260a2 lo tsA ba rgya brtson seng ges bi kra ma shI lar bsgyur cing zhus te gtan la phab pa'o//[ ]@##/ /rgya gar skad du/ ts+tsha trA di pra tiSh+ThA dzIr+N+No d+hA ra bi d+hiH bod skad du/ gdugs la sogs pa rab tu gnas pa dang rnying pa 'byin pa'i cho ga /dpal rdo rje
260a3 sems dpa' la phyag 'tshal lo//de nas gser las grub pa la sogs pa'i gdugs a yig las skyes pa'i yu ba a ba d+hU tI'i rang bzhin can/ haM yig las skyes pa rtsa sum cu rtsa gnyis kyis nges par bcings pa'i rtsibs sum cu rtsa gnyis pa/ sangs rgyas
260a4 kyi ye shes bdud rtsi'i rang bzhin gyi chos kyi dbyings mtshon par byed cing /nyon mongs pa'i tsha gdung thams cad 'phrog par byed pa'i dam tshig sems dpa' rnam par bsams nas/ de dang mtshungs pa'i ye shes sems dpa' rang gi snying ga'i sa bon gyi 'od zer gyis
260a5 bkug ste der gzhug par bya zhing bum pa'i chus dbang bskur te yang dag par mchod nas/oM na maHsarba bud+d+ha bo d+hi satwA nAM AHts+tsha trA ba li swA hA/ 'dis lan brgya rtsa brgyad bsngags par bya ste gdugs rab tu gnas pa'o/ /de bzhin du oM yig las skyes pa ches
260a6 bzang po'i gser gyis spras pa'i yu ba can bkra shis pa'i rang bzhin ston ka'i zla ba'i 'od ltar dkar ba'i rnga yab rnam par bsams nas/de dang mtshungs pa'i ye shes sems dpa' rang gi snying ga'i sa bon gyi 'od zer gyis bkug ste dam tshig sems dpa' la gzhug
260a7 par bya zhing /bum pa'i chus dbang bskur te mchod pa byas nas/ oM tsu ru tsA ma ri swA hA/ zhes pa'i sngags kyis lan brgya rtsa brgyad du lhag par gnas par bya ste rnga yab rab tu gnas pa'o/ /de bzhin du siM yig las skyes pa'i seng ge dang / a yig
260b1 las skyes pa'i gzhan gyis mi thub pa dang /kaM yig las skyes pa'i rin po che'i bum pa dang / ma yig las skyes pa'i nya dang rma bya dang ri dwags dang chu srin la sogs pa dang / gaM yig las skyes pa'i mkha' lding dang / paM yig las skyes pa'i pad+ma dang / a
260b2 yig las skyes pa'i me long dang /aM yig las skyes pa'i sna tshogs rdo rje dang / khyu mchog dang / hUM yig las skyes pa'i rdo rje dang / traM yig las skyes pa'i rin po che dang / haM yig las skyes pa'i ngang pa la sogs pas mtshan par gyur pa'i dam tshig sems
260b3 dpa' rnam par bsams nas de dang mtshungs pa'i ye shes sems dpa' rang gi snying ga'i sa bon gyi 'od zer gyis bkug ste dam tshig sems dpa' la gzhug par bya zhing /bum pa'i chus dbang bskur te yang dag par mchod nas/ oM AHbadzra d+hA dza ba ti dza yot+ta ri
260b4 swA hA/zhes pa 'dis lan brgya rtsa brgyad du lhag par gnas par bya ste rgyal mtshan rab tu gnas pa'o/ /de bzhin du paM yig las skyes pa 'od gsal zhing rab tu gdung ba skyed par byed pa'i dam tshig sems dpa'i gzugs rnam par bsams nas/ de dang mtshungs
260b5 pa'i ye shes sems dpa' rang gi snying ga'i sa bon gyi 'od zer gyis bkug ste dam tshig sems dpa' la gzhug par bya zhing /bum pa'i chus dbang bskur te yang dag par mchod nas/ oM AHbadzra ke tu badzra pa tA ke d+hi tiSh+Tha paM swA hA/ zhes pa 'di lan brgya rtsa brgyad du
260b6 bzlas par bya ste ba dan rab tu gnas pa'o//de nas dkyil 'khor pa'i lha dang gnas kyi bdag po dang 'jig rten skyong ba dang sa'i bdag po dang glags lta ba'i skye bo dang bzo bo dang slob dpon dang chos smra ba la sogs pa rnams la bdag nyid ji lta ba bzhin mchod pa byas nas sngar
260b7 bshad pa'i cho gas gtor ma chen po sbyin par bya'o//grong dang grong khyer dang gtsug lag khang la sogs pa gang du mchod rten dang / sku gzugs dang / rgyal mtshan la sogs pa rnying pa dang gas pa dang tshig pa dang zhig pa la sogs par lha rnams gnas par gyur na gnas der sems
261a1 can rnams la nor nyams pa dang 'thab rtsod dang mu ge dang skye bo rnams zad par 'gyur ba la sogs pa'i skyon rnams 'byung bas rnying pa 'byin pa'i cho ga bya'o//de la slob dpon ting nge 'dzin gsum gyi rnal 'byor dang ldan pas chu dang me tog dang bdug pa dang mar me
261a2 dang zhal zas la sogs pas yang dag par mchod de/'dis gsol ba gdab par bya'o/ /bcom ldan che ge rdo rje mchog /rig sngags rgyal po khyod phyag 'tshal/ /sems can rnams la phan phyir dang / /khyed rnams la yang mchod pa'i phyir/ /mgon po rnying pa
261a3 'byin pa yi//cho ga bzang po bya bar 'dod/ /ye shes bdud rtsi'i rang bzhin gyi/ /bum pa 'dir ni gzhug par gsol/ /zhes so/ /de nas yud tsam de la nges par brtags te de'i thugs kar de'i sa bon bltas te lag pa g.yon pas bgrang phreng bzung nas/ de la bcings
261a4 pa'i srad bu lnga dang rdo rje dang bcas pa lag pa g.yas pas bzung ste/rang rang gi sngags lan brgya rtsa brgyad du yongs su bzla zhing hoHyig gnyis dang spel ba'i sa bon rnam par gzhug par bya'o/ /de nas sngar bshad pa'i cho gas sbyin sreg byas nas thag pa rnams kyis bcings te khyu
261a5 mchog gi 'khrul 'khor la sogs pa rnams kyis bskyod par bya'o//de nas bum pa des phyogs dben par bzhag ste me tog la sogs pa rnams kyis yang dag par mchod par bya'o/ /mchod rten la sogs pa rdo'i rang bzhin gang yin pa dang / grum pa dang zhig pa de ni chu mang po
261a6 yod pa'i chu klung du gzhug par bya'o//sa'i rang bzhin gyi mchod rten la sogs pa gang dang gang 'du bya bar mi bzod pa rnams ni de nyid du gzhug par bya'o/ /gang dang gang shing las byas pa'i rnying pa dang zhig pa de dang de ni mar gyis bsgos te ras kyis dkris nas sbyin sreg gi mes
261a7 bsreg par bya'o//gang zhig zangs la sogs pa las byas pa de ni bzhu nas sngar gyi tshad las mi dman par bya'o/ /mchod rten la sogs pa de dag grub nas mchod yon la sogs pa'i mchod pa sngon du 'gro bas sngar bum par bzhag pa'i ye shes kyi bdud rtsi'i rang bzhin gyi ye
261b1 shes sems dpa' phyung nas mchod rten la sogs pa'i dam tshig sems dpa' la gzhug par bya zhing de la bum pa'i chus dbang bskur ro//de nas rang rang gi sngags kyis lan brgya rtsa brgyad du byin gyis brlabs te/ sngar bshad pa'i rim pas me'i mchod pa dang rab tu
261b2 gnas pa yang bya'o//rnying pa 'byin pa'i cho ga'o/ /gdugs la sogs pa rab tu gnas pa dang rnying pa 'byin pa'i cho ga 'di'i rgya dpe gnyal gyi phyogs nas rnyed do/ /bstan pa rin po che la phul du byung ba'i gces spras su mdzad pa mtshungs med chos kyi rje rin po che zhwa dmar cod pan 'dzin
pa bzhi pa'i zhal snga nas bsgyur cig ces bka' stsal pa bzhin zha lu lo tsA ba dge slong chos skyong bzang pos dpal sne'u gdong rtser bsgyur ba'o/