CLOSE WINDOW

D2491
བོད་ཡིག

lo tsA ba chos kyi shes rab kyis bsgyur ba'o/ /slad kyi rgya gar gyi paN+Di ta ha s+ya badzra dang / lo tsA ba dge slong nyi ma rdo rjes bsgyur cing zhus te gtan la phab pa'o//[ ]@##/ /rgya gar skad du/ ga Na tsakra bi d+hi nA ma/ bod skad du/ tshogs kyi 'khor lo'i cho ga zhes bya ba/ dpal rdo rje sems dpa' la phyag 'tshal lo//yang dag bde bas ma lus gang / /dngos grub ster mdzad brtse ba can/ /rnam grol chos sku'i bdag nyid de/ /rdo rje sems dpa' la phyag 'tshal/ /dpal ldan gsang ba'i rgyud las ni/ /gsung sogs shin tu sbas pa nyid/ /gsal bar mdor bsdus mdzes par ni//tshogs kyi 'khor lo'i cho ga bshad/ /sngags pas khyad par mtshan mo'i dus/ /zhag re 'ang ni ji snyed par/ /zla re dang ni lo re la/ /'khor lo las 'das nyams par 'gyur/ /nye bar 'tshe med dur khrod dgon/ /rdzing bu'i 'gram dang skyed mos tshal/ /mtsho ngogs chu klung ri sul dang //rang gi khyim sogs 'bras bur bcas/ /yang dag brgyad pa thob gyur pa/ /dpal ldan chog shes snying rje ldan/ /'jig rten chos la mi chags shing / /sred dang sgyu sogs rnam par spangs/ /snyan par smra zhing 'dzum pa'i bzhin/ /bzod can brtan la brtson 'grus ldan//tshogs kyi 'khor lo'i dbang phyug tu/ /dpal ldan rdo rje sems dpa' gsungs/ /'khor lo pa yang de nyid kyi/ /slob ma sred sogs rnam par spangs/ /dbang bskur thob cing blo ldan bzod/ /brtson dang dran pa la sogs ldan/ /dam tshig spyad bya spyod pa rnams/ / rgan pa'i rim pa bzhin du 'dod/ /dbang ma thob pas mi rig par/ /sgrub pos 'khor lo de bya'o/ /me tog gdugs sogs mar me ldan/ /sna tshogs ston mo btung bas brgyan/ /mal stan yon tan bcas pa yis/ /'phags pa'i skye bo ci sogs pa'o/ / de nas tshogs kyi dbang phyug gdan/ /ro 'am stag lpags dur khrod ras/ /rgyan ni rang gi rigs las so/ /phyi rol dam pa'i phyag rgyas 'khyud/ /rang gi slob mas yongs su bskor/ /des kyang rang rigs dag la 'khyud/ /ci nus bsam gtan dag gis bya/ /bla ma'i cho ga shes shing dran//brtson 'grus bzod dang ldan pa dang / /bla ma la gus blo mthun pa/ /las kyi rdo rjer de rab bsngags/ /dbang bskur yang ni gdung can dang / /thob dang sgyu can dag dang ni/ /dbang ma thob par 'khor lo gang / /ring po nas kyang bsten mi bya/ /bla mas bde chen bsgom byas nas/ / 'byung po kun la gtor ma sbyin/ /stobs la sogs pas sbyang byas la/ /me tog gis ni rang lus mchod/ /snod ni re re kun la sbyin/ /bla ma la ni snod gnyis dbul/ /de bzhin bza' btung nyis 'gyur ro/ /de nas rang zhal hom khung du/ /rnam rig pa la'i mchod yon bya/ / lag pa dgang gzar blugs gzar gyis/ /yid kyis me la stobs sogs bsregs/ /nang gi bdag nyid sbyin sreg gis/ /rang 'dod lha ni tshim par bya/ /glu sogs kyis ni mnyes bya zhing / /yang dang yang du brda tshig smra/ /bdud rtsi lnga dang sgron ma lnga/ /rig ma mig bzang brgyad la ni//cho ga bzhin du brten zhes bya/ /ko la la sogs ci shes bya/ /he ru ka yi gzugs kyi gar/ /dran pa rjed med rnal 'byor bya/ /sgom la chags pa'i sems kyis ni/ /rtag tu sems kyis goms par bya/ /rdo rje chos dang sangs rgyas kyi/ /rnal 'byor pa dang ma tshogs kun/ / glu dang gar la goms bya zhing / /mchog tu glu dang gar bya'o/ /'di nyid tshogs kyi bsrung ba ste/ /bdag nyid kyis kyang de bzhin bsrung / /'di yis 'jig rten dbang du byed/ /sngags kyi bzlas pa 'di nyid yin/ /rgyun du glu ni len pa dang / /gang du rtag tu gar byed pa/ /tshogs kyi dbang phyug mdun bya'o//de nas dri ni mtshon par bya/ /sgrog pa'i dri ni dang po ste/ /bya rgod spos ni gnyis pa yin/ /de nas ga bur tsan+dan dri/ /glu dbyangs su ni mtshon bya ba/ /sgra ni ngang pa bung ba'i sgra/ /dri yi mthar ni thos pa dang / /ce spyang dag gi sgra yang ni/ /phyi rol skyed mos tshal du mtshon//gang gi bdag gis mi rnyed pa 'am/ /snod ma yin pas 'jigs pa gang / /bdud rtsi lnga dang sha lnga sogs/ /bsam gtan gyis ni yongs su brtag /'khor lo'i dbang phyug byin brlabs pa/ /snod skyon rjes su gzung bar bya/ /'dud dang bcas pas snod de ni/ /ha cang myur min bul ba min//bgegs sogs brnyas pa spang ba'i phyir/ /pad+ma'i phyag rgyas smra bar bya/ /hub sgra med cing ma yengs pas/ /cung zad 'thungs nas legs bkang ste/ /phyag 'tshal ba yi khyad par gyis/ /gong gi phyag rgyas dbul bar bya/ /sgrub pa po yis yang dang yang //de dag kun la phyag bya'o/ /snod ni sa la bzhag pa'am/ /gzhan la byin par gyur pa na/ /lag nas bo na chad pas bcad/ /rang gis thams cad mi btung ngo / /bza' dang btung ba rang gis ni/ /shin tu ltogs kyang blang mi bya/ /rtsod pa la sogs gang byed pa/ /de nas de ni gdon par bya//gal te gdon par mi nus na/ /de tshe sdig pa la brtags nas/ /rang nyid gzhan du 'gro ba 'am/ /mi smra ba la brten par bya/ /las kyi rdo rjes btung sogs la/ /rang gis blangs kyang nyes pa med/ /spyod lam shugs kyis phyir 'gro na/ /de ni dgag par mi bya'o//mngon pa'i nga rgyal zhe sdang gis/ /gzhan snod dam pa ma yin pa'i/ /tshig gis smad dang rtsod pa'i gtam/ /mi dga' ba yang spang bar bya/ /bkag pa rnams ni spyod gyur na/ /rtsa ba'i ltung dang sbom po ni/ /myur du gso ba'i cho ga bya/ /de ni sdang ba'i cho gar grags/ /rdo rje slob dpon tshim gyur pas//bar du gtor ma sbyin par bya/ /glu gar la sogs rgyun du ni/ /de yi bka' yis gnang bar bya/ /tshogs kyi 'dus pas byas pa ni/ /lag pa rkang sogs bag ldan bya/ /shin tu bag med rgyu yi phyir/ /btung ba mang po spyad mi bya/ /ma dag gis ni g.yeng bar 'gyur//g.yengs pas rnal 'byor 'khrugs 'gyur zhing / /rnal 'byor nyams pas dngos grub med/ /bdud kyi las ni bzlog par dka'/ /gang yang sems ni bsrung nus pas/ /rang ngam gzhan yang mchod par bya/ /gzugs sogs sna tshogs dag pa yis//de yis 'dir ni dngos grub 'gyur/ /skad cig tsam yang gzhan gzugs kyis/ /ma rig gdug can gyi ni sems/ /'grub 'dod dngos grub don gnyer bas/ /'bad pas mkhas pa gnas min bya/ /ji snyed lus kyi g.yo 'gul dang / /ngag gi brjod pa ji snyed pa//de snyed sngags dang phyag rgya ste/ /he ru ka dpal go 'phang gnas/ /gang gi dug gi dum bu yis/ /skye bo rnams ni 'chi 'gyur ba/ /dug gi de nyid shes pa yis/ /dug gis dug ni 'joms par byed/ /kha cig brel bar gzhan yod pas/ /yun ring 'dug par mi nus na//de yis phyag 'tshal mkhyen gsol na/ /bzod gsol nas ni 'gro bar bya/ /'di dang gzhan gyi rgyud gsungs pa'i/ /bya ba rnams ni brda la bya/ /gang phyir myur du byas pa yis/ /rnal 'byor pa yi dga' nyams byed/ /de ltar cho gas 'khor lo cher/ /rang gi slob ma dbang bskur phyir//bsgom pa la sogs stobs nyid kyis/ /tshe 'di nyid la dngos grub ster/ /sgom pa la sogs de bzhin 'dir/ /yang ni bka' gsal byed pas kyang / /gal te ltung ba med gyur na/ /skye ba bcu drug dag la 'grub/ /bla mas tha ma'i gtor mi sbyin/ / de bzhin phyi rol lhag gtor nang / /sgrub pa yis phyag 'tshal zhing / /smon lam dag ni gdab par bya/ /ma lus rtog pa las 'das pa/ /srid zhi mnyam sbyor rtag mi 'gyur/ /dpe med pa yi ros dgyes pa'i/ /rnal 'byor tshogs la phyag 'tshal lo/ /rdo rje yan lag ma sbyar bas//gting rtog phung po yongs bcom 'gyur/ /bdag gi dge ba 'di yis ni/ /thabs 'di myur ba nyid ston shog /dngos po kun gyis phyag byas nas/ /dpal ldan tshogs kyi 'khor lo yi/ /rim pa 'di ni bsdus nas kyang / /ci bde bar ni gnas par bya/ /'di ni bla ma'i rim thob pa'i//bdag nyid dran par bya ba'i phyir/ /cho ga cung zad brjod pa la/ /mkhas pa rnams ni bzod par mdzod/ /dngos grub kun gyi gter gyur yon tan sngon 'gro tshogs 'khor gyi/ /cho ga gsal por bris pa'i bsod nams dri med gang thob des/ /myur du dpal ldan rdo rje 'chang yul skal bzang la chags shing //srid pa las grol zhi ba'i phyag rgya chen po thob par shog /ma hA paN+Di ta a b+h+ya ka ra gup+tas mdzad pa'i tshogs kyi 'khor lo'i cho ga rdzogs so// //ma hA paN+Di ta shrI rat+na rak+Shi ta'i zhal snga nas so// //