CLOSE WINDOW

D2445
བོད་ཡིག

/[ ]@##/ /rgya gar skad du/ ma hA mu dra rat+na bye gI ta u pa de sha nA ma/ bod skad du/ phyag rgya chen po rin po che brda'i man ngag ces bya ba/dpal 'khor lo bde mchog la phyag 'tshal lo/ /u rgyan ts+tsha n+do ha'i gling du mkha' 'gro ma dpal gyi yon tan gyis rtogs pa'i brda brjod par/ /u du m+WA ra'i ge sar chu 'dam las mi 'khrungs/ /skyug nad can de zas kyi zhen pa bral nas 'dug /gang+gA las thar mi de sems ngal skam la so//bshes med dgras gtser ba de phyogs bzhir mgon skyabs tshol/ /sku yi 'bras bu 'di ni 'phel stobs rab tu che/ /gsung ngo // //shar phyogs bde ldan gyi phug par mkha' 'gro ma rdo rje nyi ma'i mig gis rtogs pa'i brda brjod pa/ 'gro ba chu las gru dang gzings kyis sgrol//'khor los brgyan pa'i shing rta sa lam gcod/ /so btang bum pas chu nang skol ma 'dzags/ /dang po'i skas gdang yang thog steng du bskyal/ /zhun mthar 'byongs pa'i dar gyis sha rus gcod/ /gsung ngo // //klu sgrub spyod kyi phug par mkha' 'gro ma gser gyi bum pa 'dzin mas rtogs pa'i brda brjod pa/nam mkha' dang ni stong gsum dbyer ma phyed/ /gshog gcig bya yis mkha' la 'phur ma nus/ /mgo dang sug pa lus po go gcig 'gyur/ /rdo yi gzugs 'dra'i 'khyag pa'i ngo bo chu/ /me long dang ni gzugs brnyan tha dad med//ces gsung ngo // //'od ma'i tshal bya ka lan da ka gnas pa'i sar mkha' 'gro ma kang ka khrag ldag mas rtogs pa'i brda brjod pa/ chang gis grod pa brtol bas sngar snang 'jig /'khor los sgyur rgyal bya ba gzhan mi byed/ /dbul mo gter ngo shes tshe sngar spyod 'chor//gling don grub pa'i ded dpon bde bar gnas/ /gsung ngo // //grong khyer chen po rdo 'jog tu mkha' 'gro ma shwa na glog gi zhags pa can gyis rtogs pa'i brda brjod pa/ sna tshogs phyag rgya thal mo rang yin mod/ /tshi lus rkang mar sha rus khrag la brtan/ /nyi ma'i 'od kyis skar ma'i 'od zer bcom//chu 'dzin nang du me shel nus pa brlag /gsung ngo // //dur khrod chen po u tsa la'i lhor mkha' 'gro ma sha za dung 'bud mas rtogs pa'i brda brjod pa/ sprin lding ba la gtan sa yod ma yin/ mkha' la byung ba'i rlung ni ngo bos stong / /brag ca'i skad 'di gzhan gyi sgra la brten//smyon pa'i sems ni gza' gtad bral nas 'dug /gsung ngo // //ri me ri 'bar ba'i khar mkha' 'gro ma glog gi ral pa can gyis rtogs pa'i brda brjod pa/ rtog bral bu chung gser bor bong ba len/ /dus la bab pa'i myu gus sa sran 'bigs//tshon gyi dri ma chu yis dag tshe gsal/ /bsam pas 'grub pa 'khor los sgyur ba'i lus/ /gsung ngo // //rgyal po'i khab ser skya'i byad du mkha' 'gro ma ri'i rgya mtsho mdangs len mas rtogs pa'i brda brjod pa/ mchil lham gyis ni rkang pa'i mi mthun skyob//ri gzar rbab ni mi sdod drag tu 'phar/ /gang+gA'i chu klung bar mtshams med par 'brel/ /ce spyang mig la mun pas sgrib mi nus/ /gsung ngo // //rdo rje gdan gyi byang chub chen po'i rtsar mkha' 'gro ma bde ldan mas rtogs pa'i brda brjod pa/ mgo gnyis spyi mas gcig gis dug zos 'chi//rma can gcig gis sbal pa'i tshang rnams 'drul/ /mig skyon ma byang zla ba gnyis su snang / /grib ma ma dgra ru mthong bas skyabs gnas rnyed mi 'gyur/ /gsung ngo // //mtsho kun+da li dung skyong gi gnas su mkha' 'gro ma rma bya'i gdong can gyis rtogs pa'i brda brjod pa/skyar mo nya med bya gzhan gyis mi 'tshe/ /dug gi nus pa sngags kyis zin dus ltor/ /rma bya sman bor 'jo sgeg rang la lta/ /mgo bcad ta la'i shul der myu gu stong / /gsung ngo // //byang chub shing gi rtsar mkha' 'gro ma dga' ldan gser gyi 'od can mas rtogs pa'i brda brjod pa/til mar nang nas bton pa'i gso ras me yi rgyu/ /sgyu ma'i bu yis rgyal po'i gdung mi sobs/ /ri dgas lte ba'i dri ni rgyu nyid dri/ /mdza' bos bslus tshe grogs la yid ches stor/ /gsung ngo // //phyag rgya chen po brda'i man ngag las rgyan rnam par bkod pa'i dum bu mkha' 'gro ma mdang sa ldan gser gyi ral pa can gyis bsdus so//dpal ldan gru 'dzin gyi ri bo la mkha' 'gro ma 'khor lo gdong gis rtogs pa'i brda brjod pa/ drang srong gdan du ku sha bzang bas rtswa gzhan spang / /zhing pa sa bon nam zin dus su sems ngal so/ /rlung gis ma bskyod mar me rang khar gsal//yid gcugs bu dang bral na gzhan mi dran/ /gsung ngo // //dpal ldan nor bu'i gling du mkha' 'gro ma nyi ma'i 'od zer gyis rtogs pa'i brda brjod pa/ skye bo blo chung don de rang gis/ /dam du bcings pa'i khong 'khril grol na bde/ / dngul dkar me long 'phrul gyi gdan la 'phyi/ /'phang gi slob dpon gam nas rgyang du bsring / /gsung ngo // //lho phyogs a su ra'i phug par mkha' 'gro ma nor bu'i spyan ldan mas rtogs pa'i brda brjod pa/ khar gzhong nang gi rus sbal nyi ma'i 'od la dga'/ /gser las byas pa'i rgyan ni gser nyid yin//'ben la mda' brdeg dpag chen gzhan mi dran/ /bu ram gzugs rnams ro la tha mi dad/ /gsung ngo // //nags tshal dra ba can gyi mthongs su mkha' 'gro ma ti ro zan mas rtogs pa'i brda brjod pa/ chu shel zla ba yar ngo gcig la 'phel/ /mkha' la 'ja' yi kha dog ngo bos dben//gzhon nu'i bde ba sus kyang brjod ma shes/ /til mar gyis blud ral gris bcad tshad 'gyel/ /gsung ngo // //grong khyer ser skya'i ljongs su mkha' 'gro ma pur sna khyung gshog can gyis rtogs pa'i brda brjod pa/ khur bar chu blugs khong gi gtam rnams 'gags/ / sgyu ma'i ltad mo yang dag ma yin no/ /dbul mo gter dang phrad tshe sngar rtog bral/ /lan tshwa'i rdog po chu bo nyid la thim/ /gsung ngo // //dur khrod bsil ba'i tshal du mkha' 'gro ma nyi ma'i phreng bas rtogs pa'i brda brjod pa/ wa yi skad la seng ge dang nga skrag skyes/ /btsun mo rin chen bran mo la mi 'jigs//dgra ru bu langs mdza' bo su la bya/ /lkugs ma'i rmi lam khar mi 'don par 'dug/ /gsung ngo // //lho phyogs dpal gyi ril mkha' 'gro ma gtsug na mu tig 'chang gis rtogs pa'i brda brjod pa/ bag ma dang ni smyon pa'i spyod pa 'dzol/ /rgya mtsho'i chu la nya ni rang byan tshud//rgya skyegs ri la me shor rlung rnams grogs/ /chu rnams 'bab sa na ni ro gcig go/ /gsung ngo // //ma ga d+hA rgyal po'i khab tu mkha' 'gro ma bdud rtsi bum 'dzin mas rtogs pa'i brda brjod pa/ ce spyang ro la chags pa'i blo ni skye mi 'gyur/ /dgos pa'i dus las khra yi rtsal ni gzhan du min//wa yi 'gro 'dug dur khrod nang du gzhol ba yin/ /bu chung dang ni me long seng ge ltos/ /gsung ngo // //shar phyogs bi kra ma shrI la'i gtsug lag khang du mkha' 'gro ma tshe ldan rgyan mas rtogs pa'i brda brjod pa/ chu tshad dus su la ko rangs zin//nyi ma'i snying po mun pas gos ma yin/ /lag pa chad pa'i bzo mkhan bya ba rdugs/ /dkar nag yi ges mkha' la gos pa min/ /gsung ngo // //klu gtsug na rin chen gyi yul du mkha' 'gro ma seng ge'i gdong ba can mas rtogs pa'i brda brjod pa/ sgo nga mkha' la skyes pa'i tshang yang de nyid do//khu rta'i sgyu ma bu sa la nams kyang min/ /nam mkha'i kha dog ma 'gags rnam par dag /na bun sa la langs nas mkha' la thim/ /gsung ngo // //shing 'dzam bu br-i k+Sha'i grib ma la mkha' 'gro ma 'byung gnas rin chen mas rtogs pa'i brda brjod pa/chu bo sna tshogs rgya mtshor tha dad min/ /ma dros chu ni gting nas g.yo 'gul bral/ /chu dang zla ba'i rang bzhin so sor stong / /rlan dang rba rlabs rgya mtsho las ma 'das/ /gsung ngo // //phyag rgya rin po che brda'i man ngag las 'od zer dra ba'i mkha' 'gro ma dpal ldan dbang gi rgyal mos bsdus pa ste gnyis pa'o// //bde ldan rin chen gling du mkha' 'gro ma zla ba'i 'od zer gyis rtogs pa'i brda brjod pa/ dmu rgod dul ba'i spyod pa gzhan pas g.yung / /'bru yi chang rgod bram ze'i btung ba min/ /lcags kyus zin pa'i glang po rang dbang med/ /g.ya' ma phyis pa'i me long bzhin mi 'dod//rgyud med gzhu la su yis mda' srid nus/ /gsung ngo // //thang bzang gser gyi bya skyibs can du mkha' 'gro ma rgya mtsho mig gis rtogs pa'i brda brjod pa/ chol zangs nang du sbrang rtsi'i g.yos mi bya/ /smin pa'i sa bon ser dang ldan la gdab/ / bud med bsnol 'tshang khyo la smra mi phod/ /rdzas mtshogs pa'i srub mas me mi thon/ /til sbyangs zhabs med nang du til mi ldugs/ /gsung ngo // //nub phyogs p+lak+Sha'i tshal du mkha' 'gro ma bi za gzugs 'phrog mas rtogs pa'i brda brjod pa/ dug sbrul mar la blo ldan skye bo 'dzur//rin chen gling 'dod ded dpon gzhan gyis min/ /dman pa la bsnyen nad pa rang bzo spang / /lo stong mun pa sgron me gzhon nus sel/ /mkhas pa'i rus sbal tsher ma'i khrod rnams spong / /gsung ngo // //grong khyer skyid pa'i 'byung gnas su mkha' 'gro ma kIrti thog mtha' can gyis rtogs pa'i brda brjod pa/stobs ldan gyad spyod 'phye bos byar mi rung / /chu bran rnams ni rgya mtsho'i nang du 'bab/ /rngon pa gling bu ri dgas ngos der 'bud/ /me shel 'od ni ras kyi bal la tsha/ /zangs kyi mdog ni gser 'gyur rtsi yis 'gyur/ /gsung ngo // //dur khrod so sa'i gling du mkha' 'gro ma bde ba'i 'od can gyis rtogs pa'i brda brjod pa/ ldum ra'i me tog ljon shing grib las skyes/ /khab len rdo yis lcags rnams dbang du sdud/ /tshong pa rang gi rigs la 'jug par 'gyur/ /spre'u'i rten ni 'bras bu can gyi nags/ /gru btsas len pa rgya mtsho sgrol la brtson//gsung ngo // //shing rtsi tra pa la'i grib ma la mkha' 'gro ma blo gros gser gyi gdu bu can gyis rtogs pa'i brda brjod pa/ chu mthong rus sbal skam la bsdad mi rigs/ /dug mda'i rma la le lo byas pas phung / /phag gis gtsang btsog med par kha ru bcug /dur khrod nang du ce spyang ro la brel/ /ri yi su la la seng ge 'jigs pa med/ /gsung ngo // //rgyal bu rgyal byed kyi tshal du mkha' 'gro ma bde ba bzang mos rtogs pa'i brda brjod pa/ bung ba rtsi 'jib ut+pal mdog mi nyams/ /char ni rdo sol me yi grogs yin no/ / mun pa'i smag rum nyi zla'i 'od kyis sel/ /'bru rnams skye ba tsha sgo med pa'i zhing / /'khor lo med pa'i shing rtags 'gro ma shes/ /gsung ngo // //phyag rgya chen po brda'i man ngag las ye shes rnam par gzigs pa'i du ma bu mkha' 'gro ma su kha pha las bsdus pa ste gsum pa'o// // ri bo bya rkang gi steng du mkha' 'gro ma bum pa'i lto can gyis rtogs pa'i brda brjod pa/ rigs ngan bu mo rgyal po'i khab tu min/ /sbrang ma ga pur la 'byol ngan skyugs dri la 'du/ /bram ze gso sbyong dus su bya gzhan dor/ /sgeg mo rgyan gyis spras tshe rab tu dga'/ /tsan+dan dril ltos 'gro mchog tu gdung //gsung ngo // //rgyal po'i khab yangs pa can du mkha' 'gro ma gtsug na nor bus rtogs pa'i brda brjod pa/ mi gtsang lud 'di 'bras kyi zhing la phan/ /nad gzir skyes bu g.yo med sman pa bsten/ /rigs ldan ded dpon 'khor la bu bzhin rtse//chu bran gling la nor bu yod ma yin/ /sbrang ma rtsi yi nus pa grogs kyis 'gyur/ /gsung ngo // //d+harma g+ha na rA dza chos kyi mdzod du mkha' 'gro ma 'bar ma dpal gyi phreng mas rtogs pa'i brda brjod pa/ 'dzam bu'i gser la mgar bas 'dod dgu bsgyur/ /phye leb nya dang bung ba lcags kyus phung //gso bya'i dus der nad pas le lo spang / /ma yis bu la brtse pa'i sems mi gtong / /rin chen gling du khrid pa'i ded dpon mnyes par bya/ /gsung ngo // //klu'i rgyal bo e na ya'i gnas su mkha' 'gro ma khyung gi gdong pa can gyis rtogs pa'i brda brjod pa/dug sbrul mche ba gdags pa'i rgyan ma yin/ /bde dang bral ba btson rang chud pa'i mi/ /ha la'i me tog mtshar ba'i dor ma thu/ /bang mdzod rku ba'i mi de bag yod ldan/ /btung bas gdungs pa'i mi de smig rgyu snyag /gsung ngo // //phyag rgya chen po brda'i man ngag las sems rnam par dag pa'i dum bu mkha' 'gro ma khyung gdong mas bsdus pa ste bzhi pa'o// //bya rgod phung po'i ril mkha' 'gro ma gser gyi rgyal mos rtogs pa'i brda brjod pa/ 'dam gyi skyon gyis pad+ma la mi gos/ /gshog ru rgyas tshe byi'u phrug tshang nas 'phur/ / tsan+dan mthong ba'i sbrul gyis le lo bor/ /'dod pa'i gnas der zo chun chu rgyun bsring / /mchil pas zin pa'i nya yi bde ba stor/ /gsung ngo // //'byung po'i grong khyer bi ma la kar mkha' 'gro ma rdo rje 'dam skyes mas rtogs pa'i brda brjod pa/ zhing la chu lud rim gyis bsten/ /pha lam gyis ni mi phigs med//'byar la ma reg ut+pal 'dab/ /rgya mtshe'i chu la rig byed med/ /mun pas ma zin nyi ma'i 'od/ /gsung ngo / //shar phyogs zangs kyi dung rgad kyi nang du mkha' 'gro ma dpal ldan 'jigs med mas rtogs pa'i brda brjod pa/ nags la brten bca' drang srong rgyab tu shing lo gon//gangs pa gnas pa'i seng ge yang bral nas 'dug /khyung phrug gshog ru rgyas tshe rten med mkha' la lding / /sa 'dzin myu gus 'bras bu rang chas 'grub/ /gdol pa'i bu de 'phyor yang rang mthong zhig /gsung ngo // //shar phyogs kA ma rU ru 'phags pa rang byung gi rtsa ra mkha' 'gro ma 'khor lo shugs 'chang mas rtogs pa'i brda brjod pa/bram ze'i skud pa thog mar bsgrims nas glod/ /gso ras mkhan mos zla ba gcig nas glod/ /zhun la bab pa'i gser mgar yangs dang bral/ /gdan gyi steng du rgyal pos bag gzhi phab//dmus long mig phye snang ba gzigs mor che/ /gsung ngo // //mchod rten dpal dbyangs kyi rtsar mkha' 'gro ma gtum mo gser mig mas rtogs pa'i brda brjod pa/ bram ze'i rig byed gsang tshig bu la ston/ /rmi lam sdug bsngal dpa'i dus der dag /mang po'i khrod der mi ngo shes pa nyung / /rgyu yis ma skyes nam mkha' gdong nas dag /til mar ngar btags ngar kyang snum gyis 'phyi/ /mda' ru ltor zos sa gzhi gser du mthong / /gsung ngo // //byang phyogs 'dam bu'i khrod du bde ldan 'od kyi gnas su mkha' 'gro ma nyi ma'i gshog pa can gyis rtogs pa'i brda brjod pa/bram ze'i rig byed gsang tshig bu la ston/ /rgyal po'i pho brang rigs ngan gyis ma mthong / /srang ka'i kham phor bya ba zin nas 'dug /dug gsum dag na dmus long bris mkhan med/ /nor bu'i brtag pa blun pos shes pa min//gsung ngo // //rdzing bu pad+ma'i mdangs can gyi 'gram du mkha' 'gro ma rdo rje bsnyems mas rtogs pa'i brda brjod pa/ rwa med gser la rtog pas gzon mi nus/ /rin chen gling na gram gseg gyo dum med/ /dus kyi rkyen gyis pad+ma rgyas par 'gyur//tshangs pa'i lus ni ma bkrus dri ma dag /gsung ngo // //d+ha na ko sha'i gling du mkha' 'gro ma rin chen thod 'dzin mas rtogs pa'i brda brjod pa/ dgra med mi la bsu bskyal bya mi dgos/ /ka la ping+ka'i gshog ru sgo ngar rgyas/ /pad+ma'i kha ni nyi ma'i zer gyis 'byed/ / chu dang rlan ni gnyis su mi snang ngo / /gsung ngo // //sing ga la'i tshal du mkha' 'gro ma nyi ma'i zhags pa can gyis rtogs pa'i brda brjod pa/ rmi lam ltad mo su yis byas pa yin/ /brang chab med pa'i bu mo brjed ngas che/ /bskyed bsrung la brtson 'bras bu mi len blun//nam mkha'i chu ni smin pa'i rgun 'brum 'bar/ /gsung ngo // //dur khrod chen po sgra sgrogs su mkha' 'gro ma rdo rje dung can mas rtogs pa'i brda brjod pa/ lha khang nang du dmus longs ltad mo nub/ /ji srid shing yod par du de srid me/ /sos ka'i chab rom gzhi la stong mi srid/ / sgyu ma'i mkhan po 'khrul la rtog pa bral/ /nor bu'i yon tan sus kyang byin pa med/ /bskal pa ma zhig nyi zla'i 'od mi 'gag /khong sran ma byang gyad la sgyu rtsal med/ /rgya mtshor bor ba'i chu thigs skam mi 'gyur/ /gsung ngo // //dpal shrI na len+d+ra'i gtsug lag khang du mkha' 'gro ma rin chen 'od gsal mas rtogs pa'i brda brjod pa/smyon pa'i mig gis nya dang stong mi mthong / /rlan med la 'byar ba'i nus pa med/ /skyes bu med pa'i lcags kyus glang me zin/ /thod le kor gyis nam mkha' mtshon mi nus/ /gsung ngo // //phyag rgya chen po brda'i man ngag las dpal gyi thugs rnam par bkod pa'i dum bu mkha' 'gro ma rin chen gcig mas bsdus pa ste lnga pa'o// //rgya mtsho gser gyi gling du mkha' 'gro ma rdo rje bu gcig mas rtogs pa'i rda brjod pa/ shing rta dang ni 'khor lo 'bral mi bya/ /dug sbrul dgra ru sgo nga ldang bar 'gyur//'dzam bu chu bo'i gser ni dngul gyis ldang / /glang po dul tshe snying la yi ge 'jug /gsung ngo // //nub phyogs bi ra'i tshal du mkha' 'gro ma sha za dpal 'dzin mas rtogs pa'i brda brjod pa/ ge sar steng du 'dab ma gdan du gding / /thar pa 'dod pas khyab 'jug mig la blta//stobs dang ldan pas gser 'gyur rtsi mchog ni/ /de ring ban+da'i drin las rab tu rnyed/ /gsung ngo // //dur khrod rab dga'i nang du mkha' 'gro ma nor bu'i 'od can gyis rtogs pa'i brda brjod pa/ grang ba'i nad la ga bur bsten mi bya/ /tshangs pa'i yi ge smra ru ma btub po//gi wang zad pa'i glang po sgrog las thar/ /dngul chu'i nus pa lha dbang mig la phan/ /gsung ngo // //shar phyogs khar sa pA Ni'i gtsug lag khang du mkha' 'gro ma bu ta ro zan mas rtogs pa'i brad brjod pa/ sbrul sngags shes pa'i nad la dug mi tshugs//'chi ba'i dus der rgyal srid ci zhig bya/ /sna khrid med pa'i long ba gang du 'gro/ /phag gis glang po mtshon te ma mtshon no/ /gsung ngo // //dur khrod ma hA kA la'i dbus su mkha' 'gro ma dpal gyi phreng ba can gyis rtogs pa'i brda brjod pa/ rmi lam ltad mo rang gi sems la byas//me ni spra ba dag la rab tu 'bar/ /yi ge gcig gis rig byed kun la 'jug /rig byed kun gyis yi ge gcig ma shes/ /gsung ngo // //bA rA Na sIr mkha' 'gro ma 'bar ma gser dril can gyis rtogs pa'i brda brjod pa/ sngo gzhan dang ni gser 'gyur tsi mi 'dra/ / nya rgyas zla bas shel la chu rgyun 'dzag /sbu ba'i chu rgyun rgya mtsho rang la thim/ /mkhas pa ba lang skyong ba drag shul 'dor/ /gsung ngo // //chu mig mda' chu khron pa skyes pa'i rtsar mkha' 'gro ma 'bar ma gser dril can gyis rtogs pa'i brda brjod pa/ ri brags pas mtha' dben pa'i gnas ma yin//rgyal po'i pho brang tshong 'dus rab tu 'gol/ /byad ni me long rgyab tu blta mi bya/ /snag tsha byi ba'i yi ge snying gis klag /gsung ngo // //glang po ljongs kyi grong khyer du mkha' 'gro ma khrag sna rgyal mos rtogs pa'i brda brjod pa/ nam mkha'i yid can mkha' las 'phags ma nus//drang srong rgyal mtshan thar pa'i lam ma yin/ /dkyil 'khor gyis kyang mya ngan las mi 'da'/ /'bras bu mchog ni smyon pa'i sems las btsal/ /gsung ngo // //byang phyogs sman gyi nags su mkha' 'gro ma gtsug na rgyan gro la mas rtogs pa'i brda brjod pa/ phag rgod mgo bo rdog pas mnan pa'i mi/ /skyes bu de yis gdams dag thams cad bstan/ /ded dpon bu yis nam mkha'i yi ge klag /grogs dag 'di yi zhabs la 'dud par rigs/ /gsung ngo // //dpal 'bras phung du mkha' 'gro ma dpal ldan gru 'dzin mas rtogs pa'i brda brjod pa/rdza yi 'khor lo srub thag ma then par/ /nor bu rin chen 'di la mchod par bya/ /glang po smyon pa 'tshong ba'i mi de mkhas/ /gter mthong nas ni 'byol bar mi bya'o/ /gsung ngo // //mchod rten rnam dag gi rtsar dpal rang byung gi rgyal mos rtogs pa'i brda brjod pa/kye ho bu rnams seng ge'i 'o ma 'thung / /phan pa'i sman mar phyi ru ma skyug cig /snying gi dbus su nyi ma shar nas su/ /mun pa'i tshogs rnams rab tu 'joms par 'gyur/ /gsung ngo // //phyag rgya chen po brda'i man ngag las las rnam par grol ba'i dum bu mkha' 'gro ma dpal ldan pad+ma'i spyan gyis bsdus pa ste dum bu drug pa'o/