CLOSE WINDOW

D2454
བོད་ཡིག

/ma rig mun sel sgron me 'di/ /skal ldan mig gi dbang po yis/ /lta bas mi ngoms blos mi 'khyud/ /sgro 'dogs bklags pa tsam gyis chod/ /e ma ngo re mtshar rdzogs so//[ ]@##/ /rgya gar skad du/ ma hA mu dra ka na ka mA le nA ma/ bod skad du/ phyag rgya chen po gser phreng zhes bya ba/ blang ma dam pa rnams la phyag 'tshal lo/ /ljon shing me tog 'dab rgyas 'bras bu mngar mang zhing / /chos ldan rgyal pos stong gsum zhi dul rgyan gyis mdzes/ /nam mkha' nyi zla'i gar dang rgyu skar gang dang bcas/ /klu rgyal spyi bo nor bu rin chen rgyan gyis brgyan//mdzes ldan yid 'phrog skyes bu mu tig phra yis spras/ /mtshan ldan sangs rgyas lha mi 'khor gyi tshogs na gsal/ /nor bu rin chen yon tan mang ldan yang / /ded dpon dang bral rgya mtshor bgrod mi nus/ /thos mang sde snod yon tan kun ldan pas//byin rlabs dang bral skye med don mi rtogs/ /dbyar gyi dus na sngo rnams skye 'gyur kyang / /zhing la ma btab lo tog 'byung min ltar/ /'gro drug sems can sangs rgyas rang bzhin yang / /ma bsgoms rnam grol ye shes don mi mthong / /mig yor the tshom lam gyi 'drul chad de//'dod pa'i yul du phyin bar 'gyur min ltar/ /yid ches ma gyur the tshom blo can gyis/ /bde chen po byang chub go 'phang rnyed mi 'gyur/ /bsgom dang mi bsgom rtog pa blo yi yul/ /bsgom min snyam bral yengs su med pa'i sa/ /yid la mi byed phyag rgya chen po'i lam//kye ho bya bral skye med blo las 'das/ /gsal stong 'od rig chos nyid ye shes sgron/ /bde stong zag med bde chen rgyal po la/ /snang stong rtog med chos nyid spyan pa yis/ /e ma ngo mtshar chos nyid bden pa mthong //sgyu ma 'od gsal chos skur 'od drad zhing / /sgyu lus 'od gsal chos sku'i snang ba zung / /gnyis med lhan skyes chos nyid mjal phrad kyis/ /kye ma bla ma sangs rgyas e sangs rgyas/ /nA ga sa ra tsar ya pa/ /sa wa sa ra ka ma ya/ /shAn+ti b+hu su bi rU pa/ / lde ki u na mi na pa/ /pu d+h+ri tsa tra b+ha tra pa/ /Ar+ya me ka ka ru pa/ /ra bi di to kon+d+ha li/ /b+ha ga pi ra ni lo pa'i/ /kam+ka ko ki a na ha/ /tsan+d+ha sarba ko ha li/ /b+ha de ka na kam+b+ha li/ /Dom+bi he ru dA ri ka / kr-iShaN nA ga pra b+hA ka / ku ku tsa nu g+ha N+Ta pa// //gang gis ma rtogs rtogs pa'i spyod pa mi bya ste//byas na rgyal po'i khrims la dmangs kyis gnod pa bzhin/ /rtogs pa rnams kyis ma rtogs spyod pa mi bya ste/ /byas na glang chen brtan pa 'dam du tshud pa bzhin/ /kye ho grogs dag lhan cig skyes pa de/ /gzhan nas mi rnyed bla ma'i zhal la dris//don dam zhal gyi ngo bo de rtogs na/ /yid ni 'chi med rlung yang chad pa med/ /chos nyid 'od gsal bde chen gyi/ /zag med mya ngan 'das kyi sku/ /gang gis ma rtogs rtogs med lam/ /bstan par mi nus snying bo'i mchog /bdag lus rgyal ba'i dkyil 'khor la//thar lam srog gcod phyi nang gi /rdul med rdul tshon la sogs kyi/ /dkyil 'khor 'bad rtsol ci yang med/ /bde stong gnyis med nyams myong bla ma yi/ /byin rlabs sgron ma chos nyid rang byung la/ /ma rtogs mi rtogs bsgom du med pa la/ /'di dang 'di zhes smrar med lkugs par spyod//gang nas ma 'ongs gar yang ni/ /mi 'gro skye med gnyug ma'i lam/ /chos nyid byang chub chos sku yi/ /nyi ma ma rig mun dang bral/ /rus sbal lta bur 'khor ba yi/ /skyon gyis ma gos gdod nas dag /sgron ma mun bral bla ma yi//drin gyis ye shes nyi ma 'de/ /ma blta bltas pas mthong ba med/ /ma rtogs rtog dpyod yul min gyis/ /ma sems bsam du ci yang med/ /ma re re dogs yul las 'das/ /bltas pas mthong ba'i yul mi phyin/ /bsgom ba bla ma'i byin rlabs kyis/ / chos nyid don mthong ci yang ni/ /mi sems ngos gzung med par grol/ /bya ba btang ba'i skyes bu la/ /bya bral byar med gzung 'dzin med/ /re dogs dang bral nyams len la/ /mi rtog bsgom du ci yang med/ /e ma ngo mtshar chos nyid bden pa mthong / /e ma byin rlabs nyams myong sgron ma 'bar//e ma bla ma'i dad gus yengs pa med/ /e ma 'bras bu rang gsal byin rlabs gsal/ /rang rig gdod ma ma skyes pa/ /stong pa ma bcos lhun gyis grub/ /sems nyid rang rig rang gsal gyi/ /nor bu gsal dngas go ma 'gags/ / bsgom dang mi bsgom rtog bcas kyis/ /rang bzhin 'od gsal rnyed mi 'gyur/ /bsgom med yengs su med pa la/ /ma bcos yengs med lhug pa nyid/ /rang rig lhan cig skyes pa yi/ /chos nyid bde chen smrar med la/ /bdag gzhan bde sdug blo las 'das/ /chos nyid bden mthong chos sku'i klong //rang rig rang gis rtogs pa la/ /chu khams gser dang nam mkha' bzhin/ /sangs rgyas sems can 'khor 'das dag /spang blang tha dad ci yang med/ /dug gsum rang grol chos kyi sgron ma yi/ /rtsa rlung bde stong gnyis med la//tha mal rnam rtog dngos por 'dzin pa yi/ /chags sdang mdud pa rang sar gzung 'dzin grol/ /ye shes lus can chos nyid gsal dngas la/ /mtha' bral brten med dmigs su med pa'i phyir/ /'khrul dang ma 'khrul 'khrul gzhi 'khrul pa yi/ /rtsa ba skye med bya bral ngang du chad//'ja' tshon lta bu sgyu ma'i sku/ /dam tshig phyag rgya zhen med kyi/ /dbang po rang snang thugs phrad kyis/ /chos nyid bden pa mthong ba yin/ /zag med bde chen chos nyid nyi ma yi/ /las kyi phyag rgya chos nyid ye shes sgron/ /skye med byang chub kun rtog bral ba yi//'khor ba'i sdug bsngal bde chen klong du sad/ /bdag lus rgyal ba'i dkyil 'khor gyi/ /dba' bo mkha' 'gro chos kyis ni/ /phyag rgya rtsa rlung byang chub sems/ /gnyug ma dmigs su ci yang med/ /sems nyid bde stong chos nyid kyi//don rtogs phyag rgya chen po'i lam/ /dmigs bya dmigs byed dmigs med la/ /ci yang bsam du med pa nyid/ /bdag med seng ge'i sgra sgrogs kyis/ /stong nyid ting 'dzin sgron ma yis/ /bde sdug rtag chad la sogs kyi/ /sgrib pa ma lus sel bar byed//dge dang mi dge'i las rnams ni/ /'dzin med gnyug ma'i ngang du yal/ /chos nyid bde ba chen po'i sku/ /rang rig gnyis med dang du 'phrod/ /pi wang sgra bzhin dam tshig gi / sgron ma bral na bde med phyir/ /dam tshig nyi ma ye shes kyi/ /nyi ma chos nyid nyi ma mthong //dbang bzhi bgrod pas lam bzhi mthong / /sku bzhi phyag rgya bzhi ru grol/ /thabs ldan zung 'jug rdo rje'i sku/ /bdag lus rgyal ba'i dang du rdzogs/ /bag chags ye shes rang grol la/ /rtag chad spang blang sgro skur ci yang med/ /gdong nas dag pa chos nyid gnyug ma la//sgrib byed byid rgod re dogs ci yang med/ /bsam gyis mi khyab rang rig 'od gsal la/ /dran pas gzung dang gzung 'dzin ci yang med/ /nyon mongs rang dngas rnam rtog chos sku la/ /dus gsum sangs rgyas btsal du ci yang med/ /gser 'gyur rtsi ltar khams gsum nyid//bde chen chos nyid rol gang ba/ /don dam 'khor ba kun rdzob dag /mtha' bral chos nyid dbu ma'i lam/ /gtsang dang mi gtsang rtog pa yi/ /rme sha gzung 'dzin 'khor pa'i chos/ /'khrul pas bde chen mthong ba med/ /ma mthong rnal 'byor de mi rnyed//tha mal shes pa snying gi dbus su sad/ /tshogs drug dag na bde ba rgyun mi 'chad/ /brtags pa thams cad don med sdug bsngal rgyu/ /bsgom du med pas gnyug ma'i ngang la zhog /phyag rgya chen po rang la lhun gyis grub pa ste/ /mi bsam mi rig 'bad pa med pa'i ngang la zhog /chad pa med de sngon du nyams myong rang gis myong / /rtag par mi 'gyur mngon zhen med pa zung du 'jug /shing rta'i 'khor lo gnyis dang mi ldan gar yang 'gro bar mi nus ltar/ /sbyin sogs 'bad pa byas kyang bla ma mi ldan dngos grub dam pa min//bya rgod rtsal rdzogs 'dab mar bcas pa dag gis nam mkha' gcod cing rgyu/ /skal bzang rnams ni dbang dang byin rlabs gdams pa khong du chud pas bde/ /rgya mtsho zab cing rgya che dag gi nang na nor bus gang ba la/ /klu yi rgyal po rnams kyis mnga' mdzad gang yin de ni ngo mtshar che//snang grag thams cad ye nas chos sku 'gyur med yin pa la/ /rtogs dang nyams myong ldan pa'i rnal 'byor rnams kyis longs spyod ngo mtshar che/ /gser 'gyur rtsi yi nus pa yis/ /lcags rnams gser du bsgyur ba ltar/ /rin chen dbang gi nus pa yis//nyon mongs ye shes gnyis med bsgyur/ /rtog pa yid bzhin nor bu la/ /nyams su myong ba'i mdog phyung bas/ /spyod pa'i nus pas dgos 'dod 'byung / /ro snyoms ldan pa rnams kyis 'grub/ /rang la bde chen yod kyang ma rtogs 'khrul pas bsgribs/ /de bsal 'dod pas bsod nams ye shes tshogs pa bsags bya//tshogs gnyis ma bsags bskal pa brgya ru 'bad byas kyang / /bla ma mi ldan bde ba chen po rtogs mi 'gyur/ /dus gsum sangs rgyas ngo bo gcig /de yi rang bzhin rang gi sems/ /rtogs par 'dod na ji bzhin zhog /goms par byas na mngon sum 'gyur//bla ma dag las dang por rang gi sems rtogs bya/ /de nas chos rnams kun dang tha dad med byas la/ /gnyis med rtogs shing dur khrod gnas su 'dug nas ni/ /nyams rtogs smyon pa'i brtul zhugs dang gis spyang / /rta dang glang po rgya mtsho 'dra na mnyam nyid bde//spre'u'i chu yi ri mo bris pa 'dra na spros par 'gyur/ /chu bo nyi ma sman dang 'dra na dbyer mi phyed/ /gtsug phud dmigs dang 'khor los sgyur rgyal lta bu 'thob/ /sa la gnas pa kun kyang skal ba bzang / /rgya mtsho'i gting du phyin na dbul dang bral/ /ral gri lag na thogs na longs spyod che//phyogs med sa la phyin na gnyen dang phrad/ /sems ma gdungs na lta ba che/ /zhen pa med na ro snyoms yin/ /'bad pa bral na bsgom pa'i mchog /gnyis snang bral na rdzogs sangs rgyas/ /la la ras d+hU tI gsum/ /rang byin rlob cing bcing bar bya/ /bla ma sems dang snang ba gsum/ / rtogs pa bskyed phyir bsten par bya/ /phyag rgya chen po gser phreng las tshogs 'khor dang po byin rlabs shugs 'byung gi le'u ste dang po'o// //lA yi dzA lan biR+Wa pa/ /ka ma in+d+ra kha ra b+ha/ /bi kun tha g+ho ra kha/ /to ka b+he Ni bi na si/ /g+hu na an dzo kan tha ri/ / d+ha bu ta pa bo te le/ /o tra sa ka ni tra yi/ /kam+ka sa na ga na si/ /tsa ba su ku si ya li/ /su ta d+harmA ku ru na/ /rA hu ku su ku ma dri/ /la kha d+ha kha par pu/ /d+ho ka bi Da Ne ra pa/ /tsa ma d+ha kha snying po pa// //khyi rgod mi srun snal sbrang rtsi bskus na phyogs rnams kun du za bar byed//blo dman skal ba med pa'i gang zag dag la gdams pa byin na rang rgyud sreg /glang chen brtan la dpa' ba'i snal ral gri bskur na dgra dbung thams cad 'joms/ /skal bzang blo ldan skye med rtogs pa'i snang ba thugs phrad dag gis rnam rtog 'joms/ /skye med rtogs kyang nyams su myong bral na//de yang srin po'i lag na bu khyer 'dra/ /nyams su myong yang gnas lugs ma rtogs na/ /glang chen sna la lcags kyu rgyab pa 'dra/ /sangs rgyas mchod sogs rnams la don mi 'byung / /'dod dang rtsol ba yod na sangs mi rgya/ /byin rlabs bla ma'i ngang gis nyams myong 'phel//blo yi cha la yin gyi don ma yin/ /gang yang ma lta dbus su ltos/ /mchog dang dga' bral bde ba che/ /sngags rigs gsang ba smyon spyod nas/ /rnal 'byor rtags kyis bsgyur bar bya/ /dus kyi sna rtse bdag byin brlab ldan na//phyi dang nang gi spyod pa dag gis sangs mi rgya/ /bde ba rab rgyas snang ba dag dang khyad med na/ /zhen pa btang bas nyams myong mchog thob 'gyur/ /rje btsun dam pa brten na de nyid mthong / /nags tshal mthongs su bsgoms na dben pa 'thob/ /chos rnams sems su rtogs na mi mthun med//nam mkha'i 'o ma 'thungs na tshim par 'gyur/ /bde dang stong pa mtha' bral nyid rtogs na/ /dpag bsam shing rten pa yis mnyan byas te/ /ma tshol skyes bu rkyal bas 'gro shes na/ /bram ze pa dang ma las bu skye 'gyur/ /'dod chags zhe sdang gti mug gis//gzung 'dzin chags sngar rang sar chad/ /rmi lam sgyu 'dra zhen med kyis/ /nyams myong gsal snang go ma 'gags/ /gsal lo gsal lo bde chen gyi/ /bla ma byang chub lam mkhan gsal/ /gnyis med chos nyid gsal dngas kyi/ / nyams myong gnyug ma'i ngang du gsal/ /bde'o bla ma bde chen bde/ /bde bar mi 'dzin cir yang mi rtog bde/ /gzung 'dzin rang 'grol 'dzin pa rang dngas pa de/ /bya bral skyes bu byar med blo 'das bde/ /stong ngo stong ngo tha mal lus/ /sgyu lus zhen med dbyings su stong //zung 'jug skye med ngang du stong / /rang rig lhan skyes sku ru stong / /rig go rig go rang gi sems/ /cir yang mi 'dzin rtog med rig /gar yang mi dpyod smra med rig /rtog dpyod yul las 'das par rig /mi rtog rtog med rtog dpyod yul las 'das/ /mi sems bsam med bsam du ci yang med//rten dang rten med 'gro 'ong gnas dang bral/ /'khor 'das bde sdug bde chen klong du sad/ /ma bcos yengs med rang bzhin lhug pa la/ /sems byung rgyun chad 'od gsal 'gro 'ong bral/ /snang ba smrar med slob dpon yang su med/ /chos nyid rang gsal rig pa chos skur 'phrod//sems nyid ma mthong ci yang med/ /da lta bltar med bstan du med/ /ma yengs yengs med yengs su med/ /bsgom med bsgom du med pa yin/ /bral lo bral lo 'khor 'das bral/ /bde chen chos nyid klong du bral/ /rig pa smrar med ngang du grol//bsgom pa zhen med dbyings su bral/ /bya ba byar med skam sar gnas/ /e ma chos nyid chos nyid mthong / /kye ma sangs rgyas kye sangs rgyas/ /kye ho byang chub go 'phang thob/ /e ma ngo mtshar 'chi rgyu med/ /snang srid mi bden gdod nas brdzun/ /dgra zun ye med 'khrul snang yin//byas pa thams cad don med sdug bsngal dang / /chags sdang bral na sangs rgyas yin/ /byas pa thams cad don med sdug bsngal rgyu/ /byar med bde'o rnal 'byor rtsol med bde/ /ci la bsams kyang dgos 'dod mi 'byung bas/ bsam du med pa gnyug ma'i ngang la bde//sems nyid bde chen thig le'i sku/ /bde stong dbyer med sems kyi rgyun/ /nam mkha' lta bur brjod med kyis/ /chos nyid bltar med bstan du med/ /e ma ngo mtshar bla ma'i sku/ /stong nyid spros bral rtog med dang / /snang stong dbyer med stong pa'i dbyings//chos sku skye med rgyun du ldan/ /snang sems sangs rgyas sems can dag /nyi ma dang ni 'od bzhin du/ /spang thob las grol zhe 'dod med/ /gang la med pa de sangs rgyas/ /shes bya snang la rang bzhin bral/ /shes pa gsal la rtog med de/ / sems nyid bde chen zag med la/ /yengs med bsgom du ci yang med/ /sems nyid bla ma sangs rgyas sku/ /snang sems 'dus byas dge ba'i gzhi/ /chos sku ngan song ting 'dzin lam/ /nga rgyal gnyis med byang sems ldan/ /chos nyid ma bcos 'khor ba yi/ /thog mtha' re dogs snyam dang bral//bsgom bya sgom byed blang dor spangs/ /'bras bu rang gsal rang gi mchog /rang rig lhan cig skyes kyi sku/ /ngo bo rig pa rang gsal gyi/ /'gro drug sangs rgyas snying po la/ /dam tshig rtog med rgyan dang ldan/ /snang sems chos nyid chos kyi ni//sku can mnyam bral rtog med kyi/ /dag pa'i sgyu lus byang chub lam/ /zung 'jug skye med bde 'gro'i rgyan/ /snang sems rang rig bde chen spros dang bral/ /sgyu ma rtsa rlung rlung sems brjod du med/ /rmi lam 'od gsal bde chen zung 'jug la/ /sku bzhi ye shes gsal snang go ma 'gags//bltar med blta ru med pa yi/ /rang sems rnam dag bla mar snang / /snang ba stong pa bde chen sku/ /bde stong dbyer med byin rlabs rgyan/ /sems nyid bltar med blo 'das kyi/ /rtsa ni gsal stong mkha' 'gro'i gsang / /snang ba stong nyid bde chen sku//snang stong dbyer med mkha' 'gro'i rgyan/ /bya bral rtog med rlung sems kyi/ /snang ba stong pa spros dang bral/ /stong nyid bde chen brjod du med/ /bde stong mtha' bral rlung gi rgyan/ /rang sems bde chen byang chub sems/ /zag med bde chen chos kyi sku/ / snang ba 'od gsal stong pa'i klong / /bde stong ye shes byang chub rgyan/ /snang ba rmi lam bden pas stong / /gzung 'dzin chags sdang 'khrul snang yul/ /brtags pas chu shing snying po med/ /zhen med gang snang lam gyi rgyan/ /gang nas ma 'ongs gar yang ni/ /mi 'gro mi rtog sems nyid la//bltar med bstan du med pa yi/ /chos nyid ngo bo mthong gi rgyan/ /'khor ba sdug bsngal bde med kyang / /bla ma'i byin rlabs ngo sprod lam/ /bying rgod bsgom pa nyams kyi dgra/ /rang rig 'od gsal mthong gi rgyan/ /nyams myong bya bral blo 'das kyi/ / bsgom pa dmigs brtags bzung 'dzin bral/ /cir yang rtog med lhun grub la/ /re dogs dgag sgrub rang grol rgyan/ /ye shes lus can stong pa nyid/ /snying rje rgyan ldan byang chub lam/ /stong nyid snying rje dbyer med phyir/ /bde chen phyag rgya chen po'i sku/ /bde'o shugs 'byung zhen med kyi//blo 'das nyams myong gnyug ma'i lam/ /bsgom med yengs su med pa yi/ /chos nyid ye shes rgyan ldan bde/ /gang yang mi rtog cir mi sems/ /cir yang mi 'dzin rtog dpyod bral/ /byar med rig pa dang gsal ba/ /bcas bcos mi bya rang grol rgyan//bde'o ci bder rtog med nyams/ /stong ngo chos nyid blo 'das dang / /spyod do ro snyoms shugs 'byung lam/ /grol lo re dogs rang grol rgyan/ /cir yang med do snang srid yul/ /gar yang stong ngo ngos 'dzin sems/ /rtog dpyod med do 'khor 'das lam//mi bsgom mi dpyad gnyug ma'i rgyan/ /chu rgyun gnas pa'i nyams bstan na/ /spyod pa bags kyis 'gro bar bya/ /bla ma dam pa'i gdams ngag gis/ /chags sdang rtog pa zhi bar byed/ /phyag rgya chen po gser phreng las tshogs 'khor gnyis pa sgom don nyams kyi le'u ste gnyis pa'o// //ti lo nA ro b+ha su tra/ /gos can d+hU tI ra ma ya/ /spyod pa ra tri mai tri pa/ /b+ho ta legs sbyin pad+mo zhabs/ /badzra d+harma dzo ki ni/ /kah+Na me kha ma hA la/ /ri ri rang ga ka so ri/ /'bar ba tsin+d+ha bi rU ba/ dz+nyA na badzra me d+ha pa/ /DoM bi b+ha ta ri bo pa/ /ka ma kri ta pra dz+nyA ru/ /badzra ka na nam se/ /ho ra si ti ka ra na/ /b+hU ti ta ma ta bra man// //ri rab gser gyi ngos la bya gnas pa/ /bya yi rang bzhin bor nas gser du snang / /mkhas pa dag gis skye ba med rtogs na/ / dngos po'i rang bzhin bor nas bde ba che/ /bdag nyid gdod ma nyid nas sangs rgyas yin pa la/ /rnam rtog dbang gis sangs rgyas nyid ni ngas ma mthong / /rtogs pa'i dus na mthong ba med de thos pa med/ /gnyis med gang gis rtogs pa de ni phyag rgya che/ /byis pa chung ngu ma yis gsos pas stobs dang ldan pa bzhin//blo chung dag kyang bla ma'i gdams bar rim gyis theg pa che/ /rlung mkhris bad kan 'dus pa'i nad kun sman gyi nus pas sel ba ltar/ /nga dang bdag tu 'dzin pa'i nad rab thams cad bla ma'i gdams pas bsreg /long pa'i tshogs kun mig ldan gyis//skyes bus 'khrid par byed pa ltar/ /ye shes lam ston bla ma yi/ /spyan pas byang chub 'khrid par byed/ /'khor los sgyur rgyal dpung gi tshogs/ /gling rnams kun la dbang byed bzhin/ /lhan cig skyes pa'i ro rnyed nas/ /'khor ba dbang sgyur bde ba che//rigs ldan rigs mchog rigs kyi dbang / /bla ma mkha' 'gro chos nyid grogs/ /lta spyod bsgom don lhan cig skyes/ /dpe don ye shes bden pa mthong / /las can rnal 'byor dbang gi lam/ /sku gsum chos nyid 'od gsal me/ /sems nyid gsal dngas sgyu ma'i sku//rnam grol phyag rgya zung du 'jug /'gro drug skyes pa sdom gsum rgyan/ /lta bsgom spyod pa zhen med skas/ /rang lus bde chen ngo bor rig /dgag sgrub spang blang nyams dang bral/ /re dgos rang gsal bla ma'i drin/ /bdag ma rtogs pa'i gong nas 'bras chan dag dang ro 'di khyad par che//rtogs nas mngar ba'i 'bras chan dag dang rul ba'i ro 'di khyad par med/ /de bzhin ma rtogs dus na 'khor ba dag dang sangs rgyas tha dad brtags/ /rtogs pa'i dus na 'khor ba dag ni ye nas sangs rgyas chen po'i sku/ /bya ba btang na man ngag yin//zhe 'dod med na rtogs pa yin/ /bde ba dngos med bsgom pa yin/ /bsgrub bya med na spyod pa yin/ /thabs dang shes rab a dzan lta/ /bla ma chu yi rgyun gyis rab tu khyab/ /lhan cig skyes pa'i dpag bsam shing dag la/ /'bras bu lhun grub dang la rab tu rdzogs//sangs rgyas kun gyi sdom pa'i mchog /rang yid rtogs la mi gnas pas/ /gnyug ma'i sems kyis gar rtogs pa/ /sangs rgyas thams cad nges mthong yin/ /rnal 'byor pa yis gang thos thams cad dam pa ste/ /mthong ba de yis skye med rtogs phyir slob dpon mchog /byas pa kun gyis gnyis med gsal phyir thabs yin te/ /dge sdig 'bras bu skyes bu de la gnyis mi 'gyur/ /gang las bla ma dam pa las/ /dbang las lhan cig skyes pa yi/ /ro yis kun la khyab pa ste/ /skye med rgyas thebs rdo rje 'dzin//bde dang stong pa dbyer med snying ga pad+ma dag la rdzogs/ /skye med yid la byed pa bsam gyis mi khyab bde chen sems/ /snang grag thams cad ro snyoms rnam gsum rnal 'byor rnams kyis spyod/ /rje btsun dag gi byin rlabs shar bas dbyer med rdzogs sangs rgyas//chos rnams kun dang rang gi sems rnams du mar spyod/ /rtogs pa thams cad nyams myong gdams pa don bral na/ /nor bu mching bu dag la rang bzhin du bden/ /chos rnams de dang ldan na re dogs med pas rang bde zhig /dang po blo ldan rtogs pa skyed/ /gnyis pa nags su sna rtse bsgom//nyams su myong ba skyes pa na/ /spyod pas khyad par 'gro bar bya/ /gang gang lhan cig skyes pa de/ /glang po che yi mig bzhin du/ /gzer re bskyed nas zug rngu 'byung / /glod na zhen med bsam gtan mchog /bde'o bde'o gnas med bde/ /'dod pa med pa'i rang bzhin bde//brtags pa thams cad der shes bde/ /bsgrub pa med pa'i sangs rgyas bde/ /go cha chen po bgos nas kyang / /nor bu lta bu'i snying stobs kyis/ /rang gi sems la grub gtad na/ /mi ro'i khog par bde chen thugs/ / gang gis gang du gang las ni/ /rtog cing dpyod pa'i blo las ni/ /dngos 'dzin gdon gyi dbang song phyir/ /cir yang mi 'dzin blo gros mchog /snang ba chos nyid nyi ma la/ /gzung 'dzin khri mon smag tu tshud/ /sems nyid rang gsal chos sku nyid/ /ma rig mun pa'i 'dra bas gtums//gnyis med bde chen bla ma'i drin/ /shugs 'byung zhen bral nyams kyi klong / /rang grol rang bzhin spyod pa'i 'gros/ /re dogs las grol chos kyi sku/ /skye med kun rtog spangs pa yis/ /byang chub lam chen rtog dang bral/ /mi rtog 'dzin med blo las 'das//gang du btsal yang rtog med dang / /rang bzhin dri med thabs dang shes rab kyis/ /rang bzhin sems gang las ni sangs rgyas kyi/ /yon tan rin chen rin thang med kyi mdzod/ /dam chos nyi ma bla ma'i drin gyis ltos/ /'khrul bcas bden las 'das pa yi/ /nyon mongs 'ching ba gcod mdzad kyi//chos nyid bden pa mnga' brnyes pa'i/ /bshes gnyen skye med 'od gsal mthong / /shes rab mig bral dngos po yi/ /gdon 'joms bdag gzhan bde chen sku/ /cir yang rtog med bya bral gyi/ /nyams myong ye shes sgron ma gsal/ /gang gis dngos dang dngos med du//'dzin te mar me lta bu ru/ /blo yi yul min spang dka'i phyir/ /blo 'das bcas bcos rgya mdud shig /thabs bral shes rab sgron ma nyid/ /nam mkha'i me tog shes rab lam/ /ri bong rwa ltar don med kyi/ /spang bya mthar 'dzin blo dang bral/ /gang gis gnyis med don rtogs na//chos nyid ma mthong chos sku yi/ /chos nyid nyi ma yengs su med/ /de nyid phyag rgya chen po yin/ /shes dang shes bya las grol gyi/ /'khor 'das stong nyid 'od gsal ba/ /bltar med bstan du med pa yi/ /blo 'das shes rab sgron ma nyid//snying rje rgyun ldan gru gzings kyis/ /'gro rnams la bong ba bzod med kyi/ /sdug bsngal rgya mtsho chen po las/ /ma lus sgrol mdzad thabs kyi skas// snang sems gnyis med thabs dang ni/ /shes rab dbyer med byang chub lam/ /chu dang 'o ma lta bu ru/ /ro mnyam nyams myong dbyer mi phyed//yod med gzung 'dzin mtshan nyid dang / /mtshon bya rang bzhin dri med kyi/ /gnyis med ye shes chos nyid sgron/ /dus gsum sangs rgyas kun gyi gsang / 'gro rnams bde sdug skyon yon gzhi/ /nam mkha' la ni sprin bzhin du/ /ma lus sems can thams cad la/ / yid bzhin nor bu lta bur gnas/ /dgag sgrub re dogs las grol gyi/ /nyams myong ba ltar med bstan du med/ /yang dag don gyi de nyid la/ /yang dag don mthong rnam par grol/ /ris drug sdug bsngal sems kyis ni/ /snang ba nyams myong bde chen la/ /snang ba mthun snang med pa ru//bla ma'i drin mthong rnal 'byor grol/ /don chen nyi ma byang chub kyi/ /chos nyid ye shes spyan pa yi/ /nyams myong sgron la thams cad kyi/ /bde chen smrar med don mthong bde/ /kun rtog ching pa gcod mdzad kyi/ /bla ma'i drin thob zhen med nyams/ /gang gis byar mi byed par//gnas pas 'khor bar bde mi rnyed/ /sgra don 'brel med thos nas ni/ /shes rab yul las 'das pa'i phyir/ /bla ma'i drin gyis sems dang ni/ /nor bu rin chen yon tan ldan/ /dad gus yengs med dam tshig gi /sgron ma bdag lus rgyal ba'i mdzod//bde chen yon tan 'byung gi gnas/ /bltar med don mthong ngo mtshar che/ /gang nas ma 'ongs gar yang ni/ /'gro 'ong las grol gnyug ma yi/ /nyams myong smrar med yengs su med/ /bsgom pa 'bral med blo las 'das/ /chos nyid 'od gsal dag pa'i sems//byang chub gsal snang chos kyi dbyings/ /bde chen ye shes sku can gyi/ /sems kyi nor bu dri med rnyed/ /ma bltas bde chen mthong du med/ /ma rtogs nyams myong blo las 'das/ /ma sems rtog pa chos nyid klong / /cir yang bya bral yengs su med/ / di ring mchog la gnas pa'i nyams myong rin po che/ /brtags pa ma yengs gnyug ma yengs su med pa'i ngang / /yengs med gzugs kyi bdag 'dzin dngos po 'joms mdzad pa'i/ /gnas lugs dge sdig spang blang ci yang bsam du med/ /dmigs med yid la mi byed dran pa yi//kun rtog 'ching ba gcod mdzad ye shes sgron/ /rgyu ba chos nyid chos sku'i klong du chad/ /ma bsgoms dmus long mthong ba'i yul min phyir/ /bsgom pa bdud rtsi'i ro tshor bla ma'i drin/ /byin rlabs brgyud pa bla ma'i nyams myong la/ /bde ba'i ro tshor ngos gzung ci yang med//'khor ba dang ni mya ngan 'das/ /rtog med rtog dpyod yul las 'das/ /bsgom dang bsgom pa cir yang med/ /mi 'dzin 'dzin rtog 'khrul pa spangs/ /chos kyi spyan can chos kyi ni/ /sku can chos kyi sgron ma yin/ /tshogs gnyis chos kyi rnga bo che//byang chub lam chen chos kyi dung / /bdag med 'od gsal sgra sgrogs dus/ /nor bu rin chen 'dod 'jo'i ba/ /'chi med bdud rtsi bcud kyis len/ /ljon shing me tog 'bras ldan gyis/ /rgya mtsho ri rab bum pa bzang / /nam mkha' nyi zla glu gar rtse/ / mngon sum dang ni rjes dpag gis/ /brtags pa don shes don mthong gi /yid ches nges dang bcas pa yis/ /sngar 'dris ma bu dam tshig mjal/ /chos dang chos min mnyam nyid las/ /tha dad 'gro rnams brdzun blo yis/ /thar pa'i srog gcod tshe 'di yi/ /rnam rtog thar med chu srin kha//snying rje dang ni stong pa nyid/ /ya bral tha dad don mi mthong / /stong dang snying rje dbyer med lam/ /'khor ba mya ngan 'das mi gnas/ /zhen pa'i blo can rtog pa yis/ /yul gyi rgya mdud su mi 'dod/ /'dod yon lhan cig skyes pa yi/ /bde ba'i ros gang skye med lam//rang bzhin dge ba'i sems nyid 'di/ /gnyug ma'i bde chen mngon sum gyi/ /lhan skyes ro tshor brjod med na/ /rtags kyis de nyid don mi rnyed/ /bde chen 'khor 'das rtog pa yi/ /blo can rmongs rnams 'ching ba'i phyir/ /gang dang gang du bltas gyur kyang //de nyid blo yi yul las 'das/ /rang rig bde chen mtshon du med pa'i lam/ /lhan cig skyes pa'i yid can gnyug ma'i ro/ /bla ma'i drin rtogs skye med bsgom pa yi/ /nyams las don mthong skye med ngo mtshar che/ /'gro rnams 'ching byed las la ni//rnam grol don shes rang rig gi//sems rtogs mya ngan 'das kyi mchog /de nyid spros pa'i yul dang bral/ /sems nyid nor bu rin chen mdzod/ /'khor 'das srid zhi mya ngan 'das/ /dge sdig sa bon bag chags rtsa/ /thar lam byang chub rnyed kyi sku/ /rang sems chos nyid nam mkha' yi//grong du grol na 'gro rnams kun/ /rnam dag ye shes nyi ma ste/ /rnam grol byang chub gzhan 'ga' med/ /'gro rnams bde chen ros gang yang / /thabs bral de nyid don mi mthong / /thabs ldan bya bral skyes bu la/ /'chi med 'gro 'od yul las 'das/ /gang gang 'dzin de dngos po yi//gdon gyi dbang gyur rmongs rnams la/ /'ching las thar lam med pa'i phyir/ /thar pa'i lam ston 'dzin med ltos/ /rlung gi rta zhon rtog bcas yid kyi bu/ /gzung 'dzin sbrang ma 'dod yon rjes su snyeg /gang snyegs bde med 'khor ba'i 'khrul bcad de/ /ye shes byang chub rtsa rlung chos nyid zung //gang gang rig 'dzin rtog pa yi/ /dbang song 'dod yon ltad mo nyid/ /bdag gzhan ltos med mthong ba las/ /rang rgyud ma mthong 'dod mi tshim/ /dngos med dngos dang bral ba yi/ /chos rnams dngos dang dngos min phyir/ /gang dang gang du 'dzin de nyid//blo yi yul yin 'dzin rtog phyir/ /stong dang stong nyid 'bras bu rung / /dngos por 'dzin pa'i gdon chen gyis/ /gzhan dbang bran ltar ma bkol na/ /gang la gnas pa de mi mthong / /mos pa'i blo ldan gus pa'i blo gros mchog /las kyi mtshams sbyar bag chags rtsa ba can//yid kyi lus can chos nyid don mthong gi /gzhan don nor bu dpag bsam shing ltar mthong / /ting 'dzin bying rgod las grol rtog pa yi/ /rlung gis mi bskyod rtog med chos kyi ni/ /sku can bla ma chos nyid chos sku yi/ /ri bo nyi ma ma rig mun bral mdzod/ / 'gro la brtse ba'i blo can thugs rje yis/ /rgya mtsho mi g.yo dpal ldan rdo rje 'dzin/ /thugs rje'i mnga' bdag thugs kyi dkor mdzod nas/ /ye shes sgron ma byang chub lam mkhan mdzod/ /me tog 'bras ldan 'gyur med dpag bsam shing / /'chi med bdud rtsi'i ros gang ku sa li//bdag med bde chen spros bral rtsed mo yi/ /'gyur med don ston dngos po'i gdon 'joms mdzod/ /skye med 'od gsal stong nyid 'od 'phro yi/ /nor bu rin chen yon tan kun ldan gyi/ /dpal ldan dpal gyi 'byung gnas A tsar+ya/ /gnyis med spros bral stong nyid sgra sgrogs mdzod//bde chen bde ba'i 'byung gnas sangs rgyas kun gyi gsang / /mi 'jigs seng ge 'jigs bral ma hA paN+Di ta/ /bung ba me tog bcud ldan sbrang rtsi len bzhin du/ /rang bzhin rtog med blo 'das sgron ma'i don ston mdzod/ /bsod nams mchog gis brgyan pa yi//nam mkha'i yon tan mi zad gter/ /sangs rgyas ye shes d+harmA bzhi/ /d+hA tu byang chub chos thob mdzod/ /skye med blo ldan nam mkha' lta bu yi/ /chos rnams stong nyid 'od gsal 'dus ma byas/ /mtha' bral bdag med spros bral chos sku yi/ /tshogs ldan nyi mas ye shes don rtogs shog /rang bzhin lhan skyes 'gro rnams lhan cig skyes kyi sku/ /chos rnams rnam dag mya ngan 'das kyi dbyings/ /rnam rtog dang bral tshogs gnyis lhun grub sangs rgyas spyan/ /tshogs rje tshogs kyi bdag po chos nyid don mthong shog /sangs rgyas kun sdom bcom ldan mkha' 'gro ma yi sdom//bde ba'i 'byung gnas bde chen nyi ma bde ba kun gyi dpal/ /bla ma'i gsang mdzod gdams ngag snying po don gyi gsang ldan mdzod/ /bde chen bdag med bde ba chen po'i tshogs dang ldan gyur cig /srid dang zhi ba rnam dag ni//ro mnyam dkyil 'khor ldan gyi gtso/ /tshogs kyi 'khor lo tshogs kyi mchog /tshogs rje tshogs bdag dpal ldan shog /gnyis med 'dzin dang bral ba yi/ /chos rnams dngos med stong pa nyid/ /chos nyid 'od gsal tshogs kyi ni/ /'khor lo byang chub don mthong shog /bsgom bya sgom byed dmigs pa yi/ /kun rtog 'ching ba gcod mdzad kyi/ /tshogs kyi 'khor lo tshogs kyi ni/ /byams mgon rgyun dang ldan par shog /zhi ba'i blo gros bdag med mya ngan 'das kyi dbyings/ /ji srid bde chen byang chub mchog gi sems/ /snying rje'i rgyun ldan gsang sngags snying po'i don gyi bcud//sgyu ma byang chub lam can sangs rgyas byang chub 'od/ /dngos dang dngos med brtan g.yo gnyis dang gnyis 'dzin gyi/ /lam stor khyab bdag bcom ldan mi yi seng ge ni//sangs rgyas grong khyer tshogs kyi 'khor lo'i grong mchog tu//byang chub sgron ma ye shes sgron ma'i 'od ldan zhing / /sems can rnam dag gdod nas sangs rgyas rang bzhin yang / /ris drug rmongs rnams ma rig mun pa'i sprin tshogs kyis/ /yang dag lam bral bde gshegs nyi ma nub rnams la/ /tshogs kyi 'khor lo ye shes 'od 'bar me bo che//chos rnams rang bzhin spros bral mya ngan las 'das pa'i/ /chos nyid bde chen byang chub lam gyi rtsa ba can/ /gnyis med 'od gsal ma nyams zag med myang 'das kyi/ /bde spyod 'gro mgon thugs kyis 'dzin par shog /ma rig mun bsal ye shes nyi ma'i byang chub 'od//dpal ldan chos kyi byang chub chos kyi sgron ma yi/ /ye shes byang chub bshes gnyen at+ma ta kr-i ni/ /chos kyi blo gros chos nyid gzungs kyis 'dzin par shog /dge ba'i blo can yon tan kun gyi gnyen gcig po/ /thugs rje'i rtsa brtan mi yi seng ge byams pa yi//ljon shing bshes gnyen nor bu rin po che/ /mi zad gter chen grib la skyod bar shog /dpal ldan 'jig rten gsum na yon tan kun gyi gtso/ /mi mchog rgyal po lha dang lha min kun gyi ni/ /gtsug gi nor bu yon tan kun ldan dam pa'i rje//zhing skyes nor bu rin chen rgyan dang ldan par shog /rnam rtog las grol bcom ldan 'das lhun grub chos kyi ni/ /sman pa nyon mongs zug rngu 'byin mdzad 'gro ba yi/ /mgon gyur rje btsun las can las las grub pa yi/ /las kyi nyon mongs zug rngu mi zad dbyung du gsol/ /bde gshegs nyi ma chos nyid chos kyi spyan can gyi//zla ba'i 'od zer dri med shel gong dngas gsal gyi/ /bla ma'i bdud rtsi'i chu rgyun 'chi med sgron ma yis/ /sngags skyes 'khor ba'i dri ma ma lus dag par mdzod/ /dpa' khyod thugs rjes 'gro ba'i sdug bsngal ma lus sel mdzad sgron ma'i pha//dpal ldan dri med thabs dang shes rab bdag gzhan phan pa'i rgyur gyur pa/ /rgyud ldan bla ma mtshungs med dpa' bo yon tan kun gyi gter gyur pa/ /srid mtsho las sgrol 'khor ba'i 'khor lo rgyun gcod dpa' chen rol mdzad pa/ /dpal ldan rgyal ba'i tshogs kyi mchod pa chos kyi spyan dang ldan pa'i bu//tshogs rdzogs kyi mchod pa srid mtsho ma lus skems byed bu/ /bde gshegs mchod pa dpag bsam shing chen yon tan kun gyi rgyan lta bu/ /mkha' 'gro'i gsang tshig sangs rgyas skye med tshogs kyi 'khor lo'i bu/ /ma ma ma gcig bcom ldan yum gyur tshogs kyi 'khor lo bde chen ma//gnyis med byang chub lam mkhan tshogs 'khor bdag med chos kyi spyan can ma/ /gang zhig gang gi drin gyis bdag blo'i pad+mo kha 'byed nyi ma'i 'od/ /mthong thos dran gyi sgron ma ma rig mun sel ye shes byang chub sgron//[(]rnam [,]rnal [)]'byor nyams myong mkhas pa rtogs tshad spel legs mu rig rin chen phreng / /'gro drug nor bu rin chen yon tan med kyi dus/ /bde gshegs chos kyi spyan mnga' sangs rgyas sras po yon tan rin chen gdung rgyud ldan/ /yid la mi byed phyag rgya chen po byang chub lam gyi bag chags rtsa ba 'chang //chos nyid chos kyi don ldan chos mchog lam chen yid 'ong gser gyi phreng bar ldan/ /gnyis med ye shes las byung khyab bdag 'gro mgron nor bu rin chen chos kyi mdzod/ /don yod lugs gzigs sde snod rnam grol don mthong rnam dag thugs de'i dgongs pa nyid//gang gis drin gyis ma mthong mthong phyir mthong ba'i lam ltar bde chen don mthong zhing / /the tshom blo bral yid ches sgron ma byang chub gsal dngas dri med rtog dang bral/ /gnyug ma'i nyams myong zhen med chos nyid 'od gsal nyi mas ma rig mun pa sangs/ /'dir phrad smon lam mtshams sbyor bag chags las kyi rtsa ba can//bsam pa'i sdong po rnam mdzes sgrub pa'i me tog 'bras ldan gyi/ /byang chub ljon shing las 'bras yid ches bsil grib la/ /sngar 'dris mi dang phrad bzhin smon lam ma bu cis mi mjal/ /phyag rgya chen po gser gyi phreng ba las tshogs 'khor gsum pa gnyis med yid ches rang gsal gyi le'u ste gsum pa'o// //phyag rgya chen po rdo rje'i glu rin po che gser gyi phreng ba zhes bya ba grub pa thob pa'i rnal 'byor pa dang paN+Di ta mang pos gsungs pa rnams rje btsun mnga' bdag mai tri pas gzhung gcig tu bsdebs pa'i gdams pa rdzogs so/