254a7 / //rgya gar shar phyogs kyi paN+Di ta rat+na rak+Shi ta pa'i zhal snga nas bod kyi lo tsA ba shAkya'i dge slong rdo rje 'dzin pa grub pa dpal bzang pos bsgyur ba'o//[ ]@##/ /rgya gar skad du/ ga Na tsakra bi d+hi prA ka sa nA ma/ bod skad du/
254b1 tshogs kyi 'khor lo'i cho ga rim par phye ba zhes bya ba/ rje btsun ma 'phags ma sgrol ma la phyag 'tshal lo/ /dpal ldan bde chen rgyal po yi/ /rdo rje sems dpa' phyag 'tshal nas/ /dngos grub dgos pa kun sgrub pa'i/ /tshogs kyi 'khor lo'i rim bshad bya/ /de la tshogs
254b2 kyi 'khor lo brgya rtsa 'am 'bum la sogs pa byed par 'dod pas 'byor pa dang bstun pa'i rim pa ni gsum ste/rgyal po lta bu'i dang / 'bangs lta bu'i dang / rnal 'byor pa'i rim pa lta bus bya ba'o/ /dang po ni 'byor pa dang ldan pas rgyud gang dang rtog bsre mthun pa'i rnal
254b3 'byor pho mo lha grangs dang mnyam pa rang gi slob dpon sngon du 'gro ba'i blo can rnams kyis de'i cho ga dang /brda dang phyag rgya la sogs pa tha ma snyoms 'jug gi bar du bya ba ni gcig ste/ rim par phye ba dang po'o/ /gnyis pa ni ji ltar tshogs pa'i 'byor pa dang / ji ltar rigs pa'i rnal
254b4 'byor pho mo rnams rdo rje slob dpon sngon du 'gro bar bya ste/cho ga ni rgyud kyi dbye ba las shes te/ de lta bu'i bya ba gcig tu 'dod de rim par phye ba gnyis pa'o/ /gsum pa ni 'byor pa dang ldan pas rgyud du ma'i rnal 'byor pa rang gi rig byed la mkhas pa'i tshogs la spro ba
254b5 dang bsdu ba'i rim pas bya ste/de ltar rnal 'byor pa'i grangs ji snyed pa de snyed tshogs kyi 'khor lo'i dbye ba shes par bya ste/ 'di ni rim par phye ba gsum pa'o/ /de thams cad la gnas dang rdzas dang / rnal 'byor pa dang / cho ga dang / yon bdag la bar chad med par
254b6 bya'o//grangs du ma bya bar 'dod pas tshul 'dis ni yongs su shes par bya'o/ /tshogs kyi 'khor lo'i cho ga rim par phye ba zhes bya ba A tsAr+ya he ru ka badzras mdzad pa rdzogs so// //paN+Di ta rat+na rak+Shi ta'i zhal snga nas lo tsA ba grub pa dpal bzang pos bsgyur ba'o// //