CLOSE WINDOW

D2450
བོད་ཡིག

/[ ]@##/ /na mo rat+na gu ru/ dur khrod chen po bsil ba'i tshal du mkha' 'gro ma bde ba'i ro zan mas dbyings kyi gtso mo rnams la tshogs kyi 'khor lo bskor nas/rjes la rgun chang phra men gyi snod bkang ba drangs te/ rtogs pa brjod pa'i mgur re zhus pas/ dang po la mkha' 'gro ma nyi zla gser gyi thor cog can gyis rtogs pa brjod de mgur bzhengs pa/ kye ho ma bcos rnal ma'i shes pa la/ nges shes skyes na sangs rgyas yin//dkar dmar yul gyi snang ba 'di/ /brda ru go na bla ma yin/ /gsung ngo // //mkha' 'gro ma ral ba'i thor cog can gyis rtogs pa brjod pa/ kye ho gnyis su med na 'ching grol med/ /ngos gzung med na sgrib pa med/ /rang bzhin med na chags sdang med//dran du med na yengs su med/ /gsung ngo // //mkha' 'gro ma rlung gi gshog pa can gyis rtogs pa brjod pa/ kye ho chos rnams gzhi med rmi lam 'dra/ /snang bar rkyen skyes gzugs brnyan 'dra/ /rang byung rang zhe lbu ba 'dra/ /rtsa bral chen po nam mkha' 'dra/ / gsung ngo // //mkha' 'gro ma nyi zla'i thod phreng can gyis rtogs pa brjod pa/ kye ho de nyid nyams su myong ba'i skyes bu gang / /bde chen nam mkha'i khams su mi shong ngo / /'di la mtshon du 'dug gam khyod kyis smros/ /nga yis ci yang mthong ba med par mthong / /gsung ngo // //mkha' 'gro ma lwa ba'i gos can gyis rtogs pa brjod pa/kye ho pad+ma'i ge sar snying gi dbus su sad/ /gsal ba'i me tog 'dam gyi dri ma bral/ /dri dang kha dog ldan pa gang gis rkyen/ /'di la dgag dang bsgrub pa yod dam ci/ /gsung ngo // //mkha' 'gro ma me kha las rtogs pa brjod pa/ kye ho nam mkha' las byung cho 'phrul ni/ /nam mkha' nyid kyis byas pa'i phyir/ /nam mkha'i dang du rang byung ste/ /'di la skyon du ma 'dzin cig /gsung ngo // //mkha' 'gro ma ro langs bde mas rtogs pa brjod pa/ kye ho bla ma'i drin gyis bde chen mchog rnyed nas/ /thabs gzhan brtan pa rmongs pa shes par bya//'di las glud du gyur pa'i bde lam zhig /gzhan nas rnyed pa sus kyang nus pa med/ /gsung ngo // //mkha' 'gro ma ye shes rdo rjes rtogs pa brjod pa/ kye ho sna tshogs snang ba'i cho 'phrul 'di/ /dran pa'i gzugs brnyan yin shes shing / /dran pa rang ngos stong shes na//dbyings kyi bde ba btsal mi dgos/ /mkha' 'gro ma srid pa'i rgyal mos rtogs pa brjod pa/ kye ho rang rig rgyal po 'di mthong na/ /thams cad thams cad thar pa'i lam/ /rang rig nyid ni ma rtogs na/ /grol ba nam yang yod ma yin/ /gsung ngo // // mkha' 'gro ma pad+ma zhabs kyis rtogs pa'i brda brjod pa/ kye ho yod med tha dad bral ba la/ /gang gis brtag dpyad bya bar nus/ /dran med blo dang bral ba la/ /gang gis bsam zhing bsgom par nus/ /gsung ngo // //mkha' 'gro ma rgyal ba'i blo gros kyis rtogs pa brjod pa/ kye ho stong nyid rig pa'i rtsal dang ldan//skye med skye ba'i cho 'phrul ston/ /dgag sgrub med de rang sar grol/ /'di la bya rgyu ngas ma rnyed/ /gsung ngo // //mkha' 'gro ma seng ge'i gdong pa can gyis rtogs pa brjod pa/ kye ho yod do byas na ngos gzung med/ /med do byas na sna tshogs 'char//yod med mkha' las 'das pa la/ /'di zhes nga yis mtshon mi nus/ /gsung ngo // //mkha' 'gro ma gzi brjid kyi rgyal mos rtogs pa brjod pa/ dran du med na ma yengs shig /yengs pas 'khor ba rmi lam 'dra/ /rtogs na skyes bu gnyid sad 'dra/ / ngas ni 'khor ba ma mthong ngo / /gsung ngo // //mkha' 'gro ma dpal gyi bzang mos rtogs pa brjod pa/ kye ho snang srid 'di ni phyag rgya che/ /'dod yon 'di ni dngas pa yis/ /gnyug ma'i don la 'du 'bral med/ /bde chen thang la rgyug tu gsol/ /gsung ngo // //mkha' 'gro ma dpal gyi 'od zer gyis rtogs pa brjod pa/kye ho gnyug mngon gyi gter mdzod na/ /dgos 'dod sems nyid nor bu yod/ /sde mig bla ma dam pas 'dzin/ /rjes su 'jug pa spro lags sam/ /gsung ngo // //mkha' 'gro ma bzang mos rtogs pa brjod pa/ ltos shig rang gi sems la ltos//bltas pas ma rnyed rtsa ba stor/ /yal ga ji ltar dgyes dgyes mdzod/ /da ni rtog pa rang grol yin/ /gsung ngo // //mkha' 'gro ma rdo rje bde mas rtogs pa brjod pa/ 'gro rnams las kyis 'khrul gyur kyang / /bde ba rang las gzhan med de/ /bskyar de rang gi don de ltos//yid ni lam las thar bar 'gyur/ /gsung ngo // //bdag nyid chen po nyi ma'i dbang phyug gis rtogs pa brjod pa/ nyi ma stong gi gzi brjid kyis/ /snang srid gsal zhing bsregs pa ltar/ /gnyis med ye shes chen po yis/ /chos rnams gsal zhing 'joms par byed//gsung ngo // //mkha' 'gro ma lha dpal gyi ye shes kyis rtogs pa brjod pa/ kye ho nga ni mi skye mi 'jig ste/ /'gyur med ye shes rdo rje yin/ /nga las byung ba'i chos rnams kun/ /nga yi ngo bor mnyam du grol/ /gsung ngo // //mkha' 'gro ma stag gi gdong pa can gyis rtogs pa brjod pa/kye ho mi skye mi 'gag bsam las 'das/ /'di zhes mtshon pa'i tshig dang bral/ /ye grol chen po mchog gi lam/ /bsam du med do rang sar zhog /gsung ngo // //mkha' 'gro ma zhi ba bzang mos rtogs pa brjod pa/ kye ho sems kyi de nyid smra ru med//gshis kyi de nyid bsam du med/ /chos kyi de nyid ngos gzung med/ /lam gyi de nyid bsgom du med/ /gsung ngo // //mkha' 'gro ma g+ha g+ha dpal gyis rtogs pa brjod pa/ kye ho bu khyod ci sems de la ltos/ /spros dang bral ba mthong du med/ /bsam du med pa su zhig bsgom//'di la ma rtsol gzhi la zhog /gsung ngo // //mkha' 'gro ma ye shes dbang phyug gis rtogs pa brjod pa/ gang gis de nyid ma mthong na/ /lus ngag dge ba'i las spyang kyang / /bde chen mchog dang mi phrad de/ /gnas skabs tsam gyis bde bar zad/ /gsung ngo // //mkha' 'gro ma bde ba'i rdo rjes rtogs pa brjod pa/ kye ho gang gis mthong dang thos pa dang / /dran dang tshor ba'i bye brag kun/ /yid kyi ye shes dngas pa la/ /gzugs brnyan zam du shar ba las/ /gzhi lam grub ngo bos stong / /gsung ngo // //mkha' 'gro ma lha nyi ma'i rta can gyis rtogs pa brjod pa/gang gis ma mthong de mthong na/ /yid ni rang grol chos kyi sku/ /rlung gi rta pho shul du lus/ /sems kyi mi pho mkha' la 'gro/ /gsung ngo // //mkha' 'gro ma pad+ma'i myu gus rtogs pa brjod pa/ 'gro ba yid kyi phreng bas bcings/ /yid bsad phreng thag bcad pa yis//dug sbrul mtshon gyis gtses pa bzhin/ /'di yis phan gnod byas pa med/ /gsung ngo // //mkha' 'gro ma dbyings kyi rgyal mos rtogs pa brjod pa/ kye ho nam mkha' yongs su dngas na tshon gyis bsgyur du med/ /rtogs dang ldan pa'i skyes bu las kyis bcing du med//gdengs med gyad kyi spyod pa byed pa 'di/ /seng ge'i pags pa wa yis gon pa 'dra/ /gsung ngo // //mkha' 'gro ma zla ba'i gdong can gyis rtogs pa brjod pa/ kye ho ye shes chen po mchog gi lam/ /ma bgrod de bzhin nyid kyi sa/ /ma bsgrubs lhun gyis grub pa'i don//e ma rnal 'byor skal bar bzang / /gsung ngo // //mkha' 'gro ma 'bar ma glog gi phreng ba can gyis rtogs pa brjod pa/ bltas kyis ma mthong nga yi mig /bsam gyis ma dran nga yi sems/ /smras kyis ma brjod nga yi lce/ /bgrod kyang ma phyin nga yi lam//gsung ngo // //mkha' 'gro ma shel gyi thor tshugs can gyis rtogs ba brjod pa/ mi bsgom rnal ma'i shes pa la/ /dran pas bzung dang ma bzung med/ /mi spyod sgo gsum lhug pa la/ /ched du dgag dang sgrub pa med/ /gsung ngo // //mkha' 'gro ma nyi ma'i rgyal mos rtogs pa brjod pa/kye ho rang byung bde chen ye shes 'di/ /ma rtogs smra bar mi nus te/ /rtogs nas brjod du ga la yod/ /myong ba smra med lkugs pa'i kha/ /gsung ngo // //mkha' 'gro ma seng ge'i mdangs can gyis rtogs pa brjod pa/ kho la ma lta nga la ltos//nga ni ye shes chen po yin/ /kho ni nga yi sprul pa yin/ /gnyis med ye shes blo las 'das/ /gsung ngo // //mkha' 'gro ma khrag gi gdong pa can gyis rtogs pa brjod pa/ kye ho dran dang ma dran so mtshams su/ /yid kyi shes pa bsam las 'das/ / bla ma'i zhal las shes par gyis/ /gzhan gyis rtogs par 'gyur ma yin/ /gsung ngo // //mkha' 'gro ma dpal gyi sgron mes rtogs pa brjod pa/ kye ho gang phyir yid kyi ye shes 'di/ /khyod kyis bltas pas ji ltar mthong / /brtags pas rtogs par mi 'gyur te/ / mi btsal de bzhin nyid du bzhag /gsung ngo // //mkha' 'gro ma snang gsal gyi rgyal mos rtogs pa brjod pa/ 'gro ba las kyi 'jur bus bcings/ /bram ze skud pa 'khal ba bzhin/ /yid kyis 'jur bu glod par bya/ /las las grol na 'ching ba med/ /gsung ngo // //