81a2 ka ma la shI la la gtad/ zha ma lo tsA ba ston pa seng ge rgyal pos bsgyur ba'o//[ ]@##/ /dpal he ru ka la phyag 'tshal lo/ /mkha' 'gros byin brlabs rtogs pa'i brda/ /til ni sgron me gsal bar byed/ /sngags kyis
81a3 btab ba'i sman bzhin du//rma bya'i zas ni gzhan gyis min/ /tsan+dan ri dgas lte ba'i dri/ /chu yi rlabs ni rgya mtsho nyid/ /gsal ba'i rang bzhin ras dkar 'dra/ /ri bo bskyod par mi nus pas/ /gangs ri chu las gzhan med de/ /dri dang sgog skya tha dad min/ /nyi zla'i
81a4 yon tan gsal ba yin//bya yi rjes ni tshol mi byed/ /nam mkha' rtog ge'i spyod yul min/ /maN+Dal phyogs cha rab tu snyoms/ /ro langs bya sar dkon de bzhin/ /dpe med ngo mtshar nor bu shel/ /zhes rngon pa ba chen po sa ra has ka ma la shI la la lta ba'i brda bstan
81a5 pa'o// //dpal he ru ka la phyag 'tshal lo/ /mkha' 'gros byin brlabs bsgom pa'i brda/ /tshang tshing nags kyi dur khrod du/ /bdag med ma dang phrad byas la/ /nyi ma shar ba'i bsam pa yis/ /las zin pa yi skyes bu bzhin/ /spyi bo'i nor bu mchod nas kyang / /
81a6 khang pa stong pa'i khyi bzhin du/ /sman pa'i don stor nam mkhar khyer/ /chu bo chen po'i rgyun 'bab bzhin/ /drang srong ku sha'i steng du bzhag /mar me rlung dang bral ba bzhin/ /dngul dkar me long phyi bar bya/ /yid 'ong bral ba'i ma bzhin du/ /rus sbal 'khar gzhong nyi ma
81a7 la//rtsal ldan 'phong slob brtson pa ste/ /mda' mkhan yid ni gcig tu gtod/ /gdams pa'i gtsor ni nges par grol/ /gser las byas pa'i rgyan bzhin du/ /bu ram ro la myang bar bya/ /zhes rngon pa ba chen pos ka ma la shI la la bsgom pa'i brda bstan pa'o// //dpal
81b1 he ru ka la phyag 'tshal lo//mkha' 'gros byin brlabs spyod pa'i brda/ /bag ma 'am smyon pa'i tshul bzung ste/ /glang po btsongs la phag rgod bsad/ /nya ni rgya mtshor yangs pa che/ /nags rnams me yis rab tu sreg /res 'ga' mgyogs pa'i rta la zhon/ /gri gug rnon
81b2 po'i mtshon gyis ni//ce spyang dur khrod rnam par rol/ /spyan gzigs zas la rtag tu spyad/ /khra yi rtsal ni nges par drag /wa ni dur khrod rnam par rol/ /chang 'thungs pa yis yul mthong 'dra/ /me tog sgyu ma bung ba ste/ /bu chung seng ge me long 'dra/ /stag ni 'jigs
81b3 pa med par rgyu//sgron me rtag tu thogs byas te/ /glang po zhon la kun du rgyug /zhes rngon pa ba chen pos ka ma la shI la la spyod pa'i brda bstan pa'o// //dpal he ru ka la phyag 'tshal lo/ /mkha' 'gros byin brlabs 'bras bu'i brda/ /ge sar pad+mo'i dkyil nas
81b4 'khrungs//shel gyi 'od zer nang nas shar/ /rma bya'i ri mo su yis bris/ /'ja' tshon nam mkha'i cho 'phrul yin/ /rtog med re ba nor bu bskang / /'dab gshog med par 'phur mi nus/ /gtsub stan me ni rtsol bas 'byin/ /shing ni rang gis rang la bsreg /gser
81b5 gyi kha dog mtshur gyis 'don//dgra med mi ni zon dang bral/ /gnyid sad skyes bu de ci sems/ /byis pa a lus 'brid pa ltos/ /nam mkha' nam mkha' nam mkha'i dang / /chu bran rgya mtsho'i dbyings su 'dres/ /nam mkha'i cho 'phrul ngo mtshar che/ /chu zla du ma yod ma yin/ /
81b6 zhes rngon pa bas ka ma la shI la la 'bras bu'i brda bstan pa'o// //dpal he ru ka la phyag 'tshal lo/ /mkha' 'gros byin brlabs lam gyi brda/ /sdom ni tshad las mi 'da' bar/ /ri bong 'di yi spyod 'gros ltos/ /khra yi rtsa la yangs pa med/ /rtag tu 'khor
81b7 lo'i rtse la zhon//rdza mkhan bu la yangs pa med/ /ral gri til ngar ldan pa gces/ /me la rlung gis bskyod pa yis/ /tshang ching nags kyi dur khrod bsreg /bram ze skud pa 'khal la ltos/ /bya ba zin pa'i skyes bu mchog /snying chung de ni mi ro yin/ /mar me
82a1 rlung gis ma bskyod par//'khor lo'i srub thag gcad par bya/ /sprin med mkha' la nyi shar bzhin/ /lho sprin rlung gis brda bar bya/ /'ja' tshon 'di yis byis ba bslus/ /so mtshams mkhar gyi bdag po ltos/ /rin chen gter gyi me la tshe gyis/ /
82a2 nam mkhas nam mkha' grol bar nges/ /zhes rngon pa ba chen pos ka ma la shI la la lam gyi brda bstan pa'o// //dpal he ru ka la phyag 'tshal lo/ /mkha' 'gros byin brlabs nyams kyi brda/ /dkar po'i zla ba rim pa ste/ /'ja' tshon nam mkha' nyid la mdzes/ /
82a3 gzhon nus smras pa ci ste go/ /chus bkang nas ni smrar mi btub/ /khug rna dang ba'i rnam pa bzhin/ /dbul mo gter ldan ngo mtshar che/ /lan tshwa chu bo nyid la thim/ /bya ni mkha' las 'da' mi nus/ /dgras bslus gnyen la'ang yid ma gtod/ /ral gri ngar ldan ngo
82a4 mtshar che//rgyal po'i btsun mo 'jigs mi byed/ /wa yis seng ge skrag pa min/ /bya ni mkha' la rtsol sgrub med/ /mkha' dang cho 'phrul tha dad min/ /nam mkha' gang gis za bar nus/ /chu ni ma rnyog bzhag na dngas/ /'di nyid yin dang ma yin zhes/ /sus byas
82a5 su yis go ba su//zhes rngon pa ba chen pos ka ma la shI la la nyams kyi brda bstan pa'o// //dpal he ru ka la phyag 'tshal lo/ /mkha' 'gros byin brlabs gnad kyi brda/ /seng ge glang chen phag rgod bsad/ /rtsa ba bral ba'i sdong po bzhin/ /nags kyi ri dgas gal
82a6 la tshud//gzings kyi bya rog gar bder thong / /dngas ma'i chur ni gzugs brnyan bzhin/ /mkha' la tshon gyis bskur mi nus/ /ri bo rlung gis bsgul ba min/ /rgya mtsho chen po gting mi g.yo/ /snying chung de ni skal bar ldan/ /seng ge'i gsob la byis pa 'jigs/ /bung
82a7 ba'i spyod pa yid kyis ltos//bu shi'i mya ngan sems la zhog /sgron me lag tu thogs pa'i mi/ /kun gyi sna la 'gro bar gyis/ /de nas nam mkha'i phyi nang 'dre/ /zhes gsungs te/ rngon pa ba chen pos ka ma la shi la la gnad kyi gdams pa bstan pa'o// //