar gzhug pa ni yang dag par smra ba'o/ /ched du brjod pa 'di ched du brjod do zhes bya ba la/ ci zhig ched du brjod ce na/ 'di ni sangs rgyas thams cad kyi//zhes bya ba la sogs pa ste/ 'di zhes bya ba ni phyag gi mthil la gnas pa'o/ /de zhes bya ba ni bdag gang las skyes pa'o/ /'di de sangs rgyas thams cad kyi/ /zhes bya ba de gang yin zhe na/ rdo rje bzlas pa zhes bya ba gsungs te/ phyag rgya'i khyad par gang gis rdo rje bzlas pa byed pa'i phyag rgya'i khyad par de la rdo rje bzlas pa zhes bshad do//gang zhig ce na/ de'i phyir/ de bzhin gshegs pa thams cad kyi/ sngags 'di myur du 'grub par 'gyur/ /zhes bya'o/ /rdo rje chos nyid kyi ye shes zhes bya ba la/ 'jig rten dbang phyug gi ye shes ni rdo rje chos nyid kyi ye shes te/'dir ngo bo nyid kyi 'dod chags kyis gos pa med pa'o/ /de'i ye shes yin pas na rdo rje chos nyid kyi ye shes so/ /shes rab dang ye shes ni bcom ldan 'das 'jam dpal te/ shes rab dang ye shes ni shes rab dang ye shes so/ /chos kyi 'khor lo chen po bskor ba'i ye shes ni chos kyi 'khor lo yang yin la chen po yang yin pas na chos kyi 'khor lo chen po'o//de'i ye shes yin pas na/ chos kyi 'khor lo chen po bskor ba'i ye shes te rdo rje'i rgyu'o/ /de bzhin gshegs pa thams cad kyi gsung gi spros pa rnam par ldog pa'i ye shes zhes bya ba la/gsung gi spros pa ni rna ba'i rnam par shes pa'i yul tshig dang ngag gi rnam pa'o/ /de las bzlog pa ni rdo rje'i tshig gi sgra spangs pa'o zhes bstan pa'o/ /thams cad kyi ye shes kyi ngo bo nyid yin pas na/ de bzhin gshegs pa thams cad kyi ye shes sems dpa' chen po zhes gsungs te/dam tshig sems dpa'i rjes thogs la ni dbang bskur ba'i sems dpa' yin la/ dbang bskur ba'i sems dpa'i rjes thogs la ni rnal 'byor gyi man ngag gis de las ye shes bzhi yongs su rdzogs pas de'i phyir ye shes sems dpa' zhes gsungs pa yin no//rnal 'byor yongs su rdzogs pa las ni bdag dang gzhan gyi don 'grub pa'i mtshan nyid can gyi las 'byung ste/ de bas na de bstan par bya ba'i phyir/ de nas zhes bya ba la sogs pa'i gzhung gsungs pa yin no/ /de bzhin gshegs pa thams cad kyang yin la/ byang chub sems dpa' chen po las thams cad pa yang yin pas na/de bzhin gshegs pa thams cad kyi byang chub sems dpa' las thams cad do/ /byang chub kyi sems kyi ngo bo nyid yin pas na/ byang chub sems dpa' las thams cad pa ni bdag dang gzhan gyi don gyi mtshan nyid can gyi las sna tshogs pa du ma ste/bdag gi don ni tshogs yongs su rdzogs pa'i rgyu mchod pa'i sprul pa'o/ /gzhan gyi don ni dus ji lta bu dang ci rigs par gdul bya'i bya ba rdzogs par byas pa 'di dag ni las thams cad yin la/ de yongs su rdzogs par mdzad pas na las thams cad pa'o/ / de'i dam tshig yin pas na de bzhin gshegs pa thams cad kyi byang chub sems dpa' chen po las thams cad pa zhes bya ba'i dam tshig ste/ dam tshig ni snying po dang phyag rgya la sogs pa'o/ /de las kyi mtshan nyid can gyi sems kyi khyad par gang las byung ba de byin gyis brlab cing mthu skyed pa'i phyir/rdo rje ltar mi phyed pa'i ting nge 'dzin gang yin pa de la yang don dang mthun pa'i ming 'di skad ces bya ste/ ting nge 'dzin de la snyoms par zhugs pa ni mngon sum du mdzad pa'o/ /de bzhin gshegs pa thams cad snying po gang gis gdul bya'i mdzad pa rnams mdzad pa ni/ de bzhin gshegs pa thams cad kyi phrin las kyi dam tshig ces bshad do/ /'di zhes bya ba ni thugs la bzhag pa la snyegs so/ /las thams cad ces bya ba la las rnams mnyam pa nyid yin pas na/ las thams cad kyi mnyam pa nyid do/ /las rnams ngo bo nyid kyis bya ba'i dngos po rdzas dang bral ba ni las thams cad kyi mnyam pa nyid do//de yang / 'du byed thams cad skad cig ma/ /mi gnas bya ba ga la yod/ /'di dag 'byung ba de nyid ni/ /bya ba de nyid byed por brjod/ /ces ji skad bshad pa lta bu'o/ /de'i mnyam pa nyid kyi ye shes ni las thams cad kyi mnyam pa nyid kyi ye shes so//de'i shin tu rtogs pa ni khong du chud cing rab tu rtogs pa ste/ yang dag par thugs su chud ces bya ba'i don to/ /de'i ngo bo nyid yin pas na shin tu rtogs pa nyid do/ /de bzhin gshegs pa thams cad kyi phrin las kyi 'od zer zhes bya ba la de bzhin gshegs pa thams cad kyi 'od zer ni kha bzhi pa rtse gsum pa rdo rje nag po spel pa/ge sar gyi phreng ba'i dbyibs su zhes bya ba'i don to/ /da ni de dag gi ting nge 'dzin la dbang du gyur pa bstan par bya ba'i phyir spro ba bstan pa ni/ de dag gis 'jig rten gyi khams thams cad snang bar byas nas zhes bya ba ste/ 'di rnams kyis snang bar byas shing rang bzhin gyis kha dog bsgyur ba zhes bya ba'i don to//de bas na las kyi dbyibs lta bur gyur to zhes bya ba ste/ las kyi dbyibs kyi rang bzhin du gyur to zhes bya ba'i don to/ /phrin las kyi dbyibs ma lus pa de la yang zhes bya ba la las rnams kyi khams ni las kyi dbyibs te/rgyu skad cig ma'i gzugs can gyi skad cig ma gzhan las 'bras bu'i skad cig 'byung ba'i bya ba la ni las zhes bshad de/ de'i rgyu ni rlung gi khams yin pas las kyi dbyibs ni rlung gi khams zhes bya ba'i don to/ /spros pa las bsdu ba byas nas/ bcom ldan 'das rnam par snang mdzad kyi thugs kar zhugs so//der zhugs nas ci zhig tu gyur zhe na/ de'i phyir las kyi rdo rje'i dbyibs su gyur nas zhes bya ba gsungs so/ /tshad ji tsam zhe na yang phyag rgyar gyur pa'i spro ba bstan pa ni de nas rdo rje dbyibs zhes bya ba la sogs pa'o/ /gang las she na/de las zhes bya ba ste/ sngar bshad pa'i las kyi khams kyi sems las so/ /lhag ma rnams ni go sla'o/ /de bzhin gshegs pa thams cad kyi phrin las la sogs pa la/ de bzhin gshegs pa thams cad kyi phrin las gang yin pa la sogs pa'i bya ba'i khyad par de dag thams cad byas zhes bya ba'i don to//de bzhin gshegs pa thams cad kyi phrin las mtha' yas pa ni gdul bya mtha' yas pa nyid de/ sems can gyi tshogs mtha' yas pa'i phyir ro/ /mtha' yas pa de nyid kyis rdo rje sems dpa'i ting nge 'dzin gcig tu gyur te/ gcig tu gyur par shin tu bsgom pa'i phyir ro//shin tu brtan pas na 'dres pa'o/ /e ma'o zhes bya ba la sogs pa la/ e ma'o zhes bya ba ni ngo mtshar ba'o/ /ci zhig ngo mtshar yin zhe na/ phrin las mang po kun bdag yin/ /zhes bya ba'o/ /su zhig gi las thams cad pa yin zhe na/ sangs rgyas rnams kyis zhes bya'o//ji lta bu zhe na/ nges par te don yod pa zhes bya ba'i don to/ /ji tsam zhe na/ mang po zhes bya ba'i don to/ /sangs rgyas rnams kyi don yod pa'i phrin las 'di khyod yin par ji ltar shes she na/ sangs rgyas don ni lhun grub phyir/ /rdo rje las ni 'jug par 'gyur/ / zhes bya ba ste/ gang gi phyir sangs rgyas kyi don te/ sangs rgyas kyi mdzad pa lhun gyis grub pa'i tshul gyis rdzogs par mdzad pa ste/ rnam par mi rtog pa'i ting nge 'dzin la gnas su zin kyang thams cad gdul bya mtha' yas pa la 'bad pa med par sems can yongs su smin par bya ba'i las la rdo rje ltar bzlog par dka' bas 'jug par 'gyur ba'o//de nas bcom ldan 'das zhes bya ba la sogs pa la/ de bzhin gshegs pa thams cad du gtogs pa'i las la don yod par mdzad pas na gdon mi za ba'i rdo rje zhes bshad de/ las kyi rdo rje zhes bya ba'i don to/ /de byin gyis brlab pa'i ting nge 'dzin gang yin pa de la yang gdon mi za ba'i rdo rje zhes bshad de/ting nge 'dzin de la snyoms par zhugs nas las kyi rdo rje de byang chub sems dpa' de'i lag par byin no zhes bya bar sbyar ro/ /lhag ma rnams kyis ni las kyi dam tshig gi dgos pa bstan pa yin te/ de bzhin gshegs pa thams cad la mchod pa bya ba ni/yid kyi mchod pa mang po gang mdo sde dag las bshad pa'i sangs rgyas dang byang chub sems dpa' rnams kyi mchod pa rgya chen po rnams gzung ngo / /de lta bu'i mchod pa la 'jug cing / sems kyi lhag par mos pa de thog mar byas nas/ gdul bya rnams kyi bya ba'i phyir sangs rgyas dang byang chub sems dpa' rnams kyi phrin las gzhan gang ci yang rung ba de thams cad kyang yongs su bsdu'o/ /las de'i tshad ji tsam zhe na/ gdon mi za ba tshad med pa/ /zhes bya ba ste/ ji ltar sems bsod nams kyi tshogs ma lus par sdud pa la don yod pa des na gdon mi za ba nyid do//las thams cad kyi cho ga rgyas pa yin pas na las thams cad kyi cho ga rgyas pa'o/ /cho ga'i sgra ni rnam pa'i tshig ste/ las kyi cho ga rgyas pa thams cad do/ /de'i dam tshig ni des bsdus pa'i mtshan ma ste/ mtshan ma des mchod pa de byin gyis brlabs nas/'bras bu gdon mi za bar 'gyur bas de'i phyir las kyi rdo rje de la dam tshig ces bya'o/ /'jig rten gyi khams ma lus pa rnams su sems can gyi khams lus pa med pa rnams kyi las thams cad de las phran tshegs rnams so/ /de grub pa ni bsams pa'i don thob pa'o//des thams cad kyi bde ba dang yid bde ba myong ba ni mngon sum du myong ba'o/ /bar du zhes bya ba'i sgras ni 'jig rten pa dang / 'jig rten pa'i 'bras bu gzhan dag kyang bsdu'o/ /de bzhin gshegs pa thams cad kyi rdo rje'i phrin las nyid ni/ mi phyed pa'i phrin las nyid de de'i ye shes so//de nyid ni mngon par shes pa'o/ /dngos grub dam pa yang de nyid de/ 'bras bu de dag gi phyir ro/ /las kyi rigs thams cad du 'khor lo bskor bar 'os pa yin la/ de'i ngo bo nyid yin pas na phrin las thams cad kyi 'khor lo bskor ba ste/ phrin las thams cad kyi 'khor lo bskor ba de la rdo rje'i dbang bskur ba ni rdo rje phreng ba'i dbang bskur ba ste/des dbang bskur nas de'i lag tu las kyi rdo rje de bzhin du byin pa ste/ de'i zhes bya ba ni de bzhin gshegs pa thams cad kyi las kyi rdo rje'o/ /de zhes bya ba ni gang phyag na gnas pa'o//phyag rgyas dbang bskur ba'i rjes thogs la ming gi dbang bskur ba ste/ rdo rje phyag rgya'i rtse mo thams cad pa yin pas na rdo rje thams cad pa'o/ /rdo rje thams cad pa ni rdo rje kha bzhi pa yin la/ de bas na des nye bar mtshon pa'i ming yang rdo rje thams cad pa rdo rje thams cad pa zhes rdo rje ming gi dbang gis dbang bskur ba'o//de yang rdo rje'i rigs su rdo rjes mtshan pa'i ming gi dbang bskur bas na/ rdo rje ming gi dbang bskur ba ste/ rdo rje yang yin la kha bzhi pa yang yin pas rdo rje thams cad pa ste des mtshan pas rdo rje thams cad pa zhes bshad do/ /rdo rje de rang gi snying gar bzhag la zhes bya ba 'di skad du ston te/snying ga ni 'di'i sbyor ba'i dus kyi gnas yin pas/ de bzhin gshegs pa thams cad kyi phrin las la de bzhin gshegs pa thams cad nges par sbyor zhing zhes bya bar sbyar te/ de bzhin gshegs pa thams cad ni 'dir dkyil 'khor ba'i byang chub sems dpa' rnams dang /des byin gyis brlabs pa'i sngags pa ste/ de bzhin gshegs pa thams cad phrin las thams cad la nges par sbyar ro/ /de yang snying gar gnas pa'i phyag rgya'i khyad par 'di dang khyed rnams kyis las thams cad bya'o zhes pa'o/ /ci'i phyir de ltar bya zhe na/gang gi phyir/ 'di de sangs rgyas thams cad kyi/ /las rnams thams cad rab byed pa/ /zhes bya ba gsungs te/ las thams cad byed pa zhes bya ba'i don to/ /mchog ces bya ba ni dam pa'o/ /bdag de bdag gi zhes bya ba ni phyag rgya dang gnyis khyad par med par ston te/ de las byung ba'i bdag ni las thams cad byed pa dang /rdo rje thams cad pa las skyes pas na/ bdag ni las thams cad pa yin la bdag thams cad pa la thams cad pa gnas te/ rdo rje thams cad pa gnas so zhes bya ba'i don to/ /gdul bya gsang sngags kyi sgo nas byang chub sems dpa'i spyad pa spyod pa rnams la las thams cad ston par mdzad pa'i phyir/bcom ldan 'das rnam par snang mdzad kyi thugs kyi khyad par gyi phrin las kyi ngo bo snying po dang / phyag rgya dang / sems dpa'i ngo bor dkyil 'khor du sprul par mdzad pa yin pas 'das ma thag pa'i rab tu byed pas ni phrin las bstan pa yin no//de ni las la zhugs pa rnams kyis ni bsrung bar bya dgos pa'i phyir/ de nas zhes bya ba la sogs pa'i gzhung gsungs pa yin te/ byang chub sems dpa' chen po yang yin la/ brtson 'grus thub dka' ba yang yin pas byang chub sems dpa' chen po brtson 'grus thub dka'o//brtson 'grus ni dge ba'i las rnams la spro ba'o/ /thub par dka' ba'i brtson 'grus gang la yod pa de ni brtson 'grus thub dka'o/ /de'i dam tshig ni snying po dang phyag rgya la sogs pa ste/ de las kyi mtshan nyid can gyi sems kyi khyad par gang las byung ba de byin gyis brlab pa'i phyir rdo rje ltar mi phyed pa'i ting nge 'dzin gang don dang mthun pa'i ming 'di skad ces bya ba'i ting nge 'dzin de la snyoms par zhugs pa'o//de bzhin gshegs pa thams cad ni byang chub sems dpar 'gyur ba ste/ go cha'i rnam pa'i phyag rgya'i khyad par gang gis bdag dang gzhan rnams bsrung bar byas pa de ni/de bzhin gshegs pa thams cad kyi bsrung ba'i dam tshig ces bya ba la sgra gang gi don de ston par byed pa de la yang de bzhin gshegs pa thams cad kyi bsrung ba'i dam tshig ces bya ba'o/ /de bzhin gshegs pa thams cad kyi thugs la gnas pas na/ de'i don la de bzhin gshegs pa thams cad kyi snying po zhes bshad de/de rang gi thugs ka nas phyung ngo / /go cha brtan pa zhes bya ba ni brtson 'grus brtan pa'i ngo bo nyid yin pa'i phyir ro/ /rdo rje'i go cha yang yin la chen po yang yin pas na rdo rje go cha chen po ste/ rdo rje lta bu'i bsam pa las byung bas na rdo rje go cha zhes bya ba'o//de bzhin gshegs pa thams cad la bsrung ba'i cho ga rgyas pa zhes bya ba la sogs pa la/ de bzhin gshegs pa thams cad du gtogs pa'i bsrung ba gang yin pa de'i go cha ni bya ba dang / nyams su blang ba dang / las so/ /rgyas pa ni rnam pa du ma ste/ 'di nyid ni las yin te de la sogs pa'o/ /rdo rje sems dpa'i ting nge 'dzin ni byang chub sems dpa' chen po brtson 'grus thub dka' ba'i sku'i rnam par shin tu bsgoms pa'i phyir gcig pa dang / shin tu brtan pas na 'dres pa'o/ /mkhregs pa zhes bya ba'i don to/ / e ma'o zhes bya ba ni ngo mtshar du gyur pa'o/ /brtson 'grus kyi rang bzhin ni brtson 'grus kyi ngo bo nyid de/ chos gang spro ba'i mtshan nyid dang 'brel pa de la ni skyes bu dpa'o zhes brjod pa dang 'dra bar de'i rang bzhin can gyi go cha'o/ /shin tu brtan pas na rab tu brtan pa'o/ /de gang zhe na/ bdag ces bya ba gsungs so//khyod gang gi phyir rab tu brtan pa yin zhe na/ gang gi phyir brtan pa'i bdag nyid can sangs rgyas bcom ldan 'das rnams kyi spro ba'i bdag nyid ni bdag yin te/ bskal pa brgya stong dpag tu med par sbyangs pas 'jig rten gsum po rnams kyis kyang bskyod par mi nus so//dam tshig gi byin gyis brlabs pa'i skyes bu gzhan dag gi lus la yang dbang phyug chen po la sogs pa'i lha rnams kyis kyang gzhig par mi nus par brtan pa'i phyir/ de ni brtan phyir zhes bya ba la sogs pa gsungs te/ brtan pa gang gi lus min zhes bya ba lus ngan pa ste/mi'i lus ni su yang rung bas gzhig par nus pas na ngan pa yin la/ de yang 'di lta bu'i rdo rje'i lus su gyur te/ de bas na bdag ni rdo rje'i lus su byed pa'i go cha'i mchog yin no/ /de nas bcom ldan 'das zhes bya ba la sogs pa la/ de bzhin gshegs pa thams cad kyi rdo rje brtan pa ni stong pa nyid kyi ye shes kyi rdo rje ste/rdo rje brtan pa 'di nyid ces bya ba'i ting nge 'dzin gang yin pa'i ting nge 'dzin de la snyoms par zhugs shing / de bzhin gshegs pa thams cad kyi phyag rgya'i khyad par gang brtson 'grus kyi rang bzhin gyi go cha'i mtshan nyid kyis go bskon zhing /brtson 'grus kyi pha rol tu phyin pa yongs su rdzogs pa de ni/ de bzhin gshegs pa thams cad kyi brtson 'grus kyi pha rol tu phyin pa'i dam tshig ste/ rdo rje go cha de byang chub sems dpa' chen po de'i lag par de bzhin du byin no zhes bya bar sbyar ro/ /ci'i phyir zhe na/ sems can gyi khams yongs su bskyong ba'i phyir ro//bar du zhes bya ba'i sgra ni rdo rje'i sku'i bar gyi sangs rgyas kyi mdzad pa thams cad bsdus te/ sems can gyi khams thams cad la dmigs pa'i ye shes kyi sa bcu la rim gyis dngos po thams cad rnam par bsgoms te/ yun ring po nas bsams pa'i sems can gyi don lhun gyis grub pa rdzogs par bya ba'i phyir/bsod nams kyi tshogs yongs su dag pa'i zla ba'i dkyil 'khor gyi gzhi la stong pa nyid kyi ye shes kyi rdo rje'i nga rgyal du yongs su gyur pa gnas yongs su gyur pa'i mtshan nyid can ni de bzhin gshegs pa thams cad kyi rdo rje'i sku yin no zhes de la shes pa rnams 'chad de/dngos grub kyi mchog thob pa'i 'bras bu de dag gi phyir ro/ /phyag rgya des dbang bskur ba'i rjes la/ sems can gyi khams ma lus pa bsrung ba'i las mdzad de/ de bas na grogs po'i bya ba byed de/ mdza' ba de nyid kyang rdo rje ltar mi phyed pas de'i phyir/ de bzhin gshegs pa thams cad kyis rdo rje grogs po rdo rje grogs po zhes rdo rje ming gi dbang bskur ro/ /de nas rdo rje grogs pos rdo rje go cha des de bzhin gshegs pa thams cad la bskon zhing srung bar byed de/ ched du brjod pa 'di ched du brjod do/ /'di de sangs rgyas thams cad kyi/ /zhes bya ba la sogs pa la/'di zhes bya ba ni phyag na gnas pa'o/ /de zhes bya ba ni gang bcom ldan 'das kyi thugs ka nas phyung ba'o/ /de gang gi yin zhe na/ sangs rgyas thams cad kyi zhes bya ba'o/ /de'i ngo bo nyid ji lta bu yin zhe na/ byams pa'i go cha zhes bya ba ste/ byams pa'i don rdzogs par mdzad pas na byams pa'i go cha zhes bshad de/gang gi phyir sems can gzhan rnams bde ba la dgod pa'i mtshan nyid ni/ byams pa yin par 'dod la/ go cha 'di yang sems can bsrung ba'i don byed pas byams pa'i don rdzogs par byed pas na de'i phyir byams pa'i go cha zhes bya ba gsungs pa yin no//de'i khyad par ji lta bu zhe na/ dam pa zhes bya ba'i don to/ /gang gis de dam pa nyid du gyur pa yin zhe na/ brtson 'grus brtan pas zhes bya ba gsungs pa nyid yin no/ /de lta bas na sangs rgyas kyi byams pa ni brtson 'grus kyi dam tshig yin pas bsrung ba che zhes bshad pa yin te/'di ni bsrung ba thams cad kyi mchog yin no zhes ston pa yin no/ /'jig rten grogs po ni ma bcol du zin kyang rang gi bya ba bzhin du mdza' bo'i bya ba byed de/ de yang gal te stobs dang ldan pas la la zhig gis bzlas pa'am/ nor la sogs pas bzlog pa yin la/ 'di ni sems can gyi don la zhugs pa gang gis kyang bzlog par mi nus te/ de bas na stobs dang ldan pa gzhan dag kyang med la/ nor la sogs pas kyang dbye bar nus pa ma yin te/ de bzhin gshegs pa thams cad kyi nyes pa spangs pa yin pas/ de'i phyir/ grogs po chen por brjod pa yin//zhes gsungs pa yin no/ /gdul bya sngags kyi sgor spyod cing bdag dang gzhan gyi rgyud yongs su smin pa'i las la 'jug pa rnams la bdag dang gzhan bsrung bar bya ba bstan pa'i phyir/ bcom ldan 'das rnam par snang mdzad kyi byams pa dang / brtson 'grus kyi rang bzhin gyi yon tan snying po dang phyag rgya dang sems dpa'i gzugs su dkyil 'khor du sprul pa mdzad pa yin par rab tu byed pa 'dis ston pa yin no//da ni las la zhugs pa rnams bsrung ba byas su zin kyang / bzlog par dka' ba'i bgegs 'byung zhing glags tshol bar byed de/ de bas na de rnams skrag par bya ba'i phyir bzlog par bstan par bya ba'i don du/ de nas zhes bya ba la sogs pa'i gzhung nye bar bkod cing gsungs pa yin no/ /byang chub sems dpa' chen po yang yin la/ bdud thams cad kyi stobs rab tu 'joms pa yang yin pas na byang chub sems dpa' chen po bdud kyi stobs thams cad rab tu 'joms pa ste/byang chub kyi sems kyi ngo bo nyid yin pas na byang chub sems dpa'o/ /bdud thams cad rab tu 'joms shing phye mar rlog pa'i ngang tshul can yin pas na bdud thams cad rab tu 'joms pa'o/ /de'i dam tshig ni snying po dang phyag rgya la sogs pa'o//de las kyi mtshan nyid can gyi sems dpa'i khyad par gang las 'byung ba de byin gyis brlab par bya ba'i phyir rdo rje ltar mi phyed pa'i ting nge 'dzin gang yin pa de la don dang mthun pa'i ming 'di skad ces bya ste/ ting nge 'dzin de la snyoms par zhugs pa ni mngon du mdzad pa'o/ / de bzhin gshegs pa thams cad mche ba'i mtshan nyid can gyi phyag rgya'i khyad par gyi thabs gang gis bdud thams cad skrag par mdzad pa'i mche ba'i khyad par 'di ni de bzhin gshegs pa thams cad kyi dam tshig ces bya la/ de ston par byed pa'i sgra la yang de bzhin gshegs pa thams cad kyi dam tshig ces bya ba nyid yin no//de bzhin gshegs pa thams cad kyi dam tshig ces bya ba'i thabs 'di yang de bzhin gshegs pa thams cad kyi thugs la gnas pas na/ de bzhin gshegs pa thams cad kyi snying po zhes gsungs pa yin no/ /'di zhes bya ba ni thugs la gnas pa'o/ /ci zhig mdzad ce na/rang gi thugs ka nas phyung ngo zhes gsungs pa yin no/ /de nas zhes bya ba ni bskul ba'i rjes thogs nyid la ste/ rnam pa gang gis bcom ldan 'das la bskul ba'i rnam pa de nyid kyis rnam pa de nyid rdzogs par byed pa'i phyag rgya'i khyad par gyi nus pa yod pa gang yin pa de ni/ bcom ldan 'das rdo rje 'dzin pa de nyid do//gang sngar go cha'i tshul du byung ba gang yin pa de da ltar mche bar gyur nas 'byung ba yin no/ /rdo rje mche ba nyid mtshon cha yin pas na rdo rje mche ba'i mtshon cha ste/ bcom ldan 'das rnam par snang mdzad kyi rdo rje'i rang bzhin gyi thugs kyis sprul pa yin la/ rdo rje'i rnam pa dang rjes su mthun zhing thams cad 'jig par nus la/phyir rgol ba thams cad skrag par byed cing mtshon cha'i bya ba rdzogs par byed pas na rdo rje mche ba'i dbyibs zhes bshad do/ /de bzhin gshegs pa thams cad kyis gdug pa 'dul ba la sogs pa zhes bya ba la sogs pa la/ nges par sreg gang rno ba gang / /drag shul can gang gzi can gang / /sha dang khrag dang rkang za gang / /de bas drag po zhes bshad do/ /drag po'i rnam par 'gyur ba ni gdug pa ste/ de rnams gdul ba ni nga rgyal tshar bcad pas gdug pa nyid bsal ba ste/ de gdul ba thog mar bya'o/ /bdud thams cad rab tu 'joms pa ni/stong pa nyid kyi ye shes kyi rdo rjes mi snang bar byas pa ste/ shin tu 'joms pa yin la de'i ngo bo nyid yin pas na rab tu 'joms pa nyid do/ /de bas na rdo rje sems dpa'i ting nge 'dzin ni byang chub sems dpa'i bdud kyi stobs thams cad rab tu 'joms pa'i gzugs su shin tu bsgoms pa'i phyir gcig pa'o//brtan pas na 'dres pa'o/ /e ma'o zhes bya ba la sogs pa la/ e ma'o zhes bya ba ni ngo mtshar ba'o/ /ci zhig ngo mtshar zhe na/ thabs chen te zhes bya ba gsungs te/ thabs che bas thabs chen no/ /su zhig ce na bdag go//su zhig gi zhe na sangs rgyas rnams kyi'o/ /nyan thos dang rang sangs rgyas rnams kyang gal te sangs rgyas zhes bya ba'i sgrar brjod pa srid pas de las khyad par du bya ba'i phyir/thugs rje can gyi zhes bya ba gsungs te/ thugs rje'i rang bzhin can gyi zhes bya ba'i don to/ /'di skad ston te gang thugs rje'i ro gcig pa'i sangs rgyas rnams kyi thabs chen po bdag yin gyi/snying rje dman pa rnams kyi ni ma yin no/ /gal te khyod thugs rje can rnams kyi thabs chen po yin na/ 'dir ngo mtshar ci zhig che zhe na/ zhi yang sems can don du ni/ /ma rungs par ni ston par 'gyur//zhes bya ba ste/ gang gi phyir shin tu zhi ba'i sangs rgyas kyang sems can rnams don gyi rgyur ma rungs te/ rdo rje gnod sbyin du ston par mdzad pa'o/ /de bzhin gshegs pa thams cad kyi rab tu gtum pa zhes bya ba la sogs pa la/ shin tu gtum pa yin pas na rab tu gtum pa ste/ gtum pa ni drag shul che ba'o/ /de bzhin gshegs pa thams cad kyang yin la/ rab tu gtum pa yang yin pas na de bzhin gshegs pa thams cad kyi rab tu gtum pa'o/ /gzhan gyis mi phyed pas rdo rje dang 'dra bas rdo rje ste/ don dang mthun pa'i ming 'di skad ces bya ba'i ting nge 'dzin gang yin pa'i ting nge 'dzin de la snyoms par zhugs pa'o//'di skad ston te/ ting nge 'dzin de la 'di lta bu'i sku dang gsung dang thugs rab tu snang ba'i khyad par yongs su bsgoms te/ gang gis bgegs dang log 'dren rnam par 'jig par 'gyur ba'i mche ba'i phyag rgya'i dbang bskur ba sbyin pa'i phyir/ de lta bu'i ting nge 'dzin de la snyoms par 'jug par mdzad nas/rdo rje mche ba'i mtshon cha ste/ byang chub sems dpa' chen po de'i lag tu sbyin no zhes bya bar sbyar ro/ /lhag ma rnams kyis ni dgos pa ston to/ /de yang de bzhin gshegs pa thams cad phyag rgya'i khyad par gang gis ma rungs pa ste/ bgegs dang log 'dren rnams 'dul bar mdzad pa de la ni/ de bzhin gshegs pa thams cad kyi ma rungs pa gdul ba'i dam tshig ces bshad do/ /ci'i phyir 'di byin zhe na/ 'jig rten gyi khams ma lus pa rnams su sems can gyi khams lus pa med pa rnams la mi 'jigs pa sbyin pa'i phyir ro/ / bar du zhes bya ba'i sgras ni sangs rgyas kyi mdzad pa lhag ma rnams yongs su bzung ste/ thabs chen po'i ye shes dang / mngon par shes pa'i mthar thug pa'i bar yongs su bsdu'o/ /de yang 'dod par bya ba yongs su rdzogs par byed pas na thabs te/ 'dod pa ni mngon par 'dod pa'i don to//thabs ni thob pa ste/ bde bas myur du thob par byed pas na thabs so/ /thabs kyang yin la chen po yang yin pas na thabs chen po ste/ de'i ye shes so/ /de nyid ni mngon par shes pa ste de 'thob pa'o/ /de nyid ni dngos grub dam pa ste 'bras bu de dag gi phyir ro/ /rang gi khar bzhag nas zhes bya ba ni mche ba'i gnas su bzhag nas so//de bzhin gshegs pa thams cad ni dkyil 'khor bar sprul pa'i byang chub sems dpa' rnams dang / des byin gyis brlabs pa'i sngags pa rnams te/ de bzhin gshegs pa de rnams la bgegs dang log 'dren tshar bcad pa'i thabs bstan par bya ba'i phyir/ji ltar ngas khyed rnams bsdigs pa de bzhin du khyed rnams kyis kyang thabs 'dis bgegs dang log 'dren rnams bsdigs par gyis shig par ston cig /ched du brjod pa 'di ched du brjod do/ /'di zhes bya ba ni thugs la gnas pa'o/ /de zhes bya ba ni gang bcom ldan 'das kyis bka' stsal pa'o//'di su zhig gi yin zhe na/ sangs rgyas thams cad kyi zhes bya ba'o/ /ji lta bu zhe na/ ma rungs thams cad 'dul ba'i mchog /ces bya ste/ ma rungs pa 'dul ba gzhan dag kyang yod mod kyi/ de rnams las shin tu phul du byung ba yin pas na 'dul ba'i mchog go//'di lta bu de gang zhe na/ rdo rje mche ba zhes bya'o/ /ji lta bu zhe na/ mtshon rno ste zhes bya'o/ /ngo bo nyid ji lta bu zhe na/ thabs zhes bya ba'o/ /ji lta bu zhig gi zhe na/ snying rje'i bdag nyid do zhes bya ba ste/snying rje'i bdag nyid can gyi'o/ /'di ni gdul bya sngags kyi sgor spyod pa rnams la bgegs rnams tshar gcod pa'i thabs bstan par bya ba'i phyir/bcom ldan 'das rnam par snang mdzad kyi thabs kyi pha rol tu phyin pa'i snying po dang / phyag rgya dang sems dpa'i gzugs su sprul par mdzad pa yin no/ /da ni sku dang gsung dang thugs rdo rje don gcig tu bsgrub pa la zhugs pa rnams ni dgos 'grub par 'gyur gyi gzhan du ni ma yin no zhes bya ba'i gsang ba ni bstan par bya ba'i phyir/de nas zhes bya ba la sogs pa'i gzhung nye bar dgod cing gsungs te/ de bzhin gshegs pa thams cad kyi byang chub sems dpa' chen po yang yin la khu tshur yang yin pas na/de bzhin gshegs pa thams cad kyi byang chub sems dpa' chen po'i khu tshur te/ de bzhin gshegs pa thams cad du gtogs pa'i khu tshur gsang ba zhes bya ba'i don to/ /de'i dam tshig ni snying po dang phyag rgya la sogs pa'o/ /de las kyi mtshan nyid can gyi bsam pa'i khyad par gang las byung ba de byin gyis brlab pa'i phyir/rdo rje ltar mi phyed pa'i ting nge 'dzin gang yin pa de ni don dang mthun pa'i ming 'di skad ces bya ste/ ting nge 'dzin de la snyoms par zhugs pa ni mngon sum du mdzad pa'o/ /de bzhin gshegs pa thams cad ni mi bskyod pa la sogs pa'o//de rnams kyi sku dang gsung dang thugs rdo rje ni dran pa'i thag pa'i phyag rgya'i khyad par gyis don gcig bsgrub pa la 'jug par nges par 'ching ba'i phyag rgya'i khyad par de la/ de bzhin gshegs pa thams cad kyi sku dang gsung dang thugs rdo rje bcing ba'i dam tshig ces bshad do/ / de ston par byed pa'i sgra la yang de skad ces bya ste/ de bzhin gshegs pa thams cad kyi snying po rang gi thugs ka nas phyung ba'o/ /'di zhes bya ba ni thugs la gnas pa'o/ /de nas zhes bya ba la sogs pa la de bzhin gshegs pa thams cad kyi thugs la zhes bya ba ni mi bskyod pa'i thugs las so/ / byung ma thag pa zhes bya ba ni bskul ba'i rjes thogs nyid la'o/ /'di ni zhes bya ba ni snying pos bskul ba'i mtshan nyid do/ /de bzhin gshegs pa thams cad kyi phyag rgya thams cad bcings par 'gyur te zhes bya ba la/ de bzhin gshegs pa thams cad ces bya ba'i sgra ni sngar sprul pa'i dkyil 'khor ba'i sems dpa' rnams gzung ngo //de rnams kyi phyag rgya bcings ba ni rdo rje la sogs par gyur nas byung ba'o/ /rdo rje bcings pa'i dbyibs su gyur te zhes bya ba ni rdo rje khu tshur lta bu'i phyag rgya'i khyad par du gyur nas phyag gnyis su gnas pa'o/ /de bzhin gshegs pa thams cad dang 'brel pa'i phyag rgya'i ye shes zhes bya ba la sogs pa la/phyag rgya thams cad ni sku gsung thugs gcig tu byas pa las dgos pa 'grub par 'gyur gyi gzhan du ma yin te/ de'i ye shes yin pas na/ de bzhin gshegs pa thams cad kyi phyag rgya'i ye shes te/ de thog mar byas pa la sogs pa sangs rgyas kyi mdzad pa thams cad yang dag par bstan pa'o//sangs rgyas rnams kyi rdzu 'phrul yin pas na sangs rgyas thams cad kyi rdzu 'phrul te/ nam mkha' la 'gro ba la sogs pa'o/ /rnam par 'phrul pa ni gdug pa 'dul ba la sogs pa'i bar ston pa'o/ / de la sogs pa'i las thams cad mdzad pa'o/ /de bzhin gshegs pa thams cad kyi khu tshur ni byang chub sems dpa' rdo rje khu tshur ro/ /de gang du gzugs kyi sku yongs su rdzogs par bsgoms shing shin tu nges par bcings pa'i ting nge 'dzin ni/ de bzhin gshegs pa thams cad kyi khu tshur shin tu bcings ba ste/de'i ngo bo nyid yin pas na/ de bzhin gshegs pa thams cad kyi khu tshur shin tu bcings pa nyid do/ /de bas na de bzhin gshegs pa thams cad kyi khu tshur shin tu bcings pas rdo rje sems dpa'i ting nge 'dzin dang gcig pa'o/ /rab tu brtan pas na 'dres pa ste mkhregs pa zhes bya ba'i don to//e ma'o zhes bya ba ni ngo mtshar du gyur pa'o/ /ci zhig ngo mtshar che zhe na/ gang gi phyir rab tu brtan bcings pa'i zhes bya ba ni/ sangs rgyas dang / byang chub sems dpa' thams cad kyi phyag rgya'i khyad par gyi sku gsung thugs rdo rje gcig tu byed pa'i mtshan nyid can ni bcings pa'o//dam tshig ni bcing ba'i dam tshig ste/ bcing ba'i gzhung lugs sam/ bcing ba'i rnam par gzhag pa'o/ /sngags pa gang la la phyag rgya'i khyad par ci yang rung bas gang yang rung ba'i las 'grub par 'dod na/ dgos pa grub par 'dod bas/sku gsung thugs gcig tu bya ba'i phyag rgya sbyar bar bya ste/ 'di ni dam tshig dang gzhung lugs dang / rnam par gzhag pa zhes bya'o/ /gang gi dam tshig ce na/ brtan bdag nyid de brtan pa'i bdag nyid can gang yin pa de ni brtan bdag nyid de/ thugs brtan pa rnams kyi zhes bya ba'i don to//de yang nga rgyal la brten pa'i phyir sems la bdag ces nye bar btags pa yin no/ /gal te rab tu brtan par bcings pa yin la/ 'dir ngo mtshar ci zhig che zhe na/ bsam pa thams cad rab grub phyir/ /grol ba rnams kyang 'ching bar byed/ /ces bya ba ste/ gang gi phyir thabs kyi bsam pa ni bsam pa thams cad de/phyag rgya'i khyad par gyi sbyor bas don 'di ltar gyur cig ces bya ba'o/ /de rab tu grub pa ni mngon par 'dod pa'i 'bras bu yongs su rdzogs pa'o/ /de'i don du grol ba ste/ sangs rgyas dang byang chub sems dpa' rnams kyang 'ching bar byed pa zhes bya ba sku gsung thugs gcig tu byed pa'i mtshan nyid can rdo rje khu tshur gyi bcing ba 'di ni ngo mtshar che'o//de nas bcom ldan 'das zhes bya ba la sogs pa la/ de bzhin gshegs pa thams cad kyi dam tshig ni phyag rgya thams cad de/ rdo rje lta bu'i ting nge 'dzin gang gis byin gyis brlabs pa'i ting nge 'dzin de la yang de bzhin gshegs pa thams cad kyi dam tshig ces bshad do//de la snyoms par zhugs pa ni mngon sum du mdzad pa'o/ /de bzhin gshegs pa thams cad kyi phyag rgya thams cad de/ de rnams kyi bcing ba ni dran pas sku gsung thugs rdo rje dmigs pa gcig la gtad pa'o//de'i dam tshig ni bshad ma thag pa'i don ston par byed pa'i rdo rje khu tshur gyi phyag rgya'o/ /dam tshig 'dis 'jig rten gyi khams ma lus pa rnams su sems can gyi khams lus pa med pa gsang sngags kyi sgor zhugs pa rnams phyag rgya 'ching ba'i dus su/ 'di ni lus dang ngag dang sems mi g.yeng ba yin no snyam pa dang /bcom ldan 'das kyis gang 'di ltar phyag rgya 'ching ba la/ sbyor ba der khyed rnams kyi byin gyis brlab par bya'o zhes bya ba'i bkas phyag rgya'i lha rnams kyis kyang dgongs pa rtogs par mdzad do/ /lha rnams kyis dgongs par gyur na/sems can de rnams kyi dngos grub ji ltar 'dod pa thams cad 'byung bar 'gyur ro/ /yid la re ba yongs su rdzogs pa rnams ni/ bde ba dang yid bde ba myong bar 'gyur te/ de bas na de rnams myong ba ni so sor tshor ba ste de'i phyir ro/ /bar du zhes bya ba'i sgras ni byang chub kyi sems yongs su spyod ba la sogs pa'o//sangs rgyas kyi mdzad pa rnams yongs su bsdu'o/ /de bzhin gshegs pa thams cad kyi thams cad mkhyen pa'i ye shes kyi phyag rgya'i dbang gi dngos grub dam pa'i bar du zhes bya la/ thams cad mkhyen pas na thams cad mkhyen pa ste/ de'i ye shes yin pas na thams cad mkhyen pa'i ye shes so//de nyid ni phyag rgya yin pas na de bzhin gshegs pa thams cad kyi thams cad mkhyen pa'i ye shes kyi phyag rgya'o/ /de la dbang ba ni nyon mongs pa dang shes bya'i sgrib pa dang bral ba'o/ /de nyid ni dngos grub dam pa ste/ 'bras bu yang de nyid yin pas de dag gi phyir ro//de bzhin gshegs pa zhes bya ba ni de bzhin gshegs pa thams cad kyi dbu rgyan gyis dbang bskur ro zhes bya ba'i don to/ /de nas zhes bya ba ni phyag rgya'i dbang bskur ba'i rjes thogs la'o/ /phyag rgya'i lha rnams kyis 'da' bar bya ba ma yin pas na rdo rje'o//sku dang gsung dang thugs rdo rjes bsdus pa gang yin pa de ni gzhan gyis mi shes pas na khu tshur zhes bshad do/ /de bas na de gnyi ga yang phyag rgya de la yod de de thob par gyur pas na/ rdo rje khu tshur rdo rje khu tshur zhes rdo rje ming gi dbang gis dbang bskur ro/ /rdo rje bcings pa des de bzhin gshegs pa thams cad la 'ching zhes bya ba ni/de bzhin gshegs pa thams cad kyi sku dang gsung dang thugs yul gcig tu byed pa ste/ de bzhin gshegs pa thams cad ni dkyil 'khor sprul pa'i byang chub sems dpa' rnams dang / des byin gyis brlabs pa'i sngags pa rnams so//bcing ba des sems can thams cad bde ba dang yid bde ba thams cad myong bar mthong nas rab tu dga' bas ched du brjod pa 'di ched du brjod do/ /'di zhes bya ba ni phyag na gnas pa'o/ /de zhes bya ba ni bdag gang las skyes pa'o/ /'di gang zhig yin zhe na/ phyag rgya bcings pa zhes bya ba'o//ji lta bu zhe na/ che zhing brtan pa zhes bya ba'o/ /ci'i phyir zhe na/ sangs rgyas kun gyi myur grub phyir/ /zhes bya ba ste/ phyag rgya bcing ba 'dis sangs rgyas kun zhes bya ba de bzhin gshegs pa thams cad du byin gyis brlabs pa'i sngags pa'o//de rnams kyis rdo rje khu tshur gyi phyag rgya bcings pas/ lha rnams kyis dgongs par gyur ba dang / myur ba nyid du dngos grub thams cad thob par 'gyur te/ de bas na/ sangs rgyas kun gyi myur grub phyir/ /zhes gsungs pa yin no/ /rgyu gang gi phyir de rnams myur ba kho nar 'grub par 'gyur zhe na/de'i phyir/ dam tshig shin tu 'da' bar dka'/ /zhes gsungs te/ gang gi phyir bcom ldan 'das rnam par snang mdzad kyi bka' la yang dag par zhugs pa rnams la dngos grub myur du sbyin cig ces gsungs pa yin pa'i phyir ro/ /mchod pa'i cho ga rgyas pa'i las ni shin tu zab cing rgya che la rnam par dag cing mthar thug pa med pa dang /bsam gyis mi khyab pa'i yid las byung ba'i mchod pa'i cho ga rgyas pa'i las byed pas na las so/ /go cha ni gdug cing gtum pa dang bgegs dang log 'dren thams cad kyis mi tshugs pa'i bsrung ba'i las mdzad pas na go cha'o//thabs chen po ni gdug cing gtum pa thams cad skrag cing phyir bzlog pa'i las rdzogs par mdzad pa'i phyir ro/ /phyag rgya thams cad bcing ba'i ye shes ni sku gsung thugs rdo rje thams cad gcig tu byed pa dang / lha rnams dgongs pa'i las bla na med pa yin pa'i phyir ro/ /phrin las chen po'i sems dpa' rnams bshad zin to//bcom ldan 'das rnam par snang mdzad ni chos kyi dbyings kyi ngo bo nyid yin pas dkyil 'khor gyi bdag po yin la/ mi bskyod pa la sogs pa ni ye shes kyi rang bzhin yin pas de'i 'khor du gyur pa yin te/ chos kyi dbyings la dmigs pa las gdod ye shes yongs su dag pa yin pa'i phyir ro//de rnams ni bcom ldan 'das kyi 'khor du sprul par mdzad pa yin no/ /da ni bcom ldan 'das rnam par snang mdzad kyi 'khor bla na med par bstan pa'i phyir de nas zhes bya ba la sogs pa'i gzhung gsungs pa yin te/ de nas zhes bya ba ni de'i rjes thogs la'o//mi g.yo ba zhes bya ba ni 'di la gang gis kyang bskyod par mi nus pas na mi g.yo ba'o/ /de bzhin gshegs pa thams cad kyi ye shes bsgrubs te zhes bya ba la/ de bzhin gshegs pa thams cad ni dkyil 'khor bar sprul pa'i byang chub sems dpa' rnams te/de skyed par mdzad pa'i bcom ldan 'das rnam par snang mdzad du gtogs pa'i ye shes so/ /bsgrubs pa de ni bskul bas so so'i snying po las phyag rgya'i gzugs bsgrubs pas ye shes bsgrubs pa'o/ /de bzhin gshegs pa thams cad kyi ye shes ni phyag rgya chen po ste/phyag rgya de rnams kyi thugs kar de bzhin gshegs pa'i rigs la zla ba dang rdo rje'i tshul du rdo rje sems ma'i phyag rgya dgod pa ste/ de'i phyir ro/ /rdo rje'i pha rol tu phyin pa zhes bya ba la/ pha rol tu song bas na pha rol tu phyin pa ste/'dir ni ye shes kyi pha rol tu phyin pa gzung ngo / / de rdo rje'i rnam par sprul pas na rdo rje'i pha rol tu phyin pa zhes bshad de/ de'i dam tshig ni ye shes kyi pha rol tu phyin pa ston par byed pa'i rdo rje dang snying po'o/ /de gnyis rdo rje lta bu'i sems kyi khyad par gang las byung ba de byin gyis brlab pa'i phyir ting nge 'dzin gang don dang mthun pa'i ming 'di skad ces bya ba'i ting nge 'dzin de la snyoms par zhugs pa ni mngon sum du mdzad pa'o//de bzhin gshegs pa thams cad kyi de bzhin gshegs pa'i rigs la rdo rje lta bu'i dam tshig yin pas na/ rdo rje'i dam tshig ces ming de skad bya ba nyid du btags so/ /des de bzhin gshegs pa thams cad mngon par byang chub par ston par mdzad pas na/de bzhin gshegs pa thams cad kyi phyag rgya ste/ sgra gang gis de ston par byed pa de la yang de skad ces bya'o/ /de bas na sgra'i gzugs de rang gi thugs ka nas phyung ngo / /'di zhes bya ba ni thugs la gnas pa'o/ /sprul ba'i rjes thogs nyid la de bzhin gshegs pa thams cad kyi thugs las zhes bya ba lhag ma bzhi po'o//rdo rje'i 'od zer zhes bya ba ni rdo rje lta bu'i 'od zer yin pas na rdo rje'i 'od zer te/ rdo rje rtse lnga pa'i dbyibs su byung ba'o/ /de bzhin gshegs pa thams cad kyi rdo rje'i pha rol tu phyin pa'i ye shes rnams la phyag rgyas btab nas zhes bya ba ni/sangs rgyas kyi zhing thams cad na de bzhin gshegs pa'i rigs kyi de bzhin gshegs pa thams cad kyi dkyil 'khor gang yin pa der sems dpa' ji snyed pa thams cad ni/ rdo rje'i pha rol tu phyin pa'i ye shes zhes bya ste/de bzhin gshegs pa thams cad kyi zla ba rdo rje'i rim gyis gnas yongs su gyur te/ mngon par rdzogs par sangs rgyas la sangs rgyas kyang 'khor lo sprul par mdzad de/ de bas na de thams cad ni rdo rje'i pha rol tu phyin pa'i ye shes zhes bshad pas/ de dag thams cad rgyas btab cing de bzhin gshegs pa thams cad kyi rigs kyi mtshan ma zla ba dgod par mdzad do zhes bya ba'i don to//gcig tu 'dres pa ni brtan pa ste/ spro ba dang bsdu ba byas nas gcig tu brtan par gyur pa'o/ /e ma'o zhes bya ba ni ngo mtshar du gyur pa'o/ /'dir ci zhig ngo mtshar che zhe na/sems dpa' rdo rje brtan pa bdag /ces bya ba ste/ sems dpa' ni zla ba'i dkyil 'khor ro/ /rdo rje ni de'i steng gi rdo rje ste sems dpa' dang rdo rje sems dpa'i rdo rje'o/ /sems dpa' rdo rje de ji lta bu zhe na/ brtan pa zhes bya'o/ /gang gi zhe na/ sangs rgyas thams cad kyi'o//gal te khyod sems dpa' rdo rje yin pa la ngo mtshar ci zhig che zhe na/ gang phyir zhes bya ba la sogs pa ste/ gang gi phyir bsgoms pas brtan par gyur pa nyid kyis lus med kyang / rdo rje'i lus su gyur pa yin/ /zhes bya ba ste/ lus med pa ni gzugs can ma yin pa'i sems te/de'i ngo bo nyid yin pa'i phyir ro/ /rdo rje'i lus su gyur pa yin/ /zhes bya ba ni/ mi phyed pa'i gzugs kyi tshul gyis gnas zhes bya ba'i don to/ /de nas zhes bya ba ni de'i rjes thogs la'o/ /de bzhin gshegs pa rin chen 'byung ba zhes bya ba la/ 'di las rin po che rnams 'byung bas na rin chen 'byung ldan no/ /de la khyad par ni 'di yod de/ bcom ldan 'das rnam par snang mdzad ni de bzhin gshegs pa thams cad du gtogs pa'i phyag rgya thams cad sngar bsgrubs pa las phyag rgya de rnams kyi phyag rgya dgrol ba'i dus su rdo rje rin chen ma'i phyag rgyas dbang bskur ba yin te/rin po che'i pha rol tu phyin pa ni sems can thams cad kyi bsam pa thams cad yongs su rdzogs par byed pa'i mtshan ma yid bzhin gyi nor bu rin po ches mtshan pa'i rgyal mtshan byin pa'i pha rol tu phyin pa'i rtags su byang chub sems dpa' thams cad kyi lag na gnas pa'o//de'i dam tshig ni snying po dang bcas pa'i phyag rgya'i khyad par ro/ /de bsam pa'i khyad par gang las byung ba de byin gyis brlab pa'i phyir rdo rje ltar mi phyed pa'i ting nge 'dzin gang rin po che'i pha rol tu phyin pa'i dam tshig rdo rje zhes bya ba'i ting nge 'dzin gang yin pa de nyid la snyoms par zhugs pa'o//rdo rje rin po che'i dam tshig ces bya ba ni rdo rje lta bu'i bsam pa de rin po che'i rigs bskyed pa'i phyir rin po che'i dam tshig ces bya ba ste/ gang ming de skad ces bya ba de ston par byed pa'i sgra la yang de skad ces bya'o/ / de zhes bya ba ni 'og nas bshad pa'o/ /de bas na sgra de'i rang bzhin gyi phyag rgya de ci zhig byas nas she na/ rang gi thugs ka nas phyung ba ste/ phyung bar gyur to zhes bya ba'i don to/ /rin po che'i 'od zer zhes bya ba la sogs pa la rin po che'i 'od zer ni pad+ma rA ga'i mdog dang / nor bu pad+ma rA ga'i dbyibs lta bu'o//de bzhin gshegs pa thams cad kyi ye shes kyi phyag rgyas btab pa ni/ sngar bshad pa'i rol mo'i tshul gyis so/ /e ma'o zhes bya ba la sogs pa la e ma'o zhes bya ba ni ngo mtshar du gyur pa'o/ /rdo rjes mtshan pa yang yin la rin po che'i ngo bo nyid kyang yin pas na rdo rje rin chen no//de gang zhe na/ bdag nyid ces bya ba'o/ /grags zhes bya ba ni bshad do zhes bya ba'i don to/ /su zhig gi yin zhe na/ sangs rgyas thams cad kyi'o/ /gang phyir zhes bya ba la sogs pa la gang gi phyir phyag rgya thams cad dgrol ba'i dus su dbang bskur ba nyid brtan pa'i tshul te/brtan pa'i thabs so/ /da ni de bzhin gshegs pa gsum pa pad+ma'i rigs kyi phyag rgya bcom ldan 'das rnam par snang mdzad la 'khor du dbul ba la 'jug par bstan par bya ba'i phyir/ de nas zhes bya ba la sogs pa gsungs so/ /'jig rten rnams kyi dbang po yin pas 'jig rten gyi dbang phyug go//de'i rgyal po yin pas na 'jig rten gyi dbang phyug gi rgyal po ste/ snang ba mtha' yas zhes bya ba'i don to/ /bcom ldan 'das rnam par snang mdzad kyi de bzhin gshegs pa thams cad kyi rnam pa thams cad mkhyen pa'i ye shes la rgyas gdab par bya ba'i phyir zhes bya ba la/chos kyi phyag rgya brjod pa'i dus su lce la rdo rje dkar po gzhag go/ /rnam pa 'dis rgyas btab pa'i phyir te/ rang gi rigs kyi mtshan ma gzhag pa'i phyir ro/ /chos kyi rigs kyi pha rol tu phyin pa ni chos kyi pha rol tu phyin pa ste/ shes rab kyi pha rol tu phyin pa zhes bya ba'i don to//de'i dam tshig ni snying po dang bcas pa'i phyag rgya'i khyad par te/ de rdo rje lta bu'i bsam pa'i khyad par gang las 'byung ba de byin gyis brlab pa'i phyir te/ de nus mthu skyed pa'i phyir/ ming 'di skad ces bya ba'i ting nge 'dzin gang yin pa'i ting nge 'dzin la snyoms par zhugs pa'o//chos kyi rigs kyi dam tshig dag pa'i chos nyid kyi mtshan nyid ni chos kyi dam tshig ces bya la/ don 'di sgra gang gis ston pa de la yang de skad ces bya'o/ /de bas na sgra'i ngo bo nyid kyi rang gi phyag rgya de rang gi thugs ka nas phyung ngo / /'di zhes bya ba ni 'og nas bshad pa'o//pad+ma'i 'od zer zhes bya ba la sogs pa la/ pad+mo lta bu'i 'od zer yin pas na pad+ma'i 'od zer ro/ /de bzhin gshegs pa thams cad kyi ye shes la phyag rgyas btab ces bya ba ni sngar smras pa'i tshul gyis so/ /rdo rjes mtshan pa'i pad+ma yin pas na rdo rje pad+ma'o/ /rdo rje pad+ma yang yin la chen po'i dbyibs kyang yin pas na rdo rje pad+ma chen po'i dbyibs so//gyur nas zhes bya ba ni red pa'o/ /e ma'o zhes bya ba la sogs pa la/ 'di de sangs rgyas thams cad kyi/ /chos kyi rdo rje gtsang ma bdag /ces bya ba ni sangs rgyas thams cad de/ 'dir snang ba mtha' yas la sogs pa'i de bzhin gshegs pa thams cad gzung ngo //de rnams kyi chos kyi rdo rje ni bdag yin te/ chos nyid ston pa'i rdo rje ni rdo rje chos so/ /ji lta bu zhe na/ gtsang ma zhes bya ba ste dben pa zhes bya ba'i don to/ /rgyu gang gis na khyod dag pa yin zhe na/gang gi rang bzhin rnam dag pas/ /zhes bya ba ste/de lta bas na rang gi ngo bo nyid kyis rnam par dag pas na rang bzhin gyis dag pa ste/ gang gzhan la rag las par ma gyur cing / rang nyid kyi ngo bo las mi 'gyur ba'i rang bzhin 'di ni bdag ste/ bdag nyid kyi chos kyi ngo bo yin la/ de'i rnam par dag pa ni rang bzhin gyis rnam par dag pa'o//pas zhes bya ba ni nyid ces bya ba'i don to/ /rang bzhin gyis rnam par dag pa de nyid kyis na'o/ /'dod chags yin yang dri ma med/ /ces bya ba ni/ gang gi phyir 'dod chags ni 'jig rten na zhen pa'i ngo bor grags na/ de yang rang bzhin gyis rnam par dag pa yin pa'i phyir rnam par dag pa ste/don dam par ma skyes pa zhes bya ba'i don to/ /yang na mi dge ba bcu'i las kyi lam kun nas mi skyed cing / bsod nams dang ye shes kyi tshogs yongs su rdzogs pa'i rgyur gyur pa'i phyir sems can smin pa dang grol ba la chags pa ni rang bzhin gyis dag pa nyid do//da ni de bzhin gshegs pa bzhi pas kyang rang gi mtshan ma'i phyag rgya bcom ldan 'das de bzhin gshegs pa rnam par snang mdzad la 'khor du dbul bar bstan pa'i phyir/ de nas zhes bya ba la sogs pa'i gzhung gsungs pa yin te/ sgrib pa med pa'i ye shes thugs su chud pas thams cad du gdon mi za zhing /'bras bu yod pa'i dngos grub mnga' bas na gdon mi za bar grub pa'o/ /bcom ldan 'das de bzhin gshegs pa rnam par snang mdzad kyi sngar bshad pa'i sems dpa' rnam pa bcu drug gi mtshan nyid can gyi de bzhin gshegs pa thams cad kyi ye shes la phyag rgyas gdab pa'i phyir/las kyi phyag rgya sbyor ba'i dus su thugs ka'i zla ba'i dkyil 'khor la/ las kyi rdo rje nye bar dgod pas rgyas gdab cing rang gi rigs kyi mtshan ma gzhag pa'i phyir ro/ /brtson 'grus kyi pha rol tu phyin pa thams cad kyi ngo bo nyid de/ tshogs yongs su rdzogs par mdzad pa'i dus su thams cad du 'gro ba yin pas na pha rol tu phyin pa thams cad ces bshad de/brtson 'grus 'ba' zhig grogs gyur pas/ /go 'phang bla na med pa brnyes/ /zhes ji skad bshad pa lta bu'o/ /pha rol tu phyin pa thams cad pa de'i dam tshig ni snying po dang phyag rgya'i khyad par rdo rje kha bzhi pa dang /de ston par byed pa'i snying po ste/ dam tshig ni gzhung lugs la rnam par 'jog pa'o/ /de yang thugs la gnas pa'i mtshan ma 'dis las kyi phyag rgya la sbyar bar bya'o zhes bya ba de lta bu 'di ni dam tshig ste/ de bsam pa'i khyad par gang las byung ba de byin gyis brlab pa'i phyir rdo rje ltar mi phyed pa'i ting nge 'dzin gang yin pa de la yang 'di skad ces bya ste/ ting nge 'dzin de la snyoms par zhugs pa'o/ /de bzhin gshegs pa thams cad ni byang chub sems dpa' thams cad de/ mtshan ma gang thugs la bzhag nas bdag dang gzhan gyi don mdzad pa de ni/de bzhin gshegs pa thams cad kyi las kyi dam tshig go/ /de ston par byed pa'i sgra la yang de bzhin gshegs pa thams cad kyi las kyi dam tshig ces bya ba'i sgrar gsungs te/ de bzhin gshegs pa thams cad kyi las kyi dam tshig ces bya ba'i rang gi phyag rgya rang gi snying ga nas phyung ngo /'di zhes bya ba ni rang gi thugs la gnas pa'o/ /las thams cad kyi 'od zer zhes bya ba ni las thams cad kyi phyag rgya lta bu'i 'od zer ro/ /'di skad ston te/ sems dpa' re re'i phyag rgya gang yin pa de'i dbyibs lta bu'i 'od zer du gyur te byung ba'o//de bzhin gshegs pa thams cad kyi ye shes kyi zhes bya ba la de bzhin gshegs pa thams cad kyi ye shes ni las kyi phyag rgya dang ldan pa'i rdo rje sems dpa' la sogs pa'i tshul du ste/ 'jig rten gyi khams thams cad du snying po dang phyag rgya dgod pa de dag gi rang gi rigs kyi mtshan ma 'jog pa'i rgyas kun du btab pa'o//gcig tu gyur pa ni spro ba dang bsdu bas tha dad pa med par byas pa'o/ /'dres pa ni brtan pa'o/ /thams cad du rtse mo bltas pa ni rtse mo phyogs bzhir bltas pa'o/ /las ston par byed pa'i rdo rje yin pas ni las kyi rdo rje'o/ /las kyi rdo rje yang yin la chen po yang yin pas na las kyi rdo rje chen po'o//de'i dbyibs ni de'i gzugs yin pas na las kyi rdo rje chen po'i dbyibs te/ de lta bu'i gzugs su bdag nyid sprul to zhes bya ba'i don to/ /e ma'o zhes bya ba la sogs pa la sangs rgyas thams cad kyi zhes bya ba ni/ de dang 'brel ba yin pa'i phyir ro//de gang zhe na/ las kyi rdo rje zhes bya'o/ /ji lta bu zhig ce na/ mang po zhes bya ba ste/ las kyi phyag rgya thams cad bsdus pa la zhugs pa'am/ las mang po byed pa'i phyir ro/ /su zhig ce na bdag go/ /gcig yin na mang por ji ltar 'gyur zhe na/ gang phyir gcig kyang zhes bya ba ste/ gang gi phyir bdag gcig pu yin du zin kyang sems can gyi khams ma lus pa'i las bzang po byed do zhes bya ba'o/ /'di skad ston te/ gang gi tshe bdag snying la zhugs par gyur pa de'i tshe/ sems can thams cad mchod pa la sogs pa'i las ji ltar 'dod pa bzhin du thogs pa med par byed par 'gyur ro//de bzhin gshegs pa thams cad kyi 'khor lo bskor ba'i mtshan nyid kyi ye shes chen po'i dam tshig yin pas na/ de bzhin gshegs pa thams cad kyi ye shes kyi dam tshig ste rdo rje sems ma'o/ /dam tshig gi phyag rgya thams cad kyi dbang bskur ba stsol ba'i gtso bor grags pa na dbang bskur ba chen po ste/rdo rje rin chen ma'o/ /chos kyi rigs la rang bzhin gyis rnam par dag pa'i chos nyid stong pa nyid kyi rdo rjer yongs su gzung bas rab tu grags pa'i phyir/ /rdo rje chos nyid de rdo rje chos ma'o/ /mchod pa thams cad sprul pa la sogs pa la/ rnam pa thams cad du phyin ci ma log par zhugs pas na mchod pa thams cad ces bshad de rdo rje las ma'o//'di dag thams cad ni yang pha rol tu phyin pa chen po zhes bya ba'i sgrar yang gsungs te/ ji lta zhe na/ ye shes kyi pha rol tu phyin pa ni pha rol tu phyin pa thams cad yongs su sbyong bar byed de/ gang gi phyir rnam par mi rtog pa'i ye shes skyes na/pha rol tu phyin pa thams cad dag par 'gyur ro/ /rin po che'i pha rol tu phyin pa ni sbyin pa'i pha rol tu phyin pa'i ngo bo nyid de/ pha rol tu phyin pa thams cad la 'jug par byed do/ /de yang longs spyod kyis yongs su bsdus na/ pha rol tu phyin pa gzhan rnams la yang bde blag tu 'jug par 'gyur ba'i phyir ro//chos kyi pha rol tu phyin pa ni shes rab kyi pha rol tu phyin pa ste/ de ni pha rol tu phyin pa thams cad gso bar byed pa ste theg pa chen po'i chos zab cing rgya chen po thos pas dad pa la sogs pa'i dbang po yongs su gso bar byed pas pha rol tu phyin pa thams cad rgyas par byed pa'i phyir rdo rje las ma ni brtson 'grus kyi pha rol tu phyin pa ston par byed pa ste/pha rol tu phyin pa thams cad 'phel bar byed pa'o/ /de yang brtson 'grus dang rab tu ldan na yon tan rnams lhag par skye bar byed pa'i phyir ro/ /phyag rgya gtso bo 'byung ba rdzogs nas da ni de'i 'khor du gyur pa'i phyag rgya rnams bstan par bya ba'i phyir de nas zhes bya ba la sogs pa'i gzhung gsungs pa yin no//de la dang po re zhig de bzhin gshegs pa'i rigs byung bas na/ de'i 'khor du gyur pa'i phyag rgya bskyed par bya ba'i phyir de bzhin gshegs pa thams cad dgyes pa'i mchod pa'i dam tshig ces bya ba gsungs te/de bzhin gshegs pa thams cad ni 'dir dkyil 'khor ba'i byang chub sems dpa' rnams dang / des byin gyis brlabs pa'i sngags pa rnams so/ /de rnams kyi dgyes pa ni dga' ba dang sdug pa dang chags pa'o/ / gang du zhe na/ byang chub kyi sems la ste byang chub kyi sems de nyid ni de bzhin gshegs pa thams cad kyi rigs kyi mchod pa ste/ gang gi phyir rnal 'byor pa ji srid byang chub kyi sems la chags par gyur pa de dang de srid du nyon mongs pa thams cad mi shes pa dang / lhan cig bag chags dang bcas par rim gyis ldog par 'gyur zhing /thams cad mkhyen pa yang thob par 'gyur ba'i rgyu ni/ byang chub kyi sems la sogs pa yang skye ba dang / gnas pa dang / 'brel pa dang / rnam par dag pa yin te/ de bas na 'di ni rigs 'di dag thams cad kyi yum du 'gyur zhing yab tu gyur pa bcom ldan 'das rdo rje sems dpa' la sogs pa'i btsun mo zhes kyang gsungs te/de bzhin gshegs pa thams cad kyi yab ni byang chub kyi sems yin no/ /de bas na 'di ni lha chen po yin la/ de'i lha mo yin pas na lha mo chen po zhes kyang bshad do/ /de nyid ni sdug pa yang yin te/byang chub kyi sems des gzung bar bya ba yin zhing / gso bar bya ba yin te/ de bas na btsun mo zhes kyang bshad do/ /gang gi phyir byang chub kyi sems la dmigs pa las de rdzogs shing 'phel bar 'gyur ba'i phyir ro/ /de bas na 'khor ba'i gar gyi ltad mo'i sa 'di na/ sangs rgyas ni gar thabs kyi 'khor lo yin te/der gtso bo bcom ldan 'das rdo rje sems dpa' yin la gtso mo ni rdo rje sgeg mo yin no/ /de'i 'khor ni 'og nas bshad pa rnams so/ /chos kyi rgyal po bla na med pa la gzhag par bya ba'i phyir/ sems can rnams dga' bar mdzad pa'i don du bcom ldan 'das kyi 'khor lo 'di sprul par mdzad pa yin no//de lta bu'i dga' ba'i rnam pa'i dam tshig ni snying po dang phyag rgya la sogs pa'o/ /de'i bsam pa'i khyad par gang las byung ba de byin gyis brlab pa'i phyir/ rdo rje ltar mi phyed pa'i ting nge 'dzin gang ming 'di skad ces bya ba'i ting nge 'dzin gang yin pa de la snyoms par zhugs par mdzad pa'o//de bzhin gshegs pa thams cad kyi rigs kyi lha mo chen mo yin pas de bzhin gshegs pa thams cad kyi rigs kyi lha mo chen mo'o zhes bya ba ni thugs la gnas pa'o/ /yang gcig tu 'dres te zhes bya ba la sogs pa la sngar phyag rgya'i gzugs dang /sangs rgyas kyi sku so sor byung nas gcig tu 'dus pa yin pa las/ da ni ting nge 'dzin gyi byin gyi rlabs kyi dbang gis gzugs gcig tu gyur pa'o/ /'dres pa ni brtan pa'o/ /gcig tu gyur nas ci zhig tu red ce na/ de'i phyir lha mo chen mo rdo rje 'dzin ma zhes bya ba gsungs te/'dzin ma zhes bya ba ni sdug pa la bya bar bshad do/ /de'i phyag rgya mtshan pas sgeg pas na rdo rje 'dzin ma'o/ /ji lta bu zhe na rdo rje sems dpa'i bdag nyid dang 'dra ba zhes bya ba gsungs te/ rdo rje sems dpa' dang 'dra zhing rjes su mthun pa'i bdag nyid kyi dngos po'i lus gang la yod pa de la ni/rdo rje 'dzin pa'i bdag nyid dang 'dra ba zhes bya'o/ /kha dog sna tshogs pa ni dkar mo mdzes pa'o/ /gzugs sna tshogs pa ni yan lag gi gzugs mdzes pa'o/ /mtshan ma sna tshogs pa ni nu ma dang skra la sogs pa'o/ /spyod lam sna tshogs pa ni 'dug pa dang 'gro ba la sogs pa'o//rgyan thams cad ni gdu bu dang dpung rgyan la sogs pa'o/ /de rnams kyis klubs pa bya ba ni brgyan pa'o/ /de bzhin gshegs pa'i rigs thams cad sdud par gyur pa zhes bya ba la/ de ni byang chub kyi sems kyi dga' ba'i ngo bo nyid yin pas na/ de bzhin gshegs pa'i rigs thams cad sdud pa'o//rdo rje sems dpa'i lha mo zhes bya ba ni rdo rje sems dpa' dgyes pa'o/ /gyur zhes bya ba ni red pa'o/ /e ma'o zhes bya ba ni rmad du gyur pa'o/ /ci zhig rmad du gyur zhe na/ bdag 'dra gzhan med de zhes bya ba'o/ /khyod dang 'dra ba gzhan ci zhig med ce na/mchod pa gzhan zhes bya'o/ /gang gi zhe na/ rang 'byung rnams kyi'o/ /gal te khyod dang 'dra ba med na/ yang 'dir ngo mtshar ci zhig che zhe na/ gang phyir 'dod pa dga' mchod pas/ /mchod pa thams cad byas par 'gyur/ /zhes bya ba gsungs te/ 'dod pa ni 'dod cing chags par bya ba'i ngo bo nyid yin pas na/bcom ldan 'das rdo rje sems dpa'o/ /de la dga' ba ni der sdug pa'o/ /sdug pa des mchod pa tshad med pa la 'jug par 'gyur te/ gang gi phyir byang chub kyi sems kyi yul la dga' ba'i mnyam par gzhag pa'i sems kyis ni/sangs rgyas dang byang chub sems dpa' rnams kyi mchod pa tshad med pa la 'jug par 'gyur ro/ /de bas na bdag dang 'dra ba gzhan med do zhes bshad do/ /de bzhin gshegs pa'i rigs la byang chub kyi sems la dga' ba rdo rje sgeg mo'i mchod pa'i phyag rgya'i gzugs su sprul nas/da ni byang chub kyi sems la dga' ba'i chos bzhis bsdus pas sangs rgyas kyi sa thob par 'dod pa'i mtshan nyid can dad pa'i nor bu rin po che sangs rgyas lnga'i sku'i nor bu rin po che'i phreng bas bla na med pa'i chos kyi rgyal por dbang bskur ba'i phyir/ rin po che'i rigs ston par mdzad pa ni de nas zhes bya ba la sogs pa'i gzhung gsungs pa yin no//de bzhin gshegs pa thams cad kyi zhes bya ba dang byang chub sems dpa' thams cad kyi rin po che'i phreng bas zhes bya ba sangs rgyas kun gyi dbu rgyan gyis mtshan pa'i dbang bskur ba yin pas na/ de bzhin gshegs pa thams cad kyi rin po che'i phreng ba'i dbang bskur ba ste/dbang bskur ba ni chos kyi rgyal po thob pa'i nus mthu skyed pa'o/ /de'i dam tshig ni snying po dang phyag rgya la sogs pa ste/ de rin po che'i bsam pa'i khyad par gang las byung ba de byin gyis brlab pa'i phyir rdo rje ltar mi phyed pa'i ting nge 'dzin gang yin pa de la ming 'di skad ces bya ste/ting nge 'dzin de la snyoms par zhugs pa'o/ /'di yang de bzhin gshegs pa thams cad kyi rigs rnams yang dag par skyed pa'i byang chub kyi sems nyid la rdo rje rin po cher gzhag pa'i dad pa'i rin po che de nyid lha mo chen mo yin par rnam par gzhag go/ / 'di zhes bya ba ni thugs la gnas pa'o/ /'dis bskul phu nas byung ma thag tu de bzhin gshegs pa thams cad kyi thugs zhes bya ba bzhi po las so/ /rin po che'i phyag rgyar gyur nas byung ba zhes bya ba ni rin po che lta bu yang yin la/ byang chub sems dpa' chen po rnams rgyas 'debs par byed pa yang yin pas rin po che'i phyag rgya'o//rdo rje rin chen gyi 'khor los sgyur ba'i lha mo chen mo yin pa yang gong ma bzhin no/ /rdo rjes mtshan pa'i phreng ba ni rdo rje phreng ba ma'o/ /de bzhin du gyur nas zhes bya ba 'dis ni kha dog dang gzugs sna tshogs pa la sogs pa snga ma bzhin du sbyar ro/ /e ma'o zhes bya ba la sogs pa la e ma'o zhes bya ba ni ngo mtshar du gyur pa'o//ci zhig ngo mtshar che zhe na/ bdag dang 'dra ba med ces bya'o/ /'dra ba med pa ni mtshungs pa med pa ste/ bdag nyid dang 'dra ba med pa'o/ /khyod ming ji skad bya zhe na/ rin chen mchod pa zhes pa ste/ rin po che'i mchod pa yin pas na/rin chen mchod pa ste dbang bskur ba'i mtshan nyid do/ /grags pa ni rab tu grags pa'o/ /rgyu gang gis na khyod gcig pu 'dra ba med pa nyid yin zhe na/ gang phyir khams gsum rgyal mchog kyang / /rab tu mchod pa byed par 'gyur/ /zhes bya ba ste/ gang gi phyir khams gsum po ma lus pa'i nang na/chos kyi rgyal po gcig pu yin la/ de bas na gnas de ni mchog tu gyur pa yin pas na khams gsum rgyal mchog kyang zhes gsungs pa yin no/ /rab tu mchod pa byed par 'gyur/ /zhes bya ba ni/ ngas rab tu mchod na byed par 'gyur ba ste de lta bas na bdag ni mchod pa mtshungs pa med pa gcig pu yin no zhes ston pa yin te/rin po che'i phreng ba 'dis ni byang chub sems dpa'i rgyan thams cad kyi mchog ston pa yin no/ /byang chub kyi sems la dga' zhing sangs rgyas kyi sa thob par 'dod pa skyes su zin kyang / theg pa chen po bla na med pa'i chos ma thos na mngon par 'tshang rgya mi srid de/de bas na chos kyi glu'i longs spyod myang bar bya ba'i phyir/ de nas yang bcom ldan 'das zhes bya ba la sogs pa'i gzhung gsungs te/ de bzhin gshegs pa thams cad kyi glu'i mchog ni gdul bya'i skye bo rnams dbang po ji ltar smin pa bzhin du rjes su phan 'dogs par mdzad pa'i phyir nyid kyi 'khor gyi dkyil 'khor du tshigs su bcad pa'i dbyangs kyis chos yang dag par ston par mdzad pa ni/de bzhin gshegs pa thams cad kyi glu'i mchog go/ /de'i dam tshig ni snying po dang phyag rgya la sogs pa ste/ de chos kyi bsam pa'i khyad par gang las byung ba de byin gyis brlab pa'i phyir/rdo rje ltar mi phyed pa'i ting nge 'dzin gang don dang mthun pa'i ming 'di skad ces bya ba'i ting nge 'dzin de la snyoms par zhugs pa'o/ /de bzhin gshegs pa thams cad kyi rigs la ni/ theg pa chen po bla na med pa'i chos lung gi mtshan nyid ma thos par rtogs pa'i chos kyang 'byung mi srid de/de bas na de bzhin gshegs pa thams cad kyi glu'i mchog kyang de bzhin gshegs pa thams cad kyi rigs kyi lha mo chen mor bstan to/ /'di zhes bya ba ni thugs la gnas pa'o/ /de bzhin gshegs pa thams cad kyi thugs las byung ma thag tu zhes bya ba ni bzhi po las so//dag pa'i chos kyi don ston pa pad+mo'i tshul lta bu'i phyag rgya ni chos kyi phyag rgya zhes bshad do/ /lha mo chen mo rdo rje glur gyur nas/ /zhes bya ba la sogs pa la/ de bzhin gshegs pa'i tshigs su bcad pa'i gzugs can gyi phyag rgya de nyid gdul bya'i skye bo rnams la phan gdags pa'i gar thabs bstan pa'i phyir/bcom ldan 'das rdo rje chos 'khor los sgyur ba'i lha mo chen mo nyid du rnam par gzhag par ston pa yin no/ /e ma'o zhes bya ba la sogs pa ni snga ma bzhin no/ /glu mchog tshul gyis mchod pa yin//zhes bya ba ni/ 'di skad ston te/ da ni chos yang dag par glur blangs pa'i tshigs su bcad pa'i rang bzhin yin gyi/ de kho na nyid du na bud med kyi gzugs ni ma yin no/ /khyod gang gi glu'i mchog gi ngo bo yin zhe na/de'i phyir kun du gzigs pa'i zhes gsungs te/ dus gsum thams cad du thogs pa med pa'i gzigs pa gang la mnga' ba de ni kun du gzigs pa ste/de rnams kyi bdag glu'i mchog ni rang bzhin gyi mchod pa'o zhes pa ste/ de bzhin gshegs pa'i rigs kyi mchod pa zhes bya ba'i don to/ /gal te khyod glu'i mchog gi mchod pa'i ngo bo nyid yin pa la ngo mtshar ci zhig yod ce na/gang phyir zhes bya ba la sogs pa gsungs te/ gang phyir sgra brnyan 'dra ba yi/ /zhes bya ba la/ sgra brnyan ni brag ca ste/ sgra brnyan de dang 'dra zhing mtshungs pa'i sgra gang yin pa'i tshig dang / ngag dang yi ge rang bzhin de dag ni sgra brnyan dang 'dra ste/ tshul de lta bu'i ngo bo nyid ni don dam par med du zin kyang /ji ltar mngon par 'dod pa'i don rtogs par byed pas sems dpa' rnams mnyes par byed de/ 'di ni 'dir ngo mtshar che'o/ /rdul phra rab brtag pa ltar skyes ma thag tu 'jig pa'i yi ge ka la sogs pa'i dngos po ni snga ma dang phyi ma sbyor bar mi byed do//gang gi phyir yi ge ka la sogs pa yod du zin kyang ka ba zhes bya bar ga las gzung 'di skad ston te/ ji ltar na sgra brnyan ni don mi shes pa ji lta ba bzhin du sgra rnams kyang tshig dang ngag gi tshul du 'jig rten du rab tu grags te/ gang gi phyir yi ge rnams ni dus gcig tu brjod pa mi srid la/ re re nas brjod du zin kyang / skyes pa rnams ni dus gzhan du sdod pa med de/ de bas na tshig mi srid do/ /gang gi phyir yi ge tshogs pa la ni tshig tu 'dod pa yin na/ ngag med pas tshig gi tshogs don gcig brjod pa ni ngag gi mtshan nyid yin pas tshig kyang med par 'gyur ro/ /tshig dang ngag brjod du med pas sgra thams cad kyang sgra brnyan dang 'dra ba nyid yin te/de lta bu'i sgra rnams kyis sangs rgyas rnams don gcig par mdzad cing / gdul bya'i skye bo rnams kyi mngon par 'dod pa bzhin du dga' bar mdzad pas na 'di ni ngo mtshar che'o// //da ni byang chub sems dpa' chen po'i don thos nas de sgrub pa la nan tan du bya ba'i mtshan nyid kyi kun du spyod pa sangs rgyas la mchod pa dang /sems can yongs su smin par byed pa'i rang bzhin gar gyi mchod pa bstan par bya ba'i phyir/ de nas zhes bya ba la sogs pa'i gzhung gsungs te/ de bzhin gshegs pa thams cad du gtogs pa'i gar gyi rang bzhin mchod pa ste/de'i dam tshig ni snying po dang phyag rgya la sogs pa'o/ /de las kyi bsam pa'i khyad par gang las byung ba de byin gyis brlab pa'i phyir/ rdo rje ltar mi phyed pa'i ting nge 'dzin gang don dang mthun pa'i ming de skad ces bya ba'i ting nge 'dzin gang yin pa de la snyoms par zhugs pa'o//de bzhin gshegs pa thams cad kyi rigs kyi lha mo chen po sems can gyi don mdzad pa'i phyir/ kun du spyod par mdzad pa ste/ gang gi phyir g.yo ba des de bzhin gshegs pa thams cad kyi rigs 'byung bas na de'i phyir de la yang der lha mo chen mo zhes bshad do//de bzhin gshegs pa thams cad ni dkyil 'khor ba'i byang chub sems dpa' rnams dang / des byin gyis brlabs pa'i sngags pa rnams so/ /de rnams dang 'brel pa'i gar gyi mchod pa ni/ rdo rje gar gyi mchod pa'i cho ga 'di ltar chings shig ces lag pa gnyis rdo rje gar bskor ba'i tshul du ston pa 'di ni cho ga'o//de'i rgyas pa ni de bzhin gshegs pa thams cad dang 'brel pa'i gar gyi mchod pa'i cho ga rgyas pa ste/ de rnams las so/ /rdo rje lha mo chen po zhes bya ba la sogs pa la/ bcom ldan 'das gdon mi za bar grub pa des rdo rje gar gyi tshul gyi bya ba'i mdzad pa lha mo chen po nyid du sprul par mdzad pa'o//g.yon phyogs su zhes bya ba ni bzhi char la yang bstan pa yin te/ gang gi phyir g.yon pa zhes bya ba ni bud med kyi rnam grangs yin te/ de bas na thams cad g.yon du gnas par brtag go/ /thams cad kyang zla ba rgyas pa zhes smos pa ni bzhin mdangs rgyas par ston pa'i don yin no//e ma'o zhes bya ba ni ngo mtshar du gyur pa'o/ /mchod kun don mdzad pa'i zhes bya ba ni rin po che la sogs pa'i yo byad kyi khyad par gyis rdzas gang gis mchod par byed pa'i rdzas de bsams pa tsam gyis nam mkha' nyid las 'byin par byed pa'i nam mkha' mdzod kyi ting nge 'dzin thob pas na mchod kun don mdzad pa zhes bya'o//yang na mchod pa 'dis sangs rgyas nyid thob par byas nas sems can gyi don bla na med pa byed par gyur cig ces sngon smon lam btab pa de da ltar mdzad pas na mchod kun don mdzad pa zhes bya'o/ /yang na mchod pa'i rnam pa bkod pa thams cad ni mchod kun te/de'i don ni rnam par gzhag pa ste/ de mdzad pas na mchod kun don mdzad pa'o/ /mchod pa rgya chen zhes bya ba ni gos dang rin po che la sogs pa mchog tu gyur cing / khyab pa nyid dang spras pa'i khyad par dam pa rnams kyis rgya che ba yin pa'i phyir ro//mchod pa chen pos mchod par 'os pa'i phyir na mchod pa rgya chen te/ de bzhin gshegs pa'o/ /yang na byang chub sems dpar gyur pa'i tshe mchod pa rgya chen por byas pas na mchod pa rgya chen te/ de bas na mchod pa rgya chen po dag gis mchod pa'o/ /gang phyir zhes bya ba la sogs pa la gang gi phyir rdo rje gar gyi cho gas kyang sangs rgyas mchod par rab tu rtog cing /sna tshogs su spras par byed pas na/ de dag gi mchod pa'i don thams cad mdzad pa 'di ni ngo mtshar to zhes ston to/ /rdo rje sgeg mo ni de bzhin gshegs pa thams cad kyi bde ba dang yid bde ba'i ngo bo nyid de/ gang gi phyir byang chub kyi sems la dga' ba ni rdo rje sgeg mo'o zhes gsungs pa'i phyir dang /chos mngon pa las kyang / dga' ba ni yid bde ba'o zhes gsungs pa dang / yid bde ba de nyid bsam gtan gsum pas bsdus pa'i sems las byung ba'i bde bar gsungs pa yang de nyid yin no/ /de lta bas na bde ba dang yid bde ba'i ngo bo nyid yin par gsungs so//bla na med pa ni byang chub kyi sems kyi dga' bas lhag pa gzhan med pa'i phyir ro/ /de bzhin gshegs pa thams cad kyi phreng bar mdzad pas na/ de bzhin gshegs pa thams cad kyi phreng ba ste/ de bzhin gshegs pa thams cad kyi rin po che'i dbu rgyan la de bzhin gshegs pa 'ba' zhig gi phreng ba'i tshul du gnas pa'i phyir ro//de bzhin gshegs pa thams cad kyi tshigs su bcad pa ni de bzhin gshegs pa thams cad kyi glu'o/ /mchod pa'i las ni gar gyi las byed pa ste/ 'di'i gong na gzhan med pas na bla na med pa'o//mchod pa'i las kyang yin la/ bla na med pa yang yin pas na mchod pa'i las bla na med pa'o/ /de mdzad pa'i ngang tshul can yin pas na mchod pa'i las bla na med pa mdzad pa ste/ 'dir mchod pa'i las bla na med pa ni bsgrub pa'i mchod pa la bya'o/ /de bzhin gshegs pa thams cad kyi rnal 'byor gyi snyoms par 'jug pa la dkyil 'khor du dgod pas khang pa brtsegs ma'i grwa na rnam par gzhag par sprul te/de bas na thams cad kyi spyod yul ma yin zhing / mchod pa 'di rnams yid kyis rtag par bya ba yin pas na de'i phyir gsang ba'i mchod pa zhes bya'o//nang gi dkyil 'khor du byang chub sems dpa' rnams kyi mchod pa bstan nas/ da ni phyi'i dkyil 'khor gyi mtshams su bcom ldan 'das rnam par snang mdzad kyi mchod pa bstan par bya ba'i phyir/ de nas zhes bya ba la sogs pa'i gzhung gzhan gsungs pa yin no//de nas zhes bya ba ni de'i rjes thogs la'o/ /yang zhes bya ba ni sngar bcom ldan 'das rnam par snang mdzad la mi bskyod pas rang gi rigs kyi ye shes kyis rgyas gdab pa'i phyir/ 'khor du gyur pa'i phyag rgya rnams phul ba de la ltos nas yang zhes gsungs pa yin no/ /bcom ldan 'das rnam par snang mdzad kyis kyang mi bskyod pa'i dkyil 'khor du rdo rje sgeg mo la sogs pa gsang ba'i mchod pa rnams bstabs so//de ltar mchod pa de'i lan du bcom ldan 'das mi bskyod pas/ bcom ldan 'das rnam par snang mdzad slar mchod par rigs pas/ de'i phyir de bzhin gshegs pa thams cad rab tu tshim pa zhes bya ba gsungs te/de bzhin gshegs pa thams cad tshim pa ni phyi dang nang shin tu sbyangs pa'i ngo bo bdug pa'i phyag rgya ste/ mnyam par 'jog pa la gnas pa rnams ni lus shin tu sbyangs pa'i skye ba gang yin pa dang / phyi rol gyi yang sna'i dbang po yul bdug pa dang phrad pa las shin tu sbyangs pa gang yin pa ste/shin tu sbyangs pa de gnyi ga la yang shin tu tshim pa'i phyag rgya zhes bya'o/ /de bas na de'i dam tshig ni snying po dang phyag rgya la sogs pa'o/ /de sems kyi khyad par gang las byung ba de byin gyis brlab pa'i phyir rdo rje ltar mi phyed pa'i ting nge 'dzin gang ming 'di skad ces bya ba'i ting nge 'dzin gang yin pa de la snyoms par zhugs pa'o//g.yog mo'i gtso mo ni gzugs kyis gtso bo'i longs spyod du 'os pa yin la/ bdug pa'i mchod pa 'di yang gtso bo'i longs spyod du gyur pa yin te/ chos mthun pa des na g.yog mo'i gtso mo zhes bshad pa yin no//rgyal po'i pho brang na gnas par ston pa'i phyir ro/ /de ston pa'i tshig la yang g.yog mo zhes bshad de/ de bas na de rang gi thugs ka nas phyung ba'o/ /'di zhes bya ba ni 'og nas bshad pa'o/ /bdug pa'i mchod pa'i sprin gyi bkod pa rnam pa du ma zhes bya ba la bdug par byed pas mchod pa yin pas na bdug pa'i mchod pa'o//yang na bdug pa'i ngo bo nyid kyi mchod pa yin pas na bdug pa'i mchod pa'o/ /de mang po 'dus pa la ni sprin zhes bya la/ mang po'i tshogs de rnams 'dus pa'i yang 'dus pa la bkod pa zhes bya'o/ /yang na de nyid rnam par spel nas gnas pa la ni bdug pa'i mchod pa'i sprin zhes bya la/khang pa brtsegs pa'i tshul du gnas pa la ni bkod pa zhes bya'o/ /rnam pa du ma ni rnam pa sna tshogs pa ste/ spos snod dang 'khrul 'khor dang spos kyi reng bu la sogs pa'i khyad par dang / lhan cig skyes pa dang / yang dag par sbyar ba dang /yongs su gyur pa'i bye brag gis kyang bdug pa'i mchod par gyur pa'o/ /tshad ji tsam zhe na/ rdo rje dbyings thams cad du khyab par gyur pa zhes bya ba gsungs te/ rdo rje dbyings ni bcom ldan 'das rnam par snang mdzad kyi gzhal yas khang brtsegs ma'o/ /de'i khyab pa ni der 'phros pa'o//bgrang ba las 'das pa'i grangs la ni rgya mtsho'i zhes bya ba'i sgrar bshad do/ /rdo rje bdug pa la zhes bya ba la sogs pa la/ rdo rje lta bu'i bsam pa las sprul pa'i bdug pa'i lha mo'i lus ni/ rdo rje bdug pa'i lha mo'i lus so/ /e ma'o zhes bya ba la sogs pa la/ e ma'o zhes bya ba ni ngo mtshar du gyur pa'o/ /ci zhig ngo mtshar che zhe na/ bdag ni mchod pa che zhes bya ba ste/ mchod pa yang yin la chen po yang yin pas na mchod pa che'o/ /ngo bo nyid ji lta bu zhe na/ rab tu tshim ldan zhes bya ba ste gang la tshim pa yod pa de ni tshim ldan te/ rab tu tshim pa ni yid tshim par byed pa'o//gal te bdug pa'i mchod pa yid sim par byed pa yin du zin kyang / srog chags kyi yan lag las byung ba las sbyar ba yang srid pas na/ de'i phyir de dge ba yin zhes bya ba gsungs te/ srog chags kyi yan lag dang bral ba zhes bya ba'i don to/ gang phyir sems can 'bab ldan pas//zhes bya ba la bdug pa'i mchod pa gang gis sems can rnams la sems dpa' 'bab par 'gyur ba ste/ lha rnams 'jug par 'gyur zhes bya ba'i don to/ /myur du byang chub thob par 'gyur/ /zhes bya ba la/ byang chub sems dpa' byin gyis brlabs na/dge ba'i bshes gnyen gyis yongs su zin pas myur ba nyid du byang chub thob par 'gyur bas na ngo mtshar che ba yin no/ /de bzhin gshegs pa rin chen 'byung bas kyang bcom ldan 'das rnam par snang mdzad kyis mchod pa'i lan du slar mchod pa'i phyir/ rin po che'i mchod pa'i rgyan zhes bya ba gsungs te/rin po che ni byang chub kyi yan lag gi rin po che'o/ /de nyid ni rgyan du gyur pa yin pas na rgyan te/ de bas na rin po che'i mchod pa'i rgyan zhes gsungs so/ /de'i dam tshig ni snying po dang phyag rgya la sogs pa'o/ /'di ni rin po che'i bsam pa gang las byung ba de byin gyis brlab pa'i phyir/rdo rje ltar mi phyed pa'i ting nge 'dzin gang la don dang mthun pa'i ming 'di skad ces bya ba'i ting nge 'dzin gang yin pa de la snyoms par zhugs pa'o/ /gang gtso bo dang nye bar gnas nas mtshon cha thogs pa'i g.yog mo'i gtso mo la ni gsol ka ma zhes zer te/ byang chub kyi yan lag gi rin po che'i mchod pa 'di yang 'phags pa'i lam bla na med par 'dren cing /'phags pa'i lam gyi mtshon cha thogs te/ nye bar gnas pas na gsol ka ma zhes bshad de/ rgyal po'i pho brang na zhugs par bstan pa'i phyir ro/ /'di zhes bya ba ni thugs la gnas pa'o/ / me tog thams cad kyi mchod pa bkod pas zhes bya ba la sogs pa la/ byang chub kyi yan lag rin po che'i mchod pa de nyid ni/ me tog thams cad kyi mchod pa bkod pa ste/ me tog thams cad ni tsam pa ka dang / a sho ka dang / til ka dang / ba ku la la sogs pa me tog rigs tha dad pas phye ba rnams gzung ngo //de'i mchod pa'i bkod pa ni khang pa brtsegs mar spel ba'i tshul lo/ /'jig rten gyi khams thams cad du khyab pa ni 'jig rten gyi khams thams cad 'gengs pa'o/ /yang gcig tu 'dres te zhes pa ni gcig tu brtan par gyur pa'o/ /rdo rje lta bu'i bsam pas sprul pa'i me tog gi mchod pa byed pa'i lha mo ni rdo rje me tog lha mo'o//de'i skur gyur pa ni de'i gzugs su bdag nyid mngon par sprul pa ste/ bcom ldan 'das kyi gzhal yas khang brtsegs ma gang yin pa de'i grar gnas pa'o/ /e ma'o zhes bya ba ni ngo mtshar du gyur pa'o/ /ci zhig ngo mtshar che zhe na/ gang gi phyir me tog mchod pa bdag ces bya'o/ /thams cad kyi ni rgyan byed de/ /zhes bya ba ni 'di skad ston te/ gdu bu dang / dpung rgyan dang / gos dang / bdug pa dang / byug pa la sogs pas brgyan du zin kyang / me tog gi phreng ba steng du gtor te/ de bas na de dag thams cad kyi nang na me tog gi mchod pa ni lhag par rgyan du byed pa yin zhing /mchod pa gzhan rnams kyi yang rgyan byed pas na thams cad kyi rgyan byed pa'o/ /gal te khyod me tog gi mchod pa yin du zin kyang / ngo mtshar ci zhig yod ce na/ gang phyir mchod na de bzhin gshegs/ /rin chen nyid du myur bar 'grub/ / ces bya ba ste/ byang chub kyi yan lag ni me tog gi rang bzhin des mchod na/ de bzhin gshegs pa rin po che nyid thob par gyur pas na/ 'di ni ngo mtshar che'o/ /da ni mar me'i mchod pa'i cho ga bstan par bya ba'i phyir/ de nas zhes bya ba la sogs pa'i gzhung gsungs so/ /'jig rten dbang po ni bcom ldan 'das 'phags pa spyan ras gzigs dbang phyug go//de'i rgyal po ni dbu la 'jog pa'i bdag po ste/ bcom ldan 'das snang ba mtha' yas so/ /bcom ldan 'das rnam par snang mdzad kyis pad+ma'i rigs las klu'i mchod pa sprul par mdzad pa'i lan du slar mchod pa'i phyir ro/ / bcom ldan 'das snang ba mtha' yas kyis kyang mchod pa mdzad pa yin no/ /de bzhin gshegs pa thams cad la snang ba'i mchod pa ste/ mar me'i mchod pas ni de bzhin gshegs pa thams cad la snang ba'i mchod pa'o/ /de'i dam tshig ni snying po dang phyag rgya la sogs pa ste/ de chos kyi bsam pa'i khyad par gang las byung ba de byin gyis brlab pa'i phyir rdo rje ltar mi phyed pa'i ting nge 'dzin gang yin pa de la ming 'di skad ces bya ba'i ting nge 'dzin de la snyoms par zhugs pa ni/mngon sum du mdzad pa'o/ /de bzhin gshegs pa thams cad kyi pho nya yin pas na/ de bzhin gshegs pa thams cad kyi pho nya mo ste/ ye shes kyis thams cad snang bar mdzad cing bdag dang gzhan gyi don grub par chos mthun pas na pho nya mo zhes gsungs so/ /thams cad du snang zhes bya ba la rnam pa thams cad du snang bar mdzad pas na thams cad du snang ba'o//de nyid mchod pa ste des khang pa brtsegs ma brgyan pas na snang ba'i mchod pa bkod pa zhes bya'o/ /de'i tshad ji tsam zhe na/ chos kyi dbyings thams cad du khyab par byed pa zhes pa ste/ nam mkha'i dbyings thams cad khyab par byed pa'o/ /lha mo rdo rje snang ba zhes bya ba la sogs pa la/rdo rje lta bu'i sems kyis sprul pas na lha mo rdo rje snang ba'i mchod pa ste/ rdo rje snang ba'i ngo bor byin gyis brlab pa'i rdo rje snang ba'i lha mo'o/ /de'i sku yin pas na lha mo rdo rje snang ba'i sku'o/ /gyur pa ni red pa'o/ /e ma'o zhes bya ba la sogs pa la rin po che la sogs pa'i snang ba yongs su 'dzin pas rgya che ba dang /phyogs mtshams thams cad du khyab pas na rgya che ba ste/ rgya che ba yang yin la chen po yang yin pas na rgya chen po'o/ /de gang yin zhe na/ mchod pa ste rjed pa'o/ /ngo bo nyid ji lta bu zhe na mar me'o/ /gal te zhag la sogs pas kyang mar me byed srid pas de'i phyir dge ba zhes bya ba gsungs so/ / mar dang 'bru mar gyi rang bzhin nam/ yang na rin po che'i snang ba'i ngo bo nyid do/ /gang phyir snang bcas zhes bya ba la gang la snang ba yod pa de na snang ba dang bcas pa ste/ de bas na snang ba ni mig gi rnam par shes pa bskyed pa'i rgyu'i gtso bo yin pas myur zhing mgyogs pa nyid du/ sangs rgyas kun gyi spyan yang 'thob//ces pa ste/ sangs rgyas kyi spyan yang yin la kun kyang yin pas na sangs rgyas kyi ni spyan kun te/ spyan lnga po dag 'thob ces bya ba'i don te/ de yang gang gis sems can rnams kyi skye ba dang 'chi 'pho gzigs pas ni sha'i spyan dang lha'i spyan no/ /'phags pa'i bden pa bzhi'i yul mkhyen pa ni shes rab kyi spyan no//thog ma dang tha mar yongs su dag pa'i chos ston par mdzad pa ni chos kyi spyan no/ /thams cad mkhyen pa'i ye shes ni sangs rgyas kyi spyan no/ /de nas zhes bya ba la sogs pa'i gzhung gsungs te/ bcom ldan 'das rnam par snang mdzad kyis gdon mi za bar grub pa'i dkyil 'khor du gang gi mchod pa gsungs pa'i mchod pa de'i lan du bcom ldan 'das gdon mi za bar grub pas kyang /slar mchod pa mdzad pa yin no/ /de bzhin gshegs pa thams cad kyi dri ni tshul khrims kyi sdom pa ste/ de nyid ni mchod pa'o/ / de'i dam tshig ni snying po dang phyag rgya la sogs pa ste/ de las kyi bsam pa'i khyad par gang las byung ba ste byin gyis brlab par bya ba'i phyir/ rdo rje ltar mi phyed pa'i ting nge 'dzin gang yin pa'i ming 'di nyid ces bya ba'i ting nge 'dzin de la snyoms par zhugs pa'o/ /de bzhin gshegs pa thams cad kyi bran mo zhes bya ba la/skyang nul gyi las byed pa la 'jig rten na bran mo zhes zer te/ de bas na nye bar byug par chos mthun pas/ dri'i mchod pa ni bran mor rnam par gzhag ste/ de'i thugs ka nas phyung ba'o/ /'di zhes bya ba ni thugs la gnas pa'o/ /dri thams cad kyi mchod pa bkod pa zhes bya ba ni dri dang 'khrul 'khor dang reng bu la sogs pa'i rnam par spras pa'i bkod pa'i khang pa brtsegs ma'o//de tshad ji tsam zhe na/ 'jig rten gyi khams thams cad khyab par byed pa ste/ 'jig rten gyi khams thams cad 'gengs pa'o/ /yang zhes bya ba la sogs pa la yang gcig tu 'dres par gyur nas lha mo rdo rje dri zhes bya ba'i skur gyur pa ste/rdo rje lta bu'i bsam pas dri'i mchod pa byin gyis rlob par byed pa'i lha mo'i skur gyur cing red pa'o/ /e ma'o zhes bya ba ni rang gi ngo bo nyid ston pas na dri'i rang bzhin no/ /mchod pa ni rjed pa'o/ /ji lta bu zhe na/ lha rdzas so/ /su zhig ce na bdag ces bya ba'o/ /ji ltar na lha rdzas yin zhe na/ gang gi phyir yid 'ong zhes bya ba ste/ lha rnams kyi yang yid dang rjes su mthun pa ste/de bas na lha rdzas so/ /gang gi phyir ngas de bzhin gshegs pa rnams la mchod na/ mchod par byed pa'i lus la de bzhin gshegs pa rnams kyi bla na med pa'i tshul khrims kyi dri stsol bar mdzad de/de bas na mchod pa 'di ni de bzhin gshegs pa'i dri sbyin pa zhes gsungs so/ /de bzhin gshegs pa thams cad ni 'dir dkyil 'khor ba'i byang chub sems dpa' rnams dang des byin gyis brlabs pa'i sngags pa rnams so// //de rnams ni bdug pa'i mchod pas ye shes 'bab par 'gyur te/ de bas na de bzhin gshegs pa thams cad kyi ye shes dbab pa zhes bya'o/ /yang na de bzhin gshegs pa thams cad kyi sgras ni dkyil 'khor ba'i ye shes sems dpa' nyid yongs su gzung ba yin te/de bzhin gshegs pa thams cad kyi ye shes sems can rnams la gang dang gang gis babs shing 'jug pa de ni/ de bzhin gshegs pa thams cad kyi ye shes dbab pa ste/ bdug pa'i mchod pa zhes bya ba'i don to/ /sangs rgyas bcom ldan 'das kyi sku shin tu sbyangs pa ni 'dir lha mo bdug pa'i gzugs su sprul par mdzad de/de bas na lus shin tu sbyangs pa de ni bde ba'i tshor ba skyed par byed la bde ba las ni sems rtse gcig pa 'thob cing sems rtse gcig pa thob na yang dag pa ji lta ba bzhin du shes par 'gyur te/ de bas na ye shes dbab pa zhes bya'o//byang chub chen po yang yin la/ yan lag kyang yin pas byang chub chen po'i yan lag ste/ de rnams bsags pa yin pas na byang chub chen po'i yan lag bsags pa'o/ /yang na byang chub chen po ni bla na med pa yang dag par rdzogs pa'i byang chub ste/ de'i yan lag ni de'i rgyu rnams yin pas byang chub chen po'i yan lag go//de rnams bsags pa ni de rnams bsdus pa ste/ de la ni byang chub chen po'i yan lag bsags pa ste/ me tog gi mchod pa zhes bya ba'i don to/ /de bzhin gshegs pa thams cad dang 'brel pa'i chos mdo sde la sogs pa la snang ba ste/ye shes kyi snang ba'i 'od ces bya ba'i don to/ /tshul khrims ni spong ba bdun gyi mtshan nyid zag pa med pa'i bsam gtan gyis bsdus pa ste/ srog gcod pa spong ba la sogs pa lus kyi rnam pa gsum dang / brdzun du smra ba spong ba la sogs pa dag gi rnam pa bzhi'o//ting nge 'dzin ni zag pa med pa'i bsam gtan no/ /shes rab ni chos rab tu rnam par 'byed pa'i mtshan nyid do/ /rnam par grol ba ni nyon mongs pa rnams las rnam par grol ba'o/ /rnam par grol ba'i ye shes mthong ba ni rnam par grol bar gyur na nga ni rnam par grol lo zhes ye shes kyi mthong ba 'jug la/mthong ba ni bzod pa brgyad de/ sdug bsngal la chos shes pa'i bzod pa dang / sdug bsngal la rjes su rtogs pa'i bzod pa dang / kun 'byung dang 'gog pa dang lam la yang de bzhin no/ /de bas na zag pa med pa'i phung po lnga'i ngo bo nyid tshul khrims kyi rang bzhin gyi dri'i mchod pa zhes bya ba'i don to//de lta bu'i dri'i rang bzhin gdul bya'i skye bo rnams la rjes su phan gdags shing / dri'i dgos pa thams cad bya ba'i phyir lha mo'i gzugs su dkyil 'khor du sprul par mdzad pa'o/ /de bzhin gshegs pa thams cad ni sangs rgyas dang byang chub sems dpa' rnams so//de'i bka' bzhin byed pas bud med kyi gzugs su sprul to zhes bya ba'i don to/ /gang de dag bcom ldan 'das rnam par snang mdzad kyi don du sprul pa yin du zin kyang / sangs rgyas dang byang chub sems dpa' thams cad kyi yin par shes par bya'o/ /dkyil 'khor gyi 'khor g.yog mo'i gtso mo la sogs pa'i mchod pa rnam pa brgyad bstan mod kyi/de lta na yang sgo srung med na dkyil 'khor ma rdzogs pa yin te/ de bas na de dag sprul par mdzad pa'i phyir/ de nas zhes bya ba la sogs pa'i gzhung gzhan gsungs pa yin te/ de nas zhes bya ba ni de'i rjes thogs la'o//yang bcom ldan 'das rnam par snang mdzad kyi zhes bya ba ni mchod pa'i lha mo rnams la ltos pa'o/ /de bzhin gshegs pa thams cad kyi dam tshig gi lcags kyu zhes bya ba la/ de bzhin gshegs pa thams cad ces bya ba'i sgra ni sangs rgyas dang byang chub sems dpa' nyi tshe gzung ngo //de rnams kyi dam tshig gi lcags kyu ni dam tshig tu gyur pa'i lcags kyu yin pas na/ dam tshig gi lcags kyu ste gang gis dam tshig thams cad 'gugs pa'o/ /de'i dam tshig ni snying po dang phyag rgya la sogs pa'o/ /de sems dpa'i bsam pa'i khyad par gang las byung ba de byin gyis brlab pa'i phyir/ting nge 'dzin gang rdo rje ltar mi phyed pa'i ting nge 'dzin gang la ming 'di skad ces bya ba'i ting nge 'dzin de la snyoms par zhugs pa'o/ /de bzhin gshegs pa zhes bya ba la sogs pa la/ de bzhin gshegs pa thams cad dang 'brel pa'i phyag rgya'i tshogs thams cad kyi bdag por gyur pa ste/de'i dbang gis gdul ba'i phyir bdag po zhes bya ste/ rgyal po'i khar ba thogs pa'i skyes bu bzhin no/ /'di zhes bya ba ni 'og nas bshad pa'o/ /'di byung ma thag pa zhes bya ba ni bskul ba'i rjes thogs nyid la zhes bya ba'i don to//bcom ldan 'das rdo rje 'dzin pa de nyid ces bya ba ni gang sngar bshad pa'i mchod pa'i lha mo gzugs su byung ba de nyid/ da 'dir phyag rgya thams cad kyi tshogs su gyur pa ste/ rigs bzhi char gyi yang phyag rgya'i tshogs gang yin pa de'i gzugs su gyur te byung ngo zhes bya ba'i don to//de yang gang gi phyir phyag rgya thams cad kyi ngo bo nyid du gyur pas de phyag rgya thams cad bkug nus par gyur pa ste/ rang gi lus bzhin du thams cad la dbang ba nyid du bstan pa'i phyir phyag rgya'i tshogs zhes smos pa yin te/ phyag rgya'i tshogs thams cad las ni de bzhin gshegs pa thams cad kyi sku'o//de rnams las kyang byang chub sems dpa' rdo rje lcags kyu'i skur gyur pa yin du zin kyang / phyag rgya'i tshogs de dag kyang bcom ldan 'das rnam par snang mdzad kyis byin gyi rlabs kyis yang dag par bsdus te/ rdo rje lcags kyur gyur pa dang / slar yang bcom ldan 'das rnam par snang mdzad kyis de la dbang bskur ba byin no//de nas kyang de bzhin gshegs pa thams cad kyis ming gi dbang bskur bas dbang bskur ro zhes/ 'dir rtsa ba'i gzhung las ma smos su zin kyang / don gyi dbang gis thams cad mdzad par shes par bya'o/ /bcom ldan 'das kyis khang bu brtsegs pa rtse mo rdo rje dang nor bu dang rin po che las byas zhes bya ba la/bcom ldan 'das dang 'brel pa'i khang ba brtsegs ma gang yin pa de'i rdo rje'i sgo ste/ rdo rjes nye bar mtshon pa'i sgo ni rdo rje'i sgo ste/ da'i nang na ni dbus su'o/ /de bzhin gshegs pa thams cad kyang yin la dam tshig kyang yin pas/de bzhin gshegs pa thams cad kyi dam tshig ste/ sangs rgyas dang byang chub sems dpa' thams cad do/ /de rnams 'gugs shing rang gi las byed pa na rang gi mthu stobs mthong bas dga' ste/ ched du brjod pa 'di ched du brjod do/ e ma'o zhes bya ba la sogs pa la/ e ma'o zhes bya ba ni ngo mtshar du gyur pa'o/ /ci zhig ngo mtshar du gyur zhe na/ gang phyir sangs rgyas thams cad kyi/ /yang dag spyan 'dren brtan pa bdag /ces bya ba ste/ kun nas spyan 'dren pa'i phyir yang dag spyan 'dren pa'o/ /gang gis kyang bzlog par mi nus pas na brtan pa'o//gal te khyod yang dag par spyan 'dren pa yin du zin kyang / ngo mtshar ci zhig che zhe na/ gang phyir bdag gis spyan drangs pas/ /dkyil 'khor kun la brten par 'gyur/ /zhes bya ba ste/ gang gi phyir bdag gis spyan drangs na/ sangs rgyas dang byang chub sems dpa' thams cad kyang rtog pa mi mnga' bar dkyil 'khor kun la brten pa ste/dkyil 'khor thams cad du 'jug ces bya ba'i don to/ /bkug tu zin kyang dkyil 'khor du ma bcug na dgos pa mi byed pas de'i phyir gzhug pa'i thabs kyi cho ga bstan par bya ba'i phyir/ de nas zhes bya ba la sogs pa'i gzhung gsungs te/de bzhin gshegs pa thams cad kyang yin la dam tshig kyang yin pas na de bzhin gshegs pa thams cad kyi dam tshig go/ /de rnams dkyil 'khor du gzhug pa'i sems dpa' chen po gang gis byas pa de ni de bzhin gshegs pa thams cad kyi dam tshig la 'jug pa'i sems dpa' chen po'o//de'i dam tshig ni snying po dang phyag rgya la sogs pa'o/ /de sems dpa'i bsam pa'i khyad par gang las byung ba de byin gyis brlab pa'i phyir rdo rje ltar mi phyed pa'i ting nge 'dzin gang don dang mthun pa'i ming 'di skad ces bya ba'i ting nge 'dzin de la snyoms par zhugs pa'o//de bzhin gshegs pa thams cad kyang yin la phyag rgya'i ngo bo nyid kyang yin pas de bzhin gshegs pa thams cad kyi phyag rgya ste/ de rnams kyi 'jug pa'o/ /re re nas gsol bas na gsol ka ma ste/ de byed pas na gsol ka ba'o/ /de yang 'jug par byed pa la dbang bar chos mthun pas na gsol ka ba ste/rgyal po'i pho brang na bzhugs pa'i tshul ston pa'i phyir ro/ /de bzhin gshegs pa thams cad kyi dam tshig la 'jug pa'i phyir phyag rgya'i tshogs gang yin pa de ni de bzhin gshegs pa thams cad kyi dam tshig la 'jug pa'i phyag rgya'i tshogs te/ de zhags pa'i tshogs su gyur zhes bya ba'i don to//yang na de bzhin gshegs pa thams cad kyi dam tshig la 'jug pa'i phyag rgya'i tshogs su gyur zhes bya ba ni dam tshig de rnams nyid kyi phyag rgya'i tshogs gang yin pa der gyur zhes bya ba'i don to/ /lcags kyu la bshad pa'i tshul bzhin du phyag rgya'i tshogs thams cad kyang byin gyi rlabs kyi dbang gis zhags pa'i gzugs su gyur pa'am/zhags pa ma yin pa rnams kyang zhags pa'i gzugs su gyur pa ste/ gnyi ga ltar yang nyes pa med do/ /yang na gcig tu 'dres par gyur nas byang chub sems dpa' chen po rdo rje zhags pa zhes bya ba'i sku gyur nas zhes bya bar/rdo rjes mtshan pa'i zhags pa yin pas na rdo rje zhags pa zhes bya ba'am/ rdo rje lta bu'i bsam pa las byung ba yin pas na/ rdo rje zhags pa'o/ /des nye bar mtshon pa'i byang chub sems dpa' chen po ste/ byang chub chen po la sems dpa'o/ /de yang byang chub sems dpa' chen po yang yin la rdo rje zhags pa yang yin pas byang chub sems dpa' chen po rdo rje zhags pa'o//de'i sku ni de'i gzugs su gyur pa'o/ /rin po che'i nye bar mtshon pa'i sgo yin pas rin po che las byas pa'i sgo'o/ /de bzhin gshegs pa thams cad 'jug pa rang gi las mdzad pa ste rang gi dgos pa yang dag par mthong bas dga' ste/ched du brjod pa 'di ched du brjod do/ /e ma'o zhes bya ba ni ngo mtshar du gyur pa'o/ /ci zhig ngo mtshar du gyur zhe na/ sangs rgyas thams cad kyi/ /rdo rje zhags pa dam pa'i bdag /ces bya ba ste/ sems can thams cad kyis kyang gcod par mi nus pas na dam pa'o//de lta yin du zin kyang ngo mtshar ci zhig che zhe na/ rdul phran zhugs pa thams cad kyang / /bdag gis slar yang drang bar bgyi/ /zhes bya ba ste/ gang gi phyir de bzhin gshegs pa rnams kyi chos kyi skus rdul phran thams cad zhugs pa yang gdul bya'i skye bo rnams la phan gdags par bya ba'i phyir/bdag gis slar yang dkyil 'khor du bcug pa 'di ni ngo mtshar to/ /ji ltar na de bzhin gshegs pa thams cad slar yang bcug ce na/ gzugs kyi skus thams cad du song ba ma yin pas na 'gal ba med do/ /dkyil 'khor du bcug tu zin kyang dam tshig gi 'ching bas ma bcings na/gal te dgos pa'i dus su mi bzhugs pas de lta bas na dam tshig gi 'ching ba'i cho ga bstan pa'i phyir/ de nas zhes bya ba la sogs pa'i gzhung gsungs pa yin no/ /de bzhin gshegs pa thams cad ces bya ba la sogs pa la/ de bzhin gshegs pa thams cad kyi dam tshig yin pas na de bzhin gshegs pa thams cad kyi dam tshig go//bstan pa tsam gyis bgegs dang log 'dren gyi tshogs thams cad gtor bar byed pas na gtor ba ste/ lcags sgrog la bya'o/ /yang na 'di gsal bar gyur pas de bzhin gshegs pa thams cad 'da' bar mi mdzad pa'i phyir lcags sgrog la dam tshig gi 'ching ba zhes bshad de/chos kyi longs spyod rdzogs pa'i 'khor gyi dkyil 'khor na bzhugs pa'i de bzhin gshegs pa thams cad kyis gdul bya'i skye bo rnams la rjes su phan gdags pa'i phyir/gang theg pa la gsar du zhugs pa'i byang chub sems dpa' gsang sngags kyi sgo'i spyad pa spyod pa rnams kyis 'khor gyi dkyil 'khor 'di lta bu phye mas bris pa'i dkyil 'khor gang yin pa der khyed rnams bkug cing bzhag la/ lcags sgrog gi phyag rgya bstan pa de'i tshe/ ji srid du bya ba yongs su rdzogs par ma gyur pa de srid kyi bar du khyed rnams gnas par gyis shig ces bka' stsal pa yin te/ bcom ldan 'das kyi bka' 'di ni byang chub sems dpa' rnams kyi 'ching ba yin no/ /bcom ldan 'das kyang nyid kyi bya ba'i dus las 'das par mi mdzad pas de la yang de'i dam tshig 'ching ba yin no//lha dang klu dang gnod sbyin la sogs pa gzhan rnams la yang bcom ldan 'das kyi bden pa bsgom pa'i bka' de nyid 'ching ba yin te/ skyes pa'i rabs las kyang bden pa la yongs su goms pa'i tshig las ni me yang 'da' bar mi byed do zhes ji skad gsungs pa lta bu'o//de bas tshig de nyid bcom ldan 'das kyis lcags sgrog gi phyag rgya bstan te zhes gsungs so/ /de lta bas na 'di ni sangs rgyas dang byang chub sems dpa' rnams dang / 'jig rten gsum po thams cad kyi yang 'ching ba yin te/ ji ltar bla ma'i tshig gam/rang gi tshig gis 'dug par bya'o zhes bya ba ni 'ching ba yin no zhes bya ba bzhin te/de bas na 'di ni lcags sgrog ces bya'o/ /de'i dam tshig ni snying po dang phyag rgya la sogs pa de las sems dpa' gang sprul te byung zhing lcags sgrog gi phyag rgya de 'ching ba 'di la yang dam tshig gi lcags sgrog gi sems dpa' chen po zhes bya ste de'i dam tshig go//de sems dpa'i bsam pa'i khyad par gang las byung ba de byin gyis brlab par bya ba'i phyir/ rdo rje ltar mi phyed pa'i ting nge 'dzin gang ming 'di skad ces bya ba'i ting nge 'dzin gang yin pa de la snyoms par zhugs pa'o/ /de bzhin gshegs pa thams cad kyi dam tshig gi 'ching ba yin pas na/de bzhin gshegs pa thams cad kyi dam tshig bsdams pa ste ming de skad ces bya'o/ /de yang de bzhin gshegs pa thams cad kyi pho nya zhes bya ste/ rgyal pos mna' chu la sogs pa blud pas/ dam bca' ba la 'jog pa gang yin pa de ni 'jig rten na pho nya zhes bya ste/dam tshig la 'jog pa de dang chos mthun pas na 'di la yang pho nya zhes bya'o/ /de bzhin gshegs pa thams cad kyang yin la dam tshig kyang yin pas de bzhin gshegs pa thams cad kyi dam tshig go/ /de bzhin gshegs pa thams cad kyi dam tshig bcing ba'i phyir/phyag rgya'i tshogs su gyur pa ni/ de bzhin gshegs pa thams cad kyi dam tshig bsdams pa'i phyag rgya'i tshogs su gyur pa ste/ re re zhing lcags sgrog tu gyur to zhes bya ba'i don to/ /phyag rgya'i tshogs de rnams las kyang de bzhin gshegs pa'i sku rnams te/ de dag las kyang phyag rgya 'dzin pa'i sems dpa' ste/byang chub sems dpa' chen po rdo rje lcags sgrog 'dzin pa'i skur gyur pa'o/ /de yang byang chub sems dpa' chen po yang yin la rdo rje lcags sgrog kyang yin pas na byang chub sems dpa' chen po rdo rje lcags sgrog go/ /bcom ldan 'das kyi khang bu brtsegs pa'i rtse mo rdo rje dang nor bu dang rin po che las byas pa'i khang pa brtsegs ma gang yin pa de'i sgo pad+mas mtshan pa'i dbus su gnas pa'o//de bzhin gshegs pa thams cad ni dkyil 'khor ba'i sangs rgyas dang byang chub sems dpa' rnams so/ /de rnams 'ching ba ni rang gi dam tshig dang / ston pa'i bka' khas blangs pa'i mtshan nyid bzhin du bya ba yongs su rdzogs pa'i bar du 'jog pa'i rang gi nus mthu mthong bas ched du brjod pa 'di ched du brjod do//e ma'o zhes bya ba ni ngo mtshar du gyur pa'o/ /ci zhig ngo mtshar che zhe na/ gang phyir rdo rje lcags sgrog bdag /ces bya'o/ /ji lta bu zhe na/dam po ste gzhan rnams kyis mi phyed pa'i phyir ro/ /de lta bu yin du zin kyang ngo mtshar ci zhig che zhe na gang phyir/ bcings pa kun las grol ba rnams/ /sems can don du 'ching bar 'dod/ /ces bya ba gsungs te/ 'ching ba thams cad las rnam par grol ba rnams kyang 'ching bar byed pa 'di ni ngo mtshar che'o//gal te khyod kyis bcings pa yin na/ ji ltar 'ching ba thams cad las nges par grol ba yin/ de ltar bden mod kyi 'on kyang nyon mongs pa'i dbang du gyur pa'i sems can 'khor ba na 'khor ba rnams kyi 'ching ba lta bur 'dod pa ni ma yin gyi/ nyon mongs pa rnams kyi 'ching ba gtubs shing 'khor ba'i sdug bsngal las yang dag par 'das pa'i thugs rje can yang sems can rnams kyi don la 'ching bar 'dod pa yin no//bkug pa dang bcug pa dang bcing ba byas su zin kyang / dbab pa med du zin na so so'i skye bo ye shes ma skyes pa rnams dkyil 'khor du sangs rgyas dang byang chub sems dpa' rnams byon to zhes yid ches par mi 'gyur te/de bas na yid ches pa bskyed par bya ba'i phyir/ /de nas zhes bya ba la sogs pa'i gzhung gzhan gsungs pa yin no/ /cho ga gang gis de bzhin gshegs pa thams cad 'bebs pa'i dbab pa byed pa de ni de bzhin gshegs pa thams cad dbab pa'o//de bzhin gshegs pa thams cad dbab pa yang yin la byang chub sems dpa' chen po yang yin pas de bzhin gshegs pa thams cad dbab pa zhes bya ba byang chub sems dpa' chen po'o/ /de'i dam tshig ni snying po dang phyag rgya la sogs pa'o//de sems dpa'i bsam pa'i khyad par gang las byung ba de byin gyis brlab pa'i phyir rdo rje ltar mi phyed pa'i ting nge 'dzin gang ming de skad ces bya ba'i ting nge 'dzin gang yin pa de la snyoms par zhugs pa'o/ /de bzhin gshegs pa thams cad dang 'brel pa'i phyag rgya gang yin pa de rnams kyi bran ni bskyod pa la sogs par chos mthun pa'i phyir ro//'di zhes bya ba ni thugs la gnas pa'o/ /de bzhin gshegs pa thams cad kyi phyag rgya'i tshogs thams cad ni sku dang phyag dang spyan dang sgros la sogs pa phyag rgya'i ngo bo nyid do/ /gcig ces bya ba la sogs pa la gcig ni rnam par ma phye ba'i ngo bo nyid do//'dres pa ni brtan pa ste bsam pa rdo rje lta bus sprul pa'i phyir ro/ /sems can rnams la 'bebs pas na dbab pa ste/ lha'i gzugs su byed pa'o/ /bcom ldan 'das kyi khang bu brtsegs pa rtse mo rdo rje dang nor bu dang rin po che las byas pa de'i sgo las kyi rdo rjes mtshon pa ni las kyi sgo'o/ /de bzhin gshegs pa thams cad 'bebs pa zhes bya ba la/de bzhin gshegs pa thams cad ni rnal 'byor grub pa'i rnal 'byor pa gang gis dkyil 'khor du sprul pa gang yin pa rnams dang / rnal 'byor ma grub pa'i sngags pas tshon gyis bris pa gang yin pa dang / byin gyis brlab pa byas pa'i sngags pa rnams la de bzhin gshegs pa thams cad ces bya ba'i sgrar bshad do//'dir byin gyi rlabs kyis 'bebs shing sangs rgyas dang byang chub sems dpa' yang dag pa rnams rnal 'byor dang / sngags kyi mthus bkug cing der bcug pa'i rang gi las kyi mthu mthong bas dga' ste/ ched du brjod pa 'di ched du brjod do/ /e ma'o zhes bya ba ni ngo mtshar du gyur pa'o/ /ci zhig ngo mtshar che zhe na/ gang phyir sangs rgyas thams cad kyi/ /rdo rje dbab pa brtan pa'i bdag /ces bya ba ste/ thams cad kyis 'da' bar bya ba ma yin pas na brtan pa'o/ /de lta yin du zin kyang ngo mtshar ci zhig yod ce na/gang gi phyir/ /kun gyi bdag tu 'gyur nas kyang / /bran du yang ni gyur pa yin/ /zhes bya ba ste/ gang gi phyir thams cad kyi bdag por gyur kyang / gdul bya rnams la rjes su brtse ba'i phyir bran du yang gyur pa'o/ /kun gyi bdag po ni 'khor los sgyur ba ste/ der gyur kyang gzhan gyi las la dga' bar yang gyur pa'o//de yang gang dang gang gi gzugs ni/ lus can gang ni 'dul gyur pa/ /thugs brtses non pa de dang der/ /thugs rje'i bdag nyid ston par mdzad/ /ces ji skad gsungs pa lta bu'o/ /de bzhin gshegs pa thams cad ces bya ba la/sangs rgyas dang byang chub sems dpa' thams cad kun nas 'gugs pa ni spyan drang ba ste/ de sems dpa'i phyag rgya'i khyad par gang gis byed pa de ni de bzhin gshegs pa thams cad spyan drang ba'i zhes bshad do/ /de yang thugs rje'i ngo bo nyid do/ /thugs rjes sangs rgyas dang byang chub sems dpa' thams cad spyan drangs par 'gyur gyi/gzhan ni gang gis kyang ma yin no/ /de yang / rig pa yi ni mtsho nang nas/ /klu bzhin khyod la thugs rje yis/ /dgon pa zhig nas grong gi bar/ /gdul bya'i don gyi slad du drangs/ /zhes ji skad bshad pa lta bu'o/ /spyan drangs par gyur nas phyag rgya'i khyad par gang bcug pa de ni gzhug pa ste/'jug par byed pa yin pa'i phyir ro/ /de yang sems can la byams pa ste/ sems can la byams pas sangs rgyas dang byang chub sems dpa' rnams dkyil 'khor du 'jug ste/ de rnams la rjes su phan gdags pa'i phyir byams pa'i zhags pas drangs pa'o//de yang gting dpag dka' ba'i bstod pa las/ khyod ni 'khor bar sdug bsngal ba'i/ /'gro la byams pa'i thugs gzhol bas/ /yun ring dus ni zad mdzad kyang / /zhal gyis bzhes pa'i las mthun min/ /zhes ji skad bshad pa lta bu'o/ /bcing ba ni dam tshig gi bcing ba ste/ston pa'i bka' dang / bcom ldan 'das kyis ji skad bka' stsal pa bzhin du thams cad bgyi'o zhes khas blangs pa'o/ /rnam pa 'di gnyis lta bu'i lcags sgrog gis rkang pa gnyis bcing ba ste/ ston pa'i bka' ni lcags sgrog gi lag pa gcig yin la/ rang gi khas blangs pa ni gnyis pa yin no//de yang ji skad du/ khyod kyis 'di yi rkang pa gnyis/ /snying gi zhags pa chen pos bzung / /bdag kyang 'di yi yon tan gyis/ /snying ni de bas dam du zin/ /zhes bshad pa lta bu'o/ /de lta bas na bcom ldan 'das kyi yon tan bsngags par 'os pa'i bka' gang gis sangs rgyas dang byang chub sems dpa' thams cad bcing ba ste/bslabs pas bsdams pa lta bu'o/ /dbang du bya ba ni mnyes par bya ba ste/ shes rab kyi pha rol tu phyin pa klog pa'o/ /de yang gang gi phyir shes rab kyi pha rol tu phyin pa gsan nas/sangs rgyas dang byang chub sems dpa' thams cad mnyes par 'gyur te/yum shes rab kyi pha rol tu phyin pa de ni dril bu'i sgras ston la/ de bsam pa nyid kyis phyag rgya dang / legs par sprul pa dang / bris pa dang / sems can dam pa rnams lha la 'bab par 'gyur ba'am/ ye shes babs pa'i byin gyi rlabs kyis ye shes skye bar 'gyur ro//sngags pa rnams kyi mig la babs par yang mdzad de/ mchi ma 'dzag pa la sogs pa dang / ba spu ldang ba la sogs par yang snang ngo / /'di dag ni de bzhin gshegs pa thams cad kyi bka' bzhin byed pa ste/ ji skad bshad pa'i bya ba med pa'i phyir ro/ /bcom ldan 'das rnam par snang mdzad ni chos kyi dbyings kyi rang bzhin can/dkyil 'khor gyi bdag po'i slob dpon gyi dam par gyur pa ste/ mi bskyod pa la sogs pa dang / kun du bzang po yang bskul zhing phyag rgya dang / sems dpa' rnams bskyed par mdzad pa dang / ting nge 'dzin dang byin gyi rlabs kyi dbang gis dbang bskur zhing las la nges par sbyor ba'o//bcom ldan 'das mi bskyod pa ni me long lta bu'i ye shes kyi rang bzhin te/ de yang phyag rgya dang sems dpa' rnams bskyed pa'o/ /bcom ldan 'das rin chen 'byung ldan ni mnyam pa nyid kyi ye shes kyi rang bzhin can te/ de yang skyed pa po'o/ / bcom ldan 'das snang ba mtha' yas ni so sor rtog pa'i ye shes kyi rang bzhin te/ de yang skyed pa po'o/ /bcom ldan 'das gdon mi za bar grub pa'i ye shes kyi rang bzhin te/ de yang skyed pa po'o/ /de dag thams cad kyang bcom ldan 'das rnam par snang mdzad kyis bskul zhing phyag rgya bkrol ba'i sgo nas sems dpa' rnams bskyed par bya ba'i phyir 'bad pa dang bcas pa'o//de ltar re zhig chos lngas bsdus pa'i sangs rgyas kyis de bzhin gshegs pa lnga po nyid du dkyil 'khor du dgod pa'i rnam par gzhag pa yin no/ /bcom ldan 'das dang po'i sems dpa' rdo rje sems dpa' ni byang chub kyi sems kyi ngo bo nyid do//byang chub tu sems bskyed pas na sems can rnams yang dag par bsdu bar bya dgos te/ de bas na sems dpa' gnyis ni bsdu ba'i dngos po bzhi'i ngo bo nyid de/ sems can bsdu ba'i thabs su rgyur gyur pa'o/ /byang chub tu sems bskyed nas sems can rnams bsdu ba byas pa ni/sems can de rnams nges par dga' bar bya dgos te/ de bas na sems dpa' gsum ni sems can rnams dga' ba'i thabs su gyur pa sems can rnams smin pa dang grol ba'i chags pa'i ngo bo nyid do/ /sems can rnams chags par byas nas ni de'i 'og tu byang chub sems dpa'i sa rang gi rgyud yongs su smin par bya ba'i phyir dge ba'i bshes gnyen rnams mnyes par bya dgos te/de bas na sems dpa' bzhi pa ni sems can rnams mgu bar byed pa'i ngo bo nyid do/ /de ltar rnam pa bzhi po 'di dag ni theg pa chen po 'di la gsang sngags kyi spyod pa'i tshul la zhugs pa rnams kyi dam tshig yin no//de bas na dam tshig gi sems dpa' zhes gsungs te/ gang gi phyir 'di la gnas na byang chub sems dpar 'gyur gyi gzhan du ni ma yin no/ /rang gi rgyud yongs su smin par bya ba'i phyir dge ba'i bshes gnyen rnams bsten par bya'o zhes gang bshad pa de mnyes pa'i las dge ba'i bshes gnyen gyis ni dbang bskur ba'i sbyin par 'gyur te/de bas na lnga pa dbang bskur ba'i sems ni dad pa'i nor bu rin po che'i ngo bo nyid do/ /dbang bskur ba thob nas kyang rgyud mnyen pa la sogs pa thos pa nye bar 'dzin par 'gyur te/ de bas na thos pa dang bsam pa'i shes rab gzi byin gyi gnas su gyur pa dang /'od kyi dkyil 'khor gyi gnas su gyur pa ni sems dpa' drug pa'o/ /thos pa'i rjes la sbyin pa la sogs pa'i pha rol tu phyin pa rnams bsgrub par bya dgos pas/ de'i phyir sems dpa' bdun pa ni ji ltar thos pa bzhin du sgrub pa la nan tan du byed pa'i phyir sbyin pa'i pha rol tu phyin pa'i ngo bo nyid do//bsgrub pa'i rjes la ji ltar thos pa'i chos bsgrub pa'i rnam par dag pa mthong bas chos rnams la dga' zhing rab tu mgu ba skye bar 'gyur bas/ sems dpa' brgyad pa ni dga' zhing mgu ba'i ngo bo nyid do/ /bzhi po 'di dag kyang dbang bskur bas nye bar mtshon pa yin pas na dbang bskur bas sems dpa'o//chos la yid dga' bas ni lus shin tu sbyangs par 'gyur la/ lus shin tu sbyangs pas ni bde ba la reg par 'gyur ro/ /bde ba la reg pas ni sems rtse gcig par 'gyur te/ de bas ni sems dpa' dgu pa ni ting nge 'dzin gyi mtshan nyid can no/ /rtse gcig pa'i sems kyis ni yang dag pa'i lta ba bzhin du shes par 'gyur te/de bas na sems dpa' bcu pa ni shes rab dang ye shes kyi ngo bo nyid do/ /shes rab kyis ni chos rnams rab tu rnam par phye zhing ye shes kyis yongs su bcad nas sprul pa'i sems la gnas pa'i rnal 'byor pa ni dkyil 'khor sprul par byed de/de bas na sems dpa' bcu gcig pa ni sprul par byed pa'i ngo bo nyid do/ /yang na sems dpa' bcu gcig pa ni ting nge 'dzin gyi rjes la thob pa'i ye shes kyi ngo bo nyid do/ /ting nge 'dzin las langs nas ji ltar rtogs pa rnams ston pa'am/ rang gi sems ji lta bu yin pa kun du dpyod de/de bas na sems dpa' bcu gnyis pa ni ngag gi ngo bo nyid do/ /de dag thams cad kyang ye shes las byung ba yin te/ de'i phyir ye shes sems dpa' zhes gsungs so/ /de ltar gsang sngags kyi spyod pa'i sgor zhugs pa'i rnal 'byor pa dam tshig la gnas pa dang dbang bskur pa dang / rnal 'byor rdzogs pa ni las la bar chad med par 'gyur te/ de bas na de'i rjes la las kyi sems dpa' rnams bstan to/ /las de yang sangs rgyas rnams la mchod pa'i mtshan nyid dang / sems can rnams la phan 'dogs pa'i mtshan nyid do/ /de bas na sems dpa' bcu gsum pa ni bya ba sems dpa'i mtshan nyid do//bya ba byed pa de la bgegs dang log 'dren nye bar gnas par gyur te/ de bas na de rnams las bdag nyid bsrung bar bya ba'i phyir/ sems dpa' bcu bzhi pa ni brtson 'grus dang byams pa'i ngo bo nyid do/ /de rnams nyid skrag par bya ba'i phyir sems dpa' bco lnga pa ni phyir zlog pa'i tshul can thabs kyi ngo bo nyid do//de dag thams cad kyi sku dang gsung dang thugs rdo rje gcig tu bsdus par gyur na las thams cad 'grub par 'gyur gyi gzhan du ma yin pa'i mtshan nyid do/ sems dpa' bcu drug pa ni sku dang gsung dang thugs gsang ba'i ngo bo nyid yin no/ / de nas rang rang gi rigs kyi ye shes la phyag rgyas gdab pa'i phyir phyag rgya bzhi'i bdag po rnams kyis phyogs thams cad du gnas pa'i phyag rgya bzhi sprul pa mdzad do/ /gsang ba'i mchod pa bzhi ni sgeg mo la sogs pa ste/byang chub kyi sems la dga' ba dang / de bzhin gshegs pa'i phreng ba dang /de bzhin gshegs pa'i glu dang spyod pa rnams so/ /de dag ni gtso bor gyur pa yin pa'i phyir rigs kyi lha mo chen mo nyid du rnam par gzhag go/ /bdug pa la sogs pa bzhi ni shin tu sbyangs pa dang / byang chub kyi yan lag gi me tog dang / ye shes kyi mar me dang / tshul khrims kyi dri rnams so//sgo srung rnams ni thugs rje dang / sems can la byams pa dang / ston pa'i bka' dang / shes rab kyi pha rol tu phyin pa rnams so/ /sangs rgyas dang byang chub sems dpa' rnams kyi chos kyi longs spyod rdzogs pas bzhugs pa rnams kyi 'khor gyi dkyil 'khor 'di ni 'og min gyi gnas yid du 'ong ba gang yin pa der sprul pa mdzad pa yin la/gang der mngon sum du 'jug pa'i skal ba med pa de rnams 'dir gzhug par bya ba'i phyir te/ 'dir zhugs nas rim gyis dbang po yongs su smin pa thob pas der 'jug pa'i skal ba dang ldan pa'i phyir ro/ /dkyil 'khor sprul pa yongs su rdzogs kyang lha rnams byin gyis rlob par mi mdzad na/sems can rnams kyi don 'grub par mi 'gyur ro/ /de bas na lha rnams spyan drang ba'i phyir/ de nas zhes bya ba la sogs pa'i gzhung gzhan gsungs so/ /de nas zhes bya ba la sogs pa la/ de nas zhes bya ba'i sgra ni de ma thag pa'o//bcom ldan 'das zhes bya ba ni de bzhin gshegs pa rnam par snang mdzad do/ /de bzhin gshegs pa thams cad ces smos pa ni sangs rgyas dang byang chub sems dpa' thams cad yongs su gzung ngo / /bsdu ba ni dkyil 'khor gyi gnas su thams cad bsdus pa'o/ /byin gyis brlab pa ni bsdu ba byas pa ste/de'i phyir rdo rje se gol zhes pa'o/ /rdo rje sems ma'i phyag rgya bcings la/ rdo rje gar gyi sbyor ba byas nas lag pa g.yas pa'i mkhrig ma g.yon pa'i steng du bkan te bzhag /de bzhin du lag pa g.yon pa g.yas pa'i mkhrig ma'i steng du bkan te bzhag la/ lag pa gnyis ka'i gung mo dang mthe bong gnyis kyis se gol brdebs shing / mdzub mo lcags kyu'i tshul du gzhag pa 'di ni rdo rje se gol gyi phyag rgya ste/sangs rgyas kyi zhing thams cad na bzhugs pa'i sangs rgyas dang byang chub sems dpa' rnams bskul bar bya'o zhes bya ba'i bsam pa dang sbyar bar bya zhing /bcom ldan 'das de bzhin gshegs pa rnams gang khyed rnams bzhed pa'i sems can rnams la rjes su phan gdags par mdzad pa'i dus ni 'di lags kyis gshegs par mdzad du gsol zhes bya ba 'di ni mtshan ma mdzad pas bskul ba ste/ snying po yang brjod par bya'o//'di ni rdo rje bsdu pa'i byin gyi rlabs te/ rdo rje bsdu pa'i rgyal po'i ting nge 'dzin gyi las so/ /de nas zhes bya ba ni bskul ba'i rjes thogs nyid la'o/ /skad cig de'i tshe zhes bya ba ni skad cig de nyid la zhes bya ba'i don to/ /skad cig gcig gis ni sangs rgyas bcom ldan 'das rnams gshegs la/thang cig gis ni sa bcu la gnas pa'i byang chub sems dpa' rnams so/ /yud tsam gyis ni de las gzhan pa'i byang chub sems dpa' rnams so/ /'jig rten gyi khams thams cad ces bya ba ni stong gsum gyi stong chen po yongs su gzung la 'jig rten gyi khams de rnams kyi rab 'byam ni rgyun chags pa'o//rab 'byam de rnams bsdus pa ni sprin no/ /sprin de rnams kyi grangs med pa ni rgya mtsho'o/ /rtsis las 'das pa'i grangs la ni rgya mtsho zhes bya ba'i sgrar brjod do/ /de rnams ni gang de bzhin gshegs pa rnams byang chub sems dpa' rnams dang bcas pa 'dus shing tshogs par mdzad na/bcom ldan 'das kyi khang bu brtsegs pa rtse mo rdo rje dang nor bu dang rin po che las byas pa gang na ba der gshegs pa ste/ der ched du nye bar bzhud pa'o/ /de bzhin gshegs pa thams cad ni bcom ldan 'das rnam par snang mdzad de/ chos kyi dbyings kyi ngo bo nyid yin pa'i phyir ro//de'i zhabs la phyag 'tshal ba ni bcom ldan 'das kun du bzang po ni byang chub kyi sems kyi rang bzhin yin pas gang gi phyir 'di ni de bzhin gshegs pa thams cad kyi yab ces gsungs pas so/ /ngo bo nyid kyis grub pas na rang bzhin gyis grub pa'o/ /rang dgar zlos pa ni ci dgar zlos pa ste/lan gsum mam nyi shu rtsa gcig zlo ba'o/ /ci dga' zhes bya ba 'dis ni bzlas brjod kyi grangs nges pa med par ston to/ /da ni bcom ldan 'das kun du bzang po'i dkyil 'khor gyi phyi rol na 'khod cing / e ma'o zhes bya ba la sogs pas sprul pa'i 'khor lo rnams la stod par byed pa yin par ston te/e ma'o zhes bya ba ni ngo mtshar du gyur pa'o/ /byang chub la sems dpas na byang chub sems dpa'o/ /kun nas bzang bas na kun du bzang po ste/ gdul bya'i skye bo rnams la ltos nas 'dod chags dang zhe sdang dang gti mug la spyod par mdzad du zin kyang / ma chags pa dang mi sdang ba dang ma rmongs pa'i rang bzhin can yin pa'i phyir ro//legs par spyod pas na spyod pa'i mchog go/ /spyod pa'i mchog de gang yin zhe na/ de bzhin gshegs pa'i 'khor lo yi/ /dbus na de bzhin gshegs pa mdzes/ /zhes bya ba ste/ de bzhin gshegs pa'i 'khor lo ni sangs rgyas kyi yon tan rnams dkyil 'khor ba'i 'khor lo'i sems dpa'i gzugs su sprul pa yin pa'i phyir te/de bzhin gshegs pa'i 'khor lo de'i dbus na de bzhin gshegs pa ste/ bcom ldan 'das rnam par snang mdzad mdzes shing lham mer snang bas bzhugs so zhes bya ba'i don to/ /de nas zhes bya ba ni de'i rjes thogs la'o//de bzhin gshegs pa thams cad kyi byin gyi rlabs kyis zhes bya ba ni bcom ldan 'das rnam par snang mdzad kyi byin gyi brlabs so/ /byin gyi rlabs ni der zhugs pa rnams chos kyi dbyings rnam par dag pa la mos pa ste/ thams cad kyang bcom ldan 'das rnam par snang mdzad kyi dbang gis de bzhin gshegs pa re re zhing yang rang rang gi 'khor gyi byang chub sems dpa' rnams rang rang gi thugs la zhugs nas der bcom ldan 'das rnam par snang mdzad kyi thugs la zhugs so//'di nyid ni byang chub sems dpa' de rnams dkyil 'khor chen por gzhug pa'i thabs yin te/gang 'di ltar rang rang gi thugs la zhugs nas rnam par snang mdzad kyi thugs la zhugs pa 'di ni lung sbyin pa'i phyir yin te/ de ltar na mngon par byang chub pa'i mchog brnyes pa rnams kyang der 'jug pa la nyes pa med do/ /des dam tshig thob par gyur la/ dam tshig thob nas kyang sangs rgyas kyi yon tan thob par bya ba la kun nas rtse gcig par bya ba'i phyir/longs spyod pa'i skus rang rang gi de bzhin gshegs pa'i thugs ka nas byung ste/ khang bu brtsegs pa rtse mo rdo rje dang nor bu dang rin po che las byas pa'i phyi rol gyi phyogs thams cad du dkyil 'khor du gyur cing rtse gcig pa'i yid kyis chos nyan pa'i phyir 'khod do zhes bya ba'i don to//shin tu ngo mtshar du gyur pa'i chos rtogs pas/ shin tu dga' ste/ ched du brjod pa 'di ched du brjod do/ /e ma'o zhes bya ba ni ngo mtshar du gyur pa'o/ /ci zhig ngo mtshar zhe na/ sangs rgyas thams cad kyi//rgya chen gdod nas skyes pa min/ /zhes bya ba ste/rgya che ba ni rlabs che ba la bya ste/ rgya che ba'i ngo bo nyid yin pas na rgya che ba nyid do/ /de yang rgya yang yin la che ba yang yin pas na rgya che ba'o/ /ji ltar rgya che ba de da ltar 'ga' zhig gis byas sam zhe na/ ma yin no/ /'o na ji lta bu zhe na/gang phyir gdod nas skyes pa min/ /zhes bya ba gsungs te/ 'di la thog ma med pas na thog ma med pa'o/ /thog ma med pa nas byung bas na/ thog ma med nas skyes zhes bya ste/ thog ma med pa'i rang bzhin can gyi chos kyi dbyings su gnas zhes bya ba'i don to/ /ji ltar na 'di ngo mtshar zhe na/de'i phyir/ rdul phran thams cad ji snyed kyi/ /sangs rgyas rnams ni gcig tu gyur/ /zhes gsungs so/ /'di skad ston te/ 'jig rten gyi khams thams cad kyi rdul phra rab dang mnyam pa'i de bzhin gshegs pa rnams bcom ldan 'das rnam par snang mdzad la zhugs su zin kyang /de la bri ba dang gang ba mngon par med pa 'di ni ngo mtshar to/ /bcom ldan 'das rnam par snang mdzad sngar sangs rgyas pas bcom ldan 'das shAkya thub pa kun du bzang po'i sems mnyam pa nyid du 'jug pa'i mtshan nyid kyi dkyil 'khor chen por bcug ste/ mngon par byang chub pa'i lung phog par mdzad pas bcom ldan 'das shAkya thub pa mngon par rdzogs par sangs rgyas nas chos kyi 'khor lo sprul par mdzad de/chos kyi 'khor lo bskor bas ri rab kyi rtse mor lha dang mi rnams la rjes su phan gdags par mdzad cing / byang chub sems dpa' rnams kyang dkyil 'khor chen por bcug nas dbang bskur te/chos kyi longs spyod so sor myang bar bya ba'i phyir longs spyod rdzogs pa'i skur gzhag go/ /gang mi rnams mthu mi thob cing ri rab kyi rtse mor 'gro mi nus pa de rnams kyi don da dung ma mdzad de/ de bas na de rnams kyi don ni rdul tshon gyis bris pa'i dkyil 'khor 'dis mdzad de/ de bas na bcom ldan 'das phyag na rdo rje la gsol ba gdab pa'i phyir/ de nas zhes bya ba la sogs pa'i gzhung gzhan gsungs te/ de nas zhes bya ba ni gnas skabs so/ /bdud bzhi bcom pa dang ldan pas bcom ldan 'das so/ /de bzhin gshegs pa thams cad ni mi bskyod pa la sogs bzhi po sprul pa rnams dang bcas pa'o//yang zhes bya ba ni 'das ma thag pa'i bsdu ba mdzad pa la ltos pa'o/ /'jig rten gyi khams lus pa med pa yongs su bskyab cing 'khor ba'i sdug bsngal las gdon pa'i phyir dang / thams cad la phan pa dang zhes bya ba ni/ las gang ma 'ongs pa'i bde bar 'gyur ba'o//bde ba ni lus dang sems kyi bde ba thams cad do/ /de bstabs pa ni thob pa ste de'i phyir ro/ /bar gyi zhes bya ba'i sgras ni/ byang chub kyi sems la sogs pa nas sa dang pha rol tu phyin pa la sogs pa yongs su bsdu'o/ /de bzhin gshegs pa thams cad kyi mnyam pa nyid ni de bzhin gshegs pa thams cad kyi mnyam pa nyid de chos nyid dang de bzhin nyid do//de'i ye shes yin pas na de bzhin gshegs pa thams cad kyi mnyam pa nyid kyi ye shes so/ /de nyid mngon par shes pa ste/ de'i yang dag par rdzogs pa'i byang chub ni thugs su chud cing mngon sum du mdzad pa'o//de nyid ni dngos grub dam pa ste de'i phyir ro/ /de yang sangs rgyas pa nyid kyi bar gyi phyir zhes bya bar ston pa yin no/ /rdo rje 'di khams dang rgyu ba yin pas na rdo rje dbyings te/ rdo rje dbyings smos pa ni 'jig rten gsum las rnam par rgyal ba la ltos pa'o/ /dkyil 'khor yang yin la chen po yang yin pas na dkyil 'khor chen po ste/phyag rgya bzhi'i dkyil 'khor la sogs pa la ltos pa yin no/ /'di zhes bya ba ni bshad ma thag pa'o/ /byin gyis brlab pa ni yongs su bzung ba ste/ 'di ltar yongs su gzung ba'i tshul gyi sngags spyod pa'i tshul yun ring du gnas par gyur pa de ni byin gyis brlabs pa zhes bshad do//de bzhin gshegs pa thams cad kyi bdag po rang gi rdo rje sems dpa' ni bdag nyid kyi byang chub kyi thugs so/ /'di la thog ma yang yod pa ma yin la/ tha mar rgyun yongs su chad pa'i mtshan nyid du 'gags pa yang ma yin pas thog ma dang tha ma med pa'o/ /rdo rje 'dzin pa gzhan dag kyang yod pas de rnams las dga' bar bya ba'i phyir/bcom ldan 'das kun du bzang po ni rdo rje chen po 'dzin pa zhes bya ste/ thams cad mkhyen pa'i ye shes kyi rdo rje chen po 'dzin pas na rdo rje chen po 'dzin pa'o/ /brgya rtsa brgyad ces smos pa ni nye bar mtshon pa tsam du zad de/'di ni bcu gnyis lhag pa'i brgya ste/ tshigs su bcad pa re re zhing yang mtshan bdun bdun yod do/ /de la sngags kyi sgo nas mtshan gcig /phyag rgya'i sgo nas te gnyis/ phyag rgya las de bzhin gshegs pa thams cad de/ de bzhin gshegs pa thams cad kyi sgo nas thun mong gi mtshan te gsum/spros pa'i sgo nas mtshan gzhan du gyur pa ste bzhi/ phyag rgya chen po'i sgo nas mtshan du gyur pa ste lnga/ ming gi dbang bskur ba'i sgo nas mtshan du gyur pa ste drug /don mdzad pa'i sgo nas mtshan du gyur pa ste bdun no//de ltar tshigs su bcad pa re re zhing yang don bdun po ni mtshan 'dogs pa'i rgyu yin par shes par bya'o/ /'dis zhes bya ba ni 'og nas bshad pa'o/ /mchod pa sngon du 'gro ba'i bkas gsol ba 'debs pas na gsol ba btab pa ste/ mchod pa de yang gang yin zhe na/ mtshan brgya rtsa brgyad pa'o//rdo rje sems dpa' zhes bya ba ni sngags kyi sgo nas so/ /sems dpa' che zhes bya ba ni spro ba'i sgo nas so/ /rdo rje zhes bya ba ni phyag rgya'i sgo nas so/ /de bzhin gshegs pa kun ni de bzhin gshegs pa thams cad bskyed pa nyid kyis so/ /rdo rje rnams kyi thog ma yin pas na rdo rje dang po ste/dkyil 'khor du thog ma byung ba yin pa'i phyir ro/ /kun du bzang po ni phyag rgya chen po'i sgo nas so/ /phyag na rdo rje ni ming gi dbang bskur ba'i sgo nas so/ /rdo rje rgyal po ni sngags kyi sgo nas so/ /sangs rgyas dam pa rnams kyi mchog yin pas na sangs rgyas mchog ste/'gugs pa'i don gyis las kyi sgo nas mtshan 'di skad ces bya'o/ /rdo rje lcags kyu ni phyag rgya'i sgo nas so/ /de bzhin gshegs pa ni de bzhin gshegs pa rnams bskyed pa nyid kyis te/ thams cad ces bya ba ma smos pa ni tshigs su bcad pa'i dbang du byas pa yin no/ / don yod rgyal po ni phyag rgya chen po'i sgo nas so/ /rdo rje mchog ni rdo rje rnams kyi dam pa yin pas na rdo rje mchog ste spro ba'i sgo nas so/ /lcags kyu'i phyag rgyas 'gugs pas na rdo rje 'gugs pa ste/ ming gi dbang bskur ba'i sgo nas so/ /rdo rje chags pa ni sngags kyi sgo nas so/ /bde ba chen po ni bde bar byed pa ste/las kyi sgo nas so/ /rdo rje mda' ni phyag rgya'i sgo nas so/ /dbang byed pa zhes bya ba 'di yang las kyi sgo nas te/ gzhan gyi rgyud dbang du byed par ston pa'i phyir ro/ /bdud ni bdud byed pa'i don gyis te/ nyan thos dang rang sangs rgyas kyi sas bsdus pa'i dge ba'i sems kyi bar du gcod pa yin pa'i phyir ro//'dod pa ni 'dun pa'i ngo bo nyid du gyur pa ste/ 'dod pa dang 'dun pa dang chags pa zhes bya ba ni rnam grangs yin no/ /'di dag ni ming gcig pa nyid yin pas las de las khyad par du bya ba'i phyir bdud ces bya ba ni lha'i bu'i bdud la yang bya ba srid pas/ de bas na 'dod pa zhes bya ba'i sgra gsungs pas ni/byang chub kyi sems kyi bdud yin zhing gzhan ni ma yin no zhes ston to/ /rdo rje che ni spro ba'i sgo nas so/ /rdo rje gzhu ni rnam grangs kyi sgo nas ming gi dbang bskur ba ston te/ gang gi phyir der rdo rje gzhu rdo rje gzhu zhes rdo rje ming gi dbang gis dbang bskur ba byin pa yin pa'i phyir ro//rdo rje legs pa ni sngags kyi sgo nas so/ /sems dpa' ni sangs rgyas dang byang chub sems dpa' dam pa rnams te/ de rnams kyi mchog ni thams cad mnyes par byed pa'i don gyis so/ /rdo rje mgu ba ni phyag rgya'i sgo nas so/ /dga' ba che ni dgyes pa chen po nyid de phyag rgya spros pa'i sgo nas so//rab dgyes rgyal po ni phyag rgya chen po'i sgo nas so/ /rdo rje mchog ni de bzhin gshegs pa thams cad kyi rdo rje rnams ngo bo nyid gcig tu byed pa'i don gyis na rdo rje mchog go/ /rdo rje dgyes pa ni ming gi dbang bskur ba'i sgo nas so/ / rdo rje rin chen ni sngags kyi sgo nas so/ /rdo rje ni de bzhin gshegs pa rnams so/ /de rnams kyi don yin pas na rdo rje'i don te/ sbyin pa'i pha rol tu phyin pa yongs su rdzogs pa'i rgyur gyur pa'i phyir ro/ /rdo rje lta bu'i thugs kyis nam mkha' las byung ba yin pa'i phyir rdo rje nam mkha'o/ /nor bu che ni phyag rgya'i sgo nas so/ / nam mkha'i snying po ni phyag rgya chen po'i sgo nas so/ /rdo rje rnams kyis phyug pa ni rdo rjes phyug pa ste/ bsam pa thams cad yongs su rdzogs par mdzad pa'i sgo nas so/ /rdo rje'i snying po ni ming gi dbang bskur ba'i sgo nas so/ /rdo rje gzi brjid ni sngags kyi sgo nas so/ / cher 'bar ba ni spro ba'i sgo nas so/ /rdo rje nyi ma ni phyag rgya'i sgo nas so/ /rgyal ba'i 'od ni las kyi sgo nas so/ /rdo rje'i 'od zer ni las kyi khyad par gyi sgo nas te/ 'od zer 'gyed pa'i las byed pa yin pa'i phyir ro/ /gzi byin che ni phyag rgya chen po'i sgo nas so/ /rdo rje 'od ni ming gi dbang bskur ba'i sgo nas so//sems can gyi don gyi mchog gi rgyur gyur pas na sems can don rab po/ /rdo rje dpal ni sngags kyi sgo nas so/ /rdo rje rgyal mtshan ni phyag rgya'i sgo nas so/ /rab dga' byed ni las kyi sgo nas so/ /rdo rje chen po ni spro ba'i sgo nas so/ /rin chen dpal ni phyag rgya chen po'i sgo nas so//rdo rje dpal ni ming gi dbang bskur ba'i sgo nas so/ /rdo rje bzhad mo ni sngags kyi sgo nas so/ /bzhad pa che ni spro ba'i sgo nas so/ /rdo rje 'dzum pa ni phyag rgya'i sgo nas so/ /ngo mtshar che ba ni rmad du byung ba'i don ston pa yin pa'i phyir ro/ /dga' zhing rab tu dga' ni phyag rgya chen po'i sgo nas so//rdo rje ston ni rdo rje rnams ston pas na rdo rje ston te/ rdo rje thugs su chud pa'i 'dzum pa ston pa'i phyir ro/ /rdo rje dga' ba ni ming gi dbang bskur ba'i sgo nas so/ /rdo rje chos ni sngags kyi sgo nas so/ /de kho na nyid dam pa ni rab de nyid don te/ thams cad de'i yul yin pa'i phyir byang chub kyi sems de nyid la dmigs pa'i phyir ro//rdo rje pad+mo ni phyag rgya'i sgo nas so/ /rab tu dga' bar byed pa ni rab dga' byed de/ sems can rnams kyi bsam pa shin tu dag par mdzad pa yin pa'i phyir ro/ /'jig rten dbang phyug ni phyag rgya chen po'i sgo nas so/ / rdo rje spyan ni rdo rje lta ba'i phyag rgya'i sgo nas so/ /rdo rje spyan ni ming gi dbang bskur ba'i sgo nas so/ /rdo rje rno ba ni sngags kyi sgo nas so/ /theg pa ston par mdzad pa'i sgo nas so/ /rdo rje ral gri ni phyag rgya'i sgo nas so/ /mtshon chen po ni spro ba'i sgo nas so/ /'jam dpal ni phyag rgya chen po'i sgo nas so//rdo rje rab tu zab ni chos zab mo ston pa'i don gyis so/ /rdo rje blo ni ming gi dbang bskur ba'i sgo nas so/ /rdo rje rgyu ni sngags kyi sgo nas so/ /snying po che ni spros pa'i sgo nas so/ /rdo rje 'khor lo ni phyag rgya'i sgo nas so/ /tshul chen po ni sngags kyi sgor spyod pa'i ngo bo nyid kyis so//rab bskor ni 'khor lo bskor ba ste/ las kyi phyag rgya'i sgo nas so/ /rdo rje las byung ba ni rdo rje lta bu'i ting nge 'dzin las skyes pa'i phyir ro/ /rdo rje snying po ni ming gi dbang bskur ba'i sgo nas so/ /rdo rje gsung pa ni sngags kyi sgo nas so/ /rang rig mchog ni rig pa dang sngags dang snying po rnams zlos pa'i don gyis ni mchog yin pa'i phyir ro//rdo rje zlos pa'i phyag rgya'i sgo nas so/ /rab grub sbyin ni grub pa bzang po sbyin par byed pa'i phyir ro/ /mi gsung ni phyag rgya chen po'i sgo nas so/ /rdo rje mchog grub pa ni mchog rnams sbyin par byed pas na rdo rje mchog grub pa'o//rdo rje gsung ni ming gi dbang bskur ba'i sgo nas so/ /rdo rje las ni sngags kyi sgo nas so/ /rab tu gyur pa'i rdo rje ni sangs rgyas bcom ldan 'das te/ de rnams kyi bka' bzhin byed pas na rab rdo rje'i bka'o/ /las kyi rdo rje ni phyag rgya'i sgo nas so/ /thams cad rab tu 'gro bas na kun rab 'gro ste las kyi sgo nas so//rdo rje nges pa ni phyag rgya chen po'i sgo nas so/ /rgya che ba ni mchod pa'i las te/ spro ba'i sgo nas so/ /rdo rje kun ni ming gi dbang bskur ba'i sgo nas so/ /rdo rje bsrung ba ni sngags kyi sgo nas so/ /brtan pa che ni mi g.yo ba'i don gyis so/ /rdo rje go cha ni phyag rgya'i sgo nas so//sra ba che ni mi phyed pa'i don gyis so/ /brtson 'grus bzang pos mchog tu gyur pas na brtson 'grus mchog ste/ sangs rgyas kyi brtson 'grus kyi ngo bo nyid yin pa'i phyir ro/ /thub par dka' ni phyag rgya chen po'i sgo nas so/ /rdo rje brtson 'grus ni ming gi dbang bskur ba'i sgo nas so//rdo rje gnod sbyin ni sngags kyi sgo nas so/ /thabs chen po mnga' bas na thabs chen po ste/ shes rab kyi khyad par gyi thabs chen po'o/ /rdo rje mche ba ni phyag rgya'i sgo nas so/ /'jigs pa che ni spro ba'i sgo nas so/ /bdud 'joms ni phyag rgya chen po'i sgo nas so/ /rdo rje rnams kyi mi bzad pa ni rdo rje mi bzad pa ste/ma rungs pa'i las mdzad pa'i phyir ro/ /rdo rje drag po ni ming gi dbang bskur ba'i sgo nas so/ /rdo rje mtshams sbyor ba ni sngags kyi sgo nas so/ /rab tu bsdus pa ni phyag rgya thams cad byin gyis rlob par byed pa yin pa'i phyir ro/ / rdo rje 'ching ba ni phyag rgya'i sgo nas so/ /rab grol byed ni rims la sogs pa sel bar byed pa yin pa'i phyir ro/ /rdo rje khu tshur ni phyag rgya chen po'i sgo nas so/ /dam tshig mchog ni dam tshig rnams kyi mchog tu gyur pa yin pa'i phyir ro/ /rdo rje khu tshur ni ming gi dbang bskur ba'i sgo nas so/ / de las gzhan pa ni bstod pa'i phan yon yin te/ mya ngan las 'das pa thob par byed pas na zhi ba'o/ /rdo rje ming gi dbang bskur ba la sogs pa ji skad bshad pa rnams kyis rdo rje sems dpa' bzhin du kun gyi mchog gis zhes bya ba de bzhin gshegs pa rnams te/ kun gyi mchog de rnams kyis de la dbang bskur bar 'gyur ro zhes gsungs so//yon tan gyi rgyur gyur pas na yon tan te/ sngags la sogs pa'i rang bzhin gyi yon tan thams cad kyi rgyu la zhugs pa yin pa'i phyir yon tan ming rnams kyis so/ /rdo rje 'chang chen po la zhes bya ba ni bcom ldan 'das kun du bzang po'o//rtag tu zhes bya ba ni nyin re zhing ngo / /dbyangs kyis bstod pa zhes bya ba ni glur blangs pas bstod pa'o/ /theg pa chen po mngon par rtogs pa sngon du 'gro ba nyid kyi phyir dang dkyil 'khor sprul pa'i theg pa chen po mngon par rtogs pa'i rgyu yin pa'i phyir dang / theg pa chen po mngon par rtogs pa'i don ston pa yin pa'i phyir dang /mtshan brgya rtsa brgyad pa'i thog ma'i sngags ni theg pa chen po mngon par rtogs pa'i mtshan nyid yin pas na/ theg pa chen po mngon par rtogs pa'i zhes bya ba gsungs so/ /tshul chen ni sngags kyi spyod pa'i tshul lo/ /rgyas par mdzod ces bya ba ni rnam par spro bar mdzod cig ces bya ba'i don to//mgon po zhes bya ba ni sems can thams cad kyi don la zhugs pa'i phyir/ de bzhin gshegs pa thams cad kyi yab tu gyur pa'i phyir mgon po zhes bshad do/ /mchod pa sngon du 'gro ba'i bka' ni gsol ba zhes bshad pas yang dag pa'i yon tan gyi bstod pas mchod pa byas nas/gsol ba ni mgon po khyod la zhes bya ba la sogs pa 'di nyid yin no/ /sangs rgyas kun gyi 'khor lo che/ /zhes bya ba ni 'khor lo ni chos kyi 'khor lo yang yod pas de la khyad par du bya ba'i phyir/ dkyil 'khor chen po zhes bya ba gsungs te/chen po zhes bya ba'i sgras ni phyag rgya gcig pa'i dkyil 'khor la sogs pa la ltos pa yin no/ /dam pa zhes smos pa ni rgyud gzhan dag las smos pa'i dkyil 'khor chen po la ltos pa yin no/ /cho ga mchog ni thams cad las phul du byung ba'i phyir te/ nyan thos kyi theg pa ni cho ga gcig ste/cho ga 'di sems can yongs su smin par byed pa'i phyir de bas khyad par du 'phags pa yin no/ /rang sangs rgyas kyi theg pa las ni theg pa chen po'i cho ga mchog yin la/ mdo sde pa'i spyod pa de dag pas kyang sngags kyi spyod pa'i tshul ni shin tu mchog yin no/ /de las kyang bya ba'i rgyud las rnal 'byor gyi rgyud ni shin tu phul du byung ba yin pas cho ga mchog ces gsungs so/cho ga mchog de gang yin zhe na/ sangs rgyas kun gyi 'khor lo che/ /zhes gsungs pa yin pas so/ /de nas zhes bya ba ni de'i rjes thogs la'o/ /skal ba phun sum tshogs pa dang ldan pas na bcom ldan 'das so//de bzhin gshegs pa thams cad kyi shin tu rnam par dag cing yongs su rdzogs pa'i stong pa nyid chen po'i rdo rje 'dzin par mdzad pas na rdo rje chen po 'dzin pa'o/ /de bzhin gshegs pa thams cad ni dkyil 'khor du bsdus pa'i sangs rgyas dang byang chub sems dpa' rnams so//de rnams kyi dam tshig ni snying po dang phyag rgya la sogs pa'o/ /de 'byung ba ni rdo rje lta bu'i bsam pa gang las byung ba 'di ting nge 'dzin gang gis byin gyis rlob pa'i ting nge 'dzin gang yin pa la don dang mthun pa'i ming de skad ces bya ste/ ting nge 'dzin de la snyoms par zhugs pa'o//dkyil 'khor gang stong pa nyid kyi ye shes kyi rdo rje'i dbyings te/ rgyu yod pa'i dkyil 'khor de la ni rdo rje dbyings kyi dkyil 'khor chen po zhes bshad do/ /de nas zhes bya ba ni de'i rjes thogs la'o/ /rgyud mi gnas pas yang dag pa'i man ngag rgyun chad par ma gyur pa'i phyir/yang dag par rab tu bshad pas na yang dag bshad bgyi ba zhes bya ste/ gang bcom ldan 'das rnam par snang mdzad kyis ri rab kyi rtse mor byang chub sems dpa' byams pa la sogs pa la phan gdags par bya ba'i phyir sprul par mdzad pa de ni rdo rje dbyings mngon sum yin no//de bzhin gshegs pa thams cad kyis gsol ba btab nas bcom ldan 'das kun du bzang pos/ lha dang mi rnams la phan gdags pa'i phyir bstan pa gang yin pa de ni/ rdo rje dbyings dang 'dra bas na zhes bya ba ste/ rdo rje dbyings dang mtshungs so zhes bya ba'i don to/ / de ming ji skad ces bya ba yin zhe na/ de'i phyir/ rdo rje dbyings zhes bgyi bar grags/ /zhes bya ba ste/ rdo rje dbyings zhes bya'o zhes bya ba'i don to/ /ci rigs par ni mchis nas kyang / /zhes bya ba ni tshul ji lta ba bzhin du 'dug pa'o/ /'dir ci rigs pa nyid gang yin zhe na/ gal te sa yongs su sbyangs pa yin na der byug pa dang phyag dar bya ba dang spos chus chag chag gdab pa dang /me tog gi sil ma gtor ba ste/ 'di ni ci rigs pa'o/ /'on te sa ma sbyangs pa zhig yin na/ de brkos la phub ma dang thal ba dang rus pa dang / zug rngu dang sol ba la sogs pa bsal te/ cha mnyam pa la sogs pa 'di yang ci rigs pa'o//sems can rnams kyi bsam pa'i khyad par las dpags te/ tshes dang skar ma dang gza' la sogs pa bzang po brtag pa 'di yang ci rigs pa yin no/ /phyis 'gyur ba'i tshul la brten nas dkyil 'khor gyi sa la yang dkyil 'khor zhes bya ba'i sgrar gsungs te/de'i dbus nyid du mchis nas kyang / /zhes ni gsungs na/ ji ltar 'dug par bya ba mi shes pas/ de'i phyir/ sems dpa' che ba'i phyag rgya che/ /bsgom zhing zhes bya ba gsungs te/ sems dpa' chen po ni 'dir bcom ldan 'das rdo rje sems dpa'o/ /de'i phyag rgya chen po ni sku'i phyag rgya'o//de re zhig rgyas par bsgom pa ni rang gi lha'i rnal 'byor du byas la rdo rje sems dpa'i rnal 'byor dang ldan pas 'das pa dang ma 'ongs pa dang da ltar byung ba'i byang chub sems dpa' rnams kyi tshogs yongs su rdzogs pas bdag nyid rkyen du mchi ba dang rab tu ldan zhing lung dang rtogs pa mngon sum du byas pa la sogs pa dang /'du byed thams cad mnyam pa nyid yin zhing / stong pa nyid du ro gcig par yang bdag nyid lhag par mos par bya'o/ /de bas na bdag nyid bsod nams dang ye shes kyi tshogs su rdzogs par blta bar bya'o/ /de nas bdag nyid sangs rgyas thams cad kyis rgyal tshab tu dbang bskur bar bsam mo//de nas bdag nyid dga' ldan gyi gnas su skye bar bsams la/ der chos kyi stan la 'dug ste/ 'phags pa shes rab kyi pha rol tu phyin pa la sogs pa mdo sde'i tshul byang chub sems dpa' rnams la ston to/ /de nas rigs la sogs pa la bltas la/'dir babs te skye ba yongs su gzung ba byas nas/ byis pa dang gzhon nu ma la sogs pa'i rim gyis bdag nyid lang tsho la gnas par lhag par mos shing bzo'i gnas bstan pa dang / btsun mo'i 'khor gyi nang na gnas pa dang / mngon par byung ba dang / rab tu byung ba dang /dka' ba spyod pa byas par lhag par mos par byas te/ de la gnas bzhin du mi lcogs pa med pas na/ de nas bsam gtan dang po dang / de nas bsam gtan khyad par can dang / bsam gtan gnyis pa dang / gsum pa dang / bzhi pa dang / nam mkha' mtha' yas skye mched dang /rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched rnams la rim pa bzhin du snyoms par 'jug par lhag par mos par bya'o/ /de nas yang go bzlog pa'i rim gyis 'du shes med 'du shes med min skye mched nas mi lcogs pa med pa'i bar du dbab pa'o//de nas slar yang mi lcogs pa med pa nas bsam gtan khyad par can dang / de nas bsam gtan gsum pa dang / de nas nam mkha' mtha' yas skye mched dang / de nas ci yang med pa'i skye mched dang / de nas 'du shes med 'du shes med min skye mched do//de nas yang bzlog pa'i rim gyis rnam shes mtha' yas skye mched dang / de nas bsam gtan gnyis pa dang de nas bsam gtan dang po dang de nas mi lcogs pa med pa dang de nas yang bsam gtan dang po la snyoms par 'jug cing / bsam gtan dang po'i rjes la bsam gtan khyad par can dang /de nas bsam gtan gnyis pa dang / de nas gsum pa dang / de nas bzhi pa dang / de nas bsam gtan bzhi pa'i chung ngu'i chung ngu la snyoms par 'jug go/ /de nas chung ngu'i 'bring po dang / chung ngu'i chen po dang / yang 'bring po'i chung ngu dang /'bring po'i 'bring po dang / 'bring po'i chen po la snyoms par 'jug go/ /de nas yang bsam gtan bzhi pa'i chen po'i chung ngu dang / chen po'i 'bring po dang / chen po'i chen po mngon sum du byed do/ /de ltar ji skad du bstan pa'i snyoms par 'jug pa ni lam la goms par bya ba'i phyir tha na tshig tsam du yang rjes su dran par bya'o//de nas bsam gtan bzhi pa'i chen po'i chen po la gnas te/ rdzu 'phrul gyis 'og min gyi gnas bgrod nas/ der 'dug la sems can gyi khams mgon med pa rnams la bltas te/ rnam par thar pa'i sgo stong pa nyid gtso bor gyur pa'i mi g.yo ba'i ting nge 'dzin la gnas par bya'o//de nas sangs rgyas thams cad kyis bslang ste/ mngon par byang chub pa'i lung dbog pa sbyin no/ /de nas ji skad smos pa'i tshul gyis sngags lngas mngon par byang chub pa dang / byin gyis brlab pa la sogs pa de bzhin gshegs pa thams cad kyis byed du stsal lo//de nas de bzhin gshegs pa rnams kyis bskor bzhin du ri rab kyi rtse mor babs te/ de bzhin gshegs pa thams cad kyi seng ge'i gdan la 'dug cing 'khor lo sprul pa dang / bsdu ba dang byin gyis brlab pa byas te/ sngar bshad pa'i tshul gyis 'khor lo rdzogs par byas nas rang gi phyag rgya'i gnas na gnas so//de nas de bzhin gshegs pa thams cad kyis gsol ba btab po/ /de nas de bzhin gshegs pa thams cad kyis gsol ba btab pa'i tshig de thos nas/ sems dpa' chen po'i phyag rgya cher bsgom zhing byin gyis rlob pa bgyid cing byin gyis brlab pa zhes smos pa ni/nye bar mtshon pa'i don tsam du zad de/ byin gyis brlab pa dang / dbang bskur ba dang / bsrung ba dang / mchod pa dang / ting nge 'dzin yongs su bzung bas rdo rje sems dpar bdag nyid bsgom zhing dkyil 'khor gyi las bya'o/ /yang na mdor bsdu na badzra A be sha aHzhes bya ba 'dis ye shes dbab pa bskyed de/bdag nyid rdo rje sems dpa'i skur bsam mo/ /de nas rdo rje sems dpa'i gzugs su bsgom zhing byin gyis brlab pa la sogs pa byas nas/ ting nge 'dzin de la gnas te dkyil 'khor gyi las rnams bya'o//de ltar rdo rje sems dpa'i ting nge 'dzin bskyed nas/ da ni bgegs dang log 'dren la sogs pa bskrad pa'i phyir gzhung gzhan gsungs pa yin te/ rang gi lha'i rnal 'byor byas nas rang gi stan las ldang bar bya ste/ stan las ldang ba ni phyag rgya dgrol ba dang / lha rnams gshegs su gsol ba yang srid pas/de'i phyir de bzhin ldang zhes bya ba gsungs te/ phyag rgya ma bkrol bar zhes bya ba'i don to/ /ldang ba la gal te sems rnam par g.yengs pas lha la yid gtod par mi 'gyur ba yang srid de/ de bas na phyag rgya la gnas zhes bya ba gsungs te/ phyag rgya la gnas pas na phyag rgya la gnas pa'o//de yang rdo rje sems dpa'i skur bdag nyid bsam mo zhes bya ba'i don to/ /de ltar langs pa des ci zhig bya zhe na/ de'i phyir/ kun du rnam par bltas nas ni/ /rdo rje sems dpa'i zhes brjod nas/ /bsgyings pa'i tshul gyis yongs su bskor//zhes bya ba gsungs te/ kun tu rnam par blta ba ni phyogs bcu rnams su yang byams pa'i lta ba'am/ khro ba'i lta bas bltas te/ bya ba'i don yongs su rdzogs kyi bar du bgegs dang log 'dren rnams bskrad par bya ba'i phyir/ khyed rnams gnas 'dir ma 'dug cig ces brjod par bya ba dang /bgegs dang log 'dren de rnams kyang gnas de nas 'byer bar gyur par lhag par mos par bya'o/ /lta ba ni shar phyogs nas brtsams te/ g.yas phyogs nas bskor zhing blta bar bya'o/ /bskor ba ni dkyil 'khor gyi sa'i steng bskor zhing rdo rje sems dpa'i zhabs kyi mthil nas brtsams te/rlung gi 'khor lo nas de bzhin du ri rab kyi steng gi bar du rdo rjer byas par lhag par mos par bya ste/ gang gi phyir 'di dag ni sems tsam yin te/ lus dang longs spyod gnas 'dra bar/ /mi rnams la ni sems snang ngo / /zhes ji skad gsungs pa lta bu'o/ / gang du dkyil 'khor 'dri yang rung ste/ de ri rab kyi steng du lhag par mos par bya'o/ /rdo rje bcing ba yang bcings la phye ste/ sa'i steng du kha sbubs la oM b+hu khaM zhes bya ba'i sngags 'di yang brjod par bya'o/ /ji ltar bskor bar bya zhe na/ bsgyings pa'i tshul gyis zhes bya ba gsungs te/g.yon pa'i rdo rje khu tshur sta zur du 'jog pa ni bsgyings pa zhes bya ste/ gang lag pa sta zur la 'jog cing 'dug pa ni khengs pa zhes 'jig rten na grags pa yin no/ /phyag rgya la gnas zhes bya ba 'dis ni thugs kyi phyag rgya ni rdo rje sems dpa' bsgoms pa yin par bshad do//sku'i phyag rgya ni bsgyings pa'i tshul zhes bya ba 'dis ston pa yin no/ /'dir gsung gi phyag rgya gang zhig yin zhes pa la/ rdo rje sems dpa' zhes brjod nas/ /zhes bya ba gsungs pa yin te/ de bas na phyag rgya 'di sum char dang ldan pas sa gzung bar bya'o zhes ston pa yin no/ / sa gzung ba'i rjes la de na bgegs dang log 'dren gang dag yod par dogs na bgegs dang log 'dren thams cad la phur bus gdab par bya ste/ de ni seng ldeng gi phur bu sor brgyad pa'am sor bzhi pas de'i 'og na yod par rnam par bsams la/ de'i steng du phur bu gdab par bya ste/ sngags 'di yang mngon par bzla'o/ /oM badzra kI li kI la ya sarba big+h+nAn ban+d+ha hUM phaT/ der srad bu ci 'dra ba dang thig gdab par bya ba mi shes pas/ de'i phyir gsar ba zhes bya ba la sogs pa gsungs te/ gsar pa ni yongs su ma spyad pa'o/ /gal te ma spyad pa yin du zin kyang lhod pa zhig yin du zin na chad par 'gyur ba'i dogs pa bsal ba'i phyir legs par bkal nas kyang zhes bya ba gsungs te/legs par bkal ba ni legs par bsgrims pas shin tu sra ba zhes bya ba'i don to/ /gal te bkal zin kyang tshad las chung na dkyil 'khor gyi sa'i tshad kyi spyod yul dang mi 'tsham pa srid pas/de las khyad par du bya ba'i phyir tshad dang mthun pa zhes bya ba gsungs te/ mi mthun pa'i dogs pa bsal ba'i phyir ro/ /tshad dang ldan du zin kyang brgya la zhig na dri ma can zhig yin yang srid pas de'i phyir mdzes pa'i zhes gsungs te/ mdzes pa ni sdug pa ste/ smad pa'i skyon dang bral ba'o/ /de lta bu'i srad bus ci zhig bya zhe na/ thig gdab cing zhes bya ba'o/ /gang gis gdab ce na/ de'i phyir mkhas pas zhes bya ba gsungs te/ mkhas pa zhes bya ba 'dis ni thig legs par 'debs shes pa'am/ cha legs par bgo bar shes pa de ni mkhas pa zhes bya'o//tshad ji tsam du thig gdab par bya zhe na/ ci nus kyis zhes bya ba gsungs te/ nus pa ni 'dir slob ma'i 'byor pa'i tshad dam/ bdag nyid kyi dgos pa rdzogs par byed pa'i tshad du'o/ /de lta bus ci zhig thig gdab ce na/ de'i phyir dkyil 'khor zhes bya ba gsungs te/dkyil 'khor ni snying po la bya ste/ mar gyi snying po bzhin no/ /de yang bstan pa 'di la bla na med pa yang dag par rdzogs pa'i byang chub ni snying po yin la/ de len par byed pas na dkyil 'khor te/ bla na med pa yang dag par rdzogs pa'i byang chub thob par byed pa zhes bya ba'i don to//dkyil 'khor gyi thig gdab par bya'o zhes ni gsungs na/ dbyibs ji lta bu bya bar mi shes pas/ /de'i phyir gru bzhir bgyi zhing zhes bya ba gsungs te/ dkyil 'khor ni khang pa brtsegs ma'i rang bzhin yin pa'i phyir ro/ /der ni nges par sgo gdong dgos pas na de'i phyir sgo bzhi dang zhes bya ba gsungs so/ / gnas chen po dag tu ni rta babs dag kyang bya dgos pas de bstan pa'i phyir/ rta babs bzhis ni mdzes bgyis la/ /zhes bya ba gsungs so/ /thig bzhi dang ni zhes bya ba ni sgo'i dbus kyi thig gnyis dang / mtshams kyi dbus kyi thig gnyis te/ dkyil 'khor gyi cha mnyam par bya ba'i phyir ro//gzhan dag na re ka ba'i thig nyid la thig bzhi zhes zer ro/ /da ni khang pa brtsegs ma der mchod pa'i yo byad dag kyang bstan par bya ba'i phyir/dar dang me tog phreng bas brgyan/ /zhes bya ba gsungs te/ dar ni chur khru nyi shu rtsa lnga pa zheng du khru gang ba'o/ /de lta bu'i dar sngon po dang ser po dang dmar po dang dkar po la sogs pa ste/des brgyan cing srud pa dang / me tog phreng ba ste me tog gi chun 'phyang gis brgyan cing bzhag pa'o/ grwa'i phyogs ni zhes pa ni mtshams kyi cha rnams su'o/ /thams cad dang zhes bya ba ni bzhi char du yang ngo / / sgo rnams kyi sgo gang ni sgo khyud de/ de'i mtshams rnams ni grwa'i sa phyogs te/ ri mo gnyis phrad pa la mtshams zhes bya'o/ /gnas der/rdo rje rin chen spras par ni/ /zhes bya ba ste/ rdo rje rin po che nyid yin pas na rdo rje rin chen no/ /la la ni rdo rje dang rin po che ni rdo rje rin chen no zhes 'chad de/rdo rje ni dkyil 'khor gyi sgo khyud dang mtshams rnams su'o/ /rin po che ni tshon gyi ri mo'i mtha' mar rin po che'i phreng bas ngos bzhi char du yang spras pa ste/ des spras pa ni brgyan zhes bya ba'i don to/ /de ltar brgyan pa de gang yin zhe na/ dkyil 'khor gyi phyi rim zhes bya ba gsungs so//de'i zhes bya ba ni phyi'i dkyil 'khor gyi'o/ /ci zhig ce na/ de'i rim pa'i nang du'o/ /ji ltar byas nas she na/ zhugs la'o/ /'khor lo 'dra bar zhes bya ba ste 'khor lo lta bu'o/ /nang gi rim pa ji lta bur bya zhe na/ rdo rje thig gis yongs su bskor bar bya ba ste/nas 'bras 'dra ba'i rdo rjes rgyun chags su bskor te bris pa'i thig ni rdo rje'i thig go/ /bskor zhes bya ba ni kun nas yongs su bskor ba'o/ /ka ba brgyad kyis zhes bya ba la sogs pa la sgo re re'i thad kar yang ka ba gnyis gnyis te/ mtha' gcig ni rdo rje'i thig la brten la/ mtha' gcig ni dkyil 'khor gyi lte ba la brten to/ /de ltar na sgo bzhi'i thad kar ka ba brgyad du 'gyur ro/ /rgyud 'dir rdo rje lta bu'i bsam pas dngos po thams cad sprul pas na ming thams cad rdo rjes mtshan pa yin te/ de'i phyir rdo rje ka ba zhes gsungs so/ /yang gzhan dag ni 'di skad dngos po thams cad rdo rjes mtshan pas na rdo rjes mtshan pa'i ka ba la ni rdo rje'i ka ba zhes zer ro//nang logs su zhes bya ba la sogs pa ni gnas te/ rdo rje ka ba'i mdun gyi gnas su zhes bya ba'i don to/ /de yang sgo'i thad ka'i ka ba gnyis gnyis kyi bar gyi gnas dang brgyad po'i dbus kyi gnas gang yin pa ste/de lta na gnas lnga po 'di rnams ni rdo rje ka ba'i nang logs te/ de dag tu zla ba'i dkyil 'khor lngas brgyan pa zhes bya ba ste/ zla ba'i dkyil 'khor lnga lngas brgyan par bya'o/ /dbus kyi dkyil 'khor ni sgo'i thad kar bltas pa bzhi bkol te/ ka ba brgyad kyi dbus su chud pa la dbus ma zhes bya ste/dbus ma'i dkyil 'khor de'i dbus kyi zla ba'i dkyil 'khor la/ sangs rgyas kyi ni gzugs gzhag cing / /zhes bya ba bcom ldan 'das rnam par snang mdzad sangs rgyas bzhi bzhugs pa'i tshul du gzhag go/ /sangs rgyas bcom ldan 'das de'i shar du rdo rje sems ma/lhor rin chen sems ma/ nub tu rdo rje chos ma/ byang du rdo rje las ma'o/ /thams cad kyang dam tshig gi mchog yin pas na dam tshig mchog ste/ rigs kyi yum rnams zhes bya ba'i don to/ /dkyil 'khor bzhi po zhes bya ba la sogs pa la/dkyil 'khor bzhi po de dag tu ri mo'am/ thig yid kyis bteg la rdo rje shugs kyi sngags brjod de song la/ shar phyogs kyi dkyil 'khor gyi dbus su mi bskyod pa/ lho'i dbus su rin chen 'byung ldan/ nub kyi dbus su 'od dpag tu med pa byang gi dbus su gdon mi za bar grub pa'o//mi bskyod pa'i mdun du rdo rje 'dzin pa/ g.yas su rdo rje rgyal po/ g.yon du rdo rje chags pa/ rgyab tu rdo rje legs pa'o/ /mnyam pa zhes bya ba ni ma tshang ba med pa ste/ sa ma ya satwa ni dam tshig sems dpa' la bya ba yin pas/ sa ma ya zhes bya ba'i yi ge gnyis cha 'dra ba'i tshul gyis mnyam pa zhes bya ba gsungs pa yin no//rin chen 'byung ldan gyi mdun du rdo rje snying po/ g.yas su rdo rje gzi brjid/ g.yon du rdo rje dpal/ rgyab tu rdo rje bzhad pa'o/ /rdzogs pa zhes smos pa na ma tshang ba med pa'i don to/ /bsam pa yongs su rdzogs par gyur pa'i gnas yin pa'i phyir/bsam pa yongs su rdzogs pa'i tshul gyis ni rdzogs pa zhes gsungs pa yin no/ /bcom ldan 'das tshe dpag tu med pa'i mdun du rdo rje spyan/ g.yas su rdo rje rnon po/ g.yon du rdo rje rgyu/ rgyab tu rdo rje smra ba'o/ /dag pa zhes smos pa ni ma tshang ba med pa'i don dang / rang bzhin gyis dag pa'i chos nyid yongs su gzung ba'i don gyis na dag pa zhes bshad do//gdon mi za bar grub pa'i mdun du rdo rje las/ g.yas su rdo rje go cha/ g.yon du rdo rje gnod sbyin/ rgyab tu rdo rje khu tshur ro/ /'dir yang las sna tshogs pa la dbang byed pa yin pas na rdo rje rgya gram zhes gsungs pa yin no//'khor lo'i grwa'i gnas rnams su/ /zhes bya ba ni 'khor lo'i grwa'i mtshams su rdo rje lha mo rnams zhes bya ba sngar bshad pa rnams so/ /me'i phyogs nas brtsams te bdug pa'i mchod pa thog mar byas nas sangs rgyas kyi mchod pa rnams gzhag par bya'o//mi bskyod pa'i sgor dang po rdo rje lcags kyu nas brtsams te/ zhags pa dang lcags sgrog dang dril bu rnams gzhag par bya'o/ /phyi'i dkyil 'khor gyi gnas rnams su byams pa la sogs pa'i bskal pa bzang po pa rnams phyag rgya chen po'i gzugs su'am/ pad+ma'i gdan du ji ltar 'dod par bri bar bya'o//dkyil 'khor ba'i sangs rgyas dang byang chub sems dpa' rnams ni gzugs su bri bar bya ste/ de bzhin gshegs pa rnams ni sangs rgyas su bri bar bya'o/ /bcom ldan 'das rnam par snang mdzad ni ye shes kyi khu tshur bcangs pa bya ste/ phyogs bzhi char du yang gzugs su bri bar bya zhing /seng ge'i gdan la bzhugs par bya'o/ /bcom ldan 'das mi bskyod pa ni rdo rje'i gdan la bzhugs pa lta bu'i gzugs su bri'o/ /bcom ldan 'das rin chen 'byung ldan ni phyag g.yas pa dam pa sbyin pa'i tshul la/ g.yon pa skyil mo krung gi steng du bkan pa'o//bcom ldan 'das snang ba mtha' yas ni ting nge 'dzin gyi tshul du bzhugs pa ste/ phyag gnyis skyil mo krung gi steng du 'jog pa'o/ /gdon mi za bar grub pa ni phyag g.yon pas chos gos kyi grwa 'dzin cing / g.yas pa mi 'jigs pa sbyin pa'o/ /byang chub sems dpa' gzhan rnams kyang rang rang gi phyag rgya 'dzin cing /rang rang gi las mdzad pa'i tshul du gnas par bri'o/ /mchod pa'i lha mo dang sgo srung rnams kyang de bzhin du bri bar bya'o/ /thams cad kyi yang thugs ka'am/ phyag rgya'am/ 'od kyi dkyil 'khor du chos kyi yi ge bri bar bya'o/ / de ltar phyag rgya bzhi dang ldan pa ni dngos grub nges par byed par 'gyur te/ phyag rgya bzhi ni phyag rgya chen po dang / dam tshig gi phyag rgya dang / las kyi phyag rgya dang / chos kyi phyag rgya rnams so/ /byams pa la sogs pa byang chub sems dpa' gang lha'i snam bu la gnas pa de dag ni nang gi dkyil 'khor du sprul pa'am/bris pa'i phyag rgya chen po rnams byin gyis rlob par byed pa yin te/ me tog der babs par gyur na yang sems dpa' de rnams nyid 'go ba yin pas/ bsten pa byas na dngos grub kyang de dag nyid kyis rtsol bar shes par bya'o/ /dkyil 'khor chen po bri ba'i cho ga rgyas par bshad zin to//da ni dkyil 'khor bris pa'i 'og tu slob dpon gyi las su bya ba gang yin pa de ston to/ /de bas na de bstan par bya'o/ /dkyil 'khor thams cad bris nas tshon snod la sogs pa bsdus te/ dkyil 'khor gyi sa'i nye 'khor phyag dar byas la/rkang lag bkrus te 'dug na nye reg bya ba'am/rang bzhin gyis dag par bsam pa byas la dam tshig mchog gi phyag rgya bcing bar bya'o/ /dam tshig mchog gi phyag rgya yin pas na dam tshig mchog ste/ dam tshig mchog ni rdo rje sems ma'o/ /de yang rdo rje sems dpa' dang de bzhin gshegs pa rnams thog mar de las byung bas na mchog ces gsungs so//sems so sor rtog pa'i 'og tu byang chub tu sems bskyed pa ni sems dpa' ste/ kun du bzang po'i rang bzhin byang chub kyi sems zla ba'i dkyil 'khor gyi gzugs can gang yin pa de ni sems dpa' yin no//de brtan par bya ba'i phyir ye shes kyi rdo rje ste/ sems dpa' dang rdo rje ni sems dpa' rdo rje'o/ /rdo rje bsdams pa'i gung mo gnyis gshibs nas bsgreng ba'i phyag rgya gang yin pa de'i yul ji skad smra ba'i sems dpa' rdo rje 'di la yod pas na rdo rje sems ma zhes gsungs so/ / de bas na dam tshig can rnams kyi mchog ces gsungs te/ de cho ga bzhin du bcing bar bya'o/ /sngar dkyil 'khor 'dri ba'i tshe byin gyis brlab pa la sogs pa byas pa las/ gal te dkrol bar gyur na slar yang byin gyis brlab pa la sogs pa de dag byas nas/ de'i 'og tu phyag rgya bcings te 'jug par bya'o//yang na phyi rol che chung la sogs pa byas par gyur na/ gal te rnam par rtog pa dpyod pa rnams rang bzhin gyis dag pa la gnas par ma nus na khrus la sogs pa byas te nye reg byas nas/ rdo rje sems dpa' 'am/rang gi sngags kyis byin gyis brlab cing bdag nyid dbang bskur ba la sogs pa byas nas 'jug par bya'o//'on te rang bzhin gyis dag pa la gnas par nus pa zhig yin na chos thams cad rang bzhin gyis dag pa'o zhes brjod nas/ chos thams cad stong pa nyid kyi ngo bor skad cig bsgoms la phyag rgya bcings nas 'jug par bya ste/cho ga bzhin bcings zhes smos pas ni cho ga 'di rnams ston to/ /rdo rje sems ma'i phyag rgya des phreng ba bzung la 'jug par bya zhing phreng ba de rdo rje sems dpa' la gtor te/ de slob dpon du lhag par mos pa dang / phreng ba de blangs la mgo la bcing bar bya zhing phreng ba de nyid kyang rdo rje sems dpa' bcings par lhag par mos par bya'o//dbang bskur ba la sogs pa slob dpon gyi las thams cad bdag nyid kyis byed pas na des byas par bsam mo/ /phyag rgya de yang lag pa g.yas pa'i phyag rgya phyed bzhag la/ lag pa g.yon pa rdo rje khu tshur byas nas/de'i mdzub mo bkug pas g.yas pa'i gung mo lan du mar yang nas yang du drang zhing dral bar byas te/ rdo rje dbab pa'i snying po yang brjod par bya'o/ /'di'i don ni phyag rgya dral ba byas la dbab par bya'o zhes bya ba yin no/ /gal te bdag nyid la sems dpa' dbab par 'dod na dkyil 'khor gyis dben par byas la/sems dpa' gang dbab par 'dod pa sngar bsgoms pa de'i gzugs bdag nyid kyi snying du zhugs par bsams zhing yan lag dang nying lag thams cad kun du gang bar bsams la rdo rje dbab pa'i snying po rgyun ma chad par lan stong brjod cing dri dang bdug pa la sogs pa yang dbul bar bya ba dang /dang por bdag nyid phyag rgya bzhi dang ldan par byas nas lce la rdo rje dkar po bkod la de lta bus ni bdag gam gzhan la 'bab par 'gyur ro/ /cho ga shes pa zhig kyang drung du gzhag par bya ste/ gang la babs par gyur pa de 'phar bar gyur na/de'i steng du rdo rje'i rang bzhin gyi ri rab rtse mo brgyad pa bsam par bya zhing / de'i dbus su dkyil 'khor gru bzhi pa gser gyi mdog can bsam pa dang / de'i steng du rdo rje ser po/ de'i steng du yi ge a/ de'i steng du bcom ldan 'das rnam par snang mdzad skyil mo krung du zhugs par bsam par bya ste/de lta bus ni 'phar bar mi 'gyur ro/ /gal te smra bar mi byed na kha'i nang du lce la rdo rje bsams la/ de nas dris na gang dris so cog de thams cad smra bar 'gyur te/ 'di ni dbab pa'i sbyor ba ste/ ldang ba'i tshe na yang ci rigs pa'i tshul du gtang bar bya'o//bka' nod do zhes bya ba la/ gang las bka' nod par bya zhe na/ phyogs bcu'i 'jig rten gyi khams mtha' yas mu med pa dag na bzhugs pa'i sangs rgyas dang byang chub sems dpa' rnams las nod par bya'o/ /mnod pa ni 'di ltar bya ste/ bdag ming 'di zhes bgyi ba gsang sngags kyi sgo'i spyod pa la gnas te/sangs rgyas dang byang chub sems dpa' rnams kyis bka' stsal pa'i cho gas sems can gyi don bgyid cing / bdag gi cho ga rnams rdzogs par bgyis lags kyis/ de sangs rgyas dang byang chub sems dpa' rnams kyis bdag la gnang ba stsal du gsol/dgongs shing brtag par yang mdzad du gsol/ /de ltar bka' mnos pa'i sngar dkyil 'khor 'dir zhugs te/ des bcom ldan 'das rdo rje sems dpa' las dbang bskur ba la sogs pa gsol ba btab cing des kyang gnang ngo / /de nas dkyil 'khor du 'jug pa la sogs pa dang dbang bskur ba byas par lhag par mos par byas pas/slob dpon des dam tshig las 'das pa gang cung zad byas pa de dag thams cad dag par gyur par mos par bya'o/ /de ltar dag par gyur nas yang bdag la byin gyis brlabs pa la sogs pa smos pa ni/ des sngar byin gyis brlabs pa la sogs pa byas zin mod kyi/'on kyang dam tshig las 'das pa la sogs par bshad pa'i sdig pa de yongs su ma dag par gyur pa yin la/ de yongs su ma dag par gyur bzhin du sangs rgyas dang byang chub sems dpa' rnams kyi spyan sngar cho ga'i tshogs bya bar mi rigs pas na/ bdag la byin gyis brlab pa la sogs zhes bya ba la sogs pa gsungs pa yin no/ /bdag la byin gyis brlab pa la sogs pa ji ltar bya zhe na/ de ltar zhes bya ba gsungs te/ rnam pa de gnyis kyis so/ /bdag ming brjod ces bya ba ni gnang bar gsol ba 'debs pa'i tshe nyid na'o//de nas rdo rjes bsgrub bgyi ba/ /zhes bya ba ni phyag rgya bzhi'i dkyil 'khor du las kyi rdo rje sgrub pa 'og nas bshad pa ste/ slob dpon gyis rdo rje gang thogs nas dkyil 'khor la sogs pa'i las bya ba'i las kyi rdo rje de thogs te/dkyil 'khor thams cad du las bya'o/ /bsdu ba dang byin gyis brlab pa ni bshad ma thag pa nyid de/ sngar de bzhin gshegs pas yongs su brtags pa'i sprul pa'i dkyil 'khor du bcom ldan 'das kyis bsdu ba dang byin gyis brlab pa mdzad pa'o/ /sems dpa' rdo rje lcags kyu yang de nyid du bshad zin to//'di ni tshon gyis bris pa'i dkyil 'khor du gsang sngags kyi sgor spyod pa la gnas pa'i bsdu ba dang byin gyis brlab pa yin no/ /dkyil 'khor thams cad gang ba rnams/ /zhes bya ba ni thams cad tshogs pa zhes bya ba'i don to/ /slob dpon des rdo rje sems dpa'i rnal 'byor sngar lta bu byas zin mod kyi/'on kyang dus de nyid kyi tshe rdo rje sems dpa'i phyag rgya chen po sgom byed cing zhes smos pa ni rdo rje sems dpar bdag nyid nges par bsgom par gyis shig pa ste/ 'dis ni rnam par g.yeng ba dgag par mdzad pa yin no/ / de nas zhes bya ba ni ji skad bshad pa'i cho ga'i tshogs la nan tan du bsgrubs shing / bdag nyid rdo rje sems dpar sgom pa dang / rdo rje sems dpa' la mtshan brgya rtsa brgyad pas bstod pas dgyes shing mnyes nas brtan par gyur pa ste/ 'di ni sems can rnams kyi don sgrub par 'os pa yin no zhes slob dpon de la phan 'dogs pa'i dgongs pa brtan par mdzad do zhes bya ba'i don to//de bzhin gshegs pa rnams 'ba' zhig de ltar mdzad par ma zad kyi bcom ldan 'das rdo rje sems dpa' yang mdzad pa'o/ /rang grub pa zhes bya ba ni ma bsgrubs pa nyid du zhes bya ba'i don to/ /ci zhig mdzad ce na/de'i phyir/ grogs po nyid du nye bar gnas/ /zhes bya ba gsungs te/ grogs po dang 'dra bas na grogs po ste/ bya ba rnams la 'bad pa zhes bya ba'i don to/ /de ltar mtshan brgya rtsa brgyad pa brjod nas sgo rnams dbye bar bya'o/ /de nas sgo phye ba'i rjes la/ lcags kyu la sogs las bgyis nas//zhes bya ba ste/ slob dpon de rdo rje sems dpa'i ting nge 'dzin la gnas te/ sems dpa' thams cad ni rdo rje sems dpa' las yongs su gyur pa yin la/ de bas na rdo rje sems dpa' dang rdo rje lcags kyu ni lhan cig tha mi dad par bsams la/ rdo rje lcags kyu nyid du bdag nyid bsam mo//de nas lcags kyu'i phyag rgya'i gnas nas bdag gi lag par bsams la/ sems dpa' chen po rnams rang gi sgo'i thad kar bkug la gzhag go/ /de nas lcags kyu de dgongs par byas zin pa'i phyir gnas de nyid du slar gzhag par bya'o/ /de nas de bzhin du rdo rje zhags pa dang tha mi dad par bsams la/phyag rgya'i gnas nas kyang zhags pa bdag gi lag par bsams te/ sems dpa' chen po de rnams rang rang gi sgor gzhug par bya'o/ /bcug nas so so'i phyag rgya'i gnas su rang rang gi phyag rgya la rjes su zhugs par bya bzhin du bsam par bya'o//de nas zhags pa'i phyag rgya de bzhin du phyag rgya'i gnas su bzhag la/ yang rdo rje lcags sgrog dang tha mi dad par snga ma bzhin du bsam mo/ /de nas phyag rgya'i gnas nas rdo rje lcags sgrog gi phyag rgya rang gi lag tu bsams la/ so so'i zhabs kyi drung du bzhag nas 'di skad du 'di lta ste/ 'dis ni ston pa'i bkas khyed rnams kyi dam tshig gi 'ching ba yin no/ /de bas na ji skad du bya ba ma zin cing gshegs su ma gsol gyi bar du ma bzhud cig ces brjod par bya'o/ /de nas lcags sgrog gi phyag rgya gnas de nyid du gzhag par bya'o/ /de nas rdo rje dang dril bu dang tha mi dad par de bzhin du bsam mo//de nas dril bu de dkrol zhing shes rab kyi pha rol tu phyin pa'i tshigs su bcad pa yang brjod par bya ste/ dril bu de ni shes rab kyi pha rol tu phyin pa'i dbyangs ston pa yin no/ /de bas na dbyangs des de dag mnyes par 'gyur ba yin no/ /de nas sgo rnams thams cad du/ lcags kyu la sogs las bgyis nas//zhes bya ba 'dir snying po bzhi dang yang sbyar bar bya'o/ /las chen mchog gi phyag rgya yis/ /zhes bya ba la/ las chen po yin pas na las chen no/ /de yang rdo rje sems dpa' la sogs pa sems dpa' rnams kyi las gang gi phyag rgya gang yin pa de ni mchog ces bshad do//de bas na las chen mchog gi phyag rgya de rnams kyis/ dam tshig rnams ni gzhag par bgyi/ /zhes pa ste bzhugs par bya ba'o/ /dkyil 'khor gang dang gang du sangs rgyas bcom ldan 'das sam/ byang chub sems dpa' rnams sam/ 'khor gang dang gang yin pa'i las kyi phyag rgya gang dang gang yin pa de dang des/ sems dpa' de dang de/ las de dang de de bzhin du mdzad cing bzhugs par bsam par bya'o/ /sems dpa' de dang de dag la rdo rje slob dpon rang nyid kyi phyag rgya de dang de bcings la/ nye bar bstan la khyed rnams kyis las 'di dag mdzod cig ces bya'o//de ltar las kyi phyag rgya bstan nas/ dam tshig mchog gi phyag rgya dang / /zhes pas ci zhig bya zhe na/ sems dpa' chen po bsgrub ces bya ba'o/ /'di skad ston te/ las kyi phyag rgya bstan la khyed rnams kyis las 'di mdzod cig ces bya zhing / de yang bcom ldan 'das kyi bkas bya ba yin la/bka' de yang dam tshig gi phyag rgya bcing ba yin te/ dam tshig gi phyag rgya de rnams la bstan pas de rnams las de byed do/ /de bas na 'grub par 'gyur te/ skye dgu rnams la rgyal po'i phyag rgya bstan pa dang 'dra'o/ /'dir chos kyi phyag rgya ma smos mod kyi/'on kyang chos kyi phyag rgya yang brjod par bya'o/ /de yang de dag thams cad kyi phyag rgya chen po ni bris/ las dang dam tshig gi phyag rgya ni bstan/ chos kyi phyag rgya yang brjod pa yin te/ phyag rgya bzhis ni gdon mi za bar byin gyis rlob par mdzad pas de lta bus ni 'grub par yang 'gyur ro//yi ge dza la sogs pa 'dir smos mod kyi/ 'on kyang rang gi gnas nyid du shes par bya'o/ /de lta bu'i cho ga rnams kyis bya ba'i tshogs rnams rdzogs par mdzad nas/ da ni de nas zhes bya ba la sogs pas de dag gi 'bras bu ston te/ /de'i dbang du gyur zhes bya ba ni sngags pa'i dbang du gyur pa'o//de nas sngags pa bdag nyid chen po dang 'brel pa'i gsang ba'i mchod pa gang yin pa de rnams sgeg mo la sogs pas mnyes par bya zhing mchod par bya'o/ /ji ltar mnyes par bya zhe na/ gang dang gang gi las kyi phyag rgya gang dang gang yin pa'i las kyi phyag rgya de dang de bstan la/lha mo de nyid de rnams kyi spyan sngar rol pa ston pa dang / phreng ba 'ching bar byed pa dang / pi wang brdung zhing glu len pa dang / gar byed par lhag par mos par bya'o/ /de ltar gsang ba'i mchod pa rnams kyis mnyes par byas nas/ bdug pa la sogs pas mchod pa dang / de nas bza' ba dang btung ba la sogs pa dang /gdugs dang rgyal mtshan dang / ba dan la sogs pa dang / bum pa rnams ci 'byor pa la rdo rje sems dpa'i sngags kyis bzlas te mchod pa ci nus par bya'o/ /bum pa gcig ni rdo rjes byin gyis brlabs rdo rje sems dpa'i gnas su gzhag pa dang / gang gis bsangs nas slob ma gzhug pa'i bum pa gnyis pa ni sgo'i phyi rol du gzhag par bya ste/bum pa gnyis po 'di dag ni nges par mi gzhag tu mi rung la/ gzhan ni nges pa med do/ /thams cad don kun 'grub pa'i phyir/ /zhes bya ba ni mnyes par byas nas don 'byung ba la sogs pa 'grub pa'i phyir zhes bya ba'i bar du ston par 'gyur ba yin no//thams cad mdzod ces gsol bar bgyi zhes bya ba ni sems can thams cad kyi don du bcom ldan 'das sems can rnams rjes su gzung bar mdzad du gsol zhes gsol ba gdab pa ste/ sems dpa' gang dang gang gis rang gi bya ba gang yin pa'i phrin las de dang de dag gis sems dpa' de rnams/sems can de rnams rjes su gzung bar mdzod cig ces bya ba'i don to/ /dkyil 'khor thams cad ces bya ba ni 'og nas bshad pa'i rtog pa bzhi por gsungs pa rnams su'o/ /rdo rje slob dpon zhes bya ba ni rdo rjes nye bar mtshon pa'i slob dpon ni rdo rje slob dpon te/'di ni nye bar mtshon pa tsam du zad kyi/ pad+ma dang rin po che'i slob dpon dag gi las kyang 'di nyid yin par shes par bya'o/ /de bzhin du zhes bya ba ji skad smras pa'i tshul gyis so/ /de nas zhes bya ba ni de'i rjes thogs la'o//rdo rjes nye bar mtshon pa'i slob ma la ni rdo rje slob ma zhes bya'o/ /gzhug ma thog mar byas nas dbang bskur ba la sogs pa ni cho ga rgyas pa ste/ cho ga'i las kyi rab tu dbye ba yin la/ cho ga rgyas pa de las cho ga dang po ni gzhug pa yin te/gzhug pa de'i dgos pa de yang gang yin zhe na/'jig rten gyi khams ma lus pa rnams su sems can gyi khams lus pa med pa yongs su bskyab pa dang / sems can thams cad kyi phan pa dang / bde ba'i dngos grub kyi mchog thob par bya ba'i phyir te/ de la phan pa thams cad ni 'jig rten dang 'jig rten las 'das pa'o//bde ba thams cad kyang 'jig rten dang 'jig rten las 'das pa de nyid do/ /dngos grub kyi mchog ni sangs rgyas nyid dam/ byang chub sems dpa' nyid do/ /de ltar ji skad smras pa'i dgos pa de dag ni 'bras bu ste/ 'bras bu de ni rgyu'i sgrub pa nyams su len pa'o//de'i ngo bo nyid yin pas na rgyu dang 'bras bu'i ngo bo nyid do/ /rgyu dang 'bras bu'i rgyur gyur pa des gang gi phyir dkyil 'khor chen po 'dir 'jug par 'gyur ba de'i phyir rgyud gzhan las snod dang snod ma yin par rtog par byed pa bzhin du/ 'dir snod du gyur pa dang snod du ma gyur pa brtag mi 'tshal lo zhes bya ba ni dpal rdo rje 'dzin pa'i tha tshig go//de ci'i phyir zhes bya ba ni de bzhin gshegs pa rnams kyi'o/ /bcom ldan 'das de bzhin gshegs pa zhes bya ba la sogs pa ni bcom ldan 'das rdo rje 'dzin pa'i rje sar bos pa dang bcas pa'i tshig gi lan no/ /de yang dang po bzhugs nas sangs rgyas dang byang chub sems dpa'i dkyil 'khor mthong zhing /so so'i phyag rgya bstan pas ngan song thams cad dang bral bar 'gyur ro/ /bcom ldan 'das nor dang bza' ba dang zhes bya ba la sogs pa ni rgyu'i bye brag gnyis pa ston to/ /nor dang zhes bya ba la sogs pa'i tshig rnams la chags pa zhes bya ba ni re re zhing sbyar bar bya'o//dam tshig la mi dga' ba zhes bya ba la dam tshig ni tshangs par spyod pa la gnas pa la sogs pa'o/ /sngar spyad pa ni rig pa'i brtul zhugs so/ /ji ltar 'tshal ba bzhin du bgyid cing zhes bya ba ni ji ltar 'dod par ro//zhugs pa rnams kyi bsam pa thams cad yongs su rdzogs par 'gyur ro zhes bya ba ni 'di skad ston te/ sems can gang dag sdig pa byed pa dang / nor la chags pa dang / bza' ba dang btung ba la chags pa dang / tshangs par spyod pa la gnas par mi nus pa dang /rig pa'i brtul zhugs la spyod par yang mi nus pa yod de/ de rnams la yang gsum la skyabs su 'gro ba dang / byang chub tu sems bskyed pa la 'gal ba med do/ /de'i phyir dkon mchog gsum dang byang chub kyi sems la dad pa brtan pa rnams ni dkyil 'khor du 'jug na yon tan thams cad thob par 'gyur ro//de bas na rim gyis de rnams 'jug par bcom ldan 'das rdo rje 'dzin pas rjes su gnang ba yin no/ /de dag kyang khyim pa slob pa ma mnos pa yin pas/ de'i phyir de rnams la bza' ba dang btung ba thams cad dang / glu dang gar dang dri dang phreng ba dang byug pa la sogs pa 'dod pa'i yon tan thams cad la spyod du gnang ngo //'di ni rnal 'byor gyi rgyud yin te/ 'dir bsgom pa'i cho ga la gnas pa rnams la ni 'jig rten pa'i tshe 'di'i 'bras bu yang nges pa nyid du 'byung bar 'gyur la/ de nas de la yid ches pa skyes pa'i phyir 'jig rten las 'das pa'i yang tshangs par spyod pa la gnas pa la sogs pa la shin tu spro bar 'gyur ro//de bas na 'tshang rgya ba'i bar du yang thob par 'gyur na dngos grub gzhan lta smos kyang ci dgos/ bcom ldan 'das sems can kha cig ces bya ba la sogs pas ni rgyu'i bye brag gsum pa ston te/spyod pa zhes bya ba ni 'dug pa dang 'gro ba dang nyal ba'i spyod lam bzhi po rnams su ji ltar gnas kyang rung ste/ yid la byang chub kyi sems bsgoms na thams cad 'grub par 'gyur ro/ /de bzhin gshegs pa thams cad kyi theg pa chen po mngon par rtogs pa'i chos nyid ni stong pa nyid de chos bdag med pa'o//de khong du ma chud pa ni yongs su ma shes pas so/ /'di skad ston te/ stong pa nyid bsgom pa la yid gtong pa rnams ni zas dang spyod pa dang bza' ba dang glu dang gar dang 'dod pa'i yon tan rnams la brten du zin kyang / bsgom pa byas pa ni dngos grub dang 'gal bar mi 'gyur ro//'di ma rtogs na rgyu des lha gzhan gyi rigs kyi dkyil 'khor du 'jug gi zhes bya ba la/ lha gzhan ni dbang phyug chen po la sogs pa'o/ /de dag gi rigs ni lha gzhan gyi rigs te de rnams kyi dkyil 'khor gang yin pa de ni lha gzhan gyi rigs kyi dkyil 'khor zhes bya ste/der 'jug pa'o/ /de bzhin gshegs pa thams cad kyi zhes pa la/de bzhin gshegs pa thams cad ni sangs rgyas dang byang chub sems dpa' rnams so/ /de dag gi rigs ni de bzhin gshegs pa dang / rdo rje dang / rin po che dang / pad+ma dang / las kyi rigs rnams te/ de rnams kyi dkyil 'khor ro/ /re ba thams cad ni re ba kun te/ srid pa'i rnam pa thams cad ces bya ba'i don to/ /de dag yongs su rdzogs pa ni ji ltar smon pa'i don 'grub pa'o/ /de'i yang dag par bsdus par gyur pa'i ngo bo nyid ni 'jig rten las 'das pa'i dkyil 'khor ro//re ba thams cad yongs su rdzogs pa yang dag par bsdus par gyur pa 'ba' zhig tu ma zad kyi bla na med pa'i dga' ba dang mgu ba dang rangs pa rnams 'byung bar yang 'gyur te/ bla na med pa zhes bya ba la bla ma ni lhag pa ste/ bla mar gyur pa med pas na bla na med pa'o//dga' ba ni gnas la sogs pa'i yul la gnas pa'o/ /mgu ba ni sems can gyi yul la'o/ /rangs pa ni yid bde ba ste/ bla na med pa yang yin la dga' ba dang mgu ba dang rangs pa yang yin pas bla na med pa'i dga' ba dang mgu ba dang rangs pa'o//de rnams 'byung ba ni skye ba ste/ de byed pa'i ngang tshul can yin pas na bla na med pa'i dga' ba dang mgu ba dang rangs pa rnams 'byung bar byed pa ste/ bla na med pa'i dga' ba dang mgu ba dang rangs pa rnams 'byung bar byed pa der ro/ /de lta bu de gang zhig yin zhe na/ de bzhin gshegs pa thams cad kyi rigs kyi dkyil 'khor zhes bya bar snyegs te/der mi 'jug pa'o/ /rgyu gang gis mi 'jug ce na/ bslab pa'i gzhis 'jigs shing skrag ces bya ba gsungs te/ bslab pa ni srog gcod pa la sogs pa las ldog pa'o/ /des 'jigs pa ni bred pa'o//skrag pa ni dngangs pa ste des mi 'jug pa'o/ /bde 'gro dang bral bas na ngan song ste/ dmyal ba dang dud 'gro dang yi dwags rnams so/ /de dag gi dkyil 'khor ni skye ba'i gnas so/ /der 'jug pa ni skye ba'o/ /de'i lam ni mi dge ba bcu'i las kyi lam mo/ / der kha ba bltas shing gnas pa ni 'jig rten pa'i dkyil 'khor der mi dge ba bcu'i las kyi lam mi 'gog ste/ kha cig ni cho gar yang ston to/ /de bas na gang der 'jug pa de ngan song gi dkyil 'khor gyi lam la mngon du phyogs shing 'jug ste gnas pa yin no/ /de lta bas na de bzhin gshegs pa thams cad kyi dkyil 'khor 'dir de lta bu dag gzung ba'i rigs te/de lta bu 'dir btsud na de kho na nyid rtogs pas/ nyes pa rnams la nyes pa nyid du shes nas rim gyis ldog par 'gyur ro/ /de nas rim gyis ji skad du gsungs pa'i dngos grub rnams kyang thob par 'gyur ro//bcom ldan 'das chos can zhes bya ba la sogs pas ni/ sems can khyad par can rjes su gzung bar ston pa ste/chos la spyod pas na chos can no/ /de bzhin gshegs pa thams cad kyi tshul khrims yin pas na de bzhin gshegs pa thams cad kyi tshul khrims te/spong ba bdun gyi mtshan nyid can no/ /ting nge 'dzin ni sems rtse gcig pa'o/ /shes rab ni chos rab tu rnam par 'byed pa'o/ /'di dag nyid ni thabs te/ gang gi zhe na/ dngos grub dam pa ste/ sangs rgyas pa nyid kyi mtshan nyid do/ /de bas na thabs 'di rnams kyis sangs rgyas rnams kyi byang chub tshol ba ste/mngon par 'dod pa'o/ /bsam gtan dang rnam par thar pa dang / sa rnams kyis 'bad cing zhes bya ba la bsam gtan ni bzhi'o/ /rnam par thar pa ni brgyad do/ /sa ni bcu'o/ /'di rnams kyis 'bad cing nyon mongs par gyur pa ste/ bslab pa dang sdom pa la sogs pa la gnas su zin kyang de sangs rgyas dang byang chub sems dpa' la sogs pa'i dge ba'i bshes gnyen rnams kyis yongs su ma bzung zhing /nye bar bstan pa ma byas pas dbang po yongs su smin pa med pa'i phyir/ sa dang pha rol tu phyin pa thob par bya ba'i don du mdo sde las bstan pa nyi tshe la brten cing mgon med par spyod pas yun ring por nyon mongs so//de bas na de dag 'dir bzhugs pa'i rigs te/ gang gi phyir yon tan la gnas pa rnams ni sems yongs su sbyang ba byas pa yin pa'i phyir 'jug pa tsam gyis dngos grub dam pa rnams kyang thob par 'gyur na/gzhan lta smos kyang ci 'tshal zhes gsungs so/ /da ni slob ma gzung ba'i cho ga bstan pa'i phyir/ de la dang po kho nar zhes bya ba la sogs pa'i gzhung gsungs te/ der yang bsod nams kyi tshogs yongs su bsdu ba'i phyir/ dang por phyag bzhi bya bar bstan to//thog mar kha nub phyogs su bltas la phyag bya ste/ mi bskyod pa'i dkyil 'khor du byin gyis brlab pa'i phyir ro/ /byin gyis brlab pa ni byang chub kyi sems yongs su sbyang ba la sogs pa dang / dam tshig brtan par bya ba'i phyir ro/ /de nas kha byang phyogs su bltas la dbang bskur ba'i phyir rin po che'i rigs la phyag bya'o//de nas kha shar phyogs su bltas la theg pa chen po'i chos zab cing rgya che ba lung dang rtogs pa'i bdag nyid can gyi chos kyi 'khor lo bskor ba'i phyir pad+ma'i rigs la phyag bya'o/ /lho phyogs su bltas la mchod pa la sogs pa'i las la 'jug pa'i phyir phyag bya ste/de'i sngags kyi don ni 'di'o/ /de bzhin du zhes bya ba ni lus thams cad kyis phyag bya'o zhes bya ba dang sbyar ro/ /badzra karma zhes bya ba ni rdo rje las te bod pa'o/ /ku ru maM zhes pa ni bdag mdzod cig ces pa ste/ snod du rung bar mdzod cig ces pa ste/ dngos grub la sogs pa'i las rnams kyi snod du rung bar mdzod cig ces bya ba'i don to/ /sems dpa' rdo rje ma'i phyag rgya bcings la zhes bya ba la sogs pa la/ ci 'di ni dkyil 'khor ma mthong ba yin te/ de la ni phyag rgya gcig kyang bstan par mi bya'o zhes ma gsungs sam zhe na/ ji ltar slob ma dkyil 'khor du zhugs pa ma yin yang /'on kyang bcom ldan 'das kyis rjes su gnang bas de la bstan par bya dgos te/ dkyil 'khor du ma zhugs pa la phyag rgya gcig kyang bstan par mi bya'o zhes gang du dgag pa mdzad pa der yang dam tshig gi phyag rgya ni ma gtogs te/ nges pa 'di ni thams cad du ma yin no//de nas bcug ma thag tu 'di skad du bsgo shig ces bya ba la sogs pa la/ ci zhig bsgo bar bya zhe na/ deng khyod de bzhin gshegs pa thams cad kyi rigs su zhugs kyis zhes bya ba la sogs pa'o/ /ji ltar de bzhin gshegs pa'i rigs su zhugs pa yin zhe na/phyir mi ldog pa'i 'khor lor zhugs pa yin pa'i phyir te/ gang gi phyir de nyid ni de'i sa bon du 'gyur te/ de bas na de bzhin gshegs pa'i rigs su zhugs pa yin no/ /de lta bu'i rdo rje ye shes bskyed par byas zhes bya ba la/ de lta bu'i zhes bya ba ni dam tshig thob pa yin pa'i phyir ro//rdo rje ye shes ni rdo rje dbab pa ste/ gang gis 'das pa dang ma 'ongs pa la sogs pa thams cad shes pa'i lha'i ye shes skye bar 'gyur ro/ /khyod kyis dkyil 'khor chen po ma mthong ba rnams la ma smra shig ces bya ba ni/ rdo rje dbyings kyi dkyil 'khor chen po ma mthong ba ste/ rgyud 'dir gtso bo ni dkyil 'khor chen po yin la/dkyil 'khor thams cad du yang 'dir smos pa'i mtshan nyid la phal cher snyegs pa'i phyir ro/ /de bas na dkyil 'khor chen po 'di ni gtso bo yin la/ 'di mthong ba ni cho ga bzhin du bcug nas/ dbang bskur ba sbyin par bya ba'i phyir/ slob dpon gyi man ngag gis so so'i phyag rgya chen po bstan na/de lta bu ni dus phyis dkyil 'khor chen po mthong ba zhes bya ba ste/ gang gi cho ga 'di lta bus ma mthong ba de ni dkyil 'khor chen po ma mthong ba'o/ /dam tshig nyams par gyur ta re zhes bya ba ni gang 'di mna' chu blud pa la sogs pas dam tshig can du byas shing /mna'i snying po byin pa de las 'da' bar gyur na nyams pa ste sdug bsngal 'thob pa'o/ /de yang tshe 'dir nad la sogs pas gnod par 'gyur ba dang / gzhan du ngan song du 'gro ba'o/ /kha nang du bstan pa ni kha thur du bstan pa'o/ /rdo rje sems dpa' nyid ni deng / /khyod kyi snying la yang dag zhugs//zhes bya ba ni bka' nod pa'i tshe slob dpon gyis gsol ba btab pa dang / phyag bzhi'i tshe slob mas bdag la byin gyis brlab par mdzod cig ces gsol ba btab pa dang / bcom ldan 'das kyi bkas kyang bzhugs pa ste/ de la de'i tshe rdo rje sems dpa' rang nyid snying la gnas par gyur pa yin no//mi bde ba ma spangs pas zhes bya ba la sogs pas slob dpon gyis bsgrub pa'i dam tshig bsgos nas mna'i snying po'i rjes la/ de nas phyag rgyas byin gyis brlab pa bya'o/ /de'i 'og tu rdo rje sems dpa' dbab po/ /myur du zhes bya ba gang gsungs pa de ni lhod pa spang ba'i phyir te/ye shes dbab pa'i phyir sems dpa' rdo rje ma'i phyag rgya rdo rje slob ma'i snying gar bzhag la snying po brjod par bya'o/ /phyi mas ni sems dpa' dbab pa yin te/ de nas khro bo'i phyag rgya bcings la zhes bya ba la sogs pa la/ lag pa g.yon pa khro bo'i khu tshur byas la/ mdzub mo lcags kyur byas te/ lag pa g.yas pa la gnas pa'i sems dpa' rdo rje ma'i phyag rgya phyed yin yang sems dpa' rdo rje ma zhes bya ste/ lcags kyu des drang zhing g.yas pa'i gung mo la dral bar bya'o/ /theg pa chen po mngon par rtogs pa ni 'og nas bshad pa'i yi ge brgya pa'o//rdo rje'i tshig ni sgra spangs pa'o/ /ci dga' bar zhes bya ba ni gcig gam gnyis sam gsum du ci dga' bar bzla bar bya'o/ /de nas phab ste babs ma thag tu lha'i ye shes skye ba dang / 'das pa dang ma 'ongs pa la sogs pa ni bshad zin to//'di'i sems brtan par 'gyur zhes bya ba ni rtogs pa ma thob cing tshe gzhan du brjes su zin kyang / theg pa chen po las sems ldog par mi 'gyur bas na brtan pa zhes bya ste/ rdo rje sems dpas yongs su gzung ba yin pa'i phyir ro/ /sdug bsngal thams cad ni gzhan gyis gnod pa byas pa dang /nad la sogs pa'o/ /'jigs pa thams cad dang bral zhes bya ba la/ 'jigs pa ni ngan 'gro dang dbul ba dang / 'khor gyi bag tsha ba'i 'jigs pa'o/ /gnod pa med pa ni 'tshe ba med pa'o/ /sngon ma byung pa'i zhes bya ba la sogs pa la/ gang rang dang 'tsham pa'i yul la yongs su longs spyod pa las byung ba ni sngon byung ba yin la/gang ting nge 'dzin gyi dbang gis bsam gyis mi khyab par byung ba de ni sngon ma byung ba zhes bya'o/ /kha cig gis ni ting nge 'dzin/ /zhes bya ba la sogs pa 'di skad ston te/ ci nas kyang tshogs yongs su rdzogs par 'gyur ba'i yon tan rnams 'thob par 'gyur ro zhes bya ba'i don to//de nas zhes bya ba ni babs pa'i rjes thogs la'o/ /bcom ldan 'das de de la babs shing snying la zhugs pa dang / de der brtan par bya ba'i phyir 'di skad ces gsungs so/ /phyag rgya de zhes bya ba ni sems dpa'i rdo rje ma'i phyag rgya'o//bcings zhes bya ba ni slob ma 'jug khar bcings pa las snying gar 'grol du gzhug pa ste/ ci nas kyang phreng ba ltung bar mi 'gyur ba de ltar sor mo dbye ba tsam du dgrol du gzhug go/ /ma hA ba la zhes bya ba ni lha la rje sar bod pa'o/ /'di ni phreng ba'i dbang bskur ba ste dang po'o//sems dpa' chen po des bdag gis byas par gyur pa ni/ byang chub kyi snying po la gnas kyi bar yongs su gzung bar 'gyur ro/ /babs bzhin du zhes bya ba ni babs pa dang ma bral ba bzhin du gdong g.yogs pa dgrol bar bya'o/ /rim bzhin du zhes bya ba ni rdo rje lcags kyu nas brtsams te/bcom ldan 'das rnam par snang mdzad la thug gi bar du bstan par bya'o/ /rdo rje sems dpa' yang 'di'i snying ga na gnas so zhes bya ba ni 'di skad ston te/ sngar ye shes dbab pa dang sems dpa' dbab pa'i dus su ni des gzugs kyi sku ma mthong ba yin la/da ni gzugs kyi sku mthong ste/ de bas na gzugs kyi sku de byin gyis brlab pa la sogs pa mdzad par 'gyur ro/ /de bzhin gshegs pa nyid du zhes bya ba la gang bsod nams dang ye shes kyi tshogs yongs su rdzogs par gyur pa de rnams ni de bzhin gshegs pa nyid du 'gyur la/gang der skal ba dang ldan pa de rnams ni dkyil 'khor du zhugs par gyur pas/ 'bras bu de lta bu'i rnam pa 'thob par 'gyur ro/ /rdo rjes byin gyis brlabs pa'i bum pa zhes bya ba ni rdo rje'i chu blangs la dkyil 'khor gyi sgo na 'dug bzhin pa nyid la mgor lag pa gnyis kyis dbang bskur bar bya ste/bum pa gdeg par ni mi bya'o/ /chu'i dbang bskur ba ste gnyis pa'o/ /gcig ces bya ba ni gang yang rung bas bya bar shes par bya ste/ rgyud thams cad la yang 'dis bsgre bar bya'o/ /de bzhin gshegs pa'i rigs la ni de bzhin gshegs pa'i phreng ba'o/ / rdo rje'i rigs la ni rdo rje'i phreng ba'o/ /rin po che'i rigs la ni rin po che'i phreng ba'o/ /pad+ma'i rigs la ni pad+ma'i phreng ba'o/ /de la sogs pa gang gi tshe slob ma de la dbang bskur ba de'i tshe/ de 'di dag ni sems tsam du zad do zhes rnam par bsams la/ der zla ba'i dkyil 'khor de bsam mo//de nas de bzhin gshegs pa'i rigs la de'i steng du ye shes kyi rdo rje bsam par bya'o/ /de nas der de bzhin gshegs pa rnams gzhug go/ /de nas rdo rje sems dpa'i skur bsam mo/ /de nas lung las ji skad bshad pa bzhin du dbang bskur ba sbyin par bya'o//de bzhin du rdo rje'i rigs la sogs pa la yang sems dpa' gang dang gang gi phyag rgya gang dang gang yin pa de dang de las bskyed de/ zla ba'i dkyil 'khor dang / de bzhin gshegs pa thams cad sems dpa' der yongs su gyur nas phreng bar gyur par bsams te/ de'i rjes la phyag rgya'i dbang bskur ba la sogs pa sbyin par bya'o/ /rang gi mtshan ma ni rang gi phyag rgya'o/ /phreng ba'i dbang bskur ba ni dang po ste/ rang gis yongs su gzung ba'i lhas phreng ba bcings pa'i phyir ro/ /de nas rdo rjes byin gyis brlabs pa'i bum pa las chu'i dbang bskur ba ni gnyis pa yin no//de nas sangs rgyas kyi dbu rgyan gyi dbang bskur ba ni gsum pa yin no/ /de nas phyag rgya'i dbang bskur ba ni bzhi pa yin no/ /de nas bdag po'i dbang bskur ba ni lnga pa yin no/ /de nas ming gi dbang bskur ba ni drug pa yin no/ /rdo rje sems dpa' 'ba' zhig gis bdag po'i dbang bskur bar rigs kyi gzhan dag gis ni ma yin no zhe na/de ni ma yin te/ thams cad kyang rang gi las la bdag por gyur pa ni 'gal ba med do/ /dkyil 'khor thams cad du 'jug pa'i cho ga rgyas pa zhes bya ba la/ de nas 'og nas bshad pa'i dkyil 'khor ji snyed pa de dag thams cad la yang go rims 'di nyid bzhin du shes par gyis shig ces bya ba'i don to//dang po 'jug pa nas tha ma dbang bskur ba'i bar ni slob ma yongs su sbyang ba byas pa yin no/ /'jug pa 'di'i 'bras bu ni rnam pa gnyis te mthong ba dang ma mthong ba'o/ /de la mthong ba ni don grub pa la sogs pa'o//ma mthong ba ni 'jig rten pha rol gyis te/ rim gyis bla na med pa yang dag par rdzogs pa'i byang chub thob par 'gyur ba'o/ /de la re zhig mthong ba ste/ don grub pa la sogs pa ni don gyi dngos grub ces bya ba la sogs pa gsungs te/ don ni gser la sogs pa'o//de grub pa ni 'thob pa'o/ /de nyid ni grub pa ste/ de'i phyag rgya'i ye shes te/ thabs gang zhig bsgoms pas don 'thob par 'gyur ba de ni thabs kyi ye shes te don gyi dngos grub 'grub pa'i phyag rgya'i ye shes so/ /de la re zhig 'og nas bshad pa'i tshul gyis bdag la byin gyis brlab pa la sogs pa byas la/de nas zla gcig gam zla ba bzhi'i bar du thun mtshams bzhir rnal 'byor 'di bsgom zhing / dri dang me tog dang bdug pa la sogs pa 'byor pa ci yod pa las mchod pa bya'o/ /rdo rje dbyibs ni gter gnas pa/ /zhes bya ba la sogs pa la/ zla ba'i dkyil 'khor gyi steng du gter gyi gnas bzhag la/de'i steng du rdo rje'i gzugs yongs su bsgom par bya'o/ /de nas zla ba gcig gam zla ba bzhi'i bar du ci nus par mchod pa byas nas mtshan thog thag bsgoms pa'i rjes la gnas gang na gter yod par re ba der song ste/ ci 'byor pas mchod pa byas la/gtor ma kha na ma tho ba med pa yang ci nus su byin nas der 'dug ste bsgom par bya'o/ /de nas sa'i phyogs gang na gter yod pa des mthong bar 'gyur ro/ /rdo rje'i dbyibs gcig bris nas kyang / /zhes bya ba la sogs pa'i sbyor ba la yang bshad ma thag pa'i tshul nyid de/ nam mkha' la bsgom pa 'ba' zhig gis khyad par du gyur pa yin par shes par bya'o//gang du zhes bya ba la sogs pa la rdo rje'i dbyibs bsgom pa na rnal 'byor gyi stobs sam/ lha'i stobs kyis nam mkha' las gang du babs par mthong ba de na gter yod par shes par bya'o/ /blo ldan mi yis zhes bya ba la sogs pa la 'dir yang rnal 'byor gyi mthu'am/lha'i mthu yis tshig tu smra bar 'gyur bar shes par bya'o/ /bden pa nyid du zhes bya ba 'dis ni chos nyid kyi mthu las kyang shes par bya'o/ /bdag gi lus ni thams cad la/ /zhes bya ba la sogs pa la/ las kyi rigs la bdag nyid las kyi rdo rje'i tshul du sngar bshad pa'i tshul nyid kyis sgoms shig ces bya ba'i don to//sgom pa pos snying po 'di dag ni bzla bar bya ba yin no/ /rdo rje'i rdzu 'phrul zhes bya ba la sogs pa la/ 'byor pas na rdzu 'phrul te sems kyi yang dag par 'byor pa'i dbang phyug go/ /de'i dngos grub ni grub pa'o//de'i phyag rgya ni bdag la byin gyis brlab pa la sogs pas gang byas pa'i phyag rgya chen po'o/ /de'i ye shes yin pas na rdzu 'phrul gyi dngos grub 'grub pa'i phyag rgya'i ye shes so/ /rdo rje dbab pa byas nas ni/ /zhes bya ba ni rdo rje phra mo bsgoms pas brtan par gyur pa la bya'o//de skyes pa dang chu la rdo rje'i dbyibs 'dra bar bsgoms la/ de nas chu'i steng du bcag par bya'o/ /'dir yang sngar ji skad bshad pa de bzhin du bya ba yin pas/ de ltar dbab pa bskyed par bya/ /zhes bya ste/ sngar bshad pa'i cho gas rdo rje phra mo bsgom pa brtan par byas la gdul ba'i dbang gis bdag nyid gzugs gang dang gang du ston par 'dod pa de dang der bdag gi gzugs bsam par bya'o//de nas bdag nyid kyis gzugs de lta bur rang nyid kyis kyang mthong zhing gzhan dag la yang ston par 'gyur te/ de lta bu'i ngo bo nyid du ji srid du bsgom pa de srid du de ltar snang gi phyin chad ni ma yin no//de ltar zhes bya ba ni rdo rje phra mo dbab pa ston pa'o/ /bdag gis bdag nyid nam mkhar ni/ /zhes bya ba la 'di ltar bsgom ste/ bdag gi lus ji srid cha shas su gyur pa de srid kyi bar du rnam par gzhig cing rdul phra rab las cha drug tu rnam par brtags pas bsgom mo//de nas bdag ni nam mkha'o zhes mi snang bar byas nas/ de ltar bdag nyid ji srid bsgoms pa de srid kyi bar du mi snang bar 'gyur ro/ /yang na lag pa g.yon pa'i mthil du phyag rgya bzhi pa'i dkyil 'khor bsams la/ de'i dbus su bdag nyid 'dug par bsam mo/ / de nas rdo rje khu tshur bcings la/ khu tshur de ji skad bshad pa'i tshul gyis nam mkha'o zhes bsgoms na/ ji srid khu tshur ma bshig pa de srid kyi bar du mi snang bar 'gyur ro/ /rdo rje dbab pa zhes bya ba ni snga ma bzhin te/ bdag la byin gyis brlab pa la sogs pa byas la/ zla ba gcig gam lo gcig gi bar du ji skad bshad pa'i tshul gyis bdag nyid yang ba nyid du lhag par mos par bya'o//rdo rje yin par bdag bsgom nas/ /zhes bya ba ni bdag ni rdo rje sems dpa'o zhes bya ba'i don to/ /de nas zla ba bzhi'am lo gcig gi mthar gnas de na 'dug bzhin du sgrub pa'i dus su khri'am gtsug lag khang gi steng ngam/ri la sogs pa'i steng du 'dug la mtshan thog thag tu snying po zlos shing bsgoms na 'grub par 'gyur te/ ji srid 'dod pa de srid kyi bar du nam mkha' la 'gro bar 'gyur ro/ /rdo rje rig 'dzin zhes bya ba la sogs pa la rdo rjes nye bar mtshon pa'i rig 'dzin ni rdo rje rig 'dzin no//yang na rdo rje'i phyag rgya grub pa'i rig 'dzin yin pas na rdo rje rig 'dzin no/ /de'i dngos grub nyid ni grub pa'o/ /de'i phyag rgya ni rnam pa bzhi ste/ phyag rgya chen po dang / dam tshig gi phyag rgya dang / chos kyi phyag rgya dang / las kyi phyag rgya rnams so/ /gang gis dngos grub phyin ci ma log par 'grub par gyur pa de'i ye shes ni rdo rje rig 'dzin gyi dngos grub grub pa'i phyag rgya'i ye shes so//zla ba'i dbyibs gcig bris nas ni/ /zhes bya ba la sogs pa la gang su yang rung ba tshul 'di lta bus rdo rje rig pa 'dzin pa nyid 'dod na/ des tshes bco lnga'i zla ba'i mdun du snod chus bkang ba bzhag la/zla ba'i gzugs kyi gzugs brnyan la shin tu brtag par bya'o/ /de'i mtshan ma yang legs par yid la bya'o/ /de nas bya ba thams cad spangs te/ sa phyogs dben par skyil mo krung bcas te/ lus drang por bsrangs nas lce rkan la bcar te/dbang po bsdams shing blo bde bas snang ba'i phyogs su ji ltar mthong ba'i zla ba'i dkyil 'khor khru bzhi pa tsam du gzugs de bzhag la bsgom par bya'o/ /nyin re zhing yang ji srid zla ba ma zad pa de srid sngar bshad pa'i snod kyi mtshan ma yid la bzung nas bsgom par bya'o/ / yang tshes bco lnga'i mtshan ma yid la bzung la/ de ltar ji srid g.yo ba'am snang ba'am/ 'od zer gyi mtshan ma byung ba de srid kyi bar du bsgom par bya'o/ /de nas sems brtan par gyur pa dang mdun du bris pa'i zla ba'i dkyil 'khor lta bu de med par byas la/ mdun du zla ba'i dkyil 'khor khru gang tsam pa bsams la/ji srid du reg pa'i mtshan ma byung gi bar du bsgom par bya'o/ /de nas spro bar byas te/ nas tsam dang / nas gnyis tsam dang / sor gcig tsam dang / sor gnyis tsam dang / sor bzhi tsam dang / sor brgyad tsam dang / de nas khru gang tsam gyi bar du spros la/ji ltar spros pa de bzhin du bsdu bar bya'o/ /de nas yang zla ba'i dkyil 'khor de nyid sor gcig tsam gyi tshad dus bzhi nas 'phags pa bsgom par bya'o/ /de nas sor gnyis dang sor gsum dang sor bzhi dang sor bzhi dang sor brgyad dang / de nas khru gang tsam du rim gyis bsgom zhing /de'i 'og tu sgrub pa la 'jug par bya ste/zla ba'i dkyil 'khor gyi steng du bdag nyid gnas par bsgoms la/ lag na rdo rje la sogs pa phyag rgya yod par rab tu bsgom zhing / zla ba'i dkyil 'khor gyi 'og nas rlung gis bteg cing gang du 'dod pa der khyer bar bsams na/de lta bus ni rdo rje rig 'dzin la sogs pa 'grub par 'gyur ro/ /bdag nyid dag pa zhes bya ba ni bsgom pa dag pa la bdag nyid dag par shes par bya'o/ /rig 'dzin go 'phang zhes bya ba ni rig 'dzin nyid de/ rdo rje spyan zhes bya ba bcom ldan 'das 'jig rten dbang phyug sbyin par byed ces bya ba'i don to//rdo rje thams cad pa'i ting nge 'dzin gyis zla ba'i dkyil 'khor gyi dbus su 'dug la las kyi rdo rje lag na gnas par bsgom mo/ /de yang rdo rje yang yin la thams cad kyang yin pas rdo rje thams cad do/ /de 'dzin par byed pas na rdo rje thams cad 'dzin pa ste/bcom ldan 'das rdo rje las so/ /rtse mo thams cad pa'i rdo rjes nye par mtshon pa'i rig pa 'dzin pa'i rig 'dzin kun no/ /de bzhin gshegs pa thams cad ni sangs rgyas dang byang chub sems dpa' rnams gzung ngo / /de rnams dang 'brel pa'i dngos grub dam pa gang yin pa de grub pa ni thob pa'o//de'i phyag rgya ni bzhi ste de'i ye shes so/ /de lta bu'i phyag rgya gang yin pa bsgoms pas 'dod pa bzhin du 'grub par 'gyur ro/ /dngos grub de dag ni go bzlog pa'i tshul gyis gnas te/ dang po ni las kyi rigs su gtogs pa yin pas de'i phyir/rdo rje kun gyi ting nge 'dzin/ /zhes bya ba la sogs pa gsungs te/ rdo rje kun ni rtse gsum pa kha bzhi pa ste/ de gcig dang gnyis dang gsum dang bzhi dang lnga'i rim gyis rgya cher yang dag par bsam mo/ /nam mkha'i khams su zhes bya ba 'dis ni spro ba ston to/ / yang dag par bsam pas na bsam pa ste/ rang gi ngo bo nyid kyang bsams la/ las kyi rdo rje'i 'od zer rnams las de bzhin gshegs pa'i sku byung ste/ rdzogs par byas par bsams la sna tshogs pa'i gzugs dang / yang ba nyid du bsams te 'og nas 'dod bzhin du rgyu ba'i rlung gis bteg par bsams na/ji srid 'dod pa de srid kyi bar du lding bar 'gyur ro zhes bya ba'i don to/ /kun las dag ces bya ba 'di ni chos kyi rigs dang 'brel pa'i dngos grub ston te/ kun las dag pa ni bcom ldan 'das kyi don dam pa'i chos yin la/ yul de la dmigs pa'i sems ni bsgom pa'i sems te/kun las dag pa'i ting nge 'dzin zhes bshad do/ /bsgom pa ni goms par byed pa'o/ /bla med ces bya ba ni 'jig rten dbang phyug la sogs pa dang 'brel pa'i mngon par shes pa lnga'o/ /de yang lha'i mig dang / lha'i rna ba dang / pha rol gyi sems shes pa dang / sngon gyi gnas rjes su dran pa dang / rdzu 'phrul gyi bya ba shes pa rnams te/ mngon par shes pa lnga po 'di dag gang ye shes bsgrub par 'dod pas myur ba nyid du thob par 'gyur ro/ /rdo rje sems dpa' 'dra bar ni/ /zhes bya ba la sogs pa ni rin po che'i rigs kyi sgo nas te/bcom ldan 'das rdo rje sems dpa' rin po che'i rigs la dngos su ma smos mod kyi/ 'on kyang 'di dag thams cad ni de yongs su gyur pa yin pas na 'dir rdo rje sems dpa'i ting nge 'dzin bstan pa yin no/ /de yang rgyu ba dang mi rgyu ba'i dngos po thams cad kyi rang bzhin ni rdo rje sems dpa'i ngo bo nyid yin la/dngos po 'ba' zhig tu ma zad kyi/ rdo rje sems dpa'i ting nge 'dzin gyis nam mkha' yang cung zad ma khyab pa med pa nyid yin no/ /de ltar bsgom pa ni dran pa brtan ldan zhes bya ste/ bsgom pa brtan pa'i 'dus byas pa dang ldan pa'o//de ltar spro ba dang sdud par byed pa dang ldan pa'i rnal 'byor pas ni rdo rje 'dzin pa nyid myur bar thob par 'gyur ro zhes bya ba'i don to/ /da ni de bzhin gshegs pa'i rigs kyi sgo nas dngos grub kyi mchog gi lung dpog pa ston te/ sems so sor rtog pa la sogs pa'i rim gyis bdag nyid sangs rgyas kyi gzugs su bskyed la/gzugs de yang ji srid brtan par gyur pa de srid kyi bar du bsgom par bya'o/ /de nas gnyis pa mdun dang g.yas dang g.yon dang / rgyab dang / de nas rim gyis nam mkha'i dbyings thams cad du sangs rgyas kyi gzugs kyi ngo bo nyid kyis gang bar bsam par bya'o//de ltar na sangs rgyas kyi ting nge 'dzin gyis thams cad du khyab pas sangs rgyas nyid du yang 'grub par 'gyur ro zhes gsungs pa yin no/ /ji skad bshad pa'i ting nge 'dzin rnams la sngon du bsnyen pa dang sgrub pa'i tshe na rang rang gi snying po 'di rnams yin no//thams cad kyi dngos grub ces bya ba la sogs pas ni ji skad du bshad pa'i dngos grub kyi rab tu byed pa'i mjug sdud pa yin no/ /de ltar phyis bsgrub par bya ba'i 'bras bu ni sngar bsnyen pa dang sgrub pa la rag las par bstan nas/ de ni bsgom pa tsam la rag las pa'i nye ba'i 'bras bu gsang zhing sba ba'i ngo bo nyid ston par bzhed pas/de nas zhes bya ba la sogs pa gsungs te/ gsang thub pa yin pas zhes bya ba ni gang gsang bar bya ba'i don srog gi phyir yang su la yang mi smra ste/ de lta bu'i brtan pa dang ldan pa'i sems can ni gsang thub pa zhes bya'o//de la dang por mna'i snying po brjod par bya ste zhes bya ba ni 'di skad ston te/ de lta bu'i sems can la yang gya tshom du bstan par mi bya ste/ mna' yang bsgags te bstan par bya'o/ /mna'i snying po byin nas kyang slar yang 'da' bar mi bya ba'i dam bsgo'o//'da' ba ni nyes pa ste gsang ba'i don smras par gyur na'o/ /gnod pa ma spangs pas zhes bya ba ni gang zhig smras pas 'chi ba'i rgyur gyur pa 'di lta ste/ mer 'jug pa dang / g.yang du lhung ba dang / dug za ba dang / mtshon gyis 'debs pa ste/ de lta bu la sogs pa gnod pa de rnams ma spangs pas/ci nas kyang sdug bsngal dang phrad pa'i rgyur gdon mi za bar 'gyur ro/ /de bzhin du 'dir yang mna' las 'das na nges par sdug bsngal dang phrad par 'gyur pa'o/ /rdo rje zhes bya ba ni bcom ldan 'das rdo rje sems dpa'o/ /de 'bebs pas na rdo rje dbab pa'o//de bskyed pa ni rdo rje sems dpa'i rnal 'byor byas te/ bsgrub par bya ba la zhugs nas/ zhugs pa'i rjes thogs la rdo rje thal mo bcings nas lus la bar mtshams med par khyab par byas te/ rdo rje thal mo brdab par bya'o/ /mnyam par gzhag pa zhes bya ba 'dis ni rdo rje sems dpa'i gzugs su bsgom mo zhes bya ba'i don to//thal mo zhes bya ba ni sor mo mi dbye bar bya ba'i don to/ /thal mo ji ltar brdab par bya zhe na/ de'i phyir dkyil 'khor zhes bya ba gsungs te/ bags kyis zhes bya ba'i don to/ /ri bo yang ni dbang du 'gyur//zhes bya ba ni sbyor ba'i mthu ston pa yin te/ sbyor ba 'dis ni sems med pa'i rdo'i phung po yang dbang du 'gyur na/ sems dang ldan pa rnams lta smos kyang ci dgos zhes bya ba'i don to/ /ji skad bshad pa'i rdo rje dbab pa ni sbyor ba bzhi char la yang sbyar bar blta bar bya'o//rdo rje bsdams pa'i ngos zhes bya ba ni rdo rje bsdams pa gong ma nyid de bzhin du ma bshig par lag pa gnyis kyi mthil gyis snying gar brdab par bya'o zhes bya ba'i don to/ /lhag ma rnams ni 'dra'o/ /rdo rje dbab pa zhes bya ba ni snga ma bzhin te/ rdo rje bsdams pa snying gar brkyang la/sor mo thams cad brdab par bya'o/ /rtse mo zhes bya ba ni mtshon pa tsam du zad de/ sor mo thams cad kyang 'dir brdab par bya'o/ /mnyam par brdabs nas zhes bya ba ni cig car du brdab pa ste/ bud med la sor mo brdebs pa'i tshul du bya'o/ /phra mo dbab pa'i cho ga bya//zhes bya ba ni rdo rje phra mo'i rnal 'byor bsgom pa la goms par byas pa'o/ /'dir ni rdo rje phra mo'i rnal 'byor bstan gyi lha dbab pa ni ma bstan la/ de bzhin du gong du lha dbab pa ni bstan la/ rdo rje phra mo bsgom pa ni ma bstan mod kyi/ 'dir rdo rje phra mo bsdom pa ji lta ba de bzhin du snga ma rnams la yang shes par bya la/ji ltar der lha dbab pa de bzhin du 'dir yang lha dbab pa blta bar bya ste/ de bzhin du zhugs nas lus thams cad bkang la/ gang sdug bsngal gang gis gzir ba de'i sdug bsngal de badzra ha ra zhes bya ba'i snying po brjod nas/ sor mo thams cad mnyam gzhag cing / /zhes bya ba sor mo thams cad shin tu bsdams la rdo rje bsdams pa snying ga'i gnas su dgrol bar bya'o/ /zhugs nas dgos pa 'di dag bya'o zhes ni gsungs na/ de la bu ga mang du yod pas/ gang na zhugs pa mi shes pas de'i phyir bu ga'i nang du zhes bya ba gsungs te/skyes pa dang bud med kyi b+ha ga la bu ga zhes bya'o/ /ji skad du spyir smos mod kyi/ 'on kyang bud med dang / skyes pa'i dbang po yin par gzung bar bya'o/ /de yang bu ga shin tu chung bas lus chud pa mi srid do zhe na/ de'i phyir yid kyis zhes bya ba gsungs te/ rdo rje dbab pa bskyed par bya'o zhes gsungs pas/ de'i phyir rdo rje 'bebs pa'i yid rang gi lha'i phyag rgya chen por snang bas so/ /ci zhugs nas phyogs gcig tu gnas par bya ba'am zhe na/ ma yin te/ 'o na ji lta bu zhe na/ de'i lus kun khyab par bsams//zhes bya ba gsungs te dbang po thams cad khyab par bya'o zhes bya ba'i don to/ /gang zhig ji skad du bshad pa'i las 'di rnams byed par 'dod na/ des dkyil 'khor du zhugs la/ slob dpon las sbyor ba 'di rnams dkyil 'khor du mnod par bya zhing snying po yang gzung bar bya'o//de nas zla ba bzhi'i bar du 'jug pa dang spro ba bsgom mo/ /de nas mtshan thog thag snying po brjod cing bsgoms te/ bsgrubs la phyis las bya'o/ /las byed pa'i tshe na yang thog ma nyid du rang gi lha'i rnal 'byor byas la/ snying po stong rtsa brgyad bzlas brjod bya'o//de nas sangs rgyas kyi bden pa dang / chos kyi bden pa dang / dge 'dun gyi bden pa dang / bden par smra ba rnams kyi bden pas bdag gi las 'di 'grub par gyur cig ces bden pa'i byin gyi rlabs pa skul la/ de nas las rnams brtsam par bya'o//rnam pa thams cad du dam tshig bsrung ba la 'bad par bya ste/ des na nges par sgrib pa med par 'grub par 'gyur ro/ /dkyil 'khor gyi las gang bstan pa de rnams ni phyag rgya bzhi'i sbyor bas bya'o zhes ni gsungs na/ phyag rgya de rnams ma gsungs te/ de bas na de bstan par bya ba'i phyir/de nas zhes bya ba la sogs pa'i gzhung gsungs so/ /snying po byin la rang gi rigs kyi lha'i phyag rgya bzhi'i ye shes bslab par bya'o zhes bya ba la sogs pa la/ de la dang po kho nar rang gi rigs ni de bzhin gshegs pa'i rigs la sogs pa'o/ / der lha ni de bzhin gshegs pa la sogs pa'o/ /de rnams kyi phyag rgya bzhi ni phyag rgya chen po dang / dam tshig gi phyag rgya dang / chos kyi phyag rgya dang / las kyi phyag rgya rnams so/ /de'i ye shes yin pas na rang gi rigs kyi lha'i phyag rgya bzhi'i ye shes so/ /bslab pa ni man ngag bstan par bya'o//ji ltar dpog pa de bstan par bya ba'i phyir/ cho ga 'di skad du zhes bya ba gsungs so/ /cho ga de gang yin zhe na/ de'i phyir khyod kyis bstan par ma byed cig ces pa'o/ /ci thams cad la bsnyad par mi bya'am zhe na/ smras pa ma yin te/ gzhan su yang rung ba la ma smra shig pa'o//su zhig ce na gzhan pa ni mu stegs pa rnams so/ /ci bstan pa 'di la zhugs pa la yang mi smra'am zhe na/ de yang phyag rgya la mi mkhas pa la mi bstan pa ste/ phyag rgya 'di rnams la mkhas na zhes bya ba'i don to/ /la la ni phyag rgya la mi mkhas pa ni mngon par mi shes pa'o zhes zer te/gal te phyag rgya mi shes pa la mi bstan na de lta na ni su la yang bstan par mi bya bar 'gyur te/ dang po ni thams cad kyang phyag rgya mi shes pa yin no/ /de bas na phyag rgya la mi mkhas pa zhes bya ba ni dam tshig mi shes pa zhes bya ba'i don to//'di skad ston te/ dkyil 'khor du 'jug pa'i tshe sems dpa' rdo rje ma'i phyag rgya bcings pas na/ dam tshig thob par gyur pa yin te/ zhugs nas sbyang ba byas pa de'i tshe rdo rje slob dpon gyis rdo rje slob ma la phyag rgya ston pa yin no/ /de bas na dam tshig thob par ma gyur pa de ni phyag rgya rnams la mi mkhas pa yin te/de la bstan par mi bya'o/ /phyag rgya thams cad bstan par mi bya ba 'ba' zhig tu ma zad kyi phyag rgya gcig tsam yang bstan par mi bya'o/ /ma bstan cig ces ni gsungs na/ bstan na nyes pa ci zhig yod ces 'dri na/ de ci'i phyir zhe na zhes bya ba la sogs pa ste/de ni 'di ltar zhes bya ba la sogs pas nyes pa gang yin pa de rgyas par ston to/ /dkyil 'khor chen po ma mthong ba zhes bya ba 'dis ni dam tshig mi shes pa nyid du ston te/ phyag rgya bcing ba byas na zhes bya ba ni phyag rgya 'ching bar byed na zhes bya ba'o//de nas de dag dam tshig ma thob pa dang / rdo rje phra mo ma bsgoms pas de ltar 'grub par mi 'gyur te/ de rnams gsang sngags spyod pa'i tshul la the tshom skye bar 'gyur gyi/ bdag cag ni rnal 'byor 'di'i cho ga dang mi ldan pa yin no zhes rang gi nyes pa mthong bar mi 'gyur ro//de lta bas na de rnams gnod pa ma spangs pas zhes bya ba ste/ gnod pa ni bcom ldan 'das phyag na rdo rje'i bka' las 'das pa'o/ /de ma spangs pas na tshe 'dir myur ba nyid du 'chi bar 'gyur te/ tshe zad ces bya ba'i don to/ /gzhan du na ngan 'gror ltung bar 'gyur ro zhes pa'o//khyod nyid ces bya ba ni dam tshig mi shes pa la phyag rgya ston par byed pa khyod do/ /cho ga 'di skad ces bya bas phyag rgya bstan par bya'o zhes ji skad gsungs pa bshad zin nas/ da ni phyag rgya bstan par bya'o/ /de la re zhig dang po nyid du phyag rgya thams cad kyi gzhir gyur pa yin pas na phyag rgya chen po bshad par bya ste/de bas na de ni de bzhin gshegs pa thams cad ces bya ba la sogs pas ston te/ de bzhin gshegs pa thams cad ni sangs rgyas dang byang chub sems dpa' rnams gzung ngo / /de bzhin gshegs pa thams cad kyang yin la sems dpa' yang yin pas na de bzhin gshegs pa thams cad kyi sems dpa'o//de rnams kyi bsgrub pa ni mngon par 'dod pa'i don stsol bar mdzad pa'o/ /de yang phyag rgya rnams med na mi 'byung la/ phyag rgya de rnams kyang rnam pa mang bas de las khyad par du bya ba'i phyir phyag rgya chen po zhes gsungs pa yin te/de'i ye shes so/ /de la dang por kho nar de bzhin gshegs pa'i phyag rgya chen po bsgrub par bshad de/ sngar bshad pa'i cho gas gnas ji lta ba bzhin du 'dug la/ 'di dag thams cad ni sems tsam mo zhes shes pa ni sems rtogs pa ste/'dis ni sems so sor rtog pa'i mtshan nyid mngon par byang chub pa'i sngags dang po ston pa yin no/ /de nas brtsams te sngags lnga pa'i bar gyis de bzhin gshegs pa thams cad du bdag nyid mngon par rdzogs par sangs rgyas par byas la/ de nas rdo rje nyi ma'i las kyi phyag rgya bcings te/ltag pa'i thad kar 'od kyi dkyil 'khor bsam mo/ /de yang mun pa thams cad zhi bar byed pa'i mtshan nyid nyi ma'i dkyil 'khor du bsgom ste/ mtshan mo yang nyin mo ji lta ba bzhin/ mun pa la yang nyi ma'i dkyil 'khor bzhin du snang bar gyur par bsam par bya'o/ / nyi ma'i 'od zer gyi snang ba de yang ji srid nam mkha'i khams kyi bar du spro bar bya zhing / bdag nyid sangs rgyas kyi gzugs su yang bsgom zhing / rdo rje dbyings kyi sngags kyang brjod par bya ste/ 'di ni sangs rgyas kyi phyag rgya chen po'i ye shes so/ /grub ma thag tu zhes bya ba ni phyag rgya la dbang thob ma thag tu zhes bya ba'i don to//'di yis ni zhes bya ba ni bshad ma thag pa'i phyag rgyas so/ /ye shes ni dus gsum la thogs pa med cing sgrib pa med pa'o/ /tshe ni ring bar 'gyur ba'o/ /stobs ni lus kyi ste/ gang gis sems can thams cad kyis mi thub par 'gyur ba'o//na tshod ni lo brgya pa yang lo bcu drug pa lta bur 'gyur ba'o/ /gzhan yang / kun du 'grub pa nyid rnams 'thob/ /ces bya ba dang / sangs rgyas kyi phyag rgya grub pas 'tshang rgya ba nyid kyang 'thob pa'o/ /'di ni bsod nams dang ye shes kyi tshogs ma rdzogs pa nyid kyi tshe na yang rnal 'byor la goms pa'i stobs kyis/sangs rgyas kyi sku'i phyag rgya'i gzugs bsgrubs pa tsam gyis 'bras bu bshad pa yin te/ gang yang shin tu rnyed par dka' ba'i gtso bor gyur pa'i sangs rgyas nyid du gyur pa de yang rnyed par 'gyur ro zhes bya ba'i don to//sangs rgyas kyi phyag rgya chen po bshad zin nas/ da ni 'khor los sgyur ba'i phyag rgya chen po bstan par bya ba'i phyir de nas zhes bya ba la sogs pa gsungs so/ /rdo rje bsgyings par sems bskyed de/ /zhes pa la/ rdo rje bsgyings pa ni rdo rje sems dpa'i phyag rgya chen po ste/der sngags pa'i lus bskyed par bya'o zhes bya ba'i don to/ /de yang bsgyur ba tsam 'ba' zhig tu ma zad pa ma yin gyi/ gzhan yang / sku gsung thugs kyi rdo rje yis/ /zhes bya ba ste/ rdo rje sems dpa' ni bdag yin par sku gsung thugs kyi rdo rje bsgom pa'o//bsgyings bcas rdo rje gsor byed na/ /zhes bya ba la rdo rje bsgyings pa ni g.yon pa'i rdo rje khu tshur sta zur du 'jog pa'o zhes bshad pa ste/ bsnyems pa dang bcas pas na bsgyings bcas so/ /de gang yin zhe na/ rdo rje zhes bya ba ste/ lag pa g.yas pa na gnas pa'i rtse lnga pa la ni bsgyings bcas rdo rje zhes bya'o/ /de gsor ba ni rnam pa gnyis te/ sa yongs su gzung ba la sogs pa'i dus su dbus nas bzung nas yang nas yang du 'phen cing 'dzin par byed pa'i gsor ba dang / mnyam par gnas pas 'dug ba'i dus su rang gi snying gar bstod pa'i tshul gyis 'jog pa'i gsor ba'o//de ltar bsgyings pa dang bcas pa'i rdo rje gsor ba de yang dang por byin gyis brlabs pa la sogs pa byas nas so/ /rdo rje sems dpa'i phyag rgya chen po bsgrubs nas/ da ni dngos grub de'i 'bras bu ston te/ kun du 'gro ba ni 'jig rten gyi khams gzhan du 'gro ba'i phyir ro/ /de bzhin du 'dod pa kun bdag ces bya ba ste/ 'dod pa'i khams thams cad kyi bdag po ni 'dod pa kun bdag ste bdag por gyur pa'o/ /'di la bde ba yod pas na bde ba can te/ 'dis ni nad med pa nyid ston to/ / rdzu 'phrul ni 'byor pa'o/ /tshe ni ring du 'tsho ba'o/ /stobs ni lus kyi ste ri 'phen pa la sogs pa'o/ /gzugs ni mtshan la sogs pas brgyan pa'o/ /mchog ni 'di rnams kyis mchog tu gyur pa ste/ rdzu 'phrul tshe stobs gzugs mchog rnams kyis te/ de lta bas na rdo rje sems dpa'i phyag rgya chen po bsgoms pas sngags pa rdo rje sems dpa' dang 'dra bar 'gyur ro zhes bya ba'i don to//sangs rgyas [(]gyi [,]kyi [)]phyag rgya chen po dang rdo rje sems dpa'i phyag rgya chen po bshad zin nas/ sems dpa' lhag ma rnams kyi phyag rgya chen po gang yin pa de sku gsung thugs kyi rdo rje'i zhes bya ba la sogs pas 'dres gcig tu bsgres pa yin no//'di skad ston to/ /byin gyis brlab pa la sogs pa byas nas/ sems dpa' gang dang gang gis phyag rgya gang dang gang yin pa de dang de gzung ba'am/ lag par bsgoms te gang dang gang gis las kyi phyag rgya gang dang gang yin pa de dang de'i tshul du bsgyur te/gnas la de dang de'i gzugs su bdag nyid bsam zhing / gos dang rgyan dang bcas pa'i dkyil 'khor du ji ltar mthong ba de dang de bzhin du bdag bsams la/ sems dpa'i de dang de lta bu'i sku gsung thugs rdo rje dang bdag tha mi dad par bsgom mo//mtshan ma ni gos dang rgyan la sogs pa'o/ /phyag rgya ni rnam pa bzhi'o/ /de rnams dang ldan pa ni de dang bcas pa'o/ /sems dpa' chen po ni rdo rje rgyal po la sogs pa'o/ /bsgrub par bya zhes bya ba ni phyag rgya chen po'i gzugs su bsgrub par bya'o zhes bya ba'i don to//bshad ma thag pa'i gzhung gis phyag rgya bsgrub pa cung zhig ni bshad la/ cung zhig ni ma bshad de/ ci zhig bshad ce na/ phyag rgya chen po bsgrub pa ni bshad la/ byin gyis brlabs pa la sogs pa dang / rang gi lha gzhug pa ni ma bshad do/ /de bas na ma bshad par bstan par bya ba'i phyir de nas zhes bya ba la sogs pa'i gzhung gsungs pa yin te/de nas zhes bya ba ni 'das ma thag pa'o/ /rtog pa kun gyi zhes bya ba ni theg pa chen po mngon par rtogs pa dang / 'jig rten gsum las rnam par rgyal ba la sogs pa'o/ /bsgrub pa zhes bya ba ni phyag rgya yongs su rdzogs par bsgrub pa ste/bya ba'i tshogs ji snyed kyis phyag rgya chen po'i las mthar phyin par nus pa 'di ni bsgrub pa zhes bya'o/ /dngos grub ni phyag rgya chen po rdzogs pa'o/ /grub cing rdzogs pa rnams kyis las chen po rnams ni phyag rgya gang dang gang gi las gang dang gang yin pa dkyil 'khor du gsungs pa de ni las chen po zhes bshad de/de bshad par bya zhes bya ba ni rab tu rnam par phye ste bstan par bya'o zhes bya'o/ /cig car du'am zhe na ma yin no/ /'o na ji ltar zhe na go rims bzhin du bab ste/ rim gyis zhes bya ba'i don to/ /sgrub pa dang ni dngos grub dang //grub pa rnams kyi las chen rnams/ /go rims bzhin du bshad par bya/ /zhes gsungs pas na/ ji ltar bstan par mdzad pa de bzhin du bshad par mdzad par rigs te/ de'i phyir dang por re zhig sgrub pa bshad par bya ba'i phyir dang por nyin re zhes bya ba la sogs pa gsungs te/dang por zhes bya ba ni thog mar ro/ /nyin re zhes bya ba ni nyi ma re re zhing ngo / /gang las she na/ las kyi mtha' las te/ dus bzhin du zhes bya ba ni rgyud phyi ma las dus bzhir bya ba'i dus nges pa 'og nas gsungs te 'di ni dus nges pa yin no//dus ma nges pa yang yod de/ las phran tshegs la sogs pa cung zad byed par 'dod pa 'di yang dus yin no/ /rang la byin gyis brlab la sogs/ /zhes bya ba ni bdag la byin gyis brlab pa la sogs pa ste/ byin gyis brlab pa la sogs pa ni rgyud phyi ma las phyis 'chad la cung zad ni 'di nyid nas kyang ston to//sogs pa zhes bya ba'i sgras ni dbang bskur ba la sogs pa bsdu'o/ /byas nas zhes bya ba ni byin gyis brlab pa la sogs pa 'og nas ji skad bshad pa'i cho ga des byas pa'o/ /nas zhes bya ba'i sgra ni nges par bzung ba ste/ byin gyis brlab pa la sogs pa byas nas bya ba nyid yin gyi/ma byas pa nyid du ma yin no zhes bya ba'i don to/ /thams cad ces bya ba ni yongs su rdzogs pa'o/ /bsgrub bya ste zhes bya ba ni rdzogs par bya ba'o/ /de yi 'og tu ci dgar bya/ /zhes bya ba ni 'di skad ston te/ phyag rgya bsgrub ste rdzogs nas dkyil 'khor gyi las sam/rjes su dran pa'am bsgrub pa'am/ las phran tshegs dang / de dag las gang 'dod pa de bya'o zhes bya ba'i don to/ /byin gyis brlab pa la sogs pa byas nas bsgrub par bya'o zhes ni gsungs na de ji ltar bsgrub par bya ba ma gsungs pas de la zhes bya ba la sogs pas de ston pa yin to//rdo rje dbab pa byas nas ni/ /zhes bya ba ni rdo rje dbab pa'i phyag rgya bcings la rdo rje dbab pa'i snying po brjod par bya ba dang phyag rgya chen po bcing bar bya'o/ /ji ltar bcing bar bya zhe na/ byin gyis brlab pa la sogs pa'i rim gyis so//gang gi tshe bcing zhe na/ bshad ma thag pa'i rdo rje dbab pa'i snga rol du phyag rgya'i lha de yongs su gzung bar bya ste/ de bas na de'i mdun phyogs su sems dpa' chen po de bsgom mo zhes bya ba gsungs te/ mdun phyogs su zhes bya ba ni mdun gyi drang thad du'o/ /sems dpa' chen po de zhes bya ba ni gang gi lha gang yin pa de mdun du bsgom zhing ye shes kyis gzhag go zhes bya ba'i don to//ye shes sems dpa' zhes bya ba ni ye shes kyis gzhag pa'i sems dpa' ni ye shes sems dpa'o/ /de mthong nas zhes bya ba la de zhes bya ba ni gang gzhag pa'o/ / mthong nas zhes bya ba ni mig gis mthong ba bzhin du yid kyis gsal bar byas pa ste/ de rang gi lus su bsgom par bya zhes bya ba bcug nas rab tu bsgom pa ni bsgom par bya zhes bya ba'o/ /ji ltar bcug nas bsgom zhe na/ bkug cing bcug la bcing ba dang / dbang du bya ste zhes bya ba gsungs te/phyag rgya bzhi dang sngags kyi tshig bzhis bya'o/ /dbang du byas te zhes bya ba mnyes par bya'o/ /sgrub pa ni rang gi lha'i rnal 'byor rdzogs par byas pa'o/ /de la zhes bya ba ni gnas skabs so/ /de lta bu 'dir rdo rje dbab par bya'o zhes gsungs pa de la rdo rje dbab pa'i snying po ni rgyud las ji skad gsungs pa'o//de'i 'og ma ni rjes su dran pa'i snying po'o/ /de'i 'og tu dgug pa dang gzhug pa dang / bcing ba dang dbang du bya ba'i snying po rnams ni rgyud las ji skad gsungs pa rnams so/ /phyag rgya bzhi po cho ga bzhin/ bcings nas zhes gsungs pa'i phyag rgya chen po de yang byin gyis brlab pa la sogs pas rang gi lus la bsgrubs la/de nas de dbab pa la sogs pas rang gi lha gzhug pa'i mtshan nyid du yongs su gzung ba yang gsungs na/ de'i 'od kyi dkyil 'khor bsgrub pa ma gsungs shing / de yang dus gang gi tshe zhes bya ba mi shes te/de bas na de'i dus bstan par bya ba'i phyir sa ma ya s+t+waM zhes brjod pas zhes bya ba la sogs pa gsungs so/ /'di skad ston te/ dus gang gi tshe dam tshig gi phyag rgya 'ching ba'i dus de nyid kyi tshe 'od kyi dkyil 'khor bsam par bya'o/ /de ji ltar bsam par bya zhe na/de'i phyir dam tshig gi phyag rgya bcings la sngags brjod pa de nyid kyi tshe rgyab tu zla ba'i dkyil 'khor bsgom par bya'o/ /de nas ci zhig bya zhes yid gnyis su gyur na/ de'i phyir der bdag sems dpa'i lus su bsgom zhes bya ba gsungs te/der zhes bya ba ni zla ba'i dkyil 'khor ro/ /bdag ces bya ba 'dis ni rnam par smin pa las byung ba'i lus dang sbyar ro/ /sems dpa'i lus su bsgom zhes bya ba ni ye shes dbab pa'i tshe/ ye shes kyi sems dpa'i gzugs su bsam pa gang yin pa de la sems dpa' zhes bya'o//'di skad ston te/ ye shes dbab pa'i tshe nyid na bdag tu bsgom zhing ye shes sems dpa'i gzugs kyang der lhag par mos pas gzhag pa'i sems dpa'i gzugs kyi bdag ste/ zla ba'i dkyil 'khor de la rgyab brten par bsgom par bya'o zhes bya ba'i don to/ /de dang tha mi dad pa 'ba' zhig tu ma zad kyi/phyag rgya dang yang tha mi dad par ston to/ /ji ltar phyag rgya dang tha mi dad pa yin zhe na/ gang gi phyir rang gi ngo bo nyid rnam par bsgoms te/ sems tsam du bzhag la sems tsam de yang zla ba'i dkyil 'khor lta bur bshad de/ de brtan par bya ba'i phyir yang de ye shes kyi rdo rje rtse lnga pa gzhag pa 'di ni dam tshig yin te/theg pa chen po thams cad du sangs rgyas dang byang chub sems dpa' rnams kyi ye shes kyi skur bsgrubs pa yin no/ /gang gi phyir rdo rje bsdams pas ni zla ba'i dkyil 'khor ston pa yin la/ sor mo gnyis bsgreng bas ni rdo rjer bstan te/ye shes kyi rdo rje yang rdo rje sems dpar lhag par mos par byas pa yin no/ /de bas na sems dpa' rdo rje ma'i phyag rgya dang / ye shes sems dpa' ni khyad par med do/ /de'i phyir dam tshig gi phyag rgya 'ching ba'i tshe nyid na dam tshig gi sngags brjod la/ sa ma ya s+t+waM a haM zhes bya ba khyod ni bdag po zhes pa 'di bstan pa yin no/ /'di skad zer te/ khyod gang yin pa de ni bdag yin la/ bdag gang yin pa de ni khyod yin no/ /de lta bas na phyag rgya'i lha des sgrub pa po de'i bsam pa'i don rnams rang gi bya ba bzhin du thams cad sgrub par byed do//de'i phyir tha mi dad par lhag par mos pa'i 'bras bu ni 'di yin no/ /de ltar re zhig phyag rgya dang tha mi dad pa la sogs par lhag par mos pa spyi'i bshad nas/ rdo rje sems dpa'i dang sems dpa' rdo rje ma'i phyag rgya 'ba' zhig tha mi dad par zad kyi/ gzhan dag dang ni ma yin no zhes su yang 'khrul par ma gyur cig snyam du dgongs te/de bas na the tshom de bsal bar bya ba'i phyir/ sems dpa' gang gi phyag rgya gang / /zhes bya ba la sogs pa gsungs so/ /sems dpa' gang gi zhes bya ba ni rdo rje lcags kyu la sogs pa sems dpa' gang gi phyag rgya gang zhes bya ba phyag rgya chen po gang yin pa de/zla ba'i dkyil 'khor de la brten par bdag nyid bsgom pa ste/ bdag nyid de lta bu'i tshul du bsgom par bya'o/ /rdo rje bzlas pas zhes bya ba ni/ /lce rtse shin tu mi sgul zhing / /so dang mchu gnyis sbyar nas ni/ /zhes bya ba la sogs pa 'og nas bshad pa ste/phyag rgya chen po sgrub pa la snying po ji snyed dgos pa de dag ni rdo rje bzlas pas gdon par bya'o zhes ston to/ /bsgrub par bya zhes bya ba ni de ltar bsgrub par bya'o zhes bya ba'i don to/ /de ltar ji skad du bshad pa'i tshul gyis phyag rgya chen po bsgrub pa bstan nas/ da ni de bzhin du phyag rgya thams cad bsgrub par bya'o zhes spyir bsgre ba ston to//phyag rgya thams cad kyi sgrub pa yin pas na phyag rgya thams cad sgrub pa'o/ /de yang / sems dpa' gang gi phyag rgya gang / /zhes rab tu phye ste bsgrub pas na rab tu sgrub pa ste rdzogs par byas pa'i don to/ /dkyil 'khor 'di 'ba' zhig tu ma zad kyi/rtog pa thams cad du phyag rgya chen po rab tu sgrub pa'i cho ga 'di nyid yin no/ /sems dpa' rdo rje ma'i phyag rgya dang / rdo rje sems dpa' tha mi dad par ni rigs kyi/ rdo rje rgyal po la sogs pa dang ni ma yin no zhe na de ni ma yin te/ de dag kyang de nyid las grub pa yin no//gang gi phyir 'di dag thams cad rdo rje sems dpa'i rang bzhin yin pas na/ sems dpa' chen po 'ba' zhig tu ma zad kyi/ bcom ldan 'das de bzhin gshegs pa rnams kyang yin te/ de bas na nyes pa med do/ /de yang phyag rgya chen po sgrub pa'i cho ga 'di ni mdor bsdus pa yin te/gang gi phyir/ gzhan yang sgrub pa chen po ni/ /zhes smos pa yin no/ /snying po bzhi brjod la legs so zhes bya ba'i phyag rgya lag pa gnyis kyis bcings pa'i tshul gyis/ rang gi snying gar de bzhin gshegs pa thams cad bcug pas na/de'i phyir snga ma ni sgrub pa mdor bsdus pa yin par mngon no/ /'di skad ston te/ gang phyag rgya rgyas par sgrub par 'dod pa des ji skad du bshad pa'i sangs rgyas rang gi snying gar gzhug par bya'o/ /gang gi phyir dang po'i rnal 'byor la ni zla ba'i dkyil 'khor kun du bzang po'i byang chub kyi sems yin par gsungs pa dang /de la ni ye shes kyi rdo rje ste/ de nas sems dpa'i nga rgyal bya ba dang / der yang sangs rgyas rnams gzhug pa dang / de la sangs rgyas kyi phyag rgya chen po sgrub pa dang / sangs rgyas kyi phyag rgya las sems dpa' thams cad kyi phyag rgya sgrub pa'o/ / ji ltar na phyag rgya las de bzhin gshegs pa'i sku rnams byung zhe na/ de bzhin gshegs pa'i sku de nyid kyang gcig tu gyur nas/ rdo rje sems dpa'i la sogs pa sems dpa' rnams kyi gzugs su 'gyur te/ de ltar sems dpa' sgrub pa'i phyag rgya dang po bstan nas/ de las sngags pa gang rgyas par sgrub par 'dod pa des badzra ban+d+ha traT ces bya ba brjod la/de'i 'og tu rdo rje dbab pa'i phyag rgya bcing bar bya zhing / rang gi snying po yang brjod do/ /de nyid kyi tshe yid kyis bdag nyid rnam par bsgom zhing sems tsam nyid du gzhag par bya ste/ /der zla ba'i dkyil 'khor du lhag par mos par bya ba dang /de la ye shes kyi rdo rje bsam par bya ba dang / de la yang nga rgyal bskyed par bya ba dang / der yang ji skad du bshad pa'i sangs rgyas gzhug pa dang / sangs rgyas de rnams kyang sems dpa'i gzugs su yongs su gyur par lhag par mos par bya'o/ /de nas byin gyis brlab pa la sogs pa byas la/sangs rgyas gzhug pa ji skad du bshad pa bzhin du bya ba 'di ni cho ga rgyas pa yin no/ /'dir yang gal te 'dod na zla ba'i dkyil 'khor la rdo rje dgod pa la sogs pa bzhin du/ lcags kyu dgod pa la sogs pa yang bya ba dang / de nas lcags kyu la sogs pa la nga rgyal bskyed pa dang /de nas sangs rgyas bcug ste/ rang gi sems dpar lhag par mos par bya ste/ de lta na yang 'gal ba med do/ /yang na rdo rje nyid las rang gi sems dpar mos par bya ba de lta bu yang nyes pa med do/ /de nas de'i 'og tu dam tshig gi phyag rgya bcings la khyod ni bdag go zhes mos par bya'o//gal te rgyas par byed par mi 'dod na rdo rje nyid las nga rgyal bskyed la/ rang gi sems dpar bsam par bya'o/ /de nas dam tshig gi phyag rgya bcing bar bya'o/ /de nas byin gyis brlab pa la sogs pa'i las bya'o/ /de nas ji skad du bshad pa'i tshul gyis phyi rol gyi sems dpa' bsam par bya'o//de nas dgug pa la sogs pa'i las bya ste/ 'dir yang mdor bsdus pa yin no/ /sgrub pa chen po la yang phyogs gnyis te/ dang por sangs rgyas gzhug pa ma byas par phyag rgya chen po bskyed la byin gyis brlab pa la sogs pa byas nas phyis rang gi sems dpa' gzhug pa'i tshe/rang gi sems dpa' ma bcug pa nyid du ji skad du bshad pa'i tshul gyis phyag rgya thams cad byin gyis rlob par mdzad pas sangs rgyas thams cad gzhug go/ /de bas na sangs rgyas tshad med pa bcug pa'i phyir sgrub pa chen po zhes bshad do//'di ni rtog pa thams cad dang rgyud thams cad la yang phyag rgya chen por sgrub pa'i cho gar gsungs pa yin no/ /gang yang sngar sgrub pa bshad par bya'o zhes dam bcas pa'i sgrub pa de ni 'di yin no/ /dngos grub dang zhes gang gsungs pa ni gang phyag rgya rdzogs pa de ni dngos grub yin no//grub pa rnams kyi las chen rnams/ /zhes gang dam bca' ba mdzad pa de ni de nas/ bla na med pa'i rdo rje las/ /de dag gi ni las bshad de/ /zhes bya ba la sogs pas ston to/ /rdo rje'i las zhes bya ba ni rdo rje rnams kyi las yin pa'am/ bcom ldan 'das phyag na rdo rjes ji skad gsungs pa'i las yin pa'am/yang na rdo rje dbyings kyi las gang yin pa de ni rdo rje'i las/ /las de ni thun mong du gyur pa'i bla na yod pa dang bcas pa'i las kyang gal te kha cig tu 'byung srid pas de'i phyir bla na med ces gsungs pa yin no/ /de dag gi ni zhes bya ba ni phyag rgya chen po'i 'o//las zhes bya ba ni gang dang gang gi rang gi 'bras bu ni de dang de'i las so/ /las de gang yin zhes dris pa las/ bstan pa ji lta ba bzhin du bshad pa de lta bur mdzad pa'i tshul gyis dang po sangs rgyas kyi phyag rgya chen po'i las ston pas na/de'i phyir de'i las dang po bstan pa ni/ sangs rgyas rjes su dran grub na/ /zhes bya ba la sogs pa gsungs pa yin te/ nyon mongs pa dang shes bya'i sgrib pa bag chags dang bcas pa spangs shing gnas yongs su gyur pa'i mtshan nyid can sangs rgyas kyi sku skyes bu chen po'i mtshan sum cu rtsa gnyis dang ldan zhing /dpe byad bzang po brgyad cus yang dag par brgyan pa 'od 'dom gang ba kun du 'bar bar byed pa'i sangs rgyas kyi phyag rgya chen po'i mtshan nyid ji skad du bshad pa'i tshul gyis rdzogs par byas nas/ der rjes su dran pa dang / de'i yon tan rjes su dran pa ste/yang dang yang du gcig tu byas nas mang por byed pa dang / mang por byas nas gcig tu byed pa dang / sangs rgyas kyi gzugs su byas nas sems dpa'i gzugs su byed pa dang / byang chub sems dpa'i gzugs su byas nas slar yang sangs rgyas kyi gzugs su byed pa ste/de ltar sangs rgyas kyi phyag rgya chen po rnams du mar rjes su dran pa'i sangs rgyas rjes su dran pa'o/ /des yang dag par grub cing rdzogs pa ni/ sangs rgyas rjes su dran grub na/ /zhes pa'o/ /bya ba 'di'i 'bras bu 'di yin par bstan par bya ba'i phyir/ sangs rgyas nyid du myur du 'gyur/ /zhes bya ba gsungs te/ sangs rgyas kyi phyag rgya chen po 'di'i las ni 'di lta ste/ myur du sangs rgyas nyid sbyin par byed pa yin no/ /sangs rgyas bcom ldan 'das kyi rdo rje sems ma la sogs pa phyag rgya bzhi ni 'khor nyid du bstan pa yin la/ de bas na 'di rnams kyi phyag rgya chen po'i dbus na bzhugs pa'i phyir dang / rigs kyi yum yin pas gtso bor gyur pa yin la/ gtso bor gyur pas na de bzhin gshegs pa'i phyag rgya chen po'i 'og tu de'i las ston te/ 'di rnams kyi mtshan nyid ni 'og nas 'chad do/ /sems dpa' ni sems so//rdo rje ni stong pa nyid kyi ye shes kyi rdo rje'o/ /de bas na sems dpa' dang rdo rje'i ngo bo nyid yin pas na sems dpa'i rdo rje ma'o/ /de yang dag par grub na/ phyag rgya kun gyi bdag por 'gyur/ /zhes bya ba ste/ phyag rgya thams cad kyi bdag por gyur cing / dbang byed par gyur pas phyag rgya kun gyi bdag por 'gyur ba ste/rdo rje sems dpar 'gyur zhes bya ba'i don to/ /rin po che nyid mi phyed pas na rdo rje'o/ /de'i ngo bo nyid kyis phyag rgya gang yin pa de ni/ rin chen rdo rje ma'i phyag rgya ste/ rin chen rdo rje ma yod pa'am/ yang na rgyur gyur pa yang dag par grub par gyur pa des na rin chen kun dbang 'gyur zhes bya ba/rin po che'i rigs thams cad kyi dbang por 'gyur zhing bdag por gyur pas na rin chen kun dbang 'gyur zhes bya ste/ rdo rje rin chen du 'gyur zhes bya ba'i don to/ /chos kyi rigs kyi rdo rje ma yin pas na chos kyi rdo rje ma'o/ /chos kyi bsam pa nyid ni mi phyed pas na rdo rje'o//de ston pa'i phyag rgya gang yin pa de ni chos kyi rdo rje ma zhes bshad do/ /grub pa ni rdzogs pa ste bsam pa yongs su rdzogs pa'o/ /gang gis she na/ chos kyi rdo rje mas so/ /sangs rgyas rnams kyi chos ma yin pas na sangs rgyas chos/ de 'dzin pas na/sangs rgyas chos ni 'dzin par 'gyur/ /zhes bya ba ste/ 'jig rten dbang phyug tu 'gyur zhes bya ba'i don to/ /dge ba'i sems la las zhes bya ba'i sgrar bshad de/ de ni mi phyed pas na rdo rje'o/ /de nges par ston pa'i phyag rgya gang yin pa de ni las kyi rdo rje ma'i phyag rgya'o/ / de bcings na/ rdo rje'i las ni byed par 'gyur/ /zhes bya ba ste/ bcom ldan 'das rdo rje las ji lta ba bzhin du thogs pa med par las byed par 'gyur zhes bya ba'i don to/ /sems dpa'i phyag rgya bcings pa zhes bya ba ni rdo rje sems dpa'i phyag rgya bcings pa'o/ /des ci zhig 'grub ce na/rdo rje sems dpar 'grub par 'gyur/ /zhes bya ba ste/ mngon par 'dod pa'i don 'grub par 'gyur ba ste/ bcom ldan 'das rdo rje sems dpa' nyid du 'grub pa'o/ /rdo rje 'dren pa ni bcom ldan 'das rdo rje rgyal po'o/ /de'i cho ga ni de'i phyag rgya rdzogs par byas pa ste/rdo rje rgyal po'i phyag rgya bcings/ /zhes bya ba'i don to/ /rdo rje 'dzin pa ni sangs rgyas dang byang chub sems dpa' rnams so/ /spyan 'dren pa ni 'gugs pa'o/ /rdo rje'i rang bzhin gyi chags pa ni rdo rje 'dod pa ste/ byang chub sems dpa' de ni rgyu med par yang sems can rnams smin pa dang grol ba'i mtshan nyid can gyis chags pas sems can rnams la chags pa yin la/de ni sems can rnams kyi log par sgrub pa mang pos kyang dbye bar mi nus pas na/ rdo rje'i rang bzhin can du bshad de/ rdo rje chags pa de'i phyag rgya chen po yin pas na/rdo rje 'dod pa'i phyag rgya che/ /zhes bya'o/ /des sangs rgyas dang byang chub sems dpa' thams cad mnyes par byed pa ste/ dgyes par byed ces bya ba'i don to/ /sangs rgyas thams cad du gtogs pa ni rdo rje legs pa ste/ 'di nyid kyi rang gi phyag rgya'i tshogs so/ / des ci zhig byed ce na/ dgyes par byed do/ /su zhig dgyes par byed ce na/ sangs rgyas thams cad ces bya ba ste/ de dag dang sems can gzhan rnams kyang dga' bar mdzad pa'o/ /rin chen phyag rgya'i cho ga yis/ /zhes bya ba ni rin po che'i phyag rgya 'chang bas na rin chen phyag rgya'i cho ga ste/rdo rje rin chen gyi phyag rgya chen po zhes bya ba'i don to/ /des ci zhig byed ce na/ sangs rgyas dbang bskur sbyin par byed/ /ces bya ba ste/ sangs rgyas rnams kyi dbang bskur ba yin pas na sangs rgyas dbang bskur te/ de sbyin par byed pa'o/ /rdo rje gzi brjid cho gas ni//zhes bya ba ni rdo rje gzi brjid kyi phyag rgya chen pos so/ /des ci 'gyur zhe na/ rdo rje gzi brjid myur du 'grub/ /ces bya ba ste/ rdo rje gzi brjid ni rdo rje nyi ma'o/ /de ni rdo rje'i rang bzhin can gyi gzi brjid mnga' bas na rdo rje gzi brjid ces bya ste/ de gzhan gyis mi bzlog pa yin pa'i phyir ro//rdo rje dpal zhes bya ba la dpal ni mtshan ma la bya ste/ rdo rje'i rang bzhin can gyi dpal ni rdo rje'i dpal lo/ /de 'dzin pas na rdo rje dpal 'dzin no/ /de'i phyag rgya chen po gang yin pa de bsten pa ste sgom par byed pa'o/ /re ba rnams ni yongs su bskang //zhes bya ba ni sems can thams cad kyi bsam pa yongs su rdzogs par byed pa ste/ yid la re ba yongs su rdzogs par byed pa zhes bya ba'i don to/ /rdo rje gnyis kyi bar du chud pa'i so'i phreng ba gnyis kyis bzhad par ston par na rdo rje bzhad pa ste/ de'i cho ga ni phyag rgya chen po gang yin pa ste/de'i sbyor ba byas pas so/ /sangs rgyas kun dang mnyam du bzhad/ /ces bya ba sangs rgyas kun ni de bzhin gshegs pa thams cad do/ /de dag gi bzhad pa ni sems can rnams kyi don mdzad pa'i phyir cung zad 'dzum pa yin la/ 'di'ang de rnams dang mnyam zhing mtshungs par 'gro ba'i don mdzad pa'i rgyur cung zad 'dzum par byed do//'di skad ston te/ ji ltar de bzhin gshegs pa thams cad 'dul ba'i dus mkhyen cing / sems can rnams kyi bsam pa dang bag la nyal dang khams dang rang bzhin mkhyen nas/ 'dzum pa yang dag par bstan pas sems can rnams chos zhu ba la 'dzud cing dam pa'i chos ston pas don mdzad pa yin no//de bzhin du sngags pa de yang rdo rje bzhad pa'i phyag rgya chen por bsgoms nas sems can thams cad kyi don byed do/ /de lta bas na de dang de bzhad pa mnyam zhing mtshungs pa yin no/ /rdo rje'i rang bzhin can gyi chos mnga' bas na rdo rje chos de chos thams cad rang bzhin gyis dag pa nyid do//de gang gis kyang gzhig par mi nus pas na rdo rje'i sgrar gsungs la/ chos de gtso bor byas pas tshogs yongs su rdzogs par byas pa'i byang chub sems dpa' de la yang rdo rje chos zhes bya ste spyan ras gzigs kyi dbang po'o//de'i phyag rgya chen po dang ldan pas na sngags pa 'di yang rdo rje chos 'dzin par 'gyur ro/ /rdo rje rnon po ni bcom ldan 'das 'jam dpal lo/ /de'i cho ga yis te de'i phyag rgya chen po bsgoms pas zhes bya ba'i don to/ /des cir 'gyur zhe na/ sangs rgyas kun gyi shes rab mchog /ces bya ba ste/ sangs rgyas thams cad kyi 'khor gyi dkyil 'khor du shes rab ces bya ba chos rab tu rnam par 'byed pa'i mtshan nyid do/ /shes rab des mchog tu gyur pas na shes rab mchog tu 'gyur ba'o/ /rdo rjes mtshan pa'i 'khor lo ni rdo rje 'khor lo ste/de 'chang zhing 'dzin par byed pas na rdo rje 'khor lo 'dzin pa'o/ /de bsten pa ni de'i phyag rgya chen po bsgoms na sngags pa chos kyi 'khor lo bskor bar 'gyur te/ ji ltar bcom ldan 'das rdo rje 'khor lo 'dzin pa/ chos kyi 'khor lo bskor bar mdzad pa de bzhin du/sngags pa des kyang de'i phyag rgya chen po bsgoms na/ de bzhin du chos kyi 'khor lo bskor bar 'gyur ro zhes bya ba'i don to/ /chos kyi 'khor lo ni sngags spyod pa'i tshul gyis dkyil 'khor la sogs pa'o/ /rdo rje gsung pa ni bcom ldan 'das byang chub sems dpa' rdo rje smra ba ste/de'i phyag rgya chen po'i cho gas sngags pa sangs rgyas kyi gsung grub pa'o/ /sangs rgyas rnams kyi gsung yin pas na sangs rgyas gsung ste/ gang gdul bya rnams kyi khyad par la thugs brtse bar dgongs nas gsungs pa de ni sangs rgyas kyi gsung ste/ de'i grub pa 'thob par 'gyur ba'o//rdo rje las mchog bsgrubs pas na/ /zhes bya ba ni phyag rgya chen po bsgoms pas zhes bya ba'i don to/ /rdo rje'i las su myur du 'grub/ /ces bya ba ni rdo rje'i rang bzhin gyi mchod pa la sogs pa'i phrin las mdzad pas na rdo rje las so/ /de ni bcom ldan 'das nam mkha' mdzod de sngags pa de 'dir 'gyur ba'o//rdo rje'i go cha des bgos pas/ /zhes bya ba ni rdo rjes mtshan pa'i go cha yin pas na rdo rje go cha'o/ /nges par bgos pas na nges bgos te/ bdag gam gzhan gyi lus la nges par bskon pa'o/ /rdo rje'i sku ni 'thob par 'gyur//zhes bya ba ni mi phyed pa'i lus 'thob par 'gyur ro zhes bya ba'i don to/ /rdo rje gnod sbyin bsgrubs pas na/ /zhes bya ba ni thabs kyi pha rol tu phyin pa rdo rjer sprul pa'i rdo rje gnod sbyin ni rdo rje gnod sbyin no/ /yang na rdo rje'i mche bas nye bar mtshon pa'i gnod sbyin ni rdo rje gnod sbyin no//de bsgrubs pas na zhes bya ba ni de'i phyag rgya chen po bsgoms pas de dang mtshungs par 'gyur ro zhes bya ba'i don to/ /rdo rje'i khu tshur bcings pas na/ /zhes bya ba ni rdo rje'i rang bzhin gyi khu tshur mnga' bas na rdo rje khu tshur te/ mi phyed pa'i don gyis so/ /de bcings pas na zhes bya ba ni de'i phyag rgya chen po bsgoms pas zhes bya ba'i don to//phyag rgya thams cad 'grub par 'gyur/ /zhes bya ba ni phyag rgya thams cad grub pa 'thob par 'gyur zhes bya ba'i don to/ /rdo rje 'dzin ma zhes bya ba ni mchod pa'i lha mo ste/ byang chub kyi sems kyi yul la dga' ba de/ lus can gyi mchod pa'i phyag rgya'i lha mo'i gzugs su gzhag pa'o/ /de sgrub pa ni de'i phyag rgya chen po bsgoms pas so/ /rdo rje chen po ni bcom ldan 'das rdo rje sems dpa' ste/ de'i dga' ba 'thob bo zhes bya ba'i don to/ /rdo rje'i phreng ba bcings pas na/ /zhes bya ba ni rdo rje dang ldan pa'i rin po che ni rdo rje rin po che ste/rdo rje rin po che de rnams kyi phreng ba bcings pa des dbang bskur nas/ sangs rgyas kun gyis dbang bskur 'gyur/ /zhes bya ba sangs rgyas thams cad kyis dbang bskur ba stsol ba ste rdo rje phreng ba'i phyag rgya'i lha mo'i rdo rje phreng ba bcing ba 'di ni de'i rgyan du 'gyur ba yin te/de bas na de'i phyag rgya chen po bsgoms na/ sangs rgyas thams cad kyis dbang bskur ba stsol bas na/ sangs rgyas kun gyi dbang bskur 'gyur/ /zhes bya'o/ /rdo rje glu yi cho ga yis/ /zhes bya ba ni/ rdo rje glu'i phyag rgya chen por bsgom par bya'o zhes bya ba'i don to//rdo rje glu ni len par 'gyur/ /zhes bya ba ni rdo rje glu ni theg pa chen po'i chos bla na med pa yang dag par ston cing stong pa nyid kyi ye shes rdo rje ston par byed pa yin la/ de yang sngags pa len par 'gyur pa'o/ /rdo rje lta bu'i gar yin pas na rdo rje gar te/ sems can gyi don du byang chub sems dpa' rnams kyi spyod pa gang yin pa de rdo rje gar gyi lha mor brtags pa'o//de'i phyag rgyar sbyar ba ni phyag rgya chen por bcing ngo zhes bya ba'i don to/ /sangs rgyas kun gyis de mchod do/ /zhes bya ba ni sangs rgyas thams cad kyis de mchod par 'gyur ro zhes bya ba'i don to/ / rdo rje bdug pa'i cho ga yis/ /zhes bya ba ni rdo rjes mtshan pa'i bdug pa yin pas na rdo rje bdug pa ma'o/ /yang na stong pa nyid kyi ye shes dang rab tu ldan pa'i bdug pa ni rdo rje bdug pa'o/ /cho ga yis zhes bya ba ni rdo rje bdug pa ma'i phyag rgya chen po bsgom pa'o/ /'gro ba thams cad tshim par byed//ces bya ba ni bde ba dang yid bde ba bskyed pas/ 'gro ba thams cad tshim par byed do zhes bya ba'i don to/ /rdo rje me tog sbyor byed pa/ /zhes bya ba ni stong pa nyid kyi ye shes rdo rjes sprul pa'i me tog ste/ des nye bar mtshon pa'i mchod pa'i lha mo la ni/rdo rje me tog sbyor byed pa/ /zhes bya'o/ /de'i phyag rgya chen po bcings pas/ sems can thams cad dbang du byed/ /ces bya ba'i don to/ /rdo rje snang ba'i phyag rgya ches/ /zhes bya ba la/ stong pa nyid kyi ye shes kyi rdo rje snang ba ni rdo rje snang ba ste/ des nye bar mtshon pa'i lha mo gang yin pa de la yang rdo rje snang ba zhes bya ba'i sgrar brjod do//de'i phyag rgya chen po bsgoms shing bsten na lha'i mig 'thob par 'gyur ro zhes bya ba'i don to/ /de bzhin gshegs pa rnams la/ rdo rje snang ba'i phyag rgya chen pos rab tu mchod na/ rdo rje snang ba'i phyag rgya chen po de nyid mig sbyin par byed pa la byed pa po yin par ston to//rdo rje dri yi cho gas ni/ /zhes bya ba ni stong pa nyid kyi ye shes kyi rdo rje goms par byed pa'i don dam pa'i tshul khrims kyi dri ste/ de sgrub par byed pa'i lha mo gang yin pa de la yang rdo rje dri zhes bya ba'i sgrar bshad do/ /de'i cho ga ni de'i phyag rgya chen por bsgom pa'o//sdug bsngal thams cad ni 'khor ba pa rnams kyi'o/ /de sel ba ni yang dag pa'i ye shes bskyed pas sems can rnams mya ngan las 'das pa thob par byed pa'o/ /de su zhig ce na/ sems can thams cad kyi sdug bsngal sel bar byed pa'i sangs rgyas bcom ldan 'das su 'gyur ro zhes bya ba'i don to//ye shes kyi rdo rje mngon par 'dus byas pa'i phyir rdo rje'i rang bzhin gyi lcags kyu ni rdo rje'i lcags kyu ste/ snying rje chen po'i lcags kyu zhes bya ba'i don to/ /ci'i phyir thugs rje chen po la lcags kyu zhes bya zhe na/ des sems can thams cad kyi don bya ba'i phyir sangs rgyas dang byang chub sems dpa' thams cad yang dag par 'dren par byed pas na de'i las kyang 'di nyid de/thams cad 'dren pa'i las byed pas na 'dren pa kun gyi'o/ /ci 'dren pa'i las byed pa de las gzhan dag kyang yod dam zhe na/ 'di nyid las lhag par gzhan med pa'i phyir mchog ces smos pa yin te/dam pa zhes bya ba'i don to/ /sngags pas lcags kyu de'i phyag rgya chen por bsgoms na/ thams cad 'dren par byed pa'i mchog tu 'gyur ba'o/ /rdo rje zhags pa'i cho gas ni/ /zhes bya ba la zhags pas zhes bya ba ni rdo rje zhags pa'i phyag rgya chen po bsgom pa zhes bya ba'i don to//thams cad rab tu 'jug par 'gyur/ /zhes bya ba ni sangs rgyas dang byang chub sems dpa' thams cad dkyil 'khor der 'jug par byed pas na thams cad rab tu 'jug par te/ de su zhig yin zhe na/ sngags pa'o/ /'gyur zhes bya ba ni 'grub par 'gyur zhes bya ba'i don to//dkyil 'khor gyi gnas na gnas pa nyid kyis rang gi dam bcas pa gsal bar byed pas na lcags sgrog ste 'ching ba la bya la/ rdo rje'i ye shes mngon par 'dus byas pa'i lcags sgrog yin pas na rdo rje'i lcags sgrog go/ /de'i don grub par byed pa'i lha'i khyad par gang yin pa de la yang rdo rje lcags sgrog ces bya ba'i sgrar bshad de/de'i phyag rgya chen por yang dag par sbyor zhing bcings na thams cad 'ching bar nus par 'gyur ro/ /rdo rje'i ye shes mngon par 'dus byas pa'i 'bebs pa yin pas na rdo rje dbab pa ste/ de sgrub par byed pa'i lha la yang rdo rje dbab pa'i sgrar bshad do//de'i cho ga ni phyag rgya chen po ste/ des sbyor zhing 'ching ba'o/ /thams cad dbab par rab tu 'grub/ /ces bya ba ni sangs rgyas dang byang chub sems dpa' dang por byas nas/ de bzhin gshegs pa thams cad 'bebs pa rab tu sgrub par byed pa zhes bya ba'i don to//dril bus ni thams cad mnyes par byed pa'i don to/ /phyag rgya bzhi'i ye shes bslab par bya'o zhes gsungs pa de la phyag rgya chen po ni bshad zin to/ /da ni dam tshig gi phyag rgya bstan par bya dgos te/ de bas na de bstan par bya ba'i phyir de nas zhes bya ba la sogs pa gsungs te/de nas zhes bya ba ni de'i rjes thogs la'o/ /de bzhin gshegs pa yang yin la thams cad kyang yin pas de bzhin gshegs pa thams cad do/ /rdo rje'i ye shes las byung bas na de bzhin gshegs pa thams cad kyi rdo rje'o/ / de rnams kyi dam tshig ni tha tshig dang gzhung lugs te/ lag pa'i tshul 'di ltar bsgyur la las 'di dag bya'o zhes pa'i lag pa bsgyur ba'i tshul la/ dam tshig gi phyag rgya zhes bshad de/ bdag nyid chen po rnams kyi mtshan ma ni phyag rgya yin par 'og nas 'chad do//de'i ye shes yin pas na de bzhin gshegs pa thams cad kyi rdo rje'i dam tshig gi phyag rgya'i ye shes so/ /thal mo dam du sbyar zhes bya ba ni phyag 'tshal ba'i thal mo sbyar ba'o/ /sor mo thams cad bsnol ba ni/ /zhes bya ba ni lag pa gnyis kyi sor mo phan tshun bar mtshams bsnol ba ni rdo rje thal mo zhes bshad do//de nyid las gcig las gcig gi lag pa'i rgyab tu bcangs pa la ni rdo rje bsdams pa zhes bshad do/ /gal te kha cig 'di snyam du ci zhig ltar lhod par gzhag pa tsam gyis kyang rdo rje bsdams par 'gyur ro snyam du rtog pa la/ rab tu bsdams phyir zhes bya ba gsungs te/shin tu bsdams pa las gzod rdo rje bsdams par 'gyur gyi gzhan du ni ma yin no/ /dam tshig phyag rgya thams cad ni/ /zhes bya ba ni rdo rje'i dbyings kyi dkyil 'khor gyi sems dpa' thams cad kyi dam tshig gi phyag rgya ji snyed pa de dag thams cad ni rdo rje bsdams pa nyid las byung bas na/de dag ces bya ba gsungs te/ phyag rgya de dag 'byung ba'i rgyu'i rtsa ba ni rdo rje bsdams pa yin la/ mtshan nyid ni re re zhing yang tha dad pa yin no/ /de bas na/ de dag bsdams pa rdo rje yi/ /bsdams pa bla med bshad par bya/ /zhes bya ba gsungs pa yin no//ji lta bu zhe na/ rdo rje bsdams pa zhes bya ba gsungs so/ /ci bla na yod pa zhig gam zhe na/ ma yin te/ bla med bshad par bya zhes gsungs so/ /bshad par bya zhes bya ba ni so so'i mtshan nyid bstan par bya ba'i don to/ /'di skad ston te/ ji lta bu'i rdo rje bsdams pa bcings na phyag rgya de 'jig rten gsum gyi bya ba la mi bzlog pa lta bu rdo rje bsdams pa bshad par bya'o zhes bya ba'i don to//da ni so so'i mtshan nyid bshad par bya ste/ sems ma rdo rje dam byas la/ /zhes bya ba 'di ni mtshan gzhi'o/ /gung mo myu gu ltar mnyam bsgreng / /zhes bya ba 'di ni mtshan nyid do//'di skad ston te/ bshad ma thag pa'i mtshan nyid can gyi rdo rje bsdams pa las gung mo gnyis gshibs pa ni sems dpa' rdo rje ma'i phyag rgyar 'gyur ro/ /rdo rje bsdams pa de nyid las gung mo gnyis rdo rje bsdams pa'i nang du bcug par 'gyur na gdon mi za ba'i phyag rgyar 'gyur ro//phyag rgya dang po'i rjes thogs yin pas gnyis pa zhes gsungs mod kyi/ 'on kyang don gyi go rims kyis phyag rgya 'di ni bzhi pa yin no/ /'di la gung mo nang du bcug pa 'ba' zhig tu ma zad kyi/ /mthe'u chung dang mthe bo gnyis gshibs/ bsgreng ba yang 'dir bya dgos so zhes zer ro//rdo rje bsdams pa nyid las gung mo gnyis bsgreng la rgyab la bkug ste rtse sprad la ma the bo lto sprad cing kha thur du bstan pa'i mthe bo dang gung mo rin po cher bya ba 'di ni rdo rje rin chen ma'i 'o/ /rdo rje bsdams pa de nyid las gung mo'i rtse sprad la gzhu bkug pa ltar byas te pad+ma'i 'dab ma'i tshul du byas pa 'di ni rdo rje chos ma'i 'o//sangs rgyas lnga pa'i phyag rgya ni/ /zhes bya ba ni bcom ldan 'das rnam par snang mdzad kyi phyag rgya ste/ de bzhin zhes bya ba ni gung mo cung zad tsam rdo rje chos ma'i tshul du byas la/ mdzub mo gzhu bkug pa'i tshul du dgug par byas te gung mo'i tshigs gsum dang rtse sbyar ba 'di ni rdo rje dbyings kyi dbang phyug ma'i phyag rgya'o//de bzhin gshegs pa lnga'i phyag rgya bstan zin nas/ da ni gzhan yang de nas zhes bya ba la sogs pas de bzhin gshegs pa'i rigs kyi phyag rgya ston te/ de nas zhes bya ba ni de'i rjes thogs la'o/ /de bzhin gshegs pa'i rigs kyi dam tshig 'dzin pas na dam tshig 'dzin pa'i phyag rgya ste/phyag rgya gang zhig bcings na sangs rgyas dang byang chub sems dpa' rnams dam tshig la gnas par 'gyur zhing thugs dam ji ltar bcas pa bzhin du/ de mdzad par zhal gyis bzhes pa ni dam tshig la gnas pa zhes bya'o//phyag rgya de rnams kyi bcing ba bshad par bya zhes pa ni bcings pa'i mtshan nyid bshad par bya'o/ /dngos grub ces bya ba ni sbyor ba gang zhig sbyor bas 'phral du dngos grub byed pa'i sbyor ba de la ni dngos grub ces bshad do/ /las rnams zhes bya ba ni gang dang gang gi las gang dang gang yin pa de/rang gi yul gyi bya ba de dang de ni las kyi sgrar bshad do/ /zla ba lta bu'i lag gnyis kyi/ /zhes bya ba ni rdo rje bsdams pa la bya'o/ /gung mo btang bar gyur pa yi/ /zhes bya ba la/ gung mo ni lag pa gnyis kyi'o/ /btang zhes bya ba ni rdo rje bsdams pa las mthe bo dang mthe'u chung ma gtogs pa'o//mthe bo mthe'u chung so sor bsgreng / /zhes bya ba ni rdo rje bsdams pa las mthe bo dang mthe'u chung gnyis so sor phral la bsgreng ba'o/ /'di las cir 'gyur zhe na/ rdo rje zhes bya ba gsungs so/ /dris pa 'di ni rtse gcig pa yang ma yin la/rtse gsum pa yang ma yin te/ rtse lnga pa yang ma yin na/ ji ltar rdo rjer 'gyur zhe na/ sems dpa'i rdo rje zhes bya ba gsungs so/ /de yang sems dpa'i rdo rje zhes bya ba 'dis ni gung mo gshibs te bsgreng bar ston te/ de bas na bcom ldan 'das rdo rje sems dpa' dam tshig gi phyag rgya rdo rje rtse lnga par 'gyur ro//mdzub mo zhes bya ba ni mdzub mo gnyis te/ rdo rje bsdams pa de nyid las lcags kyu'i tshul du bzhag pa ni rdo rje rgyal po'i phyag rgya'o/ /rdo rje mdzub mo sbyar zhes bya ba ni rdo rje bsdams pa de nyid las mdzub mo gnyis brkyang la/mdzub mo g.yon pa'i lto la mdzub mo g.yas pa'i lto sbyar na rdo rje mda'i phyag rgyar 'gyur ro zhes gsungs so//rdo rje bsdams pa'i phyag rgya de nyid las mthe bo gnyis kyi ltos mdzub mo gnyis kyi rtse mo bzung la se gol gnyis gtogs pa 'di ni rdo rje legs pa'i phyag rgya'o/ /rdo rje sems dpa' bzhi po yi//zhes bya ba ni rdo rje sems dpas mtshon pa'i byang chub sems dpa' bzhi'o/ /phyag rgya mang po'i dngos grub 'di'o zhes bya ba ni phyag rgya'i tshogs 'di ni dngos grub kyi phyir yin pas na phyag rgya mang po'i dngos grub bo/ /rdo rje bsdams pa nyid las mthe bo gnyis mnyam la mdzub mo gnyis kyi tshigs bar ma bkug ste/rtse sprad cing mthe bo gnyis kyi rtse dang sbyar ba 'di ni rdo rje rin chen gyi phyag rgya'o/ /de nyid ces bya ba 'dis ni/ dam tshig phyag rgya thams cad ni/ /rdo rje bsdams las byung bas na/ /zhes bya ba spyir smos pa de las/ 'dir sgo brtsegs su ston te/ rdo rje rin chen de nyid las mthe bo gnyis dang mdzub mo gnyis nyi ma'i dkyil 'khor lta bur byas la/ sor mo lhag ma rnams 'od zer gyi tshul du brkyang ba ni rdo rje nyi ma'i phyag rgya'o/ /rdo rje rin chen gyi phyag rgya de nyid las ba dan du 'gyur te/ de las srin lag mthe'u chung gnyis/ /mnyam par gshibs pa rgyal mtshan no//zhes bya ba gsungs te/ lag pa gnyis ka'i mthe'u chung dang srin lag gnyis zung du gshibs shing bsgreng ba'o/ /'di skad ston te/ snga ma'i rin po che'i phyag rgya las/ srin lag dang mthe'u chung gnyis bsgreng na ba dan du 'gyur te/ 'di ni rdo rje dpal gyi phyag rgya'o/ / de nyid las zhes bya ba ni rdo rje dbal gyi phyag rgya ste/ kha'i phyogs su gzhag ces bya ba kha'i gnas su bzhag la sgeg pa'i tshul gyis sor mo rnams nang rol du sdud cing bzlog ste dgrol bar bya ba 'di ni bzhad pa'i phyag rgya'o/ /da ni chos kyi rigs kyi phyag rgya bstan par bya ba'i phyir/ mthe bo gnyis ka mnyam par gshibs//zhes bya ba gsungs te/ rdo rje bsdams pa de nyid las mthe bo gnyis gshibs te brkyang la/ sor mo pad+ma'i 'dab ma'i tshul du bkug la gzhag go/ /de gang yin zhe na/ mdzub mo gnyis ka ste 'di ltar byas na rdo rje chos kyi phyag rgyar 'gyur ro/ /de nyid ces bya ba rdo rje chos kyi phyag rgya las gung mo gnyis gshibs te bsgreng ba'i tshigs gsum pa cung zad bkug pa ni rdo rje rnon po'i phyag rgya'o//de las srin lag mthe'u chung gnyis/ /'khor lo yin par bshad pa yin/ /zhes bya ba ni 'khor lo'i tshul du sor mo bzhi phan tshun nang bsnol ba ni 'khor lo zhes bya ste/rdo rje rgyu'i phyag rgya'o/ /rdo rje chos kyi phyag rgya de nyid las mthe bo gnyis cung zad bkrol la/ kha'i phyogs su bsgreng ba byas na rdo rje smra ba'i phyag rgyar 'gyur ro/ /rdo rje bsdams pa'i phyag rgya de nyid las mthe'u chung gnyis dang mthe bo gnyis rtse bsdus te sprad la bsgrengs nas lag pa'i mthil sbyar ba phral la/las kyi rdo rje yin par bshad/ /ces bya ba ste/ rdo rje las kyi phyag rgya zhes bya ba'i don to/ /de las zhes bya ba ni rdo rje bsdams pa'i phyag rgya'o/ /mdzub mo gnyis gshibs la bsgreng ba gang yin pa de ni mdzub mo gnyis gshibs pa'o/ / mdzub mo gshibs pa 'ba' zhig tu ma zad kyi snying gar gzhag ces bya ba ste/ snying gar gzhag go zhes bya ba'i don to/ /snying gar gzhag pa 'ba' zhig tu yang ma zad kyi/ brkyang zhes pa ste/ mdzub mo gnyis gyen du bsgreng ste bzhag la/ sor mo lhag ma rnams shin tu brkyang bar bya'o//rdo rje bsdams pa'i phyag rgya las mdzub mo gnyis lcags kyu'i tshul du bkug pa ni/ mdzub mo'i rtse bkug ces bya ste/ mdzub mo de nyid ni mche ba'o/ /mthe'u chung gshibs pa dgrol ba'o/ /zhes bya ba ni mthe'u chung so sor phral te bzhag la kha'i phyogs su bzhag na rdo rje gnod sbyin gyi phyag rgyar 'gyur ro//rdo rje bsdams pa de nyid las mthe'u chung dang srin lag gi bar du mthe bo'i lto btsir ba ni mdzub mo gnyis kyis btsir ba'o/ /yang na mdzub mo btsir ba ste/ mthe bo gnyis kyi rgyab tu btsir ba'o/ /'di ni rdo rje khu tshur gyi phyag rgya'o//sems dpa' rnams kyi phyag rgya bshad zin to// //da ni/ snying gar mthe bo bsnyams la gzhag /ces bya ba la sogs pas mchod pa'i phyag rgya rnams ston te/ rdo rje bsdams pa'i phyag rgya de nyid las mthe bo gnyis brkyang ste snying gar bzhag na rdo rje sgeg mo'i phyag rgyar 'gyur ro//phyag rgya de nyid snying ga nas bstod de mdun du brkyang nas gzung ba ni rdo rje phreng ba ma'i phyag rgya'o/ /thal mo yang yin la rtse mo yang yin pas na thal mo'i rtse mo ste/ rdo rje thal mo zhes bya ba'i don to/ /de kha nas gyen du drangs te tshig smra ba'i tshul du byas nas 'byung bar 'gyur te/rdo rje glu ma'i phyag rgya'o/ /rdo rje bsdams pa mdun du rim gyis dgrol zhing lag pa gnyis sgeg pa'i tshul gyis bskor te thal mo khang stong du sbyar ba spyi bor bzhag na rdo rje gar gyi phyag rgyar 'gyur ro/ /rdo rje bsdams pa thur du blugs/ /zhes bya ba ni rdo rje bsdams pa kha thur du bstan nas phral na rdo rje bdug pa'i phyag rgyar 'gyur ro//rang gi thal mo ni rdo rje bsdams pa'i thal mo ste/ rdo rje thal mo ni rdo rje bsdams pa las byung ba'i phyir ro/ /me tog gyen du 'thor zhes bya ba ni rdo rje gyen du 'thor ba'i tshul du byas na rdo rje me tog ma'i phyag rgyar 'gyur ro/ /rdo rje bsdams pa de nyid las mthe bo gnyis bsnyams te bsgreng ba dang rab tu bsdams zhes bya ba legs par gshibs te mar me'i lce ltar zung shig pa'i don te/'di ni rdo rje mar me ma'i phyag rgyar 'gyur ro/ /rdo rje bsdams pa'i phyag rgya nyid rab tu brkyang ste byug pa ni byug pa ma'i phyag rgyar 'gyur ro//nam bdag nyid lha'i gzugs su gyur pa la mchod pa byed pa de'i tshe ni rdo rje bsdams pa de nyid snying gar brkyang ngo / /gal te lha'i gzugs kyi phyi rol na gnas pa rnams la mchod pa nam byed pa de'i tshe kha phyi rol du bstan te dgrol lo/ /'di ni rdo rje dri'i phyag rgya yin no/ /rdo rje bsdams pa de nyid las mdzub mo g.yas pa bkug na rdo rje lcags kyu'i phyag rgyar 'gyur ro//rdo rje bsdams pa'i mthe bo g.yas pa g.yon pa'i mthe bo dang mdzub mo'i bu gar bcug la mthe bo gnyis mdud par bcings pa la ni zhags pa'i phyag rgyar 'gyur ro/ /rdo rje bsdams pa de nyid kyi mthe bo g.yon pa mdzub mo g.yon pa'i rtse mor sbyar te zlum por byas pa de'i nang du mthe bo g.yas pa bcug ste mdzub mo g.yas pa dang rtse sprad nas zlum por bya'o//de ltar na mthe bo dang mdzub mo gnyis gdu bur bcing bar 'gyur te/ rdo rje lcags sgrog gi phyag rgya'o/ /rdo rje bcing ba mdzub mo bsdams//zhes bya ba ni rdo rje bsdams pa 'di nyid kyi mthe'u chung dang srin lag gi bar du mthe bo gnyis kyi rtse mo bcug la mdzub mo bsdams pa ni/ rdo rje bcing ba mdzub mo bsdams/ /zhes bya ba ste/ rdo rje dbab pa'i phyag rgya zhes bya ba'i don to/ /gang sngar/ phyag rgya bcing dang dngos grub dang //las rnams yang dag bshad par bya/ /zhes ji skad gsungs pa las phyag rgya bcing ba ni bshad zin to// //da ni dngos grub bshad dgos pas de nas zhes bya ba la sogs pas ston to/ /de nas zhes bya ba ni de'i rjes thogs la'o/ /'di rnams zhes bya ba ni dam tshig gi phyag rgya bshad pa rnams so//'dis sgrub par byed pas na sgrub pa ste/ sbyor ba gang gis las 'di dag 'grub par 'gyur ba de la sgrub pa zhes bya'o/ /bshad ces bya ba ni bstan par bya'o/ /de gang zhig ce na/ rdo rje sgrub pa zhes bya ba gsungs te/ rdo rje ltar mi phyed pa'i sgrub pa yin pas na rdo rje sgrub pa'o//ji lta bu zhig ce na/ de'i phyir dam pa yin zhes bya ba gsungs te/ dam pa zhes bya ba ni mchog tu gyur pa'o/ /sgrub pa de gang zhig yin zhe na/ rang gi phyag rgya zhes bya ba gsungs te/ rang gi phyag rgya ni sems dpa' rdo rje ma'i phyag rgya ste/de'i snying gar gzhag pas so/ /de gang gis rang gi phyag rgya yin zhe na/ rdo rje sems dpa'i 'o/ /de gang las shes she na/ rdo rje sems dpa'i ting nge 'dzin gyis zhes bya ba gsungs pa'i phyir ro/ /'di skad ston te/ rdo rje sems dpa'i rnal 'byor byas nas rang gi snying gar zla ba'i dkyil 'khor bsams la/de'i steng du rdo rje rtse lnga pa dmigs te/ de nas gdod dam tshig gi phyag rgya thams cad bcing bar bya'o/ /des na thams cad 'grub par 'gyur te/ 'di ni phyag rgya thams cad kyi spyi'i cho ga yin no/ /las rnams yang dag bshad par bya/ /zhes gang sngar dam bcas pa de bstan par bya ba'i phyir de nas zhes bya ba la sogs pa gsungs te/phyag rgya gang gi bya ba gang yin pa de la 'dir las zhes bshad do/ /rdo rje 'dzin pas gsungs pa'i las yin pas na rdo rje'i las so/ /yang na rdo rje rnams kyi las yin pas na rdo rje las so/ /de yang bla na med pa ste phul du byung ba gzhan med pa zhes bya ba'i don to//rdo rje dbyings sogs phyag rgyas ni/ /zhes bya ba ni dang por rdo rje dbyings kyi dkyil 'khor la sogs pa'i phyag rgya yin pas na rdo rje dbyings sogs phyag rgya'o/ /de yang gang zhe na/ de bzhin gshegs pa lnga'i phyag rgya lnga po rnams so//de dag bcings par gyur na de bzhin gshegs pa rnams 'dus shing tshogs nas dkyil 'khor byin gyis rlob par mdzad do/ /slob dpon gyis kyang slob ma rnams kyi don du bris pa yin pa'i phyir/ dkyil 'khor slob dpon slob mar bcas/ /zhes gsungs so/ / de bzhin gshegs pa'i phyag rgya thams cad kyi spyi'i las bstan nas/ da ni sems dpa' rnams kyi phyag rgya'i so so'i las bstan par bya ba'i phyir/ sems ma'i rdo rje bcings pas na/ /zhes bya ba la sogs pa gsungs so/ /sems ma'i rdo rje ma zhes bya ba ni sems dpa'i rdo rje ma ste/ji ltar sems dpa'i rdo rje ma'i rdo rje rtse lnga pa yin pa de bzhin du rdo rje sems dpa'i gnas su yang rdo rje rtse lnga pa nyid yin no/ /de la khyad par ni 'di yod de/ sems dpa'i rdo rje ma ni rdo rje bsdams pa las gung mo gnyis gshibs te bsgreng ba yin la/ rdo rje sems dpa'i phyag rgya ni rdo rje bsdams pa las gung mo gnyis gshibs te bsgreng ba 'ba' zhig tu ma zad kyi/lag pa gnyis ka'i mthe bo dang mthe'u chung bsgreng la rtse bzhi pa dang ldan par bya'o/ /de bas na de'i las bshad de/ 'di bcings pas/ rdo rje 'dzin pa 'dra bar 'gyur/ /zhes bya ba gsungs te/ sngags pa rdo rje sems dpa' dang mtshungs par 'gyur ro zhes bya ba'i don to//rdo rje lcags kyu bcings pa yis/ /sangs rgyas thams cad kun nas 'gugs/ /zhes bya ba ni kun nas dus gcig tu mnyam par 'gugs pa ste spyan 'dren to zhes bya ba'i don to/ /'dod pa'i rdo rje ni rdo rje chags pa zhes bya ba'i don to//de'i sbyor ba ni dam tshig gi phyag rgya bcings pa ste/ des rdzogs pa'i sangs rgyas rnams kyang mnyes par byed do/ /kyang gi sgras ni byang chub sems dpa' rnams dang / nyan thos dang rang sangs rgyas rnams dang / sems can thams cad kyang mnyes shing mgu bar byed pa ste/ sems can gyi don gyi yul la mngon par 'dod pa skyed par byed pa'o//rdo rje dga' ba'i phyag rgya bcings pas ni ji skad gsungs pa'i las rnams don dang mthun par byed pas na rgyal ba kun/ legs so bas ni stod par byed/ /ces bya ba ste/ legs so bya ba'i phyag rgya bcings pa las se gol gtogs pa sngags pa de la bstod par mdzad pa ste/ bsngags par mdzad do zhes bya ba'i don to/ /rin chen rdo rje bcings pas na/ /zhes bya ba la sogs pa la/ rin chen rdo rje ma zhes smos kyang rin po che'i myu gu 'di ni rin po che'i spyir gsungs te/ de bas na 'di bcings pas sangs rgyas kyis dbang bskur bar byed de/ sangs rgyas kyis dbang bskur ba byin na sngags pa de las sangs rgyas rnams kyi 'od zer gyis dbang bskur ba la sogs pas dbang bskur bar 'gyur ro//rdo rje nyi ma'i phyag rgya bcings pas ni sngags pa de/ sangs rgyas kyi ni 'od 'drar 'gyur/ /zhes bya ba ste/ sangs rgyas bcom ldan 'das kyi 'od nyid yod par 'gyur bas na/sangs rgyas kyi 'od kyi dkyil 'khor 'thob par 'gyur ro zhes bya ba'i don to/ /rdo rje rgyal mtshan 'chang 'gyur bas/ /zhes bya ba ni rdo rje dpal gyi phyag rgya bcings na de re ba kun yang rdzogs par byed ces bya ba ste/ de'i re ba thams cad 'bras bu dang bcas par 'gyur ba'i don to//re ba kun ni sngags pa de'i 'dod pa'i sred pa rdzogs par byed cing 'bras bu dang bcas par byed ces bya ba'i don to/ /rdo rje bzhad pa'i sbyor ba yis/ /zhes bya ba ni rdo rje bzhad pa'i dam tshig gi phyag rgya 'ching ba'o/ /sangs rgyas kun dang lhan cig bzhad/ /ces pa ni des sems can rnams yongs su smin pa'i dus shes nas chos yongs su zhu ba'i phyir skul bar byed pa'i cung zad bzhad pas sngags pa ste/sangs rgyas kun dang lhan cig bzhad/ /ces bya ste/ sngags pa de yang sangs rgyas kyi bzhad pa ston pas sems can gyi don byed par 'gyur ro zhes bya ba'i don to//chos kyi rdo rje bcings pas na/ /zhes bya ba ni 'jig rten dbang phyug gi dam tshig gi phyag rgya bcings na/ rdo rje chos dang 'dra bar 'gyur/ /zhes bya ba ste/ 'jig rten dbang phyug dang 'dra bar 'gyur zhes bya ba'i don to/ /pad+ma'i rigs spyir rdo rje chos ma zhes gsungs mod kyi/'on kyang 'jig rten dbang phyag gi phyag rgya nyid yin par shes par bya'o/ /rdo rje ral gri ni bcom ldan 'das 'jam pa'i dbyangs kyi ral gri'i phyag rgya'o/ /de thogs pa ni bcings pa'o/ /nyon mongs thams cad des gcod do/ /zhes pa ni shes rab kyi ral gris nyon mongs pa thams cad gcod do zhes bya ba'i don to//rdo rje 'khor lo brtan byas pas/ /zhes bya ba ni rdo rje 'khor lo'i phyag rgya bcings pas so/ /dkyil 'khor gyi ni dbang por 'gyur/ /zhes bya ba ni byang chub sems dpa' rdo rje 'khor lor 'gyur ro zhes bya ba'i don to/ /rdo rje smra ba'i sbyor bas ni/ / zhes bya ba ni rdo rje smra ba'i dam tshig bcings pas so/ /rdo rje ngag mchog grub par 'gyur/ /zhes bya ba ni rdo rje'i tshig mchog de yang rdo rje ltar mi phyed pa'i ngag yin pas na rdo rje dag go/ /las kyi rdo rje bcings pas na/ /zhes bya ba ni rdo rje las kyi dam tshig gi phyag rgya bcings pas so/ / rdo rje las dang 'dra bar 'gyur/ /zhes bya ba ni mtshungs par 'gyur ba ste/ de'i las kyi bya ba byed nus par 'gyur ro zhes bya ba'i bar du ston pa yin no/ /rdo rje go cha brtan byas pas/ /zhes bya ba ni rdo rje go cha'i dam tshig gi phyag rgya bcings pas so/ /lus ni rdo rje 'dra bar 'gyur/ /zhes bya ba ni bdag gam gzhan gyi lus rdo rje 'dra bar dbyer mi phyed par 'gyur ro zhes bya ba'i don to//rdo rje'i mche ba mchog rgyas pa/ /zhes bya ba ni rdo rje gnod sbyin gyi mche ba'i phyag rgya bcings pas so/ /ma rungs bdud ni des 'joms so/ /zhes bya ba ni sngags pa des bgegs dang log 'dren ma rungs pa rnams 'joms shing rlag par byed do zhes bya ba'i don to//rdo rje khu tshur dam bcings pas/ /zhes bya ba ni rdo rje khu tshur gyi phyag rgya bcings pas so/ /phyag rgya kun kyang dbang du zhes bya ba ni sku gsung thugs kyi phyag rgya thams cad dbang du 'gyur ba ste/ las la rang dbang du 'gyur ro zhes bya ba'i don to//'jim pas lha yi dga' ba rnams/ /zhes bya ba la sogs pa rdo rje sgeg mo'i dam tshig gi phyag rgya bcings na sngags pas lha'i dga' ba dang mgu ba 'thob par 'gyur ro/ /rdo rje phreng ba'i dam tshig gi phyag rgya bcings na 'di'am gzhan du rgyan dang spud pa rnams 'thob par 'gyur ro//rdo rje glu'i dam tshig gi phyag rgya bcings na ngag yongs su dag pa thob par 'gyur ro/ /rdo rje gar gyi dam tshig gi phyag rgya bcings na sangs rgyas thams cad kyis yang dag par mchod par 'gyur ro/ /lha mo bdug pa ma'i dam tshig gi phyag rgya bcings pas na/ 'jig rten tshim par byed ces pa ste/'jig rten pa rnams kyi dga' ba skyed par byed do zhes bya ba'i don to/ /lha mo me tog ma'i dam tshig gi phyag rgya bcings pas ni mdzes pa'i gzugs zhes pa ste/ gzugs bzang ba nyid 'thob par 'gyur ro zhes bya ba'i don to/ /mar me ma'i dam tshig gi phyag rgya bcings pas ni snang ba dag ces pa ste/ye shes kyi snang ba yongs su dag pa 'thob par 'gyur ro zhes bya ba'i don to/ /dri ste lha mo byug pa ma'i dam tshig gi phyag rgya bcings pas ni/ lha rdzas dri can du zhes pa ste tshe 'di'am gzhan du lus la dri nyid 'thob par 'gyur ro zhes bya ba'i don to//rdo rje lcags kyu'i dam tshig gi phyag rgya bcings pas ni 'gugs pa ste zhes pa ste/ 'dren par byed do zhes bya ba'i don to/ /rdo rje zhags pa'i dam tshig gi phyag rgya bcings na thams cad dkyil 'khor du 'jug par byed do/ /rdo rje lcags sgrog gi dam tshig gi phyag rgya bcings na thams cad 'ching nus par 'gyur ro//rdo rje dril bu'i dam tshig gi phyag rgya bcings na thams cad 'bebs nus par 'gyur ro/ /phyag rgya bzhi'i ye shes bslab par bya'o zhes gang dam bcas pa de las phyag rgya chen po de dang dam tshig gi phyag rgya bstan zin to// //da ni chos kyi phyag rgya'i skabs la bab pas na de bstan par bya ba'i phyir/de nas chos kyi phyag rgya zhes bya ba la sogs pa gsungs te/ badzra dz+nyA na zhes bya ba ni stong pa nyid kyi ye shes kyi rdo rje ste/ de'i ye shes yin pas na rdo rje'i ye shes so/ /de yang sangs rgyas lnga rnams kyi ste/ badzra dz+nyA na zhes bya ba'i sgras gzugs 'di ni sangs rgyas rnams kyi phyag rgya yin no//rdo rje dbyings ni brtan par bya/ /zhes bya ba ni de'i las ni rdo rje dbyings kyi dkyil 'khor brtan par byed do/ /de ltar sangs rgyas thams cad kyi spyi'i phyag rgya bstan nas/ byang chub sems dpa' rnams kyi so so'i phyag rgya ston par bshad pa'i phyir/de nas gzhan yang zhes bya ba la sogs pa gsungs te/ rab tu phye ste bshad pas na rab tu bshad pa'o/ /ci zhig bshad ce na/ chos kyi phyag rgya cho ga bzhin/ /zhes bya ba gsungs te/ sems dpa' gang dang gang gi cho ga gang dang gang yin pa de ni cho ga bzhin te/ sems dpa' gang dang gang gi chos kyi phyag rgya gang dang gang yin pa zhes bya ba'i don to/ /sa ma ya s+t+waM zhes bya ba'i sgra'i gzugs 'di ni bcom ldan 'das rdo rje sems dpa'i chos kyi phyag rgya yin te/ gang gi phyir 'di ni rgyud 'dir phyag rgya la sogs pa dngos po gang cung zad ci yod pa de thams cad ni/rdo rje sems dpa'i rang bzhin yongs su gyur pa yin no/ /de bas na 'di ni dam tshig chen po yin la/ ji skad gsungs pa de yang de'i chos kyi phyag rgya yin no/ /phyag rgya kun gyi dbang por 'gyur/ /zhes bya ba ni chos kyi phyag rgya'i las ston pa yin te/ rdo rje sems dpar 'gyur ro zhes bya ba'i don to//A na ya swa zhes bya ba ni lha rnams 'gugs par byed pa'i las ston pa'i sgra'i gzugs de bcom ldan 'das rdo rje rgyal po'i chos kyi phyag rgya'o/ /zhes brjod na zhes bya ba ni de brjod na'o/ /gdon mi za bar sangs rgyas 'gugs/ /zhes bya ba ni de'i las ston pa yin no//a ho su kha zhes bya ba'i sgra'i gzugs 'di ni bcom ldan 'das rdo rje chags pa'i chos kyi phyag rgya ste/ 'di'i las ni sangs rgyas la sogs pa mnyes par byed pa'o/ /chags pa ni 'dun pa ste/ sems can rnams kyi don bya ba'i phyir sangs rgyas sam gzhan rnams kyang gang dag gi'am/cho ga ji bzhin pas 'dod pa de ni chags pa zhes bshad do/ /sA d+hu sA d+hu zhes bya ba'i sgra'i gzugs 'di ni bcom ldan 'das rdo rje legs pa'i chos kyi phyag rgya ste/ 'di brjod na legs so zhes bya ba'i chig gis sangs rgyas la sogs pa mnyes par byed pa ni 'di'i las yin no//su ma hA s+t+waM zhes bya ba 'di ni bcom ldan 'das rdo rje rin chen gyi chos kyi phyag rgya'o/ /sangs rgyas rnams kyi dbang bskur 'thob/ /ces bya ba ni sangs rgyas rnams dbang bskur ba'i sngags pa ni sangs rgyas rnams kyi dbang bskur ba 'thob bo zhes bya ba'i don to//rU po d+yota ces bya ba'i sgra'i gzugs 'di ni bcom ldan 'das rdo rje gzi brjid kyi chos kyi phyag rgya'o/ /zhes smras na zhes bya ba ni brjod na sngags pa de/ chos kyi gzi brjid nyid du 'gyur/ /zhes bya ba ste/ lung dang rtogs pa'i bdag nyid can gyi chos kyi gzi brjid yod par 'gyur bas na chos kyi gzi brjid do//'di skad ston te/ 'jig rten las 'das pa'i chos rnams la ye shes kyi snang ba rab tu 'thob ces bya ba'i don to/ /ar+tha pra ti zhes bya ba'i sgra'i gzugs 'di ni bcom ldan 'das rin chen dpal gyi chos kyi phyag rgya ste/ de brjod na/ re ba kun ni rdzogs par byed//ces bya ba ste/ sngags pa de de ltar 'gyur ba ste 'di'i las bstan pa'o/ /ha ha hUM he zhes bya ba'i sgra'i gzugs 'di ni bcom ldan 'das rdo rje bzhad pa'i chos kyi phyag rgya'o/ /zhes bgad na zhes bya ba ni sngags pa des so/ /sangs rgyas bzhad pa rnyed par 'gyur//zhes bya ba ni 'di'i las yin te/ sangs rgyas ltar 'dzum pa yang dag par ston pas/ de yang sems can gyi don byed par 'gyur ro zhes bya ba'i don to/ /sarba kA ri zhes bya ba'i sgra'i gzugs 'di ni bcom ldan 'das rdo rje chos kyi phyag rgya'o/ / sngags pa de brjod na mi bya ba'i rnams kyang sbyong zhes bya ba ste/ bya ba yin pas na bya ba'o/ /de mi byed pas na mi bya ba ste chos kyi dbyings yin la/ de yang sbyong ba ste/ chos kyi dbyings rang bzhin gyis rnam par dag pa rtogs pa'o/ /duH kha ts+tshe da zhes bya ba'i sgra'i gzugs 'di ni bcom ldan 'das rdo rje rnon po'i chos kyi phyag rgya'o//zhes smras na zhes bya ba ni brjod na'o/ /de ni sdug bsngal thams cad gcod/ /ces bya ba ni gdul bya rnams kyi sdug bsngal thams cad gcod pa'o/ /de bya ba ni sngags pa'o/ /bud+d+ha bo d+hi zhes bya ba'i sgra'i gzugs 'di ni bcom ldan 'das rdo rje rgyu'i chos kyi phyag rgya'o//zhes smras na zhes bya ba ni de brjod na'o/ /dkyil 'khor kun gyi bdag por 'gyur/ /zhes bya ba ni 'di'i las so/ /pra ti shab+da zhes bya ba'i sgra'i gzugs 'di ni bcom ldan 'das rdo rje smra ba'i chos kyi phyag rgya'o/ /zhes smras na zhes bya ba ni de brjod na sngags pa//sangs rgyas rnams dang lhan cig smra/ /zhes bya ba 'di ni de'i las yin te/ sangs rgyas bcom ldan 'das rnams dang gsung dbyangs gcig tu smra bas sems can rnams kyi so so'i ji ltar bsams pa'i don ston par byed pa'o/ /smra ba ni tshig la bya ba mnyam par smra bas na lhan cig smra ba ste/sangs rgyas rnams dang lhan cig smra ba mtshungs par 'gyur ro zhes bya ba'i don to/ /su ba shi s+t+waM zhes bya ba'i sgra'i gzugs 'di ni bcom ldan 'das rdo rje las kyi chos kyi phyag rgya'o/ /zhes smras na zhes bya ba ni sngags pas de brjod na'o/ /kun gyi dbang dang ldan par 'gyur//zhes bya ba ni phyag rgya de'i las ston pa yin te/ sangs rgyas mchod pa la sogs pa'i las rnams la thams cad du dbang dang ldan pa nyid 'thob par 'gyur ro zhes bya ba'i don to/ /nir b+ha ya s+t+waM zhes bya ba'i sgra'i gzugs 'di ni bcom ldan 'das rdo rje bsrung ba'i chos kyi phyag rgya'o//zhes smra ba zhes bya ba ni sngags pas de brjod na'o/ /de ma thag tu 'jigs med 'gyur/ /zhes bya ba ni de'i las ston pa yin no/ /'di skad ston te/ rdo rje bsrung ba'i chos kyi phyag rgya brjod na 'jigs pa thams cad dang bral bar 'gyur ro/ /sha tUM b+ha k+Sha zhes bya ba'i sgra'i gzugs 'di ni bcom ldan 'das rdo rje gnod sbyin gyi chos kyi phyag rgya'o//sngags pas de brjod na/ dgra rnams thams cad za bar 'gyur/ /zhes bya ba ni de'i las ston pa yin te dgra rnams za ba zhes bya ba ni mthu med par byed pa'o/ /sarba sid+d+hi zhes bya ba'i sgra'i gzugs 'di ni bcom ldan 'das rdo rje khu tshur gyi chos kyi phyag rgya'o//de sngags pas brjod na/ thams cad grub pa nyid du 'gyur/ /zhes bya ba ni de'i las yin te/ thams cad grub pa ni/ dgos pa thams cad 'grub par 'gyur/ /zhes bya ba'i don to/ /ma hA ra ti zhes bya ba'i sgra'i gzugs 'di ni rdo rje sgeg mo'i chos kyi phyag rgya ste/sngags pas 'di brjod na de'i las ni rnal 'byor pa mnyam par 'jog pa'i tshe'am/ yang na las kyi tshe na lha'i dga' ba 'thob par 'gyur ba'o/ /rU pa sho b+ha zhes bya ba'i sgra'i gzugs 'di ni rdo rje phreng ba ma'i chos kyi phyag rgya ste/ snga ma bzhin du brjod na sngags pas gzugs bzang ba 'thob par 'gyur ro zhes ston to//sho tra so khya zhes bya ba'i sgra'i gzugs 'di ni bcom ldan 'das rdo rje glu ma'i chos kyi phyag rgya'o/ /sngags pas de brjod na bde ba thob pa ste/ rnal 'byor bsgom pa'i tshe'am/ dus gzhan gyi tshe na yang bde ba dang yid bde ba mang bar 'gyur ro//sarba pU dza zhes bya ba'i sgra'i gzugs 'di ni rdo rje gar ma'i chos kyi phyag rgya'o/ /sngags pas de brjod na rab tu mchod par byed pa 'thob pa ste/ lha dang mis shin tu mchod pa byed par 'gyur ro zhes bya ba'i don to/ /pra h+la dA ni zhes bya ba'i sgra'i gzugs 'di ni bcom ldan 'das rdo rje bdug pa ma'i chos kyi phyag rgya'o//sngags pas de brjod na yid bde ba ste yid bde bar 'gyur ba sbyin par byed pa 'di ni de'i las yin no/ /pha lA ga mi zhes bya ba'i sgra'i gzugs 'di ni bcom ldan 'das rdo rje me tog ma'i chos kyi phyag rgya'o//sngags pas de brjod na yid la mngon par 'dod pa'i 'bras bu 'thob par 'gyur ba ste/ 'di ni de'i las yin no/ /su te dza gr-i zhes bya ba'i sgra'i gzugs 'di ni bcom ldan 'das rdo rje mar me ma'i chos kyi phyag rgya'o/ /sngags pas de brjod na gzi brjid chen po thob par byed pa 'di ni de'i las yin no//su gan+d+haM gi zhes bya ba'i sgra'i gzugs 'di ni rdo rje byug pa ma'i chos kyi phyag rgya'o/ /sngags pas de brjod na de bzhin gshegs pa rnams kyi tshul khrims kyi dri lus la 'thob par 'gyur te/ 'di ni de'i las yin no/ /a ya hi dzaHzhes bya ba'i sgra'i gzugs 'di ni bcom ldan 'das rdo rje lcags kyu'i chos kyi phyag rgya'o//yang dag par 'gugs par byed pa ni de'i las yin no/ /a yA hI hUM hUM zhes bya ba'i sgra'i gzugs 'di ni rdo rje zhags pa'i chos kyi phyag rgya ste/ lhag ma ni de'i las yin no/ /he spo Ta baM zhes bya ba'i sgra'i gzugs 'di ni rdo rje lcags sgrog gi chos kyi phyag rgya ste/lhag ma ni las yin no/ /g+haN+Da aHA zhes bya ba'i sgra'i gzugs 'di ni rdo rje dril bu'i chos kyi phyag rgya'o/ /rab bskyod pa zhes bya ba ni de'i las yin no/ /chos kyi phyag rgya dang de dag gi las rnams bshad zin to/ /da ni sgrub pa bshad dgos pas de'i phyir de nas de rnams kyi chos kyi phyag rgya sgrub pa dge ba bshad ces bya ba gsungs so//'dis sgrub pas na sgrub pa ste/ nges pa'i sbyor ba gang gis rang gi las sgrub pa de la sgrub pa zhes bya'o/ /sbyor ba de yang gang yin zhe na/ de'i phyir/ lce la rdo rje dge bsgoms nas/ /zhes bya ba gsungs te/chos kyi phyag rgya brjod pa'i tshe lce la rdo rje zhes bya ba rtse lnga pa dge ba zhes bya ba dkar po bsgom pa ste dgod par bya'o/ /de'i 'og tu chos kyi phyag rgya brjod par bya ste/ de nas 'di'i dgos pa thams cad 'grub par 'gyur ro/ /phyag rgya bzhi'i ye shes bslab par bya'o zhes gsungs pas/da ni las kyi phyag rgya brjod dgos te/ de bas na de nas las kyi phyag rgya bcing ba bshad de zhes bya ba gsungs te/ las rab tu ston pa'i phyag rgya ni las kyi phyag rgya ste/gang gis bcings pas rgyud las gsungs pa'i las rnams grub par byed pa de rnams la ni las kyi phyag rgya zhes bshad do//de rnams bcing ba ni mtshan nyid ji lta ba bzhin du sbyar ba'o/ /rdo rje khu tshur dam bcings te/ /zhes bya ba la rdo rje khu tshur gyi mtshan nyid ni sngar bshad pa'o/ /de dam du bcings pa ni mtshan nyid ji lta ba bzhin du rdzogs par byas pa'o/ /mnyam par gzhag pas zhes bya ba 'dis ni rang gi lhar bdag nyid mngon sum du byas nas/gdod las rnams gyis shig ces ston pa yin no/ /gnyis su zhes bya ba ni bcing ba de so sor dbral bar bya'o/ /rdo rje khu tshur lag pa gnyis su phral na rdo rje'i phyag rgya gnyis su 'gyur te/ de la las kyi phyag rgya rnams kyi so so'i dbye bas bcing ba 'chad do//de la re zhig thog mar bcom ldan 'das rnam par snang mdzad kyi phyag rgya ston te/ de'i mtshan nyid g.yon pa zhes bya ba la sogs pa 'di yin te/ snying ga na gnas pa'i g.yon pa'i rdo rje khu tshur gyi sor mo ste/ sor mo zhes bye brag tu ma phye bar gsungs kyang /man ngag las mdzub mo yin par shes par bya'o/ /g.yas pa zhes bya ba ni g.yas pa'i rdo rje khu tshur gyis so/ /ci bkug pa nyid la gzung ngam zhe na/ ma yin te/ bsgreng bar bya ba zhes gsungs te/ bsgreng ba ni rtse mo gyen du bstan pa'o/ /byang chub ni rtogs pa ste/thugs su chud pa zhes bya ba'i don to/ /rtogs pa thams cad kyi dam par gyur pas na mchog ste byang chub mchog go/ /de ston par byed pa'i phyag rgya ni/ sangs rgyas byang chub sbyin byed pa'o/ /zhes pa ste tha ma'i 'bras bu ston pa'o/ /mi g.yo ba yi sa reg pa/ /zhes bya ba ni rdo rje khu tshur g.yon pa bkan te skyil mo krung gi steng du bzhag la/g.yas pa'i rdo rje khu tshur brkyang nas pus mo g.yas pa'i phyogs su kha sbub cing sor mo rnams kyi rtse mo cung zad sa la ma reg par byas pa ni mi bskyod pa'i phyag rgya'o/ /de bzhin rin chen mchog sbyin pa'o/ /zhes bya ba la/ de bzhin zhes bya ba ni rdo rje khu tshur g.yon pa snga ma bzhin du skyil mo krung gi steng du bzhag pa'o//rin chen zhes bya ba ni rin chen 'byung ldan gyi'o/ /ni zhes bya ba'i sgra ni bye brag tu dbye ba'i don to/ /mchog sbyin pa ni g.yas pa mchog sbyin pa'i tshul du 'jog pa ste/ rin chen 'byung ldan gyi phyag rgya'o//tshe dpag med pa zhes bya ba la dpag pa ni cung zad tsam la bya la/ 'di ni mi dpog pas na dpag med de/ /dpag tu med pa'i sku tshe mnga' bas na tshe dpag med do/ /ting nge 'dzin gyi mchog ces bya ba ni skyil mo krung gi steng du rdo rje khu tshur gnyis bzhag la/ mdzub mo gnyis bkug pa'i sen mo rgyab gcig la gcig sbyar bar bya/de nas mthe bo gnyis ka thur du bstan la rang rang gi mdzub mo dang rtse sprad pa ni tshe dpag tu med pa'i phyag rgya'o/ /gdon mi za bar mi 'jigs sbyin/ /zhes bya ba ni rdo rje khu tshur g.yon pa skyil mo krung gi steng du bkan la bzhag la/rdo rje khu tshur g.yas pa brkyang ste mi 'jigs pa sbyin pa'i tshul du 'jog pa 'di ni gdon mi za bar grub pa'i phyag rgya'o/ /sangs rgyas rnams kyi phyag rgya'i mtshan nyid bshad zin nas/ sems dpa' rnams kyi phyag rgya'i mtshan nyid 'chad par bzhed nas/ de nas las kyi phyag rgya rnams//zhes bya ba la sogs pa gsungs pa yin no/ /mdor bsdus zhes bya ba ni mdor byas pa'o/ /gang gi zhe na/ rdo rje sems sogs sems dpa' rnams/ /zhes bya'o/ /ji lta bu zhig ce na/ rdo rje'i las byed pa ste zhes bya ba ste/ thogs pa med pa'i las la 'jug par byed pa'o zhes ston pa yin no//bsgyings pa dang ldan pas na bsgyings bcas te/ bsgyings zhes bya ba'i sgra ni rdo rje khu tshur g.yon pa ste zur du gzhag pa la bya'o/ /gsor ba ni rdo rje khu tshur g.yas pa'i gung mo'i rtse mo la rdo rje lnga pa'i rtse mo dbus ma gtad de thugs kar gyen du bstan nas 'dzin pa la ni gsor ba zhes bya'o//rdo rje med na sems kyis kyang bsam par bya ste/ 'di ni rdo rje sems dpa'i las kyi phyag rgya'o/ /rdo rje khu tshur g.yas pa'i snying ga nas sor brgyad pa tsam gyi thad kar mdun du gzhag pa la/ de'i yang mdun du rdo rje khu tshur g.yon pa de bzhin du bzhag na lcags kyu 'dzin pa'i tshul du gnas pa yin no//de ltar gzung ba'i lcags kyus bsgrub par bya ba 'dren par byed par bsam mo/ /mda' 'phang ba yi tshul du ni/ /zhes pa ni go sla ste/ mdas kyang bsgrub par bya ba'i snying la phog par byed par bsam mo/ /rdo rje khu tshur gnyis snying gar bzhag la se gol gnyis gtogs par bya'o//dbang bskur ba'i gnas su rdo rje khu tshur gnyis bzhag la/ rin po che dgod pa yang bsam par bya'o/ /rdo rje khu tshur gnyis snying ga'i thad kar g.yas phyogs su bskor zhing dkyil 'khor gyi tshul du bskor ba 'di ni rdo rje gzi brjid kyi phyag rgya'o/ /rdo rje khu tshur g.yon pa bkan te bzhag pa'i steng du g.yas pa'i rdo rje khu tshur gyi gru mo gzugs nas bsgreng la/g.yon pa'i mchan khung gi thad kar bzhag nas don thams cad kyi char yang 'bebs par bsam zhing / re ba thams cad kun du bskang ba ni rin chen dpal gyi phyag rgya'o/ /rdo rje khu tshur gnyis kyis thad kar bteg la kha'i g.yas g.yon du mdzes pas bskor ba ni rdo rje bzhad mo'i phyag rgya'o//rdo rje khu tshur g.yon pa pad+mor bsams la/ g.yas pa'i khu tshur gyis pad+ma'i 'dab ma 'byed pa'i tshul du kha 'byed par ston pa 'di ni rdo rje chos kyi phyag rgya'o/ /rdo rje khu tshur g.yon pa'i snying gar bzhag la/rdo rje khu tshur g.yas pa ral gri 'dzin pa'i tshul du g.yas phyogs su gzhag par bya ba 'di ni rdo rje rnon po'i phyag rgya'o/ /rdo rje khu tshur gnyis kyi lag ngar gnyis gcig tu sbyar la mgal me'i 'khor lo ltar mdun du bskor ba 'di ni rdo rje rgyu'i phyag rgya'o/ / rdo rje khu tshur gnyis kha nas gyen du drang ba 'di ni rdo rje smra ba'i phyag rgya'o/ /rdo rje khu tshur g.yon pa mdun du bkan te bzhag la/ g.yon pa'i mdzub mo la sogs pa nas dgrol zhing / g.yas pa'i mthe'u chung la sogs pa nas dgrol te sgeg pas yongs su bskor la/ mkhur tshos g.yon pa'i thad du drang /de nas bskor ba gnyis pa byas la mkhur tshos g.yas pa'i thad du drang / de nas bskor ba gsum pa byed cing spyi bor khyer la spyi gtsug tu gzhag pa 'di ni rdo rje las kyi phyag rgya'o/ /rdo rje khu tshur gnyis lte ba'i thad kar mdud pa bor la khu tshur de gnyis rang rang gi logs nas rgyab tu drangs la yang mdud pa bor bar bya'o//de nas khu tshur gnyis rang gi mchan khung gi 'og nas drangs pa'i snying gar mdud pa dor ro/ /de nas khu tshur gnyis phrag pa'i phyogs nas drangs la ltag par phyung ste/ mgrin pa nas ltag par mdud pa dor ro/ /de nas khu tshur gnyis ltag pa nas te dpral ba'i phyogs su mdud pa dor ro//de nas phreng ba bcing pa'i tshul du drangs la ltag par phyung ste mdud pa dor ro/ /de nas khu tshur gnyis rang rang gi rna ba'i ltag tu drangs la/ so so'i ngos ngos su mdud pa'i mjug bcings la/ ldan pa gnyis nas mtha' ma la sogs pa nas dgrol ba'i tshul gyis dar thod 'chang ba'i tshul du mdzes par dgrol bar bya ste/'di ni rdo rje go cha'i phyag rgya'o/ /rdo rje khu tshur gnyis kyi mthe'u chung gnyis ka 'gram gyi thad kar gzhag pa 'di ni rdo rje gnod sbyin gyi phyag rgya'o/ /rdo rje khu tshur g.yon pa mdun du bkan te bzhag la/de'i steng du g.yas pa kha sbub tu gzhan ste des 'di btsir ba ni rdo rje khu tshur gyi phyag rgya'o/ /rdo rje khu tshur gnyis sta zur gnyis su bzhag na rdo rje bsgyings ba'i sbyor bar 'gyur te/ rdo rje bsgyings pa'i sbyor ba des kyang mgo g.yon du 'dud pas 'dud par bya'o/ /ji ltar bya zhe na/bsam pa g.yas pas zhes bya ba ste/ dga' ba dang bcas pa'i don to/ /'di skad ston te/ mchog tu dga' bas phyag byed pas na 'dar bar 'gyur ba dang / gal te rdul 'byung bar 'gyur ba dang / gal te ba sbu ldang bar 'gyur ro/ /de bas na shin tu dga' ba'i khyad par las 'bras bu'i khyad par de lta bu byung ba'i mdud pa de la bsam pa g.yos pa zhes bya ba'i sgrar bshad do//phreng ba bcings dang zhes bya ba ni rdo rje khu tshur gyis thod 'ching ba ltar bya ba ste/ rdo rje phreng ba ma'i phyag rgya'o/ /rdo rje khu tshur gnyis kha nas gyen du drang ba ni kha nas byung ba ste rdo rje glu ma'i phyag rgya'o//rdo rje gar ni sngar rdo rje gar gyi dam tshig gi phyag rgyar bshad pa de nyid ni rdo rje gar mkhan ma'i phyag rgya'o/ /rdo rje khu tshur gnyis bcings la thur du 'dug pa'i tshul du bya ba ni rdo rje bdug pa ma'i phyag rgya'o/ /yang rdo rje khu tshur de nyid me tog 'thor ba'i tshul du gyen du 'thor ba ltar bya ba ni rdo rje me tog ma'i phyag rgya'o//rdo rje khu tshur gnyis las mthe bo gnyis bsgreng ste/ mar me'i lce ltar gzhag pa ni rdo rje mar me ma'i phyag rgya'o/ /rdo rje khu tshur gnyis bdag nyid ltar gyur pa'i snying gar dris byug pa'i tshul du brkyang bar bya la/ lha phyi rol na bzhugs pa la dri dbul ba'i tshe na ni kha phyi rol du bstan te brkyang bar bya ba rdo rje dri'i phyag rgya'o//g.yon pa'i rdo rje khu tshur mdun du kha sbub ste bzhag la/ de'i steng du g.yas pa bkan te bzhag nas de gnyis las g.yon pa'i mdzub mo brkyang la/ de'i steng du g.yas pa'i mdzub mo lcags kyu'i tshul du gzhag pa ni/ mdzub mo lcags kyu bcing ba ni/mthe'u chung las te lcags kyu che/ /zhes bya'o/ /'di skad ston te/ mthe'u chung gnyis phan tshun lcags kyu'i tshul du sbrel la mdzub mo gnyis rgyab sprad pa ni lcags kyu chen po'o/ /lcags kyu'i phyag rgya las g.yas pa'i mdzub mo bkug ste/ g.yon pa yang bkug la gcig la gcig lto sprad de/zhags pa lta bu la mkhrig ma g.yon pa'i steng du g.yas pa bzhag ste/ lag pa gnyis kyi rgyab ma sbyar bar lag ngar bsnol ba ni zhags pa'i phyag rgya'o zhes bya ba'i don to/ /zhags pa'i phyag rgya las g.yas pa'i lcags kyu la g.yon pa'i lcags kyur byas pas gzung ba ni mdzub mo gnyis gdu bur 'gyur te/rdo rje lcags sgrog gi phyag rgya'o/ /rgyab gnyis kyang ni bsnyems te mnan/ /zhes bya ba ni rdo rje lcags sgrog gi phyag rgya las rgyab gnyis gcig la gcig sbyar bar byas pa ni rdo rje dbab pa'i phyag rgya'o/ /de nas 'di rnams sgrub pa bshad//ces bya ba la/ de nas 'di rnams zhes bya ba ni/ las kyi phyag rgya rnams so/ /sgrub pa zhes bya ba ni 'dis sgrub par byed pas na sgrub pa ste/ sbyor ba gang gis las kyi phyag rgya gang 'dod pa'i dngos grub sbyin par byed pa'i sbyor ba de la sgrub pa zhes bya'o/ /rdo rje las ni byed dang mnyam//zhes bya ba ni rdo rje rang bzhin can gyi las byed pas na rdo rje'i las byed pa ste/ mchod pa la sogs pa'i las rnams ji ltar 'dod pa bzhin du thogs pa med par bsgrub pas de'i phyir/ rdo rje'i las ni byed dang mnyam/ /zhes pa ste de dang mtshungs pa'o/ /sbyor ba de gang yin zhe na/de'i phyir/ rdo rje kun gyi rdo rje ni/ /zhes bya ba ni rdo rje'i rang bzhin can gyi las byed pas na rdo rje'i las byed pa gsungs te/ las kyi rdo rje kha bzhi pa snying gar bsgoms la/ de nas gdod las kyi phyag rgya rnams sbyar bar byas na/ de'i phyir de rnams 'grub par 'gyur ro//da ni de nas zhes bya ba la sogs pas las kyi phyag rgya'i las ston te/ de nas zhes bya ba ni de'i rjes thogs la'o/ /'di rnams zhes bya ba ni las kyi phyag rgya rnams rdo rje las zhes bya ba ni thogs pa med pa'i las yin pas na rdo rje'i las so/ /rnam pa mang zhes bya ba ni rnam pa mang po ste du ma'o//bstan pa ji lta ba bzhin du bshad par bya ba'i tshul gyis na/ thog mar ye shes kyi khu tshur bstan pas/ de'i las dang po kho nar ye shes kyi khu tshur zhes bya ba la sogs pas ston to/ /bla na med pa'i ye shes rtogs pa'i khu tshur yin pas na ye shes khu tshur ro//de bcings pas ni sangs rgyas bcom ldan 'das rnams kyi sangs rgyas kyi ye shes te/ de sngags pa de la 'jug par 'gyur ba ste rim gyis 'thob par 'gyur ro zhes bya ba'i don to/ /bcom ldan 'das mi bskyod pa'i las kyi phyag rgya yin pas na mi g.yo ba'i ste/ de bcings pas ni/yid ni g.yo ba med par 'gyur/ /zhes bya ba ste/ bgegs dang log 'dren thams cad kyis sngags pa'i yid mi g.yo bar 'gyur ro zhes bya ba'i don to/ /rin chen 'byung ba'i phyag rgya yis/ /zhes bya ba ni dad pa la sogs pa'i yon tan gyi rin po che rnams 'di las byung bas na rin chen 'byung ba ste/de bzhin gshegs pa rin chen 'byung ldan no/ /bcom ldan 'das de'i las kyi phyag rgya ni rin chen 'byung ldan gyi phyag rgya ste/ de bcings na/ gzhan la phan byed ldan par 'gyur/ /zhes bya ba ste/ gzhan rnams rjes su 'dzin par nus pas na gzhan la phan par byed pa ste/gzhan gyi don byed pa zhes bya ba'i don to/ /de yod pas na gzhan la phan byed ldan te der 'gyur ba'o/ /dam pa rnams kyi chos yin pas dam pa'i chos te/ de gdul bya rnams kyi rgyud la 'jug par byed pa'i don gyis na 'khor lo zhes bshad do/ /phyag rgya de bcings na/chos kyi 'khor lo bskor bar 'gyur/ /zhes bya ba ste/ dam pa'i chos ston pas sems can rnams la phan 'dogs nus par 'gyur ro zhes bya ba'i don to/ /mi 'jigs pa sbyin pa'i mchog yin pas na mi 'jigs mchog ste/ bcom ldan 'das gdon mi za bar grub pa'i phyag rgya'o//sngags pas de bcings myur bar ni/ /sems can kun la mi 'jigs sbyin/ /zhes bya ba ste/ myur du 'jigs pa sel nus par 'gyur ro zhes bya ba'i don to/ /rdo rje 'gying ba brtan byas pas/ /zhes bya ba la/ rdo rje 'gying ba ni bcom ldan 'das rdo rje sems dpa'i las kyi phyag rgya'o//de bcings na sngags pas de nyid kyi bde ba rnyed par 'gyur ro zhes bya ba'i don to/ /rdo rje lcags kyu'i phyag rgya ni rdo rje rgyal po'i phyag rgya'o/ /skad cig ces bya ba ni myur ba nyid du khugs par 'gyur ro zhes bya ba'i don to/ /su zhig ce na/ de bzhin gshegs pa kun zhes bya ba gsungs te/sangs rgyas dang byang chub sems dpa' rnams so/ /'gugs zhes bya ba ni spyan 'dren pa'o/ /rdo rje mda' yis zhes bya ba ni rdo rje chags pa'i las kyi phyag rgya'o/ /de'i sbyor bas ni rdo rje'i lha mo'ang zhes bya ba ste/ rdo rje sems dpa'i dam tshig gi phyag rgya ste/ de yang mnyes par byed par 'gyur ba'o//bdag nyid byed ces bya ba ni sngags pa'o/ /rdo rje dga' ba ni rdo rje legs pa'i las kyi phyag rgya'o/ /de sngags pa mtshan nyid dang ldan par bcings na/ rgyal ba kun zhes bya ba ste de bzhin gshegs pa thams cad kyis legs so zhes bya ba'i tshig kyang sbyin par mdzad do//rdo rje chen po'i nor bu ni bcom ldan 'das rdo rje rin chen gyi las kyi phyag rgya'o/ /de bcings na ston pa rnams kyis zhes bya ba ste/ de bzhin gshegs pa thams cad kyis so/ /de zhes bya ba ni sngags pa'o/ /dbang bskur zhes bya ba ni dbang bskur ba byin pas mchod par 'gyur ro zhes bya ba'i don to//rdo rje nyi ma ni bcom ldan 'das rdo rje gzi brjid kyi las kyi phyag rgya'o/ /de bcings na sngags pa de nyid dang 'dra bar 'gyur ro/ /rdo rje rgyal mtshan ni bcom ldan 'das rin chen dpal gyi las kyi phyag rgya'o/ /bsgreng bas zhes bya bas ni de bcings pas so//de ni zhes bya ba ni sngags pa'o/ /rin chen char yang 'bebs zhes bya ba ni sems can thams cad kyi mngon par 'dod pa'i don gyi dngos grub ste/ de 'bebs par byed do zhes bya ba'i don to/ /rdo rje 'dzum pa ni bcom ldan 'das rdo rje bzhad pa'i las kyi phyag rgya'o/ / bcings pas zhes bya ba ni bcings pa byas pa'o/ /sangs rgyas 'dra bar myur bzhad 'gyur/ /zhes bya ba ni ji ltar sangs rgyas bcom ldan 'das rnams 'dzum pa yang dag par ston par mdzad pas sems can rnams kyi don mdzad pa de bzhin du sngags pa des phyag rgya bcings pas 'dzum pa'i rang bzhin gyis sems can rnams kyi don byed do zhes bya ba'i don to//rdo rje me tog ni bcom ldan 'das 'jig rten dbang phyug gi las kyi phyag rgya'o/ /de bcings pas ni/ rdo rje chos ni de yis mthong / /zhes pa ste/ 'jig rten dbang phyug des mthong bar 'gyur ro//rdo rje ral gri ni bcom ldan 'das 'jam pa'i dbyangs kyi las kyi phyag rgya'o/ /de bcings na/ de ni sdug bsngal thams cad gcod/ /ces bya ba ste/ sems can thams cad kyi 'khor ba'i sdug bsngal thams cad gcod par 'gyur ro zhes bya ba'i don to/ /rdo rje 'khor lo ni bcom ldan 'das rdo rje rgyu'i las kyi phyag rgya'o//sngags pas de bcings na/ chos kyi 'khor lo bskor bar 'gyur/ /zhes bya ba ste/ chos smra ba chen po nyid thob par 'gyur ro zhes bya ba'i don to/ /sangs rgyas kun gyi tshig rnams ni/ /rdo rje bzlas pas 'grub par 'gyur//zhes bya ba la/ /rdo rje bzlas pa ni bcom ldan 'das rdo rje smra ba'i las kyi phyag rgya ste/ de bcings na sangs rgyas kun gyi tshig rnams 'grub par 'gyur zhing mngon sum du 'gyur ro zhes bya ba'i don to/ /rdo rje gar gyi mchod pa yis/ /zhes bya ba ni rdo rje las kyi phyag rgya'o/ /sngags pas de bcings na/sangs rgyas kyang ni dbang du 'gyur/ /zhes bya ba sangs rgyas bcom ldan 'das kyang dbang du 'gyur ba ste/ sems can rnams kyi don gyi phyir spyod pa'i gar gyi phyag rgya des sangs rgyas bcom ldan 'das kyang mnyes par 'gyur zhes bya ba'i don to/ /rdo rje go chas lus bcings nas//zhes bya ba ni rdo rje go cha'i las kyi phyag rgya'o/ /de bcings na/ rdo rje'i snying po 'thob par 'gyur/ /zhes bya ba ste/ mi phyed pa'i lus su 'gyur ro zhes bya ba'i don to/ /rdo rje'i mche ba bcings pas ni/ /zhes bya ba ni bcom ldan 'das rdo rje gnod sbyin gyi las kyi phyag rgya'o//de bcings na bgegs dang log 'dren 'ba' zhig skrag par nus pa ma yin gyi/ rdo rje nyid kyang bdag gis chom/ /zhes bya ba ste/ phyag na rdo rje yang skrag par byed do zhes bya ba'i don to/ /rdo rje khu tshur kun 'phrog cing / /zhes bya ba ni rdo rje khu tshur gyi las kyi phyag rgya bcings na don thams cad 'gugs par 'gyur ro zhes bya ba'i don to//phyag rgya grub pa kun kyang thob/ /ces bya ba ni 'di bcings bas sku gsung thugs rdo rje gcig tu byas pas phyag rgya thams cad 'grub par 'gyur ro zhes bya ba'i don to/ /rdo rje 'dzin ma'i las kyi phyag rgya bcings bas dga' ba sbyin pa ste/bde ba dang yid bde ba sbyin no zhes byas ba'i don to/ /rdo rje phreng ba'i las kyi phyag rgyas ni gzugs bzang ba sbyin par byed do/ /rdo rje glu'i las kyi phyag rgyas ni glu snyan pa ste dbyangs can sbyin par byed do zhes bya ba'i don to/ /rdo rje gar gyi las kyi phyag rgyas ni sems can thams cad dbang du byed do//lha mo bdug pa ma'i las kyi phyag rgyas ni yid tshim par byed pa ste yid rab tu dga' ba sbyin par byed do zhes bya ba'i don to/ /rdo rje me tog gi las kyi phyag rgyas ni rgyan thams cad sbyin par byed de/ gang gi phyir rgyan thams cad kyis brgyan pa'i steng du me tog gi phreng ba 'dogs pas na rgyan gyi dam pa ni me tog gi phreng ba yin no//mar me'i mchod pa ma'i las kyi phyag rgyas ni gzi chen po ste/ lus la sogs pa la 'od sbyin par byed do zhes bya ba'i don to/ /rdo rje dri'i las kyi phyag rgyas ni dri rab ldan zhes bya ba ste/ de bzhin gshegs pa'i tshul khrims kyi dri 'thob par 'gyur ro zhes bya ba'i don to//rdo rje rgyal po'i las kyi phyag rgya'i las ni sangs rgyas dang byang chub sems dpa' rnams sangs rgyas kyi zhing gi 'jig rten gyi khams gzhan nas spyan 'dren pa yin la/ rdo rje lcags kyu'i las kyi phyag rgya'i las kyi gtso bo ni dkyil 'khor gyi sgor mngon par phyogs nas bzhugs par 'gugs pa yin no//rdo rje zhags pa'i las kyi phyag rgya'i las ni sgo la mngon par phyogs nas bzhugs pa rnams rang rang gi sgo nas gzhug pa'o/ /rdo rje lcags sgrog gi las kyi phyag rgya'i ni zhugs zin pa rnams rang gi gnas nas mi g.yo bar 'ching bar byed pa'o//rdo rje 'bebs pa'i las kyi phyag rgya'i las ni bskyod cing 'bebs pa'o/ /snying po byin la phyag rgya bzhi'i ye shes bslab par bya'o zhes gsungs pa las/ phyag rgya bzhi'i cho ga ni bstan zin to/ / da ni phyag rgya thams cad kyi spyi'i phyag rgya bcing ba'i cho ga rgyas par bstan par bya ba'i phyir/ de nas phyag rgya thams cad kyi/ /zhes bya ba la sogs pa gsungs te/ de nas zhes bya ba ni gnas skabs so/ /phyag rgya thams cad kyi zhes bya ba ni phyag rgya yang yin la thams cad kyang yin pas na phyag rgya thams cad de/phyag rgya chen po dang / dam tshig gi phyag rgya dang / chos kyi phyag rgya dang / las kyi phyag rgya bzhi po de dag thams cad kyi'o/ /spyi'i phyag rgya bcing ba'i cho ga rgyas pa zhes bya ba ni bcings pa'i thabs mtshungs pa'o/ /de gang yin zhe na/ thun mong gi bcing ba'i thabs te/ de la thog ma nyid du zhes bya ba la sogs pas ston to//de la thog ma nyid du zhes bya ba ni dam tshig gi phyag rgya las byung ba yin du zin kyang rdo rje thal mo las ni ma yin te/ gang gi phyir rdo rje thal mo las ni rdo rje bsdams pa 'byung la/ rdo rje bsdams pa las gung mo gnyis bsgreng ba na phyis gdod sems ma rdo rje ma'i phyag rgyar 'gyur te/dam tshig phyag rgya thams cad ni rdo rje bsdams pa las byung bas na zhes gsungs pa yin pa'i phyir ro/ /las kyi phyag rgya rnams kyang rdo rje khu tshur gyi dam tshig gi phyag rgya las byung la/ phyag rgya chen po yang dam tshig gi phyag rgya las 'byung ste/ gang gi phyir rdo rje 'bebs pa ni phyag rgya chen po'i rtsom pa yin no//phyag rgya de gsum char bcings nas phyis gdod chos kyi phyag rgya brjod de/ de'i phyir rdo rje thal mo 'ba' zhig ma gtogs par phyag rgya thams cad kyi thog ma rdo rje bsdams pa yin no/ /gtan tshigs de'i phyir na thog ma nyid du zhes gsungs pa yin no//rdo rje bcing ba'i sor mo snying gar gdab par bya zhes bya ba ni rdo rje bsdams pa bcings la rang gi snying gar sgra dang bcas pas dgrol bar bya'o zhes bya ba'i don to/ /tra ta zhes bya ba 'dis ni snga ma bzhin du rdo rje go cha dbye ba ston to/ /de bas na phyag rgya bcings ba kun rang gi lus dang ngag dang sems rdo rje'i dbang du 'gyur ro zhes bya ba gsungs pa yin no//'di skad ston te/ sngar rjes su dran pa la sogs pa dang / ldang ba'i tshe phyag rgya thams cad rang rang gi gnas su bzhag ste/ go cha bkon zhing dbang bskur te gzhag pa rnams ma bkrol bas na bcings te gnas pa yin la/de ltar bcings pa de'i phyir de rnams las la sbyar ba la dbang byed mi nus so/ /de nas sngags pa phyis kyang phyag rgya 'ching ba'i tshe rdo rje bcings pa snying gar bkrol bas de rnams grol bar 'gyur ro/ /de rnams kyi phyag rgya bcings pa'i tshe na yang dbang byed nus pa nyid du yang 'gyur te/rdo rje bcings pa snying gar dgrol ba'i dgos pa ni re zhig de lta bu yin par shes so/ /de bas na thog mar rdo rje bcings pa snying gar dgrol ba 'di byas la/ de'i 'og tu phyag rgya lhag ma rnams bcing par bya ste/ 'di ni cho ga yin no/ /de nas zhes bya ba ni rdo rje bcing ba gdab pa'i 'og tu rdo rje dbab pa'i phyag rgya bcings la snying po brjod par bya ba ste/gang gi phyir phyag rgya chen po ma bcings par ni phyag rgya gzhan rnams kyi 'ching ba yod pa ma yin te/ phyag rgya chen pos stong na dgos pa thams cad med pa yin pa'i phyir ro/ /rdo rje dbab pa zhes bya ba la/ dbab pa 'di ni ye shes dbab pa yin gyi/ sems dpa' dbab pa ni ma yin no/ /sems dpa' dbab pa ni smas zin te/ de yang gnas skabs gang du byung ba'i gnas skabs der phyis kyang bshad par bya'o/ /ye shes dbab pa zhes bya ba 'dis ci zhig ston ce na/ rdo rje dbab pa bcing ba nyid kyi tshe na sems kyis rang gi lus dang dbang po rnam par gzhig par bya ste/cha shas su phye ba nas brtsams nas rdul phra rab la thug gi bar du bsgom par bya'o/ /rdul phra rab kyang phyogs cha'i rnam par bsgom zhing / ye shes tsam du gzhag par bya ste/ 'di ni rnam par rig pa tsam mo zhes bya ba ni rang gi lus dang dbang po rnam par gzhig pa'am/gzugs kyi dngos po thams cad rnam par gzhig pa yin no/ /de nas ye shes de zla ba'i dkyil 'khor du bsams la de brtan par bya ba'i phyir rdo rje rtse lnga pa 'am rang gi phyag rgya der dgod par bya'o/ /de nas de la bdag go bar nga rgyal bskyed par bya'o//de nas nam mkha'i khams rnams las sangs rgyas kyi sku dang gsung dang thugs rdo rje'i dbyings gzhug par bya'o/ /de nas ni rang gi lha'i gzugs su'o/ /sangs rgyas kyi dbyings gzhug pa ma yin pa gzhig na dkyil 'khor du gzhug pa'i tshe/slob dpon gyis rang gi lha'i gzugs ji ltar bstan pa de lta bu'i kha dog dang rtags dang dbyibs dang na bza' dang rgyan la sogs par ldan pa de lta bu bdag yin no bar nga rgyal bskyed la/ phyag rgya'i rang gi rang bzhin gyi lha'i gzugs su brtag par bya'o//gang yang de bzhin gshegs pa zlos pa des ni rdo rje sems dpa'i gzugs su brtag par bya'o/ /'on te sangs rgyas kyi dbyings 'jug par byed na de nas sangs rgyas kyi skur te/ sems shes pa nas brtsams nas ni/ /rdo rje nyi ma bsgom par bya/ /zhes gsungs pa de'i skabs ni 'di nyid yin no//gang zhig rdo rje sems dpa' zlos par byed pa des ni/ bsgyings bcas rdo rje gsor byed na/ /zhes bya ba la sogs pa ji skad gsungs pa des rdo rje sems dpa'i skur brtag par bya'o/ /sems dpa' chen po lhag ma rnams ni/ sku gsung thugs ni rdo rje yis/ ji ltar ri mo'i rjes mthun zhes bya ba la sogs pa ji skad gsungs pas/ gang gi sems dpa' gang yin pa de'i gzugs su brtag par bya ste/ 'di ni phyag rgya chen po bsgom pa'i skabs yin no/ /de nas yang dag par bsams nas zhes bya ba ni yang dag cing phyin ci ma log par kun nas yan lag rnams khyab par bsams la/bsams nas grogs por 'gyur ba ste bsams pa'i don rnams la mdza' bo bzhin du bya ba byed par 'gyur ba'o/ /de nas zhes bya ba ni de'i rjes thogs la'o/ /phyag rgya'i dam tshig gi sems dpa' chen po rjes su dran par bya ste zhes bya ba ni phyag rgya yang yin la dam tshig kyang yin pas phyag rgya'i dam tshig ste/sems dpa' chen po'o/ /de rjes su dran pa ni rang gi lha'i phyag rgya chen po'i gzugs su bdag nyid yongs su rdzogs par bsam mo zhes bya ba'i don to/ /de'i gzugs kyi sku bdag gi sems kyis bsams su zin kyang 'on kyang de'i nga rgyal ma bskyed pas de'i phyir snying po 'di brjod pa zhes bya ba la sogs pa gsungs te/ma hA sa ma ya sa twa haM zhes bya'o/ /'dis zhes bya ba ni sems dpar nga rgyal bskyed pas so/ /phyag rgya thams cad 'grub ste zhes bya ba ni sems dpa' thams cad kyi phyag rgya thams cad 'grub par 'gyur ba'o//'di spyir smos pa yin du zin kyang 'on kyang don gyi shugs kyis sems dpa' chen po zlos pa nyid kyi yin par mngon gyi/ de bzhin gshegs pa zlos pa rnams kyi ni ma yin te/ de dag gi sngags lnga brjod pa'i man ngag 'gog pas de bzhin gshegs pas nga rgyal bskyed pa smras zin to//sems dpa' chen po zlos pa'i sngags pas kyang nam zla ba'i dkyil 'khor la rdo rje dmigs pa'am/ rang gi phyag rgyar dmigs par byed pa de'i tshe de dag gi nga rgyal bskyed par bstan pa yin no zhe na/ de ltar bstan pa ni bden mod kyi/de ni dam tshig gi phyag rgya dang tha mi dad par bstan pa yin gyi/ phyag rgya chen po dang ni ma yin no/ /da ltar ni phyag rgya chen po dang lhan cig tu sems dpa' chen po ni bdag go zhes nga rgyal du bya bar gsungs pa yin no/ /de ltar nga rgyal bskyed nas sa ma ya s+t+waM zhes bya ba dang / dam tshig gi phyag rgya bcing bar bya'o//de nas/ rgyab tu zla ba grub nas ni/ /de la sems dpa'i lus su bsgom/ /sa ma ya s+t+waM a haM brjod/ de nas rigs de nyid kyi phyag rgyas byin gyis brlab par bya'o/ /de nas ni de'i rjes thogs la'o/ /spyi'i sgrub pa'i cho ga rgyas par bshad do zhes bya ba la/ thams cad kyi thun mong gi sgrub pa 'byung bas na spyi'i sgrub pa'i cho ga rgyas pa zhes bshad do//gang gi phyir sangs rgyas bcom ldan 'das nyid kyang dam tshig gi phyag rgyas byin gyis brlabs par 'gyur ba dang / rdo rje sems dpa' dang sems dpa' gzhan rnams kyang rang rang gi dam tshig gi phyag rgyas byin gyis brlabs shing sgrub par 'gyur bas na spyi zhes bshad do//theg pa chen po mngon par rtogs pa'i rtog pa 'ba' zhig tu ma zad kyi/ rtog pa thams cad kyi yang yin pas na rgyu des kyang spyi'i cho ga zhes bshad do/ /da ni spyi'i sgrub pa'i cho ga rgyas pa de la thog mar zhes bya ba la sogs pas ston te/gang las thog mar gyur pa yin zhe na/ dbang bskur ba las zhes bya ba'i don yin gyi/ rdo rje bcings pa las kyang ma yin la/ rdo rje dbab pa las ma yin zhing / rigs kyi dam tshig gi phyag rgya las kyang ma yin no/ /phyag rgya bcings nas zhes bya ba ni rang gi sems dpa'i dam tshig gi phyag rgya'o//rang gi phyag rgya'i sems dpa' yin pas na rang gi phyag rgya'i sems dpa'o/ /bdag ces bya ba ni rang gi lus so/ /sngar rang gi sems dpa' gzugs su grub zin pa yin kyang / de yang byin gyis brlab par bya ba'i phyir bsgom mo zhes bya ba ste/mngon sum du gyis shig pa'o/ /snying po yang ji skad gsungs pa bzhin du brjod par bya'o/ /'dis byin gyis brlab po zhes bya ba ni rang gi sems dpa'i phyag rgya dang / ji skad gsungs pa'i sngags brjod pa'o/ /de nas bsgrub par bya'o zhes bya ba 'di ni 'di skad ston te/rang la byin gyis brlab pa'i 'og tu gang du dbang bskur ba gang yin pas dbang bskur ba bya ste/ de yang de bzhin gshegs pa zlos pa rnams la ni rdo rje rin po che'i dbang bskur ba'o/ /de bzhin gshegs pa'i rigs kyi byang chub sems dpa' rnams la ni sangs rgyas lnga'i dbu rgyan gyi dbang bskur ba'o//rdo rje rigs zlos pa rnams kyis ni rdo rje phreng bas dbang bskur ba'o/ /'gro ba 'dul ba'i rtog pa'i byang chub sems dpa' rnams la ni 'od dpag tu med pa'i dbang bskur ba'o/ /rin po che'i rigs la ni rin po che'i myu gus dbang bskur bar bya ba'o//de nas dbang bskur ba'i 'og tu ting nge 'dzin la bzhag pa ni rang gi lha'i tshul du bsgom par bya'o/ /de nas mchod pa bya ste/ de bzhin gshegs pa rnams la ni mchod pa rnam pa bzhi'am/ las kyi dkyil 'khor du bshad pa'i rnam pa bcu drug go/ /byang chub sems dpa' rnams la ni rnam pa brgyad dam/ji ltar rdo rje 'dzin pa'i rang gi las kyi dkyil 'khor las bshad pa'i rnam pa bcu drug go/ /de nas bsrung bar bya'o/ /bar skabs 'dir sems dpa' dbab par bya/ de bzhin du bdag la byin gyis brlab pa la sogs pa zhes gsungs pa'i phyir ro//de yang dbab pa'i snying po brjod la dbab pa byas nas/ de'i 'og tu sems dpa' chen po rjes su dran pa'i snying po brjod par bya'o/ /de nas dgug pa dang gzhug pa dang bcing ba dang dbang du bya ba'i snying po brjod la yid kyis kyang bya ste/ phyag rgya chen po dang rang gi dam tshig gi phyag rgya bzung nas/las kyi phyag rgya'i tshul du sngags pa'i rang gi lus bsgyur zhing gzhag par bya'o/ /chos kyi phyag rgya yang zla ba'i dkyil 'khor la bzhag cing brjod par yang bya'o/ /de nas bsrung ba bya'o/ /de nas lha dgod par bya ba'i phyir rdo rje khu tshur bcing bar bya ste/ sku gsung thugs kyi rdo rje rnams//bsdus pas khu tshur zhes bshad do/ /zhes gsungs pa'i phyir ro/ /sku dang gsung dang thugs kyi rdo rje rnams bsgrub par bya ba dang / lhan cig tha mi dad par bsrung bar bya ba'i phyir/ bar skabs 'dir rdo rje khu tshur yang bcing bar bya'o/ /de ltar na b+dz+ra ban+d+ha traDa ces bya ba nas brtsams te/rdo rje khu tshur gyi bar 'di dang / sngags pas rang gi lha'i rnal 'byor bsgom par bya'o/ /cho ga rgyas pa ni rig pa'i 'dul ba'i rgyud phyi ma las/ dam tshig bsrung bar bya ba dang / chos bsgom par bya ba dang / las la nan tan du bsgrub par bya ba dang / bden pa bskyang bar bya ba ji skad gsungs pa bzhin du/sngags pas de'i tshe bdag gis ci zhig ni ma bsrungs/ gang zhig ni ma bsrungs zhes bya ba la sogs pa bsam par bya'o/ /de ltar mchod pa rnam pa bzhi byas nas/ mtshan brgya rtsa brgyad pas kyang bstod par bya'o/ /de'i 'og tu bsgom pa la sogs pa bya'o//ar+tha sid+d+hi zhes bya ba ni dngos grub la sogs pa'i las byed par 'dod na/ las ji lta bu byed par 'dod pa de lta bu dang rjes su mthun pa'i bkra shis pa'i tshig rgyud las gsungs pa dang por brjod la las gang yin pa de bya'o/ /de bas na de ji ltar mngon par 'dod pa'i dngos grub rnams 'grub par 'gyur te/dgos pa grub par 'dod pa rnams kyis bkra shis pa'i tshig ni gzung bar bya zhing / tshig ngan pa rnams ni spang bar bya'o zhes 'jig rten du ji skad bshad pa lta bu'o/ /dngos grub mchog la yang rgyud las bzlas par bya ba'i snying po gsungs pa de nyid thog ma nyid du 'di bzhin du brjod par bya ste/gang gi phyir de kho na nyid bkra shis pa yin pa'i phyir ro/ /de lta bu'i bya ba zin pa byas nas gang dgongs pa'i tshul dang mthun pa'i rang gis bsgrub par bya ba'i lha'i snying po bzlas pa brjod par bya'o/ /lhag ma rnams ni go sla'o/ /de ltar dngos grub kyi rgyur bkra shis pa'i tshig dngos grub kyi sgrar bshad nas/da ni bzlas brjod la sogs pa la zhugs pa'i rnal 'byor pa rnams kyis ji skad bshad pa'i phyag rgya bcing ba rnams brtan par bya ba'i phyir/ de nas phyag rgya thams cad kyi spyi'i rang gi lus dang ngag dang sems rdo rje la sogs pas ston te/de nas zhes bya ba ni de'i rjes thogs la'o/ /phyag rgya thams cad kyi zhes bya ba ni phyag rgya rnam pa bzhi char gyi yang ci rigs pa rnams kyi'o/ /spyi zhes bya ba ni mtshungs pa'o/ /de gang yin zhe na/ rdo rjer bya ba ste brtan par bya'o/ /gang la zhe na/ lus dang ngag dang sems rdo rje zhes bya ba ste/ sku'i phyag rgya ni lus rdo rjer bya ba'o/ /gsung gi phyag rgya ni ngag rdo rjer bya ba'o/ /thugs kyi phyag rgya ni sems rdo rjer bya ba'o/ /cho ga rgyas pa ni thabs kyi bya ba rgyas pa'o/ /rdo rjer bya ba 'di thog ma'am/ tha ma'am bar du nam bya ba mi shes pas na/ de'i phyir nam phyag rgya'i byin gyi rlabs lhod par gyur tam zhes bya ba gsungs te/nam zhes bya ba ni gang gi tshe na'o/ /phyag rgya rnams kyi byin gyi rlabs yin pas na phyag rgya'i byin gyi rlabs te gnas zhes bya ba'i don to/ /de yang sku'i phyag rgya rnams kyi ni lus so/ /gsung gi phyag rgya rnams kyi ni ngag go/ /thugs kyi phyag rgya rnams kyi ni sems te/ gnas ngan len la sogs pa'i nyes pas lus la sogs pa lhod par gyur na/rdo rjer bya ba'i cho ga 'di bya'i 'di la dus kyi nges pa ni yod pa ma yin no/ /lan 'ga' le lo la sogs pa'i skyon gyis bya ba ma rdzogs par yang bdag nyid gtong bar 'dod par gyur na/ de'i tshe 'dis zhes bya ba 'og nas bshad pa'i yi ge brgya pas gnas ngan len dang le lo la sogs pa thams cad dang bgegs dang log 'dren rnams rnam par gzhig cing phyag rgya'i byin gyi rlabs kyis khyad par gyi lus la sogs pa brtan par bya'o//'dis zhes bya ba ni ji skad gsungs pa'i snying pos so/ / mtshams med pa byas pa dang zhes bya ba ni sdig pa spyod pa thams cad kyi nang na shin tu mi bzad pa ni mtshams med pa byed pa ste/ shi 'phos pa'i rjes thogs nyid la las gang gis kyang mnar med pa'i sems can dmyal ba chen por ltung bar byed pa de ni mtshams med pa zhes bya'o/ /de yang ma gsod pa dang /pha gsod pa dang / dgra bcom pa gsod pa dang / de bzhin gshegs pa la ngan sems kyis khrag 'byin pa dang / dge 'dun gyi dbyen byed pa rnams so/ /de ltar ji skad bshad pa rnams byed pa ni mtshams med pa byas pa ste/ de lta bus ni bde 'gror 'gro ba yang rnyed par dka' na/gsang sngags 'grub pa lta smos kyang ci dgos mod kyi/ 'on kyang snying po 'di brjod pas de rnams kyang 'grub par 'gyur zhes gsungs so/ /de bzhin gshegs pa thams cad bslus pa dang zhes bya ba ni gang gis de bzhin gshegs pa'i chos rnams thos nas 'di ni nga'i chos yin no zhes de ltar ston pa ni de bzhin gshegs pa thams cad bslus pa zhes bya'o//yang na nga'i ston pa'i chos ni 'di yin no zhes ston par byed cing / chos rku bar byed pa de la ni de bzhin gshegs pa thams cad bslus pa zhes bya ba de yang shin tu sdig pa chen po byed pa yin la/de rnams kyis kyang snying po 'di brjod pas 'grub par 'gyur ro zhes ston pa yin no/ /sems can gang dam pa'i chos la smod pa de yang sdig pa chen po byed pa yin te/ mdo sde la sogs pa sangs rgyas kyi zhal nas gsungs pa rnams la yang sangs rgyas kyi bka' ma yin no zhes smod pa'o//yang na ni sangs rgyas kyis gsungs pa ma yin no zhes zer pa 'di yang dam pa'i chos la smod pa yin no/ /de bas na dam pa'i chos la smod par byed pa de rnams kyang snying po bzlas pas 'grub par 'gyur ro zhes gsungs pa yin no/ /kha na ma tho ba re re tsam zhig byed pa 'ba' zhig tu ma zad kyi/nyes pa thams cad byas pa yang snying po 'di brjod na dngos grub 'thob par 'gyur ba ste/ de bzhin gshegs pa thams cad kyi phyag rgya'i sgrub pa por 'gyur ba ston pa'o/ /de bas na rdo rje sems dpa' brtan par gyur pas zhes gsungs so/ /'di skad ston te/bskul ba'i snying po 'dis bcom ldan 'das rdo rje sems dpa' bskul bar gyur na/ brtan par gyur pas tshe 'di nyid la ji ltar 'dod pa zhes bya ba ji ltar dga' bar ro/ /dngos grub thams cad dam zhes bya ba ni thun mong gi'o/ /dngos grub dam pa zhes bya ba la sogs pas ni khyad par ston te/khyad par de gang yin zhe na/ rdo rje'i dngos grub bo/ /dris pa sangs rgyas kyi dngos grub ni dngos grub kyi dam par gsungs na/ rdo rje'i dngos grub ci'i phyir dngos grub kyi dam par gsungs she na/ gang gi phyir stong pa nyid kyi ye shes rdo rje las sangs rgyas nyid la sogs pa dngos grub thams cad 'byung ste/de bas na rdo rje'i dngos grub kyang dngos grub kyi dam par gsungs pa la nyes pa med do/ /rdo rje sems dpa'i dngos grub ni dngos grub kyi dam pa nyid yin no/ /bar du zhes bya ba'i sgras ni byang chub sems dpa' lhag ma rnams kyi dngos grub sdud do//de bzhin gshegs pa thams cad kyi rdo rje sems dpas zhes bya ba ni de bzhin gshegs pa thams cad kyi rdo rje sems dpa' ste/ bcom ldan 'das byang chub sems dpa' kun du bzang po zhes bya ba'i don to/ /'di dag kyang yang dag par sdud par byed pa'i tshig yin no//phyag rgya rnams kyi bcing ba yang bshad zin to/ /dngos grub kyang bshad zin/ las rnams kyang bshad zin/ brtan par bya ba yang bshad zin na/ ldang ba'i tshe phyag rgya rnams bkrol nas ldang bar bya dgos na ji ltar dgrol bar bya ba'am/ gang du dgrol bar bya ba ma bshad pas de'i phyir de nas phyag rgya thams cad dgrol ba'i spyi'i cho ga rgyas par bshad do zhes gsungs pa yin te/de nas zhes bya ba ni de'i rjes thogs la'o/ /phyag rgya thams cad ces bya ba ni rnam pa bzhi'o/ /phyi'i zhes bya ba ni mtshungs pa'i 'o/ /dgrol ba'i cho ga rgyas pa zhes bya ba ni bcing ba gzhig pa'i thabs kyi bye brag go//dgrol ba'i cho ga rgyas pa de yang rnam pa mang bas na/ de'i phyir de'i nges pa'i dmigs bstan pa'i phyir/ de la zhes bya ba la sogs pa gsungs te/ thog ma nyid du zhes bya ba ni dang po kho nar dgrol ba nyid bshad par bya'o zhes bya ste/de bya ba gzhan gyi gzhi yin pa'i phyir ro/ /thog ma nyid du zhes bya ba'i nyid kyi sgra ni dgrol ba kho na dang sbyar ro/ /phyag rgya thams cad gang dang gang nas 'byung ba zhes bya ba ni gang dang gang las byung ba ma bstan du zin kyang rab tu byed pa'i don gyi dbang gis rig par bya'o//de la re zhig phyag rgya thams cad kyi gzhi ni phyag rgya chen po yin la/ dam tshig gi phyag rgya rnams kyi ni rdo rje bcing ba yin no/ /rdo rje bcing ba'i ni rdo rje thal mo yin no/ /las kyi phyag rgya rnams kyi ni rdo rje khu tshur gnyis yin no/ /rdo rje khu tshur gnyis kyi ni dam tshig gi rdo rje khu tshur yin no//chos kyi phyag rgya rnams kyi ni lce yin no/ /phyag rgya chen po rnams kyi ni snying ga yin no/ /de lta bas na ldang ba'i tshe yang re zhig las kyi phyag rgya rnams ni khu tshur gnyis su yid kyis bsdu bar bya'o/ /rdo rje khu tshur gnyis ni dam tshig gi rdo rje khu tshur du'o/ / de bas na dam tshig gi phyag rgya thams cad ni rdo rje bcing bar ro/ /rdo rje bcing ba ni rdo rje thal mor ro/ /rdo rje thal mo ni phyag rgya chen por ro/ /chos kyi phyag rgya rnams ni lce ru'o/ /phyag rgya chen po ni rdo rjer ro/ /rdo rje ni zla ba'i dkyil 'khor du'o/ /zla ba'i dkyil 'khor ni byang chub kyi sems kyi rang bzhin rnam par smin pa'i lus kyi snying gar bkrol lo//der rdzogs nas brtul ba'i tshul ji lta ba de bzhin du/ 'jig rten gsum las rnam par rgyal ba la sogs pa'i phyag rgya bzhi bcing ba la yang brtag par bya ste/ gang dang gang las byung ba de dang der yid kyis nye bar bsdus la de nas rim gyis ji skad gsungs pa'i snying pos snying ga la sogs par dgrol bar bya'o//khyad par ni 'di yod de/ de bzhin gshegs pa'i rigs dang / rdo rje'i rigs la ni badzra muHzhes bya ba'o/ /pad+ma'i rigs la ni pad+ma'i ming smos pas so//rin po che'i rigs la ni rin po che'i ming smos pas so/ /rtog pa thams cad la yang dam tshig gi phyag rgya gnas de dang de dag tu dgrol zhing snying po smras ma thag pa rnams kyis phyag rgya thams cad dgrol bar bya'o/ /de nas snying gnas byung ba zhes bya pa la sogs pa'i gzhung ni go sla bas ma bshad do//khyad par ni 'di yod de/ rtog pa gang dang gang la rin chen rdo rje ma'i phyag rgya ji lta ji ltar byung ba de dang des de dang der phyag rgya dang sngags 'di nyid kyis dbang bskur bar bya'o/ /de nas yang go cha'i mthar zhes bya ba ni go cha'i mtha' mar phreng ba bcing ba gang yin pa de ni go cha'i mthar phreng ba bcing ba zhes bya ste/de btang la thal mo mnyam par brdabs te/ mnyes par bya zhes bya ba ni lag pa gnyis mnyam par byas la snying ga'i phyogs su thal mo dal bus lan gsum brdab par bya ba 'di ni thal mo mnyam pa ste ji skad du gsungs pa'i snying po yang brjod par bya'o//cho ga 'dis zhes bya ba ni bshad ma thag pa ste/ ji skad du bshad pa'i gnas rnams su dgrol ba'i cho gas so/ /de la rin chen rdo rje ma'i phyag rgyas rang gi lus la bdag por gzhag cing go cha'i mtha' mar phreng ba bcing bas bcings te/brtan por byas la thal mo mnyam pas mnyes par byas na rdo rje lta bur 'gyur ba ste/ nam yang yongs su mi gtong ngo zhes bya ba'i don to/ /ji cho ga 'di nyid kyis rdo rje lta bur 'gyur ram/ 'on te dus 'di'i tshe cho ga gzhan yang yod ce na/de'i phyir yang na rdo rje sems dpas kyang bya'o zhes bya ba ste/ yi ge brgya pas kyang bya'o zhes bya ba'i don to/ /'di skad ston te/ gnas ji lta bar phyag rgya rnams bkrol la/ rin chen rdo rje ma'i phyag rgyas dbang bskur bas go cha'i mthar phreng ba ma byas su zin kyang yi ge brgya ba brjod cing mnyam pa'i thal mos mnyes par byas te langs na de lta bus kyang rdo rje lta bur 'gyur ro//phyag rgya bzhi rgyas pa dang bcas par smras zin nas/ phyag rgya la gnas pa'i bzlas pa'i cho ga bshad dgos pas/ de'i phyir/ rdo rje sems dpa' lan cig bzlas/ /zhes bya ba la sogs pas bzlas pa'i cho ga ston to/ /rdo rje sems dpa' ni dkyil 'khor gyi bcom ldan 'das dang po'i sems dpa' ste/ de'i sngags ni 'di nyid yin la/ de bas na 'di'i don bsgoms nas lan cig brjod pas kyang 'grub par 'gyur ro//ji ltar bzla bar bya zhe na/ bzlas pa'i cho ga ni ji ltar 'dod par zhes bya ba ste ci dga' bar ro/ /de yang / /'dug gam nyal lam 'greng ngam snyes kyang rung / /spyod pa ci dgas gang ci'ang rung ba ru/ /byang chub sems bskyed bzlas pa byas pa yi//mkhas pas the tshom med par dngos grub thob/ /ces ji skad gsungs pa lta bu'o/ /bdag bde bar zhes bya ba ni sems bde ba la bya ste/ sems bde ba rnams ni rtse gcig par 'gyur ro zhes ji skad gsungs pa lta bu'o/ /'di skad ston te/ bde ba'i bdag nyid can gang yin pa de ni bde ba ste/bdag ces bya ba ni nga rgyal gyi gzhi yin pas sems la bya'o/ /bde ba ni bde ba'i tshor ba ste/ bde ba dang ldan pa'i sems so/ /de lta bu'i bdag bde ba las 'grub par 'gyur gyi nyon mongs pa las ni ma yin te/ dka' thub dka' spyad mi bzad pas//lus skams 'gyur zhing sdug bsngal te/ /sdug bsngal bas ni sems g.yengs la/ /sems g.yengs dngos grub gzhan du 'gyur/ /zhes ji skad gsungs pa lta bu'o/ /de lta bu'i rnam pa'i bzlas pa tsam gyis kyang 'grub par 'gyur ro//ji ltar na bzlas pa tsam gyis 'grub ce na/ de'i phyir/ lag na rdo rjes gsungs pa bzhin/ /zhes bya ba gsungs te/ bzhin zhes bya ba ni rgyud de dang de dag gi nang nas ma bsgrubs par yang bcom ldan 'das rdo rje sems dpa'i gzugs bsgom zhing / 'di lta bu'i bzlas pa tsam gyis kyang 'grub par 'gyur ro zhes bcom ldan 'das phyag na rdo rjes gsungs pa 'byung ba lta bu'o//'di nyid kyang su zhig gis gsungs she na/ bcom ldan 'das kun du bzang pos gsungs zhes bya ba ste/ bcom ldan 'das kun du bzang pos bka' stsal pa'o/ / da ni sems dpa' lhag ma rnams kyi bzlas pa'i cho ga bsgres te bstan par bya ba'i phyir/ rdo rje sems sogs sems dpa' rnams/ /zhes bya ba la sogs pa gsungs te/ rdo rje sems dpa' dang por byas pa'i sems dpa' gang yin pa rnams ni rdo rje sems sogs sems dpa' rnams so//de skad smos su zin kyang de rnams kyi sngags dang snying po rnams kyang yin par rig par bya ste/ tha mi dad pas nye bar gdags pas bstan pa'i phyir ro/ /ci dga' bar bzlas pa'i yul gang yin zhe na/ de'i phyir/ sgrub pa dang ni las kun la/ /zhes bya ba gsungs te/ don gyi dngos grub la sogs pa la/ ci dgar zhes bya ba ste ci 'dod par ro/ /yang na lan cig bzlas pa ste/ dgos pa kha cig tu rdo rje sems dpa' lan gcig bzlas pa tsam gyis zhes gsungs pas/ lan gsum mam/lan bdun nam/ lan nyi shu rtsa gcig gam/ brgya rtsa brgyad dam/ stong rtsa brgyad la sogs pa ste/ rnal 'byor la ni bsgom pa gtso bor gyur pa yin pas na/ dus ji srid kyis phyag rgya bsgom pa brtan por gyur pa de srid du bzlas shing phyag rgya'i sbyor ba bya ba'i don to//rtog pa kun las zhes bya ba ni theg pa chen po mngon par rtogs pa la sogs pa'o/ /snying po dang phyag rgya dang sngags dang rig pa rnams kyi bzlas pa'i cho ga bshad zin nas/ da ni bsgrub pa'i cho ga bshad par bya dgos te/ de ni snying po phyag rgya sngags rig rnams/ / zhes bya ba la sogs pas ston to/ /ji ltar 'dod pa'i tshul gyis ni/ /zhes bya ba ni sbyor ba'i mngon par 'dus byas pa la sogs pa'i khyad par gyis so/ /sbyor ba'i mngon par 'du byed pa'i khyad par de yang kha cig tu rtog pa las gsungs pa yang yod/ la lar ni rang gis byas pa yang yod de/ji ltar rnal 'byor gyi rgyud 'dir lan gsum khrus bya ba dang / gos gsum brje ba la sogs pa gsungs su zin kyang / kha cig cho ga de nyid kyis sems rtse gcig par 'gyur na de'i cho ga yang de nyid yin no/ /kha cig ni de med pa nyid kyis te/ khrus kyi cho ga'i rtsom pa byas pa lus mi bde bar gyur na/de'i cho ga ni rtog pa las gsungs pa nyid yin no/ /de lta bas na gang la ji lta bu'i cho ga'i tshogs bsgrubs shing khrus dang kha zas la sogs pas sems rtse gcig tu gyur na de'i sgrub pa'i cho ga ni de nyid yin te/ sems rtse gcig pa kho na la rag las pa yin pa'i phyir ro//rgyud las gsungs pa'i 'bras bu gang gis cho ga gang yin pa gang gis ting nge 'dzin dang rjes su mthun par 'dod pa de nyid la ni rang byas pa'am zhes bya'o/ /sgrub pa ni sgrub pa'i las phal mo che rnams so/ /'dir zhes bya ba ni rgyud 'dir ro//ni zhes bya ba ni nges par gzung ba ste/ nges pa ni bzlas pa nyi tshe ma nges par ma zad kyi sgrub pa rtog pa la mos pa rnams la yang ma nges pa yod do zhes pa'o/ /thams cad do zhes bya ba ni dngos grub kyi dam pa la sogs pa'o/ /bzlas pa'i cho ga dang sgrub pa'i cho ga bshad zin nas/ji ltar spyan drang ba'i lha rnams slar gshegs su gsol ba'i cho ga bstan par bya ba'i phyir/ de nas gsang ba'i mchod pa zhes bya ba la sogs pa gsungs so/ /de nas zhes bya ba ni de'i rjes thogs la ste/ ji ltar spyan drangs pa'i lha rnams slar gshegs par bya ba'i phyir yang mchod par bya'o//ji ltar mchod ce na gsang ba'i mchod pa brjod cing zhes bya ba gsungs te/ mchod pa rnams kyi nang na gsang ba yin pas na gsang ba'i mchod pa'o/ /de yang mchod pa ni rnam pa brgyad du gsungs te/ de'i gsang ba ni dkyil 'khor gyi don yang dag par sdud pa'o/ /de brjod pa ni de smra ba'o/ /gsang ba'i mchod pa bzhi bya'o/ /zhes bya ba la/ gsang ba'i mchod pa bzhi ni sgeg mo la sogs pa'i mchod pa bzhi'o/ /bdug pa la sogs pa'i mchod pa rnams ni bdug spos la sogs pa phyi'i mchod pa'i yo byad yod pa yin gyi/sgeg mo la sogs pa ni phyi'i yo byad la ltos su med pa yin pas gzhan du de lta bu la ma gtogs par 'dis mchod par byas so zhes sus kyang shes par mi 'gyur te/ de bas na gsang ba'i mchod pa zhes bshad do/ / me tog la sogs pa ni ma smos su zin kyang ba lang rdzi'i chung ma la sogs pa rnams la yang grags pa yin no/ /de bas na sgeg mo la sogs pa nyid la gsang ba'i mchod pa'i sgrar gsungs so/ /gsang ba'i mchod pa brjod cing zhes ni gsungs na/ gsang ba'i mchod pa de ji skad bya ba mi shes te/de bas na rdo rje'i bstod pa 'dis glu blangs te zhes bya ba gsungs so/ /rdo rje'i bstod pa ni rdo rje rnams kyi bstod pa ste/ sangs rgyas dang byang chub sems dpa' thams cad kyi'o/ /yang na rdo rje'i bstod pa ste bcom ldan 'das byang chub kyi sems rdo rje'i bstod pa ste/bstod pa ni yang dag pa'i yon tan sgrogs pa'o/ /'di zhes bya ba ni 'og nas bshad pa'o/ /glu ni grA ma ra ga la sogs pa'i sbyor ba'o/ /blangs pa ni sgrar len pa'o/ /da ni oM zhes bya ba la sogs pa gsang ba'i mchod pa ston te/rdo rje sems dpa' ni bcom ldan 'das byang chub kyi sems so/ /de'i bsdus pa ni yang dag par bsdus pa ste/ dkyil 'khor la sogs par 'jug pa thog mar byas pas so/ /de ltar bsdus pa yin pas na rdo rje rin chen bla na med par 'gyur te/rin po che ni 'jig rten dang 'jig rten las 'das pa'i 'byor pa phun sum tshogs pa thams cad sbyin par byed pa dang / dbul ba thams cad yongs su gcod par byed pa'o/ /'dir ni dad pa'i nor bu rin po che la bya bar dgongs te/ rdo rje'i rang bzhin can gyis byang chub kyi sems kyis/dad pa'i nor bu rin po che byin gyis brlabs pas na rdo rje rin po cher 'gyur zhing / phun sum tshogs pa'i bde ba thams cad skyed pas na bla na med par yang 'gyur la/ de las nges par skyes pa'i rin po che'i rigs su yang 'gyur ro//de las byung ba'i byang chub kyi sems de yongs su bzung na dad pa'i nor bu rin po che yongs su dag par 'gyur te/ de las/ rdo rje chos ni glur blangs pas/ /zhes bya ba ste/ rdo rje chos ni sangs rgyas dang byang chub sems dpa' rnams kyi yin pas na rdo rje'i chos so//yang na stong pa nyid kyi ye shes kyi rdo rje las byung bas na rdo rje'i chos so/ /yang na rdo rje lta bu'i chos yin pas na rdo rje'i chos te/ sngags kyi spyod pa la sogs pa theg pa chen po'i chos rnams phas kyi rgol ba la sogs pas mi shigs pa yin pa'i phyir ro//de glur blangs pa ni/ chos rnams la sgrub pa rnam pa bcu'i/ rdo rje chos kyi glu blangs pas/ /rdo rje'i las ni byed par 'gyur/ /zhes bya ba ste/ rdo rje rnams kyi las yin pas na rdo rje las te/ ji ltar sangs rgyas dang byang chub sems dpa' rnams kyis bla na med pa'i byang chub tu thugs bskyed nas/dad pa'i nor bu rin po che la sogs te/ byang chub kyi yan lag gi nor bu rin po che sbyangs nas/ theg pa chen po'i chos sgrub pa rnam pa bcus glu yang dag par blangs te/ bdag dang gzhan gyi mtshan nyid phrin las bla na med pa ji ltar mdzad pa de bzhin du/khyed kyang lha dang mi 'dus pa 'di rnams la rdo rje'i las rnams byed par 'gyur ro zhes ston pa yin no/ /'di ni lha dang mi rnams la glu blang ba'i thabs kyi chos ston pa yin no/ /rdo rje sgeg mo la sogs pa'i phyag rgya bzhi dang /rdo rje glus bstod pa'i tshig rkang pa bzhi las rkang pa re re dang / phyag rgya re rer sbyar la rim bzhin du mchod par bya ste/ 'di ni sangs rgyas dang byang chub sems dpa' rnams kyi yin par shes par bya'o/ /rdo rje gar lag pa gshibs pa zhes bya ba ni sngar smras zin to//bdug pa la sogs pa'i phyag rgya'i gnas nas/ rdo rje gar gyi thal mo khong stong du sbyar bas bdug pa la sogs pa yid kyis blangs la/ bdug pa la sogs pas nang gi dkyil 'khor du mchod par bya'o/ /de nas de'i phyi'i dkyil 'khor du de bzhin du mchod pa byas la/phyag rgya de rnams rang rang gi gnas su gzhag par bya'o/ /de nas slob dpon gyis mchod pa byas nas/ slob ma rnams la khyed thams cad kyis kyang dkyil 'khor la mchod pa ci nus pa gyis shig ces bsgo bar bya'o/ /ci nus par zhes bya ba 'di skad ston te/gang gi phyag rgya gzung ba des ni phyag rgya rnams kyis mchod pa gyis shig /gang gi phyag rgya ma mnos pa des ni bdug pa la sogs pas mchod pa gyis shig pa'o/ /de ltar bdug pa la sogs pas mchod pa ci dgar byas pa'i 'og tu de bzhin gshegs pa thams cad la gsol ba gdab bo//ji ltar gsol ba gdab ce na/ 'di ltar sems can 'di dag ni bza' ba dang btung ba ste/ zas dang ro la brkam pa lags te/ sred pa des 'jig rten pa'i dkyil 'khor ngan song gi sgor gyur pa de dag tu 'jug par 'gyur la/'di na yang bza' ba dang btung ba la sogs pa yod do zhes bcom ldan 'das kyis sngar dam bcas pa mdzad pa lags te/ de bas na 'dir ji ltar phul ba'i zhal zas la sogs pa de rnams la stsal du gsol zhes gsol ba gdab par bya'o//ji ltar zhugs pa rnams zhes bya ba ni bsam pa gang dang gang gis zhugs pa'o/ /'di skad ston te/ gang bza' ba dang btung ba la sogs pa 'dod pas zhugs pa de rnams la de dang de dag nyid kyis kun tu tshim par bya'o//gang tshul khrims la sogs pas bla na med pa yang dag par rdzogs pa'i byang chub don du gnyer ba de rnams la ni/ de lta bu'i dngos po la 'dod pa med do zhes sngar bye brag tu phye ste smras zin pa yin no/ /de bas na thams cad la bza' ba dang btung ba la sogs pa nges par mi sbyin du mi rung ba ni med do//ci 'byor pa'i zhes bya ba ni ci bdog pa las so/ /ro thams cad ces bya ba ni btung ba la sogs pas so/ /kha zas zhes bya ba ni bza' ba dang bca' ba'o/ /gnas pa ni glu dang gar la sogs pas so//yo byad thams cad ces bya ba ni/ gos dang / gdugs dang / bum pa la sogs pas so/ /mgu bar byas te zhes bya ba ni dga' bar byas pa'o/ /de ltar lha rnams mchod pa dang / slob ma rnams yang dag par mgu bar byas nas/ da ni de bzhin gshegs pa thams cad kyi dngos grub rdo rje'i brtul zhugs sbyin no zhes bya ba ste/de bzhin gshegs pa thams cad ni sangs rgyas dang byang chub sems dpa' rnams so/ /de dag gi dngos grub yin pas de bzhin gshegs pa thams cad kyi dngos grub po/ /de'i mtshan mar gang zhig thogs nas slob dpon dkyil 'khor la sogs pa'i las byed pa ste/rtse gsum pa'i rdo rje yin la/ de'i brtul zhugs te rtag tu 'chang ba'o/ /ji ltar byin par bya zhe na/ 'di de sangs rgyas thams cad nyid/ /ces bya ba la sogs pa'i tshig gis/'di zhes bya ba ni lag na gnas pa'o/ /de zhes bya ba ni rdo rje sems dpa'i lag na 'dug pa gang yin pa de'o/ /sangs rgyas thams cad nyid ces bya ba ni/ sangs rgyas thams cad kyi rgyu nyid yin pa'i phyir ro/ /khyod kyis kyang ni rtag tu bcang / /zhes bya ba ni slob ma la bsgo ba'o//ci'i phyir zhe na/ gang gi phyir 'di ni lag na rdo rje'i brtul zhugs brtan zhes bya'o/ /'di skad ston te/ 'di ni bcom ldan 'das phyag na rdo rje ma rungs pa thams cad 'dul bar mdzad pa la mi phyed pa'i brtul zhugs yin no/ /de ltar slob dpon gyis bsgo bar bya zhing /slob mas kyang rdo rje blangs la ji skad du bshad pa'i snying po brjod par bya'o/ /'di ni las kyi rdo rje yin no/ /dbang bskur ba'i tshe'i rdo rje gang yin pa de ni ye shes kyi rdo rje yin no/ /de nas thams cad ces bya ba la sogs pas ni yang sngar bshad pa'i ma na'i snying po nyid ston to//'ga' zhig 'di snyam du sems te/ dkyil 'khor du ma zhugs shing dam tshig ma thob pa rnams la phyag rgya 'ba' zhig bstan par mi bya'o/ /slar gshegs su gsol ba la sogs pa'i cho ga'i tshogs rnams ni ma gtogs so snyam du rtogs par ma gyur cig snyam du dgongs nas/slar yang ma na'i snying po bstan te byin cig par gsungs pa yin no/ /mthar ma na'i snying po byin pas ni 'di ltar ston te/ /cung zad kyang smras par mi bya'o zhes smras pa yin no//de nas zhes bya ba ni de'i rjes thogs la'o/ /ji ltar zhugs pa rnams slar bkye ste zhes bya ba ni yang dag par slar btang ba ste/ zhugs pa'i rnams bsam pa rdzogs par byas la slar gtang ngo zhes bya ba'i don to/ /de nas yang de bzhin gshegs pa thams cad la gsol ba gdab par bya'o//gsol ba ji ltar gdab ce na/ sngar gsol ba btab pa bzhin du khyod kyis sems can gyi khams la rjes su brtse bas bka' stsal cing / dkyil 'khor byin gyis brlabs te sems can gyi don mdzad na/so so'i skye bo rnal 'byor la dbang ma thob pa rnams bskyud ngas pa'am/ yo byad ma tshang ba la sogs pas nyes pa gang cung zad ci bgyis pa de dag bzod par mdzad du gsol zhes gsol ba btab la/ sems dpa' rdo rje ma'i phyag rgya bcings nas kha gyen du bstan te bkrol la/dkyil 'khor pa'i sems dpa' thams cad dgrol te/ gang du dgyes par gshegs par bsam zhing / /rgyud las gsungs pa'i snying po kr-i to ba sarba s+t+wAr+tha zhes bya ba la sogs pa yang brjod par bya'o/ /khyed kyis sems can don kun mdzad//ces bya ba la/ khyed ces bya ba ni khyed rnams kyis so/ /sems can thams cad kyi don ni sems can don kun te/ /slob dpon dang slob ma la sogs pa rnams kyi'o/ /mdzad pa ni bsgrubs pa'o/ /rjes su mthun par dngos grub stsol//zhes bya ba ni ji skad du bshad pa'i dge ba'i rtsa ba rnams yongs su smin par bya ba'i phyir ci rigs par bya ba'i don to/ /sangs rgyas yul du bzhud par mdzod/ /ces bya ba ni sangs rgyas rnams kyi yul yin pas na sangs rgyas yul te/ 'jig rten gyi khams yongs su dag pa rnams so//ji ltar ye mi gshegs par ram zhe na/de nas slar yang gshegs par gsol/ /zhes bya ba'o/ /'di skad ston te/ sems can gyi don mdzad cing ci nas kyang slar gshegs pa de lta bur gshegs su gsol gyi/ slar ye mi byon par gshegs su gsol ba ni ma yin no/ /de ltar zhes bya ba ni gang 'dir gsungs pa'i cho ga ni spyi yin no zhes bsgre ba yin no/ /dkyil 'khor thams cad la zhes bya ba ni/ gzungs kyi dkyil 'khor la sogs pa 'og nas bshad pa rnams dang / 'jig rten gsum las rnam par rgyal ba'i rtog pa la sogs pa rnams la/ dkyil 'khor slar gshegs su gsol ba la sogs pa ni/ spyi'i cho ga yin par shes par bya'o/ /dam tshig mchog ces bya ba la sogs pa la khyad par 'di yod do/ /dkyil 'khor gang dang gang du dam tshig mchog gi phyag rgya gang dang gang 'byung ba de dang der kha gyen du bstan te/bkrol na dkyil 'khor ba'i sems dpa' rnams bkrol ba byas par 'gyur ro// //de bzhin gshegs pa thams cad ni sangs rgyas dang byang chub sems dpa' rnams so/ /de bzhin gshegs pa de dag thams cad kyi theg pa chen po mngon par rtogs pa ni de thugs su chud pa'o//theg pa chen po zhes bya ba la chen po rnams kyi theg pa ste/ che ba ni sangs rgyas dang byang chub sems dpa' de rnams nyid do/ /theg pa ni 'dis ni 'gro bar byed pas na theg pa ste sa bcu'o//yang na bgrod par bya ba yin pas na theg pa ste/ sangs rgyas kyi kun du bzang po'o/ /de bas na byang chub sems dpa'i lam 'bras bu dang bcas pa la theg pa chen po zhes bya la/ de ston par byed pa'i gzhung la yang theg pa chen po zhes bya'o//de bas na de bzhin gshegs pa thams cad kyi theg pa chen po mngon par rtogs pa zhes bya ba ste/ de'i rtog pa chen po'i rgyal po las zhes bya ba ni bcom ldan 'das kun du bzang po dngos grub kyi don du 'dir brtags pa'i cho ga rnams ni rtog pa ste/ rtog pa yang yin la chen po yang yin pas na rtog pa chen po'o//rtog pa gzhan rnams las shin tu phul du byung bas na rgyal po ste/ de'i phyir de las so/ /rdo rje dbyings kyi dkyil 'khor chen po zhes bya ba ni/ byang chub sems dpa' rdo rje dbyings kyis nye bar mtshon pa'i dkyil 'khor yin pas rdo rje dbyings kyi dkyil 'khor ro//de'i cho ga ni thabs te/ gang gis 'di rab tu sgrub par byed pa'o/ /rgyas pa ni de'i bye brag go/ /de kho na nyid bsdus pa'i rgya cher bshad pa ko sa la'i rgyan las rdo rje dbyings kyi dkyil 'khor chen po'i 'grel pa rdzogs so// // rgyud 'dir phyag rgya bzhi bstan pa las/ phyag rgya chen po'i dkyil 'khor bstan zin nas/ da ni dam tshig gi phyag rgya rnams kyi dam tshig gi don du dkyil 'khor bshad par bya dgos te/ de bas na de nas bcom ldan 'das zhes bya ba la sogs pas ston to/ /de nas zhes bya ba ni gnas skabs kyi don to//bcom ldan 'das zhes bya ba ni skal ba phun sum tshogs pa'i phyir ro/ /de bzhin gshegs pa yang yin la thams cad kyang yin pas na de bzhin gshegs pa thams cad do/ /de bzhin gshegs pa thams cad kyang yin la rdo rje yang yin pas na de bzhin gshegs pa thams cad kyi rdo rje'o//de bzhin gshegs pa thams cad kyi rdo rje'i gzungs yin pas na/ de bzhin gshegs pa thams cad kyi rdo rje'i gzungs te/ rdo rje zhes bya ba'i sgra ni de bzhin gshegs pa thams cad dang / gzungs zhes bya ba gnyi ga dang sbyar bar bya'o/ /gzungs zhes bya ba'i sgra ni sngags kyi gzungs yongs su gzung ngo //de rnams kyi dam tshig ni snying po dang phyag rgya dang dkyil 'khor la sogs pa'o/ /de bsam pa'i khyad par gang las byung ba de byin gyis brlab pa'i phyir rdo rje ltar mi phyed pa'i ting nge 'dzin gang yin pa de la snyoms par zhugs par mdzad do/ /snyoms par zhugs ma thag tu zhes bya ba ni snyoms par zhugs pa'i rjes thogs nyid la zhes bya ba'i don to//yang de nyid kyi tshe zhes bya ba ni de nas skad cig ma de nyid la'o/ /de bzhin gshegs pa thams cad kyi thugs las zhes bya ba ni de bzhin gshegs pa bzhi'i thugs las so/ /dris pas dkyil 'khor slar bkye bas/ de bzhin gshegs pa rnams slar gshegs su gsol ba yin na/ji ltar na de rnams slar yang snyoms par zhugs par mdzad/ gleng gzhi med par yang sngags la sogs pa yang ji ltar gsung / de ni bden mod kyi gang slar gshegs su gsol ba de ni de ltar dkyil 'khor gyi slob dpon dag dkyil 'khor gcig gi dgos pa mngon par 'dod pa rnams kyi yin par zad kyi/gang rgyud kyi don ston par mngon par bzhed pa'i bcom ldan 'das de rnams ni so na bzhugs bzhin du/ brtag pa gzhan rnams dang dkyil 'khor gzhan rnams su thugs bskyed pa tsam gyis byon nas dgongs par mdzad do/ /de lta bas na de bzhin gshegs pa lnga ni rtag tu yang de na bzhugs pa'i phyir/gleng gzhi ma smos su zin kyang dkyil 'khor chen por gsungs pa'i gleng gzhi de nyid yin par shes par bya'o/ /de'i phyir dkyil 'khor chen por slar gshegs pa'i cho ga bstan la/ de ltar gzungs kyi dkyil 'khor la 'jug pa'i cho ga brtsams pa yin no//de lta bas na dkyil 'khor thams cad du yang dkyil 'khor snga ma las slar gshegs su gsol zhing / phyi ma'i mgo rtsom pa 'di nyid ni rnal 'byor gyi gnas yin par shes par bya'o/ /gdul bya'i bye brag rnams rjes su gzung ba'i dbang dang / dgos pa'i khyad par so sor bsgrub par bya ba'i phyir/brtag pa gzhan dang dkyil 'khor gzhan du ting nge 'dzin gzhan dag la snyoms par zhugs par mdzad cing snying po brjod cing / 'jig rten gsum po dam tshig 'dzin pa la btsud nas rgyud yongs su ston par mdzad de/ de bas na gleng gzhi ni gcig kho nar zad par shes par bya'o/ /bcom ldan 'das phyag na rdo rje de nyid ces bya ba ni gang sngar rdo rje dbyings kyi dkyil 'khor chen por bstan pa des ji skad gsungs pa'i dgos pa dag mdzad nas ched du brjod pa 'di ched du brjod do zhes bya bar sbyar ro//rdo rje 'dzin pa'i gzugs 'dzin pa/ /zhes bya ba ni rdo rje 'chang bar mdzad pas na rdo rje 'dzin pa'o/ /'di ni de'i gzugs 'dzin pa'i ngang tshul can yin pas na rdo rje 'dzin pa'i gzugs 'dzin pa 'ba' zhig tu ma zad kyi kun du 'bar ba'i snying po yang yin te/kun nas 'bar bas bskor bas na kun du 'bar ba'i snying po ste/ 'bar ba'i phreng bas kun nas 'khrug pa zhes bya ba'i don to/ /de lta bu de gang zhig yin zhe na/rdo rje gzungs kyi dam tshig gi phyag rgya'i lha mo zhes bya ba gsungs te/ rdo rje ni sangs rgyas dang byang chub sems dpa' rnams yin la/ de rnams kyi gzungs yin pas na rdo rje'i gzungs so/ /yang na rdo rjes nye bar mtshon pa'i gzungs yin pas na rdo rje'i gzungs so/ /de rnams kyi dam tshig ni dam tshig ces bya ba'i sgras 'dir dkyil 'khor la bya bar bshad la/de'i phyag rgya ste/ de'i lha mor gyur nas zhes bya ba'i don to/ /de lta bu'i phyag rgya'i lha mor gyur nas/ de bzhin gshegs pa thams cad kyi thugs ka nas byung ba'o/ /'jig rten gyi khams thams cad ces bya ba la sogs pas ni spro ba ston to//sangs rgyas kun gyi de bzhin gshegs pa thams cad kyi rdo rje'i gzungs kyi ye shes bsgrubs te zhes bya ba ni rdo rje'i gzungs ma thams cad kyi dgos pa rnams byas nas so/ /de bzhin gshegs pa thams cad kyi dam tshig gi phyag rgya'i gzugs su gyur nas/ zhes bya ba ni bdag nyid kyi lha mo'i gzugs mi snang bar byas nas phyag rgya'i gzugs su gnas te slar byon nas/ de bzhin gshegs pa thams cad kyis rtogs pa'i rdo rje dbyings kyi dkyil 'khor chen po ji skad gsungs pa de'i bkod pa'i tshul gyis zla ba'i dkyil 'khor rnams la 'khod de/ ched du brjod pa 'di ched du brjod pa ste/zla ba'i dkyil 'khor rnams kyis dgos pa dang / sgrub pa rnams kyang snga ma bzhin du shes par bya'o/ /e ma'o zhes bya ba ni ngo mtshar du gyur pa'o/ /ci zhig ngo mtshar che zhe na/ gang phyir byang chub sems/ sems can kun la phan bzhed pa/ /zhes bya ba ste/ gang phyir zhes bya ba ni sems can kun la phan mdzad pa gang gi phyir ro//gdul ba'i dbang gis zhes bya ba ni 'dod chags la sogs pa spyod pa'i sems can rnams kyi dbang gis so/ /dpa' bo gang zhes bya ba ni byang chub sems dpa' ste/ kun du bzang po la sogs pa'o/ /bud med gzugs su 'ang mdzad par gyur//zhes bya ba ni 'jig rten na shin tu smad pa'i bud med kyi gzugs su yang zhal gyis bzhes par mdzad pa 'di ni ngo mtshar che'o/ /de ltar dkyil 'khor sprul par mdzad nas/ da ni de rnams kyi rig pa bstan par bya ba'i phyir/ de nas zhes bya ba la sogs pa'i gzhung smos te/de bzhin gshegs pa thams cad kyi ye shes yin pas na de bzhin gshegs pa thams cad kyi ye shes so/ /de rnams kyi phyag rgya yin zhing de'i dam tshig ste/ dam tshig kyang yin la rdo rje dbyings kyang yin te/ rdo rje dbyings zhes bya ba ni dkyil 'khor dbus ma la bya'o/ /de byin gyis brlab pa'i phyir ting nge 'dzin gang ming 'di skad ces bya ba ting nge 'dzin gang yin pa de la snyoms par zhugs te/rig pa 'di gsungs pa'o/ /da ni de bzhin gshegs pa mi bskyod pas kyang rang gi rig pa bstan te/ de bzhin gshegs pa thams cad kyang yin la rdo rje sems dpa' yang yin pas de bzhin gshegs pa thams cad kyi rdo rje sems dpa'o//de'i dam tshig ni snying po dang phyag rgya la sogs pa'o/ /de'i ye shes yin pas na de bzhin gshegs pa thams cad kyi rdo rje sems dpa'i dam tshig gi ye shes so/ /de'i phyag rgya ni dam tshig gi phyag rgya ste/ de dag gi dkyil 'khor ro//de byin gyis rlob par byed pa'i ting nge 'dzin gang don dang mthun pa'i ming 'di skad ces bya ba'i ting nge 'dzin gang yin pa de la snyoms par zhugs te/ rang gi rig pa'i mchog 'di gsungs so/ /bcom ldan 'das rin chen 'byung ldan gyi yang de bzhin gshegs pa thams cad kyang yin la rdo rje rin po che yang yin pas de bzhin gshegs pa thams cad kyi rdo rje rin po che'o//de'i dam tshig ni snying po dang phyag rgya la sogs pa'o/ /de'i ye shes yin zhing de'i dam tshig gi phyag rgya'i dkyil 'khor de byin gyis brlab pa'i phyir ting nge 'dzin gang don dang mthun pa'i ming 'di skad ces bya ba'i ting nge 'dzin la snyoms par zhugs te/rang gi rig pa'i mchog 'di gsungs so/ /de bzhin gshegs pa tshe dpag tu med pa yang de bzhin gshegs pa thams cad kyang yin la/ rdo rje chos kyang yin pas de bzhin gshegs pa thams cad kyi rdo rje chos so/ /de'i dam tshig ni snying po dang phyag rgya la sogs pa'o//de'i ye shes yin zhing de'i phyag rgya ste dam tshig gi phyag rgya'o/ /de'i dkyil 'khor byin gyis brlab pa'i phyir ting nge 'dzin gang don dang ldan pa'i ming 'di skad ces bya ba'i ting nge 'dzin gang yin pa de la snyoms par zhugs nas rang gi rig pa'i mchog 'di gsungs so//de bzhin gshegs pa gdon mi za bar grub pa yang / de bzhin gshegs pa thams cad kyang yin la/ rdo rje las kyang yin pas de bzhin gshegs pa thams cad kyi rdo rje las so/ /de'i dam tshig ni snying po dang phyag rgya la sogs pa'o/ /de'i ye shes yin zhing de'i phyag rgya ste/ dam tshig gi phyag rgya'o//de dag gi dkyil 'khor byin gyis brlab pa'i phyir/ ting nge 'dzin gang don dang ldan pa'i ming 'di skad ces bya ba'i ting nge 'dzin gang yin pa de la snyoms par zhugs te rang gi rig pa'i mchog 'di gsungs so/ /da ni phyag na rdo rje la sogs pa byang chub sems dpa' rnams kyis kyang rang rang gi rig pa bshad pa yin te/de bzhin gshegs pa thams cad kyi gzungs chen mo zhes bya ba ni mthu chen po dang ldan pas gzungs chen mo'o/ /dam tshig gi phyag rgya bzhi po zhes bya ba ni dam tshig gi phyag rgya bzhi'i rig pa zhes bya ba'i don to/ /de ltar phyag rgya'i rig pa bstan nas/de'i ming bstan par bya ba'i phyir kun du bzang mo zhes bya ba la sogs pa gsungs te/ sku dang gsung dang thugs rnam pa thams cad du bzang bas na kun du bzang mo'o/ /de bzhin gshegs pa rnams bsdu ba'i tshe mngon du phyogs par spyan 'dren pa'i gtso mo yin pas na de bzhin gshegs pa'i lcags kyu ma'o//dga' ba la chags pa zhes bya ba la dga' ba ni byang chub kyi sems te/ gang rnal 'byor ba rnams kyi mnyam pa med par sdug pa'o/ /de la de'i chags pa ni mngon par 'dod pa ste/ de lta bu'i ngo bo nyid kyi chos gnyis ston par byed pa'i phyag rgya gang yin pa de la ni dga' ba la chags ma zhes bya'o//legs ldan ma zhes bya ba la/ rtag tu legs so zhes bya ba byin pa'i blo mnga' ba gang yin pa de ni legs ldan ma'o/ /gzungs chen mo zhes bya ba la rang gi chos 'dzin par byed pas na gzungs yin la/ don chen po rdzogs par byed pas na 'di rnams ni chen mo yang yin la/de bas na gzungs chen mo rnams so zhes gsungs pa yin no/ /rin po che'i gtso mo zhes bya ba la sogs pa la rin po che'i rigs kyi dam pa yin pas na rin po che'i gtso mo'o/ /rin po che'i sgron ma zhes bya ba ni dngos po rnam pa sna tshogs pa gsal bar byed pa'i don gyis na/sgron ma dang chos mthun pa'i sgron ma dang 'dra zhing / rin po che'i rigs kyi sgron ma yin pas na rin po che'i sgron ma'o/ /rgyal mtshan gyi rtse mo'i dpung rgyan ma zhes bya ba ni rgyal mtshan gyi rtse mo la btags pa'i nor bu dang rin po che dang dpung rgyan gyis brgyan pas na nye bar mtshon pas na rgyal mtshan gyi rtse mo'i dpung rgyan ma'o//dgod pa dang ldan ma zhes bya ba la bzhad pas na dgod pa ste/ sangs rgyas rnams kyi 'dzum pa yang dag par ston par byed pa rdo rje gnyis kyi bar du chud pa'i so'i phreng ba gnyis kyi rang bzhin no/ de nyid la mnga' bas dgod pa dang ldan ma'o//rdo rje rin po che'i gzungs zhes bya ba ni rdo rje rin po che'i gzungs 'dzin pas na rdo rje rin po che'i gzungs rnams te/ tha ma'i tshig mi mngon par byas pa'o/ /rdo rje pad+mo zhes bya ba la sogs pa la/ pad+ma ste chu skyes la rdo rjes mtshan pa gang la mnga' ba de ni rdo rje pad+ma'o/ /kun 'dzin ma zhes bya ba ni kun nas 'dzin pas na kun 'dzin te sngags dang tshig dang don dang mngon par rtogs pa 'dzin pas na kun 'dzin ma'o//kun du 'khor lo ma zhes bya ba la 'khor lo ni dkyil 'khor la bya bar bshad de/ rgyud thams cad du gtogs pa'i 'khor lo 'di'i nang du 'dus pas na kun du 'khor lo ma'o//stong du zlos ma zhes bya ba ni dgos pa grub par bya ba'i phyir/ lan stong gi steng du brgyad kyis bsnan pa tshig tu 'don zhing zlos pa gang yin pa de ni stong du zlos ma zhes bya'o/ /chos kyi gzungs zhes bya ba ni chos kyis nye bar mtshon pa'i gzungs ma yin pas na chos kyi gzungs ma rnams so//dngos grub kyi gtso mo zhes bya ba la sogs pa la/ mchod pa thams cad kyi las sna tshogs pa'i dngos grub kyi rab kyi mthar thug pa brnyes pas na dngos grub kyi gtso mo'o/ /thams cad srung ma zhes bya ba ni sangs rgyas dang byang chub sems dpa' rnams dang / sems can gzhan rnams kyang bcings pa tsam gyis khyad par med par srung bar mdzad pas na thams cad srung ma'o/ /mdangs slar 'phrog ma zhes bya ba la so so so so'i mdangs 'phrog par mdzad pas na mdangs slar 'phrog ma ste/ sems can mi bgrungs pa rnams skrag par mdzad cing /snying stobs nyams par mdzad pas na mdangs 'phrog ma zhes ston pa yin no/ /gzungs kyi phyag rgya zhes bya ba la/ gzungs thams cad kyi phyag rgya ni rdo rje khu tshur gyi phyag rgya'i nang du 'dus pas na rig pa de la gzungs kyi phyag rgya zhes gsungs so/ /thams cad kyi gzungs zhes bya ba la/las kyi rigs kyi rtse mo thams cad pa'i rdo rjes nye bar mtshon pa'i gzungs yin pas na thams cad kyi gzungs rnams so/ /de nas yang phyag na rdo rje zhes bya ba la sogs pa la/ de bzhin gshegs pa thams cad kyi rdo rje gsang ba yin pas na de bzhin gshegs pa thams cad kyi rdo rje gsang ba ste/gsang ba'i dkyil 'khor zhes bya ba'i don to/ /de'i rdo rje gsang ba'i dam tshig gi phyag rgya yin pas na rdo rje gsang ba'i dam tshig gi phyag rgya'o/ /du zhig ce na/ de'i phyir bzhi po zhes bya ba gsungs so/ /rdo rje'i pha rol tu phyin pa de dag nyid la sogs pa zhes bya ba la rdo rje'i pha rol tu phyin pa ni ye shes kyi rdo rje'i pha rol tu phyin pa'o//de nyid ces bya ba rdo rje dbyings kyi dkyil 'khor du gsungs pa'o/ /sogs pa zhes smos pa ni rin po che'i pha rol tu phyin pa la sogs pa gzung ngo / /de bzhin gshegs pa thams cad ni sangs rgyas dang /byang chub sems dpa' rnams te/ de dag nyid rdo rje yin la de rnams kyi gsang ba yin pas na de bzhin gshegs pa thams cad kyi rdo rje'i gsang ba'o/ /de'i dam tshig ni gzhung lugs te/ tha tshig la rnam par gzhag pa'o/ /de lta bu yang yin la gzungs kyang de rnams yin pas na rdo rje gsang ba'i dam tshig gi gzungs so//de rnams sdud pa ni dam tshig gi phyag rgya rnams te/ sems dpa' rdo rje ma la sogs pa yin no/ /gang gi phyir de rnams ni rigs kyi yum yin pas re re'i phyag rgya bris pas kyang rigs ston par byed pa yin te/ de bas na sdud pa'i dam tshig gi phyag rgya rnams zhes gsungs so/ /rdo rje dbyings kyi dbang phyug ma ni bcom ldan 'das rnam par snang mdzad kyi dam tshig gi phyag rgya'o/ /des nye bar mtshon pa'i dkyil 'khor chen po yin pas na rdo rje dbyings kyi dbang phyug ma'i dkyil 'khor chen po ste/ rdo rje dbyings kyi dbang phyug ma'i dkyil 'khor chen po der ji skad gsungs pa'i tshul bzhin du gzhag par bya'o//da ni phyag na rdo rje zhes bya ba la sogs pa la mchod pa'i phyag rgya ston te/ de bzhin gshegs pa thams cad kyi rdo rje gsang ba'i mchod pa yin pas na de bzhin gshegs pa thams cad kyi rdo rje gsang ba'i mchod pa'o//de rnams kyi dam tshig gi phyag rgya bzhi po bshad pa'o/ /de dag ni rang gi mtshan ma'i phyag rgya dang bcas par dgod do zhes bya ba'i don to/ /rang gi mtshan ma ni rdo rje la sogs pa'o/ /bdug pa la sogs pa dang / sgo srung rnams kyi ni rdo rje dbyings kyi dkyil 'khor du bstan pa yin te/de dag la dgod pa'i sngags kyang de rnams nyid yin par shes par bya'o/ /rdo rje gsang ba zhes bya ba ni gsang ba'i dgos pa dngos grub kyi man ngag ston pas na gsang ba zhes bshad do/ /rdo rje'i dkyil 'khor chen po zhes bya ba ni rdo rje chen po ste/ bcom ldan 'das rdo rje sems dpa'i dkyil 'khor zhes bya ba'i don to/ /de nas zhes bya ba ni rjes thogs la ste/ gang gi phyir dkyil 'khor ma mthong bar phyag rgya rnams kyis dam tshig mi 'grub pas de'i phyir yang dag par rab tu bshad pas na rab tu bshad par bya'o/ /rdo rje'i phyag rgya rnams kyi dkyil 'khor yin pas na rdo rje'i dkyil 'khor ro//ji lta bu zhe na dam pa'o/ /ci 'dra ba zhig ce na/ de'i phyir rdo rje dbyings dang 'dra bas na zhes bya ba gsungs te/ rdo rje dbyings dang mtshungs pa'o/ /ming ji skad ces bya zhe na/ rdo rje gsang ba zhes bshad do zhes bya ba'o/ / dkyil 'khor chen po'i tshul du ni/ /zhes bya ba ni dkyil 'khor chen po'i dbyings su dkyil 'khor thams cad bri bar bya'o/ /dkyil 'khor kun gyi dbus su ni/ /zhes bya ba ni dkyil 'khor lnga char gyi yang ngo / /sangs rgyas phyag rgya bri bar bya/ /zhes bya ba la sangs rgyas rnams kyi phyag rgya yin pas na sangs rgyas phyag rgya'o//mchod rten khri la legs 'dug pa/ /zhes bya ba ni khrir byas pa'i steng du mchod rten gzhag par bya'o zhes bya ba'i don to/ /rdo rje brtsegs zhes bya ba ni mi bskyod pa'i gnas su rdo rje rtse lnga pa chur gnas pa'i steng du rdo rje rtse lnga pa 'greng ba bri bar bya'o//rdo rje sems dpa' bshad pa'o/ /zhes bya ba ni phyag rgya'i ming gsungs pa yin no/ /rdo rjes mtshan pa'i rin po che ni rdo rje rin chen no/ /rdo rjes mtshan pa'i pad+ma ni rdo rje pad+ma'o/ /mtshon bya zhes bya ni bya bar bshad/ /ces bya ba ni ming du grags so zhes bya ba'i don to//lhag ma rnams ni go sla'o/ /yang sangs rgyas rnams kyi phyag rgya bstan zin nas/ khri yi steng du rdo rje bri/ /zhes bya ba la sogs pas sems dpa' rnams kyi phyag rgya ston to/ /rdo rje rgyal po la sogs pa'i phyag rgya yang khri yi steng du bri bar bya'o/ / lcags kyu 'greng ba gnyis zhes bya ba ni rtsa ba thur du lta ba zhes bya ba'i don to/ /rdo rje rdo rje la snyes par/ /zhes bya ba ni rdo rje gnyis kyi rtse mo gcig la gcig 'byor bar bri bar bya ba'o/ /nyi ma'i phyag rgya'ang de bzhin no/ /zhes bya ba ni 'od zer 'bar ba zhes bya ba'i don to//rgyal mtshan rtse mo 'bar dang bcas/ /zhes bya ba ni rgyal mtshan gyi rtse mo la btags pa'i rin po che 'bar ba dang bcas pa'o/ /rdo rje gnyis bar so yi phreng / /zhes bya ba ni rdo rje gnyis chur gnas par bris la/ de'i dbus su so yi phreng ba gnyis bri ba'o/ /rdo rje'i dbus su pad+mo bri//zhes bya ba ni rdo rje nas kyi dbyibs lta bu rgya che ba bris la/ de'i dbus su pad+mo bri ba'o/ /rdo rje 'khor lo rdo rje rtsibs/ /zhes bya ba ni 'khor lo bris la rtsibs rnams rdo rje'i rang bzhin lta bur bri'o/ /'bar ba'i 'od zer can gyi lce/ /zhes bya ba ni lce rdo rje'i 'od zer dang ldan pa bri ba'o//rdo rje kun du zhes bya ba ni rdo rje kha bzhi pa'o/ /go cha rdo rje yang dag ldan/ /zhes bya ba ni go cha'i grwa rnams su rdo rje bri ba'o/ /rdo rje mche ba de bzhin bri/ /zhes bya ba ni mche ba'i ngos gnyis su rtse mo gnyis bstan na rdo rje mche bar 'gyur ro/ / lag gnyis khu tshur phyag rgyar bya/ /zhes bya ba 'dis ni rdo rje khu tshur gyi phyag rgya ston to/ /sems dpa' rdo rje ma la sogs pa'i phyag rgya ni go sla'o/ /mtshan ma'i phyag rgya zhes bya ba ni sgeg mo la sogs pa'i rdo rje dang rin po che'i phreng ba dang / pi wang dang gar byed pa'i lag pa rnams rim bzhin du bri bar bya'o//phyi rol du yang ci rigs par/ /zhes bya ba ni phyag rgya'i don brtags te/ bdug pa'i ni spos khang ngo / /me tog gi ni me tog gi za ma tog go/ /mar me'i ni mar me'i kong bu'o/ /dri'i ni dri'i snod rnams so/ /sgo ba rnams kyi ni lcags kyu dang zhags pa dang lcags sgrog dang dril bu rnams so//byams pa la sogs pa phyi rol gyi snam bu la gnas pa rnams kyi ni rang gi mtshan zhes bya ba ni ge sar gyi me tog la sogs pa'o/ /ji ltar dga' ba bzhin du bri/ /zhes bya ba ni yang na pad+ma'i gdan du bri bar bya ba'o/ / dkyil 'khor bri ba'i bya ba rnams rdzogs par byas nas/ de nas zhes bya ba la sogs pa bya ba gzhan te/ 'jug pa la sogs pa cho ga rgyas pa yin te zhes bya ba ni dang por 'jug par bya ba la sogs pa'i cho ga rgyas pa gang yin pa de ni 'jug pa la sogs pa'i cho ga rgyas pa ste/sogs pa zhes smos pas ni dngos grub dang phyag rgya'i ye shes bstan pa la sogs pa bsdu'o/ /slob ma gzhug pa'i cho ga'i dus la bab pa dang / slob dpon nyid 'jug pa'i cho ga dang por bya dgos te/ gang gi phyir gang la la dag brjed ngas pa dag sogs pas dam tshig las 'das pa 'ga' zhig 'byung ba dag srid pas na/de'i phyir slob dpon nyid dang por 'jug par bya'o/ /der lha spyan drangs pa lta ma byas mod kyi/ 'on kyang phyag rgya rnams de na rnam par bkod pa dang / dkyil 'khor rtsom pa'i tshe nyid na sangs rgyas dang byang chub sems dpa' rnams kyis yongs su gzung ba yin pa'i phyir dang /bcom ldan 'das kyis rjes su gnang ba yang yin pas/ slob dpon nyid der dang po kho nar 'jug par bya'o/ /gzhan du na phyag rgya de bcom ldan 'das phyag na rdo rje la phul nas zhes bya ba mi rigs par 'gyur ro/ /sems dpa' rdo rje ma'i phyag rgya rang gis bcings te 'jug par bya'o zhes bya ba la/sems dpa' rdo rje ma'i phyag rgya zhes bya ba ni gsang ba'i dkyil 'khor gyi sems dpa' rdo rje ma'i phyag rgya rdo rje thal mo las byung ba de 'dir gzung bar bya ste de bcings nas 'jug par bya'o/ /rang gi zhes bya ba ni slob dpon no//zhugs nas lhan cig bskor te zhes bya ba ni nang gi 'khor lo'o/ /phyag na rdo rje la phul nas/ /zhes bya ba ni phyag rgya byas la bcom ldan 'das 'di ni khyed kyi btsun mo'i phyag rgya lags kyis/ rnam pa thams cad du bdag la stsol cig ces bya ba'o/ /de ltar bcom ldan 'das phyag na rdo rje slob dpon du yid kyis rnam par bzhag la/bdag nyid slob mar bsams te/ slob ma gzhug pa'i cho ga thams cad des mdzad cing / de'i phyag rgya yang mnos la/ rang gi snying gar ji lta ba bzhin du dgrol ba/ tiSh+Tha badzra dr-i D+ho me b+ha ba zhes bya ba la sogs pa dang /dbang bskur ba'i cho ga rtsa ba'i dkyil 'khor du gsungs pa'i cho gas bya zhing / bka' yang nod par bya'o/ /de nas sgo bzhir yang phyag rgya bzhi dang / snying po bzhi po rtsa ba'i dkyil 'khor las gsungs pas ji lta ba'i las rnams byas te zhes bya ba dgug pa dang gzhug pa dang bcing ba dang dbang du bya ba ste/'dir ni rdo rje 'dzin pa'i lha mo gang yin pa de 'dir bkug nas rang gi phyag rgya rnams la gzhug par bya'o/ /de ltar bcug pa'i 'og tu mchod pa la sogs pa rtsa ba'i dkyil 'khor las gsungs pa'i cho ga rnams bya'o//de nas rdo rje slob ma rnams/ /zhes bya ba ni rdo rjes nye bar mtshan pa'i slob ma yin pas na rdo rje slob ma ste/ sems dpa' rdo rje ma'i phyag rgya lag pa gnyis kyis bcings pa'i phyir ro/ /rdo rje dbyings kyi dkyil 'khor chen por gzung ba'i tshul du gzung ngo zhes bya ba ni rdo rje dbyings kyi dkyil 'khor gyi 'jug pa'i cho gas gzhug go zhes bya ba'i don to//btsud nas dngos grub kyi gsang ba'i zhes bya ba la sogs pa la/ dngos grub kyi rgyur gyur pa'i mtshan ni dngos grub kyi gsang ba ste/ de'i rdo rje yin pas na dngos grub kyi gsang ba'i rdo rje'o//de'i mtshan ma ni de'i rang bzhin gyi rdo rje phra mo ci nas kyang chang pas khebs pa de byin te bslab po zhes bya bar sbyar ro/ /chang pas g.yogs te zhes bya ba ni ji ltar rdo rje dbyings kyi dkyil 'khor du slob ma'i lag par rdo rje mngon du phyung nas byin pa 'dir/de ltar bya ba ma yin gyi/ ci nas sus kyang mi mthong bar g.yogs nas sbyin par bya ste/ don 'di nyid kyis na chang bas g.yogs la byin te zhes bya ba gsungs pa yin no/ /mngon sum du phyung na gsang ba'i dngos grub tu mi 'gyur ba'i phyir dngos grub 'dod pas rdo rje de de ltar sbyin par bya'o//des kyang mngon du 'byung bar mi bya ste/ de lta bus ni de'i gsang ba'i dngos grub 'grub par 'gyur gyi gzhan du ni ma yin no/ /rdo rje gsang ba'i phyag rgya'i ye shes bslab bo zhes bya ba la/ rdo rje gsang ba'i dkyil 'khor de de'i las kyi phyag rgya gang yin pas/yid la 'dod pa'i dgos pa byed pa gang yin pa de bslab par bya zhing yang dag par bstan par bya'o zhes bya ba'i don to/ /phyag rgya rnams ni rnam pa mang bas na de la dang por zhes bya ba gsungs te/ dang por zhes bya ba ni go rims kyis so/ /las kyi phyag rgya'i ye shes zhes bya ba ni ye shes gang la lus kyi phyag rgya bsgoms pa de ni lus kyi phyag rgya'i ye shes te de bslab po zhes bya ba ni bstan par bya'o zhes bya ba'i don to//gsang ba'i dkyil 'khor du zhugs nas zla ba'i dkyil 'khor la sogs pa bsgom pa goms par byas te/gsang ba'i dkyil 'khor las gsungs pa'i cho gas phyag rgya 'di dag nyid kyis byin gyis brlab pa la sogs pa byas la/ dgos pa sgrub pa'i snying po sngon du bsnyen pa 'bum phrag gcig gam 'bum phrag gnyis sam 'bum phrag gsum yongs su bzlas te/ las byed pa'i dus su yang snying po brgya stong bzlas na dgos pa 'di dag gdon mi za bar 'grub par 'gyur ro/ /zla ba'i dkyil 'khor bsgrub par bya ba'i snying gar bsams la/ der bdag nyid rdo rje chen por bsgom par bya'o/ /ji lta bu zhe na/ kha glal zhing zhes bya ba ste/glal ba dang bcas pa'i kha bsams la/ bdag nyid der rang gi lha'i gzugs su bsgom par bya'o zhes bya ba'i don to/ /rdo rje zhes bya ba ni lag ngar spyi bo'i steng du thal mo sbyar bar bya zhing / rkang pa gnyis kyang thal mo lta bur bsams la/ rkang mthil gcig la gcig thal mo sbyar ba lta bu nyid du bsam par bya ste/'di ni kha glal ba dang bcas pa'i rdo rje chen po'o/ /rdo rje ma yang zhes bya ba ni bcom ldan 'das rdo rje sems dpa'i btsun mo ni rdo rje ma ste/ de yang chags par byed par 'gyur ro/ /dpung pa zhes bya ba la sogs pa la/de bzhin du bsgrub par bya ba'i snying gar zla ba'i dkyil 'khor bsams la/ de nas der bdag nyid lcags kyur bsam par bya'o/ /phyi rol du yang ji ltar bsgom par bya zhe na/ dpung pa bskum pa'i lcags kyu dang / /zhes bya ba gsungs te/ dpung pa g.yas pa brkyang la lag pa bkug nas lcags kyu lta bur gzhag par bya'o//mgo la rdo rje bsgom par bya/ /zhes bya ba ni bdag nyid kyi mgo'i steng du rdo rje rtse gsum pa bsgom par bya'o/ /lag pa yis ni 'bod byed cing / /zhes bya ba ni g.yon pas se gol gtogs shing snying pos kyang de'i ming nas brjod par bya'o//lcags kyu ma yang 'gugs par byed/ /ces bya ba ni de'i snying po la gnas pa'i zla ba'i dkyil 'khor lag pa g.yas pa'i sor mo bzhis bzung la/ zla ba'i dkyil 'khor dgug cing bsgrub par bya ba yang nges par 'ongs par bsam par bya'o//byin gyis brlab pa la sogs pa'i cho ga lhag ma rnams ni sbyor ba 'di dang / 'og ma rnams la yang shes par bya'o/ /mda' 'phen pa'i tshul gyis zhes bya ba ni dper na 'ga' zhig mda' 'phen par byed pa dang 'dra bar mthun pa'i rkang stabs dang /sa ga'i 'dug stangs dang / zlum po'i 'dug stangs dang / g.yas brkyang ba dang g.yon brkyang ba'i thabs rnam pa lngas 'dug ste/ mda' 'phen pa ji lta ba de bzhin du bya'o/ /de la mthun pa'i rkang stabs ni rkang pa gnyis bar mtshams med par mnyam por gshibs te/lus drang por bya'o/ /sa ga'i 'dug stangs ni rkang pa gnyis kyi bar mtho gsum tsam gyis chod par byas la lus drang por bya'o/ /zlum po'i 'dug stangs ni pus mo gnyis yang ngos gnyis su bkug la bar mtho bzhis chod pa tsam du byas na zlum po'i 'dug stangs su 'gyur ro//rkang pa g.yon pa bskum la g.yas pa'i pus mo rgyab tu ci ran tsam du brkyang na g.yas brkyang bar 'gyur ro/ /g.yas pa bskum la g.yon pa mdun logs su ci 'os tsam du brkyang na g.yon brkyang bar 'gyur ro/ /de lta bu gang yang rung ba cig gis gnas la/gzhu las mda' 'phen pa'i tshul gyis me tog gi rtse mo can gyi mda' glal ba dang bcas pas bsgrub par bya ba'i snying ga'i zla ba'i dkyil 'khor la 'phangs par bsam mo/ /'phangs na ni zhes bya ba ni zla ba'i dkyil 'khor mda'i rtse mo la gnas pa'i me tog gi mdog gis zla ba'i dkyil 'khor mdog dmar por gyur par bsgom par bya'o//nyid kyis zhes bya ba ni sngags pas so/ /rdo rje dga' ma yang zhes bya ba ni rdo rje chags pa'i btsun mo yang zhes bya ba'i don to/ /bdud kyi tshul gyis mnyes par byed/ /ces bya ba ni lha mo rdo rje chags pa mo'i tshul gyis mnyes par byed pa'o//bdag gi lus kyi zhes bya ba la sogs pa la/ gang gi tshe sngags pa gang su yang rung ba zhig srung bar 'dod na de'i tshe gsang ba'i dkyil 'khor las gsungs pa'i cho gas dam tshig brtan pa la sogs pa thams cad byas la/sems can de nyid dam/ khyim mam grong ngam grong khyer ram/ yul phyogs gang yang rung ba zhig bdag gi lus kyi nang du zhugs par bsams la/ bdag nyid kyi snying gar dpung pa bsnol ba bcing bar bya'o/ /ji ltar bcing bar bya zhe na/ rdo rje khu tshur gnyis bcings pas/rdo rje khu tshur g.yon pa g.yas pa'i mchan 'og tu gzhug /de nas g.yas pas lag ngar g.yon pa mnan la/ g.yon pa'i mchan khung gi 'og tu gzhug pa 'di ni snying gar dpung pa bsnol ba'o/ /rdo rje go cha'i tshul gyis ni/ /zhes bya ba ni bcom ldan 'das rdo rje go cha'i sbyor ba byas te bsrung na'o//sangs rgyas nyid kyang srung bar byed/ /ces bya ba ni 'di skad ston te/ thams cad srung nus par 'gyur ro zhes pa ste/ ji srid dpung pa bsnol nas snying po zlos shing 'dug pa de srid du de bsrung bar 'gyur te/ dbang po dang bcas pa'i lha rnams kyis kyang ci yang byed par mi nus par 'gyur ro//lus kyi phyag rgya'i 'og tu lta ba'i phyag rgya ston te/ rdo rje gsang ba ni bshad zin to/ /lta ba'i phyag rgya'i ye shes bslab bo zhes bya ba la/ lta ba'i phyag rgya yin pas na lta ba'i phyag rgya'o/ /de'i ye shes yin pas na lta ba'i phyag rgya'i ye shes so//de bslab pa ni bstan pa'o/ /rdo rje lta ba zhes bya ba ni lta ba'i phyag rgya'o/ /de'i mtshan nyid ni chags pas ni zhes bya ba la sogs pa ste/ chags pa ni 'dod pa'o/ /de las byung ba'i rab tu dga' ba ni/ chags pas rab tu dga' ba ste/ dga' ba ni yid bde ba'o/ /des mig rab tu bgrad cing byed pa'i lta ba'i phyag rgya gang yin pa de ni/ chags pas ni/ dga' bas mig ni rab tu bgrad/ /ces bya ba'o/ /rtag tu zhes bya ba ni nges par zhes bya ba'i don to/ /rab tu myur bar zhes bya ba ni shin tu myur ba na rab tu myur ba ste skyen par zhes bya ba'i don to//mig rab tu bskul bas na mig bsgul ba'o/ /mig gi rdzi ma 'gugs par byed pa zhes bya ba la rdzi ma ni mig gi rdzi ma'o/ /de nyid kyis gang du 'gugs par byed pa de ni/ mig gi rdzi ma 'gugs byed pa/ /zhes bya ste/ 'di ni mtshan nyid yin no/ /lta ba gzi can yin par bshad/ /ces bya ba ni 'jig rten du grags pa ste/ lta ba yang yin la gzi can yang yin pas na lta ba gzi can no/ /de yang gzi brjid can zhes bya ba'i don to/ /'di ni lta ba'i phyag rgya'o/ /'gro ba thams cad 'gugs byed pa'o//zhes bya ba'i re zhig bsgrub par bya ba gcig lta zhog gi/ /'gro ba thams cad kyang 'gugs par byed pa'o/ /khro gnyer zhes bya ba la sogs pa la/ khro gnyer gnyer ma ni khro gnyer gyi gnas kyi gnyer ma ste 'phral ba'i ri mo'i/ rab bsdus pa ni de med pa'o/ /de yang khro ba gang gis khro gnyer gyi gnyer ma rab tu bsdus pa gang yin pa de ni khro gnyer gyi gnyer ma rab tu bsdus pa'i khro ba ste/des mig btsums pa'i lta ba gang yin pa de ni/ khro gnyer gnyer ma rab bsdus ba/ /khro ba'i mig ni btsums pa ste/ zhes bya ba'o/ /de la khro bo'i lta ba zhes bya ba ni khro ba'i lta ba de legs par byas na ni/khams gsum yang 'jigs par byed na gzhan lta smos kyang ci dgos zhes pa'o/ /ri rab ri zhes bya ba la sogs pa la ri rab ni ri'i rgyal po'o/ /ri ni man+da ra ste de dang 'dra ba'o/ /brag de nyid dang 'dra bar mig gi rdzi ma mi 'gyur zhing brtan la/mi 'dzums par lta ba'i mig gang yin pa de ni/ ri rab ri yi brag 'dra bar/ /brtan pas 'dzums pa med pa'i mig /ces bya ba'o/ /byams pa'i lta ba yin par bshad/ /nad dang gdon dang dug sel to/ /zhes bya ba ni 'di skad ston te/ rang gi lha'i rnal 'byor byas la byams pa'i sems brtan par byas nas/mig gdangs te/ rdzi ma mi g.yo bar byas nas rim gyis las rnams grang ba dang tsha ba dang 'dar ba la sogs pa'i rtags dang de bzhin du 'dren ma la sogs pa'i rim gyis mtshan nyid shes par byas la/ de dang de 'dra ba'i spyi bo nas brtsams te gang dang gang du bltas pa de dang der rims kyi rnam pa 'og tu phab cing spros la bltas pa yan chad nad gsos nas tha mal par gnas par bsgom par bya'o//de ltar byed cing de dang de nas nges pa'i sems kyis rims dbab cing bsal bar bya ste/ gdon dang dug la yang de dang 'dra'o/ / de ni ngag gi phyag rgya ston te/ ho zhes bya ba zlos shing rgyun mi 'chad par 'don pa dang / sgra dang bral bas zhes bya ba lce rkan la bcar ba'i smra bas rna ba'i rnam par shes pa'i yul du ma gyur pa'i tshul gyis gdon par bya'o/ /de ma thag ces bya ba ni skad cig gis so/ /rdo rje'i tshig ces bya ba ni/rdo rje'i tshig ni sgra spangs pa zhes bya ba 'og nas bshad pa'o/ /gsal ba'o zhes bya ba ni snying po thams cad la bye brag med par 'don pas snying po rgyun mi 'chad par zlos pa ste/ sbyor ba 'og ma gsum char la yang bya'o/ /tshig tu brjod pa gsal ba yis/ /zhes bya ba ni rna ba'i rnam par shes pas gzung du rung ba'o//ri rab dang ni 'dra ba yis/ /zhes bya ba ni che ba nyid dang brtan pa nyid kyi ri rab dang 'dra ba yang 'dud par byed na sems can gzhan rnams lta smos kyang ci dgos zhes pa'o/ /phra ba'i tshig ni chos kyi tshig ste/ shin tu gzung min mi gzung min//zhes bya ba'o/ /de nas rdo rje gsang ba'i sems kyi phyag rgya'i ye shes bslab bo zhes bya ba la sogs pa la/ rnam pa thams cad mchog ldan pa/ /zhes bya ba ni rnam pa yang yin la thams cad kyang yin pas rnam pa thams cad do/ /mchog kyang de nyid yin te/ dam par gyur pas so//de dang ldan pas na thams cad mchog ldan pa ste/ ldan pa ni bcas pa'o/ /de yang yan lag dang nying lag dang kha dog dang mdangs la sogs pa'o/ /de lta bur su zhig bsgom zhe na/ phyag na rdo rje'o/ /gang du bsgom zhe na/ /bdag nyid la ste gal te gzhan dag gi yang bdag srid pas de'i phyir bdag nyid la zhes bya ba gsungs te/'dis ni las kyi tshul du ston to/ /bdag nyid kyis ni zhes bya ba 'dis ni byed pa po'i tshul du ston pa'o/ /bsgom byas na zhes bya ba ni yid la bya ba'o/ /sangs rgyas thams cad dbang du byed/ /ces bya ba ni dkyil 'khor gyi las la sangs rgyas thams cad kyang dbang du byed do zhes bya ba'i don to//rnam pa thams cad mchog ldan pa'i/ /zhes bya ba ni 'og nas bshad pa gsum char la yang 'dra bar shes par bya'o/ /rdo rje snying po bdag nyid du bdag nyid kyis bsgom par byas la/ 'bar ba'i lta bas kyang phyag na rdo rje 'gugs par byed do//rdo rje spyan bdag nyid la bsgoms la chos rnams thams cad ces bya ba sems can thams cad de/ des bsad do zhes bya ba khro bo'i lta bas de bsad cing bsgyel bar bya ba ste/ ji srid 'dod kyi bar du 'du shes med par bya'o zhes bya ba'i don to//rdo rje thams cad bdag nyid du bsgoms na rdo rje thams cad ces bya ba/ sangs rgyas dang byang chub sems dpa' rnams kyang byams pa'i lta bas de srung bar mdzad pa'o/ /lus dang lta ba dang tshig dang yid kyi phyag rgya rnams la/ lan 'ga' ni bzhi char gyis kyang dgos pa byed do//ched 'ga' ni gsum gyis so/ /ched 'ga' ni yid dang lta ba'i phyag rgya gnyis kyis so/ /ched 'ga' ni gang yang rung bas byed de/ 'jig rten gsum las rnam par rgyal ba las phyag rgya re re zhing yang phyag rgya bzhi dang snying po sbyar bar bya'o zhes ji skad gsungs pa lta bu'o/ /de nas zhes bya ba ni gzhan yang zhes bya ba'i don to//rdo rje gsang ba zhes bya ba ni rdo rje gsang ba'i dkyil 'khor ro/ /de'i phyag rgya ni sems dpa' rdo rje ma la sogs pa'o/ /de'i ye shes ni de rnams kyi sbyor ba'i ye shes so/ /bslab po zhes bya ba ni bstan par bya'o zhes bya ba'i don to/ /sems dpa'i rdo rje bcings byas la//zhes bya ba ni bcing ba'o/ /gang du zhe na/ snying gar ro/ /gang gis she na/bdag gis so/ /gang gi zhe na/ bdag gi'o/ /rdo rje lta ba ni bshad zin to/ /des bltas nas snod la dbab par bya ba ni gcig gam gnyis sam mang po nas 'gro ba thams cad kyi bar du'o/ / 'bar ba'i lta bas bltas nas ni/ /zhes bya ba de lta gang dbab par bya ba de 'bar ba'i lta bas der dgug pa'o/ /thams cad dbang du byed par 'gyur/ /zhes bya ba ni skye bo thams cad dbang du byed do zhes bya ba'i don to/ /khro bo'i lta bas rab bltas na/ /'gro ba thams cad des 'dud byed/ /ces bya ba ste/'du shes med par bya'o zhes bya ba'i don to/ /rang gi snying gar las kyi rdo rje bsams la/ byams pa'i lta bas bltas na des thams cad bsrung ba byas par 'gyur ro/ /de ltar sbyor ba de rnams kyis ji skad du gsungs pa'i las rnams so sor byas kyang rung / spyir bsdus te dbab pa byas kyang rung ngo / / de nas zhes bya ba ni gzhan yang zhes bya ba'i don to/ /rdo rje gsang ba zhes bya ba ni gsang ba'i dkyil 'khor ro/ /phyag rgya chen po bcing ba bslab po zhes bya ba ni 'dir dam tshig gi phyag rgya nyid la phyag rgya chen po'i sgrar gsungs te/ gang gi phyir 'di ni phyag rgya'i dkyil 'khor yin te/ de bas na 'di rnams nyid 'dir gtso bo yin no//'di rnams kyi dam tshig gi phyag rgya nyid ni 'og nas 'byung ste/ rdo rje gsang ba de rnams ni/ /zhes gang bshad pa'o/ /rdo rje thal mo las byung ba/ /zhes bya ba la sogs pa la/ rdo rje thal mo smos pa ni rdo rje bsdams pa las dgar ba'i don to/ /byung ba zhes bya ba ni skyes pa'o//gsang ba yang yin la chen po yang yin pas na gsang ba chen po ste/ mu stegs byed gzhan rnams kyis mi shes pas na gsang ba'o/ /mthu che bas na chen po'o/ /rab tu phye ba ste bshad pas na rab tu bshad ces pa'o/ /phyag rgya chen po zhes bya ba ni 'dir de gtso bo yin pa'i phyir ro//mdor bsdus pa zhes bya ba ni mdor byas pa'o/ /de dag gis ni bcing ba bshad//ces bya ba ni rab tu phye ste bshad pa'o/ /rdo rje thal mo las byung ba/ /zhes gsungs pas na rdo rje thal mo byas la/ mthe bong gnyis ni bsnol byas la/ /zhes bya ba ste/ g.yon pa'i mthe bong g.yas pas mnan la/mdzub mo g.yas pa'i rtsa ba mthe bong g.yon pas mnan pa'o/ /[(]mdzum [,]mdzub [)]mo rtse mo bkug pas ni/ /zhes bya ba ni [(]mdzum [,]mdzub [)]mo gnyis kyi rtse mo ste/ tshigs gsum pa bkug pa gang yin pa de ni [(]mdzum [,]mdzub [)]mo'i rtse mo bkug pa'o/ /[(]mdzum [,]mdzub [)]mo bkug pa de yang gung mo mnyam pa'i tshigs gsum par sbyar bar bya ste/gung mo mnyam pa'i tshigs gsum pa de dang mdzub mo'i rtse sprad par bya'o zhes bya ba'i don to/ /rdo rje dbyings kyi dbang po ni rnam par snang mdzad kyi gnas kyi'o/ /de nyid ces bya ba ni rdo rje thal mo'o/ /gung mo rdo rjer bya ba ni gung mo gnyis gzhib par bya'o zhes bya ba'i don to//mi bskyod pa'i gnas dang / sems dpa' rdo rje ma'i gnas kyi'o/ /gung mo gnyis ni nor bur bya/ /zhes bya ba ni rdo rje thal mo de nyid las gung mo gnyis rin po che'i tshul du byas pa ni rdo rje rin chen ma'i gnas dang rin chen 'byung ldan gyi gnas kyi'o/ / rdo rje thal mo de nyid las gung mo dang srin lag dang mthe'u chung pad+ma kha ma bye ba lta bur bya ba ni pad+mo zhes bya ba ste/ 'od dpag tu med pa'i gnas dang rdo rje chos ma'i gnas kyi'o/ /rdo rje thal mo'i lag mthil gnyis sprad la mthe bong dang mthe'u chung gnyis gzhibs te/ sor mo lhag ma drug ma 'byar bar gcig la gcig phan tshun blta bar byas pa ni gdon mi za bar grub pa'i gnas dang rdo rje las ma'i gnas kyi'o//rdo rje thal mo las mdzub mo gnyis gshib pa byas pa ni rdo rje sems dpa'i gnas kyi'o/ /rdo rje thal mo las mdzub mo gnyis lcags kyu'i tshul du byas pa ni rdo rje rgyal po'i gnas kyi'o//de nyid mthe bo gnyis kyis sbas/ /zhes bya ba la/ de nyid ces bya ba ni mdzub mo gnyis lcags kyur byas pa'o/ /mthe bo gnyis kyi rtse mo non cig ces bya ba'i don to/ /'di ni rdo rje chags pa'i phyag rgya ste mda'i sgro lta bu'o/ /rdo rje thal mo las mdzub mo gnyis bkug la rtse mo mthe bos mnan nas se gol gtogs pa'i tshul du brdab pa ni rdo rje legs pa'i phyag rgya'o//rdo rje thal mo las mdzub mo gnyis rin po cher bya ba ni rdo rje rin chen gyi phyag rgya'o/ /rdo rje thal mo las mdzub mo rin chen zhes bya ba ste/ rin po che dang bcas pa'i mdzub mo gang yin pa de ni mdzub mo rin chen can te/mdzub mo rin po che lta bur gnas pa zhes bya ba'i don to/ /'od 'bar ba zhes bya ba ni gung mo gnyis 'od de 'od zer gyi tshul du brkyang ba ni rdo rje gzi brjid kyi phyag rgya'o/ /rdo rje thal mo de nyid las srin lag gnyis gzhibs la/ mthe'u chung rin po che'i tshul du byas pa ni rdo rje dpal gyi phyag rgya'o//rdo rje thal mo kha'i phyogs su drangs la sgeg pas dgrol zhing so sor dbye ba ni rdo rje bzhad mo'i phyag rgya'o/ /kun gyi rtse mo rab tu dgyed/ /ces bya ba ni rdo rje thal mo las sor mo rnams kyi rtsa ba phan tshun sbyar la brkyang ba ni rdo rje chos kyi phyag rgya'o/ /rdo rje thal mo las mthe bo gnyis gzhibs te//srin lag dang mthe'u chung gi bar du mthe bo gnyis kyi rtse mo gzhug pa ni rdo rje rnon po'i phyag rgya'o/ /rdo rje thal mo 'khor lo'i tshul du brkyang ba ni rdo rje rgyu'i phyag rgya'o/ /de nyid ces bya ba ni rdo rje thal mo de nyid do/ /kha nas 'byung ba ni kha nas gyen du drangs pa ste/ rdo rje smra ba'i phyag rgya'o//rdo rje thal mo las mdzub mo gnyis kyi steng du mthe bo gnyis kyis mnan na mthe bos rdo rje bkag par 'gyur te rdo rje las kyi phyag rgya'o/ /rdo rje thal mo las mdzub mo gnyis bsnyams la mthe bo'i drung du gzhug cing mthe bo gnyis kyis mnan na mdzub mo de gnyis nang du gzhug pa yin te/ rdo rje srung ba'i phyag rgya'o/ /rdo rje las kyi phyag rgya de nyid las mthe bo gnyis dbye zhing brkyang ba ste/ khar gtug ces ma smos kyang don gyi dbang gis na nges par 'di ltar shes par bya dgos te/rdo rje gnod sbyin gyi phyag rgya'o/ /rdo rje gnod sbyin gyi phyag rgya de nyid las srin lag dang mthe 'u chung gnyis kyi bar du mthe bo gnyis kyi rtse mo bcug ste bzhag na rdo rje khu tshur gyi phyag rgyar 'gyur ro//de ltar phyag rgya chen po bstan zin nas da ni rdo rje gsang ba zhes bya ba la sogs pas dam tshig gi phyag rgya rnams ston te/ rdo rje gsang ba zhes bya ba ni rdo rje sems dpa'i dkyil 'khor gyi gsang ba gang yin pa de ni rdo rje gsang ba zhes bshad de/de ni sngar rdo rje thal mo las byung bar gsungs pa gang yin pa de da 'dir ni rdo rje bcings pa las byung ba yin no/ /chos kyi gsang ba zhes bya ba la chos kyi dkyil 'khor gyi gsang ba yin pas na chos kyi gsang ba'o/ /mtshan rnams kyis zhes bya ba ni 'dir rdo rje thal mo las byung ba'i mtshan ma rnams kyis so//thal mo nang du bkug pas so/ /zhes bya ba ni thal mo'i nang ni thal mo khong stong du kha sbyar ba'i nang du'o/ /'di skad ston te/ rdo rje thal mo las byung ba'i gsang ba chen po'i mtshan ma gang yin pa de nyid ni thal mo khong stong ngo zhes bya ba ni man ngag go//las kyi gsang ba zhes bya ba ni las kyi dkyil 'khor gyi gsang ba ni las kyi gsang ba ste/ de nyid ni phyag rgya chen po'o/ /nang gnas pa'i mtshan mas zhes bya ba ni rdo rje thal mo'i nang nas phyag rgya'i mtshan mas bstan par bya ste/ de nyid ni gsang ba'i gsang ba yin no//rin po che'i rigs kyi khyad par ma smos pa ni bye brag tu ma phye ba las na gnyis po de gnyis ka'i tshul yin par shes par bya ste/ dper na phyugs mang po mtshan ma btab pa las gcig la mtshan ma ma btab na mtshan ma med pa de nyid de'i mtshan mar gyur pa yin no//de bzhin du 'dir yang khyad par du ma phyed pa nyid khyad par yin par shes par bya'o/ /phyag rgya chen po dang dam tshig gi phyag rgya ni bshad zin to/ /de nas gzhan yang rab bshad pa/ /zhes bya ba la sogs pas ni chos kyi phyag rgya yang bstan pa yin no/ /sangs rgyas rnams dang mchod pa rnams dang sgo ba rnams kyi chos kyi phyag rgya ni rdo rje dbyings kyi dkyil 'khor chen por gsungs pa'i chos kyi phyag rgya gang yin pa de nyid rgyud thams cad du yang shes par bya'o//da ni las kyi phyag rgya bstan par bya dgos pas/ gsang ba'i phyag rgya gnyis byas nas/ /zhes bya ba la sogs pa'i nye bar dgod pa mdzad pa yin te/gsang ba'i dkyil 'khor du phyag rgya chen por bstan pa gang yin pa de nyid gnyis su byas la sngar gsungs pa'i tshul gyis so so'i las kyi phyag rgya brtag par bya ste/ phyag rgya'i lha mo rnams kyi las 'di ni dkyil 'khoral sogs pa shin tu gsang ba yin pas/dkyil 'khor du gzugs kyi skur mi snang ba'i phyir/ phyag rgya chen po ma gsungs mod kyi/ 'on kyang lha mo de dag nyid 'dir phyag rgya chen po yin no/ /shin tu gsang ba'i las rnams la gsang ba'i gsang bar gsungs pa gang yin pa de rnams kyi las ston par bzhed nas/dam tshig mchog ni ji snyed pa/ /zhes bya ba la sogs pa gsungs te/ dam tshig mchog ni ji snyed pa/ /zhes bya ba ni dkyil 'khor 'dir dam tshig gi phyag rgya gsungs pa de/ thams cad kyang gnyis su phral nas las kyi phyag rgyar brtag par bya'o//de bzhin zhes bya ba ni las kyi phyag rgya brtag pa 'di ltar bya'o zhes 'das ma thag par yang ma bshad/ 'dir yang ma bshad pas na de bzhin no zhes gsungs pa yin no/ /'di skad ston te/ rdo rje dbyings kyi dkyil 'khor chen por las kyi phyag rgya rnams kyi mtshan nyid ji ltar gsungs pa yang de bzhin du bya ste/de rnams ni rdo rje khu tshur gnyis las 'byung / 'di dag ni dam tshig mchog nyid gnyis su byas pa las byung ba tsam 'ba' zhig gi khyad par yod pa yin no/ /dkyil 'khor chen por phyag rgya rnam pa bzhi'i sgrub pa yang rnam pa bzhir gsungs pa bzhin du 'dir yang de bzhin du bshad dgos pas na/de nas 'di rnams sgrub pa bshad/ /ces bya ba gsungs pa yin te/ sbyor ba gang zhig bcings par gyur na rang nyid kho na dngos grub ster bar 'gyur ba de ni 'di rnams kyi sgrub pa yin no/ /de gang zhig yin zhe na/ sa ma ya s+t+waM/ zhes smra zhing zhes bya ba gsungs te/ sa ma ya s+t+waM zhes bskul ba'o/ /de yang snying po 'di brjod nas bcings par 'gyur na rang nyid 'grub par 'gyur ro zhes bya bar sbyar ro/ /gang gis grub par 'gyur zhe na/ 'dod la chags pa bde ba'i bdag /ces bya ba gsungs te/ 'dod pa ni bcom ldan 'das rdo rje sems dpa'o/ /chags pa ni de'i phyag rgya de rnams la shin tu chags pa'o/ /bde ba'i bdag ces bya ba ni bde ba dang ldan pa kho na yin gyi sdug bsngal dang ldan pa ma yin pa'o/ /'di skad ston to/ /rdo rje sems dpa'i ting nge 'dzin gyis phyag rgya de rnams la mchog tu sdug par bde ba'i sems kyis rnal 'byor bsgom pa rim bzhin du bcings par gyur na nges par dngos grub sbyin par 'gyur ro//dam tshig mchog ni ji snyed pa/ /gnyis su phral nas de bzhin no/ /zhes gsungs pa thams cad du de rnams dang 'di 'dra ba nyid yin no snyam du 'ga' zhig rtog par 'gyur na/de bzlog pa'i phyir/ 'di rnams lhag par gcig kyang ni/ /zhes gsungs pa yin no/ /lhag pa de yang gang zhig yin zhe na/ de'i phyir/ dus kun du ni bcing mi bya/ /zhes gsungs so/ /ci nam yang bcing bar mi bya'am zhe na/gsang ba'am ni don chen la/ zhes bya ba gsungs te/ gsang ba ni gang su la yang mi snyad pa'o/ /don chen ni srog bsrung ba la sogs pa ste/ de'i tshe bcing bar gyis shig ces bya ba'i don to/ /gal te rtag tu bcings na nyes pa ci yod ce na/de'i phyir/ 'di rnams kun gyi bdag nyid gnas/ /zhes bya ba la sogs pa gsungs te/ gang gi phyir 'di rnams ni thams cad kyi bdag nyid du gnas te thams cad kyi bdag nyid ni bcom ldan 'das rdo rje sems dpa' ste/ de bzhin gshegs pa'i phyag rgya'i mdzod yin pa'i phyir/de la 'di rnams gnas so/ /'di rnams su zhig gi yin zhe na/ rang byung rnams kyi lha mo brtan/ /zhes bya ba gsungs te/ rang 'byung ni sangs rgyas bcom ldan 'das so/ /de rnams kyis gso bar bya zhing bsrung bar bya ba yin pas na lha mo ste btsun ma'o//brtan pa zhes bya ba ni gzhan la mi 'gro ba'o/ /sgrub pa rnams la rab chags na/ /zhes bya ba ni sangs rgyas kyi rnal 'byor la gnas pa dang / rdo rje sems dpa'i rnal 'byor la phyin ci ma log par gnas pa la/ rab chags na zhes bya ba ni dga' ba zhes bya ba'i don to/ / de ltar sgrub pa po rnams la rab tu chags pa'i lha mos rang gi bdag po btang nga re zhes bya ba ste/ sangs rgyas dang byang chub sems dpa'i ting nge 'dzin la gnas pas na sgrub pa po nyid ni rang gi bdag po'o/ /de bas na gang 'di sgrub pa pos phyag rgya 'di dag dgos pa ci yang rung ba la sbyar na/de bas na 'di ni khyad par mi shes pas bdag cag rnams kyi gnas su 'os pa ma yin no snyam nas phyag rgya de dag gis rtag pa'i bdag po btang nga re zhes bya ba'o/ /de lta bu'i don gyis na gsang ba'am don chen po la sbyar bar bya'i thams cad du ni ma yin no/ /cho ga lhag ma rnams kyi cho gar bya ba'i phyir de nas zhes bya ba la sogs pa smos so//de nas phyag rgya 'di rnams zhes bya ba ni phyag rgya rnam pa bzhi rnams kyi'o/ /bcing ba la sogs pa'i las yin pas na bcing ba'i rgyu la bcing ba zhes gsungs so/ /bcing ba thog mar byas pa gang yin pa de ni bcing ba la sogs pa ste/bcing ba de la sogs pa'i las rnams bshad do/ /bdag gam 'on te gzhan yang rung / /zhes bya ba ni nam bdag nyid phyag rgya 'ching bar 'dod pa de'i tshe bdag nyid la rdo rje dbab pa bskyed par bya'o/ /nam gzhan la 'ching bar 'dod pa de'i tshe de la rdo rje dbab pa bskyed par bya'o//rdo rje dbab pa byas nas ni/ /zhes bya ba ni ji skad gsungs pa'i tshul gyis rdo rje dbab pa bskyed pa'o/ /snying por bya ba 'di yis ni/ /zhes bya ba ni gsung rab las gsungs pa'i snying pos gsang ba'i dkyil 'khor du sems dpa' rdo rje ma'i phyag rgya bcing bar bya'o//bcing ngam 'ching du gzhug kyang rung / /zhes bya ba ni nam bdag la rdo rje dbab pa bskyed pa de'i tshe na bcing ba'o/ /nam gzhan la skyed par byed pa de'i tshe ni 'ching du gzhug par bya'o/ /da ni mdor na phyag rgya thams cad ni zhes bya ba la sogs pas phyag rgya dgrol ba ston pa yin te/chos kyi phyag rgya ni lce la'o/ /las kyi phyag rgya gnyis su byas pa las/ dang po ni phyag rgya chen po dgrol bar bya'o/ /gnyis pa ni dam tshig gi phyag rgya dgrol bar bya'o/ /gsang ba'i gsang ba rdo rje'i dkyil 'khor du gsungs pa ni rdo rje bsdams pa dgrol bar bya'o//chos kyi gsang ba ni thal mo khong stong du'o/ /las kyi gsang ba ni rdo rje thal mo'i nang du'o/ /rin po che'i gsang ba ni rin po che'i thal mo'i nang du dgrol bar bya'o/ /phyag rgya chen po ni thal mor dgrol bar bya ste/ rim gyis gang dang gang nas byung ba de dang der yid kyis bkrol la/tha mar rdo rje thal mo snying gar dgrol bar bya'o/ /da ni rin chen rdo rje zhes bya ba la sogs pas ni brtan par bya ba'i cho ga ston te/ rin chen rdo rje ni gsang ba'i dkyil 'khor bstan pa gang yin pa de nyid 'dir gzung bar bya'o/ /de brtan byas te zhes bya ba ni snying ga'i gnas su bcings te/spyi bor dbang bskur ba'i gnas su dgrol ba'o/ /dgrol nas kyang mdzub mo gnyis kyis sngar gsungs pa'i tshul bzhin du go cha bcing bar bya'o/ /'di nyid ces bya ba ni snying po 'dir gsungs pa 'dis so/ /bcing zhes bya ba ni phyag rgya rnams bkrol nas yang thal mo brdabs pas mnyes par bya ba ni bcing ba zhes bya ba'o//dam tshig ni gzhung lugs su rnam par gzhag pa'o/ /ji ltar gnas pa bzhin du dgrol/ /zhes bya ba ni gnas ji lta ba bzhin du bkrol la rdo rje rin chen gyi phyag rgyas dbang bskur te de ltar phreng ba bcings shing go cha bcings nas/thal mo brdabs pas mnyes par bya ba ji skad gsungs pa'i tshul du bstan par bya ba nyid ni bcings pa zhes bya bar bshad do/ /thal mo brdabs pas kun bcings pa/ /zhes bya ba ni/ thal mo brdabs pas mnyes par bya/ /zhes rdo rje dbyings kyi dkyil 'khor las ji skad gsungs pa bzhin du/rdo rje sems dpa' ci dgar bzlas/ /zhes bya ba ni ji srid du 'dod kyi bar du bzla bar bya'o zhes bya ba'i don to/ /gang du zhe na/ dkyil 'khor dang ni las kun la/ /zhes bya ba gsungs pa yin te/ dkyil 'khor gyi las la sogs pa las thams cad la zhes bya ba'i don to//dus 'di nyid du zhes bya ba ni gsang ba'i dkyil 'khor gyi dus su'o/ /sbyar bar bya zhes bya ba ni las la sbyar ba'o/ /ji ltar sbyar bar bya zhe na/ thams cad grub par byed pa'i mchog /ces bya ba gsungs te/ thams cad grub par byed pa'i dam pa'o zhes bya ba'i don to//de kho na nyid du bsdus pa'i rgya cher bshad pa ko sa la'i rgyan las rdo rje dbyings kyi brtag pa'i gzungs ma'i dkyil 'khor gyi 'grel pa'o// //dam tshig gi phyag rgya'i dkyil 'khor bstan zin nas chos kyi phyag rgya'i dkyil 'khor ston par bzhed pa'i phyir/de nas zhes bya ba la sogs pa smos te/de nas zhes bya ba ni gnas skabs so/ /yang zhes bya ba ni dkyil 'khor gzhan ston pa'o/ /bcom ldan 'das zhes bya ba ni rnam par snang mdzad do/ /de bzhin gshegs pa thams cad ni sangs rgyas dang byang chub sems dpa' thams cad do//de rnams kyi rdo rje phra mo ni ye shes kyi rdo rje ste/ gang mi mthong zhing mi shigs pa yid las byung ba'i phyir/ sus kyang gzhom du med pa de la ni rdo rje phra mo zhes gsungs so/ /rnal 'byor gyi rgyud la gsang sngags kyi sgor spyod pa'i rnal 'byor pa rnams la ting nge 'dzin gyi ye shes kyi mtshan mar bcom ldan 'das kyis bstan pa'i ye shes gang yin pa de ni rdo rje phra mo'i ye shes so//de nyid ni phyag rgya ste/ rtse mo lnga pa'i rdo rje'i phyag rgya'i tshul du yongs su bsgom par bya'o/ /de'i dam tshig ni dkyil 'khor ro/ /de bsgom pa'i phyir dkyil 'khor gang gis dam tshig sbyin par byed pa de ni rdo rje phra mo'i ye shes kyi phyag rgya'i dam tshig gi dkyil 'khor ro//de byin gyis brlab pa'i phyir ting nge 'dzin gang la ming 'di skad ces bya ba'i ting nge 'dzin gang yin pa de la snyoms par zhugs te/ 'og nas 'byung ba'i rig pa'i mchog 'di gsungs so//de bzhin gshegs pa thams cad kyang yin la rdo rje sems dpa' yang yin pas na/ de bzhin gshegs pa thams cad kyi rdo rje sems dpa'o/ /de'i ye shes phra mo de bsgom par bya ba'i phyir dam tshig ni dkyil 'khor de byin gyis brlab pa zhes bya ba'i ting nge 'dzin gang yin pa'i ting nge 'dzin de la bcom ldan 'das mi bskyod pa yang snyoms par zhugs te/rang gi rig pa'i mchog 'di gsungs so/ /de bzhin gshegs pa thams cad kyang yin la rdo rje rin po che yang yin pas de bzhin gshegs pa thams cad kyi rdo rje rin po che'o/ /de'i ye shes phra mo de bsgom par bya ba'i phyir dam tshig gi dkyil 'khor de byin gyis rlob pa zhes bya ba'i ting nge 'dzin gang yin pa'i ting nge 'dzin de la bcom ldan 'das rin chen 'byung ldan yang snyoms par zhugs te/rang gi rig pa'i mchog 'di gsungs so/ /de bzhin gshegs pa thams cad kyang de yin la rdo rje chos kyang de yin pas de bzhin gshegs pa thams cad kyi rdo rje chos so//de'i ye shes phra mo de bsgom par bya ba'i phyir/ dam tshig gi dkyil 'khor de byin gyis rlob pa zhes bya ba'i ting nge 'dzin gang yin pa'i ting nge 'dzin de la bcom ldan 'das tshe dpag tu med pa yang snyoms par zhugs te rang gi rig pa'i mchog 'di gsungs so//de bzhin gshegs pa thams cad kyang de yin la rdo rje las kyang de yin pas de bzhin gshegs pa thams cad kyi rdo rje las so/ /de'i ye shes phra mo de bsgom par bya ba'i phyir dam tshig gi dkyil 'khor de byin gyis rlob pa zhes bya ba'i ting nge 'dzin gang yin pa'i ting nge 'dzin de la bcom ldan 'das gdon mi za bar grub pa yang snyoms par zhugs te rang gi rig pa'i mchog 'di gsungs so//sngags 'di lnga ni rang gi rigs kyi dkyil 'khor byin gyis rlob pa yin no/ /de nas de bzhin gshegs pa bcom ldan 'das zhes bya ba la sogs pas ni de bzhin gshegs pa thams cad kyi thugs la gnas pa'i rdo rje sems dpa' yang dag par skul bar byed pa'i ting nge 'dzin ston te/de bzhin gshegs pa thams cad kyi ye shes phra mo'i rdo rje zhes bya ba ni de bzhin gshegs pa thams cad kyir gtogs pa'i ye shes phra mo'i rdo rje ting nge 'dzin gang la rab tu snang ba de ni/de bzhin gshegs pa thams cad kyi ye shes phra mo'i rdo rje zhes bya ba'i ting nge 'dzin to/ /de nas de nyid kyi tshe zhes bya ba ni skad cig ma de nyid la zhes bya ba'i don to/ /de bzhin gshegs pa thams cad kyi thugs ka nas zhes bya ba ni de bzhin gshegs pa thams cad kyi thugs ka la gnas pa'i rdo rje sems dpa'i ting nge 'dzin gyi ye shes bskul ba de las rdo rje ye shes phra mo'i 'od zer rnams byung nas so//'jig rten gyi khams thams cad snang bar byas so zhes bya ba 'dis ni ting nge 'dzin gyi ye shes 'phro ba ston to/ /snang bar byas pa ni gsal bar byas pa'o//las gnyis pa bstan pa ni sems can thams cad la de bzhin gshegs pa thams cad kyi rdo rje'i ye shes phra mo'i ting nge 'dzin la snyoms par zhugs pa bstan par byas te zhes bya ba yin te/ sems can thams cad dang 'brel pa rdo rje'i ye shes phra mo'i ting nge 'dzin la snyoms par zhugs pa gang yin pa de brtan par byas shing mi g.yo bar byas pa'o//yang gcig tu gyur nas zhes bya ba 'dis ni bsdus pa ston to/ /ting nge 'dzin gyi ye shes kyi rdo rje'i skur dmigs te zhes bya ba la/ ting nge 'dzin gyi ye shes yin pas na ting nge 'dzin gyi ye shes so/ / ting nge 'dzin gyi ye shes nyid ni rdo rje yin pas na ting nge 'dzin gyi ye shes kyi rdo rje'o/ /de'i sku ni gzugs can no/ /dmigs pa ni sprul ba'o/ /gcig tu 'dus nas zhes bya ba la/ gcig ni tha mi dad pa'o/ /'dus pa zhes bya ba'i sgras ni brtan pa la bya bar bshad de/ de bzhin gshegs pa rnams kyi ye shes gcig tu 'dus par gyur te/bcom ldan 'das rnam par snang mdzad kyi thugs su zhugs so/ /'di skad ston te/ bcom ldan 'das rdo rje sems dpar gyur te zhugs pa'o/ /bcom ldan 'das rdo rje sems dpa' de de bzhin gshegs pa thams cad kyi rdo rje'i ye shes phra mo'i ting nge 'dzin gyis bskul ba dang /de bzhin gshegs pa thams cad kyi ye shes phra mo'i dam tshig chen po'i rdo rje brtan par bya ba'i phyir/ de bzhin gshegs pa thams cad kyi thugs ka nas de bzhin gshegs pa thams cad kyi rdo rje'i ye shes kyi 'od zer du gyur nas byung ste/ ting nge 'dzin la dbang thob pa bsgrub pa'i phyir/spro ba dang bsdu ba byas nas slar yang de bzhin gshegs pa thams cad kyi thugs su zhugs nas/ de bzhin gshegs pa thams cad kyi ye shes phra mo'i dam tshig chen po'i rdo rje 'di gsungs pa yin te/ de bzhin gshegs pa thams cad ces smos pas ni 'dir de bzhin gshegs pa lnga po gzung ngo //de bzhin gshegs pa thams cad du gtogs pa yang yin la ye shes phra mo yang yin pas na de bzhin gshegs pa thams cad kyi ye shes phra mo'o/ /de bzhin gshegs pa thams cad kyi ye shes phra mo yang yin la dam tshig chen po'i rdo rje yang yin pas na de bzhin gshegs pa thams cad kyi ye shes phra mo dam tshig chen po'i rdo rje'o//dam tshig ni gzhung lugs su rnam par gzhag ste/ sngags dang phyag rgya la sogs pa rnam par brtags pa'i mtshan nyid do/ /chen po ni rgyud kyi don ma lus pa dang / rgyud gzhan rnams kyi don kyang ye shes phra mo'i rdo rjer gtogs pas na dam tshig chen po zhes bshad do//rdo rje ni dam tshig chen po'i don sgrub par byed pa'i rdo rje yin pas na dam tshig chen po'i rdo rje'o/ /de ston par byed pa'i sgra'i gzugs la yang dam tshig chen po'i rdo rje zhes bshad de/ de gsungs pa'o/ /de nas zhes bya ba la sogs pa la/smras ma thag tu zhes bya ba ni bstan pa'i rjes thogs nyid la'o/ /de bzhin gshegs pa thams cad kyi thugs ka nas bcom ldan 'das phyag na rdo rje de nyid byung nas zhes bya ba ni mngon par 'thon pa'o/ /de bzhin gshegs pa thams cad kyi ye shes phra mo de nyid rdo rje'i dbyibs yin pas na de bzhin gshegs pa thams cad kyi ye shes phra mo'i rdo rje'i dbyibs so//bdag nyid byin gyis brlabs te zhes bya ba ni der byas pa'o/ /de bzhin gshegs pa thams cad kyi shangs kyi rtse mo'i phyogs su gnas nas ched du brjod pa 'di ched du brjod do zhes bya ba la/ma dris kyang sems can rnams kyi don bsgrub par bya ba'i phyir gang gsungs pa de ni ched du brjod pa zhes bya'o/ /e ma'o zhes bya ba ni ngo mtshar du gyur pa'o/ /de yang gang gi phyir sangs rgyas thams cad kyi/ rdo rje phra mo bdag ste che/ /zhes bya ba ste/ phra ba zhes bya ba'i sgras ni chung ba dang mi shigs pa gnyi ga la bya na/phra ba'i rdo rje'i bdag nyid kyang bdag yin la/ che ba yang yin pa 'di ni ngo mtshar te/ ji ltar na che ba nyid yin zhe na/ gang phyir phra yang che ba'i phyir/ /khams gsum yang ni rgyas par byed/ /ces bya ba gsungs te/ sna'i rtse mo la gnas shing phra mo yin pa las kyang de ltar snang ba'o//shin tu phra ba'i rdo rje de'i gnas sna'i rtse mo yin pa'i ting nge 'dzin gyi dmigs par bstan nas/ da ni rab tu phra ba'i rdo rje'i ye shes kyi mtshan ma rgyas par bya ba'i tshul gyis zhes bya ba la sogs pas rnal 'byor pa rnams la bsgom pa'i tshe mtshan ma gang zhig skye bar 'gyur ba de ston to//shin tu phra bas na rab tu phra ba'o/ /rab tu phra ba yang de yin la rdo rje yang de yin pas na rab tu phra ba'i rdo rje'o/ /rab tu phra ba'i rdo rje yang yin la ye shes kyang yin pas rab tu phra ba'i rdo rje ye shes so/ /de'i mtshan ma yin pas na rab tu phra ba'i rdo rje'i ye shes kyi mtshan ma'o//mtshan ma la yang rnam pa gnyis te/ rig pa'i mtshan ma ni lus dang yid kyi dbang pos gzung bar bya'o/ /gzugs kyi mtshan ma ni mig dang yid kyi dbang pos gzung bar bya'o/ /de la reg pa'i mtshan ma ni rnal 'byor pas sna'i rtse mor bsgoms pa na/ sna'i rtse mo de kho na nyid du reg pa'i khyad par bsil ba skye zhing gang shin tu yang lus kyi dbang po la phan par byed pa ste/'di ni reg pa'i mtshan ma'o/ /gzugs kyi mtshan ma ni sna'i rtse mor rdo rje gangs ltar dkar ba la sogs pa ji lta bur bsgoms pa de lta bu'i rdo rje nyid sna'i rtse mo las logs shig pa'i nye 'khor gzhan na yang snang bar 'gyur la/de mig gis kyang mthong du rung ba 'di ni gzugs kyi mtshan ma'o/ /de ltar na rab tu phra ba'i rdo rje'i ye shes kyi mtshan ma ni rnam pa gnyis so/ /de'i spro bar bya ba ni rab tu phra ba'i rdo rje'i ye shes kyi mtshan ma rgyas par bya ba dang / de'i ngo bo nyid yin pas na rab tu phra ba'i ye shes kyi mtshan ma rgyas par bya ba'i tshul te/mtshan ma rgyas par bya ba'i tshul des de bzhin gshegs pa thams cad kyi sku la khyab par byas nas zhes bya ba ni reg pa'i mtshan ma lus thams cad la phan 'dogs pa lus kyi gnas ngan len la sogs pa bar chad rnams sel bar byed nus pas nang gi reg pa'i khyad par dbang po thams cad la khyab par phan par byed pa'i reg pa'i khyad par gang zhig mngon par 'phel na ting nge 'dzin kyang mngon par 'phel bar 'gyur zhing /khams gsum gyi bar du khyab par byar rung ba des/ de bzhin gshegs pa thams cad kyi skus khyab par byas la/de nas gzugs kyi mtshan ma rnams kyis chos kyi dbyings thams cad khyab par bya ba'i tshul gyis zhes bya ba la/ thams cad de ma lus pa'i chos kyi dbyings khyab par byas shing / spros pa'i sbyor bas zhes bya ba rnal 'byor te/gang gi tshe ting nge 'dzin rdzogs par gyur pa na/ des chos kyi dbyings thams cad khyab par bya ba'i tshul gyis khams gsum yang khyab par byed do/ /de ltar rim gyis nam mkha'i dbyings thams cad rab tu phra ba'i rdo rje'i ye shes kyi mtshan ma rnams kyis khyab par byas so zhes bya ba ni spros pas khyab pa'o//nam mkha'i dbyings thams cad ni nam mkha'i khams thams cad du khyab par byas pas na khyab par byas pa zhes bya'o/ /ye shes kyi rdo rje'i dbyings su bdag nyid byin gyis brlabs zhes bya ba ni bcom ldan 'das rdo rje sems dpa'i rnal 'byor gyi stobs kyis rdzogs par bsgrubs nas zhugs pa'o//de nas de nyid kyi tshe na zhes bya ba ni phra ba'i rdo rje ye shes kyi skus khyab pa'i dus nyid du'o/ /de bzhin gshegs pa thams cad kyi ye shes kyi rdo rje'i chos nyid du dmigs nas zhes bya ba ni bdag nyid ye shes kyi rdo rje'i ngo bo nyid du bsams nas/de bzhin gshegs pa thams cad kyir gtogs pa'i rdo rje'i ye shes phra mo gang yin pa de byin gyis brlab pa'i phyir/ ting nge 'dzin gang don dang mthun pa'i ming 'di skad ces bya ba'i ting nge 'dzin de la snyoms par zhugs nas bzhugs pa'o/ / de bzhin gshegs pa thams cad kyi ye shes kyi rdo rje las zhes bya ba la/ ye shes phra mo ni ye shes kyi rdo rje'o/ /ting nge 'dzin gyi ye shes kyi snying po zhes bya ba ni ting nge 'dzin gyi ye shes yin pas na ting nge 'dzin gyi ye shes te/ de sgrub par byed pa'i snying po 'di phyung ngo / /snying po 'dis bcom ldan 'das phyag na rdo rje bskul ba dang /phra mo'i rdo rje'i ye shes kyi dbyibs te/ nam mkha'i dbyings thams cad kyi tshad du khyab par byed pa gang yin pa de byin gyis brlab pa'i phyir/ de bzhin du ye shes kyi rdo rje'i dbus de nyid na bzhugs pa'i de bzhin gshegs pa sngar bshad pa'i gdan de kho na nyid la bzhag nas/de bzhin gshegs pa de rnams kyi thugs su zhugs so/ /ye shes phra mor 'jug pa'i tshul gyis zhes bya ba la/ ye shes phra mo ni rdo rje'i ye shes te/ der 'jug pa'i rnal 'byor ni ye shes phra mor 'jug pa'i tshul lo/ de bzhin gshegs pa thams cad kyi thugs la zhes khyad par med par gsungs mod kyi/'on kyang don gyi dbang gis na mi bskyod pa la sogs pa'i thugs su rim gyis zhugs par khong du chud par bya'o/ /phyag rgya rnams kyi rigs kyi rnam par dbye ba dgos pas na rim gyis yang dang yang du 'jug pa ston pa yin no/ /de bzhin gshegs pa thams cad kyi thugs la sems dpa' ste zla ba'i dkyil 'khor ro//de'i steng du phra mo'i rdo rje'o/ /ye shes kyang yin la chen po yang yin pas na ye shes chen po ste/ thams cad khyab pa'i phyir chen po yin te/ bsgoms pa'i stobs kyis ye shes re res kyang khams gsum pa thams cad khyab pa yin pa'i phyir ro//ye shes chen po bskul ba'i snying po bzhi yin pas na ye shes chen po'i snying po bzhi'o/ /rdo rje sems dpa'i ye shes yin pas na rdo rje sems dpa'i ye shes so/ /de'i phyag rgya ni phyag rgya chen po ste de skul bar byed pa'i snying po'o/ /de bzhin gshegs pa thams cad ni sangs rgyas dang byang chub sems dpa' rnams te/de dag bsdu ba'i byin gyi rlabs ni 'dus par byed pa ste/ /de'i ye shes yin pas na de bzhin gshegs pa thams cad bsdu ba'i byin gyi rlabs kyi ye shes so/ /de'i phyag rgya ni phyag rgya chen po ste/ de skul bar byed pa'i snying po'o/ / de bzhin gshegs pa thams cad ni sangs rgyas dang byang chub sems dpa' rnams so/ /de bzhin gshegs pa de dag thams cad mnyes par byed pa yin pas na de bzhin gshegs pa thams cad mnyes par byed pa ste/ de'i ye shes so/ /de'i phyag rgya ni phyag rgya chen po ste/ de skul bar byed pa'i snying po'o//dga' ba chen po yin pas na dga' ba chen po ste de'i ye shes so/ /de'i phyag rgya ni phyag rgya chen po ste skul bar byed pa'i snying po'o/ /de bzhin gshegs pa thams cad kyi ting nge 'dzin chen po rnams so zhes bya ba la/ de bzhin gshegs pa thams cad ni rdo rje sems dpa' la sogs pa bzhi'o//de rnams kyi ting nge 'dzin chen po rnams ni dam tshig gi sems dpa' chen po yin pa'i phyir te/ de'i phyag rgya rnams las phyag rgya chen po la dmigs pa las sems rtse gcig pa'i khyad par la ni ting nge 'dzin chen po zhes gsungs so/ /de bzhin gshegs pa rnams las mi bskyod pa'i rigs bskyed zin nas/da ni rin chen 'byung ldan gyi rigs bskyed par bya ba'i phyir/ de nas zhes bya ba la sogs pa'i gzhung smos so/ /de nas de bzhin gshegs pa thams cad kyi thugs phyag na rdo rje zhes bya ba ni de bzhin gshegs pa thams cad kyi thugs yin pa'o//yang zhes bya ba ni mi bskyod pa'i rigs la ltos pa'o/ /ye shes phra mo 'jug pa'i tshul gyis zhes bya ba ni bshad zin to/ /rang gi thugs su zhes bya ba ni phra mo'i rdo rje'i gzugs su bzhugs pa'i rin chen 'byung ldan gyi thugs so/ /snying ga'i rdo rje dbyibs zhes bya ba ni snying po 'byung ba'i mtshan ma'i rdo rje dbyibs yin pas na snying ga'i rdo rje'i dbyibs te/de'i gzugs su bdag nyid mdzad nas bzhugs pa'o/ /de bzhin gshegs pa thams cad ni sangs rgyas bcom ldan 'das so/ /de bzhin gshegs pa thams cad kyang yin la rdo rje yang yin pas na de bzhin gshegs pa thams cad kyi rdo rje'o//de rnams kyi dbang bskur ba ste de'i ye shes so/ /de'i phyag rgya ni phyag rgya chen po ste de skul bar byed pa'i snying po'o/ /'od kyi dkyil 'khor yang yin la chen po yang yin pas na 'od kyi dkyil 'khor chen po'o/ /de rnams nyid kyi bkod pa la rgyan zhes bya ste/de'i ye shes so/ /de'i phyag rgya ni phyag rgya chen po ste de skul bar byed pa'i snying po'o/ /yang na chen po rnams kyi 'od kyi dkyil 'khor yin pas na 'od kyi dkyil 'khor chen po ste/ chen po ni sangs rgyas bcom ldan 'das so/ /lhag ma rnams ni sngar bshad pa dang mtshungs so//de bzhin gshegs pa thams cad gang gis sems can rnams kyi re ba yongs su rdzogs par mdzad pa de ni de bzhin gshegs pa thams cad kyi re ba yongs su rdzogs par byed pa ste de'i ye shes so/ /lhag ma rnams ni 'dra'o/ /de bzhin gshegs pa thams cad kyi bzhad pa chen po yin pa'am/de bzhin gshegs pa thams cad kyang yin la bzhad pa chen po yang yin pas de bzhin gshegs pa thams cad kyi bzhad pa chen po ste/ bzhad pa chen pos don chen po mdzad pa'i phyir te/de'i ye shes so/ /lhag ma rnams ni go sla'o/ /rdo rje rin po ches mtshan pa'i ting nge 'dzin yin pas na rdo rje'i ting nge 'dzin to//rin po che'i rigs bskyed zin nas chos kyi rigs bskyed pa'i phyir/ de nas phyag na rdo rje zhes bya ba la sogs pa'i gzhung gzhan smos pa yin te/ yang zhes bya ba ni rin po che'i rigs la ltos pa'o/ /ye shes phra mos 'jug pa'i tshul bshad zin to//rang gi snying ga ni sngar bshad pa'i rdo rje phra mos khyab pa'o/ /rdo rje snying po ni de bzhin gshegs pa dang rdo rje rnams kyi snying po ste/ rang gi snying ga dang rdo rje'i snying po ni rang gi snying ga dang rdo rje'i snying po'o/ /der zhugs nas snying po bzhi 'byung pa'i rnal 'byor rdo rje'i dbyibs su bdag nyid byin gyis brlabs nas zhugs pa'o//chos thams cad mnyam pa nyid yin pas na chos thams cad mnyam pa nyid de/ chos thams cad rang bzhin gyis rnam par dag pa ste de'i ye shes so/ /lhag ma rnams ni snga ma bzhin no/ /de bzhin gshegs pa thams cad kyang yin pas na de bzhin gshegs pa thams cad kyi shes rab kyi ye shes so//phyag rgya ni phyag rgya chen po ste de la sogs pa'o/ /'khor lo yang yin la chen po yang yin pas 'khor lo chen po ste/ dkyil 'khor zhes bya ba'i don to/ /der 'jug pa dang de'i ye shes so//de'i phyag rgya ni phyag rgya chen po ste phyag rgya gang bcings na chos kyi 'khor lor 'jug par 'gyur ba'o/ /de bzhin gshegs pa thams cad kyang yin la chos kyi tshig kyang yin pas na de bzhin gshegs pa thams cad kyi chos kyi tshig ste/ dgongs pa gsung ba zhes bya ba'i don to//de nyid kyis na spros pa med pa ste/ de'i ye shes la sogs pa'o/ /de bzhin gshegs pa thams cad kyi chos kyi rigs kyi ting nge 'dzin yin pas de bzhin gshegs pa thams cad kyi chos kyi ting nge 'dzin to/ /de ltar chos kyi rigs su gtogs pa bskyed nas/ da ni las kyi rigs su gtogs pa'i snying po bskyed pa'i phyir/de nas zhes bya ba la sogs pas ston to/ /yang zhes bya ba ni chos kyi rigs la ltos pa'o/ /rang gi snying po dang rdo rje'i thugs ka ni rang gi snying po rdo rje'i thugs ka'o/ /de nyid rdo rje yin pas na rang gi snying po rdo rje'i thugs ka'i rdo rje ste/ de las byung ngo zhes bya bar sbyar ro//ye shes phra mor 'jug pa'i tshul gyis zhes bya ba ni sna'i rtse mo las sna'i bu ga g.yas par ci nas kyang mi reg par 'jug pa de lta bu'i gzugs su bdag nyid sprul nas/ rnal 'byor gang gis 'jug pa de ni ye shes phra mor 'jug pa'i tshul lo/ /rdo rje'i thugs der zhes bya ba ni rdo rje phra mo thams cad du song ba de de bzhin gshegs pa thams cad kyi thugs su zhugs pa'o//yang rdo rje shin tu phra mo'i dbyibs su zhes bya ba ni rang gi snying po bskyed pa'i ngo bo nyid du byin gyis brlabs te bzhugs pa'o/ /de bzhin gshegs pa thams cad kyang yin la las sna tshogs pa yang yin pas na de bzhin gshegs pa thams cad kyi las sna tshogs pa ste de'i ye shes so//de'i phyag rgya ni phyag rgya chen po ste/ de ni de bzhin gshegs pa thams cad kyi las sna tshogs pa'i ye shes kyi phyag rgya'o/ /thub par dka' ba ni bcom ldan 'das rdo rje go cha ste/de'i brtson 'grus dang de'i ye shes dang de'i phyag rgya'o/ /bdud thams cad kyi dkyil 'khor 'joms pa ni bcom ldan 'das rdo rje gnod sbyin te de'i ye shes so/ /lhag ma rnams ni go sla'o/ /de bzhin gshegs pa thams cad 'ching ba'i ye shes ni rdo rje khu tshur te/de'i ye shes dang de'i phyag rgya'o/ /de bzhin gshegs pa thams cad kyi las kyi rigs kyi ting nge 'dzin yin pas na de bzhin gshegs pa thams cad kyi las kyi ting nge 'dzin to/ /lhag ma rnams kyi snying po dang phyag rgya rnams ni rdo rje dbyings kyi dkyil 'khor chen po las gsungs pa yin par shes par bya'o//de ltar ji skad du gsungs pa'i tshul gyis snying po bcu drug bskyed nas/ da ni sems dpa' bcu drug bskyed par bya ba'i phyir/de nas zhes bya ba la sogs pa'i gzhung gsungs te/ yang zhes bya ba ni snying po bskyed pa la ltos pa'i tshig go/ /bar skabs 'dir 'jug pa ma smos su zin kyang /'on kyang don gyi dbang gis shes par bya dgos te/ gang gi phyir gdon mi za bar grub pa'i thugs ka nas snying po bzhir gyur te byung ba smos mod kyi/ de'i 'jug pa ni ma gsungs so/ /de bas na byung bar gsungs pa las na 'dir 'jug par 'gyur bar yang shes par bya'o//ji ltar 'byung zhe na/ ye shes phra mo'i mtshan mas khyab pa'i tshul gyis zhes bya ba gsungs te/ shin tu phra bas na rab tu phra ba'o/ /rab tu phra ba yang yin la ye shes kyang yin pas na rab tu phra ba'i ye shes so/ /de'i mtshan ma ni bsgom pa'i dus su'o/ /de'i khyab pa ni spros pa ste/de'i rnal 'byor ci 'dra ba de 'dra ba'i rnal 'byor gyi tshul des byung ba'o/ /'di skad ston te/ rdo rje phra mos khyab par byed pa'i tshe/ rnal 'byor ji lta bus de bzhin gshegs pa'i thugs las byung ba de bzhin du sems dpa' rnams bskyed par bya ba'i phyir/ de lta bu'i tshul gyis de bzhin gshegs pa rnams kyi thugs las byung ba'o//cir gyur ce na/ byang chub sems dpa' chen po phyag na rdo rje'i skur gyur nas zhes bya ba gsungs te/ byang chub sems dpa' chen po yang yin la phyag na rdo rje yang yin pas na byang chub sems dpa' chen po phyag na rdo rje'o/ /de'i sku yin pas na byang chub sems dpa' chen po phyag na rdo rje'i sku'o//gyur pa ni red pa'o/ /de nas phyag na rdo rje'i sku las slar yang rdo rje sems dpa' la sogs pa byang chub sems dpa' chen po rnams kyi skur gyur te/ rang rang gi mtshan ma rdo rje la sogs pa nyid kyi thugs ka'i zla ba'i dkyil 'khor la bzhag nas rdo rje/ / dbyings kyi dkyil 'khor chen po dgos pa'i tshul gyis zhes bya ba rdo rje dbyings kyi dkyil 'khor chen po'i dbyibs su'o/ /rang gi snying po'i ting nge 'dzin ni rang gi snying po'i don dang / rjes su mthun pa'i ting nge 'dzin ni rang gi snying po'i ting nge 'dzin te ting nge 'dzin du mdzad pa zhes bya ba'i don to//de nas yang phyag na rdo rjes zhes bya ba la sogs pa la/ yang zhes bya ba ni gzungs kyi dkyil 'khor la ltos pa'o/ /de bzhin gshegs pa thams cad kyir gtogs pa'i ting nge 'dzin gyi ye shes yin pas na de bzhin gshegs pa thams cad kyi ting nge 'dzin gyi ye shes so/ /de nyid ni mngon par shes pa yin pas na ting nge 'dzin gyi ye shes kyi mngon par shes pa'o//de bsgrub pa'i phyir zhes bya ba ni/ sems can rnams la de bstan pa'i phyir ro/ /rdo rje phra mo ni phra ba'i rdo rje zhes bya ba'i don to/ /ye shes kyi dkyil 'khor 'di bshad do zhes bya ba ni/ /ye shes kyi dkyil 'khor thugs la gnas pa 'di bka' stsal pa'o//de nas zhes bya ba ni gnas skabs so/ /ye shes kyi dkyil 'khor du zhugs pa med par ni rdo rje phra mo bsgom pa 'grub par mi 'gyur te/ de bas na/ de nas rab tu bshad bya ba/ /zhes gsungs so/ /chos kyi phyag rgya'i dkyil 'khor yin pas na chos kyi dkyil 'khor ro//dam pa ni mchog go/ /rdo rje dbyings dang 'dra ba ni rdo rje dbyings dang mtshungs pa'o/ /ming ji skad ces bya zhe na/ rdo rje phra mo zhes bshad de zhes bya ba gsungs pa'o/ /dkyil 'khor chen po'i tshul du ni/ /zhes bya ba ni sku'i phyag rgya la sogs pa'i rim pa rdo rje dbyings kyi dkyil 'khor chen po dang 'dra ba'o//rdo rje'i dbus su zhes bya ba ni rdo rje phra mo'i dbus su'o/ /sangs rgyas bri zhes bya ba ni bcom ldan 'das rnam par snang mdzad do/ /sangs rgyas dkyil 'khor rnams su yang / /zhes bya ba ni mi 'khrugs pa'i dkyil 'khor du yang mi bskyod pa la sogs pa rdo rje'i dbus su bris shig ces bya ba'i don to//sems dpa' chen po rnams bri zhing / /zhes bya ba ni sems dpa' la sogs pa'o/ /de bzhin zhes bya ba ni sangs rgyas rnams rdo rje'i dbus su ji ltar bris pas de bzhin du sems dpa' chen po rnams kyang rdo rje'i dbus su bris shig ces bya ba'i don to//thugs kar nyid phyag rgya zhes bya ba ni rdo rje la sogs pa'i phyag rgya ste/ 'di rnams kyi nyid kyi thugs ka'i phyag rgya yin pas na thugs kar nyid phyag rgya'o/ /bzhugs pa'i tshul ji lta bur bri zhe na/ ting nge 'dzin du bzhugs pa dang / /zhes gsungs pa yin te ting nge 'dzin gyi tshul gyi spyod lam gyis bzhugs pa zhes bya ba'i don to//phyag gnyis rdo rje bcing bar bcings/ /zhes bya ba ni 'di rnams kyi phyag gnyis rdo rje bsdams pas gnas pa yin pas na/ phyag gnyis rdo rje bcing bar bcings/ /zhes bya ba ste/ pad+ma'i steng du rdo rje bsdams pa bkan te brkyang nas bzhag pa zhes bya ba'i don to//de nas zhes bya ba la sogs pas ni rdo rje dbyings kyi dkyil 'khor chen por gsungs pa'i dgug pa la sogs pa'i cho ga rgyas pa rnams bya bar ston to/ /rdo rje phra mos mtshan pa'i chos kyi dkyil 'khor yin pas na rdo rje phra mo'i chos kyi dkyil 'khor te/chos kyi phyag rgya gtso bor gyur pa'i dkyil 'khor yin pas na chos kyi dkyil 'khor ro/ /ye shes kyi mtshan ma lag tu byin nas zhes bya ba ni ye shes yongs su smin par bya ba'i don gyi mtshan ma ni ye shes kyi mtshan ma ste/ rdo rje phra mo zhes bya ba'i don to/ / rang gi sems zhes bya ba la sogs pa la/ rang gi sems yin pas na rang gi sems so/ /de'i lus su bya ba ni bsgom pa la goms par bya'o/ /de'i phyag rgya chen po'i ye shes bslab po zhes bya ba la ye shes kyi mtshan ma ste/ 'jug pa la sogs pa'i cho gas rdo rje phra mo'i dbang bskur ba dang lhan cig tu dbang bskur ba lnga byin nas/bsgom pa la mngon par brtson par 'dod pas/ dang po kho nar man ngag legs par blang ba dang / ting nge 'dzin gyi dmigs pa legs par mnod par bya'o/ /mtshan ma de'i kha dog dang dbyibs la sogs pa yang legs par shes par byas la/ bya ba thams cad rdzogs par byas nas sgra'i glag cor med cing /dben pa'i phyogs su 'dug la/ skyil mo krung bcas te 'dug cing lus drang por bsrangs nas blo gsal zhing ma rmugs pas dran pa nye bar gzhag ste/ ji ltar mnos pa'i bsgom par byas pa'i dmigs pa sna'i rtse mor bzhag la bsgom par bya ba ni/lce ni rkan la gzhar bya zhing / /sna yi rtse mor bsam bya ba/ /zhes bya ba ste/ lce ni rkan la gzhar bya zhing / /zhes bya ba ni lce'i rtsa ba nas mdun so'i bar du rnam pa 'dis/ lce steng gi phyogs su sbyar bar bya'o/ /'di skad ston te/ kha'i phyi dang nang du bcas pa mnyam par gzhag par bya'o//sna yi rtse mor bsam bya ba/ /zhes bya ba ni ting nge 'dzin gyi dmigs pa rdo rje phra mo sna'i rtse mor gzhag pa gang yin pa de la bsam par bya'o/ /'di skad ston te/ mtshan ma des sems kyi rgyun rgyun mi 'chad par bskyed par bya ba ste/ nyin re zhing ting nge 'dzin gyi dmigs pa legs par rtogs par byas nas/rtog pa ngan pa dang khyim dang / rab tu byung ba dang 'dre ba la sogs pa rnam par rtog pa'i mtshan ma rnams spang bar bya'o/ /de yang ji skad du/ yid kyi glang smyon lam log spyod/ /dran pa'i thag pas dmigs pa yi/ /ka ba la gdags rim gyis ni//shes rab lcags kyus dbang du bya/ /zhes bshad pa lta bu ste/ de ltar na sna'i rtse mor bsam pa yin no/ /rdo rje phra mor sna'i rtse mor bsgom pa brtan par gyur nas bde ba'i reg pa'i mtshan ma skye ste/ bde ba'i rgyu'i reg pa yin pas na bde ba'i reg pa'o/ /rdo rje phra mo yod na bde ba la reg pas na rdo rje phra mor bder reg pa ste/rdo rje phra mo'i bde ba'i reg pa de las/ sems ni mnyam par gzhag par 'gyur/ zhes bya ba ste/ ting nge 'dzin thob par 'gyur ro zhes bya ba'i don to/ /'di skad ston te/ rdo rje phra mo bsgoms par gyur na/ sna'i rtse mo'am de ma yin pa'i phyogs gzhan du bde ba'i reg pa'i mtshan ma'i khyad par gang gis lus kyi gnas ngan len la sogs pa'i nyes pa sel bar nus pa/lus shin tu sbyangs pa zhes bya ba skye bar 'gyur ro/ /lus kyi gnas ngan len dang bral bar gyur na lus las su rung bar 'gyur te/ mngon par brtson par byed nus par 'gyur ro//lus shin tu sbyangs pas ni sems shin tu sbyang ba skyed de/ lus shin tu sbyangs pas bde ba myong bar 'gyur la/ bde ba dang ldan pa ni sems rtse gcig par 'gyur ro zhes ji skad gsungs pa lta bu'o/ /rdo rje phra mo'i bde reg pa'i//mtshan ma gang tshe byung ba na/ /zhes bya ba ni rdo rje phra mo bsgoms par gyur pa las gang gi tshe lus kyi'am sems kyi bde ba'i reg pa bskyed par gyur pa de'i tshe/ mtshan ma de ni khyab bya ba/ /zhes bya ba ste/ rnam par spro zhing rgya cher gyis shig pa'o/ /sems de zhes bya ba ni gang phyi rol gyi gzugs kyi mtshan ma dkar po'am/ser po la sogs pa sems so sor snang ba'i rang bzhin de la sems de zhes bya'o/ /kun du khyab par byed pa zhes bya ba ni phyogs bcu rnams su yang gtang bar bya ba'i don to/ /nang gi mtshan ma ni bde ba'i tshor ba'i rgyu reg pa'i khyad par te/ de la yang sems zhes bya'o//kun du khyab par bya zhes bya ba ni rang gi lus thams cad du bde ba'i reg pa'i mtshan ma des khyab par bya'o zhes bya ba'i don to/ /ji tsam 'dod par sems khyab nas/ /khams gsum du yang khyab par 'gyur/ /zhes bya ba la/ ji tsam 'dod par khyab par bya ba ni gnas khang dang kun dga' ra ba dang yul la sogs par spro ba ni ji tsam 'dod par khyab par bya ba'o//de ltar ji tsam 'dod par khyab par bya bas sems zhes bya ba mnyam par gzhag pa'i sems gzugs su snang ba'o/ /khams gsum du yang zhes bya ba la/ yang zhes bya ba'i sgras ni rnal 'byor la dbang thob pas/ nam mkha'i khams rnams su yang khyab par bya ba'o/ /de nas de yang bsdu ba ni/ /zhes bya ba la/ de zhes bya ba ni sems so/ /yang zhes bya ba'i sgra ni khyab pa la ltos pa'o/ /bsdu ba ni zhes bya ba ni brtul ba'o/ /ji tsam gyi bar du bsdu bar bya zhe na/de'i phyir/ sna yi rtse mo'i bar du gnas/ / zhes bya ba gsungs pa ste/ khru gang dang khru do dang khru gsum la sogs pa 'dor zhing / ji srid du sna'i rtse mor phyin pa de srid kyi bar du bsdu bar bya'o/ /de nas zhes bya ba ni ting nge 'dzin la dbang du gyur pa thob pa nas brtsams te/ gang cung zad ces bya ba ni mchod pa la sogs pa'i las rnams so/ / shin tu mnyam gzhag ces bya ba ni sems rtse gcig pas so/ /bsgom bya ba zhes bya ba ni goms par bya ba'o/ /de dag thams cad ces bya ba ni mchod pa la sogs pa'i las de dag thams cad brtan par bya ba'o/ /ting nge 'dzin shes pa brtags pa'o zhes bya ba ni mnyam par gzhag pa'i sems kyis mnyam par gzhag pa'o//snying po dang pos ni bsgom pa'i tshe snying ga nas sna'i rtse mor drangs te gzhag pa'o/ /gnyis pas ni khyab par bya ba'o/ /gsum pas ni bsdu ba'o/ /bzhi pas ni sna'i rtse mo nas sna'i bu ga g.yas par bcug ste snying gar bzhag cing brtan par bya'o/ /rnal 'byor pas sgrub pa'i dbang du bya na thams cad kyi nang na tshad med pa bzhi bsgom pa ni don chen po byed pa yin te/de bas na thog mar bstan la/ de las kyang byams pa ni shin tu yang sems can rnams la rjes su phan 'dogs par byed pa yin pas na/ de ni/ sems dpa' gang gis byams pa ni/ /zhes bya ba la sogs pas dang por ston te/gang la la zhig gang zhig la rgyu med par bde ba la nye bar sbyor bar byed na/ de ni de'i mdza' bo zhes bya ba la/ mdza' bo'i ngo bo nyid yin pas na byams pa'o/ /sems dpa' gang gis byams pa ni/ /mnyam par 'gyur zhes bya ba la/ /sems dpa' gang gis zhes bya ba ni rnal 'byor pa rnams so//mnyam 'gyur zhes bya ba'i sgras ni rnal 'byor pa'i zla gnyis pa la ltos pa ste/ gang dang lhan cig tu mnyam par gyur pa zhes bya ba'i don to/ /ji lta bu zhe na/ brtan pa chen po yis zhes bya ba ste/ shin tu brtan pa zhes bya ba'i don to//sems kyi khyab pa'i tshul gyis ni/ /zhes bya ba ni ji ltar rdo rje phra mo'i phyogs gcig nas spro bar bya ba ji skad bstan pa ni sems te/ de'i tshul gyis bde ba la nye bar sbyor bar byed pa'i byams pas sems can gcig dang gnyis dang gsum dang / khyim dang grong dang grong khyer dang yul rnams dang /de bzhin du phyogs gcig dang gnyis dang gsum nas phyogs bcu'i bar gyi sems can thams cad la des rim bzhin du khyab par bya'o/ /'di skad ston te/ dgra bo dang mdza' bo dang tha mal pa'i bye brag gis sems can gyi tshogs gsum du byas la de las kyang chen po dang 'bring dang tha mal pa'i khyad par gyis re re zhing yang gsum gsum du bya'o//de la thog ma kho nar mdza' bo chen po bde ba la nye bar sbyar bar bsam par bya'o/ /de nas ni 'bring la'o/ /de nas ni tha ma la'o/ /de nas tha mal pa chen po dang 'bring dang tha ma la'o/ /de nas dgra bo tha ma la'o/ /de nas 'bring la'o//de nas chen po la bde ba la nye bar sbyar ba'i bsam pa mdza' bo rab la skyed pa bzhin du de la byed par gyur pa de'i tshe/ des byams pa thob par gyur pa yin no/ /de nas de'i 'og tu ji skad gsungs pa bzhin du khyab par bya'o/ /byams pas khyab pa'i tshul gyis ni/ /zhes bya bas ni byams pas khyab pa'i sbyor bas sems can dang phyogs la sogs par khyab pa bzhin no//snying rje can ni gang yin pa/ /zhes bya ba la/snying rje ni kA ru Na ste/ kA ni bde ba la bya'o/ /ru ni 'gog pa la bya ste/ bde ba 'gog par byed pas na snying rje'o/ /de yang gzhan gyi rgyud du gtogs pa'i sdug bsngal mthong na rang gi rgyud las yod pa'i bde ba 'gog par byed do zhes bya ba'i bar du ston pa yin no//snying rje'i bdag nyid can yin pas na snying rje can no/ /gang yin pa zhes bya ba ni rnal 'byor ba'o/ /sems can kun don ldan pa yis/ /zhes bya ba ni sems can thams cad kyi don rdzogs par byed pa'i bsam pa'o//bsam pa 'ba' zhig tu ma zad kyi/ bsgrub pa ste bsgrub par bya ba'o/ /khyab par bya zhes bya ba ni rim pa de nyid kyis spro bar bya'o/ /'di skad ston te/ snying rje'i sems bskyed pa 'ba' zhig tu ma zad kyi/ gang gi phyir sdug bsngal dang bral bar byed pa de ni snying rje yin pas/ ci nus par sdug bsngal bsal bar yang bya dgos so/ /de bas na sems can gcig la sogs pa'i rim gyis/ sdug bsngal dang bral bar bsam par bya'o/ /nus pa yod bzhin du sems can sdug bsngal dang ldan pa rnams la btang snyoms mi bya'o/ /de ltar na bsgrub pas khyab par byas pa yin no//'dir yang snying rje'i rjes la dga' ba bstan par bya dgos te/ de bas na/ kun kyang rang bzhin 'od gsal ba/ /zhes bya ba la sogs pas dga' ba'i yul ston pa yin no/ /de yang rang bzhin te ngo bo nyid kyis 'od gsal zhing dag pa yin pas na rang bzhin 'od gsal ba'o/ / ji ltar na rang bzhin gyis 'od gsal ba yin zhe na/ de'i phyir gdod nas dag pa zhes bya ba gsungs te/ gang gi phyir gzod ma nyid nas rnam par dag pas na gdod nas dag pa'o/ /ji lta bur gdod nas dag pa yin zhe na/ de'i phyir nam mkha' bzhin zhes gsungs te/ nam mkha' dang 'dra bas na nam mkha' bzhin te/don dam par stong pa nyid yin pas na nam mkha' ltar gos pa med pa zhes bya ba'i don to/ /'di dang mtshungs pa de gang zhig yin zhe na/ de'i phyir/ chos sam yang na chos min pa/ /zhes bya ba gsungs te/ chos zhes bya ba ni dge ba bcu'i las kyi lam mo/ /chos ma yin pa zhes bya ba ni mi dge ba bcu'i las kyi lam ste/de dag kyang don dam par stong pa nyid yin pas na chos thams cad bdag med pa yin no/ /bsam pas khyab cing dga' bar 'gyur/ /zhes bya ba ni bsam pa zhes bya ba gzhan gyi ngor byed pa'i lhag pa'i bsam pas khyab cing zhes bya ba ste/ spros pas khyab par byed la dga' bar 'gyur//zhes bya ba rangs par 'gyur zhes bya ba'i don to/ /'di ni dga' ba'i mchog ste dmigs pa med pa'o/ /des na 'di phyogs kyi chas khyab par bya bar ma gsungs te/ chos rnams bdag med pas khyab par bya ba nyid kyis chos thams cad snang ba med par byas pa nyid yin pa'i phyir ro//dga' ba'i 'og tu btang snyoms bstan par bya dgos pas/ da ni/ de gdul dka' dang mtshungs 'dra ba/ /zhes bya ba la sogs pas ston te/ gdul dka' ba ni log par lta ba'o/ /de dang mtshungs zhes bya ba ni yod par lta ba yang mi dge ba la mngon par dga' bar 'gyur na/de dang 'dra ba yin la/ dge ba la mngon par dgar zin kyang theg pa chen po la mi 'jug na de dang 'dra ste/ gdul dka' ba dang mtshungs pa yang yin la de dang 'dra ba yang yin pas na gdul dka' ba dang mtshungs 'dra ba'o/ /sangs rgyas byang chub snod ma yin//zhes bya ba ni sangs rgyas zhes bya ba yang dag par rdzogs pa'i sangs rgyas rnams kyi byang chub ni sangs rgyas byang chub bo/ /de'i snod ma yin pa ni de rtogs par bya ba bstan pa'i snod du ma gyur pa zhes bya ba'i don to/ /de dag rtogs par bya ba'i phyir/ /zhes bya ba la de dag ni snod ma yin pa rnams so//rtogs par bya ba ni snod du rung bar bya ba'o/ /phyir zhes bya ba ni de'i rgyur ro/ /btang snyoms chen po goms par bya/ /zhes bya ba la/btang snyoms su 'jog pas na btang snyoms te/ de dag smin par bya ba'i phyir dus gzhan la sdod cing / brtson 'grus kyi blo gros las ldog pa'o//de yang btang snyoms kyang yin la chen po yang yin pas btang snyoms chen po ste/ de goms par bya ba ni yang dang yang du mngon sum du gyis shig pa'i don to/ /gang gi phyir de ltar dus gzhan la bsdad dgos pa de ni dus der snod du bya ba'i/ da ltar phan pa bstan kyang len par mi 'gyur ba 'ba' zhig tu ma zad kyi/bla ma la 'khu ba dag kyang byed par 'gyur te/ de bas na de dag la btang snyoms chen po bsgom par bya'o zhes ston pa yin no/ /sarba shu d+ha pra mo da zhes bya ba ni thams cad dag par rab tu dga' ba zhes zer te/ chos thams cad rang bzhin gyis dag pa nyid du rab tu dga' ba ste/rab tu dga' ba ni rab tu mgu ba'o/ /sarba sa twa twaM saM bo d+ha ya zhes bya ba ni sems can thams cad rtogs par bya zhes zer te/ gal te sems can thams cad rtogs par byed 'dod na/ dus gzhan la snod du rung bar 'gyur ba rnams la btang snyoms gyis shig ces bya ba'i don to//de ltar tshad med pa bsgom pa bstan zin nas/ de bzhin gshegs pa thams cad rjes su dran par bya ba'i man ngag bstan par bzhed pas/ de nas zhes bya ba la sogs pa gsungs te/ de bzhin gshegs pa thams cad ces bya ba ni sangs rgyas dang byang chub sems dpa' thams cad gzung ngo //de dag rjes su dran pa ni rjes su dran par bya ba ste/ de'i ye shes de bslab par bya zhing bstan par bya ba'o/ /nam mkha' 'am ni phyogs gzhan du/ /zhes bya ba la/ nam mkha' zhes bya ba ni grags par zad do/ /phyogs gzhan du zhes bya ba smos pas ni ras dang rtsig pa la sogs pa gzung ngo / / rdo rje phra ba'i tshul gyis ni/ /zhes bya ba la/ rdo rje phra mo'i sbyor ba ni/ /lce ni rkan la gzhar bya zhing / /zhes bya ba la sogs par bshad zin to/ /'greng ngam yang na 'dug kyang rung / /zhes bya ba ni 'chag pa'am nyal ba zhes rnam par rtog pa'o/ /'di skad ston te/ spyod lam bzhi char du yang bsgom pa goms par byed pa la yang dgag pa med pa yin no//rdo rje dbyibs ni zhes bya ba ni rdo rje rtse lnga pa'o/ /goms par bya zhes bya ba ni bsgom pa la bslab par bya'o zhes bya ba'i don to/ /de bzhin du yang gnas kun du zhes bya ba ni bshad ma thag pa'o/ /nam mkha' 'am ni phyogs gzhan du zhes bya ba dang sbyar ro//rdo rje phra mo sbyor ba yi/ /zhes bya ba ni rdo rje phra mo'i sbyor ba/ /lce ni rkan la gzhar bya zhing / /zhes bya ba la sogs pas so/ /rab mnyam gzhag pas zhes bya ba ni shin tu mnyam par gzhag pas na rab mnyam gzhag pa ste mi g.yeng ba'i sems kyis zhes bya ba'i don to/ /snying gar ni rdo rje byang chub sems dpa' zhes bya ba ni gang gi thugs ka na rdo rje mnga' ba de ni snying gar rdo rje ste/snying gar rdo rje ni bcom ldan 'das rdo rje sems dpa'o/ /ji lta ba'i rim bzhin du zhes bya ba ni goms pa sngon du 'gro ba'i khyab pa ston te/ phyag na rdo rje'i gzugs gcig dang gnyis dang mang po nas nam mkha'i khams kyi bar du spro ba ston to//ji ltar bsgom par bya zhe na/ de'i phyir/ rdo rje phra mo'i tshul gyis ni/ /zhes bya ba gsungs pa yin no/ /phyag na rdo rje'i dbyibs chen po/ /zhes bya ba la/ phyag na rdo rje mnga' bas na phyag na rdo rje'o/ /dbyibs chen po zhes bya ba ni phyag rgya chen po'o/ /gnas rnams kun du bsgom par bya//zhes bya ba ni nam mkha' la sogs pa'i gnas thams cad du'o/ /rnam pa thams cad mchog ldan pa'i/ /zhes bya ba la/rnam pa thams cad kyang yin la mchog kyang yin pas rnam pa thams cad mchog ste/ mtshan dang dpe byad la sogs pa'o/ /de dang ldan pa ni de dang bcas pa'o/ / sangs rgyas sku ni sangs rgyas kyi phyag rgya chen po'o/ /dus kun du zhes bya ba ni phyogs bcu thams cad kyi nam mkha'i khams thams cad du sangs rgyas kyi skus khyab par byed pa'o/ /ji lta ba yi go rims bzhin/ /zhes bya ba ni sngar bshad pa'i tshul gyis bdag nyid bsod nams dang ye shes kyi tshogs yongs su rdzogs par bsags pa yin par bsams la dga' ldan gyi gnas su skyes nas/rigs la rtog pa dang skye ba yongs su gzung ba la sogs pa dang byang chub kyi snying por 'gro ba dang / sems so sor rtogs pa la sogs pa'i rim gyis mngon par byang chub pa byas nas sangs rgyas su bdag nyid bsgom par bya'o//de nas mdun dang ngos gnyis dang rgyab tu ste/ de ltar dkyil 'khor spro ba'i tshul gyis shin tu mnyam par gzhag pas bsgom par bya zhing goms par bya'o/ /badzra A mu khA+e b+hA ba zhes bya ba ni rdo rje mngon du bya ba zhes zer te/ ting nge 'dzin de ni de'i yul yin pas snying gar rdo rje'i phyag rgya mngon sum du bya bar gsungs so//ma hA bo d+hi satwa A be sha zhes bya ba ni byang chub sems dpa' chen po dbab pa zhes zer te/ de'i nang na gnas pas na rdo rje sems dpa' dbab par gsungs so/ /badzra pA Ni daR+Sha ya swa ru paM zhes bya ba ni phyag na rdo rje rang gi ngo bo nyid ston cig ces zer te/ phyi rol du gyur pa'i phyag na rdo rje yin pas na ngo bo nyid ston cig ces gsungs so//bud+d+ha nu smr-i tA be+e sha zhes bya ba ni sangs rgyas rjes su dran pa dbab pa zhes zer te/ sems rtogs pa la sogs pa'i rim gyis nang yongs su rdzogs par byas pas na sangs rgyas kyi gzugs dbab par gsungs so/ /mngon par byang chub pa'i rim gyis dang po'i rnal 'byor bstan nas/rdo rje phra mo'i tshul gyis ni/ /zhes bya ba la sogs pas byang chub kyi sems la sogs pa'i rim gyis ting nge 'dzin gyi khyad par bstan pa so sor ston te/ rdo rje phra mo bsgom pa'i sbyor ba ji skad gsungs pa'i sbyor ba des sna'i rtse mor bsam par bya'o zhes gsungs pa yin te/'di ni lus rnam par bsgoms nas bsgom pa goms par bya'o zhes ston to/ /bdag nyid kyis zhes bya ba ni gal te pha rol gyi ston par yang 'gyur ba srid pas/ de las khyad par du bya ba'i phyir bdag nyid ces gsungs pa yin no/ /ci zhig bsgom par bya zhe na/ de'i phyir zla ba'i dbyibs su zhes gsungs pa yin te/zla ba'i gzugs can du bsgom pa'o/ /gal te slob ma'am bus kyang byed pa srid pas/ de'i phyir bdag nyid ni zhes bya ba gsungs pa yin no/ /de'i bsgom pa ni 'di yin te/ zla ba'i dkyil 'khor sngar bsgoms pa'i byang chub kyi sems zhes bya ba de'i steng du rdo rje rtse lnga ba'i dbyibs su bdag nyid bsgom par bya'o//sems dpa' rdo rje bsgom pa'o/ /zhes bya ba ni zla ba'i dkyil 'khor la ni sems dpa' zhes bya la/ rdo rje ni 'di nyid de/ de lta bas na de nyid bsgom pa ni sems dpa' rdo rje bsgom pa'o/ /rdo rje phra mo'i tshul sbyar la/ /zhes bya ba ni rdo rje phra mo'i sbyor ba goms par bya ba'o//bdag nyid snying gar rdo rje sems/ /zhes bya ba ni bshad ma thag pa'i sems dpa' rdo rje bdag nyid kyi snying gar bsgom zhing gzugs kyi sku yang rnam pa thams cad kyi mchog dang ldan pa'i rdo rje sems dpa' bsgom par bya ste/ 'di ni rdo rje sems dpa' bsgom pa'o/ /rdo rje sems dpa' bsgoms nas rnam pa thams cad kyi mchog dang ldan pa'i sangs rgyas kyi gzugs su bsgom zhing lhag par mos par bya'o//su la zhe na/ /bdag nyid la ste/ sangs rgyas kyi phyag rgya chen por bsgom par bya'o/ /ting nge 'dzin gsum gyi snying po gsum gyis ni dbab pa gsungs pa yin la/ snying po bzhi pas ni dgos pa yongs su rdzogs pa yin pa'i phyir nga rgyal gsungs pa yin no//de nas zhes bya ba ni de nas gzhan yang zhes bya ba'i don to/ /de bzhin gshegs pa thams cad kyi chos nyid ces bya ba ni de bzhin gshegs pa thams cad kyi phyag rgya chen por bsgom pa'i don gyi bya ba rdzogs par nus pa'i chos nyid do//de nyid ni gsang ba ste gzhan la bsnyad par bya ba ma yin pa'i phyir ro/ /de nyid ni phyag rgya ste de'i ye shes so/ /bslab po zhes bya ba ni bstan to zhes pa'o/ /sngags dang sman rnams ni gsang na stobs can du 'gyur bas na/ de'i phyir dngos grub 'dod pas cho ga 'di dag gzhan la bsgrags par bya ba ma yin pas na gsang ba'i phyag rgya zhes bya'o//bdag ni de bzhin gshegs dang mnyam/ /zhes bya ba ni/ a haM ta thA ga ta sa ma zhes/ rdo rje'i tshig tu lhan cig brjod/ /ces bya ba nga rgyal bskyed par bya ba ste/ rdo rje'i tshig ni sgra spangs pa/ /zhes 'og nas 'chad do/ /dbang po gnyis ni mnyam par sbyar//zhes bya ba ni lha'i sku dang bdag nyid tha mi dad par lhag par mos pa'o/ /sems can thams cad chags par byed/ /ces bya ba ni ji skad gsungs pa'i rim gyis sangs rgyas kyi phyag rgyar bsgrubs la/ rnam par smin pa las byung ba'i lus 'di dang / de bzhin gshegs pa'i sku de gnyis su tha mi dad par mos pa'i dbang po gnyis mnyam par sbyor bas sangs rgyas kyi bya ba byed cing /sems can thams cad chags par byed pa ste dga' bar byed do zhes bya ba'i don to/ /rdo rje chen mo ni bcom ldan 'das nam mkha'i snying po'o/ /dbang po gnyis ni mnyam sbyar ba/ /zhes bya ba ni dgug pa dang gzhug pa dang bcing ba dang dbang du bya ba byas nas de dang lhan cig tha mi dad par bsgom zhing mos par byed pas na//dbang po gnyis ni mnyam par sbyar/ /zhes gsungs so/ /de dang lhan cig tha mi dad par mos par dbang po gnyis mnyam par sbyar na/ nam mkha'i snying po dang 'dra bar nor sbyin pas 'jig rten thams cad 'gugs par 'gyur ro//gdon mi za ba zhes bya ba ni nges pa nyid du'o/ /bdag ni rdo rje chos dang mnyam/ /zhes bya ba la/ rdo rje chos ni bcom ldan 'das 'jig rten dbang phyug go/ /de'i phyag rgya bskyed la dgug pa dang gzhug pa dang bcing ba dang dbang du bya ba byas nas de dang lhan cig tha mi dad pa'i dbang po gnyis mnyam par sbyar bas//de yis 'jig rten thams cad 'jig /ces bya ba ste/ 'jig pa ni rang dbang med par byed cing sems med par byed pa'o/ /bdag gi sna tshogs las dang mnyam/ /zhes bya ba la sna tshogs pas ni bcom ldan 'das rdo rje las te/ de'i phyag rgya chen po ji skad gsungs pa'i tshul gyis bsgoms na/ las rnams thams cad des 'grub bo/ /zhes bya ba ste/ mchod pa la sogs pa'i las rnams rnal 'byor pa des grub cing rdzogs par byed do/ /'dir dbang po gnyis mnyam par sbyar ba zhes smos pas ni lha'i lus dang / bdag gi lus gnyis su tha mi dad par lhag par mos par bya ste/nga rgyal de dgos pa 'grub par 'gyur ba'i phyir ro/ /da ni de bzhin gshegs pa thams cad ces bya ba la sogs pas dkyil 'khor rtsom pa'i tshe na/ de bzhin gshegs pa thams cad kyi ye shes kyi phyag rgya byin gyis brlab par mdzad pa de'i bsgom pa'i lung yang dbog par bzhed nas de ston pa yin no//de bzhin gshegs pa thams cad kyir gtogs pa'i ye shes rdo rje de byin gyis brlab pa'i phyir ting nge 'dzin gang yin pa de nyid ni phyag rgya ste/ de bslab po zhes bya ba ni bstan to zhes bya ba'o/ /rdo rje phra mo zhes bya ba la sogs pa la/ rdo rje phra mo'i sbyor ba mngon du byas la rdo rje phra mo'i sbyor ba rgyur gyur pa des dus phyi mar bsgom par bya ba ste/goms par bya ba rdo rje'i dbus su bdag nyid sangs rgyas kyi sku nyid du bsams na sngags pa de ni sangs rgyas nyid du 'grub pa ste/ 'tshang rgya ba nyid 'thob par 'gyur ro zhes bya ba'i don to/ /de nas zhes bya ba ni de nas gzhan yang zhes bya ba ste rdo rje sems dpa'i ting nge 'dzin gyi phyag rgya'i ye shes ston pa'o//rdo rje phra mo'i tshul sbyar zhes bya ba ni rdo rje phra mo bsgom pa dang por byas nas/ rang gi lha'i rnal 'byor du gnas la/snying gar rdo rje la sogs 'khor/ /zhes bya ba rdo rje la sogs pa'i 'khor gang yin pa de dag ni rdo rje la sogs te/dam tshig gi phyag rgya rnams snying gar bsgoms nas rdo rje sems dpa' la sogs pa byang chub sems dpa' rnams/ rang gi dngos grub sbyin par byed/ /ces bya ba ste/ so so nas rang rang gi dngos grub rnams stsol bar mdzad pa'o/ /da ni de nas zhes bya ba la sogs pas dam tshig gi phyag rgya'i mtshan nyid ston to//de bzhin gshegs pa thams cad ces bya ba la sogs pa la/ de bzhin gshegs pa thams cad ces smos pas ni byang chub sems dpa' rnams gzung ngo / /rigs zhes smos pas ni rigs bzhi gzung ngo / /ting nge 'dzin gyi dam tshig gi phyag rgya yin pas na ting nge 'dzin gyi dam tshig gi phyag rgya ste de'i ye shes so//de bslab po zhes pa ni bstan to zhes pa'o/ /rdo rje bcings las legs 'byung bar/ /zhes bya ba la sogs pa la/ rdo rje bcings pa ni bshad zin to/ /yang dag par 'byung bas na legs par 'byung ba'o/ /ji snyed cig ce na/ bcu drug rnams su bshad pa ste/zhes bya ba gsungs te/ rab tu phye ste bshad pas na rab bshad pa'o/ /de rnams kyang gang zhig yin zhe na/ ting nge 'dzin ni dam tshig mchog /ces bya ba ste/ ting nge 'dzin gyi dkyil 'khor gyi dam tshig kyang yin la/ mchog kyang yin pas na ting nge 'dzin ni dam tshig mchog go/ /de nas de rnams kyi ni zhes bya ba ni ting nge 'dzin gyi dam tshig gi mchog de rnams kyi'o//bcing ba bshad ces bya ba ni bcing ba'i mtshan nyid rab tu phye ste bshad pas na bcing ba bshad ces bya'o/ /de bas na/ rdo rje bcings las legs 'byung bar/ /zhes gsungs pa'i phyir/ rdo rje bsdams pa bcings la skyil mo krung du gnas pas na skyil mo krung du 'dug ste/legs par bkan na rdo rje sems dpa'i dam tshig gi phyag rgya'o/ /rdo rje bsdams pa de nyid g.yas phyogs su bcug ste bzhag na rdo rje rgyal po'i phyag rgya'o/ /rdo rje bsdams pa gang yin pa de g.yon phyogs nas g.yas phyogs su drangs la gcu zhing gcu zhing bzhag pa ni rdo rje chags pa'i phyag rgya'o//de nyid snying gar bzhag na rdo rje legs pa'i phyag rgya ste bzhi pa yin no/ /rdo rje sems dpa' la sogs pa'i dkyil 'khor yin pas na rdo rje sems sogs dkyil 'khor ro/ /rdo rje bsdams pa'i phyag rgya de nyid dpral bar gnas pas na dpral bar bzhag pa ste rdo rje rin chen gyi phyag rgya'o//ltag par bzhag na rdo rje gzi brjid kyi phyag rgyar 'gyur ro/ /phrag po g.yas pa'i phyogs su bzhag pa ni rdo rje rgyal mtshan gyi phyag rgya'o/ /dgod pa'i tshul du kha'i g.yas logs su 'gying bag gis bskor ba ni rdo rje bzhad pa ma'i phyag rgya'o//chos rnams kha thon du 'dzin cing 'chang bas na khar bzhag ste/ rdo rje bsdams pa'i phyag rgya de nyid khar bzhag pa ni rdo rje chos kyi phyag rgya'o/ /snying gar ral gri yin pas na snying gar ral gri ste/ snying gar lag pa gnyis ral gri 'dzin pa'i tshul du bzung ba ni rdo rje rnon po'i phyag rgya'o//snying gar brkyang ste bzhag la rdo rje rgyu'i phyag rgyar 'gyur ro/ /rdo rje bsdams pa'i phyag rgya de nyid kha'i gnas su bzhag la gyen du drangs na kha nas 'byung bar 'gyur te rdo rje smra ba'i phyag rgya'o/ /rdo rje bsdams pa'i phyag rgya de nyid spyi bor bzhag na rdo rje las kyi phyag rgyar 'gyur ro/ /thong ka'i gnas su bzhag na rdo rje go cha'i phyag rgyar 'gyur ro//mdzub mo gnyis phral te bzhag pa ni bkug ste/ mdzub mo gnyis bkug cing bzhag pa de yang mche ba'i tshul du brkyang na rdo rje gnod sbyin gyi phyag rgyar 'gyur ro/ /mdun du zhes bya ba ni sngon du'o/ /de bzhin zhes bya ba ni mdzub mo'i sor mo gnyis rdo rje bsdams pa'i tshul du bzhag la/mdun du bzhag pa ni rdo rje khu tshur gyi phyag rgya'o/ /de nas gzhan yang chos kyi phyag rgya ni ji skad gsungs pa rnams so/ /de nas zhes bya ba ni gzhan yang ngo / /chos ni chos kyi dkyil 'khor gyi'o/ /las kyi phyag rgya yang yin la/ ting nge 'dzin gyi las ston pas mchog kyang yin pas na chos dang las kyi mchog go//gang gi zhe na/ phra ba'i rdo rje can rnams bslab/ /ces bya ba ste/ phra mo'i dkyil 'khor gyi rdo rje can yin pas na phra mo'i rdo rje can te/ phra ba'i rdo rje can de rnams kyi las kyi phyag rgya bslab cing bstan par bya'o/ /ye shes khu tshur ni ye shes kyi dkyil 'khor gyi rdo rje khu tshur gyi phyag rgya gang yin pa de ni/ye shes kyi khu tshur gyi phyag rgyar gsungs so/ /de ji lta bu zhe na/ de'i phyir dam tshig las zhes bya ba gsungs te/ dam tshig gi phyag rgya zhes bya ba'i don to/ /'di skad ston te/ mdun de bzhin zhes gang gsungs pa'i rdo rje bsdams pa de gnyis su byas te/ rdo rje khu tshur gnyis su byas la/ rdo rje dbyings kyi dkyil 'khor las/ /bsgyings bcas gsor ba gnyis ka yis/ /lcags kyu 'dzin ltar gnas pa dang / /zhes bya ba la sogs pa las kyi phyag rgya ji skad gsungs pa'i tshul du las kyi phyag rgya rnams sbyar bar bya'o/ /de kho na nyid bsdus pa'i rgya cher bshad pa ko sa la'i rgyan las rdo rje ye shes kyi chos kyi dkyil 'khor gyi 'grel ba'o// //dang po ni phyag rgya chen po'o/ /gnyis pa ni dam tshig gi phyag rgya'o/ /gsum pa ni chos kyi phyag rgya ste/ phyag rgya gsum gyi dkyil 'khor bstan zin to/ /chos kyi dkyil 'khor du chos kyi phyag rgya gtso bor ma bstan mod kyi/'on kyang chos kyi dkyil 'khor du chos kyi phyag rgya rnams kyi don bstan pa yin no/ /da ni las kyi phyag rgya'i dkyil 'khor bstan par bya ba'i phyir/ de nas zhes bya ba la sogs pa gsungs te/ de nas zhes bya ba ni gnas skabs so/ /yang zhes bya ba ni chos kyi dkyil 'khor la ltos pa'o//bdud bzhi bcom pa dang ldan pas na bcom ldan 'das so/ /de bzhin gshegs pa thams cad ni sangs rgyas dang byang chub sems dpa' rnams so/ /de dag gi gong na gzhan med pas na bla na med pa'o/ /bla na med pa yang yin la mchod pa'i cho ga rgyas pa yang yin pas bla na med pa'i mchod pa'i cho ga rgyas pa'o//de la cho ga ni rnam pa'o/ /rgyas pa ni bye brag rnams so/ /khyab pa ni spel pa'o/ /de nyid ni las te/ de'i dam tshig ni snying po dang phyag rgya dang dkyil 'khor la sogs pa'o/ /de nyid ni mi phyed pas rdo rje zhes bya ste/ de byin gyis brlab pa'i phyir ting nge 'dzin gang don dang ldan pa'i ming 'di skad ces bya ba'i ting nge 'dzin gang yin pa'i ting nge 'dzin de la snyoms par zhugs te mngon sum du mdzad pa'o//nyid kyi rig pa'i dam pa yin pas na rang gi rig pa'i mchog ste/ ma rig pa 'jig pa'i rgyur gyur pas na rig pa'o/ /gzhan rnams las phul du byung bas na mchog go//'di zhes bya ba ni thugs la gnas pa'o/ /smras pa zhes bya ba ni bka' stsal to zhes bya ba'i don to/ /de nas zhes bya ba ni rjes thogs la'o/ /don ji ltar gnas pa de bzhin du thugs su chud cing sangs rgyas pas na de bzhin gshegs pa'o/ /thugs 'khrul pa med pa mnga' bas na mi g.yo ba'o//de bzhin gshegs pa thams cad kyang yin la rdo rje sems dpa' yang yin pas de bzhin gshegs pa thams cad kyi rdo rje sems dpa'o/ /de'i dkyil 'khor du gtogs pa'i bla na med pa'i mchod pa'i cho ga rgyas pa zhes bya ba la sogs pa ni bshad zin to/ /de nas zhes bya ba yang bshad zin to//yon tan gyi rang bzhin can gyi rin po che rnam pa sna tshogs 'di las 'byung bas na rin po che 'byung ba'o/ /de bzhin gshegs pa thams cad kyang yin la rdo rje rin chen yang yin pas de bzhin gshegs pa thams cad kyi rdo rje rin chen no/ /der gtogs pa'i mchod pa bla na med pa'i cho ga rgyas pa la sogs pa ni bshad zin to//nges pa'i tshig gi tshul gyis na de kho na nyid yang dag pa ji lta ba bzhin du gsungs par mdzad pas na de bzhin gshegs pa'o/ /tshe tshad med ces bya ba la/ tshad ni yongs su chad pa'o/ /tshad yod pa ma yin pas na tshad med pa'o/ /tshe tshad med pa mnga' bas na tshe tshad med pa'o//de bzhin gshegs pa thams cad kyang yin la rdo rje chos kyang yin pas de bzhin gshegs pa thams cad kyi rdo rje'i chos so/ /der gtogs pa'i dkyil 'khor gyi mchod pa bla na med pa la sogs pa ni bshad zin to/ /don yod pa'i dngos grub mnga' bas na gdon mi za bar grub pa ste/ gdon mi za ba ni nges pa yin la/ grub pa ni mngon par 'dod pa'i don grub pa'o/ /de bzhin gshegs pa thams cad kyang yin la rdo rje las kyang yin pas de bzhin gshegs pa thams cad kyi rdo rje las so/ /der gtogs pa'i dkyil 'khor gyi mchod pa bla na med pa la sogs pa ni bshad zin to/ /dkyil 'khor byin gyis brlab pa'i phyir dang /de bzhin gshegs pa dgod par bya ba'i sngags lnga bstan zin nas/ da ni de nas zhes bya ba la sogs pas dkyil 'khor pa'i lha rnams bskyed par bya ba'i phyir/ bcom ldan 'das rnam par snang mdzad yang ting nge 'dzin de la snyoms par 'jug par mdzad pa ston te/yang zhes bya ba ni sngags snga ma la ltos pa'o/ /khyad par du snang bar mdzad pas na rnam par snang mdzad de/ 'bar ba'i rnam par snang bar mdzad pas na rnam par snang mdzad do/ /de bzhin gshegs pa thams cad kyi mchod pa'i cho ga rgyas pa zhes bya ba la/ mchod pa ni rjed pa ste/ gos dang me tog la sogs pa'o//cho ga ni rnam pa'o/ /rgyas pa ni phal mo che'o/ /de tshad ji tsam du che ba yin zhe na/ chos kyi dbyings thams cad du khyab pa zhes smos te/ nam mkha'i dbyings thams cad du khyab par byed pa'o/ /khyab pa nyid ni las te/ de'i dam tshig ni snying po dang phyag rgya la sogs pa'o//de byin gyis brlab pa'i phyir te ting nge 'dzin gang gi ming rdo rje zhes bya ba'i ting nge 'dzin de la snyoms par zhugs te/ mngon sum du mdzad nas zhugs so zhes bya ba'i don to/ /snyoms par zhugs ma thag tu zhes bya ba ni snyoms par zhugs pa'i rjes thogs la'o/ /de nyid kyi tshe zhes bya ba ni skad cig ma de nyid kyi tshe zhes bya ba'i don to//de bzhin gshegs pa thams cad kyi thugs las zhes bya ba ni bzhi po las bcom ldan 'das phyag na rdo rje de nyid mchod pa'i sprin rgya mtsho'i lha mo rnams su gyur nas/ sangs rgyas kyi rdzu 'phrul dang cho 'phrul thams cad bstan nas bzhugs so zhes bya bar sbyar ro/mchod pa'i sprin rgya mtsho'i lha mo de rnams kyang ji lta bu zhe na/ de'i phyir chos kyi dbyings thams cad du khyab pa zhes bya ba gsungs te/ chos kyi dbyings thams cad ni stong pa nyid chen po ste/ de yang thams cad du 'gro ba'o/ /de'i khyab pa ni khyab par gyur pa'o/ /da ni khyab pa de nyid gsal bar ston te/'di ni nam mkha'i dbyings thams cad du kun nas 'jug pa yin pas na nam mkha'i dbyings kun du rgyas pa ste/ rgyas pa ni khyab pa'o/ /rnam pa sna tshogs pa'i mchod pa thams cad kyi rgyan gyi cho ga rgyas pa yang yin te/ rnam pa sna tshogs pa ni rnam pa du ma'o/ /mchod pa ni rjed pa'o/ /thams cad ni ma lus pa'o//rgyan ni phal mo che'o/ /cho ga rgyas pa ni bkod pa'i rnam pa phal mo che'o/ /rab 'byams ni rgyun no/ /de dag gi sprin ni tshogs so/ /de dag gi rgya mtsho ni rtsis kyi grangs las 'das pa'i grangs la rgya mtsho zhes bya ba'i sgrar bshad do/ /de lta bu'i rgya mtsho rnams su gyur te byung nas gang du gnas she na/de'i phyir 'jig rten gyi khams rab 'byams kyi sprin rgya mtsho rnams su zhes gsungs te/ 'jig rten gyi khams ni gling bzhi pa la sogs pa sngar bshad pa'o/ /'jig rten gyi khams de rnams kyi rab 'byams dang / de rnams kyi sprin dang / de rnams kyi rgya mtsho de rnams su ste/'jig rten gyi khams rab 'byams rgya mtsho rnams na de bzhin gshegs pa thams cad kyi 'khor gyi dkyil 'khor gang yin pa rnams su de bzhin gshegs pa thams cad kyi mdzad pa'i khyad par rnams ston cing bzhugs so/ /mdzad pa'i khyad par de dag kyang gang yin zhe na/ de bstan pa'i phyir de bzhin gshegs pa thams cad kyi bla na med pa'i byang chub kyi sems chen po bskyed pa dang zhes bya ba la sogs pa gsungs te/bla na med pa zhes smos pas ni nyan thos dang rang sangs rgyas kyi byang chub las dgar ba'o/ /byang chub kyi sems chen po zhes smos pas ni byang chub kyi sems yongs su dag pa gzung ngo //de ltar byang chub kyi sems bskyed nas mchod pa'i sprin gyi rgya mtsho'i lha mor gyur nas bzhugs so zhes snga ma bzhin du sbyar ro/ /'og nas bshad pa'i tshig rnams la yang byed pa'i tshig 'di nyid ltar sbyar bar bya'o/ /de bzhin gshegs pa thams cad kyi rigs mnyes par ma byas pa la ni de bzhin gshegs pa thams cad kyi rigs mnyes par bya ba nye bar ston to//de bzhin gshegs pa thams cad kyi rigs mnyes par bya ba la ni kun du bzang po'i spyod pa sgrub pa nye bar ston to/ /bsod nams dang ye shes kyi tshogs rdzogs pa rnams la ni byang chub chen po'i snying por nye bar 'gro ba ston to/ /bdud rnams tshar ma bcad pa la ni bdud thams cad 'dul ba ston to//mngon par rdzogs par byang chub pa rnams la ni de bzhin gshegs pa thams cad kyi mnyam pa nyid mngon par rdzogs par byang chub par bya ba ston to/ /de yang mnyam pa nyid mngon par rdzogs par byang chub par bya ba ni byang chub par mngon par rdzogs par sangs rgyas pa'i don to//de'i tshe de bzhin gshegs pa thams cad dang mtshungs par gyur pas na mnyam pa nyid mngon par rdzogs par byang chub pa zhes bya ba'i don to/ /de bzhin gshegs pa thams cad kyi dkyil 'khor chen po bskyed pa ni dkyil 'khor ma bskyed pa rnams la/ rdo rje dbyings kyi dkyil 'khor chen po bskyed pa ston pa'o//'jig rten gsum las rnam par ma rgyal ba rnams la ni khams gsum thams cad las rnam par rgyal bar bya ba ston to/ /dam pa'i chos kyi 'khor lo ma bskor ba rnams la ni chos kyi 'khor lo bskor ba ston pa ste/ 'dis ni 'gro ba 'dul ba'i dkyil 'khor ston pa yin no/ /'jig rten pa'i khams ma lus pa rnams su sems can gyi khams lus pa med pa rnams kyi don bya ba ni don sgrub pa ste/'dis ni don thams cad grub pa'i dkyil 'khor ston to/ /sogs pa zhes bya ba'i sgras ni mthong ba'i chos kyi nyes dmigs sel ba dang / mngon par mtho ba'i bde ba la nye bar sbyor bar byed pa la sogs pa ston to//de lta bus ni sangs rgyas rnams kyi rdzu 'phrul yin pas na sangs rgyas kyi rdzu 'phrul lo/ /cho 'phrul ni mthu ston pa de 'od zer 'gyed pa la sogs pa'o/ /sangs rgyas kyi rdzu 'phrul dang cho 'phrul yang yin la thams cad kyang yin pas sangs rgyas kyi rdzu 'phrul thams cad de/ de dag thams cad bstan nas bcom ldan 'das phyag na rdo rje nyid de bzhin gshegs pa thams cad kyi thugs ka nas byung ste/las kyi dkyil 'khor du mchod pa'i lha mo rnams su gyur cing bzhugs so/ /mchod pa'i sprin rgya mtsho'i lha mo de dag kyang zhes bya ba ni mchod pa'i sprin gyi rgya mtsho'i lha mo yin pas mchod pa'i sprin rgya mtsho'i lha mo'o//rang gi phyag rgya lag pa gnyis kyis 'dzin cing zhes bya ba la/ rang gi phyag rgya ni rdo rje la sogs pa ste/ lag pa gnyis kyis 'dzin pa gang yin pa de ni rang gi phyag rgya lag pa gnyis kyis 'dzin pa'o/ /de bzhin gshegs pa thams cad ni sangs rgyas dang byang chub sems dpa' rnams so//cho go bzhin zhes bya ba ni sngags dang phyag rgya dang rol mo dang me tog la sogs pa nye bar bsdu ba ni cho ga ste/ mchod pa'i bya ba gang la yod pa de ni cho ga bzhin du mchod pa zhes bya'o/ /de yang legs par mchod pas na yang dag par mchod pa'o/ /e ma'o zhes bya ba ni ngo mtshar du gyur pa'o/ / ci zhig ngo mtshar zhe na/ gang gi phyir sangs rgyas mchod pa'i bdag ces bya ba'o/ /ji lta bu'i sangs rgyas kyi mchod pa yin zhe na/ de'i phyir/ mchod pa kun ni byed pa yin/ /zhes bya ba gsungs so/ /sangs rgyas kyi mchod pa de yang gang zhig yin zhe na/ ji skad gsungs pa'i byang chub kyi sems la sogs pa'i mchod pa dang /phyi yo byad kyi mchod pa rnams so/ /gal te khyod de lta bu'i sangs rgyas kyi mchod pa yod pa yin la ngo mtshar ci zhig yod ce na/ de'i phyir/ gang phyir sangs rgyas byin can du/ /sangs rgyas kun gyis grub par mdzad/ /ces gsungs so/ / 'di skad ston te/ ngas mchod na sangs rgyas pa'i mtshan nyid che ba nyid kyang sangs rgyas thams cad kyis gsol bar mdzad de/ 'di ni ngo mtshar che'o/ /bcom ldan 'das phyag na rdo rje mchod pa'i lha mo rnams bskyed nas/ da ni de nas zhes bya ba la sogs pas dkyil 'khor ston par mdzad pa yin te/ de nas zhes bya ba ni rjes thogs la'o//yang zhes bya ba ni chos kyi 'khor lo la ltos pa'o/ /phyag na rdo rje mnga' bas na phyag na rdo rje'o/ /de bzhin gshegs pa thams cad kyi mchod pa la sogs pa'i las zhes bya ba la/ mchod pa ni rjed pa ste/ /me tog la sogs pa'o/ /sogs zhes smos pas ni byang chub tu sems bskyed pa la sogs pa gzung ngo //las zhes bya ba ni nan tan du sgrub pa'o/ /rdo rje rnams kyi bya ba yin pas na rdo rje'i bya ba ste/ ming rdo rje'i bya ba'i dkyil 'khor de bshad pa'o/ /las kyi dkyil 'khor zhes bya ba ni las kyi phyag rgya rnams kyi dkyil 'khor yin pas na las kyi dkyil 'khor ro//de bzhin gshegs pa thams cad kyang yin la rab tu dga' ba yang yin pas de bzhin gshegs pa thams cad kyi rab tu dga' ba ste/ rdo rje sems dpa' zhes bya ba'i don to/ /de'i yid du 'ong ba gang yin pa de ni rab tu dga' zhing bde ba'o/ /de sgra gang gis ston par byed pa de la yang de skad ces bya'o//de bzhin gshegs pa thams cad ni sangs rgyas dang byang chub sems dpa' rnams so/ /de rnams kyi mchod pa chen po ni byang chub kyi sems kyi mchod pa ste/ mchod pa yang yin la chen po yang yin pas na mchod pa chen po'o/ /chos kyi rgyal po bla na med pa'i dbang stsol zhing / byang chub kyi tshogs yongs su rdzogs pa'i rgyu nyid kyis don chen po mdzad pas na dbang mo chen mo'o//gdul bya'i skye bo rnams kyi mi shes pa'i mun nag bsal bar bya ba'i phyir/sangs rgyas kyi 'od kyi dkyil 'khor gyis snang ba mdzad pas na rdo rje nyi ma ni snang ba chen mo'o/ /slong mo ba'i skye bo thams cad kyi bsam pa thams cad yongs su rdzogs par byed pa'i phyir/rdo rje rgyal mtshan gyi phyag rgya ni rin po che chen po'i char 'bebs ma'o/ /gdul bya'i skye bo rnams kyi sdug bsngal ba dang yid mi bde ba sel bar byed pa'i don gyis na rdo rje bzhad pa ni rab tu dga' zhing mgu ma'o/ /de bzhin gshegs pa thams cad ni sangs rgyas dang byang chub sems dpa' rnams te/de rnams kyi mchod pa dbang bskur ba'i mtshan nyid ni dbang bskur ba'i mchod pa'o/ /ye shes kyang yin la chen po yang yin pas ye shes chen mo'o/ /de'i don gyi glu yin pas na ye shes chen mo'i glu'o/ /dbyangs kyang yin la chen mo yang yin pas na dbyangs chen mo ste/ sangs rgyas kyi zhing thams cad du phyogs bcur khyab pa de'i rjes su 'jug pa'i shes rab gang yin pa de ni dbyangs chen mo'i rjes su 'brang ma'o//ji ltar rjes su 'brang zhe na/ nye bar brtags pa'i sgo nas te/ 'di'i ngo bo nyid gang yin zhes rnam par brtags na sgra'i ngo bo nyid dmigs su med de/ ngag dang tshig dang yi ge'i cha shas kyi rdul phra rab kyi bar du sgra la nye bar brtags na de'i rang bzhin dmigs su med do//smra ba'i phyogs dang nyan pa'i phyogs la yang de'i gnas dmigs su med do/ /tshig dang don la re re nas rnam par brtags na spyi yang don dam par dmigs su med do/ /de de ltar nye bar brtags na 'di ltar 'gyur te/'di ni rnam par rtog pa tsam las byung ba yin pas na ji srid du rnam par rtog par 'gro ba de srid du dbyangs kyis khyab par 'gyur ro/ /de bas na de ltar shes nas 'jig rten gyi khams gcig nyid na bzhugs pa'i sangs rgyas rnams kyi dbyangs kyis 'jig rten gyi khams mtha' yas pa rnams su khyab par byed pa dang /'jig rten gyi khams mtha' yas pa nas sangs rgyas rnams kyi chos kyi dbyings 'jig rten gyi khams gcig na gnas pa nyid na cig car thos par 'gyur te/ de lta bu ni dbyangs kyi rjes su 'brang ba'i shes rab yin no/ /de ston par byed pa'i rig pa gang yin pa de la yang dbyangs kyi rjes su 'brang ba zhes bya'o//rig pa gang zhig phyag rgya bcings nas brjod la/ brjod nas kyang dkyil 'khor thams cad du 'jug par 'gyur ba gang yin pa de ni dkyil 'khor thams cad du 'jug ma'o/ /sngags rnams kyi spyod pa yin pas na sngags kyi spyod pa ste/ de ston par byed pa'i rig pa gang yin pa de la yang sngags kyi spyod ma zhes bya'o//de bzhin gshegs pa thams cad dang 'brel ba'i chos kyi dkyil 'khor yin pas de bzhin gshegs pa thams cad kyi chos kyi mchod pa'o/ /sems dpa' 'bebs pa dang ldan pas na sems can no/ /byang chub kyi yan lag gi me tog gi rang bzhin yin pas na byang chub chen po'i yan lag can no//snang ba'i ngo bo nyid kyis mig la phan 'dogs pa'i spyan 'di la mnga' bas na mig ldan ma'o/ /bla na med pa'i tshul khrims kyi dri dang ldan pas na dri ldan ma'o/ /de bzhin gshegs pa thams cad du gtogs pa'i las kyi dkyil 'khor gyi mchod pa yin pas na las kyi mchod pa'o//de nas 'dir zhes bya ba ni rig ma ston par byed pa'i skabs ston to/ /ma lus shing lus pa med pa zhes bya ba la sogs pa la/ sngags ma lus pa rnams kyi de bzhin gshegs pa lus pa med pa thams cad la mchod pa byed pa ste/ lus pa med pa zhes bya ba ni lhag ma med pa zhes bya ba'i don to//rdo rje'i bya ba zhes bya ba ni rdo rje rnams kyi bya ba yin pas na rdo rje'i bya ba ste/ rdo rje ni sangs rgyas dang byang chub sems dpa' rnams so/ /de rnams kyi bya ba ni mchod pa'i las te/ de rnams kyis mdzad pa yin pa'i phyir dang / de la dmigs nas bya ba yin pa'i phyir te/bya ba de'i las kyi dkyil 'khor bshad pa'o/ /de nas zhes bya ba ni de'i rjes thogs la'o/ /las kyi dkyil 'khor mthong ba med par ni mchod pa'i las rnam par dag par mi 'gyur ro/ /de bas na rab tu bshad bya ba zhes bya ba ste/ yang dag par rab tu phye ste bshad pas na rab tu bshad bya'o//las kyi dkyil 'khor dam pa ste/ /zhes bya ba ni mchod pa'i las kyi rgyu'i dkyil 'khor yin pas na las kyi dkyil 'khor ro/ /dam pa ste zhes bya ba ni yongs su dag pa yin pas na mchog tu gyur pa'o/ /ci 'dra ba zhig ce na/ rdo rje dbyings dang 'dra bas na/ /zhes bya ba ste rdo rje dbyings ni bshad zin to//de dang 'dra ba ni de dang mtshungs pa'o/ /ming ji skad ces bya ba yin zhe na/ rdo rje'i bya ba zhes kyang grags/ /zhes bya ba ste rdo rje las kyi dkyil 'khor zhes bya ba'i don to/ /de ji ltar gzhag par bya zhe na/ de'i phyir/ dkyil 'khor chen po'i tshul du ni/ /sangs rgyas sku rnams gzhag par bya//zhes bya ba ste/ ji ltar rdo rje dbyings kyi dkyil 'khor du sangs rgyas lnga'i gzugs bris pa de bzhin du 'dir yang sangs rgyas lnga bri bar bya'o/ /lha lhag ma rnams ji ltar bri bar bya zhe na/ rdo rje sems la sogs tshul du/ /lha mo phyag rgya bcas par bri/ /zhes bya ba gsungs te/ rdo rje sems dpa' la sogs pa'i tshul du sku mdog dang /gdan dang na bza' dang / rgyan la sogs par bri ba'o/ /phyag rgya rnams dang bcas pa'i lha mo yin pas na lha mo phyag rgya bcas pa ste/ phyag rgya ni rdo rje la sogs pa'o/ /'di skad ston te/ rdo rje sems dpa' la sogs pa'i gnas gang dang gang yin pa de dang de dag tu mchod pa'i lha mo rnams rdo rje sems dpa' la sogs pa'i rnam pa dang /de'i phyag rgya 'dzin par bri bar bya'o/ /'di ni mchod pa'i dkyil 'khor yin pas na de'i phyir sems dpa' chen po de rnams mchod pa'i lha mo'i tshul du bzhugs te/ dkyil 'khor dang por rdo rje sems dpa' la sogs pa ni sgeg mo la sogs pa'i gzugs su'o//tha mar rdo rje la sogs pa ni bdug pa ma la sogs pa'i gzugs su'o/ /rin po che'i rigs su rdo rje rin chen la sogs pa ni tshogs kyi mchod pa rnams pa bzhi'i gzugs su'o/ /chos kyi rigs su 'jig rten dbang phyug la sogs pa ni chos kyi mchod pa bzhi'i gzugs su'o//gang 'dir mchod pa'i lha mo rnams 'byung ba der yang bri bar bya'o/ /de bzhin du sgo srung rnams kyang bud med kyi gzugs nyid du bri bar bya'o/ /gzhag pa'i sngags ni rdo rje dbyings kyi dkyil 'khor du gsungs pa nyid yin no/ /de lta bri ba'i cho ga zin nas/da ni de nas zhes bya ba la sogs pas 'jug pa'i cho ga ston te/ de nas bya ba ni rjes thogs la'o/ /dgug pa la sogs pa'i cho ga rgyas pa dang / bshos la sogs pa'i mchod pa'i cho ga rgyas pa ni las kyi dkyil 'khor rdo rje'i bya ba 'dir 'jug pa la sogs pa'i cho ga rgyas par bshad de/ 'jug pa la sogs pa'i cho ga rgyas pa yin pas na 'jug pa la sogs pa'i cho ga rgyas pa'o//sogs pa smos pas ni mna'i snying po sbyin pa dang / dbab pa dang / dbang bskur ba la sogs pa bsdu'o/ /'jug pa la sogs pa'i cho ga de yang rdo rje dbyings kyi dkyil 'khor las gsungs pa'i 'jug pa la sogs pa'i cho ga dang tha dad pa ma yin pas na/de snyegs pa'i phyir de la dang por rdo rje dbyings kyi dkyil 'khor gyi tshul gyis 'jug par bya ste zhes gsungs pa yin no/ /de ltar bcug nas ci zhig bya zhe na/ de'i phyir bcug nas kyang 'di skad du zhes bya ba gsungs so/ /ci zhig bsgom zhe na/'di ni de bzhin gshegs pa thams cad kyi mchod ba'i dam tshig yin gyis zhes bya ba gsungs te/ de bzhin gshegs pa thams cad du gtogs pa'i mchod pa gang yin pa de ni dam tshig gi dkyil 'khor 'di yin no/ /gal te 'di mchod pa'i dam tshig yin na ji zhig bya zhe na/ de'i phyir dam tshig bsrungs na mchod pa bcu drug po 'di rnams khyod gyis nyin re zhing rgyun mi 'chad par bya'o//ci nus su zhes bya ba ni 'byor pa yod na phyi'i me tog la sogs pas mchod pa'am/ bsgom pa goms par gyur na yid kyi mchod pa rnam pa sna tshogs pa rnams kyis nam mkha'i ngos dang phyogs dang yul dang /grong dang / gtsug lag khang dang gnas khang la sogs par ci nus su gang bar bya'o zhes pa'i don to/ /de ltar dam tshig byin nas gdong g.yogs dgrol bar bya'o/ /de nas phyag rgya ji ltar bris pa rnams rdo rje lcags kyu nas brtsams te/ de bzhin gshegs pa la thug gi bar du rim gyis bstan par bya ba dang /ji skad gsungs pa'i tshul gyis dbang bskur bar bya'o/ /de nas thams cad kyi mtshan ma lag pa gnyis su sbyin no zhes bya ba ste/ thams cad ces smos pas ni las kyi dkyil 'khor bya ste/ de'i mtshan ma ni las kyi rdo rje kha bzhi pa yin pas de nyid kyis dbang bskur bar bya'o zhes bya ba'i don to//dbang bskur ba'i phan yon bstan pa ni de nas de bzhin gshegs pa thams cad kyis kyang mchod par 'gyur na gzhan gyis lta smos kyang ci dgos zhes bya'o/ /'di skad ston te/ mchod pa rnam pa bcu drug nyin re zhing byed na/ de bzhin gshegs pa thams cad kyis mchod pa dang /gzhan thams cad kyis kyang mchod par 'gyur ba'o/ /mchod pa bcu drug po 'di rnams khyod kyis nyin re zhing ci nus su gyis shig ces ni gsungs na/ gang gis ji ltar bya ba mi shes pa de'i phyir de nas zhes bya ba la sogs pas de ston to/ /de nas byang chub chen po'i sems bsgrub pa'i mchod pa'i phyag rgya'i ye shes bslab par bya'o zhes bya ba la/byang chub chen po zhes bya ba'i chen po ni nyan thos dang rang sangs rgyas kyi byang chub la ltos pa yin no/ /de'i sems yin pas na byang chub chen po'i sems te/ de bsgrub pa ni mchod pa'o/ /de'i phyag rgya ste de'i ye shes bslab par bya ba'o//de ji ltar bslab par bya zhe na/ de'i phyir/byang chub sems ni brtan bskyed pas/ /bdag ni sangs rgyas yin bsam zhing / /zhes bya ba gsungs te/ byang chub la sems dpas na byang chub sems so/ /de brtan bskyed pa ni mchog tu dad pas shin tu 'dod pa dang bskyed pa gang yin pa'o//de ltar brtan par bskyed pa de las sangs rgyas nyid lag mthil na gnas pa tsam du sems shing / bdag ni sangs rgyas nyid yin no/ /zhes bsgoms te/ gang gi phyir byang chub kyi sems rnam par dag pa de nyid las sangs rgyas su 'gyur te/ de'i phyir rnal 'byor pas bdag ni sangs rgyas yin no zhes bsam par bya'o//ci zhig byas pas she na/ dga' bas bdag ni mchod byed na/ /zhes bya ba ste/ dga' ba ni yid dga' ba'o/ /gang la zhe na/ byang chub kyi sems de nyid la'o/ /dga' ba des mchod pa ni tshim par bya ba ste bstan par bya'o/ /mchod pa des bdag nyid ji ltar 'gyur zhe na/sangs rgyas kyi ni bde ba'ang 'thob/ /ces bya ba gsungs so/ /'di skad ston te/ bdag nyid sangs rgyas su bsgoms na/ rim gyis sangs rgyas kyi bde ba nyid kyang 'thob par 'gyur ba'o/ /de ltar rdo rje sems dpa'i gnas kyi mchod pa bstan nas/ da ni rdo rje rgyal po'i gnas kyi mchod pa ston te/byang chub sems ni brtan bskyed pas/ /zhes bya ba ni bshad zin to/ /bdag ni sangs rgyas yin bsam zhing / /zhes bya ba yang snga ma bzhin no/ /phreng ba la sogs zhes bya ba la/ phreng ba ni de bzhin gshegs pa thams cad kyi dbu rgyan gyi rin po che'i phreng ba'o//sogs pa zhes smos pas ni gdu bu dang dpung rgyan la sogs pa'i rgyan rnams bsdu'o/ /rab mchod pas zhes bya ba ni mchod pa'i mchog dang ldan pa'i mchod pa rnams kyis mchod pas so/ /mchod na zhes bya ba ni yang dag par mchod na de la dbang bskur bar 'gyur ba'o/ / su la zhe na/ bdag nyid la sangs rgyas dang byang chub sems dpa' rnams kyis dbang bskur bar 'gyur ba'o/ /de ni rdo rje chags pa'i gnas kyi mchod pa ston te/ byang chub sems ni brtan bskyed pas/ /zhes bya ba la sogs pa ni bshad zin to/ /snyan pa'i glu yis rab mchod pas//zhes bya ba la/ glu las bde ba 'byung ba ni snyan pa'i glu ste/ glus tshigs su bcad pa 'don pas dam pa'i chos smra ba las yid bde ba gang zhig skye ba de ni snyan pa'i glu'o/ /gang zhig glu dang gar la sogs pa las ldog pa'i bslab pa blangs kyang rang bzhin gyis glu gar la sogs pa la yang dga' ba zhig yin na/des Sha Da ba la sogs pa'i glu blangs pa las gang yid bde ba skye ba de yang snyan pa'i glu zhes bya'o/ /snyan pa'i glu'i rnam pa des bdag mchod pa ste/ bdag ces bya ba ni rang gi sems so/ /de ni mgu bar 'gyur zhes bya ba ni sems can rnams kyi don gyi phyir 'khor bar dga' bar bya'o zhes bya ba'i don to//byang chub sems ni brtan bskyed pas/ /zhes bya ba ni byang chub kyi sems brtan pa nyid du bskyed pa ste/ skye ba gzhan rnams su gnas gzhan gyis bskal du zin kyang / gang nyams par mi 'gyur ba'o/ /de lta bu'i byang chub kyi sems brtan pa bskyed nas/ bdag ni sangs rgyas yin bsam zhing //zhes bya ba ste/ rgyu ma tshang ba med pa yang dag par yod cing 'bras bu la the tshom mi za bas/ sangs rgyas ni bdag nyid yin par nga rgyal bskyed de/ gar la sogs pa la mngon par dga' bar gyur na/ de las ldog pa'i bslab pa'i gzhi blangs su zin kyang / gar la mngon par dga' ba'i sems can rnams smin par bya ba'i phyir/ gar byed cing des bdag nyid la mchod la/ gar las byung ba'i yid bde bas mchod cing / bdag ces bya ba rang gi sems bde bar gyur na/ sangs rgyas kyis kyang de mchod 'gyur/ /zhes byang chub kyi sems brtan par byed pa dang sems can yongs su smin par bya ba'i thabs nyams su len pa yin pa'i phyir ro//'di ni bzhi char yang byang chub kyi sems kyi mchod pa ste/ ci nas kyang byang chub kyi sems brtan par 'gyur ba dang / mngon par 'gyur ba dang / rnam par dag par 'gyur ba dang / sems can rnams yongs su smin par byed cing /'khor bar yongs su gtong bar mi byed pa yin no/ /da ni byang chub kyi sems brtan par byas pas tshogs yongs su rdzogs par bya ba'i thabs su gyur pa'i mchod pa ni/ de nas sangs rgyas thams cad mchod pa'i phyag rgya'i ye shes bslab par bya'o zhes bya ba la sogs pas bstan to//sangs rgyas kyang yin la thams cad kyang yin pas sangs rgyas thams cad do/ /de'i mchod pa dang de'i phyag rgya dang de'i ye shes yin pas sangs rgyas thams cad mchod pa'i phyag rgya'i ye shes te/ de bslab par bya'o zhes bya'o/ / lus dang ngag dang sems ni lus dang ngag dang sems so/ /de dag nyid ni brtan pa'i phyir rdo rje yin pas na lus dang ngag dang sems rdo rje'o/ /'di rnams nyid mchog tu dad pas ngo bo nyid thams cad 'bul bar byed pas na mchog go/ /lus dang ngag dang sems rdo rje'i tshul gyis phyag 'tshal zhing zhes bya ba ste/de bzhin gshegs pa thams cad la phyag bya ba'i mchod pa byas na/ rtag tu ste gcig tu 'gro ba thams cad kyis phyag bya ba'i 'os su 'gyur ro/ /de ltar phyag bya ba'i mchod pas de bzhin gshegs pa rnams la yang dag par mchod nas/ da ni rjes su yi rang ba'i mchod pa ston to//ji lta zhe na/ de'i phyir/ sangs rgyas thams cad bsod nams che/ /zhes bya ba la sogs pa gsungs te/ sangs rgyas kyang yin la thams cad kyang yin pas sangs rgyas thams cad do/ /sangs rgyas thams cad bsod nams che/ /zhes bya ba ni bsod nams kyang yin la che ba yang yin pas bsod nams che'o//de ltar re zhig de bzhin gshegs pa gcig gi bsod nams kyi tshogs de bzhin gshegs pa rnams kyis bskal pa du mar gsungs su zin kyang mthar thug par mi 'gyur na/ de bzhin gshegs pa thams cad kyis lta smos kyang ci dgos te/ de bas na/ sangs rgyas thams cad bsod nams che//zhes gsungs pa yin no/ /sangs rgyas thams cad kyi bsod nams de gang las skyes she na/ sku gsung thugs ni rdo rje skyes/ /zhes bya ba gsungs te/ sku'i rdo rje las skyes pa dang / gsung gi rdo rje las skyes pa dang / thugs kyi rdo rje las skyes pa'i bsod nams gang yin pa de la rjes su yi rang bar bya'o//rjes su yi rang ba nyid mchod pa yin pas na rjes su yi rang bas mchod na zhes bya'o/ /dris pas rjes su yi rang ba ji ltar na mchod par 'gyur/ rjes su yi rang ba la sogs pa mchod par mi 'gyur ba de ni bden mod kyi/ chos kyis mchod par 'gyur te/gang gi phyir rjes su yi rang ba'i bsam pa'i khyad par las bsod nams tshad med par skye bar 'gyur ro/ /bsod nams tshad med pa skyes pas tshogs yongs su rdzogs par 'gyur ro/ /tshogs yongs su rdzogs pas de bzhin gshegs pa thams cad mchod par 'gyur te/ de ltar na chos kyis mchod par 'gyur ro//de'i phyir rjes su yi rang bas mchod na zhes gsungs pa yin te/ rjes su yi rang ba'i mchod pa zhes bya ba'i don to/ /myur du sangs rgyas 'thob par 'gyur ro zhes bya ba ni myur zhing mgyogs pa nyid du sangs rgyas nyid 'thob bar 'gyur ro/ /da ni lus dang ngag sems zhes bya ba la sogs pas bdag dbul ba'i mchod pa ston te/bdag nyid dbul bas na bdag dbul ba'o/ /ji ltar bdag dbul bar bya zhe na/ rab tu dang ba'i sems kyis de bzhin gshegs pa rnams kyi yon tan rnams mngon sum du byas nas/ phyogs bcu'i sangs rgyas kyi zhing thams cad na dus gsum du gshegs shing bzhugs pa'i de bzhin gshegs pa gang yin pa de rnams kyi spyan sngar/bdag nyid yan lag brgyad kyis rab tu 'dud pas phyag byas par lhag par mos par byas la/ de nas rang gi lus kyi pa spu'i bu ga re re las kyang mchod pa'i sprin tshad med pa rnams 'byung bar bsam zhing /ji ltar mthong ba dang thos pa'i mchod pa'i rnam pa thams cad kyis de bzhin gshegs pa thams cad la ci nus su mchod par bya'o/ /bstod pa rnam pa sna tshogs kyis bstod par bya'o/ /de bas na mchod pa 'di ni yid las bskyed pa yin pas na lha rdzas kyi lus dang ngag dang sems rdo rje yin no//de lta bu'i rnam pa thams cad kyis mchod pas thun bzhir sangs rgyas rnams la mchod par bya'o zhes lhag par mos par byas na/ de yang sems can thams cad dang sangs rgyas dang byang chub sems dpa' rnams kyis mchod par 'gyur ro/ /da ni lus dang ngag sems zhes bya ba la sogs pas yongs su bsngo ba'i mchod pa ston te/lus dang ngag dang sems nyid ni brtan pas na rdo rje zhes bya'o/ /dge ba'i tshogs rnams thams cad ni/ /zhes bya ba la/ dge ba'i tshogs ni bsod nams bsags pa'o/ /thams cad ni ma lus pa'o/ /de yang thun mtshams bzhir dge ba'i tshogs bsags pa gang yin pa de dag thams cad mngon par bsdus te/sems can thams cad dang thun mong du byas la/ bla na med pa yang dag par rdzogs pa'i byang chub tu yongs su bsngo'o/ /de ltar na/ yongs su bsngo ba'i mchod pa yis/ /zhes bya ba ste/byang chub tu yongs su gyur par yongs su bsdos pas na yongs su bsngo ba ste 'bul ba'o/ /'di skad ston te/ nges par byang chub par byed pa zhes bya ba'i don to/ /yongs su bsngo ba nyid ni mchod pa yin pas na des de bzhin gshegs pa rnams la mchod pa byas na/sangs rgyas kun dang mnyam par 'gyur//zhes bya ba ste/ rim gyis byang chub 'thob par 'gyur ro zhes bya ba'i don to/ /de ltar mchod pa 'di bzhi char yang tshogs kyi mchod pa zhes bya ste/ 'di ni rin po che'i rigs kyi sgo nas ston pa'o/ /da ni de nas zhes bya ba la sogs pas chos kyi rigs kyi sgo nas chos kyi mchod pa ston te/zab mo'i chos sgom pa nyid de bzhin gshegs pa rnams la chos kyi mchod pa byas pa yin no/ /de yang / /chos rnams rang bzhin gyis 'od gsal/ /zhes bya ba la chos ni rang gi mtshan nyid 'dzin pas na chos te/ 'dus byas kyi dngos po thams cad do zhes bya ba'i bar du ston par 'gyur ro//rang bzhin gyis 'od gsal zhes bya ba ni ngo bo nyid kyis 'od gsal bas na rang bzhin gyis 'od gsal ba ste/ don dam par rang bzhin gyis dri ma med pa zhes bya ba'i don to/ /ngo bo nyid kyis gzod nas dag/ /ces bya ba ni chos rnams kyi ngo bo nyid du gyur pa las 'dus byas la sogs pa'i khyad par gang gis kyang phyis dag par bcos su med pa'o//chos 'di dag gis mchod pas na/ /zhes bya ba ni chos de ltar bsgoms na de bzhin gshegs pa rnams la mchod pa yin no/ /de ltar chos kyi mchod pas/ dga' ba'i bde ba 'thob par 'gyur/ /zhes bya ba yin no/ /'di skad ston te/ chos bdag med par bsgoms pas gang du yang chags pa med do/ /chos kyi rang bzhin rab tu rtogs pa thob pas rtag tu dga' bas gnas pa yin no/ /de ltar rdo rje chos kyi gnas kyi mchod pa bstan nas/da ni/ chos rnams kun ni 'dus pa yi/ /zhes bya ba la sogs pas rdo rje rnon po'i gnas kyi mchod pa ston te/ chos rnams kun ni bsdus pa yi/ /zhes bya ba ni chos thams cad brtsi ba'o/ /a zhes bya ba sgo zhes brjod/ /ces bya ba ni a zhes bya ba skye ba med pa ste//chos thams cad kyi sgo'o zhes bya ba la sogs pa'o/ /ji ltar sgor gyur pa yin zhe na/ don dam par ma skyes pa'i don ston pa'i phyir ro/ /chos thams cad ni 'dus byas dang 'dus ma byas te chos de dag thams cad kyi sgo ni a yin te/ gtso bo yin no zhes bya ba'i don to/ / chos kyi phyag rgya 'di yis ni/ /zhes bya ba ni don dam par chos rnams kyi phyag rgya ma skyes par rtogs pa'i mtshan nyid kyis byed pas na chos kyi phyag rgya ste/ phyag rgya dang mtshan ma zhes bya ba ni don gyi rnam grangs yin no/ /'di su'i phyag rgya yin zhe na/ chos kyi rgyal po'i phyag rgya ste/ don dam par na 'jig rten dang 'jig rten las 'das pa'i chos thams cad ma skyes par 'dus pa nyid du rig par bya ste/'di nyid ni phyag rgya'o/ /sdug bsngal thams cad ces bya ba ni 'gro ba drug gi 'khor lor nges pa rnams te/ de'i sdug bsngal thams cad gcod pa ni gang gis chos kyi mchod pa 'dis de bzhin gshegs pa thams cad la mchod na'o//da ni/ 'dir ni chos rnams thams cad kyi/ /zhes bya ba la sogs pas rdo rje rgyu'i gnas kyi mchod pa ston te/ 'dir ni chos rnams thams cad kyi/ /zhes bya ba ni lung dang rtogs pa'i chos rnams so/ /rgyu ni de bzhin gshegs pa ste/ /zhes bya ba ni des thugs su chud pa'i phyir/lung dang rtogs pa'i chos rnams des dang po kho nar bka' stsal pa yin pa'i phyir ro/ /don dam par na gang 'jig rten pa'i chos de dag kyang bcom ldan 'das kyi gsung rab la brten nas 'jug pa yin par zad pas na/ de'i phyir chos thams cad kyi rgyu ni de bzhin gshegs pa yin no zhes bshad do//de ltar chos kyi 'khor lo bskor bar bstod pa'i mchod pas mchod na/ chos ni 'dzin par 'gyur zhes bya ba ste/chos kyi mdzod 'dzin pa nyid thob par 'gyur ro zhes bya ba'i bar du gsungs pa yin no/ /da ni/ chos rnams thams cad rang bzhin gyis//zhes bya ba la sogs pas rdo rje smra ba'i sgo nas mchod pa ston te/ sgra brnyan ni brag ca ste/sa phyogs dog pa dag tu sgra'i rkyen gyis de'i rjes kho na la rkyen des de dang mthun pa'i sgra grags pa gang yin pa de ni sgra brnyan zhes bya'o/ /de yang tshig gi don med do/ /de lta bu'i sgra brnyan dang mtshungs pa'i chos gang yin pa de rnams ni sgra brnyan dang mtshungs pa'i chos zhes bya ste/de ltar de kho na nyid du na chos thams cad rang bzhin gyis tshig gi don dang bral ba'o zhes brjod la/ de ltar chos thams cad kyi rang bzhin bsgoms pas mchod na de bzhin gshegs pa rnams la chos kyi mchod pas mchod par 'gyur ro//mchod na sangs rgyas gsung yang 'thob/ /ces bya ba ni tshangs pa'i dbyangs nyid 'thob bo zhes bya ba'i don to/ /'di ni bzhi char yang chos kyi mchod pa ste/ don dam pa'i chos bsgoms pas mchod pa ni dag pa ste/ ma dag pa'i rnam par rtog pa bsal ba'i phyir rang bzhin gyis dag pa'i chos bsgom pa dang /ma skyes pa'i don ston pa'i kun du bzang po bsgom pa dang / chos kyi rnam pa de lta bu de ston pa'i rgyu de bzhin gshegs pa yin pas na chos kyi 'khor lo bsgom pa dang / bshad pa'i chos de dag kyang don dam par tshig gi don dang bral bas na spros pa med pa yin no//de ltar chos bsgom pa bstan nas/ da ni de nas zhes bya ba la sogs pas ting nge 'dzin gyi mchod pa ston te/ ting nge 'dzin bsgom pa nyid mchod pa'i phyag rgya yin pas ting nge 'dzin bsgom pa'i mchod pa'i phyag rgya'o/ /de'i ye shes yin pas na ting nge 'dzin bsgom pa'i mchod pa'i phyag rgya'i ye shes te/de bslab par bya'o zhes pa'o/ /lus dang ngag dang sems yin pas lus dang ngag sems so/ /de nyid bsgom pas brtan par byas pas na rdo rje zhes bya'o/ /de bas na lus dang ngag dang sems rdo rje la rang gi rdul phra rab rnams bsam mo/sems la rdul phra rab med mod kyi/ 'on kyang sems las byung ba'i rnam pa mang bas na sems dang sems las byung ba'i tshogs gzung ngo / /de ltar na/ lus dang ngag sems rdo rje yi/ /rang gi rdul ni phra mo rnams/ /zhes gsungs pa yin te/ rang gi ni bdag nyid kyi'o//rdo rje'i dbyibs su bsgoms na ni/ /zhes bya ba ni rdo rje'i dbyibs nyid du yid kyis bya ba'o/ /rdo rje'i bdag nyid myur du 'thob/ /ces bya ba la/ rdo rje'i bdag nyid ni rdo rje'i sku ste/mngon par rdzogs par byang chub pa'i tshe/ 'di'i gzugs rdo rje'i skur 'gyur ba ste/ gang las rdo rje sems dpar gyur pa de las kyang sangs rgyas kyi skur gyur ba'o//yang na rdo rje'i skur gyur ces bya ba gzhan du na rdo rje ltar mi phyed pa'i lus dang ldan pas na rdo rje'i sku ste/ ji skad du bshad pa'i ting nge 'dzin bsgoms pas so/ /lus dang ngag sems rdo rje yi/ /zhes bya ba la sogs pa ni snga ma bzhin no/ / yang na lus dang ngag dang sems yin pas na lus dang ngag sems te/ de nyid mi phyed pa'i phyir rdo rje'o/ /lus dang ngag dang sems de rnams la rang gi rdul phra mo zhes bya ba ci rigs par sbyar bar bya dgos te/ tshul gcig par bstan pa yin du zin kyang don gyi dbang gis phyogs gcig la rjes su 'jug pa de de bzhin du phyogs gcig tu sbyar bar bya'o//rdul phra rab de ji ltar bya zhe na/ de'i phyir/ sangs rgyas kun du bsgoms na ni/ zhes bya ba gsungs te/ rang gi rdul phra rab rnams sangs rgyas thams cad du bsgom par bya'o/ /bsgoms pas cir 'gyur zhe na/ chos kyi skur 'gyur zhes bya ba gsungs so//dus ji srid cig gis 'gyur zhe na/ de ni de'i phyir myur du zhes bya ba gsungs so/ /rgyu gang gis na rdul phra rab rnams sangs rgyas su bsgoms pa las chos kyi skur 'gyur zhe na/ gang gi phyir de bzhin gshegs pa rnams kyi tshul khrims dang ting nge 'dzin dang / shes rab dang / rnam par grol ba dang / rnam par grol ba'i ye shes mthong ba rnams chos kyi sku sems dpa'i ngo bo nyid yin pa'i phyir ro/ /de lta bas na rnal 'byor gyi stobs kyis khu ba dang khrag dang 'byung ba dang 'byung ba las gyur pa'i ngo bo nyid kyi lus brjes te/ sangs rgyas thams cad kyi skur bsgoms na rnal 'byor pa de chos kyi skur 'gyur ro zhes gsungs so//de las gzhan pa'i ting nge 'dzin gsum pas rdul phra rab de dag nyid gang gi tshe rdo rje sems dpa'i tshul du spyir bsdus pa'am/ re re nas bsgom par bya ba yin no/ /de bas na/ rdo rje sems dpar mnyam par 'gyur/ /zhes bya ba gsungs pa yin te/ rdo rje sems dpa' dang mtshungs pa rdo rje sems dpa' gnyis par gyur ces bya ba'i don to/ /lhag ma rnams kyi don ni sngar bshad pa nyid do/ /ting nge 'dzin bzhi pas ni rdul phra rab de nyid rdo rje la sogs par bsgoms pas/ yid la byed pa thul pa'i rnal 'byor pas sangs rgyas kyi skur nyin re bzhin thun bzhir bsgoms na'o//sangs rgyas kyi skur bsgoms pas dngos grub gang zhig 'thob ce na/ rdzogs pa'i sangs rgyas nyid du 'gyur/ /zhes bya ba gsungs te/ sangs rgyas kyi sku mtshan dang dpe byad kyis brgyan pa 'thob par 'gyur ro zhes bya ba'i don to/ /ji skad gsungs pa'i mchod pa bcu drug gi nang nas dang po'i mchod pa bzhi ni dga' ba dang /rgyan dang / glu dang / gar gyi mtshan nyid kyis sems can rnams kyi don byed pa'i phyir/ byang chub sems dpa'i mi dge ba bcu'i las spong zhing dge ba bcu'i las kyi lam la gnas pas tshogs yongs su rdzogs par bya ba dang / tshogs kyis byang chub kyi sems brtan par bya ba dang /sems can gyi don gyi phyir mchod pa bzhi po 'di bya bar bcom ldan 'das kyis rjes su gnang ste/ de yang / /ji srid 'khor ba'i gnas su ni/ /mkhas mchog 'dug par gyur pa'i tshe/ /de srid mtshungs med sems can don/ /mya ngan mi 'da' byed par nus//zhes ji skad gsungs pa lta bu'o/ /bzhi tshoms gnyis pas ni de ltar byang chub kyi sems brtan par byas nas/ bsod nams kyi tshogs bsags pa'i thabs su gyur pa phyag 'tshal ba dang / rjes su yi rang ba dang / rang gi lus dbul ba dang / bsod nams kyi tshogs yongs su bsngo ba rnams kyi mtshan nyid kyi mchod pa rnam pa bzhi bstan to//bzhi tshoms gsum pas ni de ltar bsod nams kyi tshogs bsags nas ye shes kyi tshogs yongs su rdzogs pa'i thabs su gyur pa/ ngo bo nyid kyis dag pa'i chos don dam par bsgom pa dang / chos thams cad ma skyes pa'i byang chub kyi sems bsgom pa dang /chos thams cad de bzhin gshegs pa las byung bar bsgom pa dang / bshad pa'i chos rnams sgra brnyan lta bur bsgom pa'i mtshan nyid rnam pa bzhi ni chos kyi mchod pa ste/ ye shes kyi tshogs yongs su bskang ba'i phyir bcom ldan 'das kyis bka' stsal pa yin no//bzhi tshoms bzhi pas ni bsod nams dang ye shes kyi tshogs yongs su rdzogs nas gnas yongs su gyur pa'i mtshan nyid mngon par rdzogs par byang chub pa thob pa'i thabs su gyur pa rang gi rdul phra rab rdo rjer bsgom pa dang / de bzhin gshegs pa thams cad par bsgom pa dang /rdo rje sems dpar bsgom pa dang / rang sangs rgyas su bsgom pa'i mtshan nyid rnams so/ /rnam pa 'di bzhi ni ting nge 'dzin gyi mchod pa ste/ sangs rgyas kyi phyag rgya bsgrub pa'i phyir bstan pa yin no/ /de lta bas na mchod pa bcu drug po 'di dag khyod kyis nyin re zhing ci nus su gyis shig ces gsungs pa yin no//'di skad ston te/ sangs rgyas dang byang chub sems dpa'i lam bsgom par bya ba'i chos kyi mchod pa'i rnam pa 'di lta bus mchod na/ sangs rgyas dang byang chub sems dpa' thams cad rab tu mchod par 'gyur ba yin te/ de dag gi mngon par bzhed pa'i don nyams su blangs pa yin pa'i phyir ro/ /de yang bka' bzhin nyams su blangs pa'i lan glan pas/ phan par gsungs pa de la yang dag mchod/ /ces ji skad gsungs pa lta bu'o/ /ting nge 'dzin gyi mchod pa rnam pa bzhi bstan pa'i 'og tu/ da ni de nas zhes bya ba la sogs pas de'i thabs yang dag par ston te/rang gi lha'i rnal 'byor sgrub pa'i ting nge 'dzin ni thabs dang po yin no/ /de la yang sems dpa' rnams kyi dang po ni rdo rje sems dpa' yin to/ /de bas na de'i ting nge 'dzin sgrub pa'i thabs/ lus kun 'khyud pa'i bde ba yis/ / zhes bya ba la sogs pas dang por ston te/ lus kun 'khyud pa'i zhes bya ba la/ lus kyang yin la kun kyang yin pas lus kun no/ /lus kyi sgra ni bsags pa dang 'dus pa la bya la/ de'i 'khyud pa ni bdag tu nga rgyal bas 'dzin pa ste/ de yang rgyud phyi ma las dang po kho nar phyag rgya chen po bsgrub pa'i phyir ro//tshig rer thams cad bdag yin pas/ /zhes bya ba la sogs pa ji skad gsungs pa lta bu'o/ /de bas na lus kyi 'khyud ces bya ba ni rdo rje sems dpar bsgom pa la bya'o/ /de ltar na rdo rje sems dpa'i ting nge 'dzin bsgoms pa de las bde ba gang skyes pa de ni lus kun gyis 'khyud pa'i bde ba ste/de nyid ni mchod pa'o/ /su zhig la zhe na/ rang byung rnams la zhes bya ba ste sangs rgyas rnams la'o/ /phul na zhes bya ba ni sangs rgyas rnams la bstabs pa'o/ /de ltar phul bas cir 'gyur zhe na/ de'i phyir/ rdo rje sems dpa' dang 'dra bar/ / zhes bya bar gsungs te/ gang gi phyir sems dpa' thams cad kyi bdag nyid rdo rje sems dpa'i ting nge 'dzin bsgoms pa de'i phyir rdo rje sems dpa' dang mtshungs par 'gyur ro/ /de ni zhes bya ba ni rnal 'byor pa'o/ /myur du 'gyur zhes bya ba ni myur ba nyid du'o/ /rdo rje sems dpa'i gnas kyi ting nge 'dzin gyi mchod pa bstan nas/da ni shin tu chags par zhes bya ba la sogs pas rdo rje rin chen gyi gnas kyi ting nge 'dzin gyi thabs ston to/ /shin tu chags pa ni bcom ldan 'das rdo rje rin chen te/ rin po che pad+ma rA ga mgo la yod pa'i 'od dmar bas na shin tu chags pa'o/ / de dang lhan cig tu sbyor ba ni gcig tu gyur pa la shin tu chags par sbyor ba zhes bya'o/ /chags pa sbyor ba de ji lta bu zhe na/ dam du gzung ba'i zhes bya ba gsungs te/ dam du gzung ba ni brtan par gzung ba'o/ /de'i 'og tu rnal 'byor bsgom pa'i tshe rang gi lha dang tha mi dad pa thob pas lha'i bdag nyid kyis ngo bo rnal 'byor pas yongs su gzung ba'i bde ba skye ba'i bde ba gang yin pa de de bzhin gshegs pa thams cad la ting nge 'dzin kyi bde ba'i khyad par gyi rnam pa 'di lta bus mchod par bya'o zhes sangs rgyas rnams la ste/sangs rgyas bcom ldan 'das la de ltar phul na/rdo rje rin chen 'dra bar 'gyur/ /zhes bya ba yin no/ /da ni shin tu dga' ba zhes bya ba la sogs pas rdo rje chos kyi gnas kyi mchod pa ston te/ shin tu dga' ba mnga' bas na shin tu dga' ba ste/ bcom ldan 'das rdo rje chos so/ /'di ni chos rab tu rnam par 'byed pa'i tshe/shin tu dga' ba'i chos las bde ba skye ba gang yin pa de ni shin tu dga' ba'i bde ba ste/ de la chags pa gang yin pa de ni shin tu dga' zhing bde ba'i chags pa'o/ /des bstun pas na shin tu dga' zhing bde ba'i chags pas bstun pa'o/ /de yang bstun pa ni chos kyi sgo dpag tu med pa gcig tu byed pa ste/rang bzhin dag pa'i chos rnams la rnam par lta ba'i phyir/ pad+ma'i phyag rgya la gzigs pa'i tshe/ pad+ma'i 'dab ma 'byed pa'i tshul gyis so/ /bstun par gyur pa'i mchog ces bya ba la/ mchog ni phul du byung ba la bya ste/chos kyi sgo rnam pa tha dad pa dpag tu med pa phan tshun nang 'gal ba'i don dbyer med par gcig tu sbyor bar byed pa la bstun par gyur pa'i mchog ces bya'o/ /de las byung ba'i bde ba yin pas na/ bstun par gyur pa'i mchog bde ba/ zhes bya'o/ /de sangs rgyas rnams la phul na ni zhes bya ba la/sangs rgyas rnams la phul ba ni tshim par bya ba'o/ /rdo rje chos dang 'dra bar 'gyur/ /zhes bya ba ni 'jig rten dbang phyug dang mtshungs par 'gyur ro zhes bya ba'i don to/ /da ni/ dbang po gnyis ni sbyor ba yis/ /zhes bya ba la sogs pas rdo rje las kyi gnas kyi mchod pa ston te/gnyis kyi dbang po yin pas na dbang po gnyis te/ lha dang sngags pa gnyis kyi dbang po gnyis gang yin pa de ni dbang po gnyis so/ /de sbyor ba gang la mnyam par sbyor ba gang yin pa de ni dbang po gnyis ni mnyam sbyor ba ste/ bdag gang yin pa de ni bdag gi lha yin la/ bdag gi lha gang yin pa de ni bdag yin no zhes bya ba'i don to/ /sbyor ba de las bde ba gang zhig skye ba de ni dbang po gnyis mnyam par sbyor ba'i bde ba'o/ /kun du zhes bya ba la sogs pa'i rigs thams cad kyis bsdus pa'i sems dpa' thams cad kyi ting nge 'dzin las bde ba gang zhig skye ba de sangs rgyas rnams la mchod pa bya ba'i phyir te/mchod pa'i rgyur phul na/ rdo rje las dang 'dra bar 'gyur/ /zhes bya ba ste/ rnal 'byor pa de rdo rje las dang mtshungs par 'gyur ro zhes bya ba'i don to/ /rA ti badzra zhes bya ba ni dga' ba'i rdo rje ste/ byang chub sems la dga' ba la ni dga' ba'i rdo rje zhes bya ba'i sgrar gsungs so//rA ga badzra zhes bya ba ni chags pa'i rdo rje ste/ nor bu'i chags pa'o/ /pra ti badzra zhes bya ba ni sdug pa'i rdo rje ste/ chos la sdug par sems pa'o/ /kA ma badzra zhes bya ba ni 'dod pa'i rdo rje ste/ 'dod pa ni yid du 'ong ba gzugs dang sgra dang dri dang ro dang reg bya rnams so//de dag thams cad sangs rgyas la mchod pa'i sprin sprul nas phul ba ste/ bcom ldan 'das rdo rje las la 'dod pa'i rdo rje zhes bya ba'i sgrar gsungs so/ /de yang 'dod pa rnams kyi rdo rje yin pas na 'dod pa'i rdo rje zhes bstan to/ /gsang ba'i mchod pa'i phyag rgya ye shes bstan zin nas/da ni gsang ba'i don brjod par bya ste/ gsang ba ni gang sbas pa'i gsang ba bya'o/ /lus kun gyis 'khyud ces bya ba ni sgra ni rang gi lha'i rnal 'byor du bya ba la/lus kun gyis 'khyud ces bya ba'i sgrar 'dir mngon par 'dod pa yin te/lha'i lus thams cad ma lus par yid kyis mngon sum du byas la 'khyud par bya yi/ma tshang bar ni ma yin te/ /'di ni dang po'i man ngag go/ /'di nyid la shin tu chags par sbyor bas dam du bzung ba ste/ 'khrul pa spang ba'i phyir brtan par gzung bar gyis shig pa'o/ /'di ni gnyis pa'i man ngag go//der 'di ltar gzung ba de dgug pa dang / gzhug pa dang / bcing ba dang / dbang du byas nas/ ting nge 'dzin gyi dmigs pa'i lha'i sku la shin tu dga' ba phyis skye bar 'gyur la/ dga' ba des kyang der lus kyi bde ba'i reg pa skye ba gang yin pa de ni shin tu dga' zhing bde ba'o//de la chags pas na shin tu dga' zhing bde ba'i chags pa ste/ des bstun pa ni chos kyi sgo dpag tu med pa gcig tu byed pa'o/ /de ltar mnyam par gzhag pa'i sems kyis 'gal ba med par rtogs pa de ni mchog kyang yin pas mchog ces bya'o/ /'di ni gsum pa'i man ngag go//de lta bu'i lha'i sku la dbang po gnyis mnyam par sbyor ba zhes bshad do/ /lha'i dbang po dang rnal 'byor pa'i dbang po gnyis lhan cig tu 'dres pa'i ngo bor lhag par mos pa'o/ /gcig tu 'dres pa'i ngo bor lhag par mos pas ting nge 'dzin gyi las gang cung zad ci brtsams pa de thams cad 'grub par 'gyur ro//'di ni man ngag bzhi pa yin no/ /dngos grub don du gnyer ba rnams kyis rnam par phye ba 'di dag shin tu yang sba bar bya dgos pas na gsang ba'i phyag rgya'i ye shes zhes bya'o/ /de nas zhes bya ba la sogs pas phyag rgya chen po rnams kyi dbyibs ston te/de bzhin gshegs pa thams cad ces smos pas ni byang chub sems dpa' bcu drug gzung ngo / /mchod pa'i phrin las zhes smos pas ni de bzhin gshegs pa thams cad kyir gtogs pa'i las kyi dkyil 'khor gzung ngo / /de'i phyag rgya chen po dang de'i ye shes so/ / bslab par bya ste zhes bya ba ni bstan par bya'o zhes pa'o/ /rdo rje sems dpa'i gnas kyi phyag rgya chen po'i lha mo gang yin pa de'i rang gi phyag rgya gnyi ga rdo rje dang bcas par thugs kar 'jog pa'o/ /rdo rje rgyal po'i gnas kyi phyag rgya chen po ni rang gi phyag gnyis lcags kyu dang bcas par rtsib logs g.yas par 'jog pa'o//rdo rje chags pa'i gnas kyi phyag rgya chen po ni phyag gnyis mda' gzhu dang bcas par rtsib logs g.yon par 'jog pa'o/ /rdo rje legs pa'i gnas kyi phyag rgya chen po ni phyag gnyis legs so zhes bya ba'i phyag rgya rgyab tu 'jog pa'o/ /rdo rje rin chen gyi gnas kyi phyag rgya chen po ni phyag gnyis rin po che dang bcas pa dpral bar 'jog pa'o//rdo rje nyi ma'i gnas kyi phyag rgya chen po ni phyag gnyis nyi ma'i phyag rgya dang bcas pa ltag par 'jog pa'o/ /rdo rje rgyal mtshan gyi gnas kyi phyag rgya chen po ni phyag gnyis yid bzhin gyi nor bu'i rgyal mtshan thogs pa phrag par 'jog pa'o/ /rdo rje bzhad mo'i gnas kyi phyag rgya chen po ni phyag gnyis rdo rje gnyis kyi bar du so'i phreng ba gnyis dang bcas pa dgad pa'i gnas su 'jog pa'o//rdo rje chos kyi gnas kyi phyag rgya chen po ni pad+ma'i phyag rgya dang bcas pa'i phyag gnyis ka zhal du 'jog pa'o/ /thams cad du yang phyag gnyis rang rang gi phyag rgya dang bcas par 'jog pa yin par shes par bya'o//rdo rje rnon po'i phyag rgya chen po ni rna ba g.yas par 'jog pa'o/ /rdo rje rgyu'i phyag rgya chen po ni rna ba g.yon par 'jog pa'o/ /rdo rje smra ba'i phyag rgya chen po ni ltag par 'jog pa'o/ /rdo rje las kyi phyag rgya chen po ni spyi bor 'jog pa'o/ /rdo rje go cha'i phyag rgya chen po ni phrag par 'jog pa'o//rdo rje gnod sbyin gyi phyag rgya chen po ni mche ba'i phyag rgya dang bcas te khar 'jog pa'o/ /rdo rje khu tshur gyi phyag rgya chen po ni phyag gnyis ka sta zur g.yas par 'jog pa'o/ /da ni de nas zhes bya ba la sogs pas dam tshig gi phyag rgya ston te/ phyag rgya chen po'i tshul gyis ni//zhes bya ba ni phyag rgya chen por goms pas so/ /rdo rje bcing ba dam byas la/ /zhes bya ba ni rdo rje bsdams pa bcings pas so/ /snying ga la sogs gnas tshul du/ /zhes bya ba ni gnas de dag nyid du bzhag na dam tshig gi phyag rgya bcings par 'gyur ro/ /bzhag nas rgyal ba rnams mchod do//zhes bya ba ni de rnams kyi rgyal ba rnams mchod par bya'o zhes pa'o/ /de nas zhes bya ba la sogs pa la/ de bzhin gshegs pa thams cad ni sngar bshad pa de rnams nyid do/ /mchod pa'i zhes bya ba ni mchod pa'i dkyil 'khor ro/ /chos kyi ye shes bslab par bya'o/ / zhes bya ba ni chos kyi phyag rgya'i ye shes bslab par bya'o zhes bya ba'i don to/ /de nas las kyi phyag rgya ste/ mdor bsdus pa ni mdor byas pa'o/ /dam tshig phyag rgya gnyis su bya/ /zhes bya ba ni dam tshig gi phyag rgya rdo rje bsdams pa bzhag pa'i gnas kyi dbye ba bstan pa'i gnas de dang de nas rdo rje bsdams pa bteg la gnyis su byas te bsgyings bcas gsor ba zhes bya ba la sogs pa'i tshul gyis de'i las kyi phyag rgya rnams bstan par bya'o//de kho na nyid bsdus pa'i rgya cher bshad pa ko sa la'i rgyan las theg pa chen po mngon par rtogs pa'i las kyi dkyil 'khor gyi 'grel pa'o// //phyag rgya bzhi pa'i dam tshig gi cho gar bya ba'i phyir dkyil 'khor bzhi bstan zin nas/ da ni phyag rgya thams cad kyi spyi'i dngos grub kyi cho gar bya ba'i phyir/ de nas zhes bya ba la sogs pas sgrub pa'i dkyil 'khor ston te/ de bzhin gshegs pa thams cad kyi byin gyi rlabs kyis zhes bya ba ni mi bskyod pa la sogs pa'i byin gyi rlabs kyis so//de bzhin gshegs pa thams cad kyi rigs bskyed nas zhes bya ba ni dkyil 'khor bzhir bsdus pa'i phyag rgya bzhi bskyed pa'o/ /de bzhin gshegs pa thams cad kyang yin la rigs kyang yin pas de bzhin gshegs pa thams cad kyi rigs te dkyil 'khor bzhi'o//de bzhin gshegs pa thams cad kyi rigs kyang yin la rtog pa chen po yang yin pas de bzhin gshegs pa thams cad kyi rigs kyi rtog pa chen po'o/ /rtog pa yang yin la chen po yang yin pas na rtog pa chen po ste/dngos grub kyi thabs yongs su brtag pa yin pas na rtog pa'o/ /cho ga rgyas pa zhes bya ba ni bya ba'i rnam pa rgyas pa'o/ /'di zhes bya ba ni 'das ma thag pa'o/ /dngos grub kyang yin la thams cad kyang yin pas dngos grub thams cad do/ /de rnams kyi bsdu ba ni 'bras bu'i tshul du yongs su bsdus pa'o//de bzhin gshegs pa thams cad kyi phyag rgya yin pas na de bzhin gshegs pa thams cad kyi phyag rgya ste/ de'i snying po thugs la gnas pa 'di gsungs pa'o/ /ye shes kyi khu tshur 'di ni de bzhin gshegs pa'i rigs zlos pa rnams kyi bsgrub pa'i tshe'i ye shes kyi khu tshur ro/ /de nas mi g.yo ba'i zhes bya ba la sogs pa'i don ni bshad zin to//de bzhin gshegs pa'i rigs su khu tshur de nyid dang ldan pas phyag rgya thams cad sgrub pa la sbyar bar bya'o/ /de bzhin gshegs pa zlos pas kyang sgrub pa'i tshe na khu tshur 'di sbyar bar bya'o/ /sems dpa' gzhan zlos pas kyang rang gi phyag rgya dang lhan cig tu sbyar bar bya'o//de nas rin chen 'byung ldan zhes bya ba la sogs pa gsungs pa'i don yang bshad zin to/ /dgod par bya ba'i sngags 'di lnga char yang phyag rgya'i snying po'i sgrar gsungs so/ /da ni sgrub pa'i dkyil 'khor ston par bzhed pas/ de nas byang chub sems dpa' chen po phyag na rdo rje zhes bya ba la smos te/de nas byang chub sems dpa' chen po phyag na rdo rje rang gi byin gyi rlabs kyis zhes bya ba'i snying po dang phyag rgya la sogs pa byung na gcig nas gcig tu brgyud pas/ bcom ldan 'das rnam par snang mdzad kyi de bzhin gshegs pa thams cad kyi rigs kyi dkyil 'khor bzhi'i ngo bo nyid bskyed nas rtog pa chen po'i cho ga rgyas pa 'di'i dngos grub thams cad bsdu ba ste bskyed pa de'i phyir ro//ming ji skad ces bya zhe na/ de'i phyir rdo rje'i dngos grub ces bya ba gsungs so/ /phyag rgya thams cad kyi nang na rdo rje'i phyag rgya dang po yin pas/ dkyil 'khor 'di dngos grub thams cad bsdus pa yin mod kyi/'on kyang rdo rje'i phyag rgya gtso bo yin pas rdo rje'i dngos grub ces gsungs so/ /phyag rgya bzhi'i dkyil 'khor zhes bya ba ni phyag rgya bzhi'i dkyil 'khor yin pas na phyag rgya bzhi'i dkyil 'khor ro/ /dris pa lnga pa sangs rgyas kyi phyag rgya yang 'di na yod pa ma yin nam zhe na/ bden mod kyi de ni 'bri ba ma yin gyi sku gzugs dngos su gzhag par bya ba yin la bzhi ni phyag rgyar bris pa yin pas na de rnams las dkyil 'khor gyi ming btags pa yin no//'di zhes bya ba ni thugs la gnas pa'o/ /bshad do zhes bya ba ni de bka' stsal pa'o/ /de nas zhes bya ba ni de'i rjes thogs la ste/las kyi dkyil 'khor gyi rjes la'o/ /rtog pa rgyas pa'i dngos grub kyang rgyas par nges par bya dgos pas na/ de'i phyir rnam par phye ste bshad pas na rab tu bshad bya'o/ /phyag rgya rnams kyi dkyil 'khor yin pas na phyag rgya'i dkyil 'khor ro/ /dam pa ni mchog go/ /ji lta bu zhe na/ rdo rje dbyings dang 'dra bas na/ /zhes bya ba ste/ rdo rje dbyings dang mtshungs pa'o/ /ming ji skad ces bya zhe na/ de'i phyir/ rdo rje'i dngos grub ces kyang grags/ /zhes bya ba gsungs so/ /thig ji ltar gdab par bya zhe na/ de'i phyir/ dkyil 'khor chen po'i tshul du ni/ /mkhas pas rab tu bri bar bya//zhes bya ba gsungs te/ rdo rje dbyings kyi dkyil 'khor chen po'i tshul du/ gru bzhir bgyi zhing sgo bzhi dang / zhes bya ba la sogs pas/ mkhas pa ste blo dang ldan pas thig gdab par bya'o zhes bya ba'i don to/ /thig de ltar btab nas ji ltar bri bar bya zhe na/ thog mar sangs rgyas gzugs gzhag ste//de nas phyag rgya bzhi yang bri/ /zhes bya ba gsungs so/ /'di skad ston te/ thog ma ste dang po kho nar rnam par snang mdzad kyi gnas su sangs rgyas kyi sku gzugs bzhag la mi bskyod pa la sogs pa'i gnas su sems dpa' rdo rje la sogs pa bzhi bri bar bya'o//rdo rje thig gis btab pa'i nang gi dkyil 'khor gcig tu rnam par snang mdzad gzhag par bya'o/ /lhag ma ka ba brgyad kyi dbus su rdo rje la sogs pa'i phyag rgya bzhi dgod par bya ste/ bzhi po de dag ni/ zla ba'i dkyil 'khor dbus su ni/ /rdo rje'i phyag rgya la sogs bri/ / zhes bya ba'o/ /sogs pa zhes smos pas ni rin po che dang / pad+mo dang / las kyi phyag rgya rnams bsdu'o/ /de nas zhes bya ba ni gnas skabs so/ /rdo rje'i dngos grub kyi phyag rgya'i dkyil 'khor zhes bya ba la/ rdo rje'i dngos grub kyi phyir phyag rgya'i dkyil 'khor yin pas na rdo rje'i dngos grub kyi phyag rgya'i dkyil 'khor ro//dgug pa la sogs pa'i cho ga rgyas par byas nas zhes bya ba ni dgug pa dang gzhug pa dang / bcing ba dang / dbang du bya ba dang / mchod pa la sogs pa byas nas so/ /de bzhin du btsud de zhes bya ba ni rdo rje dbyings kyi dkyil 'khor du 'jug pa'i tshul gyis so//btsud nas 'di skad du smra bar bya'o zhes bya ba ni 'di skad ces bsgo bar bya'o/ /khyod kyis gsang ba'i le'u 'di su la yang ma bstan cig ces bya ba ni su la yang ma bsnyad cig pa ste/ gsang ba'i le'u ni phyag rgya bzhi'i dkyil 'khor ro/ /ma bstan cig ces bya ba ni ma bsgrags pa'o/ /de ci'i phyir zhe na/log par lta ba'i sems can rnams kyang yod do zhes bya ba ni lta ba tha dad pa ste/ mu stegs kyi lta ba can zhes bya ba'i don to/ /sdig pa'i las byed pa zhes bya ba ni gang bsdus ba'i don la ma dad cing / smod par yang byed pa ste/ de nas de ni dam pa'i chos spong ba yin pas na sdig pa'i las byed pa zhes bya'o//gal te de ltar bsdus pa'i don 'di thos pa las kha cig bsam pa log par 'gyur na/ de lta na bcom ldan 'das kyis ci'i phyir rjes su gnang zhe na/ gang gi phyir sems can shin tu mang po rnams la phan par 'gyur te/ de dag kyang gang zhe na/ brtson 'grus chung ba zhes bya ba la sogs pa ste/brtson 'grus chung ba ni rgyas par bya ba la spro ba med pa'o zhes bya ba'i don to/ /sbyor ba med pa ni dad pa yod du zin kyang sngags spyod pa'i tshul rgyas pas skrag pa'i phyir sbyor ba med pa zhes bya'o/ /ri mo mi shes pa ni ri mo'i las la mi mkhas pa'o/ /rnam pa de lta bu'i sems can slob dpon dang slob ma ste/slob dpon ni grub pa'i tshe na bdag nyid kyis bris su zin kyang 'jug pa la mi mkhas pa'o/ /slob ma yang ji skad du bshad pa'i skyon rnams dang ldan pas bris su zin kyang 'jug pa la brtson 'grus dman pas rdo rje dbyings kyi dkyil 'khor la sogs pa de bzhin gshegs pa thams cad kyi rigs kyi dkyil 'khor chen po rnams la 'di lta bu'i tshogs chen po byed par su zhig gis nus zhes 'jug pa la spro ba med pa de dag gi don dang rjes su gzung ba'i phyir ro//rdo rje la sogs pa 'dir sgrub pas na rdo rje'i dngos grub kyi phyag rgya'i dkyil 'khor ro//yang na rdo rje'i dngos grub ni bcom ldan 'das rnam par snang mdzad kyi phyag rgya'i dkyil 'khor ro/ /sgrub pa'i dkyil 'khor 'ba' zhig tu yang ma zad kyi/ de bzhin gshegs pa thams cad kyi rigs kyi dkyil 'khor gyi dam tshig tu gyur pa zhes bya ba ste/ gang du zhugs nas rang gi lha dang rang gi phyag rgya mnos nas/zlos pa dang bsgom pa la sogs pa byed pa ste/ de rang gi lha'i cho ga ma gtogs par phyag rgya bzhi'i dkyil 'khor 'dri ba la sogs pa'am/ rgyud nyan par 'os pa ni ma yin no/ /'jig rten gyi khams ma lus pa rnams su sems can gyi khams lus pa med pa rnams yongs su bskyab pa'i phyir dang /phan pa ste ma 'ongs pa na bde bar 'gyur ba'i las gang yin pa dang / bde ba zhes bya ba ste da ltar gyi tshe 'di nyid la rnam par shes pa lnga'i tshogs bde ba dang ldan pa'o/ /yid bde ba thams cad ni yid dang rjes su mthun pa'i tshor ba ste/ de dag myong bar bya ba'i phyir ro//bar du zhes bya ba'i sgras ni byang chub kyi sems yongs su sbyangs pa dang / de bzhin gshegs pa'i rigs mnyes par bya ba la sogs pa thams cad bsdu'o/ /de bzhin gshegs pa thams cad rigs su gtogs pa'i rdo rje yin pas de bzhin gshegs pa thams cad kyi rdo rje ste/de'i dam pa'i dngos grub de'i rgyur byin gyis brlabs pa'o/ /khyod kyis zhes bya ba la sogs pa la/ de bzhin gshegs pa thams cad kyi rigs kyi dam tshig gi phyag rgya ni sems dpa' rdo rje ma la sogs pa ste/ de dag gi gsang ba ni de'i sba ba'o/ /de yang gang yin zhe na/phyag rgya re re mthong bas rang gi rigs kyi phyag rgya'i tshogs thams cad kyi dam tshig thob pa dang dngos grub thob pa'o/ /'di dag kyang dad par bya bar dka' ba yin pas na gsang ba 'di rnams la yid mi ches par ma byed cig ces bya ba ni dgag pa gcig yin no/ /ma dad par ma byed cig ces bya ba ni dgag pa gnyis pa yin te/de ltar na dgag pa gnyis kyis gdod dkyus ma'i don rtogs shing / mngon par dad par gyis shig ces grub pa yin no/ /dad par bya ba de yang gang zhig yin zhe na/ rigs kyi dam tshig gi phyag rgya'i gsang ba rnams kyi mthu la zhes don gyi shugs kyis sbyar bar bya'o//ma dad pas cir 'gyur zhe na/ de'i phyir sems can dmyal ba dang byol song dang yi dags kyi khams su ltung bar 'gyur ba 'am zhes bya ba gsungs so/ /ci nyes dmigs de dag tu zad dam zhe na/ /ma yin te/ gzhan dag kyang yod do/ /'o na de gang zhig yin zhe na/ de'i phyir mi bde ba ma spangs pas dus ma yin par shi bar gyur ta re zhes bya ba gsungs te/ mi bde ba zhes bya ba ni gang du nges par srog 'jig par 'gyur ba'i nyes dmigs te/ g.yang sar ltung ba la sogs pa'o/ /'tsho ba don du gnyer ba rnams kyis ni g.yang sa la sogs pa de dag spang bar bya dgos so/ / sngags spyod pa rnams kyis kyang ma dad par 'gyur ba ma spangs pa ni yang ba ma spangs pa yin pas mi bde ba spangs pas dus ma yin par shi bar gyur ta re zhes gsungs so/ /dkyil 'khor du bcug cing ji skad du gsungs pa bzhin dbang bskur nas/ da ni de nas de bzhin gshegs pa thams cad ces bya ba la sogs pa la/phyag rgya thams cad kyi spyi'i bya ba ston te/ de bzhin gshegs pa thams cad kyi phyag rgya ni rdo rje la sogs pa'o/ /de dag gi dam tshig ni gzhung lugs la rnam par gzhag pa ste/ sbyor ba gang gis dngos grub sbyin par 'gyur ba'o/ /de smros shig ces bya ba ni ston cig ces bya ba'i don to/ /bdag nyid chen po gang gi zhes bya ba ni rdo rje sems dpa' la sogs pa'o//phyag rgya gang dang gang bcing ba/ /zhes bya ba ni phyag rgya chen po'am/ dam tshig gi phyag rgya'am/chos kyi phyag rgya'am/ las kyi phyag rgya'o/ /bzlas pa'i snying po'i don du ni/ /zhes bya ba la/ bzlas pa ni snying po brjod pa'o/ /snying po'i don du zhes bya ba ni zlos pa'i snying po'i don to//'di skad ston te/ snying po zhes bya ba'i tshig gis byed pa po dang / byed pa dang / las dang / bya ba'i mtshan nyid kyi don gang zhig ston pa'i snying po zlos pa ste/ gang byed pa por bshad pa'i zlos pa po de ni bdag nyid yin par bsgom zhing / gang byed pa'i rdo rje la sogs pa'i byed pa de la bya ba de byed par lhag par mos pa bya ba'o//bdag nyid kyis bdag nyid la bsgom pa'o/ /ye shes 'di yi tshul gyis ni/ /zhes bya ba la/ ye shes 'di'i bya ba ni snying po'i don bsgom pa'i ye shes bshad ma thag pa 'di yis so/ /tshul gyis ni zhes bya ba ni snying po'i don bsgom pa shes pa yod du zin kyang /gal te rnal 'byor grub par ma gyur cig /dgos pa grub par ma gyur na/ /de'i phyir ye shes 'di'i tshul gyis/ /zhes bya ba gsungs so/ /'di skad ston te/ snying po'i don yongs su shes pa dang rnal 'byor goms pas gdod 'grub par 'gyur ro zhes ston to/ /de dag kyang gang yin zhe na/phyag rgya kun no/ /su zhig gi yin zhe na/ bdag nyid chen po'i ste sangs rgyas rnams kyi'o/ /de ltar gang las shes she na/ phyag na rdo rjes gsungs pa bzhin/ /zhes gsungs te/ yang dag par sdud pa byed pas smras pa'o/ /phyag rgya thams cad kyi dam tshig bstan zin nas/ da ni de nas zhes bya ba la sogs pas phyag rgya thams cad kyi gsang ba ston te/ gsang bar 'gyur ba yin pas na gsang ba ste/ gang thams cad la bsnyad par bya ba ma yin pa'o/ /bdag nyid chen po gang gang gis/ /phyag rgya gang dang gang bcing ba/ /bzlas pa'i snying po'i don du ni/ /der ni bdag nyid bsgom par bya//zhes gsungs na/ rnam par smin pa'i lus la gnas te rang gi bdag nyid kyi sems de'i gzugs su ji ltar bsgom par bya zhe na/ de'i phyir/ rang gi dbang po gshibs nas ni/ /zhes bya ba gsungs te/gshibs pa ni rnam par bsgom pa ste/ de ni gcig na'ang yul min la/ /phra rab rdul du du ma'ang min//de dag 'dus pa'ang ma yin te/ /de ltar rdul phran mi 'grub phyir/ /zhes bya ba 'di'i tshul gyis rnam par bsgom mo/ rang gi dbang po smos pas ni gzugs can gyi dbang po lnga gzung bar bya'o/ /de dag rnam par bsgoms te/ yid kyi dbang po rang gi lha'i gzugs su gzung bar bya'o/ /rdo rje khu tshur gzung bar bya//zhes bya ba la/ bdag gang yin pa de ni bdag gi lha yin la/ bdag gi lha gang yin pa de ni bdag yin no/ /lus dang ngag dang sems rdo rje gcig tu byed pas 'dzin pa ni rdo rje khu tshur gyis gzung ba'o/ /de yis phyag rgya gang reg pa/ /zhes bya ba ni lus dang ngag dang sems rdo rje gcig tu byed pa'i rnal 'byor de yis so//phyag rgya zhes bya ba ni dam tshig gi phyag rgya'o/ /gang zhes bya ba ni rdo rje la sogs pa'o/ /reg pa ni gzung bar bya'o/ /de ma thag tu de dbang 'gyur/ /zhes bya ba ni de mngon par 'dod pa'i don myur ba nyid du sgrub par byed do zhes bya ba'i don to/ /da ni de nas zhes bya ba la sogs pas phyag rgya thams cad kyi chos nyid ston te/phyag rgya thams cad ni phyag rgya chen po la sogs pa'o/ /de dag gi chos nyid ni rang bzhin gyis gnas pa ste/ chos gang brtsad du med cing lan glan du med par gnas pa de la ni chos nyid ces bya'o/ /brjod par bya'o zhes bya ba ni de bstan par bya'o zhes pa'o//rdo rje phra mo'i tshul sbyar la/ /zhes bya ba ni phra mo'i rdo rje bsgom pa'i sbyor ba goms par byas pa'o/ /ye shes phyag rgya zhes bya ba ni gang ye shes kyis rnam par brtags pa'o/ /bcing bar bya zhes bya ba ni de bsgom par bya ba'i don to/ /cho ga 'di yi tshul gyis ni/ /zhes bya ba ni 'di'i go rims kyis so/ / ye shes phyag rgya dbang du 'gyur/ /zhes bya ba ni phyag rgya gang ye shes kyi bdag nyid du so sor snang ba de la ni ye shes phyag rgya zhes bya ste/ chos kyi ye shes la sogs pa phyag rgya de thams cad dbang du 'gyur ba ste/ rdo rje phra mo sngar bsgoms pas rang dbang du byed par 'gyur ro zhes bya ba'i don to/ /da ni glu dang gar zhes bya ba la sogs pas las kyi phyag rgya rnams kyi dngos grub kyi thabs ston te/glu dang gar dang zas dang bro dang spyod pa rnams pa ni/ glu dang gar dang zas dang bro spyod pa zhes bya ba ste/ de la sogs pa'i bde ba gang yin pa de rnams/sangs rgyas rnams la phul na ni/ /zhes bya ba ni glu gar la sogs pa de rnams sangs rgyas la phul zhing bstabs na/las kyi phyag rgya dbang du 'gyur/ /zhes bya ba ni rang dbang du 'gyur zhes bya ba'i don to/ /'di skad ston te/ las kyi phyag rgya bsgrub par 'dod pa'i rnal 'byor pas spyod pa gang dang gang byed pa de dang de dag las bde ba gang skyes pa de dbul ba'i sgo nas sangs rgyas thams cad yid la bya ba bsgoms na las kyi phyag rgya rang dgar dbang du 'gyur ba sgrub par byed do//rdo rje dbyings la sogs pa'i dkyil 'khor 'di dag thams cad ni rdo rje dbyings te rnam par snang mdzad kyis bskyed pa yin no zhes ni 'byung na/ go rims gang gis rdo rje dbyings su 'gyur ba de ma bstan pas na/de ni de nas dkyil 'khor thams cad sgrub pa gsang ba'i phyag rgya'i ye shes bslab par bya'o zhes bya ba la sogs pas ston te/ dkyil 'khor thams cad sgrub par byed pa yin pas na dkyil 'khor thams cad sgrub pa ste skyed par byed pa'o/ /dkyil 'khor thams cad sgrub par byed pa yang yin la/ gsang ba'i phyag rgya yang yin pas na dkyil 'khor thams cad sgrub pa gsang ba'i phyag rgya'o/ /de'i ye shes yin pas na dkyil 'khor thams cad sgrub pa gsang ba'i phyag rgya'i ye shes so/ /de bslab par bya'o zhes bya ba ni bstan par bya'o zhes pa'o/ /mtshan ma bstan par rang 'gyur nas/ /zhes bya ba la/ mtshan ma ni byang chub sems dpa'i dge ba'i rtsa ba sbyin pa la sogs pa'o/ /bstan pa ni des bdag nyid la shin tu bstan pa ste/ bsod nams dang ye shes kyi tshogs yongs su rdzogs par lhag par mos shing / rdzogs par gyur par bdag nyid rnam par bsgoms nas rdul phra rab tu rnam par phye ste/ rdul phra rab kyang cha drug gi tshul gyis gzhig par bya'o//dkar por gyur pa'i ras la gnas/ /zhes bya ba la/chos kyi dbyings kyi rnam par grol ba'i res stong pa nyid la gnas par gyur pa'o/ /de nas stong pa nyid la gnas pas ni sems can rnams kyi don mi 'grub pa'i phyir/mtshan ma'i mchod rten byin brlabs te//zhes bya ba ste/ sbyin pa bzhi la sogs pa'i bsod nams gang yin pa de nyid sems so sor rtogs pa la sogs pa'i rim gyis zla ba'i dkyil 'khor du bsam pa nas/ ji srid sangs rgyas kyi skur gyur pa de srid kyi bar du bsam par bya'o/ /de bas na sangs rgyas kyi sku ni bsod nams dang ye shes kyi tshogs nye bar bsags pa las yang dag byung ba'i phyir bsags par gyur pas na mchod rten zhes bya'o//de nyid kyis na/ bdag nyid rdo rje dbyings su bsgom/ /zhes bya ste/ rnal 'byor pas tshul 'dis bdag nyid bsgom par bya'o/ /'di ni dkyil 'khor thams cad du dkyil 'khor thams cad sgrub pa'i gsang ba'i phyag rgya yin no//da ni rdo rje bcing ba zhes bya ba la sogs pas dam tshig gi phyag rgya ston te/ sems dpa' rdo rje ma la sogs pa las mdzub mo gnyis dang mthe'u chung gnyis gshibs na rdo rje rtse gsum pa'i dam tshig yin no/ /dam tshig mchog gi bya ba ni sangs rgyas rnams kyi'o/ /da ni rdo rje phra mo zhes bya ba la sogs pas ting nge 'dzin la dbang thob par bya ba'i man ngag ston par byed de/rdo rje phra mo'i tshul du ni/ /zhes bya ba ni sbyor ba gang gis sna'i rtse mor rdo rje phra mo bsgom pa'i sbyor ba de nyid kyis rab tu mnyam par bzhag nas/ dkyil 'khor pad+ma'i 'dab ma sor mo gnyis tsam gyi tshod du sna'i rtse mor dmigs shing bsgom pa ste/de nyid la ni rdo rje phra mo zhes bshad pas na/ rdo rje phra mo'i dkyil 'khor te/ /zhes gsungs so/ /mtshan ma thob nas ni spro ba dang slar yang bsdu bar bya ste/ de ltar bsgoms pas ting nge 'dzin la dbang du gyur pa bsgrub par bya'o/ /rdo rje phyag rgya gnyis bcings la//zhes bya ba la sogs pas dkyil 'khor 'dir rdo rje gang gis bzung nas sgrub pa de'i phyag rgya ston te/ rdo rje khu tshur gnyis byas na/ /rdo rje phyag rgya gnyis su 'gyur/ /zhes bya ba de lta bu'i rdo rje'i phyag rgya gnyis bcings pa'o/ /de gnyis rdo rje dam du gzung / /zhes bya ba ni bsgrub par bya ba'i rdo rje gang yin pa de'o//ji ltar gzung bar bya zhe na/ de'i phyir/ mdzub mo mthe'u chung bsnol ba ni/ /zhes gsungs te/ mdzub mo gnyis dang mthe'u chung gnyis kyis rdo rje de gzung ba ste/ khu tshur g.yas pa'i mthe'u chung g.yon pa'i srin lag dang mthe'u chung gi bar du bcug la/ bkan te lcags kyu'i tshul du g.yas pa'i mdzub mo g.yon pa'i mdzub mo dang gung mo'i bar du bcug la bkan te lcags kyu'i tshul du bya/g.yon pa'i mdzub mo dang mthe'u chung yang de nyid kyi rgyab tu bkan la lcags kyu lta bur byas te bzhag la de nyid kyi bar du rdo rje bcug la dam du rdo rje gzung bar bya'o/ /rdo rje'i dgos pa ni dngos grub ste/ dkyil 'khor 'dir de nyid mchog ste dam pa yin pas na/rdo rje'i dgos mchog dkyil 'khor ro/ /sgrub pa'i dus su sangs rgyas kyi sku gzugs dbus su bzhag la phyag rgya bzhi bris te dgug pa la sogs pa'i cho ga rgyas par bya la/ mchod pa dang bshos la sogs pa ci nus su phul te/ gtor ma yang byin la gal te bdag nyid kyis bris pa zhig na sems dpa' rdo rje ma'i phyag rgya bcings te/des phreng ba blangs la phreng ba de sangs rgyas bcom ldan 'das la phul te/ de nas phreng ba de slar blangs la de bzhin gshegs pas mgo la bcing bar bsam zhing / bdag nyid kyi mgo la bcing bar bya ste/ dbang bskur ba lhag ma rnams kyang de nyid kyis stsal par bsam pa dang /sgrub pa'i phyag rgya de yang bsrung ba mdzad nas de bzhin gshegs pa nyid kyis bka' stsal bar bsam mo/ /de ltar bsams nas bcom ldan 'das rnam par snang mdzad kyi rnal 'byor du byas la/ de bzhin gshegs pa'i sku gzugs te/ de las gzhan du bzhugs su gsol te/gnas der stan shin tu 'jam po bting la/ der skyil mo krung gis 'dug ste/ bsgrub par bya ba'i phyag rgya ji skad gsungs pa'i tshul gyis gzung la/ mtshan thog thag bzlas brjod bya'o/ /gal te bdag nyid kyis bri bar mi nus na/ des slob dpon la gsol ba btab la/ de nyid la dbang bskur ba la sogs pa mnos te/zhugs nas 'dug la ji skad gsungs pa'i tshul bzhin du bsgrub par bya'o/ /da ni de nas zhes bya ba la sogs pas dkyil 'khor nye bar bsdu bar bzhed pa ston te/ de nas zhes bya ba ni dkyil 'khor bsdu ba'i tshe dkyil 'khor du sngar ma zhugs pa zhig yin na de la sems dpa' rdo rje ma la sogs pa'i phyag rgya bzhi bslab par bya ste/sems dpa' rdo rje ma la sogs pa de dag nyid la phyag rgya chen po'i sgrar gsungs so/ /sangs rgyas kyi phyag rgya'i dkyil 'khor yin pas na rdo rje sems dpa' la sogs pa la sngags kyi bdag por gyur pa med do/ /rdo rje dbyings kyi dkyil 'khor chen po'i cho ga rgyas pa ji lta ba bzhin du zhes bya ba ni rdo rje bstod pa'i glu len pa dang /phyi'i dkyil 'khor du mchod pa bya ba la sogs pa nas lha rnams gshegs su gsol ba'i bar du ston pa yin no/ /rdo rje'i dngos grub sgrub pa'i phyag rgya bzhi pa'i dkyil 'khor ji lta ba bzhin du zhes bya ba ni bcom ldan 'das rnam par snang mdzad kyi phyag rgya bzhi pa'i dkyil 'khor ji lta ba de bzhin du/mi bskyod pa la sogs pa'i phyag rgya bzhi pa'i dkyil 'khor yang bri bar bya'o zhes bsgre ba yin no/ /sogs pa smos pas ni rin chen 'byung ldan dang tshe dpag tu med pa dang gdon mi za bar grub pa rnams bsdu'o/ /byang chub sems dpa' gang dang gang gis phyag rgya gang dang gang sgrub par 'dod na phyag rgya bzhi dkyil 'khor gang dang gang yin pa de dang der bdag po stsal la rang gi lha'i rnal 'byor ram bdag po'i rnal 'byor du gnas te phyag rgya de dang de dag bsgrub par bya ba 'di ni rgyud thams cad kyi tshul yin no//ci phyag rgya yang 'di dag nyid de rnams su yang bri bar bya'am zhes na ma yin no/ /'o na gang zhig ce na/rang rang phyag rgya rnams su zhes bya ba ste/ mi bskyod pa'i dkyil 'khor du rdo rje dang lcags kyu dang mda' dang gzhu rnams bri bar bya'o/ /de bzhin du phyag rgya bzhi pa'i dkyil 'khor gzhan rnams su yang rang rang gi phyag rgya rnams bri bar shes par bya'o/ /dngos grub thams cad kyang 'grub po zhes bya ba ni ji ltar mngon par 'dod pa'i dngos grub rnams stsol bar 'gyur ro zhes bya ba'i don to//de ltar zhes bya ba ni sa la ji lta ba de bzhin du ras dang rtsig pa dang / nam mkha' dang gnas thams cad du bris su zin kyang / ji lta ba bzhin du dge ba'i rtsa ba yongs su smin pa rnams kyi dngos grub kyi dus la nges pa med pa ni dkyil 'khor brtag pa nas zhes bya ba la sogs pas ston te/dkyil 'khor brtag pa ni dkyil 'khor bri ba'o/ /brtsams te zhes bya ba ni de phan chad do/ /la la ni dkyil 'khor du zhugs pa de nyid kyi zhes bya ba ni/ de kho na nyid kyi mtshan mo zhes bya ba'i don to/ /ji ltar 'dod pa bzhin du zhes bya ba ni ji ltar mngon par dga' bar ro//zhag gcig gis zhes bya ba ni nyin mtshan gcig gis so/ /mtshams med pa lnga byas pa yang zhes pa 'dis ni 'di skad ston te/ sgrib pa shin tu lci bas bsgribs shing rgyud gzhan las spangs pa de dag kyang 'dir bsgrub par bstan pa yin no/ /ji ltar 'dod pa zhes bya ba ni dus ji srid du nus pa de srid du bsgom par byas kyang ngo //bde blag tu zhes bya ba ni smyung ba la sogs pa yang ma byas par ro/ /don thams cad byed cing zhes bya ba ni gang gi khyim gyi bya ba gang yin pa de yang byed pa'o/ /thams cad dga' ba zhes bya ba ni rgyal po'i pho brang la rjes su dga' bar byed pa'o/ /zo zhes bya ba ni tshwa skyur la sogs pa gzhan dag nas bkag pa de yang 'dir ni de bzhin no zhes ston to//zas zhes bya ba ni mung+ga'i snum khur dang / skya khur la sogs pa'o/ /spyod pa zhes bya ba ni spyod lam rnam pa bzhi la sogs pa ste/ ji skad du bshad pa'i dngos po rnams kyis bde ba nyams su myong yang / lo gcig gis mchog 'grub po zhes bcom ldan 'das kyis gsungs pa ste/dkyil 'khor gshegs su gsol ba'i nyin mo nas brtsams te lo gcig lon gyi bar gyis zhes bya bar shes par bya'o/ /de kho na nyid bsdus pa'i rgya cher bshad pa ko sa la'i rgyan las phyag rgya bzhi pa'i dkyil 'khor gyi 'grel pa'o// //rdo rje dngos grub kyi dam tshig gi phyag rgya sgrub pa'i dkyil 'khor bstan zin nas/da ni de nas yang bcom ldan 'das zhes bya ba la sogs pas phyag rgya gcig pa sgrub pa dang / dam tshig sgrub pa'i dkyil 'khor ston te/ de nas zhes bya ba ni de'i rjes thogs la ste/ phyag rgya bzhi pa'i dkyil 'khor gyi rjes la'o/ /yang zhes bya ba ni rdo rje dngos grub kyi phyag rgya'i dkyil 'khor la ltos pa'o//skal pa phun sum tshogs pa dang ldan pas na bcom ldan 'das so/ /khyad par du snang bar mdzad pas na rnam par snang mdzad do/ /de bzhin gshegs pa thams cad du gtogs pa'i dngos grub dam pa yin pas na de bzhin gshegs pa thams cad kyi dngos grub dam pa'o//de'i dam tshig ni snying po dang phyag rgya la sogs pa'o/ /de byin gyis brlab pa'i phyir rdo rje ltar mi phyed pa'i ting nge 'dzin gang la don dang ldan pa'i ming 'di skad ces bya ba'i ting nge 'dzin de la snyoms par zhugs pa'o/ /ming ji skad ces bya ba zhe na/ de bzhin gshegs pa thams cad kyi theg pa chen po mngon par rtogs pa zhes bya ba ste/gang gis de bzhin gshegs pa thams cad kyi theg pa chen po'i chos mngon par rtogs par byed pa de ni de bzhin gshegs pa thams cad kyi theg pa chen po mngon par rtogs pa zhes bya ba/ de bzhin gshegs pa thams cad kyi snying po ste/ thugs la gnas pa 'di rang gi thugs ka nas phyung ba'o//de nas zhes bya ba ni rjes thogs la ste/ snying po gsungs pa'i rjes la'o/ /byang chub chen po la sems dpas na byang chub sems dpa' chen po'o/ /phyag na rdo rje mnga' bas na phyag na rdo rje'o/ /'jig rten gyi khams ma lus pa rnams su sems can gyi khams lus pa med pa rnams yongs su bskyab pa ni ngan song la sogs pa las so//phan pa ni ma 'ongs pa na bde bar 'gyur ba'i las gang yin pa'o/ /bde ba ni rnam par shes pa lnga'i tshogs dang rjes su mthun pa'i tshor ba gang yin pa'o/ /yid bde ba thams cad ni yid dang rjes su mthun pa'i tshor ba gang yin pa ste/ ji skad bshad pa de dag sems can de rnams kyis myong bar bya ba'i phyir ro//gzhan yang de 'ba' zhig tu ma zad kyi/ ji skad du gsungs pa'i 'bras bu dag 'grub par bya ba'i phyir/ byang chub kyi sems nas brtsams te de bzhin gshegs pa thams cad kyi dngos grub dam pa ste/ 'tshang rgya ba thob par bya ba'i bar du'o/ / theg pa chen po mngon par rtogs par bya ba'i phyir dkyil 'khor te/ mngon par rtogs pa ni chos rnams rab tu rtogs pa'o/ /'di zhes bya ba ni thugs la gnas pa'o/ /bshad do zhes bya ba ni bka' stsal pa/ ji ltar bshad ce na/ de nas rab tu bshad bya ba/ /zhes bya ba la sogs pa gsungs te/de nas zhes bya ba ni gnas skabs so/ /dam tshig bstan pa med par ni dam tshig bsrung ba mi 'byung bas na de'i phyir yang dag par rab tu phye ste bshad pas na rab tu bshad bya ba'o/ /sems dpa' chen po'i dkyil 'khor yin pas na sems dpa' chen po'i dkyil 'khor ro/ /ji lta bu zhe na/ dam pa ste zhes bya ba'o//ji 'dra ba zhe na/ rdo rje dbyings dang 'dra bas na/ /zhes bya ba ste/ rdo rje dbyings dang mtshungs pa'o/ /ming ji skad bya ba zhe na/ rdo rje sems dpa' zhes kyang bshad/ /ces bya ba'o/ /dkyil 'khor chen po'i tshul du ni/ /zhes bya ba ni rdo rje dbyings kyi dkyil 'khor chen po'i tshul du phyi'i dkyil 'khor bris la/rdo rje thig gis btab pa'i dbus su zla ba'i dkyil 'khor byas nas rdo rje sems dpa' dgod par bya'o/ /de nas zhes bya ba ni bris pa'i rjes thogs la'o/ /dgug pa dang gzhug pa la sogs pa zhes smos pas mna' bsgag pa dang / dbab pa dang / me tog dor ba dang / me tog gi phreng ba bcing ba dang /gdong g.yogs dgrol ba dang / dkyil 'khor bstan pa dang / dbang bskur ba rnam pa mang po sbyin pa la sogs pa bsdu'o/ /de nas de bzhin gshegs pa thams cad du gtogs pa'i dngos grub de'i ye shes rnams bskyed par bya'o/ /de la thog ma kho nar mna'i snying po sbyin par bya ste/ dkyil 'khor chen po ma mthong ba zhes bya ba ni rdo rje dbyings kyi dkyil 'khor chen po ma mthong ba'o/ /gsang ba 'di zhes bya ba ni gang 'di nas smos pa rnams thams cad du bshad du mi rung bas na/ khong du ma chud cing mi mkhas pa rnams la gsang bar bya dgos so/ /gal te smras na nyes pa ci zhig tu 'gyur zhe na/de'i phyir khyod ngan song thams cad du ltung ba'am zhes bya ba gsungs te/ log par 'gro bas na ngan song ste/ bde 'gror skyes pa las dmyal ba la sogs pa'i gnas su skyes pa ni ngan song du ltung ba ste/ ngan song de dag tu ltung bar 'gyur ta re zhes bya ba'o/ /mi bde ba ma spangs pas zhes bya ba ni nyam thag pa rkyen dang khad nye bar gyur pa ste/de ma spangs pa ni spyod par byed pas na mi bde ba ma spangs pa'o/ /mi bde ba ma spangs pa des dus ma yin par 'chi bar 'gyur ba ste/ tshe ji srid gnas par 'phags pa de srid du gnas/ 'chi ba ni dus su 'chi ba yin na/ dus ma yin par 'chi bas na dus ma yin par shi ba ste/bar ma dor 'chi bar 'gyur ro zhes bya ba'i bar du gsungs pa yin no/ /de nas zhes bya ba ni mna' bsgag pa'i rjes thogs la'o/ /rdo rje sems dpa'i dngos grub dam pa ste/ 'dis bsgrub par bya ba yin pas na sgrub pa ste/ de'i ye shes bslab po zhes bya ba ni bstan par bya'o zhes pa'o/ /rdo rje phra mo bsgom pa byas la zla ba'i dkyil 'khor bsgom pa'ang ji skad gsungs pa bzhin du bya ste/zla rgyas dkyil 'khor lo 'dug ste/ /zhes bya ba ni zla ba yang yin la rgyas pa yang yin pas na zla rgyas so/ /zla ba rgyas pa de'i dkyil 'khor yin pas na zla rgyas dkyil 'khor ro/ /de la 'dug pas na zla rgyas dkyil 'khor la 'dug ste'o//phyag rgya chen po gzung bas na/ /zhes bya ba ni rdo rje rtse lnga pa'i phyag rgya yongs su gzung ba'o/ /bdag nyid rdo rje sems dpar ni/ bsgoms na zhes bya ba ni rdo rje sems dpa'i phyag rgya chen po goms par byas na myur ba nyid du 'grub par 'gyur ro zhes bya ba'i don to/ /da ni de nas zhes bya ba la sogs pas ji skad gsungs pa'i dkyil 'khor thams cad kyi gsang ba'i dam tshig gang yin pa de ston to//'dod chags bral ba zhes bya ba ni 'dod chags bral ba'i sgo nas nyan thos dang rang sangs rgyas kyi byang chub kyi skal ba can du ston to/ /lta bu zhes bya ba ni byang chub tu sems bskyed nas/ de dang 'dra bar byed pa'i sdig pa gzhan ni khams gsum thams cad na med de/gang gi phyir sdig pa thams cad kyi nang na mi bzad pa ni mtshams med pa yin te/ de byas su zin kyang ngan song du skyes nas sdig pa thams cad zad par byas te/ slar byang chub kyi skal pa can du 'gyur gyi/ 'dod chags dang bral bar byas nas nyan thos dang rang sangs rgyas su gyur pa ni bla na med pa yang dag par rdzogs pa'i byang chub thob pa'i skal ba can du mi 'gyur ro//de bas na/ 'dod chags bral ba'i sdig lta bu/ /khams gsum na yang gzhan med de/ /zhes bya ba gsungs pa yin no/ /de lta bas na/ de bas 'dod pa'i chags bral bar/ /khyod kyis kyang ni ma byed cig /ces bya ba gsungs pa yin te/ 'dod pa ni bcom ldan 'das byang chub kyi sems la bya ste/ de la 'dod chags dang bral bar zhes bya ba ni rgyab kyis phyogs par mi bya ba'o/ /de bas na byang chub tu sems ma bskyed pa'i ni nyan thos dang rang sangs rgyas kyi theg pa ni 'dod chags dang bral ba'i 'khor lo yin te/'dod chags dang bral ba'i phyir 'khor lo yin pas so/ /de la lhag par mos pa yang 'dod chags dang bral ba la mos pa yin pas 'dod chags dang bral ba'i 'khor lo zhes bya'o/ /de gzhom par bya ba ni slob dpon gyis phaT ces bya ba'i snying po brjod pa yin te/de na 'dod chags dang bral ba'i 'khor lo bcom pa byas pa yin no/ /de nas/ mna' yi snying po brjod par bya/ /zhes bya ba ni khyod kyis 'di su la yang ma bstan cig ces bya ba la sogs pa'o/ /de ltar zhes bya ba ni ji ltar phyag rgya gcig pa'i dkyil 'khor 'dir bya ba ji lta ba de bzhin du rdo rje dbyings la sogs pa de bzhin gshegs pa'i rigs kyi dkyil 'khor thams cad du yang lha gshegs su gsol ba'i tshe/byang chub kyi sems yongs su spangs pa'i mtshan nyid 'dod chags dang bral ba lta bu'i sdig pa gzhan med do zhes bya ba la sogs pa'i sdom pa dang dam tshig sbyin par bya'o zhes bsgre ba yin no//de nas zhes bya ba ni dam tshig dang sdom pa byin nas/ rdo rje sems dpa'i phyag rgya chen po dang / dam tshig gi phyag rgya dang / chos kyi phyag rgya dang / las kyi phyag rgya rnams bslab par bya'o zhes pa'o/ /dngos grub kyang de bzhin no zhes bya ba ni phyag rgya bzhi po 'di dag gi dngos grub rdo rje dbyings kyi dkyil 'khor du ji skad gsungs pa 'dir yang de bzhin du shes par bya'o zhes ston to//dkyil 'khor 'dir dngos grub ji ltar bstan pa de bzhin du ras dang rtsig pa la sogs pa la dkyil 'khor bris pa'i dngos grub rnams la yang brjod par bya'o/ /sku gzugs thams cad ces bya ba ni gser dang dngul las byas pa nas rdo dang shing la sogs pa'i bar gyi'o//ji ltar 'dod pa'i zhes bya ba ni rnal 'byor pa 'di'i sems gang dang gang gis rtse gcig tu 'gyur ba de dang / de nyid ni de'i cho ga yin te/ ji ltar 'dod pa'i cho ga des yid la 'dod pa'i dngos grub thams cad sbyin par 'gyur ba ni ji skad gsungs pa'i dngos grub ni dngos grub thams cad de/don gyi dngos grub dang / rig pa 'dzin pa'i dngos grub dang / rdzu 'phrul gyi dngos grub dang / dngos grub dam pa la sogs pa rnams so/ /dngos grub rnams ji ltar sbyin par bya zhe na/ rdo rje dbyings kyi dkyil 'khor chen po'i cho ga rgyas pa ji lta ba bzhin zhes bya ba ste/ ji ltar zhugs pa rnams mgu bar byas nas zhes bya ba la sogs pa bya ba lhag ma rnams dpe'i tshul gyis bsgre ba yin no//sngar de bzhin gshegs pa thams cad kyis 'du ba dang / byin gyis brlab pa ma mdzad nas/ bcom ldan 'das phyag na rdo rje la rtog pa bshad pa'i phyir gsol ba btab pa yin no/ /da ni gsungs pa'i rtog pa sangs rgyas kyi gsung yin par bshad pa'i phyir/de nas yang de bzhin gshegs pa thams cad ces bya ba la sogs pa ston te/ yang de bzhin gshegs pa thams cad 'du ba dang / byin gyis brlab pa mdzad pa ni legs so/ /bya ba'i phrin las mdzad pa'i phyir te/ bcom ldan 'das zhes bya ba ni skal pa phun sum tshogs pa dang ldan pas na bcom ldan 'das te/rdo rje sems dpa'o/ /de bzhin gshegs pa thams cad kyi bdag por gyur pas na de bzhin gshegs pa thams cad kyi gtso bo ste/ sangs rgyas dang byang chub sems dpa' thams cad kyi gtso bor gyur pa de la'o/ /byang chub chen po la sems dpas na byang chub kyi sems chen po ste/byang chub kyi sems chen po de la'o/ /rdo rje'i rang bzhin gyi sems dpa' yin pas na rdo rje sems dpa' ste/ rdo rje sems dpa' de la'o/ /phyag na rdo rje chen po ni bcom ldan 'das kun du bzang po ste/ phyag na rdo rje yang yin la chen po yang yin pas na phyag na rdo rje chen po ste/ phyag na rdo rje chen po de la'o//rdo rje dgyes pa ni rdo rje mgu ba'i phyag rgya legs so zhes bya ba ni byin pa'o/ /da ni snying po ston te/ legs so rdo rje sems dpa' khyod/ /ces bya ba ni dkyil 'khor gang rdo rje sems dpa'i gzugs kyis bshad pa de ni khyod legs so pa'o/ /rdo rje rin chen khyod legs so/ /zhes bya ba ni rdo rje rin chen gyi gzugs kyis dkyil 'khor gang bshad pa de yang legs so pa'o//rdo rje chos khyod legs pa ste/ /zhes bya ba ni rdo rje chos kyi gzugs kyis dkyil 'khor gang bshad pa de yang legs so pa'o/ /rdo rje las ni khyod legs so/ /zhes bya ba ni rdo rje las kyi gzugs kyis dkyil 'khor gang bshad pa de yang legs so pa'o//de ltar legs so zhes bya ba phyin nas legs par smras pa yin no zhes gsungs pa las na/ sangs rgyas kyis rjes su gnang ba yin no zhes bsgrags pa yin no/ /de yang gang gi phyir sangs rgyas kyi gsung ni rnam pa gnyis te/ sangs rgyas rnams kyis gsungs pa dang / sangs rgyas kyi rjes su smra ba'o/ /sangs rgyas kyi rjes su smra ba ni bcom ldan 'das kyis gnang nas/'phags pa rnams kyis bshad pa dang / de la legs so zhes bya ba byin pas sangs rgyas kyis rjes su gnang bar bshad pa yin no/ /rdo rje rnams kyi theg pa yin pas na rdo rje theg ba'o/ /de yang 'dis 'gro bas na theg pa ste/ sngags kyi spyod pa'i tshul du zhes bya ba'i don to//rdo rje'i theg pa gzhan dag kyang yod pas na 'di ni rnal 'byor gyi rgyud yin pa'i phyir bla na med pa'o/ /de bzhin gshegs pa kun gyi gsang / /zhes bya ba ni de bzhin gshegs pa thams cad kyi yin pas na de bzhin gshegs pa kun gyi'o/ /de gang yin zhe na/ de'i phyir gsang zhes bya ba gsungs te/thams cad du/ bsgrags par bya ba ma yin pa/ /zhes bya ba'i don to/ /theg pa chen po mngon bsdus pa'i/ /zhes bya ba ni 'dis 'gro bas na theg pa chen po'i byang chub sems dpa'i sa bcu mos pas spyod pa'i sa dang bcas pa dang bcu gcig go/ /yang na bgrod par bya ba yin pas na theg pa ste/ sangs rgyas kyis kun du bzang po'o/ /chen po rnams kyi theg pa yin pas na theg pa chen po ste/ de ston par byed pa'i gzhung la yang theg pa chen po zhes bya'o/ /'di ni theg pa chen po de'i mngon sum du gyur pas bsdus pa yin pas na theg pa chen po mngon par bsdus pa ste/ bsdus pa ni mdor bsdus pa'o/ /de gang zhig ce na/mdo sde 'di ni zhes bya ba gsungs te/ mdo tsam du ston pas na mdo sde'o/ /legs par bshad ces bya ba ni yang dag par bshad pas na legs par bshad pa ste/ phyin ci ma log par gsungs pa zhes bya ba'i don to/ /da ni byang chub kyi sems kyi che ba'i bdag nyid ston te/gang gi phyir rtog pa rgyas pa rnam pa mang po gsungs pa gang yin pa 'di dag thams cad ni byang chub kyi sems de'i che ba'i bdag nyid yin pas na de'i phyir de'i che ba'i bdag nyid du bstan pa yin no//de la re zhig byang chub kyi sems kyi bsgom pa lta zhog gi/ ming tsam zhig bzung ba yang dngos grub tu byed pa'i mchog yin te/ rdo rje sems dpa' zhes bya ba'i mtshan gang yin pa de dag pa ste/bsam pa rnam par dag pas de sgrub par byed na/ sangs rgyas nyid kyang bde bar 'thob/ /ces bya ba ste/ dka' bar spyod pa med par 'thob po zhes bya ba'i don to/ /de skad du/ stong bar byed pa dag gis kyang / /gang phyir khyod kyi bstan pa ni/ /bde bas bde ba thob bgyid pas/ / de bas smra ba'i seng ge ni/ /khyod kyis bstan la mkhas pa dga'/ /zhes bshad pa lta bu'o/ /rdo rje chos kyi sbyor bas ni/ /zhes bya ba la/ rdo rje'i chos ni bcom ldan 'das 'jig rten dbang phyug ste/ de'i sbyor ba ni pad+mo'i 'dab ma rnam par 'byed pa'i tshul gyis 'dod chags rang bzhin gyis rnam par dag pa la gzigs pa nyid do//'dod pa kun gyi bde bas bde/ /zhes bya ba la/'dod pa ni gzugs dang sgra dang dri dang ro dang reg bya rnams so/ /de rnams kyi bde ba gang yin pa de ni 'dod pa kun gyi bde ba'o/ /kha na ma tho ba med pa'i bde ba mi dge ba bcu'i las kyi lam las byung ba ma yin pa bde ba des bde ba bsgrubs pa ni ting nge 'dzin gyi bde ba yin te/gang gi phyir bde ba las sems rtse gcig par 'gyur ro/ /'di skad ces kyang gsungs te/ dka' thub dka' spyad mi zad pas/ /lus can lus ni skam 'gyur zhing / /sdug bsngal gyis ni sems g.yengs la/ /g.yengs pas dngos grub gzhan du 'gyur/ /zhes bya ba'o/ /de bas na/ ting nge 'dzin gyi bde ba des/ /tshe 'di nyid kyis 'grub pas na/ /bde ba mi zad med mi 'gyur/ /zhes bya ba ste/ mi zad pa dang mi 'gyur ba'i bde ba ni sangs rgyas kyi bde ba'o/ /'di skad ston te/ byang chub tu sems bskyed cing byang chub sems dpa'i sdom pa mnos nas bslab pa lnga dang ldan la/ mi dge ba bcu'i las kyi lam las byung ba ma yin zhing dge ba bcu'i las kyi lam gyi yan lag tu gyur pa'i 'dod pa thams cad la yang spyod la rgyal srid kyi dbang phyug gi bde ba thams cad kyang myong bar byed cing /bde ba nyid du khyim na gnas kyang ting nge 'dzin brgya stong dpag tu med pa thob la/ sbyin pa la sogs pa'i pha rol tu phyin pa rnams yongs su rdzogs par byed pa dang /ye shes kyi tshogs kyang yongs su rdzogs par byed pa ste/ dper na bcom ldan 'das shAkya thub pa 'di nyid/ rgyal po shin tu lta na sdug par gyur pa na de'i tshe 'khor los sgyur ba chen por gyur cing / khang bzangs rin po che'i ka ba brgyad khri ba na bzhugs la/ btsun mo gnyis ldan ma la sogs pa btsun mo brgyad khri mnga' ru zin kyang /de lta bu'i khab na bzhugs pa bzhin du ye shes kyi tshogs 'di lta bu yongs su rdzogs par mdzad pa lta bu'o/ /de skad du bstod pa byed pa la la dag gis/ /yul gyi dga' ba bsten pas 'jig rten sdug bsngal rnams kyi g.yen spyo yis//bdag tu chags pa med pa'i bzod ldan thugs rjes byang chub thugs chud cing / /gling bzhi'i dbang phyug dag gi yul rnams kyis kyang thugs 'phrog ma gyur par/ /gzhan la phan 'dogs mchog gis dus 'da' mdzad pa khyod ni gcig pu lags/ /zhes bshad pa lta bu'o/ /de bzhin gshegs pa thams cad ni sangs rgyas dang byang chub sems dpa' thams cad de/de rnams kyi de kho na nyid yin pas na de bzhin gshegs pa thams cad kyi de kho na nyid do/ /de ni 'bum yod ces grags la/ 'di ni de'i bsdus pa yin te/ bsdus pa de las rtog pa gcig yin no/ /ming ji skad ces bya zhe na/ de bzhin gshegs pa thams cad kyi theg pa chen po mngon par rtogs pa zhes bya ba'o/ /rtog pa'i rgyal po yang yin la chen po yang yin pas na rtog pa'i rgyal po chen po ste/ gzhan rnams las shin tu khyad par du 'phags pa'i phyir ro/ /de yang mngon par byang chub pa'i rim pa 'di nyid du ston gyis/ gzhan dag tu ni ma yin pa'i phyir te/de bas na rtog pa'i rgyal po chen po zhes bya'o/ /de kho na nyid bsdus pa'i rgya cher bshad pa ko sa la'i rgyan las theg pa chen po mngon par rtogs pa'i rgyal po'i 'grel pa rdzogs so// //'gro ba rnams zhi bar bya ba'i phyir/ theg pa chen po mngon par rtogs pa bstan zin nas/'jig rten gsum las rnam par rgyal ba ston par bzhed de/ de bzhin gshegs pa rnams kyis kyang bcom ldan 'das nyid kyis rdo rje sems dpa' la rtog pa ji ltar ston pa'i don dang / dkyil 'khor bla na med pa'i don ston par 'gyur ba'i mtshan brgya rtsa brgyad kyis bstod par mdzad pa yin no/de nas zhes bya ba'i sgra ni rjes thogs la'o/ /bcom ldan 'das de bzhin gshegs pa thams cad ces bya ba ni sangs rgyas thams cad do/ /yang gcig tu 'dus par gyur te zhes bya ba la/ yang zhes bya ba ni theg pa chen po mngon par rtogs pa'i rtog pa la ltos pa'o/ /gcig tu 'dus pa ni tshogs pa'o//gyur te zhes bya ba ni mdzad pa'o/ /skal pa phun sum tshogs pa dang ldan pas na bcom ldan 'das so/ /de lta bas na bcom ldan 'das de la'o/ /de bzhin gshegs pa thams cad kyang yin la 'khor lo chen po bskor ba yang yin pas de bzhin gshegs pa thams cad kyi 'khor lo chen po bskor ba ste/phyag rgya dang bcas pa'i rgyud thams cad kyi 'khor lo bskor bas na 'khor lo chen po bskor ba ste/ 'khor los sgyur ba de la'o/ /mtshan brgya rtsa brgyad pa 'dis zhes bya ba ni 'og nas bshad pa'o/ /gsol ba btab pa ni skul ma 'debs pa'o/ /de la dang po kho nar rdo rje dbyings kyi dkyil 'khor chen po'i sgo nas bstod pa yin la/de las kyang dang por rdo rje sems dpa' zhes bya ba la sogs pas sngags kyi don la bstod pa yin no/ /rdo rje sems dpa' zhes bya ba ni rdo rje sems dpa'i sgo nas so/ /rdo rje che zhes bya ba ni rdo rje rgyal po'i sgo nas so/ /rdo rje mgon po zhes pa ni rdo rje chags pa'i sgo nas so/ / rab sgrub mdzad ces bya ba ni rdo rje legs pa'i sgo nas te/ 'dir yang don gyis bstan par rig par bya'o/ /rdo rje dbang bskur zhes bya ba ni rdo rje rin chen gyi sgo nas so/ /rdo rje 'od ces bya ba ni rdo rje nyi ma'i sgo nas so/ /rdo rje dbal zhes bya ba ni rdo rje rgyal mtshan gyi sgo nas so/ /rdo rje bzhad pa zhes bya ba ni rdo rje bzhad pa'i sgo nas so//chos chen po zhes bya ba ni rdo rje chos kyi sgo nas so/ /rdo rje ral gri mchog chen po/ /zhes bya ba ni rdo rje rnon po'i sgo nas so/ /dkyil 'khor kun gyi rgyal po mchog /ces bya ba ni rdo rje rgyu'i sgo nas te/ dkyil 'khor kun kyang yin la rgyal po'i mchog kyang yin pas dkyil 'khor kun gyi rgyal po mchog ste/dkyil 'khor thams cad du sdud par mdzad pa'i phyir ro/ /spros med ces bya ba ni rdo rje smra ba'i sgo nas so/ /rdo rje las zhes bya ba ni rang gi mtshan nyid smos par zad do/ /bsrung ba che zhes bya ba ni rdo rje srung ba'i sgo nas so/ /gnod sbyin gtum pa gdon chen po/ /zhes bya ba ni rdo rje gnod sbyin gyi sgo nas so//rdo rje khu tshur phyag rgya che/ /zhes bya ba la/ ji ltar phyag rgya che ba yin zhe na/ phyag rgya thams cad rab tu sdud pa yin pa'i phyir ro/ /de lta bas na/ phyag rgya kun la phyag 'tshal lo/ /zhes gsungs pa ni rdo rje khu tshur gyi sgo nas bstod pa yin no/ /da ni byang chub sems zhes bya ba la sogs pas sems can gyi don mdzad pa'i sgo nas bstod pa yin te/byang chub sems dang byang chub che/ /zhes bya ba ni rdo rje sems dpa'i sgo nas te/ de nyid yongs su dag pa ni 'tshang rgya ba yin pas na byang chub che zhes bya ba gsungs pa yin no/ /sangs rgyas thams cad de bzhin gshegs pa thams cad ces bya ba ni rdo rje rgyal po'i sgo nas te/sangs rgyas rnams bsdu ba la byin gyis rlob par byed pas na sangs rgyas so/ /rdo rje ye shes che/ /zhes bya ba ni rdo rje chags pa'i sgo nas te/ sems can smin pa dang grol ba'i 'dod chags mkhyen pa'i phyir ro/ /theg chen zhes bya ba ni rdo rje legs pa'i sgo nas so//don kun zhes bya ba ni rdo rje rin chen gyi sgo nas so/ /kun gyi de nyid don zhes bya ba ni rdo rje gzi brjid kyi sgo nas te/ thams cad bsal bar byed pa yin pa'i phyir ro/ /sems can don chen zhes bya ba ni rdo rje dpal gyi sgo nas so/ /kun rig pa zhes bya ba ni rdo rje bzhad pa'i sgo nas so/ /kun mkhyen zhes bya ba ni rdo rje chos kyi sgo nas te/'dod chags thams cad kyi de kho na nyid mkhyen pas na kun mkhyen zhes bya ba gsungs so/ /kun mdzad ces bya ba ni rdo rje rnon po'i sgo nas te/ shes rab kyis thams cad kyi don mdzad pa yin pa'i phyir ro/ /thams cad ces bya ba ni rdo rje rgyu'i sgo nas te/ dkyil 'khor gyi 'khor los rgyud thams cad kyi don bsdus pa'i phyir ro//kun gzigs zhes bya ba ni rdo rje smra ba'i sgo nas te/ chos nyid spros pa med pas sems can thams cad kyi don ston par mdzad pa'i phyir ro/ /rdo rje bdag rab rdo rje mchog /ces bya ba ni rdo rje las kyi sgo nas so/ /rdo rje brtson rab rdo rje 'chang //zhes bya ba ni rdo rje bsrung ba'i sgo nas te/ brtson 'grus kyi ngo bo nyid yin pas na rdo rje brtson rab bo/ /rdo rje'i rang bzhin can gyi go cha 'chang bas na rdo rje 'chang ba'o/ /dam tshig chen po'i de nyid don/ /zhes bya ba ni rdo rje gnod sbyin gyi sgo nas te/ thabs kyi de kho na nyid yongs su spyod pas so/ /bden chen zhes bya ba ni rdo rje khu tshur gyi sgo nas te/sku gsung thugs kyi rdo rje ni/ bsdus pa khu tshur zhes bshad do/ /zhes bya ba'i rnam pa 'di'i tshul gyis na bden pa nyid du phyag rgya thams cad sdud pa la 'jug pas na bden chen no/ /da ni dam tshig gi phyag rgya'i sgo nas bstod pa yin te/ rdo rje lcags kyu'i 'dod pa che//zhes bya bas ni rdo rje sems dpa' dang rdo rje rgyal po dang rdo rje chags pa'i dam tshig gi phyag rgya ston to/ /rab tu dga' zhes bya bas ni rdo rje legs pa'i phyag rgya ston to/ /'od chen po zhes bya ba 'dis ni rdo rje rin chen gyi phyag rgya ston te/ rdo rje'i 'od ces bya bas ni rdo rje gzi brjid kyi phyag rgya ston te/ 'od snang ba zhes bya bas ni rdo rje dbal gyi phyag rgya ston to//sangs rgyas 'od ces bya bas ni rdo rje gzhan pa'i phyag rgya ston te/ sangs rgyas kyi bzhad pa'i 'od yin pa'i phyir ro/ /rdo rje rgyal mchog ces bya bas ni rdo rje chos kyi phyag rgya ston te/ chos kyi dkyil 'khor du rdo rje rgyal po nyid du gyur cing mchog yin pa'i phyir ro//shes rab dang ye shes kyis rdo rje rnams kyi mchog tu gyur pas na rdo rje mchog ste rdo rje rnon po'i phyag rgya ston pa'o/ /rig mchog ces bya bas ni rdo rje 'khor lo'i phyag rgya ston te/ dkyil 'khor thams cad yang dag par bsdus pa la 'jug pas na mchog go/ /mchog ces bya bas ni rdo rje smra ba'i phyag rgya ston te/ spros pa med pas mchog tu gyur pa'i phyir ro/ /mi'i mchog ces bya bas ni rdo rje las kyi phyag rgya ston te/ mchod pa'i las kyis mi rnams mgu bar byed pas na mi'o/ /thams cad las phul du byung bas na mchog go/ /rdo rje dam pa zhes bya bas ni rdo rje go cha'i phyag rgya ston te/ rdo rjes thams cad srung bar byed pa'i don gyis so//mchog chen mchog ces bya bas ni rdo rje gnod sbyin gyi phyag rgya ston te/ mchog chen po ni byang chub sems dpa' rnams yin la/ de rnams kyi nang na 'jig par byed pa'i mchog tu gyur pa'i phyir mchog chen mchog go/ /rig mchog ces bya bas ni rdo rje khu tshur gyi phyag rgya ston te/ thams cad sdud pa'i mthu mnga' bas na rig pa rnams kyi dam pa yin pa'i phyir rig mchog go//de ltar rdo rje dbyings kyi dkyil 'khor gyi sgo nas bstod pa bstan zin nas/ da ni/ rdo rje dbyings dang gsang ba che/ /zhes bya ba la sogs pas de bzhin gshegs pa rnams gsang ba'i dkyil 'khor gyi sgo nas bstod pa mdzad pa yin te/rdo rje dbyings dang gsang ba che/ /zhes bya ba ni phyag rgya chen po'i sgo nas so/ /rdo rje gsang ba zhes bya ba ni gsang ba'i phyag rgya'i sgo nas so/ /rab gsang 'chang zhes bya ba ni las kyi phyag rgya'i sgo nas so/ /de ltar gsang ba'i dkyil 'khor gyi sgo nas bstod nas/ da ni rdo rje phra ba zhes bya ba la sogs pas chos kyi dkyil 'khor gyi sgo nas bstod pa mdzad par bstan pa yin te/rdo rje phra ba zhes bya ba ni rdo rje phra mor bstan pa'o/ /bsam gtan che zhes bya ba ni spro bar byed pa'i sgo nas so/ /rdo rje dgos zhes bya ba ni de nyid bsdu ba'i sgo nas so/ /sangs rgyas mchog ces bya ba 'dis dr-iSh+Ta badzra zhes bya ba 'di'i don ston to//sangs rgyas rdo rje mchog ces bya bas ni phyag rgya chen po ston to/ /sangs rgyas byang chub mkhas pa che/ /zhes bya ba ni dam tshig gi phyag rgya'i sgo nas so/ /sangs rgyas ye shes sangs rgyas che/ /zhes bya ba ni chos kyi phyag rgya'i sgo nas so/ /sangs rgyas sangs rgyas zhes bya ba ni las kyi phyag rgya'i sgo nas te/mngon par byang chub pa'i phrin las ston pa yin pa'i phyir ro/ /de ltar chos kyi dkyil 'khor gyi sgo nas bstod pa mdzad nas/ da ni sangs rgyas mchod pa zhes bya ba la sogs pas las kyi dkyil 'khor gyi sgo nas bstod pa mdzad pa yin te/ sangs rgyas mchod pa zhes bya ba ni dam tshig gi phyag rgya'i sgo nas so//mchod pa che zhes bya ba ni phyag rgya chen po'i sgo nas so/ /sems dpa' mchod pa zhes bya ba ni chos kyi phyag rgya'i sgo nas so/ /rab mchod pa zhes bya ba ni las kyi phyag rgya'i sgo nas so/ /de ltar las kyi dkyil 'khor gyi sgo nas bstod pa mdzad nas/ da ni thabs chen zhes bya ba la sogs pas phyag rgya bzhi'i dkyil 'khor gyi sgo nas bstod pa mdzad pa yin te/thabs chen dang ni zhes bya ba ni dkyil 'khor rgyas pa'i don bsdus pa'i sgo nas so/ /dngos grub che zhes bya ba ni dngos grub rab tu stsol ba'i sgo nas so/ /rdo rje'i dngos grub ces bya ba ni dkyil 'khor gyi ming gi sgo nas so/ / de ltar phyag rgya bzhi'i dkyil 'khor gyi sgo nas bstod pa mdzad nas/ da ni de bzhin gshegs pa zhes bya ba la sogs pas phyag rgya gcig pa'i dkyil 'khor gyi sgo nas bstod pa mdzad pa yin te/ gang gi phyir rdo rje sems dpa' nyid la sangs rgyas kyi skur 'gyur gyi/ gzhan du ma yin pas na de'i phyir phyag rgya chen po'i sgo nas de bzhin gshegs pa'i sku chen po zhes gsungs pa yin no//de bzhin gshegs pa'i gsung dbyangs te/ /zhes bya ba ni gsung gi phyag rgya'i sgo nas so/ /de bzhin gshegs pa'i thugs chen po/ /zhes bya ba ni thugs kyi phyag rgya'i sgo nas so/ /rdo rje zhes bya ba ni dam tshig gi phyag rgya'i sgo nas te/ rdo rje sems dpa'i rdo rje yin pas na rdo rje'i rdo rje'o//glegs bam la las ni rdo rje'i sems zhes kyang zer te/ der ni byang chub kyi sems la phyag 'tshal lo zhes bya ba'i don to/ /de ltar theg pa chen po mngon par rtogs pa'i rtog pa'i sgo nas bstod pa mdzad nas/ da ni sangs rgyas gtso zhes bya ba la sogs pas 'jig rten gsum las rnam par rgyal ba'i dkyil 'khor gyi sgo nas bstod pa mdzad pa yin te/sangs rgyas gtso bo zhes bya ba ni rdo rje hUM mdzad kyi sgo nas te/ mi bskyod pa'i gnas kyi'o/ /rgyal bka' nyan zhes bya ba ni rin chen hUM mdzad kyi sgo nas te/ sangs rgyas kyi bka' sgrub par byed pa yin pa'i phyir ro/ /sangs rgyas bshes gnyen zhes bya ba ni chos kyi hUM mdzad kyi sgo nas te/byang chub kyi sems ni de bzhin gshegs pa thams cad kyi yab yin pa'i phyir ro/ /rgyal mchog skyes zhes bya ba ni las kyi hUM mdzad kyi sgo nas te/ /de bzhin gshegs pa thams cad kyi sras kyi thu bo yin pa'i phyir ro/ /rnam par snang mdzad che zhes bya ba ni rnam par snang mdzad kyi gzugs kyis bstod pa'o//khyab ces bya ba ni rdo rje sems dpa'i sgo nas te/ rdo rje sems dpa' ni kun du 'gro ba yin pa'i phyir ro/ /ston zhes bya ba ni rdo rje rgyal po'i sgo nas te/ de bzhin gshegs pa thams cad spyan 'dren pas na 'gugs pa nyid ston pa yin no/ /zhi khro zhes bya ba ni rdo rje chags pa'i sgo nas te/kun du bzang po yin pas na zhi ba yin la/ mda' dang gzhu 'dren pas ni khro ba yin no/ /de bzhin gshegs pa zhes bya ba ni rdo rje legs pa'i sgo nas te/ de bzhin gshegs pa la lags so zhes bya ba sbyin pa yin pa'i phyir ro/ /de nyid che zhes bya ba ni rdo rje rin chen gyi sgo nas te/ thugs las rin po che rnams 'byung zhing rin po che dang 'dra bar dngos po thams cad 'byung ba sems tsam la rag las pa yin pas na 'di ni de nyid che zhes bya'o//yang dag mtha' zhes bya ba ni rdo rje gzi brjid kyi sgo nas te/ ye shes kyi nyi ma'i 'od kyi dkyil 'khor gyis yang dag pa'i don shin tu gsal bar byed pa yin pa'i phyir ro//che ba'i tshul zhes bya ba ni rdo rje dbal gyi sgo nas te/ sbyin pa'i pha rol tu phyin pa'i tshul rab tu bsgoms pa yin pa'i phyir ro/ /pha rol phyin pa kun mkhyen pa/ /zhes bya ba ni rdo rje bzhad mo'i sgo nas te/ pha rol tu phyin pa ston pa'i 'dzum pa yang dag par ston pa'i phyir ro/ /don dam pa zhes bya ba ni rdo rje chos kyi sgo nas te/chos thams cad rang bzhin gyis rnam par dag pa yin pa'i phyir ro/ /kun du bzang zhes bya ba ni rdo rje rnon po'i sgo nas te/ a'i sgo nas skye ba med pa'i don ston par mdzad pa yin pa'i phyir ro/ /theg pa chen po mngon par rtogs pa'i chos kyi dkyil 'khor du chos kyi mchod pa mdzad pas na/'jam dpal gyi gnas su kun du bzang po zhes snying po las ji skad gsungs pa lta bu'o/ /spyod pa mchog ces bya ba ni rdo rje rgyu'i sgo nas te/ chos kyi 'khor lo bskor ba'i spyod pa'i mchog ston par mdzad pa'i phyir ro/ /bdud ces bya ba ni rdo rje smra ba'i sgo nas te/ tshig gis spros pa thams cad 'gog par byed pa'i phyir ro//bdud ni rab 'dul ba zhes bya ba ni rdo rje las kyi sgo nas te/ bla na med pa'i mchod pa la 'jug pas bsod nams kyi tshogs tshad med pa bsags pa'i stobs kyis bdud thams cad tshar gcod par mdzad pa'i phyir ro/ /kun gyi mchog ces bya ba ni rdo rje srung ba'i sgo nas te/thams cad srung bar mdzad pas na mchog nyid yin pa'i phyir ro/ /mnyam nyid mkhyen zhes bya ba ni rdo rje gnod sbyin gyi sgo nas te/ mnyam pa nyid du thams cad za ba'am/ thams cad 'jigs par mdzad pa'i phyir ro/ /kun du 'gro zhes bya ba ni rdo rje khu tshur gyi sgo nas te/ phyag rgya thams cad yang dag par sdud pa la zhugs pa yin pa'i phyir ro//da ni sangs rgyas hUM zhes bya ba la sogs pas hUM bzhi'i sngags kyi sgo nas bstod pa mdzad pa yin te/ dang po ni sangs rgyas bcom ldan 'das kyi hUM yin pas sangs rgyas hUM zhes bya ste/ dkyil 'khor pa'i sems dpa' rnams sprul pa'i phyir de'i sgo nas bstod pa'o//hU~M zhes bya ba 'dis ni hUM bzhi'i sngags ston te/ de bzhin gshegs pa thams cad dgug pa dang / gzhug pa dang / bcing ba dang / dbang du bya ba'i phyir de'i sgo nas bstod pa ste gnyis pa'o/ /rdo rje hUM zhes bya ba smos pas ni 'dod pa'i rgyal po'i snying po gzung ste/gang gis 'jig rten gsum po thams cad kyi bdag po 'khor dang bcas pa'i dkyil 'khor gyi drung du bkug nas gzhag pa de'i sgo nas bstod pa ste gsum pa'o/ /gdul ba po zhes bya ba ni 'jig rten gsum po thams cad kyi bdag po nges par gnod mdzes ni hUM mdzad yin te/ gang gis 'jig rten gsum gyi bdag po thams cad 'dul bar mdzad pa de'i sgo nas bstod pa ste bzhi pa'o//rdo rje yan lag kun zhes bya ba ni zhabs su bkug pa la bya ste/ gang gi phyir 'jig rten gsum gyi bdag po rnams zhabs gnyis kyis bkug nas phyag na rdo rje'i zhabs kyi 'og tu 'jog pa'i sgo nas bstod pa ste lnga pa'o//rdo rje drag ces bya ba ni 'bebs pa nyid du 'dul ba'i sngags yin la/ de'i sgo nas bstod pa ste drug pa'o/ /drag po'i sngags 'di yang phyag na rdo rje ji ltar bgyi zhes zhus pa dang / bcom ldan 'das kyis 'di ltar gyis shig ces bya ba'i lan sngags dang bcas pa ste/ zhus pa dang lung bstan pa gnyis lhan cig tu gzung bar bya'o//phyag na rdo rje khyod phyag 'tshal/ /zhes bya ba ni ji skad bstan pa'i yon tan gzung bas bstod pa yin par shes par bya'o/ /phyag bya zhes bya ba ni gang gi phyir rdo rje lta bu'i thugs ni phyag na rdo rje'o zhes gsungs te/ de bas na sangs rgyas rnams kyi rang gi thugs nyid phyag na rdo rje yin pas na de la phyag 'tshal lo zhes gsungs pa yin te/thugs las ni yon tan thams cad 'byung bas na phyag bya bar 'os pa yin no/ /mchod cing zhes pa ni me tog la sogs pas 'jig rten gsum las rnam par rgyal ba'i mchog la dbang bar rnam par gzhag pa'i phyir ro//rjed pa ni phreng ba bcing ba la sogs pa ste/ mngon par 'dod pa'i don yongs su rdzogs par bya ba'i phyir ro/ /rim gror de bzhin gshegs pas bya/ /zhes bya ba ni de bzhin gshegs pa rnams kyis ma rungs pa 'dul bar mngon par bzhed pa'i don 'di ni zhi ba'i tshul gyis gdug pa 'dul bar mi spyod do//de'i phyir stan gding ba la sogs pas rim gror mdzad pa'o/ /gang phyir rdo rje sems brtan pas/ /zhes bya ba ni ci'i phyir de bzhin gshegs pa rnams kyis phyag na rdo rje la phyag bya ba la sogs par mdzad par rigs pa yin no zhes rgol ba rnams kyi dogs pa de bsal ba'i phyir/gang phyir rdo rje sems brtan pa/ /zhes bya ba 'di gsungs pa yin no/ /sangs rgyas rnams kyi thugs nyid ni/ /rdo rje sems dpa' zhes bshad de/ /de nyid kyi phyir/ /rdzogs pa'i byang chub khyod rag lus/ /zhes bya ba gsungs so/ /ji ltar na rdzogs pa'i byang chub la rag lus pa yin zhe na/gang gi phyir/ kun gzigs yab ni khyod yin te/ /zhes bya ba gsungs so/ /ji ltar na nga yab yin zhe na/ byung ba dang ni 'byung 'gyur ba'i/ /de bzhin gshegs pa khyod kyis bsgrubs/ /zhes bya ba gsungs so/ /'di skad ston te sangs rgyas byung ba dang 'byung bar 'gyur ba rnams kyi sdong po'i sa bon ni byang chub kyi sems yin no//'phags pa sdong po bkod pa'i byams pa'i rnam par thar pa las kyang / rigs kyi bu byang chub kyi sems ni sangs rgyas kyi chos thams cad kyi sa bon lta bu'o zhes bya ba la sogs pa ji skad gsungs pa lta bu'o//khyod kyis bsgrubs zhes bya ba ni khyod kyis rnyed par mdzad pa ste/ gang gi phyir 'tshang rgya ba ni byang chub kyi sems la rag las pa yin pa'i phyir ro/ /bstod pa'i rgyal po 'di yis ni/ /zhes bya ba ni bshad ma thag pa'i mtshan brgya rtsa brgyad pas so/ /rab tu mos pa zhes bya ba ni shin tu dad pas so//stod byed cing zhes bya bas ni mnyes par byed pa ste/ de ltar bstod pas bsod nams chen po thob par 'gyur ba'o/ /bstod pa 'ba' zhig tu ma zad kyi/ glur blangs gang zhig stod byed pa/ /zhes bya ba ste/ gang zhig gis tshigs su bcad pa dang glur blangs pas bstod pa byas na de yang rdo rje 'dzin pa dang 'dra bar 'gyur ro zhes bya ba gsungs so//de ltar ji skad gsungs pa'i mtshan brgya rtsa brgyad pas bstod nas/ da ni/ sangs rgyas kun la mnga' mdzad pa'i/ /zhes bya ba la sogs pas rang gi rigs bskyed pa'i phyir gsol ba 'debs par mdzad pa yin te/sangs rgyas kun la mnga' mdzad pa'i/ /zhes bya ba ni sangs rgyas thams cad dgug pa dang / gzhug pa dang / bcing ba dang / dbang du bya ba mdzad pa'i phyir ro/ /mgon po ni sems can thams cad kyi skyabs mdzad pa la zhugs pa'i phyir mgon po'o/ /gsol ba ni bsti stong thog mar byas te gsol ba 'debs pa'o//sangs rgyas thams cad kyi don du gnyer bas na don te/ gsol ba 'debs pa zhes bya ba'i don to/ /sems can thams cad kyi don yin pas na sems can kun don no/ /sems can thams cad kyi don de nyid dgos pa yin pas ni sems can kun don dgos pa'i phyir te/de'i phyir/ rang gi rigs ni skyed par mdzod/ /ces bya ba gsungs te/ 'di ni gsol ba btab pa'o/ /de nas zhes bya ba ni de'i rjes thogs la'o/ /'jig rten gsum las rnam par rgyal ba'i ting nge 'dzin la bzhugs pas na de bzhin gshegs pa thams cad kyi gtso bo'o//'di'i phyag ni rdo rje mnga' bas na phyag na rdo rje ste/ dpal rdo rje sems dpa'o/ /de bzhin gshegs pa thams cad kyi gsol ba'i tshig thos nas zhes bya ba ni gsol ba btab pa'i rjes thogs la'o/ /rdo rje de zhes bya ba ni theg pa chen po mngon par rtogs pa'i rtog par byin pa gang yin pa'o//bdag nyid kyi thugs kar zhes bya ba ni thugs ka'i gnas su bzhag pa'o/ /de bzhin gshegs pa de thams cad ces bya ba ni gsol ba 'debs pa gang yin pa de rnams so/ /bos nas zhes bya ba ni bod pa'o/ /'di skad gsungs so zhes bya ba la ji skad gsungs she na/de'i phyir bcom ldan 'das de bzhin gshegs pa ma 'tshal to zhes bya ba gsungs te/ mi bgyid do zhes bya ba'i don to/ /de bas na de bzhin gshegs pa thams cad kyis de bzhin gshegs pa thams cad kyi bka' bzhin du ji ltar mi byed ces slar dris pa'o/ /don de'i rgyu bstan pa de bzhin gshegs pa'i bka' bzhin mi bgyid pa ni ma rungs pa dang drag po rnams la zhi ba'i spyod pas mi 'dul ba'i phyir ro//de nas zhes bya ba ni de'i rjes thogs la'o/ /de bzhin gshegs pa thams cad kyis byin gyis brlabs pa yin pas na de bzhin gshegs pa thams cad kyi byin gyi rlabs te/de bzhin gshegs pa thams cad kyis byin gyis brlabs nges so/ /de yang / de bzhin gshegs pa ni de bzhin gshegs pa lnga ste/ de rnams kyi byin gyi rlabs ni mthu skyed pa'o/ /mthu bskyed pa des de bzhin gshegs pa thams cad du gtogs pa'i thabs kyang yin la chen po yang yin pas na thabs chen po ste/de'i ye shes yin pas na thabs chen po'i ye shes so/ /de byin gyis brlab pa'i phyir rdo rje ltar mi phyed pa'i ting nge 'dzin gang don dang mthun pa'i ming 'di nyid ces bya ba'i ting nge 'dzin gang yin pa de la snyoms par zhugs pa'o/ /snyoms par zhugs ma thag tu zhes bya ba ni snyoms par zhugs pa'i rjes thogs nyid la'o//de'i tshe zhes bya ba ni skad cig ma de nyid la'o/ /de bzhin gshegs pa thams cad ni mi bskyod pa la sogs pa'o/ /nam mkha'i dbyings thams cad ni rdul phra rab ji snyed yod pa de thams cad dang mnyam par 'jug pas na/nam mkha'i dbyings thams cad kyi rdul shin tu phra mo dang mnyam par spros pa ste/ spros pa ni rdul phra rab thams cad kyi dkyil 'khor la khyab par mdzad pa'o/ /de nyid ni spros pa yin la/ de'i ngo bo nyid yin pas na spros pa nyid de/ des na nam mkha'i dbyings thams cad kyi rdul shin tu phra mo dang mnyam par spros pa nyid kyis so//de ltar spros nas slar yang bsdu ba mdzad de/ gang du zhe na/ ri rab ri'i rtse mor ro/ /ci de thams cad du'am zhe na/ ma yin te/ rtse mo rdo rje dang nor bu dang rin po che las byas pa'i khang bu brtsegs par bsdu ba mdzad pa'o/ /yang gcig tu 'dus te zhes bya ba ni tshogs par mdzad pa'o//de bzhin gshegs pa thams cad kyis mnyam pa nyid du dmigs nas zhes bya ba ni/ de bzhin gshegs pa thams cad kyi mnyam pa nyid ni chos kyi dbyings la bzhugs pa'o/ /dmigs pa ni mngon sum du byas pa'o/ /dpal be'us brgyan pa'i thugs su thim par gyur to zhes bya ba'i don to//de nas de bzhin gshegs pa thams cad kyi thugs su zhugs ma thag tu bcom ldan 'das de bzhin gshegs pa rnam par snang mdzad kyis/ de bzhin gshegs pa thams cad kyi thugs su bdag nyid byin gyis brlabs te zhes bya ba ni bdag nyid de bzhin gshegs pa thams cad kyi thugs su dmigs nas de bzhin gshegs pa thams cad kyi rdo rje mnyam pa nyid dang mtshungs par gyur pa ste/de bzhin gshegs pa thams cad dang mnyam pa nyid du gyur pa des 'di la lhag ma med pa na ma lus pa ste/ thams cad ces bya ba'i don to/ /de yongs su bskyabs pa ni gdug cing gtum pa rnams las bsrung ba'o//phan pa dang bde ba thams cad kyi mchog grub pa ni phan pa dang bde ba thams cad kyi dngos grub dam pa ste de'i phyir ro/ /ma rungs pa thams cad gdul bar bya ba'i phyir de bzhin gshegs pa thams cad kyir gtogs pa'i thugs rje chen po des bskyed pa'i thabs yin pas na de bzhin gshegs pa thams cad kyi snying rje chen po'i thabs so//de bzhin gshegs pa thams cad kyi snying rje chen po'i thabs des bskyed pa'i ting nge 'dzin gang yin pa dang / de'i ye shes yin pas na de bzhin gshegs pa thams cad kyi snying rje chen po'i thabs kyi ting nge 'dzin gyi ye shes so//de la dmigs te zhes bya ba ni mngon sum du mdzad pa'o/ /de bzhin gshegs pa thams cad kyi snying rje chen po yin pas na de bzhin gshegs pa thams cad kyi snying rje chen po ste/ des kun nas bslang ba'i thabs te des bskyed pa'i khro bo'o/ /de nyid ni bstan pa'i phyir rdo rje ste de la dmigs pa'i ting nge 'dzin don dang mthun pa'i ming 'di nyid ces bya ba'i ting nge 'dzin gang yin pa de la snyoms par zhugs pa'o//snyoms par zhugs ma thag tu zhes bya ba ni snyoms par zhugs pa'i rjes thogs nyid la zhes bya ba'i don to/ /de'i tshe de bzhin gshegs pa thams cad kyi thugs ka nas zhes bya ba ni de bzhin gshegs pa gang dag rnam par snang mdzad kyi thugs su zhugs te gcig tu 'dres par gyur ba'i sngar bshad pa'i de bzhin gshegs pa de thams cad kyi thugs las so//de bzhin gshegs pa thams cad kyi rdo rje'i dam tshig ces bya ba la/ de bzhin gshegs pa thams cad kyi rdo rje zhes bya ba'i sgra ni 'dir rdo rje sems dpa' la sogs pa sems dpa' rnams gzung ngo //de bzhin gshegs pa thams cad kyi rdo rje'i dam tshig ni phyag rgya chen po la sogs pa'i dam tshig go/ /snying po des bskyed pa'i snying po de la yang ming de skad ces bya ste de phyung ba'o//de phyung ma thag tu zhes bya ba ni snying po brjod pa'i rjes thogs nyid la'o zhes bya ba'i don to/ /phyug na rdo rje'i thugs ka'i rdo rje las zhes bya ba ni bcom ldan 'das phyag na rdo rje'i rang gi thugs kar bstod pa'i tshul gyis gzung ba'i rdo rje gang yin pa de las zhes bya ba yin pa'i phyir/ phyag na rdo rje'i thugs ka'i rdo rje las so//bcom ldan 'das phyag na rdo rje de nyid rdzu 'phrul gyi stobs kyis na rdo rje'i sku rnam pa mang po phal mo cher gyur te/ bcom ldan 'das rnam par snang mdzad kyis phyogs kun du rdo rje'i dbyings kyi dkyil 'khor chen po'i tshul du zla ba'i dkyil 'khor la 'dug ste zhes bya bar sbyar ro//rnam pa du ma zhes gsungs pa tshul gang gis na de rnam pa mang po yin zhe na/ de kun du 'bar ba'i snying po zhes bya ba la sogs pas ston te/ kun nas 'bar bas na kun du 'bar ba'o/ /des bskor ba byas pas na kun du 'bar ba'i snying po'o/ /kun du 'bar ba'i snying po yang yin la/ khro gnyer can smin ma bcum pa yang de yin pa ste/ khro bar ston pa'i dbral ba'i mtshan ma ni khro gnyer can smin ma bcum pa'o/ /khro gnyer dang bcas shing smin ma bcum pa yang yin la/ dpral bar bsnyer ba yang yin pas na khro gnyer can smin ma bcum zhing dpral ba bsnyer ba'o//mche ba dgu po lhag ger byung zhing zhal g.yo ba yang yin la/ so gtsigs pa zhes bya ba mi bzad pa la bya ste/ mche ba lhag ger byung ba nyid so gtsigs par byas pa gang yin pa de ni mche ba lhag ger byung zhing so gtsigs pa'o/ /de ltar 'jigs su rung ba de'i mtshon cha ji snyed cig ce na/de'i phyir rdo rje dang lcags kyu zhes bya ba la sogs pa gsungs so/ /rdo rje dang / lcags kyu dang / ral gri dang / zhags pa la sogs pa gang yin pa de dag ni rdo rje dang lcags kyu dang / ral gri dang zhags pa la sogs pa ste/ de dag kyang rdo rje'i me lce 'bar ba'i mtshon cha phyag na bsnams pa nyid yin pas na rdo rje dang lcags kyu dang ral gri dang zhags pa la sogs pa rdo rje'i me lce 'bar ba'i mtshon cha lag na thogs pa'o//gal te mtshon cha de lta bu yin na kha dog dang rgyan ji lta bu yin zhe na/ de'i phyir rnam pa du ma'i kha dog dang rgyan sna tshogs kyi cha lugs sna tshogs 'dzin pa zhes bya ba gsungs te/rnam pa du ma yang yin la kha dog kyang yin pas rnam pa du ma'i kha dog go/ /rgyan yang yin la sna tshogs kyang yin pas rgyan sna tshogs so/ /kha dog rnam pa du ma dang / rgyan rnam pa sna tshogs pa rnams kyi cha lugs tha dad pa'i rnam pa sna tshogs 'dzin par mdzad pas na cha lugs sna tshogs 'dzin pa'o//phyag na rdo rje'i sku las zhes bya ba ni phyag na rdo rje'i lus las byung nas 'jig rten gyi khams thams cad du shin tu ma rungs pa thams cad gdul ba byas nas zhes bya ba ni gdul dka' ba thams cad btul nas/ phyag na rdo rje'i sku de rnams kyang zla ba'i dkyil 'khor la 'dug ste ched du brjod pa 'di ched du brjod pa mdzad do//e ma'o zhes bya ba ni ngo mtshar du gyur pa'o/ /thams cad 'dul ba'i thabs chen ldan/ /zhes bya ba ni thabs kyang yin la chen po yang yin pas na thabs chen te/ gang la thabs chen po yod pa de ni thabs chen ldan pa'o//thabs chen po dang ldan pa de su zhig ce na/ bdag yin te zhes bya ba'o/ /gal te khyod thabs chen po dang ldan pa yin yang ngo mtshar du gyur pa ci zhig yod ce na/ de'i phyir/ gang phyir sems can gdul thabs phyir/ /dri ma med pa'i khro bor gyur/ /ces bya ba gsungs te/gang gi phyir thabs kyis sems can rnams gdul bar bya ba'i phyir/ dri ma med pa'i khro bor gyur/ /zhes bya ba ste/ dri ma med pa ni 'dod chags dang bral ba yin du zin kyang khro bor gyur zhes bya ba 'jigs su rung ba'i gzugs can du gyur pa 'di ni ngo mtshar du gyur pa yin no/ /sangs rgyas kyi hUM zhes bya bas dkyil 'khor sprul pa'i bya ba mdzad zin nas/da ni hUM zhes bya ba bzhi'i sngags bskyed par bya ba dang / de'i las bsgrub par bya ba'i phyir/ bcom ldan 'das rnam par snang mdzad ting nge 'dzin gzhan la snyoms par zhugs par mdzad pa ni de nas bcom ldan 'das zhes bya ba la sogs pas ston te//de bzhin gshegs pa thams cad kyir gtogs pa'i spros pa med pa'i chos nyid ni chos thams cad dngos po med pa nyid de/ de la dmigs pa ni de mngon sum du mdzad pa'o/ /de bzhin gshegs pa thams cad kyang yin la/ khro bo chen po'i rdo rje yang yin pas de bzhin gshegs pa thams cad kyi khro bo chen po'i rdo rje ste/rdo rje hUM mdzad ces bya ba'i don to/ /de'i dam tshig ni snying po dang phyag rgya chen po dang dam tshig gi phyag rgya la sogs pa'o/ /de nyid rdo rje yin pas dam tshig rdo rje'o/ /de byin gyis brlabs pa'i phyir ting nge 'dzin gang la don dang mthun pa'i ming 'di nyid ces bya ba'i ting nge 'dzin de la snyoms par zhugs pa'o//ming ji skad ces bya ba zhe na/ de bzhin gshegs pa thams cad kyi rdo rje hUM zhes bya ba'o/ /de bzhin gshegs pa thams cad gang du bcom ldan 'das rnam par snang mdzad kyi thugs la gcig tu gyur pa de las skyes pas na de'i phyir de bzhin gshegs pa thams cad kyi snying po rig pa'i mchog thugs la gzhag pa 'di gsungs pa'o//de bzhin gshegs pa thams cad kyi thugs ka nas zhes bya ba ni bcom ldan 'das rnam par snang mdzad kyi thugs kyi nang du chud pa'i mi bskyod pa la sogs pa las mang por gyur te byung ba'o//byung ma thag tu zhes bya ba ni snying po brjod pa'i rjes thogs kho na la'o/ /'jig rten gyi khams rab 'byams ni rgyun te/ de rnams ni 'dus pa ni sprin no/ /sprin de rnams kyi bgrang du med pa ni rgya mtsho ste/des na 'jig rten gyi khams rab 'byams sprin gyi rgya mtsho ste/ de thams cad na de bzhin gshegs pa byang chub sems dpa'i 'khor gyi dkyil 'khor dang bcas pa ji snyed pa de dag thams cad byin gyis brlabs te zhes bya ba ni bdag la byin gyis brlab pa la sogs pas de bzhin gshegs pa thams cad bkug ste dkyil 'khor du bcug pa'o//dam tshig gis bcings nas zhes bya ba ni rang nyid kyis gsungs pa'i dam tshig gis rang bzhin gyi sems can rnams kyi don gyi phyir/ dkyil 'khor la sogs par 'jog pa de lta bus so/ /yang gcig tu 'dres te zhes bya ba la gcig ni tha mi dad pa'o//'dres pa ni brtan pa'o/ /rdo rje khro bo chen po zhes bya ba ni rdo rje khro bo yang yin la chen po yang yin par gyur pa'o/ /e ma'o zhes bya ba ni ngo mtshar du gyur pa'o/ /gang zhig gis ci zhig ngo mtshar du gyur pa yin zhe na/ byang chub sems 'di ni/ kun du bzang zhes sdig med de//zhes bya ba ste/ 'dod chags dang zhe sdang dang gti mug las rnam par grol ba yin yang / 'dod chags dang zhe sdang dang gti mug la spyod pa rnams la de spyod par ston pas de'i don mdzad pa'i phyir kun du bzang po'o/ /de'i ngo bo nyid yin pas na kun du bzang zhing ngo / /sdig med de zhes bya ba ni sdig pa mi mnga' ba'o//'dir ci zhig ngo mtshar che zhe na/ gang phyir sems can gdul don du/ /khro bo yang ni yid 'ong gyur/ /zhes bya ba gsungs te/ sems can rnams gdul bar mdzad pas na sems can gdul ba ste/ nyes par spyod pa'i log pa'i lam las bzlog nas legs par spyod pa'i yang dag pa'i lam la 'jog par mdzad pas na sems can gdul ba'o//don du zhes bya ba ni sems can gdul ba de'i phyir ro/ /khro bo yang ni yid 'ong gyur/ /zhes bya ba ni kun du bzang po khro ba med pa yang khro bo chen po yid du 'ong bar gyur par ston par mdzad pa ste/sems can grangs med pa rnams la phan gdags pa'i phyir bu gzhon nu la pha khros pa lta bu'o/ /de nas zhes bya ba ni de'i rjes thogs la'o/ /de zhes bya ba ni lus ngag gis de bzhin gshegs pa bkug pa'o/ /rdo rje khro bo chen po'i sku/ /zhes bya ba ni rdo rje hUM mdzad kyi sku ste/bcom ldan 'das kyi thugs ka nas babs pa'o/ /de bzhin gshegs pa thams cad kyi spyan sngar zhes bya ba ni bcom ldan 'das rnam par snang mdzad kyi spyan sngar ro/ /zla ba'i dkyil 'khor la gnas par gyur te zhes bya ba ni mi bskyod pa'i gnas su zla ba'i dkyil 'khor la gnas par gyur pa'o//yang bka' nod cing bzhugs so zhes bya ba ni de bzhin gshegs pa thams cad dgug pa'i phyir gsol ba btab pa'i tshe na bka' mnos pa yin la/ de 'dir ni 'jig rten gsum po thams cad kyi bdag po rnams dgug pa'i phyir bka' nod pa yin te/ bka' nod par byed pa'o//gsol ba btab pa'i tshe bka' mnos mod kyi/ 'on kyang khyad par gyi bka' mnos pa'i phyir yang zhes gsungs pa yin no/ /de nas zhes bya ba ni gnas skabs so/ /skal pa phun sum tshogs pa dang ldan pas bcom ldan 'das so/ /de bzhin gshegs pa thams cad ni sangs rgyas dang byang chub sems dpa' rnams so//de dag gi dam tshig ni bka' ste 'jig rten gsum po rnams dgug pa'i phyir bka' bsgo ba'o/ /de nyid ni 'da' bar bya ba ma yin pas ni rdo rje'o/ /de bas na de ni de bzhin gshegs pa thams cad kyi dam tshig gi 'gugs pa rdo rje ste/ting nge 'dzin gang don dang mthun pa'i ming 'di nyid ces bya ba'i ting nge 'dzin de la snyoms par zhugs pa'o/ /de bzhin gshegs pa thams cad kyi dam tshig kyang yin la/ lcags kyu yang yin pas de bzhin gshegs pa thams kyi dam tshig gi lcags kyu'o/ /de nyid ni de bzhin gshegs pa thams cad kyi snying po yin pas de bzhin gshegs pa thams cad kyi snying po ste/rnam par snang mdzad kyi thugs la de dag thams cad gcig tu gyur pas so/ /de nas de byung ma thag tu zhes bya ba ni snying po brjod pa de'i rjes thogs nyid la'o/ / 'jig rten gyi khams kyang yin la thams cad kyang yin pas 'jig rten gyi khams thams cad do/ /'jig rten gyi khams smos pa ni sems can dang snod kyi 'jig rten gzung ngo / /'jig rten gyi khams thams cad kyi rab 'byams zhes bya ba ni rgyun te/ de rnams kyi 'dus pa ni sprin no/ /de nyid bgrang ba las 'das pa ni rgya mtsho ste/'jig rten gyi khams rab 'byams sprin rgya mtsho de dag na 'jig rten gsum gyi dbang po ji snyed pa ste/ 'jig rten gsum zhes btags pa ni 'jig rten pa'i tshul gyis sa 'og gi 'jig rten dang / sa steng gi 'jig rten dang / lha'i 'jig rten de 'jig rten gsum mo//'jig rten gsum po de nyid na 'jig rten gsum gyi bdag por gyur pas na 'jig rten gsum gyi dbang po ste/ sa 'og gi 'jig rten gyi dbang po ni brgya byin dang khyab 'jug go/ /sa steng gi dbang phyug chen po'o/ /lha'i yul gyi tshangs pa'o/ /de dag la sogs pa zhes bya ba ni lha dang klu dang gnod sbyin dang /dri za dang / lha ma yin dang / nam mkha' lding dang / mi 'am ci dang / lto 'phye chen po'i bdag po rnams so/ /bdag po de rnams kyang gcig pu ni ma yin gyi/ 'o na gang zhe na/ 'jig rten thams cad na gnas pa'i grong dang grong khyer dang yul la sogs pa'i tshogs rnams te/de rnams kyis yongs su bskor bas na 'jig rten na gnas pa'i tshogs de rnams kyis bskor ba'o/ /ma lus shing lus pa med pa zhes bya ba ni thams cad lhag ma ma lus pa zhes bya ba'i don to/ /de bzhin gshegs pa thams cad kyir gtogs pa'i dam tshig gi rdo rje yin la lcags kyu yang yin pas na de bzhin gshegs pa thams cad kyi dam tshig gi rdo rje'i lcags kyu'o//des drangs bas na bkug pa'o/ /gang du bkug ce na/ de'i phyir ri rab ri'i rtse mo gang na ba dang rtse mo rdo rje dang nor bu dang rin po che las byas pa'i khang bu brtsegs pa gang na ba zhes gsungs te/der bkug pa'o/ /'di skad ston te/ phyogs thams cad nas ri rab ri'i rtse mo rdo rje dang nor bu dang rin po che las byas pa'i khang bu brtsegs par bkug nas/ bcom ldan 'das kyi khang bu brtsegs pa rtse mo rdo rje dang nor bu dang rin po che las byas pa de dag thams cad du bskor zhes bya ba ni phyogs bzhi char nas bskor te 'khod do zhes bya ba'i don to//de ltar snying po'i bya ba bstan nas/ da ni de nas phyag na rdo rje zhes bya ba la sogs pas gdul ba po'i bya ba ston par bzhed pa'i phyir smos pa yin te/ de nas zhes bya ba ni bar skabs de'i rjes thogs la'o/ /phyag na rdo rje mnga' bas na phyag na rdo rje'o//rang gi thugs ka nas rdo rje de blangs te zhes bya ba ni rang nyid kyi thugs kar gzhag pa de de nas blangs te gsor ba ni gyen du 'phen zhing 'phen zhing 'dzin pa'o/ /thams cad dang ldan pa'i khams gsum pa ji snyed pa thams cad kyi 'jig rten gsum gyi zhes bya ba ni stong gsum gyi stong chen po'i 'jig rten gyi khams na gling bzhi'i 'jig rten gyi khams ji snyed pa thams cad gzung ngo //dkyil 'khor la bltas te zhes bya ba ni de na gnas pa'i 'jig rten gsum gyi 'khor lo ma rungs pa la bltas shing brtags nas 'di skad ces bka' stsal to zhe na/ ji skad ces bka' stsal to//grogs po rnams zhugs shig ces bya ba'o/ /gang la 'jug par bya zhe na/ de'i phyir de bzhin gshegs pa thams cad kyi bstan pa la zhugs la zhes bya ba gsungs so/ /zhugs pa de gang yin zhe na/ gsum la skyabs su 'gro ba dang byang chub kyi sems la sogs pa 'dzin pa'o//de la grogs po zhes bya ba ni bzhams te bod pa'o/ /bstan pa ni de bzhin gshegs pa'i gsung rab bo/ /nga'i bka' yang nyon cig ces bya ba ni ji srid 'tsho'i bar du byos shig ces bya ba'i don to/ /de nas 'jig rten gsum gyi bdag po rnams bstan pa la 'jug pa ma shes nas/de dag gis 'di skad ces gsol to/ /bdag cag gis ji ltar bsgrub par bgyi/bcom ldan 'das phyag na rdo rjes kyang mngon par 'dod pa'i bsgrub pa nyid bstan pa ni sangs rgyas chos dang zhes bya ba la sogs pa gsungs pa yin te/bsgrub par byos zhes bya ba ni nyams su blang bar gyis shig ces pa'o//ji ltar bsgrub par bya zhe na/ de'i phyir/ kun mkhyen ye shes thob pa'i phyir/ /zhes bya ba gsungs te/ thams cad shes pas na kun mkhyen no/ /de'i ye shes yin pas na kun mkhyen ye shes so/ /de thob pa'i phyir zhes bya ba ni de rnyed par bya ba'i phyir sgrubs shig ces bya ba'i don to//de nas zhes bya ba ni de'i rjes thogs la'o/ /'jig rten gyi khams 'di na zhes bya ba ni gling bzhi pa'i 'jig rten gyi khams na'o/ /'jig rten gsum po mtha' dag gi bdag po ni dbang bdag go/ /de ltar na 'jig rten gsum po thams cad kyi bdag por gyur pa des dregs pa'o//cher khros bas shin tu khros par ston cing 'di skad ces smras pas ni/ kye gnod sbyin nga ni zhes bya ba la sogs pa ste/ bcom ldan 'das kun du bzang po gnod sbyin gyi gzugs su sprul nas bzhugs pa'i phyir gnod sbyin zhes bya'o//byed pa po ni 'byung po thams cad sprul pa'o/ /'jig pa po ni rnam par 'jig par byed pa'o/ /'byung po thams cad kyi dbang po zhes bya ba ni 'byung bar 'gyur bas na 'byung po ste sems can thams cad la bya la de rnams kyi dbang po ni bdag por gyur pa'o/ /lha rnams las 'das pa'i lha yin pas na lha'i lha'o//ming ji skad bya zhe na/ lha chen po zhes don dang mthun par ming btags pa yin na/ khyod kyi ngag nga ci'i phyir nyan zhes bya ba'o/ /'di skad ston te/ nga ni khyod pas rdzu 'phrul che ba yin na khyod kyi ngag nga ji ltar nyan te nga ni rdzu 'phrul chen po dang ldan pa yin no zhes pa'o//de skad ces smras pa dang / yang bcom ldan 'das phyag na rdo rjes slar bka' stsal pa ni/ kye sems can ma rungs pa zhes bya ba la sogs pa yin te/ kye sems can ma rungs pa zhes bya ba ni bod pa'o/ /dkyil 'khor du zhugs la zhes bya ba ni khros pa'i bka' bsgo ba'o//nga'i dam tshig la yang gnas par gyis shig ces bya ba ni bka' bsgo ba gnyis pa'o/ /'di skad ston te/ nga'i bka' gang yin pa de khyod la bsgo yis/ de las khyod kyis ji srid 'tsho'i bar du mi 'da' bar gyis shig /nga'i bka' 'ba' zhig tu yang ma zad kyi/sngags pa gang nga'i sngags dang phyag rgya la dmigs par byed pa de'i bsgo ba las kyang 'da' bar ma byed cig ces pa'o/ /de nas bar skabs 'dir lha chen pos bcom ldan 'das kun du bzang po'i ngo bo nyid ma shes pas bcom ldan 'das la zhus pa yin no/ / de nas bcom ldan 'das kyis dbang phyug chen po la sogs pa zhes bya ba la dbang phyug chen po thog mar byas pa'i 'jig rten gsum gyi tshogs gang yin pa de ni dbang phyug chen po la sogs pa 'jig rten gsum gyi tshogs so/ /thams cad dang ldan pa zhes bya ba ni ma lus pa ste/ de la bos nas 'di skad ces bka' stsal to/ /ji skad du gsungs she na/ grogs po rnams bsgrub par gyis shig ces bya ba'o/ /ci zhig bsgrub par bya ba zhe na/ dkon mchog gsum la skyabs su 'gro ba dang / dam tshig dang sdom pa'o/ /de la dam tshig ni sngags pas sngags dang phyag rgya la sogs pa brtan par byas nas/dkyil 'khor du 'du bar bya ba dang / gnas par bya ba yin pa la sogs pa'o/ /sdom pa ni srog gcod pa la sogs pa ste/ /de dag ji skad gsungs pa bzhin du nos la sgrubs shig ces bya ba'i don to/ /gal te sgrub par mi byed na phyag na rdo rje 'di zhes bya ba ste/spyan sngar na 'dug pa'i bcom ldan 'das kun du bzang po yin par bstod do/ /gnod sbyin zhes bya ba ni sems can gdug cing ma rungs pa rnams kyi rgyud la gnas pa'i nyon mongs pa rnams gang yin pa zad par mdzad pa'o/ /khro bar rab tu ston par mdzad pa'i nor mnga' bas na khro ba'o//ma rungs pa ni snying rje med par ston pa'o/ /gtum pa ni 'jigs par ston pas so/ /byang chub chen por sems dpa' yin pas na byang chub sems dpa' chen po ste/ byang chub sems dpa' zhes smos pa 'dis ni phan 'dogs pa la zhugs pa nyid du ston to//khyed ces bya ba ni khyed rnams te/ rdo rje 'bar bas khams gsum pa 'di dag thams cad brlag par byas lta re zhes pa'o/ /de nas bcom ldan 'das kyis bka' stsal pa'i rjes thogs la/ dbang phyug chen po 'jig rten gsum po mtha' dag gi dbang por gyur pa dang /de'i shes pa la dbang thob pas bcom ldan 'das phyag na rdo rje la 'jigs par bstan pa'i phyir te 'jigs pa skyed pa'i don to/ /'khor mang po dang bcas pa ni g.yog gi tshogs mang po dang bcas pa'o/ /khro zhing zhes bya ba ni sems las byung ba'i chos khro ba ste/de las byung ba'i lus kyi rnam par 'gyur ba la yang khro bo zhes bya'o/ /khro zhing gtum pa yang yin la chen po yang yin pas na khro zhing gtum pa chen po ste/ de'i ngo bo nyid yin pas na khro zhing gtum pa chen po nyid do/ /khro zhing gtum po chen po de su zhig yin zhe na/rab tu 'jigs pa'i gzugs zhes bya ba gsungs te/ sems can de kho na nyid ma mthong ba rnams 'jigs pa skyed par byed pa'i gzugs kyis zhes bya ba'i don to/ /rab tu 'jigs pa'i gzugs de ni 'bar ba yang yin la chen po yang yin pas na 'bar ba chen po'o/ / de gtong bas na shin tu 'byin par byed pa ste/ nam mkha'i ngos khyab par byed pa'o/ /sems can chung ngu dag gis thos na snying rnam par 'gas par byed pas na ma rungs pa chen pos rta gad du dgod pa ste/ ma rungs pa ni gtum pa'o/ /rta gad ni yi mug pa bskyed pa'o/ /dgong pa ni gad mo'o//ma rungs pa chen po yang yin la rta gad du dgod pa yang yin pas na ma rungs pa chen pos rta gad du dgod pa'o/ /de'i ngo bo nyid kyang yin pas ma rungs pa chen pos rta gad du dgod pa nyid do/ /bstan pa ni ston pa'o/ /'di skad ces smras so zhes bya ba ni kye nga ni zhes bya ba la sogs pa'o//de nas zhes bya ba ni dbang phyug chen po'i tshig gi rjes thogs la'o/ /phyag na rdo rje zhes bya ba ni bcom ldan 'das kun du bzang po'o/ /bsnyems pa dang bcas pas gsor zhing zhes bya ba ni thad kar 'jog cing gsor ba'o/ /rnam par bzhad pa ni mnyes par mdzad pa'o//'di skad ces bka' stsal to zhes bya ba ni kye lus srul po zhes bya ba la sogs pa ste/ lus srul po zhes bya ba la khyod ni ro'i lus las byung ba'i yi dags yin na/ de kho na nyid mthong ba rnams skrag par byed pa'i nus pa 'di lta bu khyod la ga la yod kyi/ gang zhig khyod kyis rang mi shes pa de dag kyang 'jigs sam mi 'jigs gtol med kyis/ ji srid du khyod chad pas bcad pa'i spyod yul du ma gyur pa de srid du nga'i bka' ltar gyis shig ces bya ba'i don to/ /da ni mi sha za ba la sogs pas lus srul po nyid ston pa yin te/ de yang gang gi phyir pa Ta la zhes bya ba'i yul na/b+h+ri gu k+She tra zhes bya bar/ ka ro ha na zhes bya ba'i tshong dus de na zla ba zhes bya ba'i bram ze mkhas pa blo dang ldan pa bshes gnyen can/ bzo dang sgyu rtsal ma lus bar shes pa/ mdzes pa lang tsho la bab pa lus la rma med pa zhig gnas pa las/nyi ma nub ka zhig tu 'chi ba'i dus byed par gyur pa dang / de nye du rnams kyis khri la bskyon te dur khrod kyi sa gzhir khyer ro/ /der yang mtshan mor gyur to snyam nas ma sreg par gzhag pa dang / ro'i lus de la rnal 'byor pa'am/ lha'am/ yi dwags rdzu 'phrul dang ldan pa 'ga' zhig zhugs par gyur to//de nas de'i gnyen rnams kyang nang par ro bsreg tu song ba dang / de'i skra ni ral bar byas/ dur khrod kyi thal bas ni lus dang mgo la byugs shing gtor/ sha cung zad za zhing dur khrod kyi sa gzhi de nyid la nyal ba las langs te/ gang du bteg nas khyer ba'i khri'i rkang pa thogs pa dang /thod pa zhig kyang thogs te/ mi'i ro phyed tshig pa za zhing 'di skad ces nga ni lha'i lha chen po zhes bya ba la sogs pa smra'o/ /de bas na bcom ldan 'das kun du bzang pos 'di skad gsungs pa yin no/ /de nas yang lha chen pos de bas kyang ches lhag pa'i sprul pa bstan nas bcom ldan 'das phyag na rdo rje la 'di skad ces smras so//dbang phyug chen po ni gzhan 'phrul dbang byed kyi lha rnams la yang yod pas de las khyad par du bya ba'i phyir/ lha chen po zhes smos pa yin no/ /'jig rten gsum po mtha' dag ces bya ba ni 'jig rten gsum na gnas pa'i skye bo der lhag par gtogs pa ji snyed pa rnams dang gzhan yang phyi'i dngos po rnams khro bo chen pos non par byin gyis brlabs te rnam par g.yo bar byed cing 'di skad ces smras so//khyod kyang nga'i bka' nyon cig /de skad ces smras pa dang / bcom ldan 'das phyag na rdo rjes yang de nyid kyi tshig gi dregs pa gzhom par bya ba'i phyir bka' nod pa yin no//rang gi tshal pa'i stobs kyis dregs pa dang zhes bya ba la/ rang gi tshal pa ni sgyu ma sprul pa'o/ /stobs ni lus kyi ste/rang gi tshal pa dang stobs yin pas na rang gi tshal pa dang stobs so//des dregs pa ni nga rgyal ba ste/ nga nyid rdzu 'phrul che ba yin pas gzhan rnams la 'dud par mi byed ces pa'o/ /dbang phyug chen po'i dbang gis zhes bya ba ni 'byung po thams cad la dbang phyug gi dbang thob pa'o/ /de bzhin gshegs pa thams cad kyi bstan pa la tshar gcad par ma bgyis kyi bar du 'dud par mi btub na/'di la ji ltar bgyi ba'i rigs zhes bya ba ste/ chad pas gcad pa ji lta bu zhig bgyi/ gang gis ni bgyi zhes bya ba'i don to/ /de nas tshig 'di'i gnas skabs su bcom ldan 'das rnam par snang mdzad kyis chad pas gcad pa'i thabs dang /chad pa ni de bzhin gshegs pa thams cad kyi thugs ka nas byung ba zhes bya ba la sogs pas ston te/ de bzhin gshegs pa thams cad kyi thugs ka nas byung ba ni chos kyi dbyings las byung ba'o/ /rdo rje chen po ni de bzhin gshegs pa'o/ /de dag gi dam tshig ni gdul dka' ba'i sems can rnams 'dul ba'o//de nas bcom ldan 'das kyi bka'i rjes thogs la/ bcom ldan 'das kyis gdul ba'i thabs su bstan pa'i rdo rje snying po de brjod pa'o/ /de nas des gsum na gnas pa de rnams nges par zin par gyur pa dang / nyam thag pa'i sgra 'byin par gyur cing bcom ldan 'das rnam par snang mdzad dang phyag na rdo rje la skyabs su dong ngo //de nas bcom ldan 'das kyis mkhyen bzhin du zhes bya ba ni bcom ldan 'das kyis ci nas kyang 'di mi gsod do zhes mkhyen bzhin du 'di skad ces bka' stsal to/ /phyag na rdo rje 'jig rten gsum po'i 'khor 'di thams cad la skyabs byin pa byos te/ma gsad cig ces bya ba'o/ /de nas bcom ldan 'das kyi bka'i rjes la phyag na rdo rje khro bo chen po'i rgyal pos bcom ldan 'das kyis bka' stsal pa thos nas/ lha thams cad ces bya ba ni bsgyel ba la sogs pa'i lha de dag thams cad la bos nas 'di skad ces gsungs te/skyabs su deng la nga'i bka' yang nyon cig ces bya ba ste/ bka' ni 'og nas 'chad do/ /de skad ces gsungs pa dang / sangs rgyas dang chos dang dge 'dun phyag rgya dang bcas pa la skyabs su mchi'o zhes bya ba la/ yang dag par rdzogs pa'i sangs rgyas phyag rgya dang bcas pa dang /chos phyag rgya dang bcas pa dang / dge 'dun phyag rgya dang bcas pa'o/ /khyod kyis bstan pa'i bka' ni bdag cag gis ma 'tshal na deng ji ltar khas blang bar bgyi zhes pa'o/ /de bzhin gshegs pa thams cad kyi bdag po zhes bya ba ni dkyil 'khor du de bzhin gshegs pa thams cad dgug pa dang /gzhug pa dang / bcing ba dang / dbang du byas nas 'jog pa'i phyir ro/ /de bzhin gshegs pa thams cad kyi yab ces bya ba ni de bzhin gshegs pa thams cad byang chub sems las skyes pa'i phyir ro/ /de bzhin gshegs pa thams cad kyi bka' bzhin byed pa zhes bya ba ni de bzhin gshegs pa thams cad kyi bkas rang gi rigs bskyed pa'i phrin las mdzad pa'i phyir ro//de bzhin gshegs pa thams cad kyi sras kyi thu bo zhes bya ba ni sangs rgyas kyis la bzhugs pa yin pa'i phyir ro/ /de yang gang yin zhe na/bcom ldan 'das byang chub sems dpa' sems dpa' chen po kun du bzang po ste zhes bya ba gsungs so/ /sems can thams cad 'dul ba zhes bya ba ni lam log pa las bzlog cing / yang dag pa'i lam la 'jog pa ni sems can thams cad gdul ba'i don bya ba'o/ / sems can thams cad gdul ba'i don byed pa de'i phyir/ khro bo'i rgyal po chen por dbang bskur ba'o/ /ci'i phyir khro bo'i rgyal po chen por dbang bskur zhe na/ de'i phyir khyod kyi nang na yang zhes bya ba la sogs pa gsungs te/ de lta bu'i ma rungs pa'i sems can rnams gdul bar bya ba'i phyir byin gyis brlab pa ni sprul pa'o//bcom ldan 'das kyis de skad ces bka' stsal pa dang / de dag gis 'di skad ces gsol to/ /bcom ldan 'das bdag cag gi srog yal ba zhes bya ba ni 'tsho ba nyams pa 'di la bskyab tu gsol zhes bya ba'o/ /de dag gis de skad ces gsol pa dang /bcom ldan 'das kun du bzang po'i che ba'i bdag nyid bsgrag par bya ba'i phyir bcom ldan 'das kyis 'di skad ces bka' stsal to/ /kye grogs po zhes bya ba ni kye sems can dag ces bya ba'o/ /de nas khams gsum kun nas 'dus pa zhes bya ba la sogs pa la/de nas zhes bya ba ni bar skabs der ro/ /khams gsum kun nas 'dus pa zhes bya ba ni khams gsum po ma lus pa las 'dus pa'o/ /de su zhig yin zhe na/ srid pa gsum gyi dbang po de rnams so/ /nyam thag pa yang yin la chen po yang yin pas nyam thag pa chen po ste/nyam thag ni sdug bsngal gyis nye bar gtses pa'o/ /mgrin gcig tu zhes bya ba ni 'gres gcig tu'o/ /bcom ldan 'das 'chi ba'i sdug bsngal 'di las kun du bskyab par gsol zhes bya ba ni de las srungs shig ces bya ba'i don to//de nas zhes bya ba'i tshig 'di'i gnas skabs su bcom ldan 'das kun du bzang po yang shin tu 'jigs pa'i gzugs bstan to/ /zhugs shig ces bya ba ni nga'i bstan pa la gnas par gyis shig pa'o/ /rdo rje 'bar ba 'dis zhes bya ba ni phyag na gnas pa 'dis so/ / gcig tu 'bar bar byas nas khyed thams cad kyang thal bar byas sa re zhes bya ba ni sog ma'i phung po bsregs pa bzhin du thal bar byas pa'o/ /bcom ldan 'das kun du bzang pos de skad ces bka' stsal pa dang / de dag gis 'di skad ces gsol to zhes bya ba ni khyod ni zhes bya ba la sogs pa bzhams nas zhu ba dang ldan pa'o//ma chags pa dang mi sdang ba dang ma rmongs pas na kun du bzang po'o/ /de bzhin gshegs pa thams cad kyi thugs bskyed pa de zhes bya ba ni nyon mongs pa zad pa rnams kyi thugs skyed pa'o/ /zhi ba ni 'dod chags dang zhe sdang dang gti mug dang bral ba'i phyir ro//gdul ba ni nyon mongs pa bag chags dang bcas pas spangs pa'i phyir ro/ /sems can thams cad la phan par bzhed pa ni kun du bzang po yin pa'i phyir ro/ /sems can thams cad la mi 'jigs pa stsol ba ni gdul dka' ba thams cad 'dul ba la 'jug par mdzad pa'i phyir ro//gang gi phyir khyod ni 'di lta bu'i rang bzhin can yin na de'i ci'i slad du bdag cag sreg par 'gyur zhes pa'o/ /de rnams kyis de skad ces gsol ba dang / de nas bcom ldan 'das phyag na rdo rjes yang de rnams tshar gcad par bya ba'i phyir 'di skad ces bka' stsal to//ji skad ces bka' stsal ce na/ kye grogs po dag gang gis zhes bya ba la sogs pa ste/ gang gis de bzhin gshegs pa thams cad kyi bka' bzhin du byed pa de'i phyir khyed lta bu'i sems can ma rungs pa'i sems dang / sdig pa'i sems dang ldan pa rnams gsod par byed pa yin pas na nga ni kun du bzang po yin no//de nas de rnams skrag ste 'di skad ces gsol to/ /khyed kyi bka' bzhin du bgyi'o zhes pa'o/ /de nas sa gsum na gnas pa de rnams skyabs gsum dang dam tshig 'dzin pa la btsud pa dang / bcom ldan 'das phyag na rdo rjes gdul dka' ba'i phyir dbang phyug chen po gcig pu ma gtogs pa dul bar gyur pa/lhag ma rnams dbugs dbyung zhing / bslang ba'i phyir zhes pa la dbugs dbyung ba ste mi 'jigs pa byin pa dang / bslang ba ste/ bslang bar byed pa'i snying po 'di gsungs so/ / de nas 'di skad smras ma thag tu zhes bya ba ni gdul dka' ba'i phyir dbang phyug chen po ma gtogs pa khams gsum nas 'dus pa gzhan rnams srid pa gsum gyi bdag po khyab 'jug la sogs pa'i 'khor dang bcas pa ste/ g.yog gi tshogs dang bcas pa de dag thams cad kun du brgyal ba las sngar gyi bslang ba'i snying po gsungs pas sems dbugs phyung ste zhes bya ba grol bar gyur pa dang /bcom ldan 'das kun du bzang po'i byin gyi rlabs kyis lha'i ser bus kun du phog pas lha'i bde ba myong zhing / kun du tshor bar gyur pa dang / 'jigs shing zhes pa sems dman par gyur pa ste/gnod pa byung ba la gang gis slar ldog par nus par gyur pa de ni 'jigs pa med pa'o/ /bag tsha ba ni 'jigs pas skrag par gyur pa nyid kyis lus dang ngag gi las byed mi nus pa ste de yang med par gyur pa'o/ /de gnyis las gyur pa na spu langs pa ste/de dang bral ba gang yin pa de ni 'jigs shing bag tsha ba dang ba spu langs pa med par gyur pa'o/ /bcom ldan 'das phyag na rdo rje la lta zhing zhes bya ba ni yul de la rab tu dad par ston pa ste/ sems dpa' chen po gcig pus hUM zhes bya ba gcig pu tsam gyis lha chen po la sogs pa sa gsum gyi bdag po 'dus pa bdag cag thams cad btul zhing bslang ngo zhes pa'o//de nas bar skabs der bcom ldan 'das kyis byang chub sems dpa' chen po phyag na rdo rje la bka' stsal pa/ ci'i phyir 'di mi bslab/ 'di'i srog de chud gsan par bya ste ci rung zhes bya ba ste/de'i srog chud gson par ma byed par gsos shig ces pa'o/ /de ci'i phyir zhe na/ de'i phyir 'di yang skyes bu dam par 'gyur ro zhes gsungs pa yin no/ /de nas phyag na rdo rjes de bzhin du bya'o snyam nas zhes bya ba ni bcom ldan 'das kyis ji ltar bka' stsal pa de bzhin du bya'o snyam nas snying po gang gis 'chi ba las 'tsho bar gyur pa de ni shi ba gso ba'i snying po ste de gsungs pa'o//de nas dran pa med par gyur pa las dran pa rnyed par gyur te ldang bar 'dod na ldang ma nus so/ /de nas bcom ldan 'das la 'di skad ces gsol to//bcom ldan 'das ci bdag 'di lta bu la 'dul lam zhes bya ba ste/ de 'di snyam du sems te/ gzhan ni sus kyang 'dul bar nus pa ma yin pas/bcom ldan 'das 'di nyid kyis bdag btul ba 'di byas kyi gzhan ni sus kyang ma yin no snyam mo/ /de nas bcom ldan 'das kyis de la bsam pa dang rjes su mthun pa'i lan slar gsungs pa yin te/skyes bu yang yin la chen po yang yin pas na skyes bu chen po'o/ /'di zhes bya ba ni kun du bzang po'o/ /bka' nyan par mi 'jug na zhes bya ba ni khyod de'i bka' nyan par mi spro na/ khyod la 'dul ba 'di nyid yin gyi nga ni ma yin no zhes pa'o//de ci'i slad du zhes bya ba ni 'di skad ston te/ ci'i phyir khyod kyis bdag cag rnams kyi skyabs mdzad par mi spyod ces pa'o/ /bcom ldan 'das kyis de'i rgyu gsungs pa ni de bzhin gshegs pa thams cad kyi bdag po yin pa'i phyir ro zhes bya ba ste/ ji ltar na de bzhin gshegs pa thams cad kyi bdag po yin zhe na/ gang gi phyir 'di ni de bzhin gshegs pa rnams kyis mi 'dul pa'i sems can rnams gdul bar bya ba'i phyir de bzhin gshegs pa thams cad kyi bdag por gzhag pa yin pas gang rang nyid kyis gzhag pa de la ni snyoms par bya ba ma yin zhing slar dbugs dbyung bar nus pa ma yin no//de skad ces bka' stsal pa dang / lha chen pos gsol ba/ bcom ldan 'das kyis bka' stsal pa'i don bdag gis ma 'tshal to zhes bya ba ni dgongs pa gang gis bcom ldan 'das 'di skad gsungs pa'i dgongs pa de ni ma gtogs so zhes bya ba'o//da ni dgongs pa de rnam par dbye ba'i phyir ji lta zhe na/ khams gsum gyi bdag po de bzhin gshegs pa rnams las gzhan pa'i bdag po mchis par ma 'tshal na 'di su lags zhes bya ba'o/ /lhag ma rnams ni go sla'o/ /de nas bar skabs der bcom ldan 'das phyag na rdo rjes lha chen po la bka' stsal pa/nga'i bka' mi nyan tam zhes gsungs pa dang / mi nyan to zhes bya ba'i bar du rgyas par smras pa yin no/ /de nas byang chub sems dpa' chen po phyag na rdo rjes zhes bya ba la sogs pa la/ lha chen po la bka' nyan par mi 'dod par mkhyen nas rab tu khros par zhes bya ba rab tu 'khrugs par ston cing /nyid kyi zhabs kyi mthil nas zhes bya ba nyid kyi zhabs kyi 'og nas so/ /rdo rje'i phyi bzhin 'brang ba yin pas na rdo rje'i rjes su spyod pas so/ /dbang phyug chen po sbyang ba'i phyir zhes bya ba ni dbang phyug chen po'i nga rgyal tshar gcad par bya ba'i phyir ro//de nas de skad ces gsungs pa dang zhes bya ba ni snying po brjod pa'i rjes thogs nyid la'o/ /bcom ldan 'das rdo rje'i rjes su spyod pas rkang pa bkug ste bcom ldan 'das phyag na rdo rje'i zhabs kyi drung du bzhag pa ste/ 'dis ni brnyas pas 'dul ba yin pa'i phyir nga rgyal tshar gcod par ston to//da ni bcom ldan 'das phyag na rdo rjes ji ltar bgyi zhes pas bcom ldan 'das las bka' nod pa yin no/ /bcom ldan 'das kyis kyang brnyas pas 'dul ba yin par mkhyen nas non cig ces gsungs pa yin no/ / de nas bcom ldan 'das kyis rjes su gnang ba dang / bcom ldan 'das phyag na rdo rjes byang chub kyi sems yongs su dag cing sa 'thob pa'i rgyur zhabs g.yon pas dbang bskur bar byed pas lha chen po'i mgo bor mnan pa dang / g.yas pas kyang 'di ni sems can mi shes pa rnams kyi sdig pa mi dge ba dang nyon mongs pa'i rgyu yin no zhes dgongs nas u ma'i nu ma g.yas pa mnan nas zhe sdang dang 'dod chags las rnam par rgyal bar bsten cing /phab nas rjes su 'dul ba'i rdo rje mchog gi snying po gsungs so/ /lha chen po'i sgo nas 'jig rten gsum po thams cad dbang du bya ba'i phyir de rnams kyi mdun du btul ba yin no//btul bar de rnams kyis shes pa dang / srid pa gsum po thams cad kyis nged kyi dbang po 'di bdag nyid chen po des btul lo zhes sgra chen po phyung ngo zhes pa'o/ /'di skad ston te/ 'di ni bdag cag rnams la 'di skad ces smras te/nga ni lha'i lha chen po ste 'byung po thams cad kyi dbang po byed pa'o/ /rnam par 'jig pa po yang nga yin zhing nga las ches lhag pa gzhan med do zhe na/ da ni bdag nyid chen po 'dis 'di ltar btul lo zhes gad mo 'debs shing 'phya ba'o/ /de nas bar skabs der bcom ldan 'das kyis lha chen po dul ba nyid dang rnam par dul bar mkhyen nas/de la thugs rje chen po bskyed de babs pa'i sdug bsngal te nye bar zhi bar bya ba'i phyir sangs rgyas thams cad kyir gtogs pa'i byams pa'i dgongs pas kun nas bslang ba'i sangs rgyas thams cad kyi snying po 'di gsungs pa yin no//snying po'i rjes thogs nyid la lha chen po la babs pa'i sdug bsngal de med par gyur to/ /de nas yang phyag na rdo rje'i zhabs kyi mthil gyis reg pas bde ba bla na med pa'i grub pa ste 'tshang rgya ba yin no/ /de'i rgyur dbang bskur ba yin pas bla na med pa'i grub pa'i dbang bskur ba'o//ting nge 'dzin dang rnam par thar pa dang / gzungs dang ye shes dang mngon par shes pa rnams ni bde ba bla na med pa'i grub pa'i dbang bskur ba dang / ting nge 'dzin dang rnam par thar pa dang gzungs dang ye shes dang mngon par shes pa ste//de rnams thob par bya ba'i phyir ro/ /bar du zhes bya ba'i sgra ni sa dang pha rol tu phyin pa la sogs pa bsdu'o/ /de bzhin gshegs pa nyid du grub pa'i bar du gyur te zhes bya ba la/ de bzhin gshegs pa nyid du zhes bya ba la phyis 'gyur bar sprul zhing ston pa ste/ dad pa bskyed par bya ba'i phyir ro/ /de nas bar skabs der lha chen po bcom ldan 'das phyag na rdo rje'i zhabs kyi mthil gyis reg pa'i bde ba la reg pa las/ de bzhin gshegs pa thams cad du gtogs pa phyis 'byung bar 'gyur ba'i ting nge 'dzin dang gzungs dang rnam par thar pa'i sgo rnams bcom ldan 'das kun du bzang po'i dbang gis skyes par gyur to//de la ting nge 'dzin ni nam mkha' mdzod la sogs pa'o/ /gzungs ni ye shes sgron ma la sogs pa'o/ /rnam par thar pa'i sgo ni stong pa nyid dang mtshan ma med pa la sogs pa'o/ /myong ba ni de dag las byung ba'i bde bas bdag nyid nyon mongs pa tshim par gyur pa'o//lha chen po'i lus phyag na rdo rje'i zhabs kyi mthil la phul ba dang / sangs rgyas rnams kyi byin gyi rlabs kyis 'jig rten gyi khams thal bas khebs par bdag nyid mngon par rdzogs par sangs rgyas par snang ba snyam du sems par gyur to//de nyid kyis na bar skabs der lha chen po'i lus de las ched du brjod pa 'di byung bar gyur to/ /e ma'o zhes bya ba ni ngo mtshar du gyur pa'o/ /gang zhig gi ye shes ngo mtshar du gyur pa yin zhe na/ de'i phyir sangs rgyas thams cad kyi//sangs rgyas ye shes bla na med/ /ces bya ba gsungs so/ /sangs rgyas rnams kyi ye shes yin pas na sangs rgyas ye shes so/ /'di'i gong na yod pa ma yin pas na bla na med pa'o/ /bla na med pa de gang zhig yin zhe na/ gang gi phyir/ yi ge'i gnas kyis mnan nas su//zhes bya ba ste 'di las mi 'gyur bas na yi ge'o/ /gnas ni go 'phang gi gnas so/ /yi ge yang yin la gnas kyang yin pas na yi ge'i gnas so/ /des mnan pa'o/ /'di skad ston te/ don dam pa byang chub kyi sems la gnas par byas nas mya ngan las 'das pa la gzhag pa ste/sangs rgyas nyid la gzhag go zhes bya ba'i don to/ /de ltar lha chen po btul zhing dkyil 'khor du bcug nas/ da ni khyab 'jug la sogs pa lhag ma rnams gzhug par bya ba'i phyir/ de nas zhes bya ba la sogs pa 'di gsungs pa yin te/de bzhin gshegs pa thams cad kyang yin la rdo rje yang yin pas na de bzhin gshegs pa thams cad kyi rdo rje'o/ /de rnams kyi dam tshig yin pas na de bzhin gshegs pa thams cad kyi rdo rje'i dam tshig go/ /de bzhin gshegs pa thams cad kyi rdo rje'i dam tshig kyang yin la dkyil 'khor chen po yang yin pas na de bzhin gshegs pa thams cad kyi rdo rje'i dam tshig gi dkyil 'khor te der zhugs shig pa'o//zhugs nas ci zhig bya zhe na/ de bzhin gshegs pa thams cad kyi dam tshig srungs shig pa ste/ /de bzhin gshegs pa thams cad kyi dam tshig ni 'og nas phyis 'chad par 'gyur ro//yang zhes bya ba ni sngar gzung ba las ltos pa ste/ sngar ni yang dag par ma blangs pas da ltar dkyil 'khor du 'jug pa'i cho gsum la skyabs su 'gro ba la sogs pa la btsud pa dang / dkyil 'khor du 'jug pa'i gzhung lugs bstan par bya ba'i phyir ro//bslab pa ni bslab pa lnga rnams so/ /dam tshig ni phyag rgya la sogs pa'o/ /sdom pa ni dus gsum du sgrib pa med pa dang 'brel pa'o/ /de rnams kyis kyang ji skad du bka' stsal pa de dag thams cad yongs su blangs so/ / dam tshig glo bar ma chud do zhes bya ba ni dam tshig gang yin pa dang de ji ltar gnas par bya ba 'di dag ma 'tshal to zhes bya ba'i don to/ /bcom ldan 'das phyag na rdo rjes bka' stsal pa/ dam tshig ni 'di dag yin te/ byang chub kyi sems rim pa bzhin du bskyed la/ de'i 'og tu byang chub sems dpa'i spyod pa shin tu mnyam par gzhag pas spyad par bya'o zhes pa'o//de nas bcom ldan 'das phyag na rdo rjes lha la sogs pa de rnams gzhug par bya ba'i phyir/ dam tshig chen po'i phyag rgya ni phyag rgya thams cad kyi spyi yin pa'i phyir te/ khro bo ti rIn ti ri'i phyag rgya ni dam tshig ces bshad do/dam tshig chen po 'dis zhes bya ba ni dam tshig chen po'i phyag rgya'i snying po 'og nas bshad pa 'dis so/ /'ching du gzhug go zhes bya ba ni chings shig ces brjod la 'ching du gzhug pa'o/ /lag tu zhes bya ba la sogs pa la lag tu babs pa'i lhas yongs su gzung bar gyur na brtan par 'gyur zhing /dgos pa 'grub pa la dgongs par yang 'gyur ro/ /dam du 'ching bar gyur to zhes bya ba ni mi phyed par gyur pa la bya'o/ /tshul bzhin du btsud nas zhes bya ba ni sgo'i phyi rol du gzhag pa'i bum pa rdo rjes byin gyis brlabs pa las/rdo rje'i chu'i bsang gtor byas la dam tshig gi sngags brjod pa dang / dam tshig gi phyag rgya 'ching du gzhug pa dang / gdong g.yogs bcings la 'jug pa'i snying po brjod du gzhug cing gzhug par bya'o/ /bcug nas mna'i snying po byin pa dang / rdo rje'i chu blud la deng phyin chad khyod kyi phyag na rdo rje nga yin gyis nga la brnyas par ma byed cig ces bya ba la sogs pa'i dam tshig byin zhing sdom pa 'dzin du bcug la/rdo rje dbab pa bskyed de/ me tog 'dor du bcug nas gdong g.yogs bkrol te/ bum pa rdo rjes byin gyis brlabs pa las rdo rje'i chus dbang bskur ba'o//rdo rje rin po che'i dbang bskur bas dbang bskur nas zhes bya ba la/ sems can ma rungs pa gdul bar bya ba'i phyir ni rdo rje'i dbang bskur ba yin la/ mngon par mtho ba'i phyir ni rin po che'i dbang bskur ba ste/ de la gang gis de bzhin gshegs pa rnams dbang bskur ba'i rdo rje'i dbang bskur ba dang /rin po che'i dbang bskur ba gnyis gcig tu bsdus nas/ rdo rje rin po che'i dbang bskur ba zhes gsungs pa yin no/ /de yang gang gi phyir rgyud phyi ma las/ rdo rje dang rin po che'i rigs gcig tu bsdus pa'i phyir ro//mtshan ma zhes bya ba ni rtse gsum la sogs pa so so'i phyag rgya'i khyad par ro/ /rdo rje'i mtshan ma ni mtshan ma rdo rjes byas pa ste/ de bzhin gshegs pa thams cad ji ltar sems can gyi don mdzad pa de ltar khyed rnams kyis kyang gyis shig ces de la dgod pa'o//de nas 'jig rten gsum gyi bdag po thams cad kyi las bshad de/ 'di lta ste/ dbang phyug chen po ni zhes bya ba la sogs pa ni las kyi sgo nas don dang ldan pa'i ming bstan pa yin no/ /de dag kyang bdag por gyur pa yin pas ni rig pa'i rgyal po yin par dbang bskur ro//bar snang la rgyu ba'i lha rnams kyi bdag po yin pas na lha'i dbang po thams cad do/ /dbyig pa chen po ni spen pa'o/ /ser smug ni mig dmar ro/ /de la sogs pa zhes smos pas ni gza' lhag dang phur bu la sogs pa bsdu'o/ /chang gis myos pa ni stobs bzang ngo / / sbrang rtsir byed ni nag po chen po'o/ /rgyal ba ni pra du ma na'o/ /khyab 'jug gi bu rgyal bar byed pa ni dga' byed dbang phyug go/ /sogs pa zhes bya ba'i sgras ni me tog la sogs pa gzung ngo / /mdzod skyong ni nor byin no/ /ku ber ni kuSh+man da'i bdag po'o/ /sogs pa zhes smos pas ni yul 'khor skyong la sogs pa'o//phag ni khyab 'jug gi 'jug pa ste/ gang gis sa yang dag par 'degs par byed pa'o/ /gtsug phud sa ni tshogs kyi bdag po nyid do/ /sogs pa zhes smos pas ni nam mkha' lding la sogs pa gzung ste/ 'di dag kyang bcom ldan 'das rdo rje hUM mdzad 'jig rten gsum gyi bdag po'i rgyal po la sogs pa khro bo'i tshogs kyi bdag po dang /pho nya dang bran la sogs par dbang bskur ba yin pas na de'i rnal 'byor la gnas te/ so so'i dgos pa la sbyar bar bya'o/ /'jig rten gsum na bdag po yin pas na 'jig rten gsum gyi bdag po ste/de rnams kyi lha mo yin pas na 'jig rten gsum gyi bdag po'i lha mo thams cad do/ /'jig rten gsum gyi bdag po'i lha mo de dag thams cad la rdo rje dang rin po che'i dbang bskur bas dbang bskur ro/ /rang gi mtshan ma ni de rnams kyi phyag rgya gang yin pa ste/ de la rdo rjes byin gyis brlabs pa zhes bya ba ni rdo rje'i mtshan ma byin pa'o/ /rdo rje ming gi dbang gis dbang bskur nas/ /zhes bya ba ni rdo rje dam tshig la 'jug pa'i mtshan mar gyur pa'i ming btags nas ji ltar de bzhin gshegs pa thams cad byang chub sems dpar gyur pa na sems can rnams kyi don ji ltar mdzad pa gang yin pa 'di ni de bzhin gshegs pa thams cad kyi sems can gyi don te/de'i ngo bo nyid yin pas na de bzhin gshegs pa thams cad kyi sems can gyi don nyid de/ de bzhin gshegs pa'i sems can gyi don de la rab tu bkod par gyur pa'o/ / rdo rje'i ming gang dang gang yin pa ma bstan pas de bstan par bya ba'i phyir/ 'di lta ste/ u ma'i khro bo rdo rje'i me'o zhes bya ba la sogs pa gsungs te/ 'dir rig pa'i rgyal po rnams kyis ji ltar bstan pa de bzhin du lha mo rnams kyi go rims kyang de dang 'dra bar shes par bya'o/ /rug mi ni khyab 'jug gi'o//shaSh+Thi ni gzhon nu gdong drug gi'o/ /tshangs ma ni tshangs pa'i 'o/ /dbang mo ni dbang po'i 'o/ /mi 'chi ma ni rdo rje 'khyil pa'i 'o/ /ro hi ni zla ba'i 'o/ /dbyug 'dzin ma ni spen pa'i 'o/ /skye ba 'phrog ma ni mig dmar gyi'o/ /gsod ma ni chang gis myos kyi'o//zla ba rdo rje ma ni sbrang rtsir byed kyi'o/ /bsgo ba mo ni rgyal ba'i 'o//dga' ba ma ni rgyal bar byed pa'i 'o/ /zhi ba ma ni rdo rje gtun rings kyi'o/ /mgyogs pa rdo rje ma ni rlung gi'o/ /me ni rdo rje 'bar ba'i 'o/ /ku be ra ni rdo rje gtsigs pa ma'o/ /rdo rje kha ni phag gi'o/ /tsa muN+Di ni gshin rje'o//sna chad ma ni rdo rje tshogs bdag gi'o/ /de nas bar skabs 'dir byang chub sems dpa' chen po phyag na rdo rjes zhugs pa de dag thams cad ces bya ba ni rdo rje rgyal mo la sogs pa'o/ /sangs rgyas kyi ye shes bskyed nas zhes bya ba ni byang chub kyi sems yang dag par sbyangs pa la sogs pas so//phyag rgya bcing ba thams cad bslabs te zhes bya ba ni dam tshig gi phyag rgya la sogs pa dang / de'i dam tshig ni rdo rje'i dkyil 'khor gyi dam tshig gi phyag rgya gang yin pa ste/ de byin pa'o/ /ji ltar byin zhe na/ mna'i snying po 'dis byin no zhes bya ba ste 'da' bar mi bya ba'i phyir ro//dam tshig 'di ni rdo rje rgyal po la sogs pa thams cad kyi spyi'i yin no/ /rdo rje 'di ni rdo rje che/ /zhes bya ba ni lag pa na gnas pa'i lag gi rdo rje la bya bar ston to/ /sangs rgyas kun gyis byin gyis brlabs/ /zhes bya ba ni sangs rgyas thams cad 'dus par mdzad pas bskyed pa dang / sangs rgyas thams cad kyis byin gyis brlabs pa'o/ /zhes sngags pas rdo rje de'i mdun du ston pa'o/ /dam tshig 'di las 'das na ni/ /zhes bya ba ni bka' las 'da' ba'o/ /rigs rnams myur du thal bar byed/ /ces bya ba ni rigs zad par byed do zhes bya ba'i don to//mna'i snying po byin nas de'i rjes thogs la lha rnams dgug pa'i snying po 'dzin du gzhug par bya ba'i phyag rgya yin pas snying po gzung bar bya ba'i phyag rgya ste/ byin no zhes bya ba ni rjes su byin par gyur to zhes bya ba'i don to/ /rdo rje'i phyag rgya gnyis bcings te/ /zhes bya ba ni rdo rje khu tshur gnyis su byas nas rdo rje phyag rgya gnyis su 'gyur ro//mdzub mo lcags kyur bcing na ni/ /zhes bya ba ni rdo rje khu tshur gnyis kyi mdzub mo gnyis lcags kyur byas la gcig la gcig gis gzung ba'o/ /gcu zhing phyir yang gcu bar bya/ /zhes bya ba ni g.yas pas g.yon pa mngon sum du drangs pa de ni gcu ba'o//bzlog ste g.yon pas g.yas pa drangs pa ni phyir yang gcu bar bya ba'o/ /dgos pa'i don zhes bya ba la sogs pa la/ sngags pas snying po brjod cing phyag rgya 'di bcings nas gang cung zad ci bsgo yang rung ste/ de'i mdun du khyed rnams dgos pa de 'grub par bya ba'i phyir 'dug par gyis shig pa'o//rdo rje bcing ba dam bcings te/ zhes bya ba la sogs pa la/ rdo rje bsdam pa dam du byas la mdzub mo gnyis kyi rtse mos gung mo gnyis btsir bar bya ste/ gung mo gcig ni dngos su mnan pa yin la/ gnyis pa ni rgyud pas mnan pa 'di ni bar snang la spyod pa rnams dam tshig lan du gzhug pa'i phyag rgya'o//rig pa 'dzin pa'i sngags pa gal te pad+ma la sogs pas nye bar mtshon pa dag kyang yod pas/ de'i phyir/ rdo rje rig pa 'dzin pas ni/ /zhes bya ba gsungs te rdo rje rig pa 'dzin pa de'i dam tshig gi phyag rgya bcings pa las bar snang la spyod pa rnams kyis gal te 'ga' yis 'gal bar byas shing 'da' bar gyur na dam tshig 'dis de'i rigs gsod par 'gyur ro//rdo rje'i phyag ces bya ba la sogs pa la/ sngar bshad pa'i rdo rje khu tshur gnyis bcings la/ g.yas pa'i mthe'u chung g.yon pa'i rgyab nas 'khyud te gzung la mdzub mo g.yas pas kyang mdzub mo g.yon pa gzung ste/bzlog ste zhes bya ba lag pa gnyis ka bkan nas spyi bor bzhag nas nam mkha' la spyod pa rnams kyi phyag rgyar 'gyur ro/ /bdag nyid chen po'i dam tshig 'di/ /rdo rje rig 'dzin gyis bcings nas/ /zhes bya ba la/ bdag nyid chen pos zhes bya ba phyag na rdo rje'i ste/phyag rgya 'di bcings nas/ khros te gang la bltas pa'i/ de'i mdun du de bzhin du 'dug ces bya ba ste/ 'di ni nam mkha' la spyod pa rnams la bka' bsgo ba'o/ /rdo rje bsrung ba dam bcings la/ /zhes bya ba la sogs pa la/ rdo rje bsdams pa dam du bcings la mdzub mo gnyis gshibs pa 'di ni rdo rje bsrung ba'o//rdo rje bsdams pa des mnan pa/ /zhes bya ba ni rdo rje bsrung ba de sa la bzhag nas btsir ba ste 'di ni sa la gnas pa rnams kyi dam tshig go/ /dam tshig 'dis ci zhig byed ce na de'i phyir/sems can thams cad bsrung ba'o//zhes bya ba gsungs so/ /gang zhig la zhes bya ba ni sngags pa ste/ bsrung ba'i phyir phyag rgya 'di 'ching bar byed pa'o/ /ji lta bu zhe na/ khro bor ldan pas zhes bya ba gsungs so/ /bsrung ba'i zhes bya ba ni sems can de bsrung bar bya ba'i phyir ro/ /de yi rgyab tu 'dug par byos//zhes bya ba ni bcom ldan 'das phyag na rdo rje'i bka' bsgo ba'o/ /rdo rje'i phyag gnyis bcings te zhes bya ba ni rdo rje khu tshur gnyis bcing ba'o/ /rdo rje mdzub mo g.yon pa la/ /zhes bya ba ni g.yon pa'i rdo rje'i mdzub mo ste des rdo rje g.yas pa'i mthe'u chung dang lhan cig gcig la gcig gcu zhing slar gcus la dgrol bar bya ba'o//de ltar gcu zhing slar gcu ba byas nas g.yas pa'i mthe'u chung bkrol nas khro bor mnyam par gzhag nas zhes bya ba ste/ khro bo'i ting nge 'dzin la gnas pa'i sngags pa gang yin pas dam tshig 'di sbyar bar byas na khyed rnams de'i mdun du 'khod cig pa'o//ci'i phyir zhe na/ de'i phyir/ dngos grub kun gyi mchog gi phyir/ /zhes bya ba gsungs te/ dngos grub dam pa'i phyir zhes bya bar shes par bya'o/ /rdo rje bcings pa sbrel ba ni/ /mdzub mo gnyis ni dam por bya/ /zhes bya ba ni rdo rje khu tshur gnyis kyi mdzub mo gnyis ka lcags kyur byas la/lcags kyu g.yas pas lcags kyu g.yon pa gzung rdo rje g.yon pas kyang mdzub mo g.yas pa gzung ba 'di ni rdo rje bcings pa'i mdzub mo gnyis dam por byas pa yin no/ /mthe'u gung mo rtse mo gnyis/ /zhes bya ba ni gung mo gnyis kyi rtse mo gshibs la/mthe bo gnyis kyi lto gnyis kyang sbyar la kha thur la bstan pa'o/ /rdo rje phyag rgya bcings nas kyang / /zhes bya ba ni rdo rje'i phyag rgya bcing ngo zhes bya ba'i don to/ /'di ni re zhig rdo rje rtse gcig pa'i phyag rgya yin par snang ngo / /rdo rje'i phyag rgya bcings nas kyang / /zhes bya ba 'di la/gzhan dag ni lag pa gnyis ka'i mthe'u chung dang srin lag brkyang nas rdo rje rtse lnga pa yin no zhes 'chad do/ /de nas phyag rgya de bzlog cing bkan te gyen du bstan nas dpral bar gzhag par bya'o/ /gal te gson par 'dod na zhes bya ba ni 'tsho bar 'dod na'o/ /dgug par bya ba gang yin pa zhes bya ba ni gang bod par bya ba'o//de yi mdun du rtag par 'dug /ces bya ba ni de'i mdun du rgyun du 'dug ces pa'o/ /ji skad du bshad pa'i tshul gyis 'jig rten gsum po thams cad kyi bdag po rnams tshar gcad par 'os pa rnams la ni tshar gcad nas dam tshig la bkod par bstan nas/da ni ma rungs pa'i dkyil 'khor du gtogs pa rnams tshar gcad nas phan gdags par bya ba'i phyir/ bcom ldan 'das la bcom ldan 'das phyag na rdo rjes zhus pa yin te/ ma rungs pa rnams 'dul bas na ma rungs pa 'dul ba po ste/ ma rungs pa 'dul bar dbang bskur te gzhag go zhes bya ba'i don to//ma rungs pa'i dkyil 'khor du gtogs pa zhes bya ba la/ ma rungs pa rnams kyi dkyil 'khor du gtogs pas na ma rungs pa'i dkyil 'khor du gtogs pa ste/ ma rungs pa ni sems can rnams la 'khu ba la zhugs pa'i phyir ro/ /dkyil 'khor du gtogs pa zhes smos pas ni dkyil 'khor dang de na gnas pa'i sems can rnams gzung ngo //de dag thams cad ces bya ba ni snying po phyi ma bkug pa rnams te/ de dag kyang gang zhe na/ ma rungs pa'i dkyil 'khor du gtogs pa rnams so/ /ji ltar bsgrub par bgyi zhes bya ba ni ji ltar 'tshal zhes bya ba'i don to//legs par bka' stsal du gsol zhes bya ba ni gsal bar bka' stsol cig ces bya ba'i don to/ /de nas bar skabs der bcom ldan 'das kyis sems can de rnams kyi tshe zad par mkhyen nas/ skrag pas 'dul ba de rnams la rjes su phan gdags par mdzad pa'i phyir bcom ldan 'das kyis su m+b+ha zhes bya ba la sogs pa gsungs so//sems can thams cad la bskyab pa'i phyir zhes bya ba ni de rnams dang gzhan dag kyang ngo / /rdo rje lcags kyu zhes bya ba la sogs pa la/ rdo rje khu tshur gnyis kyis mdzub mo gnyis lcags kyur bcings la snying gar yongs su bskor bar bya ba ni g.yon pa'i lcags kyu g.yas pa'i nu ma'i 'og tu bkan te bzhag la/de nas lag ngar g.yas pa lag ngar g.yon pa'i steng du phyung ste/ g.yas pa'i lcags kyu'ang g.yon pa'i nu ma'i 'og tu bkan te bzhag la/ de nas de gnyis kyi ma rungs pa'i dkyil 'khor du gtogs pa de dag thams cad dgug par bya'o//sngags brjod cing phyag rgya bcings pa'i rjes thogs la'o/ /ma rungs pa'i dkyil 'khor du gtogs pa thams cad khugs shing 'ongs pa de rnams la'ang bcom ldan 'das phyag na rdo rjes sdig pa rnams las ldog par gyis shig ces bka' stsal pa dang /de rnams kyis bdag cag rnams ni sems can gsod pa 'dis 'tsho ba lags na/ ji ltar 'tsho bar bgyi zhes zer zhing bka' nyan du ma 'dod par gyur to/ /de nas yang bcom ldan 'das phyag na rdo rjes 'jig rten gsum las rnam par rgyal ba'i phyag rgya 'di 'ching zhing khro bo'i snying po ma rungs pa rnams gsod pa 'di gsungs so//rdo rje khro bo zhes bya ba la sogs pa la/ 'jig rten gsum las rnam par rgyal ba'i phyag rgya bcings la/ khro bo'i mdzub mo gnyis kyi sen mo gnyis gcig la gcig sprad de/slar yang the gu gcus pa'i tshul du dkris nas/ rtse mo gnyis ni dam sbyar ba/ /zhes bya ba ma rungs pa'i dkyil 'khor thams cad de'i nang du bsams la mdzub mo gnyis kyi gdong gcig gis gcig dam du btsir bar bya ste/ phyag rgya 'di ni ma rungs pa rnams 'joms pa'o//de nas sngags 'di gsungs shing phyag rgya bcings ma thag tu ma rungs pa'i dkyil 'khor thams cad gcig tu 'dus pa zhes bya ba tshogs par gyur pa'o/ /rnam pa du mas gtses shing zhes bya ba ni bcom pa'o/ /dpral ba dang zhes bya ba ni phyogs bcur gtor ba dang /de dag gi dkyil 'khor du dam tshig gi phyag rgya gsungs pa gang yin pa de dag kyang dral ba'o/ /bsreg cing zhes pa ni phog pa tsam gyis tshig pa'o/ /shin tu btsos pa ni yun ring mos rus pa'i phyogs kyi gting la thug gi bar du khyab par gyur pa'o/ /'o dod cher 'bod pa zhes bya ba ni mi snyan par 'bod pa'i don to//de nas bar skabs 'dir bcom ldan 'das phyag na rdo rjes bcom ldan 'das la 'di skad ces gsol to/ /bcom ldan 'das 'di dag ni snying rje lta bu'i sgra 'byin mod kyi/ sdig pa las ldog par mi bgyid na ji ltar bgyi ba bdag la bka' stsal du gsol/bcom ldan 'das phyag na rdo rjes de skad ces gsol ba dang / bcom ldan 'das kyis sems can de dag tshe zad par gzigs pa dang / de bstan pas gzhan rnams la phan gdags par bya ba'i phyir dang / 'di dag kyang 'chi ba'i dus ma byas kyi bar du de dag gtong bar mi byed par thugs su chud nas ni sum+b+ha zhes bya ba gsungs so//bcom ldan 'das phyag na rdo rjes kyang de rnams tshar gcad par bya ba'i phyir sngags gsungs so/ /de nas de'i rjes thogs la ma rungs pa'i dkyil 'khor de dag thams cad bsdus te/ rgya mtsho chen por lhung ngo zhes bya ba sprul pa gang yin pa de dag ni mi snang bar gyur to//gang der shi 'phos pa de rnams bcom ldan 'das phyag na rdo rje'i mthu mthong ste sems dad par gyur nas/ dus byas pa rnams ni lha dang mi rnams su skyes so/ /de ltar ma rungs pa'i dkyil 'khor du gtogs pa de dag gdul bar mdzad nas/phra men ma la sogs pa 'dul bar bzhed nas/ bcom ldan 'das la bcom ldan 'das phyag na rdo rjes zhus pa/ bcom ldan 'das kyis kyang rjes su gdul bar bya ba'i phyir gnang bar mdzad pa yin no/ /bcom ldan 'das phyag na rdo rjes kyang phra men ma la sogs pa gdon ma rungs pa thams cad dgug pa'i snying po gsungs pa yin no//sogs pa zhes smos pas ni rnal 'byor ma la sogs pa gzung ngo / /de rnams bkug nas kya bzod ldan rnams srog gcod pa spangs pa'i bslab pa dang zhes bya ba 'dis rjes su 'dul bar mdzad do//'bar ba ni shin tu tsha ba'o/ /rab tu 'bar ba ni kun du 'bar bar gyur pa'o/ /gcig tu 'bar bar gyur pas zhes bya ba ni rdo rje las byung ba'i 'bar ba des gang gis nam mkha'i khams yongs su gang bar gyur pa des na rdo rje de gcig tu 'bar ba zhes bya ba'o/ /de nas bcom ldan 'das zhes bya ba la sogs pa la/de nas zhes bya ba ni de'i rjes thogs la'o/ /bcom ldan 'das zhes bya ba la bcom ldan 'das rnam par snang mdzad de/ des bcom ldan 'das phyag na rdo rje la 'di skad ces bka' stsal to/ /phyag na rdo rje sems can 'di rnams la snying rje chen po bskyed la thabs sbyin par zhes bya ba ni 'chi ba'i mtshan ma shes par bya'o//bsgrub par byos shig ces bya ba ni byin gyis rlob par gyis shig pa'o/ /bcom ldan 'das phyag na rdo rjes kyang de bzhin du bgyi bar 'tshal lo zhes te/ 'chi ba'i mtshan ma zhes pa'i snying po gsungs te/ 'chi ba'i rtags yin pas na 'chi ba'i mtshan ma ste/de'i ye shes yin pas na 'chi ba'i mtshan ma zhes pa'i ye shes te/ de'i phyag rgya dang de'i snying po gsungs so/ /rdo rje bsdams pa bcings nas ni/ /zhes bya ba ni rdo rje bcing ba bcing ba'o/ /lag pa gnyis rdo rje bcing ba yang yod pas na de las khyad par du bya ba'i phyir lag ngar gnyis zhes bya ba gsungs so//shin tu dam por zhes bya ba ni mi g.yo bar ro/ /de yang rdo rje khu tshur gnyis bcings la/khu tshur g.yon pa mchan khung g.yas pa'i phyogs su bcug la khu tshur g.yas pa lag ngar g.yon pa'i 'og nas phyung nas/mchan khung g.yon par bcug la shin tu dam por byas pa 'di ni rdo rje bsdams pa dam por byas pa yin no/ /rdo rje mdzub mo rtse mo yi/ /rang gi mchan khung brud par bya/ /zhes bya ba ni drongs shig pa'i don to/ /phyag rgya 'dis sems can thams cad kyi snying brus la zo shig ces bya ba ni des de rnams drangs nas zos su zin kyang sems can de rnams zhag grangs de'i bar du sngags de'i mthus gson par gnang ba dang /de rnams kyang sdig pa las zlog par 'gyur zhing / sems can gzhan rnams kyang dus ma yin par 'chi ba las bsrung bar 'gyur ro//de nas phra men ma la sogs pa de rnams gnang ba thob par gyur pa dang / dga' ba'i sgra 'byin cing gar gyi tshul gyis mchong rgal te rang rang gi gnas su song ngo / /de ltar phra men ma la sogs pa btul nas/ bcom ldan 'das phyag na rdo rjes rims la sogs pa'i nad rnams 'dul bar bzhed nas/rims la sogs pa'i nad 'di rnams ji ltar bgyi zhes bcom ldan 'das la bka' nod pa yin no/ /bcom ldan 'das kyis kyang tshar gcad par gyis shig ces bka' stsal to/ /bcom ldan 'das phyag na rdo rjes kyang gnang ba thob pa dang rims la sogs pa'i dgug pa'i snying po gsungs so//bkug nas kyang sems can rnams gsod pa las ldog pa'i bslab pa gzung ba'i sdom pa long shig ces bka' stsal te/ sems can rnams gsod pas sems can gsod pa ste/ khams ma snyoms pa la sogs par byas nas 'tshe ba ste de nas bzlog pa'o//de nyid bslab pa ste nyams su len pa ni sdom pa'o/ /de dag gis gsol ba/ bdag cag ni sems can gyi mdangs 'phrog ste/ 'tshe bar bgyid pa lags na/ gang gi phyir 'di ltar 'tshe bar bgyid pa de'i phyir/ bcom ldan 'das legs par brtags te ji ltar bsgrub par bgyi pa bka' stsol cig ces zhus so//de nas bar skabs der bcom ldan 'das phyag na rdo rjes sems can rims kyis thebs par gyur pa rnams kyi rang gi las rnam par dag par gyur pa ste las gang gis rims la sogs pa'i nad du gyur pa de ni rang gi las te/rang gi las de rnams dag par gyur pa ni yongs su zad pa'o/ /de'i ye shes yin pas na rang gi las rnam par dag par gyur pa'i ye shes te/ de'i phyag rgya dang de'i snying po gsungs so/ /phyag rgya 'di zhes bya ba la sogs pa la/ phyag rgya 'di gang rims la sogs pa'i nad thams cad kyis gang la btab pa'i sngags pas phyag rgya 'di bcings te las byas pa bstan na khyed rnams de nas song shig ces pa'o//de ltar rims la sogs pa'i nad rnams btul nas dam tshig kyang 'dzin du bcug ste/ da ni dmyal ba la sogs pa ngan song pa thams cad rnam par sbyang ba'i phyir yang bcom ldan 'das phyag na rdo rjes de bzhin gshegs pa thams cad la zhus pa yin no//sgrib pa thams cad ces bya ba ni shes bya'i sgrib pa dang nyon mongs pa'i sgrib pa'o/ /chos pa ni sgrib pa lnga la sogs pa'o/ /las kyi sgrib pa ni ngan song nges par myong bar 'gyur ba'i las so/ / sgrib pa de dag la sogs pa rnam par sbyang ba'i slad du zhes bya ba ni rnam par dag par bya ba'i phyir te/ zad par sbyangs pa zhes bya ba'i don to/ /'di skad ston te/ sdig pa bshags pa la sogs pa 'ba' zhig gis sgrib pa zad par 'gyur bar ma zad kyi/ sngags brjod pa dang bcas pa'i phyag rgya bcing bas kyang sgrib pa zad pa yin par shes par bya'o//de nas byang chub sems dpa' phyag na rdo rjes 'di skad gsungs nas/ ngan song gi 'gro ba'i 'khor lo thams cad dgug pa'i snying po gsungs so/ /rdo rje bcing ba dam byas te/ /gung mo gnyis ni sbyar nas su/ /zhes bya ba la sogs pa la gung mo gnyis gshibs la sor mo lhag ma rnams rdo rje bcing ba nang du bsnol te/g.yas pa'i sor mo bzhi'i rtse mor lag pa g.yon pa'i mthil du rtse sprad par bya/ lag pa g.yon pa'i sor mo bzhi'i rtse mo lag pa g.yas pa'i bar bar nas phyung la lag pa g.yas pa'i mthil du rtse sbyar bar bya/de nas gung mo gnyis yang nas yang du dbye zhing brdab par bya'o/ /de nas bar skabs der ngan song gsum zhes bya ba dmyal ba dang dud 'gro dang yi dwags te ngan song gi 'gro ba gsum du gtogs pa ste/ de na gnas pa'i sems can gang yin pa de dag thams cad ni ngan song gsum du gtogs pa'o//'khor lo'i nang du gnas pa ni ngan song gi 'gro ba'i dkyil 'khor gyi nang du chud pa'o/ /phyag na rdo rje las phyag rgya 'di mthong nas zhes bya ba ni sdig pa sel ba'i phyag rgya 'di'o/ /ngan song thams cad las 'chi 'phos nas bcom ldan 'das rnam par snang mdzad kyi zhabs drung du skyes so zhes bya ba ni phyag rgya bstan pas ngan song du 'jug par byed pa'i las rnams zad par byas nas dmyal ba las shi 'phos te sum cu rtsa gsum par skye bar 'gyur ba'i rang gi las kyis ri rab kyi rtse mor skyes so// ngan song de rnams kyang rgya mtsho chen por bor ro zhes bya ba ni ngan song gi snod de dag rgya mtsho chen por bor ro zhes pa'o/ /de ltar rig pa'i rgyal po nas brtsams te ngan song gsum gyis bsdus pa'i sems can rnams kyi bar de dag ri rab ri'i rtse mor bcom ldan 'das sangs rgyas hUM mdzad kyis sprul pa'i dkyil 'khor du don mdzad nas/da ni de nas zhes bya ba la sogs pa bcom ldan 'das phyag na rdo rjes mi rnams kyi don mdzad par bzhed nas yang bcom ldan 'das la zhu ba yin te/ de bzhin gshegs pa thams cad kyi de kho na nyid grub pa dam pa'i 'bras bu thob par bgyi ba'i bar du zhes bya ba la/de bzhin gshegs pa yang yin la thams cad kyang yin pas de bzhin gshegs pa thams cad do/ /de rnams kyi de kho na nyid ni phyin ci ma log pa'i de kho na nyid de/ stong pa nyid so sor thugs su chud pa'o/ /de sngon du 'gro ba'i mngon par rdzogs par byang chub pa de nyid ni grub pa dam pa yin la/de nyid ni 'bras bu ste de thob par bgyi ba'i phyir ro/ /de nas phyag na rdo rjes de skad ces zhus pa dang / zhus pa'i rjes thogs nyid la de bzhin gshegs pa thams cad 'dus te/ yang bcom ldan 'das phyag na rdo rje la dkyil 'khor chen por tshud cig ces bya ba la sogs pa bka' stsal to//'di ni bri ba'i dkyil 'khor yin te/ de bas na de nyid kyis na 'di'i mtshan nyid ston pa ni/ oM badzra pA Ni zhes bya ba la sogs pa ste/ badzra pA Ni ni bcom ldan 'das phyag na rdo rje'o/ /ma hA maN+Da laM pra be+e sha ya sarban zhes bya ba ni dkyil 'khor chen por thams cad chug ces zer te/ma zhugs pa rnams dkyil 'khor chen por chug cig pa'o/ /duSh+Ta ro tra na ni pa ra ya pra be+e b+h+yaHzhes bya ba ni ma rungs pa rnams dang gdug pa rnams sdig pa thams cad las bzlog cig ces zer te/ ma rungs pa ni khong na gya gyu che ba ste/ slu bar byed pa gang yin pa'o//gdug pa ni 'jigs pa ston par byed pa'o/ /sdig pa las zhes bya ba ni srog gcod pa la sogs pa'o/ /pra mo k+Sha ya dur dr-iSh+Ta pat+yA pa naM zhes bya ba ni lta ba log par zhugs pa rnams rab tu grol bar gyis shig ces zer te lta ba log par zhugs pa ni lta ba ngan pa la zhugs pa'o//grol bar gyis shig ces bya ba ni yang dag pa'i lta ba la zhog cig ces bya ba'i don to/ /bi sho d+ha na ya bi nA sha ya zhes bya ba ni rnam par sbyongs shig /rnam par shig cig ces zer te/ gang sdig pa la mngon par phyogs pa rnams thabs gzhan gyis kyang bzlog par mi nus pa dang / tshe yang zad pa zhig na de rnam par sbyangs la rnam par shig cig ces pa'o/ /bcom ldan 'das kyis bka' stsal pa'i tshig de thos nas bcom ldan 'das phyag na rdo rjes dkyil 'khor ston par mdzad pa de bzhin gshegs pa thams cad kyi rdo rje chen po'i dam tshig las byung ba zhes bya ba 'di yin te/de bzhin gshegs pa thams cad kyang yin la rdo rje chen po yang yin pas de bzhin gshegs pa thams cad kyi rdo rje chen po'o/ /de rnams kyi dam tshig ni rdo rje hUM mdzad do/ /byung ba ni de las skyes pa'o/ /de yang gang yin zhe na/ 'jig rten gsum las rnam par rgyal ba zhes bya ba'i dkyil 'khor chen po 'di bshad do zhes bya ba'o//de nas zhes bya ba ni de'i rjes thogs la'o/ /'jig rten gsum las rnam par rgyal ba med na ma rungs pa rnams 'dul bar byed pa mi 'byung bas na rab tu bshad bya ba zhes bya ste/ yang dag par phye ste rab tu bshad pas na rab tu bshad bya ba'o//de gang yin zhe na/ de'i phyir dkyil 'khor chen po zhes gsungs so/ /ji lta bu zhe na/ dam pa ste zhes pa'o/ /ci 'dra ba zhe na/ rdo rje dbyings dang 'dra ba yi/ /zhes bya ba ste/ rdo rje dbyings dang mtshungs pa'o/ /dngos grub thams cad grub par byed pas na dngos grub thams cad byed pa'o//gal te dkyil 'khor gzhan dag kyang dngos grub thams cad byed pa yod pas na/ de'i phyir mchog ces bya ba gsungs te/ mchog ni dam pa'o/ /'jig rten gsum las rgyal zhes bya ba ni 'di ni 'jig rten gsum las rnam par rgyal ba yin no zhes don dang mthun pa'i ming bstan pa yin no//dam tshig ni ma rungs pa thams cad 'dul ba'i dngos grub ste/ de ni 'dir zhugs pa las 'byung bas na dam tshig ces bya ba'o/ /phyag na rdo rje'i thugs kyi rdo rje las byung bas na rdo rje las byung ba'o//byang chub kyi sems rnam par sbyong ba la zhugs pas na sangs rgyas byang chub 'byin byed pa'o/ /gang sems can rnams la gnod par byed pa la zhugs pa de ni ma rungs pa ste/ de rnams rnam par 'jig pa ni tshar gcod par mdzad pa'o/ /de la sngags 'dis zhes bya ba la sogs pas ni bris pa'i cho ga ston to//gru bzhi zhes bya ba ni zur la bya'o/ /sgo ni 'jug pa'i gnas te/ khyim bdag bdag nyid chen po'i khang pa yin par ston par byed pas 'jug pa'i gnas kyi phyi rol du rta babs bya ba ste/ rab tu brgyan pa ni brgyan pa byas pa'o/ /srad bu bzhi dang ldan pa ni zhes bya ba ste/srad bu bzhi ni phyogs dang mtshams rnams su gdab pa'o/ /dar ni dar yug go/ /phreng ba ni me tog gi chun 'phyang ro/ /shin tu brgyan pa ni rab tu mdzes par brgyan pa'o/ /dkyil 'khor kun gyi grwa rnams dang / /zhes bya ba ni dkyil 'khor gyi mtshams bzhi char du'o/ /sgo gang gi ni zhes bya ba ni sgo'i sgo khyud do//de dag gi mtshams rnams su zhes bya ba ni dkyil 'khor gyi mtshams dang sgo khyud kyi mtshams rnams su'o/ /rdo rje rin chen brgyan par bya/ /zhes bya ba ni rdo rje rin po che yin pas na rdo rje rin chen zhes la la 'dod do/ /yang na rdo rje dang rin po che ni rdo rje rin chen te/ des brgyan pa ni spras par byas pa'o/ /dkyil 'khor phyi rol srad bu bre/ /zhes bya ba ni sngags pas dang por phyi'i dkyil 'khor de ltar thig gdab par bya'o/ /de'i nang du zhes bya ba ni phyi'i dkyil 'khor de'i nang du'o/ /rdo rje rin chen gyis brgyan te/ /zhes bya ba ni 'dir yang rdo rje rin po ches brgyan pa'am/rdo rje dang rin po ches brgyan par bya'o/ /ka ba brgyad ni sgo logs gnyis su ka ba gnyis gnyis te/ de ltar sgo bzhi po rnams su ka ba brgyad du 'gyur ro/ /rta babs dang bcas par gnas pas na rta babs bcas so/ /rdo rje ka ba'i gnas mchog tu/ /zhes bya ba ni gnas kyi mchog go//der zla ba'i dkyil 'khor lngas brgyan pa de ltar dkyil 'khor gyi srad bu bre bar bya'o/ /de ltar srad bu bres pa'i nang du tshon gyis dgang bar bya'o/ /de ltar ji ltar srad bu bres pa bzhin du gru bzhi pa dang sgo bzhi pa'i khang pa brtsegs ma bsams la/ de'i dbus su 'dug ste yid kyis sgo bzhi dbye bar bya'o//de la dkyil 'khor de'i dbus su bcom ldan 'das rnam par snang mdzad gzhag par bya ste/ de bas na de'i gdan bstan par bya ba'i phyir/ gser ram dngul las byas pa'am/ /zhes bya ba la sogs pa gsungs te/ gal te 'byor pa yod pa zhig na gser las bya ba'o//de bas na bdog pa chung na dngul las byas pa'o/ /'byor pa med pa zhig na so phag las byas pa legs par bris pa bya ste/ de'i steng du/ sangs rgyas gzugs ni gzhag par bya/ /zhes bya ba ste/ sangs rgyas kyi gzugs zhes bya ba sangs rgyas kyi sku'i gzugs brnyan lugs ma'am/byas pa gang yang rung ba gzhag par bya'o/ /gang gi phyir dkyil 'khor 'di ni gdul dka' ba rnams tshar gcod par byed pa'i dkyil 'khor yin pas na de'i phyir chad pas gcod pa gtso bor gyur pa yin pas mngon spyod kyi dkyil 'khor yin te/ de'i phyir pad+ma'i gdan ma gsungs te/stan mi bde ba pha gu'i stan zhes gsungs par zad do/ /gal te dkyil 'khor du mngon spyod bya dgos pas na sangs rgyas kyi gzugs gzhag par gsungs kyi bri bar ma gsungs te/ gang gi phyir sngags pas de'i dus su sku gzugs bton nas rnam par snang mdzad kyi ting nge 'dzin la gnas te/der 'dug nas mngon spyod kyi las bya dgos pa'i phyir ro/ /spyan drang ba'i snying po ni gzhag par bya ba'i snying po'o/ /sangs rgyas spyan sngar rdo rje ni/ /zhes bya ba ni sems dpa' rdo rje ma'i gnas kyi zla ba'i dkyil 'khor la 'bar bas kun nas bskor bar bris la/de'i dbus su rdo rje rtse lnga pa gzhag par bya'o/ /de bzhin du rin chen rdo rje ma la sogs pa'i zla ba'i dkyil 'khor la yang kun nas 'bar bas bskor bar bris la dbus su phyag rgya bri bar bya'o/ /rdo rje dam tshig phyag rgya rnams/ /zhes bya ba ni rdo rje dkyil 'khor gyi dam tshig gi phyag rgya rnams so//yid kyis ri mo bteg nas ni/ /zhes bya ba la sogs pa ni rdo rje shugs kyi sngags brjod la yid kyis bteg pa de nyid phyag rgya yin te/ bdag nyid ri mo'i 'og tu 'dzul te song bar bsam mo/ /rdo rje srad bu'am gzhan yang rung / /zhes bya ba ni sngags pa thig 'debs pa'i tshe na gal te 'gro 'dod par gyur na/rdo rje thig gi 'og nas 'dzul te 'gro bar yid kyis soms shig pa'o/ /de'i dbus su zhes bya ba ni mi bskyod pa'i gnas su'o/ /rdo rje hUM zhes bya bar 'dus/ /zhes bya ba ni rdo rje hUM zhes bya ba phyag rgya bzhi'i bcings pas chas pa zhes bya ba'i don to//khro dang bcas par 'dzum pa'i zhal/ /zhes bya ba ni g.yon pa khro ba dang bcas pa g.yas pa cung zad 'dzum pa dang ldan pa'o/ /g.yon brkyang tshul du gnas pa ste/ /zhes bya ba ni g.yon brkyang la g.yas pa bskum pa'o/ /rdo rje khro bo zhes bya ba la sogs pa la/rdo rjes nye bar mtshan pa'i khro bo ni rdo rje khro bo'o/ /khros pa mche ba phyung ba ste/ /zhes bya ba ni khros pa yang yin la mche ba yang yin pas khros pa mche ba phyung ba ste'o/ /'bar ba'i phreng ba yin pas na 'bar ba'i phreng ba'o/ /'bar ba'i phreng ba yang yin la dkrigs pa yang yin pas na 'bar ba'i phreng ba dkrigs pa ste/'bar ba rnams phan tshun du rgyu bas dkrigs pa'o/ /de nyid gang gi 'od yin pa de ni 'bar ba'i phreng ba dkrigs pa'i 'od do/ /der zhes bya ba ni bcom ldan 'das rin chen 'byung ldan gyi gnas su'o/ /rdo rje dbang bskur zhes bya ba la sogs pa ni mtshan ma rin po ches byas pa'i rdo rje yang yin la dbang bskur ba yang yin pas na rdo rje dbang bskur ba'o//'od dpag tu med pa'i gnas su ni rdo rje sde'o/ /gdon mi za bar grub pa'i gnas su ni rdo rje dbab pa'o/ /dkyil 'khor dam pa'i phyi rol du/ /zhes bya ba ni dam pa zhes smos pa dang / 'og nas kyang phyi'i dkyil 'khor zhes smos pa dang rdo rje srad bu'i phyi rol zhes gsungs so//de'i grwa rnams su shar lho'i mtshams nas brtsams te mchod pa'i lha mo bzhi gzhag par bya'o/ /de nyid kyi sgo bzhir lcags kyu la sogs pa sgo srung bzhi gzhag par bya'o/ /de nyid kyi snam bu lhag ma rnams la byams pa la sogs pa gzhag par bya'o//phyi rol dkyil 'khor gnas rnams su/ /zhes bya ba ni de las phyi rol du gyur pa gang yin pa de gzung bar bya ste/ phyi'i dkyil 'khor gyi gnas kyi snam bu'i nang rim la rig pa'i rgyal po rnams 'jug pa'i sgo nas brtsams te skor phyogs su gzhag par bya'o/ / der yang dkyil 'khor nang gi sgo khyud dang rta babs kyis phyogs ma gtogs pa'i gnas yod na der dkyil 'khor rnams gzhag par bya'o/ /'on te gnas med na snam bu rkyang pa la dngar te dgod do/ /sgo bzhir ni tshogs kyi bdag po rnams sgo srung du gzhag par bya'o/ /'jigs ldan ma dang / dpal mo dang / dbyangs can ma dang / dka' thub bzlog ma rnams 'jug pa'i sgo'i g.yon logs nas brtsams te grwa rnams su gzhag par bya'o/ /snam bu'i phyi rim gyi gnas lhag ma rnams su ni ma mo rnams dgod par bya'o/ /rig pa'i rgyal po la sogs pa de dag dgug pa ni 'dod pa'i rgyal po'i snying po byas la sngar bshad pa'i snying po dang phyag rgyas ni dgod par bya'o//ma rungs pa'i dkyil 'khor du gtogs pa la sogs pa lhag ma de rnams kyang so sor snying po dang phyag rgyas khang pa brtsegs ma rtse mo rdo rje nor bu dang rin po che las byas pa'i phyi rol du dgod par bya'o/ /'di ni re zhig 'jig rten gsum las rnam par rgyal ba'i rnam par dgod pa yin te/de ltar rnam par bzhag nas de nas zhes bya ba la sogs pas las lhag ma rnams ston te/ de nas zhes bya ba ni rjes thogs la'o/ /'dir zhes bya ba ni 'jig rten gsum las rnam par rgyal ba'i dkyil 'khor chen po bris par ro//cho ga rgyas pa zhes bya ba ni dgos pa rgyas pa'o/ /cho ga rgyas pa de gang yin zhe na/ de'i phyir de la dang po nyid du rdo rje slob dpon bdag nyid ces bya ba la sogs pa gsungs te/ 'di ni cho ga dang po'o/ /'jug pa de yang rdo rje khro bo ti rIn ti ri'i phyag rgyas me tog gi phreng ba blangs nas bcom ldan 'das phyag na rdo rje la phul la rang gi mgo la de nyid kyis bcings par bsam par bya'o//de nas de bzhin gshegs pa thams cad la gsol ba gdab bo/ /gsol ba ni 'di yin te/ bcom ldan 'das bdag ni de bzhin gshegs pa thams cad kyi khro bo'i dbang du mchis te zhes bya ba ste/khro bo'i snyoms par 'jug pa la gnas par bgyid do zhes bya ba'i don to/ /der ci zhig bgyi zhe na/ tshar gcad pa'i rigs pa rnams tshar gcad do zhes bya ba gsungs te/ tshar gcad par rigs pa ni gang sems can gsod pa la zhugs pa dang /bstan pa la 'khu bar byed pa gang lags pa de rnams ni tshar gcad do zhes bya ba ste/ sdig pa rnams las bzlog par bgyi'o zhes bya ba'i don to/ /sdig pa las bzlog pa gang lags pa de rnams ni rjes su gzung bar rigs pa ste/ de rnams rjes su gzung ba ni dkon mchog gsum la skyabs su gtong ba dang /byang chub kyi sems dang / bslab pa dang / dam tshig la rnam par gzhag par bya'o/ /'di skad ston te/ gang 'di bdag khro bo'i dbang du mchis zhes bya ba ni sems can tshar gcod pa 'ba' zhig tu ma zad kyi/ gzhan du na sems can rnams la phan 'dogs par yang bgyid do zhes pa'o//de ji ltar bsgrub par bgyi ba ni rgyu gang gis nan tan du bgyi ba'o/ /bcom ldan 'das kyis bdag la bka' stsal du gsol zhes bya ba ni rgyu de'i slad du/ bcom ldan 'das de bzhin gshegs pa thams cad kyis bka' stsal du gsol zhes bya ba'o/ /byas te zhes bya ba ni brjod nas so//sngar bcings pa'i phyag rgya de rang gi snying gar ji lta ba bzhin du gzhag ste zhes bya ba ni ji lta ba bzhin du dgrol ba ste/ ji lta ba bzhin du zhes bya ba ni tiSh+Tha badzra dr-i D+ho me b+ha ba zhes bya ba la sogs pa dang rdo rje dbyings su gsungs pa'i tshul gyis so/ /rdo rje bsdu ba la sogs pa yang rdo rje dbyings las gsungs pa bzhin du byas la/de nas rdo rje lcags kyu la sogs pa dgug pa dang / gzhug pa dang / bcing ba dang / dbang du bya ba'i las rnams byas nas las kyi phyag rgya rnams kyang bcings la chos kyi phyag rgya rnams kyang brjod do/ /yang dam tshig thams cad kyi phyag rgya bcing bar bya ste/yang zhes bya ba'i sgra ni las kyi phyag rgya la ltos pa yin no/ /rdo rje slob ma chug cig ces bya ba la/ de ji ltar gzhug par bya ba mi shes pas de bstan par bya ba'i phyir/ cho ga 'dis zhes bya ba gsungs te/ de nas zhes bya ba la sogs pa rdo rje slob dpon gyis gos sngon po bgos la mgo la yang gtsug tor sngon po bcings te/slob ma yang gos sngon pos gdong g.yogs te/snying po 'dis gzhug par bya'o/ /rdo rje dbab pa'i dam tshig gi phyag rgya zhes bya ba ni rdo rje dbyings su gsungs pas so/ /de bzhin gshegs pa thams cad kyis byin gyis brlabs so zhes bya ba ni lus la phan pa'i bde ba la reg pas sems rtse gcig par byed la/mnyam par gzhag pa'i sems kyis ni yang dag pa ji lta ba bzhin du rab tu shes pa'i phyir ro/ /skad cig gis shes so zhes bya ba ni lha rnams kyis byin gyis brlabs par gyur na mig btsums pa'i skad cig tsam gyis shes par 'gyur ro zhes bya ba'i don to//gnod pa ni gsad pa la bya na gnod pa yod pa ma yin pas na gnod pa med pa ste/ mi gsod pa zhes bya ba'i don to/ /de la gang gis kyang srog 'phrog par byed par mi nus pa'o/ /tshugs pa ni brnyas pa la bya na tshugs pa yod pa ma yin pas na mi tshugs pa ste/yongs su brnyas par mi 'gyur ba zhes bya ba'i don to/ /hUM zhes bya bas kyang zhes bya ba ni mthu che ba nyid du ston pa ste/ babs pa'i tshe yongs su gzung ba yin pas na de'i las thams cad 'grub par 'gyur ro/ /gdong g.yogs bkrol te zhes bya ba ni/ rdo rje sems dpa' deng khyod kyis//zhes bya ba la sogs pa rdo rje dbyings su ji skad gsungs pas so/ /dkyil 'khor mthong ba tsam gyis sdig pa thams cad grol bar 'gyur ro zhes bya ba ni gang gi phyir sangs rgyas dang byang chub sems dpa' thams cad mthong ba ni dag cing gtsang bar byed pa yin no/ /dang po nyid du mthu bstan nas/da ni dkyil 'khor mthong bas 'jig rten gsum po mtha' dag las rnam par rgyal bar nus par 'gyur ro zhes bya ba ni ji ltar bcom ldan 'das rdo rje hUM mdzad 'jig rten gsum po ma lus pa las rnam par rgyal bar mdzad pa ltar de yang de bzhin du 'gyur ba'o/ /hUM zhes bya bas zhes bya ba ni hUM zhes bya ba'i sngags kyi mthu bstan pa'o//de bzhin gshegs pa thams cad kyi byin gyi rlabs kyis zhes bya ba ni babs pa'i tshe yongs su gzung bar ston pa ste/ byin gyis brlabs pa ni yongs su gzung ba yin no/ /de ltar yongs su gzung bas na bcom ldan 'das phyag na rdo rje rtag tu phyi bzhin 'brang zhing zhes bya ba phongs pa dang phongs pa ma yin pa'i dus su yang nye bar gnas par mdzad pa'o//rtag tu phyi bzhin 'brang ba nyi tsher yang ma zad kyi rang gi dngos grub kyang sbyin par mdzad do zhes bya ba ni rang nyid kyi dngos grub kyang stsol bar mdzad pa'o//de ltar dkyil 'khor mthong ba'i phan yon bstan nas/ da ni de nas de la rdo rje'i dbang bskur bas dbang bskur te zhes bya ba la sogs pas dbang bskur ba ston te/ rdo rjes byin gyis brlabs pa'i bum pa las rdo rje chus dbang bskur bas na rdo rjes dbang bskur ba'o/ /rdo rje phreng bas kyang dbang bskur bas na rdo rje'i dbang bskur ba ste/rdo rje sems ma la sogs pa'i gnas su phyag rgya dang snying po gang yin pa des rdo rje phreng ba'i dbang bskur bar bya'o/ /rang gi mtshan ma rdo rje rnon po zhes bya ba ni las kyi rdo rje rtse gsum pa la bya'o/ /he badzra nA ma zhes bya ba ni kye che ge mo rdo rje khro bo zhes bya ba'o//de nas ye shes rnams skyed de zhes bya ba ni las kyi lung sbyin par bya'o zhes bya ba'i don to/ /rdo rje khro bor mnyam gzhag nas/ /zhes bya ba ni khro bo'i snyoms par 'jug pa la gnas pa'o/ /ji lta bu zhe na/ 'bar ba mang po'i 'od can gyis/ /zhes bya ba'o/ /rdo rje'i dbyings ni zhes bya ba ni yid kyis bsams pa'o//gang du zhe na/ snying gar bsam zhes bya ba ste/ rang gi snying gar ro/ /skye bo kun la 'bebs par byed/ /ces bya ba ni lha chen po nas brtsams nas de la mi 'bebs pa gang yang med do zhes bya ba'i don to/ /de yang de ltar bdag nyid gnas par byas nas yid kyis kyang rdo rje dbyings las gsungs pa'i tshul gyis snod du zhugs te snod du kun du khyab par byas nas snying po brjod de/bdag go zhes nga rgyal bskyed nas hUM zhes brjod cing khro bor dbab par bya'o/ /de nas srog bsrung bar bya ba'i phyir snying gar zla ba'i dkyil 'khor gyi steng du rdo rje rtse lnga pa bsam par bya'o//gal te de la chad pas gcod par 'dod na hUM zhes pa dang / phaT ces bya ba dang bcas pas ltung bar bya la/ ha na pa trAM trad ces ji skad gsungs pas kyang de rang gi gdong la mchog tu gzhug go/ /de nas badzrod tiSh+Tha zhes bya bas slar la smrar gzhug go//de nas khar lce bzhag la de'i 'og tu badzra muHzhes bya bas gtang bar bya'o/ /de nas babs pa'i sdug bsngal bsal bar bya ba'i phyir/ snod la mnye ba'am/ rlung yab kyis g.yab par bya'o/ /da ni rin po che'i rigs kyi sgo nas dbang du byed pa ston te/ rdo rje khro bor mnyam gzhag nas//dpral bar rdo rje rin chen yang / /de bzhin du ni bsam byas na/ /zhes bya ba ni rdo rjes mtshan pa'i pad+ma rA ga'i nor bu rang gi dpral bar bzhag la yid kyis de'i 'od zer gyi dra bas 'jig rten zhen par gyur par bsams na/ de'i 'og tu rnal 'byor pas sems can thams cad dbang du byed par 'gyur ro//rdo rje pad+mo mgul du bsam/ /zhes bya ba ni rdo rjes mtshan pa'i pad+ma ni rdo rje pad+ma ste/ de rang gi lkog ma'i phyogs su gzhag par bsams na/ sems can thams cad rlag par byed/ /ces bya ba rdo rje pad+ma de'i 'bar ba'i phreng ba dkrigs pa'i 'od kyis khyab par byas pa dang /ji tsam du khebs par gyur pa'i sems can de dag thams cad brgyal bar 'gyur bas na des rlag par byed ces bya'o/ /de'i phyir bsdu ba byas na de dag thams cad slar 'tsho bar 'gyur ro/ /rdo rje thams cad ces bya ba ni rdo rje kha bzhi pa'o/ / spyi bor gzhag ces bya ba ni spyi bor bsam pa'o/ /skye bo 'di dag thams cad bsrung / /zhes bya ba ni skyes pa'am bud med dam khyim mam grong khyer ram yul lam phyogs sam/ 'gro ba 'di dag thams cad kyi bar du srung ba de nyid kyi lus kyi nang du chud par byas la/ khro bo'i ting nge 'dzin la snyoms par zhugs te/snying po bzlas na de srid gnas kyi bar du bsrung ba'i lus de dpag tshad brgya'i pha rol na gnas kyang sus kyang nye bar gtsos par mi 'gyur ro/ /rdo rje lcags kyu bris nas su/ /zhes bya ba ni bri ba 'am bsam pa'o/ /gang du zhe na/ lag par te lag pa g.yas pa'i mthil du mdzub mo lcags kyu'i rtse mor bsams la/hUM zhes bya ba bzhi'i phyag rgya bcings nas hUM zhes bya ba'i sor mo bsgul bar bya zhing / khros nas zhes bya ba ste khro bo'i snyoms par 'jug pa la gnas nas/ dgug pa 'di ni lha rnams dgug pa'i mchog tu 'gyur ba yin no//rang gi rkang mthil dbus su ste/ /rdo rje lcags kyu bris nas su/ /zhes bya ba ni go sla ste/ 'di ni sbyor ba gnyis pa yin te/ de nyid kyis ni rtags mnan na/ /zhes bya ba ni lha gang gi mtshan ma rkang mthil gyis mnan pa de'i ming brjod de bzlas par byas na/de des nges pa nyid du khugs par 'gyur ro/ /rdo rje lcags kyu nyid phyag rgya/ /zhes bya ba la sogs pa 'di ni yi ge ji lta ba kho nar zad de/ gang gi phyir ma mo 'di rnams kyi sbyor ba ni 'di nyid yin pas dgug pa'i cho ga yin te/ de dag chags pa dang bcas pa yin pa'i phyir ro/ / bud med thams cad ni ma mo thams cad do/ /mjug do ni mjug tshos te/ der bris la des mnan pa ni lha'i khyad par gang yin pa de bris pa'am/ gzugs brnyan du byas pa'am/ ming yang rung ba la des mnan nas rnal 'byor bsgom zhing snying po brjod par bya'o/ /dgug pa'i sbyor ba de dag thams cad la yang lcags kyus de phug la/de drangs nas phyogs der 'ongs par gyur par bsam par bya'o/ /de nas phyag rgya rnam bzhi'i ye shes bslab bo zhes bya ba la/ phyag rgya bzhi ni phyag rgya chen po dang / ngag gi phyag rgya dang / lta ba'i phyag rgya dang yid kyi phyag rgya'o//de'i ye shes yin pas na phyag rgya bzhi'i ye shes so/ /de bslab po zhes bya ba ni de bstan no zhes bya ba'i don to/ /g.yon brkyang bar ni zhes bya ba ni g.yon pa'i byin pa g.yon logs su brkyang la/ g.yas pa g.yas nas bskum pa 'di ni g.yon brkyang ba ste/ de ltar gnas pas gnas nas rdo rje dbab pa'i tshul gyis te/zhes bya ba ni/ rdo rje khro bor mnyam gzhag nas/ /'bar ba mang po'i 'od can gyis/ /rdo rje dbyings ni snying gar bsam/ /skye bo kun la 'debs par byed/ /ces dang po kho nar gsungs pa ste/ 'dir ni phyag rgya chen po gtso bor gyur pa 'ba' zhig tsam bshad pa yin no//da ni ngag gi phyag rgya'i sbyor ba ston te/ rdo rje ngag ni bshad zin to/ /rdo rje ngag de legs par smras pa ni phyin ci ma log par brjod pa'o/ /snying po ji lta bu zhe na/ hUM zhes bya ba bzhi ldan pa/ /zhes bya ba ste/ yi ge hUM bzhi dang ldan pa'o/ /su zhig gi zhe na/ sangs rgyas kun gyi'o//ci zhig ce na/ snying po yis te de brjod do/ /thams cad kyang ni nges par dgug /ces bya ba ste/ 'jig rten gsum yang nges par khugs/ /zhes bya ba'i don to/ /da ni/ rdo rje khro bor mnyam gzhag nas/ /zhes bya ba la sogs pas lta ba'i phyag rgya'i ye shes ston te/ rdo rje khro bo'i lta mchog gis//zhes bya ba ni khro bo'i lta ba mi zad pa ste/ rdo rje khro bo'i lta mchog des/ /skye bo kun ni gsod byed de/ /zhes bya ba ni skye bo thams cad rmongs par byed pa'o/ /rdo rje hUM gi rnal 'byor ro/ /zhes bya ba ni rdo rje hUM zhes bya ba'i sngags kyi sbyor ba ste/ snying po 'di la'ang hUM zhes bya ba dang rab tu sbyor ba'i phyir ro//da ni yid kyis lus la go bgo ba zhes bya ba la sogs pas yid kyi phyag rgya ston te/ yid kyis zhes bya ba ni sems kyis so/ /go bgo ba ni go cha bgo ba'o/ /gang la zhe na lus la'o/ /gang gi zhe na bdag gam pha rol rnams la ste zhes bya ba ste/ bdag la ni phyag rgya chen po 'ba' zhig bsgoms nas go bgo bar bya'o//'di ni go cha chen po'i sbyor ba yin te/ 'dis skye bo 'di dag thams cad srung bar 'gyur ro/ /rdo rje khro bor mnyam gzhag nas/ /'bar ba mang po 'od can gyis/ /rdo rje dbyibs ni snying gar bsam/ /zhes bya bas skye bo kun la 'bebs par byed ces sngar gsungs pa'i dbab pa'i sbyor ba nyid/g.yon brkyang bar ni gnas nas su/ /zhes bya ba 'dis sbyor ba gzod rdzogs par gsungs pa yin no/ /de nas sems can thams cad rgyas btab pa'i phyag rgya'i ye shes bslab bo zhes bya ba 'dis kyang dbab pa'i sbyor ba lhag ma nyid ston pa yin te/ sems can yang yin la thams cad kyang yin pas na sems can thams cad de gdul bya rnams so//de rnams rgyas 'debs pas na sems can thams cad rgyas gdab pa ste/ sangs rgyas dang byang chub sems dpa' thams cad kyi sku gsung thugs rdo rje me long gi ngos la bzhin gyi gzugs brnyan lta bu'am/chu la zla ba'i gzugs brnyan lta bur sangs rgyas dang byang chub sems dpa' thams cad kyi sku gsung thugs rdo rje gzugs brnyan gyi mtshan nyid du gyur pa de la ni sems can thams cad rgyas gdab pa'i phyag rgya zhes bya'o/ /de'i ye shes yin pas na sems can thams cad rgyas gdab pa'i phyag rgya'i ye shes so//bslab bo zhes bya ba ni bstan no zhes bya ba'i don to/ /de ji ltar rgyas gdab par bya zhe na/ de'i phyir/ rdo rje khro bo mnyam gzhag nas/ /zhes bya ba la sogs pa gsungs te/ rdo rje khro bo ni dkyil 'khor las gsungs pa gang yin pa'o/ /de dag tu mnyam par gzhag pa ni de'i gzugs su bsgom pa ste/rdo rje khro bor mnyam par gzhag pa des sems can gang dang gang gi lus la yongs su 'khyud pa ni bzhin gyi gzugs brnyan lta bur nang du zhugs te khyab par byed pa'o/ /badzra hUM zhes bzlas pa yis/ /zhes bya ba ni rdo rje hUM zhes bya ba'i snying po brjod pas so//phyag rgyas btab par de 'gyur ro/ /zhes bya ba ni dgongs par 'gyur ba'i lha rnams kyis reg par 'gyur zhing yongs su gzung bar 'gyur ba'o/ /'di skad ston te/ lha'i sku'i phyag rgya mngon sum du byas pa der rjes su 'jug pa ste rgyas btab pa yin te/ dbab par bya ba'i snod ni 'jim ba sbru zhag pa lta bur blta la rnal 'byor pa'i sems ni rgya lta bu'o//rnal 'byor pa'i sems yongs su bsgoms pa las lhar snang ba ni de la bris pa'i tshul lta bur blta ste/ dper na legs par sbrus pa'i 'jim pa la/ rgya de btab na de la rgya 'bur du brkos pa ji lta ba bzhin du de la gnas par 'gyur ro/ /de bzhin du rnal 'byor pa'i sems de dbab pa'i lus shin tu sbru zhag pa'i 'jim pa lta bu de la/'bebs pa'i tshe bu ga nas zhugs la lha'i gzugs ji ltar bsgom pa de'i yan lag de dag thams cad du zhugs te/ lha'i gzugs brnyan des de'i lus thams cad gnas khang mar me'i 'od kyis gang bar gyur pa dang 'dra bar nam gnas pa de'i tshe des rgyas btab par 'gyur ro//de lta bas na phyag rgyas btab par de 'gyur ro zhes gsungs pa yin no/ /de ltar phyag rgya chen po dbab pa'i sbyor ba bstan nas/ da ni gsung gi phyag rgya'i sbyor ba ston te/ dbab pa'i lus der rang gi lus zhugs shing lhar snang ba de de dag tu dgug pa'i phyir/sgra chen du ni brjod bya ba/ /zhes bya ba la sogs pa gsungs pa'i legs par brjod pas na brjod par bya ba ste/ zur phyin par brjod par bya ba'i don to/ /ji ltar zhe na/ sgra chen du zhes bya ba ste/ nyan pa rnams kyis thos shing snying la skrag par byed pa zhes bya ba'i don to/ /de nyid kyis na hUM phaT ces bya ba gsungs te/pha rol dbang du byas pa'i rjes thogs kho na ltung bar bya ba'i phyir ro/ /mang du smras pa lta zhog gi/ /khros nas su/ lan cig gang la smras pa ni/ /zhes bya ba ste/ gang la zhes bya ba ni lha'i khyad par gang zhig dgug par bya ba'i phyir rdo rje 'bar bas de zhes bya ba'i lha'i khyad par de la 'dod pa'i rgyal po bsnun par 'gyur ba ste/mngon sum du khugs par 'gyur ro zhes bya ba'i don to/ /de ltar lha'i khyad par dgug cing bcug nas/ da ni snod de zil gyis mnan cing 'gyel du gzhug pa'i phyir lta ba'i phyag rgya ston pa ni/ /rdo rje khro bo'i ting nge 'dzin/ /zhes bya ba la sogs pa'o//rdo rje khro bo'i ting nge 'dzin gyis zhes bya ba ni rdo rje sde'i ting nge 'dzin tam/ khro bo gang yang rung ba'i ting nge 'dzin gyis so/ /rdo rje lta ba'i mtshan nyid ni/ /rdo rje lta ba chags pa ni/ /dga' bas mig ni rab tu bgrad/ /ces bya ba la sogs pas bshad zin to/ /des bltas pas ni mig tshugs su rtog pa'o//sems can gang dang gang yin pa/ /zhes bya ba ni rdo rje lta ba'i blta bas sems can gang dang gang la bltas na de dang de 'chi bar 'gyur ba ste/ de dang de dran pa med par gyur pa'i don to/ /de ltar dran pa med par byas nas/ da ni bsrung ba'i phyir yid kyi phyag rgya ston pa ni/gsod snyam yid la zhes bya ba la sogs pa'o/ /yid la zhes bya ba ni yid la phyag rgya ston te/ gang gi phyir sngar bshad pa'i sbyor ba rnams la yang yid kyi bya ba yod na yang yid ces ma gsungs kyi/ 'dir yid ces smos pas ni yid kyi phyag rgya nyid gzung bar bya ste/ de ltar na yid kyis bsad do zhes bya ba dang /snying gar rdo rje bsgom par bya/ /zhes bya ba'i lha'i khyad par gang phab pa tsam gyis zhus par 'gyur ba sbyor ba dang pos ni lus la snang ba tsam du byas pa yin la/ gnyis pas ni lha'i khyad par babs pa de bskyel bar byas pa yin/ gsum pas ni sems med par byas pa yin/sbyor ba bzhi pas ni bsrung bar byas pa ste/ yid la zhes bya ba ni sems kyis so/ /gsod snyam zhes bya ba ni sems can gang la la 'dir glags skabs tshol zhing gnad 'joms par zhugs par gyur pa na de gsod par 'gyur ro snyam pas babs pa de'i snying gar rdo rje sgom par byed ces bya ba ni de'i snying la zla ba'i dkyil 'khor bsams te/de la sna tshogs rdo rje dgod par bya'o/ /de ltar yid kyi phyag rgya'i sbyor ba sna tshogs rdo rje gzhag pa gsungs pa yin no/ /sngags gang gis she na de'i phyir hUM zhes bya ba gsungs so/ /kun zhes bya ba ni thams cad kyi mdun du'o//rgyas gdab ces bya ba ni las kyi rdo rje dmigs par bya'o/ /rang zhes bya ba ni sngags pa nyid gtso bo'i chos can yin par zad de/ 'di la gang gis kyang bgegs bya bar mi nus so zhes bya ba'i don to/ /da ni sems can gang la zhes bya ba la sogs pas bsgre bar byed de/ sems can zhes bya ba ni phan gdags par bya ba'i 'o//yid kyi zhes bya ba ni yid kyi ting nge 'dzin gyis rgyas 'debs pa'o/ /gang la zhe na/ lus la ste/ sems dpa' dbab pa'i sbyor bas so/ /'di zhes bya ba'i sngags pa'o/ /phyag rgya 'dis ni zhes bya ba ni ji skad gsungs pa'i phyag rgya bzhi pos so/ /shin tu yang zhes bya ba ni shin du gsal ba dang shin tu myur bar ro//las rnams thams cad bsgrub par bya/ /zhes bya ba ni dbab pa dang dgug pa dang dbang du bya ba dang bsrung ba la sogs pa'o/ /'di skad ston te/ phyag rgya re res kyang las rnam pa bzhi char byed cing / de las lhag pa ma bshad pa gang cung zad yin pa dag kyang /rang gi sbyor ba legs par goms par byas na phyag rgya re res kyang las thams cad byed do zhes gsungs pa yin no/ /de la phyag rgya gcig gis gang gi tshe las bzhi char byed pa de ni snying po yang gcig pu kho na zhig sbyar bar bya'am ji lta bur bya ba mi shes so zhe na/ de ni ma yin te/phyag rgya re res kyang phyag rgya'i las bzhi rnams la phyag rgya'i snying po bzhis sbyar ro zhes gsungs te/ phyag rgya rnam pa bzhi dang snying po rnam pa bzhis dbab pa la sogs pa'i las bya bar ni bshad na/ sems can gang la gang dag gis yid kyis phyag rgya ni 'debs pa 'di zhes gsungs pa 'di la/ji lta bu'i yid kyis der ci zhig bya ba mi shes pas na/ de nas gsang ba'i phyag rgya'i ye shes bslab bo zhes bya ba la sogs pas de ston to/ /de thog mar yid kyi las bstan pa ni/ yan lag kun gyis 'khyud nas ni/ /zhes bya ba ste/ yid kyis der rjes su zhugs pa la yan lag dang nying lag thams cad du khyab par bya ba'o//hUM zhes gang la sbyar bya la/ /zhes bya ba ni hUM zhes bya ba'i sngags gang gis brjod pa'o/ /ji ltar zhe na/ dbang po gnyis ni sprad byas na/ /zhes bya ba ste/ gnyis kyi dbang po yin pas na dbang po gnyis te/ lha'i dbang po dang sems can gyi dbang po'o//de gnyis mnyam par sprad pa ni mnyam par 'jug pa ste/ gcig tu gyur pa'o/ /de yang lha gang yin pa de ni bdag yin la/ bdag gang yin pa de ni lha yin no zhes gcig tu 'dres pa'i ngo bo nyid do/ de ltar dbang po gnyis mnyam par sprad pas/de yi srog ni ma rung 'gyur//zhes bya ba ste/ 'du shes med par 'gyur zhing bab par 'gyur ro zhes bya ba'i don to/ /da ni dgug pa'i sbyor ba ston te/ hUM zhes bya bar ldan pa yis/ /zhes bya ba ni hUM zhes bya ba'i snying po dang ldan pas so/ /mchu sprad sos ni mchu bzung nas/ /zhes bya ba ni sems can gang dgug par bya ba der yid kyis zhugs la de'i yan lag thams cad khyab par byas te/bdag gi yan lag dang sprad par bya'o/ /ci zhig sprad ce na/ mchu'o/ /gang gis she na/ sos mchu de gzung bar bya'o/ /dbang po gnyis ni rab sprad pa/ /zhes bya ba ni bshad ma thag pa'i tshul gyis so/ /gang yin de ni mngon sum 'gyur//zhes bya ba ni gang gi tshe sos mchu gzung ba de'i sems can de mngon sum du 'ong bar 'gyur ro zhes bya ba'i don to/ /'di skad ston te/ bsgrub par bya ba gang yin pa de'i lus kyi nang du zhugs la gang gi tshe phyi rol na gnas pa'i mchu sos gzung ste nang du drangs pa de'i tshe sems can de 'gugs pa nyid kyi mdun du 'bab cing mngon sum du 'ong bar 'gyur ro zhes bya ba'i don to//da ni dbang du bya ba'i sbyor ba ston te/ snga ma bzhin du bsgrub par bya ba'i lus la zhugs la/ hUM zhes sbyor ba gang yin pa/ /zhes bya ba ste/ hUM zhes bya ba'i sngags kyi sbyor ba byed pa'o//ci zhig byed ce na/ de ni bde ba myong bar 'gyur/ /zhes bya ba ste/ de ni zhes bya ba ni ho zhes bya ba dang sbyor cig ces bya ba'i don to/ /dbang po gnyis ni sprad gyur nas/ /zhes bya ba ni lha'i ngo bo nyid kyi sngags pa'i dbang po gang yin pa dang / bsgrub par bya ba'i dbang po gang yin pa ste/de gnyis mnyam par sprad pa ni gcig tu 'dres par gyur pa'o/ /gang yin zhes bya ba ni gang la zhugs pa'o/ /de ltar byas na sems can de ni de la rjes su chags pas de dang skad cig bral na yang sdug bsngal thob par 'gyur ro/ /da ni bsrung ba'i sbyor ba ston te/ bsrung bar bya ba de rnal 'byor pa rang gi lus kyi nang du bcug la hUM zhes bya ba'i snying po gang yin pa de sbyar bar bya'o//dbang po gnyis ni sprad nas kyang / /zhes bya ba ni rnal 'byor pa dang bsrung bar bya ba'i dbang po gang yin pa de mnyam par sprad cing mtshungs par byed pa ste/ tha mi dad par byas pa ni dbang po gnyis sprad pa'o//yan lag kun gyis btsir 'gyur na/ /zhes bya ba ni nang du chud par bya ba'o/ /de'i zhes bya ba ni bsgrub par bya ba'i 'o/ lus ni bsrung bar 'gyur zhes bya ba ni lus thams cad bsrung bar 'gyur ro zhes bya ba'i don to/ /de ltar ji skad gsungs ba'i tshul gyis ye shes bskyed nas/da ni de nas zhes bya ba la sogs pas phyag rgya chen po ston te/ 'di 'jig rten gsum las rnam par rgyal bar mdzad pas na 'jig rten gsum las rnam par rgyal pa'o/ /'jig rten gsum las rnam par rgyal ba'ang de yin la dkyil 'khor chen po yang de yin pas na 'jig rten gsum las rnam par rgyal ba'i dkyil 'khor chen po ste/de'i dam tshig ni phyag rgya chen po la sogs pa'o/ /de'i de kho na nyid ni phyag rgya de rnams kyi phyin ci ma log pa'i de kho na nyid do/ /de nyid phyag rgya yin pas na dam tshig gi de kho na nyid kyi phyag rgya'o/ /de'i ye shes ni yul de'i ye shes so/ /bslab po zhes bya ba ni bstan to zhes bya'o//de la dang po kho nar ni phyag rgya chen po 'chad la/ de rnams kyi nang nas dang por sangs rgyas kyi phyag rgya ston te/ de bas na de'i tshul bshad par bya ba'i phyir/ gang gis sems can phan pa'i phyir/ zhes bya ba la sogs pa gsungs te/ gang gis zhes bya ba ni rnal 'byor bas so//sems can phan pa'i phyir zhes bya ba ni sems can gdon pa'i phyir ro/ /rdo rje dbyings kyi tshul gyis ni/ /zhes bya ba ni rdo rje dbyings las bstan pa'i tshul gyis te/ rdo rje dbyings las smos pa'i tshul de yang gang yin zhe na/ sems so sor rtog pa la sogs pa'i rim gyis so//rdo rje dbyings kyi tshul de/ sangs rgyas rjes su dran byas na/ /zhes bya ba bdag nyid sangs rgyas kyi gzugs su bsgom par bya'o zhes bya ba'i don to/ /de ltar byas pas cir 'gyur zhe na/ de ni sangs rgyas 'thob par 'gyur/ /zhes bya ba'o/ /dbang phyug dang ni u ma yang //zhes bya ba la sogs pas ni rdo rje hU~M mdzad kyi phyag rgya chen po ston te/ dbang phyug dang ni u ma yang / /sa la bris te de ltar mnan/ /zhes bya ba ni ji ltar bcom ldan 'das rdo rje hUM mdzad kyi mnan pa ste de ltar mnan pa'o/ /su zhig gis she na/ sngags pas so/ /ji lta bu'i tshul du gnas nas de ltar mnan zhe na/ji ltar bris pa'i go rims bzhin/ /zhes bya ba gsungs te/ de bstan pa ni/ ut+pal che sngo 'tsher ba'i mdog /ces bya ba la sogs pa'o/ /sems dpa'i phyag rgya ni rdo rje hUM mdzad kyi phyag rgya ste/ de rnal 'byor pas sgrubs shig pa'o/ /'di ni bcings pa tsam gyis kyang /zhes bya ba ni 'di ltar bskyed pa tsam gyis 'jig rten gsum las rnam par rgyal bar 'gyur ba'o/ /'di skad ston te/ hUM zhes bya ba tsam gyis lha chen po la sogs pa lha thams cad ltung bar byas pa dang / bslang ba dang gzhig pa dang slar yang srog sbyin par byed do zhes pa ste/ de ltar na rdo rje hU~M mdzad dang mtshungs par 'gyur ro//de ltar sangs rgyas kyi phyag rgya chen po dang rdo rje hUM mdzad kyi phyag rgya chen po bstan nas/ ji ltar ri mo bris pa bzhin/ /zhes bya ba la sogs pas lhag ma rnams kyi bsgre ba ston te/ ji ltar ri mo bris pa bzhin/ /zhes bya ba ni/ smin ma btsum zhing khro gnyer bsdus/ /zhes bya ba la sogs pa'i tshul du gzung ngo //sku gsung thugs ni rdo rje yis/ /sems dpa'i phyag rgya bcing bar bya/ /zhes bya ba ni lus kyis ni de rnams kyi skur snang bar bsgoms la/ ngag gis ni de'i sngags brjod par bya'o/ /sems kyis ni de'i nga rgyal bskyed pa ste/ de ltar na gsum char yang rdo rje lta bus sems dpa'i phyag rgya chen po bcing bar bya'o//de ltar phyag rgya chen po bstan nas/ da ni de dag gi 'bras bu bstan pa'i phyir/ de nas 'di rnams las bshad de/ /zhes bya ba la sogs pa gsungs te/ de nas zhes bya ba ni de'i rjes thogs la'o/ /'di rnams zhes bya ba ni phyag rgya chen po rnams kyi'o//las bshad de zhes bya ba ni 'bras bu bstan par bya'o zhes bya ba'i don to/ /de la dang po kho nar/ sangs rgyas rjes su dran grub pas/ /zhes bya ba la sogs pas phyag rgya chen po'i 'bras bu ston te/ sangs rgyas rjes su dran grub pas/ /zhes bya ba ni rang gi lus sangs rgyas kyi phyag rgyar bsgom pa goms par byas na rnal 'byor pa myur du sangs rgyas nyid thob par 'gyur ba'o//'jig rten gsum las rgyal bcings na/zhes bya ba ni sangs rgyas hUM mdzad kyi phyag rgya bskyed pa'o/ /'jig rten gsum las rnam rgyal 'gyur/ /zhes bya ba ni rdo rje hU~M mdzad dang mtshungs par 'gyur ro zhes bya ba'i don to//rdo rje'i yin pas na rdo rje tshe ste/ rdo rje ni bcom ldan 'das rdo rje hUM mdzad do/ /de ltar na de dang mtshungs pa 'ba' zhig tu ma zad kyi/ tshe yang de dang mtshungs par 'gyur ro/ /kun du 'gro zhes bya ba ni rdzu 'phrul yang de dang mtshungs par 'gyur ro zhes bya ba'i don to//de ltar na rnam pa thams cad kyis rdo rje hUM mdzad dang mtshungs par 'gyur ro zhes bya ba'i don to/ /da ni rin chen hUM mdzad kyi phyag rgya'i 'bras bu ston pa ni/ rdo rje dbang gi rgyal por 'gyur/ /zhes bya'o/ /'di skad ston te/ rin chen hUM mdzad kyi phyag rgyar bskyed na rgyal por 'gyur ba'o//chos bzangs zhes bya ba ni chos kyi hUM mdzad kyi phyag rgyar bskyed na 'jig rten dbang phyug thob par 'gyur ro/ /las kyi khro bo rdo rje che/ /zhes bya ba ni las kyi hUM mdzad kyi phyag rgya chen por bskyed na/ rdo rje las ni byed par 'gyur/ /zhes bya ba ste/ mi phyed pa'i las byed par 'gyur ro zhes bya ba'i don to//sems dpa' khro ni rdo rje sems dpa'i khro bo ste/ de'i phyag rgyar bskyed na rab tu bstan pa'i 'bras bu ster bar 'gyur ba ste/ lus mi phyed par 'gyur ro zhes bya ba'i don to/ /khro bo legs pas dga' ba ster/ /zhes bya ba ni khro bo legs pa'i phyag rgyar bskyed na rtag tu yid bde ba thob par 'gyur ro/ zhes bya ba'i don to/ /khro gnyer gyis kun ma rungs byed/ /ces bya ba ni khro gnyer can gyi khro bo'i phyag rgyar bskyed na ma rungs pa thams cad skrag par byed do/ /dpal gyi khro bo'i phyag rgyar bskyed na des don thams cad 'gugs par byed do/ /ha ha zhes dgod pa'i phyag rgyar bskyed na bzhad pas ma rungs pa thams cad skrag par byas nas 'gyel bar byed do zhes bya ba'i don to//chos kyi khro bo'i phyag rgyar bskyed na pha rol rgol ba thams cad kyi bsams pa'i chos phrogs te dran pa nyams par byed do zhes bya ba'i don to/ /rdo rje ral gris gcod par byed/ /ces bya ba ni rdo rje ral gri'i phyag rgya bcings na des sdug bsngal thams cad gcod par 'gyur ro//rdo rje 'khor lo'i phyag rgya bcings la chos kyi 'khor lo bskor na sems can thams cad kyi sdug bsngal thams cad 'phrog go/ /khro bo smra ba'i phyag rgyar bskyed na tshig 'phrog go zhes bya ba ste/ ngag gi 'jug pa 'gog pa zhes bya ba'i don to/ /las kyi khro bo'i phyag rgyar bskyed na las rab ste mchod pa'i las bzang po sngags pa byed par 'gyur ro//bsrung ba zhes bya ba ni bsrung ba'i phyag rgyas so/ /srung bar byed ces bya ba ni bdag gam gzhan no/ /khro bo gnod sbyin gyi phyag rgyas dgra yang za ba ste/ dgra rnams rlag par byed do zhes bya ba'i don to/ /khro bo khu tshur gyi phyag rgyar bskyed na/dngos grub ster zhes bya ba ste/ gang gi phyir sku dang gsung dang thugs kyi phyag rgya gcig tu bsdus pa yin pas na dngos grub thams cad de'i lag mthil na gnas pa yin pa'i phyir dngos grub thams cad 'grub par 'gyur ro/ /de nas zhes bya ba ni de'i rjes thogs la'o/ /rdo rje zhes bya ba ni rdo rje'i dkyil 'khor du dam tshig gi phyag rgya bcing ba bshad pa'o//rdo rje gnyis las byung ba ni/ /zhes bya ba la/ rdo rje gnyis ni rdo rje khu tshur gnyis so/ /byung ba ni de las byung bar gyur pa'o/ /dam tshig mchog ni dam tshig gi phyag rgya'o/ /grags pa yin zhes bya ba ni bshad pa'o/ /de dag ces bya ba ni dam tshig gi mchog de rnams kyi'o//bcing ba bshad bya ba zhes bya ba ni rab tu phye ste bshad pas na bshad par bya ba'o/ /bcing ba ji lta bu zhe na/ khro bo bcing ba zhes bya ba ste/ khro bo'i dkyil 'khor gyi bcing ba'o/ /bla na med ces bya ba ni thams cad kyi mchog tu gyur pa zhes bya ba'i don to//lag ngar rdo rjer byas nas su/ /zhes bya ba ni rdo rje khu tshur gnyis bcings nas gnyis su phral te/ rdo rje'i phyag rgya gnyis su byas la/ hUM zhes bya ba'i sngags bzhi brjod de/ rdo rje khu tshur g.yon pa snying gar g.yas logs su btud la mdun du bzung / de nas hUM zhes bya ba gnyis pa brjod la/rdo rje khu tshur g.yas pa lag ngar g.yon pa'i steng du phyung ste kha g.yon logs su bstan la mdun du bzung ba 'di ni lag par rdo rjer byas pa'o/ /mthe'u chung lcags kyur bcing bar bya/ /zhes bya ba ni hUM zhes bya ba gsum pa brjod la/ mthe'u chung gnyis bkug ste phan tshun lu gu rgyud du sbrel na 'jig rten gsum las rnam par rgyal ba'i phyag rgyar 'gyur ro//ci de tsam de kho nas 'jig rten gsum las rnam par rgyal bar 'gyur ram zhe na/ smras pa ma yin te/ mdzub mo gnyis kyis sdigs pa ni/ /zhes bya ba ste/ gang gi tshe ma rungs pa rnams la mdzub mo gnyis kyis sdigs mdzub byas pa de'i tshe 'jig rten gsum las rnam par rgyal bar 'gyur ro//'di dag ni re zhig gtso bo lnga'i phyag rgya yin no/ /'jig rten gsum las rnam par rgyal ba'i phyag rgya de nyid las mdzub mo'i ngos sbyar na sems dpa' rdo rje ma'i gnas kyi phyag rgyar 'gyur ro/ /nor bu 'dra bar rab tu dgug /ces bya ba ni rin chen rdo rje ma'i gnas kyi ste/ de nyid nor bu'i tshul du byas pa'o/ /mdzub mo de nyid gung mo dang bcas par bsgreng la/ phan tshun rgyab sbyar ba ni chos rdo rje ma'i gnas kyi phyag rgya'o/ /phyag rgya de nyid las g.yon pa'i sor mo gnyis g.yon logs su dgug g.yas pa'i sor mo gnyis kyang g.yas logs su bkug pa ni las kyi rdo rje ma'i gnas kyi phyag rgyar 'gyur ro//de bzhin du rdo rje sems dpa' la sogs pa'i gnas bcu drug gi yang / mdzub mo gnyis ka rdo rjer bya/ /zhes bya ba la sogs pas ston te/ 'jig rten gsum las rnam par rgyal ba'i phyag rgya las g.yon pa'i sor mo gnyis g.yas pa'i ngos sbyar la gshibs pa'i tshul du byas pa ni rdo rje sems dpa'i gnas kyi phyag rgya'o//'jig rten gsum las rnam par rgyal ba'i phyag rgya las mdzub mo g.yas pa bkug ste bzhag pa ni rdo rje rgyal po'i gnas kyi phyag rgya'o/ /de nyid ces bya ba ni rdo rje lcags kyu mdun du bzung ba ste/g.yon pa'i hUM zhes bya ba'i sor mo dang gang gi tshe ldan par gyur pa na phyag rgya g.yon logs su bzhag cing cung zad drangs pa ni rdo rje chags pa'i phyag rgya'o/ /rdo rje hUM zhes bya ba'i phyag rgya de nyid las legs so zhes bya ba sbyin par byas pa ni rdo rje legs pa'i phyag rgyar 'gyur ro//hUM zhes bya ba'i phyag rgya las mdzub mo gnyis bsdus te dpral ba'i khro gnyer la gtugs pa ni rdo rje rin chen gyi gnas kyi phyag rgya'o/ /rdo rje hUM mdzad kyi phyag rgya de nyid snying gar g.yas logs nas bskor ba ni rdo rje nyi ma'i phyag rgya'o/ /de nyid rgyal mtshan gyi tshul du bzhag pa ni rdo rje dbal gyi phyag rgya'o//phyag rgya de nyid kha'i thad kar bzhag la mdzub mo gnyis g.yas g.yon gyi ngos su bkug ste dgod pa'i tshul du byas pa ni rdo rje bzhad pa'i gnas kyi phyag rgya'o/ /rdo rje hUM mdzad kyi phyag rgya de nyid las mdzub mo gnyis kyi sen mo phan tshun sprad de gshibs la mdun du bzhag pa ni rdo rje chos kyi phyag rgya'o//phyag rgya de nyid las mdzub mo g.yon pa brkyang la/ g.yas pa ral gri 'dzin pa'i tshul du khu tshur bcangs te bzhag pa ni rdo rje rnon po'i phyag rgya'o/ /'jig rten gsum las rnam par rgyal ba'i phyag rgya de nyid las lag pa gnyis ka'i gung mo mnyam par brkyang la/ mdzub mo dang lhan cig phan tshun sprad de/'khor lo'i tshul du byas pa ni khro bo rdo rje rgyu'i phyag rgya yin no/ /'jig rten gsum las rnam par rgyal ba'i phyag rgya de nyid kha'i thad kar bzhag la gyen du bteg pa ni rdo rje smra ba'i phyag rgya yin no/ /'jig rten gsum las rnam par rgyal ba'i phyag rgya las gung mo gnyis bsgreng ba ni rdo rje las kyi phyag rgya'o//'jig rten gsum las rnam par rgyal ba'i phyag rgya de nyid las mdzub mo gnyis mgul pa dkris pa ni rdo rje bsrung ba'i phyag rgya'o/ /'jig rten gsum las rnam par rgyal ba'i phyag rgya khar bzhag la mdzub mo dang srin lag brkyang na mche ba chen por 'gyur te rdo rje gnod sbyin gyi phyag rgya'o//'jig rten gsum las rnam par rgyal ba'i phyag rgya las mdzub mo gnyis bkug ste/ mthe bo'i drung du bcar ba ni rdo rje khu tshur gyi phyag rgyar 'gyur ro/ /rdo rje lA se la sogs pa sems ma'i phyag rgya de nyid hUM zhes bya ba ni rdo rje dbyings kyi dkyil 'khor las smos pa'i phyag rgya de nyid 'dir hUM zhes bya ba dang sbyar bar shes par bya'o//chos kyi phyag rgya yang rdo rje sgeg mo la sogs pa sems ma de dag nyid kyi gang yin pa dang / hUM zhes bya ba lhan cig sbyar bar bya'o/ /da ni rdo rje dam tshig ces bya ba 'dis 'jig rten gsum las rnam par rgyal ba'i chos kyi phyag rgya ston te/hUM ni sangs rgyas rdo rje yi/ /zhes bya ba la/sangs rgyas ni bcom ldan 'das rnam par snang mdzad do/ /rdo rje can ni rdo rje hUM mdzad gzung ngo / /rdo rje snying po ni rin chen 'byung ldan gyi gnas kyi'o/ /rdo rje sde ni 'od dpag tu med pa'i gnas kyi'o/ /rdo rje thams cad ni gdon mi za bar grub pa'i gnas kyi'o//lhag ma bcu drug po rnams kyi phyag rgya'ang yi ge re re ba bcu drug 'byung ste/ rdo rje chos kyi gnas 'ba' zhig tu yi ge ka cig lhag par smos par zad do/ /chos kyi phyag rgya rab grub pa'o/ /zhes bya ba ni shin tu grub pas rab tu grub pa'o//de ltar chos kyi phyag rgya bstan nas/ da ni las kyi phyag rgya bstan par bya ba'i phyir/ de nas rdo rje dam tshig gi las kyi phyag rgya rnams bshad do zhes bya ba 'di gsungs pa yin no/ /rdo rje'i rigs ni chen po yi/ /zhes bya ba ni rdo rje'i rigs kyang yin la chen po yang yin pas na rdo rje'i rigs ni chen po'o//mdor bsdus pa ni mdor byas pa'o/ /rdo rje 'gying la sogs tshul gyis/ /khro bo'i khu tshur gnyis su bshad/ /ces bya ba la/ rdo rje 'gying ba'i phyag rgya ni rdo rje dbyings kyi dkyil 'khor du bstan pa ste/ de thog mar byas pa gang yin pa de ni rdo rje 'gying ba la sogs pa'o//de dag gi tshul yin pas na rdo rje 'gying la sogs tshul gyis te/ des las kyi phyag rgya rnams bstan par bya'o/ /bshad ces pa ni bstan to zhes bya ba'i don to/ /da ni/ gang dang gang gi phyag rgya rnams/ /zhes bya ba la sogs pas bshad ma thag pa'i las kyi phyag rgya mdor bsdus pa de nyid rnam par 'grel te/gang dang gang gi phyag rgya rnams/ /zhes bya ba ni sems dpa' gang gi phyag rgya gang yin pa de'o/ /las kyi phyogs ni gang du bya/ /zhes bya ba ni bsgyings bcas gsor ba zhes bya ba la sogs pas phyogs gang dang gang bya ba de dang de'i phyag rgya phyogs de dang der las kyi tshe bstan par bya ste/ji ltar rdo rje dbyings kyi dkyil 'khor du bstan pa de bzhin du 'dir yang khro bo'i khu tshur de dang de'i logs nas gcu zhing / bskor la phyag rgya de dag bcing bar bya'o zhes bya ba'i don to/ /phyag rgya thams cad kyi cho ga'o zhes bya ba ni phyag rgya chen po la sogs pa phyag rgya bzhi char gyi so so'i cho ga'o//da ni thun mong gi phyag rgya bcing ba ston te/ /rdo rje hUM mdzad la sogs pa rig pa'i rgyal po rnams dang / rdo rje sems dpa' la sogs pa sems dpa' bcu drug po rnams las gang rang gi lha zlos pa'i phyag rgya de dag thams cad ni thun mong ma yin te/gang zhig lha gang zlos pa de dang de'i phyag rgya ni lha de nyid kyi rang gi phyag rgya yin pas na thun mong ma yin pa zhes bya'o/ /de ni de dag thams cad las gang zlos kyang phyag rgya gang dang gang dgos pa de ni thams cad kyi spyi'i yin pas na thun mong zhes bya ste/ de'i phyir spyi'i phyag rgya bcing ba zhes smos pa yin no//de la thog mar ni 'jig rten gsum las rnam par rgyal ba'i phyag rgya bshad de/ 'jig rten gsum las rnam par rgyal ba'i phyag rgya sngar bstan zin mod kyi/ 'on kyang 'di la thun mong du gyur pa yod par bstan pa'i phyir/ yang bzlas te smos pa yin no/ /rdo rje rnams kyi dam tshig gi mchog yin pas na rdo rje rnams kyi dam tshig mchog ste/dam tshig ces bya ba ni 'dir sngags la bya'o/ /rdo rje dam tshig mchog de'i ming ji skad du bya/ gang zhig gi yin zhe na/ rdo rje hUM zhes sngags kyis te/ /zhes bya ba gsungs so/ /dngos grub thams cad yud kyis thob//ces bya ba ni de'i phan yon ston pa yin no/ /'di skad ston te/ 'jig rten gsum las rnam par rgyal ba'i phyag rgya hUM zhes bya ba bzhi'i sngags dang sbyar na de bzhin gshegs pa thams cad dang por bkug cing dkyil 'khor du btsud de rnam par snang mdzad kyi gdan la bkod pas na/de nas de dang dngos grub thams cad sbyin par 'gyur ro/ /mthe'u chung mdzub mo lcags kyur bcing / /zhes bya ba ni 'jig rten gsum las rnam par rgyal ba'i phyag rgya las g.yas pa'i mdzub mo'i lcags kyu g.yon pa'i mdzub mo'i lcags kyus bzung ste bcings na rdo rje gnyis ka bla 'og tu 'gyur ro//dam tshig rnams kyi lcags kyu yin pa'am dam tshig kyang yin la lcags kyu yang yin pas na dam tshig lcags kyu'o/ /yang na dam tshig ni 'dod pa'i rgyal po ste/ de'i lcags kyu yin pas na dam tshig lcags kyu'o/ /skad cig gis ni thams cad 'gugs//zhes bya ba ni 'jig rten gsum po thams cad skad cig tsam gyis 'gugs pa'o/ /'das ma thag pas 'jig rten gsum las rnam par rgyal ba'i spyi'i phyag rgya bstan nas/ da ni/ rig pa dam pa thams cad kyi/ /zhes bya ba la sogs pas 'dul byed hUM mdzad kyi sngags kyis bsdus pa'i las rnams ston te/rig pa dam pa yang yin la thams cad kyang yin pas rig pa dam pa thams cad de/ rdo rje hUM mdzad la sogs pa bzhi'o/ /de rnams kyi nang na 'jig rten gsum las rnam par rgyal ba'i phyag rgya ni gtso bo yin la/ gzhan rnams kyi ni thun mong du gyur pa yin pas gtso bo ma yin no//gzhan rnams las gtso bor gyur pa ni rdo rje sems dpa'i phyag rgya 'ba' zhig yin no/ /de'i tshe gtso bo'i las gang yin zhe na/ thams cad kyang ni gnon pa ste/ /zhes bya ba'o/ /gnod pa 'ba' zhig tu ma zad kyi/ de bzhin las rnams thams cad byed/ / ces bya ba ste/ de bzhin zhes bya ba ni 'dul byed hUM mdzad kyis bsdus pa bzhin du'o/ /da ni/ rdo rje mdzub sor gnyis legs par/ /zhes bya ba la sogs pas/ badzra da tiSh+Tha zhes bya ba'i sngags kyis 'jig rten gsum po 'gyel ba las slong ba'i phyag rgya ston te/ rdo rje gnyis ni khro bo'i khu tshur gnyis te/de gnyis kyi mdzub mo'i sor mo gnyis legs par sbyar bar bya ba ste/ phyin ci ma log par legs par rab tu mnyam par bzhag la/ bkan te gcig la gcig 'byar bar byas nas snying gar bzhag la 'gyel ba'i 'og tu gnas par bsams la de las bzlog nas gyen du bteg par byas te/rnam pa de lta bu'i tshul gyis shi ba thams cad bslang bar bya'o/ /rdo rje slong ba zhes bya'o zhes bya ba ni phyag rgya 'di'i ming rdo rje slong ba zhes bya'o/ /da ni rdo rje mdzub mo gnyis/ /zhes bya ba la sogs pas shi ba yang dag par gso ba'i sngags kyi phyag rgya ston te/ rdo rje gnyis zhes bya ba ni sngar bshad ma thag pa'o//de yi mdzub mo'i sor mo gnyis/ /rdo rje bcing ba bcing nas su/ /zhes bya ba ni gcig la gcig lcags kyu lta bus bzung ba ni rdo rje bcings pa'o/ /phyag rgya 'di nyid zlos te sems can thams cad yang dag par bsdus la/ ma 'ongs pa'i srog gcod pa las ldog pa dang /bza' ba dang btung ba la sogs pa byin pas tshe 'phel bar 'gyur ba'i las kyi 'bras bur gyur pa spyi bor gzhag go/ /des ci zhig byad ce na/ tshe dang nad med 'phel ba'o/ /zhes gsungs so/ /da ni bcom ldan 'das rdo rje'i rjes su spyod pa dang / zhabs kyi mthil du dgug pa'i sngags kyi phyag rgya ston pa de ni/rdo rje bcing ba dam bcas te/ /zhes bya ba la sogs pa yin no/ /'di ni go sla ste/ gcus pa'i rdo rje khu tshur tsam zhig gi khyad par yod par zad de/ gcus pa ni lag pa g.yas pa'i rdo rje khu tshur 'og tu bcug la g.yon pa steng du phyung ste/ de nas thad kar 'dren pa'i tshul du gcu zhing yang g.yon pa 'og tu bcug la g.yas pa steng du dbyung bar bya'o//'di ni zhabs su dgug pa'i phyag rgya ste/ 'dis lha chen po'i dkyil 'khor du gzhug go/ /da ni/ 'jig rten gsum rgyal bcings nas su/ /zhes bya ba la sogs pas/ badzra kra ma zhes bya ba'i sngags dang lha chen po rkang pa 'jog pas gnon pa'i phyag rgya ston to//de'i 'og tu badzra a be sha zhes bya ba'i sngags dang lha chen po tshar gcod pa'i phyag rgya ston te/ rdo rje'i phyag rgya gnyis bcings te/ /zhes bya ba ni rdo rje khu tshur gnyis khro bo'i sdigs mdzub dang bcas par bcings la/ mdzub mo de dag gnyis nang na gcig la gcig phan tshun du brdab par bya'o/ /sems can gang gi lus la ni/ /zhes bya ba ni sems can gang la chad pas gcod par 'dod pa'i sems can de yid kyis dmigs la mdzub mo gnyis gcig la gcig brdab par bya'o/ /bsams nas de yang rdob par byed//ces bya ba ni khro bo'i ting nge 'dzin la gnas te brdab par bya'o zhes bya ba'i don to/ /de ni lha chen po las babs te chad pas gcad pa dang / babs pas de'i sdug bsngal bsal bar bya ba'i phyir/ bcom ldan 'das kyis byams pa'i go cha'i sngags kyi go cha'i phyag rgya ston te/ rdo rje'i phyag rgya gnyis bcings te//zhes bya ba ni smas ma thag pa'i go cha'i 'o/ /bdag gam pha rol zhes bya ba ni bdag nyid dam 'on te pha rol la go cha bcing ba'o/ /go char bya zhes bya ba ni mdzub mo gnyis kyis mdud pa ste/ rdo rje dbyings las gsungs pa'i tshul gyis so/ /de ltar bcing ba byas na rtag pa nyid du srung bar 'gyur ro//da ni 'jig rten gsum gyi 'khor lo'i dkyil 'khor du 'jug pa'i tshe 'jig rten gyi 'khor lo'i dam tshig tu 'jug pa'i sngags kyi phyag rgya ston te/ rdo rje mthil du bcings nas su/ /zhes bya ba ni sor mo nang du bsnol ba'i rdo rje bsdam par bya ba'o/ /yid kyis khros nas dgab bya ba/zhes bya ba ni khro bas khyab pas dgab par bya ba'o/ /gang gis gang zhig ji ltar dgab par bya zhe na/ dgab pa ni bshad ma thag pa'i rdo rje bcing bas dgab par bya la/ gang gis dgab par bya zhe na/ mthe bo rdo rjes so/ /ji ltar dgab par bya zhe na/ dam por ro/ /de ltar byas pas cir 'gyur zhe na/rdo rje rigs can 'grub par 'gyur/ /zhes bya ba gsungs te/ rdo rje rigs thams cad bka' nyan la/ rang dbang du 'gyur zhes bya ba'i don to/ /da ni/ sems dpa' rdo rje dam byas te/ /zhes bya ba la sogs pas dam tshig srung ba'i sngags kyi rdo rje'i phyag rgya ston te/ sems dpa' rdo rje ma'i phyag rgya bcings la/mthe bo gnyis kyis gung mo mnan/ /zhes bya ba ste/ mdzub mo dang gung mo dang srin lag gsum char gshibs nas rtse mor byas pa'i bar na 'dug pas na mnan pa ste/ mthe'u chung rdo rje bcings pa'i tshul du bkug nas gnas pa'i mthe'u chung gi rdo rje rtse mo la/ mthe bo'i rdo rje rtse mo gtugs par bya'o zhes bya ba'i don to//'di ni rdo rje rtse gsum pa ste rdo rje rnon po zhes bya'o/ /rnon po dam tshig 'dzin pa'o/ /zhes bya ba ni myur ba nyid du dam tshig 'dzin par byed pa'o zhes bya ba'i don to/ /dam tshig 'dzin du 'jug pa ni khro bo ti rIn ti ri'i yin la/ rdo rje rnon po'i phyag rgya 'di ni las kyi tshe dam tshig las mi 'da' bar bya ba'i sngags pas bcing bar bya'o//rdo rje 'di ni rdo rje che/ /zhes bya ba la sogs pas bskul ba'i tshig thog mar 'gro ba'i sngags kyis 'jig rten gsum las rnam par rgyal ba'i dam tshig 'dzin du 'jug pa'i tshe gong du bstan pa nyid yin mod kyi/de nyid 'dir ni spyi'i phyag rgya bcing ba'i zhar la rdo rje'i phyag rgya bcings te zhes bya ba la sogs pas yang ston pa yin te/ khro bo'i sdigs mdzub dang bcas pa'i rdo rje'i phyag rgya gnyis bcings la/mdzub mo gnyis bkug ste bcing ba ste/ mdzub mo gnyis gcig gis gcig bzung ba'i rdo rje'i phyag rgya gnyis gang yin pa de ni rdo rje'i phyag rgya gnyis bcings te/mdzub mo gnyis bkug bcings nas su/ /zhes bya ba'o/ /gcu zhing phyir gcus byas nas su/ /zhes bya ba la/ gcu ba ni lag pa g.yon pa'i kha phyir bstan pa la/ lag pa g.yas pa'i mdzub mo'i lcags kyus dgug pa ni gcu ba yin no//yang g.yas pa kha phyir bstan pa la g.yon pa'i mdzub mo'i lcags kyus drangs na phyir gcu ba byas pa yin no/ /de lta bu ni lha dgug pa'i dam pa yin zhes bya ba ste/ 'dis ni phyag rgya 'di rnams 'gugs pa yin no zhes ston to/ /rdo rje bcing ba dam byas te//zhes bya ba la sogs pa ni go sla'o/ /dbus su btsir ba bar snang gi'o/ /zhes bya ba ni mdzub mo bkug pa gnyis kyi ngos dang mthe bo bkug pa gnyis kyi ngo sprad la/ dbus su ste gung mo'i thad kar mnan pa ni bar snang ba rnams kyi phyag rgyar 'gyur ro/ /da ni nam mkha' la spyod pa rnams kyi phyag rgya ston te/rdo rje khu tshur gnyis snying ga'i thad kar bzhag la/ rdo rje khu tshur gnyis kyi rgyab nas mthe'u chung gnyis gcig la gcig sbrel nas mdzub mo gnyis kyang 'khyud de bzlog la bkan nas kha gyen du bstan pa ni nam mkha' la spyod pa rnams kyi phyag rgya'o/ / de ni sa la gnas pa rnams kyi phyag rgya ston te/ rdo rje bcings pa bsdams nas su/ /zhes bya ba ni rdo rje bsdams pa bcings la mdzub mo gnyis gshibs pa 'di ni rdo rje bsrung ba'i phyag rgya ste/ 'di nyid sa la bzhag nas btsir bar bya'o/ /sa pa zhes bya ba ni sa la 'khod pa gang yin pa de ni sa pa'o//de rnams kyi dam tshig gi phyag rgya yin pas na dam tshig ste'o/ /las thams cad byed pas na thams cad byed pa'o/ /'da' dka' ba'o zhes bya ba ni lha ma yin thams cad kyis 'da' bar bya ba ma yin pa zhes bya ba'i don to/ /da ni rdo rje'i phyag rgya zhes bya ba la sogs pas sa 'og na gnas pa rnams kyi phyag rgya ston te/rdo rje phyag rgya gnyis ni bstan zin to/ /g.yon pa'i rdo rje mdzub mo yin pas na g.yon pa'i rdo rje mdzub mo'o/ /des mnan pa ni lcags kyu'i tshul du byas pas gzung ba ste/ rdo rje sor mo g.yas pa'i mthe'u chung gis g.yon pa'i mdzub mo'i rdo rje bzung la drag tu brdabs na 'dis sa 'og na gnas pa rnams 'gugs par 'gyur ro//da ni rdo rje he ru ka'i phyag rgya ston te/ rdo rje khu tshur gnyis kyi rdo rje bcing ba sbrel ba ni/ mdzub mo gnyis ka dam po ste/ /zhes bya ba mdzub mo gnyis ka bkug la phan tshun lcags kyu lta bur dam por gzung ba 'di ni mdud par 'gyur ro//gung mo gnyis dang mthe bong gnyis ni rdo rjer bya ba'o/ /gzhan dag ni srin lag dang mthe'u chung gnyis kyang brkyang bar bya'o zhes zer ro/ /'di gdug pa'i phyag rgya rab tu 'joms par byed pa'i rdo rje yin te/ gdug pa'i phyag rgya ni phra men ma la sogs pa'i phyag rgya ste/de rab tu 'joms par byed pas na gdug pa'i phyag rgya 'joms pa'o zhes bya ba'o/ /da ni/ rdo rje'i phyag rgya gnyis bcings te/ zhes bya ba la sogs pas gdug pa'i rdo rje khro bo'i sngags gdug pa'i dkyil 'khor 'joms par byed pa'i phyag rgya ston te/ rdo rje'i phyag rgya gnyis khro bo'i sdigs mdzub dang bcas par bcings la snying ga'i gnas su gzhag go//mnyam bzhag ste zhes bya ba 'dis ni gdug pa'i dkyil 'khor thams cad rdo rje'i phyag rgya gnyis kyi bar du chud par bsams la bcing bar bya'o zhes ston te/ btsir ba zhes bya ba ni gnyis po de dag nyid kyi mnye bar bya ba ste/'di phyi rol gyi dkyil 'khor 'jig par byed pa'i phyag rgya yin no/ /da ni/ g.yon pa'i rdo rje mdzub mo la/ /zhes bya ba la sogs pas khro bo drag po'i sngags kyis ma rungs pa'i dkyil 'khor thams cad ltung bar byed pa'i phyag rgya ston te/ g.yon pa'i rdo rje mdzub mo la/ zhes bya ba ni g.yon pa'i rdo rje mdzub mo kha phyir bstan la/g.yas pa'i mdzub mo bkug pas steng nas bzung ste drag gtogs na zhes bya ba drangs la slar gtogs te btang bas gang ltung bar bya bar 'dod pa de ltung bar 'gyur bar bsams na/ gang dang gang la bsnun pas ltung bar bsams pa de dang de ltung bar 'gyur ro//de lta bu'i sbyor ba la goms par byas na ri rab kyang ltung bar byed par 'gyur ro/ /da ni phra men ma la sogs pa'i gdon thams cad 'gugs pa'i sngags kyis gdon rnams 'gugs pa'i phyag rgya ston to/ /bshad ma thag pa'i phyag rgya de nyid las/ der ni bkug nas gtogs pa yin par bshad kyi/'dir ni dgug pa 'ba' zhig tu zad kyi/khyad par ni de tsam du zad do/ /gdon rnams kun la dbang du byed/ /ces bya ba ni bkug nas gdug pa nyid bzlog pa la dbang du gyur par byed do zhes bya ba'i don to/ /bshad ma thag pa'i sngags dang phyag rgyas mkha' 'gro ma la sogs pa'i gdon bkug pa rnams la 'chi ba'i mtshan ma shes pa'i phyag rgya ston te/rdo rje bcing ba byas nas su/ /lag ngar snying gar shin tu bsdam/ /zhes rdo rje khu tshur gnyis bcings la/ rdo rje khu tshur g.yon pa mchan khung g.yas par gzhug /rdo rje khu tshur g.yas pas g.yon pa'i lag ngar dkris la mchan khung g.yon par gzhug go zhes bya ba'i don to//rdo rje mdzub mo gnyis mchan khung / /zhes pa ni go sla'o/ /da ni/ mdzub mo gnyis kyi rtse mo yis/ /zhes bya ba la sogs pas rims la sogs pa'i nad thams cad dgug pa'i sngags kyis rims la sogs pa'i nad thams cad dgug pa'i phyag rgya ston te/rdo rje khu tshur gnyis bcings la mdzub mo gnyis kyi rtse mo so so'i mthe bo gnyis kyi rgyab kyi rtsar yang nas yang du drangs shing rims la sogs pa'i nad so so'i gzugs su bsams la/ lus las dbyung bar bsams na de'i lus la mgo bo nas brtsams te rkang pa'i sor mo'i rtse mo la thug gi bar du/sngags pa'i mig gis gang dang gang du bltas pa de dang de rnam par dag par bsam par bya ste/ de ltar rims la sogs pa dgug pa'i dam par 'gyur ro/ /da ni rims la sogs pa'i nad rnams ni srog gcod pa la sogs pa'i mi dge ba'i rtsa ba las byung ba yin pas na de'i phyir dang por de'i rtsa ba'i phyag rgya bstan nas/de 'og tu rims la sogs pa dgug pa'i phyir phyag rgya bstan par bya dgos pa na/ rdo rje thal mo dam sbyar te/ /zhes bya ba la sogs pas de ston te/ mnan pa de ni sdig 'phrog pa'o/ /zhes bya ba ni phyag rgya 'di chos thams cad rang bzhin gyis rnam par dag pa'o zhes bya ba'i rnal 'byor bsgom pa dang lhan cig tu sbyar bar bya'o/ /lhag ma rnams ni go sla'o/ /da ni ngan song thams cad bkug nas rnam par sbyang ba'i sngags kyis ngan song du ltung ba slong ba'i phyag rgya ston te/rdo rje'i phyag rgya gnyis nang du/ /mdzub mo gnyis ni bcings nas kyang / /zhes bya ba ni rdo rje'i phyag rgya gnyis kyi mdzub mo'i sor mo gnyis bkug la/ gcig la gcig lcags sgrog gi tshul du sbrel la ngan song du ltung ba thams cad ngan song gi gnas nas bton par bsam zhing /phyag rgya 'og nas gyen du 'degs pa 'di ni ltung ba slong ba'i dam pa yin no/ /da ni/ rdo rje bcing ba dam byas te/ /zhes bya ba la sogs pas ngan song du ltung ba thams cad kyi ngan song dral ba'i phyag rgya ston te/ rdo rje bsdams pa bcings la gung mo gnyis gshibs te/tha ma bzhi'i ngo sprad la zhes bya ba sor mo lhag ma rnams rdo rje bsdams pa'i nang du bcings pa'i tshul du phan tshun ngo sprad par byas te/ de ltar byas na gung mo'i sor mo gnyis sngags brjod cing lan du mar gdab par bya ste/ rnam pa de lta bu'i tshul gyis sdig pa rnams dral bar bya'o//de ltar ji skad gsungs pa'i tshul gyis 'jig rten gsum las rnam par rgyal bar gtogs pa'i sngags dang phyag rgya la sogs pas 'jig rten gsum po tshar bcad pa dang / phan gdags par mdzad nas/da ni de bzhin gshegs pa thams cad kyir gtogs pa'i dkyil 'khor chen po gang yin pa de sgrub cing bri ba la phyag rgya bzhi gang zhig dgos pa de ston pa yin no//de dag las kyang / rdo rje'i phyag rgya bzung nas ni/ /zhes bya ba la sogs pas thig gdab pa'i sngags kyi phyag rgya de ston te/ rdo rje'i phyag rgya bzung nas ni/ /zhes bya ba g.yon pa rdo rje khu tshur bcings la/thig gzung ste dkyil 'khor du dang po kho nar srad bu bre bar bya'o/ /de yang rgyas pa la ni kha shar phyogs su blta/ zhi ba la ni byang phyogs su blta/ mngon spyod la ni kha lho phyogs su bltas te srad bu bre bar bya'o/ /srad bu bres la zhes bya ba ni sa la bzhag la zhes bya ba'i don to//de ltar/ srad bu bres nas phyi nas ni/ /srad bu ji bzhin bri ba bshad/ /ces bya ba ste/ rdo rje khu tshur ram rnam pa gzhan gang yang rung bas ji ltar bde bar gyis shig ces bya ba'i don to/ /da ni/ rdo rje'i phyag rgya gnyi ga yi/ /zhes bya ba la sogs pas tshon rtsi la bzlas pa'i sngags kyi phyag rgya ston te/rdo rje'i phyag rgya gnyi ga yi/ /zhes bya ba ni rdo rje'i phyag rgya gnyis kyi'o/ /mdzub mo'i rtse mo rab sbyar ba/ /zhes bya ba ni mdzub mo gnyis rab tu brkyang ba'i rtse mo gnyis sbyar ba'o/ /byas nas zhes bya ba ni rdo rje'i phyag rgya de ltar byas nas so/ /tshon rnams thams cad la zhes bya ba ni bri ba'i phye ma thams cad la'o//'bar ba'i lta bas dgug par bya/ /zhes bya ba ni/ rab tu myur bar mig bsgul zhing / /mig gi rdzi ma 'dren pa ni/ /zhes bya ba 'bar ba'i lta bar bshad pa ste/ des dgug pa ni nam mkha'i dbyings thams cad nas/sangs rgyas thams cad rdul phra rab dang mnyam pa rnams spyan drang ngo / /spyan drangs nas kyang tshon gyi phye ma de'i nang du gzhug par bya'o/ /da ni/ rdo rje mdzub mo yang dag par/ /zhes bya ba la sogs pas sgo dbye ba'i sngags kyi phyag rgya ston te/ bshad ma thag pa'i phyag rgya nyid la sbyar la bkan te zhes bya ba nyi tshe tsam zhig khyad par yod par zad do//rab tu khros nas zhes bya ba ni khro bo'i ting nge 'dzin la gnas pa'o/ /dbye ba zhes bya ba dbye ba byas pa'o/ /sgo dbye ba yi mchog yin no/ /zhes bya ba ni/ thams cad las phul du byung ba yin no zhes bya ba'i don bshad do//de nas zhes bya ba ni de'i rjes thogs la'o/ /rdo rje rigs thams cad kyi zhes bya ba ni/ rigs bzhi'i rnam par dbye bas gnas pa de'i rdo rje rigs thams cad kyi'o/ /phyag rgya thams cad ni phyag rgya ma lus pa ste/ phyag rgya chen po la sogs pa dbye ba rnam pa bzhi'o/ /bsgrub pa bshad do zhes bya ba ni de rnams kyi spyi'i bsgrub pa bshad pa'o//g.yon brkyang ba yi tshul byas te/ /zhes bya ba ni phyag rgya chen po'i tshul du gnas te/ khro bo yi ni skad 'byin zhing / /zhes bya ba ni khro bo'i dam tshig gi sngags brjod pa'o/ /khro zhing khro ba'i lta bas ni/ /de ltar rngam pa dang bcas pa'o//las rnams thams cad bsgrub par bya/ /zhes bya ba ni yid kyi las ston pa ste/ khro bos khyab pa'i yid kyis bya ba'o zhes bya ba'i bar du ston te/ phyag rgya ji skad gsungs pa 'di rnams kyis las thams cad sgrubs shig ces bya ba'i don to/ /de bzhin gshegs pa thams cad kyi rdo rje'i dam tshig ces bya ba la/de bzhin gshegs pa yang yin la thams cad kyi rdo rje yang yin pas na de bzhin gshegs pa thams cad kyi rdo rje ste/ de bzhin gshegs pa de dag phyag na rdo rjes sprul te bkod pa yin pas na de bzhin gshegs pa thams cad kyi rdo rje zhes gsungs so//de nyid dam tshig yin pas na de bzhin gshegs pa thams cad kyi rdo rje'i dam tshig go/ /de rtog pa chen po'i rgyal po gang du bstan pa de la ni de bzhin gshegs pa thams cad kyi rdo rje'i dam tshig gi rtog pa chen po'i rgyal po ste brtag pa chen po'i rgyal po de las/ 'jig rten gsum las rnam par rgyal ba'i dkyil 'khor chen po'i cho ga rgyas pa rdzogs so// //de kho na nyid bsdus pa'i rgya cher bshad pa ko sa la'i rgyan las 'jig rten gsum las rnam par rgyal ba'i dkyil 'khor chen po'i rnam par 'grel pa rdzogs so// //de ltar ji skad du bstan pa'i tshul gyis khams gsum rnam par rgyal ba'i dkyil 'khor bskyed de 'jig rten gsum las rgyal zhing btul nas bstan pa la bkod de/dkyil 'khor du bcug cing dam tshig 'dzin ma la btsud nas/ rang gi mtshan ma byin te las la nges par sbyar nas/ 'jig rten gsum las rnam par rgyal ba yongs su rdzogs par mdzad pa yin la/da ni khams gsum rnam par rgyal bar gtogs pa'i gzungs kyi dkyil 'khor gyi bya ba bstan par bya ba'i phyir/ de nas yang bcom ldan 'das zhes bya ba la sogs pa gsungs te/ de nas zhes bya ba ni 'das ma thag pa'o/ /yang zhes bya ba ni khams gsum rnam par rgyal ba'i dkyil 'khor la ltos pa yin pa'i phyir ro//bcom ldan 'das zhes bya ba ni skal pa phun sum tshogs pa dang ldan pa'o/ /phyag na rdo rje mnga' ba'i phyir phyag na rdo rje'o/ /rdo rje rnams kyi gzungs yin pa'i phyir na rdo rje gzungs te/ rdo rje ni rdo rje hUM mdzad la sogs pa'o/ /de rnams kyi dam tshig ni phyag rgya'i lha mo rnams so//de rnams kyi gzungs ni sngags dang phyag rgya la sogs pa ste/ de gang las byung ba'i bsam pa de nyid ni brtan pa'i phyir na rdo rje yin la/ de byin gyis brlab pa'i phyir ting nge 'dzin gang ming de skad ces bya ba nyid du don dang mthun par btags pa gang yin pa'i ting nge 'dzin de la de snyoms par zhugs pa'o//rig pa dam pa zhes bya ba la/ gang ma rig pa bsal bar bya ba'i phyir sprul pa ni rig pa zhes bshad do/ /de ston pa'i tshig kyang rig pa zhes bya la/ de yang rnam pa mang ste/ de rnams kyi dam pa yin pas na rig pa dam pa ste de gsungs pa'o/ /'dir rig pa zhes smos pa ni de ston par byed pa'i sgra la bya bar gzung ste/de gsungs so zhes bya ba ni bka' stsal to zhes bya ba'i don to/ /'di zhes bya ba ni thugs la gnas pa'o/ /rig pa dam pa zhes bya ba gsungs na gang gis de dam pa yin par ma gsungs pas da ni dkyil 'khor thams cad sprul pa'i las de bstan pa'i phyir/de nas zhes bya ba la sogs pa gsungs te/ de nas zhes bya ba ni de ma thag tu'o/ /'di gsungs pa tsam gyis zhes bya ba ni rig pa dam pa gsungs pa tsam gyis so/ /bcom ldan 'das rnam par snang mdzad kyi thugs ka nas zhes bya ba ni phyag na rdo rje'i thugs ka'i phyogs nas so//bcom ldan 'das phyag na rdo rje de nyid ces bya ba ni phyag na rdo rje nyid do/ /phyag na rdo rje dang rang gi ngo bo nyid thams cad 'dra ba gang yin pa de ni phyag na rdo rje dang rang gi lus thams cad 'dra ba zhes bya ba'o/ /phyag na rdo rje dang rang gi lus thams cad 'dra ba 'ba' zhig tu ma zad kyi/ 'od kyi dkyil 'khor dang 'dra bar bstan pa'i phyir kun nas 'bar bas bskor nas zhes bya ba la sogs pa gsungs te/kun nas 'bar bas na kun nas 'bar ba ste/ des bskor nas nang na bzhugs zhes bya ba'i don to/ /de lta bu de gang zhig yin zhe na/ rdo rje khro bo gsang ba'i dam tshig gi phyag rgya'i lha mo zhes bya ba gsungs te/rdo rje khro bo ni rdo rje hUM mdzad la sogs pa'o/ /de rnams kyi dam tshig gi phyag rgya ni rdo rje la sogs pa yin la/ der byin gyis brlabs pa'i lha mo rnams ni de'i ngo bo nyid yin pas/ rdo rje khro bo'i dam tshig gi phyag rgya'i lha mo rnams su gyur nas byung ba'o/ /'dis ni 'di skad ston te/ rnal 'byor gyi dbang phyug rnams kyi phyi dang nang gi dngos po thams cad dang 'khor ba dang mya ngan las 'das pa rnams ni rang gi sems nyid las byung zhing ldog pa yin no//ci'i phyir dkyil 'khor 'di sprul par mdzad ces bya ba'i 'dri ba'i glags su rnyed gyur pa 'di la/ 'jig rten gyi khams thams cad du de bzhin gshegs pa thams cad kyi don bsgrubs nas zhes bya ba gsungs te/de bzhin gshegs pa thams cad ni/ rdo rje hUM mdzad la sogs pa ste/ de rnams kyi don ni phyag rgya'i lha mo rnams kyi rigs gsungs pas de lta bu'i sprul pas 'dul ba'i sems can rnams 'dul ba ste/ de bsgrubs nas so//bcom ldan 'das rdo rje sems dpa'i zhes bya ba ni bcom ldan 'das phyag na rdo rje'o/ /btsun mo gsang ba zhes bya ba ni 'di skad ston te/ gang bcom ldan 'das phyag na rdo rjes 'dod pa'i khams kyi dbang phyug las rnam par rgyal bar mdzad pa'i phyir btsun mo'i 'khor gyi tshogs sprul par mdzad pa dang /'dod pa'i khams kyi dbang phyug gis mchog tu phul du byung ba de mthong ba dang rang gi slas kyi tshogs la sdug bsngal gyis gdungs pa'i 'gro ba lta bur sems te bcom ldan 'das phyag na rdo rjer smon lam 'debs par byed cing / bcom ldan 'das 'di ji ltar rnyed par 'gyur zhes zer la/ bcom ldan 'das phyag na rdo rjes kyang dkon mchog gsum la skyabs su 'gro ba dang byang chub kyi sems la sogs pa ston par mdzad cing phyag rgya'i lha mo de rnams de na btsun mo'i 'khor gyi tshul gyis bzhugs pa yin no//de bas na bcom ldan 'das de'i rnal 'byor la snyoms par 'jug pa btsun mo'i tshul gyis gnas pa ni bcom ldan 'das phyag na rdo rje'i btsun mo gsang ba zhes bshad do//da ni bcom ldan 'das rnam par snang mdzad kyi dkyil 'khor du de rnams gzhag par bya ba'i phyir te/ de bas na bcom ldan 'das rnam par snang mdzad ni shin tu zhi ba yin pa'i phyir dang / sbyor ba des 'dul ba'i sems can rnams la phan gdags par bya ba'i phyir bud med kyi gzugs sbas shing mi mngon par mdzad nas/sku dang gsung dang thugs rdo rje'i phyag rgya'i gzugs su gyur nas/ bcom ldan 'das rnam par snang mdzad kyi 'jig rten gsum las rnam par rgyal ba'i dkyil 'khor chen po'i tshul gyis zhes bya ba khams gsum rnam par rgyal ba'i dkyil 'khor du lha rnams dgod pa dang /dkyil 'khor dgod pa ji lta ba de bzhin du 'dir yang zla ba'i dkyil 'khor la 'dug nas zhes bya ba gnas nas ched du brjod par mdzad pa'o/ /'di zhes bya ba ni blo la gnas pa'o/ /ched kar brjod pas na ched du brjod pa ste ched du gsungs ba'o//e ma'o zhes bya ba ni ngo mtshar du gyur pa'o/ /ci zhig ngo mtshar du gyur zhe na/ gang phyir sangs rgyas thams cad kyi/ /gsang ba'i ye shes bla na med/ /ces bya ba ste/ gsang ba'i btsun mo'i 'khor yin la/de sprul pa'i ye shes ni gsang ba'i ye shes so/ /de yang bla na med pa ste thams cad kyi mchog yin zhes bya ba'i don to//thams cad kyi mchog ni kha dog dang dbyibs dang gos dang rgyan rnam pa sna tshogs dang sprul pa ste/ 'di ni de'i gsang ba'i ye shes bla na med pa de thams cad las mchog tu gyur pa'o/ /gang zhes bya ba ni gang gi phyir te/ bcom ldan 'das phyag na rdo rjes de bzhin gshegs pa rnams kyi don bsgrub par bya ba'i phyir btsun mo'i gzugs su mngon par sprul pa mdzad pa'o//de bzhin gshegs pa bde ba'i phyir/ /zhes bya ba la/ de bzhin gshegs pa rnams kyi bde ba ni dkyil 'khor chen po bstan pas de bzhin gshegs pas 'dul ba'i skye bo rnams kyi don bsgrub par mdzad pa ste/de'i phyir bcom ldan 'das phyag na rdo rjes phyag rgya'i lha mo'i dkyil 'khor gyi gzugs su bzhag pa yin no/ /btsun mo nyid du gyur pa yin/ /zhes bya ba ni btsun mo'i 'khor gyi rol pa ston par mdzad pas so/ /hI zhes bya ba ni rnam par snang mdzad kyi gnas su 'jog pa'i sngags so//de ltar ji skad du bshad pa'i tshul gyis dkyil 'khor sprul par mdzad nas/ da ni bri ba'i dkyil 'khor bstan par bya ba'i phyir/ de nas yang phyag na rdo rje zhes bya ba la sogs pa gsungs te/ de nas yang phyag na rdo rjes zhes bya ba ni dkyil 'khor chen po la ltos pa'o//rang gi rigs ni rdo rje'i rigs te/ rang gi rigs de'i dam tshig gi phyag rgya ni rang gi rigs kyi dam tshig gi phyag rgya zhes bya la/ de'i dkyil 'khor yin pas na rang gi rigs kyi dam tshig gi phyag rgya'i dkyil 'khor ro/ /ming ji skad ces bya ba yin zhe na/rdo rje dam tshig gsang ba zhes bya ba'o/ /gsungs pa ni bka' stsal pa'o/ /de nas zhes bya ba ni gnas skabs so/ /rab tu bshad bya ba zhes bya ba ni gsang ba'i dkyil 'khor med par de dang 'brel ba'i gdul bya rnams kyi dgos pa 'grub par mi 'gyur te/ de bas na rab tu bshad par bya zhes bya ba ste/yang dag par so sor phye nas bshad par bya'o zhes bya ba'i don to/ /rdo rje'i dkyil 'khor yin pas na rdo rje'i dkyil 'khor te/ rdo rje ni bcom ldan 'das phyag na rdo rje yin la/ des sprul pa'i dkyil 'khor yin pas na rdo rje'i dkyil 'khor ro//dam pa ste zhes bya ba ni dgos pa dam pa sgrub par byed pa'i phyir ro/ /ji lta bu zhe na/ de'i phyir/ rdo rje dbyings dang 'dra bas na/ /zhes bya ba gsungs te/ rdo rje dbyings dang mtshungs pa'o/ /ming ji skad ces bya ba yin zhe na/ khro ba'i gsang ba zhes bshad do/ zhes gsungs so//ji ltar phyi'i dkyil 'khor gyi dbyibs rdo rje dbyings dang 'dra ba yin du zin kyang 'on kyang nang gi dkyil 'khor gyi dbyibs la dbye ba yod do zhes bstan par bya ba'i phyir/ dkyil 'khor chen po'i tshul du ni/ /dkyil 'khor thams cad srad bu bre/ /zhes bya ba gsungs te/dkyil 'khor chen po ni 'dir khams gsum rnam par rgyal ba yin par gzung ngo //dkyil 'khor thams cad srad bu bre/ /zhes bya ba ni dkyil 'khor lnga pa lnga dang / mchod pa brgyad dang sgo srung bzhir rnam par dbye bar bya'o zhes bya ba'i don to/ /de bas na/ dkyil 'khor lnga yi gnas rnams su/ /gsang ba'i phyag rgya gzhag par bya//zhes bya ba gsungs te/ gsang ba yang yin la phyag rgya yang yin pas na/ gsang ba'i phyag rgya ste/ gsang ba ni thams cad shin tu gsal bar mi sgrogs pas na gsang ba'o/ /phyag rgya ni rdo rje hUM mdzad la sogs pa'i mtshan mar gyur pa'i phyir ro/ /gzhag par bya zhes bya ba ni go rims ji lta ba bzhin du bri bar bya'o zhes bya ba'i don to//lnga zhes bya ba ni zlo ba'i don to/ /'dab ma bdun pa zhes zer ba dang 'dra'o/ /dkyil 'khor lnga yi gnas rnams su/ /zhes bya ba ni gtso bo bstan pa yin te/ mchod pa la sogs pa yang 'og nas ston pa'i phyir/dkyil 'khor lnga yi gnas rnams su/ /gsang ba'i phyag rgya gzhag par bya/ /zhes gsungs na/ go rims ji ltar gzhag par bya ba mi shes pas de'i phyir/ rdo rje dkyil 'khor dbus su ni/ /sangs rgyas sku gzugs gzhag par bya/ /zhes bya ba gsungs te/rdo rje'i dkyil 'khor zhes bya ba la sogs pa la/ rdo rje ni rdo rje hUM mdzad la sogs pa yin la/ de rnams kyi dkyil 'khor yin pas na rdo rje'i dkyil 'khor te/ de'i dbus la ni/ rdo rje'i dkyil 'khor dbus su ni/ /zhes bya ba ste/ ji skad du bshad pa'i rdo rje'i dkyil 'khor gyi dbus der/sangs rgyas sku gzugs gzhag par bya/ /zhes bya ba bcom ldan 'das rnam par snang mdzad kyi sku'i gzugs brnyan du gtogs pa gzhag go zhes bya ba'i don to/ /sangs rgyas khro bo'i dam tshig kyang / /zhes bya ba ni sangs rgyas bcom ldan 'das kyi ngos thams cad du khro bo ste/rdo rje hUM mdzad la sogs pa'o/ /de rnams kyi dam tshig ni rdo rje la sogs pa ste/ de dag kyang / ji bzhin bar ni mkhas pas bri/ /zhes bya ba ste/ rdo rje dang / rdo rje rin po che dang / rdo rje pad+ma dang / sna tshogs rdo rje rnams so/ /mkhas pas zhes bya ba ni shes rab can no//de ltar dbus kyi dkyil 'khor yongs su rdzogs par byas nas/ da ni ji ltar 'byung na dam tshig las 'das par mi 'gyur ba'i thabs bstan par bya ba'i phyir/ rdo rje shugs kyis rgal nas ni/ /zhes bya ba gsungs te/ ji ltar sngar bshad pa'i sngags dang phyag rgya dang ldan par 'byung ba de ston to//byung nas ci zhig bya zhe na/ phyag na rdo rje'i dkyil 'khor du zhugs pa de bris shig pa'o/ /go rims gang gis de bri bar bya zhe na/ de'i phyir der/ dbus su mdung rtse chur bris la/ /rdo rje rab tu gzhag par bya//zhes bya ba gsungs te/ rdo rje hUM mdzad kyi dkyil 'khor du mdung rtse chur gnas pa la de'i steng du rdo rje'i phreng ba bris shig pa'o//da ni 'khor rnams kyi phyag rgya rim bzhin du bstan par bya ba'i phyir/ 'od 'bar dbus su zhes bya ba la sogs pa gsungs te/ go rims ji lta ba bzhin du rdo rje sems dpa'i gnas su lcags kyu/rdo rje chags pa'i gnas su mda'/ rdo rje legs pa'i gnas su mgu ba rnams bri'o/ /rdo rje shugs kyis rgal nas su/ /zhes bya ba ni bshad zin to/ /dkyil 'khor dam pa gnyis par yang / /zhes bya ba ni 'khor gyi dkyil 'khor la ltos pa yin no/ / dkyil 'khor dam pa gnyis pa der ci zhig bri bar bya zhe na/ 'khor lo'i dbus su gnas pa yi/ /rdo rje rin chen bri bar bya/ /zhes bya ba gsungs so/ /'di skad ston te/ dkyil 'khor gyi dbus su 'khor lo bris la/ de'i dbus su rdo rjes mtshan pa'i rin po che bri bar bya'o//khro gnyer dbus su rdo rje bri/ /zhes bya ba ni rdo rje rin chen gyi gnas su mig gnyis khro gnyer dang bcas par 'degs pa bris la/ smin mtshams kyi gnas su rdo rje ste rin po che bri'o zhes bya ba'i don to/ /rdo rje nyi ma'i gnas su nyi ma'i dkyil 'khor bris par rdo rje bri bar bya'o//rdo rje dpal gyi gnas su ni rgyal mtshan bri bar bya'o/ /de bzhin zhes bya ba ni sdud pa ston to/ rdo rje bzhad pa yang de bzhin no zhes bya ba'i don to/ /rdo rje bzhad mo'i gnas su rdo rje gnyis mchu lta bur byas pa'i bar du so'i phreng ba gnyis bri bar bya'o/ /rdo rje shugs kyis rgal bar ni bshad zin to//dkyil 'khor gsum pa'i dbus su rdo rjes mtshan pa'i pad+mo ni rdo rje pad+mo ste/ rdo rje ni yu ba'i tshul du byas la de'i steng du pad+ma shing la sogs pa las dngos su bya'o/ /bri ba'i tshe na yang 'dab ma'i mtha' thog thag gam/ phyogs gcig tu rtse gsum pa kha gnyis ka ma yin pa'i kha gcig par byas la/'dab ma'i mthar rdo rje bya ba 'di ni rdo rje snang ba mtha' yas kyi gnas su zla ba'i dkyil 'khor gyi steng du pad+ma chen po bris la/ de'i dbus su ji skad bshad pa'i rdo rje pad+ma bri bar bya'o/ /'bar ba'i dbus su pad+ma bri/ /zhes bya ba ni 'jig rten dbang phyug gi gnas su bri'o//ral gri ni rdo rje rnon po'i gnas su'o/ /'khor lo ni rdo rje rgyu'i gnas su'o/ /de bzhin no zhes bya ba 'dis ni 'di dag kyang 'bar ba'i dbus su bri'o zhes sdud pa yin no/ /rdo rje lce ni rdo rje smra ba'i gnas su'o/ /tshul bzhin du zhes bya ba ni 'bar ba'i dbus su zhes bya ba dang sbyar ro/ / rtag tu de yi phyogs su gzhag /ces bya ba ni dbus kyi pad+ma la gnas pa'i rdo rje pad+mar ro/ /dkyil 'khor dam pa bzhi par yang / /rdo rje gnyis bsnyal ba la rdo rje bri ste/ rdo rje 'od chen pos bskor ba ni nye bar bskor ba'o/ /gang gis she na/ rdo rje rnams kyis so/ /ji lta bus she na/ 'od chen pos so/ /'di skad ston te/ phyogs bzhir rdo rje 'od kyi dkyil 'khor kyis brgyan pa'i rdo rje des yongs su bskor bar bri bar bya'o/ /de'i zhes bya ba de lta bu'i rdo rje'i phyag rgya'i phyogs ni thams cad du zhes bya ba ngos bzhi'i bar du'o/ /'bar ba kun gyis dkris pa'i 'od/ /ces bya ba ni kun nas 'od 'bar bas 'khrigs pa zhes bya ba'i don to//yang de gang zhig yin zhe na/ rdo rje thams cad go cha mchog /ces bya ba la sogs pa gsungs te/ rdo rje las kyi gnas su rdo rje thams cad de kha bzhi pa'o/ /go cha mchog ni go cha bzang po ste/ rdo rje go cha'i gnas su'o//rdo rje gnod sbyin gyi gnas su ni rdo rje mche ba'o/ /khu tshur mchog ni khu tshur mdzes pa zhes bya ba'i don to/ /rdo rje khu tshur gyi gnas su'o/ /grwa dang phyi'i gnas su zhes bya ba la mtshams rnams su ni sgeg mo la sogs pa'i phyag rgya'o/ /phyi'i gnas rnams su zhes bya ba ni phyi'i da kyil 'khor gyi grwa'i gnas rnams su bdug pa ma la sogs pa'i mchod pa rnams so//sgo rnams su ni lcags kyu la sogs pa'o/ /phyi'i dkyil 'khor gyi lha'i snam bu'i gnas su ni byams pa la sogs pa'i phyag rgya'am gdan bri bar bya ste/'di ni 'di'i tshul bzhin bri ba yin no/ /phyi'i rdo rje rigs bstan pa ni logs shig tu phyis 'chad pas na de dag gi phyag rgya ni 'dir ma bris so//de ltar ji skad bshad pa'i tshul gyis bri ba'i phyag rgya'i tshogs bstan nas/ da ni de rnams kyi rig pa bstan par bya ba'i phyir/ de nas rab tu bshad bya ba/ /zhes bya ba la sogs pas gsungs te/phyag rgya rnams kyi rig pa ni phyag rgya'i rig pa'o/ /mdor bsdu na zhes bya ba ni mdor byas pa'o/ /rdo rje'i rigs la rang gi mtshan ma'i rtags gang gis dkyil 'khor bstan par bya zhe na/ bcom ldan 'das rdo rje sems dpa' ni mi bskyod pa'i rigs la bzhugs la/ de'i bcibs pa ni glang po che yin la/glang po che la ni yi ge dz+hiH sbyor bar byed la/ des nye bar mtshon pa'i dkyil 'khor la ni rdo rje dz+hiHste rdo rje sems dpa'i yin pas na rdo rje dz+hiH zhes bya ba'i dkyil 'khor ro/ /bcom ldan 'das rin chen 'byung ldan gyi dkyil 'khor ni dbang bskur ba gtso bor gyur pa yin la/dbang bskur nas rgyal po'i pho brang na gnas pa'i mnga' bdag la ni 'jig rten na rjes su 'tsho ba rnams 'tsho bar gyur cig ces snyan pa'i tshig brjod pa yin pas na yi ge dz+hiH zhes bya ba dang sbyar ro/ /des nye bar mtshon pa'i dkyil 'khor la ni rdo rje diHzhes bya ba'i dkyil 'khor zhes bya'o//pad+ma'i rigs la ni chos la lhag par spyod pas ye shes kyi sgron ma gtso bor yin no/ /de bas na des nye bar mtshon pa'i dkyil 'khor la ni rdo rje diHzhes bya ba'i dkyil 'khor zhes bya ste/ rdo rje ni bcom ldan 'das rdo rje hUM mdzad kyi'o/ /las kyi rigs la ni cho 'phrul la sogs pa'i las rnams la lhag par spyod de/de der ni yi ge h+niHzhes bya ba mu stegs pa rnams tshar gcod pa la 'jug pas/ h+niH des nye bar mtshon pa'i dkyil 'khor la ni rdo rje h+niHzhes bya ba'i dkyil 'khor zhes bya'o/ /bcom ldan 'das rdo rje hUM mdzad khams gsum las rnam par rgyal te/chos kyi rgyal po bla na med par rgyal po'i pho brang na bzhugs par bstan pa'i phyir dpal gyi rol mo'i gnas lta bur ston to/ /de bas na dbang phyug dam pa'i dpal gyi rol mo'i sil snyan gyi khyad par rnams dang / gang phyi rol gyi sil snyan la sogs pa'i rol mo'i khyad par de dag thams cad 'dir ston to//de la re zhig dang po kho nar dpal gyi rol mo'i dbus na gnas pa'i sil snyan gyi khyad par bstan par bya ba'i phyir/ de nas dkyil 'khor gyi grwa rnams su zhes bya ba la sogs pa gsungs te/ dkyil 'khor gyi grwa rnams zhes pa ni 'khor lo'i nang gi dkyil 'khor gyi grwa rnams su'o//rdo rje gar zhes bya ba ni rdo rje rnams kyi don du gar byed pas na rdo rje'i gar ro/ /gsang ba'i dkyil 'khor gyi mchod pa yin pas na gsang ba'i mchod pa ste/ gsang ba'i dkyil 'khor ni phyag rgya'i dkyil 'khor ro/ /de'i rol mo'i snying po rnams gsungs pa ste/ kh+me zhes bya ba ni khar dkrol gyi rol mo ste rdo rje sgeg mo'i gnas su'o//g+huM zhes bya ba ni rnga zlum gyi rol mo ste/ rdo rje phreng ba ma'i gnas su'o/ /teM zhes bya ba ni gling bu'i rol mo ste rdo rje glu ma'i gnas su'o/ /taM zhes bya ba ni mu kun da'i rol mo ste/ rdo rje gar ma'i gnas su gzhag go/ /phyi rol gyi grwa rnams zhes bya ba ni dkyil 'khor gyi phyi rol gyi mtshams rnams su mngon par 'du bya ba'i 'bad pa chen pos rol mo'i sgra bsgrub par bya ba yin pas na sil snyan rnams te/de'i mchod pa yin pas na sil snyan gyi mchod pa'o/ /de la de dag gi snying po ni te zhes bya ba ni ru dung gi rol mo ste/ rdo rje bdug pa ma'i gnas su'o/ /TaM Ta zhes bya ba ni ba Ta ha'i rol mo ste/ rdo rje me tog ma'i gnas su'o/ /d+ha d+hu zhes bya ba ni ti mi la'i rol mo ste/ rdo rje mar me ma'i gnas su'o/ /Do D+ha zhes bya ba ni Da ka'i rol mo ste/ rdo rje dbyug pa ma'i gnas su gzhag go/ /sil snyan dang rol mo'i mchod pa'i snying por gsungs pa gang yin pa de dag thams cad kyis sil snyan dang /rol mo de rnams la mngon par bzlas la las de dang de dag bya'o/ /de ltar dkyil 'khor sprul pa'i cho ga dang / dkyil 'khor bri ba'i cho ga rdzogs par byas la/ da ni de nas zhes bya ba la sogs pas 'jug pa'i cho ga gsungs te/de nas zhes bya ba ni gnas skabs so/ /'dir zhes bya ba ni ji skad bshad pa'i dkyil 'khor du'o/ /'jug pa'i cho ga nyid yin pas na 'jug pa'i cho ga'o/ /rgyas pa ni yan lag dang bcas pa ste/ mna'i snying po sbyin pa la sogs pa'o//de la zhes bya ba ni 'jug pa'i cho ga rgyas pa la'o/ /thog ma zhes bya ba ni dang po kho nar ro/ /nyid du zhes bya ba ni zhugs pa'i rjes thogs kho na la gar gyi mchod pa bya'o zhes ston to/ /re zhig ces bya ba'i sgra ni go rims la bya ste/ gar gyi mchod pa byas pa'i rjes la bya ba gzhan dag 'byung ngo zhes bya bar re zhig ces bya ba'i sgras ston te/'jig rten gsum las rnam par rgyal ba'i dkyil 'khor chen por 'jug pa'i cho gas slob ma bcug la/ slob dpon gyi gar gyi mchod pa bya'o zhes bya bar sbyar ro/ /gar gyi mchod pa gang gis bya zhe na/ rdo rje'i rigs kyi dam tshig gi phyag rgya dang / lan gyi phyag rgya dang / nye ba'i phyag rgya dang / ye shes kyi phyag rgya rnams kyis zhes bya ba gsungs te/ rdo rje rigs ni dam tshig gi phyag rgya ste/ rdo rje sems dpa' la sogs pa'i sems dpa' ni dam tshig gi sems dpa'o zhes gsungs pa'i phyir ro//de bas na de rnams kyi dam tshig gi phyag rgya la ni dam tshig gi phyag rgya zhes bya'o/ /dam tshig gi phyag rgya rnams kyi lan du 'ching bas na lan gyi phyag rgya ste/ rin po che'i rigs la bya bar gsungs so/ /'di dag kyang gleng bslang ba tsam du zad de/slob dpon gyis dang por rdo rje sems dpa' la sogs pa'i phyag rgya bcings pa dang / de'i 'og tu chos kyi ris su nye bar song ste/ rdo rje chos la sogs pa'i phyag rgya la rab tu sbyor bas na nye ba'i phyag rgya zhes bshad do/ /ye shes yongs su rdzogs par gyur pa las/ las yongs su shes pa'i phyag rgya gang yin pa de ni ye shes kyi phyag rgya zhes bshad de/las kyi rigs yin par gsungs so/ /'di skad ston te/ slob dpon gyis rdo rje sems dpa'i phyag rgya bcings pa dang / slob ma mkhas par gyur pas ma bstan pa nyid du rdo rje sems dpa'i phyag rgya'i lan du rdo rje rin chen gyi phyag rgya bcing bar bya'o//yang slob dpon gyis phyag rgya des rdo rje sems dpa'i phyag rgya bkrol la/ rdo rje rgyal po'i phyag rgya bcing ngo / /slob mas kyang rdo rje rgyal po'i phyag rgya de mthong ba dang / yang phyag rgya'i lan du rdo rje gzi brjid kyi phyag rgya bcing ngo / /de nas slob dpon lan gyi phyag rgya des rdo rje rgyal po'i phyag rgya bkrol la/rdo rje chags pa'i phyag rgya bcing ngo / /slob mas kyang rdo rje chags pa'i phyag rgya de mthong ba dang / de'i lan gyi phyag rgyar rdo rje dpal gyi phyag rgya bcing bar bya'o/ /yang slob dpon lan gyi phyag rgya des rdo rje chags pa'i phyag rgya bkrol la/ rdo rje legs pa'i phyag rgya bcing ngo / /slob mas kyang rdo rje legs pa'i phyag rgya mthong ba dang / de'i lan gyi phyag rgyar rdo rje bzhad pa'i phyag rgya bcing bar bya'o/ /de nas slob dpon nye bar song ste chos kyi phyag rgya bcing ngo / /de nas slob ma yang nye bar song ste/ rdo rje las kyi phyag rgya bcing ngo /de ltar rim pa 'dis phyag rgya dang / lan gyi phyag rgya dang / nye ba'i phyag rgya dang / ye shes kyi phyag rgya rnams kyis mchod par 'gyur ro/ /'di su zhig gis mchod par 'gyur zhe na/ rdo rje 'chang ba mchod pa zhes bya'o/ /phyir zhes bya ba ni rdo rje 'chang ba mchod pa'i don du'o/ /gar gyi mchod pa bya'o zhes bya ba la/mchod pa ni lha bshos te/ gar gyis bshos bya ba ni gar gyi mchod pa'o/ /'di skad ston te/ gar bya ba bstan nas mchod pa bya ba'o/ /rdo rje 'chang ba mchod pa'i phyir gar gyis mchod par bya'o zhes ni gsungs na de ji ltar bya ba mi shes pas de'i phyir gar dang /lan gyi gar dang / nye ba'i gar dang / ye shes kyi gar rnams kyis mchod pa'i phyag rgya'i ye shes ni 'di yin no zhes bya ba 'dis bstan pa yin no/ /gar rnams kyi mchod pa'i phyag rgya'i ye shes 'di yang ci 'dra ba mi shes pa nas/ ye shes kyi gar rnams kyis mchod pa'i phyag rgya'i ye shes ji lta bu yin pa yang mi shes pas da de bstan par bya ba'i phyir/de la dang po nyid du zhes bya ba la sogs pa gsungs te/ de la zhes bya ba la ni gar gyi mchod pa la sogs pa'i phyag rgya'i ye shes la'o/ /dang po nyid du zhes bya ba ni thog ma kho nar ro/ /rdo rje dbyings kyi dkyil 'khor du bsdus pa ste/mdor bsdus pa'i snying po ni rdo rje dbyings su bsdus pa'i snying po ste/ snying po de dang rdo rje glu len zhing zhes pa rdo rje ye shes las gang byung ba'i glu de ni rdo rje glu ste des snying po glur blang ngo / /de bzhin gshegs pa thams cad ni rnam par snang mdzad la sogs pa ste/de rnams la glu des bstod pas mchod pa byas nas so/ /su zhig gis she na/ rdo rje slob dpon gyis so/ /ci zhig bya zhe na/ de'i phyir rdo rje sems ma'i phyag rgya drag tu gtogs par bya'o zhes gsungs so/ /rdo rje sems ma'i phyag rgya ji ltar gtogs par bya zhe na/ lag pa g.yas pas rdo rje sems ma'i phyag rgya bcings la/g.yon pa'i rdo rje khu tshur gyi mdzub mo lcags kyur byas pas gung mo la drag tu gtogs par bya'o/ /de nas cir 'gyur zhe na/de nas zhes bya ba la sogs pa gsungs te/ ji snyed zhugs pa'i rnams zhes bya ba gang dang gang zhugs pa'i rnams so/ / phyag rgya rnams kyis yang dag par 'bebs so zhes bya ba ni gang gi me tog gang la babs par gyur pa de ni de'i lha ste/ de phyag rgya bcings pa dang lhan cig 'bab par 'gyur zhing ma bstan pa nyid du yang lha babs par gyur pa'i dbang gis/ rdo rje 'chang ba mchod pa'i phyir/gar gyi mchod par bya'o zhes sngar ji skad smras pa de yang slob ma dang bcas pa yin no//de yang babs pa yin no zhes ston pa yin te/ de bas na de rnams kyi dbab pa'i cho ga bshad pa yin no/ /da ni/ rdo rje gar gyi tshul gyis ni/ /zhes bya ba la sogs pas gar gyi mchod pa ston te/ rdo rje gar gyi tshul ni smras zin mod kyi/ khro bo'i khu tshur gyi mdzub mo gnyis kyis rdo rje gar bya ba ste/ khyad par ni de tsam du zad do/ /de nas rdo rje hUM mdzad kyi phyag rgya snying gar bcings la/ rdo rje 'chang ba mchod par bya ba'i phyir rdo rje gar gyi tshul de bzhin du byas la/ rdo rje hUM mdzad kyi phyag rgya lcags kyur byas te sangs rgyas thams cad spyan drang zhing rdo rje 'chang ba mchod par bya'o//de bzhin du gar gyi cho gas rdo rje mda' 'phang bar bya'o/ /de la rdo rje mda' 'phang ba ni 'di yin te/ rdo rje hUM mdzad kyi phyag rgya g.yon logs su bzung la/ g.yas kyi mdzub mo'i lcags kyus g.yon gyi mdzub mo bzung ste/mda' gzhu 'dren pa'i tshul du bya'o/ /de lta bu'i rdo rje mda' 'phen pas/ rdo rje dga' ba'ang bsgrub par bya/ /zhes bya ba ni de bzhin du gar gyi sbyor ba byas na/ rdo rje hUM mdzad kyi phyag rgya snying gar bzhag la/ legs so zhes bya ba gnyis sbyin pa 'di ni rdo rje dga' ba'i mchod pa'i phyag rgya'o//ji skad du bshad pa'i tshul dang / phyag rgya dang pos dam tshig gi sbyin pa'i mchod pa bstan pa'o/ /de'i 'og tu gnyis pa dang / gsum pas ni de bzhin gshegs pa thams cad dang / rdo rje 'dzin pa dang / sems dpa' thams cad yang dag par 'dzin pa'i mchod pa bya'o/ / de'i 'og tu de bzhin gshegs pa thams cad dang / rdo rje 'dzin pa dang / sems dpa' thams cad mnyes par byed pa'i phyag rgya'i mchod pa bzhi pa bya'o/ de nas snying gar phyag rgya cho ga bzhin bkrol te zhes bya ba ni rdo rje rigs kyi phyag rgya'i snying po gang gis dgrol bar bya ba ji lta ba bzhin du bkrol la/ thal mo mi drag pa gsum brdab par bya'o/ /de bas na ji skad smras pa'i tshul du bcing ba dang / dgrol ba dang / mnyes par byas pas sngags pa de brtan par 'gyur ro/ /de bas na/ thal mo brdab cing bcing bar bya/ zhes gsungs te/ thal mo dal gyis brdab pa gsum byas la phyag rgya brtan par bya'o zhes bya ba'i don to//mchod pa'i cho ga zhes pa ni mchod pa'i rnam pa'o/ /'di yis zhes bya ba ni 'das ma thag pa la snyegs te/ des bcom ldan 'das phyag na rdo rje mnyes par bya'o/ /de bzhin gshegs pa thams cad dang / sems dpa' thams cad la dam tshig sbyin pa dang /spyan drangs pa dang / mnyes par byas pa'i rnam pas bcom ldan 'das mnyes par gyur nas de ci zhig mdzad ce na/ de'i phyir dgos pa thams cad ni/ /'dod bzhin skad cig nyid kyis 'grub/ /ces gsungs pa yin no/ /de nas gar gyi mchod pa bstan nas da ni de'i 'og tu zhes bya ba la sogs pas gar gyi lan ston te/de'i rjes thogs la lan gyi gar gyi mchod pa bya'o zhes bshad na/ de yang ji ltar bya ba mi shes te/ de bas na de bstan pa'i phyir de bzhin gar gyi cho ga yis zhes bya ba gsungs pa yin no/ /'di skad ston to/ /'das ma thag pa'i dkyil 'khor du rdo rje hUM mdzad kyi sbyor ba'i phyag rgyas mchod pa rnam pa bzhi bstan pa yin la/de bas na da ni rdo rje hUM mdzad kyi phyag rgya bkrol la/ khro bo'i mdzub mo gnyis kyis gar gyi cho ga sgeg pa dang bcas pas bya'o/ /de bzhin du gar gyi cho ga bya ba bstan nas/ ci zhig bya ba bstan pa'i phyir g.yon pa ni/khu tshur g.yas pas bzung nas su/ /zhes bya ba gsungs te/ g.yon pa'i khro bo'i mdzub mo snying ga'i thad kar gyen du bsgrengs la/ g.yas pa'i mdzub mo bsgreng ba'i rdo rje khu tshur gyi steng nas bzung ste/ dbyig pa'i phyag rgya'i tshul gyis bsgyur zhing thad kar btud nas/mdzub mo'i ngos kyis ni/ dpral ba gnyis la gzhag par bya/ /zhes bya ba ste/ g.yas pa'i mdzub mo'i rtse mo dpral bar gzhag pa ste/ dbang bskur ba'i gnas su gzhag go zhes bya ba'i don to/ /'di ni rdo rje rin chen gyi gnas su lan gyi gar gyi mchod pa'o//phyag rgya de bkrol la yang de bzhin du gar gyi cho ga bstan nas/ g.yas pa'i rdo rje khu tshur gyis de bzhin du bzung ste/ phyag rgya'i tshul du byas pa'i phyag rgya de kha phyir bstan te phab la/ nyi ma'i dkyil 'khor gyi tshul du phyi rol du bskor ba 'di ni rdo rje nyi ma'i lan gyi gar gyi mchod pa'i phyag rgya'o//phyag rgya de bkrol la de bzhin du gar gyi cho ga bstan nas/ de bzhin du khu tshur g.yas pas g.yon pa bzung la/ lag ngar gnyis gshibs te gyen du bsgreng la/ rgyal mtshan gyi tshul du bzung ba 'di ni rdo rje dpal gyi lan gyi gar gyi mchod pa'i phyag rgya'o/ /yang phyag rgya de bkrol la de bzhin du gar gyi cho ga bstan nas/phyag rgya snga ma bzhin du bcings la mdzub mo g.yas pa'i rtse mo g.yas pa'i mkhur tshos kyi phyogs su btud de/ dgod pa bstan pa'i phyir sgeg pa dang bcas par bskor ba 'di ni rdo rje bzhad mo'i lan gyi gar gyi mchod pa'i phyag rgya'o/ / mchod pa'i cho ga 'di yis ni/ /zhes bya ba ni bshad ma thag pas so/ /rgyal po la sogs mi kun kyang / /zhes bya ba ni rigs 'dir ni dbang bskur ba gtso bor gyur pa yin pas rgyal po'i pho brang na gnas pa ston te/ de bas na 'di ni dziH'i dkyil 'khor yin no zhes bshad do/ /de bas na/rgyal po la sogs mi kun kyang / /zhes gsungs pa yin no/ /rgyal po la sogs pa'i mi kun ci zhig tu byed ce na/ de'i phyir mnyes par byed ces bya ba gsungs te/ rab tu dga' bar byed ces bya ba'i don to/ /ji lta zhe na/ dbang dang zhes bya ba la sogs pas ston te/ dbang ni dbang bskur ba byin pa'o//gzi brjid dang zhes pa ni rdo rje gzi brjid kyi phyag rgya bstan pas so/ /sbyin dang zhes pa ni yid bzhin gyi nor bu'i rgyal mtshan bsgreng bas so/ /dgod pa ni rdo rje bzhad mo'i phyag rgya'i sbyor bas so/ /de ltar lan gyi gar gyi mchod pa'i phyag rgya bzhi byas nas/ phyag rgya ji ltar bkrol ba de bzhin du thal mo brdab pa yang bcing bar bya'o/ /de nas gzhan yang nye ba'i gar gyi mchod pa'i phyag rgya bstan par bya ba'i phyir/ de bzhin gar yang bkrol nas ni/ /zhes bya ba la sogs pas gsungs te/ de bzhin gar yang zhes bya ba ni sngar bshad pa'i cho gar bya ba bstan la/khro bo'i mdzub mo gnyis snying gar phan tshun rtse sprad nas/ pad+ma'i 'dab ma'i tshul du byas la/ snying gar gzhag pa ni snying gar kha 'bus pa sbyar ba yin no/ /de bzhin du 'dug pa phyag rgya g.yon logs su cung zad btud nas/ mgo yang btud pas btud par bya zhing phyag bya'o//ji ltar bya zhe na bsam pa g.yos pas zhes bya ba gsungs te/ dad pa'i shugs kyis bskyed pa'i rab tu g.yo ba dang ldan pas btud cing phyag gyis shig ces bya ba'i don to/ /'di ni rdo rje chos kyi nye ba'i gar gyi mchod pa'i phyag rgya'o/ /de bzhin gar byed cing bya ba ni gar gyi cho ga de bzhin du bstan la/phyag rgya yang de bzhin du bcing ba ste/ lag pa gnyis ka ral gri 'debs pa'i tshul du bya'o/ /rdo rje'i ral gris bgegs ni gcod ltar bya/ /zhes bya ba la/ bgegs zhes bya ba ni mi dge ba'i grogs po la bya ste/ gang dge ba bcu'i las kyi lam dang / byang chub kyi lam las nyams par byed pa'o//de dag ni sangs rgyas kyi gzugs su gnas pa zhig yin yang brlag par bya'o/ /gcod ces bya ba ni gzhig pa ste/ stong pa nyid kyi ral gris gcod cing rnam par gzhig par bya'o zhes bya ba'i don to/ /'di ni rdo rje rnon po'i nye ba'i gar gyi mchod pa'i phyag rgya'o/ / de bzhin du gar gyi cho ga sbyar la/ mdun du phyag rgya mgal me'i 'khor lo lta bur bskor ba 'di ni bcom ldan 'das rdo rje rgyu'i nye ba'i gar gyi mchod pa'i phyag rgya'o/ /gar gyi cho ga de bzhin du bstan la/ phyag rgya kha nas gyen du 'dren pa ltar byed pa de ni/ rdo rje tshig tu glu len ltar/ /zhes bya'o//rdo rje'i tshig des ci zhig bya zhe na/ phyag na rdo rje mchod par bya/ /zhes bya ba gsungs te/ 'di ni rdo rje smra ba'i gar gyi mchod pa'i phyag rgya'o/ /mchod pa'i cho ga 'di yis ni/ /thams cad rtag pa nyid du 'gyur/ /zhes bya ba ni 'dus byas kyi dngos po thams cad rtag par 'gyur ba ste/yun du gnas par 'gyur ro zhes bya ba'i don to/ /de ltar ji skad du bshad pa'i cho gas chos kyi dkyil 'khor du nye ba'i gar gyi mchod pa'i phyag rgya bstan nas/ da ni ye shes kyi gar gyi mchod pa'i phyag rgya bstan par bya ba'i phyir/ rdo rje khro bo mdzub yang dag /ces bya ba la sogs pa gsungs te/rdo rje khro bo'i mdzub mo gnyis yang dag par bkan nas rtse mo sbyar ba byas la mdun du bsgyur te/ gtsug tor gnas su de bzhin du bkan nas gzhag par bya'o/ /rdo rje las ni bcom ldan 'das 'jig rten gsum las rnam par rgyal ba yin par bstan nas/ de'i sbyor ba'i tshul gyis zhes bya ba 'di nyid de'i tshul yin te/ gang yin zhe na/ rdo rje khro bo'i mdzub mo gnyis/ /snga ma bzhin du rtse sprad nas/ /g.yon du je dma' je dma' phab la g.yon phyogs su skor zhing thur du dbab par bya'o/ /de nas g.yas phyogs su gzung bar bya ba 'di ni dkyil 'khor bskor ba'o//de ltar bskor nas ci zhig bya zhe na/ gar gyi cho gas bstan par bya/ /snying gar rab tu gzhag par bya/ /zhes bya ba gsungs te/ dang por khro bo'i mdzub mo gnyis kyis gar gyi cho ga bstan la/ snga ma bzhin du khro bo'i khu tshur gnyis bkan nas rtse mo sprad la snying gar gzhag pa 'di ni bcom ldan 'das rdo rje las kyi ye shes kyi gar gyi mchod pa'i phyag rgya'o//yang gar gyi cho ga snga ma bzhin du byas la rdo rje khro bo'i mdzub mo gnyis kyis rdo rje bsrung ba'i phyag rgya bcing ba 'di ni bcom ldan 'das rdo rje bsrung ba'i ye shes kyi gar gyi mchod pa'i phyag rgya'o//de bzhin du gar gyi cho ga byas la khro bo'i mdzub mo gnyis rdo rje mche ba'i tshul du bya ba 'di ni bcom ldan 'das rdo rje gnod sbyin gyi ye shes kyi gar gyi mchod pa'i phyag rgya'o/ /de bzhin du mchod pa'i cho ga bstan la/ rdo rje khu tshur gyis khro bo'i mdzub mo gnyis phan tshun gcig gi gcig btsir ba 'di ni bcom ldan 'das rdo rje khu tshur gyi ye shes kyi mchod pa'i phyag rgya'o//mchod pa'i cho ga 'di yis ni phyag rgya bzhi'i sbyor ba'i mtshan nyid kyis so/ /las rnams kun kyang nus par 'gyur/ /zhes bya ba ni rigs 'dir las gang cung zad bstan pa de dag nus par 'gyur ro zhes bya ba'i don to//mchod pa rnam bzhi byas nas ni/ /zhes bya ba ni gar dang lan gyi gar dang / nye ba'i gar dang / ye shes kyi gar gyi mtshan nyid do/ /phyag rgya cho ga bzhin du dgrol/ /zhes bya ba ni phyag rgya gang dang gang las byung ba rnams rigs kyi phyag rgya rnams dang / phyag rgya dgrol ba'i spyi'i snying po dag gis der de bzhin du dgrol bar bya ste/'di ni cho ga ji bzhin no/ /de ltar gar la sogs pa'i mchod pa'i ye shes kyi phyag rgya bstan nas/ da ni khro bo'i gsang ba'i phyag rgya'i ye shes bstan par bya ba'i phyir de nas zhes bya ba la sogs pa gsungs te/ khro bo rnams gyi gsang ba yin pas na khro bo'i gsang ba ste/de'i phyag rgya yin zhing de'i ye shes yin pas na khro bo'i gsang ba'i phyag rgya'i ye shes so/ /de bslab po zhes bya ba ni de rnams kyi sbyor ba nye bar bstan par bya'o zhes bya ba'i don to/ /ji ltar nye bar bstan par bya zhe na/ rdo rje gzung ba'i zhes bya ba la sogs pa gsungs te/rdo rje gzung ba'i lag gnyis kyis/ /zhes bya ba ni rdo rje bsdams pas rdo rje gzung la snying ga'i phyogs su gzhag ste/ sor mo thams cad gtogs par byas la rdo rje bcing bas gang gi ming nas smos pa byas pa de la ji skad bshad pa bzhin du 'gyur ro zhes bya ba'i don to/ / ma mchu zhes bya ba la sogs pa la phyag rgya gang gi lha gang yin pa de la rang gi lha'i rnal 'byor byas la/ mchod pa la sogs pa'i cho ga byas te snying po brgyad stong dang por bzlas nas gang gi don du las byas pas de'i mgo rang gi mchur bsams la/ ma mchu so yis bzung nas gang gi ming smos pa gzir ba de la ji skad du bshad pa bzhin du 'gyur ro//de bzhin du rang gi lha'i rnal 'byor la sogs pa byas la khro bo'i lta ba ni/ khro gnyer gnyer ma rab bsdus pa/ /khro bo'i mig ni btsums pa'o/ /zhes sngar bshad pa'i rdo rje khro bo'i lta ba chen po'i rang gi mig 'dzums bar byed pa'i lta ba des bsgrub par bya ba gang gi ming brjod pa de la ji skad bshad pa bzhin du 'gyur ro//de bzhin du rang gi lha'i rnal 'byor la sogs pa byas la rdo rje khro bo mnyam par gzhag pa des snying gar btsir ro/ /bdag ces bya ba la gang gi zhe na/ rang gi ste gang gi ming zhes pa dang sbyar ro//gang gis she na/ rdo rje bcings pa ste/ 'dir rdo rje bcing ba ni lag pa gnyis rdo rje khu tshur dang bcas pa'i khro bo'i mdzub mo gnyis te/ g.yas kyi rdo rje khu tshur mchan khung g.yon par gzhug cing / g.yon gyi rdo rje khu tshur mchan khung g.yas par bcug la/ der bsgrub par bya ba'i snying du chud par byas te/rdo rje bcing ba de dam du btsir na bsgrub par bya ba'i snying 'gas par 'gyur ro/ /de ltar khro bo'i gsang ba'i phyag rgya'i ye shes bstan nas/ da ni rdo rje rigs kyi gsang ba'i phyag rgya'i ye shes bslabs pa bstan par bya ba'i phyir/ /de nas zhes bya ba la sogs pa gsungs te/rdo rje chen po'i rigs ni 'jig rten gsum las rnam par rgyal ba'i dkyil 'khor ro/ /de'i gsung ba'i gzungs kyi dkyil 'khor 'di yin la/ de'i phyag rgya yin pas na rdo rje chen po'i rigs kyi gsang ba'i phyag rgya ste de'i ye shes bslab bo zhes bya ba ni de'i mtshan nyid bstan to zhes bya ba'i don to//de la dang po re zhig phyag rgya chen po bcing bar bshad de zhes bya ba ni/ gsang ba'i gsang ba la ltos pa'i dam tshig gi phyag rgya nyid phyag rgya chen po yin par bshad do/ /mthe'u chung lcags kyur bcings nas ni/ /zhes bya ba ni rnam par snang mdzad kyi gnas su 'jig rten gsum las rnam par rgyal ba bstan pa'o//'di'i las bstan pa ni/ rdo rje khro bor gzhag par bya/ /zhes bya ba yin te/ rtsa ba'i dkyil 'khor du phyag rgya des thams cad dgod par bya'o zhes bya ba'i don to/ /g.yon pa rtse gsum rgyab tu ni/ /'jig rten gsum las rgyal zhes pa//zhes bya ba ni 'jig rten gsum las rnam par rgyal ba'i phyag rgya bcings la/ g.yon pa'i mdzub mo dang gung mo dang srin lag rtse gsum pa'i tshul du brkyang ste g.yas pa'i mdzub mo'i rtse mo rtse gsum pa'i steng du sbyar ba 'di ni/ g.yon pa rtse gsum rgyab tu ni//'jig rten gsum las rgyal zhes bshad/ /ces gsungs pa yin te/ 'dir g.yas pa'i 'jig rten gsum las rnam par rgyal ba'i mdzub mo la 'jig rten gsum las rnam par rgyal ba'i phyag rgya'i sgrar gsungs pa yin no/ /'di ni rdo rje hUM mdzad kyi gnas kyi phyag rgya yin no/ /'jig rten gsum las rnam par rgyal ba'i phyag rgya bcings la g.yas pa'i mdzub mo bsgreng ste bzhag la/g.yon pa'i mdzub mo thad kar brkyang ba 'di ni rin chen hUM mdzad kyi gnas kyi phyag rgya'o/ /de bzhin bkan pa pad+mo yi/ /zhes bya ba ni rdo rje khu tshur gnyis bkan la gcig la gcig mngon du phyogs par byas te/mthe'u chung dang mdzub mo gnyis gcig la gcig lcags kyu'i tshul du sbrel nas lag pa gnyis ka'i gung mo dang srin lag bsgreng la gshibs te gzhag pa 'di ni bkan pa'i pad+mo ste rdo rje sde'i gnas kyi phyag rgya'o/ /bsgyur nas ni zhes bya ba ni mdzub mo'i lcags kyu btang la/yang 'jig rten gsum las rnam par rgyal ba'i tshul du bsgyur te/ mdzub mo g.yas pa'i rtse mo g.yon pa'i mdzub mo'i steng du gzhag pa 'di ni g.yon pa rdo rjer gzhag pa ste/ rdo rje dbab pa'i gnas kyi phyag rgya'o/ /sor mo nang du bsnol ba'i rdo rje bcings pa dam du bcings la mthe bo gnyis kyis steng du bkab ste btsir pa 'di ni rdo rje khro bo ti rI na ti ri'i phyag rgya ste rdo rje sems dpa'i gnas kyi yin par shes par bya'o//da ni khro bo rdo rje ti rI na ti ri'i phyag rgya de nyid las g.yas pa'i mdzub mo lcags kyur bya ba ni rdo rje rgyal po'i gnas kyi phyag rgya'o/ /khro bo ti rIn ti ri'i phyag rgya las mdzub mo gnyis brkyang la rtse mo'i tshul du byas pa ni/mdzub mo'i ngos ni sbyar ba yin/ /zhes bya ste/ rdo rje chags pa'i gnas kyi phyag rgya'o/ /de nas de nyid las mdzub mo gnyis legs so zhes bya ba sbyin par byed pa ni rdo rje legs pa'i gnas kyi phyag rgya'o/ /de nyid las mdzub mo'i rtse mo gnyis sprad de/dpral bar gzhag pa ni rdo rje rin chen gyi phyag rgya'o/ /khro bo ti rIn ti ri'i phyag rgya snying gar nyi ma'i dkyil 'khor gyi tshul du bstan pa ni rdo rje gzi brjid kyi gnas kyi phyag rgya'o/ /phyag rgya de nyid las mdzub mo gnyis gshibs te lag ngar gnyis rgyal mtshan gyi tshul du brkyang ba ni rdo rje dbal gyi phyag rgya yin no//rdo rje dbal gyi phyag rgya de nyid phab ste kha'i g.yas phyogs su bskor la bzhag pa ni rdo rje bzhad mo'i phyag rgya yin no/ /ti rIn ti ri'i phyag rgya de nyid las mdzub mo gnyis bsnyams la pad+mo kha 'bus pa'i tshul du bzhag pa ni rdo rje chos kyi gnas kyi phyag rgya'o//gnyi ga ral gri chad par 'dzin/ /zhes bya ba ni ti rIn ti ri'i phyag rgyas ral gri 'dzin pa'i tshul du byas la/ nu ma g.yas pa'i phyogs su gzhag pa 'di ni rdo rje rnon po'i gnas kyi phyag rgya'o/ /mdzub mo gnyis 'khor lor bcings pa'o zhes bya ba ni/ khro bo ti rin ti ri'i phyag rgya nyid las mdzub mo gnyis brkyang ste 'og tu bzhag la 'khor lo ston pa'i tshul du gzhag pa ni rdo rje rgyu'i gnas kyi phyag rgya'o//de nyid las mdzub mo gnyis brkyang ste kha'i thad ka nas gyen du drang ba ni rdo rje smra ba'i gnas kyi phyag rgya'o/ /mdzub mo shin tu brkyang ba dang / /zhes bya ba ni mdzub mo gnyis po de nyid phye ste gzhag pa ni rdo rje las kyi gnas kyi phyag rgya'o//de nyid las mdzub mo gnyis lkog mar gtugs pa ni rdo rje srung ba'i gnas kyi phyag rgya'o/ /de nyid las mdzub mo gnyis brkyang ste kha'i phyogs su phral te mche ba'i tshul du gzhag pa ni rdo rje gnod sbyin gyi gnas kyi phyag rgya'o//ti rIn ti ri'i phyag rgya nyid las mdzub mo gnyis mthe bos rdo rje khu tshur gyi tshul du gzhag pa ni rdo rje khu tshur dam du bcings pa yin te/ rdo rje khu tshur gyi gnas kyi phyag rgya'o/ /phyag rgya chen po yin par bshad/ /ces bya ba ni dkyil 'khor 'dir sku'i phyag rgya med pas na 'di dag nyid la phyag rgya chen po zhes bshad do//da ni gsang ba'i dkyil 'khor 'dir phyag rgya chen po'i gang yin pa de'i dam tshig gi phyag rgya ston pa yin te/de bas na rdo rje rigs kyi gsang ba'i zhes bya ba la sogs pa gsungs so/ /de nas zhes bya ba ni de'i rjes thogs la'o//rdo rje rigs kyi gsang ba'i dkyil 'khor du dam tshig gi phyag rgya rnams bcing ba bshad do zhes bya ba de dag gang las byung ba mi shes pas/ de'i phyir/ gsang ba'i khu tshur las byung ba/dam tshig ces bya ba gsungs te/ gsang ba'i khu tshur ni gang dkyil 'khor 'di nyid du rdo rje khu tshur gyi gnas su khu tshur gsungs pa 'di ni 'dir gsang ba'i khu tshur te/de las dam tshig gi phyag rgya rnams 'byung bas na dam tshig go/ /mchog tu rab tu grags zhes bya ba ni/ yang dag par rnam par phye ste bshad pa yin pa'i phyir mchog tu rab tu grags pa'o/ /de rnams bcing ba bshad bya ba//zhes bya ba ni de dag gi mtshan nyid gang las phyag rgya de rnams bcing ba de ni rdo rje bcing ba bla na med pa yin te/ mtshan nyid de dag bstan par bya'o zhes pa'o/ /rdo rje gsang ba'i khu tshur de nyid snying gar gzhag par gyur na rdo rje sems dpa'i gnas kyi dam tshig gi phyag rgyar 'gyur ro/ /de g.yas logs su gcus pa ni rdo rje rgyal po'i gnas kyi phyag rgya'o//g.yon du gcus la mda' 'dren pa'i tshul du bya ba ni rdo rje chags pa'i gnas kyi phyag rgya'o/ /snying ga'i gnas nas gyen du drangs pa ni rdo rje legs pa'i gnas kyi phyag rgya'o/ /khro gnyer kyi gnas su bzlog nas bkan te gzhag pa ni rdo rje rin chen gyi gnas kyi phyag rgya'o//mdun du nyi ma'i dkyil 'khor gyi tshul du bstan pa ni rdo rje nyi ma'i gnas kyi phyag rgya'o/ /de bzhin du khu tshur bcings la lag ngar spyi bor brkyang ba ni rdo rje dpal gyi gnas kyi phyag rgya'o/ /bskor nas bkan te kha'i thad kar gzhag pa ni rdo rje bzhad pa'i gnas kyi phyag rgya'o//rdo rje chos kyi phyag rgya ni kha'i dbus su de nyid mnyam par gzhag pa ni rab gzhag pa zhes bya'o/ /de nyid nu ma g.yas pa'i thad kar lag pa gnyis kyis ral gri 'debs pa 'dra bar gzhag pa ni rdo rje rnon po'i gnas kyi phyag rgya'o/ /phyag rgya de nyid nu ma g.yas pa de nyid kyi thad gar bkan la 'khor lo bskor ba'i tshul du gzhag pa ni rdo rje rgyu'i gnas kyi phyag rgya'o//de nyid kha'i phyogs nas gyen du drangs pa ni rdo rje smra ba'i gnas kyi phyag rgya'o/ /phyag rgya de nyid spyi bor gzhag pa las g.yon logs su bab ste/ bskor phyogs su lus thams cad la bskor ba ni rdo rje las kyi gnas kyi phyag rgya'o//dpung pa snying ga rtsib logs rnams/ /rdo rje bsrung ba de bzhin bya/ /zhes bya ba ni/rdo rje bsrung ba bcing ba'i tshul du bya'o zhes bya ba'i don to/ /de nyid mche ba'i tshul du gzhag pa ni/ rdo rje gnod sbyin gyi gnas kyi phyag rgya'o/ /khu tshur dam du bsdams pa'o//zhes bya ba de nyid dam du byas pa ni rdo rje khu tshur gyi phyag rgya yin par shes par bya'o/ /phyi rol dkyil 'khor phyag rgya ni/ /zhes bya ba la/ phyi rol ni bdug pa la sogs pa sgo bar bcas pa dang / dkyil 'khor du sgeg mo la sogs pa'o/ /'di skad ston te/ phyi rol gyi bdug pa la sogs pa brgyad dang /dkyil 'khor du sgeg mo la sogs pa phyag rgya bzhi po gang yin pa de dag ni rtsa ba'i dkyil 'khor las gsungs pa'i mtshan ma'i go rims bzhin du bdug pa ma la sogs pa'i tshul gyis bcing bar bya'o/ /de rnams gang las byung zhe na/ dam tshig rdo rje bcing ba las//zhes bya ba gsungs te/ dam tshig ni sgeg mo la sogs pa'i dam tshig gi phyag rgya rnams so/ /rdo rje bcings pa las zhes bya ba ni rdo rje bcings pa nang du byas pa las so/ /de bzhin gzhan zhes bya ba 'dis ni zhar la sgeg mo la sogs pa de dag nyid kyis las kyi phyag rgya ston to//de gang las byung zhe na/ rdo rje khu tshur zhes bya ba gsungs so/ /dkyil 'khor 'di nyid du rdo rje khu tshur du gang bstan pa de nyid dang tha mi dad pa nyid las sgeg mo la sogs pa'i las kyi tshul du bya'o/ /chos kyi phyag rgya ni yi ge gnyis kyi ngo bo nyid dang /tsheg drag bcu drug ste/ dkyil 'khor bris pa'i dus su phyag rgya la bri bar bya zhing / dkyil 'khor du bris nas kyang phyag rgya bcings pa'i dus su brjod par bya'o/ /slob dpon gyi rang gi lha'i rnal 'byor gyi dus su snying gar dgod par bya'o/ /gsang ba'i dkyil 'khor du phyag rgya chen po dang /dam tshig gi phyag rgya dang / chos kyi phyag rgya 'di rnams bstan nas/ da ni de nas zhes bya ba la sogs pas las kyi phyag rgya ston to/ /de nas zhes bya ba ni 'das ma thag pa ste/ rdo rje rigs kyi gsang ba'i dkyil 'khor du las kyi phyag rgya bshad do/ /mdor na zhes bya ba ni mdor bsdu na'o//rdo rje khu tshur zhes bya ba ni rdo rje bcing ba nang du byas pa 'di nyid rdo rje khu tshur ro/ /gnyis byas te zhes bya ba ni rnam par dbye ba'o/ /gnas gang yin par zhes bya ba ni rdo rje dbyings kyi las kyi dkyil 'khor gyi phyag rgya'i gnas su/ bsgyings bcas rdo rje gsor ba yis/ /zhes bya ba la sogs pa'i gnas gang yin pa'i gnas de rnams su gzhag par bya zhes bya ba yang dag par gzhag par bya'o//gang gis gzhag par bya zhe na/ khro bo'i lta ba zhes bya ba gsungs te/ khro bo'i lta ba dang bcas pa'i sbyor ba bya'o zhes bya ba'i don to/ /sems ji lta bus bya zhe na/ khro dang ldan zhes bya ba gsungs te/yid khros pas zhes bya ba'i bar du gsungs pa yin no/ /de bzhin gshegs pa thams cad kyi rdo rje dam tshig yin pas na de bzhin gshegs pa thams cad kyi rdo rje dam tshig gi rtog pa'i rgyal po'o/ /de la khro bo rnams kyi gsang ba'i khro bo'i gsang ba de'i phyag rgya'i dkyil 'khor yin la/de'i cho ga rgyas pa ni rtog pa rgya che ba'o/ /de kho na nyid bsdus pa'i rgya cher bshad pa ko sa la'i rgyan las khro bo'i gsang ba'i phyag rgya'i dkyil 'khor gyi 'grel pa'o// //de ltar ji skad du bshad pa'i tshul gyis rdo rje rigs kyi gsang bar gtogs pa'i dgos pa yongs su rdzogs par mdzad nas/da ni rdo rje rigs kyi ting nge 'dzin dang 'brel pa'i dgos pa bstan par bya ba'i phyir/ de nas yang bcom ldan 'das zhes bya ba la sogs pa gsungs te/ de nas zhes bya ba ni gnas skabs so/ /yang zhes bya ba ni khro bo gsang ba'i phyag rgya'i dkyil 'khor la ltos pa yin no//bcom ldan 'das zhes bya ba ni bshad zin to/ /de bzhin gshegs pa yang yin la thams cad kyang yin pas/ de bzhin gshegs pa thams cad de/ de bzhin gshegs pa thams cad kyi rdo rje'i rigs yin pas na de bzhin gshegs pa thams cad kyi rigs so//de'i ting nge 'dzin ni rdo rje phra mo la dmigs pa'i sems rtse gcig pa ste/ de'i ye shes so/ /de nyid ni phyag rgya ste yid kyi phyag rgya'o/ /de byin gyis brlab pa'i phyir ting nge 'dzin gang la don dang mthun pa'i ming 'di nyid ces bya ba'i ting nge 'dzin de la snyoms par zhugs pa'o//rig pa ni ma rig pa gzhom pa'i phyir thabs 'di'i lung dbog pa ste/ de'i mchog gang yin pa de ni rig pa dam pa ste/ de gsungs pa'o/ /'di zhes bya ba ni 'og nas bshad pa'o/ /ji ltar bcom ldan 'das kyis rang gi rig pa dam pa gsungs pa de bzhin du rdo rje hUM mdzad la sogs pas kyang rang rang gi rig pa dam pa gsungs pa yin no//de nas 'di rnams kyi rjes thogs la yang bcom ldan 'das phyag na rdo rjes zhes bya ba ni phyag rgya'i dkyil 'khor la ltos pa yin no/ /rang gi rig pa bskyed pa zhes bya ba ni rang gi rigs su gtogs pa'i chos kyi dkyil 'khor sprul par mdzad pa'o//de ltar rang gi rigs sprul nas ji ltar rnam par gzhag ce na/ rdo rje dbyings kyi dkyil 'khor chen po'i tshul du bkod de zhes bya ba gsungs pa yin no/ /rdo rje sems dpa' la sogs pa lhag ma rnams kyis rang gi snying po ma gsungs pas na/de rnams kyi rang gi snying po ma gsungs pa zhes bya ba yin te/ rdo rje sems dpa' la sogs pa yang de'i ngo bo nyid las tha dad pa ma yin pas na/ de rnams kyi snying po la rang gi snying po zhes gsungs pa yin no//de ltar bcu drug po rnams kyi snying po ni gsungs pas na rdo rje sgeg mo la sogs pa gang yin pa rnams kyi ni ma bstan mod kyi/ de dag kyang rtsa ba'i dkyil 'khor las gsungs pa yin par shes par bya'o/ /de ltar sprul pa'i dkyil 'khor rdzogs par mdzad nas da ni bri ba'i dkyil 'khor bstan par bya ba'i phyir/de nas zhes bya ba la sogs pa gsungs te/ rdo rje rigs kyi ye shes phra mo'o/ /de'i dam tshig ni rig pa dang phyag rgya la sogs pa ste/ de rnams kyi dkyil 'khor ro/ /rdo rje dbyings dang 'dra bas na/ /zhes bya ba ni rdo rje dbyings dang mthun pa'o//ming ji skad ces bya ba yin zhe na/ khro bo'i ye shes zhes kyang bshad/ /ces bya ba ste/ khro bo'i rigs kyi ye shes kyi dkyil 'khor ni khro bo'i ye shes kyi dkyil 'khor ro/ /ci rdo rje dbyings kyi dkyil 'khor gyi tshul kho nas thig gdab par bya'am zhe na/ ma yin no/ /'o na ji lta bu zhe na/dkyil 'khor chen po'i tshul du ni/ /dkyil 'khor thams cad srad bu bre/ /zhes bya ba gsungs pa yin te/ dkyil 'khor chen po'i tshul du zhes pa ni 'jig rten gsum las rnam par rgyal ba'i tshul du ste/ dkyil 'khor de'i dbus su sangs rgyas bcom ldan 'das bri bar bya'o//gang du zhe na/ ye shes rdo rje'i dbus chud pa'o/ /zhes bya ba gsungs te dkyil 'khor gyi dbus su rdo rje rtse lnga pa'i tshul dang cung zad 'dra bar byas la/ de'i lte ba'i dbus su sangs rgyas bcom ldan 'das bri bar bya'o/ /sangs rgyas kyi ni phyogs kun du/ /zhes bya ba ni phyogs bzhir ro//phyag rgya'i de nyid ces bya ba ni rdo rje sems dpa' la sogs pa 'jig rten gsum las rnam par rgyal ba ji lta bu bzhin du'o/ /'jig rten gsum las rnam rgyal sogs/ /rim pa bzhin du dgod par bya/ /zhes bya ba ni rang gi phyag rgya dang / snying po dang / skyil mo krung du bzhugs pa/ phyag gnyis rdo rje bsdams pa nang du bcings pa bri bar bya'o/ /rdo rje khro bo cho ga bzhin/ /zhes bya ba ni 'dir yang cho ga ni bshad ma thag pa nyid do/ /de nas 'dir rdo rje rigs kyi ye shes phra mo'i dkyil 'khor gyi cho ga'i rim pa rgyas par bshad do zhes bya ba ni gang gzhan dag tu slob dpon gyi las rnams bshad pa de dag nyid 'dir sbyar bar bya ste/'di ltar re zhig thog mar slob dpon rang nyid zhugs la/ bka' mnos te/ bdag la byin gyis brlab pa la sogs pa ji lta ba bzhin du byas pa la sogs pa de bzhin du bya ba la sogs pa ni cho ga'i rim pa rgyas pa zhes smos pas thams cad dang sbyar bar bya'o//de la dang po nyid du re zhig ces bya ba ni don gyis na slob ma gzhug pa'i cho ga nyid yin no zhes shes par bya'o/ /der bcug nas thog ma kho nar rdo rje khro bo'i rig pa'i brtul zhugs bsgom par bya'o/ /de gang yin zhe na/ de bstan par bya ba'i phyir de ring khyod la de bzhin gshegs pa thams cad kyi rdo rje khro bo nyid du zhes bya ba gsungs te/ de bzhin gshegs pa thams cad kyang de yin la/ rdo rje khro bor sprul pas gnas pa yang yin pas na de bzhin gshegs pa thams cad kyi rdo rje khro bo'o/ /de dag gi ngo bo nyid yin pas na de bzhin gshegs pa thams cad kyi rdo rje khro bo nyid de/der bcom ldan 'das phyag na rdo rjes deng dbang bskur gyis zhes bya ba ni phyis dbang bskur bar 'gyur ba ste/ dbang bskur bar 'gyur gyis zhes bya ba'i don to/ /gang gi phyir dbang bskur bar 'gyur ba de'i phyir legs par nan tan du gyis shig ces bya ba ste/rnal 'byor bsgom pa yang dag par gyis shig ces bya ba'i don to/ /sems can thams cad kyang yang dag par sbyang ba'i phyir bsad dgos na/ ma rungs pa thams cad lta zhig smos kyang ci dgos zhes bya ba gsungs so/ / dgos pa gang gi phyir de ltar ston par mdzad ce na/ 'jig rten gyi khams ma lus pa na sems can gyi khams lus pa med pa yongs su bskyab pa'i phyir dang / gzhan yang de bzhin gshegs pa thams cad kyi phan pa dang / bde ba'i dngos grub dam pa thob pa'i 'bras bu'i phyir dang /mi bgrungs shing ma rungs ba de rnams yang dag par sbyar ba'i phyir ro/ /'di skad ston te/ ji skad du bshad pa'i dgos pa rnams kyi phyir ma rungs pa ma yin pa'i sems can thams cad kyang lha chen po dang 'dra bar dus gzhan du 'tsho ba'i tshul gyis srog dang 'bral dgos na/ma rungs ba mi bgrungs pa thams cad lta smos kyang ci dgos/ de ltar ji skad du bshad pa'i sgo nas gdong g.yogs dgrol bar bya'o/ gdong g.yogs bkrol nas dkyil 'khor thams cad bstan zhes bya ba ni sgo srung nas brtsams te bcom ldan 'das rnam par snang mdzad la thug gi bar du'o//rdo rje ji lta ba bzhin du lag pa gnyis su byin te zhes bya ba ni rdo rje dbang bskur ba byin pa'o/ /de nas rdo rje khro bor gtogs pa'i ye shes phra mo rnams slobs shig ces bya ba ni bstan par bya'o zhes bya ba'i don to/ /de la dang por re zhig /rdo rje phra mo brtan byas la//zhes bya ba ste/ rdo rje phra mo bsgom pa brtan par byas nas so/ /ji lta zhe na/rdo rje hUM mdzad rnal 'byor gyis/ /zhes bya ba gsungs so/ /'di skad ston te/rdo rje hUM mdzad nyid kyis rang gi lha'i rnal 'byor du byas nas gdod rdo rje phra mo bsgom par bya'o/ /de nas mtshan ma thob pa dang /bsdu ba dang spro ba bya'o/ /de ltar rdo rje phra mo brtan par byas nas rdo rje hUM mdzad kyi rnal 'byor la gnas te/ sna'i rtse mor rdo rje phra mo rnam par bsams la rdo rje hUM mdzad kyi rnal 'byor gyis sna'i rdo rje de gang du 'bab par bsams pa de'i srog 'jig par 'gyur ro/ /rdo rje phra mo brtan byas te//cho ga bzhin du mched pa ni/ /zhes bya ba ni ji skad du bshad pa'i tshul gyis rdo rje phra mo'i cho ga sbyar la/ rdo rje phra mo de cho ga ji lta ba bzhin du spro bar bya ste/ cho ga bzhin zhes bya ba ni bsgrub par bya ba phyogs gang dang gang na 'dug pa de dang de nas rtsa ba med pa'i rtswa skam po rlung gis khyer ba de bzhin du/ rdo rje phra mo rlung lta bus rtswa skam po lta bu'i dgra rnams ji srid du khyer ba de srid du de'i 'tsho ba 'jig par byed do//rdo rje hUM mdzad kyi rnal 'byor gyis zhes bya ba ni sngags pa rdo rje hUM mdzad kyi rnal 'byor du gnas pas so/ rdo rje phra mo'i tshul sbyar la/ /zhes bya ba ni ji skad bshad pa'i tshul gyis rdo rje phra mo bsgom pa goms par bya ba'o//khro bor ldan pa ji srid mched/ /de snyed sems can ma rung byed/ /ces bya ba la/ sna'i rtse mo la gnas pas rdo rje phra mo de mched par bya zhing spro bar bya ba ni grong gi du ba mched pa'i tshul lam/ rmugs pa mched pa'i tshul du byas pa dang / sems can rnams des mgul pa gcod cing brgyal/'gyel te/ 'du shes med cing sems med par bsgom ste/ rnam pa de lta'i tshul gyis ma chad cing rgyas par bya'o/ /bsam pa ji lta bus she na/ khro bor ldan pa zhes bya ba ste/ khros pas rgyur gyur pas khyim pa dang / gnas dang / grong dang / grong khyer dang / yul dang / phyogs la sogs pa'i rim gyis phyogs bcu'i bar du ji tsam mched par byas pa de snyed kyi sems can rnams ma rung bar byed do/ /de ltar khro ba dang ldan pa'i rnal 'byor pas/ sems can rnams gdul bar bya ba'i phyir mngon spyod kyi rnal 'byor bstan te/ de lta bu'i tshar gcad pas de rnams kyi nga rgyal bsal nas/da ni sems dang ldan pa rnams la phan gdags par bya ba'i phyir/ de bzhin de ni zhes bya ba la sogs pas zhi ba'i las ston to/ de bzhin zhes bya ba ni rim pa ji ltar mched par byas pa de kho na nyid kyi rim gyis yang slar bsdu bar bya'o zhes bya ba'i don to//de yang 'di ltar phyogs yongs su btang nas yul lo/ /yul btang nas grong khyer ro/ /grong khyer btang nas grong ngo / /grong btang nas gnas so/ /gnas btang nas khyim mo/ /khyim btang nas sna'i rtse mo'i bar du bsdus la/ rnal 'byor pas sems can de rnams kyang dgrol bar bsams shing /nyam nga ba chen pos bsgribs pa las thar te bdud rtsi'i chus blugs pas dbugs phyung ba thob cing gnyid log pa las sang pa bzhin du 'tsho ba'i khams rnam par grol te/ sems dang bcas shing kun du spyod pa dang bcas par tshim pa rnyed pa lta bur bsam mo//de ltar gcig dang gnyis dang / du ma rnams la/ ma lus pa ni thams cad la/ /slar yang 'tsho ba sbyin par bya/ /zhes bya ba'o/ /tshul 'di ni mngon spyod thams cad la yang de ltar bya bar blta bar bya ste/ gang tshul de lta bus 'tsho ba dang bral bar byas pa de dang mthun pa'i gnyen po'i tshul gyis slar yang 'tsho ba sbyin par bya'o zhes pa'o//sems can gang gi dgra la ni/ /lhan cig gyur pa cher bstan pa/ /zhes bya ba la/ 'di skad ston te/ sems can gang dang lhan cig dgrar 'gyur ba'o/ /ji lta bu zhe na/ cher bstan pa zhes bya ba ste/ shin tu shas che ba'o/ / byams pa mched pa'i tshul gyis ni/ /zhes bya ba ni byams pa'i rim gyis ji ltar khyim dang gnas dang grong dang grong khyer la sogs par phan 'dogs pa'i rnam pas rgyas par byed pa de bzhin du dgra 'phro bar byed pa/ dgra ni sems las byung ba'i chos te/ rab tu zhe sdang ba'i mtshan nyid can no//de ji ltar 'phro bar bya zhe na/ de'i rgyu mched par byas pa'i phyir ro//rgyu ni yams dang / glo bur gyi nad dang / mtshon dang / thog 'bab pa la sogs pa srog nye bar 'jig par byed pa'i mtshan nyid can te/ dper na bde ba'i yo byad kyi dgos pa byed pas byams pa spro bar byed pa de bzhin du/dgra bo spro bar byed pa las dgra bo spros pas rnam par gzhig par bya zhing nye bar brlag par bya'o/ /dgra bo 'phro ba'i rnal 'byor gyis/ /zhes bya ba la/ dgra bo'i 'phro ba yin pas na dgra bo 'phro ba ste/ de'i ngo bo nyid yin pas na dgra bo 'phro ba nyid de/ de'i rnal 'byor gyis so/ / gang su yang rung ba'i snying rje can zhes bya ba ni rnal 'byor pa gang su yang rung ba/ sems can rnams la snying rje skyes pa dang / dgra bo 'phro ba'i rnal 'byor des gdug cing gtum pa rnams rnam par 'jig par byed do/ /dgra la ji ltar snying rje skye bar 'gyur zhe na/ gang gi phyir sems can sdug bsngal ba'am/sdug bsngal gyi rgyur gyur pa la 'jug pa rnams la snying rje can rnams snying rje skye ba yin la/ gang yang gdug cing gtum pa de rnams ni sdug bsngal gyi rgyu la 'jug pa yin te/ de bas na srog gcod pa la sogs pas mi dge ba'i las kyi lam rnams la mngon du phyogs shing / sems can gang gi srog gcod pa la sogs pas byas pas yun ring por ngan song gi sdug bsngal chen po myong bar 'gyur ro snyam nas/ ngan song gi sdug bsngal dang bral bar bya ba'i phyir dgra bo 'phro bar byed pas rlag par byed do/ /de ltar na sdug bsngal dang bral bar byed pa'i rnam pa ni snying rje zhes bshad do//chos sam yang na chos min pa/ /rang bzhin gyis ni 'od gsal ba/ /zhes bya ba la/ chos rnams dang chos ma yin pa rnams kyang rang bzhin gyis 'od gsal ba ste/ rang bzhin gyis don dam pa stong pa nyid yin no/ /de la thams cad kyang rang bzhin med pa nyid du bsgom pa ni 'od gsal ba nyid de/rang bzhin gyis yongs su dag pa nyid do/ /de ltar ji skad du bshad pa'i rim gyis chos thams cad rang bzhin gyis rnam par dag par bsgoms la/ de nas slar yang rtog pa dang bcas pa'i spyod pa la gnas te/ thams cad hUM zhes brjod pas rnam par gzhig par bya'o//'di skad ston te/ ji ltar byams pa dang / snying rje bsgom pa dang ldan pa'i rnal 'byor pas ni sems can rnams la phan 'dogs pa dang / gnod pa byed par nus pa de bzhin du chos rnams rang bzhin gyis 'od gsal bar bsgom pa'i rnal 'byor pas kyang sems can rnams la phan 'dogs pa dang /gnod pa byed par nus par 'gyur ro zhes 'dis de ltar ston pa yin no/ /gdul bar dka' ba'i sems can gang gi zhes bya ba ni bsam pa dang sbyor ba gtugs pa rnams so/ /sangs rgyas byang chub snod min pa/ /zhes bya ba ni de bzhin gshegs pa'i bstan pa la lung dang rtogs pa dag gis snod ma yin no//de rnams yang dag sbyang ba'i phyir/ /zhes bya ba ni de rnams tshar gcad pa'i phyir bsam pa dang sbyor ba'i rgud pa las bzlog par bya zhing / nga rgyal can tshar gcad pa'i phyir ro/ /hUM zhes bya bas gzhig par bya//zhes bya ba ni brgyal du gzhug pa ni gzhig pa'o/ /rdo rje byibs ni bris nas kyang / /zhes bya ba ni nam mkha'i phyogs su bsgom pa ste/ lhag ma rnams ni go sla'o/ de bzhin phra ba'i cho ga yis/ /zhes bya ba ni rdo rje phra mo bsgom pa la sogs pas zhes bya ba'i don to//snying po ni rdo rje sems dpa' ste/ nam mkha' la sogs par bsgom par bya'o/ /lhag ma rnams ni go sla'o/ /rdo rje phra mor rab sbyor bas/ /zhes bya ba la sogs pas/ rdo rje phra mo rab tu sbyor ba rgyur gyur pas dang po rdo rje phra mo'i bsgom pa goms par byas la/ bdag nyid zla ba'i gzugs lta bur bsgoms na gang du bdag nyid ltung bar bsams pa der ri la sogs pa yang ltung bar 'gyur ro//zla ba'i gzugs kyi ltung ba nyi tsher ma zad kyi/ zla ba der rdo rjer bdag nyid bsgom mo/ /bsgoms nas khros te gang du ltung ba de'i rigs mod la ltung bar 'gyur ro/ /dngos po gang la ltung ba de khyab par byas te/phye mar brlag nas nges par ltung ba nyid du bsgom par bya'o/ /lhag ma rnams ni go sla'o/ /da ni/ rdo rje khro bor snyoms zhugs la/ /zhes bya ba la sogs pas rdo rje rigs kyi chos kyi gsang ba'i phyag rgya'i ye shes bslab pa bshad de/ rdo rje khro bor snyoms zhugs la//zhes bya ba ni rdo rje khro bo'i snyoms par 'jug pa la gnas te/ sems can de rang gi lus la bcug nas/ bdag nyid yongs su bskor ba zhes pa rang gi lus bsgul bar bya'o/ /gang gi ming zhes bya ba ni gang gi ming smos nas rang gi lus bsgul zhing hUM zhes bya ba sbyar la/ hUM zhes brjod na de 'chi bar 'gyur ro/ /rdo rje phra mor snyoms zhugs la/ /zhes bya ba ni rdo rje hUM mdzad kyi rnal 'byor la gnas te/ rdo rje phra mo'i cho ga goms par bya'o/ /sna nas phra ba zhes bya ba la/ sna ni sna'i rtse mor ro/ /phra ba ni rdo rje phra mo'o/ /thang cig min zhes bya ba ni yang nas yang du'o/ / dbugs btang hUM zhes bya ba ni/ /dbugs dang lhan cig sbyar ba'i hUM/ /zhes bya ba ste/ de'i tshul gyis bya bas na dbugs btang hUM zhes bya ba tshul gyis zhes bya ba'o/ /'di skad ston te/ sna'i sbubs gnyis nas rlung hUM dang bcas par byung nas sna'i rtse mo nas rdo rje phra mo khyer te/ gang du song nas lhung ba dar 'jig rten gsum yang lhung bar byed do//de bzhin du rdo rje hUM mdzad kyi rnal 'byor du gnas la/ rdo rje phra mo'i tshul sbyar la/ /zhes bya ba rdo rje phra mo'i cho ga ji skad du gsungs pa'i tshul du bsgoms nas so/ /khros nas zhes bya ba ni khro bas 'khrugs pa'o/ /rdo rje lta ba yis zhes bya ba ni rdo rje lta ba ste des bltas pas de mdongs pa nyid du 'gyur ro//yang na 'chi ba ru ni 'gyur/ /zhes bya ba ni rnal 'byor pa'i sems kyi dbang gis so/ /bu ga nas ni zhugs nas su/ /zhes bya ba la sogs pa la/ rnal 'byor pa gang zhig dbang du byed par 'dod pa de'i lus la bu ga nas zhugs te/lus thams cad khyab par byas nas/ yang snying ga'i pad+mar bdag nyid bsdus la mig la sogs pa nas/ yid kyi bar du dbang po thams cad der bsdus te/ de nas de blangs nas shun pa bzhin du bdag nyid bor la de nas snying de dang bcas par lam de nyid nas slar byung ste/de nas de shing ltar sems med par bsam mo/ /de nas rnal 'byor pa de de'i thad du song la/ de'i mig sngar bab par bya ste/ dang po snying po brgyad stong bzlas la sbyor ba 'di bya'o/ /de'i mig sngar bab pa'i tshe yang snying po 'di bzla'o/ /de nas des de mthong ba tsam gyis dbang du 'gyur ro//dbang du gyur nas ni yang yid kyis de la snying po dang dbang po thams cad slar sbyin par bya ste sor chud par bsam mo/ /de lta ma yin na gshin rje'i dbang du 'gyur du 'ong ngo / /de nas zhes bya ba ni 'das ma thag pa'o/ /rdo rje rigs kyi chos kyi dkyil 'khor gyi phyag rgya'i ye shes yin pas na/phyag rgya'i ye shes te/ phyag rgya chen po la sogs pa'o/ /de dag gi ye shes bslab pa ni/ phyag rgya chen po la sogs pa bstan par bya'o zhes bya ba'i don to/ /de la zhes bya ba ni nges par gzung ba ste/ de rnams kyi nang nas re zhig phyag rgya chen po bshad par bya'o//rdo rje'i ye shes sbyor ba yis/ /zhes bya ba ni rdo rje phra mo'i ye shes la goms par byas nas/ 'bar ba'i phreng ba 'khrigs pa'i 'od/ /rdo rje khro bor bdag rang nyid/ /bsgoms na de ma thag tu 'grub/ /ces bya ba yin no//ting 'dzin dam tshig ye shes las/ /zhes bya ba la/ ting nge 'dzin gyi ye shes ni chos kyi dkyil 'khor te/ de'i dam tshig ni dam tshig gi phyag rgya'o/ /ji lta bu 'byung zhe na/ hUM zhes bya ba gnyis dang ldan/ /zhes bya ba gsungs so/ /'di skad ston te/ bcom ldan 'das rdo rje hUM mdzad kyi khams gsum rnam par rgyal ba'i phyag rgya hUM bzhi dang ldan pa'o//de las kyang thog ma'i hUM zhes bya ba gnyis kyis lag pa gnyi ga'i rdo rje khu tshur gnyis bcangs pa las rdo rje'i phyag rgya gnyis su gyur pa'i phyag rgya ji lta bu byung ba de ni dam tshig gi phyag rgya yin no//de yang ji lta bu zhe na/ hUM zhes bya ba gcig gis g.yon pa'i rdo rje khu tshur mdun du bzhag la/ rdo rje khu tshur g.yas pa'i mkhrig ma'i gnas su hUM gnyis pas gzhag par bya ba 'di ni/ hUM zhes bya ba gnyis dang ldan/ /zhes bya ba'o/ /'di nyid mi dbye bar rnam pa bcu drug tu 'gyur bar bstan pa'i phyir/ci rigs gnas su bzhag nas ni/ /zhes bya ba gsungs so/ /de las cir 'gyur zhe na/ dngos grub kun ster skad cig gis/ /zhes bya ba gsungs so/ /gang du bzhag na rnam pa bcu drug tu 'gyur ba'i gnas de gang dag yin zhe na/gang de bzhin gshegs pa'i rigs kyi chos kyi rigs su bkan te/ skyil mo krung du gnas zhes bya ba la sogs pa gsungs pa yin no/ /de nas te de'i rjes thogs la chos kyi phyag rgya yi ge phyed dang gnyis pa bcu drug bshad de/ de nas zhes bya ba ni de'i rjes thogs la'o/ /rdo rje rigs kyi chos kyi dkyil 'khor du las kyi phyag rgya de'i ye shes bslab bo zhes bya ba ni bstan to zhes bya ba'i don to//chos kyi khu tshur gnyis byas te/ /zhes bya ba ni chos kyi dkyil 'khor du rdo rje khu tshur gyi gnas kyi dam tshig gi phyag rgya gang yin pa de gnyis su byas la/ las kyi phyag rgya'i gnas ji lta ba bzhin du sbyar bar bya'o//ji ltar rigs pa'i gnas zhes bya ba de gang yin zhe na/ bsgyings bcas gsor ba gnyi ga yis/ /lcags kyus 'dzin ltar gnas pa dang / /zhes bya ba la sogs pa rdo rje dbyings kyi dkyil 'khor du bstan pa rnams so/ /de bzhin gshegs pa thams cad kyi rdo rje chen po'i dam tshig yin pas na/de bzhin gshegs pa thams cad kyi rdo rje chen po'i dam tshig go/ /de bzhin gshegs pa thams cad kyi rdo rje chen po'i dam tshig kyang yin la/ rtog pa chen po'i rgyal po yang yin pas na/ de bzhin gshegs pa thams cad kyi rdo rje chen po'i dam tshig gi rtog pa chen po'i rgyal po'o//de las rdo rje rigs kyi chos kyi ye shes kyi mtshan ma'i dam tshig gi dkyil 'khor gyi cho ga rgyas pa ste cho ga'i rnam pa rdzogs so// //de kho na nyid bsdus pa'i rgya cher bshad pa ko sa la'i rgyan las 'jig rten gsum las rnam par rgyal ba'i chos kyi dkyil 'khor gyi 'grel pa'o// //de ltar rdo rje rigs su gtogs pa'i chos kyi dkyil 'khor rdzogs par mdzad nas/ /las kyi dkyil 'khor bstan par bya ba'i phyir/ de nas zhes bya ba la sogs pa gsungs te/de nas zhes bya ba ni 'das ma thag pa'o/ /bcom ldan 'das zhes bya ba ni/ nges pa'i tshig gi tshul gyis na/ bcom pa dang ldan pa'o/ /de bzhin gshegs pa yang yin la thams cad kyang yin pas na/ de bzhin gshegs pa thams cad do/ /de bzhin gshegs pa thams cad kyi rigs su gtogs pa'i rdo rje'i rigs kyi las kyi 'khor gyi dam tshig yin pas na/de bzhin gshegs pa thams cad kyi rdo rje las kyi dam tshig go/ /dam tshig ces bya ba'i sgra ni/ 'dir sngags dang phyag rgya dang lha nyid la sogs pa ste/ de gang las 'byung ba der byin gyis brlab pa'i phyir/ting nge 'dzin gang don dang mthun pa'i ming 'di nyid ces bya ba'i ting nge 'dzin de la snyoms par zhugs pa'o/ 'di zhes bya ba ni thugs la gnas pa'i rang gi rig pa dam pa 'di gsungs so/ /lhag ma rnams ni go sla'o/ /de nas yang byang chub sems dpa' chen po phyag na rdo rjes rang gi rigs kyi mchod pa'i cho ga rgyas pa zhes bya ba la sogs pa la/de nas zhes bya ba ni gnas skabs so/ /yang zhes bya ba ni theg pa chen po mngon par rtogs pa'i chos kyi dkyil 'khor la ltos pa'o/ /byang chub chen por sems dpa' 'di la mnga' bas na/byang chub sems dpa' chen po'o/ /'di'i phyag na rdo rje mnga' bas na/ phyag na rdo rje'o/ /rang gi rigs kyi mchod pa'i cho ga rgyas pa'i lha mo rnams rang gi snying ga nas bskyed pa ni/ rnal 'byor du snyoms par zhugs pa las sprul pa'o//'jig rten gyi khams thams cad du de bzhin gshegs pa thams cad spyan drang ba dang / dbang du bya ba dang / mnyes par bya ba la sogs pa'i las thams cad grub pa ni/ las thams cad grub pa'i dgos pa gang yin pa ste/ de byed pa ste nyams su len pa'o//de'i ngo bo nyid yin pas na/ dgos pa byed pa nyid do/ /der yang dag par sbyor ba ni de'i dgos pa byed pa nyid kyi phyir legs par sbyor bas na/ yang dag par sbyor ba ste/ de la sogs pa'o/ de la sogs pa de dag kyang gang zhig yin zhe na/ de bzhin gshegs pa thams cad kyis rdzu 'phrul dang rnam par 'phrul pa byas te zhes bya ba la sogs pa gsungs te/sangs rgyas kyi rdzu 'phrul yin pas na sangs rgyas kyi rdzu 'phrul te/ sems kyis rnal 'byor pa nam mkha' la 'gro ba la sogs pa'o/ /rnam par 'phrul pa ni nyid kyi ngo mtshar gyi chos rnam pa sna tshogs ston par mdzad pa ste/ji ltar bcom ldan 'das grong khyer du gshegs pa na long ba rnams kyis mig thob pa dang / 'on pa rnams kyis sgra thos pa la sogs pa lta bu'o/ /de ltar sprul pa'i dkyil 'khor rdzogs par mdzad nas/ da ni bri ba'i dkyil 'khor bstan par bya ba'i phyir/de nas byang chub sems dpa' chen po phyag na rdo rje zhes bya ba la sogs pa gsungs te/ rdo rje rigs kyi las yin pas na rdo rje las te/ de'i dam tshig gi cho ga rgyas pa'i rgyur gyur pa'i las kyi dkyil 'khor gsungs pa'o/ /'di zhes bya ba ni thugs la gnas pa'o/ /de nas zhes bya ba ni gnas skabs so//rnal 'byor gyi rgyud la yang me'i rab tu byed pas mngon par 'dod pa'i don sgrub par byed pa yin pa'i phyir/ yang dag par rab tu phye ste bshad par bya'o zhes pa'o/ /ci zhig bshad ce na/las kyi dkyil 'khor zhes bya ba gsungs so/ /dam pa zhes bya ba ni don che ba'o//ji lta bu zhig ce na/ de'i phyir/ rdo rje dbyings dang 'dra bas na/ /zhes bya ba gsungs te/ rdo rje dbyings dang mtshungs pa'o/ /ming ji skad ces bya ba ci zhig ce na/ las kyi rdo rje zhes bshad do/ /zhes bya ba gsungs te/ ming las kyi rdo rje zhes btags pa zhes bya ba'i don to//ji ltar thig gdab par bya zhe na/ de'i phyir/ dkyil 'khor chen po'i tshul du ni/ /dkyil 'khor thams cad srad bu bre/ /zhes bya ba gsungs te/ dkyil 'khor chen po ni 'dir 'jig rten gsum las rnam par rgyal ba yin par blta bar bya'o/ /bri ba'i go rims ji lta ba bzhin du bstan par bya ba'i phyir/dkyil 'khor dbus kyi gnas su ni/ /zhes bya ba la sogs pa ste/ dkyil 'khor dbus kyi gnas su ni/ /sangs rgyas sku gzugs gzhag par bya/ /zhes bya ba ni bcom ldan 'das rnam par snang mdzad bri bar bya'o zhes bya ba'i don to/ / sangs rgyas kyi ni phyogs kun du/ /zhes bya ba ni bcom ldan 'das de'i phyogs bzhir rdo rje sems ma la sogs pa bri bar bya'o zhes pa'o/ /dkyil 'khor bzhi po rnams su yang / /zhes bya ba ni mi bskyod pa la sogs pa'i gnas su'o/ /rdo rje gtso sogs zhes bya ba ni rdo rje rnams kyi gtso bo yin pas na rdo rje gtso bo ste/bcom ldan 'das rdo rje hUM mdzad do/ /de thog mar byas nas lhag ma rnams bri bar bya'o/ /ji ltar zhes bya ba ni 'jig rten skyong ba rnams rim bzhin rang rang gi mtshan mas mnan pa ste g.yon brkyang ba mi dgos par steng du bri bar bya'o/ /de rnams kyi ni phyogs kun du//zhes bya ba ni gnas bcu drug po rnams su'o/ /mchod pa chen po rnams gzhag go/ /zhes bya ba ni mchod pa'i lha mo rnams so/ rdo rje las kyi phyag rgya bshad do zhes bya ba ni phyag rgya rnams kyi rig pa la phyag rgya zhes bya ba'i sgrar gsungs so/ /de ltar phyag rgya rnams kyi rig pa bstan nas/da ni slob dpon gyi las dang slob ma gzhug pa'i cho ga sngar rgyas par smras pa nyid mdor bsdus nas phyogs tsam bstan par bya ba'i phyir/ cho ga rgyas pa ji lta ba bzhin du byas te zhes bya ba la sogs pa gsungs pa yin no/ /de ltar mdor bsdu ba byas nas ci zhig bya zhe na/rdo rje rigs kyi las kyi ye shes rnams bskyed do zhes bya ba gsungs te/ rdo rje rigs kyi las yin pas na rdo rje rigs kyi las te/ de'i ye shes ni rdo rje rigs kyi las kyi ye shes te de bslab par bya'o/ /go rims gang gis she na/ de'i phyir de la dang po nyid zhi ba la sogs pa'i phyag rgya'i ye shes bslab bo zhes bya ba gsungs te/'di ni las kyi dkyil 'khor yin par bstan la/ de bas na gang la la zhig las 'di byed par 'dod pa des dkyil 'khor chen po 'am phyag rgya bzhi pa'i dkyil 'khor ram/ phyag rgya gcig pa'i dkyil 'khor las dkyil 'khor gang yang rung ba cig bri bar bya ste/phyag rgya bzhi pa'i dkyil 'khor dang / phyag rgya gcig pa'i dkyil 'khor de yang las kyi dkyil 'khor de'i yan lag tu gyur pa yin par bstan par bya ste/ snying po dang phyag rgya 'di dag nyid kyis yongs su bskor ba'i phyir ro//de ltar dkyil 'khor bris nas dkyil 'khor gyi sgor zhi ba la sogs pa'i las dang rjes su mthun pa'i tshe na dkar po la sogs pas me thab zlum po dang / gru bzhi dang / gru gsum bri bar bya zhing phyag rgya de yang der dgod par bya ste/ zhi ba la ni pad+ma'i steng du pad+ma'o/ / rgyas pa la ni 'khor lo'i steng du rin po che'o/ /mngon spyod la ni rdo rje'am/ mdung rtse gsum pa'i steng du rdo rje bri bar bya'o/ /de nas lha rnams spyan drangs la/ las dang dam tshig gi phyag rgya bcings nas/ chos kyi phyag rgya brjod de/ mchod pa byas nas bshos dang gtor ma'i las bya'o//de nas las dang rjes su mthun pa'i stan 'jam pa'am sra ba'am/ tshul ji lta ba bzhin du 'dug ste/ zhi ba'i las la ni stan 'jam po la 'dug nas/ g.yas nas bskor bas ku sha bkram ste me thab tu yam shing mngar po rnams kyis me sbar la/ 'dod pa'i rgyal pos me lha spyan drang ngo //spyan drangs pas na me thab kyi nang du dgug pa dang / gzhug pa dang / bcing ba dang / dbang du byas te/ byin gyis brlab par bya ba'i phyir pho nya'i tshogs rnams kyi nang nas 'byung ba'i sa pa rnams kyis spyi'i phyag rgya bcings la/ mchod yon phul te/pho nya'i tshogs las 'byung ba'i sngags kyi chu la bzlas nas/ des yo byad thams cad gsang zhing bskor te/ 'thor 'thung lan gsum phul la dri dang / me tog dang / bdug pa dang / bshos la sogs pa dbul lo/ /de nas bdag gis pha rol du sbyin sreg gi rdzas rnams/de'i pha rol du me/ de'i pha rol du bsgrub par bya ba'i lha/ bdag po'i mdun du yid kyis legs par bsam mo/ /de nas khro bo gang yang rung ba'i ting nge 'dzin du zhugs te mar la sogs pa'i sreg rdzas las dgang blugs dbul bar bya'o/ /de nas sreg rdzas re re zhing yang me la dgang blugs gsum gsum dbul bar bya'o//phul nas bskor zhing 'thor 'thung gsum phul la/ dri dang me tog gis kyang mchod do/ /de nas me lha zhugs thab kyi mdun du dbang po lta bur bzhag la/ lha dang de'i bdag po la sbyin sreg dbul bar bya ste/bdag po la yang gong ma bzhin du 'thor 'thung phul la dgang blugs gsum mam/ bdun nam/ nyi shu rtsa gcig dbul lo/ /de nas de bzhin du 'thor 'thung byas la dri dang me tog phul te/ mdun du bzhugs su gsol nas der sbyin sreg dbul bar bya ba'i rang gi lha gang yin pa de shin tu nye bar zhugs su gsol zhing zhugs thab kyi mdun gyi dbus su bzhag la de bzhin du 'thor 'thung lan gsum dbul lo//de nas sbyin sreg bya'o/ /de nas til bsregs la sdig pa bsreg par bya ste/ gang gi sdig pa bsreg par 'dod pa de'i lus mgo nas rkang pa'i bar thog thag nas/mi bkren pa bzhin du gzhag cing mi sdug pa drangs te sbyin sreg bya'o/ /nyin re bzhin de ltar sbyin sreg byas la/ de yang sdig pa dang bral bar bsams te de ltar sdig pa bsreg par bya'o/ /ldang ba'i tshe na yang rang gi lha la 'thor 'thung lan gsum phul te dri dang me tog la sogs pas mchod par bya'o//de nas yang bdag po la 'thor 'thung phul la/ 'byor pa ci yod pas sbyin sreg byas nas yang 'thor 'thung dbul lo/ /de nas dri dang me tog la sogs pas kyang mchod par bya'o/ /de nas me la yang de bzhin du byas la de'i 'og tu 'byor pa yod na me lha la yang dgang blugs dbul bar bya'o//rang gi lha dang bdag po la ni thog ma dang tha ma gnyi gar dgang blugs dbul bar bya'o/ /de ltar zla ba gcig gam/ zla ba bzhi'i bar du'am/ ji srid 'dod par dkyil 'khor gshegs su mi gsol ba nyid du me'i bya ba bya'o/ /de nas mjug tu 'byor pa ci yod pas thams cad mchod la bzod par gsol te/dkyil 'khor dgrol ba'i tshul gyis gshegs su gsol bar bya'o/ /cho ga 'di ni 'og nas 'byung ba'i cho ga thams cad la yang spyi'i cho ga yin par shes par bya'o/ /'bras kyi sbyin sreg gis kyang rang gi lha dang me lha shin tu tshim zhing dgyes par bsam zhing /de gnyis de ltar mnyes pas rang gi khyim yang yo byad sna tshogs kyis yongs su 'gengs par mdzad par bsams te/ de lta bus ni khyim rgyas par 'gyur ro/ /dUr ba'i myu gu mar dang bcas pas kyang rang gi lha dang me lha yongs su tshim zhing mnyes par bsams la/de gnyis kyi bcud kyis len la sogs pa'i sbyor ba nyid mdzad de/yun ring bar gnas pa dang / nad med pa dang / stobs kyis rgyas pa la sogs pa dang ldan par mdzad par bsam par bya ste/ de lta bus ni tshe 'phel bar 'gyur ro/ /ku sha'i myu gu 'bru mar du btags pa'i sbyin sreg byas la 'di ltar bsam la/'jigs pa gang gis gang zhig nyen par gyur pa'i 'jigs pa'i rgyu de ku sha'i myu gu 'bru mar dang bcas pa 'bar bas de'i mod la thal bar brlag par bsams na 'jigs pa'i rgyu sreg pas rtag tu bsrung bar 'gyur ro/ /da ni yam shing tsha ba zhes bya ba la sogs pas las gzhan ston te/sngags pas yam shing tsha ba las me sbar te/ dang por zhes bya ba ni thog mar yam shing tsha ba las me sbar la/ sbyin sreg byed bzhin pa nyid kyi tshe ni tsha ba'i shing med na/ phyis ni gzhan las sbar yang 'gal ba med do zhes shes so/ /se ba zhes bya ba ni se ba dang /rgya shug la sogs pa shing tsher ma can gyis sbyin sreg byas la/ me dang rang gi lha kha lo ba lta bu gnyis bsgrub par bya ba glang po che lta bu'i phrag pa la zhon te/ ci dga' bar khrid de byon par bsam ste/ de ltar se ba'i tsher mas 'gugs par 'gyur ro/ /de dag nyid kyis zhes bya ba ni tsha ba nyid do//khro ba dang ldan par zhes bya ba ni khro bo'i ting nge 'dzin la gnas te/ me tog dmar po dang 'bras bu dmar pos sbyin sreg bya zhing gang gi phyir bya ba de dmar por bltas te/ me tog dang 'bras bu dmar po'i khu ba'am/rgya skyegs kyi khu bas spyi bo nas brtsams te rkang mthil gyi bar dmar bar bsams na/de lta bu ni gcig gam gnyis sam/ mang po nas ji srid skye bo thams cad la thug gi bar du dga' zhing rangs par 'gyur ro zhes sbyor ba'i mthu bstan pa yin no/ /rnal 'byor can zhes bya ba mnyam par bzhag pas yam shing tsha ba de nyid kyis me spar la/lcags kyi phye ma'i sbyin sreg byas te/ de rdo rje lcags sgrog tu gyur pas bsgrub par bya ba bcings par bsams te/ de lta bus ni rdo rje bcings pa nyid du 'gyur ro/ /de dag nyid kyis zhes bya ba ni tsha ba'o/ /mnyam par gzhag ste zhes bya ba ni bdag dang / rdzas dang / me dang / lha dang / bsgrub par bya ba la yid gtod pa dang / 'bras bu kha ba'i sbyin sreg byed cing / de dug ha la ha la dang 'dra bar reg tu mi bzod pas shin tu gdug cing gtum pa'i sems can de rnams la sdig pa de dang dra bral ba dang / des nye bar gtses pa'i sems can rnams bsrung bar bya ba'i phyir/de'i zas dang / skom la sogs pa dang / lus dang stan dang / gos la sogs pa la yang gtor zhing de rnams kyi srog dang 'bral bar byed par bsgoms te de lta bus ni skad cig gis gsod pa skyed par byed do/ /mkhas pas zhes bya ba la sogs pa la/ 'bras bu dang me tog skyur ba rnams kyis sbyin sreg byas na gang yang rung ba dbang du bya ba'i dam pa yin no//'di skad ston te/ me'i nang na yod pa'i 'bras bu'am/ me tog 'di la bsgrub par bya ba de shin tu dga' zhing sred la/ dgos par bsams na mgu ste dbang du 'gyur ro/ /de dag nyid kyis zhes bya ba yam shing skyur ba nyid kyis sbyin sreg byed pa'o//'dod pa'i 'bras bu zhes bya ba ni kha cig na re po son cha yin no zhes zer ro/ la la ni a sho ka'i 'bras bu yin no zhes zer te/ de lta bu'i 'dod pa'i 'bras bu bsregs na 'dod pa'i 'bras bu des me lha dang rang gi lha dgyes par 'gyur ro/ /dgyes pas ni sbyin sreg byed pa'i sngags pa la ci 'dod pa'i gzugs su mdzad par 'gyur te/de ltar na 'dod bzhin gyi gzugs su 'gyur ro/ /de dang 'dra ba'i yam shing gis zhes bya ba ni skyur ba nyid kyis so/ /mi snang me tog sdong bu yis/ /zhes bya ba la mi snang ba'i me tog ni/ /u dum+WA ra dang / n+ya gro d+ha dang / 'o ma can la sogs pa'o//sdong bu zhes bya ba ni yam shing ngo / /sbyin sreg 'dod na mi snang 'gyur/ /zhes bya ba ni sbyin sreg byas na dga' nas mi snang ba ste/ dus 'di srid cig mi snang bar gyur cig ces gsol ba btab na dus de srid du mi snang bar 'gyur ro/ /'di skad ston te/ thog mar sngon du bsnyen pa bya zhing / rdo rje phra mo bsgoms nas sngon du bsnyen pa'i tshe zla ba'am zla ba bzhir dkyil 'khor bris la/lha rnams gshegs su ma gsol ba nyid du thun mtshams bzhir sbyin sreg brgya rtsa brgyad bya'o/ /zla ba gcig gam zla ba bzhi'i mthar mtshan ma byung ba dang / 'dod na mi snang bar gyur cig ces dga' ba'i dngos grub gsol zhing mtshan thog thag sbyin sreg byas pa las grub par gyur na gdod mi snang bar 'gyur ro//nam mkha'i lcug ma me tog ces bya ba la sogs pa la nam mkha'i lcug ma ni rtsa ba med pa'i lcug ma ste/ de shing gi steng du 'byung ba yod de yul kong ka ne na mang du mthong ngo / /de'i me tog kyang de bzhin te/ sngon du bsnyen pa bya zhing rdo rje phra mo bsgoms la/ zla ba'am zla ba bzhir dkyil 'khor bris te/ lha rnams gshegs su ma gsol bar thun bzhir byas la mthar mtshan thog thag sbyin sreg byas te/ grub na gdong nam mkha' la dga' mgur 'gro bar 'gyur ro/ /khro bor mnyam gzhag ces bya ba la sogs pa la/badzra ni snu ha ste/ de'i me tog gi sbyin sreg byas na/ rdo rje bka' bzhin byed par 'gyur/ /zhes bya ba bsgo ba bzhin du byed pa nyid du 'gyur ba ste/ 'dod na ltung bar 'gyur ro/ /ltung ba'i tshe bzlog par 'dod na sdod par 'gyur ro/ /gang du dga' ba der song ste ltung bar 'gyur te/ de ltar na bka' bzhin byed pa yin no//yam shing de dag nyid kyis zhes bya ba ni bshad ma thag pa'o/ /khro dang ldan pa zhes bya ba ni 'khrugs par gyur pa'o/ /dpa' bo gang zhes bya ba ni byang chub sems dpa' gang la phul ba'i phreng ba ste/ phul nas bor ba'i lhag ma'o/ /de yang bka' ni nyan par 'gyur/ /zhes bya ba ni 'dod na 'bab pa dang /spyan drang na 'ong ba dang / btang na 'gro zhing gang 'dod pa thams cad mdzad do/ /de ltar las kyi mthu bstan du zad kyi/ de lta na yang sangs rgyas bcom ldan 'das dang / byang chub sems dpa' rnams ni las dman pa rnams la mi sbyor zhing gtse bar mi bya'o/ /de rnams kyis sems can gyi don dang /sngags spyod pa'i mthu bstan par bya ba'i phyir/ sbyor ba 'di bstan pa yin no/ /de bas na mchog tu phan 'dogs par mdzad pa rnams la brnyas par mi bya'o/ /dpa' bo zhes bya ba spyir smos pa la bya bar yang snyegs mod kyi/ phyag na rdo rje yin par nye bar bzung ste/ mthu che zhing drag po yang sbyor ba 'dis dbang du byed do zhes bstan pa'i phyir ro//de lta bas na sangs rgyas bcom ldan 'das kyang dbang du byed par 'gyur te/ dkyil 'khor la sogs par dbab pa dang / zhal bstan pa stsal du gsol zhes bya ba la sogs pa'i las rnams mdzad do/ /de nas zhes bya ba ni de phan chad do//gsang ba ni sbas pa la bya ste/ yul de'i las kyi ye shes bslab par bya'o/ /yid 'ong bud med ces bya ba ni gang zhig sems dpa' gang gi bzlas brjod byed pa de'i dam tshig gi phyag rgya'am las kyi phyag rgya gang yin pa de ni de'i yid du 'ong ba'i bud med do/ /lhan cig tu gnas shing zhes bya ba ni mtshan thog thag gnas te/phyag rgya de'i bu gar any+dza na bcug la/ bkan nas mtshan thog thag tu sngags sam snying po brjod pas bskul bar bya'o/ /'di skad ston te/ sngon du bsnyen pa dang / rdo rje phra mo yang bsgoms la gang zhig sems dpa' gang gi bzlas brjod byed pa de'i phyag rgya bcings nas de'i nang du any+dza na bcug ste/mtshan thog thag phyag rgya mi dgrol bar snying po bzlas brjod byas la nang par des mig bskus na sems can thams cad dbang du 'gyur ro/ /las kyi dkyil 'khor 'dir phyag rgya chen po ni rdo rje bsdams pa nang du bcings pa'i khu tshur yin par shes par bya'o/ /ldong ros bu gar bcug nas ni//zhes bya ba la sogs pa la/ su'i bu gar zhe na/ rdo rje bsdams pa'i ste rdo rje bsdams pa nang du bcings pa'i nang du gzhug go/ /gal te bu ga de gan rgyal du 'jog kyang srid pas de'i phyir/ rdo rje bsdams pas de g.yogs te zhes bya ba gsungs so/ /de bzhin du sngon du bsnyen pa la sogs pa byas nas/las kyi dkyil 'khor ram gang rigs gang du zlos pa des rang gi lha'i rnal 'byor du byas la/ ji srid mtshan ma rnam pa bzhis dngos grub rnam pa bzhi 'byung ba de srid kyi bar du bzlas brjod bya'o/ /mtshan ma bzhi ni 'gul ba dang / dro ba dang / du ba 'thul ba dang / 'bar ba ste/ 'gul bas ni dbang du byed pa'o//dro bas ni rkang mgyogs su 'gyur ro/ /du ba 'thul bas ni mi snang bar 'gyur ro/ /'bar bas ni nam mkha' la 'gro bar 'gyur ro/ /go ro tsa na bu gar bcug /ces bya ba la/ su'i bu gar gzhug ce na/ gsang ba'i khu tshur du'o/ /gsang ba'i khu tshur gyis btsir bar/ /zhes bya ba ni de nyid kyis go ro tsa na de g.yogs par bya zhes bya ba'i don to//gsang ba'i khu tshur ni 'jig rten gsum las rnam par rgyal ba'i gsang ba'i dkyil 'khor gyi rdo rje khu tshur gyi gnas su las kyi phyag rgya'i nang gi khu tshur gang yin pa de ni gsang ba'i khu tshur ro/ /de nas go ro tsa na de nam 'bar bar gyur pa dang / de'i tshe de bsrung ba byas la mnan par bya'o//bsrung ba'i khu tshur gang yang rung bar yid kyis bcug ste/ rdo rje go chas go bskon la/ de'i steng du bcom ldan 'das rnam par snang mdzad skyil mo krung du bzhugs par rnam par dgod de/ 'di ni gnon pa'o/ /de ltar bsrung ba dang gnon pa byas nas des thig le byas na rdo rje 'dzin pa dang 'dra bar 'gyur ro//rdzas thams cad la yang bsrung ba dang mnan pa 'di bzhin du shes par bya'o/ /gur kum bu gar bcug nas ni/ /zhes bya ba ni rdo rje sems ma'i nang du gzhug pa'o/ /bu gar rdo rje sems dpa' yis/ /zhes bya ba ni de nyid kyis bu ga dam du bkab cing bu ga med par bya'o zhes bya ba'i don to//mtshan ma rnam pa bzhis ni dngos grub rnam pa bzhir 'gyur bar ni thams cad du shes par bya ste/ thams cad du yang mtshan ma gang yang rung ba tsam gyis ldang bar mi bya'o/ /'o na ji ltar bya zhe na/ nam langs kyi bar du gnas par bya ste/ de'i tshe mtshan ma ji lta bu byung ba de lta bu 'grub par 'gyur ro//de ltar dngos grub kyi ye shes dang / gsang ba'i dngos grub bstan nas/ da ni phyag rgya'i ye shes bstan par bya ba'i phyir/ de nas rdo rje rigs kyi las kyi phyag rgya chen po'i ye shes bslab po zhes gsungs te/ bstan par bya'o zhes bya ba'i don to/ / rdo rje dgos pa'i tshul gyis ni/ /zhes bya ba ni rdo rje dbyings kyi las kyi dkyil 'khor du phyag rgya rnams kyi sbyor ba ji lta ba'i sbyor ba des sbyor bas na rdo rje dgos pa'i tshul lo/ /de ltar rtogs par bya ba de rnams kyang gang yin zhe na/ phyag rgya chen po zhes bya ba yin no/ /ci rgyas par ram/ 'on te ma yin zhe na/mdor bsdus na zhes bya ba gsungs pa yin no/ /ci der ni lag pa gnyis thal mo sbyar ba'i tshul du 'jog na/ 'di yang de ltar bya dgos sam zhe na ma yin no/ /de'i phyir rdo rje khu tshur gyis ni zhes bya ba gsungs te/ khro bo'i rigs kyi rdo rje khu tshur gyi tshul gyis zhes bya ba'i don to/ / ci rdo rje dbyings kyi dkyil 'khor ji lta ba bzhin du zhi ba'i gzugs su bya'am zhe na/ ma yin no/ /'o na ji lta bu zhe na/ rdo rje khro bor mnyam par gzhag /ces bya ba gsungs pa yin no/ /de ltar phyag rgya chen po ni bstan na dam tshig gi phyag rgya ji lta bu yin zhe na/ de'i phyir hUM zhes mdzub mo'i tshul gyis ni/dam tshig mchog ni 'dir de bzhin/ /zhes bya ba gsungs so/ /'di skad ston te/ ji ltar der gnas de dang de dag tu rdo rje bcing ba gzhag pas/ dam tshig gi phyag rgyar 'gyur ba de bzhin du 'dir yang 'jig rten gsum las rnam par rgyal ba'i phyag rgya nyid las mthe'u chung lcags kyur sbrel ba btang la gnas de dang de dag tu bzhag na dam tshig gi phyag rgyar 'gyur ro//chos kyi phyag rgya ji lta bu yin zhe na/ chos kyi phyag rgya'ang 'dir de bzhin/ /zhes bya ba gsungs te/ ji ltar las kyi dkyil 'khor der chos kyi phyag rgya ni yi ge'i rang bzhin yin pa de bzhin du 'dir yang 'dra'o/ /yi ge de dag kyang gang yin pa mi shes pas na de'i phyir phyi mo las smos pa'i yi ge rnams yin par ston te a A zhes bya ba nas aM aHzhes bya ba'i bar gyi bcu drug po de rnams la bya ste/de rnams sems dpa' bcu drug dang rim bzhin du sbyar ro/ /ci de rnams 'ba' zhig tu zad dam/ 'on te ma yin zhe na/ oM zhes dang po zhes bya ba gsungs pa yin no//'di skad ston te/ a la sogs pa'i yi ge bcu drug la re re zhing yang dang po oM zhes bya ba dang bcas pa ni bcu drug po rnams kyi so so'i chos kyi phyag rgyar 'gyur ro/ /las kyi phyag rgya ji lta bu yin zhe na/ las kyi phyag rgya mdor bsdu na/ /zhes bya ba la sogs pa gsungs te/ mdor na las kyi dkyil 'khor du rdo rje khu tshur gyi gnas su bstan pa'i khu tshur gang yin pa de/bsgyings bcas gsor ba gnyi ga yis/ /zhes bya ba la sogs pas gnyis su byas na las kyi phyag rgyar 'gyur te/ mdor bsdus pa ni 'di yin no/ /thams cad grub ces bya bas ni phan yon ston to/ /dag pa ste zhes bya bas ni skyon med pa'o//rdo rje las kyi tshul gyis so/ /zhes bya ba ni thogs pa med pa'i las kyi sbyor bas so/ /de kho na nyid bsdus pa'i rgya cher 'grel pa ko sa la'i rgyan las 'jig rten gsum las rnam par rgyal ba'i las kyi dkyil 'khor gyi 'grel pa'o// //de ltar rdo rje'i rigs kyi las kyi rdo rje la 'khor du gtogs pa'i sbyin sreg gi las kyi cho ga bstan nas/da ni dam tshig gi phyag rgya bsgrub pa'i cho ga bstan par bya ba'i phyir/ de nas yang bcom ldan 'das zhes bya ba la sogs pa gsungs te/ de nas zhes bya ba ni gnas skabs so/ /yang zhes bya ba ni las kyi dkyil 'khor la ltos pa'o/ /bcom ldan 'das zhes bya ba ni bshad zin to//de bzhin gshegs pa thams cad kyang yin la/ rdo rje yang yin pas na de bzhin gshegs pa thams cad kyi rdo rje ste/ de bzhin gshegs pa thams cad kyi rdo rje de rnams kyi dam tshig gi phyag rgya yin pas na de bzhin gshegs pa thams cad gyi rdo rje'i dam tshig gi phyag rgya'o/ /de byin gyis brlab pa'i phyir ting nge 'dzin gang don dang mthun pa'i ming 'di nyid ces bya ba'i ting nge 'dzin de la snyoms par zhugs pa'o//'di zhes bya ba ni thugs la gnas pa'o/ /de gang yin zhe na/ rang gi rig pa dam pa zhes bya ba gsungs te/ ma rig pa gzhom par bya ba'i phyir ye shes bstan pa gang yin pa de ni rig pa'o//de yang rnam pa mang bas de rnams kyi mchog gang yin pa de ni rig pa dam pa'o/ /de ci zhig mdzad ce na/ gsungs so zhes bya ba ste bka' stsal to zhes bya ba'i don to/ /ji ltar bcom ldan 'das rnam par snang mdzad kyis rang gi rig pa dam pa gsungs pa de bzhin du/phyag na rdo rje la sogs pa rig pa'i rgyal po bzhis kyang rang rang gi rig pa dam pa gsungs pa yin no/ /de ltar bstan pa'i rig pa dam pa rnams kyi phyag rgya bzhi'i dkyil 'khor/ bcom ldan 'das phyag na rdo rje ston par mdzad pa'i phyir/ de nas zhes bya ba la sogs pa gsungs te/yang zhes bya ba ni theg pa chen po mngon par rtogs pa'i phyag rgya bzhi'i dkyil 'khor la ltos nas bstan pa'o/ /de nas zhes bya ba ni de ma thag pa'o/ /las kyi dkyil 'khor gyi rjes thogs la'o/ /phyag rgya bzhi'i dkyil 'khor med par thabs sla bas phyag rgya 'grub par mi 'gyur te/ de'i phyir rab tu bshad bya ba//zhes bya ba gsungs te/ yang dag par bshad par bya ba'o/ /ci zhig bshad par bya zhe na/ de'i phyir/ phyag rgya'i dkyil 'khor dam pa ste/ /zhes bya ba gsungs so/ /ci 'dra ba zhig ce na/ rdo rje dbyings dang 'dra bas na/ /zhes bya ba gsungs so/ /ming ji skad du bya zhe na/rdo rje khro bo zhes bshad do/ /zhes bya ba gsungs te/ ming rdo rje khro bo zhes bya'o zhes bya ba'i don to/ /ji ltar bri bar bya zhe na/de'i phyir/ dkyil 'khor chen po'i tshul du ni/ /dkyil 'khor thams cad srad bu bre/ /zhes bya ba gsungs so/ /phyag rgya rnams ji ltar dgod par bya zhe na/ de bstan pa'i phyir/ sangs rgyas kyi ni phyogs kun du/ /'jig rten gsum rgyal la sogs bri/ /zhes bya ba gsungs pa yin no/ /'di skad ston te/ dbus su bcom ldan 'das rnam par snang mdzad dgod la/ mi bskyod pa la sogs pa'i gnas su ni 'jig rten gsum las rnam par rgyal ba la sogs pa'i phyag rgya bri bar bya'o//de nas zhes bya ba ni gnas skabs so/ /dkyil 'khor 'dir zhes bya ba ni bshad ma thag pa'o/ /dgug pa la sogs pa'i cho ga rgyas pa ji ltar bya zhe na/ de'i phyir dkyil 'khor chen po'i tshul du zhes bya ba gsungs te/ dkyil 'khor chen po ni 'jig rten gsum las rnam par rgyal ba yin par gzung ste/ de'i tshul du zhes bya ba ni de'i cho gas so/ /dgug pa la sogs pa'i cho ga rgyas par bya ste zhes bya ba ni dgug pa la sogs pa'i cho ga rgyas pa gang yin pa de byas nas so/ /'di skad ston te/ dgug pa dang / gzhug pa dang / bcing ba dang / dbang du bya ba dang / las kyi phyag rgya dang / dam tshig gi phyag rgya dang / chos kyi phyag rgya rnams nye bar bstan cing / mchod pa dbul ba dang / bshos dang gtor ma la sogs pa bya bar cho ga rgyas pa zhes bya ba thams cad yongs su gzung ngo / /dkyil 'khor gyi bya ba 'di dag thams cad byas nas slob ma bcug ste/ phyag rgya bzhi'i dkyil 'khor bris nas zhes bya ba 'dis ni phyag rgya bsgrub pa la gsang bas stobs can du 'gyur ba'i phyir thams cad nas thams cad du mi bsgrags par ston to//chos nyid dag brjod la zhes bya ba ni chos thams cad rang bzhin gyis dag pa'o zhes brjod cing / de lta bur lhag pa'i bsam pas mos par byas la/ bud med lhan cig gnas na ni/ /zhes bya ba bud med ni dam tshig gi phyag rgya ste/rigs gang gi bzlas brjod byed pa de'i phyag rgya gang bsgrub par 'dod pa de'i dam tshig gi phyag rgya bcings la/ phyag rgya de bcings pa nyid dang / mtshan thog thag lhan cig 'dug pas na gnas pa'o/ /rang bzhin gyis dag pa'i dgos pa yang 'di yin te/ mchil ma dang snabs dang / bshang ba dang gci ba la sogs pa byung na yang chos nyid rang bzhin gyis dag pa brjod la/phyag rgya mi dgrol bar ji srid mtshan ma bzhis dngos grub bzhir gsungs pa thob kyi bar du mtshan thog thag de nyid dang lhan cig gnas par bya'o/ /rang gis bri zhes bya ba la sogs pa ni bshad zin to/ phyag rgya de bzhin du bcings la/dgos pa thams cad byas nas chos nyid dag pa brjod de/ de dang lhan cig gnas shing chags pas bltas na/ /grub pa yang ni 'thob par 'gyur/ /zhes bya ba mchog tu dga' bas blta zhing yun ring po nas bsams pa'i yid la re ba de/ deng bcom ldan 'das kyis bdag la yongs su rdzogs par mdzad do zhes de ltar bsam zhing /mchog tu dad cing dga' bas de la mig tshugs su blta bar bya ste/ gzhan du g.yeng bar ma byed cig ces bya ba'i don to/ /gzhan dag las kyang / gzugs de la ni zhugs pa bzhin/ /gus pas zhu ba lta bu dang / /de mthong ma lus 'thungs lta bus//ring por mi thogs dngos grub 'thob/ /ces ji skad bshad pa lta bu'o/ /'dir dgug pa la snying po ni gtso bo yin par bshad mod kyi/ 'on kyang der mchog tu dad pas lta bar byed pa na 'bar ba'i lta bas dgug pa'i dngos grub 'gyur gyi/ gzhan gyis ni ma yin no/ /snying po bzhi char la yang phyag rgya la chags pas mig tshugs su lta dgos par shes par bya'o//de bzhin du phyag rgya bzhi'i dkyil 'khor bris te/ bya ba thams cad byas la chos nyid dag pa brjod de/ bud med mdzes pa la chags pas mig tshugs su blta'o/ /de yang gang yin zhe na/ bsgrub par bya ba'i phyag rgya ste/de yang chos kyi phyag rgya la bya'o/ /de dang sprad pa ni chos kyi sgo zab cing rgya che ba rnams kyi phan tshun bsre bar byas pa ste/ rang bzhin gyis dag pa'i chos nyid kyis na chos thams cad kyi sgo phan tshun 'gal ba med par rtogs pa'o/ /'di ni de dang dang por sprad pa ste/ chos kyi sgo 'dres par bsgrubs pa'i phyir/chos kyi rigs su phyag rgya bsgrub na chos bsgoms pas des kyang dngos grub 'thob par 'gyur ro/ /de'i phyir bud med mdzes ma la sprad pas 'grub ces bshad pa yin no/ /rang gis phyag rgya bzhi'i dkyil 'khor bris nas chos nyid dag pa brjod la zhes pa chos thams cad rang bzhin gyis dag pa'o zhes bsgom bzhin du chags pas mig tshugs su blta ste/lhan cig 'khyud na zhes bya ba kun nas 'khyud pa ste/ 'di ni bsrung ba'i phyag rgya'o/ /de nas bsrung ba'i dngos po de rang gi lus su bcug la/ rdo rje bsrung ba la sogs pa bcing ba'am snying po la sogs pa bzla bar bya'o//gang rang gi lus kyi nang du bcug pa kun nas 'byar bar byed pa de la ni lhan cig 'khyud pa zhes bya ba/ de bas na lhan cig 'khyud na dngos grub kun 'thob pa zhes bya ba gsungs pa yin no/ /kun zhes smos pas ni dngos grub ma lus pa yang dag par ston pa'i don to//bsams pa'i don sbas pas ni 'khrul pa'i rgyu byed de/ de lta bas na 'di la gsang ba zhes bya'o/ /da ni gsang zhing sbas pa'i phyag rgya bshad de/ dkyil 'khor 'dir ni zhugs nas kyang / /zhes bya ba la sogs pa la/ dkyil 'khor du zhugs pa ni phyag rgya bzhi'i dkyil 'khor de sngags pa rang nyid kyis bris nas sgrub pa'i tshe bya ba thams cad rdzogs par byas la/chos nyid rang bzhin gyis dag pa'o zhes brjod nas mchil ma dang / snabs dang / bshang ba dang / gci ba byung ba la sogs pa dag par bya'o/ / chags pas lta ba ni mi g.yeng ba'i don to/ /sprad pa ni dngos grub mngon du phyogs par bya ba'i phyir chos nyid bsgom pa'o/ /'khyud pa ni go cha'i phyag rgyas bdud kyi las thams cad bsal bar byas so/ /'dod pa'i yon tan lnga yis ni/ /zhes bya ba ni lha dang mi rnams kyi yid du 'ong ba'i gzugs dang /yid du 'ong ba'i sgra dang / yid du 'ong ba'i dri dang / yid du 'ong ba'i ro dang / yid du 'ong ba'i reg bya rnams kyis mnyam par 'jog pa'i yid dga' bar bya zhing mchod par bya'o/ /bud med mchog ces bya ba la bud med ni bsgrub par bya ba'i phyag rgya'o/ / mchog ni dam pa ste/ de rnams rnam pa sna tshogs pa'i yid kyi mchod pa rnams kyis mgu bar byas na sngags pa de shin tu grub pa 'thob par 'gyur ro zhes pa'o/ /'di ni dngos grub bzhi char gyi yang sdud par byed pa yin te/ yi ge gzhan du sbas pas na gsang ba zhes bya'o/ / snying po 'di brjod pas ni yid kyi mchod pa de dag thams cad phyin ci ma log par gnas par 'gyur ro/ /de ltar bsgrub pa dang / dngos grub dang / sgrub pa'i thabs bstan nas/ da ni phyag rgya bzhi'i dkyil 'khor gyi dam tshig gi phyag rgya bstan par bya ba'i phyir/ rdo rje mnan pa'i rtse gsum pa'i phyag rgya la sogs pa zhes bya ba ni rdo rje mnan pa'i rtse gsum pa'i phyag rgya dang por byas pa gang yin pa de ni rdo rjes mnan pa'i rtse gsum pa'i phyag rgya la sogs pa'o//gang zhig ce na/ dam tshig gi phyag rgya zhes gsungs pa'o/ /ji snyed cig ce na/ gzhi rnams so/ /gang du zhe na/phyag rgya'i dkyil 'khor du'o/ /cho ga rgyas pa dang ldan pa zhes bya ba ni cho ga rgyas pa'i mtshan nyid can dang ldan pa'i cho ga rgyas pa yin pas na cho ga rgyas pa dang ldan par ro/ /bslabs te zhes bya ba ni bstan pa'o/ /phyag rgya bzhi'i tshul 'dis zhes bya ba ni 'og nas bshad pa rnams kyis so/ / rdo rje sil snyan dang rnga dang brdung ba rnams brdabs nas zhes bya ba ni gsang ba'i dkyil 'khor du gsungs pa'i rdo rje sil snyan dang / rnga dang brdab pa nang gi dkyil 'khor du bstan pa'i sil snyan gyi bye brag dang / phyi'i dkyil 'khor gyi grar bstan pa'i sil snyan gyi bye brag de dag gi phyag rgya bcing ba dag snying po brjod pas rdo rje sil snyan dang /rnga dang brdung ba rnams dbul lo/ /gzhan yang rdo rje sems dpa' bsdus pa'i bstod pa'i glu blangs la phyag rgya dang / lan gyi phyag rgya dang / nye ba'i phyag rgya dang / ye shes kyi phyag rgya rnams kyis gar dang dbul ba'i mchod pa bya'o/ /de lta bas na gsang ba'i dkyil 'khor las bstan pa'i gar dang /lan gyi gar dang / nye ba'i gar dang / ye shes kyi gar gyi phyag rgya de dag nyid dngos su bstan pa dag gis kyang 'dir mchod par bya ba yin no/ /de kho na nyid bsdus pa'i rgya cher bshad pa ko sa la'i rgyan las 'jig rten gsum las rnam par rgyal ba'i phyag rgya'i dkyil 'khor gyi 'grel pa'o// //de ltar phyag rgya bzhi'i dkyil 'khor du gtogs pa'i gsang ba'i dngos grub rdzogs par mdzad nas/ da ni phyag rgya gcig pa'i dkyil 'khor du gtogs pa'i dngos grub bstan pa'i phyir/ de nas zhes bya ba la sogs pa gsungs te/de nas zhes bya ba ni gnas skabs so/ /yang zhes bya ba ni phyag rgya bzhi'i dkyil 'khor la ltos pa'o/ /phyag na rdo rje mnga' bas na phyag na rdo rje'o/ /rang gi rdo rje dam tshig ces bya ba ni rang gi rdo rje 'di dam tshig yin pas na rang gi rdo rje'i dam tshig ste/dam tshig ni gzhung lugs rnam par gzhag pa'o/ /rang gi rdo rje dam tshig de'i khro bo rnams kyi dam tshig yin pas na khro bo'i dam tshig go/ /'dir dam tshig gi snying po dang / phyag rgya dang / lha mo rnams la bya'o/ /'di zhes bya ba ni 'og nas bshad pa'o/ /de nas zhes bya ba ni 'das ma thag pa'o//'di zhes bya ba ni sngags kyi'o/ /dkyil 'khor bshad pa zhes bya ba ni dam tshig gi phyir ro/ /gsang ba'i dkyil 'khor zhes bya ba ni bsdus pa'i dkyil 'khor ro/ /ji lta bu zhe na/ dam pa ste zhes bya ba'o/ /ci 'dra ba zhig ce na/rdo rje dbyings dang 'dra bas na/ / zhes pa ste/ rdo rje dbyings dang mtshungs pa'o/ /ming ji skad du bya zhe na/ rdo rje hUM zhes bya ba ste/ /zhes gsungs te/ ming rdo rje hUM mdzad ces bya ba'o/ /dkyil 'khor chen po'i tshul du ni/ /zhes bya ba ni dkyil 'khor chen po dang 'dra ba ste/ dkyil 'khor chen po ni 'jig rten gsum las rnam par rgyal ba'o//de'i dbus su zhes bya ba ni dkyil 'khor gyi dbus su ste/ rnam par snang mdzad kyi gnas su'o/ /der ci zhig bya zhe na/ legs bri ba zhes bya ba'o/ /su zhig bri zhe na/ rdo rje 'dzin to/ /gang du zhe na/ zla ba'i dkyil 'khor du'o/ /ci 'dra bar zhe na/ rdo rje hUM gi phyag rgya ste/ / lag na 'dzin pa rdo rjer bcas/ /zhes bya ba ste/ rdo rje hUM mdzad kyi phyag rgya chen po yin pas na rdo rje hUM gi phyag rgya zhes bya'o/ /phyag gnyis ni rdo rje gang zhig 'chang bar mdzad pa de ni rdo rje 'dzin pa'o/ /rdo rje ldan par gnas pas na rdo rjer bcas zhes bya ste/ de ltar na/ rdo rje hUM gi phyag rgya che/ /lag na 'dzin pa rdo rjer bcas//zhes bya'o/ /'di skad ston te/ phyag gnyis 'jig rten gsum las rnam par rgyal ba'i phyag rgya bcings shing / rdo rje dang bcas par rdo rje hUM mdzad bri bar bya'o zhes ston to/ /da ni yang bye brag tu bya ba bstan pa'i phyir/ brkyang bskum tshul du gnas pa dang / /zhes bya ba gsungs te/brkyang bskum ni bshad zin to/ /kha dog gzugs ni ji bzhin bya/ /zhes bya ba ni/ ut+pal sngon po'i mdangs 'dra bas/ /zhes bya ba la sogs pas bstan pa'o/ /de nas zhes bya ba ni gnas skabs te/ bstan ma thag pa'o/ /gsang ba'i dkyil 'khor zhes bya ba ni phyag rgya gcig pa'i dkyil 'khor ro//cho ga rgyas pa thams cad bya ste zhes bya ba ni dgug pa dang / gzhug pa dang / bcing ba dang / dbang du bya ba dang / mchod pa dang / bshos dang / gtor ma la sogs pa bya bar ston to/ /rdo rje hUM zhes bya ba'i gsang ba'i phyag rgya'i ye shes bslab bo zhes bya ba ni bstan to zhes bya ba'i don to//dkyil 'khor 'dir ni zhugs nas kyang / /zhes bya ba ni dkyil 'khor 'di bris te zhugs nas kyang ngo / /'jig rten gsum rgyal mdzub mo ni/ bu gar bcug nas zhes bya ba ni gal te mdzub mo g.yas pa bsgrub par 'dod na g.yon pa'i rdo rje khu tshur bcings la/'jig rten gsum las rnam par rgyal ba'i mdzub mo g.yas pa sdigs mdzub kyi tshul du byas pa bcug ste/ sngags dang sbyar zhing bsgrubs na las thams cad 'grub par 'gyur ro/ /gal te g.yon pa bsgrub par 'dod na g.yas pa de bzhin du rdo rje khu tshur bcings la/ g.yon pa'i mdzub mo bcug ste bsgrubs na de bzhin du 'grub par 'gyur ro//de ltar dam tshig gi phyag rgya'i dngos grub bstan nas/ da ni phyag rgya chen po'i dngos grub bstan par bya ba'i phyir/ de nas zhes bya ba la sogs pa gsungs te/ de nas zhes bya ba ni de'i rjes thogs la'o/ /rdo rje hUM zhes bya ba'i gsang ba'i phyag rgya zhes bya ba ni gsang ste byung bas na gsang ba ste/sgrub pa'i dkyil 'khor re rer zhugs pa dang / rtse gcig par gyur na snang ba skye ba gang yin pa de ni rdo rje hUM zhes bya ba'i gsang ba'i phyag rgya ste/ de'i ye shes bslab par bya'o/ /da ni/ dkyil 'khor legs par zhugs nas ni/ / zhes bya ba la sogs pas de ston pa yin te/ legs par zhes bya ba ni sngon du bsnyen pa byas pa dang / rdo rje phra mo dgod pa sngon du 'gro ba'i rdo rje hUM mdzad kyi phyag rgya chen po sngar yang bsgoms pa dang / dkyil 'khor gyi las la mkhas pa dang / yo byad dang ldan pa dang / grogs bzang po yod pa dang /grub pa'i mtshan ma thob na legs par zhugs pa yin no/ /phyag rgya chen po mchog gnas pa/ /zhes bya ba la/ phyag rgya chen po zhes smos pa ni rdo rje hUM mdzad kyi phyag rgya chen po gzung ngo / /mchog smos pa ni bsgom pa phul du byung ba la bya ste/ de la gnas pas na mchog tu gyur pa'o//gnas na rdo rje hUM zhes bya ba ni lhan cig tu gnas pa'o/ /gang dang lhan cig gnas she na/ 'jig rten gsum las rnam par rgyal ba'i dam tshig gi phyag rgya dang ngo / /'di skad ston te/ 'jig rten gsum las rnam par rgyal ba'i dam tshig gi phyag rgya bcings la/ rdo rje hUM mdzad kyi phyag rgya bsgom zhing mtshan thog thag lhan cig tu gnas pa'o//de ltar gnas pa 'dis cir 'gyur zhe na/ de'i phyir rdo rje hUM zhes bya ba gsungs so/ gal te rdo rje hUM zhes bya bar gyur na de ci zhig byed par 'gyur zhe na/ de'i phyir/ las rnams kun ni byed par 'gyur/ /zhes bya ba gsungs pa yin no/ /de nas phyag rgya bzhi bcing ba ji lta ba bzhin du bslab bo zhes bya ba ni gal te der gzhan dag kyang zhugs par gyur na/de nas de la phyag rgya bzhi bcing ba ji lta ba bzhin du bslab ste/ phyag rgya chen po la sogs pa yang de bzhin du 'grub par 'gyur ro/ /dkyil 'khor gyi dngos grub ji ltar gsungs pa dang / phyag rgya gcig pa'i dngos grub sa la bris pa'i dkyil 'khor la ji ltar bstan pa de bzhin du ras dang rtsig pa la sogs pa la dkyil 'khor bris pa la yang de dang 'dra bar shes par bya'o/ /gzugs thams cad la yang zhes bya ba ni gser la sogs pa las byas pa zhig yin na yang dngos grub tu 'gyur bar rig par bya'o//de kho na nyid bsdus pa'i rgya cher bshad pa ko sa la'i rgyan las 'jig rten gsum las rnam par rgyal ba'i phyag rgya gcig pa'i dkyil 'khor gyi 'grel pa'o// //de ltar dkyil 'khor drug yongs su rdzogs par mdzad nas/ da ni bcom ldan 'das phyag na rdo rjes rtog pa chen po'i rgyal po 'di yun ring du gnas par bya ba'i phyir de bzhin gshegs pa thams cad la bos te/bcom ldan 'das de bzhin gshegs pa thams cad kyis bdag gi rigs 'di la byin gyis brlab tu gsol/ ci nas kyang sems can thams cad ji ltar dga' ba bzhin du bgyis kyang dngos grub thams cad thob par bgyi ba'i slad du'o zhes bya ba ni byin gyis brlab par gsol ba yin te/dka' ba med pas dngos grub thams cad thob par mdzod cig ces bya ba'i don to/ /de ltar bcom ldan 'das phyag na rdo rjes gsol ba btab pa dang / de nas de'i rjes thogs nyid la bcom ldan 'das de bzhin gshegs pa thams cad 'dus te zhes bya ba ni theg pa chen po mngon par rtogs pa'i rtog pa'i rgyal po'i snyoms par zhugs pa la ltos te/'jig rten gsum las rnam par rgyal ba'i rtog pa'i rgyal po la byin gyis brlab pa'i phyir/rdo rje sems dpa' zhes bya ba la sogs pa bka' stsal pa yin te/ de bas na legs so zhes bya ba bzhi dang / legs par bshad pa'i tshig gis byin gyis brlab cing bdag gi mdzad pa yongs su gzung ba yin no/ /rdo rje rnams kyi theg pa yin pas na rdo rje'i theg pa ste/ rdo rje ni sangs rgyas dang byang chub sems dpa' thams cad yin la/de rnams kyi theg pa yin pas na rdo rje'i theg pa ste/ de bzhud pa'i phyir ro/ /de ji lta bu zhe na/ bla na med pa ste/ 'di'i gong na gzhan med pa'i phyir bla na med pa'o/ /de bzhin gshegs pa thams cad kyi sku 'jig rten gsum las rnam par rgyal ba'i gzugs su ston pas na gsang ba'o//ci'i phyir nyid kyi sku sbas te rdo rje hUM mdzad la sogs pa'i gzugs kyis bzhugs she na/ de ni theg pa chen po la sems can gdul ba'i thabs kyi rnam pa dpag tu med pa yod pa'i nang na gtso bo yin pa'i phyir theg pa chen po mngon du 'dus pa'o/ / 'o zhes bya ba'i sgra ni yongs su rdzogs pa'o/ /de bzhin gshegs pa thams cad kyi rdo rje'i dam tshig yin pas na/ de bzhin gshegs pa thams cad kyi rdo rje'i dam tshig ste/ gang gi phyir de bzhin gshegs pa thams cad mngon par rdzogs par sangs rgyas pa nyid 'jig rten gsum las rnam par rgyal bar mdzad de/de las de bzhin gshegs pa thams cad kyi dam tshig ces bya'o/ /de lta bu'i de bzhin gshegs pa thams cad kyi rdo rje'i dam tshig gi rtog pa chen po'i rgyal po las/ rdo rje chen po ni rdo rje hUM mdzad de/ de'i rtog pa'i cho ga rgyas pa ste/ de'i rtog pa'i rab tu byed pa yongs su rdzogs so// //de kho na nyid bsdus pa'i rgya cher bshad pa ko sa la'i rgyan las 'jig rten gsum las rnam par rgyal pa'i rtog pa'i 'grel pa'o// // @##/ /de ltar ji skad du bshad pa'i tshul gyis theg pa chen po mngon par rtogs pa'i rtog pa bla na med pa'i chos kyi rgyal po brnyes pa dang / 'jig rten gsum las rnam par rgyal ba bla na med pa mdzad par bstan nas/rnam par rgyal ba rnams kyi gnas rnam par dgod pa bstan pa'i phyir/ de nas bcom ldan 'das zhes bya ba la sogs pa gsungs te/ de nas zhes bya ba ni gnas skabs so/ /rnam par rgyal bar mdzad pa'i sa gsum gyi skye bo rnam par gzhag pa'i nang na/lha chen po ni mchog yin la de yang dkyil 'khor thams cad du zhugs nas phyag na rdo rje'i zhabs kyi mthil gyi 'og nas srog gi dbang po dang bral bar gnas te/ de bas na de las thar bar bya ba'i phyir yang /bcom ldan 'das de bzhin gshegs pa thams cad 'dus te zhes gsungs pa yin no/ /'jig rten gsum las rnam par rgyal bar gsol ba gdab pa'i phyir/ sngar 'dus pa mdzad pa yin la de la ltos pas na yang zhes gsungs so//mkhyen bzhin du zhes bya ba ni 'di ni ma shi ba dang / bdag cag gis bskul na/ gdon mi za bar gtong ngo zhes de ltar mkhyen bzhin du/ byang chub sems dpa' chen po phyag na rdo rje la bka' stsal pa/bcom ldan 'das de bzhin gshegs pa thams cad kyi bka' nyon cig ces gsungs so/ /mnyan par bya ba'i bka' de yang gang yin zhe na dbang phyug chen po'i lus 'di khyod kyi rkang pa'i 'og nas gtang bar byos zhes bya ba 'di ni mnyan par bya ba'i bka' yin no//de skad ces bka' stsal pa dang / bcom ldan 'das phyag na rdo rjes de bzhin gshegs pa thams cad la 'di skad ces gsol to/ /bdag ni bcom ldan 'das kyis ma rungs pa thams cad gdul ba'i khro bor dbang bskur nas/de bdag gis bkum lags na/ ji ltar bdag gis de gtang bar bgyi/ bcom ldan 'das phyag na rdo rjes de skad ces gsol pa dang / de bzhin gshegs pa thams cad kyis dbang phyug chen po'i lus de gso ba'i phyir/shi ba'i rnam par shes pa dgug pa'i snying po 'di bka' stsal to/ /shi ba zhes bya ba ni brgyal ba la bya ste/ de'i rnam par shes pa gnyid kyis log pa'i 'du shes kyis yul gzhan dang /'gro ba gzhan dang / phyogs gzhan du rmi lam zhes bya ba'i snang ba bskyed do/ /gnyid log pa de rmi lam du sad par byed pa'i rkyen mthong ba gang yin pa de rnam par shes pa de'i sngon gyi gzhi las skyes pa'i rgyu byed pa la ni sad par byed pa zhes bya ste/dper na skyes bu dug gis zin pa'i lus ni g.yo ba med cing gnyid stug pos non pa dang 'dra bar gnas so/ /de'i rnam par shes pa de yang brgyal bar gyur cing / mun nag thibs pos bkab pa bzhin du 'du shes med par gnas so/ /mun nag gi gnas lta bu dug gis myos pa de sngags pa 'ga' zhig gis bsal bar byas pa dang /des de'i brgyal ba bsal bas rnam par shes pa de'i mun nag sel bar byed pa zhes bya'o/ /lus der 'du shes gsal ba bskyed pa'i phyir rnam par shes pa 'jug pa'o zhes kyang bya'o/ /de bzhin du 'dir yang dbang phyug chen po'i lus dug dang gnyid kyis non pa bzhin du brgyal bar gnas la de'i rnam par shes pa de yang rnal 'byor pa rnams kyis rnal 'byor la mnyam par gzhag pa'i mthus/'jig rten gyi khams thal bas khebs pa zhes bya bar rmi lam gyi rnam par shes pa ltar 'gro ba gzhan dang / yul gzhan du bdag gi lus phyin pa snyam du sems so//de bzhin du thal bas khebs pa'i 'jig rten gyi khams der bdag nyid sangs rgyas par snang bar rmi lam ltar sems so/ /de nas snying po 'dis rmi lam lta bu'i rnam par shes pa zhes gang bshad pa rnal 'byor bsgoms pas 'phangs te shi bar btags pa gnyid kyis log pa dang 'dra ba'i rnam par shes pa gang yin pa de/de bzhin gshegs pa snyam du snang ba skye ba las phyag na rdo rje'i zhabs kyi mthil gyi 'og nas phyung zhing / rnal 'byor pa'i byin gyi rlabs bsdus pa dang / gnyid log pa las sad pa dang 'dra bar/ slar yang dbang phyug chen po'i lus rnam par smin pa las skyes pa'i gzugs bdag nyid yin no snyam pa'i so sor snang ba skyes te/de lta bu 'di la ni shi ba'i rnam par shes pa 'gugs pa zhes bya'o/ /de nas 'di'i phyag rgya bcings pa bshad de/ gsang ba'i lcags kyu bsdam byas te/ /zhes bya ba la sogs pa la/ gsang ba'i lcags kyu ni rdo rje bsdams pa nang du bcings la mdzub mo gnyis lcags kyu'i tshul du gzung ngo //de ltar bcings nas/ mtha' ma mnyam du brkyangs nas ni/ /zhes bya ba la mthe'u chung gnyis mnyam du brkyang bar bya'o/ /shi ba'i mgo bor bzhag na ni/ /zhes bya ba ni brgyal ba'i spyi bor bzhag la/ sngags pas yid kyis sems can rkyen gang gis brgyal bar 'gyur ba de dang rjes su mthun pa'i gnyen po bsal bar bya ste/zhabs kyi mthil gnyis kyi zla ba'i bla ma'i byang chub kyi sems kyi phyag rgya las byung ba'i bdud rtsi'i chus dbang bskur zhing / sems can de'i cha byad ji lta bu yin pa de lta bu'i cha byad du gshin rje'i yul nas phyag rgya 'dis drangs te spyi bor bzhag la spyi bo nas lus kyi yan lag thams cad du gzhug par bya'o//de nas yan lag thams cad kyang sor chud pas rtsol ba dang bcas pa dang / g.yo ba dang bcas par gyur pa'am/ de'i lus kyi nang du bcug ma thag tu langs te 'dug gam/ bgreng bar bsams la lce la rdo rje bsams na langs pa'am smra bar 'gyur ro//de ltar bcom ldan 'das kyi man ngag las/ bcom ldan 'das phyag na rdo rje sngags dang / phyag rgya mdzad pa dang / de nas de bzhin gshegs pa thams cad 'jig rten gyi khams de dag nas byon te/ de'i lus kyi nang du zhugs par gyur nas ched du brjod pa 'di ched du brjod do//e ma'o zhes bya ba ni ngo mtshar du gyur pa'o/ /ci zhig ngo mtshar yin zhe na/ sangs rgyas ye shes bla na med/ /ces bya ba ste/ shin tu khyad par du 'phags pa'o/ /sangs rgyas kyi ye shes 'dir ci'i phyir ngo mtshar che zhe na/ gang phyir shi ba'i lus 'di yang / /'tsho ba'i khams su gyur pa yin//zhes bya ba'o/ /de ltar 'tsho bar mdzad nas bcom ldan 'das phyag na rdo rje rkang pa 'degs pa zhes bya ba'i snying po 'di gsungs te/ de ltar de bzhin gshegs pas lus de la 'tsho ba'i khams dang ldan par mdzad cing / dbang po nyams pa med pa/ rnam par shes pa skye bar 'os par mdzad nas rkang pa bteg pa zhes bya ba'i snying po gsungs pa yin no//'di'i phyag rgya bshad de/ rdo rje khro bo'i mdzub legs par/ zur sprad bsdams te bzhag na ni/ /zhes bya ba ni rdo rje khro bo gnyis kyi mdzub mo gnyis gcig la gcig zur sprad la brtan por byas la bzlog ste/ de nas rdo rje zhes bya ba la ltung ba bzlog pa'i rdo rje 'og tu song bas dbyung bar bya ba'i dngos po bzung la/snying po 'dis slar gdeg cing / phyag rgya gyen la bstan te dgrol bar bya'o/ /'di gsungs ma thag tu zhes bya ba ni rkang pa 'degs pa'i phyag rgya'i sbyor bas rdo rje 'dzin pa chen po'i zhabs kyi 'og nas lha chen po thar par rang gis shes par gyur to/ /de nas zhes bya ba ni gnas skabs so//dbang phyug chen po'i lus de de bzhin gshegs pa des zhes bya ba ni thal ba'i dbang po'i dbyangs kyis so/ /sos par byin gyis brlabs te zhes bya ba ni tshe dang drod dang rnam par shes pa dang ldan par byas pa'o/ /'di skad ston te/ rnal 'byor pa rnams kyi rnal 'byor gyi mthus gang thal bas khebs pa'i 'jig rten gyi khams su thal ba'i dbang po'i dbyangs yin no snyam du snang ba skyes pa myong ba'i rnam par shes pa de yang bcom ldan 'das phyag na rdo rje'i rnal 'byor bsgoms pas 'phangs pa'i zhabs bteg pa des/rnam par smin pa'i lus kyi dbang po rnam par shes pa dang ldan par mdzad pa'o//'jig rten gyi khams 'dir ni zhes bya ba ni mi mjed kyi 'jig rten gyi khams 'dir rgyal tshab tu bzhag pa'o/ /de ci'i phyir zhe na/ sems can thams cad kyi don dang zhes bya ba ste/ sems can thams cad kyi don bsgrub par bya ba'i phyir ro/ /ma rungs pa thams cad gdul ba'i phyir zhes bya ba ni ma rungs pa'i sems can rnams gdul ba'i phyir drag po zhes kyang bshad do//nyid kyi rgyal tshab tu bcug go zhes bya ba la/ rgyal po ni bcom ldan 'das rdo rje 'dzin pa ste/ lha chen po ni de'i rgyal tshab po/ /gzhan yang rang gi rigs kyi mtshan ma de spyi bor gzhag par bya ba'i phyir/ bcom ldan 'das phyag na rdo rje'i nyid kyi zhabs kyi mthil nas zla ba'i bla ma zhes bya ba de bzhin gshegs pa thams cad du gtogs pa'i byang chub sems kyi phyag rgya byung ngo //de nas 'di'i phyag rgya bcings pa bshad de/ lha chen po'i rnal 'byor la gnas pa'i rnal 'byor pa de brlan pa phyag na rdo rje'i zhabs kyis mnan pa'i phyogs gang du phyag rgya dang rig par bcas te bzhag pa gang yin pa'o//phyag rgya 'di'i mtshan nyid ni gsal ba nyid yin no/ /de nas 'di byung ma thag tu zhes pa ni rig pa'o/ /zhabs kyi mthil de las zhes bya ba ni phyag na rdo rje'i zhabs kyi mthil las so/ /zla ba'i bla ma de bzhin gshegs pa zhes bya ba ni gang gis byang chub kyi sems bsgom pa'i sgo nyid nas yon tan thams cad bsdus pa 'di ni zla ba'i bla ma de bzhin gshegs pa de/zla ba'i dkyil 'khor lta bu'i byang chub kyi sems bsgom pa ste/ byang chub kyi sems bsgom pa gtso bor gyur pa'i phyir ro/ /phyag na rdo rje yang sems can rnams gdul ba'i phyir/ bcom ldan 'das rdo rje /hUM mdzad kyi skur bzhugs te/ sku de yang sangs rgyas rnams kyi rdul phra rab bsags pa'i ngo bo nyid do/ /de bas na phyag na rdo rje'i zhabs kyi mthil nas/ de bzhin gshegs pa ji ltar byung zhes rnam par rtog pa mi bya'o/ /lhag ma rnams ni go sla'o/ /de nas zhes bya ba la sogs pa ni bcom ldan 'das phyag na rdo rjes ji skad du bshad pa'i tshul gyis/lha chen po'i lus la 'tsho ba'i dbang po byin zhing zhabs kyi 'og nas kyang btang ste/ zla ba'i bla ma byang chub kyi sems kyi phyag rgyas kyang dbang bskur ro/ /sngar ni stobs kyis gcer bur phyung ste dkyil 'khor du bcug pa yin gyi/ da ltar ni de bzhin gshegs pa thams cad kyis phyag na rdo rje'i grogs su dbang bskur ba yin no//phyag na rdo rje'i zhabs kyi mthil la reg pas byang chub kyi sems kyis byin gyis brlabs pas na byang chub sems dpa'o/ /sems can gyi tshogs chen po'i don byed par bskos pas na sems dpa' chen po'o/ /mdung rtse des zhes bya ba ni rdo rjes mtshan pa'i mdung rtses so//nga rgyal dang khengs pa dang dregs pa dang bral zhing yang dag pa'i lam rnyed par dka' bar 'gyur ba'i phyir mgal me'i 'khor lo ltar bskor zhing zhes bya ba mdung gi yu ba bskor ba'i tshul gyis te/ bcom ldan 'das phyag na rdo rje dang de bzhin gshegs pa thams cad la gar gyi mchod pas mchod pa byas nas 'og nas bshad pa'i ched du brjod pa 'di ched du brjod do//e ma'o zhes bya ba ni ngo mtshar du gyur pa'o/ /su zhig gi ngo mtshar zhe na/ sangs rgyas thams cad kyi zhes bya ba'o/ /ci zhig ngo mtshar che zhe na/ byang chub sems ni bla na med/ /ces bya ba'o/ /ji ltar ngo mtshar du gyur pa yin zhe na/gang gi phyir/ zhabs mchog gis ni gang reg pa'am/ /sangs rgyas nyid du grub pa 'thob/ /ces bya ba'o/ /'di skad ston te dpal rdo rje 'dzin pa'i zhabs kyi mthil gyis reg pa tsam gyis byang chub kyi sems kyi yon tan rnams skyes shing / thal ba'i dbang po'i dbyings kyi sangs rgyas su 'gyur te/rang gi sangs rgyas kyi zhing rang la snang ba'i gnas skabs ched du brjod pa yin no/ /de nas byang chub sems dpa' chen po phyag na rdo rje zhes bya ba ni lcang lo can na gnas pa'o/ /rdo rje khro bo'i ting nge 'dzin de las langs nas zhes bya ba ni khro bo'i ting nge 'dzin la snyoms par zhugs nas gnas pa'o/ /gang gi zhe na/de bzhin gshegs pa ste/ de bzhin gshegs pa nyid rdo rje hUM mdzad du gyur te/ de'i nang du zhugs shing de la babs nas des 'di dag thams cad mdzad do/ /da ni khro bo'i ting nge 'dzin las ldang ba'i tshe/ bcom ldan 'das de nas byung zhing de'i babs pa dang yang bral bar gyur to/ /babs pa dang bral nas/bcom ldan 'das kyi thad du bka' nod cing gnas te/ bcom ldan 'das de bzhin gshegs pa thams cad kyis bdag gi sug par rdo rje stsal te/ phyag na rdo rje nyid du dbang bskur bas zhes bya ba ste dkyil 'khor brtag pa la nges par sbyar ro zhes bya ba'i don to/ /de lta bas na lha la sogs pa'i phyi rol gyi rdo rje'i rigs de rnams zhes bya ba ni lha chen po la sogs pa'o//'jig rten gsum las rnam par rgyal ba'i dkyil 'khor chen po 'di la zhes bya ba ni/ 'jig rten gsum las rnam par rgyal ba'i rtog pa'i gtso bo ste/ 'jig rten gsum las rnam par rgyal ba'i rtogs pa'i rjes la zhes bya ba'i don to//gnas pa'i rim pa bgyis nas zhes bya ba ni 'jig rten gsum gyi 'khor lo'i dkyil 'khor rnam par dgod par bgyi'o/ zhes bya ba'i don to/ /gang gis zhes bya ba ni chos kyi 'khor lo la 'jug pa'o/ /sems can de rnams zhes bya ba ni phyi rol gyi rdo rje rigs kyis yang dag par bsdus pa rnams so/ /phyir mi ldog par bgyi'o zhes bya ba ni ldog pa med par bgyi'o zhes pa'o//gang las she na/ bla na med pa yang dag par rdzogs pa'i byang chub las skyes so/ /de ltar bcom ldan 'das phyag na rdo rjes bcom ldan 'das la gnang bar gsol ba dang / bcom ldan 'das kyis gnang ba'i tshul du sems dpa' gtsug tor gsungs pa yin no//de nas 'di gsungs ma thag tu zhes bya ba ni bka' stsal ma thag tu'o/ /de bzhin gshegs pa thams cad kyi gtsug tor rnams las zhes bya ba ni/ bcom ldan 'das phyag na rdo rje de nyid 'od zer rnam pa sna tshogs su gyur te/ de bzhin gshegs pa thams cad kyi gtsug tor las byung zhing 'jig rten gyi khams du ma snang bar byas nas yang bcom ldan 'das phyag na rdo rje zhes bya ba ni rang gi spyi bo nyid du'o//de bzhin gshegs pa thams cad kyi gtsug tor gyi tshul du 'phungs nas 'khod do zhes bya ba ni de bzhin gshegs pa thams cad kyi gtsug tor lta bu phung por gyur nas gnas pa'o/ /de nas gzi brjid phung po de las zhes bya ba ni gang 'di de bzhin gshegs pa thams cad kyi gtsug tor nas byung ste/rdo rje 'dzin pa'i spyi bor gnas pa'o/ /de nas de bzhin gshegs pa thams cad kyis gnang ba'i tshul lta bu ni sngags gnyis pa'o/ /sngags de gnyis ka yang rnam par snang mdzad kyi gnas kyi yin no//bcom ldan 'das rnam par snang mdzad kyi mdun du ni nges par gnod mdzes rdo rje ste de'i thugs kar ro/ /bcom ldan 'das kyi g.yas logs su ni rdo rje snying po 'khor lo la brten te bzhugs pa'o/ /bcom ldan 'das kyi snam logs su ni rdo rje spyan pad+ma la brten te bzhugs pa'o/ /bcom ldan 'das kyi g.yon logs su ni rdo rje sna tshogs pad+ma la brten te bzhugs pa'o//phyag na rdo rje'i zhabs kyi drung na rdo rje rig pa mchog zhabs la phyag 'tshal ba'i tshul du gnas pa'o/ /de ltar byas na rdo rje hUM mdzad kyi dkyil 'khor du gsum 'jog ste/ bcom ldan 'das rdo rje hUM mdzad dang / de'i thugs kar 'dod pa'i rgyal po dang /zhabs kyi drung na rdo rje rig pa mchog go/ /dad pa'i sems kyis rdo rje 'dzin pa'i zhabs la 'dud pa'i phyir rdo rje rig pa mchog ces bshad do/ /rang gi mthu ston pa'i phyir rdo rje khro bo zhes kyang bshad do/ /bcom ldan 'das kyi zhabs gnyis la phyag 'tshal nas zhes bya ba ni zhabs la phyag 'bul ba'o/ / yang rang gi rang bzhin bstan pa'i phyir snying po 'di gsungs pa yin no/ /rim pa gnyis pa'i shar phyogs kyi dkyil 'khor gang yin pa de'i dbus su rdo rje bzhag la/ rgyal po bzhi'i dkyil 'khor bya ste/ dgod par bya'o/ /de bzhin du lho phyogs kyi sgo'i thad ka'i dkyil 'khor gang yin pa de'i dbus su bri ba'i rdo rje bzhag la rdo rje 'khyil pa la sogs pa khro bo bzhi dang /tshogs kyi bdag po rnams gnyis pa nyid du bri bar bya'o/ /nub phyogs kyi sgo'i thad ka'i dkyil 'khor gyi dbus su rdo rje nyid bzhag la/ rdo rje gtum po la sogs pa pho nya bzhi rim bzhin bri bar bya'o/ /de nyid kyi phyir phyogs kyi sgo'i thad ka'i dkyil 'khor gyi dbus su rdo rje bzhag la/rdo rje'i lcags kyu la sogs pa bran bzhi rim bzhin du bri bar bya'o/ /shar gyi sgo nas brtsams te sgo bzhir ni rdo rje lcags kyu la sogs pa bzhi rim bzhin du dgod par bya'o/ /de nas zhes bya ba ni gnas skabs so/ /rdo rje rigs kyi dkyil 'khor chen po yin pas na rdo rje rigs kyi dkyil 'khor chen po ste/ 'jig rten gsum gyi 'khor lo zhes bya ba'i don to/ /'di zhes bya ba ni thugs la gnas pa'o/ /bshad do zhes bya ba ni gsungs pa'o/ /ji lta bu zhe na/ dkyil 'khor chen po dam pa ste/ /zhes bya ba'o/ /ji ltar thig gdab par bya zhe na/ de'i phyir/ chos kyi dkyil 'khor 'dra ba ni/ /dkyil 'khor thams cad srad bu bre/ /zhes bya ba ste/chos kyi 'khor lo 'dra ba zhes bya ba ni chos kyi 'khor lo dang mtshungs pa'o/ /dkyil 'khor thams cad srad bu bre/ /zhes bya ba ni phyi dang nang du bcas par zhes bya ba'i don to/ /da ni thig gdab pa'i cho ga bstan pa'i phyir/ dkyil 'khor gyi ni dbus su yang / /seng ldeng phur pa btab nas ni/ /zhes bya ba la sogs pa gsungs te/bgegs dang log 'dren thams cad 'dod pa'i rgyal pos bkug la/ dkyil 'khor gyi dbus su seng ldeng gi phur pa gdab par bya'o/ /seng ldeng phur pa btab nas ni/ /zhes bya ba nyid ni bgegs thams cad gzhig pa'i phyir dang / dkyil 'khor yang dag par gnas shing rnam par dag par bya ba'i phyir gzugs pa yin no//srad bu nyis rim du byas nas zhes bya ba ni dbyibs rnam par dag par bya ba'i phyir srad bu phur bu la dkris te nang gi dkyil 'khor sbyong bar bya'o/ /srad bu bzhi dang ldan pa dang / /zhes bya ba ni zlum por byas nas phyogs dang mtshams rnams su srad bu bre bar bya'o/ / de yi phyi rol byung nas ni/ /zhes bya ba ni rim pa gnyis par ro/ nyis 'gyur du zhes bya ba ni srad bu'o/ /de bzhin no zhes bya ba ni rim pa dang po'i tshad ji tsam yin pa/ rim pa gnyis pa'i tshad kyang de tsam du bya'o zhes pa'o/ /rim pa dang po'i ri mo bris pa nas bsngogs te phur pa la thug gi bar de lta bus ni srad bu nyis 'gyur du 'gyur ro//de yang rim pa gsum du'o/ /zhes bya ba ni rim pa gsum pa yang rim pa dang po'i tshad tsam kho nar bya'o/ /rim pa de gsum gyis ni dang po'i srad bu sum bltab tu byas pa yin no/ /rim pa gsum par bri ba ma smos mod kyi de yang phyis bshad par bya'o/ /srad bu bzhi dang ldan pa dang / /zhes gong du smos su zin kyang /phyogs mtshams kyi ri mo gang yin pa de chos kyi 'khor lo rtsibs kyi dbyibs su bya ste/'di ni 'jig rten gsum gyi 'khor lo chen po'i thig gdab pa'i cho ga'o/ /de nas srad bu bres pa der/ /dag pa'i tshon gyis dgang bar bya/ /zhes bya ba la/ dag pa ni yongs su bzlas pa dang / shin tu legs par brtags pa'o//tshon ni dkar po dang ser po la sogs pa'o/ /tshon dgye ba brtsam pa ji ltar bya zhe na/ de'i phyir g.yon pa'i zhes bya ba la sogs pa ste/ lag mthil g.yon pa na rdo rje yod pa ni g.yon pa'i rdo rje'o/ /des byin gyis brlabs pa'i khu tshur nyid ni khu tshur chen po ste/ des dang por tshon dgye bar bya'o//de nas phyis ci bde zhes bya ba ni/ g.yas dang g.yon gang rung ba'o/ /de ltar thig ji ltar btab pa rnams tshon gyis bkang la phyag rgya rnams kyang bris te de nas dbus su 'dug par bya'o/ /su zhig ce na rdo rje slob dpon no/ /mnyam par gzhag pa ni rdo rje hUM mdzad kyi rnal 'byor la gnas te/ yid kyis khang pa brtsegs ma mngon sum du dmigs la de'i yang rdo rje'i sgo bzhi dbye bar bya'o/ /de nas 'og nas 'byung ba'i snying pos dam tshig rnams dgod par bya'o/ /'jig rten gsum gyi 'khor lo'i dkyil 'khor 'di la ni bdag po bcom ldan 'das phyag na rdo rje yin pas bcom ldan 'das kyi bka' nyid kyis/ de nas de bzhin gshegs pa thams cad des stobs kyis bkug ste/ gzi brjid phung po'i gzugs kyi rang bzhin gyi spyi bor dbang bskur ro/ /de rnams kyang gzhan dbang yin par bstan pa'i phyir/ gdan pha gu zhes gsungs te/ ji ltar rdo rje dbyings kyi dkyil 'khor du seng ge'i gdan gsungs pa bzhin du/ de dag kyang ngo bo nyid kyi rdzu 'phrul che ba yin pa'i phyir/gser ram yang na dngul zhes gsungs pa yin no/ /de ni ji ltar bris pa'i lha rnams bzhag pa de dag gis dgod pa'i snying po ston te/ snga ma ni bzlas pa'i sngags su gsungs pa yin no/ /de ltar sangs rgyas bcom ldan 'das rnams dgod pa'i snying po gsungs nas de nyid kyi phyogs bzhir bcom ldan 'das phyag na rdo rje 'jig rten gsum las rnam par rgyal bar mdzad cing bzhugs so//de bas na de'i spyan snga nas brtsams te/ snying po bzhi rim pa ji lta ba bzhin du rig par bya'o/ /rdo rje shugs ni shin tu grags par zad do/ /dkyil 'khor gnyis pa rgal nas zhes bya ba ni bcom ldan 'das rnam par snang mdzad kyi spyan snga'i dkyil 'khor gang yin pa ste/der dbus su rdo rje bzhag la rdo rje sgyu ma la sogs pa bzhi bri bar bya'o/ /bri zhes smos su zin gyis kyang bzhag pa nyid du rig par bya ste gang gi phyir dkyil 'khor 'di nyid sngar bris zin kyang / bri bar bya zhes bya ba'i tshig de sngar ma gsungs pa'i phyir ro//yang na snga ma'i thig gi rjes tshon gyis dgang zhes gsungs pas 'khor lo'i dbyibs su khang pa brtsegs ma bris te/ rim pa gsum du re re zhing sgo bzhi bya la/ der sgo dbye ba byas nas phyag rgya bri ba dang lha bri ba la bya'o/ rim pa 'di nyid du lho sgo'i thad ka'i dkyil 'khor gyi dbus su rdo rje bzhag la/ rdo rje 'khyil pa la sogs pa rdo rje khro bo gzhag par bya'o//de nas rim pa gnyis pa de nyid kyi shar nas brtsams te sgo bzhir rdo rje glang sna la sogs pa thams cad rim pa ji lta ba bzhin bri'o/ /rim pa de nyid kyi nub sgo'i thad ka'i dkyil 'khor gyi dbus su rdo rje bzhag la/ rdo rje gtum po la sogs pa bzhi rim pa ji lta ba bzhin du bri'o//rim pa de nyid kyi byang sgo'i thad ka'i dkyil 'khor du snga ma bzhin du dbus su rdo rje bzhag la rdo rje lcags kyu la sogs pa bran bzhi ltag 'og gi rim pa ji lta ba bzhin du bri'o/ /da ni rim pa gsum par gang zhig bri ba de bstan par bya ba'i phyir phyi rol gyi dkyil 'khor bzhag pa ni zhes bya ba ste/ dkyil 'khor gyi phyi rol gyi gnas su'o//ji bzhin zhes bya ba ni lha chen po la sogs pa rang rang gi chung ma rnams kha dog dang / dbyibs dang / mtshan ma dang / rgyan ci dang ci 'dra ba de dang de lta bur bri bar bya'o/ /ltag 'og go rims zhes bya ba ni lha chen po la sogs pa lha rnams go rims ji lta ba bzhin du ma mo thams cad bri bar bya ste 'jig rten gsum las rnam par rgyal ba'i rtsa ba'i dkyil 'khor du bstan pa'i sngags dang phyag rgya dang ldan par rim pa gsum par bskor te/bkod pa'i rim pa bzhin du bri bar bya'o/ /rdo rje sgo ni thams cad du/ /zhes bya ba ni rtsa ba'i dkyil 'khor gyi sgo rnams su'o/ /sgo srung rnams kyang de nyid do/ /zhes bya ba ni 'jig rten las 'das pa de dag nyid de'i phyi'i dkyil 'khor gyi sgo rnams su yang de nyid yin par shes par bya'o//cho ga rgyas pa ji bzhin pa'o/ /zhes bya ba ni 'dir slob dpon gyi las dang / bka' nod pa la sogs pa rnams ji skad smos pa bsdus pa yin no/ /dgug pa la sogs pa'i las kun byas te zhes bya ba ni/dgug pa dang gzhug pa dang / bcing ba dang / dbang du bya ba dang / phyag rgya rnam pa gsum bcing ba dang / mchod pa dang / bshos dang / gtor ma dbul ba la sogs pa thams cad bsdu'o/ /rdo rje rnams kyi dam tshig ni phyag rgya dang dkyil 'khor la sogs pa ste/ de dag gi ye shes yin pas na rdo rje dam tshig gi ye shes so//bskyed par byas/ de khyod kyis su la yang ma smra shig ces bya ba ni sngags sgrub pa'i phyir dam tshig bsrung ba la gus par bya ba ston to/ /ma bsrungs na sngags mi 'grub pa 'ba' zhig du ma zad kyi/ mthong ba'i chos kyi nyes pa dang / 'jig rten phyi ma'i nyes par yang 'gyur ro//de la mthong ba'i chos kyi nyes pa ni dus ma yin par 'chi ba'o/ /'jig rten phyi ma'i nyes pa ni ngan song du 'gro ba'o/ /de ltar dam bcas pa la bkod cing nyes dmigs bstan nas mna'i snying po sbyin par bya'o/ /dam tshig bsrung ba brtan par bya ba nyid kyi phyir/ khro bo ti rin ti ri'i phyag rgya yang bstan par bya'o//mna'i snying po las 'das par gyur na yang mthong ba'i chos kyi nyes dmigs rigs rnams zad pa dang / lus 'jig pa rnams bstan par bya ba ste/ rdo rje 'di ni zhes bya ba la sogs pas ni mna'i snying po ston to/ /dam tshig bcings pa'o zhes bya ba ni rdo rje khro bo ti rin ti ri'i phyag rgya bcing ba'i snying po'o//de ltar dam tshig bsrung ba'i phyir mna' bsgags nas/ de ni dam tshig gi phyag rgya bcing ba bstan par bya ba'i phyir de nas rdo rje 'chang ba'i phyag rgya snying po 'dis bcing ngo zhes bya ba gsungs so/ /de bcing ba'i snying po bstan nas mtshan nyid bstan pa ni mthe'u chung zhes bya ba la sogs pa ste/ lag pa g.yon pa mdun du kha sbubs te/thad dkar brkyang la de'i steng du lag pa g.yas pa bkan te brkyang nas bzhag ste lag pa g.yon pa'i mthe'u chung gis g.yas pa'i mthe bong bzung / g.yon pa'i mthe bos kyang g.yas pa'i mthe'u chung bzung la/ de ltar mthe'u chung dang / mthe bong sbrel ba'i lag pa gnyis ni bla 'og tu 'gyur te/'di ni rdo rje 'dzin pa'i phyag rgya yin no/ /de nas rdo rjes byin gyis brlabs pa'i rdo rje chus dbang bskur bar bya'o/ /dbang bskur ba 'di ni bsang gtor bya ba lta bu yin te gang gi phyir dkyil 'khor 'di ni phal chen 'jig rten gyi lhas byin gyis brlabs pa yin la/ gang phyi rol gyi gtsang sbra la dga' ba de dag gi phyir/dbang bskur ba 'dis dag par byas la gzod gzhug par bya ba yin no/ /'di ni mgo smos pa tsam du zad kyi de rnams kyi gzung ba'i cho ga lhag ma ni rdo rje dbyings las gsungs pa'i cho ga bzhin du shes par bya'o/ /de nas gdong g.yogs pa bkrol nas zhes bya ba ni go sla'o/ /dkyil 'khor bstan nas kyang 'di mi bstan to zhes bya ba la de ltar zhugs pa'i slob ma de la yang bstan par mi bya'o//gang yin pa zhes bya ba ni 'dri ba ste su zhig yin zhes bya ba'i don to/ /'di skad ston te gal te lha de rnams gang yin zhes 'dri na/ de'i tshe de la rnam par gses nas bstan par mi bya ste/ 'di ltar dkyil 'khor gzhan dag tu ji ltar bris pa'i lha rnams so sor phye ste bstan pa bzhin du 'dir bstan par mi bya'o//de yang dkyil 'khor 'dir bcom ldan 'das phyag na rdo rjes thog ma kho nar de bzhin gshegs pa thams cad las bdag gis 'dir gnas par dgod par bgyi'o zhes bdag por gsol ba btab ste/de nas bcom ldan 'das rnam par snang mdzad kyi gan du gnas nas de bzhin gshegs pa thams cad bkug ste/ rang gi spyi bor gzi brjid phung po'i gzugs su gzhug nas/ dbang bskur zhing de bzhin gshegs pa thams cad dang / lha'i khyad par lhag ma rnams kyang gnas skabs ji lta ba bzhin du bkod nas/dkyil 'khor du dbang bskur ba de dag kyang de la mi bstan te/ 'di rnam par phye ste smra bar ma byed cig ces gsungs pa yin no/ /de ci'i phyir zhe na zhes bya ba ni de'i rgyu dris pa ste/ phal pa rnams kyi rang gi gsang ba bstan pa ni/ sems can log par lta ba dag kyang yod de zhes bya ba la sogs pa gsungs pa yin te/sems can rnams gdul bar bya ba'i phyir sangs rgyas nyid bcom ldan 'das phyag na rdo rje'i gzugs su bzhugs so zhes bya ba lta mi srid do zhes ma dad pa skye bar 'gyur ro/ /de 'di skad ston te/ ci 'di ltar sangs rgyas bcom ldan 'das rnams kyi ye shes gdon mi za ba ma yin nam/gal te de bzhin gshegs pa rnams phyag na rdo rjes dkyil 'khor du btsud cing dbang bskur du zin na ni/ phyag na rdo rje bas de bzhin gshegs pa rnams ye shes chung bar 'gyur zhing / sangs rgyas bcom ldan 'das rnams kyi ye shes gdon mi za bar 'dod pa yang / gdon mi za ba'i ye shes su mi 'gyur na/gang gi phyir de bzhin gshegs pa rnams de lta bu yin par de bzhin gshegs pa rnams bzhed do/ /de bas na phyag na rdo rjes dbang bskur ba mi rigs so snyam pa de lta bu'i nyes pa 'di spang bar bya ba'i phyir dkyil 'khor 'dir sangs rgyas bcom ldan 'das rnams phyag na rdo rjes dbang bskur to zhes smra bar mi bya ste/'di ni dam tshig yin no/ /gzhan du na gang lha chen po la sogs pa la dad pa de rnams la mna'i snying po byin nas gdod bstan par bya'o/ /mna'i snying po 'di ni rdo rje khro bo chen po'i zhes bya ba la sogs pa sngar smras pa nyid yin no/ /de ltar mna'i snying po byin nas dkyil 'khor gyi lha'i tshogs rnams so sor phye ste bstan par bya la/de'i 'og tu dbang bskur bar bya'o/ /chu'i dbang bskur pa ni 'dir ma smos su zin gyis kyang / rdo rje byin gyis brlabs pa'i bum pa las rdo rje'i chus dang por dbang bskur bar bya dgos so/ /de nas rdo rje rin po ches mtshan pa'i phreng bas zhes bya ba ni rdo rje rin po ches mtshan cing /rtags su byas pa'i phreng ba ni rdo rje rin po ches mtshan pa'i phreng ba ste des dbang bskur bar bya'o/ /gang gi phyir mngon par mtho ba don du mi gnyer zhing phyi rol gyi lha'i go 'phang sgrub pa rnams dang / sangs rgyas rnams la sangs rgyas lnga'i dbu brgyan gyi dbang bskur bar mi rigs te/de bas na chos kyi rgyal po bla na med pa'i dbang phyug ston par byed pa'i rin po che'i dbang bskur ba 'di nyid bya'o/ /de bas na mngon par mtho ba'i don spyir ston pas spyi'i rdo rje rin po che'i dbang bskur ba gsungs pa yin no/ /de nas las kyi rdo rje'i dbang bskur ba sbyin par bya'o/ / de nas ming gi dbang bskur ba sbyin par bya'o/ /ji ltar sbyin par bya zhe na/ ji ltar rdo rje dam tshig gi dkyil 'khor chen po bzhin du bya'o zhes bya ba ste/ 'jig rten gsum las rnam par rgyal ba'i zhes bya ba'i don to/ /de nas zhes bya ba ni gzhan yang ngo / /phyag rgya bcing ba dam bcas te/ /zhes bya ba ni dam tshig gi phyag rgya nyid la phyag rgya chen po zhes bya ba'i sgrar gsungs te/phyag rgya chen po bsgom pa ni bsgrub pa'i tshul gyis bar mi bcad pa yin no/ /rdo rje bcing ba dam byas te/ /zhes bya ba ni rdo rje bsdams pa bcings te'o/ /ji lta bur zhe na/ mthe bo nang du sbyar nas ni/ /zhes bya ba ni mthe bong gnyis ka nang du gzhug pa'o/ /mdzub mo bkug ste gnyis ka bkan//zhes pa ni rdo rje khu tshur gyi tshul du mdzub mo gnyis bkug nas mdzub mo gnyis ka'i zur gyis dgab pa yin te/ 'di ni sems dpa'i gtsug tor zhes bya ba'i phyag rgya'o/ /rdo rje bcings pa de nyid las mthe bong dang / mthe'u chung dang / gung mo rnams gshibs te rtse mor byas pa rdo rje rtse gsum pa lta bu 'di ni gzi brjid phung po zhes bya ba'i phyag rgya yin no//phyag rgya de gnyis ni bcom ldan 'das rnam par snang mdzad kyi gnas su bya'o/ /rdo rje'i phyag rgya gnyis bcings te zhes bya ba ni rdo rje'i khu tshur gnyis bcings la mthe bong dang / mthe'u chung gnyis rgyab logs nas gcig la gcig 'khyud pa ni rig pa chen po dam pa'i phyag rgya yin no//phyag rgya 'di nyid las mthe bong gnyis kyi ngos sprad de snying gar gtad pa ni snying po'i phyag rgya yin no/ /phyag rgya de gnyis ni bcom ldan 'das rnam par snang mdzad kyi spyan sngar rig par bya'o/ /de nyid las zhes bya ba ni rig pa chen po'i dam pa'i phyag rgya de las gung mo dang /srin lag gi sor mo rab tu bsdams nas ni zhes bya ba shin tu mnyam par gzhag pa'o/ /ji ltar zhe na/ /rdo rje rin chen tshul du ni/ /bsgyur nas gdong du gzhag par bya/ /zhes bya ba ste/ mthe bo 'og tu bzhag la gung mo dang srin lag gi rin po che dbang bskur ba'i gnas su gtugs par bya'o/ /rig pa chen po dam pa'i phyag rgya de nyid snying ga'i thad kar bzhag la/mthe bong sbrel ba gnyis bkrol zhing mthe'u chung lcags sgrog gi tshul du sbrel ba bskor te lag pa gnyis bkan par bya'o/ /de nas mdzub mo gnyis lcags sgrog gi tshul du gcig la gcig sbrel la/ lag pa gnyis ka'i gung mo dang srin lag gshibs te gyen du bsgreng la ka ba bzhi'i tshul du gzhag par bya'o//mthe bong gnyis gung mo dang srin lag gi tshigs gsum pa'i drung du bzhag pa 'di ni me tog bzhi pa zhes bya ste pad+ma'i rig pa dam pa'i phyag rgya yin no/ /de nyid ces bya ba ni rig pa mchog gi phyag rgya nyid do/ /lus kyi dkyil 'khor bskor bar bya/ /zhes bya ba ni spyi bo nas brtsams te g.yon logs su phab la/'og tu rkang pa la thug gi bar du khyer te g.yas logs nas slar gyen du dkri zhing slar spyi bo'i bar du drang ba 'di ni lus kyi dkyil 'khor mchog bskor ba ste sna tshogs rdo rje'i phyag rgya'o/ /da ni rnam par snang mdzad kyi gnas de nyid kyis sarba bid ces bya ba'i snying po'i phyag rgya gsum pa ni/sems ma rdo rje dam byas te/ /zhes bya ba la sogs pas ston te/ rdo rje bcings pa'i gung mo gnyis sbyar nas rtse mor byas pa ni sems ma rdo rje'i phyag rgyar 'gyur ro/ /de nyid kyi mthe'u chung gnyis bsgreng ba ni sarba bid kyi snying po'i phyag rgya yin no/ /mthe bo mthe'u chung bcings nas ni/ /zhes bya ba ni rig pa mchog gi rang bzhin gyi phyag rgya ston te/de nyid las g.yon pa'i sor mo gsum char brkyang ba'i rtse gsum pa'i dbus ma la mdzub mo g.yas pa'i rdo rje bzhag pa ni rtse gsum pa'i dbu ma rtse zhes bya ste/ dbus na rtse mo yod pas na dbu ma rtse'o/ /rdo rje'i phyag rgya bzung ba de/ / zhes bya ba ni lag pa g.yas pa na rdo rje 'dzin pa ste/ de ltar na/ rdo rje'i phyag rgya bzung ba de/ /zhes bya ba yin no/ /'di ni snying po gnyi ga'i spyi'i phyag rgya yin no/ /rdo rje bcing ba dam byas te/ /zhes bya ba ni rdo rje bcing ba bcings la/ mdzub mo g.yon pa btag ste/ mthe bong gi drung du bzhag la mthe bong yang de'i steng du bkug ste bzhag nas/de gnyis ka g.yas pa'i mthe bong dang mdzub mos bcing ba 'di ni g.yon pa rdo rjer bcing ba zhes bya ste/ phyi'i rdo rje rigs kyi rdo rje khu tshur zhes bshad do/ /rdo rje de ni gnyis byas te/ /zhes bya ba ni g.yon pa'i rdo rje khu tshur gnyis su byas na rang bzhin gyi khu tshur du 'gyur ro/ /mtshan ma kun ni nges bzhag go//zhes bya ba ni rgyal mtshan dang kha T+waM ga la sogs pa dgod pa'o/ /phyag rgya rnams kyang 'byung ba ste/ /zhes bya ba ni rtse gsum pa la sogs pa'o/ /mdun brkyang steng du bzhag pa dang / /zhes bya ba ni mdun du lag pa g.yon pa kha sbubs te nga brkyang la de'i steng du lag pa g.yas pa brkyang nas bzhag pa 'di ni mdun brkyang steng du bzhag ces gsungs pa ste/rdo rje sgyu ma'i 'khor lo'i phyag rgya'o/ /mdzub mos mtheb brtan bcang ba dang / /zhes bya ba ni mdzub mo dang mthe bos lag pa g.yon pa bzung la dril bu dkrol ba'i tshul du kha thur du bstan nas bzhag pa 'di ni rdo rje gzhon nu'i dril bu'i phyag rgya'o/ /oM zhes bya ba spyir bzhag ste/zhes bya ba ni mdzub mo g.yon pa bkug la mthe bo'i rtse mor gtugs te/ sor mo'i lhag ma gsum brkyang la dbang bskur ba'i gnas su bkan te brkyang ba de lta bu ni oM zhes bya ba spyi bor bzhag pa yin no/ /rdo rje steng du bzhag pa'o zhes bya ba ni lag pa g.yas pa brkyang ste g.yon pa'i khu tshur gyi mthe bo'i steng du kha sbubs pa ste/'di ni brgya byin gyi gdugs kyi phyag rgya'o/ /rab tu brkyang nas lag gnas pa/ /zhes bya ba ni lag pa g.yon pa mdun du bkan la de'i steng du lag pa g.yas pa brkyang ste/ kha sbubs nas bzhag pa 'di ni rdo rje 'khyil ba'i phyag rgya'o/ /lag pa'i rgyab tu de bzhin te/ /zhes bya ba ni lag pa g.yas pa mdun du kha sbubs nas bzhag pa de'i steng du g.yon pa kha sbubs nas bzhag pa 'di ni rdo rje 'od kyi phyag rgya'o//g.yon pa rdo rje khu tshur bcangs la dbyug pa 'dzin pa'i tshul du mchan khung g.yon par bstan nas bzhag pa 'di ni rdo rje dbyug pa'i phyag rgya'o/ /rdo rje khu tshur de nyid kha'i thad kar sgeg pa dang bcas par bskor ba 'di ni rdo rje ser smug gi gdong bsnyer bar byed pa'i phyag rgya'o//g.yon pa'i mthe bo'i steng du bzhag /ces bya ba ni g.yon pa rdo rje khu tshur gyi mthe bo'i steng du g.yas pa'i rdo rje khu tshur bzhag pa 'di ni tshogs kyi bdag po'i sna'i gdugs kyi phyag rgya'o/ /g.yon pa'i rdo rje khu tshur mgal me bskor ba'i tshul du mgo la bskor ba 'di ni rdo rje phreng ba'i phyag rgya'o//khu tshur g.yas pa brkyang la sbyin pa byed pa'i tshul du ston pa 'di ni rdo rje dbang gi phyag rgya'o/ /ral gri'i phyag rgya khu tshur mchog /ces bya ba la khu tshur mchog ni 'dir 'jig rten las 'das pa'i rdo rje khu tshur la bya ste/ lag pa g.yon pa dang des ral gri 'dzin pa'i tshul du ston pa/ral gri'i phyag rgya khu tshur mchog /ces bya ste/ rnam par rgyal ba'i rdo rje'i phyag rgya'o/ /g.yas pa mdun du gtun rings 'dzin/ /ces bya ba ni khu tshur g.yas pas snying khar gtun rings 'dzin pa'i tshul du ston pa ni rdo rje gtum po'i gtun rings kyi phyag rgya'o/ /lag pa brkyang ba'ang de bzhin te//zhes bya ba ni dpung pa gnyis gyen du brkyang ste/ ba dan 'phyar ba'i tshul du byed pa 'di ni rdo rje rlung gi ba dan gyi phyag rgya'o/ /g.yas pas 'od ni 'bar bar bstan/ /zhes bya ba ni lag pa g.yas pa brkyang la 'bar ba 'phro ba'i tshul du ston pa 'di ni rdo rje me 'bar ba'i phyag rgya'o/ /rdo rje khu tshur g.yon bskyod pa'o//zhes bya ba ni rdo rje 'jigs pa'i phyag rgya'o/ /'gying bcas mdzub mo khar mche ba/ /zhes bya ba ni 'gying bag dang bcas pas gnas la g.yon pa'i rdo rje khu tshur gyi mdzub mo bkug ste/ kha'i phyogs su phag gi mche ba'i tshul du bzhag pa 'di ni rdo rje lcags kyu'i mche ba'i phyag rgya'o/ /dbyug pa bsnun cing mnan pa dang //zhes bya ba ni g.yon pa'i rdo rje khu tshur gyi mdzub mo g.yas pas bsnun pa ltar bya zhing thur du dred pa ltar gtang ba 'di ni rdo rje dus kyi dbyug pa'i phyag rgya'o/ /dpung pa bskum zhing dpyad pa dang / /zhes bya ba ni dpung pa g.yon pa bskum la dpyad pa ltar bya ba 'di ni rdo rje bgegs kyi gtso bo rdo rje sna'i phyag rgya'o//lag pa g.yon pas lag pa g.yas pa'i mkhrig ma nas bzung ste zhags pa 'dren pa'i tshul du drang ba 'di ni chu lha'i zhags pa'i phyag rgya'o/ /gang sngar dkyil 'khor la dgos pa rnams shugs kyis sbyar ba de bstan pa'i phyir/ /dkyil 'khor kun du brtag pa ni/ /zhes bya ba la sogs pa gsungs te/brtag pa ni bya ba'o/ /gang du zhe na dkyil 'khor du'o/ /ci phyogs cig tu bya'am zhe na/ ma yin te kun du'o/ /ji ltar bya ba zhe na/ g.yon pas rdo rje bzung nas so/ /zhes bya ba ste lag pa g.yon pas las kyi rdo rje bzung la/ thig gdab pa la sogs pa'i las thams cad slob dpon gyis bya'o zhes bya ba'i don to//de nas rab tu bshad bya ba/ /bsgrub pa dang ni las nyid do/ /zhes bya ba ni phyag rgya rnams kyi bsgrub pa dang / de dag nyid kyi grub pa'i las gang yin pa de bstan par bya'o zhes gsungs pa'o/ /bsgrub pa de gang yin zhe na/ sems dpa' gang gi phyag rgya gang //zhes bya ba gsungs te/ sems dpa' gang gi zhes bya ba ni bsgrub par bya ba'i lha'i khyad par gang gi'o/ /phyag rgya gang zhes bya ba ni phyag rgya chen po'o/ /der ni bdag rang nyid gyur te/ /zhes bya ba ni der ni zhes bya ba phyag rgya chen po'i gzugs gang yin pa de'i gzugs su bdag rang nyid ces bya ba bsngags par 'gyur ro zhes bya ba'i don to//bdag nyid der ni bsgom gyur pa/ /zhes bya ba ni ji skad du bshad pa'i byin gyis brlab pa dang / dbang bskur ba la sogs pa'i tshul gyis de'i gzugs su bsgrubs shing de ltar bsgoms nas bdag nyid de bzhin du phyag rgya bsgrub pa'i dam par 'gyur ro//de ltar phyag rgya thams cad kyi spyi'i bsgrub pa bstan nas/ /so so'i las kyi khyad par bstan par bya ba'i phyir/ gtsug tor chen po srung ba che/ /zhes bya ba la sogs pa gsungs te/ gtsug tor chen po ni sems dpa' gtsug tor ro/ /srung ba che zhes bya ba ni srung ba thams cad las lhag pa zhes bya ba'i don to//gzi brjid phung po rab grub ster/ /ces bya ba ni gzi brjid phung po ni dngos grub bzang po sbyin par byed pa yin pas na rab grub ster ces bya ba ste/ sngags pas sgrub pa'i tshe sbyar bar bya'o/ /rdo rje hUM zhes bya kun byed/ /ces bya ba ni las thams cad mdzad pas na kun byed de/gnas bzhi char du yang rdo rje hUM zhes bya ba de nyid du zad pas ni bye brag med par spyi'i las su bstan to/ /bcom ldan 'das de'i thugs kar thams cad 'gugs pa'i phyir thams cad 'gugs zhes bshad do/ /rnam par snang mdzad kyi gnas kyi gsum pa thams cad rig pa'i snying po'i las bstan pa ni thams cad grub ces bya ste/rdo rje rig pa dam pa'i phyag rgya ni dngos grub dam pa sbyin par byed pas na rdo rje'i rig pa dam pa'o/ /de nas ni rdo rje mdung gi phyag rgya ste/ dngos grub chen po sbyin par byed pas na/ grub pa chen po sbyin par byed/ /ces gsungs so/ /gang gi phyir lha chen po'i snying po gnyis bstan pas de'i phyag rgya gnyis steng dang 'og tu gnas pa'i las rnam pa gnyis rnam par phye ste bstan no//sgyu ma'i rdo rje ni mthu bo che'i phyag rgya ste/ des dngos grub bzang po sbyin par byed pas na rab grub ster ces bya'o/ /dril bu ni gzhon nu'i phyag rgya ste des ni 'bebs pa'i las byed do/ / dbyug pa'i shing ni tshangs pa'i phyag rgya ste des ni mya ngan las 'das pa ster bar byed do/ /rdo rje ni brgya byin gyi phyag rgya ste/ des ni thog 'bebs pas gdug cing gtum pa rnams gsod par byed do/ /'bar ba'i mchog ni rdo rje 'khyil ba'i phyag rgya ste/ de ni ma rungs pa rnams 'dul bar byed do/ /zhi ba'i mchog ni rdo rje 'od kyi phyag rgya ste/des ni gdug cing gtum pa rnams gsod par byed do/ /dbyug pa mchog ni rdo rje dbyug pa'i phyag rgya ste de yang gdug cing gtum pa rnams gsod par byed do/ /'jigs pa'i mig ni rdo rje ser smug gi phyag rgya ste de ni gdug cing gtum pa thams cad gsod par byed do/ /myos pa ni rdo rje glang po sna'i phyag rgya ste de ni myos pa'i las byed do//phreng ba ni rdo rje phreng ba'i phyag rgya ste de ni thams cad dbang du byed pa la sogs pa'i las byed do/ /'dod byed ni rdo rje dbang gi phyag rgya ste de ni dga' bar byed pa'i las byed do/ /gsod pa ni rdo rje rnam par rgyal ba'i phyag rgya ste/ de ni gdug cing gtum pa thams cad gsod par byed do//tho ba ni rdo rje gtum po'i phyag rgya ste de yang gdug cing gtum pa rnams nges par 'joms par byed do/ /ras ni rlung gi phyag rgya'o/ /ras rgyus de bzhin te zhes bya ba ni ras kyi dngos grub byed do zhes bya ba'i don to/ /'bar ba'i mchog ni rdo rje me'i phyag rgya ste de yang gdug pa rnams 'dul bar byed do//gnod sbyin ma ni rdo rje 'jig rten pa'i phyag rgya ste de ni gnod sbyin rnams kyis 'dzin par byed de/ rdo rje mche ba ni rdo rje lcags kyu'i phyag rgya ste/ de ni gdug cing gtum pa rnams za bar byed do/ /gsod pa ni rdo rje lus kyi phyag rgya ste/de ni gdug cing gtum pa thams cad gsod par byed do/ /bgegs byed ma ni rdo rje bgegs byed kyi gtso bo'i phyag rgya ste de nyid du mi 'ong ba thams cad kyi bgegs byed do/ /'phrog ma ni klu'i rdo rje'i phyag rgya ste de ni thams cad 'phrog par byed cing nor dang 'bru la sogs pa thams cad 'gugs pa'i las byed de//de bzhin gshegs pa thams cad kyi rdo rje'i dam tshig yin pas na de bzhin gshegs pa thams cad kyi rdo rje'i dam tshig go/ /rtog pa'i rgyal po yang yin la chen po yang yin pas rtog pa'i rgyal po chen po ste/ de bzhin gshegs pa thams cad kyi rdo rje'i dam tshig gi rtog pa'i rgyal po chen po de las 'jig rten gsum gyi 'khor lo'i dkyil 'khor chen po'i cho ga rgyas pa'o//de kho na nyid bsdus pa'i rgya cher bshad pa ko sa la'i rgyan las 'jig rten gsum gyi 'khor lo'i 'grel pa'o// //da ni de nas gzhan yang 'jig rten pa'i phyag rgya'i dkyil 'khor du gtogs pa'i dgos pa grub par bya ba'i don du phyag rgya'i dkyil 'khor bstan par bya ba'i phyir/de nas zhes bya ba la sogs pa gsungs so/ /de nas zhes bya ba ni rjes thogs la'o/ /skal ba phun sum tshogs pa dang ldan pa'i phyir bcom ldan 'das so/ /yang zhes bya ba ni dkyil 'khor chen po la ltos pa'o/ /de bzhin gshegs pa thams cad kyang yin la/ rdo rje yang yin pas na de bzhin gshegs pa thams cad kyi rdo rje ste/de bzhin gshegs pa thams cad kyi rdo rje'i gzungs ni sngags kyi gzungs so/ /de rnams kyang phal cher 'jig rten pa'i skabs 'dir gtso bor gyur pa yin pas na 'dir de skad gsungs pa yin te/ de rnams kyi dam tshig yin pas na de bzhin gshegs pa thams cad kyi rdo rje'i gsungs kyi dam tshig go//de'i thugs rdo rje'i gang las byung ba de byin gyis brlabs pa'i phyir/ ting nge 'dzin gang don dang mthun pa'i ming de nyid ces bya ba'i ting nge 'dzin de la snyoms par zhugs nas rang gi rig pa dam pa 'di gsungs so/ /de nas yang byang chub sems dpa' chen po phyag na rdo rje rang gi rig pa dam pa 'di gsungs so zhes bya ba la sogs pa thams cad ni go sla'o/de nas yang phyag na rdo rje zhes bya ba la sogs pa la/ de nas zhes bya ba ni 'das ma thag pa'o/ /yang zhes bya ba ni rtsa ba'i dkyil 'khor la ltos pa'o/ /phyag na rdo rje mnga' bas na phyag na rdo rje'o/ / rdo rje rigs thams cad ni 'jig rten dang 'jig rten las 'das pa rnams so/ /rdo rje rnams kyi dkyil 'khor yin pas na rdo rje dkyil 'khor te/ rdo rje hUM ni rdo rje hUM mdzad la sogs pa'o/ /'di zhes bya ba ni thugs la gnas pa'o/ /de nas rab tu bshad bya ba/ /zhes bya ba la de nas zhes bya ba ni rtsa ba'i dkyil 'khor gyi rjes thog la'o//gzungs kyi dkyil 'khor med par de dang 'brel ba'i dgos pa mi 'grub pas na/ de nas rab tu bshad bya ba/ /zhes bya ba ste/ yang dag par rab tu phyi ste bshad pas na rab tu bshad pa'o/ /rdo rje'i dkyil 'khor dam pa ste/ /zhes bya ba la dam pa ni 'og nas bshad pa'i rang gi rigs kyi dkyil 'khor la ltos pa'o//de'i nang du zhes bya ba ni phyi'i dkyil 'khor gyi nang du ste/ nang rim du'o/ /de bzhin sgo ni shar phyogs gdod/ /ces bya ba la de bzhin zhes smos pas ni/ de ji ltar phyi'i dkyil 'khor gru bzhi pa la sgo gcig pa ltar nang gi dkyil 'khor yang de bzhin du bya'o zhes bya ba'i don to//de'i dbus su zhes bya ba ni bshad ma thag pa'i nang gi dkyil 'khor gyi'o/ /ci rigs par zhes bya ba ni/ /srad bu bres par tshon gyis dgang / /zhes pa dang / gser ram dngul las byas pa'am/ /zhes bya ba la sogs pas/ sangs rgyas gzugs ni gzhag par bya//zhes bya'o/ /'jig rten gsum rgyal la sogs pa/ /zhes bya ba ni 'jig rten gsum las rnam par rgyal ba'i sku gzugs thog mar byas nas rin chen hUM mdzad la sogs pa yongs su gzung ngo / /de'i zhes bya ba ni sangs rgyas bcom ldan 'das kyi gzugs kyi'o/ /kun zhes bya ba ni mdun du 'jig rten gsum las rnam par rgyal ba bzhag la/g.yas phyogs nas bskor zhing phyogs bzhir rin chen hUM mdzad la sogs pa bzhag pa'o/ /dkyil 'khor de bzhin mchog rnams su/ /zhes bya ba ni 'jig rten pa'i dkyil 'khor bzhi'i mchog ste dbus ma'i gnas kyi dbus su bris la/rdo rje'i phyag rgya dbus su bris pa de'i phyogs bzhir/ /rigs kyi phyag rgya bri bar bya/ /zhes bya ba ste rdo rje sgyu ma la sogs pa'i phyag rgya bri bar bya'o zhes bya ba'i don to/ /nang gi dkyil 'khor gyi dbus su bcom ldan 'das 'khor dang bcas pa bkod la/ de nyid kyi phyogs bzhir rdo rje sgyu ma la sogs pa'i dkyil 'khor rnams bri bar bya'o//rdo rje glang sna la sogs pa/ /bzhi po rnams ni sgo srung ngo / /zhes bya ba la sngar smos pa gnyis gzugs gcig pa'i tshul gyis shar phyogs kyi sgo srung du bkod la/ phyis smos pa gnyis ni byang gi sgor dgod par bya'o/ /'jigs ma dpal dang sgra dbang dang thu//zhes bya ba ni gzugs su byas la/ /me'i mtshams su 'jigs rten ma/ bden bral gyi phyogs su dpal mo/ /rlung gi phyogs su sgra dbang mo/ /dbang ldan gyi phyogs su dur dga' dgod par bya'o/ /phyi yi dkyil 'khor grwa rnams su/ /zhes bya ba ni me la sogs par de dag nyid dgod pa'o/ /de rnams nyid ces bya ba ni 'jigs ma la sogs pa ste 'jigs ma'i dung ngo //dpal mo'i ni pad ma'o/ /sgra dbang ma'i ni pi bang ngo / /dur dga'i ni pa ti sa'o/ /de nas cho ga rgyas pa rnams/ /ji bzhin par ni bshad par bya/ /zhes bya ba la/ /de nas zhes bya ba ni bri ba'i cho ga'o/ /cho ga rgyas pa zhes pa ni slob dpon gyi las dang / slob ma gzhug pa la sogs pa'i cho ga rgyas pa'o//bshad par bya zhes pa ni rnam par phye ste bshad pa'o/ /de nas zhes bya ba ni gnas skabs so/ /'dir zhes bya ba ni gzugs kyi dkyil 'khor du'o/ /ji ltar 'dod pa bzhin bya ste/ /zhes bya ba ni ci dga' bar 'gyur ro/ /rdo rje lcags kyu la sogs pas dam tshig las byas nas zhes bya ba ni 'jug pa la sogs pa'i las byas nas so//rdo rje 'chang ba'i phyag rgya cho ga bzhin du bcings la zhes bya ba ni slob ma rdo rje 'dzin du bcug nas so/ /cho ga bzhin du zhes bya ba ni mtshan nyid ji bzhin du'o/ /de nas slob ma la bsgo bar bya ste/ ji zhig bsgo bar bya zhe na/ su'i mdun du yang dam tshig gi phyag rgya de rnams ma smra shig/su la mi smra zhe na/ de'i phyir dam tshig ma mthong ba zhes bya ba gsungs te/ dkyil 'khor ma mthong ba la zhes bya ba'i don to/ /gsang ba spel bar yang ma byed cig /ces bya ba ni gang 'dir gsang ba bshad pa de yang su la yang brjod par mi bya'o zhes pa'o/ /de nas las kyi rdo rje zhes bya ba ni gang slob dpon gyi lag na 'dug pa'i las kyi rdo rje'o//rdo rje 'chang ba'i phyag rgya'i steng du bzhag ste/ cho ga bzhin du chug shig ces bya ba ni gdong g.yogs la sogs pa byas nas so/ /rdo rje de de bzhin du 'or cig ces bya ba ni rdo rje dbyings la sogs pa'i cho gas so/ /gang la bab pa'i dam tshig gi phyag rgya de de'i dbang du 'gyur te zhes bya ba ni des 'di'i las thams cad rab tu 'grub bo zhes bya ba'i don to//gdong g.yogs bkrol nas zhes bya ba ni rdo rje dbyings las gsungs pa'i cho gas so/ /rim pa bzhin du bstan ste zhes bya ba ni sgo srung nas brtsams te/ bcom ldan 'das rnam par snang mdzad la thug gi bar du'o/ /de nas dam tshig gi phyag rgya'i gsang ba smra bar bya ste gsang ba de dag kyang gang zhe na/dam tshig gi phyag rgya 'di khyod kyis zhes bya ba la sogs pa gsungs te/ dam tshig gi phyag rgya zhes bya ba ni dam tshig la gnas pa rnams la dgos pa 'di dag byed pas na dam tshig gi phyag rgya'o/ /'di zhes bya ba ni ji skad du bshad pa'o/ /dgos pa gang gi tshe byed ce na/rtag tu zhes bya ba gsungs so/ /gang zhig byed ce na/ las kun byed pa ste zhes bya ba gsungs so/ /phyag rgya 'di dag ni 'jig rten pa'i ste/ 'dod chags dang bral ba ma yin pas bsam pa ji lta bus bsgrub pa'i dgos pa de byed do zhes bstan pa'i phyir/ ma dang sring mo rnams dang ni//chung ma bu mo rnams rjes 'brang / zhes bya ba gsungs te/ 'brang zhes bya ba ni rang dbang du 'gyur zhes bya ba'i don to/ /'di skad ston te/ sngon du bsnyen pa nas grub pa'i bar du 'brel pa gcig la sems brtan par bya'i bar ma dor gzhan du mi bya ste/ gzhan du byas par gyur na gnod sbyin mo bzhin du phung khrol byed par 'gyur ro//de la zhes bya ba ni dam tshig gi dgos pa'o/ /de'i zhes bya ba ni rdo rje 'chang ba'i phyag rgya'i snying po bshad pa'o/ /'di zhes bya ba ni rdo rje 'chang ba'i phyag rgyas so/ /lan cig bzlas pas zhes bya ba ni phyag rgya bcing ba'i dus su lan cig bzlas pas so/ /bud med thams cad dbang du byas te spyad na zhes bya ba la bud med thams cad ces bya ba ni phyag rgya thams cad do//dbang du byas te zhes bya ba ni dam tshig gi phyag rgya bcing ba dang / dam tshig gi rig pa brjod pa'o/ /spyad na zhes bya ba ni phyag rgya rnams rang gi las la sbyar ba'o/ /chos ma yin par mi 'gyur ro zhes bya ba ni de lta bus bsod nams ma /yin par mi 'gyur ba ste/ dam tshig gi phyag rgya ma bcings shing dam tshig gi rig pa ma brjod par gal te phyag rgya 'ching bar byed na de la/ chos ma yin par 'gyur te/ des na phyag rgya mi 'grub cing dam tshig kyang nyams par 'gyur ro/ /ci dga' bar thams cad spyad nas bsgrub par bya ste zhes bya ba ni 'di skad ston te/'dir rig sngags kyis 'dul ba mi bsrung du mi rung ba ma yin gyi gzhan du na gang gis rang gi sems ji ltar dga' bar spyad pas rtse gcig par 'gyur ba de thams cad spyad la bsgrub par bya'o/ /de nas thams cad dag par sems kyis rig na zhes bya ba ni rang bzhin gyis rnam par dag pa'i chos nyid la 'jug pas rtse gcig pa thob par gyur na yid kyis kyang phyag rgya thams cad kyis las dam pa thams cad byed do zhes pa ste/dngos grub kyi mchog kyang sbyin par byed do/ /de skad su zhig gsung zhe na/ bcom ldan 'das rdo rje 'chang bas gsungs so zhes bya ba ste/ bcom ldan 'das phyag na rdo rjes gsungs kyi brgya byin dang rig pa dam pas ni ma yin no zhes pa'o/ /dam tshig khro bo'i mdzub ces bya ba ni 'jig rten gsum las rnam par rgyal ba'i phyag rgya'o/ /gtsug dang zhes bya ba ni spyi bor bzhag na bcom ldan 'das rnam par snang mdzad kyi phyag rgyar 'gyur ro/ /snying gar bzhag pa ni 'jig rten gsum las rnam par rgyal ba'i phyag rgya'o//'jig rten gsum las rnam par rgyal ba'i phyag rgya las mdzub mo gnyis smin mtshams su gzhag na rin chen hUM mdzad kyi phyag rgyar 'gyur ro/ /kha nas drangs na pad ma hUM mdzad kyi phyag rgyar 'gyur ro/ /rdo rje hUM mdzad kyi phyag rgya spyi bor bzhag nas mthe'u chung sbrel ba bkrol na gnyis su byas par 'gyur te/de lta bu ni sna tshogs rdo rje'i phyag rgyar 'gyur ro/ /g.yon pa rdo rje mdzub mo bcing ba yin pas na g.yon pa'i rdo rje mdzub mo bcing bas zhes bya ste/ g.yas pa'i mthe bo dang mthe'u chung gnyis bcings te sbrel la rtse gsum gyi mtshan ma gang la yod pa de ni rtse gsum gyi mtshan ma ste/de mnan par bya'o/ /'di skad ston te g.yon pa'i rdo rje'i sor mo lhag ma gsum brkyang la g.yas pa'i mdzub mo'i rdo rje g.yon pa'i rtse gsum gyi steng du mnan nas gzhag par bya'o/ /da ni phyag rgya lhag ma rnams 'byung ba'i spyi'i phyag rgya bstan pa'i phyir/rdo rje rigs ni thams cad kyi/ /g.yon pa rdo rje gtso bor 'dus/ /zhes bya ba la sogs pa gsungs te/ rdo rje rigs kyang yin la thams cad kyang yin pas na/ rdo rje rigs ni thams cad kyi/ /zhes bya ste/ rdo rje rgyal po la sogs pa rigs lnga'o/ /rdo rje rigs de dag thams cad kyi g.yon pa rdo rje gtso bor 'dus pa ni g.yon pa yang yin la/rdo rje yang yin pas na g.yon pa rdo rje ste/ de nyid ni phyag rgya thams cad 'byung ba'i rgyur gyur pas na gtso bo'o/ /de 'dus pa yin pas na/ /g.yon pa rdo rje gtso bor 'dus/ /zhes bya ste/ de'i phyag rgya bcing ba bshad par bya'o zhes bya bar sbyar ro/ /su zhig gi zhe na/dam tshig ces bya ba ste/ dam tshig gi lha mo'i khyad par rnams kyi'o/ /phyag rgya bcing ba de ji ltar bya zhe na/ de'i phyir cho ga ji bzhin par zhes bya ba gsungs te/ mtshan nyid ji lta ba bzhin du zhes bya ba'i don to/ /thams cad 'khor lo sor rtse bcum/ /zhes bya ba ni rdo rje sgyu ma'i 'khor lo'i phyag rgya ste/lag pa g.yon pa'i sor mo rnams brkyang la thams cad kyi rtse mo bcum par bya ste/ 'di lta bu ni/ /thams cad 'khor lo'i sor rtse bcum/ /zhes bya'o/ /dril bu'i phyag rgya'ang de bzhin no/ /zhes bya ba 'jig rten gsum gyi 'khor lo las/ mdzub mos mtheb brten spyad pa dang //zhes ji skad bshad pa lta bu'o/ /de bzhin oM ni phyag rgya dang / /zhes bya ba ni rtsa ba'i dkyil 'khor las ji skad bshad pa lta bu'o/ /seng ge'i rna bar yongs su bzung / /zhes bya ba ni g.yon pa'i rdo rje khu tshur gyi mdzub mo'i tshigs gnyis pa bcag pa de'i rtse mo mthe bo'i rtser bzung ba 'di ni/ seng ge'i rna bar yongs su bzung //zhes bya'o/ /'bar ba kun du 'dzin pa dang / /zhes bya ba ni lag pa g.yon pa brkyang la 'od 'phro ba lta bur bstan par bya'o/ /'od ni yang dag 'dus pa nyid/ /ces bya ba ni lag pa g.yon pa'i mdzub mos g.yas pa'i sta zur nas brtsams ste spyi bo la thug gi bar du dkri zhing / g.yon pa'i sta zur gyi bar du phab la 'od kyi dkyil 'khor bstan pa'i tshul du bya ba 'di ni/ 'od kyi yang dag 'dus pa nyid/ /ces bya'o/ /dbyig pa'i khu tshur 'dzin pa dang / /zhes bya ba ni khu tshur g.yon pa dbyig pa 'dzin pa'i tshul du phrag pa'i phyogs su kha nang du bstan nas gzhag par bya'o/ gdong du phyag rgya bskor ba'o//zhes bya ba ni khu tshur de nyid kha'i 'gram du bskor bar bya'o/ /mthe bo dang mdzub mo dang gung mo gsum mdo ris kyi tshul du gru gsum par byas la kha'i phyogs su brkyang ba 'di ni btung ba'i phyag rgya'o/ /g.yon pa'i rdo rje khu tshur phreng ba'i tshul du mgo la bskor ba 'di ni rdo rje phreng ba'i phyag rgya'o//rdo rjes mnan nas btud pa ste/ /zhes bya ba ni g.yon pa'i rdo rje khu tshur gyis g.yas pa'i rdo rje khu tshur mnan te/ thur du btud pa 'di ni rdo rjes mnan nas btud pa'o/ /spyi bor bzhag pa tshogs kyi ste/ /zhes bya ba ni g.yon pa'i rdo rje khu tshur gyi mdzub mo mtshog mar bzhag pa 'di ni spyi bor bzhag pa'o//'di dag ni dkyil 'khor gyi sgo srung rnams yin te/ rang rang gi bdag po'i drung du phyag rgya'i tshul gyis gzhag par bya'o/ /lag pa bskum pa khar bzhag ste/ /zhes bya ba ni g.yon pa'i khu tshur bcangs la gru mo bkug ste dpung mgo g.yon pa'i thad kar bzhag pa 'di ni lag ba bskum pa khar bzhag pa'o//rgyab tu yang ni bskor bar bya/ /zhes bya ba ni rdo rje khu tshur de nyid bskor la rgyab kyi dbus su bzung ba ste/ 'di ni/ rgyab tu yang ni bskor bar bya/ /zhes bya'o/ /g.yon pa'i rdo rje khu tshur gyi sor mo bskum pa mdun du drag du brkyang ba ni/bar ma'i me stag gtong ba ste/ /zhes bya'o/ /g.yon pa'i rdo rje khu tshur de nyid khar brkyang la cung zad nang du gzhug pa ltar bstan pa ni phye nas khar yang gnas pa'o/ /pho nya mo'i dam tshig rnams so/ /mtha' ma gnyis ni khar bcug dang / /zhes bya ba ni g.yon pa'i rdo rje khu tshur de nyid kyi mthe'u chung gi phyed khar bcug pa 'di ni mtha' ma gnyis khar bcug pa'o//rdo rje khu tshur de nyid mdun du bteg la thur du dbab pa 'di ni btsir zhing rab tu gnon pa'o/ /g.yon pa'i rdo rje khu tshur bcangs pa'i dpung pas dpung pa g.yas pa la bsnol ba 'di ni dpung pa bsnol bas bsnol ba'o//g.yon pa'i rdo rje khu tshur gyis g.yas pa'i mkhrig ma nas brtsams te/ gdu bu 'byin pa'i tshul du bya ba ston pa 'di ni myur du 'phrog pa'o/ /de bzhin gshegs pa thams cad kyi rdo rje'i dam tshig yin pas na de bzhin gshegs pa thams cad kyi rdo rje'i dam tshig ste/ de bzhin gshegs pa thams cad kyi rdo rje'i dam tshig gi rtog pa'i rgyal po chen po de las so//rdo rje'i rigs kyang yin la thams cad kyang yin pas rdo rje rigs thams cad de/ 'jig rten dang 'jig rten las 'das pa rnams so/ /rdo rje'i rigs gnas pa'i dkyil 'khor yin pas na dkyil 'khor chen po ste/ de'i cho ga rgyas pa ni rnam pa rgyas pa ste de rdzogs pa'o//de kho na nyid bsdus pa'i rgya cher bshad pa ko sa la'i rgyan las 'jig rten gsum gyi 'khor lo'i gzungs kyi dkyil 'khor gyi 'grel pa'o// //'jig rten pa'i lha rnams kyi ting nge 'dzin gyi chos nyid yongs su shes par ma gyur na de'i sngags dang phyag rgya 'grub par mi 'gyur te/de bas na de bstan pa'i phyir de nas zhes bya ba la sogs pa'i gzhung gsungs te/ de nas zhes bya ba ni gnas skabs so/ /yang zhes bya ba ni phyag rgya'i dkyil 'khor la ltos pa'o/ /bcom ldan 'das zhes bya ba ni bshad zin to/ /de bzhin gshegs pa thams cad du gtogs pa'i chos kyi dkyil 'khor yin pas na de bzhin gshegs pa thams cad kyi chos kyi dkyil 'khor ro//gang de'i dam tshig ni sngags dang phyag rgya'o/ /'di dag gang las skyes pa ni 'byung ba ste/ /bsam pa'i khyad par 'di las byung bas na byung ba'o/ /de nyid ni mi phyed pa'i rdo rje ste de byin gyis brlabs pa'i phyir ting nge 'dzin gang don dang mthun pa'i ming de nyid ces bya ba'i ting nge 'dzin de la snyoms par zhugs pa'o//rig pa rnams kyi dam pa yin pas na rig pa dam pa'o/ /'di zhes bya ba ni thugs la gnas pa'o/ /gsungs zhes bya ba ni bka' stsal pa'o/ /lhag ma rnams ni go sla'o/ / de nas yang phyag na rdo rjes zhes bya ba la sogs pa la/ de nas zhes bya ba ni 'das ma thag pa ste sngags pa bstan pa'i rjes thogs la'o/ /yang zhes bya ba ni phyag rgya'i dkyil 'khor la ltos pa'o/ /rdo rje rigs kyang yin la thams cad kyang yin pas na rdo rje'i rigs thams cad de de'i chos yin pas na rdo rje rigs thams cad kyi chos te/gang gi ting nge 'dzin gang yin pa de de'i chos te de'i dam tshig gi dkyil 'khor ro/ /'di zhes bya ba ni thugs la gnas pa'o/ /gsungs so zhes bya ba ni bka' stsal pa'o/ /de nas zhes bya ba ni gnas skabs so/ /'jig rten pa'i ting nge 'dzin gyi chos nyid ma bstan par ni 'jig rten pa'i sngags kyi don grub par mi 'gyur te/de bas na rab tu bshad par bya zhes bya ba ste/ yang dag par phye ste bshad pa na rab tu bshad par bya'o/ /dan tshig kyang yin la chen po yang yin pas na dam tshig chen po ste/ 'jig rten dang 'jig rten las 'das pa'i dam tshig rnams bsdus pa'o//de'i dkyil 'khor ni dam tshig chen po'i dkyil 'khor ro/ /ji lta bu zhe na/ 'jig rten gsum gyi 'khor lo bzhin/ /zhes gsungs pa ste/ 'jig rten gsum gyi 'khor lo dang 'dra ba'o/ /dkyil 'khor thams cad bri bar bya/ /zhes bya ba ni legs par bri bar bya'o//der su zhig gi phyag rgya bri bar bye zhe na/ sangs rgyas rdo rje 'dzin la sogs/ /zhes bya ba gsungs te/ sangs rgyas ni sangs rgyas bcom ldan 'das so/ /rdo rje 'dzin pa ni rig pa dam pa ste/ phyag na rdo rje'i zhabs kyi drung du snyoms par zhugs par bri'o/ /sogs zhes smos pa ni rdo rje sgyu ma la sogs pa bsdu'o//ji ltar bri bar bya zhe na/ thams cad snyoms par zhugs pa'o zhes bya ba gsungs te/ mnyam par bzhag pa dang rjes su mthun pa'i spyod lam gyis gnas so zhes bya ba'i don to/ /chos kyi dkyil 'khor tshul lta bu/ /zhes bya ba ni skyil mo krung du bzhugs par ston to//snying gar mtshan ma yang dag gzhag /ces bya ba ni 'di dag gi snying ga nas mtshan ma yod pa'i phyir snying ga'i mtshan ma ste/ mtshan ma ni rang rang gi phyag rgya la bya'o/ /de nas zhes bya ba ni rjes thogs la te/ bris pa'i rjes la'o/ /dam tshig gi don gyi dkyil 'khor ni dam tshig gi dkyil 'khor ro//'dir zhes bya ba ni dam tshig gi dkyil 'khor du'o/ /cho ga bzhin du las byas nas/ /zhes bya ba ni slob dpon gyi las te/ bdag nyid 'jug pa dang / rang gi ming brjod pa dang / bka' nod pa la sogs pa'o/ /rdo rje 'chang gi phyag rgya ni slob ma 'ching du bzhug pa'o/ /ji lta bu zhe na rdo rje dril bur bcas pa ste rdo rjes mtshan pa'i dril bu ni rdo rje dril bu'o//rdo rje dril bu dang bcas par gnas pas na rdo rje dril bur bcas pa ste/ de 'ching du bcug la rdo rje dbyings las gsungs pa'i tshogs dkyil 'khor du bcug ste/ 'di skad du bsgo bar bya'o/ /dam tshig ma mthong ba dang zhes bya ba la gang gis dam tshig ma mthong ba 'di ni dam tshig ma mthong ba'o//gal te dam tshig mthong zhing dam tshig gi phyag rgya dang sngags dang dkyil 'khor bstan pa yin du zin kyang / lha de dag gi so so'i dbye ba ma bstan pa yang yin srid pas/ lha'i rigs ma mthong ba su la yang zhes gsungs pa yin no//mna'i snying po byin la zhes bya ba ni 'jig rten gsum gyi 'khor lo'i dkyil 'khor chen por gsungs pa'o/ /ji ltar dril bu 'di dkrol ba/ /zhes bya ba ni ji ltar rnam pa gang gis dril bu 'di dkrol zhing sgra sgrogs pa de'i sgra ji ltar mi rtag pa de bzhin du/ las kyi rdo rje 'di khyod mi rtag pa ste/rtag pa ni mi 'jig pa ste dus su 'chi ba'o/ /mi rtag pa ni 'jig pa ste dus ma yin par 'chi ba ste/ 'og nas bshad pa'i dam tshig las 'das na khyod dus ma yin par 'chi bar byed do zhes bya ba'i don to/ /ma rungs par byed pa ni rlag par byed pa'o/ /dam tshig gang zhig bsrung bar bya zhe na/de bstan pa'i phyir/ rdo rje slob dpon bsti stang med/ /ces bya ba la sogs pa ste/ rdo rje slob dpon ni gang gis dbang bskur ba'o/ /de la bsti stang med pa ni drod 'dzin cing brnyas thabs byed pa'o/ /rdo rje spun la mi mdza' dang / /zhes bya ba ni slob dpon gcig las dkyil 'khor du zhugs pa ste//de dang mi mdza' ba ni de dang yang der zhe 'gras pa'o/ /gdug pa ni dkon mchog gsum la 'khu ba dang / sems can rnams la gnod par byed pa'o/ /de rnams la byams pa ni phan 'dogs par sems pa'o/ /chags pa dang bral ba ni 'dod chags dang bral ba'o/ /'di yang mi bya ste nyon mongs pa med cing skye ba zad pas byang chub mchog thob par mi 'gyur ro//de dag ni dam tshig yin pas dngos grub 'dod pas 'da' bar mi bya'o/ /gal te khyod kyis byas na'o/ /zhes bya ba ni gal te khyod kyis 'da' bar byas na dus ma yin par 'chi ba la sogs pa ji skad bstan pa rnams su 'gyur ro zhes bya ba'o//chos kyi dam tshig gi phyag rgya'i ye shes rlab po che zhes bya ba ni chos kyi dkyil 'khor gyi dam tshig yin pas chos kyi dam tshig ste/ de'i phyag rgya yin pas na chos kyi dam tshig gi phyag rgya'o/ /de'i ye shes rlab po zhes bya ba ni bstan to zhes bya ba'i don to/ /'dir ni sangs rgyas dang /rdo rje 'dzin pa la sogs pa thog mar ston te/ de bas na de rnams dang po kho nar smos dgos pas de'i phyir/ sangs rgyas rdo rje 'dzin la sogs/ /chos kyi dkyil 'khor ji bzhin no/ /zhes bya ba gsungs so/ /'di skad ston te/ theg pa chen po mngon par rtogs pa'i dkyil 'khor du rdo rje phra mo la sogs pa'i ting nge 'dzin ji skad gsungs pa de bzhin du bya ba ni 'dir dam tshig yin par blta bar bya'o zhes/sangs rgyas rdo rje 'dzin la sogs/ /zhes bya ba 'dis bstan pa yin no/ /rdo rje rig pa dam pa'i dam tshig gi ting nge 'dzin gyi chos nyid gang yin zhe na/thams cad mnyam pa nyid bsam pa/ /zhes bya ba gsungs te/ chos thams cad ni rang bzhin gyis rnam par dag pa'o zhes bya ba'i don to/ /rdo rje sgyu ma'i ting nge 'dzin gyi chos nyid gang zhig yin zhe na/ 'gro ba 'di dag sgyu ma bzhin/ /zhes bya bas bstan te/ /chos thams cad kyi chos nyid ni 'di lta bu yin no zhes pa'o//gzhon nu'i ting nge 'dzin gyi chos nyid gang zhig yin zhe na/ de bzhin sdug bsngal dril bu 'dra/ /zhes bya bas bstan te/ /sdug bsngal ni 'bras bur gyur pa'i nye bar len pa'i phung po lnga la bzung ngo / /dril bu 'dra zhes bya ba ni dril bu smos su zin kyang 'dir dril bu'i sgra gzung dgos te de yang mi gnas pa yin no//mi gnas pa yin pa'i phyir 'du byed thams cad mi rtag pa'o zhes gsungs pa yin no/ /sdug bsngal thams cad mya ngan 'das/ /zhes bya ba ni tshangs pa'i ting nge 'dzin gyi chos nyid de/ sdug bsngal yang yin la thams cad kyang yin pas sdug bsngal thams cad do//mya ngan las 'das pa ni mchog ste sdug bsngal thams cad kyi mya ngan med pa zhes bya ba'i don to/ /rdo rje 'joms pa bla na med/ /ces bya ba 'di ni brgya byin gyi ting nge 'dzin gyi chos nyid de/ 'joms pa'i ngang tshul yod pas na 'joms pa yin la/ 'joms pa rnams kyi nang na bla na med pa ni thams cad las phul du byung ba zhes bya ba'i don to//de gang zhig yin zhe na rdo rje'o//sems can 'dul phyir khro bo mchog /ces bya ba 'di rdo rje 'khyil pa'i ting nge 'dzin gyi chos nyid de/ khro bo ni khros pa'o/ /mchog ni dam pa'o/ /yul gang zhe na/ sems can gdul phyir zhes bya ba gsungs te gdul bar dka' ba'i sems can rnams 'dul ba'o zhes bya ba'i don to//zhi ba yis ni nges par gsod/ /ces bya ba 'di ni rdo rje 'od kyi ting nge 'dzin gyi chos nyid de/ zhi ba ni gal te la lar phyin ci log tu 'gyur ba yang srid pas 'dis de nges par gsod par byed de/ brtan zhing 'jam la smra nyung gang yin pa/ /de nyid la ni 'bad pas bag bya ste/ /nyi ma sprin rum dag nas byung ba yi/ /'od zer shin tu rno bar gyur pa yin/ /zhes ji skad bshad pa lta bu'o/ /dbyig pa 'dra bar 'tshog pa med/ /ces bya ba 'di ni rdo rje dbyug pa'i ting nge 'dzin gyi chos nyid de nyes pa dang mthun par chad pas gcod pa ni 'tshog pa ste/dbyig pas brdegs pa las lhag pa'i 'tshog pa yod pa ma yin no/ /log par lta bas 'jigs par byed/ /ces bya ba 'di ni rdo rje ser smug gi ting nge 'dzin gyi chos nyid de/ lta ba ni mthong ba ste shes rab bo/ /log par zhugs pa'i lta ba yin pas na log par lta ba'o//'jigs par byed pas 'jigs par byed pa ste/ sbyin pa med do/ /mchod sbyin med do/ /sbyin sreg med do zhes bya ba la sogs pa lta bu'i rnam par zhugs pa'i shes rab la log par lta ba zhes bya'o/ /de ni 'jigs par byed pa yin te/ ngan song la sogs pa'i sdug bsngal mi bzad par gtong bar byed do zhes bya ba'i don to//ra ro 'dra bar 'jigs pa med/ /ces bya ba 'di ni rdo rje glang po'i sna'i ting nge 'dzin gyi chos nyid de gang gi phyir skyes bu ra ro bas ni glang po che'i dbang po la yang rtsa tsam du sems pa'i phyir ro/ /phreng ba 'dra bar 'ching ba med/ /ces bya 'di ni rdo rje phreng ba'i ting nge 'dzin gyi chos nyid de/'ching ba zhes bya ba ni rgyan la bya la gang gi phyir rgyan thams cad kyis brgyan par gyur kyang steng kho nar me tog gi phreng ba 'ching bar byed de/ de bas na/ phreng ba lta bur 'ching ba med/ /ces gsungs so/ /'di skad ston te/ phreng ba dang 'dra ba 'di rgyan gyi nang na yod pa'i ma yin no zhes bya ba'i don to//bud med 'dod pas 'gro dbang byed/ /ces bya ba 'di ni rdo rje dbang gi cho ga'i ting nge 'dzin gyi chos nyid de/ bud med 'dod pas zhes bya ba ni 'dod chags kyi rgyu yin pas 'dod pa zhes bya'o/ /de bas na skye bo 'dod chags dang ma bral ba thams cad dbang du byed pa'i phyag rgya'o//brtan pa tsam gyis gzhan 'pham mo/ /zhes bya ba 'di ni rdo rje rnam par rgyal ba'i ting nge 'dzin gyi chos nyid de/ don thams cad la gnod pa nye bar gnas su zin kyang gang bag tsha ba med pa de ni bstan pa zhes bya'o/ /bstan pa des don thams cad sgrub par byed de/dgos pa sgrub la mkhas rnams sran thub pas/ /dka' ba rnams kyang dka' ba med par rgal/ /zhes ji skad bshad pa lta bu'o/ /'tshog pa chad pa'i mchog yin te/ /zhes bya ba 'di ni rdo rje gtum po'i ting nge 'dzin gyi chos nyid de/ nyes pa can rnams la 'tshog pa ni mtshon dang dbyug pa la sogs pas lus la bsnun par byed pa ste 'di las 'da' ba'i chad pa med pas na 'tshog pa chad pa'i mchog yin zhes gsungs so//reg pa rnams ni rlung gi'o/ /zhes bya ba 'di ni rdo rje rlung gi ting nge 'dzin gyi chos nyid de/ bkru ba dang / mnye ba dang / bsku ba la sogs pa'i reg pa'i rgyu'i bye brag gang yang rung ba ji snyed pa de dag thams cad kyi nang na reg pa ni rgyu'i mchog yin no/ /de gang yin zhe na/ rlung gi'o zhes bya ba ste rlung nyid do/ /de bas na lus la rlung lnga gnas te/ gyen du rgyu ba dang / thur du sel ba dang / me dang mnyam du gnas pa dang /khyab byed dang / srog ces bya ba'o/ /de rnams kyi reg pa'i khyad par gyis lus 'di bzung bas na 'ching bar mi 'gyur zhing / rul bar yang mi 'gyur la reg pa'i khyad par gzhan yang myong bar byed de/ de lta bas na reg pa rnams ni rlung gi'o zhes gsungs te/ mchog ces bya ba ni tshig gi lhag ma'o/ /gzi brjid can ni byin pa'i mchog /ces bya ba 'di ni rdo rje me'i ting nge 'dzin gyi chos nyid de/ 'jig rten gzi brjid can du mthong ba'am/ thos pa ji snyed pa de dag thams cad kyi nang na byin za ni mchog ste/ byin za zhes bya ba ni me la bya'o/ / ji ltar mchog yin zhe na/ gang gi phyir bskal pa thams cad sreg pa la 'jug pa la ni 'jig rten thams cad mes khyab par byed pa'i phyir de las gzhan pa'i gzi can gang yang mi dmigs te/ de bas na/ gzi brjid can ni byin za'i mchog /ces gsungs so/ /zas rnams kyi nang na khrag dam pa zhes bya ba 'di ni rdo rje 'jigs pa'i ting nge 'dzin gyi chos nyid de/'jig rten 'di na kham gyi zas su gtogs pa gang ci yang rung ba de dag thams cad khrag tu red pa 'gyur na/ lus la phan par 'gyur te/gnas skabs lnga yang thob par byed do/ /gang yang khrag nyid zos pa de la gnas skabs de bzhin du 'gyur ro zhes mdo las bshad de/de bas na zas rnams kyi nang na khrag dam pa zhes bya bar sbyar ro/ /mche ba dag par zhugs pa ste/ /zhes bya ba 'di ni rdo rje phag gi ting nge 'dzin gyi chos nyid de mche ba dag pa ni rno ba dang sra ba'o/ /gang la 'di gnyis yod par gyur ba de ni dbug par bya ba'i dngos po gang yin pa de gdon mi za bar phug ste 'jug pas de'i phyir/mche ba dag pas zhugs pa ste/ /zhes gsungs so/ /'chi bdag thams cad gnas na 'dug /ces bya ba 'di ni rdo rje dus kyi ting nge 'dzin gyi chos nyid de gang gi phyir/ /'du byed thams cad skad cig ma//mi gnas bya ba gang la yod/ /'di dag 'byung ba de nyid ni/ /bya ba thams cad byed por brjod/ /ces bya ba ste/ de bas na 'chi bdag thams cad gnas na 'dug ces gsungs so/ /'di skad ston te/ 'dus byas kyi dngos po thams cad ni skad cig ma re re zhing yang skye ba dang 'chi ba yin no//'jigs las lhag pa'i bgegs gzhan med/ /ces bya ba 'di ni rdo rje bgegs kyi gtso bo'i ting nge 'dzin gyi chos nyid de/ 'jig rten na bsam pa'i don bsgrub pa la bar du gcod par 'gyur ba gang ji snyed yod pa de rnams la bgegs su gyur pa la ni bgegs zhes grags la/lha dang mi'i bgegs su nye bar bsdus pa ji snyed pa de dag thams cad kyi nang na sgrub pa po'i snying stobs nyams pa gang yin pa de la ni 'jigs pa zhes bya'o/ /de bas na/ 'jigs las lhag pa'i bgegs gzhan med/ /ces gsungs te/ gang gi phyir snying stobs dang ldan pa'i skyes bus ni bgegs stong phrag yod na yang de pham par byas nas bsam pa'i don sgrub par byed de/dper na bcom ldan 'das kyis bdud stobs dang bcas pa rnams pham par mdzad nas byang chub thugs su chud par mdzad pa lta bu'o/ /chu las lhag pa'i ro gzhan med//ces bya ba 'di ni rdo rje glu'i ting nge 'dzin gyi chos nyid de/ ro'i khyad par gang ji snyed pa de dag thams cad kyi rang gi mthu yul dang dus kyis gnas pa rnams rang rang gi snying stobs kyis gnas su zin kyang gnas skabs thams cad du chus 'tsho ba 'dzin pa ltar de dag gi srog 'dzin par nus te de'i phyir srog 'dzin cing ngoms par byed pa'i sgo nas/chu las lhag pa'i ro gzhan med/ /ces gsungs so/ /de lta bu de dag thams cad la 'ga' zhig slob par byed pa gang bzlos kyang rung ste rnal 'byor pa de dag la gnas par byas nas de'i sngags zlos shing chos nyid 'di dag bsgom par bya'o//bsgoms nas kyang rang rang gi yul la sngags dang phyag rgyar bcas par sbyar ba byas na de las mngon par bsam pa'i don 'grub par 'gyur ro/ /de bzhin gshegs pa thams cad kyi rdo rje'i dam tshig gi rtog pa'i rgyal po chen po las rdo rje rigs thams cad kyi chos kyi dkyil 'khor gyi 'grel pa'o//de ltar bcom ldan 'das phyag na rdo rjes rdo rje rig pa dam pa btul zhing byang chub kyi lam la bzhag pas des dpal phyag na rdo rje la sogs pa sangs rgyas dang byang chub sems dpa' rnams la gar gyi tshogs mchod par byed pa ni de nas zhes bya ba la sogs pas ston to//de nas zhes bya ba ni de'i rjes thogs la ste/ chos kyi dkyil 'khor gyi rjes thogs la las kyi dkyil 'khor ston to zhes bya ba'i don to/ /yang zhes bya ba ni chos kyi dkyil 'khor la ltos pa'o/ /bcom ldan 'das zhes bya ba ni bshad zin to/ / de bzhin gshegs pa yang yin la thams cad kyang yin pas na de bzhin gshegs pa thams cad de/ de dag gi las ni gdul bya'i sems can rnams la thugs brtse ba'i phyir/ mthong ba dang mchod pa'i las ltar yod pa rnams so/ /de'i dam tshig ni phyag rgya la sogs pa rnams so/ /'di 'byung ba ni bsam pa'i khyad par gang las skye ba ste/de byin gyis brlab pa'i phyir mi phyed pas rdo rje lta bu'i ting nge 'dzin gang don dang mthun pa'i ming 'di nyid ces bya ba'i ting nge 'dzin la snyoms par zhugs nas/ rang gi rig pa dam pa thugs la gnas pa 'di gsungs pa'o/ /lhag ma rnams ni go sla'o//de nas phyag na rdo rje zhes bya ba la sogs pa la de nas zhes bya ba ni rjes thogs la ste/ sngags bstan pa'i rjes thogs la dkyil 'khor bri ba'i las bshad do zhes bya ba'i don to/ /yang zhes bya ba ni chos kyi 'khor lo la ltos pa'o/ /rdo rje rigs thams cad ces bya ba ni 'jig rten dang 'jig rten las 'das pa thams cad de/rdo rje'i rigs de dag thams cad kyi dkyil 'khor thugs la gnas pa 'di gsungs so zhes pa ste de bka' stsal to zhes bya ba'i don to/ /rdo rje dkyil 'khor tshul gyis ni/ /zhes bya ba ni 'jig rten gsum las rnam par rgyal ba'i dkyil 'khor lta bur ro//dkyil 'khor thams cad ces ji skad smos su zin kyang / 'dir phyi rol gyi dkyil 'khor nyid yin par blta bar bya'o/ /dkyil 'khor mchog ni thams cad du/ /zhes bya ba la dkyil 'khor gyi mchog ni dkyil 'khor gyi gtso bo/ /thams cad du zhes bya ba ni phyogs bzhi na gnas pa gang yin pa rnams so//de ji lta bur zhe na/ de'i phyir/ sangs rgyas dbus na bzhugs par bya/ /zhes bya ba gsungs te/ bcom ldan 'das rnam par snang mdzad ni mi 'khrugs pa la sogs pa bzhi po de dag gi khongs su 'dus pa nyid de/ de rnams kyi chos kyi sku'i ngo bo nyid yin pas na don dam par de dag las tha mi dad pa'i phyir//de dag kyang de'i khongs su gtogs pa yin no/ /gnas bzhi po dag tu rnam par snang mdzad kyi gnas kyi sngags gcig 'byung ba des 'di na de bzhin gshegs pa 'byung ba rnams rdo rje hUM mdzad kyi gzugs su dgod par bya'i/ gar ston pa'i tshul dang mi mthun pas de bzhin gshegs pa'i tshul gyis ni ma yin no//de dag ces bya ba ni de bzhin gshegs pa bzhi po rnams kyi'o/ /ji lta zhe na/ phyogs ni rim par yang / sems dpa' chen po rnams gzhag go/ /zhes bya ba'o/ /'di skad ston te/ de bzhin gshegs pa re re'i phyogs re rer yang byang chub sems dpa' gnyis gnyis 'jig rten gsum las rnam par rgyal ba'i dkyil 'khor du gsungs pa'i sngags kyis bri bar bya'o//de'i dbus su zhes bya ba ni sangs rgyas dang byang chub sems dpa' 'khor gyi dkyil 'khor dang bcas pa de lta bu'i dbus te/dbus ma'i dkyil 'khor rnam par snang mdzad kyi gnas su rdo rje rig pa dam pa nyid chung ma dang bcas pa gzhag par bya'o//'di skad ston te/ dbus kyi dkyil 'khor de yang rnam pa gnyis su phye la/ nang gi dkyil 'khor du rdo rje rig pa dam pa chung ma dang bcas par gzhag cing /rdo rje rig pa dam pa de nyid la sgeg mo la sogs pa gsang ba'i mchod pa rnams kyis mchod par bya'o/ /dkyil 'khor dbus ma 'di nyid kyi mtshams bzhir sgeg mo la sogs pa bzhi bri bar bya'o zhes bya ba'i don to/ /'di dag kyang rdo rje hUM mdzad la sogs pa'i sngags 'di nas smos pa de dag nyid kyis dgod par bya'o//de'i zhes bya ba nang gi dkyil 'khor de'i phyi rol rim pa gnyis par lha mo rnams bri bar bya'o/ /ji ltar bri bar bya zhe na/ de'i phyir go rims bzhin/ 'khor lo dkyil 'khor tshul bzhin du/ /zhes bya ba gsungs te/ go rims ni 'dir bshad pa'i rim pa'i go rims kyis gang thog mar smos pa rnams kyang de'i rim bzhin du bya ba ste/go rims kyi tshul 'dis 'khor lo'i dkyil 'khor tshul bzhin du zhes bya ba ste/ 'khor lo ni chos kyi 'khor lo'o/ /de'i tshul dang mthun par byas pa'i dkyil 'khor yin pas 'khor lo'i dkyil 'khor ro/ /de yang 'jig rten gsum gyi 'khor lo kun nas zlum por bya'o zhes bya ba'i don to//rdo rje rig pa dam pa kun nas bskor zhing gar byed par bri bar bya'o/ /ji ltar gar byed pa zhe na/ rang gi phyag rgya phyag rgya'i lan/ /gar byed par ni bri bar bya/ /zhes bya ba ste/ gzugs kyi dkyil 'khor du rang gi phyag rgyar gang bshad pa de ni de'i rang gi phyag rgya'o//gang dang gang bcings pa de dang de la gnyen por gyur pa de ni lan gyi phyag rgya ste/ dper na me'i phyag rgya 'bar ba la chu'i phyag rgya gnyen por gyur pa de ni de'i lan gyi phyag rgya yin pa lta bu dang / dper na rdo rje bdud rtsi khro bo'i phyag rgya kun nas gtub par byed pa de la brgya byin gyi gdugs kyi phyag rgya de'i gnyen por gyur pa lta bu de ni lan gyi phyag rgya ste de lta bu la sogs pa'i tshul du rig par bya'o//de ltar bya ba de ci'i phyir zhe na/ mchod phyir zhes bya ba gsungs pa yin no/ /su zhig la zhe na/ sangs rgyas rdo rje can zhes bya ba gsungs te/ sangs rgyas ni bcom ldan 'das so//rdo rje can ni rdo rje 'dzin te/ gang gi phyir rdo rje 'dzin pa nyid sangs rgyas dang / byang chub sems dpa' thams cad kyi gzugs su bzhugs te/ de bas na sangs rgyas rdo rje can zhes gsungs so/ /de dag gi sbyor bas she na/ rdo rje gar gyi tshul gyis so zhes bya ba ni bstan zin te/lag pa gnyis mdzes par bsgyur ba'o/ /grwa rnams su ni bdug pa la sogs pa'o/ /sgo'i phyogs rnams su ni rdo rje lcags kyu la sogs pa'o/ /de nas zhes bya ba ni rjes thogs la ste bris pa'i rjes thogs la'o/ /dgug pa la sogs pa'i las byas nas zhes bya ba ni dgug pa zhes smos su zin gyis kyang 'di ni nye bar mtshon pa'i don tsam du blta bar bya ste/'jug pa dang bka' nod pa la sogs pa slob dpon gyi las rnams kyang 'dir bya dgos pa yin no/ /dgug pa la sogs pa zhes smos pa ni gzhug pa la sogs pa gzung ngo / /rdo rje 'chang ba'i las kyi dam tshig gi phyag rgya ji lta ba bzhin du bcings te zhes bya ba ni mtshan nyid ji lta ba bzhin du zhes bya ba'i don to//khyod kyis lha'i rigs ma mthong ba dang zhes bya ba la sogs pa ni de'i 'og tu dam tshig sbyin par bya ba ste/ lha'i rigs ma mthong ba ni dkyil 'khor dam pa ma mthong ba'o/ /gal te dkyil 'khor dam pa mthong ba yin du zin kyang /ci zhig ltar tshon rtsi nyi tshe tsam las ma mthong ba yang srid pas/ de las khyad par du bya ba'i phyir las mi shes pa su la yang zhes bya ba gsung te/ dkyil 'khor 'dir ji skad bstan pa'i las rnams gang gis mi shes pa de ni las mi shes pa ste/ de lta bu'i las mi shes pa de la khyod kyis bstan par mi bya'o zhes pa'i don to/ /gsang bar bya ba'i las ni gsang ba'i las te/ rig pa dam pa rnam par snang mdzad kyi gnas na 'dug pa dang / 'khor dang bcas pa gar byed par ston pa dang / de la yang gsang ba'i mchod pa 'bul ba dang /sangs rgyas dang byang chub sems dpa' rnams rol mo par ston pa 'di dag ni gsang ba'i las yin te/ gal te bstan par gyur pas/ khyod dam tshig nyams par gyur ta re zhes bya ba ste/ dam tshig ni dam tshig las 'das pa'o/ /nyams par gyur pa ni gzir bar byed pa ste dus ma yin par 'chi ba la sogs pa'o//smos la zhes bya ba ni dam tshig 'di bstan pa ste/ las kyi dkyil 'khor du rdo rje 'dzin gyi phyag rgya bcings nas bya'o/ /'di skad ston te/ slob dpon bdag nyid rdo rje 'dzin gyi phyag rgya bcings te/ slob ma la de dbab pa'i phyir rang gi las kyi rdo rje 'dzin gyi phyag rgya de ltar bstan cing khro bo'i lta bas kyang bltas la slob ma la 'di skad du brjod par bya'o//de ltar phyag rgya bcings la lta ba'i phyag rgya yang gtod cing sngags kyang brjod na/ slob ma de la babs te bdag nyid kyis 'jug ste zhes bya bar sbyar ro//zhugs nas ci zhig byed ce na/ phyag rgya dang lan gyi phyag rgya rnams kyi gar gyi mchod pas mchod par bya'o zhes bya ba gsungs so/ /de ltar babs te bdag nyid dkyil 'khor du 'jug pa dang / gar gyi mchod pa byed pa la phan yon ci zhig yod ce na/ de phyin chad ces bya ba la sogs pa gsungs te/de phyin chad ces bya ba ni dkyil 'khor du zhugs pa nas brtsams te'o/ /las thams cad ces bya ba ni las phran tshegs rnams so/ /gang gis las thams cad byed ce na/ lus dang ngag dang lta ba dang / /yid dang rdo rje'i phyag rgya rnams/ /zhes bya ba gsungs so//de la rdo rje'i sgra ni re re zhing sbyar dgos te/ lus rdo rje'i phyag rgya dang / ngag rdo rje'i phyag rgya dang / lta ba rdo rje'i phyag rgya dang / yid rdo rje'i phyag rgya rnams kyis so/ /'dod pa bzhin du zhes bya ba ni bsams pa tsam gyis byed pa ste/ las 'di la phyi bshol med par 'gyur ro zhes bya ba'i don to//sangs rgyas rdo rje 'dzin sogs kyi/ /dam tshig mchog ni gnyis bya ste/ zhes bya ba ni sangs rgyas bcom ldan 'das dang / byang chub sems dpa' rnams kyi dam tshig gi phyag rgya 'jig rten gsum las rnam par rgyal ba'i dkyil 'khor chen por ji skad gsungs pa de dag nyid rdo rje gar byas nas bcings te/gnyis su byas la yang gar byed pa'i tshul gyis mchod par bya ba'i phyir de la dbul zhing bstabs par bya'o/ /rdo rje lA s+ya sogs mchod pa/ /zhes bya ba ni 'jig rten gsum las rnam par rgyal ba'i dkyil 'khor 'di nyid du rdo rje sgeg mo la sogs pa phyag rgyar bstan pa gang yin pa de dag nyid gar gyi cho gas bcings la rdo rje rig pa dam pa la dbul bar bya'o//rig pa 'di rnams thams cad kyang / /zhes bya ba ni gang 'dir bdug pa la sogs pa'i mchod pa rnams dang / 'jig rten pa'i lha mo gang yin pa de rnams ni rig pa zhes smos pa 'dis gzung bar bya'o//rig pa de dag thams cad kyang ltag 'og go rims ji bzhin du zhes bya ba der bshad pa'i go rims kyis so/ /ji bzhin du zhes bya ba ni mtshan nyid ji lta ba bzhin du'o/ /gar gyi mchod pa'i phyag rgya yis/ /zhes bya ba ni rdo rje gar byas nas/ 'di dag gi phyag rgya bcing ba byas la phyag rgya bcings pa de phul ba 'dis las kyi dkyil 'khor mchod par byas pa yin no//bdug pa la sogs pa'i phyag rgya ni 'jig rten gsum las rnam par rgyal ba'i dkyil 'khor du gsungs pa dang / 'jig rten pa'i rig pa rnams kyis ni 'jig rten gsum gyi 'khor lo'i gzungs kyi dkyil 'khor du bshad pa rnams yin par blta bar bya'o//de ltar rim pa de dag thams cad kyi gar gyi mchod pas las kyi dkyil 'khor mchod par bya'o/ lha mo de dag thams cad nyid kyi rdo rje gar gyi tshul gyis ni phyag rgya chen po mdor bsdus so zhes bya ba ni 'di skad ston te/rdo rje gar byas la 'di dag thams cad kyi rang rang gi phyag rgya chen po mdor bsdus nas bcing bar bya'o zhes bya ba'i don to/ /dam tshig mchog ni gnyis byas te/ /lan gyi phyag rgyas dgrol bar bya/ /zhes bya ba ni 'jig rten gsum gyi 'khor lo rtsa ba'i dkyil 'khor las/rdo rje bcing ba dam byas te/ /g.yon pa rdo rje bcing bar bya/ /rdo rje khu tshur zhes bshad de/ /'di ni rdo rje rigs kun kyi'o/ /rdo rje de ni gnyis byas te/ /mtshan ma kun kyang des gzhag go/ /zhes ji skad bshad pa gang yin pa dang / gzungs kyi dkyil 'khor las kyang / rdo rje rigs ni thams cad kyi/ /g.yon pa rdo rje gtso bor 'dus/ /phyag rgya bcing ba bshad par bya/ /zhes bshad pa de las gnyis su byas pa'i g.yon pa'i rdo rje las/ ma mo 'di dag thams cad kyi phyag rgya 'byung bas dam tshig mchog gi phyag rgya 'di dag thams cad bcing bar bya'o/ /ji lta bu zhe na dam tshig mchog ces bya ba ste/ g.yon pa'i rdo rje mchog bsdus pa'o/ /ji ltar bcing zhe na gnyis byas te zhes bya ba ste rdo rje bcing ba gnyis su bya'o/ /de rnams ji ltar dgrol bar bya zhe na/ de'i phyir lan gyi phyag rgyas dgrol bar bya zhes bya ba'o/ / 'di skad ston te/ rdo rje gar byas nas rdo rje bcing bas bcings la rdo rje g.yon pa de btsir bar bya'o/ /de nas gnyis su byas pa'i rdo rje de las phyag rgya thams cad las re re zhing / g.yon pa rdo rje mchog gis bsdus te bcing bar bya zhing / lan gyi phyag rgya mthong nas kyang dgrol bar bya'o/ / 'di skad ston te/ rdo rje gar byas nas rdo rje bcing ba bcings te/ de ltar phyag rgya 'di rnams kyis slob dpon dang slob ma la dbab nas mchod par bya'o/ /su zhig la zhe na/ gtso bo thams cad ces bya ba ste/ gtso bo thams cad ni sangs rgyas dang / rdo rje 'dzin pa la sogs pa dang / rdo rje hUM mdzad do/ /de ltar byas pas cir 'gyur zhe na/ las grub par yang nges par 'gyur/ /zhes bya ba gsungs te/ thams cad 'grub par 'gyur ba'o/ /de bzhin gshegs pa thams cad kyi rdo rje dam tshig gi rtog pa'i rgyal po chen po las rdo rje rigs thams cad kyi las kyi dkyil 'khor gyi 'grel pa'o// //de ltar gdul dka' ba rnams btul zhing byang chub kyi sems la yang bkod de/ sems can rnams kyi don la nges par sbyar nas bcom ldan 'das phyag na rdo rjes rdo rje'i rigs de dag thams cad gsang ba'i don shes nas/ sems can gyi don byed pa'i phyir man ngag la sbyar ba dang /gsang ba'i don rnam par spyad pa'i phyir de nas zhes bya ba la sogs pa gsungs te/ de nas zhes bya ba ni gnas skabs 'dir phyag na rdo rjes so/ /rdo rje'i rigs thams cad ces bya ba ni phyi'i rdo rje'i rigs rnams so/ /sems can thams cad kyi don du bskos nas zhes bya ba ni byed du bcug pa'o//phyir mi ldog pa'i sa la rab tu bzhag ste zhes bya ba ni phyir mi ldog pa'i sa bon bskyed nas so/ /mkhyen bzhin du zhes bya ba la ci zhig mkhyen ce na/ gsang ba'i don te sems can rnams yid ches pa bskyed pa'i phyir/ bcom ldan 'das kyi zhal nas gsang ba'i don mngon sum du thos te/de yongs su shes pas sems can rnams kyi don la zhugs kyang ci ma rung snyam du bsams nas/ bcom ldan 'das la 'di skad ces gsol to/ /bdag gsang ba thams cad 'dzin par dbang bskur na zhes bya ba ni bsgo ba'o/ / gang zhig ce na gsang ba ste gang bdag gis gzung bar bgyi ba'o/ /de gang lags bka' stsol cig ces bya ba ni de bka' stsol zhing gsungs shig ces pa'o/ /de nas zhes bya ba ni rjes thogs la ste dris pa'i rjes thogs la'o/ /skal ba phun sum tshogs pas na bcom ldan 'das so//de bzhin gshegs pa yang yin la thams cad kyang yin pas na de bzhin gshegs pa thams cad de/ 'di dag gi gsang ba ni sba ba ste/ thams cad du bstan par mi bya ba'o/ /gang gis gsang ba de byin gyis rlob pa'i ting nge 'dzin 'di ni de bzhin gshegs pa thams cad kyi gsang ba'o//de gzhan gyis mi phyed pas na rdo rje ste/ ting nge 'dzin gang don dang mthun pa'i ming 'di nyid ces bya ba'i ting nge 'dzin de la snyoms par zhugs pa'o/ /'di zhes bya ba ni thugs la gnas pa'o/ /de gang zhig yin zhe na/ de bzhin gshegs pa thams cad kyi gsang ba zhes bya ba'o//ci zhig mdzad ce na gsungs so zhes bya ba ste/ bka' stsal to zhes pa'o/ /sems can rnams kyi zhes bya ba la sogs pa la /sems can rnams kyi rang bzhin zhes bya ba ni 'dod chags la sogs pa spyod pa'i sems can rnams la/ rang bzhin zhes bya ba 'dod chags la sogs pa spyod pa'i rang bzhin gyis so//ji lta ji ltar zhes bya ba ni rnam pa gang dang gang gis so/ /'dul bar 'gyur zhes bya ba ni phan par 'gyur ba ste/ de lta de ltar sems can rnams kyi don byos shig ces pa'i don to/ /de'i spyod pa bstan pa'i spyod pa de gang zhig yin zhe na/ 'dod chags la sogs pa zhes bya ba gsungs te/ 'dod chags la sogs pa la spyod par bstan pas so/ /ci nyon mongs pa dang bcas pas sam zhe na/ /ma yin te gtsang bas bya zhes du bya ba'o/ /'di skad ston te/ ji ltar bcom ldan 'das kun du bzang po 'dod chags la sogs pa'i spyod pa rnams la 'dod chags spyod par ston kyang chags par mi mdzad pa dang /zhe sdang la spyod pa rnams la zhe sdang spyod par ston kyang zhe sdang mi mnga' ba dang / gti mug la spyod pa rnams rmongs pa nyid du ston kyang rmongs pa mi mnga'o/ / de bzhin du 'dod chags la sogs pa la spyod par ston cing sems can rnams kyi don bya ba'o/ /gzhan su yang rung bas kyang kun du bzang po bzhin du ci nas kyang ma chags pa dang mi sdang ba dang / ma rmongs pas sems can rnams kyi don ji lta ba bzhin du bya'o zhes bstan par bya ba'i phyir gtsang bas kyang bya zhes pa'i sgras ston to//sems can kun la phan phyir dang / /zhes bya ba ni sems can thams cad gdug cing gtum pa rnams las bskyab pa'i phyir ro/ /sangs rgyas rnams kyi bstan pa'i phyir/ /zhes bya ba ni dkon mchog gsum yang dag par bsrung ba'i phyir/ sems can thams cad bsad kyang ni//zhes bya ba ni/ nga rgyal can tshar gcad par bya ba'i phyir/ rgyud 'di nyid las lha chen po bsad pa ji lta ba bzhin du/ rnal 'byor bsgom pa la dbang thob pa'i rnal 'byor pa rnams kyis kyang slar gso bar nus na gal te sems can thams cad bsad du zin kyang / /sdig gis gos par mi 'gyur ro//sems can kun la phan phyir dang / /zhes bya ba la sogs pa la/ gang la la longs spyod kyi dregs pas myos te/ spyod pa ngan pas sems can rnams la 'khu ba byed na de las sems can rnams bsrung ba nyid ni sems can kun la phan phyir zhes bya ba yin no/ / sangs rgyas don du sbyor ba yis/ /zhes bya ba la sangs rgyas rnams kyi don ni bstan pa bsrung ba dang / dam pa'i chos yun ring du gnas par bya ba'i phyir bya ba 'di ni don te/ dgos pa yin la de'i don du sbyor bas na sangs rgyas don du sbyor ba'o/ /'di skad ston te/ gang la la gdug cing gtum pa rnams longs spyod kyis dregs pas myos te/bstan pa rnam par 'jig par byed pa na de gdul bar bya ba'i phyir brgya byin gyis tshong dpon gyi nor sbas pa bzhin du/ de'i nor re zhig dbrog par bya'o/ /pha rol nor rnams phrog kyang ni/ /zhes bya ba ni rdzu 'phrul gyi stobs kyis pha rol gyi nor phrog na yang de'i sdig pas gos par mi 'gyur ro//'dod chags 'dra ba'i bde ba med/ /ces bya ba la sogs pa la/ 'dod chags ni bcom ldan 'das byang chub kyi sems te/ sems can smin pa dang grol bar byed pa'i 'dod chags yin la/ de dang 'dra ba'i bde ba med/ /ces pa ni gang gi phyir khams gsum gyi chos kyi rgyal po yang de las 'thob ste/de bas na de dang 'dra ba'i bde ba yod pa ma yin no/ /rgyal ba la ni de phul la/ /zhes bya ba ni byang chub kyi sems de sangs rgyas bcom ldan 'das rnams la nyin re zhing dus gsum du sangs rgyas thams cad mngon sum du byas nas mngon sum du blang bar bya'o//de ltar byang chub kyi sems blangs pa'i 'og tu sems bskyed pa des sems can rnams kyi don bya dgos so/ /de ltar sems can rnams kyi don bya dgos pa na/ gzhan gyi chung ma sems can phyir/ /bsten pas bsod nams thob par 'gyur//zhes bya ba ste gzhan par te mchog go/ /chung ma ni phyag rgya chen po'o/ /de bsten pa ni bsgom pa ste thun bzhir sangs rgyas dang byang chub sems dpa'i phyag rgya chen po dang / phyag rgya bzhi pa la sogs pa'i dkyil 'khor la gnas pa'i rnal 'byor pa de bsod nams shin tu mang po 'thob par 'gyur ro//sems can kun la phan phyir dang / /zhes bya ba la sogs pa la ma 'ongs pa na bde bar 'gyur ba'i las la ni phan pa zhes bya ste/ sems can rnams dge ba bcu'i las kyi lam la bkod pa'o/ /de lta bu'i sems can thams cad la phan pa'i don dang / phyir zhes pa ni tshe 'di'i don rdzogs par bya ba ste/ /tshe 'di'i don ni nad dang / dbul ba la sogs pa'i sdug bsngal bsal ba ste/ de lta bu'i sems can kun la phan pa'i phyir/ sangs rgyas rnams kyi bstan pa'i phyir/ /zhes bya ba ni sangs rgyas rnams kyi bstan pa bsrung ba'i phyir ro/ / las rnams thams cad byas pa yis/ /zhes bya ba ni de bzhin gshegs pa'i rigs la 'dod chags la sogs pa gtsang mas sems can rnams kyi don bya ba nyid las te dang po yin no/ /rdo rje'i rigs la nga rgyal can rnams tshar gcad pa'i phyir dus cung zhig srog dang dbral ba ni las gnyis pa yin no//rin po che'i rigs la gdul ba'i phyir dus cung zhig nor 'phrog pa ni gsum pa yin no/ /pad ma'i rigs la de bzhin gshegs pa rnams las byang chub kyi sems yang dag par blang ba dang dkyil 'khor bsgom pa ni las bzhi pa yin no/ /las kyi rigs la mchod pa'i las rnams dang sems can rnams kyi don bya ba ni lnga pa yin no//de ltar las thams cad byas na des bsod nams shin tu mang po 'thob par 'gyur ro/ /de bzhin gshegs pa thams cad kyi de kho na nyid bsdus pa'i rgya cher bshad pa/ ko sa la'i rgyan las de bzhin gshegs pa thams cad kyi theg pa chen po'i mngon par rtogs pa'i rgyal po chen po las rdo rje rigs kyi rtog pa'i 'grel pa rdzogs so// //de ltar ji skad bshad pa'i tshul gyis 'jig rten gsum las rnam par rgyal ba rnam par dbye ba mdzad nas/ 'jig rten gsum gyi 'khor lo de dag skyabs gsum len pa la btsud cing byang chub tu sems bskyed de/bstan pa la zhugs pa de rnams lam la gzud pa'i phyir chos bshad pa gtsor bya dgos pas na de gtsor gyur ba'i 'gro ba 'dul ba zhes bya ba'i brtag pa bstan par bya ba'i phyir/ de nas zhes bya ba la sogs pa'i gzhung gzhan gsungs pa yin te/de nas zhes bya ba ni gnas skabs so/ /yang zhes bya ba ni 'jig rten gsum gyi 'khor lo'i rtog pa la ltos pa'o/ /de bzhin gshegs pa yang yin la thams cad kyang yin pas na de bzhin gshegs pa thams cad do/ /gcig tu 'dus te zhes bya ba ni 'du ba mdzad pa'o/ / bcom ldan 'das zhes bya ba ni bskal pa phun sum tshogs pa'i phyir bcom ldan 'das so/ /phyag na rdo rje de nyid ces bya ba ni sngar 'jig rten gsum las rnam par rgyal ba'i gzugs kyis bzhugs pa gang yin pa de nyid do/ /chos kyang yin la thams cad kyang yin pas na chos thams cad do//de'i bdag po ni gtso bor gyur pa ste/ dbang du gyur cing mkhas pa zhes bya ba'i don to/ /sems can rnams kyi bsam pa dang / bag la nyal dang / khams dang / rang bzhin dang / spyod pa la gzigs pa dang / 'jigs pa chen po brgyad la gzigs pa'i dbang po yin pas na spyan ras gzigs kyi dbang po ste/de la de bzhin gshegs pa thams cad kyi mtshan brgya rtsa brgyad mnga' bas ni mtshan brgya rtsa brgyad pa des gsol ba btab pa'o/ /'dis zhes bya ba ni 'og nas bshad pa'o/ /gsol ba btab pa zhes bya ba ni mchod pa sngon du 'gro bas gsol ba 'debs pa ste/de mdzad pa'o/ /de la 'dir re zhig de bzhin gshegs pa'i rigs kyi sgo nas dang po bstod pa'i phyir/ pad+mo'i sems dpa' zhes bya ba la sogs pa gsungs te/ rdo rje sems dpa'i de nyid pad+ma'i rigs kyi sgo nas pad+mo'i sems dpa' zhes gsungs pa yin no/ / de rnams kyi bdag por gyur pas na pad+ma che'o/ /'jig rten gsum gyi dbang phyug yin pas na 'jig rten gsum gyi dbang po ste/ bdag po zhes bya ba'i don to/ /dbang phyug chen po'i gzugs kyis kyang sems can rnams kyi don mdzad pas na dbang phyug chen po'o/ /'jigs pa chen po brgyad la gzigs pa la mnga' brnyes pa'i phyir ram/pad+ma'i phyag rgya'i chags pa la gzigs pa'i phyir spyan ras gzigs dbang ngo / /brtan pa ni byang chub sems dpa'i rnams yin la/ de dag gi nang na brtan pas na mchog tu gyur pa ste/ ngan song ba rnams kyang pad+ma lta bur bya'o zhes 'khor bar skrag pa mi mnga' ba'i phyir brtan pa'i mchog go//bcom ldan 'das spyan ras gzigs dang pos chos gang rang bzhin gyis rnam par dag par gzigs pa de la sus kyang gzhan du bsgyur bar mi nus pa'i phyir mi phyed pa'i chos nyid dang ldan pas na rdo rje chos so/ /tshigs su bcad pa 'dis ni mtshan bdun yang dag par bsdus pa yin no//tshigs su bcad pa gnyis pas ni bla na med pa'i chos kyi rgyal po'i bdag por gyur pa'i sgo nas bstod pa yin te/ chos rnams la bdag por gyur pas na chos kyi rgyal po'o//thun mong ma yin pa'i mkhyen pa la mnga' brnyes pa na dag pa che ste/mi shes pa'i dri ma dang bral ba'i phyir ro/ /de nyid kyis na sems pa'i rgyal po ste/ thun mong ma yin zhing phyin ci ma log pa'i chos kyi de kho na nyid nye bar ston par mdzad pa'i phyir ro/ /dbang po yongs su ma smin pa rnams dbang po yongs su smin par bya ba'i phyir/nyid kyi rdzu 'phrul gyi stobs kyis phan 'dogs pa dang / tshar gcod pa spyod pas na blo gros chen po'o/ /yang na shes rab kyi pha rol tu phyin pa rnam par dag pa thugs su chud pas na blo gros chen po'i/ /pad+mo'i chos dang rjes su mthun pa'i phyir pad+ma'i bdag nyid do//khams gsum ma lus par khyab par mdzad pas na pad+ma che'o/ /pad+ma'i mgon zhes bya ba ni pad+ma'i rigs kyi mgon por gyur pa'i phyir te/ tshigs su bcad pa 'di ni rin po che'i rigs kyi sgo nas bstod pa yin no/ /'di ni pad+mo las byung ba yin pa'i phyir pad+mo las byung ba ste/bsgoms pa'i stobs kyis pad+mo'i phyag rgya las yang dag par byung ba yin pa'i phyir ro/ /pad+ma bzang po ni pad bzang ste/ gang de ting nge 'dzin gyi stobs las byung ba'o/ /de nyid kyi snang ba mnga' bas na pad bzang 'od de/ 'od ni sku'i mdangs kyi 'od do/ /pad+ma ltar dag pa'i rang bzhin mnga' bas na pad+mo dag pa'o//'di skad ston te/ ji ltar pad+ma chu las skyes kyang rang bzhin gyis dag pa'i phyir chu'i nyes pas mi gos so/ /de bzhin du bcom ldan 'das 'jig rten dbang phyug kyang sems can rnams kyi don sgrub par mdzad pa'i phyir/ 'khor bar zhugs kyang 'khor ba rnams kyi nyes pas mi gos so//sems can rnams shin tu dag par mdzad pas na rab dag byed de pad+ma dang 'dra ba nyid do/ /dper na pad+ma ni bkra shis pa'i gnas su gyur pas phyogs gong du skye ba'i sa phyogs de gtsang mar 'gyur ro/ /de bzhin du bcom ldan 'das 'jig rten dbang phyug kyang gang du bltams pa'i sems can gyi 'jig rten der skye ba zhes pa tsam gyis dag byed du gyur par mdzad do//de yang / yon tan yang dag rgyan ldan dam pa ni/ /gang dang du gang du gnas par gyur pa dag /de dang der ni bkra shis ldan bshad de/ /'bab stegs de yin dka' thub nags de yin//zhes tshigs su bcad pas ji skad bshad pa lta bu dang / gnas pa dag tu 'gro ba yi/ /mig gis rtag tu khyod mthong zhing / /gang zhig khyod kyi zhal blta ba/ /'jig rten de nyid bsod nams ldan/ /zhes bshad pa lta bu ste/ de lta bas na rab dag byed//ces bya ba'o/ /rdo rjes mtshan pa'i pad+ma mnga' bas na rdo rje pad+ma'o/ /yang na bcom ldan 'das rdo rje sems dpa'i nyid pad+ma'i gzugs su bzhugs pas na rdo rje pad+ma'o/ /pad+ma bzang po ni pad+ma mchog ste/ ting nge 'dzin gyi pad+ma'o/ de 'dab ma ltar shin tu 'jam pa'i sku mnga' bas na pad+ma mchog sku'o//snga ma ni gzugs kyi skye mched kyi sgo nas bstan pa yin la/ da ltar gyi ni reg bya'i skye mched kyi sgo nas bstan pa yin te/ /khyad par ni de yin no/ /pad+mo'i steng gi pad+mo yin pas na pad+ma pad+mo ste/ 'og gi pad+ma ni tshangs pa'i pad+ma yin la/ de'i steng du bcom ldan 'das kyi phyag rgya'i pad+ma gnas pas na de skad ces bya'o//tshigs su bcad pa 'di ni pad+ma'i rigs kyi sgo nas bstan pa ste/ 'di la yang mtshan bdun yod do/ /de ni las kyi rigs kyi sgo nas bstod par bya ba'i phyir/ sna tshogs zhes bya ba la sogs pa gsungs so/ /sna tshogs kyang yin la/chen po yang yin pas na sna tshogs chen po ste/ sna tshogs pa'i dgos pa mdzad pa'i phyir//khyab par mdzad pas na sna tshogs chen po'o/ /snang ba chen po mnga' bas na snang ba chen po ste/ snang ba ni sems can gyi don mdzad pa la sgrib pa mi mnga' ba'i ye shes so/ /dgos pa chen po mnga' bas na dgos pa chen po ste/sems can ma lus pa'i bya ba rdzogs par mdzad pa'i phyir te gdon mi za bar grub pa'o/ /chen pa mtshungs pa mnga' bas na tshe dang mtshungs te/ che ba ni sangs rgyas te de bzhin gshegs pa thams cad do/ /de bzhin du de bzhin gshegs pa shAkya thub pa yang de dang mtshungs par gyur pas na che dang mtshungs so//brtan pa yang yin la chen po yang yin pas na brtan pa chen po ste/ sems can thams cad bsrung ba la zhugs pa'i phyir ro/ /gdug cing gtum pa rnams kun du skrag par mdzad pas na dpa' ba chen po ste/dpa' ba yang yin la chen po yang yin pas na dpa' ba chen po ste/ gzi mdangs chen po dang ldan pa la dpa'i ba chen po zhes bshad do/ /'di yang mtshan bdun gyis bstod pa yin par shes par bya'o/ /da ni rdo rje sems dpa'i sgo nas bstod par bstan pa'i phyir /sems can bsam pa zhes bya ba la sogs pa gsungs te/ sems can rnams kyi bsam pa ni sems can bsam pa ste/ sems can thams cad kyi sems gang yin pa de la bsam pa'i sgrar gsungs so/ /de nyid shes rab dang ye shes su yang dag par ldan pa ni rtogs pa'i chos kyi rang bzhin te/sa dang pha rol tu phyin pa'i rnam par dbye bas gnas pa la ni theg pa che zhes bshad do/ /sems de nyid stong pa nyid la dmigs pa'am/ chos thams cad la dmigs pas na rnams par mi g.yeng ba ni rnal 'byor chen po zhes bshad do/ /sems de nyid tshangs pa'i gzugs su sprul te/gnas pa la ni mes po che zhes bshad do/ /sems can rnams kyi gdul bya'i don gyi phyir bde za'i gzugs su sprul pas na bde za'o/ /shaM ni bde ba la bya ba de byed pa'i ngang tshul mnga' bas na bde byed de/ mya ngan las 'das pa'i bde ba thob par mdzad pa'i phyir ro/ / dag pa'i sgra ni sems de nyid la bya bar bshad de dag pa'i sgra'i don yin pas na dag pa'i don te/ nyon mongs pa dang shes bya'i sgrib pa las rnam par grol ba'i phyir ro/ /pad+mo rgyas pa zhes bya ba ni pad+ma kha bye ba zhes bya ba'i don to/ /sems de nyid ni nyon mongs pa dang shes bya'i sgrib pa'i gnyid gnyis dang bral bas na pad+ma rgyas pa lta bu yin pas na sangs rgyas pad+ma zhes bya'o//de ltar na tshigs su bcad pa 'dis ni mtshan brgya rtsa brgyad kyis bstod pa yin no/ /da ni bshad pa'i chos rnams kyi sgo nas bstod pa bstan pa'i phyir chos de nyid don zhes bya ba la sogs pa gsungs te/ rang gi mtshan nyid 'dzin pa'i phyir chos te/gzugs la sogs pa ste chos de rnams kyi de kho na nyid ni chos de nyid do/ /chos rnams kyi de kho na nyid kyi don mnga' bas na chos de nyid don to/ /dam pa rnams kyi chos yin pas na dam pa'i chos so/ /yang na chos bzang po yin pas na dam pa'i chos so//dag pa yang yin la chos kyang yin pas na dag pa'i chos te thog ma dang bar dang tha mar dge ba'i phyir ro/ /chos bzang po mdzad pas na chos rab byed de rtogs pa'i chos thob pa'i rgyur gyur pa'i phyir ro/ /chos kyang yin la chen po yang yin pas na chos chen po ste/ theg pa chen po'i chos kyi rang bzhin yin pa'i phyir ro//chos bzang po yin pas na chos bzang po ste/ nyan thos dang rang sangs rgyas kyis bsdus pa'i zag pa med pa'o/ /de las kyang theg pa chen po'i chos ni mchog tu gyur pa yin pas na/ chos bzang mchog go/ /gdul bya rnams kyi rgyud la skal ba ji lta ba bzhin du 'jug par mdzad pas na chos kyi 'khor lo'o//'di yang mtshan bdun gyis bstod pa yin par shes par bya'o/ /da ni 'od dpag tu med pa'i sgo nas bstod pa bstan pa'i phyir/ sangs rgyas sems dpa' zhes bya ba la sogs pa gsungs te/ sangs rgyas kyis byin gyis brlabs pa'i sems dpa' yin pas na sangs rgyas sems dpa'o/ /sems dpa' bzang po yin pas na sems bzang ste/ byang chub sems dpa' rnams so/ /de rnams kyi mchog tu gyur pa yin pas na sems bzang mchog go/ /'od dpag tu med pas yongs su bzung ba nyid kyis na chos nyid rab tu rtogs pa'i phyir chos kyi sems dpa'o//sems dpa' bzang po yin pas na sems mchog ste/ chos thams cad rang bzhin gyis dag pa rtogs pa'i phyir ro/ /sems dpa' zhes bya ba'i sgra ni bsam pa la bya bar bshad la/ de lta bu'i bsam pa 'dzin par mdzad pas na sems mchog 'dzin ces bshad do/ /sems dpa' rnams kyi mchog tu gyur pas na sems dpa'i dam pa ste/ rang gi ngo bo nyid kyis mchog tu gyur pa yin pa'i phyir ro/ /shin tu yang sems can rnams mkhyen pas na sems mchog shes so//yang na sems dpa' mchog rnams mkhyen pas na sems dpa' mchog shes so/ /'khor bar chags pas na sems can te/ sdug bsngal can rnams so/ /de rnams la rjes su thugs brtse bas 'jigs pa chen po brgyad las bskyab par bya ba'i phyir chags par mdzad pa ste/nges pa'i tshig gi tshul gyis na sems can sems dpa' zhes bshad do/ /tshigs su bcad pa 'di yang mtshan bdun gyis bstod pa yin no/ /da ni phyag rgya chen po'i sgo nas bstod pa bstan pa'i phyir spyan ras gzigs dbang phyug ces bya ba la sogs pa gsungs te/ spyan ras gzigs kyis 'tsho bas na spyan ras gzigs so/ /spyan ras gzigs pa la mnga' brnyes pas na spyan ras gzigs dbang ste/ rang bzhin gyis dag pa'i chos kyi de kho na nyid thugs su chud pa la mnga' brnyes pa'i phyir ro/ /mgon po ni de bzhin gshegs pa rnams te/de rnams kyi sras kyi mchog yin pas na mgon po mchog go/ /yang na mgon po ni phongs pa rnams las skyob par byed pa ste/ 'jigs pa chen po brgyad kyis zin pa rnams las yongs su skyob par mdzad pas na mgon po rnams kyi mchog tu gyur pas na mgon po'i mchog go//mgon po yang yin la chen po yang yin pas na mgon po chen po ste/ gdul bya'i don gyi bya ba chen po la brtson par mdzad pa'i phyir ro/ /sangs rgyas thams cad kyis khyad par du rnam par gzigs pas na rnam gzigs pa'o/ /ye shes kyi snang ba shin tu yang 'phel bar gyur pas na snang ba'o//sems can dang snod kyi 'jig rten gyi bdag nyid can yin pas na 'jig rten no/ /'jig rten rnams kyi don mdzad pas na 'jig rten don to/ /'jig rten mgon khyod ces bya ba ni mtshan te/ de bas na mtshan des mtshon par byas te bstod pa yin no//tshigs su bcad pa 'di ni mtshan brgyad kyis bstod pa yin no/ /da ni chos kyi phyag rgya'i sgo nas bstod pa'i phyir 'jig rten yi ge zhes bya ba la sogs pa gsungs te/ 'jig rten du mi 'gyur bas na yi ge ste/ rtag pa zhes bya ba'i don to/ / yang na mi 'gyur bas na yi ge ste/ gang chos rnams kyi chos nyid ni ngo bo nyid las mi 'gyur ba yin pa'i phyir ro/ /yi ge yang yin la chen po yang yin pas na yi ge chen po ste/ chos thams cad la khyab pa'i phyir ro/ /'jig rten na yi ge ste mi 'gyur bar 'dod pa gang ci yang rung ba rtag par 'dod pa de rnams kyi mchog ste dam pa zhes bya ba'i don to//chos nyid kyi mchog yin pa'i mi 'gyur ba gang gis mtshungs par gyur pas yi ge ni de bzhin gshegs pa ste de dang mtshungs pa gang yin pa de ni yi ge 'dra'o/ /mi 'gyur ba rnams kyi yang mi 'gyur ba yin pas yi ge'i yi ge ste/mi 'gyur ba ni de bzhin gshegs pa ste/ ye shes las sprul pa'i sku'i ngo bo nyid do/ /de rnams kyi chos kyi sku la lhag pa'i spyod par mdzad pas mi 'gyur ba'i yang mi 'gyur ba ni yi ge'i yi ge'o/ /spyan lnga dang ldan pas na thams cad spyan te/ sha'i spyan dang /lha dang / chos dang / shes rab dang sangs rgyas kyi spyan dang ldan pa'i phyir thams cad spyan no/ /'phags pa shes rab kyi pha rol tu phyin pa las 'byung ba'i yi ge'i 'khor lo'i gzugs kyi ngo bo nyid du gyur pas na/ 'khor lo'i yi ge khyod phyag 'tshal/ /zhes bya ba ste/ 'dir yang mtshan bdun gyis bstod pa yin no//da ni dam tshig gi phyag rgya'i sgo nas tshigs su bcad pa 'dis bstod pa'i phyir phyag na pad+mo zhes bya ba la sogs pa gsungs te/ phyag na mtshan par gyur pa'i pad+ma mnga' bas na phyag na pad+mo'o/ /phyag chen po mnga' bas na phyag chen po ste gdul bya rnams kyi dgos pa yongs su rdzogs par bya ba'i phyir khyab bdag nyid du gyur par ston pa'i tshe/phyag gi mthil gyis 'jig rten gyi khams grangs med pa 'gebs par mdzad pa'i phyir phyag chen po'o/ /'jigs pa chen po brgyad kyis skrag par gyur pa rnams la mi 'jigs pa sbyin pa'i phyag gis dbugs 'byin par mdzad pas na dbugs 'byin pa'o//mchog sbyin pa'i phyag gis yi dags rnams kyi khar bdun rtsi la sogs pa stsol bar mdzad pas na sbyin pa po'o/ / sangs rgyas rnams kyi chos 'phags ba shes rab kyi pha rol tu phyin pa la sogs pa mdo sde rnams yang dag par bsdus pa la 'jug par mdzad pas na sangs rgyas chos so//'di la sangs rgyas chen po mnga' bas na sangs rgyas chen po ste/ dbu la sangs rgyas 'od dpag tu med pa 'jog par mdzad pa dang / sangs rgyas kyi rdul phra rab las bsgrubs pa yin pas na sangs rgyas che'o//rdo rje sems dpa'i gnas su sangs rgyas kyi skur bzhugs pas na sangs rgyas bdag nyid do/ /'dir yang mtshan bdun gyis bstod pa yin no/ /da ni gzugs kyi sku'i sgo nas bstod pa'i phyir sangs rgyas gzugs ni zhes bya ba la sogs pa gsungs te/ sangs rgyas rnams kyi gzugs ni sangs rgyas gzugs te//sangs rgyas kyis 'dul ba'i sems can rnams gdul bar bya ba'i phyir/ sangs rgyas rnams kyi sprul pas bzhugs pa'i phyir ro/ /de nyid kyis khams thams cad du khyab par phyir na gzugs chen po'o/ / phyag na rdo rje'i gzugs kyis bzhugs pas na rdo rje'i gzugs so/ /gzugs bzang po 'dzin par mdzad pas na gzugs bzang 'chang ngo / /chos rnams kyi snang ba mdzad pas na chos kyi snang ba ste snang ba ni ye shes la bya'o/ /gang la gzi brjid bzang po mnga' ba de ni gzi brjid do/ / de rnams kyi mchog ni rdo rje nyi ma yin la/ /ting nge 'dzin gyis bzhugs pa'i phyir ro/ /'jig rten rnams la phyin ci ma log pa'i chos ston pas snang bar mdzad pa'i phyir 'jig rten snang ba'o/ /'dir yang mtshan bdun po nyid kyis bstod pa yin no/ /da ni rigs kyi sgo nas bstod pa'i phyir pad+mo'i dpal zhes bya ba la sogs pa gsungs te/pad+mo'i rigs kyi dpal yin pas na pad+mo'i dpal te/ chu'i dpal chen po zhes bya ba'i don to/ /de'i mgon po yin pas na pad+mo'i dpal gyi mgon po'o/ /mgon po yang yin la mchog kyang yin pas na mgon po mchog ste/ rigs pa'i rgyal po gzhan rnams kyi nang na mchog yin pa'i phyir mgon po mchog go//chos rnams kyi dpal yin pas na chos dpal ste lha mo dbyangs can no/ /de'i mgon po ni bdag por gyur pa ste des na chos dpal mgon po'o/ /'di la mgon po mnga' bas na mgon ldan te/ 'od dpag tu med pa dang ldan pa zhes bya ba'i don to//tshangs pa ni sangs rgyas bcom ldan 'das zhes bya ba'i don te 'di'i mgon po mnga' bas na tshangs pa'i mgon po'o/ /tshangs pa yang yin la chen po yang yin pas na tshangs pa chen po ste/ gdul bya rnams kyi dbang gis tshangs pa'i gzugs su sprul pa mdzad pas na tshangs pa chen po'o//tshangs pa'i sras yin pas na tshangs sras te sangs rgyas kyi sras zhes bya ba'i don to/ /'dir yang mtshan bdun gyis bstod pa yin no/ /da ni ye shes kyi sgo nas bstod pa'i phyir snang ba'i snang mchog ces bya ba la sogs pa gsungs te/ mar me dang 'dra bas na snang ba ste/ phyi dang nang du bcas pa'i mun pa sel bar mdzad pa'i phyir ro/ /'jig rten na nor bu la sogs pa snang ba gang yin pa de rnams ni phyi rol gyi mun pa sel bar byed pa yin par grags pa tsam du zad kyi/ /'dis ni phyi dang nang gi mun pa thams cad sel bas na snang mchog go/ /snang ba yang yin la gtso bo yang yin pas na snang gtso ste/nyon mongs pa'i sgra rnams 'joms pas so/ /de yang ye shes kyi snang ba ni nyon mongs pa thams cad kyi gnyer por gyur pa yin pa'i phyir/ ye shes kyi ngo bo nyid ni 'jig rten dbang phyug go/ /mar me ltar snang ba mnga' bas na snang gsal te/ 'od zer 'gyed pas phyi'i mun pa sel bar chos mthun pa'i phyir ro// rab tu snang ba yin pas na shin tu snang ba po ste yang dag pa'i don ston pa'i phyir ro/ /snang ba ni pad+ma'i rigs kyis bsdus pa'i byang chub sems dpa' de las gzhan pa rnams te/ de rnams kyi mgon po yin pas na snang ba'i mgon po'o//snang ba yang yin la chen po yang yin pas na snang ba chen po ste/ khams gsum po snang bar mdzad pa'i phyir ro/ /sangs rgyas rnams kyi snang ba yin pas na sangs rgyas snang ba ste/ des 'dul ba'i sems can rnams kyi bsam pa dang rjes su mthun par rab tu sbyar ba'i phyir ro/ / 'dis ni mtshan brgyad kyis bstod pa yin no/ /da ni dbang bskur ba'i sgo nas bstod pa'i phyir sangs rgyas dbang bskur zhes bya ba la sogs pa gsungs te/ bla na med pa'i chos kyi rgyal por bya ba'i phyir sangs rgyas rnams kyi dbang bskur bas na sangs rgyas dbang bskur ro/ /byang chub kyi sems kyi ngo bo nyid kyis de bzhin gshegs pa thams cad kyi yab tu gyur pas na sangs rgyas mchog go//sangs rgyas rnams kyi sras yin pas na sangs rgyas sras po ste/ /de bzhin gshegs pa thams cad kyi sras kyi thu bo'o zhes ji skad gsungs pa lta bu'o/ /mkhas pa yang yin la chen po yang yin pas na mkhas pa chen po ste//de kho na nyid kyi don thams cad la shin tu zhugs pa'i phyir ro/ /sangs rgyas kyi dbang bskur ba mnga' bas na sangs rgyas dbang bskur te/ 'od dpag tu med pa'i dbang bskur ba 'chad pa'i phyir ro/ /de nyid kyis na dbul te/ de bzhin gshegs pa 'jog pas na gtsug ste/gzhan rnams kyi nang na mchog yin pas na gtsug gi mchog go/ /bdag nyid sangs rgyas kyi gzugs 'dzin par mdzad pa'i phyir dang / spyi gtsug la 'od dpag tu med pa 'jog pa'i phyir sangs rgyas sangs rgyas zhes bshad pa yin no//tshigs su bcad pa 'dis kyang mtshan bdun gyis bstod pa yin no/ /da ni spyan gyi sgo nas bstod pa'i phyir sangs rgyas spyan zhes bya ba gsungs te/ sangs rgyas kyi spyan yin pas na sangs rgyas spyan te/ thams cad mkhyen pa'i ye shes so/ /yang na sangs rgyas dang 'dra ba'i spyan mnga' bas na sangs rgyas spyan no//spyan yang yin la chen po yang yin pas na spyan chen po ste/ 'jig rten gyi khams dpag tu med pas bar du gcod pa rnams kyang gzigs pa'i phyir ro/ /chos kyi yul dang ldan pa'i spyan mnga' bas na chos spyan te/ bshad pa'i chos rnams kyi thog ma dang /bar dang tha ma'i rnam par dag pa thugs su chud pa'i phyir ro/ /gzigs pa chen po mnga' bas na/ gzigs pa chen po ste spyan gyi phyag rgyas khams gsum khyab pa'i phyir ro/ /ting nge 'dzin gyi ye shes ni ting nge 'dzin gyi ye shes te chos thams cad rang bzhin gyis rnams par dag par mkhyen pa'i ngo bo nyid yin pa'i phyir ro//sangs rgyas bcom ldan 'das kyi chos thams cad kyi rang bzhin yin pas na thams cad pa'o/ /rdo rje'i blta bas sems can thams cad dbang du mdzad pas na/ rdo rje spyan khyod phyag 'tshal lo/ /zhes bya ba'o/ / 'dir yang mtshan bdun gyis bstod pa yin no/ de ltar na 'di ni mtshan brgya rtsa brgyad du 'gyur te/ tshigs su bcad pa bcu gnyis la ni mtshan bdun bdun yod la/ tshigs su bcad pa gsum la ni mtshan brgya rtsa brgyad yod pa'i phyir ro/ /bdag nyid kun gyis zhes bya ba ni ngo bo nyid thams cad kyis so//yon tan gyi rgyur gyur pas na yon tan no/ /'di zhes bya ba ni bshad ma thag pa'o/ /mtshan brgya rtsa brgyad ces bya ba ni khyod kyis mtshan brgya rtsa brgyad du gyur pa'o/ /bstod dam zhes bya ba ni bstod pa'i bsam pas stod par byed cing rjod par byed pa'o/ /sgom par byed pa zhes bya ba ni don mngon sum du byas pa'o//gang zhes bya ba ni su la ste/ de yang / 'jig rten dbang po thob par 'gyur/ /zhes bya ba'o/ /mchod pa sngon du 'gro ba'i zhu ba ni gsol ba ste/ de ltar mtshan brgya rtsa brgyad kyis bstod pa'i gsol ba byas nas/ da ni mchod pa sngon du 'gro ba'i gsol ba 'debs pa nyid ston pa ni/dpa' bo khyod la zhes bya ba la sogs pa'o/ /'jig rten gsum las rnam par rgyal bas na dpa' bo'o/ /ci'i phyir gsol ba 'debs she na/ /chos kyi dkyil 'khor bstan pa'i phyir ro/ /rang gi rigs rnams bskyed nas kyang / /zhes bya ba ni pad+mo'i rigs bskyed nas so//chos kyi dkyil 'khor ni nyid rigs kyi chos kyi dkyil 'khor ro/ /dam pa ni mchog tu gyur cing yongs su dag pa ste/ de shod cig ces bya bar sbyar ro/ /thub pa chen po zhes bya ba la thub pa ni lus dang ngag dang yid thub pa'o/ /chen po ni thub pa rnams kyi nang na yang chen por gyur pas na thub pa chen po'o//de la lus thub pa ni srog gcod pa la sogs pa mi dge ba gsum las ldog pa'o/ /ngag thub pa ni brdzun du smra ba la sogs pa'i mi dge ba'i las kyi lam bzhi las ldog pa'o/ /yid thub pa ni log par lta ba la sogs pa mi dge ba'i las kyi lam gsum las ldog pa'o//bshad par gsol zhes bya ba ni bstan par gsol zhes bya ba'o/ /de ltar de bzhin gshegs pa rnams kyis gsol ba btab pa dang / bcom ldan 'das rdo rje sems dpa' 'jig rten dbang phyug gi gzugs su lhan cig bzhugs pa ste/ bcom ldan 'das shAkya thub pa de bzhin gshegs pa ga la ba der mngon sum du phyogs par 'dug nas zhes bya ba ni de bzhin gshegs pa thams cad kyis gsol ba btab tu zin kyang /bcom ldan 'das shAkya thub pa 'ba' zhig la mngon sum du phyogs nas 'dug pa ni yang dag par byang chub pa dang / nye ba dang / de'i bstan pa la zhugs pa yin pa'i phyir de la mngon du phyogs nas 'dug pa yin no/ /rdo rje pad+mo de zhes bya ba ni rang gi dam tshig gi phyag rgya bstan pa yin no/ /de yang dkyil 'khor sprul pa'i tshe na lag tu byin pa gang yin pa ste/ rdo rjes mtshan pa'i pad+mo yin pas na rdo rje pad+mo'o/ /rang gi thugs kar bzhag ste/ zhes bya ba ni dkyil 'khor sprul pa'i ting nge 'dzin thob par bya ba'i phyir nyid kyi thugs kar bzhag pa'o/ /ched du brjod pa ni ma dris par lung ston pa'o/ /'di zhes bya ba ni thugs la gnas pa'o/ /e ma'o zhes bya ba ni ngo mtshar du gyur pa'o/ /rab tu dag pa ni shin tu dag pa ste yid las byung ba yin pa'i phyir ro//dag pa de gang yin zhe na/ rdo rje pad+mo 'di dag gi/ /zhes bya ba ste/ rdo rjes mtshan pa'i pad+mo ni rdo rje pad+mo'o/ /bdag gi pha yin zhes bya ba ni rdo rje pad+mo de las bdag skyes pa'i phyir/ bdag gi bu yang yin zhes bya ba ni bdag gi sems gzugs med pa las rdo rje pad+mo 'byung ba'i phyir ro//de bas na bdag gi rigs 'og nas 'byung ba 'di byin gyis brlabs par mdzod cig pa'o/ /de ltar gang gi mthu bskyed pa'i phyir ched du brjod pa bstan pas na/ bcom ldan 'das shAkya thub pa bskul ba yin no/ /de nas bcom ldan 'das rnam par snang mdzad ces bya ba la sogs pa la//de nas zhes bya ba ni gnas skabs so/ /skal ba phun sum tshogs pa dang ldan pa'i phyir bcom ldan 'das so/ /sems can gyi khams ma lus pa nyid kyi gzi brjid kyis zil gyis mnan nas rnam par snang mdzad do/ /dngos po rnams ji ltar gnas pa de bzhin du thugs su chud cing sangs rgyas pas na de bzhin gshegs pa ste/'gro ba'i don thams cad ni shes pa'i don yin pa'i phyir ro/ /de bzhin gshegs pa yang yin la thams cad kyang yin pas na de bzhin gshegs pa thams cad de rnams dang 'brel ba'i rdo rje'i chos so/ /de'i dam tshig ni snying po dang phyag rgya la sogs pa'o//de bsam pa'i khyad par gang las byung ba de byin gyis brlab par bya ba'i phyir/ pad+ma ltar gos pa med pa'i ting nge 'dzin de la don dang mthun pa'i ming 'di skad ces bya ba'i ting nge 'dzin gang yin pa de la snyoms par zhugs pa'o/ /de bzhin gshegs pa thams cad kyi chos kyi dam tshig ces bya ba ni 'og nas bshad pa'i snying po ste/chos kyi dam tshig la nges par 'jug par nus pas na chos kyi dam tshig ces bshad de de phyung ba'o/ /'di zhes bya ba ni thugs la gnas pa ste/ rdo rje pad+mo'i phyag rgya dkyil 'khor sprul pa'i mthu bskyed pa'i phyir 'jig rten dbang phyug gi thugs la gnas pa'o//de bzhin gshegs pa thams cad kyi thugs las zhes bya ba ni mi bskyod pa la sogs pa'i thugs las te/ mi bskyod pa la sogs pa de dag kyang 'gro ba 'dul ba'i gzugs su gzhug pa'i phyir ro/ /kha dog ni ser bo dang dmar po la sogs pa'o//gzugs ni dbyibs te ring po dang / thung du dang / gru bzhi dang / zlum po la sogs pa'o/ /rtags ni mtshan ma ste nor bu la sogs pa'o/ /spyod lam ni g.yo ba dang / 'gul ba dang / gnas pa dang / 'gro ba la sogs pa'o/ /de lta bu'i 'od zer rnams byung nas 'dod chags la sogs pa rnam par dag pa dang /chos nyid kyi ye shes yang dag par sbyangs nas zhes bya ba ni 'dod chags la sogs pa'i yul smin pa dang grol ba'i chags par chos nyid rnam par dag pa'i ye shes rab tu sbyangs pa'o/ /sogs pa smos pa ni zhe sdang dang gti mug la sogs pa yang rnam par rtog pas kun nas bslang zhing yang dag pa ma yin pa'i kun du rtog pa las byung ba yin pa'i phyir ro//don dam par ni rang bzhin gyis rnam par dag pa yin no/ /de ltar ye shes yang dag par sbyangs nas/ 'jig rten gyi khams thams cad nas yang slar log ste/ dkyil 'khor sprul pa'i mthu bskyed pa'i phyir 'phags pa spyan ras gzigs kyi dbang po'i thugs kar zhugs so zhes bya ba ni 'gro ba 'dul ba'i gzugs kyi'o//da ni gtso bo lnga'i rang gi rigs kyi dkyil 'khor byin gyis brlab pa'i phyir sngags lnga bstan pa ni de nas bcom ldan 'das zhes bya ba la sogs pa yin par shes par bya'o//de bzhin gshegs pa thams cad kyi chos kyi dam tshig ces pa la/ bcom ldan 'das rnam par snang mdzad kyi chos kyi dkyil 'khor gyi de bzhin gshegs pa thams cad kyi dam tshig gi sngags ni chos kyi dam tshig go/ /lhag ma ni go sla'o/ /da ni bcom ldan 'das 'jig rten dbang phyug gzugs thams cad ston pa zhes bya ba'i ting nge 'dzin la snyoms par zhugs te/bcom ldan 'das kyi byin gyi rlabs kyis nyid kyi thugs kar sprul pa'i dkyil 'khor gyi 'khor lo bshad par bya ba'i phyir/ oM zhes bya ba la sogs pa'i sngags gsungs pa yin no//de nas de smras ma thag tu zhes bya ba la sogs pas ni sngags kyi las ston pa yin no/ /'phags pa spyan ras gzigs kyi dbang po'i thugs las bcom ldan 'das rdo rje 'dzin pa de nyid ces bya ba ni rdo rje sems dpa'/ /'phags pa spyan ras gzigs dbang po'i gzugs 'dzin pa zhes bya ba ni 'jig rten dbang phyug gi gzugs 'chang ba'o//kha dog sna tshogs pa ni sngon po dang / ser po la sogs pa'o/ /gzugs ni dbyibs rnams so/ /cha lugs ni gos dang rgyan la sogs pa yongs su gzung ngo / /rgyan ni gdu bu dang dpung rgyan la sogs pa'o//de bzhin gshegs pa la sogs pa'i sems dpa' gang yin pa de ni de bzhin gshegs pa la sogs pa rnams te/ de rnams kyi gzugs 'dzin par mdzad pas na de bzhin gshegs pa la sogs pa sems dpa' thams cad kyi sku 'dzin pa'o/ /de bzhin gshegs pa la sogs pa sems dpa' thams cad kyi sku bzung nas cir 'gyur zhe na//de'i phyir byang chub sems dpa' chen po'i lus su gyur nas zhes bya ba ste/ 'jig rten dbang phyug gi thugs las byung ba'o/ /'jig rten gyi khams thams cad du sems can ji ltar 'dul bar zhes bya ba ni sems can gang dang gang dag gzugs gang dang gang gis 'dul bar 'gyur ba de dang de la de dang de'i gzugs su bstan pas 'dul bar mdzad pa'o//gdul ba byas te zhes bya ba ni bstan pa la btsud pa'o/ /rim pa 'dis sems can gyi khams ma lus par gdul bar bya ste/ yang slar log nas rdo rje dbyings kyi dkyil 'khor chen po'i tshul du zhes bya ba ni rdo rje dbyings kyi dkyil 'khor chen por rnam par bkod pa'i tshul du gnas pa'o//bcom ldan 'das shAkya thub pa rnam par snang mdzad kyi gnas na bzhugs pa de'i phyogs thams cad de phyogs dang phyogs mtshams rnams su zla ba'i dkyil 'khor la gnas nas ched du brjod pa ni ched du brjod pa'o//e ma'o zhes bya ba ni ngo mtshar du gyur pa'o/ /ci zhig ngo mtshar che zhe na/ thabs so/ /su zhig gi zhe na/ sangs rgyas thams cad kyi'o/ /ji lta bu zhig gi zhe na/ snying rje'i bdag nyid do/ /mngon par 'dod pa'i don myur du dka' ba med par thob par byed pas na thabs te/ye shes nyid kyi khyad par 'ga' zhig go/ /de lta bu'i thabs kyis 'dul ba'i phyir gzugs gzhan dag tu yang ston te/ gang gi phyir gang du thabs kyis 'dul bar mdzad na/ lha rnams su yang 'gyur ba yin zhes bya ba ste/ 'jig rten pa'i lha rnams kyi gzugs su yang ston par mdzad pa'o//de yang gang dang gang gi gzugs kyis ni/ /lus can rnam par 'dul 'gyur ba/ /thugs rjes non pa de dang der/ /brtse ba'i bdag nyid ston par mdzad/ /ces ji skad bshad pa lta bu'o/ /rgyud 'dir dkyil 'khor gyi slob dpon gyis dkyil 'khor bri ba'i cho gar bsdus pa gang yin pa des rnam par snang mdzad kyi ting nge 'dzin la gnas te/sangs rgyas thams cad bsdu bar bya'o/ /de bzhin gshegs pa'i rigs su ni dpal rdo rje sems dpa'o/ /rdo rje'i rigs su ni hUM mdzad do/ /'gro ba 'dul ba la ni spyan ras gzigs dbang phyug go/ /don thams cad grub pa la ni nam mkha'i snying po ste/rang gi snying po thugs ka na gnas pa la rang gi mtshan brgya rtsa brgyad pas gsol ba gdab par bya'o/ /gsol ba btab nas dkyil 'khor gang du dkyil 'khor byin gyis brlab pa'i sngags des dkyil 'khor byin gyis brlab par bya'o/ /sngags gang dkyil 'khor mthu bskyed pa'i sngags des ni dkyil 'khor mthu bskyed par bya'o//sngags gang dkyil 'khor gdon pa'i sngags des dkyil 'khor dbyung bar bya'o/ /sngags gang phyag rgya rnams dgod par gsungs pa des phyag rgya rnams dgod par bya'o/ /dkyil 'khor chen po 'dir ni bcom ldan 'das rnam par snang mdzad kyis 'jig rten dbang phyug gi mthu bskyed pa'i phyir thog ma'i sngags gsungs so//de nas gtso bo lngas rang rang gi dkyil 'khor byin gyis brlab pa'i phyir sngags lnga gsungs so/ /de'i 'og tu bcom ldan 'das 'jig rten dbang phyug gi dkyil 'khor gdon pa'i phyir sngags gzhan gsungs so//de nas sems can thams cad kyi dgod pa'i sngags gsungs so/ /de ltar byas na bcom ldan 'das rnam par snang mdzad kyi gnas dang 'gro ba 'dul ba'i gnas su sngags gsum gsum du 'gyur la/ rin chen 'byung ldan dang 'od dpag tu med pa dang gdon mi za bar grub pa'i gnas su gnyis gnyis so//lhag ma rnams su ni dgod pa'i sngags re rer zad de 'di dag ni bsdus pa'i don yin no/ /de nas zhes bya ba ni gnas skabs so/ /byang chub sems dpas na byang chub sems dpa'o/ /dmyal ba'i gnas su yang pad+ma bskyed par bya'o zhes dgongs pas na sems dpa' chen po'o//spyan ras kyis gzigs pas na spyan ras gzigs te sangs rgyas thams cad kyis gzigs pa'i phyir spyan ras gzigs kyang yin la dbang po yang yin pas na spyan ras gzigs dbang po ste/ sems can thams cad kyi don rdzogs par mdzad pa'i phyir ro//rang gi rigs bskyed nas zhes bya ba ni gdul bya rnams kyi dgos pa'i don ji lta ba bzhin du rdzogs par nus pa'i pad+mo'i rigs nyid kyi thugs ka nas sprul te/ de bzhin gshegs pa thams cad la phul zhes bya ba dang sbyor ro/ /de'i ci'i phyir zhe na/ sems can thams cad 'jigs pa chen po brgyad las mi 'jigs pa thob par bya ba'i phyir dang /don thob par bya ba'i phyir dang /grub pa dam pa ni rdo rje chos nyid dang / ye shes dang mngon par shes pa ste/ rdo rje ni sangs rgyas dang byang chub sems dpa'i rnams so/ /de rnams kyi chos nyid ni sangs rgyas nyid dang byang chub sems dpa' nyid do//ye shes ni don gyi yul thams cad la sgrib pa med pa'o/ mngon par shes pa ni byang chub sems dpa' rnams kyi mngon par shes pa lnga tshe rabs thams cad du 'byung ba dang / de bzhin gshegs pa rnams kyi mngon par shes pa drug po rnams so/ / de ltar na rdo rje chos nyid dang / ye shes dang mngon par shes pa ni rdo rje chos nyid dang / ye shes dang mngon par shes pa'o/ /de nyid ni 'bras bu ste/ de'i rgyu de rnyed pa'i phyir te de blo la nye bar gnas par ston to/ /ming ji skad du bya ba zhig ce na/ de'i phyir 'gro ba 'dul ba zhes bya ba gsungs te/ 'gro ba thams cad 'dis 'dul bar byed pas na de'i phyir 'gro ba thams cad 'dul ba zhes bshad do//dkyil 'khor ni snying po la bya ste phyir mi ldog pa'i 'khor lo'i don yin la/ de len pas na dkyil 'khor ro/ chen po 'dis 'gro ba thams cad 'dul ba'i dbang du byas pas so/ /de bshad par bya ba ni de bstan to zhes bya ba'o//ji ltar bshad par bya zhe na/ de nas rab tu bshad par bya/ /zhes bya ba la sogs pa gsungs so/ /de nas zhes bya ba ni rjes thogs la ste/ 'jig rten gsum gyi 'khor lo'i rjes thogs la'o/ /'gro ba thams cad 'dul ba'i dkyil 'khor gyi cho ga med par de dang 'brel pa'i dgos pa mi 'grub pas de'i phyir rab tu bshad par bya zhes bya ba la sogs pa gsungs pa yin te/yang dag par rab tu phye ste bshad pas na rab tu bshad pa'o/ /dkyil 'khor yang yin la chen po yang yin pas na dkyil 'khor chen po ste/ sangs rgyas dang byang chub sems dpa'i 'khor gyi dkyil 'khor bgrang ba las 'das pas na dkyil 'khor chen po'o//'gro ba 'dul ba la gtso bor gyur pas na dam pa'o/ /rdo rje dbyings dang 'dra ba zhes bya ba rdo rje dbyings dang mtshungs pa'o/ /ming ji skad bya zhe na/ 'gro ba 'dul ba zhes bya ste zhes bya ba ste/ 'gro ba thams cad 'dis 'dul bas na ming 'gro ba 'dul ba zhes bya'o//ji lta bu zhe na/ gru bzhi pa la sgo bzhi pa/ /zhes bya ba gsungs te/ thig bzhi btab pa'i thig ni drang bar bya ba'i phyir/ /sgo dang mtshams rnams su thig gdab pa ste bya ba gzhan gyi phyir ni ma yin no/ /dar dang phreng bas brgyan pa dang / /zhes bya ba la dar ni khru nyi shu rtsa lnga pa'i tshad la zheng du khru gang pa'i dar 'di ni dar zhes bshad de/de lta bu ser po dang sngon po dang dmar po dang / dkar po'i dar lce dag gis brgyan pa'o/ /phreng ba ni me tog gi phreng ba dang / dar gyi phreng ba'o/ /brgyan pa ni spud pa'o/ /dkyil 'khor gyi grwa thams cad dang sgo khyud kyi nang gi mtshams su rdo rje dang rin po che rnams kyis spras pa'o//ji ltar gsungs pa'i dbyibs de dag brgyan pa'i tshul de ltar byas nas phyi'i dkyil 'khor thig gdab par bya'o/ /de lta bu'i phyi'i dkyil 'khor de'i nang du zhes bya ba ste nang rol du thig gru bzhir gdab par bya'o zhes pa'o/ /de yang thig dang po dang gnyis pa ni gru bzhi pa nyid de de'i dbus su gdab bo//gnyis pa de'i grwa gang du gdod ce na/ grwa ni sgor zhes bya ba gsungs te/ grwa sgo la mngon par phyogs pa la ni grwa ni sgor zhes bya ba ste/thig dang po'i grwa sgo'i thad kar 'byung bas na grwa'o/ /de nas cir 'gyur zhe na/ pad+mo 'dab ma brgyad par 'gyur ba yin te/ka ba brgyad kyi tshul du ni/ /pad+mo 'dab ma brgyad pa bri/ /zhes bya ba sgo re re'i thad kar yang ka ba gnyis gnyis te de'i 'dab mar bya'o/ /pad+ma'i ge sar dbus su ni/ zhes bya ba lte ba'i dbus su sangs rgyas kyi sku gzugs gzhag par bya'o/ /sangs rgyas bcom ldan 'das kyi phyogs bzhi po'i phyogs thams cad du rigs kyi phyag rgya bzhi bri bar bya'o//ji lta bu zhe na/ pad+mo'i dbus su gnas pa yi/ /zhes bya ba gsungs pa'o/ /ming ji skad du bya ba zhig ce na/ rdo rje zhes bya ba la sogs pa gsungs te/ rin po che ni rin po che nyid do/ /sna tshogs pad+mo zhes bya ba ni pad+mo kha bzhi pa'o//rdo rje shugs kyis zhes bya ba'i don ni bshad zin to/ /der ni spyan ras gzigs dbang bri/ /gzugs rnams thams cad 'byin pa ste/ /zhes bya ba ni ba spu'i bu ga thams cad nas 'jig rten dang 'jig rten las 'das pa'i lha'i gzugs rnams 'byung bar bya'o//rdo rje sems dpa'i gnas su ni sangs rgyas kyi sku rdo rje 'gying ba'i sbyor bas bzhugs par bya'o/ /rdo rje rgyal po'i gnas su 'jig rten dbang phyug phyag bzhi pa rdo rje rgyal po'i gzugs can te/ phyag g.yas pa gnyis na rdo rje dang ral gri/ phyag g.yon pa gnyis na pad+ma dang lcags kyu bsnams par bya'o//rdo rje chags pa'i gnas su 'jig rten dbang phyug rdo rje chags pa'i gzugs su bya'o/ /rdo rje legs pa'i gnas su 'jig rten dbang phyug rdo rje legs pa'i gzugs su bya'o/ /dkyil 'khor gnyis pa'i dbus su 'jig rten dbang phyug ral pa dang / thor tshugs su ldan pa bris la de'i dbus su bcom ldan 'das 'od dpag tu med pa ral pa dang thor tshugs kyi phug na bzhugs par bya'o//rdo rje rin chen gyi gnas su pad+mo'i khro gnyer gyi gzugs bris la/ phyag gcig pa la ni pad+ma bsnams pa/ gzhan rnams la ni bgrang phreng dang / dbyig pa dang / gun+d+hi thogs pa bri'o//rdo rje gzi brjid kyi gnas su 'jig rten dbang phyug nyi ma'i gzugs can du bri'o/ /rdo rje dpal gyi gnas su 'jig rten dbang phyug zla ba'i gzugs can pad+ma'i nor bu'i rgyal mtshan bsnams pa bri bar bya'o/ /rdo rje bzhad pa'i gnas su 'jig rten dbang phyug zhal bcu gcig pa ste/ go rims ni lnga dang gsum dang gnyis dang gcig tu bya'o//de bzhin du dkyil 'khor gsum pa'i dbus su 'jig rten dbang phyug snyoms bar zhugs par bya'o/ /'jig rten dbang phyug gi gnas su ni sgrol ma pad+ma'i phyag rgyal rtogs par bri'o/ /rdo rje rnon po'i gnas su ni 'jig rten dbang phyug gzhon nu gdong drug pa'i gzugs can pad+ma dang mdung dang /ral gri thogs pa bri bar bya'o/ /rdo rje rgyu'i gnas su ni 'jig rten dbang phyug bde byed khyab 'jug gi gzugs can phyag bzhi pa g.yas gnyis na 'khor lo dang dbyig pa thogs pa/ g.yon gnyis na pad+ma dang mdung thogs pa bri bar bya'o/ / rdo rje smra ba'i gnas su 'jig rten dbang phyug rdo rje tshangs pa'i gzugs can du bya'o/ /dkyil 'khor bzhin 'khor bzhi gdon mi za bar grub pa'i gnas su der ni pad+ma zhal bzhi pa zhes bya ba'i spyan ras gzigs dbang phyug zhal bzhi par bri bar bya'o zhes bya ba'i don to/ /phyag g.yas na mdung bsnams pa/g.yon pa pad+ma bsnams pa bri bar bya'o/ /rdo rje las kyi gnas su ni spyan ras gzigs dbang phyug gar gyi dbang phyug gi gzugs su bri bar bya'o/ /rdo rje bsrung ba'i gnas su ni spyan ras gzigs dbang phyug rdo rje bsrung ba'i gzugs su bri bar bya'o/ rdo rje gnod sbyin gyi gnas su spyan ras gzigs dbang phyug rdo rje gnod sbyin gyi gzugs su bri bar bya'o//rdo rje khu tshur gyi gnas su ni spyan ras gzigs dbang phyug rdo rje khu tshur 'chang ba bri bar bya'o/ /phyi dang nang gi grwa rnams su rdo rje sgeg mo la sogs pa'i lha mo rnams rang gi phyag rgya pad+ma mtshan pa thogs pa bri bar bya'o/ / de nas sgo bzhi po rnams su sgo srung bzhi bri bar bya/ de la 'jug pa'i sgor ni bcom ldan 'das 'jig rten dbang phyug rta mgrin gyi gzugs su bri bar bya'o/ /ji lta bu zhe na/ spyan ras gzigs dbang po'i spyi gtsug tu rta mgo kha gdangs pa mig gnyis byin pa'i phyi rol du byung ba 'khor lo la mngon par blta ba nyid kyi phyag na pad+ma lcags kyu bsnams pa 'di ni bcom ldan 'das 'phags pa rta mgrin gyi gzugs so//lho phyogs kyi sgor spyan ras gzigs dbang phyug tshangs pa la sogs pa gang yang rung ba'i gzugs can phyag na pad+mo'i zhags pa bsnams pa gzhag par bya'o/ /nub phyogs kyi sgor spyan ras gzigs dbang phyug phyag na pad+mo'i lcags sgrog bsnams pa bri bar bya'o//las kyi sgor spyan ras gzigs dbang phyug gzhon nu gdong drug pa skem byed kyi gzugs 'dzin pa la/ pad+ma dang dril bu bsnams pa bri bar bya'o/ /de nas zhes bya ba la sogs pas ni slob dpon gyi las ston te/de nas zhes bya ba ni rjes thogs la'o/ /'dir zhes bya ba rtogs pa 'dir ro/ /'gro ba 'dul ba'i dkyil 'khor zhes bya ba ni pad+mo'i dkyil 'khor te/ /de nyid kyi cho ga rgyas pa zhes bya ba ni bya ba'i las rgyas pa'o/ /de gang yin pa bstan pa'i phyir de la thog ma kho nar pad+mo'i slob dpon gyis zhes bya ba la sogs pa gsungs te/dang po nyid du zhes bya ba ni thog ma nyid du'o/ /pad+mo'i rigs kyi slob dpon yin pas na pad+mo'i slob dpon no/ /pad+ma'i rigs kyi dam tshig gi phyag rgya ni pad+mo'i dam tshig gis phyag rgya ste/ mtshan nyid ni 'og nas bshad de sems dpa' rdo rje ma'i tshul du blta bar bya'o//ji lta ba bzhin du bzhugs te/ rdo rje dbyings kyi dkyil 'khor chen po'i tshul du zhes bya ba ni phyag rgya de nyid kyi phreng ba blangs la dam tshig gi sngags brjod de/ phreng ba de bcom ldan 'das 'phags pa spyan ras gzigs dbang phyug 'gro ba 'dul ba la phul la/ bcom ldan 'das 'phags pa spyan ras gzigs dbang phyug de nyid kyis bdag gi dgos pa thams cad mdzad pa nyid du bsam par bya'o/ /snying po 'dis zhes bya ba ni 'gro ba 'dul ba'i dkyil 'khor du gsungs pa ste/ dbab pa'i snying po 'di ni mtshon pa tsam du zad do/ /las rnams bya'o zhes bya ba ni bdag la byin gyis brlab pa la sogs pa'o//pad+mo spo Ta zhes bya ba ni pad+ma brdabs pa la bya ba bshad do/ /a d+hi ta Sh+Tha zhes bya ba 'dis ni dbab pa ston to/ /de yang a zhes bya ba ni gsal po kho nar dbab pa'i snying po yin te/ rdo rje dbyings kyi dkyil 'khor dang gnas 'di gnyis kar yang /spo Ta'i phyag rgyas dbab par bya/ /zhes bstan pa yin no/ /de bas na ci zhig ston ce na/ pad+mo'i phyag rgya brdab pa byas la bdag nyid la dbab cing a zhes bya ba brjod par bya'o zhes ston to/ /de nas zhes bya ba ni de'i rjes thogs la'o/ /de bzhin du bka' mnos nas zhes bya ba ni rdo rje dbyings kyi dkyil 'khor du ji lta ba bzhin du bdag pad+mo che ge mo zhes bya ba sems can rnams kyi don bgyid kyis/sangs rgyas dang byang chub sems dpa' thams cad kyis bdag la gnang ba stsal du gsol zhes bya ba la sogs pa'o/ /dam tshig gi phyag rgyas bdag dbang bskur te zhes bya ba ni bdag la byin gyis brlab pa la sogs pa de bzhin du bya ba'o//chos kyi phyag rgya 'di dag nyid kyis zhes bya ba ni dgod par bya ba'i sngags nyid kyis so/ /sems dpa' chen po rnams bsgrub par bya'o zhes bya ba dgod par gyis shig ces bya ba'i don to/ /yang na chos kyi dkyil 'khor du gsungs pa'i chos kyi phyag rgya bzhis sems dpa' chen po rnams dgod par bya'o//de nas/ /dngos grub rnams kyang de bzhin no/ /zhes bya ba la ji ltar rdo rje dbyings kyi dkyil 'khor du dngos grub kyi dkyil 'khor bsgrubs pa de bzhin du'o/ /de ltar slob dpon gyi las rdzogs par byas nas slob ma gzhug pa'i cho ga bstan par bya ba'i phyir/pad+mo'i slob ma rnams gzhug par bya ste zhes bya ba gsungs te/ pad+mo'i rigs kyi slob ma yin pas na pad+mo'i slob ma ste/ yongs su bzung nas phyis 'gyur ba'i tshul la brten te pad+ma'i slob ma zhes gsungs pa yin no/ /pad+mo'i slob ma rnams la mna'i snying po byin la zhes bya ba la ji ltar sbyin par bya zhe na/deng ni khyod kyi snying ga na zhes bya ba la sogs pa gsungs te/ rdo rje dbyings kyi dkyil 'khor chen por ji skad gsungs pa bzhin du'o/ /ci'i phyir sbyin par bya zhe na/ de bstan pa'i phyir gsang ba'i cho ga rgyas pa 'di zhes bya ba la sogs pa gsungs pa yin te/gang gi phyir sngags rnams kyi grub pa'i rgyu'i mchog ni 'di lta ste/ gzhan la mi ston pa'o/ /de la gsang ba smras pa'i nyes dmigs mthong ba dang / ma mthong ba dag ston te/ mthong ba ni dus ma yin par 'chi ba'o/ /ma mthong ba ni dmyal bar ltung ba ste/ de ni khyod kyis mi bde ba ma spangs pas zhes bya ba la sogs pa gsungs pa yin no/ dris pa rdo rje dbyings kyi dkyil 'khor chen por ni dam tshig gi phyag rgya bcings nas bcug ste/ mna'i snying po byin pa yin na/ 'dir go ma bcug pa nyid du byin na 'di la dgos pa ci zhig yod ce na/de ni 'dir ji lta der yang de bzhin du bya la der ji lta ba 'dir yang de bzhin du bya'o zhes sgo gnyi gar drang ba bstan pa'i phyir yin no/ /de nas snying po 'dis dam tshig gi phyag rgya bcing bar bya ba ni phyag rgya gang bcings pas phyag rgya gzhan rnams bcings na dam tshig nyams par mi 'gyur ba de ni dam tshig gi phyag rgya ste/chos rdo rje ma la bya bas de 'ching du gzhug pa'o/ /de nas gos dkar po bgos la dar dkar pos gdong g.yogs nas gzhug par bya ste zhes bya ba ni ji skad gsungs pa'i sngags kyis so/ /las rnams ji lta ba bzhin du byas nas zhes bya ba ni dbab pa la sogs pa'o//pad+mo'i dbyibs lag tu sbyin no zhes bya ba ni de bzhin gshegs pa'i rigs la las kyi rdo rje lag pa gnyis su byin nas/ 'di ni sangs rgyas thams cad de/ /rdo rje sems dpa'i lag na gnas/ /zhes bya ba la sogs pa ji lta ba de bzhin du 'dir yang bya'o//'dir pad+mo'i rigs dang 'brel pa 'di tsam zhig lhag par brjod par bya ste/ oM pad+ma hasta badzra d+harmA taM pA la ya zhes bya ba la sogs pa'o/ /rdo rje chos nyid kyi don de mi shes pas na de'i phyir rdo rje chos nyid ji lta bu lags zhes smos pa yin no/ /de la yang 'di skad du brjod par bya ste zhes bya ba la sogs pas ni rdo rje chos nyid kyi don rnam par 'byed pa'o//ji ltar pad+ma dmar po 'di zhes bya ba la sogs pa la pad+mo'i rigs ni chu la sogs pa ste/ /de las chags pa dang rjes su mthun par skye'o/ /rigs kyi nyes pa ni nya lcibs dang / chu zhag dang / dring ba la sogs pa yin te/ pad+ma dmar du zin kyang nyes pa de dag gis gos par mi 'gyur ro//de bas chags pa'i nyes pa ni gos pa'i nyes par mi 'gyur bar shes par bya'o/ /de bzhin du byang chub tu sems bskyed pa'i sngags pa sems can smin pa dang grol ba'i chags pa la chags su zin kyang ngo / /thams cad dag par bsgom na ni/ /zhes bya ba la thams cad dag pa ni dngos po'i tshogs thams cad dag pa ste stong pa nyid do//de bsgoms shing goms par byas na/ de bzhin sdig pas gos mi 'gyur/ /zhes bya ba ste sdig pa ni mi dge ba bcu'i las kyi lam yin la/ des gos par mi 'gyur zhing sbags par mi 'gyur zhes bya ba'i don to/ /de yang mi dge ba bcu'i las kyi lam byed pas na mi dge ba bcu'i las kyi lam dang de rnams kyi gzhi yang dag par mi mthong ba'o/de bas na de sdig pas gos par mi 'gyur zhes bya ste sdig pa byed pa nyid med pa'i phyir ro/ /grol ba'i phyir sdig pa nyin mtshan du spyad kyang gos par mi 'gyur ro zhes zhi ba pa ltar byed pa ni ma yin te/de ni grol nas sdig pa byed par 'dod pas na ha cang mi rigs par smra ba yin no/ /de nas zhes bya ba ni de las gzhan pa'i don to/ /pad+mo'i rigs kyi phyag rgya yin pas na pad+mo'i rigs kyi phyag rgya'o/ /de'i ye shes yin pas na pad+mo'i rigs kyi phyag rgya'i ye shes so/ /de bslab par bya ste zhes bya ba ni bstan par bya'o zhes pa'o//de la re zhig phyag rgya chen po'i ye shes kyi dngos grub de ston pa ni/ snying la pad+mo bris nas kyang / /zhes bya ba ste/ rang gi snying gar pad+mo yid kyis bsams la/ pad+mo bsgoms nas snying ga ru/ /zhes bya ba 'jig rten dbang phyug gi gzugs snying gar bsgoms pas so//pad+mo dpal yang dbang 'gyur na/ /zhes bya ba ni 'jig rten dbang phyug gi dpal sngags pas snying gar bkug la dbang du byas pas so/ /bud med phal ba smos ci dgos/ /zhes bya ba la bud med ni pad+ma'i rigs kyi phyag rgya'i tshogs so/ /phal pa ni mchog ma yin pa ste tha mal pa zhes bya ba'i don to//de yang gang gis 'jig rten dbang phyug dbang du byed pa des ni phyag rgya gzhan pa rnams 'bad pa med par 'grub par 'gyur ro zhes bya ba'i don to/ /dpral bar sangs rgyas sku gzugs zhes bya ba la sogs pa ni 'di skad ston te/ bdag nyid 'jig rten dbang phyug gi gzugs su bskyed la dpral bar 'od dpag tu med pa'i sku bsgom pa/ rtag tu zhes bya ba rgyun mi 'chad par bsgoms na bsgom pa des ni myur zhing mgyogs pa nyid du/ dbang bskur ba ni thob par 'gyur/ /zhes bya ba ste sangs rgyas kyi phyag gi dbang gis de la dbang bskur bar 'gyur ro zhes bya ba'i don to//kha'i nang du zhes bya ba la sogs pa la bdag nyid spyan ras gzigs dbang phyug gi gzugs su bskyed la khar bcug ste bsgom par bya'o/ /gnas gang du zhe na/ lce'i steng du zhes bya ba gsungs so/ /des cir 'gyur zhe na/ /sgra dbang lha mo bdag nyid ni//rtag tu kha na gnas par 'gyur/ /zhes bya ba gsungs so/ /'di skad ston te/ gang dbyangs can sgrub par 'dod na de'i sbyor ba ni 'di yin te/ gtsug tor dbus su pad+mo ni/ /zhes bya ba la sogs pa ni gtsug tor gyi dbus su yid kyis pad+mo bsam pa'o/ /snyoms par zhugs te zhes bya ba ni rtse gcig pa'i yid kyis bdag nyid spyan ras gzigs dbang phyug zhal bzhi pa'i gzugs su bskyed la/sngar bsams pa'i pad+mo gang yin pa de nyid gtsug tor gyi dbus su rgyun du bsgom zhing pad+ma 'dzin pa la bstan par bya'o/ /de ltar byas pas cir 'gyur zhe na/ mkha' 'gro thams cad dbang du 'gyur//zhes bya ba ste/ lha la sogs pa nam mkha' la rgyu ba gang yang rung ba de thams cad ltung bar byed pa'o/ /rtsig pa zhes bya ba la sogs pa ni 'di skad ston te/ gang yang rung ba pad+ma bsgom pa goms par bya'o/ /pad+mo dam pa zhes bya ba ni gsal ba ste/ pad+mo de gang gi snying gar bsams pa de de'i dbang du 'gyur ro//de bas 'dis sems can thams cad kyang dbang du byed pa dam pa'o zhes gsungs pa yin te/ 'dis ni zhes bya ba ni pad+mo bsgom pas so/ /dbang du byed pa dam pa'o/ /zhes bya ba ni phyi'i dngos po la ltos pa med par yid kyi bya ba la rag las pa'i phyir na dam pa'o//mkha' 'am yang na phyogs gzhan du/ /zhes bya ba la sogs pa la gang yang rung bar pad+mo bsgom pa la goms par byas la mthong ba'i tshe de blangs na/ ci dga' bar ni mi snang 'gyur/ /zhes bya ba ste/ nyin mo'am mtshan mo rnams su'o/ /'dir yang rang gi lha'i rnal 'byor goms par byas la ji srid mtshan ma thob par gyur pa de srid kyi bar du goms par bya'o//de nas sgrub pa la zhugs te grub par gyur pa dang / nam sbyor ba'i tshe rang gi lha'i rnal 'byor du byas na nyin thog thag gam/ nyi ma phyed dam/ gang du rdzogs pa'i dus na mi snang bar gyur cig ces sems bskyed de/snying po stong rtsa brgyad bzlas la bsgom pa mngon sum du bya'o/ /de nas de grub pa dang / pad+ma de mngon sum du 'gyur te/ de blangs na mi snang bar 'gyur ro/ /nam rang gi lha'i rnal 'byor btang zhing phyag rgya bkrol ba de'i tshe gdod snang bar 'gyur ro/ /dngos grub 'di ni rin po che'i rigs kyi sgo nas gsungs pa yin no//rtsig pa'am yang na phyogs gzhan du/ /zhes bya ba la sogs pa la gzhi can nam gzhi med par pad+mo rgya gram kha bzhi pa bris nas ni zhes bya ba ni yid kyis sgoms shig ces bya ba'i don to/ /bsgom pa mthar phyin pa dang / gang gi tshe mthong ba de'i tshe grub pa la zhugs na 'grub par 'gyur ro//de yang sbyor ba'i dus su rang gi lha'i rnal 'byor du byas nas snying po stong rtsa brgyad bzlas te gang gi gzugs su ston par 'dod na de'i bdag nyid du mngon sum du bya zhing sna tshogs pad+ma'i ting nge 'dzin kyang mngon sum du byas la nam sna tshogs pad+ma mthong ba de'i tshe/ de blangs ba tsam gyis ci 'dod pa'i gzugs su ston par 'gyur ro/ /ting nge 'dzin 'di ni las kyi rigs kyi sgo nas gsungs pa yin no/ /nam mkha' 'am yang na phyogs gzhan du/ /zhes bya ba la sogs pa la 'di yang gzhi yod pa'am gzhi med pa la rdo rje pad+mo bsgom pa goms par byas la/gang gi tshe pad+mo de dbang po'i spyod yul du snang bar gyur pa de'i tshe/ sgrub pa la zhugs te mtshan thog thag tu bzla bar bya'o/ /de nas nam pad+mo mthong bar gyur pa de de'i tshe de blangs la/ de nas skad cig ma de kho na nyid kyi tshe pad+mo'i rig pa 'dzin par 'gyur te/ 'di ni chos kyi rigs kyi dngos grub yin no//dkyil 'khor la sogs thams cad du/ /zhes bya ba la sogs pa la dkyil 'khor ram rtsig pa'am/ ras ris sam/ gzhan gang yang rung bar sngags pa gang gis dgug pa dang / dbang du bya ba dang bcing ba dang / dbab pa la sogs pa'i las khyad par du byed par 'dod na/ des dkyil 'khor la sogs pa bri bar bya ste 'jig rten dbang phyug bris na de'i mdun du rta mgrin gyi phyag rgya zhes bya ba ni rta mgrin gyi phyag rgya chen po las 'di dag byas nas gdod des dngos grub tu 'gyur ro//dkyil 'khor la sogs thams cad du/ /zhes bya ba la sogs pa la don yod zhags pa'i phyag rgya chen pos dbang du bya bar rig par bya ste/bcing ba dang / sgrub pa'i rdzas dang / zhing srung ba dang / gter dang / bcud kyis len dang / srin po dang / sha za la sogs pa dang / lha'i sman la sogs pa bsrung bar rig par bya'o/ /lhag ma rnams ni go sla'o/ /pad+mo zhal bzhi sems dpa' yang //zhes bya ba ni pad+mo 'dra ba'i zhal mnga' bas na pad+mo'i zhal te/ pad+ma'i zhal bzhi'i sems dpa' ni 'jig rten dbang phyug go/ /bsgoms te zhes bya ba ni goms par bya ba'o/ /bdag nyid ces bya ba ni rang gi las ston pa yin no/ /bdag nyid ces bya ba ni 'di skad ston te/gzhan gyis byin gyis brlabs pa ma yin gyi/ 'o na ci zhig ce na/ bdag nyid nyid kyis so/ /de nas ting nge 'dzin grub na/ /zhes bya ba ni zhi gnas yongs su rdzogs na skad cig gis ni gzugs mang por 'gyur ro/ /'di ni gdon mi za bar grub pa'i sgo nas grub pa yin no/ /pad+mo'i pad+ma ni bcom ldan 'das 'jig rten dbang phyug ste/bdag nyid dang bsgoms na ni zhes bya ba la sogs pa ni bshad zin to/ /pad+mo'i pad+mo ji ltar bsgom par bya zhe na/ de'i phyir rdo rje chos kyi ting nge 'dzin gnas zhes bya ba ste/ ji ltar pad+ma dmar po 'di zhes bya ba la sogs pa pad+mo la lta ba'i ting nge 'dzin la gnas pa'o//ji ltar 'jig rten dbang phyug gi ting nge 'dzin la gnas na zad mi shes pa'i go 'phang 'thob ces bya ba ste/ las dang po pa'i rnal 'byor pa zhig yin na/ zad mi shes pa zhes bya ba don dam pa'i byang chub kyi sems te/ sa dang po rab tu dga' ba 'thob par 'gyur ro zhes bya ba'i don to//'on te rnal 'byor pas bdun pa'i bar la zhugs pa zhig yin na des ting nge 'dzin 'dis bsgoms pas zad mi shes pa'i go 'phang 'thob pa ste/ sa brgyad pa 'thob par 'gyur ba'o/ /rnam par mi rtog pa yongs su dag cing mngon par 'du byed pa med pas sa dgu pa la zhugs pas ting nge 'dzin 'di bsgoms na zad mi shes pa'i go 'phang 'thob pa zhes bya ba kun du bzang po'i sa 'thob pa ste/byang chub kyi sems rnam pa thams cad du dag pa mi zad pa yin pa'i phyir ro/ /spyan ras gzigs dbang zhes bya ba la sogs pa la/ spyan ras gzigs dbang phyug gi ral pa'i dbus su sangs rgyas kyi gzugs te snang ba mtha' yas su bdag nyid bsgoms na de dang mtshungs par 'gyur ro zhes bya ba'i don to//'di ni rin po che'i rigs kyi sgo nas grub pa yin no/ /sna tshogs gzugs zhes bya ba la sogs pa la bcom ldan 'das 'jig rten dbang phyug sna tshogs pa'i gzugs can mi bskyod pa'i gnas na gnas pa ste/de'i ting nge 'dzin la gnas par bdag nyid bsgoms na sna tshogs gzugs kyi ting nge 'dzin zhes bya ba ste/ 'jig rten dang 'jig rten las 'das pa'i lha'i khyad par rnams 'byin pa'i ting nge 'dzin gyis 'di dang mnyam par 'gyur ro zhes bya ba'i don to/ / de ltar dngos grub rnams rigs kyi go rims kyis bshad nas/ da ni phyag rgya'i ye shes bstan par bya ba'i phyir de nas zhes bya ba la sogs pa gsungs so/ /phyag rgya de dag thams cad kyi gzhir gyur pa ni phyag rgya chen po yin te/ de bas na de dang por ston to/ /de la dang po ni thams cad kyi mtshan nyid spyir mthun pas sems dpa' chen po thams cad kyi phyag rgya chen po bsgom pa 'gres gcig gis thun mong du ston pa ni/ji ltar ri mo'i tshul du ni/ /zhes bya ba la sogs pa'o/ /zla ba'i dkyil 'khor ni byang chub kyi sems te de'i dbus na gnas pas na/ zla ba'i dkyil 'khor dbus gnas shing //zhes bya'o/ /sems dpa' rnams bri ba'i phyir rgyud 'di'am rgyud gzhan du gzugs ji lta bu bstan pa de'i rjes su mthun par bya'o/ /pad+mo la gnas zhes bya ba pad+mo'i gdan no/ /bdag nyid ces bya ba ni bdag rang nyid bsgom pa'o/ /'di'i 'bras bu gang yin pa de ni 'di'i las yin par bshad pas na/da ni de bstan pa'i phyir sangs rgyas phyag rgya zhes bya ba la sogs pa gsungs so/ /pad+mo'i rigs su sangs rgyas kyi phyag rgya chen po bsgoms na tshe dpag med dang mnyam par 'gyur zhes bya ba ste/ tshe dpag tu med pa dang mtshungs par 'gyur zhes pa'o/ /rdo rje pad+mo ni rdo rje chos ma'i gnas su de bcings shing bsgoms na 'jig rten dbang phyug dang mnyam par 'gyur pa'o//sangs rgyas dbang gis bcings nas ni/ /zhes bya ba ni rin chen rdo rje ma'i gnas su sangs rgyas dbang bskur ba nyid de/ /de bcings shing bsgoms na sangs rgyas rnams kyi dbang bskur bar 'gyur ro/ / pad+mos pad+mo ni rdo rje chos ma'i gnas su ting nge 'dzin sbyin par byed pa'o/ /sna tshogs mchog ni gzugs sna tshogs sbyin pa'o/ /sna tshogs gzugs ni gzugs thams cad ston pa'i ting nge 'dzin gyis so/ /'dul ba'o zhes bya ba ni skye bo thams cad slob mar bya'o/ /sangs rgyas rin chen ni rin chen 'byung ldan gyi gnas su'o//dbang bskur ster zhes bya ba ni rgyal por dbang bskur ba la sogs pa sbyin pa'o/ /pad+mo sems dpa' ni 'od dpag tu med pa'i gnas su ste de bcings na 'dod dgu'i ting nge 'dzin sbyin par 'gyur ba'o/ /pad+mo khro bo dbang phyug dpal ni//bcom ldan 'das 'jig rten dbang phyug ste/ /de'i dpal gang yin pa de yang sbyin par byed pa'o/ /rdo rje'i 'jig rten dbang phyug ni gdon mi za bar grub ba'i gnas kyi 'jig rten dbang phyug gi sprul pa gang yin pa ste/ de'i dngos grub ni gang yin pa de yang mchog ste de yang sbyin pa'o//de'i gnas kyi phyag rgya gang yin pa de la pad+mo 'dod pa zhes bshad de las sna tshogs pas sems can thams cad mgu bar byed pa'i phyir ro/ /sangs rgyas dbang ni rdo rje sems dpa'i gnas su sangs rgyas kyi phyag rgyar sprul pa ste/ de bcings shing bsgoms na sangs rgyas pa nyid sbyin par byed de rdo rje pad+mo ni rdo rje rgyal po'i gnas su ste des dngos grub mchog sbyin par byed do//'dod pa'i dbang po ni bcom ldan 'das 'jig rten dbang phyug ste/ rdo rje chags pa'i gzugs su bzhugs pa'o/ /de'i phyag rgya bcings na rab 'dod ldan zhes bya ste/ chags pa bzang po la ldan pas na rab 'dod ldan no//de yang sems can smin pa dang grol bar byed pa'i chags pa ste chags pa des chags pa'i phyir rab 'dod do/ /de'i ngo bo nyid yin pas na rab 'dod ldan no/ /'di skad ston te/ 'khor ba na 'khor zhing srog gi mthar gtugs pa'i sdug bsngal gyis kyang sems can rnams kyi don bya ba mi gtong ba'o//de yang ji skad du/ gzhan don brtse ba can rnams srog phyir yang / rang gi nus pa lhod par mi byed de/ /skyes bu dam pa khur lci khur bdag/ nyam nga'i lam du'ang 'dor bar mi byed do/ /zhes bshad pa lta bu'o/ /dga' ba yis ni legs par sbyin/ / zhes bya ba ni rdo rje legs pa'i gnas kyi phyag rgya'o/ /khro gnyer gyi ni khro zhi 'gyur/ /zhes bya ba ni rdo rje rin chen gyi gnas su 'jig rten dbang phyug khro gnyer can lta bur sprul pas na khro gnyer zhes gsungs so/ /de ni khro zhing 'gyur zhes bya ste/ gang gi phyir khro bo thams cad bzlog pa'i phyir/ bcom ldan 'das 'jig rten dbang phyug gis de sprul pa yin no/ /de bas na de bsgoms na khro bo thams cad zhi zhing sel bar 'gyur ro/ /pad+mo'i nyi ma ni rdo rje nyi ma'i gnas kyi 'jig rten dbang phyug gis sprul ba'i ngo bo nyid gang yin pa ste de bsgoms na gzi brjid mchog sbyin pa ste/ gzi brjid nyi ma stong bas lhag /ces ji skad bshad pa lta bu'o/ /pad+mo'i zla ba ni rdo rje dpal gyi gnas kyi 'jig rten dbang phyug gi phyag rgya zla ba'i gzugs su sprul pa gang yin pa ste/ de bcings shing bsgoms na mdangs chen po sbyin par 'gyur ro/ /bzhad pa ni rdo rje bzhad mo'i gnas kyi 'jig rten dbang phyug gi phyag rgya ste/des rab tu bzhad pa nyid 'thob par byed de/ chos rab tu zab mo rtogs par gyur pa des rab tu dga' bar gyur pa dang / des 'dzum pa'i khyad par ston pa 'di ni bzhad pa'o/ /de'i ngo bo nyid yin pas na bzhad pa nyid de de thob par byed pa'o/ /sgrol ma 'jig rten dbang phyug gi gnas kyi 'jig rten dbang phyug gi phyag rgya spyan gyi 'bras bu las byung nas gnas pa de ni sgrol ba ste des ni dngos grub kyi mchog sbyin par byed do//pad+mo'i ral gri ni 'jam dpal gyi gzugs kyis de'i gnas kyi 'jig rten dbang phyug gi phyag rgya gang yin pa'o/ /de bcings shing sgoms na skal bzang 'thob par byed de/'di ni 'di'i lam gyi gtso bo yin no/ /mgrin sngon gyis ni 'gugs pa che/ /zhes bya ba ni rdo rje rgyu'i gnas kyi 'jig rten dbang phyug gi phyag rgya khyab 'jug gi gzugs su sprul pa gang yin pa de la mgrin sngon zhes bya'o/ /de bcings na gtso cher 'gugs pa'i las byed pa yin no//gos dkar gyis ni dngos grub po/ /zhes bya ba ni rdo rje smra ba'i gnas kyi 'jig rten dbang phyug gi phyag rgya gos dkar mo'i gzugs su sprul pa gang yin pa ste/ gos dkar mo des spyir dngos grub yid du 'ong ba gang yang rung ba sbyin par byed do/ /pad+mo gar gyi dbang phyug ni rdo rje las kyi gnas kyi 'jig rten dbang phyug gi gzugs pad+ma gar gyi dbang phyug gi phyag rgya 'dzin par sprul cing gnas pa gang yin pa ste/de bcings na 'dod pa'i dngos grub sbyin par byed do/ /mi 'jigs pa ni rdo rje bsrung ba'i gnas kyi 'jig rten dbang phyug gi gzugs mi 'jigs pa'i phyag gi go cha'i phyag rgya rnam par sprul pa gang yin pa'o//de bcings na mi 'jigs pa sbyin par byed de/ 'jigs pa'i rnam pa thams cad sel bar byed do/ /rab gtum ma ni rdo rje gnod sbyin gyi gnas kyi 'jig rten dbang phyug gi gzugs gdug pa thams cad skrag par mdzad pa'i gzugs su gnas pa gang yin pa ste/de ni gdug pa thams cad 'dul bar byed pas na ma rungs pa 'dul zhes bshad do/ /pad+mo khu tshur rab sgrub byed/ /ces bya ba ni rdo rje khu tshur gyi gnas kyi 'jig rten dbang phyug gi phyag rgya chen po pad+mo'i khu tshur bcings pa te bzhugs pas na pad+mo'i khu tshur zhes bya ste/de bcings na lha thams cad kyis dgongs par 'gyur la/ lha rnams kyis dgongs na 'dod pa'i don 'grub par 'gyur te/ de bas na/ pad+mo'i khu tshur rab sgrub byed/ /ces gsungs so/ /lA s+yas dga' zhing zhes bya ba la sogs pa la sgeg mo'i phyag rgya bcings shing bsgoms na dga' ba sbyin par byed do//de bzhin du phreng ba ni rin po che'i phreng ba ste/ de rang gi lha'i rnal 'byor gyis bcings shing bsgoms la/ rang ngam sangs rgyas dang byang chub sems dpa' gzhan la mchod na des nor sbyin par byed do/ / glu ma'i phyag rgya chen po dbyangs sgrogs pa'i tshul du ston pa de bcings shing bsgoms na tshangs pa'i dbyangs kyi bar du dbyangs rim gyis sbyin par byed do/ /gar gyi phyag rgya chen po bcings shing bsgoms na mya ngan las 'das pa'i bde ba bla na med pa la thug gi bar gyi bde ba rnams rim gyis sbyin par byed do/ / bdug pa'i lha mo chen mo'i phyag rgya chen po bcings shing bsgoms na tshim par sbyin par 'gyur ro/ /'di skad ston te ting nge 'dzin mngon du gyur pa dang / rjes su mthun pa'i shin tu sbyangs pa'i bde ba sbyin par 'gyur te/ tshim par 'gyur na lus dang sems rtsub pa dang bral bas lus dang sems shin tu spangs par 'gyur la/des ni dngos po gang brtsams pa la ldang ba yang bar 'gyur ro/ /mar me'i phyag rgya chen po bcings shing bsgoms na mar me'i snang ba'i tshul du ring zhing phra ba la gnas pa'i don rnams la yang skyu ru ra lag mthil du bzhag pa bzhin du ye shes skyed par byed do zhes bya ba'i don to/ dri'i lha mo'i phyag rgya chen po bcings shing bsgoms na lus la tsan+dan dang ut+pal sogs pa'i dri sbyin par 'gyur ro/ /rta mgrin gyi phyag rgya chen po bsgoms na de bzhin gshegs pa la sogs pa sems dpa' thams cad 'gugs pa'i dgos pa thams cad byed par 'gyur ro/ /gdon mi za ba ni don yod pa ste/dbang du bya ba'i las la byams pa'i zhags pas dbang du mdzad pas na dbang du byed ces bshad do/ /lcags sgrog 'ching ba yin pa'i don ni bshad zin to/ /pad+ma'i rigs kyi lcags sgrog yin pas na pad+mo'i lcags sgrog go/ /'di bcings na mngon par 'dod pa'i don thams cad 'ching bar byed do//dril bu'i phyag rgyas ni sems dpa' thams cad 'bebs par byed de/ sngags dang sbyor ba dang ldan na thams cad 'bebs par bshad do/ /rdo rje bsdams pa bcings nas ni/ /zhes bya ba ni rdo rje bsngags pa bcings te/ mthe bo mthe'u chung mnyam par bsgreng //zhes bya ba la mthe bo dang / mthe'u chung gshibs la bsgreng ba'o/ /chos dam tshig ces bya ba ni 'gro ba 'dul ba zhes bya ba'i chos kyi dkyil 'khor gyi dam tshig yin pas na dam tshig gi phyag rgya ste/ 'di ni bskul ba'i sngags dang po yin no/ /'bras bu ni/ sangs rgyas chos ni rab thob byed//ces bya ste gang gis sangs rgyas kyi chos rnams sgrub par byed pa'i phyag rgya 'di bcings la 'jig rten dbang phyug bskul na des dkyil 'khor du gtogs pa'i chos rnams skyed par 'gyur te/ de bas na/ sangs rgyas chos ni rab thob byed/ /ces bshad do/ /gang gi phyir sngags pa rnam par snang mdzad kyi ting nge 'dzin la gnas te/phyag rgya 'di bcings na rdo rje sems dpa' 'gro ba 'dul ba'i gzugs su bzhugs pa la rtag tu bskul ba byas na des dkyil 'khor dang / sngags dang phyag rgya dang / snying po rnams bskyed par 'gyur ro/ /rdo rje bsdams pa bcings nas ni//zhes bya ba ni rdo rje bsdams pa bcings la/ lag pa gnyis kyi mthe bo dang / mthe'u chung btang la sor mo gsum char gshibs te brkyang bar bya'o/ /sangs rgyas rigs mchog phyag rgya de/ /zhes bya ba ni 'di yang rnam par snang mdzad kyi gnas kyi dkyil 'khor byin gyis rlob pa'i sngags gnyis pa'i phyag rgya yin no//sangs rgyas nyid du grub par byed/ /ces bya ba ni 'di skad ston te/ mngon par byang chub pa'i phyag rgyas rnams par snang mdzad du bskyed de/ rang la byin gyis brlabs pa la sogs pa byas nas de'i 'og tu phyag rgya 'di bcings la/sngags pas 'gro ba 'dul ba'i dkyil 'khor byin gyis brlab par bya ste/ de ltar byas na rim gyis sangs rgyas nyid kyang grub par byed do/ /da ni mi bskyod pa'i gnas kyi 'gro ba 'dul ba'i gzugs kyi 'jig rten dbang phyug gi dkyil 'khor de byin gyis rlob pa'i phyag rgya te/ 'gro ba 'dul ba'i lha'i rnal 'byor du byas la/ rdo rje bsdams pa bcings nas ni/ /gung mo rdo rje rab bsdams pas/ /zhes bya ba sngags pas gung mo gnyis gshibs la dkyil 'khor byin gyis brlabs pa la sogs pa bya'o/ /rdo rje rigs pa dam pa ni bcom ldan 'das 'gro ba 'dul ba ste/rdo rje bsdams pas dkyil 'khor bstan par byin gyis brlab na rim gyis rdo rje sems dpar yang 'grub par 'gyur ro/ /de las gung mo rin chen 'dra/ /zhes bya ba ni rdo rje chos ma lta bu las rin po che lta bur byas na rin chen 'byung ldan gyi dkyil 'khor byin gyis rlob par 'gyur te/ rim gyis rdo rje rin chen yang 'thob par 'gyur ro//gung mo pad+mo'i tshul du byas/ /zhes bya ba 'di ni rdo rje rin chen ma de nyid pad+ma'i 'dab ma lta bur bzhag na gung mo pad+ma 'dra bar 'gyur te/ 'dis ni sngags pas 'od dpag tu med pa'i dkyil 'khor byin gyis brlab par bya'o/ /pad+ma'i dngos grub rab 'thob byed/ /ces bya ba la pad+mo ni bcom ldan 'das 'jig rten dbang phyug ste/de'i dngos grub rab tu thob pa ni phyag rgya 'di bcings na rim gyis de'i dngos grub rab tu thob par 'gyur ro zhes bya ba'i don to/ /rdo rje thal mo bsdams nas ni/ /zhes bya ba ni de bcings pa ste/ de yang grags pa kho nar zad la sngags pas de bcings nas gdon mi za bar grub pa'i dkyil 'khor byin gyis brlab par bya'o//de byin gyis brlab par bya ba ni/ /de ni gcig min du ma min/ /zhes bya ba la sogs pa'i rim gyis sa'i dkyil 'khor bsgoms la/ 'di dag thams cad ni rnam par rtog pas bskyed pa tsam du zad do zhes khong du chud par byas nas/lha gang dang gang gi gzugs kyis phyag rgya gang dang gang bcings na byin gyis rlob par bshad pa de dang de lta bur gyur nas phyag rgya de dang de bcings te thams cad du pad+mo'i sems pa ni bdag go zhes lhag par mos par byas la/ dkyil 'khor byin gyis rlob pa'i sngags brjod de/rlung gi dkyil 'khor nas brtsams te ri rab kyi rtse mo la thug gi bar du gcig dang du ma nas stong pa nyid kyi ye shes kyi rdo rje'i rang bzhin gyi bar du bsam par bya'o/ /gnas gang du dkyil 'khor bri bar bya ba der yang rdo rje'i rang bzhin du bsam par bya ste/ 'di ni dkyil 'khor byin gyis brlab pa yin no/ /byin gyis rlob par byed pa'i phyag rgya lnga po 'di dag ni byin gyis rlob pa'i sngags lnga po yin par blta bar bya'o/ /rdo rje chos ma la sogs pa bzhi'i phyag rgya ni bdag po'i phyag rgya yin du zin kyang sems dpa' rdo rje ma la sogs pa'i gnas nyid du bri bar bya dgos te/gang gi phyir mi bskyod pa la sogs pa rnams kyi rang gi rigs kyi phyag rgya bcom ldan 'das rnam par snang mdzad la 'khor du phul ba'i phyir ro/ /da ni 'gro ba 'dul bar gtogs pa'i dkyil 'khor rnams gdon pa'i sngags kyi phyag rgya ste/ phyag rgya gang zhig bcings na dkyil 'khor ma lus par skyed par byed pa de bshad par bya'o/ /de yang dam tshig gi phyag rgya yin te/ de ma bshad par 'dir dam tshig ji ltar 'grub par 'gyur te/ de'i phyir chos kyi rdo rje bcings nas ni/ skad cig gis ni dam tshig 'grub/ /ces bya ba gsungs pa yin no//'di skad ces ston to/ /'di phyag rgya gzhan bshad dgos pa ni ma yin gyi phyag rgya gang gis mi bskyod pa'i rigs su dkyil 'khor byin gyis rlob par byed pa de bzhin du phyag rgya de nyid kyi dkyil 'khor gdon par bya ste/ gang gi phyir bsod nams dang ye shes kyi tshogs gnyis kyis ni thams cad phyag rgya 'grub par 'gyur ro//de yang bsod nams kyi rang bzhin zla ba'i dkyil 'khor yin la/ ye shes kyi rang bzhin ni rdo rje yin no/ /sems dpa' rdo rje ma de las ni 'tshang rgya bar 'gyur la/ de nas sems dpa' thams cad kyi sngags dang phyag rgya dang / dkyil 'khor dang / rig pa dang / snying po rnams 'byung ste/ de bas na chos kyi rigs la gzhan ltar bya ba med de/ sems dpa' rdo rje ma de nyid la chos rdo rje ma zhes bshad pas/ chos kyi rdo rje bcings nas ni/ /skad cig gis ni dam tshig 'grub/ /ces bya ste/ chos kyi rigs la rdo rje ma yin pas na chos kyi rdo rje zhes bya'o//da ni sngags bkod zin pa rnams kyi phyag rgya rnams ston te/ de la 'dir thog mar re zhig rnam par snang mdzad dgod pa'i phyag rgya bstan pa ni rdo rje bsdams nas zhes bya ba la sogs pa yin no/ /mdzub snyoms pas zhes bya ba ni mdzub mo gnyis rtse mo'i tshul du sbyar bar ston pa'o/ /sangs rgyas dngos grub rab thob byed//ces bya ba ni 'di bcings pa'i 'bras bu dang las ston pa'o/ /gang du rdo rje dbyings las phyag rgya bcing ba dang / dngos grub dang las su bshad pa gang yin pa'i phyag rgya de dag thams cad kyi phyag rgya bcings pa dang / las rnams 'gres gcig gis ston pa ni/ de nas rab tu bshad bya ba//'dir yongs su gzung ngo / /de nas rab tu bshad bya ba/ /zhes pa la gang zhig ce na/ 'gro ba 'dul ba'i phyag rgya'i sems dpa' thams cad zlos pa'i spyi ste/ de nas sems dpa' rnams kyi phyag rgya khyad par du bshad par bya'o zhes bya bar sbyar ro/ /rdo rje thal mo bsdams nas kyang //zhes bya ba ni rdo rje thal mo bcings pa'o/ /ji lta bu zhe na/ de'i phyir gung mo mnyam bsnyams zhes bya ba ni gang gi gung mo mnyam zhing mngon du phyogs par byas pa de ni gung mo mnyam par bsnyams pa'i rdo rje thal mo ste de bcings pa'o/ /de bzhin du zhes bya ba 'dis sor mo lhag ma rnams rdo rje lta bur bya'o zhes ston to//ci sor mo lhag ma rnams de bzhin du bzhag gam zhe na ma yin no/ /'o na ji ltar zhe na/ mthe'u chung mthe bo phye ba ni/ /zhes bya ba gsungs te/ gang gi mthe bo dang mthe'u chung so sor phral te 'dab ma bzhi pa'i tshul du phyi rol du byung bar byas pa de ni mthe'u chung mthe bo phye ba ni zhes bya ba ste/'di ni bcom ldan 'das 'gro ba 'dul ba dgod pa'i phyag rgya'o/ /de las zhes bya ba ni rdo rje thal mo'o/ /mthe bo gnyis bsnol te zhes bya ba ni gang gi mthe bo gnyis rdo rje bsdoms pa dang 'dra bar skyil mo krung gi tshul du byas pa de ni mthe bo gnyis bsnol ba'o//mdzub mo gnyis rtse sprad bkug pa'i gzugs zhes bya ba ni gang gi mdzub mo gnyis kyi rtse mo sprad la bkug pa'i dbyibs de ni mdzub mo bkug pa'i gzugs so/ /dbus kyi rdo rje spyi gtsug phud/ /ces bya ba ni gung mo'i sor mo gnyis rdo rje'i tshul du byas pa ni gtsug phud du 'gyur te/de nas spyi gtsug tu bzhag na/ gtsug phud sangs rgyas yin par bshad/ /ces bya ste gtsug phud sangs rgyas zhes bya ba'i phyag rgyar 'gyur ba ni rdo rje rin chen gyi gnas su phyag rgya de bcings na sangs rgyas zhes bya'o zhes bya'i dbang du byas pa'o/ /rdo rje bsdams pa zhes bya ba la sogs pa la rdo rje bsdams pa dam du bcings la rdo rje bsdams pa'i mthe bo gnyis thad kar bzhag pa de las kyang khyad par du bya ba'i phyir mthe bo bsnyams te zhes bya ba smos so//bsnyams nas ji ltar gzhag par bya zhe na/ btud nas ni zhes bya ba smos te/ mthe bo gnyis kyi rtser mdzub mo bkug pa dang rtse sprad par bya'o//de ltar bcings nas phyag rgya de ji ltar gzhag par bya zhe na/bkan nas zhes bya ba gsungs so/ /ci bye brag de tsam du zad dam/ 'on te ma yin zhe na/ de'i phyir ting nge 'dzin du gzhag ces bya ba gsungs so/ /'di skad ston te/ rdo rje dbyings kyi chos kyi dkyil 'khor du ting nge 'dzin gyi skyil mo krung gi steng du bkan la brkyang ste bzhag pas ji ltar gsungs pa de bzhin du 'dir yang de dang 'dra bar khong du chud par bya'o//ting nge 'dzin du gzhag ces bya ba 'dis ni 'od dpag tu med pa'i gnas su dgod pa'i phyag rgya'o/ /thal mo pad+mor mnyam sbyar la//zhes bya ba la sogs pa la thal mo mnyam pa zhes bya ba 'dis ni rdo rje thal mo lta bur bya ba 'gog pa yin no/ /mnyam sbyar la zhes bya ba ni bcing ba'o/ /mdzub mo rdo rje bsnyams nas ni/ /zhes bya ba 'dis ni mdzub mo gnyis rdo rje lta bur sprod la btsir bar ston pa yin te/ de bas na tshig 'dis ni thal mo cung zad khong stong du bya ba yin par shes so//mthe bo gnyis kyi ngos kyang phral zhing phye ste gzhag go/ /de lta bu'i phyag rgya 'di su zhig gi yin zhe na/ des pa'i dbang phyug ces bya ba ste/ gdon mi za bar grub pa'i gnas su dbang phyug tu gyur pa'i 'jig rten dbang phyug gi'o//'di skad ston te/ gang gdon mi za bar grub pa'i gnas na bzhugs pa'i 'jig rten dbang phyug de'i dgod pa'i phyag rgya ni 'di yin no zhes pa'o/ /da ni rdo rje sems dpa' la sogs pa'i gnas su sangs rgyas la sogs pa dgod pa'i phyag rgya ni/ rdo rje bsdams pa bsdams nas ni//zhes bya ba la sogs pas ston te/ legs par bkan te zhes bya ba ni/ skyil mo krung gi steng du rdo rje bsdams pa bkan par bya'o zhes bya ba'i don to/ /de nas rdo rje bsdams pa bkan pa de las mthe bo gnyis bsgreng ba phan tshun gnyis sprad de gzhag par bya zhing de las pad+mo'i 'dab ma lta bur bya ba 'di ni rdo rje sems dpa'i gnas kyi phyag rgya'o//'di'i ming ji skad du bya ba yin zhe na/ sangs rgyas pad+mo yin par bshad/ /ces bya ba gsungs te/ pad+mas nye bar mtshan pa'i rdo rje sems dpa'i gzugs yin pa'i phyir ro/ /mthe bo gnyis ni rdo rjer mnyam//zhes bya ba la sogs pa ni rdo rje rgyal po'i gnas kyi phyag rgya ston te/ rang gi sngags las ji ltar 'byung ba'i tshul gyis phyag rgya bzhi char rdo rje bsdams pa gcig pus ston to/ /ji lta zhe na/ mthe bo gnyis ni rdo rje zhes bya ba ste/ rdo rje mthe bo gnyis gcig la gcig sprad nas rtse mo'i tshul du byas pa'i rdo rje ni mthe bo rdo rjer 'gyur te 'di ni dang po'o//de las mdzub mo g.yas pa bkug pa ni lcags kyur 'gyur te/ 'di ni lcags kyu'i phyag rgya ste gnyis pa'o/ /mdzub mo g.yon pa brkyang na ral gri'i phyag rgya ste 'di ni gsum pa'o/ /de ltar na 'dis ni/ mdzub mo lcags kyu ral grir bya//zhes pa ston pa yin no/ /mthe'u chung gnyis ni so sor dbye/ /zhes bya ba 'dis ni cung zad tsam zhig dpral bar 'og nas ston to/ /gung mo srin lag pad+mor bya ba ni gung mo dang srin lag gi rtse mo pad+ma kha ma bye ba'i tshul du byas pa'i pad+mo'i phyag rgya gang yin pa de ni/ gung mo srin lag pad+mor bya//zhes bya ba'i don to/ /de ltar na phyag rgya bzhi bstan pa yin te/ de dag ni rdo rje dang lcags kyu dang ral gri dang pad+mo zhes bya ba rnams so/ /thal mo mnyam par rab sbyar la/ /zhes bya ba la rab sbyar zhes bya ba ni bcing ba'o/ /gcus te zhes bya ba ni thal mo g.yon phyogs su drang ba ni bcu pa'o//mthe bo bkug nas ni zhes bya ba ni mthe bo bkug nas so/ /des ci zhig bya zhe na/ mdzub mos mdzub mo bzung nas su/ /'dren par byed pa zhes bya ba ste/ g.yas pa'i mdzub mos g.yon pa'i mdzub mo bzung la mda' gzhu 'dren pa'i tshul du drang bar gyis shig ces bya ba'i don to//phyag rgya 'di ming ci skad ces bya zhe na/ /pad+mo mda' zhes bya ba 'dis ston te/ mnga' gang la pad+mas nye bar mtshon par byas pa de'i'o/ /'di ni rdo rje chags pa'i phyag rgya yin no/ /thal mo sbyar nas mnyam par bkan/ /zhes pa la sogs pa la yang thal mo mnyam par bya ba ste/de yang bkan te bzhag pa bcing ngo / /ci zhig bya zhe na/ de'i phyir/ legs pa'i phyag rgya bcings nas ni/ /zhes bya ba ste/ rdo rje legs pa'i phyag rgya gang yin pa de ni legs pa'i phyag rgya ste/ rdo rje dbyings kyi dkyil 'khor las rdo rje bsdams pa'i mdzub mo gnyis bkug la/ se gol brdeb pa'i tshul du byed pa'i phyag rgya gang yin pa de dang phyag rgya 'di 'dra bar bya ba'o/ /'di skad ston te/ thal mo sbyar ba bkan la mdzub mo gnyis bkug pa mthe bos mnan te/ se gol gtogs pa'i tshul du bya ba'o/ /'di'i ming ji skad du bya ba yin zhe na/ pad+mo legs pa yin par grags//zhes bya ste legs so zhes bya bas nye bar mtshon pa'i pad+ma gang yin pa de ni pad+mo legs pa yin par grags shing bshad de/ 'di ni rdo rje legs pa'i phyag rgya'o/ /thal mo mnyam par sbyar la mdzub mo gcig la gcig rtse sprad de pad+ma'i 'dab ma 'dra bar bkug la/ de nas mdzod pu'i gnas su gzhag na gdong du gnas pa yin no//mthe'u chung phyal te zhes bya ba ni mthe'u chung gnyis gcig la gcig mi sbyar bar phye ste shin tu brkyang ba ni phral ba yin no/ /'di'i ming ji skad du bya ba yin zhe na/ pad+mo khro gnyer zhes gsungs pa yin no/ /sor mo thams cad dkyil 'khor du//zhes bya ba ni shin tu brkyang ba'i don te/ pad+ma'i nyi ma'i phyag rgya'o/ /dpung pa spyi bor rab brkyang ba/ /zhes bya ba la dpung pa gnyis spyi bo'i thad kar gyen du brkyang na de lta bu ni pad+mo'i rgyal mtshan gyi rtser gyur pa yin no/ /pad+mo'i rin chen rgyal mtshan rtse/ /zhes bya ba ni phyag rgya'i ming ston pa yin no//rdo rje bsdams pa spyi bor bzhag /ces bya ba la sogs pa la spyi bo ste mtshog ma'i gnas gtsug tor gyi sar brkyang ste/ rdo rje bsdams pa'i sor mo bcu char gyen du bstan te brkyang la sor mo'i rtse mo gang dang gang yin pa de dang de rnams mgo bo she dag tu bsams la/nyid kyi rang bzhin gyis gnas pa'i rang gi mgo bos bgad cing haha zhes shas cher bgad na nyid kyi kha dgod pa dang bcas na rdo rje bzhad pa'i phyag rgya kha bcu gcig pa zhes bya bar 'gyur ro/ ting 'dzin pad mo bcings nas ni/ /zhes bya ba la sogs pa la ting nge 'dzin pad+mo ni 'od dpag tu med pa'i gnas su'o//mthe bo gnyis ni so sor gyed/ /ces bya ba la sogs pa ni bshad zin to/ /mthe bo de gnyis gcig la gcig lto sprad par bya ste/ de ltar na pad+mo sgrol ba'i phyag rgyar 'gyur ro/ /bcom ldan 'das rdo rje rnon po'i ni kho bo cag gis mthong ba'i glegs bam rnams las ma rnyed do//mthe'u chung pad+mo zhes bya ba la sogs pa la rdo rje bsdams pa'i mthe'u chung gnyis pad+ma kha ma bye ba'i tshul du byas pa zhes bya ba 'di ni pad+ma chen po zhes bya ba'i phyag rgya'o/ /rdo rje bsdams pa de nyid kyi mthe bo gnyis gshibs nas rtse mo gyen du bstan la rtse mor byas pa ni gnyis pa ste/dbyig pa'i phyag rgya'o/ /mdzub mo'i rtse mo bkug ste phan tshun rtse sprad pa byas la/ kun nas 'khyil pa'i tshul du zlum por byas pa 'di ni gsum pa ste/ dung chen gyi phyag rgya'o/ /gung mo srin lag 'khor lor sbyar zhes bya ba ni rdo rje bsdams pa byas la lhag ma gung mo dang srin lag gnyis rdo rje 'khor lo'i tshul du bstan par bya'o zhes bya ba'i don te/'di ni rdo rje rgyu'i sngags las ji skad bshad pa'i phyag rgya bzhi bo yin no/ /rdo rje thal mo zhes bya ba la sogs pa la/ g.yas pa'i oM gyi nang du gzhug /ces bya ba ni mthe bo g.yon pa nang du bcug la mdzub mo g.yas pa bkug nas rang gi mthe bo dang gdong sprad pa ni oM gyi nang du gzhug pa zhes bya'o//g.yon pa'i mthe bo dang mdzub mo yang de bzhin du bzhag la bzlas pa byed pa'i tshul bya'o/ /sor mo lhag ma rnams gcig la gcig ma 'byar bar phral te rtse mo cung zad brkyang la rdo rje thal mo nyid ma phye ba 'di ni chu skyes zhes bya ste/'di ni rdo rje smra ba'i gnas kyi phyag rgya'o/ /rdo rje thal mo mnyam sbyar la/ /zhes bya ba la sogs pa ni rdo rje thal mo bcings pa'o/ /g.yon dang g.yas nas zhes bya ba ni g.yas g.yon gyi ngos gnyis su rdo rje thal mo de nyid 'gying ba dang bcas par bskor ba'i tshul du byas la spyi bor gzhag go//de nas yang bskor zhing drangs la ngos gang yang rung ba nas rdo rje thal mo de dbab par bya'o/ /de nas yang ngos gzhan nas slar bteg la ngos gcig tu dbab par bya zhing de bzhin du spyi bo'i bar du drang bar bya'o/ /'gying bcas ni sgeg pa dang bcas pa'o//'di ni gar thabs pad+mo can zhes bya ba ste/ rdo rje las kyi gnas kyi phyag rgya'o/ /de bzhin zhes bya ba 'dis ni rdo rje thal mo ma bkrol bar ston to/ /rtse mo kha bye ba zhes bya ba ni rdo rje thal mo ma bkrol ba nyid du sor mo thams cad kyi rtse mo phral na sor mo thams cad kha bye ba yin no/ /de lta bu'i rdo rje thal mo de bskor ba ni lag pa'i mthil gnyis rgyab sprad pa'o//de nas snying gar bzhag na pad+mos brtan par byed pa ste go cha'i phyag rgyar 'gyur ro zhes bya ba'i don to/ /gsang ba'i gnod sbyin zhes bya ba la sogs pa ni rdo rje dbyings kyi gsang ba'i dkyil 'khor gyi rdo rje gnod sbyin gyi gnas su rdo rje thal mo'i rnam pas phyag rgya'i sbyor ba byas pa gang yin pa de ni gsang ba'i gnod sbyin gyi tshul du zhes bya ba de bzhin du byas la brkyang nas rdo rje thal mo snyim pa'i tshul du byas pa khar bzhag na pad+mo gnod sbyin ma'i phyag rgyar 'gyur ro//gsang ba'i gnod sbyin gyi phyag rgya de yang rdo rje thal mo'i mdzub mo gnyis bkug ste rang gi mthe bo'i drung du bzhag la mthe bo gnyis kyang dbral bar bya ste/'di ni gsang ba'i gnod sbyin gyi tshul de 'di yin no/ /rdo rje khu tshur zhes bya ba la sogs pa ni rdo rje khu tshur gyi phyag rgya las mdzub mo gnyis ji ltar gnas pa gung mo gnyis kyang de bzhin du bya'o//lhag ma rnams ni go sla'o/ /'di rdo rje khu tshur gyi gnas kyi pad+mo'i khu tshur gyi phyag rgya'o/ /rdo rje dbyings kyi tshul gyis ni/ /zhes bya ba la sogs pa ni rdo rje dbyings kyi dkyil 'khor chen por sgeg mo la sogs pa'i dam tshig gi phyag rgya rdo rje bsdams pa'i mthe bo gnyis drang por sbyar bar bya ste/'di ni rdo rje dbyings kyi tshul de las 'dir rdo rje thal mo las mthe bo gnyis bsnyams la/ rdo rje sgeg mo la sogs pa'i phyag rgyar sbyar bar bya'o/ /de ltar na rdo rje sgeg mo la sogs pa bzhi po rnams kyi ni rdo rje bsdams pa'i mthe bo brkyang ba las phyag rgyar 'gyur gyi/bdug pa la sogs pa rnams kyi ni rdo rje bsdams pa kho na las te/ rdo rje bsdams pa thur du gtugs/ /zhes bya ba la sogs pa gsungs pa'i phyir ro/ /de skad gsungs pa las ni 'di ltar shes par bya ste/ sgeg mo la sogs pa'i phyag rgya bzhi char yang der rdo rje bsdams pa'i mthe bo brkyang ba las 'byung ba yin no//de bzhin du 'dir sgeg mo la sogs pa bzhi char gyi yang rdo rje thal mo'i mthe bo bsnyams pa las dam tshig gi phyag rgya rnams su sbyar bar bya'o/ /bdug pa la sogs pa ni rdo rje thal mo phye ba las yin par shes par bya ste/ 'di dag ni rdo rje dbyings kyi tshul te/ mchod pa'i mchog lha mo brgyad po thams cad kyis mchod pa'o//dam tshig mchog ni dam tshig gi phyag rgya ste/ dam tshig kyang de yin la mchog kyang de yin pa'i phyir ro/ /da ni sgo ba rnams kyi phyag rgya ston te/ de la re zhig sgo dang por ni bcom ldan 'das rta mgrin pad+ma lcags kyu yin la/ de'i phyag rgya ni/ rdo rje bsdams pa dam byas la/ /zhes bya ba la sogs pas ston te/ rdo rje bsdams pa dam du bcings la/ mdzub mo gnyis ni mnyam sbyar nas/ /zhes bya ba la mnyam par sbyar bas na mnyam par sbyar te mdzub mo gnyis sbyar bar bya'o zhes bya ba'i don to/ /bkug pa zhes bya ba la bkug pa ni tshigs par ma bcag pa'o//rtse mo sbyar ba'i zhes bya ba ni rtse mo dgug pa'o/ /'di ni rta gdong lta bu yin te/ de la mthe bo gnyis ni rna bar 'gyur la/ mthe'u chung zur du brkyang ba gnyis ni rje dar du gyur pa'i phyir ro/ /gang gis phyag rgya 'di'i sbyor ba dang / bdag nyid spyan ras gzigs dbang phyug gi gzugs su bskyed la ma rungs pa thams cad gdul ba'i phyir spyi bor rta gdong gi phyag rgya rmig pa gnyis 'phags te byung ba bzhag cing / zhal rnam par 'gyur ba mche ba gtsigs pa/ zhal gdangs shing bskal pa'i me lce 'bar ba'i phreng ba kun du 'khrugs pa/'jig rten gsum po ri bo rnams dang bcas pa dang rgya mtshor bcas pa za bzhin pa lta bur bdag nyid bsam par bya'o/ /pad+mo thal mo mnyam sbyar la/ /zhes bya ba ni pad+ma kha ma bye ba lta bu'i thal mo sbyar la mdzub mo gnyis mdud par mdud pa ni zhes bya ba mdzub mo gnyis kyi gdong phan tshun du sprad de mdud pa'i tshul gyis pad+mo kha ma bye ba lta bur bya ste/'di ni bcom ldan 'das don yod zhags pa'i phyag rgya'o/ /da ni pad+mo'i lcags sgrog gi phyag rgya bstan par bya ba'i phyir mtheb mdzub lcags sgrog ces bya ba gsungs te/ pad+mo kha ma bye ba'i phyag rgya de nyid las mthe bo gnyis dang mdzub mo gnyis gcig la gcig 'khyud par sbrel la lcags sgrog tu bya ba 'di ni pad+mo'i lcags sgrog gi phyag rgya ste/ma rungs pa thams cad bcing ba la sbyar bar bya'o/ /pad+mo'i thal mo mnyam byas la/ /zhes bya ba ni pad+mo kha ma bye ba'i thal mo bya ba'o/ /mthe bo gnyis bcug dam du btsir//zhes bya ba ni srin lag dang mthe'u chung gnyis kyi bar du mthe bo'i lto btsir bar bya ba'i don te/ 'di ni pad+ma dbab pa'i phyag rgya'o/ /pad+mo'i khu tshur 'di bshad zin te/ de gnyis su byas la rdo rje dbyings las bsgyings bcas gsor ba zhes bya ba la sogs pa'i tshul gyi phyag rgya rnams bstan par bya'o//bsgrub par bya'o zhes bya ba ni bcing bar bya ba'o/ /de bzhin gshegs pa thams cad kyi chos kyi rigs kyi dam tshig yin pas na de bzhin gshegs pa thams cad kyi chos kyi dam tshig ste/ dam tshig la sogs pa'i cho gar yongs su brtags pa yin pas na rtog pa'o//rtog pa gzhan rnams las shin tu khyad par du 'phags pa'i phyir rgyal po yang yin la chen po yang yin pas na rtog pa'i rgyal po chen po ste/ de las 'gro ba thams cad 'dul ba la dbang du byed pa'i dkyil 'khor chen po'o/ /de kho na nyid bsdus pa'i rgya cher bshad pa ko sa la'i rgyan las 'gro ba thams cad 'dul ba'i dkyil 'khor gyi 'grel pa'o// //da ni de nas zhes bya ba la sogs pas pad+ma'i rigs kyi phyag rgya'i dkyil 'khor ston to/ /de nas zhes bya ba ni rjes thogs la ste phyag rgya chen po'i dkyil 'khor gyi rjes thogs la phyag rgya'i dkyil 'khor ston pa'o//yang zhes bya ba ni de bzhin gshegs pa'i rigs su rdo rje gzungs kyi dkyil 'khor la ltos pa'o/ /bdud bzhi bcom pas na bcom ldan 'das so/ /de bzhin gshegs pa thams cad ni dkyil 'khor pa'i sangs rgyas dang byang chub sems dpa' rnams te/sangs rgyas kyi yon tan nyid der byang chub sems dpa'i gzugs su sprul par mdzad pas de dag thams cad la de bzhin gshegs pa zhes bshad do/ /de bzhin gshegs pa thams cad kyi chos kyi rigs kyi gzungs ma yin pas na chos kyi gzungs te/ gzungs zhes bya ba ni sngags kyi gzungs yin par gzung la/de dag gi dam tshig ni phyag rgya dang lha dang sngags dang / rigs pa dang snying po rnams ni dam tshig ces bya bar gzung bar bya'o/ /de lta bu'i khyad par gyi dam tshig 'di/ bsam pa'i khyad par gang las byung / /zhes pad+ma'i bsgom pa las nges par skyes pa'i bsam pa'i khyad par de byin gyis brlab par bya ba'i phyir ting nge 'dzin gang pad+mo la dmigs pa'i ting nge 'dzin de la ni don dang mthun pa'i ming 'di skad du de bzhin gshegs pa thams cad kyi chos kyi gzungs kyi dam tshig 'byung ba'i byin gyi rlabs pad+ma zhes bya ba'i ting nge 'dzin ces bya ste/de bas na ming de skad ces bya ba'i ting nge 'dzin la snyoms par zhugs te/ nyid kyi dkyil 'khor byin gyis brlabs pa'i rig pa dam pa 'og nas bshad pa 'di gsungs so/ /ji ltar bcom ldan 'das kyis nyid kyi dkyil 'khor byin gyis rlob par byed pa'i rig pa dam pa gsungs pa de bzhin du/mi bskyod pa la sogs pa'i gnas na gnas pa'i phyag na rdo rje la sogs pa 'khor los sgyur ba bzhis kyang rang rang gi dkyil 'khor byin gyis brlab par bya ba'i phyir/ dkyil 'khor byin gyis rlob pa'i rig pa rnams gsungs pa yin no/ /'dir 'khor los sgyur ba gzhan la'ang phyag na rdo rje'i sgrar gsungs mod kyi/'on kyang 'gro ba 'dul ba de nyid kyi gzugs yin par blta'o/ /da ni phyag na rdo rje'i sgrar gsungs pa de nyid 'jig rten dbang phyug yin par bstan pa'i phyir de nas bcom ldan 'das spyan ras gzigs kyi dbang pos zhes bya ba gsungs pa yin no//rang gi rigs kyi dam tshig gi phyag rgya'i dkyil 'khor zhes bya ba la sogs pa rang gi rigs ni pad+ma'i rigs so/ /dam tshig gi phyag rgya ni dam tshig 'dzin du 'jug pa'i phyag rgya yin pas dam tshig gi phyag rgya'o/ /de'i dkyil 'khor yin pas na rang gi rigs kyi dam tshig gi phyag rgya'i dkyil 'khor te dkyil 'khor ni snying po la bya ste/mar gyi snying po bzhin no/ /de 'dzin par byed pas na dkyil 'khor te maN+Da ni snying po la ni A da na ste len par byed pa'o/ /sems can rnams kyi snying po ni skyabs su 'gro ba dang / byang chub tu sems bskyed pa dang / bsod nams dang ye shes kyi tshogs ni snying po yin te/snying po de len pa la 'dzud pa zhes bya ba'i don to/ /de lta bu'i dkyil 'khor de gsungs pa ni bshad pa zhes bya ba'i don to/ /ji ltar gsungs she na/ de nas zhes bya ba la sogs pa gsungs te/ de nas zhes bya ba ni rjes thogs te dkyil 'khor chen po'i rjes thogs la'o//pad+ma'i rigs kyi phyag rgya'i dkyil 'khor du gtogs pa'i don gyi bya ba de ma bstan na 'byung bar mi 'gyur na/ de'i phyir rab tu bshad bya ba/ /zhes bya ba ste/ yang dag cing phyin ci ma log par rab tu phye zhing so sor gses te/ bstan par bya zhing bshad par bya ba yin pas na rab tu bshad bya ba'o//ci zhig bshad ce na/ phyag rgya'i dkyil 'khor zhes gsungs pa'o/ /ji lta bu zhe na dam pa zhes bya ba ste don gyi mchog sgrub par byed pa'i phyir ro/ /ji lta bu zhe na/ rdo rje dbyings dang 'dra ba la ste rdo rje dbyings dang mtshungs pa'o/ /ming ji skad ces bya zhe na/pad+mo'i gsang ba zhes bshad do zhes bya ba ste/ pad+ma'i rigs kyi gsang ba yin pas na pad+mo'i gsang ba ste/ gsang bar grags pa'o/ /dkyil 'khor de ji ltar thig gdab par bya zhe na/ dkyil 'khor chen po'i tshul du ni/ /zhes bya ba gsungs te/ dkyil 'khor chen po ni 'dir 'gro ba 'dul ba'i dkyil 'khor ro//dkyil 'khor chen po de sbyor ba gang dang / ting nge 'dzin gang dang dbyibs gang gis thig 'debs par byed pa'i sbyong ba de nyid dang / ting nge 'dzin de nyid dang dbyibs de nyid kyis 'dir yang thig gdab par bya'o/ /de zhes bya ba ni dkyil 'khor chen po'i'o//dbus zhes bya ba ni rnam par snang mdzad kyi gnas su'o/ /pad+mo bzang po ni pad+ma mchog ste pad+mo'i gtso bo'o/ /rdo rje dbyings kyi dbang mo bri/ /zhes bya ba ni mchod rten khri la legs par zhugs par bri bar bya'o zhes bya ba'i don to/ /mchod rten khri la legs 'dug pa//rdo rje dbyings kyi dbang mor bshad/ /ces gsungs pa'i phyir ro/ /de'i zhes bya ba ni rdo rje dbyings kyi dbang mo'i'o/ /phyogs rnams thams cad du zhes bya ba ni phyogs bzhi char du'o/ /dam tshig rnams ni phyag rgya thams cad do/ /de rnams kyi mchog ni sems dpa' rdo rje ma la sogs pa'i rigs kyi yum rnams so//lhag ma bzhin zhes bya ba ni dkyil 'khor chen po bzhin du'o/ /rang gi rig pa rnams ldan par/ /zhes bya ba ni rang gi rig pa rnams kyis dgod par bya'o zhes bya ba'i don to/ /chos kyi rdo rje la sogs pa/ /zhes bya ba la chos kyi rdo rje ma zhes smos pas/sems dpa' rdo rje nyid yin par ston par shes par bya ste/ 'di nyid dkyil 'khor 'dir dam tshig gi phyag rgya yin par blta bar bya'o/ /de la zhes bya ba ni gsang ba'i dkyil 'khor der ro/ /de dag ces bya ba ni gsang ba'i phyag rgya de rnams kyi'o/ /phyag rgya ni 'di rnams yin no zhes bya ba ni phyag rgya rnams kyi dgod pa'i snying po la phyag rgya'i sgrar gsung te/rig pa de dag nyid las phyag rgya rnams 'byung bas tha mi dad pa yin pa'i phyir ro/ /sems dpa' rdo rje ma la sogs pa'i rig pa bstan zin nas/ sna tshogs gzugs zhes bya ba la sogs pa ni mi bskyod pa la sogs pa'i dkyil 'khor gyi rig pa ston par byed pa yin no//rdo rje shugs ni dam tshig las mi 'da' ba'i sngags te/ srad bu la sogs pa las rgal kyang ri mo'am thig yid kyis gyen du btegs la sngags pa 'og nas 'dzul na nyes par mi 'gyur ba ni yid kyi phyag rgya dang bcas par bshad zin to//des/ rdo rje shugs kyis rgal na ni/ /zhes bya ba ste/ sngags dang phyag rgya'i cho gas brgal nas mi bskyod pa'i dkyil 'khor du 'gro ba ste/ dkyil 'khor gyi phyi rol du 'gro ba ni ma yin no zhes bya ba'i don to/ /sna tshogs ni gzugs thams cad yang dag par ston pa'i ting nge 'dzin la bzhugs pa'i bcom ldan 'das 'jig rten dbang phyug go//de'i mchog dkyil 'khor ni dkyil 'khor dbus ma'o/ /de'i dbus su zhes bya ba ni dbus ma'i gnas su'o/ /pad+mos bskor ba'i pad+mo bri bar bya/ /zhes bya ba 'di ni 'di skad ston te/ dkyil 'khor dbus ma'i dbus su pad+ma gtso bo bris la/ yang pad+ma chung ngu rnams kyis yongs su bskor la kun nas zlum po'i tshul du gnas par bri'o/ /de'i zhes bya ba ni pad+ma'i dkyil 'khor gyi logs rnams su'o/ /thams cad du zhes bya ba ni phyogs bzhi char du'o/ /pad+ma'i phyag rgya nyid gnas pa zhes bya ba ni pad+mo'i gdan no//pad+mo'i mtshan ma bri bar bya/ /zhes bya ba ni pad+mo'i mtshan ma gang la yod pa de dag ni pad+ma'i mtshan ma ste/ rdo rje la sogs pa'i phyag rgya pad+ma la gnas par sngar ma bshad du zin kyang / don gyis na mtshan ma thams cad kyang pad+ma'i steng du gyis shig ces bya ba'i don to//de ltar gang zhig bri bar bya zhe na/ phyag rgya rnams so/ /su zhig gi zhe na/ bde gshegs nyid kyi ste/ byang chub sems dpa' rnams kyi zhes bya ba'i don to/ /'di dag ni bde bar gshegs pa'i bdag nyid yin pas na bde gshegs nyid kyi zhes bya ste/ de'i thugs kyi ngo bo nyid yin pa'am//yang na de'i sras su gyur pa yin pa'i phyir ro/ de yang / /yan lag yan lag las byung zhing / /snying las kyang ni khyod skyes pas/ /bu yi ming ni bdag nyid de/ /khyod ni ston brgyar 'tsho bar shog /ces rig las ji skad bshad pa lta bu ste/ /de bas na bde gshegs nyid ces bshad pa yin no//de bzhin zhes bya ba ni mi bskyod pa'i dkyil 'khor du gtso ba'i phyag rgya ji ltar bris pa de bzhin du 'dir yang bya bar ston pa'o/ /dkyil 'khor gnyis bar yang zhes bya ba ni mi bskyod pa'i dkyil 'khor la ltos na/ rin chen 'byung ldan gyi dkyil 'khor gnyis par 'gyur bas na dkyil 'khor gnyis pa der ro//phyag rgya de rnams kyi ming ji skad du bya ba yin zhe na/sangs rgyas dbang bskur bri bar bya/ /zhes bya ba ste/ sangs rgyas ni 'od dpag tu med pa dbang bskur ba'i gnas ni gnas gang yin pa de la ni sangs rgyas dbang bskur ba zhes bshad do/ de med na yang de ji lta bu zhe na/ gtsug phud dbus su chu skyes che/ /zhes bya ba gsungs te/ spyan ras gzigs dbang phyug gi ral pa'i thor tshugs bris la/ de'i dbus su 'od dpag tu med pa'i gdan pad+ma bri'o zhes bya ba'i don to/ /de'i zhes bya ba ni chu skyes chen po'i ste phyi'i dkyil 'khor gnyis pa'i'o//phyogs rnams thams cad du zhes bya ba ni phyogs bzhi char du yang ngo / /ltag 'og go rims ji bzhin du/ /zhes bya ba ltag 'og ces smos pas ni de kho na nyid phyin ci ma log par ston to/ /go rims ji bzhin du zhes bya ba ni rim bzhin pa'i rnam pa ste/go rims gang dang gang gis dkyil 'khor gdon par mdzad pa de bzhin du dkyil 'khor bri bar bya ba'o/ /pad+mo'i mtshan ma dang bcas pas na pad+mo'i mtshan ma dang ldan pa'o/ /dam tshig mchog ces bya ba ni dam tshig gi phyag rgya rnams te/ mchog ni dbang bskur ba'i dkyil 'khor gyi nang du chud pa nyid du dgod cing bri bar bya ba'o//'dir yang rig pa dang po ni bdag po'i gnas kyi yin te/ lhag ma rnams ni go rims ji lta ba bzhin du shes par bya'o/ /chos kyi dkyil 'khor ni dkyil 'khor gsum pa ste/ de'i dbus su zhes bya ba ni de'i dbus ma'i dkyil 'khor du'o//pad+mo bzang mo yin pas na pad+mo mdzes pa pad+mo mdzes pa'i gdan de la ci zhig bri bar bya zhe na/ pad+ma zhes bya ba gsungs te 'jig rten dbang phyug gi gnas su spyan bri bar bya'o/ /'jam dpal gyi gnas su ral gri/ /rdo rje rgyu'i gnas su phyag rgya bzhi/ rig pa las ji skad bshad pa bzhin du bri bar bya ste pad+ma gcig bris la/ de'i 'dab ma bzhi la pad+ma dang / dur dang / 'khor lo dang / dbyig pa zhes bya ba dgod par bya'o/ /rdo rje rgyal po'i gnas su yang sna tshogs pa'i rig pa las 'byung ba'i phyag rgya bzhi 'di bzhin du bri bar bya'o/ / rdo rje smra ba'i gnas su ni lce'o/ /pad+mo'i dbus su pad+mo bri/ /zhes bya ba la/ gdon mi za bar grub pa'i gnas su pad+ma bris la de'i dbus su 'bar ba'i phreng ba kun du 'khrigs pas bskor ba'i pad+ma bri'o/ /gar gyi dbang phyug gi gnas su lag pa gnyis gar byed par bri'o/ /de nas go cha dang mche ba dang khu tshur bri bar bya'o//sgeg mo la sogs pa yang go rims ji lta ba bzhin du rdo rje dang rin po che'i phreng ba dang / pi wang dang gar gyi lag pa gnyis bri bar bya'o/ /bdug pa la sogs pa rnams kyi spos snod dang / me tog gi za ma tog dang / mar me'i sdong bu dang /dri'i snod rnams bri bar bya'o/ /sangs rgyas mchod pa zhes gtso bor smos su zin kyang / sgeg mo la sogs pa ni 'dir byang chub sems dpa' rnams la yang mchod pa byed par blta bar bya'o/ /rdo rje lcags kyu la sogs pa thams cad kyang pad+ma la gnas shing pad+mas mtshan pa ji lta ba bzhin du bri ba bya'o//btsud de zhes bya ba ni rdo rje dbyings las gsungs pa'i cho ga 'gro ba 'dul ba las ras dkar po zhes bya ba la sogs pa gsungs pa ste/ ras rkyang pas gdong g.yogs nas dkyil 'khor du bcug la 'di skad ces brjod par bya'o/ /khyod kyi gsang ba 'di su la yang ma smra shig ces bya ba ni gsang ba spel bar mi bya'o zhes bya ba'i don te/gang gi phyir sngags kyi rgyud rnams gsang ba nyid stobs can yin pa'i phyir ro/ /khyod sems can dmyal bar ltung ba re zhes bya ba ni bcom ldan 'das kyis gsang ba spel ba dgag pa mdzad pa ste de las 'das par gyur na/'di nas shi 'phos nas dmyal bar ltung ba dang / tshe 'di nyid la yang khams mi mnyam pa la sogs pa'i sdug bsngal rnam pa mang po myang bar 'gyur ro zhes ston pa yin no/ /dang por mna'i snying po byin la de'i 'og tu bcug ste/ khyod kyi mig lam du ci zhig snang zhes dri bar bya'o/ / brlab po zhes bya ba ni snang ba dang rjes su mthun par de la dngos grub kyi lung sbyin par bya ste/ khyod kyi che ge mo zhes bya ba 'grub par snang gi 'di la khyod kyis mngon par brtson par bya'i/ /gzhan du ma yin no zhes 'di tsam gyi tshig la bsgo ba ni bslab pa yin no/ /de ltar de'i dngos grub shes par byas nas ji lta ba bzhin du gdong g.yogs pa bkrol te zhes bya ba ni/rdo rje sems dpa' deng khyod kyis/ /zhes bya ba la sogs pas so/ /snod ji lta ba bzhin du ye shes bskyed de zhes bya ba ni dngos grub dang rjes su mthun pa'i rnal 'byor gyi gnas rnams te/ rdo rje dbyings las don grub pa dang /rdzu 'phrul gyi ye shes kyi dngos grub la sogs ji skad bshad pa rnams so/ /phyag rgya'i ye shes bslab par bya/ /zhes bya ba ni dam tshig gi phyag rgya rnams bcing bar bya'o zhes bya ba'i don to/ /rdo rje dbyings la sogs pa dkyil 'khor thams cad du zhes bya ba ni de bzhin gshegs pa'i rigs dang /rdo rje'i rigs las ji skad bshad pa dang / 'og nas rin po che'i rigs kyi dkyil 'khor la yang snod ji lta ba bzhin du phyag rgya'i ye shes bslab par bya'o zhes bya ba ste/ khyod kyi mig lam du ji ltar snang zhes bya ba la sogs pa snga ma bzhin du dris la/gang gis ji ltar mthong ba de de lta bu'i dngos grub kyi snod yin no/ /phyag rgya'i ye shes bslab pa zhes bya ba la phyag rgya ste/ phal cher ni phyag rgya chen po dang / dam tshig gi phyag rgya dang / las kyi phyag rgya dang chos kyi phyag rgya la bya'o/ /la lar ni mig gi phyag rgya dang /so dang mchu'i phyag rgya rnams kyang gzung bar bya ste/ de rnams kyi ye shes bslab par bya zhing / yang dag par lung sbyin par bya'o/ /brtag par bya'o zhes bya ba ni mig lam du snang ba'i mtshan nyid las skal ba ji lta ba bzhin du brtag pa ste/ snod ji lta ba bzhin du ye shes bskyed par bya'o zhes ji skad gsungs pa lta bu'o//da ni/ spyan ras gzigs dbang sems dpa' che/ /zhes bya ba la sogs pas ston te/ /spyan ras gzigs dbang zhes bya ba ni spyi'o/ /sems dpa' che ni 'khor los sgyur ba'o/ /ji lta bu zhe na/ sna tshogs gzugs su zhes bya ba ste/gzugs thams cad yang dag par ston pa'i ting nge 'dzin la gnas pa'o/ /bdag ces bya ba ni bdag nyid do/ /bdag kyang gal te gzhan la phan par 'dod pas de ltar bsgom mo zhe na/ smras pa ma yin no/ /'o na ji lta zhe na/ rang nyid bsgoms nas phyag rgya chen po yi/ /zhes bya ba'o//phyag rgya chen po de ltar bsgoms pas ci zhig 'thob ce na/ mchog gi dngos grub thob par 'gyur/ /zhes bya ba ste/ mchog gi dngos grub ni 'jig rten las 'das pa thob pa la sogs pa'i mtshan nyid can no/ /phyag rgya chen po smos pas ni phyag rgya bzhi char yang yin mod kyi/ phyag rgya chen po gtso bor bstan pa'i phyir te/rigs 'di ni byang chub kyi sems kyi rang bzhin yin pas na/ phyag rgya chen po de gtso bor gyur pas 'dir gnas par bya dgos pa'i phyir ro/ /da ni/ sangs rgyas dbang gi dam tshig ni/ /zhes bya ba la sogs sangs rgyas dbang gi gnas kyi dngos grub pa ston te/ sangs rgyas de bcom ldan 'das snang ba mtha' yas kyi dbang bskur ba gang yin pa de ni sangs rgyas dbang gi'o/ /dam tshig ces smos pa ni phyag rgya bzhi'i rnal 'byor yang yin mod kyi/ rin po che'i rigs ni dbang bskur ba'i dam tshig dang 'brel bas na gtsor bstan pa'i phyir dam tshig ces smos pa yin no//mnyam par gzhag pas zhes bya ba 'di ni 'di skad ston te/ mnyam par 'jog pa la gnas pa nyid 'grub par 'gyur gyi/ g.yengs pa ni ma yin no zhes pa'o/ /brtan byas te zhes bya ba ni shin tu bsgoms pa byas pa'o/ /bdag nyid nyid kyis bsgoms na ni/ /de ltar ting nge 'dzin la gnas pa yang bdag rang nyid kyis mngon par 'dod pa'i lha'i gzugs su bsgoms pas so//dngos grub mchog ni thob par 'gyur/ /zhes bya ba ni sangs rgyas dang / byang chub sems dpa'i mtshan nyid can gyi dngos grub 'thob par 'gyur ba'o/ /da ni/ pad+mo pad+mo sems dpa' cher//zhes bya ba la sogs pas 'od dpag tu med pa'i gnas kyi chos kyi phyag rgya gtso bor gyur pa'i dngos grub ston te/ pad+mo la pad+mo yod pas pad+mo'i pad+mo ste/ tshangs pa'i pad+mo la 'jig rten dbang phyug gi gdan gyi pad+mo ni pad+mo'i pad+mo'o/ /sems dpa' che ni 'jig rten dbang phyug go//bdag rang nyid ces bya ba ni 'jig rten pa'i spyi'i tshig gis bdag ces bya ba ni byed pa po'i tshul la zer la rang nyid ces bya ba 'dis ni bdag nyid ces bya ba'i tshul du bstan pa yin no/ /bsgoms pa ni goms par bya ba'o/ /ci ltar rung ba bsgoms pas kyang thob par 'gyur ram zhe na/smras pa ma yin te/ mnyam par gzhag ces gsungs so/ /de ltar bsgoms pas ci zhig thob ce na/ dam pa'i dngos grub ces bya ba gsungs so/ /'og nas bshad pa'i snying pos ni chos kyi phyag rgya gtso bor gyur pa ston la/ chos kyi ting nge 'dzin ces bya ba 'dis ni dngos grub ni chos bsgoms pa la rag lus par ston to//da ni rang byung zhes bya ba la sogs pas las kyi rigs kyi dngos grub ston te/ rang byung zhes bya ba 'di phyag rgya bzhi char du yod du zin kyang / rang byung zhes pa 'dis dbus na bzhugs pa'i lha de dang 'brel pa'i las kyi phyag rgya yin no zhes ston pa yin no//gdon mi za bar grub pa ston pa yang yin la/ 'jig rten dbang phyug gi gzugs su yang bzhugs pas na gdon mi za ba'i dbang phyug ces bya ste/ gdon mi za ba'i dbang phyug ces bya ba ni bar gyi tshig mi mngon par byas pa yin no//de'i rang bzhin ni de'i ngo bo nyid do/ /las kyi phyag rgya zhes bya ba ni rigs dang 'brel pas na las kyi phyag rgya gtso bor bstan pa yin te/ gdon mi za ba'i dbang phyug de'i las kyi phyag rgya bsgrub par bya'o/ /ji ltar bsgrub par bya zhe na/ cho ga bzhin du'o/ /'dir cho ga gang zhig yin zhe na/rnal 'byor gyi rgyud las gsungs pa'i dam tshig la sogs pa thob nas phra mo bsgom pa goms par bya zhing / sngon du bsnyen pa zla ba'am/ zla ba bzhi'am/ lo gcig gi bar du dus bzhir byas nas/ mthar mtshan thog thag bsgom par bya ba 'di ni cho ga'o/ /de ltar na cho ga 'dis bsgrubs na/dngos grub thob par 'gyur ro/ /dus ji srid gcig gis she na/ myur du zhes bya ba gsungs te/ gang gi phyir dngos grub dam pa yang lo gcig gis 'thob pa'i phyir ro/ /ji lta bu'i dngos grub 'thob ce na/ mchog ces bya ba gsungs te dam pa zhes bya ba'i don to/ /de ltar dngos grub mchog bstan nas/da ni/ kha'i nang du dbyig bcug ste/ /zhes bya ba la sogs pa don gyi dngos grub ston te/ dbyig ni pa ne la sogs pa dpe las blugs pa ste/ de khar bcug nas bsgom par bya'o/ /sna tshogs dbang phyug phyag rgya che/ /zhes bya ba ni sna tshogs dbang phyug ni gzugs thams cad pa'i ting nge 'dzin la gnas pa'i 'jig rten dbang phyug ste/de'i phyag rgya chen po'o/ /bdag nyid nyid kyis zhes bya ba 'di ni 'jig rten pa'i tshig yin te/ dper na 'ga' zhig khyod bdag rang nyid 'ongs sam zhes zer ba lta bu'o/ /bsgoms na zhes bya ba ni goms par bya ba'o/ / gcig tu gyur pas stong du 'gyur/ /zhes bya ba ni dbyig gcig las kyang stong du 'gyur ro zhes bya ba'i don to/ /da ni/ gser srang brgyad cha blangs nas ni/ /zhes bya ba la sogs pas rin chen 'byung ldan gyi gnas kyi dngos grub ston te/ gser srang gcig ni 'ol ma se sum cu rtsa gnyis so//da ni/ dam tshig mchog ni rab brtan par/ /zhes bya ba ste/ dam tshig mchog ni phyag rgya'i bar du mi 'chor bar brtan par bzung ste bsgom par bya'o/ /bdag nyid nyid kyis bsgoms na ni/ /zhes bya ba ni 'jig rten dbang phyug gi gzugs su bsgom pa'o/ /gcig tu gyur las stong du 'gyur/ / zhes bya ba ni stong 'gyur du 'gyur ro zhes bya ba'i don to/ /da ni/ mu tig 'bras bu khar bcug la/ /zhes bya ba la sogs pas chos kyi rigs kyi sgo nas dngos grub ston te/ 'di ni go sla'o/ /de nas gzhan yang / las kyi phyag rgya lag gnyis kyis/ /zhes bya ba la sogs pas las kyi rigs kyi sgo nas ston te/las kyi rigs ni rigs thams cad las dbang byed pas rin chen thams cad ces bya ba gsungs te/ rin chen thams cad ces bya ba ni gang snyed pa gzung ngo / /ji ltar gzung zhe na/ las kyi phyag rgya rnams/ /lhag ma rnams ni go sla'o/ /de nas gzhan yang / sna tshogs dbang phyug phyag rgya che//zhes bya ba la sogs pas rjes su dga' bar bya ba'i ye shes ston te/ sna tshogs dbang phyug phyag rgya che/ /bdag nyid nyid kyis bsgoms na ni/ /zhes bya ba la sna tshogs gzugs kyi ting nge 'dzin la gnas pa'i 'jig rten dbang phyug gi sku'i phyag rgyar bdag nyid bsgom pa'o//pad+mo blangs te mdun gnas pa/ /zhes bya ba ni 'di dga' bar byed pa'i dbang du byas pa yin pa'i phyir pad+ma dmar po la bya'i pad+ma dkar po ni ma yin no/ /gang yin des ni de mgur byed/ /ces bya ba ni de rjes su chags par 'gyur ba'o/ /da ni/ dam tshig chen po'i phyag rgya yis//zhes bya ba la sogs pas rin po che'i rigs kyi dbang du byas nas ston te/ de gang gis gzung zhe na/ dam tshig chen po'i phyag rgya zhes bya ba gsungs te/ rin chen 'byung ldan gyi gnas kyi dam tshig gi phyag rgya gang yin pa de ni dam tshig chen po'i phyag rgyar gsungs so//bdag nyid nyid kyis bsgoms na ni/ /zhes bya ba ni/rin chen 'byung ldan gyi gnas kyi 'jig rten dbang phyug gi gzugs gang yin pa de bsgoms na zhes bya ba'o/ /bud med thams cad dga' bar 'gyur/ /zhes bya ba ni phyag rgya thams cad ni bud med do/ / bdag nyid nyid kyis bsgoms nas kyang / /zhes bya ba la sogs pas ni chos kyi rigs kyi nye bar bstan par mdzad pa'o/ /ji lta ba de ltar zhes bya ba ni phyag rgya bcing ba'am/ gzhan du bdag gis 'jig rten dbang phyug gi gzugs su bdag rang nyid bsgom zhing rdo rje blta bas lta ba'o/ /rdo rje lta bas bltas zhes bya ba ni kun du chags pa'i dga' bas mig rab tu gdangs pa des bltas na 'jig rten thams cad chags par 'gyur ro//gdon mi za bar grub pa'i gnas kyi las kyi phyag rgya gang yin pa de'i yang tshul gyis zhes bya ba lag pa mi 'jigs pa'i rnam pas so/ /cho ga bzhin du zhes bya ba ni byin gyis brlab pa dang dbang bskur ba dang /rdo rje phra mo bsgom pa la sogs pa'o/ /lag pa gnyis kyis bskor na ni/ /zhes bya ba ni rdo rje gar gyi tshul gyis bskor ba ste/ dang po mi 'jigs pa sbyin pa'i tshul du bzhag la/ de'i 'og tu bskor ba ste/ 'dis kyang phyag rgya'i bud med thams cad dga' bar bya'o//de ltar dga' bar bya ba'i dngos grub bstan nas/ da ni ma lus dbang po'i zhes bya ba la sogs pas mngon spyod kyi dngos grub ston te gang gi mdun du zhes bya ba ni gang la dmigs te las de bya ba'i'o/ /pad+ma bcad na zhes bya ba ni sdong bu las dpog pa ni bcad pa'o/ /sdong bu med pa zhig yin na ni gtub pa'o//'chi 'gyur skad cig gis zhes bya ba ni dran pa med par brgyal bar byas pa'o/ /pad+ma brtan bzung yang dag par/ /zhes bya ba ni mi 'khrul par bya ba'i phyir brtan par gzung ba'o/ /yang dag par zhes bya ba ni cho ga ste bdag la byin gyis brlab pa la sogs pa yang dag par rdzogs par bya'o zhes bya ba'i don to//dam tshig mchog ni de nyid kyis/ /zhes bya ba ni gang gis pad+ma de 'dzin pa de nyid kyis btogs par bya ba'i don te/ btogs pa ni brdab pa ste zegs par bya'o/ /rab tu brtan pa ni shin tu phye mar brlag pa'o/ /gang gi ming zhes bya ba ni gang la dmigs nas 'di bya ba de'i ming nas smos pa'o//de'i 'jig par 'gyur zhes bya ba ni 'chi bar 'gyur ro zhes bya ba'i don to/ /ting 'dzin phyag rgya bcings pa la/ /zhes bya ba ni bcing ba'o/ /pad+mo bzung ba ji bzhin du/ /zhes bya ba ni 'di skad ston te/ 'dir ni yang chos kyi phyag rgya gtso bor gzung gi ting nge 'dzin gyi phyag rgya'am las kyi phyag rgya gang yin pa la ni 'dir 'bad dgos pa ma yin no//lhag ma rnams ni go sla'o/ /gang la khros pas btogs bya bas/ /zhes bya ba ni gang gi ming nas smos te khros nas brdab cing zegs par bya'o zhes bya ba'i don to/ /de yi srog ni 'jig par 'gyur//zhes bya ba ni srog dang 'bral ba zhes bya ba'i don te 'chi bar 'gyur zhes bya ba'i bar du'o/ /'dir 'chi ba'i dbang du byas pas yin mod kyi brgyal bar byas pa ste nga rgyal can tshar gcad par bya ba'i phyir lha chen po dang 'dra bar 'dod na slar yang srog sbyin par bya'o//dam tshig gi phyag rgyar gtogs pa'i phyag rgya chen por bdag nyid bsgoms pa'i dngos grub rnams bshad zin to/ /da ni dam tshig gi phyag rgya'i gzugs su bdag nyid bsgoms pas 'grub par 'gyur ba bstan pa'i phyir de nas chos kyi dam tshig gi gsang ba'i phyag rgya'i ye shes ni 'di yin no zhes bya ba la sogs pa'i gzhung gsungs pa yin te/de nas zhes bya ba ni bdag nyid phyag rgya chen por bsgoms pa'i dngos grub kyi rjes thogs la'o/ /chos zhes bya ba ni chos kyi rigs kyi dam tshig gi phyag rgya rnams kyi gsang ba'i ye shes bshad pa'o//gsang ba zhes bya ba ni gnas gsang ba'i ngo bo nyid yin pa'i phyir gsang ba ste sbas pa gang yin pa'o/ /de yang sbas pa ni tshig gang / tshig gzhan pa la don gzhan pa de la 'jig rten na sbas pa zhes zer te/ gsang ba de nyid kyi ye shes yin pas na chos kyi dam tshig gi gsang ba'i phyag rgya'i ye shes so//pad+mo la ni bud med bsam/ /zhes bya ba la sogs pa la pad+ma ni stan du gyur pa'o/ /bud med ni phyag rgya rnams kyi'o/ /bsam zhes bya ba ni sems kyis bsgom pa ste/ phyag rgya'i dkyil 'khor gyi dbang du byas pa yin pas na bud med ces bya ba ni 'dir phyag rgya yin par gzung ngo //de'i steng bdag nyid rdo rjer bsgyur/ /zhes bya ba ni stan du gyur pa'i pad+ma de'i steng du bdag nyid rdo rje pad+mar bsam pa'o/ /pad+mo pad mchog ces bya ba ni 'gro ba 'dul ba'i 'jig rten dbang phyug gi gnas kyi phyag rgya gang yin pa de ni thams cad kyi gtso bo yin pa'i phyir pad+mo pad mchog ces bya'o//yang na rang gi dkyil 'khor gyi pad+mas bskor ba'i dbus na gnas pa'i pad+mo ni mchog ste mchog ste de rnams kyi gtso bo yin pa'i phyir ro/ /rtse byed cing ces bya ba ni bsgom pa brtan par byed pa'o/ /mnyam par gzhag na dngos grub 'thob/ /ces bya ba ni phyag rgya bsgom pa yongs su rdzogs pas dngos grub 'thob par 'gyur ba'o//pad+mo la ni bud med bsam/ /zhes bya ba ni 'jig rten dbang phyug gi ral ba dang / thor tshugs kyi phyag rgya la gdan gyi pad+mo bsams la/ de'i steng bdag nyid sangs rgyas bsgyur/ /zhes bya ba ste/ ral pa'i thor tshugs kyi dbu rgyan gyi dbus na bzhugs pa'i bcom ldan 'das 'od dpag tu med par bdag nyid rnam par bsam pa'o//rtse zhing dbu rgyan sangs rgyas ni/ /zhes bya ba ni brtan par bya ba ste/ 'di ni dbu rgyan sangs rgyas yin pa'i phyir dbu rgyan sangs rgyas so/ /rnam pa gang gis brtan par bya zhe na bsgoms na zhes bya ba gsungs so//de nas cir 'gyur zhe na de'i phyir des ni de 'grub po zhes bya bas bstan to/ /pad+mo la ni bud med bsam/ /zhes bya ba ni stan gyi pad+mo la pad+mo'i phyag rgya'i pad+mo'o/ /de steng pad+mor bdag bsgyur te/ /zhes bya ba ni stan gyi pad+ma skyes pa'i steng du bdag nyid pad+mo'i phyag rgya'i gzugs su bsam pa'o//rtse zhing zhes bya ba ni bsgom pas brtan par bya ba'o/ /pad+mo pad mchog ni snga ma dang 'dra'o/ /dag pa'i dngos grub 'thob par 'gyur/ /zhes bya ba la dag pa ste bsgom pa yongs su rdzogs pas yid la 'dod pa'i don 'thob par 'gyur ro zhes bya ba'i don to//pad+mo la ni bud med bsam/ /zhes bya ba ni snga ma dang 'dra'o/ /de steng sna tshogs bdag bsgyur te/ /zhes bya ba ni 'bar ba'i phreng bas kun nas 'khrigs pa'i pad+mar bdag nyid bsam pa'o/ /rtse zhing zhes bya ba ni brtan par bya ba'o/ /sna tshogs pad+ma mchog ces bya ba ni dkyil 'khor bzhi pa'i dbus su bris pa'i phyag rgya gang yin pa de ni sna tshogs pad+ma mchog go//sna tshogs dngos grub 'thob par 'gyur/ /zhes bya ba ni dngos grub rnam par sna tshogs pa 'thob par 'gyur ro zhes bya ba'i don to/ /yang na sna tshogs pa'i gzugs nyid thob pa ste/ bsgom pa la dbang du gyur pa 'thob pas bdag nyid gang gi gzugs su ston par 'dod pa de'i gzugs su bdag dang 'jig rten pa rnams kyis mthong bar 'gyur ba'o//de'i 'og tu gzhan yang de nas pad+mo rigs kyi zhes bya ba la sogs pas phyag rgya'i mtshan nyid gsungs pa yin te/ pad+mo'i rigs kyi gsang ba'i dkyil 'khor gyi phyag rgya chen po'i ye shes de yang dag pa ji lta ba bzhin du phyin ci ma log par bslab cing bstan par bya ba zhes bya ba'i don to//de yang dkyil 'khor chen po'i dam tshig gi phyag rgya gang yin pa de nyid 'dir phyag rgya chen po yin te/ dkyil 'khor 'di ni de rnams nyid kyi yin pa'i phyir ro//sor mo'i rtse sprad pad+mor bya/ /zhes bya ba la lag pa gnyis ka'i thal mo'i sor mo bar ma gsum char gyi rtse gcig la gcig sprad la cung zad sgur bar byas pa ni bcom ldan 'das rnam par snang mdzad kyi sor mo'i rtse sprad pa'i pad+mo'i thal mo yin par shes par bya'o//rdo rje khro bo'i mdzub gnyis sprad/ /ces bya ba ni rdo rje khu tshur gnyis kyi rtse mo gnyis sbyar ba 'di ni rdo rje ste/ khro bo'i mdzub mo smos pa ni mdzub mo nye bar mtshon pa'i don to/ /da ni 'gro ba 'dul ba'i gnas su dkyil 'khor dang po'i byin gyis rlob pa'i sngags kyi phyag rgya yin no/ /rin chen 'byung ldan gyi gnas su de dag nyid nor bur bya'o//'od dpag tu med pa'i gnas su ni de nyid pad+mar bya'o/ /gdon mi za bar grub pa'i gnas su de dag nyid rdo rje bsdam pa'i tshul du bya'o/ /de ltar dkyil 'khor byin gyis rlob par byed pa'i sngags dang po la lnga'i phyag rgya bstan nas/ da ni dgong par bya ba'i sngags rnams kyi phyag rgya ni slar bzlog ste rnam par snang mdzad kyi gnas nas brtsams nas ston to//rdo rje bcings pa bsdams nas kyang / /zhes bya ba ni rdo rje bsdams pa bcing ba'o/ /gung mo gnyis ni myu gur bsgreng / /zhes bya ba ni gung mo gnyis gshibs par bya'o zhes bya ba'i don to//mdzub mo srin lag gnyis bkug pa'i/ /zhes bya ba'i lag pa gnyis ka'i mdzub mo dang srin lag gnyis bkug la zlum por bya ste/ gung mo gnyis bsgreng ba'i ngos gnyis su mchod rten lta bur bya ba 'di ni shAkya thub pa'i phyag rgya yin te rnam par snang mdzad kyi gnas kyi'o//chos kyi rdo rje snying gar gzhag /ces bya ba ni sems dpa' rdo rje ma nyid chos kyi rdo rje ma ste/ snying ga'i gnas su bcings na sems dpa' rdo rje ma'i gnas kyi phyag rgyar 'gyur ro/ /de nyid kha thur du bstan la dpral ba'i gnas su bzhag na rin chen rdo rje ma'i gnas kyi phyag rgya yin te bsgyur te dpral bar bzhag pa zhes bya ba yin no//de nyid las mdzub mo gnyis thur du bkug pa mthe bo gnyis dang rtse sprad par bzhag na ting nge 'dzin gyi tshul du 'gyur ro/ /de nyid bkan te spyi bor bzhag na ni chos kyi rdo rje ma'i ste bsgyur nas spyi bor gzhag pa zhes bya'o/ / phyag rgya bzhi po 'di dag ni sems dpa' rdo rje ma la sogs pa'i gnas kyi yin par shes par bya'o/ /'di dag nyid ni bdag po bzhir 'gyur te/ de bas na de rnams kyi dgod pa'i sngags rnams kyi phyag rgya logs shig tu ma bshad do/ /de nas gzhan yang / rdo rje dbyings kyi dbang bcings la/ /zhes bya ba la sogs pas sems dpa' chen po bcu drug gi phyag rgya ston te/mchod rten pad+mo'i tshul du ni/ /zhes bya ba ni rdo rje dbyings kyi dbang phyug ma bcings la gung mo gnyis pad+ma kha phye ba lta bur byas na mchod rten pad+ma'i tshul du 'gyur te/ rdo rje sems dpa'i gnas kyi phyag rgya'o/ /de las mthe bo rdo rje dang //zhes bya ba la de las zhes bya ba ni bshad ma thag pa'i rdo rje dbyings kyi dbang phyug ma'i phyag rgya pad+ma lta bu'o/ /mthe bo rdo rje dang zhes bya ba ni mthe bo dang bcas par bsgreng la gzhag pa'o/ /mdzub mo'i sor mo gnyis las lcags kyu dang ral grir bya ste/ g.yas pas ni lcags kyu'o/ / g.yon pas ni ral gri'o/ /gung mo ni snga ma bzhin du pad+mor bya ba ste/ 'di ni rdo rje rgyal po'i gnas kyi phyag rgya'o/ /de las zhes bya ba ni rdo rje rgyal po'i phyag rgya'o/ /mthe bo bsnol nas kyang zhes bya ba ni mthe bo gnyis snga ma bzhin du gzhag pa'o/ /mdzub mos mdzub mo rab bzung la/ /zhes bya ba ni mdzub mo g.yas pas mdzub mo g.yon pa bzung la gzhu rgyud 'dzin pa'i tshul du blang bar bya'o//drangs nas zhes bya ba ni g.yon logs su bskor ba'o/ /rab dga' yin par bshad ces bya ba ni/ /rdo rje chags pa'i phyag rgya'o/ /zhes bya ba'i don to/ /legs so zhes pa'ang de bzhin te/ /zhes pa ni phyag rgya 'di nyid las mthe bo dang mdzub mo gnyis kyis se gol gdab pa gnyis byas na pad+ma legs pa'i phyag rgyar 'gyur ro//mthe bo gnyis bsnyams te/ bcug nas kyang zhes bya ba ni rdo rje bsdams par mthe bo gnyis bcug pa'o/ /mdzub gnyis rtse bkub rtse mo ni/ /zhes bya ba ni mdzub gnyis gshibs te bkug la mig gi tshul du byas nas de mig gsum pa'i gnas su bzhag na khro gnyer can gyir 'gyur ro//gung mo gnyis kyang pad+ma'i 'dab ma 'dra bar bya'o/ /de nyid ces bya ba ni khro gnyer can gyi phyag rgya ste/ snying gar nyi ma'i dkyil 'khor gyi tshul du byas na nyi ma'i phyag rgyar 'gyur ro//de nyid las ni rgyal mtshan bcing / /zhes bya ba ni pad+mo'i khro gnyer can gyi phyag rgya de las dpung pa gyen du brkyang na rgyal mtshan gyi phyag rgyar 'gyur ro/ /ltag par rab tu brkyang bar bya/ /zhes bya ba ni rdo rje bsdams pa mi dgrol bar sor mo thams cad brkyang la ltag par bzhag na mgo bcu gcig par 'gyur te/rdo rje bzhad mo'i gnas kyi rang gi mgo dgod pa dang bcu gcig tu 'gyur ro/ /rdo rje bsdams pa dam byas la/ /mdzub gnyis rtse mo pad+mor dgug /ces bya ba la rdo rje bsdams pa'i mdzub mo'i rtse mo gnyis bshibs la tshigs dang po bkug nas pad+mo sgrol ba'i phyag rgyar 'gyur ro//de bzhin pad+mo'i ral gri ste/ /zhes bya ba ni pad+mo sgrol ba'i phyag rgya'o/ /mdzub mo pad+mor byas pa sbyar/ /zhes bya ba ni mdzub mo pad+mo 'dra bar byas pa gshibs pa nyi tshe'i ral gri'i phyag rgyar 'gyur ro/ /rdo rje bsdams pa dam byas la/ /zhes bya ba de bcings la mthe bo g.yon pa nang du bcug na dung gi phyag rgyar 'gyur ba'o//mthe bo mtho bar bsgreng zhes bya ba ni g.yas pa'i mthe bo bsgreng nas bzhag na dbyig pa'i phyag rgyar 'gyur ro/ /sor mo kun brkyang bad mthe'u chung / /zhes bya ba ni sor mo lhag ma rnams rdo rje bsdams pa ma bkrol bar brkyang ba ni 'khor lo'i phyag rgyar 'gyur ro//mthe'u chung ni pad+mo'i phyag rgyar 'gyur ro/ /phyag rgya 'di bzhi char yang rdo rje 'khor lo gcig pu'i yin no/ /de las zhes bya ba ni rdo rje 'khor lo'i phyag rgya'o/ /thams cad bkug nas kyang zhes bya ba ni rdo rje bsdams pa'i tshul du bzhag pa zhes bya ba'i don to/ /mthe'u chung pad+ma lta bur bya//zhes bya ba ni mthe'u chung gnyis pad+ma'i 'dab ma lta bur bya ba'o/ /mdzub mos nor bu bgrang bar bya/ /zhes bya ba ni mdzub mo'i rtse mos sngags kyi nor bu bgrang ba'o/ /mdzub mos ji ltar bgrang zhe na/ mthe bo g.yas dang sbyor ba yi/ /zhes bya ba gsungs so/ /'di skad ston te rdo rje bsdams pa'i mthe'u chung gnyis pad+ma'i 'dab ma'i tshul du bzhag la g.yon pa'i mthe bo bskyed nas g.yas pa'i mthe bo dang mdzub mo gnyis kyi sngags kyi nor bu bgrang ba'i tshul du bstan par bya ste 'di ni rdo rje smra ba'i gnas kyi phyag rgya'o//rdo rje bsdams pa dam byas la/ /mthe'u chung pad+ma lta bur bya//zhes bya ba ni snga ma dang 'dra'o/ /mdzub mo bsnyams pa pad+ma'i spyan/ /zhes bya ba ni mdzub mo gnyis sbyar la spyan gyi tshul du cung zad bkug pa'o/ /rab tu gar byed ces bya ba ni g.yas dang g.yon nas sgeg pa dang bcas par dbab pa'o/ /bzlog par bya zhes bya ba ni bzlog pa ste kha thur du bstan nas spyan gsum pa'i gnas su gtad na pad+ma gar gyi dbang phyug gi spyan gsum pa'i phyag rgya'o//rdo rje bsdams pa zhes bya ba la sogs pa ni snga ma dang 'dra'o/ /mdzub mo gnyis bkug ste zhes bya ba ni mdzub mo gnyis bkug la mthe bo brkyang pa'i rtse mo gnyis mdzub mo bkug pas btsir ba'o//go char bya zhes bya ba ni go cha'i phyag phyag rgyur byas par gyur pa'o/ /de las zhes pa ni bshad ma thag pa ste mthe bo gnyis mche ba'i tshul du ngos gnyis ka nas brkyang na rdo rje gnod sbyin gyi phyag rgyar 'gyur ro/ /mthe bo gnyis nang gzhug par bya/ /zhes bya ba ni rdo rje gnod sbyin gyi phyag rgya de nyid kyi mthe bo gnyis nang du bcug na rdo rje khu tshur gyi phyag rgyar 'gyur ro//de nas rab tu bshad bya ba/ /zhes bya ba ni rab tu phye ste bshad pas na rab tu bshad bya ba'o/ /dam tshig mchog ces bya ba ni dam tshig gi phyag rgya'o/ /bla na med ces bya ba ni khyad par du 'phags pa'o//rdo rje nang du bsdams nas kyang / /zhes bya ba ni rdo rje bsdams pa nang du bcings pa'o/ /mdzub gnyis pad+mo 'dra byas la/ /zhes bya ba ni mdzub mo gnyis pad+ma'i 'dab ma lta bur byas pa'o/ /mthe bo phan tshun bsnol ba ni/ /zhes bya ba ni mthe bo gnyis skyil mo krung gi tshul du bzhag pa'o//gsang ba'i sna tshogs dbang du bshad/ /ces bya ba ni 'jig rten dbang phyug sna tshogs gzugs can du gsang ba'i dkyil 'khor na bzhugs pa'i phyag rgya'o zhes bya ba'i don to/ /de bzhin du rdo rje bsdams pa las/ /zhes bya ba ni rdo rje bsdams pa nang du bcings pa las mthe'u chung gnyis dang gung mo gnyis sbyar ba pad+ma'i 'dab ma ltar byas pa'o//mtheb ngos rdo rjer sbyar ba ni/ /zhes bya ba ni mthe bo gnyis bsgreng ste bzhag na gtsug phud kyi dbus kyi de bzhin gshegs par 'gyur te snga ma ni gtsug phud la mthe bo ni de bzhin gshegs pa'o/ / de bzhin zhes bya ba la sogs pa la/ rdo rje bsdams pa nang du bcings pa de nyid las mthe bo gnyis pad+ma'i 'dab ma'i tshul du bcing bar bya'o/ /kha nas dbyung ltar byas nas kyang / /zhes bya ba ni kha'i phyogs nas gyen du drang ba'o/ /de nas ji ltar bya zhe na/ pad du ting nge 'dzin ltar gzhag /ces bya ba gsungs te/pang par skyil mo krung bcas pa'i sked du ting nge 'dzin gyi tshul gyis gzhag go zhes bya ba'i don to/ /de bzhin zhes bya ba la sogs pa ni rdo rje bsdams pa nang du bcings pa nyid do/ /sor mo kun gyi ngos rnams ni/ /mnyam par dam du bsnyams nas kyang / /zhes bya ba ni sor mo thams cad kyi lto rdo rje bsdams pa'i nang du gcig la gcig 'byar bar bya ba'o//mdzub gnyis rdo rjer bsnyams pa'o/ /zhes bya ba ni mdzub mo gnyis sbyar nas rdo rjer bya ba ste/ 'di dag ni gdon mi za bar grub pa'i gnas kyi phyag rgya'o/ /phyag rgya bzhi po 'di dag ni bdag po bzhi'i gnas su shes par bya'o//de bzhin zhes bya ba ni snga ma dang 'dra'o/ /mdzub gnyis pad+mo 'dra byas la/ /zhes bya ba ni mdzub mo gnyis pad+ma'i 'dab ma ltar sbyar ba'o/ /mthe bo gnyis kyang bsnol nas ni/ /zhes bya ba ni mthe bo skyil mo krung gi tshul du gzhag pa'o/ /gung mo gnyis ni rtse sprad dgug /ces bya ba ni gung mo gnyis pad+ma'i 'dab ma lta bur sbyar ba ni/ gung mo gnyis ni rtse sprad dgug /ces bya ste/ rdo rje sems dpa'i gnas kyi phyag rgya yin par shes par bya'o/ /de bzhin rdo rje bsdams pa las/ /zhes bya ba ni rdo rje bsdams pa nang du byas pa'o/ / mtheb gnyis rdo rjer rab sbyar la/ /zhes bya ba 'di ni mthe bo gnyis ka bsgreng ba dang bcas pa'o/ /mdzub mo ral gri lcags kyur bya/ /zhes bya ba ni g.yas pas ral gri g.yon gyi lcags kyu'o/ /mthe'u chung pad+mo 'drar byas te/ /zhes bya ba ni mthe'u chung gnyis pad+ma'i 'dab ma 'dra bar bya ba ste/'di ni rdo rje rgyal po'i gnas su'o/ /de bzhin du ni bsgyur nas kyang / /zhes bya ba ni/ rdo rje bsdams pa'i phyag rgya de nyid g.yon logs su bsgyur bar bya ba'o/ /mdzub mo g.yon pa zhes bya ba la sogs pa la mdzub mo dang / mthe bo bzung ba ni mdzub mo g.yas pa bsgreng bas g.yon pa'i mthe bo dang mdzub mo dam du bzung la drang ba 'di ni rdo rje chags pa gnas kyi phyag rgya'o//de nyid ces bya ba ni rdo rje chags pa'i phyag rgya'o/ /mnyam byas zhes bya ba ni rdo rje chags pa'i sbyor ba btang ba'o/ /mdzub mo gnyis bkug la mthe bo mnan pa ni zhes bya ba ni/ mdzub mo dang mthe bo gnyis se gol gtogs na legs so zhes bya ba sbyin par 'gyur te pad+mo dgyes pa'i phyag rgya'o/ /de bzhin rdo rje bsdams pa las/ /zhes bya ba ni rdo rje bsdams pa nang du bcings pa'o/ /sor mo kun gyi ngos sbyar la/ /zhes bya ba ni/ rdo rje bsdams pa'i nang du sor mo thams cad kyi rtse mo gcig tu sbyar ba'o//mthe bo gnyis kyis mnan nas ni/ /zhes bya ba ni/ mthe bo gnyis kyi ltos sor mo lhag ma rnams kyi mo ngos gnyi gar mnan pa'o/ /mdzub mo mnyam par sbyar ba'o/ /zhes bya ba ni mdzub mo gnyis gshibs la dbang bskur ba'i gnas su bzhag pa ni rdo rje rin chen gyi gnas kyi phyag rgya'o//de nyid ces bya ba ni rdo rje rin chen gyi phyag rgya ste/ snying gar g.yas nas bskor na rdo rje nyi ma'i phyag rgyar 'gyur ro/ /de nyid las spyi bor lag ngar brkyang na rdo rje dpal gyi gnas kyi pad+mo'i rgyal mtshan gyi phyag rgyar 'gyur ro/ de nyid bzlog ste/ 'gram pa g.yas logs su dgod pa'i tshul du bsgyur te bzhag na pad+mo cher dgod kyi phyag rgyar 'gyur ro/ /rdo rje nang du bsdams byas la/ /zhes bya ba la sogs pa la gung mo gnyis rtse sbyar la/ mthe bo dang mthe'u chung gnyis sbyar ba na rdo rje chos kyi gnas kyi sgrol ba'i ut+pala'i phyag rgya'o//de bzhin zhes bya ba ni rdo rje bsdams pa nang du bcing bar bya'o/ /mdzub gung pad+mo ral grir bya/ /zhes bya ba ni mdzub mo gnyis bkug la pad+mor bya gung mo gnyis ral grir bya ba 'di ni rdo rje rnon pa'i gnas kyi phyag rgya'o/ /de bzhin nang du 'khor lor bya/ /zhes bya ba ni rdo rje bsdams pa nang du bcings la 'khor lo lta bur cung zad brkyang nas bzhag pa 'dis rdo rje 'khor lo'i phyag rgyar 'gyur ro//zlos pa sbyin pa de bzhin no/ /zhes bya ba ni rdo rje bsdams pa nang du bcings pa las g.yas pa'i mthe bo dang / mdzub mo rtse mo phyir phyung la sngags kyi nor bu bgrang ba'i tshul du ston pa ni rdo rje smra ba'i gnas kyi phyag rgyar 'gyur ro//de bzhin zhes bya ba ni rdo rje bsdams pa nang du bcings pa ste/ de bkrol la mtheb mdzub sprad pa gnyis su bya'o/ /de nas mthe bo gnyis la mdzub mo gnyis bkug ste rang gi mthe mo'i rtsir kha thur du bstan te gzhag pa'o/ /de nas gung mo gnyis bkug la rtse mo thur du bstan nas mthe'u chung gnyis bsgrengs te gzhag go//de ltar rang gi lag pa gnyis kyi sor mo rnams bzhag la lag pa gnyi ga ngos g.yas g.yon gyi mig gnyis dang mnyam par gzhag na/ de lta bu ni mtheb mdzub sprad pa gnyis su byas pa yin te/ 'di ni rdo rje las kyi gnas kyi phyag rgya'o//de nas snying gar sbyar ba ni/ /zhes bya ba ni rdo rje bsdams pa nang du bcings pa'i mtheb mdzub gnyis sbyar ba yang snying ga'i gnas su bcings na gsang ba bsrung ba'i phyag rgyar 'gyur ro/ /de bzhin zhes bya ba ni bshad zin to/ /mthe'u chung pad+ma 'drar byas la/ / zhes bya ba ni/ mthe'u chung gnyis pad+mo'i 'dab ma'i tshul du sbyar ba'o/ /mdzub gnyis shin tu bkug nas kyang / /zhes bya ba ni mdzub mo gnyis phyir phyung la mche ba lta bur gzhag go/ /mtheb gnyis phyir bskyed ces bya ba ni mthe bo gnyis brkyang la kha'i gnas su gzhag na mche ba can te rdo rje gnod sbyin gyi phyag rgyar 'gyur ro//de las zhes bya ba ni rdo rje gnod sbyin gyi phyag rgya'o/ /khu tshur tshul gyis ni zhes bya ba ni rdo rje khu tshur dang 'dra ba'o/ /mtheb gnyis ngos kyis btsir ba yis/ /zhes bya ba ni mthe bo gnyis kyis mdzub mo bkug pa'i rtse mo btsir na pad+mo'i rigs kyi gsang ba'i dkyil 'khor gyi khu tshur chen por 'gyur ro//dam tshig mchog ni dam tshig gi phyag rgya'o/ /rab brtags so zhes bya ba ni/ rdo rje khu tshur gyi gnas su bcing ba'o/ /pad+mo lA s+ye la sogs pa/ /zhes bya ba la sogs pa ni go sla'o/ /de 'dra ba ni bcing bar bya/ /zhes bya ba ni/rdo rje dbyings kyi dkyil 'khor chen po ji lta bar ro/ /de nas zhes bya ba la sogs pa ni go sla'o/ /las kyi phyag rgya mdor byas pa'o/ /gsang ba'i khu tshur gnyis byas pa'o/ /zhes bya ba ni/ bshad ma thag pa'i rdo rje khu tshur gyi gnas kyi khu tshur gang yin pa de gnyis su byas la rdo rje dbyings las gsungs pa'i mtshan nyid kyis sbyar bar bya'o//de kho na nyid bsdus pa'i rgya cher bshad pa ko sa la'i rgyan las pad+mo rigs kyi gsang ba'i dkyil 'khor gyi 'grel pa'o// //da ni de nas bcom ldan 'das zhes bya ba la sogs pas chos kyi dkyil 'khor ston te/ yang zhes bya ba ni dkyil 'khor snga ma la ltos pa'o//de bzhin gshegs pa thams cad kyi chos kyi ye shes kyi dam tshig ces bya ba ni pad+ma'i rigs kyi rtog pa bzung ste/ ye shes kyi dam tshig ces bya bas ni pad+mo'i rigs kyi chos kyi dkyil 'khor gzung ngo / /de bsam pa'i khyad par gang las byung ba byin gyis brlab pa'i phyir//'di nyid ni pad+ma 'di nyid ces bya ba'i ting nge 'dzin gang yin pa'i ting nge 'dzin de la snyoms par zhugs shing mngon sum du mdzad pa'o/ /'di zhes bya ba ni thugs la gnas pa'o/ /rang gi rig pa dam pa gsungs pa ni 'di la sogs pa sngags lnga ni gtso bo lnga'i dkyil 'khor byin gyis brlab pa'i sngags yin par shes par bya'o//de nas zhes bya ba la sogs pa la de nas zhes bya ba ni rjes thogs la'o/ /chos kyi dkyil 'khor du 'jug pa med par ni rnal 'byor pa 'grub par mi 'gyur te/ /de bas na rab tu bshad bya ba gsungs te/rab tu zhes bya ba ni yang dag par zhes bya ba'i don to/ /bshad bya ba zhes bya ba ni rnam par phye ste bshad par bya'o zhes pa'o/ /ci zhig bshad ce na/ ye shes kyi dkyil 'khor zhes bya ba gsungs so/ /ji lta bu zhe na/ dam pa ste zhes bya ba gsungs so/ /ci 'dra ba zhig ce na/ rdo rje dbyings dang 'dra bar ni//zhes bya ba ste/ rdo rje dbyings dang mtshungs pa'o/ /ming 'di skad ces bya zhe na/ chos kyi ye shes zhes brjod de/ /zhes bya ba'o/ /thig ji ltar gdab par bya zhe na/ dkyil 'khor chen po'i tshul du ni/ /dkyil 'khor thams cad srad bu bre/ /zhes bya ba gsungs te/ dkyil 'khor chen po zhes bya ba ni 'dir 'gro ba 'dul ba'i rtsa ba'i dkyil 'khor yin par gzung ngo //de ji lta bur bri zhe na de'i dbus su bri ba ni/ ye shes rdo rje de bzhin gshegs/ /zhes bya ba gsungs te/ ye shes rdo rje ni 'dir pad+mas mtshan pa'i rdo rje rtse lnga pa gzung ste/ de'i lte ba'i dbus su sangs rgyas bcom ldan 'das bri bar bya'o//de nas ci zhig bri zhe na/ de yi phyogs rnams thams cad du/ /sems dpa' che rnams cho ga bzhin/ /zhes bya ba gsungs so/ /de rnams kyang su zhig yin zhe na/ sna tshogs dbang phyug la sogs pa/ /zhes bya ba gsungs te/ sna tshogs dbang phyug ni sna tshogs pa'i gzugs can gyi ting nge 'dzin la bzhugs pa'i 'jig rten dbang phyug go//de ji ltar bri bar bya zhe na/ ting nge 'dzin la snyoms zhugs bri/ /zhes bya ba gsungs so/ /de la de dag gi snying po ni 'di rnams so zhes bya ba la sogs pas ni dgod pa'i sngags gsungs pa yin no/ /de nas chos kyi dkyil 'khor 'dir//zhes bya ba la sogs pa la de nas zhes bya ba ni rjes thogs la ste bris pa'i 'og tu'o/ /'dir zhes bya ba ni pad+mo'i chos kyi dkyil 'khor du'o/ /dgug pa la sogs pa'i cho ga rgyas par byas nas zhes bya ba ni dgug pa la sogs pa'i cho ga rgyas pa gang yin pa de ni dgug pa la sogs pa'i cho ga rgyas pa ste/'dis ni rdo rje dbyings las gsungs pa'i rdo rje slob dpon gyi las thams cad ston to/ /ji lta ba bzhin du bcug ste zhes bya ba 'dis kyang de nyid kyi slob ma gzhug pa la sogs pa'i cho ga rnams kyang de bzhin du 'dir yang bya'o zhes ston to/ /da ni 'di skad du khyod kyis gzhan su la yang zhes bya ba la sogs pa ni/zhugs pa rnams kyis dam tshig ma bsrungs pa'i nyes dmigs ston to/ /da ni de'i 'og tu de nas/ de'i ye shes bskyed par bya ste zhes bya ba la sogs pas ni dam tshig la gnas pa rnams kyis don gang zhig bya ba de ston to/ /'jig rten dbang por snyoms par zhugs la zhes bya ba la sogs pas ni yang ye shes de gang zhig yin pa de ston te/rang gi lha'i rnal 'byor gyis 'jig rten dbang phyug gi gzugs su bskyed pa'o/ /snying gar pad+mo bsgoms nas kyang / /zhes bya ba ni snying gar yid kyis pad+ma'i gzugs bsam pa dus bzhir goms par bya'o//de nas cir 'gyur zhe na/ pad+ma'i ting 'dzin thob na ni/ /de ma thag tu myur bar lding / /zhes bya ba gsungs so/ /de ni 'di skad ston te/ 'jig rten dbang phyug gi gzugs dang / pad+ma de brtan par gyur pa na nam 'dod pa na nam mkha' la 'gro bar 'gyur ro/ /de lta ma yin na mtshan ma thob nas rgyud phyi ma las gsungs pa'i cho gas sgrub pa la 'jug par bya'o//lhag ma gsum po la yang 'jig rten dbang phyug gi gzugs su bsgom pa brtan par gyur na nam mkha' la 'gro bar 'gyur la 'on te ma gyur na sgrub pa la 'jug par bya bar shes par bya'o//da ni nam mkha' 'am ni zhes bya ba la sogs pas mi snang ba'i dngos grub ston to/ /nam mkha' 'am ni phyogs gzhan du/ /zhes bya ba 'di ni 'di skad ston te/ gang du 'di sems rtse gcig par 'gyur ba'i gnas der yid gtad la sgrub pas goms par bya ste/ 'jig rten dbang phyug gi gzugs su gnas nas byin gyis brlab pa la sogs pa byas te/ de nas pad+ma de brtan par gyur pa dang de nyid dam gzhan du 'dug nas gal te mi snang bar 'dod pa des bdag gi lus rdul phra rab tu gzhig par bya'o/ /rdul phra rab kyang yid kyis cha drug gi rnam par phye nas bdag ni nam mkha' 'o zhes yid kyis bsam par bya'o//de ltar pad+mo la 'dug pa'am thogs pa'am/ zos nas bsgom na ji srid bsgoms pa de srid kyi bar du 'dod na mi snang bar 'gyur ro/ /gal te mi snang bar bya bar mi 'dod pa zhig yin na mthong ba dang pad+mo'i shing rta de la zhon pad+mo'i rig pa 'dzin par 'gyur ro//gsum par ni gal te mi snang bar mi 'dod na de thogs pas de'i tshe ye shes can du 'gyur te/ nam rtse gcig pa thob na ye shes dus gsum la 'jug par 'gyur ro/ /bzhi par gal te mi snang bar 'dod na nam de zos pa de'i tshe bcud kyis len du 'gyur ro//da ni/ phyag rgya che bcings pad+mo ni/ /zhes bya ba la sogs pas sna tshogs pa'i gzugs su 'gyur ba'i dngos grub ston te/ kha dog sna tshogs pa ni sngon po la sogs pa'o/ /dbyibs sna tshogs pa ni kun nas zlum po la sogs pa'o/ /bris ba'am blugs pa'i pad+mo sna tshogs pa de lag pas bzung nas 'jig rten dbang phyug gi phyag rgya chen po bsgoms te/ting nge 'dzin brtan par gyur na ci 'dod pa'i gzugs ston par 'gyur ro/ /'on te ma gyur na mtshan ma thob nas rgyud phyi ma las gsungs pa'i cho gas de bzhin du bsgrub par bya'o/ /ting nge 'dzin gnyis pa ni ras la sogs pa la pad+ma'i gzugs snga ma lta bur bris la 'jig rten dbang phyug gi ting nge 'dzin la gnas te snga ma bzhin du bsgom par bya'o//bsgoms pa'i ting nge 'dzin brtan par gyur na ci 'dod pa'i gzugs ston par 'gyur ro/ /'on te ma gyur na mtshan ma thob nas de bzhin du bsgrub par bya'o//ting nge 'dzin gsum pa ni nam mkha' 'am phyogs gzhan du de lta bu'i pad+ma sna tshogs bsgom par bya ste/ de brtan par gyur na ci 'dod pa'i gzugs ston par 'gyur ro/ /bzhi par ni pad+ma'i gzugs de lta bu shing bu la sogs pa las byed du bcug la de'i steng du zhon nas 'jig rten dbang phyug gi phyag rgya chen po bsgom par bya'o//de nas ting nge 'dzin brtan par gyur na nam mkha' la 'gro ba dang ci 'dod pa'i gzugs su 'gyur ro/ /'on te ma gyur na mtshan ma thob nas/ de bzhin du bsgrub par bya'o/ /da ni/ gang yang rung ba'i phyag rgya che/ /zhes bya ba la sogs pas dbang du bya ba'i dngos grub ston to//phyag rgya gang yang rung ba gcig bcing ba ni sna tshogs gzugs can gyi dkyil 'khor las 'byung ba'i phyag rgya chen po ste/ dkyil 'khor 'di la phyag rgya chen po gtso bo yin pa'i phyir ro/ /ting nge 'dzin zhes bya ba ni sems mi g.yeng ba'o/ /legs bcings la zhes bya ba ni phyin ci ma log pa'o//pad+mo blangs la rab byin nas/ /zhes bya ba ni bsgom pa brtan par byas nas phyi rol gyi pad+mo dngos su blangs te gang la byin pa des dbang du 'gyur ro/ /ting nge 'dzin gnyis pa ni rin chen 'byung ldan gyi dkyil 'khor gyis/ gang yang rung ba'i phyag rgya phyin ci ma log par legs par bcing bar bya'o//ji lta bu zhe na/ dam tshig gi phyag rgya zhes bya ba ste/ 'di ni phyag rgya chen po yang yod na ci'i phyir dam tshig gi phyag rgya smos she na/ 'dir gtso bo yin pas na dam tshig gi phyag rgya smos so/ /pad+mo ni sngar bsgom po goms par byas pa'i sbyor ba 'di lta bu yod na dam tshig gi phyag rgya de nyid kyis sbyin par bya'o//'on te med na len pa'i tshe ni dam tshig gi phyag rgyas blangs la sbyin pa'i tshe sbyor ba ji lta bas sbyin par bya'o/ /ting nge 'dzin gsum pa la yang chos kyi dkyil 'khor gyi sems dpa' su yang rung ba'i phyag rgya gang yang rung ba blang bar bya'o//ji lta bu zhe na/ ting nge 'dzin skyes dge ba yi/ /zhes bya ba gsungs pa yin te/ ting nge 'dzin ni chos kyi phyag rgya ste/ ye shes kyi phyag rgya zhes bya ba'i don to/ /dge ba ni gsal ba ste ye shes kyi phyag rgya de gang la byin pa de dbang du 'gyur ro/ /'di skad ston te/ 'jig rten dbang phyug gi ting nge 'dzin la gnas nas yid kyis pad+ma dmar po su'i snying gar dgod cing bsams pa de de'i dbang du 'gyur ro//ting nge 'dzin bzhi pa la yang las kyi dkyil 'khor gyi sems dpa'i su yang rung ba'i phyag rgya gang yang rung ba bcing bar bya'o/ /ldan zhes bya ba ni phyag rgya bzhi dang yang dag par ldan pa'i don to/ /gang gis she na/las kyi phyag rgya zhes bya ba gsungs te/ gang gis las kyi phyag rgyas pad+ma bzung nas byin pa de dbang du 'gyur ro/ /de nas zhes bya ba la sogs pas ni ye shes kyi dkyil 'khor gyi phyag rgya chen po'i ye shes kyi bslab pa ston to/ /ji ltar zhe na/ chos kyi dkyil 'khor tshul du ni/ /phyag rgya chen po bsgrub par bya//zhes bya ba gsungs te/ chos kyi dkyil 'khor ni 'di rdo rje dbyings dang 'brel pa yin par blta bar bya ste/ der phyag rgya chen po ni/ /de bzhin thugs kar nyid phyag rgya/ ting nge 'dzin du bzhugs pa dang / /phyag gnyis rdo rje bcing bar bcings/ /zhes ji skad bshad pa de 'dir yang phyag rgya chen po yin par blta bar bya'o//de lta mod kyi skyil mo krung la gnas pa'i dam tshig gi phyag rgya ni pad+mo'i pad+mo zhes bya ba'i ming gis gzhag gi phyag gnyis rdo rje bsdams pas bzhag pa ni ma yin te/ khyad par ni de tsam du zad do/ /de nas rab tu bshad bya ba/ /dam tshig mchog ni bsgrub bya ste//zhes bya la/ dam tshig mchog ni dam tshig gi phyag rgya ste rtse gcig pa'i phyir ting nge 'dzin gyi don ston pa'o/ /de ji lta bu yin zhe na/ chos kyi dkyil 'khor tshul du ni/ /zhes bya bas ston te/ rdo rje dbyings su gtogs pa'i chos kyi dkyil 'khor gyi tshul gyis te/ skyil mo krung 'dug gan rkyal du//g.yas gcus de bzhin slar gcus pa/ /zhes bya ba la sogs pa der ji skad gsungs pa'o/ /rdo rje bsdams pa bzhag pa'i gnas de dang de rnams su 'dir phyag rgya gang yang rung ba cig gzhag par bya'o zhes de ston pa'i phyir/ /pad+mo'i pad+mo gzhag par bya/ /zhes bya bar gsungs te//pad+mo'i pad+mo ni 'gro ba 'dul ba'i rtsa ba'o/ /dkyil 'khor 'di nyid kyi 'od dpag tu med pa'i gnas kyi dam tshig gi phyag rgya gang yin pa ste/ mthe bo mnyam ste btud nas ni/ /mdzub mo gnyis ni rtse sprad dgug /ces pa la sor mo lhag ma rnams rdo rje bsdams pa'i tshul du gzhag pa 'di ni pad+mo'i pad+mo'o//de ltar dam tshig gi phyag rgya rnams bstan nas/ da ni chos kyi khu tshur zhes bya ba la sogs pas las kyi phyag rgya ston te/ las kyi dkyil 'khor gyi rdo rje khu tshur gyi gnas kyi khu tshur gang yin pa de ni chos kyi khu tshur yin la de gnyis su byas pa ni las kyi phyag rgya yin te gnas ji lta ba bzhin du sbyar bar bya'o//bstan byas la zhes bya ba ni bcings par 'gyur ro zhes bya ba'i don to/ /'di rnams kyi chos kyi phyag rgya ni rtsa ba dkyil 'khor du gsungs pa yin par shes par bya'o/ /de kho na nyid bsdus pa'i rgya cher bshad pa ko sa la'i rgyan las pad+mo'i rigs kyi ye shes kyi dkyil 'khor gyi 'grel pa'o// //da ni chos kyi dkyil 'khor gyi rjes la de nas zhes bya ba la sogs pas las kyi dkyil 'khor ston te/ de nas zhes bya ba ni rjes thogs la'o/ /yang zhes bya ba ni sngar bshad pa'i las kyi dkyil 'khor la ltos pa yin no/ /bskal pa phun sum tshogs pa dang ldan pa'i phyir bcom ldan 'das so//de bzhin gshegs pa thams cad kyi chos kyi rigs su gtogs pa'i las kyi dkyil 'khor gyi dam tshig de bsam pa'i khyad par gang las byung ba de byin gyis brlab pa'i phyir ting nge 'dzin gang don dang ldan pa'i ming pad+mo 'di skad ces bya ba'i ting nge 'dzin gang yin pa de la snyoms par zhugs shing mngon sum du mdzad pa'o//'di zhes bya ba ni thugs la gnas pa'o/ /rang gi rig pa dam pa gsungs so zhes bya ba ni bka' stsal ba ste/ 'di la sogs pa'i rig pa lnga ni bdag po lnga'i rang gi dkyil 'khor byin gyis brlab pa yin par shes par bya'o//da ni byang chub sems dpa' 'phags pa spyan ras gzigs kyi dbang pos zhes bya ba la sogs pas dkyil 'khor ston to/ /de nas zhes bya ba la sogs pa ni bshad zin to/ /sangs rgyas phyogs kun zhes bya ba ni dkyil 'khor thams cad sdud pa'o//pad+mo'i mtshan ma 'dzin par thams cad bri/ /zhes bya ba ni mchod pa'i lha mo la sogs pa thams cad rang rang gi phyag rgya lag pa'i snyim par gnas pa la pad+mo'i phreng bas mtshan pa bri bar bya'o/ /da ni de la zhes bya ba la sogs pas de dag thams cad kyi dgod pa'i rig pa ston te/de la bdag po bzhi'i ni rdo rje sems dpa'i rdo rje ma la sogs pa'i yang yin par shes par bya'o/ /de ltar dgod pa'i rig pa bstan nas/ da ni de nas zhes bya ba la sogs pas las kyi dkyil 'khor gyi rdo rje dbyings las gsungs pa'i slob dpon gyi las dang /slob ma gzhug pa'i las dang de bzhin du mna'i snying po sbyin pa ni dgug pa la sogs pa ston to/ /da ni de nas zhes bya ba la sogs pas las kyi man ngag sbyin pa ston te/ de la re zhig dang por de nas zhes bya ba la sogs pas sdig pa bshags pa'i las kyi man ngag bstan pa ston te/de yang 'jig rten dbang phyug gi ting nge 'dzin la gnas nas sdig pa bshags pa bya'o/ /de ltar sdig pa yang dag par sbyang ba bya ste/ 'dir ni phyag rgya chen po gtso bo yin par blta'o/ /ting nge 'dzin gnyis pa la ni rin po che'i rigs yang dag par bzung ste/dam tshig gi ni mchog bcings te/ /zhes bya ba ni rin po che'i tshigs su gtogs pa'i 'jig rten dbang phyug gi gzugs su gnas shing dam tshig gi phyag rgya bcings la/ sdig pa thams cad bshags na mtshams med pa la sogs pa'i sdig pa shin tu lci ba rnams kyang 'byang bar 'gyur te/shin tu mi bzad las rnams byas pa dag /bdag la rnam par smad pas bsrabs par 'gyur/ /rab tu bshags dang sdom pa byas pa ni/ /de dag rtsa nas 'don par ngas bshad do/ /zhes gsungs pa lta bu dang / rgyal po ma skyes dgra bskal pa'i bar du gnas par bya dgos pa yang pho long brdabs pa tsam zhig las ma thogs so zhes grags pa lta bu'o//de bas na bshags pa'i dbang gis de'i de zad par 'gyur bar shes so/ /lhag ma rnams ni go sla'o/ /'dir bshags pa 'di ltar bya ste/ sangs rgyas dang byang chub sems dpa'i thams cad mdun du yid kyis bsams nas 'jig rten dbang phyug gi ting nge 'dzin la gnas te/'jig rten dbang phyug kyang mdun du bsams la gang bdag gis tshe 'di'am tshe rabs gzhan du 'dod chags dang / zhe sdang dang / gti mug gis lus dang ngag dang yid kyi sgo nas mtshams med pa lnga la sogs pa'i sdig pa'i las gang ci bgyis pa de dag thams cad bcom ldan 'das kyi spyan sngar bshags par bgyi'o//slan chad kyang 'di lta bu mi bgyid do zhes brjod la/ de nas snying po brjod par bya'o/ /da ni 'jig rten dbang zhes bya ba la sogs pas sdig pa thams cad zad par bya ba'i thabs ston to/ /rang gi ye shes la sgrib pa de yang rnam pa gsum du shes par bya ste/nyon mongs pa'i sgrib pa dang / rnam par smin pa'i sgrib pa dang / las kyi sgrib pa'o/ /de la nyon mongs pa'i sgrib pa ni nyon mongs pa'i drag pa rnams te gang gnyen pos kyang mi bzlog pa'o/ /rnam par smin pa'i sgrib pa ni mi khom pa brgyad du skyes pa'o/ /las kyi sgrib pa ni gang gdon mi za bar myong bar 'gyur ba'i sdig pa'i las rnams te mtshams med pa lnga la sogs pa'o//de dag ni mngon par rtogs pa la bar du gcod par byed pas na sgrib pa rnams su gsungs so/ /'dir bshags pa'i dbang du byas pa yin pas na las kyi sgrib pa nyi tshe gzung ngo / /de dag kyang snying po rnams las rnam pa bzhir ston te/sdig pa dang / sgrib pa dang / gags dang / las kyi sgrar gsungs so/ /da ni 'jig rten dbang zhes bya ba la sogs pas mchod pa'i ye shes ston te/ 'jig rten dbang phyug gi ting nge 'dzin la gnas nas rab tu mnyam par gzhag pa'i yid kyi oM zhes bya ba lan mang du brjod na mchod pa thams cad byas par 'gyur ro//ting nge 'dzin gnyis pa la yang rin po che'i rigs dang 'brel pas dam tshig gi phyag rgya gtso bor gyur pa yin te/ b+hUM zhes bya ba tsam zhig lhag par zad do/ /gsum pa la yang chos kyi phyag rgya gtso bor gyur pa yin te/pad+mo'i phyag rgya bsgom pa nyi tshe dang he zhes bya ba gsungs pa yin no/ /bzhi pa la yang las kyi rigs la las kyi phyag rgya gtso bor gyur pa yin te/ de zhes bya ba gsungs so/ /de ltar na sangs rgyas thams cad mchod par 'gyur te thams cad du snying po dang sbyar zhing pad+mo ci nus su bsgoms pas nam mkha'i ngos thams cad bkang ste yid kyis dbul bar bya'o//da ni mchod pa'i rjes la dngos grub ston te/ rigs bzhi dang 'brel pas gang gi don du sdig pa bshad pa dang / sgrib pa yongs su zad par byas pa dang / sangs rgyas la mchod pa byas pas rigs dang po la ni phyag rgya chen po gtso bor gyur pas dngos grub kyi mchog ci 'dod par 'gyur bar blta'o//gnyis pa la ni dam tshig gi phyag rgya gtso bor gyur pas na don gyi dngos grub dang / rgyal srid la sogs pa'i dngos grub yin no/ /gsum pa la ni chos kyi phyag rgya gtso bor gyur pas khro bo'i dngos grub gsungs su zin kyang gtsor ye shes 'grub pa nyid yin par shes par bya'o//bzhi pa la ni las kyi phyag rgya gtso bor gyur pa las phran tshegs 'grub par shes par bya'o/ /gtsor ni gzhung nyid gsal bas na ma bshad do/ /da ni de'i 'og tu gzhan yang de nas zhes bya ba la sogs pas las kyi dkyil 'khor gyi gsang ba'i phyag rgya'i ye shes ston to//gsang bar gyur pas gsang ba ste/ gang phyi rol gyi tshul gyis ming ston gyi/ sems nyid kyis byed pa de ni gsang ba zhes bshad pa yin te/ gsang zhing sba bar bya ba yin pa'i phyir ro/ / de la gsang ba de bzhi char yang spyir 'jig rten dbang phyug gi ting nge 'dzin la gnas pa'i rnal 'byor pas bsgrub pa'i tshe na phyag rgya bzhi'i dkyil 'khor ram/ dkyil 'khor chen por phyag rgya rnams g.yeng ba med pa'i sems kyis yang dag par gzung ba ni sems dga' bar byed pa yin pas na/ bud med dang rtse ba zhes gsungs te/skyes pa 'ga' zhig bud med la chags na dga' ba skye ba dang 'dra ba mi g.yeng ba'i sems kyis yid la yang dag par 'dzin pa ni rtse ba zhes bya'o/ /de ltar 'dzin pas de la thog ma nyid du sdug par lta bar 'gyur ro/ /yang nas yang du mngon sum du byas na skad cig ma gnyis pa la sogs par dga' bas de bzhin du lus shin tu sbyangs pa skye bar 'gyur ro//de nas zhe sdang ba dang bral bas lus kyi bde ba skye bar 'gyur ro/ /de nas lus bde ba gyur na sems rtse gcig par 'gyur ro/ /rtse gcig pa'i sems kyis ni ji ltar mngon par 'dod pa'i dngos grub rnams 'thob par 'gyur ba yin no//'di ni 'dir sbas pa yin te phyag rgya bzhi'i gsang ba'i ye shes su gsungs so/ /'dir yang sngags pas dang por sngags sngar spyad pa bya ste/ mtshan ma thob pa dang / bsgrub pa'i dkyil 'khor bris pa der bshos dang gtor ma dang / rol mo la sogs pas mchod pa'i las byas nas der zhugs la sku gzugs ston te dbus su 'dug pa 'jig rten dbang phyug gi rnal 'byor du byas la ji skad gsungs pa'i snying po sdig pa bshags pa bya'o//de nas snying po de nyid kyis sgrib pa yongs su sbyang bar bya'o/ /de nas mchod pa'i snying po rnams kyis yid kyis mchod pa bya'o//de nas dkyil 'khor la dmigs pa'i ting nge 'dzin la gnas par bya'o/ /de nas dmigs pa de la sdug pa dang / dga' ba dang / bde bas sems rtse gcig par 'gyur ro/ /de nas ni yid la 'dod pa'i dngos grub mngon par thob par 'gyur te 'di ni man ngag yin no/ / da ni de'i 'og tu de nas zhes bya ba la sogs pas las kyi dkyil 'khor gyi phyag rgya chen po ston to/ /ji lta ba bzhin du zhes bya ba 'dis ni 'di skad ston te/ 'og nas bshad pa'i pad+mo'i thal mo dang ldan pas rang gi gnas na bzhugs pa'i rnams nyid kyi phyag rgya phyag gnyis gas 'dzin pa ni phyag rgya chen por 'gyur ro//de nas zhes bya ba la sogs pas dam tshig gi phyag rgya ston te/ 'gro ba 'dul ba'i gzungs kyi dkyil 'khor du rnam par snang mdzad kyi gnas kyi dam tshig gi phyag rgya'o/ /sor mo rtse sprad pad+mor bya/ /zhes bstan pa gang yin pa de nyid 'dir mchod pa'i lha mo thams cad kyi dam tshig gi phyag rgyar 'gyur ro//rdo rje'i dgos/ las kyi dkyil 'khor tshul gyis ni/ /zhes bya ba ni rdo rje dbyings ni las kyi dkyil 'khor gzung ste/ der rdo rje bsdams pa'i phyag rgya gnas gang dang gang du bzhag pa ji lta ba bzhin du 'dir yang pad+mo'i thal mo snying ga dang /rtsib logs dang / rgyab la sogs par sbyar ba'i tshul gyis gnas thams cad du bzhag na dam tshig gi phyag rgyar 'gyur ro/ /da ni de'i 'og tu chos kyi phyag rgya bshad de/ 'gro ba 'dul ba'i gzungs kyi dkyil 'khor du chos kyi phyag rgya bstan pa gang yin pa de 'dir tra zhes bya ba dang por sbyar la brjod par bya ste/gang gi phyir lha mo de rnams nyid yin pa'i phyir ro/ /da ni las kyi phyag rgya ston te/ las kyi dam tshig gnyis byas la/ /zhes bya ba ni dkyil 'khor 'di'i rdo rje khu tshur gyi gnas kyi pad+mo'i thal mo gang yin pa de gnyis su byas pa ni las kyi phyag rgya yin no/ /yang dag sbyar zhes bya ba ni bsgyings bcas gsor ba zhes bya ba la sogs pa'i tshul du bcing bar bya'o zhes bya ba'i don to//de kho na nyid bsdus pa'i rgya cher bshad pa ko sa la'i rgyan las de bzhin gshegs pa thams cad kyi chos kyi dam tshig gi las kyi dkyil 'khor gyi 'grel pa'o// // da ni de'i 'og tu de nas zhes bya ba la sogs pas chos kyi rigs kyi phyag rgya bzhi'i dkyil 'khor ston te/ de nas zhes bya ba ni rjes thogs la ste/ las kyi dkyil 'khor gyi rjes la'o/ /yang zhes bya ba ni sngar bshad pa'i phyag rgya bzhi'i dkyil 'khor la lhos pa'o/ /bcom ldan 'das zhes bya ba ni snga ma dang 'dra ba'o//rdo rje chos zhes bya ba la rdo rje chos smos pa chos nyid bzung ste/ bcom ldan 'das rnam par snang mdzad kyi chos kyi sku'i dam tshig gi phyag rgya'o/ /de byin gyis brlab pa'i phyir ting nge 'dzin gang don dang mthun pa'i ming 'di skad ces bya ba'i don ting nge 'dzin de la snyoms par zhugs pa'o//'di zhes bya ba ni thugs la gnas pa ste phyag rgya'i snying po gsungs pa'o/ /'di la sogs pa gnas lnga po'i snying po lnga yin no/ /de nas byang chub sems dpa' sems dpa'i chen po 'phags pa spyan ras gzigs kyi dbang po zhes bya ba la sogs pa ni go sla'o/ /mchog ces bya bas ni 'dir sla bas 'grub par ston pa'i phyir ro//rdo rje dbyings dang 'dra ba dang / /zhes bya ba ni mtshungs pa'o/ /dkyil 'khor chen po 'dra bar bya/ /zhes bya ba ni dbus kyi dkyil 'khor 'gro ba 'dul ba'i dkyil 'khor dang 'dra bar pad+mo'i 'dab ma brgyad pa'i tshul du bya ba'o/ /phyag rgya'i dkyil 'khor dbus su ni//sangs rgyas gzugs ni gzhag par bya/ /zhes bya ba ni dbus kyi dkyil 'khor du gang sangs rgyas bcom ldan 'das kyi sku gzugs byas pa'am blugs pa'am bris pa bzhag la dang por mchod pa la sogs pa bya ba rdzogs nas/ de gsal ba sngags pa der 'dug nas bsgrub par bya'o//de yi zhes bya ba ni dbus kyi dkyil 'khor gyi'o/ /phyogs rnams thams cad du zhes bya ba ni ngos bzhi char de sems dpa'i rdo rje ma la sogs pa'i gnas su/ /rdo rje pad+mo la sogs bri/ /zhes bya ba ni rdo rje mtshan pa'i pad+mo ni rdo rje pad+mo'o/ /de bzhin du rin po che dang / pad+mo dang / las kyi rdo rjes mtshan pa'i pad+mo bri bar bya'o/ /de nas gzhan yang de nas zhes bya ba la sogs pas slob dpon gyi las dang / slob ma gzhug pa'i cho ga bsgre ba dang / mna'i snying po sbyin pa yang ston pa yin zhing dam tshig las 'dus pa'i nyes dmigs ston pas gang gi phyir shin tu gsang ba las 'grub par 'gyur ba'i phyir ro//de nas de'i zhes bya ba la sogs pas dngos grub ston te/ lag pas pad+mo bzung nas kyang / sgribs nas legs par bsnam par bya/ /zhes bya ba ni byas pa'am/ blugs pa'i pad+mo lag tu thogs pa'o/ / bsgribs te legs par bsnams par bya/ /zhes bya ba 'dis ni 'di skad ston te/ ji ltar pad+mo de nyid las mtshungs pa med pa'i 'dri 'byung la dri des kyang nam mkha'i ltos thams cad bkang ste/ sangs rgyas rnams la mchod pa de lta bu'i ting nge 'dzin la mnyam par gzhag par bya'o/ /mnyam par gzhag pa zhes bya ba ni 'jig rten dbang phyug gi ting nge 'dzin la gnas pa'o//gtsug phud dbus/ sangs rgyas gzugs ni rab bzhag la/ /zhes bya ba ni 'jig rten dbang phyug gi gtsug phud kyi dbus su 'od dpag tu med pa'i gzugs bzhag la 'jig rten thams cad dbang du bya'o//ji lta zhe na/'gro zhing bsgyings pa bstan nas ni/ /zhes bya ba gsungs te/ bsgyings pa ni lag pa ste zur du 'jog pa yin par shes par bya'o/ /pad+mo'i pad+mo gzugs chen por/ /zhes bya ba ni pad+mas mtshan pa'i pad+ma ni pad+mo'i pad+mo'o/ /gang gis she na ting nge 'dzin gyis so/ /ci zhig byas nas she na/byas nas ni zhes pa'o/ /ji bzhin tshul du 'dug nas su/ /zhes bya ba ni phyag rgya bzhi dang ldan pa'i rang gi lha'i rnal 'byor du bya'o/ /yid kyis de ni gsad par bya/ /zhes bya ba ni pad+ma de gang la ltung bar byas pa de gdul bar bya ba'i phyir rgyal ba la sogs pa'i mtshan nyid du gsod par byed pa'o//pad+ma'i rgya gram nyid du ni/ /byas te zhes bya ba ni byas pa'am blugs pa'o/ /lag pa g.yon pa yis/ bzung nas kyang ni zhes bya ba ni lag pa g.yon pa dang las kyi phyag rgyas legs par bzung ba'o/ /dbang la sogs pa la/ bskor ba de ni rab tu byed/ /ces bya ba 'dis ni 'bras bu bstan pa yin no//de'i 'og tu de nas zhes bya ba la sogs pas ni phyag rgya gsang ba ston te/ chags nas dgos pa thams cad ni/ /zhes bya ba ni phyag rgya rnams la mchog tu chags shing dad pas ni dgos pa thams cad 'grub par 'gyur te/ 'di ni dam tshig yin no/ /de nyid bsgrub par dka' ba zhes bya ba la sogs pas gsal bar ston te/bsgrub par dka' ba'i phyag rgya yang skad cig gis 'grub par 'gyur ba'o/ /rnal 'byor gyis ni zhes bya ba ni gang gi phyir de'i rang bzhin du bsgoms pas thams cad 'grub par 'gyur ba'o/ /'bebs pa'i tshig gis ni 'di nyid kyi don ni snying pos ston pa yin no//da ni de nas phyag rgya chen po la sogs pa zhes bya ba la sogs pas phyag rgya bzhi po'i phyag rgya bcing bar 'brel ba ston pa yin te/ sogs pa'i sgra smos pas ni sems dpa' bzhi po'i phyag rgya bzhi po yang bstan par bya ba'o/ /de kho na nyid bsdus pa'i rgya cher bshad pa ko sa la'i rgyan las 'gro ba 'dul ba'i phyag rgya bzhi'i dkyil 'khor gyi 'grel pa'o// //de ltar dam tshig gi dkyil 'khor bstan zin nas/ da ni de nas byang chub sems dpa' sems dpa' chen po zhes bya ba la sogs pas phyag rgya chen po bsgrub pa'i dkyil 'khor ston to/ 'gro ba thams cad 'dul ba zhes bya ba ni 'gro ba thams cad 'dul ba'i gzugs thams cad yang dag par ston pa'i ting nge 'dzin la bzhugs pa'i 'jig rten dbang phyug ste de'i snying po yang yin par gsungs pa'o//yang de nas zhes bya ba la sogs pas ni snying po 'di nyid kyi dkyil 'khor ston pa yin no/ /de nas zhes bya ba ni rjes thogs la ste/phyag rgya bzhi'i dkyil 'khor gyi rjes la'o/ /phyag rgya gcig pa'i dkyil 'khor med na phyag rgya chen po bsgrub tu mi rung ba'i phyir rab tu bshad bya ba zhes gsungs pa yin te/ yang dag par rab tu phye ste bshad pas na rab tu bshad pa'o/ /ci zhig bshad ce na/ 'gro ba 'dul ba'i dkyil 'khor te//zhes bya ba gsungs te/ 'gro ba 'dul ba bcom ldan 'das 'jig rten dbang phyug gi phyag rgya'i dkyil 'khor zhes bya ba'i don to/ /ji ltar bri bar bya zhe na/ dkyil 'khor chen po'i tshul du ni/ /zhes bya ba gsungs so/ /ci ltar nang gi dkyil 'khor ram zhe na ma yin te/ phyi'i dkyil 'khor zhes bya ba gsungs so/ /nang gi dkyil 'khor ji ltar bri bar bya zhe na/ de yi nang du pad+mo yang / /de bzhin du ni bri bar bya/ /zhes gsungs so/ /pad+mo de la ci zhig bri bar bya zhe na/ der ni 'dab ma kun khyab pa'i/ /sna tshogs gzugs ni bri bar bya/ /zhes bya ba gsungs te/ lte ba'i dbus su 'jig rten dbang phyug bris la de'i phyogs thams cad kyi 'dab ma thams cad du sku'i 'od zer gyi sgo nas byung ba'i 'jig rten dang 'jig rten las 'das pa'i gzugs thams cad bri bar bya'o/ /de ltar bris pa'i phyag rgya gcig pa'i dkyil 'khor bris nas/ da ni de nas zhes bya ba la sogs pas slob dpon gyi las dang /slob ma gzhug pa'i cho ga dang dam tshig sbyin pa bsgre bar bya'o/ /'gro ba thams cad 'dul pa'i ye shes bslab po zhes bya ba 'gro ba 'dul ba ste/ bcom ldan 'das 'jig rten dbang phyug gi phyag rgya chen po yongs su rdzogs pa de'i ye shes de bslab par bya zhing bstan par bya'o zhes bya ba'i don to//de la ji ltar bstan par bya zhe na/ de ni 'gro ba 'dul ba zhes bya ba la sogs pas ston to/ /'di skad ston te/ ji skad gsungs pa'i dkyil 'khor bris nas der zhugs la dbus su 'dug ste/ sdig pa bshags pa la sogs pa byas la/bcom ldan 'das sna tshogs gzugs kyi phyag rgya chen po bsgoms na ni sna tshogs 'chang ba dang 'dra bar 'gyur ro/ /de nas 'gro ba 'dul ba gsang ba'i phyag rgya'i ye shes bslab po zhes bya ba ni bcom ldan 'das 'gro ba 'dul ba'i phyag rgya ji lta bus de bsgrub pa ste/ de ni yi ges ji lta ba bzhin du mi rtogs pas na gsang ba pa'o//de'i ye shes yin pas na gsang ba'i phyag rgya'i ye shes te sna tshogs gzugs kyi ting nge 'dzin du zhes bya ba la sogs pas de ston to/ /'di skad ston te/ bcom ldan 'das 'jig rten dbang phyug sna tshogs gzugs can gyi phyag rgya chen po de byin gyis brlab pa la sogs pa bskyed par bya'o zhes pa'o//dbang po gnyis ni sbyar bar bya/ /zhes bya ba la dbang po gnyis te/ bdag gi dbang po dang / lha'i dbang po gnyis ro gcig par sbyar la dkyil 'khor du spyan ras gzigs dbang phyug nyid ni bdag yin no zhes the tshom med par nges par de 'grub par 'gyur ro//da ni de nas zhes bya ba la sogs pas phyag rgya chen po la sogs pa'i phyag rgya bcing pa rnams bslab par bya'o zhes bya ba 'dis 'di skad ston te/ ji ltar 'gro ba 'dul ba'i dkyil 'khor du bcom ldan 'das 'jig rten dbang phyug gi phyag rgya chen po dang / dam tshig gi phyag rgya dang /chos kyi phyag rgya dang / las kyi phyag rgya gang yin pa de nyid 'dir yang sbyar ro/ /dngos grub rnams kyang de bzhin no/ /zhes bya ba ni der phyag rgya rnams kyi dngos grub ji ltar bstan pa de bzhin du 'dir yang 'grub par 'gyur ba yin no zhes ston to/ /de bzhin du ras la sogs pa la yang bya'o zhes bya ba 'dis ji ltar dkyil 'khor chen po phyag rgya chen po bris pa de bzhin du gzhan dag la yang bya'o zhes ston pa yin no//phyag rgya gzhan rnams kyang phyag rgya gcig pa'i tshul gyis zhes bya ba gsungs pas ni ji ltar phyag rgya chen po phyag rgya gcig pa'i dkyil 'khor gyi tshul gyis bsgrub par bstan pa de bzhin du/dam tshig gi phyag rgya yang phyag rgya gcig pa'i tshul du bsgrub par bya'o zhes bstan to/ /de bzhin du 'grub par 'gyur ro zhes bya ba gsungs pas 'di yang bsgrub pa'i khyad par mang po med do zhes ston pa yin te/ ji ltar 'dir dam tshig gi phyag rgya bsgrub pa phyag rgya gcig pa'i dkyil 'khor gyi tshul du bya bar bstan pa de bzhin du rtog pa thams cad la yang phyag rgya gcig pa'i dkyil 'khor gyi tshul gyis dam tshig gi phyag rgya bsgrub par shes par bya'o//da ni rtog pa 'di bcom ldan 'das 'jig rten dbang phyug gis gsungs pa de yang sangs rgyas de rnams kyis gnang ste bshad do zhes sangs rgyas kyi gsung du bstan pa'i phyir/de nas zhes bya ba la sogs pas sangs rgyas rnams kyis legs so zhes bya ba byin pa ston to/ /'di dag ni bshad zin te/ rdo rje sems dpa' dang / rdo rje rin chen dang / rdo rje chos dang / rdo rje las kyi sgo nas rdo rje sems dpa' la legs so zhes bya bas ston pa'o//yongs su dag pa'i phyir/ mdo 'di yang ni legs par bshad/ /ces gsungs so/ /ji lta bu zhe na/ rdo rje'i theg pa bla na med/ /ces bya bas ston te/ rdo rje ni byang chub sems dpa' rnams te/ ye shes ni rdo rje las byung ba'i phyir ro/ / de rnams kyi theg pa yin pas na rdo rje theg pa ste/ nyan thos dang / rang sangs rgyas kyi theg pa yang de nyid kyis bstan pa'i phyir ro/ /de las khyad par du bya ba'i phyir bla na med ces bya ba gsungs te/ de bas na de bzhin gshegs pa thams cad kyi gsang ba yin par ston to/ /ji ltar na 'di gsang ba yin zhe na/gang gi phyir/ theg pa chen po mngon 'dus pa'i/ /zhes bya ba gsungs pa yin te/ theg pa chen po 'dir mngon du phyogs pas bsdus pa'o zhes bya ba'i don to / /de kho na nyid bsdus pa'i rgya cher bshad pa ko sa la'i rgyan las de bzhin gshegs pa thams cad kyi chos kyi dam tshig ces bya ba'i rtog pa'i rgyal po chen po'i 'grel pa rdzogs so// //da ni 'di man chad de nas yang de bzhin gshegs pa thams cad gcig tu 'dus nas zhes bya ba la sogs pas de bzhin gshegs pa thams cad kyi las kyi dam tshig ces bya ba'i rtog pa ston to//de la rtog pa de bstan pa'i phyir bcom ldan 'das rdo rje sems dpa' rdo rje rin chen gyi gzugs kyis bzhugs pa la gsol ba gdab pa'i phyir de bzhin gshegs pa thams cad kyi mtshan brgya rtsa brgyad kyis bstod pa mdzad pa yin no/ /de nas zhes bya ba ni rjes thogs la ste chos kyi dam tshig bstan pa'i rjes la'o//yang zhes bya ba'i sgra ni sngar 'dus pa mdzad pa la ltos pa'o/ /de bzhin gshegs pa thams cad ni sangs rgyas thams cad do/ /'dus nas zhes bya ba ni tshogs par mdzad pa'o/ /de bzhin gshegs pa thams cad dbang bskur ba'i rin po che zhes bya ba ni bcom ldan 'das rin chen 'byung ldan no//rdo rje 'dzin pa de nyid de/ /zhes bya ba rdo rje 'dzin pa zhes smos pa ni 'dir rdo rje sems dpa' gzung ste/ gang gi phyir 'di nyid rdo rje sems dpa'i gzugs kyis gnas pa'i phyir ro/ /byang chub sems dpa' sems dpa' chen po 'phags pa nam mkha'i snying po zhes bya ba ni bcom ldan 'das rdo rje rin chen de nyid nam mkha' nyid kyi skye gnas mnga' bas na nam mkha'i snying po zhes bshad de/nam mkha'i 'od zer gyi nor bu rin po che las byung ba'i phyir ro/ /de nyid ni byang chub kyi sems kyi ngo bo nyid yin pas na byang chub sems dpa'o/ /mtshan brgya rtsa brgyad pa 'dis zhes bya ba ni 'og nas 'byung bas so//gsol ba btab po zhes bya ba ni gsol ba 'debs pa'i rgyu yin pas na gsol ba gdab pa zhes de skad gsungs kyi gzhan du na bstod do zhes par 'gyur ro/ /nam mkha'i snying po sems can don/ /zhes bya ba la sogs pa rab tu byed pa bco lngas ni mtshan brgya rtsa brgyad ston te/'di la nam mkha' nyid kyi skye gnas mnga' bas na nam mkha'i snying po ste de las yang dag par byung ba'i phyir ro/ /sems can rnams kyi don mdzad pas na sems can don to/ /'di la sems dpa' tshad med pa mnga' bas na sems dpa' chen po'o//yang na sems can gyi khams chen po'i don sgrub pa la brtson par mdzad pas na sems dpa' chen po'o/ /mdangs chen po mnga' bas na gzi chen po ste gzi ni mdangs la bya'o/ /rin po che yang yin la chen po yang yin pas na rin chen che ba'o/ /rin po che bzang po rnams kyi nang na mchog yin pas na rin chen mchog go//rdo rjes mtshan pa'i rin po che yin pas na rdo rje rin chen no/ /rab tu byed pa 'di las ni mtshan bdun gyis bstod pa yin no/ /dbang bskur stsol bas na dbang bskur sbyin no/ /tshad che bas na rin chen che'o/ /shin tu rnam par dag pas na dag pa che'o//dge ba rgya che ba'i sems las yang dag par byung bas na dge ba che'o/ /sangs rgyas rnams kyi dbang bskur ba'i don du gyur pas na sangs rgyas rin chen no/ /rin po che'i skyon dang bral bas na rnam dag sku'o/ /rin po che rnams kyi nang na yon tan gyis 'phags pa'i phyir rin chen no//nam mkha'i ngo bo nyid yin pas na nam mkha'o/ /de las yang dag par skyes pas na nam mkha' las byung ba'o/ /spro ba'i dus su nam mkha' thams cad khyab par mdzad pas na nam mkha' thams cad do/ /'dis 'od chen po mnga' bas dngos po thams cad gsal bar mdzad pas na 'od che ba'o//nam mkha' nyid kyi rgyu mnga' bas na nam mkha'i dbyings kyi ni rgyu'i don yin no/ /dngos po thams cad nam mkha' bsgoms pas na nam mkhar byed pa'i phyir nam mkha' kun no/ /re ba kun mchog ces pa la re ba ni phyogs la bya ste de rnams kyi mchog yin pa de la brten nas phyogs kyi cha rnam par 'jog pa'i phyir ro//sems dpa' 'di la rin po che'i rang bzhin gyi mdzod spu mnga' bas na rin chen mdzod spu'o/ /rin po che lta bu'i bsam pa las byung bas na rin chen 'byung ngo / /sangs rgyas bcom ldan 'das kyi mdzod spu dang nye bar gnas pas na sangs rgyas mdzod spu'o//de bzhin gshegs pa rnams kyis shin tu bzung bas na bde gshegs rab bo/ /rin po che thams cad 'dzin par mdzad pas na rin chen thams cad do/ /rab kyang yin la rin po che thams cad kyi mchog kyang yin pas na rab tu kun mchog go/ /'di la rin po che'i dgos pa mnga' bas na rin chen dgos pa'o//phyi'i 'byung khungs las byung ba'i rin po che rnams dang / de las gzhan pa nang gi rigs la sogs pa yongs su dag pa gang yin pa de ni rigs chen no/ /de rnams las kyang mchog tu gyur pa yin pas na rin chen rigs mchog go/ /rin po che rnams kyi nang na drag po yin pas na rin chen drag ste rang gi gzi brjid kyi khyad par gyis rin po che gzhan rnams zil gyis gnon par byed pa'i phyir ro//de bzhin gshegs pa thams cad dang sems dpa' rnams kyi ngo bo nyid yin pas na de bzhin gshegs pa kun no/ /rin chen ni dngos su bshad pa 'di nyid do//thugs rin po che las byung ba nyid kyis rigs rin po che rnams shin tu khyad par du 'phags pas na rin chen dam pa'o/ /nam mkha' chen po las yang dag par 'khrungs pas na nam mkha' che'o/ /spro ba'i tshe nam mkha' dang lhan cig mnyam par mdzad pas na nam mkha' mnyam mo/ / rgyan du gyur par mdzad pas na rgyan te a laM ni rgyan gyi don la 'jug pa yin pa'i phyir ro/ /mdzes pa chen por mdzad pas na mdzes pa che'o/ /mdzes pa rnams skye ba'i gnas su gyur pas na mdzes pa'i 'byung gnas so/ /mdzes pa rnams kyi nang na yang mdzes par mdzad pas na rab mdzes mdzad do/ /don thams cad sbyin pa por gyur pas na don kun no//dri ma rnams dang bral bas na dag pa'o//dag pa'i don rnams rab tu stsol bar mdzad pas na dag pa'i don to/ /sbyin pa'i pha rol tu phyin pa'i ngo bo nyid yin pas na sbyin spyod do/ /byang chub kyi sems kyi chos rin po che'i ngo bo yin pas na chos rin chen no/ /rnam par dag pa ni sangs rgyas rnams te de rnams kyi dpral bar bzhugs pas na rnam dag mchog go//phyir mi ldog pa'i byang chub kyi sems 'dus pa'i ngo bo nyid yin pas na dge 'dun rin chen no/ /shin tu rnam par dag pa'i de bzhin gshegs pa'i ngo bo nyid yin pas na de bzhin gshegs pa'o/ /de bzhin gshegs pa rnams dbang bskur bas chen po rnams dbang bskur bar byed pa'i phyir dbang bskur chen po'o//gang sems can gyi tshogs thams cad kyi don rdzogs par mdzad pas na 'jig rten don to/ /don rnams stsol bas rab tu dga' ba skyed par mdzad pa'i phyir don sbyin no/ /sbyin pa stsol bar mdzad pas na sbyin pa'o//mchog tu sbyin pa stsol bar mdzad pas na rab sbyin no/ /sbyin pa rnams kyi nang na mchog tu gyur pas na sbyin pa'i mchog go/ /'dis sbyin par mdzad pas na gtong ba ste sbyin pa nyid kyi rnam grangs la gtong ba zhes bya'o/ /dgongs pa la dbang bskur bas na stong mchog ces bya'o//byed pa po'i sgo nas sbyin mdzad pa zhes bya'o/ /sems can thams cad kyi don rdzogs par mdzad pas na sems can don to/ /dngos po thams cad la zhugs pa yin pa'i phyir kun no/ /dngos po thams cad rnam par rtog pa la rag las par ston pas phyin ci log las grol ba'i phyir de nyid don to//sems can gyi tshogs chen po'i don mdzad pas na don chen no/ /ched kar don du gnyer ba yin pas na don to/ /rab tu byed pa 'di la ni mtshan bcu gcig yod de/ de la sems can rnams kyi don 'byung bas na bsam pa'i rgyal po'o/ /tshad med pa'i gzi brjid mnga' bas na gzi brjid che'o//'dis sbyin pa'i pha rol tu phyin pa yongs su rdzogs par mdzad pas na sbyin pa'i pha rol tu phyin pa'o/ /tshul chen po'i ngo bo nyid yin pas na tshul lo/ /phyin ci ma log pa'i don ston par mdzad pas na de bzhin gshegs pa'o/ /sems dpa' dpag tu med pas na sems dpa' che'o//sangs rgyas thams cad kyi phra rab las byung bas na sangs rgyas kun no/ /de bzhin gshegs pa thams cad du gtogs pa'i rin po che chen po'i dbang bskur ba'i don du brtags pas na de bzhin gshegs pa rin chen che'o/ /rdo rje gzi brjid kyi sgo nas bstod pas na de bzhin gshegs pa 'od che ste zhes bya'o//rdo rje dpal gyi sgo nas bstod pas na de bzhin gshegs pa dpal chen po'o/ /rdo rje bzhad pa'i sgo nas bstod pas na bzhad chen no/ /rab tu byed pa 'di la ni mtshan bzhi yod de/ gong gi mtshan bcu gcig po de las gsum 'dir bsdu bar rig par bya'o/ /de bzhin gshegs pa rnams kyis dbang bskur ba'i don du brtags pas na de bzhin gshegs pa'i dbang bskur ro//dbang bskur ba thams cad kyi dam par gyur pas na mchog go/ /che ba rnams kyang dbang bskur bar mdzad pas na dbang chen no/ /thams cad khyab pas na khyab bdag chen po'o/ /'jig rten rnams srung bar mdzad bas na 'jig rten no//mgon med pa rnams kyi don yongs su rdzogs par mdzad pas na mgon po'o/ /'jig rten rab mchog ces bya ba la 'jig rten gyi rab ni de bzhin gshegs pa ste/ de rnams kyis dbang bskur ba yin pas na 'jig rten rab mchog go/ /'jig rten gyi bar na gnas pa rnams la yang snang bar mdzad pas na 'jig rten nyi ma'o//rab tu byed pa 'di la ni mtshan brgyad yod do/ /rin po che thams cad las phul du byung bas na rin chen phul lo/ /phul du byung ba rnams las kyang phul du byung bas na rab kyi mchog go/ /rin po che rnams kyi rgyan mnga' bas na rin chen rgyan no//rin po che rnams mdzad pas na rin chen mdzad de rin po che'i char rab tu 'bebs par mdzad pa'i phyir ro/ /nyid kyi snang ba rjes su 'brang bar mdzad pas na rin chen snang ba'o/ /phyogs skyong ba khyab par mdzad pas na snang ba che'o/ /'jig rten thams cad du grags par mdzad bas na rin chen grags pa'o//rin po che'i phung po'i nang na bzhugs pas na rin chen phung po ste/ rin po che'i rang bzhin can gyi phung po mnga' ba'i phyir te byi ba'i brun lta bu'o/ /rin po che'i bsam pa bzang po las yang dag par 'khrungs pas na rin chen 'byung ngo / /nor bu'i don rdzogs par mdzad pas na nor bu'o//rdo rje nor bus mtshan pas na rdo rje nor bu'o/ /yon tan rnams kyi gzhir gyur pas na yon tan no/ /rin po che thams cad skye ba'i 'byung gnas su gyur pas na rin chen 'byung ba'o/ /nyid kyi 'od kyis yongs su bskor bas na sku rab 'bar ro/ /rin po che thams cad kyi rang bzhin yin pas na rin chen kun no//'di la ni mtshan brgyad yod do/ /'di la bdag nyid chen po mnga' zhing bdag nyid che ba dang ldan pas na che nyid do/ /dbul po rnams kyis 'ju sar gyur pas na shing ngo / /rin po che thams cad kyi bdag por gyur pas na rin chen dbang ngo / thams cad kyi bsam pa yongs su rdzogs par mdzad pas na re ba thams cad skong mdzad pa'o//thams cad kyi mngon par 'dod pa yang dag par sgrub par mdzad pas na bsam pa thams cad legs par brnyes pa'o/ /don gcig don du gnyer na yang bsam pa'i khyad par gyis mang po rnyed par 'gyur bas na rin chen phung po'o//'di la ni mtshan drug ste 'das ma thag pa'i lhag ma rnams bdun du 'gyur ro/ /'od zer gsal ba'i mchog mnga' bas na 'od mchog go/ /thugs rin po ches thams cad du khyab pas na khyab pa'o/ /dngos po thams cad thugs rin po che 'dir 'dus pas na bdag nyid kun no//mchog stsol bar mdzad pas na mchog rab sbyin no/ /mchog chen po mnga' bas na mchog che ba'o/ /'di yod pa las 'bru thams cad phun sum tshogs par 'gyur bas na phun sum tshogs pa thams cad do/ /'di yod pa las khyad par du 'byor bar gyur pas na 'byor pa'o//stong pa nyid kyi ye shes kyi rdo rje'i snying po mnga' bas na rdo rje'i snying po'o/ /'di la ni mtshan brgyad de de ltar na mtshan brgya rtsa brgyad du shes par bya'o/ /da ni ming brgya rtsa brgyad ces bya ba la sogs pas mtshan brgya rtsa brgyad pa'i phan yon te/ zhi ba zhes bya ba ni mya ngan las 'das pa thob pa'i rgyur gyur pa'i phyir ro//sangs rgyas kun gyi dbang bskur thob/ /ces bya ba ni sangs rgyas thams cad dbang bskur bas bstod na sangs rgyas thams cad 'dir dbang bskur ba la mngon du phyogs par 'gyur ba'o/ /sdig med ces pa ni bstod pas sdig pa dang bral ba'i phyir ro/ /rin chen khyod ces bya ba ni bod pa'o//gsol ba ni zhes bya ba ni bsnyen bkur sngon du 'gro ba'i bstod pas mchod pa'o/ /nor 'dus pa ni bshad par mdzod/ /ces bya ba ni nor yang dag par bsags pa'i rgyur gyur pas na rin po che'i rigs nyid la nor 'dus pa'i sgrar gsungs so/ /sangs rgyas kun gyi dbang bskur mchog /ces bya ba la sangs rgyas thams cad kyi dbang bskur ba'i mchog ni rdo rje rin chen te/ de rigs 'dir gtso bo yin pa'i phyir de skad ces bya'o/ /rang gi rigs ni skyed par mdzod/ /ces bya ba ni rin po che'i rigs shes par bya ba'i don to/ /de nas zhes bya ba la sogs pa ni go sla'o/ / dbang bskur ba'i dam tshig ces bya ba ni bdag por bskur ba'i dam tshig gi snying po'o/ /da ni 'di man chad bdag po lnga'i rang gi dkyil 'khor lnga byin gyis rlob par mdzad pa'i rig pa dam pa lnga yin par shes par bya ste/ dang po'i rig pa dam pa las de bzhin gshegs pa thams cad kyi nor bu'i dam tshig ces bya ba ni rin po che'i rigs kyi rnam par snang mdzad kyi dam tshig gi nor bu'i dam tshig go//gnyis pa la rang gi rigs 'byung ba zhes gsungs pa ni rang gi rigs te rin po che'i rigs 'di las 'byung ba'i phyir ro/ /gsum par rang gi rig pa dam pa zhes gsungs pa ni rang gi dkyil 'khor byin gyis rlob par byed pa'i rig pa dam pa yin pas na rang gi rig pa dam pa'o//bzhi par yang rang gi rigs 'byung ba'i rig pa dam pa zhes gsungs pa ni rang gi rigs 'byung ba yang 'di yin pa'i phyir de skad ces bya'o/ /lnga par yang rang gi rig pa dam pa ni zhes gsungs pa ni rang gi rigs 'byung ba'i phyir ro//de nas byang chub sems dpa' sems dpa' chen po 'phags pa nam mkha'i snying po zhes bya ba la sogs pa la de bzhin gshegs pa thams cad kyis dbang bskur ba rin po che zhes bya ba'i ting nge 'dzin ces bya ba ni de bzhin gshegs pa rnams dbang bskur ba'i rin po che la dmigs pas na ting nge 'dzin 'di la ming 'di skad ces bya'o//de nas snyoms par zhugs ma thag tu zhes bya ba ni skad cig ma de nyid kyi tshe zhes bya ba'i don to/ /rdo rje nor bu rin po che lta bu'i 'od zer rnams byung nas zhes bya ba ni rdo rjes mtshan pa'i nor bu rin po che ste de lta bu'i 'od zer rnams so//de dag gis zhes bya ba ni 'od zer rnams kyis so/ /'jig rten gyi khams thams cad snang bar byas te zhes bya ba ni 'jig rten gyi khams thams cad khyab pa'o/ /sems can thams cad de bzhin gshegs pa thams cad kyis dbang bskur nas zhes bya ba la sems can thams cad ni 'jig rten pa'i lha la sogs pa ste/de rnams de bzhin gshegs pa thams cad nyid du dbang bskur bas de bzhin gshegs pa thams cad kyi dbang bskur ba ste des dbang bskur ba'o/ /yang gcig tu gyur te zhes bya ba ni spros par rnams bsdu ba byas pas slar 'dus te gcig tu gyur pa'o/ /bcom ldan 'das byang chub sems dpa' chen po nam mkha'i snying po'i thugs su zhugs so zhes bya ba ni/dkyil 'khor gyi sems dpa' rnams sprul par mdzad pa'i phyir ro/ /de nas zhes bya ba ni rjes thogs la bya ste 'od zer zhugs pa'i rjes la'o/ /nam mkha'i snying po'i thugs las bcom ldan 'das phyag na rdo rje de nyid ces bya ba ni gang sngar de bzhin gshegs pa thams cad kyis gsol ba gdab pa rdo rje'i snying po'i tshul gyis bzhugs pa de'i thugs las sprul pa'i sku de bzhag ste/der phyag na rdo rje nyid dkyil 'khor ba'i sems dpa' lhag ma rnams kyi gzugs su 'byung ba'o/ /mtshan ma ji lta bus byung zhe na/ kun nas 'od zer 'bar ba'i snying pos zhes bya ba gsungs te/rin po che'i 'od zer kun nas 'bar ba des snying por byas shing nang du chud par byas pas na kun nas 'od zer 'bar ba'i snying po'o/ /rdo rje dang nor bu dang / rin po che sna tshogs kyi dpal la sogs pa'i bkod pa dang / rgyan gyis brgyan pa'i sku zhes bya ba ni rdo rje dang /nor bu dang / rin po che yang yin la sna tshogs pa yang yin pas na rdo rje dang / nor bu dang / rin po che sna tshogs so/ /de rnams kyis dbang bskur ba ni rdo rje dang / nor bu dang / rin po che sna tshogs kyis dbang bskur ba'o/ /de la dang por byas pa'i rgyan gang yin pa de ni rdo rje dang /nor bu dang / rin po che la sogs pa'i rgyan no/ /de nyid ni rgyan te des brgyan pa'i sku gang yin pa de ni rdo rje dang / nor bu dang / rin po che sna tshogs kyis dbang bskur ba la sogs pa'i rgyan gyis brgyan pa'i sku'o/ /rdo rje'i nor bu rin po che chen po'i phyag rgya'i mtshan ma phyag na bsnams pa zhes bya ba ni rdo rje'i nor bu dang rin po che yang yin pas rdo rje nor bu rin po che chen po'o//de nyid ni phyag rgya'i mtshan ma yin pas na rdo rje'i nor bu rin po che chen po'i phyag rgya'i mtshan ma'o/ /de'i phyag na bsnams pa gang yin pa de ni rdo rje'i nor bu rin po che chen po'i phyag rgya'i mtshan ma phyag na bsnams pa'o//de rnams cir 'gyur te byung zhe na/ byang chub sems dpa' chen po'i sku rnams su gyur te byung zhes bya ba gsungs so/ /byung nas gang du bzhud ce na/ 'jig rten gyi khams thams cad du zhes bya ba gsungs so/ /de rnams kyis der ci zhig mdzad ce na/ rin po che chen po'i char phab pa la sogs pa nor bskyed pa rnams kyis sems can rnams mgu bar byas nas zhes bya ba gsungs so//mgu bar byas nas slar yang ci zhig mdzad ce na/ slar yang byon te zhes bya ba gsungs so/ /slar byon nas gang du bzhugs she na/ bcom ldan 'das rnam par snang mdzad kyi phyogs thams cad du zhes bya ba gsungs so//ji ltar bzhugs she na/ rdo rje dbyings kyi dkyil 'khor chen po'i tshul du zhes bya ba gsungs so/ /gang du bzhugs she na zla ba'i dkyil 'khor la gnas zhes bya ba gsungs so/ /der bzhugs nas ci zhig mdzad ce na/ ched du brjod pa 'di ched du brjod do zhes bya ba gsungs so//ched du brjod pa gang yin zhe na/ de ni e ma'o zhes bya ba la sogs pas ston te/ e ma'o zhes bya ba ni ngo mtshar du gyur pa'o/ /gang phyir sangs rgyas thams cad kyi/ /rin chen thams cad bsdus pa ni/ /zhes bya ba ste/ sangs rgyas thams cad du gtogs pa'i rin po che thams cad bsdus pa 'di yin pas na rin chen thams cad bsdus pa'o/ /de gang yin zhe na/ rdo rje rin chen rigs nyid du/ /zhes bya ba ste rdo rjes mtshan pa'i rin po ches nye bar mtshon pa'i rigs yin pas na rdo rje rin chen rigs nyid do/ ci srid pa'i dra ba spangs pa'i sangs rgyas bcom ldan 'das rnams la yang 'di dgos sam zhe na/ gang gi phyir zhes bya ba'i sgra 'di bar 'dir sbyar bar blta ste/ gang phyir 'gro ba'i don du 'di gyur to/ /zhes bya ba gsungs so/ /de ni 'di ltar ston te bag chags dang bcas pa'i nyon mongs pa spangs pa'i de bzhin gshegs pa rnams la nor bsags pa dgos pa ma yin mod kyi//'on kyang dbang po yongs su ma smin pa'i sems can rnams la 'di dgos pa'i phyir ro/ /da ni ji ltar sprul pa'i phyag rgya'i tshogs 'di rnams bri bar bstan pa'i phyir de nas zhes bya ba la sogs pa'i gzhung gsungs pa ni go sla'o//de bzhin gshegs pa thams cad la bsam pa thams cad yongs su rdzogs par byed pa 'di phul te zhes bya ba ni sems can thams cad kyi bsam pa rnam pa thams cad du yongs su rdzogs par bya ba'i phyir de bzhin gshegs pa rnams la phul ba ste/ sangs rgyas kyi gsung nyid du bsgrags pa dang /yun ring du gnas par bya ba'i phyir ro/ /phul nas ji zhig mdzad ce na/ don thams cad grub pa zhes bya ba'i dkyil 'khor 'di gsungs so zhes bya ba smos te/ don kyang yin la thams cad kyang yin pa'am thams cad kyi don grub pas na don thams cad grub pa ste ming 'di skad ces bya ba'i dkyil 'khor gang yin pa thugs la gnas pa 'di gsungs shing bka' stsal pa'o//de nas zhes bya ba la sogs pa la de nas zhes bya ba ni rjes thogs la ste dkyil 'khor sprul ba'i rjes la'o/ /bri ba'i dkyil 'khor med na sems can dbang po yongs su ma smin pa rnams kyi don du mi 'gyur te/de bas rab tu bshad bya ba/ /zhes bya ba gsungs pa yin te/ rab tu bshad pa zhes bya ba ni/ yang dag par rab tu phye zhing bshad pas na rab tu bshad bya ba'o/ /ci zhig bshad par bya zhe na/ dkyil 'khor chen po'o/ /ji lta bu zhen dam pa'o//ci 'dra ba zhe na/ rdo rje dbyings dang 'dra ba la zhes bya ba ste rdo rje dbyings dang mtshungs pa'o/ /ming ji skad ces bya zhe na don kun grub ba zhes bshad pa zhes bya ba'o/ /de'i srad bu ji lta bu bre bar bya zhe na/ gru bzhi pa la zhes bya ba la sogs pas ston te/ 'di dag kyang rdo rje dbyings kyi dkyil 'khor nyid du bshad zin to//de'i nang du zhes bya ba la sogs pa la de'i zhes bya ba ni ji skad du gsungs pa'i phyi'i dkyil 'khor gyi'o/ /nang du zhes bya ba la nang rim du ci zhig bya zhe na/ rdo rje'i rin chen las byung gnas bya zhing / /zhes bya ba'o/ /'di skad ston te/ de'i nang du rin po che zur cha brgyad par byas te/ rdo rje'i thig nyid zur brgyad par gdab par bya'o/ /de'i dbus su ni/ ka ba brgyad kyi tshul du ni/ /rin chen sna tshogs 'od 'bar ba'i/ /dkyil 'khor lngas ni brgyan gyur par/ /der ni srad bu bre bar bya/ /zhes bya'o/ /'di skad ston te/ phyi'i thig zur brgyad par btab pa'i nang du rigs re re zhing yang dkyil 'khor lnga lngas mdzes par byas la de'i rin po che sna tshogs kyang 'od 'bar bar byas te/sems dpa' re re'i nang gi dkyil 'khor re re zhing yang rin po che gzhan dang gzhan du bya ba dang / rin po che de dag gi 'od zer yang rnam pa sna tshogs su 'bar ba sha stag gis 'bar bar bya'o/ /dkyil 'khor lnga pa lnga'i dbus ma'i dkyil 'khor lnga la ci zhig bya zhe na/rang gi phyag rgyas bskor te/ der ni sangs rgyas gzhag par bya/ /zhes bya ba ste/ rang gi phyag rgya bzhi po'i 'khor gyis bskor bas na rang gi phyag rgyas bskor ba'o/ /de la de dag gi snying po ni 'di rnams so zhes bya ba ni/ phyag rgya bzhi po'i dgod par bya ba'i snying po rnams so//sangs rgyas bcom ldan 'das kyi ni dkyil 'khor thog ma byin gyis rlob pa dang dgod pa'i rigs pa dam pa de nyid yin par shes par bya'o/ /re ba kun grub dkyil 'khor du/ /zhes bya ba la sogs pa la/ re ba kun grub dkyil 'khor zhes bya ba ni 'dir bsam pa thams cad 'grub par 'gyur bas na re ba kun grub dkyil 'khor te/re ba kun grub pa ni 'dir bcom ldan 'das rdo rje snying po gzung bar bya'o/ /de ji ltar bri bar bya zhe na/ de'i phyir rin chen mchog ni sbyin par bri/ /zhes bya ba ste/ rin po che dam pa stsol bas na rin chen mchog sbyin no//yang na rin po che dang rgyal srid la sogs pa'i dam pa stsol bas na rin chen mchog sbyin te/ /phyag g.yas pa na mchog sbyin rin po che dang bcas par bya'o zhes bya ba'i don to/ /de yi phyogs rnams thams cad du/ /zhes bya ba ni phyogs bzhi char du'o/ / rin chen phyag rgyar ldan pa yi/ /zhes bya ba la rin chen phyag rgya ni mtshan ma ste/ rang gi phyag rgya lag na thogs pa'o/ /ltag 'og go rims ji bzhin du/ /sems dpa' chen po rnams bri'o/ /zhes bya ba ni rdo rje dbyings kyi dkyil 'khor chen po'i go rims ji lta ba bzhin du zhes bya ba'i don to//rin chen phreng ba'i dkyil 'khor du/ /zhes bya ba ni bcom ldan 'das rdo rje rin chen phyag gnyis na rin po che'i phreng ba bsnams pa ni rin chen phreng ba yin par shes par bya ste/ de'i dkyil 'khor yin pas na rin chen phreng ba'i dkyil 'khor ro/ /de yi phyogs rnams thams cad du/ /zhes bya ba la sogs pa la/de yi phyogs rnams thams cad du/ /zhes bya ba ni rin chen phreng ba'i'o/ /ltag 'og go rims ji bzhin par/ /zhes bya ba ni rdo rje dbyings kyi dkyil 'khor chen por sems dpa' rnams kyi go rims ji lta bar gnas pa de dang de bzhin du bri bar bya ste/ 'di dag gi phyag mtshan la nor bus mtshan pa phyag na thogs pa'i khyad par 'ba' zhig tu zad do//'dir dbus kyi dkyil 'khor du ni rdo rje snying po bzhugs par shes par bya la/ rin chen phreng ba ni rdo rje rin chen gyi gnas su gzhag par bya'o/ /rin chen pad+mo'i dkyil 'khor du/ /zhes bya ba ni rin po ches mtshan pa'i pad+mo mnga' bas na rin chen pad+mo ni bcom ldan 'das 'od dpag tu med pa'i gnas kyi rdo rje snying po'o//rin chen pad+ma 'dzin khyab bdag /der gnas par ni bri bar bya/ /zhes bya ba la der bzhugs pas na der gnas pa'o/ /ni zhes bya ba'i sgra'i don nyid ces bya ba'i don te gnas de nyid du bri bar bya'o zhes bya ba'i don to//ji lta bur bri bar bya zhe na/ rin chen pad+ma 'dzin pa zhes bya ba ste rin po ches mtshan pa'i pad+ma bsnams pa'o zhes bya ba'i bar du ston par 'gyur ro/ /de'i phyogs zhes bya ba la sogs pa ni go sla'o/ /rin chen char zhes bya ba la sogs pa la 'dir rin po che'i char 'bebs par byed pa yin pas na rin chen char 'bebs so//de'i dkyil 'khor yin pas rin chen char 'bebs dkyil 'khor ro/ /de'i dbus kyi dkyil 'khor du ci zhig bri bar bya zhe na/ sems dpa' che rnams der yang bri/ /zhes bya ba gsungs te/ sems dpa' chen po ni 'dir gdon mi za bar grub pa'i gnas kyi rdo rje snying po gang yin pa'o//ci zhig mdzad par bri zhe na/ /rin chen char ni rab 'bebs pa'i/ /zhes bya ba gsungs so/ /'di skad ston te/ rin po che thams cad kyi rang bzhin 'bebs shing gtong bar bri bar bya'o/ /de yi phyogs rnams thams cad du/ / zhes bya ba ni phyogs kun du'o/ /ci 'dra bar bri zhe na/ mdor ni lag na phyag rgya yang / /rin chen mtshan mar ldan pa yi/ /zhes bya ba gsungs so/ /'di skad ston te rang gi mtshan ma rnams rin po ches mtshan pa phyag na bsnams par bri bar bya'o/ /ci zhig bri zhe na/ sems dpa' che rnams cho ga bzhin//zhes bya ba'o/ /de la de dag gi snying po ni zhes bya ba la sogs pa ni go sla'o/ /de nas dkyil 'khor chen po 'dir/ /zhes bya ba la sogs pa la/ de nas zhes bya ba ni rjes thogs la ste bris pa'i rjes thogs la'o/ /dkyil 'khor chen po ni 'dir don thams cad grub pa'i dkyil 'khor ro//nor bu rin po che'i slob dpon nyid ji lta ba bzhin du bzhugs te zhes bya ba la nor bu rin po che thogs pa'i slob dpon yin pas na nor bu rin po che'i slob dpon te dkyil 'khor 'dir dbang bskur ba dang / gzhung shes pa dang / las la mkhas pa'o/ / ji lta ba bzhin du zhugs te zhes bya ba ni phyag bzhi byas nas rdo rje rin po ches byin gyis brlabs pa'i bum pas bdag nyid dbang bskur la rdo rje rin po che'i myu gu'i dam tshig gi phyag rgya rang gi snying pos bcings nas des phreng ba bzung la 'jug pa'i snying po brjod nas zhugs te mi bskyod pa'i gnas na bzhugs pa'i bcom ldan 'das rdo rje snying po la phreng ba de phul nas slar yang blangs te/bdag gi mgo la de bcing zhing slob dpon gyi las thams cad kyang bdag la des mdzad par lhag par mos par bya'o/ /de nas rang la byin gyis brlab pa la sogs pa byas nas bka' nod pa la sogs pa bya'o//'di ni rang gi cho ga ji lta ba bzhin du bya ba rgyas pa yin no/ /da ni slob ma gzhug pa'i cho ga ston te/ rin po ches byin gyis brlabs pa'i bum pa'i chus nor bu'i slob ma dbang bskur te zhes bya ba ni 'khor los sgyur ba'i snying po bzlas pa'i phyi rol na gnas pa rdo rje rin chen gyi phyag rgyas byin gyis brlabs pas dbang bskur ba'o//de nas ci zhig bya zhe na/ rdo rje nor bu'i dam tshig gi phyag rgya bcings la zhes bya ba ste/ rdo rje nor bu yang yin la dam tshig gi phyag rgya yang yin pas na rdo rje nor bu'i dam tshig phyag rgya ste/ de bcing bar bya ba'o/ /de yang rdo rje nor bu'i dam tshig gi phyag rgya ni sems dpa' rdo rje ma'i gnas kyi rdo rje rin chen gyi myu gu zhes grags pa gang yin pa ste/de slob ma 'ching du gzhug go/ /snying po gang gis phyag rgya de 'ching du gzhug ce na/ 'di zhes bya bas ston te/ rjes thogs nyid la snying po ston pas so/ /de'i rjes la ci zhig bya zhe na/ kha dog ji lta bu'i rnyed pa'i zhes bya ba la sogs pas ston to//'di skad ston te/ rin po che'i rigs la ni nor bu'i kha dog sna tshogs pa srid pas gos la kha dog ni nges pa med de ci rnyed pa las stod g.yogs bya'o/ /gdong g.yogs ji lta bus bya zhe na/ de dang 'dra bas mig g.yogs la snying po 'di brjod du bcug ste gzhug par bya'o zhes bya ba'i don to//zhugs nas dam tshig ma bsrungs pa de'i nyes dmigs ni 'di khyod kyis su la yang zhes bya ba la sogs pa 'dis ston to/ /dam tshig gnyis su byas te zhes bya ba ni ji ltar rdo rje dbyings kyi dkyil 'khor chen por lag pa g.yas pa'i sor mo'i gung mo la g.yon pa'i khro bo'i lcags kyus gtog cing rdo rje dbab pa'i snying po brjod pa de bzhin du 'dir yang g.yas pa'i mdzub mo'i lcags kyus rdo rje myu gu la g.yon pa'i mdzub mo'i lcags kyus btab cing rdo rje dbab pa'i snying po yang brjod par bya'o//de nas theg pa chen po mngon par 'dus pa yang brjod par bya'o//de nas slob ma de la 'bab par 'gyur ro/ /'di dag ni go sla bas 'dir ma bshad do/ /babs nas rdo rje tshig gis dri bar bya'o zhes bya ba ni 'bras bu ston te/ rdo rje tshig gis ni sgra spangs pa'o/ /'di skad ston te/ babs pa de'i kha dang bdag nyid kyi khar lce la rdo rje bsams te ci nas kyang gzhan sus kyang thos par mi 'gyur ba de ltar brjod par bya'o//rtog pa 'di ni don gyi dngos grub kyi rgyur gyur pa yin pa'i phyir thog ma kho nar gter dri ba nye bar bkod pa byas pa yin no/ /gdong g.yogs dkrol te dkyil 'khor chen po bstan par bya'o zhes gang gsungs pa de nyid ji ltar bstan par bya ba gzhung phyi mas gsal bar ston par byed do//de bzhin gshegs pa thams cad kyi dbang bskur ba'i dam tshig ni 'di yin zhing / rtog pa'i rgyal po dkyil 'khor chen po'i gtso bo yin te/ de bas na nye bar gdags pas de bzhin gshegs pa thams cad kyis dbang bskur ba'i dam tshig kyang bstan te zhes gsungs pa yin no//ji srid kyi bar du bstan par bya zhe na/ bcom ldan 'das de bzhin gshegs pa la thug gi bar du zhes bya ba gsungs so/ /'dis ni rgyal po'i pho brang gi gzhung lugs bstan pa'i phyir bcom ldan 'das de bzhin gshegs pa rnam par snang mdzad tha mar bstan par bya'o zhes ston pa yin te/'dir dang po ma smos mod kyi 'on kyang don gyi dbang gis shes par bya ste/ /dper na rgyal po'i pho brang du 'jug par 'dod pas dang po kho nar sgo srung la sogs pa blta dgos pa dang 'dra'o/ /'di skad ston te/ dang por rdo rje lcags kyu nas brtsams te sgo srung bzhi bstan par bya'o//de nas rdo rje bdug pa nas brtsams te phyi'i mchod pa bzhi'o/ /de nas rdo rje sgeg mo nas brtsams te gsang ba'i mchod pa rnams so/ /de nas bcom ldan 'das rdo rje sems dpa' nas brtsams te/ bcom ldan 'das mi bskyod pa'i bar du'o/ /de nas bcom ldan 'das rdo rje rin chen nas brtsams te bcom ldan 'das rin chen 'byung ldan gyi bar du'o//de nas bcom ldan 'das rdo rje chos nas brtsams te bcom ldan 'das 'od dpag tu med pa'i bar du'o/ /de nas bcom ldan 'das rdo rje las nas brtsams te bcom ldan 'das gdon mi za bar grub pa'i bar du'o/ /de nas sems dpa' rdo rje ma nas brtsams te bcom ldan 'das rnam par snang mdzad kyi bar du'o//rdo rje dbyings la sogs pa'i dkyil 'khor rnams la yang 'di bzhin du blta bar bya'o/ /bcom ldan 'das de bzhin gshegs pa la thug gi bar du zhes bya ba'i tshig 'di'i don ni bar du zhes bya ba'i sgras bsdus pa yin par shes par bya'o//de nas ci 'byor pas mchod pa byas nas zhes bya ba ni dkyil 'khor bstan pa'i 'og tu slob dpon rang nyid dang slob ma'i gtso bo de nyid kyis yo byad ci 'byor bas mchod par bya'o/ /dgos pa thams cad bsgrub par bya'o/ /zhes bya ba ni slob dpon gyis slob ma la dbang bskur ba la sogs pa'i las thams cad bya ba dang /slob mas kyang bsgrub pa'i lung nod pa la sogs pa bya'o/ /de'i 'og tu gzhan yang de nas zhes bya ba la sogs pas ni don 'byung ba'i ye shes ston te/ ye shes kyi phyag rgya ni rang gi lha'i rnal 'byor phyag rgya bzhi dang ldan par byas nas bsgom pa'i rang bzhin gyi phyag rgya ni ye shes kyi phyag rgya yin par shes par bya'o//rdo rje snying po'i phyag rgya che/ /shin tu mnyam par gzhag pas bcings/ /zhes bya ba ni rang gi lha'i rnal 'byor shin tu rtse gcig pas ma g.yengs par bya'o zhes bya ba'i don to/ /rdo rje snying po ni bdag yin no zhes bsgom pa'o//gter brkos nas ni gang dag na/ /gter yod pa de mthong bar 'gyur/ /zhes bya ba ni gang du gter brko bar dri dang me tog la sogs pa byin la/ dang po kho nar rin chen bsngags pa'i phyag rgya bcings nas gtor ma byin la/ gang du gter dang rjes su mthun par brkos na der nges par mthong bar gyur te 'di ni mi bskyod pa'i rigs kyi cho ga'o//da ni rin chen 'byung ldan gyi gnas kyi ston te/ dam tshig gi ni mchog bcings la/ /zhes bya ba ni 'dir phyag rgya chen po yang sbyar bar bya ste/ dam tshig gi mchog nyi tshe smos pa ni gtso bor bstan pa tsam du zad do/ /gang na gter rnams yod 'gyur ba//zhes bya ba ni mtshan ma snang ba la sogs pa'i rnam par 'gyur ba snang ba las 'jig rten pa rnams gang na gter yod par re ba'o/ /der ni phyag rgya btsir na ni/ /zhes bya ba ni rang dgos pa'i gnas su'o/ /phyag rgya zhes bya ba ni dam tshig gi phyag rgya'o/ /btsir ba ni sa la bzhag la sa de rab tu snyi bar bsam par bya ste/a mra'i 'bras bu la sogs smin pa lag pas btsir na tshi gu 'byung ba lta bur bsams nas btsir bar bya'o/ /des rang nyid 'byung bar 'gyur ro/ /da ni pad+ma'i rigs la brten nas rdo rje snying po zhes bya ba la sogs pas ston te/ rdo rje snying po'i ting 'dzin du/ /shin tu mnyam gzhag bsgoms na ni//zhes bya ba la rang gi lha'i rnal 'byor phyag rgya bzhi dang ldan par byas la mi g.yeng ba'i yid kyis bsgoms na gter gang na gnas pa shes par 'gyur te/ 'dir ni chos kyi phyag rgya gtso bo yin par shes par bya'o/ /rdo rje snying po'i ting nge 'dzin gyis zhes bya ba la sogs pas ni las kyi rigs su gtogs pa'i sbyor ba ston te/'dir yang rdo rje snying po'i ting nge 'dzin phyag rgya bzhi dang ldan pa de bzhin du byas la phyogs gang du gter yod par re ba der 'chag cing 'gro bar bya ste/ gnas gang du de 'bebs par 'gyur ba de na gter yod do zhes shes par bya'o/ / 'dir ni las kyi phyag rgya gtso bo yin par shes par bya'o/ /sbyor ba 'di bzhi char la yang zla ba bzhi'i bar du thun bzhir phyag rgya bsgom zhing dri dang me tog la sogs pas mchod pa bya ba'am tha na zla ba gcig gi bar du dang por sngon du bsten pa byas la gang na gter yod par re ba der song nas sa yongs su sbyang ba byas te 'byor pa yod na dkyil 'khor bri bar bya'o//gal te ma 'byor na dri dang me tog dang phreng ba la sogs pa byin la sbyor ba 'di rnams bsgrub par bya'o/ /'di dag ni 'og nas bshad pa'i sbyor ba gzhan rnams la yang shes par bya'o/ /phyag rgya chen por bsgoms na ni/ /zhes bya ba la sogs pa la de bzhin du rang gi lha'i rnal 'byor byas la/gang na gter yod par re ba der sems mnyam par gzhag pas 'chag par bya'o/ /gang du lus ni 'khor gyur ba/ /zhes bya ba ni gnas gang du lus 'khor bar gyur pa der ni rin po che'i rang bzhin gyi gter yod bar shes par bya ste khyad par ni 'dir de yin no//dam tshig nyid kyis zhes bya ba 'dis ni 'di skad ston te/ dam tshig bsrungs pas las rnams 'grub par 'gyur gyi gzhan du ni ma yin no zhes bya ba ste 'di ni mi bskyod pa'i rigs kyi sbyor ba'o/ /dam tshig mchog ni bcings nas kyang / /zhes bya ba ni snga ma dang 'dra'o/ gang du bsams nas gnyis gyur pa/ /zhes bya ba ni gter gang na yod du re ba'i gnas der 'chag pa dang / dam tshig gi phyag rgya gang du rang nyid 'bye zhing dbang med par gnyis su gyur pa de na gter yod par shes par bya'o/ /sbyor ba gsum pa la yang chos kyi phyag rgya gtso bor gyur par bsgom zhing gter yod par re ba'i gnas gang yin pa der rin po che'i gter rang nyid smra bar 'gyur ro//sbyor ba bzhi pa la yang las kyi phyag rgya gtso bor gyur pas rang gi lha'i rnal 'byor byas te yod du re ba'i gnas su 'chag par byas na gang du lag pa la babs pas las kyi phyag rgya rang grol zhing dam tshig gi phyag rgya bcings par gyur pa de na yod pa yin no//lhag ma rnams ni go sla'o/ /phyag rgya chen po bsgoms nas ni/ /zhes bya ba la sogs pa la ye shes shes par bya ba ni phyag rgya bzhi dang ldan pa'i rang gi lha'i rnal 'byor byas la/ phyag rgya chen po gtso bor gyur pas gang na yod par re ba der bsgoms na sngar bshad pa'i tshul bzhin der de'i ye shes skye bar 'gyur ro zhes gsungs pa yin no//gnyis par yang dam tshig gi phyag rgya grol bas gter kha bye bar 'gyur bar shes par bya'o/ /gsum par yang ting nge 'dzin gyi phyag rgya dgos pa'i gnas su bsgoms na nges par 'di na gter yod do zhes ye shes skye bar 'gyur te 'di ni chos kyi phyag rgya gtso bo yin par shes par bya'o//sbyor ba bzhi par yang yod par re ba'i gnas su las kyi phyag rgya gtso cher bcings nas gang du bye ba de na gter yod par shes par bya'o/ /phyag rgya chen po zhes bya ba la sogs pa ni snga ma bzhin te/phyag rgya chen po bsgoms nas gang du babs par gyur pa de na gter yod par shes par bya'o/ /sbyor ba gnyis par yang dam tshig gi phyag rgya gtso bor byas pas dam tshig gi phyag rgya bstan par gyur na gter yod par shes par bya'o/ /gsum par yang chos kyi phyag rgya gtso bor gyur pas gang du ye shes skyes pa de na gter yod par shes par bya'o//bzhi par yang las kyi phyag rgya gtso bor gyur pas gang du 'chag pa na las kyi phyag rgya 'khor bar gyur pa nye bar skye ba de na gter yod pa ston pa yin no/ /rab tu byed pa 'dir yang rdo rje sems dpa' la sogs pa 'khor los sgyur ba bzhi ni dang po bzhi yin par shes par bya'o//de bzhin du gnyis pa rnams kyi ni gnyis pa'o/ /gsum pa rnams kyi ni gsum pa'o/ /bzhi pa rnams kyi ni bzhi pa ste/ /de ltar na sbyor ba bcu drug tu 'gyur ro/ /'dir ji lta ba de bzhin du rdo rje dbyings la sogs pa'i dkyil 'khor rnams dang 'og nas bshad pa'i dkyil 'khor rnams la yang shes par bya'o//de nas zhes bya ba la sogs pa la gsang ba ni sbas pa la bya'o/ /de'i phyag rgya gang yin pa de ni gsang ba'i phyag rgya'o/ /de'i ye shes te de bslab pa ni bstan to zhes bya ba'i don to/ /da ni/ dbang po gnyis ni mnyam sbyor la//zhes bya ba la sogs pas gsang ba de ston te bdag nyid phyag rgya chen po'i gzugs su yongs su bskyed la lha gang yin pa yang der bzhugs par bya ste 'di ni gnyis so/ /gnyis po 'di'i dbang po gnyis ni dbang po gnyis te dbang po ni mig la sogs pa'o/ /de rnams mnyam par sbyor ba ni ro gcig par gyur pa ste/phyag rgya chen po bskyed la rang gi lha dgug pa dang / gzhug pa dang bcing ba dang / dbang du bya bas bdag gang yin pa de ni bdag gi lha yin la bdag gi lha gang yin pa de ni bdag go zhes de ltar ro gcig par gyur pa'i dbang po gnyis mnyam par sbyor bas phyag rgya chen po bsgoms na bab par gyur na gter rnyed do zhes bya ba babs pa ni mngon par zhen pa ste brtan por gzung ba'o//de lta bu'i mngon par zhen pas nges par gter rnyed par 'gyur ro zhes bya ba'i don to/ /dam tshig mchog ces bya ba la sogs pa la dam tshig gi phyag rgya bcing ba ste de nyid ni bud med do//de dang rtse ba ni sems brtan par byed pa de yul gzhan la bsgyur mi ster bar de nyid la dga' ba bskyed pa'o/ /gang du phyag rgya dam gyur pa/ /zhes bya ba ni gang du dam tshig gi phyag rgya de dgrol bar 'dod kyang dgrol bar mi nus pa de ni brtan par gyur pa yin te 'di gang du 'byung ba'i gnas de na gter yod pa yin par ston to//gsum par/ dbang po gnyis ni mnyam sbyar ba/ /zhes bya ba la sogs pa ni go sla'o/ /bzhi par yang las kyi phyag rgya de 'dzin bzhin du dbang med par byed par gyur pa de na gter yod par ston pa yin no/ /sngar phyag rgya bzhi'i sbyor ba bcu drug bstan pa la phyag rgya bzhi'i sbyor ba la yang rang gi lha dgug pa la sogs pa byas mod kyi ji srid tha mi dad pa la sogs par lhag par mos par ma byas pa de srid du dgos pa 'grub par mi 'gyur ro zhes bya ba'i don 'di bstan par bya ba'i phyir sbyor ba 'di bzhi nye bar dgod par mdzad pa yin par shes par bya'o//de bzhin du gzhan dag la yang shes par bya'o//de ltar phyag rgya bzhi'i sgrub pa'i cho ga rdzogs par mdzad nas/ da ni de nas zhes bya ba la sogs pa phyag rgya de bzhin nor bu'i rigs yin par ston to/ /de nas nor bu'i rigs chen po'i phyag rgya'i ye shes bslab po zhes bya ba la/ de nas zhes bya ba ni rjes thogs la ste las bstan pa'i rjes la'o//nor bu'i rigs kyang yin la chen po yang yin pas na nor bu'i rigs chen po'o/ /nor bu'i rigs chen po de'i phyag rgya thams cad ni phyag rgya rnam pa bzhi ste/ de'i ye shes yin pas na phyag rgya thams cad kyi ye shes so/ /de bslab po zhes bya ba ni de nyid nye bar ston to zhes bya ba'i don to//phyag rgya rnams pa bzhi'i nang na yang phyag rgya chen po gtso bor gyur pa yin pas na de dang po nyid du bstan par bya ba'i phyir de nas phyag rgya chen po ni 'di yin te zhes bya ba gsungs so/ /de ji lta bur 'byung ba bstan par bya ba'i phyir/ ji lta ba yi ri mo bzhin/ /phyag rgya chen po bsgoms nas ni//zhes bya ba gsungs so/ /'di skad ston te/ dkyil 'khor du zhugs nas slob dpon gyis lha'i sku ji lta bur bstan pa de lta bu'i gzugs su bdag nyid bsgom par bya'o/ /ci'i phyir gzugs de bsgom zhe na/ don gyi mchog kun 'grub par 'gyur/ /zhes bya ba gsungs so/ /da ni phyag rgya chen po'i spyir bstan pa rnams kyi so so'i 'bras bu bstan pa'i phyir de nas phyag rgya chen po rnams kyi las ni 'di rnams yin no zhes gsungs pa yin no//de la re zhig thog ma kho nar sangs rgyas kyi phyag rgya chen po bsgoms pa'i 'bras bu ni/ sangs rgyas phyag rgya sangs rgyas nyid/ /ces gsungs pa yin no//rdo rje snying pos gnyis rab grub/ /ces bya ba ni mi bskyod pa'i gnas dang / rdo rje sems dpa'i gnas kyi phyag rgya gang yin pa'i lha de nyid bzung ste/ gnyis rab grub ces bya ba ni grub pa bzang po yin pas na rab grub pa ste dngos grub kyi mchog ces bya ba'i don to/ /rin chen lcags kyu la sogs pa phyag rgya gsum gyi 'bras bu ni go sla'o//nor bu lta bas nor 'phrog pa/ /zhes bya ba la 'di'i 'bras bu nor 'gugs pa nyid yin par ston te/ phyag rgya 'di ni rin chen 'byung ldan gyi gnas kyi'o/ /lhag ma rnams ni go sla'o/ /rin chen bshad pas nor 'phrog 'gyur/ / zhes bya ba la 'di'i 'bras bu yang nor 'dres pa yin par ston te/ dgod pa'i bzhin gyis gang yang rung ba la bsnyen bkur byas pa des nor sbyin par 'gyur bas na 'di'i 'bras bu nor 'gugs pa yin par gsungs so/ /rin chen chos kyis chos kyang 'thob/ /ces bya ba ni 'od dpag tu med pa'i gnas kyi phyag rgya gang yin pa de bsgoms na phyin ci ma log pa'i ye shes skye bar 'gyur bas na de'i phyir 'di phyin ci ma log pa'i chos ston par 'gyur te 'di ni 'di'i 'bras bu yin no//gtong ba'i mchog gis dam pa rnyed/ /ces bya ba ni 'jig rten dbang phyug gi gnas kyi phyag rgya ni gtong ba'i mchog ste de'i rnyed pa ni 'bras bu'i mchog nyid 'thob par 'gyur ba'o//rin chen ral gris mdzod chen po/ /zhes bya ba ni bcom ldan 'das rdo rje rnon po'i gnas kyi phyag rgya ni rin chen ral gri'o/ /de'i 'bras bu ni mdzod chen po ste nor mdzod spel bar 'gyur ro/ /de yang gang gi phyir sa bdag ral gri 'byin pa rnams kyi nor mdzod 'phel bar 'gyur ba bzhin du shes rab kyi ral gri rang bzhin can gyi blo dang ldan pa rnams ni nor 'phel bar 'gyur te/de bas na/ rin chen ral gris mdzod chen po/ /zhes bya'o/ /nor bu'i 'khor los bdag por 'gyur/ /zhes bya ba la rdo rje'i 'khor lo'i gnas kyi phyag rgya ni nor bu'i 'khor lo ste/de'i 'bras bu ni rgyal srid la sogs pa'i bdag por 'gyur pa'o/ /smras pas btsal ba'i dngos grub thob/ /ces bya ba ni rdo rje smra ba'i gnas kyi phyag rgya ni smra ba'o/ /de'i 'bras bu ni mngon par 'dod pa'i don thob par 'gyur ba ste/ des rang gi lha'i rnal 'byor byas la rdo rje'i lce bdag dang sbyin pa po gnyi ga'i khar bsams nas dri dang me tog la sogs pa byin te/snying po brgya stong bzlas la gzhan dang lhan cig smra bar mi byed par gang la bslang bar bya ba de nyid la dang por che ge mo nga la byin cig ces smras na nges par ster bar 'gyur ro/ /rin chen char gyis nor chen po/ /zhes bya ba la 'di ni gdon mi za bar grub pa'i gnas kyi phyag rgya ste/'dir yang de bzhin du rang gi lha'i rnal 'byor byas la dri dang me tog la sogs pa phul te/ rang gi khyim gyi dbus su 'dug la rin po che'i char 'bebs pa'i phyag rgya spyi bor bzhag la nor gyi char pa phob shig ces thun bzhir sbyor bas nor thams cad kyi char 'bebs par bsam pa nyin re zhing thun bzhi bzhir byas na de'i 'og tu nor che bar 'gyur ro//nor bu'i mchod pas rab mchod nyid/ /ces bya ba 'di ni rdo rje las kyi gnas kyi phyag rgya ste/ 'dis kyang snga ma bzhin du de bzhin gshegs pa rnams la mchod pa byas na 'jig rten thams cad kyi mchod pa nyid 'thob par 'gyur ro//rin chen go chas brtan par byed/ /ces bya ba 'di ni rdo rje srung ba'i gnas kyi phyag rgya ste go cha bcings pas rdo rje'i lus su byed pas na de'i phyir brtan par byed ces gsungs so/ /rin chen mche bas nor 'phrog go/ /zhes bya ba 'di ni rdo rje gnod sbyin gyi gnas kyi phyag rgya ste/'di bsgoms pa nyid kyis lha'i 'jig rten gyi nor sbyin par 'gyur ro/ /khu tshur nor bus dngos grub 'thob/ /ces bya ba 'di ni rdo rje khu tshur gyi gnas kyi phyag rgya ste/ 'di bsgoms pas de la bgegs kyis tshugs par mi 'gyur bas na/ khu tshur nor bus dngos grub 'thob//ces gsungs pa yin no/ /de ltar phyag rgya chen po'i dkyil 'khor rdzogs par bstan nas/ dam tshig gi phyag rgya ston par bzheng pa'i phyir/ /de nas dkyil 'khor chen po 'di'i/ /zhes bya ba la sogs pa gsungs pa yin te/ dam tshig gi phyag rgya'i ye shes ni 'di yin no zhes bya ba la/dam tshig 'dzin pa'i phyag rgya ni dam tshig gi phyag rgya ste de'i ye shes yin pas na dam tshig gi phyag rgya'i ye shes so/ /de 'di yin no zhes bya ba ni lung dbog pa'i dus la babs pas na de 'di yin no zhes ston pa'o/ /rdo rje rin chen zhes bya ba la sogs pa la rdo rje rin chen ni rdo rje dbyings kyi dkyil 'khor du bstan pa'i bcom ldan 'das te de'i phyag rgya gang yin pa de ni rdo rje rin chen gyi phyag rgya'o//sangs rgyas kun gyi dbang bskur 'thob/ /ces bya ba 'dis ni de'i las ston pa yin te/ 'di'i phyag rgya ni rdo rje bsdams pa las mdzub mo gnyis nor bur byas nas mthe bo gnyis sbrel la gzhag pa ste/ 'di yang bcom ldan 'das rnam par snang mdzad kyi gnas su shes par bya'o//sems dpa' rdo rje ma'i gnas su yang 'di nyid 'byung zhing dkyil 'khor du 'jug pa'i dam tshig gi phyag rgya yang 'di nyid yin na/ /rdo rje nor bu che bcings na/ /zhes bya ba la sogs pas ni de nyid kyi 'bras bu ston to/ /rdo rje gnyis zhes bya ba la sogs pa la rdo rje gnyis ni khro bo'i khu tshur bcings te/de gnyis kyi mdzub mo gnyis nor bur byas la rdo rje 'dzin las nor 'thob po zhes bya ba ste/ 'dis ni de'i 'bras bu ston to/ /phyag rgya 'di ni mi bskyod pa'i gnas kyi yin par shes par bya'o/ /de nyid ces bya ba la sogs pa la rdo rje khro bo'i khu tshur de nyid las rdo rje nor bu'i phyag rgya bsgrengs pa mthe bo gnyis kyi rdo rje dang bcas pa ni rin chen 'byung ldan gyi gnas kyi phyag rgyar 'gyur ro//sbyin te zhes bya ba 'dis ni 'bras bu ston to/ /mdzub gnyis pad+mo'i nor bu bcings/ /zhes bya ba 'di khro bo'i mdzub mo gnyis po nyid nor bur bcings pa ste/ tshigs gsum pa cung zad bkug la pad+mo kha ma bye ba lta bur bya ba 'di ni snang ba mtha' yas kyi phyag rgya'o/ /'jig rten dbang gi nor sbyin 'gyur/ /zhes bya ba ni 'di'i 'bras bu'o/ /rdo rje las zhes bya ba la sogs pa la lag pa gnyis kyi gung mo'i sor mo gnyis nor bur byas la sor mo gzhan rnams brkyang ste kun du sbyin par bya'o//nor bu chen po'i rgyal mtshan sbyin/ /zhes bya ba ni 'di'i 'bras bu ston pa yin no/ /'di yang gdon mi za bar grub pa'i gnas kyi phyag rgya yin par shes par bya'o/ /bdag po lnga'i gnas su phyag rgya lnga bstan nas/ da ni yang rnam par snang mdzad kyi gnas kyi phyag rgya bstan par bya ba'i phyir//rdo rje dbyings mdzub nor mchog gis/ /zhes bya ba gsungs te/ rdo rje dbyings kyi dkyil 'khor gyi nor bu'i mchog ni rin chen sems ma'o/ /de nyid kyang 'dir ni rnam par snang mdzad kyi gnas kyi phyag rgya gnyis par 'gyur te/ phyag rgya snga ma ni dkyil 'khor byin gyis rlob pa yin la gnyis pa ni dam tshig gi phyag rgya dang dgod pa'i phyag rgya'o//rig pa dam pa ni der gcig pu nyid las gnyis la sbyar bar bya'o/ /yang bdag po lhag ma rnams kyi rig pa dam pa gcig ni dkyil 'khor byin gyis rlob pa yin la/ gnyis pa dgod pa'i sngags yin no/ /lhag ma rnams kyi ni dgod par byed pa'i sngags 'ba' zhig tu zad do//mdzub mo bsnyams te zhes bya ba la sogs pa la rdo rje bsdams pa las mdzub mo bsnyams pa gnyis rgyab bkug la zhes bya ba tshigs dbus ma gnyis bcag na rin po cher 'gyur ro/ /ci de tsam du zad dam zhe na/ mthe bo rdo rje bcings pa yi//zhes bya ba gsungs so/ /'di skad ston te/ rdo rje mthe bo dang bcas par bsgreng bar bya'o/ /rdo rje snying po'i phyag rgya las/ zhes bya ba ni 'byung ba'i rgyu ston pa'o/ /'di ni rdo rje nor bur gsungs/ /zhes bya ba ni bka' stsal pa'o/ /'di ni zhes bya ba la sogs bas ni 'bras bur gsungs pa yin te/'di yang sems dpa' rdo rje ma'i gnas kyi phyag rgya'o/ /mdzub gnyis rin chen zhes bya ba la sogs pa la/ mdzub gnyis rin chen 'dren bcings la/ /zhes bya ba ni rdo rje rin chen ma'i phyag rgya 'dra bar bcings pa'o/ /ji lta bur zhe na/ gung mo myu gur bsgreng ba ste/ /zhes bya ba ste/ gung mo gnyis kyi rin po che bkrol la sbyar bar bya'o/ /mthe bo gnyis de bzhin du rin po cher gzhag pa 'di ni rdo rje rin chen ma'i gnas kyi phyag rgya'o/ /'di ni zhes bya ba la sogs pa ni dbang bskur ba thob par 'gyur bar 'bras bu ston pa yin no/ /de las zhes bya ba ni bshad ma thag pa'i rdo rje rin chen ma'i phyag rgya las gung mo dang /srin lag dang / mthe'u chung pad+mo kha ma bye ba lta bur byas na rdo rje chos ma'i gnas kyi phyag rgyar 'gyur ro/ /'dir zhes bya ba la sogs pas ni 'di'i 'bras bu nor rnyed pa la sogs pa yin par ston to/ /mdzub mo mthe'u chung rnams zhes bya ba la sogs pa la rdo rje bsdams pa las mdzub mo gnyis dang mthe bo gnyis dang mthe'u chung rnams rdo rje rin po che'i tshul du nor bur bya zhing gung mo gnyis bsgreng ba btud de rtse sprad la srin lag gnyis gshibs nas bsgreng ba 'di ni rdo rje las ma'i gnas kyi phyag rgya'o//de ltar dkyil 'khor dbus ma 'khor dang bcas pa bstan nas/da ni dkyil 'khor bzhi po'i phyag rgya bstan par bya ba'i phyir rdo rje bsdams pa zhes bya ba la sogs pa gsungs pa yin te/ rdo rje bsdams pa dang bcas la/ /mdzub gnyis nor bur byas nas kyang / /zhes bya ba ni mdzub mo gnyis nor bur bcings la mthe bo gnyis brkyang ngo / /ngos zhes bya ba de gnyis kyi ngos brkyang nas snying gar gzhag par bya'o//don kun grub pa sbyin par byed/ /ces bya ba ni 'di'i 'bras bu ston to/ /'di ni mi bskyod pa'i gnas kyi phyag rgya gnyis pa ste/ dang po ni dkyil 'khor byin gyis rlob par byed pa'i sngags dang po yin la/ 'di ni sngags gnyis pa dgod par byed pa'i dam tshig gi phyag rgya yin no//lhag ma gsum la yang de bzhin du shes par bya'o/ /rdo rje bsdams pas zhes bya ba la sogs pas ni rdo rje sems dpa' la sogs pa'i phyag rgya ston to/ /rdo rje bsdams pa bcings la gung mo gnyis nor bur byas na rdo rje sems dpa'i gnas kyi phyag rgyar 'gyur ro/ /nor bu'i mtshan ma ni 'dir 'khor los sgyur ba'i bcom ldan 'das rdo rje rin chen nyid do//nor bu rin chen rab sbyin no/ /zhes bya bas ni 'bras bu ston to/ /de nyid ces bya ba la sogs pa la de nyid de/ phyag rgya 'das ma thag pa las mdzub mo gnyis lcags kyu'i tshul du byas pa dang ldan pas ni don thams cad 'gugs pa ste rdo rje rgyal po'i gnas kyi phyag rgyar 'gyur ro//'di la ming ji skad ces bya zhe na/ nor bu rin chen lcags kyur bshad/ /ces bya ba gsungs so/ /de nyid ces bya ba la sogs pa la de nyid ces bya ba ni rdo rje sems dpa'i gnas kyi phyag rgya gang yin pa'o/ /bsgyur nas kyang zhes bya ba ni g.yon logs su drangs par pa'o//mdzub mos mdzub mo bzung nas ni/ /zhes bya ba ni mdzub mo g.yas pas mdzub mo g.yon pa bzung ba'o/ /ji lta zhe na/ mnga' 'phangs pa yi tshul byas la/ /zhes bya ba gsungs so/ /ci zhig byed ce na/ drangs nas zhes bya ba gsungs so/ /de'i 'bras bu ci zhig yin ce na/ 'gro ba dga' bar byed ces bya ba gsungs te 'di ni rdo rje chags pa'i gnas kyi phyag rgya'o//de nyid ces bya ba la sogs pa la de nyid ces bya ba ni rdo rje sems dpa'i gnas kyi phyag rgya gang yin pa'o/ /mdzub mtheb gnyis sbyar ba zhes bya ba ni mdzub mo dang mthe bo gnyis ngos sprad pa'o/ /ming ji skad ces bya ba'i phyag rgyar 'gyur zhe na legs so zhes gsungs so//de las zhes bya ba 'dis ni rin po che'i rigs su gtogs pa'i phyag rgya ston te/ /de la zhes bya ba rdo rje sems dpa'i gnas kyi phyag rgya gang yin pa'o/ /mthe bo gnyis sbyar ba yis/ mdzub gnyis rtse mor dgab ces bya ba ni mdzub mo gnyis kyi rtse mo mthe bo gnyis kyis mnan pa ste rtse mo zhes ma smos su zin kyang don gyi dbang gis shes par bya'o//ji ltar mnan zhe na/ de bzhin zhes bya ba gsungs te/ de bzhin zhes bya ba 'dis ni 'das ma thag pa'i phyag rgya'i sbyor ba ston to/ /mthe bo gnyis ni dbus sbyar la/ /mdzub gnyis ngos dang sbyor ba ni/ /zhes bya ba ni yang khar bzhag la ji ltar bcas pa'i phyag rgya'i mthe bo dang /mdzub mo'i bar du blta bar bya'o/ /ming ji skad ces bya ba'i phyag rgyar 'gyur zhe na/ nor bu'i lta bar bshad pa ste/ /zhes bya ba gsungs pa yin na/ /'di'i 'bras bu ci zhig yin zhe na/ lta ba'i don rnams 'phrog byed pa'o/ /zhes bya ba gsungs so/ /phyag rgya 'di ni rin chen 'byung ldan gyi gnas kyi yin te/rab tu byed pa'i mtshams sbyar ba ni snrel zhir yod par shes par bya'o/ /don kun 'grub par zhes bya ba la sogs pa la don thams cad 'grub pa'i phreng ba ni mi bskyod pa'i gnas su bstan pa'i phyag rgya gang yin pa de la phreng ba zhes bya ba'i sgrar gsungs te/ rdo rje bsdams pa las mdzub mo gnyis nor bur byas la mthe bo bsgreng ba'i rtse mo dbral zhing gung mo gnyis kyang nor bur bya ba dang /mthe bo gnyis kyi rtse mos nor bur 'gyur te/ phreng ba de rang gi dbang bskur ba'i gnas su bzhag na rin chen phreng ba zhes bya ba ste/ rdo rje rin chen gyi phyag rgyar 'gyur ro//de nyid ces bya ba la sogs pa la de nyid ces bya ba ni bshad ma thag pa'i phyag rgya de nyid snying gar mthe bo gnyis sbyar ba'i rtse mo sbyar ba'i sbyor ba byas na nor bu'i nyi ma zhes bya ba'i phyag rgyar 'gyur ro/ /ni zhes bya ba ni nyid ces bya ba'i don to/ /rtse mo sbyar ba'i sbyor ba las 'gyur gyi gzhan du ni ma yin no//'di'i 'bras bu ci zhig yin ce na/ gzi brjid chen po rab sbyin 'gyur/ /zhes bya ba gsungs so/ /srin lag bsnyams te zhes bya ba la sogs pa la phyag rgya bshad ma thag pa nyid las srin lag gnyis gshibs te spyi bor gzhag na ba dan du 'gyur ro/ /ci de kho nar zad dam zhe na/ ma yin te phye ste zhes bya ba gsungs te/ srin lag gi rtse mo dbye ba'o/ /ming ji skad ces bya zhe na/ rdo rje nor bu rin po'i gtso/ /zhes bya ba gsungs so/ /'di'i 'bras bu gang zhig yin zhe na/ re ba thams cad rdzogs byed pa'o/ /zhes bya ba gsungs so/ /'di ni rdo rje dbal gyi gnas kyi phyag rgya'o/ /de nyid ces bya ba la sogs pa la de nyid ces bya ba ni bshad ma thag pa'i phyag rgya ste/de khar bzhag na bzhad pa'i tshul du 'gyur te de dgod pa ni kha dang 'brel pa'i phyir ro/ /ci kha'i gnas su bzhag pa 'ba' zhig tu zad dam zhe na ma yin te 'gying byed cing / bskor ba zhes bya ba gsungs te/ 'gying bas bskor ba ni bzhad mo ston pa'i tshul du kha 'gram g.yas g.yon gnyis su lag pa gnyis bskor ba'o//phyag rgya 'di'i ming ji skad ces bya zhe na/ rin chen cher dgod ces bya ba/ /zhes gsungs so/ /'di'i las ni ci zhig byed zhe na/ bzhad pas don rnams thams cad 'thob/ /ces gsungs pa yin no//kun rtse zhes bya ba la sogs pa la sor mo thams cad kyi rtse mo ni tshigs gsum pa ste/ de rnams bkug nas nor bur byed pas na kun rtse nor bu'o/ /kun rtse nor bu'i phyag rgya de nyid snang ba mtha' yas kyi gnas su rtogs pas na/ kun rtse nor bu pad+mo ni/ /zhes bya ba'o/ / 'di'i las ci zhig yin zhe na/ nor 'phrog pa zhes bya ba ste nor skyed par byed pa zhes bya ba'i don to/ /ji ltar skyed ce na/ ting nge 'dzin gyis zhes bya ba gsungs pa yin no/ /de las zhes bya ba ni kun rtse nor bu'i pad+mo'o/ /mtha' nas dgrol ba zhes bya ba mthe'u chung gi sor mo'i rin po che bkrol te sbyin pa gtong ba'i tshul du bstan na//de lta bus ni mthe'u chung la sogs pa sbyin pa'i phyag rgyar 'gyur ro/ /'di'i las ci zhig yin zhe na/ sbyin pa chen po rab sbyin byed/ /ces gsungs so/ /'di ni rdo rje chos kyi gnas kyi phyag rgya'o/ /mthe bo gnyis ni zhes bya ba la sogs pa la nor bu'i pad+ma'i phyag rgya de nyid//mthe bo gnyis ni nang du dgug /ces bya ba mthe bo gnyis mnyam por gshibs la nang du gzhug par bya'o/ /mdzub gnyis nor bur byas pa ni/ /zhes bya ba ni mdzub mo gnyis nor bu'i dbyibs lta bur gzhag par bya'o/ /sor mo lhag ma rnams ni don gyi dbang gis na rdo rje bsdams pa'i tshul du bzhag pa yin par shes par bya'o//de lta bu'i phyag rgya de ming ji skad ces bya zhe na/ nor bu ral gri yin te zhes bya ba gsungs so/ /'di'i las ci zhig yin zhe na/ nor 'phrog pa'o zhes bya ba gsungs so/ /su zhig gi yin zhe na/ de'i phyir 'gro ba rnams kyi zhes bya ba gsungs so/ /ji ltar zhe na/de'i phyir mthus zhes bya ba gsungs so/ /'di ni rdo rje rnon po'i gnas kyi phyag rgya'o/ /rdo rje bsdams pa zhes bya ba la sogs pa la/ rdo rje bsdams pa bcings pa lam bkrol ba nyid du sor mo rnams phan tshun 'khor lo lta bur bsnol ba bstan pa 'di ni rdo rje bsdams pa'i rtse mo 'khor lor 'gyur ro//mtheb gnyis nang du bcug nas kyang / /zhes bya ba ni mthe bo gnyis bsnyams te nang du gzhug pa'o/ /'dir nor bu lta bu gang yin zhe na/ mdzub gnyis nor bu 'dra byas la/ /zhes bya ba gsungs so/ /'di'i 'bras bu ci zhig yin zhe na/ 'khor los sgyur ba 'thob par byed//ces bya ba gsungs pa yin te/ 'di ni rdo rje rgyu'i gnas kyi phyag rgya yin no/ /de nyid ces bya ba la sogs pa la de nyid ces bya ba ni bshad ma thag pa'i phyag rgya'o//thal mo'i tshul du byas zhes bya ba ni rdo rje thal mo 'dra bar byas pa'o/ /ci zhig bya zhe na/ kha nas 'dren par byas pa ni//zhes bya ba gsungs so/ /de ltar bcings pa de'i ming ji skad ces bya zhe na/ de bcings pa ni ngag yin te/ /zhes bya ba gsungs so/ /'di'i las ci zhig yin zhe na/ rang gi bkas ni nor 'phrog 'gyur/ /zhes bya ba gsungs pa yin no/ /'di skad ston te/ rang gi lha'i rnal 'byor byas la zla ba gcig gam zla ba bzhi'i bar du sngon du bsnyen pa byas te/mtshan ma thob nas sgrub pa la zhugs te gang 'dod pa de smra zhing bdag nyid la 'di ltar gyur cig ces bya ba yang de la de bzhin du 'gyur ro/ /rdo rje nor bu che bcings la/ /zhes bya ba la sogs pa la rdo rje nor bu chen po ni gung mo'i sor mo gnyis nor bur byas la sor mo thams cad kun du brkyang ba ste de bcing bar bya'o//des cir 'gyur zhe na/ rin chen char ni rab 'bebs te/ /zhes bya ba gsungs so/ /de nas ci zhig bya zhe na/ sor mo thams cad bsgrengs nas ni/ /phyogs bzhi nas ni nor char 'bebs/ /zhes bya ba gsungs so/ / 'di skad ston te/ gung mo'i rin po che ma bkrol la sor mo lhag ma rnams kyi rtse mo bsgrengs nas 'dud cing bsgreng la phyogs bzhi char nas kyang gser la sogs pa'i char 'bebs pa'i tshul du bstan par bya ste/ 'di ni gdon mi za bar grub pa'i gnas kyi phyag rgya'o/ /yang / rdo rje nor bu che bcings la/ /zhes bya ba la sogs pa la rdo rje nor bu chen po bcing ba ni bshad zin pa ste de bcing ba'o//ji ltar zhe na/ gar byas zhes bya ba ste gar bya ba'i tshul bstan pas so/ /gang du bcing zhe na/ gtsug phud dbus bzhag nas zhes bya ba gsungs so/ /'di skad ston te/ lag pa'i rtse mo gar byed par ston cing rdo rje nor bu chen po bcings la gtsug tor gyi gnas su gzhag par bya'o//de ltar na sangs rgyas dang byang chub sems dpa' rnams cho ga bzhin du yang dag par mchod par 'gyur ro/ /de ltar yang dag par mchod pas cir 'gyur zhe na/ rin chen kun gyis de mchod 'gyur/ /zhes bya ba gsungs pa yin no//don kun grub pa zhes bya ba la sogs pa la don kun grub pa'i phyag rgya ni/ mgrin pa'i phyogs su 'khyud par bya/ /zhes bya ba ni don thams cad grub pa'i phyag rgya ni bshad zin to/ /de mgrin pa'i phyogs su 'khyud pa ni mdzub mo gnyis kyi rtse mo reg par bya ba ste/ 'di ni go cha'i phyag rgya'o/ / 'di'i ming ni ji skad ces bya zhe na/ nor bu bcings pa zhes bya ba ste zhes bya ba'o/ /'dis ci zhig byed ce na/ srung ba yi ni cho gar grags/ /zhes gsungs so/ /de nyid ces bya ba la sogs pa la de nyid ni don thams cad grub pa'i phyag rgya ste/ rdo rje gnod sbyin gyi gnas su bya'o/ /ci'i phyir de der bstan zhe na/don kun grub pa'i phyir zhes bya ba gsungs te/ 'dis ni dngos grub thams cad sgrub pa'i tshe na 'di dgos so zhes ston to/ /dngos grub thams cad sgrub pa'i dus su ji ltar dgos she na/ gnod sbyin tshul du zhes bya ba gsungs so/ /'di skad ston te/ mthe bo gnyis kyi rtse mo phye ba 'ba' zhig gis mche bar 'gyur bar ma zad kyi/mdzub mo gnyis kyi rtse mo yang phral la mche bar bya'o/ /de ltar byas pa de gang du bzhag na dngos grub thams cad byed par 'gyur zhe na/khar bzhag na zhes bya ba gsungs so/ /'di la ming ji skad ces bya zhe na/ nor bu'i mche ba zhes bya ste/ zhes bya ba gsungs te/don thams cad 'grub pa ni 'grub pa'i tshe 'ba' zhig tu ma zad kyi/ 'jigs pas don kun 'phrog pa'o/ /zhes bya ba ste 'jigs par byed pas don thams cad 'phrog par 'gyur zhes bya ba'o/ /rdo rje bsdams pa zhes bya ba la sogs pa la/ rdo rje bsdams pa dam byas la/ zhes bya ba ni rdo rje bsdams pa bcings nas nor bu'i khu tshur du bya'o/ /ji lta bur zhe na/ mdzub bkug ces bya ba ste mdzub mo gnyis bkug pa'o/ /ci 'di tsam zhig kho nas rin po che'i khu tshur du 'gyur ram zhe na/ ma yin te mthe bo gnyis kyis ni legs par mnan te btsir ba ni zhes bya ba ste/mthe bo gnyis kyis legs par bzung la dam du btsir bar bya'o/ /'di skad ston te/ mdzub mo gnyis bkug pa'i rtse mo gnyis mthe bo'i rtse mos legs par bzung zhing btsir bar bya'o/ /nor bu'i khu tshur 'dis ci zhig byed ce na/ nor bu'i khu tshur dngos grub sbyin//zhes bya ba gsungs so/ /da ni mchod pa'i phyag rgya rnams bstan par bya ba'i phyir/ dam tshig rnams kyi mchod mchog rnams/ /zhes bya ba la sogs pa'i gzhung gsungs te/ mchod pa'i dam tshig ni mchod pa'i lha mo rnams so/ /de rnams kyi phyag rgya ji ltar 'byung zhe na/rdo rje dbyings kyi tshul du ni/ /zhes bya ba gsungs so/ /'di skad ston te/ rdo rje dbyings kyi dkyil 'khor chen por sgeg mo la sogs pa'i dam tshig gi phyag rgya tshul gang dang gang gis bstan pa de bzhin du 'dir yang bya ba'o/ /der ni de rnams kyi phyag rgya rdo rje bsdams pa las 'byung na 'dir gang las bya zhe na/ji bzhin nor bu ldan pa ste/ /'dir ni dam tshig mchog tu brtag /ces bya ba gsungs te/ nor bu 'di ni rnam par snang mdzad kyi gnas 'di nyid dang / dang por sems dpa'i rdo rje ma'i gnas kyi gang yin pa ste/ rdo rje nor bu che bcings la/ /zhes der bstan pa gang yin pa'o//yang 'di dag nyid kyi bcings pa bzhag pa ni/ gung mo'i nor bu'i tshul bya bar/ /zhes bya bas ston te/ rdo rje bsdams pa de nyid las phyag rgya 'di rnams bstan par bya ba ste/ de'i phyir de dag nyid las rnams par brtag ces bya ba gsungs pa yin no/ /sgo srung rnams kyi phyag rgya ji ltar 'byung zhes dris pa dang /lcags kyu gcig sogs tshul du ni/ /las rnams thams cad rab grub byed/ /ces bya ba ste/ rdo rje bsdams pa las gung mo gnyis nor bur byas la/ mdzub mo gnyis dang mthe bo gnyis kyi tshigs dag las gcig lcags kyu bya ba la sogs pa'i tshul gyis/ las rnams thams cad rab 'grub byed/ /ces bya ba ste/ sgo srung thams cad kyi phyag rgyar 'gyur ro zhes bya ba'i don to/ /de yang g.yas pa'i mdzub mos ni lcags kyu'o/ /mdzub mo gnyi ga'i rtse sprad pa ni zhags pa'o/ /g.yas pa'i mthe bos g.yon pa'i mthe bo dkris la rang gi mdzub mo'i rtse mo dang sprad pa ni gdu bu ste/g.yon pa yang de bzhin du byas na lcags sgrog tu 'gyur ro/ /mthe bo gnyis nang du bcug pa ni dril bu'i phyag rgyar 'gyur te/ de ltar na lcags kyu gcig la sogs pa'i tshul yin par blta bar bya'o/ /de nas gzhan yang 'di man chad chos kyi phyag rgya ston te/ de rnams ni go sla'o/ /de nas las kyi phyag rgya ji ltar 'byung zhe na/rin chen phyag rgyar gnyis byas la/ /las kyi phyag rgyar bri bar bya/ /zhes bya bas ston te bri bar bya zhes smos mod kyi/ 'on kyang bcing bar bya'o zhes bya ba ni 'di nyid kyi don yin no/ /'o na de kho na ji skad du ci'i phyir ma smos she na/ gnyi ga gzung bar bya ba yin te/ bri ba yang phyag rgya chen po rnams kyi las kyi phyag rgya bri dgos pa yin pa'i phyir ro//de bzhin gshegs pa thams cad ces bya ba la sogs pa la de bzhin gshegs pa yang yin la thams cad kyang yin pas de bzhin gshegs pa thams cad do/ /de rnams kyi las kyi dam tshig ni sems can gyi tshogs thams cad kyi 'jig rten dang /'jig rten las 'das pa'i dbul ba yang dag par rgyun gcad par bya ba'i phyir mdzad pa gang yin pa de ni de bzhin gshegs pa thams cad kyi las kyi dam tshig go/ /de las 'jig rten pa'i dbul ba yang dag par rgyun gcod pa de'i don ni sems can rnams bya ba 'di dang /'di lta bu dag la nan tan du bsgrub par bya'o zhes slob dpon des/ 'di dang 'di lta bur byos shig ces lung dbog pa dang / 'jig rten las 'das pa'i dbul ba gcod pa yang 'di dang 'di lta bus bsgrub par byos shig ces man ngag sbyin pa ste/ de lta bu'i slob dpon dang slob mas 'di ltar bya'o zhes pa la nan tan du bsgrub par brtags pa yin pas na rtog pa ste de'i gzhung las shin tu rgyas pa yin pas na rtog pa chen po'o//rtog pa gzhan rnams las shin tu khyad du 'phags pas na rtog pa chen po'i rgyal po ste/ rtog pa chen po'i rgyal po de las don thams cad grub pa zhes bya ba'i dkyil 'khor gyi cho ga rgyas pa rdzogs so zhes bya ba ste/gang gi phyir 'jig rten dang 'jig rten las 'das pa'i don lus pa med pa 'dir grub pa dang / 'grub pa dang 'grub par 'gyur ba yin pa'i phyir dkyil 'khor 'di'i ming don thams cad grub pa zhes bya'o/ /dris pa dkyil 'khor 'di ni rin po che'i rigs kyi sgo nas bstan pa yin/ci'i phyir las kyi dam tshig gi rtog pa zhes gsungs she na/ de ni bden mod kyi/ 'dir 'di gnyi ga cig car ston par 'dod pa yin te ci'i phyir zhe na/ las kyi rigs thams cad yang dag par sdud pa la zhugs pa yin pa'i phyir/ rin po che'i rigs 'di nyid kyi khongs su gtogs pa yin te/gtso bo ma yin pa'i rtog pa cig shos gtso bor gyur pa yang yod pas na las kyi rigs su yang dag par bsdus pa zhes bya ba ste/ rang rang gi las la gtso bor bstan pa'i phyir so sor bstan pa yang yod do/ /theg pa chen po mngon par rtogs pa la ni mngon par byang chub pa gtso bo yin te/chos thams cad bdag med par mngon par rtogs pa'i mtshan nyid can yin pa'i phyir ro/ /de nyid kyis na rtog pa'i rgyal po de la theg pa chen po mngon par rtogs pa zhes bya'o/ /mngon par byang chub pa'i las ni sems can gdul ba yin la de ni 'jig rten gsum las rgyal ba med par mi 'byung ste/de bas na 'dir don te gtso bo yin par bstan par bya ba'i phyir las kyi rigs kyi khongs su gtogs na yang logs shig tu bstan pa mdzad do/ /'jig rten gsum las rgyal du zin kyang phyin ci ma log par chos ston pa med na 'jig rten las 'das pa'i dbul ba yang dag par gcod par mi 'gyur te/de bas na don 'di gtso bor bstan par bya ba'i phyir 'gro ba 'dul ba'i rtog pa yang logs shig tu bstan pa yin par shes par bya'o/ /de kho na nyid bsdus pa'i rgya cher bshad pa ko sa la'i rgyan las don thams cad grub pa'i dkyil 'khor gyi 'grel pa'o// // da ni gzungs kyi dkyil 'khor bstan par bya ba'i phyir de nas zhes bya ba la sogs pa smos te/ de nas zhes bya ba ni rjes thogs la ste/ dkyil 'khor chen po'i rjes la gzungs kyi dkyil 'khor 'byung bar ston to/ /yang zhes bya ba ni sngar bshad pa'i gzungs kyi dkyil 'khor la ltos pa'o/ /skal ba phun sum tshogs pa dang ldan pas na bcom ldan 'das so//de bzhin gshegs pa thams cad kyang yin la dbang bskur ba yang yin pas na de bzhin gshegs pa thams cad dbang bskur ba'o/ /de'i gzungs ni dkyil 'khor der gtogs pa'i phyag rgya rnams so/ /de'i dam tshig ni phyag rgya dang dkyil 'khor la sogs pa ste/de rin po che'i bsam pa gang las byung ba de byin gyis brlabs pa'i phyir ting nge 'dzin gang la don dang mthun pa'i ming 'di skad ces bya ba'i ting nge 'dzin de la snyoms par zhugs pa'o/ /'di zhes bya ba ni thugs la gnas pa'o/ /rang gi phyag rgya gsungs so zhes bya ba ni phyag rgya bskyed pa'i rgyu yin pa'i phyir rig pa nyid la phyag rgya'i sgrar gsungs so//de nas phyag na rdo rjes mi bskyod pa'i gnas kyi rang gi phyag rgya gsungs so/ /de bzhin du rdo rje snying pos kyang rin chen 'byung ldan gyi gnas kyi'o/ /de bzhin du rdo rje spyan gyis kyang snang ba mtha' yas kyi gnas kyi'o/ /de bzhin du rdo rje sna tshogs pas kyang gdon mi za bar grub pa'i gnas kyi rang gi rig pa dam pa gsungs te/rig pa de lnga ni dkyil 'khor lnga byin gyis rlob par byed pa yin no/ /rang gi rigs 'byung ba zhes gsungs mod kyi/ 'od kyang 'di rnams kyi dkyil 'khor byin gyis brlab pa nyid bya'o/ /da ni de nas bcom ldan 'das zhes bya ba la sogs pa ni dkyil 'khor gdon pa ston to//de nas zhes bya ba ni rjes thogs la ste dkyil 'khor gdon pa'i rjes la'o/ /bcom ldan 'das zhes bya ba de su zhig yin zhe na/ byang chub sems dpa' sems dpa' chen po 'phags pa nam mkha'i snying po des ci zhig mdzad ce na/ rang gi rigs kyi dam tshig gi phyag rgya'i dkyil 'khor gsungs so zhes pa'o//rang gi yang yin la rigs kyang yin pas rang gi rigs so/ /de'i dam tshig gi phyag rgya ni dam tshig rab tu grub par byed pa'i phyag rgya yin pas/ /dam tshig gi phyag rgya ste/ de rnams kyi dkyil 'khor ni 'god pa'i khyad par ro/ /'di zhes bya ba ni thugs la gnas pa'o//gsungs so zhes bya ba ni bka' stsal pa'o/ /ji ltar gsungs she na/ de nas rab tu bshad bya ba/ /zhes bya ba la sogs pa ste/ de nas zhes bya ba ni bya ba'i rjes thogs la'o/ /gang gi phyir phyag rgya'i dkyil 'khor med par ni de dang 'brel ba'i dgos pa 'grub par mi 'gyur bas de'i phyir rab tu bshad bya ba zhes bya ba ste/yang dag par rab tu phye ste bshad par bya zhing bstan par bya'o zhes pa'o/ /gang zhig ce na phyag rgya'i dkyil 'khor ro/ /ji lta bu zhe na dam pa ste zhes pa'o/ /ci 'dra ba zhe na rdo rje dbyings dang 'dra ba la zhes pa ste rdo rje dbyings dang mtshungs pa'o//ming ji skad ces bya zhe na/ rin chen gsang ba zhes bshad de/ /zhes bya ba'o/ /thig ji ltar gdab par bya zhe na/ dkyil 'khor chen po'i tshul du ni/ /dkyil 'khor thams cad srad bu bre/ /zhes bya ba gsungs so/ /de'i 'og tu ci zhig bya zhe na/ de yi dbus su tshul bzhin du/ /sangs rgyas phyag rgya bri bar bya//zhes bya ba gsungs te/ de'i zhes bya ba ni thig btab ma thag pa'i dkyil 'khor gyi'o/ /dbus ni bcom ldan 'das rnam par snang mdzad kyi gnas su'o/ /tshul bzhin du zhes bya ba la tshul gang zhig yin zhe na/ bdag nyid byin gyis brlab pa la sogs pa dang sa sbyang ba'o/ /de nas ci zhig bya zhe na/de'i phyir/ sangs rgyas phyag rgya bri bar bya/ /zhes bya ba gsungs te/ yang dag par kun du bri bar bya'o zhes bya ba'i don to/ /de nas/ khri la gnas pa'i nor bu'i gtso/ /zhes bya ba la gtso zhes pa ni dang por ro/ /gang du bri bar bya zhe na/ rdo rje dbyings kyi mdun du bri/ /zhes bya ba gsungs te/sems dpa' rdo rje ma'i gnas su zhes bya ba'i don to/ /rdo rje dbyings zhes smos pa ni 'dir sangs rgyas kyi phyag rgyas nyid yin par shes par bya'o/ /de nas/ rdo rje rin chen ma'i gnas su/ /nor bu'i phreng ba bri bar bya'o/ /zhes gsungs pa ste/ nor bu'i phreng ba ni nor bu gsum pa ste/don thams cad grub pa'i phreng ba zhes gang bshad pa'o/ /pad+mo'i nor bu zhes bya ba ni rdo rje chos ma'i gnas su pad+mo'i steng du nor bu bri bar bya'o zhes bya ba'i don to/ /nor bus bskor ba'i nor bu rnams/ /zhes bya ba ni rdo rje las ma'i gnas su nor bu nor bus yongs su bskor ba bri bar bya'o zhes ston to//lhag ma rnams ni go sla'o/ /thams cad grub pa'i zhes bya la sogs pa la/ rdo rje shugs kyis rgal nas kyang / /zhes bya ba ni/ thig dang ri mo las rgal ba'i sngags dang / yid kyi phyag rgya dang bcas par mang du bstan pa ste de ri mo la bsgom par bya'o/ /thams cad 'grub pa'i dkyil 'khor du//zhes bya ba la thams cad 'grub pa ni don thams cad grub pa ste/ bcom ldan 'das nam mkha'i snying po'o/ /de'i dkyil 'khor ni mi bskyod pa'i dkyil 'khor ro/ /der ci zhig bya zhe na/ rdo rje rin chen dbus su ni/ /rdo rje nor bu chen po bri/ /zhes bya ba ste/ rdo rje rin chen ni nor bu cha brgyad pa'am/ zur drug pa'am cha bcu gnyis pa ste de'i dbus su'o//ni zhes bya ba'i sgra ni nges par gzung ba ste/ dbus ma nyid du rdo rje nor bu chen po bri bar bya ba ste/ rdo rjes mtshan pa'i nor bu yin pas na rdo rje nor bu ste de bri ba'o/ /dbus na gnas pa'i nor bur de'i phyogs bzhi char du yang ngo / /ltag 'og ces bya ba ni rdo rje dang lcags kyu la sogs pa'i gzugs so//go rims ji bzhin par zhes bya ba ni ji skad du bshad pa'i rim pas so/ /rang gi phyag rgya nor bur ldan/ /zhes bya ba la rang gi phyag rgya ni rang rang gi phyag rgya'o/ /nor bur ldan zhes bya ba ni nor bu dang bcas zhes bya ba'i don to/ /de ltar rin po che'i slob dpon nyid kyis bri bar bya'o//lhag ma rnams ni go sla'o/ /rdo rje shugs zhes bya ba la sogs pa ni bshad zin to/ /dkyil 'khor gnyis par/ spyan gnyis dang ni ldan pa yi/ /nor bu de yi dbus su bri/ /zhes bya ba ste/ nor bu bris la de'i dbus su mig gnyis bya'o/ /de'i phyogs rnams thams cad du//zhes bya ba ni nor bu'i spyan gnyis dang ldan pa de'i phyogs bzhi char du'o/ /ltag 'og ces bya ba ni rdo rje rin chen la sogs pa'i phyag rgya phyin ci ma log par bris shig ces ston to/ /go rims ji bzhin par zhes bya ba ni rim pa ma 'tshol bar ro/ /nor bu'i mtshan mar ldan pa yi/ /zhes bya ni thams cad kyang nor bu dang yang dag par ldan pa'o//rang gi phyag rgya rnams bri'o/ /zhes bya ba ni de la rdo rje rin chen gyi gnas kyi dbus su rin po che'i gtso bo bris la ngos gnyis su 'khor du gyur pa'i nor bu dag bri ba 'di ni rdo rje nor bu'i phreng ba'o/ /gnyis par nyi ma'i dkyil 'khor bris la de'i dbus su nor bu bri bar bya'o// gsum par ni rgyal mtshan bris la de'i steng du zla ba'i dkyil 'khor bris pa'i dbus su nor bu bri bar bya'o/ /bzhi par ni rdo rje gnyis kyi dbus su chud pa'i so'i phreng ba bris la de'i steng du nor bu bri bar bya'o/ /rdo rje shugs kyis zhes bya ba la sogs pa la/ nor bu'i pad+ma bri bar bya/ /zhes bya ba ni 'od dpag tu med pa'i gnas su pad+ma'i dbus su nor bu bri bar bya'o//de yi phyogs rnams thams cad du/ /ltag 'og go rims de bzhin bya/ /zhes bya ba ni snga ma dang 'dra'o/ /de'i 'jig rten dbang phyug gi gnas su ni pad+mo'i steng du phyag gnyis nor bu sbyin par bri bar bya'o/ /rdo rje rnon po'i gnas su ni ral gri'i steng du nor bu 'dug par bri'o//rdo rje rgyu'i gnas su ni 'khor lo'i dbus su nor bu bri'o/ /rdo rje smra ba'i gnas su ni lce'i dbus su nor bu bri bar bya'o/ /dkyil 'khor bzhi pa zhes bya ba la sogs pas ni dkyil 'khor bzhi pa ston pa yin te/ de'i dbus su rin po che'i char 'bebs pa dang ldan par bri bar bya'o/ / las kyi phyag rgya ji bzhin pas/ /yongs su bskor bar bri bar bya/ /zhes bya ba ni phyag rgya bzhi char gyis yongs su bskor ba zhes bya ba'i don to/ /ji lta bu zhe na/ nor bu'i mtshan par ldan pa rnams/ /zhes bya ba'o/ /ltag 'og go rims ji bzhin bya/ /zhes bya ba ni snga ma bzhin no/ /de la rdo rje las kyi gnas su ni phyag rgya'i rtse mos rdo rje gar byed pa'i steng du nor bu bri bar bya'o//gnyis par ni go cha'i steng du'o/ /gsum par ni mche ba'i steng du'o/ /bzhi par ni nor bu'i khu tshur gyi steng du'o/ /sgeg mo la sogs pa'i gnas rang rang gi phyag rgya la nor bus mtshan pa bri bar bya'o/ /de rnams kyi rig pa ni dkyil 'khor chen po las gsungs pa nyid yin par shes par bya'o//de nas zhes bya ba la sogs pa la/ nor bu gsang ba'i dkyil 'khor 'dir/ /zhes bya ba ni nor bu'i rigs kyi gsang ba'i dkyil 'khor ro/ /las rnams ji lta ba bzhin du byas nas zhes bya ba ni slob dpon gyi las te/ gang slob dpon gyis dkyil 'khor bris nas las bya ba gang dag yin pa de thams cad 'dis ston to/ /de yang dang por bdag nyid zhugs nas bcom ldan 'das rdo rje snying po la phreng ba phul te/ de nyid kyis bdag la dbang bskur bar bsam pa la sogs pa dang bshos 'bul ba'i bar du bya ba'o/ /de nas slob ma bcug la mna'i snying po byin te de nas 'di skad du bsgo bar bya'o//khyod kyis tshul 'di su la yang ma smra zhig ces bya ba la sogs pa yang brjod par bya ste/ dam tshig mi shes pa la smras pa'i nyes dmigs ni gang gi tshe 'dir dbul ba dang / dus ma yin par 'chi ba dang / tshe gzhan du yang dmyal bar ltung pa'o//de ltar dam tshig la bzhag nas ji zhig bya zhe na/ rang gi nor bu'i dam tshig gi ye shes bskyed par bya'o zhes gsungs so/ /de gang yin zhe na/ rdo rje rin chen zhes bya ba la sogs pas ston te/ rdo rje rin chen ting 'dzin gyis/ /zhes bya ba ni rang gi lha rdo rje rin chen gyi phyag rgya de dang por bcings la de'i phyag rgya chen por bsgom par bya'o//mkha' la rdo rje rin chen bya/ /zhes bya ba ni rdo rje rin po che lta bu nor bu yid kyis nam mkha' la bsams la ji srid nor bu de mig lam du gsal bar snang bar gyur pa de srid kyi bar du bsgom zhing goms par bya ba'o/ /rang gi gnas su de bzhag na/ /zhes bya ba la rang gi gnas ni dbang bskur ba'i gnas so//gzhag pa ni bsgoms pa las byung ba'i nor bu de gnas der gzhag pa'o/ /rang gis byas pa'i rgyal por 'gyur/ /zhes bya ba ni gang gi drin gyis thob pa yang ma yin gyi/ rang nyid kyis bsgoms pa'i mthus thams cad zil gyis mnan cing thob pa yin no zhes bya ba'i don to/ / sbyor ba gnyis pa la yang de bzhin te/ rdo rje rin chen bcings nas ni/ /zhes bya ba ni rang gi lha'i dam tshig gi phyag rgya bcing ba'o/ /de nas/ bsgom pa yongs su rdzogs pa dang / bdag gi gnas su bzhag na ni/ /zhes bya ba ni snga ma dang 'dra'o/ /des cir 'gyur zhe na/ dbang bskur ba ni 'thob par 'gyur//zhes bya ba gsungs te 'dod pa bzhin du rgyal por dbang bskur ba la sogs pa 'thob par 'gyur ba'o/ /gsum pa chos kyi rigs la yang / /rdo rje rin chen zhes bya ba la sogs pa ni go sla'o/ /chos kyi rin chen ni lha'i chos kyi phyag rgya'o/ /chos kyi bdag po bla med 'gyur/ /zhes bya ba ni chos kyi rgyal po ste/bcom ldan 'das rnam par snang mdzad yin par shes par bya'o/ /yang na sa dgu pa la chos smra ba chen po nyid 'thob par 'gyur ba'o/ /bzhi par yang las kyi phyag rgya zhes bya ba la sogs pa la las kyi rin chen ni las kyi phyag rgya gang yang rung ba yin par shes par bya'o/ /las kyi bdag po ni bcom ldan 'das gdon mi za bar grub pa ste/las thams cad pa yin par shes par bya'o/ /lhag ma rnams ni go sla'o/ /phyag rgya chen po zhes bya ba la sogs pa la snying gar rdo rje rin chen yid kyis bsams la phyag rgya chen po bsgom par bya'o/ /de ltar bsgoms pas ci zhig 'thob ce na/dbang bskur ba mchog tu rmad du byung ba 'thob ces bya ba gsungs so/ /'di skad ston te/ 'gro ba rnams kyis shin tu rnyed par dka' ba'i dbang bskur ba yang 'thob par 'gyur ro zhes bya ba'i don to/ /rab mnyam gzhag ces bya ba la sogs pa la rdo rje rin chen dpral bar bsgom pa'o//ji lta zhe na rab mnyam gzhag pas zhes bya ba gsungs te/ 'dis kyang sgom pa brtan par bya ba ston to/ /rin chen rdo rje bcings gyur na/ zhes bya ba ni rdo rje rin chen ma'i phyag rgya bcings la bsgom par bya'o zhes bya ba'i don to/ /des cir 'gyur zhe na/ thams cad kyi ni rgyal por 'gyur/ / zhes bya ba gsungs te/ sa thams cad kyi bdag por 'gyur ro zhes bya ba'i don to/ /rdo rje rin chen zhes bya ba la sogs pa la chos kyi rigs la lce la rdo rje rin po che bsam par bya'o/ /ji lta zhe na/ ting nge 'dzin gyis zhes bya ba ste/ ting nge 'dzin ces bya ba 'dis ni ting nge 'dzin gyi phyag rgya yin par ston to/ / de ltar bsgoms pas ci zhig 'thob ce na/ dbang bskur ba yang 'thob par 'gyur/ /zhes bya ba gsungs so/ /ji lta bu zhe na/ chos kyi rgyal po nyid du ni/ /zhes bya ba gsungs so/ /rab mnyam gzhag pas zhes bya ba la sogs pa la rdo rje rin chen rang gi lus kyi gtsug tor du sgom pa goms par bya ba'o//ji ltar zhe na rab mnyam gzhag pas zhes bya ba gsungs te/ rtse gcig pa'i yid kyis zhes bya ba'i don to/ /las kyi phyag rgya bcings na ni/ /zhes bya ba ni las kyi phyag rgya yang bcing bar ba'o/ /des cir 'gyur zhe na/ las legs byed pa'i rgyal por 'gyur/ /zhes bya ba ste/ las grub pa thams cad kyi rgyal por 'gyur ro zhes bya ba'i don to//phyag rgya chen por zhes bya ba la sogs pa la/ ras la sogs la bris na ni/ /zhes bya ba ni ras la sogs pa la rdo rje rin po che bri bar bya'o/ /sogs pa smos pas ni rtsig pa dang shing leb la sogs pa bsdu'o/ /de nas ci zhig bya zhe na/phyag rgya chen por bdag nyid kyis bsgoms na zhes bya ba gsungs pa yin te/ rang gi lha'i gzugs su bdag nyid bsgom par bya'o zhes bya ba'i don to/ /de nas cir 'gyur zhe na/ rgyal po chen por de 'gyur ro/ /zhes bya ba gsungs so/ /rdo rje rin chen zhes bya ba la sogs pa la ras zhes bya ba ni ras la sogs pa la rdo rje rin chen bri ba'i don to//ji lta bu zhes bya ba ni bla na med ces bya ba ste/ shin tu mchog tu gyur pa zhes bya ba'i don to/ /de nas ci zhig bya zhe na/ sems dpa' rdo rje bsgoms na ni/ /zhes bya ba gsungs te/ zla ba'i dkyil 'khor gyi dbus su rin po ches mtshan pa'i rdo rje'i phyag rgya rin chen ma'i gnas kyi yin par shes par bya'o//de nas cir 'gyur zhe na/ dam tshig rnams kyi bdag por 'gyur/ /zhes bya ba gsungs so/ /rin chen rdo rje zhes bya ba la sogs pa ni go sla'o/ /chos kyi rigs kyi bsam gtan gyi phyag rgya gang yang rung ba yin par shes par bya'o/ /ras la sogs la zhes bya ba la sogs pa 'di dag kyang go sla'o//gser ram zhes bya ba la sogs pa la sngar ni rin po che spyir smos mod kyi/ /da ni rdzas kyi khyad par 'ba' zhig smos par zad do/ /lhag ma rnams ni go sla'o/ /de nas zhes bya ba la sogs pa la nor bu'i rigs kyi dam tshig gi phyag rgya'i gsang ba'i ye shes bslab po zhes bya ba ni nor bu'i rigs kyi dam tshig gi phyag rgya rnams kyi sba bar bya ba gang yin pa de ni gsang ba'o//de'i ye shes yin pas na nor bu'i rigs kyi dam tshig gi phyag rgya'i gsang ba'i ye shes te/ de la bslab bo zhes bya ba ni bstan to zhes bya ba'i don to/ /rdo rje nor bu che bcings la/ /zhes bya ba ni rdo rjes mtshan pa'i nor bu yin pas na rdo rje nor bu yin la/'di nyid ni don gyi mchog rab tu sgrub par byed pas na rdo rje nor bu chen po'o/ /de bcing ba ni shing la sogs pa'am/ gser la sogs pa las byas pa'o/ /nor bu bla med bud med bu gar bcug ces bya ba la bud med ni 'dir dam tshig gi phyag rgya ste/ de'i bu ga ni de'i nang sbubs te nang gi khong stong ngo //der sngon du bsnyen pa'i tshe'am/ sgrub pa'i tshe nor bu de gzhug par bya zhing phyag rgya de dang lhan cig tu phyag rgya chen po bsgom par bya'o/ /de ltar bsgoms pas ci zhig 'thob par 'gyur zhe na/ de ltar dngos grub 'thob par 'gyur/ /zhes bya ba gsungs so/ /dam tshig mchog gi nor bu ni//zhes bya ba ni shing la sogs pa'i dam tshig mchog gi phyag rgya gzhug pa'o/ /bud med bu ga zhes bya ba la sogs pa ni snga ma dang 'dra'o/ /dam tshig mchog bcings zhes bya ba ni nor bu phra mo 'di gang du gzhug pa'o/ /de ltar bcug pa des cir 'gyur zhe na/ dngos grub 'gyur zhes bya ba gsungs so/ /yul gang du zhe na thams cad kyi dbang bskur ba zhes bya ba gsungs te dbang bskur ba thams cad 'grub par 'gyur ro zhes bya ba'i don to//rdo rje nor bu che bcings la/ /zhes bya ba ni snga ma dang 'dra'o/ /chos kyi phyag rgya bsgom zhes bya ba ni phyag rgya bzhi char gyi sbyor ba dang ldan du zin kyang chos kyi phyag rgya gtso bo yin par ston to//'das ma thag pa la ni dam tshig gi phyag rgya'o/ /dang po'i sbyor ba la ni phyag rgya chen po gtso bo yin par bshad do/ /nor bu de ni bud med bu gar bcug /ces bya ba ni snga ma dang 'dra ste/ /dam tshig gi phyag rgya nyid kyi nang du gzhug pa yin par shes par bya'o/ /de ltar bcug nas cir 'gyur zhe na/ bla na med pa'i dngos grub 'gyur//zhes bya ba gsungs so/ /las kyi phyag rgya'i nor bu bcings/ /zhes bya ba ni las kyi rigs la las kyi rdo rjes mtshan pa'i nor bu ni las kyi nor bu'o/ /bcings zhes bya ba ni gzhug pa'o/ /gang du zhe na bud med bu gar ro/ las kyi phyag rgya bcings par gyur/ /zhes bya ba ni 'dir yang las kyi rigs su gtogs pa la las kyi phyag rgya gtso bo yin par ston to//nor bu gzhug pa ni dam tshig gi phyag rgya nyid du ste/ de lta bu med na las kyi phyag rgyar bcug kyang 'gal ba med do/ /de ltar bcug pa'i las kyi phyag rgyas cir 'gyur zhe na/ las kun gyi/ dngos grub bla na med par 'gyur/ /zhes bya ba ste las kun ni 'dir mchod pa'i las yin par shes par bya'o//'di'i don kyang rdo rje dbyings kyi gsung pa'i dkyil 'khor du gsang ba'i dngos grub kyi mtshan ma'i rdo rje khu tshur gyi khong la sbyin par bya'o zhes bstan zin to/ /de nas dkyil 'khor chen po 'dir/ /zhes bya ba la sogs pa la phyag rgya chen po bcing ba bshad de zhes bya ba ni rtsa ba'i dkyil 'khor gyi dam tshig gi phyag rgya nyid 'dir phyag rgya chen po yin par bstan to//de la rin chen rdo rje myu gu zhes bya ba la sogs pa la rin chen rdo rje myu gu bcing ba na rnam par snang mdzad kyi gnas su dkyil 'khor chen por bstan pa'i phyag rgya dang po rin chen rdo rje'i myu gu gang yin pa de nyid 'dir rin chen rdo rje'i myu gu zhes gsungs te/de'i gung mo dang / srin lag dang / mthe'u chung rnams brkyang ste sbyar la spyi bor gzhag par bya'o/ /des ci zhig tu 'gyur zhe na/ grub mchog sbyin zhes bya ba gsungs so/ /rdo rje bsdams pa zhes bya ba la sogs pa ni rdo rje bsdams pa bcings ba'o/ /mdzub mo gnyis mdud ces bya ba la mdzub mo gnyis kyi rtse mo bkug la gcig la gcig sbrel bar bya ba dang /mthe bo gnyis dang / srin lag rdo rje zhes bya ba ni mthe bo gnyis dang srin lag gnyis so sor sbyar la bsgyur nas ni mdzod spur gzhag pa zhes bya bar sbyar ro/ /ji ltar bsgyur zhe na/ phyag rgya bkan la srin lag sbyar ba'i rtse mo mdzod spu'i gnas su gtugs na de lta bus ni bsgyur nas mdzod spur gzhag par 'gyur ro//'di'i 'bras bu gang zhig yin zhe na/ dbang bskur 'thob ces bya ba gsungs te 'dis ni mi bskyod pa'i gnas kyi yin par shes par bya'o/ /rdo rje rin chen zhes bya ba la sogs pa ni rdo rje rin chen gyi sbyor bas so//de nyid yongs su bsgyur nas ni/ /zhes bya ba ni mdzod spu 'jog pa'i phyag rgya snga ma'i gzugs bkrol la rdo rje rin chen lta bur bcings na yongs su bsgyur bar 'gyur ro/ /de nas ci zhig bya zhe na/ mdzub mo gnyis rtse gdong sprad pa/ /zhes bya ba ste mdzub mo gnyis kyi rtse mo gnyis sprad la dbang bskur ba'i gnas su gtugs par bya'o//'di'i 'bras bu gang yin zhe na/ de ni dbang bskur 'thob byed pa'o/ /zhes bya ba ste 'di ni rin chen 'byung ldan gyi gnas kyi phyag rgya'o/ /de nyid ces bya ba la sogs pa la de nyid ces bya ba ni bshad ma thag pa'i phyag rgya'o/ /mtheb gnyis mdzub mo gnyis kyi ni//chos kyi rdo rje'i tshul du yang / /zhes bya ba ni 'di skad ston te/ mdzub mo gnyis mthe bo gnyis dang lhan cig tu bsgreng la pad+ma'i 'dab ma'i tshul du nor bu zlum por bya'o/ /de ltar na chos kyi rdo rje ma'i tshul du bcings pa yin no/ /dpral bar bzhag pa ni zhes bya ba ni dpral ba'i gnas su sbyar ba'o/ / des cir 'gyur zhe na/ chos chen gyi ni dbang bskur 'gyur/ /zhes bya ba ste/ chos smra ba chen por dbang bskur ba sbyin par byed do zhes bya ba'i don to/ /'di ni 'od dpag tu med pa'i gnas kyi phyag rgya'o/ /las kyi rdo rje zhes bya ba la sogs pa la/ las kyi rdo rje bcings nas kyang / /zhes bya ba ni las kyi rdo rje ma'i phyag rgya bcing ba'o//las kyi rdo rje ma ni 'dir rdo rje dbyings kyi dkyil 'khor du bstan pa gang yin pa de gzung ngo / /de bsgyur nas dpral ba nyid du yang zhes bya ba ni bkan la mthe bo gnyis kyi rtse mo sbyar nas dbang bskur ba'i gnas su bzhag la srin lag gnyis sbyar nas kha gyen du bstan par bya ste/ de lta bu ni bsgyur ba yin no//rdo rje bsdams pa las gung mo gnyis nang du bcug la/ mthe'u chung gnyis dang mthe bo gnyis so sor gshibs pa ni rdo rje las ma'i phyag rgya yin par shes par bya'o/ /phyag rgya 'di'i ming ji skad ces bya zhe na/ dbang bskur kun gyi phreng ba ste/ /zhes gsungs pa yin no/ /de la dpral bar bzhag pa'i 'bras bu ci zhig yin zhe na/dbang ni bskur bar 'gyur zhes bya ba ste/ phyag rgya 'di ni gdon mi za bar grub pa'i gnas yin par shes par bya'o/ /phyag rgya lnga po 'di dag ni dkyil 'khor byin gyis rlob par byed pa yin te/ dang po'i rig pa lnga'i phyag rgya yin par shes par bya'o//da ni rin chen 'byung zhes bya ba la sogs pas rnam par snang mdzad kyi gnas nas brtsams te dgod pa'i phyag rgya rnams ston to/ rin chen 'byung ba'i phyag rgya ni/ /rdo rje dbyings skyes dam tshig kyang / /zhes bya ba ni 'di skad ston te/ /bcom ldan 'das rin chen 'byung ba'i phyag rgya ni rdo rje dbyings kyi dkyil 'khor chen por dam tshig gi phyag rgyar gsungs pa gang yin pa ste de bcing ba'o//ji ltar zhe na/ rin chen gnas zhes bya ba ste/ rdo rje bsdams pa las gung mo'i sor mo gnyis rin po cher byas pa'i kha gnyis gyen du bstan pa bcings na rin chen gnas su 'gyur ba'o/ /gang du zhe na/ dpral bar bzhag na zhes bya ba gsungs so/ /de bcings pas cir 'gyur zhe na/ dbang bskur 'gyur zhes bya ba gsungs so/ /phyag rgya 'di ni rnam par snang mdzad kyi gnas kyi yin par shes par bya'o/ /'dir rin chen 'byung ba zhes smos pas ni/ rtog pa 'di dag gtso bor bstan par bya ba'i phyir yin no/ / mtheb gnyis zhes bya ba la sogs pa la/ mtheb gnyis phan tshun bsnol nas ni/ /zhes bya ba ni rdo rje bsdams pa bcings pa'o/ /mdzub mo gnyis kyi rtse mo sbyar/ /zhes bya ba ni mdzub mo gnyis gshibs pa'o/ /de nas ci bya ba ston pa ni/ mdzub gnyis nor bu'i phyag rgyar bya/ /zhes bya ba gsungs te/mthe bo gnyis skyil mo krung du byas pa zhes pa'o/ /'di bcings pa'i 'bras bu gang zhig yin zhe na/ rdo rje nor bu chen po 'thob/ /ces bya ba gsungs te/ phyag rgya 'di yang sems dpa' rdo rje ma'i gnas kyi phyag rgya yin par shes par bya'o/ /rdo rje bsdams pa zhes bya ba la sogs pa la/ rdo rje bsdams pa byas nas kyang //zhes bya ba ni rdo rje bsdams pa bcing ba'o/ /nor bu'i khu tshur bcings nas ni/ /zhes bya ba ni nor bu'i khu tshur bcing ba'o/ /gung mo gnyis kyang nor bur bya/ /zhes bya ba ni gung mo gnyis kyang nor bu lta bur bya'o zhes bya ba'i don to/ /ming ji skad ces bya ba'i phyag rgyar 'gyur zhe na/ nor bu'i phreng ba zhes bya ba gsungs so/ /'dis ci zhig byed ce na/ dbang bskur 'gyur zhes bya ba gsungs so/ /'di ni rdo rje rin chen ma'i gnas kyi phyag rgya yin par shes par bya'o/ /rdo rje bsdams pa zhes bya ba la sogs pa ni snga ma dang 'dra'o/ /gung mo nor bu 'drar byas la/ /zhes bya ba ni gung mo gnyis nor bur bya ba'o//des na mdzub mo srin lag gnyis pad+mo kha bye ba 'dra bar byas pas zhes bya ba ni mdzub mo gnyis dang srin lag gnyis gyen du brkyang na de lta bu ni pad+mo 'dra bar byas zhes bya ba'o/ /des cir 'gyur zhe na/ 'grub ces bya ba gsungs so/ /'di skad ston te/ sgrub pa'i tshe phyag rgya 'di bcings na 'grub par 'gyur ro zhes bya ba ste 'di ni rdo rje chos ma'i gnas kyi phyag rgya yin par shes par bya'o//gung mo gnyis zhes bya ba la sogs pa ni gung mo gnyis ni nor bur bcing pa'o/ /sor mo thams cad bsgreng ba rnams/ /zhes bya ni thams cad brkyang ba'o/ /nor bu nyid du bsgoms na ni/ /zhes bya ba ni sor mo de thams cad nor bu 'dra bar bsgom pa'o//des cir 'gyur zhe na/ 'khor rnams mchog dang ldan par 'gyur/ /zhes bya ba gsungs te/ gung mo'i nor bu'i 'khor gyis bskor bar bsgoms pas 'khor thob par 'gyur ro zhes bya ba'i don to/ /'di ni las kyi rdo rje ma'i gnas kyi phyag rgya yin par shes par bya'o//rdo rje rin chen zhes bya ba la sogs pa ni rdo rje rin chen gyi tshul du bcing ba'o/ /ji ltar zhe na/ gung mo mthe bo sbyar ba dang / /zhes bya ba gsungs so/ /sor mo lhag ma rnams ji ltar bya zhe na/ srin lag mthe'u chung bsnyams pa rnams/ /zhes bya ba gsungs so/ /'di skad ston te/ srin lag gnyis dang mthe'u chung gnyis so sor sbyar bar bya'o/ /gang du bzhag ce na khar bzhag ces bya ba gsungs so/ /ming ji skad ces bya ba 'di phyag rgya 'gyur zhe na/ lce rtse zhes bya ba gsungs so/ /'bras bu ci zhig ster bar 'gyur zhe na/ nor rab ster zhes bya ba gsungs so/ /'di ni mi bskyod pa'i gnas kyi phyag rgya gnyis pa yin te/dam tshig gi phyag rgya 'di ni dgod pa'i sngags gnyis pa'i phyag rgya yin no/ /de las zhes pa la sogs pa la sngar bshad ma thag pa'i phyag rgya de nyid las mdzub mo gnyis rdo rjer bya zhes bya ba ste/ mdzub mo gnyis gshibs na rdo rje sems dpa'i gnas kyi phyag rgyar 'gyur ba'o//de gnyis de bzhin lcags kyur bya/ /zhes bya ba ni mdzub mo de dag nyid lcags kyur byas na rdo rje rgyal po'i gnas kyi phyag rgyar 'gyur ro/ /mdzub mos mdzub mo drang ba dang / /zhes bya ba la yang de nyid ces bya bar sbyar te/ phyag rgya g.yon logs su bskor la mdzub mo g.yas pas g.yon pa bzung ste mda' 'dren pa'i tshul du drangs na/rdo rje chags pa'i gnas kyi phyag rgyar 'gyur ro/ /de gnyis dga' bar rab sbyin pa'o/ /zhes bya ba la yang de nyid ces bya bar sbyar te/ mdzub mo gnyis mthe bo dang sbyar la se gol gtogs pa'i tshul du byas na legs so zhes bya ba'i phyag rgyar 'gyur ro//gung mo gnyis zhes bya ba la sogs pa ni rdo rje bsdams pa las gung mo gnyis nor bur bcing ba'o/ /mdzub gnyis ngos la bkug pa'o/ /zhes bya ba ni rdo rje dbyings kyi dbang phyug ma'i tshul du mdzub mo gnyis bkug pa gung mo gnyis kyi tshigs gsum po'i drung du gzhag par bya ste/'di ni rin chen 'byung ldan gyi gnas kyi phyag rgya gnyis ba'o/ /srin lag ngos gnyis mdud pa la/ /zhes bya ba ni phyag rgya de nyid las sor mo g.yas pa'i srin lag gi tshigs gsum pas sor mo g.yon pa'i srin lag gi tshigs gsum pa bzung la mthe bo gnyis kyis bcings pa de bkab pa 'di ni rdo rje rin chen gyi gnas kyi phyag rgya'o//de nyid rdo rje nyi mar bskor/ /zhes bya ba ni rin chen 'byung ldan gyi gnas kyi phyag rgya gang yin pa de nyid snying gar nyi ma'i dkyil 'khor gyi tshul du g.yas logs nas bskor ba ni rdo rje nyi ma'i gnas kyi phyag rgya yin no/ /dpung pa spyi bor brkyang bar bya//zhes bya ba ni phyag rgya de nyid spyi bo nas gyen du dpung pa brkyang nas bzhag na rdo rje dpal gyi gnas kyi nor bu'i rgyal mtshan gyi rtse mo'i dpung rgyan gyi phyag rgyar 'gyur ro/ /bzhad mo'i tshul du byas pa'o/ /zhes bya ba ni phyag rgya de nyid khar g.yas logs nas dgod pa ston pa'i tshul du bskor na rdo rje bzhad pa'i gnas kyi phyag rgyar 'gyur ro//rdo rje bsdams pa zhes bya ba la sogs pa la rdo rje bsdams pa byas nas kyang / /zhes bya ba ni bcing ba'o/ /mdzub mo srin lag gyen du bsgreng / /zhes bya ba ni mdzub mo gnyis dang srin lag gnyis zur bzhi par brkyang bar bya'o/ /de nas ci zhig bya zhe na/ de dag pad+mo 'dra bar bya/ /zhes bya ba gsungs so//'di skad ston te/ sor mo brkyang ba bzhi po gang yin pa de nyid pad+mo'i yin no/ /de nas gung mo gnyis nor bur byas na snang ba mtha' yas kyi gnas kyi phyag rgyar 'gyur ro/ /de las tha ma rab sbyin bya/ /zhes bya ba ni bshad ma thag pa'i phyag rgya de nyid kyi mthe'u chung gnyis bkug pa brkyang la/rab tu sbyin pa byed pa'i tshul du byas pa 'di ni rdo rje chos kyi gnas kyi phyag rgyar 'gyur ro/ /rdo rje ral grir sbyar ba dang / /zhes bya ba ni snang ba mtha' yas kyi phyag rgya de nyid kyi lag pa gnyi gas ral gri 'debs pa'i tshul du byas la nu ma g.yas pa'i thad kar bzhag pa 'di ni rdo rje rnon po'i gnas kyi phyag rgyar 'gyur ro//rdo rje 'khor lo'i tshul du bya/ /zhes bya ba ni phyag rgya de nyid las mthe po dang mthe'u chung gnyis rdo rje thal mo'i tshul du gnyis ka bstan pa 'di ni 'khor lo'i tshul yin te rdo rje 'khor lo'i gnas kyi phyag rgya'o/ /de nyid kha nas dbyung bar bya/ /zhes bya ba ni 'od dpag tu med pa'i phyag rgya de nyid kha'i phyogs nas gyen du tshig 'byung ba'i tshul du drangs na rdo rje smra ba'i gnas kyi phyag rgyar 'gyur ro//rdo rje rin chen myu gur bcing / /zhes bya ba la sogs pa la rdo rje rin po che'i myu gu ni bshad zin te/ mthe bo rdo rje dang mdzub mo rin po che ste bcing ba'o/ /sor mo thams cad brkyang ba dang / /zhes bya ba ni sor mo lhag ma rnams brkyang ba ste/'di ni gdon mi za bar grub pa'i gnas kyi phyag rgya'o/ /de dag spyi bor bzhag pa ni/ /zhes bya ni bshad ma thag pa'i phyag rgya de nyid mgo bo'i gtsug tor gyi gnas su bzhag pa'o/ /de nas ci zhig bya zhe na/ rin chen char gyis rab 'bebs so/ /zhes bya ba gsungs te/sor mo brkyang ba gang yin pa de nyid rin po che'i char 'bebs pa'i tshul du bstan par bya ba'o/ /phyag rgya 'di nyid ni rnam par snang mdzad kyi gnas su yang bstan mod kyi/ 'on kyang rin po che'i char 'bebs par ston pa'i tshul gyis tha dad par zad de phyag rgya 'di ni rdo rje las kyi gnas kyi yin par shes par bya'o/ de nyid ces bya ba la sogs pa la de nyid ces bya ba ni bshad ma thag pa'i phyag rgya de nyid do/ /'khor lo'i tshul du ni zhes bya ba ni gung mo dang srin lag dang / mthe'u chung rnams phan tshun bsnol la 'khor lo lta bur bya'o/ /gang du zhe na/ snying gar zhes bya ba'o/ /ji ltar bya zhe na/ rin chen gnyis byas pa zhes gsungs pa ste/rin po che yang gnyis su byas la snying gnyid du bzhag na rin chen go cha'i phyag rgyar 'gyur ro/ /nor bu 'dzin rtse mche ba yin/ /zhes bya ba ni rdo rje bsdams pa bcings la mthe bo dang mdzub mo gnyis ka nor bur bya ba 'di ni nor bu 'dzin par 'gyur ro/ /de nas rtse mo mche ba zhes bya ba ni phyag rgya khar bzhag la bzhi char gyi yang rtse mo brkyang la gzhag pa ni mche ba bzhi'i tshul du byas pa yin pas na 'di ni nor bu 'dzin rtse mche ba ste/rdo rje gnod sbyin gyi gnas kyi phyag rgya'o/ /dbus su bsnyams ba khu tshur ro/ /zhes bya ba ni rdo rje bsdams pa bcings la mdzub mo gnyis bkrol te bkug la bzhag mthe bo gnyis dbus su gshibs par bya ba 'di ni rdo rje khu tshur gyi gnas su bsnyams pa'o//'di skad ston te/ sngar bshad pa'i rtog pa gsum char la yang rdo rje khu tshur gyi gnas su mthe bo gnyis dbus su gshibs par bstan gyi/ 'dir ni dbus su bsnyams la bsgreng ste bzhag cing mthe bo gnyis dang mdzub mo gnyis kyi rtse mo sprad pa 'di ni rdo rje khu tshur gyi phyag rgya'o//de nas dam tshig gi phyag rgya'i ye shes bslab po zhes bya ba ni de'i 'og tu ji skad bshad pa'i phyag rgya chen po rnams kyi dam tshig gi phyag rgya bstan to zhes bya ba'i don to/ /ji ltar zhe na/ phyag rgya chen po de dag nyid/ /snyim sbyar byas te bcings na ni//zhes bya ba gsungs so/ /'di skad ston te/ der ni phyag rgya chen po rdo rje bsdams pa las 'byung gi /da ni phyag rgya de rnams nyid snyim pa sbyar ba las 'byung ba yin par shes par bya ste/ lag pa gnyis thal mo khong stong gi tshul du gzhag pa ni snyim sbyar zhes bshad de gang gzhan dag las thal mo khong stong du bya'o zhes gsungs pa'o//de bas na mdor na gsang ba'i gsang ba zhes bya ba ste mdor bsdu na gsang ba'i dkyil 'khor du gsang ba ste dam tshig gi phyag rgya rnams la bya'o/ /dngos grub bzhir gyur sbyin par byed/ /ces bya ba ni phyag rgya rnam pa bzhi'i 'bras bu stsol bar 'gyur ro zhes bya ba'i don to//de yang ji ltar zhe na/ gsang ba'i dkyil 'khor 'dir ni phyag rgya chen po ni dam tshig gi phyag rgya'o/ /phyag rgya chen po de'i yang sku'i phyag rgya ste/ de dag dngos grub gang yin pa dang / dam tshig gi phyag rgya'i dngos grub gang yin ba'o/ /gsang ba'i dkyil 'khor 'di'i chos kyi phyag rgya thams cad kyi dngos grub gang yin pa dang /'dir yang gsang ba'i khu tshur gnyis su byas pa las/ las kyi phyag rgyar 'gyur bas 'og nas bshad pa gang yin pa ste de rnams kyi yang dngos grub gang yin pa'o/ /de ltar yang dag par bsdus pa la/ /dngos grub bzhi 'gyur sbyin par byed// gsungs pa yin no/ /gsang ba'i dkyil 'khor gzhan du ni gsang ba'i phyag rgya thams cad du mi 'ching bar dgag par gsungs pa yin no/ /'dir ji ltar shes par bya zhe na/ ji ltar rdo rje gsang ba bzhin/ /dus rnams kun du bcing mi bya/ /zhes bya ba gsungs te/ gsang ba'am don chen po la bcing bar bya'o zhes bya ba'i don to//chos kyi phyag rgya rnams ni go sla'o/ /las kyi phyag rgyas ji ltar 'gyur zhe na/ gsang ba gsang ba'i khu tshur mchog /gnyis su byas na las kun byed/ /ces gsungs pa yin no/ /'di skad ston te/ gsang ba'i dkyil 'khor gyi gsang ba'i phyag rgya gang yin pa de khu tshur gyi mchog yin pa dang /rdo rje khu tshur gyi gnas kyi khu tshur gang yin pa de gnyis su byas na zhes bya ba ste/ las kyi phyag rgyar gyis shig ces bya ba'i don to/ /de bzhin gshegs pa thams cad kyi las kyi dam tshig ces bya ba ni/ de bzhin gshegs pa thams cad du gtogs pa'i las kyi rigs kyi dam tshig go//de bzhin gshegs pa thams cad kyi las kyi dam tshig kyang yin la/ rtog pa'i rgyal po chen po yang yin pas na de bzhin gshegs pa thams cad kyi las kyi dam tshig gi rtog pa'i rgyal po chen po'o/ /de'i rin po che gsang ba'i phyag rgya'i dkyil 'khor gyi cho ga rgyas pa zhes bya ba ni mchod pa la sogs pa'i las rnams dang don 'byung ba dang bdag po thob pa'i las rnams kyi cho ga rgyas pa ste/rin po che'i rigs kyang spyir na las kyi dam tshig gi rtog pa chen po'i khongs su 'dus par shes par bya'o/ /de kho na nyid bsdus pa'i rgya cher bshad pa ko sa la'i rgyan las rin po che'i rigs kyi gsang ba'i dkyil 'khor gyi 'grel ba'o//de nas zhes bya ba la sogs pa la de nas zhes bya ba ni de'i rjes thogs la ste/ phyag rgya'i dkyil 'khor gyi rjes la'o/ /yang zhes bya ba ni 'gro ba 'dul ba'i dkyil 'khor la ltos pa'o//bcom ldan 'das zhes bya ba ni 'di la skal ba phun sum tshogs pa mnga' bas na bcom ldan 'das te b+ha ga'i sgra ni bsod nams dang ye shes kyi tshogs yin par shes par bya'o/ /de bzhin gshegs pa thams cad kyis dbang bskur ba zhes bya ba ni de bzhin gshegs pa yang yin la thams cad kyang yin pas de bzhin gshegs pa thams cad do//de rnams kyis dbang bskur ba yin pas de bzhin gshegs pa thams cad kyis dbang bskur ba ste/ dbang bskur ba zhes smos pas ni rin po che'i rigs yin par ston to/ /de'i ye shes yin pas na dbang bskur ba'i ye shes te ye shes smos pas ni chos kyi dkyil 'khor yin par ston to//de'i dam tshig ni snying po dang phyag rgya la sogs pa'o/ /de rin po che'i bsam pa gang las byung ba de byin gyis brlab pa'i phyir ting nge 'dzin gang don dang mthun pa'i ming 'di skad ces bya ba'i ting nge 'dzin gang yin pa de'i ting nge 'dzin de la snyoms par zhugs pa'o//'di zhes bya ba ni thugs la gnas pa ste/ bcom ldan 'das rnam par snang mdzad kyis rang gi rig pa'i mchog 'di gsungs so/ /bcom ldan 'das rnam par snang mdzad ji lta ba bzhin du phyag na rdo rje la sogs pa'i 'khor los sgyur ba bzhis kyang dkyil 'khor byin gyis brlab pa'i phyir rang gi rig pa dam pa gsungs pa yin no//de nas byang chub sems dpa' sems dpa' chen po nam mkha'i snying po zhes bya ba la sogs pa la de nas zhes bya ba ni de'i rjes thogs la ste/ rig pa dam pa lnga bstan pa'i rjes la'o//byang chub la sems dpas ni byang chub sems dpa'o/ /nam mkha' nyid kyi skye gnas mnga' bas na nam mkha'i snying po ste/ nam mkha'i phyogs las rdzus te skyes pa'i phyir ro/ /'di zhes bya ba ni thugs la gnas pa'o/ /de gang yin zhe na/rang gi rigs kyi ye shes kyi dkyil 'khor gsungs pa'o/ /de nas zhes bya ba la sogs pa la chos kyi dkyil 'khor ma bstan na de dang 'brel ba'i dgos pa mi 'byung bas/ yang dag par rab tu phye ste bshad par bya'o zhes pa ci zhig bshad ce na/ ye shes dkyil 'khor dam pa ste/zhes gsungs pa'o/ /ci 'dra ba zhe na/ rdo rje dbyings dang 'dra ba la/ /zhes bya ba ste rdo rje dbyings dang mtshungs pa zhes bya ba'i don to/ /ming ji skad du bya ba zhe na/ rin chen ye shes zhes bshad do/ /zhes gsungs pa ste/ rin po che'i rigs kyi ye shes kyi dkyil 'khor yin pas na rin chen ye shes so//bshad ces bya ba ni sangs rgyas bcom ldan 'das kyis bstan to zhes pa'o/ /dkyil 'khor de thig ji ltar gdab par bya zhe na/ dkyil 'khor chen po'i tshul du ni/ /dkyil 'khor thams cad srad bu bre/ /zhes bya ba gsungs so/ /der sems dpa' rnams ji ltar bri bar bya zhe na/chos kyi dkyil 'khor tshul du ni/ /snying ga'i mtshan mar bri bar bya/ /zhes bya ba gsungs te/ ji ltar rdo rje dbyings kyi chos kyi dkyil 'khor du skyil mo krung du bzhugs shing / rang gi phyag rgya thugs kar lag pa gnyis rdo rje bsdam par bya ba de bzhin du 'dir yang bri bar bya'o//de nas dkyil 'khor 'di'i zhes bya ba la sogs pas de ltar bri ba dgod pa'i snying po ston te/ rnam par snang mdzad kyi gnas su ni sngar bshad pa'i rig pa dam pa nyid phyag rgya dgod pa dang / dkyil 'khor byin gyis rlob pa'i las gnyi ga byed pa yin no/ /phyag na rdo rje la sogs pa bzhi po rnams kyi dgod pa'i snying po ni 'di dag yin par rig par bya ste nor bu'i rigs kyi ye shes kyi dkyil 'khor du sems dpa' rnams spyan drang ba'o//lhag ma rnams ni go sla'o/ /de nas zhes bya ba la sogs pa la de nas zhes bya ba ni rjes thogs la bris pa'i rjes la'o/ /dkyil 'khor 'dir zhes bya ba ni dkyil 'khor du'o/cho ga rgyas pa ji lta ba bzhin du byas nas zhes bya ba ni slob dpon gyis las thams cad bya'o zhes ston to/ /slob ma la 'di skad du bsgo bar bya ste zhes bya ba ni slob ma gzhug pa'i cho ga rnams ston to/ /chos ma mthong ba zhes bya ba ni dam tshig ma thob pa'o//dam tshig ma bsrungs pa'i nyes dmigs ston pa ni khyod dngos grub ma thob par myur du shi bar gyur ta re zhes bya ba ni bsgo ba'o/ /de skad brjod nas nor bu'i rigs kyi chos kyi ye shes bskyed par bya'o zhes bya ba ni/ /nor bu'i rigs kyi chos kyi dkyil 'khor gyi ye shes bskyed pa'i thabs kyi man ngag de sbyin par bya'o zhes bya ba'i don to//da ni ting nge 'dzin gyis zhes bya ba la sogs pas de nyid ston te/ rdo rje snying po bris nas ni/ /zhes bya ba ni bcom ldan 'das nam mkha'i snying po bri ba'o/ /gang du zhe na/ ras la sogs la zhes bya ba gsungs te/ sogs pa smos pas ni shing leb dang rtsig pa dang nam mkha' la sogs pa bsdu'o//ting nge 'dzin gyis zhes bya ba ni sems rtse gcig pas bcom ldan 'das nam mkha'i snying po mngon sum du bya ba'o/ /ci zhig bya zhe na/ don ni bslang bya zhing zhes bya ba ste/ ci 'dod pa zhes bya ba ni tshig gi lhag ma'o/ /ji ltar bslang bar bya zhe na/ rin chen byin cig ces kyang brjod/ /ces bya ba'o/ /'di skad ston te/ 'bad pa chen pos 'du 'dzi thams cad spangs la bcom ldan 'das mngon sum du gyur pa lta bur bsams nas/ bcom ldan 'das thugs rje chen po dang ldan pa bdag la rin po che stsol cig ces brjod par bya'o/ /sbyor ba gnyis pa la yang rin po che'i rigs su gtogs pas rin po che bslang ba gsungs pa yin no//sbyor ba gsum pa la yang khyad par du bsgom dgos pas na rnam par bsgoms te zhes gsungs pa yin no/ /mnyam par gzhag ces bya ba ni snyoms par zhugs pa ste/ rang gi lhar mnyam par gzhag pa'o/ / chos kyi rigs la ni ye shes grub pa gtso bo yin pas na dam pa'i chos bklag pa yang bya'o/ /sbyor ba bzhi pa la yang dam pa'i las te las bzang po mchod pa la sogs pa'i las rnams so/ /las byin zhes bya ba ni las kyi sems dpa' la bod pa'o/ /snying po thams cad la rdo rje snying po smos pa ni dkyil 'khor rnams de'i sprul pa yin pa'i phyir ro//bzhi tshoms gnyis pa'i sbyor ba la yang nam mkha' la sogs pa la bcom ldan 'das nam mkha'i snying po yid kyis dmigs par bya ba 'ba' zhig tha dad par bya ba tsam du zad do/ /legs sems pa zhes bya ba ni sems dpa' chen po ste der bri ba tsam zhig khyad par yod kyi dngos grub rnams ni snga ma kho nar zad do//phun sum zhes bya ba ni 'byor pa'o/ /las bsags zhes bya ba ni las mang po thams cad grub pa zhes bya ba'i don to/ /bzhi tshoms gsum pa la yang bcom ldan 'das rdo rje snying po snying gar yid kyis bris la/ shin tu mnyam gzhag bsgom byas la//zhes bya ba la snying gar de'i gzugs mi g.yeng ba'i yid kyis goms par bya ba'o/ /gang gi tshe snying 'phar ba zhes bya ba 'dis ni dngos grub kyi mtshan ma ston te/ de'i tshe grub pas nor ster ro zhes bya ba ni 'di skad ston te/ bsgom pa'i mtshan ma brtan par gyur na snying 'dar bar 'gyur la de nas don grub thob par 'gyur ro zhes bya ba'i don to//sbyor ba gnyis pa la ni bsgom pa nyid rnam par bsgom pa yin par bya ste/ khyad par du bsgom pas na rnam par bsgom pa'o/ /mgo bo 'dar ba'i mtshan mas ni 'bras bu dbang bskur ba'i cod pan bcing ba yin par shes par bya'o//sbyor ba gsum pa la yang khar bcug la zhes bya ba la yid kyis lce la bcom ldan 'das rdo rje snying pos gzhig cing bsgom pa'o/ /gang tshe de ni bye gyur pa/ /zhes bya ba ni gang gi tshe bsgom pa 'di brtan par gyur pa dang bye gyur pa de khar kham chen po bcug pa bzhin du gdangs par gyur pa'o//de lta bu'i mtshan ma des na rnal 'byor pa de dag grub pa 'thob par 'gyur ro/ /sbyor ba bzhi pa la yang bcom ldan 'das rdo rje snying po spyi bor bzhag la khyad par du bsgom pa dang / gang tshe de nyid 'bar gyur pa/ /de tshe 'phang du lding bar 'gyur/ /zhes bya ba 'dis ni nam mkha' la 'gro ba nyid 'grub par 'gyur ro zhes bya ba'i don to//snying po rnams la hr-i da ya gar+b+he zhes smos pa ni snying po'i skye gnas te gnas bstan pa yin no/ /da ni phyag rgya rnam pa bzhi'i sgo nas sbyor ba rnam bzhi ston te/ bcom ldan 'das rdo rje snying po'i de kho na nyid bskul ba'i snying po bzhi po gnod sbyin gyi skad dang ldan pas ji lta ba bzhin du bskul na gdon mi za bar stsol bar mdzad de/de bas na 'thob ces gsungs pa yin no/ /lhag ma rnams ni go sla'o/ /sems dpa' thams cad zlos pa dag gis kyang nor la sogs pa'i sbyor ba bzhi byed cing bsgrub pa'i tshe na de kho na nyid sgrub pa 'di bya'o/ /de nas zhes bya ba la sogs pa la de nas zhes bya ba ni rjes thogs la'o//nor bu zhes smos pa ni nor bu'i rigs yin par ston to/ /ye shes smos pa ni chos kyi 'khor lo ston to/ /de'i gsang ba'i phyag rgya'i ye shes bslab po zhes bya ba la gsang ba ni sba ba la bya ste/ de'i phyag rgya'i ye shes gang yin pa de bstan to zhes bya ba'i don to//dbang po gnyis ni mnyam sprad na/ /zhes bya ba ni rang gi lha'i rnal 'byor byed pa'i tshe/ rang gi dbang po la lha'i dbang po dgug pa dang / gzhug pa dang / bcing ba dang / dbang du byas la lha dang mnyam pa nyid du byas pa'i dbang po la ni dbang po gnyis mnyam par sbyor ba zhes sngar yang mang du bshad pa yin te/dbang po gnyis mnyam par sbyor ba des thams cad du las thams cad 'grub par 'gyur gyi gzhan du ni ma yin no zhes shes par bya'o/ /dngos grub mchog ni 'thob par 'gyur/ /zhes bya ba la mchog ni dam pa la bya'o/ /sbyor ba gnyis pa la yang bzhi la ri mo bris pa bzhin zhes bya ba 'dis ni 'di skad ston te/mdun du ri mo bris pa bzhin du yid kyis bris la dgug pa dang / gzhug pa dang / bcing ba dang / dbang du bya ba'o/ /sbyor ba gsum par yang sdug pa de dang gar rtses pa zhes bya ba ni 'di skad ston te/ ras la sogs pa gang yang rung bar rang gi lha'i gzugs bris pa gang yin pa de la rnal 'byor pa gang gis sdug cing yid du 'ong bar yid kyis rtse zhing dga' bskyed na rnal 'byor pa de la 'jig rten pa thams cad kyis dga' bar byed do//'di skad ston te/ rang gi lha'i rnal 'byor bsgom pa brtan par gyur na don thams cad 'grub par 'gyur ro/ /dgos pa thams cad grub pas cho 'phrul thams cad bstan na sems can thams cad dbang du byed par 'gyur ro//sbyor ba bzhi pa la yang / nam mkha' kun gyi rdul dbyibs kyi/ /zhes bya ba ni bsgom pa'i rab kyi mthar phyin par ston to/ /rdo rje snying po bsgoms nas ni/ /dbang po gnyis ni mnyam sbyar na/ /zhes bya ba ni dbang po gnyis ni mnyam par sbyor ba'i rgyur gyur pas nam mkha' thams cad kyi rdul gyi gzugs rdo rje snying por bsgoms na thams cad nges par 'grub par 'gyur ro zhes sbyar ro//'di skad ston te/ nam mkha'i khams thams cad kyi rdul phra rab thams cad rdo rje snying por bsams la/ de rnams dgug pa dang /gzhug ba dang / bcing ba dang / dbang du bya ba byas nas de rnams dang lhan cig dbang po gnyis mnyam par sbyor bas/ rdo rje snying po bsgoms na thams cad nges par 'grub par 'gyur ro/ /de nas zhes bya ba la sogs pas ni phyag rgya rnam pa bzhi'i ye shes ston to/ /de las kyang re zhig phyag rgya chen po de ston te/ji lta ba bzhin du bcing bar bya'o zhes bya ba 'di ni 'di skad ston te/ ji ltar rdo rje dbyings kyi dkyil 'khor du de bzhin thugs kar nyid phyag rgya ting nge 'dzin du gzhug pa dang / phyag gnyis rdo rje bcing bar bcings/ /zhes ji skad bstan pa bzhin du 'dir yang sbyar bar shes par bya'o//'di'i dngos grub ji lta bur 'gyur zhe na/ dngos grub kyang de dang 'dra'o zhes gsungs pa yin te/ /chos kyi dkyil 'khor der ji skad bstan pa dang 'dra'o zhes bya ba'i don to/ /de nas dam tshig gi phyag rgyar ji ltar 'gyur zhe na/ rdo rje nor bu ni rdo rje ye shes kyi dkyil 'khor gyi tshul du gzhag par bya'o zhes bya ba'i don to//'di skad ston te/ chos kyi dkyil 'khor der rdo rje bsdams pa las rdo rje rin po che'i myu gu bcings shing rdo rje bsdams pa dam tshig gi phyag rgyar bstan par 'jog pa de bzhin du/ skyil mo krung 'dug gan rkyal du/ /zhes bya ba la sogs pas rdo rje nor bur gzhag par bya'o/ / de nas zhes bya ba la sogs pas ni chos kyi phyag rgya ston te/ de dag ni go sla'o/ /rtog pa thams cad du gtogs pa'i dkyil 'khor thams cad du sngags kyi bdag po rnams kyi chos kyi phyag rgya ma bstan pa gang yin pa der ni bdag po de rnams kyi yi ge'i gtso bo rnams der sbyar bar bya ste/ rin po che'i rigs 'dir ni traM zhes bya ba'o//'gro ba 'dul bar ni hrI zhes bya'o/ /'jig rten gsum las rnam par rgyal bar ni/ hUM ni sangs rgyas rdo rje yi/ /zhes ji skad gsungs pa'o/ /de bzhin gshegs pa'i rigs su ni de bzhin gshegs pa lnga'i badzra dz+nyA na sangs rgyas rnams zhes 'gres gcig gis chos kyi phyag rgya ston to//mdor na las kyi phyag rgya ni gnas ji bzhin par gzhag par bya'o zhes bya ba ni rdo rje khu tshur gyi gnas su rdo rje rin chen myu gu bzhag la de gnyis su bzhag ste/ bsgyings bcas gsor ba zhes bya ba la sogs pa ji skad du bshad pa'i mtshan nyid kyis las kyi phyag rgya rnams bstan par bya'o//rgyud thams cad kyi bdag po'i gnas rnams su yang gang du las kyi phyag rgya'i khyad par ma gsungs pa der ni rdo rje dbyings kyi dkyil 'khor du gsungs pa dang sbyar bar shes par bya'o/ /de bzhin gshegs pa thams cad du gtogs pa'i las kyi rigs kyi dam tshig bstan pa gang yin pa de ni de bzhin gshegs pa thams cad kyi las kyi dam tshig kyang yin la rtog pa'i rgyal po chen po yang yin te/de las ye shes kyi dkyil 'khor gyi cho ga rgyas ba ni chos kyi dkyil 'khor gyi cho ga rgyas pa ste de rdzogs so// //de kho na nyid bsdus pa'i rgya cher bshad pa ko sa la'i rgyan las chos kyi dkyil 'khor gyi 'grel pa'o//de nas zhes bya ba la sogs pa la de nas zhes bya ba ni rjes thogs la ste/ chos kyi dkyil 'khor gyi rjes la las kyi dkyil 'khor gyi gnas skabs yin no zhes bya ba'i don to/ /yang zhes bya ba ni dkyil 'khor snga ma la ltos pa'o/ /bcom ldan 'das zhes bya ba ni dbang phyug la sogs pa dang ldan pa'i phyir ro//de bzhin gshegs pa thams cad du gtogs pa'i dbang bskur ba zhes smos pas ni rin po che'i rigs yin pa'i phyir ro/ /las smos pas ni las kyi dkyil 'khor yin par sbyar ro/ /dam tshig smos pas ni de'i snying po dang phyag rgya la sogs pa gzung ste/de las kyi ngo bo nyid kyi sems kyi khyad par gang las byung ba de byin gyis brlab par bya ba'i phyir ting nge 'dzin gang la don dang mthun pa'i ming 'di skad ces bya ba'i ting nge 'dzin de la snyoms par zhugs pa'o/ /rang gi rig pa dam pa gsungs so zhes bya ba ni/ bcom ldan 'das rnam par snang mdzad kyis so/ /'di zhes bya ba ni thugs la gnas pa'o/ /de bzhin du phyag na rdo rje la sogs pa bzhis kyang rang rang gi rigs kyi dkyil 'khor byin gyis brlab par bya ba'i phyir rang rang gi rig pa dam pa gsungs so/ /'dir byin gyis rlob pa la sogs pa ma smos mod kyi/'on kyang dkyil 'khor gzhan gyi tshul du shes par bya'o/ /de nas zhes bya ba la sogs pa ni go sla'o/ /rin chen dgos pa zhes bshad do/ /zhes bya ba ni rin po che'i rigs kyi las kyi dkyil 'khor du bshad do zhes bya ba'i don to/ /dkyil 'khor chen po'i tshul du ni/ dkyil 'khor thams cad srad bu bre//zhes bya ba la dkyil 'khor chen po ni 'dir don thams cad grub pa'i dkyil 'khor yin par shes par bya'o/ /de'i dbus su tshul bzhin du/ /sangs rgyas sku gzugs gzhag par bya/ /zhes bya ba ni dkyil 'khor de'i dbus te/ bcom ldan 'das rnam par snang mdzad kyi gnas su tshul bzhin du zhes bya ba ste/sangs rgyas kyi sku gzugs seng ge'i gdan la skyil mo krung du bzhugs pa zhal bzhi pa phyag gnyis pa byang chub mchog gi phyag rgya dang ldan pa 'og nas bshad pa'i sngags kyis sangs rgyas sku gzugs gzhag par bya ba ste/ sangs rgyas kyi phyag rgya chen po'i gzugs gzhag par bya'o//dkyil 'khor lhag ma rnams su ci zhig gzhag par bya zhe na/ bdag po bzhi'i gnas su ni don thams cad grub pa la sogs pa'i 'khor los sgyur ba rnams bri bar bya'o/ /gnas lhag ma bcu drug po rnams su ni/ sems dpa' chen po'i tshul gyis ni rin chen sems ma rnams bri'o zhes bya ba ste/sems dpa' chen po'i sbyor bas sems dpa' gang gi tshul gang yin pa dang / mtshan ma gang yin pa dang / phyag rgya gang yin pa des rin chen sems ma rnams bri bar bya'o zhes pa ste/ thams cad du bud med kyi gzugs su bri bar bya'o zhes bya ba'i don to//rat+na pU dzA g+h+ye zhes bya ba ni rnam par snang mdzad kyi gnas su dgod pa'i sngags yin no/ /sarba arba sid+hi la sogs pa oM zhes bya ba dang ldan pa ni mi bskyod pa'i gnas su don thams cad grub pa dgod pa'i sngags yin no/ /lhag ma rnams ni gnas lhag ma rnams su shes par bya'o//sgeg mo la sogs pa'i gnas su yang dgod pa'i sngags lhag ma rnams yin par shes par bya'o/ /de nas zhes bya ba la sogs pa la de nas zhes bya ba ni rjes thogs la ste/ rig pa rnams bstan pa'i rjes la'o/ /'dir zhes bya ba ni las kyi dkyil 'khor 'dir ro/ /cho ga ji lta ba bzhin du rgyas par byas nas zhes bya ba ni dkyil 'khor bri ba dang /slob dpon gyi las mchod pa bya ba dang / bshos dbul ba la sogs pa sngar bshad pa rnams gzung ngo / /bcug ste 'di skad du bsgo bar bya'o zhes bya ba ni mna'i snying po ston to/ /gsang ba'i dam tshig ma bsrungs ba'i nyes dmigs ni las kyi sgrib pas non nas shi bar gyur ta re zhes bya ba ste/las kyi sgrib pa ni mtshams med pa la sogs pa nges par myong bar bya ba dngos grub kyi gegs su gyur pa'o/ /de nas las kyi ye shes bslab par bya'o zhes bya ba ni/ las kyi dkyil 'khor gyi dngos grub sgrub pa'i ye shes ni las kyi ye shes te de bslab par bya'o zhes bya ba ni bstan par bya'o zhes bya ba'i don to//rdo rje snying po zhes bya ba la sogs pa la rdo rje snying po ni bcom ldan 'das nam mkha'i snying po'o/ /de'i phyag rgya chen por bsgom pa ste/ phyag rgya chen po ni de'i sku'i phyag rgya'o/ /de bsgoms nas rab mnyam gzhag ces bya ba ni shin tu mnyam par gzhag pas na rab mnyam gzhag pa ste/'bad pa chen pos sems rtse gcig tu byas la zhes bya ba'i don to/ /shin tu mnyam par gzhag pas ci zhig bya zhe na/ sangs rgyas thams cad la mchod par bya'o/ /zhes bya bar sbyar ro//mchod pa kun gyis mchod na ni/ /zhes bya ba ni mchod pa'i rnam pa thams cad de/ bdug pa la sogs pa'i mchod pa bzhi dang / rdo rje rin po che'i dbang bskur ba'i mchod pa dang / gdugs dang / rgyal mtshan dang / ba dan la sogs pa'i mchod pa dang rgyal po'i mchod pa rnam pa sna tshogs pa'o//gang gi zhe na/ sangs rgyas thams cad kyi'o/ /de ltar mchod pas de ci zhig tu 'gyur zhe na/ dbang du gyur zhes bya ba ste mnyes par 'gyur gyis mi mnyes par mi 'gyur ro zhes bya ba'i don to/ /ting nge 'dzin zhes bya ba la sogs pa la phyag rgya gang yang rung ba bcings la zhes bya ba ni gang gi sems dpa' gang zlos pa des de'i phyag rgya bcing bar bya'o//ji lta bu zhe na/ dam tshig mchog ces bya ba ste/ /dam tshig gi phyag rgya zhes bya ba'i don to/ /gang gis she na/ ting nge 'dzin gyis so/ /'di skad ston to/ /dang po sems dpa' de'i phyag rgya chen po bcings la des yid rtse gcig tu gyur pas dam tshig gi phyag rgya bcing bar bya'o//de lta bu'i ting nge 'dzin gyis dam tshig gi phyag rgya bcings nas ci zhig bya zhe na/ sangs rgyas thams cad mchod na ni/ /zhes bya ba gsungs so/ /de nas cir 'gyur zhe na/ dbang bskur dam pa des 'thob bo/ /zhes bya ba gsungs so//'di skad ston te/ rgyal po la sogs pa'i dbang bskur ba nas bla na med pa'i chos kyi rgyal por dbang bskur ba'i bar du ji ltar 'dod pa 'thob par 'gyur ro/ /rdo rje snying po zhes bya ba la sogs pa ni bcom ldan 'das rdo rje snying po de'i ting nge 'dzin bsgom pa goms par bya'o/ /ji ltar zhe na/ rab mnyam gzhag pas zhes bya ba ste rtse gcig pa'i yid kyis so//ci zhig byed ce na/ sangs rgyas thams cad rab mchod na/ /zhes bya ba gsungs so/ /de nas cir 'gyur zhe na/ 'gro ba'i dam pa 'jig par 'gyur/ /zhes bya ba gsungs te/ 'gro ba'i dam pa ni sangs rgyas bcom ldan 'das te de yang 'jig par 'gyur ba'o//'di skad ston te/ don dam par bsgom pa byas pas sangs rgyas bcom ldan 'das kyang 'jig mod kyi/ de la yang mngon par zhen par ni mi bya'o/ /de ltar grub kyis kyang lhag ma rnams 'jig par byed pa la ni gzhig par byas la rang gi dbang du gyur nas slar yang srog sbyin par bya'o//sems can gyi tshogs lhag ma rnams shi ba la slar gso ba yang shi ba gso bar bya ba'i sngags dang phyag rgya de nyid kyis sems can de'i cha byad dang 'dra bar de'i ro'i snying gar 'tsho ba'i khams gzhug cing bye ma'i nang du chu song ba ltar lus de'i yan lag thams cad du mngon par khyab par byas te/smra ba'am langs par bsam mo/ /bsam gtan ma thob cing mtshan ma yid la 'dzin pa tsam gyis rnal 'byor pa zhig yin na yang ji ltar bsams pa de kho na bzhin du 'grub par 'gyur bas 'dir the tshom mi bya'o/ /gal te the tshom byas par gyur na ni sbyor ba yang 'grub par mi 'gyur ro//de ltar 'tsho ba'i khams slar sbyor ba 'di lta bus 'tsho ba slar yang sbyin par bya'o/ /mngon spyod kyi rgyud las gsungs pa thams cad la yang slar gso ba'i sbyor ba 'di bzhin du shes par bya'o/ /gang la 'dul ba'i phyir gnod pa'i rnam pa ji lta bu byas pas de dul bar gyur pa dang //gnod pa de dang de sems can de dang de'i lus la rab tu zhi bar bsam zhing chos kyi dbyings la dmigs pa dngos po 'di dag rnam par rtog pas brtag par zad par bsam zhing gnod pa slar gso ba'i gnyen pos de dang de la phan par byas na de nges par de bzhin du 'gyur ro/ /rdo rje snying po zhes bya ba la sogs pa la/las kyi phyag rgya bcings nas ni/ /zhes bya ba ji ltar bcing zhe na/ rdo rje snying po'i ting nge 'dzin gyis zhes bya ba gsungs so/ /'di skad ston te/ bcom ldan 'das rdo rje snying po'i las kyi dkyil 'khor las gsungs pa'i ting nge 'dzin gang yang rung bas gnas la las kyi phyag rgya gang yang rung ba bcings nas/sangs rgyas thams cad la mchod na/ /skad cig gis ni don kun 'thob/ /ces bya ba ste bsam pa dang sbyor ba dag pas sangs rgyas la mchod pa byas na ji ltar mngon par 'dod pa'i don 'grub par 'gyur ro zhes bya ba'i don to//de nas gsang ba'i zhes bya ba la sogs pa de nas zhes bya ba ni rjes thogs la ste/ dngos grub bstan pa'i rdzas la'o/ /gsang ba las byung ba'i phyir gsang ba ste sbas pa gang yin pa'o/ /de'i phyag rgya yin pas na gsang ba'i phyag rgya ste/ las kyi dkyil 'khor gyi gsang ba'i ye shes gang yin pa de 'dir ston to zhes bya ba'i don to//gsang ba de gang zhig yin zhe na/ dbang po gnyis ni mnyam sbyar nas/ /zhes bya ba ste rnal 'byor pas phyag rgya chen po'i gzugs su bskyed nas rang gi lha dgug pa dang / bzhug pa dang / bcing ba dang / dbang du bya ba byas nas de dang lhan cig tha mi dad pa ste/bdag gang yin pa de ni bdag gi lha yin la/ bdag gi lha gang yin pa de ni bdag yin no zhes/ /dbang po gnyis tha mi dad par byed pa ni dbang po gnyis sbyor ba ste/ 'di med par dgos pa gang yang 'grub par mi 'gyur bas na 'di ni gsang ba ste sba ba'o/ /'jig rten na grags pa'i skyes pa dang bud med kyi dbang po mnyam par sbyor ba'i tshul gyis gsungs so//ci'i phyir de ltar ldem po ngag tu gsungs she na/ glegs bam mthong ba tsam gyis thub chod du sngags len pa dgag pa'i phyir te/ slob dpon gyi man ngag med par ni dngos grub thob par 'gyur ba ma yin no//de bas na/ rdo rje snying po'i ting 'dzin gyis/ /zhes bya ba gsungs te/ dbang po gnyis mnyam par sbyor bas ni ting nge 'dzin 'byung ba mi srid de phyi'i yul la zhen pas shin tu nyon mongs shing bcings pas smad cing sems g.yeng ba yin pa'i phyir ro/ /de lta bu'i dbang po gnyis mnyam par sbyor ba'i rdo rje snying po'i ting nge 'dzin gyis ci zhig byed ce na/sangs rgyas thams cad mchod na ni/ /zhes bya ba gsungs te/ me tog la sogs pa yid las byung bas so/ /'dis ci zhig tu 'gyur zhe na/ 'jig rten thams cad de mgur 'gyur/ /zhes bya ba gsungs so/ /'di skad ston te sangs rgyas thams cad la mchod pa byas na skye bo thams cad la sdug par 'gyur ro//de ltar dbang du bya ba la sogs pa'i gsang ba bzhi bshad zin to/ /de nas phyag rgya chen po'i ye shes kyi dngos grub dam par 'gyur ro zhes bya ba ni/ phyag rgya chen po ji lta ba ni 'dir lha'i gzugs kyi phyag rgya chen po'i ri mor bri ba'i tshe ji skad bstan pa dang /rdo rje dbyings kyi las kyi dkyil 'khor du/ /rang gi phyag rgya lag gnyis kyis/ /zhes bya ba la sogs pa ji ltar gsungs pa bzhin du bsgoms na dngos grub kyi dam pa 'grub po zhes bya ba'i don to/ /de nas dam tshig gi phyag rgya zhes bya ba la sogs pa la phyag rgya chen po'i rjes la dam tshig gi phyag rgya bstan dgos pas na/de nas dam tshig gi phyag rgya'i ye shes bslab par bya'o zhes gsungs so/ /rdo rje rin chen bcings nas ni/ /zhes bya ba la rdo rje rin chen ni rdo rje rin chen myu gu zhes sngar bshad zin te de bcing ba'o/ /gnas rnams kun du gzhag par bya/ /zhes bya ba ni ji skad bstan pa'i gnas rnams su rdo rje rin chen gyi myu gu bzhag na dam tshig gi phyag rgyar 'gyur ro//de ji ltar gzhag par bya zhe na/ rdo rje dgos pa'i tshul du ni/ /zhes bya ba gsungs te/ rdo rje smos pas ni rdo rje dbyings kyi dkyil 'khor ston to/ /dgos pa smos pas ni der gtogs pa'i las kyi dkyil 'khor ro//de'i tshul du ni rdo rje bsdams pa snying ga rtsib logs rgyab tu sbyar zhes bya ba la sogs pa ji skad gsungs pa'o/ /ltag 'og ces bya ba ni sbyor ba phyin ci ma log par bya ba ston te ma gus par mi bya'o zhes bya ba'i don to/ /go rims ji bzhin zhes bya ba ni rim pa ji lta ba bzhin du dgod par bya'i/'chol bar ma byed cig ces bya ba'i don to/ /de nas chos kyi phyag rgya'i ye shes zhes bya ba la sogs pa ni go sla'o/ /chos kyi phyag rgya de dag kyang rang gi lha'i rnal 'byor byed pa'i tshe rang gis snying ga'i zla ba'i dkyil 'khor la dgod par bya ba dang / dkyil 'khor 'dri ba'i tshe phyag rgya chen po la yang dgod par bya'o//dkyil 'khor bris nas dgug pa dang gzhug pa la sogs pa'i las kyang byas la las kyi phyag rgya yang bcings nas/ dam tshig gi phyag rgya yang bstan pa'i 'og tu chos kyi phyag rgya yang brjod par bya'o/ /phyag rgya chen po gang dang gang du bsam par bya ba'i dgos pa de dang der yang 'di rnams bsam par bya ste/rgyud thams cad la yang de ltar shes par bya'o/ /de ni las kyi phyag rgya ston te/ rdo rje rin chen gnyis byas la/ /zhes bya ba ni rdo rje rin po che'i myu gu gnyis su bya ba'o/ /las kyi phyag rgya de bsgrub po/ /zhes bya ba ni bsgyings bcas gsor ba zhes bya ba la sogs pa'i tshul du bcing ba'o//de kho na nyid bsdus pa'i rgya cher bshad pa ko sa la'i rgyan las de bzhin gshegs pa thams cad kyi las kyi dam tshig brtag pa'i rgyal po chen po'i las kyi dkyil 'khor gyi cho ga rgyas pa'i 'grel pa'o// //dkyil 'khor chen po bstan zin nas//da ni phyag rgya chen po la sogs pa bzhi po'i dam tshig gi dngos grub la dbang du gyur pa nyid du bsgrub par bya ba'i phyir/ phyag rgya bzhi'i dkyil 'khor mthong ba'i slob mas rdo rje rin po che'i myu gu'i phyag rgya thogs la des dkyil 'khor chen po bri ba la sogs pa'i las rnams bya'o/ / nus pa zhan pa dang / ri mo'i las la mi mkhas pa dang / 'byor pa chung ba rnams kyis ni phyag rgya de bsgrub dgos pa'i phyir phyag rgya bzhi'i dkyil 'khor bya'o zhes gsungs so/ /de bsgrub pa 'ba' zhig tu yang ma zad kyi/ /gang 'dod pa'i phyag rgya rnams bsgrub par bya ba'i phyir yang bya'o/ /nus pa yod pas ni dkyil 'khor chen po nyid dam gsang ba'i dkyil 'khor bris la phyag rgya chen po bsgrub par bya ste/tshul 'dis ni rgyud thams cad la yang shes par bya'o/ /de nas zhes bya ba la sogs pa la de nas yang bcom ldan 'das zhes bya ba bshad zin to/ /rin po che'i phyag rgya zhes bya ba'i ting nge 'dzin la snyoms par zhugs nas zhes bya ba ni rin po che la dmigs pas thugs rtse gcig par mdzad pas na de skad ces bya ste/rin po che'i 'byung gnas la ni rin po che'i phyag rgya zhes gsungs te/ phyag rgya'i ting nge 'dzin gang la dmigs par gyur pa de ni rin po che'i phyag rgya des bya ba'i ting nge 'dzin te/ting nge 'dzin de la snyoms par zhugs pa'o/ /'di zhes bya ba ni thugs la gnas pa'o/ /bcom ldan 'das kyis rang gi rig pa dam pa 'di gsungs pa dang / phyag na rdo rje la sogs pa 'khor los sgyur ba bzhis kyang rang rang gi phyag rgya gsungs pa yin no/ /de nas zhes bya ba la sogs pa ni go sla'o//phyag rgya bzhi ba'i tshul du ni/ /dkyil 'khor yongs su brtag par bya/ /zhes bya ba ni sems dpa' rdo rje ma la sogs pa'i gnas kyi phyag rgya bzhi po gang yin pa'i sbyor ba ste/ gcig tu ni rdo rjes mtshan pa'i rin po che'o/ /gnyis par ni rin po ches mtshan pa'i rin po che'o//gsum par ni pad+mas mtshan pa'i rin po che'o/ /bzhi par ni rdo rje kha bzhi pa'i rdo rjes mtshan pa'i rin po che'o/ /dbus su ni rin po che zur brgyad pa lta bu'i mchod rten bzhag pa'i dkyil 'khor yongs su brtag pa 'di ni phyag rgya bzhi'i tshul lo/ /dkyil 'khor las lhag ma rnams ni sngar bshad pa nyid do//de nas ji lta ba bzhin zhugs sam bcug ste mna'i snying po sbyin par bya'o/ /khyod kyis su la yang ma smra shig ces bya ba ni snga ma dang 'dra'o/ /de nas ye shes bskyed par bya ste zhes bya ba ni/ sgrub pa'i thabs kyi man ngag sbyin par bya'o zhes bya ba'i don to//rdo rje rin chen ting 'dzin gyis/ /zhes bya ba ni nam mkha'i snying po'i phyag rgya chen po'i ting nge 'dzin gyis so/ /rdo rje rin chen bcings nas ni/ /zhes bya ba ni rdo rje rin chen gyi phyag rgya bcing ba'o/ /dpral bar rab tu bzhag na ni/ /zhes bya ba ni ting nge 'dzin des so/ /dngos grub thams cad 'thob par 'gyur//zhes bya ba ni ji ltar mngon par 'dod pa'i dngos grub rnams 'thob par 'gyur ro zhes bya ba'i don to/ /de nas gsang ba'i phyag rgya'i ye shes bslab par bya ste zhes bya ba la gsang ba'i zhes bya ba ni bshad zin te/ de'i phyag rgya bstan par bya'o zhes pa'o/ /khyo'am yang na sdug pa'am//zhes bya ba la khyo ni byang chub sems dpa' ste gang la brten par bya ba la zhugs pa'o/ /sdug pa ni phyag rgya gang sgrub pa la zhugs pa'o/ /sgrub pa la zhugs pa de gang yin zhe na/ bud med dam ni skyes pa'ang rung / /zhes bya ba gsungs pa'o/ /dpral ba gnyis sbyar zhes bya ba la dpral ba ni skyes pa'am bud med kyi dpral ba gnyis gzung ngo //de sbyar ba ni dpral ba ste dbang bskur ba'i gnas su phyag rgya gzhag pa'o/ /phyag rgya dang dpral ba gtugs pa gang yin pa de nyid ni sprad pa zhes gsungs te/ go rims ji lta ba bzhin du bud med la ni khyo ste/rdo rje rin chen sprad pa ste dpral bar 'jog pa'o/ /skyes pa zhig na sdug pa ste phyag rgya yin la de yang skyes pa'i dpral bar bzhag pa ni sprad pa zhes bya'o/ /de ltar byas na gnyi ga yang 'grub par 'gyur ro/ /skyes pa dang bud med ces smos pa dang dpral ba gnyis sbyor ba'i tshig gis ni ji skad gsungs pa'i don spros pa yin pas na gsang ba zhes bya'o//yang na bud med gcig na don thams cad grub pa'i dkyil 'khor du zhugs nas mchod pa'i cho ga ji skad gsungs pa bzhin du byas shing dam tshig gi cho ga rdzogs par byas nas bsgrub pa'i tshe rang gi lha'i rnal 'byor byas te/dkyil 'khor la sogs pa bris nas cho ga thams cad rdzogs par byas la/ bcom ldan 'das nam mkha'i snying po dgug pa dang gzhug pa dang / bcing ba dang / dbang du bya ba byas nas dpral ba gnyis sbyor ba dang / kha gnyis par mtshams med par sprad pa ste/ de'i ngo bor bsgom zhing rdo rje rin chen dpral bar bzhag na 'grub par 'gyur ro//de bzhin du skyes pa zhig na'ang sdug pa ste/ phyag rgya bsgrub par 'dod na de bud med kyi gzugs su bsams la ji skad gsungs pa'i tshul gyis dgug pa la sogs pa byas nas phyag rgya dpral bar gzhag cing de'i ngo bo nyid du gyur par bsgoms te spyod pas 'grub par 'gyur te/de ltar na gnyi ga yang 'grub par 'gyur ro/ /bud med kyi sgrub pa 'di ni rgyud gang nas kyang ma gsungs mod kyi rdzogs ka 'dir gsungs pa 'di thams cad du yang shes par bya'o/ /bcom ldan 'das nam mkha'i snying po'i sgrub pa 'di ji ltar lhag ma rnams la yang de bzhin du shes par bya'o//bud med kyi phyag rgya la skyes pas lhag par mos par bya ba dang / skyes pa'i phyag rgya la bud med kyis mos par bya ba 'di ni rig 'dzin gyi dngos grub kyi man ngag yin te/ 'di nyid la thams cad kyi chags pa shin tu dam por gyur pa yin pas na de skad du smos pa yin te/mngon par zhen pa med pas 'grub par 'gyur ba med do zhes shes par bya'o/ /rin po che'i rigs thams cad kyi rig 'dzin gyi dngos grub 'thob par 'dod na/ sngar bsnyen pa yang 'dis bya zhing snying po yang 'di nyid bzla bar bya'o/ / de nas phyag rgya bzhi bcing ba ji lta ba bzhin du bcing ba dang zhes bya ba la phyag rgya rnam pa bzhi bcing ba yin pas na phyag rgya bzhi bcing ba'o/ /rnam pa bzhi de bzhin du bslab par bya'o/ zhes bya ba ni re re zhing yang phyag rgya chen po dang / dam tshig gi phyag rgya dang / chos kyi phyag rgya dang / las kyi phyag rgya'i dkyil 'khor chen po las gsungs pa rnams so//dngos grub thams cad kyang de bzhin no zhes bya ba ni/ ji ltar don thams cad grub pa'i dkyil 'khor chen po der phyag rgya bzhi'i dngos grub rnam pa bzhi gsungs pa de bzhin du 'dir yang shes par bya'o/ /de kho na nyid bsdus pa'i rgya cher bshad pa ko sa la'i rgyan las rin po che'i rigs kyi phyag rgya bzhi'i dkyil 'khor gyi 'grel pa'o// //da ni de nas zhes bya ba la sogs pas phyag rgya chen po mdor bsdus pa phyag rgya gcig pa'i dkyil 'khor ston te/ de nas zhes bya ba ni rjes thogs la ste/ phyag rgya bzhi'i dkyil 'khor gyi rjes la'o//byang chub la sems dpa' bas na byang chub sems dpa'o/ /sems can gyi tshogs chen po'i don mdzad pa la zhugs pas na sems dpa' chen po'o/ /nam mkha' nyid kyi skye gnas mnga' bas na nam mkha'i snying po ste de las rdzus te skyes pa yin pa'i phyir ro/ /'di zhes bya ba ni thugs la gnas pa'o//'di zhes bya ba ni gang yin zhe na/ don thams cad grub pa zhes bya ba'i dkyil 'khor gsungs so zhes bya ba ste/ 'dir zhugs na don thams cad grub pas na 'di'i ming don thams cad grub pa zhes bya ba'i dkyil 'khor ro/ /de yang dkyil 'khor ni snying po la bya ste mar gyi snying po lta bu'o//de len pas na dkyil 'khor te de gsungs pa'o/ /dkyil 'khor zhes bya ba'i sgras ni snying po nyid la bya bar bshad de dkyil 'khor gyi rgyu yin pa'i phyir ro/ /de yang dkyil 'khor gyi snying po 'di nyid ni dngos grub don du gnyer ba rnams kyi dkyil 'khor byin gyis brlab pa dang /lha dgod pa dang / bzlas pa bya ba rnams yin no/ /de nas zhes bya ba la sogs pas ni dkyil 'khor ston te/ dkyil 'khor chen po lta bur bris la lha gzhan mi dgod par bcom ldan 'das don thams cad grub pa gcig pu ji skad gsungs pa'i snying po 'dis dbus su gzhag par bya'o//de nas rdo rje rin po che'i myu gu'i phyag rgyas bcug la mna'i snying po sbyin te gsang ba'i phyag rgya'i ye shes bslab par bya'o zhes pa ste/ gsang ba'i ye shes kyi phyag rgya'i zhes bya ba'i don to/ /gzugs la sogs pa zhes bya ba la sogs pa la gzugs la sogs pa'i 'dod pa rnams la zhes bya ba ste sogs pa smos pas ni/sgra dang dri dang ro dang reg bya rnams bsdu'o/ /yid dang rjes su mthun zhing 'dod par bya ba yin pas na 'dod pa ste/ lha dang mi rnams kyi mngon par 'dod pa gang yin pa'o/ /chags bral bar ma gyur zhes bya ba la 'dod pa rnams la ma chags pas na chags bral te/nyan thos dang rang sangs rgyas kyi theg pa la gnas pa'o/ /chags pa dang ma bral bas na chags bral ma gyur pa ste/ byang chub kyi sems bstan pa'o/ /'di skad ston te/ sgrub pa'i tshe phun sum tshogs pa thams cad kyi rgyud byang chub kyi sems brtan par bya ba'o//ji ltar zhe na/ sangs rgyas dang byang chub sems dpa' thams cad mngon sum du byas la de rnams kyi spyan sngar thal mo sbyar te/ bcom ldan 'das bdag gis dngos grub 'di dang / byang chub rtogs par bgyis la sems can thams cad 'khor ba'i btson ra nas gdon par bgyi'o zhes de ltar byang chub don du gnyer ba dang /sems can gdon pa'i mtshan nyid can gyis byang chub kyi sems brtan par byas pa yin no/ /de lta bu'i chags pa dang bral ba ma yin pa'i sems kyis de bzhin du dus gzhan dag tu yang yid du 'ong ba'i gzugs mthong ba'am/sgra thos pa'am/ dri snom pa'am/ ro myang ba 'am/ rlung g.yab la sogs pa'i reg bya nyams su myong ba na de rnams las bde ba dang yid bde ba gang dag myong ba'i bde ba dang yid bde ba mchog tu dga' bas sangs rgyas dang / byang chub sems dpa' rnams la phul la/sangs rgyas dang byang chub sems dpa' thams cad 'di lta bu'i nyon mongs pa med pa'i bde ba dang yid bde ba phun sum tshogs pa dang ldan par gyur cig /bcom ldan 'das dge ba'i rtsa ba 'dis kyang sems can thams cad ting nge 'dzin gyi dga' ba'i bde ba dang yang dag par ldan par gyur cig ces bya ba ste/de ltar bde ba dang yid bde ba de sangs rgyas rnams la phul bar gyur cing 'bras bus sems can thams cad la bsngos pas rtog pa'i dngos grub rnams 'thob par 'gyur ro/ /de nas phyag rgya bzhi'i ye shes bslab par bya'o zhes bya ba ni/bcom ldan 'das kyi rtsa ba'i dkyil 'khor du phyag rgya rnam pa bzhi gsungs pa dang /don thams cad grub pa'i phyag rgya chen po la sogs pa'i phyag rgya bzhi gsungs pa ste/ de'i ye shes yin pas na phyag rgya bzhi'i ye shes so/ /de bslab par bya'o zhes bya ba ni bstan to zhes bya ba'i don to/ /de bzhin du ras la sogs pa zhes bya ba la sogs pa la/sems dpa' ni phyag rgya chen po'o/ /phyag rgya zhes bya ba ni rin po che la sogs pa'o/ /dkyil 'khor bris te bsgrub par bya'o zhes bya ba ni dkyil 'khor bris la zhes bya bar sbyar ro/ /de ltar rgyud rnams rdzogs pa dang / de bzhin gshegs pa thams cad mnyes par gyur na/ bcom ldan 'das rdo rje sems dpa' la rtog pa bzhi po'i don dang 'brel ba'i legs so zhes bya bas gzengs bstod par mdzad pa'i phyir/ de nas zhes bya ba la sogs pa smos te/ de nas zhes bya ba ni rjes thogs la ste rgyud rdzogs pa'i rjes la'o/ /yang zhes bya ba ni gsol ba btab pa'i dus la ltos pa'o//de bzhin gshegs pa yang yin la thams cad kyang yin pas de bzhin gshegs pa thams cad do/ /gcig tu 'dus nas zhes bya ba la 'dus pa ni tshogs par mdzad pa'o/ /byang chub sems dpa' chen po nam mkha'i snying po zhes bya ba ni sprul pa dang nye ba la ltos pa'o/ / 'dis zhes bya ba ni 'og nas bshad pas so/ /gang gis she na/ legs so zhes bya ba byin pas so/ /bstod do zhes bya ba ni mchod par mdzad pa'o/ /ji lta zhe na/ legs so zhes rdo rje sems dpa' khyod ces bya ba la sogs pa ste/ rdo rje sems dpa' zhes bya ba ni de bzhin gshegs pa'i rigs kyi rtog pa la ltos pas so//rdo rje rin chen zhes bya ba ni rin po che'i rigs kyi rtog pa la ltos pas so/ /rdo rje chos zhes bya ba ni chos kyi rigs kyi rtog pa la ltos pas so/ /rdo rje las zhes bya ba ni las kyi rigs kyi rtog pa la ltos pas so/ /rdo rje theg pa bla na med//ces bya ba la rdo rje ni sangs rgyas dang byang chub sems dpa' ste/ de rnams kyi theg pa yin pas na rdo rje theg pa'o/ /'dis 'gro bas na theg pa ste/ bla na med pa yang dag par rdzogs pa'i byang chub 'thob par byed pa'i thabs yin pa'i phyir ro/ /bla na med ces bya ba ni mdo sde'i spyod pa'i tshul las shin tu khyad par du 'phags pa yin pa'i phyir ro//de bzhin gshegs pa kun gyi gsang ba zhes bya ba la 'di ni de bzhin gshegs pa yin pas na de bzhin gshegs pa kun gyi'o/ /gzhan rnams kyis mi shes pas na gsang ba'o/ /theg pa chen po mngon 'dus pa/ /zhes bya ba la 'dis 'gro bas na theg pa'o//chen po rnams kyi theg pa yin pas na theg pa chen po ste/ mos pas spyod pa dang bcas pa'i sa bcu gcig pa yin la des bgrod pa ni sa bcu gnyis pa kun du bzang po'i sa ste/ 'di gnyis ka la yang theg pa chen po zhes bya ba la de ston par byed pa'i gzhung la yang theg pa chen po zhes bya'o//theg pa chen po de'i gtso bo bsdus te mngon par byang chub pa'i rim pa ston pas na de'i phyir/ theg pa chen po mngon 'dus pa/ /zhes bya'o/ /mdo tsam du ston pas na mdo sde ste/ gzhung 'bum mdor bsdus pa yin par shes par bya'o/ /'di ni zhes bya ba ni gong du bshad ma thag pa'o//legs par bshad ces bya ba ni/ phyin ci ma log par gsungs pa yin pa'i phyir ro/ /de bzhin gshegs pa thams cad kyi de kho na nyid 'dus pa zhes bya ba la/ de bzhin gshegs pa thams cad kyi de kho na nyid kyang 'di tsam du zad de/ 'di lta ste/ sa bcu gnyis so//de rnams kyang 'dir 'dus par gyur pa yin pa'i phyir ro/ /de bzhin gshegs pa thams cad kyi de kho na nyid 'dus pa zhes bya'o/ /de kho na nyid bsdus pa'i rgya cher bshad pa ko sa la'i rgyan las de bzhin gshegs pa thams cad kyi las kyi dam tshig ces bya ba'i rtog pa'i rgyal po chen po'i 'grel pa rdzogs so// //da ni 'di man chad ni dkyil 'khor rnam pa bzhi'i rigs rnam pa bzhir gtogs pa'i phyag rgya rnam pa bzhi'i dngos grub sgrub pa'i rkyen du gyur pa gang cung zad yan chad ci yod pa de dag thams cad ni phyi ma zhes bya'o/ /de la de nas byang chub sems dpa' chen po phyag na rdo rjes zhes bya ba la sogs pa rab tu byed pa dang pos ni thog ma kho nar re zhig rtag pa rnam pa bzhir gtogs pa'i dkyil 'khor dang po bzhi phyag rgya rnam pa bzhi'i dngos grub dam pa'i rgyud de ston pa yin te/de nas zhes bya ba ni de'i rjes thogs la ste/ rtsa ba'i rgyud kyi rjes thogs la'o//byang chub chen por sems dpa' yin pas na byang chub sems dpa' chen po'o/ /'di'i phyag na rdo rje mnga' ba yin pas na phyag na rdo rje'o/ /de bzhin gshegs pa thams cad ces bya ba la de bzhin gshegs pa yang yin la thams cad kyang yin pas de bzhin gshegs pa thams cad de dkyil 'khor ba'i sangs rgyas dang byang chub sems dpa' rnams so//de rnams dang 'brel pa'i de kho na nyid chen po ni/ de kho na nyid kyang yin la/ chen po yang yin pas na de kho na nyid chen po ste thams cad du khyab pa'i phyir ro/ /de yang tshig re rer thams cad bdag yin par zhes bya ba la sogs pa 'og nas ji skad bshad pa lta bu'o//de'i cho ga rgyas pa ni 'di dag bya'o zhes bya ba'i rnam pa rgyas pa ste de ston par byed pa'i gzhung ni cho ga rgyas pa'i rgyud do/ /'di zhes bya ba ni thugs la gnas pa'o/ /gsungs so zhes bya ba ni de bka' stsal to zhes bya ba'i don to//de la re zhig dang por ni phyag rgya chen po dam pa'i dngos grub kyi rgyud bshad de zhes bya ba la/ de la zhes bya ba ni nges par gzung ba ste/ phyag rgya chen po bzhi'i nang nas phyag rgya chen po nges par gzung ba yin no/ /re zhig dang por zhes bya ba'i sgra ni go rims su bzhag pa'o/ /phyag rgya chen po ni sku'i phyag rgya'o//de'i dam pa'i dngos grub ni sangs rgyas dang / byang chub sems dpa' nyid du grub pa ste/ de ston par byed pa'i gzhung gi rgyud bshad do/ /de yang gang yin zhe na/ de bzhin gshegs pa'i phyag rgya che/ /zhes bya ba la sogs pas ston te/ de bzhin gshegs pa'i phyag rgya che bcings nas//zhes bya ba ni sems so sor rtog pa la sogs pa'i rim gyis sangs rgyas kyi phyag rgya chen po bskyed pa'o/ /nam mkha'i dbyings ni thams cad du/ /sangs rgyas sku gzugs byin brlabs la/ /zhes bya ba ni nam mkha'i dbyings kyang yin la thams cad kyang yin pas nam mkha'i dbyings thams cad de/nam mkha'i gtos de na g.yo ba dang / gnas pa'i rdul phra rab kyi rdul ji snyed pa de thams cad do/ /de la g.yo ba ni nam mkha'i lam la rgyu ba'o/ /gnas pa ni gcig pa la sogs par gtogs pa ste/ de dag thams cad kyang nam mkha'i dbyings yin par mngon par 'dod la/ nam mkha'i dbyings de dag tu sangs rgyas sku gzugs byin gyis brlabs la zhes bya ba ni/ sangs rgyas kyi sku gzugs su lhag par mos par bya ba'o/ /de nas ci zhig bya zhe na/ rang gi snying du bcug nas ni//zhes bya ba smos so/ /de yang ji ltar zhe na/ dzaHhUM baM hoHzhes brjod la/ /legs pa'i cho gas yid kyis ni/ /lus su sangs rgyas kun gzhug go/ /zhes sngar ji skad bshad pa lta bu'o/ /'di'i 'bras bu gang zhig yin zhe na/ ci ste 'dod na tshe 'di la/ /zhi ba dam pa'i mchog gyur pa'i//sangs rgyas nyid 'thob des 'di 'grub/ /ces bya ba gsungs te/ rnal 'byor pas nam mkha'i dbyings thams cad kyi rdul snyed kyi sangs rgyas kyi sku gzugs snying gar bcug pa bsgom pa 'di brtan par byas pas de 'dod na dngos po thams cad rdul phra rab gcig gi nang du yang chud par byed cing dngos po gcig las kyang dngos po thams cad 'byin par ston pa la sogs pa 'di lta bu byed pa'o//'on te de lta bu mi 'dod na cir 'gyur bar ston pa ni/ ci ste mi 'dod gong bsgrub bzhin/ /zhes bya ba ste/ ye shes tshe stobs na tshod dang / /zhes bya ba la sogs pa rdo rje dbyings kyi dkyil 'khor chen por ji skad bstan pa'o//de bzhin gshegs pa'i dngos grub kyi rjes la/ phyag rgya chen po bcings nas ni/ /zhes bya ba la sogs pas de bzhin gshegs pa'i rigs kyi dngos grub ston te/ phyag rgya chen po bcings nas ni/ /zhes bya ba ni sku'i phyag rgya bcing ba'o//de nyid chen po brjod bya ste/ /zhes bya ba la de nyid chen po ni sems dpa' thams cad kyi bdag nyid do/ /brjod pa ni de ston pa'o/ /ji ltar zhe na/ tshig rer thams cad bdag yin par/ /zhes bya ba ste/ tshig rer zhes pa ni dngos po re re'i ming nas smos shing dngos po thams cad bdag nyid yin par rnam par shes pa tsam du yid la bya ste thams cad nga yin no zhes nga rgyal bsgom par bya'o//de yang gzhan dag las rgyu ba dang / mi rgyu ba'i dngos po thams cad kyi bdag nyid do zhes gsungs pa lta bu dang / lha yul sa dang rlung dang mkha'//rgya mtsho chu bo phyogs rnams kyi/ /nang gi byed pa'i de nyid kyi/ /dngos po phyi rol gnas pa yin/ /zhes rnam par shes par smra ba rnams kyis bshad pa lta bu yang yin no/ /rnal 'byor gang la gnas te 'di ltar bsgom par bya zhe na/ sems dpa'i rnal 'byor gang dag gis bsgom//zhes bya ba gsungs te/ /'di'i 'bras bu gang yin zhe na/ ci ste 'dod na bdag nyid des/ /de bya gzi can dge ba yi/ /go 'phang tshe 'di nyid la 'thob/ /ces bya ba gsungs te/ gzi can zhes bya ba ni gzi mdangs dang ldan pa ste/ byang chub sems dpa' la bya bar bshad do//de'i go 'phang ni gzi can dge ba'i go 'phang ste/ byang chub sems dpa' nyid do zhes bya ba'i 'don to/ /gal te byang chub sems dpar mi 'dod na de cir 'gyur zhe na/ mi 'dod dngos grub gong ma bzhin/ /zhes bya ba gsungs so/ /'dis ni kun du 'gro ba dang / /'dod pa kun bdag bde chen dang //rdzu 'phrul tshe stobs gzugs mchog rnams/ /zhes bya ba la sogs pa sngar bshad pa rnams so/ /thams cad kyi bdag nyid du bsgom pa 'dis rnal 'byor pa rnams rdzu 'phrul gyi mthu ston par yang 'gyur te/ sa yang g.yo bar byed pa dang / ri rab kyang 'degs par byed pa dang /rgya mtsho yang zlog par byed de/ de la sogs pa dngos po thams cad rang gi sems la rag las pas/ de'i ngo bo nyid kyi lus bskyod pas ji ltar 'dod pa bzhin du byed do/ /de nas zhes bya ba la sogs pas ni rin po che'i rigs kyi sgo nas des dbang bskur pa yin pas na der dam tshig gi phyag rgya gtso bo yin pa'i phyir dam tshig gi phyag rgya dam pa'i dngos grub kyi rgyud bshad de zhes bya ba dam tshig gi phyag rgya'i dngos grub kyi dam pa'i gzhung bshad pa'o//ji lta zhe na/ ji ltar rdo rje 'dzin grub pa/ /de ltar bdag ces bsgoms na ni//zhes bya bas ston to/ /'di skad ston te/ rang gi lha'i rnal 'byor du byas nas dam tshig gi phyag rgya bcings te/ bdag kyang rdo rje 'dzin pa bzhin du grub pa yin no zhes nga rgyal bskyed par bya'o/ /de nas cir 'gyur zhe na/ sangs rgyas dang ni gzi can 'thob/ /ces bya ba gsungs so//gal te dngos grub dam pa mi 'dod na cir 'gyur ba ston pa ni/ mi 'dod dngos grub gong ma bzhin/ /zhes bya ba ste mnyes par bya ba la sogs pa'o/ /de nas zhes bya ba la sogs pa la chos kyi phyag rgya dam pa'i dngos grub kyi rgyud bshad de zhes bya ba ni chos kyi phyag rgya'i dngos grub dam pa'i gzhung gsungs pa'o//chos rnams thams cad rang bzhin gyis/ /bdag ces brjod na nges par yang / /zhes bya ba la/ chos thams cad rang bzhin gyis dag pa ni don dam par dngos po med pa'i phyir ro/ /brjod na zhes bya ba ni rang gi tshig smra ba ste/ sngon du bya ba thams cad byas nas dkyil 'khor gyi dbus su bsgom zhing chos kyi phyag rgya brjod na'o//ci zhig 'thob par 'gyur ro zhe na/ sangs rgyas dang ni gzi can 'gyur/ /zhes bya ba gsungs so/ /gal te dngos grub dam pa mi 'dod na/ /mi 'dod dngos grub gong ma bzhin/ /zhes bya ba ste/ don dam pa'i chos shes par 'gyur ba la sogs pa'o//de nas zhes bya ba la sogs pa la las kyi phyag rgya dam pa'i dngos grub kyi rgyud bshad de zhes bya ba ni las kyi phyag rgya'i dngos grub dam pa'i gzhung gsungs pa'o/ /thams cad kyi ni kun dag pa/ /las rnams thams cad sbyangs nas ni/ /zhes bya ba la 'dir yang sgrub pa'i tshe nyid na las kyi phyag rgyas dkyil 'khor gyi dbus su 'dug pa na dngos po thams cad kyi rnams pa thams cad rang bzhin gyis rnam par dag pa yin pa'i phyir bya ba'i tshogs thams cad yongs su dag pa yin la/de ltar las thams cad yongs su dag na 'grub par 'gyur ba yin no//de ltar las thams cad bsam pas yongs su sbyangs na ci zhig thob par 'gyur zhe na/ sangs rgyas gzi can 'thob ces bya ba gsungs so/ /gal te mi 'dod na ci ste/ mi 'dod dngos grub gong ma bzhin/ /zhes bya ba gsungs te/ rdo rje dbyings kyi dkyil 'khor du gsungs pa'i mchod pa'i las la sogs pa grub pa'o//de bzhin gshegs pa'i rigs dam pa'i dngos grub rnams so zhes bya ba ni rdo rje dbyings kyi dkyil 'khor chen por gsungs pa'i dngos grub rnams so zhes bya ba'i don to/ /de nas phyag na rdo rje zhes bya ba la sogs pas rang gi rigs kyi dam pa'i dngos grub kyi rgyud ston te/'di dag ni go sla'o/ /dngos grub kun sbyor sangs rgyas kyi/ /zhes bya ba la sogs pa la 'dir yang sngon du bsnyen ba la sogs pa byas nas/sgrub pa'i tshe dkyil 'khor bris la/ sngon du bya ba thams cad byas nas/ /rdo rje hUM mdzad kyi phyag rgya chen po'am/sems dpa' gang yang rung ba'i phyag rgya chen po bcings la sems can thams cad kyi don du ma rungs pa 'dul bar sangs rgyas bcom ldan 'das kyis bka' stsal pa'i bka' de bdag gis bsgrub par bya'o zhes chos 'di mngon sum du bya zhing bsam pa 'dis bsgrub par byas la/dngos grub kun sbyor zhes bya ba ni sbyor ba gang rtsa ba'i dkyil 'khor du gsungs pa dang / 'og nas bshad pa gang yin pa de dag thams cad ni dngos grub kun sbyor zhes smos par bsdu bar bya'o/ /bsam pa 'di dang sbyor ba 'dis ci zhig bya zhe na/ /bsgrub ces bya ba gsungs so//ci zhig ce na/ phyag rgya chen po'o/ /ci zhig 'thob ce na/ tshe 'di nyid la yang sangs rgyas 'grub ces bya ba gsungs te/ dngos grub dam pa'i nye bar mtshon pas na byang chub sems dpa' nyid du yang zhes bya ba brjod par bya ba nyid yin no/ /de nas dam tshig gi phyag rgya zhes bya ba la sogs pa ni go sla'o//phyag rgya chen po'i tshul du ni/ /zhes bya ba la sogs pa la phyag rgya chen por sbyor bas bdag rdo rje sems dpa' nyid du 'grub pa yin no zhes bya ba dang / dngos grub kun sbyor ba zhes sngar smras pas sgrub pa'i tshe nyid la/ bsgrub pa'i dkyil 'khor du dam tshig gi phyag rgya bcings la bdag nyid grub pa'i gzugs nyid du bsgom par bya'o//de ltar rdo rje 'dzin pa dang 'dra bar the tshom med pa'i yid kyis bsgoms na ci zhig 'thob par 'gyur zhe na/ skad cig tu ni gzi can 'thob/ /ces gsungs te/ gzi can ni byang chub sems dpa'o//de nas zhes bya ba la sogs pa'i don ni bshad zin to/ /yi ge med pa zhes bya ba la sogs pa la rigs kyi bye brag gis thams cad du phyag rgya bzhi dang ldan mod kyi/ /'on kyang rigs gang du gtso bo yin pa der de'i dngos grub bshad do/ /de bas na 'dir ni chos kyi phyag rgya gtso bo yin pas na/de sgrub pa'i thabs yi ge med pa zhes bya ba la sogs pa 'dis ston te/ chos 'di dag thams cad la yi ge yod pa ma yin pas na yi ge med pa ste/ /ming ji ltar dga' bar 'dogs pa'i phyir chos rnams kyi rang bzhin dang ming gi yi ger 'brel pa yod pa ma yin no//ming gi yi ges kyang don la spros par byed la spros pa ni tha snyad kyi bye brag yin te/ skyes bu rnams kyi bsam pa'i bye brag dang / don gyi bya ba'i bye brag gis don gcig la yang tha snyad du ma 'dogs ba dang / tha snyad du ma la yang don gcig tu byed pa'i phyir ro/ / de lta bu la sogs pa spros pa'i ming dang ming can gyi rang bzhin gyi ngo bo nyid dang 'brel pa med pas na don dam par rab tu spros pa yod min te zhes gsungs pa yin no/ /chos mchog 'di ni rjod byed cing / /zhes bya ba ni chos thams cad yi ge med cing spros pa med pa'i chos kyi phyag rgya 'di brjod cing bsgrub pa'i tshe sngar bshad pa'i tshul gyis dngos grub kun gyi sbyor ba byas na'o//chos kyi phyag rgya de ltar bsgoms pas ci zhig 'thob ce na/ gzi can nyid du gyur ces bya ba'o/ /dge 'am yang na mi dge ba'i/ /zhes bya ba la sogs pa la las kyi phyag rgya bsgrub pa'i tshe na yang de'i tshe dge ba'am mi dge ba'i las gang byas pa'am byed du bcug pa ste/rgyal ba rnams la phul gyur na/ /zhes bya ba ste/ sangs rgyas rnams kyi chos kyi sku la dbul ba'o/ /des ci zhig 'thob par 'gyur zhe na/ skad cig gis ni gzi can 'gyur/ /zhes bya ba gsungs so/ / dbul ba ni 'dir las rnam par bsgom pa ste/ 'du byed thams cad skad cig ma/ /gnas pa med na bya ba gang / /'byung gang bya ba'ang de nyid de/ /byed pa zhes kyang de la bshad/ /ces bya ba la sogs pas las kyi rang bzhin gyi de kho na nyid so sor rtogs pa dang / sgrub pa'i dus na dngos grub thams cad kyi sbyor bas las kyi phyag rgya bcings nas/'grub par 'gyur ba shes par bya'o/ /'di ni 'jig rten gsum las rnam par rgyal ba'i dkyil 'khor gyi sgo nas ston pa yin par shes par bya'o/ /da ni pad+ma'i rigs kyi dngos grub dam pa'i rnam par 'grel pa ston te/de nas zhes bya ba la sogs pa ni go sla'o/ /pad+mo'i rigs kyi phyag rgya chen po bcings la de bsgrub pa'i dkyil 'khor du zhugs te/ bya ba thams cad zin par byas nas/ dngos grub 'dod pas dang po kho nar chos 'di dag yid la bya ste/ 'dod chags ngo bo nyid kyis dag/ /ces bya ba ni gang byang chub sems dpa' rnams kyi sems can rnams la rgyu med par byams pa ste/sems can rnams kyis gsol ba btab kyang sems can 'di dag bdag gis 'khor ba'i btson ra las gdon par bya'o zhes pha rol gyi sdug bsngal gyis sdug bsngal ba'i mtshan nyid can 'di ni/'dod chags ngo bo nyid kyis dag pa'o/ /mu stegs can gyis smad gyur la/ /zhes bya ba la mu stegs ni mya ngan las 'das pa'i mtshor 'jug pa'i thabs dang ldan pa gang yin pa de la mu stegs zhes bya ba la/ der sangs rgyas kyi gsung spangs nas/ gang thabs gzhan tshol ba de ni mu stegs gzhan te/mu stegs gzhan la de dag gi ngo bo nyid yin pas na mu stegs can no/ /des smad pa ni grol ba rnams la lta zhig sems can rnams la byams pa dgos pa ci zhig yod ces pa'o/ /de'i chags pa'i gsang ba de lta bu yin zhing ma chags pa gang yin pa de chos 'dir theg pa chen po'o//ni'i sgra ni nges par gzung ba ste/ chos 'di nyid ni theg pa chen po'i rtsa ba yin te/ 'di lta ste/ snying rje chen po zhes ston to/ /de ltar bsgoms pas de cir 'gyur zhe na/ 'grub par 'gyur zhes bya ba gsungs so/ /'di skad ston te/ theg pa chen po'i chos kyi rigs kyi phyag rgya chen po'i dngos grub dam pa 'thob par 'gyur ro zhes pa'o/ /de nas dam tshig gi phyag rgya dam pa zhes bya ba la sogs pa ni go sla'o/ /ting 'dzin brtan pa'i tshul gyis ni/ /byams pa chen po bsgoms nas kyang / /zhes bya ba la sogs pa la bsgom pa ni yang dang yang du goms shing 'dris par byed pa'o//ci zhig goms par bya zhe na/ byams pa chen po zhes bya ba de mdza' ba'i ngo bo nyid yin pas na byams pa'o/ /byams pa yang yin la chen po yang yin pas byams pa chen po ste/ 'dod pa na spyod pa'i sems can sdug bsngal ba rnams kyi yul la bde ba'i rnam pas phan gdags par sems pa ni byams pa'o//khams gsum na spyod pa'i sems can rnams la bde ba'i rnam pas phan 'dogs par sems dpa' ni byams pa chen po ste/ de bsgom par bya ba'o/ /ji lta zhe na/ ting 'dzin brtan pa'i tshul gyis ni//zhes bya ba gsungs te/ ting nge 'dzin ni sems rtse gcig pa nyid do/ /brtan pa ni de las mi 'gyur ba'o/ /tshul gyis ni zhes bya ba ni rang gi lha'i rnal 'byor gyis zhes bya ba'i don to/ /'di skad ston te/ rang gi lha'i rnal 'byor byas la rdo rje phra mo bstan par byas nas byams pa chen po bsgoms la des khyab cing spro bar bya'o//cho ga bzhin zhes bya ba la 'dir cho ga ni 'di yin te/ rnal 'byor pa gang du gnas pa de las shar phyogs nas brtsams te/ sems can gcig bde ba dang ldan par bsam mo/ /de bzhin du gnyis dang / gsum dang / khyim dang / grong dang / ljongs dang / yul dang / phyogs dang / de bzhin du lho dang / nub dang / byang gi phyogs rnams dang / shar lho mtshams nas brtsams te/ mtshams rnams dang / steng dang / 'og ste 'di dag thams cad du sems can thams cad bde ba dang ldan par sems pa 'di ni 'di'i cho ga yin no//de lta bu'i cho ga dang ldan pas khyab par bya ba la mngon par brtson pa dang ldan par gyis shig ces bya ba'i don to/ /de yang gang gi tshe pad+mo'i rigs kyi dam tshig gi phyag rgya chen po grub pa'i dkyil 'khor du zhugs pa na'o/ /de nas cir 'gyur zhe na/skad cig gis ni gzi can 'thob/ /ces gsungs so/ /de nas chos kyi phyag rgya dam pa'i dngos grub kyi rgyud bshad de/ 'dod chags ngo bo nyid dag ces bya ba la sogs pa la rang bzhin gyis dag pas na/ ngo bo nyid kyis dag pa ste/ /'khor ba la brten nas bdag dang gzhan gyi rnam par grol ba skyed par byed pa ste/ji ltar na ngas sems can rnams 'khor ba'i btson ra las gdon par bya zhes/ snying rje chen pos drangs pa'i byang chub tu sems bskyed la/ de yang sangs rgyas su ma grub par nus pa ma yin no zhes bsams nas re zhig dang por bdag nyid kyis yin bar byang chub rtogs par byed de/de ltar na bdag grol nas gdod pha rol grol bar byed pa yin no/ /de ltar na/ 'dod chags ngo bo nyid dag ces/ /smra bar gyur pa'i tshul 'di ni/ /zhes gsungs pa yin no/ /smra bar gyur pa zhes gsungs mod kyi/ 'on kyang 'dir bsgom pa nyid yin par ston to//'dod chags pha rol phyin rnyed de/ /zhes bya ba ni/ gang gi tshe 'khor ba na sems can gcig kyang mi 'dor bar/ sems can gyi khams ma lus pa bde ba la nye bar sbyar bar lhag pa'i bsam pas/ khyab par byas pa de'i tshe/ 'dod chags kyi pha rol tu phyin pa rnyed pa yin no//des cir 'gyur zhe na/ skad cig gis ni gzi can 'thob/ /ces bya ba gsungs so/ /de nas las kyi phyag rgya dam pa'i dngos grub kyi rgyud bshad de/ pad+mo'i rigs kyi las kyi phyag rgya dam pa bsgrub pa de'i tshe na/ bsgrub pa'i dkyil 'khor bris te/ sngon du bya ba thams cad byas nas/ngas dngos grub 'di bsgrubs nas sems can thams cad sdug bsngal thams cad mthar 'byin par byed pa/ spyan ras gzigs kyi dbang po dang 'dra bar gyur cig ces chos 'di mngon sum du bya'o/ /ji lta zhe na/ bdag gis lta dang reg pa dang / /zhes bya ba la sogs pas so//sdug bsngal kun gyi mthar byed 'gyur/ /zhes bya ba ni sdug bsngal thams cad mthar 'byin par mdzad pa ni bcom ldan 'das spyan ras gzigs dbang phyug yin te/ la la ni bcom ldan 'das bltas pa'i don mdzad de mig lam du bab pas so/ /kha cig ni reg pas te zhabs la sogs pas reg par byas pa tsam gyis nad la sogs pa'i sdug bsngal dang bral ba'o//kha cig ni mnyan pa tsam gyis ji ltar gru la sogs pa zhig pa na 'phags pa spyan ras gzigs kyi dbang po la phyag 'tshal lo zhes gcig gis bos pa'i mtshan de gzhan rnams kyis thos pa dang thams cad kyi skyabs su gyur cing nye bar 'tshe ba de dang bral ba lta bu'o//la la ni mtshan nam sku dran pa tsam gyis 'jigs pa chen po brgyad la sogs pa dang bral bar 'gyur ro/ /de bas na de'i chos nyid 'di lta bu yin pa de bzhin du/ / bdag gi chos nyid kyang de dang 'dra bar gyur cig ces bya ba ste/ 'di ni 'gro ba 'dul ba'i dkyil 'khor gyi sgo nas ston pa yin par shes par bya'o/ /da ni nor bu'i rigs kyi dngos grub kyi dam pa'i rgyud ston te/ der yang dang po nyid du phyag rgya chen po'i dngos grub dam pa'i gzhung ston to//rdo rje snying po'i ji bzhin du/ /zhes bya ba la sogs pa la ji ltar bcom ldan 'das nam mkha'i snying pos sangs rgyas thams cad dbang bskur ba grub par 'gyur ba de bzhin du bdag kyang de dang 'dra bar gyur cig pa'o/ /de ltar bsgom pa sgrub pa'i tshe na khyad par du yang bsgom par bya'o//des cir 'gyur zhe na/ skad cig gis ni gzi can 'gyur/ /zhes bya ba gsungs so/ /de nas dam tshig gi phyag rgya zhes bya ba la sogs pa ni go sla'o/ /rin po che'i rigs kyi dam tshig gi phyag rgya'i dam pa'i dngos grub kyi tshe yang / nam mkha'i snying po 'dra bar ni/ /sems can kun gyi re ba kun//yongs su rdzogs par byed gyur cing / /zhes bya ba 'di bsgom par bya ba la/ /des cir 'gyur zhe na/ skad cig gis ni gzi can 'thob/ /ces bya ba gsungs so/ /da ni chos kyi phyag rgya dam pa'i dngos grub kyi dam pa'i gzhung ston te/ bdag nyid kyang ni spangs nas su/ / zhes bya ba la sogs pa la 'di skad ston te/ bdag nyid la gnod pa dang yang bsngos shing nor byin pas shin tu dga' ba bskyed pa'o/ /de yang / chos 'byung phyag rgya smra na ni/ /zhes bya ba la smra ba zhes bya ba ni bsgom pa la bya ste/ 'di lta bur bsgom pa la smra ba zhes bya'o/ /de ltar na gang 'di ltar chos kyi phyag rgya bsgrub pa'i tshe na nor byin pas shin tu dga' ba skyed par byed na/gzi can tshe 'di nyid la 'thob/ /ces gsungs pa yin no/ /de nas las kyi phyag rgya dam pa zhes bya ba la sogs pa la las kyi phyag rgya dam pa sgrub pa'i dus su yang dbul po rnams la phan pa'i phyir zhes bya ba la sogs pa sbyar ro//'di skad ston te/ dngos grub bsgrub pa'i bya ba gang ci yang rung ba de thams cad sdug bsngal dang ldan pa'i sems can rnams kyi bsam pa yongs su rdzogs par bya ba'i phyir ro zhes de ltar brtson par byed pa'o/ /des cir 'gyur zhe na/ gzi can 'gyur ro zhes bya ba gsungs so//'on te dngos grub dam pa mi 'dod na/ /ci ste yang / mi 'dod 'bras bu gong ma bzhin/ /zhes bya ba ste/ 'di ni don thams cad bsgrub pa'i dkyil 'khor gyi sgo nas ston pa yin par shes par bya'o/ /rigs thams cad kyi phyag rgya rnams kyi dngos grub bsgrub pa'i cho ga rgyas pa'i rgyud do//de nas byang chub sems dpa' sems dpa' chen po phyag na rdo rje zhes bya ba la sogs pa la/ de bzhin gshegs pa thams cad kyi rigs kyi dam tshig gi dngos grub kyi gzhung ston te/ dam tshig 'dir rigs gang gi yon tan gang nges par 'byung ba de ni der dam tshig ces bya ba ste/de der bsrungs na 'grub par 'gyur ro/ /de ston pa'i gzhung ni rgyud do/ /gsungs pa ni de bka' stsal to zhes bya ba'i don to/ /de la dang po kho nar de bzhin gshegs pa thams cad kyi dam tshig gi dngos grub kyi rgyud ni/ gang gis 'dod la snyoms zhugs pa//zhes bya ba la sogs pas ston te/ rnal 'byor pa gang 'dod la snyoms zhugs zhes bya ba ste/ chags pa dang rab tu ldan par snyoms par 'jug pas na 'dod la snyoms zhugs pa ste/ sreg pa dang yang dag par ldan pa'i bsam gtan zhes bya ba'i don to/ / de la 'dod pas sbyong bar byed/ /ces bya ba ni 'og ma'i mnyam par 'jog pa la chags pa'i sred pa gong ma'i snyoms par 'jug pas sbyongs shig pa ste/ 'di la sred pa spongs la 'og ma'i mnyam par 'jog pa bskyed cig pa ste/ /sangs rgyas kyi phyag rgya bsgom zhing ye shes kyang 'thob pa 'di la chags par gyis shig ces bya ba'i don to//de ltar gang gis 'dod chags la snyoms par zhugs pa de la ches khyad par du 'phags pa'i 'dod chags la snyoms par zhugs pa'i chags pas sbyangs na de lta bu ni sangs rgyas kyi phyag rgya chen po'i ye shes kyi dam tshig bsrungs par gyur pa yin te/'di dag kyang sangs rgyas phyag rgya chen po yi/ /ye shes dam tshig yin par bshad/ /ces bya bas ston to/ /de nas de bzhin gshegs pa rnams kyi rigs zhes bya ba la sogs pa ni go sla'o/ /'dod pa rnams la chags bral min/ / zhes bya ba la sogs pa la 'dod pa ni yid du 'ong ba'i gzugs dang sgra dang / dri dang / ro dang / reg bya rnams so/ /de rnams la chags bral min pa ni de la rgyab kyis phyogs par mi byed pa ste/ 'di ni de bzhin gshegs pa'i rigs kyi dam tshig yin par gsungs so/ /shin tu tshul chen zhes bya ba la gang 'dod pa rnams la 'dod chags dang ma bral ba 'di ni de bzhin gshegs pa'i rigs la dam tshig shin tu mchog gi dam tshig gi dam pa yin te/bsod nams dang ye shes kyi tshogs yongs su rdzogs pa'i rgyu yin pa'i phyir ro/ /dag pa yang yin te nyan thos dang rang sangs rgyas rnams kyi theg pa yongs su gtong ba'i rgyu yin pa'i phyir ro//de lta bas na/ rgyal bas kyang ni 'da' mi mdzad/ /ces bya ba gsungs pa yin te/ sems can rnams yongs su smin par bya ba'i phyir sangs rgyas rnams kyi sangs rgyas kyi zhing yongs su dag par yid du 'ong ba'i gzugs la sogs pa ston cing gzhal yas khang bsgom pa la sogs pa la sogs pa'o//dam tshig 'di ni de bzhin gshegs pa'i rigs kyis bsrung bar bya ba yin no/ /de nas rdo rje rigs zhes bya ba la sogs pa ni go sla'o/ /sems can don du khro min yang / /zhes bya ba la sogs pa 'di la khro ba yod pa ma yin pas na khro min te/zhe sdang med pa la spyod pa zhes bya ba'i don to/ /su zhig gi zhe na/ khro bo'i ste rdo rje hUM mdzad la sogs pa sems dpa' zlos pa rnams kyis ni khro bo chen por rab tu ston pa dam tshig yin no/ /ci'i phyir khro ba med pas khro bor ston zhe na/de'i phyir sems can don du zhes bya ba gsungs so/ /'di skad ston te/ gang gi phyir/ 'di ni rdo rje rigs yin pas/ /rdo rje rigs chen po'i dam tshig 'di ni 'da' bar dka' ba yin pa'i phyir ro/ /de la zhes bya ba la sogs pas pad+mo'i rigs kyi dam tshig ston te/rang bzhin dag par shes nas kyang / /zhes bya ba la sogs pa la rang gi ngo bo nyid kyis dag pa'i phyir/ rang bzhin dag pa ste gtsang ba dang mi gtsang ba'i dngos po gang yang rung ste/ don dam par sgyu ma dang 'dra bar yongs su ma grub pa'i rang bzhin dag pa 'di shes par byas nas chos thams cad don dam par stong pa nyid yin pas de'i dgos pa gang dang gang byed pa zhes bya ba ste/rnal 'byor gyi rgyud la gnas pa'i rnal 'byor pa de bsgrub pa'i tshe'am/ dus gzhan du rang bzhin gyis dag pa'i chos rnams shes par byas la dgos pa byed do zhes ston to/ /de ci'i phyir zhe na/'di ni pad+mo'i rigs chen gyi/ /dam tshig 'da' bar dka' ba'o/ /zhes bya ba gsungs so/ /'di skad ston te/ ji ltar rgyud gzhan dag las mchil ma dang / snabs dang bshang ba dang / gci ba la sogs pa byung ba ni khrus la sogs pa'i cho ga bshad de de bzhin du 'dir ngan par brtag par mi bya ste/chos thams cad rang bzhin gyis dag pa yin pa'i phyir ro/ /de ltar na dam tshig bsrungs pa yin gyis/ gzhan du na bsgom pa btang na khrus byed pa la 'jug pa ni g.yeng ba mang por 'gyur bas 'grub par ga la 'gyur/ de la zhes bya ba la sogs pas ni nor bu'i rigs kyi dam tshig gi dngos grub kyi rgyud ston to//nyung ngam yang na mang yang rung / /zhes bya ba la sogs pa la/ gang la 'byor pa ci yod pa las shes par bya bar shes par bya'o/ /ci tsam nus pa nyid du ni/ /zhes bya ba nyung ngu las ni nyung ngu / mang po las ni mang po zhes bya ba'i don to//ci zhig bya zhe na/ sbyin pa'i zhes bya ba'o/ /nyi ma stongs par bya ba zhes bya ba ni nyin re zhing rtag par bya'o zhes ston to/ /gang gis she na sbyin pas so/ /ci'i phyir zhe na/ 'di ni dam tshig yin zhes bya ba ste/ gang gi phyir 'di ni nor bu'i rigs zlos pa'i dam tshig yin pa'i phyir ro//'di skad ston te/ de ni nor 'dod pa yin la de ni nor med na sbyin pa'i bsod nams med pa'i phyir ro/ /sbyin pas nyi ma stongs par gyis shig pa'o/ /da ni de nas zhes bya ba la sogs pas rigs thams cad kyi chos kyi phyag rgya'i ye shes kyi dngos grub kyi rgyud ston to//de las kyang de la zhes bya ba la sogs pas dang por de bzhin gshegs pa'i rigs kyi chos kyi phyag rgya'i ye shes kyi dngos grub kyi rgyud ston te/ sangs rgyas chos zhes grags so zhes bya ba la sangs rgyas bcom ldan 'das ni mi slob pa'i chos kyi ngo bo nyid la bya'i/skyes bu chen po'i mtshan sum cu rtsa gnyis kyi rang bzhin la ni mi bya ste/ sangs rgyas su byed pa'i mi slob pa'i chos ni sangs rgyas so zhes chos mngon pa las ji skad bshad pa lta bu dang / gal te mtshan phun sum tshogs pas de bzhin gshegs par blta bar gyur na 'khor los sgyur ba'i rgyal po yang de bzhin gshegs par 'gyur ro zhes shes rab kyi pha rol tu phyin pa las ji skad gsungs pa lta bu'o//brjod nas chos nyid yi ge ni/ zhes bya ba la/ sangs rgyas ni chos kyi rang bzhin no zhes bya bar yang dag par shes par byas la sgrub pa'i tshe'am//bzlas brjod kyi tshe de skad brjod na/ sangs rgyas kyi phyag rgya chen po'i ye shes kyi dam tshig bsgrubs pa yin no/ /de la zhes bya ba la sogs pa la 'dod chags las ni zhes bya ba la sogs pas de bzhin gshegs pa'i rigs kyi chos kyi dngos grub kyi gzhung ston to/ /de la 'dod chags ni sems can smin pa dang grol ba'i 'dod chags te/byang chub kyi sems zhes bya ba'i don te de las lhag par dag pa'i chos gzhan med do/ /ci'i phyir 'di shin tu dag pa yin zhe na/ gang gi phyir/ bde ba thams cad rab sbyin byed/ /ces bya ba gsungs te/ bde ba thams cad ni 'jig rten dang 'jig rten las 'das pa yin la/de thams cad ni byang chub kyi sems nyid las byung ba yin pa'i phyir ro/ /de lta bu'i chos de su zhig yin zhe na/de bzhin gshegs pa'i rigs kyi ni/ /zhes bya ba gsungs te/ gang gi phyir chos de'i chos 'di yin pas na de'i rigs zlos pa rnams kyang bsgrub pa'i tshe dang sngon du bsnyen pa'i tshe dus thams cad du 'di dran par bya ba yin no//de ci'i phyir zhe na/ dngos grub byed pa'i chos mchog 'di'o/ /zhes bya ba gsungs so/ /da ni sangs rgyas bka' ni zhes bya ba la sogs pas rdo rje rigs kyi chos kyi dngos grub ston te/sangs rgyas bka' ni zhes bya ba ni sangs rgyas bcom ldan 'das kyi bka' bzhin du bya ba ste/ dper na lha chen po la sogs pa btul ba lta bu'o/ /sbyang ba dang zhes bya ba la sbyang ba ni ma rungs pa rnams skrag par byas nas sdig pa la 'jug pa las bzlog pa'i phyir ro/ / sems can drang par bya ba'i phyir/ /zhes bya ba ni gang ma rungs pa rnams kyis nye bar gtses pa'i sems can de rnams 'jigs pa las gdon pa ni drang bar bya ba'o/ /de ltar khros par ma gyur kyang ma rungs bdud byas zhes bya ba la bdud byas pa ni nga rgyal gzhom pa'i phyir bsgyel zhing brgyal du bcug nas sems med par byas pa ste/lha chen po dang 'dra bar dus cung zad zhig gi bar du sems med par byas pa la bdud byas pa ste bsad pa zhes gsungs so/ /dngos grub 'thob ces bya ba ni de lta bu'i chos 'di la gnas na dngos grub 'thob po zhes gsungs so/ /da ni pad+mo chu yis mi chags par//zhes bya ba la sogs pas pad+mo'i rigs kyi chos ston te mi chags pa ni ma gos pa'o/ /gang gis she na/ chu yis te chu'i nyes pas so/ /ma chags pa ste gang yin zhe na/ pad+mo zhes bya ba gsungs te dper na pad+mo ni rang bzhin gyis dmar ba yin du zin kyang /gos pa med pa de bzhin du 'dod pas chags par mi 'gyur ro/ /'di skad ston te/ sangs rgyas dang byang chub sems dpa' rnams kyi thugs kyi rgyud du gtogs pa'i sems can smin pa dang grol ba'i chags pa ni sems can rnams la chags pa'i rang bzhin can yin du zin kyang de'i nyes pas gos par mi 'gyur te/mi dge ba bcu'i las kyi lam gyis kun nas bslangs pa ma yin pa dang / bdag dang gzhan gyi grol ba skyed par byed pa yin no zhes smra zhes bya ba ni seng ge'i sgra sgrogs pa'o/ /dgos min byed kyang ni zhes bya ba la dgos pa ni sngon gyi sangs rgyas dang byang chub sems dpa' rnams kyis sems can rnams yongs su smin pa'i mtshan nyid du mdzad pa gang yin pa'o//de rnams kyis ma mdzad pa sems can gdul dka'i ba'i yul rnams ni dgos min pa ste/ da ltar gdul bar mi spyod pa de dag pa yang sems can smin pa dang /grol ba'i chags pa chen pos yongs su smin par byed kyang sdig pas gos par mi 'gyur ba ste/ mi dge ba bcu'i las kyi lam gyi nyes par gos par mi 'gyur ba zhes bya ba'i don to/ /da ni/ sbyin dang mnyam pa'i chos med de/ /zhes bya ba la sogs pas nor bu'i rigs kyi chos ston te/sbyin dang mnyam pa'i chos med de/ /zhes bya ba ni nor bu'i rigs kyi don 'byung ba'i rgyu yin pa'i phyir ro/ /de'i don 'byung ba de yang sbyin pa'i bsod nams med par 'byung bar mi 'gyur bas na de bas na rigs 'dir chos 'di nyid mchog yin te/ gzhan dag tu ni tshul khrims la sogs pa mchog tu gyur pa dag kyang yod do//sgrub par byed cing smra ba ni/ /zhes bya ba ni 'di skad ston to/ /tshig tu brjod pa 'ba' zhig gis sbyin pa'i mchog tu bsngags pa ma yin gyis rin po che'i rigs 'dir don 'byung bar bya ba'i phyir 'byor pa ci yod pa las sbyin par bya ba 'di ni nor bu'i rigs chen po'i chos yin no//mi 'dod dngos grub gong ma bzhin/ /zhes bya ba ni gal te don gyi dngos grub mi 'dod na de bdag po dang bcas pa'i dngos grub la sogs pa don thams cad grub pa'i dkyil 'khor du gsungs pa rnams yin par shes par bya'o/ / sgrub pa'i sbyin pa dang mnyam pa'i chos med de zhes bya ba 'dis chos bsgom pa nyid yin par shes par bya'o/ /da ni de nas byang chub sems dpa' sems dpa' chen po phyag na rdo rje zhes bya ba la sogs pas las rnams kyis ston te/ /de las kyang dang por sangs rgyas kyi phyag rgya bsgrub pa'i las de ston to//de yang gang yin zhe na/ sems can thams cad sangs rgyas dang / /byang chub sems dpa' nyid rnams su/ /ji bzhin bar ni btul na ni/ /las kyi phyag rgya'i mchog 'grub sbyin/ /zhes bya ba'o/ /'di skad ston te/ gang sangs rgyas kyi phyag rgya chen po sgrub par byed par 'dod pa des sgrub pa'i dus sam sngon du bsnyen pa byed pa'i dus su sems so sor rtog pa la sogs pa rim gyis sangs rgyas kyi phyag rgyar bskyed la/sems can thams cad mngon sum du byas nas/ gsum la skyabs su 'gro ba byas shing byang chub kyi sems sbyin par bya'o//de nas tshogs yongs su rdzogs pa rnams ni sangs rgyas nyid la dgod par bya/ /gang dag tshogs ma rdzogs pa de dag ni sa bcu'am mos pas spyod pa'i sa dang bcas pa'i sa bcu gcig la ci rigs su gzhag par bya'o/ /gang nyan thos kyi theg pa'i snod du gyur pa de rnams ni 'bras bu bzhi dang lam la zhugs pa bzhi la ci rigs par dgod par bya'o//gang rang sangs rgyas kyi theg pa'i snod du gyur pa de dag ni rang sangs rgyas kyi theg pa la gzhag par bya'o/ /gang theg pa gsum char gyi snod ma yin pa de dag ni dge ba bcu'i las kyi lam la dgod par bya'o//de ltar sems can gyi khams yid kyis bkod nas bya ba byas pa lta bur dga' ba rjes su myong ba'i sangs rgyas kyi phyag rgya sgrub par byed pas las kyi phyag rgya'i dngos grub sbyin par 'gyur te/ gang gi phyir mngon par rdzogs par sangs rgyas pa rnams kyi sangs rgyas kyi mdzad pa ni 'di nyid yin pa'i phyir/de bas na phyag rgya de sgrub par byed pas kyang las 'di la goms par byas na phyag rgya de myur ba de nyid du bsgrub par 'gyur ro/ /da ni dus bzhi zhes bya ba la sogs pas de bzhin gshegs pa'i rigs kyi las ston te/ mchod pa rnam pa bzhi ni byang chub kyi sems kyi mchod pa dang /tshogs kyi mchod pa dang / chos kyi mchod pa dang / ting nge 'dzin gyi mchod pa rnams te/ de ltar mchod pa rnam pa bzhir bstan pa de yang rtag tu ldan pa rnam pa bzhir yang zhes bya ba ni mchod pa re re zhing yang sbyor ba rnam pa bzhi bzhir phye na mchod pa rnam pa bcu drug tu 'gyur te/rdo rje dbyings kyi rtog pa'i las kyi dkyil 'khor du bshad pa dang sbyar bar shes par bya'o/ /mchod pa de rnams kyis rtag tu zhes bya ba ste/ dus thams cad du'o/ /ldan pa zhes bya ba ni sbyor ba'o/ /ji lta zhe na/ dus bzhi yi ni tshul dag tu/ /zhes bya ba ste/ dus bzhi'i tshul ni thun tshig gsum dang /nam phyed na'o/ /de ltar na de bzhin gshegs pa'i rigs zlos pa rnams kyis mchod pa rnam pa bcu drug dus bzhi'i tshul gyis las gang byas na/ de bzhin gshegs pa'i rigs kyi las kyi dngos grub la sogs pa gang gsungs pa de thams cad bsgrub par bya'o//da ni ma rungs sems can zhes bya ba la sogs pas rdo rje rigs kyi las kyi dngos grub kyi rgyud ston te/ rdo rje rigs kyi bzlas brjod byed pas lus dang ngag dang yid gsum gyi sgo nas gang ci yang rung ba ci byed pa de dag thams cad ma rungs pa'i sems can la gnod par bya ba nyid yin te/'di ni rdo rje rigs kyi las kyi dngos grub sgrub par byed pa'i/ /da ni 'jigs pas gzir la zhes bya ba la sogs pas pad+mo'i rigs kyi las kyi dngos grub kyi rgyud ston te/ pad+mo'i rigs kyi bzlas brjod byed pa'i las ni 'di yin te/ 'di lta ste/'jigs pas gzir ba rnams la mi 'jigs pa sbyin pa'o/ /ji bzhin bar ni 'dul de bzhin/ /zhes bya ba ni 'di skad ston te/ sems can gang rnam pa gang gis 'dul bar 'gyur ba de'i bsam pa dang bag la nyal shes par byas la ci nus pa dang ji ltar de 'dul bar 'gyur ba de bzhin du chos bstan par bya'o//de ltar pad+mo'i rigs kyi las byas na sangs rgyas nyid kyang rab tu 'grub par 'gyur na/ dngos grub gzhan lta smos kyang ci dgos/ da ni sangs rgyas dbang bskur zhes bya ba la sogs pas nor bu'i rigs kyi las kyi dngos grub kyi rgyud ston te/nor bu'i rigs kyi bzlas brjod byed pas kyang don grub par 'dod na las rnam pa gsum bya ste/ gang zhe na/ 'di lta ste dbang bskur ba sbyin pa dang / nor sbyin pa dang / re ba thams cad rdzogs par byed pa'o/ /de ji lta bu zhe na/ sangs rgyas dbang bskur de bzhin du/ / zhes bya ba la sogs pa gsungs te/ sangs rgyas rnams la dbang bskur ba bstan pa dang / nor don du gnyer ba'i sems can rnams la ci nus par nor sbyin pa dang / rig pa dang / las dang / bzo don du gnyer ba rnams la ci nus par nyon mongs pa med par byas te/ ser sna med pa'i sems kyis gus par bya ste/phyin ci ma log pa'i lung sbyin pas sems can rnams kyi re ba yongs su rdzogs par bya ba'o/ /de ltar rin po che'i rigs la las rnam pa gsum byas pas cir 'gyur zhe na/ las ni don kun grub byed pa'o/ /zhes bya ba gsungs so/ /da ni rigs thams cad kyi chos nyid kyi dngos grub kyi ye shes kyi rgyud ston te/gang dngos po rnams kyi bya ba dang / byed par rang bzhin gyis 'brel pa de ni 'dir chos nyid ces bshad de de'i ye shes yin pas na chos nyid kyi ye shes so/ /de 'grub par bya ba'i don gyis gzhung la ni chos nyid kyi ye shes kyi dngos grub kyi rgyud ces bya'o//de las kyang dang po kho nar rdo rje sems dpa'i ting nge 'dzin ni zhes bya ba la sogs pas de bzhin gshegs pa'i chos nyid kyi ye shes kyi dngos grub kyi rgyud ston to/ /rdo rje sems dpa'i ting 'dzin ni/ /sangs rgyas rnams kyi chos nyid dgongs/ /zhes bya ba ni 'di skad ston te/ rdo rje sems dpa'i phyag rgya chen po bsgoms pa'i rjes thogs nyid la sangs rgyas kyi phyag rgya bskyed par bya'i/ gzhan dag gis bsgoms pa'i rjes thogs la ni ma yin no/ /de ci'i phyir zhes rtogs na/ chos nyid kyis de ltar yin par zad kyi/ 'dir de'i rgyud bshad du med de/ dper na bu ram gyi mngar ba nyid dang /lan tshwa'i tshwa bro ba nyid la rgyud bshad du med pa dang 'dra'o/ /'di nyid bstan pa ni/ 'di ni sangs rgyas sangs rgyas nyid/ /gzhan las sangs rgyas 'gyur ba med/ /ces bya ba gsungs te/ 'di nyid ni sangs rgyas kyi rgyu yin no zhes bya ba'i don to/ de ji ltar shes she na/ gzhan las sangs rgyas 'gyur ba med/ /ces bya ba gsungs so/ /da ni/ phyag rgya chen por bsgoms nas ni/ /zhes bya ba la sogs pas de bzhin gshegs pa'i rigs kyis chos nyid mkhyen pa'i dngos grub kyi gzhung ston to/ /'di skad ston te/ de bzhin gshegs pa'i rigs las phyag rgya chen po bsgoms pa nyid kyis byang chub sems dpa'i dngos grub dam pa yang 'thob na/dngos grub gzhan lta smos kyang ci dgos/ /'dir yang phyag rgya chen po bsgoms pa nyid kyis 'grub par 'gyur ba/ de ci'i phyir zhes gal te rtogs par byed na/ 'di ni chos nyid kyi rigs pas de lta bu yin par zad do zhes brjod par bya'o/ /da ni/ phyag rgya chen po'i tshul gyis ni/ /zhes bya ba la sogs pas rdo rje rigs kyi chos nyid mkhyen pa'i dngos grub kyi rgyud ston te/ 'dir yang dam tshig gi phyag rgya bcings pas las thams cad 'grub par brjod par bya'o//rgyu gang gi phyir de lta bu'i yin zhes zer na/ 'dir yang chos nyid kyi rigs pas de lta bu yin par zad do zhes brjod par bya'o/ /ci dam tshig gi phyag rgya 'ba' zhig gis 'grub bam zhe na/ de'i phyir/ phyag rgya chen po'i tshul gyis ni/ /zhes gsungs pa yin no//'di skad ston te/ rdo rje rigs zlos pa rnams kyis sngon du bsnyen pa byed pa'i dus dang / sgrub pa'i dus su rang gi lha'i rnal 'byor du byas te/ dam tshig gi phyag rgya bcings nas bsgom pa'am bzlas pa bya'o/ /des cir 'gyur zhe na/ rdo rje dngos grub 'thob par 'gyur/zhes gsungs te/ rdo rje dngos grub ces smos pa 'di ni nye bar mtshon pa tsam du zad de dam tshig gi phyag rgya'i dngos grub 'thob par 'gyur ro zhes bya ba'i don to/ /da ni/ chos kyi phyag rgya'i tshul gyis ni/ /zhes bya ba la sogs pa chos kyi rigs kyi chos nyid kyi ye shes kyi dngos kyi rgyud ston te/chos kyi phyag rgya'i tshul gyis ni/ /chos kyi phyag rgya rjod byed cing / /zhes bya ba ni chos kyi phyag rgya'i tshul ni lce la rdo rje dkar po rtse lnga pa bsam pa 'di ni chos kyi phyag rgya'i tshul yin par nges par gsungs pa ste/ chos kyi phyag rgya'i sbyor ba 'dis/ /chos nyid ces bya ba ye shes la sogs pa'i chos kyi mtshan nyid bsgrub par bya'o//'di su zhig gi yin zhe na/ rdo rje chos kyi chos rnams ni/ /zhes bya ba gsungs te/ 'jig rten dbang phyug gi zhes bya ba'i don to/ /da ni/ las kyi phyag rgya'i tshul gyis ni/ /zhes bya ba la sogs pas nor bu'i rigs kyi chos nyid kyi ye shes kyi dngos grub ston te/las kyi phyag rgya'i tshul gyis ni/ las kyi rdo rje snying gar gzhag /ces bya ba ni gang gi las kyi phyag rgya gang yin pa de'i sbyor ba bcings pa ste/ sbyor ba des/ las kyi rdo rje snying gar gzhag /ces bya ba snying gar zla ba'i dkyil 'khor gyi steng du las kyi rdo rje kha bzhi pa yid kyis bsams la de dag ldan pa'i nga rgyal gyis las thams cad brtan par bya'o//de ltar byas pas cir 'gyur zhe na/ chos nyid 'di dag bsgoms na ni/ /las kyi chos nyid 'thob par 'gyur/ /zhes bya ba gsungs te/ las kyi phyag rgya 'di nyid snying gar bsgoms na las kyi phyag rgya'i tshul gyis dbang bskur ba'i mchod pa re ba thams cad yongs su rdzogs par byed pa la sogs pa'i las nyid 'thob par 'gyur ro//da ni de nas byang chub sems dpa' chen po phyag na rdo rje zhes bya ba la sogs pas de bzhin gshegs pa thams cad kyi rigs kyi ye shes kyi phyag rgya'i dngos grub kyi rgyud ston pa yin te/de bzhin gshegs pa'i rigs kyi ye shes ni sems can rnams kyi dge ba dang mi dge ba sems pa la sogs pa'i yul lo/ /de'i phyag rgya ni phyag rgya gang zhig bsgoms na ye shes de skye bar 'gyur ba de la ni 'dir phyag rgyar gzung ngo //de'i dngos grub ni ji ltar mngon par 'dod pa'i phyag rgya bskyed pa de ston par byed pa'i rgyud 'di gsungs so zhes bya ba ni bka' stsal to zhes bya ba'i don to/ /de la dang por ni rdo rje sems dpa'i ting nge 'dzin gnas so zhes bya ba la sogs pas de bzhin gshegs pa rnams kyis ye shes kyi dngos grub kyi rgyud ston to//'di skad ston te/ sangs rgyas kyi phyag rgya bsgrub pa'i rnal 'byor pas gal te dgos pa 'ba' zhig gi phyir sems can rnams kyi sems shes par 'dod na des sems so sor rtogs pa la sogs pa'i rim gyis sangs rgyas kyi phyag rgyar bskyed la der snying gar zla ba'i dkyil 'khor la rdo rje sems dpa' las kyi phyag rgya dang ldan par bsams nas zla ba'i dkyil 'khor der dgug pa dang /gzhug pa dang / bcing ba dang / dbang du bya ba rnams bya'o/ /de ltar na rdo rje sems dpa'i ting nge 'dzin la gnas pa yin te sems kyis rdo rje sems dpa' la dmigs pa yin pa'i phyir ro//zla ba'i rdo rje tshul gyis ni/ /zhes bya ba ni gang snying ga'i zla ba'i dkyil 'khor dang / rdo rje sems dpa' ni zla ba rdo rje ste/ de lta bu'i zla ba dang rdo rje'i sbyor ba byas nas bden pa'i byin gyis brlabs kyang byas la shes par 'dod pa'i dngos po gang yang rung ba de ji ltar gnas pa de bzhin du so sor snang bar gyur cig ces smon lam btab la rdo rje sems dpa' la dmigs pa'i ting nge 'dzin gang la gnas par byas na de rnal 'byor gyi stobs des de bzhin du 'gyur ro//ji ltar de gnyis kha dog shes/ / zhes bya ba la ji ltar kha dog ces bya ba ni 'og nas bshad pa'i dag pa la sogs pa'i kha dog gzung ngo / /de gnyis zhes bya ba ni zla ba'i dkyil 'khor dang rdo rje sems dpa' gnyis so/ /shes zhes bya ba ni rtogs par bya'o zhes pa'o/ /de ltar 'jig rten des shes te/ /zhes bya ba ni kha dog dang rjes su mthun par zhes bya ba'i don to//des zhes bya ba ni rnal 'byor pa'o/ /de dag kyang dag la dag dang zhes bya ba la sogs pas ston te/ dag la zhes bya ba ni shel ltar dri ma med pa la bya'o/ /dag dang zhes bya ba ni zla ba dang rdo rje de nyid dag na 'di'i sems dag go zhes shes par bya'o/ /dkar 'od gsal zhes bya ba la dkar ba ni dung dang me tog kun da dang zla ba ltar dkar ba ni 'od gsal te/dge ba'i chos kyis snang bar byas pa yin no zhes bya ba'i don to/ /dmar la chags dang zhes bya ba ni zla ba dang rdo rje gnyis me tog le brgan gyis btsos pa'i gos ltar dmar na skye bo rnams kyi sems chags pa yin par shes par bya'o//rab dmar khro zhes bya ba ni shin tu dmar ba'i 'bar ba'i phreng bas kun du dkris na khros par shes par bya'o/ /kha dog ji bzhin pa/ de yi bdag nyid nyid du 'gyur/ /zhes bya ba ni snying ga'i zla ba'i dkyil 'khor dang rdo rje sems pa'i gzugs ci dang ci ltar snang ba de dang de bzhin du pha rol gyi sems shes par bya'o//da ni/ zla ba'i dkyil 'khor 'od bcas pa'i/ /zhes bya ba la sogs pas de bzhin gshegs pa'i rigs kyi ye shes kyi dngos grub kyi rgyud ston te/ phyag rgya chen po bcings nas ni/ /zhes bya ba ni spyir rdo rje sems dpa' la sogs pa gang yang rung ba'i phyag rgya chen po bcing ba'o//zla ba'i dkyil 'khor 'od bcas pa/ /zhes bya ba ni zla ba'i dkyil 'khor gyi 'od dang mtshungs pas na zla ba'i dkyil 'khor 'dod dang bcas pa'i'o/ /rang gi lus ni de bzhin gshegs pa'i rigs zlos pa'i rnal 'byor pa'i'o/ / ji ltar shes zhes bya ba ni sngar bshad pa'i tshul gyis ting nge 'dzin la gnas na'o/ /de ltar 'gro ba'i yid shes so/ /zhes bya ba ni bdag gi lus la kha dog dang bya ba la sogs pa ji ltar shes pa de bzhin du 'gro ba rnams kyi sems la sogs pa yang shes par gyis shig pa'o/ /de ltar 'di ni rdo rje dbyings kyi dkyil 'khor dang 'brel pa bstan pa yin par shes par bya'o//da ni 'jig rten gsum las rnam par rgyal ba'i dkyil 'khor gyi sgo nas ye shes kyi dngos grub kyi gzhung ston te/ nam mkha'am ni phyogs gzhan du/ /zhes bya ba ni ras dang rtsig pa la sogs pa'o// khros par gyur nas dkyil 'khor ni/ /zhes bya ba la khros par gyur pa ni khro bo gang yang rung ba'i rang gi lha'i rnal 'byor dang yid kyis khro ba mngon sum du bya ba gzung ngo / /de ltar khros par gyur nas dkyil 'khor ni zhes bya ba ste/ zla ba'i dkyil 'khor dang nam mkha' la sogs pa ji lta bur mthong ba de lta bur pha rol gyi yid shes par bya'o//da ni nam mkha'am sa phyogs zhes bya ba la sogs pas 'gro ba 'dul ba'i sgo nas ye shes kyi dngos grub kyi rgyud ston te/ nam mkha' 'am sa phyogs phra mo'am zhes bya ba la phra mo zhes bya ba 'dis ni/ lce ni rkan la bcar nas su//zhes bya ba la sogs pa ji skad gsungs pa'i rdo rje phra mo gzung bar bya'o/ /yang na yi ge'i phreng bas nam mkha' la sogs pa la dgod pa'am/ shes rab kyi pha rol tu phyin pa la sogs pa las chos kyi dbyings ston pa'i tshigs su bcad pa 'byung ba'i yi ge'am/ bzlas pa'i yi ge'am nam mkha' la bsgoms pa las mdor na ste/ mdor bsdu na rnal 'byor pas kha dog ci 'dra bar zhes bya ba rdo rje phra mo dang yi ge'i phreng ba ci 'dra bar mthong ba dang 'dra bar/ des 'jig rten pa rnams kyi sems shes par bya'o/ /da ni/'jig rten kun la bltas nas kyang //zhes bya ba la sogs pas don thams cad grub pa'i dkyil 'khor gyi sgo nas ye shes kyi dngos grub kyi gzhung ston to/ /'di skad ston te/ rang gi lha'i rnal 'byor byas la las kyi phyag rgya bcings nas/las kyi rdo rje snying gar zla ba'i dkyil 'khor la bkod de/ sangs rgyas dang / chos dang / dge 'dun gyi bden pa dang zhes bya ba la sogs pa dang / rang gis yongs su gsungs pa'i chos kyi bden pa'i byin gyi rlabs kyis/ gang gi sems la sogs pa gang shes par 'dod pa de bdag la sems la sogs pa phyin ci ma log par snang bar gyur cig ces smon lam btab la/de ltar sems dpa' de nyid kyi ting nge 'dzin la gnas te bltas na tshul 'dis 'jig rten thams cad la bltas par gyur pa yin no/ /de bas na des de ltar bltas pa na/ ji lta bur snang bar gyur pa de dang 'dra bar 'gro ba'i sems shes par bya'o//gal te snang ba skyes su zin kyang 'di'i yid kyis mthong bar gyur na ji ltar bya zhe na/ de'i phyir mthong bar gyur pa de dang 'dra bar zhes bya ba gsungs te/ nam mthong ba de na de dang 'dra ba'i sems su shes par bya'o/ /de nyid la ni zhes bya ba la sogs pa ni rab tu byed pa 'di nyid kyi lhag ma ston te/de nyid la ni snyoms zhugs nas/ /zhes bya ba ni brtag pa bzhir gtogs pa las bstan pa gang yin pa rnams so/ /'gro ba dang ni 'ong ba dang / /zhes bya ba ni ting nge 'dzin gyi bsgom pa la dmigs pa bzhin du phan tshun 'gro zhing 'chag par byed pa'o/ /de la 'chag pa ni gang du dga' bar 'gro ba'o//'gro ba dang 'ong ba ni phyogs nges pa gcig tu 'gro ba dang 'ong ba yin par shes par bya'o/ /ji ltar mthong ba de ltar rtogs/ /zhes bya ba ni rnal 'byor pas ting nge 'dzin gyi gzugs brnyan gyi spyod pa'i bye brag ji ltar mthong ba de bzhin du gang gi don du ye shes bskyed pa de dag kyang de bzhin du spyod par rtogs shing rigs par gyis shig ces bya ba'i don to//da ni snyoms par zhugs pa ste/ /zhes bya ba la sogs pas dngos po thams cad yongs su shes par spyir bsgre bar byed de/ bshad ma thag pa las ni spyod pas shes par bya ba bstan pa yin par zad kyi dngos po thams cad shes pa'i man ngag tu byas pa ni ma yin no//snyoms par zhugs pa ni rang gi lha'i rnal 'byor du byas nas zhes bya ba la sogs pa sngar bstan zin pa'o/ /de bsam pa ni ting nge 'dzin la dmigs pa'i sems rtse gcig tu bzhag pa des rnam par rtogs shig ces bya ba'i don to//de ltar bsam pas cir 'gyur zhe na/ sems can gang dang gang yin pa/ /de dang de ni de bzhin du/ /sems can rnams thams cad rtogs par 'gyur zhes bya ba ste/ sems can zhes bya ba la srog chags gang dang gang gi dgos pa gang dang gang yin pa rnal 'byor pa snyoms par zhugs te/bsams na de dang de ni zhes bya ba srog chags rnams kyi de bzhin du sems can rnams thams cad rtogs par 'gyur zhes bya ba ste/ sems zhes smos pa ni nye bar mtshon pa tsam du zad kyi/ 'dir nges pa'i don ni dgos pa thams cad shes par 'gyur ro zhes bya ba yin no//su zhig gis de skad ces gsungs te/ bcom ldan 'das rdo rje 'dzin pas gsungs so zhes pa'o/ /da ni de nas zhes bya ba la sogs pas dngos grub kyi mtshan ma'i ye shes ston te/ dngos grub kyi ye shes zhes bya ba la dngos grub ni dam pa grub pa la sogs pa'o//de'i mtshan ma ni chos gang skyes pa las bdag gi dngos grub nye bar ston to zhes shes pa skye ba ste/ de'i ye shes ni dngos grub kyi mtshan ma'i ye shes zhes bya ba ste/ 'di nyid bar gyi tshig mi mngon par byas nas dngos grub kyi ye shes zhes bstan pa yin no//de'i phyag rgya yin pas na dngos grub kyi ye shes kyi phyag rgya ste/ gang gi phyag rgya las ji skad gsungs pa shes pa'o/ /de ston par byed pa'i gzhung yin pas na dngos grub kyi ye shes kyi phyag rgya'i rgyud do/ /gsungs so zhes bya ba ni bka' stsal pa'o/ /de la dang por ni/sems dpa' byin gyis brlabs tshul gyis/ /zhes bya ba la sogs pas de bzhin gshegs pa'i dngos grub kyi ye shes kyi rgyud ston te/ sems dpa' byin gyis brlabs tshul gyis/ /zhes bya ba la so sor snang ba gsal bar 'byung ngo zhes bya ba ni tshig gi lhag ma ste/ sems dpa' ni 'dir bcom ldan 'das rdo rje sems dpa' de yin par shes par bya'o/ /de byin gyis brlab pa ni ji skad du gsungs pa'i tshul gyis rang gi lha'i rnal 'byor du bskyed pa ste/ sbyor ba des bdag ni sangs rgyas kyi dngos grub dang nye bar snang ba gsal ba 'byung ba yin par shes par bya'o//ci'i phyir zhe na/ 'das ma thag pa'i sangs rgyas kyi gzugs su bdag nyid bsgoms pas na'o/ /de nyid kyis na/ ye shes kyi ni tshul de yis/ /sangs rgyas dngos grub 'thob par 'gyur/ /zhes gsungs so/ / da ni/ nam mkha'am ni phyogs gzhan du/ /zhes bya ba la sogs pas de bzhin gshegs pa'i rigs kyi dngos grub kyi ye shes kyi gzhung ston te/ nam mkha' 'am zhes bya ba 'dis ni gnas med par ston to/ /phyogs gzhan du zhes bya ba 'dis ni ras dang rtsig pa la sogs par ro//ci nam mkha' 'am phyogs gzhan 'ba' zhig tu zad dam zhe na/ ser skya'i 'od kyi dkyil 'khor mthong / /zhes bya ba ste/ mthong bar gyur na zhes bya ba dang sbyar ro/ /ci de bzhin gshegs pa'i rigs zlos pas mthong ba de 'ba' zhig tu zad dam zhe na/smras pa ma yin te/ sems dpa' nyid kyi phyag rgya nyid/ /mngon sum nyid du mthong gyur na'o/ /zhes bya ba ste/ 'di ni de bzhin gshegs pa'i rigs zlos pa'i dngos grub kyi mtshan ma zhes pa'o/ /da ni de lta bu'i dbyibs gyur pa'i zhes bya ba la sogs pas rdo rje rigs kyi dngos grub kyi ye shes kyi gzhung ston te/de lta bu'i ye shes zhes bya ba ni 'od ser skya'i dkyil 'khor ji ltar bsgom pa'i'o/ /dbus ni sngo bsangs zhes bya ba ni ut+pal sngon po lta bu'o/ /snang na ni zhes bya ba ni bsgom pa'i stobs kyis phyag rgya blta ba'am/ phyag rgya chen po lta bu mig lam du gyur na'o//rdo rje rigs mchog dngos grub ni/ /zhes bya ba ni rdo rje rigs zlos pas nam de lta bu mthong ba de ni rdo rje rigs kyi dngos grub kyi mchog myur du 'grub pa'i ltas yin no/ /ci ste 'dod na zhes bya ba ni dngos grub ji lta bu 'dod pa zhes bya ba'i don to/ / da ni de nyid la ni zhes bya ba la sogs pas pad+mo'i rigs kyi dngos grub kyi ye shes kyi gzhung ston te/ de nyid ces bya ba ni 'od ser skya'i dkyil 'khor gang yin pa'o/ /mkha' 'dra ba'i pad+mo sngon po lta bur mthong zhes bya ba ni bsgoms pa'i stobs kyis ston ka'i nam mkha' ltar sngo ba'i pad+mo'o//pad+mo'i rigs zlos pa'i rnal 'byor pas nam mthong ba de'i tshe pad+mo'i rigs kyi dngos grub tu 'gyur bar shes par bya'o/ /'di skad ston te/ ji ltar rdo rje rigs la 'od ser skya'i dkyil 'khor gyi dbus ni 'od sngon po mthong ba de bzhin du pad+mo'i rigs kyi yang dkyil 'khor de'i dbus pad+mo nam mthong ba de'i tshe pad+mo'i rigs 'grub par 'gyur ba'o//da ni nam mkha' zhes bya ba la sogs pas nor bu'i rigs kyi dngos grub kyi ye shes kyi gzhung ston te/ nam mkha' 'am ni phyogs gzhan na/ /zhes bya ba ni snga ma bzhin no/ /de nyid mkhas bzhin dri med las//zhes bya ba la/ de nyid ces bya ba ni 'od ser skya'i dkyil 'khor gong du bshad pa nyid do/ /mkha' bzhin dri med las zhes bya ba ni nam mkha' dang / shel bzhin du dri ma med pa'o//'od zer dkyil 'khor 'phro bar ni/ /zhes bya ba ni 'od zer gyi gzugs rnam par 'phro ba'o//de lta bur nor bu'i rigs zlos pa'i rnal 'byor pa des mthong zhing rtogs par gyur na dngos grub kyi mtshan ma des na myur du 'grub par 'gyur bar shes par bya'o/ /da ni rdo rje sems sogs zhes bya ba la sogs pa 'di dag gis rab tu byed pa 'di nyid kyi lhag ma ston te/rdo rje sems sogs sems dpa' rnams/ /zhes bya ba ni rdo rje sems dpa' thog mar byas pa'i sems dpa' gang yin pa de dag ni rdo rje sems sogs sems dpa' ste bcu drug po rnams so/ /ji lta bu zhe na/ zla ba'i dkyil 'khor 'od bcas par/ /zhes bya ba ste/'od zla ba'i dkyil 'khor dang mtshungs pa gang yin pa de ni/ zla ba'i dkyil 'khor 'od bcas par/ /zhes bya ba'o/ /bdag nyid kyis kyang mdun mthong na'o/ /zhes bya ba la mdun zhes bya ba ni mdun du bdag nyid kyis mthong ba'o/ /kyang zhes bya ba'i sgras ni ser skya'i dkyil 'khor la sogs pa dngos grub kyi mtshan ma snga ma rnams so//dus nam gyi tshe mthong zhe na/ dngos grub dus su'o/ /ci gzugs brnyan mthong ngam zhe na/ smras pa ma yin no/ /'o na ji lta bu zhe na/ rang bzhin du zhes bya ba gsungs pa yin no/ /da ni de nas byang chub sems dpa' chen po phyag na rdo rje zhes bya ba la sogs pas rnal 'byor gyi rgyud kyi sbyor bas bzlas brjod la zhugs pa rnams grub nas kyang //bsgom pa grub pa'i 'bras bu gang yin pa ston to/ /de la dang po ni de bzhin gshegs pa'i rigs bshad la/ de las kyang thog ma kho nar de bzhin gshegs pa rnams kyi mngon par shes pa'i dngos grub kyi rgyud ston te/rdo rje sems dpa'i ting nge 'dzin gnas zhes bya ba ni snga ma bzhin no/ /lus kun de bzhin gshegs pa rnams dang ni/ /zhes bya ba ni lus kyi yan lag dang nying lag thams cad la de bzhin gshegs pa rnams kyi gzugs bsgom pa dang /byang chub sems dpa' rnams kyi gzugs bsgom pa'o/ /de bzhin lus la 'byung mthong na'o/ /zhes bya ba ni de bzhin gshegs pa dang byang chub sems dpa' de rnams 'jug pa dang / 'byung ba dang / khyab par gnas nas bzhugs par yang sbyar te/'di ni de bzhin gshegs pa'i rdzu 'phrul gyi mngon par shes pa yin par blta'o/ /da ni de la zhes bya ba la sogs pas ni de bzhin gshegs pa'i rigs kyi mngon par shes pa rnams kyi dngos grub kyi gzhung ston te/ rdo rje sems dpa'i phyag rgya che bcings na/ /zhes bya ba ni rdo rje sems dpa'i rnal 'byor du byas nas zhes bya ba'i don to//ci de tsam kho nas 'bras bu 'thob bam zhe na/ smras pa ma yin no/ /'o na ci zhig snyam yin na/ rab mnyam gzhag pas zhes bya ba gsungs te/ shin tu mnyam par gzhag pas na rab mnyam gzhag pa'o/ /'bras bu ci zhig 'thob par 'gyur zhe na/mngon shes lnga ni 'thob par 'gyur/ /zhes bya ba gsungs te/ mngon par shes pa lnga ni lha'i mig dang / lha'i rna ba dang / pha rol gyi sems shes pa dang / sngon gyi gnas rjes su dran pa shes pa dang / rdzu 'phrul gyi bya ba shes pa rnams so/ /ji ltar 'thob ce na/cho ga 'di yis ni zhes bya ba gsungs te/ 'og nas bshad pas so/ /su zhig gis 'thob par 'gyur zhe na/ sgrub pa zhes bya ba gsungs so/ /cho ga de gang zhig yin zhe na/ da ni de la zhes bya ba la sogs pas cho ga ston te/ de las kyang lha'i mig gis mngon par shes pa dang por ston pas/rdzu 'phrul gyi spyan gyi ye shes bshad de zhes bya ba gsungs so/ /ye shes de ji ltar 'byung zhe na/ phyag rgya chen por mnyam gzhag ste/ /mig gi rnam shes bskyed nas kyang / /zhes bya ba ston to/ /'di skad ston te/ de bzhin gshegs pa'i rigs zlos pa'i rnal 'byor pas phyag rgya chen por mnyam par gzhag ste zhes bya ba'i phyag rgya chen po bskyed nas/ji skad gsungs pa'i rim gyis dang por rdo rje phra mo bsgom pa goms pas brtan par byas la/ de nas bden pa'i byin gyis brlabs byas te sngar bshad pa'i tshul gyis yid rtse gcig par byas la gang gi lus sam phyogs su 'das pa'am/ma 'ongs pa'am/ dge ba'am/ mi dge ba gang gi gzugs shes par 'dod pa de'i lus sam/ phyogs su dbang po ma nyams pa dang / de'i phyogs snang ba dang bcas pa dang / gzugs 'dzin pa'i yid la byed pa mngon sum du byas te/de ltar na mig gi rnam par shes pa skye ba'i rgyu'i tshogs rnams bsgom zhing mig gi rnam par shes pa bskyed la snang ba dang bcas shing gzugs shin tu gsal bar mngon sum du nges par mthong ba kho nar bsam par bya'o/ /'on tang na chos nyid kyis gang gi rgyu'i tshogs mngon sum du bsgoms na rnal 'byor pa grub par ma gyur na yang bsgom pa'i stobs kyis rnam par shes pa'i 'bras bu de 'byung bar 'gyur te/tha na rnal 'byor pa'i rmi lam du yang rmi lam bden pa mthong ba ston par 'gyur ro/ /de bas na/ gang yang rung ba des bsams na//shin tu ring ba 'ang mthong bar 'gyur/ /zhes gsungs pa yin te/ de lta bu'i mig gi rnam par shes pa des gang yang rung ba bsams na zhes bya ba yid kyis lus sam phyogs gang yang rung bar/ 'das pa'am/ ma 'ongs pa'am/ da ltar gyi gzugs bsams na'o//shin tu ring ba 'ang mthong bar 'gyur/ /zhes bya ba ni mig gi rnam par shes pa zhes bya bar sbyar ro/ /'ang zhes bya ba'i sgras ni gam na gnas kyang sgrib g.yogs kyis chod pa dang / rtsig pa dang / mun pas bsgribs pa'am/ rang bzhin gyis bskal pa yang drung na gnas pa bzhin du mthong bar 'gyur ro//de ltar mthong zhes su zhig gis gsungs she na/ bcom ldan 'das rdo rje sems dpas gsungs so/ /da ni/ phyag rgya chen po mnyam gzhag nas/ /zhes bya ba la sogs pas lha'i rna ba'i mngon par shes pa ston te/phyag rgya chen por mnyam gzhag ste/ /zhes bya ba ni snga ma dang 'dra'o/ /'dir yang rdzu 'phrul gyi spyan gyi skabs su go rims ji ltar smos pa de dang 'dra ste/ 'dir rna ba'i rnam par shes pa mngon sum du bya ba dang / sgra tsam zhig khyad par yod du zad do/ /des ni zhes bya ba ni rna ba'i rnam par shes pas dgos pa gang bsams kyang de shin tu ring po na gnas pa yang thos par 'gyur ro zhes bcom ldan 'das rdo rje 'dzin pas gsungs so//da ni phyag rgya chen po zhes bya ba la sogs pas pha rol gyi sems shes pa'i mngon par shes pa ston te/ phyag rgya chen por mnyam gzhag ste//yid kyi rnam shes bskyed nas kyang / /zhes bya ba ni yid kyi rnam par shes pa rtse gcig tu bya'o zhes bya ba'i don to/ /sems can gang la des brtags na/ /zhes bya ba ni rtse gcig par bya ba'i yid kyi rnam par shes pa des sems can gang gi sems shes par bya bar 'dod pa de la nges brtags na zhes bya ba des mngon sum du byas la nges par brtags par bya'o zhes bya ba'i don to//de yi sems ni des shes 'gyur/ /zhes bya ba ni ye shes su nye bar mtshon pa ste/ des de'i sems shes par 'gyur ro zhes bya ba'i don to/ /de yang bdag gis lus dang sems kyi gnas skabs kyi nyams ji ltar mthong zhing shes pa las nga'i lus dang sems 'di snyam du sems shing shes pa las na 'di'i lus kyang rnam pa 'di lta bu yin zhing 'di'i sems kyang rnam pa 'di lta bu yin par shes par bya'o zhes pa ste/'di ni re zhig las dang po ba'i pha rol gyi sems shes pa'i thabs yin gyi rnal 'byor pa bsgom pa'i khyad par shin tu goms pa rnams kyi ni pha rol gyi sems kyi dbang las rang gi sems de dang 'dra ba kho nar skye'o//de bas na rnal 'byor pa grub pa rnams rang gi sems kyi nyams kyi tshul las pha rol gyi sems kyi lung bstan na/de de bzhin du 'gyur te bsam gtan pa rnams kyi bsam gtan gyi yul ni/ bsam gyis mi khyab pa yin no/ /de lta bas na dgos pa de brjod pa'i phyir pha rol gyi sems shes pa tshad med par bshad de/ 'di ni 'di ltar nges par shes par bya dgos so/ /da ni phyag rgya chen por zhes bya ba la sogs pas sngon gyi gnas rjes su dran pa'i mngon par shes pa ston te/phyag rgya chen por mnyam gzhag ste/ /zhes bya ba ni phyag rgya chen po bcings la/ ji skad du bshad pa'i tshul gyis rdo rje phra mo bsgom pa goms par byas la/ bdag gam gzhan gyi tshe snga ma'i rnam par shes par 'dod na gnas dben par 'dug ste/sems rtse gcig tu bzhag la bden pa'i byin gyis brlabs byas te/ bdag rang nyid kyi bsod nams kyi rang bzhin gyi chos bsod nams kyi mtshan nyid can dran tshun chad nas ji snyed byas pa de dag thams cad kyi bden pa dang /sangs rgyas kyi bden pa dang / chos kyi bden pa dang / dge 'dun gyi bden pa dang / bden par smra ba rnams kyi bden pas bdag gam sems can 'di'i tshe rabs 'das pa na skye ba ji ltar myong ba de bzhin du phyin ci ma log par nga'i sems rtse gcig tu byas pa 'di la snang bar gyur cig ces de ltar bden pa'i byin gyis brlabs byas la/bdag gam pha rol gyi gzugs la rnal 'byor pa'i yid kyis brtag par bya'o/ /de ltar brtags na de'i sngon gyi skye ba de da lta 'dir des shes par 'gyur ro zhes pa ni 'das pa'i gzugs te/ de ltar gyi dus 'dir shes par 'gyur ro zhes pa'i don to/ /gang gi phyir sngon gyi lus kyis myong ba'i sa bon dang da ltar gyi rnam par shes pa'i rgyud la yod pa de rnal 'byor pa de'i bsgom pa'i stobs kyis dran pa'i sa bon smin par byas pa dang rnal 'byor pa de nyid dam sems can gzhan dag gi lus la sngon gyi gzugs snang bar 'gyur te/bden par smra ba dang 'dra ba'i phyir ro/ /'di ni sngon gyi gnas rjes su dran pa'i mngon par shes pa yin te/ rnal 'byor ma grub pa dang bsam gtan ma thob pa rnams la yang 'byung bar 'gyur ro/ /su zhig gis de skad gsungs she na/ bcom ldan 'das phyag na rdo rjes gsungs so zhes pa'o/ /da ni rdzu 'phrul gyi cho ga zhes pa'i mngon par shes pa ston te/ phyag rgya chen po bcings nas kyang / /zhes bya ba ni snga ma dang 'dra'o/ /rdzu 'phrul gang dang gang 'dod pa/ /zhes bya ba la rdzu 'phrul ni 'phel ba ste/sems kyi 'byor pa'i bdag nyid che ba'i mthu ston pa zhes bya ba'i don to/ /nam mkha' la 'gro ba dang / mi snang bar gyur pa dang / gzugs sna tshogs su ston pa dang / bar du chod pa dang / 'byor pa dang nam mkha' dang thag ring ba rnams su yang myur du 'gro ba dang / phyi rol gyi dngos po sprul cing bsgyur ba ste/'jim pa la sogs pa las gser la sogs par byed pa dang / dngos po mi gnas pa'i rnams yun ring mo zhig gi bar du gnas par byin gyis rlob pa la sogs pa ste/ de la sogs pa'i bdag nyid kyi tshe ba ston pa ni rdzu 'phrul lo/ /de bas na/rdzu 'phrul gang dang gang 'dod pa/ /zhes gsungs so/ /gang du 'dod ces rtogs pa la/ /des ni gang na'ang rung bar ni/ /zhes bya ba gsungs te/ rnal 'byor pa de gang du 'dod pa der dngos po de ston to zhes bya ba'i don to/ /ci zhig gis ston zhe na/ ting nge 'dzin gyis mthong bar 'gyur//zhes bya ba gsungs so/ /'di skad ston te/ sems mnyam par bzhag na ci dang ci bsam pa de dang de'i dngos po de de bzhin du ting nge 'dzin gyi stobs kyis de bzhin du snang bar 'gyur zhing / gzhan dag gis kyang de bzhin du mthong bar 'gyur te/ ting nge 'dzin la sems rtse gcig tu gyur pa'i yid ni yid bzhin gyi nor bu dang 'dra ba'i phyir ro//rtse gcig pa'i yid dang ldan pa'i rnal 'byor pas ni gang mi 'dod pa de mi byed cing gang 'dod pa de thams cad bsams pa tsam gyis 'byung bar 'gyur ro/ /ji skad du su zhig gis gsungs she na/ de'i phyir bcom ldan 'das byang chub kyi sems chen pos gsungs so zhes bya ba'o//da ni rdo rje'i rigs kyi mngon par shes pa'i dngos grub kyi rgyud ston te/ de bzhin gshegs pa'i rigs la phyag rgya bzhi char gyi sbyor ba yod mod kyi 'on kyang / phyag rgya chen pos mngon par shes pa lnga'i 'bras bu ston la/ 'dir ni/ khams gsum rnam rgyal mchog tu ni/ /rab mnyam gzhag pas bcings nas kyang / /zhes bya ba gsungs te/ rtog pa 'di la dam tshig gi phyag rgya gtso bo yin par bshad pa'i phyir ro/ /de yang khams gsum rnam rgyal mchog tu ni/ /hUM zhes bya ba bzhi'i phyag rgya 'jig rten gsum las rnam par rgyal ba'i dkyil 'khor chen por gsungs pa ste/de bcing bar bya'o/ /ci phyag rgya bcings pa tsam gyis mngon par shes pa 'thob bam zhe na/ smras pa ma yin no/ /'o na ji lta bu zhe na/ rab mnyam gzhag pas/ mngon par shes pa lnga 'thob bo zhes bya bar sbyar te/shin tu mnyam par gzhag pas na rab mnyam gzhag pa'o/ /gang gis she na/ de'i phyir cho ga 'dis ni zhes bya ba ston te/ 'og nas bshad pas zhes bya ba'i don to/ /su zhig gis 'thob par 'gyur zhe na/ sgrub pa po zhes bya ba gsungs so/ /cho ga de ci lta bu zhig ce na/khros nas zhes bya ba la sogs pas ston te/ khros nas dgos pa thams cad ni/ /zhes bya ba la bsgrub par bya zhes bya ba ni tshig gi lhag ma'o/ /khros nas zhes smos pas ni khro bo'i ting nge 'dzin la snyoms par 'jug pa dang / yid kyis khro ba mngon sum du bya'o/ zhes ston te/ gang gi phyir rigs 'dir khro ba nyid dam tshig yin te/ de bas na cho ga 'di las gzhan gyi dgos pa 'grub par mi 'gyur ro zhes ston to/ /ltag 'og go rims ji bzhin bya/ /zhes bya ba ni khro bo'i ting nge 'dzin gyis byin gyis brlab pa dang / dbang bskur ba la sogs pa dang / rdo rje phra mo goms par bya ba rnams rim bzhin du bya ba'o//'phrul gyi mig la sogs tshul gyis/ /zhes bya ba la rdzu 'phrul gyi mig la sogs pa'i sbyor ba ni sngar bshad pa yin te/ rnal 'byor de'i tshul gyis/ mngon shes kun du skad cig 'gyur/ /zhes bya ba'o/ /de skad su zhig gis gsungs she na/bcom ldan 'das rdo rje sems dpas gsungs zhes pa'o/ /da ni 'gro ba 'dul ba zhes bya ba la sogs pas pad+mo'i rigs kyi mngon par shes pa'i dngos grub kyi rgyud ston te/ 'gro ba 'dul ba'i phyag rgya mchog /rab mnyam gzhag pas bcings nas ni/ /zhes bya ba la 'gro ba 'dul ba'i phyag rgya mchog ni bcom ldan 'das 'jig rten dbang phyug gi gzugs thams cad yang dag par ston pa'i ting nge 'dzin to//rang gi lha'i rnal 'byor du byas pa 'ba' zhig tu ma zad kyis/ rab mnyam gzhag ces bya ba ste shin tu mnyam par gzhag par bya ba'o//bcings nas ni zhes bya ba ni byin gyis brlabs pa la sogs pa'i rim gyis so/ /ji ltar zhe na/ cho ga 'dis ni sgrub pa pos/ /zhes bya ba'o/ /ci zhig 'thob ce na/ mngon par shes pa lnga 'thob bo/ /zhes bya ba gsungs so/ /ltag 'og go rims ji bzhin du/ /zhes bya ba ni rdo rje phra mo bsgoms pa las byung ba'i rim gyis so//'dir phyag rgya chen po bstan mod kyi 'on kyang de gtso bo ma yin par shes par bya ste/ gzhan du na chos kyi phyag rgya nyid gtso bo yin la de bas na de ni/ cho ga bzhin du 'dod pa chags/ /zhes bya bas ston te/ cho ga bzhin du zhes bya ba ni byin gyis brlabs pa dang dbang bskur ba la sogs pa'i rim gyis so//'dod pa ni sems can smin pa dang grol ba'i 'dod chags te/ des chags pas na 'dod pas chags pa'o/ /'phrul gyi mig la sogs tshul gyis/ /zhes bya ba ni de ltar sngar bshad pa'i tshul gyis so/ /mngon shes thams cad 'thob par 'gyur//zhes bya ba ni mngon par shes pa lnga zhes bya ba'i don to/ /de ltar mngon par shes pa thams cad 'thob par 'gyur zhes su zhig gis gsungs she na/ bcom ldan 'das 'jig rten dbang pos gsungs so zhes pa'o/ /'dir chos kyi phyag rgya'i 'bras bu ni ma bstan te/gang gi phyir 'dir 'dod chags chos su bstan pa'i phyir ro/ /da ni/ don kun grub pa'i phyag rgya ni/ /zhes bya ba la sogs pas nor bu'i rigs kyi mngon par shes pa'i dngos grub kyi rgyud ston te/ don kun grub pa'i phyag rgya ni bcom ldan 'das nam mkha'i snying po'i phyag rgya chen po bcings pa'o//phyag rgya bcings pa 'ba' zhig gis 'grub par 'gyur ba ma yin gyis ting nge 'dzin yang dgos so zhes bstan pa'i phyir rab mnyam gzhag pas zhes gsungs so/ /ji ltar 'thob ce na/ cho ga 'dis ni zhes bya ba gsungs te 'og nas 'byung ba'i cho ga 'dis so/ / su zhig gis 'thob par 'gyur zhe na/ sgrub pa pos zhes bya ba gsungs so/ /ci zhig 'thob par 'gyur zhe na/ mngon par shes pa lnga 'thob po/ /zhes bya ba gsungs so/ /'dir yang nam mkha'i snying po'i phyag rgya chen po zhes bstan mod kyi 'on kyang 'di gtso bo ma yin te/ sangs rgyas rnams la mchod byas na//zhes bya ba 'dis ni las kyi phyag rgya gtso bo yin par ston te/ gang gi phyir sangs rgyas mchod pa la ni gtso bor las kyi phyag rgya'i bya ba yin pa'i phyir ro/ /ltag 'og go rims de bzhin du/ /zhes bya ba la/ go rims ni byin gyis brlab pa dang dbang bskur ba la sogs pa ste/byin gyis brlab pa la sogs pa byas nas de bzhin du zhes bya ba sngar bshad pa'i 'phrul gyi mig la sogs pa'i rnal 'byor gyi tshul gyis so/ /des cir 'gyur zhe na/ mngon shes lnga ni nges 'thob po/ /zhes bya ba gsungs te/ /chos 'dis mngon par shes pa lnga 'thob par 'gyur ro zhes pa'o//su zhig gis de skad gsungs she na/ bcom ldan 'das nam mkha'i snying pos gsungs so zhes bya bas ston to/ /da ni rigs thams cad ces bya ba la sogs pas rab tu byed pa'i don gyis mjug sdud pa ston pa yin te/ rigs thams cad kyi mngon par shes pa yin pas na rigs thams cad kyi mngon par shes pa'o//de nyid ye shes yin pas na rigs thams cad kyi mngon par shes pa'i ye shes so/ /de phyag rgya gang dag gis 'thob par 'gyur ba de ni mngon par shes pa'i ye shes kyi phyag rgya'o/ /de shes par bya ba'i mngon par shes pa'i ye shes kyi phyag rgya'i cho ga rgyas pa'i rgyud ni de thob par bya ba'i thabs kyi gzhung zhes bya ba'i don to//da ni de nas zhes bya ba la sogs pas bden pa gsungs pas mngon par 'dod pa'i don grub par 'gyur ba gang yin pa de bstan par bya ba'i don to/ /de las kyang dang por bden pa zhes bya ba la sogs pas de bzhin gshegs pa'i phyag rgya chen po'i bden pa grub pa'i gzhung ston te/bden pa ni gzhan du mi 'gyur ba nyid do/ /bden pa 'di la rjes su 'jug pa'i tshig gang yin pa de ni bden pa'i rjes su 'jug pa'i tshig go/ /ni zhes bya ba'i sgra ni nges par bzung ba ste de nyid kyis mna'i bya ba bya'i gzhan du ni ma yin no//mna' de yang dgos pa chen po'i phyir mna' 'dor ba yin te/ bdag gis sangs rgyas bcom ldan 'das kyi dkyil 'khor la reg pas gal te bdag 'di las 'das na sangs rgyas bcom ldan 'das rnams bdag gis bslus par gyur cig ces pa la sogs pa de bzhin gshegs pa rnams la dmod btsugs pa'i mna' bor nas bden pa chen po bsrungs na'o//cir 'gyur zhe na/ myur du sangs rgyas nyid 'thob bo/ /zhes bya ba gsungs te/ myur du zhes bya ba ni mgyogs par zhes bya ba'i don to/ / de ltar su zhig gis gsungs she na/ sangs rgyas bcom ldan 'das kyis gsungs so zhes bya bar ston to/ /da ni de bzhin gshegs pa'i zhes bya ba la sogs pas de bzhin gshegs pa'i rigs kyi bden pa'i dngos grub kyi gzhung ston te/ dam tshig ces bya ba ni 'da' bar mi bya ba'i don la bya'o//dam tshig de la mna' bor ba ni 'dod pa'i lha la dmod btsugs pa dang 'brel ba'i don la 'da' bar mi bya ba'i tshig la ni mna' zhes bya ba ste/ bya ba 'ga' zhig la bla ma nye bar gnas pa'i thad du de bzhin gshegs pa'i rigs dang 'brel pa'i mna'i bya ba byed pa ste/ gal te ngas 'di lta bu'i bya ba ma byas sam 'di las 'gal ba zhig byas par gyur na/bcom ldan 'das rdo rje sems dpa' 'am rdo rje bdag gi snying ga 'di nas 'phang bar gyur cig ces de bzhin gshegs pa'i rigs la dmod btsugs la mna' bor nas kyang srog la bab kyang rdo rje'i bden pa bsrung bar bya'o/ / des cir 'gyur zhe na/ dngos grub mchog ni 'thob par 'gyur/ /zhes bya ba gsungs so/ /de skad su zhig gis gsungs she na/ bcom ldan 'das rdo rje 'dzin pas gsungs so zhes pa'o/ /da ni ci ste dngos grub ces bya ba la sogs pas rdo rje rigs kyi sgo nas bden pa'i dngos grub kyi rgyud ston te/rdo rje 'dzin ni 'jig rten gsum gyi 'khor lo las ston pa ste/ lag pa gnyis bla 'og tu gcig la gcig rgyab sprad de/ mthe bo dang mthe'u chung gnyis gcig gis gcig bzung ba'i rdo rje 'dzin pa 'dis mna' 'dor zhing rdo rje rigs la dmod btsugs pa byas la/ dgos pa chen po nye bar gnas pa zhig byung ba la rdo rje 'dzin pa'i phyag rgya bcings nas gal te ngas 'di las 'gal bar byas na/ bcom ldan 'das phyag na rdo rje bslus par gyur cig ces bya ba la sogs pa'o/ /de lta bu'i 'da' bar dka' ba'i mna' sngags pas bor nas/ bden pa 'di ni bsrung bar bya ba ste 'da' bar mi bya'o zhes bya ba'i don to//da ni ci ste zhes bya ba la sogs pas pad+mo'i rigs kyi sgo nas bden pa'i dngos grub kyi rgyud ston te/ dam pa'i chos la mna' 'dor zhing / /zhes bya ba la dam pa rnams kyi chos yin pas na dam pa'i chos te/ dam pa ni sangs rgyas bcom ldan 'das dang /byang chub sems dpa' dang / rang sangs rgyas dang / nyan thos rnams te/ dam pa de rnams kyi chos yin pas na dam pa'i chos so/ /de dang ldan pa'i mna' yin pas na dam pa'i chos la mna' 'dor ba ste/ dgos pa chen po'i dus 'ga' zhig tu de bya ste/ gal te ngas 'di las 'das pa zhig byas na bdag dam pa'i chos dang mi ldan pa'am/ dam pa'i chos spangs pa'am/ dam pa'i chos rnam par 'jig pa la sogs pa byed par shog cig pa'o/ /de ltar pad+mo'i rigs chen po la mna'i mchog 'di lta bu byas nas pad+mo'i rigs zlos pa rnams kyis bden pa'i mtshan nyid dam tshig la sogs pa bsrung bar bya'o//da ni 'di las zhes bya ba la sogs pas nor bu'i rigs kyi sgo nas bden pa'i dngos grub kyi rgyud ston te/ sangs rgyas mchod pa ni yid kyis mchod pa dang / me tog la sogs pa phyi'i mchod pa dang ldan pa'o//de dang 'brel ba'i mna' 'dor bar bya ba ni dgos pa chen po zhig gi dus su gal te bdag gis 'di ltar ma byas sam/ 'das par gyur na sangs rgyas kyi mchod pa rnam par 'jig pa'am/ yongs su spong bar shog cig /gal te de las 'das na bdag tshe rabs thams cad du dbul por gyur cig ces bya ba la sogs pa nor bu'i rigs su gtogs pa'i mna' 'da' bar dka' ba 'di lta bu dor bar bya'o//de nas ci zhig bya zhe na/ bden pa'i mchog 'di bsrungs na ni/ /zhes bya ba gsungs so/ /de nas cir 'gyur zhe na/ dbang bskur ba ni 'thob par 'gyur//zhes gsungs so/ /de skad su zhig gi gsungs she na/ bcom ldan 'das sangs rgyas mchod pas gsungs so zhes bya ba ste/ rdo rje las kyis gsungs so zhes bya ba'i don to/ /rigs thams cad ces bya ba la sogs pas ni rab tu byed pa'i don gyi mjug sdud pa yin te/rab tu byed pa 'di yang sgrub pa po 'ga' zhig la gal te dgos pa chen po 'ga' zhig yod na/ mna' gang las bor ba des de'i dam tshig bsrungs na 'grub par 'gyur ro/ /lung sbyin par bya ba dang / bzlas brjod byed pa thams cad la spyir nam dkyil 'khor du 'jug pa'i dus dang gsang zhing sba ba'i man ngag sbyin pa'i dus su mna' bsgags pa de yang de dag gis bsrung bar bya ba yin no//da ni sa ma ya s+t+waM zhes bya ba la sogs pas dam tshig gi de kho na nyid kyi dngos grub kyi rgyud ston to/ /de la dang por ni de bzhin gshegs pa rnams kyi dam tshig gi de kho na nyid kyi dngos grub kyi rgyud ston te/sa ma ya s+t+waM zhes bya ba ni sems dpa' rdo rje ma'i dam tshig gi phyag rgya bcing ba'i snying po la ni sa ma ya s+t+waM zhes bya ba'i sgrar gsungs pa yin te/ gang gi phyir 'di'i don gang yin pa de ni rgyud thams cad kyi snying po yin te/ zla ba dang rdo rje bsod nams dang ye shes kyi tshogs su gyur pa'i rang bzhin de las rgyud thams cad kyi don rim gyis rdzogs par 'gyur ro//de bas na de skul bar byed pa'i snying po la dam tshig gi de kho na nyid ces bya'o/ /de gang du brjod par bya zhe na/ phyag rgya kun dang rigs rnams la'ang / /zhes bya ba gsungs te/ci'i phyir zhe na/ gang gi phyir de brjod la/ sems dpa' rdo rje ma'i phyag rgya bcings na bdag nyid kyis bcings pa 'grub par 'gyur te/ phyag rgya thams cad ma bsgrubs kyang 'grub par 'gyur te/ nyid kyis zhes bya ba ni sngags pas so/ /bcings nas brtan par 'gyur zhes bya ba ni phyag rgya 'grub cing rang gi bya ba byed pa ste/rigs bzhir gtogs pa'i phyag rgya thams cad do/ /ma bsgrubs par zhes bya ba ni dam tshig gi snying po brjod pa med kyang ngo / /nam 'grub ce na/ de'i 'og tu zhes bya ba gsungs so/ /gang gi 'og tu zhe na/ dam tshig gi phyag rgya bcings pa'i'o//de skad su zhig gis gsungs she na/ bcom ldan 'das dam tshig chen po'i de kho na nyid kyis gsungs so zhes pa ste/ bcom ldan 'das rnam par snang mdzad ces bya ba'i don to/ /da ni su ra ta zhes bya ba la sogs pas de bzhin gshegs pa'i rigs kyi dam tshig gi de kho na nyid kyi dngos grub kyi rgyud ston to//su ra ta s+t+waM zhes bya ba brjod na cir 'gyur zhe na/ ma bsgrubs par yang phyag rgya kun/ /nyid kyis bcings nas 'grub par 'gyur/ /zhes bya ba gsungs so/ /ci'i phyir 'grub par 'gyur zhe na/ gang gi phyir su ra ta zhes bya ba 'di ni bcom ldan 'das rdo rje sems dpa'i de kho na nyid bskul ba yin te/su ra ta zhes bya ba ni rab tu dga' ba ste/ shin tu dag pa yin pas rab tu dga' ba'o/ /de yang sems can gyi khams ma lus pa 'khor ba'i mtha' ji srid kyi bar du bdag gis bzung nas spyod par mdzad pa'i don te/ des rab tu dga' ba ni gzugs la sogs pa'i yul yongs su ma gtong bar spyod pa'i phyir ro/ /de yang / gzugs sogs 'dod pa'i bde bas dgyes pa'i thugs/ /zhes bya ba la sogs pa ji skad gsungs pa lta bu'o/ /de lta bas na 'di ni 'di'i de kho na nyid yin pas rdo rje sems dpa' la sogs pa'i phyag rgya bcings ba'i dus na de la bskul na ma bsgrubs par yang phyag rgya thams cad slob dpon bdag nyid dam slob mas bcings pa tsam gyis 'grub par 'gyur ro//de skad su zhig gis gsungs she na/ bcom ldan 'das dam tshig chen po'i de kho na nyid kyis gsungs so zhes pa ste/rdo rje sems dpa' zhes bya ba'i don to/ /da ni hUM zhes bya ba la sogs pas rdo rje rigs kyi dam tshig gi de kho na nyid kyi gzhung ston te/ mdor bsdu na ni hUM zhes bya ba gcig tsam gyis phyag rgya thams cad bsgrub po/ /rgyas par ni hUM zhes bya ba bzhi'i sngags kyis phyag rgya thams cad bsgrub po//tsam gyis zhes bya ba smos pas ni hUM zhes bya ba gsum dkar ba'o/ /de bas na hUM zhes bya ba gcig po de nyid brjod la bdag nyid kyis dam tshig gi phyag rgya bcing zhing gzhan yang 'ching du gzhug go/ /'dir ni rdo rje rigs kyi dam tshig gi khro bo yin pas na de'i de kho na nyid hUM zhes bya ba brjod par bya ba ste/de las de'i nang na gnas pa'i khro bo rnams shes par 'gyur te/ de lta bas na 'di la de'i de kho na nyid ces bya'o/ /da ni sarba shud+d+ha zhes bya ba la sogs pas pad+ma'i rigs kyi dam tshig gi de kho na nyid kyi dngos grub kyi gzhung ston te/pad+mo'i rigs la yang dam tshig gi phyag rgya bcing ba'i tshe na/ bdag gam yang na gzhan yang rung pad+mo'i rigs zlos pas sarba shud+d+ha zhes bya ba'i de kho na nyid 'di brjod la/ de nas gdod dam tshig gi phyag rgya bcing ba'i snying po brjod cing dam tshig gi phyag rgya bcing ba dang 'ching du gzhug par bya'o//de nas phyag rgya lhag ma rnams gdod bcing bar bya'o/ /des cir 'gyur zhe na/ bud med chags la sogs ldan la/ /thams cad du ni grol mi 'gyur/ /zhes bya ba gsungs te/ 'dir bud med ces bya ba ni dam tshig gi phyag rgya la bya bar dgongs te de dang sbyor ba 'di ni bcing ba'o//de thog mar byas pa'i sbyor ba gang yin pa de ni/ bud med sbyor la sogs ldan la/ /zhes bya ste/ sbyor ba des phyag rgya lhag ma rnams chings shig ces bya ba'i don to/ /des cir 'gyur zhe na/ thams cad du ni grol mi 'gyur/ / zhes bya ba gsungs so/ /'di skad ston te/ de kho na nyid bskul ba sngon du 'gro bas bcings na phyag rgya thams cad dgos pa ma zin gyi bar du lhod par mi 'gyur ro zhes bya ba'i don to/ /da ni oM zhes bya ba la sogs pas nor bu'i rigs kyi dam tshig gi de kho na nyid kyi dngos grub kyi gzhung ston te/de yang oM zhes bya ba ni dam tshig gi phyag rgya bcings pa'i snying po las 'byung ba nyid yin no/ /de bas na dam tshig gi de kho na nyid yin pas oM zhes bya bas mdor bsdu na/ phyag rgya thams cad 'grub 'gyur te/ /zhes bya ba ste/ mdor bsdu ba zhes bya ba ni mdor bya'o//de kho na nyid bskul bas dam tshig gi phyag rgya 'grub pa 'ba' zhig tu ma zad kyi/ 'jig rten thams cad kyi mchod pa'i mchog tu yang bsngags pa des 'grub par 'gyur ba'o/ /sngags pa des mchod pa 'grub pa nyid tshor yang ma zad kyi rang 'byung nyid la zhes bya ba ste/sangs rgyas kyi mchod pa yang 'grub par 'gyur ro zhes bya ba'i don to/ /mchod pa zhes smos pas ni 'di gnyi ga la sbyar bar bya'o/ /rigs thams cad ces bya ba la sogs pa la rigs thams cad ni de bzhin gshegs pa'i rigs la sogs pa'o/ /de rnams kyi dam tshig yin pas na/rigs thams cad kyi dam tshig ste/ dam tshig ces smos pas ni tha tshig la bzhag pa'i gzhung lugs bzung ste/ sangs rgyas dang byang chub sems dpa' de rnams kyi phyag rgya bcing bar 'dod na/ dang po kho nar snying po 'di brjod la phyag rgya 'di dag bcing bar bya'o zhes gsungs pa gang yin pa 'di ni dam tshig go//'di nyid ni dkyil 'khor ba de dang de dag dam tshig gi de kho na nyid ces gsungs pa yin no/ /dam tshig gi de kho na nyid 'dis kyang phyag rgya thams cad 'grub par byed pa yin la de yang rnam pa du ma yod pa yin pas na cho ga rgyas pa'i sgrar gsungs te/dngos grub kyi don gyi phyag rgya yin pas na dngos grub kyi phyag rgya'o/ /de'i cho ga rgyas pa ni de'i rnam par rgyas pa ste de ston pa'i gzhung rgyas pa yin pas na cho ga rgyas pa'i rgyud do/ /'das ma thag pa'i dam tshig gi phyag rgya dang de'i snying po ni de kho na nyid ces gsungs shing de kho na nyid des kyang rang rang gi rigs su rang rang gi phyag rgya'i de kho na nyid 'grub par gsungs pa yin no//da ni de nas byang chub sems dpa' chen po phyag na rdo rje zhes bya ba la sogs pas phyag rgya rnams kyis gang 'dod pa 'grub pa'i phyag rgya de ston te de bzhin gshegs pa thams cad ces smos pas ni 'dir dkyil 'khor ba'i sangs rgyas dang byang chub sems dpa' thams cad gzung ngo //de rnams 'grub par bya ba'i phyir dang / sbyor ba de la gnas pa'i rnal 'byor ba rnams 'grub par bya ba'i phyir ro/ /phyag rgya rnams kyi gzhung yin pas na de bzhin gshegs pa thams cad kyi dngos grub kyi phyag rgya'i rgyud do//de las kyang dang po kho nar de bzhin gshegs pa'i dngos grub kyi rgyud ston te/ de bzhin gshegs pa'i phyag rgya sgom par byed pa las dngos grub 'byung ba ni mthong ba dang ma mthong ba'o/ /de la mthong ba ni tshe dang ye shes skye ba la sogs pa pa'o//ma mthong ba ni dbang po yongs su smin pa'i khyad par gyis 'tshang rgya ba la thug gi bar gyi yon tan ji snyed yod pa rnams bslu'o/ /de bzhin gshegs pa dran byed cing / /zhes bya ba ni bdag nyid kyi lus la sangs rgyas rjes su dran par bya ba'o/ /sangs rgyas phyag rgya bcings nas ni//zhes bya ba ni sems so sor rtogs pa la sogs pa'i rim gyis sangs rgyas kyi phyag rgya chen por bskyed pa'o/ /bsgrubs na myur du 'grub par 'gyur/ /zhes bya ba ni tshe dang ye shes la sogs pa gang cung zad bsgrub pa de dag thams cad myur du 'grub par 'gyur ba'o//'di dag bsgrub pa 'ba' zhig tu ma zad kyi/ /sangs rgyas byang chub brtan pa yang / /zhes bya ba ste/ brtan pa zhes smos pa ni phyir mi ldog pa la bya ste/ gang gi phyir byang chub sems dpa' kha cig gis sangs rgyas kyi gzugs kyi sku grub nas thams cad mkhyen par ma red du zin kyang sangs rgyas kyi mdzad pa cung zad byas nas slar yang dngos grub zad pa dang /byang chub sems dpa' nyid du gnas pa dag kyang srid pas na de la ltos te brtan pa zhes gsungs pa yin no/ /da ni rdo rje sems dpa' zhes bya ba la sogs pas de bzhin gshegs pa'i rigs kyi phyag rgya'i rigs kyi dngos grub kyi rgyud ston te/rdo rje sems dpa'i phyag rgya che/ /bcings zhes bya ba ni byin gyis brlabs pa la sogs pa'i rim gyis so/ /ni zhes bya ba ni nges par bzung ba ste/ bcing bar bya ba nyid yin gyi bcing bar mi bya ba ni ma yin no zhes bya ba'i don to/ /mdun du yang rdo rje sems dpa' zhes bya ba ni mdun te mig sngar yang rdo rje sems dpa' gnyis pa bsgom pa'o//bsgoms na zhes bya ba ni phyag rgya chen po yongs su rdzogs par bsgom zhing yang dang yang du goms pa mngon sum du byed pa'o/ /shin tu myur bar dngos grub 'gyur/ /zhes bya ba ni sngags pa de rab tu myur ba 'grub par 'gyur ro zhes bya ba'i don te/ting nge 'dzin la shin tu goms par byas pa'i phyir ro/ /da ni de la zhes bya ba la sogs pas rdo rje rigs kyi phyag rgya'i dngos grub kyi rgyud ston te/ dam tshig gi ni mchog bcings la/ /zhes bya ba la/ dam tshig gi mchog ni 'jig rten gsum las rnam par rgyal ba'i dam tshig gi phyag rgya hUM zhes bya ba bzhi bzung ste/'dir khro bo ti rin+ti ri'i dam tshig gi phyag rgya yin du zin kyang / da ni dam tshig gi phyag rgya bcing ba'i dus su dgos pa yin te/ 'di ni sgrub pa'i dus na shin tu yang dgos pa yin te phyag rgya thams cad kyi gtso bo yin pa'i phyir ro//de lta bas na de bcing bar bya'o/ /gang gis she na phyag rgya chen pos so/ /de bas na rdo rje sems dpa'i ting nge 'dzin gyis zhes bya ba gsungs te/ 'dir rdo rje sems dpa'i ni rdo rje hUM mdzad nyid yin par blta bar bya ste/ de dang tha mi dad pa'i phyir ro/ /de yang lha thams cad khro bo'i gzugs su bstan pa yin yang mi bskyod pa'i ngo bo nyid yin pa'i phyir ro//rdo rje sems dpa' bsgoms na ni/ /zhes bya ba ni mdun du 'jig rten gsum las rnam par rgyal ba'i phyag rgya chen po gnyis bsgom pa yin par mngon no/ /de nyid kyis ni/ nyi rim du ni dngos grub 'thob//ces gsungs pa yin te/ /bsgom pa shin tu rdzogs pa'i phyir ro/ /nyi rim zhes bya ba ni kha cig gis rnal 'byor gnyis bsgoms te/ gang yang rung ba zhig bsgrubs pa dang / rnal 'byor gnyis bsgoms pa des 'bras bu nyi rim 'thob par 'gyur te/ gal te nyi rim ma yin pa bsgoms pas tshe lo stong gi dngos grub kyi 'bras bur 'gyur ba zhig na nyi rim bsgoms pa de la lo nyis stong du 'gyur ba la sogs pa lta bu yin par shes par bya'o//da ni de las zhes bya ba la sogs pas pad+mo'i rigs kyi dngos grub kyi phyag rgya'i rgyud ston te/ chos kyi phyag rgya bcings nas kyang //zhes bya ba la chos kyi phyag rgya ni yi ge'i rang bzhin zla ba'i dkyil 'khor la dgod pa ste/ de bcings zhes bya ba ni de rang gi snying gar zla ba'i dkyil 'khor la bsams pa'o/ /de yang phyag rgya chen po med par mi 'byung bas 'jig rten dbang po'i ting nge 'dzin gyis zhes bya ba gsungs te 'jig rten dbang phyug gi phyag rgya chings shig ces bya ba'i don to//'jig rten mgon po bsgoms na ni/ /nyi rim du ni dngos grub 'gyur/ /zhes bya ba ni snga ma bzhin du shes par bya'o/ /da ni de la zhes bya ba la sogs pa nor bu'i rigs kyi dngos grub kyi phyag rgya'i rgyud ston te/las kyi phyag rgya bcings nas kyang / /zhes bya ba ni las kyi phyag rgya bcing bar bya'o/ /ting nge 'dzin gang gis bya ba mi shes pas de'i phyir rdo rje snying po'i ting nge 'dzin gyis zhes bya ba gsungs te/ de la 'dir rdo rje snying po'i las kyi phyag rgya ni rdo rje khu tshur gnyis dpral bar bzhag pa nyid yin par shes par bya'o//rdo rje snying po bsgoms na ni/ /zhes bya ba ni snga ma bzhin du shes par bya'o/ /rigs thams cad kyi dngos grub kyi cho ga rgyas pa'i rgyud do zhes bya ba ni/ rigs re re zhing yang phyag rgya rnam pa bzhi bzhir smos pa las/rigs re re la phyag rgya re re gtso bo yin par bstan pa'i phyir ji skad gsungs pa'i dngos grub rnams ston pas na rigs thams cad kyi cho ga rgyas pa'i rgyud gsungs pa yin no/ /de'i rjes la nyi rim zhes bya ba la sogs pa smos pas ni phyag rgya chen po la sogs pa phyag rgya re re bsgoms pas rigs re rer 'grub par gsungs pa yin no//da ni de nas zhes bya ba la sogs pas phyag rgya rnam pa bzhi char yang rigs re re zhing phyag rgya'i cho ga ji lta ba bzhin du bsgoms pas 'grub par 'gyur ba ston te/ de bzhin gshegs pa thams cad du gtogs pa'i dngos grub thams cad dang /phyag rgya bzhi'i dngos grub gang yin pa de ston pa'i gzhung yin pas na de bzhin gshegs pa thams cad kyi dngos grub bsgrub pa'i rgyud do/ /'di gsungs so zhes bya ba ni rgyud de ston par mdzad do zhes bya ba'i don to/ /de la dang por phyag rgya thams cad ces bya ba la sogs pas de bzhin gshegs pa'i phyag rgya chen po bsgoms pas phyag rgya thams cad kyi dgos pa thams cad 'grub par 'gyur ba de ston te/phyag rgya thams cad bcings nas ni/ /zhes bya ba la phyag rgya thams cad ni phyag rgya chen po la sogs pa rnam pa bzhi'o/ /bdag nyid dang ni mdun du yang //sangs rgyas rjes su dran pa bsgom/ /zhes bya ba la sangs rgyas rjes su dran pa sems so sor rtogs pa la sogs pa'i rim gyis sangs rgyas kyi phyag rgyar bskyed la rang gi lus sangs rgyas kyi skur bsgom pa ni bdag nyid sangs rgyas rjes su dran pa bsgom par byed pa yin no//de brtan par byas la mdun du yang rnam pa de lta bu'i gzugs dmigs shing bsgoms na sangs rgyas rjes su dran pa mdun du bsgom pa yin no/ /de ltar sangs rgyas rjes su dran pa bsgoms par gyur na phyag rgya chen po dang ldan pa'i phyag rgya bzhi char yang bcings pa tsam gyis 'grub par ston te/rnam pa de bzhi re re zhing yang 'grub par 'gyur ba yin la de la yang de ma thag tu 'grub pa ni phyag rgya bzhi'i rnal 'byor rtse gcig tu byas pa'i mthu yin pa'i phyir ro/ /de skad su zhig gis gsungs she na/ sangs rgyas bcom ldan 'das kyis gsungs so zhes bya ba'o//da ni rdo rje bzlas pa zhes bya ba la sogs pas de bzhin gshegs pa'i rigs la sogs pa'i dngos grub thams cad sgrub pa'i rgyud ston to/ /snying po bzlas pa ni ji ltar bya zhe na/ rdo rje bzlas pa'i tshul gyis na/ /zhes bya ba gsungs so/ /'dod pa bdag ces bsgoms nas kyang //phyag rgya thams cad bsgrubs nas ni/ /zhes bya ba la bsgrubs nas ni zhes bya ba'i bsgrub par bya ba de gang yin zhe na/ phyag rgya thams cad ces bya ba'o/ /phyag rgya thams cad ji ltar 'grub par 'gyur zhe na/ 'dod pa bdag ces bsgoms nas kyang / /zhes gsungs te/gang gi phyir bcom ldan 'das phyag na rdo rje de la phyag rgya thams cad rag las pas na 'di skad ces bya ste/ de bas na de'i gzugs su bsgom pa'i rnal 'byor pas phyag rgya thams cad kyi dngos grub thams cad bsgrub par 'gyur ro/ /de ltar bshad ma thag pa'i bzlas brjod dang / rdo rje sems dpar bsgom pa de nyid kyis/ /dngos grub kun gyi mchog bsgrub bo/ /zhes bya ba yin te/ dngos grub thams cad kyi mchog ste/ dngos grub kyi rgyud yin no zhes bya ba gsungs pa yin no/ /de skad su zhig gis gsungs she na/ bcom ldan 'das rdo rje sems dpas gsungs so zhes bya ba ston to//da ni bdag nyid kyis ni zhes bya ba la sogs pas rdo rje rigs kyi dngos grub thams cad bsgrub pa'i rgyud ston te/ bdag nyid kyis ni rdo rje dbyibs/ /zhes bya ba ni phyag rgya bcing ba'i dus nyid na bdag nyid rdo rje'i gzugs su bsgom pa'o/ / ji ltar zhe na/ rab mnyam gzhag pas sgom byed cing / /zhes bya ba gsungs te/ shin tu mnyam par gzhag pas na rab mnyam gzhag pa yid gzhan du ma gyur pas zhes bya ba'i don to/ /de nas phyag rgya thams cad bcing bar bya'o/ /des cir 'gyur zhe na/ de ma thag tu 'grub par 'gyur/ /zhes gsungs so/ /de skad du su zhig gis gsungs she na/ bcom ldan 'das de bzhin gshegs pa thams cad kyi rdo rjes gsungs so zhes bya ba ste/ phyag na rdo rjes zhes bya ba'i don to/ /da ni bdag nyid kyis ni zhes bya ba la sogs pas pad+mo'i rigs kyi dngos grub kyi rgyud ston te/bdag nyid kyis ni bdag nyid nyid/ /pad+mo'i dbyibs su bsgoms na ni/ /zhes bya ba ni pad+mo'i rigs su gtogs pa'i phyag rgya 'ching ba'i dus su thog ma nyid du rang gi lha'i rnal 'byor pas bdag nyid pad+mo'i dbyibs su dang por bsgoms la de nas phyag rgya thams cad bcing bar bya'o//des cir 'gyur zhe na/ de'i phyir/ thams cad shes pa'i ngo bo yi/ /pad+mo'i rigs chen grub par bshad/ /ces bya ba gsungs te/ thams cad shes pa'i ngo bo ni/ kun shes pa'i rang bzhin no/ /'di skad ston te/ mngon par shes pa'am smon nas shes pa'am/sa la sogs pa gang yang rung ba de dag thams cad 'grub par 'gyur ro zhes pa'o/ /de su zhig gis gsungs she na/ bcom ldan 'das kun du spyan ras gzigs kyi dbang pos gsungs so zhes pa'o/ /da ni nor bu rin chen zhes bya ba la sogs pas nor bu'i rigs kyi dngos grub thams cad kyi bsgrub pa'i gzhung ston te/nor bu rin chen 'od zer 'bar/ /bdag nyid kyis ni bsgoms na ni/ /zhes bya ba ji lta bur bsgom zhe na/ nor bu rin chen 'od zer 'bar/ /zhes bya ba ste 'od zer gyi phreng ba can zhes bya ba'i don to/ / su zhig ce na/ bdag nyid rin po cher bsgoms pa'o/ /bsgoms na ni zhes bya ba ni lhag par mos par bya ba ste/ de nas phyag rgya thams cad bcing bar bya'o/ /de nas cir 'gyur zhe na/ mchod pa kun gyi rang bzhin grub/ /ces bya ba gsungs te/ mchod pa thams cad kyi ngo bo nyid grub po zhes bya ba'i don to//dngos grub 'di gang du bsgrub ce na/ nor bu chen po'i rigs bshad pa'i/ /zhes bya ba gsungs so/ /de skad su zhig gis gsungs she na/ de'i phyir bcom ldan 'das nam mkha'i snying pos gsungs so zhes bya bas ston to/ /de yang gang gi phyir bdag nyid yid bzhin gyi nor bu rin po che'i rgyal po chen po'i 'od zer gyi phreng ba can du nam mkha'i ngos la bltas par bsams la sangs rgyas mchod pa'i rnam pa thams cad kyis nam mkha'i khams thams cad 'gengs shing /sems can thams cad kyi yid la re ba yang bskang bar bsams te/ de bas na de lta bu'i bsod nams kyi tshogs yongs su rdzogs pas phyag rgya thams cad kyi dngos grub thams cad 'thob par 'gyur ro/ /rtog pa bzhi char du yang ji skad du bshad pa'i phyag rgya bzhi po 'di dag rim dang sbyar zhing / phyag rgya chen po thog mar bsgoms na dngos grub thams cad du 'gyur ba yin no zhes shes par bya ba'o//rigs thams cad kyi dngos grub dam pa'i cho ga rgyas pa'i rgyud do zhes bya ba ni mjug sdud pa yin no/ /de nas byang chub sems dpa' chen po phyag na rdo rjes/ de bzhin gshegs pa thams cad kyi byin gyi rlabs kyi phyag rgya'i dngos grub kyi rgyud 'di gsungs so zhes bya ba la sngar dam bcas zin na/'dir yang smos pa ci dgos she na de ni bden mod kyi/ /dang po ni dngos grub thams cad kyi spyir bstan pa yin la/ 'dir ni mjug sdud pa'i tshe na ni gtso bor gyur pa bstan pa yin pas na nyes pa med do/ /da ni bdag la byin gyis brlab pa'i rgyud ston te/de las kyang thog mar de bzhin gshegs pa'i phyag rgya chen por byin gyis brlab pa'i rgyud ston te/ /sems so sor rtogs pa la sogs pa sngar bshad pa'i rim gyis de bzhin gshegs pa'i phyag rgya chen por bskyed la rdo rje gzi brjid kyi 'od kyi dkyil 'khor sems zhes pa nas brtsams nas ni/rdo rje nyi ma bsgom par bya/ /zhes ji skad gsungs pa'i tshul gyis rnam par bsams la de nas rdo rje dbyings kyi dbang phyug ma'i phyag rgya bcing bar bya'o/ /ni zhes bya ba'i sgra ni nges par bzung ba ste/ de bzhin gshegs pa'i phyag rgya chen por byin gyis brlabs pa ni rdo rje dbyings kyi dbang phyug mas bya'i gzhan du ni ma yin no zhes pa'o//rab mnyam gzhag pas zhes bya ba 'dis ni 'di skad ston te/ phyag rgya gang byin gyis rlob par byed pa'i tshe na de nyid la sems gzhag par bya'i sems kyi 'jug pa gzhan du skabs dbye bar mi bya ste/de ltar na rab tu mnyam par gzhag pa yin no/ /phyag rgya de gnas gang dang gang du bzhag na byin gyi rlob par 'gyur zhe na/ snying ga mdzod spu mgrin spyi bor/ /bzhag na zhes bya ba gsungs so/ /su zhig gis byin gyis rlob ce na/ sangs rgyas kyis byin gyis rlob po zhes gsungs so//gnas de dag tu phyag rgya de dag bzhag na byin gyis rlob par 'gyur ro zhes su zhig gis gsungs she na/ sangs rgyas bcom ldan 'das kyis gsungs so zhes pa'o/ /da ni rdo rje sems dpa' zhes bya ba la sogs pas de bzhin gshegs pa'i rigs kyi byin gyis brlabs pa'i phyag rgya ston te 'dir yang dang po nyid du//badzra ban+d+ha tra Ta zhes brjod la rdo rje bsdams pa snying gar dbye bar bya'o/ /de nas badzra a be sha zhes bya bas ye shes dbab pa bskyed la ji skad gsungs pa'i tshul gyis rang gi lus rnam par bzhag nas/ de nas bsod nams kyi tshogs zla ba'i dkyil 'khor bsam mo//de nas de'i steng du rang gi rigs kyi phyag rgya'i mtshan ma bsams la/ de'i steng du rang gi lha'i rnal 'byor bsams te/ phyag rgya de nyid las rang gi lha'i phyag rgya chen por bsam mo/ /de nas sems dpa' rdo rje mas brtan par bya'o/ /ji ltar zhe na/ rdo rje sems dpa'i ting nge 'dzin gyis/ /zhes bya ba gsungs te/ bdag ni rdo rje sems dpa'o/ /zhes nga rgyal bskyed do zhes bya ba'i don to/ /rdo rje rgyal po la sogs pa yang yod mod kyi de rnams ni rdo rje sems dpa'i rnam pa yin par zad pas na nyes pa med do/ /de bas na rgyud las ma hA sa ma ya satwa haM zhes bya ba'i dam tshig chen po'i sems dpa' ni bdag go zhes gsungs pa yin te/thams cad du nga rgyal du bya ba yin no/ /de nas sngar bshad pa'i gnas bzhir phyag rgya bzhag la/ byin gyis brlab ces bya ba de nas rang gi phyag rgyas byin gyis brlab par bya ba'o/ /da ni rdo rje rigs kyi byin gyis brlab pa'i dngos grub kyi rgyud ston te/badzra ban+d+ha tra Ta zhes bya ba la sogs pas sngon gyi dus su bya ba rnams de bzhin du byas la rdo rje hUM mdzad kyi phyag rgya bcing ngo / /rab mnyam gzhag pas zhes bya ba ni snga ma bzhin du shes par bya'o/ /lhag ma rnams ni go sla'o/ /da ni/ 'jig rten dbang po'i ting 'dzin gyis//zhes bya ba la sogs pas pad+mo'i rigs byin gyis brlabs pa'i rgyud ston te/ rdo rje pad+mo smos pa ni/ /'dir rdo rje chos ma la bya ste/ rdo rje dbyings las sems dpa' rdo rje mar bstan pa gang yin pa'o/ /rab tu byin gyis brlab phyir brtag /ces bya ba ni legs par byin gyis brlabs pas na rab tu byin gyis brlab pa ste/de'i phyir brtag pa ni de'i phyir bskyed ces bya ba'i don to/ /lhag ma rnams ni go sla'o/ /da ni/ rdo rje snying po'i ting 'dzin gyis/ /zhes bya ba la sogs pas nor bu'i rigs byin gyis brlab pa'i rgyud ston te/ /rdo rje nor bu rin po che ni sems dpa' rdo rje ma'i gnas su brtan pa'i rdo rje rin chen gyi myu gu la bya ste de bcing ba'o//lhag ma rnams ni go sla'o/ /rigs thams cad kyi byin gyi rlabs kyi cho ga rgyas pa'i rgyud do/ /da ni dbang bskur ba'i phyag rgya'i rgyud ston to/ /de las kyang / dang por rin chen rdo rje rigs/ /zhes bya ba la sogs pas de bzhin gshegs pa'i dbang bskur ba'i dngos grub kyi rgyud ston te/rdo rje rin chen zhes smos mod kyis 'on kyang rdo rje rin chen gyi phyag rgya nyid yin par shes par bya'o/ /gang du dbang bskur bar bya zhe na/ de'i phyir/ dpral bar rab tu bzhag byas na/ /zhes bya bas ston to//snying po gang gis bya zhe na/ da ni de'i snying po bstan pa ni rdo rje rin chen zhes bya ba ste badzra rat+na'o/ /a b+hi Shiny+tsa mAM zhes bya ba ni tshig gi lhag ma'o/ /de bas na snying po de nyid kyis na dang po yang rdo rje rin chen gyi phyag rgya yin par mngon no/ /de bas na rdo rje rin chen gyi phyag rgya dpral bar bzhag na rgyal ba rnams kyis dbang bskur bar de 'gyur ro//de skad su zhig gis gsungs she na/ de'i phyir sangs rgyas bcom ldan 'das kyis gsungs so zhes bya ba ston to/ /da ni rdo rje dbyings dbang zhes bya ba la sogs pas de bzhin gshegs pa'i rigs kyi dbang bskur ba'i rgyud ston to//de la de bzhin gshegs pa'i rigs la ni rdo rje dbyings kyi dbang phyug ma'i phyag rgya bcings la bcom ldan 'das rnam par snang mdzad gtsug tor gyi gnas su bzhag par rang gi snying pos dang por bsam par bya'o/ /de nas sems dpa' rdo rje ma'i phyag rgya bcings la dpral ba'i phyogs su bcom ldan 'das mi bskyod pa rang gi snying pos bzhag cing bsam par bya'o//de nas rdo rje rin chen ma bcings la rna ba g.yas pa'i steng du bcom ldan 'das rin chen 'byung ldan de bzhin du bsam par bya'o/ /de nas rdo rje chos ma bcings la mgo bo'i rgyab tu bcom ldan 'das 'od dpag tu med pa bsam par bya'o//de nas rdo rje las ma bcings la des rna ba g.yon pa'i steng du gtugs te/ bcom ldan 'das gdon mi za bar grub pa bsam par bya'o/ /de ltar na rdo rje dbyings dbang la sogs pa zhes bya ba ste/ rdo rje dbyings kyi dbang phyug ma thog mar byas pa gang yin pa de dag ni rdo rje dbyings dbang la sogs pa'o//de lta bas na de rnams kyi/ /sangs rgyas phyag rgya mdun nas ni/ /zhes bya ba mdun nas brtsams te/ g.yas nas bskor nas ngos bzhi char du yab/ phreng ba nyid kyis dbang bskur 'gyur/ /zhes bya ba ste/'di ni rgyud 'dir byang chub sems dpa' rnams kyi sangs rgyas lnga'i dbu rgyan gyis dbang bskur ba'o/ /de yang don gyi dbang gis na bcom ldan 'das rnam par snang mdzad ni spyi gtsug tu bzhag ste sangs rgyas bzhi mgo la phreng bar bya ba dang / 'og nas 'byung ba'i cho ga bya ba'o// / da ni/ rdo rje dbang gi phreng ba ni/ /zhes bya ba la sogs pas rdo rje rigs kyi dbang bskur ba'i dngos grub kyi rgyud ston to/ /de la 'jig rten gsum las rnam par rgyal ba'i dkyil 'khor du sems dpa' rdo rje ma la sogs pa'i gnas su phyag rgya lnga bstan pa gang yin pa de ni 'dir rdo rje dbang gi phreng ba zhes gsungs te/de bcings nas dpral bar bzhag na rdo rje phreng bas dbang bskur bar 'gyur ro/ /da ni/ chos kyi rdo rje bcings nas kyang / /zhes bya ba la sogs pas pad+mo'i rigs kyi dbang bskur ba ston to/ /de la chos kyi rdo rje ma ni 'gro ba 'dul ba'i dkyil 'khor du gnas pa'i sems dpa' rdo rje ma nyid yin par shes par bya'o//mgo bor bzhag ste des dbang bskur/ /zhes bya ba ni dpral ba'i gnas su snang ba mtha' yas kyi dbang bskur na 'jig rten dbang phyug gis dbang bskur bar 'gyur ro zhes bcom ldan 'das kun du spyan ras gzigs kyi dbang pos gsungs so//da ni/ rdo rje rin chen myu gu bcings/ /zhes bya ba la sogs pas nor bu'i rigs kyi dbang bskur ba'i rgyud ston to/ /de la rdo rje rin chen myu gu ni sngar bshad pa ste/ don thams cad grub pa'i dkyil 'khor gyi sems dpa' rdo rje ma'i gnas su bcings pa'i phyag rgya gang yin pa de dpral ba'i gnas su bzhag ste/des dbang bskur na sangs rgyas thams cad kyis de mchod pa'i dbang bskur bar 'gyur ro/ /de las kyang rin po che'i rigs su sangs rgyas mchod pa la sogs pa'i las rnams la de dbang bskur bar 'gyur zhes bya ba'i don to/ /dbang bskur ba'i rgyud ni bshad zin to//da ni ting nge 'dzin 'grub pa'i rgyud ston te/ de las kyang dang por/ rgyal ba kun gyi rnam par ni/ /zhes bya ba la sogs pas de bzhin gshegs pa'i ting nge 'dzin gyi dngos grub kyi rgyud ston te/ de yang sngar bshad pa'i tshul gyis sems so sor rtogs pa la sogs pa'i rim gyis bsod nams dang ye shes kyi tshogs yongs su rdzogs par bsams la sangs rgyas kyi phyag rgya bsgrubs te/rdo rje nyi ma la thug gi bar du bsams la byin gyis brlab cing dbang bskur bar bya'o/ /de nas/ rgyal ba kun gyi rnam par ni/ /zhes bya ba mtshan dang dpe byad kyi rnam par bya zhing rgyal ba thams cad kyi phyag rgya mnyam par gzhag pa ste sems rtse gcig pas bcing bar bya'o//de nas ci zhig bya zhe na/ sngags kyi rig pa bzlas na ni/ /zhes bya ba gsungs so/ /de ltar bzlas pas cir 'gyur zhe na/ myur du dngos grub thob par 'gyur/ /zhes gsungs so/ / de skad su zhig gi gsungs she na/ sangs rgyas bcom ldan 'das kyis gsungs so zhes ston to/ /da ni/ sems dpa'i byin brlabs tshul gyis ni/ /zhes bya ba la sogs pa de bzhin gshegs pa'i rigs kyi ting nge 'dzin gyi dngos grub kyi rgyud ston te/ sems dpa'i byin brlabs tshul gyis ni//ting 'dzin rdo rje chos kyis kyang / /zhes bya ba la rdo rje ni 'dir ye shes kyi rdo rje rtse lnga pa gzung ngo / /de nyid chos yin pas na rdo rje chos te des sems dpa'i byin brlabs tshul gyis zhes bya ba ste/ sems dpa' ni phyag rgya chen po'i thugs ka'i zla ba'i dkyil 'khor ro//rdo rje chos des zla ba'i dkyil 'khor gyi sems dpa' de byin gyis brlab pa ni yongs su gzung ba'o/ /'di nyid rnal 'byor yin pas na/ /sems dpa'i byin brlabs tshul gyis ni/ /zhes bya ba'o/ /rnal 'byor de las de bzhin gshegs pa'i rigs su ting nge 'dzin la 'jog ste 'di bsam pa gtso bo yin pas na phyag rgya chen po yang 'di la yod do//rdo rje smos pa ni nye bar mtshon pa tsam du zad kyi lcags kyu la sogs pa yang yod do/ /yang na rdo rje chos kyis zhes bya ba ni mi phyed pa'i chos kyis so/ /sems dpa'i byin brlabs tshul gyis ni/ /zhes bya ba ni sems byin gyis rlob pa'i sbyor ba ste/rdo rje sems dpa'i rnal 'byor gyis/ /zhes bya ba'i don te/ de ltar na ting nge 'dzin la gnas pa yin par shes par bya'o/ /ting nge 'dzin de lta bu la gnas pas cir 'gyur zhe na/ snying po phyag rgya sngags rigs rnams/ /zlos pas myur du 'grub par 'gyur//zhes bya ba gsungs te/ 'di ni go sla'o/ /da ni/ 'dod chags las ni khyod byung ste/ /zhes bya ba la sogs pas rdo rje rigs kyi ting nge 'dzin gyi dngos grub kyi rgyud ston te/ de la/ 'dod chags las ni khyod byung ste/ /zhes bya ba la 'dod chags ni bcom ldan 'das byang chub kyi sems so//de las byung ba ni khro bo rdo rje hUM mdzad de de bdag yin no zhes bsgoms pa 'di ni ting nge 'dzin yin no/ /snying po phyag rgya sngags rim rnams/ /zhes bya ba la sogs pa ni go sla'o/ /de la/ 'jig rten dbang po'i rigs zlos pas/ /zhes bya ba la sogs pa 'di ni pad+mo'i rigs kyi ting nge 'dzin gyi rgyud do//byams pas 'gengs pa'i tshul gyis ni/ /zhes bya ba ni sngar bshad pa phyogs gcig nas brtsams te zhes bya ba la sogs pas bshad zin pa'o/ /rnal 'byor 'di snying po la sogs pas bsgrub par bya ba ste lhag ma rnams ni go sla'o/ / nam mkha' kun gyi ting 'dzin ni/ /zhes bya ba la sogs pas nor bu'i rigs kyi ting nge 'dzin gyi dngos grub kyi gzhung ston te/ nam mkha' kun gyi ting 'dzin ni/ /rab mnyam gzhag pas bsgoms na yang / /zhes bya ba ni dngos po gcig la/ de ni gcig min du ma min/ /zhes bya ba la sogs pas rnam par bsgoms la/dngos po gcig gi rang bzhin ji lta ba de bzhin du don dam par yang chos thams cad kyi rang bzhin yang de dang 'dra'o zhes pa ste/ de ltar na/ nam mkha' kun gyi ting 'dzin ni/ /rab mnyam gzhag pas bsgoms na yang / /snying po phyag rgya sngags rigs rnams//bsgrubs na kun du 'gro bar 'gyur/ /zhes bcom ldan 'das nam mkha'i snying pos gsungs pa yin te/ ting nge 'dzin gyi dngos grub kyi rgyud do/ /da ni mchod pa'i dngos grub kyi gzhung ston to/ /de las kyang / dang por rab mnyam gzhag pas ni/ /zhes bya ba la sogs pa 'dis de bzhin gshegs pa'i mchod pa'i dngos grub kyi gzhung ston te/dang por ni/ bdug pa la sogs mchod byas la/ /zhes bya ba gang las dang po zhe na/ bsgrub pa'i dus las so/ /de nas dngos grub bsgrub par bya ste/ sgrub pa yang 'dir phyag rgya bsgrub pa yin te dgug pa dang gzhug pa la sogs pas so//dngos grub kyi mchog bsgrub pa yang gzung bar bya ste/ 'dir gnyis ka yang dngos grub 'thob par 'gyur zhes bya ba yin no/ /da ni gsang ba'i mchod pa zhes bya ba la sogs pas de bzhin gshegs pa'i rigs kyi mchod pa'i dngos grub kyi rgyud ston te/gsang ba'i mchod pa rnam bzhi yis/ /zhes bya ba ni sgeg mo la sogs pa gsang ba'i mchod pa rnam pa bzhi ste/ bzhi po des/ gsang ba'i mchod pa rjod byed cing / /zhes bya ba gsang ba'i mchod pa/ rdo rje sems dpa' bsdus pas na/ /zhes bya ba la sogs pa glu'i tshig tu bstan pa de rjod par byed cing dang por gsang ba'i mchod pa rnam pa bzhi bya'o//yang na mchod pa re re zhing rdo rje glu re re blang zhing rang rang gi snying pos mchod pa bya'o/ /bdag dbul ba la sogs pa'i zhes bya ba ni theg pa chen po mngon par rtogs pa'i rtog pas yang dag par bsdus pa'i las kyi dkyil 'khor du bstan pa'i mchod pa rnam pa bcu drug bstan pa yin par blta ste/de yang byang chub kyi sems kyi mchod pa rnam pa bzhi dang / phyag bya ba'i mchod pa bzhi bdag dbul ba zhes smos par bstan pa dang / chos kyi mchod pa rnam pa bzhi dang /ting nge 'dzin gyi mchod pa rnam pa bzhi rnams te/ sogs pa zhes bya ba smos pas ni mchod pa rnam pa bcu drug po 'di dag bsdu bar blta bar bya'o/ /de ltar de bzhin gshegs pa'i rigs la mchod pa de rnams kyis mchod pa byas na 'grub par 'gyur ro zhes bcom ldan 'das rdo rje sems dpas gsungs so//da ni khro bo zhes bya ba la sogs pas rdo rje rigs kyi mchod pa'i dngos grub kyi rgyud ston te/ khro bo rdo rje'i mchod pa chen po zhes bya ba la khro bo rdo rje ni bcom ldan 'das rdo rje hUM mdzad do/ /de'i mchod pa chen po yin pas na khro bo rdo rje'i mchod pa chen po ste/che ba'i mchod pa nyid de gsang ba'i dkyil 'khor de nyid du gtogs pa'i gsang ba'i mchod pa bcu drug po rnams la bya'o/ /de ji ltar bya zhe na/ khro bo'i gsang brjod byed cing / /zhes bya ba ste/ de la de dag gi snying po de nyid la khro bo'i gsang ba'i sgrar bshad de/ / de'i tshig tu brjod cing byed pa'o/ /phyag rgya ji lta bur bcing zhe na/ khro bo khu tshur rab byas na/ /zhes bya ba ste khro bo'i khu tshur bcu drug po thams cad bcing bar bya'o zhes bya ba'i don to/ /de ltar mchod pas cir 'gyur zhe na/ myur du bdag gi rigs 'grub bo/ /zhes bya ba gsungs so/ / de skad su zhig gis gsungs zhe na/ bcom ldan 'das rdo rje 'dzin pas gsungs so zhes pa'o/ /da ni mdo sde zab mos zhes bya ba la sogs pas pad+mo'i rigs kyi dngos grub kyi rgyud ston te/ mdo sde zab cing rgya che ba'i tshul rnams zhes bya ba la gzhung byas pa mdo tsam du ston pas na mdo sde des rnam par bsams pa'i don nges par ston par byed pas na mdo sde'o//chos nyid kyi don gyi de kho na nyid ston pas na zab pa'o/ /rnam par dag cing rgya che ba sna tshogs pa'i gos dang / rin po che la sogs pa'i tshogs bsags pa dang ldan pas na rgya che ba'o/ /mdo sde yang yin la zab cing rgya che ba yang yin pas na mdo sde zab cing rgya che ba ste/'phags pa sdong po bkod pa la sogs pa'o/ /de dag gi tshul ni de'i sbyor ba gang yin pa'i mchod pa'o/ /brjod pa ni rnam pa sna tshogs du mar ro/ /phul nas ni zhes bya ba ni sangs rgyas dang / byang chub sems dpa' thams cad la'o//gang gis she na/ yid dang ngag gis so/ /des cir 'gyur zhe na/ dngos grub myur du 'thob par 'gyur/ /zhes bya ba gsungs so/ /de skad su zhig gis gsungs she na/ bcom ldan 'das kun du spyan ras gzigs kyi dbang pos gsungs so zhes pas ston to//da ni gdugs dang rgyal mtshan zhes bya ba la sogs pas nor bu'i rigs kyi mchod pa'i dngos grub kyi rgyud ston te/ gdugs ni rin po che'i gdugs la sogs pa'o/ /rgyal mtshan ni rnam par rgyal ba la sogs pa'o/ /'phen ni tshal bu'i dar 'phen la sogs pa'o/ /rgyal po'i mchod pa zhes bya ba ni rgyal po'i mchod pa yin pas na rgyal po'i mchod pa ste/cod pan la sogs pa'i rgyan gyi khyad par rnam pa sna tshogs pa dang / bsil yab la sogs pa longs spyod du bya ba rnams so/ /de ltar gdugs dang / /rgyal mtshan dang / 'phan rnams dang / ba dan dang / rgyal po'i mchod pa de rnams kyis ci zhig byed ce na/ mchod byed cing zhes bya ba gsungs so/ /ci de dag 'ba' zhig gi dngos grub tu 'gyur ram zhe na smras pa/ ma yin te/ sbyin pa thams cad sbyin na ni/ /zhes bya ba gsungs so/ /des cir 'gyur zhe na/ nor bu'i rigs ni thams cad 'grub//ces bya ba gsungs so/ /de skad su zhig gis gsungs she na/ bcom ldan 'das rdo rje snying pos gsungs so zhes bya ba ston to/ /byin gyis brlab pa la sogs pa'i rab tu byed pa rnams 'bras bu'i tshul gyis mjug bsdu par bstan pa ni/ rang la byin gyi rlabs sogs ldan//rdo rje sems dpa' mnyam par 'gyur/ /zhes bya ba ste/ byin gyis rlabs pa la sogs pa ni bshad zin to/ /de dang rab tu ldan pa'i sngags pa ni rdo rje sems dpa' dang mtshungs par 'gyur ro zhes bya ba'i don to/ /de ltar byin gyis rlob pa la sogs pa'i cho ga'i tshogs rnams kyis rang gi lha'i rnal 'byor byas nas ci zhig byed ce na/ye shes kyi dngos grub la sogs pa rab tu byed pa rnams kyi 'bras bu ston pa ni/ cho 'phrul rnam pa bzhi yis ni/ /rdo rje sna tshogs 'grub byed cing / /zhes bya ba yin te/ cho 'phrul rnam pa bzhi ni rdzu 'phrul gyi cho 'phrul dang /kun brjod pa'i cho 'phrul gnyis dang / rjes su bstan pa'i cho 'phrul lo/ /kun brjod pa'i cho 'phrul ni rnam pa gnyis su 'gyur te/ gcig ni de'i mod kho na la'o/ /gnyis pa ni dus phyis 'byung ba ste/ dper na bram ze'i khye'u khyod ma 'ongs pa'i dus na zhes bya ba la sogs pa 'bras bu mngon sum du gyur pas na gdod yid ches pa bskyed par 'gyur gyi de'i mod kho na la ni ma yin pa'o//rdzu 'phrul gyi cho 'phrul ni nam mkha' la 'gro ba la sogs pa'i rdzu 'phrul lo/ /kun brjod pa'i cho 'phrul ni pha rol gyi sems shes pa la sogs pa'o// rjes su ston pa'i cho 'phrul ni cho 'phrul rnam pa gnyis kyis mgu bar bya ste/ sems can rnams la phyin ci ma log par chos ston pa'o/ /de lta bu'i cho 'phrul rnam pa bzhis gdul bya rnams kyi yid so sor 'phrogs pas ni cho 'phrul lo/ /des ci byed ce na/ rdo rje sna tshogs 'grub byed cing //ces bya ba gsungs te/ rdo rje sna tshogs ni bcom ldan 'das rdo rje las so/ /rdo rje sna tshogs nyi tsher ma zad kyi dngos grub thams cad kyang 'grub par 'gyur ro/ /de skad su zhig gis gsungs she na/ bcom ldan 'das rdo rje sems dpas gsungs so zhes pa'o/ /lhag ma rnams kyis byin gyis rlob pa la sogs pa'i rab tu byed pa rnams kyi mjug sdud par ston pa yin no//da ni mngon par shes pa bsgrub pa'i rgyud ston te/ de skad du gsungs pa'i rab tu sbyor bas mngon par shes pa'i dngos grub thob nas dgos pa grub pa de ni mngon par shes pa'i dngos grub ces bya ste/de nyid ston pa'i gzhung yin pas na mngon par shes pa'i dngos grub kyi rgyud do/ /snga ma ni mngon par shes pa nyid 'grub par byed pa'i don gyi rgyud yin pas na mngon par shes pa'i dngos grub kyi rgyud ston te/ de thob par bya ba'i thabs so zhes bya ba'i don to/ /'dir bye brag ni 'di yin no//da ni de la lus la zhes bya ba la sogs pas de bzhin gshegs pa'i mngon par shes pa'i dngos grub kyi rgyud ston te/ lus la sangs rgyas ting 'dzin ni/ /zhes bya ba ni gang gi tshe rnal 'byor pas nam bdag gi lus sangs rgyas kyi skur bsgoms pa'i stobs kyis mthong ngam ston na'o//'di ni bde bar gshegs pa nyid kyi mngon par shes pa bzang po yin te/ bde bar gshegs pa'i skur ston pa'i phyir ro/ /'di'i ming ji skad ces bya zhe na/ mngon shes zhes bya'o/ /'di ni shin tu rtogs pa yin pas na/ rab tu rtogs pa ste/ rab tu rtogs pa ni rang nyid kyis goms pas nges par rtogs pa zhes bya ba'i don to//des cir 'gyur zhe na/ sangs rgyas pa yi dngos grub 'thob/ /ces gsungs so/ /da ni rdzu 'phrul gyi mig ces bya ba la sogs pa de bzhin gshegs pa'i rigs kyi mngon par shes pa'i rigs kyi dngos grub kyi gzhung ston te/ byin gyis brlab pa la sogs pa'i rim gyis ji skad gsungs pa bzhin du bsgom pa byas nas/ rdo rje sems dpa' bsgrub par bya ste/ zla rgyas dkyil 'khor la gnas pa/ /zhes bya ba la sogs pa'i rim gyis so/ /rdo rje sems dpa' zhes bya ba la sogs pa ni go sla'o/ /da ni khro bo zhes bya ba la sogs pas rdo rje rigs kyi mngon par shes pa'i dngos grub kyi rgyud ston te/khro bo mngon shes bskyed nas ni/ /zhes bya ba ni rdo rje rigs la khro bo'i gzugs kyi rang gi lha'i rnal 'byor yongs su shes pa ni khro bo'i mngon shes te/ de bskyed nas rab tu mnyam par gzhag pas bsgrub par bya'o//ci zhig bsgrub ce na/ mngon shes lnga'o/ /de nas mngon shes lngar bdag nyid gyur nas dngos grub mchog ste dam pa 'thob par 'gyur ba ste/ sangs rgyas nyid dam byang chub sems dpa' nyid 'thob par 'gyur ro zhes bya ba'i don to/ /da ni 'dod chags mngon shes zhes bya ba la sogs pas pad+mo'i rigs kyi mngon par shes pa'i dngos grub kyi rgyud ston te/'dod chags mngon shes bskyed nas kyang / /zhes bya ba la 'dod chags ni bcom ldan 'das pad+mo la chags pa ste spyan ras gzigs dbang phyug go/ /de'i rang gi lha'i rnal 'byor du bskyed pa yongs su shes pa ni 'dod chags mngon shes so//de bskyed nas rab tu mnyam par gzhag pas bsgoms la mngon par shes pa lnga bskyed par bya'o/ /de ltar mngon par shes pa lnga'i ngo bor bdag nyid gyur nas dngos grub kyi dam pa 'dod par byas nas/ dam pa'i dngos grub 'thob par 'gyur/ /zhes bcom ldan 'das rdo rje can gyis gsungs so zhes bya ba la/ dag pa'i dngos grub ni sangs rgyas nyid dam byang chub sems dpa' nyid do/ /da ni mchod pa'i mngon shes zhes bya ba la sogs pas nor bu'i rigs kyi mngon par shes pa'i dngos grub kyi rgyud ston te/mchod pa ni sangs rgyas mchod pa ste/ phyi'i yo byad la brten pa dang / yid kyis rnam pa sna tshogs pa du ma'o/ /de'i mngon shes ni rdo rje las kyi rang gi lhar bya ba yongs su shes pa'i mchod pa'i mngon shes so/ /de bskyed pa ni yang dag par bskyed nas rab tu mnyam par gzhag ste bsgoms la mngon shes lnga bskyed par bya'o//de ltar mngon par shes pa lngar bdag nyid gyur nas dngos grub dam pa 'dod par bya'o/ /des cir 'gyur zhe na/ dngos grub kun gyi mchog tu 'gyur/ /zhes bya ba gsungs te/ dngos grub kyi mchog ni sangs rgyas nyid dam rdo rje sems dpa' nyid do//de skad su zhig gis gsungs she na/ bcom ldan 'das rdo rje 'dzin pas gsungs so zhes pa'o/ /lhag ma rnams kyis ni mjug sdud pa ston to/ /da ni de bzhin gshegs pa thams cad kyi byang chub kyi ye shes kyi dngos grub kyi rgyud ston te/ de bzhin gshegs pa thams cad kyis rtogs pa'i byang chub yin pas na de bzhin gshegs pa thams cad kyi byang chub bo//de'i ye shes yin pas na de bzhin gshegs pa thams cad kyi byang chub kyi ye shes te/ sangs rgyas nyid 'thob pa'i ye shes dang / rtog pa bzhi'i 'khor los sgyur ba nyid 'thob pa'i ye shes te/sangs rgyas kyi sprul pa'i gtso bo yin pas na de 'thob par byed pa'i ye shes la/ byang chub chen po'i ye shes zhes gsungs la/ de 'grub par bya ba'i gzhung yin pas na byang chub chen po'i ye shes kyi dngos grub kyi rgyud do/ /gsungs so zhes bya ba ni bka' stsal to zhes bya ba'i don to//de la dang por rdo rje sems dpa' zhes bya ba la sogs pas de bzhin gshegs pa'i byang chub kyi ye shes kyi dngos grub kyi rgyud ston te/ rdo rje sems dpa'i ting 'dzin gnas/ /zhes bya ba ni sems so sor rtogs pa la sogs pa'i rim gyis rdo rje sems dpa'i rnal 'byor du bskyed pa'o//bdag ni sangs rgyas dran byed cing / /zhes bya ba ni 'di ltar bdag nyid sangs rgyas nyid du bsgoms na sangs rgyas nyid 'thob par 'gyur ro/ /de bas na/ sangs rgyas byang chub ye shes 'di/ /zhes bcom ldan 'das kyis gsungs te/ gang yang chos nyid yin par gsungs pa//'di ni sangs rgyas sangs rgyas nyid/ /gzhan la sangs rgyas 'gyur ba med/ /ces bya ba ste/ der ni sangs rgyas kyi ting nge 'dzin gyi rgyu 'ba' zhig yin par ston te/ rdo rje sems dpa'i ting nge 'dzin/ /zhes bya ba 'dir ni rgyu yang yod mod kyi ji skad gsungs pa bzhin bsgoms na byang chub 'thob par 'gyur bas na de la de skad ces bya ste/khyad par ni de yod do/ /da ni rdo rje sems dpa'i zhes bya ba la sogs pas de bzhin gshegs pa'i rigs kyi byang chub chen po'i dngos grub kyi rgyud ston te/ rdo rje sems dpa'i ting 'dzin gnas/ /zhes bya ba ni rdo rje sems dpa'i phyag rgya chen po bskyed la phyag rgya chen po de nyid bsgoms na dngos grub thob par 'gyur ba ste/rdo rje sems dpa' nyid 'thob par 'gyur zhes bya ba'i don to/ /de skad su zhig gis gsungs she na/ bcom ldan 'das byang chub sems dpa' chen pos gsungs so zhes pa ste/ rdo rje sems dpa' zhes bya ba'i don to//'di yang rdo rje sems dpa' nyid 'thob pa'i ye shes la byang chub chen po zhes gsungs pa yin no/ /da ni khro bo'i rgyal po zhes bya ba la sogs pas rdo rje rigs kyi byang chub chen po'i ye shes kyi dngos grub kyi rgyud ston te/ khro bo'i rgyal po'i ting 'dzin gnas/ /zhes bya ba la khro bo'i rgyal po ni bcom ldan 'das rdo rje hUM mdzad de de'i ting nge 'dzin la gnas pa ni de'i phyag rgya chen por bskyed pa'o//lag pas dam tshig mchog bcings la/ /zhes bya ba ni 'jig rten gsum las rnam par rgyal ba'i dam tshig gi phyag rgya lag pa gnyis kyis bcings pa zhes bya ba'i don te/de ltar bsgoms na bdag nyid rdo rje hUM mdzad kyi dngos grub 'thob par 'gyur ro zhes bya ba'i don to/ /'di ni byang chub chen po'i ye shes so/ /da ni 'jig rten dbang phyug ces bya ba la sogs pas chos kyi rigs kyi byang chub chen po'i ye shes kyi dngos grub kyi rgyud ston te/'jig rten dbang phyug ting 'dzin gnas/ /zhes bya ba la 'jig rten dbang phyug gi phyag rgya chen po bcings la chos kyi phyag rgya bzlas shing de bzhin du bsgoms na bdag nyid 'jig rten dbang phyug gi dngos grub 'thob par 'gyur ro zhes/ bcom ldan 'das kun du spyan ras gzigs kyi dbang pos gsungs so zhes pa'o//'di yang byang chub chen po'i ye shes nyid yin no/ /da ni nor bu'i rigs kyi byang chub chen po'i ye shes kyi dngos grub kyi rgyud ston te/ rdo rje snying po'i ting 'dzin gnas/ /zhes bya ba ni rdo rje snying po'i phyag rgya chen por bskyed pa'o/ /las kyi phyag rgya las legs byed/ / ces bya ba ni las kyi phyag rgyas legs par goms par byas pa'i mchod pa'i las byed par bdag nyid bsgoms na rdo rje las nyid kyi dngos grub 'thob par 'gyur ro/ /byang chub chen po'i ye shes 'di/ /zhes bya ba ni bzhi char yang 'tshang rgya ba nyid dam/ sa la sogs pa'i ye shes kyi dngos grub la thams cad du byang chub chen po'i ye shes 'di zhes gsungs pa yin no//lhag ma rnams ni mjug sdud pa yin no/ /da ni de bzhin gshegs pa thams cad mnyes par bya ba'i dngos grub kyi rgyud ston to/ /de las kyang dang por nyid kyis sangs rgyas zhes bya ba la sogs pas de bzhin gshegs pa mnyes par bya ba'i dngos grub kyi rgyud ston te/de la de bzhin gshegs pa'i bzlas brjod byed pa'i rnal 'byor pas de bzhin gshegs pa rnams mnyes par bya'o/ /de yang bla na med pa yang dag par rdzogs pa'i sangs rgyas kyi byang chub don du gnyer ba dang /sems can rnams kyi don byed pa dang / bdag nyid sangs rgyas rjes su dran pa bsgoms par gyur pas sangs rgyas thams cad mnyes par byed pa yin no zhes bcom ldan 'das rdo rje chags pas gsungs so zhes pa ste/ rdo rje chags pas zhes bya ba ni 'dir mnyes par bya ba'i dbang du byas pa yin pas na bcom ldan 'das phyag na rdo rje nyid rdo rje chags pa'i sgrar gsungs pa yin par shes par bya'o//da ni ji ltar yul dang zhes bya ba la sogs pas de bzhin gshegs pa'i rigs kyis mnyes par bya ba'i dngos grub kyi rgyud ston te/ ji ltar yul dang ldan gyur nas//zhes bya ba ni gal te re zhig zlos pa po khyim pa gzhan zhig yin na khrus byas la lus dri zhim pos byugs shing skra dri zhim pos byugs pa dang / gos bzang po bgo ba dang / rgyan bzang po gdags pa dang / dri dang byug pa la sogs pas brgyan pa dang / yul gyi 'byor ba ci yod pa'i yul dang ldan par byas la rdo rje sems dpa' bsgom par bya'o//gal te rab tu byung ba zhig yin na yang gang cho ga dang mi 'gal ba'i yul dang ldan par gyur pa dang / khrus bya ba dang / gos dang / bza' ba dang / btung ba la sogs pa yul ji lta ba dang ldan par gyur pas rdo rje sems dpa' bsgrub par bya'o//yul dang ldan par gyur pa 'ba' zhig tu yang ma zad kyi de nyid bskul na zhes bya ba ste/ su ra ta s+t+waM zhes bya ba 'di ni de kho na nyid ni de bskul ba ste/ 'dis myur bar mnyes par byas par 'gyur bas de 'grub par 'gyur ro zhes bcom ldan 'das rdo rje sems dpas gsungs so//da ni sangs rgyas bka' ni zhes bya ba la sogs pas rdo rje'i rigs mnyes par byed pa'i dngos grub kyi rgyud ston to/ /khros pas mngon spyod byas na ni 'dis rdo rje rnams mnyes par 'gyur ro zhes bcom ldan 'das 'jig rten gsum las rnam par rgyal bas gsungs so zhes bya bar sbyar ro//gang zhig la mngon skyod bya zhe na/ ma rungs pa rnams la'o/ /de ci'i phyir zhe na/ sems can sbyang ba'i phyir dang / sangs rgyas kyi bka' bsgrub pa'i phyir ji skad du gsungs pa'i las byas na rdo rje rnams mnyes par byed pa yin no/ / de yang sems can sbyang ba ni lha chen po la sogs pa lta bu'o/ /sangs rgyas bka' ni de bzhin gshegs pa rnams kyis gsol ba btab pa'i tshig ji skad du gsungs pa bzhin du shes par bya'o/ /da ni chags pas zhes bya ba la sogs pas pad+mo'i rigs kyi mnyes par bya ba'i dngos grub kyi rgyud ston te/pad+mo'i rigs zlos pa'i rnal 'byor bas chags pas kun du blta bar bya ste/ sems can smin pa dang grol ba'i chags pa med pa dang / ma chags pa khong khro ba med pa'i rgyus blta bar bya ba dang / /sems can thams cad bde ba dang ldan par gyur cig ces sems can thams cad la byams par bya ba dang /sems can thams cad sdug bsngal dang bral bar gyur cig ces gzhan gyi sdug bsngal bsal bar bya ba'i snying rje bya ba dang / sems can rnams la mi 'jigs pa'i sbyin pa yang sbyin par bya ste de ltar na pad+mo'i rigs mnyes par byas pa yin no/ / da ni dbang bskur ba zhes bya ba la sogs pas nor bu'i rigs mnyes par bya ba'i dngos grub kyi rgyud ston te/ dbang bskur ba ni rab sbyin dang / /zhes bya ba ni sangs rgyas rnams la dbang bskur ba bstan pa ni rab sbyin pa zhes bya'o/ /nor sogs rab tu sbyin byed cing / /zhes bya ba ni mchod pa dang nor bsags pa sbyin pa byed na nor bu'i rigs su sangs rgyas rnams mnyes par byed pa yin no//de yang sangs rgyas don du sbyor ba zhes bya ba ni bzhi po 'di dag la gnas pa ni sangs rgyas nyid thob par bya ba'i phyir ro zhes bya ba'i don to/ /lhag ma rnams ni go sla'o/ /da ni de bzhin gshegs pa thams cad dbang du bya ba'i dngos grub kyi rgyud ston te/de las kyang dang por de ltar rnam dag ces bya ba la sogs pas de bzhin gshegs pa dbang du bya ba'i dngos grub kyi rgyud ston te/ de ltar rnam dag bde sbyin pa/ /'dod chags la ni brnyas mi bya/ /zhes bya ba la 'dir 'dod chags ni bcom ldan 'das byang chub kyi sems la bya bar shes par bya'o//de nyid kyis na de ltar rnam par dag pa dang bde ba sbyin pa yin te/ 'khor ba pa thams cad la bla na med pa'i chos kyi rgyal po'i bde ba'i bar gyi bde ba de thams cad sbyin par byed pas na bde ba sbyin pa ste/ de bas na de lta bu'i 'dod chags la brnyas par mi bya zhing /khyad du gsad par mi bya ba la dor zhing spang bar mi bya'o zhes bya ba'i don to/ /rnam par dag pa'i phyir dang bde ba sbyin pa yin pa'i phyir sems can kun gyi don gyi rgyur sbyor ba la nan tan du bya ba la brtson par bya'i/ bdag grol ba 'ba' zhig gi don du ni ma yin no/ /sbyor ba zhes bya ba'i sgra ni ting nge 'dzin yin par bshad do//dbang du byed pa dang mnyes par byed pa la khyad par ci zhig yod ce na/ mnyes par byed pa ni mngon du phyogs par byed pa yin la/ dbang du byed pa ni bdag nyid ci dgar byed pa ste khyad par ni de yin no/ /da ni 'dod pa zhes bya ba la sogs pas de bzhin gshegs pa'i rigs dbang du bya ba'i dngos grub kyi rgyud ston te/'dod pa bsten zhes bya ba la 'dod pa ni gzugs dang / sgra dang / dri dang / ro dang / reg bya'o/ /de bsten pa ni yongs su longs spyod pa ste/ khrus dang / btung ba dang / bzhon pa la sogs pa bya ba'i khyad par rnams kyis khyim pa dang rab tu byung ba ji ltar 'tsham pa la spyad par bya zhing bsten par bya'o//de bas na bden pa'i bdag nyid du gyur par bya ste/ bde bas ni sems rtse gcig par 'gyur ba'i phyir te/ sdug bsngal bas ni sems g.yengs la/ /g.yengs pas dngos grub gzhan du 'gyur/ /zhes gzhan dag las ji skad gsungs pa lta bu'o//de bas na dga' bar bya ba'i tshul gyis 'dod pa la brten par bya'o zhes gsungs pa yin no/ /gzhan du yang su ra ta s+t+waM zhes bya ba dang de kho na nyid bskul bar yang bya'o/ /de ltar rdo rje sems dpa' dbang du byas nas rdo rje sems dpa' bsgrub par bya'o/ /lhag ma rnams ni go sla'o/ /da ni sangs rgyas bka' yis zhes bya ba la sogs pas rdo rje rigs kyi dbang du bya ba'i dngos grub kyi rgyud ston te/ma rungs ba rnams bsad pas rdo rje hUM mdzad dbang du byed pa yin te/ dper na lha chen po bzhin du tshar gcad par bya ba'i phyir gsod pa ni brgyal bar byed pa yin par shes par bya'o// lhag ma rnams ni 'di'i rgyu yin par shes par bya ste/ sangs rgyas kyi bka' dang / sems can rnams dag par bya ba dang / lus can rnams la skyabs bya ba dang / bstan pa bsrung ba ni ma rungs ba rnams tshar gcod pa las 'di dag thams cad 'byung ba yin no/ /da ni pad+mo'i 'dab ma zhes bya ba la sogs pas pad+mo'i rigs kyi dbang du bya ba'i dngos grub kyi rgyud ston te/'dod chags dag pa kun rtog la/ /zhes bya ba ni sems can smin pa dang grol ba'i 'dod chags ni dag pa yin te/ mi dge ba bcu'i las kyi lam kun du slong bar mi byed cing / dge ba bcu'i las kyi lam la sems can rnams 'jug par byed pa'i chags pa ni 'dod chags dag pa yin par bya'o//de la kun du rtog pa ni bcad pa'o/ /ji ltar rtog ce na/ pad+mo'i 'dab ma kha 'byed cing / /zhes bya ba gsungs so/ /de ltar brtags nas ci zhig byed ce na/ chags byed cing sems can rnams smin pa dang /grol ba'i phyir rang nyid dga' bar byed pa'o/ /'dod par byed pa ni gzhan rnams la ni/ shin tu sdug par byed pa'o/ /ci'i phyir zhe na/ gdul phyir zhes bya ba ste/ gdul ba'i don du'o/ /de skad su zhig gis gsungs she na/ bcom ldan 'das 'jig rten dbang phyug gis gsungs so zhes pa'o//da ni sangs rgyas thams cad ces bya ba la sogs pas nor bu'i rigs dbang du bya ba'i dngos grub kyi rgyud ston te/ sangs rgyas thams cad dbang bskur phyir/ /rdo rje rin chen nyin re rer/ /spyi bor bzhag ste dbang bskur na/ /zhes bya ba ni de bzhin gshegs pa de rnams nyid kyi dbur bzhag ste/rdo rje rin chen dbang bskur nas/ /sangs rgyas thams cad dbang du 'gyur/ /zhes bcom ldan 'das nam mkha'i snying pos gsungs so zhes pa'o/ /lhag ma rnams ni dbang du bya ba'i mjug bsdu ba ste/ dbang du bya ba ni ci 'dod par bsgrub pa'i phyir ro//phyag rgya bskyed pa'i phyir ram/ dngos grub kyi mchog bskyed par bya ba'i phyir ni byang chub chen po'i dngos grub kyi rgyud yin la/ bsams pa'i don bsgrub par bya ba'i phyir ni mnyes par bya ba dbang du bya ba'i rgyud yin te/ /lha mnyes par byas shing dbang du byas na ci 'dod pa bzhin du sgrub par mdzad pa'i phyir ro//da ni de nas byang chub sems dpa' chen po zhes bya ba la sogs pas bsad pa'i dngos grub kyi rgyud ston te/ bya ba'i rgyud dag las drag shul gyi sbyor ba nyid kyis bsgrub par gsungs pa gang yin pa de nyid 'dir bsad pa'i rgyud ces gsungs te/de la zhes bya ba ni tshig gi kha bskang ba'i don to/ /'di zhes bya ba ni 'og nas bshad pa'o/ /de bzhin gshegs pa'i dngos grub ces bya ba ni sangs rgyas kyi dngos grub kyi rgyur gsod pa gang yin pa'i rgyud de'i dngos grub kyi man ngag bstan pa ston te/ sngags pas gang zhig de bzhin gshegs pa'i dngos grub grub par 'dod la des kyang sngags bzung ba la sogs pa'i dam tshig dang /sngags bsnyen pa byas pa'i dam tshig dang / bsgrub pa'i dam tshig gis phyin ci ma log pa nyid du yang dag par zhugs te/ nor ba med pa dang ldan pas lan mang du bsgrubs shing nyams su blangs su zin kyang gang gi tshe grub par ma gyur na de'i tshe gdod 'di'i spyad par bya'o//sems can kun don ma mthong zhing / /zhes bya ba la sogs pa la gang gi tshe 'di sems can gyi don du brtsams pa yin te/ de yang ma mthong ba ni dngos grub med pa'o/ /sangs rgyas de nyid ma sbyangs la//zhes bya ba ni sangs rgyas nyid 'thob pa'i rgyu'i don la sangs rgyas de nyid ces bya ste/ de ma bskyed pa'o/ /de yang rdo rje sems dpa'i phyag rgya'i rjes la sangs rgyas kyi phyag rgya bsgom dgos te/ 'di ni sangs rgyas sangs rgyas nyid/ /gzhan las sangs rgyas 'gyur ba med/ /ces chos nyid du ji skad gsungs pa 'di ni de kho na nyid yin no//de ltar gyur pa'i de kho na nyid sangs rgyas nyid 'thob pa'i rgyu mngon sum dang / brgyud pa'i rgyu de ma sbyangs shing ma bskyed pas sangs rgyas kyi dngos grub mi 'thob bo zhes bya ba'i don to/ /yid dang lus dang ngag gis so/ /bsad na dngos grub 'thob par 'gyur//zhes bya ba ni bdag gam bsgrub par bya ba'i lha bsad na dngos grub 'thob par 'gyur ro/ /bsad pa'i sbyor ba ni 'jig rten gsum las rnam par rgyal ba'i chos kyi dkyil 'khor du bstan pa'i khyim dang grong dang grong khyer dang yul 'khor zhes bya ba la sogs pa gang yin pa de 'dir sbyar bar bya'o//da ni dngos grub thams cad ces bya ba la sogs pas de bzhin gshegs pa'i rigs kyi bsad pa'i dngos grub kyi rgyud ston te/ dngos grub thams cad ma thob la/ /zhes bya ba ni dngos grub gang dang / gang brtsams shing yang dag par sbyor ba dang ldan du zin kyang / dngos grub rab dang /'bring dang tha ma gang yang ma thob pa ni dngos grub thams cad ma thob pa yin no/ /rigs rnams kyang ni mi brtson zhing / /zhes bya ba la rigs ni de bzhin gshegs pa'i rigs so/ /de las lha gcig kyang mi 'go zhing mi ston te/ rigs kyi bu khyod la sgrib pa 'di lta bu yod kyis de'i gnyen po 'di lta bu gyis shig /des na gdod 'grub par 'gyur ro zhes tha na rmi lam du yang mi ston na/ de rigs rnams kyang mi brtson pa yin no/ /rdo rjes kun du bdegs na ni/ /zhes bya ba ni yid khro ba dang bcas pas rdo rjes bsnun pa'am/ sna'i hUM zhes bya bas rdo rje 'phangs te bdag gam lha bsad na dngos grub 'thob par 'gyur te de ltar bsnun pas rdo rje myur du 'grub par 'gyur ro zhes bcom ldan 'das phyag na rdo rjes gsungs so//da ni ma rungs zhes bya ba la sogs pas rdo rje rigs kyi bsad pa'i dngos grub kyi rgyud ston te/ ma rungs mi 'dul khro med cing / / zhes bya ba la ma rungs pa ni sems can rnams la rnam par 'tshe zhing nye bar gnod par byed pa'o/ /de rnams 'dul ba ni snyems pa med par byed pa'o/ /ma rungs pa 'dul ba de yang khro ba las 'byung bas na ma rungs 'dul ba'i khro bos zhes bya ba ste 'dis gdug pa rnams 'dul bar byed pa yin pa'i phyir ro/ / de yang shin tu khros pa'i sems gang gis ma rungs pa rnams tshar gcad par bsams na tshar gcod par bya ba'i ma rungs pa rnams la de bzhin du 'gyur ba'i phyir na 'di la ma rungs 'dul ba'i khro bo zhes bya'o/ /ma rungs pa rnams mi 'dul ba'i khro bo yin pas na/ ma rungs mi 'dul khro med cing / / ces bya'o/ /de bzhin sems can mi 'dul la/ /zhes bya ba ni gang gi phyir gang la de lta bu'i khro bo med la sems can gang 'dul bar mi nus na rdo rje'i rigs zlos pas yang dag par zhugs su zin kyang / rigs rnams brtson par mi byed cing dngos grub ma thob na de'i phyir des bya ba ni/ bdag nyid sdug bsngal 'thob byed na//hUM zhes bya bas gsad par bya/ /zhes bya ba ste sdug bsngal dang ldan pas zhe sdang bar gyur cing / smyung bar gnas pas nyi ma gung la las bya'o/ /de ltar na bdag nyid sdug bsngal 'thob par byed na/ hUM zhes bya bas sbyar bar bya ste/ de ltar sbyor bar byad pas na dngos grub stsol bar mdzad pa'i phyir ro//da ni snying rje med cing zhes bya ba la sogs pas pad+ma'i rigs kyi bsad pa'i dngos grub kyi rgyud ston te/ snying rje med cing byams med la/ /zhes bya ba ni snying rje'i ngo bo nyid yin pas na snying rje'o/ /byams pa'i ngo bo nyid yin pas na byams pa'o/ /snying rje dang mi ldan pa ni snying rje med pa'o//byams pa dang mi ldan pa ni byams pa med pa la zhes bya'o/ /sems can ma rungs mi spyod zhing / /zhes bya ba ni gang 'jig tshogs la sogs pa'i dri ma dang ldan pa'o/ /de rnams mi sbyong ba ni chos bstan pas blta ba'i nyes pa'i dri ma mi sel ba'o/ /bdag nyid la ni bslus na ni//zhes bya ba la bdag nyid bslus pa ni chos thams cad rang bzhin gyis rnam par dag pa'i chos rnams kyi chos nyid la yid mi ches pa'o/ /gang gi tshe pad+mo'i rigs zlos pa'i rnal 'byor pa yang dag par zhugs su zin kyang / ji skad du bshad pa'i chos 'di rnams mi 'byung na/de'i tshe bdag nyid dam ji skad du bshad pa'i nyes pa'i phyogs ster bar byed pa'i bsgrub par bya ba'i lha bsad na dngos grub 'thob par 'gyur ro zhes bcom ldan 'das 'phags pa kun du spyan ras gzigs kyi dbang pos gsungs pa'o/ /da ni mi gtong ba dag la zhes bya ba la sogs pas nor bu'i rigs kyi gsang ba'i dngos grub kyi rgyud ston te/mi gtong ba ni gtong ba med pa'o/ /bdag la nor med cing zhes bya ba ni nor gyi bdag po med pa zhes bya ba'i don to/ /nor stor ba dang zhes bya ba ni gal te nor yod na de yang rkun po la sogs pas khyer ba ni nor stor ba'o/ /gnod byed la zhes bya ba ni nor phrogs pa 'ba' zhig tu ma zad kyi lus la nad la sogs pa gnod pa rnams kyang 'byung bar 'gyur ba'o//sems can rnams ni dbul gyur na/ /zhes bya ba ni gal te nor bu'i rigs zlos pa'i sngags pa yang dag par zhugs shing rtse gcig par gyur kyang nyes pa 'di dag 'byung zhing /ji skad du bshad pa'i dngos grub kyang thob par ma gyur cing / sems can rnams kyang dbul ba'i sdug bsngal la blta bar mi nus na de'i tshe bdag bsgrub par bya ba'i lha bsad na dngos grub 'thob par 'gyur ro zhes bcom ldan 'das re ba thams cad yongs su skong bas gsungs so/ /ci'i phyir 'di lta bu'i las byed cing ci'i phyir bcom ldan 'das kyis 'di skad ces gsungs she na/kha cig gis ni zhes bya ba la sogs pa smos te/ kha cig gis ni sangs rgyas kyi/ /rnal 'byor ma thob ces bya ba la mngon par 'dod pa'i don zhes bya ba ni tshig gi lhag ma'o/ /lhag ma rnams ni go sla'o/ /da ni de nas bcom ldan 'das zhes bya ba la sogs pas bsrung ba'i phyag rgya'i dngos grub kyi rgyud gsungs te 'di ni dge ba'i chos bsrung ba'i rang bzhin no//de las kyang / sems can thams cad mi gtong zhing / /zhes bya ba la sogs pas de bzhin gshegs pa'i bsrung ba'i dngos grub kyi rgyud ston te/sems can thams cad mi gtong zhing / /zhes bya ba ni bdag gis sems can thams cad kyi don bya'i nyan thos ltar bdag nyid grol ba 'ba' zhig tsam ni mi bya'o/ /'di ni de bzhin gshegs pa'i bzlas brjod byed pa'i bsrung ba gcig yin no/ /gzhan yang ci zhig la 'jug ce na/ rtag tu sangs rgyas mchod bdag nyid/ /ces bya ba ste/ sangs rgyas mchod pa byed pas rtag tu bdag nyid kyis sangs rgyas mchod par byed pa ste/ 'di ni bsrung ba gnyis pa'o/ /rtag par sangs rgyas yid la byed/ /ces bya ba ni rtag tu sangs rgyas rjes su dran pa yid la byed pa ste/ 'di ni bsrung ba gsum pa'o//'di ni bsrung ba rnams kyi mchog /ces bya ba ni bsrung ba 'di gsum char yang shin tu rmad du byung zhing mchog tu ngo mtshar du gyur pa yin par shes par bya'o/ /su zhig gis de skad gsungs she na/ sangs rgyas bcom ldan 'das kyis gsungs so/ /da ni rdo rje sems dpa'i mtshan zhes bya ba la sogs pas de bzhin gshegs pa'i rigs kyi bsrung ba'i dngos grub kyi rgyud ston te/rdo rje sems dpa'i mtshan tsam zhig /lan cig tsam yang brjod gyur na/ /zhes bya ba ni bsam pa brtan pos rdo rje sems dpa'i mtshan brjod de/ chu yang blangs nas lha chen po 'jigs byed kyi gzugs can du gnas pa la brgyab na de yang nye bar 'tshe bar mi byed do//'di ni srung ba rtag chen po/ /zhes bya ba la rtag tu dngos grub sbyin par byed pa dang / srung ba chen por gyur pa yin no zhes pa'o/ /da ni/ rigs dang rgyud kyis chog mi shes/ /zhes bya ba la sogs pas rdo rje rigs kyi srung ba'i dngos grub kyi rgyud ston te/rigs dang rgyud kyis chog mi shes/ /zhes bya ba la rig pa ni rigs kyi rig pa la sogs pa ste/ rig pa zhes smos pa ni nye bar mtshon pa tsam du zad kyi/ sngags dang snying po rnams kyang bsdu ste/ rig pa dang stags zhes smos par bya ba yin no/ /de yang rig pa dang snying pos chog mi shes pa ste/gang gi phyir sngags mang po mthong ba las 'ga' zhig la lar dgos pa shes par 'gyur zhing shes nas kyang srung ba'i cho ga la lar sbyor bar byed do/ /rgyud ni gzhung la bya ste thams cad kyang ci nus pa bsdu bar bya'o/ /gang gi phyir der yang sbyor ba la sogs pa mthong nas bsrung ba'i cho gar rab tu sbyor bar byed pa yin no//'jig rten gsum rgyal bdag nyid kyis/ /zhes bya ba ni 'jig rten gsum las rnam par rgyal ba'i rang gi ngo bo nyid du bsgom pa ni/ 'jig rten gsum rgyal bdag nyid do/ /rdo rje hUM la mos byed la/ /zhes bya ba ni rig pa'i rgyal po la sogs pa la'o//'di ni bdag dang gzhan la bsrung / /zhes bya ba ni bzhi char gyis so/ /da ni 'dod chags dag cing zhes bya ba la sogs pas pad+mo'i rigs kyi bsrung ba'i dngos grub kyi rgyud ston te/ 'dod chags dag pa yin pas na 'dod chags dag pa ste sems can smin dang grol ba'i chos chags pa'i chos 'di ni rang bzhin gyis dag pa'o zhes smos pa'o//byams pa chen po zhes bya ba ni sems can thams cad la byams pa chen po bskyed pa'o/ /thams cad la ni mi 'jigs sbyin/ /zhes bya ba ni 'jigs pa rnams la mi 'jigs pa sbyin pa'o/ /'jig rten dbang gi mtshan zlos pa/ /zhes bya ba ni 'jig rten dbang phyug gi mtshan zlos par byed pa ste/srung ba 'di bzhi char ngo mtshar che ba ste/ shin tu rmad du byung ba dang ldan pa yin no/ /da ni sangs rgyas zhes bya ba la sogs pas nor bu'i rigs kyi bsrung ba'i dngos grub kyi rgyud ston te/ nyi ma stongs par mi bya bar/ /zhes bya ba ni nyin re zhing rgyun mi gcad par bya'o//ci zhig rgyun mi gcad ce na/ ci nus par ni sbyor byed cing / /zhes bya ba gsungs so/ /su zhig la zhe na/ sangs rgyas sems can gtong byed par/ /zhes bya ba gsungs te/ sangs rgyas rnams dang sems can rnams la zhes bya ba'i don to/ /tha na 'bras rdog ma gcig tsam sbyin pa'am/me tog gcig tsam dbul ba'am/ chu khyor gang tsam zhig sbyin par byed pa ste/ bsrung ba 'di ni ngo mtshar mchog tu che ba yin no zhes bcom ldan 'das rdo rje srung bas gsungs so/ /rdo rje srung ba zhes smos pa ni bsrung ba'i cho ga rdzogs pa'i mjug sdud pa yin no/ /da ni de nas byang chub sems dpa' chen po phyag na rdo rje zhes bya ba la sogs pas rtogs pa bzhir gtogs pa'i dkyil 'khor chen po'i rgyud phyi ma'i mjug sdud pa ston te 'di ni phyag na rdo rjes bstan pa yin la/de yang da ni sangs rgyas rnams la dbul ba yin pas na rgyud 'di bzhes par gsol zhes smos pa yin no/ /bcom ldan 'das zhes tshig gcig par smos pa ni de bzhin gshegs pa thams cad rnam par snang mdzad kyi khongs su chud pa la ltos pa yin mod kyi/'on kyang de bzhin gshegs pa lnga ru shes par bya'o/ /rgyud gang gis zhes bya ba ni rgyud 'di'i phan yon ston to/ /sems can thams cad rtog pa thams cad kyi dbang phyug tu gyur nas zhes bya ba la rtog pa thams cad ni theg pa chen po mngon par rtogs pa la sogs pa bzhi'o//de'i dbang phyug ni mngon par shes pa la sogs pa bstan zin pa ste/ rnal 'byor pa rnams kyi dbang phyug de'i rdzu 'phrul dang mngon par shes pa la sogs pa phun sum tshogs pa dang ldan pa gang yin pa de ni dbang phyug ces bya ste 'di ni dbang phyug yin pa'i phyir ro//de'i ngo bo nyid yin pas na dbang phyug nyid du gyur pa'o/ /rtogs par bgyi ste zhes bya ba ni rab tu dga' ba la sogs pa'i sa rnams khong du chud par byas pa'o/ /myur du bla na med pa yang dag par rdzogs pa'i byang chub mngon par rdzogs par 'tshang rgya ba'i slad du'o zhes bya ba 'dis ni rgyud 'di don che ba nyid du ston to//'dis ni rgyud 'di sangs rgyas rnams kyis bzung zhing sangs rgyas kyi gsung yin par gyur na de'i 'og tu gdod 'jig rten rnams len par mi 'gyur ba blangs par gyur nas mnyen pa dang / bsams pa dang / bsgoms pa la sogs pa'i rim gyis ji skad du gsungs pa'i 'bras bu thob par 'gyur ro zhes ston gyi/gzhan du na 'di ni phyag na rdo rjes smras par zad kyi sangs rgyas kyi bka' ma yin no zhes len par mi 'gyur bas na de bzhin gshegs pa rnams la phul ba yin no/ /sangs rgyas bcom ldan 'das rnams kyang gzhung gi don legs par mnyes par gyur nas legs so//legs so/ /phyag na rdo rjes zhes bya ba la sogs pas legs so zhes bya ba byin pa yin no/ /legs par bshad pas zhes bya bas ni phyin ci ma log par bshad do zhes bya ba'i don to/ /de lta bas na nged kyis blangs shing zhes gsungs pa yin te blangs nas sangs rgyas kyi bkar byas te gzhag go zhes pa dang byin gyis brlabs so zhes pa ste/ci nas kyang myur du nub par mi 'gyur bar dus kyi mthar yun du gnas par mdzad pa'o/ /gang gi phyir de bzhin gshegs pa rnams kyis legs so zhes bya ba byin gyis brlabs shing blang bar mdzad pas ci nas kyang 'di ltar nub par mi 'gyur bar mdzad pa yin no//da ni de bzhin gshegs pa thams cad kyang gcig tu 'dus nas byang chub sems dpa' chen po phyag na rdo rje la legs so zhes bya ba byin pa ni rtog pa bzhi'i rang bzhin nyid du gyur pa dang / 'khor los sgyur ba bzhi'i rang bzhin nyid du gyur pa'i phyir ro//rtog pa thams cad kyi thabs zhes bya ba la sogs pa la rtog pa thams cad ni theg pa chen po mngon par rtogs pa bsdus pa la sogs pa bzhi'o/ /thabs ni der byin gyis brlab pa dang dbang bskur ba la sogs pa'o/ /thabs kyi cho ga ni sbyor ba'o/ /de'i rgyas pa ni rnam par dbye ba mang po'i bye brag gis te/'di nyid ni byang chub sems dpa' rnams kyi rdo rje'i theg pa bla na med pa yin la 'di nyid ni gzhan gyis mi shes pa'i phyir gsang ba'o/ /bsdus te bstan pa'i phyir mdo sde'o/ /de kho na nyid bsdus pa'i rgya cher bshad pa ko sa la'i rgyan las rtog pa bzhi char gyi dkyil 'khor chen po'i rgyud phyi ma'i 'grel ba'o// //da ni rtog pa thams cad kyi gsang ba'i dkyil 'khor du gsungs pa'i dngos grub sgrub pa'i thabs kyi rgyud du gtogs pa ston to/ /de las kyang thog mar/ sangs rgyas byang chub ting nge 'dzin/ /zhes bya ba la sogs pas de bzhin gshegs pa thams cad kyi dngos grub dam pa'i gsang ba'i rgyud ston te/sangs rgyas byang chub ting nge 'dzin//zhes bya ba ni sangs rgyas bcom ldan 'das kyi byang chub thugs su chud pa'i ting nge 'dzin yin pas na sangs rgyas byang chub ting nge 'dzin to/ /rab mnyam gzhag pas bsgoms na ni/ /zhes bya ba la shin tu mnyam par gzhag pas na rab mnyam gzhag pa'o//bsgom pa ni de goms par bya ba ste sems so sor rtogs pa la sogs pa'i rim gyis sangs rgyas kyi byang chub kyi ting nge 'dzin bsgoms na/ byang chub bde bas 'thob par 'gyur/ /zhes bya ba ste/ 'di lta bur rnam par bsams nas brtson par byas nas nges par rtogs par 'gyur ro zhes bcom ldan 'das de bzhin gshegs pa thams cad kyis gsungs so//don 'di gsungs zin mod kyis/ 'on kyang lhag par bsnan pa'i phyir yang gsungs pa yin no/ /da ni sems dpa' rdo rje zhes bya ba la sogs pas de bzhin gshegs pa'i rigs kyi dngos grub dam pa'i gsang ba'i rgyud ston te/sems dpa' rdo rje snying gar bcings/ /zhes bya ba ni de bzhin gshegs pa'i rigs zlos pa rnams kyi bsgrub pa'i dus sam/ dgos pa chen po gzhan dag tu rdo rje dbyings kyi gsang ba'i dkyil 'khor du gtogs pa'i sems dpa'i rdo rje ma'i phyag rgya snying gar bcings la ji ltar bris pa'i bskul bas bskul bar bya zhing de nas phyag rgya thams cad bsgrub par bya'o//chung ma zhes bya ba ni yid rdzogs par bya zhing snying gar brtan par yang bya'o/ /shin tu sdug par yang bya ste/ dngos grub thams cad de la rag las pa yin pa'i phyir ro//de nyid kyis ni brtan par gyur cig ces smras nas zhes gsungs pa yin te/ brtan pa rgyur ba ni bsgom pa'i dus dang / dgos pa'i dus su sems can las ma nyams par bya ba'o/ /gsang ba'i rgyud 'di thams cad du gsang ba bskul ba'i phyag rgya gang yin pa de dag thams cad la gsang ba bskul ba'i phyag rgya gang yin pa dang /phyag rgya dang ldan pa rnams la skyes pa dang bud med kyi tha snyad du bya bas ston par mdzad pa ni gang gi phyir 'di dag kun rdzob yin la kun rdzob kyang 'khor ba dang mthun pa'i tha snyad du smos dgos te de kho na nyid tha snyad kyis bstan pa yin par shes par bya'o/ /de ma yin pa bsgom pa'i dus su 'dir skyes pa dang bud med kyi chos su bya ba'i tha snyad ni mi srid de/gang gi phyir 'dir ting nge 'dzin las dngos grub 'byung bar gsungs la/ de'i tshe de lta bu'i chos su byed pa las ting nge 'dzin du 'gyur ba mi srid pa yin par shes par bya'o/ /de lta bas na ji skad du gsungs pa'i bskul bas bskul la sems dpa' rdo rje ma'i phyag rgya de snying gar bcings nas phyag rgya thams cad bsgrub par bya'o//phyag rgya thams cad ni gsang ba'i dkyil 'khor du gsungs pa'i lhag ma rnams so/ /de dag bsgrub pa ni bsams pa'i don grub par bya ba'i phyir rang rang gi las la sbyar ba'o//gang gi phyir sems dpa' rdo rje ma'i phyag rgya brtan par gyur na phyag rgya thams cad brtan par 'gyur te/ rang rang gi las la thogs pa med par 'jug par 'gyur ro zhes bya ba'i don to/ /de'i phyir/ cho ga 'di yi tshul gyis ni/ /zhes bya ba gsungs te 'di zhes bya ba ni smras ma thag pa'o/ /cho ga'i tshul gyis ni zhes bya ba ni ji skad gsungs pa'i sbyor bas so//cho ga'i tshul des rang gi las rnams ma grub kyang zhes bya ba gsang ba'i bskul ba med pa'i ji skad gsungs pa'i snying pos phyag rgya rnams rang rang gi las la nges par sbyar na yang ma grub na/ ji ltar gsang ba'i chung ma zhes smra na 'grub par 'gyur ba de bzhin du dngos grub 'thob par 'gyur ba yin no//de ltar yin na phyag rgya kha cig gsang ba'i bskul ba med du zin yang sbyor ba 'grub pa srid na des ci zhig bya zhe na/ de yang bden mod kyi 'on kyang / shin tu dngos grub 'thob par 'gyur/ /zhes bcom ldan 'das sems dpa' rdo rjes gsungs so//da ni/ /ji ltar de ltar khros pa dang / /zhes bya ba la sogs pas rdo rje rigs kyi dngos grub dam pa'i gsang ba'i rgyud ston te/ rdo rje'i rigs zlos pa'i rnal 'byor bas bsgrub pa la legs par zhugs shing mang du nyams su blangs su zin kyang dngos grub ma thob na drag po'i sbyor ba 'di bya'o zhes gsungs pa yin no//ji ltar de ltar zhes bya ba ni de ltar bcom ldan 'das rdo rje hUM mdzad khros par mdzad pa de ltar khros pas rdo rje hUM mdzad kyi phyag rgya bcings la/ bsad na ni zhes bya ba bsad pa'i sems nges par bskyed la zhes bya ba'i don to/ /skrag ste dngos grub sbyin par 'gyur//zhes bcom ldan 'das de bzhin gshegs pa thams cad kyi hUM zhes bya bas gsungs so zhes bya ba la/ skrag pa ni sems can rnam par ltung bar 'gyur bas 'jigs par zad pa ste/ sems can ni ngan song du ltung bar mi bya'o zhes dgongs nas dngos grub stsol bar mdzad do zhes gsungs pa yin no//de ni ting nge 'dzin zhes bya ba la sogs pas pad+mo'i rigs kyi dngos grub dam pa'i gsang ba'i rgyud ston te/ ting 'dzin phyag rgya bcings nas ni/ /zhes bya ba ni 'gro ba 'dul ba'i gsang ba'i dkyil 'khor du dam tshig gi phyag rgyar gsungs pa gang yin pa de bcing ba'o//rdo rje lta bas bltas nas kyang / /zhes bya ba la rdo rje lta ba ni/ rdo rje lta ba chags pa yis/ /dga' bas mig ni rab tu bgrad/ /ces bya ba bshad zin pa'o/ /des bltas pa ni rnam par brtag pa'o/ /gang la zhe na/ bdag gi chung ma ste rang gi phyag rgya'o// gzhan gyi chung ma ni phyag rgya gzhan pa ste phyag rgya bzhi'i dkyil 'khor du bsgrub pa'i tshe/ phyag rgya bzhi dang dbus na gnas pa'o/ /des ci zhig 'thob par 'gyur zhe na/ sdug pa'i dngos grub 'thob par 'gyur/ /zhes gsungs so/ /da ni dbang po gnyis zhes bya ba la sogs pas nor bu'i rigs kyi dngos grub dam pa'i gsang ba'i rgyud ston te/dbang po gnyis ni mnyam sbyar la/ /zhes bya ba ni rang gi lha'i rnal 'byor byed pa'i dus su rang gi dbang po dang lha'i dbang po ro gcig tu byed pa'i tshe bcom ldan 'das rdo rje rin chen dang lhan cig tha mi dad par mos par bdag nyid lhar gyur par sems dpa' rnal 'byor pa de bde ba'i mchog ces smra bar byed ce na mi'i lus la lha'i lus gya nom pa de'i bdag nyid du gyur pa'i mchog tu bde ba yin pa'i phyir ro//de lta bas na/ sangs rgyas kun la rang nyid kyi/ /lus kyi dbang po rdo rje rin chen du gyur pa'i bdag gi lus kyi dbang po de dbang bskur ba'i phyir phul na myur du 'grub par 'gyur ro zhes bcom ldan 'das nor bu'i dbang pos gsungs so//da ni de bzhin gshegs pa thams cad kyi dam tshig gi dngos grub kyi gsang ba'i rgyud ston te/ dam tshig ni 'da' bar mi bya ba'i chos so/ /de'i dngos grub ji lta ba bzhin du 'byung ba 'di ni dam tshig gi dngos grub bo/ / de nyid ni gsang ba ste/ gsang ba'i dkyil 'khor du gtogs pa'i phyir ro/ /rgyud ni de ston pa'i gzhung ngo / /gsungs so zhes bya ba ni bka' stsal pa'o/ /de las kyang dang por sa ma ya s+t+waM zhes brjod cing zhes bya ba la sogs pas de bzhin gshegs pa'i dam tshig gi dngos grub kyi gsang ba'i rgyud ston te/sa ma ya s+t+waM zhes brjod cing zhes bya ba ni gang gi tshe zhe na/ dam tshig gi phyag rgya bcing pa'i dus na'o/ /bud med kun la chags byas la/ /zhes bya ba la ni phyag rgya thams cad mnyes par bya'o zhes bya ba'i don te/ dam tshig gi phyag rgya bcings la sngags brjod na gdod phyag rgya thams cad dgyes par 'gyur gyi/de las gzhan du phyag rgya bcings na 'dis dam tshig mi shes pa yin no zhes phyag rgya rnams rgyab kyis phyogs par 'gyur ro/ /gzhan yang / sems can don gyis skyo ma mdzad/ /brjod na zhes bya ba ni de bzhin gshegs pa'i rigs zlos pa'i rnal 'byor pas phyag rgya rnams la/ bcom ldan 'das yum bdag la sems can gyi don mdzad cig ces brjod cing phyag rgya rnams la bskul ba de ltar byas na sangs rgyas rnams kyang des mnyes par byed do zhes gsungs so//de skad su zhig gis gsungs she na/ bcom ldan 'das rnam par snang mdzad kyis gsungs so zhes pa'o// da ni 'dod chags la ni zhes bya ba la sogs pas/ de bzhin gshegs pa'i rigs kyi dam tshig gi dngos grub kyi gsang ba'i rgyud ston te/ 'dod chags la ni brnyas mi bya/ /zhes bya ba la 'dod chags ni bcom ldan 'das byang chub kyi sems te/ de la brnyas par mi bya zhing spang bar mi bya ste/gsang ba'i dkyil 'khor du gsungs pa'i dngos grub 'dod na bsgrub pa'i dus dang / bsnyen pa'i dus su byang chub kyi sems dang ldan pa kho nas thams cad du phyag rgya 'grub par 'gyur ro zhes ston pa yin no/ /bud med kun dang rtse byed pa/ /zhes bya ba la bud med ni phyag rgya ste de rtse bar byed pa ni mnyes par byed pa'o//de yang byang chub kyi sems brtan par gyur na phyag rgya rnams mnyes par 'gyur bas dngos grub rnams ster bar mdzad do/ /'di ni phyag na rdo rje'i dam tshig gsang ba ste/ byang chub kyi sems rab tu bsrungs na 'grub par 'gyur ro zhes bcom ldan 'das rnams par snang mdzad kyis gsungs so//da ni gsod pas 'jig rten zhes bya ba la sogs pas rdo rje rigs kyi dam tshig gi dngos grub kyi gsang ba'i rgyud ston te/ gsod pas zhes bya ba ni [(]rnam [,]rnal [)]'byor pa gang mngon spyod kyi las rdo rje rigs kyi dkyil 'khor du gtogs par gsungs pa'i gsod pa la goms par byed pa gang yin pa de ni gsod pa zhes bya'o//'di lta bu nyid kyis 'jig rten pas dkyil gzhan gyis nus pa ma yin no zhes bya ba'i don te/ ji ltar zhe na/ lus ngag las bzang dgyes pa dang / /zhes bya ba gsungs te/lus kyi las ni rdo rje hUM mdzad la sogs pa khro bo rnams kyi g.yon brkyang ba dang / zhal bsnyer zhing mche ba gtsigs pa la sogs pa'i gzugs dang rjes su mthun par byed pa'o/ /ngag gi las ni hUM zhes bya ba la sogs pa ste de dag ni lus ngag las so//bzang zhes bya ba ni dam par 'gyur ba'o/ /dgyes pa zhes bya ba ni sangs rgyas dang byang chub sems dpa' rnams kyis bsngags shing bzhed pa dang / hUM zhes bya ba dang bcas pas 'jig rten rnams gsad par bya'o zhes sbyar ro/ /ci'i phyir zhe na/ rnam dag phyir zhes bya ba gsungs pa yin no sems can rnam par sbyong bar bya ba'i phyir ro//ci'i phyir 'di ltar byed ce na/ gang gi phyir 'di ni gdul dka' ba rnams 'dul ba'i dam tshig yin te/ bcom ldan 'das rdo rje hUM mdzad kyis lha chen po bsad pa dang 'dra bar bya ba 'di ni dam tshig yin pas na dam tshig ces bya'o//des ci zhig byed ce na/ don gyi grub pa sbyin pa'o/ /zhes gsungs te/ gdul dka' ba rnams 'dul ba'i mtshan nyid kyi don ni 'di lta bus 'grub par 'gyur gyi gzhan du ma yin no zhes bya ba'i don to/ /da ni dag pa'i bdag nyid ces bya ba la sogs pas pad+mo'i rigs kyi dam tshig gi dngos grub kyi gsang ba'i rgyud ston te/dag pa'i bdag nyid 'dod chags dag /ces bya ba la 'dod chags ni sems can smin pa dang grol ba la chags pa'o/ /rgyu de'i phyir sems can rnams la chags pa gang yin pa de ni dag pa'i bdag nyid de sangs rgyas dang byang chub sems dpa' rnams ni nyon mongs pa zad pa yin la de dag gi dag pa'i bdag nyid yin pas dag pa nyid de/bdag nyid ces bya ba ni bsam pa la bya ste/ bsam pa dag pa rnams kyi zhes bya ba'i don to/ /de ltar na 'dod chags 'di ni dag pa yin te dge ba bcu'i las kyi lam bskyed pa'i rgyu yin pa'i phyir dang /sems can rnams la 'phags pa'i lam yan lag brgyad pa bskyed pa'i rgyu yin pa'i phyir ro/ /mu stegs rnal 'byor can ma dag /ces bya ba ni mya ngan las 'das pa'i mtsho la 'jug par bya ba'i phyir sangs rgyas kyi bka' spangs nas/ gang ston pa gzhan gyis bstan pa'i thabs gang yin pa de la mu stegs pa zhes bya ste/'jug ngogs bzhin du mu stegs 'cha' bar byed pa'i phyir ro/ /der gang de'i ngo bo nyid yin pa de ni mu stegs pa'o/ /de rnams kyi rnal 'byor ni mu stegs kyi rnal 'byor zhes bya ste/ thar pa'i don du sems mnyam par 'jog pa zhes bya ba'i don to//de gang la yod pa de ni mu stegs rnal 'byor can no/ /de rnams kyi 'dod chags ni ma dag pa yin te/ gang gi phyir de dag la bdag gis sems can thams cad 'khor ba las gdon par bya'o zhes bya ba'i smon lam 'di lta bu med kyi/ gzhan du na bdag cag rnams bcings pa las grol bar bya'o snyam du sems par zad de de'i phyir sems can rnams la byams shing smin pa dang grol ba'i bsam pa cung zad cig yod du zin kyang de nyid bcings pa yin pa'i phyir//mu stegs rnal 'byor can ma dag /ces bya ba gsungs te de bas na de spangs la dag pa'i bdag nyid dam tshig gis bsrungs na zhes bya ba sems can smin pa dang grol ba'i chags pa bskyed na dngos grub 'thob par 'gyur ro zhes bcom ldan 'das kun du spyan ras gzigs kyi dbang pos gsungs so//da ni rdo rje nor bu zhes bya ba la sogs pas nor bu'i rigs kyi dam tshig gi dngos grub kyi gsang ba'i rgyud ston te/rdo rje nor bu sngar bcings la/ /zhes bya ba la rdo rje nor bu ni rdo rje rin chen gyi myu gu'i dam tshig gi phyag rgya ste de sngar bcing ba'o/ /ji ltar zhe na/ de'i phyir/ rdo rje snying po'i ting 'dzin gyis/ /zhes gsungs te/ bcom ldan 'das rdo rje snying po'i dam tshig rang gi lha'i rnal 'byor du byas pa'o//ma rungs rnams kyi nor 'phrogs nas/ /zhes bya ba ni gang dag nor rnyed pa dang sems can rnams la 'tshe zhing bstan pa la gnod pa byed pa/ ma rungs pa de lta bu de'i nor 'phrogs pa ni gdul ba'i phyir rdzu 'phrul gyi nor rnams dus cung zad cig mi snang bar bya'o//dam tshig dngos grub sbyin par 'gyur/ /zhes bya ba la/ 'di ni nor bu'i rigs kyi gsang ba'i dam tshig yin pas na 'di bsrungs na dngos grub sbyin par 'gyur ro/ /da ni de bzhin gshegs pa thams cad kyi chos kyi dngos grub kyi gsang ba'i rgyud ston te/ chos kyi rigs dang rjes su mthun pa'i chos rig pa dang /'dul ba'i mtshan nyid can gang yin pa de bsrungs pas 'grub pa ni chos kyi dngos grub ste de nyid gzhan gyis mi shes pas na gsang ba'o/ /de ston pa'i gzhung yin pas na chos kyi dngos grub kyi gsang ba'i rgyud do/ / de las kyang dang por chos rnams zhes bya ba la sogs pas de bzhin gshegs pa'i chos kyi dngos grub kyi gsang ba'i rgyud ston te/ chos rnams rang bzhin dag par ni/ /rab mnyam gzhag pas bsgoms na yang / /zhes bya ba ni don 'di nyid dkyil 'khor chen po'i dbang du bya ste/ dngos grub dam pa'i rab tu byed par tshig tu brjod na dngos grub 'thob bo zhes smras zin la/da 'dir yang / chos rnams rang bzhin dag par ni/ /rab mnyam gzhag pas bsgoms na yang / /zhes bya ba la bye brag 'di yod de/ sngar ni brjod pa tsam du zad kyi 'dir ni bsgom pa yin no/ /de la/ chos rnams rang bzhin dag par ni/ /zhes bya bar ni don dam pa stong pa nyid yin pa'i phyir ro/ /de rab mnyam gzhag pas bsgom pa ste/ sems rtse gcig pas bsgom pa'o/ /dgos pa thams cad byas na ni/ /zhes bya ba ni sngags gzung ba dang / sngon du bsnyen pa dang / bsgrub pa'i dam tshig tu gsungs pa'i las thams cad byed pa'o//de la yang mchil ma dang / snabs dang / bshang ba dang / gci ba la sogs pa 'dor ba na khrus la sogs pa'i cho ga med du zin kyang / chos thams cad rang bzhin gyis dag par bsgoms na sangs rgyas pa'i dngos grub 'thob ces gsungs pa yin te/chos 'di ni de bzhin gshegs pa'i rigs zlos pa'i bsnyen pa la sogs pa'i tshe dus thams cad du dgos pa yin pa'i phyir ro/ /da ni sems can kun zhes bya ba la sogs pas de bzhin gshegs pa'i rigs kyi chos kyi dngos grub kyi gsang ba'i rgyud ston te/sems can kun la chags byed cing / /zhes bya ba ni sems can rnams la mnyes gshin pa'o/ /yul la skyo bar ma gyur la/ /zhes bya ba la yul ni gzugs la sogs pa ste/ de rnams la yang skyo bar mi byed pa ni ci rigs pa dang ci 'byor par longs spyod pa'o//bud med dga' ba'i dag pa ni/ /zhes bya ba la bud med ni phyag rgyar gsungs pa ste/ de la dga' ba ni phyag rgya chen po bsgom pa'o/ /de'i dag pa ni bsgoms pa rnam par dag pa'o/ /gsang chos dngos grub mchog sbyin no/ /zhes bya ba la 'di gsum char yang gsang ba'i chos yin pas gsang ba'i dkyil 'khor zlos pa rnams kyis bsrung bar bya ste/chos de gsum bsrungs na/ de la dngos grub mchog sbyin no/ /zhes bcom ldan 'das rdo rje gsang bas gsungs so zhes pa ste/ rdo rje sems dpas gsungs so zhes pa'i don to/ /da ni rdo rje phra mo'i zhes bya ba la sogs pas rdo rje rigs kyi chos kyi dngos grub kyi gsang ba'i rgyud ston te/rdo rje rigs kyi gsang ba'i dkyil 'khor zlos pa'i rnal 'byor pas rang gi lha'i rnal 'byor byas la/ rdo rje phra mo'i ting 'dzin gnas/ /zhes bya ba ni rdo rje phra mo'i ting nge 'dzin goms par byas la/ sna yi hUM gi sbyor ba yis//ma rungs thams cad gsad na ni/ /zhes bya ba la sna'i rtse mor rdo rje bsgoms la hUM zhes bya ba dang sbyar te/ gang la chad pas gcod par 'dod pa de la hUM zhes bya ba dang bcas par bsam zhing sbyor ba 'dis gsad pa ni chad pas gcod pa'o/ /'di skad ston te/ rdo rje de 'bab pa na rab tu 'bar zhing mche ba gcig las brgya stong du mar gyur par ci nus par bsam par bya'o//de ltar byas na/ dngos grub mchog ni 'thob par 'gyur/ /zhes gsungs te mchog ni dam pa'o/ /da ni rdo rje phra mo zhes bya ba la sogs pas pad+mo'i rigs kyi chos kyi dngos grub kyi gsang ba'i rgyud ston te/rdo rje phra mo'i tshul gyis ni/ /zhes bya ba ni rdo rje phra mo bsgom pa'i sbyor ba'o/ /'di skad ston te/ lce ni rkan la bcar nas su/ /zhes bya ba la sogs pas sna'i rtse mor rdo rje phra mo bsgoms la rdo rje phra mo'i sbyor ba des bud med kun dang rtse byed na ste bsgom pas mnyes par bya'o/ / 'di skad du ston te/ rdo rje phra mo'i bsgom pa ji lta ba bzhin du bsgom par bya ba la sna'i rtse mor bzhag ste/ spro ba dang bsdu ba'i tshul bya ba ji lta ba de bzhin du phyag rgya thams cad sna'i rtse mor bzhag la spro ba dang bsdu ba'i tshul gyis bsgom par bya'o/ /de ltar na de rtse bar byed cing chags pa dang mnyes par byed par 'gyur ro//mnyes nas cir 'gyur zhe na/ chos kyi dngos grub thob par 'gyur/ /zhes bya ba ste/ chos kyi rigs kyi gsang ba'i dkyil 'khor du gsungs pa'i dngos grub ni chos kyi dngos grub ste de 'thob par 'gyur ba'o/ /phyag rgya de ji ltar bsgom par bya zhe na/rdo rje chos kyi ting 'dzin gyis/ /zhes bya ba'i don to/ /da ni dbang po gnyis ni zhes bya ba la sogs pas nor bu'i rigs kyi dngos grub kyi gsang ba'i rgyud ston te/ dbang po gnyis ni mnyam sbyar la/ /zhes bya ba ni bshad zin to/ /su zhig dang ldan pa'i dbang po gnyis mnyam par sbyor zhe na/bud med dam ni sdug pa dang / /zhes bya ba gsungs te/ bud med ni phyag rgya ste de dang dbang po mnyam par sbyor ba'o/ /sdug pa dang zhes bya ba ni de dag nyid kyi ste rdo rje rin chen la sogs pa'o/ /de bas na de dang lhan cig dbang po gnyis mnyam par sbyor ba'o//des ci zhig byed ce na/ re ba thams cad yongs bskang na/ /zhes bya ba ste/ rin po che la sogs pa'i char gyis slong ba thams cad kyi re ba thams cad des skong bar byed pa'o/ /des ci zhig 'thob ce na/ dngos grub bla med 'thob par 'gyur/ /zhes gsungs pa yin no/ /da ni de bzhin gshegs pa thams cad kyi las kyi dngos grub kyi gsang ba'i rgyud ston te/de bzhin gshegs pa thams cad kyi las ni 'bebs pa'i las so/ /de'i dngos grub ni rdzogs par 'gyur ba'o/ /de nyid ni gsang ba ste gsang ba'i dkyil 'khor du gtogs pa'i phyir te/ de ston pa'i rgyud gsungs pa'o//dbab pa'i mtshan nyid ni ting nge 'dzin lngas rigs thams cad kyi spyi'i las ston to/ /bud med la dbab pa'i sgo nas skyes pa la yang de bzhin du bya ba nyid yin par shes par bya'o/ /de la thog mar rdo rje sems dpa'i zhes bya ba la sogs pas de bzhin gshegs pa'i las kyi dngos grub kyi rgyud ston te/rdo rje sems dpa'i ting nge 'dzin gyis zhes bya ba ni 'di'i las mi 'dra bas na rdo rje sems dpa'i ting nge 'dzin la gnas par bya'i sangs rgyas kyi rnal 'byor gyis ni ma yin no/ /de ltar na de bzhin gshegs pa'i las su ji ltar 'gyur zhe na/ sangs rgyas rjes su dran bsgoms la//zhes bya ba gsungs te/ de bzhin gshegs pa mdun du bsgom pa'i phyir de bzhin gshegs pa'i las su bshad pa yin no/ /bud med gang la bab par 'dod pa de'i lus la yid kyis ji skad gsungs pa'i sgo nas 'jug par bya'o/ /de nas de dbang du 'gyur zhes pa gzhan gyi dbang du bya'o zhes bya ba'i don te/ting nge 'dzin 'dis gzhan gyi dbang du byas pa yin no/ /da ni rdo rje sems dpa'i zhes bya ba la sogs pas de bzhin gshegs pa'i rigs kyi las kyi dngos grub kyi gsang ba'i rgyud ston te/ rdo rje sems dpa'i ting 'dzin gnas/ /zhes bya ba ni rdo rje sems dpa'i ting nge 'dzin gyis so//bu ga nas ni de bzhin zhugs/ /bud med lus su legs khyab byas/ /zhes bya ba ni rgyas par bya ba'i don to/ /legs par zhes bya ba ni yan lag thams cad du yan lag thams cad kyis 'jug par bya'o zhes bya ba'i don to/ /de nas cir 'gyur zhe na/ sems med pa yang mgu bar 'gyur//zhes gsungs te/ mgu ba ni dgyes par bya ba ste/ lha rang dbang du bya ba'o/ /'di ni ting nge 'dzin gnyis pa'i las so/ /da ni ting nge 'dzin gsum pa'i las ston te/ rdo rje hUM mdzad kyi phyag rgya'i sbyor ba byas la rab tu mnyam par gzhag pa'i yid kyis/ khros nas bu gar zhugs na ni/ /zhes bya ba khro bo mngon du byas nas so/ /ji ltar 'jug ce na/ yid kyis zhes bya ba gsungs so/ /de ltar zhugs nas ci zhig bya zhe na/ de nas dbang du bya ba gsungs te/ 'di ni ting nge 'dzin gsum pa la gnas pa yin no/ /da ni pad+mo'i rigs kyi las kyi dngos grub kyi gsang ba'i rgyud ston te/chos kyi las kyi phyag rgya ni/ /bcings nas pad+mo'i ting 'dzin gyis/ /zhes bya ba ni/ chos kyi rigs kyi las kyi phyag rgya gang yin pa'i las kyi phyag rgya de bcings pa'o/ /pad+mo'i ting nge 'dzin gyis zhes bya ba la pad+mo ni bcom ldan 'das 'jig rten dbang phyug gis mi 'jigs pa sbyin pa ste/des bu ga de nas yid kyis zhugs na bud med thams cad srung bar byed pa 'dis bsrung bar 'gyur ro/ /da ni nor bu rin chen zhes bya ba la sogs pas nor bu'i rigs kyi las kyi dngos grub kyi gsang ba'i rgyud ston te/ rdo rje rin chen ting 'dzin gyis//zhes bya ba ni bcom ldan 'das rdo rje rin chen gyi lha'i rnal 'byor du byas pa'o/ /las kyi rdo rje nor bu bcings/ /zhes bya ba ni don thams cad grub pa'i dkyil 'khor du gtogs pa'i gsang ba'i dkyil 'khor du las kyi rdo rje nor bu'i phyag rgya gung mo gnyis rin po cher byas la sor mo lhag ma rnams brkyang ngo zhes par gsungs pa gang yin pa'i las kyi rdo rje nor bu'i phyag rgya de bcings pa'o//bu gar zhugs na bud med rnams/ /zhes bya ba la lus zhes bya ba ni tshig gi lhag ma'o/ /skad cig gis phab gar byed 'gyur/ /zhes bya ba ni sbyor ba 'dis gar byed pa 'ba' zhig tu zad do//'di skad ston te/ de bzhin gshegs pa'i sbyor bas ni snod gzhan gyi dbang du byed do/ /rdo rje sems dpa'i sbyor bas ni gnas su 'bebs so/ /rdo rje hUM mdzad kyi sbyor bas ni dbang du byed do/ /rdo rje chos kyi sbyor bas ni srung bar byed do/ /de ltar rim gyis phab pa dang /skad cig ma de nyid la sbyor ba 'dis gar byed do/ /rdo rje sor mo gang dang gang dag yin pa rnams snod de'i yan lag yin par bsams la sor mo gang dang gang bskyod pa de dang de'i yan lag 'gul bar 'gyur te/ bskums na ni 'khum par 'gyur ro/ /brkyang na ni rkyong bar 'gyur ro/ /phyag rgya rdzogs par bskyod na lus thams cad 'gul bar 'gyur ro//phyag rgya smad na ni dma' bar 'gyur ro/ /bstod na ni 'grol bar 'gyur ba ste/ de lta bu la sogs pa ni gar byed par 'gyur ba'o/ /da ni de bzhin gshegs pa thams cad kyi dkyil 'khor dag pa'i dngos grub kyi gsang ba'i rgyud ston te/de bzhin gshegs pa thams cad du gtogs pa'i dkyil 'khor gang yin pa de'i dag pa gang yin pa dang de'i dngos grub gang yin pa'o/ /de nyid ni gsang ba ste de ston par byed pa'i rgyud ston to/ /de las kyang dang por de bzhin gshegs pa'i 'khor lo dag pa'i dngos grub kyi gsang ba'i rgyud ston te/de bzhin gshegs pa'i 'khor lo dbus kyi dkyil 'khor la sems dpa' rdo rje ma la sogs pa bzhis 'khor du bskor ba ni pha rol tu phyin pa bzhi'i rang bzhin te/ de la sems dpa' rdo rje ma ni ye shes kyi pha rol tu phyin pa'o/ /rin chen sems ma ni sbyin pa'i pha rol tu phyin pa'o//chos kyi rdo rje ma ni shes rab kyi pha rol tu phyin pa'o/ /las kyi rdo rje ma ni brtson 'grus kyi pha rol tu phyin pa'o/ /de ltar na/ chos kyi 'khor lo 'dra bar ni/ /phyi yi dkyil 'khor bri bya zhing / /zhes bya ba yin te/ dbus kyi dkyil 'khor du ni sangs rgyas bcom ldan 'das bkod la phyogs bzhi'i dkyil 'khor du ni sems dpa' rdo rje ma la sogs pa'i phyag rgya bzhi dgod do//de nas de'i rgyab tu chos kyi 'khor lo'i tshul te dkyil 'khor kun nas zlum por bya'o/ /de ltar byas na/ phyag rgya btsun mo rnams kyis bskor/ /der ni sangs rgyas gzhag par bya/ / zhes bya ba yin te/ phyag rgya de nyid ni yongs su rdzogs par bya ba dang / gso bar bya ba dang / bskang bar bya ba yin pas na btsun mo zhes bya'o/ /de ltar nam bya zhe na/ gang gi tshe de bzhin gshegs pa rnams gzhan gyis bsgrubs kyang dngos grub ma thob pa de'i tshe/ gsang ba'i dkyil 'khor 'di bri la//gsang ba der ni zhugs nas kyang / /sangs rgyas la smras de ma thag /ces bya ba'o/ /ci zhig smra zhe na/ 'di ni khyab pa'i btsun mo ste/ /kun slong ba ni bdag stsol cig /ces bya ba'o/ /'di skad ston te/ khyed kyi longs spyod 'di ni bskal pa brgya stong tshad med pa nas yongs su bsags pa'i bsod nams grangs med pa las 'byung ba'i pha rol tu phyin pa rnams phyag rgya'i gzugs su bzhugs pa 'di dag /bcom ldan 'das khyod ni thams cad stsol ba yin la/ bdag kyang sdug bsngal dang ldan pa yin pas bcom ldan 'das bdag la stsal du gsol/bdag ni khyod la skyabs su mchi ba lags la bcom ldan 'das khyod kyi mthus 'byor pa dang ldan par ma gyur pa lta su zhig mchis zhes ni rigs rnams kun phyag rgya'i tshul la yang ni de skad brjod ces bya ba 'dis kyang 'di skad ston te/ rdo rje dbyings kyi dkyil 'khor du gtogs pa'i sangs rgyas kyi dngos grub la gsang ba'i dngos grub kyis 'di ltar bya ba 'ba' zhig tu ma zad kyi/gzhan du na 'jig rten gsum las rnam par rgyal ba la sogs pa thams cad du yang sangs rgyas kyi dngos grub de la 'di ltar bya ba yin no/ /de ltar byas pas cir 'gyur zhe na/sangs rgyas mnyam med 'od mnga' ba'i/ /gsang ba'i dngos grub 'thob par 'gyur/ /zhes bya ba gsungs te/ gsang ba'i dngos grub ni ye shes la sogs pa pha rol tu phyin pa rnams grub pa dang / de'i 'bras bu rnams grub pa'o/ /su zhig gis she na/ sangs rgyas mnyam med 'od mnga' ba'i//zhes bya ba ste/ mtshungs pa med pa'i 'od mnga' bas na mnyam med 'od mnga' ba ste/ zla med pa'i mdangs dang ldan pa zhes bya ba'i don te/ /de skad su zhig gis gsungs she na/ sangs rgyas bcom ldan 'das kyis gsungs so zhes bya ba'i don to/ /da ni de bzhin gshegs pa'i rigs kyi sgo nas ston te/'dir yang gong ma dang 'dra ste/ de bzhin gshegs pa'i rigs zlos pa rnams kyis gal te rnam pa gzhan gyis phyag rgya'i dngos grub thob par ma gyur na/ de'i tshe rdo rje dbyings dang zhes bya ba la sogs pa'i sbyor ba 'di nyams su blang bar bya'o/ / rdo rje dbyings dang 'dra bar ni/ /zhes bya ba ni rdo rje dbyings dang mtshungs par ro/ /dkyil 'khor legs par bri bar bya/ /zhes bya ba ni gsang ba'i dkyil 'khor ro/ /su zhig gi zhe na/ de bzhin gshegs pa'i rigs rnams ni/ /thams cad kyi zhes bya ba ste/ theg pa chen po mngon par rtogs pa'i rtog par rin po che'i rigs kyi khongs su gtogs pa'i de bzhin gshegs pa'i rigs la sogs pa gang yin pa de dag la bya bas na mang po pa'i tshig tu smos pa yin no//sgrub pa'i dus na de dag thams cad du gzhan gyi dngos grub rnyed par ma gyur na dkyil 'khor 'di bri bar bya'o/ /ci'i phyir zhe na/'di ni mchog tshul te zhes bya ba gsungs te/ 'di ni dngos grub kyi thabs dam pa yin no zhes gsungs pa yin no/ /de'i phyir/ dkyil 'khor du ni zhugs nas kyang / /dngos grub 'dod pas myur du ni/ /zhes bya ba gsungs te/ bskul ba'i snying po 'di bzlas te/ /bsgrubs na thams cad 'grub par 'gyur//zhes bya ba'o/ /ci'i phyir zhe na/ de nyid bskul ba'i tshul gyis ni/ /mgu nas myur du 'grub par 'gyur/ /zhes bya bas ston to/ /da ni khams gsum rnam rgyal zhes bya ba la sogs pa rdo rje rigs kyi dkyil 'khor dag pa'i dngos grub kyi gsang rgyud ston te/khams gsum rnam rgyal 'dra bar ni/ /zhes bya ba ni 'jig rten gsum las rnam par rgyal ba'i tshul lo/ /rdo rje kun gyi rigs rnams kyi/ /zhes bya ba ni rdo rje'i rigs ma lus pa rnams kyi'o/ /dkyil 'khor thams cad tshul du yang / /zhes bya ba ni/ gsang ba'i dkyil 'khor lnga pa lnga dang ldan pa zhes bya ba'i don to//mkhas pas legs par bri bar bya/ /zhes bya ba ni shes rab dang ldan pas phyin ci ma log par legs par bri bar bya'o zhes bya ba'i don to/ /der zhugs nas myur du yang zhes pa ni ji skad gsungs pa'i dkyil 'khor du zhugs la myur du smros shig pa ste dang po nyid du gsang ba pa bskul ba brjod par bya'o zhes bya ba'i don to//ci zhig ce na/ dngos grub gsol ba 'debs byed cing / /zhes bya ba ste/ dngos grub 'dod pas zhes bya ba'i don to/ /ji skad du smra zhe na/ 'dod chags las ni khyod byung zhes smra ba ste/ 'di ni de kho na nyid bskul ba'o/ /de yang gang gi phyir khong khro ba ni rjes su chags pa sngon du 'gro ba yin na 'dis rjes su chags pa spangs pas na zhe sdang yang 'byung bar mi 'gyur ba'i phyir ro//smras na zhes bya ba ni ji skad du gsungs pa'i de kho na nyid bskul ba ste/ de kho na nyid bskul bas thams cad 'grub par 'gyur ba'i phyir kun du 'grub par 'gyur zhes gsungs so//de ltar de kho na nyid bskul ba byas nas gsang ba'i dkyil 'khor du yang phyag rgya bzhi'i dkyil 'khor bris la dngos grub gzhan dang gzhan dag bsgrubs na thams cad 'grub par 'gyur ro/ /da ni pad+mo'i rigs zhes bya ba la sogs pas pad+mo'i rigs kyi dkyil 'khor gyi dngos grub kyi gsang ba'i rgyud ston te/pad+mo'i rigs ni thams cad kyi/ /zhes bya ba ni rin po che'i rigs la sogs pa 'gro ba 'dul ba'i khongs su gtogs pa gang yin pa de rnams la pad+mo'i rigs thams cad ces bya ba'i sgrar gsungs so/ /'gro ba 'dul ba'i tshul du ni//zhes bya ba ni 'gro ba 'dul ba lta bur ro/ /mkhas pas dkyil 'khor bri bar bya/ /zhes bya ba la mkhas pa ni blo dang ldan pa'o/ /dkyil 'khor ni de bzhin gshegs pa'i dkyil 'khor dang bcas pa lnga'o/ /der zhugs nas ni brjod bya ba/ /zhes bya ba la der zhes bya ba ni rigs bzhis bsdus pa'i gsang ba'i dkyil 'khor gang yin pa de/der zhugs nas ni brjod bya ba/ /zhes bya ba tshig tu 'di skad ces brjod par bya ba'o/ /tshig de gang zhig yin zhe na/ 'dod chags zhes bya ba la sogs pa ste/ sems can smin pa dang grol ba la chags pa gang yin pa de ni 'dod chags chos so//pad+mo che yang de nyid yin te spyan ras gzigs dbang phyug nyid do/ /nam bskul ba'i tshig de/ de skad smras nas dkyil 'khor ni/ /kun gyis des ni dngos grub po/ /zhes bya ba ste/ dus de nyid kyi tshe rigs thams cad kyi dkyil 'khor du gtogs pa'i spyi'i dngos grub dang phyis phyag rgya bzhi'i dkyil 'khor bris na der gtogs pa'i dngos grub rnams 'grub par 'gyur ro zhes bcom ldan 'das spyan ras gzigs kyi dbang pos gsungs so//da ni nor bu chen po zhes bya ba la sogs pas nor bu'i rigs kyi dkyil 'khor gyi dngos grub kyi gsang ba'i rgyud ston te/nor bu chen po'i rigs rnams ni/ /zhes bya ba ni nor bu'i rigs thams cad kyi dkyil 'khor bsdus par gyur ba'o/ /don kun grub pa'i tshul du yang / /dkyil 'khor legs par bris nas ni/ /zhes bya ba ni don thams cad grub pa'i dkyil 'khor gyi tshul gyis de'i khongs su gtogs pa'i dkyil 'khor rnams bri bar bya'o//zhugs nas 'di skad smra bar bya/ /zhes bya ba ni zhugs nas/ bsams pa kun gyi dngos grub las/ /zhes bya ba la sogs pas bskul ba'i tshig rnams 'di skad du smra bar bya'o/ /bsam pa kun gyi dngos grub las/ /'dod chags bsam pa dngos grub mchog /ces bya ba ni bsam pa'i dngos grub gang ci yang rung ba de thams cad kyi nang na bsam pa'i don grub pa de ni 'dod chags kyi bsam pa dngos grub kyi mchog yin te/ 'dod chags ni yid bzhin gyi rgyal po'i nor bu rin po che'i chags pa ste/ de grub pa ni dngos grub thams cad kyi nang na phul du byung ba yin pas mchog yin no//de bas na/ grub shig grub shig sems dpa' che/ /bcom ldan thams cad grub pa po/ /zhes gsungs pa yin te/ gang gi phyir yid bzhin gyi nor bu rin po che grub na des don thams cad 'grub par 'gyur ba'i phyir ro/ /de skad smras nas dkyil 'khor ni//thams cad du ni zhugs gyur na/ /zhes bya ba ni rab tu byed pa thams cad kyi don gyi mjug sdud pa yin te/ rin po che'i rigs kyi dngos grub kyang don gyi zhar la bsdus pa yin no/ /mchod pa gsang ba bla med pa'i/ /dngos grub chen po 'thob par 'gyur/ /zhes bya ba ni gang gi phyir mchod pa bla na med pa yin pa de'i phyir dngos grub kyi dam pa 'thob par 'gyur ro zhes bya ba'i don to//de phyin chad ni grub bdag nyid/ /bsgrubs na rtag tu 'grub par 'gyur/ /zhes bya ba ni gsang ba'i dkyil 'khor thams cad du gsang ba'i bskul bas mchod pa byas la'o/ /mchod pa 'di gang gi tshe bya zhe na/gang tshe myur du mi 'grub na/ /de'i tshe de nyid bskul na 'grub/ /zhes bcom ldan 'das rdo rje sems dpas gsungs so/ /da ni de bzhin gshegs pa thams cad kyi gsang ba'i dngos grub kyi rgyud ston te/ de bzhin gshegs pa thams cad kyir gtogs pa'i phyag rgya thams cad ni rnam pa bzhi'o//de dag gis gsang ba'i dngos grub ni snyan pa'i tshig brjod pa'o/ /dngos grub kyang tshogs dang rjes su mthun pa ste/ bskul ba'i tha snyad 'dis mngon sum du 'gyur ba'i phyir ro/ /de bas na sba ba'i tshul du gnas pa'i bskul ba gang yin pa des bskul na dgos te gsang zhing sba ba'i mthu ni bsam gyis mi khyab pa yin pa'i phyir ro//'das ma thag pa'i dkyil 'khor du ni dag pa'i dngos grub gsang ba'i rab tu byed pas gsang ba'i dkyil 'khor du zhugs la/ gsang ba'i de kho na nyid kyis bskul bas dkyil 'khor gyi bdag po bcom ldan 'das de bzhin gshegs pa dang 'khor los sgyur ba rnams bskul ba yin la/da ltar ni dkyil 'khor de dag nyid du 'khor ba'i tha snyad dang rjes su mthun pa'i gsang zhing sba ba'i tshul gyis bskul bas phyag rgya rnam pa bzhi skul bar byed pa yin te bye brag ni de yod do/ / de las kyang dang por de bzhin gshegs pa'i zhes bya ba la sogs pas de bzhin gshegs pa'i phyag rgya'i gsang ba'i dngos grub kyi rgyud ston te/ de bzhin gshegs pa'i lha mo che/ /zhes bya ba ni de bzhin gshegs pa ste/ bcom ldan 'das de nyid ni lha thams cad las khyad par du 'phags pa'i phyir na lha chen po yin la/de'i sems dpa' rdo rje ma la sogs pa phyag rgya bzhi po ni ye shes kyi pha rol tu phyin pa la sogs pa'i rang bzhin yin zhing de la ni lha mo chen mo zhes bya ste/ de rnams ni lha chen po de'i phyag rgya yin pas na lha mo che zhes bya'o/ /lha mo chen mo de ji lta bu zhe na/sdug cing zhes bya ba ste sdug pa ni bla na med pa yang dag par rdzogs pa'i byang chub kyi don gyi mtshan nyid kyi don yun ring po nas bsams bsams pa de sbyin par byed pas na sdug pa'o/ /de nyid kyis ni bde ba kun sbyin pa yang yin te/ 'jig rten dang 'jig rten las 'das pa'i bde ba rnams rab tu ster bar byed pa'i phyir ro//'di dag thams cad kyang bden pa yin te yang dag pa dang phyin ci ma log pa yin la/ de'i don skul bar byed pa'i tshig gang yin pa de yang bden pa las byung ba'i tshig yin no/ /de lta bu'i bden pa des bsgrub pa ni bskul ba'o/ /de ci'i phyir zhe na/gal te de ni ma grub na'o/ /'di skad ston te/ de bzhin gshegs pa'i rigs zlos pa'i rnal 'byor pas dkyil 'khor du zhugs te bsgrubs kyang dngos grub rnyed par ma gyur na bsgrub pa'i dkyil 'khor yang bris te/ dkyil 'khor du dag pa'i dngos grub bsgrub pas bdag po la bskul zhing phyag rgya la yang 'di bzhin du bskul ba byas na de'i 'og tu gdod grub par 'gyur ro zhes pa'o//da ni ltag 'og ces bya ba la sogs pas de bzhin gshegs pa'i rigs kyi phyag rgya chen po'i gsang ba'i dngos grub kyi rgyud ston te/ de bzhin gshegs pa'i rigs zlos pa'i rnal 'byor pas rdo rje sems dpa'i phyag rgya chen po bsgrub pas so//sngar dngos grub ma thob na gsang ba'i dkyil 'khor gyi bsgrub pa'i dkyil 'khor yang bris la/ der bcom ldan 'das rdo rje sems dpa' la dag pa'i dngos grub kyis bskul bas yang dag par bskul bar bya'o/ / ji ltar bya zhe na/ ltag 'og go rims ji bzhin du/ /phyag rgya chen po bcings nas ni/ /zhes bya ba ste/ zla rgyas dkyil 'khor la gnas pa/ /phyag rgya chen po yongs su 'dzin/ /zhes bya bas bdag nyid rdo rje sems dpa' yongs su bsgom pa la de kho na nyid kyi gsang ba 'di yang rdo rje tshig gis brjod par bya'o//bdag ni rdo rje sems dpa' nyid/ /khyod nga'i chung ma snying la gnas/ /zhes bya ba ste/ gang gi phyir 'di ni rdo rje sems dpa'i phyag rgya chen po la gnas pa yin la/ de nas 'di bdag nyid rdo rje sems dpa' yin no/ /phyag rgya chen po de yang 'di'i chung ma yin te/gang gi phyir 'di des gang bar bya zhing rdzogs par bya ba dang / yan lag thams cad brtan par bya ba yin pa'i phyir ro/ /snying la gnas zhes bya ba ni bsgoms par gyur pa na don snang bar byas pa'i phyir sems la rnam par gnas pa'o/ /lus kun la ni 'khyud nas kyang / /zhes bya ba ni lha yongs su bzung ba'i gzugs su yongs su 'khyud pa ste/gang gi phyir mi'i lus khu ba dang khrag las byung ba gang yin pa de bor nas/ dngos grub kyi dus su lha'i gzugs su 'gyur dgos pas na de'i phyir lus thams cad la 'khyud pa ste lha'i lus la yongs su gyur pa'o/ /de yang rdo rje sems dpa'i phyag rgya chen po mngon sum kho nar rang gi lha'i rnal 'byor du byed pa'i tshe/dgug pa dang / gzhug pa dang / bcing ba dang / dbang du bya ba byas nas bdag gi lus 'di ma lus par yongs su bzhes la lha'i skur yongs su gyur par mdzad du gsol zhes de la bskul zhing //kye rdo rje snying po nam mkha' la bteg ste rdo rje sems dpa' nyid du mdzad pa la stsol cig ces brjod de/ bdag nyid yang dag spang bar bsam zhing bdag la nga ni rdo rje sems dpa'o zhes nga rgyal yang bskyed par bya'o/ /de nas rdo rje sems dpa'i skur grub par 'gyur te/ de/ ye shes tshe stobs gzugs mchog rnams/ /rdo rje sems dpa' mnyam par 'gyur/ /zhes bya bar 'gyur ro/ /da ni/ rdo rje 'gying ba lha mo che/ /zhes bya ba la sogs pas 'di'i 'bras bu ston to/ /de ni grub shig grub shig ces bya ba la sogs pas rdo rje rigs kyi sgo nas dam tshig gi gsang ba'i dngos grub kyi rgyud ston te/rdo rje hUM mdzad kyi rnal 'byor la gnas nas 'jig rten gsum las rnam par rgyal ba'i phyag rgya snying gar bcings la bsgrub pa'i dkyil 'khor du zhugs te bsgrub pa'i tshe na/ dkyil 'khor du dag pa'i dngos grub kyis bskul bas bcom ldan 'das de la yang dag par bskul bar bya'o//de nas dam tshig gi phyag rgya snying gar gnas pa la grub shig grub shig ces bya ba la sogs pa'i dam tshig gis bskul bar bya'o/ /dam tshig ni dam tshig gi phyag rgya'o/ /da ni dam tshig ces bya ba ni rdo rje hUM mdzad do zhes bya ba'i don to/ / khyod da'i sdug ces bya ba ni 'dod pa'i don sgrub par byed pas na sdug pa ste/ bcom ldan 'das rdo rje hUM mdzad kyis sdug par mdzad na grub par 'gyur ba ji lta ba de bzhin du nga yang khyod la sdug par byed kyis nga yang grub par gyis shig pa'o/ /zhes bskul myur du chags gyur nas/ /rab tu yang ni 'grub par 'gyur//zhes bya ba ni rdo rje sems dpar nges pa dang bdag tu nges pa 'di lta bus grub par 'gyur ba'o/ /da ni rtogs shig ces bya ba la sogs pas pad+mo'i rigs kyi chos kyi phyag rgya'i gsang ba'i dngos grub ston te/ pad+mo'i rigs zlos pa'i rnal 'byor pas bsgrub pa'i dkyil 'khor 'gro ba 'dul ba'i tshul du bris te/der zhugs la bsgrub pa'i dus su bcom ldan 'das spyan ras gzigs kyi dbang phyug la dag pa'i dngos grub kyi gsang bas bskul bar bya'o/ /de nas chos kyi phyag rgya rtogs shig rtogs shig ces bya ba la sogs pas bskul bar bya ste/ gang gi phyir chos kyi phyag rgya ni ye shes kyi pha rol tu phyin pa ste/byang chub kyi sems kyi rang bzhin yin pas na de la rtogs shig rtogs shig ces bya ba 'dis bskul lo/ /nga yi chung ma khyod rab tu sdug ces bya ba ni gang gi phyir rdzogs par bya zhing gang bar bya ba yin la de bsgom par bya ba yin pas na de la shin tu sdug cing yid du 'ong bar bsgrub dgos pa yin pa'i phyir rab tu sdug pa'o//lhag ma rnams ni go sla'o/ /da ni las kun zhes bya ba la sogs pas nor bu'i rigs kyi las kyi phyag rgya'i gsang ba'i dngos grub kyi rgyud ston te/ 'dir yang bsgrub pa'i dus na bsgrub pa'i dkyil 'khor bris te zhugs la bcom ldan 'das rdo rje las kyi phyag rgya chen po bcings nas dkyil 'khor du dag pa'i dngos grub kyi gsang bas bskul te/bsgrub pa'i tshe na las kyi phyag rgya la las kun byed pa'i zhes bya ba la sogs pas yang dag par bskul bar bya'o/ /de la bye brag ni 'di yin te/ 'dir ni las kyi phyag rgya la bskul ba yin la/gang du ni bcom ldan 'das rdo rje las kyi las phal mo cher bshad zin pa nyid yin no/ /phyag rgya'i gsang ba'i dngos grub kyi rgyud de/ /da ni dam tshig gi gsang ba'i dngos grub kyi rgyud ston to/ /de las thog mar de bzhin gshegs pa'i dam tshig gi gsang ba'i dngos grub kyi rgyud bshad de de bzhin gshegs pa mi bskyod pa la sogs pa bzhi'i phyag rgya bzhi ni sems dpa' rdo rje ma la sogs pa ste/ye shes kyi pha rol tu phyin pa la sogs pa yin pas na dam tshig gi phyag rgya rnams ni de bzhin gshegs pa rnams kyi dam tshig go/ / de dag nyid gsang ba ste gang gi tshe bcom ldan 'das rnam par snang mdzad kyis 'dod pa'i khams kyi dbang phyug las rnam par rgyal bar mdzad pas na lha chen po dbang phyug gi gzugs su sprul zhing bzhugs pa de'i tshe na/ bcom ldan 'das kyis btsun mo'i 'khor gyi ngo bo bud med rin po che'i gzugs lta bur sprul cing yang dag par bzhugs so//'dod pa'i khams kyi bdag po de'i nga rgyal du 'dod pa'i khams na nga'i 'dod pa rnams las khyad par du 'phags pa gzhan gang yang med do snyam pa'i nga rgyal de lta bus su la yang 'dud par mi byed cing su'i yang bsgo ba nyan par mi byed do//de bas na de 'dul ba'i phyir bcom ldan 'das lha chen po dbang phyug gi gzugs su sprul par mdzad pa dang / gzhan 'phrul dbang byed kyi lha'i bu rnams gdul bar bya ba'i phyir nang gi btsun mo'i 'khor bstan pa dang / 'dir yang ka pi na gdul ba'i phyir 'khor los sgrub ba chen por sprul par mdzad cing /pha rol tu phyin pa de rnams nang gi btsun mo'i 'khor du sprul pa mdzad pa yin no/ /de nas dbang phyug chen po dang / lha'i bu de dag gi nang gi btsun mo'i tshogs mthong zhing / ka pi nas kyang nang gi btsun mo'i tshogs mthong ba dang rang gi 'dod pa ni shin tu zhan pa zhig go snyam pa'i blo skyes so//de nas nga rgyal dang bral bar gyur pa dang bcom ldan 'das la gus pa'i blo skyes pa yin no/ /de ltar nga rgyal dang bral ba'i sems kyis bcom ldan 'das la bsnyen bkur byas pa dang / bcom ldan 'das kyis kyang chos ston par mdzad de/ chos des lha'i bu rnams kyis ni sa brgyad pa'i dbang phyug thob pa la/ka pi nas ni dgra bcom pa'i 'bras bu thob par gyur to/ /de lta bas na sangs rgyas kyi btsun mo de dag la mu stegs pa rnams kyis ngan sems mi skye bar de dag la phan gdags pa'i phyir ri mo'i phyag rgya'i tshul du bkod pa yin no//de bzhin gshegs pa zlos pas kyang bsgrub pa'i tshe na bsgrub pa'i dkyil 'khor chos kyi 'khor lo lta bur bris la/ dkyil 'khor der ni khyab pa'i btsun mo ste/ kun gtong ba ni bdag stsol cig /ces dag pa'i dngos grub kyi bskul bas bcom ldan 'das la bskul ba dang /de bzhin gshegs pa'i lha mo che/ /sdug cing bde ba kun sbyin pa/ /zhes bya ba la sogs pa phyag rgya gsang ba'i dngos grub kyi rgyud kyis phyag rgya rnams la yang dag par bskul bar bya ba gsang zhing sba ba 'di shes par bya la/ mu stegs rnams la zhes bya ba la sogs pas bdag nyid la nges pa'i shes pa skyes na 'grub par 'gyur ro zhes bcom ldan 'das de bzhin gshegs pa thams cad kyi dam tshig gis gsungs so zhes pa ste rdo rje sems dpas gsungs so zhes bya ba'i don to//da ni sems can kun gyi zhes bya ba la sogs pas de bzhin gshegs pa rigs kyi dam tshig gi gsang ba'i dngos grub kyi rgyud ston te/'dir yang bsgrub pa'i dus su bsgrub pa'i dkyil 'khor bris la der zhugs te/ dkyil 'khor du bcom ldan 'das rdo rje sems dpa' la dag pa'i dngos grub kyis gsang ba'i bskul ba dang / /bcom ldan 'das rdo rje snying po la phyag rgya gsang ba'i dngos grub kyis bskul zhing /de kho na nyid 'di shes par byas nas/ sems can kun gyi yid la khyab/ /ces bya ba la sogs pa 'grub par 'gyur ro/ /sems can kun gyi yid la khyab/ /ces bya ba ni rdo rje sems dpa' yid la khyab pa yin te/ yid ces bya ba'i sgras ni sems can thams cad kyi sems de la de'i ngo bo nyid kyis khyab pa'i phyir/sems can kun gyi yid la khyab/ /ces bya'o/ /sems can kun la bde sbyin zhing / /zhes bya ba ni sems can thams cad kyi 'khor ba'i bde ba dang / chos kyi rgyal po bla na med pa'i ting nge 'dzin gyi bde ba'i bar du sbyin pas na sems can kun la bde sbyin pa'o//sems can kun gyi yab nyid ni/ /zhes bya ba ni bdag gi rang bzhin 'gro ba drug tu skye bar mdzad pa yin pa'i phyir dang / dngos grub kyi dus na bsgoms pa las byung ba rdzus te skye ba'i tshul du bskyod par mdzad pa dang / bla na med pa yang dag par rdzogs pa'i byang chub pa'i tshe na/gnas yongs su gyur pa'i mtshan nyid can sangs rgyas kyi skur bskyed par mdzad pas na/sangs rgyas kun gyi yab nyid do/ /de su zhig yin zhe na/ 'dod pa ste sems yin pa'i don to/ /ji lta bu zhe na mchog ces bya ba'o/ /'di skad ston te/ /dngos grub thams cad sbyin pa ni sems 'di nyid yin te/'di dag thams cad ni 'di dag nyid kyis byas pa yin na/ ci'i phyir rmongs pa bzhin du gzhan dag la dngos grub stsol te gang gi phyir sems 'di nyid mchog yin no zhes pa'o/ /su zhig gi nang na mchog yin no zhe na/ dam tshig mchog gi zhes bya ba gsungs te/dam tshig mchog ni rdo rje hUM mdzad la sogs pa'o/ /de dag gi mchog ni rdo rje sems dpa' la sogs pa ste 'di ni rang gi sems nyid yin no/ /de skad du su zhig gis gsungs she na/ bcom ldan 'das de bzhin gshegs pa thams cad kyis gsungs so zhes bya bar ston to//ci'i phyir de bzhin gshegs pa thams cad kyis gsungs she na/ gang gi phyir/ 'di ni sangs rgyas thams cad kyi/ /gsang ba'i mchog ste rmad che bar/ /zhes bya ba gsungs te/ phun sum tshogs pa thams cad sems las byung ba 'di ni sangs rgyas thams cad kyi gsang ba yin no//ji lta bu zhe na/ mchog ste rmad che bar zhes bya ba ste shin tu dam par gyur pa zhes pa'i don to/ /de ltar sgrub pa po dad pa dang ldan pas shes par bya ba yin pas na/ dad ldan shes nas dad byas na/ /zhes bya'o/ /de ji lta bu zhe na/ bsgrub dka' zhes bya ba ste/ dka' bas bsgrub dgos pa'i phyir na bsgrub dka'o/ /de bas na sgrub pa pos rnam pa 'di lta bu yin par shes na 'grub par 'gyur ro zhes bcom ldan 'das rdo rje 'dzin pas gsungs so zhes pa'o/ /da ni 'dod chags dag phyir zhes bya ba la sogs pas rdo rje rigs kyi dam tshig gi gsang ba'i dngos grub kyi rgyud ston te/'dod chags dag phyir chags bral dang / /zhes bya ba la 'dod chags kyis dag pas na 'dod chags dag pa ste/ sems can smin pa dang grol ba'i 'dod chags snying po thob par byed pa'o/ /phyir zhes bya ba ni 'dod chags dag pa de'i phyir ro//su zhig gi zhe na/ chags bral dang zhes bya ba ste chags pa dang bral ba ni gang gi byang chub tu sems bskyed pa las log par spyod pa'i sems can rnams kyis skyo ste/ sems can gyi don la rgyab kyis phyogs nas bdag nyid grol bar bya'i/ gzhan dag gis bdag la ci zhig bya zhes de lta bur brtson pa la gnas pa de rnams dang / mu stegs lta bar byas dag la/ /zhes bya ba ste/ mu stegs kyi lta bar byas pa ni gang byang chub pa'i skal ba yod du zin kyang mi dge ba'i bshes gnyen dang phrad pas log par lta ba la sogs pa'i lta ba'i tshang tshing du lhung ba ste/sems can 'di lta bu log par lta ba la sogs pa dang / nyan thos dang rang sangs rgyas kyi sa la gnas pa rnams de las bzlog ste theg pa chen po yang dag pa'i lta ba la bzhag pa'i phyir gsod pa'i dam tshig mchog yin te/ 'di ltar shes na 'grub par 'gyur/ / zhes bya ba ste/ gsod pa ni lha chen po bzhin du rgyal bar bya ba ste/ thabs 'dis bzlog par mi nus pa rnams la 'di nyid kyis gsod pa nyid mchog go/ /de kho na nyid kyis gsang ba 'di shes par byas na rdo rje rigs su bsgrub pa'i tshe sngar bshad pa'i tshul gyis 'grub par 'gyur ro zhes bcom ldan 'das rdo rje 'dzin gyis gsungs so//da ni mu stegs can zhes bya ba la sogs pas pad+mo'i rigs kyi dam tshig gi gsang ba'i dngos grub kyi rgyud ston te/ 'byung ba che las thams cad 'byung / /zhes pa la sogs pa la pad+mo'i rigs zlos pa rnams kyis kyang bsgrub pa'i dus su sngar bshad pa'i tshul gyis thams cad rdzogs par byas la de kho na nyid kyi gsang ba 'di rnam par brtag ste dngos grub mngon du phyogs pa'i dus su sbrid pa la sogs pa dang /mchil ma dang / snabs dang / bshang ba dang / gci ba la sogs pa byung na 'di'i tshe gtsang sbra la zhugs pa ni bdud kyi las yin par dngos grub 'dod pas shes par bya zhing 'byung ba chen po las thams cad 'byung ba yin no zhes brtag par bya'o//'di skad ston te/ lus 'di nyid ni 'byung ba chen po'i ngo bo nyid de/ khrag dang khu ba'i rgyu mthun pa las byung ba yin pa'i phyir ro/ /de ltar na ci'i phyir mchil snabs la sogs pa 'di nyid la mi gtsang ba zhes khyad par du gdags su ci zhig yod de/'di dag thams cad mi gtsang nyid/ /mi gtsang min pa yod ma yin/ /lus can rtsod pa'i gnas gyur pa/ /de nyid kyis na sun 'byin mod/ /ces gsungs pa lta bu'o/ / de lta bas na don dam par rnam par brtags na rang bzhin dag pa'i phyir/ rnal 'byor pas khrus la sogs pa'i g.yeng bas dngos grub mngon sum du gyur pa gtang bar mi bya zhing / mchil ma dang / snabs dang / bshang ba dang / gci ba la sogs pa 'byung bar gyur na yang bsgom pa dang bzlas pa gtang bar mi bya'o//de nas cir 'gyur zhe na/ nges par dngos grub 'thob par 'gyur/ /zhes bcom ldan 'das rdo rje spyan gyis gsungs so/ /de ltar na gtsang sbra'i chos kyi tha snyad du bya ba ci'i phyir bya zhe na/ de'i phyir mu stegs can rnam gzhom pa'i phyir ro zhes bya ba gsungs te/nges par 'dod pa gang gi phyir dgos te/ gang gi phyir mu stegs can dag pa la sogs pas de kho na nyid ma mthong bas gtsang sbrar bya ba de tsam gyis grub cing grol bar 'dod pa'i phyir ro/ /de lta bas na yang dag pa'i lta ba las nyams pa de dag rnam par gzhom pa'i phyir ro//da ni bud med ces bya ba la sogs pas nor bu'i rigs kyi dam tshig gi gsang ba'i dngos grub kyi rgyud ston te/ 'dir yang snga ma bzhin du bsgrub pa'i dus su dkyil 'khor bris la zhugs te bsgrub pa'am/ ma zhugs par bsgrub pa'am/ zhugs nas bsgrubs na yang dngos grub ma thob pa'am/dngos grub dam pa 'dod na ji skad du gsungs pa'i dam tshig bsrung ba dang / chos bskyang ba dang / las nyams su blang ba rnams ji skad gsungs pa bzhin du byas la/ dkyil 'khor du dag pa'i dngos grub gsang ba'i bskul bas bcom ldan 'das nam mkha'i snying po yang dag par bskul zhing /phyag rgya'i dngos grub kyi gsang ba'i bskul bas las kyi phyag rgya rnams yang dag par bskul te/ de kho na nyid kyi gsang ba 'di yang rnam par brtag par bya'o/ /las kyi phyag rgya bsgrub par 'dod pas/ /bud med chags phyir rin chen rnams//rtag tu legs par bsag par bya/ /zhes bya ba ste gang chags pa dang ma bral ba dag gis rin po che sog par byed pa gang ci yang rung ba de dag thams cad ni bud med la chags pa'i phyir te/ de bas na bud med ni bla na med pa'i rin po che yin la phyag rgya yang bud med yin te/ des bla na med pa'i rin po che'i dngos grub thob par bya ba'i phyir ngas mtshungs pa med pa'i 'bad pa bya'o zhes rnam par bsams te/mchog tu sdug par byed pa'i bsam pas bsgoms nas 'grub par 'gyur ro zhes bcom ldan 'das kyi bka' bzhin du mdzad pas gsungs te/ bka' bzhin du mdzad pa ni bcom ldan 'das rdo rje las so//da ni de bzhin gshegs pa thams cad kyi mchod pa'i dngos grub kyi gsang ba'i rgyud ston te/ de las kyang dang po bud med rnams kyis zhes bya ba la sogs pas de bzhin gshegs pa thams cad kyi mchod pa gsang ba'i dngos grub kyi rgyud ston te/ de bzhin gshegs pa'i rigs zlos pa rnams kyis bsgrub pa'i dkyil 'khor chos kyi 'khor lo lta bur bris la/ dbus su sangs rgyas kyi sku gzugs bzhag cing phyag rgya bzhi rnams kyang bris la/ smras ma thag pa'i go rims thams cad kyang byas zin pa dang / de nas sangs rgyas kyi sku gzugs gud du phyung ste dbus der 'dug la skyil mo krung bcas te rdo rje sems dpa'i ting nge 'dzin la gnas nas sgeg mo la sogs pa mchod pa bzhi rnams kyang ngos rnams su dgod par bya'o//de ltar byas pa ni bud med kyis yongs su bskor ba yin te/ ji skad du gsungs pa'i phyag rgya rnams ni bud med kyi gzugs can yin pa'i phyir/bud med rnams kyis yongs bskor ba/ /zhes bya'o/ /kun nas rtse ba'i bde ba ni/ /zhes bya ba ni sgeg mo la sogs pa'i mchod pa rnams kyis kun du rtse ba'i bde ba de las byung ba ni kun nas rtses pa'i bde ba ste/ de/ sangs rgyas mchod phyir phul na yang //zhes bya ba/ sangs rgyas rnams la mchod pa'i rgyur/ /zhes bya ba'i don to/ /rdo rje sems dpa'i mchod pa ni sems so sor rtogs pa la sogs pa'i rim gyis sangs rgyas kyi ting nge 'dzin mngon sum du bya ba'i phyir te/ sangs rgyas kyi byang chub rtogs par 'gyur ba yin no//de ltar mchod pas cir 'gyur zhe na/ mchod pa'i dngos grub thob par 'gyur/ /zhes bya ba ste/ mchod pas 'grub pa yin pas na mchod pa'i dngos grub ste/ de 'thob par 'gyur ro zhes sangs rgyas bcom ldan 'das kyis gsungs so/ /da ni rab dga' zhes bya ba la sogs pas de bzhin gshegs pa'i rigs kyi mchod pa'i dngos grub kyi gsang ba'i rgyud ston te/rab dgas ngal te skyo ba na/ /zhes bya ba la rab dga' ni bcom ldan 'das rdo rje sems dpa' ste de bsgoms pas dub pa ni rab dga' ngal ba'o/ /des skyo ba ni rab dga' ngal te skyo ba'o/ / rab dga' las byung bde ba de/ /zhes bya ba ni ma skyo ba'i gnas skabs su rab tu dga' ba bsgom pa las bde ba thob pa gang yin pa de rab dga' las byung zhes bya'o/ /de bsgrub pa'i dus na/ phyag bzhi pos ni mchod pa'i phyir/ /phul na myur du 'grub par 'gyur/ /zhes bcom ldan 'das rdo rje 'dzin pas gsungs so//'di skad ston te/ rdo rje sems dpa'i phyag rgya chen po bsgrub pa'i dus na bya ba'i tshogs thams cad ji lta ba bzhin du nyams su blang zhing bsgrub pa'i tshe na yang bzlas brjod dang sgom pa dang rab tu ldan pa'i rab tu dga' ba la skyo bar ma gyur pa'i tshe bde ba gang zhig skyes pa rnams skyo ba'i gnas skabs su yid kyis phyag bzhi'i mchod pa dbul bar bya ste snga ma bzhin du bde ba mngon sum du byas la rab tu dga' ba'i yid kyis phyag rgya'i mchod pa byas la dbul lo//stan la 'dug pas skyo ba de ltar bsal nas slar bsgom pa dang bzlas brjod bya'o//de ltar na 'dis ni rab tu dga' ba las byung ba'i bde ba de phyag bzhi'i tshul gyis phul ba yin no/ /de ltar rgyun mi 'chad par sgom pa dang bzlas pa dang rab tu ldan par gyur pa de gdon mi za bar grub par 'gyur ro zhes bya bar 'dir dgongs pa yin no/ /da ni hUM gi dam tshig ces bya ba la sogs pas rdo rje rigs kyi mchod pa'i dngos grub gsang ba'i rgyud ston te/hUM gi dam tshig bcings nas kyang / /zhes bya ba la bcom ldan 'das rdo rje hUM mdzad kyi dam tshig ni hUM bzhi'i dam tshig gi phyag rgya'o/ /de bsgrub pa'i dus su bsgrub pa'i dkyil 'khor du snying gar bcings la bya ba'i tshogs ji ltar gsungs pa thams cad rjes su spyad nas/skye bo bud med 'khyud nas kyang / /zhes bya ba ste/ phyag rgya snying gar bcings pa gang yin pa de dam du bcing ba de nyid la 'khyud pa zhes gsungs te de nyid ni yid du 'ong ba'i don sgrub par byed pa nyid kyis na skye bo bud med ces bstan pa yin no//'khyud par gyur pa'i bde ba de/ /zhes bya ba ni dgos pa thams cad byas shing mtshan ma thob pas dngos grub mngon sum du gyur pa mthong ba dang / lus dang ngag dang yid yang zhing zo mdog bde bar gyur pa dang / /phyag rgya bcing pa brtan par gyur pa yang dag par rig pa las bde ba skyes pa gang yin pa de ni 'khyud par gyur pa'i bde ba zhes gsungs te/bde ba de phul na de 'grub par 'gyur ro zhes bcom ldan 'das rdo rje hUM zhes bya bas gsungs so/ /'dir su la dbul ba mi shes pas na 'og nas gsungs pa'i nor bu'i rigs kyi tshul gyis sangs rgyas la mchod pa'i phyir zhes bya bar sbyar ro//de lta bu'i bde ba dang ldan pas sangs rgyas dang byang chub sems dpa' thams cad dang / sems can thams cad kyang ting nge 'dzin dang ldan pa'i sems dang ldan par gyur cing / ji ltar mngon par 'dod pa'i dngos grub kyang thob par gyur cig pa'o//da ni 'jig rten dbang por zhes bya ba la sogs pas pad+mo'i rigs kyi mchod pa'i dngos grub kyi gsang ba'i rgyud ston to/ /'jig rten dbang por bdag bsgoms la/ /zhes bya ba ni snga ma bzhin du dgos pa thams cad byas la/ bsgrub pa'i dus su 'jig rten dbang phyug gi lha'i rnal 'byor du byas nas bdag ni 'jig rten dbang phyug ces bya ba'i nga rgyal gyis bsgoms la/las kyi phyag rgya la yang pad+mo'i 'dab ma 'byed pa'i tshul gyis bltas te/ phyag rgya de nyid ni yid du 'ong ba'i dngos grub sbyin par byed pas na sdug pa zhes gsungs so/ /de'i gdong ni lag pa gnyis kyi gru mo yan chad pad+mo kha 'byed pa'i las la gtogs pa las phyag rgya 'ba' zhig la pad+mo zhes bya ba ste de'i gdong ngo //de grub pa ni gdong du bltas pa las bde ba gang skyes pa de la blta zhing bde ba de sngar bshad pa'i tshul du sangs rgyas la mchod pa'i phyir phul na de 'grub par 'gyur ro zhes bcom ldan 'das pad+mo'i spyan gyis gsungs so//da ni las kyi phyag rgya zhes bya ba la sogs pas nor bu'i rigs kyi mchod pa'i dngos grub kyi gsang ba'i rgyud ston te/ 'dir yang snga ma bzhin du bsgrub pa'i dus su rdo rje snying po'i ting nge 'dzin la gnas te/ las kyi phyag rgya bcings gyur la//rgyan rnams kun gyis brgyan nas kyang / /zhes bya ba bdag nyid kyis ci rnyed thams cad kyis brgyan par byas la bud med 'khyud pa'i zhes bya ba snying gar las kyi rdo rje ma'i phyag rgya bzhag pa de 'khyud pa zhes bya zhing de nyid la bud med ces bya'o/ /longs spyod ni mchod phyir phul na zhes bya ba ni gdugs dang /rgyal mtshan dang / 'phan la sogs pa dang / rgyal po'i mchod pa rnam pa sna tshogs pas sangs rgyas dang byang chub sems dpa' thams cad la mchod cing longs spyod kyi rgyu de lta bus na 'grub par 'gyur ro zhes bcom ldan 'das rdo rje rin po ches gsungs so//'das ma thag pa'i gsang ba'i mchod pa'i dngos grub gsang ba bsgrub pa'i dus su dgos pa yin la gang gzhan gyis mi shes pas mchod pa de ni gsang ba zhes bshad do/ /da ltar gsang ba'i mchod pa zhes bstan pa ni mchod pa gang rang gi tshig gis rgyud las dngos su ma bstan pas na de dang 'di la khyad par ni de yod do//de las kyang dang por sangs rgyas su ni zhes bya ba la sogs pas de bzhin gshegs pa'i gsang ba'i mchod pa'i dngos grub kyi rgyud ston te/ de bzhin gshegs pa zlos pa rnams kyis bsgrub pa'i dus su chos kyi 'khor lo lta bu'i dkyil 'khor bris par zhugs la ji skad du gsungs pa'i rim pa thams cad byas nas dkyil 'khor gyi dbus su 'dug ste rdo rje sems dpa'i ting nge 'dzin du gnas te/sems dpa' rdo rje ma ye shes kyi pha rol tu phyin pa'i ngo bo nyid la sogs pa phyag rgya bzhi'i dkyil 'khor gyis yongs su bskor bar bya'o//sangs rgyas su ni bdag bsgom la/ /zhes bya ba ni rdo rje sems dpa'i ting nge 'dzin la de ltar gnas pa de'i rjes la sangs rgyas su bdag nyid sgom pa zhes bya ba phyag rgya bsgom pa'i yid kyis so/ /ci nas sus kyang mi tshor bar/ /zhes bya ba ni sgra'i tsher ma la sogs pa dang bral ba dben zhing 'du 'dzi med pa'i gnas su sgoms shig pa ste/ting nge 'dzin la rnam par g.yeng ba yongs su spang ba'i phyir ci nas kyang g.yeng bar byed pa sus kyang ma shes par bya'o zhes gsungs pa yin no/ /gzhan gyi bud med rtse byed na/ /zhes bya ba la gzhan ni par zhes bya ba mchog la yang bya ste 'tshang rgya ba 'thob par byed pas na mchog go//de la rtse ba byed pa ni dri ma med pa'i sems dang bsgom pas bsten par bya ba'o/ /mchod pa'i dngos grub 'thob par 'gyur/ /zhes bya ba ni de lta bu yid kyis mchod pa'i dngos grub 'thob par 'gyur ro zhes sangs rgyas bcom ldan 'das kyis gsungs so//da ni rdo rje 'joms zhes bya ba la sogs pas de bzhin gshegs pa'i rigs kyi gsang ba'i mchod pa'i dngos grub kyi rgyud ston te/ 'dod pa'i dga' ba ni byang chub kyi sems kyi dga' ba ste/ de yang lha mo rdo rje sgeg mo 'dud pa'i rang bzhin te 'dud pa des bdag la mchod par bya ba'o//de yang 'dod pa ni bcom ldan 'das byang chub kyi sems so zhes gsungs pa'i phyir ro/ /dbang bskur ba ni phreng ba ma'o/ /glu dang gar gyi phyag rgya 'di rnams kyis bsgrub pa'i tshe mchod pa byas na/ rnal 'byor pa la bde ba gang skyes pa'i bde ba de la phul du byung ba'i bde ba gzhan yod pa ma yin te/de bas na 'di ni gsang ba'i mchod pa bla na med pa yin no/ /lhag ma rnams ni go sla'o/ /da ni 'jig rten gsum las zhes bya ba la sogs pas rdo rje rigs kyi gsang ba'i mchod pa'i dngos grub kyi rgyud ston te/ cho ga ji bzhin tshul du yang //gsang ba'i mchod pas mchod na ni/ /zhes bya ba ni 'jig rten gsum las rnam par rgyal ba'i gsang ba'i dkyil 'khor du gsang ba'i mchod pa rnam pa bcu drug ji skad du bstan pa de la ni/ /cho ga ji bzhin tshul du yang / /zhes bya ste phyag rgya chen po'i snying gar sbyor ba'i rnal 'byor gyi cho ga'i mchod pa rnam pa bcu drug gis gsang ba'i mchod pas mchod cing bsgrub pa'i dus na rnal 'byor pa bsgrub pa'i dkyil 'khor du zhugs la/dkyil 'khor du dag pa'i dngos grub la sogs pa de kho na nyid bskul ba la sogs pa'i cho ga byas nas bdag nyid 'jig rten gsum las rnam par rgyal bar bsgoms na bdag nyid mchod pa'i dngos grub 'thob par 'gyur ro zhes bcom ldan 'das rdo rje gsang bas gsungs so zhes pa ste mchod pas 'grub pa yin pas na mchod pa'i dngos grub ste de thob par bcom ldan 'das kyis gsungs so zhes pa'o//da ni 'gro ba 'dul ba'i zhes bya ba la sogs pas pad+mo'i rigs kyi gsang ba'i mchod pa'i dngos grub kyi rgyud ston te/gsang ba'i tshul ni ji bzhin bar/ /las kyi phyag rgyas rab mchod na/ /zhes bya ba ni 'dir yang de bzhin du bsgrub pa'i dkyil 'khor du zhugs la/ gsang ba'i tshul ni ji bzhin par/ / zhes bya ba 'gro ba 'dul bar gtogs pa'i gsang ba'i dkyil 'khor du gsungs pa'i sbyor bas/ las kyi phyag rgya rab mchod na/ /zhes bya ba sgeg mo la sogs pa las kyi phyag rgya rnams kyis las kyi phyag rgyas mchod pa'o/ /ji lta zhe na/ 'gro ba 'dul ba'i phyag rgyar gnas/ / zhes bya ba ste 'gro ba 'dul ba'i ting nge 'dzin la gnas pa zhes bya ba'i bar du ston par 'gyur ro/ /mchod pa'i dngos grub 'thob par 'gyur/ /zhes bcom ldan 'das 'phags pa kun du spyan ras gzigs kyi dbang pos gsungs so zhes pa ni mchod pas 'grub pa ste 'thob par 'gyur ro zhes bya ba'i don to//da ni don kun grub pa zhes bya ba la sogs pas nor bu'i rigs kyi gsang ba'i mchod pa'i dngos grub kyi rgyud ston te/ 'dir yang bsgrub pa'i dus su bya ba thams cad byas nas/ gsang ba'i tshul ni ji bzhin par/ /zhes bya ba gsang ba'i dkyil 'khor du sgeg mo la sogs pa'i snying po dang /phyag rgya ji lta ba'i gsang ba'i sbyor ba de/ las kyi phyag rgyas rab mchod na/ /zhes bya ba de dag nyid la sgeg mo la sogs pa'i las kyi phyag rgyas mchod pa'o/ /ji lta zhe na/ don kun grub pa'i rnal 'byor gyis/ /zhes bya ste don thams cad grub pa'i ting nge 'dzin gyi tshul gyis zhes bya ba'i don to//de nas cir 'gyur zhe na/ mchod pa'i dngos grub 'thob par 'gyur/ /zhes pa ste mchod pas 'grub pas na mchod pa'i dngos grub ste/ de 'thob par 'gyur ro zhes bcom ldan 'das rdo rje snying pos gsungs so// da ni rigs thams cad brjod pa'i gsang ba'i dngos grub ston te/ 'di yang bsgrub pa'i dus dang las kyi dus dang / dkyil 'khor bri ba'i dus na dgos pa yin te/ gang gi phyir gsang ba'i de kho na nyid 'di shes na thams cad du nges pa'i blos 'jug par 'gyur ba'i phyir ro/ /de las kyang mdor na zhes bya ba la sogs pas de bzhin gshegs pa'i de kho na nyid brjod pa'i dngos grub kyi gsang ba'i rgyud ston te/mdor na ting 'dzin ye shes las/ /sems can rnams la chags tshul gyis/ /sangs rgyas nyid du 'grub 'byung na/ /zhes bya ba la ting nge 'dzin ni sems rtse gcig pa'o/ / de'i ye shes ni 'di dag sems tsam mo zhes phyin ci ma log par shes pa de'i tshe bsod nams dang ye shes kyi tshogs kyi sgo nas sgom pa yongs su sbyangs pa'i dbang gis sangs rgyas kyi sku bsod nams dang ye shes rgyu mthun pa las byung ba skyed par byed pa dang / yul thams cad ye shes kyi gzhir yang de las 'gyur ro//rnam pa de ltar nges pa'i ting nge 'dzin gyi ye shes de las mdor na sangs rgyas nyid du 'grub par 'gyur ro/ /de yang / sems can rnams la chags tshul gyis/ /zhes bya ba ste sems can rnams kyi don sgrub par sbyor bas 'thob kyi gzhan gyis ni ma yin no zhes bcom ldan 'das de bzhin gshegs pas gsungs so zhes pa ste/sgrub pa la yang de bzhin du zhugs na ji skad du gsungs pa'i 'bras bu 'thob par 'gyur ro/ /da ni de bzhin gshegs pa'i rigs kyi de kho na nyid chen po brjod pa'i dngos grub kyi gsang ba'i rgyud ston te/ de bzhin gshegs pa'i rigs kyi de kho na nyid chen po zhes bya ba la de kho na nyid kyang yin la chen po yang yin pas de kho na nyid chen po'o/ /rigs ni skye ba'i rim pa'o/ /de brjod pa ni gang las gang 'byung ba ji lta ba bzhin du ston pa ni brjod pa'o/ /de'i dngos grub yin pas na brjod pa'i dngos grub ste de ston pa'i dngos grub yin pa'i phyir ro//de nyid gzhan gyis mi shes pas na gsang ba'o/ /de ston pa'i gzhung la ni rgyud ces bya ba ste de ston par mdzad pa'o/ /de kho na nyid brjod pa de ji lta bu yin par/ sems can thog ma tha ma med/ /ces bya ba la sogs pas ston te thog ma ni sngon byung ba'o//tha ma ni rgyun chad pa'o/ /thog pa dang tha ma yin pas na thog ma tha ma ste/ gang la thog ma dang tha ma med pa de ni thog ma dang tha ma med pa'o/ /de su zhig yin zhe na/ sems can de bsam pa dang sems/ /zhes bya ba'i don to/ /de yang 'khor ba'i sems la ni thog ma med pas na thog ma med pa yin la bsod nams dang ye shes kyi tshogs kyi rgyu mthun pa'i rang bzhin gyis mi gnas pa'i mya ngan las 'das pa'i sgo nas 'khor bar rgyun mi 'chad pas na tha ma med pa'o//gal te 'di de ltar thog ma dang tha ma med pa yin na de skye ba dang 'jig pa'i gnas skabs su ji ltar bzhag ce na/nam mkha' 'byung ba'i mtshan nyid de/ /zhes bya ba gsungs te/ nam mkha' ni ngo bo nyid med cing dngos po med pa yin du zin kyang / 'jig rten pa'i tha snyad kyis de'i skye ba dang 'jig pa rnam par 'jog ste/ ji skad du shing nam mkha' las phob/khang pa nam mkha' la byos shig ces zer ba lta bu dang / gzhan yang nam mkha' sol la gnas 'dir rab gyis shig /gnas 'dir khyim phub cig ces zer ba lta bu'o/ /de ltar na nam mkha'i skye ba'i mtshan nyid ni glo bur ba'i gzugs snang ba la sogs pa'i dbang gis skyes so zhes zer ba dang /de 'gags pa las tha mar med do zhes zer ba yin te/ de ltar nam mkha' 'byung ba'i mtshan nyid can sems can de nyid ni kun du bzang po ste/ de nyid kun du bzang por snang ba'i phyir ro/ /kun du bzang po 'ba' zhig tu snang bar yang ma zad kyi/kun du bzang po de ni kun bdag nyid/ /ces kyang bya ste sems can thams cad kyi bdag nyid du yang snang ba'i phyir ro/ /'dod pa yang kun du bzang po 'di nyid yin te byang chub kyi sems su snang ba'i phyir ro/ /'dod pa 'ba' zhig tu yang ma zad kyi/'gro ba kun gyi bdag po yang de nyid yin te 'jig rten thams cad kyi bdag po yin pa'i phyir ro/ /de ltar gyur pa de su zhig gi yin zhe na/ sems gang ni zhes bya ba gsungs so/ /de lta bu'i sems de su zhig gi yin zhe na/ de ni 'ga' zhig gi ma yin gyi gzhan du na sems can kun gyi zhes bya ba gsungs so//ci'i sems dpa' zhes bya zhe na/ brtan phyir sems dpa' zhes bya'o/ /zhes bya bas ston to/ /ci gzhan du gyur kyang 'gyur ram zhe na ma yin no/ /'o na ci zhe na/ rdo rje mnyam pas mnyam gzhag na/ /zhes gsungs te rdo rje dang 'dra ba'o//de nyid yang dang yang du bsgoms na/ nges par rdo rje nyid 'gyur te/ /zhes bya ba ste/ rdo rje lta bur 'gyur ro zhes bya ba'i bar du gsungs pa yin no/ /de lta bu'i sems rdo rje lta bur gyur pa de nyid/ sems dpa'i byin rlabs tshul gyis ni/ /rdo rje sems dpa' nyid du 'gyur/ / zhes bya ba ste ji skad du gsungs pa'i rdo rje de nyid rdo rje sems dpa'i gzugs ji skad bshad par lhag par mos shing sems dpar byin gyis rlob pa'i rnal 'byor gyis bsgoms na sems dpar byin gyis rlob pa'i rnal 'byor de slar yang rdo rje sems dpar 'gyur ro/ /yang bsgoms par gyur pa las bcom ldan 'das sems dpa' de nyid de/rdo rje'i 'dod pa de bzhin gshegs/ /zhes bya ba ste/ bcom ldan 'das rdo rje sems dpa' de nyid sangs rgyas kyi gzugs su lhag par mos pas bsgoms na bcom ldan 'das de bzhin gshegs par 'gyur ba'o//rdo rje 'dod pa de bzhin gshegs/ /zhes bya ba la 'dod pa ni gzugs la sogs pa'i yul rnams te/ de nyid rdo rje lta bu'i ting nge 'dzin gyis mngon par byang chub pa'i tshe dang / sangs rgyas kyi zhing yongs su sbyong ba'i tshe bsgoms na gzugs de nyid 'khor ba ji srid pa'i bar du gnas par 'gyur bas na rdo rje'i 'dod pa ste/'di gang la yod pa de la/ rdo rje'i 'dod pa de bzhin gshegs/ /zhes bya'o/ /ji ltar na 'di rdo rje'i 'dod pa de bzhin gshegs par 'gyur ba yin zhe na/ rang sems rab tu rtogs la sogs/ /sangs rgyas byang chub cho ga bzhin//zhes bya ba 'di'i rim gyis so/ /de rdo rje 'dod pa'i de bzhin gshegs pa 'ba' zhig tu 'gyur bar ma zad kyi/ /de nyid bcom ldan de bzhin gshegs/ /thams cad kyi ni rigs su 'gyur/ /zhes bcom ldan 'das thog ma dang tha ma med pa'i sems dpas gsungs so//de bzhin gshegs rigs zhes bya ba la sogs pa la de bzhin gshegs pa'i rigs kyi tshul du bsgoms na de nyid de bzhin gshegs pa'i rigs su 'gyur la yang dgos pa'i dbang gis rdo rje rigs kyi tshul du bsgoms na/ de nyid rdo rje'i rigs su bshad//ces bya ba yin no/ /pad+mo'i rigs kyis 'dul ba'i sems can rnams la de'i tshul du bsgoms na/ de nyid pad+ma'i rigs dag pa/ /zhes bya ba yin no/ /rin po che'i rigs kyis 'dul ba'i sems can rnams la de'i tshul gyis bsgoms par gyur na/ de nyid nor bu'i rigs mchog go//zhes bya ba ste/ de nyid nor bu'i rigs yin no/ /zhes bya ba'i don to/ su zhig gis de skad gsungs she na bcom ldan 'das de bzhin gshegs pa thams cad kyi 'khor los gsungs so zhes bya ba ste/ dkyil 'khor bsgoms pa'i dbang gis 'khor lo zhes gsungs pa yin no//da ni de bzhin gshegs pa thams cad kyi phyag rgya mngon par brjod pa'i dngos grub kyi gsang ba'i rgyud ston te/ de bzhin gshegs pa thams cad kyis rtogs pa'i phyag rgya gang yin pa de dag ni mtshan ma mngon par brjod pa ste phyag rgya ston pa'i rgyu'o//de'i dngos grub dang de nyid kyi gsang ba ste de ston pa'i gzhung yin pas na rgyud do/ /de las kyang dang por/ bcom ldan sems dpa' de nyid ni/ /zhes bya ba la sogs pas de bzhin gshegs pa'i mtshan ma mngon par brjod pa'i dngos grub kyi gsang ba'i rgyud ston te/bcom ldan sems dpa' de nyid ni/ /rdo rje sems dpa' thugs la gnas/ /zhes bya ba la de nyid ces bya ba ni gang sngar de bzhin gshegs pa'i rigs la sogs par yongs su gyur par bstan pa de nyid do/ /rdo rje sems dpa' thugs la gnas/ /zhes bya ba ni thugs kar zla ba'i dkyil 'khor la sogs pa yongs su gyur pa'i tshul gyis tha mi dad pa'i gzugs kyis zhugs pa'o//su zhig gi thugs la zhugs she na/ de bzhin gshegs pa thams cad kyi thugs la gnas te/ gang gi phyir sems so sor rtogs pa la sogs pa'i rim gyis byang chub tu mngon par rdzogs par sangs rgyas par byas nas rdo rje nyi ma'i dkyil 'khor bsams la/rdo rje dbyings kyi dbang phyug ma'i phyag rgyas byin gyis brlab cing rdo rje rin po che'i phyag rgyas dbang bskur te 'dug pa la sogs pa'i mchod pa yang byas nas lag pa gnyis ka'i mdzub mo gnyis mngon du phyogs par byas te/de bzhin gshegs pa'i go bgos la de nas 'dod pa bsgrub par bya ste/ rdo rje dbab pa'i phyag rgya bcings la rdo rje sems dpa' mdun du bsgom zhing / dr-i sh+ya ho b+ha ga wAn zhes brjod la de nas bcom ldan 'das de/dgug pa dang / gzhug pa dang / bcing pa dang / /dbang du bya ba byas nas rdo rje sems dpa' snying gar gzhag par bya ste/ de ltar na rdo rje sems dpa' thugs la gnas par 'gyur ro/ /mnyam par gzhag las ting 'dzin te/ /zhes bya ba ni sangs rgyas kyi gzugs su byas nas gang gi tshe de la dmigs pa'i sems kyis yid la bya ba byed pa de'i tshe rdo rje sems dpa'i ting nge 'dzin la gnas pa yin no//de bas na 'di skad du/ rab mnyam gzhag las ting nge 'dzin/ /zhes gsungs pa yin no/ /sangs rgyas byang chub rab tu bsgrub/ /ces sangs rgyas bcom ldan 'das kyis gsungs so zhes bya ba ni ting nge 'dzin de bsgoms na myur ba nyid du sangs rgyas kyi byang chub rab tu sgrub po zhes gsungs pa yin no//'dis ni rdo rje sems dpa'i phyag rgya mngon par brjod pa bstan pa yin te/ /sangs rgyas bcom ldan 'das kyi thugs la gnas pa ni rdo rje sems dpa'i phyag rgya yin no zhes mngon par brjod pa'i mtshan ma bstan pa yin no//da ni rab tu rtogs phyir zhes bya ba la sogs pas de bzhin gshegs pa'i rigs kyi mtshan ma mngon par brjod pa'i dngos grub kyi gsang ba'i rgyud ston te/ rdo rje zhes bya ba ni mtshan ma ste rdo rje sems dpa'i phyag mtshan no//ci'i phyir zhe na/ de'i phyir rab tu rtogs phyir zhes bya ba gsungs so/ /'di skad ston te/ thams cad kyi don rab tu rtogs pa'i phyir ro/ /lcags kyu zhes bya ba ni mtshan ma'o/ /ci'i phyir zhe na/ gzung ba'i tshul gyis zhes bya ba ste gang gi yan lag nas gzung ba de 'dren par byed pa'i phyir ro//phra mo rtogs phyir mda' yin la/ /zhes bya ba la mda' zhes bya ba ni mtshan ma ste/ ci'i phyir zhe na/ phra mo rtogs phyir zhes bya ba gsungs so/ /'di skad ston te/ phra mo ni sems te de nyid rtogs shing de mgu bar yang byed do zhes bya ba'i don to//de ltar na shin tu phra mo 'bigs shing rtogs pa'i phyir na phra mo rtogs pa ste/ de'i ngo bo nyid yin pas na phra mo rtogs pa nyid de de'i phyir mda' zhes bya'o/ /don du na 'di skad ston te/ rma 'byin par byed pas na mda' zhes bya'o//mgu bar byed phyir legs zhes bya/ /zhes bya ba la legs zhes bya ba ni mtshan ma'o/ /ci'i phyir legs zhes bya bar 'gyur zhe na/ de'i phyir mgu bar gyur phyir zhes bya ba gsungs te/ yongs su mgu ba las legs so zhes bya ba sbyin par byed do zhes bya ba'i don to//spras pa'i phyir ni rin chen gsungs/ /zhes bya ba ni rin po che'i phyag rgya'o/ /ci'i phyir rin po che zhes bya zhe na de'i phyir spras pa'i phyir zhes bya ba gsungs so/ /'di skad ston to/ /bdag por 'jog pa'i don gyis ni rin po che zhes bshad de/ gang gi phyir de bzhin gshegs pa yang des dbang bskur na khams gsum gyi chos kyi rgyal po mdzad par 'gyur ba la yang 'jog pa'i phyir ro//gzi brjid tshul gyis nyi ma zhes bya ba la nyi ma zhes bya ba ni bcom ldan 'das 'od kyi phyag rgya'o/ /ci'i phyir zhe na/ de'i phyir gzi brjid tshul gyis zhes gsungs pa yin no//'di skad ston te/ nyi ma'i dkyil 'khor shar zhing mngon par 'phags nas 'od zer bkye bas mun pa bsal te/ dngos po thams cad snang bar byed pa de bzhin du bcom ldan 'das kyi ye shes kyi nyi ma'i dkyil 'khor las ye shes kyi 'od zer bkye bas sems can rnams kyi ma rig pa'i mun pa thams cad bsal nas de kho na nyid ji ltar gnas pa rnams ston par mdzad pa yin no//rgyal mtshan legs par bsgreng bar gsungs/ /zhes bya ba la rgyal mtshan zhes bya ba ni mtshan ma'o/ /ci'i phyir zhe na/ de'i phyir legs par bsgreng ba zhes gsungs te/ 'di ni byang chub sems dpa' rnams kyi sbyin pa'i pha rol tu phyin pa'i mtshan ma yid bzhin gyi nor bu rin po che'i rgyal mtshan gyi gzugs su bsgreng ba yin pas na de la rgyal mtshan zhes mngon par brjod pa yin no/ /'dzum pa bzhad par grags pa yin//zhes bya ba la 'dzum pa zhes bya ba ni mtshan ma'o/ /ci'i phyir zhe na/ de'i phyir bzhad par grags pa yin zhes bya ba gsungs te/ gang gi phyir cung zad dgod pa ni 'dzum pa'o zhes skad kyi dbyings kyi don yin pa'i phyir ro/ /'dod chags dag phyir pad+mo yin//zhes bya ba la pad+ma'i mtshan ma'o/ /ci'i phyir zhe na/ de'i phyir 'dod chags dag phyir zhes bya ba gsungs te/ zhen pas na chags pa ste de'i dag pa ni nyon mongs pa ma yin pa ste/ sems can smin pa dang grol ba'i 'dod chags so/ /'dod chags kyi ngo bo nyid yin pas na 'dod chags nyid de/'dod chags dag pa de'i phyir pad+mo zhes gsungs pa yin no/ /ral gri nyon mongs dgra gcod phyir/ /zhes bya ba la ral gri ni mtshan ma'o/ /sems kyi rgyud sdig pa mi dge ba'i chos rnams kyis nyon mongs shing dri ma can du byed pas na nyon mongs pa ste/'dod chags la sogs pa'o/ /de nyid ni gnod par byed pas na dgra'o/ /de gcod pa ni phyin ci ma log pa'i ye shes skyes pas slar yang shin tu mi skye bar byed pa ste de ltar nyon mongs pa'i dgra rnams gcod pa'i phyir ral gri'o/ /dkyil 'khor tshul gyis 'khor lo ste//zhes bya ba la 'khor lo ni mtshan ma'o/ /ci'i phyir zhe na/ de'i phyir 'khor lo'i tshul gyis zhes bya ba gsungs so/ /'di skad ston te/ dkyil 'khor sprul pa'i rgyu yin pa'i phyir mtshan ma de la 'khor lo zhes bya'o/ /tshig gi don brjod pas smra zhes bya ba la smra zhes bya ba ni mtshan ma ste lce'i mtshan nyid do//ci'i phyir zhe na/ de'i phyir tshig tu brjod pas zhes bya ba gsungs te/ tshig skyed par byed pa zhes bya ba'i don to/ /sna tshogs phyir ni kun rdo rje/ /zhes bya ba la kun rdo rje zhes bya ba ni mtshan ma'o/ /ci'i phyir zhe na/ de'i phyir sna tshogs phyir ni zhes bya ba gsungs so//'di skad ston te/ thams cad du khyab pa'i phyir sna tshogs pa'o zhes ston pa yin no/ /mi tshugs tshul gyis go cha yin/ /zhes bya ba la go cha ni mtshan ma'o/ /ci'i phyir zhe na/ de'i phyir mi tshugs tshul gyis zhes bya ba gsungs te/gang gis skabs kyang gzhig par mi nus pa'i phyir 'di'i yon tan mi tshugs pa zhes bya ste de dang ldan pas na go cha'o/ /'jigs byed tshul gyis mche ba ste/ /zhes bya ba la mche ba ni mtshan ma mngon par brjod pa'o/ /ci'i phyir zhe na/ de'i phyir 'jigs byed tshul gyis zhes bya ba gsungs te/'jigs pa yang dag par bskyed pa'i don gyis na mche ba'o zhes bya ba'i bar du ston pa yin no/ /phyag rgya'i tshul gyis bsdams pa'o/ /zhes bya ba la bsdams pa ni mtshan ma mngon par brjod pa'o/ /ci'i phyir zhe na/ phyag rgya'i tshul gyis zhes bya ba gsungs so//'di skad ston te/ phyag rgya thams cad kyi sbyor ba'i dus su sku dang gsung dang thugs rdo rje gcig tu byas pas sbyor ba ni rdo rje khu tshur gyi don yin pa'i phyir ro/ /de ltar phyag rgya rnams sbyar na mngon par 'dod pa'i don grub pa ster bar 'gyur ro/ /da ni rdo rje phyag rgya thams cad du 'gro ba'i dpe'i sgo nas ston te/ji ltar bcom ldan 'das rtag pa/ /rdo rje sems dpa' kun 'gro ba/ /zhes bya ba ni 'di skad ston te/ ji ltar rdo rje sems dpa' nyid sems dpa' lhag ma rnams kyi gzugs su yongs su gyur pa de bzhin du rdo rje yang mtshan ma la sogs par 'gyur ba yin no//'dis ni 'di skad ston te/ rdo rje yang lcags kyu la sogs pa mtshan ma lhag ma rnams kyi gzugs su yongs su 'gyur ba yin no/ /de ltar shes nas/ bsgoms na myur du 'grub par 'gyur/ /zhes bcom ldan 'das de bzhin gshegs pa thams cad kyi mtshan mas gsungs so//lhag ma rnams ni mjug sdud pa'o/ /da ni de bzhin gshegs pa thams cad kyi phyag rgya bcing ba skye ba'i dngos grub kyi gsang ba'i rgyud ston te/ de bzhin gshegs pa thams cad kyi phyag rgya bcing ba skyed pa'i dngos grub yin pas na de bzhin gshegs pa thams cad kyi phyag rgya bcing ba skye ba'i dngos grub bo//de nyid gzhan gyis mi shes pas na gsang ba'o/ /de ston pa'i gzhung ni rgyud de de gsungs so/ /de las kyang rdo rje sems dpa' zhes bya ba la sogs pas de bzhin gshegs pa'i phyag rgya bcing ba skye bar 'gyur ba'i dngos grub kyi gsang ba'i rgyud ston te/'di yang bsgrub pa'i dus na dgos pa yin la de yang de bzhin gshegs pa zlos pa'i bsgrub pa'i dkyil 'khor du 'jug pa la sogs pa'i cho ga byas la dbus su 'dug par bya ste/ji ltar zhe na/ rdo rje skyil mo krung bcas la/ /zhes pa ste rdo rje skyil mo krung ni rkang pa g.yon pa bkug la rkang pa g.yas pa brla'i steng du dang po gzhag par bya/ de nas g.yas pa bkug la g.yon pa'i brla'i steng du bkan te bzhag pa 'di ni rdo rje skyil mo krung ngo //ci bya ba de tsam 'ba' zhig tu zad dam zhe na/ smras pa ma yin no/ /'o na ci zhig ce na/ lag gnyis rdo rje bsdams pa las/ /zhes bya ba ste skyil mo krung gi steng du bsnol la bkan te gzhag par bya'o/ /rdo rje sems dpa'i ting 'dzin gnas/ /zhes bya ba ni sems rtogs pa la sogs pa'i rim gyis sngon du bya ba thams cad byas nas gnas na myur du sangs rgyas nyid 'thob par 'gyur ro zhes sangs rgyas bcom ldan 'das kyis gsungs so//da ni ji ltar rgyal po zhes bya ba la sogs pas de bzhin gshegs pa'i rigs kyi phyag rgya bcing ba skye bar gyur pa'i dngos grub kyi gsang ba'i rgyud ston te/'das ma thag pa'i phyag rgya bcing ba bskyed pas ni dngos grub nyid ston pa yin la/ da ni phyag rgya bcing ba bskyed pa kho nas sems dpa' chen pos yongs su gzung ba'i dngos grub ston te/ ji ltar rgyal po nyid phyag rgyas//rgyal po'i khrims la 'das pa ltar/ /zhes bya ba ni rgyal po'i khrims kyi gzhung lugs kyi dpes bstan pa yin te/ /rgyal po ni bsod nams che zhing bdag nyid che ba yin pas de rnams kyi rang gi phyag rgya ni rang gi rigs rgyud kyi rim pa las byung ba ste glang po che dang khyu mchog la sogs pa'i gzugs brnyan bris pa'o//de rnams kyis rgyas 'debs shing mtshan mar byed la gzugs brnyan du byed pa'o/ /de gang yin zhe na/ rgyal po'i khrims la zhes bya ba ste rgyal po'i khrims yin pas na rgyal po'i khrims te/ rgyal po'i bka'o zhes bya ba'i don to//de yang dar la sogs pa la bris nas rgyal po la sogs pa'i rgyas btab na rang gi rgyal khams su gtogs pa'i 'bangs thams cad kyis 'da' bar mi byed cing spyi bos len par 'gyur ro/ /bdag nyid chen pos skye bo rnams/ /sku gsung thugs ni rdo rje yis//gzugs brnyan gyi ni tshul du yang / /nyid kyi phyag rgyas btab pa ni/ /zhes bya ba 'di ni dpes bstan pa'i don te/ bdag nyid chen po ni sangs rgyas dang byang chub sems dpa' rnams kyis so/ /de rnams nyid kyi phyag rgya ni sku dang gsung dang thugs kyi spyod pa yin la phyag rgya des skye bo rnams la de bzhin du rgyas 'debs pa yin te/gang sngags kyi spyod pa la zhugs pa'i sems can rnams ji skad gsungs pa'i cho ga bzhin du bsgrub pa la sogs pa la bdag nyid chen po de rnams kyi sku dang gsung dang thugs kyi spyod pa bzhin du byed pa rnams la sku dang gsung dang thugs kyi rdo rje gzugs brnyan gyi tshul du sbyor ba yin no zhes bya ba'i bar du ston par 'gyur ro//bdag nyid che ba'i phyag rgya cher/ /zhes bya ba ni bdag nyid chen po rnams kyi phyag rgya chen po bdag gis shes na 'grub par 'gyur ro zhes bcom ldan 'das phyag rgya chen pos gsungs so zhes pa ste rdo rje sems dpa' zhes bya ba'i don to//da ni ji ltar zhes bya ba la sogs pas rdo rje rigs kyi phyag rgya bcing ba skye bar 'gyur ba'i dngos grub kyi gsang ba'i rgyud ston te/ ji ltar dam tshig dam po ni/ /zhes bya ba la dam tshig ni mna' la bya'o//dam po ni 'dod pa'i lha dang slob dpon la dmod btsugs pa'o/ /skye bo 'ga' ni bcings gyur na/ /shin tu 'da' bar mi bya ba/ /zhes bya ba ni dam tshig dam po des ma bsdams kyang bcings par gyur ba yin no/ /ci'i phyir zhe na/ 'da' bar bya ba ma yin pa'i phyir ro/ /de ltar de bzhin gshegs kun gyis/ /dam tshig phyag rgya bcings pa yis/ /rdo rje bcing ba'i mchog bcings na/ /zhes bya ba ni 'di skad ston te/ ji ltar skye bo tha tshig dam por bcas na tha tshig dam po gang gi don du bcas pa'i don de gdon mi za bar byed do//de bzhin du de bzhin gshegs pa thams cad kyang sngags la sogs pa 'grub par bya ba'i phyir sngags kyis bcings na de las 'da' bar mi mdzad cing grub par mdzad do/ /ci zhig gis bcings she na/ dam tshig phyag rgya bcings pa yis/ /rdo rje bcing ba'i mchog bcings na//zhes bya ba ste/ rdo rje sems dpa'i mchog ni phyag rgya yin pas na rdo rje sems dpa' mchog ni phyag rgya ste sems dpa' rdo rje ma zhes bya ba'i don to/ /'di nyid dam tshig yin pas na rdo rje sems dpa' mchog gi dam tshig gi phyag rgya'o/ /rdo rje sems dpa' mchog gi dam tshig gi phyag rgya bcings nas de nas gdod phyag rgya thams cad bcing bar bya ste/des rang gi dam tshig la gzhag pa yin no zhes bya ba'i don to/ /des cir 'gyur zhe na/ ma shi bar du mi 'da' bar/ /zhes bya ba ste/ gang gi phyir bcings pa de'i gdon mi za bar mdzad cing ma mdzad par mi gtong la gshegs su gsol bar mi bzhud pa la sogs pa'o//shes nas dngos grub 'thob par 'gyur/ /zhes bya ba sngags pas de ltar shes nas 'grub par 'gyur ro zhes bcom ldan 'das rdo rje dam tshig gis gsungs so zhes pa'o/ /da ni mdor na zhes bya ba la sogs pas pad+mo'i rigs kyi phyag rgya bcing ba skye bar 'gyur ba'i dngos grub kyi gsang ba'i rgyud ston te/mdor na rgyal bas rdo rje'i ngag /'da' bar bya ba ma yin te/ /zhes bya ba la 'da' bar bya ba ma yin pa ni rgal bar mi byed pa'o/ /gang las she na/ rdo rje'i ngag ces bya ba ste bcing zhing snying po brjod pa'i rang bzhin ni rdo rje'i ngag go//bcing ba ni bdag gis bcings so zhes bsam zhing lhag par mos pa'o/ /rnam pa gang gis zhe na/ yang ye shes bya ba ste rnam pa thams cad du'o/ /su zhig 'da' bar mi mdzad ce na/ rgyal bas zhes bya ba ste sangs rgyas bcom ldan 'das kyis so//'di ni bcings par shes nas kyang / /zhes bya ba ni bcings so bar shes pa ni bcing ba yin gyi lcags sgrog la sogs pa ni ma yin no/ /de ltar shes na/ des ni chos kyi dngos grub 'gyur/ /zhes bya ba ste/ 'dis chos kyi rigs rab tu 'grub par 'gyur ro zhes bcom ldan 'das rdo rje chos kyis gsungs so zhes pa'o//da ni rdo rje bka' dang zhes bya ba la sogs pas rdo rje las kyi rigs kyi phyag rgya bcing ba skye bar 'gyur ba'i dngos grub kyi gsang ba'i rgyud ston te/ las kyi rigs smos pa ni nor bu'i rigs dang tha mi dad par rgyud phyi ma ston to zhes bya ba'i don to//phyag rgya bcing ba skye bar 'gyur ba ni phyag rgya bcing ba skyed par 'gyur ba ste phyag rgya bcing ba skye bar 'gyur ba des 'grub pas na phyag rgya bcing ba skye bar 'gyur ba'i dngos grub bo/ /de'i cho ga rgyas pa ni rnam par rgyas pa'o/ / de nyid ni gzhan gyis mi shes pas na gsang ba'o/ /de ston pa'i gzhung ni rgyud do/ /'da' bar bya ba ma yin zhing / /zhes bya ba ni mi 'da' ba nyid du nges par bya zhing nyams su blang bar bya'o/ /de gang yin zhe na/ rdo rje bka' dang zhes bya ba ste/ rdo rje ni sangs rgyas bcom ldan 'das dang de bzhin du sems dpa' bcu drug po rnams so//de dag gi bka' yin pas na rdo rje bka' ste snying po'i rang bzhin 'di mdzod cig ces bskul ba'o/ /las mang rnams zhes bya ba ni gang bsgrub par bya ba ste phyag rgya'i byang chub kyi sems yang dag par sbyang ba dang / 'gugs pa dang / /mnyes par byed pa dang / mgu bar byed pa la sogs pa'o/ /bka' dang ldan pa'i las de ni/ /zhes bya ba ni gang la thogs pa med pa'i bka' yod pa de ni bka' dang ldan pa ste nga rgyal dang ldan pa zhes bya ba'i don to/ /'di skad ston te/ rdo rje sems dpa' la sogs pa'i nga rgyal dang ldan na de 'grub par 'gyur gyi/gzhan du ni ma yin no/ /de ltar shes na myur du 'grub par 'gyur/ /zhes bcom ldan 'das rdo rje sems dpas gsungs so/ /de bzhin gshegs pa'i rab tu byed pas ni ji ltar phyag rgya 'grub par 'gyur ba de ltar bstan pa yin no//de bzhin gshegs pa'i rigs kyang ji ltar phyag rgyas rgyas 'debs par 'gyur ba de ltar bstan pa yin no/ /rdo rje rigs kyang bdag nyid chen po'i phyag rgya yongs su bzung ste ji lta ba bzhin du rgyas btab na skye bo rnams mi 'da' bar byed pa dang 'dra bar de ltar bstan pa yin no//ji skad gsungs pa'i pad+ma'i rigs la yang rgyas 'debs pa'i snying po las 'da' bar mi bya bar de ltar bstan pa yin no/ /las kyi rigs la yang bdag nyid chen po'i phyag rgya'i rgyas btab pa gang yin pa de nga rgyal dang ldan pa'i phyir de'i bka' sems can thams cad kyis kyang 'da' bar mi byed pa dang /de'i las kyang ma lus par 'grub par 'gyur ro zhes gsungs pa yin te/ rab tu byed pa 'di dag gi don ni 'dir zad do/ /lhag ma rnams ni rab tu byed pa'i mjug sdud pa yin no/ /de nas zhes bya ba la sogs pas ni mjug bsdu ba'i dbang du mdzad nas gsungs pa yin te/de nas bcom ldan 'das zhes bya ba la sogs pa la snga ma ni bcom ldan 'das la bcom ldan 'das phyag na rdo rje bdag gis smras pa 'di bcom ldan 'das kyi sbyin gyis brlab par mdzod cig ces gsol ba btab pa yin la/da ni bcom ldan 'das phyag na rdo rje tshig bsgyur te gsang ba'i dbang du byas nas cung zad cig gsungs pa'i don la 'gal ba med du zin kyang / don mi shes pa'i sems can rnams ma dad par 'gyur ro zhes dgongs te bcom ldan 'das phyag na rdo rje bdag nyid kyis byin gyis brlab po snyam nas gsol ba ma btab pa yin no//bcom ldan 'das kyis kyang don la 'gal ba med pa dang phyag na rdo rje'i bsam pa yang mkhyen nas theg pa chen po'i don rtogs pa'i sems can rnams kyi don chen por yang 'gyur bar dgongs nas byang chub sems dpa' chen po phyag na rdo rje la 'di skad ces smras te/gsang ba'i rgyud 'di yang ngas yongs su bzung zhing sangs rgyas kyi bkar gzhag cing byin gyis brlabs so zhes gsungs te/ byin gyis brlabs pa ni yun ring du gnas par bya ba'o/ /lhag ma rnams ni go sla'o//de kho na nyid bsdus pa'i rgya cher bshad pa ko sa la'i rgyan las rgyud phyi ma'i gsang ba'i dkyil 'khor gyi dbang du byas pa'i 'grel pa'o// //da ni brtag pa bzhi char du gtogs pa'i chos kyi dkyil 'khor gyi dngos grub dam pa'i rgyud ston to/ /de las kyang dang por sangs rgyas rjes su dran zhes bya ba la sogs pas de bzhin gshegs pa'i chos dam pa'i dngos grub kyi rgyud ston te/sangs rgyas chos kyi ting 'dzin ni/ /zhes bya ba la sangs rgyas chos ni stobs bcu dang / mi 'jigs pa dang / snying rje chen po la sogs pa'o/ /de la dmigs pa ni ting nge 'dzin te bsgom zhing goms par bya ba'o//ji ltar zhe na/ rab mnyam gzhag pas zhes bya ba ste shin tu mnyam par gzhag pa'o/ /gang gi sbyor bas she na/ sangs rgyas rjes su dran tshul gyis/ /zhes bya ba gsungs so/ /'di skad ston te sems so sor rtogs pa la sogs pa'i rim gyis bdag nyid sangs rgyas kyi gzugs su bskyed la de rjes su dran pa ste/sangs rgyas rjes su dran pa'i sbyor ba de la gnas nas thugs rje chen po la sogs pa ji skad du bshad pa'i sangs rgyas kyi chos rnams yongs su bsgoms na bla na med pa'i dngos grub 'thob par 'gyur zhes bcom ldan 'das de bzhin gshegs pas gsungs so zhes bya ba ste/bla med dngos grub ni sangs rgyas nyid do/ /da ni chags pa zhes bya ba la sogs pas de bzhin gshegs pa'i rigs kyi chos dam pa'i dngos grub kyi rgyud ston te/sems dpa' kun gyi ting 'dzin gnas/ /zhes bya ba la sems dpa' kun ni byang chub sems dpa' chen po bcu drug go/ /de rnams kyi ting nge 'dzin yin pas na sems dpa' kun gyi ting nge 'dzin te/ de la gnas pas na/ sems dpa' kun gyi ting 'dzin gnas//zhes bya'o/ /rab mnyam gzhag pas bsgoms na ni/ /zhes bya ba ni shin tu mnyam par gzhag pas goms par byed pa'o/ /de'i 'og tu/ chags pa rjes su dran tshul gyis/ /dngos grub dam pa 'thob par 'gyur/ /zhes bya ba ste chags pa ni bcom ldan 'das pad+mo'i 'dod chags te 'jig rten dbang phyug go//de'i rjes su dran pa de nyid rnal 'byor yin pas na/ chags pa rjes su dran tshul gyis/ /zhes bya ba ste sbyor ba des bsgrub pa'i dus su gnas na dngos grub dam pa 'thob par 'gyur ro/ /'di skad stan te/de bzhin gshegs pa'i rigs la sems dpa' thams cad kyi ting nge 'dzin la dang po goms par byas nas de'i 'og tu bsgrub pa'i dus su 'jig rten dbang phyug gi ting nge 'dzin la gnas na dngos grub dam pa ci 'dod pa bzhin du 'thob par 'gyur ro/ /de skad su zhig gis gsungs she na bcom ldan 'das de bzhin gshegs pa thams cad kyi ting nge 'dzin gyis gsungs so zhes bya ba ste/bcom ldan 'das rdo rje sems dpa' zhes bya ba'i don to/ /da ni khams gsum rnam rgyal zhes bya ba la sogs pas rdo rje rigs kyi chos dam pa'i dngos grub kyi rgyud ston te/khams gsum rnam rgyal cha lugs su/ /zhes bya ba ni rdo rje hUM mdzad lta bur ro/ /bsgoms nas mdun du'ang de bzhin te/ /zhes bya ba la bsgoms nas zhes bya ba ni goms par byas nas so/ /mdun du zhes bya ba ni sngun du'o/ /de bzhin te zhes bya ba ni ji ltar bdag nyid rdo rje hUM mdzad kyi ting nge 'dzin la gnas pa lta bu ste 'dis ni sbyor ba gnyis pa ston to//de lta bu'i rnal 'byor gnyis la gnas na/ phyag na rdo rje'i mthur gyur nas/ /zhes bya ba ste/ phyag na rdo rje ni nga'o zhes nga rgyal bskyed la dngos po de dag thams cad ni rnam par rtog pas sprul pa yin no zhes nges par byas nas sems kyi dbang gis bzhag na ni 'dug /btang na ni 'gro/ yongs su bsgyur na ni yongs su 'gyur/ bshig na ni 'jig /bskyed na ni skye'o zhes de ltar shes par byas na ri rab kyang sor mo gcig gis bsgyel ba dang / slong ba dang / yul gzhan du 'phang ba dang / sa yang g.yo bar byed pa dang / rgya mtsho yang skems pa la sogs pa de lta bu'i phyag na rdo rje'i mthur gyur nas khams gsum las rnam par rgyal bar 'gyur ro zhes bcom ldan 'das rdo rje sems dpas gsungs so zhes bya ba ste/ bcom ldan 'das rdo rje hUM mdzad kyi dngos grub 'thob par 'gyur ro zhes bya ba'i bar du ston pa yin no//da ni 'gro ba 'dul ba'i zhes bya ba la sogs pas pad+mo'i rigs kyi chos kyi dam pa'i dngos grub kyi rgyud ston te/ 'gro ba 'dul ba'i chos su ni/ /zhes bya ba la 'gro ba 'dul ba ni bcom ldan 'das 'jig rten dbang phyug go /de'i tshe ni gzugs thams cad yang dag par ston pa'i ting nge 'dzin yin pas na 'gro ba 'dul ba'i chos su ni'o/ /de bsgom pa ni de goms par bya'o/ /mdun du ni zhes bya ba ni sngun du'o/ /de bzhin te zhes bya ba ni bdag nyid ting nge 'dzin la ji ltar gnas pa de bzhin du mdun du yang de dang 'dra bar bsgom pa'o//rnam pa kun gyi mchog ldan par/ /zhes bya ba ni rnam pa thams cad yongs su rdzogs pa'o/ /de gang yin zhe na/ 'dul bar zhes bya ba ste sems can yongs su smin pa'o/ /de ni rab byed do zhes bya ba ni ting nge 'dzin gnyis pa la gnas pa'i rnal 'byor pa de mchog tu byed par 'gyur ba'o//de skad du su zhig gis gsungs she na/ bcom ldan 'das rdo rje chos kyis gsungs so/ /'di skad ston te 'gro ba 'dul ba'i 'jig rten dbang phyug gi gzugs 'thob par 'gyur ro zhes bya ba'i don to/ /da ni don kun grub pa'i zhes bya ba la sogs pas nor bu'i rigs kyi chos dam pa'i dngos grub kyi rgyud ston te/don kun grub pa'i skur yang ni/ /zhes bya ba ni bcom ldan 'das nam mkha'i snying po'i phyag rgya chen po'o/ /ci zhig byed ce na/ bsgoms nas zhes bya ba ste goms par byed pa'o/ / mdun du de bzhin te zhes bya ba ni snga ma dang 'dra'o/ /de nas cir 'gyur zhe na/ rnam pa kun gyi mchog ldan pa'o/ /phun sum tshogs don des 'thob bo/ /zhes bya ba'o/ /'di skad ston te/ don thams cad 'grub pa'i phyag rgya chen po'i dngos grub dam pa des 'thob par 'gyur ro zhes pa'o//da ni de bzhin gshegs pa thams cad kyi chos kyi dam tshig gi dngos grub kyi rgyud ston te/ de bzhin gshegs pa thams cad kyir gtogs pa'i chos kyi dkyil 'khor gyi dam tshig ni rdo rje phra mo bsgom pa ste de'i dngos grub de ston pa'i gzhung ngo zhes bya ba'i don to/ / de las kyang dang por sangs rgyas zhes bya ba la sogs pas de bzhin gshegs pa'i chos kyi dam tshig gi dngos grub kyi rgyud ston te/ sangs rgyas rjes su dran gyur la/ /zhes bya ba ni sangs rgyas kyi rang gi lha'i rnal 'byor du byas pa'o/ /badzra badzra zhes brjod na/ /zhes bya ba ni badzra zhes bya ba'i sgra brjod do zhes bya ba'i don to//ji ltar zhe na/ rdo rje phra mo'i tshul gyis ni/ /zhes bya ba ste 'dis ni sgrar gtogs pa'i bye brag dang / bsgom par gtogs pa'i bye brag gnyi gar ston te/ sgrar gtogs pa'i bye brag ni rdo rje phra mo sngon du 'gro bas badzra zhes bya ba'i sgrar brjod pa'o//bsgom par gtogs pa'i bye brag ni/ /lce ni rkan la bcar nas su/ /zhes bya ba la sogs pas so/ /de nas cir 'gyur zhe na/ de'i phyir/ sangs rgyas dngos grub 'thob par 'gyur/ /zhes bya ba gsungs so/ /'di skad ston te rdo rje phra mo bsgom pa goms par byas pas mtshan ma thob nas bsgrub pa'i dkyil 'khor bris la der zhugs te/dkyil 'khor du dag pa'i dngos grub kyi gsang ba'i bskul bas bcom ldan 'das yang dag par bskul ba de la sogs pa'i cho tshogs thams cad rdzogs par byas nas bdag nyid sangs rgyas kyi skur bsgoms pas sangs rgyas kyi dngos grub 'thob par 'gyur ro zhes sangs rgyas bcom ldan 'das kyis gsungs so//da ni rdo rje sems dpa' zhes bya ba la sogs pas de bzhin gshegs pa'i rigs kyi chos kyi dam tshig gi dngos grub kyi rgyud ston te/ rdo rje sems dpa'i ting 'dzin du/ /zhes bya ba ni rdo rje sems dpa'i rnal 'byor du byas la zhes bya ba'i don te//rdo rje phra mo sgom byed cing / /zhes bya ba ni rdo rje phra mo bsgom pa goms par byas pa'i rjes thogs la zhes bya ba'i don to/ /ci zhig bya zhe na/ badzra satwa zhes brjod na/ /zhes bya ba gsungs so/ /de skad su zhig gis gsungs she na/bcom ldan 'das rdo rje sems dpas gsungs so zhes pa'o/ /da ni khams gsum zhes bya ba la sogs pas rdo rje rigs kyi chos kyi dam tshig gi dngos grub kyi rgyud ston te/ khams gsum rnam rgyal cha lugs su/ /dran byed mdun du'ang de bzhin te/ /zhes bya ba ni 'di skad ston to//rdo rje hUM mdzad kyi rnal 'byor 'jig rten gsum las rnam par rgyal ba'i cha lugs su gnas la gnyis pa mdun du rdo rje phra mo'i tshul gyis sna'i rtse mor drang bar bya zhing hUM zhes bya ba bzlas na dngos grub thams cad 'thob par 'gyur ro zhes bcom ldan 'das rdo rje hUM mdzad kyis gsungs so//da ni 'gro ba 'dul ba'i zhes bya ba la sogs pas pad+mo'i rigs kyi chos kyi dam tshig gi dngos grub kyi rgyud ston te/ 'gro ba 'dul ba'i gzugs kyis ni/ /rdo rje phra mo sgom byed cing / /zhes bya ba ni 'dir yang snga ma bzhin du 'gro ba 'dul ba'i ting nge 'dzin la gnas te 'gro ba 'dul ba'i gzugs su bsgom par bya'o//rdo rje phra mo sgom byed cing / /zhes bya ba ni rdo rje phra mo goms par byas nas zhes bya ba'i don to/ /shud+he shud+he zhes brjod na/ /zhes bya ba ni snying po 'di yang brjod na dngos grub dam pa 'thob par 'gyur ro zhes bcom ldan 'das rdo rje chos kyis gsungs so//da ni don kun grub pa'i zhes bya ba la sogs pas nor bu'i rigs kyi chos kyi dam tshig gi dngos grub kyi rgyud ston te/ don kun grub pa'i gzugs kyis ni/ /zhes bya ba ni don thams cad grub pa'i sbyor ba byas na'o/ /rdo rje phra mo bsgoms nas kyang //zhes bya ba ni rdo rje phra mo'i sbyor ba goms par byas nas snga ma bzhin du sid+d+h+ya sid+d+h+ya zhes brjod na don gyi dngos grub mchog 'thob par 'gyur zhes bcom ldan 'das nor bu chos kyis gsungs so/ /da ni de bzhin gshegs pa thams cad kyir gtogs pa'i chos kyi dkyil 'khor gyis bsdus pa'i chos kyi dngos grub kyi rgyud ston pa'i skabs yin pa las/'di nyid gsungs bzhin du de bzhin gshegs pa thams cad kyi dam pa'i chos kyi ye shes kyi dngos grub kyi rgyud 'di gsungs so zhes bya ba ni gang gi phyir gnyi ga chos zhes gcig tu smos na don gsal bar mi 'gyur bas na de'i phyir de bzhin gshegs pa thams cad kyi dam pa'i chos kyi ye shes kyi dngos grub ces bya ba gsungs pa yin te don ni de nyid du zad do//de las kyang dang por dam pa'i chos ni zhes bya ba la sogs pas de bzhin gshegs pa'i dam pa'i chos kyi ye shes kyi dngos grub kyi rgyud ston te/dam pa rnams kyi chos yin pas na dam pa'i chos te/ dam pa ni sangs rgyas dang byang chub sems dpa' dang rang sangs rgyas dang nyan thos rnams so/ /de rnams kyi chos yin pas na dam pa'i chos so//de'i ye shes yin pas na dam pa'i chos kyi ye shes so/ /de'i dngos grub yin pas na dam pa'i chos kyi ye shes kyi dngos grub bo/ /de ston par byed pa'i gzhung yin pas na dam pa'i chos kyi ye shes kyi dngos grub kyi rgyud do/ /de ji lta bu zhe na/ de'i phyir/ dam pa'i chos ni yi ge med//ces bya ba la sogs pa gsungs so/ /'di la yi ge yod pa ma yin pas na yi ge med pa ste/ tshig gi spyod yul thams cad las 'das pa zhes bya ba'i don to/ /de ltar na de gang las byung ba zhe na/ ting 'dzin ye shes las byung ba/ /zhes bya ba gsungs te ting nge 'dzin ni sems rtse gcig pa ste de'i ye shes yin pas na ting nge 'dzin gyi ye shes so//de las skyes pa yin pas na/ /ting 'dzin ye shes las byung ba/ /zhes bya ste/ des rtogs pa zhes bya ba'i don to/ /'di ni don dam pa'i chos kyi dbang du mdzad nas gsungs pa yin no//de nyid kyis na/ a zhes bya bas chos rnams ni/ /skye ba med par bshad pa yin/ /zhes bya ba ste a zhes bya ba ni yi ge a gzung bar bya'o/ /des zhes bya ba ni don dam pa'i chos rab tu rtogs pas so/ /chos rnams ni zhes bya ba ni chos thams cad skye ba med par bshad pa yin no//'di skad ston te/ chos thams cad don dam par ma skyes par yi ge as ston par byed pa yin no/ /phyag rgya 'di'i tshul gyis ni/ /zhes bya ba ni a zhes bya ba'i chos kyi phyag rgya chos thams cad ma skyes par ston pa 'dis don dam par bdag med pa'i shes rab kyis bsgoms shing goms par byas nas de nas yi ge kun gyi ye shes kyi ngo bo nyid 'grub par 'gyur ba ste/so so yang dag par rig pa bzhi 'thob par 'gyur ro zhes bya ba'i bar du gsungs pa yin no/ /so so yang dag par rig pa bzhi la don so so yang dag par rig pa bzhi ni yi ge gcig las kyang thams cad kyi don so sor rig pa'o//spobs pa so so yang dag par rig pa ni don gcig la yang gzhung sna tshogs pas lha'i lo stong gi bar du yang ston par nus pa'o/ /chos so so yod par rig pa ni 'das pa dang da ltar gyi de bzhin gshegs pa thams cad kyi chos kyi 'khor lo bskor ba'am bskal ba las lhag pa'i bar du ci 'dod par ston pa'o//nges pa'i tshig so so yang dag par rig pa ni tshig gi don gyi ming thams cad dang don dang mthun par ci dgar gang la yang ston par nus pa ste de lta bu'i yi ge thams cad kyi ye shes kyi ngo bo nyid 'thob par 'gyur ro//ji lta bu zhe na/ bde gshegs skad cig gcig gis 'grub par 'gyur/ /zhes bcom ldan 'das 'phags pa 'jam dpal de bzhin gshegs pa thams cad kyis gsungs so zhes pa'o/ /da ni de bzhin gshegs pa kun zhes bya ba la sogs pas de bzhin gshegs pa'i rigs kyi dam pa'i chos kyi ye shes kyi dngos grub kyi rgyud ston te/'di ni de bzhin gshegs pa thams cad kyi yin pas na de bzhin gshegs pa kun no/ /de gang zhig ce na/ de nyid do/ /de ci zhig ce na/ mdo sde 'di ni zhes gsungs pa yin no/ ci zhig byed ce na/ /dad pa yis zhes bya ba ste sngags spyod pa'i tshul la dad pa skyes pa'o/ /dad pa 'ba' zhig tu yang ma zad kyi dad nas bcangs sam zhes bya ba ste sems la'o/ /klag gyur na zhes bya ba ni glegs bam du byas nas klog pa'i tshul gyis bklag pa'o/ /de ltar na/ dngos grub bla med 'thob par 'gyur/ /zhes bya ba'o/ /'das ma thag pa ni don dam pa'i chos bstan pa yin la 'dis ni sngags kyi spyod pa'i tshul la chos kyi sgrar bstan pa yin no/ /da ni sems can zhes bya ba la sogs pas rdo rje rigs kyi dam pa'i chos kyi ye shes kyi dngos grub kyi rgyud ston te/sems can sdig can phan don dang / /zhes bya ba la sogs pa la sems can sdig can sdig pa las bzlog par bya ba'i phyir dang / sangs rgyas kyi bka' bsgrub par bya ba'i phyir dang / ma rungs pa rnams gzhan la gnod par byed pa las bzlog cing de dag gdul ba'i phyir/bsad pa'i yis ni 'grub par 'gyur/ /zhes bcom ldan 'das rdo rje rigs kyis gsungs so zhes bya ba ste/ bsad pa ni 'dir dregs pa dang ldan pa'i phyir lha chen po bzhin du bya ba ni sngags spyod pas nyams su blang bar bya ba'i chos de lta bu yin par dgongs so/ /da ni rang bzhin gyis ni zhes bya ba la sogs pas pad+mo'i rigs kyi dam pa'i chos kyi ye shes kyi dngos grub kyi rgyud ston te/rang bzhin dag par shes pa ni/ /zhes bya ba ni chos thams cad rang bzhin gyis dag pa yin par rtogs shing shes pa'o/ /ci'i phyir de skad ces bshad ce na/ dam pa'i don ni yin par bshad/ / ces bya ba gsungs so/ /'di skad ston te/ don dam par 'di ltar 'dod kyi kun rdzob tu ni ma yin no/ /thog ma tha mar 'di bsgoms na/ /zhes bya ba ni thog ma nyid nas chos rnams 'di lta bu yin no zhes bsgom pa goms par byas na/ chos kyi dngos grub myur du 'grub par 'gyur/ /zhes bcom ldan 'das 'phags pa spyan ras gzigs kyi dbang pos gsungs so//'dir yang don dam pa'i chos nyid yin par ston to/ /da ni sems can kun la zhes bya ba la sogs pas nor bu'i rigs kyi dam pa'i chos kyi ye shes kyi dngos grub kyi rgyud ston te/ sems can kun la don sbyin byed/ / ces bya ba ni zhing gi khyad par la mi spyod cing len la re ba la sogs pa'i rgyud yongs su spangs nas nor 'dod pa rnams la nor sbyin pa'o/ /ci'i phyir zhe na bsam pa thams cad rdzogs byed cing / /zhes bya ba gsungs te/ yid bzhin gyi nor bu rin po che ltar rnam pa thams cad du sems can thams cad kyi re ba rnams yongs su skong bar gyur kyang ci ma rung snyam pa ste/gang 'di ltar don sbyin pa 'di ni nor bu'i rigs kyi chos yin te/ chos 'di bsgoms na 'grub par 'gyur ro zhes bcom ldan 'das chos kyi rin chen gyis gsungs so/ /'dir yang sbyin pa'i pha rol tu phyin pa'i tshul nyid las chos kyi sgrar gsungs so//da ni de bzhin gshegs pa thams cad kyi ting nge 'dzin gyi las kyi dngos grub kyi rgyud ston te/ de bzhin gshegs pa thams cad kyir gtogs pa'i ting nge 'dzin gyi sgras ni chos kyi dkyil 'khor yin par bshad do/ /de'i las kyi sgra gang yin pas ni/ bsgom pa yin par bshad de de'i dngos grub kyi rgyud ston to//de la dang por rdo rje sangs rgyas zhes bya ba la sogs pas de bzhin gshegs pa'i ting nge 'dzin gyi las kyi dngos grub kyi rgyud ston te/ sangs rgyas kyi ni ting 'dzin las/ /zhes bya ba la ting nge 'dzin gyi las yin pas na ting nge 'dzin gyi las so/ /las de gang yin zhe na/sangs rgyas byang chub rab sgrub pa/ /zhes bya ba ste gang gi phyir sangs rgyas kyi rnal 'byor byas nas dam tshig la gnas te/ dam tshig sngon du 'gro bas rdo rje phra mo bsgoms la de'i 'og tu/ dam pa'i chos ni yi ge med/ /ces bya bas dam pa'i chos bsgoms te/ de nas 'dir ting nge 'dzin gyi las sangs rgyas kyi gzugs rnam pa thams cad kyi mchog dang ldan par bsgom par bya'o//de ltar rim gyis bsgoms na dngos grub dam pa 'thob par 'gyur ro/ /da ni rdo rje sems dpa' zhes bya ba la sogs pas de bzhin gshegs pa'i rigs kyi ting nge 'dzin gyi las kyi dngos grub kyi rgyud ston te/rdo rje sems dpa'i ting 'dzin gyis/ /bla med las ni mang po rnams/ /zhes bya ba la bla med las ni sangs rgyas dang byang chub sems dpar grub pa'o/ /mang po rnams ni phal che ba'o/ /ji ltar zhe na/ sems dpa' kun 'gyur thams cad kyang / /zhes bya ba ste sems dpa' kun ni sems dpa' bcu drug ste de dag thams cad rdo rje sems dpa'i ting nge 'dzin las gyur pa'o//thams cad kyang zhes bya ba ni ma lus pa ste 'jig rten gyi khams thams cad kyang rdo rje sems dpa'i ting nge 'dzin gyi las yin no/ /shes na yang ni grub par 'gyur/ /zhes bya ba ni de ltar shes shing bsgoms na 'grub par 'gyur ro zhes bcom ldan 'das rdo rje sems dpas gsungs so//da ni sdig pa zhes bya ba la sogs pas rdo rje rigs kyi ting nge 'dzin gyi las kyi dngos grub kyi rgyud ston te/ sdig pa dag pa rgyu yi phyir/ /zhes bya ba ni la la zhig mtshams med pa la sogs pa'i las byed pa la zhugs la de las bzlog par thabs gzhan gang gis kyang mi nus pa de ni de ltar sdig pa la mngon du phyogs pa yin pas na sdig pa zhes bya'o//de bas na sdig pa de sbyong ba'i phyir de rab tu 'dul bar byed pa ni gsod pa'i las yin no/ /de ltar na sdig pa'i chos la zhugs pa'i sems can thams cad kyang lha chen po bzhin du bya'o//gsod pa'i las la dad na des dngos grub 'thob par 'gyur ro zhes/ /bcom ldan 'das rdo rje can gyis gsungs so zhes pa ste rdo rje rigs 'dir ni gsod cing tshar gcod pa'i las la dad par byas pa yin par shes par bya'o/ /da ni sdig kun zhes bya ba la sogs pas pad+mo'i rigs kyi ting nge 'dzin gyi las kyi dngos grub kyi rgyud ston te/sdig kun rnam par dag pa'i bdag /ces bya ba ni sdig pa dag pa'i thabs pad+mo'i rigs las gsungs pa gang yin pa de'i bshags pa'i rnam pa des sdig pa thams cad rnam par dag pa'i bdag nyid kun dag par des byed do/ /dgos pa kun zhes bya ba ni chos thams cad rang bzhin gyis dag pa'o zhes shes nas/rnal 'byor pa de dgos pa thams cad byed de khrus la sogs pa la mi ltos par sgrub pa dang sngar bsnyen pa'i rang bzhin byed de las 'di ni pad+mo'i rigs kyi yin par shes shing don dam pa bsgoms pas 'grub par 'gyur ro zhes bcom ldan 'das pad+mos gsungs so//da ni sred ldan zhes bya ba la sogs pas nor bu'i rigs kyi ting nge 'dzin gyi las kyi dngos grub kyi rgyud ston te/ sred ldan dbul ba thams cad ni/ /zhes bya ba ni rnam pa thams cad du re ba'i sred pa gang la yod pa de ni sred ldan thams cad do/ /de su zhig yin zhe na/ dbul ba'o/ /de dag la ci zhig byed ce na/bsam pa kun bskang la zhes bya ba gsungs so/ /ji srid cig gi bar du zhe na rtag tu'o/ /don kun grub pa'i kun bdag ni/ /zhes bya ba ni bcom ldan 'das rdo rje snying po'i gzugs su bdag nyid bsgom zhing don thams cad grub pa'i phun sum tshogs pa thams cad kyi rang bzhin bsams na kun gyi bdag nyid de yid bzhin gyi nor bu'i rgyal por 'grub par 'gyur ba 'di la the tshom med do zhes bcom ldan 'das rin po che'i rgyal mtshan gyis gsungs so//rigs thams cad kyi las kyi ting nge 'dzin gyi dngos grub kyi rgyud do zhes bya ba ni mjug sdud pa yin te/ rigs thams cad kyi las kyi ting nge 'dzin gyi dngos grub kyi ting nge 'dzin nyid la ting nge 'dzin gyi dngos grub ces gsungs pa yin no//da ni de bzhin gshegs pa thams cad kyi phra mo'i dngos grub kyi rgyud ston te/ rdo rje phra mo bsgoms pa las grub pa yin pa'i phyir phra mo'i dngos grub ste de ston pa'i rgyud do/ /de la dang por rtag tu rdo rje zhes bya ba la sogs pas de bzhin gshegs pa'i phra mo'i dngos grub kyi rgyud ston te/rtag tu rdo rje phra mo'i tshul/ /'bad pa kun gyis sbyor na ni/ /zhes bya ba ni rdo rje phra mo bsgom pa 'bad pa thams cad kyis rtag tu goms par byed na'o/ /rnam pa kun gyi mchog ldan pa'i/ /zhes bya ba ni rnam pa thams cad du rnam par dag pa'o//gang zhe na/ mngon shes lnga ni 'thob par 'gyur/ /zhes sangs rgyas bcom ldan 'das kyis gsungs so zhes bya ba ste/ 'dis ni rdo rje phra mo'i bsgoms pa'i 'bras bu bstan pa yin no/ /da ni slob dpon zhes bya ba la sogs pas de bzhin gshegs pa'i rigs kyi phra mo'i dngos grub kyi rgyud ston te/ji skad gsungs pa'i cho gas rdo rje phra mo bsgom pa goms par byas pa'i 'og tu phyag rgyas mngon par shes pa la sogs pa'i las byed par 'dod na phyag rgya gsang ba rnams shin tu sba bar bya dgos te de bstan par bya ba'i phyir/ slob dpon ma yin gzhan dang ni/ / zhes bya ba gsungs so/ /'di skad gsungs te phyag rgya ni slob dpon 'ba' zhig la bstan par bya'i gzhan la ni ma yin no zhes pa'o/ /slob dpon gang gis dbang bskur ba dang / gang las rgyud thos pa dang / gang gi thob nas las kyi man ngag mnos pa de yang slob dpon yin te/ gsum po 'di dag kyang phrag dog med cing phan par 'dod pa ni slob dpon dngos yin no//slob dpon gyis kyang slob ma'i mdun du phyag rgya bstan par bya'o zhes gnang bar bya ba'i don gyis na slob min la min zhes dgag pa mdzad pa yin no/ /de lta bas na slob dpon gyis slob ma la phyag rgya bstan par bya'i gzhan la ni ma yin no zhes bya bar sbyar ro//slob ma yang bdag nyid kyis dbang bskur ba'am gzhan dag gis dbang bskur ba zhig yin na yang ji skad gsungs pa'i tshul gyis dad pa dang ldan pa theg pa chen po'i chos la mngon par brtson pa sngags spyod pa'i tshul la the tshom med pa/ glags kyi skabs mi tshol ba//slob mar khas len pa/ cang shes pa'i tshul gyis nga rgyal spangs pa/ bsam pa la g.yo sgyu med pa/ gus pa dang ldan pa ste/ slob ma de yang rnam pa 'di lta bu'i yon tan dang ldan pa zhig na de'i mdun du phyag rgya bstan par bya'i gzhan dag la ni ma yin no zhes rnam par gnas so//bu yang bdag gis dbang bskur ba'am/ gzhan gyis dbang bskur ba ji skad smos pa'i yon tan rnams dang ldan pa la bstan par bya'i de ma yin pa la phyag rgya bstan par mi bya'o zhes bya ba yin te de'i phyir slar gnang bar gsungs pa ni bu min pa'i zhes gsungs pa yin no/ / 'di skad ston te/ bu ni 'di lta bu'i yon tan dang ldan pa zhig yin na phyag rgya bstan par bya'i/ gzhan dag la ni ma yin no zhes bya bar sbyar te/ gang gi phyir phas ni bu la phan gdags pa'i tshul la zhugs pa yin pas snod ma yin pa zhig yin na yang phan pa ma yin pa las bzlog cing ji skad gsungs pa'i yon tan dang phyis ldan par bya ba'o//sems can phan par srid pa dang / /gzhan yang la la nye du dang yid gcugs pa zhig la gnod pa las ni bzlog cing phan pa la ni sbyor ba zhig yin na ji skad du smras pa'i tshig nyams su len par byed kyi/ ngan du mi smra ba zhig yin na de'i mdun du yang gal te bstan na bstan par zad de bu zhes smos pa ni nye bar mtshon pa tsam du zad do//de yang gal te ngan du smra zhing ji skad bshad pa'i yon tan bskyed par mi nus pa zhig yin na yid gcugs par bya ba gang yang rung ba de'i mdun du phyag rgya brjod par mi bya'o/ /ci'i phyir de dag gi mdun du bstan par mi bya zhe na gang gi phyir/de dag phyag rgya gsang bas 'grub/ /ces bcom ldan 'das rdo rje 'dzin pas gsungs so zhes pa ste/ gsang bas zhes bya ba shin tu sbas shing gsang na 'grub par 'gyur gyi thams cad du smras pa ni ma yin no zhes bya ba'i don to/ /da ni rdo rje phra mo zhes bya ba la sogs pas rdo rje rigs kyi phra mo'i dngos grub kyi rgyud ston te/rdo rje phra mo'i tshul gyis ni/ /zhes bya ba ni/ lce ni rkan la bcar nas su/ /zhes bya ba la sogs pas rdo rje phra mo'i ting nge 'dzin la mnyam par gzhag pas so/ /sna nas hUM byung ldan gyur la/ /zhes bya ba ni rdo rje phra mo'i tshul gyis sna'i rtse mor rdo rje bsams la hUM zhes bya ba brjod de/hUM zhes bya ba de dang rlung dang bcas pas gcig gam gnyis sam mang por bya ba dgos pa dang rjes su mthun pa'i rdo rje 'bab par bsam mo/ /ji lta zhe na/ rdo rje khro bo'i ting 'dzin gnas/ /zhes bya ba gsungs so/ /de nas ci zhig byed ce na/ dgos pa thams cad sgrub par byed//ces bcom ldan 'das rdo rjes gsungs so zhes pa ste 'dis ni rdo rje phra mo bsgom pa'i las bstan to/ /da ni pad+mo chen po yi/ /zhes bya ba la sogs pas pad+mo'i rigs kyi phra mo'i ye shes kyi dngos grub kyi rgyud ston te/ rdo rje phra mo'i tshul gyis ni/ /zhes bya ba ni rdo rje phra mo bsgom pa goms par byas nas zhes bya ba'i don to//rdo rje'i lta bas bltas na ni/ /zhes bya ba ni/ rdo rje lta ba chags pa yis/ /dga' bas mig ni rab tu bgrad/ /ces sngar bshad pa ste de dang ldan pas lta ba'o/ /gang du gnas nas bya zhe na/ /pad+mo chen po'i ting 'dzin gnas/ /zhes bya ba ste/ pad+mo chen po ni bcom ldan 'das 'jig rten dbang phyug ste de'i ting nge 'dzin la gnas so/ /des cir 'gyur zhe na/ 'dod chags dngos grub 'thob par 'gyur/ /zhes bcom ldan 'das pad+mo'i 'dod chags kyis gsungs so zhes pa'o/ /'di skad ston te/ 'jig rten thams cad des dga' bar byed do zhes bya ba'i don to//da ni rdo rje rin chen zhes bya ba la sogs pas nor bu'i rigs kyi phra mo'i dngos grub kyi rgyud ston te/ rdo rje rin chen ting 'dzin gyis/ /zhes bya ba ni bcom ldan 'das rdo rje rin chen gyi rnal 'byor la gnas te'o/ /rdo rje phra mo'i tshul gyis ni/ /zhes bya ba ni rdo rje phra mo bsgom pa goms par bya ba'i don to//shin tu phra ba'i lta 'bar bas/ /zhes bya ba la 'bar ba'i lta ba ni/ rab tu myur bar mig bsgul zhing / /mig gi rdzi ma 'dren pa ni/ /zhes bya ba sngar bshad pa ste/ shin tu phra ba ni rab tu phra bar sbyar ba'o/ /des cir 'gyur zhe na/ don ni thams cad 'dren par 'gyur//zhes bcom ldan 'das rdo rje nor bus gsungs so zhes pa ste/ /gang gi phyir bdag nyid ting nge 'dzin de la gnas nas 'bar ba'i lta bas sbyar na nor gang dang gang du 'dug pa de dang de nas rdzi mas dkris nas drangs te bkug cing gnas gang na 'dug par 'dod pa'i gnas der 'dug par bsgom zhing lhag par mos pa yang de ltar byas na don ni thams cad 'dren par 'gyur ro zhes bcom ldan 'das phyag na rdo rjes gsungs so//da ni de bzhin gshegs pa thams cad kyi mig gi ye shes kyi dngos grub kyi rgyud ston te/ de bzhin gshegs pa thams cad kyir gtogs pa'i mig gi ye shes ni mig gi rnam par shes pa ste/zlos pa pos sngar bsnyen pa'i tshe na dngos grub kyi mtshan ma rnyed pa'i mtshan nyid do/ /de'i dngos grub yin pas na mig gi ye shes kyi dngos grub ste de ston par byed pa'i rgyud ston pa'o/ /sngar gyi ni dkyil 'khor chen po'i dbang du byas te dngos grub kyi ye shes kyi rgyud ces bya ba bstan pa yin la de ltar ni ye shes de nyid kyi dngos grub kyi rgyud ston pa yin no//de las kyang dang por gang gi tshe phyag rgya zhes bya ba la sogs pas de bzhin gshegs pa'i spyan gyi ye shes kyi dngos grub kyi rgyud ston te/ gang tshe phyag rgya'am ting nge 'dzin/ /bsgrub phyir rtsol bar gyur pa na//zhes bya ba ni gang gi tshe gang gi dus na phyag rgya'am ting nge 'dzin bsgrubs na rtsol bar gyur pa zhes bya ba sgrub pa bsgrub nus pa zhes bya ba'i don to/ /de'i tshe de'i dus na nam mkha'i khams dkar por snang ba ste nam mkha' ni go 'byed pa'o/ /khams ni nam mkha'i khams na rgyu ba'i rdul phra rab ste dkar ba ni 'od gsal ba'o//tshul ji 'dra ba zhig ce na skar ma 'dra zhes bya ba gsungs so/ /de mthong na zhes pa ni rnal 'byor pas so/ /de tshe blo ldan sangs rgyas kyi/ /spyan ni bdag gis 'thob par shes/ /zhes bya ba ni bsgoms pa'i stobs kyis mun nag na 'dug ste mig phye na yang rdul phran srin bu me khyer lta bu nam mkha'i khams la rgyun mi 'chad par snang zhing gzugs thams cad kun du gsal bar snang ba las na des 'di ni dngos grub kyi mtshan ma yin no bar shes pa skye bar 'gyur ro//de phyin chad ces bya ba la sogs pa ni go sla'o/ /da ni gnas dang zhes bya ba la sogs pas de bzhin gshegs pa'i rigs kyi spyan gyi ye shes kyi dngos grub kyi rgyud ston te/gnas dang 'gro ba de bzhin te/ /ji snyed dngos po yod gyur pa/ /zhes bya ba la gnas pa'i dngos po ni ri dang shing la sogs pa'o/ /'gro ba ni mi la sogs pa'o/ /de snyed kyi gzugs brnyan rnams zhes bya ba ni de bzhin du dngos po rnams kyi gzugs brnyan de rnams dang 'dra ba'i rnam par ro//gang du ci zhig byed ce na/ mkha' la rgyug par mthong na ni/ /zhes pa'o/ /ji ltar zhe na/ 'gro ba dang ni 'ong ba yang rung / /zhes bya ba gsungs so/ /rdo rje spyan ni rnam dag par/ /shes pas mchod na zhes bya ba ni de bzhin gshegs pa'i rigs su sgrub par brtson pa'i rnal 'byor pas ji skad du gsungs pa'i dngos grub kyi mtshan ma mthong ba dang bdag ni rdo rje sems dpa'i spyan rnam par dag go zhes rdo rje mig rnam par dag pa nyid du shes par bya'o//de ltar shes nas des mchod pa ni gnas pa dang 'gro ba'i dngos po ji snyed yod pa de rnams me tog la sogs pas mchod pa'i yo byad kyi gzugs su yongs su bsgyur ba de dag gis de bzhin gshegs pa rnams la mchod par bya ste/de ltar mchod na dngos grub bla na med pa 'thob par 'gyur ro zhes bcom ldan 'das rdo rje sems dpas gsungs so/ /da ni g.yas pa'am ni zhes bya ba la sogs pas rdo rje rigs kyi spyan gyi ye shes kyi dngos grub kyi rgyud ston te/g.yas pa'am ni g.yon phyogs kyi/ /zhes bya ba ni g.yas pa dang g.yon pa'i phyogs gnyis na 'khor ba'i ngang tshul gang la yod pa de ni g.yas pa'am g.yon phyogs kyi zhes bya'o/ /gang du zhe na/ mkha' la nam mkha'i dbyings nyid kyi/ /zhes bya ba gsungs so/ /de ji lta bu zhe na/ sprin 'dra myur du 'khor ba ni//zhes bya ba gsungs te/ sprin gyi tshogs lta bu'o/ /myur du 'khor ba ni phan tshun du lding zhing rgyu ba'o/ /mthong nas 'jigs par ma gyur la/ /zhes bya ba ni rnal 'byor pa des 'jigs pa bskyed par mi bya'o zhes pa'o/ /ci'i phyir zhe na/ /rdo rje las byung phyag rgya de/ /zhes bya ba gsungs so/ /phyag rgya de yang gzung na ni/ /zhes bya ba ni gang gi phyir de gzung bar gyur na rdo rje la sogs pa'i gzugs su 'gyur ba'i phyir ro//phyag rgya'i mig ni 'grub par 'gyur/ /zhes bya ba ni phyag rgya 'grub pa'i mtshan ma mthong ba'i mig ces bya ba'i don to/ /da ni gang tshe skya'am zhes bya ba la sogs pa pad+mo'i rigs kyi spyan gyi ye shes kyi dngos grub kyi rgyud ston te/ gang tshe skya'am dmar ram dkar//zhes bya ba la sogs pa la pad+mo'i rigs zlos pa'i rnal 'byor pas gang gi tshe 'di lta bu'i dkyil 'khor nam mkha' la mthong na zhes bya bar 'dir yang sbyar te de'i tshe phyag rgya dag dgongs par 'gyur ro zhes bya ba ni tshig gi lhag ma'o/ /'khor lo'i spyan ni 'grub par 'gyur/ /zhes bya ba ni dgongs par gyur nas phyis 'grub par 'gyur ba'o//su'i zhe na/ 'khor lo'i spyan zhes bya ba gsungs te/ 'khor lo zhes bya ba ni rdo rje rgyu'i chos kyi 'khor los bsdus pa'i dngos grub kyi mtshan ma rnams mig gis mthong ngo zhes ston to/ /da ni mkha' la zhes bya ba la sogs pas nor bu'i rigs kyi spyan gyi ye shes kyi dngos grub kyi rgyud ston te/mkha' la rin chen 'dra ba dang / /zhes bya ba ni pad+ma rA ga la sogs rin po che 'dra ba'o/ /dbyig la sogs pa 'dra bar ni/ /zhes bya ba la dbyig ni dong rtse la sogs pa zong du byas pa ste/ de lta bu gang gi tshe nam mkha' la mig gis mthong ba de'i tshe/ /de ni mkha' mig 'grub par 'gyur//zhes bcom ldan 'das rdo rje snying pos gsungs so zhes bya ba la nam mkha' la dbyig la sogs pa mthong ba'i phyir nam mkha'i mig ces bya'o/ /de kho na nyid bsdus pa'i rgya cher bshad pa ko sa la'i rgyan las rgyud phyi ma'i rtog pa thams cad kyi chos kyi dkyil 'khor gyi dbang du byas pa'i 'grel pa'o// //da ni rtog pa thams cad kyis bsdus pa'i las kyi dkyil 'khor gyi dngos grub dam pa'i rgyud ston to/ /de las kyang chos kyi dkyil 'khor zhes bya ba la sogs pas de bzhin gshegs pa'i las kyi dam pa'i dngos grub kyi rgyud ston te/ chos kyi dkyil 'khor tshul du ni/ /'dod chags bde ba rnam smin phyir//gtso bo thams cad mchod byas na/ /zhes bya ba la/ chos kyi dkyil 'khor tshul du ni/ /chos kyi dkyil 'khor du rdo rje phra mo ji ltar bsgom pa'i tshul bstan pa de las kyi dkyil 'khor bsgoms la spro ba dang bsdu ba byas te/ de'i 'og tu las kyi dkyil 'khor gyi dbyibs lta bu las yo byad thams cad dang ldan pa'i mchod pa'i sprin rnams sprul la des gtso bo thams cad mchod par bya'o//ci'i phyir zhe na/ 'dod chags bde ba rnam smin phyir/ /zhes bya ba ste/ 'dod chags ni bcom ldan 'das kun du bzang po'o/ /de'i bde ba ni dngos po thams cad sprul cing longs spyod pa la mnga' brnyes pa'i bde ba gang yin pa de ni 'dod chags bde ba'o//de nyid shin tu goms par byas na rnam smin zhes bya ba ste rang rig pa'i ro bskyed pa'o/ /de'i phyir bya ba yin pas na 'dod chags bde ba rnam smin phyir ro/ /de ltar dngos po thams cad la dbang du byed pa'i kun du bzang po des cir 'gyur zhe na/ sangs rgyas dngos grub 'thob par 'gyur/ /zhes bcom ldan 'das kyis gsungs so zhes pa'o//da ni 'dod chags zhes bya ba la sogs pas de bzhin gshegs pa'i rigs kyi las kyi dam pa'i dngos grub kyi rgyud ston te/ 'dod chags bdag ces sgom byed cing / /gsang ba'i mchod pa rab byas na/ /zhes bya ba la 'dod chags ni bdag go zhes nga rgyal byed cing bdag nyid de ltar bsgoms la sgeg mo la sogs pa gsang ba'i mchod pa bzhi rnal 'byor pas byas na'o//des cir 'gyur zhe na/ dngos grub dam pa 'thob par 'gyur/ /zhes bya ba'o/ /ji lta bu zhe na/ rdo rje 'dod pa gzi can mnyam/ /zhes bya ba ste rdo rje chags pa lta bu'i gzi brjid phun sum tshogs pa des 'thob pa'o/ /bcom ldan 'das rdo rje 'dod pas gsungs so zhes bya ba ni bcom ldan 'das kun du bzang pos so//da ni khro bo zhes bya ba la sogs pas rdo rje rigs kyi las kyi dam pa'i dngos grub kyi rgyud ston te/ khro bo bdag ces sgom byed cing / /gsang ba'i mchod pa rab byas na/ /zhes bya ba ni rnal 'byor pa 'jig rten gsum las rnam par rgyal ba'i khro bo ni bdag nyid yin no zhes nga rgyal gyis sgom par byed cing 'jig rten gsum las rnam par rgyal ba'i dkyil 'khor du gsungs pa'i gsang ba'i mchod pa bcu drug po rnams byed pa'o//des ci 'thob ce na/ khams gsum rnam par rgyal 'dra yi/ /dngos grub dam pa 'thob par 'gyur/ /zhes bcom ldan 'das 'phags pa phyag na rdo rjes gsungs so zhes pa'o//da ni nang du zhes bya ba la sogs pas pad+mo'i rigs kyi las kyi dam pa'i dngos grub kyi rgyud ston te/ nang du song ba'i yid kyis ni mi g.yeng ba'i yid kyis so/ /'dod pa dag par sgom byed cing / /zhes bya ba ni sems can smin pa dang grol ba'i chags pa'i rang bzhin gyis dag par bsgom zhing goms par byed pa'o//dbyangs ldan thig les sangs rgyas rnams/ /zhes bya ba la dbyangs ni sha rdza la sogs pa bdun no/ /dbyangs dang bcas par 'byung bas na dbyangs ldan te dbyangs dang bcas par brjod pa zhes bya ba'i don to/ /thig le ni yi ge ste gang gi phyir gang la yang yi ge sbed pa der thig ler byed do//'dir yang yi ge zhes bya ba yin pa las thig le zhes bya bas de sbas pa yin no/ /de lta bas na dbyangs dang yang dag par ldan pa'i yi ge rnams kyis chos kyi rigs su gtogs pa'i mdo sde zab cing rgya che ba'i tshigs su bcad pa rnams chos kyi glur blangs nas brjod pas sangs rgyas rnams mchod na dngos grub 'thob par 'gyur ro zhes bcom ldan 'das kun du spyan ras gzigs kyi dbang pos gsungs so//da ni rdo rje snying pos zhes bya ba la sogs pas nor bu'i rigs kyi las kyi dam pa'i dngos grub kyi rgyud ston te/ rdo rje snying por mnyam gzhag la//zhes bya ba la rdo rje snying po ni bcom ldan 'das rdo rje sems dpa'i las kyi phyag rgya yin te de yang bstan zin to/ /de yang rdo rje sems dpa'i phyag rgya chen po bcings la rdo rje khu tshur gnyis su byas te/ g.yon pa'i rdo rje khu tshur sta zur du lag pa 'jog pa'i tshul du dkur bzhag cing rdo rje khu tshur g.yas pa lte ba'i thad kar bkan te bzhag la rdo rje bsgreng nas 'dzin pa'i tshul du byas te/rdo rje snyems pa ste der mnyam par gzhag cing bcing bar bya'o/ /bsam pa g.yos pas btud nas ni/ /zhes bya ba la btud pa ni phyag byed pa ste/ su la zhe na/ sangs rgyas la'o/ /ji ltar zhe na/ bsam pa g.yos pas zhes bya ba ste/ bsam pa g.yo ba ni lus g.yo ba'i khyad par te rab tu dga' bas 'dar ba gang yin pa la bsam pa g.yos pa zhes bya'o/ /de ltar na bsam pa g.yos pa de dang bcas pas mgo g.yon phyogs su 'dud pa la/ bsam pa g.yos pas btud nas ni/ /zhes bya'o/ /de ltar phyag 'tshal ba la rtag tu brtson par byas na cir 'gyur zhe na/dbang bskur ba ni 'thob par 'gyur/ /zhes bcom ldan 'das rdo rje'i dbang bskur ba rin po ches gsungs so zhes bya ba ste/ rdo rje sems dpa' nyid rin po che'i dbang bskur ba'o/ /lhag ma rnams ni mjug sdud pa'o/ /da ni de bzhin gshegs pa thams cad kyi las kyi dam tshig gi gsang ba'i dngos grub kyi rgyud ston te/de bzhin gshegs pa thams cad kyir gtogs pa'i las kyi dkyil 'khor dam tshig ni 'da' bar mi byed pa'i chos so/ / de nyid ni gsang ba ste de ston par byed pa'i rgyud gsungs pa'o/ /de las kyang dang por 'dod la zhes bya ba la sogs pas de bzhin gshegs pa'i las kyi dam tshig gi gsang ba'i dngos grub kyi rgyud ston te/'dod la sogs pa'i bde ba kun/ /rtag tu bdag gi snying la gnas/ /zhes bya ba ni 'dod pa ni gzugs dang /sgra dang / dri dang / ro dang / /reg la sogs pa'o/ /de dang por byas nas yid kyis brtags pa thams cad kyang de'i yul yin pa'i phyir 'dod pa la sogs pa zhes bya'o//de ni bde ba'i rgyu yin pas na bde ba'o/ /rtag tu zhes bya ba ni gtan du'o/ /snying la gnas zhes bya ba ni de'i dbang gis 'jug pa dang ldog par sems la snang ba ste 'jug pa ni sangs rgyas kyi zhing yongs su dag par ston pa dang / bag yod par spyod pa'i sems can rnams kyi don bya ba'i//phyir 'jug pa'o/ /ldog pa ni sems can bag med par spyod pa rnams kyi don bya ba'i phyir sreg pa'i bskal pa la sogs pa ston pa'i dus lta bu'o/ /de ltar na/ 'dod la sogs pa'i bde ba kun/ /rtag tu bdag gi snying la gnas/ /zhes sangs rgyas bcom ldan 'das kun du bzang po'i gnas skabs su 'di skad gsungs pa yin no//gdul bya kha cig gi phyir ni 'dod chags dang bral bar yang ston to zhes bshad pa ni/ e ma'o sems can don rnams la/ /skyo bar gyur par bshad rmad ces bya ba yin te de lta bu 'di ni sangs rgyas kyi las kyi dam tshig yin no/ /de yang gdul bya kha cig la ni 'dod pa yongs su dag par ston par mdzad la/kha cig la ni zhum par ston par mdzad/ kha cig la ni 'dod chags dang bral bar ston par mdzad de las 'di dag de bzhin gshegs pa'i ting nge 'dzin gyis bsgom zhing las 'di dag nyid kyis sangs rgyas rnams la mchod na rnal 'byor pa de dngos grub dam pa 'thob par 'gyur ro zhes sangs rgyas bcom ldan 'das kyis gsungs so zhes pa'o//da ni rdo rje sems dpa'i zhes bya ba la sogs pas de bzhin gshegs pa'i rigs kyi las kyi dam tshig gi gsang ba'i dngos grub kyi rgyud ston te/ sems can kun la bde sbyin pa'i/ /zhes bya bas 'di'i dam tshig yin te gang gi phyir byang chub kyi sems kyis sems can thams cad bde ba la 'god par byed pa yin pas na de'i phyir/sems can kun la bde sbyin pa/ /zhes bya ba 'dis ni dam tshig ston pa yin no/ /kun bzang 'dod pa bdag yin te/ /zhes bya ba la thams cad du bzang bas na kun du bzang po'o/ /'dod pa bdag yin te zhes bya ba ni byang chub kyi sems zhes bya ba'i don te/rnal 'byor pas don 'di bsgom par bya'o/ /ci la gnas te zhe na/ rdo rje sems dpa'i ting 'dzin gnas/ /zhes bya ba ste rdo rje sems dpa'i ting nge 'dzin la gnas nas 'di ltar bsgom par bya'o/ /ting nge 'dzin de la gnas nas de ltar bsgoms te sangs rgyas la mchod na rnal 'byor pa de ci zhig 'thob par 'gyur zhe na/dngos grub 'thob par 'gyur zhes bcom ldan 'das 'dod pas gsungs so zhes bya ba ste/ byang chub kyi sems kyis zhes bya ba'i don to/ /da ni sems can kun la zhes bya ba la sogs pas rdo rje rigs kyi dam tshig gi gsang ba'i dngos grub kyi rgyud ston te/sems can kun la phan byed pa'i/ /zhes bya ba ni sems can thams cad mi dge ba las bzlog cing dge ba la 'jog pa ni phan par byed pa'o/ /kun bzang ni bcom ldan 'das byang chub kyi sems te 'di nyid khro bo'i ting nge 'dzin la gnas pas na khro bo bdag yin te zhes gsungs so//ji ltar 'di sems can ma rungs pa rnams tshar gcod par byed pa yin zhe na/ rdo rje hUM mdzad kyi rnal 'byor zhes bya ba gsungs te/ 'di'i dam tshig ni ma rungs pa rnams tshar gcod par byed pa yin pas ma rungs pa la chad pas gcod pa'i nyid sangs rgyas kyi mchod pa yin no/ /de lta bas na/mchod na dngos grub 'thob par 'gyur/ /zhes gsungs so/ /su zhig gis de skad gsungs she na bcom ldan 'das phyag na rdo rjes gsungs so zhes pa'o/ /da ni bde ba zhes bya ba la sogs pas pad+mo'i rigs kyi las kyi dam tshig gi gsang ba'i dngos grub kyi rgyud ston te/ bde ba thams cad rab sbyin pa'i//zhes bya ba ni sems can thams cad la bde ba thams cad sbyin pa de nyid 'di'i dam tshig yin no/ /kun bzang 'dod pa bdag yin te/ /zhes bya ba ni bcom ldan 'das kun du bzang po de nyid sems can rnams gdul ba'i phyir pad+mo'i 'dod chags kyi 'jig rten dbang phyug gi gzugs su bzhugs pas na 'dod pa bdag yin te zhes gsungs so//gang la gnas nas sems can thams cad la bde ba sbyin par mdzad ce na/ bdag nyid 'gro 'dul skur gnas la/ /zhes bya ba gsungs te/ 'gro ba 'dul ba'i ting nge 'dzin la gnas nas zhes bya ba'i bar du gsungs pa yin no/ /de ltar na/ mchod na dngos grub 'thob par 'gyur//zhes bya ba ste sems can thams cad la bde ba sbyin pa 'di nyid kyis sangs rgyas kyi dngos grub 'thob par 'gyur ro zhes bcom ldan 'das rdo rje chags pas gsungs so zhes pa'o/ /da ni sems can zhes bya ba la sogs pas nor bu'i rigs kyi las kyi dam tshig gi gsang ba'i dngos grub kyi rgyud ston te/sems can kun la don chen sbyin/ /zhes bya ba ni 'di nyid kyi dam tshig go/ /kun bzang rgyal po bdag yin/ /zhes bya ba ni bcom ldan 'das kun du bzang po de nyid sems can thams cad gdul bar bya ba'i phyir nam mkha'i snying po'i rgyal po chen po'i skur bzhugs pas na rgyal po bdag yin te zhes gsungs pa yin no//su'i gzugs kyis gnas te zhe na/ don kun grub pa'i gzugs kyis ni/ /zhes bya ba gsungs te don thams cad grub pa'i gzugs de nyid kyis sems can thams cad la don chen po byin pas/ mchod na dngos grub 'thob par 'gyur/ /zhes bcom ldan 'das don thams cad grub pas gsungs so zhes pa'o//lhag ma rnams ni mjug sdud pa yin no/ /da ni de bzhin gshegs pa thams cad kyi las kyi chos kyi dam pa'i dngos grub kyi rgyud ston te/ de bzhin gshegs pa thams cad du gtogs pa'i las kyi dkyil 'khor du chos nyid rang bzhin gyis dag pa'i rigs la mi ltos pa gang yin pa de la ni chos nyid ces bya ste/de'i dngos grub dam pa'i las ni las kyi chos kyi dam pa'i dngos grub ces bya ba la de ston pa'i gzhung yin pas na las kyi chos kyi dam pa'i dngos grub kyi rgyud do/ /de las kyang dang por rang gi zhes bya ba la sogs pas de bzhin gshegs pa'i las kyi chos nyid kyi dngos grub kyi rgyud ston te/rang gi ting nge 'dzin pa yis/ /zhes bya ba ni ting nge 'dzin de la gnas de'o/ /g.yas pa'i mdzub mo btud nas ni/ /zhes bya ba ni lag pa g.yas pa'i mdzub mo mdun gyi thad kar bsgreng ba'o/ /go char bcings te spyi bor gzhag /ces bya ba ni mdzub mo des lus thams cad la go cha bcing ba'i tshul du go bskon la de'i 'og tu mdzub mo de spyi bo'i gnas su bzhag cing bcings nas bdag gam pha rol yang yid kyis go bskon par bsams na shin tu yang bsrung bar 'gyur ro zhes sangs rgyas bcom ldan 'das kyis gsungs so zhes pa'o//da ni rtsig pa la ni zhes bya ba la sogs pas de bzhin gshegs pa'i rigs kyi las kyi chos nyid kyi dngos grub kyi rgyud ston te/rtsig pa la ni ldan 'dra ba/ /zhes bya ba la sogs pa la gang zhig mi'am gnod sbyin mo chung mar bsgrub na de'i sbyor ba ni 'di yin te/ 'di ni rab tu byung ba snyoms par 'jug pa la gnas pa'i man ngag ni ma yin gyi/gang sdom pa'i bya ba gzhan dag gis bkag pa med pa de dag gi dbang du bya ba'i man ngag yin no/ /de la sems dpa'i gang yang rung ba'i rnal 'byor pa gnas te rtsig pa'am/ shing leb gang yang rung ba la de'i cha byad gcer bur 'dug pa'i gzugs kyi mtshan ma bris pa'am byas pa la bud med dam/gnod sbyin mo de'i ming bri zhing gang dbang du bya bar 'dod pa de rtsig pa la sogs pa der dgug pa dang gzhug pa dang bcing ba dang dbang du bya ba byas nas mtshan btags pas de sprad cing dbang du bya bar bsams la snying po yang brjod na de dbang du 'gyur ro zhes bcom ldan 'das phyag na rdo rjes gsungs te/chos nyid kyi rigs pa de yin pas na gdon mi za bar 'gyur ro/ /da ni sa la zhes bya ba la sogs pas rdo rje'i rigs kyi las kyi chos nyid kyi dngos grub kyi rgyud ston te/ gang zhig 'gugs pa'i sbyor ba byed par 'dod pa de'i man ngag ni 'di yin te/ sa la gnod sbyin gdong bris la/ /zhes bya ba ni 'jigs su rung ba'i mche ba gtsigs pa khro gnyer bsdus pa'i gnod sbyin gyi gdong bri'o//de yi mig gi phyogs su ni/ /mdzub mo'i sen mo btsugs na yang / /zhes bya ba ni 'jig rten gsum las rnam par rgyal ba'i ting nge 'dzin tam khro bo gzhan gang yang rung ba'i ting nge 'dzin la gnas te 'jig rten gsum las rnam par rgyal ba'i phyag rgya bcings la mdzub mo g.yon pa lcags kyu'i yu ba'i tshul du bsgrengs te bzhag la/g.yas pa de'i steng du lcags kyu'i tshul du bkug pa'i mdzub mo g.yas pa'i rtse mos gnod sbyin de'i mig gi phyogs su gzugs par bya'o/ /de yang mig g.yas pa'am g.yon pa gang gi gnas su zhes gsal bar ma smos pas na mig gi 'bras bu'am gzhan gang yang rung bar btsugs la kye che ge mo zhig myur du khug shig ces snying po dang lhan cig bskul ba'i tshig brjod par bya'o//de nas sbyor ba 'dis bud med mchog 'dren par 'gyur ro/ /de yang zla ba gcig gam zla ba bzhir gnas gcig tu 'dug la sngon du bsnyen pa bya zhing bdug pa la sogs pas mchod pa byas la sgrub pa'i tshe bsgrub pa'i dkyil 'khor bris la mchod pa ci nus su byas te gsang ba'i mchod pa bcu drug gis kyang bcom ldan 'das phyag na rdo rje la mchod la gnod sbyin la yang gtor ma byin nas dkyil 'khor de'i phyag rgya med pa'i sa stong gang na yod par gnod sbyin gyi gdong bris la sbyor ba 'di dag bya'o//da ni lag pa gnyis su zhes bya ba la sogs pas pad+mo'i rigs kyi las kyi chos nyid kyi dngos grub kyi rgyud ston te/ lag pa gnyis su pad+mo blangs/ /zhes bya ba ni bsam pa'am thogs la lag pa g.yon pas pad+mo'i sdong bu bzung bar bsam zhing g.yas pas 'dab ma 'byed pa'i tshul du bya'o//de ltar lag pa gnyis kyis pad+mo thogs la/ 'dod chags dag par lta byed cing / /zhes bya ba ni/ ji ltar pad+mo dmar po 'di/ /tshon gyi nyes pas mi gos so/ /zhes bya ba la sogs pas so//ji ltar bltas pas she na/ /rdo rje'i lta bas bud med de/ /bltas na yang ni dga' bar 'gyur/ /zhes bya ba ste bud med ni phyag rgya rnams te bsgrub pa'i dus na mnyes par byas pas gang don du 'gyur ba'o/ /de zhes bya ba ni pad+mo'i rigs zlos pa'i rnal 'byor pa'o/ /dga' bar 'gyur zhes bya ba ni mdun du 'dug ces bya ba'i don to//da ni rdo rje zhes bya ba la sogs pas nor bu'i rigs kyi las kyi chos nyid kyi dngos grub kyi rgyud ston te/ rdo rje rin chen ting 'dzin gnas/ /zhes bya ba ni bcom ldan 'das rdo rje rin chen gyi rnal 'byor la gnas pa'o/ /lag pa gnyis kyis nor bu bzung / /zhes bya ba ni rdo rje myu gu'i phyag rgya bcings pa'o//rin chen hUM gi tshul gyis ni/ /zhes bya ba ni rdo rje rin chen gyi ting nge 'dzin la gnas te hUM zhes bya bar sbyor bas na rin chen hUM zhes gsungs te de'i tshul ni de'i rnal 'byor ro/ /rnal 'byor des ci zhig bya zhe na/ bud med kun la 'dud byed do/ /zhes gsungs te phyag rgya thams cad rang gi dbang du bya'o zhes bya ba'i don to//yang na dam tshig gi phyag rgya bcings pa'i dbang gis bud med cig shos kyang bdag gi dbang du 'gyur ba la bya'o/ /lhag ma rnams ni mjug sdud pa'o/ /da ni de bzhin gshegs pa thams cad kyi las kyi dgos pa'i dngos grub kyi rgyud ston te/ de bzhin gshegs pa thams cad kyir gtogs pa'i rigs dang rjes su mthun pa'i mchod pa'i las de'i dgos pa'i dngos grub kyi rgyud yin pas na de bzhin gshegs pa thams cad kyi las kyi dgos pa'i dngos grub kyi rgyud do/ /de las kyang dang por mchod pa'i zhes bya ba la sogs pas de bzhin gshegs pa'i las kyi dgos pa'i dngos grub kyi rgyud ston te/mchod pa'i las kyi cho ga sbyor/ /zhes bya ba ni de bzhin gshegs pa zlos pa'i rnal 'byor bas bdug pa la sogs pa'i las kyi cho ga byas nas so/ /gang dang gang gi dgos bsam la/ /zhes bya ba ni mngon par shes pa la sogs pa'am/dgug pa dang dbang du bya ba la sogs pa byed par 'dod na dgos ba de dang de mkhas pas bsgrub par bya'o/ /ji ltar na phyag rgya la gsol ba btab ste bya ba'o/ /ni zhes bya ba'i sgra ni nges par gzung ba ste nges par gsol ba gdab dgos kyi gsol ba mi 'deb par ni mi bya'o/ /'dis ni 'di skad ston te/rgyud 'di thams cad du rnal 'byor ba dgos pa gang cung zad yan chad ci byed par 'dod kyang dang po rang gi lha'i rnal 'byor byas la phyag rgya bzhi'i rnal 'byor la gnas par bya'o/ /der gnas nas kyang gang der phyag rgya chen po dang dam tshig gi phyag rgya dang chos kyi phyag rgya dang las kyi phyag rgya gang yin pa de dag gi phyag rgya de rnams la rigs dang rjes su mthun pa'i mchod pa byas nas phyag rgya de rnams la gsol ba gdab par bya ste/bcom ldan 'das yum bstan pa bsrung ba dang / ma dad pa rnams dad par bgyi ba dang / /dad pa rnams ni brtan par bgyi slad du/ /khyod kyis bdag la thugs dpag mdzad du gsol//sangs rgyas kyi bden pa dang / chos kyi bden pa dang / dge 'dun gyi bden pa dang / bden par smra ba rnams kyi bden pa dang / /bdag gis ji srid 'tsho'i bar du yon tan gang legs par bsrungs shing nyams su blangs pa dang / chos yongs su bskyangs ba'i bden pa gang yin pa des bdag gi dgos pa 'di grub par mdzod cig ces phyag rgya rnams la gsol ba btab nas gdod dgos pa de brtsam par bya'o//da ni rdo rje zhes bya ba la sogs pas de bzhin gshegs pa'i rigs kyi las kyi dgos pa'i dngos grub kyi rgyud ston te/ de bzhin gshegs pa'i rigs la rdo rje sems dpa'i ting nge 'dzin gyis gsang ba'i mchod pa rnams pa bzhi po de dag gi sbyor ba byas nas dgos pa de dag phyag rgya rnams la snga ma bzhin du gsol ba btab na//myur du dngos grub 'thob par 'gyur ro zhes bcom ldan 'das rdo rje 'dzin pas gsungs so/ /da ni khro bo'i zhes bya ba la sogs pas rdo rje rigs kyi las kyi dgongs pa'i dngos grub kyi rgyud ston te/khro bo'i ting 'dzin zhugs nas kyang / /zhes bya ba ni khro bo gang yang rung ba'i ting nge 'dzin la gnas so/ /rigs kyi gsang ba'i mchod chen byas/ /zhes bya ba ni gsang ba'i dkyil 'khor du gtogs pa'i mchod pa bcu drug byas nas so/ / mkhas pas cung zad gang bsams pa/ /zhes bya ba ni cung zad yan chad kyi dgos pa gang ci rtsom yang rung ste de dag thams cad phyag rgya rnams la gsol ba gdab par bya'i gsol ba mi gdab par ni mi bya'o/ /de ni myur du 'grub par 'gyur/ /zhes bcom ldan 'das rdo rje 'dzin pas gsungs so/ /da ni 'jig rten dbang zhes bya ba la sogs pas pad+mo'i rigs kyi las kyi dgos pa'i dngos grub kyi rgyud ston te/'jig rten dbang po'i ting 'dzin gyis/ /yid kyi mchod pa byas nas kyang / /zhes bya ba ni gos dang rgyan la sogs pa rnam pa la sna tshogs pa yid kyis mchod pa byas la phyag rgya rnam pa bzhi de ltar mchod de ji skad gsungs pa'i tshul gyis gsol ba btab na mkhas pas dgos pa gang bsams pa thams cad kyi dngos grub 'thob bo zhes bcom ldan 'das pad+mo 'dzin pas gsungs so zhes bya ba ste 'jig rten dbang phyug gis zhes bya ba'i don to//da ni rdo rje snying po zhes bya ba la sogs pas nor bu'i rigs kyi las kyi dgos pa'i dngos grub kyi rgyud ston te/rdo rje snying po'i ting 'dzin gnas/ /zhes bya ba ni bcom ldan 'das rdo rje snying po'i rnal 'byor du byas la zhes bya ba'i don to/ /bdug pa la sogs mchod byas la/ /zhes bya ba la sogs pa la zhes bya ba'i sgras ni me tog dang mar me dang / dri dang / gdugs dang / rgyal mtshan dang / 'phan la sogs pa dang rin po che'i mchod pa rnam pa sna tshogs bsdu'o/ /phyag rgya rnams la de ltar mchod cing ji skad gsungs pa'i tshul gyis gsol ba btab na/ mkhas pas dgos pa gang bsams pa/ /de kun skad cig nyid kyis 'grub/ /ces bcom ldan 'das rdo rje snying pos gsungs so zhes pa'o//lhag ma rnams ni mjug sdud pa yin no/ /da ni de bzhin gshegs pa thams cad kyi phyag rgya bsgom pa'i dngos grub kyi rgyud ston te/ de bzhin gshegs pa thams cad kyir gtogs pa'i phyag rgya gang yin pa de'i yang dag par bsgom pa dang / de'i dngos grub kyi rgyud gang gis ston pa de ni de bzhin gshegs pa thams cad kyi phyag rgya bsgom pa'i dngos grub kyi rgyud ston te de gsungs pa'o//de las kyang thog mar sangs rgyas zhes bya ba la sogs pas de bzhin gshegs pa'i byin gyis brlab pa'i rnal 'byor gyi dngos grub kyi rgyud ston te/ de bzhin gshegs pa'i byin gyis brlab pa'i rnal 'byor zhes smos pa ni de bzhin gshegs pa'i phyag rgya chen por byin gyis rlob par ston to//sangs rgyas rnal 'byor ting 'dzin gyis/ /zhes bya ba ni sems so sor rtogs pa la sogs pa rim gyis sangs rgyas kyi phyag rgyar bskyed pa gang yin pa de la dmigs pa'i sems rtse gcig tu byas nas zhes bya ba'i don to//rdo rje phra mo'i tshul gyis ni/ /zhes bya ba ni rdo rje phra mo bsgom par sngar goms pas sems brtan par byas nas so/ /sangs rgyas phyag rgya rab grub pa'i/ /dngos grub dam pa 'thob par 'gyur/ /zhes bya ba ni sangs rgyas nyid thob par 'gyur ro zhes bcom ldan 'das de bzhin gshegs pa phyag na rdo rje'i gzugs su bzhugs pa'i de bzhin gshegs pa yin pas na de bzhin gshegs pa phyag na rdo rjes gsungs so//da ni kun gyi zhes bya ba la sogs pas de bzhin gshegs pa'i rigs kyi sems dpa'i byin gyis brlab pa'i rnal 'byor gyi dngos grub kyi rgyud ston te/de bzhin gshegs pa'i rigs kyi sems dpa'i byin gyis brlab pa'i rnal 'byor ni sems dpa' bcu drug gi rang bzhin gyi rang gi lha'i rnal 'byor du byed pa ste de ston pa'i rgyud gsungs pa'o/ /sems dpa' zhes grag kun bdag nyid/ /ces bya ba la sems dpa' ni rdo rje sems dpa'o/ / de yang gang gi phyir sgom pa po des mngon sum du ma mthong ba'i phyir grag ces bya ba'i sgra smos te grag pa ni mngon sum du ma yin no zhes ston to/ /kun bdag nyid ces bya ba ni rgyu ba dang mi rgyu ba'i dngos po thams cad yin par rgyud phyi ma las/ tshig rer thams cad bdag yin par/ /zhes dang po nyid du bstan pa'o/ / bdag gi lus la gnas pa ste/ /zhes bya ba ni sgom pa pos sems dpa' 'di dag thams cad ni nga'i bdag nyid du gnas so zhes lhag par mos shing / nga nyid sems dpa' rnams yin no/ /zhes nga rgyal gyis bsgoms na 'grub par 'gyur ro zhes bcom ldan 'das theg pa chen po mngon par rtogs pa'i rdo rje sems dpas gsungs so//da ni sems dpa'i zhes bya ba la sogs pas rdo rje rigs kyi rdo rje'i byin gyis brlab pa'i rnal 'byor gyi rgyud ston te rdo rje zhes smos pa ni rdo rje'i phyag rgya gzung ngo / /de'i gzugs kyi bdag nyid du bsgoms pas na rdo rje'i byin gyis brlab pa'i rnal 'byor te/ de ston par byed pa'i rgyud yin pas na rdo rje'i byin gyis brlab pa'i rnal 'byor gyi rgyud ston to//ji lta zhe na/ sems dpa'i ji bzhin rgya de bzhin/ /zhes bya ba gsungs te sems dpa' las phyag rgya tha mi dad de/ phyag rgya las gcig nas gcig tu brgyud de sems dpar gyur pa yin pa'i phyir ro/ /phyag rgya ji bzhin bdag de bzhin/ / zhes bya ba ni phyag rgya las tha mi dad de/ phyag rgya de'i gzugs kyi bdag nyid du bsgoms pas na/ phyag rgya ji bzhin bdag de bzhin/ /zhes gsungs pa yin no/ /bsgom pa 'di yi tshul gyis ni/ /zhes bya ba ni sems dpa'i phyag rgya dang bdag tha mi dad par bsgom pa'i sbyor bas phyag rgya de dag thams cad bsgrub par bya'o zhes bcom ldan 'das rdo rje sems dpas gsungs so//da ni chos kyi phyag rgya zhes bya ba la sogs pas pad+mo'i rigs kyi chos kyi byin gyis brlab pa'i rnal 'byor gyi rgyud ston te/ pad+mo'i rigs kyi chos kyi phyag rgya byin gyis brlab pa'i sbyor ba de ston pa'i gzhung ston pa'o/ /chos kyi phyag rgya'i tshul gyis ni/rdo rje phra mo bsgom byas la/ /zhes bya ba la chos kyi phyag rgya ni chos kyi ngo bo nyid dang yi ge'i ngo bo nyid du rgyud las bstan pa'o/ /de dag thams cad ni/ rdo rje phra mo bsgom byas la/ /zhes bya ba ste dngos grub 'dod pas chos kyi phyag rgya gdon pa'i dus su lce la rdo rje phra mo dkar po bsams la chos kyi phyag rgya thams cad bsgrub par bya'o//de ltar na chos kyi phyag rgya'i tshul gyis rdo rje phra mo bsgom pa yin no/ /ngag gi phyag rgya de dag kun/ /sems dpa' chen po'i ting nge 'dzin/ /zhes bya ba la ngag gi phyag rgya ni snying po la sogs pa rnams te de dag sems dpa' chen po'i ting nge 'dzin gyis bsgom par bya'o zhes pa'o//'di skad ston te/ sems dpa'i gang dang gang gis snying po'i sngags brjod pa na de nyid bdag yin no zhes bdag nyid la bsgoms te brjod par bya'o zhes bcom ldan 'das 'phags pa kun du spyan gyis gsungs so/ /da ni sangs rgyas kun zhes bya ba la sogs pas nor bu'i rigs kyi las kyi byin gyis brlab pa'i rnal 'byor gyi rgyud ston te/nor bu'i rigs kyi las rnams byin gyis rlob pa'i sbyor ba yin pas na nor bu'i rigs kyi las kyi byin gyis brlab pa'i rnal 'byor gyi rgyud de ston par byed pa gsungs so/ /sangs rgyas kun la dbang bskur dang / / mchod pa dam tshig dngos grub rnams/ /zhes bya ba la sangs rgyas kun la dbang bskur ba'i mchod pa ni rnam pa mang ba'o/ /dam tshig ni slong ba thams cad la bya'o/ /dngos grub rnams ni 'di dag grub cing rdzogs par gyur pa'o/ /de lta bu ni/ bcom ldan 'das zhes bsgoms nas kyang / /rdo rje'i las rnams bsgrub par bya//zhes bya ba ste gang gi phyir las thams cad pa 'di ni las kyi rigs kyi 'khor los sgyur ba yin no/ /de bas na 'di lta bu'i las thams cad bsgrub par bya ba ste nga yang de las tha mi dad do zhes bya ba'i nga rgyal byas la sngags pas bsgoms nas de nas de yang las thams cad bsgrub po zhes bcom ldan 'das rdo rje las kyis gsungs so//lhag ma rnams ni mjug sdud pa'o/ /da ni de bzhin gshegs pa thams cad kyi rgyud phyi ma bstan pas mnyes par gyur te gcig tu 'dus pa ni 'du ba mdzad pa'o/ /bcom ldan 'das byang chub sems dpa'i chen po zhes bya ba ni byang chub chen po la sems dpa' yin pas na byang chub sems dpa' chen po'o//de bzhin gshegs pa thams cad kyi 'khor los sgyur ba zhes bya ba ni de bzhin gshegs pa thams cad kyi chos kyi 'khor lo bskor ba'i ngang tshul mnga' bas na de bzhin gshegs pa thams cad kyi 'khor los sgyur ba ste de bzhin gshegs pa thams cad kyi 'khor los sgyur ba'i phyag na rdo rje de la ste 'di'i phyag na rdo rje mnga' bas na phyag na rdo rje'o//legs so zhes bya ba 'di byin no zhes bya ba ni legs so zhes bka' stsal bar gyur pa'o/ /de yang / /legs so rdo rje sems dpa'i khyod/ /ces bya ba la sogs pas 'khor lo bsgyur ba bzhi'i sgo nas legs so zhes bya ba byin pa yin no//rdo rje theg pa bla na med/ /ces bya ba la rdo rje rnams kyi theg pa yin pas na rdo rje'i theg pa ste sngags spyod pa'i tshul zhes bya ba'i don to/ /bla na med ces bya ba ni rnal 'byor la brten pa yin pa'i phyir ro/ /de bzhin gshegs pa kun gyi gsang / /zhes bya ba ni de bzhin gshegs pa rnams kyi yin pas na de bzhin gshegs pa kun gyi'o//de bzhin gshegs pa yang yin la kun kyang yin pas na de bzhin gshegs pa kun gyi'o/ /gzhan gyis mi shes pas na gsang ba'o/ /theg pa chen po mngon 'dus pa'o/ /zhes bya ba la theg pa chen po ni lan mang zhig bshad zin to/ /de 'dir mngon par 'dus pa yin pas na theg pa chen po mngon 'dus pa'o//mdo 'di yang ni legs par bshad/ /ces bya ba la mdo tsam du ston pas mdo'o/ /ma nor bar bshad pas na legs par bshad pa'o/ /de bzhin gshegs pa thams cad kyi de kho na nyid bsdus pa las zhes bya ba la de bzhin gshegs pa thams cad ni ji skad du bshad pa'i sangs rgyas dang byang chub sems dpa'i rnams so//de rnams kyi de kho na nyid ni bsgoms pa'i stobs kyis yongs su rdzogs par gyur pa'o/ /de bzhin gshegs pa thams cad kyi de kho na nyid bsdus pa ni bsdu ba byas pas na de bzhin gshegs pa thams cad kyi de kho na nyid bsdus pa ste/de la rtog pa thams cad kyi gsang ba'i rgyud phyi ma zhes bya ba la rtog pa thams cad ni bzhi ste/ theg pa chen po mngon par rtogs pa dang / 'jig rten gsum las rnam par rgyal ba dang / 'gro ba 'dul ba dang / don thams cad grub pa rnams so/ /rtog pa thams cad kyi gsang ba yang yin la rgyud phyi ma yang yin pas na rtog pa thams cad kyi gsang ba'i rgyud phyi ma'o//de'i cho ga rgyas pa ni rnam pa rgyas pa ste de rdzogs pa'o/ /de kho na nyid bsdus pa'i rgya cher bshad pa ko sa la'i rgyan las rgyud phyi ma'i 'grel pa rdzogs so// //don gang rgyud dang rgyud phyi ma las gsungs pa las ma gsungs pa rgyud phyi ma'i phyi mas gdul bya'i khyad par rjes su 'dzin par 'gyur ba gang yin pa de ni//de nas zhes bya ba la sogs pas ston to/ /de la de nas bcom ldan 'das byang chub sems dpa' chen po phyag na rdo rje zhes bya ba la sogs pa'i tshig gis rgyud phyi ma'i phyi ma la 'jug pa'i rgyu'i tshigs su bcad pa ston pa yin no//de la tshigs su bcad pa ni lta ba ngan cing zhes bya ba la sogs po 'di yin te/ lta ba ngan pa ni don tshig ji bzhin par 'dod pa dang spyod par rang dgar byed pa la 'jug pa gang yin pa rnams so/ /chags bral ni gsang ba'i don bsgom pa dang dngos grub gsungs su zin kyang gsang ba'i don bsgom par kun rdzob tu yang mi 'dod cing de la rgyab kyis phyogs pa'o//gsang ba 'di ni mi rigs te/ /zhes bya ba ni gang 'dod pa'i 'dam du bying zhing sems rtse gcig pa dang bral ba gang yin pa de la yang bsgoms pa'i 'bras bu mi 'byung bas na de lta bu de dag la gsang ba'i don 'di mi rigs so zhes gsungs pa yin no//sems can kun la phan don du/ /de bzhin cho ga bshad par bya/ /zhes bya ba la de bzhin zhes bya ba ni de rnams kyi don du de bzhin du 'gyur ro zhes bya ba'i don to/ /cho ga ni yo byad kyi bye brag ste phyi'i don dang 'brel pa rnams so//de nas byang chub sems dpa' chen po zhes bya ba la sogs pa ni go sla'o/ /de la 'di ni snying po'i yo byad dang cho ga rgyas pa'i rgyud yin te zhes bya ba la de la zhes bya ba ni tshig gi kha bskang ba'i don to/ /'di ni zhes bya ba ni 'og nas bshad pa'o/ /snying po zhes bya ba ni gang snying la yod pa'i ston pa ste yi ge'i tshogs gang yin pa rnams so//de yang dgos pa'i don mang po la dgos pa'i rkyen du bstan pa de'i yo byad dang cho ga ste yo byad ces bya ba'i sgras ni snying po dang sngags gzung ba'i bye brag dang / bsnyen pa'i dus na bya ba'i bye brag dang / sgrub pa'i dus na bya ba'i bye brag gang yin pa de dag la yo byad kyi sgrar gsungs so//cho ga ni de dag nyams su blang ba'i go rims so/ /rgyas pa ni go rims de'i rgya che ba nyid do/ /yo byad dang cho ga rgyas pa de gang yin zhe na/ da ni dkyil 'khor chen mthong nas/ /zhes bya ba la sogs pas ston te dang por bsdus nas bstan pa yin no//bzlas pa brtsam par bya'o zhes bya ba ni de la 'di ni bzlas pa'i cho ga bshad pa yin te zhes bya ba la sogs pas rgyas par ston to/ /zla ba bzhir zhes bya ba 'dis ni sngar bsnyen pa'i dus nges par ston to/ /gnas ji bzhin par 'dug ste zhes bya ba ni gang du 'dug pa de ni de'i gnas yin zhing de ni bzlas pa'i khyim gyi nges pa ste gang du 'dug par gnas pa ji lta ba bzhin du 'dug pa'o//dus bzhir zhes bya ba 'dis ni bzlas brjod kyi dus ston te tho rangs dang / nyi ma gung dang / srod dang / mtshan phyed de dus bzhi'o/ /bdug pa la sogs pas cho ga bzhin du mchod nas zhes bya ba ni yo byad kyi nges pa ston pa ste de bzhin gshegs pa zlos pa rnams kyi ni mchod pa bzhi'o//byang chub sems dpa' rnams kyi ni mchod pa rnam pa brgyad do/ /de ltar bdug pa la sogs pa phyag rgya dang ldan par mchod pa byas la de nas bstod pa'i mchod pa bya ste/ byang chub sems dpa' zlos pa rnams kyi ni de bzhin gshegs pa thams cad kyir gtogs pa'i theg pa chen po mngon par rtogs pa'i rtog par gsungs pa'i mtshan brgya rtsa brgyad pas bstod la de bzhin gshegs pa zlos pas ni rgyud phyi ma'i rnam par snang mdzad kyi mtshan brgya rtsa brgyad pas de bzhin gshegs pa thams cad la mngon par bstod do// de'i 'og tu yang phyag rgya bzhis phyag 'tshal ba'i tshul gyis phyag byas la bdag nyid dbul ba'i mchod pa sngags 'di bzhis bya ba ste 'di dag thams cad ni go sla'o/ /de nas 'dod pa'i yon tan thams cad la chags pa dang ma bral la zhes bya ba ni byang chub kyi sems dang gzugs la sogs pa thams cad la ste/'dis ni de bzhin gshegs pa'i rigs kyi dam tshig la gnas par ston pa yin no/ /de yang theg pa chen po mngon par rtogs pa'i phyag rgya gcig pa'i dkyil 'khor las/ 'dod chags bral ba lta bu yi/ /khams gsum na ni sdig med de/ /zhes bya ba la sogs pa'i dam tshig gsungs pa yin no//kha zas kun dang zhes bya ba ni rig pa'i brtul zhugs kyis nges pa med par bstan pa yin te kun 'dod dang / na le sham dkar po dang / la phug dang / bil ba dang / nim pa dang / bu ram la sogs pa dgag par gsungs pa de lta bu de 'dir mi bya'o/ /de ltar des ji ltar bsgrub par bya zhe na de'i phyir/ 'dod pa kun la nyer spyod cing / /zhes bya ba gsungs te/ khyim pa zhig na khrus byas te/ /ci 'dod pa'i gos bgo ba dang tsan+dan la sogs pas lus la byug pa dang / spos kyis bdug pa dang / me tog gi phreng ba mgo la gdags pa dang / rgyan thams cad kyis brgyan pa dang / ci snyed pa'i zas zos te stan rab tu 'jam po la 'dug nas bsgom pa'am bzlas pa bya'o//rab tu byung ba zhig yin na yang cho ga'i spyod pa dang mi 'gal ba'i gzugs dang / sgra dang dri dang / ro la sogs pas bdag nyid legs par mngon par 'dus byas la bsgom pa dang bzlas pa bya'o/ /de ltar 'dod pa kun la nye bar spyod pa byas nas bdag nyid snying po'i don du bsgom la zhes bya bar sbyar te/bdag nyid bzlas par bya ba'i snying po'i don gang yin pa de'i 'og tu bdag nyid lhag par mos pas bsgom pa'o/ /sangs rgyas kyi gzugs brnyan mdun du tshig tsam gyis kyang bsgoms la zhes bya ba ni gzhag par soms shig pa'o//ci dga' bar byed cing zhes bya ba ni khyim pa zhig na khyim gyi 'tsho tshis la sogs pa ci 'dod pa'i las byed pa bzhin du zhes bya ba'i don to/ /rab tu byung ba zhig na des kyang ci 'dod pa'i las rnams byed bzhin du dus bzhir rgyun mi 'chad par byed pa'o/ /rdo rje'i tshig gis lan brgya rtsa brgyad bzlas na zhes bya ba la rdo rje'i tshig gis zhes bya ba ni rdo rje tshig gi sgra spangs pa'o zhes gsungs pa ste/rdo rje tshig des bzlas na myur du 'grub par 'gyur ro zhes bcom ldan 'das rdo rje sems dpas gsungs pa ste mnyes par bya ba dang dgug pa dang dbang du bya ba la sogs pa dang dgos pa phran tshegs kyi las gzhan dag kyang 'grub par 'gyur ro//yang ci ste bla na med pa'i dngos grub 'dod na de'i phyir ras kyi cho ga smos te ci snyed pa'i ras la bcom ldan 'das de bzhin gshegs pa bris la/ de'i sems dpa' chen po bzhi'i dkyil 'khor gyi tshul du zhes bya ba la de'i zhes bya ba ni de bzhin gshegs pa'i'o//sems dpa' chen po bzhi zhes bya ba 'di ni 'khor los sgyur ba bzhi gzung ngo / /de rnams kyi dkyil 'khor gyi tshul du zhes bya ba ni phyag rgya bzhi'i dkyil 'khor gyi tshul gyis so/ /kha dog dang rgyan rnams ci dga' bar byas te zhes bya ba ni de rnams kyi sku mdog dang rgyan rnams rnal 'byor ba ji ltar mos pa bzhin du bya ba ste/gang gi phyir/ gang dang gang gi gzugs kyis ni/ /lus can rnams ni 'dul 'gyur ba/ /thugs rjes non pa de dang der/ /brtse ba'i bdag nyid ston par mdzad/ /ces bya ba yin pa'i phyir ro/ /de ltar na bcom ldan 'das rnam par snang mdzad kyi phyogs bzhir sems dpa' chen po 'khor los sgyur ba bzhi zla ba'i dkyil 'khor la gnas pa bri bar bya'o//rigs kyi lha mo rnams grwa rnams su bri bar bya'o zhes bya ba ni sgeg mo la sogs pa bzhi'o/ /yang na rdo rje rgyal po dang / rdo rje gzi brjid dang / rdo rje rnon po dang / rdo rje srung ba rnams 'khor du bri bar bya'o//de bzhin du gsum pa dang bzhi pa yang bcom ldan 'das rnam par snang mdzad kyi 'khor du gyur pa yin no/ /thams cad du rigs kyi lha rnams de bzhin du sgrub pa po'i lha'i dbang du byas nas bri bar bya ste/ mi bskyod pa zlos pas ni mi bskyod pa la sogs pa rang gi 'khor rnams kyis bskor ba bri bar bya zhing /thams cad du yang rigs kyi lha rnams de bzhin du de bzhin gshegs pa'i 'khor du gyur pa'i sems dpa' chen po bzhi yang dkyil 'khor gyi tshul du bri bar bya'o/ /de ltar ras kyi cho ga zin par byas nas de nas ri mo'i sku gzugs la mchod pa rgya cher byas la bzlas pa bya ba'i tshul ji lta ba bzhin du zhes bya ba sngar bshad pa'i dus bzhir me tog la sogs pas mchod pa bya ba dang /gnas gcig tu rdo rje'i tshig gis bzlas pa zhes bya ba la sogs pa bya'o zhes ston to/ /zla ba bzhi'i bar du bzla bar bya'o zhes bya ba ni ji srid zla ba bzhi lon pa de srid kyi bar du bzlas par bya ba ste 'di ni sngon du bsnyen pa'i dus kyi nges pa'o//de nas mthar mchod pa rgya chen po byas la mtshan thog thag bzlas brjod bya'o/ /de nas nam langs pa dang zhes bya ba la sogs pa ni go sla'o/ /de ltar grub pa chen po bshad zin nas/ da ni de nas zhes bya ba la sogs pas dam tshig gi phyag rgya bsgrub pa ston te/de nas/ phyag rgya bsgrub par 'dod na ni/ /zhes bya ba ni zlos pa po des de bzhin gshegs pa thams cad kyi sems dpa' rdo rje ma'i phyag rgya bcings la zhes bya ba la de bzhin gshegs pa thams cad ni sangs rgyas dang byang chub sems dpa' rnams la bya'o//sems dpa' rdo rje ma'i phyag rgya bcings la zhes pa'i sems dpa' rdo rje ma smos pas ni sems dpa' rdo rje ma'i phyag rgya gzung ngo / /'di ni nye bar mtshon pa tsam du zad kyi gang dang gang bsgrub par 'dod pa des de bcing bar bya'o zhes bya ba'i don to/ / de bas na des sems dpa' rdo rje ma'i phyag rgya de bcings la sngon du bya ba thams cad ji skad gsungs pa bzhin du byas nas ri mo'i sku gzugs kyi spyan sngar ci dga' ba bzhin ji lta ba bzhin du bcings shing bkrol te/ rdo rje'i tshig gis 'bum bzlas par bya'o zhes bya ba la ci dga' ba bzhin du zhes bya ba ni khyim pa zhig na khyim gyi bya ba byed pa dang /rab tu byung ba zhig na rab tu byung ba'i bya ba byed bzhin du'o/ /ji lta ba bzhin zhes bya ba ni me tog dang bdug pa la sogs pas mchod pa byas te zhes bya ba la sogs pa gzung ngo / /bcings zhes bya ba ni bzlas pa'i tshe'o/ /bkrol zhes bya ba ni ldang ba'i tshe'o//rdo rje tshig gis zhes bya ba ni sngar bshad pa'i rdo rje'i tshig gis so/ /'bum bzlas par bya'o zhes bya ba ni stong phrag brgya ni 'bum mo/ /de ltar stong phrag brgyar brtsis pa bzlas nas lag pa gnyis kas phyag rgya bcings te sems kyis dkyil 'khor bris la bcom ldan 'das rnam par snang mdzad nas brtsams te sgo ba rnams la thug gi bar du sems dpa' re re nas mngon sum du bya zhing sngags brjod do//de lta bu lan gsum bskor ba dang brgya rtsa brgyad lhag pa dang bcas pa bzlas par gyur te de ltar brtsi bar bya'o/ de nas mthar mchod pa ci nus byas la mtshan thog thag tu bzlas brjod bya'o zhes bya bar sbyar ro//'bum bzlas pa'i mthar ngal bar gyur na cung zad tsam zhig phyag rgya bkrol la ji lta ba bzhin du bcings te zhes bya ba la ji lta ba bzhin du zhes bya ba ni mtshan nyid ji lta ba bzhin du phyag rgya chen po mngon sum du byas la snying po brjod cing lce la rdo rje bsams te bzlas pa bya'o/ /de nas phyag rgya 'bar zhing 'bab la 'phar zhing smra bar 'gyur ro zhes bya ba ni dngos grub kyi mtshan ma yin te/phyag rgya bcings pa de 'bar ram 'phar ba'i mtshan ma byung na dngos grub dam par 'gyur ro/ /babs na ci 'dod pa'i gzugs su 'gyur ba ste sangs rgyas kyi gzugs nas brtsams te sems can thams cad kyi gzugs su ston pa'i bar du 'gyur te/phyag rgya bcings la gang gi gzugs su bya bar 'dod pa de'i gzugs su bdag nyid yin par bsams na/ de'i tshe bdag nyid lha'i gzugs yin par bdag nyid kyis kyang mthong zhing gzhan la yang ston pas na ci 'dod pa'i gzugs su 'gyur ba yin no/ /phyag rgya bsgrub pa'i dus su 'phar bar gyur na mi snang ba'i dngos grub 'byung ba'i ltas yin te/de yang phyag rgya thog mar de bcings la lus rdul phra rab tu rnam par bshig cing bsgoms nas bdag ni nam mkha' zhes bsgoms na ji srid nam mkha' sgom pa de srid pha rol gyis mi mthong bar 'gyur ro/ /phyag rgya bsgrub pa'i dus su smra bar 'gyur bas ni 'bab pa dang bcing ba dang /dbang du bya ba dang / gdon rnams tshar gcod pa la sogs pa'i las thams cad byed par 'gyur ro/ /bcings ma thag tu phyag rgya thams cad kyis las thams cad ji lta ba bzhin du byed par 'gyur ro zhes bya ba ni dngos grub rnam pa bzhi char gyi las kyi spyi'i mtshan nyid yin te/gang gi phyir 'di ni dam tshig gi phyag rgya yin pa'i phyir de grub na dam tshig gi phyag rgya 'di bcings pa tsam gyis las thams cad ji lta ba bzhin du byed par 'gyur te/ ji lta ba bzhin du zhes bya ba ni mtshan nyid ji lta ba bzhin du thams cad byed do zhes bcom ldan 'das rdo rje 'dzin pas gsungs so//da ni de nas zhes bya ba la sogs pas chos kyi phyag rgya bsgrub pa ston te/ de nas ting nge 'dzin bsgrub par 'dod na zhes bya ba la de nas zhes bya ba ni rjes thogs la ste dam tshig gi phyag rgya'i rjes la chos kyi phyag rgya ston pa'i phyir ro/ /ting nge 'dzin ni sems rtse gcig pa ste de yang chos kyi phyag rgya yin la ting nge 'dzin de rnams kyang rnam pa mang bas gal te rnal 'byor pas de bsgrub par 'dod na ni des rdo rje phra mo nas brtsams te zhes bya ba rdo rje phra mo bsgom pa goms par byas pas dang por sems brtan par byas te'o//ting nge 'dzin gang dga' ba zhes bya ba ni byams pa la sogs pa dang / byang chub kyi sems bsgom pa la sogs pa'i ting nge 'dzin mang po sngar bstan pa rnams so/ /de'i snying po'i rnal 'byor gyi tshul du zla ba bzhi'i bar du bsgoms la zhes bya ba la de zhes bya ba ni ting nge 'dzin to/ /snying po'i rnal 'byor zhes bya ba ni snying po'i don la zhes bya ba'i don to/ /zla ba bzhi'i bar du zhes bya ba ni dus kyi nges pa ston pa ste de dang por sems brtan par byas zin pa'i phyir ro//bsgoms la zhes bya ba ni goms par byas pa'o/ /de nas mthar thog thag skyil mo krung mi bshig par snyoms par zhugs te 'dug par bya'o zhes bya ba la mthar zhes bya ba ni zla ba bzhi'i mthar ro/ /snyoms par zhugs te 'dug par bya'o zhes bya ba ni ting nge 'dzin gang 'dis zla ba bzhi'i bar du bsgom pa'i ting nge 'dzin de bsgoms nas de nas nam langs pa dang de bzhin gshegs pa la sogs pa'i dngos grub thams cad mngon sum du 'gyur ro//'di skad ston te/ sangs rgyas rjes su dran pa'i ting nge 'dzin de mngon sum du gyur pa dang / sangs rgyas rjes su dran pa de'i stobs kyis der gtogs pa'i ting nge 'dzin gzhan thams cad kyang mngon sum du 'gyur ro/ /de ltar mngon sum du gyur pa dang de nas ji lta bu 'dod pa de lta bu 'thob par 'gyur ro zhes bcom ldan 'das rdo rje sems dpas gsungs so zhes pa'o/ /da ni de nas zhes bya ba la sogs pas las kyi phyag rgya bsgrub pa ston te/de bzhin du bzlas shing zla ba gcig gi bar du bsgrubs la zhes bya ba ni rdo rje phra mo bsgom pa goms par byas te/ phyag bzhi byas nas me tog dang / dri la sogs pas dus bzhir mchod pa dang / rdo rje tshig gis brgya rtsa brgyad bzlas pa la sogs pa gzung ngo / /zla ba gcig gi bar du de ltar bsgrubs pa'i mjug tu de nas mthar mtshan gcig thog thag tu bzlas pa bya'o zhes bya ba ni sgrub pa'i dkyil 'khor bris la mchod pa ci nus pa bya'o//de nas las thams cad kyi dngos grub tu 'gyur ro zhes bcom ldan 'das rdo rje 'dzin pas gsungs so zhes pa'o/ /da ni de nas zhes bya ba la sogs pas las ston te/lan gcig brjod pa tsam gyis bdag bsrung ba ni go cha bcing ba zhes 'og nas ston pa dang sbyar ro/ /de bzhin du gzhan bsrung ba dang grong dang grong khyer bsrung ba ni go cha chen po bcing ba la sogs pas so/ /sogs pa zhes bya ba'i sgras ni phyogs bcing ba dang / mtshams bcing ba dang sa bcing ba la sogs pa bsdu'o//dbab pa yang tsan+dan dri zhim pos zhes bya ba la dri 'phel ni bar da na zhes bya ba'i tsan+dan te de bdar bas lag pa bsku zhing snod kyi khar yang bzhag la de nyid chu'i nang du blugs pa'i chu snod kyi khar brdeg pa dang / de nyid kyis bdug pa bya ste de ltar na 'bab par 'gyur ba yin no/ /gdon gyis zin pa dang gdon gyis ma zin pa zhes bya ba la zin pa ni rims la sogs pas thebs pa'o//ma zin pa ni tha mal pa'o/ /da ni rdo rje zhes bya ba la sogs pas phyag rgya dbab pa ston te/ bcings na byas pa'am blugs pa'i dngos po thams cad la rdo rje la sogs pa 'bab par 'gyur ro/ /babs nas bum pa la sogs pa nor stor ba la sogs pa'i gnas su 'gro ba dang /bum pa la sogs pa phyag rgya'i rang gi las rnams byed pa'o/ /gal te sgyu ma'i las kyang byed par 'dod na rma bya'i mjug ma'i nang du rdo rje bcug ste bcings la/ de nas rma bya'i mjug ma de sems dpa' rdo rje ma'i phyag rgyas mnan la de bzhin gshegs pa thams cad kyi sems dpa' rdo rje ma'i phyag rgya bab kyi bar du bzlas pa bya'o zhes bya ba la de bzhin gshegs pa thams cad kyi phyag rgya ni sems dpa' rdo rje ma'i phyag rgya'o//phyag rgya bab pa'i mtshan nyid 'di ni dngos grub kyi mtshan ma ste/ gnyis pa ni de nas rma bya'i mjug ma las gzugs sna tshogs pa snang bar 'gyur te zhes bya ba 'dis ston to//de phyin chad rma bya'i mjug ma des gzugs thams cad yang dag par ston to/ /ji lta zhe na/ mjug ma de bskor ba des bdag nyid dam gzhan gyi gzugs thams cad snang bar 'gyur ro zhes bya ba ste/ bdag gam pha rol po gang dang gang gi gzugs su ston par 'dod pa de dang de'i gzugs su bdag gam pha rol yid kyis bsams shing mjug ma bskor na de nas 'jig rten pa rnams kyis de bzhin du mthong ste 'jig rten pa'i sgyu ma'i las rnams kyang ston to//mjug ma de nyid kyis sangs rgyas dang byang chub sems dpa' rnams kyi gzugs brnyan yang ston to zhes bya ba ni 'jig rten las 'das pa'i sgyu ma'i las rnams kyang ston pa ni phyogs bcu'i zhes bya ba la sogs pa yin no//'di skad ston te/ mdo sde dag las sangs rgyas kyi zhing gi 'jig rten ji skad bshad pa dang / phyogs gang dang gang du mdo las ji skad smos pa rnams kyi phyogs de dang der sangs rgyas kyi zhing yongs su dag pa ji lta bu yin pa yid kyis bsams la sngags lan cig brjod de phyogs der mjug ma des byabs nas sangs rgyas kyi zhing la sogs pa'i 'jig rten gyi khams de dag de bzhin du mthong bar 'gyur ro//de nas dbang du byed par 'dod na zhes bya ba la sogs pa la dbang du bya ba byed par 'dod na de'i tshe sems dpa' gang yang rung ba'i phyag rgya bcings la yo byad dang cho ga ji ltar gsungs pa bzhin du bya ste phyag rgya de nam 'bar bar gyur gyi bar bzlas pa bya'o//snga ma ni sangs rgyas kyi phyag rgya bstan pa yin la 'di ni sems dpa'i phyag rgya bstan pa yin te bye brag ni de yod do/ / sngon du bsnyen pa dang sgrub pa'i cho ga ni gong du bshad pa dang 'dra ste/ /zla ba gcig dang sngags brgya stong bzlas ba nyi tshe bye brag yod du zad do/ /de nas mjug tu yang bsgrub pa'i dkyil 'khor du de bzhin du bris la mchod pa rgya chen po ci nus pa bya ste der mtshan thog thag bzlas brjod bya'o/ /lhag ma rnams ni go sla'o//de bzhin gshegs pa'i rigs kyi yo byad dang cho ga rgyas pa rdzogs so// //da ni de nas zhes bya ba la sogs pas rdo rje rigs kyi yo byad dang cho ga rgyas pa ston te/ de la dang po ni sngar bsnyen pa bya ste zhes bya ba ni dkyil 'khor mthong ba dang dbang thob pa dang sngags mnos pa dang rang gi rtog pa'i cho ga la shin tu mkhas pas gnas gcig tu gnas te/lha'i gnas legs par brtags pas yo byad rnams tshogs pa dang ldan pas na sngar bsnyen par bya'o/ /ji lta zhe na/ de ltar ji ltar 'dod pa bzhin du zhes bya ba ste de ltar zhes bya ba ni sgeg mo la sogs pa'i mchod pa brgyad dang / gsang ba'i dkyil 'khor las gsungs pa'i mchod pa bcu drug ci nus par dus bzhir rgyun mi chad par byas la/ji ltar 'dod pa bzhin du zhes bya ba la bya ba thams cad kyang de bzhin du'o/ /yi ge 'bru 'bum bzlas par bya'o zhes bya ba ni bzlas par bya ba'i sngags kyi yi ge 'bru du yod pa'i 'bum phrag de snyed bzlas brjod bya'o zhes ston pa yin no//mthar bsgrub pa'i dkyil 'khor bris la mchod pa rgya chen po ci nus pa bya ste gsang ba'i bskul bas bcom ldan 'das la bskul ba la sogs sngon du bya ba thams cad byas nas mthar mtshan thog thag bzlas pa byas na de phyin chad dngos grub thob par ma gyur kyang bzlas pa tsam gyis sems can thams cad la phan gdags pa dang chad pas gcad nus par 'gyur ro zhes bcom ldan 'das rdo rje sems dpas gsungs so zhes pa'o//'on te bsgrub par 'dod na yang / /zhes bya ba la sogs pa la des ji lta ba bzhin du ri mo'i sku gzugs bris la zhes bya ba ni dpa' bo gcig po ji skad du bshad pa'i mtshan nyid dang ldan pa'am rdo rje sems dpa' la sogs pa bzhi dang /'jom la sogs pa gsang ba'i mchod pa bzhi dang bdag dang dgur bya ba ste bsten pa sngar dang po byas nas de nas gdong ras la ri mo bri bar bya'o/ /de nas bsgrub pa'i dkyil 'khor bris la dben pa'i phyogs su mchod pa gong ma bzhin du bya'o/ / zla ba gcig 'dod pa kun la longs spyod cing zhes bya ba 'dis ni snga ma bzhin rig pa'i brtul zhugs kyi nges pa med par ston to/ /ci dga' ba bzhin du byas nas zhes bya ba ni khyim gyi bya ba thams cad byed bzhin du yang zhes bya ba'i don to/ /brgyad stong du bzlas pa dus bzhir rdo rje'i tshig gis zlos shing zhes bya ba ni der khro bo'i tshig gis bzlas par bya ste dus bzhir brgyad stong rtsa brgyad bzlas par nus pa ni mi srid pas na yul gang du brgyad stong rtsa brgyad ces smos pa der khro bo'i tshig tu bzlas pa yin par shes par bya'o//lhag ma rnams ni go sla'o/ /sems dpa'i lhag ma rnams bsgrub pa yang tshul 'di kho na nyid kyis bya'o//de ltar phyag rgya chen po bsgrub pa bstan zin nas/ da ni/ ci ste phyag rgya bsgrub par 'dod na yang / /zhes bya ba la sogs pas dam tshig gi phyag rgya bsgrub pa ston te/ ci ste phyag rgya bsgrub par 'dod na yang / /ji lta ba bzhin du bzlas pa byas la zhes bya ba ni bshad ma thag pa'i cho gas sngon du bsnyen pa byas la bsgrub pa'i dkyil 'khor bris nas de bzlas pa snga ma bzhin du zla ba gcig bya ste/zla ba gcig gi bar du dkyil 'khor slar gshegs su ma gsol ba nyid du dgos pa thams cad byed bzhin du yang dus bzhir bya'o/ /zla ba gcig gi bar du rdo rje hUM mdzad kyi dam tshig gi phyag rgya bcings la mtshan thog thag bzlas brjod bya'o//'dir dngos grub kyi mtshan ma smos su zin kyang 'dir dngos grub kyi mtshan ma gang yang rung ba gcig nges par 'byung bar shes par bya'o/ /de nas phyag rgya 'grub par 'gyur ro/ /da ni de nas zhes bya ba la sogs pas nam mkha' la 'gro ba la sogs pa'i dngos grub kyi las ston te/dkyil 'khor thams cad kyi phyag rgya'i las ji snyed pa de dag 'jig rten gsum las rnam par rgyal ba'i dam tshig gi phyag rgya gcig bu'i las yin par ston to/ /de yang nam mkha' la 'gro ba nas brtsams te dbab pa la thug pa'i bar de dag gi dam tshig gi phyag rgya'i las so//'dir rang gi las ni 'jig rten gsum las rnam par rgyal ba yin mod kyi phyag rgya thams cad kyi las thun mong ma yin pa rnams kyang 'dis byed do/ /dgug pa ni rdo rje rgyal po'i phyag rgya'i las yin te dgug pa nas brtsams nas sbyang ba'i bar du ni re re zhing sems dpa' re re phyag rgya'i las yin par shes par bya'o//bcad pa dang dbye ba ni bcom ldan 'das rdo rje rnon po'i las yin no/ /de nas yang tshig bzhi ni sems dpa' bzhi po re re'i las bstan pa yin no/ /rmongs pa dang / gnan pa dang / bsdigs pa dang / gsad pa bzhi ni rdo rje gnod sbyin gyi las so/ / sems can thams cad rgyas gdab pa ni rdo rje khu tshur gyi las yin te de yang sku gsung thugs rdo rje rnams gcig tu byed pas na bdag nyid chen po rnams kyi sku dang gsung dang thugs kyis 'gro ba thams cad la ji lta ba bzhin du rgyas 'debs pa'i phyir ro/ /'dod pa'i dga' ba'i rol pa la 'jug pa ni rdo rje sgeg mo'i las yin te 'dod pa ni bcom ldan 'das rdo rje sems dpa'i yin la der dga' ba ni mgu ba'o//de bzhin du rol pa ni sprul pa mang po ston pas de la 'jug pa'i phyir 'dod pa'i dga' ba'i rol pa la 'jug pa'o/ /dbang bskur ba ni phreng ba ma'i las yin te gsod pa dang dbang du byed pa yang phreng ba ma'i las yin no//dngos po thams cad glu len du gzhug pa ni rdo rje glu ma'i las so/ /gar byed du gzhug pa ni rdo rje gar ma'i las so/ /de bzhin du rdo rje bdug pa ma la sogs pa'i las ni tshim par byed pa la sogs pa yin par shes par bya'o/ /dgug pa ni rdo rje lcags kyu'i las so//gzhug pa ni rdo rje zhags pa'i las so/ /bcing ba ni rdo rje lcags sgrog gi las so/ /dbab pa ni rdo rje dril bu'i las yin te de ltar na dbab pa la sogs pa'i las thams cad byed par 'gyur ro zhes bcom ldan 'das rdo rje 'dzin pas gsungs so/ /da ni ci ste zhes bya ba la sogs pas chos kyi phyag rgya bsgrub par ston te/des rdo rje hUM zhes bya ba'i ting nge 'dzin nas brtsams nas de bsgom zhing zhes bya ba la des zhes bya ba ni chos kyi phyag rgya bsgrub par 'dod pa gang yin pa'o/ /rdo rje hUM zhes bya ba'i ting nge 'dzin nas brtsams te zhes bya ba ni rdo rje hUM mdzad kyi ting nge 'dzin dang por byas pa nas byang chub sems dpa' bcu drug po rnams kyi ting nge 'dzin rnams gzung bar bya'o//bsgom pa ni goms par bya ba'o/ /de bzhin du bzlas pa'i tshul gyis zhes bya ba ni gang yang rung ba sngar smras pa'i tshul gyis so/ /zla ba gcig gi bar du bsgrub par bya ste zhes bya ba ni dang po sngar bsnyen pa byas shing mtshan ma rnyed pa de nyid kyis de nas mthar ting nge 'dzin de nyid kyis mtshan thog thag tu bzlas pa bya'o//lhag ma rnams ni go sla'o/ /ting nge 'dzin gyi phyag rgya nyid 'dir las kyi phyag rgyar gsungs so/ /da ni ci ste zhes bya ba la sogs pas las bsgrub pa ston te/ de bzhin du bzlas shing zhes bya ba ni sngar bshad pa'i tshul gyis so//'dir las kyi phyag rgya bsgrub par bya ba 'ba' zhig tu ma zad kyi sngon du bsnyen pa dang zla ba gcig gi bar du bsgrub pa dang / mtshan thog thag bsgrub pa rnams sngar bshad pa ji lta ba bzhin du rig par bya'o/ /de nas las thams cad 'grub par 'gyur zhes bcom ldan 'das rdo rje 'dzin pas gsungs te/las de yang srung bye ba la sogs pa'i las rnams byed pa yin no/ /rdo rje rigs kyi yo byad dang cho ga rgyas pa rdzogs so// //da ni de nas zhes bya ba la sogs pas pad+mo'i rigs kyi yo byad ston te/ /de la dang po kho nar sngar bsnyen pa bshad de 'bum bzlas pa byas na sngar bsnyen pa byas par 'gyur ro//sngar bsnyen pa'i cho ga byas nas sgrub pa 'byung ba ste de la thog ma nyid du re zhig ras la bcom ldan 'das 'gro ba thams cad 'dul ba la sogs pa sgrub pa pos lha ri mor bri bar bya'o/ /de'i phyogs thams cad du dkyil 'khor bzhi'i tshul du sems dpa'i chen po bzhi bri'o/ /grwa rnams su lha mo rnams bri'o zhes bya ba ni mtshams bzhir sgeg mo la sogs pa bzhi bri bar bya'o//de nas bzlas pa'i cho ga de bzhin du rgyas par byas la zla ba gcig gi mtshan thog thag tu bzlas pa bya'o/ /dus ji bzhin par zhes bya ba ni nang par ro/ /lhag ma rnams ni go sla'o/ /dam tshig gi phyag rgya bsgrub pa la ji lta ba bzhin du bcings shing bkrol te ngal bso ba snga ma bzhin du shes par bya'o//ji lta ba bzhin du 'gro ba thams cad 'dul bar byed do zhes bya ba ni yongs su rdzogs par byed do zhes bya ba'i bar du ston par byed do/ /lhag pa rnams ni go sla'o/ /chos kyi phyag rgya bsgrub pa'i dbang du bya ba la yang ting nge 'dzin gyi tshul zhes bya ba la smos pas chos kyi dkyil 'khor gyi ting nge 'dzin nyid gzung ngo //ji lta bur dga' ba'i ting nge 'dzin zhes bya ba ni ting nge 'dzin gang la dmigs na myur ba nyid du sems rtse gcig par 'gyur ba'i ting nge 'dzin des bzlas pa 'di bya ba'o/ /de nas nam langs pa dang ting nge 'dzin thams cad mngon sum du 'gyur ro zhes bya ba sems brtan por gyur pa'i ting nge 'dzin la dmigs na sgo brgyar yang snang ba dang /mngon du gyur nas sgo 'bum yang snang bar 'gyur te/ de ltar ting nge 'dzin mngon du byas par 'gyur ro zhes bya ba'i bar du gsungs pa yin no/ /las bsgrub pa ni go sla'o/ de ltar na pad+mo'i rigs kyi yo byad dang cho ga rgyas pa rdzogs so// //da ni de nas zhes bya ba la sogs pas nor bu'i rigs kyi yo byad dang cho ga rgyas pa ston te/ mdor na phyag rgya bzhi dang por byas la sngon du bsnyen pa 'bum bzlas pa bya'o/ /de nas ras la ri mo bri bar bya ste de yang bcom ldan 'das don thams cad grub pa dkyil 'khor bzhi'i tshul du bri ba'am/'drir gzhug par bya zhing sems dpa' bzhis bskor ba dang / sgeg mo la sogs pa lha mo bzhis kyang bskor ba bri bar bya'o/ /lhag ma rnams ni go sla'o/ /dam tshig gi phyag rgya bsgrub pa yang chos kyi rdo rje ma'i tshul gyis zhes bya ba ni chos rdo rje ma'i phyag rgya'i mtshan nyid ji lta ba bzhin du bcing ba dang ngal na dgrol ba dang /dus bzhir stong rtsa brgyad bzlas pa dang / mtshan thog thag bzla ba la sogs pa sngar bshad pa bzhin du gzung ngo / /rdo rje rin po che'i myu gu'i phyag rgya ji lta ba bzhin du bsgrubs na bsam pa thams cad kyi las byed par 'gyur ro zhes bya ba ni ci 'dod pa'i las rnams byed par 'gyur ro zhes bya ba'i don to//ci ste nor bu'i ye shes bsgrub par 'dod na zhes bya ba la sogs pas ni chos kyi phyag rgya bsgrub pa ston te/ des de bzhin du rdo rje rin po che 'byung ba'i ting nge 'dzin ji lta bu'i rim pa bzhin du bsgom par bya ste zhes bya ba la rin po che 'byung ba ni bcom ldan 'das rdo rje rin chen no//de gang nas 'byung zhing 'thon pa'i ting nge 'dzin de ni rdo rje rin po che 'byung ba'i ting nge 'dzin to/ /de yang ji lta ba'i rim pa bzhin du bsgom par bya ba yin te ji lta ba'i rim pa bzhin ni go rims ji lta ba'o/ /de nyid kyang dngos po med pa zhes bya ba la sogs pas ston te/rang gi ngo bo gang pha rol rnams la rag las pa ma yin zhing rang gi rang bzhin las mi 'gyur ba de ni don dam par de'i rang bzhin no/ /kun rdzob kyi rang bzhin yang rgyud dang rkyen dang bcas pas bskyed cing don gyi bya ba byed nus pas sa la sogs pa'i 'byung ba gang yin pa rnams so//gang la rnam pa 'di gnyi ga'i rang bzhin med cing ngo bo nyid dang bral ba de ni dngos po med pa'o/ /de bas na gang gi phyir de ltar dngos po med pa'i nam mkha' las rin po che ji ltar 'byung / rin po che yang de lta bu yin na de las byang chub sems dpa'i skur ji ltar 'byung zhes pa'o//don gyis na 'di skad ston to/ /dngos po 'di rnams ni rnam par rtog pa tsam la rag lus pa yin te/ de bas na gang cung zad cig rnam par brtags la rnam par brtags nas kyang bsgom la bsgoms nas kyang brtan par gyur na bdag dang gzhan rnams la de bzhin du snang bar 'gyur ro//ji ltar gong du smos pa bzhin du zhes bya ba ni phyag bzhi byas nas dri dang me tog la sogs pas mchod pa byas te zhes bya ba la sogs pa'o/ /ci dga' ba bzhin du dbang bskur bar 'gyur ro zhes bya ba ni/ rgyal por dbang bskur ba'am rig 'dzin gyi rgyal por dbang bskur ba'am chos kyi rgyal por dbang bskur ba'o//lhag ma rnams ni go sla'o/ /de nas las bsgrub pa bshad de zhes bya ba la sogs pa yang go sla'o/ /de ltar nor bu'i rigs kyi yo byad dang cho ga rgyas pa rdzogs so// //gang du ni rtog pa dang rigs kyi phyag rgya'i dbye bas yo byad dang cho ga rgyas pa gsungs pa yin la/da ni de nas zhes bya ba la sogs pas rigs thams cad kyi thun mong gi yo byad dang cho ga rgyas par ston te/ de la dang por snying po thams cad kyi yo byad dang cho ga rgyas pa ston to/ /snying la yid la re ba de bzhin gshegs pa thams cad kyi grub par gyur cig ces brjod la zhes bya ba ni snying 'di la'am yid la re ba rnams grub par gyur cig ces bya bar sbyar ro//su zhig gi zhe na de bzhin gshegs pa thams cad kyi'o/ /'di yang nye bar mtshon pa brda sprod pa tsam du zad kyi don du na 'di skad ston te/ sangs rgyas dang byang chub sems dpa'i rnams dang / nyan thos dang rang sangs rgyas thams cad kyi thugs la dgongs pa thams cad grub par gyur cig ces pa dang sems can thams cad kyi dge ba bcu'i las kyi lam ma 'dres pa dang yongs su dag pa dang /'jig rten pa rnams kyi yid la re ba rnams kyang grub par gyur cig ces pa'o/ /zlos pa pos de skad brjod la snying po ci dga' bar bzlas shing bsgrub pa'i cho ga bya'o zhes bya ba ni sngar gsungs pa'i tshul gyis snying po zlos pas sems can thams cad kyi re ba grub par gyur cig ces bya ba la sogs pa 'di tsam zhig sngar smras pa'i yo byad dang cho ga rgyas pa las lhag par zad do//da ni phyag rgya'i yo byad dang cho ga rgyas pa ston te phyag rgya sgrub pas sngar bsnyen pa'i dus dang /bsgrub pa'i dus su thog ma kho nar bkra shis pa'i tshig 'og nas 'byung ba brjod par bya ste 'di nyid ni yo byad do/ /cho ga'i tshul yin pas na cho ga'o/ /de ji lta bu yin zhe na/ de'i phyir phyag rgya thams cad bdag la dga' bar gyur cig ces bya'o/ /de'i tshig ni 'di yin te thog mar brjod la dam tshig gi phyag rgya bcing bar bya'o//ci dga' bar zhes bya ba ni ci 'dod par zhes bya ba'i don to/ /ci nus kyis bzlas pa bya'o zhes bya ba ni brgya rtsa brgyad dam stong rtsa brgyad dam grangs med par bzlas pa bya'o zhes bya ba'i don to/ /de nas ji lta ba bzhin du dngos grub tu 'gyur ro zhes bya ba ni sngar bshad pa'i tshul gyis so//da ni sngags thams cad kyi yo byad dang cho ga ston te/ sngags thams cad kyi spyi'i tshig grub pa'i mtshan nyid la yo byad ces bshad do/ /ji ltar zhe na/ spros pa med pa'i tshig grub par gyur cig ces bya ba ste/ sems can thams cad la zhes bya ba ni tshig gi lhag ma'o/ /spros pa ni yi ge dang rnam par rtog pa rnams te tshig gang de thams cad bral bar gyur pa de ni spros pa med pa'i tshig go/ /de sangs rgyas thams cad kyi grub par gyur cig pa ste/ ji ltar sangs rgyas bcom ldan 'das spros pa thams cad rab tu zhi ba'i mtshan nyid rnam par mi rtog pa'i ye shes yid bzhin gyi nor bu rin po che'i rgyal po ltar rtog pa mi mnga' yang sngon legs par sbyangs pa'i shugs kyis nyan pa po rnams kyi rna lam du chos thos par 'gyur zhing /gang dang gang yin pa'i don ji lta ba de dang de lta bur grag pa dang /sgra yang de dang de lta bur gyur pa de ni spros pa med pa'i gsungs yin no/ /de bzhin gshegs pa thams cad kyi ting nge 'dzin bdag la skye bar gyur cig ces smras la zhes bya ba la de bzhin gshegs pa'i ting nge 'dzin ni rdo rje lta bu la sogs pa ste thun mong ma yin par shes par bya ste de skad brjod la sngags bzla bar bya'o//da ni kye ma zhes bya ba la sogs pas rig pa'i yo byad dang cho ga ston te/ kye ma sems can 'di dag thams cad ni ma rig pas mdongs par gyur ces bya ba la kye ma zhes bya ba ni skye ba'o/ /ma rig pa ni mi shes pa'o/ /des mdongs pa ni shes rab kyi mig bkag par gyur pa'i phyir ro//de bzhin gshegs pa thams cad ni rig pa ste rtogs shing sdom par gyur to zhes smras la zhes bya ba la rig pa ni ye shes so/ /de thugs su chud cing zhes bya ba ni rig pa mkhyen par gyur pa'o/ /de'i sdom par gyur pa ni rgyur gyur cing rtsa bar gyur to zhes brjod pa'o//rig pa ci dga' bar bzlas shing zhes bya ba ni rig pa gang 'dod pa bzla bar bya'o zhes bya ba'i don to/ /lhag ma rnams ni go sla'o/ /da ni de nas zhes bya ba la sogs pas snying po dang phyag rgya la sogs pa ston to/ /ji ltar dga' ba nyid du zhes bya ba ni ci dga' bar ro/ /rdo rje bzlas pa'i cho ga rgyas pa ni 'di yin te zhes bya ba la ji ltar zhe na sems dpa'i gang gi zhes bya ba la sogs pas ston te/bzlas pa'i don bsgrub par bya ba de ni bdag gam sems dpa'i bsgoms na 'grub par 'gyur ro zhes bya ba ni snying po dang phyag rgya dang / sngags dang / rig pa rnams kyi don ji lta ba bzhin du bdag de ltar 'gyur ba'i don de bsgrubs na skal ba dang ldan par 'grub par 'gyur ro//sems dpa' zhes bya ba ni zlos pa'i lha gang yin pa de snying po de'i don du bsgrub cing bsgom par bya ba yin te/ de lta bus kyang 'grub par 'gyur ro zhes bcom ldan 'das rdo rje sems dpas gsungs so/ /phyag rgya'i don ni rang gi las te rang gi las can gyi phyag rgya gang yin pa'i phyag rgya des las de bdag nyid bsgrub par bsgom pa'am sems dpa'i bsgom par bya'o//da ni rigs thams cad thun mong du bsgrub pa'i cho ga rgyas pa ston te/ de la dang po kho nar de la zhes bya ba la sogs pas de bzhin gshegs pa rnams kyi rigs kyi dngos grub ston te 'di dag ni phal cher go sla'o//gang 'dir the tshom du gyur pa cung zad yod pa de bshad par bya ste dngos grub chen po zhes bya ba ni dngos grub dam pa yin par shes par bya'o/ /dang po lha'i rnal 'byor byas nas nor 'grub pa la sogs pa bya'o/ / rang gi ting nge 'dzin gyis gter gyi gnas der rdo rje'i lta bas bltas na zhes bya ba la rang gi ting nge 'dzin ni rang gi lha'i rnal 'byor te de byas nas gter gyi gnas kyi tshul shes par byas la dben pa'i gnas su srung ba'i cho ga sngar gsungs pas bsrung ba dang lha mchod pa dang gtor ma sbyin pa'i cho ga la sogs pa byas nas bzlas pa byas te de'i 'og tu sgom pa mngon sum du byas la rdo rje'i lta bas gter gyi gnas de blta bar bya'o//rdo rje lcags sgrog gi phyag rgya de bcings nas snying po yang brjod la gter gyi bum pa la sogs pa rdo rje lcags sgrog gis bcings par yid kyis bsam mo//ji ltar dga' ba nyid du blangs na zhes bya ba ni bzhi cha'am sum cha'am phyed dam rangs par blang ba'o/ /sid+d+hi sid+d+hi zhes bya ba ni bkra shis pa'i tshig yin te/ 'di thog mar brjod la de nas sgrub pa la sogs pa'i las rnams bya'o/ /chu'i steng na phar 'gro zhing / /zhes bya ba ni chus la sogs pa'i rnam par bsgom ste/gang sngar nam mkha' la sogs pa bshad pa gang yin pa de nyid ni 'di'i 'grel pa lta bu yin no/ /dpag tshad stong 'khor yug gi zhes bya ba ni nang nas zhes bya ba'i don to/ /lhag ma rnams ni go sla'o/ /de bzhin gshegs pa thams cad kyi rdo rje'i dngos grub ni bcom ldan 'das rdo rje sems dpa'i zhes bya ba'i don to//da ni rdo rje rig 'dzin gyi dngos grub ston te sgrub pa na badzra bid+hA d+har zhes bya ba ni bkra shis pa'i tshig yin pas sngar bsnyen pa byed pa'i tshe thog ma nyid du brjod par bya'o/ /de bzhin gshegs pa thams cad kyi rig 'dzin zhes bya ba ni bcom ldan 'das rdo rje sems dpa'o//da ni dngos grub chen po'i sgrub pa ston te/ bdag nyid phyag rgya'i snying po'i don bsgrub ces bya ba ni snying pos don gang ston pa'i rang gi sems dpa'i gzugs su bdag nyid rnam par gnas par byas la bzla bar bya ba'i snying po'i don byed bzhin du bdag nyid phyag rgya'i gzugs su bsgrub pa ste de la sogs pa gzhan thams cad ni go sla'o//tshe'i tshad ma lus shing lus pa med pa'i bskal pa chen po'i tshad du 'gyur ro zhes bya ba ni 'jig rten gyi khams ma lus pa na tshe'i tshad lus pa med pa'i bskal pa chen po'i tshad du 'gyur ro zhes pa'o/ /'di skad ston te/'jig rten gyi khams gang dang gang du skyes pa de dang de bskal pa chen po'i tshad kyi tsher 'gyur ba'o/ /de bzhin gshegs pa thams cad kyi dngos grub chen po zhes bya ba ni bcom ldan 'das gdon mi za bar grub pa zhes bya ba'i don to/ /da ni de la 'di ni zhes bya ba la sogs pas 'jig rten gsum las rnam par rgyal ba'i dngos grub ston te/'jig rten gsum las rnam par rgyal ba'i rtog par gtogs pa'i dngos grub bzhi yin pas na 'jig rten gsum las rnam par rgyal ba'i dngos grub bo/ /de yang 'jig rten gsum las rnam par rgyal ba'i dngos grub dang / dbang bskur ba thams cad kyi dngos grub dang bde ba dang yid bde ba thams cad kyi dngos grub dang dngos grub dam pa rnams so//de las thog mar khams gsum rnam par rgyal ba'i phyag rgya bcings la zhes bya ba la sogs pas 'jig rten gsum las rnam par rgyal ba'i dngos grub ston to/ /de nas hUM zhes bya ba brjod par bya'o zhes bya ba ni 'di skad ston te/gang gis tha mal par gyur pa ltar mi 'jigs par byas la hUM zhes bya bas gzugs de bsgrub par bya'o/ /bka' nyan cing dbang du 'gyur ro zhes bya ba ni bka' nyan cing rang dbang du 'gyur ro zhes bya ba'i don to/ /de phyin chad 'jig rten gsum po thams cad kyi bdag po rdo rje 'dzin par 'gyur ro zhes bya ba ni 'jig rten gsum po ma lus pa'i bdag po rdo rje 'dzin pa lta bu gnyis par 'gyur ro zhes bya ba'i don to//nam mkha'i la 'gro zhing 'jig rten gsum po'i 'khor lo thams cad kun du bskor te zhes bya ba ni 'jig rten gsum po yin pas na 'jig rten gsum ste/sa'i 'jig rten ni gang sa la gnas pa'i sems can rnams so/ /sa bla'i 'jig rten ni bar snang la spyod pa rnams so/ /mtho ris kyi 'jig rten ni gzhal yas khang gi gnas na 'khod pa'i lha gang yin pa rnams te 'jig rten gsum po de dag nyid 'khor lo yin pas na 'jig rten gsum po'i 'khor lo thams cad do//de kun du bskor ba ni kun du rgyu zhing 'gro ba zhes bya ba'i don to/ /'jig rten gsum po thams cad la bka' stsol cig ces bya ba ni bka' bsgo ba tsam gyis bya ba thams cad la nges par sbyar ro zhes bya ba'i don to/ /lhag ma rnams ni go sla'o//snga ma ni hUM zhes bya ba'i phyag rgya 'jig rten gsum las rnam par rgyal ba'i dngos grub kyi 'bras bu shin tu phul du byung bar gsungs pa yin la/ da ni 'di nas gzugs brnyan skad 'byin par 'gyur na dngos grub kyi mtshan ma ste/ de ni phal ba yin pa'i phyir khyad par ni de yod do/ /da ni phyag rgya zhes bya ba la sogs pas dbang bskur ba thams cad kyi dngos grub ston te phyag rgya bsgrub ces bya ba ni 'das ma thag pa'i phyag rgya chen po bsgrub par bshad do//da ni dam tshig gi phyag rgya bsgrub pa ni de bzhin gshegs pa thams cad kyis dbang bskur ba'i rin po che'i phyag rgya dang por bdag nyid bskur la zhes bya ba ni spyir bshad pa yin te/rdo rje hUM mdzad la sogs pa'i phyag rgya gang yang rung ba rnams sgrub pa'i tshe na/ de bzhin gshegs pa thams cad kyi dbang bskur ba'i rin po che'i phyag rgyas dang po nyid du bdag nyid dbang bskur bar bya'o/ /de bzhin gshegs pa thams cad kyis dbang bskur ba'i rin po che'i phyag rgya ni 'jig rten gsum las rnam par rgyal ba'i dkyil 'khor gyi rdo rje rin chen gyi gnas kyi phyag rgya gang yin pa ste des de bzhin gshegs pa rnams dbang bskur bar bya'o//rdo rje rigs kyi dbang bskur ba don du gnyer ba rnams kyis ni byin gyis rlob pa dang //dbang bskur ba la sogs pa rnams kyis rang gi lha'i rnal 'byor du byas la de nas rdo rje rin po che'i phyag rgyas bdag nyid la dbang bskur bar bya'o/ /dang por zhes bya ba ni bzlas brjod dang sgom pa'i dus las dang por yin gyi/ rang gi lha'i rnal 'byor du byed pa las dang po ni ma yin te 'di ni tshogs tha dad pa nyid yin pa'i phyir ro//don gyi dngos grub dang rdzu 'phrul gyi dngos grub dang rig 'dzin gyi dngos grub dang zhes bya ba la sogs pa ni bkra shis pa'i tshig yin par mtshungs pa nyid yin par rig par bya'o/ /de nas sbyor ba 'di sgrub pa dang dbang bskur ba rnam pa bzhir 'gyur ba ni 'khor los sgyur ba rnam pa bzhi'i 'bras bu sbyin par byed pa yin no//lhag ma rnams ni go sla'o/ /da ni de yang zhes bya ba la sogs pas bde ba dang yid bde ba thams cad kyi dngos grub ston te/ bde ba ni lus kyi bde ba ste dbang po lnga las byung ba de des myong ba'o/ /yid bde ba ni yid kyis myong ba ste de gnyi ga'i yang dngos grub yin pas bde ba dang yid bde ba'i dngos grub po//ji lta zhe na/ 'di ltar rtag tu gsang ba'i mchod pa rnams kyis de bzhin gshegs pa rnams la mchod pa byas na zhes bya ba gsungs te/ gsang ba'i mchod pa ni sgeg mo la sogs pa bzhi dang / gsang ba'i mchod pa bcu drug gsang ba'i dkyil 'khor du gsungs pa gang yin pa rnams so//de bzhin gshegs pa thams cad kyi mchod pa byas na zhes bya ba la de bzhin gshegs pa thams cad ces smos pas ni rdo rje hUM mdzad la sogs pa gzung gi de bzhin gshegs pa rnams ni ma yin te/ de la gsang ba'i mchod pa rnams kyis mchod na bde ba dang yid bde ba 'grub par 'gyur ro//da ni dngos grub dam pa ston te de yang 'di ltar rdo rje 'dzin pa dang zhes bya ba gang yin pa'o/ /da ni de la zhes bya ba la sogs pas pad+ma'i rigs su gtogs pa'i dngos grub ston te de yang rnam pa bzhi ste mnyes par bya ba dang / dbang du bya ba dang /bsrung ba dang / pad+mo'i dngos grub rnams so/ /de las kyang mnyes par bya ba'i sgrub pa dang por bshad de/ ji ltar pad+mo'i 'dod pa bsgoms na zhes bya ba la pad+ma'i 'dod chags yin pas na pad+mo'i 'dod pa ste bsgrub par bya ba'i snying la pad+ma dmar po bsams la de'i chags pas de mnyes par bya'o//de ltar pad+mo ji lta ba bzhin du bsgom pa yin te de ltar na sbyor ba 'dis thams cad mnyes par byed nus par 'gyur ro/ /bdag nyid 'jig rten dbang phyug rjes su dran par byas na zhes bya ba ni bdag nyid 'jig rten dbang phyug tu bsgoms la bsgrub par bya ba'i snying du zhugs te de'i ngo bo nyid du byed na sems can thams cad dbang du byed nus par 'gyur ro//'jig rten dbang phyug gi ting nge 'dzin la gnas te byams pas 'gengs par shar phyogs nas brtsams la phyogs bzhi dang mtshams rnams dang / bla 'og gi phyogs bcu char du rim gyis khyab par byas shing bsam pa brtan pas sems can thams cad bde ba dang ldan par gyur cig ces byams pa bsgoms na de lta bus sems can thams cad bsrung ba dang sba ba dang bskyab nus par 'gyur ro//de la bsrung ba ni mi ma yin rnams so/ /sba ba ni mi rnams las mtshon la sogs pa mi 'bab par byed pa'o/ /bskyab pa ni dgra bo rnams kyi mig lam du gyur pa las kyang mi mthong bar byed pa'o//da ni pad+mo'i dngos grub ston te bdag nyid pad+mo'i ting nge 'dzin du zhugs la zhes bya ba ni 'jig rten dbang phyug gi ting nge 'dzin la gnas nas so/ /pad+mo'i lag par blangs te zhes bya ba ni dam tshig gi phyag rgya bzung ste bdag nyid 'jig rten dbang phyug tu bsgoms na de nas 'jig rten dbang phyug tu 'grub par 'gyur ro//lhag ma rnams ni go sla'o/ /da ni nor bu'i rigs kyi dngos grub ston te/ 'di ltar de bzhin gshegs pa thams cad kyis dbang bskur ba'i dngos grub dang gzi brjid kyi mchog dang / bsam pa thams cad yongs su rdzogs pa dang rin po che'i dngos grub rnams so//de la de bzhin gshegs pa thams cad kyis dbang bskur ba'i dngos grub ni de bzhin gshegs pa thams cad la dbang bskur ba ste ci'i phyir zhe na/ nyid kyis dbang bskur ba dbul ba'i phyir ro/ /'di skad ston te bdag nyid rdo rje rin chen du bsams la de bzhin gshegs pa thams cad la dbang bskur ba dbul ba'o//sngar bsnyen pa byed pa'i tshe dkon mchog gsum dang sangs rgyas dang byang chub sems dpa' dang nyan thos dang rang sangs rgyas rnams la mar me phul bas gzi brjid kyi mchog 'thob par 'gyur ro/ /ci nus kyi sbyin pa'i pha rol tu phyin pa yongs su rdzogs par byed pa la bsam pa thams cad yongs su rdzogs pa 'grub pa 'thob par 'gyur te yid bzhin gyi nor bu rin po che grub ces bya ba'i don to//sangs rgyas dang byang chub sems dpa' rnams la bag zan la sogs pa las byas pa'i rin po che'i gzugs brnyan tsam du yang dbul ba dang /de bzhin gshegs pa rnams la rin po che dbul ba dang rin po che bsgoms pas rin po che'i dngos grub tu 'gyur ro/ /dngos grub 'di dag gis zhes bya ba ni ji skad gsungs pa rnams kyis so/ /de bzhin gshegs pa thams cad mchod na zhes bya ba ni tshogs yongs su rdzogs par byed pa ni ji ltar mngon par 'dod pas dngos grub rnams 'thob par 'gyur ro//de dag gis ni rigs dang rjes su mthun pa'i dngos grub bstan pa yin no/ /de ni de nas zhes bya ba la sogs pas rtog pa thams cad kyi spyi'i thabs kyi dngos grub kyi rgyud ston te/ bsams pa'i don tshogs chung ngus myur du stobs pa'i phyir na thabs zhes bya ba ste shes rab kyi khyad par ro//de lta bu'i sems kyi dngos grub gang yin pa de ni thabs kyi dngos grub ste de ston pa'i gzhung yin pas na thabs kyi dngos grub kyi rgyud do/ /'jig rten 'dul ba ji lta ba/ /zhes bya ba ni gdul ba'i rnam pa ci dang ci lta bus 'jig rten rnams gdul bar 'gyur ba gang yin pa de ni 'jig rten 'dul ba ji lta ba'o//de dang 'dra bar dngos grub 'dod/ /ces bya ba ni don gyi dngos grub dang rdzu 'phrul gyi dngos grub dang / rig 'dzin gyi dngos grub la sogs pa'o/ /gang du 'dod ce na rgyud 'dir ro/ /dngos grub de dag 'thob pa'i thabs kyang gang zhig yin zhe na/de'i phyir/ /de yi thabs ni phyag rgya ste/ /zhes bya ba ste phyag rgya ni rnam pa bzhi'o/ /thabs de ji lta bu yin zhe na/ de'i phyir/ /dngos grub chen po kun sbyin no/ /zhes bya ba gsungs te/ ji ltar na phyag rgya thabs chen po yin zhe na gang gi phyir mthong ba dang ma mthong ba'i 'bras bu gang cung zad yan chad ci bsgrub pa de dag thams cad phyag rgya bzhi'i sbyor bas byed pa'i phyir ro//da ni phyag rgya'i las kyi dngos grub kyi rgyud ston te/ phyag rgya rnams kyi thabs yin pas na phyag rgya'i thabs so/ /des dngos grub 'thob pa'i phyir phyag rgya'i thabs kyi dngos grub po/ /rgyud gang du ston pa de ni phyag rgya'i thabs kyi dngos grub kyi rgyud de ston pa'o//thabs de yang 'jig rten pa rnams dang mi mthun pa yin te/ ji lta zhe na/ gang gi phyir/ /'jig rten chags dang bral bas 'dul/ /zhes bya ba ste/ chags bral ni yul la rgyab kyis phyogs shing sred pa dang bral ba'o/ / chags pa dang bral bas des 'jig rten gang 'dul bar 'gyur ba de ni/ 'jig rten chags dang bral bas 'dul/ /zhes bya ba ste de'i phyag rgya'i dngos grub mi 'dod do/ /gal te chags pa dang bral bas 'dul ba zhig yin na yang phyag rgya'i dngos grub ci'i phyir mi 'dod na de'i phyir/ /phyag rgya'i dngos grub chags las skyes//zhes bya bas ston pa yin no/ /'di skad ston pa yin te phyag rgya chen po la sogs pa rang gi ngo bo la mchog tu zhen pa dang mchog tu dga' ba dang mchog tu sred pas 'grub par 'gyur ro/ /de nyid chen po brjod bya ste/ /tshig res thams cad bdag yin par/ /zhes bya ba la sogs pa ji skad bshad pa lta bu'o//'di ni thabs gcig yin te 'di lta ste phyag rgya'i yul la mchog tu zhen pa'o/ /de lta bas na thabs gnyis pa bstan pa ni/ de yi thabs ni bsgom pa ste/ /zhes bya ba ste/ gang gi phyir gang gi gzugs su bdag nyid zhen par bsgoms na dngos grub kyi mchog tu 'gyur zhes pa ste thabs kyi mchog tu gyur pa yin no//de yang gang gi phyir sgom pa'i rab kyi mthar phyin pa las don thams cad grub par gyur te de bas na phyag rgya rnams la zhen pa dang / bdag de'i tshul du bsgom pa yin no/ /de ltar phyag rgya'i thabs kyi dngos grub bstan nas/ da ni sngags kyi thabs kyi dngos grub kyi rgyud ston te/ sngags rnams kyi thabs gang yin pa de ni sngags kyi thabs te sngags kyi thabs kyi dngos grub kyi rgyud gang du ston pa de ni sngags kyi thabs kyi dngos grub kyi rgyud do/ /'jig rten rnams mang du nyon mongs su zin kyang sngags kyi dngos grub thob par mi 'gyur ba ci'i phyir zhe na de'i phyir/bden las 'jig rten 'di nyams pas/ /sngags kyi dngos grub thob mi 'gyur/ /zhes bya ba gsungs te ma mthong ngo zhes bya ba'i don to/ /de yang gang gi phyir rdzogs ldan gyi dus na ni bden pa bsrungs pa tsam gyis skye bo phal pa rnams kyis kyang mngon par 'dod pa'i don rnams 'grub par 'gyur ro zhes grag go//dus deng sang gi sngags pa ni mang du smra ba dang spros pa mngon par dga' ba yin pas shin tu nyon mongs su zin kyang 'grub par mi 'gyur ro/ /de ltar sngags 'grub par bya ba'i thabs ci zhig yod ce na de'i phyir/ /spros pa med pa'i thabs kyis ni//dngos grub kun gyi mchog tu 'gyur/ /zhes bya ba gsungs so/ /spros pa med pa'i thabs ni mi smra ba ste ji ltar 'jig rten pa dag /mi smra don du sgrub byed yin/ /zhes zer ba lta bu'o/ /des na 'dir sngags grub pa'i thabs ni mi smra ba yin par bstan to/ /da ni rig pa'i thabs kyi dngos grub kyi rgyud ston te/rig pa rnams kyi thabs yin pas na rig pa'i thabs te thabs gang gis rig pa'i dngos grub 'thob par 'gyur ba de ston par byed pa'i rgyu yin pas na rig pa'i thabs kyi dngos grub kyi rgyud do/ /gang gi phyir 'jig rten 'di na 'bad pa dang ldan du zin kyang rig pa rnams 'grub par mi 'gyur ba ni/ma rig mngon chags 'di la ni/ /zhes bya ba ste 'jig rten zhes bya ba ni tshig gi lhag ma'o/ /de bas na de la/ rig pa'i dngos grub yod min te/ /zhes bya ba la ma rig pa ni mi shes pa ste rmongs pa yin la rmongs pa'i yid kyis ni thabs med pa'i phyir dngos grub thob par ga la 'gyur/de ltar na rig pa'i dngos grub thob pa'i thabs gang zhig yin zhe na/ de yi thabs ni rgya che bas/ /zhes bya ba gsungs te rgya che ba ni rnam par dben pa'i shes rab ste don dam par dngos po rnams ngo bo nyid med pa yin pas na don dam pa can no/ /kun rdzob tu ni rnam par rtog pa tsam la rag las pa yin no//de bas na/ yang dag pa'am yang dag min/ /shin tu bsgom pa gang dag yin/ /sgom pa'i stobs ni rdzogs gyur na/ /de dang de bzhin snang bar 'gyur/ /zhes bya ba lta bu ste de ltar na rgya che ba ni/ dngos grub kun gyi mchog 'thob bo/ /zhes bya ba yin no/ /de ltar rtog pa thams cad kyi thabs kyi dngos grub rdzogs par mdzad nas/da ni de nas zhes bya ba la sogs pas rtog pa thams cad kyi bsod rnams kyi dngos grub kyi rgyud ston te rtog pa thams cad kyi spyir bsod nams kyi dngos grub kyi thabs zhes rgyud gang las bstan pa de ni rtog pa thams cad kyi bsod nams kyi dngos grub kyi rgyud do//de las kyang dang por mchod pa rnam pa bzhi/ /zhes bya ba la sogs pas snying po thams cad kyi bsod nams kyi dngos grub kyi rgyud ston te/ mchod pa rnam bzhi byas na ni/ /bsod rnams chen po 'thob 'gyur te/ /zhes bya ba ni 'di skad ston te phyogs bcu'i sangs rgyas bcom ldan 'das rnams la bdug pa la sogs pa rnam pa bzhis mchod pa byas na bsod nams bla na med pa 'thob par 'gyur ro//de nas sangs rgyas de dag la de ltar mchod pas/ bsod nams med kyang sangs rgyas mchod/ /'grub 'gyur 'di la the tshom med/ /ces bya ba gsungs pa yin te/ skye ba gzhan la bsod nams ma byas su zin kyang mthong ba'i tshe 'di nyid la sangs rgyas la mchod pa byas pas 'grub par 'gyur ba 'di la the tshom med do zhes bya ba'o//da ni dam tshig gsang ba zhes bya ba la sogs pas phyag rgya'i bsod nams kyi dngos grub kyi rgyud ston te/ phyag rgya rnams kyi bsod nams yin pas na phyag rgya'i bsod nams so//des dngos grub thob byas na phyag rgya'i bsod nams kyi dngos grub ste/ de'i rgyud gang du ston pa de ni phyag rgya'i bsod nams kyi dngos grub kyi rgyud do/ /dam tshig gsang ba bsrungs na ni/ /bsod nams chen po thob 'gyur te/ /zhes bya ba la phyag rgya rnams kyi dam tshig gi gsang ba bsrungs pa las bsod nams chen po 'thob par 'gyur ba'o//bsod nams med kyang zhes bya ba ni skye ba gzhan dag tu bsod nams ma byas su zin kyang / da ltar dam tshig bsrungs pa'i bsod nams kyi rgyus 'grub par 'gyur ba'o/ /da ni sangs rgyas zhes bya ba la sogs pas sngags kyi bsod nams kyi dngos grub kyi rgyud ston te/sngags rnams kyi bsod nams yin pas na sngags kyi bsod nams so/ /des dngos grub 'thob par rgyud gang du ston pa de ni sngags kyi bsod nams kyi dngos grub kyi rgyud do/ /sangs rgyas mtshan la sogs brjod na/ /bsod nams chen po 'thob 'gyur te/ /zhes bya ba ni sngags kyi bsod nams de yin te/sangs rgyas mtshan la sogs pa'i tshig brjod pa ni zhal nas gsungs pa'i tshig ste de brjod pas bsod nams chen po 'thob pa'o/ /bsod nams med kyang myur bar ni/ /chos sbyin pas ni dngos grub 'thob/ /ces bya ba ni sngon tshe rabs su bsod nams ma byas su zin kyang /dam pa'i chos sbyin pa'i bsod nams kyis myur du dngos grub 'thob par 'gyur ro/ /da ni bsod nams zhes bya ba la sogs pas rig pa'i bsod nams kyi dngos grub kyi rgyud ston te rig pa rnams kyi bsod nams yin pas na rig pa'i bsod nams so/ /des dngos grub 'thob par rgyud gang du ston pa de ni rig pa'i bsod nams kyi dngos grub kyi rgyud do//rig pa ni pha rol tu phyin pa rnams gzung ngo / /rig pa'i bsod nams de gang yin zhe na/ bsod nams nang na sbyin pa mchog/ /ces bya ba gsungs te de lta bas na zlos pa pos ci nus par sbyin pa byin na bsod nams 'thob par 'gyur ro//de nas cir 'gyur zhe na de'i phyir/ sbyin pa'i pha rol phyin rdzogs na/ /myur du sangs rgyas nyid du 'grub/ /ces bya ba gsungs pa yin no/ /'di skad ston te de gang gi tshe zlos pa pos phyi dang nang gi dngos po thams cad bsam pa thag pa nas yongs su gtong ba'i bdag nyid yin par bsam pa lhag par mos pas bsgoms na de'i tshe 'di'i bsam pa yongs su dag pas sbyin pa'i pha rol tu phyin pa yongs su rdzogs so zhes ston to//de nas de sems so sor rtogs pa la sogs pa bsgom pa'i rim gyis sangs rgyas pa'i mtshan nyid kyi dngos grub 'thob ste/ ji skad du/ ye shes tshe stobs nad med dang //zhes bya ba la sogs pas sngar ji skad bshad pa dang de bzhin du sangs rgyas kyi mdzad pa byed par 'grub po zhes bya ba ji skad gsungs pa'o/ /des kyang tshogs yongs su rdzogs nas ma 'ongs pa'i dus na yang dag par rdzogs pa'i byang chub tu mngon par rdzogs par 'tshang rgya ste 'di ni bsod nams kyi dngos grub kyi rgyud do//da ni rtog pa thams cad kyi shes rab kyi dngos grub kyi rgyud ston te/ rtog pa thams cad kyi spyir shes rab kyi dngos grub thob pa'i rgyud gang du ston pa de ni rtog pa thams cad kyi shes rab kyi dngos grub kyi rgyud do/ /de las kyang dang por snying po'i shes rab kyi dngos grub kyi rgyud ston te snying po rnams kyi shes rab kyi dngos grub kyi rgyud gang du ston pa de ni snying po'i shes rab kyi dngos grub kyi rgyud do//shes rab gang gis snying po 'grub par byed pa'i shes rab de gang yin zhe na de'i phyir/ yi ge a la 'jug byed cing / /zhes bya ba gsungs te/ a zhes bya ba'i yi ge 'di ni yi ge thams cad kyi gnas yin te/ gang gi phyir ka la sogs pa'i yi ge rnams yi ge a la brten pa dang /yi ge thams cad la yang 'jug par byed pa yin te/ brjod pa'i dus na a zhes bya bas mngon sum mam brgyud de yi ge thams cad 'dod pa la sogs byed pa dang / don dam par ma skyes pa'i don ston pa'i phyir dang / yi ge thams cad kyi don ston pa'i phyir te dper na ka zhes bya ba ni las dang rnam par smin pa nyid kyis so//kha zhes bya ba ni nam mkha' dang mtshungs pa nyid do/ /ga zhes bya ba ni 'gro ba nyid dang / g+ha zhes bya ba ni bum pa dang mtshungs pa nyid dang / nga nya Na na ma rnams ni rang gi sde tshogs kyi don gsal bar byed pa yin gyis brda sprod pa'i tshig can ni ma yin no//tsa ni g.yo ba nyid de de dag la sogs pa mdo sde dag las ji skad gsungs pa lta bu ste/ de ltar de la sogs pa kun rdzob dang don dam par ston pa yin pas na yi ge a nyid kyi nang du yi ge thams cad chud par a'i don rtogs par byas la/ /rang gi kha nas gzhan zhal du/ /zhes bya ba ste rang gi kha nas 'ang snying po 'byung ba dang /gzhan gyi zhal zhes bya ba lha'i zhal nas kyang snying po 'di 'byung ba de ltar bsgoms na gang gi phyir lha der bkug pa dang bcug nas 'jog pa'i phyir ro/ /de bas na lha'i zhal nas snying po 'byung ba rang bzhin gyis grub pa nyid yin pa de bzhin du bdag gi kha nas 'byung ba de yang de dang 'dra'o zhes de ltar bsgoms pa dngos grub 'thob par 'gyur ro zhes bcom ldan 'das byang chub sems dpa' chen po 'jam dpal gyis gsungs so//da ni shes rab ces bya ba la sogs pas phyag rgya'i shes rab kyi dngos grub kyi rgyud ston te/ phyag rgya rnams shes rab kyis grub par rgyud gang du ston pa de ni phyag rgya'i shes rab kyi dngos grub kyi rgyud do//shes rab nges 'bigs zhes bya ba/ /ting nge 'dzin zhes grags pa ste/ /zhes bya ba la rab tu shes pa'i phyir na shes rab po/ /nges par 'bigs pa'i phyir na nges 'bigs te 'bigs pa ni rtogs pa'o/ /de yang nges par 'bigs par byed pas nges 'bigs ni gang la ming de skad ces bya ba de ni nges 'bigs zhes bya'o//de yang / ting nge 'dzin ces grags pa ste/ /zhes bya ba ste/ gang gi phyir lhag mthong lhag par gyur pa de nyid ni ting nge 'dzin ces bya ba yin pa'i phyir ro/ /de lta bu'i shes rab des ni phyag rgya myur 'grub par/ bsgoms na nyid du 'grub par 'gyur/ /ces bya ba yin no/ /'di skad ston te chos kyi de kho na nyid kyi don rtogs par gyur na phyag rgya ste phyag rgya chen po la sogs pa mngon sum du byas shing de la sems rtse gcig par bzhag na myur du 'grub par 'gyur ro zhes bcom ldan 'das shes rab kyi mchog 'phags pa 'jam pa'i dpal gyis gsungs so//da ni sngags kyi shes rab kyi dngos grub kyi rgyud ston te sngags rnams kyi shes rab kyis 'grub par rgyud gang du ston pa de ni sngags kyi shes rab kyi dngos grub kyi rgyud do/ /shes rab kyi sgra ni rjes 'brang zhes bya ba la shes rab ni bshad zin to/ /sgra ni dbyangs te shes rab gang sgra'i rjes su rgyug la sgra la dmigs pa ste/gang la ming de skad ces bya ba de ni/ shes rab sgra'i rjes su 'brang / /zhes bya'o/ /de yang / ting 'dzin tshig ni rab spros na/ /zhes bya ba ste ting 'dzin tshig ces bya ba ni gang gi phyir rtog pa dang bcas shing dpyod pa bcas pa'i ting nge 'dzin la gnas pa de la smra ba lta bu'i snang ba skyes te/ de bas na mnyam par gzhag pa'i sems la/ting nge 'dzin tshig ni rab spros na/ /zhes bya'o/ /de yang 'dis don rnams rab tu spro zhing dpyod pas na yi ge nyid la spros pa zhes bya'o/ /de lta bu'i shes rab kyis shin tu bsgoms pa las myur du sngags kyi dngos grub 'thob par 'gyur ro zhes bcom ldan 'das rdo rje blos gsungs so//da ni rig pa'i shes rab kyi dngos grub kyi rgyud ston te/ rig pa rnams kyi shes rab kyis 'grub par rgyud gang du ston pa de ni rig pa'i shes rab kyi dngos grub kyi rgyud do/ /rig dang sngags gnyis khyad par du/ /khyad par yod pa ma yin te/ /zhes bya ba ni don dam par dngos po med pa'i phyir chos thams cad cha shas su phye nas rnam par dpyad na mtshungs par ldan pa yod pa ma yin no//de bas na de dag gi don yang mi rnyed do/ /gtan tshigs des na rig pa dang sngags rnams kyi khyad par yod pa ma yin no zhes gsungs so/ /de ltar rig pa dang sngags khyad par med pa yin na sangs rgyas bcom ldan 'das dang byang chub sems dpa' rnams kyis 'di dag ni rig pa'o//'di dag ni sngags so zhes ci'i phyir rnam par 'jog par mdzad ce na/ de ni de kho na nyid la dpyad pa ma mdzad par 'jig rten pa rnams ji ltar mos pa bzhin du gdul bya'i skye bo'i dbang gis ji lta bar zad do/ /de ltar shes nas/ shes rab bsgoms na myur bar ni//nges par dngos grub 'thob par 'gyur/ /zhes bcom ldan 'das de bzhin gshegs pa thams cad kyi shes rab kyi ye shes kyis gsungs so/ /da ni tshogs kyi dngos grub kyi rgyud ston te gcig ni bsod nams kyi tshogs kyi dbang du mdzad nas ston to/ /gnyis pa ni shes rab kyi dbang du mdzad nas ston to//da ni spyi'i tshogs kyi dngos grub kyi rgyud ston te/ de la dang po kho nar mchod pa zhes bya ba la sogs pas snying po thams cad kyi tshogs kyi dngos grub kyi rgyud ston te/ mchod pa thams cad rab byas na/ /zhes bya ba la mchod pa yang yin la thams cad kyang yin pas mchod pa thams cad do//yang na thams cad kyi mchod pa yin pas na mchod pa thams cad de/ phyogs bcu dus gsum na bzhugs pa'i sangs rgyas dang byang chub sems dpa' thams cad kyi mchod pa'o/ /yang na rtog pa thams cad du gsungs pa'i mchod pa ste theg pa chen po mngon par rtogs pa'i rtog par chos kyi mchod pa bcu drug ji skad du smos pa dang /las kyi dkyil 'khor du sgeg mo la sogs pa'i mchod pa'i lha mo brgyad gsungs pa lta bu dang / de bzhin du rdo rje rigs su yang gsang ba'i dkyil 'khor du mchod pa rnam pa bcu drug dang rnam pa brgyad du gsungs so/ /de lta bu la sogs pa yi//mchod pa thams cad rab byas na/ /dge ba yi ni chos rnams kyi/ /tshogs ni rnam par 'phel 'gyur te/ /zhes bya ba ste dge ba'i chos rnams kyi phung po 'phel bar 'gyur zhes bya ba'i don to/ /de nas tshogs ni 'grub par 'gyur/ /zhes bya ba ni tshogs yongs su rdzogs par gyur na 'grub par 'gyur zhes bya ba'i don to//da ni phyag rgya'i tshogs kyi dngos grub kyi rgyud ston te/ phyag rgya rnams kyi tshogs kyis 'grub pa rgyud gang du ston pa de la phyag rgya'i tshogs kyi dngos grub kyi rgyud ston to/ /ji lta zhe na/ 'khor lo mang po zhugs pa dang / /dkyil 'khor mang po bri ba'i phyir/ / zhes bya ba gsungs te/ 'khor lo mang por zhugs pa ni dkyil 'khor mang por 'jug pa ste rgyud las gsungs pa'i gsang zhing sba ba'i dngos grub dang phyag rgya bzhi'i dngos grub thob par 'dod pa dang / ji ltar gsungs pa'i dngos grub rnams thob par 'dod pas/ rtog pa thams cad du gtogs pa'i dkyil 'khor thams cad du 'jug par bya'o//gang dkyil 'khor gang du 'jug pa de dkyil 'khor de bstan cing dngos grub de yang bstan par bya'o/ /gal te gsang zhing sba bar 'dzin par nus pa zhig na gsang zhing sba ba'i man ngag sbyin par bya'i gzhan du ni ma yin no/ /de ltar ci mngon zhe na gang gi phyir dkyil 'khor re re zhing yang mna'i snying po re re byin te gsang zhing sba ba'i lung dbog par bya'o zhes smos pa'i phyir ro//gzhan du na dkyil 'khor gcig tu zhugs pa kho nas rgyud ma lus pa'i don thob par rung ba yin no zhe na des ni ma rtogs pa yin te/ de ltar ci mngon zhe na/ gang gi don du mna'i snying po byin nas gdong gsang zhing sba ba ston to//de lta bas na dkyil 'khor re rer zhugs shing mnyan dgos pa dang man ngag kyang gsol ba gdab par bya dgos par mngon no/ /gzhan yang 'jig rten gsum las rnam par rgyal ba'i dkyil 'khor thams cad du 'jug pa gsal ba kho na gsungs pa dang / 'dir yang kho bo cag gi rtog pa re re zhing dkyil 'khor chen por zhugs pa na phyag rgya chen po 'grub pa dang /dam tshig gi dkyil 'khor du zhugs pas dam tshig gi phyag rgya dang / chos kyi dkyil 'khor du zhugs pas chos kyi phyag rgya dang / las kyi dkyil 'khor du zhugs pas las kyi phyag rgya rnams 'grub po zhes bshad pa yin la/ phyag rgya bzhi'i dkyil 'khor ni dam tshig gi phyag rgya bsgrub pa dang /dkyil 'khor gyi yo byad mi 'byor pa dang / ri mo'i las mi mkhas pa rnams kyi phyir ro/ /phyag rgya gcig pa'i dkyil 'khor yang de dang 'dra ste phyag rgya chen po'i dkyil 'khor du bsgrub pas cho ga 'di dag bya'o/ /de ltar yang dag par dam tshig 'dod pa rnams kyis dkyil 'khor thams cad du yang 'di bzhin du 'jug par bya'o//de ltar na 'khor lo mang por zhugs pa dang / dkyil 'khor mang po bris pa yin te dkyil 'khor mang po rnams kyi rtog pa yin pas na dkyil 'khor mang po bri bar bya ste/ rgyud 'dir grags pa nyi tshe bri bar ma zad kyi rgyud gzhan dag las byung ba rnams kyang ci nus su bris na tshogs yongs su rdzogs par 'gyur ro//tshogs yongs su rdzogs na phyag rgya rnams kyi dngos grub chen po thob par 'gyur ro/ /da ni sngags kyi tshogs kyi dngos grub kyi rgyud ston te/ sngags rnams kyi tshogs kyis 'grub pa rgyud gang du ston pa de sngags kyi tshogs kyi dngos grub kyi rgyud do/ /ji ltar na sngags kyi tshogs yongs su rdzogs par 'gyur zhe na/rjes su yid rang la sogs tshul/ /zhes bya ba ste sogs zhes bya ba smos pas ni bskul ba dang gsol ba gdab pa la sogs pa gzung ngo / /de bzhin dam pa'i chos bklags dang / /zhes pa ni zab cing rgya che ba'i mdo sde rnams bklags pas so/ / bzlas pa mang po byas na ni/ /zhes bya ba ni bzlas brjod grangs mang po byas na'o/ /de nas nges par sngags kyi dngos grub thob par 'gyur ro/ /da ni rig pa'i tshogs kyi dngos grub kyi rgyud ston te/ rig pa rnams kyi tshogs kyi dngos grub thob pa ni rgyud gang du ston pa de ni rig pa'i tshogs kyi dngos grub kyi rgyud do/ /ji ltar na tshogs yongs su rdzogs par 'gyur zhe na/ma rig rab tu spangs pa dang / /zhes bya ba ste ma rig pa ni mi shes pa'o/ /de rab tu spangs pa ni shin tu spangs pas na rab tu spangs pa'o/ /de ltar na ma rig pa rab tu spangs pa'i phyir dang sbyin pa'i pha rol tu phyin pa'i tshul 'di las tshogs yongs su rdzogs par 'gyur te/'di yang sa la sogs pa yongs su 'thob cing dngos grub dam pa'i yul gyi tshogs yongs su rdzogs pa yin par shes par byas la tshogs yongs su rdzogs nas kyang / myur du dngos grub 'thob par 'gyur/ /zhes bya ba ste 'di tshogs yongs su rdzogs pa'i rgyud yin te rtog pa thams cad kyi cho ga rgyas pa'i rgyud rdzogs so// //da ni rigs thams cad kyi mtshan ma 'byung ba'i ye shes kyi dngos grub kyi rgyud ston te/ mtshan ma ni phyag rgya ste phyag rgya thams cad kyi nang na dang po rdo rje yin pas de'i phyir de las ji ltar rdo rje 'byung zhe na zhes dris pa yin no/ /'dir/ de nyid bcom ldan 'das sems dpa'i ste//zhes bya ba la sogs pas de ston to/ /de nyid bcom ldan zhes bya ba ni rdo rje sems dpa'i dbang du mdzad nas gsungs pa'o/ /ci zhig gi ngo bo nyid yin zhe na 'dir thams cad sems te zhes bya bas ston to/ /'di skad ston te/ gang sems can thams cad kyi sems gang yin pa de nyid la rdo rje sems dpa' zhes bya'o//de gang la rag las pa yin zhe na/ de'i phyir nyid bdag po zhes bya ba gsungs so/ /'di skad ston te de la bdag gam sems can nam dbang phyug gam bdag por gyur pa gzhan yod pa ma yin gyi sku dang / gsung dang / thugs rdo rje ni sems dpa' brtan pa rang byung gi zhes bya ba gsungs te/de lta bu'i sems de nyid sku dang gsung dang thugs snang ba tha mi dad par yongs su bsgoms na sku dang gsung dang thugs rdo rjer 'gyur ro/ /ni zhes bya ba'i sgra ni nyid ces bya ba'i don to/ /de nyid legs par bsgoms na sems dpa' brtan pa zhes bya ba'o/ /gang gi zhe na rang byung gi zhes bya'o//sems dpa'i kun gyi nang na sems dpa'i mchog /ces kyang de nyid la bya'o/ /de nyid ni yang / sems dpa'i rdo rje snying gar rab bsgoms na/ /rdo rje sems dpa' zhes grags te/ /'di la rdo rje rab tu gnas/ /zhes bya ba ni thugs ka'i zla ba'i dkyil 'khor gyi sems dpa'i steng na rdo rje'i gzugs su gnas pas na thugs rdo rje la gnas so zhes bya ba'i don to//de nyid sangs rgyas rnams kyi ni/ /ye shes tshul te mnyam med 'od/ /ces bya ba la de nyid ces bya ba ni rdo rje sems dpa'o/ /ye shes tshul te zhes bya ba ni ye shes kyi khyad par mngon par 'dus byas pa'o//su zhig gi ye shes kyi tshul gyis she na/ sangs rgyas rnams kyi mnyam med 'od/ /ces bya ba ste mtshungs pa med pa'i gzi mdangs gang la mnga' ba de ni mnyam med 'od do/ /de rnams kyi ye shes kyi khyad par de lta bu ni snying las kyang sna tshogs pa'i gzugs su 'byung zhing / sna tshogs pa'i gzugs can du yang 'gyur ba yin te/lha yul sa dang rlung dang mkha'/ /rgya mtsho chu bo'i phyogs rnams ni/ /zhes bya ba la sogs pa sna tshogs pa'i gzugs su 'gyur ba dang / gtogs 'dod rgyal 'dod thub pa che/ /zhes bya ba la sogs pa'i gzugs su 'gyur ba'o/ /khams kun gyi ni rdul snyed du//de dag nyid ni rgyal ba yin/ /zhes bya ba ni 'jig rten khams thams cad kyi rdul phra rab kyi grangs ji snyed yod pa de snyed kyi de bzhin gshegs pa'i gzugs su 'gyur ro zhes bya ba'i don to/ /rdo rje'i sku ni de rnams las/ /rdo rje sems dpar yang dag 'gyur/ /zhes bya ba ni 'jig rten gyi khams thams cad kyi rdul phra rab kyi grangs dang mnyam pa'i rdo rje'i sku ste de bzhin gshegs pa'i sku rnams las so//ni zhes bya ba'i sgra ni nyid ces bya ba'i don te de rnams nyid las rdo rje sems dpar 'gyur ba'o/ /dus gang gi tshe zhe na dkyil 'khor sprul pa'i dus na'o/ /snga ma ni rang gi lha'i rnal 'byor byed pa'i dus su bstan pa yin pas na bye brag ni de yod do//sems dpa' dang po de nyid las/ /mtshan ma thams cad yang dag 'byung / /zhes bya ba ni dkyil 'khor sprul pa'i dus nyid lcags kyu la sogs pa'i mtshan ma thams cad rim gyis 'byung ba'o/ /mtshan ma las kyang sems dpa'i che/ / zhes bya ba ni mdor bsdus nas bstan pa yin te mtshan ma las ni 'od zer rnams so/ /'od zer las ni sangs rgyas kyi sku'o/ /de las ni sems dpa' chen po'o/ /de rnams las kyang / de las tshul 'di thams cad 'byung / /zhes bya ba ste tshul ni sngags spyod pa'i tshul ni 'di yin no zhes bya ba'i don to/ / da ni/ gang gis 'di ni thos gyur la/ /zhes bya ba la sogs pas de bzhin gshegs pa thams cad kyi de kho na nyid 'byung ba'i ye shes kyi cho ga rgyas pa 'di mnyan pa dang / dad pa dang 'dzin pa dang bsgoms pa rnams kyi phan yon ston te/ thos gyur la zhes bya ba ni mnyan pa ston to/ /dad cing zhes bya ba ni mngon par 'dod pa'o//'dzin byed cing zhes bya ba ni kha ton du byas te 'dzin pa'o/ /snying gar yang rtag tu dga' ba bsgoms na ni zhes bya ba sgom pa'i gang zag gis so/ /de ni myur du grub pa thob snye/ /ces bya ba ni des sangs rgyas kyis myur du 'thob par 'gyur ro zhes bcom ldan 'das rdo rje sems dpas gsungs so//da ni rtog pa thams cad 'byung ba'i ye shes kyi cho ga rgyas pa'i rgyud ston te/ ye shes gang gis rtog pa thams cad 'byung bar 'gyur ba de ni rtog pa thams cad 'byung ba'i ye shes so/ /de'i cho ga rgyas pa ni rnam par rgyas pa'o/ /'di rgyud gang du ston pa de ni rtog pa thams cad 'byung ba'i ye shes kyi cho ga rgyas pa'i rgyud ces bya'o//de las kyang dang po kho nar sangs rgyas zhes bya ba la sogs pas de bzhin gshegs pa thams cad kyi rtog pa 'byung ba'i ye shes kyi rgyud ston te/ rtog pa med pa'i ye shes rtag pa nyid 'gyur bas zhes bya ba la/ rnam par rtog pa'i spo pas ba thams cad du rtog pa dang bral ba las/ rnam par mi rtog pa'i ye shes su gyur pa ni sangs rgyas rnams kyi ye shes rtag par gnas pa yin no/ /rnam par mi rtog pa'i ye shes de la rnam pa sna tshogs du mar brtag pa'i phyir na rtog pa zhes bya'o/ /'di skad ston te/ rnam par mi rtog pa'i ye shes las brtag pa yin pa'i phyir rtog pa zhes bya'o/ /'dis kyang 'di skad ston te/ mi rtog pa'i ye shes las phyag rgya dang dkyil 'khor dang rtog pa'i ye shes rnam 'byung ba yin no zhes bya ba'i don to/ /de ni mi rtog ces bya ba la sogs pas de bzhin gshegs pa'i rigs kyi rtog pa 'byung ba ye shes kyi rgyud ston to//mi rtog gang la bdag nyid du/ /zhes bya ba ni 'di la rtog pa 'byung ba med pa'o/ /de lta na ni brtag pa 'di la 'jug zin kyang 'byung bar 'gyur ram zhe na 'gyur te 'di nyid ni mi rtog pa yin pa'i phyir ro/ /rtog bdag nyid ni rtog pa'i rang bzhin te gang las gdon mi za bar dngos grub 'di brtags shing rnam par gzhag la/rtog las byung ba zhes bya ba la rtog pa ni ting nge 'dzin gyi rjes las thob pa'i ye shes yin te de las byung ba gang yin pa de ni rtog pa las byung ba'o/ /rdo rje sems dpa' sems dpa' che/ /de phyir rtog pa zhes brjod do//zhes bya ba ni brtags pa'i phyir na rtog pa zhes bya'o/ /'dis ni 'di skad ston te rtog pa thams cad kyi nang na gtso bo ni phyag rgya chen po yin la/ /phyag rgya chen po thams cad bsdus te bzhugs pa ni rdo rje sems dpa' yin pas na/ rdo rje sems dpa' sems dpa' che/ /de phyir rtog pa zhes brjod do//zhes bya'o/ /de ni cho ga bzhin du zhes bya ba la sogs pas rdo rje'i rigs kyi rtog pa 'byung ba'i ye shes kyi rgyud ston te/ cho ga bzhin du ri mo bris/ /rtog pa grub bzhin zhes rtog pa/ /zhes bya ba la/ ri mo bris zhes bya bas ni dkyil 'khor gyi las ston to/ /cho ga bzhin du rtog pa zhes bya ba 'dis ni slob dpon gyi las la sogs pa ston to//cho ga de ji lta bu yin zhe na/ grub sbyin zhes rtog pa zhes bya ba gsungs so/ /'di'i nges pa'i tshig bstan pa ni de'i phyir rtog pa zhes gsungs so zhes bya ba ston to/ /su zhig gis gsungs she na/ /rtog dang bral ba'i bdag nyid kyis/ /zhes bya ba gsungs te/rnam par rtog pa dang bral ba'i thugs gang la mnga' ba de ni rtog pa dang bral ba'i bdag nyid de sangs rgyas bcom ldan 'das zhes bya ba'i don to/ /da ni pad+mo'i rigs kyi rtog pa 'byung ba'i ye shes kyi rgyud ston te ye shes gang las rtog pa 'byung ba de ston pa'i rgyud yin pas na rtog pa 'byung ba'i ye shes kyi rgyud do//rtog pa las ni 'dod chags 'byung / /pad+mo la ni de gnas te/ /zhes bya ba la zhen pa'i bdag nyid yin pas na 'dod chags te sems can smin pa dang grol ba'i 'dod chags so/ /de yang rnam par rtog pa las 'byung ngo / /rtog pa de gang zhe na/ /kye ma'o sems can 'di dag ni sdug bsngal ba'o zhes pa'o//de yang pad+mo la gnas pa ste pad+mo ni bcom ldan 'das 'jig rten dbang phyug dang de'i phyag rgya'o/ /de phyir rtog pa la gnas pa/ /grub pa nyid du de 'gyur ro/ /zhes bya ba ni 'jig rten dbang phyug gi pad+mo'i phyag rgya'i 'dod chags la rtog pa de las rtog pa la gnas pa'i dngos grub tu 'gyur bas phyag rgya la chags par 'gyur ba zhes bya'o zhes ston pa yin no//da ni rtog pa med pa'i zhes bya ba la sogs pa'i dpes nor bu'i rigs kyi rtog pa 'byung ba'i ye shes kyi rgyud ston te/ rtog pa med pa'i nor bu ni/ /zhes bya ba ni dper na yid bzhin gyi nor bu rin po che ni rtog pa med mod kyi 'on kyang sems can thams cad kyi yid la re ba rnams yongs su rdzogs par byed do//dngos grub kyang de dang 'dra bar shes par bya ste 'dis ni dpes mtshon pa'i don ston to/ /rnam par mi rtog ye shes las/ /lha rdzas dngos grub 'byung bar 'gyur/ /zhes bya ba ni rnam par mi rtog pa'i ye shes bsgoms pa'i mthu las lha'i dngos grub dam pa rab tu 'byung bar 'gyur ro zhes bcom ldan 'das rdo rje 'dzin pas gsungs so//da ni rtog pa thams cad kyi snying po 'byung ba'i ye shes kyi rgyud ston to/ /ye shes gang gis rtog pa thams cad kyi snying po rnams 'byung ba gang yin pas rgyud gang du ston pa gang yin pa de ni rtog pa thams cad 'byung ba'i ye shes kyi rgyud do//yid kyi 'dod pa'i cho ga yis/ /yid kyi 'dod pa 'grub 'gyur te/ /zhes bya ba la yid kyi 'dod pa'i cho ga ni rnam pa gang dang gang gis ting nge 'dzin gang dang gang yid la thob pa de dang de ni yid kyi 'dod pa'i cho ga zhes bya'o//yid kyis 'dod pa 'grub 'gyur te/ /zhes bya ba la yid kyis 'dod pa mngon par 'dod pa ji ltar mngon par 'dod pa bzhin du 'grub pa ste/ de yang ting nge 'dzin gyis 'grub ste yid la 'dod pa'i don ting nge 'dzin gyis 'grub pa'i phyir ting nge 'dzin sgrub pa zhes bya ba la de bskul ba'i sgra yang ting nge 'dzin sgrub pa zhes bya'o//de yang snying la gnas zhes bya ba ni thugs la gnas zhes bya'o/ /de ltar thugs la gnas pa de'i phyir snying po zhes brjod do zhes bya ba yin no/ /'di skad ston te/ gang mngon par 'dod pa'i don de snying la ji srid skam pa de srid du mngon par 'dod pa'i don rab tu sgrub par byed do//de skul bar byed pa'i sgra de yang bzlas par gyur na rang gi don snying la 'jog par byed cing bsgoms pa'i don de yang gang dang gang gis sems ji lta ji ltar mnyam par gzhag pa de dang de'i cho gas bsgom par gyur na yid la 'dod pa de rab tu 'grub par 'gyur ro/ / ye shes 'di ni yang dag par rtogs pa las kun du 'byung ba'i ye shes zhes bya'o/ /da ni phyag rgya 'byung ba'i ye shes kyi rgyud ston te/ phyag rgya rnams kyi ye shes gang gis 'byung ba rgyud gang du ston pa de ni phyag rgya 'byung ba'i ye shes kyi rgyud do/ /ji ltar rgyal po'i phyag rgya'i mchog /khrims ni 'da' dka' mi phyed bzhin//zhes bya ba ni dpes bstan pa yin te dka' bas 'da' bar bya ba yin pas na 'da' bar dka' ba'o/ /de bzhin du su zhig gis kyang gzhig par mi nus pa'i phyir na mi phyed pa'o/ /de gang yin zhe na/ rgyal po'i phyag rgya mchog gi khrims te rgyal po rgyas 'debs pa'i khrims kyi mchog ni rgyal po'i gtsigs zhes bya ba'i don te rgyal po'i khrims ni lung bsgo ba la bya ste/bya ba dang mi bya ba'i rnams chabs 'og gi 'bangs rnams kyis 'da' bar mi byed pa'o/ /de yang sor gdub la sogs pa'i phyag rgya gang yin pa de ni mi phyed pa yin te/ de ltar 'da' bar dka' zhing mi phyed pa'i phyir rgyal pos rgyas 'debs pa la khrims zhes bya'o//de bzhin du/ bdag nyid chen po'i gzugs brnyan gyi/ /mtshan ma phyag rgya zhes par grags/ /zhes bya ba yin te bdag nyid chen po ni sangs rgyas dang byang chub sems dpa'i rnams so/ /de'i gzugs brnyan gyi mtshan ma ni lag pa la sogs pa phyag rgya'i thabs su byed pa la byas te/sems can phal pa rnams kyis kyang bdag nyid sangs rgyas dang byang chub sems dpa'i de'i skur snang ba la sogs pa lhag par mos par byas la bdag nyid de'i nga rgyal du bskyed do/ /de'i yon tan gyi tshogs rnams kyang ci nus su bsams na de lta bur gnas pa de'i dbang gis de la sum cu rtsa gsum pa'i lha rnams kyis kyang phyag rgya de phyed par mi nus so//gang des tshig brjod pa de yang de'i gsung brjod la/ de bzhin du bdag nyid yin pa'i nga rgyal byas na rgyal po'i khrims bzhin du de las 'da' nus par mi 'gyur te/ tshul de lta bu'i ye shes ni phyag rgya 'byung ba'i ye shes zhes bya'o/ /da ni 'da' bar bya ba ma yin zhes bya ba la sogs pas sngags 'byung ba'i ye shes kyi rgyud ston te/ 'da' bar bya ba ma yin zhing / /zhes bya ba ni nges par bya'o/ /dbye bar dka' ba ni bsgrags par bya ba ma yin pa'o/ /gsang ba nyid ces bya ba ni 'jig rten thams cad kyis mi shes pa nyid du ston to//gsang sgrub phyir ni brjod pas na/ /zhes bya ba ni dper na rgyal pos blon po dang gros byed pa yang gsang bar bya ba'i don 'grub par bya ba'i phyir yin pas na gros su brjod pa zhes pa'o/ /de bzhin du sangs rgyas dang byang chub sems dpa' rnams sangs rgyas dang byang chub sems dpas 'dul ba'i sems can rnams rjes su gzung bar bya ba'i phyir gang 'khor gyi dkyil 'khor du tshul khrims dang ting nge 'dzin dang shes rab la sogs pa'i yon tan gyis rjes su bsdus pa'i gsung brjod pa de la sngags zhes bya ba yin la/de yang lha la sogs pas 'da' bar bya ba ma yin zhing / bdud kyis dbye bar dka' la thams cad du bsgrags par bya ba ma yin pas na gsang ba nyid yin no/ /gang de lta bu'i ye shes de ni sngags 'byung ba'i ye shes yin te gang gi phyir/ dgos pa 'grub phyir sgrogs pas na//des na sngags zhes brjod pa yin/ /zhes bya ba'o/ /da ni rig pa 'byung ba'i ye shes kyi rgyud ston te/ rig pa rnams ye shes gang las 'byung ba de ni rig pa 'byung ba'i ye shes te/ de rgyud gang du ston pa de ni rig pa 'byung ba'i ye shes kyi rgyud do/ /ma rig pa ni gzhom ba dang //zhes bya ba ni ma rig pa spang ba'i phyir ro/ /ngag gi rig mchog 'grub pa'i phyir/ /zhes bya ba ni tshig gi bdag nyid can gyi rig pa grub pa'i phyir ro/ /rtog cing rig pa'i dngos grub ste/ /zhes bya ba ni rtog pa khong du chud pa'i dngos grub ste khong du chud pa des ma rig pa spangs te/ sems can rnams kyi dgos pa grub pa'i phyir tshig tu brjod pa gang yin pa de'i phyir rig pa zhes brjod do zhes bcom ldan 'das rdo rje 'dzin pas gsungs so/ /da ni rtog pa thams cad kyi ye shes 'byung ba'i rgyud ston te rtog pa thams cad du thabs gang gis ye shes 'byung bar 'gyur ba de ni rtog pa thams cad kyi ye shes 'byung ba'o//thabs 'di rgyud gang du ston pa de ni rtog pa thams cad kyi ye shes 'byung ba'i rgyud do/ /de las kyang dang por snying po'i ye shes skye ba'i rgyud ston te/ snying pos ye shes ji ltar skye bar 'gyur ba de ston to/ /snying po bzlas te bdag gam ni/ /gzhan yang rung ste byung ba dang /zhes bya ba la sogs pas 'di skad ston te/ rdo rje phra mo sgom pa goms par byas nas phyag rgya bzhi dang yang dag par ldan pa'i rang gi lha'i rnal 'byor byas la/ de nas des bzlas pa bya ba'i snying po gang yin pa de brgyad stong bzlas na bden pa'i byin gyis brlab bya'o//gang 'jug pa'am bzlog pa'i mtshan nyid kyi chos rnams las gang la la zhig nges pa kho nar goms par bya ba de dang des 'di skad ces brjod par bya ste bdag gis chos 'di skyes tshun chad dam/ sdom pa blangs tshun chad 'jug pa'i mtshan nyid dam/ ldog pa'i mtshan nyid legs par bcad cing bar chad med par nyams su blangs pa 'di'i bden pa dang /bden pa'i tshig dang sangs rgyas kyi bden pa dang chos kyi bden pa dang dge 'dun gyi bden pa dang bden par smra ba rnams kyi bden pas bdag gam gzhan nam byung ba dang 'byung ba dang / /'byung bar 'gyur ba gang cung zad yan chad bdag gis shes par 'dod pa de bdag nyid mnyam par gzhag pa'i sems dpa' 'di la mthong zhing thos pa snang bar gyur cig ces bya'o//de ltar rang gi lha'i rnal 'byor gyi ting nge 'dzin gyis gnas par bya'o/ /de nas de'i ye shes la de dag de bzhin du mthong ba dang thos pa'i snang ba skye bar 'gyur te 'di ni snying po'i ye shes so//da ni phyag rgya'i ye shes 'byung ba'i rgyud ston te/ yid kyis cho ga ji bzhin du/ /zhes bya ba ni smras ma thag pa'i cho gas so/ /gang yang rung ba'i phyag rgya bcings/ /zhes bya ba ni phyag rgya chen po dang dam tshig gi phyag rgya bcing pa'o/ /'jig rten pa las bltas na ni//zhes bya ba ni mnyam par gzhag pa'i yid kyis so/ /gong ma bzhin zhes bya ba ni 'das ma thag pa bzhin du shes par bya'o/ /kun shes 'gyur zhes bya ba ni mthong ba dang thos par 'gyur ba'o/ /da ni sngags kyi ye shes 'byung ba'i rgyud ston te/ sngags kyi ye shes 'byung bas na sngags kyi ye shes 'byung ba'o//lan cig tsam yang sngags brjod na/ /zhes bya ba la sogs pa la rang gi lha'i rnal 'byor byas la lan cig sngags brjod pa ni bzlas par bya ba'i sngags brjod na rang gi lce la smra bar 'gyur ro/ /ci zhig smra bar 'gyur zhe na/ de'i phyir/ 'das dang byung dang 'byung gang yin//de dag thams cad bden par 'gyur/ /zhes bya ba gsungs te/ de ltar yid la bskur ba rtse gcig tu byas nas phyag rgya bzhi'i rnal 'byor pa des ji ltar gsol ba btab pa'i don de dag thams cad sngags kyi mthus de'i lce la gsal ba nyid du smra bar 'gyur ro zhes bcom ldan 'das kun du spyan ras gzigs kyi dbang pos gsungs so//da ni rig pa'i ye shes rgyud ston te/ rig pa lan cig brjod na ni/ /zhes bya ba ni rang gi lha'i rnal 'byor du byas pa la sogs pa gong ma bzhin du byas nas ting nge 'dzin la gnas te rig pa lan cig brjod par bya'o/ / yid kyis de ni shes par 'gyur/ /zhes bya ba la 'dir khyad par 'di yod de/ snga ma ni lce nyid las 'dod pa'i don ston par byed pa'i sgra thos par 'gyur la/ de ltar 'dir ni ji ltar bsams pa'i don rtse gcig tu mnyam par gzhag pa'i sems la snang bar 'gyur ro/ /da ni rigs thams cad kyi thun mong ba'i sku dang gsung dang thugs rdo rje'i phyag rgya bsgrub pa'i rgyud ston te/sku'i phyag rgya dang gsung gi phyag rgya dang thugs kyi phyag rgya dang rdo rje'i phyag rgya 'di rnams thun mong du bsgrub pa'i rgyud yin no/ /de las kyang dang por de bzhin gshegs pa'i gsang ba'i sku'i phyag rgya bsgrub par bshad de/ji ltar de ltar 'dug nas kyang / /skyil mo krung bcas zhes bya ba ni sgrub pa pos skyil krung gis 'dug par bya ba la skyil mo krung la ni nges pa med pas na gang yang rung ba'i skyil mo krung des 'dug par bya'o/ /bsgrub par bya ste zhes bya ba ni dngos grub thams cad do/ /ji ltar ri mo'i tshul byas na//zhes bya ba ni sems dpa'i gang yang rung ba'i phyag rgya chen po bcing la dngos grub rnams sgrub na de lta bus 'grub par 'gyur ro zhes bcom ldan 'das rdo rje sems dpas gsungs so/ /de bzhin du rdo rje'i rigs la yang dngos grub 'dod pas spyir g.yon brkyang pa'i tshul du gnas par bya zhing shin tu khros par byas la de lta bus sgrub par byas na the tshom med par thams cad 'grub par 'gyur ro//pad+mo'i rigs la yang rdo rje skyil mo krung gis gnas par bya ste/ rdo rje skyil mo krung ni sngar bshad zin to/ /de ltar skyil mo krung gis gnas pas na skyil mo krung bcas la zhes bya'o//de nas de'i steng du/ lag gnyis rdo rje bcangs nas kyang / /ting nge 'dzin gyi skur 'gyur la/ /zhes bya ba ni rdo rje bsdams pa'i lag pa gnyis bkan te bzhag la lus drang por bsrangs te gnas par bya'o zhes bya ba'i don to/ /pad+mo 'byung ba bsgrub par bya//zhes bya ba ni gang gi don dang ye shes pad+mo'i rigs las byung ba de ni pad+mo'i 'byung ba zhes gsungs so/ /nor bu'i rigs la yang lus kyi gnas pa nges pa med pas na ji ltar 'dug kyang rung ba de la rdo rje rin po ches dbang bskur na the tshom med par 'grub par 'gyur ro/ /da ni lce rtse shin tu zhes bya ba la sogs pas de bzhin gshegs pa'i gsang ba'i gsung gi phyag rgya bsgrub pa'i rgyud ston te/lce rtse shin tu mi bsgul zhing / /zhes bya ba ni lce'i rtse mo shin tu g.yo bar mi bya'o zhes pa'i don to/ /so dang mchu gnyis sbyar nas ni/ /zhes bya ba ni so dang mchu gnyis ha cang dam du mi sbyar ba'o//de lta bu'i sgra dang bral ba'i rdo rje'i tshig gis rtog pa thams cad bsgrub par bya'o zhes pa'o/ /da ni rdo rje rigs kyi gsang ba'i gsung gi phyag rgya bsgrub pa'i rgyud ston te/ rdo rje rigs kyi gsang ba'i gsung gi phyag rgya bsgrub pa'i rgyud gang du ston pa de ni rdo rje rigs kyi gsang ba'i gsung gi phyag rgya 'di bsgrub pa'i rgyud do//rdo rje'i rigs kyi gsang ba'i gsung gi phyag rgya 'di'i mtshan nyid ji lta bu yin zhe na/ hUM zhes bya ba 'brug ltar sgrogs/ /khro bo'i ngag ni zab cing brtan/ /zhes bya ba gsungs te/ khro bo'i tshig gang 'brug sgra ltar sgrogs pa'i hUM zhes bya ba gang yin pa de ni hUM zhes bya ba 'brug ltar bsgrags//khro bo'i ngag ces bya'o/ /hUM zhes bya ba 'brug ltar bsgrags pa yang yin la zab pa yang yin te/ zab pa ni sa 'og gi gting rum yan chad du grag pa snyam du byed pa'o/ /brtan pa ni yun ring bar 'jug cing rjes su 'brel pa'o/ / khro bo gsal zhes bya ba 'di ni khro bos khyab pa'i khro bo chen po'i tshig yin no/ /de ltar shes par byas nas brjod na 'grub par 'gyur ro zhes bcom ldan 'das rdo rje hUM zhes bya ba gsungs so/ /da ni pad+mo'i rigs kyi gsang ba'i gsung gi phyag rgya bsgrub pa'i rgyud ston te/ dbugs mi 'byin pa ltar dbugs 'byin pa'i tshig gang yin pa de ni phra ba'i tshig ste shin tu gsal ba yang de nyid yin no//'di skad ston te/ dbugs dal ba yang yin la yi ge gsal ba'i tshig kyang yin pas na phra ba'i tshig ste kha cig tu ni chos kyi tshig ces kyang ston to/ /tshig des zlos pa po kun zhes bya ste chos kyi rigs kyi bzlas brjod byed pa thams cad do//ji lta bu des zlos pa po 'grub par 'gyur zhe na de'i phyir/ /ting nge 'dzin ye shes snying po yis/ /zhes gsungs te ting nge 'dzin gyi ye shes yin pas na ting nge 'dzin ye shes so/ /de nyid gang gi skye gnas yin pa de ni ting nge 'dzin ye shes snying po ste/snying po ni skye ba'i rgyu yin la de zlos pa po kun 'grub par 'gyur ro/ /de skad sus gsungs she na/ de'i phyir bcom ldan 'das de bzhin gshegs pa thams cad kyi ting nge 'dzin gyi ye shes kyi snying pos gsungs so zhes bya ba ston to/ /'jig rten dbang phyug ces bya ba'i don to//da ni nor bu'i rigs kyi gsang ba'i gsung gi phyag rgya bsgrub pa'i rgyud ston te/ nor bu'i rigs kyi gsang ba'i gsung gi phyag rgya ni gsang ba yin la gsung gi phyag rgya yang yin pas na gsang ba'i gsung gi phyag rgya ste/ de bsgrub pa rgyud gang du ston pa'i rgyud de ni gsang ba'i gsung gi phyag rgya bsgrub pa'i rgyud ces bya'o//gsung de ji lta bu yin zhe na/ shin tu yongs su gsal tshig gis/ /rtag tu 'dud las brtson byed cing / /zhes bya ba gsungs te/ rab tu gsal bas na shin tu yongs su gsal ba ste/ shin tu yongs su gsal ba'i tshig des rtag tu 'dud pa'i dam pa la brtson par byed pa'o//tshul zhes bya ba ni ser sna yongs su spang ba la sogs pa'i tshul gyis so/ /bzlas par gyur na ni zhes bya ba ni phyag rgya bzhi'i tshul gyis rgyun mi 'chad par zlos shing rtag tu bzla ba'o/ /myur du thams cad 'grub par 'gyur/ /zhes bcom ldan 'das de bzhin gshegs pa thams cad kyi mchod pa'i cho ga rgyas pa'i phrin las kyis gsungs so zhes bya ba ni de bzhin gshegs pa thams cad kyir gtogs pa'i mchod pa'i cho ga rgyas pa'i phrin las mnga' bas na de bzhin gshegs pa thams cad kyi mchod pa'i cho ga rgyas pa'i phrin las so//da ni de bzhin gshegs pa'i rigs kyi gsang ba'i sems kyi phyag rgya'i rgyud ston te/de bzhin gshegs pa'i rigs kyi gsang ba yang yin la sems kyi phyag rgya yang yin pas na de bzhin gshegs pa'i rigs kyi gsang ba'i sems kyi phyag rgya'o/ /de bsgrub pa rgyud gang du ston pa de la yang 'di skad ces bya'o/ / rtag tu 'dod pa bcom ldan 'das/ /zhes bya ba la rtag pa ni yun ring ba ste rgyun du gnas pa zhes bya ba'i don to/ /'dod pa bcom ldan 'das zhes bya ba ni byang chub kyi sems so/ /sems can thams cad bde sbyin pa/ /rdo rje sems dpa'i bdag nyid du/ /zhes bya ba ni 'di lta bur bsgoms na myur du 'grub par 'gyur//zhes bcom ldan 'das 'dod pas gsungs so zhes bya ba ste rdo rje sems dpa' zhes bya ba'i don to/ /snga ma ni rdo rje sems dpa' yin par nga rgyal bskyed pa 'ba' zhig tu ma zad kyi 'di ni rtog pa dang sems can thams cad la bde ba sbyin pa dang rdo rje sems dpa' yang bdag yin no zhes khyad par du 'phags pa'i rdo rje sems dpar nga rgyal bskyed pa ste bye brag ni de yod do//da ni rdo rje rigs kyi gsang ba'i sems kyi phyag rgya bsgrub pa'i rgyud ston te/ sems can kun zhes bya ba la sogs pa la gdug pa rnams kyis gtses pa'i sems can thams cad la phan gdags pa'i phyir khro bo chen por bya'o zhes bya ba dang /sems can ma rungs pa rnams chad pas gcad cing nga rgyal gzhom pa'i phyir dang / sangs rgyas kyi bstan pa bsrung bar bya ba'i phyir bdag khro bar bya'o zhes de lta bus khro bor byed na shing tu yang shin tu yang dngos grub thob par 'gyur ro zhes pa'o/ /da ni pad+mo'i rigs kyi gsang ba'i sems kyi phyag rgya'i bsgrub pa'i rgyud ston te/ji ltar pad+mo zhes bya ba la sogs pas ni dpe ston te rab chags la/ bsgoms pa'i skyon gyis mi gos la/ /zhes bya ba ni ji ltar pad+ma dmar po yin du zin kyang chu'i nyes pas mi gos pa bzhin du de bzhin de dag kyang 'khor ba'i skyon gyis mi gos pa'o//srid la chags pa zhes bya ba ni 'khor ba la chags pa ste/ 'di ni dpes bstan pa'i don yin pa de ltar shes na de 'grub par 'gyur ro zhes bcom ldan 'das pad+mo 'dod pas gsungs so/ /da ni nor bu'i rigs kyi gsang ba'i sems kyi phyag rgya bsgrub pa'i rgyud ston te/nor bu'i rigs kyi gsang ba'i sems kyi phyag rgya zhes bya ba la gzhan gyis mi shes pa'i phyir gsang ba'o/ /sems bskyed pa nyid phyag rgya yin pas na sems kyi phyag rgya ste de'i bsgrub pa rgyud gang du ston pa de ni gsang ba'i sems kyi phyag rgya bsgrub pa'i rgyud ces bya'o/ /de ji lta bu zhe na/ nam zhig sems can thams cad kyi/ /dgos pa'i don ni kun sgrub cing / /rin chen char ni 'bebs 'gyur zhes/ /grub na zhes bya ba gsungs te/ de ltar bsams na de myur bar 'grub po zhes bcom ldan 'das nam mkha'i snying po'i gsungs so/ /da ni de bzhin gshegs pa'i rigs kyi gsang ba'i rdo rje'i phyag rgya bsgrub pa'i rgyud ston te/rdo rje'i phyag rgya smos pas ni 'dir g.yon pa'i rdo rje khu tshur gzung ngo / /ji ltar langs sam zhes bya ba la sogs pas ni rgyud kyi rnal 'byor ston to/ /lag pa g.yon pa phyag rgya mchog /ces bya ba ni lag pa g.yon pa'i rdo rje khu tshur du chings shig ces bya ba'i don to//thams cad byed na 'grub par 'gyur/ /zhes bya ba ni dgos pa thams cad byed bzhin du bdug pa la sogs pa'i yo byad thams cad yid kyis byed na 'grub par 'gyur ro zhes bcom ldan 'das de bzhin gshegs pa thams cad kyi gsang bas gsungs so zhes bya ba ste/de bzhin gshegs pa thams cad kyi gsang ba 'dzin pas na de bzhin gshegs pa thams cad kyi gsang ba'o/ /'di skad ston te/dkyil 'khor du zhugs te dam tshig thob na rdo rje phra mo bsgom pa goms par byas nas rang gi lha'i rnal 'byor byas te/ rdo rje khu tshur g.yon pas bcangs la gos kyis bkab nas shin tu rtse gcig pa'i rnal 'byor gyis khyim gyi las thams cad kyang byed cing 'jig rten gyi bya ba thams cad byed bzhin du yang tha snyad du bya ba gang dang gang byed pa de dang de rang gi lha'i ting nge 'dzin du gnas la yid kyis bdug pa la sogs pa'i mchod pa byed pa na de'i mtshan ma thob par gyur nas sgrub pa la zhugs par 'gyur na 'grub par 'gyur ro zhes pa'o//da ni rdo rje rigs kyi gsang ba'i rdo rje'i phyag rgya bsgrub pa'i rgyud ston te/ ji ltar de ltar zhes bya ba la sogs pa ni snga ma bzhin te/ rdo rje khro bo'i mdzub mo zhes bya ba'i khyad par 'ba' zhig tu khyad par yod du zad kyi/lag pa g.yon pa'i bya ba gzhan thams cad kyang 'dra ba yin no/ /pad+mo'i rigs la yang pad+mo'i khu tshur 'ba' zhig tu khyad par yod du zad kyi gzhan thams cad ni snga ma bzhin no/ /rin po che'i rigs la yang rin po che khu tshur gyi khyad par dbye ste lag pa g.yon pa khu tshur bcangs la mdzub mo dang mthe bo nor bur byas te gos kyis g.yogs so//rim gror zhes bya ba ni lag pa legs par bkrus te tsan+dan la sogs pas byugs la khu tshur bcangs la rim gro legs par byas pa yin no/ /lhag ma rnams ni 'dra'o/ /da ni khu tshur de dag thams cad kyi thun mong gi phyag rgya bsgrub ba'i rgyud ston te/phyag rgya chen po'i tshul du ni/ /zhes bya ba ni las thams cad kyang phyag rgya chen po la brten pa yin pas na gal te gzhan gyi phyag rgya chen po la dmigs par byed pa yang srid pas na de'i phyir/ rang gi sems dpa'i ting 'dzin gyis/ /zhes gsungs so/ /phyag rgya chen po la de ltar gnas te mnyam par ma bzhag pa'i sbyor bas bzlas pa'i tshig ji ltar sbyar bar bya zhe na rdo rje'i ngag dang zhes bya ba gsungs so//blta ba yang ji ltar bya zhe na/ rdo rje'i blta ba zhes gsungs so/ /rdo rje'i ngag dang rdo rje'i blta ba zhes tshig gnyis bstan pa las na gnyi ga yang las gcig la sbyar ba yin par shes par bya'o//ring por mi thogs mchog grub po/ /zhes bcom ldan 'das rdo rje sems dpas gsungs so/ /rtog pa bzhi char gyi khu tshur bzhi char du yang phyag rgya bzhi dang ldan pa'i rang gi lha'i rnal 'byor byas te khu tshur bcangs la rdo rje'i lta bas 'jig rten la blta zhing rdo rje'i tshig gis snying po bzlas la/'jig rten gsum gyi bya bar gtogs pa'i dgos pa thams cad bsgrub par bya'o/ /'on te rgyun du zlos pa'i sbyor bas ji skad du gsungs pa'i dngos grub rnams rab tu 'thob par 'gyur ro/ /da ni rgyud phyi ma'i yang phyi ma byin gyis brlab pa'i phyir bcom ldan 'das phyag na rdo rjes de bzhin gshegs pa rnams la gsol ba 'debs pa yin te 'di dag kyang sngar mang du bstan zin to//de kho na nyid bsdus pa'i rgya cher bshad pa ko sa la'i rgyan las rgyud phyi ma'i yang phyi ma'i 'grel ba rdzogs so// //rgyud 'di'i bdag po ni bcom ldan 'das rnam par snang mdzad de des rgyud 'di bstan pa yin pa'i phyir bcom ldan 'das rdo rje sems dpa' la rnam par snang mdzad la sogs pa'i de bzhin gshegs pa thams cad kyis mtshan brgya rtsa brgyad kyis bstod pa lan mang po zhig mdzad pa yin no//da ni byang chub sems dpa' chen po phyag na rdo rjes de rnams kyis bskul ba dang byin gyis brlabs pas rgyud de bshad pa dang /rgyud kyi don bzang po mthong bas yongs su mgu ste bcom ldan 'das rnam par snang mdzad la rdo rje dbyings kyi zhes bya ba la sogs pa mtshan brgya rtsa brgyad pa 'dis bstod pa mdzad pa yin no/ /rdo rje dbyings nyid yin pas na rdo rje dbyings te rgyud de las skyes pa'i phyir ro//de nyid sems dpa' chen po yin pa'i phyir sems dpa' che ste sems shes rab can dang bcas pa la sems dpa' che zhes pa'o/ /sems can thams cad kyi don mdzad pa dang ldan pas na sems can don no/ / mchog gi don bdag nyid can yin pas na mchog gi bdag nyid can te rnam par mi rtog pa'i ye shes mchog de'i bdag nyid can zhes bya ba'i don to/ /shAkya rnams kyi rgyal po yin pas na shAkya'i rgyal po'o/ /ye shes chen po mnga' bas na ye shes che ste shes bya thams cad la khyab pa'i phyir ro/ / rdo rje'i sku mnga' bas ne rdo rje'i bdag nyid de 'di ni de bzhin gshegs pa'i rigs kyi dkyil 'khor gyi sgo nas bstod pa'o/ /sems dpa' rnams 'byung ba ni de bskul ba'i sngags kyi sgo nas 'byung bas na sems dpa' 'byung ba'o/ /de kho na nyid kyi ngo bo yin pas na de nyid don no/ /sems can rnams kyi rgyu yin pas na sems can rgyu ste de skye ba'i 'byung gnas yin pa'i phyir ro//theg pa chen po'i tshul la 'jug pa'i rgyu yin pas na tshul chen po'o/ /sems can mang po'i don mdzad pas na sems can don to/ /dgos pa'i don zhes bya ba la dgos pa'i don ni bya ba'o/ / dgos pa nyid don yin pas dgos pa'i don te gang gi phyir rtsom pa 'di ni sems can rnams la phan gdags pa yin pa'i phyir ro/ /sems dpa' sems dpa' zhes bya ba la sems dpa' ste thugs ka'i zla ba'i dkyil 'khor gyi steng na sems dpa' 'di yin pa ste rdo rje sems dpa' zhes bya ba'i don to//de'i phyir sems dpa' sems dpa' zhes bya'o/ /'di ni rin po che'i rigs kyi dkyil 'khor gyi sgo nas bstod pa'o/ /sangs rgyas chos ni zhes bya ba la sangs rgyas kyang yin la/ sangs rgyas su byed pa'i chos kyi ngo bo nyid yin pas na sangs rgyas chos zhes bya'o/ /chos kyi dbyings kyi sgo nas thams cad du khyab pas na chos chen po zhes bya'o//chos kyi 'khor lo ni dkyil 'khor gyi rang bzhin te dkyil 'khor rnams de'i thugs kyis sprul pa'i rang bzhin yin pas na chos kyi 'khor lo'o/ /rab bskor pa ni chos kyi 'khor lo de nyid do/ /tshig thams cad la 'jug pa'i rgyud yin pas smra ba chen po'o//rab rig mchog ces bya ba ni rig pa bzang po yin pas na rab rig go/ /rig pa dam pa de rnams kyi nang na mchog yin pas na rab rig mchog ste zag pa zad pa'i ye shes la sogs pa rig pa rnams kyi rang bzhin yin pa'i phyir ro/ /sems dpa'i chen po zhes bya ba ni thams cad kyi nang na mchog yin pa'i phyir dang chos kyi dbyings kyi rang bzhin yin pa'i phyir na sems dpa' chen po'o//tshigs su bcad pa 'di ni rnam par snang mdzad kyi chos kyi dkyil 'khor gyi sgo nas bstod pa yin te rdo rje chos la sogs pa de ni de bzhin gshegs pa'i yon tan gyi ngo bo nyid yin pas na de'i rang bzhin gyis de bzhin gshegs pa nyid la bstod pa yin no//las chen zhes bya ba la sogs pa la rdo rje las kyi gzugs su zhugs pas na las chen no/ /rdo rje go cha'i gzugs su zhugs pas na srung ba /chen po ste zhes bya ba'o/ /las la 'jug pa'i rgyur gyur pas na las thams cad do//don gyi dngos grub la sogs pa stsol bas na rab bsgrub pa'o/ /rdo rje gnod sbyin gyi gzugs kyis bzhugs pas na bdag nyid chen po'o/ /'gro spyod mchog ces bya ba la sems can rnams kyi don gyi phyir spyod par mdzad pas na 'gro spyod pa'o/ /de'i mthar phyin pa brnyes pas na mchog go/ / sems dpa' rgyu yin pas na sems dpa' rgyu ste gang gi phyir rdo rje sems dpa'i ting nge 'dzin gyi rjes thogs la mngon par byang chub pa brnyes pa yin te de bas na sems dpa'i rgyu mnga' bas na sems dpa' rgyu'o/ /'di ni sems dpa' dang sngags dang las kyi dkyil 'khor gyi sgo nas bstod pa yin no//'dis ni pha rol tu phyin pa thams cad brnyes pas na pha rol tu phyin pa kun brnyes pa'o/ /thams cad thugs su chud pas na kun mkhyen no/ /ye shes kyi rang bzhin yin pas na ye shes so/ /dngos po'i don thams cad yang dag par mkhyen pas na mkhyen pa'o/ /sems dpa' thams cad skyed par mdzad pas na sems dpa' kun te'o//thabs chen po mnga' bas na thabs chen po'o/ /'di la shes rab chen po mnga' bas na shes rab chen po'o/ /'di dag ni tshogs yongs su rdzogs pa'i sgo nas bstod pa'o/ /thugs rje chen po dang ldan pas na thugs rje chen po'o/ mchog rnams kyi nang na yang mchog yin pas na mchog gi mchog go/ /thugs rje chen po rnams kyi nang na yang thugs rje can yin pas na thugs rje'o/ /thugs rje'i yon tan gyi rang bzhin can yin pas na thugs rje'i bdag nyid can te thugs rje'i bdag nyid mnga' ba'i phyir ro//phyi dang nang gi dngos po thams cad gtong bar mdzad pas na thams cad gtong ba'o/ /'di la byams pa chen po mnga' bas na byams pa chen po'o/ /sems can thams cad kyi don yongs su rdzogs par mdzad pas na kun mdzad do/ /'di dag ni thugs rje'i sgo nas bstod pa'o//shAkya'i seng ge zhes bya ba ni seng ge'i spyod pa dang rjes su mthun par mdzad pa'i phyir te shAkya rnams kyi nang na seng ge yin pas na shAkya seng ge'o/ /shAkya yang yin la chen po yang yin pas na shAkya che ste shAkya'i rigs su skye ba bzhes pa'i phyir na shAkya yin la khams gsum gyi chos kyi rgyal por mnga' brnyes pa'i phyir chen po'o//shAkya rnams dga' bar mdzad pa'i phyir na shAkya'o/ /shAkya rnams kyi thub pa yin pas na shAkya thub pa ste sku dang gsung dang thugs thub pa dang ldan pa'i phyir thub pa che'o/ /'dul ba chen po mnga' bas na 'dul ba chen po'o/ /bcom ldan 'das rnam par snang mdzad kyi sku'i ngo bo thams cad du khyab pa'i phyir khyab pa'o//bkri ba'i don mnga' bas na bkri don te 'di'i gsung phal cher dgongs bas bshad pa yin pa'i phyir ro/ /'dul bas thub pa thams cad kyi nang na mchog tu khyad par du 'phags pa yin pas na 'dul ba mchog go/ / 'di ni phal cher rigs kyi sgo nas bstod pa yin te 'dir mtshan nyid ni brgyad yod do/ /stong pa nyid kyi rang bzhin rab tu bsgoms pas na chos dbyings so/ /dngos po thams cad du de kho na nyid dang dbyer med pas na mnyam med brnyes pa ste bcom ldan 'das rnam par snang mdzad ni de kho na nyid kyi rang bzhin yin pa'i phyir ro//ye shes kyi sku chos kyi dbyings dang 'brel bas na chos kyi dbyings so/ /dngos po rnams ji ltar gnas pa de bzhin du gshegs shing thugs su chud pa'i phyir de bzhin gshegs pa'o/ /rdo rje mgon po zhes bya ba la rdo rje ni sems dpa' la sogs pa'i byang chub sems dpa' rnams te de rnams kyi mgon po dang bdag po yin pas na rdo rje mgon po'o//mgon po yang yin la chen po yang yin pas na mgon po che ste chos kyi sku ni thams cad las khyad par du 'phags pa'i phyir ro/ /sems can thams cad sdud par mdzad pas na sems can tshogs so//'di ni phal cher chos kyi dbyings kyi sgo nas bstod pa yin no/ /'di la 'od chen po mnga' bas na 'od chen te sku'i 'od do/ /'di la snang ba chen po mnga' bas na snang ba chen po ste snang ba ni ye shes kyi snang ba'o/ /'di la brtson 'grus chen po mnga' bas na brtson 'grus chen po ste brtson 'grus ni spro ba la bya'o//'di la stobs chen po mnga' bas na stobs chen po ste stobs ni sku'i gzi byin no/ /dpa' ba yang yin la chen po yang yin pas na dpa' ba chen po ste ri rab la sogs pa yang mdzub rtses 'phen par mdzad pa'i phyir ro/ /nyon mongs pa'i dgra rnams las rnam par rgyal bar mdzad pa'i phyir na rab dpa' mchog go//gdul bya rnams la de'i gzugs ston pas na bde spyod do/ /dpa' ba ni khyab 'jug ste de'i gzugs ston par mdzad pas na dpa' ba'o/ /'di ni yon tan gyi sgo nas bstod pa yin te 'dir yang mtshan brgyad yod do/ /'dod pa'i khams kyi 'dod chags dang bral bas na tshangs pa'o//lung dbog pa med par ye shes thugs su chud par/ /mdzad pas na rang byung ngo / /skal ba dang ldan pa'i phyir bcom ldan 'das te skel ba zhes bya ba'i sgra ni bsod nams dang ye shes kyi tshogs la bshad do/ /shAkya'i dpa' bo thub pa che//zhes bya ba la shAkya'i dpa' bo yang yin la thub pa chen po yang yin pas shAkya'i dpa' bo thub pa che thub pa thams cad las mchog tu khyad par du 'phags pa'i phyir ro/ /dngos po thams cad kyi ngo bo nyid yin pas na kun bdag go/ /mi gsung bar bzhugs pas na thub pa ste ngas ni chos gcig kyang ma bshad do zhes bshad pa lta bu'o//chos kyi sku'i dbang du byas pas na dag pa ste nyon mongs pa dang shes bya'i sgrib pa'i dri ma rnam par dag pa'i phyir ro/ /khams gsum gyi chos kyi rgyal po brnyes pas na chos rgyal lo/ /'di ni bdag po'i sgo nas bstod pa yin te/ /'dir yang mtshan brgyad yod do/ nam mkha' kun du khyab pa bzhin du thams cad du khyab pa'i sku mnga' bas na nam mkha'i sku'o/ /skus mchog tu gyur pas na sku'i mchog go/ /sku gsum dang ldan pas na sku gsum mo/ /sku gsum char yang bdag med par bsgom pa'i phyir sku min sgom pa po ste/ chos kyi sku yang rtag pa'i gzugs kyis bsgom pa'i phyir ro//sku thams cad ston par mdzad pas na kun gyi sku'o/ /ri rab la sogs pa'i tshangs pas kyang lhag par cher ston pa'i phyir sku che ba'o/ /mi shigs pa'i sku yin pas na rdo rje'i sku'o/ /'di dag ni sku'i sgo nas bstod pa yin no/ /gsung min gsung ste zhes bya ba la 'di la gsung ma yin pa nyid kyi gsung mnga' bas na gsung min gsung ste/chos kyi longs spyod rdzogs pa la gnas pa'i byang chub sems dpa' rnams la rnam par mi rtog pa'i ye shes la bzhugs te/ ji ltar mngon par 'dod pa bzhin du chos ston pa'i rnam par rig pa skyed par mdzad pa'i phyir gsung min gsung ngo //tshangs pa'i dbyangs brnyes pa'i phyir smra ba'i dam par gyur pas na gsung gi mchog go/ /gdul bya'i dbang gis sang skr-i ta dang skad tha mal pa dang skad zur chag pa'i gsung gis chos ston par mdzad pas na sangs rgyas gsung gsum mo/ /gsung 'di gsum char yang bdag med par ston par mdzad pas na gsung min ston pa'o//khams dang 'gro ba dang skye gnas dang / yul gyis che ba'i sems can gyi tshogs thams cad kyis sna tshogs pa dri ba dang zhu ba la zhugs su zin kyang gsung gcig gis 'dres gcig tu thams cad kyi lan ston par spyod pas na gsung kun zhes bya'o//shin tu che ba'i gsung mnga' bas na shin tu gsung che ba ste 'jig rten gyi khams gang+gA'i klung gi bye ma snyed dang mnyam pa 'gengs par mdzad pa'i phyir ro/ /srog chags su gyur pa thams cad kyis kyang 'di'i gsung las 'da' bar mi nus pas na rdo rje'i gsung ngo / /'di ni gsung gi sgo nas bstod pa'o//sems min sems te zhes bya ba la yul sna tshogs su snang ba dang dge ba dang mi dge ba'i bag chags sna tshogs su snang bas na sems so/ /sems de lta bu yin pa las gzung ba dang 'dzin pa'i 'khor ba'i dri ma dang rnam par bral zhing dben pa dang zag pa med pa'i phyir sems min no/ /snga ma'i rjes su 'brang bas na sems zhes kyang bshad de de ltar na sems min sems zhes bshad do//sems can thams cad las mchog tu khyad par du 'phags shing yongs su dag pa yin pas na sems kyi mchog go/ /kun gzhi'i rnam par shes pa dang nyon mongs pa can gyi yid dang / 'jug pa'i rnam par shes pa rnams sngon gyi rjes su 'brang ba la ltos nas sems rnam pa gsum dang ldan pas na sems gsum zhes bya'o//sems gsum char bdag med par ston par mdzad pas na sems min ston pa po'o/ /don dam par sems thams cad yongs su dag cing sems thams cad las dben pa/ thams cad mkhyen pa'i ye shes kyi gnas skabs na'ang sems thams cad ro gcig pa'i ngo bor gnas pas na thams cad sems so//spros pa'i gnas skabs su sems kyis nam mkha'i khams 'gengs pas na sems dpa' che'o/ /sems can thams cad kyis mi phyed pas na rdo rje'i sems so/ /'di dag ni thugs kyi sgo nas bstod pa yin no//rdor min rdo rje zhes bya ba la rdo rje ma yin pa yang rdo rje mdzad pa ste sems nyid rdo rje'i gzugs su bsgoms pas na rdor min rdo rje zhes bya'o/ /rdo rje ste sangs rgyas dang byang chub sems dpa' rnams kyi mchog tu gyur cing rnam par snang mdzad kyi chos kyi sku'i rang bzhin yin pas na rdo rje mchog go/ / 'di la ni rdo rje gsum mnga' bas na rdo rje gsum pa ste sku rdo rje dang gsung rdo rje dang thugs rdo rje dang rab tu ldan pa'i phyir ro/ /so so'i skye bo'i sems rdo rje ma yin pa de yang rdo rjer mdzad pas na rdo rje min skyong ngo / /sku dang gsung dang thugs thams cad rdo rje'i ngo bo nyid mnga' bas na rdo rje thams cad do/ /sku dang gsung dang thugs rdo rje nam mkha'i dbyings thams cad du khyab par mdzad pas na rdo rje che'o//rdo rje las kyang rdo rje yin pas na rdo rje rdo rje ste rdo rje yang thugs bskyed pa tsam gyis phye mar rlog par mdzad pa'i phyir ro/ /'di ni ye shes kyi sgo nas bstod pa'o/ /thams cad du song bas na kun khyab bo/ srid pa'i rtse mo mchog ces bya ba la srid pa'i rtse mo yin pas na srid pa'i rtse mo ste sems can gang srid pa'i rtse mor skyes pa de la srid pa'i rtse mo zhes bya ba la/de rnams las kyang mchog tu gyur pas na srid pa'i rtse mo mchog go/ /bde bar gshegs bdag po zhes bya bas sku gsum gyi tshul gyis bde bar gshegs pa rnams bzhugs la/de dag las kyang chos kyi sku shin tu khyad par du 'phags pa la bzhugs pas na bdag po'o/ /'dis nyon mongs pa rnams las rgyal bas na rgyal ba'o/ /khams gsum gyi ngo bo yin pa'am sems dang sems las byung ba'i rang gi tshogs khams gsum par yang dag par ston par mdzad pas na khams gsum pa'o//rgyal po yang yin la chen po yang yin pas rgyal po che'o/ /dus thams cad du phyogs kun du rnam par snang mdzad pas na rnam par snang mdzad do/ /mtshan brgya rtsa brgyad 'di dag ni/ /zhes bya ba la sogs pas ni ji skad gsungs pa'i mtshan brgya rtsa brgyad pa 'di nyan pa dang /bklags pa dang / bsgoms pa'i phan yon ston te/ kun gyis sangs rgyas nyid thob 'gyur/ /zhes bya ba ni de bzhin gshegs pa lnga'i ngo bo nyid kyi chos lngas bsdus pa'i sangs rgyas kyi sa'i rang bzhin thob par 'gyur ro zhes bya ba'i bar du gsungs pa yin no//da ni mgon po khyed la zhes bya ba la sogs pas bcom ldan 'das rnam par snang mdzad la mtshan brgya rtsa brgyad pas de ltar bstod nas rgyud dang / rgyud kyi don dang rdo rje dbyings kyi dkyil 'khor la sogs pa rgyas par bya ba'i phyir bcom ldan 'das phyag na rdo rjes gsol ba 'debs pa yin te/mgon po zhes bya ba ni rje sar 'bod pa'o/ /ci zhig gsol ba 'debs she na/ chos kyi 'khor lo rab tu bskor/ /zhes bya ba ste 'di ni gsol ba'o/ /ci'i phyir zhe na/ sems can kun la phan pa'i phyir/ /zhes gsungs pa yin no/ /dgos pa gang gis she na/ thugs rje chen po bskyed nas kyang / /zhes bya ba gsungs pa yin no/ /'di skad ston te rnyed pa dang / bkur sti'i phyir ni ma yin gyi/ gzhan du na thugs rjes sems can thams cad la phan pa'i don bsgrub pa'i phyir chos kyi 'khor lo bskor bar mdzod cig pa'o/ /de ltar gsol ba btab pa dang bcom ldan 'das rnam par snang mdzad kyis de bzhin gshegs pa thams cad kyi bdag pos bka' stsal ba'i tshig gsan nas zhes bya ba la de bzhin gshegs pa thams cad kyi bdag po ni bcom ldan 'das rdo rje sems dpa' ste//byang chub kyi sems kyi rang bzhin yin pa'i phyir byang chub kyi sems ni de bzhin gshegs pa thams cad kyi yab yin no zhes gsungs pa yin no//de lta bas na de bzhin gshegs pa thams cad kyi bdag pos bka' stsal pa'i tshig thos pa dang / de bzhin gshegs pa thams cad la bos nas zhes bya ba ni mi bskyod pa la sogs pa'i de bzhin gshegs pa thams cad la bos te snyan gtong ba la btsud nas 'di skad ces gsungs te ci zhig gsungs she na/bcom ldan 'das de bzhin gshegs pa rnams gcig tu 'dus par gsol zhes bya ba ste/ mdzad par gsol zhes bya ba ni spro bar mdzod cig pa'o/ /ci zhig mdzod ce na gcig tu 'du ba mdzod cig ces gsungs pa ste tshogs par mdzod cig ces bya ba'i don to//bcom ldan 'das rnam par snang mdzad kyis de skad ces gsungs pa dang / mi bskyod pa la sogs pa'i de bzhin gshegs pa thams cad kyang gcig tu 'du bar mdzad nas tshigs su bcad pa 'di gsungs so/ /tshigs su bcad pa de gang yin zhe na/ rtag par 'jig rten thams cad du//zhes bya ba la sogs pa'o/ /sems can kun la phan pa'i phyir/ /zhes bya ba la sogs pa'o/ /sems can kun la phan pa'i phyir/ /zhes bya ba la phan pa ni gang ma 'ongs pa na bde bar 'gyur ba'i dge ba'i las rnams so/ /der ci zhig bya zhe na/ rtag par 'jig rten thams cad du/ /zhes bya ba gsungs te/ rtag par zhes bya ba ni rgyun mi 'chad par ro//'jig rten thams cad du zhes bya ba ni 'jig rten gyi khams thams cad du ste rdul phra rab kyi dkyil 'khor rnams so zhes bya ba'i don to/ /ji ltar 'dul ba zhes bya ba gdul ba'i skye bo rnams kyi ched du zhes bya ba'i don to/ /sna tshogs pa'i chos kyi 'khor lo rab tu bskor zhes bya ba sna tshogs pa ni rnam pa du ma ste de lta bu'i chos kyi 'khor lo rab tu skor cig ces bya ba'i don to//bcom ldan 'das phyag na rdo rjes don gang gi phyir gsol ba btab pa dang / mi bskyod pa la sogs pa'i de bzhin gshegs pa thams cad kyis 'dus pa mdzad nas kun du bgros te don de nyid kyang tshigs su bcad pas ston to//de nas bcom ldan 'das rnam par snang mdzad de bzhin gshegs pa thams cad dang / /rdo rje sems dpa'i bskul ba'i tshig gsan pa dang bka' mnyan te/ sangs rgyas kyi zhing thams cad dang zhes bya ba sangs rgyas mi bzhugs pa'i 'jig rten gyi khams thams cad kyi'o/ /'jig rten gyi khams thams cad ces bya ba ni yul thams cad kyi'o//sems can thams cad kyi mdun du zhes bya ba ni mig sngar ro/ rdul phra mo thams cad ji snyed pa'i dkyil 'khor kun du zhes bya ba ni yul dang grong dang grong khyer dang zhing dang dgon pa dang rdul phra rab kyi dkyil 'khor thams cad kyi bar du ste rdul phra mo thams cad ji snyed pa'i dkyil 'khor yin par shes par byas la/kun du khyab par byas pa ni rgyas par byas pa ste bcom ldan 'das rnam par snang mdzad kyi gnas na bzhugs pa'i bcom ldan 'das shAkya thub pas chos kyi 'khor lo rab tu bskor bar gyur pa ste/ chos kyi 'khor lo ni gzhung gi tshul du bskor ba'o//don gyi tshul ni rdo rje dbyings la sogs pa dkyil 'khor gyi tshul du bskor ba'o/ /de nas byang chub sems dpa' chen po phyag na rdo rjes yang tshigs su bcad pas bcom ldan 'das rnam par snang mdzad la gsol ba btab pa yin no/ /tshigs su bcad pa ni sngar bshad pa nyid do//rdo rje 'khor lo zhes bya ba ni rdo rje dbyings la sogs pa'i dkyil 'khor gyi 'khor lo yin par shes par bya'o/ /de nas 'dir zhes bya ba la sogs pa thams cad ni go sla'o/ /de bzhin gshegs pa rdo rje dbyings zhes bya ba ni bcom ldan 'das shAkya thub pa nyid la bya'o/ / rdo rje dbyings la sogs pa'i dkyil 'khor thams cad kyang rab tu bskor bar gyur to zhes bya ba ni bskor bar mdzad do zhes bya ba'i don to/ /de ltar theg pa chen po mngon par rtogs pas rtog pa'i dkyil 'khor kun du khyab par mdzad nas/ bcom ldan 'das rdo rje sems dpa' de nyid rdo rje hUM mdzad kyi ting nge 'dzin la zhugs te/'jig rten gsum las rnam par rgyal ba'i rtog pa'i dkyil 'khor rgyas par bya ba'i phyir/ bcom ldan 'das rnam par snang mdzad la tshigs su bcad pas gsol ba 'debs pa yin no/ /tshigs su bcad pa de ni snga ma nyid de/ de las khro bo'i 'khor lo zhes bya ba 'ba' zhig tha dad par zad do//khro bo'i 'khor lo zhes smos pas ni 'jig rten gsum las rnam par rgyal ba la sogs pa'i dkyil 'khor rnams yin par shes par bya'o/ /de ltar gsol ba btab pa'i tshig gsan pa dang / bcom ldan 'das de bzhin gshegs pa 'jig rten gsum las rnam par rgyal bas zhes bya ba ni bcom ldan 'das shAkya thub pa de nyid 'jig rten gsum las rnam par rgyal ba lta bu'o//khro bo'i 'khor lo rab tu bskor bar gyur to zhes bya ba ni bskor bar mdzad do zhes bya ba'i don to/ /da ni 'gro ba 'dul ba'i dkyil 'khor gyi 'khor lo rgyas par bya ba'i phyir/bcom ldan 'das 'phags pa kun du spyan ras gzigs kyi dbang pos kyang tshigs su bcad pas bcom ldan 'das rnam par snang mdzad la gsol ba btab po/ /pad+mo'i 'khor lo zhes bya ba ni pad+mos mtshan pa'i 'khor lo yin pas na pad+mo'i 'khor lo'o/ /de ltar bskul ba'i tshig gsan pa dang /bcom ldan 'das de bzhin gshegs pa chos kyi rgyal pos zhes bya ba ni bcom ldan 'das shAkya thub pa nyid de chos kyi rigs kyi sgo nas de skad ces btags pa yin no/ /pad+mo'i 'khor lo rab tu bskor ro zhes bya ba ni bskor bar mdzad do zhes pa'o/ /da ni nor bu'i dkyil 'khor gyi 'khor lo rgyas par bya ba'i phyir byang chub sems dpa' chen po 'phags pa nam mkha'i snying pos kyang tshigs su bcad pas bcom ldan 'das rnam par snang mdzad la gsol ba 'debs pa yin te/nor bu'i 'khor lo rab tu bskor/ /zhes bya'o/ /bcom ldan 'das rnam par snang mdzad kyis kyang sangs rgyas kyi zhing thams cad dang 'jig rten gyi khams thams cad kyi rdul phra mo kun gyi ji snyed pa'i rdul gyi dkyil 'khor kun du khyab par byas nas nor bu'i 'khor lo bskor bar mdzad do//dang por rdo rje sems dpa' la sogs pa 'khor los sgyur ba bzhis rnam par snang mdzad la sogs pa'i de bzhin gshegs pa thams cad la gsol ba btab pa ni sems can rnams la phan gdags pa'i phyir rang rang gi dkyil 'khor dang /rang rang gi ltag par rang rang gi rigs bskyed cing rtag par gsol zhes so so nas gsol ba btab pa dang de dag gis kyang rang rang gi rigs bskyed cing rang rang gi dkyil 'khor dang rang rang gi rtog pa bshad pa yin no//rgyud phyi ma dang phyi ma'i phyi ma dag tu ni de dang der sangs rgyas kyi bka' bsgrub pa'i phyir dang / yun ring du gnas par byin gyis brlab par bya ba'i phyir bcom ldan 'das la byin gyis brlab par gsol ba dang / rnam par snang mdzad la sogs pa de bzhin gshegs pa rnams kyis kyang /mdo sde 'di ni legs par bshad/ /ces bya bas rtog pa thams cad sangs rgyas kyi bka' nyid yin par byas te bzhag pa dang / yun ring nyid du gnas par byin gyis brlabs mod kyi/ /ri rab rtse mo 'ba' zhig tsam du zad kyi thams cad du grags par gyur pa ni ma mdzad do//de bas na thams cad du grags par bya ba'i phyir bcom ldan 'das rnam par snang mdzad la 'khor los sgyur ba bzhis rang gi rigs kyi dkyil 'khor gyi 'khor lo rtag pa'i phyir gsol ba btab pa yin la/ bcom ldan 'das kyis kyang thams cad la kun du khyab par mdzad pa yin no//de ltar zhar la 'ongs pa rdzogs par mdzad nas da ni de nas zhes bya ba la sogs pas bcom ldan 'das de bzhin gshegs pa yul thams cad na ji lta ba bzhin du bzhugs pa sems can thams cad kyis mthong ba ston to/ /de nas de'i tshe zhes bya ba ni bcom ldan 'das kyi ting nge 'dzin gyis khyab par mdzad pa'i dus su'o//sangs rgyas kyi zhing thams cad kyi khongs su gtogs pa'i sems can zhes bya ba ni go sla'o/ /phra ba'am sbom pa'ang rung / /zhes bya ba de rnams nyid kyi khyad par yin te/ phra ba ni chu'i srin bu la sogs pa'o/ /sbom pa ni mi la sogs pa'o//lhag ma rnams ni go sla'o/ /'khor lo thams cad ces bya ba ni dkyil 'khor thams cad do/ /kun nas zhes bya ba ni thams cad nas so/ /mthong ngo zhes bya ba ni mig sngar phab pa ste/ sangs rgyas thams cad kyi mthus de bzhin gshegs pa de dag thams cad kun nas mthong ngo //de ltar ji skad gsungs pa'i tshul gyis 'og min gyi gnas su mngon par rdzogs par sangs rgyas nas de nas ri rab kyi steng du gshegs te lha rnams kyi don mdzad do/ /mi rnams kyang snod du gyur pa yin la/ de bas na de rnams kyi don kyang bya dgos te/ de rnams kyi don ni ri rab kyi steng na gnas bzhin du mdzad par mi spyod pas na de'i phyir de bas na byang chub sems dpa' chen po phyag na rdo rjes bcom ldan 'das rnam par snang mdzad la/mi yi nang du babs nas kyang / /zhes bya ba'i tshigs su bcad pas gsol ba btab pa yin no/ /mi yi nang du babs nas kyang / /zhes bya ba ni mi'i nang du gshegs la zhes bya ba'i don to//dgongs phyir sems can kun gyi don/ /zhes bya ba ni mi rnams kyi don bsgrub par bgyi ba'i slad du dgongs pa mdzod cig ces pa'o/ /'jig rten gsum las rnam par rgyal bar mi rnams kyi don gyis shig ces bstan mod kyi 'on kyang de 'di ltar don byos shig ces bka' stsal pa tsam du zad kyi rdzogs par byas pa ni ma yin no//de lta bas na de rnams kyi don bsgrub par mdzod cig ces smras pa yin no/ /ji ltar zhe na 'khor lo'i mchog bskor cig ces bya ba ste/ mi'i nang du gshegs te chos kyi 'khor lo bskor bar mdzod cig ces bya ba'i don to//de ltar bcom ldan 'das rnam par snang mdzad la bcom ldan 'das phyag na rdo rjes gsol ba btab pa yin no/ /da ni sbyor ba dang bsdu ba'i phyir de nas zhes bya ba la sogs pa'i gzhung ston te/ de bzhin gshegs pa thams cad phyogs thams cad du dkyil 'khor gyi 'khor lo rgyas par mdzad pas bzhugs pa yin la/de lta bas na de dag la rje sar bos te/ mi bskyod pa la sogs pa de rnams la 'di skad gsungs so/ /bcom ldan 'das de bzhin gshegs pa rnams kyang gcig tu 'du bar mdzad du gsol zhes pa ste/ nga'i thugs su yang zhugs shig ces don gyis ni 'di skad kyang zer ba yin te/gang gi phyir bzhengs pa'i dus na yang de rnams 'du bar mdzad nas 'di'i thugs su zhugs so zhes bya ba yin no/ /de rnams der zhugs pa dang bcom ldan 'das rnam par snang mdzad kyis de bzhin gshegs pa thams cad kyi sku dang gsung dang thugs rdo rjer bdag nyid gyur par mkhyen nas zhes bya ba ni nyid kyi sku dang gsung dang thugs rdo rje de bzhin gshegs pa thams cad kyi rdo rjes rjes su bzung bar mkhyen to zhes bya ba'i don to//de bzhin gshegs pa rnams de ltar zhugs pa dang / bcom ldan 'das rnam par snang mdzad kyis bcom ldan 'das phyag na rdo rje nyid kyi rdo rje sems dpa' la gsol ba btab ste rigs kyi bu khyod kyang nga'i thugs dang de bzhin gshegs pa thams cad dang /rdo rje'i rigs thams cad dang / dkyil 'khor thams cad dang / de bzhin gshegs pa thams cad kyi thugs dang / nga'i thugs su zhugs shig ces bya ba dang sbyar ro//de la de bzhin gshegs pa thams cad ces bya ba ni dkyil 'khor thams cad du gtogs pa'i byang chub sems dpa' thams cad do/ /rdo rje'i rigs thams cad ces bya ba la rdo rje'i rigs smos pa ni nye bar mtshon pa tsam du zad do/ /rigs thams cad ces bya ba'i don to/ / rigs zhes bya ba ni mchod pa'i lha mo dang sgo srung rnams gzung ngo / /de bzhin gshegs pa thams cad ces smos pas ni byang chub sems dpa' rnams logs shin tu ston to/ /dkyil 'khor smos pas ni rgyud las smos pa'i dkyil 'khor thams cad gzung ngo / /de bzhin gshegs pa thams cad kyi thugs dang zhes bya ba ni gang mi bskyod pa lo sogs pa bcom ldan 'das rnam par snang mdzad kyi thugs su zhugs pa'o//de bzhin gshegs pa thams cad kyi thugs las de'i thugs logs shig na yod pa lta mod kyi/ 'on kyang des phyi rol du sprul pa bstan par bya ba'i phyir/ / de bzhin gshegs pa thams cad kyi thugs su zhugs shig ces gsungs so/ /bcom ldan 'das rnam par snang mdzad kyi bcom ldan 'das phyag na rdo rje la 'di skad ces gsungs pa dang / mdor na sangs rgyas thams cad kyi/ /zhes bya ba la sogs pa'i tshigs su bcad pa 'di gsungs te/sems can thams cad la phan pa'i phyir 'dir 'jug cing gnas par bsgrub par bgyi'o zhes bya bar sbyar ro/ /gang du zhe na sku gsung thugs kyi rdo rje thams cad du'o/ /su zhig gi zhe na sangs rgyas thams cad kyi'o/ /de skad gsungs ma thag tu de bzhin gshegs pa thams cad kyi bcom ldan 'das rdo rje sems dpas ji skad gsungs pa de bzhin du de bzhin gshegs pa thams cad bcom ldan 'das rnam par snang mdzad kyi thugs su zhugs te/'dis ni ji skad bstan pa'i dkyil 'khor la sogs pa 'jug par ston to/ /da ni de ltar zhugs pa de rnams bcom ldan 'das rdo rje sems dpa' dang de bzhin gshegs pa thams cad kyi thugs dang /bcom ldan 'das rnam par snang mdzad kyi sku dang / gsung dang thugs rdo rjer khyab par gyur pa ston te/ sku thams cad ces bya ba la sogs pa la sku thams cad ni sku'i yan lag thams cad do//gsung thams cad 'jug pa'i gnas dang zhes bya ba ni yi ge ni gnas brgya de/ brang dang lkog ma de bzhin mgo/ /lce rtse dang ni so dag dang / sna dang mchu dang rkan rnams so/ /zhes bya ba ste 'di dag thams cad ni gsung thams cad du 'jug par gnas so/ /sems kyi rgyun 'byung ba thams cad dang zhes bya ba ni sems can thams cad kyi rgyu dang 'bras bu'i rang bzhin du 'brel ba'i dus gsum gyi rgyun te rgyun ni rgyud kyi rnam par 'brel chags pa'o//de yang sems gcig pu la kun gzhi rnam par shes pa dang / 'jug pa'i rnam par shes pa dang / nyon mongs pa can gyi yid kyi mtshan nyid re re zhing yang rang gi rigs kyi rgyud 'dab chags par 'brel ba la bya ste de dag thams cad kyi 'jug pa la bya'o//rdo rje'i tshul thams cad dang zhes bya ba ni sems can thams cad du'o/ / yan lag dang nying lag thams cad dang zhes bya ba ni rkang pa dang lag pa la sogs par ro/ /gnas thams cad dang zhes bya ba ni las kyi gnas thams cad du'o//mtshan thams cad dang zhes bya ba ni skyes bu chen po'i mtshan sum cu rtsa gnyis pa rnams su'o/ /de ni phyag dang zhabs 'khor lo'i mtshan dang ldan pa dang / phyag dang zhabs shin tu gnas pa dang / phyag dang zhabs kyi mthil 'jam zhing gzhon sha chags pa dang phyag dang zhabs dra bas 'brel ba dang //bdun mtho ba dang zhabs dang phyag gi bo la gnyis dang thal gong gi phyogs dang mgrin pa'i phyogs mtho ba dang / sor mo ring ba dang / zhabs kyi rting pa yangs pa ste yangs pa ni ring zhing legs par snyoms pa ste tshigs mi mngon pa'i phyag zhabs dang ldan pa dang /sku kho lag che zhing drang ba ste 'di'i sku che zhing yan lag drang ba dang / zhabs kyi long mo'i tshigs mi mngon pa ste long mo nub par 'dug pa dang / sku'i sbu re re ba gyen du phyogs pa ste 'di dag ni bcu tshoms dang po'o/ /byin pa ri dgas e na ya'i lta bu ste 'di'i sku'i byin pa ri dgas shar b+ha ltar bags kyis zlum pa dang /phyag ma btud par pus mor slebs pa ste/ 'di'i sku yis ma btud par phyag gnyis pus mo'i sla dar slebs pa dang / mdoms kyi sba ba sbubs su nub pa ste glang po che cang shes lta bur sbubs na gnas pa ltar mdoms kyi sba ba sbubs su nub pa dang /pags pa srab cing gser mdog 'dra ba dang / dbu skra re re nas skyes shing g.yas su 'khyil ba dang / zhal mdzod spus brgyan pa dang / ro stod seng ge 'dra ba ste 'di'i sku stod kho lag che ba yin pa dang / dpung mgo rab tu zlum pa ste mgur shin tu zlum pa rgyas pa'i phyir ro//thal gong rgyas pa ste gser gyi gyim phag legs par phyis pa bzhin du phya le bar 'dug pa ste 'di dag ni bcu tshoms gnyis pa'o/ /ro bro ba'i mchog dang ldan pa ste dbang po rlung dang / mkhris pa dang / bad kan rnams kyis nyams par ma gyur pa dang ro rnams ji lta ba bzhin du myong bar mdzad pa dang /shing n+ya gro d+ha ltar chu zheng gab pa ste chu dang zheng du mnyam pa dang dbu gtsug tor dang ldan pa dang / ljags shin tu ring zhing srab pa ste ut+pal dmar po'i 'dab ma ltar ring zhing srab pa dang / ka la ping ka'i dbyangs te bya ka la ping ka dang tshangs pa'i dbyangs kyang zil gyis gnon par mdzad pa dang /'gram pa seng ge'i 'dra ba ste mkhur ba shin tu me long phyis pa dag pa lta bu dang / tshems shin tu dkar ba dang / tshems thags bzang ba dang / tshems mnyam pa dang / tshems bzhi bcu mnga' ba ste mtshan 'di dag ni bcu tshoms gsum pa'o/ /'di rnams dang skyes bu chen po'i mtshan spyan mthon mthing dang /rdzi ma ba'i lta bu ste de ltar na sum cu rtsa gnyis so/ /dpe byad bzang po thams cad dang zhes bya ba la dpe byad ba bzang po rnams gang zhe na sangs rgyas bcom ldan 'das kyi dbu gdugs kyi dbyibs lta bu dang / dbu skra'i rtse mo 'khyil ba dang / dbu sgra sdug pa dang / dbu skra gnag pa dang / /dbu skra dri zhim pa dang / dbu skra mi gshor ba dang / dbu skra ma 'dzings pa dang / dbu skra bzang ba dang / dbu skra 'jam pa dang / dbu skra snum pa dang / dbu skra phra ba dang / dbu skra bung ba lta bu ste dpe byad bzang po bcu po 'di dag ni skyes bu chen po'i mtshan dbu skra g.yas su 'khyil zhing re re nas skyes pa dang /dbu gtsug tor dang ldan pa'i 'khor du gyur pa yin no/ /dpral ba'i dbyes che ba dang / dpral ba gnyer ma med pa dang / smin ma gnag pa dang / smin ma gzhu lta bu dang / smin tshugs ring ba dang / smin ma'i spu mnyam pa dang / smin ma bar thags mnyam pa dang /shangs mtho ba ste dpe byad bzang po 'di dag ni skyes bu chen po'i mtshan mdzod spu'i 'khor ro/ /spyan 'dzum pa lta bu dang / spyan yangs pa dang / spyan gtsang ba dang / spyan gyi dkyus ring ba dang / spyan dri ma med pa ste dpe byad 'di dag ni skyes bu chen po'i mtshan spyan mthon mthing dang rdzi ma pa'i lta bu'i 'khor yin no//snyan mnyam pa dang / snyan shal stug cing ring ba ste dpe byad 'di gnyis ni skyes bu chen po'i mtshan 'gram pa seng ge lta bu'i 'khor yin no/ /zhal dri zhim pa dang / seng ge'i zhal dang / zhal gyi sgros bim pa ltar dmar ba dang / mche ba byin gyis phra ba dang / mche ba rno ba dang / zhal gyi dkyil 'khor kun nas zlum zhing rgyas pa ste dpe byad bzang po 'di rnams ni skyes bu chen po'i mtshan bdun gyi 'khor yin te/ gang zhe na ljags yangs pa dang / tshangs pa'i dbyangs dang / tshems dkar ba dang / tshems thags bzang ba dang / tshems bzhi bcu mnga' ba dang / tshems mnyam pa dang / ro bro ba'i mchog dang ldan pa rnams kyi'o/ /mgur bum pa'i mgrin pa lta bu ni skyes bu chen po'i mtshan dpung mgo zlum pa'i 'khor yin no/ /rtsa rgyus mi mngon pa dang / /tshigs mi mngon pa dang / tshigs la sred med kyi bu'i stobs dang ldan pa dang / sku gtsang pa dang //sku ma yo ba dang / sku rim par 'tsham zhing mdzes pa dang / sku 'khril bag chags pa dang / sku snum pa dang / sku'i yan lag shin tu 'byes pa dang / sku shin tu grims pa dang / sku 'jam pa dang / mtshan rdzogs pa dang / sku shin tu zlum pa dang / sku ma yo ba dang / phyal phyang nge ba dang / sku skabs phyin pa dang / sku la gnag bag med pa dang / blta bas chog mi shes pa ste dpe byad bzang po bco brgyad po 'di dag ni skyes bu chen po'i mtshan kho lag che zhing drang ba dang phyag ma btud par pus mor slebs pa dang / pags pa srab pa dang / mdog gser 'dra ba dang / ro stod seng ge 'dra ba dang /thal gong rgyas pa dang / n+ya gro d+ha ltar chu zheng gab pa dang / bdun mtho ba ste 'di brgyad kyi 'khor du gyur pa yin no/ /lte ba zab pa dang / lte ba zlum pa dang / lte ba'i sbubs rab tu gang ba ste dpe byad 'di gsum ni skyes bu chen po'i mtshan mdoms kyi sba ba sbubs su nub pa'i 'khor du gyur pa yin no//pus mo'i lha nga shin tu zlum zhing legs pa'i dpe byad gcig pu 'di ni skyes bu chen po'i mtshan byin pa ri dgas e na ya'i lta bu'i 'khor du gyur pa yin no/ /ba spu'i bu ga rnams las yid du 'ong ba'i dri 'byung ba 'di skyes bu chen po'i mtshan ba spu nyag ma re re nas skyes shing g.yas su 'khyil ba'i 'khor du gyur pa yin no//sen mo mtho ba dang / sen mo zangs kyi mdog 'dra ba dang / sen mo snum pa dang / sen mo rnams zlum pa dang / sen mo rnams rgyas pa dang / sor mo rnams byin gyis phra ba ste dpe byad bzang po 'di drug ni skyes bu chen po'i mtshan phyag gi sor mo ring ba'i 'khor du gyur pa yin no//phyag gi ri mo bar ma chad pa dang / phyag gi ri mo mnyam pa dang / phyag gi ri mo zab pa dang / phyag gi ri mo ma yo ba dang / phyag mdangs yod pa dang / phyag dang zhabs kyi mthil zangs ltar dmar ba dang / phyag la seng ge'i gdan dang / nya dang rgyal mtshan dang /rdo rje dang lcags kyu dang / bum pa dang dga' ba 'khyil pa dang / dpal be+e'u dang / dung dang pad+mo dang / g.yung drung rnams dang ldan pa ste dpe byad bzang po bcu bdun po 'di dag ni skyes bu chen po'i mtshan drug po'i 'khor du ci rigs par 'gyur ba yin te/ phyag dang zhabs kyi mthil 'khor lo'i mtshan dang ldan pa dang /phyag dang zhabs shin tu gnas pa dang / phyag dang zhabs dra bas 'brel pa dang / phyag dang zhabs kyi mthil 'jam zhing gzhon sha chags pa dang / zhabs kyi rting pa yang pa dang / zhabs kyi long mo'i tshigs mi mngon pa ste 'di drug gi yin no/ /de ltar na mtshan dang dpe byad thams cad do//ba spu'i khung bu thams cad dang / rdul shin tu phra mo snyed kyi dkyil 'khor thams cad dang zhes bya ba ni sku'i rdul phra rab thams cad du'o/ /thugs rnams su zhugs nas bzhugs so zhes bya ba 'dis ni ro gcig tu gyur par ston to/ /sprul pa'i sku dka' ba spyod pa'i sar bzhag ste rdzu 'phrul gyis 'og min gyi gnas su gshegs nas der mngon par rdzogs par byang chub po//de nas ri rab kyi rtse mor gshegs te ting nge 'dzin la bzhugs nas sngags spyod pa'i tshul la 'jug pa'i ting nge 'dzin la spro ba dang bsdu ba mdzad de/ bcom ldan 'das shAkya thub pas yang dag par rdzogs par sangs rgyas nas ring po ma lon pa zhig na/de bzhin gshegs pa thams cad kyi sku dang / gsung dang / thugs rdo rjer de bzhin gshegs pa thams cad kyi sku dang gsung dang thugs thams cad du bdag nyid gyur par mkhyen nas zhes bya ba ni de bzhin gshegs pa thams cad der bzhugs pa'i phyir ro/ / de nas ri rab kyi rtse mo de nas yid kyis rang bzhin gyi sku de babs te dka' ba spyod pa na bzhugs pa'i sku der zhugs so/ /de nas de las bzhengs te/ chu bo nai rany+dza nar khrus mdzad nas 'o ma gsol te/ byang chub kyi snying po gang na ba der gshegs so/ /ched du gshegs nas bcom ldan 'das kyis byang chub kyi shing drung du zhes bya ba ni bcom ldan 'das kyir gtogs pa'i byang chub kyi shing gang yin pa de'i rtsa bar ro//'jig rten dang mthun par bya ba'i phyir zhes bya ba ni/ don dam par 'og min gyi gnas su mngon par rdzogs par sangs rgyas zin mod kyi/ 'jig rten pa rnams dang rjes su mthun par bya ba'i phyir gdong byang chub pa ltar ston cing rtswa 'tshong bkra shis las rtswa blangs nas/e ma'o zhes bya ba la sogs pas ched du brjod pa 'di ched du brjod do/ /e ma'o zhes bya ba ni ngo mtshar du gyur pa'o/ /sems can bstan pa zhes bya ba ni sems can rnams la ston par mdzad pa gang yin pa de ni sems can bstan pa ste lam log pa las bzlog ste yang dag pa'i lam la 'jog pa de rnams kyi'o//su zhig gi don du zhe na/ sems can don te sems can rnams kyi don du gnyer bar bya ba yin pas na sems can don to/ /bdag don mchog ces bya ba ni rang gi don gyi dam pa nyid sems can gyi don yin no/ / de ltar yin na yang 'di la ngo mtshar ci zhig yod ce na de'i phyir/ gang phyir 'dul dbang bstan pa rnams/ /mu stegs lta la gnas par mdzad/ /ces bya ba gsungs te/ gdul bya ni mi rnams te de dag kyang dman pa la lhag par mos pa dang / dka' ba spyod pa la mos pa yin na de lta bas na/de yi dbang zhes bya ba ni de dag gi ched du'o/ /brtan pa rnams ni srid pa tha ma pa'i byang chub sems dpa' rnams so/ /mu stegs ni mya ngan las 'das pa'i mtshor 'jug pa'i lam du bstan pa gang yin pa ste/ 'di 'jug pa'i thabs ni ma yin mod kyi/ 'on kyang 'jig rten pa de rnams de la spyod pas na de skad ces bya'o//de lta bas na der mu stegs pa rnams kyi ngo bo nyid yin pas na mu stegs pa ste/ de rnams kyi lta ba ni dka' ba spyod pa thar pa thob par 'dod pa'o/ /de'i phyir de rnams kyi lta ba'i dbang du mdzad nas dka' ba spyod pa gang yin pa la gnas par mdzad pa yin la/ 'og min gyi gnas su shin tu rgya cher mngon par rdzogs par sangs rgyas su zin na yang / mi 'dul ba ni 'jig rten la 'jig rten pa'i rjes su mthun pa bstan par bya ba'i phyir ro/ /'jig rten 'di dag la yang spyod pa 'di dag ci'i phyir ston par mdzad ce na/ lta ba ngan pas mdongs pa rnams/ /zhes bya ba gsungs so//de lta bas na/ lta ba ngan pas mdongs pa rnams/ /ye shes snang bas dag bya'i phyir/ /zhes bya ba steng ngan par lta bas na lta ba ngan pa ste/ log pa'i shes rab las byung ba'i lta ba ngan pas mdongs pa de rnams la yang dag pa'i ye shes kyi snang ba theg pa gsum gyi ye shes kyi snang bas rnam par dag par bya zhing phyin ci ma log pa'i ye shes thob par bya ba'i phyir ro//sangs rgyas byang chub thob par 'gyur/ /zhes bya ba ni slar yang sangs rgyas kyi byang chub thugs su chud par bstan par bya'o zhes bya ba'i don to/ /de nas 'dod pa na spyod pa'i lha rnams kyis bcom ldan 'das kyi de kho na nyid mi shes nas zhes bya ba ni dbang phyug chen po 'ba' zhig tu ma gtogs pa 'dod pa na spyod pa'i lha rnams te/rgyal chen bzhi'i ris kyi lha rnams dang / sum cu rtsa gsum pa dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams so/ /bcom ldan 'das kyis de kho na nyid mi shes nas zhes bya ba ni bcom ldan 'das yang dag pa ni 'og min du byung la/de'i sprul pa shAkya'i rigs su 'khrungs par bstan pa dang / de nyid du don dam par mngon par rdzogs par sangs rgyas la/ 'dir ni sprul pas dka' ba spyod par ston pa dang / der mngon par rdzogs par sangs rgyas nas ri rab kyi rtse mor gshegs te chos kyi 'khor lo bskor nas mi rnams kyi don bsgrub par mdzad pa'i phyir yang mngon par rdzogs par byang chub par ston cing dka' ba spyod pa'i sku 'di la slar bab par mdzad pa 'di dag gi de kho na nyid mi shes pa'o//de ltar de kho na nyid ma shes te ci zhig byed pa zhe na/'di skad du gsol to zhes bya ba ste tshig tu brjod pa'o/ /ji skad du smras she na/ kye dge slong ci byang chub kyi phyir zhes bya ba la sogs pa'o/ /drag pa ni rno ba'o/ /rtsub pa ni reg par mi bzod pa'o/ /mi bzad pa ni srog 'phrog pa'o/ /spro bar mdzad dam zhes bya ba ni dka' ba spyod pa'i sa la byang chub kyi rgyur dka' ba la spro ba'i rtsom pa mdzad dam zhes bya ba'i bar du ston pa yin no//de skad ces gsol ba dang / bcom ldan 'das kyis rtswa de g.yas nas bskor nas bting ste/ de'i steng du skyil mo krung bcas nas bzhugs te sku drang por bsrangs nas dgongs pa mngon du bzhag ste lha rnams la 'di skad ces bka' stsal to//grogs po rnams kho bos byang chub thob par sgrubs shig pa ste sgrubs shig ces bya ba ni spro ba gyis shig ces bya ba'i don to/ /'di skad gsungs pa 'dis ni don 'di ltar ston te/ byang chub ni lha rnams kyi khyad par las mchog byin pas thob pa ma yin no zhes ston te/'dis ni de skad du gsungs pa yin no zhes bya bar mngon no/ /de nas 'dod pa na spyod pa'i lha rnams kyis bcom ldan 'das kyis gsungs pa'i don ma rtogs nas zhes bya ba la sogs pa la ci 'dir mngon par ma rtogs zhes bya bar byang chub kyi phyir 'di lta bu'i dka' ba la spro bar mdzad dam zhes gong du ma smras sam zhe na smras pa/de ni bden mod kyi 'ga' zhig las ming tsam zhig thos pa yin gyi de dag gi don shes pa ni ma yin no/ /shes su zin kyang de dag gis sbyin par nus pa yang ma yin la/ rtogs pa'i lung dbog par nus pa yang ma yin no//de lte bas na brgya byin lha'i dbang po'i thad du song la lha'i dbang po brgya byin yang de dag dang 'grogs te tshangs pa'i thad du song ngo / /tshangs pa yang de dag dang 'grogs te thams cad dbang phyug chen po'i thad du phyin to/ /de nas 'jig rten gsum po zhes bya ba la sogs pa la 'jig rten gsum po mtha' dag gi bdag po ni bshad zin to//lha thams cad kyi bdag po mthu bo che la sogs pa la 'di skad ces smras so zhes bya ba la ci zhig smras she na grogs po rnams zhes bya ba la sogs pa'o/ /gang gi phyir dbang phyug chen po ni bcom ldan 'das phyag na rdo rjes rjes su gzung ba yin la de bas na de ni bcom ldan 'das kyi zhabs kyis reg pas rtogs pa skyes par gyur te/de bas na phyag na rdo rje'i mthu dang lung dang rtogs pa khong du chud pa'i mthus bcom ldan 'das 'og min gyi lhar sku skye ba bzhes shing / sprul pas shAkya'i rigs su yang sku tshe ston par mdzad pa dang /dka' ba spyod pa'i gnas skabs la bzhugs pa'i bar du ston pa dang / 'og min gyi gnas su bla na med pa yang dag par rdzogs pa'i byang chub tu mngon par rdzogs par sangs rgyas te/ der skyes pa rnams kyi don mdzad nas ri rab kyi rtse mor gshegs te sngags spyod pa'i sgo nas chos kyi 'khor lo bskor zhing mi rnams kyi don mdzad pa'i phyir ri rab kyi rtse mo nas babs te dka' ba spyod pa'i sa la gnas pa'i sprul pa'i skur zhugs nas yang mngon par rdzogs par byang chub par ston te//'di dag thams cad shes so/ /de lta bas na lha thams cad kyi bdag po la sogs pa la bos nas 'di skad ces smras so//grogs po rnams de bzhin gshegs pa dgra bcom pa yang dag par rdzogs pa'i sangs rgyas 'jig rten dang mthun par mdzad cing / yang bla na med pa yang dag par rdzogs pa'i byang chub ston gyis shes par gyis shig ces bya ba'o/ / ji ltar lha gzhan dag gis 'di ltar mi shes sam zhe na/ 'di ni bden mod kyi 'on kyang de ni rtogs pa skyes pa ma yin te/ 'di dag gis gsum la skyabs su 'gro ba ma blangs pa dang / yang dag par blangs pa brdar btags pa'i byang chub kyi sems bskyed pa dang dam tshig mnos par zad kyi/ de dag gis de bzhin gshegs pa'i de kho na nyid ces pa ni ma yin no/ /gal te de bzhin gshegs pas mi rnams kyi don mdzad par bzhed na/ lha de bzhin gshegs pa'i sku de nyid kyis byon te mi rnams kyi don ci'i phyir mi mdzad ce na/ de'i phyir 'di ltar 'jig rten na de bzhin gshegs pa ma yin no snyam du shes par ma byed cig /lha nyid las de bzhin gshegs par 'gyur gyi lha de dag nyid bsgrub par bya ba'i de bzhin gshegs pa nyid du ni ma yin no zhes bya ba smos te/ 'di lta bu'i phyir na mi'i lus kyis mngon par byang chub par ston par mdzad pa yin no/ /de legs par mchod la 'dod pa bsgrub po zhes pa dang /de nas lha thams cad kyi bdag po dbang phyug chen po la sogs pa der song ste bcom ldan 'das kyi zhabs gnyis la mgo bos phyag 'tshal te 'di skad ces gsol to/ /bcom ldan 'das bdag cag la thugs brtse bar dgongs te rtswa'i gdan 'di las bzhengs la lha rdzas kyi gdan la bzhugs te bla na med pa yang dag par rdzogs pa'i byang chub tu mngon par rdzogs par 'tshang rgya bar mdzad du gsol zhes bcom ldan 'das gdan la spyan 'dren par byed do//de nas bcom ldan 'das kyis lha'i bdag po de rnams kyi mchog sbyin pa la sogs pa'i mngon pa'i nga rgyal bsal ba'i phyir lha'i bdag po de dag la 'di skad ces bka' stsal to//grogs po rnams kho bo bla na med pa yang dag par rdzogs pa'i byang chub kyi sbyin par sgrubs shig /de rnams kyis kyang mngon pa'i nga rgyal spangs te de nas zhes bya ba la sogs pas bdag cag gis rdo mi thogs so zhes ji lta ba bzhin du smras so//de nas bcom ldan 'das kyis de rnams rjes su gzung bar bya ba'i phyir byang chub kyi don de nyid de ni gzugs min zhes bya ba la sogs pa'i tshigs su bcad pa gsungs pas de gsal bar bstan par mdzad pa yin te/ de ni gzugs min zhes bya ba ni gzugs kyi phung po ma yin no zhes bya ba'i don yin no//de lta na ni gzugs can ma yin par 'gyur ro zhe na de'i phyir gzugs min zhes bya ba gsungs te/ gzugs can ma yin pa'i phung po bzhi po tshor ba dang / 'du shes dang 'du byed rnams dang rnam par shes pa'i rang bzhin gyi phung po rnams te de dag gi ngo bo nyid kyang ma yin no zhes bya ba'i don to//de ltar ni sdug bsngal dang kun 'byung dang 'gog pa dang / lam sgom pa'i mtshan nyid zag pa med pa'i rang bzhin can no zhe na/ bden min zhes bya ba gsungs te/ de ni bden pa bzhi'i rang bzhin can yang ma yin no/ /de lta na ni brdzun pa zhig yin no zhe na brdzun min zhes bya ba gsungs so//de lta na ji lta ba'i rang bzhin can cig yin zhe na gtsang ba'i zhes bya ba gsungs te dngos po yod par 'dzin pa'i rnam par rtog pa'i dri ma thams cad dang bral ba'i phyir ro/ /sangs rgyas byang chub ye shes 'di/ /ces bya ba ni dngos po thams cad las 'das pa de nyid byang chub yin no//rtogs na rgyal ba nyid du 'gyur/ /zhes bya ba ni gal te ye shes de ltar khong du chud na rgyal bar 'gyur zhes pa'o/ /bcom ldan 'das kyis byang chub kyi don de skad ces gsungs pa dang / de nas lha'i bdag po de dag cung zad cig cang mi smra bar gnas par gyur to zhes bya ba ni de'i don sgom zhing cang mi zer bar 'khod do zhes bya ba'i don to//de nas bcom ldan 'das kyis de rnams la byang chub kyi don bshad nas de'i 'og tu rtswa'i gdan de las bzhengs te lha de rnams la 'di skad ces bka' stsal to/ /grogs po rnams stan 'di la 'dug la sangs rgyas kyi ye shes 'di lta bu rtogs par bya ba sgrubs shig ces gsungs so//de nas de dag gis gsol pa/ bcom ldan 'das rngo mi thogs so/ /'di skad ces ston pa yin te byang chub ni dam pa sbyin par mi nus pa 'ba' zhig tu ma zad kyi/ byang chub kyi don bstan du zin kyang byang chub mi shes shing / /byang chub pa'i rim pa ma rtogs la bsod nams dang ye shes kyi tshogs yongs su ma rdzogs pas na byang chub tu mngon par rdzogs par sangs rgyas par byed mi nus so zhes bya ba'i don to//de rnams kyis de skad ces gsol pa dang / de nas bcom ldan 'das kyis gdan de nyid la bzhugs bzhin du zhes bya ba ni rtswa'i gdan la ste/yid kyis rab tu rtogs pas na/ /zhes bya ba la sogs pas thugs su chud pa'i rim pa tshigs su bcad pa ston par mdzad pa yin no/ /gang gis she na/ yid kyis rab tu rtogs pas na/ /zhes bya ba 'di nyid kyis ni mngon par rdzogs par byang chub pa'i rim pa dang po'i sngags kyi don bstan to//byang chub sems ni zhes bya ba 'dis ni sngags gnyis pa'i don ston to/ /brtan par byos zhes bya ba 'dis ni gsum pa'i don ston to/ /sems dpa'i rdo rje brtan byas la/ /zhes bya ba 'dis ni bzhi pa'i don ston to/ /sangs rgyas su ni bdag sgoms shig /ces bya ba 'dis ni lnga pa'i don ston to//bcom ldan 'das kyis de skad ces gsungs pa dang / de dag gis 'di skad du de lta bu legs so zhes thams cad kyis smras nas 'dong ngo / /de ltar byang chub pa'i don dang mngon par byang chub pa'i rim pa 'dod pa na spyod pa la sogs pa'i lha de rnams la bstan nas tho rangs kyi dus la bab pa na de nas bcom ldan 'das kyis mtshan mo de'i tho rangs 'jig rten dang rjes su mthun par bya ba'i phyir bdud sde dang bcas pa pham par byas nas zhes bya ba ni mthu bstan pa'i phyir ro//bla na med pa yang dag par rdzogs pa'i byang chub tu mngon par rdzogs par sangs rgyas nas mchog tu phan 'dogs par byed pa sems can gyi khams ma lus shing lus pa med pa thams cad la phan par mdzad pa 'phags pa phyag na rdo rje rang gi thugs la zhugs pa de la rdo rje sems dpa' zhes bya ba la sogs pa'i mtshan brgya rtsa brgyad pa 'dis mngon par bstod par mdzad do//rdo rje'i rang bzhin gyi sems dpa' mnga' bas na rdo rje sems dpa' ste mi phyed pa'i phyir ro//'di la sems dpa' tshad med pa mnga' bas na sems dpa' che'o/ /theg pa chen po'i rtsa ba ni byang chub kyi sems yin pas na theg pa chen po ste byang chub kyi sems la theg pa chen po zhes bya ba'i sgrar gsungs so/ /thams cad du khyab pas na bdag nyid che zhes bya ba ste che ba'i bdag nyid yin pa'i phyir ro//'di la ye shes kyi snang ba tshad med pa mnga' bas na snang ba che zhing zhes bya'o/ /nyon mongs pa dang shes bya'i sgrib pa'i dri ma rnam par dag pas na dag pa che zhes bya'o/ /mgon po che zhes bya ba ni chen po rnams kyi mgon por gyur pas na mgon po che ste che ba sangs rgyas dang byang chub sems dpa' rnams kyi rten du gyur pa'i phyir mgon chen no//rdo rje rnams kyi rgyal po yin pas na rdo rje rgyal po ste rang gi las la mchog tu gyur pa'i phyir ro/ /spro ba'i tshe na rdo rje chen po mnga' bas na rdo rje che'o/ /rdo rje lcags kyu phyogs thams cad kyi mthar gtugs par spros pas na rdo rje lcags kyu nyid la rdo rje'i sgrar gsungs so//mi phyed pa'i don gyis na rdo rje'o/ /de bzhin gshegs pa thams cad kyi bdag nyid yin pas na de bzhin gshegs pa kun no/ /'gugs pa'i phyir sems dpa' chen po ste tshad med pa'i sems can rnams 'gugs pa'i phyir ro//rang gi phrin las la thogs pa med pa mnga' bas na brtson 'grus che'o/ /'gugs pa'i thabs dpag tu med pa mnga' bas na thabs chen no/ /sems can smin pa dang grol ba'i 'dod chags mi phyed pa mnga' bas na rdo rje 'dod pa'o/ /'dod chags kyi nyon mongs pa med pa'i phyir dag pa che'o//bde ba thams cad kyi rgyur gyur pas na kun gyi bde ba'o/ /bde ba tshad med pa'i ngo bo nyid yin pas na bde ba che'o/ /bde ba thams cad las phul du byung ba yin pas na bde mchog ste byang chub kyi sems kyi bde ba yin pa'i phyir ro/ /'di la thog ma dang tha ma yod pa ma yin pas na thog ma tha ma med do//bzhed chen zhes bya ba la bzhed pa ni 'dod pa'o/ /'di la 'dod pa chen po mnga' bas na bzhed chen te sems can thams cad mngon par 'dod par bzhed pas na'o/ /mi phyed pas na legs so zhes bya ba la sogs pas na rdo rje legs pa'o/ /yongs su dgyes pa tshad med pa mnga' bas na dgyes pa che'o//rab tu dga' ba skyed par mdzad pas na legs zhes bya'o/ /shin tu mnyes pas na rab mnyes pa'o/ /spro ba'i tshe na thams cad du khyab par mdzad pas na mnyes pa che zhing ngo / /skye dgu rnams dga' bar mdzad pas na dgyes pa che'o/ / shin tu dga' ba skyed par mdzad pas na rab dgyes so/ /rdo rjes mtshan pa'i rin po che'i gzugs mnga' bas na rdo rje rin chen no/ /bdag po'i rgyur gyur pas na rgyal po che'o/ /dbang bskur ba yang yin la bzang po yang yin pas na dbang bskur bzang po'o/ /khams gsum gyi chos kyi rgyal por dbang bskur ba'i rgyur gyur pas na bdag po che'o//rin po che thams cad kyi 'byung gnas su gyur pas na rin chen thams cad do/ /shas cher mdzes par mdzad pas na mdzes pa che'o/ /sems can thams cad kyi rgyan du gyur pas na rnam rgyan no/ /mi phyed pa'i gzi brjid mnga' bas na rdo rje gzi brjid do//spro ba'i dus na gzi brjid kyis khyab par mdzad pas na gzi brjid che'o/ /'od kyi dkyil 'khor rgya chen po mnga' bas na 'od che'o/ /yang na 'od chen po mnga' bas na 'od che'o/ /lham me ba chen po mnga' ba'i phyir lham me ba chen po ste lham pa ni gzi mdangs la bya'o/ /rgyal po'i 'od ces bya ba ni rgyal ba ste de bzhin gshegs pa rnams kyi 'od ces bya ba'i don to//'di la 'bar ba chen po mnga' bas na 'bar ba che'o/ /byang chub tu yang dag par rdzogs pa'i sangs rgyas rnams kyi 'od yin pas na sangs rgyas 'od do/ /rdo rjes mtshan pa'i rgyal mtshan mnga' bas na rdo rje rgyal mtshan te rgyal mtshan la bya'o//spro ba'i dus na thams cad du khyab pas na dpal che ba'o/ /chen po rnams kyi mtshan ma yin pas na rgyal mtshan che'o/ /sems can thams cad kyi re ba thams cad yongs su rdzogs par mdzad pas na nor rab gtong ngo / /nam mkha' las byung bas na nam mkha'i rgyal mtshan no/ /spro ba'i tshe na thams cad du khyab pas na yu ba che'o//gtong ba'i rgyu yin pas na gtong ba'i rgyal mtshan no/ /mi phyed pa'i bzhad pa yin pas na rdo rje bzhad pa'o/ /phyogs thams cad 'gengs pas na bzhad pa che'o/ /dga' ba mnga' ba'i rgyur gyur pas na dgyes pa che'o/ /chos kyi ro myong ba'i dga' ba dang mgu ba skyed par mdzad pas na rab dgyes pa'o//shin tu dgyes pa'i shugs kyi rgyur gyur pas na dgyes pa'i shugs so/ /khyad par du dga' ba'i rgyur gyur pas na rol cing dgyes pa'o/ /chos kyi yul dga' ba'i rgyur gyur pas na chos dgyes so/ /mi phyed pa'i chos mnga' bas na rdo rje chos so//spros pa'i dus na thams cad du khyab par mdzad pas na chos che ba'o/ /sems can gyi yul la thugs rje'i chos mnga' bas na sems dpa'i chos so/ /rang bzhin gyis dag pas na rab sbyong ba'o/ /sangs rgyas rnams kyi chos yin pas na sangs rgyas chos so/ /theg pa chen po'i chos kyi rang bzhin yin pas na chos rab mchog go//sems can thams cad la byams pa dang ldan pas na 'dod chos so/ /mi phyed pa'i shes rab mnga' bas na rdo rje rnon po'o/ /spros pa'i dus na thams cad du khyab par mdzad pas na ral gri che'o/ /shes rab dang ye shes kyi ngo bo nyid yin pas na shes rab ye shes so//blo gros chen po mnga' bas na blo gros che'o/ /sdig pa'i bdag nyid gcod par mdzad pas na sdig gcod do/ /tshad med pa'i shes rab kyi ral gri yin pas na ral gri che'o/ /gang gi phyir sangs rgyas bcom ldan 'das rnams ni shes rab kyi mtshon gyis nyon mongs pa'i dgra bo gcod par mdzad pas na sangs rgyas mtshon no//mi phyed pa'i rgyu yin pas na rdo rje rgyu'o/ /spros pa'i dus su dkyil 'khor thams cad la khyab pas na 'khor lo che'o/ /chos kyi 'khor lo'i rang bzhin yin pas na sangs rgyas 'khor lo'o/ /yon tan thams cad kyi gter du gyur pas na gter chen po'o//dkyil 'khor thams cad sdud pa la 'jug par mdzad pas na dkyil 'khor kun no/ /sngags kyi spyod pa'i tshul gyi mchog yin pas na chos mchog go/ /sangs rgyas su byed pa'i chos kyi rang bzhin yin pas na chos kyi 'khor lo yin pa'i phyir ram 'khor lo'i rgyur gyur pas na chos kyi 'khor lo'o//thogs pa med pa'i gsung mnga' bas na rdo rje gsung ngo / /phyogs thams cad khyab pa'i gsung mnga' bas na gsung ba che'o/ /spros pa thams cad dang bral bas na spros med do/ /yi ge chen po mnga' bas na yi ge che ste sgra rnams nyid yin no//don dam par 'di la 'gyur ba med pas na yi ge med pa ste dam pa'i yi ge che zhes bya ba'i don to/ /tshad med pa'i bzlas pa mnga' bas na bzlas pa che'o/ /sangs rgyas kyi gsung mnga' bas na sangs rgyas gsung ngo / /mi phyed pa'i phrin las mnga' bas na rdo rje las so//las bzang po rnams kyi nang na yang mchod pa'i las mchog yin pas na las rab mchog go/ /mchod pa'i las kyis thams cad du khyab par mdzad pas na las chen no/ /bzang po'i las rnams mdzad pas na las rab byed pa'o/ /gsang ba'i mchod pa'i rang bzhin yin pas na gsang ba'i mchod pa'o//mchod pa'i las kyi khyad par mang po mnga' bas na mchod pa che'o/ /bdug pa la sogs pa'i mchod pa'i rang bzhin yin pas na sangs rgyas mchod pa'o/ /mi phyed pa'i srung ba yin pas na rdo rje srung ba'o/ /spros pa'i dus na phyogs thams cad du khyab par mdzad pas na go cha che'o//go cha thams cad kyi nang na dam par gyur pas na go cha'i mchog go/ /mi phyed pa'i chos can yin pas na brtan pa che'o/ /sems can gyi tshogs tshad med pa yang dag par srung bar mdzad pas na srung ba che'o/ /sangs rgyas kyi chos kyi rang bzhin yin pas na snying rje che'o/ /sangs rgyas kyi brtson 'grus phyir mi ldog pa'i rang bzhin can yin pas na sangs rgyas brtson 'grus so//mi phyed pas na rdo rje gnod sbyin no/ /spros pa'i dus na thams cad du khyab pas na khro ba che'o/ /ma rungs pa thams cad kyi gzugs su ston pas na ma rungs pa thams cad do/ /sems can thams cad 'jigs pa skyed par byed pas na skrag par byed pa'o//de bzhin gshegs pa thams cad kyi rang bzhin yin pas na de bzhin gshegs pa kun no/ /ma rungs pa thams cad 'dul ba'i thabs kyi mchog yin pas na thabs chen no/ /thams cad la khro bo'i gzugs su ston pas na srung ba mchog go//mi phyed pa'i khu tshur yin pas na rdo rje bsdus pa'o/ /phyag rgya thams cad dam spros pa'i dus na 'jig rten gyi khams thams cad khyab pas na phyag rgya che'o/ /sangs rgyas dang byang chub sems dpa' chen po rnams kyi dam tshig yin pas na dam tshig chen po'o//sku gsung thugs kyi dam tshig gi sbyor bas thams cad 'ching bar mdzad pas na 'ching ba che'o/ /ye shes mchog bsdus pa'i khu tshur yin pas na khu tshur chen po'o/ /phyag rgya thams cad kyi rtsa bar gyur pas na phyag rgya mchog go/ /sku dang gsung dang thugs rdo rje gcig tu bsdus par gyur pas na rdo rje khu tshur ro//de bzhin gshegs pas phyag rgya bya zhing zhes bya ba la sogs pa ni sngar bshad zin to/ /rdo rje sems dpa' zhes bya ba la sogs pa la 'khor los sgyur ba bzhi'i ngo bo nyid yin par bstod pa'i sgo nas mjug bsdus pa bzlas te bstan pa yin no/ /yang dag par ni phyag 'tshal zhing //zhes bya ba la sogs pa ni dge ba'i rtsa ba bstan pa dang phan yon bstan pa yin no/ /de ltar bcom ldan 'das phyag na rdo rje la mtshan brgya rtsa brgyad kyis bstod nas rgyud 'di de bzhin gshegs pa'i bkar bsgrub cing 'di bshad pa'i don la dgyes pa'i phyir yang de bzhin gshegs pa rnams gcig tu 'dus nas legs so zhes bya ba byin pa yin te/'di dag gi tshig gi don ni sngar bshad zin to/ /bcom ldan 'das kyis de skad ces bka' stsal pa dang zhes bya ba ni bcom ldan 'das rnam par snang mdzad kyis de skad ces gsungs pa dang / de bzhin gshegs pa dang byang chub sems dpa' rnams dgyes pa ni mnyes pa'o//de ltar dgyes nas ci zhig mdzad ce na/ rang gi thugs la zhugs so zhes bya ba gsungs te/ bcom ldan 'das rdo rje sems dpas gsungs pa la mnyes par gyur to zhes bya ba'i don to/ /yon tan mang ldan dad pa mchog gi gnas gyur go Ta sngon 'gro ko sa la//dge zhing tshul mang legs pa rgya mtsho dang ldan gtsug lag khang mchog de/ /dpal ldan bde byed kyis byas shin tu yid 'ong mkhas pa rnams kyi gnas gyur cing / /rgyal po'i dpa' bo chos kyi bdag nyid dpal gyis kha ba bzhin bsil der gnas tshe//dang por grogs mchog gnas brtan dbang po'i go cha'i tshig gis gsol ba btab pa dang / /shes rab lha yi mkhas bcas brtson pa'i stobs sogs gtso bor byas la brtan pa dang / /bde gshegs bstan la 'gro ba 'di dag nyon mongs dbang song mthong ba dang / /skyon med gsang sngags don yang gzhan dbang song bas gzhan du kun du sbyor bar gyur//de phyir nges don shin tu rnam 'byed tshig don gsal zhing kun gyi thun mong ba'i/ /rgya cher bshad 'di 'gro ba'i don kun grub phyir shAkya mi tras sa steng brtsams/ /nges sbyar 'dis ni 'jig rten ma lus rnam dag blo gros yang dag thob nas ni//de nyid ye shes la gzhol lta ngan gyis mdongs nyid dang myur du bral bar shog /de kho na nyid bsdus pa'i rgya cher bshad pa ko sa la'i rgyan mang du thos pa'i slob dpon chen po shAkya bshes gnyen gyis mdzad pa rdzogs so// //rgya gar gyi mkhan po d+harmA shrI b+ha dra dang zhu chen gyi lo tsA ba dge slong rin chen bzang pos bsgyur cing zhus te gtan la phab pa'o/