CLOSE WINDOW

D2451
བོད་ཡིག

ye shes kyi mkha' 'gro ma sum cu rtsa lnga'i rtogs pa brjod pa mkha' 'gro ma'i gsang mdzod na gnas pa las/ dbyings kyi gtso mo rnams kyis bka' bgros nas rje dam pa rgya gar la gnang ba zha ma lo tsA bas bsgyur ba'o//[ ]@##/ /rgya gar skad du/ DA ki nI ta la gI ti nA ma/bod skad du/ mkha' 'gro ma'i 'byam glu zhes bya ba/ bcom ldan 'das bdag med ma la phyag 'tshal lo/ /u rgyan gyi gnas mkha' 'gro ma'i gling dur khrod chen po rgyu skar dpal gyi rol par mkha' 'gro ma su kha ma hA sid+d+hi sa tshogs 'khor mdzad pa'i dus su/ rnal 'byor pa ka ma la shI las rang gi de kho na nyid kyi ye shes gnyug ma'i don de rtogs shing khong du chud pa la gdeng thob cing /nyams kyi rtsal phyogs med du shar ba'i stobs kyis gnyis med kyi ye shes chen po de mtshon pa tshig gi rta la bskyon te tshogs kyi gral du mgur bzhengs pa las/ ye shes dang las las grub pa'i mkha' 'gro ma rnams dgyes te mdun gyi nam mkha' la sprin gyi phung po bzhin du gtibs nas/rnal 'byor pa la snying gtam gsang tshig tu sbran te mgur bzhengs pa/ kye ho stobs ldan rigs kyi bu/ /yang dag don grub rdo rje'i rtsal/ /sbyangs pa'i las sad skal ba can//yon tan dbang phyug gter gyi bdag /dngos grub gnyis kyis brgyan pa'i lus/ /mi yi khyu mchog tshogs kyi rje/ /khyod rgyu yi chos nyid rkyen gyis gsos/ /sbyangs pa'i las 'phro dum bur 'thung / /yon tan yid bzhin nor bu brnyes/ /'od gsal chen po'i mdangs la gnas//sgyu ma tsam du 'gro don mdzad/ /dpe med nam mkha'i rnal 'byor pa/ /khyod la bskul ba mi 'tshal gyis/ /'on kyang nged kyi glu la nyon/ /spyir skye 'gro sems can las kyis 'khrul/ /sdug bsngal gyi gnas na longs spyod byed/ /'di ma bzod brtse bas sha la bab/da khyod kyi thugs rjes mi dgongs na/ /'gro drug gi pha ma ji ltar byed/ /khyed phan sems skyed cig rnal 'byor pa/ /lar rig pa'i khye'u chung yengs la dga'/ /'khrul pa'i snang ba ltad mo che/ /gzung 'dzin rkun ma mgo lo rgod/ /yid gnyis kyi shes pa tsam tsom mang //gnyen po'i mel tshe snying rus chung / /shes bzhin gyi dran pa sgo cha lhod/ /sems nyid kyi nor bu 'chor nyen yod/ /khyod yul la ma yengs rnal 'byor pa/ /gzhi 'gyur med nam mkha'i btsun mo la/ /nyon mongs dug lnga'i khong sran zhugs/ /gzung 'dzin gyi 'gong po spun dgu gnod//bzang ngan rkyen rtog gi 'khrul phyir 'brang / /chags sdang gi spyod lam ma legs pas/ /gzung 'dzin gyi nad ro gting nas bslang / /rang lus kyi bde ba stor nas 'dug /'khrul pa'i sems can snying re rje/ /khyod 'gro don gyis shig rnal 'byor pa//lar yid kyi ye shes co lu chung / /sgo lnga'i brdzun la nyan nyan nas/ /rigs drug g.yang la bskyur nyen gda'/ /khyod gnyis 'dzin shig cig rnal 'byor pa/ /'gyu byed kyi dran rtog blo rgod po/ /kun gzhi dbyings kyi pho brang du/ /ma bcos car nyal mi byed par//'dod yon sgyu ma'i slu brid la/ /dug lnga'i grogs dang 'grogs nas rtse/ /yul chags sdang gnyis la yengs pa yis/ /ngan 'gro'i g.yang du ldud nyen yod/ /dbang po sgo lnga'i sgo sdoms la/ /yid kyi khye'u chung btson du zung / /bde gsal stong pa'i mal du snyol//khyed yengs su 'gro'o rnal 'byor pa/ /skye rgan 'chi'i chu bo la/ /rkyal med kyi blun po rtse la dga'/ /dal 'byor gyi gru bo yod bzhin du/ /rje bla ma'i gnyen pa mi bsten par/ /las mi dge'i rba la gtam col byed/ /sdug bsngal gyi rba la gnyen pos byol/ / zhen chags kyi 'dam la ma lus par/ /thar ba'i skam sar ci snyogs kyis/ /khyod zhe 'dod thang cig rnal 'byor pa/ /'dod pa dug gi sdong po la/ /spang blang gnyis kyi yal ga gyes/ /zhen pa'i lo 'dab phyogs bcur rgyas/ /rtsol sgrub kyi me tog mkha' la 'phur/ / sdug bsngal gyi 'bras bu thur la brul/ /snying med kyi spre'u bsgugs kyi za/ /'khor ba'i nags su 'chi nyen yod/ /sna tshogs zhen med kyi skyes bu yis/ /gdeng 'gyur ba med pa'i mtshon thogs te/ /'dod pa'i sdong po rming nas bsgyel/ /dug lnga'i 'bras bu sngo skams khyer//dug 'chi byed kyi nus pa zad par gyis/ /khyod zhe 'dod spongs shig rnal 'byor pa/ /ri dgas sgra yis phung ba de/ /snyan grags ched du bsgrubs pas lan/ /bstod smad brag ca lta bu la/ /phyogs 'dzin ma byed rnal 'byor pa/ /glang chen lcags kyus zin pa de//rgun chang rol chags pas len/ /'dod yon lan tshwa'i chu rgod la/ /zhen pa ma che rnal 'byor pa/ /rma bya gud nas shi ba de/ /spu thog rgyan du mthong bas lan/ /'byung bzhi mi gtsang phung po la/ /rang mthong ma che rnal 'byor pa/ /sbrang ma 'dam du chud pa de/ / bzung can dri la chags pas lan/ /nye du gnas skabs 'brel pa la/ /brtse gdung ma byed rnal 'byor pa/ /phye le ba me yis tshig pa de/ /zhun mar mdangs la chags pas lan/ /sgyu ma lta bu'i yul snang la/ /der 'dzin ma byed rnal 'byor ba/ /'dab chags snyi la zin pa de//'dod yon zas phyir 'brangs pas lan/ /zhen pa lcags kyu'i kha zas la/ /ltogs 'dod ma byed rnal 'byor pa/ /kun gzhi dag pa'i me long la/ /tshogs drug rig pa'i phyi bdar byas/ /yul drug gsal ba'i gzugs brnyan shar/ /ma rtogs byis pas dngos por gzung //chags sdang gnyis kyi bde sdug myong / /kun gzhi ma bcos chos kyi dbyings/ /tshogs drug ma 'gags der 'dzin med/ /yul drug gsal la ngo bos stong / /dngos 'dzin byis pa ga chad du/ /mkhas pa rang snang der 'dzin bral/ /khyod der 'dzin shig cig rnal 'byor pa//gzhi ngos gzung med pa'i nam mkha' la/ /nyon mongs dug lnga'i lho sprin 'thibs/ /bdag tu 'dzin pa'i 'brug sgra bsgrags/ /sna tshogs las kyi char rgyun phab/ /zhen chags 'khor ba'i 'dam rdzab g.yos/ /'gro drug sdug bsngal gyi rtsi thog rgyas/ /lhag mthong rig pa'i nyi ma yis//dbyings kyi nyi ma gsal btab ste/ /mnyam rjes dran pa'i skyi ser gyis/ /dran rtog gi lho sprin dbyings su bdas/ /bdag 'dzin gyi 'brug sgra rang sar yal/ /las kyi char rgyun rtsa ba bral/ /zhan 'dzin gyi 'dam rdzab nyi mas bskams/ / rigs drug gi sa bon skam la yang / /sdug bsngal gyi lo tog sngo bskams khyer/ /khyod the tshom ma byed rnal 'byor pa/ /mtshan ldan gyi rgyal bu blon pos brkus/ /bshes med kyi yul du sbrang drir 'khyams/ /lhad dang hral hrul gyi 'tsho ba bsten/ /rang gzhan gnyis kas ngo ma shes//mtshan mkhan gyi bram zes rigs brgyud rtogs/ /blo gros blun po'i bu la dris/ /gnas lugs rig pa'i rje la gtad/ /tshogs gnyis dag pa'i khrus nas bton/ /gdams pa yid bzhin nor bus brgyan/ /rtogs pa rin chen gyi khri la bzhag /dus gsum sangs rgyas kyi rgyal sa bzung //khyod bla ma bsten cig rnal 'byor pa/ /rten med yid kyi ri dgas nge / /las dbang bar ngo'i thang la 'khyams/ /zhen chags smig rgyu'i chu la gdungs/ /rigs drug 'khor ba'i mtha' la shi/ /ri lung sha khrag rjes kyis bkang / /da rten med kyi rig pa mkha' la chings//tshogs drug gi rkyen kha ma 'grim par/ /'od gsal chen po'i thang la rgyug /'dod yon smig rgyu'i chu bo la/ /der 'dzin gyi zhen pa ma byed par/ /zhen 'dod kyi gdung ba nang du chod/ /rigs drug gi rkyen kha ma 'grim par/ /mnyam nyid chen po'i dbyings su nyol//yid bsam du med pa'i gnyug ma la/ /dran pa g.yeng med kyi mda' mkhan gyis/ /ma bcos gnyug ma'i ngo bor bsrang / /re dogs gnyis kyi mgo rtsa bregs/ /dga' bzhi'i bcas su dril nas kyang / /lhan cig skyes pa'i me dU bcug / thabs shes rab gnyis kyi ltong btod de/ /skad cig bzhi yi sgro bskyon nas/ /bdag tu 'dzin pa'i phyogs su 'phangs/ /gti mug phag rgod snying la gzer/ /gzung 'dzin gnyis kyi srog rtsa bcad/ /'khor ba'i gnas su da mi rgyu/ /khyod pa tsan sa zung shig rnal 'byor pa/ /yul rang snang zhen med du shar ba'i tshe//'dod yon lam gyi grogs su 'gro/ /pad+ma'i kha dog 'dam na gsal/ /nyams gang dgar skyongs shig rnal 'byor ba/ /chos bden med khong du chud pa'i tshe/ /srog rtsol zung 'jug chen po yin/ /glang po'i gser sgrog blod na bde/ /'bad rtsol zhog cig rnal 'byor ba//mnyam nyid rig pa'i rta pho de/ /gzung 'dzin gyi sgrog tu ma chud par/ /bdag gzhan du 'dzin pa'i sra ba kha glod/ /phyogs med kyi thang la gar bder rgyug /nyams shugs byung du rdol ba'i smyon pa de/ /gnyen pos lcags su ma gzhug par//tshul 'chos kyi khyim nas sgor phyung la/ /gar bde'i gnas su yan du chug /rtog pa nam mkha'i khyung chen de/ /grub mtha'i gzan la ma chags shing / /'khrul pa'i g.yang la ma bred par/ /phyogs med kyi mkha' la lding du chug /'bras bu yid bzhin gyi nor bu de//re dogs kyi dri ma ma chags shing / /yid smon gyi gling la ma lus par/ /dgos 'dod kyi gsol ba rem la thob/ /'gyur med kyi btsan sa zin nas kyang / /thugs rje'i 'od zer phyogs med kyi/ /'gro drug gi pha ma byed ru/ /sngon dam bcas go cha gon pa de/