CLOSE WINDOW

D2499
བོད་ཡིག

@##/ /rgya gar skad du/ hi ra N+ya mA lA nA ma da sha kr-i yA bi d+hiH/ bod skad du/ dbyig gi phreng ba zhes bya ba cho ga'i bya ba bcu pa/ bla ma dang dpal rdo rje sems dpa' la phyag 'tshal lo/ /gang zhig dpal ldan sa bcu'i pha rol dri med ye shes don gyi bya ba dbang byed cing //de kho na nyid rnam pa'i gzungs mchog yon tan tshogs kyi rim pas byang chub yang dag thob/ /rnam pa kun gyi mchog ni rab sbyin pa dam pa'i mtshan nyid bzhi yis brgyan par gyur pa yi/ /ma lus chos dang nor dang thar dang dpal gyi ched du rdo rje 'dzin pas khyed la srungs//rtsod pa'i dus kyi skye bo 'di dag phal cher tshe thung sred pa'i sems ldan rnam dpyod dang / /'byor bral dad dang bzod pa shes rab bsod nams stobs dang bral phyir brtse ba bya bar 'os/ /de dag dus kun rgyu dang 'bras bu mang po nyid kyis bya ba gzhan la rab 'jug pas//thams cad mkhyen pas ras ris la sogs gzugs brnyan bya ba'i thabs ni rnam bcu rab gsungs nyid/ /bya ba'i cho ga bcu yis dman pa'i rab gnas ni/ /ku sha'i 'bras bu bzhin du bzhin du grub pa'i bdag mi 'gyur/ /de phyir kun las drangs te mdo ru bsdus pa ni//bsod nams 'phel ba'i rgyu ru rnam par bri bar bya/ /de la dang por skye gnas sbyang / /de nas mtshams mtha' nye bar sbyar/ /skye dang ming dang nye bar dri/ /gtsug phud bya ba nyid dang yang / /brtul zhugs brtan dang kun tu spyod/ /lag pa 'dzin dang me yi las//de ltar mdor bstan cho ga bcu/ /rgyas par bshad pa'ang 'di lta ste/ /bram ze rgyal rigs rje'u rigs dmangs rigs skye dgu yi/ /bu mo dkar dang ser dang dmar nag mdangs ldan ma/ /de dag rnams kyis tshul bzhin bkal ba'i srad bu bzang //zhi dang rgyas dang dbang dang mngon par spyod rnams la'o/ /yuk+t+yA sid+d+haM hasta sU R+Yo t+tha muk+taM saM grwang+gA d+hI ra mu l+ya kra yad+bA/ A rak+TaM bA puSh+pa ba t+yA ra dzo b+hi ran+taH/ sha y+YA lab+d+ha sat+ka r+p+pa TA di/ 'jug ngogs chu dang 'o ma dri chab sogs ldan pa'i/ /chag chag gis ni bsam gtan khang pa legs sbyang zhing //lha yi brtul zhugs byi bar 'dod pas de tshe brgyad pa la/ /bas mtha'i gnas mal thal ba chang dang chu yis kyang / /slob dpon dpal ldan rdo rje sems dpar bsgom byas te/ /sangs rgyas dkyil 'khor dang ni rgan rabs mchod par bya//bya ba kun la 'jig rten skyong sogs lha rnams ni/ /dang por gtor ma la sogs sbyin pas kun tshim bya/ /bza' dang btung ba mchog dang gar dang glu rnams dang / /thob mar yon la sogs pa byin pas mgu ba yi/ / bzo bo las kyi rdo rje'i rang bzhin nyid bsams te/ /lag par rdo rje chu skyes nyi zlas mtshan pa dag /byin nas myur du las 'grub bya phyir rab tu 'bad/ /lus ni dag cing skam la rung zhing brtan pa yi/ /gos la sogs pa'ang stong dang snying rje'i rang bzhin te//de ltar rang bzhin med pa'i ngo bor yang dag bsam/ /sna tshogs rin chen dri dang me tog chur bsres pa'i/ /mchod yon byin nas bkra shis bstod pa'i sgra dang bcas/ /ye shes rnam pa lnga yi srad bus ji lta bzhin/ /'khor lo'i tshul bzhin thig gdab pa ni bsgrub par bya/ /ras ris kyi'o/ / glegs bam chos kyi mdzod ni gro ga sogs la'ang rung / /shes rab ye shes rnam pa d+hIHskyes bdud rtsi dang / /smyu gu hUM las rdo rje'i rtse mo rnam dag pas/ /gsung gi rdo rje'i bdag nyid yi ge'i phreng spro byed/ /glegs bam gyi'o/ /sa shing lcags kyi khams dang rdo ba si thol/ /shes rab dag pa'i zla ba nya 'dra snying gar te//gang gang lha yi snying po'i sngags de sngags pa yis/ /khams la de ni lan brgyad dag tu bzlas par bya/ /mchod rten dang sku gzugs la sogs pa'i'o/ /de bzhin gshegs pa'i rang bzhin gang / /'gro ba 'di yi rang bzhin de/ /de bzhin gshegs pa rang bzhin med//'gro ba 'di yi rang bzhin med/ /dngos po dag par byed pa'o/ /mkha' khyab rdzogs sangs rgyas kun dang / /byang chub sems dpa' kun 'gro rnams/ /'dir ni sangs rgyas gnas mdzad la/ /yang dag nye bar mdzad par 'os/ /nye bar byed pa'o zhes pa dang po skye gnas sbyang ba'i bya ba'o// //de nas bar snang zla ba nya ba'i dkyil 'khor la/ /shin tu dmar ba'i ho yig rnam par spel zhing 'bar/ /sku gsum sa bon dang mnyam sa bon bzang po can/ /dkyil 'khor pa ni bdag por bcas pas rnam par gzigs/ /ji ltar rdzogs pa'i sangs rgyas kun/ /dga' ldan du ni bzhugs pa las//lha mo sgyu 'phrul lhums zhugs ltar/ /de bzhin 'dir ni bzhugs su gsol/ /ma lus phyogs na bzhugs pa yi/ /sangs rgyas bdag la dgongs su gsol/ /'jam pa'i rdo rje slob dpon che/ /lhar ni bdag gis brtag par bgyi/ /slob ma rnams la brtse ba dang //sems can rnams kyi don gyi phyir/ /sa bon gyur pa'i ye shes che/ /byin gyis brlab par mdzad par 'os/ /zhes gsol ba btab nas slar yang mchod de lha'i thugs ka'i chu skyes kyi nang gi zla ba gang ba la gnas pa'i rang gi sa bon gyi 'od zer rab tu 'phros pa'i lcags kyus dgug pa dang gzhug pa dang bcing bar bya ste/oM badzrAM ku sha bI dza maN+Dal mA kaR+Sha ya dzaH/ oM badzra pA sha bI dza maN+DalaM pra be+e sha ya hUM/ oM badzra s+pho Ta bI dza maN+DalaM ban+d+ha ya baM/ oM badzrA be sha bI dza maN+DalaM to Sha ya hoH/ zhes pa ni dgug pa la sogs pa'i sngags so/ /bya ba kun la ting 'dzin gsum bsgoms nas//snying po mngon par bzla zhing 'di bsgrub bya/ /yi ge brgya pas bskangs shing brtan byas te/ /phyi dang gsang bar bcas pa'i mchod gtor sbyin/ /oM AHbadzra puSh+pe hUM/ me tog go/ /oM AHbadzra d+hU pe hUM/ bdug pa'o/ /oM AHbadzra dI pe hUM/ mar me'o/ / oM AHbadzra gan+d+he hUM/ dri chab bo/ /oM AHbadzra nai bi d+ye hUM/ zhal zas so/ /oM badzra satwa sa ma ya/ ma nu pA la ya/ badzra satwa tI no pa tiSh+Tha/ dr-i D+ho me b+ha ba/ su to Sh+yo me b+ha wa/ su po Sh+yo me b+ha ba/ a nu rak+to me b+ha ba/ sar+b+ba sid+d+hi m+me pra yats+tsha/ sar+b+ba karma su tsa me tsit+taM shre yaHku ru hUM/ ha ha ha ha hoHb+ha ga bAn sar+b+ba ta thA ga ta badzra mA me muny+tsa badzrI b+ha ba ma hA sa ma ya satwa AH/zhes pa yi ge brgya pa'i sngags so/ /dpung bzangs kyi rgyud las gsungs pa'i tshigs bcad kyi gtor ma dang / rang gi brtag pa'i rgyud las gsungs pa'i sngags kyi phreng bas dkyil 'khor pa dang bcas pa'i 'jig rten skyong ba la sbyin te/'dir ni mangs kyis dogs pas bdag gis ma bris so zhes pa gnyis pa mtshams kyi mtha' nye bar sbyor ba'i bya ba'o// //mchod yon gyi snod mchog shel dang in+d+ra nI la dang rdo rje ljang gu dang puSh+pa rna ga rnams kyis gang ba'i gser dang nor bu dang zangs dang rdo ba la sogs pa dang dung chos 'bras yos dang me tog ku sum+b+ha'i 'bras bu dang til dang dri dang me tog dang 'o ma dang chu rnams kyis yongs su bkang ba'o//oM big+h+nAn+ta kr-ita hUM/ bsang gtor gyi dung chos byin gyis brlab pa'o/ /oM sarba ta thA ga ta pA dAr+g+haM pra tIts+tsha swA hA/ mchod yon gyi snod byin gyis brlab pa'o/ /oM AHhUM/ zhabs bsil dang zhal gyi dung chos byin gyis brlab pa'o zhes pa mchod yon dang nye ba'i byed pa'o/ /dwi raSh+Ta mA traM ka ru No pa mo da raM dwi mA tra lasboSh+Tha mu khaM sa mA ya taM/ ta da r+d+ha mA nA ya ta muny+tsa kan+d+ha raM tri b+hA ga bi stA ra su rU pa kaN+Tha kaM/ kha gdugs dkar po ltar mdzes pa'i bum pa bsgrub par bya ste las thams cad pa la'o/ /ma tshos pa dang nag nog dang gas pa la sogs pa spangs pa/ legs par sbyangs shing dag pa'i lus can bdug pas legs par bdugs pas/ tri ne t+ya tsA mI ka ra tsi tra tsih+ni taM/ 'jug ngogs bzang po'i chu gtsang mas bkang ba rgyal mtshan dang ba dan dang gos dang me tog gis brgyan te/ku shas rab 'khyil par bcas pa'i gdan la gzhag go/ /a shwat+tha dang tsU ta dang ba Ta dang brka Ti dang mchod sbyin shing ste de rnams kyi lcug ma lnga dang shing shun rnams so//ba byung rnams ni ba lang gi lci ba dang chu dang 'o ma dang zho dang mar rnams so/ /siM hI dang sA ha dang br-i ha ti kA dang gi ri kar+Ni kA rnams dang / gro dang til dang sran ma dang nas rnams dang / mu tig dang byi ru dang mu men dang gser dang dngul te lnga dang / ga bur dang gur gum dang tsan+dan dang gla rtsi dang sih+la rnams dang /srad bu ser po dang ljang gu dang dmar po dang nag po rnams so/ /dbang ldan dang zla ba dang chu lha dang dbang po'i bu rnams kyi dkar po'o/ /tshangs pa dang dbang po dang sa dang nor sbyin rnams kyi mdog ser po'o/ /nyi ma dang sbyin sreg mkhan gyi dmar po'o/ /rlung lha dang lha min dag gi ljang gu dang nag po'o//lha min dgra dang gshin rje dag gi sna tshogs pa'o zhes pa bum pa la sogs pa'i yo byad do/ /zhi ba'i sbyin sreg las bshad pa'i cho gas bdud rnams sbyangs te/ bum pa dang rdul tshon gyis bris pa dang sku gzugs la sogs pa rnams la dgug pa dang gzhug pa dang bcing ba dang mnyes pa rnams byas te lhag par gnas pa'i cho gas slar yang sngags pas mchod de ba byung dang dri bzangs zangs kyi snod du sbyar ba dUr ba'i myu gu las byas pa'i pir gyis byugs te/sku gzugs gser las byas pa la sogs pa ni legs par bzhag nas dri bzangs dang til mar gyis sbyang ngo //rang+gA rka sbyar ba las byas pa'i snod du legs par bzhag pa sat+paN+Di balka la bi le pa na mang+ga yaSh+TeH dri dang / skyu ru ra dang / dri bzang po'i khyad par gyi phye ma bum pa'i cha'i nang du bcug pas dri ma bsal te/ rin po che'i 'od can 'od kyis rnam par bkra ba'i me long gi ngos la glegs bam rnams kyi gzugs brnyan gyi gzugs la ste/bkra shis brjod pa'i snyan pa'i glu 'don zhing rnam rgyal bum pa la sogs pa rnams kyis rim gyis khrus byas te khrus kyi cho ga'o/ /lus rdzogs pa'i sku gzugs la sogs pa rnams ni byis pa skyes pa'i cho ga ji lta ba bzhin khrus la sogs pas lus yang dag par sbyangs te/yan lag dgu sa bon rnams kyis yongs su sbyang bar bya'o/ /dpal sku rdo rje la sogs pa'i ngo bo smin mtshams dang mgrin pa dang snying gar nyi ma'i gzugs dang / mig dang rna ba dang sna dang lce dang skra mtshams dang lte ba'i bar du zla ba nya ba la yan lag dgu'i sa bon rnams ni 'di lta ste/oM AHhUM/ k+ShiM/ dzraM/ khaM/ gaM / k+ShaM/ saM/ mig g.yas su ma yig las byung ba'i nyi ma dang / mig g.yon du Ta yig las byung ba'i zla ba legs par bsams te/ gser gyi thur ma dang mar me dang mig sman dang me long gi ngos dang rdo rje'i rtse mo rnams kyis so//mngar gsum gyis byugs pa'i thur mas/ thur ldan sman pa'i rgyal po yis/ ji ltar 'jig rten rab rib bzhin/ /bu khyod kyi ni mi shes pa'i/ /ling tog bdag gis bsal bar bgyi/ /oM tsak+ShaH tsak+ShuHsa man+ta tsak+Shu sh+tsak+Shu rbi sho d+ha ne swA hA/mig sman gyis byugs pa'i thur mas/ oM di bya tsak+Shu She hUM swA hA/ me long gi ngos kyis/ oM d+harma tsak+Shu She hUM swA hA/ sgron mes/ oM pradz+nyA tsak+Shu She aHswA hA/ rdo rje'i rtse mos/ oM bud+d+ha tsak+Shu She hUM swA hA/ zhes pa mig sbyin pa'i cho ga'o/ /a shwat+tha'i 'dab mar bcug pa'i sbrang rtsi mar dang ka ra dang ldan pa 'di la myad du gzhug cing 'o ma'i rgyun sbyin zhing gos ser po'i stod g.yogs la sogs pa'o//oM AHsarba ta thA ga ta ma d+hu pa prA sa ne hUM phaT niHswA hA/ mngar gsum myang ba'i sngags so/ /oM sar+b+ba de ba tA tsin+tA mr-i ta d+hA re swA hA/'o ma myang ba'o/ /oM AHsa mA d+h+ya ng+ga dr-i D+ha ka ba tsA bar Ni hUM swA hA/ stod g.yogs kyi'o/ /oM AHbadzra bA sa se hUM swA hA/ ras yug gur gum la sogs pas bkra bar brgyan pa'i'o zhes pa gsum pa skye ba'i bya ba'o// //rang gi snying ga'i zla ba gang ba las ming gi phreng ba'i 'od zer gyi tshogs rnams phyung ste spros pa bdag nyid kyi lag pas bzung ba'i rdo rje'i rtse la bkod nas sku gzugs kyi spyi bor bzhag ste snying bo brgya rtsa brgyad bzlas par bya'o zhes pa bzhi pa ming gi bya ba'o// //lha'i thugs kar sngags bkod cing bzhag nas sngags pas snying gar thal mo sbyar te rgyal ba'i tshogs la gsol ba gdab par bya'o//oM bde ba chen po chags pa che/ /'gro ba kun la sgrub mdzad pa/ /sems can kun gyi yid khyab cing / /sems can kun gyi snying la gnas/ /sems can kun gyi yab nyid de/ /dam tshig gi ni 'dod pa mchog / bden pa de yis mgon khyod kyis/ /bdag gi 'dod pa yongs rdzogs shog /chos kyi dbyings kyi byin rlabs dang / /dam tshig rjes su dran pas kyang / /thugs brtses sems can kun gyi don/ /thams cad grub par mdzad du gsol/ /oM ma hA su kha badzra dzaHhUM dzaHhUM baM hoHsa ma ya hoHzhes pa gsol ba'i sngags so//rnam bkra sku mnga' thub pa'i skyes mchog sras dang bcas rnams la/ /a mra chu shing 'bras mngar brka Ti dang tin+ta lI/ /dA li tin+du ka dang ha ru Sha dang so dag byed/ /nA rang+ga dang tA la mngar 'dzam bI dza pU ra bzang / /a mra ta ka 'bras gsum tsher ldan rgun 'bru la sogs pa//chu dang skar ma nyi ma sa dang lo 'dab tshogs pa las/ /dus dang rjes mthun 'bras bu cho ga bzhin du nam bskyed pa'i/ /'bras bu mchog gi bza' bca' rnams kyang kun nas dbul bar bgyi/ /sngags kyang / oM AHsa mA d+hi pha le sarba mu ni pu tra prI Na ne aM hUM swA hA zhes pa 'bras bu gsol ba'i cho ga'o//don chen bzhed pa de rnams mtha' dag ni sku khrus dang / /bsang gtor mchod yon zhabs bsil zhal bsil la sogs mchod pa dang / /rgya nag gos la sogs pas yongs brgyan na bza' dbul bgyi zhing / /rdo ba dngul dang nor bu gser las byas pa'i snod sogs su//'bras chan bza' ba zho dang ka ra'o ma'i thug pa dang / /tshod ma dam pa rab mchog rnam pa mang po dag dang bcas/ /gro yi phye mas tshul bzhin sprul pa'i la du la sogs pa/ /cho ga bzhin du yongs su sbyangs ba'i zhal zas yang dag bzhes su gsol/ / oM na maHsa man+ta bud+d+hA nAM o dzo ba lan+te dzo ba lan+da de swA hA/ oM AHhUM gis 'di dag lan bdun mngon par bsngags te/ oM di byan+ne sa mA d+hi d+h+yA na pr-I Na ne swA hA zhes pa 'dis dbul bar bya'o zhes pa zhal zas gsol ba'i cho ga'o zhes pa lnga pa nye bar 'dren pa'i bya ba'o// //hUM zhes rdo rje can gyi gzugs su sprul par byas te spu gri'i so ni ches rno bas//skye ba la sogs sgrib pa gegs gyur 'khyog cing nag pa de rnams yang dag bzhar byas te/ /ye shes rnam pa'i rang bzhin dag tu bsgoms te spyi bor gtsug phud dbyibs ni bya ba yin/ /rna bar chos kyi gegs gyur sdig pa'i sgrib g.yogs yang dag zhugs la khab rtse sbyin par bya//sna tshogs rin chen rnam bkra gser gyi cod pan dang ni rna ba'i gong rgyan mchog tu 'bar/ /zha nye sogs byas rna rgyan dam pa rdo rjes brten pa dang ni tA la can dag dang / /mu tig do shal rnam 'phyang mgul rgyan dang ni gdu bu dpung rgyan seng ge gdong dag dang //'og pag dam pa bcings las spros pa'i dril chung g.yo ba'i sgra ldan dang ni zhabs gdub dbul/ /oM sarbA ba ra Na ba man ts+tshed ya dz+nyA na tsU laM kalpa ya hUM swA hA/ gtsug phud byed pa'o/ /oM sarba d+har+m+ma bya d+hi ka ra NaM saM be+e d+ha ya hUM swA hA/ rna ba 'bugs pa'o//'di de sangs rgyas thams cad kyi/ /khams gsum pa yis phyag byas pa/ /rigs lnga las byung cod pan te/ /khyed cag mchod pa'i don du'o/ /oM sarba ta thA ga ta mu kuTA b+hi Sha ka shri ye hUM swA hA/ cod pan no/ /oM bo d+h+yang+gA b+ha ra Na bi b+hu kha Ne hUM swA hA/ rgyan no/ /zhes pa drug pa gtsug phud byed pa'i bya ba'o// //rang gi snying ga'i zla ba'i gzugs la lha'i mtshan ma dam pa rdo rje dang 'khor lo dang rin po che dang pad+ma dang ral gri la sogs pa'i gzugs 'phro bar bsams te 'jig rten gyi khams su spros ba sngar nye bar son pa de'i lag tu tshigs su bcad pa 'di dag gis sbyin no//'di de sangs rgyas thams cad kyi/ /ye shes dam pa'i mtshan nyid de/ /dngos po med pa'i chos rnams la/ /mtshan ma bsgom par rab tu bsgrags/ /ye shes gang dang gang gis ni/ /sangs rgyas nyid du nyer 'gro ba/ /sems can don sogs bya ba kun//khyod kyis sa steng rtag tu bya/ /zhes pa bdun pa brtul zhugs brtan pa'i bya ba'o// //slob dpon bya ba mtha' dag la ni shin tu mkhas pas dri yi dkyil 'khor dam pa dag /byas nas steng du me tog rab tu bkram ste cho ga bzhin du mchod pa mchog ni bsgrub par bya/ / rig pa la sogs kyang ni rgyu ste gzhan gyi sems ni gcig tsam gsal ba ma yin nyid/ /brtan pa dang ni g.yo ba'i 'gro ba 'di kun rang gi sems las byung bar bsam par bya/ /slob dpon gyis smra'o/ /dus gsum gshegs pa'i sangs rgyas kun/ /byang chub sems las byung bar mnyam//byang chub sems dpa' sems dpa' che/ /bse ru nyan thos skye bo rnams/ /rang bzhin med cing dmigs pa med/ /mnyam nyid ye shes de bzhin nyid/ /byang chub sems zhes bya bar brjod/ /de ltar lhag par mos par bya'o/ /zhes pa brgyad pa mnyam par 'jug pa'i bya ba'o// //rang gi snying gar chu skyes zla ba'i dkyil 'khor la/ /rang gi mtshan ma sa bon yi ge'i 'od kyis sprul/ /brtse ldan sgrub po blo ni rab tu 'phel ched du/ /sku gzugs lus la rigs dang rjes mthun bu mo dag /lugs ma sogs la sku gzugs kyi ni g.yon ngos su//legs sbyangs nor bu bzhin du rnam par bsams te spro/ /bag ma'i tshul ni rnam pa brgyad dang ldan zhing mdzes/ /gsang sngags rig pas lag pa 'dzin pa bsgrub par bya/ /rigs lnga'i cha shas kyi lus mdzes pa la spyi bo dang snying ga dang lte ba dang gsang ba dang byin pa'i mthar thug par oM hUM swA AHhA zhes pa'i sngags kyis de'i lus la spyi bor zla ba la/hUM dzA ta shar da lam+bu dza mAHkA ra pi kA ra kar+N+Ni ka pha lan+ta ny+tsa/ las dang chos dang dam tshig dang phyag rgya chen po rnams kyis lus mngon par sbyangs te/ yang dag par mchod cing brtan par byas nas gos dmar po'i stod g.yogs dang rgyan chen po dang bcas pa dpal chos kyi dbyings kyi rang bzhin gyi lha mo sku gzugs dang gcig nyid du bya'o//'di de sangs rgyas thams cad kyi/ /ye shes snang gsal 'od byed ma/ /lag pas lag pa bzung nas su//sangs rgyas phrin las rab tu sgyur/ /bden pa gang gis ye shes mchog /shes rab thabs bdag dkyil 'khor gyi/ /bden pa de yis mgon khyod kyis/ /bdag gi 'dod pa yongs rdzogs mdzod/ /oM hUM hrIM badzrAM b+ha ba dr-i D+ha tiSh+Tha b+h+rUM khaM hUM oM su pra tiSh+Tha badzre swA hA/ye d+harmA he tu pra b+ha bA he tun+te ShAn+ta thA ga to h+ya ba bta/ te ShAny+tsa yo ni ro d+ha e baM bA dI ma hA shra ma NaH de ltar rab tu gnas pa byas nas/ nam mkha'i khams dang mnyam pa nyid du rjes song rab gnas ni/ /de bzhin gshegs dang chos kyi glegs bam rdo rje dril bu rnams//de ltar dam pa'i don du min mod 'on kyang 'jig rten du/ /'jig rten phan pa bzhed pa'i mgon pos rab tu gnas pa'ang mdzad/ /gang 'di sku gzugs rab gnas pa/ /sa dang chu dang me rlung las/ /bskal ba bye ba brgya ru yang / /lha rnams kun gyis srung du gsol//zhes pa brtan par byed pa'o zhes pa dgu pa lag pa 'dzin pa'i bya ba'o// //rab gnas byas pa'i lha rnams ni/ /me yi las kyis bskang ba nyid/ /brtag pa'i rgyud las gsungs pa yi/ /cho gas bdag nyid chen pos bsgrub/ /'di ltar sangs rgyas kyis gsungs pa//me ni lha yi zhal nyid de/ /sbyin sreg de nyid rnam par gnas/ /sbyin sreg gis ni lha rnams tshim/ /tshim pas dngos grub sbyin par byed/ /las rnams kun gyi dngos grub ni/ /sbyin sreg med par 'byung mi 'gyur/ /gsang sngags thams cad rab sgrub phyir//sbyin sreg las ni brtsam par bya/ /me yi gnas ni rnam shes nas/ /sbyin sreg rab tu brtag par bya/ /de yi 'du byed ma bskyed na/ /las ni 'bras bu med par 'gyur/ /zhi dang rgyas dang dbang dang dgug /dbye dang bskrad pa la sogs la//sbyin sreg las kyi rjes 'brangs pas/ /ji skad bshad pa thams cad bya/ /zhes so/ /chos kyi dbyings ni yongs gyur pa/ /shes rab pha rol byin las byung / /de bzhin gshegs kun ye shes te/ /'bar ba'i phung po lta bu'i me/ /sa yi dbyibs kyis 'dzin par byed//thab kyis skye ba 'phel bar byed/ /shing gis lhag par dpa' bar byed/ /ku shas thams cad srung bar byed/ /don grub dkar pos zhi bar byed/ /'bras kyis rgyas par byed par 'dod/ /mar gyis phun sum tshogs kun byed/ /yam shing gzi brjid rnam 'phel byed//til gyis sdig pa 'phrog cing dge /so bas dpal dang nor 'gugs byed/ /sran mas stobs ni chen por byed/ /nas kyis rdzu 'phrul shugs rab sbyin/ /dUr bas tshe ni 'phel bar byed/ /gro yis nad ni nyams par byed/ / sbrang rtsi 'o mas shes rab sbyin/ /zho zan bde ba kun sbyin byed/ /me yis 'dod don dngos grub sbyin/ /rang 'dod lha yis grol ba ster/ /lhag ma las dang rjes mthun par/ /zhi sogs las byed shes par bya/ /dgang gzar shes rab blugs gzar thabs/ /de dag gnyis med bsgom pa'o//de las nges par 'thon pa'i mar/ /ye shes chen po'i bdud rtsir 'dod/ /de yis rgyu dang mi rgyur bcas/ /bdag nyid lha rnams tshim par byed/ /gang zhig de ltar sbyin sreg byed/ /skal bzang dngos grub phun sum tshogs/ /gsum dang bdun dang nyer gcig sogs//ji srid 'bum dang bye ba brgya/ /rang 'dod dngos grub rjes 'brangs pas/ /rgyud kyi dngos sogs yang dag 'dod/ /sreg blugs thams cad zhal la bsam/ /zas dang zhal bsil sogs phyag tu/ /yam shing ku sha sogs 'od la//bdug spos thams cad 'bar ba la/ /me tog la sogs kun dbu la/ /thugs kar dri la sogs pa kun/ /bsang gtor sku ni thams cad la/ /de bzhin zhabs bsil zhabs dag la/ /gos dang mchod phyir thogs la sogs/ /rgyan la sogs pa sku la'o//mar me mchod yon zhal zas kyi/ /mchod pa rim bzhin mdun du dbul/ /zhes pa sbyin sreg gi man ngag go/ /chos kyi yi ge las byung shin tu zlum pa'i thab dbus su/ /re pha las byung gtsug phud gsum pa oM yig chu skyes gnas/ /'bar ba'i nang du chu yi dkyil 'khor la gnas shin tu dkar//dag byed me ni bdud rtsi 'dzag pa'i 'od zer phreng ba can/ /zhi ba spyan gsum ral ba'i tshogs ni yongs su bcings gyur cing / /mchod phyir thogs dang dkar po'i gos kyis lus ni rnam par brgyan/ /g.yas kyi phyag gnyis mi 'jigs pa dang phreng bas yongs su brgyan//g.yon par dbyu gu yal ga gsum pa dang ni spyi blugs 'dzin/ /oM pA pa kA g+na ye swA hA/ bram ze dag las bslangs dang nor bu'i 'od las byung ba'i me/ /n+ya gro d+ha dang pi p+pa la dang pA la sha dang chu skyes shing / / 'bras chan 'bras yos nas dang 'o ma til dang khur ba dang / /yungs kar tsan+dan me tog dang ni ku sha'i rtse dang dU rba'o/ /kha shar du lta ba dang nye bar spyod pa thams cad dkar po dang thab zlum po'o zhes pa zhi ba'i las kyi me'i las so// //'bar ba'i nang dus yi dkyil 'khor la gnas pa'i//dbang chen zhes bya'i me ni shin tu ser ba nyid/ /gos dang rgyan ni kha dog ser po yang dag 'dzin/ /dbyu gu bgrang phreng spyi blugs mchog sbyin spyan gsum pa/ /phun tshogs mchog dang nad med shin tu rgyas byed pa/ /dpal ldan lus chen ral ba bzang po rab tu bcings//lus ni dag byed mchod phyir thogs dang ldan gyur cing / /sems can rnams la byams pa'i sems ldan bzhin rgyas pa'o/ /oM ma hen+d+rA g+na ye swA hA/ rgyal po rgyal rigs shing gtsubs pa dang rin po che/ /tshong pa'i me dang dge 'dun tshong bang chen po'i me//ba Ta tsam+ba ka sogs ya dz+nyAM ga sa mI/ /parka Ti dang ko la a mra bi la 'bras tA la skyes/ /gser 'od dzA me tog brgya pa kar+Ni ka /zho zan bu ram dbu pa nas zan til 'khur khaN+Da rnams/ /thab khung gru bzhi dang kha byang du bya ba dang / nye bar spyod pa rnams kyang ser po'o zhes pa rgyas pa'i me'i las so// //'bar ba'i shing rta'i dbus su 'dod pa zhes bya'i me rnon po/ /nyin byed gzhon nu dang mtshungs lha yi lus ni rgyan dmar ldan/ /dang po'i phyag zung rtse mos dbyu gu shing dang lcags kyu ste/ /de las cig shos phyag zung zhags pa dang ni spyi blugs 'dzin//dmar zhing mnyen la phra ba'i spyan gsum mdzes shing rjes su chags/ /spyi bor ral ba'i tshogs kyi cod pan bsgyings pa 'dzin byed cing / /brtan zhing rol pa'i 'jug pas bde ba kun du myong byed la/ /srid gsum skye bo rnams ni cho ga bzhin du dbang byed pa'o//oM kA mA g+na ye srA hA/ tshos byed gar mkhan rje'u rigs smad 'tshong ri mo mkhan gyi me/ /de bzhin dbang byed las kyi rgyun la legs bsngags yam shing ni/ /tsam+pA si gru sid+d+ha la gu tsa dang bku la dang bri yang+ku/ /sha ra la dang d+ha ba dri zhim sbA du kA dang ShA ya rak+ta dang //sa mi seng ldeng pA la sha dang a mra bai kad+ka ta mya ngan med/ /'dab ma g.yo dang ba Ta snang byed kA sh+la rI dang tsher ma sgur po dang / /rgya shug sbrang shing ka rA la dang ki n+du nA rang+ga dang rgun 'brum shing / /pad+ma ut+pal dang arka a sho ka dang klu shing ge sar dang //me tog dmar po dang ni dzA ti mA la tI dang mA d+ha bI nyid dang / /dmar po'i til dang 'bras kyi sa bon gu gul dang pa shu ba la dzA ta dang / /dbang gi rgyud dang brtag pa las ni gsungs pa yi/ /mngar gsum gyis ni byugs pa'i rdzas rnams thams cad do/ /thab ni zur gsum pa lcags kyu'i rnam pa dang nub dang rlung du kha phyogs pa dang nyer spyod rnams dmar po'o zhes pa dbang gi me'i las so// //'bar ba'i phreng ba'i dkyil 'khor dbus/ /hUM khros me yi 'od zer tshogs/ /dud ka khros shing 'jigs rung gzugs/ /mche ba drag gtsigs sgra ngan can//mdog nag rgyan gyis sku brgyan zhing / /'jigs rung 'od zer tshogs rab gsal/ /skra tshogs dmar ser gyen du brdzes/ /spyan gsum sdang mig khro gnyer can/ /g.yas pa ral gri dbyug pa g.yo/ /g.yon ni zhags pa spyi blugs 'dzin/ / mi sdug gnyis med dpa' zhing gtum/ /lhag ma thams cad sngon bzhin no/ /khar ba lcags rus rdo ba tha ma'i mal/ /las byung srad bu mdog ngan khyim gyi me/ /phag gi khyim dang b+ha dan+ti dang ta raM ga /gaN+Da ka dang ring po mgrin rus ga laN+Da/ /ko Ta ra dang tsher ma can dang tik+ta shing //bya rog 'ug pa pi ci lhi ka'i gshog pa dang / /tik+ta lung tang dang ni 'dab mchog ga se kaM / rtog las yang dag gsungs pa'i bsreg bya mtha' yas rnams/ /thab ni zur gsum pa'am zla ba phyed pa lta bu'o/ /oM kro d+hAg+na ye dza hi tro Ta ya hUM phaT swA hA/ nye bar spyod pa thams cad nag po'o zhes pa mngon spyod kyi me'i las so// //thun mtshams sprin dmar dang ni skya rengs dmar 'dra'i me/ /dga' zhing rjes su chags pa rab rgyas rang bzhin can/ /sgeg pa'i rgyan dang na bza' dang ni lhab lhub mdzes/ /yan lag mchog ni ral pa'i dpal ldan rgya chen lus//mchod phyir thogs kyis lus kyi phyed ni mdzes pa ste/ /g.yas pa'i phyag gis lcags kyu dang ni sngags phreng dang / /g.yon pas kr-i t+yA sa ka dang ni spyi blugs 'dzin/ /ri dwags e ne ya yi pags pa lus la yang dag gnas/ / a sho ka dang kang ke li dang nas dang arka'i me tog rnams so/ /thabs ni lcags kyu'i rnam pa'o/ /oM lo hi tA g+na ye swA hA/ nyer spyod thams cad dang phyag rgya thams cad dmar po'o zhes pa dgug pa'i me'i las so// //bdud rtsi'i mig can me chen po/ /skra dang ba spu dmar ser can//mgrin pa mtho zhing gzi brjid che/ /sems can rjes su 'dzin byed pa/ /skra grol phyag bzhi lcags kyu dang / /dbyu gu zhags pa spyi blugs ldan/ /tshangs pa'i srad bu rus phreng can/ /rab gtum spyan gsum 'bar ba'o/ /arka si dz+hu'i me tog sogs//rtog pa las gsungs sreg rdzas rnams/ /las kyi rab tu dbye ba las/ /thab ni ral gri'am rta babs dbyibs/ /oM a mr-i tA g+na ye swA hA/ 'chi ba dang sdig pa dang nad rab tu zhi ba'i me'i las so// //dza Tha ra dang gnyis med me ni shin tu rno//rnam pa sna tshogs mdog can lus ni mdzes shing 'bar/ /rnam pa sna tshogs gos dang rgyan gyis yan lag brgyan/ /mdung dang mda' dang lcags kyu dang ni spyi blugs 'dzin/ /'bras dang yungs kar la sogs pa rnams so/ /thab ni rin po che'i rnam pa'o//oM ma hA dza Tha rAg+na ye swA hA/ nor thams cad dang dpal 'gugs pa'i me'i las so// //zad byed ces bya drag po'i me lha ni/ /lus la rab tu gsal ba'i gzi brjid bcings shing 'bar/ /phyag na mda' dang ral gri dbyug pa spyi blugs ldan/ / mi rus phreng can dbu skra ser skya gyen brdzes pa'o/ /'bras bu yod med shing dang si dzu'i me tog sogs/ /thab ni gru gsum mo/ /oM k+Sha yaM ka ro grA g+na ye swA hA/ rengs pa dang mi snang ba dang bka' bzhin byed pa'i me'i las so// // rgyal ba'i sku mchog dag pas yan lag lnga/ /rnam par bkra zhing dka' thub ldan pa'i me chen po/ /ri dwags nag po'i pags pa'i na bza' nyid dag dang / /ral pa rnam bsgyings zhi ba'i rgyan ni nges par 'dzin/ /mchog sbyin bgrang phreng dbyu gu ril ba rnam par 'dzin/ /sna tshogs gos can mtha' yas gzi brjid yang dag ldan//tshangs skud dang bcas srad bu brel bas pad+mar gnas/ /thab ni nam mkha'i dkyil 'khor gyi rnam pa'o/ /oM ma hA tA pa sAg+na ye swA hA/ rig pa 'dzin pa nyid dang mkha' la spyod pa'i mngon par shes pa'i ye shes kyi me'i las so// //ro zan me ni 'jig rten 'dzin pa rab tu gtum/ /cung zad dmar zhing sngo ba lus kun shing lta bu/ /ral gri spyi blugs sngags phreng dang ni dbyug gsum can/ /ral pa dmar ser 'phyang zhing mig ni gyen bcings pa'o/ /thab ni mdung gi rnam pa'o//oM kra bya dAg+na ye swA hA/ gsod pa dang gnod pa dang nad byed pa'i me'i las so// //shin tu rtsub cing dmar nag thal ba d+hU sa ra/ /snying po'i lus can rlung zhes bya ba'i me ru 'dod/ /mig gsum ral can lus dang mgo bo rus pa'i bdag /ri dwags pags pa'i gos can rlung 'dra'i ri dwags zhon//ma rak+ta thal 'bar bas btsos pa'i gos 'dzin zhing / /mchod sbyin gsum gyi srad bu rgyan ldan mgrin pa mtho/ /lag par yal ga gsum dbyug bgrang phreng ga Ne tI kA dang / /g.yo bas ba dan 'phyar zhing ril ba spyi blugs 'dzin//ba dan gyi rnam pa'i thab bo/ /oM ma ru tA g+na ye swA hA/ 'ded pa dang skrod par byed pa'i me'i las so// //rab tu rmongs byed ces bya shin tu zhi ba'i las/ /shin tu khebs pa'i lus can skye bo rmongs byed pa/ /rnam dag zhing yangs shing mdzes pa'i mig ldan zhing //ral pa rab bcings rin chen 'bar ba'i cod pan can/ /rnam par bkra ba'i gos dang rgyan ni nye bar thogs/ /sgeg cing rol pa dpal ldan pad+ma'i go 'phang son/ /shin tu dmar zhing rab bzhad ga Ne tri kA dang / /mchog kun rab sbyin dbyu gu gsum dang spyi blugs 'dzin//thab ni zur gsum pad+ma'i dbyibs can no/ /oM pra mo dAg+na ye swA hA/ dpal gyi rig sngags chags par byed pa rgyal srid 'dod pa'i me'i las so// //gang zhig thab ni rnam bcu rab byed rtogs pa yis/ /sems can bsam pa rab 'byams dngos grub legs sgrub phyir//dpal ldan khro rgyal dpa' bo gnyis med rnam rgyal ba'i/ /rgyud las rgyal ba stobs bcu mnga' bas yang dag gsungs/ /dpal ldan 'dus pa'i yul sogs rnams las phyag rgya sngags/ /las kyi rab sbyor dang ni cho ga nges pa ste//dpal ldan sdom pa 'byung ba che mchog sngags rgyal las/ /rdzas dang me dang sbyin sreg yul gyi de nyid gsungs/ /dpal ldan pad+ma 'byung ba'i rgyud rgyal rgyas chen las/ /pad+ma 'dra sogs thab kyi dag pa'i mtshan ma'i cha/ /rgyas pa la sogs las la nor rgyal gzugs dngos grub//khyab bdag 'jig rten dbang pos rnam mang dngos grub phyir/ /dpal ldan pad+ma gar dang rta mgrin kha n+ya bA da dang / /sgrol ma 'byung dang mi g.yo tshogs bdag rtog pa'i rgyal po las/ /sna tshogs cho ga dge dang mi dge'i sgrub pa mtha' dag gi /dngos grub rgyu ru sbyin sreg las ni yang dag bsngags mdzad cing / /zhi ba la sogs las rnams kun la 'bras bu nyer spyod dang / /rdzas la sogs pa'i bye brag cho ga rgya cher rab tu bstan/ /de yi lam tsam 'dir ni rmongs pa'i skye bos rtogs bya'i phyir//me yi bya ba'i cho ga'i khyad par rab tu bstan pa yin/ /gsad las thab ni sor brgyad de/ /rgyas pa la ni tshad bcu'o/ /dbang la bcu gnyis grangs yin te/ /zhi bar bcu bzhi'i bdag nyid do/ /bu sogs rigs 'phel ba la ni/ /sor mo bcu drug tshad yin no//glang po rta phyugs ma he sogs/ /'phel la sor ni bco brgyad do/ /yul du 'chi dang nad la sogs/ /zhi phyir sor ni nyi shu'o/ /nor 'bru rgyal srid phun tshogs dag /'phel la sor mo nyi shu gnyis/ /dngos grub blo dang lus ldan ma//dgug la sor mo nyi shu bzhi/ /bsdus pa'i thab ni mdor bstan yin/ /rgyas par khru yi grangs kyis so/ /thab kyi phyed dam sum cha ni/ /brabs su rgyal ba mchog gis bzhed/ /mchu dang kha khyer mu khyud rnams/ /thams cad kyi ni brgyad cha'o//zabs kyi phyed tshad de'i pad+ma/ /de yi sum chas lte ba'o/ /de dbus lte ba'i tshad dang ni/ /sbyar ba'i mtshan ma kun gyis mtshan/ /gru bzhi rin chen pad+ma'i dbyibs/ /thab tu ku sha'i gdan la me/ /las thams cad pa'i ye shes me/ /yi ge gsum zhu'i chu la ni/ / pad+mar raM gi sa bon skyes/ /sku mdog dmar ser mdzes shing 'jam/ /g.yon na dbyu gu gsum spyi blugs/ /g.yas na bgrang phreng mchog sbyin 'dzin/ /spyan gsum ral pa'i len bu can/ /mgo bo thub pas gsal gyur cing / /nyi mar bzang po'i stegs kyis 'dug / cod pan rdo rje sems dpas mtshan/ /mchod phyir thogs ni dam pas brgyan/ /lha rdzas gos ni kun du gsal/ /skye bo dga' byed zhi ba'i gzugs/ /'dod don dngos grub kun stsol ba/ /de yi lto bar lha rnams kun/ /dkyil 'khor mchog tu rmad byung ba/ / ro ma re pha rdo rje mchog /gru gsum dra ba legs par dbul/ /rdo rje lcags kyu sogs sbyor bas/ /sngags dang phyag rgya yang dag ldan/ /de nyid gsum ni rna ba ru/ /bkab ste ye shes me dgug bya/ /n+ya gro d+ha dang a shwat+tha/ /kang+ke li dang tsu ta dang / /mchod sbyin lus las byung ba yi//lcug ma sar pa dang ku sha /thab kyi dbus su legs 'du sha /'o ma sbrang rtsi bska ba yi/ /shing dang mA d+hA ya ldan pa/ /dge 'dun rgyal rigs rgyal po sogs/ /mchod sbyin thab las skyes pa'i me'o/ /zhes pa sbyin sreg gi me'o/ /oM ku sha 'di ni bzang zhing dge//tshangs pa lha yi dag byed yin/ /sangs rgyas chos dang dge 'dun mnyes/ /sa las skyes pa'i snying po mchog /bgegs kun zhi bar mdzad du gsol swA hA/ /ku sha'i 'dab ma dgram pa'i sngags so/ /oM tshur byon tshur byon 'byung po che/ /lha yi drang srong gnyis skyes mchog /sreg blugs zhal zas bzhes slad du/ /'dir ni yang dag bsnyen par mdzod swA hA/ /ye shes kyi me nye bar byed pa'i sngags so/ /oM AHbig+h+nA n+ta kr-ita sarba pA pa big+h+na mA rA na b+ha smin ku ru hUM phaT/ yungs kar lnga 'dor ba'i'o/ /oM AH big+h+na n+ta kr-ita sarba kle sho pa kle sh+'a g+niMsh+'a g+niM ku ru hUM phaT/chu 'dor ba'i'o/ /oM AH big+h+nAn+ta kr-i ta sarbA ba ra Ni ma mA pa na ya hUM/ kham phor dkar po 'dor ba'i'o/ /oM AHbig+h+nA n+ta kr-i ta sarba bu N+ya dz+nyA na sam+b+ha rAn D+ho ka ya hUM swA hA/ zan 'dor ba'i'o/ oM sarba ta thA ga ta kA ya bi sho d+ha ne hUM swA hA/dri lnga la sogs pa'i khrus kyi'o/ /oM dz+wa la dz+wa la b+h+yo hUM/ gsar du me sbar ba'i'o/ /oM ag+na ye swA hA/ mar gyi'o/ /oM kA mAg+na ye a dI pyA dI bya A bi shA bi shA ya hA sh-i ye ha bya ka bya bA ha na ya swA hA/ me'i dgang blugs kyi'o/ /oM bo d+hi br-i k+ShA ya swA hA/a shwat+tha'i'o/ /oM badzra yadz+nyA ya swA hA/ u du m+bA ra'i'o/ /oM badzra la tA ya swA hA/ p+la k+Sha'i'o/ /oM badzra ku be rA ya swA hA/ ba Ta'i'o/ /oM badzra sa ha kA rA ya swA hA/ a mra'i'o/ /oM badzra rkA ya swA hA/ arka'i'o/ /oM badzra so mA ya swA hA/pa lA sha'i'o/ /oM badzrAd+gA rA ya swA hA/ seng ldeng gi'o/ /oM badzra bu d+hA ya swA hA/ a pa mArga'i'o/ /oM badzra sha nai sh+tsarA ya swA hA/ yam shing gi'o/ /oM a pra ti ha ta badzrA ya swA hA/ ku sha'i'o/ /oM badzrA yu She swA hA/ dU rba dang kun+da'i'o/ / oM badzra bI dzA ya swA hA/ so ba'i'o/ /oM badzra be gA ya swA hA/ nas kyi'o/ /oM badzra g+ha sma rA ya swA hA/ gro'i'o/ /oM ma hA ba lA ya swA hA/ /sran ma'i'o/ /oM sarba pA pa da ha na badzrA ya swA hA/ til gyi'o/ /oM badzra puSh+Ta ye swA hA/ 'bras ma grugs pa'i'o/ / oM sarbAr+tha sid+d+hi ye swA hA/ yungs kar gyi'o/ /oM sarba sam+ba de swA hA/ zho dang bu ram gyi'o/ /oM AHbadzra A daR+sha na pha khA ya oM swA hA/ ko la'i 'bru la sogs pa'i'o/ /oM AHbadzra bA se se hUM swA hA/ gos kyi'o/ /oM AHbadzra ta m+bU lA ya swA hA/ so rtsi'i'o//me la sreg blugs sngags dang ni/ /spel ba rab tu sbyar bar bya/ /rang gi 'dod lha'i sngags kyis ni/ /dgang blugs legs par spyad par bya/ /zhes pa bsreg bya'i sngags so/ /de nas sngags pa mnyam gzhag pas/ /kha dog dri dang sgra'i rnam pas/ de bzhin bzang ngan me yi ni/ /mtshan ma nye bar brtag par bya/ /zla ba chu shel nor bu 'dra/ /ba mo spyi blugs lta bu dang / /puSh+pa rA ga dang 'dra bas/ /sems can sdig pa nyams par byed/ /kun+da zla ba ltar snum dang / /gzugs mdzes baiDU R+Ya lta bu/ /du ba med cing dri med pa'i//me yis nad med rigs 'phel byed/ /ban+d+hu king+shu a sho ka /ya ba'i me tog 'dra ba dang / /'dam bu chu gsher gser lta bus/ /rgyal srid dbang phyug sogs dbang byed/ /tsam+ba ut+pal au shIr/ /mA la tI dang pad+ma mtshungs/ /ga pur kha che a ka ru/ / tsan+dan gla rtsi'i dri ldan pas/ /dri'o/ /pi wang gling bu rdza rdza sogs/ /dung dang cha lang sgra bzang dang / /sil snyan zab mo nges sgrogs pa'i/ /me yis kun la bde ba ster/ /sgra'o/ /dpal be'u gdugs dang dung 'dra dang / /rtse gsum bum pa lta bu dang / /rgyal mtshan rnga yab rdo rje mchog /bkra shis dang ni glang po'i dbyibs/ /dga' ba la sogs g.yas su 'khyil/ /gcig tu bsdus pas don chen sbyin/ /rtse mo gcig tu 'bar ba'i me/ /phun sum tshogs pa thams cad byed/ /g.yo med rtse mo gnyis pa 'bring / /rtse mo bzhi pas legs rgyas sbyin//'di ni dge bar rig bya ste/ /de bzhin de las bzlog mi dge/ /sreg blugs sbyin sreg cho ga nyid kyis tsA ru rab bsgrub ste/ /'o thug khaN+Da bu ram dbu ba 'bras dang ldan/ /bdud rtsi lnga dang so sor ldan las legs grub zas/ /gser sogs snod du bzhag pa so sor dbul bar bya//oM AM dz-IaM khaM hUM oM AHhUM/ oM di byA n+ne sa mA d+hi d+h+yA na prI Na ne swA hA/ zhes pa 'dis sbyangs te dbul bar bya'o/ /de bzhin gshegs pa'i lhag ma 'di/ /zos pas sdig pa nyams par byed/ /ces brjod nas mchod sbyin byed pa rnams la tsA ru'i lhag ma sbyin du gzhug par bya'o//dgang blugs dang rnam pa mang po'i gos dang 'bras bu la sogs pas me dang bde bar gshegs pa dang mdo dang 'jig rten skyong ba dang bcas pa rnams yang dag par mnyes par byas nas/ gtor ma'i cho ga dang nye bar spyod pas rdul tshon gyi dkyil 'khor la sogs pa la gnas pa thams cad kyang yang dag par mchod de/ma rnyed yongs su ma shes dang / /gang gzhan nus pa ma mchis pas/ /ma tshang bgyis pa de kun la/ /bdag la brtse bas bzod mdzad 'os/ /shes rab ye shes dri med pas/ /slob dpon dang ni rgyal po dang //sbyin pa byed pa'i skye bo la'ang / /dus kun zhi dang bde legs mdzod/ /rang 'dod rjes 'brangs smon lam gyi/ /khyad par dag kyang gdab bya zhing / /dge 'dun tshogs kun mchod ston gyis/ /spro bar byas te gshegs su gsol/ /bya ba bcu ni yang dag bsdus pa rab bsgrubs pa'i//dge ba rnam dag ye shes bcu yis sbyangs pa las/ /skye dgu'i yid kyi ma rig mun pa mthar byes te/ /myur du pha rol phyin mchog sa ni rab bgrod shog /me'i bya ba bcu pa'o zhes pa dbyig gi phreng ba zhes bya ba cho ga'i bya ba bcu pa rdzogs so// // gzhung 'di lha dang bcas pa'i skye dgu'i 'dren pa dam pa chos kyi rje sprul sku rin po che'i zhal snga nas kyi bka' lung bzhin/ lo tsA ba dge slong chos skyong bzang pos sa skyong ba mkhyen pa'i spyan ldan dpon chen kun dga' bsod nams rin chen dbang gi rgyal po'i bdag rkyen las dpal e waM chos 'khor du bsgyur ma dpe ma 'byor ba'o/